D490

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D490</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D490&coll=derge">see text in Tibetan script</a></table>86-1-1b<br><font size=+1>

@##/ /rgya gar skad du/ shrI badzra maN+Da a laM ka ra nA ma ma hA tan tra rA dzA/ bod skad du/ dpal rdo rje snying po rgyan ces bya ba'i rgyud kyi rgyal po chen po/bla ma dang 'jam pa'i 
dbyangs kyi zhabs kyi pad+ma la spyi bos gus par phyag 'tshal lo/ /'di skad bdag gis thos pa dus gcig na/  bcom ldan 'das de bzhin gshegs pa thams cad kyi rdo rje dang / nor bu 
dang / rin po che dang / pad+ma dang / las kyis byin gyis brlabs pa'i dam tshig gi ye shes rnam pa sna tshogs pa'i khyad par dang ldan pa de bzhin gshegs pa thams cad kyi rin po che'i cod 
pan khams gsum pa'i chos kyi rgyal por dbang bskur bar brnyes pa/ de bzhin gshegs pa thams cad kyi rdo rje dam tshig gi ye shes rnal 'byor gyi dbang phyug chen po de bzhin gshegs pa 
thams cad kyi ye shes kyi phyag rgya brnyes pa/ de bzhin gshegs pa thams cad kyi phyag rgya thams cad mnyam pa nyid thugs su chud cing las sna tshogs mdzad pa ma lus shing lus pa med 

</font><hr>86-1-2a<br><font size=+1>

pa'i sems can gyi khams thams cad kyi re ba thams cad yongs su rdzogs pa'i rdo rje'i las mdzad pa/ thugs rje chen po rnam par snang mdzad chen po rtag pa dus gsum du gnas pa'i sku dang gsung dang thugs rdo rje de bzhin gshegs pa/ de 
bzhin gshegs pa thams cad kyis bsten cing bsngags pa'i nor bu rin po che chen po dang ldan pa/ kha dog rnam pa sna tshogs pa'i dril bu btags pa/ rlung gis bskyod pa'i dar gyi ba dan dang / me tog gi chun po dang / dra ba dang dra ba phyed pas bklubs 
shing nye bar mdzes pa/ chos kyi dbyings thams cad legs par yongs su dag pa/ chos kyi dbyings kyi khang bzangs 'od mtha' yas pa/ shes rab kyi pha rol tu phyin pa'i gtsug lag khang me tog gi 'khri shing mchog gi snying po'i rgyan gyis bkod pa/ 
'jig rten gyi khams kyi rgyud rgya mtsho rab tu bkram pa'i sprin nam mkha'i khams yongs su khyab pa/ de bzhin gshegs pas byin gyis brlabs pa/ mtha' las 'das pa'i sangs rgyas 'khrungs pa'i dbus/ rnam par snang mdzad kyi snying po 'od gsal 
ba'i gzhal med khang / de bzhin gshegs pa'i gnas/ rdo rje snying po'i rgyan/ de bzhin gshegs pa thams cad kyi sku dang gsung dang thugs rdo rje/ de bzhin gshegs pa mi 'khrung mi 'gog 'gog par mi 'gyur ba'i yan lag gi spyod yul 
yang dag pa'i mtha' gsal ba/ de bzhin gshegs pa thams cad kyi thams cad mkhyen pa'i ye shes kyi yul/ chos kyi dbyings kyi snying po'i khang bzangs/ de bzhin gshegs pa thams cad kyi ye shes kyi sku/ de bzhin gshegs pa 

</font><hr>86-1-2b<br><font size=+1>

thams cad kyi byang chub kyi snying po sa chen po'i dam pa la bzhugs so/ /de la sangs rgyas kyi zhing thams cad kyi rdul phra rab kyi rdul dang mnyam pa'i byang chub sems dpa' sems dpa' chen po rnams dang / de bzhin gshegs pa rnams kyis yongs su bskor zhing mdun du bdar 
te chos ston par mdzad do/ /thog mar dge ba bar du dge ba tha mar dge ba/ don bzang po/ tshig 'bru bzang po ma 'dres pa yongs su rdzogs pa yongs su dag pa yongs su dkar ba chos thams cad kyi tshul rnam par dag pa'i sgo ston par mdzad do/ /de nas yang bcom ldan 
'das de bzhin gshegs pa thams cad kyi sku dang gsung dang thugs rdo rje gnyis su med pa mnyam pa nyid kyi ye shes sems dpa'/ de bzhin gshegs pa thams cad kyi ye shes kyi nyi ma/  rnam par rgyal ba'i dam tshig 'byung gnas rdo rje snying po/ chos thams cad ngo bo 
nyid kyis rnam par dag pa'i ye shes mnyam pa nyid brnyes pa/ rgya mtsho ltar zab pa/ las sna tshogs pa'i phyag rgya'i ye shes thob pa sku dang gsung dang thugs rdo rje nam mkha' lta bu/ sku chen po rdo rje'i sku/ mtha' las 'das pa'i sku/ sku rin po che chos kyi sku/ sprul 
pa'i sku/ las mnyam pa nyid kyi sku/ byang chub kyi sems don yod pa/ yongs su bsdus pa/ dge ba 'phel ba/ rgyal po chen po snang ba tog /bzhad pa po/ chos dang ldan pa/ shes rab 'khor lo/ skad thams cad pa/ sna tshogs pa can/ srung ba 
po/ gnod sbyin can/ mtshams sbyor ba/ gtsug tor du gyur pa/ mchog ldan/ rdo rje can/ 'khor lo can/ ye shes can/ khyab bdag chen po/ sku dang gsung dang thugs rdo rje nam mkha'i dbyings thams cad du legs par bzhugs pa/ de bzhin gshegs 
pa thams cad yang dag par 'du bar byed pa/ rdo rje'i dbyings thams cad khong du chud pa'i ye shes sems dpa' nam mkha'i khams thams cad kyi rdul phra rab kyi rdul dang mnyam pa'i rdo rje'i byin rlabs kyi ye shes snying po/ de bzhin gshegs pa thams cad kyi bla na med pa'i 

</font><hr>86-1-3a<br><font size=+1>

rdo rje rin po che'i dbang bskur ba chen po'i dam tshig nam mkha'i khams thams cad du spros pas de bzhin gshegs pa'i mngon par shes pa mngon par byang chub par gyur ba/ de bzhin gshegs pa thams cad kyi bdag nyid kyi ngo bo rnam par dag pa de yis chos 
thams cad rang bzhin gyis dag pa nam mkha' thams cad la khyab pa po/ gzugs thams cad yongs su mthong ba'i ye shes kyis ma lus shing lus pa med pa'i sems can 'dul ba'i spyod pa mchog dang ldan pa/ de bzhin gshegs pa thams cad don yod pa'i bka' 
lung mdzad pas sems can thams cad mnyam pa nyid bla na med pa'i las sna tshogs pa can/ rnam snang mi 'gyur mi bskyod pa/ /rin chen tog ste 'od byed pa/ /'od dpag med pa rgyal ba'i mgon/ /don yod pa ni las kun byed/ /de bzhin gshegs pa thams cad 
kyi me long lta bu'i ye shes kyi dkyil 'khor/ de bzhin gshegs pa thams cad kyi mnyam pa nyid kyi ye shes la rab tu gnas pa/ de bzhin gshegs pa thams cad kyi so sor rtog pa'i ye shes gnyis su med pa brnyes pa de bzhin gshegs pa thams cad kyi bya 
ba grub pa'i ye shes yang dag par rjes su thob pa/ de bzhin gshegs pa thams cad kyi chos kyi dbyings rnam par dag ba/ chos thams cad mnyam pa nyid kyi ye shes kyi spyod yul/ de bzhin gshegs pa thams cad kyi gnyis su med cing mnyam pa nyid 
dmigs pa'i ye shes yongs su dag pa mthar phyin pa/ stong pa nyid dang / de bzhin nyid dang / yang dag pa'i mtha' dang / mtshan ma med pa dang / smon pa med pa dang / tshangs pa'i gnas pa bzhi po dag gis sangs rgyas kyi ye shes kyi yul du gyur pa/ 
sangs rgyas kyi yul mnyam pa nyid la dmigs pa/ de bzhin gshegs pa thams cad rdo rje rnal 'byor gyi dbang phyug chen po nyid la byin gyis brlabs nas/ phyogs dang mtshams rnams su kun tu gnas so/ /de nas yang bcom ldan 'das rdo rje rnal 'byor gyi dbang 

</font><hr>86-1-3b<br><font size=+1>

phyug gis/ 'jam dpal gzhon nur gyur pa la bka' stsal pa/ 'jam dpal khyod kyis sangs rgyas thams cad dang rdo rje 'dzin pa rnams spyan drongs shig /bcom ldan 'das kyis de skad ces bka' stsal pa dang / 'jam dpal gzhon nu 'khor los sgyur ba chen po rab tu 
dgyes pa'i zhal ras kyis de bzhin gshegs pa thams cad dang / rdo rje 'dzin pa rnams spyan drang ba'i don du rdo rje se gol brdabs te de bzhin gshegs pa thams cad bsdu ba'i snying po chen po 'di ched du brjod pa/ bud d+ha sa mA dzaHAHhAH\u0f00 hUM badzra sa mA dzaH  de nas de skad ces 
brjod pas de bzhin gshegs pa thams cad dang / rdo rje 'dzin pa rnams kyis 'jig rten gyi khams me tog gi gzhi'i snying po'i rgyan bkod pa'i rgyud rab 'byam rgya mtsho'i sprin yang dag par mthong ngo / /de nas yang 'jam dpal gzhon nur gyur pas bcom ldan 'das rnam par snang 
mdzad la de bzhin gshegs pa rnams thams cad kyis lhan cig yang dag par sbyar nas de bzhin gshegs pa thams cad kyi rdo rje blo'i ye shes yongs su bskyed de gnas thams cad du rnam par gnas so/ /de nas bcom ldan 'das rnam par snang mdzad de bzhin gshegs pa thams 
cad kyi rdo rje'i rang bzhin rnal 'byor gyi dbang phyug gis de bzhin gshegs pa thams cad nyid du bdag nyid byin gyis brlabs te/ de bzhin gshegs pa de rnams dang rdo rje 'dzin pa rnams la bka' stsal pa/ kye de bzhin gshegs pa thams cad thams cad mkhyen pa'i ye shes 
'khor los sgyur ba chen po'i snying po bdag la yod pa de ngas bshad par bya'o/ /de bzhin gshegs pa thams cad kyis byin gyis rlobs shig /b+h+ru~M/de nas/ mi bskyod de bzhin gshegs pa dang / /rin chen 'byung gnas de bzhin gshegs/ /de bzhin gshegs pa 
'od dpag med/ /don yod grub pa de bzhin gshegs/ /gzhan yang de bzhin gshegs pa rnams dang lhan cig de bzhin gshegs pa thams cad kyi thugs dpal gyi be'u la rab tu zhugs so/ /zhugs pa tsam gyis de bzhin gshegs pa thams cad 'khor lo la bde ba thams cad 

</font><hr>86-1-4a<br><font size=+1>

yang dag par ston no/ /de nas bcom ldan 'das rnam par snang mdzad zhal bzhir gyur te/ zhal bzhi po rnams kyis chos kyi dbyings dang nam mkha'i khams mtha' med pa sangs rgyas thams cad kyi yul chos kyi tshul mngon par brtags pa 'di nyid dbyangs kyis 
ched du brjod pa 'di lta ste/ rab tu dga' ba rnam par dag pa'i gnas gang yin pa de ni 'di lta ste/ byang chub sems dpa'i gnas so/ /lta ba rnam par dag pa'i gnas gang yin pa de ni 'di lta ste byang chub sems dpa'i gnas so/ /dga' ba rnam par dag pa'i gnas 
gang yin pa de ni 'di lta ste byang chub sems dpa'i gnas so/ /sred pa rnam par dag pa'i gnas gang yin pa de ni 'di lta ste byang chub sems dpa'i gnas so/ /'dod chags rnam par dag pa'i gnas gang yin pa de ni 'di lta ste byang chub sems dpa'i gnas so/ /zhe 
sdang rnam par dag pa'i gnas gang yin pa de ni 'di lta ste byang chub sems dpa'i gnas so/ /gti mug rnam par dag pa'i gnas gang yin pa de ni 'di lta ste byang chub sems dpa'i gnas so/ /nga rgyal rnam par dag pa'i gnas gang yin pa de ni 'di lta ste byang chub sems 
dpa'i gnas so/ /mi khom pa rnam par dag pa'i gnas gang yin pa de ni 'di lta ste byang chub sems dpa'i gnas so/ /yid sim pa rnam par dag pa'i gnas gang yin pa de ni 'di lta ste byang chub sems dpa'i gnas so/ /snang ba rnam par dag pa'i gnas gang yin pa de ni 
'di lta ste byang chub sems dpa'i gnas so/ /lus rnam par dag pa'i gnas gang yin pa de ni 'di lta ste byang chub sems dpa'i gnas so/ /ngag rnam par dag pa'i gnas gang yin pa de ni 'di lta ste byang chub sems dpa'i gnas so/ /yid rnam par dag pa'i gnas gang 
yin pa de ni 'di lta ste byang chub sems dpa'i gnas so/ /gzugs rnam par dag pa'i gnas gang yin pa de ni 'di lta ste byang chub sems dpa'i gnas so/ /sgra rnam par dag pa'i gnas gang yin pa de ni 'di lta ste byang chub sems dpa'i gnas so/ /dri rnam par dag 

</font><hr>86-1-4b<br><font size=+1>

pa'i gnas gang yin pa de ni 'di lta ste byang chub sems dpa'i gnas so/ /ro rnam par dag pa'i gnas gang yin pa de ni 'di lta ste byang chub sems dpa'i gnas so/ /reg rnam par dag pa'i gnas gang yin pa de ni 'di lta ste byang chub sems dpa'i gnas so/ /dngos 
po thams cad rnam par dag pa'i gnas gang yin pa de ni 'di lta ste byang chub sems dpa'i gnas so/ /de'i rgyu ci'i phyir zhe na/ 'di ltar chos thams cad ni rang bzhin gyis rnam par dag pa ste/ chos thams cad rang bzhin gyis rnam par dag pas shes rab kyi pha rol tu 
phyin pa yongs su dag pa'o/ /bcom ldan 'das kyis de skad ces bka' stsal nas gsang sngags thams cad kyi dbang phyug gsang sngags thams cad kyi 'dren pa po/ sngags thams cad kyi bla mar gyur pa/ thams cad gtsug tor 'khor los sgyur ba/ bstan pa la 
brdzi ba med pa/ 'khor los sgyur ba'i snying po bka' stsal pa/ b+h+ru~M/ 'jam dpal gang la las chos thams cad bsdus pa shes rab kyi pha rol tu phyin pa'i snying po 'di lan cig tsam yang thos na de'i byang chub kyi snying po la thug pa'i bar du sgrib pa thams cad dang chod pa dang 
nyon mongs pa'i sgrib pa dang / chos kyi sgrib pa dang las kyi sgrib pa chen po nye bar bsags kyang nam yang dmyal ba la sogs pa'i ngan song rnams su ltung bar mi 'gyur ro/ /sdig pa rnams byas pa tsam na yang sdug bsngal med cing zad par 'gyur ro/ /gang gis 'di 
'chang ba dang / nyi ma re re 'don pa dang / klog pa dang rgyun ma chad par tshul bzhin yid la byed pa de ni skye ba 'di nyid la chos thams cad mnyam pa nyid rdo rje'i ting nge 'dzin so sor thob nas chos thams cad kyi dbang phyug tu 'gyur ro/ /chos thams cad la dga' zhing mgu 
la rab tu dga' ba myong bar 'gyur ro/ /byang chub sems dpa' chen po skye ba bcu drug na/ de bzhin gshegs pa nyid dam rdo rje 'dzin pa nyid thob par 'gyur ro/ /hU~M/ de nas bcom ldan 'das de bzhin gshegs pa rnam par snang mdzad kyis slar yang shes rab kyi pha 

</font><hr>86-1-5a<br><font size=+1>

rol tu phyin pa'i tshul de bzhin gshegs pa thams cad kyi zhi ba'i chos nyid mngon par byang chub pa mngon par bsgrub pa 'di ston par mdzad do/ /rdo rje brtan pa nyid kyi rdo rje mnyam pa nyid mngon par rdzogs par byang chub pa'i byang chub chen po dang / don gcig pa 
nyid kyis don mnyam pa nyid mngon par byang chub pa'i byang chub chen po dang / rang bzhin rnam par dag pas chos nyid mnyam pa nyid mngon par byang chub pa'i byang chub chen po dang / rnam par rtog pa dang rnam par mi rtog pa nyid kyis las thams cad mnyam pa nyid mngon par byang 
chub pa'i byang chub chen po ste/ 'jam dpal gang la las chos kyi gnas bzhi po 'di nyan par byed pa dang / 'dzin pa dang / 'don pa dang / sgom par byed na ji srid byang chub snying po la gnas kyi bar du sdig pa thams cad la kun tu spyod pa thams cad kyang sdig pa thams 
cad las 'das par 'gyur zhing myur du bla na med pa yang dag par rdzogs pa'i byang chub mngon par byang chub par 'gyur ro/ /A~M/ de nas yang bcom ldan 'das gdug pa thams cad 'dul ba de bzhin gshegs pa shAkya thub pas chos thams cad mnyam pa nyid rnam par rgyal bas 
bsdus pa zhes bya ba shes rab kyi pha rol tu phyin pa mngon par sgrub pa bka' stsal pa/ 'dod chags kyi spros pa med pa'i phyir 'dod chags spros pa med pa'o/ /zhe sdang gi spros pa med pa'i phyir zhe sdang spros pa med pa'o/ /gti mug gi spros pa med pa'i phyir gti mug spros pa 
med pa'o/ /chos thams cad spros pa med pa'i phyir chos thams cad spros pa med pa'o/ /shes rab kyi pha rol tu phyin pa spros pa med pa'i phyir shes rab kyi pha rol tu phyin pa spros pa med par rig par bya'o/ /'jam dpal gang la la shes rab kyi pha rol tu phyin pa'i tshul 'di nyan 
pa dang 'dzin cing 'don la klog par byed na de 'dul ba'i dbang nye bar bzung nas khams gsum du skyes pa'i sems can rnams bsad bar gyur kyang ngan song du 'gro bar mi 'gyur zhing myur du bla na med pa yang dag par rdzogs pa'i byang chub par 'gyur ro/ /hU~M/ de nas bcom ldan 

</font><hr>86-1-5b<br><font size=+1>

'das rang bzhin gyis rnam par dag pa'i chos nyid brnyes pa'i de bzhin gshegs pa slar yang chos thams cad spyan ras gzigs dbang phyug ye shes kyi phyag rgya zhes bya ba'i shes rab kyi pha rol tu phyin pa'i tshul 'di bka' stsal pa/ 'dod chags thams cad rnam par dag 
pa'i phyir 'jig rten na yul thams cad rnam par dag pa nyid du 'jug par 'gyur ro/ /zhe sdang thams cad rnam par dag pa'i phyir 'jig rten na sdig pa thams cad rnam par dag pa nyid du 'jug par 'gyur ro/ /chos thams cad rnam par dag pa'i phyir 'jig rten na chos 
thams cad rnam par dag pa nyid du 'jug par 'gyur ro/ /thams cad mkhyen pa'i ye shes rnam par dag pa'i phyir 'jig rten na thams cad mkhyen pa'i ye shes rnam par dag pa nyid du 'jug par 'gyur ro/ /shes rab kyi pha rol tu phyin pa rnam par dag pa'i phyir 'jig 
rten na shes rab kyi pha rol tu phyin pa rnam par dag pa nyid du 'jug par 'gyur ro/ /'jam dpal gang la las shes rab kyi pha rol tu phyin pa'i tshul 'di nyan par byed 'dzin cing 'don la sgom par byed na de 'dod pa thams cad kyi nang na gnas kyang pad+ma lta bur 'dod chags 
kyi skyon blo bur ba'i dri mas gos par mi 'gyur zhing myur du bla na med pa yang dag par rdzogs pa'i byang chub mngon par rdzogs par byang chub par 'gyur ro/ /hrIH/ de nas bcom ldan 'das khams gsum pa thams cad kyi bdag po de bzhin gshegs pas slar yang de bzhin 
gshegs pa thams cad dbang bskur ba'i 'byung gnas ye shes snying po zhes bya ba shes rab kyi pha rol tu phyin pa'i tshul bka' stsal pa/ dbang bskur byin pas khams gsum po thams cad kyi rgyal srid yongs su thob par 'gyur ro/ /don gyi sbyin pas thams cad kyi 
bsam pa yongs su rdzogs par 'gyur ro/ /chos kyi sbyin pas chos thams cad mnyam pa nyid thob par 'gyur ro/ /zang zing gi sbyin pas thams cad kyi lus dang ngag dang yid bde ba thob par 'gyur ro/ /trA~M/ de nas bcom ldan 'das de bzhin gshegs pa 

</font><hr>86-1-6a<br><font size=+1>

thams cad kyi ye shes kyi phyag rgya brnyes pa thams cad kyi khu tshur 'chang ba de bzhin gshegs pa rtag pas slar yang de bzhin gshegs pa thams cad kyi ye shes phyag rgya byin gyis brlabs pa rdo rje zhes bya ba'i shes rab kyi pha rol tu phyin pa'i tshul bka' stsal pa/ 
de bzhin gshegs pa thams cad kyi sku'i phyag rgya yongs su gzung bas de bzhin gshegs pa thams cad nyid du 'gyur ba dang / gsung gi phyag rgya yongs su gzung bas chos thams cad thob pa'i don du 'gyur ba dang / thugs kyi phyag rgya yongs su gzung bas ting nge 'dzin 
thams cad thob pa'i don du 'gyur pa dang / rdo rje'i phyag rgya yongs su gzung bas sku dang gsung dang thugs thams cad rdo rje mchog tu 'grub pa'i don du 'gyur te/ 'jam dpal gang la las shes rab kyi pha rol tu phyin pa'i tshul 'di nyan par byed 'dzin cing 'don la 'chad 
cing sgom par byed na/ de dngos grub thams cad dang phun sum tshogs pa thams cad dang / ye shes thams cad dang / las thams cad sku dang gsung dang thugs rdo rje sems dpa' mchog gi dngos grub thams cad so sor thob par 'gyur zhing myur du bla na med pa yang 
dag par rdzogs pa'i byang chub mngon par rdzogs par byang chub par 'gyur ro/ /aH/ de nas bcom ldan 'das chos thams cad spros pa med pa'i de bzhin gshegs pas slar yang rdo rje'i yi ge'i 'khor lo bskor ba zhes bya ba'i shes rab kyi pha rol tu phyin pa'i tshul bka' 
stsal pa/ rang bzhin med pa'i tshul gyis chos thams cad stong pa nyid dang chos thams cad mtshan ma med pa nye bar gzung ba'i phyir chos thams cad mtshan mas dben pa dang / smon pa las nye bar grol ba'i phyir chos thams cad smon pa med pa dang / shes rab kyi pha 
rol tu phyin pa yongs su dag pa'i phyir chos thams cad rang bzhin gyis 'od gsal ba'o/ /a~M/ de nas bcom ldan 'das de bzhin gshegs pa thams cad kyi 'khor lo'i nang du gnas pa'i de bzhin gshegs pas slar yang 'khor lo chen por 'jug pa zhes bya ba'i shes 

</font><hr>86-1-6b<br><font size=+1>

rab kyi pha rol tu phyin pa'i tshul bka' stsal pa/ rdo rje mnyam pa nyid la zhugs nas de bzhin gshegs pa thams cad kyi 'khor lor 'jug par 'gyur ba dang / don mnyam pa nyid la zhugs nas byang chub sems dpa' chen po'i 'khor lor 'jug par 'gyur ba dang /
chos thams cad mnyam pa nyid la zhugs nas dam pa'i chos kyi 'khor lor 'jug par 'gyur ba dang / las mnyam pa nyid la zhugs nas 'khor lo thams cad du 'jug par 'gyur ro/ /hU~M/ de nas bcom ldan 'das de bzhin gshegs pa thams cad kyi mchod pa'i 
cho ga rgyas pa'i snod de bzhin gshegs pas slar yang de bzhin gshegs pa thams cad kyi mchod pa dam pa zhes bya ba'i shes rab kyi pha rol tu phyin pa'i tshul bka' stsal pa/ byang chub kyi sems bskyed pas de bzhin gshegs pa thams cad kyi mchod pa'i cho ga 
rgyas pa dang / sems can gyi khams thams cad yongs su skyob pas de bzhin gshegs pa thams cad kyi mchod pa'i cho ga rgyas pa dang / chos thams cad yongs su gzung bas de bzhin gshegs pa thams cad kyi mchod pa'i cho ga rgyas pa dang shes rab kyi pha rol 
tu phyin pa 'dri ba dang / 'drir 'jug pa dang / 'dzin pa dang / 'don pa dang / rjod pa dang sgom pa sngon du 'gro ba'i las kyi de bzhin gshegs pa thams cad kyi mchod pa'i cho ga rgyas pa'o/ /o~M/ de nas bcom ldan 'das gdug pa thams cad 'dul ba'i nus pa'i 
de bzhin gshegs pas slar yang sems can thams cad 'dul ba'i ye shes snying po zhes bya ba shes rab kyi pha rol tu phyin pa'i tshul 'di bka' stsal ba/ sems can thams cad mnyam pa nyid pas khro ba mnyam pa nyid dang / sems can thams cad 'dul ba nyid pas khro ba 'dul 
ba nyid dang / sems can thams cad chos nyid nyid pas khro ba chos nyid nyid dang / sems can thams cad rdo rje nyid pas khro ba rdo rje nyid de de rgyu ci'i phyir zhe na/ 'di ltar sems can thams cad 'dul ba'i byang chub ste/ haH/ de nas bcom ldan 'das thams cad mnyam pa 

</font><hr>86-1-7a<br><font size=+1>

nyid la rab tu gnas pa'i de bzhin gshegs pas slar yang chos thams cad mnyam pa nyid kyi mchog ces bya ba'i shes rab kyi pha rol tu phyin pa'i tshul 'di bka' stsal pa/ thams cad mnyam pa nyid pas shes rab kyi pha rol tu phyin pa mnyam pa nyid dang / thams 
cad kyi don nyid pas shes rab kyi pha rol tu phyin pa'i don nyid dang chos thams cad mnyam pa nyid pas shes rab kyi pha rol tu phyin pa'i chos mnyam pa nyid dang / thams cad las nyid pas shes rab kyi pha rol tu phyin pa las nyid du rig par bya'o/ /hrIH/ de nas bcom ldan 'das 
de bzhin gshegs pa thams cad kyis slar yang de bzhin gshegs pa thams cad byin gyis rlob pa zhes bya ba'i shes rab kyi pha rol tu phyin pa'i tshul 'di bka' stsal pa/ byang chub sems dpa' chen po kun tu bzang po bdag nyid thams cad pas sems can thams 
cad de bzhin gshegs pa'i snying po dang / rdo rje'i snying pos dbang bskur bas sems can thams cad rdo rje'i snying po dang / rin po che thams cad kyis dbang bskur bas sems can thams cad rin po che'i snying po dang / ngag thams cad la rab tu 'jug pas sems 
can thams cad chos kyi snying po dang / las thams cad byed pa'i sbyor bas sems can thams cad las kyi snying po'o/ /hrIH/ de nas bcom ldan 'das mtha' las 'das shing mu med pa'i mthar phyin pa'i de bzhin gshegs pas slar yang mu med cing mthar phyin pa'i chos dang / 
slar yang 'di'i rtog pa dang yongs su mthar thug pa byin gyis brlab pa'i don du chos thams cad mnyam pa nyid yongs su mthar thug pas byin gyis brlabs pa rdo rje zhes bya ba'i shes rab kyi pha rol tu phyin pa'i tshul 'di bka' stsal pa/ shes rab kyi pha rol tu phyin pa mtha' med 
pa'i phyir de bzhin gshegs pa thams cad mtha' med pa dang / shes rab kyi pha rol tu phyin pa mu med pa'i phyir de bzhin gshegs pa thams cad mu med pa dang / shes rab kyi pha rol tu phyin pa gcig pa nyid kyi phyir chos thams cad gcig pa nyid dang / shes rab 

</font><hr>86-1-7b<br><font size=+1>

kyi pha rol tu phyin pa yongs su mthar thug pa'i phyir chos thams cad yongs su mthar thug par 'gyur ba ste/ 'jam dpal gang la las shes rab kyi pha rol tu phyin pa'i tshul 'di nyan par byed 'dzin cing 'don la sgom par byed na de ni dag cing mthar phyin pa'i byang chub sems dpa'i 
spyod pa mthar phyin pa la gnas pa nyid kyis sgrib pa thams cad las rnam par grol bas de bzhin gshegs pa nyid dam rdo rje 'dzin pa nyid myur du thob par 'gyur ro/ /b+h+yoH/ de nas bcom ldan 'das rnam par snang mdzad de bzhin gshegs pa de bzhin gshegs pa thams cad kyi 
gsang ba'i chos nyid brnyes pa/ chos thams cad spros pa med pas slar yang bde ba chen po rdo rje don yod pa'i dam tshig ces bya ba rdo rje chos mnyam pa nyid shes rab kyi pha rol tu phyin pa'i sgo dam pa thog ma dang tha ma dang dbus las grol ba'i mchog 'di bka' stsal pa/ 
byang chub sems dpa' chen po rnams kyi 'dod chags chen po mchog tu grub pas bde ba chen po mchog tu grub par 'gyur ba dang / byang chub sems dpa' chen po rnams kyi bde ba chen po mchog tu grub pas de bzhin gshegs pa thams cad kyi byang chub chen po mchog tu grub 
par 'gyur ba dang / byang chub sems dpa' chen po rnams kyi de bzhin gshegs pa thams cad kyi byang chub mchog tu grub pas bdud sde chen po rab tu 'joms pa mchog tu grub par 'gyur ba dang / byang chub sems dpa' chen po rnams kyi bdud sde chen po rab tu 'joms pa 
mchog tu grub pas khams gsum po mtha' dag gi dbang phyug mchog tu grub par 'gyur ba dang / byang chub sems dpa' chen po rnams kyi 'jig rten gsum po mtha' dag gi dbang phyug mchog tu grub pas ma lus shing lus pa med pa'i sems can gyi khams yongs su skyob 
pa'i sems can thams cad la phan pa dang bde ba'i mchog shin tu bde ba chen po mchog tu grub par 'gyur ro/ /swa~M/ de rgyu ci yi phyir zhe na/ ji srid 'khor ba'i gnas su ni/ /mkhas pa mchog rnams gnas gyur pa/ /de srid mnyam med sems can don/ /mya ngan mi 

</font><hr>86-1-8a<br><font size=+1>

'da' byed par nus/ /shes rab pha rol phyin pa'i thabs/ /ye shes byin gyis brlabs kyis 'grub/ /las ni thams cad rnam dag pas/ /srid pa dag par 'gyur phyir ro/ /chags sogs kyis 'dul 'jig rten ni/ /kun nas srid par rtag 
sdig byed/ /de dag rnam par sbyang don du/ /srid pa'i bar du rang 'dul byed/ /ji ltar pad+ma legs dmar ba/ /tshon gyi skyon gyis ma gos ltar/ /bag chags skyon gyi srid pa ru/ /rtag tu 'gro phan gos mi 'gyur/ /'dod chags chen po rnam dag pa/ /bde ba 
chen po nor chen po/ /khams gsum dbang phyug thob nas su/ /de dag don ni brtan par byed/ /haH/'jam dpal gang la las shes rab kyi pha rol tu phyin pa'i tshul gyi sgo'i chos kyi rnam grangs 'di nyin re bzhin du nang par langs te/ gang 'don pa dang nyan pa dang 
'dzin pa dang / rjod par byed na/ des bde ba dang / yid bde ba thams cad thob par 'gyur zhing bde ba chen po rdo rje don yod pa'i dam tshig gi dngos grub mchog tu gyur pa skye ba 'di nyid la thob par 'gyur ro/ /hU~M/ de nas yang bcom ldan 'das kyis 'jam dpal gzhon nur gyur 
pa la bka' stsal pa/ 'jam dpal nyi shu rtsa lnga po 'di dag ni nges par shes rab kyi pha rol tu phyin pa'i tshul gyi sgo ste 'di ltar/[ \u0f00] namaHsar+b+ba bud d+ha bo d+hi satwA nA~M/ o~M bo d+hi tsit+ta badzre/[ \u0f00] sa man+ta b+ha dra tsAr+ye d+hi/  o~M tsin+ta ma Ni/ o~M a ni ro d+he/  o~M dzA ti bi bar+t+te/ o~M dzA ti pa ri 
war te/ o~M ma hA rA gA ng+har+m+mate/ o~M bir+ya ka ba tse/ o~M sar+b+ba gA mi ni/ o~M badzra dr-i D+ha ka btsi te hU+oM phaT/ o~M sar+b+ba ta thA ga te/ o~M swa b+hA ba shud d+he/  o~M pradz+nyA pA ra mi tA dz+nyA na bi shud d+he/  o~M karma bi sho d+ha ni hUM/ o~M ni su~M b+ha badzri Ni hUM phaT/ o~M karma rA ge  /o~M badzra hUM badzre/ o~M hU~M 
sar+b+ba gA ma Ni o~M hrIH/ o~M a kA ro mu khe oM pradz+nyA+e pA ra mi te/o~M a m+ba hUM/  o~M A~M/ o~M sar+b+ba ta thA ga ta kA ya a gre  /o~M sarba ta thA ga ta/ bAka bi sho d+ha ne/ o~M sar+b+ba ta thA ga ta tsit+ta badzre aH/ o~M s+pho Ta ya sar+b+ba a pA ya ban+d+hanA ni pra mo k+Sha ya sarba a pA ya ga ti b+h+yaHsar+b+bas ma ya 

</font><hr>86-1-8b<br><font size=+1>

badzra hUM phaT/ sdig pa dral ba'i phyag rgya dang sngags so/ /de brjod pa tsam gyis de bzhin gshegs pa thams cad kyi gsang ba mchog gi dngos grub rdo rje 'dzin pa chen po'am de de bzhin gshegs pa nyid du 'gyur ro/ /'jam dpal 'di ni dge ba'i rtsa ba ma 
bskrun pa'i sems can rnams kyi rna lam du grag par mi 'gyur zhing dge ba'i rtsa ba ma bskrun pa'i sems can gyis bri ba dang bklag pa dang brjod pa dang rim gror bya ba dang bla mar bya ba dang / rjed par bya ba dang mchod par bya bar yang nus pa ma yin no/ /gzhan du na gang 
gis shes rab kyi pha rol tu phyin pa'i tshul gyi sgo'i chos kyi rnam grangs 'di tha na yi ge gcig tsam yang thos nas sems can de sangs rgyas mang po la dge ba'i rtsa ba bskrun par rig par bya na slar yang mtha' dag ma lus pa rdzogs pa lta ci smos/ 'jam dpal sems can 
gang la la gang gA'i klung gi bye ma brgyad cu snyed kyi sangs rgyas bye ba khrag khrig la phyag byas bla mar byas rjed par byas mchod par byas na/ des shes rab kyi pha rol tu phyin pa'i tshul 'di nyan par nus so/ /gang du na chos kyi rnam grangs 'di rab tu spyod par 'gyur ba'i sa'i 
phyogs de mchod rten du gyur par 'gyur te gang zag de yang phyag bya ba'i 'os su 'gyur ro/ /gang chos kyi rnam grangs 'di yid la gzung ba 'am/ glegs bam du bris par gyur na de bskal pa bye ba khrag khrig brgya stong mang por skye ba dran par 'gyur ro/ /de la bdud sdig to 
can gyis bar du mi gcod do/ /rgyal po chen po bzhi po rnams dang / gzhan yang lha rnams kyis phyi bzhin rjes su 'brangs te/ de srung ba dang skyob pa dang / sbed pa byed par 'gyur zhing tshul ma yin pas dus byed par mi 'gyur la sangs rgyas dang byang chub sems dpa' thams 
cad kyis dgongs par 'gyur ro/ /mdor na sangs rgyas kyi zhing gang dang gang yid la 'dod pa de dang der skye bar 'gyur ro/ /'jam dpal 'di lta bu'i phan yon mang po 'di ni shes rab kyi pha rol tu phyin pa 'di ni shes rab kyi pha rol tu phyin pa'i tshul gyi sgo'i chos kyi rnam grangs so/ /

</font><hr>86-1-9a<br><font size=+1>

de nas bcom ldan 'das rdo rje rnal 'byor gyi dbang phyug chen pos rdo rje'i snying po thams cad kyi rgyan theg pa chen po mngon par rtogs pa de bzhin gshegs pa thams cad kyi mchog tu gsang ba chen po gsang ba'i dam tshig rdo rje dbyings kyi dbang phyug dam pa chen po 
'khor los sgyur ba chen po bzhis yongs su bskor ba rdo rje snying po rgyan ces bya ba'i snying po 'di phyung ngo / /mtshan nyid gcig pa'i phyir chos thams cad gdod nas ma skyes pa'o/ /nam mkha' dang mnyam pa'i phyir chos thams cad stong pa nyid do/ /spros pa thams cad spangs 
pa'i phyir chos thams cad gdod ma nas yongs su dag pa'o/ /thams cad kyi sems gsal ba'i mtshan nyid kyi phyir chos thams cad chos kyi dbyings yongs su rgyas pa'o/ /aHb+h+ruM trA~M hrIHhUM de bzhin gshegs pa thams cad kyi rdo rje yi ge'i tshig 'di brjod pa tsam gyis chos 
kyi dbyings kyi mthas klas pa sangs rgyas kyi yul thams cad de snyed nyid du shin tu gsal ba rgya chen pos snang bar gyur to/ /de nas bcom ldan 'das de bzhin gshegs pa thams cad kyis slar yang bsdu bas byon nas/ de bzhin gshegs pa thams cad kyi dkyil 'khor 
chen po'i bkod pa zhes bya ba'i ting nge 'dzin la snyoms par zhugs te/ 'jam dpal gzhon nur gyur pa la bka' stsal pa/ 'jam dpal de bzhin gshegs pa thams cad kyi rdo rje snying po rgyan zhes bya ba'i dkyil 'khor chen po bshad par bya yis nyon cig de legs par nyon la 
rab tu yid la gyis shig dang bshad par bya'o/ /de nas bcom ldan 'das rnam par snang mdzad chen pos 'jam dpal gzhon nur gyur pa la bka' stsal pa/ 'jam dpal khyod kyang de bzhin gshegs pa thams cad kyi shes rab ye shes la zhugs la/ de bzhin gshegs 
pa thams cad kyi rdo rje'i snying po chen po la byin gyis brlab par byos shig /de nas yang 'jam dpal gzhon nur gyur pas bcom ldan 'das rnam par snang mdzad kyis gsol ba btab pa'i tshig thos nas/ de bzhin gshegs pa thams cad kyi thugs kar zhugs te/

</font><hr>86-1-9b<br><font size=+1>

byin gyis brlabs nas de las 'thon te/ de bzhin gshegs pa thams cad kyi spyan sngar rnam par gnas so/ /de nas bcom ldan 'das kyis de bzhin gshegs pa thams cad kyi dam tshig 'byung gnas/ rdo rje snying po'i rgyan byin gyis rlob pa zhes bya ba'i ting nge 
'dzin la snyoms par zhugs nas chos kyi dbyings kyi rdo rje chen po snying po'i rgyan de bzhin gshegs pa thams cad kyi gsang ba'i dkyil 'khor bkod pa chen po bka' stsal pa/ de nas yang dag bshad bya ba/ /dkyil 'khor chen po mchog gyur pa/ /rdo rje snying po 
gsang chen po/ /de bzhin gshegs pa kun ldan dge/ /rdo rje snying po dang mtshungs pa/ /khams rnams thams cad rnam par sprul/ /sangs rgyas kun gyi bdud rtsi dang / /gzhan yang bcud len dang mtshungs pa/ /de bzhin gshegs pa kun gyi gsang/ /rdo rje 
kun gyi rang bzhin grong / /gru bzhi pa la sgo bzhi pa/ /rta babs bzhi ni rnam par mdzes/ /thig bzhi dang ni yang dag ldan/ /dar dang me tog chun pos spras/ /grwa yi cha rnams thams cad dang / /sgo khyud kyi ni mtshams rnams su/ /rdo rje rin chen rnams kyis spras/ /rdo rje'i 
thig rnams kyis spras pa'i/ /phyi rol dkyil 'khor thig gdab bya/ /de yi'ang phyi rol du bya ba/ /dkyil 'khor bdud rtsi yi ni 'ong / /khyad par ji lta ba bzhin du/ /sngags pas kun nas yongs bskor bya/ /de ltar rnam bzhi'i rnam pa 
dang / /ji srid grong ni rnam pa bdun/ /sbyor ba bdun dang yang dag ldan/ /dar dang me tog phreng bas brgyan/ /sgo dang sgo khyud rin chen ni/ /yang dag mtho ba legs par gnas/ /de yi grong gi nang du ni/ /rab zhugs 'khor lo 'dra ba ru/ /rdo rje thig gis yongs su bskor/ /ka ba brgyad 
kyis nye bar mdzes/ /rdo rje ka mdun gnas rnams su/ /dkyil 'khor lnga yis brgyan pa'o/ /de ltar 'khor lo rnam pa gnyis/ /nang gi dkyil 'khor dang mtshungs pa/ /tshad mdzes pa yi snying po che/ /rdo rje 'khor los rnam par brgyan/ /gru bzhi pa dang zlum 

</font><hr>86-1-10a<br><font size=+1>

po nyid/ /gru gsum rnam par yang dag byung / /zla phyed rnam pa dang mtshungs pa/ /dkyil 'khor rnam pa bzhi slar yang / /slob dpon rdo rje yang dag 'byung / /shes rab chen pos rab brtag bya/ /dbus kyi dkyil 'khor dbus su ni/ /pad+ma chen po 'dab 
brgyad pa/ /pad+ma rA ga'i 'od mtshungs la/ /sangs rgyas gzugs brnyan gzhag par bya/ /dkyil 'khor gyi ni dbus nyid du/ /sangs rgyas thams cad bsdus pa'o/ /sangs rgyas kyi ni ngos kun tu/ /shes rab can gyis gzhag bya ba/ /dam tshig mchog bzhi rnam bzhi 
ni/ /go rims bzhin du yang dag bri/ /rdo rje chen po seng ge'i khrir/ /'khor lo can gyi khyab bdag gzhag /gdugs dkar rgyal ba'i gtsug tor dang / /gzi brjid phung po skal ba che/ /rnam par 'phro byed rnam rgyal nyid/ /de bzhin gtsug tor lnga po ni/ /sangs 
rgyas skyob pa thams cad la/ /yongs su bskor nas snam bu la/ /dkyil 'khor kun tu bri bar bya/ /rdo rje shugs kyis song na ni/ /dkyil 'khor dag ni bzhi po ru/ /mi bskyod la sogs rnam pa bzhi/ /rdo rje rnal 'byor dbang phyug bri/ /mi bskyod pa yi dkyil 'khor 
ni/ /zla 'od lta bu'i mdog tu bya/ /rdo rje sems dpa' sogs rgyal po/ /kun mchog sa yi dbang phyug rnams/ /rdo rje slob dpon stobs po che/ /shes rab chen pos dgod par bya/ /rin chen 'byung gnas dkyil 'khor du/ /rdo rje rin chen sogs kyis dgang / /rdo rje 
chos sogs gsang ba yi/ /dkyil 'khor tshe dpag med pa'o/ /rdo rje las la sogs ldan pa/ /don yod grub pa'i dkyil 'khor ro/ /gnyis pa 'khor lo'i dkyil 'khor du/ /rdo rje shugs kyis song nas ni/ /rnam gzigs la sogs sangs rgyas rnams/ /dkyil 
'khor kun tu der ni bri/ /rdo rje snying po rgyal po che/ /khyab bdag gsang ba'i chos dbang phyug /'dod pa'i don kun grub pa'i phyir/ /'bad pa yis ni bri bar bya/ /blo gros rgya mtsho mi zad blo/ /byams pa bdag nyid chen po dang / /nam mkha'i snying po grags chen po/ /

</font><hr>86-1-10b<br><font size=+1>

kun tu bzang po nyid dag dang / /phyag na rdo rje bdag nyid che/ /kun nas 'bar bas 'khrug pa'i 'od/ /'jam dpal dbyangs ni rigs kyi mchog /sangs rgyas sras bzang dri ma med/ /sgrib pa thams cad nges par sel/ /de nas sa yi snying po mchog /nam mkha'i 
mdzod ni mdzod dam pa/ /lag na rin chen bla na med/ /ngan song kun ni 'joms pa ni/ /dra ba can gyi 'od ces bya/ /dpa' bo 'di dag gsang ba che/ /dkyil 'khor 'di dag bri bar bya/ /'khor lo de ni dor nas ni/ /blo gros ldan pas phyir song ste/ /shar 
du sangs rgyas thams cad kyi/ /phyag rgya go rims bzhin du dgod/ /'khor lo mdzes pa'i dge legs can/ /rdo rje dpal be'u pad ces bya/ /gtsug tor rnam pa sna tshogs pa/ /rdo rje pad mas rnam par brgyan/ /lhung bzed dang ni 'khar gsil dang / /chos 
gos kyang ni khyad par du/ /shAkya seng ge ji srid par/ /sangs rgyas kun gyis rab tu gsungs/ /gang zhig dngos grub mchog 'dod pa/ /de rnams blo ldan brtan pas bri/ /byang du 'jig rten dbang phyug gi/ /phyag rgya'i tshogs mchog de bzhin te/ /pad+ma ud pal 
nyid dang ni/ /spyi blugs pags pa'i g.yang gzhi dang / /dbyug gu'i shing ni mkhas pa yis/ /ma myos pa ru bri bar bya/ /slar yang lho ru song nas ni/ /phya na rdo rje bdag nyid che/ /slob dpon bdag nyid chen po yis/ /phyag rgya 'bad pas bri bar bya/ /rdo rje paT+Ta sha 
dang ni/ /dril bu rab tu mdzes pa dang / /dbyug gu dang ni tho ba dang / /dbyug pa rdo rjes mtshon pa dang / /lcags sgrog dang ni rtse gsum yang / /'di dag dpa' bo'i phyag rgya'o/ /dkyil 'khor nub tu song nas ni/ /'jam pa'i dbyangs ni blo dang ldan/ /gsang ba'i 
chos ni dam pa'i mchog /brtson 'grus chen po'i phyag rgya bri/ /ud pal 'khor lo rdo rje dang / /ral gri yang ni khyad par du/ /thod pa dang ni dgra sta nyid/ /rma bya dang ni seng ge nyid/ /phyag rgya 'di ni brtson 'grus che/ /mkhas pa yis ni dgod par bya/ /

</font><hr>86-1-11a<br><font size=+1>

'khor lo'i grwa ni legs gnas par/ /rdo rje sgeg mo la sogs bri/ /phyi yi 'khor lo'i grwa ru ni/ /rdo rje bdug pa zhes bya sogs/ /bdag nyid chen po 'bad pa yis/ /mchod pa 'di dag bri bar bya/ /phyi yi dkyil 'khor grwa rnams su/ /gzugs kyi 
rdo rje la sogs min/ /gzugs sgra de bzhin dri dang ni/ /khyad par du ni ro nyid dang / /reg dang chos kyi dbyings dang ni/ /mkhas pa yis ni dgod par bya/ /sgo yi nang ni thams cad du/ /sgo skyong ba ni dgod par bya/ /de bzhin dkyil 'khor gnyis pa ru/ /rdo rje shugs 
kyis song nas ni/ /go rims bzhin du sangs rgyas kyi/ /yum rnams 'bad pas bri bar bya/ /nam mkha'i spyan zhes bya ba ni/ /sangs rgyas spyan zhes bya ba dang / /shes rab pha rol phyin ma yang / /phyag rgya kun dang yang dag ldan/ /ji srid de bzhin gshegs rig ma/ /
thams cad shar du dgod par bya/ /de nas blo gros ldan pa yis/ /byang gi phyogs su song nas ni/ /gos dkar ma dang sgrol ma che/ /khro gnyer can dang grags 'dzin ma/ /khyad par du ni dpal bdun dang / /mda' bdun dang ni dbyangs can ma/ /de la sogs 
pa'i lha mo rnams/ /bran dang bran mor yang dag ldan/ /de bzhin pho nya pho nya mo/ /gsang ba'i phyag rgya lhan cig bri/ /rdo rje shugs kyis song nas ni/ /lho yi phyogs su rab phyin la/ /mA ma kI dang lcags sgrog dang / /khab rtse rdo rje'i mtshan ma mchog /de ltar bris 
nas blo ldan gyis/ /nub kyi phyogs su song nas ni/ /der ni phyin nas shes ldan gyis/ /skra can stobs chen bri bar bya/ /de bzhin 'dam bu mda' rgyu dang / /lha mo zla mdzes 'od zer 'dra/ /dkyil 'khor kun gyi mtshams rnams su/ /de bzhin nye ba'i skra can ma/ /
'bad pa yis ni bri bar bya/ /rab bkra nor gyi blo gros dang / /'gugs byed pho nya lnga dang ldan/ /grwa yi cha ru bri bya ba/ /rdo rje mdung rtse zhes bya sogs/ /sgo yi nang ni thams cad du/ /sgo skyong ba ni rnam par bri/ /gzhan gyis mi thub lha mo che/ /de bzhin ral pa gcig 

</font><hr>86-1-11b<br><font size=+1>

ma mchog /rdo rje dregs mo lha mo che/ /rdo rje kum b+hi yang dag bri/ /de nas blo ldan dkyil 'khor ni/ /thams cad las ni 'thon nas su/ /shar gyi cha ni thams cad du/ /sngags pa mnyam par gzhag pa yis/ /khro chen gzhan gyis mi thub pa/ /de bzhin mi g.yo zhes 
bya dang / /khams gsum rnam rgyal snying po ni/ /mnga' bdag brgya phrag lnga yis bskor/ /shar du bris nas sngags pa yis/ /de nas byang gi char song ste/ /rta mgrin khro bo chen po dang / /skar ma'i spyan ni khyad par du'o/ /khro gnyer rim pa rnam bsgyings pa/ /
khro bo blo ldan brtson 'grus che/ /pho nya bran rnams thams cad dang / /ma mo stong gis yongs bskor bar/ /'jig rten mgon gyis bka' stsal to/ /de nas blo gros ldan pa yis/ /lho yi phyogs su song nas su/ /der ni phyin te brtson chen po/ /khro bo chen po 
stobs po che/ /rdo rje mtshan pas legs mtshan pa/ /shes rab chen pos dgod par bya/ /khro bo zla ba'i thig le dang / /de bzhin khro chen rdo rje 'chang / /khro bo gzegs ma stobs po che/ /khro bo bdud rtsi 'khyil pa dang / /rdo rje sa 'og sa 'og dang / /de bzhin 
'jigs pa'i mig can dang / /rkang pas bsnun pa'i rdo rje mchog /gsang dang rab gsang rjes 'gro dang / /bran dang pho nya rjes 'gro ba/ /rjes 'gro can blo khro bo ni/ /stong phrag gsum dang phyed kyis bskor/ /de ltar bris nas blo ldan gyis/ /nub kyi phyogs su phyin 
nas ni/ /der ni song ste brtson chen po/ /gshin rje mthar byed ces bya ba/ /gdong drug pa la lag drug pa/ /khro bo yi ge bdun zhes bya/ /khro bo'i gtso bo stong phrag ni/ /bdun dag gis ni yongs bskor ba'o/ /dkyil 'khor cha ni thams cad du/ /khro bo 
gtum po thams cad bri/ /de nas blo ldan 'ongs nas su/ /rang rgyal rgyal ba thams cad ni/ /dkyil 'khor kun tu bri bar bya/ /de nas sngags pa 'ongs nas ni/ /rgyal ba nyan thos bri bar bya/ /de nas thams cad bris nas su/ /de rnams tshangs sogs lha 

</font><hr>86-1-12a<br><font size=+1>

de dag /dkyil 'khor kun tu rnam par bri/ /dbang phyug che dang khyab 'jug dang / /zla ba nyi ma zhes bya dang / /gza' brgyad dang ni 'jig rten skyong / /rgyal chen rigs ni bzhi po dang / /de bzhin sum cu rtsa gsum nyid/ /'thab bral rnams dang 
dga' ldan rnams/ /'phrul dga' gzhan 'phrul dbang byed rnams/ /tshangs chen rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med 
rnams dang / bsod nams skyes rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min rnams dang / dag pa'i gnas pa rnams dkyil 'khor thams cad kyi mtshams 
su dgod par bya'o/ /de nas dbang ldan du dbang ldan dang / dbang por dbang po dang / mer me lha dang / gshin rjer gshin rje dang / bden bral du bden bral dang / chur chu lha dang / rlung du rlung lha dang / lus ngan du lus ngan rnams dang / phyi rol du khor 
yug chen po'i ri'i rgyal po bri bar bya'o/ /rab dga'i nang du rgya mtsho chen po bdun dgod par bya'o/ /phyi rol gyi shar phyogs su khro bo gzhan gyis mi thub pa zhes bya ba'i phyag rgya chen po dgod par bya'o/ /lhor rdo rje 'jigs byed kyi spyan gyi phyag rgya chen po dgod par bya'o/ /
nub tu khro bo'i rgyal po chen po gshin rje gshed kyi phyag rgya chen po dgod par bya'o/ /byang du rta mgrin gyi phyag rgya chen po rnam par dgod par bya'o/ /de lta bu'i gru bzhi pa/ sgo bzhi pa'i dkyil 'khor chen po dar dang me tog gi chun po dang / sgo khyud dang / gdugs dang / 
rgyal mtshan dang / ba dan bsgreng ba/ dra ba dang dra ba phyed pas bklubs pa/ de lta bu'i dkyil 'khor chen po bris la bsgom par bya'o/ /de'i phyi rol du 'gro ba lnga po gzhag par bya'o/ /de bzhin du dbus su ri'i rgyal po lhun po'i tshad dpag tshad brgya stong phrag du ma 

</font><hr>86-1-12b<br><font size=+1>

rnam par bsams nas/ de'i steng du rdo rje seng ge'i khri la bzhugs pa'i sangs rgyas bcom ldan 'das gzhag par bya'o/ /de ltar dkyil 'khor rim gyis bkod nas nye bar spyod pa thams cad kyi tshogs mchod nas nye bar zhugs te/ dgug pa dang gzhug pa dang dam tshig 
gis bcings nas mnyes par byas te/ mchod pa dang dbang bskur ba dang byin gyis brlab pa dang spro ba dang / bsdu ba la sogs pa byas nas de bzhin gshegs pa thams cad kyi phyag rgya chen po bsgom par bya'o/ /de bzhin du bsgom pa las blang ste de bzhin gshegs 
pa thams cad dang rdo rje sems dpa'i bdag nyid ni rnam par snang mdzad nga'o zhes bsgom par bya'o/ /de lta bu las langs nas de'i snyems pa 'chang zhing snying rje dang byams pa'i 'dren byed dang mig gis phyogs bcu'i 'jig rten gyi khams mtha' las 'das pa rab 'byam rgya mtsho'i 
sprin thams cad du de bzhin gshegs pa thams cad kyi sku'i sprin gyis kun nas bkang ste/ de bzhin gshegs pa rab tu 'bab pas rdo rje sems dpa' hUM mdzad kyi phyag rgya rang gi lus la zhugs nas/ phyogs thams cad hUM gi yi ge'i sgras rab tu bsgrag par bya'o/ /
bsnun pa bzhis rol pa dang bcas pas phyag rgya la bzlas pa bya ste/ dam tshig gi phyag rgya bcings la/ cho ga bzhin du rdo rje slob dpon gyis bkug nas bcug ste bcings la dam tshig la gzhag par byas nas rdo rje se gol gyi sbyor ba dang kun nas 'bebs pa'i phyag 
rgyas bdag nyid la dbab ste/ snying po 'di bzhis de bzhin gshegs pa thams cad dang bdag mtshungs so snyam du bsam par bya'o/ /de la 'di ni thams cad 'bebs pa'i snying po bzhi por 'gyur ro/ /a A a~M aHbdag byin gyis brlab pa la sogs pa byas nas 
slob dpon gyis de bzhin gshegs pa thams cad dang bdag mtshungs pa yin no zhes nga rgyal bskyed par byas nas/ de bzhin gshegs pa thams cad kyi rdo rje lcags kyu'i se gol gtogs nas sangs rgyas thams cad spyan drang bar bya'o/ /de la snying po ni 'di yin te/

</font><hr>86-1-13a<br><font size=+1>

badzra sa mA dzaH/ A gats+tsha A gats+tshan+tu/ sar+b+ba ta thA ga ta/ sar+b+ba bo d+hi satwa pa ri br-i tAH prat+ye kar+ha ha te swA hA zhes so/ /oM badzra sa mA dzaH/ A gats+tsha/ A gats+tsha/ sar+b+ba ta thA ga tA badzra yo gI shwar/ sa t+pa na yaiH/ swa hA a hAH/ /de nas de bzhin gshegs 
pa thams cad dang byang chub sems dpa' thams cad dang bcas pa dkyil 'khor thams cad yongs su rdzogs pa de bzhin gshegs pa thams cad kyi rigs dang rgyud dang gzugs rnams dang lhan cig dkyil 'khor du 'dus nas byon par 'gyur ro/ /de nas de bzhin 
gshegs pa thams cad kyis phyag rgya chen po bdag nyid rnam par bsgoms nas ming brgya rtsa brgyad pa bton la cho ga ji lta ba bzhin du mchod pa byas nas de bzhin gshegs pa thams cad brtan par byas nas sgo bzhi po rnams su rdo rje lcags kyu la sogs pas las byas te/ las 
chen po dam pa'i phyag rgyas de bzhin gshegs pa thams cad gzhug par bya'o/ /oM sar+b+ba ta thA ga ta/ su ra ta badzra badzra satwa dzaHhUM baM hoHa d+hi tiSh+than+tu/ sar+b+ba ta thA ga ta ma hA maN+Da la~M zhes so/ /de nas gsang ba'i mchod pa la sogs pa rnams kyis mchod pa byas nas de bzhin 
gshegs pa thams cad la gsol ba gdab par bya ste/ sangs rgyas dang byang chub sems dpa' thams cad la bdag gsol ba 'debs lags kyis sangs rgyas dang byang chub sems dpa' thams cad kyis bdag la byin gyis brlab tu gsol/ sems can thams cad kyi 
don mdzad du gsol/ bdag la dngos grub thams cad stsal du gsol/ ji ltar bdag gis de bzhin gshegs pa thams cad kyi mchod pa rab 'byam rgya mtsho'i sprin rnams kyi chos kyi dbyings kyi mthas klas pa'i sangs rgyas thams cad kyi yul kun nas bkang ste byin 
gyis brlab par bgyi'o/ /de bzhin gshegs pa thams cad kyi bka' yongs su rdzogs par bgyi'o/ /de nas 'dir rdo rje snying po'i rgyan chos kyi dbyings kyi dkyil 'khor du slob ma gzhug pa'i cho ga rgyas par 'gyur ba ni de nas gos dmar po phrag par gzar te de bzhin de 

</font><hr>86-1-13b<br><font size=+1>

bzhin gshegs pa thams cad la phyag 'tshal ba'i thal mo sbyar nas/ sngags 'dis snyan gsan dbab par bya ste/ sa ma ya hoH/ sa ma ya s+t+waM/ sa ma ya badzra a d+hiSh+ThA naM ku ru mAM/ sar+b+ba ta thA ga ta sa ma yeShu me a d+hi tiSh+than+tu sar+b+ba bud+d+ha mAM pra be sha yan+tu/ pra ti pA la 
yan+tu/ pU dzA ny+tsa me pra yats+tshan+tu/ pra piSh+Tosmi/ sar+b+ba ta thA ga ta badzra maN+Da/ a laM kA re ma hA badzra maN+Da le pra ti ba la yan tu mAM stu dzany+tsa me pra yats+tshan+tu/ de nas slob dpon gyis de'i thal mor me tog dkar po'i phreng ba sngags 'dis btags nas nang du me tog bzhi dang sor mo'i rtse mor 
me tog re re bcug la de nas sngags 'di brjod cing gzhug par bya'o/ /hU~M d+h+waM hrA+oM kruM shruM dzruM baHkaH pra~M khiM shrIM dzruM hAM mAM/ a d+hi tiSh+ThamAM/ sar+b+ba ta thA ga ta sa ma ya sa twa pra bi shA mi/ de nas slob dpon gyis de'i gdong g.yogs bcings la de bzhin gshegs pa thams cad kyi 
mya ngan las 'das pa'i grong khyer chos kyi dbyings nam mkha'i khams rab tu khyab pa'i sbyor bas de bcug la sngags 'dis me tog gtor bar bya'o/ /sngags ni sa ma yo haM sa ma ya s+t+waM sa ma ya hUM/ gang la me tog rnams lhung ba de nyid de'i lhar byin par bya'o/ /
de nas cho ga bzhin du sngags 'dis dbab par bya'o/ /na maHsarba ta thA ga te b+h+yaH/ ta Ta ta Ta/ d+ha ma d+ha ma/ badzra hUM bi kri ta bing+tsa dz+dzi hwA du rdAn ta da ma ka /ha si ta laM bo da ra/ ka ha ka ha/ tsu lu tsu lu/ muny+tsa muny+tsa/ aT+TAT+Ta hA sa/ da ra bi da ra/ badzra badzrong+ga ta/ badzra 
ne tra/ badzra shro tra/ badzra g+h+rA Na/ badzra daMSh+T+ra kiny+tsi rA ya si pra bi sha /badzra pA Ne hrI da ya mA bi sha /mA bi sha /g+hUr+N+Na g+hUr+N+Na/ pUr+N+Na pUr+N+Na/  g+hur+N+Na pa ya/ g+hUr+N+Na pa ya/ b+h+rA ma ya b+h+rA ma ya/ pA ta ya mo Ta ya/ a be sha ya/ dzalpa dzalpa/ dzalpa pa ya dzalpa pa ya/  la g+hu la g+hu/ 
sar+b+ba ta thA ga tA dz+nyA ka ra pra ba ra/ d+har+m+ma la b+d+ha/bi dza ya/ he he badzra dz+haM kA ra hU~M kr-i ta swA hA/ dbab pa'i dam tshig go/ /de ltar phab nas kye khyod kyis gang dge ba'am mi dge ba mthong ngam zhes dri'o/ /da nas de de bzhin gshegs pa'am/ rdo rje 'dzin pa'am dge ba'am 

</font><hr>86-1-14a<br><font size=+1>

mi dge ba bdag gis 'di lta bu mthong ngo zhes smra bar 'gyur ro/ /de nas slob dpon gyis de thams cad de bzhin gshegs pa thams cad kyi rdo rje'i rang bzhin du yongs su gzhag la mig bcings pa bkrol la dbang bskur ba'i don du dkyil 'khor gru bzhi pa byas 
la de'i dbus su kha dog thams cad kyis pad+ma chen po 'dab ma brgyad pa yid du 'ong ba'am/ seng ge'i khri rang nyid kyis bris te de nas de la dar gyi bgo ba dang / me tog bdug pa la sogs pa rnams kyis mchod la khyad par du gzugs dang sgra dang dri dang ro dang reg bya dang gdugs 
dang / rgyal mtshan dang / ba dan la sogs pa nye bar mkho ba dang / dung dang / rdza rnga dang / rnga bo che dang / dung la sogs pa dang gar dang / glu rnams kyis legs par mchod nas cod pan lnga'i dbang bskur te/ de bzhin gshegs pa thams cad kyi rdo rje slob dpon gyi 
go 'phang la sngags 'dis rab tu gzhag par bya'o/ /o~M sar+b+ba ta thA ga ta badzro Sh+NI Sha a b+hi Shiny+tsa o~M badzra sa twa a b+hi Shiny+tsa o~M badzra rat+na a b+hi Shiny+tsa/ o~M badzra pad+ma a b+hi Shiny+tsa/ o~M badzra badzra a b+hi Shiny+tsa spyi bo dang / dpral ba dang / mgrin pa dang / snying ga dang / lte ba dang / 
rked pa nas rje ngar gyi bar du yi ge'i phyag rgya bkod la rang gi lha'i gzugs kyi sbyor bas blta bar bya'o/ /de de ltar dbang bskur nas rigs dang mthun pa'i ming byas nas rdo rje'i cho ga rnams bslab par bya'o/ /de la rdo rje'i gnas tshig rnams ni 'di dag ste/ rang bzhin 
gyis dbyer med pa'i phyir rang gi lus rdo rje sems dpa'i gnas te/ rdo rje'i gnas 'dis lta ba'i thibs po thams cad nges par 'joms par 'gyur ro/ /rig pa la 'jug pa'i phyir ma rig pa rdo rje'i gnas te/ rdo rje'i gnas 'dis dmigs pa'i dngos po yongs su shes 
pa la 'jug par 'gyur ro/ /hU~M/mngon par 'du byed pa'i phyir mtshams med pa'i mtha' rdo rje'i gnas te/ rdo rje'i gnas 'dis blta bar gyur pa thams cad nges par rig par 'gyur ro/ /o~M/ 'dod chags dang bral ba'i mtha' mnyam pa nyid kyi phyir/ 'dod chags kyi 

</font><hr>86-1-14b<br><font size=+1>

mtha' rdo rje'i gnas te/ rdo rje'i gnas 'di 'dod chags dang bral ba'i ched du 'jug go/ /ha/ byams pa'i mtha' mnyam pa nyid kyi phyir zhe sdang gi mtha' rdo rje'i gnas te/ rdo rje'i gnas 'di nyes pa thams cad gcod pa'i ched du 'jug go /maiH/ shes rab sgron ma 
mnyam pa nyid kyi phyir gti mug gi mtha'i rdo rje'i gnas te/ rdo rje'i gnas 'dis mun pa bsal bar byed par 'gyur ro/ /ra~M/ sems can thams cad sems can gcig pa ste/ rdo rje'i gnas 'dis sems can mnyam pa nyid la 'jug pa'i don dang sems can gyi rang bzhin 
rtogs pa'i don du 'gyur ro/ /hrI/ sems can thams cad sems gcig pa ste/ rdo rje'i gnas 'dis sems nges pa la 'jug pa'i don dang sems rang bzhin gyis 'od gsal ba mngon par rtogs pa'i don du 'gyur ro/ /a/ sangs rgyas thams cad sangs rgyas 
gcig pa ste/ rdo rje'i gnas 'dis de bzhin gshegs pa thams cad kyi rjes su 'jug pa'i don dang mnyam pa nyid kyi ye shes rjes su rtogs pa'i don du 'gyur ro/ /o~M/ chos thams cad sangs rgyas kyi chos te/ rdo rje'i gnas 'dis thams cad mkhyen pa'i ye shes rjes 
su rtogs par 'jug pa'i don dang / rdo rje lta bu'i ting nge 'dzin rjes su rtogs pa'i don du 'gyur ro/ /A~M/ bdud kyi las thams cad sangs rgyas kyi las te/ rdo rje'i gnas 'di las thams cad rjes su rtogs pa la 'jug pa'i don dang / las thams cad las yongs 
su 'das pa'i don du 'gyur ro/ /hU~M/ ngag thams cad de bzhin gshegs pa'i gsung ste/ rdo rje'i gnas 'di sgra ji bzhin pa thams cad rjes su rtogs pa la 'jug pa'i don dang / brjod pa las 'das pa'i chos rjes su rtogs pa'i don du 'gyur ro/ /r+d+ha~M/ chos 
thams cad ma skyes pa ste/ rdo rje'i gnas 'di 'chi 'pho med pa la 'jug pa'i don dang / skye ba dang / rga ba dang 'chi ba'i las 'da' ba'i don du 'gyur ro/ /ma~M/ chos thams cad ma byung ba ste/ rdo rje'i gnas 'di 'gog pa med pa la 'jug pa'i don dang / chos 

</font><hr>86-1-15a<br><font size=+1>

thams cad 'gog pa med pa'i don du 'gyur ro/ /kha~M/ 'di la rnam gnas rnal 'byor pa/ /bdag gis de nyid rab rtogs te/ /bdag gis de nyid rab brtags nas/ /sangs rgyas kun mtshungs mnyam med 'gyur/ /de la sogs pa'i dngos grub thams 
cad dang / phun sum tshogs pa thams cad dang / gter thams cad dang / 'khor lo thams cad dang / rdo rje thams cad dang / ral gri dang / yid bzhin gyi nor bu dang / dngul chu dang / bcud len rnams dang / gyen du 'gro ba dang / rkang 'og dang mi snang ba dang / 
rig pa 'dzin pa dang / 'khor los sgyur ba nyid dang / brgya byin dang / tshangs pa dang / khyab 'jug dang / dbang phyug chen po nyid dang / byang chub sems dpa'i sa rnams des myur du 'grub par 'gyur ro/ /hU~M/ yid ni rtse gcig gyur pa yis/ /sangs rgyas rjes 
dran bsgoms nas ni/ /nyi ma'i dkyil 'khor dbus gnas par/ /sangs rgyas sku gzugs bsgom par bya/ /sbyor ba de yi bka' drin gyis/ /sangs rgyas kun mtshungs mnyam med 'gyur/ /zla ba'i dkyil 'khor dbus gnas par/ /'od kyi dkyil 'khor rab gsal 
ba'i/ /kun tu bzang po phyag rgya che/ /legs par mnyam par gzhag pas bsgom/ /lo ni phyed kyi sbyor ba yis/ /kun tu bzang po 'dra bar 'gyur/ /rdo rje rin chen phyag rgya che/ /legs par mnyam par gzhag pas bsgom/ /rgyal po'i dbang bskur nyid dam ni/ /
yang na dbang phyug thob par 'gyur/ /rdo rje chos kyi phyag rgya che/ /de ni rang gis brtan por bsgom/ /'jig rten kun gyi dbang phyug kyang / /thob na dngos grub gzhan ci smos/ /rdo rje las kyi phyag rgya gang / /de bzhin nyid kyi 'od gsal ba/ /rdo rje'i sbyor bas de 
bsgoms pas/ /rdo rje'i rnal 'byor brtan por 'gyur/ /de lta bu'i byang chub kyi sems kyi mchog bsgom pa phyag rgya chen po'i ye shes nyid yin no/ /'khor los sgyur ba'i phyag rgya che/ /legs par mnyam par gzhag pas bsgom/ /phyag rgya kun gyi bdag nyid 

</font><hr>86-1-15b<br><font size=+1>

kyi/ /dam pa'i don nyid thob par 'gyur/ /gzi brjid phung po'i phyag rgya che/ /dam pa'i don du bsgom par bya/ /gsang ba'i rgyal srid thob 'gyur na/ /dngos grub gzhan lta ci zhig smos/ /gdugs dkar gtsug tor chen po ni/ /dam pa'i don du bsgom 
par bya/ /gtsug tor ye shes thob 'gyur na/ /dngos grub gzhan lta ci zhig smos/ /rgyal ba'i gtsug tor phyag rgya che/ /de ni yang dang yang du bsgom/ /chos kyi rgyal srid rnam rgyal nyid/ /mdor bsdus pas ni thob par 'gyur/ /rnam rgyal gtsug tor phyag rgya yi/ /
dam pa'i yi ge bsgom par bya/ /legs par rab gnas 'od zer can/ /dngos grub ye shes thob par 'gyur/ /de la sogs pa mtha' yas mchog /chos dbyings mnyam dang mi mnyam pa/ /gtsug tor rnams kyis legs bshad pa/ /phyag rgya de rnams bdag 
nyid mchog /de ltar rnal 'byor pas bsgoms na/ /lhag pa'i lha ni gcig pu nyid/ /thog ma tha ma med zhi ba/ /rang 'byung mchog tu mi 'gyur ba/ /sangs rgyas kun dang mnyam sbyor ba/ /rnal 'byor dbang phyug go 'phang mchog /sangs rgyas ye shes dri 
ma med/ /bdag nyid chen po thob par 'gyur/ /de bzhin gshegs pa thams cad kyi gtsug tor gyi dam tshig ye shes kyi phyag rgya rnams so/ /de ni de bzhin gshegs pa thams cad kyi chos kyi yi ge'i rang bzhin gyi ye shes de la bslab par bya'o zhes bya ba ni rnam 
par dpyod pa'i phyir chos thams cad kyi sgo ste rnam par 'byed pa'i don du shes par bya'o/ /o~M pa~M/ a zhes bya ba ni chos thams cad ma skyes pa'i phyir chos thams cad kyi sgor bshad do/ /A+o~M a A a~M aH/ pa zhes bya ba ni chos thams cad kyi sgo ste don dam par chos thams 
cad kyi pha rol tu phyin pa thams cad yongs su rdzogs par blta bar bya'o/ /oM pa~M/ na zhes bya ba ni chos thams cad kyi ming dang gzugs dang shes rab dang chos dang bcas pa la dbang bsgyur ba'i phyir chos thams cad kyi sgor bshad do/ /o~M na~M/ da zhes bya ba ni 'dul ba 

</font><hr>86-1-16a<br><font size=+1>

dang zhi ba'i pha rol tu phyin pa yongs su rdzogs par byed pa'i phyir chos thams cad kyi sgor brjod do/ /o~M daM/ sa zhes bya ba ni thogs pa med pa las yang dag par 'das shing / yongs su nyon mongs pa dang rnam par spong ba dang zag pa dang bcas pa dang zag pa med 
pa'i sgo nas phung po dang / khams dang skye mched la sogs pa don dam pa'i bden pa la nye bar len pa/ mi dmigs pa'i phyir chos thams cad kyi sgor rnam par gzhag go/ /oM sru~M/ ta zhes bya ba ni de bzhin nyid kyi rjes su 'gro ba'i chos kyi dbyings la 'jug pa'i phyir chos 
thams cad kyi sgor rnam par blta'o/ /o~M taM/ ka zhes bya ba ni las kyi rnam par smin pa dang bral ba'i phyir chos thams cad kyi sgor gsal bar bya'o/ /o~M ka~M /ma zhes bya ba ni sgyu ma lta bu nyid dang dran pa med cing snying rje che ba dang shes rab rno ba las byung ba'i phyir chos thams 
cad kyi sgor gsal bar bshad do/ /o~M ma~M/ ga zhes bya ba ni zab mo gting dpag dka' ba'i phyir chos thams cad kyi sgor blta bar bya'o/ /o~M ga~M /dza zhes bya ba ni skye ba dang rga ba dang 'chi ba las yongs su rgal ba'i rang bzhin mi phyed pa'i phyir chos thams cad kyi sgor blta bar 
bya'o/ /o~M dza~M/ d+ha zhes bya ba ni chos kyi dbyings yongs su mi phyed pa'i rdo rje yongs su rdzogs pa'i phyir chos thams cad kyi sgor blta bar bya'o/ /o~M r+d+ha~M/ sha zhes bya ba ni zhi gnas dang lhag mthong yongs su rdzogs pa'i phyir chos thams cad kyi sgor blta bar bya'o/ /o~M sha~M/ kha zhes 
bya ba ni gang zag dang chos kyi bdag med pa nam mkha' ltar gsal zhing chos thams cad rang bzhin gyis 'od gsal ba'i phyir chos thams cad kyi sgor rnam par gzhag go/ /o~M kha~M/ k+Sha zhes bya ba ni g.yo ba skye ba med pas mi zad pa'i ye shes so sor dmigs te/ chos 
thams cad yongs su dag pa'i phyir chos thams cad kyi sgor blta bar bya'o/ /o~M k+Sha~M/ nga zhes bya ba ni thams cad mkhyen pa'i ye shes thogs pa med pa'i phyir chos thams cad kyi sgor blta bar bya'o/ /o~M ngaM/ tha zhes bya ba ni gnas dang gnas ma yin pa la mkhas pas 

</font><hr>86-1-16b<br><font size=+1>

sangs rgyas kyi zhing yongs su sbyong ba'i phyir chos thams cad kyi sgor blta bar bya'o/ /o~M tha~M/ D+ha zhes bya ba ni mthar phyin pa dang mur thug pa med pa dang / sgrib pa thams cad rab tu spangs pas zad pa dang mi skye ba'i ye shes thob pa'i mchog tu byed pa'i phyir chos thams cad kyi sgor 
bshad do/ /o~M D+ha~M/ dz+ha zhes bya ba ni dri ma'i rnam par dmigs pa med pa'i phyir chos thams cad kyi sgor blta bar bya'o/ /o~M dz+ha~M/ lus rnam par 'byed pa ni 'dod chags dang bral ba'i mtha' nyon mongs pa thams cad spangs te rdo rje snying po'i lus so sor thob pa'i phyir chos 
thams cad kyi sgor blta bar bya'o/ /o~M kA~M /sems rnam par 'byed pa ni nyes ba dang rmongs pa dang bag la nyal ba rab tu spangs nas byang chub kyi sems bskyed pa rang bzhin gyis 'od gsal ba'i phyir chos thams cad kyi sgor blta bar bya'o/ /o~M a~M/ ngag rnam par 
'byed pa ni ngag gi spros pa chos kyi dbyings rnam par dag pa'i phyir chos thams cad kyi sgor blta bar bya'o/ /o~M bA~M/ tsha zhes bya ba ni grib ma ma dmigs shing rang bzhin gyis dang ba'i phyir chos thams cad kyi sgor blta bar bya'o/ /o~M tshaM/ g+ha zhes bya ba ni gcig tu 'dres 
pa ma dmigs pa'i don dam par gnyis su med pa'i phyir chos thams cad kyi sgor blta bar bya'o/ /o~M g+haM/ Ta zhes bya ba ni ca co dang bral ba dang rdo rje snyems pa 'dzin pa'i phyir chos thams cad kyi sgor bshad do/ /o~M ToM/ pha zhes bya ba ni chos thams cad dbu ba rdos pa lta bu'i 
tshul gyis gsang ba'i ye shes gsal ba'i phyir chos kyi sgor bshad do/ /o~M pha~M/ Da zhes bya ba ni 'tshe ba las grol ba'i nam mkha' la 'gro ba grub pas so sor thob pa'i phyir chos thams cad kyi sgor blta bar bya'o/ /o~M DaM/ Sha zhes bya ba ni tsha sgom dmigs pa'i phyir chos thams 
cad kyi sgor blta bar bya'o/ /oM Sha~M/ chos thams cad nye bar zhi ba'i phyir nye bar zhi ba ni chos thams cad kyi sgor rnam par gzhag go/ /o~M u~M/ tshul bzhin ni nges par 'byung ba'i don du 'phags pa'i lam yan lag brgyad la 'jug pa'i phyir chos thams cad kyi sgor blta 

</font><hr>86-1-17a<br><font size=+1>

bar bya'o/ /o~M yo~M/ de kho na nyid ni spros pa thams cad rnam par spang ba'i phyir chos thams cad kyi sgor rnam par gzhag go/ /o~M ta~M/ ma skyes pa'i chos rnam par grol ba'i mtshan nyid kyi don yin pa'i phyir chos thams cad kyi sgor bshad do/ /o~M hu~M/ 
yongs su gzung ba med pa ni 'thab pa dang rtsod pa spangs pa'i chos nyid yin pa'i phyir chos thams cad kyi sgor blta bar bya'o/ /o~M hrA+oM/ kun nas nyon mongs pa med pa ni mtshan nyid rnam par dag pa'i phyir chos thams cad kyi sgor blta bar bya'o/ /o~M ka kha ga g+ha nga / rang 
bzhin gyis 'od gsal ba'i mtshan nyid gzung ba'i phyir chos thams cad kyi sgor gnas so/ /o~M tsa tsha dza dz+ha nya/ snang ba ni gsal zhing 'bar ba'i phyir chos thams cad kyi sgo'o/ /o~M Ta Tha Da D+ha Na/ bsgom pa ni chos thams cad kun tu sbyor ba dang bral ba yang dag par sdud 
pa'i phyir chos thams cad kyi sgo'o/ /o~M ta tha da d+ha na/ gzhi med pa ni chos thams cad ma 'dres pa'i phyir chos thams cad kyi sgor rnam par gzhag go/ /o~M pa pha ba b+ha ma/ byang chub ni chos thams cad dri ma med pa'i phyir chos thams cad kyi sgor blta bar bya'o/ /o~M ya 
ra la wa/ mya ngan las 'das pa ni blo bur ba thams cad nges par dor ba'i mtshan nyid dang chos kyi dbyings so sor thob cing mngon par shes pa lnga dang ye shes mkhyen pas sangs rgyas kyis yongs su thob pa'i phyir chos thams cad kyi sgor blta bar bya'o/ /o~M sha Sha sa ha/ rnam pa 
thams cad kyi mchog dang ldan pa thams cad mkhyen pa'i ye shes rnam par dag pa rnam par 'byed par byed pa'o zhes so/ /de bzhin gshegs pa thams cad kyi chos kyi sgo rnam par nges pa'o/ /de nas rigs thams cad kyi gsang ba'i cho ga rgyas par gyur pa ni/ sngon 
bzhin nges par byas nas ni/ /phyogs kun mnyam pa nyid bsgoms nas/ /ri rab chen po gru bzhi pa/ /rin chen kun gyis rnam par brgyan/ /de yi steng du rdo rje che/ /de yi steng du pad+ma gzhag /'dab ma brgyad pa ches bkra ba/ /rnal 'byor gnas zhes rnam par bshad/ /

</font><hr>86-1-17b<br><font size=+1>

dbang po gnyis ni snyoms 'jug pa/ /yongs su rdzogs par bdag nyid kyis/ /sangs rgyas thams cad nyid bsgoms na/ /de nas bskal pa'i mthar thug gnas/ /sangs rgyas kun gyi phyag rgya che/ /'od zer gsal ba'i dkyil 'khor can/ /rnal 'byor thams 
cad bsgom par bya/ /mnyam med sangs rgyas kun dang mtshungs/ /b+ha ga chen po rnal 'byor che/ /rnal 'byor pa gnas mi zad pa/ /sangs rgyas kun bdag bsgoms nas ni/ /sangs rgyas kun dang mtshungs par 'gyur/ /khams gsum pa yi rgyal srid che/ /
sems can kun la thams cad du/ /gang tshe rnal 'byor pas bsgoms na/ /de tshe dngos grub lag na gnas/ /rang bzhin gyis ni 'od gsal chos/ /gdod nas dag cing ma 'dres pa/ /gang tshe ye shes mthong ba ni/ /de yi tshe na dag par 'gyur/ /sangs rgyas 
thams cad mdor bsdus pa/ /sna tshogs las kyi sbyor ba yis/ /gang tshe rnal 'byor pas bsgoms na/ /sna tshogs las ni byed par 'gyur/ /de bzhin gshegs pa thams cad kyi phyag rgya chen po'i ye shes so// //'khor los sgyur ba rgyal po che/ /kun 
mchog sa yi dbang phyug ni/ /rdo rje sbyor bas bsgoms na ni/ /mnyam med 'khor los sgyur ba mtshungs/ /gzi brjid phung po phyag rgya che/ /legs par mnyam par gzhag pa bsgom/ /'bar ba'i phreng bas 'khrugs shing mdzes/ /pad+ma rA ga mtshungs pa'i 'od/ /
rdo rje'i sbyor bas bsgoms nas ni/ /rang nyid gzi brjid phung por 'gyur/ /gdugs dkar rgyal ba'i gtsug tor gyi/ /phyag rgya chen po bsgoms na ni/ /'od zer gsal ba'i sbyor ba yis/ /sems can dag pa nyid du 'gyur/ /rnam par gsal ba'i gtsug tor 
rgya/ /ral gri 'bar ba'i 'od kyis 'khrugs/ /zag pa med pa'i sbyor ba yis/ /mnyam med gsal ba'i gtsug tor mtshungs/ /rgyal ba'i gtsug tor phyag rgya che/ /legs par mnyam par gzhag pas bsgom/ /rgyal ba'i gtsug tor sbyor ba yis/ /

</font><hr>86-1-18a<br><font size=+1>

de yi rnam pa'i spyod yul 'gyur/ /rdo rje dam tshig ye shes che/ /legs par mnyam par gzhag pas bsgom/ /kun tu bzang po sogs gzugs kyis/ /mnyam med rdo rje sems dpa' mtshungs/ /zla ba'i dkyil 'khor dbus gnas pa/ /rdo rje 
sems dpa' sems dpa' che/ /byang chub sems dang mtshungs pa'i 'od/ /gtsug tor lnga ldan stobs po che/ /rdo rje'i sbyor bas bsgoms pa yis/ /rdo rje sems dpa' 'dra bar 'gyur/ /rdo rje rgyal po'i phyag rgya che/ /don dam par ni bsgoms na ni/ /
'gro ba thams cad 'gugs byed na/ /skye bo gzhan lta smos ci dgos/ /rdo rje chags pa'i phyag rgya che/ /legs par mnyam par gzhag pa bsgom/ /skye dgu thams cad chags 'gyur na/ /bud med gzhan lta smos ci dgos/ /rdo rje legs pa'i phyag rgya che/ /
dam pa'i don du bsgom par bya/ /legs so ba ni rab gsol bas/ /bud med thams cad tshim par byed/ /byang chub kyi sems kyi phyag rgya'i ye shes so//  //rdo rje rin chen phyag rgya che/ /'bar ba'i phreng bas 'khrugs pa'i 'od/ /dpral ba'i phyogs su 
gnas pa bsgom/ /de yis dar thod dbang bskur thob/ /rdo rje gzi brjid phyag rgya che/ /nyi ma'i dkyil 'khor mtshungs pa'i 'od/ /snying gar gnas pa bsgom par bya/ /kun mkhyen ye shes ster bar byed/ /rin chen tog gi phyag rgya che/ /legs par mnyam par 
gzhag pas bsgom/ /sbyin pa'i pha rol phyin pa mchog /sgrub po dam pas rdzogs par byed/ /rdo rje bzhad pa phyag rgya che/ /legs par mnyam par gzhag pas bsgom/ /rdo rje bzhad pa ltar gyur te/ /de ni skye dgu dga' byed 'gyur/ /dbang bskur ba'i phyag rgya'i 
ye shes so//   //pad+ma bde chen pad+ma la/ /dag pa'i chos ni mnyam gzhag pas/ /dam pa'i don du bsgom par bya/ /mnyam med rdo rje chos dang mtshungs/ /shes rab ye shes rdo rje rno/ /bsgoms pas de ni rdo rje 'chang / /shes rab pha rol phyin dag pa/ /stong 

</font><hr>86-1-18b<br><font size=+1>

nyid sbyor bas bsgoms na ni/ /dam pa'i don du bsgom bya de/ /mnyam med 'jam dbyangs dang ni mtshungs/ /rdo rje rgyu yi phyag rgya che/ /legs par mnyam par gzhag bsgoms nas/ /chos kyi 'khor lo kun mchog rtse/ /mdor bsdus nas ni de yis bskor/ /rdo rje 
smra ba'i phyag rgya che/ /dam pa'i don du bsgoms nas ni/ /rdo rje bzlas pa'i nus pa yis/ /ldem po'i ngag ni de yis 'chad/ /chos kyi phyag rgya'i ye shes so//  //rdo rje las kyi phyag rgya che/ /dam pa'i don du bsgoms na ni/ /kun nas kun nas rang nyid kyis/ /
rdo rje las ni byed par 'gyur/ /rdo rje bsrung ba byams pa che/ /rdo rje chos zhes grags pa ste/ /chos kyi sbyor bas bsgoms na ni/ /rdo rje bsrung ba dang mtshungs 'gyur/ /rdo rje gnod sbyin brtson 'grus che/ /khro bo chen po stobs po che/ /dam pa'i don gyis bsgom par 
bya/ /rdo rje gnod sbyin dang mtshungs 'gyur/ /rdo rje khu tshur phyag rgya che/ /lus ngag yid kyis de bzhin du/ /rdo rje'i sbyor bas bsgoms na ni/ /rdo rje khu tshur 'dzin par 'gyur/ /las kyi phyag rgya'i ye shes so//   //sgeg mos mngon par dga' ba ster/ /phreng 
ba yang ni dbang bskur ba/ /glu mas mdzes pa'i sgra dbyangs byed/ /gar mas rdzu 'phrul thob par 'gyur/ /dri mas bzang po'i dri yin te/ /me tog byang chub yan lag nyid/ /sgron mas mtha' dag gsal ba'o/ /bdug pas bdug pa dag la brtson/ /lcags 
kyus dbang phyug 'gugs byed na/ /skye bo gzhan lta smos ci dgos/ /zhags pas dbang po 'ching 'gyur na/ /gdug pa'i sems can smos ci dgos/ /lcags sgrog gis ni 'phrog byed dang / /tshangs sogs dbang phyug chen po'ang 'ching / /'bebs pas 
thams cad 'bebs 'gyur na/ /dman pa'i mi dag smos ci dgos/ /'di nyid kyi ni sbyor ba yis/ /chos kyi yi ge mchog gi ni/ /phyag rgya'i ye shes rab sbyor bas/ /sbyar te myur du bsgrub par bya/ /'di yi sbyor ba shes par bya/ /phyag rgya'i 'khor lo khyad 

</font><hr>86-1-19a<br><font size=+1>

par du/ /spyi gtsug snying ga rkang pa'i bar/ /yi ge yis ni yongs gang par/ /gzugs brnyan gcig gi go 'phang gyur/ /sems rtse gcig 'gyur bsam gtan gyis/ /sa la rab gnas pad+ma ni/ /dbang chen gyi ni gnas zhes bshad/ /
dbang po gnyis ni mtshungs sbyor bas/ /dbang phyug kyang ni bsgrub par bya/ /dbang chen dag ni gru bzhi pa/ /dbang chen gyi ni las su bshad/ /chu ni zlum par shes par bya/ /pad+ma'i mtshan mas rnam par mtshan/ /zhi bar byed pa'i las dang ldan/ /zhi ba'i 
don du de bshad do/ /me ni gru gsum shes par bya/ /sum mdo yi ni gnas su gnas/ /dbang du bya ba bsgrub don du/ /pad+ma rA ga 'dra ba'i 'od/ /mngon spyod la ni brtson 'grus che/ /rlung gi dkyil 'khor brjod bya ste/ /ral gri yi ni phyag rgya'i dbyibs/ /
dbyar gyi sprin dang mtshungs pa'i 'od/ /ser dang dkar dang de bzhin dmar/ /nag po yang ni khyad par du/ /dang po'i dkyil 'khor tshul gyis ni/ /tha ma'i bar du rab tu brtag /dang po rdo rje rab tu gzhag /de yi rjes su rin chen te/ /pad+ma dang ni las rnal 
'byor/ /grub pa'i go 'phang rim par bshad/ /phyag rgya thams cad kyi ye shes so//  //de nas bcom ldan 'das rtag pas de bzhin gshegs pa thams cad kyi phyag rgya'i ye shes bka' stsal pa/ gnyis dang gnyis su med pas yongs su dag pas chos thams 
cad rnam par grol ba'i phyag rgyas rgyas btab pa'o/ /rtag pa yongs su dag pas chos thams cad zhi ba dang mtha' dang mtha' med pa'i phyag rgyas rgyas btab pa'o/ /zad pa'i sgo dang zad pa'i mtha' dang zad pa'i mur thug pa dang ldan pas chos thams cad zad pa dang / 'dod 
chags dang bral ba'i phyag rgyas rgyas btab pa'o/ /mnyam pa nyid kyi mtha' rnam par dag pas chos thams cad la skur pa mi 'debs pa'i phyag rgyas rgyas btab pa'o/ /mig lnga la yang dag par 'das pas chos thams cad nam mkha'i phyag rgyas rgyas btab pa'o/ /

</font><hr>86-1-19b<br><font size=+1>

sems can thams cad nam mkha'i dbyings nyid kyi phyir chos thams cad nam mkha'i rang bzhin gyi phyag rgyas rgyas btab pa'o/ /chos kyi dbyings su yang dag par 'du ba nyid kyi phyir/ chos thams cad dbyer mi phyed pa'i phyag rgyas rgyas btab pa'o/ /byang chub kyi sems dang 
tha mi dad pas chos thams cad byang chub kyi sems kyi phyag rgyas rgyas btab pa'o/ /chos kyi dbyings mi phyed pa'i mtshan nyid yin pas chos thams cad chos kyi dbyings kyi phyag rgyas rgyas btab pa'o/ /ngo bo nyid med pas chos thams cad stong pa nyid kyi phyag rgyas rgyas btab 
pa'o/ /'tshe ba med pas chos thams cad bdag med pa'i phyag rgyas rgyas btab pa'o/ /skad cig ma nyid pas chos thams cad mi rtag pa'i phyag rgyas rgyas btab pa'o/ /skye ba dang rga ba dang 'chi ba'i mtha' dang ldan pas chos thams cad sdug bsngal gyi phyag rgyas rgyas 
btab pa'o/ /sngon gyi mtha' dang phyi ma'i mtha' de bzhin nyid pas chos thams cad de bzhin nyid kyi phyag rgyas rgyas btab pa'o/ /gdod ma nas yongs su dag pas chos thams cad yang dag pa'i mtha'i phyag rgyas rgyas btab pa'o/ /'dus byas dang 'dus ma byas mnyam pa 
nyid pas chos thams cad chen po stong pa nyid kyi phyag rgyas rgyas btab pa'o/ /spros pa'i dmigs pa rnam par bral bas chos thams cad mtshan ma med pa'i phyag rgyas rgyas btab pa'o/ /re ba thams cad las rnam par grol bas chos thams cad smon pa med pa'i phyag rgyas rgyas 
btab pa'o/ /dngos po med pa'i ngo bo nyid kyi mtshan nyid kyis na chos thams cad mi rtag pa'i phyag rgyas rgyas btab pa'o/ /phung po lnga yongs su 'dus pa'i mtshan nyid kyis na chos thams cad sdug bsngal gyi phyag rgyas rgyas btab pa'o/ /rang bzhin gyis bdag med pas 
chos thams cad bdag med pa'i phyag rgyas rgyas btab pa'o/ /shin tu mi g.yo ba'i phyir chos thams cad zhi ba'i phyag rgyas rgyas btab pa'o/ /don dam pa'i bden pa yang dag par 'du ba'i phyir chos thams cad bden pa'i phyag rgyas rgyas btab pa'o/ /'tsho ba rnam par 

</font><hr>86-1-20a<br><font size=+1>

mi gnas pa'i phyir chos thams cad dri ma med pa'i phyag rgyas rgyas btab pa'o/ /mchog tu mthar phyin pa'i phyir chos thams cad 'khrug pa med pa'i phyag rgyas rgyas btab pa'o/ /sngon gyi mtha' dang phyi ma'i mtha' bcad pa'i phyir chos thams cad ji lta ba bzhin 
gyi phyag rgyas rgyas btab pa'o/ /'jal ba'i dbang du byed pa dang dbang du bya ba med pa'i phyir chos thams cad sgro 'dogs pa med pa'i phyag rgyas rgyas btab pa'o/ /byed pa pos byas pa'i phyir chos thams cad 'jig pa'i phyag rgyas rgyas btab pa'o/ /rang bzhin gyis ma byung 
ba'i phyir chos thams cad 'byung ba med pa'i phyag rgyas rgyas btab pa'o/ /rang bzhin gyis ma skyes pa'i phyir chos thams cad 'gog pa med pa'i phyag rgyas rgyas btab pa'o/ /'gag pa med pa'i phyir chos thams cad gdod ma nas skye ba med pa'i phyag rgyas rgyas btab pa'o/ /
rtog ge kun tu spyod pa thams cad dang bral ba'i phyir chos thams cad spros pa med pa'i phyag rgyas rgyas btab pa'o/ /gzugs rnam par lta ba med pa'i phyir chos thams cad mtshan nyid med pa'i phyag rgyas rgyas btab pa'o/ /gnas yongs su bcad pa'i phyir chos thams 
cad nye bar sbyor ba med pa'i phyag rgyas rgyas btab pa'o/ /mi mthun pa'i phyogs nye bar mi dmigs pa'i phyir chos thams cad la rjes su sbyor ba med pa'i phyag rgyas rgyas btab pa'o/ /mngon par 'du byed pa thams cad med pa'i phyir chos thams cad las kyi rnam par smin pa 
med pa'i phyag rgyas rgyas btab pa'o/ /skye ba dang gnas pa las rnam par grol ba'i phyir chos thams cad 'dus ma byas pa'i phyag rgyas rgyas btab pa'o/ /nam mkha' dang khyad par med pa'i phyir chos thams cad mnyam pa nyid kyi phyag rgyas rgyas btab pa'o/ /mtshan 
nyid gcig pa'i phyir chos thams cad gzugs dang / tshor ba dang / 'du shes dang / 'du byed dang / rnam par shes pa'i phyag rgyas rgyas btab pa'o/ /snying po med pa'i phyir chos thams cad phung po'i phyag rgyas rgyas btab pa'o/ /snying po dang bcas pa med pa'i phyir chos 

</font><hr>86-1-20b<br><font size=+1>

thams cad khams dang skye mched kyi phyag rgyas rgyas btab pa'o/ /sangs rgyas thams cad kyi sku dang mnyam pa nyid thob pas chos thams cad khams dang skye mched kyi phyag rgyas rgyas btab pa'o/ /mtha' gcig tu 'jig rten gyi lam rnam par dag pa'i phyir chos thams cad 
'phags pa'i bden pa bzhi'i phyag rgyas rgyas btab pa'o/ /lha rjes su byed pa'i phyir chos thams cad phyag rgya chen po'i phyag rgyas rgyas btab pa'o/ /mtha' gcig tu chos la phan 'dogs pa'i phyir chos thams cad chos kyi phyag rgyas rgyas btab pa'o/ /thams cad kyi 
las sna tshogs byed pa'i phyir chos thams cad las kyi phyag rgyas rgyas btab pa'o/ /thams cad dam tshig thams cad rjes su bsgrub pa'i phyir chos thams cad dam tshig gi phyag rgyas rgyas btab pa'o/ /sangs rgyas kyi chos thams cad rab tu mi gnas pa'i phyir chos thams cad 
sangs rgyas kyi phyag rgyas rgyas btab pa'o/ /chos thams cad 'jig rten las 'das pa'i phyir lam gyi phyag rgyas rgyas btab pa dang / theg pa chen po'i phyag rgyas rgyas btab pa dang / /gsang sngags kyi phyag rgyas rgyas btab pa dang / phyag rgya'i phyag 
rgyas rgyas btab pa dang / dkyil 'khor gyi phyag rgyas rgyas btab pa dang / mnyam pa nyid kyi phyag rgyas rgyas btab pa dang / rdo rje ye shes kyi phyag rgyas rgyas btab pa dang / ye shes thams cad kyi phyag rgyas rgyas btab pa dang / thams cad mkhyen pa'i ye shes kyi phyag 
rgyas rgyas btab pa dang / me long lta bu'i ye shes kyi phyag rgyas rgyas btab pa dang / mnyam pa nyid kyi ye shes kyi phyag rgyas rgyas btab pa dang / so sor rtog pa'i ye shes kyi phyag rgyas rgyas btab pa dang / bya ba grub pa'i ye shes kyi phyag rgyas rgyas btab pa dang / 
chos thams cad chos kyi dbyings rnam par dag pa'i ye shes kyi phyag rgyas rgyas btab pa'o/ /de bzhin gshegs pa thams cad kyi ye shes kyi phyag rgya'o/ /muH/ 'jam dpal phyag rgya'i tshig 'di dag ni mi mnyam pa dang mnyam pa'i ye shes kyi tshig de bzhin gshegs pa 

</font><hr>86-1-21a<br><font size=+1>

thams cad kyis byin gyis brlabs pa'i tshig thams cad mkhyen pa'i ye shes yongs su rdzogs par byed pa theg pa chen po'i tshig ste/ 'das pa dang ma 'ongs pa dang da ltar byung ba'i sangs rgyas bcom ldan 'das rnams dang / byang chub kyi phyag rgya nyid kyi phyag 
rgya'i tshig gang gis/ phyag rgya'i tshig 'di rnams kyis kyang chos kyi phung po brgyad khri bzhi stong skyed par byed do/ /sems can thams cad kyi sems kyi rgyud la phyag rgyas rgyas btab pa'o/ /a a~M aHA~M/ sngags pas phyag rgya 'di lta bus rgyas btab na de bzhin 
gshegs pa'i ye shes kyi phyag rgya yang dag par 'du'o/ /hU~M/ myur du ma skyes pa'i chos rnams la bzod pa thob par 'gyur ro/ /kha~M/ de nas da ni de bzhin gshegs pa thams cad kyi sbyor ba thams cad kyi gsang ba chen po'i phyag rgya'i ye shes su gyur pa ni/ snying gi 
dbus su rtag bsgom bya/ /pad+ma chen po 'dab brgyad pa/ /'bar ba'i phreng bas 'khrigs pa'i 'od/ /zla ba'i dkyil 'khor dbus son par/ /de yi steng du rtag bsgom pa/ /yi ge yi ni gtso bo mchog /thog ma tha ma med zhi ba/ /kha ba ba mo'i 'od 'dra 'od/ /
dpa' bo kun+da zla ltar dkar/ /nyi ma'i dkyil 'khor ltar 'od gsal/ /zhi ba'i chos kyi rang bzhin sku/ /kun mkhyen ye shes kyis gang ba/ /de bzhin gshegs pa kun gyi gsang/ /ra sA ya na dang mtshungs mchog /kha yig mkha' 'drar shes par bya/ /thig 
le nA das rnam par spras/ /gsang ba chen po mchog tu mdzes/ /thog ma tha ma med pa'i bdag /de yi steng du 'od zer che/ /'bar ba'i phreng ba 'khrugs pa'i 'od/ /rdo rje rdo rje lta bur gnas/ /spyi bor rtse mo lnga dang ldan/ /de yi steng du rtag bsams pa/ /yi ge 
mchog gi go 'phang ngo / /man ngag mchog las shes bya ste/ /gzhan du na ni nga mi smra/ /sangs rgyas mkhas pa thams cad kyis/ /mdor bsdus nas ni 'di gsungs so/ /rnam par grol ba gsum thob nas/ /thob 'gyur 'di ni gzhan du min/ /lce ni rkan 

</font><hr>86-1-21b<br><font size=+1>

la sbyar bar bya/ /sna yi rtse mor yi ge hU~M/ /dbang po gnyis ni snyoms 'jug pas/ /phyag rgya'i go 'phang tshig gis ni/ /shes rab ldan pas rang sems bsgom/ /snang ba med cing spros med pa/ /shin tu mchog tu phrar shes bya/ /khyab bdag bsod nams 
ye shes dngos/ /bsam bya bsam gtan brtson byas te/ /mig dang sgron ma'i 'od bzhin du/ /ra yig 'bar ba dang ldan pa/ /mgrin pa 'bad pas gcum nas ni/ /dkar po ser po sngon po'i 'od/ /dmar po yang ni bdag gis spro/ /'bar ba 'di dag 'bad pa 
yis/ /'di dag yang dag nyer mtshon bya/ /snying gar gsal bar byas nas su/ /de bzhin thams cad spyi bor song / /gnas de las ni 'thon nas kyang / /dbang po thams cad dgang bar byas/ /de las 'thon nas 'jig rten ni/ /mtshungs par kun nas 
thams cad du/ /slar yang de ru 'ongs nas ni/ /de ni 'jug par rab tu bsam/ /yid kyis de ltar bsgoms na ni/ /rang nyid 'khor los sgyur lta bur/ /dbang po gnyis ni rab sbyor bas/ /legs par mnyam par gzhag pas bsgom/ /dbang po lngas ni 
dmigs nas yang / /mi rnams lus ni dag par 'gyur/ /ji snyed bud med yon tan dang / /ldan pa kun du gnas pa ni/ /bkug nas bcug ste bcings nas su/ /dbang du bya ste bsgrub par bya/ /de rnams lhan cig yongs brten nas/ /sngags pa mchog gi 
dngos grub thob/ /gsang ba mchog tu dgyes pa na/ shes rab pha rol phyin pa ste/ /zhi ba'i chos kyi rim pa mchog  /shin tu mnyam par gzhag pas bsgom/ /rdo rje sems dpa'i dngos grub gang / /de 'grub gzhan lta smos ci dgos/ /mchog ni rtag par shes 
par bya/ /bar mas phun sum tshogs pa ste/ /stong pa nyid dang mtshan med mchog  /smon pa med pa zhes su grags/ /chos kun bdag med pa yi mchog  /kun mkhyen ye shes rdzogs par byed/ /sa bcu yi ni stobs dag gis/ /pha rol phyin pa thams cad thob/ /

</font><hr>86-1-22a<br><font size=+1>

rdo rje sems dpa' mchog bsgoms nas/ /rdo rje sems dpa' 'dra bar 'gyur/ /de nyid 'di ni bcud kyis len/ /gnyis su med pa'i ye shes mchog  /theg chen mchog tu yid 'ong ba/ /stong nyid bsgom pa'i bdag nyid can/ /gnyis su med pa'i ye 
shes mchog  /gang gis rtag tu sgom byed na/ /de yang rdo rje 'dzin rgyal po/ /yon tan mchog las skyes par 'gyur/ /rgyan rnams kun gyis rnam par brgyan/ /bud med lus ngag yid sbyor bas/ /yongs reg A liM ga tsum+bas/ /mchog gi dngos grub thob 
par 'gyur/ /bud med kha dog ljang gu gang / /rgyan rnams kun gyis rnam par brgyan/ /de tshe de ni sngags pas bsten/ /mnyam med gsang ba'i ye shes mtshungs/ /bud med gang zhig kha dog dkar/ /pad+ma'i 'dab ma 'dra ba'i 'od/ /de dang lhan cig sngags pas 
bsdad/ /dam pa'i dngos grub thob par 'gyur/ /bu mo gang zhig kha dog dmar/ /ut+pa la yi rgyan 'chang ma/ /sngags pas de dang lhan cig gnas/ /shes rab pha rol phyin mtshungs 'gyur/ /bud med in dra nI la mtshungs/ /gsang ba rdo rje rjes su sbyor/ /
rig 'dzin rnams kyi rgyal po ni/ /stobs chen grub par de 'gyur ro/ /gsang chen ma ra ka ta mtshungs/ /gang gis rtag tu bsten pa ni/ /de yang rdo rje 'dzin rgyal po/ /myur du gsang ba'i dam par 'gyur/ /bud med pad+ma rA ga 'dra/ /rgyan rnams kun gyis rnam par 
brgyan/ /dbang po gnyis ni snyoms 'jug pas/ /rdo rje 'dzin ma lta bur bsgrub/ /sangs rgyas kun dang mnyam sbyor ba/ /gnyis su med pa'i ye shes mchog /bsam pas rtag tu bsgom pa ni/ /mnyam med sangs rgyas kun dang mtshungs/ /dran pa nye bar gzhag 
pa bzhi/ /mchog gis gnas kyis bsgoms na ni/ /rnal 'byor mchog gis mi ring bar/ /rdo rje 'dzin pa lta bur 'gyur/ /yang dag spong ba rnam pa bzhi/ /legs par mnyam par gzhag pa bsgom/ /dbang po gnyis ni snyoms 'jug pas/ /mnyam med 

</font><hr>86-1-22b<br><font size=+1>

'jig rten dbang phyug mtshungs/ /so so yang dag rig pa bzhi/ /shin tu mnyam gzhag bsgoms na ni/ /rdo rje sangs rgyas ting 'dzin mchog /mnyam med 'jam pa'i mchog dang 'dra/ /mi 'jigs pa ni rnam pa bzhi/ /rdo rje'i sbyor bas bsgom par bya/ /dbang 
po gnyis ni snyoms 'jug pas/ /rdo rje 'dzin pa lta bu ste/ /rdzu 'phrul gyi ni rkang pa bzhi/ /shin tu mnyam gzhag bsgoms na ni/ /dbang po gnyis ni mnyam sbyor bas/ /rdzu 'phrul ldan pa'i mchog tu 'gyur/ /tshangs pa yi ni gnas bzhi po/ /tshad med pa 
yi sems kyis ni/ /rdo rje sbyar bar bdag bsgoms na/ /rdo rje 'dzin pa lta bur 'grub/ /sbyor ba'i bdag nyid dbang po lnga/ /dam pa'i don gyis bsgoms na ni/ /dbang po gnyis ni snyoms 'jug pas/ /mnyam med rdo rje sangs rgyas mtshungs/ /yid kyi stobs ni 
rnam pa lnga/ /shin tu mnyam gzhag bsgoms na ni/ /'khor los sgyur ba brtson 'grus che/ /stobs 'dzin lta bu nyid du 'gyur/ /byang chub yan lag rin chen bdun/ /gsang sngags sgom pas bsgoms na ni/ /rtog pa'i ye shes sbyor ba yis/ khyab bdag chos 
kun 'dzin par 'gyur/ /'phags pa'i yan lag brgyad kyi lam/ /kun mkhyen ye shes rdzogs byed pa/ /de ni bsgoms pa tsam gyis ni/ /'jig rten shes rab rab tu 'da'/ /rjes su dran pa rnam pa drug  /bdag nyid rtse gcig gis bsgoms na/ /sngags pa rdo rje 
'dzin pa ru/ /sngags pa dus mi ring bar 'gyur/ /stobs bcu po ni yang dag bsgoms/ /bsgom pa'i rnal 'byor da nyid kyis/ /bsod nams ye shes yongs rdzogs te/ /rtag tu stobs bcu'i dam par 'gyur/ /pha rol phyin bcu yongs su rdzogs/ /stobs 
rnams dang ni dbang rnams dang / /sa rnams kun ni des bskyed nas/ /myur du mtshan ma dag par 'gyur/ /rnam grol gos kyis bsgribs nas su/ /de yi nu ma shin tu bsnun/ /rje ngar gyis kyang de bzhin du/ /mchu yis mchu ni yongs su gzung / /'bad pas dam 

</font><hr>86-1-23a<br><font size=+1>

du A ling ga  /byang chub sems ni bsgom par bya/ /rdo rje ye shes brtson 'grus che/ /rdo rje dbyings su bdag brtan pas/ /rnam pa sna tshogs ka ra Na/ /rnal 'byor shes pa de bsten bya/ /bud med rnams kyi dam tshig 'grub/ /rdo rje sems dpa' 
mtshungs par 'gyur/ /bud med rnams kyi b+ha gar bsnun/ /ling ga myur du gang bar 'gyur/ /sbyor ba 'di ni mkhyen pa yis/ /stobs chen sangs rgyas rab tu grub/ /gsang ba 'di ni dam pa ste/ /sangs rgyas kun gyi skyob pa'o/ /gsang ba 'di yi sbyor ba yis/ /
yi ge'i dam pa 'grub par 'gyur/ /sangs rgyas rnams kyi ma 'dres pa'i/ /chos su grags pa gang yin pa/ /de rnams sgom byed gtso bo ni/ /dngos grub thams cad rab tshogs pa'o/ /ma 'dres pa yi chos bcwa brgyad/ /sangs rgyas chos su grags pa ste/ /de rnams 
bsgom pa dang ldan pas/ /sangs rgyas byang chub rab ster byed/ /bsam gtan bzhi po thob nas ni/ /gzugs med pa yi rtag par yang / /'gog pa'i snyoms par 'jug ldan pas/ /sangs rgyas byang chub sgrub pa po/ /byang chub phyogs ni sum cu bdun/ /
chos ni mchog tu rmad byung ba/ /de rnams bsgom pa dang ldan pas/ /byang chub sems dpa'i skyob pa'o/ /sngags rnams thams cad rab 'grub cing / /sbyor ba thams cad thams cad du'o/ /des na 'bad pa thams cad kyis/ /sangs rgyas chos nyid bsgom 
par bya/ /'jig rten 'jig rten 'das pa'i lam/ /ye shes rin chen rab rnyed dka'/ /mchod dang dbang bskur byin brlabs pas/ /rnyed 'gyur gzhan du ma yin no/ /bshags dang gsol ba gdab pa dang / /bdag nyid dbul ba de bzhin no/ /sangs rgyas sogs 
la yi rang zhing / /de bzhin yongs su bsngo ba dang / /byang chub sems ni yang dag bskyed/ /khyad par du ni dus kun du'o/ /thog ma bar dang phyem red du/ /ji lta bzhin du rjes bsgoms pas/ /sangs rgyas thams cad bsgrub bya ste/ /'di la the tshom yod ma yin/ /

</font><hr>86-1-23b<br><font size=+1>

'gro ba sems kyis spro ba ni/ /brtan pa'i snying por legs par bshad/ /stong nyid de bzhin nyid las byung / /rdo rje sems dpar de bshad do/ /'gro ba thams cad bkug nas su/ /sangs rgyas byang chub sbyar bar bya/ /don yod ye shes dag pa de/ /rdo rje rgyal po 
mchog ces bshad/ /rdo rje chags pas chags gyur nas/ /rang bzhin gyis ni brtan par 'gyur/ /'gro ba ma lus lus med pa/ /de yi sems ni chags par bshad/ /chos rnams kun ni rang bzhin gyis/ /rnam par dben zhing gnyis su med/ /gang tshe 
dag pa'i bdag nyid mthong / /de tshe rdo rje legs par bshad/ /rdo rje sems dpa' bzhi po yis/ /ming dang brda ni sbyar ba'o/ /sangs rgyas kun dang mnyam sbyor ba/ /sdom pa mchog tu dam pa'o/ /khams gsum pa yi rgyal srid che/ /tshogs gnyis rdzogs 
par byas pa ste/ /sa dang pha rol phyin mchog gtso/ /rdo rje dbang bskur las byung ba/ /de bzhin gshegs kun ye shes te/ /rnyog pa med cing yi ge med/ /'od kyi dkyil 'khor gzi brjid mchog  /brtan pa rtag pa nyid du 'gyur/ /nam mkha'i mdzod 
ni mdzod chen po/ /chos rnams thams cad dbang sgyur ba/ /yid bzhin nor bu rdo rje che/ /rdo rje tog ni bla na med/ /ye shes snang ba rin chen che/ /rmad du byung ba nges par mthong / /de bzhin gshegs kun gsang ba ni/ /rdo rje bzhad pa zhes su grags/ /chos 
kyi bdag med las byung ba/ /gnyis su med pa'i ye shes mchog /chos nyid dam pa bsam du med/ /rdo rje chos zhes bya bar dran/ /rdo rje blo gros snang ba che/ /shes rab ye shes dri med mchog /zag med shes rab chen po pa/ /de ni rdo rje rnon por bshad/ /sangs 
rgyas rnams kyi chos 'khor lo/ /gnyis su med las byung bar mtshon/ /yan lag bcu gnyis rten 'brel ming / /rdo rje rgyu zhes nges par bshad/ /dgongs pa'i skad ni spros pa'i mchog /yul rnams kyis ni bshad pa ste/ /sangs rgyas kun gyis bzlas pa che/ /

</font><hr>86-1-24a<br><font size=+1>

de ni rdo rje smra bar bshad/ /sems can kun gyi don la sbyar/ /sangs rgyas kun gyi mchod pa che/ /gdod nas dag pa'i rnal 'byor che/ /de ni rdo rje las su bshad/ /bla na med pa'i byams pa che/ /bsrung ba'i bya ba gong na med/ /dag pa'i 
chos ni brtson chen po/ /rdo rje bsrung ba zhes su grags/ /shes rab thabs kyi khro bo che/ /sangs rgyas kun dang rjes mthun pa/ /nyon mongs thams cad za ba che/ /de ni rdo rje gnod sbyin brjod/ /lus ngag yid ni yang dag sbyor/ /sgrib pa med cing yi ge bral/ /
de bzhin gshegs pa kun gyi gsang/ /de ni rdo rje mtshams sbyor bshad/ /rdo rje ye shes rnal 'byor che/ /sangs rgyas kun gyi stobs po che/ /thog ma tha ma med zhi ba/ /rig pa mchog ces bya bar bshad/ /de nas yang 'jam dpal gzhon nur gyur pas de bzhin 
gshegs pa thams cad kyi rdo rje'i glus de bzhin gshegs pa thams cad legs par mchod nas glur blangs pa/ o~M sar+b+ba bud d+ha par me shwa ra bu shud+h+ya la li hoH/ su b+ha gaH/ su ra taH/ ma hA ma hA A di ma hA bo d+hi bud+d+ha bud+d+ha/ yo gI shwa ra ta thA tA b+hA bi twAt+ma ka ta thA ga ta/ 
byang chub sems bskyed las 'khrungs pa/ /sangs rgyas kun la phyag 'tshal lo/ /mchog gi dbang phyug dam pa'i chos/ /gdod nas zhi ba la phyag 'tshal/ /byang chub sems dpa' skyob pa po/ /rdo rje can kun la phyag 'tshal/ /de bzhin gshegs 
pa rdo rje che/ /sangs rgyas byang chub la phyag 'tshal/ /mi dmigs go 'phang la gnas pa/ /mtha' las 'das pa la phyag 'tshal/ /'dren pa rnams kyi stobs po che/ /hUM gi yi ge ma lus pa/ /thams cad mkhyen pa mtha' dag dang / /shin tu yongs su mya 
ngan 'da'/ /'jig rten dbang phyug mgon bzang po/ /rdo rje ye shes dri ma med/ /rnam par dag pa rdo rje mchog  /dngos grub thams cad rab gsol byed/ /rnal 'byor dbang phyug rnams kyi mgon/ /dus gsum bsam pa dbang sgyur ba/ /sems can rnams la 

</font><hr>86-1-24b<br><font size=+1>

phan don du/ /'byung ba khyod la phyag 'tshal 'dud/ /rdo rje snying po rgyan las dkyil 'khor chen po yongs su rdzogs s+ho//   //de nas bcom ldan 'das de bzhin gshegs pa rnams slar yang 'dus par gyur nas de bzhin gshegs pa thams cad kyi thugs kar zhugs 
te/ bcom ldan 'das rnal 'byor gyi dbang phyug chen po rdo rje snying po rgyan gyi dkyil 'khor chen po'i phyag rgya'i don ched du brjod pa/ de nas yang dag bshad bya ba/ /dkyil 'khor chen po dam pa ste/ /rdo rje snying po zhes grags pa/ /sangs rgyas kun gyi skyob pa'o/ /gru 
bzhi pa la sgo bzhi pa/ /rta babs bzhis ni rnam par mdzes/ /sgo khyud rdo rje'i gzugs brnyan dang / /phyag rgya dang ldan rab tu mdzes/ /dkyil 'khor de yi dbus su ni/ /'khor lo gnyis ni rab tu gnas/ /rtsibs brgyad pa dang bcu drug rtsibs/ /rnam par dbye 
ba legs par brtag  /dbus kyi dkyil 'khor nang gi ni/ /lte ba'i gnas su legs brtags pa/ /pad+ma chen po 'dab brgyad pa/ /ge sar gtams pas rab tu mdzes/ /de yi lte ba'i dbus su ni/ /khyab bdag rnal 'byor dbang phyug che/ /rnam par snang 
mdzad brtson chen po/ /sems can kun la rjes brtse bas/ /de yi nye 'khor kun du ni/ /de bzhin gshegs pa brgyad rnams dgod/ /shar du dgod bya 'khor lo can/ /gtsug tor dkar po nub tu gnas/ /gzi brjid phung po lho ru'o/ /rnam par rgyal ba byang du 
gnas/ /dbang ldan rnam par gsal bar bri/ /mer ni steng 'gro dgod par bya/ /steng 'gro chen po bden bral du/ /rlung du rgyal ba chen po gnas/ /sangs rgyas gzugs brnyan 'dzin pa'i mchog/ rnal 'byor ldan pas 'di dag bri/ /mi bskyod pa ni shar du dgod/ /
lho ru rin chen 'byung ldan no/ /nub tu 'od dpag med par 'gyur/ /byang du don yod grub pa'i ming / /zla ba'i dkyil 'khor la brten pa'o/ /dbang ldan phyogs nas brtsams nas ni/ /rdo rje sems dpa' la sogs bri/ /thams cad zla ba'i dkyil 'khor gnas/ /

</font><hr>86-1-25a<br><font size=+1>

'khor rnams zla ba'i dkyil 'khor la'o/ /phreng ba rnam par dgod bya ba/ /rang gi phyag rgya 'od zer 'bar/ /rdo rje sgeg mo la sogs pa'i/ /lha mo 'bad pas dgod par bya/ /rdo rje bdug pa la sogs bri/ /de bzhin gzugs kyi rdo rje sogs/ /
rdo rje lcags kyu la sogs pa/ /sgo srung 'bad pas bri bar bya/ /phyi yi dkyil 'khor la gnas par/ /kun du bzang sogs rim bzhin bri/ /rang gi phyag rgya'i 'khor rnams dang / /pho nya yi ni 'khor dag dang / /khro bo rnams dang mngag pa dang / /de bzhin pho nya pho nya ma/ /
rgya mtsho yi ni dkyil 'khor ni/ /'od kyi dkyil 'khor gsal ba'o/ /phyi ru phyi rol rdo rje'i ming / /dkyil 'khor la ni 'bad pas bri/ /dbang ldan phyogs nas brtsams nas su/ /'jig rten skyong ba brgyad po bri/ /tshangs pa khyab 'jug dbang chen ming / /dbang po la 
sogs lha thams cad/ /ma mo kun dang sring mo rnams/ /rgyal po chen po bzhi dang klu/ /de bzhin lha rnams thams cad dang / /brtson 'grus chen po nam mkha' lding / /'bad pa yis ni bri bar bya/ /de lta'i dkyil 'khor bris nas su/ /khyad par du ni mchod par bya/ /
me tog bdug spos rol mo sogs/ /de bzhin bza' dang ston mo sogs/ /phreng ba'i rgyan ni sna tshogs kyis/ /de bzhin gshegs rnams mchod par bya/ /dkyil 'khor kun gyi cho ga yis/ /mchod pa kun gyis thams cad nas/ /'khor lo kun gyi cho ga yis/ /sangs 
rgyas thams cad mchod par bya/ /de nas slob ma thams cad gzhug /yongs su dag pa khyad par du/ /byang chub sems ni bskyed nas su/ /byang chub bslab pa rjes spyod pa/ /cho ga shes pa'i sngags pas gzhug  /'dren pa rnams la mchod du gzhug  /rdo rje'i dbang 
bskur sbyor ba yis/ /dbang bskur ba ni de nas sbyin/ /seng ge'i khri yi steng du ni/ /dar dang me tog chun pos spras/ /dkar po'i gdugs dang rin chen che/ /bla re rgya che 'bar ba dang / /de yi g.yas kyi drung du ni/ /mkhas pa yis ni gzhag par bya/ /ba dan rnam pa 

</font><hr>86-1-25b<br><font size=+1>

sna tshogs dang / /sna tshogs ras kyis rab mchod pa/ /g.yon gyi drung du thams cad nas/ /'bad pa yis ni gzhag par bya/ /rin chen sman kun gyis gang ba'i/ /bum pa legs par gzhag byas te/ /rdo rje ming gi dbang bskur gyis/ /de la rang gis dbang bskur 
bya/ /rdo rje ming gis dbang bskur ba/ /mkhas pa yis ni slar yang bya/ /kun gyi cod pan dbang bskur gyis/ /yang dang yang du dbang bskur bya/ /chos kyi cod pan dbang bskur dang / /sangs rgyas kun gyi skyob pa ni/ /sna tshogs las kyi dbang bskur sbyin/ /chos 
kyi dbyings dang mnyam mtshungs pa'o/ /chos kyi sku yi dbang bskur ba/ /sangs rgyas kun gyi sgron ma sbyin/ /de ltar slob ma dbang bskur ba/ /khyad par du ni sngags pas bya/ /de la dam tshig cho ga yis/ /sngags dang phyag rgyas sbyar bar bya/ /slob dpon brnyas par 
mi bya zhing / /sgrub po kun la smad mi bya/ /sngags kyi spyod pa thams cad la/ /'da' bar mi bya smad mi bya/ /'jig rten pa yi lha rnams dang / /grub mtha'i rigs pa thams cad la/ /smad par mi bya blang mi bya/ /de la mngon par dga' ba spangs/ /sdig pa thams cad 
rnam spang zhing / /de bzhin bsod nams thams cad bsdu/ /bza' dang ston mo du ma la/ /bza' bar mi bya smad mi bya/ /'dod pas bcom ldan sems pa ste/ /sangs rgyas kun gyi sras bdag skyes/ /thog ma tha ma med zhi ba/ /nam yang dor bar mi bya'o/ /sangs rgyas 
thams cad chags las 'khrungs/ /de bzhin zhe sdang rmongs las 'khrungs/ /mnyam dang mi mnyam chos kun dang / /dbu ma'i gnas la gnas nas su/ /de nyid dam tshig shes nas su/ /sangs rgyas byang chub yong mi spong / /lus can kun la 'tshe mi bya/ /khyod kyis 
ser sna mi bya ste/ /phrag dog bya bar mi bya'o/ /dam pa'i chos ni spang mi bya/ /byang chub sems ni mchog tu bde/ /chang gi btung ba spang bya ste/ /pha rol bud med rnam par spang / /thams cad mkhyen pa yongs mi dor/ /rtag tu srog chags gsad mi bya/ /sems can 

</font><hr>86-1-26a<br><font size=+1>

kun la snying rje dang / /byams pa yang ni rnam par bsgom/ /sems can rnams la phan pa ni/ /yang dang yang du yongs bsdu bya/ /sangs rgyas kun gyi rjes skyob pa/ /dam tshig de nyid 'di dag ni/ /slob ma rnams la rjes brtse bas/ /mkhas pa yis 
ni bstan par bya/ /de nas phyag rgya rjes bcing ba/ /go rims bzhin du bstan par bya/ /phyag rgya 'di dag khyad par gyi/ /mtshan nyid yang dag rab bshad bya/ /thal mo brtan par bsdam par bya/ /me tog zum pa'i tshul du mdzes/ /sangs rgyas dpa' bo thams cad 
kyis/ /pad+ma'i thal mo zhes su bsgrags/ /rtse mo thams cad legs brkyang ba/ /pad+ma'i phyag rgya zhes su brjod/ /re re'i mtshams su nges bcings pa/ /de ni rdo rje thal mor brtags/ /sor mo thams cad nges bsdams pa/ /rdo rje bsdams pas legs bcings pa/ /
sor mo brkyang ste steng du bstan/ /sangs rgyas byang chub rab gsol byed/ /khu tshur nang du byas nas ni/ /gnyis ka sbyar bas yongs su brtag /'khor los sgyur sogs phyag rgya'o/ /dam pa sbyin pa yin par bshad/ /sangs rgyas dpa' bo thams cad kyis/ /dam 
tshig phyag rgya 'di yin no/ /ming med nang bcug khu tshur gyis/ /kun gyi rtse mor yongs su brtag /rdo rje'i rnam pa legs par sbyar/ /rdo rje chen po zhes su bsgrags/ /mthe chung srin lag khu tshur las/ /gung mo legs par brkyang nas su/ /mdzub mos mthe bong 
yongs su sbyar/ /'khor los sgyur ba nyid gsol byed/ /brkyang pa'i rtse mo sbyar ba ni/ /gdugs dkar zhes ni rab tu grags/ /srin lag dang ni mthe bong sbyar/ /gung mo gnyis ni brtag par bya/ /gzi brjid phung po'i phyag rgya che/ /gzi brjid phung po nyid gsol 
byed/ /de nyid ral gri lta bur sbyar/ /rnam par rgyal ba zhes su grags/ /de nyid rgyal ba zhes bya ba/ /rdo rje ldan pa de bzhin gshegs/ /khu tshur snying po ldan byas pas/ /gtsug tor rnam pa'i 'byung gnas te/ /thub dka' sangs rgyas thams cad kyis/ /steng du 

</font><hr>86-1-26b<br><font size=+1>

'gro ba zhes su bshad/ /rdo rje bsdams pa yongs su sbyar/ /dam tshig kun gyi 'byung gnas te/ /gung mo'i rtse mo mchog tu sbyar/ /mthe'u chung dang ni mthe bong brkyang / /lcags kyu mda' yi sbyor ba yis/ /legs so ba ni sbyar bar bya/ /gung mo rdo rje rin chen rtse/ /
bye ba gzi brjid mchog gi mchog /rgyal mtshan gnas su nges par sbyar/ /bzhad pa'i gnas su sbyar bar bya/ /rdo rje chos kyi phyag rgya che/ /dbu ma pad+ma lta bur bskum/ /ral gri 'dzin pa 'jam pa'i dbyangs/ /'khor lo sbyar ba'i 'khor los sgyur/ /kha ru phye ba'i phyag 
rgya che/ /rdo rje smra ba nyid du 'gyur/ /las kyi rdo rje'i phyag rgya che/ /gar mtshungs rdo rje sna tshogs can/ /chos yongs sdud pa'i sbyor ba yis/ /rdo rje bsrung bar brtag par bya/ /mche ba gnyis ni rnam par gtsigs/ /rdo rje gnod sbyin zhes su bshad/ /khu tshur bcangs 
pa khu tshur gyi/ /rdo rje thal mo snying gar gzhag /rdo rje sgeg mo zhes su grags/ /yongs su sbyar ba spyi bor gzhag /rdo rje phreng ba zhes su brjod/ /thal mo sbyar ba gdong du dgrol/ /rdo rje glu mar rjes su bsgrags/ /'gyed cing 'dud pa'i sbyor ba yis/ /de ni rdo rje gar 
mar bshad/ /pad+ma'i thal mo gdong du dbye/ /spyi bor yongs su sbyar la gzhag /snying gar mthe bo bsnyams pa dang / /rab tu brkyang ba byug pa'o/ /lag pa steng du yongs brkyang ba/ /gzugs kyi phyag rgya nyid du 'gyur/ /lag gnyis rna ba'i lam du gzhag /sgra yi 
phyag rgya nyid du bshad/ /dri ni byug pa'i sbyor ba yis/ /dri yi phyag rgya zhes su brjod/ /gdong du snyim pa phye ba ni/ /ro yi phyag rgya zhes su bsgrags/ /mkha' la myur ba'i sbyor ba yis/ /reg pa reg pa zhes su bshad/ /mthe'u chung gnyis ni yongs su sbyar/ /mdzub mo 
lcags kyu'i sbyor ba las/ /de nyid zhags pa'i dbyibs dang ni/ /lu gu rgyud kyi rnam par brtag /bzhi pa rdo rje dril bu zhes/ /rdo rje 'bebs par rnam par brtag /phyag rgya kun dang nye ba'i rgya/ /blo gros ldan pa rang gis brtag /thal mo yongs su sbyar la bsdam/ /

</font><hr>86-1-27a<br><font size=+1>

mdzub mo gnyis po bskum nas ni/ /rin po che yi rnam par bcing / /kun du bzang po blo ldan gyis/ /de las rtse mo rtse mo bskum/ /sems kyis byams pa bsgoms nas so/ /mdzub mo sbyar la bcug nas ni/ /ral gri'i rnam par brtag pa ste/ /'di ni 
nam mkha'i snying po yi/ /phyag rgyar sangs rgyas kun gyis bsngags/ /de nas ral gri'i mtshon cha yi/ /rnam pa ru ni nyer gnas pa/ /phyag rgya 'di ni rnam 'gog par/ /thams cad kyis ni yongs su brjod/ /gar ni sdud pa'i sbyor ba yis/ /rdo rje thal mo rab tu 
brkyang / /pad+ma'i lta bur rnam par brtag /pad+ma'i lag pa blo ldan gyis/ /de nyid me tog zum tshul dang / /ut+pal rnam par ltar mdzes pa/ /'di ni pad+ma sgrol ba'i rgya/ /pad+ma'i mgon po zhes su grags/ /mche ba gtsigs pa dang ldan pa'i/ /kha dang 'dra bar 
legs par brtag /'di ni rta mgrin phyag rgya ste/ /kha yi phyogs su rab tu brtag /pad+ma'i thal mo dpral ba yi/ /khro gnyer du ni nye bar sbyar/ /rdo rje thal mo 'bebs pa che/ /dpal gyi snying po rin chen ldan/ /yid bzhin nor bu'i rnam pa bzung / /thal mo 
legs par rab tu brkyang / /mi zad blo gros phyag rgya che/ /sangs rgyas kun gyis rab tu brtags/ /gar ni sdud pa'i sbyor ba yis/ /rin chen rdo rje snying gar gzhag /nam mkha' mdzod kyi phyag rgya ste/ /nam mkha'i mdzod nyid ster bar byed/ /rdo rje chen po legs 
par brkyang / /mthe chung mthe bong nges par bcing / /lag pa gnyis ni nges par brtag /blo gros rgya mtsho'i phyag rgyar 'gyur/ /rdo rje thal mo steng du bsgreng / /mdzub mo gnyis po sbyar bar bya/ /'di ni rdo rje snying po'i rgya/ /rdo rje snying pos bka' stsal to/ /khu tshur nang 
du byas nas su/ /mdzub mo gnyis po rtse mo bya/ /'di ni 'jam dpal phyag rgya ste/ /rdo rje ral gri zhes su brtag /de nyid shag ti'i rnam pa ni/ /'jam pa'i dbyangs ni blo ldan gyi'o/ /gshin rje mthar byed mdung rtser 'gyur/ /mdung rtse chen por rab tu brtag//

</font><hr>86-1-27b<br><font size=+1>

mdzub mo bskum par byas nas ni/ /gung mo'i steng du yongs su gzhag /zhags pa'i rnam pa rab ldan pas/ /gshin rje yang ni 'jigs par byed/ /de nyid ral grir byas pa ni/ /skra can ma ru rab tu bshad/ /khu tshur thams cad nges bcings te/ /mdzub mo 
gcig ni bskum par bya/ /'di ni nye ba'i skra can rgyar/ /'jam pa'i dbyangs kyis bka' stsal to/ /rdo rje bsdams pa steng bcings te/ /dbu ma gnyis ni rnam par spang / /mdzub mo rdo rje'i rnam par bya/ /mthe'u chung dang ni mthe bong brkyang / /'di ni rdo rje 'dzin chen 
po'i/ /phyag rgya don kun sgrub byed yin/ /mdzub mo mthe bos bsdams pa ni/ /mA ma kIr ni yongs su bshad/ /mdzub mor lcags sgrog rnam pa las/ /gung mo'i dbu ma rdo rjer bya/ /'di ni rdo rje lcags sgrog rgya/ /rdo rje lta bur yongs su bshad/ /rdo rje chen po rtse 
lnga pa/ /khro bo gzegs mar rnam par bshad/ /mchog gi rtse mo rtse gcig bya/ /rdo rje rtse mo nyid kyir bshad/ /lag na rin chen phyag rgya ni/ /lag gnyis legs par brkyang bar bya/ /sor mo pad+ma'i dbyings su bya/ /skul byed lha mor yongs su bshad/ /thal mo 
yongs su sbyar ba las/ /mdzub mo dang ni mthe bong dag /mig gi tshul du sbyar bar bya/ /sangs rgyas spyan gyi rnam par bshad/ /bkra shis kyi ni skyil krung bca'/ /rnal 'byor rig pas lus bsrang ste/ /lag gnyis lhung bzed 'dzin 'dra ba/ /bsam gtan phyag 
rgyar rab tu bshad/ /'di ni rnam par snang mdzad rgya/ /sangs rgyas kun gyi don mdzad pa'o/ /mi bskyod pa yi sa la reg /rin chen tog gi mchog sbyin bshad/ /bsam gtan phyag rgya 'od dpag med/ /ngo bo nyid kyi don rtogs byed/ /don yod gzigs pa'i phyag rgya 
ni/ /mi 'jigs 'jigs pa med pa sbyin/ /blo ldan rnal 'byor skyil krung gnas/ /sangs rgyas kun gyi rang bzhin bdag /mnyam par bzhag pa phyag rgya kun/ /'ching ba 'am ni 'ching du gzhug /'jig rten pa yi phyag rgya la/ /lag pa gcig ni rab brkyang ste//

</font><hr>86-1-28a<br><font size=+1>

dbang ldan gyi ni rtse gsum pa/ /mthe bos mthe'u chung mnan par bya/ /lha yi dbang po'i rdo rjer 'gyur/ /lag pa g.yas pas brtag par bya/ /me yi \u0f00 yig lag pa dag /mthe bo gung mo nyid la gzhag /gshin rje'i rdo rje dbyug pa ste/ /mdzub 
mo dang ni mthe bong sbyar/ /de nyid khyab 'jug 'khor lo ste/ /'khor lo'i yi ge dgod par bya/ /lag pa gcig gis thod pa ni/ /ma mo rnams kyir yang dag bshad/ /sor mo gnyis bsgreng ral gri ni/ /srin po bdag nyid chen po'i'o/ /mdzub mo mthe bong sbyar 
ba ni/ /chu lha'i zhags pa nyid du bshad/ /mdzub mo dang ni gung mo dag /rgyal mtshan lta bur legs par brkyang / /rlung lha rgyal mtshan phyag rgya ni/ /lag pa gnyis kyis rab tu brtag /dbu ma gcig pu legs brkyang ba/ /dbyug to'i phyag rgyar rab tu bshad/ /
gnod sbyin kun gyi dbang phyug ni/ /lus ngan bdag nyid chen po'o/ /mchod phyir thogs kyi phyag rgya ni/ /tshangs pa yi ru legs par bshad/ /drag po'i gsal shing shes bya ste/ /lha mo'i ba Te sa ru brjod/ /tshogs bdag gi ni sna ru bshad/ /zla ba'i bdud rtsi'i dkyil 
'khor ro/ /nyi ma'i 'od zer stong phrag ni/ /lag pa gnyis kyis bstan par bya/ /'od kyi dkyil 'khor sbyor ba yis/ /dbang po'i rdo rje mtshon cha ltar/ /'di ni lha rnams kun gyi rgya/ /dpa' bo kun gyis rab tu gnang / /dri za rnams kyi phyag rgya ni/ /glu len lta 
bur rab tu bsgrags/ /dga' byed dbang phyug phyag rgya che/ /rdza rnga'i sgra dbyangs rab tu 'bar/ /sangs rgyas thams cad rab mchod phyir/ /lha chen pos ni rab tu brtags/ /ting ting shag 'dzin sbyor ba yis/ /mi'am ci rnams kyir brjod bya/ /pi wang bsgreng 
ba'i sbyor ba yis/ /dbyangs can gyir ni rnam par bshad/ /rtag tu dun du b+hi sgrog pa/ /rig pa 'dzin pa rnams kyir brjod/ /lag gnyis gdengs ka'i tshul byas pa/ /klu rnams kyir ni legs par bshad/ /gar ni sdud pa'i sbyor ba yis/ /'gyed dang 

</font><hr>86-1-28b<br><font size=+1>

'du ba'i de bzhin no/ /lag pa'i zhags pa nges bcings pas/ /de ni phyag rgyar rab tu bshad/ /'di rnams dam tshig phyag rgya ru/ /de bzhin gshegs rnams legs par gsungs/ /las kyi sbyor ba 'bad pa yis/ /'di rnams kyang ni phyag rgyar bshad/ /
phyag rgya dor nas sems kyi ni/ /rin chen yang dang yang du bsam/ /rnam par rtog med gdod nas zhi/ /chos dbyings mnyam zhing mi mnyam pa/ /stong pa mkha' 'drar shes nas su/ /mkhas pa yis ni bsgom par bya/ /'di dag thams cad ma skyes shing / /rmi lam 
lta bur rab tu gnas/ /dri za'i grong khyer lta bur snang / /'tsho ba'i 'jig rten yang dang yang / /mig 'phrul lta bur shin tu ni/ /'gro ba thams cad rab tu gsal/ /mi rtag sdug bsngal stong pa ru/ /srid pa thams cad mdor bsdus pa/ /bdag med pa 
zhes mthong nas ni/ /sangs rgyas kun dang dpa' bo yis/ /sgyu ma smig rgyu brag ca dang / /lbu ba chu yi chu bur dang / /gzugs brnyan lta bur 'jig rten ni/ /de ltar sangs rgyas rnams kyis dgongs/ /thams cad mgal me'i 'khor lo ltar/ /zo chun 
khyud mo ji bzhin du/ /gar gyi gnas kyi tshul 'dra ba/ /zla ba gnyis dang mtshungs par blta/ /rtag tu glog gi phreng ba 'dra/ /sbrang bu'i sgra dang mtshungs par gnas/ /'khor ba shin tu bslang ba ste/ /rgod ma'i kha dang 'dra bar gnas/ /'di ltar shes shing 
rtogs nas ni/ /bsgom pa'i stobs kyis rang nyid kyis/ /sems ni legs bsgrub rnal 'byor pa/ /de la phyag rgya rab tu bshad/ /stong pa mtshan ma med pa dang / /smon pa med pa'i rang bzhin las/ /lus dang ngag dang yid kyis ni/ /dam tshig gsum ni brtags 
pa'o/ /phyag rgya sngags dang lha nyid dang / /de nyid gsum ni rab tu gnas/ /bdag nyid sbyor ba'i rnal 'byor gyis/ /mtshan nyid gcig tu rnam par gnas/ /de 'di dam pa'i phyag rgya ru/ /sangs rgyas rnams kyis bka' stsal to/ /phyag rgya yi ge bral ba ste//

</font><hr>86-1-29a<br><font size=+1>

rnam pa med cing snang ba med/ /dngos po med pa'i chos rnams la/ /dngos po'i de nyid nyid du bshad/ /dngos med dngos po'i rang bzhin yin/ /dngos med nyid kyang dngos po yin/ /dngos dang dngos med rnam par grol/ /rnal 'byor ye shes 
mchog tu bde/ /rtog ge med cing snang ba med/ /'khrul pa med cing yi ge med/ /stong pa nam mkha' mtshungs pa'i sems/ /gang tshe de ltar nyid gyur pa/ /de tshe phyag rgya rnams dang sngags/ /lha nyid du yang rab tu brtag /sngags las phyag rgya ma mthong 
zhing / /phyag rgya las kyang sngags min la/ /rang nyid lha yi rnal 'byor ni/ /gnyis med sngags dang phyag rgyar brtags/ /de bzhin gshegs pa thams cad kyi rdo rje snying po rgyan ces bya ba'i rgyud kyi rgyal po chen po las phyag rgya'i rim par phye ba'o// //de nas bcom ldan 'das de bzhin gshegs pa thams cad slar yang 'dus par gyur te/ de bzhin gshegs pa thams cad kyi 'khor los sgyur ba chen po rdo rje rnal 'byor gyi dbang phyug chen po la gsol ba btab pa/de bzhin gshegs pa thams cad kyi rigs bskyed 
par mdzad du gsol/ de nas bcom ldan 'das shAkya thub pa de dag gis gsol ba btab pa'i tshig nye bar gsan nas 'og min gyi gnas nas byon te/ dga' ldan gyi gnas su bzhugs nas dga' ldan gyi ris kyi lha'i bu rnams la chos bstan nas zas gtsang gi rigs 
la mngon par gzigs te/ mngon par byung bar mdzad nas byang chub kyi snying po dag la nye bar mnan nas nye bar 'khod de/ bdud bzhi las rnam par rgyal bar bstan nas byang chub kyi snying po la bzhugs par gyur te/ bzhugs nas kyang kun nas 'phro ba'i ting nge 'dzin 
sngon du 'gro ba'i ting nge 'dzin bye ba brgya stong phrag brgyad cu rtsa bzhi la snyoms par zhugs te/ snyoms par zhugs nas kyang de bzhin gshegs pa thams cad kyi rdo rje se gol gyi sgras de bzhin gshegs pa thams cad spyan 'dren cing gsang sngags 'di gsungs so//

</font><hr>86-1-29b<br><font size=+1>

o~M sar+b+ba ta thA ga ta badzra sa mA dzaHA kar+Sha ya sar+b+ba ta thA ga tA na hUM/ de nas de bzhin gshegs pa thams cad 'khor dang bcas pa'i dkyil 'khor chen po rnams legs par byon te/ chos kyi dbyings su spros nas phyogs bcu mu med pa'i 'jig rten gyi khams thams cad rab 'byam 
rgya mtsho'i sprin rnams khyab ste/ nam mkha'i khams na gnas pa thams cad til gyi gang bu ltar 'dzam bu'i gling du 'khod par gyur to/ /de nas bcom ldan 'das rdo rje rnal 'byor gyi dbang phyug gis bkug cing bcug ste/  bcings nas dbang du mdzad de/ de nyid kyi 
thugs kar rab tu gzhag par gyur to/ /de nas bcom ldan 'das rdo rje rnal 'byor gyi dbang phyug chen pos gnyis su med pa'i sbyor bas byin gyis brlabs te/ sngags 'dis rang gi sems so sor rtogs pa mdzad do/ /o~M tsit+ta pra ti be d+haM ka ro mi/ de'i rjes thogs 
nyid la sangs rgyas thams cad kyis bcom ldan 'das rnam par snang mdzad kyi thugs kar longs spyod rdzogs pa dang / sprul pa'i sku las chos kyi sku rang bzhin gyis 'od gsal ba sems rin po che nges par byung ste/ spros par mdzad do/ /de nyid sems 'od 
gsal ba/ thugs rje chen pos khyab pa/ de bzhin gshegs pa thams cad mnyam pa nyid kyi mtshan nyid/ gzung ba dang 'dzin pa'i rnyog pa spangs pa nam mkha' ltar gdod nas zhi ba/ de las thugs rje chen po la mngon par phyogs par byas nas sems can gyi khams 
thams cad la rnam par gzigs te/ mi shes pas rga ba dang / 'chi bas rnam par khyab pa'i 'jig rten la gzigs nas slar yang sngags 'dis byang chub kyi sems bskyed pa nye bar bstan pa/ oM bo d+hi tsi t+ta ut+pA da yA mi/ byang chub kyi sems bskyed pa'i rjes thogs 
nyid la de bzhin gshegs pa thams cad kyi thugs kar sems 'od gsal ba de yongs su rdzogs pa'i zla ba'i dkyil 'khor ltar byin gyis brlabs te/ de bzhin gshegs pa thams cad kyi thugs kar rnam par gzhag go/ /legs par rnam par dag pa'i nam 

</font><hr>86-1-30a<br><font size=+1>

mkha' ltar dri ma med pa/ spros pa thams cad spangs pa me long lta bur brtan par byas nas gnas te/ byang chub kyi sems chen po la sngags 'di brjod do/ /o~M dz+nyA na rasmi bi sr-i dza hU~M/ de ni rjes thogs nyid la 'od zer rnam pa sna tshogs pa zla ba'i dkyil 
'khor las rnam par phyung ngo / /de phyung nas kyang chos kyi dbyings kyi pho brang du zhugs te/ shes bya'i dkyil 'khor thams cad gsal bar byas nas/ sems can thams cad kyi sems kyi ri bo'i rtse bsnyil te rab tu rtogs par byas nas gcig tu 'dres te/ rdo rje'i sku chen 
po rnams bcom ldan 'das kyi thugs kar rjes su zhugs nas zla ba'i dkyil 'khor gyi dbus su rab tu gnas so/ /de nas bcom ldan 'das rdo rje rnal 'byor gyi dbang phyug chen pos sngags 'dis byin gyis brlabs so/ /o~M tiSh+Tha badzra slar yang sngags 'dis spros pa/ o~M 
s+pha ra badzra slar yang sngags 'dis bsdus so/ /o~M sang ha ra badzra/ de nas de bzhin gshegs pa thams cad kyis ye shes rdo rje'i snying po 'di ched du brjod pa/ o~M dz+nyA na badzra/ de nas bcom ldan 'das rdo rje rnal 'byor gyi dbang phyug chen pos sngags 'dis byin 
gyis brlabs pa/ o~M sar+b+ba ta thA ga ta dz+nyA na badzra hU~M/ de nas de bzhin gshegs pa thams cad kyi sku dang / gsung dang thugs mnyam pa nyid brnyes pas sngags 'dis byin gyis brlabs pa/ o~M badzra At+ma ko\u0f85haM/ de nas de bzhin gshegs pa thams cad brtan pa nyid 
du nye bar gyur to/ /de nas bcom ldan 'das rnam par snang mdzad kyis de bzhin gshegs pa thams cad kyi sku dang gsung dang / thugs gzigs nas sngags 'dis byin gyis brlab par mdzad do/ /o~M ya thA sar+b+ba ta thA ga ta sta thA a haM/ de nas bcom ldan 'das de 
bzhin gshegs pa thams cad kyi sku sems can thams cad kyi don mdzad pa'i rgyu sangs rgyas thams cad kyi sku bdag nyid sems can gyi khams thams cad du nges par bstan to/ /de nas brgya byin dang / tshangs pa dang / 'jig rten skyong ba rnams kyis mthong nas 

</font><hr>86-1-30b<br><font size=+1>

lha dang mi rnams kyis mngon par byang chub pas bcom ldan 'das mngon par byang chub pa zhes sgra bsgrags so/ /de nas tshangs pas gsol ba btab ste/ chos kyi 'khor lo rab tu bskor nas de dang des 'dul ba'i skye bo btul te gang gis slar ldog pa med pa nyid du gyur 
to/ /'di rnams ni sangs rgyas kyi byang chub bsgom pa'i rim pa'o/ /de nas bcom ldan 'das rnam par snang mdzad ting nge 'dzin de las bzhengs nas sangs rgyas kyi byang chub bstan te sems can thams cad kyi don mdzad pa nye bar bsgrubs nas de'i thugs ka las rdo rje phyung ste/ 
nyid kyi phyag tu gzhag par gyur te/ de nas 'od zer rnam par phyung ste/ 'jig rten gyi khams thams cad snang bar mdzad nas slar log ste/ bcom ldan 'das kyi thugs kar zhugs nas byang chub sems dpa' chen po kun du bzang po'i skur byin gyis brlabs te mtshan nyid 
thams cad yongs su rdzogs par rgyan thams cad kyis brgyan pa/ dar dang phreng bas dbang bskur ba/ zla ba'i kha dog lta bu'i 'od zer can du byin gyis brlabs te rnam par gnas so/ /de nas thugs ka nas phyung ba'i zla ba'i dkyil 'khor la brten te/ de 
bzhin gshegs pa thams cad kyi spyan snga dang / rgyab dang drung du rdo rje sems dpa' dang / rdo rje chos dang / rdo rje rin chen dang / rdo rje las la sogs pa byang chub sems dpa' chen po'i phreng bar rnam par gnas so/ /de bzhin du sgeg mo la sogs pa rnams 
dang bdug pa la sogs pa'i lha khyad par du nges par bskyed cing gzugs la sogs pa rnams dang lcags kyu la sogs pa'i lha rnams bskyed de 'di dag gi dkyil 'khor bka' stsal pa/ de nas yang dag bshad bya ba/ /dkyil 'khor chen po mchog gyur pa/ /
sangs rgyas dpa' bo thams cad kyis/ /rdo rje snying po zhes su gsungs/ /gru bzhi pa la sgo bzhi pa/ /dar dang me tog phreng bas brgyan/ /sgo khyud dang ni kha khyer dang / /rta babs kyis ni so sor spras/ /de yi dbus su khri chen po/ /kun nas yongs su gru bzhi 

</font><hr>86-1-31a<br><font size=+1>

pa/ /de yi steng du pad chen po/ /ge sar ldan zhing rab mdzes pa/ /de yi lte ba'i dbus su ni/ /sangs rgyas sku gzugs dgod par bya/ /sangs rgyas kyi ni drung kun du/ /sangs rgyas thams cad dgod par bya/ /sangs rgyas kun gyi nye 
'khor du/ /'khor los sgyur ba la sogs bri/ /phyi yi gnas ni thams cad du/ /sangs rgyas sras po rnam par dgod/ /kha dog ser po gzi brjid che/ /dbang chen dkyil 'khor rab 'bar ba/ /thams cad rnam pa sna tshogs rgyan/ /brgyan pa 
de dag dgod par bya/ /rdo rje snying po rgyan gyi rgyud chen po las dbang chen gyi dkyil 'khor gyi cho ga'o// //de nas bcom ldan 'das rnam par snang mdzad kyis slar yang chu'i lha'i dkyil 'khor chen po bka' stsal pa/ de nas yang dag bshad bya ba/ /
dkyil 'khor chen po mchog gyur pa/ /chos kyi 'khor lo 'dra bas na/ /chos kyi 'khor lo zhes su brjod/ /de yi phyi rol gnyis pa la/ /zlum po ru ni rtogs par bya/ /ri mo mang po sna tshogs pas/ /sgo dang sgo khyud brtag par bya/ /rta babs 
rnam pa sna tshogs pa/ /dar dang me tog phreng bas brgyan/ /de yi dbus su pad chen po/ /ge sar ldan zhing rab mdzes pa/ /'dab ma brgyad kyi ka ba'i mdun/ /dkyil 'khor brgyan kyis brgyan pa'o/ /dkyil 'khor de yi dbus su ni/ /rgyal ba thams 
cad dkar por mchog /kha ba ba zho ltar dkar gsal/ /shel dang zla ba lta bu'i 'od/ /kun+da zla ba ltar dkar brtan/ /zla ba'i dkyil 'khor dbus son par/ /de yi nye 'khor thams cad du/ /sangs rgyas sras po rnam par dgod/ /thams cad zla ba ltar 
dkar zhing / /zla ba'i dkyil 'khor la gnas pa/ /mtshon cha sna tshogs zla ba 'dra/ /zla ba 'bar mtshungs mnyam med pa/ /chu yi ming zhes bya ba yi/ /rdo rje snying po rgyan gyi rgyud chen po las chu lha'i dkyil 'khor gyi cho ga'o// //de nas bcom ldan 

</font><hr>86-1-31b<br><font size=+1>

'das rdo rje rnal 'byor gyi dbang phyug chen pos me lha zhes bya ba'i dkyil 'khor chen po bka' stsal pa/ de nas yang dag bshad bya ba/ /dkyil 'khor chen po mchog gyur pa/ /rdo rje ye shes gzi brjid mtshungs/ /rdo rje gzi brjid ces su brjod/ /gru gsum 
rnam pa nyid du bya/ /sum mdo ris kyi rnam pa mtshungs/ /'bar ba'i phreng 'khrugs 'jigs pa'o/ /kha dog dmar po stobs po che/ /'jig pa'i dus kyi me 'dra ba/ /rtag tu pad+ma rA ga mtshungs/ /de yi dbus su gzi brjid che/ /nyi ma'i kha dog stobs po 
che/ /rdo rje rtse gsum sna tshogs pa/ /sum mdo'i snying gar gzhag par bya/ /bal po se'u'i me tog mtshungs/ /ya ba'i me tog dag dang 'dra/ /pad+ma pad+ma rA ga mtshungs/ /sangs rgyas dpa' bo yang dag par/ /bzang po mtshal dang mtshungs 'dra ba/ /rgya 
skyegs bcud dang 'dra bar gnas/ /de yi nye 'khor thams cad du/ /de bzhin sangs rgyas sangs rgyas sras/ /khro bo dang ni mngag pa dag /mkhas pa yis ni dgod par bya/ /de dag thams cad kha dog dmar/ /gzi brjid khams la 'od ldan pa/ /'od zer 
dmar po rab 'phro ba/ /nyi ma'i dkyil 'khor dbus son par/ /thams cad dmar po'i mtshon cha can/ /dmar po'i rgyan gyis rnam par brgyan/ /dmar po'i gos kyis bkab pa'i lus/ /phreng ba dmar po mchog 'dzin pa/ /'di ni gzi brjid gter zhes bya/ /
dkyil 'khor mchog tu 'bar ba'o/ /rdo rje snying po rgyan gyi rgyud chen po las me lha zhes bya ba'i dkyil 'khor chen po rdzogs s+ho// //de nas bcom ldan 'das rnam par snang mdzad chen pos slar yang rlung lha'i dkyil 'khor bka' stsal pa/ de nas yang 
dag bshad bya ba/ /dkyil 'khor chen po mchog gyur pa/ /rlung gi khams dang 'dra bas na/ /rlung gi dkyil 'khor zhes su bshad/ /zla ba phyed pa'i rnam pa 'dra/ /dbyar gyi sprin gyi 'od dang mtshungs/ /a ta sI yi me tog 'dra/ /in dra nI la'i 'od dang 

</font><hr>86-1-32a<br><font size=+1>

mtshungs/ /de yi dbus su pad chen po/ /bai DUr+ya yi 'od dang 'dra/ /shin tu gnag pa'i mig sman mtshungs/ /sngon dmar gyi ni rnam par gnas/ /de yi lte ba'i dbus su ni/ /sangs rgyas dpa' bo rab 'bar ba/ /rgyal po 'khyil pa 'bar ba'i 
gzi/ /mtshan mo nag mo lta bur gnas/ /ut+pal sngon po 'dab ma'i tshul/ /stong pa nam mkha' lta bur gnas/ /de yi nye 'khor thams cad du/ /rgyal dang rgyal ba'i sras rnams bri/ /khro bo rnams dang mngag pa dang / /de bzhin pho nya pho nya mo/ /thams 
cad sna tshogs rgyan gyis brgyan/ /de bzhin nag po'i gos gyon pa/ /kha dog nag po thams cad du/ /ba dan rnam pa sna tshogs bsnams/ /gdugs ni rnam pa du ma'i dbyibs/ /kha dog sna tshogs legs 'bar ba/ /bla re rgyas pa mnyam pa ni/ /kha dog nag 
po sna tshogs pa/ /dngos po kun gyi rang bzhin gyis/ /mdor bsdus nas ni bsgom par bya/ /dkyil 'khor chen po 'di lta bu/ /sangs rgyas kun gyis rjes skyob pa/ /bris nas shes rab can gyis bsgom/ /gal te dngos grub rang 'dod na'o/ /rdo rje snying po rgyan gyi 
rgyud chen po las rlung lha'i dkyil 'khor gyi cho ga'o// //de nas bcom ldan 'das rnams de bzhin gshegs pa thams cad kyis slar yang bsdu bas byon pa'i ting nge 'dzin la snyoms par zhugs te/ bcom ldan 'das rdo rje rnal 'byor gyi dbang phyug chen po la gsol ba 
btab pa/ bcom ldan 'das de bzhin gshegs pa thams cad kyi de kho na nyid kyi sgrub pa'i thabs bskyed du gsol/ de nas bcom ldan 'das rdo rje rnal 'byor gyi dbang phyug chen po de rnams kyis gsol ba btab pa'i tshig nye bar gsan nas/ sgrub pa'i thabs kyi cho ga mchog 
tu gsang ba chen po bka' stsal pa/ sgeg mo sogs pas mchod pa kun/ /yang dag mdor bsdus byas nas ni/ /sangs rgyas kun gyi sku chen por/ /bdag gis rtag tu bsgom par bya/ /sngags kyi yi ge yang dag ldan/ /'dod pa ster ba'i sku ru bya/ /sgra dang 

</font><hr>86-1-32b<br><font size=+1>

gzugs dang de bzhin sbyor/ /yi ge'i phreng ba de bzhin te/ /zla ba'i dkyil 'khor dbus gnas par/ /sngags pas thams cad rnam par bsam/ /hU~M| sngags pas snying gar son pa bsgom/ /gsang sngags dge ba brjod nas su/ /de bzhin gshegs pa'i 
rigs dag pa/ /dung gi sgra ru rab tu brjod/ /dril bu'i sgra ni rab gsal ba/ /pad mo rnal 'byor dbang phyug go/ /dus min sprin gyi hU~M gi sgra/ /tsa Ta tsa Ta'i sgra 'phro ba/ /rdo rje rin chen dbang phyug gi/ /sgra ru de bzhin gshegs rnams gsung / /nor bu las kyi rigs 
kyi yang / /rnga chen sgra ru rab tu bshad/ /pi wang gling bu de bzhin glu/ /gar gyi rgyan gyi sgra dang ni/ /rdza rnga'i ngar sgra hU~M gi sgra/ /spyi yi nyid du rab tu bshad/ /rtog pa kun la rnam par sbyar/ /sgrub pa'i thabs kyi las rnams dang / /de nas gzugs kyi bzlas 
pa mchog /go rims ji bzhin rab tu bshad/ /dgug dang gzhug dang bcing ba dang / /lha rnams dbang du bya ba ste/ /de la rang gi tshul rab sbyar/ /sngags dang phyag rgya rab tu sbyar/ /de rjes rnam pa kun gyi mchog /rtag tu lus chen bsam bya 
bsam/ /lha yi sku gzugs bsgom par bya/ /lag pa'i phyag rgya rab nges pa'i/ /phyag rgya'ang snying gar son zhes bya/ /rang gi rigs rim cho ga yis/ /de yi lus ni 'od gsal zhing / /sgron ma'i 'od ltar gsal ba'i khyim/ /de ltar kun nas thams 
cad du/ /kun nas ba spu'i rtse dag nas/ /'od zer 'bar ba'i phreng dge bas/ /gzugs kyi bzlas pa zhes su bshad/ de nas sbyor ba'i bzlas pa ni/ /gsang sngags sgrub pos brtsam par bya/ /mchod dang byin brlabs dbang bskur mchog /spro la sogs 
rim thams cad du/ /sbyor ba'i bzlas pa gtso bo 'di/ /'bad pa yis ni rab tu bshad/ /snying ga mgrin pa mchu lce min/ /rkan dang spyi bo nyid ma yin/ /nang min phyi dang gnyis par min/ /chos ni 'ba' zhig kho na la/ /bzlas pa'i sgra yang 'byung ma yin//

</font><hr>86-1-33a<br><font size=+1>

'di ni bcom ldan rnal 'byor che/ /shes rab pha rol phyin gsal ba/ /bsgom pa'i bsngags pa de nyid ni/ /rnal 'byor pa yi gnas su bshad/ /de nas steng du mdor bsdus te/ /snying ga'i dkyil 'khor rab zlum pa/ /zla ba gang ba ltar 
bsam bya/ /dri ma med cing legs par gnas/ /de la yi ge rnam par dgod/ /tshig gi phreng ba ma chad pa/ /mu tig phreng ba ltar brgyus pa/ /char sprin gyi ni me 'dra'i 'od/ /de tshe thams cad gsal bar byed/ /lha yi lus ni snang byed cing / /ji lta ji 
ltar yi ge'i phreng / /mchog gi lus la rab 'jug pa/ /de lta de ltar sngags kyi lus/ /lha yi bdag nyid nyid du 'gyur/ /mthu stobs lha dbang thams cad ni/ /tshangs pa khyab 'jug las cher lhag /bzlas pa de nyid mchog 'di ni/ /sangs rgyas 
kun gyis bsngags pa'o/ /ji ltar sems ni bsgom pa yis/ /de ltar dngos grub mchog tu 'gyur/ /rdo rje snying po rgyan gyi rgyud chen po las bzlas pa'i de kho na nyid kyi le'u'o// //de nas bcom ldan 'das rdo rje rnal 'byor gyi dbang phyug chen pos de 
bzhin gshegs pa thams cad kyi bstod pa rin po che bka' stsal pa/ mnyam med mi g.yo mnyam med mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad/ /yon tan mtha' yas dngos grub thams cad sbyin mdzad pa/ /dri med 
mi g.yo mnyam med dam pa'i mchog chos can/ /yon tan shin tu phra ba'i cha la'ang tshad med de/ /dpe ni nam mkha' dang yang bsgrun du yod ma yin/ /dngos grub mtha' yas mnyam med dpe dang bral ba rnams/ /sems can khams la dngos grub mchog rnams 
nges par stsol/ /rtag tu dri ma med pa thugs rje'i shugs las byung / /smon lam grub pa 'gog pa med pa'i chos nyid can/ /'gro ba'i don sgrub rab tu brtson pa mtha' yas pa/ /thugs rje chen po'i bdag nyid rtag tu rnam par snang / /tshad med tshad dang 

</font><hr>86-1-33b<br><font size=+1>

bral ba shin tu rdzogs pa yi/ /bde bar gshegs pa'i go 'phang dam pa brnyes gyur kyang / /khams gsum rnams la dngos grub mchog stsol mdzad pa yi/ /thugs rje'i spyod pa mi g.yo 'gag par yong mi 'gyur/ /e ma'o shin tu bzang po'i chos nyid 
mchog dang ldan/ /mchog sbyin rnams kyi nang na go 'phang mchog brnyes pa/ /khams gsum kun la rtag tu dngos grub mchog stsol mdzad/ /mgon po dus gsum sgrib pa med pa rab mkhyen pas/ /dam tshig mchog gsum dngos grub dam pa bdag la stsol/ /
'di de sangs rgyas thams cad kyi/ /yang dag yon tan rgyas pa ste/ /lan cig tsam zhig brjod pas kyang / /gsang sngags thams cad 'grub par 'gyur/ /bstod pa'i rgyal po 'di yis ni/ /de bzhin gshegs de kun bstod na/ /rab yangs dngos grub stsol 
'gyur te/ /bskal par gnas shing bsgal bar bskul/ /lus ni g.yo ba med pa ru/ /bdag nyid brtan par byas pa yis/ /mgon po chen po rnam snang mdzad/ /mi bskyod rin chen 'byung gnas dang / /rgyal ba dag pa 'od dpag med/ /don grub rgyal 
po thams cad du/ /dngul chu bcud len de nyid dang / /mchog kyang rab tu stsol bar byed/ /dngos grub yid 'ong ma lus pa/ /rgyas pa'i don dang phun sum tshogs/ /re ba thams cad yongs rdzogs pa/ /yid la 'dod pa ster bar byed/ /ye shes tshe dang stobs 
dang shugs/ /mchog tu dge ba stsol bar mdzad/ /de bzhin gshegs pa thams cad kyi bstod pa'i rgyal po zhes bya ba rdzogs s+ho// //de nas bcom ldan 'das rdo rje rnal 'byor gyi dbang phyug chen pos de bzhin gshegs pa thams cad kyi dngos grub kyi cho ga rgyas 
pa bka' stsal pa/ tshes grangs med cing rgyu skar med/ smyung bar gnas pa'i cho ga med/ ji ltar bshad pa cho gas bslab pa'i gnas nye bar gnas bzung ste gang yang rung ba'i yid dga' bar ji ltar rung ba'i dkyil 'khor byas te/ me tog sil ma bkram la 

</font><hr>86-1-34a<br><font size=+1>

bdug spos kyis bdugs te/ de bzhin gshegs pa thams cad la ji ltar nus pa'i me tog la sogs pa'i mchod pa rnams kyis mchod par byas te/sngags 'dis yid kyis kyang sdig pa bshags te/ oM sar+b+ba pA pA ta kA yi ka bA tsi ka ma na sod 
b+hU tAn rA ga dwe Sha mo ha ma da mA na d+hiSh+The na yang kr-i rta~M tan tre kA li kaM hU~M hU~M hU~M phaT phaT phaT sar+b+ba pA pAM s+pho Ta yA mi swA hA/  oM sar+b+ba pA bAM pra ti de sha yA mi swA hA/ de'i rjes thogs la bdag nyid kyi dngos po dbul bar bya ste/ oM sar+b+ba ta thA ga tA nAn At+ma b+hA ba ni ra yA ta yA mi/ sar+b+ba 
ta thA ga taHpra ti gr-ih+NaM tu mAM swA hA/ de nas de bzhin gshegs pa thams cad kyi bsod nams la rjes su yi rang ba ni/ oM sar+b+ba ta thA ga ta pu N+ya dz+nyA na sa~M b+hA rAn a nu mo da yA mi swA hA/ yang dang yang du byang chub kyi sems bskyed pa rang bzhin gyis grub pa'i sngags kyis bya ste/ 
oM sar+b+ba ta thA ga ta sa man+ta b+ha dra ma hA badzra sa ma ya~M ma hA bo d+hi tsit+ta ut+pA da yA mi swA hA/ de nas byang chub kyi sems bskyed pa'i rjes thogs la zla ba'i kha dog can zla ba'i dkyil 'khor la bzhugs pa'i bsod nams dang ye shes kyi tshogs yongs su rdzogs pa sa bcu'i dbang phyug nor 
bu rin po che chen po'i pad ma'i snying po seng ge'i khri'i steng du bdag nyid bsam par bya'o/ /oM bud d+ho ha~M/ sngags 'dis bdag yongs su dag par byas te/ oM swa b+hA ba shud+d+hAHsar+b+ba ta thA ga tAHswa b+hA ba shud+d+ho\u0f85ha~M/ sngags 'dis bdag nyid chos kyi dbyings yangs pa 'od gsal 
ba'i snang bar shin tu gnas par bya ste/[ \u0f00] d+har+m+ma d+hA tu swa b+hA ba At+ma ko\u0f85ha~M/ de nas skyes bu chen po'i mtshan sum cu rtsa gnyis kyis brgyan par bdag nyid byin gyis brlabs te/ 'jig rten thams cad las shin tu 'das pa'i de bzhin gshegs pa thams cad kyi chos kyi skur 
bdag nyid sngags 'dis gnas par bya ste/ oM pra b+he shwa ro ha~M/ de bzhin du rim pa 'dis chos kyi dbyings rgya chen por spros nas bdag nyid sangs rgyas nyid do/ /zhes nga rgyal bskyed la bdag skye dgu ma lus pa'i dpung gnyen du byas la/ chos kyi dbyings yangs pa 'od gsal 

</font><hr>86-1-34b<br><font size=+1>

bar lhag par gnas par bya ste/ nye bar rgyas par thun mtshams bzhir bzlas pa brtsam par bya ste/ thun mtshams gsum du dus ji lta bar yi ge la rjes su gzhol ba'i yid kyis 'bum phrag nyi shu bzlas par bya zhing nyi ma re rer stong phrag brgyad dam stong phrag re bzlas te ji 
srid mtshan ma thob pa de srid du'o/ /tsan+dan dang ga pur dang / gur kum la sogs pa rnams kyis dkyil 'khor byas te/ nye bar mkho ba thams cad kyis mchod pa byas nas cho 'phrul gyi zla ba'am sa ga'i nya gang ba la mar gyi mar me stong phrag brgyad sbar la rdo rje skyil krung 
gis gnas te sna ma'i me tog gam me tog pad+mas de bzhin gshegs pa thams cad dang / mchod rten la mchod de ji srid 'brug gi sgra sgrogs pa ma thos pa de srid du bzlas par bya'o/ /de nas de bzhin gshegs pa'i sku bdag la gsal bar 'gyur bar shes par bya'o/ /
de nas sreg blugs 'bum phrag gcig dgang bar byas pas mtshan ma thams cad gsal bar 'gyur ro/ /bye ba phrag bzhi bzlas pas dbang phyug chen po la sogs pa'i sems can thams cad dbang du 'gyur ro/ /de nas sgrub pa chen po byed par 'dod pas de bzhin 
gshegs pa'i mtho gang ba'i tshad kyis de bzhin gshegs pa'i mchod rten byas la mchod rten re re'i mdun du stong phrag re re bzlas pa'am/ yang na dri'i mchod rten gyi drung du 'bum lhag pa'i bye ba phrag bdun bzlas so/ /bde bar gshegs pa'i mtho gang pa'i tshad kyi mchod 
rten nyi ma re re la re re ji srid bye ba phrag bdun bzlas pa rdzogs pa de srid du bya'o/ /tha ma yang mchod rten 'bar ba'i 'od des sgrub pa'i lus la zhugs pas brgya byin dang / tshangs pa dang / 'jig rten skyong ba la sogs nas ji srid dag pa'i gnas kyi dbang phyug chen po la 
sogs pa'i lha rnams me tog gi char 'bebs par 'ong bar 'gyur ro/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci la sogs pa 'ongs nas kyang stod par byed cing ji srid a bI tsi mnar med pa'i bar gyi 

</font><hr>86-1-35a<br><font size=+1>

sems can dmyal ba thams cad bsil bar 'gyur ro/ /yi dgas rnams kyang yi dgas kyi sdug bsngal las rnam par grol bar 'gyur ro/ /sdug bsngal ba rnams kyis sems can rnams la gdung bar mi 'gyur ro/ /de nas de bzhin gshegs 
pa thams cad kyis mngon par gzigs par 'gyur ro/ /de'i rjes la lus dang ba gser gyi mdog lta bu dang / lo brgyad gnyis kyi rnam pa can dang / ting nge 'dzin dang / ye shes thob pa dang / kha dog dang / tshe dang / stobs dang / shugs dang / dbang phyug 
la sogs pa'i yon tan dang ldan pa dang / 'jig rten gyi khams su rgyu ba dang / 'khor los sgyur ba ltar che ba dang / sangs rgyas thams cad kyis mngon par bstod cing steng du 'gro ba dang / rig pa 'dzin pa'i rgyal por 'gyur ba dang / stong gsum gyi stong chen po'i 
'jig rten gyi khams kyi rig pa 'dzin pa'i rgyal po rig pa 'dzin pa bye ba phrag brgya stong du mas yongs su bskor ba dang / lha'i bu mo bye ba phrag du mas yongs su bskor ba dang / phyogs bcu mtha' yas pa'i 'jig rten gyi khams su rdzu 'phrul gyis 'gro ba dang / de bzhin 
gshegs pa thams cad la mchod pa chen po'i sprin gyis legs par mchod cing grub pa thams cad 'od kyis ltung bar 'gyur ro/ /brgya byin dang / tshangs pa dang / 'jig rten skyong ba'i stan phyed ster bar 'gyur ro/ /gzi brjid dang gzugs dang dpa' bas rig pa 'dzin 
pa thams cad zil gyis gnon par 'gyur ro/ /byang chub sems dpa'i sa yang so sor thob par 'gyur ro/ /sems can thams cad 'dul ba la mkhas par 'gyur ro/ /phyi ma'i mthar tshe byin gyis brlabs te/ sangs rgyas thams cad bskyed pa mthong bar 'gyur 
ro/ /byang chub sems dpa' thams cad kyi bya ba nges par ston par 'gyur ro/ /mchod pa'i sprin thams cad 'byung bar 'gyur ro/ /byang chub sems dpa' chen po kun tu bzang po dang / byams pa dang / 'jam dpal dang mtshungs par 'gyur ro/ /de bzhin 

</font><hr>86-1-35b<br><font size=+1>

gshegs pa thams cad kyi sku'i sgrub pa'i thabs zhes bya ba ste dang po'o// //sgrub pa'i thabs gnyis pa ni de bzhin gshegs pa thams cad mchod par bya ste/ gi wang ngam ldong ros pad+ma'i snod du gzhag la ji srid dngos grub rnam pa gsum byung ba de srid du 
bzlas par bya'o/ /sems can thams cad dbang du 'gyur ba dang / mi snang ba dang / rig pa thams cad 'dzin par 'gyur ba nyid do/ /rig pa 'dzin par gyur nas nyi ma stong shar ba'i kha dog dang / lo brgyad gnyis kyi rnam par skra li zhing 'khyil ba dang / gdu bu 
dang ldan zhing lha'i bu mo bye ba phrag du mas yongs su bskor cing rig pa 'dzin pa'i grub pa thams cad kyis yongs su bskor ba dang / bskal pa chen po'i mthar gnas pa dang / rig pa 'dzin pa thams cad kyi dbang phyug tu 'gyur ro/ /rim pa 'dis rtse gsum bsgrubs 
na dbang phyug chen por 'gyur ro/ /mchod phyir thogs bsgrubs na tshangs par 'gyur ro/ /'khor los khyab 'jug tu 'gyur ro/ /grog mkhar gyi rtse mo'i sa bzung ste sa srungs kyi bu byas la de la zhon te bzlas na dbang por 'gyur ro/ /nyi ma'i dkyil 'khor byas 
te de'i steng du bsdad na nyi ma dang mtshungs par 'gyur ro/ /zla ba'i dkyil 'khor gyi zla ba'i ste 'di nyid kyis lha'i bye brag gang gi mtshan ma bzung ste/ des de'i longs spyod la spyod par 'gyur ro/ /de bzhin du rim pa 'dis dngul chu'am bcud len gang bsgrubs pa de 
'grub par 'gyur ro/ /gal te ma grub na de'i tshe sgrub pa lan bdun bya'o/ /bdun byas pas ci nas kyang 'grub par 'gyur ro/ /zhes de bzhin gshegs pa thams cad kyi 'khor los sgyur bas bka' stsal pa/ 'bum phrag gsum bzlas pas ri lhun po'i tshad 
tsam gyi ri bo yang hUM zhes brjod pas ltung ba dang / rgya mtsho skems pa dang / ljon pa drungs nas 'byin pa dang / bum pa nam mkha' la 'phen pa dang / glang po che rengs par byed pa dang / pha rol gyi sde mngon par 'joms par byed pa dang / bar snang na gnas pa 

</font><hr>86-1-36a<br><font size=+1>

thams cad ltung bar byed do/ /sems can thams cad 'bebs par byed do/ /sgrub pa po las gang dang gang sgrub par 'dod pa de dang de thams cad byed do/ /yang zla ba gcig tsam mi smra bar de bzhin gshegs pa thams cad kyi skur bdag nyid bsgoms 
na sangs rgyas thams cad mthong bar 'gyur ro/ /sgyu 'phrul dra ba thams cad ston par 'gyur ro/ /nam mkha' la gnas shing 'chag par byed do/ /me 'bar ba dang / glog 'gyu ba la sogs pa ston par byed do/ /gcig tu gyur nas mang por 'gyur ro/ /'jig 
rten gyi khams stong phrag kyang g.yo bar byed do/ /sgrub pa pos bye ba bdun bzlas nas 'di dag thams cad bsgrub par bya'o/ /rim pa 'dis lhung bzed dang / chos gos dang / snam sbyar dang / 'khar gsil las gang yang rung ba bzung nas ji srid rig pa 'dzin par 
gyur pa de srid du bzlas par bya'o/ /sangs rgyas kyi zhing thams cad du 'gro ba dang / sprul pa du ma byed pa dang / 'dod na 'chi ba dang / skad cig tsam gyis 'jig rten gyi khams thams cad du 'gro zhing de bzhin gshegs pa thams cad kyis nye bar gnas par byed do/ /
sangs rgyas kyi gzugs kyis sangs rgyas kyi bya ba thams cad kyang byed do/ /sgrub pa'i thabs gzhan yang bde bar gshegs pa'i mtho'i tshad kyi mchod rten 'bum phrag gcig byas te rma med pa'i ral gri blangs la/ cho 'phrul gyi zla ba phyed la nye bar spyod pa thams cad kyis mchod 
de brgyad pa'am bcu bzhi pa'am nya gang ba la skyil krung bcas te ji srid du ral gri 'bar ba de srid du bzla bar bya'o/ /de'i rjes thogs nyid la rnga bo che rnams kyi sgra grag go/ /steng nas me tog gi char 'bab par 'gyur ro/ /lhan cig pa ji snyed pa dang bcas pa steng du 
'gro'o/ /rig pa 'dzin pa thams cad kyis mchod par 'gyur ro/ /rig pa 'dzin pa'i rgyal po chen por 'gyur ro/ /ral gri'i rig pa 'dzin pa chen po'i 'khor los sgyur ba rnam pa sna tshogs pa'i cha lugs dang rgyan 'chang ba 'dod dgu rgyu ba dang / skad cig tsam gyis 

</font><hr>86-1-36b<br><font size=+1>

'jig rten gyi khams thams cad du rnam par spyod pa dang / rga shi med pa dang / nyi ma re re zhing sangs rgyas kyi bdag nyid che ba mthong ba dang / mchod pa'i sprin thams cad kyis sangs rgyas kyi zhing thams cad du mchod pa'i char 'bebs pa dang / bskal pa chen po stong 
phrag tu 'tsho bar 'gyur ro/ /de nas sgrub pa'i thabs gzhan yang 'khor lo'am pa Ti sa blangs te 'bum phrag nyi shu bzlas pa yongs su rdzogs pa dang dpal gyi sgor song ste/ nim pa'i lo ma tsha ba'i mar khu la btags pa 'bum phrag gcig sreg blugs bya'o/ /
lha ma yin gyi 'khrul 'khor thams cad 'byed par 'gyur ro/ /lha ma yin gyi bu mo thams cad 'ong bar 'gyur ro/ /gal te ma grub na 'bum phrag gnyis sam gsum du sreg blugs bya'o/ /lha ma yin gyi bu mo thams cad bsregs bzhin du 'ong bar 'gyur ro/ /
'ongs nas kyang sgrub pa po la zhu bar byed de/ kye skyes bu dpa' bo 'jug tu gsol zhes smra'o/ /de nas grogs dang bcas pa 'jug par bya'o/ /ral gri'am 'khor lo de bzung nas lha ma yin gyi rig pa 'dzin pa'i rgyal por 'gyur ro/ /sa 'og gi rdzas rnams 
kyi mnga' bdag lha ma yin gyi bu mo thams cad kyi bdag po/ gsang sngags grub pa gzhan thams cad dang / lha ma yin gyi rig pa 'dzin pa rnams kyi dbang phyug sa 'og thams cad kyi bdag po lha ma yin chen po'i sprul pa byed pa po bskal pa chen por gnas pa/ khyab 
'jug gi 'khor lo hU~M zhes bya ba brjod pa tsam gyis rlag par byed pa/ khyab 'jug kyang hU~M zhes brjod pa tsam gyis rlag par byed na gzhan lta smos kyang ci dgos/ sgrub pa'i thabs gzhan yang bde bar gshegs pa'i mchod rten 'bum phrag sum cu byas te mchod 
rten re re'i mdun du stong phrag brgyad brgyad bzla bar bya'o/ /thams cad la nye bar spyod pa thams cad kyis mchod la tha mar me tog can gyi lcags las byung ba'i 'khor lo rtsibs drug pa mtho gang tsam pa bzung nas cho 'phrul gyi zla ba phyed pa la skyil mo krung bcings te/ ji 

</font><hr>86-1-37a<br><font size=+1>

srid 'bar ba de srid du bzlas par bya'o/ /de blangs pas rig pa 'dzin pa'i 'khor los sgyur bar 'gyur ro/ /rig pa 'dzin pa'i rgyal po thams cad kyi mnga' bdag dbang phyug chen po la sogs pa'i lha thams cad 'dul bar byed pa/bskal pa bye 
ba brgya stong phrag dgu bcu rtsa dgur 'tsho ba dang / 'jig rten gyi khams stong rdzu 'phrul gyis gnon pa dang / mchod pa'i sprin brgya stong phrag gis mchod par byed pa dang / sangs rgyas stong phrag mthong bar 'gyur ro/ /de rnams la nyi ma re re zhing mchod pa chen po'i 
sprin gyis mchod par byed do/ /sgrub pa'i thabs rgyas pa gzhan yang mchod rten 'bum phrag drug cu byas te/ sngon du bsnyen pa byas la bye ba bzlas pa'o/ /de nas mtshan nyid thams cad dang ldan pa'i ro blangs la khrus byas nas nye bar mkho ba thams cad kyis mchod de ji 
srid ma langs pa de srid du bzla bar bya'o/ /langs nas dngul chu dang bcud len dang mi snang ba la sogs pa thams cad de la ster bar byed do/ /gal te mi ster na ji srid kha las lce ma byung ba de srid du bzla bar bya'o/ /de nas mtshon rnon pos de gcad par bya'o/ /de 
gzung bas nyi ma stong gi gzi brjid can rig pa 'dzin pa thams cad kyi rgyal po rig pa 'dzin pa bye ba stong phrag drug cu'i 'khor can/ tshe bskal pa bye ba brgya stong phrag drug cu 'tsho ba/ sangs rgyas kyi zhing thams cad du rdzu 'phrul gyis 'gro ba dang / ri bo lhun po bye ba phrag stong 
sgul ba dang / gling stong phrag 'phen pa dang / rgya mtsho stong phrag skems pa dang / lha'i 'jig rten brgya stong phrag bsdigs pa dang / tshangs pa dang / khyab 'jug dang / dbang phyug chen po la sogs pa rnams lhung ba dang / skra li zhing 'khyil pa dang / lo brgyad 
gnyis pa'i rnam pa dang / rgyan thams cad kyis rnam par brgyan pa ste/ sreg pa'i bskal pa na 'jig rten gyi khams gzhan du 'gro zhing rga ba dang / 'chi ba med par 'gyur zhes bcom ldan 'das rdo rje rnal 'byor gyi dbang phyug chen pos de skad ces bka' stsal to/ /de bzhin 

</font><hr>86-1-37b<br><font size=+1>

du yid bzhin gyi nor bu dang / dpag bsam gyi shing dang / bum pa bzang po dang / nor gyi char pa dang / nam mkha'i mdzod kyi ting nge 'dzin chen po dang / rin po che chen po'i lag pa dang / nor rgyun gyi rtog pa chen po dang / sems can gyi re ba thams cad rjes su 'gengs 
pa dang / 'khor los sgyur ba'i rgyal srid dang / rin po che thams cad kyang bsgrub par bya'o/ /de la 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bsnyen bkur 
ba rin po che'o/ /de nas sgrub pa'i thabs gzhan yang tsan+dan dkar po las pad+ma sor drug pa'i tshad byas la pad+ma de lag par bzung nas zla ba drug tu skyil krung bcings te nye bar spyod pa thams cad kyis mchod nas thun mtshams gsum mam bzhir grangs mi gzung bar bzlas par 
bya'o/ /zla ba drug yongs su rdzogs pa dang pad+ma 'bum phrag bdun sreg blugs bya'o/ /zla ba nya nas bsgrub pa brtsam par bya ste/ nye bar spyod pa thams cad kyis mchod la skyil krung bcas nas mtshan thog thag bzlas par bya'o/ /tho rangs kyi tshe rig pa 'dzin par 'gyur 
ro/ /skra li zhing 'khyil ba dang / lo brgyad gnyis kyi rnam par rgyan gyi tshogs thams cad kyis brgyan pa/ nyi ma stong phrag shar ba'i 'od dang mtshungs pa/ rig pa 'dzin pa bye ba phrag du ma'i 'khor can/ lha'i bu mo bye ba khrag khrig brgya stong du mas yongs su bskor ba/ 
tshangs pa la sogs pa'i lha rnams mngag gzhug par 'gyur ro/ /sangs rgyas kyi zhing thams cad du skad cig tsam gyis rnam par rgyu ba dang / mchod pa'i sprin du mas de bzhin gshegs pa rnams rnam par mchod par 'gyur ro/ /de bzhin du ut+pa la'i sgrub pa dang / tsan+dan 
dmar po'i pad+ma'i sgrub pa yang ngo / /sgrub pa gzhan yang 'byung ste/ shel dang / pad+ma rA ga'am/ mu tig gi 'bras bu'am/ rin po che yongs su rtog par byed pa pos yongs su brtags pa la bde bar gshegs pa'i mtho'i tshad tsam pa'i mchod rten 'bum tsam byas te/

</font><hr>86-1-38a<br><font size=+1>

gang yang rung bar grangs mi gzung bar ji srid bdag yongs su dag par mthong ba de srid du bzlas par bya'o/ /de'i rjes su mngar gsum gyis sbags pa'i pad+ma 'bum dang / sna ma'i me tog 'bum phrag gsum dang / a ga ru'i yam shing 'bum dang / tsan+dan 
gyi yam shing 'bum phrag gsum dang / til dang 'bras 'bum phrag bzhi dang / zho zan 'bum dang / mar gyi sreg blugs stong phrag gsum dang / sman thams cad pa'i sreg blugs 'bum phrag gcig byas la sbyin sreg yongs su rdzogs pa dang / dkar po'i tshes bcwa lnga la 
bsgrub par bya'o/ /skyil mo krung bcas te nye bar spyod pa thams cad kyis mchod la ji srid nor bu rin po che 'bar ba de srid du bzlas par bya'o/ /'bar nas kyang rig pa 'dzin pa gzhon nu gdong du 'gro bar 'gyur ro/ /skra li zhing 'khyil pa dang / lo brgyad gnyis kyi rnam 
pa rgyan thams cad kyis brgyan pa phyogs bcu mu med pa'i 'jig rten gyi khams rgyas par gsal bar byed pa rig pa 'dzin pa thams cad kyi slar 'khor los sgyur ba chen por 'gyur ro/ /yid bzhin nor bu'i dngos grub byang chub sems dpa' chen po'i rig pa 'dzin pa zhes brjod 
do/ /sangs rgyas thams cad mchod cing bsnyen bkur bar byed do/ /skad cig tsam la 'jig rten gyi khams thams cad kyi sems can bskor nas slar de nyid du 'ong bar 'gyur ro/ /gal te 'dod na byang chub sems dpa'i tshogs mngon par rdzogs par byas te lus de nyid 
kyis bla na med pa yang dag par rdzogs pa'i byang chub par mngon par rdzogs par 'tshang rgya bar 'gyur ro/ /de bzhin du sgrub thabs kyi le'u la bris sku dang / shing lham dang / mu tig gi phreng ba yang yid bzhin gyi nor bu'i cho gas bsgrub par bya'o/ /thams cad du 'grub par 
'gyur ro/ /sgrub pa'i thabs gzhan yang mchod rten bye ba phrag stong byas te 'bum phrag bdun bzla bar bya'o/ /yongs su rdzogs pa dang me tog can gyi lcags sam/ lcags lnga'i rang bzhin gyi rdo rje rtse mo lnga pa sor bcu'i tshad dam/ bde bar gshegs pa'i mtho'i tshad tsam cho 'phrul 

</font><hr>86-1-38b<br><font size=+1>

gyi zla ba phyed la mtshan thog thag lag pas rdo rje de bzung nas mdun du khri'i steng du lag pa bkab la ji srid 'bar bar gyur pa de srid du bzla bar bya'o/ /de bzung nas rdo rje'i rig pa 'dzin pa 'khor los sgyur ba chen po nyi ma bye ba brgya phrag dang rjes su 'tsham pa rdo rje 'chang ba ltar 
gzi brjid dang ldan zhing 'od gsal bar 'jig rten gyi khams thams cad du rnam par rgyu zhing dbang phyug chen po la sogs pa'i lha rnams la ci bsgo ba nyan par 'gyur/ lha ma yin rnams skrag pa dang / srin po rnams 'joms pa dang / sems can thams cad de'i ci 
bsgo ba byed par 'gyur bar bcom ldan 'das de bzhin gshegs pa thams cad kyi 'khor los sgyur ba chen pos de skad ces bka' stsal to/ /rdo rje snying po rgyan gyi rgyud chen po las de bzhin gshegs pa thams cad kyi rdzas kyi bya ba sgrub pa zhes bya ba'i sgrub thabs kyi le'u 
yongs su rdzogs s+ho// //de nas bcom ldan 'das de bzhin gshegs pa rnams thams cad slar yang ting nge 'dzin la mnyam par bzhag ste/ bcom ldan 'das thog ma dang tha ma med pa rdo rje rnal 'byor gyi dbang phyug chen po la gsol ba btab pa/ bcom ldan 
'das de bzhin gshegs pa thams cad kyi gsang ba chen po ka k+Sha sbyar ba ste/ mtha' yas pa kha sbyar ba zhes bya ba bka' stsal du gsol/ de nas bcom ldan 'das kyis de bzhin gshegs pa thams cad kyi gsang ba chen po gsang sngags kyi ka k+Sha pu Ta bka' stsal pa/ de 
nas yang dag bshad bya ba/ /sangs rgyas kun gyi rjes su skyob/ /gsang sngags ka k+Sha sbyar zhes bya/ /gsang chen mchog tu rmad du byung / /gru bzhi pa la tshad mdzes pa/ /kun nas yongs su bzang zhing dag /re mig bzhi bcu zhe dgu pa/ /mdor bsdus nas 
ni sngags pas bya/ /dang po'i phreng bzang gnyis la ni/ /a sogs blo gros ldan pas dgod/ /ka sogs lhag ma'i re'u mig la/ /sngags pas mdo ru bsdus te bri/ /sbyor ba ji bzhin yi ge kun/ /go rims bzhin du dgod par bya/ /re'u mig stong pa dag la 

</font><hr>86-1-39a<br><font size=+1>

ni/ /k+Sha yig dang ni rdo rje bri/ /rim pa 'di dag bkod nas ni/ /rang sde'i 'og tu 'bar ba mchog /dang po dbyangs la de'i rjes su/ /yi ge phyag rgya mdor bsdus pa/ /ka tsa Ta ta pa ya sha/ /dag cing chu yi dkyil 'khor ldan/ /'di rnams myur du 
'grub par byed/ /pad+ma'i rigs kyi lha nyid do/ /don kun grub par yang dag ldan/ /me yi dkyil 'khor zhes su bshad/ /'bar ba'i me dang mtshungs pa'i 'od/ /kha tsha Tha tha pha ra Sha/ /dbang chen gyi ni dkyil 'khor ldan/ /ga dza Da da ba la sa/ /dngos grub 
kun byed rlung gzugs ldan/ /dbyar gyi sprin ltar shin tu 'jigs/ /g+ha dz+ha D+ha d+ha b+ha wa ha/ /steng 'gros dngos grub byed por brjod/ /slar yang nga nya Na nam/ /chos kun dbang du byed pa mchog /thog ma'i dbyangs yig gang yin pa/ /de ni de bzhin gshegs stobs 
bcu/ /khyad par yan lag bcu gnyis bshad/ /de bzhin gshegs pa'i sa bcu gnyis/ /ma ning yi ge bzhi po spong / /r-i r-I l-i l-I zhes bya ba/ /dbyangs dang sa bon de bzhin sngags/ /de dag yi ge ru yang bshad/ /dbang du byed pa'i sde tshan kun/ /thig 
le sgra gtsug zla phyed ces/ /rjes dbyangs kyi ni phreng zhes bshad/ /sangs rgyas de bzhin byang sems kyi/ /yi ger brjod pa de bzhin zhing / /gsal byed ces kyis gsal ba'o/ /de bzhin ya ra la wa rlung / /me dang dbang chen chu dag ste/ /'byung ba chen po khams 
rnams so/ /rlung me bdud rtsi'i bcud ces bshad/ /mnyam dang mi mnyam cha dbye bas/ /thams cad nyid kyi lam shes bya/ /phyag rgya dang ni dkyil 'khor sngags/ /ting 'dzin mdor bsdus bshad pa'o/ /mi rtag sdug bsngal stong bdag med/ /chos rnams kun gyi 
sdom du brjod/ /stong pa mtshan med smon med pa/ /rnam par thar pa gsum du bshad/ /phung po khams dang skye mched rnams/ /mkhas pa yis ni shes par bya/ /da ni sngags kyi ka k+Sha'i sbyor ba la/ rab tu btus pa sbyar ba dang phral ba bshad par bya'o/ /yi ge 

</font><hr>86-1-39b<br><font size=+1>

rnams kyis byang chub spyod/ /sangs rgyas nyid kyang mya ngan 'das/ /lhan cig nyid du sbyar bar bya/ /dbyangs rnams yig rnams bsdus par bshad/ /mtshan nyid kyang ni rab bshad bya/ /dbyangs ni byang chub gzugs nyid de/ /gzhan dang lhan cig sbyar bar 
bya/ /de la nges par sangs rgyas nyid/ /ster ba nyid du legs par bshad/ /thog mar sangs rgyas thams cad kyi/ /gsang sngags dri ma med pa 'byung / /thog mar dbyangs ni thig le ldan/ /rdo rje'i steng du yang dag gnas/ /'bar ba'i phreng can rab zhi ba/ /
rnam par 'phro ba nyid du gnas/ /zla ba'i dbus su bsgom bya ba/ /kun gyi ye shes 'od chen po/ /kun du 'gro ba rab tu thob/ /thams cad du yang rnyed par dka'/ /de nyid bral ba rtag pa ste/ /yi ge med cing dbyer med pa/ /byang chub sems zhes rab tu bshad/ /
dung dang kun+da zla ltar dag /gnyis pa'i sgra dang yang dag ldan/ /de ni shin tu ring por shes/ /sangs rgyas kun gyi spyod pa ste/ /sa dang pha rol phyin pa rnams/ /dro ba'i bzhi pa sbyar ba ni/ /mya ngan 'das pa zhes su bsgrags/ /dbyangs dang yi ge khyad par 
can/ /mtshan nyid rab tu sbyar bar bya/ /rang gi phyag rgya sogs ldan pas/ /sangs rgyas byang chub rab stsol byed/ /da ni sangs rgyas thams cad kyi/ /sngags kyi de nyid 'dir bshad bya/ /thog mar spyod pa byas nas ni/ /gnyis pa smra ba po ru bshad/ /
bzhi pa'i dbyangs kyis kun nas mnan/ /gsum pa me yi ming can no/ /rgyud med pas te cung zad pa/ /bzhi pa yis ni gsal bar byas/ /drug pa'i sgra dang tha dad min/ /de yi steng du thig le gnas/ /chos kun nam mkha' dang mtshungs par/ /yang dang yang 
du bshad pa yin/ /de ni lnga par shes par bya/ /yi ge lnga pa stobs po che/ /yi ge lnga yi stobs lnga'i bdag nyid las skyes gtso/ /mthu stobs chen po khyab bdag srid pa'i bdag nyid skyes/ /mthu stobs chen po srid gsum las rab grol byed pa/ /yi ge lnga ni 

</font><hr>86-1-40a<br><font size=+1>

'gro ba drug las grol ba'i bdag /mngon shes drug kyang rab tu ster byed dri ma med/ /de nyid bcom ldan spyod pa ste/ /mi bskyod pa zhes rab tu grags/ /byang sems rdo rje sems dpa' ste/ /bstan pa'i sems dpa' rang byung ba/ /chos kun 
gyi ni de bzhin nyid/ /gang bsgrags de nyid thams cad du/ /'bar ba me yi sa bon ldan/ /spyod pa yi ni steng du gnas/ /de nyid bcom ldan rnal 'byor ni/ /rin chen 'byung ldan zhes su bshad/ /chos rnams kun gyi byed pa ni/ /med pa nyid du'ang bshad 
pa'o/ /me yi sa bon yang dag ldan/ /bzhi pa'i dbyangs kyis spyi bo ru/ /mnan pa rgyal ba 'od dpag med/ /de nyid bcom ldan rnal 'byor ni/ /sna tshogs de bzhin gshegs pa kun/ /drug pa'i dbyangs dang yang dag ldan/ /don yod pa yi snying por grags/ /
sde lnga pa yi bzhi pa ni/ /dngos dang dngos med rab rtogs byed/ /'bar ba me yi sa bon gyis/ /'khor lo'i dbus su rab tu gnas/ /drug pa'i dbyangs dang yang dag ldan/ /thig le sgra yis rnam par spras/ /'khor los sgyur ba ye shes che/ /rnam par 
rgyas pa'i nor ster byed/ /gang zhig sde lnga pa yi mtha'/ /sgyu ma'i chos la rab tu gnas/ /de nyid bcom ldan rnal 'byor ni/ /gdugs dkar zhes su bshad pa'o/ /brgyad pa'i dbyangs dang yang dag ldan/ /byams pa zhes ni grags pa ste/ /de nyid bcom 
ldan rnal 'byor ni/ /spyi bor thig le mnan pa'o/ /'jam pa'i dbyangs dang ye shes che/ /mA ma kI ru de bsgrags so/ /lnga pa'i dbyangs dang yang dag ldan/ /'jam pa'i dpal zhes rab tu grags/ /spyod pa'i gar mkhan rab rtogs ming / /sdig pa thams 
cad rengs byed de/ /sdig kun rnam par sbyong byed pa/ /rnam par sel ba rnam shes bya/ /sde tshan lnga pa'i gsum pa ni/ /phyag na rdo rje stobs chen dang / /gshin rje mthar byed khro bo che/ /yi ge gsum ni stobs chen po/ /thog mar dgu pa yi ni dbyangs/ /de 

</font><hr>86-1-40b<br><font size=+1>

yi dbus su spyod pa gzhag /tha mar sna tshogs zhes bya sbyar/ /sku gsum du ni rnam par bsgom/ /tha ma'i sde tshan gsum pa ni/ /gang yin kun tu bzang por bshad/ /sde tshan dang po'i gsum pa ni/ /sangs rgyas spyan zhes bya ba'o/ /de nyid bcom ldan mgon 
po ni/ /nam mkha'i mdzod ces rab tu grags/ /rdo rje khro bo stobs po che/ /de nyid rab tu grags pa'o/ /'di kun thams cad stong pa ste/ /rgyu ni rab tu spangs pa'o/ /dbyangs lnga dang ni yang dag ldan/ /rdo rje hU~M mdzad hU~M mdzad do/ /gang zhig bzhi pa'i sde dang 
po/ /me yis rab tu gsal bar byas/ /bzhi pa'i dbyangs dang yang dag ldan/ /gzi brjid phung po stobs po che/ /de nyid gang dang ma sbyar ba/ /sgrol ma zhes su rab tu grags/ /bzhi pa yi ni gnyis pa gang / /shes rab pha rol phyin par nges/ /thig 
le lhan cig yang dag ldan/ /sgra dang ldan pa'i mchog tu gyur/ /sde tshan gnyis pa'i gsum pa gang / /me nyid dang ni yang dag ldan/ /bzhi pa'i dbyangs kyis yang dag mnan/ /khams gsum rnam par rgyal pa'i mchog /de nyid bcom ldan shes bya ba/ /spyod pa'i 
gar mkhan zhes bya'i mtshan/ /de yi rjes nyid la ni me/ /dgu pa'i dbyangs dang yang dag ldan/ /me dang dbang chen du brjod bya/ /gsum pa'i dbyangs kyis mnan pa yi/ /sde tshan dang po'i dang po'i yig /de nyid bcom ldan mgon po ni/ /'jig rten mgon 
po thub pa che/ /ye shes rgya che bsgrub par bya/ /sangs rgyas byang chub rab gsol byed/ /sde tshan lnga pa rin chen mchog /bzhi pa'i sa bon dam pa de/ /'og tu me yi yan lag 'bar/ /khro gnyer can zhes rab tu grags/ /dbang chen yi ge dag pa la/ /thig 
le sgra yis rnam par brgyan/ /sangs rgyas spyan zhes rnam grags pa/ /sdig pa thams cad 'phrog par byed/ /sde tshan dang po'i gsum pa ni/ /nam mkha'i spyan zhes brjod pa'o/ /sgyu ma'i chos la rab gnas nas/ /gsod pa'i don du rab gsol byed/ /mA 

</font><hr>86-1-41a<br><font size=+1>

ma kI zhes bya ba'i ming / /rig pa mchog tu gsang ba ste/ /rgyu mi dmigs pa'i chos rnams kyi/ /dri ma med pa stsol bar byed/ /gnyis pa'i dbyangs dang yang dag ldan/ /'phags pa mi g.yo ba zhes bya/ /dbang chen sa bon yang dag ldan/ /
'gro ba'i rdo rje rengs byed na/ /gdug sems gzhan kun lta ci smos/ /rlung gi dkyil 'khor sbyar byas pa/ /rang gi sa bon gnas shing 'phro/ /'gro ba thams cad skrod byed na/ /gdug sems can gzhan smos ci dgos/ /de nyid me dang ldan pas ni/ /dbang 
dang dgug pa'i las rnams dang / /bgegs dang dgra rnams zhi ba ni/ /khyad par mi g.yo ba yis byed/ /don dam bden pa'i byin gyis brlabs/ /rnam snang mdzad bya gnas las 'byung / /gzhan gyi dmag dpung 'joms pa ni/ /rgyu ni me yis gsal byas pa/ /
drug pa'i dbyangs dang yang dag ldan/ /thig le sgra yis rnam par brgyan/ /'gro ba thams cad 'gugs par byed/ /rlung gi dkyil 'khor gyis drangs pas/ /ti se man dA ra la sogs/ /de yi phye mar rlog par nges/ /rdo rje la gnas 'khor lo yi/ /dbus 
gnas 'gro kun rengs par byed/ /gnas nas bskyod par byed pa yis/ /'byung po rnams ni dbang du byed/ /rtag pa'i gzugs su gnas nas ni/ /mi g.yo ba yi snying gar son/ /chos kyi dbyings mtshungs thob nas ni/ /bdag gi bdag nyid bsgom par 
bya/ /rlung gi sa bon rin po che/ /spyod pa'i steng du yang dag ldan/ /me las byung ba med la gnas/ /'gro ba thams cad 'bebs par byed/ /sde tshan dang po'i dang po gang / /sa yi yi ge steng du gnas/ /sde tshan lnga pa'i tha ma ni/ /drug pa'i sgra yi steng du gnas/ /
'og tu me yi sa bon ldan/ /nyi ma'i dkyil 'khor dbus su ste/ /sa gsum thams cad 'bar bar byed/ /me yi phyogs su gnas nas ni/ /phyag rgya'i bdag nyid thams cad bsgom/ /rlung lha me lha yang dag sbyor/ /rgyu ni byed pa mtshungs pa'o/ /rnam par snang 

</font><hr>86-1-41b<br><font size=+1>

mdzad ye shes che/ /de nyid kho na bsgrub par bya/ /dbang chen me ni sbyor ba las/ /'khor los sgyur ba'i go 'phang gnas/ /ye shes rgya chen bsgrub par bya/ /yang na phun sum tshogs pa'i don/ /rig pa 'dzin dang sangs rgyas nyid/ /rnal 'byor ye shes phun sum 
tshogs/ /skye ba 'di la 'grub 'gyur te/ /'di la the tsom mi bya'o/ /dbyangs dang yi ge thams cad la/ /sbyor ba'i dbye bas rnam par dbye/ /tshig dang ngag gi tshad rnams dang / /ting nge 'dzin dang sngags 'byung ba/ /slob dpon man ngag las shes bya/ /gzhan du 
bya ba ma yin no/ /rdo rje snying po'i rgyan ces bya ba'i rgyud chen po las rdo rje ka k+Sha'i sbyor ba mdor bsdus te bstan pa ste rgyas par slob dpon gyis mngon par spyad par bya'o// //de nas bcom ldan 'das rnams slar yang 'dus par gyur pas bcom ldan 'das rdo rje rnal 'byor 
gyi dbang phyug chen po la gsung gi dkyil 'khor gsol ba btab bo//de nas bcom ldan 'das rnam par snang mdzad kyis gsol ba btab pa'i tshig gi rjes nyid la/ 'brug gi sgra mtha' yas pa'i legs par bsgrags pa/ nam mkha'i mdzod kun nas rdo rje rgya che ba tshangs pa 
chen po'i sgra yongs su rdzogs pa'i don dang / de bzhin gshegs pa thams cad kyi gsung gi 'khor lo'i dkyil 'khor so sor yongs su rtogs pa'i don du de bzhin gshegs pa thams cad kyi gsung grub pa zhes bya ba'i dkyil 'khor chen po bka' stsal pa/ de nas yang dag bshad bya ba/ /
gsung gi 'khor lo'i dkyil 'khor che/ /zlum po kun nas bzang po ste/ /zla ba'i dkyil 'khor lta bur gnas/ /de yi steng du pad chen po/ /'dab ma brgyad la ge sar can/ /de yi lte ba'i dbus su ni/ /yi ge mchog gi go 'phang nyid/ /bdag gi dngos grub bsgom 
par bya/ /ngag gi dbang phyug 'od chen po/ /snying gar zla ba der pad+ma/ /de yi steng du dung brtag bya/ /dung gi dbus su lce yin te/ /rdo rje'i rang bzhin dge ba'o/ /de yi steng du rin chen pad/ /yang na sangs rgyas gzugs brnyan yang / /'bar zhing rkan gyi mthar 

</font><hr>86-1-42a<br><font size=+1>

khyab pa/ /bdud rtsi'i rgyun ni rab 'bab pa/ /ba yi yi ge spyi tshugs pa/ /sangs rgyas kyi ni steng du gnas/ /bdud rtsi'i thigs pa 'dzag pa ni/ /go rims bzhin du bsam par bya/ /zla ba phyed dang zla ba gsum/ /zla ba bzhi'am zla ba nyid/ /zla 
ba brgyad du rab mchog bsgoms/ /dkyil 'khor bzang po bsgrub par bya/ /skyil krung gis ni nyer gnas te/ /dang po'i sbyor ba'i dbang phyug skyes/ /chos kyi dbyings ni mtha' dag tu/ /thams cad du ni yongs su gang / /sangs rgyas gzugs brnyan bsgom par 
bya/ /chos dbyings mnyam dang mi mnyam pa/ /sangs rgyas kun gyi rjes skyob pa'i/ /ji snyed rig pa thams cad ni/ /lus dang ngag dang yid rnams kyi/ /phyag rgya de rnams bdag nyid mchog /de rnams thams cad bdag nyid kyi/ /lus kyi dkyil 'khor la 
'jug bsam/ /dung gi sgra ni gsal ba bsam/ /pad+ma'i khams la yang dag rten/ /pad+ma'i ge sar thig le las/ /sgra yi rang bzhin rdul phran rnams/ /mgrin par son nas sgra gyur te/ /sgra ni dbyangs nyid lhag pa'o/ /slar yang lce ru son pa dang / /yi ge 
mchog tu dge ba'o/ /lce yi yi ge cher 'bar ba/ /gcig nas gcig tu rdo rje'i tshul/ /kun nas rab tu 'od gsal ba/ /rdo rje'i ngag ni dam pa'i don/ /sgra yis nam mkha' kun gang bar/ /sgrub pos mdo ru bsdus te bzla/ /de bzhin du ni snying gar sgra'am/ /
lce la 'od zer nges 'phros nas/ /mchu'am so las rab bkra ba'i/ /gal te 'od zer mthong na ni/ /de tshe grub par rnam par shes/ /grub pa'i ngag ni dam pa'i don/ /yang na lha ni gzhan pa yi/ /ngag gi sgrub thabs chen po mchog /rang lce rdo rje'i rang bzhin bsam/ /
bdag nyid rdo rje sems dpa' yang / /'bar ba'i sgron ma dang mtshungs pa/ /rang gi snying gi dbus kyi cha/ /yi ge mchog tu phra ba yi/ /a yi yi ge mnga' bdag mchog /rnam par bkra ba nyi ma bzhin/ /rang gi sde pa'i mthar thug mtshungs/ /yi ge yi ger 

</font><hr>86-1-42b<br><font size=+1>

yongs su gzhol/ /phra mo mnyam pa'i mthar thug ni/ /'bar zhing thig le dang mtshungs shing / /snying gi dkyil 'khor gsal byed pa/ /de yi 'bar ba rab phra ba/ /ji srid rkan gyi bar du son/ /slar yang yi ge thams cad ni/ /yang dang yang du gsal byed cing / /
lce la rdo rje 'bar ba ni/ /rdul phran lta bur byed bzhin pa'i/ /rdo rje 'bar ba stong phrag dag /yang dang yang du rnam par 'don/ /'jig rten kun du de song ste/ /chos dbyings mnyam dang mi mnyam pa/ /yi ge'i rang bzhin rnam bkra ba/ /rang gis 'gro ba snang byas 
te/ /slar yang 'ongs nas rang gnas su/ /'jug pa ru ni yongs su brtag /ji srid phyogs kun song ba yi/ /yi ge kha ru rab tu 'jug /lus la lus can gyi gzugs brnyan/ /sems kyi phyag rgya legs par bsam/ /de nas sgra dang yi ge ni/ /lte 
bar song ste yongs su gnas/ /lte ba ru ni pad+ma mchog /pad+mar rdo rje dri med mdzes/ /de yi steng du dung chen po/ /rab tu 'phro ba nyid du gnas/ /de las 'bar ba'i rnam pa'i sgra/ /brang gi gnas nas yongs su byung / /slar yang mgrin par son nas su/ /rdo rje lce 
la yang dag reg /'gram pa sbyar ba'i dbus su ni/ /sangs rgyas gzugs brnyan dri ma med/ /kha ba ba zho ltar dkar 'od/ /bcud len bdud rtsi'i thigs pa 'dra/ /rdo rje lce ni mtha' dag rnams/ /yang dang yang du gsal bar byed/ /ting nge 'dzin gyi rtser son 
te/ /slar yang snying ga nyid du song / /thig le las ni gug skyed gyur/ /gug skyed ri mo ring po can/ /cha shas rnam bzhi 'dus pa las/ /de ni yi ger rnam par shes/ /yi ge las ni sgra skye zhing / /sgra las nA da de las dbyangs/ /dbyangs las ngag tu rnam par 
'gyur/ /yi ge las ni cha shas tshogs/ /tshig rkang dang ni ngag tu 'gyur/ /tshig rkang las ni tshigs bcad dang / /de bzhin du ni gA thA dang / /phreng 'dzin rgyun chags de bzhin te/ /'di ltar sngags dang rig sngags dang / /rang gi snying por rab 'jug 'gyur/ /

</font><hr>86-1-43a<br><font size=+1>

de nas bzlas pa'i rnal 'byor che/ /blo gros ldan pas brtan byas te/ /dgug dang gzhug dang bcing ba dang / /dbang du byas te bsgrub par bya/ /bzlas pa 'di yi sbyor ba yis/ /thams cad du ni brtan par bya/ /yid bzhin gyi ni ngag 'grub bo/ /
rmad byung mchog tu rnyed dka' ba'i/ /yang na lha ni gzhan pa yi/ /ngag 'grub thams cad skyob rnams kyi/ /yi ge gcig pa gsang chen po/ /ngag gi sgrub thabs mchog tu dge/ /sangs rgyas kun gyi bdag nyid ni/ /legs par mnyam par bzhag pas bsgom/ /
rang snying za bar rdo rje che/ /'bar ba'i phreng ba 'khrugs pa'i 'od/ /de las bstan bcos thams cad ni/ /nges pa gdon pa nyid du bya/ /ngag grub pa yi ye shes 'dis/ /thams cad mkhyen pa thob par byed/ /bstan bcos thams cad rab 'don cing / /de nyid 
kyang ni 'chad par byed/ /sems can kun gyis thams cad du/ /dngos po cung zad gang bsams pa/ /de dag thams cad rnam shes te/ /skad cig tsam la smra bar byed/ /rdo rje snying po rgyan ces bya ba las ngag gi sgrub pa'i thabs rdzogs s+ho// //de 
nas bcom ldan 'das de bzhin gshegs pa rnams thams cad slar yang 'dus nas/ bcom ldan 'das de bzhin gshegs pa thams cad kyi thugs chen po mchog gi dbang phyug la gsol ba btab pa/ bcom ldan 'das de bzhin gshegs pa thams cad kyi gsang 
sngags kyi mdzod kyi cho ga rgyas pa'i sgrub pa'i thabs bka' stsal du gsol/ de nas bcom ldan 'das chos thams cad kyi dbang phyug gis gsol ba btab pa'i tshig nye bar gsan nas de de bzhin no zhes bka' stsal nas/ de nas bcom ldan 'das kun nas 'khor lo'i dbang 
phyug gi rgyal po chen pos de bzhin gshegs pa thams cad kyi gsang sngags kyi mdzod kyi sgrub pa'i thabs kyi rim par phye ba'i cho ga rgyas pa bka' stsal pa/ de nas yang dag bshad bya ba/ /'khor los sgyur ba'i sgrub pa'i thabs/ /'khor lo rtsibs brgyad pa'am yang na/ /

</font><hr>86-1-43b<br><font size=+1>

rtsibs bcu drug par rnam par bri/ /lte bar de bzhin gshegs pa dgod/ /'khor lo'i phreng bas rnam par brgyan/ /mtha' ru rin chen rnam pa bdun/ /mkhas pa yis ni spel bar bya/ /de yi lte bar bdag nyid ni/ /'khor los sgyur ba stobs po che/ /sangs rgyas 
kun gyi sku chen po/ /chos kyi dbyings dang mtshungs pa'i mchog /de yi phyag rgya bgrang las 'das/ /skad cig ma ni nyid la 'thon/ /'gro ba thams cad snang byas nas/ /sngags kyi dbang phyug nyid la gzhug /'khor lo'i dngos grub gzi brjid che/ /'khor los 
sgyur bar bdag nyid 'gyur/ /chung dang che dang dbang phyug dang / /rang dbang 'dod dgur spyod pa dang / /kun du 'gro ba nyid dang ni/ /kun gyi dbang phyug phun tshogs 'bras/ /rga dang 'chi ba med thob cing / /nges par 'khor los sgyur dang mtshungs/ /gser gyi 'khor 
lo rin po che/ /de bzhin dngul dang shel nyid dang / /me tog can gyi lcags kyang rung / /rang gi lag gis bzung nas su/ /dbang chen dkyil 'khor dbus su ni/ /sangs rgyas thams cad bsgom par bya/ /'khor los sgyur ba gzi brjid che/ /mtshan 
rnams kyis ni rnam par brgyan/ /de ltar bdag nyid bsgoms na ni/ /'khor los sgyur ba nyid du 'gyur/ /de la de'i sngags kyi tshig tu gyur pa ni/ oM sar+b+ba ta thA ga toSh+NI Sha a ba lo ki ti/ muSh+Ti tsakra warti dz+wa la dz+wa la d+hu na bi d+hu na trA sa ya mA ra ya/ uts+tshA Ta ya ha na 
b+hany+dza proM khi ni kuN+Da li ni/ a pa rA dzi tA s+t+ra d+hA ri Ni hU~M hU~M phaT phaT swA hA/ rtsa ba'i sngags so/ /oM oM a pa rA dzi tA d+hi ka swA hA/ snying po'o/ /na maH sa man+ta bud d+hA nAM a pra ti ha ta shA sa nA nAM a pa rA dzi tA d+hi ka swA hA/ cho ga'i snying po'o/ /'khor los sgyur ba rang grub ste/ /
sangs rgyas nyid kun thob nas ni/ /ye shes tshe dang stobs dang shugs/ /yang na dbang phyug dam pa kun/ /dpa' bo thams cad ster byed na/ /dngos grub gzhan lta smos ci dgos/ /'khor los sgyur ba'i sgrub thabs so/ /nyi ma'i dkyil 'khor bri bar bya/ /nam 

</font><hr>86-1-44a<br><font size=+1>

mkha' la ni yongs su bsgom/ /gzi brjid phung po ye shes che/ /sangs rgyas thams cad thob par 'gyur/ /gnyis su med 'byung sems kyi mchog /dkyil 'khor mchog tu rmad 'byung ba/ /de ni me yir shes par bya/ /sangs rgyas byang chub 
rab sgrub byed/ /de yang 'khor lo 'dzin rgyal po/ /'khor los sgyur ba legs 'bar ba/ /de la de bzhin rin chen bdun/ /'khor lo'i phreng bas rnam par brgyan/ /'khor lo'i dkyil 'khor dbus gnas par/ /nyi ma re rer bkra shis bsgom/ /gzi brjid 
phung po sku chen po/ /sum cu rtsa gnyis mtshan 'chang ba/ /'bar ba'i phreng 'khrugs dpa' bo ni/ /snang ba shar ba lta bur gnas/ /de yi phyag rgya rtag tu bsam/ /nam mkha'i rnam par legs par gnas/ /chos kyi dbyings kyi mthas klas pa/ /'od zer phreng bas 
rnam par khyab/ /de dang bdag nyid rdo rjer bsgom/ /sangs rgyas byang chub rab sgrub byed/ /kun du kun nas thams cad du/ /dngos po kun las 'byung bar 'gyur/ /ye shes tshe dang stobs dang shugs/ /kun du 'gro ba nyid dang ni/ /sangs rgyas thams cad 
nyid dag dang / /rdo rje can kun nyid dang ni/ /gzi brjid mchog kun thob gyur nas/ /gzi brjid phung po 'dra bar 'gyur/ /de la sngags kyi tshig tu gyur pa ni/ oM ta thA ga toSh+NI Sha a ba lo ki te mUr+t+ti te te dzo rA shi dz+wA la dz+wA la/ d+ha ka d+ha ka/ da ra da ra/ bi d+ha bi d+ha hU~M hU~M phaT phaT 
swA hA/ rtsa ba'i sngags so/ /oM te dzo rA shi swA hA/ snying po'o/ /\u0f00 dz+wA la te dzo rA shi hU+u~M phaT swA hA/ nye ba'i snying po'o/ /dag pa'i sngags tshig 'di rnams kyis/ /nyi ma'i ye shes rab tu gsal/ /kun du 'gro ba bsgrub par bya/ /rig pa 'dzin pa nyid thob 'gyur/ /gzi 
brjid phung po'i gsang sngags kyi sgrub pa'i thabs so// //kun nas snang ba zhes bya mchog /yi ge gsum pa stobs po che/ /gser gyi kha dog legs 'bar zhing / /gtsug tor steng son 'od gsal ba/ /sngags pa rang bdag gis bsgom bya/ /kun nas snang ba 

</font><hr>86-1-44b<br><font size=+1>

lta bur 'gyur/ /\u0f00 AHhU~M/ gsang sngags rtse mo dam pa 'di/ /bsgoms pa tsam gyis thams cad du/ /brtan pa dang ni g.yo ba yi/ /'gro kun kun nas snang bar 'gyur/ /kun nas snang ba'i gtsug tor gyi sgrub pa'i thabs so// //chos kyi 'khor lo phyag 
rgya che/ /legs par mnyam par bzhag pas bsgom/ /sangs rgyas kun nyid kun gyi mchog /chos kyi 'khor lo rab skor byed/ /'khor lo 'di ni rtsibs bcu gnyis/ /rtsibs bcu gnyis pa yongs su gnas/ /rnam gsum gsum ni yongs bskor ba/ /
bya ba'i don du dag pa ster/ /sangs rgyas rang bzhin sku chen po/ /nam mkha'i khrugs na gnas pa ste/ /chos kyi dbyings ni khyab pa ni/ /legs par mnyam par bzhag pas bsgom/ /'gro ba brtan dang g.yo ba ni/ /'di kun rten cing 'brel 'byung ba/ /'di ni 
chos kyi phyag rgya che/ /sangs rgyas byang chub rab sgrub byed/ /de yi sngags su gyur pa ni/ /oM d+hu na pA ta ya ts+tshin+da tsakre Na badzri Ni hU~M/ gsang sngags 'di ni dpal ldan mchog /chos kyi 'khor lo gnyis med 'char/ /skad cig tsam gyis thams cad du/ /dam 
pa'i chos ni rab skor byed/ /chos kyi 'khor lo sgrub pa'i thabs so// //pad+ma rA ga'i rnam pa 'dra/ /sangs rgyas sku gzugs legs 'bar ba/ /rnal 'byor sbyor ba'i mchog bsgrubs na/ /nyon mongs rdo rje 'dra bar 'gyur/ /snying gnas rdo rje gzugs 
brnyan 'dra/ /'bar ba'i phreng ba 'khrugs pa'i 'od/ /de yi snying la rdo rje me/ /dri ma med pa skye bar 'gyur/ /nyon mongs rtag tu yongs zad cing / /dgra rnams kun las rgyal bar byed/ /bden pa bzhi ni rtogs pas na/ /bden pa'i ye shes thob par 'gyur/ /
sngags ni/ oM kle sha a sha ni hU~M phaT/ 'di ni nyon mongs rdo rje'i sngags/ /drag cing drag po'i gzhan gnon pa'o/ /sangs rgyas nyid kyang ster byed na/ /dngos grub gzhan lta smos ci dgos/ /nyon mongs rdo rje sgrub pa'i thabs so// //dbang chen dkyil 

</font><hr>86-1-45a<br><font size=+1>

'khor la gnas pa'i/ /sangs rgyas rang bzhin stobs po che/ /bdud bzhi las ni rnam rgyal ba/ /legs par mnyam par bzhag pas bsgom/ /bden pa bzhi yi khu tshur che/ /lus dang ngag dang de bzhin yid/ /khu tshur sangs rgyas thams cad 
kyi/ /gnyis med skye ba'i mtshan nyid de/ /rdo rje'i dbus su bsgom par bya/ /rang nyid sangs rgyas yin no zhes/ /brtan dang g.yo ba'i 'gro ba ni/ /'di dag thams cad ma skyes par/ /rdo rje khu tshur bsgoms na ni/ /rdo rje khu tshur 'dra bar 'gyur/ /de la sngags 
su gyur pa ni/ /oM bi dza ye haH/ de bzhin gshegs pa'i khu tshur che/ /shes rab pha rol phyin gsal ba/ /sngags pas rtag tu bsgoms na ni/ /shes rab pha rol phyin pa 'thob/ /de bzhin gshegs pa thams cad kyi khu tshur gyi sgrub pa'i thabs so// //dngos 
po thams cad gyen 'phags pa/ /gdod nas zhi zhing mtshan nyid med/ /sangs rgyas rang bzhin sku chen po/ /dkyil 'khor chen po'i dbus su'o/ /rdo rje rdo rje'i bdag nyid bsgom/ /'bar ba lta bu'i gzi brjid kyis/ /'di yis 'jig rten thams cad kyi/ /'khor 
los sgyur ba nyid du ni/ /'jig rten kun gyi thams cad du/ /kun nas phun sum tshogs pa kun/ /bkug nas gus pas sbyin par bya/ /sngags ni/oM dz+wa la dz+wa la dI pya dI pya ung+ga toSh+NI Sha d+hu na d+hu na hU~M/ steng 'gro'i gtsug tor zhes bya bar/ /sangs rgyas dpa' bo kun 
gyis gsungs/ /'di ni bsgrubs pa tsam gyis ni/ /sangs rgyas nyid kyang rnyed dka' min/ /de bzhin gshegs pa thams cad kyi gtsug tor gyi sgrub pa'i thabs so// //sangs rgyas rang bzhin phyag rgya che/ /legs par mnyam par bzhag pas bsgom/ /tshad 
skyob gdugs dkar chen po ni/ /chos dbyings mnyam dang mi mnyam pa/ /zla ba'i dkyil 'khor dbus gnas par/ /zla ba'i kha dog cher 'bar zhing / /chu yi dkyil 'khor rnam dag pa/ /dri med puN+Da rI kar gnas/ /ri mo bdun gyis yongs su gang / /bcud 

</font><hr>86-1-45b<br><font size=+1>

kyis len gyi mchog lta bur/ /sangs rgyas kun bdag bsgom par bya/ /dngos grub 'di yi sbyor ba yis/ /sems can rnams la thams cad du/ /re ba thams cad yongs rdzogs pa/ /'di ni gtsug tor gdugs dkar che/ /sngags ni/ oM ma ma ma ma hU~M ni/ 'di ni 
bsgrubs pa tsam gyis ni/ /ye shes che dang stobs mgyogs 'gro/ /dpa' bo thams cad thob 'gyur zhing / /sangs rgyas nyid kyang rnyed dka' min/ /gdugs dkar po'i sgrub pa'i thabs so// //zla ba'i dkyil 'khor dbus su ni/ /'bar ba'i phreng 'khrugs 
ral gri ni/ /sngags pas snying gar bsgom par bya/ /rang gi bdag nyid sangs rgyas zhes/ /sangs rgyas rang bzhin sprin chen pos/ /nam mkha'i mthongs rnams yongs gang ba/ /bdag nyid gnyis med ngo bo yis/ /rnal 'byor gcig tu bsgom par bya/ /sngags 
kyi yi ge 'khor lo che/ /'bar ba'i phreng ba 'khrugs pa'i 'od/ /sngags pas snying gar bsgom par bya/ /rgyal ba dam pa nyid du 'gyur/ /sngags ni/ oM dz+wa la dz+wa lo Sh+NI Sha dz+wa la dz+wa la ban+d+ha ban+d+ha da ma da ma dru ma dru ma da ha da ha na hU~M/ rgyal ba'i gtsug tor ral gri che/ /
shes rab ye shes dri ma med/ /sngags pas kun nas bsgoms nas ni/ /rgyal ba'i gtsug tor 'dra bar 'gyur/ /rgyal ba'i gtsug tor gyi sgrub pa'i thabs so// //sangs rgyas kun gyi rang bzhin sku/ /'bar ba'i phreng bas 'khrugs pa'i 'od/ /seng ge'i khri yi steng 
du bsam/ /yang na rdo rje'i gdan la gnas/ /kun du gtsug tor che 'bar ba/ /snying gar yongs su bsgom par bya/ /sangs rgyas kun gyi bdag nyid ni/ /yi ge dam pa yi ni gnas/ /thog ma tha ma med zhi ba/ /chos kyi sku ni mchog tu che/ /'di ni 
bsgrubs pa tsam gyis ni/ /kun du gtsug tor stobs po che/ /skad cig de la 'grub 'gyur te/ /rdo rje sangs rgyas kun gyi bka' bzhin no/ /sngags ni/ oM badzra ban d+ha hU~M/  gsang sngags 'di ni dam pa gtso/ /sangs rgyas thams cad dbang bskur byed/ /rtag 

</font><hr>86-1-46a<br><font size=+1>

tu rnal 'byor pas bsgoms na/ /de ni kun gyis dbang bskur ro/ /kun gyi gtsug tor gyi sgrub pa'i thabs so// //rdo rje snying po rgyan ces bya ba'i rgyud chen po las de bzhin gshegs pa thams cad kyi gtsug tor gyi sgrub thabs kyi cho ga rgyas pa'i rim par phye ba 
yongs su rdzogs so// //de nas bcom ldan 'das de bzhin gshegs pa rnams thams cad slar yang 'dus par gyur te/ bcom ldan 'das rdo rje rnal 'byor gyi dbang phyug la gsol ba btab pa/ bcom ldan 'das byang chub sems dpa' rnams thams cad kyi gsang 
sngags kyi sgrub pa'i cho ga rgyas pa bka' stsal du gsol/ de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig gsan nas de ma thag pa kho nar de bzhin gshegs pa thams cad du bdag nyid byin gyis brlabs nas byang chub 
sems dpa' thams cad kyi gsang sngags kyi rim par phye ba bka' stsal pa/ shes rab ye shes rdo rje che/ /snying gar yongs su bsgoms nas su/ /ral gri sngon po phyag na bsnams/ /dbang chen dang ni me las 'khrungs/ /ye shes chen po gzi brjid che/ /'khrul ba 
med cing yi ge bral/ /sangs rgyas kun bdag shes rab mchog /nyon mongs thams cad zad par byed/ /rdo rje kun bdag bkod pa po/ /kun du 'gro ba'i dam pa'i don/ /dbyer med mchog tu gsang ba po/ /rig pa mchog gi bdag nyid 'di/ /zhal drug pa la phyag drug 
mchog /mngon shes drug ldan yi ge drug /rjes dran drug gi sbyor ba yis/ /phyag drug dam pa stobs po che/ /gzi brjid yang na stobs kyis kyang / /kun nas yongs su gsal ba po/ /gzugs che lus kyang che ba ste/ /nam mkha'i khams na rnam par gnas/ /
yang na phyag gnyis shes par bya/ /ting nge 'dzin gnas sdig pa bcom/ /dpa' bo pad+ma la gnas pa/ /zla ba'i mdog can 'od po che/ /rnal 'byor pa yi ye shes phra/ /shes rab pha rol phyin pa 'bar/ /gdod nas ma skyes pa zhes bsam/ /sangs rgyas ye shes rab 

</font><hr>86-1-46b<br><font size=+1>

stsol byed/ /sangs rgyas rnams kyi ye shes mchog /'jam pa'i dbyangs zhes rab tu grags/ /de'i sngags ni/[ \u0f00] bA kye da~M na ma: gsang sngags 'di ni mchog tu gsang/ /gsang chen gyi ni dam par bzhed/ /rnam thar gsum gyi sgo la gnas/ /pha rol phyin 
drug rab tu gsal/ /rang nyid shes rab yin no zhes/ /sngags pas rtag tu bsgom par bya/ /dbang po drug ni rab bsgyur te/ /sangs rgyas nyid ni rnal 'byor las/ /pad+ma rA ga lta bu'i mdog /ston zla lta bur cher gsal ba/ /sems dpa' chen po gser gyi 
mdog /stobs po che ni bsgom par bya/ /'di ni bsgrubs pa tsam gyis ni/ /shes rab dri ma med par 'gyur/ /bstan bcos thams cad rab smra zhing / /dbang phyug thams cad mdun na gnas/ /kun gyi rgyal po sngags pa nyid/ /rang nyid kun gyi rgyal po 
mtshungs/ /rig pa 'dzin pa thams cad dang / /byang chub kun gyi pha rol son/ /dbang phyug kun dang bde ba che/ /chos rnams kun gyi yon tan mchog /rdo rje 'dzin pa thams cad dang / /yang na sangs rgyas thams cad kyi/ /kun du 'gro ba thob 'gyur na/ /dngos 
grub gzhan lta smos ci dgos/ /dngul chu bcud len de nyid dang / /rkang pas spyod pa dri med mchog /ril bu dang ni mi snang ba/ /thams cad du ni ster bar 'gyur/ /dpal ldan 'jam pa'i mchog 'di ni/ /chos kyi gsung gi mchog las 'khrungs/ /sangs rgyas 
rnams kyi tshangs pa'i dbyangs/ /'jam pa'i dbyangs zhes rab tu grags/ /'di ni bsgrubs pa tsam gyis ni/ /bsams pa'i phun sum tshogs kun gyi/ /sangs rgyas kun du brtan 'gro na/ /gzhan pa'i lha lta smos ci dgos/ /'jam pa'i dbyangs kyi sgrub pa'i thabs 
so// //snying gar pad+ma chen po la/ /zla ba'i dkyil 'khor yongs su gnas/ /'jig rten dbang phyug dpa' bo che/ /thugs rje chen po'i thugs ldan pa/ /phyag bzhi pa la zhal bzhi pa/ /dung dang kun+da zla ltar dag /chos kyi dbyings las yang dag byung / /chu yi 

</font><hr>86-1-47a<br><font size=+1>

dkyil 'khor chen po la/ /bdag nyid 'jig rten dbang phyug ches/ /de la gnas pa dge ba bsgom/ /rang bzhin gyis ni 'di kun dag /gdod nas ma skyes ma byung ba/ /gsang sngags chen po 'di yi ni/ /snying gar yongs su bsgom par bya/ /'jig 
rten dbang phyug 'khor lo che/ /kun du rnam par 'phros pa yi/ /'bar ba'i phreng bas 'khrigs shing zhi/ /ral pa'i thor tshugs 'dzin pa po/ /ral pa'i dbus su dpa' bo che/ /'od dpag med pa ldan pa'i bdag /ston ka'i zla ba lta bur gsal/ /kun du nam mkha' 
yongs gang ba/ /gsang sngags sbyor bdag bsgom par bya/ /rang nyid 'jig rten gsum rnam rgyal/ /chos kyi dbyings kyi mthas klas pa/ /pad+ma'i lus kyis yang dag gang / /kun du pad+ma rnams la ni/ /zla ba'i dkyil 'khor yang dag gnas/ /khams gsum rnam 
par rgyal ba'i sku/ /khyad par du bdag dgang bar bya/ /'gro ba brtan dang g.yo ba kun/ /snang dang mi snang dngos po ni/ /yang dang yang du blta bar bya/ /gdul bya ma lus sems la ni/ /stobs po ches ni dgang bar bya/ /kha dog dbyibs ni 'di bzhin du/ /sna tshogs 
gzugs la cher 'bar ba/ /kun nas yongs su bsdus nas ni/ /sngags pa'i mdun du gzhag par bya/ /de nas sngags pas de ma thag /slar yang rtse gcig sems kyis ni/ /dgug dang gzhug dang bcing ba dang / /dbang du bya ba bsgrub par bya/ /'jig rten dbang 
phyug thub chen po/ /bcom ldan rnal 'byor can grub na/ /dpa' bo thams cad stsol 'gyur zhing / /rang gi dngos grub mchog rnams dang / /rnal 'byor thams cad 'dzin nyid dang / /rnam par rgyas pa'i nor ster 'gyur/ /rig pa 'dzin dang 'khor lo can/ /sa dang pha 
rol phyin sogs dang / /sangs rgyas rnams kyang stsol 'gyur na/ /dngos grub gzhan lta smos ci dgos/ /de'i sngags ni/[ \u0f00] A ro li ka /gsang sngags dpal ldan mchog 'di ni/ /rang nyid khams gsum rnam par rgyal/ /longs spyod thams cad bkug 

</font><hr>86-1-47b<br><font size=+1>

nas ni/ /skad cig tsam gyis rnam par ster/ /pad+ma'i sgrub pa'i sbyor ba yis/ /bdag nyid 'jig rten dbang phyug bsgrub/ /'jig rten gsum gyi rgyal srid ni/ /srid par bkug nas rnam par ster/ /'jig rten dbang phyug gi sgrub pa'i thabs so// //
thams cad rdo rje'i rang bzhin gzugs/ /me yi dkyil 'khor dge ba ste/ /de yi dbus su bya ba ni/ /dkyil 'khor rlung dang rab mtshungs pa/ /de yi dbus su de 'dra bsam/ /nyi ma yi ni dkyil 'khor ro/ /de yi dbus su gzi brjid che/ /'bar ba lta bu'i gzi brjid 
can/ /rdo rje'i lag pa gzi brjid che/ /rgyan rnams kun gyis rnam par brgyan/ /tshangs pa'i yul sa thams cad du/ /kun nas yongs su gsal bar byed/ /hU~M gi yi ge sgra zab mo/ /dbyar gyi sprin dang mtshungs pa'i 'od/ /rgyal po 'khyil pa dang mtshungs 
pa/ /zar ma yi ni me tog 'dra/ /'bar ba dmar pos 'khrigs shing 'jigs/ /bskal pa'i me dang 'dra bar gnas/ /zhal bzhi pa la mche ba bzhi/ /'jig pa'i dus kyi thal ba 'dra/ /sprin gyi sgra dang mtshungs pa yi/ /hU~M gi yi ge bzhi dang ldan/ /rdo rje hU~M mdzad ces 
bya ba/ /rnal 'byor pas ni rtag tu bsgom/ /sngags kyi tshig ni/[ \u0f00] sum b+ha ni sum b+ha hU~M/ grIh+Na grIh+Na hU~M/ gr-ih+Na pa ya gr-ih+Na pa ya hUM/ A na ya ho b+ha ga wAn/ bid+yA rA dzA hU~M phaT/ rdo rje 'dzin pa'i rgyal po 'di/ /kun mchog srid pa'i dbang phyug gis/ /'jig 
rten gsum yang 'gugs byed na/ /bud med gzhan dag smos ci dgos/ /tshangs pa khyab 'jug dbang chen sogs/ /chung ma dang bcas phyag rgyar bcas/ /de dag thams cad 'gugs byed na/ /sdug bsngal can gzhan smos ci dgos/ /nyi ma'i dkyil 'khor 
dbus gnas par/ /rdo rje'i gzugs brnyan snying gar son/ /dbang po gnyis ni mnyam sbyor bas/ /rdo rje can gyis sngon du bsgrub/ /bsam pa thams cad rdzogs byed pa/ /bcom ldan rdo rje can 'grub 'gyur/ /rgyal po thams cad sbyin gyur na/ /dngos grub 

</font><hr>86-1-48a<br><font size=+1>

gzhan dag smos ci dgos/ /sngags ni 'dir/oM Tak+ki hUM dzaH/ gsang sngags 'di yi sbyor ba yis/ /dam pa'i don du bsgrub par bya/ /longs spyod ji snyed thams cad rnams/ /de snyed thams cad rnam par ster/ /rdo rje 'dzin pa'i bsgrub pa'o// //
dbang chen dkyil 'khor la gnas pa'i/ /byams pa chen po'i bdag nyid sku/ /snying gar zla ba'i gzugs brnyan 'od/ /rdo rje 'bar ba'i phreng ba ldan/ /'jig rten khams ni 'byam klas pa/ /rang bzhin gcig tu byas nas ni/ /rdo rje yis ni spro ba dang / /dbang bskur ba 
yi rang bzhin dge/ /gser gyi kha dog legs 'bar ba/ /ral pa'i thor tshugs 'dzin pa po/ /ral pa'i dbus su mchod rten che/ /dung dang kun+da zla 'od bzang/ /bsgoms nas sems can thams cad la/ /brtan pa'i don du dbang bskur bya/ /yang na sems can 
thams cad la/ /bu gcig lta bur rnam par spro/ /bsgom pa'i sbyor bas bsgoms na ni/ /gnyis med ma rgyal ba las rgyal/ /spro ba dang ni bsdu ba dang / /thim sogs phyogs dbyes rnam par dbye/ /byams pas kun tu rnam par spro/ /chos dbyings mnyam dang mi 
mnyam pa/ /thams cad bdag dang bdag gi bar/ /'das shing shin tu dri ma med/ /ri rab lta bur brtan pa'i sems/ /'khrul pa med cing yi ge bral/ /de ltar sems ni brtan byas nas/ /mnyam med sems can kun dang mnyam/ /bdag nyid byams pa yin 
no zhes/ /dga' ldan gnas pa'i tshul 'dzin pa/ /cung zad li zhing 'khyil pa'i skra/ /pad+ma rA ga mtshungs pa'i 'od/ /rin chen sems ni rnam dag pas/ /rang bdag nyid ni bsgom par bya/ /'di ni gsang sngags rang bzhin gyis grub pa ni/ oM a dzi tany+dza ya sar+b+ba 
satwa sa ma yA nu ga ta swA hA/ gsang sngags bdag nyid rgyal po 'di/ /byams pa zhes ni grags pa ste/ /chos kyi dbyings dang mtshungs par khyab/ /byams pa'i thugs ni yid du 'ong / /dang po'i sbyor ba'i rnal 'byor gyis/ /sgrub pa'i thabs mchog bsgom par bya/ /

</font><hr>86-1-48b<br><font size=+1>

\u0f00 mai tre ya tri/ 'di ni bsgrubs pa tsam gyis kyang / /dga' ldan du ni gnas par 'gyur/ /sgrib pa kun dang bral ba'i bdag /rang nyid lha yi bu dang mtshungs/ /byams pa'i sbyor bas bsgoms na ni/ /'di ni byams pa lta bur 'gyur/ /byams pa'i sangs rgyas zhing du 
ni/ /rang bzhin gyis ni skye bar 'gyur/ /de mdun chos ni legs mnyan nas/ /sa dang pha rol phyin pa dang / /dbang dang ting 'dzin thob nas ni/ /de ni byang chub sems dpar 'gyur/ /mthar yang sangs rgyas thams cad ni/ /byams pa'i yid kyis thob par 
'gyur/ /byams pa'i sgrub pa'i thabs so// //rang gi lus ni thams cad ni/ /nam mkha' mtshungs pa nyid du bsgom/ /chos bdag med pa bskyed nas kyang / /rang nyid nam mkha'i snying por 'gyur/ /gsang sngags 'di yi sbyor ba yis/ /mkha' 
mtshungs dpe las rnam par 'das/ /nam mkha'i 'od zer gyur pa yis/ /sems can rang gi sems las spro/ /thams cad sems las spros nas ni/ /slar yang rim gyis bsdu bar bya/ /nam mkhar mnyam par 'gro ba blta/ /rang gi de nyid kyis sbyar bya/ /
rin chen dkyil 'khor dbus gnas par/ /rin chen kha dog 'od po che/ /rgyan rnams kun gyis lus brgyan pa/ /lag na rin chen stobs po che/ /rin chen sbyor ba bsgoms pa yis/ /nam mkha'i dam pa 'grub pa yin/ /sngags ni/[ \u0f00] A kA sha gar+d+hA ya swA hA/ 
nam mkha'i snying po stobs po che/ /bcom ldan rnal 'byor 'grub par 'gyur/ /rang gi dngos grub thams cad ni/ /ster bar 'gyur de dpyad mi dgos/ /dpa' bo sangs rgyas thams cad kyis/ /dngos grub ji snyed bka' stsal pa/ /nam mkha'i snying po bsgrubs pa 
yis/ /de dag thams cad myur du ster/ /nam mkha'i snying po sgrub pa'i thabs so// //sangs rgyas kun gyi rang bzhin sku/ /rgyan rnams kun gyis brgyan pa yis/ /kun tu bzang po 'od bzang ba/ /zla ba'i dkyil 'khor dbus su ni/ /sngags pas rtag 

</font><hr>86-1-49a<br><font size=+1>

tu bsgom par bya/ /dngos grub mchog ni thob par 'gyur/ /rang gi lus ni ji snyed pa'i/ /rang gis phra rab rdul rnams kyis/ /de dag thams cad mtshungs par bya/ /sangs rgyas sku yi sku nyid du/ /yang na ba spu'i khung rnams su/ /rang gi 'khor los 
yongs bskor nas/ /sangs rgyas kun dang mtshungs byas te/ /bdag ni kun tu bzang po zhes/ /yi ge lnga pa zhes su bshad/ /'di yi sngags chen bzlas par bya/ /yang na 'dir ni lha gzhan gyis/ /rtag tu sngags su gyur pa'o/ /oM sAM hrI:kA ya swA hA/ gsang 
sngags rgyal po che gsang zhing / /gdod nas dag cing rang 'byung ba/ /'di ni bsgrubs pa tsam gyis ni/ /shes rab dri ma med par 'gyur/ /de yi ye shes dri med cing / /gzugs mdzes pa ni de dang mtshungs/ /bstan bcos thams cad rab smra ba/ /kun bzang 
mchog tu bdag 'gyur ro/ /kun tu bzang po'i sgrub pa'i thabs so// //zla ba'i dkyil 'khor dbus gnas par/ /rgyan rnams kyis ni brgyan pa yi/ /sgrib pa thams cad rnam sel ba/ /dam pa'i don du bsgom par bya/ /gsang sngags 'di yi sbyor ba dang / /
bcud kyis len gyis bde blag tu/ /ring po nyid du mi thogs par/ /sgrib pa rnam sel mtshungs par 'gyur/ /sngags 'byung ba ni/[ \u0f00] sar+b+ba ni wa ra Na biSh+kam b+hi ni swA hA/ oM ni sa rA ya swA hA/ gtso bo gsang sngags 'di 'dzin la/ /rnam par sel bar grags pa 
ste/ /thams cad bsgom pa'i sbyor ba yis/ /phyag rgya kun gyis thams cad du/ /gdod nas skye med rang bzhin gyis/ /gdod nas dag cing 'gyur ba med/ /de ltar chos 'di shes nas ni/ /lha nyid dang ni mnyam byas nas/ /rnyog pa med cing zag med pa'i/ /rjes 
su rnal 'byor gyis bsgrub bya/ /ut+pal sngon po'i 'dab ma ltar/ /gsal ba'i rnam par gnas pa'o/ /dbang chen dkyil 'khor la bzhugs pa'i/ /me yis yongs su bskor ba yi/ /phyag na ral gri gzi brjid che/ /yang nas yang du sems byed cing / /dngos grub 

</font><hr>86-1-49b<br><font size=+1>

'di ni gzi brjid che/ /rnam sel mchog gi dbang phyug ni/ /mtha' las 'das pa'i dngos grub mchog /thams cad nas ni stsol ba nyid/ /rnam par sel ba sgrub pa'i thabs so// //dbang chen dkyil 'khor steng du ni/ /rdo rje yi ni dbus na bzhugs/ /gser 
gyi mdog can sku chen po/ /'bar ba lta bu'i gzi brjid can/ /snying gar rdo rje'i phyag rgya gnas/ /sa snying zhes byar bdag nyid bsgom/ /rang gi lhag pa'i lha sbyor bas/ /rang gi gsang sngags brjod par bya/ /sa snying zhes byar bdag bsgoms nas/ /sngags kyi yi 
ge mchog bde 'di/ /\u0f00 k+Shi haHrA dza swA hA/bsam yas sngags mchog 'di yis ni/ /dngos grub thams cad rab stsol mdzad/ /sa yi snying po zhes grags pa/ /dam pa'i don du rnal 'byor pas/ /sa'i snying po'i sgrub pa'i thabs so// //zad pa med cing 
'khrul pa med/ /zag med mchog gi shes rab can/ /zla ba'i dkyil 'khor dbus su ni/ /shes rab rdo rje'i bdag nyid dge/ /blo gros mi zad rnyed dka' ba/ /'bad pa yis ni bsgom par bya/ /me yi dkyil 'khor dbus su ni/ /gser gyi mdog dang ldan pa'i 
gzugs/ /rgyal po chen po zla ba'i 'od/ /'od kyi dkyil 'khor rab tu gsal/ /sngags ni/ oM a k+Sha ya ma ti swA hA/ sngags kyi yi ge gsang ba 'di/ /thams cad blo gros gsal bar byed/ /ye shes mi zad 'dod pa yis/ /'bad pa yis ni bsgrub bya ste/ /dngos 
grub kun gyi mchog shes bya/ /shes rab ye shes dri med mdzes/ /sangs rgyas nyid kyang thob gyur na/ /dngos grub gzhan dag ci zhig smos/ /blo gros mi zad pa'i sgrub pa'i thabs so// //kun nas shes rab chen po can/ /zla ba'i dkyil 'khor la brten par/ /
gser gyi kha dog gzi brjid che/ /rgyan rnams thams cad kyis brgyan pa'i/ /gzhon nu'i gzugs can rtag bsam bya/ /re ba thams cad rdzogs par mdzad/ /rang gi lhag pa'i lha sbyor ba/ /nam mkha'i bdag po bdag yin zhes/ /lus ngag yid kyis thams 

</font><hr>86-1-50a<br><font size=+1>

cad du/ /thams cad rig pas brtan par bya/ /shin tu dri med byang chub sems/ /rang snying me long lta bur bsam/ /de nas yi ge tshig bkod de/ /mkha' mdzod bdag ces bdag nyid kyis/ /bsgoms nas rdo rje rdo rje'i bdag /mkha' la rin chen 'byung 
gnas dang / /yid bzhin nor bu dpag bsam shing / /de bzhin bum pa bzang po sogs/ /'jig rten kun gyi dbang phyug gi/ /nye bar mkho ba thams cad 'bab/ /'jig rten kun gyi rdzas thams cad/ /ji snyed yod pa de dag kun/ /'dir ni skad cig tsam nyid 
la/ /dngos grub dam pa stsol bar 'gyur/ /oM ga ga na gany+dzo ga~M swA hA/ nam mkha' mdzod kyi dngos grub che/ /nor gyi rgyun gyi rab 'bebs pa/ /nam mkha'i mdzod ni stobs po che/ /skad cig tsam gyis byed par 'gyur/ /nam mkha' mdzod kyi sgrub pa'i thabs so// //
rin chen dkyil 'khor las byung ba/ /rin chen phung po char rab 'bebs/ /rin chen gzi brjid mchog tu rol/ /lag na rin chen de bsgrub bya/ /lag na rin chen phyag rgya che/ /zla ba'i dkyil 'khor dbus gnas par/ /rdo rje sbyor bas bsgom par bya/ /bdag nyid 
rin chen zhes bya dang / /rin chen thams cad stsol bar mdzad/ /thams cad rdo rje bzhin bdag nyid/ /pri yang ku mdog sngo bsangs 'od/ /dbang chen dang ni me las byung / /phyag na rin chen cher gsal ba/ /rab tu 'bad de bsgom par bya/ /\u0f00 rat+na pA Ni ra 
mu swA hA/ /gsang sngags 'di ni brtson 'grus che/ /rab tu 'bad de bsgrubs na ni/ /'gro ba kun gyi lag tu ni/ /rin chen thams cad rab rtsol byed/ /lag na rin po che'i sgrub pa'i thabs so// //chos kyi dbyings dang mtshungs pa'i sems/ /bdud rtsi chu yis 
rab gang ba/ /stong gsum zhes ni bsam par bya/ /pad+ma gcig gi steng na gnas/ /de yi steng du gzi brjid che/ /chu lha yi ni gzugs kyi mchog /de steng du yang gsang chen po/ /me yi dkyil 'khor dam pa yin/ /de yi steng du brtson 'grus che/ /rtse mo brgya pa'i 

</font><hr>86-1-50b<br><font size=+1>

rdo rje byung / /de yi steng du pad chen po/ /'dab ma brgya pa 'od gsal ba/ /de steng rtag tu bsam pa ni/ /byang chub sems dpa' stobs po che/ /rgya mtsho'i blo gros zhes grags pa/ /'bar ba'i phreng ba 'khrigs pa'i 'od/ /dung dang kun+da zla ba'i 'od/ /rgyan rnams kun 
gyis rnam par brgyan/ /de yi lag na phyag rgya che/ /rdo rje dung du rab tu grags/ /rang gi lhag pa'i lha sbyor bas/ /rang nyid rdo rje yin no zhes/ /rgya mtsho'i blo gros shes rab che/ /slar yang gsang sngags bzla bar bya/ /sngags ni/[ \u0f00] sA ga ra ma ti sa ra swA hA/ 
sngags 'di mchog dang gtso bo ste/ /shes rab ye shes dri med mdzes/ /rdo rje'i sbyor bas myangs na ni/ /shes rab rgya mtsho'i blo gros mtshungs/ /rang nyid sangs rgyas 'jam pa'i dbyangs/ /thugs rje 'jig rten dbang phyug rgyal/ /dngos grub gzhan lta smos ci dgos/ /
rgya mtsho'i blo gros kyi sgrub pa'i thabs so// //dbang chen dkyil 'khor la gnas pa'i/ /ut+pal sngon po 'dab 'dra'i 'od/ /rdo rje snying po brtson 'grus che/ /zla ba'i dkyil 'khor dbus su ni/ /ji snyed sa steng mtha' dag tu/ /khyab la sdug cing mtho ba yi/ /
sra zhing snying po rnam dag pa'i/ /mchog gi yi ge 'gyur med pa/ /sa bcu'i dbang phyug mgon po ni/ /chos kyi sprin la spyod mdzad pa/ /bsam yas sa ni yang dag brnyes/ /in dra nI la mtshungs pa'i 'od/ /de yi sngags gyur mdzes pa ni/ /yi ge mchog ni steng 
du 'bar/ /thugs kar rdo rje cher gsal ba/ /rang nyid rnam par 'phro ba bzhin/ /sngags ni/[ \u0f00] badzra gar+b+ha hU~M/ 'di ni sngags mchog gtso bo ste/ /sangs rgyas byang chub rab sgrub byed/ /ye shes yangs pa stsol mdzad cing / /rnam pa kun tu phun tshogs kun/ /
sangs rgyas nyid kun stsol mdzad na/ /dngos grub gzhan lta smos ci dgos/ /dgug dang gzhug dang bcing ba dang / /dbang du bya ba sgrub par byed/ /bdag nyid rdo rje yin no zhes/ /nga rgyal rab tu bskyed nas ni/ /rdo rje snying po bzhin du gzhan/ /bdag gi rnal 

</font><hr>86-1-51a<br><font size=+1>

'byor bsgom par bya/ /thugs kyi rdo rje nyid gyur nas/ /chos kyi dbyings dang mnyam pa thob/ /des na rnam pa thams cad kyis/ /rdo rje snying po yang dag byung / /rdo rje snying po mkha' rdo rje/ /sbyin byed rtse mo drug pas sgrub/ /rdo rje snying po sgrub pa'i thabs so// //
dbang chen me las yang dag byung / /nor bu rin chen 'dra ba'i lus/ /zla ba'i dkyil 'khor la gnas pa'i/ /nyi ma'i dkyil 'khor mtshungs pa'i 'od/ /rin chen 'byung ba sems chen po/ /'gro ba snang bar byed de gnas/ /pad+ma mkha' 'dra'i rnam pa can/ /phyag rgya de yi 
snying gar gnas/ /rin chen sbyor bas bsgom par bya/ /rin chen char pa 'bab par 'gyur/ /sngags ni/[ \u0f00] rat+na kA raHhrIHrat+naM da da swA hA/ rin chen 'byung gnas rgyal po 'di/ /mchog rnams kyi ni sa'i dbang phyug /sbyor ba kun gyis bsgrub par bya/ /rgya che'i nor 
rnams stsol bar 'gyur/ /rin chen 'byung ba'i sgrub pa'i thabs so// //de bzhin gshegs pa thams cad kyi rdo rje'i snying po rgyan gyi rgyud chen po las sangs rgyas dang byang chub sems dpa' thams cad kyi sgrub pa'i thabs so// //de nas bcom ldan 'das de 
bzhin gshegs pa thams cad slar yang 'dus te gshegs nas bcom ldan 'das thog ma dang tha ma med pa dam pa'i chos kyi 'khor lo bskor ba chen po la gsol ba btab pa/ de bzhin gshegs pa thams cad kyis khro bo bcom ldan 'das bskyed du gsol/ de nas bcom ldan 
'das khro bo 'khor los sgyur ba chen pos de skad ces gsol ba btab ma thag kho nar rdo rje khro bo'i dkyil 'khor gsang ba las ches gsang ba bka' stsal pa/ de nas yang dag bshad bya ba/ /khro bo yi ni dkyil 'khor mchog /rlung khams rab tu gsal ba la/ /me 
ni dbus nas dbus su'o/ /de yi dbus su rdo rje che/ /'od zer lnga yi phreng bas mdzes/ /de yi mdun du bya ba yang / /mdung rtse 'bar ba chen po yi/ /de yi g.yas kyi cha ru ni/ /rdo rje chen po 'bar phreng can/ /g.yon nyid du ni be con che/ /rig pa'i phreng bas rnam par spras/ /

</font><hr>86-1-51b<br><font size=+1>

rgyab tu ral gri'i phyag rgya ni/ /rin chen 'bar bas rnam par brgyan/ /phyi ngos rnams su rnam khros pa'i/ /khro bo thams cad dgod par bya/ /de yi sngags kyi yi ge gsang / /gsang chen mchog tu 'bar ba'o/ /gzhal du med cing grangs med mchog /chos dbyings 
mnyam dang mi mnyam pa/ /yi ge gcig pa gsang chen po/ /rgyu yi don du rtogs par byed/ /dbyangs lnga dang ni yang dag ldan/ /thig le sgra yis rnam par brgyan/ /de nyid gsang ba'i mgon po ni/ /dbyangs bdun par ni bshad pa yin/ /he ru ka dpal rdo rje che/ /
'jig pa'i thal ba mchog tu 'bar/ /sems dpa' sngon po 'bar ba'i bdag /'bar ba'i me yi dkyil 'khor bzhin/ /'jig pa chen po'i dus can gyi/ /char sprin dang ni 'dra ba'i 'od/ /pad+ma rA ga'i rnam pa 'dra/ /'bar ba kun gyis rnam par brgyan/ /dur 
khrod me bzhin shin tu yang / /gsal ba'i skra ldan stobs po che/ /rno ba'i rdo rje cher 'bar ba/ /thod pa'i cod pan steng du 'bar/ /'jig pa chen po'i dus can gyi/ /rgod ma kha yi me ltar gnas/ /smin 'khyog rnam par 'khrugs pa can/ /g.yon brkyangs pa 
yi zhabs kyis bzhugs/ /khro ba la sogs nyams dang ldan/ /rnam pa sna tshogs 'khrugs pa'i gdong / /gar dang sdud par yang dag ldan/ /'jig rten snang ba gar mdzad pa/ /phyag ni brgya phrag stong dang ldan/ /gcig tu 'gyur zhing rnam pa mang / /rnam mang 
zhal ldan de dag gi/ /sngo ser la sogs mtha' dang ldan/ /zhabs kyang rnam pa du ma ldan/ /sna tshogs mdog ldan rnam par 'khrug /de nyid bcom ldan rnal 'byor te/ /khro bo'i rgyal po stobs po che/ /shin tu sdug cing drag rnams la/ /sgyu 'phrul dra ba zhes byar 
gnas/ /phyag drug zhabs drug snang ba can/ /zhal drug pa ste gsus po che/ /char sprin mchog 'dra cher gnag pa/ /dus mtha'i me dang 'dra bar gnas/ /mdog chen rgyal po 'khyil pa 'dra/ /zar ma yi ni me tog mtshungs/ /khro bo thod pa'i phreng ba 'chang / /gshin 

</font><hr>86-1-52a<br><font size=+1>

rje mthar byed stobs po che/ /de la sngags kyang /[ \u0f00] AHhU~M phaT/[ \u0f00] ya ma ma tha na hU~M phaT/[ \u0f00] hrIHSh+TIHbi kr-i tA na na hu~M sar+b+ba sha trUn nA sha ya staM b+ha ya hU~M phaT/ sngags kyi rgyal po bdag nyid 'di/ /khyab bdag gdul dka' 'dul ba po/ /gshin rje mthar mdzad khro 
bo che/ /sangs rgyas kun gyi bdag nyid gtso/ /sangs rgyas thams cad spyan 'dren cing / /dbang du yang ni mdzad par gnas/ /rtag tu gdul dka' 'dul mdzad cing / /rdo rje snang mdzad legs par 'dul/ /shin tu gdug pa drag rnams la/ /zhi ba nye bar mi sbyar te/ /
shes rab thabs kyi bdag nyid kyis/ /de bzhin gshegs rnams khro bor mdzad/ /thugs rje khro bo'i ngang tshul can/ /'jig rten gsum kyang nges sreg mdzad/ /de bas 'bad pa thams cad kyis/ /shes rab thabs kyi bdag nyid sku/ /thugs rjes khro bo ma lus mchog /
gdug pa 'dul bar mdzad pa bskyed/ /gshin rje mthar byed kyi sgrub pa'i thabs so// //de nyid bcom ldan rnal 'byor te/ /khro bo gzegs ma zhes su grags/ /dmar po 'bar ba'i khro bo che/ /'jig pa chen po'i dus dang 'dra/ /ut+pal sngon po'i 'dab ma bzhin/ /
de yi kha dog rnam par bsam/ /drag po chen po'i zhal bzhi pa/ /'bar ba'i phreng ba 'khrigs pa'i 'od/ /spyan gsum pa la khro gnyer bsnyer/ /phyag drug pa la mchog tu 'bar/ /me yi khams dang 'dra ba'i mdog /li khri'i mdog ltar shin tu 'bar/ /de yi khro gnyer 
bsnyer ba yis/ /gdug pa 'dul mdzad 'byin par byed/ /khro bo'i rgyal po gnyis pa ni/ /yang dang yang du bsam par bya/ /ma lus sa rnams thams cad du/ /son pa'i bdag nyid chen po des/ /'gugs pa dang ni dbang byed na/ /skye bo gzhan lta smos ci dgos/ /
sngags ni/[ \u0f00] ka Ni d+hu Ni hU~M phaT/ khro bo 'di yi sngags 'dzin pa/ /'jig rten gsum mchog stobs po che/ /sa rnams thams cad sreg byed na/ /skye bo gzhan lta smos ci dgos/ /khro bo gzegs ma sgrub pa'i thabs so// //de nyid bcom ldan rnal 'byor te/ /

</font><hr>86-1-52b<br><font size=+1>

rdo rje sems dpa' de bzhin gshegs/ /pad+ma gar gyi dbang phyug gyur/ /rta mgrin zhes su bshad pa yin/ /rtag tu 'char ka'i mdog 'dra ba/ /rgya skyegs mdog ltar 'bar ba bo/ /chu dang gzi brjid can reg pa/ /me yi dkyil 'khor dag dang ldan/ /'dod ldan 
rnams la 'dod pa 'byung / /gdug pa can rnams gdug pa 'byung / /zhi ba la yang zhi ba 'byung / /stobs ldan rnams la stobs kyis sbyor/ /zhal bzhi pa la zhabs bzhi pa/ /bsam gtan bzhi dang mnyam par ldan/ /phyag bzhi pa la brtson 'grus che/ /seng ge 
ltar gnas mche ba bzhi/ /rta mgrin rgyal po chen po ni/ /dam pa'i dbang phyug bsgrub par bya/ /skad cig nyid la bslang nas ni/ /thams cad slong ba bsgrub par bya/ /sngags ni/ oM a mr-i tod+b+ha bod+b+ha pe hU~M phaT/[ \u0f00] a mr-i tong b+ha ba hU~M phaT/ g.yas dang g.yon gyi sbyor 
ba yis/ /g.yon brkyang ba ni rab tu sbyar/ /khro bo'i skyil krung byas nas ni/ /'jig rten thams cad rab nyed bya/ /pad+ma'i dbang phyug rgyal po 'di/ /kun mchog sa yi dbang phyug ste/ /rta yi mgrin pa stobs po che/ /stobs kyi sbyor bas bsgrub par bya/ /dbang phyug 
chen po la sogs lha/ /tshogs kyi bdag po gzhan dag dang / /mi dang gdug pa'i bsam pa can/ /sa rnams thams cad dgug par bya/ /rta mgrin sgrub pa'i thabs so// //de nyid bcom ldan rnal 'byor de/ /gcig pu nyid ni lhag pa'i lha/ /shes rab thabs 
kyi bdag nyid gyur/ /khro bo mchog tu mi 'gyur ba/ /kun sbyor bdag gi rnal 'byor gyis/ /thugs rjes khro ba'i dbang du song / /de nas sangs rgyas thams cad kyi/ /sna yi rtse mor yid kyis ni/ /g.yo ba med par bsam par bya/ /slob dpon mi g.yo khro bo che/ /de 
bzhin gshegs pa thams cad brtan/ /ral gri zhags pa 'dzin pa gsang / /thog ma tha ma med pa'i mchog /pri yang ku ltar ljang ba'i gzugs/ /'khrigs shing byis pa lta bur gnas/ /ma lus pa yi sa rnams kun/ /chos dbyings mnyam dang mi mnyam 

</font><hr>86-1-53a<br><font size=+1>

pa/ /khro bo mngag pa bran dang ni/ /pho nyas kyang ni rnam par brgyan/ /skye bo kun gyis yongs su gang / /sangs rgyas kun gyi spyan snga na/ /bka' lung yang ni yongs su stsol/ /zad pa'i dus dang 'drar gnas so/ /sngags ni/ na maHsa man+ta badzrA NAM 
tsaN+Da ma hA ro Sha Na s+pho Ta ya hU~M/ tra ka hA~M mA~M/ khro bo gzi brjid chen po 'di/ /gzugs mang mnga' ba stobs po che/ /'gro ba thams cad 'gugs par byed/ /dbang du yang ni mdzad par gnas/ /rlung dang me las yang dag byung / /'bar ba lta bu'i gzi brjid can/ /sngags 
dang phyag rgya sogs kun mchog /lus dang ngag yid de bzhin no/ /dgug dang gzhug dang bcing ba dang / /dbang du byas nas bsgrub par bya/ /de la sogs pa mtha' yas mchog /nam mkha'i khams kyi mtha' klas mchog /khro bo'i phyag rgya rang 'byung ba/ /drag po 
thog ma tha ma med/ /rnam par 'phro ba bzhin du gnas/ /de bzhin gshegs pa thams cad kyi rdo rje snying po rgyan gyi rgyud las khro bo'i dkyil 'khor 'di yongs su rdzogs so// //de nas bcom ldan 'das de bzhin gshegs pa thams cad slar yang 'dus te 
gshegs nas bcom ldan 'das la de bzhin gshegs pa thams cad kyi gzungs thams cad kyi dbang phyug gi rgyal po bcom ldan 'das la gsol ba btab pa/ bcom ldan 'das gzungs rnams thams cad kyi dkyil 'khor bskyed par mdzad du gsol/ de nas bcom ldan 
'das kyis gzungs kyi dkyil 'khor bka' stsal pa/ de nas yang dag bshad bya ba/ /gzungs rnams kyi ni dkyil 'khor dge/ /gru bzhi pa la sgo bzhi pa/ /rta babs kyis ni rnam par mdzes/ /thig bzhi dang ni yang dag ldan/ /dkyil 'khor dam par rab tu bshad/ /
de yi dbus su pad chen po/ /lo ma kun gyis shin tu mdzes/ /nyi shu rtsa lnga'i 'dab ma ldan/ /rdo rje rin chen legs par brgyan/ /de yi dbus su rtag bri ba/ /dpag med shes rab pha rol phyin/ /de yi nye 'khor thams cad du/ /sna tshogs las ni 'bar rnams la/ /

</font><hr>86-1-53b<br><font size=+1>

nyi shu rtsa lnga'i dbye ba yis/ /shes rab pha rol phyin ma bri/ /shar gyi 'dab ma nas brtsams te/ /thog mtha' nyid kyang brtag par bya/ /phyag rgya'i yi ge ci rigs par/ /go rims bzhin du rnam par dgod/ /phyogs cha'i dbye ba tha dad kyis/ /kha dog dbye ba 
thams cad du/ /rnam dbye mchog tu sna tshogs pa/ /chos dbyings mnyam dang mi mnyam pa/ /de las 'od zer bsam mi khyab/ /sngo ser la sogs dbye ba yis/ /shes rab snang ba'i dkyil 'khor gyis/ /'gro ba thams cad gsal bar bya/ /'dus par gyur nas 
de dag kun/ /lha nyid kyi ni gzugs ji bzhin/ /shes rab chen po gzugs chen po/ /'bar bcas mdzes pa'i gzi brjid can/ /de yi lte ba'i dkyil du ni/ /sngags kyi dkyil 'khor kun nas brten/ /sku ni gser gyi mdog dang 'dra/ /rgyan rnams kun gyis rnam 
par brgyan/ /rang gi ting nge 'dzin la zhugs/ /du ma'i gzugs kyi gzugs ldan ma/ /shes rab pha rol phyin ma ni/ /sems can khams ni rnam sbyong mdzad/ /kun nas sems can rnams kyi yum/ /sems can kun gyi thams cad du/ /thams cad lus 
la mnyam par khyab/ /sems kyi rgyun bzhin legs par zhugs/ /zag pa med cing bsam mi khyab/ /dri ma med cing ngang gis stong / /nam mkha' dang ni mtshungs 'dra ba/ /dngos dang dngos med rnam par spangs/ /thog ma tha ma med cing zhi/ /chos rnams kun gyi 
dbang phyug sku/ /sdig pa kun las rnam par grol/ /bden pa gnyis la rnam par gnas/ /dam pa dang ni dam pa'i don/ /chos kyi sku ru de bshad do/ /dbang po kun kyang rnam par shes/ /sems dang thams cad thams cad du/ /yid kyi rnam shes zhes su bshad/ /
shes rab blo dang blo gros dran/ /lhag mthong dang ni ye shes kun/ /kun nas nyon mongs rnam par byang / /rtag dang chad pa'i mtha' dang ldan/ /mtha' gnyis po ni rnam par spangs/ /kun rdzob dang ni dam pa'i don/ /rnam pa gnyis su de rab brtags/ /ji ltar bud 

</font><hr>86-1-54a<br><font size=+1>

shing la brten nas/ /me yi sa bon gnas pa dang / /til la til mar ji bzhin no/ /bur shing ro bzhin rab tu brtag /me tog dri ni ji bzhin nam/ /zho la mar gsar ji bzhin du/ /rnal 'byor pa yi ye shes bsrub/ /bdud rtsi lta bu'i snying po 'byung / /
gtsub shing dang ni gtsub stan las/ /ji bzhin gtsubs pas me 'byung ste/ /de bzhin ye shes rnal 'byor pas/ /bsrubs pas yongs su brtag par bya/ /shes bya'i dkyil 'khor thams cad la/ /yang nas yang du bsrub par bya/ /mun pa thams cad rnam sel 
ba'i/ /nyi ma'i 'od zer ji bzhin bdag /nam mkha' dri ma med brten nas/ /nyi ma zla ba ji bzhin gnas/ /'char ba yis ni gsal byed pa/ /'bar ba stong phrag gi ni snod/ /mun pa kun 'joms skar ma la/ /kun nas kyang ni mdzes pa yin/ /rnal 'byor pas 
ni ji ltar sems/ /mkha' bzhin shin tu dri ma med/ /gzung 'dzin las ni nges par grol/ /mnyam dang mi mnyam dngos po kun/ /de gnas rnal 'byor pa rnams kyi/ /ye shes nyi zla mtshungs pa'i 'od/ /shes rab pha rol phyin bsgoms te/ /gsang sngags 
'di ni bsam par bya/ /rang bzhin gyis ni dag pa'i dngos/ /rang bzhin med par rnam par gnas/ /rang bzhin gyis ni 'od gsal kun/ /gdod nas ma skyes rnyog pa med/ /yi ge de nyid de lta bu/ /gnas dang mi gnas rnam par spangs/ /sde tshan bzhi pa'i gnyis pa la/ /
thig le sgra yis rnam par brgyan/ /de nyid bcom ldan mgon po ste/ /shes rab pha rol phyin mar bshad/ /\u0f00 pradz+nyA swA hA/[ \u0f00] shru ti smr-i ti bi dza ye swA hA/ /sangs rgyas rnams kyi shes rab 'dis/ /bsam pa thams cad rdzogs par byed/ /\u0f00 ya~M/ 'di ni sangs rgyas 
kun gyi yum/ /'di ni 'khor lo rnam par bsgyur/ /'dis ni dngos grub thams cad dang / /grub pa nyid ni byed par gnas/ /bstan bcos rab tu 'chad byed dang / /shes bya thams cad khyad par du/ /thams cad mkhyen pa'i chos rnams kun/ /dbang phyug dam pas 

</font><hr>86-1-54b<br><font size=+1>

shes par 'gyur/ /shes rab kyi pha rol tu phyin ma'i sgrub pa'i thabs so// //shes rab pha rol phyin gnyis pa/ /rdzu 'phrul chen po mkha' dang mnyam/ /gser gyi mdog can 'bar ba can/ /zla ba'i gdan la legs par bzhugs/ /brtson 'grus chen mo bsam 
gtan bya/ /sngags kyi yi ge rnam par brgyan/ /mchog tu rnal 'byor ma rnams kyis/ /sangs rgyas spyan zhes btags pa yi/ /de yi gsang sngags rab bshad bya/ /nyon cig sa rnams 'dod pa rnams/ /sngags ni/[ \u0f00] ru ru s+phu ru dz+wa la tiSh+Tha sid+d+ha lo tsa ni sar+b+ba ar+tha sA d+ha 
ni swA hA/ 'di de mchog tu gsang ba ni/ /rnal 'byor ma la mchog tu bshad/ /dbang chen yi ge'i mthar thug pa/ /bsgoms pas dge ba rab tu ster/ /chos kyi phyag rgya 'di shin tu/ /sems can thams cad dbang du byed/ /dpung dang bcas pa myur bkug ste/ /
bran du gyur nas nye bar gnas/ /phyag rgya gcig pa'i lha mo che/ /rol cing g.yo ba'i zhal mnga' ba/ /sgeg pa la sogs nyams dang ldan/ /rol cing snang ba'i gar mdzad pa/ /sangs rgyas spyan ni 'grub par 'gyur/ /mig gi phyag rgya rab tu sbyar/ /mig gi phyag rgya 'di 
shin tu/ /'jig rten gsum yang gar byed do/ /sangs rgyas spyan gyi phyag rgya'i sgrub pa'i thabs so// //chu yi dkyil 'khor dgyes pa na/ /bcud kyis len dang mtshungs pa'i mchog /mtha' yas rgyas shing yangs pa yi/ /dri ma med pa'i mkha' la gnas/ /
dkyil 'khor de yi dbus su ni/ /lha mo mchog tu mdzes pa mo/ /'dam bu mda' rgyu'i mdog ltar dkar/ /grub ma ral pa'i cod pan 'chang / /'gro ba mtha' dag snang mdzad ma/ /rtag tu nam mkha' bzhin du gnas/ /sngags ni/[ \u0f00] ka Te bi ka Te ka Ta~M ka Te swA hA/ 
gos dkar mo yi phyag rgya che/ /dung dang kun+da zla ba 'dra/ /sngags kyi yi ge'i phreng ba che/ /pad+ma'i rgyal po rab tu gnas/ /'gro ba mtha' dag snang mdzad na/ /sgrub pa pos ni bsgrub par bya/ /dam pa'i lha mo 'grub par 'gyur/ /pad+ma'i dkyil 'khor sgrub pa'i thabs/ /

</font><hr>86-1-55a<br><font size=+1>

zhi ba'i ro dang yang dag ldan/ /zhi ba'i yi ge mnyam par ldan/ /zhi bar mdzad cing 'jig rten gyi/ /sa gsum sgrub par byed pa'i thabs/ /gos dkar mo'i sgrub pa'i thabs so// //sngo bsangs dkar mo sna tshogs gzugs/ /rnam pa sna tshogs 
rgyan gyis brgyan/ /zla ba'i dkyil 'khor dbus gnas pa/ /sgeg pa'i nyams kyis yongs gang ba/ /'gro ba mtha' dag skyob mdzad ma/ /thugs rje'i thugs dang ldan pa can/ /rab tu 'bad de bsgrub par bya/ /rol pa yi ni yi ges mchod/ /sngags ni/[ \u0f00] tA re tud tA 
re tu re swA hA/ chos kyi phyag rgya mtha' yas mchog /sgrol mas legs par rab tu gnas/ /gsang chen bzhin du thams cad la/ /bcud kyis len dang 'dra ba'i mchog /kun du kun tshe thams cad du/ /dngos grub thams cad stsol bar mdzad/ /sgrol ma'i sgrub pa'i thabs 
so// //dkyil 'khor chen po'i dbus su ni/ /rnal 'byor dbang phyug chen mo mchog /phyag bzhi spyan ni gsum pa dang / /ral pa'i cod pan dag gis brgyan/ /'dam bu mda' rgyu'i mdog ltar dkar/ /dpa' ba la sogs nyams kyis brgyan/ /brtson 'grus 
chen mo 'jigs sel ma/ /zla ba'i dkyil 'khor dbus gnas par/ /rab tu 'bar ba'i me bzhin du/ /shin tu gsal ba'i gzi brjid can/ /hU~M gi yi ge zab mo'i sgra/ /sa gsum po ni 'khrug par mdzad/ /khro gnyer can zhes legs par grags/ /sngags kyi phreng bas rnam 
par brgyan/ /sngags ni/[ \u0f00] b+ha ya nA sa ni/ trA sa ni trA se/ trA sa ya/ b+h+r-i ku Ti ta TI/ be tA Di be ra Di shwe te shwe ta dza Ti ni/[ \u0f00] Tak+ki hU~M dzaHswA hA/ gsang sngags 'di ni brtson 'grus che/ gsang sngags kun gyi bdag nyid mchog /'gro ba kun kyang 'gugs byed na/ /gdug pa'i 
sems lta smos ci dgos/ /khro gnyer can gyi sgrub pa'i thabs so// //nyi ma'i dkyil 'khor dbus gnas par/ /zla ba'i dkyil 'khor rdo rje ldan/ /rdo rje'i phreng bas yongs su bskor/ /gzi brjid dkyil 'khor kun nas dkris/ /der gnas rtag tu lha mo ni/ /stobs 

</font><hr>86-1-55b<br><font size=+1>

chen pri yang ku ltar ljang / /phyag bzhi par de bsam par bya/ /rgyan rnams kun gyis rnam par brgyan/ /rnal 'byor ma rnams cher zhi ba/ /dngos grub thams cad rab stsol ma/ /sngags kyi yi ge phreng ba che/ /rdo rje'i dbus song rab tu gnas/ /khro bo hU~M mdzad gang ba'i 
mtha'/ /dpa' ba'i nyams la sogs par ldan/ /lha mo 'jig rten gsum rmongs byed/ /dngos grub chen po rab stsol ma/ /skad cig tsam gyis 'gro ba kun/ /nges par dbang du byed par 'gyur/ /rdo rje rlung gi phreng ba che/ /rdo rje'i 'khor lo rab tu gnas/ /'jig pa 
chen po'i me ltar drag /snang ba chen ma stobs mo che/ /pad+ma rA ga'i rnam pa 'dra/ /rdo rje 'bar bas rnam par brgyan/ /mtshan ni mA ma kI zhes bya/ /lha mo 'jig rten gsum gyis mchod/ /sngags ni/[ \u0f00] ku la d+hA trI ye na maH/ sha~M ka re/ shAn+tiM ka re/ g+huT+Ta g+huT+Ta g+huT+Ti ni/ 
g+hA ta la g+hu Ti ni swA hA/[ \u0f00] ku lan d+hA ri ban d+ha ban d+ha hU~M phaT/ gsang sngags 'di ni don gyi mchog /sangs rgyas kun gyis gsungs pa yin/ /sa gsum po ni 'gugs byed cing / /tshangs pa la sogs lha rnams kun/ /'gro ba thams cad 'gugs byed la/ /rang 
gi dbang du gnas pa'ang yin/ /mA ma kI sgrub pa'i thabs so// //rlung gi dkyil 'khor drag po la/ /rdo rje lu gu rgyud kyis bskor/ /de yi dbus su snang ba che/ /zla ba'i gzugs kyis rnam par brgyan/ /des spros pa las bdag nyid ni/ /rdo rje lu gu rgyud kyi sku/ /phyag 
bzhi ma la lha mo de/ /rdo rje yi ni rgyan gyis brgyan/ /dmar po 'bar ba de yis ni/ /sa gsum po ni 'ching bar mdzad/ /tshangs pa khyab 'jug dbang phyug che/ /bkug nas dbang du mdzad par gnas/ /dngos grub thams cad 'dzin pa dang / /de yi thugs kar rdo rje che/ /'bar 
ba'i phreng ba 'khrigs pa'i 'od/ /de yi 'bar ba lcags sgrog gi/ /rnam pa rdo rje'i mtshan mas mtshan/ /nges par phyung nas de dag kun/ /chos dbyings mnyam dang mi mnyam pa'i/ /'jig rten khams ni mtha' dag tu/ /kun nas rnam par bkang nas kyang / /bsgom bya rdo rje thams 

</font><hr>86-1-56a<br><font size=+1>

cad du/ /khro bo dang ldan spro ba'i zhal/ /lto ba 'phyang zhing sku che ba/ /mche ba bzhi yis rnam par brgyan/ /'bar ba yi ni phreng ba gsal/ /gzugs mdzes drag pa'i gzugs dang ldan/ /sngags ni/[ \u0f00] badzra shr-iM kha lA yAd+hi pa ta ye/ ma hA ba lA ya/ ma hA bid+yA rA dzA ya 
te pra dz+wa li ta/ hastA ya na mo nI la kaN+ThA ya ki rA ta rU pa lam+bo da rA ya/ b+h+r-i ku TI mu khA ya/ mA dzAr mu khA ya/ tsa tu da~MSh+TA ka rA lA ya/ e h+ye hi a s+ya sha rI ra/ ma nu pra bi sh+ya/ shi raM gr-ih+Na/ g+r+li ba ba gr-ih+Na/ hasta pA daM gr-ih+Na bi Sha/ A be sha ya/ ka~M pa ya/ ka~M pa ya/ b+h+ra ma ya/ b+h+ra ma ya/ 
maN+Da la ma d+h+ye/ bi kur+b+ba/ bi kur+b+ba/ tsUr+N+Na tsUr+N+Na/ kuT+Ta kuT+Ta/ s+pho Ta ya s+pho Ta ya/ marmA Ni/ ni kr-in+ta ya/ hr-i da ya/ ts+tshin+da/ bal bal/ kiny+tsi rA ya si/ de ba/ nA ga /yak+Sha/ rAk+Sha sa/ pi shA tsAn sA da ya/ sa ma ya ma nu sma ra/ dzA ti ma nu sma ra/ hA hA/ ni d+hi ni d+hi/ ni Shi ni Shi/ badzra 
shr-iM kha lA/ Adz+nyA pa ya ti swA hA/[ \u0f00] badzra ra Ni hU~M phaT/[ \u0f00] badzri Ni hU~M phaT/[ \u0f00] badzra kA li hU~M phaT swA hA/ gsang sngags 'di yi sbyor ba yis/ /bcud kyis len ni bde ba dang / /'gro ba thams cad 'bebs pa dang / /gdug pa rnams ni 'ching ba dang / /tshangs pa la sogs lha 
rnams dang / /lha dang lha min lto 'phye che/ /'jig rten skyong dang klu rnams kyang / /rang gi gnas nas bskyod nas ni/ /grub pa kun gyi dngos grub ni/ /dngos grub 'gugs par 'dod pa yis/ /thams cad gus pas sbyin par byed/ /bud med gzugs kyis bsgrub par bya/ /rdo 
rje lu gu rgyud ma'i sgrub pa'i thabs so// //zla ba'i dkyil 'khor dbus gnas par/ /pad+ma dkar po rab tu gnas/ /phyag bzhi pa la du ma'i gzugs/ /dung dang kun+da zla ba 'dra/ /thugs kyi rdo rje'i de nyid yin/ /rdo rje'i dkyil 'khor dbus su ni/ /zhi ba la sogs nyams 
dang ldan/ /chos rnams kun gyi bdag skyes mchog /rnal 'byor pas ni rtag tu bsgom/ /sangs rgyas bye ba yang dag 'byung / /der bdag yang dag bsgom pa ni/ /skul byed ma zhes yongs su grags/ /sngags kyi phreng ba'i yi ge ldan/ /kun nas rnam par 'phro byed pa/ /

</font><hr>86-1-56b<br><font size=+1>

nam mkha'i khams ni yongs gang ba/ /ji srid de yi spyod yul yang / /de srid de yi 'od zer bsgom/ /rnal 'byor ye shes kyis rab sprul/ /sngags ni/[ \u0f00] tsa le tsu le tsun+de swA hA/ 'di yi sngags kyi mchog gtso bo/ /sangs rgyas kun gyis mchod pa po/ /mtshungs pa med 
pa'i dngos grub ster/ /lha dang lha min bcas pas mchod/ /'di yi sdig kun 'dzad byed cing / /phun sum tshogs kun rab stsol mdzad/ /pad+ma'i phyag rgya yang dag ldan/ /sangs rgyas nyid kyang ster byed pa'o/ /skul byed ma'i sgrub pa'i thabs so// //gsang ba mchog 
gi dgyes pa na/ /thams cad bdag nyid rtag tu bzhugs/ /sangs rgyas kun bdag dgyes pa ni/ /rdo rje sems dpa' bde ba'i mchog /'di ni rang byung bcom ldan 'das/ /gcig pu nyid ni lhag pa'i lha/ /sangs rgyas kun dang mnyam sbyor ba/ /mkha' 'gro ma yi dra ba 
sdom/ /'dod chags med cing chags bral med/ /dbu mar dmigs par mi 'gyur ro/ /bud med kun gyi sgyu ma'i rgya/ /'di ni gnyis med theg pa'i mchog /sgyu ma dag ni thams cad las/ /bud med sgyu ma khyad par 'phags/ /nus pa yi ni rang bzhin gyis/ /rang 
bzhin nyid kyis de grub bo/ /'jig rten gsum gyi bud med 'dis/ /bkur bar bya ba 'os pa yin/ /ngan sbyong rnams kyis kyang 'grub ste/ /rnyed pa kun dang bde dang spro/ /thams cad bud med sgyu mas 'grub/ /rang gi ngo bo yongs bsgyur ba/ /sna tshogs sgyu ma'i phyag rgya 
'di/ /shes rab pha rol phyin mar bshad/ /kun la sna tshogs phyag rgya ni/ /kun la sna tshogs sdom pa yis/ /sangs rgyas kun dang mnyam par sbyor/ /stong pa nyid kyis de nyid bskul/ /kun la kun nas thams cad du/ /rnam kun kun tshe rang nyid kyis/ /sangs rgyas 
thams cad brtan dang g.yo/ /thams cad dngos po rang nyid 'gyur/ /sems dang sems can ting 'dzin dang / /byang chub spyod pa sna tshogs nyid/ /sa dang pha rol phyin spyod pa/ /dbang nyid du yang de bshad do/ /bdud dang bdud las rgyal ba nyid/ /sangs rgyas rdo rje de bzhin 

</font><hr>86-1-57a<br><font size=+1>

gshegs/ /thog ma tha ma med zhi ba/ /byang chub sangs rgyas bcom ldan de'o/ /rdo rje rdo rje 'dzin pa nyid/ /pad+ma de bzhin pad+ma 'dzin/ /nor bu nor bu 'dzin pa nyid/ /sna tshogs de bzhin sna tshogs 'dzin/ /ral gri ral gri 'dzin rgyal po/ /'khor lo de bzhin 'khor 
lo 'dzin/ /'jig rten gsum rgyal nyid dang ni/ /'di rnams kyi yang rigs nyid 'gyur/ /de nyid chags dang chags bral ba/ /'dod dang thar pa ru yang 'gyur/ /dus gsum dang ni srid gsum mchog /'jig rten gsum dang khams gsum pa/ /brtan pa thams cad de 
nyid de/ /rnam pa sna tshogs nyid du 'gyur/ /g.yo ba kun nas sna tshogs pa/ /thams cad du ni de 'gyur ro/ /de la sogs pa sna tshogs mchog /chos dbyings mnyam dang mi mnyam pa/ /nam mkha'i khams kyi mtha' klas pa/ /dngos po kun du de 'gyur ro/ /de nyid 
bcom ldan rnal 'byor te/ /gcig pu nyid ni lhag pa'i lha/ /nam mkha' kun gyi skabs na dpal/ /rdo rje sems dpa' de bzhin gshegs/ /dpal ldan sgyu ma chen mo 'chang / /rnam snang rtag pa thams cad du/ /rnal 'byor dbang phyug gtso chen khyab/ /sangs rgyas 'khor 
lo can mi bskyod/ /che dang rin chen 'byung stobs che/ /tshe dpag med pa kun nas mchog /don yod sna tshogs mdzad pa dang / /rdo rje sems dpa' blta na sdug /dgug pa mchog gi sbyor ba dang / /legs par mdzad pa de nyid yin/ /rin chen sgron ma de bzhin tog /rdo rje bzhad 
pa snang ba che/ /rdo rje chos dang rno ba che/ /rgyu dang smra mchog bdud rtsi dang / /las dang go cha gnod sbyin che/ /khu tshur de bzhin gshegs pa kun/ /de nyid bcom ldan rnal 'byor 'di/ /rdo rje sems dpa' stobs po che/ /rdo rje hU~M mdzad hU~M mdzad dang / /rta mgrin zhes ni rnam par grags/ /
he ru ka dpal rdo rje che/ /mchog gi dbang phyug gshin rje gshed/ /khro bo gzegs ma snang ba che/ /rdo rje me ni 'od chen po/ /gzugs rnams kyi ni mchog gcig pu/ /ting nge 'dzin las dbang sgyur ma/ /shes rab pha rol phyin mchog gtso/ /sa dang pha rol phyin pa stobs/ /tshangs 

</font><hr>86-1-57b<br><font size=+1>

pa'i gnas pa chen po bzhi/ /dbang ni mchog tu 'bar ba dang / /dran pa nye bar gzhag pa bzhi/ /dbang po rnams dang stobs rnams dang / /rjes dran drug por gyur pa gang / /bsgom par bya bar rab tu gnas/ /de nyid bcom ldan gcig pu ste/ /byang chub yan lag 
bdun btags pa/ /mtha' gcig yongs su rdzogs par 'gyur/ /sum cu rtsa gnyis mchog gi mtshan/ /'jig rten 'das pa'i lam po che/ /'phags lam yan lag brgyad btags pa/ /stobs bcu yi ni bcu pa nyid/ /sangs rgyas chos kyi bdag nyid gnas/ /
byang chub phyogs kyi tshos chen po/ /rnam par dbye ba sum cu bdun/ /mthar gyis gnas pa'i snyoms 'jug ni/ /dgu la gnas par gyur pa dang / /bsdu ba'i dngos po chen po bzhis/ /sems can bsdu bas sdud pa dang / /so so yang dag rig pa bzhi/ /de bzhin 
bsrung ba mi mnga' ba/ /skal ba chen po'i mi 'jigs pa/ /mchog tu gyur pa nyid dang ni/ /bsam gtan gzugs med bzhi phrag gnyis/ /tshad med pa yang de bzhin no/ /byang chub sems kyi spyod pa gtso/ /bden pa bzhi ni ston pa po/ /kun nas nyon mongs rnam 
par byang / /zag bcas zag pa med pa'i mchog /de nyid bcom ldan rnal 'byor te/ /dbang phyug mchog gi dbang phyug dang / /skye dgu'i bdag po skye dgu'i mgon/ /mchog gi bdag nyid ces su brjod/ /kun rdzob brjod pa thams cad dang / /sgra rnams kyi ni spyod 
yul 'gyur/ /brjod du med cing spros pa bral/ /stong pa mkha' mnyam mtshungs pa med/ /tshig mtha' sgra yis rnam dgod pa/ /'jig rten tha snyad tshul du rtogs/ /de tshe lus sogs dbye ba yis/ /sa rnams kyis ni yongs su brtags/ /sku ni sprul pa nyid du 'gyur/ /
longs spyod rdzogs pa yang dag brnyes/ /rdo rje'i sku dang de bzhin du/ /ye shes sku sogs yongs su brtags/ /mtha' yas sku dang sku chen po/ /rin chen sku ni 'od byed pa/ /pad+ma'i sku ni snang ba che/ /thams cad sku ni las bzang byed/ /rtogs par bya ba las kyi sku/ /

</font><hr>86-1-58a<br><font size=+1>

rnam pa gsum du'ang dbye bar bya/ /de nyid bcom ldan rnal 'byor te/ /byang chub sems ni 'od gsal ba/ /kun du 'od kyi sa chen po/ /nyi ma'i dkyil 'khor gzi brjid ldan/ /gnyis pa bdud rtsi'i 'od ces bya/ /zla ba'i 'od ni 'od gsal ba/ /gsum pa 
nam mkha'i 'od ces bya/ /mkha' bzhin legs par rab tu gnas/ /rdo rje 'od mtha' gang zhig sa/ /bzhi pa de ni yid 'ong ba/ /bsam pa brtan pa'i sbyor ba yis/ /rdo rje zhes ni yongs su bsgrags/ /lnga pa rin chen 'od ces bya/ /dbang bskur bar ni rab tu gnas/ /
drug pa pad+mo 'chang zhes bya/ /pad bzhin rab tu rnam par snang / /rang bzhin gyis ni chos nyid dag /bdag gi med cing yongs bzung med/ /bdun pa las kyi 'od ces bya/ /sangs rgyas phrin las mdzad pa che/ /brgyad pa dpe med pa zhes bya/ /dpe ni de la yod ma yin/ /
dgu pa dpe dang bral zhes bya/ /dpe rnams thams cad rab 'jug pa/ /bcu pa shes rab 'od ces bya/ /sangs rgyas sa ni bla na med/ /bcu gcig kun mkhyen nyid ces bya/ /sa chen po ni 'od gsal ba/ /bcu gnyis so sor bdag rig pa/ /rnal 'byor ye shes yongs rdzogs 
nyid/ /sa chen po ni 'di dag rnams/ /sangs rgyas rnams kyis don dam du/ /sangs rgyas dang ni sangs rgyas chos/ /rnal 'byor ye shes gang brjod pa/ /thams cad nyid ni mtha' yas mchog /chos dbyings mnyam dang mi mnyam pa/ /de bzhin gshegs pa thams cad 
kyi rdo rje snying po rgyan gyi rgyud chen po las sngags kyi de kho na nyid do// //de nas bcom ldan 'das de bzhin gshegs pa thams cad kyis bcom ldan 'das thog ma dang tha ma med pa chos kyi 'khor lo chen po bskor ba rnal 'byor gyi dbang phyug chen po la gsol ba btab pa/ 
de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig gi de ma thag nyid du de bzhin gshegs pa thams cad mnyam pa nyid du dmigs pa rdo rje zhes bya ba'i ting nge 'dzin la mnyam par gzhag nas mnyam par gzhag pa'i de ma thag tu yang 

</font><hr>86-1-58b<br><font size=+1>

bcom ldan 'das de bzhin gshegs pa thams cad kyi thugs rdo rje la rjes su bcug nas bcom ldan 'das rnam par snang mdzad kyi lus dang ngag dang yid mnyam pa nyid du byin gyis brlabs nas rnam par bzhugs so/ /de nas bcom ldan 'das rdo rje rnal 'byor gyi dbang phyug chen po 
de bzhin gshegs pa thams cad kyi skur bdag nyid rtogs nas ting nge 'dzin las bzhengs te/ 'jam dpal gzhon nur gyur pa la 'di skad ces bka' stsal to/ /'jam dpal de bzhin gshegs pa thams cad kyi theg pa chen po mngon par rtogs pa zhes bya ba'i dkyil 
'khor chen po yod do zhes gsungs nas cang mi gsung bar bzhugs par gyur to/ /de nas 'jam dpal gzhon nur gyur pa de bzhin gshegs pa thams cad kyi byin gyis brlabs kyis stan las langs te/ bla gos phrag pa gcig tu gzar nas bcom ldan 'das kyi spyan sngar 
pus mo g.yas pa'i lha nga sa la btsugs te thal mo sbyar nas btud de 'di skad ces gsol to/ /bcom ldan 'das bstan du gsol/ shes rab kyi pha rol tu phyin pa dang / thabs kyi theg pa chen po mngon par rtogs pa zhes bya ba'i dkyil 'khor chen po gang du zhugs pas sems 
can rnams thabs chung ngus de bzhin gshegs pa thams cad kyi mchog gi dngos grub thob par 'gyur ba bka' stsal du gsol/ de nas bcom ldan 'das rdo rje rnal 'byor gyi dbang phyug chen pos 'jam dpal gzhon nur gyur pa la bka' stsal pa/ 'jam dpal legs so legs so/ /
'jam dpal khyod gang slar yang de bzhin gshegs pa thams cad kyi dam tshig la rjes su zhugs pa ni 'jam dpal khyod legs so legs so/ /de legs par rab tu nyon la yid la zung shig dang theg pa chen po mngon par rtogs pa zhes bya ba'i dkyil 'khor chen po bshad par bya'o/ /
de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi rdo rjes byin gyis rlob pa zhes bya ba'i ting nge 'dzin la snyoms par zhugs nas dam tshig chen po rdo rjes byin gyis rlob pa theg pa chen po'i mngon par rtogs pa zhes bya ba'i dkyil 'khor 

</font><hr>86-1-59a<br><font size=+1>

'di bka' stsal pa/ de nas dkyil 'khor chen po mchog /yang dag rab tu bshad bya ba/ /dam tshig chen po rdo rje mchog /snying po chen po'i rgyan ces bya/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni mnyam par ldan/ /
'od zer 'bar bas 'khrigs pa'i 'od/ /rdo rje snying po yongs bskor ba/ /byang chub shing gis nye bar mdzes/ /rdo rje dkyil 'khor grwa rnams dang / /sgo dang sgo khyud mtshams rnams su/ /rdo rje rin chen rnams kyis spras/ /rdo rje pad+ma thams cad du/ /las kyi rdo rje thams cad 
du/ /'bar ba'i phreng ba 'khrigs pa'i 'od/ /dril bcas sna tshogs mchog dang ldan/ /rgyal mtshan bsgreng ba rlung bskyod pa'i/ /gos dang me tog chun pos spras/ /zla ba phyed pas nye bar mdzes/ /ral gri rdo rje ut+pa la/ /lcags kyu la sogs sna tshogs brgyan/ /chu yis 
dkyil 'khor yongs bskor ba/ /khor yug bzhin du rnam par gnas/ /de la'ang sgo dang sgo khyud sogs/ /mkhas pa yis ni spro bar bya/ /de yi nang du bri bar bya/ /'khor lo chen po rab tu gnas/ /cha brgyad kyis ni yongs su bskor/ /dkyil 'khor legs par 
rnam par spras/ /rdo rje'i thig gis yongs su bskor/ /rdo rje'i 'khor lo cher 'bar ba/ /de yi dbus su snying po che/ /rdo rje'i snying po zhes su bshad/ /de yi steng du rdo rje che/ /rdo rje pad+ma rab tu gnas/ /pad+ma'i steng du rdo rje che/ /'khor lo'i dkyil 'khor dag gis 
brgyan/ /gsang ba che ba zla bas brgyan/ /'grel pa'i bshad par 'di bzhin 'dug /dung dang kun+da zla ba dkar/ /sangs rgyas kun gyi gdan du bshad/ /de yi steng du legs bzhugs pa/ /khyab bdag rnam par snang mdzad che/ /zla ba'i mdog ldan 'dzum bcas pa/ /
ting 'dzin ldan gnas sdig pa bcom/ /rdo rje'i phreng bas rnam par spras/ /sna tshogs 'bar bas 'khrigs pa'i 'od/ /rin chen chen po'i phreng ba ches/ /spras pa rnam par dgod par bya/ /de sngags rtag tu shes bya ba/ /yi ge yi ni mchog gtso bo/ /sha sa'i sde ba gsal 

</font><hr>86-1-59b<br><font size=+1>

byed ni/ /mchog gi dbang phyug rgyu gcig po/ /drug pa'i dbyangs kyis legs gsal ba/ /thig le nA das legs par brgyan/ /rten cing 'brel 'byung 'khor lo yi/ /don can rab tu bskyed par bya/ /de nyid bcom ldan rnal 'byor can/ /gcig pu nyid ni lhag 
pa'i lha/ /chos kyi sku ni ye shes che/ /rdo rje rnal 'byor dbang phyug bshad/ /de nas yang de bzhin gshegs pa mi bskyod pa dang / ye shes kyi 'od zer dang / de bzhin gshegs pa spyan ras gzigs dbang phyug gi rgyal po dang / de bzhin gshegs pa rdo rje rnam par 
gnon pa dang / de bzhin gshegs pa thams cad kyi sku dang / gsung dang / thugs rdo rje nyid du rang gi bdag nyid byin gyis brlabs te/ bcom ldan 'das de bzhin gshegs pa shAkya thub pa'i phyogs thams cad mnyam pa nyid du dmigs nas phyogs bzhir 'khod do/ /
dbang chen dkyil 'khor mi bskyod pa/ /me yi dkyil 'khor ye shes 'od/ /chu yi dkyil 'khor 'od dpag med/ /rdo rjes rnam gnon rlung dkyil 'khor/ /de nas bcom ldan 'das byang chub sems dpa' chen po kun tu bzang po'i dam tshig las byung ba sems dpa' 
byin gyis rlob pa rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi theg pa chen po mngon par rtogs pa zhes bya ba/ de bzhin gshegs pa thams cad kyi rdo rje'i snying po'i rgyan gyi snying po 'di nyid kyi thugs ka nas phyung ba'o/ /\u0f00 
badzra sa twa/ de nas 'di rnam par phyung ba tsam gyis de bzhin gshegs pa thams cad kyi thugs ka nas rdo rje'i 'od zer rnams phyung ste/ rdo rje'i 'od zer de rnams kyis 'jig rten gyi khams thams cad snang bar byas te gsal bar gyur nas/ de nas rdo rje'i 'od zer de rnams kyis 
'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyi skus 'jig rten gyi khams rnams su gshegs nas 'jig rten gyi khams thams cad snang bar mdzad de/ sems can thams cad kyi don bya ba mngon par rdzogs nas 

</font><hr>86-1-60a<br><font size=+1>

slar yang gcig tu 'dus te/ byang chub sems dpa' chen po kun tu bzang po'i skur gyur nas/ bcom ldan 'das rdo rje rnal 'byor gyi dbang phyug chen po'i rdo rje snying po'i thugs kar gnas te ched du brjod pa 'dis ched du brjod pa/ e ma ho rdo rje snying po bdag /
sangs rgyas ye shes bla na med/ /snying po ye shes rnam dag pa/ /rdo rje sems dpa' nyid gyur nas/ /byang chub sems dpa' brtan bskyed de/ /sangs rgyas ye shes bla na med/ /gang zhig brtan phyir lus min yang / /sangs rgyas sku nyid du gyur to/ /de nas rdo rje'i sku 
byang chub sems dpa' chen po bcom ldan 'das kyi thugs ka nas 'thon nas bcom ldan 'das mi bskyod pa'i nye 'khor thams cad rnam pa bzhis phye ste/ dkar po ser po dmar po ljang gu'i mdog tu mngon par sprul nas rang gi sngags kyi yi ges zla ba'i dkyil 'khor la brten te 
gnas par gyur to/ /dgug pa'i ting nge 'dzin ni/[ \u0f00] badzra rA dzaH/ rjes su chags pa'i ting nge 'dzin ni/[ \u0f00] badzra rA ga /de bzhin gshegs pa thams cad la legs par mdzad pa'i ting nge 'dzin ni/[ \u0f00] badzra sA d+hu/ de bzhin du rin chen 'byung ldan gyi dkyil 'khor la dbang 
bskur ba'i ting nge 'dzin ni/[ \u0f00] badzra rat+na/ nyi ma'i dkyil 'khor gyi ting nge 'dzin ni/[ \u0f00] badzra te dza/ de bzhin gshegs pa thams cad kyi nam mkha' mdzod kyi ting nge 'dzin ni/[ \u0f00] badzra ke tu/ de bzhin gshegs pa thams cad kyi bzhad pa chen po'i ting nge 'dzin ni/[ \u0f00] badzra hA sa/ de 
bzhin du 'od dpag tu med pa'i dkyil 'khor yang thugs rje'i ting nge 'dzin ni/[ \u0f00] badzra d+har+m+ma/ shes rab kyi pha rol tu phyin pa'i ting nge 'dzin ni/[ \u0f00] badzra tIk+Sh+Na/ dam pa'i chos kyi 'khor lo'i ting nge 'dzin ni/[ \u0f00] badzra he tu/ de bzhin gshegs pa thams cad kyi sems dpa' smra ba'i 
ting nge 'dzin ni/[ \u0f00] badzra b+hA Sha/ de bzhin du rdo rje don yod pa'i dkyil 'khor la/ las sna tshogs pa'i ting nge 'dzin ni/[ \u0f00] badzra kar+m+ma/ brtson 'grus kyi pha rol tu phyin pa'i ting nge 'dzin ni/[ \u0f00] badzra rak+Sha/ de bzhin gshegs pa thams cad kyi khro bo'i ting nge 'dzin ni/[ \u0f00] badzra 

</font><hr>86-1-60b<br><font size=+1>

yak+Sha/ de bzhin gshegs pa thams cad kyi sku dang gsung dang thugs khu tshur bcings pa'i ting nge 'dzin ni/[ \u0f00] badzra san+d+hi/ de nas bcom ldan 'das rnam par snang mdzad/ de bzhin gshegs pa thams cad kyi ye shes kyi phyag rgya'i dam tshig rdo rje dbyings kyis byin gyis brlabs pa zhes bya 
ba'i ting nge 'dzin la snyoms par zhugs te/ nyid kyi thugs ka nas 'di phyung ngo / /\u0f00 badzra d+hA tu hU~M/ rang gi rig pa mchog ni/[ \u0f00] badzra d+hA twI shwa ri hU~M badzri Ni/ de nas de bzhin gshegs pa mi bskyod pas de bzhin gshegs pa thams cad kyi rdo rje sems dpa'i dam tshig ye shes kyi phyag rgya'i 
dkyil 'khor byin gyis brlabs pa zhes bya ba'i ting nge 'dzin la snyoms par zhugs te/ nyid kyi thugs ka nas rang gi rig pa mchog 'di phyung ba/[ \u0f00] a k+Sho b+h+ya a~M/[ \u0f00] dz+nyA na muSh+Ti tsit+ta badzre badzri Ni hU~M/ de nas de bzhin gshegs pa'i 'od zer gyis de bzhin gshegs pa thams cad 
kyi rdo rje rin po che'i dam tshig gi ye shes kyi phyag rgya'i dkyil 'khor byin gyis brlabs pa zhes bya ba'i ting nge 'dzin la snyoms par zhugs nas nyid kyi thugs ka nas rang gi rig pa mchog 'di bka' stsal pa/[ \u0f00] rat+na saM b+ha ba trA~M/[ \u0f00] badzra dz+nyA na gar b+ha sti hU~M/ de nas de bzhin gshegs 
pa 'od dpag tu med pa de bzhin gshegs pa thams cad kyi rdo rje chos kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas nyid kyi thugs ka nas rang gi rig pa mchog 'di bka' stsal pa/[ \u0f00] a mi tA b+ha hrIH/[ \u0f00] 
badzra d+hA ri Ni hU~M/ de nas de bzhin gshegs pa rnam par gnon pas de bzhin gshegs pa thams cad kyi rdo rje las kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas rang gi rig pa mchog 'di bka' stsal pa/ 
\u0f00 a mo g+ha sid+d+hi a~M/[ \u0f00] badzra ma hA ba le hU~M/ de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyi yul la rnam par gzigs shing / de bzhin gshegs pa thams cad mnyam pa nyid rnam par spros pa'i snying po 'di bka' 

</font><hr>86-1-61a<br><font size=+1>

stsal pa/[ \u0f00] sar+b+ba ta thA ga ta sa ma tA dz+nyA na badzra hU~M/ de nas de bzhin gshegs pa thams cad kyi snying po 'di dag bshad pa tsam gyis de bzhin gshegs pa thams cad kyi dkyil 'khor thams cad mthong bar gyur to/ /de nas phyag na rdo rjes de bzhin gshegs pa thams 
cad kyi snying po'i bdag nyid rtogs nas/ rdo rje mnyam pa nyid spros pa'i snying po bka' stsal pa/[ \u0f00] badzra sa ma tA dz+nyA na bud+d+ha hU~M/ de nas 'di bshad pa tsam gyis de bzhin gshegs pa thams cad kyi snying po rnams phyag na rdo rjer mthong bar gyur to/ /de nas phyag na rdo rje'i thugs ka nas 
chos thams cad mnyam pa nyid spros pa'i snying po 'di phyung ngo / /\u0f00 sar+b+ba d+har+m+ma sa ma tA dz+nyA na badzra hU~M/ de nas 'di rnam par phyung ba tsam gyis kyang slar yang phyag na rdo rje'i thugs kar de bzhin gshegs pa thams cad kyis dkyil 'khor thams cad byin gyis brlabs pa mdzad nas/ dkyil 
'khor thams cad du 'khod par mthong ngo / /de nas de bzhin gshegs pa thams cad kyi thugs ka nas de bzhin gshegs pa thams cad mnyam pa nyid spros pa'i snying po 'di phyung ngo / /\u0f00 sar+b+ba satwa sa ma tA pra pany+tsa bud+d+ha hU~M/ de nas 'di phyung ba tsam gyis de bzhin gshegs pa 
thams cad kyi thugs ka nas phyag na rdo rje rnam par phyung ste slar yang de bzhin gshegs pa thams cad kyi spyan snga na gnas nas bka' nod cing 'khod do/ /bcom ldan de bzhin gshegs pa kun/ /bdag gis ji ltar bsgrub par bgyi/ /de bzhin gshegs pa thams cad kyis 
bka' stsal pa/ de bzhin gshegs pa thams cad kyi dkyil 'khor rnams la byin gyis brlab par byos shig /de de bzhin no zhes gsol nas/ bcom ldan 'das rdo rje sems dpa' de bzhin gshegs pa thams cad kyi thugs ka nas dkyil 'khor thams cad byin gyis brlabs 
te brtan par gyur nas rdo rje sgeg mo la sogs pa'i lha rnams phyung ste/ lha mo de rnams dkyil 'khor thams cad kyi grwa rnams su de bzhin du rnam par gnas so/ /sgo rnams su sgo skyong ma rnams dang / mtshams rnams su gzugs dang / sgra dang / dri dang / ro dang /

</font><hr>86-1-61b<br><font size=+1>

reg bya rnams bshad do/ /de dag gi sngags su gyur pa ni/[ \u0f00] badzri me g+he TA~M TA~M/ 'khor lo'i mtshams su gzhag par bya'o/ /\u0f00 sne ha badzri Ni ha~M/[ \u0f00] sha rad badzre a~M a~M/[ \u0f00] badzri Ni ki li ki li hU~M/ de bzhin gshegs pa thams cad dgyes pa chen po'i mchod pa phyi'i 
dkyil 'khor grwa dang / mtshams rnams su dri rdo rje la sogs pa'i lha mo rnams de bzhin gshegs pa'i nye bar gnas par dgod par bya'o/ /\u0f00 badzra gan+d+he hU~M/[ \u0f00] ma d+hu badzri Ni/ g+huM g+huM/[ \u0f00] ma nod b+ha ba badzri Ni hU~M/[ \u0f00] badzri she shi re ho ho/ de bzhin gshegs pa thams cad 
kyi rol pa chen po'i lha mo sgo'i mtshams rnams su gzugs la sogs pa'i \u0f00 badzri rU pe/[ \u0f00] badzri shap+de/ oMbadzri gan+d+he/ oM badzri ra se/[ \u0f00] badzri spar+she/ mnyes par byed pa'o/ /de bzhin gshegs pa thams cad kyi shin tu dga' ba rdo rje'i snying po ni/[ \u0f00] sa ma ya hoHsu 
ra s+t+wa~M/ dga' bde chen po'i rdo rje'i snying po 'dis de bzhin gshegs pa thams cad kun nas mnyes pas dkyil 'khor thams cad la brtan par gyur nas/ dngos grub thams cad stsol bar mdzod/ /dgug dang legs par rab gnas dang / /ji bzhin gnas su sbyar 
ba nyid/ /kun nas dgyes mdzad sangs rgyas kun/ /dngos grub thams cad rab sbyin dge/ /sngags kyi tshig rnams kyang /[ \u0f00] e h+ye hi b+ha ga wAn badzra a~M ku sha dzaH/[ \u0f00] pra be sha ya hU~M/ sar+b+ba ta thA ga ta \u0f00 sa ma ye ban+d+ha tiSh+Tha b+ha ga wAn/\u0f00 tu Sh+ya ho b+ha ga wAn badzra A be sha aH/ 
'di dag ni dkyil 'khor thams cad kyi sgo'i phrin las so/ /de lta bu'i dkyil 'khor 'dri ba la byams pa dang / 'jam dpal dang / kun tu bzang po dang / spyan ras gzigs dbang phyug la sogs pa'i byang chub sems dpa' rnams dgod par bya'o/ /sngon du bshad pa'i dkyil 
'khor gyi cho gas slob ma bcug ste/ dbang bskur ba la sogs pa byas nas slob ma dang bcas pas thabs cig tu de bzhin gshegs pa thams cad la nye bar mkho ba thams cad kyis mchod par bya'o/ /de la dang po kho nar re zhig dkyil 'khor thams cad kyi slob dpon ni dam tshig thams 

</font><hr>86-1-62a<br><font size=+1>

cad shes pa/ bcom ldan 'das rdo rje rnal 'byor gyi dbang phyug chen pos dngos grub thams cad kyis byin gyis brlabs pa/ dbang bskur ba thams cad thob pa/ rdo rje rnal 'byor gyi dbang phyug lta bu/ thams cad mkhyen pa'i ye shes kyis de bzhin gshegs pa thams cad 
kyi dam tshig gi phyag rgya la bslab par bya'o/ /de nas 'dir dam tshig gi phyag rgya bcing bar 'gyur ba ni skyil krung bcings nas dri la sogs pa rnams kyis lag pa gnyis byugs nas phyag rgya bcing ba rab tu bsgrub par bya'o/ /lag pa gnyis rdo rje bsdams pa byas te sor mo phan tshun 
bcings nas skyil krung gi dbus su rdo rje bsdams par gzhag pa ni de bzhin gshegs pa thams cad kyi phyag rgya'o/ /rdo rje sems dpa' la sogs pa ni gar gyi tshogs kyi sbyor bas so/ /rdo rje bsdams pa de nyid rked pa'i phyogs su gzung ba ni rdo rje sems dpa'i phyag rgya'o/ /rdo 
rje bsdams pa las mdzub mo lcags kyu ltar gzung ba ni rdo rje rgyal po'i phyag rgya'o/ /de nyid mda' 'phen pa lta bu'i sbyor ba ni rdo rje mda'i phyag rgya'o/ /de nyid las legs so ba sbyin pas rgyab tu 'jog pa ni rdo rje legs pa'i'o/ /byang chub kyi sems kyi phyag rgya rnams so/ /
rdo rje bsdams pa de nyid dpral bar 'jog pa ni rdo rje rin chen gyi phyag rgya'o/ /rdo rje bsdams pa las 'od kyi dkyil 'khor gyi sbyor ba ni rdo rje nyi ma'i 'od kyi dkyil 'khor gyi phyag rgya'o/ /rdo rje bsdams pa spyi bor sbyar ba ni tog gi phyag rgya'o/ /kha'i thad du bskor ba ni rdo rje bzhad pa'i 
phyag rgya'o/ /rdo rje bsdams pa de nyid kha'i thad du bskor ba ni rdo rje chos kyi phyag rgya'o/ /de nyid snying gar byas pa ni rdo rje ral gri'i phyag rgya'o/ /de nyid 'khor lo ltar yongs su bskor ba ni rdo rje rgyu'i phyag rgya'o/ /de nyid snying gar bsgreng ba ni rdo rje smra ba'i phyag rgya'o/ /chos kyi phyag rgya 
rnams so/ /rdo rje bsdams pa de nyid gar nyid du ston pa ni las sna tshogs pa'i phyag rgya'o/ /lag pa gnyis spyi bo dang snying ga dang mgrin par 'jog pa ni rdo rje bsrung ba'i phyag rgya'o/ /rdo rje bsdams pa 'gram pa gnyis su 'jog pa ni rdo rje gnod sbyin gyi phyag rgya'o/ /rdo rje bsdams 

</font><hr>86-1-62b<br><font size=+1>

pa de nyid snying gar btsir ba ni rdo rje khu tshur gyi phyag rgya'o/ /de bzhin du sgeg mo dang bdug pa ma la sogs pa'i sbyor bas lha mo thams cad kyi phyag rgya thams cad la rab tu sbyar bar bya'o/ /rol cing rnam 'khor dgod pa dang / /sgeg dang snying rje'i bdag nyid dang / /dpa' dang 
khro sogs chos bdag nyid/ /rang nyid zhi ba'i bdag nyid nyams/ /phyag rgya thams cad rab tshogs pa/ /gal te dngos grub mchog 'dod na/ /bdag nyid rdo rje'i gar byed dam/ /skyob pa sangs rgyas thams cad kyi/ /phyag rgya bcing ba rab tu sbyar/ /thams cad grub par 
'dod sogs kyis/ /skyil krung sangs rgyas thams cad kyi/ /de phyir gnyis med rdo rje can/ /sangs rgyas rnams kyi drang po'i sku/ /sgeg pa'i sbyor bas rdo rje can/ /sangs rgyas rnams kyi zhi ba'i spyan/ /snyems bcas rdo rje can gyir dgongs/ /sangs rgyas rnams dang rdo rje 
spyan/ /ting 'dzin dbye ba las shes bya/ /'khrugs pa'i lta stangs khro rnams kyis/ /btsun mo rnams kyi rol pa nyid/ /'jig rten pa yi lha rnams dang / /sdig spyod rnams kyi lta stangs steng / /chos rnams kun gyi rjes 'jug pa'i/ /shugs kyis lta stangs phyag 
rgya'o/ /tshogs dang pho nya pho nya mo'i/ /lta stangs rnam pa sna tshogs nyid/ /mchu yi phyag rgya yongs ldan pa/ /g.yo ba med cing mi 'gul ba/ /sangs rgyas rnams kyi phyag rgya mchog /sangs rgyas byang chub rab sbyin byed/ /mtshams sbyor cung zad yang dag ldan/ /
rnam 'gyur med cing mtshungs med gnas/ /rol pa'i yi ge yang dag ldan/ /mchu yi phyag rgya rdo rje can/ /rnam 'gyur can dang 'khor ba can/ /khro bas so ni yongs su bsdam/ /'di ni khro ba'i phyag rgyar bshad/ /mchu yi phyag rgya gzugs mdzes can/ /'jig rten pa rnams 
mchu'i phyag rgya/ /rnam 'gyur 'jig cing gzugs dang bral/ /shin tu brnag dka'i 'dod chags dang / /sdang dang rmongs las thams cad du/ /rol cing rnam 'khor dang ldan pa/ /g.yo bcas rab tu 'phro ba yang / /mchu yi phyag rgyar shes par bya/ /lha mo pho nya tshogs kyi yang / /

</font><hr>86-1-63a<br><font size=+1>

de la sogs pa mtha' yas mchog /lta stangs mchu la sogs pa'i ming / /phyag rgya thams cad mdor bsdu ba/ /skyob pa rnams kyis kun shes bya/ /ji srid sku yi dbye ba dang / /dbang po la sogs rab dbye dang / /de dag phyag rgya mtha' yas mchog /sangs 
rgyas kun gyis brtags pa nyid/ /sna tshogs sku ni gzi brjid che/ /tshad med yon tan 'byung ba'i gnas/ /sangs rgyas rnams kyi phyag rgya mchog /sangs rgyas byang chub rab sbyin byed/ /rdo rje snying po rgyan gyi rgyud chen po las dam tshig chen po'i de kho na nyid gsang ba zhes bya ba'i 
dkyil 'khor chen po yongs su rdzogs s+ho// //de nas bcom ldan 'das rnam par snang mdzad kyis slar yang de bzhin gshegs pa thams cad mnyam pa nyid mngon par dbang bskur ba zhes bya ba'i dkyil 'khor chen po 'di bka' stsal pa/ de nas dkyil 'khor chen 
po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /sna tshogs khams ni bsam yas mchog /dar dang me tog chun pos brgyan/ /rdo rje rin chen rnams kyis spras/ /sna tshogs pad+mo de bzhin gzhan/ /
dkyil 'khor de yi dbus su ni/ /sangs rgyas sku gzugs yid 'ong ba/ /mgon po sum cu rtsa gnyis mtshan/ /'bar ba mchog gis brgyan pa po/ /de sngags rtags su shes bya ba/ /dang po'i dbyangs dang gnyis pa'o/ /de yi nye 'khor thams cad du/ /'khor lo 
can brgyad bri bar bya/ /dkyil 'khor de yi dbus su ni/ /'khor lo kun tu 'bar ba gzhag /'khor lo'i lte ba'i dbus su ni/ /pad+ma'i rgyal po rab tu gnas/ /sgeg sogs sangs rgyas thams cad ni/ /ji ltar sngon bzhin bri bar bya/ /nye bar mkho ba'i mchod kun gyis/ /de 
bzhin gshegs pa mchod par bya/ /dgug sogs cho ga'i sbyor ba ni/ /dkyil 'khor snga ma ji bzhin no/ /dkyil 'khor nye bar spyod pa kun/ /cho ga 'di ni 'byung bar 'gyur/ /dkyil 'khor chen po'i rtog pa'o/ /de nas dkyil 'khor chen po mchog /yang dag rab tu 

</font><hr>86-1-63b<br><font size=+1>

bshad bya ba/ /'jig rten gsum las rnam rgyal zhes/ /bya ba rdo rje hU~M mdzad grags/ /gru bzhi pa la sgo bzhi pa/ /rta babs bzhis ni mdzes par byas/ /de yi nang du 'khor lo ni/ /dkyil 'khor brgyad pa lta bu'o/ /de yi dbus su khro bo che/ /'jig rten gsum las rnam rgyal 
yang / /khro gnyer ldan zhing smin ma 'khyog /spyan gsal 'bar ba chen po ba/ /cung zad mche ba gtsigs pa'i zhal/ /rnam par dgod cing slar khro ba/ /g.yon brkyang ba yi zhabs kyis ni/ /bka' zlog dbang phyug chen po gnon/ /sangs rgyas phreng ba sogs pas spras/ /
in+d+ra nI la mtshungs pa'i 'od/ /phyag bzhi pa la spyan gsum pa/ /zhal bzhi pa la thub par dka'/ /be con dang ni zhags par brjod/ /dang po na ni rdo rjer bshad/ /gnyis pa zhags pa sdigs mdzub can/ /phyag gnyis khu tshur dam pa mchog /khu tshur gnyis ni 
rab tu brtag /mthe chung gnyis ni mnyam sbyor ba/ /lu gu rgyud kyis rnam par sbrel/ /snying gar phyag rgya legs bzhag nas/ /sdigs mdzub gnyis kyis bsdigs par mdzad/ /'jig rten gsum rgyal zhes bya ba'i/ /phyag rgya mchog tu thub par dka'/ /sngags ni ming gi de nyid 
ldan/ /'bar ba'i phreng ba mnyam par 'khrigs/ /dkyil 'khor de yi gnas rnams su/ /cha rnams kun ni thams cad nas/ /phyag rgya thams cad mnyam par bri/ /zla ba'i dkyil 'khor mnyam gnas par/ /ral gri 'khor lo gzhu dang mda'/ /de bzhin du ni dgra sta nyid/ /de 
la sogs pa'i mtha' yas mchog /mdor bsdus nas ni phyag rgya dgod/ /de ltar khro bo'i dkyil 'khor thams cad rnam par bkod nas nye bar mkho ba'i mchod pa thams cad kyis mchod par bya'o/ /'jig rten gsum las rnam par rgyal ba'i dkyil 'khor ro/ /de nas dkyil 
'khor chen po mchog /yang dag rab tu bshad bya ba/ /sangs rgyas dpa' bo thams cad kyis/ /'gro ba 'dul ba zhes su bshad/ /gru bzhi pa la sgo bzhi pa/ /dar dang me tog chun pos brgyan/ /de dbus dkyil 'khor chen po ni/ /chu zhes bya ba'i ming can no/ /de yi dbus 

</font><hr>86-1-64a<br><font size=+1>

su pad chen po/ /'dab ma brgyad pa yid 'ong ba/ /de yi lte ba'i dbus su ni/ /'gro ba 'dul ba zhes bya ba/ /zla ba'i 'od can zla ba'i mdog /ral pa'i cod pan 'dzin pa can/ /phyag bzhi pa la zhal bzhi pa/ /rgyan rnams kun gyis brgyan pa po/ /sangs rgyas 
phreng ba sogs pas spras/ /sku rnams thams cad kun nas spro/ /mtha' yas rab 'byam rgya che ba'i/ /chos dbyings mnyam dang mi mnyam la/ /de yi sngags su yongs grags pa/ /sha Sha'i sde yi mtha' dge ba/ /k+Sha yig don ldan sngon byung ba/ /rgyu yi don du rab sgrub byed/ /
bzhi pa'i dbyangs kyis spyi bor mnan/ /me yi sa bon gsal bar byed/ /thig le sgra ni mchog tu sbyin/ /'jig rten dbang phyug zhes bya'i mtshan/ /de yi phyag rgya yang dag bshad/ /pad+mo'i thal mo rab tu brkyang / /bris pa'i phyag rgyar yang dag bshad/ /dbyug gu ril 
ba spyi blugs bri/ /mdun du bgrang phreng pad+ma yi/ /rgyal po zla ba'i dkyil 'khor gzhag /de la sogs pa mtha' yas mchog /phyag rgya mchog tu 'bar de dag /'gro ba 'dul ba'i dkyil 'khor du/ /ji ltar rigs par dgod par bya/ /'gro ba 'dul ba zhes bya ba'i dkyil 
'khor gyi rgyal po'o// //de nas dkyil 'khor chen po mchog /gzhan ni rab tu bshad par bya/ /dpa' bo rin chen snying po yi/ /rdo rje rin chen zhes su bshad/ /gru bzhi pa la sgo bzhi pa/ /rta babs bzhis ni mdzes par bya/ /de yi dbus su rin chen che/ /yan 
lag brgyad pa mchog tu 'bar/ /de dbus rin chen pad+ma ni/ /rin chen phreng bas rnam par mdzes/ /de dbus ma ra ka ta 'dra/ /rin chen rdo rje cher 'bar ba/ /sangs rgyas lnga yi cod pan can/ /rin chen phreng bas rnam par mdzes/ /mdun du kun gyi dbang bskur gtso/ /
rin chen de yi gtso bo mchog /g.yas su pad+ma rA ga ste/ /rgyab tu in+d+ra nI la'o/ /yid bzhin nor bu rin chen g.yon/ /phyag rgya rnam pa sna tshogs mchog /sna tshogs rin chen rnam par brgyan/ /dkyil 'khor kun gyi grwa yi ni/ /gnas rnams su ni gzhag par bya/ /sangs 

</font><hr>86-1-64b<br><font size=+1>

rgyas dpa' bo thams cad kyis/ /de yi sngags su yongs grags pa/ /bzhi pa'i sde yi dang po gang / /me yi sa bon gyis gsal byas/ /dbyangs kyi gnyis pas kun nas mnan/ /dbang sgyur ba ni steng du gnas/ /de yi phyag rgya yang dag bshad/ /rin chen snyim pa rgyab 
bskums te/ /rin chen rnam pa legs byung ba/ /de ni rdo rje rin chen no/ /rdo rje rin po che'i dkyil 'khor ro// //de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi 
dang ni yang dag ldan/ /rdo rje phreng bas rnam par mdzes/ /de yi dbus su zhal bzhi pa'i/ /'khor lo bzhin du yongs bskor ba'o/ /de yi dbus su pad chen po'o/ /kha dog sna tshogs yongs 'bar ba/ /de yi dbus su brtson chen po/ /rdo rje sna tshogs yongs su bri/ /rdo rje khu tshur 
'dzin mdzes pa/ /rgyan rnams kun gyis brgyan pa pa/ /kha dog sna tshogs gzi brjid che/ /sangs rgyas phreng bas rnam par mdzes/ /de yi sngags ni yang dag bshad/ /bcu gnyis pa yi dbyangs kyi mtha'/ /mya ngan 'das don legs gsal byas/ /sgeg sogs rig 
ma thams cad kyis/ /de bzhin rang gi phyag rgya yis/ /rdo rje'i thig le yongs su ldan/ /sna tshogs bkra ba mchog tu 'bar/ /de yi dbang bskur phyag rgya yis/ /mchod pa kun gyis thams cad nas/ /kun nas yongs su bskor ba yi/ /las kyi dkyil 'khor bri bar bya/ /
las kyi dkyil 'khor ro// //de nas dkyil 'khor chen po mchog /yang dag rab tu bshad bya ba/ /shes rab ye shes 'khor lo che/ /sngags kyi yi ges rnam par brgyan/ /de yi dbus su pad chen po/ /'dab ma brgyad pa shin tu mdzes/ /de yi lte ba'i dkyil du 
ni/ /gzhon nu sna tshogs gzugs ldan pa/ /sku mdog dmar zhing 'dzum bcas pa/ /sna tshogs gzugs can ral gri can/ /phyag bzhi pa la zhal bzhi pa/ /ral gri'i phreng bas rnam par brgyan/ /gsang sngags chen po yi ge lnga/ /de yi drung du legs par gnas/ /

</font><hr>86-1-65a<br><font size=+1>

dbyangs kyi bcu gnyis gsang sngags ni/ /thugs ka ru ni yang dag gnas/ /phyi rol nyid ni gru bzhi mdzes/ /thig bzhi dang ni yang dag ldan/ /rta babs bzhi dang mnyam par sbyor/ /sgo bzhi yis ni shin tu mdzes/ /shes rab pha rol phyin pa nyid/ /de la dkyil 
'khor dbus su ni/ /gal te dngos grub mchog 'dod na/ /'bad pa yis ni bri bar bya/ /sngon du bshad pa'i cho ga yis/ /mchod sogs cho ga rgyas pa nyid/ /gzhug pa'i cho ga de bzhin du/ /ji ltar dkyil 'khor 'dir mthong bzhin/ /shes rab ye shes kyi dkyil 'khor 
ro// //de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /phyi yi dkyil 'khor bri bar bya/ /de yi nang du bri bya ba/ /chos kyi 'khor lo bla na med/ /
rten cing 'brel 'byung phreng ba ni/ /'bad pa yis ni bri bar bya/ /'khor lo'i dbus su brtson chen po/ /rdo rje'i rgyu ni stobs po che/ /phyag bzhi pa la zhal bzhi pa/ /rgyan rnams kun gyis brgyan pa po/ /kha dog nag po gzi brjid che/ /chos kyi 'khor lo rab bskor mdzad/ /
de yi sngags gyur mdzes pa ni/ /rgyu yi don du so sor bskyed/ /dbyangs drug dang ni yang dag ldan/ /thig le phyi mos rnam par brgyan/ /rang gi yi ge'i phreng ba che/ /'khor lo gnyis kyis rnam par brgyan/ /de yi mdun du dung yin la/ /rgyab tu zhags par brjod par bya/ /rdo rje'i 
thal mo phyag rgya che/ /'khor lo bzhin du rab tu gnas/ /mchod pa thams cad rab tu brtag /ji ltar dkyil 'khor snga ma bzhin/ /de lta'i dkyil 'khor bris nas ni/ /chos kyi 'khor lo bla na med/ /thog mar chos kyi 'khor lo bskor/ /dngos grub thams cad yang dag 'bar/ /
chos kyi 'khor lo'i dkyil 'khor ro// //de nas dkyil 'khor chen po mchog /yang dag rab tu bshad bya ba/ /thog ma'i dkyil 'khor sbyor ba yis/ /dkyil 'khor kun gyi thig gdab bo/ /de yi dkyil du snang ba che/ /mkha' bzhin shin tu 'od gsal ba/ /sems 

</font><hr>86-1-65b<br><font size=+1>

dpa' chen po nam mkha'i mdzod/ /pad+ma'i rgyal po rab tu bzhugs/ /zla ba'i mdog can gzi brjid che/ /sna tshogs mtshon cha 'dzin pa'i mchog /gzhon nu rab tu brjid pa'i zhal/ /nam mkha'i mdzod ces rab tu grags/ /sangs rgyas phreng ba sogs pas spras/ /
rdo rje dkyil 'khor brgyan par mdzad/ /'di yi gsang sngags gzi brjid che/ /dbyangs dgu pa la thig le dang / /nA da yis ni rnam par brgyan/ /sde tshan dang po'i gsum pa la/ /thig le nA das rnam par brgyan/ /de yang gtso bo'i gsang sngags 'gyur/ /nam mkha'i mdzod 
ni rab bskor mdzad/ /de lta'i dkyil 'khor bris nas ni/ /sngags kyi phreng ba mchog ldan pa/ /ma lus pa yi sa rnams kun/ /thams cad nas ni nam mkha'i tshul/ /tog ni phyag rgyar gyur pa de'i/ /de bzhin du ni nges par bcing / /de lta'i dkyil 'khor bris nas ni/ /nam 
mkha' yi ni mdzod de la/ /gal te bdag ni grub 'dod na/ /mchod pa kun gyis rnam par mchod/ /nam mkha'i mdzod kyi dkyil 'khor ro// //de nas dkyil 'khor chen po mchog /yang dag rab tu bshad bya ba/ /dkyil 'khor snga ma'i sbyor ba yis/ /dkyil 'khor 
thams cad thig gdab bo/ /dkyil 'khor de yi dbus su ni/ /khro bo'i dkyil 'khor gru bzhi pa/ /der yang rdo rje me yi mchog /dkyil 'khor gyi ni mchog tu 'dod/ /de yi dbus su gzi brjid che/ /rdo rje gnod sbyin bla na med/ /phyag bzhi pa la zhal bzhi pa/ /
pad+ma'i rgyal po la rab gnas/ /rgyan rnams kun gyis brgyan pa'i lus/ /bdud rnams thams cad rab 'joms mdzad/ /de sngags yi ger gyur pa ni/ /sha Sha'i sde tshan mthar dge ba/ /rgyu yi don du legs gsal bya/ /khro bo'i dkyil 'khor chen po bskor/ /sngags kyi 
yi ge phreng ba che/ /'bad pa yis ni bri bar bya/ /de lta'i dkyil 'khor bris nas ni/ /rdo rje gnod sbyin de yis ni/ /gal te dngos grub mchog 'dod na/ /sgyu ma thams cad gzhom par bya/ /rdo rje gnod sbyin gyi dkyil 'khor chen po'o// //de nas dkyil 'khor chen 

</font><hr>86-1-66a<br><font size=+1>

po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /de yi dbus su 'khor lo che/ /lcags kyu yis ni rnam pas mdzes/ /dbus su bcom ldan rdo rje rgyal/ /lcags kyu la ni rab tu bzhugs/ /phyag 
bzhi pa la zhal bzhi pa/ /rgyan rnams thams cad rab tu 'bar/ /rdo rje lcags kyu khu tshur che/ /'bar ba 'phro bas rnam par brgyan/ /'gro ba thams cad 'gugs par mdzad/ /sngags kyi yi ges legs par sbyar/ /sha Sha'i sde yi drung gnas pa/ /byed pa'i rgyu ru 
legs par gnas/ /dbyangs drug pa yis legs par phye/ /zla phyed thig les legs par brgyan/ /lcags kyu'i phyag rgya legs par sbyar/ /'gugs par byed la don yod pa'o/ /de ltar dkyil 'khor bris nas ni/ /rdo rje lcags kyu mchog tu dge/ /dgug pa la 
sogs thams cad la/ /'gro ba 'dul ba yongs su bsdu/ /don yod rgyal po'i dkyil 'khor ro// //de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni 
yang dag ldan/ /dngos grub dkyil 'khor bri bar bya/ /dkyil 'khor de yi dbus su ni/ /dkyil 'khor lcags kyu'i rnam pa can/ /de yi dbus su gru gsum grags/ /lcags kyu mchog tu dge ba'o/ /de yi dbus su sems dpa' che/ /rdo rje rgyal po stobs po che/ /phyag 
bzhi pa la zhal bzhi pa/ /rgyan rnams kun gyis brgyan pa po/ /gzi brjid chen po dkar dang dmar/ /zhags pa lcags kyu 'dzin dge ba/ /de yi gsang sngags yang dag bshad/ /don yod 'bras bu stsol ba bo/ /sde tshan gnyis pa'i gsum pa ni/ /gnyis 'gyur nyid du 
rnam par gnas/ /de yi thig le mya ngan 'das/ /sngags kyi phreng ba gzhan gyis bskor/ /sgeg mo la sogs mchod pa che/ /'bad pa yis ni bri bar bya/ /sgo skyong ba dang mchod pa yang / /sbyor ba ji bzhin rnam par dgod/ /de lta'i dkyil 'khor bris nas ni/ /mchod pa 

</font><hr>86-1-66b<br><font size=+1>

thams cad yongs su sgrub/ /rdo rje rgyal po'i dkyil 'khor ro// //de nas dkyil 'khor chen po mchog /yang dag rab tu bshad bya ba/ /sangs rgyas dpa' bo thams cad kyis/ /rdo rje chags pa zhes su bshad/ /gru bzhi pa la sgo bzhi pa/ /rta babs bzhis ni 
mdzes par byas/ /thig bzhi dang ni yang dag ldan/ /chags pa'i dkyil 'khor bri bar bya/ /thams cad dmar pos rab dregs pa/ /dbang du byed pa'i dam pa yin/ /de yi dbus su pad chen po/ /'dab ma brgyad pa ge sar bcas/ /de yi lte ba'i dbus su ni/ /
rdo rje chags pa bri bar bya/ /pad+ma rA ga mtshungs pa'i 'od/ /phyag bzhi pa la zhal bzhi pa/ /spyan gsum 'od kyi phreng ba can/ /de yi phyag rgya mchog tu ni/ /mdzes pa yi ni mda' gzhur 'gyur/ /rgyan rnams kun gyis mdzes pa'i lus/ /'gro ba kun la ches mchog gyur/ /
de yi gsang sngags mdzes gyur pa/ /rdo rje chags pa mchog tu bde/ /sha Sha'i sde yi mthar gyur pa/ /k+Sha yi yi ge'i sngon du gnas/ /dbyangs dgu pa dang yang dag ldan/ /sngags kyi phreng bas yang dag brgyan/ /me tog mda' ni yongs su 'phen/ /re ba thams cad 
yongs rdzogs mdzad/ /de lta'i dkyil 'khor bris nas ni/ /sangs rgyas thams cad rab mchod byed/ /rdo rje chags pa'i dkyil 'khor ro// //de nas dkyil 'khor chen po mchog /yang dag rab tu bshad bya ba/ /rdo rje legs pa zhes grags pa/ /gnyis su med 
pa'i dga' ba'ang 'phel/ /gru bzhi pa la sgo bzhi pa/ /rta babs bzhis ni mdzes par byas/ /de yi dbus su cher mdzes pa'i/ /dkyil 'khor dam pa gru bzhi pa/ /de yi dbus su pad chen po/ /ze 'bru yis ni nye bar mdzes/ /de yi lte ba'i dkyil du ni/ /zla ba'i gzugs 
brnyan yang dag 'bar/ /der gnas dpa' bo bsam par bya/ /rdo rje legs pa stobs po che/ /dung dang kun+da zla ba dkar/ /kha ba ba zho'i 'od ltar mdzes/ /legs so stsol ba tshim par mdzad/ /ting nge 'dzin dbang mang po sgyur/ /rdo rje sgeg mo sogs mchod pa/ /de bzhin 

</font><hr>86-1-67a<br><font size=+1>

me tog bdug pa sogs/ /sgo yi skyong ba nyid kyang ni/ /rab tu 'bad de bri bar bya/ /de yi sngags gyur mdzes pa ni/ /gsang ba chen po mchog tu 'bar/ /ha yi yi ge sngon gang de/ /sems can don ni rab sgrub byed/ /thig le gnyis dang yongs su ldan/ /
legs stsol bas ni rnam par gnas/ /de lta'i dkyil 'khor bris nas ni/ /mchod pa thams cad rab tu bskor/ /bdag nyid dag pas gzhug pa sogs/ /thams cad yongs su spyad par bya/ /rdo rje legs pa'i dkyil 'khor ro// //de nas dkyil 'khor chen po mchog /
yang dag rab tu bshad bya ba/ /rdo rje gzi brjid zhes su grags/ /rdo rje nyi ma blo gros ldan/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /dkyil 'khor dam pa bri bar bya/ /de yi nang du bri bya ba/ /rdo rje nyi ma 
'od chen po/ /rdo rje nyi ma'i steng du ni/ /gru gsum rnam pa las byung ba/ /de yi dbus su gzi brjid che/ /'bar ba yi ni me lta bu/ /pad+ma chen po 'dab brgyad pa/ /ze 'bru yis ni shin tu mdzes/ /de yi lte ba'i dkyil du ni/ /rdo rje gzi brjid stobs po che/ /
bzang po'i mtshal dang mtshungs pa'i 'od/ /rgya skyegs khu ba mtshungs pa'i mdog /phyag bzhi pa la zhal bzhi pa/ /rgyan rnams kun gyis brgyan pa'o/ /de yi sngags su yongs grags pa/ /kun nas sangs rgyas mtshungs pa nyid/ /dbyangs yig bcu gcig pa yi mtha'/ /
nyi ma'i dkyil 'khor dbus su ni/ /sngags kyi phreng bas yongs su bskor/ /rang gi phyag rgya'i mtshan ma ldan/ /de lta'i dkyil 'khor bris nas ni/ /sangs rgyas thams cad rab mchod bya/ /rdo rje gzi brjid kyi dkyil 'khor ro// //de nas dkyil 'khor chen po mchog /yang 
dag rab tu bshad bya ba/ /yid bzhin nor bu'i rgyal mtshan ming / /bdag nyid chen po rdo rje'i tog /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /zla ba'i dkyil 'khor bri bar bya/ /dkyil 'khor de yi dbus su ni/ /mchog 

</font><hr>86-1-67b<br><font size=+1>

tu 'bar ba yi ni rlung / /zla ba phyed pa'i rnam pa 'dra/ /rin chen rgyal mtshan yongs bsgreng ba/ /de yi dbus su sems dpa' che/ /rgyan rnams kun gyis brgyan pa po/ /zhal bzhi pa la gzi brjid che/ /in+d+ra nI la mtshungs pa'i 'od/ /rin chen char pa rab tu 'bebs/ /
phyag bzhi pa la snang ba che/ /de yi gsang sngags gzi brjid che/ /sde tshan bzhi pa'i dang po la/ /me yis rab tu gsal byas pa/ /tog gi phyag rgyas yongs su bskor/ /sngags kyi phreng bas rnam par brgyan/ /de lta'i dkyil 'khor bris nas ni/ /sangs rgyas thams 
cad rab mchod bya/ /rdo rje tog gi dkyil 'khor ro// //de nas dkyil 'khor chen po mchog /yang dag rab tu bshad bya ba/ /rdo rje bzhad pa zhes grags pa/ /rdo rje bzhad pa mtshungs pa'i 'od/ /gru bzhi pa la sgo bzhi pa/ /rta babs bzhis ni mdzes par byas/ /thig 
bzhi dang ni yang dag ldan/ /dkyil 'khor chen po bri bar bya/ /dkyil 'khor de dbus zlum po ni/ /in+d+ra nI la mtshungs pa'i 'od/ /de bzhin chu ni gzi brjid can/ /phyag rgya 'khor los rnam par mdzes/ /dkyil 'khor de yi dbus su ni/ /ston ka'i zla ba 'dra ba'i 'od/ /
'gro ba mtha' dag snang mdzad pa/ /rgyan rnams kun gyis brgyan pa po/ /phyag bzhi pa la zhal bzhi pa/ /dbang phyug thams cad yang dag ldan/ /de yi gsang sngags gsang chen po/ /rgyu yi don du bsgrub par bya/ /stong pa mngon brjod bsam mi khyab/ /rang ming rtogs 
pas mtshan pa'o/ /de lta'i dkyil 'khor bris nas ni/ /sangs rgyas thams cad rab mchod bya/ /rdo rje bzhad pa'i dkyil 'khor ro// //de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par 
byas/ /thig bzhi dang ni yang dag ldan/ /dngos grub dkyil 'khor yang dag bri/ /de yi steng du'ang pad+ma che/ /pad+ma me las yang dag byung / /gru gsum mchog tu mdzes pa po/ /sum mdo ris kyis rnam par brgyan/ /chos dbyings yi ge'i de kho na/ /thams cad gzi brjid 

</font><hr>86-1-68a<br><font size=+1>

bdag nyid dge/ /de yi bdag gi de nyid ni/ /'phro ba'i ma ra ka ta 'dra/ /phyag bzhi pa la zhal bzhi pa/ /rgyan rnams kun gyis brgyan pa po/ /gnyis pa'i mdog tu gyur pa ni/ /pad+ma rA ga mtshungs pa'i 'od/ /ji srid ngag gi 'khor lo ni/ /smra ba'i dbye 
bas rab tu gnas/ /thams cad so sor gsal bar byed/ /sprin gyi dkyil 'khor mchog rmad byung / /de lta'i dkyil 'khor bris nas ni/ /sangs rgyas thams cad rab mchod bya/ /rdo rje smra ba'i dkyil 'khor ro// //de nas dkyil 'khor chen po mchog /yang 
dag rab tu bshad bya ba/ /dkyil 'khor snga ma'i sbyor ba yis/ /dkyil 'khor thams cad bri bar bya/ /de yi dbus su go cha che/ /rin chen kun gyis rnam par brgyan/ /de yi dbus su brtson chen po/ /rdo rje bsrung ba yang dag bri/ /phyag bzhi pa la zhal bzhi pa/ /rgyan 
rnams kun gyis brgyan pa po/ /kha dog sna tshogs gzi brjid che/ /thams cad bsrung ba mchog tu dge/ /phyag rgya sngags dang yang dag ldan/ /gsang ba chen po'i go 'phang mchog /de yi gsang sngags gzi brjid che/ /sha Sha'i sde yi mthar gnas mchog /mgon 
po'i rgyur ni mngon par brjod/ /steng du nA das brgyan par byas/ /kun nas kha dog du ma yis/ /yongs su bskor bar bsgom par bya/ /sngags kyi phreng ba yongs su ldan/ /glog gi phreng bas rnam par brgyan/ /de lta'i dkyil 'khor bris nas ni/ /mchod pa thams cad 
rab bsgrub bya/ /rdo rje bsrung ba'i dkyil 'khor ro// //de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par bya/ /thig bzhi dang ni yang dag ldan/ /khu tshur dkyil 'khor bri bar bya/ /dkyil 
'khor de yi dbus su ni/ /rdo rje pad+ma yid 'ong ba/ /gzi brjid chen po gser gyi mdog /'dab ma brgyad pa yid 'ong ba/ /de yi steng du gzi brjid che/ /rdo rje khu tshur stobs po che/ /phyag bzhi pa la zhal bzhi pa/ /sna tshogs rgyan gyis brgyan pa po/ /kun+da dung dang zla ba dkar/ /

</font><hr>86-1-68b<br><font size=+1>

khu tshur de bzhin gshegs kun gyi/ /sku dang gsung dang thugs khu tshur/ rdo rje nyid du mnyam nyid mchog /gnyis su med pa mchog gsang ba/ /khu tshur gyis ni sdud par bshad/ /de sngags mchog tu dga' ba ni/ /brjod du med nyid stsol mdzad pa/ /sde tshan lnga pa'i gsum 
pa ni/ /'bar ba'i 'od kyi dkyil 'khor can/ /sangs rgyas rnams kyi rdo rje'i sku/ /'di yi sngags la rnam par gnas/ /de lta'i dkyil 'khor bris nas ni/ /rdo rje khu tshur mchod par bya/ /rdo rje khu tshur gyi dkyil 'khor ro// //de la sogs pa mtha' yas mchog /
dkyil 'khor mchog tu 'bar ba ni/ /chos kyi dbyings kyi mtha' klas pa'i/ /sangs rgyas byang chub stsol bar mdzad/ /de nas yang dag bshad bya ba/ /'jig rten pa yi dkyil 'khor mchog /de bzhin gru bzhir bris nas ni/ /sgo khyud la sogs rnam par spang / /rtse 
gsum paT+Ti sa dang ni/ /dung dang pad+ma sogs pas brgyan/ /thog mar dbang phyug chen po dgod/ /rtse gsum pa yi phyag rgyar ldan/ /khyu mchog la zhon mig gsum pa/ /stag gi pags gyon phyag bzhi pa/ /thal bas byugs shing mgo bo la/ /ral pa'i tshogs ni rab 
'phyang ba/ /chu yi dkyil 'khor dbus su ni/ /de bzhin gshegs pa thams cad la/ /phyag 'tshal ba ni 'di bri'o/ /de yi sngags ni/[ \u0f00] tri sa sru~M hU~M phaT/ gsang sngags 'di ni cher gsang ba/ /bdag nyid chen po dbang phyug che'i/ /dbang phyug chen po'i dkyil 'khor 
ro/ /dkyil 'khor chen po de nyid la dbang phyug chen po'i gnas su nag po chen po gzhag par bya'o/ /lag pa stong gis gar byed pa dang ldan pa'i dga' byed dbang phyug dang lhan cig phyag bzhi pa spyan gsum pa'o/ /lag pa stong gis gnas pa'o/ /rang gi sngags ni/[ \u0f00] ma hA 
kA la hU~M b+h+yoH/[ \u0f00] nan di ke shwa ra hU~M b+h+yo/ 'di bzlas na dngos grub thams cad byed do/ /dga' byed dbang phyug dang / nag po chen po'i dkyil 'khor ro/ /de nyid kyi ni cho ga yis/ /dkyil 'khor gru bzhi thig gdab bya/ /der ni pad+ma yang dag bri/ /pad+ma'i dbus su sbrang rtsi byed/ /

</font><hr>86-1-69a<br><font size=+1>

la sogs ming po gsum bri'o/ /gzhu yi phyag rgya yongs su 'dzin/ /sbrang rtsi byed dang rgyal ba byed/ /de bzhin nyid du'ang sgrub byed do/ /me tog mda' dang yongs su ldan/ /rang gi ming rtogs mtshan ma can/ /sngags ni/[ \u0f00] ma d+hU krita sna~M/ oM swa~M/ oM 
d+h+wa na swa/ gsang sngags 'di ni 'dod gzugs can/ /dbang du byed pa thams cad sgrub/ /sbrang rtsi rdo rje la sogs pa'i dkyil 'khor ro/ /dkyil 'khor gru bzhi pa bris nas dbus su thig bzhi gdab bo/ /dbus su tum bu ru'o/ /shar gyi 'dab mar rgyal ba'o/ /lho ru rnam 
par rgyal ba'o/ /nub tu mi thub pa'o/ /byang du gzhan gyis mi thub pa'o/ /de lta bu'i dkyil 'khor bris nas go rims ji lta ba bzhin du gsang sngags dgod par bya'o/ /\u0f00 tuM bu ru hU~M/[ \u0f00] dza ye hA~M/[ \u0f00] bi dza ye hA~M/[ \u0f00] a dzi te hA~M/[ \u0f00] a pa rA dzi te hA~M/ dga' ba 'di 
dag lag g.yon du/ /khu tshur g.yon pas rab grub stsol/ /'di yi phyag rgya nyid gyur pa/ /sangs rgyas kun gyis rab tu brtags/ /lag par dgod pa rab bshad bya/ /go rims ji lta ba bzhin du/ /tum bu ru ni mthe bor dgod/ /sdigs mdzub la ni rgyal ba gnas/ /
rnam rgyal gung mo nyid la'o/ /mi thub de bzhin ming med la/ /gzhan gyis mi thub mthe'u chung la/ /lag pa'i dbus su yi ge \u0f00/ /dgod bya de nyid lag pa'i rgyab/ /rdo rje phreng ba'i mthar thug tu/ /dgod par bya ba mchog tu bshad/ /sbyor dang rnam par dbye ba yang / /
phyag rgya kun spyod yongs su bsdu/ /so sor brtan par bya ba nyid/ /sor mo rnams la khyad par du/ /dbang dang dgug dang rmongs la sogs/ /rengs byed la sogs go rims bzhin/ /las rnams dag ni thams cad du/ /sngags pas mnyam par gzhag ste bya/ /de nas 
bcom ldan 'das de bzhin gshegs pa thams cad slar yang 'dus te gshegs nas bcom ldan 'das rdo rje rnal 'byor gyi dbang phyug chen po la de bzhin gshegs pa thams cad kyi gsang ba'i mtshan rnams kyis legs par bstod pa mdzad de/ bcom ldan 'das mnyes par mdzad 

</font><hr>86-1-69b<br><font size=+1>

pa/ byang chub sems ni rdo rje che/ /sangs rgyas de bzhin gshegs pa kun/ /dgra bcom 'dod chags bral ba dang / /legs pa chos kyi 'byung gnas mchog /blo gros dag pa ye shes che/ /thams cad mkhyen pa kun rig mchog /mchog gi dbang phyug dpa' ba 
che/ /thog ma tha ma med khyab bdag /ma 'dres ma 'dres pa yi don/ /shin tu phra ba mchog sbyin rgyal/ /rdo rje can chen rnal 'byor che/ /rdo rje rnal 'byor dbang phyug mchog /mi bskyod pa dang mi zad mgon/ /chos dbyings gzhan dang gzhan min pa/ /rin chen 'byung 
gnas rdo rje mchog /dbang bskur kun gyi bla ma'i bla/ /theg chen che ba'i mchog gi mchog /dpa' bo mchog tu dpa' ba'i mchog /zab cing yang la phra ba dang / /thams cad thams cad de bzhin gshegs/ /'khor los sgyur ba'i rgyal po che/ /tsha skyob dkar po 
stobs po che/ /gzi brjid phung po gzi brjid che/ /phul byung phul las phul du byung / /rgyu med mchog gi mchog dpa' mchog /gzi mchog gzi brjid byed mtshungs pa/ /rgyal ba rgyal ba mchog nyid dang / /legs pa'i rgyal po bdag nyid che/ /rdo rje sems dpa' sems 
chen po/ /rdo rje rgyal po lcags kyu che/ /rdo rje chags pa mda' chen po/ /rdo rje legs pa legs grub mdzad/ /rdo rje rin chen che mchog mchog /rdo rje gzi brjid legs brjid mdzad/ /rgyal mtshan chen po rin chen tog /rdo rje bzhad pa legs bzhad mdzad/ /'jig 
rten dbang phyug pad+ma che/ /shes rab ye shes legs rno mdzad/ /chos kyi 'khor lo chos chen po/ /sems dpa' smra ba legs bzhad mdzad/ /sna tshogs las ni rgyal po che/ /rdo rje bsrung ba legs bsrung mdzad/ /khro bo chen po gnod sbyin che/ /rdo rje mtshams sbyor 
mtshams sbyor sel/ /phyag 'tshal sangs rgyas kun khyod la/ /dang po'i rnal 'byor dbang phyug mchog /legs so rdor can rnal 'byor che/ /de bzhin gshegs pa thams cad dge/ /snying po'i rgyan zhes mtshan gsol ba/ /'di dag thams cad legs par gsungs/ /sangs 

</font><hr>86-1-70a<br><font size=+1>

rgyas rnams kyi byang chub sems/ /ye shes snying po shin tu mdzes/ /gsang ba chen po mchog tu gsang / /sba bya shin tu rnyed dka' ba/ /shes rab pha rol phyin pa'i mdo/ /brjod du med cing yi ge bral/ /rdo rje snying po rgyan gyi rgyud chen po las shes rab 
kyi pha rol tu phyin pa'i dkyil 'khor 'byung ba zhes bya ba'i rtog pa rgyas pa 'di yongs su rdzogs s+ho// //de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das thog ma dang tha ma med pa'i rdo rje rnal 'byor gyi 
dbang phyug chen po la gsol ba btab bo/ /de nas bcom ldan 'das rjo rje rnal 'byor gyi dbang phyug chen pos de dag gis gsol ba btab pa'i tshig nye bar gsan nas/ sangs rgyas thams cad kyi yul la 'jug pa ye shes rdo rje zhes bya ba'i ting nge 'dzin la snyoms par zhugs 
so/ /de ma thag tu bcom ldan 'das ma yang snyoms par zhugs so/ /de nas bcom ldan 'das rdo rje rnal 'byor gyi dbang phyug chen po 'di skad cig nyid la 'jam dpal gzhon nur gyur pa de bzhin gshegs pa thams cad kyi shes rab kyi ye shes rdo rje la zhugs par gyur to/ /
zhugs nas kyang de bzhin gshegs pa thams cad kyi snying po shes rab ye shes kyi ting nge 'dzin gsal bar mdzad cing brtan par gyur nas/ de bzhin gshegs pa thams cad kyi thugs de las 'thon te/ sangs rgyas thams cad kyi yul chos kyi dbyings kyi mtha' klas pa ma 
lus shing lus pa med pa'i sems can gyi khams thams cad snang bar mdzad nas/ sems can thams cad kyi'ang shes rab dang ye shes rnam par sbyangs te/ byang chub kyi sems bskyed nas bzhug cing rjes su mnyes par byas nas legs par mdzad nas rnam par 
gnas te/ rdo rje sems dpa'i ting nge 'dzin legs par yongs su rdzogs par mdzad nas mngon par dbang bskur te/ gzi brjid dang / tog dang / bzhad pa dang / de dag la nges par sbyar te mchog gi dbang phyug chen po las rdo rje sems dpa'i ting nge 'dzin gyis 

</font><hr>86-1-70b<br><font size=+1>

chos rtogs pa la yang rab tu gnas nas rnon po dang / rgyu dang / smra ba'i sems dpa' rnams la'ang thugs brtan par mdzad de/ yongs su dag nas yang pad+mo'i sems dpa'i ting nge 'dzin la rang bzhin gyis dag pa'i dbang phyug chos nyid gzhi med pa la sbyar nas sna tshogs 
pa'i las kyi bdag po dang / sems can yongs su smin par byed pa bsrung ba dang / khro bo dang / de bzhin gshegs pa thams cad kyi sku dang gsung dang thugs rdo rje mtshams sbyor ba rnams sems can gyi khams mtha' dag yongs su smin pa dang / byin gyis brlabs te 
slar log nas bcom ldan 'das kyi thugs kar rjes su zhugs te/ de bzhin gshegs pa thams cad kyi shes rab kyi ye shes la bzhugs nas ched du brjod pa 'di ched du brjod do/ /e ma'o zag med shes rab bdag /sangs rgyas skyob pa thams cad kyi/ /shes rab 
shin tu dri med sems/ /sems dpa'i lus su bdag gyur to/ /dri med sangs rgyas thams cad kyi/ /dngos dang dngos med rnam dpyad na/ /e ma'o chos ni bsam med nyid/ /bdag gi dbang du rnam par gnas/ /de nas byang chub sems dpa' sems dpa' chen 
po 'jam dpal bcom ldan 'das kyi thugs ka nas 'thon nas byang chub sems dpa' bcu drug gi lus su mngon par sprul te/ bcom ldan 'das rnam par snang mdzad la yongs su bskor ba'i de bzhin gshegs pa thams cad kyi nye 'khor kun tu nyi ma'i dkyil 'khor dang / 'od 
kyi dkyil 'khor dang / byin gyis brlabs pa zla ba'i dkyil 'khor la 'khod par gyur nas/ bcom ldan 'das rdo rje rnal 'byor gyi dbang phyug chen po la 'di skad ces gsol to/ /bcom ldan 'das rdo rje snying po rgyan gyi rgyud las shes rab kyi pha rol tu phyin pa mdor bstan pa'i 
chos kyi tshig bka' stsal du gsol/ de nas bcom ldan 'das rnam par snang mdzad kyis 'jam dpal gzhon nur gyur pa la bka' stsal pa/ 'jam dpal khyod de bzhin gshegs pa la don de yongs su zhu bar sems pa ni legs so legs so/ /legs par rab tu nyon la yid 

</font><hr>86-1-71a<br><font size=+1>

la zung shig dang ngas bshad do/ /de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad du bdag nyid byin gyis brlabs nas sngags kyi tshig 'di dag bka' stsal pa/ dran pa nye bar gzhag pa bzhi ni nang gi lus dang / phyi'i 
lus dang / phyi nang gi lus la lus kyi rjes su lta zhing brtson 'grus can shes bzhin dang ldan pa/ dran pa dang ldan pas 'jig rten gyi chags sems dang yid mi bde ba rnam par bsal cing rnam par spyod do/ /lus la kun 'byung ba'i rjes su blta zhing rnam par spyod do/ /lus la 
zad pa'i rjes su blta zhing rnam par spyod do/ /lus la mi gnas pa'i rnam par spyod cing 'jig rten du gang yang nye bar len pa med do/ /nang gi tshor ba dang / phyi'i tshor ba dang / phyi nang gi tshor ba dang / nang gi sems dang / phyi'i sems dang / phyi nang gi sems dang / nang gi 
chos dang / phyi'i chos dang / phyi nang gi chos la chos kyi rjes su blta zhing brtson 'grus can shes bzhin dang ldan pa/ dran pa dang ldan pas 'jig rten gyi chags sems dang yid mi bde ba rnam par bsal cing rnam par spyod do/ /chos la kun 'byung ba'i rjes su blta zhing rnam par 
spyod do/ /chos la zad pa'i rjes su blta zhing rnam par spyod do/ /chos la mi gnas pa'i rnam par spyod cing 'jig rten du gang yang nye bar len pa med do/ /rtag tu shes rab kyi pha rol tu phyin pa lus dang / ngag dang / sems dang / chos mnyam pa nyid kyis gnas so/ /
oM ka~M oM tsa twA ri smr-i t+yA pas+tha nA nA hU~M/ yang dag par spong ba bzhi ni sdig to mi dge ba'i chos ma skyes pa rnams mi bskyed pa'i phyir de mi dmigs pa'i tshul gyis 'dun pa skyed cing rtsol lo/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /
sdig to mi dge ba'i chos skyes pa rnams spang ba'i phyir 'dun pa la sogs pa dang / dge ba'i chos ma skyes pa rnams skyed pa'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /dge ba'i chos skyes 

</font><hr>86-1-71b<br><font size=+1>

pa rnams 'phel zhing rgyas par bya ba dang / yangs par bya ba'i phyir dang / bsgom pa yongs su rdzogs pa'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /chos rnams thams cad don dam 
par mi spong ba dang / mi spong ba ma yin pa'i ched du rtogs par bya'o zhes bcom ldan 'das rdo rje rnal 'byor gyi dbang phyug chen pos 'di bka' stsal to/ /\u0f00 samya ka pra hA Na sar+b+ba ta thA ga ta sa ma tA a d+hiSh+Tha aHraHhU~M/ yang dag par spong ba rjod pa zhes bya ba shes rab kyi pha rol tu 
phyin pa'i sgo'o/ /rdzu 'phrul gyi rkang pa bzhi ni 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed do/ /brtson 'grus dang / sems dang / spyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed do/ /
shes rab kyi pha rol tu phyin pa don dam pa dang / kun rdzob kyi sgo'i chos thams cad sgyu ma sgyu ma'i mtshan nyid du 'jug go zhes bcom ldan 'das chos thams cad kyi 'khor los sgyur bas bka' stsal to/ /oM r-i d+hi pA da pA ra mi te la bA pa ra hU~M hU~M/ rdzu 'phrul gyi rkang pa'i pha rol 
tu phyin pa mnyam pa nyid kyi ye shes zhes bya ba shes rab kyi pha rol tu phyin pa'o/ /dbang po lnga ni dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /bcom ldan 'das chos thams cad 
mnyam pa nyid la dbang sgyur bas spros pa med pa'i dbang po 'di dag bka' stsal to/ /\u0f00 in+d+ri yA ba bo d+ha pradz+nye i sheny+tsa naH ma n+ya nA ya ga tA ya AHhU~M/ dbang po mnyam pa nyid ces bya ba shes rab kyi pha rol tu phyin pa'o/ /stobs lnga ni dad pa'i stobs dang / brtson 'grus kyi stobs dang / 
dran pa'i stobs dang / ting nge 'dzin gyi stobs dang / shes rab kyi stobs so zhes bka' stsal to/ /bcom ldan 'das chos thams cad mnyam pa nyid la gnas pa/ stobs thams cad rtogs pa/ spros pa thams cad dang bral ba/ gdod ma nas dag pas 'di bka' stsal pa/

</font><hr>86-1-72a<br><font size=+1>

\u0f00 sar+b+ba ta thA ga tA ba la aHhU~M hU~M baH/ stobs 'phel ba zhes bya ba shes rab kyi pha rol tu phyin pa'o/ /tshangs pa'i gnas pa bzhi ni/ byams pa dang / snying rje dang / dga' ba dang / btang snyoms so/ /oM brah+ma bi ha ra d+hiSh+ThA na ga~M ma~M dru~M k+kha~M hU~M trA~M/ chos 
thams cad mnyam pa nyid ces bya ba shes rab kyi pha rol tu phyin pa 'di bka' stsal to/ /tshangs pa'i gnas pa byin gyis rlob pa'o/ /so so yang dag par rig pa bzhi ni/ spobs pa so so yang dag par rig pa dang / nges pa'i tshig so so yang dag par rig pa dang / don so 
so yang dag par rig pa dang / chos so so yang dag par rig pa'o zhes bcom ldan 'das chos thams cad sgyu ma'i mtshan nyid du so so yang dag par rig pa'i phyir shes rab kyi pha rol tu phyin pa'o zhes bka' stsal to/ /\u0f00 pra ti sam+bi daHswa hU~M/ shes rab kyi pha rol tu phyin pa 
mnyam pa nyid do/ /rjes su dran pa drug gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang /gtong ba rjes su dran pa dang / tshul khrims rjes su dran pa dang / lha rjes su dran pa'o/ /chos thams cad gcig tu rjes 
su dran pa ni chos thams cad don dam pa stong pa nyid ces bya'o/ /mtshan nyid dang mtshan nyid med pa rnam par spyod pas mnyam pa nyid kyi sgo zhes bya ba 'di ting nge 'dzin la dbang sgyur bas bka' stsal to/ /\u0f00 sar+b+ba a nu smr-i ti bud+d+ha~M sa~M pa dA di shi hU~M hU~M hU~M/ rjes su dran pa drug gi shes 
rab bo/ /byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa 
yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ byang chub kyi yan lag mnyam pa nyid skye ba med pa'i mtshan nyid ces bya ba shes rab kyi pha rol tu phyin pa bka' stsal to/ /\u0f00 sar+b+ba tA bo d+h+ya~M ga 

</font><hr>86-1-72b<br><font size=+1>

sa ma tA su pra ti Sh+Thi te d+h+ru ba~M/ 'phags pa'i lam yan lag brgyad gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i 
dran pa dang / yang dag pa'i ting nge 'dzin to/ /lam zad mi shes pa'i byang chub kyi sems chen po la 'jug pa legs par so sor rig pa thams cad mkhyen pa'i ye shes so/ /\u0f00 Ar+yA Sh+ThA~M ga mArga ma Ta/ 'phags pa'i lam yan lag brgyad pa mnyam pa nyid ces bya ba shes 
rab kyi pha rol tu phyin pa'o/ /ting nge 'dzin gsum ni stong pa nyid dang / mtshan ma med pa dang / smon pa med pa'o/ /de la stong pa nyid kyi ting nge 'dzin gang zhe na/ stong pa'i rnam pa dang / gsog dang gsob kyi rnam pa dang / rang bzhin med pa'i rnam pas chos thams 
cad mtshan nyid gcig tu rtogs pa sems rtse gcig pa ste/ 'di ni stong pa nyid kyi ting nge 'dzin ces brjod do/ /de la mtshan ma med pa'i ting nge 'dzin gang zhe na/ gang la mtshan mar mi byed pa dang / 'dod pa med pa dang /shes pa med pa dang / zhi ba'i rnam pa dang / 
rnam par bral ba'i rnam par sems rtse gcig pa ste/ 'di ni mtshan ma med pa'i ting nge 'dzin ces bya'o/ /de la smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam pa sems rtse gcig pa ste/ de ni smon pa med pa'i ting nge 'dzin ces 
bya'o/ /chos thams cad rtogs nas smon par mi byed do/ /lha'am lha las gzhan gang yang rung ba don du mi gnyer zhing gsol ba 'debs par yang mi 'dod pa ste/ dngos po thams cad la ting nge 'dzin thams cad kyi sgo yis kyang ngo / /shes rab kyi pha rol tu phyin pa 'di 
nyid kyis ting nge 'dzin gyi sgo gsum nye bar rtogs par bya'o/ /\u0f00 kha sa maHsar+b+ba d+har+m+mAHkha~M/ de la stobs bcu ni gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang / dbang 

</font><hr>86-1-73a<br><font size=+1>

po mchog dang mchog ma yin pa mkhyen pa'i stobs dang / mos pa sna tshogs mkhyen pa'i stobs dang / sdug bsngal 'gog pa so sor mkhyen pa'i stobs dang / kun nas nyon mongs pa dang rnam par byang ba mkhyen pa'i stobs dang / sngon gyi gnas rjes su dran 
pa mkhyen pa'i stobs dang / mngon par shes pa lnga mkhyen pa'i stobs dang / zag pa zad pa mkhyen pa'i stobs so/ /de bzhin gshegs pa thams cad kyi mnyam pa nyid so sor rtogs pa'i phyir shes rab kyi pha rol tu phyin pa'o/ /\u0f00 da sha ba la sa ma tA thA/ stobs bcu 
mnyam pa nyid ces bya ba shes rab kyi pha rol tu phyin pa'o/ /rnam par thar pa brgyad gang zhe na/ gzugs can gyis gzugs rnams mthong ba 'di ni rnam par thar pa dang po'o/ /nang gzugs med pa'i 'du shes dang ldan pas phyi rol gyi gzugs rnams mthong ba 'di ni rnam 
par thar pa gnyis pa'o/ /bzang bar mos pa 'di ni rnam par thar pa gsum pa'o/ /gzugs kyi 'du shes las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so zhes te/ 
nam mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye mched la nye bar 
bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas pa 'di ni rnam par thar pa drug pa'o/ /de rnam pa 
thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das 

</font><hr>86-1-73b<br><font size=+1>

te 'du shes dang / tshor ba 'gog pa'i snyoms par 'jug pa la nye bar bsgrubs te gnas pa 'di ni rnam par thar pa brgyad pa'o/ /chos thams cad spros pa med pa'i mtshan nyid kun nas nyon mongs pa med cing rnam par byang ba med pa/ bsam gtan med cing / 
bsam gtan med pa ma yin pa/ snyoms par 'jug pa med cing snyoms par 'jug pa ma yin pa 'di bka' stsal to/ /\u0f00 sa man+ta b+ha dre sar+b+ba swa b+hA ba bi shud+d+he r+d+ha~M Sha~M kha~M/ gnas dang gnas ma yin pa dang bral ba zhes bya ba shes rab kyi pha rol tu phyin pa'o/ /mi 
'jigs pa bzhi gang zhe na/ bdag gis yang dag par rdzogs par sangs rgyas so zhes dam bcas na chos 'di rnams mngon par rdzogs par sangs ma rgyas so zhes bya bar bdag la dge sbyong ngam/ bram ze'am/ lha'am/ bdud dam/ tshangs pa'am/ skye dgu'i 
tshogs gzhan ci yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su ma mthong ste/ rgyu yang dag par rjes su ma mthong bas de la bdag med pa thob pa dang / bag tsha ba med pa thob pa dang / mi 'jigs pa thob par rnam par 
spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ skye dgu'i tshogs gzhan sus kyang rung ste/ chos 
dang ldan par bskor bar mi nus pa bdag gis rab tu bskor bar bya'o/ /bdag zag pa zad do zhes dam bcas nas de la zag pa 'di rnams yongs su zad par ma gyur to zhes bya bar bdag la dge sbyong ngam/ bram ze'am/ lha'am/ bdud dam/ tshangs pa'am/ skye dgu'i 
tshogs gzhan su'ang rung ste/ 'jig rten na chos dang 'thun par zhes bya ba'i bar du'o/ /gang yang bdag gis bar chad kyi chos su bstan pa de dag la brten na bar chad kyi chos su mi 'gyur ro zhes bya ba rgyas par sbyar ro/ /gang yang bdag gi lam 'phags pa'i nges par 'byung ba'i 

</font><hr>86-1-74a<br><font size=+1>

lam du bshad pa de yis nges par 'byung bar mi 'gyur te/ yang dag par sdug bsngal zad pa dang / yang dag par sdug bsngal mthar bya bar ga la 'gyur zhes dge sbyong ngam/ bram ze'am/ lha'am/ bdud dam/ tshangs pa'am/ skye dgu'i tshogs 
su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ba la sogs pa ji ltar gyur pa thams cad yongs su spros te brjod par bya'o/ /mi 'jigs pa ni chos thams cad mnyam pa nyid sgyu ma'i mtshan nyid de ngar 'dzin pa 
dang nga yir 'dzin pa dang bral ba'i phyir ro/ /\u0f00 bai shA ra d+ya sa ma tA prAp+ta a a a~M aH/ mthar gyis gnas pa'i mnyam pa nyid kyi snyoms par 'jug pa dgu gang zhe na/ 'dod pas dben pa/ sdig to mi dge ba'i chos kyis dben pa/ rtog pa dang bcas pa/ dpyod pa dang 
bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting 
nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dga' ba'i 'dod chags dang bral bas btang snyoms su gnas te/ dran pa dang ldan zhing shes bzhin can bde ba lus kyis myong la 'phags pa rnams kyis de la dran pa dang ldan 
pa'i bde ba la rnam par dpyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs shing yid bde ba dang / yid mi bde ba snga nas kyang nub pas bde ba yang med/ 
sdug bsngal ba yang med/ btang snyoms pa dang / dran pa yongs su dag pa/ bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du 

</font><hr>86-1-74b<br><font size=+1>

shes yid la mi byed pas nam mkha' mtha' yas so zhes te nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye 
mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag 
par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa'i snyoms 'jug la nye bar bsgrubs te gnas so/ /
rnam par thar pa brgyad po dang mnyam pa nyid rjes su thob nas dngos por rtog par mi byed/ dngos po med par rtog par mi byed/ chos thams cad gnyis su med par rtogs so/ /'di ni mthar gyis gnas pa'i snyoms par 'jug pa dgu mnyam pa nyid do/ /\u0f00 a nan+taHbi mok+Sha 
mu khe shu~M/ dngos po thams cad mthar gyis gnas pa'i rnam par thar pa mnyam pa nyid ces bya ba shes rab kyi pha rol tu phyin pa'o/ /de la pha rol tu phyin pa bcu gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin 
pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / smon lam gyi pha rol tu phyin pa dang / ye shes kyi pha rol tu phyin pa dang / stobs kyi pha rol tu phyin pa dang / thabs kyi pha rol tu phyin pa dang / thams 
cad kyi pha rol tu phyin pa dang / mi mnyam pa dang mnyam pa'i pha rol tu phyin pa dang / spros pa med pa'i pha rol tu phyin pa dang / yang dag pa'i don gyi pha rol tu phyin pa dang / chos thams cad kyi de kho na nyid kyi don gyi pha rol tu phyin pa dang / rdo rje'i pha rol tu phyin pa dang / rin po che'i pha 

</font><hr>86-1-75a<br><font size=+1>

rol tu phyin pa dang / pad+ma'i pha rol tu phyin pa dang / las kyi pha rol tu phyin pa dang / chos thams cad mnyam pa nyid kyi pha rol tu phyin pa ste/ bstan pa'i rjes su rtogs pa'i sbyor bas so/ /\u0f00 sar+b+ba pA ra mi ta ar+tha pa ri pU ra Ni/[ \u0f00] prA~M hU~M ta~M/ thams cad kyi pha 
rol tu phyin pa zhes bya ba shes rab kyi pha rol tu phyin pa'o/ /de la sa bcu po gang zhe na/ rab tu dga' ba zhes bya ba'i sa dang / dri ma med pa zhes bya ba dang / 'od byed pa zhes bya ba dang / 'od 'phro ba zhes bya ba dang / sbyang dka' ba zhes bya ba dang / mngon du gyur pa zhes bya ba dang / 
ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin zhes bya ba dang / sa thams cad don gcig ste/ 'di ltar ye shes kyi don to/ /ye shes kyang ci yang med pa/ nyon mongs pa med pa/ yi ge med pa/ don yod 
pa/ gdod ma nas dag pa/ dri ma med pa/ 'od gsal ba/ brjod pa dang bral ba zhes bya ba'i don to/ /\u0f00 b+hU mi bi sho d+ha ni sar+b+bar+tha pa ri pU ra Ni ba~M b+h+ru~M/ sa yongs su sbyong ba zhes bya ba shes rab kyi pha rol tu phyin pa'o/ /byang chub sems dpa'i gnas pa bcu gang zhe na/ byang 
chub sems dpa' sems dang po bskyed pa dang / gzhon nur gyur pa dang / las dang po pa dang /rnal 'byor spyod pa dang / skye ba nas skye bar sbyor ba dang ldan pa dang / bsam pa dang ldan pa dang / phyir mi ldog pa dang / dbang bskur ba thob pa dang / skye ba gcig gis thogs 
pa dang / byang chub sems dpa' rnams kyi rnam par gnas pa dang / mi gnas pa dor ba ste/ don dam par gnas pa gcig yin pa'i phyir te/ 'di ltar gnas pa med pa'o/ /\u0f00 sar+b+ba bya ba s+thA na bi ga te hU~M/ rnam par gnas pa med pa zhes bya ba'i shes rab kyi pha rol tu 
phyin pa'o/ /byang chub sems dpa' rnams kyi dbang bcu gang zhe na/ tshe la dbang ba dang / las la dbang ba dang / yo byad la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / skye ba la dbang ba dang / ye shes la dbang ba 

</font><hr>86-1-75b<br><font size=+1>

dang / chos la dbang ba dang / sems la dbang ba'o/ /dbang ba dang mi dbang ba rang bzhin gyis rnam par grol ba thams cad la dbang ba/ dbang phyug thams cad la dbang rjes su thob pa/ chos thams cad legs par so sor rtogs pa nyid kyi phyir ro/ /\u0f00 sar+b+ba ba shi te trA~M trU~M 
hU~M/ thams cad la dbang ba zhes bya ba shes rab kyi pha rol tu phyin pa'o/ /de la sangs rgyas kyi chos ma 'dres pa bcwa brgyad gang zhe na/ de bzhin gshegs pa la 'khrul pa mi mnga'o/ /ca co mi mnga'o/ /dgongs pa nyams pa mi mnga'o/ /thugs mnyam par ma bzhag pa 
mi mnga'o/ /'du shes sna tshogs mi mnga'o/ /ma brtags pa'i btang snyoms mi mnga'o/ /'dun pa yongs su nyams pa mi mnga'o/ /brtson 'grus yongs su nyams pa mi mnga'o/ /dran pa yongs su nyams pa mi mnga'o/ /ting nge 'dzin yongs su nyams pa mi mnga'o/ /
shes rab yongs su nyams pa mi mnga'o/ /rnam par grol ba yongs su nyams pa mi mnga'o/ /rnam par grol ba'i ye shes gzigs pa yongs su nyams pa mi mnga'o/ /'das pa'i dus la ma thogs ma chags pa'i ye shes gzigs pa 'jug go/ /ma 'ongs pa'i dus la ma 
chags ma thogs pa'i ye shes gzigs pa 'jug go/ /da ltar byung ba'i dus la ma chags ma thogs pa'i ye shes gzigs pa 'jug go /sku'i phrin las thams cad ye shes sngon du 'gro ba ste ye shes kyi rjes su 'brang ngo / /gsung gi phrin las thams cad ye shes sngon du 'gro ba ste 
ye shes kyi rjes su 'brang ngo / /thugs kyi phrin las thams cad ye shes sngon du 'gro ba ste ye shes kyi rjes su 'brang ngo / /'di chos rje sa skya pa'i bsgyur 'phro lags/ rgya dpe la gtugs shing slob dpon rab zhi bshes gnyen gyi 'grel pa dang yang bstun nas/ zhus dag byas shing / 
mi bcos su mi rung ba re re tsam 'grel pa dang bstun nas bcos shing zhu thug g.yar khral du blangs nas/ bu ston gyis bgyis pa'o// //dpal rdo rje sems dpa' la phyag 'tshal lo/ /de la sa bcu rnams ci zhe na/ rab tu dga' ba zhes bya ba'i sa dang / dri ma 

</font><hr>86-1-76a<br><font size=+1>

med pa zhes bya ba dang / 'od byed pa zhes bya ba dang / 'od 'phro ba zhes bya ba dang / thub par dka' ba zhes bya ba dang / mngon du gyur pa zhes bya ba dang / ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin 
zhes bya ba'o/ /sa rnams thams cad don gcig pa ste/ 'di lta ste/ ye shes kyi don no/ /ye shes kyang don dam par ci yang med pa/ nyon mongs pa med pa/ 'gyur ba med pa/ don yod pa/ gdod ma nas dag pa/ dri ma med pa/ 'od gsal ba/ brjod du med 
pa'o zhes pa'i don gang yin pa'o/ /\u0f00 b+hU mi bi sho d+ha ni sarbAr+tha pa ri pU ra Ni ba~M b+h+ru~M/ sa yongs su sbyong ba zhes bya ba'i shes rab kyi pha rol tu phyin pa'o/ /byang chub sems dpa' rnams kyi rnam par gzhag pa bcu rnams ci zhe na/ byang chub sems dpa' sems dang po bskyed pa dang / 
byis par gyur pa dang / las dang po pa dang / rnal 'byor spyod pa dang / skye ba skyed pa dang / sbyor ba phun sum tshogs pa dang / bsam pa phun sum tshogs pa dang / phyir mi ldog pa dang / dbang bskur ba thob pa dang / skye ba gcig gis thogs pa ste/ byang chub sems 
dpa' rnams kyi rnam par gzhag pa ni don dam par na rnam par gzhag pa dang bral ba ste/ rnam par gzhag pa gcig nyid kyi phyir na 'di lta ste/ rnam par gzhag pa med pa'o/ /oM sar+b+ba bya bas+thA na bi ga te hU~M/ rnam par gzhag pa med pa zhes bya ba'i shes rab kyi pha rol tu phyin pa'o/ /
byang chub sems dpa' rnams kyi dbang bcu rnams ci zhe na/ tshe la dbang ba dang / las la dbang ba dang / yo byad la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / skye ba la dbang ba dang / stobs la dbang ba dang / chos 
la dbang ba dang / sems la dbang ba'o/ /dbang rnams thams cad kyang don dam par dbang med pa rang bzhin rnam par dben pa/ kun rdzob tu dbang phyug thams cad la dbang rjes su thob pa ste/ chos legs par so sor rtogs pa nyid kyi phyir ro/ /\u0f00 sarbA ba shi te trA~M b+h+rU~M hU~M/

</font><hr>86-1-76b<br><font size=+1>

dbang thams cad pa zhes bya ba'i shes rab kyi pha rol tu phyin pa'o/ /de la sangs rgyas kyi chos ma 'dres pa bcwa brgyad rnams ci zhe na/ de bzhin gshegs pa la 'khrul pa med pa dang / ca co med pa dang / dran pa nyams pa med pa dang / thugs mnyam par ma bzhag pa med 
pa dang / tha dad pa nyid kyi 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa 
med pa dang / rnam par grol ba nyams pa med cing rnam par grol ba'i ye shes gzigs pa nyams pa med pa dang / 'das pa'i dus la ma chags ma thogs pa'i ye shes gzigs pa 'jug pa dang / ma 'ongs pa'i dus la ma chags ma thogs pa'i ye shes gzigs pa 'jug pa dang / 
da ltar gyi dus la ma chags ma thogs pa'i ye shes gzigs pa 'jug pa dang / sku'i phrin las thams cad ye shes sngon du 'gro zhing ye shes kyi rjes su 'brang ba dang / gsung gi phrin las thams cad ye shes sngon du 'gro zhing ye shes kyi rjes su 'brang ba dang / thugs kyi phrin las 
thams cad ye shes sngon du 'gro zhing ye shes kyi rjes su 'brang ba'o/ /de bzhin gshegs pa thams cad ni yul thams cad du dus thams cad kyi tshe thams cad mnyam pa nyid la legs par rab tu gnas pa ste/ stong pa nyid la yang dag par rjes su rtogs pa nyid kyi phyir na shes 
rab yongs su dag pa'o/ /oM a we Ni ka bud+d+ha d+har+m+ma sam te AHbi ra hU~M kha~M/ ma 'dres pa mnyam pa nyid ces bya ba'i shes rab kyi pha rol tu phyin pa'o// //de la skyes bu chen po'i mtshan sum cu rtsa gnyis rnams ci zhe na/ phyag dang zhabs kyi mthil 'khor los mtshan pa 
nyid de/ 'di'i phyag dang zhabs kyi mthil dag la 'khor lo rtsibs stong can lte ba dang bcas pa mu khyud dang bcas pa rnam pa thams cad yongs su rdzogs pa'o/ /phyag dang zhabs kyi mthil legs par gnas pa ste/ zhabs kyi mthil thams cad kyis sa gzhi la reg cing de 

</font><hr>86-1-77a<br><font size=+1>

yang 'di'i mtho ba ni dma' ba dang dma' ba ni mtho ba'o/ /phyag dang zhabs kyi sor mo ngang pa'i rgyal po lta bur dra bas 'brel pa ste/ de bzhin gshegs pa rnams kyi phyag dag dang / zhabs de dag gser gyi mdog can gyi ri mo'i phreng ba rnams kyis rkang pa brgyad pa 
bzhin du mdzes pa'o/ /phyag dang zhabs 'jam zhing gzhon sha chags pa nyid de/ bcom ldan 'das 'di'i phyag dang zhabs dag ras bal 'jam po bzhin dang / skyes nas zla ba lon pa'i byis pa bzhin du gzhon sha can dang / ka tsa lin da ltar 'jam pa reg na bde ba'o/ /bdun mtho 
bar gyur te phyag gnyis dag dang / zhabs gnyis dag dang / phrag gong dag dang / mgrin pa'i phyogs gcig go/ /sor mo ring ba ste 'di'i zhabs kyi sor mo rnams rim gyis ring ba nyid do/ /rting pa yangs pa ste 'di'i rting pa che zhing zhabs kyi rjes su 'tsham par yangs par 'gyur 
ro/ /sku che zhing drang ba nyid de 'phye bo ma yin zhing zhom pa ma yin/ ma tshang ba ma yin/ 'thas pa ma yin/ legs par skyes pa rnam pa thams cad pa bdun dang ldan pa'i sku ste/ mtho ba 'di'i srid dang rjes su 'tsham pa'i zheng du 'gyur ro/ /zhabs 'bur mi mngon pa nyid de 'di'i 
pus mo dang long bu mtho bar 'gyur ro/ /ba spu'i rtse mo gyen du phyogs pa ste/ 'di'i ba spu rnams rtse mo gyen du phyogs par 'gyur zhing ba spu rnams g.yas phyogs su 'khyil la 'khor ba mig sman gyi mdog can rnams te/ de rnams kyis gser gyi mdog can gyi sku mngon par gsal bar byed 
do/ /byin pa ri dgas e ne ya'i lta bu ste/ bcom ldan 'das kyi byin pa dag zlum pa ri dgas e ne ya rnams kyi lta bu'o/ /phyag ring zhing mdzes pa ste rgyas shing ma btud pa nyid du phyag mthil dag gis rang gi pus mo'i lha nga la reg pa'o/ /mdoms kyi sba ba sbubs su nub pa ste/ sbubs kyis rab 
tu g.yogs pa glang po che'i gsang gnas lta bur 'gyur ro/ /sku mdog gser 'dra ba ste/ 'di'i kha dog gser lta bur 'gyur ro/ /pags pa srab pa ste shin tu 'jam pa gser shog ltar 'jam pa'i pags pa can du 'gyur zhing rdul med pa'i na bza' 'dzin pa'o/ /spu re re nas skyes pa 

</font><hr>86-1-77b<br><font size=+1>

ste/ 'di'i ba spu'i khung bur spu rnams re rer 'gyur ro/ /smin ma'i dbus na mdzod spu can te 'di'i smin ma dag gi dbus na ras skud legs pa lta bu dung bcag pa'i kha dog can g.yas phyogs su 'khyil bar 'gyur te/ mdzod spu nyid kyis zhal gser gyi kha dog lta bu shin tu gsal bar 
byed do/ /sku stod seng ge lta bu ste/ 'di'i sku stod du yangs pa seng ge'i lta bur 'gyur ro/ /dpung mgo zlum pa ste yongs su zlum pa'i mgrin pa can du 'gyur ro/ /thal gong rgyas pa ste/ 'di'i nye bar rgyas par 'gyur zhing gser shog bzhin du rnam par gsal ba'i mgrin pa can 
no/ /yan lag so so rnams su ro rnams myong bar byed do zhes pas na ro bro ba'i mchog dang ldan pa nyid de/ rtsa rnams yin la de rnams kyi mchog tu rlung dang / mkhris pa dang / pad kan la sogs pa rnams kyis ma dkrugs pa nyid kyi phyir yang dag par gsal ba'o/ /shing n+ya gro d+ha 
ltar chu zheng gab pa ste/ skyes bu chen po'i chu dang zheng dag mnyam pa'o/ /dbu gtsug tor dang ldan pa ste/ dbu zlum par 'gyur zhing gtsug tor gdugs lta bus yas bkab pa gtsug tor yang shin tu mtho ba'o/ /ljags ring ba ste snyan gyi mtha'i bar du ljags kyi rtse mos reg par byed 
cing / dbu skra'i mthar thug par yang dpral ba'i mthar ljags kyis khebs pa'o/ /tshangs pa'i dbyangs te 'khor stong phrag du mar dbyangs nang du ji lta ba de ltar phyi rol du'ang thos shing bya ka la ping ka'i bzhin du snyan pa nyid du 'gyur ro/ /'gram pa seng ge'i lta bu ste/ 'gram pa dag seng 
ge'i bzhin du zlum por 'gyur ro/ /tshems dkar ba ste dung dang kun+da dang / zla ba'i kha dog can gyi tshems rnams so/ /tshems mnyam pa ste ha cang dma' ba ma yin mtho ba ma yin mi mnyam pa ma yin pa'i rtse mo can gyi tshems rnams su 'gyur ro/ /tshems thags bzang ba ste 
tshems rnams bar med pa'o/ /tshems bzhi bcu mnga' ba ste tshems 'og tu nyi shu dang / steng du tshems nyi shu'o/ /spyan mthon mthing ste spyan dag gi sngon po gang yin pa de shin tu rnam par dag par 'gyur te ri mo dmar po rnams dang / ma 'dres pa nyid kyi phyir la gang dkar po 

</font><hr>86-1-78a<br><font size=+1>

yin pa de dkar po kho na shin tu rnam par dag par 'gyur ro/ /rdzi ma ba'i lta bu ste/ spyan gyi rdzi ma rnams khyu mchog gi bzhin du gang 'og ma yin pa de rnams 'og kho na dang / gang steng ma yin pa de rnams steng kho nar gnas pa ma 'dzings pa legs par gzhol ba'o/ /
sems can 'ga' zhig rnams kyis de bzhin gshegs pa gser gyi mdog can du mthong ba 'ga' zhig rnams kyis shel gyi mdog can du mthong ba 'ga' zhig rnams kyis pad+ma rA ga'i kha dog dang / 'ga' zhig rnams kyis in+d+ra nI la'i kha dog can dang / 'ga' zhig rnams kyis mu 
tig dmar po'i kha dog can dang / 'ga' zhig rnams kyis dung dang kun+da dang zla ba ltar dkar ba dang / 'ga' zhig gis kha dog sna tshogs pa dang / 'ga' zhig gis nam mkha'i kha dog can dang / 'ga' zhig gis khru phyed dang bcu gsum pa'i tshad dang / ji srid du dpag tshad 
'bum gyi tshad dam/ dpag tshad bye ba'i tshad dang / ji srid du 'jig rten gyi khams rab 'byam rgya mtsho'i sprin mtha' yas pa rnams su snang bar mdzad pa'i 'od kyi dkyil 'khor can dang / stong gsum gyi stong chen po'i 'jig rten gyi khams snang bas yongs su rgyas par mdzad pa dang / ji 
srid du me tog gi gzhi'i snying po'i rgyan bkod pa'i rgya mtsho rnams snang bar byed cing / chos kyi dbyings kyi mthar thug pa'i bar du ste/ sangs rgyas thams cad kyi yul gdul bya'i dbang las thams cad snang bar byed cing 'jig rten gyi khams thams cad dbyangs kyis rnam par rig par mdzad pa 
dang / stong gnyis dang gsum dang / ji srid nam mkha'i mthar thug pa'i bar thams cad 'od dang / dbyangs kyis snang bar byas nas rnam par rig par mdzad pa dang / chos dang / zang zing dang / don mthun pa dang / don bya ba'i bsdu ba'i dngos po bzhi rnams kyis sems can 
rnams la phan 'dogs shing / phan btags nas byang chub chen po la rab tu dgod par mdzad do/ /skyes bu chen po'i mtshan sum cu rtsa gnyis mnyam pa nyid kyis chos rnams thams cad mnyam zhing mnyam pa ste/ de bzhin gshegs pa rnams kyi mtshan mngon par 'grub par blta bar 

</font><hr>86-1-78b<br><font size=+1>

bya'i mtshan ma yin pa mngon par 'grub pa ni ma yin no/ /byang chub mtshan nyid med pa nyid kyi phyir chos rnams thams cad mtshan nyid med pa ste/ 'di lta ste/ stong pa nyid kyi mtshan nyid can no/ /de bzhin gshegs pa thams cad kyang stong pa nyid du mnyam pa'o/ /de 
bzhin gshegs pa thams cad dang / byang chub dang / chos rnams thams cad kyang mtshan nyid gcig pa ste/ 'di lta ste/ nam mkha'i mtshan nyid can/ stong pa nyid kyi mtshan nyid can/ zhi ba'i mtshan nyid can rnams so zhes pa'o/ /oM sar+b+ba ta thA ga ta bar lak+Sha Na sam 
tA d+har+m+ma te oM/ mtshan thams cad mnyam pa nyid ces bya ba'i shes rab kyi pha rol tu phyin pa'o// //dpe byad brgyad cu rnams ci zhe na/ sangs rgyas bcom ldan 'das rnams ni sen mo zangs kyi mdog lta bur 'gyur te/ sen mo snum pa dang / sen mo mtho ba dang / 
sen mo rnams zlum par gyur pa dang / sor mo rnams rim gyis phra ba dang / sor mo rnams rgyas pa dang / rtsa mi mngon pa dang / rtsa rnams mdud pa med pa dang / long bu mi mngon pa dang / zhabs mi mnyam pa med par mtshungs pa dang / glang po che'i stabs su 
gshegs pa dang / seng ge'i stabs su gshegs pa dang / g.yas phyogs su ldog cing gshegs pa dang / drang por gshegs pa dang / mdzes par gshegs pa dang / rim gyis gshegs pa dang / che zhing yangs la yongs su gyur pa'i pus mo'i lha nga can dang / mtshan 
yongs su rdzogs pa dang / gom pa snyoms pa dang / sku rnam par dag pa dang / sku 'jam pa dang / sku rnam par dang ba dang / sku zhum pa med pa dang / sku sgu ba med pa dang / kun tu spyod pa gtsang ba dang / khyu mchog ltar kun nas rab tu dang ba can dang / gzigs 
pa yongs su dag cing mngon par 'dod pa la mnyam pa'i 'od can dang / dku zlum pa dang / dku skabs phyin pa dang / dku ma rnyongs pa dang / sku rked gzhu'i lag cangs lta bu dang / lte ba zab pa dang / lte ba mi yo ba dang / lte ba g.yas phyogs su 'khyil ba dang / lte ba 

</font><hr>86-1-79a<br><font size=+1>

thogs pa med pa dang / yan lag dang nying lag shin tu rnam par 'byes pa dang / pags pa skyon dang bral ba dang / gnag bag dang sme ba med pa dang / sku brtan pa dang / phyag shing bal lta bu dang / phyag yangs pa dang / phyag gi ri mo snum pa dang / phyag 
gi ri mo mi yo ba dang / mchu bim+ba lta bu dang / zhal ha cang mi ring ba dang / mnyen zhing srab la dmar ba'i ljags dang / glang po che'i nga ro can dang / snyan cing mnyan pa'i dbyangs dang / sgra phun sum tshogs pa dang / dbyangs 'jam pa dang / shangs mtho ba dang / mche ba 
zlum pa dang / mche ba dkar ba dang / mche ba byin gyis phra ba dang / spyan gtsang ba dang / spyan yangs pa dang / spyan mthon mthing dang / rdzi ma gnag pa dang / smin ma stug pa dang / smin ma 'jam pa dang / spyan dkar nag 'byes shing pad+ma'i 'dab ma lta bu dang / smin 
tshugs ring ba dang / smin ma'i spu nag pa dang / smin ma'i spu phra ba dang / smin ma rjes su mthun pa dang / kha dog ma nyams pa dang / snyan mi mnyam pa med pa dang / snyan skyon dang bral ba dang / dbang po thams cad ma nyams shing skyon dang bral ba dang / sku yongs su rdzogs 
shing mtho la mchog tu gnas pa'i zhal gdong dang / dpral ba can dang / dbu shin tu rgyas pa dang / dbu skra gnag pa dang / dbu skra stug pa dang / dbu skra 'jam pa dang / dbu skra dri zhim pa dang / dbu skra mnyam pa dang / dbu skra snum pa dang / dbu skra ma 'khums pa dang / 
dbu skra ma 'khrugs pa dang / dpal be'u dang / bkra shis dang / g.yung drung 'khyil pas brgyan pa dang / rgyal mtshan yang dag par gnas pa dang / dpral ba dung lta bu dang / dbu mchog tu mtho ba dang / gtsug tor yar 'phags pa dang / dbu gdugs kyi rnam pa can dang / 
kun nas mdzes pa ste/ de bzhin gshegs pa rnams ni tshad med pa'i dpe byad can mnyam pa nyid la legs par rab tu gnas pa gsal byed dang / gsal byed ma yin pa mnyam pa nyid la legs par rab tu gnas pa/ chos thams cad gsal byed med par mnyam pa nyid la rab tu 

</font><hr>86-1-79b<br><font size=+1>

legs par gnas pa/ mtshan dang dpe byad thams cad sgyu ma'i chos dang ldan pa la legs par rab tu gnas pa/ dus gsum gyi dpe byad mnyam pa nyid/ rdo rje lta bu mnyam pa nyid thob pa/ stong pa nyid kyi chos thams cad dang / dpe byad mnyam pa nyid thob pa/ gnyis su med 
pa'i don la legs par yang dag par zhugs pa rnams so zhes pa'o/ /oM a nu byany+dza na sa ma tA su pra tiSh+Thi ta badzra dz+nyA na hU~M la~M a~M/ dpe byad mnyam pa nyid ces bya ba'i shes rab kyi pha rol tu phyin pa'o//  //de nas bcom ldan 'das de bzhin gshegs pa thams cad 
'dus par gyur nas/ bcom ldan 'das rdo rje can rnal 'byor gyi dbang phyug chen po can la legs so zhes bya ba rnams kyis mnyes par mdzad do/ /oM byang chub sems ched khyod legs so/ /sangs rgyas kun gyi bdag nyid mchog /sangs rgyas chos ched khyod legs 
so/ /ting 'dzin dbang du 'jug pa yi/ /rdo rje ye shes khyod legs so/ /rdo rje sems dpa' khyod legs so/ /tshad med ched du khyod legs so/ /shes rab dam pa'i ched du yang / /mdo sde 'di ni legs par bshad/ /sangs rgyas snga mas ma gsungs pa'o/ /
de nas bcom ldan 'das rdo rje rnal 'byor can gyi dbang phyug chen pos de bzhin gshegs pa rnams thams cad la phyag 'tshal ba bzhi yis mngon par dgyes par mdzad do/ /sangs rgyas kun khyod la phyag 'tshal/ /chos kyi sku yi mchog gi mchog /gdod ma'i sngags 
kyi don nyid la/ /rdo rje ye shes stobs chen la/ /shin tu sgrib med zhi ba la/ /rdo rje chos rnams legs gnas pa/ /theg pa chen po'i go 'phang thob/ /thugs rje'i bdag nyid can gyi lha/ /gdod nas dag pa dpa' bo che/ /dbang phyug dam pa mchog gi 
mchog /dam chos mchog tu 'gyur ba med/ /bde gshegs de rnams la phyag 'tshal/ /zhes pa'o/ /na ma stu te/ oM mA~M hU~M hU~M na mo stu te swA hA/ 'di ni brjod pa tsam zhig gis/ /sangs rgyas thams cad rab mchod pa'o/ /zhes pa'o// //

</font><hr>86-1-80a<br><font size=+1>

de nas bcom ldan 'das rnam par snang mdzad chen pos de bzhin gshegs pa thams cad bos nas 'di skad ces gsungs so/ /bcom ldan 'das de bzhin gshegs pa rnams thams cad dngos grub thams cad kyi dkyil 'khor bskyed par mdzad du 
gsol/ de nas bcom ldan 'das de bzhin gshegs pa rnams thams cad slar yang 'dus pa mdzad nas/ bcom ldan 'das rdo rje rnal 'byor can gyi dbang phyug chen po la gsol ba btab pa/ bcom ldan 'das khyod nyid kyis rigs thams cad 'khor lo bskyed par mdzad du 
gsol/ de nas bcom ldan 'das rdo rje rnal 'byor gyi dbang phyug chen pos gsol ba btab pa'i gsung gis de ma thag kho nar 'jam dpal gzhon nur gyur pa la bos te bka' stsal pa/ 'jam dpal de bzhin gshegs pa rnams thams cad kyi byang chub kyi snying po nyon cig /ces te/ 
de nas 'di las yang dag bshad/ /byang chub dkyil 'khor bla na med/ /rdo rje ye shes gsang ba mchog /sangs rgyas skyob pa thams cad kyi'o/ /dben pa'i sa gzhi nyams dga' ba/ /me tog phreng bas rnam brgyan pa/ /kun tu sna tshogs cha bzang 
ba/ /kun tu sna tshogs sdom par ni/ /kun nas sna tshogs bya ba rnams/ /dam pa'i don du bsgrub par bya/ /ri yi mchog gam grong khyer ni/ /me tog 'bras bus rnam brgyan pa/ /der gnas sngags pas dngos grub mchog /gal te 'dod 
na yang dag bri/ /gtsug lag khang dang dgon pa'i gnas/ /ri stengs rnams su kun nas ni/ /sangs rgyas kun gyi bya ba rnams/ /dam pa'i don du bsgrub par bya/ /ma mo'i gnas dang zhi ba'i gnas/ /dur khrod lha yi gnas su ni/ /rdo rje 'dzin 
dpal bya ba rnams/ /don dam par ni bsgrub par bya/ /pad+ma'i skyed mos tshal kun dang / /chu bo 'dus pa rnams su yang / /phyag na pad+ma dpal bya ba/ /dam pa'i don du bsgrub par bya/ /rgyal po'i pho brang nyams dga' dang / /rgyal po'i skyed 

</font><hr>86-1-80b<br><font size=+1>

tshal rnams su ni/ /rdo rje rin chen de yi ni/ /rin chen bya ba rnams bsgrub bya/ /rtags gcig pa dang ba glang gnas/ /chu klung 'dus pa rnams su yang / /sna tshogs bya ba thams cad rnams/ /dam pa'i don du bsgrub par bya/ /dpal ldan 
rdo rje sems dpa' dang / /lha rnams gnas mchog kun tu'o/ /nam mkha' 'am ni phyogs gzhan du/ /gang du mnyam par gzhag pa der/ /rtag pa bsod nams mchog gyur pa/ /bya ba thams cad bsgrub par bya/ /phyogs kun mnyam nyid 
gnas dkyil 'khor/ /shes rab can gyis thig gdab bya/ /shar lho nub dang byang rnams kyi/ /phyogs su dkyil 'khor thig brgyad po/ /de yi phyi ru 'khor lo ni/ /kha dog lnga pa cher 'bar ba'o/ /gru bzhi pa la sgo bzhi pa/ /rta babs bzhi yis 
mdzes pa ste/ /sna tshogs gos dang me tog phreng / /rnga yab sogs kyis rnam brgyan pa/ /dkyil 'khor kun la gnas pa yi/ /sgo dang sgo khyud mtshams rnams su/ /rdo rje rin chen rnams kyis spras/ /dkyil 'khor thams cad bri bar bya/ /
dkyil 'khor de yi dbus su ni/ /gal te dngos grub mchog 'dod na/ /zla ba'i dkyil 'khor la gnas pa/ /sangs rgyas gzugs brnyan bri bar bya/ /shar du bcom ldan 'khor lo can/ /rdo rje sems dpa' yang dag ldan/ /'khor los sgyur 
ba thams cad ni/ /sgeg par bcas pa kun bri bya/ /lho ru gtsug tor dkar po ni/ /rin chen 'bar ba yang dag ldan/ /gtsug tor dkar po'i ngos su ni/ /rdo rje gzi brjid la sogs bri/ /byang du brtson 'grus chen po ni/ /gzi brjid phung po 
stobs po che/ /sna tshogs rdo rje sogs bcas pa/ /rim pa kun nas bri bar bya/ /rdo rje rnal 'byor can gyis ni/ /dbang phyug mgon po'i nub phyogs su/ /gtsug tor rgyal ba brtson 'grus che/ /rdo rje chos sogs dang bcas pa/ /thams cad sngags pas bri 

</font><hr>86-1-81a<br><font size=+1>

bar bya/ /gal te dngos grub mchog 'dod na'o/ /dbang ldan phyogs su 'phags pa gnas/ /me mtshams su ni cher 'phags so/ /bden bral du ni rnam rgyal nyid/ /rlung du de bzhin rnam 'phro ba'o/ /rdo rje sems dpa' sems 
dpa' che/ /sems dpa' kun gyi mdun du ni/ /zla ba'i dkyil 'khor dbus gnas pa/ /gsal zhing 'bar 'khrigs 'od zer can/ /mkhas pas dkyil 'khor rnams su ni/ /mchod pa rnams ni gzhag byas te/ /sgeg mo la sogs mchod pa che/ /de bzhin 
gzugs sgra la sogs dang / /bdug pa la sogs gsang chen no/ /sgo skyong ba ni bzhi yin te/ /phyi yi dkyil 'khor gnas rnams su/ /kun tu bzang po sogs rnams bri/ /de ltar dkyil 'khor bri bya ste/ /mchod pa byas nas snga ma bzhin/ /de bzhin 
'jug pa sogs byas la/ /sgrub pa'i thabs ni brtsam par bya/ /rdo rje rnal 'byor dbang phyug sogs/ /dkyil 'khor mngon sum mthong ba las/ /snga ma rtag pa ji bzhin du/ /phyi nas de bzhin bri bar bya/ /bsod nams ji bzhin dkyil 'khor 
rnams/ /thams cad mtshon gyis rab brtags pa/ /rang gi lhag pa'i lha ngo bos/ /dkyil 'khor thams cad bri byar 'gyur/ /rang lha'i bdag nyid rnal 'byor gyis/ /dkyil 'khor thams cad rab tu grub/ /cho ga dman dang lhag pas kyang / /'grub 
par 'gyur te skyon ma min/ /kun tu sna tshogs skal bzang ba/ /kun nas sna tshogs 'khor lo can/ /'khor los sgyur ba bdag nyid che/ /rin chen bdun gyi mchod pa che/ /yongs su rdzogs pa'i zla ba ltar/ /dkyil 'khor bdud rtsi 'byung shes bya/ /
sangs rgyas rdo rje 'dzin sogs kyi/ /dkyil 'khor 'di ni bshad byas pa'o/ /phyag na pad+ma bdag nyid che'i/ /pad+ma'i rnam par rtag shes bya/ /rin po che yi rin chen rnams/ /dkyil 'khor sna tshogs rnam pa'o/ /dkyil 'khor dman zhing dam 

</font><hr>86-1-81b<br><font size=+1>

tshig rnams/ /dor bar byas pa de nyid ni/ /gsang ba shes pa ma yin na/ /sgrub pa'i thabs ni 'grub mi 'gyur/ /de phyir 'bad pa thams cad kyis/ /dkyil 'khor thams cad lta ba ni/ /gal te dngos grub mchog 'dod na/ /gdon mi za 
bar rtag tu bya/ /bla ma la ni yon phul nas/ /rjes su rim pas bsgrub par bya/ /brtan pa'am ni g.yo ba yi/ /rdzas rnams ji snyed thams cad de/ /rtsa ba me tog 'bras bu sogs/ /bu mo legs par brgyan byas dang / /'dod pa'i chung ma phul byas 
nas/ /slar yang rin gyis bslu bar bya/ /grong dang de bzhin gtsug lag khang / /kun dga' ra sogs rgyal srid mchog /gang la sbyin bya cung zad yod/ /'tsho ba de ni sbyin par bya/ /bdag gi dngos po yongs gtong ba/ /sangs rgyas 
thams cad rab mchod pa'o/ /bla ma la ni yon phul nas/ /gsang ba dam pa rmad byung ba/ /mngon par dbang bskur de nas bya/ /'dab ma brgyad pa yid 'ong la/ /slob ma gzhag nas yan lag kun/ /phyag rgya kun nas bcings byas nas/ /
khams kun rang bzhin rtsa ba dang / /sa bon 'bras bus dud pa yi/ /bum pa rnams kyis dbang bskur te/ /sangs rgyas phreng ba'i dbang bskur las/ /spyi bo dang ni dpral ba dang / /gzhogs dang de bzhin rgyab tu yang / /sangs rgyas rin chen 
chen po kun/ /cod pan mchog tu mi 'gyur ba'o/ /dpal ldan sangs rgyas gtsug nor bu/ /gdugs dkar steng na gnas pa'o/ /rgyal srid kun gyi dbang bskur gyis/ /yang dang yang du dbang bskur bya/ /dpal kun gyis ni mngon mtho ba/ /
zhes bya'i dbang bskur bshad pa'o/ /khams kun rang bzhin glang po dang / /rta ni mchog tu 'bar ba'am/ /seng ge'i gdan gnas dbang bskur ba/ /dpal gyi sngags ni rjod byed cing / /dpal gyis mngon mtho zhes bya ba'i/ /dam pa'i don gyi 

</font><hr>86-1-82a<br><font size=+1>

dbang bskur ba/ /bkra shis sam ni dpal be'u/ /gang yang bris nas dbang bskur bya/ /sangs rgyas dpa' bo thams cad kyis/ /rnam rgyal dbang bskur zhes bshad do/ /tsan+dan chu dang bum pa che/ /gzhan gyis mi thub sman 
blugs pa/ /kun nas dbang bskur ched du ni/ /rtag tu shes rab can gyis brtag /gzhan gyis mi thub dbang bskur mchog /dkyil 'khor gang gang bris byas nas/ /phyag rgya gang dang gang bkod pa/ /der ni de dang de brtag bya/ /de rnams phyag 
rgya dam par bshad/ /dbang bskur ched du sangs rgyas rnams/ /lha de rnams ni yid du 'ong / /sman gyi dam pa mchog gyur pa/ /sangs rgyas kun gyis rab tu bshad/ /tsan+dan dang ni rgya spos dang / /ga pur de bzhin gur gum dang / /a ka ru dang 
lha yi shing / /tsan+dan dmar po nyid dang ni/ /siM hA byA g+h+ri de bzhin mchog /kun nas sa ha de ba dang / /gi ri kar+Na tshangs mchod sbyin/ /sman gyi dam pa rnams su bshad/ /lhag gnas kun gyi sbyor ba yis/ /sangs rgyas mchod pa rab 'jug cing / /
dang po rdo rje dbang bskur ba/ /shes rab thams cad rab 'jug byed/ /rin chen dam pa'i dam pa ni/ /gser la sogs kyis thams cad nas/ /sman kun dang ni sa bon kun/ /'bru rnams thams cad bzang po ni/ /sangs rgyas byin brlabs rnal 'byor las/ /
dbang bskur don du rab brtag bya/ /sangs rgyas kun gyi rnal 'byor che/ /dbang bskur dam pa 'od 'bar ba'o/ /sangs rgyas kun nas sangs rgyas 'gyur/ /zhes pa'o/ /dpal rdo rje snying po rgyan gyi rgyud du ji ltar rnyed pa yongs su rdzogs so// //
rigs gzugs skal bzangs mang thos blo 'byor sogs/ /phun tshogs ldan pa dpal ldan chos rje yis/ /rgyud 'di bsgyur las cung zad ma rdzogs pa/ /dpal ldan blo gros brtan pas rdzogs par bsgyur// //

</font><hr>

</table>