D498

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D498</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D498&coll=derge">see text in Tibetan script</a></table>87-1-158a<br><font size=+1>
@##/ /rgya gar skad du/ b+ha ga bA na nI lAm+ba ra d+ha ra badzra pA Ni ta n+d+ra na ma/ bod skad du/  bcom ldan 'das phyag na rdo rje gos sngon po can gyi rgyud ces bya ba/bcom ldan 'das dpal phyag na rdo rje gos sngon po can la phyag 
'tshal lo/ /sangs rgyas dang byang chub sems dpa' dus gsum du bzhugs pa rnams la phyag 'tshal lo/ /'di skad bdag gis thos pa dus gcig na/ bcom ldan 'das mi bskyod pa rdo rje'i rigs kyi sangs rgyas lcang lo can gyi pho brang na byang chub sems dpa' phyag na rdo rje 

</font><hr>87-1-158b<br><font size=+1>

dang / rdo rje sde dang / rdo rje kun tu 'dzin pa dang / /rdo rje rab tu 'dul byed dang / /rdo rje mi bzad 'joms dang / rdo rje gdug pa kun 'dul dang / rdo rje dbyings las rgyal ba dang / rdo rje dgyes gnas skyob la sogs pa'i 'khor bye ba phrag snyed rnams dang thabs cig tu bzhugs 
so/ /de nas byang chub sems dpa' sems dpa' chen po lag na rdo rje nyid kyis rdo rje thugs kar lan gsum gsor te/ bcom ldan 'das la bskor ba lan gsum byas nas phyag 'tshal te/ pus mo g.yas pa'i lha ngas la btsugs te 'di skad ces gsol to/ /bcom ldan 
'das de bzhin gshegs pa rdo rje 'dzin pa chen po 'byung po kun 'dul bar byed cing / sa 'og gi gdug pa can 'dul bar byed pa'i rdo rje kun 'dul zhes bya ba'i rgyud chen po bshad du gsol/ rdo rje 'dzin pa chen po bshad du gsol khyab bdag chen po bshad du gsol/ gdug 
pa kun 'dul bar byed pa chen pos bshad du gsol/ mun pa kun 'joms pa chen po bshad du gsol zhes phyag na rdo rjes gsol ba btab bo/ /de skad ces gsol pa dang bcom ldan 'das kyis phyag na rdo rje la bka' stsal pa/ rdo rje 'chang chen po gsang ba pa khyod sems can 
rnams kyi don du rdo rje kun 'dul zhes bya ba'i rgyu dang la zhu ba legs so/ /gsang ba pa'i bdag po legs so/ /byang chub sems dpa' chen po legs so/ /de'i phyir lag na rdo rje'i rigs rnams khyed rjes su nyon la yid la zung shig /ngas rnam par phye ste rdo rje sa 'og 'byung po 
'dul ba rdo rje zhes bya ba'i rgyud bshad kyis rjes su zung shig /de skad ces bka' stsal nas/ bcom ldan 'das kyis rdo rje kun 'dul gyi ting nge 'dzin gyis sa 'og gi gdon dang / 'byung po kun 'joms pa zhes bya ba'i ting nge 'dzin la snyoms par zhugs so/ /bcom ldan 'das ting 
nge 'dzin de la snyoms par zhugs ma thag tu bcom ldan 'das kyi sku'i ba spu'i bu ga thams cad nas khro bo gdug pa kun 'dul bar byed pa du ma spros te/ sa 'og sa stengs sa bla gsum gang bar mdzad de/ sa 'og gi klu rnams kyi gnas rnams gdug pa'i hUM sgras kun tu gang bar byas nas 

</font><hr>87-1-159a<br><font size=+1>

klu'i rgyal po brgyad po 'khor dang bcas pa btul te/ bcom ldan 'das kyi spyan sngar bkug go/ /de nas klu'i rgyal po mtha' yas gdug pa'i sems langs te dbugs shin tu tsha bar gtong bar sems pa de bcom ldan 'das kyis mkhyen te/ gsang ba'i 
bdag po lag na rdo rje lag na rdo rje la byin gyis brlabs nas klu thams cad kyi zhe sdang rab tu zhi bar byed pa zhes bya ba'i sngags 'di gsungs so/ /oM nI la badzra kro d+ha nA ga hU~M phaT ces bzlas so/ /de nas klu mtha' yas sems rab tu zhi ste byang chub sems dang ldan par gyur pas klu thams cad sems 
rab tu zhi'o/ /de nas mtha' yas la sogs pa'i klu'i rgyal po chen po sa 'og na bzhugs pa rnams kyis bcom ldan 'das rdo rje 'dzin pa chen po de la 'di skad ces gsol to/ /bcom ldan 'das phyi ma'i dus na slad ma'i tshe sems can rnams la sa 'og gi gdon rnams kyis bar du 
mi gcod cing de dag gi gdug pa zhi bar byed pa'i cho ga bshad du gsol/ bdag cag klu'i rgyal po rnams dang bdag cag gi 'khor rnams kyis sems can chen po de la bar du gcad par mi nus pa bshad du gsol/ bdag cag klu'i rgyal po rnams kyi don du 'gyur ba bshad du 
gsol zhes gsol ba btab bo/ /de nas bcom ldan 'das rdo rje 'dzin pa chen pos klu'i rgyal po chen po rnams la cung zad spyan gyis gzigs nas bka' stsal pa/ klu'i rgyal po dag legs so/ /zhu ba'i dus la bab bo/ /ngas sems can rnams kyi don du rab tu phye ste bshad 
kyis nyon cig /bcom ldan 'das legs so/ /zhes gsol te klu la sogs pa rnams ltar nyan to/ /de nas bcom ldan 'das kyis klu 'dul ba zhes bya ba'i le'u 'di bshad de/ hU~M/ sems can kun gyi don gyi phyir/ /rdo rje 'dzin chen ston pa des/ /nyid kyi 'khor 
la rab gzigs te/ /'od zer kun tu rab bkye nas/ /gdon rnams rlag byed thabs gsungs pa/ /dkar po'i phyogs kyi tshes brgyad dang / /de bzhin bcu bzhi bcwa lnga la/ /rab tu dben pa'i sa phyogs su/ /phyag na rdo rje rab khros pa/ /gzhon tshul 'gyid ba rab 

</font><hr>87-1-159b<br><font size=+1>

bsams la/ /rin chen snod dam kham phor du/ /gser la sogs pa'i rin chen bdun/ /dag par bsgrubs te rab bcug nas/ /gsang sngags brgya rtsa brgyad bzlas te/ /dkon mchog gsum gyi bka' bden pas/ /'byung po de la gtor byin te/ /gang gnas 
brtan sar rab sbas la/ /'byung po klu gdug zhi bar 'gyur/ /gang tshe zhi bas ma phan na/ /de tshe gdug pa'i mtshon cha rnams/ /rang gi khang par rab tu 'bar/ /sdug bsngal mi bzad drag po ste/ /de tshe sngon gyi sems dran pas/ /zhi bar 'gyur bar the tshom med/ /
de nas 'dir bcom ldan 'das kyis las kyi lha'i cho ga rab tu gsungs pa/ rtag tu byang chub sems thob cing / /dam tshig sdom pa kun ldan pa/ /khrus kyi las rnams kun bya ste/ /rnam par dag pa'i sa gzhi la/ /dkyil 'khor ji ltar mdzes par bya/ /hU~M 
yig las byung lcags kyu yis/ /sangs rgyas byang chub sems dpa' rnams/ /skad cig mdun bsams mchod sogs bya/ /o~MshUn+ya tA dz+nyA na badzra swa b+hA ba A tA ko\u0f85ha~M/ stong pa'i ting nge 'dzin rnams bsgom/ /nam mkha'i khams su a dang ni/ /zla ba dang po yi 
ge hU~M/ /'od zer kun du 'bar bar bsgom/ /'gro drug nyon mongs kun sbyangs te/ /rnam grol sa la nges bkod nas/ /'od bsdus hU~M gi rnam par bsam/ /de nyid rdo rje rtse lnga can/ /'od zer phreng ba 'phro bar bsam/ /de yi 'od kyis sems can rnams/ /rdo rje'i ngo bor 
thim par bya/ /de las khro bo chen po'i sku/ /sku mdog sngon po cher 'bar ba/ /g.yon brkyang na tshod bcu drug 'chang / /mtha' yas la sogs brgyad kyis brgyan/ /sku mdog nag po'i gzugs can de/ /zhal gcig phyag gnyis rdo rje bsnams/ /na bza' sngon 
po'i zer 'jol can/ /spyan gsum dmar mdzes gyen du 'jil/ /ral ba gyen brdzes rdo rje yi/ /dbu rgyan can du bsam par bya'o/ /de nas ye shes khro bo che/ /spyan drangs dzaHhU~M ba~M hoHsa gzhug /mgo dang lkog ma snying ga ru/ /o~M AHhU~M gi rnam pa yi/ /yi ge 

</font><hr>87-1-160a<br><font size=+1>

bcu gsum sngags kyis brgyan/ /'khor lo pad+ma rdo rje bsam/ /mi bskyod rdo rjes dbang bskur te/ /kun 'joms rnam par dag par bsam/ /de nas bcom ldan 'das kyis 'di'i rtsa ba'i sngags las thams cad pa gsungs pa/ o~M nI lA~M ba ra d+ha ra badzra 
pA Ni hU~M hU~M phaT/ rab tu brjod par bya'o/ /sngags kyi phreng ba de dag kyang / /zhi la rab dkar dbang la dmar/ /rgyas la ser po drag la gnag /rtog pa kun tu spangs te bzlas/ /spro dang bsdu ba'i bye brag gis/ /ji ltar mos pa'i bsam gtan bya/ /mi mos rnal 
'byor rab tu spang / /phyag na rdo rje khro rgyal gyis/ /dge kun rten pa'i yid 'di la/ /gang brtson pa de phan yon no/ /kun tu rab tu dga' sogs dag /mi snang la sogs rab tu 'grub/ /kun rten rab tu spyad dge can/ /rten can sbyor ba rab tu dben/ /dngos grub mchog 
tu rab tu 'grub/ /dpal rdo rjes 'og gi rgyud las zhi ba'i las sgrub pa dang lha'i le'u ste dang po'o// //de nas bcom ldan 'das la byang chub sems dpa' sems dpa' chen po phyag na rdo rjes 'di skad ces gsol to/ /bcom ldan ston pa rdo rje 'dzin/ /bar chad 
zhi byed gtor ma yi/ /cho ga mchog ni bshad du gsol/ /sems can don du brtson ldan bgyi/ /zhes gsol to/ /de nas bcom ldan 'das kyis bka' stsal pa/ legs so rdo rje 'chang ba gtso/ /bar chad zhi ba'i cho ga dang / /dngos grub thabs kyi cho ga ni/ /gtor 
ma kun gyi gter 'gyur bshad/ /rab tu mdzes pa'i snod mchog tu/ /bza' dang bca' ba la sogs pa'i/ /phun sum tshogs pa rab tu bya/ /stong pa'i ting nge 'dzin 'gro bas/ /bru~M las mdzes pa'i snod bskyed de/ /kha~M las kha zas nam mkha'i khams/ /mnyam par 
bsams te sngags 'di brjod/ /o~M a kA ro mu kha~M sar+b+ba d+har+m+mA NA~M A d+ya nu t+pan+na twAd oM AHhU~M phaT swA hA zhes brjod do/ /bdud rtsir bsams te rab tu spel/ /spel ba gnyis kyis rnam par sbyang / /nam mkhar hrIHlas pad+ma brgyad/ /dpag tu med pa bsam bya ste/ /gtso bo mgon 

</font><hr>87-1-160b<br><font size=+1>

po rnam thos bu/ /gnod sbyin bye tshogs kyis bskor cing / /klu brgyad kyis mchod spyan drang bya/ /gnod sbyin rgyal po de dag la/ /rmugs 'dzin gang ba bzang po dang / /nor bzangs ku be ra dang ni/ /yang dag 'brog gnas lngas rtsen dang / /pi tsi kuN+Da li rnams ni/ /'khor 
gyi tshul gyis gtso la bskor/ /phyogs dang mtshams su bsam par bya/ /bye ba'i 'khor tshogs thun mong yin/ /klu brgyad gnod sbyin phyi na'o/ /de nas lcags kyus spyan drangs la/ /ma bral gtso dang lcags kyu'o/ /bzhon pa seng ge rta yi tshogs/ /kun kyang zhal gcig 
phyag gnyis pa/ /rin chen 'bar ba'i rgyal mtshan dang / /nor bu rin chen bum pa dang / /rin chen 'bar ba ral gri dang / /gri mdung khang brtsegs ral gri phub/ /mtshon cha sna tshogs 'phyar bar bsgom/ /spyan 'dren tshe na rnga sogs dang / /dung chen 'bras spos dag ni 
dbul/ o~M bai ba shra ba Na sa pa ri bA ra sa mA dzaHdzaHhU~M ba~M hoH/ o~M bai swA hA/ o~M bai shra ba Na A kaR+Sha ya hU~M dzaH/ zhes spyan drang ba'i sngags so/ /o~M~M a mr-i ta kuN+Da li ha na ha na hU~M phaT/ ces pa ni bgegs bskrad pa'i sngags so/ /de nas me tog la sogs pas/ /mchod pa 
dag ni nam mkha' ru/ /rab tu mchod de spro bar bya/ /o~M nI lA~M pa ra d+ha ra badzra pA Ni A dz+nyA pa ya ti i ma~M ba li gr-ih+Na tu/ sa ma ya rak+Sha n+du/ ma ma sar+b+ba sid+d+hi m+me pra yats+tshan+tu ma ma kar+m+mA mo g+ha swA hA/ o~M bai shra ba NA ya swA hA/ o~M dzam b+ha lA ya swA hA/ o~M pUr+Na b+ha drA ya swA hA/ o~M ma Ni b+ha drA 
ya swA hA/ o~M ku bai rA ya swA hA/ o~M sa~M pra dz+nyA nA ya swA hA/ o~M gu h+ya s+thA nA ya swA hA/ o~M pAny+tsi kA ya swA hA/ o~M tsi pi kuN+Da li ne swA hA/ gtor ma dbul ba'i sngags so/ /de nas mchod de mgron rnams btang / /'od zer lcags kyu bkrol nas su/ /bkrol ba'i dus na 
gshegs dang mnyam/ /mnyam langs spyod pa'i cho ga bya'o/ /rdo rjes 'og gi rgyud las gtor ma'i le'u ste gnyis pa'o// //de nas bcom ldan 'das kyis 'jig rten pa'i dngos grub bsgrub par 'dod pa'i don du 'jig rten pa'i 'khor lo kun 'byung ba zhes bya ba'i 

</font><hr>87-1-161a<br><font size=+1>

ting nge 'dzin la snyoms par zhugs nas sku'i ba spu nas 'od zer spros te/ rnam thos sras 'khor bcas kyi thugs bskul nas 'khor der 'dus te/ bcom ldan 'das la phyag 'tshal te rin po che'i phye mas gtor nas 'di skad ces gsol to/ /bcom ldan 'das 
bdag ni chos skyong ba'i rgyal po rnam thos kyi bu zhes bgyi ba lags te/ bdag gis chos dang ldan pa rnams kyi chos bsrung zhing yun ring du gnas par bya ba'i phyir bdag nyid kyis gsang ba bshad na bcom ldan 'das kyis skabs dbye bar ci gnang zhes gsol to/ /bcom ldan 
'das kyis bka' stsal pa/ rgyal po chen po legs so/ /rang gi gsang ba legs par shod cig /ngas kyang rjes su yi rang zhing byin gyis brlab par bya'o/ /rdo rje 'chang ba kun gyis kyang byin gyis rlob par 'gyur gyis khyod kyis legs par smros shig ces bka' stsal 
to/ /de nas rnam thos kyi bu rang gi stan las langs te bcom ldan 'das la phyag 'tshal nas rang gi rig pa 'di smras so/ /o~M bai shra ba NA ya hU~M hU~M/ pa tsa pa tsa/ ts+tshin+da ts+tshin+da swA hA/ zhes brjod nas bcom ldan 'das la 'di skad ces gsol to/ /bcom ldan 'das bdag 
gi sngags 'di'i sgrub pa ni 'di lags te/ gang zhig bdag sgrub par 'dod pa des dus gsum du mchod pa rgya chen po bshams te/ bdag 'khor dang bcas pa mchod la sems rtse gcig dang ldan pas gnas dben par 'dug ste/ bcom ldan 'das phyag na rdo rje sgom pa pos 
bdag gi sngags de khri phrag gcig bzlas/ de nas las rnams bsgrub par bya'o/ /de ltar bdag sgrub pa dang bdag gi las sgrub pa po des bdag 'khor dang bcas pa la gtor ma dang mchod pa rgya chen pos mchod par bya'o/ /de la bdag dang bdag gi 'khor rnams la 
mchod pa dang gtor ma rgya chen po dbul ba'i sngags ni 'di rnams yin te/ o~M bai shra ba NA ya swA hA/ o~M dzam d+ha lA ya swA hA o~M pUr+Na b+ha drA ya swA hA/ o~M ma Ni p+ha drA ya swA hA/ o~M ku be rA ya swA hA/ o~M sa~M pra dz+nA nA ya swA hA/ o~M gu h+ya s+thA nA ya swA hA/ o~M pAny+tsi kA ya swA hA/

</font><hr>87-1-161b<br><font size=+1>

o~M pi tsi kuN+Da li ne swA hA zhes pa'i sngags de rnams ni bdag gi 'khor dang bcas pa la mchod pa dang gtor ma sbyin pa'i sngags gnyis su shes par bya'o/ /de nas bdag gi las sgrub pa ni bdag gis bshad kyis bcom ldan 'das kyis byin gyis brlab tu gsol zhes gsol nas 
'di'i las bshad pa ni/ gang zag gang gis sgrub 'dod pas/ /gsang dang sbyin sreg mnan pa gsum/ /rim pa ji bzhin shes par bya/ /bsgrub bya bstan la sdang ba rnams/ /spra tshil la sogs gzugs byas la/ /dgug dang gzhugs sogs dbang du bya/ 
yig 'bru bcwa brgyad sngags kyis ni/ /dus gsum brdeg par rab byas nas/ /'phral du yid ches 'joms pa ste/ /bsgrub bya gsod par the tshom med/ /gal te sbyin sreg byed pa na/ /zhi rgyas dbang dang mngon spyod las/ /'dir ni drag pos bsgral bar bya/ /ner 
spa tsha la rab bsreg bya/ /thab khung rab dang 'bring tha ma/ /rab kyis mtho gsum 'bring gis do/ /tha mas mtho gang tshad du bya/ /bud shing tsher ma can shing gis/ /kun tu drag po rab tu bsgrub/ /bag zan yungs kar mer bsreg cing / /sdang ba'i lus ngag yid gsum 
rnams/ /rdzas la bstims te sbyin bsreg bya/ /'khor bcas gnod sbyin mer bsams te/ /bsreg pa'i rdzas kyis mchod pa'am/ /las me gnod sbyin rdzas kyis brab/ /gang ltar byas kyang 'grub par 'gyur/ /de tshe bstod pa 'dis kyang ni/ /rtse gcig sems 
kyis bstod par bya/ /hU~M kun 'dul mi bzad gnod sbyin sogs/ /gdug pa dpal tsha rab tu 'jigs/ /khro bo rngam pa cher sgrogs pa/ /'khor bcas rnams la phyag 'tshal bstod/ /o~M bai shra ba Na pu Sh+pe hU~M swA hA/ o~Mbai shra ba Na d+hu pe hU~M swA hA/ o~M bai shra ba Na dI pa~M hU~M 
swA hA/ o~M bai shra ba Na gan d+he hU~M swA hA/ o~M bai shra ba Na nai bi d+ye hU~M swA hA/ gtso bo mchod cing 'khor kyang mchod/ /de nas rim pas mchod pa ni/ /gsang sngags kun tu spel te bzlas/ /spro dang bsdu ba kun du bya/ /spel byed kun gyi thun mong yin/ /o~M bai shra wa NA ya che ge 

</font><hr>87-1-162a<br><font size=+1>

mo mA ra ya phaT swA hA/ gtso bo ji ltar 'khor kyang de/ /rang gi rig pas mchod par bya/ /rig pa kun tu brtan byas nas/ /rdul phran bzhin du brlag par bsam/ /phrin las bcol la gtor ma btang / /gtor dang gtor ma'i rim pa ni/ /go rims bzhin 
du dbul bar bya/ /zhi ba'i las kyi rim pa ni/ /thab khung mtho gang tshad nyid la/ /bsreg rdzas la sogs rab tu dbul/ /lus ngag yid gsum sdig bcom nas/ /ye shes me yi ngo bor bya/ /snod dang thab ni dor bar bya/ /der ni gdon rnams kun sreg cing / /bgegs 
chen zhi ba'i yas kyang bya/ /rgyas dang dbang du bya ba la/ /las dang bye brag rim pa rnams/ /sngar bshad pa yi las bzhin du/ /thab dbyibs bye brag shes par bya/ /ser dang dmar ba'i bud shing sogs/ /rim pa rdzas ldan dbul ba ni/ /o~M bai shra ba NA ya d+ha na~M puSh+Ti~M ku ru 
ye swA hA/ o~M bai shra ba Na ba sha~M ku ru swA hA/ o~M bai shra ba NA ye shIn+ta kuM ru swA hA/ gtso bo ji bzhin 'khor bcas ni/ /rig pa'i rdzas kyis mchod par bya/ /bsreg pa'i rdzas ni bag zan dang / /yungs kar mngar sogs rim pas mchod/ /phrin las rnam bzhi kun 'grub ste/ /
brtse bar brtson pas nye bar 'grub/ /'bring dang tha mas 'bring dang ni/ /tha ma nyid du shes par gyis/ /de nas bcom ldan 'das la rnam thos kyi bu 'khor dang bcas pa rnams kyis 'di skad ces gsol to/ /bcom ldan 'das bdag cag rnams kyis bshad pa'i las 'di rnams sgrub 
pa po des dus rgyun du bcom ldan 'das phyag na rdo rje dang / gnod sbyin rnams la dkar gsum gyis mchod par bya'o/ /chang kun tu spang bar bgyi'o/ /sha rnams ni 'os pa dang shis pa drang bar bya'o/ /de ltar rtse gcig gis bdag cag sgrub pa de rnams kyi phrin las ji lta ba bzhin du 
bdag cag gis ma bsgrubs na bdag cag gis bcom ldan 'das la 'khus par gyur cing / bdag cag gis chos ma bskyangs par byas pa yin no/ /de la bdag gi bro tshig ni 'di yin no/ /o~M bai shra ba Na ar tha kha tham zhes pa'o/ /de nas bcom ldan 'das kyis bka' stsal pa/

</font><hr>87-1-162b<br><font size=+1>

rnam thos kyi bu chen po legs so/ /shin tu rab tu legs so/ /ma 'ongs pa'i gang zag gi don du rang gi gsang ba smras pa ni don chen po dang ldan no/ /ngas kyang de rnams kyi don nges par 'grub par bya ba'i phyir sngags 'di bshad kyis nyon cig /bcom ldan 'das la legs so 
zhes rnam thos kyi bu la sogs pa rnams ltar nyan no/ /de nas bcom ldan 'das kyis bka' stsal pa/oM badzra pA Ni nI lA~M ba rad+ha ra badzra s+pho Ta hU~M phaT swA hA/ rig pa 'di ni las thams cad dbang du sdud pa'i sngags so/ /rnam thos kyi bu chen pos ji ltar khas blangs pa ltar gsang ba 
dang ldan par byed pa'o/ /de bzhin gyur zhes smras nas gnod sbyin mi snang bar gyur to/ /rdo rjes 'og gi rgyud las rnam thos sras kyi le'u ste gsum pa'o// //de nas yang byang chub sems dpa' phyag na rdo rjes bcom ldan 'das la 'di skad ces gsol to/ /bcom 
ldan 'das ma 'ongs pa'i sems can rnams kyi don du gdug pa can la bsnun pa'i 'khor lo bshad du gsol zhes gsol ba btab bo/ /de nas bcom ldan 'das kyis cang mi gsung bar thugs kyis gnang nas rang gi thugs ka nas 'od zer kun tu khyab par spros te/ sems can 
thams cad 'khyams pas khyab par mdzad nas lag na rdo rje la bka' stsal pa/ lag na rdo rje ngas sa 'og gi bgegs la bsnun pa'i 'khor lo bshad kyis khyod rtse gcig tu nyon cig de ltar 'tshal lo zhes ltar nyan no/ /bcom ldan 'das kyis bka' stsal pa/ gang zhig 
'khrul 'khor byed 'dod pas/ /nyams dga' dben pa'i gnas dag tu/ /phyag na rdo rje'i rnal 'byor bya/ /snod bcud rdo rje gtum por bsgom/ /rlung nas ri rab mthar thug pa/ /rdul snyed grangs kyi sku ru bsam/ /dbus na phyag rdor rnal 'byor bsgom/ /ri bong 
'dzin pa zhabs kyis brdebs/ /stong gsum tshad kyi zla ba la/ /bgegs chen kun tu 'dar bar bsgom/ /sku la nyi ma stong ldan pa'i/ /gzi brjid bzod dka'i 'od zer gyis/ /bgegs rnams ma lus 'tshig par bsgom/ /ljags las bzlas pa'i sngags phreng 

</font><hr>87-1-163a<br><font size=+1>

gis/ /stong gsum gang bar rab tu bsgom/ /rgyan du byas pa'i klu brgyad kyis/ /kha rlangs chen po btang ba las/ /lha klu thams cad skrag par 'gyur/ /thugs las khro spros de dag gis/ /bskal pa'i rlub ltar 'thor bar 'gyur/ /phyag gis rdo 
rje rab bsnun pas/ sgyogs gzer bzhin du bsnun par 'gyur/ /hU~M hU~M 'brug ltar rab tu sgrogs/ /skad kyis kun tu bkug par bsam/ /de ltar byas 'gyur thams cad 'grub/ /las kyis mnar ba 'jig par 'gyur/ /phyag na rdo rje mi shes par/ /gang zhig gzhan bsgrub 
skal dman par/ /'di la gang 'grub thams cad 'grub/ /mchog dang thun mong bye brag go/ /rdo rjes 'og gi rgyud las bsnun pa'i 'khor lo ste le'u bzhi pa'o// //de nas gzhan yang 'khrul 'khor gyi/ /cho ga rdo rje 'dzin pas gsungs/ /gro ga'am shing 
shun dag la ni/ /re'u mig nyi shu rtsa gcig pa'i/ /'khor lo dag ni rab bris te/ /zla ba yar gyi ngo la brtsam/ /rtse gcig sems kyis rab tu bri/ /dbus su drag po'i yi ge dgod/ /gnyis par nor 'dzin yi ge ste/ /gsum pa badzra zhes pa dang / /bzhi par chu yig dang po 
dgod/ /lnga par Ni ni rab tu dgod/ /mtshams bzhir bsgrub bya'i gsod snying bri/ /de ni nang gi re'u mig go/ /phyi yi re'u mig bcu gnyis la/ /oM spangs yi ge bcu gnyis la/ /de yi gsang sngags 'di yin te/ /nI lA~M ba ra d+ha ra badzra pA Ni hU~M phaT zhes bya'o/ /rab tu rdzogs 
pa'i 'khor lo ste/ /bsgrub bya'i snying gar dril de gzhug /dang po'i mtha' nas dril bar bya/ /de nas sbyin sreg cho ga bya/ /gal te mnan pa byed 'dod pas/ /sngar bzhin 'khrul 'khor rdzogs byas nas/ /mtha' ru mnan pa'i cho ga bya/ /kham phor gsar pa kha sbyar du/ /bcug 
nas rdo rje rgya gram bri/ /rdo yi sbyin gyis rab sbyar nas/ /gtsug lag khang sogs mnan par bya/ /gal te re'u mig mi 'dod na/ /rtsibs bcu gnyis pa'i 'khor lo bya/ /lte bar hU~M dang bsgrub bya'i ming / /spel la rab du dgod par bya/ /lhag ma bcu gnyis rtsibs la dgod/ /

</font><hr>87-1-163b<br><font size=+1>

bri ba rdzogs na snying gar gzhug /dgug dang gzhu gsogs byas la bsreg /mi 'dod mnan pa'i cho ga bya/ /mar gyi dus la shis pa yin/ /'khrul 'khor ji ltar bris pa ltar/ /gang 'dod las la the tshom med/ /dper na me lces rtswa bsregs 'dra/ /gang yin gnas 
par mi 'gyur ro/ /dpal rdo rjes 'og gi rgyud las bri ba'i 'khrul 'khor gyi cho ga ste le'u lnga pa'o// //de nas yang lag na rdo rjes bcom ldan 'das la 'di skad ces gsol to/ /bcom ldan 'das thams cad zab mo'i spyod yul lags pas sbyin sreg la sogs 
pas grol bar cang 'gyur lags sam/ bdag gi the tshom bsal du gsol zhes zhus so/ /bcom ldan 'das kyis bka' stsal pa/ lag na rdo rje snying rje che/ /dad pa'i shugs kyis rab nyams te/ /dkyil 'khor rdzas kyi sbyor ldan zhing / /sbyin sreg las dang de nyid 
shes/ /sdom par dam tshig rgyud ldan na/ /mtshan mas grol bar 'gyur ba ste/ /dkyil 'khor sbyin sreg rdzas la sogs/ /med na dngos grub mi 'grub pas/ /sbyin sreg las ni 'bad pas brtsam/ /phrin las bzhi yi sbyin sreg las/ drag po'i rim pa bya ba ni/ /khru bzhi pa yi 
dkyil 'khor la/ /dbus su zur gsum khru re tshad/ /zabs su khru phyed brko bar bya/ /phyi rol rim pa gsum ldan pa/ /dbus su rdo rje'i mtshan ma bri/ /rim pa gsum la rdo rje yi/ /rtse gsum phreng gis bskor ba bri/ /mtshams su lcags kyu bri bar bya/ /tsher ma can gyi shing 
bu ni/ /khru gang tshad kyis rab tu shis/ /dug dang khrag dang ske tshe sogs/ /rdzas ni rim par shes par bya/ /bdag nyid lha yi rnal 'byor gyis/ /ye shes khro bo spyan drangs te/ /'jig rten gsum 'dul gzugs su bsam/ /mchod pa'i rim pa rab tu dbul/ /de la sbyin sreg 
gi sngags gsungs pa 'di yin te/ oM nI lA~M bar d+ha ra/ oM badzra dz+wa la a na la ha na sarbA duSh+Ta sar+b+ba b+hi r+m+ma~M ku ru nI lA~M bar d+ha ra badzra pA Ni che ge mo mA ra ya hU~M phaT ces pas rdzas rnams bsreg go/ /dug khrag ske tshe lan tshwa las/ /gzugs byas rab tu bsgrubs te bsreg /oM nI lA~M ba 

</font><hr>87-1-164a<br><font size=+1>

ra d+ha ra badzra pA Ni yak+Sha khA da ya khA da ya ban d+ha ya ban d+ha ya mo ha ya mo ha ya sha trUM A na ya hU~M phaT/ gzugs la brab pa'i sngags so/ /oM nI lAM ba ra d+ha ra badzra pA Ni sha trUM gr-i h+Na A kaR+Sha ya hUM dzaHdzaH/ 'gro ba dgug pa'i sngags so/ /de ltar sbyin sreg rab byas 
nas/ /chu bo skams dang klu shing gcad/ /glang chen g.yang ltung me chen 'bar/ /nad dang yams sogs byung ba'i tshe/ /zhi ba mchog gi las bsgrubs te/ /thab khung zlum po rab dkar ba/ /rim pa gsum ldan khru gang tshad/ /zabs su khru phyed brkos byas nas/ /
zhi ba'i las kyi cho ga bya/ /de ltar byas na mtshan ma yi/ /dngos grub thob par the tshom med/ /lag na rdo rje rdo rje 'dzin/ /gus pas rgyud don rab tu zung / /'gro ba'i don la rab brtson gyis/ /kye ma rgyud chen mchog tu gsang / /byin rlabs sngon du cher 'byung ba/ /ston 
pa rdo rje 'chang gis gsungs/ /rab tu 'bad pas bsgrub par gyis/ /dpal rdo rjes 'og gi rgyud las sbyin sreg gi rim pa ste le'u drug pa'o// //de nas ston pa rdo rje 'chang / /dpal chen gdan la rab bzhengs nas/ /lag na rdo rje la gzigs nas/ /
las kyi cho ga bshad par bya/ /dug la sogs pa'i rdzas rnams la/ /gang 'dod pa yi gzugs byas te/ /snying gar 'khrul 'khor rab tu gzhug /bdag nyid las kyi lhar gsal bas/ /ga 'u nang du rab bcug ste/ /tshon gyi tha gu sna lnga dkri/ /snying ga'i lcags 
kyus rab bkug nas/ /yi ge bcu gsum 'khrul 'khor bzlas/ /'gul g.yo yi ni rtags byung nas/ /chu chen gzhung la gtang bar bya/ /gal te rtags de ma byung na/ /d+ha ru ra yi khu ba dang / /khrag dang dug bsres rab byugs te/ /tsher ma can gyi shing mes bsreg /
oM nI lAM ba ra d+ha ra badzra pA Ni stam b+ha ya mo ha ya ban d+ha ya da ha na ya hU~M hU~M phaT/ dus gsum dag du bdugs byas nas/ /skad ngan sna tshogs gdon par byed/ /de nas sngags 'dis chu la dor/ /oM tsaN+Da ma hA ro Sha Na hU~M phaT/ /tshon gyis dril nas rab tu bor/ /bsam pas 

</font><hr>87-1-164b<br><font size=+1>

ba tshwa'i rgya mtshor skyur/ /de nas mi ldog bya ba'i phyir/ /sngags 'di rgyun du bzla bar bya/ /oM nI lA~M ba ra d+ha ra badzra pA Ni hU~M hU~M stam b+ha ya nan phaT ces rgyun du bzla bar bya'o/ /de nas las de nges par 'grub bo/ /rdo rjes 'og gi rgyud las bskrad pa'i 'khor lo'i le'u ste 
bdun pa'o// //de nas bcom ldan 'das rdo rje 'dzin pas sems can rnams kyi don du sngags kyi le'u 'di gsungs so/ /oM nI lAM ba ra d+ha ra badzra pA Ni hU~M hU~M phaT/ bcom ldan 'das kyi rtsa ba'i sngags las thams cad sgrub pa'o/ /'di ni sangs rgyas thams cad 
kyi thugs kyi gsang ba'o/ /'dis ni ma bsgrubs par yang las thams cad 'grub ste/ phyag rgya thams cad 'ching bsgrub pa la ni rdo rje khu tshur gyis so/ /dam tshig thams cad sgrub pa la ni rdo rje rab tu gdengs pas so/ /sems can thams cad rjes su chags par bya ba la ni rdo rje 
bzhad pas so/ /thams cad lkugs par bya ba la ni rdo rje hU~M sgras so/ /nam mkha' la 'phro ba'i dngos grub la ni rdo rje ku mu das bya'o/ /klu thams cad 'dul ba la ni rma bya'i mjug sgros bya'o/ /dgra thams cad gsad pa la ni 'khrul 'khor gyis so/ /nor bsgrub par 'dod na dzam b+ha 
la'i chu sbyin gyis bya'o/ /bgegs 'phang bar 'dod na ting nge 'dzin gyis bya'o/ /thams cad 'gugs pa la ni rdo rje lcags kyus bya'o/ /rims bsrung ba la ni rtswa ku sha'i 'brum bus bya'o/ /klu sgrub par 'dod na mtshar bu'i lcug ma dang bdud rtsi chus bya'o/ /pha rol gyi dpung 
'joms par 'dod na gu gul gyis bya'o/ /las rnams la sngags 'bum gyis bya'o/ /rdo rje sa 'og gi rgyud las sngags kyi le'u ste brgyad pa'o// //de nas gzhan yang bzlas pa yi/ /nges pa 'dir ni bshad par bya/ /gang zhig dngos grub sgrub 
'dod pas/ /dam tshig sdom dang rab ldan pas/ /bdag nyid las kyi lhar bsgoms te/ /ye shes khro bo spyan drangs te/ /dzaHhU~M ba~M hoHdgug sogs bya/ /rang snying zla bar sngags kyi phreng / /dngul sbram lta bur rab bsams te/ /myur dal gsal dang mi 

</font><hr>87-1-165a<br><font size=+1>

gsal spang / /yid kyis bsgrim pa'i bzlas pa bya/ /mchod pa rnam pa lngas kyang mchod/ /rab tu bsgrim pa'i bzlas pa 'dis/ /gang 'dod dngos grub nges par 'grub/ /oM AHhU~M sku gsung thugs byin gyis brlab pa'i sngags so/ /oM badzra pA Ni a b+hi Shiny+tsa 
mAM/ dbang bskur ba'i sngags so/ /oM badzra pA Ni tiSh+Tha hUM/ thugs brtan pa'i sngags so/ /sku dang thugs kyi gsang ba dang / /gsung gi gsang ba ma lus pas/ /myur du byang chub la reg 'gyur/ /gang tshe sgrub la brtson ldan pa/ /tshe gcig 'bras bu myur thob 'gyur/ /
gnyis med rang bzhin rdo rje can/ /mkha' dbyings rdo rje kun tu khyab/ /brjod med rtog bral de nyid don/ /lhun grub dang la rab tu gzhag /hU~M dang a yi rnam pa can/ /ji ltar chu yi zla ba bzhin/ /ma yengs sems kyis rgyun du bsgom/ /e ma ho mgon po bcom ldan 'das/ /
mchog las mchog tu rnam par rgyal/ /e ma ho sprul pa'i rnam pa sku/ /sgra la rab tu dmigs pa med/ /dgyes chen kun gyi spyod yul yin/ /rang gsal nyid la rnam par dag /mchog gi byang chub tshul du gnas/ /rdo rjes 'og gi rgyud las nges pa dang rnam par dag pa'i 
le'u ste dgu pa'o// //de nas ston pa rdo rje 'chang / /'gro ba'i mgon la rab gzigs te/ /bsrung ba'i cho ga rab tu gsungs/ /lag na rdo rje rab tu nyon/ /'gro ba gdug pas zin 'gyur ba/ /zangs ma dag la dud 'gro'i gzugs/ /legs pa dag tu rab byas 
te/ /khong pa dngul la sogs pas dgang / /gang nas 'dod pa'i sa phyogs sam/ /rang lus dag la legs sbas nas/ /bsrung ba dam par 'gyur ba'o/ /bde gshegs sku gdung ring bsrel can/ /rab tu gnas pa legs byas te/ /gang gnod sar ni rab sbas na/ /bden 
stobs brjod pas zhi bar 'gyur/ /bya la sogs pa'i byol song tshogs/ /yid 'ong mdzes pa'i dud 'gro la/ /sangs rgyas gang gA'i bye tshogs kyis/ /gsungs pa'i gzungs sngags dag gis ni/ /skud pa sngon po dag dang ni/ /dar la brgya rtsa brgyad bsngags te/ /bden pa bdar 

</font><hr>87-1-165b<br><font size=+1>

la rab tu bsngos/ /gtor ma gtang na zhi bar 'gyur/ /kham por la sogs snod gtsang mar/ /sman dang dar sogs bar bcug ste/ /me tog bdug sogs mchod byas te/ /sa la sbas na gnod pa rnams/ /zhib ba dag tu 'gyur ba yin/ /skud pa dkar po lus bsgril la/ /
mdud pa nyi shu rtsa gcig bya/ /sgrub dang bsgrub pa'i mchod pa bya/ /rgyal la rab tu mgul du btags/ /bar chad zlog par 'gyur bar nges/ /yungs kar mar dang mu zi rnams/ /cha snyoms lus la rab byugs na/ /gdug pas zin las thar bar 'gyur/ /ba su na da'i 
me tog dang / /'da' hu na da'i 'bras bu la/ /smin drug dus su rab bsgrubs na/ /gdug pa phyogs su mi gnas so/ /stag dang dred dang 'ja' thar gyi/ /spus ni gdug pa las grol 'gyur/ /'bab chu rgya mtsho la sogs pa/ /lus bsrung bya ba mthar phyin par/ /byas 
na mchog tu bsrung bar 'gyur/ /rdo rje 'chang ba khyod kyis zung / /mthar phyin zla ba sprin gza' las/ /grol ba lta bur 'gyur ba yin/ /dpal rdo rje sa 'og gi rgyud las bsrung ba'i le'u ste bcu pa'o// //lag na rdo rjes legs smras pa/ /btub sngags 
kyi cho ga ni/ /ji ltar legs so rdo rje 'chang / /khyed la rab tu nyan par 'tshal/ /nyon cig rdo rje 'chang ba khyod/ /sngags btu khyod la bshad par bya/ /gru gsum dkyil 'khor nyams dga' bar/ /pad+ma 'dab ma brgyad pa bri/ /'dod don thams cad rab 'grub pa/ /der 
ni gsang sngags btu bar bya/ /dbus su yi ge'i bdag po gzhag /bzhi pa yi ni lnga pa la/ /yi ge i ni rab tu sbyar/ /mthar gnas pa yi gsum pa la/ /lnga pa yi ni mtha' dang sbyar/ /de nas lnga pa'i bzhi pa gzhag /de nas mthar gnas gnyis pa gzhag /de nas 
bzhi pa'i bzhi pa gzhag /de nas mthar gnas gnyis pa gzhag /de nas lnga pa'i gsum pa dang / /gnyis pa yi ni gsum pa la/ /ra dang bcas pa gzhag par bya/ /de nas lnga pa'i dang po la/ /A yig rab tu sbyar bar bya/ /de nas gsum pa'i tha ma la/ /i ni 

</font><hr>87-1-166a<br><font size=+1>

rab tu sbyar te gzhag /bdun pa yi ni bzhi pa la/ /yi ge U ni rab tu sbyar/ /stong pas mnan pas nyis 'gyur dang / /lnga pa yi ni gnyis pa la/ /gsum pa yi ni dang po sbyar/ /yi ge bcu gsum rig pa'i sngags/ /brtse bas brtson par rab bzlas 
na/ /gang 'dod dngos grub nges par 'gyur/ /kye ma ho rdo rje can gyis gsungs/ /sngags kyi rgyal po bla med lam/ /phyag na rdo rje'i dngos grub thob/ /dpal rdo rjes 'og gi rgyud las sngags btu ba'i le'u ste bcu gcig pa'o// //de nas ston pa rdo rje 'chang / /
spyan mig 'od zer sprul mdzad nas/ /slob ma rab tu smin bya'i phyir/ /dbang bskur cho ga rab tu bshad/ /rdo rje slob dpon dka' thub che/ /gsang dang ldan pa dbang thob cing / /dul dang drang dang shes nyen che/ /g.yo chung ngang bzang byang sems thob/ /dkyil 'khor cho 
ga rab mkhas pa/ /slob ma dam pa dbang bskur phyir/ /yid 'ong gtsug lag khang sogs su/ /brtul zhugs sngon du legs spyad nas/ /de nas sa yi cho ga bya/ /brtag dang sbyang zhing bslang ba dang / /mchod dang gsol ba gdab pa dang / /rmi lam mtshan ma'i sgo 
nas brtag /zhi ba'i tshogs spyan sreg ni/ /brgya rtsa brgyad kyi cho ga bya/ /'byung po rnams la mchod cing bsgo/ /dkyil 'khor dbus su rab gnas te/ /hU~M las rdo rje chen po bsgom/ /bru~M las gzhal yas khang chen bsgom/ /spyan gnyis nyi zla'i 'od zer gyis/ /bgegs 
rnams ma lus tshar gcod do/ /rdo rje chen po gar 'gros kyis/ /sa gzhi lan gsum bskor bar bya/ /ba yi rnam lngas legs byugs te/ /tshom bu gcig gis lha dgod bya/     /mchod dang bstod dang snyan gsan dbab/ /bum pa lhag par gnas par bya/ /slob ma tsho 
gsar ba smin bya/ /thig dang tshon gyi cho ga ni/ /las kyi cho ga bzhin du bya/ /gdong g.yogs dar ni sngon po yis/ /slob ma dag ni gzhug par bya/ /sdom ldan dbang bskur rnam lngas bskur/ /bum pa dang po rdo rje dang / /dril bu dbu rgyan ming gi dbang / /las kyi cho ga ji 

</font><hr>87-1-166b<br><font size=+1>

bzhin no/ /tshes bcu bzhi dang bcu gsum la/ /slob ma las la gzud par bya/ /byin rlabs rim pas 'pho ba dang / /'phral du yid ches bskyed par bya/ /rin chen snying po dri med rgyud/ /rgyud rnams kun gyi rtsa bar ni/ /'dir dbang bskur ba dam pa yin/ /smin 
pa'i las la brten pa yi/ /dbang bskur mchog gi rgyud gsungs pas/ /rab gnas dge bsdom pa ldan/ /dam pa yon gyis mnyes par bya/ /grol ba mthar phyin rab tu gnas/ /slob ma smin pa'i cho ga'o/ /rdo rjes 'og gi rgyud las slob ma la dbang bskur ba'i 
le'u ste bcu gnyis pa'o// //de nas byang chub sems dpa' phyag na rdo rjes bcom ldan 'das la 'di skad ces gsol to/ /bcom ldan 'das sems can rnams kyi don du thugs kyi gsang ba bshad du gsol zhes gsol ba btab bo/ /bcom ldan 'das kyis 
bka' stsal pa/ lag na rdo rje mi bzad khyod/ /gzhan don bag brtson legs so legs/ /gang zhig dus kyi snyigs ma la/ /gdul dka'i sems can 'dul 'dod pas/ /dang por byang chub sems bskyed la/ /tshogs gnyis kun rdzogs mthar phyin pas/ /rin chen 
snod du pad+ma'i gter/ /dbus su gsang ba'i bdag po can/ /'dab ma brgyad la klu chen brgyad/ /sbrul mgos brgyan pa dgod par bya/ /khrus dang gtsang sbra dang ldan pas/ /las kyi lha yi rnal 'byor gyis/ /dang po spyan drangs rab mchod nas/ /bdag dang lha gnyis 
'phro 'dur bzlas/ /klu brgyad zhi bar 'gyur sems kyis/ /hU~M dang hU~M gi thag pa las/ /bsgrub bya 'od kyi phung por bya/ /skad cig mas ni hU~M du bslang / /oM badzra kro d+ha a hI tsaN+Da phaT/ khri bzlas gdon las nges grol 'gyur/ /lag na rdo rje khyod kyis ni/ /thugs kyi 
'phros 'du gsang ba yin/ /bsgrub bya'i lus ni tshon gyis dkri/ /hU~M chen phreng ba'i 'phro 'dus gcad/ /rdzas chen rnams la rab brtags na/ /nges par gdon las grol bar 'gyur/ /gal te des kyang ma grub na/ /sngags kyi phreng ba bzlog ste bzlas/ /rdo rje phreng bas rab 

</font><hr>87-1-167a<br><font size=+1>

bcad nas/ /the tshom med par 'grub par 'gyur/ /'og gi bgegs bzlog cho ga mchog /yid bzhin nor ltar 'byung ba yin/ /theg pa gsum las nges rgyal ba'i/ /rgyud chen gsang ba mthar thug pa/ /skyob pa'i thugs kyi dam pa yin/ /
de nas bcom ldan 'das kyis de skad ces bka' stsal ma thag tu/ lag na rdo rje la sogs pa'i rigs kyi 'khor rnams dang / lha'i tshogs thams cad yi rangs te/ bcom ldan 'das rdo rje 'chang gis gsungs pa la mngon par bstod do/ /dpal rdo rje sa 'og gi rgyud las 
gsang ba gtan la dbab pa'i le'u ste bcu gsum pa'o// //kha che'i paN+Di ta tse lu dang / bod kyi lo ts+tsha ba 'phags pa shes rab kyis bsgyur ba rdzogs so//
  
</font><hr>

</table>