D499

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D499</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D499&coll=derge">see text in Tibetan script</a></table>87-1-167a<br><font size=+1>
@##/ /rgya gar skad du/ AR+ya badzra pA Ni nI lAm+ba ra d+ha ra badzra pA tA la nA ma tan+t+ra/ bod skad du/ 
'phags pa lag na rdo rje gos sngon po can rdo rjes 'og ces bya ba'i rgyud/dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das sa 'og rim pa bdun klu'i rgyal po'i gnas na rin po che'i khri la bzhugs te/ klu'i rgyal po 
dga' bo dang nye dga' bo dang / rigs ldan la sogs te klu rnams dang / byang chub sems dpa' phyag na rdo rje la sogs pa rnams dang thabs cig ste/ de nas bcom ldan 'das kyi zhabs g.yas pa nas 'od zer brgya stong du ma bkye bas 'jig rten du 'gyur ba dang / ltas byung bas 
'jig rten pa rnams 'jigs shing skrag nas brgya la bar gyur to/ /de nas byang chub sems dpa' phyag na rdo rjes bcom ldan 'das la gsol pa/ 'od zer 'di 'gyur ba dang ltas byung ba'i rgyu dang rkyen ci lags/ bcom ldan 'das kyis bka' stsal pa/ 'di ni bsod nams kyi tshogs tshad 
med pa las grub pas 'bras bu yang tshad med kyis byang chub sems dpa' brgyal ba las bslad du gsol/ de nas byang chub sems dpa' phyag na rdo rje'i thugs ka nas 'od zer brgya stong du ma bkye ste/ 'od kyis reg pa tsam gyis brgyal ba las bslang ngo / /de nas 'jig rten pa rnams 

</font><hr>87-1-167b<br><font size=+1>

kyis ched du brjod pa/ e ma thub chen thugs rje yi/ /'jig rten thams cad brgyal gyur na/ /thugs rje chen po'i 'od zer gyis/ /brgyal ba thams cad slongs par gyur/ /de nas 'jig rten pa rnams sa 'og rim pa bdun gyi klu'i rgyal po'i gnas su 'dus par gyur 
nas gsol ba btab pa/ sku gsung thugs kyi phrin las can/ /ston pa bcom ldan rdo rje 'dzin/ /'jig rten rnams la phan gdags phyir/ /rdul bral chos rnams bshad du gsol/ /de nas bcom ldan 'das kyis/ /badzra a b+hi Shiny+tsa badzra pA Ni hUM zhes 
gsungs pas snod dang ldan par byas so/ /de nas klu'i rgyal po rnams 'khrugs so/ /shin tu yid 'khrugs nas kha g.yab cing brang brdungs te/ kye ma kyi hud bdag klu'i gnas dang ston pa ni 'jig rten pas phrogs pas 'jig rten pa rnams brlag par bya'o zhes zer 
nas/ klu'i kha'i rlangs pas 'jig rten pa rnams la mdze'i nad btang ngo / /de nas bcom ldan 'das kyis nad sel ba zhes bya ba'i ting nge 'dzin la snyoms par zhugs nas thugs ka'i dpal be'u las nad sel ba'i 'od zhal nas kyang badzrad ya zhes bya ba'i sngags dang bcas te 
byung bas me long la has btab pa bzhin du song ngo / /de nas klu'i rgyal po rnams kyis klu bran rnams bskul nas la las rtsa nas zhugs so/ /la las dbang po'i sgo nas zhugs so/ /la las rus pa nas zhugs pa la bcom ldan 'das kyis dbugs me lce ltar 'bar ba'i ting nge 
'dzin la snyoms par zhugs nas rtsa nas zhugs pa la dbugs kyis bsregs so/ /dbang po la zhugs pa dang / rus pa la zhugs pa bsreg pa'i 'khor los bcom mo/ /de nas klu'i rgyal po rnams cher 'khrugs nas/ bcom ldan 'das nyid la snang ba re re chad nas 
lus la dkri bas byang chub kyi sems dang ldan te rgyan du song ngo / /de nas klu'i rgyal po rnams kyis bstod pa/ 'jig rten 'di na klu rgyal mthu che yang / /bcom ldan ba spu'i brgya yi char mi phod/ /de nas bcom ldan 'gro ba skyob pa la/ /klu yi rgyal po rnams kyis rtag 

</font><hr>87-1-168a<br><font size=+1>

tu bstod/ /rdo rjes 'og gi rgyud las gleng gzhi'i le'u ste dang po'o// //de nas byang chub sems dpa' phyag na rdo rjes rdo rje 'chang la yang dang yang du phyag 'tshal nas gsol ba btab pa/ ser sna'i dbang gis dbul gyur pa/ /nor rnams 
ji ltar bsgrub par bgyi/ /mdun gyi phyag na rdo rje yi/ /ye shes sems dpa'i phyag g.yas par/ /dzam+b+ha la ni bsgom par bya/ /bdag nyid sngags kyi rgyal po zlos/ /snying gar 'od zer dag gis ni/ /ye shes sems dpa' bskul bar bya/ /ye shes sems 
dpas dzam+b+ha la'i/ /sngags ni zlos pa nyid du bsgom/ /ye shes sems dpa'i thugs ka nas/ /'od byung dzam+b+ha la bskul lo/ /nor gyi rgya mtsho gang bar 'gyur/ /de nas byang chub sems dpa' phyag na rdo rjes rdo rje 'dzin la gsol ba btab pa/ nyes pa shin tu phra mo 
la/ /grags dang rnyed pa'i don du ni/ /'jig rten gnod byed sgrib byed pa/ /thog ser bzlog pa bshad du gsol/ /thog mar mchod rten sngon po brtsig /rab gnas gzhung dang mthun par bya/ /de yi 'og tu 'khor lo ni/ /rtsibs brgyad lte bar bcas pa bri/ /
rtsibs la lha srin snying po bri/ /k+hA~Mr+d+ha/ ts+hAng+ha/ tsh+hAr+ng+ha sh+har+ng+ha/ oMd+ha/ m+hor+d+ha/ t+hA+o~Mr+d+ha/ s+b+har+d+ha/ dbus su sngags mkhan bri bar bya/ /de nas thod pa'i nang du gzhug /thod pa mchod rten 'og tu mnan/ /snying po'i 'od kyis sngags mkhan dang / /lha srin 'khor dang bcas pa 
dgug /de la thun gyis brab par bya/ /'byung po 'khrug pa'i dus su ni/ /ston pa'i nga rgyal ldan pa la/ /mthe bo dag ni mthe'u chung la/ /hU~M las phyag na rdo rje bskyed/ /mthe'u chung phyag na rdo rje yi/ /thugs nas phyag na rdo rje ni/ /zhags pa lcags kyu thogs pa 
spro/ /snying gi lcags kyus dgug pa dang / /mgrin pa zhags pas bcing bar bya/ /mthe bong phyag na rdo rje yi/ /rdo rje las ni rdo rje spro/ /bgegs rnams la ni bsnun par bya/ /ba spu'i gshis na rdo rje 'phro/ /nam mkha' thams cad rdo rjer grub/ /yungs 

</font><hr>87-1-168b<br><font size=+1>

kar rdo rjer bskyed la brab/ /de nas byang chub sems dpa' phyag na rdo rjes rdo rje 'dzin pa la mchod cing phyag 'tshal nas ched du brjod pa/ e ma'o ston pa rdo rje 'dzin/ /sems can rnams la phan don du/ /tshar gcad rjes gzung gsungs pa mtshar/ /dbul dang yi 
dgas gnas las thar/ rdo rjes 'og gi rgyud las nor bsgrub pa dang gnod pa bzlog pa ste le'u gnyis pa'o// //de nas byang chub sems dpa' phyag na rdo rjes rdo rje 'dzin la mchod cing phyag 'tshal nas gsol ba btab pa/ klu dang gnod sbyin sa bdag 
gi/ /mdze dang dmu chu ji ltar bzlog /de nas rdo rje 'dzin rgyal pos/ /gsung ni 'di skad bka' stsal to/ /mdo sdes ni las kyi rnam par smin pa mi zlogs la sngags kyis bzlog pas khyad par du 'phags so/ /de la klu zhes bya ba nyon mongs pa gti mug shas che 
bas chags pa dang zhe sdang yang che ste/ gti mug gi dbang gis gnyid che ba dang / zhe sdang gi dbang gis skye ba bdun du mi gtong ba dang / chags pa'i dbang gis chags pa la gnas pa'i lus la zhugs nas mi gtong ba'o/ /klu gdol pa can gyis mthong ba tsam gyis nad 
bskyed do/ /rigs gsum ni reg pa tsam gyis nad bskyed do/ /klu bran rnams ni steng sgo gsum nas zhugs nas lus kyi bcud za bar byed do/ /byang chub sems dpa' phyag na rdo rjes gsol pa/ de rnams ji ltar 'dul bar bgyi/ de nas bcom ldan 'das klu 
'gugs par byed pa zhes bya ba'i ting nge 'dzin la snyoms par zhugs nas sngags 'di gsungs so/ /nA ga bi dA ra NA dzaH/ nA ga ut+sA da na ya dzaH/ sbyor ba gsum la legs gnas pas/ /'jigs pa'i gzugs kyis 'gugs par 'gyur/ de nas bcom ldan 'das 
kyis klu 'dul bar byed pa zhes bya ba'i ting nge 'dzin la snyoms par zhugs te/ nyid kyi dbugs las sngags 'di rnams phyung ngo / /tad+ya thA/ bud d+ha bud d+ha/ bi bud d+ha bi bud d+ha/ mA ti kra ma tha/ ha ra ha ra nA ga nAM/ pra ha ra pra ha ra nA ga nAM/ ts+tshin+da ts+tshin+da nA ga hr-i da yA ni/b+hin+da 

</font><hr>87-1-169a<br><font size=+1>

b+hin+da nA ga mar+m+mA Ni bi ShI r+yan tu nA ga sha rI rA Ni/ bi s+pho Ta ya nA ga nA ya nA ni/ 'jigs shing skrag ste brgyal bar 'gyur/ /snying gar yi ge hU~M bsgoms pas/ /klu rnams thams cad bsregs gyur pas/ /bde ba can gyi gnas su skye/ /byang chub 
sems dpa' phyag na rdo rjes gsol pa/ de la 'jug pa'i gnas du mchis/ /bcom ldan 'das kyis bka' stsal pa/ rtsa bzhi dag nas zhugs gyur nas/ /rtsa rnams na zhing tsha ba dang / /steng sgo mi bde rdul yang 'byung / /rmugs dang gnyid kyi bdag nyid can/ /
sha mdog dbu ba lta bu ste/ /rmi lam du ni chu 'od 'byung / /de nas chags pa spyad par bya/ /dbang po gsum du zhugs gyur na/ /dbang po sbrid cing lus kyang 'dar/ /sha ni skam zhing rus pa na/ /de la chags pa mi spyad do/ /sa yi dbang po kun nas 'jug /ba spu'i 
khung bu dmar zhing 'gyur/ /phol dang sha bkra 'byung ba dang / /rmi lam du ni byol song 'byung / /rgyal po dang ni rtsa bzhir 'jug /tho rangs mi dga' mngon shes smra/ /gnyid chung ba spu'i gshis kyang dkar/ /gu gul nag po bsten par bya/ /byang chub sems dpa' 
phyag na rdo rjes gsol pa/ nad de 'tsho ba dang mi 'tsho ba'i rnam pa ji ltar lags/ rdo rje 'dzin pas gsungs pa/ bsnyen pa mtshan ma thob pa yis/ /bdud rtsi lnga dang gla rtsi dang / /'bras bu gsum dang rma bya'i sha/ /ril bu byas la sgal tshigs gzhag /de yi bar du rma 
bya'i sgro/ /mdangs dang ldan na 'tsho bar nges/ /nag por gyur na mi 'tsho'o/ /byang chub sems dpa' phyag na rdo rjes gsol pa/ bcom ldan 'das de la tshar gcad pa'i thabs du mchis/ bcom ldan 'das kyis bka' stsal pa/ /sngags dang 'khrul 'khor sman 
dang bsreg /thabs ni rnam pa bzhi yin te/ /byang chub rdo rje can gyis gsungs/ /dbang bskur dam tshig ldan pa dang / /bsnyen pa brtan par gyur pa yis/ /dang por sngags kyis bzlog par bya/ /snying ga'i sngags kyi rgyal po yis/ /rlung dang 'grogs te 

</font><hr>87-1-169b<br><font size=+1>

'byung bar 'gyur/ /nad kyi snying por hU~M bsams te/ /rgyu rkyen tshogs pas bsreg par bya/ /de nas phyir bzlog mnan par bya/ /sbyin sreg rnam pa gsum du bshad/ /dang po zhi ba'i sbyin sreg ste/ /zlum po khru gang kha dog dkar/ /kha khyer sor bzhi 
rdo rjes mtshan/ /gru gsum sor bcu kha dog nag /kha khyer sor gsum rdo rjes mtshan/ /zla dbyibs zla ba dmar 'dra ba/ /khru do kha khyer de 'drar shes/ /zhi ba 'o ma can shing gi/ /gtum pa 'bigs par byed de'o/ /dbang yang zhi ba dag dang mtshungs/ /
rgyun bzhag me dang rigs ngan khyim/ /ra~M las thab dang me lha bskyed/ /zhi rgyas dbang la bdud rtsi lnga/ /gtum pa dmar dang khrag dag dang / /dug dang gu gul nag po dang / /gzugs brnyan dag gis mchod par bya/ /'jig rten dbang phyug tshangs pa mchog gi sras/ /
me lha'i rgyal po Tak+kis dbang bskur zhing / /shes rab mchog gis nyon mongs thams cad sreg /'jigs byed me lha nyid la phyag 'tshal 'dud/ /gzi brjid chen po me yi lha/ /'dod pa thams cad rab stsol zhing / /bdag gzhan phan sogs la zhugs pa/ /tshangs 
sras mchog la phyag 'tshal 'dud/ /me yi thugs kar drag po ni/ /cho ga bzhin du bskyed par bya/ /sbyin sreg de dag 'brel pa yis/ /nor rnams thams cad ster bar byed/ /de nas byang chub sems dpa' phyag na rdo rjes/ bcom ldan 'das rdo rje 'dzin pa la zhus 
pa/ drag po'i sngags rnams ji ltar lags/ /de nas rdo rje 'dzin pas lha srin thams cad 'dul ba'i sngags 'di gsungs so/ /Tad+ya thA/ hU~M phaT nA ga bi dA ra NA ya hU~M phaT/ /nA ga ut+sA da nA ya hU~M phaT/ nI la bas nA ya hU~M phaT/ a pra ti ha ta ba la pa rA kra mA ya hU~M 
phaT/ kr-i tA na tA ya hU~M phaT/ kri tAn+ta rU pA ya hUM phaT/ ro Sha NAya hU~M phaT/ trA sa nA ya hU~M phaT/ kum+b+haN+Da ut+sA da nA ya hU~M phaT/ pra ta pi shA tsa bi nA sha ka rA ya hU~M phaT/ yak+Sha a pa smA ra bi nA sha ka rA ya hU~M phaT/ ha sa ha sa/ d+ha ra d+ha ra/ mA ra ya mA ra ya/ nA sha ya 

</font><hr>87-1-170a<br><font size=+1>

nA sha ya/ sar+b+ba big+h+na bi nA sha ka rA ya hU~M phaT/ sar+b+ba sha trUM saM brta bi nA sha ka rA ya hU~M phaT/ nI lAM ba ra d+ha ra badzra pA Ni rA dz+nyA pa ya ti swA hA/ o~M badzra a na la ma hA b+hu ta dz+wA la b+ha smiM ku ru swA hA/ mA ra ya hU~M phaT/ puSh+Ti ku ru o~M/ sngags 'di gsungs pa tsam gyis 
ni/ /lha srin thams cad brgyal bar 'gyur/ /de nas byang chub sems dpa' phyag na rdo rjes ched du brjod pa/ e ma dus gsum sangs rgyas kyis/ /drag po 'dul bar dbang bskur nas/ /sngags rgyal gsungs pas skrag 'gyur ba/ /ngo mtshar 'di ni shin tu lha zhes 
pa'o/ /de nas rang rang gi srog snyingaston pa la phul nas bran gyi tshul du gnas so/ /rdo rje sa 'og gi rgyud las bcos dka' ba'i nad bzlog pa'i le'u ste gsum pa'o// //de nas byang chub sems dpa' phyag na rdo rjes rdo rje 'dzin pa la mchod pa dang phyag byas nas 
gsol ba btab pa/ sku dang gsung dang thugs kyi mchog /dkyil 'khor dam pa bshad du gsol/ /de nas rdo rje 'chang rgyal pos/ /gsung ni 'di skad bka' stsal to/ /dkyil 'khor dag tu ma zhugs shing / /dbang bskur ba yang ma thob na/ /bsgrubs kyang 
ci yang mi 'grub po/ /de bas da ni bshad bya ba/ /gru bzhir bgyi zhing sgo bzhir bgyi/ /thig bzhi dag dang ldan gyur pas/ /cha chen bzhi ru btab byas na/ /shar gyi cha chen dang por ni/ /bzhir bgos dang po lte ba dang / /gnyis pa pad+ma ral gri gnyis/ /gsum pa lha yi 
snam bu'o/ /de nas tshon ni dgye bar bya/ /lte ba dkyil 'khor 'od dang bcas/ /pad+ma sngon po ral gri sngon/ /lha snam gnag la rdo rje'i sgo/ /bzhi ni dkar por bri bar bya/ /sgo yi phyi rol kha dog gnag /me ri 'bar ba bri bar bya/ /de la rdo rje phreng bas bskor/ /mda' dang 
phur bu bcu drug la/ /tshon skud sngon po bri bar bya/ /dbus su bcom ldan 'dab ma la/ /klu chen phyed gzugs sbrul mgo can/ /rdzogs par byas nas rnal 'byor ni/ /cho ga bzhin du gnyis ka yi/ /rgyud las gsungs pa bzhin du bskyed/ /dang po bla ma'i spyan sngar ni/ /

</font><hr>87-1-170b<br><font size=+1>

phyag 'tshal la sogs bdun rnam dag /de nas ye shes sems dpa' la/ /me tog gtor zhing bstod pa bya/ /phyag 'tshal bskor ba bdun rnam dag /byas nas ye shes dbab par bya/ /gnas gsum yi ge gsum bsams la/ /sngags 'di yang ni brjod par bya/ /
A be sha ya staM b+ha ya rA rA tsA la ya tsA la ya hU~M AHoMdzaiH/ de nas dkyil 'khor brtan byas la/ /rig pa'i dbang ni cho ga bzhin/ /de nas sngags kyi rjes gnang sbyin/ /rnal 'byor snying ga'i sa bon las/ /sngags kyi 'od kyis ye shes bskul/ /ye shes ljags las 'od 
byung las/ /snod gyur lce la thim par bsam/ /bsgrub pa'i rdzas kyi bkra shis brjod/ /rdo rjes 'og gi rgyud las dkyil 'khor gyi le'u ste bzhi pa'o// //de nas byang chub sems dpa' phyag na rdo rjes rdo rje 'dzin pa la mchod cing phyag 'tshal nas gsol ba 
btab pa/ snying po kun la phan gdags dang / /sangs rgyas bstan la gzhug don du/ /gnod sbyin bsgrub par bya ba ni/ /rdo rje chen pos bshad du gsol/ /de nas ston pa rdo rje 'dzin/ /sems can kun la phan don du/ /gnod sbyin bsgrub par bya ba ni/ /gsung ni 
'di skad bka' stsal to/ /rdo rje slob dpon smod pa dang / /theg pa che la smod pa dang / /de bsgrub pa la snying nas brnyas/ /sgrub pa 'di ni brtsam par bya/ /de la ri rab kyi 'og na las kyi gnod sbyin gyi lus blangs la gdong bzhi lag pa bzhi yod pa gdong dang po bcom ldan 
'das kyi sngags zlos pa/ gnyis pa na rang gi srog snying zlo ba/ gsum pa na me lce'i dbugs 'byung / bzhi pa na sha dang khrag zab yod/ de sgrub pa'i thabs bshad kyis legs par nyon la yid la zung shig /rdo rje 'dzin pa'i ting 'dzin gyis/ /sngags kyi rgyal po 
'bum bzlas la/ /'byung ba bzhi yi dkyil 'khor bri/ /de yi steng du khrag chen gyis/ /pad+ma 'dab ma bcu drug pa/ /btson dong tshul du bri bar bya/ /dar sngon de yi nang du bting / /dbus su mi yi sha dang khrag /dang po khyi ste gnyis pa phag /gsum par rna can zangs 

</font><hr>87-1-171a<br><font size=+1>

gtsug phud/ /lnga par skad can drug par ra/ /bdun pa skye gnyis brgyad par glang / /g.yas kyi phyogs nas bskor ba'o/ /ma he rta dang lug dang spre'u/ /g.yon gyi phyogs nas bskor ba'o/ /de ni dbul ba'i dam tshig go/ /khrag dang dug dang 
ske tshe yis/ /nam gyi phyed kyi dus dag tu/ /dur khrod ras la 'di ltar bri/ /zhal brgyad phyag stong yang na bcu/ /zhal bzhi dang po zhi ba ste/ /gnyis pa dmar po chu srin no/ /gsum pa khro nag yid dang khro/ /bzhi pa yi dgas mgo yin no/ /skra ni gyen brdzes 
zhal dang mtshungs/ /sprul pha bya rgod khra dang spyang / /de yi mgo can bri bar bya/ /dgug gzhug dbang ni bskrad par bya'o/ /'di ni bstan pa'i dam tshig go/ /bsnyen pa'i dam tshig gnyis dag gis/ /gsum rgyal dag las shes par bya/ /o~M yak+Sha ha sa ha sa da ra 
da ra hU~M/ khra dang spyang ki khyi la sogs/ /rmi lam du 'am dngos su 'byung / /de nas mchod pa'i dam rdzas kun/ /bsgrub bya'i rdzas dang bsres byas la/ /gzugs brnyan byas la thod par gzhug /mar ngo gnod sbyin gzugs kyis mchod/ /o~M yak+Sha mA ra ya mA ra ya/ 
a pra ti ha ta ba la pa rA kra mA ya phaT/ sar+b+ba shA trUM saM g+ha binA sha ka rA ya phaT/ nI lAM ba rad+ha ra badzra pA NI rA dz+nyA pa ya ti mA ra ya tsit+ta la phaT/ des kyang grub par ma gyur na/ /gzugs brnyan rdul la sbyin sreg bya/ /las skyes gzugs brnyan gong bur gzhug /des kyang 
grub par ma gyur na/ oM yak+Sha mA ra ya/ mA ra ya/ nA ra ya/ nA sha ya/ nA sha ya/ tsit+ta la rbad rbad/ phyag gi rdo rjes bsnun par bya/ /des kyang grub par ma gyur na/ /nI lAM ba sa nA ya phaT/ stong pa nyid du bsgom par bya/ /de nas byang chub sems dpa' phyag na rdo rjes ngo mtshar 
nas ched du brjod pa/ zung du 'brel bar gnas gyur pa/ /ya~M las rlung ste pa~M las pad/ /'chi ba zhes bya'i rnam rtog 'di/ /bde ba can du 'gro bar 'gyur/ /rdo rjes 'og gi rgyud las gnod sbyin sgrub pa'i le'u ste lnga pa'o// //de nas byang chub sems 

</font><hr>87-1-171b<br><font size=+1>

dpa' phyag na rdo rjes rdo rje 'chang la gsol ba btab pa/ snying nas slob dpon smod pa la/ /klu gzhug pa ni ji ltar lags/ /rdo rje can gyis bshad du gsol/ /klu'i lag na nad bcu gcig yod de/ mdze dang / mdza' to dang / ka ta ma dang / ka she dang / 'bras dang / 
phol dang / shu ba dang / skem pa dang / g.yan pa dang / dmu chu dang / gag pa'o/ /klu'i gnas ni sa 'og gi rim pa bdun no/ /klu bran ni 'dzam bu'i gling na yang yod do/ /'khor ni rnam pa bzhi dag gis/ /gtsang ma'i gos dag gyon nas ni/ /dkar gsum dag 
kyang bza' bar bya/ /sngags rgyal nyi 'bum bzlas byas la/ /dkyil 'khor tsan+dan gur gum byug /pad+ma 'dab brgyad bri bya ste/ /bdag nyid lag na rdo rje la/ /klu chen brgyad kyis bskor ba bri/ /de la sogs pa bshad zin to/ /dkyil 'khor gyi ni nub phyogs su/ /
klu yi gzugs cig brtsam bya ste/ /rin chen lnga 'am gla rtsi 'am/ /mchod pa'i rdzas ni 'o ma sogs/ /dang po 'das pa'i mchod pa bya/ /spyan drang mchod dang bstod pa ni/ /cho ga bzhin du bya ba'o/ /klu yi snying gar hU~M bsgoms la/ /'od zer rnam pa gsum dag 
gis/ /klu chen gnas nas dgug par bya/ /gzugs brnyan de la bstim byas la/ /mchod pa dag gis mchod par bya/ /gzugs brnyan g.yo ba 'byung ba na/ /sdang pa'i lus la gzhug bya ste/ /dbang po brgyad nas gzhug bya ste/ /brgyad cha tha ma'i dus dag tu/ /
'o ma gla rtsi kha ra yis/ /lam ni drang por drang byas la/ /gong bu dgug pa'i sbyor ba yis/ /de la klu chen gzhug par bya/ /sgrub pa po yis gu gul bsten/ /gzugs la phur bus gdab par bya/ /des kyang grub par ma gyur na/ /lha yi rnam pa nyid dag la/ /spogs 
pa dag gi cho ga bzhin/ /tad+ya thA/ hU~M phaT nA ga bi dA ra NA ya hU~M/ nA ga bi dA ra NA ya/ ha sa ha sa/ d+ha ra d+ha ra/ mA ra ya mA ra ya/ sar+b+ba shA trUM saM g+ha bi nA sha ga rA ya phaT/ nI lAM ba ra d+ha ra badzra pA Ni rA dz+nyA pa ya ti sha trUM tsit+ta mA ra ya phaT/ oM nA ga g+ha g+ha/ g+hA ta ya g+hA ta ya/

</font><hr>87-1-172a<br><font size=+1>

sar+b+ba du Th+TA na phaT/ kI la ya kI la ya/ hU~M hU~M hU~M badzra kI la ya/ badzra daM sh+T+rod A dz+nyA pa ya ti nA ga kA ya bA ka tsit+ta badzra kI la ya phaT/ nA ga bi dA rA ya phaT/ nA ga ut+sA da nA ya phaT/ nI lAM ba sa nA ya phaT/ sngags 'di gsungs pa tsam gyis khams gsum na gnas pa'i sems 
can rnams 'dar zhing brgyal bar gyur to/ /de nas bcom ldan 'das brgyal ba sel ba zhes bya ba'i ting nge 'dzin la snyoms par zhugs nas/ A be sha gsungs pas thams cad kyang dbugs 'byung zhing brgyal ba sangs nas 'dar zhing thal mo sbyar nas ched du brjod pa/ sangs rgyas kun 
gyis dbang bskur zhing / /gdug pa thams cad 'joms mdzad pa'i/ /sngags dang ting 'dzin nus pa yis/ /sangs rgyas kyis kyang gzhal mi nus/ /rdo rjes 'og gi rgyud las klu sgrub pa'i le'u ste drug pa'o// //de nas gtam rgyud bshad par bya ste/ bcom ldan 'das 
rdo rje 'chang chen pos lha gnas rnam pa brgyad du rgyud thams cad bsdus nas ri rab kyi byang phyogs su 'jig rten gsum 'dul ba'i rgyud gsungs so/ /de nas zhal gsum phyag drug pa'i sngags gsungs pas lha dang lha ma yin gyi rna bar song ngo / /rig sngags 'chang de rnams ngo mtshar nas 
bstod pa byas so/ /de nas gling gi snying por 'khor gyi snying po gnod sbyin gyi cha 'dzin pa/ byang chub sems dpa' phyag na rdo rje byon nas mar gyi snying po dang 'dra ba dam pa'i chos rgyud thams cad bsdus so/ /nyid kyi las gnyis kyi bdag nyid can rgyud sde stong phrag brgyad cu yang gsungs so/ /
de nas 'jig rten du gnod sbyin rnams kyis mchod de/ sgron ma za ba rdo rjes mgo lus phral te nyams par byas so/ /de nas klu 'dul bar byed pa zhes bya ba'i ting nge 'dzin la snyoms par zhugs nas/ sa 'og rim pa bdun du byon nas rdo rje sa 'og gi rgyud gsungs so/ /rdo rjes 'og 
gi rgyud las gtam rgyud kyi le'u ste bdun pa'o// //rdo rjes 'og gi rgyud rdzogs so// //rgya gar gyi mkhan po dI paM ka ra dang / sgra bsgyur gyi lo ts+tsha ba dge slong bya'i gdong pa can gyis bsgyur ba'o// //

</font><hr>

</table>