D5

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D5</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D5&coll=derge">see text in Tibetan script</a></table>9-1-25b<br><font size=+1>
@##/ /rgya gar skad du/ b+hi k+Shu NI bi na ya bi b+hang+ga/ bod skad du/ dge slong ma'i 'dul ba rnam par 'byed pa/bam po dang po/ thams cad mkhyen pa la phyag 'tshal lo/ /rgyal po dul ba rje yi rigs su 'khrungs/ /slob ma dul mdzad nyes par ba thul ba/ /
sangs rgyas 'dul ba'i gtso dang chags bral chos/ /rdul dang bral ba'i tshogs la phyag 'tshal te/ /dge slong ma yi so sor thar/ /rnam 'byed ha cang bsdus pa dang/ /rgyas pa ma yin brjod par bya/ /'dul ba de ni nga las nyon/ /bskal pa bye ba rnams su yang / /
'dul ba thos par 'gyur ba dang/ /gzung dang 'dzin pa rnyed dka' ste/ /sgrub pa'ang shin tu rnyed par dka'/ /sangs rgyas rnams ni 'byung ba bde/ /chos bstan pa yang bde ba yin/ /dge 'dun mthun pa bde ba ste/ /mthun pa rnams kyi dka' thub bde/ /chos 
thos pa dang mthong ba yi/ /dben par dga' ba bde ba yin/ /'jig rten srog chags 'byung po la/ /mi 'tshe yang dag sdom pa bde/ /'jig rten 'dod chags bral ba dang/ /'dod pa rnams las rgyal ba bde/ /nga 'o nga rgyal 'dul ba gang/ /de ni mchog tu bde ba 
yin/ /tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi/ /dgra bcom pa dag mthong ba bde/ /'phags pa rnams ni mthong ba bde/ /dam pa rnams dang 'grogs pa bde/ /byis pa rnams ni ma mthong na/ /
rtag tu bde ba nyid du 'gyur/ /'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /nga'o nga rgyal zad pa bde/ /'jig rten dge sbyong 'dzin pa bde/ /de bzhin bram zer 'dzin pa bde/ /'jig rten na ni 
phar 'dzin bde/ /de bzhin mar 'dzin nyid kyang bde/ /nges par byas shing dbang po thul ba dag /dgon pa zhi ba rnams su rgas gyur dang/ /mang du thos pa nags kyi nang dag tu/ /lang tsho yol ba rnams kyi gnas pa bde/ /byang chub sems dpa' dga' 

</font><hr>9-1-26a<br><font size=+1>
ldan gyi gnas na bzhugs pa na/ grong khyer shing n+ya gro d+ha can na bram ze shing sA la chen po lta bu/ n+ya gro d+ha zhes bya ba phyug pa/ nor mang ba/ longs spyod che ba/ yongs su gzung ba/ yangs shing rgya che ba/ rnam thos kyi bu'i nor dang ldan pa/ rnam 
thos kyi bu'i nor dang 'gran pa zhig gnas so/ /de la bran grong bcu drug dang/ las kyi mtha' ba'i grong sum bcu dang/ skyed sgyur ba'i grong drug bcu dang/ rmon pa dor dgu brgya dgu bcu rtsa dgu dang/ gser bye ba drug bcu dang/ gang dag gis rgyal po pad ma chen po 
thub pa'i gser gyi nas sbyang brgyad bcu yod do/ /des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de la bu yang med bu mo yang med nas/ bu'i phyir lha brgya stong du ma la gsol ba 
'debs te/ 'di lta ste/ tshangs pa dang/ dbang po dang/ nye dbang dang/ gshin rje dang/ nyi ma dang/ khyab 'jug dang/ dbang bdag dang/ sa ga dang/ las thams cad pa dang/ tha skar dang/ sa'i lha dang/ klu dang/ chu lha dang/ me lha dang/ 
rlung lha dang/ yul 'khor skyong dang/ 'phags skyes po dang/ mig mi bzang dang/ rnam thos kyi bu dang/ nor bu bzang po dang/ gang po dang/ gang ba bzang po dang/ lngas rtsen dang/ lnga len la sogs pa gnod sbyin gyi sde dpon nyi shu rtsa brgyad dang / 
'phrog ma bu lnga brgya'i 'khor can dang/ kun dga' ra ba'i lha dang/ nags tshal gyi lha dang/ bzhi mdo'i lha dang/ sum mdo'i lha dang/ gtor ma len pa'i lha dang/ lus kyi lha dang/ lhan cig skyes pa dang/ chos mthun pa pa dang/ rtag tu 'brang ba'i lha de 
dag dang/ gzhan yang lha brgya stong dag la gsol ba 'debs par byed do/ /'jig rten na yang lha la gsol ba btab pa'i rgyu las bu dang bu mo dag skye'o zhes bya ba 'jig rten pa'i gtam de lta bu yod mod kyi de ni de lta ma yin te/ gal te de ltar gyur du zin na/ dper 

</font><hr>9-1-26b<br><font size=+1>
na 'khor los sgyur ba'i rgyal po bzhin du re re la yang bu stong yod par 'gyur ro/ /'on kyang gnas drug po dag mngon du gyur pa las bu dang bu mo dag skye bar 'gyur te/ drug po gang dag ce na pha ma gnyis kyis bu rnyed par 'gyur ba'i las dag byas shing bsags pa 
dag yin te/ bus kyang pha dang ma rnyed par 'gyur ba'i las dag byas shing bsags pa yin/ ma yang rung zhing zla mtshan dang ldan pa yin/ pha ma gnyis chags par gyur cing 'dus pa yin/ dri za yang nye bar gnas pa yin/ dri zas kyang sems gnyis 
po rjes su chags pa dang ldan pa'am khong khro ba dang ldan pa gang yang rung ba'i sems rab tu thob pa ste/ gnas drug po 'di dag mngon du gyur pa las bu dang bu mo dag skye ba yin no/ /de de ltar lha brgya stong la gsol ba 'debs pa lhur len cing 'dug pa las bu yang 
med/ bu mo yang med nas de steng gi khang bzangs kyi steng du song ste lag pa la 'gram pa gtad nas/ bdag gi khyim gyi 'byor pa rgya chen po 'di lta bu ni bu med pa'i phyir blar bzhes par 'ong ngo zhes sems khong du chud cing 'dug go/ /de nas de'i drung du nye du rnams 
lhags te 'di skad ces smras so/ /n+ya gro d+ha khyod ci'i phyir yid mi bde zhing 'dug /des skabs de nye du rnams la rgya cher smras pa dang/ de dag gis 'di skad ces smras so/ /lha rnams dang/ 'jug ngogs dag la sten cig /des 'di skad ces smras so/ /sngar 
lha'am 'jug ngogs gang la ma bsten pa de yang med na/ 'on kyang bdag la bu'am bu mo yang med do/ /de nas bram ze shing sA la chen po lta bu n+ya gro d+ha'i ma 'ongs nas 'di skad ces smras so/ /bu n+ya gro d+ha khyod ji ste yid mi bde/ des 'di skad ces smras so/ /
yum ci bdag gi yid mi bde ba chung ngam/ bdag gi khyim gyi yo byad rgya chen po 'di lta bu bu med pa'i phyir blar bzhes par 'gyur ro/ /bram ze shing sA la chen po lta bu n+ya gro d+ha'i skyed mos tshal na ljon shing n+ya gro d+ha chen po yal ga dang mgo lcogs dang/ 'dab 

</font><hr>9-1-27a<br><font size=+1>
ma dang/ lo ma phun sum tshogs shing 'dab ma rgya che la yal ga g.yur za ba zhig yod de/ de'i ming gi grong khyer n+ya gro d+ha can zhes bya bar shes so/ /mas de la smras pa/ bu khyod kyi pha yang bu med par gyur nas des kyang lha brgya stong du ma la bu'i phyir 
gsol ba btab bo/ /'on kyang de la bu yang med cing bu mo yang med par gyur to/ /de nas des n+ya gro d+ha'i drung du song ste n+ya gro d+ha la gsol ba btab pa dang de nas khyod byung ngo de'i phyir khyod n+ya gro d+ha zhes btags so/ /khyod kyang bu med na de kho na ltar gyis shig /de nas bram ze shing 
sA la chen po lta bu n+ya gro d+ha shing n+ya gro d+ha ga la ba der song ste phyin nas/ shing n+ya gro d+ha'i drung du chag chag dang phyag dar legs par byed du bcug ste/ spos dang/ me tog dang/ bdug pas bkang nas/ rgyal mtshan dang/ ba dan bsgreng du bcug go/ /de nas bram ze 
brgyad brgya la zan byin te/ ras yug chen bskon nas/ rjes la shing la gnas pa'i lha la gsol ba btab pa/ bdag la bu rnyed par spro ba bskyed du gsol/ gal te bdag la bu mchis na lo gcig bzhin 'di 'dra bar khyod la mchod pa dpag tu med pa bgyi'o/ /gal 
te ma mchis na ljon shing 'di pu shel tsi'i rtsa ba tsam gyi bar lus pa yang gshegs nas dum bu dum bur byas la zhogs ma zhogs mar bzhogs te rlung dang nyi ma gnyis la bskams nas mes bsreg go/ /bsregs nas thal ba rlung chen po la phyar ba'am/ chu klung chen po 
drag por gtor ro/ /lha de yang dbang chung ba yin pas gsol ba btab pa na ni mgu ba dang/ dga' ba dang/ yid rab tu dga' ba dang/ stobs dang ldan pa yin la/ bsdigs pa na ni bdag gnas nas bskrad par mi 'gyur grang zhes 'jigs par gyur to/ /lha 
de yang rgyal po chen po bzhis kun du zin pa yin pas de rgyal po chen po yul 'khor srung gi drung du song ste phyin nas yul 'khor srung la smras pa/ nye dbang bdag gnas nas bskrad par 'gyur du mchis/ grong khyer shing n+ya gro d+ha can na bram ze shing sA la chen po lta bu n+ya gro 

</font><hr>9-1-27b<br><font size=+1>
d+has bu rnyed par 'gyur bar spro ba bskyed du gsol/ de 'di snyam du sngon gyi las kyi rgyu'i stobs bskyed pas bu dang bu mo dag yod pa yin gyi/ 'di la bdag la ni dbang med do snyam du bsams nas des de la smras pa/ bdag gis ni bu'am bu mo sbyin par mi nus so/ /
'on kyang tshur shog /rgyal po chen po 'phags skyes po'i drung du 'dong ngo / /de gnyis 'phags skyes po'i drung du dong ste phyin nas don de nyid de la smras so/ /de bzhin du rgyal po chen po mig mi bzang dang/ rnam thos kyi bu'i drung du song ste phyin nas smras na/ de dag gis 
kyang rang gi las kyis bu dang bu mo dag 'byung gi/ 'di la bdag cag la ni dbang med do zhes smras so/ /de nas rgyal po chen po de bzhi lha'i dbang po brgya byin gyi drung du dong ste smras pa/ kau shi ka bdag cag gi 'khor du gtogs pa zhig rang gi gnas nas bskrad par 
'gyur gyis grong khyer shing n+ya gro d+ha can der/ bram ze shing sA la chen po lta bu n+ya gro d+has bu rnyed par 'gyur bar spro ba bskyed du gsol/ brgya byin gyis smras pa/ nye dbang dag rang gi las kyis bu dang bu mo dag 'byung gi/ bdag gis ni su la yang bu'am bu mo sbyin 
par mi nus so/ /de nas lha'i 'khor der snang ba rgya chen po zhig byung ba dang/ de mthong nas lha'i dbang po brgya byin gyis rgyal po chen po bzhi la nye dbang dag khyed 'di nas ma 'dong shig /ji ltar snang ba rgya chen po las gor ma chag par 'khor 'dir tshangs 
pa chen po 'byung bar 'gyur ro zhes bsgo ba dang de dag 'khod do/ /'khor der yang tshangs pa chen po dar la bab pa/ gzhon pa/ gzhon nu ma gtsug phud lnga pa byung nas de lha'i dbang po brgya byin gyi pang du 'dug go/ /des bsgrub pa gang yin pa de yang bsgrubs so/ /
de nas lha'i dbang po brgya byin gyis tshangs pa chen po de la thal mo sbyar te gsol ba btab pa/ tshangs pa chen po khyod tshangs pa dang/ tshangs pa chen po dang/ dbang phyug dang/ byed pa po dang/ 'byin pa po dang / sprul pa po dang/ gtso bo dang/ khyad par du 

</font><hr>9-1-28a<br><font size=+1>
'phags pa dang / 'jig rten rnams kyi phar gyur pa khyod kyis 'gro ba phyung ba ma lags sam/ 'o na bdag cag gi 'khor du gtogs pa sa la rgyu ba zhig mchis te/ de ljon shing gi gnas nas bskrad par 'gyur gyis/ grong khyer shing n+ya gro d+ha can der 
bram ze shing sA la chen po lta bu n+ya gro d+has bu rnyed par 'gyur bar spro ba bskyed du gsol/ des 'di snyam du bdag gis su la yang bu'am bu mo sbyin par mi nus na/ gal te bdag gis bu dang bu mo sbyin par mi nus so zhes smras na ni bdag gi ming gang tshangs pa dang/ tshangs pa chen po 
dang/ dbang phyug dang/ byed pa po dang/ 'byin pa po dang / sprul pa po zhes bya ba'i ming der yang mi 'gyur ro/ /'on te bu'am bu mo sbyin no zhes smras na ni gang gi tshe bdag la dbang med na ji ltar sbyin par bya snyam du de ltar bsams te/ lha'i dbang po brgya byin la 
gsang ste smras pa/ kau shi ka kho bo ni 'jig rten gyis ma phyung la/ kho bos kyang 'jig rten ma phyung ngo / /des smras pa/ tshangs pa chen po gal te de lta lags na/ 'on kyang rang gi gnas su gzigs la/ gal te 'chi ba'i chos can 'ga' zhig mchis na de bram ze 
shing sA la chen po'i khyim der nying mtshams sbyor ba len du stsol cig /tshangs pas smras pa/ kau shi ka ci'i phyir khyod rang gi gnas su mi lta/ brgya byin gyis smras pa/ gnas 'di na ni lha rnams dbang chung bar grags pa lags la/ bram ze de ni dbang che bar grags 
pa lags pas/ der dbang chung bar grags pa nyid kyis nying mtshams sbyor ba len par mi bzod do/ /de nas tshangs pas gnang nas rang gi gnas su son na/ de na tshangs pa zhig tshe zad de snga ltas byung ba mthong nas des de la smras pa/ grogs po gal te khyod sdug pa'i 
gnas nas 'chi 'pho bar byed na nying mtshams sbyor bar 'dras/ de'i phyir grong khyer shing n+ya gro d+ha can du bram ze shing sA la chen po lta bu n+ya gro d+ha'i khyim du nying mtshams sbyor ba long shig dang khyod yo byad dag gis mi brel bar 'gyur ro/ /de snying mi dga' nas slar smras pa/ tshangs 

</font><hr>9-1-28b<br><font size=+1>
pa chen po thong shig thong shig /brtsal ba 'dis ci zhig bya/ bram ze ni log par lta ba yin la/ bram ze'i khyim du nying mtshams sbyor bar byed pa yang dper na mi 'ga' zhig gser gyi sgrog la chags pa'i phyir rang gi rkang pa sgrog tu 'jug par byed pa de dang 'dra'o/ /da ltar 
byang chub sems dpa' 'dod pa na spyod pa'i lha drug la lan gsum gyi bar du yongs su sbyang ba mdzad nas dga' ldan gyi lha'i ris nas shi 'phos te/mtshan mo nam phyed kyi dus kyi tshe sa srung gi bu dang 'dra bar glang po che'i phrug gu dkar po kha ba'i mdog can mche ba drug pa 
yan lag bdun legs par gnas pa can du gyur te/ gangs ri'i ngos dang nye ba chu bo gang gA'i 'gram/ drang srong ser skya'i bsti gnas dang ha cang yang mi ring ba zhig na shAkya rnams 'khod pa de na rgyal po zas gtsang zhes bya ba rgyal srid byed du 'jug pa de'i btsun mo sgyu 
'phrul chen mo zhes bya ba de'i lhums su nying mtshams sbyor ba blangs nas zla ba bcu tham pa 'das pa dang bltams pa nas bla na med pa yang dag par rdzogs pa'i byang chub mngon par 'tshang rgya bar 'gyur zhing/ des chos kyi mchod sdong bsgreng bar 'gyur/ chos kyi rnga rdung 
bar 'gyur/ chos kyi mchod sbyin sbyin pa'i bar du 'gyur bas bdag kyang gnas 'di nas 'chi 'phos nas dbang chung bar grags pa'i khyim du nying mtshams sbyor ba blangs te nges par byung nas bstan pa la rab tu byung ste bdud rtsi rtogs par bya dgos la/ bram ze phyug 
po'i khyim du skyes pa ni bu gcig pa'i phyir de dag sus kyang rab tu 'byung du mi ster ro/ /de lta bas na bdag la bram ze'i khyim du skye ba dgos pa med do/ /tshangs pa chen pos 'di skad ces smras so/ /gal te de lta yin na yang 'on kyang ngas gsol ba btab pa 
bzhin der nying mtshams sbyor ba long shig dang/ de'i tshe ngas khyod kyi pha ma gnyis la dus dus su bskul bar bya'o/ /de nas des kyang gnang ngo / /de nas lha'i bu bsod nams kyi rnam par smin pas dbang che bar grags pa/ sngon gyi sangs rgyas la dge ba'i rtsa ba 

</font><hr>9-1-29a<br><font size=+1>
bskyed pa/ srid pa tha ma pa/ spyod pa tshol ba/ 'ching ba nyam smad pa/ thar pa'i tshogs bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho ba dang/ skye ba don du mi gnyer ba 
lus tha ma 'dzin pa de lha'i 'jig rten nas shi 'phos te chung ma de'i mngal du nying mtshams sbyor ba blangs so 'di na bud med mkhas pa'i rang bzhin can kha cig shes par bya ba'i gnas lnga rab tu shes te/ skyes pa chags par gyur pa shes shing skyes pa chags pa dang bral ba shes 
pa dang/ dus shes shing zla mtshan shes pa dang/ mngal du zhugs pa shes pa dang gang las mngal du zhugs pa de yang shes pa dang/ khye'ur shes shing bu mor shes pa ste/ gal te khye'u yin na dku g.yas par rten cing 'dug la gal te bu mo yin na dku g.yon par 
rten cing 'dug pa'o/ /bud med des kyang ji ltar bdag gi dku g.yas rol mi bde bas na gor ma chag par bdag gi bu rnyed do snyam du rig nas de dga' zhing mgu la yid rab tu dga' bas khyim thab la smras pa/ rje'i sras khyod la bka' mchid snyan pa zhig gsol lo/ /des 
'di skad ces smras so/ /bzang mo lha dang mi'i gtam snyan pa thos par gyur cig /gtam snyan pa ji lta bu zhig ji ltar bdag gi dku g.yas rol mi bde bas na gor ma bkum par bdag gis bu rnyed do/ /de nas bram ze shing sA la chen po lta bu n+ya gro d+ha mgu zhing dga' la yid 
rab tu dga' ste/ bzhin pad ma rgyas pa lta bus dga' ba'i tshig 'di skad ces smras so/ /bzang mo khyod kyi bu bde bzhin du skye bar shog shig /kho bos kyang bu sdug pa'i ngo mthong ba dang/ kho bos yun ring mo zhig nas mngon par 'dod pa'i bu yid la bsams pa bzhin du 
'grub pa dang/ kho bo dang mthun par skye zhing mi mthun par mi skye ba dang/ kho bo'i bya ba dag byed pa dang/ gsos pas phyir gso ba dang/ kho bo'i nor rdzas la spyod pa dang/ kho bo'i rigs rgyud kyang yun ring du gnas par 'gyur ba dang/ bdag gi dbang phyug kyang 

</font><hr>9-1-29b<br><font size=+1>
nyams par mi 'gyur ba dang/ bdag cag shi zhing dus la bab pa na bdag cag gi phyir sbyin pa chung ngam/ chen po dag sbyin zhing bsod nams dag byas nas 'di de gnyis gang du skyes pa der 'gro zhing rjes su 'gro bar gyur cig ces yon bsngo ba byed par shog shig /de la sems 
can zhugs par rig nas steng gi khang bzangs kyi gzhir gnod pa med par 'dug tu bcug ste/ grang ba na grang ba'i yo byad dag dang/ dro ba na dro ba'i yo byad dag dang/ sman pas bstan pa'i kha zas dang btung ba'i bye brag ha cang mi bsil ba/ ha cang mi dro ba/ ha cang mi kha 
ba/ ha cang mi tsha ba/ ha cang lan tshwa mi che ba/ ha cang mi skyur ba/ ha cang mi mngar ba/ ha cang mi bska ba/ ha cang mi snum pa/ ha cang mi rtsub pa/kha ba dang/ tsha ba dang/ lan tshwa dang/ skyur ba dang/ mngar ba dang/ bska ba dang/ snum pa 
dang/ rtsub pa rnam par spangs pa'i kha zas dang btung bdag gis de la rim gro byed du 'jug go/ /de nas mngal na gnas pa yongs su bskyang ba'i phyir 'di ltar chung ma de gos tshon sna tshogs su spel ba ni bskon/ lag pa ni gser gyi gdu bu dang/ nor bu dang/ mu 
tig gis gtams/ do shal dang / se mo do rnam par 'phyang ba dang/ gdu bu dang / dpung rgyan dang/ rna cha gdub kor ni thogs/ mig ni mig sman gyis bris/ bzhin ni dmar rtsi'i thig les mdzes par byas/ so ni me tog ku mu da dang/ dngul 
dang/ kha ba dang/ mu tig gi do shal dang/ me tog kun da dang/ zla ba dang/ ngang pa dang/ ba'i 'o ma dang / dung dang/ pad ma'i rtsa ba ltar dri ma ni med/ rked pa ni gser gyi 'og pag gis bcings/ rkang pa ni rkang rgyan gyis mdzes par byas nas 
gser gyi mchod sdong me tog gis bklubs pa lta bu de lha'i bu mo dga' ba'i tshal na rgyu ba bzhin du glu dang rol mo'i sgra byed pa'i rol mo mkhan dang/ steng gi khang bzangs kyi thog tu bzhag nas/ khri bo che legs par btsugs pa'i steng na khri nas khrir dang/ khri'u nas 

</font><hr>9-1-30a<br><font size=+1>
khri'ur rgyu zhing shod kyi sa gzhir mi 'bab la/ de la 'ga' yang sgra yid du mi 'ong ba 'byin par mi byed do/ /re zhig na khyim de nor dang/ 'bru dang/ gser dang/ dbyig dang/ mdzod dang/ bang ba dang/ bran dang/ bran mo dang/ las 
byed pa dang/ zho shas 'tsho ba dang/ rkang gnyis pa dang/ rkang bzhi pa la sogs pa dag gis rgyas par 'phel bar gyur te/ ji ltar rgya mtsho chen po chu klung lnga brgya dag gis nyin gcig bzhin 'gengs par byed pa de bzhin du khyim de yang rgyas par gyur to/ /de nas bram ze shing 
sA la chen po lta bu n+ya gro d+ha 'di snyam du gal te bdag la bu zhig yod na/ ji des ji ltar bram ze phal dag ltar nas tha mal pa thogs nas rgyal po pad ma chen po la rgyal ba spel ba bya'am/ ma la bdag gis de'i don du gser gyi nas gzhan byed du gzhug go snyam du bsams 
nas re zhig na gser gyi nas byed du bcug go/ /de zla ba brgyad dam/ dgu 'das te btsas pa las khye'u gzugs bzang ba/blta na sdug pa/ mdzes pa/ pad ma'i rtsa ba'i mdog ltar dkar ba/ mgo gdugs lta bu dang ldan pa/ lag pa ring ba/ 
dpral ba'i dbyes che ba/ smin ma bzang ba/ thong kha seng ge'i 'dra ba/ ro stod seng ge'i lta bu/ dpung pa ring ba zhig btsas so/ /de btsas pa'i btsas ston bya bar brtsams te/ shing n+ya gro d+ha can de thams cad rdo dang/ gseg ma dang/ gyo mo dag 
sel du bcug cing/ tsan dan gyi chus chag chag btab/ me tog sna tshogs bkram/ pog phor nas dri du mas bdugs/ rgyal mtshan dang/ ba dan bsgreng/ dar gyi chun po dang / lda ldi yang dpyangs/ zong dgram pa'i tshong srang dag kyang byed du bcug nas 
sgo bzhi dang/ bzhi mdo'i dbus su sbyin pa dag ni sbyin/ bsod nams dag ni byed de/ zas 'dod pa rnams la ni zas/ skom 'dod pa rnams la ni skom/ gos 'dod pa rnams la ni gos/ phreng ba dang/ spos dang/ byug pa 'dod pa rnams la ni phreng ba dang /

</font><hr>9-1-30b<br><font size=+1>
spos dang/ byug pa rnams so/ /nyi ma bdun gsum nyi shu rtsa gcig tu sbyin pa rnam pa mang po de lta bu dag ni byin/ bsod nams dag ni byas nas nye du rnams tshogs shing 'dus te/ 'di ltar khye'u 'di ljon shing n+ya gro d+ha la gsol ba btab ste rnyed pas de'i phyir 
khye'u'i ming n+ya gro d+ha skyes zhes gdags so zhes ming btags so/ /bram ze rnams kyis ni 'di skad du/ 'di'i pha yang 'od srung dang rus gcig pas khye'u'i ming 'od srung du gdags so zhes smras so/ /de la kha cig gis ni 'od srung zhes bya bar shes so/ /kha cig 
gis ni n+ya gro d+ha skyes bya bar shes so/ /de yang ma ma brgyad po pang na 'tsho ba'i ma ma gnyis dang/ nu ma snun pa'i ma ma gnyis dang/ dri ma 'phyi ba'i ma ma gnyis dang/ rtsen 'grogs kyi ma ma gnyis la gtad de lcags kyi mda' thogs shing/ bsrung 
khug dang/ rma bya'i mdongs mang po thogs nas 'o ma dang/ zho dang mar sar pa dang/ zhun mar dang mar gyi snying khu dang/ gzhan yang yo byad kyi bye brag gtso bo gtso bo dag gis sring bar byed/ skyed par byed do/ /de yang rdzing na gnas pa'i pad ma bzhin 
du skye drag par gyur to/ /de gang gi tshe chen por gyur pa de'i tshe yi ge slob tu bcug pa las de nyi ma nyung shas kyis yi ge'i pha rol du son cing/ de'i tshe na bram ze'i spyod tshul dang/ spyod pa dang/ gtsang sbra dang/ kun du spyod pa dang/ thal ba blang ba dang/ 
bya ma bum blang ba dang/ sa blang ba dang/ rab bsngags bya ba dang/ 'thor 'thung bya ba dang/ bzlas brjod bya ba dang/ yang dag par sdom pa dang/ nges par bya ba dang/ dus mtshams su nye bar spyad par bya ba dang/ nges brjod kyi rig byed dang/ 
mchod sbyin gyi rig byed dang/ snyan tshig gi rig byed dang/ srid srung gi rig byed dang/ bram ze'i las drug po mchod sbyin byed pa dang/ mchod sbyin byed du 'jug pa dang/ klog pa dang/ klog tu 'jug pa dang/ sbyin pa dang/ len pa la mkhas par 

</font><hr>9-1-31a<br><font size=+1>
gyur to/ /rig pa'i gnas bco brgyad dag la mkhas par gyur te/ 'di lta ste/ gsang sngags dang/ rgyud dang/ cho ga zhib mo dang/ gtan tshigs kyi rig pa dang/ rig byed dang/ brda sprod pa dang/ sgra nges par sbyor ba dang/ shes gsal dang/ 
nges pa'i tshig dang/ sdeb sbyor bsdus pa dang/ skar ma'i rig pa dang/ rtogs byed kyi rig pa dang/ chur lhung gi rig pa dang/ cher spyod kyi rig pa dang/ 'jig rten rgyang 'phen pa'i rig pa dang/ bye brag pa'i rig pa dang/ rgyud drug bcu pa dang/ khyur 
mid kyi rig pa dang/ gnas 'dug gi rig pa dang/ rig pa'i gnas bco brgyad po 'di dag thams cad la blo shin tu rno bar gyur to/ /re zhig na phas de la bram ze'i khye'u lnga brgya bram ze gtsang sbra can gyis ji snyed thos pa 'don pa byed du gtad pa dang/ des de ltar bgyi'o 
zhes pha'i tshig mnyan nas de bzhin du byas so/ /de nas bram ze shing sA la chen po lta bu n+ya gro d+ha 'di snyam du bdag gi rigs rgyud ni che/ bdag nor rgya chen po dang ni ldan pa yin te/ khyim 'di lta bur rgyu med par bu dag nying mtshams sbyor ba mi len la/ bram ze 
rnams kyi lugs ni lo bzhi bcu rtsa brgyad du tshangs par spyod pa yongs su bsrung bar byas te/ rgas pa'i gnas skabs na chung ma dang lhan cig rtse bar byed/ dga' bar byed/ dga' mgur spyod par byed pa yin na/ bdag gis ni thog ma nyid nas bu la bag ma 
blang bar bya'o/ snyam du bsams nas/ des n+ya gro d+ha skyes de la smras pa/bu 'jig rten na 'di ni chos nyid yin pas rigs rgyud kyi phyir bag ma blang bar bya'o/ /des smras pa/ yab bdag la mchis brang cir 'tshal te/ bdag ni dka' thub kyi nags su gnas 
par bgyi'o/ /pha des de la rigs rgyud gtan par bya mod ces yang nas yang du brtun pa dang/ de 'di snyam du sems te/ 'o na gang gis na bdag gis yab yum gyi bka' yang ma bcag par 'gyur ba dang/ bdag kyang bud med dang bsdus par mi 'gyur ba'i thabs 

</font><hr>9-1-31b<br><font size=+1>
ci yod snyam du de ltar bsams nas pha la smras pa/ yab bdag la 'dzam bu'i chu bo'i gser zhig 'tshal lo/ /des dkor ba'i mi bos nas 'di skad ces smras so/ /n+ya gro d+ha skyes 'di la 'dzam bu'i chu bo'i gser ji snyed dgos pa de snyed byin cig /dkor 
ba'i mis 'di skad ces smras so/ /de ltar bgyi'o/ /de nas bram ze'i khye'u n+ya gro d+ha skyes kyis pha las lkog tu mgar ba legs par bslabs pa bos nas 'dzam bu'i chu bo'i gser gyi bud med kyi gzugs brnyan byed du bcug nas des de pha la phul te smras pa/ yab 
'di lta bu'i gzugs dang 'dra ba'i bu mo zhig gal te rnyed na de bdag gi mchis brang lags kyi de las gzhan pa ni bdag gi mchis brang du dgos pa ma mchis so/ /de 'di snyam du sems te/ brtags na bu 'dis ni bdag cag la ma bsams pa lta ste/ gser tha mal 
pa'i mdog can gyi bu mo yang ga la yod na/ 'dzam bu'i chu bo'i gser las byas pa lta bu lta smos kyang ci dgos snyam du de sems khong du chud cing 'dug pa dang/ bram ze'i khye'u de rnams kyis mthong nas de rnams kyis de'i drung du dong ste dris pa/ mkhan po ci'i slad du thugs 
khong du chud cing bzhugs/ des de rnams la bu de'i bag ma blang ba'i sbyor ba shin tu rgya cher smras nas brtags na bus ni bdag la ma bsams pa lta ste/ re zhig gser tha mal pa'i mdog can gyi bu mo yang rnyed par dka' ste ga la yod na gtso bo 'dzam bu'i chu bo'i gser las 
byas pa'i gzugs 'di lta bu lta smos kyang ci dgos te/ ga las 'byung bar 'gyur/ de rnams kyis de la smras pa/ mkhan po mi dgyes par ma mdzad cig /ji lta bu'i skyes bu 'byung ba de la ni de 'dra ba kho na'i yo byad phun sum tshogs pa 'byung bas re zhig 
gcig ni 'dis bgyi/ gzugs brnyan 'di lta bu gzhan gsum zhig bgyid du stsol cig dang/ bdag cag gis gang gis na gdon mi 'tshal bar bu mo rnyed par 'gyur ba de ltar phyogs bzhi dag tu yongs su btsal bar bgyi'o/ /des slob ma rnams kyi tshig mnyan nas 

</font><hr>9-1-32a<br><font size=+1>
gzugs brnyan gzhan gsum byed du bcug go/ /bram ze'i khye'u de rnams kyis gzugs brnyan bzhi blangs te/ grong dang grong rdal dang/ grong khyer dang/ ljongs dag tu rgyu ba'i phyir rol mo'i sgra'i cha byad kyi bar dang chas nas phyogs phyogs su brgya brgya 
chas par gyur pa dang/ bram ze shing sA la chen po lta bu n+ya gro d+has de rnams la bsgo ba/ khyod kyis rigs sam/ rus mi dma' bar gzugs brnyan 'di 'dra ba'i gzugs 'ba' zhig sgrubs shig /de rnams 'di snyam du bdag cag gis khyim nas khyim kun du rgyu bar ga 
la nus kyis thabs shig bsam par bya'o snyam mo/ /de rnams kyis thabs 'phrigs nas de rnams kyis grong dang/ grong khyer dang/ grong rdal dang/ ljongs gang du phyin par der zhugs nas dbus su gzugs brnyan bzhag ste spos dang/ me tog dang/ bdug pa 
la sogs pa dang/ rol mo'i sgra 'byin pas mchod pa dag byed cing bu mo'i lha mo phyin pa 'di la bu mo dag bkur sti byed na/ de la dam pa lnga po rigs mthon por skye ba dang/ rigs mthon po'i bag mar len par 'gyur ba dang/ khyim shin tu phun sum tshogs 
par 'dug pa dang/ khyim thab kyang de'i dbang du 'gyur ba dang/ bu dang ldan par 'gyur ba sbyin par byed do zhes tshig dag kyang smra bar byed do/ /tshig de thos nas bu mo'i skye bo'i tshogs rgan mo dang/ gzhon nur bcas pas mchod pa dang/ bkur sti byed cing gsol ba 
'debs par byed do/ /re zhig na shar dang/ lho dang/ byang gi phyogs rnams su dong ba de dag bsam pa ma grub par lhags so/ /de dag mthong nas bram ze shing sA la chen po n+ya gro d+ha ni sems khong du chud cing 'dug go/ /bram ze'i khye'u n+ya gro d+ha skyes ni mgu zhing dga' la yid 
rab tu dga' ste/ 'di skad du gal te ma rnyed na legs so zhes smras so/ /bram ze'i khye'u gang dag bu mo'i lha mo thogs te nub phyogs su dong ba de rnams ni mthar gyis grong dang/ grong rdal dang/ yul 'khor dang/ rgyal po'i pho brang du rgyu zhing ka pi la'i ljongs na grong 

</font><hr>9-1-32b<br><font size=+1>
khyer ka pi la zhes bya ba der phyin no/ /de na yang bram ze ser skya zhes bya ba phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa 
las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /dus gzhan zhig na de'i chung ma de la sems can zhig zhugs par gyur to/ /ji tsam na zla ba brgyad dam/ dgu 'das te btsas pa las/ bu mo gzugs 
bzang ba/ blta na sdug pa/ mdzes pa zhig skyes nas de'i nye du rnams tshogs shing 'dus te nyi ma bdun gsum nyi shu rtsa gcig tu sbyin pa dag ni byin/ bsod nams dag ni byas nas ming 'dogs par byed do/ /yul dbus na yang lugs kyis gang gzugs bzang ba de la 
bzang mo zhes zer bas 'di skad du bu mo 'di gzugs bzang ba/ blta na sdug pa/ mdzes pa yin la/ 'di'i pha yang ser skya zhes bya ba yin pas/ bu mo 'di yang ser skya'i bu mo bzang mo zhes bya bar gdags so zhes ming btags so/ /de nas ser skya'i 
bu mo bzang mo ma ma brgyad la rjes su gtad de/ brgyad po gang zhe na/ pang na 'tsho ba'i ma ma gnyis dang/ nu ma bsnun pa'i ma ma gnyis dang/ dri ma 'phyi ba'i ma ma gnyis dang/ rtsen 'grogs kyi ma ma gnyis dang/ lcags kyi mda' thogs shing rma 
bya'i mdongs mang po'i bsrung khug bcangs nas/ 'o ma dang/ zho dang/ mar dang zhun mar dang/ mar gyi snying khu dang/ gzhan yang yo byad kyi bye brag gtso bo gtso bo dag gis sring bar byed/ skyed par byed do/ /de yang rdzing na gnas pa'i pad ma bzhin du skye drag par 
gyur te/ ji tsam na chen mor gyur te/ de rnams srang gi dbus su phyin nas gzugs brnyan bzhag ste/ spos dang me tog dang/ bdug pa la sogs pa dang/ rol mo'i sgra 'byin pas mchod pa dag byed cing/ bu mo'i lha mo phyin pa 'di la bu mo dag bkur 

</font><hr>9-1-33a<br><font size=+1>
sti byed na/ de la dam pa lnga po rigs mthon por skye ba dang/ rigs mthon po'i bag mar len par 'gyur ba dang/ khyim shin tu phun sum tshogs par 'dug pa dang/ khyim thab kyang de'i dbang du 'gyur ba dang/ bu dang yang ldan par 'gyur ba sbyin 
par byed do/ /zhes tshig dag kyang smra bar byed do/ /de nas grong khyer ka pi la na 'khod pa'i gzhon nu ma rnams bu mo'i lha mo'i drung du dong ste/ mchod pa dag byed cing gsol ba dag 'debs par byed do/ /de nas bram ze ser skya'i chung mas bu mo'i lha mo de lta bu 'ongs te dam pa lnga sbyin par 
byed do zhes thos so/ /des gtam de thos nas ser skya'i bu mo bzang mo la 'di skad ces smras so/ /bu mo song la khyod kyang bu mo'i lha mo la mchod pa byos shig /des smras pa/ bu mo'i lha mo mchod pas de las cir 'gyur/ des smras pa/ gsol ba btab na dam pa lnga 
sbyin par byed de/ lnga gang zhe na/ rigs mthon por skye ba dang/ rigs mthon po'i bag mar len par 'gyur ba dang/ khyim shin tu phun sum tshogs par 'dug pa dang/ khyim thab kyang de'i dbang du 'gyur ba dang/ bu dang yang ldan par 'gyur ro/ /de nas ser skya'i 
bu mo bzang mos ma de la 'di skad ces smras so/ /yum bdag ni rigs mthon por skyes shing gzugs bzang ba dang/ blta na sdug pa'i bar du gyur kyang 'dod pa rnams ni bdag don du mi gnyer na bdag la dam pa ci zhig 'tshal/ de la mas yang dang yang bskul ba dang/ de 
nas ser skya'i bu mo bzang mos ma'i sems bsrung ba'i phyir me tog dang/ spos dang/ phye ma dang/ gos la sogs pa khyer te bu mo'i lha mo ga la ba der song ngo / /ji lta ji ltar gzugs brnyan de dang nye bar phrad du byed pa de lta de ltar gzugs brnyan de je sngo je sngor gyur to/ /
de dang nye bar phrad pa dang/ bu mo'i lha mo de lcags las byas pa 'dra bar gyur to/ /bram ze'i khye'u de rnams 'di snyam du cho 'phrul byung bar gyur pa 'di ci zhig yin/ 'di su'i mthu yin snyam du bsams pa las de rnams kyis snang ba 'di lta bu 'di ni bu mo 'di'i yin no 

</font><hr>9-1-33b<br><font size=+1>
snyam du 'phrigs nas de rnams kyis bu mo de la dris pa/ khyod su'i bu mo yin/ des smras pa/ bram ze ser skya'i bu mo bzang mo'o/ /de nas bram ze'i khye'u de rnams kyis bu mo de las thos nas bram ze ser skya'i khyim ga la ba der dong ste/ phyin nas khyim gyi sgo drung 
du 'khod de smras pa/ shes ldan slong mo byin cig /bram ze ser skyas slong mo zhes thos pas bram ze'i khye'u slong mo don du gnyer ba yin snyam ste/ nang mi la bsgo ba bram ze'i khye'u rnams la shing ma lu ta'i me tog gi mdog 'dra ba'i phye dang/ mar dang bu ram dang/ rgun 'brum 
dang/ bal po se'u dang/ tin ti li ka byin cig /yul dbus na yang lugs kyis bu mo rnams kyis pha'i khyim nas slong mo sbyin par byed do/ /de ci'i phyir zhe na/ pha'i khyim nas slong mo byin pas snying po blang ba blangs par 'gyur ro/ /de nas ser skya'i bu mo bzang mos slong 
mo khyer te bram ze'i khye'u slong mo pa rnams ga la ba der song ste phyin nas slong mo de byin pa dang/ bram ze'i khye'u de rnams slong mo len par mi byed do/ /ji tsam na bram ze ser skyas thos so/ /de nas bram ze ser skyas bram ze'i khye'u de rnams la 'di skad ces smras so/ /ci 
'dod de rnams kyis 'di skad ces smras so/ /bu mo'i slong mo bdag la dgos kyi/ phye'i slong mo ni ma yin no/ /de nas bram ze ser skya khros nas bram ze'i khye'u de rnams la 'di skad ces smras so/ /ngas khyed la bu mo'i slong mo mi sbyin no/ /de dag gis 'di skad ces smras 
so/ /bdag cag ni rang gi don du bu mo'i slong mo mi tshol lo/ /de nas bram ze ser skyas bram ze'i khye'u de rnams la 'di skad ces smras so/ /bram ze'i khye'u dag kho bos ni don de brda ma phrad do/ /de nas bram ze'i khye'u de rnams kyis bram ze ser skya la 'di skad ces smras 
so/ /shes ldan dag ci yul ma ga d+hA na grong khyer shing n+ya gro d+ha can zhes bya ba de na bram ze shing sA la chen po lta bu n+ya gro d+ha zhes bya ba phyug pa/ nor mang ba/ longs spyod che ba/ yongs su gzung ba/ yangs shing rgya che ba/ rnam thos kyi bu'i nor dang ldan pa/

</font><hr>9-1-34a<br><font size=+1>
rnam thos kyi bu'i nor dang 'gran pa zhig gnas la de la bran grong bcu drug dang/ las kyi mtha' pa'i grong sum bcu dang/ skyed sgyur ba'i grong drug bcu dang/ rmon pa dor dgu brgya dgu bcu rtsa dgu dang/ gser bye ba drug bcu dang/ gang dag gis 
rgyal po pad ma chen po thub pa'i gser gyi nas sbyang brgyad bcu bdog pa zhes bya ba'i bar nas de la bu n+ya gro d+ha skyes zhes bya ba/ gzugs bzang ba/ blta na sdug pa/ mdzes pa/ bram ze'i las drug la mkhas pa/ rig byed dang/ rig byed kyi yan lag gi 
pha rol du son pa/ rig pa'i gnas bcwa brgyad po thams cad la shin tu blo rno bar yod par thos sam/ bdag cag ni de'i ched du bu mo'i slong mo slong ngo / /de nas bram ze ser skyas bram ze'i khye'u de rnams la 'di skad ces smras so/ /kho bos bram ze shing sA la 
chen po lta bu de rigs dang/ tshul khrims dang/ gtsang sbra dang/ kun du spyod pa ci 'dra ba dang ldan pa de'i yon tan rgya cher thos na/ 'on kyang yul thag ring po na 'dug pas ji ltar de dang lhan cig gnyen bya/ de dag gis shes ldan/ me gang 
yin dang rlung gang yin/ /khrag dang phrad pa'i dug dang ni/ /bram ze nges par byas pa dang/ /rta gang yin pa de mi thogs/ /zhes bya ba'i bar dag sngon ma thos sam/ bram ze de yang shin tu phyug chen yin la/ khyod kyang de kho na dang 'dra bar phyug cing nor 
che ba yin te/ gang gis de dag 'gro ba dang 'ong bar 'gyur ba'i bzhon pa dang mi dag kyang yod la/ gzhan yang ring po na 'dug pa kho na dang bshes gnyen bya ba de ni brtan pa yin no/ /gang gi tshe bram ze'i khye'u de dag gis bram ze'i shing sA la chen po lta bu 
ser skya la snying sdud par byed pa'i tshig dag gis go bar byas pa dang/ de'i tshe des khrus kyi yo byad 'di lta ste/ khrus ras dang/ so phag dang/ phye ma dang/ 'bru mar dang/ so mangs la sogs pa dag byin no/ /de nas bram ze'i khye'u de rnams khrus 

</font><hr>9-1-34b<br><font size=+1>
kyi yo byad de dag blangs nas grong khyer ka pi la'i phyi rol du lteng ka dag tu khrus bya ba'i phyir dong ngo / /de nas bram ze ser skya 'di snyam du sems te/ ji srid du bram ze'i khye'u rnams lteng kar khrus kyi phyir dong ba de srid du bdag kyang bshes gnyen dang/ nye du dang/ rtsa 
lag rnams dang lhan cig gros bya'o/ /snyam du bsams nas/ bram ze ser skya khyim gyi nang du bzhugs te chung ma dang/ nye du'i tshogs dang lhan cig 'dug nas des de rnams la don de smras pa dang/ de rnams kyis smras pa/ bram ze de shing sA la chen po lta 
bu zhig yin pas gal te mi 'dod na yang de'i phyir bdag cag gi shin tu 'bad de de la bu mo sbyin par bya ba yin na/ gang gi phyir de rang nyid don du gnyer na lta smos kyang ci dgos te/ mi bkyig par sbyin par bya'o/ /de dang bdag cag tu gnyen bya ba ni thab zlar bab cing 
rung ba yin la bu mo yang bde bar 'gyur ro/ /de nas phyis pha ma de gnyis bu mo de khrus byas te gos dkar po dag bskon nas dge mtshan dang/ bkra shis dag byas shing bram ze rnams kyis dag byed du 'gyur ba dag bklags te/ bram ze'i khye'u n+ya gro d+ha skyes 
la chung ma bya ba'i phyir byin no/ /de'i 'og tu bu mo de'i pha ma gnyis la bram ze'i khye'u de rnams kyis zla ba dang/ nyi ma dang/ rgyu skar dang/ yud tsam dag brtsis te smras pa/ zla ba che ge mo zhig dang/ nyi ma dang rgyu skar dang / yud tsam che ge mo zhig na khye'u dang nye 
bar gnas par 'gyur ro/ /de nas bram ze'i khye'u de rnams brnag pa yongs su rdzogs nas mgu zhing dga' la yid rab tu dga' bas grong khyer n+ya gro d+ha can ga la ba der chas nas mthar gyis grong khyer n+ya gro d+ha can du phyin to/ /de rnams thag ring po na 'dug pa bram ze'i khye'u 
n+ya gro d+ha skyes kyis mthong ngo / /mthong nas kyang 'di snyam du ji ltar bram ze'i khye'u de rnams mgu zhing dga' la yid rab tu dga' ste lhags pa las na gor ma chag par ji ltar bdag gis bsams pa bzhin rnyed do snyam du sems so/ /de nas bram ze'i khye'u de rnams 

</font><hr>9-1-35a<br><font size=+1>
bram ze shing sA la chen po lta bu n+ya gro d+ha ga la ba der dong ste phyin nas/ bram ze n+ya gro d+ha la phyag byas nas 'khod do/ /des kyang bram ze'i khye'u de rnams la so sor kun dga' bar byas so/ /so sor kun dga' bar byas nas bram ze'i khye'u de rnams la 
'di skad ces smras so/ /kye bram ze'i khye'u rnams ci bdag cag gis ji ltar bsams pa dang/ yid la re ba bzhin yongs su rdzogs sam/ de rnams mgu zhing dga' la yid rab tu dga' bas mkhan po la 'di skad ces smras so/ /kye mkhan po dgyes pa bskyed 
du gsol/ mkhan pos ji ltar dgongs pa de bas ches khyad par du 'phags pa zhig rnyed do/ /des 'di skad ces smras so/ /dper ji lta bu zhig mkhan pos rigs dang/ rus dang/ rgyud kyis ni bu mo mi brtag gi /'on kyang gzugs bzang ba kho na brtag par 
bya'o/ /zhes ma gsungs sam/ bdag cag gis ni gzugs bzang ba dang/ rigs dang/ rus dang/ rgyud dang/ nor dang ldan pa rnyed do/ /dper ji lta bu zhig bram ze'i khye'u de rnams kyis dris pa rnams thams cad rgya cher bsnyad de/ zla ba dang/ nyi 
ma dang/ rgyu skar dang/ yud tsam yang brjod de/ mkhan po bdag cag gis de ltar nges par bgyis nas mchis kyis mkhan po da de'i dus la bab par mkhyen par mdzod cig /de nas bram ze shing sA la chen po lta bu n+ya gro d+has lo rgyus de dag thos nas mgu zhing dga' la 
yid rab tu dga' ste/ bram ze'i khye'u de rnams la bza' ba dang/ bca' ba dang/ skom dang/ gos dang/ bgo ba dang/ rgyan gyi khyad par sna tshogs kyis mchod do/ /de nas bram ze'i khye'u n+ya gro d+ha skyes kyis bu mo de gzugs dang kha dog rgyas par de lta bu de 
thos nas yi chad par gyur te/ gzugs de 'dra bar sdug par thos pa las na/ gor ma chag par de 'dod chags shas che ba yin gyis ma la bdag song ste ches sngar brtag par bya'o/ /snyam du bsams nas bram ze'i khye'u n+ya gro d+ha skyes kyis pha ma la 'di skad ces smras so/ /

</font><hr>9-1-35b<br><font size=+1>
yab yum ches sngar 'jug ngogs su nye reg bgyi'o/ /slad kyis bag ma blang ngo / /de la de gnyis gnang ngo / /de nas bram ze'i khye'u n+ya gro d+ha skyes bram ze'i khye'u gcig cig dang lhan cig tu grong khyer n+ya gro d+ha can nas byung ste/ grong khyer ka pi la ga la ba der chas nas mthar gyis 
grong dang/ grong rdal dang/ yul 'khor dang/ rgyal po'i pho brang du rgyu zhing grong khyer ka pi lar phyin no/ /de nas bram ze'i khye'u n+ya gro d+ha skyes lam gyis dub pa ngal bsos te lo ma'i phur ma thogs nas grong khyer ka pi lar slong mo'i phyir zhugs so/ /de khyim nas 
khyim du slong mo la rgyu zhing bram ze shing sA la chen po lta bu ser skya'i khyim gyi sgor phyin to/ /de nas ser skya'i bu mo bzang mo slong mo thogs nas byung ba dang/ bram ze'i khye'u n+ya gro d+ha skyes kyis mthong ngo / /mthong nas kyang de 'di snyam du bu mo de ni 'di yin no snyam du 
bsams so/ /de nas bram ze'i khye'u n+ya gro d+ha skyes kyis bu mo de la 'di skad ces smras so/ /khyod su'i bu mo yin/ des 'di skad ces smras so/ /ser skya'i yin no/ /khyod gzhan la byin nam/ des 'di skad ces smras so/ /bdag gis grong khyer n+ya gro d+ha can na bram 
ze shing sA la chen po lta bu n+ya gro d+ha zhes bya ba gnas pa de'i n+ya gro d+ha skyes zhes bya ba de la bdag pha ma gnyis kyis byin par thos so/ /des de la 'di skad ces smras so/ /bzang mo khyod la khyim thab de 'dra ba cir dgos/ gang la de khyim thab tu gyur pa de ni khyim thab med pa nyid du 
shes par gyis shig /dper ji lta bu zhig /des 'di skad ces smras so/ /de ni 'dod pa rnams la don du gnyer ba ma yin na khyim thab de lta bu des ci zhig bya/ rje'i sras legs so legs so/ /khyod kyis bdag dbugs kun du phyung ngo / /khyod kyis ni bdag la 
bdud rtsi kho nas dbang bskur ro snyam sems so/ /des 'di skad ces smras so/ /ci'i phyir bram ze'i khye'u bdag kyang 'dod pa rnams la don du gnyer ba ma yin no/ /'di skad ces kyang smras so/ /phyug po dang ni dbul po la/ /'dra bar khyod mthong bde ba 'di/ /snying dang 

</font><hr>9-1-36a<br><font size=+1>
mthun pa'i byug pa ste/ /tsan dan pu shel tsi dag min/ /'on kyang bdag la dbang med de pha ma gnyis kyis bdag khyim thab la byin na ji ltar bya/ de nas bram ze'i khye'u n+ya gro d+ha skyes kyis ser skya'i bu mo bzang mo la 'di skad ces smras so/ /bzang mo 
brtan pa dang spungs gyis shig /bram ze'i khye'u n+ya gro d+ha skyes de kho bo yin no/ /de nas ser skya'i bu mo bzang mos bram ze'i khye'u de las tshig de thos nas rgyas par ches dbugs kun du byung bar gyur te/ n+ya gro d+ha skyes de la 'di skad ces smras so/ /bram ze'i khye'u bzhud la 
dam bcas pa brtan par gyis shig /dam pa rnams ni dam bcas pa brtan pa lags so/ /de nas bram ze'i khye'u n+ya gro d+ha skyes kyis ser skya'i bu mo bzang mo dang lhan cig gros byas nas yang slar grong khyer n+ya gro d+ha can du phyin to/ /de nas bram ze shing sA la chen 
po lta bu n+ya gro d+has khyim pa rnams kyi khyim pa'i chos ji lta bu yin pa de byas te/ bram ze'i khye'u n+ya gro d+ha skyes chung ma blangs so/ /gang gi tshe grong khyer n+ya gro d+ha can du bzang mo blangs pa de'i tshe bram ze'i khye'u n+ya gro d+ha skyes kyi pha ma gnyis kyis bram ze'i khye'u n+ya gro d+ha skyes 
dang/ ser skya'i bu mo bzang mo gnas gcig tu bkod do/ /de gnyis kyi ched du mal gnyis bcas so/ /de nas bram ze'i khye'u n+ya gro d+ha skyes kyis ser skya'i bu mo bzang mo la 'di skad ces smras so/ /bzang mo sngon dam bcas pa dran par byos shig /ser 
skya'i bu mo bzang mos kyang bram ze'i khye'u n+ya gro d+ha skyes la 'di skad ces smras so/ /rje'i sras khyod kyang dgongs shig ces gcig gis gcig bskul te/ ma dang bu gnyis ji lta ba bzhin du 'khod do/ /de nas bram ze shing sA la chen po lta bu n+ya gro d+ha chung ma dang bcas 
pas de gnyis kyi rim gro ma rnams la smras pa/ bram ze'i khye'u n+ya gro d+ha skyes chung ma dang lhan cig ji ltar 'dug /de rnams kyis 'di skad ces smras so/ /ma dang bu lhan cig pa'am/ bu dang ma lhan cig pa bzhin no/ /de skad ces thos nas kyang bram ze 

</font><hr>9-1-36b<br><font size=+1>
shing sA la chen po lta bu n+ya gro d+ha chung ma dang lhan cig 'di skad ces smras so/ /bdag cag kho na'i nyes pa yin gyi/ de gnyis kyi ni ma yin te/ gang gi phyir bdag cag gis de gnyis kyi ched du mal gnyis bcas pas so snyam bsams nas mal dang khri'u gcig bzhag go/ /
de nas bram ze'i khye'u n+ya gro d+ha skyes 'di snyam du kye ma pha ma gnyis kyis bdag cag la dam pa ma yin pa'i chos kyi ched du brtsam pa chen po 'di blangs so snyam du sems so/ /ser skya'i bu mo bzang mos bram ze'i khye'u n+ya gro d+ha skyes kyi pha ma'i dgongs pa khong du chud nas bram ze'i khye'u 
n+ya gro d+ha skyes la 'di skad ces smras so/ /rje'i sras khyod dang bdag gi ched du sbyor ba 'di sbyar to/ /'on kyang sngon gyi dam bcas pa dgongs shig /des smras pa/ snying las chung ngur gyis la bag ma tsha zhig /de na nam gyi cha stod la ni ser skya'i bu mo bzang mo mal du nyal lo/ /
n+ya gro d+ha skyes ni khri'u la gnas shing 'dug /nam gyi gung thun la ni n+ya gro d+ha skyes nyal lo/ /bzang mo ni gnas shing 'dug go/ /nam gyi cha smad la ni yang bzang mo nyal lo/ /n+ya gro d+ha skyes ni khri'u la 'dug cing mi nyal lo/ /de bzhin du khri'u'i bar yang phyung ba dang 
yang ser skya'i bu mo bzang mos n+ya gro d+ha skyes la smras pa/ rje'i sras 'o skol gyi ched du sbyor ba 'di brtsams kyis sngon gyi dam bcas pa dgongs shig /des smras pa/ rtog pa med pa dang/ dogs pa med par gyis la khyod kyang sngon gyi dam bcas pa dran par gyis 
shig /de nas bzang mo ni nam gyi cha stod la nyal lo/ /n+ya gro d+ha skyes ni 'chag go/ /nam gyi gung thun la ni n+ya gro d+ha skyes nyal lo/ /ser skya'i bu mo bzang mo ni 'chag go/ /yang nam gyi cha smad la ni bzang mo nyal lo/ /n+ya gro d+ha skyes ni 'chag ste/ de dag tshul 
'dis gnas gcig na mal gcig tu lo bcu gnyis thal thal du lan 'ga' yang de gnyis gcig la gcig 'dod chags kyi sems ma bskyed do// //dge slong ma'i 'dul ba rnam par 'byed pa/bam po gnyis pa/ de nas lha'i dbang po brgya byin 'di snyam 

</font><hr>9-1-37a<br><font size=+1>
du kye ma 'dod chags dang bral bar ma gyur bzhin du 'dod chags dang bral ba'i tshul nyams su myong bar byed pa ni ngo mtshar te ma la bdag gis 'di gnyis bgam par bya'o snyam du bsams nas bdag nyid sbrul gyi cha byad du mngon par sprul te/ de gnyis 
kyi mal ga la ba der song ste phyin nas sbrul chen po bskyil ba byas te mal gyi 'og tu 'dug pa dang/ bram ze'i khye'u n+ya gro d+ha skyes kyis sbrul nag po gdug pa drag po so gdug pa de mal gyi 'og na 'dug pa mthong ngo / /mthong nas kyang de 'di snyam du kye ma gzugs 'di lta bus ma rung 
bar byas par 'gyur ro snyam du sems so/ /nyal ba de'i lag pa yang phyi rol du 'phyang ngo / /de nas bram ze'i khye'u n+ya gro d+ha skyes kyis ci bdag gis da ji ltar bya snyam du bsams so/ /de nas rnga ma'i bsil yab kyi nor bu'i yu bas bteg ste bzhag go/ /de nas ser skya'i bu mo 
bzang mo rnga ma'i bsil yab kyi nor bu'i yu bas reg pas sad pa dang/ skrag cing yid mi dga' nas n+ya gro d+ha skyes la 'di skad ces smras so/ /rje'i sras reg par byed pa 'di ci zhig lags/ khyod kyis bdag la 'dod chags dang bcas pa'i sems kyis ma reg gam/ des smras 
pa/ bzang mo de lta ma yin no/ /'on kyang sbrul gdug pa 'dis zin par gyur na mi rung ngo snyam nas de'i phyir kho bos lag pa 'phyang ba bteg ste bzhag go/ /ji lta bu zhig gis/ des smras pa/ rnga ma'i bsil yab kyi nor bu'i yu bas so/ /des 'di skad ces smras so/ /
rje'i sras bdag ni sbrul gdug pas zin kyang bla'i khyod kyis rnga ma'i bsil yab kyi nor bu'i yu bas reg pa ni mi rung ngo / /ci'i slad du zhe na/ ma lu ta yi 'khri shing 'khris pas ljon shing bzang po nyams/ /bud med dag la reg pa'i rgyu yis 'jig rten phung bar gyur/ /
de yi slad du mgyogs par 'chi ba'i sbrul gyis zin bla yi/ /skyes pa'i lag pas bud med mchog la reg par mi rung ngo / /gzhan yang mi dbang bu mo'i lus kyis reg pa yis/ /dka' thub chen po rwa can dka' thub nyams/ /lhag spyod rlung gi lam nas mi dbang gi/ /khyim 

</font><hr>9-1-37b<br><font size=+1>
du 'ongs nas nags su rkang pas song/ /de nas de dag de ltar 'khod 'khod pa las dus gzhan zhig na pha ma gnyis shi'o/ /de nas bram ze'i khye'u n+ya gro d+ha skyes kyis bsams pa/ gang gi tshe pha ma gnyis gson pa de'i tshe ni bdag cag snying las chung ngur 'khod 'khod na/ da 
ni bdag gi pha ma gnyis shi bas de'i phyir bdag cag gis rang gi khyim gyi 'tsho tshis bsgrub par bya ba yin no snyam du bsams nas/ ser skya'i bu mo bzang mo la 'di skad ces smras so/ /bzang mo gang gi tshe bdag gi pha ma gnyis gson pa de'i tshe ni bdag cag snying las 
chung ngur 'khod 'khod na da ni bdag cag gi khyim gyi 'tsho tshis rjes su bsams dgos pas bzang mo re zhig khyod kyis ni khyim gyi las kyi mtha' la ltos shig /nga yang grong gi zhing las dag la 'gro'o zhes smras nas bram ze'i khye'u n+ya gro d+ha skyes zhing las la song ngo / /bram 
ze'i khye'u n+ya gro d+ha skyes kyis pha'i zhing las la bltas na rmon pa dor dgu brgya dgu bcu rtsa dgu rmed cing de na yang srog chags phra mo phra mo dag tshul ma yin pas nyon mongs par 'gyur ba dang/ glang rnams kyang sna ni phug /gshul ni zhom/ lcag gis rkub tsos ni rdol/ mi 
rnams kyang skra dang kha spu ni ring/ lag pa dang/ rkang pa ni ser ga byung/ gso ras dag ni gyon/ lus ni sa'i rdul gyis yog /sdong dum tshig pa ni 'dra/ 'dre lta bur ni gyur cing gshol dang/ thong lcags dang/ spyad dang/ glang lcag gi phyir gcig 
la gcig kha zer ba dang/ rdeg pa la zhugs nas las byed pa mthong ngo / /mthong nas kyang de de rnams kyi gan du song ste 'di skad ces smras so/ /shes ldan dag su yin/ bdag cag ni bram ze'i khye'u n+ya gro d+ha skyes kyi las byed pa yin no/ /des 'di skad ces smras so/ /
khyed sus bskos/ de rnams kyis 'di skad ces smras so/ /bdag cag des bskos pa ni med na 'on kyang phas de'i khyim gyi 'tsho tshis 'di byed du bcug go/ /de nas bram ze'i khye'u n+ya gro d+ha skyes kyis zhing pa de rnams la 'di skad ces smras so/ /shes ldan dag gal te bram ze'i 

</font><hr>9-1-38a<br><font size=+1>
khye'u n+ya gro d+ha skyes kyi phas khyim gyi 'tsho tshis 'di byed du bcug na shes ldan dag ci'i phyir kha zer ba dang/ rdeg pa la zhugs nas las byed/ shes ldan dag ci'i phyir 'di lta bu'i lus dang/ ngag gi spyod pa kun du rtsom par byed/ khyed de'i 
rnam par smin pas 'khor bar yun ring por sdug bsngal nyams su myong bar mi 'gyur ram/ de nas bram ze'i khye'u n+ya gro d+ha skyes 'di snyam du bdag gis ni lus kyis kyang cung zad kyang kun du mi spyod la/ ngag gis kyang ma yin/ yid kyis kyang ma yin bzhin du 
'di las bdag la yang bsod nams ma yin pa nye bar skye'o snyam du sems so/ /de nas bram ze'i khye'u n+ya gro d+ha skyes rang gi khyim du song ste ser skya'i bu mo bzang mo la smras pa/ bzang mo bag yod pas khyim sgrubs shig /ser skya'i bu mo bzang mos 'di skad ces smras 
so/ /rje'i sras khyod ci mdzad/ des 'di skad ces smras so/ /dka' thub kyi nags su 'gro'o/ /ji tsam na tshigs su bcad pa smras pa/ bre'u chung gang gi 'bras chan rung/ /mal gcig gis ni bde ba skyed/ /ras bcos zung gcig bcang bar bya/ /lhag 
ma gti mug yongs su 'dzin/ /re zhig na bzang mos kyang khyim la blta bar brtsams so/ /ji tsam na bran mo rnams lag pa dang/ rkang pa ni ser ga byung/ gso ras ni gyon/ mgo ni yegs/ gtun dang/ gtun bu dang/ glang chen dang/ khri de 
la sogs pa'i ched du gcig la gcig kha'i mdung thung gis ni 'debs pa mthong nas song ste/ de rnams la 'di skad ces smras so/ /shes ldan ma dag khyed su'i yin/ de rnams kyis 'di skad ces smras so/ /ser skya'i bu mo bzang mo'i lags so/ /des 'di skad 
ces smras so/ /ci khyed cag ser skya'i bu mo bzang mos bskos sam/ de rnams kyis 'di skad ces smras so/ /'di ltar bdag cag ni ser skya'i bu mo bzang mos ma bskos mod kyi/ 'on kyang sgyug mos de'i khyim gyi 'tsho tshis byed par bskos so/ /re 

</font><hr>9-1-38b<br><font size=+1>
zhig na de yang yid byung ste tshigs su bcad pa smras pa/ bre'u chung gang gis 'bras chan rung/ /mal gcig gis ni bde ba skyed/ /ras bcos zung gcig bcang bar bya/ /lhag ma gti mug yongs su 'dzin/ /dus de'i bar du yang sangs rgyas da dung du ma 
byung bar gyur te/ de gzhan mu stegs can spyod pa pa dang/ kun du rgyu dang/ gcer bu pa dang/ kun du 'tsho ba pa dang/ thal ba can la sogs pa rnams dang/ bkren pa dang/ sdug phongs pa dang/ slong mo pa rnams la sbyin pa btang ba byas nas 
dbul po ni mi dbul bar byas/ bran dang/ gla mi dang/ mngag gzhug pa rnams ni mi bkol bar byas/ bshes gnyen dang/ blon po dang/ nye du dang/ snag gi gnyen mtshams la ni rdzas kun bgos nas khyim gyi nang du zhugs te/ gos tha 
chad 'ga' ci yod blang ngo snyam nas gos kyi rdzas kyi mdzod du bltas pa dang/ des gos kyi phyi tshas ras yug chen tha chad stong phrag brgya ri ba zhig ni bdag gis khyer/ de 'dra ba gcig ni bzang mo la byin no/ /khyim ni nye du rnams la gtad do/ /de nas bram ze'i 
khye'u n+ya gro d+ha skyes kyis ser skya'i bu mo bzang mo la 'di skad ces smras so/ /bzang mo gang du 'gro bar 'dod/ des smras pa/ khyod kho na dang lhan cig tu dka' thub kyi nags su mchi'o/ /des smras pa/ gang gi phyir bud med dang lhan cig dka' thub kyi nags su 'dug 
par bya ba de ni cha ma yin no/ /bzang mos smras pa/ gal te de lta na bdag je sngar khyim nas thong shig /ci'i phyir/ bzang mos 'di skad ces smras so/ /gang gi phyir khyod sngar je bzhud na bud med ni 'bras chan tshos pa dang 'dra bar skye bo mang pos don du gnyer 
bar bgyi ba lags te/ khyod bzhud na bdag kha cig gis don du gnyer bar gyur na mi rung ba de srid do/ /de nas bram ze'i khye'u n+ya gro d+ha skyes kyis bsams pa/ bu mo 'di ni mkhas shing blo shin tu gtan la bab pa yin no snyam du bsams te/ ser skya'i bu mo 

</font><hr>9-1-39a<br><font size=+1>
bzang mo la 'di skad ces smras so/ /bzang mo tshur shog /khyim nas lhan cig kho nar 'dong bar bya'o/ /de dag khyim nas lhan cig kho nar dong ngo / /de nas bram ze'i khye'u n+ya gro d+ha skyes dang the gi tsam gyi bar du lhan cig kho nar dong nas 
ser skya'i bu mo bzang mo la 'di skad ces smras so/ /bzang mo song la spyod pa ji ltar 'dod pa la gnas par gyis shig /de'i tshe na rgyal po'i khab na gcer bu pa rdzogs byed ces bya ba thams cad mkhyen pa ma yin par thams cad mkhyen par khas 'che ba zhig gnas te/ 
de yang gcer bu pa dang/ gcer bu pa'i slob ma du mas yongs su bskor to/ /de nas ser skya'i bu mo bzang mo gcer bu rdzogs byed ga la ba der song ste phyin nas gcer bu pa rdzogs byed la 'di skad ces smras so/ /btsun pa bdag khyod las rab tu 'byung bar 'tshal 
lo/ /des de rab tu phyung nas gcer bu ma rnams kyi nang du bzhag go/ /de nas gcer bu pa de rnams kyis ser skya'i bu mo bzang mo gzugs bzang ba/ blta na sdug pa/ mdzes pa/ kha dog rgyas pa/ mchog dang ldan pa mthong nas gcig la gcig 
smras pa/ bdag cag rab tu byung ba gang ci yang rung ba de thams cad ni lha'i 'dod pa'i yon tan lnga rnams kyi phyir yin la/ ser skya'i bu mo bzang mo 'di yang lha'i bud med 'dra na re zhig lha'i 'dod pa'i yon tan rnams rnyed dam mi rnyed gtol med kyis/ je ser 
skya'i bu mo bzang mo 'di la longs spyad par bya'o zhes smras nas gcer bu pa lnga brgya tsam gcer bu pa rdzogs byed ga la ba der dong ngo / /re zhig na skabs de rgyas par smras nas de nas de rnams kyis ser skya'i bu mo bzang mo bslangs pa dang/ des kyang slob ma la 
byams pa'i phyir gnang ngo / /de nas las kyi rnam par smin pa'i rkyen gyis nyi ma re re zhing gcer bu pa lnga brgya po rnams kyis dga' mgur spyod par byed do/ /ji tsam na de yid byung bas rdzogs byed la gsol pa dang/ des smras pa/ gang la rgya phog pa de dang phrad 

</font><hr>9-1-39b<br><font size=+1>
par gyis shig /de'i tshe na bcom ldan 'das byang chub sems dpa' sku tshe lo nyi shu rtsa dgur 'dod pa rnams la rol nas rgan po dang/ nad pa dang/ shi ba gzigs pas thugs byung ste/ nam phyed kyi dus su rta rin po che bsngags ldan la bcibs nas nags 
su gshegs te lo drug tu cir yang mi phan pa'i dka' ba spyad nas chu bo nai rany+dza nAr khrus mdzad de/ dga' mo dang/ dga' stobs ma gnyis las lan bcu drug tu snying khur byas pa'i 'o ma'i thug pa ni gsol/ klu'i rgyal po dus can gyis tshigs su bcad pa 
dag gis ni mngon par bstod cing/ rtswa 'tshong bkra shis ldan las rtswa dag bzhes te byang chub kyi shing gi drung du bzhud nas nyid kyis ma 'khrugs pa dang/ ma 'dzings par gding ba bshams te/ klu'i rgyal po gnyid log pa bskyil ba bzhin du skyil mo krung 
khyil ler bcas nas/ zag pa zad pa ma thob kyi bar du skyil mo krung mi gzhig go zhes thugs kyang bskyed tshig tu yang gsung ngo / /re zhig na bdud 'byung po'i rigs bye ba phrag sum bcu rtsa drug gi 'khor can btul nas bla na med pa yang dag par rdzogs pa'i byang 
chub mngon par rdzogs par sangs rgyas so/ /tshangs pas bskul bas yul bA rA Na sIr gshegs te chos dang ldan pa'i chos kyi 'khor lo bskor nas kun shes kauN+Di n+ya dang/ lha stong phrag brgyad bcu bden pa rnams la bkod do/ /lnga sde rnams kyang btul/ nye lnga'i sde rnams kyang btul/ 
grong gi khye'u gtso bo gtso bo lnga bcu yang btul to/ /shing bal can gyi nags khrod du gshegs nas bzang sde'i tshogs drug bcu btul to/ /dmag ldan gyi grong du gshegs nas grong gi bu mo dga' mo dang/ dga' stobs ma gnyis bden pa rnams la bkod do/ /yul 
lteng rgyas su gshegs nas lteng rgyas 'od srung rdzu 'phrul gyi cho 'phrul bcwa brgyad la sogs pa lnga brgyas btul to/ /yul ga yar gshegs nas chu klung 'od srung dang/ ral pa can stong phrag de rnams la cho 'phrul gsum po dag gis gdams pa mdzad do/ /yul 'od 

</font><hr>9-1-40a<br><font size=+1>
ma'i ltang brang can du gshegs nas rgyal po gzugs can snying po sras dang 'khor du bcas pa dang/ lha stong phrag brgyad bcu dang/ yul ma ga d+hA'i bram ze dang/ khyim bdag brgya stong phrag du ma btul te/ 'od ma'i tshal bzhes 
nas de'i tshe bcom ldan 'das rgyal po'i khab bu mangs kyi mchod rten na bzhugs so/ /'od srung gis shing zhig gi drung na bcom ldan 'das mdzes pa/ dad par 'os pa/ dbang po zhi ba/ thugs zhi ba/ thugs dul ba dang nye bar zhi ba'i mchog dang 
ldan pa/ gser gyi mchod sdong ltar dpal 'bar brten cing bzhugs pa mthong ngo / /mthong nas kyang de 'di snyam du kye ma ston pa mthong ngo / /kye ma dgra bcom pa mthong ngo / /kye ma bcom ldan 'das mthong ngo / /kye ma bde bar gshegs pa mthong ngo / /kye 
ma yang dag par rdzogs pa'i sangs rgyas mthong ngo / /snyam du sems shing des ched cher byas/ bla mar byas/ yid la byas/ sems thams cad kyis bsams nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos 
phyag 'tshal te/ bcom ldan 'das la 'di skad ces gsol to/ /btsun pa bcom ldan 'das ni bdag gi ston pa lags te/ bdag ni bcom ldan 'das kyi nyan thos lags so/ /btsun pa bcom ldan 'das ni bdag gi ston pa lags so/ /ston pa lags so/ /
bdag ni bcom ldan 'das kyi nyan thos lags so/ /nyan thos lags so/ /de skad ces gsol pa dang/ bcom ldan 'das kyis 'od srung la 'di skad ces bka' stsal to/ /'od srung de de bzhin te/ de de bzhin no/ /'od srung nga ni khyod kyi ston pa ste/ khyod ni nga'i 
nyan thos yin no/ /'od srung nga ni khyod kyi ston pa yin no/ /ston pa yin no/ /khyod ni nga'i nyan thos yin no/ /nyan thos yin no/ /'od srung gang la la 'di ltar sems thams cad kyis bsams te mi shes bzhin du bdag ni kun shes pa yin no zhes smra/ mi mthong 

</font><hr>9-1-40b<br><font size=+1>
bzhin du bdag ni kun mthong ba yin no zhes smra/ de bzhin gshegs pa ma yin bzhin du bdag ni de bzhin gshegs pa yin no zhes smra/ dgra bcom pa ma yin bzhin du bdag ni dgra bcom pa yin no zhes smra zhing/ yang dag par rdzogs pa'i sangs rgyas ma yin 
bzhin du bdag ni yang dag par rdzogs pa'i sangs rgyas yin no zhes khas 'che bar byed na 'od srung ston pa de'i mgo bo tshal pa bdun du 'gas par 'gyur ro/ /'od srung nga ni shes pa yin pas nga ni kun du shes pa yin no zhes smra'o/ /mthong ba yin pas nga ni kun du mthong 
ba yin no zhes smra'o/ /de bzhin gshegs pa yin pas nga ni de bzhin gshegs pa yin no zhes smra zhing/ yang dag par rdzogs pa'i sangs rgyas yin pas nga ni yang dag par rdzogs pa'i sangs rgyas yin no zhes zhal gyis 'che'o/ /nga ni nyan thos rnams la gleng gzhi 
dang bcas pa kho na'i chos ston gyi gleng gzhi med pa ni ma yin no/ /nges par 'byung ba dang bcas pa yin gyi nges par 'byung ba med pa ni ma yin no/ /rton pa dang bcas pa yin gyi rton pa med pa ni ma yin no/ /rtun pa dang bcas pa yin gyi rtun pa med pa ni ma yin no/ /
cho 'phrul dang bcas pa yin gyi cho 'phrul med pa ni ma yin no/ /'od srung de lta bas na khyod kyis 'di ltar bslab par bya ste/ chos dge ba'i chos dang ldan pa gang ci yang rung ba mnyan par bya'o/ /de thams cad bkur sti byas/ bla mar byas/ ched cher byas/ sems 
rtse gcig tu byas/ rna blags/ sems thams cad kyis bsams nas mnyan par bya'o/ /'od srung de lta bas na 'di ltar bslab par bya ste/ nye bar len pa'i phung po lnga po rnams la skye ba dang 'jig par rjes su lta bas gnas par bya'o/ /skye mched drug po dag la 
kun du 'byung ba dang/ nub par rjes su lta bas gnas par bya'o/ /dran pa nye bar gzhag pa bzhi dag la sems legs par nye bar gnas pas gnas par bya'o/ /dran pa nye bar gzhag pa bzhi dag la sems legs par nye bar gnas pas gnas pa na byang 

</font><hr>9-1-41a<br><font size=+1>
chub kyi yan lag bdun bsgom par bya/ rnam par thar pa brgyad lus kyis mngon sum du byas te rdzogs par byas nas gnas par bya'o/ /bdag gi ston pa dang tshangs pa mtshungs par spyod pa mkhas pa rnams la ngo tsha shes pa dang/ khrel yod 
pa shas cher nye bar gnas par 'gyur ba dang/ rtag tu bdag gi lus la dran pa dang ldan zhing mi gtong ba dang/ bral bar ma gyur par lus la gnas par 'gyur ba de ltar 'od srung khyod kyis bslab par bya'o/ /de nas bcom ldan 'das kyis 'od srung la yang dag 
par bstan/ yang dag par len du bcug /yang dag par gzengs bstod/ yang dag par rab tu mgu bar mdzad nas gdan las bzhengs te gshegs so/ /de nas tshe dang ldan pa 'od srung bcom ldan 'das kyi zhabs 'bring du 'brang zhing bcom ldan 'das gnas 
gang du bzhugs pa der bdag gis ras yug chen gyi snam sbyar stong phrag brgya ri ba blta ba ste/ gdan du gding bar bya'o snyam du sems so/ /de nas bcom ldan 'das kyis dge slong 'od srung gi sems kyi kun du rtog pa thugs kyis mkhyen nas lam bor te phyogs gcig 
tu bzhugs so/ /de nas tshe dang ldan pa 'od srung gis myur ba myur ba kho nar ras yug chen gyi snam sbyar stong phrag brgya ri ba blta ba ste/ bcom ldan 'das kyi ched du gdan bshams so/ /'di skad ces kyang gsol to/ /bcom ldan 'das thugs brtse ba'i 
slad du gdan bshams pa la bzhugs su gsol/ bde bar gshegs pa gdan bshams pa la bzhugs su gsol/ de nas bdag la yun ring po'i don dang/ phan pa dang/ bde bar 'gyur lags so/ /bcom ldan 'das gdan bshams pa la 
bzhugs te/ bzhugs nas tshe dang ldan pa 'od srung la bka' stsal pa/ 'od srung khyod kyi ras yug chen gyi snam sbyar yang ngo / /'od srung khyod kyi ras yug chen gyi snam sbyar 'jam mo/ /de skad ces bka' stsal pa dang/ bcom ldan 'das la tshe dang ldan pa 'od 

</font><hr>9-1-41b<br><font size=+1>
srung gis 'di skad ces gsol to/ /bcom ldan 'das de de lta lags so/ /bde bar gshegs pa de de lta lags te/ btsun pa bdag gi ras yug chen gyi snam sbyar yang lags so/ /btsun pa bdag gi ras yug chen gyi snam sbyar 'jam lags so/ /bcom 
ldan 'das thugs brtse ba'i slad du ras yug chen gyi snam sbyar bzhes par gsol/ de skad ces gsol pa dang/ bcom ldan 'das kyis tshe dang ldan pa 'od srung la 'di skad ces bka' stsal to/ /'od srung nga'i gso ras phyag dar khrod kyi gos zung shig /de skad ces 
bka' stsal pa dang/ bcom ldan 'das la 'od srung gis 'di skad ces gsol to/ /bcom ldan 'das ras yug chen gyi snam sbyar bzhes par gsol/ bde bar gshegs pa ras yug chen gyi snam sbyar bzhes par gsol/ btsun pa de bdag gis bcom 
ldan 'das kyi gso ras phyag dar khrod kyi na bza' gzung bar bgyi'o/ /de nas bcom ldan 'das kyis tshe dang ldan pa 'od srung gi ras yug chen gyi snam sbyar bzhes so/ /bcom ldan 'das kyis kyang nyid kyi phyag nas gso ras phyag dar khrod pa de la gnang ngo / /
de nas tshe dang ldan pa 'od srung gis gdams ngag btams pa des nyi ma brgyad du slob pas bsod snyoms yongs su spyad do/ /nyi ma dgu pa la ni mi slob pas so/ /de nas tshe dang ldan pa 'od srung dgra bcom pa khams gsum gyi 'dod chags dang bral ba/ bong ba dang 
gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan spangs pa lta bu/ ma rig pa'i sgo nga'i sbubs dral ba/ rig pa dang/ mngon par shes pa dang/ so so yang dag par rig pa thob pa/ srid pa dang 'dod 
pa'i rnyed pa la chags pa dang/ bkur sti las phyir phyogs pa/ dbang po dang/ nye dbang dang bcas pa'i lha rnams kyis ri mor bya ba dang/ mchod par bya ba dang/ phyag bya bar gyur to/ /de na kha cig gis 'di skad ces smras so/ /kye ma dge slong 'od 

</font><hr>9-1-42a<br><font size=+1>
srung gis khyad par chen po 'di rtogs pas ming 'od srung chen po 'od srung chen po zhes bya ba byung ngo / /de nas bcom ldan 'das mthar gyis ljongs rgyu ba rgyu zhing rgyal po'i khab tu gshegs nas rgyal po'i khab 'od ma'i tshal bya ka lan da ka gnas pa 
na bzhugs so/ /de'i tshe rgyal po'i khab na ri bo dang/ mdzes pa phrad pa'i dus ston byed do/ /der mu stegs pa thams cad gdon mi za bar 'du ba yin pas na re zhig na gcer bu pa rnams kyang rgyal po'i khab tu dong ngo / /de nas ser skya'i bu mo bzang mo 'di snyam du 
su zhig 'di ltar yun ring por nyon mongs pa nyams su myong bar byed/ rgyal po'i khab tu slong mo'i phyir 'jug pa 'di ni bdag gi dus la bab bo snyam du sems so/ /de nas de nyon mongs pas yid byung bas skabs rnyed de rgyal po'i khab tu slong mo la snyad btags te song ngo / /tshe 
dang ldan pa 'od srung chen po yang snga dro sham thabs bgos chos gos dang lhung bzed thogs nas rgyal po'i khab tu bsod snyoms kyi phyir zhugs so/ /des ser skya'i bu mo bzang mo kha dog rgyas pa dang ldan pa ma yin pa de 'dra bar gyur pa mthong ngo / /mthong nas kyang 'di skad ces 
smras so/ /sring mo ji yang dag par tshangs par spyod pa la gnas pa yongs su bskyangs sam/ des 'di skad ces smras so/ /rje'i sras rang gi khyim na gnas pa de kho na bdag gi tshangs par spyod par gyur gyi/ da ltar ni mi tshangs par spyod pa kho nar bas te/ tshangs 
par spyod pa ma mchis so/ /des 'di skad ces smras so/ /sring mo tshangs par spyod pa la gnas par bya ba'i phyir legs par gsungs pa'i chos 'dul ba la rab tu 'byung ngam/ de skad ces smras pa dang/ ser skya'i bu mo bzang mos tshe dang ldan pa 'od srung chen po la 'di 
skad ces smras so/ /rje'i sras khyed la yang rgyas gtod pa med grang/ re zhig na tshe dang ldan pa 'od srung chen pos dgongs par brtsams na nyes pa bshad pa'i chos can/ nyes pa'i chos can de rnams kyis dam pa ma yin pa'i chos la sbyar bar mthong ste/ des 

</font><hr>9-1-42b<br><font size=+1>
byung ba de lta bu rig nas ser skya'i bu mo bzang mo la 'di skad ces smras so/ /sring mo ma 'jigs shig /bcom ldan 'das kyi bstan pa ni dri nga ba med pa dang/ sdig pa med pa yin no/ /de'i nyan thos rnams ni lha'i 'dod pa rnams kyang don du mi gnyer na mi 
rnams kyi lta smos kyang ci dgos pa yin no/ /des de skye dgu'i bdag mo chen mo la yongs su gtad nas des de rab tu phyung bsnyen par rdzogs par byas so/ /de bsod snyoms kyi phyir zhugs pa na/ g.yon can dang/ 'phyon ma dang/ zol pa dag 
gzugs 'di lta bur sdug pa 'di yongs su longs spyod pa med par dga' bar byed do zhes kha zer ro/ /de nas dus gzhan zhig na tshe dang ldan pa 'od srung chen po snga dro sham thabs bgos chos gos dang/ lhung bzed thogs te rgyal po'i khab tu bsod snyoms kyi phyir zhugs 
so/ /ser skya'i bu mo bzang mo yang snga dro sham thabs bgos chos gos dang lhung bzed thogs te rgyal po'i khab tu bsod snyoms kyi phyir zhugs pa dang/ tshe dang ldan pa 'od srung chen pos ser skya'i bu mo bzang mo mthong ngo / /mthong nas kyang 'di skad ces smras so/ /sring 
mo ci khyod bcom ldan 'das kyi bstan pa la mngon par dga' 'am/ des smras pa/ bdag bcom ldan 'das kyi bstan pa la mngon par dga' ste mngon par mi dga' ba ma mchis so/ /'on kyang bdag ni lug tshon po dang 'dra bar gzugs 'dis gnod par 
byung ste/ gang dang gang du mchi ba de dang de nas skye bo dag bdag la g.yar mchi'o/ /tshe dang ldan pa 'od srung chen pos smras pa/ bsod snyoms kyi phyir nyon mongs par ma byed cig /ngas khyod la nyi ma re re zhing rang gi bsod snyoms las phyed phyed sbyin no/ /de 
bsod snyoms la brgyus te phyed ni bdag nyid kyis spyad/ phyed ni de la byin no/ /de de ltar zhugs pa na drug sde rnams 'od srung chen po 'di khyim par gyur pa na bzang mo 'di dang lhan cig khyim gcig na lo bcu gnyis 'dug kyang lan 'ga' yang kun du chags pa'i 

</font><hr>9-1-43a<br><font size=+1>
sems kyang ma bskyed do zhes thos na da ltar ni de la bsod snyoms phyed sbyin par byed do zhes 'phya bar gyur to/ /de nas tshe dang ldan pa 'od srung chen pos ser skya'i bu mo bzang mo la yid la bya ba bsgo ba dang/ des brtson pa dang 'bad pa dang/ brtsal ba 
byas pas nyon mongs pa thams cad spangs te dgra bcom pa nyid mngon sum du byas so/ /re zhig na tshe dang ldan pa 'od srung chen pos dge slong dag 'phya bar thos so/ /thos nas ser skya'i bu mo bzang mo la 'di skad ces smras so/ /sring mo dge ba'i bshes gnyen gyis bya ba 
gang yin pa de ngas byas zin la ri dgas kyis ri dgas mi gsos kyis/ da ni rang gi spyod yul sangs rgyas kyis gnang ba pha'i yul du sbyangs pa'i yon tan bsod snyoms rjes su spel cig ces de skad rjes su bstan nas tshe dang ldan pa 'od srung chen pos btang snyoms sgom par byed do/ /
de'i tshe ma skyes dgras mi dge ba'i grogs po lhas byin la brten nas pha chos dang ldan pa chos kyi rgyal po srog dang phral te pha'i rgyal srid kyi dbang phyug la dbang bya ba'i phyir 'dug go/ /'dug ma thag tu yid la gcags par gyur nas de yang mya ngan gyi khang par zhugs so/ /de'i 
mya ngan thabs du mas kyang bsang bar ma nus nas blon po rnams kyis bsams pa/ grong khyer chen po drug po dag na gar mkhan dang/ zlos gar mkhan dang/ bzhad gad mkhan dang/ shing 'dzegs mkhan dang/ rol mo mkhan gyi bye brag ji snyed yod pa 
thams cad bsdu bar bya'o snyam nas de rnams kyis de bzhin byas so/ /de nas rgyal po ma skyes dgra'i mdun du rol mo mkhan gyi khyad par du mas pi wang dang/ gling bu dang/ rdza rnga dang/ khar rnga dang/ lcags kyi sil khrol dang/ sgra snyan la sogs pa rol mo'i sgra 
dag byed/ glu dag len/ gar dag byed/ rgyug par byed/ mchong bar byed do/ /de ltar byas kyang rgyal po ma skyes dgra'i mya ngan bsang bar ma nus so/ /de nas dus gzhan zhig na ser skya'i bu mo bzang mo snga dro sham thabs bgos chos gos dang lhung bzed thogs 

</font><hr>9-1-43b<br><font size=+1>
te spyod lam kun nas mdzes pas rgyal po'i khab tu bsod snyoms la zhugs so/ /blon po ngan sems can zhig gis ser skya'i bu mo bzang mo gzugs bzang ba/ blta na sdug pa/ mdzes pa/ lus gser gyi kha dog pas kyang lhag par mthong ngo / /mthong nas kyang 
de 'di snyam du sems te/ 'dis rgyal po'i mya ngan sel bar byed do snyam du bsams nas blon po des ser skya'i bu mo bzang mo bzung ste rgyal po la 'os pa'i khrus rnams kyis khrus byas nas rgyal po la 'os pa'i spos dang/ me tog phreng ba dang/ gos dang/ rgyan 
gyi khyad par rnams kyis brgyan nas rgyal po ma skyes dgra la phul lo/ /de nas ser skya'i bu mo bzang mos sngon las rnams byas shing bsags pa gdon mi za bar 'byung ba myong bar 'gyur bar nges pa 'od pa bzhin du rnam par gnas te/ dper na ri dag gam/ ri'i rtse mo 
dag gi grib mas la babs shing mngon par babs pa de bzhin du ser skya'i bu mo bzang mo la yang sngon las rnams byas shing bsags pa gdon mi za bar 'byung ba/ myong bar 'gyur bar nges pa/ 'od pa bzhin du rnam par gnas pa yin pas re zhig na rgyal po ma skyes 
dgras ser skya'i bu mo mthong ma thag tu chags nas de dang lhan cig dga' ba nyams su myong bar brtsams so/ /de nas gso sbyong bcwa lnga pa de nyid la dris na ser skya'i bu mo bzang mo tshogs kyi nang na mi snang ngo / /de nas skye dgu'i bdag mo chen mos bsams na re zhig na ser 
skya'i bu mo skobs su chung/ nyam nga bar gyur par mthong ngo / /skobs su chung ba dang/ nyam nga ba dang/ mi bde bar gyur par rig nas skye dgu'i bdag mo chen mo gau ta mIs ut+pa la'i mdog la smras pa/ phu nu mo ser skya'i bu mo bzang mo la soms shig /
de nas ut+pa la'i mdog gso sbyong bcwa lnga pa de nyid la rdzu 'phrul gyis ma skyes dgra'i khyim ga la ba der song ngo / /de nas ut+pa la'i mdog skar khung gi bu gnas zhugs nas ser skya'i bu mo bzang mo la 'di skad ces smras so/ /phu nu mo khyod kyis thog ma med pa'i 

</font><hr>9-1-44a<br><font size=+1>
dus nas goms pa khams gsum pa'i nyon mongs pa rnams dral/ spangs/ bsal/ yongs su btang na ci'i phyir khyod kyis rdzu 'phrul ro dang 'dra ba mu stegs pa thams cad dang thun mong pa 'di mngon du ma byas/ de skad ces smras pa dang / 
ser skya'i bu mo bzang mos ut+pa la'i mdog la 'di skad ces smras so/ /phu nu mo rdzu 'phrul gyi lam mi shes so/ /de nas ut+pa la'i mdog gis ser skya'i bu mo bzang mo la rdzu 'phrul gyi lam bstan to/ /de nas ser skya'i bu mo bzang mos 'jig rten pa'i lam gyis 
bsam gtan bzhi la brten te rdzu 'phrul mngon par bsgrubs so/ /de nas ser skya'i bu mo bzang mo rgyan thams cad kyis brgyan pa dge slong ma'i dbyar khang ga la ba der song ngo / /dge slong ma bcu gnyis sdes ser skya'i bu mo bzang mo rgyan thams cad kyis brgyan pa 
mthong ngo/ /mthong nas kyang skye dgu'i bdag mo chen mo gau ta mI la 'di skad ces smras so/ /bdag cag ni rgyal po'i chung ma dang lhan cig gso sbyong nyams su myong bar mi bgyid do/ /de nas skye dgu'i bdag mo chen mo gau ta mIs ser skya'i bu mo bzang mo la 'di skad 
ces smras so/ /phu nu mo khyod song la rgyal po'i gan du song ste gos dang rgyan slar byin la rgyal pos gnang bar gyis gos ngur smrig gyon la slar bdag cag gi drung du shog shig /de nas ser skya'i bu mo bzang mos skye dgu'i bdag mo chen mo gau ta mI'i tshig mnyan nas rgyal po 
ma skyes dgra'i khyim ga la ba der song ngo / /de'i tshe rgyal po ma skyes dgra sad nas ser skya'i bu mo bzang mo mthong ste 'khyud par brtsams so/ /de nas ser skya'i bu mo bzang mo steng gi nam mkha' la mngon par 'phags so/ /de nas rgyal po ma skyes dgras ser skya'i 
bu mo bzang mo ngang pa'i rgyal po 'dab ma brkyang ba ltar steng gi nam mkha' la mngon par 'phags par mthong ngo / /mthong nas 'jigs shing skrag la yid byung ste skyi bung zhes byed nas bsams pa/ ci re zhig lha mo yin nam/ 'on te klu mo'am/ dri za 

</font><hr>9-1-44b<br><font size=+1>
mo'am/ gnod sbyin mo'am/ srin mo yin snyam du sems te/ tshigs su bcad pa yang smras pa/ khyod ci lha mo 'am klu mo 'am/ /gnod sbyin srin mo dri za mo/ /bud med 'dre mo'am ci yin pa/ /dris pa de ni bdag la gsungs/ /de skad 
ces smras pa dang/ ser skya'i bu mo bzang mos rgyal po ma skyes dgra la 'di skad ces smras so/ /bdag ni lha mo klu mo min/ /dri za gnod sbyin srin mo min/ /mi dbang bdag ni bde gshegs kyi/ /bya ba byas pa'i nyan thos ma'o/ /de nas rgyal po ma skyes 
dgras tshig de thos nas ri dgas dang 'dra bar zug rngu gnyis pas gnad du bsnun nas kyi hud kye ma a la la sdig pa chen po byas so snyam nas tshigs su bcad pa yang smras pa/ bdag ni rgya mtsho'i pha mtha' 'dra ba yi/ /sdug bsngal gcig mthar re zhig mi phyin na/ /
da ni gnyis pa nye bar gnas gyur te/ /glags yod pas na bdag la gnod mang 'byung/ /de de ltar sems pa las brgyal nas sa'i steng du 'gyel ba las re zhig na chus gtor nas bslang ngo / /de nas rgyal po ma skyes dgras rang gi sems rnyed nas ser 
skya'i bu mo bzang mo la 'di skad ces smras so/ /kye ma a la la bdag ni smas shing snad pas 'khor bar 'khor ba na shin tu smas par gyur na mi rung bas 'phags ma mar gshegs mar gshegs/ nyes par spyod pa'i 'dam gyi chu bor bying ba bdag gi sug pa 
nas drang du gsol/ de nas ser skya'i bu mo bzang mos de rjes su gzung ba'i phyir babs so/ /babs nas stan bshams pa la 'dug go/ /de nas rgyal po ma skyes dgras ljon shing rtsa ba nas bcad pa bzhin du ser skya'i bu mo bzang mo'i rkang pa gnyis la 
gtugs nas ser skya'i bu mo bzang mo la 'di skad ces smras so/ /'phags ma gdul dka' ba rnams la bzod pa mdzad du gsol/ ser skya'i bu mo bzang mos 'di skad ces smras so/ /rgyal po chen po bdag bzod do/ /re zhig na ser skya'i bu mo bzang 

</font><hr>9-1-45a<br><font size=+1>
mos gos dang rgyan rnams rgyal po la byin no/ /rgyal pos kyang gos ngur smrig dag ser skya'i bu mo bzang mo la byin nas rkang pa gnyis la phyag 'tshal te 'di skad ces kyang smras so/ /'phags ma khyod la ji srid 'tsho'i bar du chos gos dang/ bsod 
snyoms dang/ mal stan dang/ nad kyi gsos sman dang/ yo byad rnams kyis bstabs par bgyi'o/ /de nas ser skya'i bu mo bzang mos rgyal po ma skyes dgra la 'di skad ces smras so/ /lha phal cher bdag gi las kyi nyes pa lags kyi/ khyod kyi nyes pa ni 
ma yin no/ /ci'i slad du zhe na/ lha bcom ldan 'das kyis/ gang du gnas na las kyis mi tshugs pa'i/ /sa phyogs de ni yod pa ma yin te/ /bar snang la med rgya mtsho'i nang na med/ /ri rnams kyi ni gseb tu zhugs na'ang med ces gsungs so/ /lha gzhan 
yang/ ji ltar grib ma mi yi rjes 'brang ba/ /'dug na 'dug la 'gro na 'gul ba ltar/ /de bzhin dge dang mi dge grib ma ltar/ /sangs rgyas smra ba'i bla na med pa gsung/ /de nas ser skya'i bu mo bzang mos rgyal po ma skyes dgra la tshig snying sdud par 
byed pa de lta bu'i chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas steng gi nam mkha' la mngon du 'phags te slar yang dge slong ma'i dbyar khang du song 
ngo / /yang bcu gnyis sde rnams kyis 'di skad ces bdag cag ni dge slong ma nyams pa dang lhan cig gso sbyong mi bya'o zhes smras pa'i skabs de dge slong ma rnams kyis dge slong rnams la smras so/ /dge slong rnams kyis kyang bcom ldan 'das la gsol to/ /de nas 
bcom ldan 'das kyis nga'i gnyi ga'i dge 'dun gyis don shes pa dang/ ngas bslab pa'i gzhi yang legs par bcas par 'gyur ro snyam du dgongs nas byung ba 'di dang/ gleng gzhi 'di dang/ dngos po 'di dang/ skabs 'di la gnyi ga'i dge 'dun bsdu ba 

</font><hr>9-1-45b<br><font size=+1>
mdzad de/ sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed kyi mi mkhyen par ma yin/ dus su yin gyi dus ma yin par ma yin/ don dang ldan pa yin gyi don dang mi ldan par ma yin te/ sangs 
rgyas bcom ldan 'das rnams ni 'di lta ste/ don dang mi ldan par rmed pa chu lon gyis zlog par mdzad pa yin no/ /de la sangs rgyas bcom ldan 'das rnams ni 'di lta ste/ don dang ldan pa rmed pa la dus mkhyen pa yin pas sangs rgyas bcom 
ldan 'das kyis ser skya'i bu mo bzang mo la rmas pa/ dge slong ma khyod kyis de ltar byas pa bden nam/ btsun pa mad do/ /dge slong ma khyod kyis bdag gir ma byas sam/ des 'di skad ces gsol to/ /btsun pa bdag ni rang bzhin gyis 'dod chags 
dang bral ba lags na bdag gis ji srid du bdag gir bgyid/ sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad 
pa mdzad do/ /de nas bcom ldan 'das kyis rnam grangs du mas rnam par smad nas gnyi ga'i dge 'dun la bka' stsal pa/ dge slong dang/ dge slong ma dag de lta bas na phan yon bcu po 'di lta ste/ dge 'dun bsdu bar bya ba'i phyir dang/ dge 
'dun legs par bya ba'i phyir dang/ dge 'dun mthun par bya ba'i phyir dang/ dge 'dun bde bar gnas par bya ba'i phyir dang/ gnod mi bkur ba'i gang zag rnams tshar gcad par bya ba'i phyir dang/ ngo tsha shes pa rnams bde bar gnas par 
bya ba'i phyir dang/ ma dad pa rnams dad par bya ba'i phyir dang/ dad pa rnams phyir zhing 'phel la rgyas par bya ba'i phyir dang/ tshe 'di'i zag pa rnams bsdam par bya ba'i phyir dang/ tshe rabs phyi ma'i zag pa rnams bzlog par bya ba'i phyir dang/ tshangs 

</font><hr>9-1-46a<br><font size=+1>
par spyod pa rjes su gzung bar bya ba'i phyir dang/ tshangs par spyod pa yongs su rdzogs par bya ba'i phyir dang/ bstan pa mthun par bya ba'i phyir dang/nga'i bstan pa yangs par gyur pa skye bo mang po la phan pa lha dang mi'i bar dag la 
yang dag par rab tu bstan pa yun ring du gnas par 'gyur ba la gzigs nas 'dul ba la nyan thos ma rnams kyi bslab pa'i gzhi bca' bar bya'o/ /nga'i nyan thos ma rnams kyis 'dul ba la bslab pa'i gzhi 'di ltar gdon par bya ste/ yang dge slong ma 
gang dge slong ma rnams dang lhan cig bslab pa mtshungs par gyur pas bslab pa ma phul zhing bslab pa nyams par ma byas par mi tshangs par spyod pa 'khrig pa'i chos bsten na tha na dud 'gro'i skye gnas su skyes pa dang lhan cig kyang rung ste/ dge slong ma de phas pham par 
gyur pa yin pas gnas par mi bya'o/ /yang dge slong ma gang zhes bya ba ni dge slong ma rnam pa bzhi po ming gi dge slong ma dang/ khas 'che ba'i dge slong ma dang/ slong ba'i phyir dge slong ma dang/ nyon mongs pa bcom pa'i phyir dge slong ma'o/ /de la ming 
gi dge slong ma gang zhe na gang gi ming dang/ ming du brjod pa dang/ tshig gnyis pa dang/ tshig bla dgas dang/ 'du shes dang/ bod pa dang/ gdags pa dang/ tha snyad kyis dge slong ma zhe'am/ dge slong ma'i rigs she'am/ dge slong ma 
dang 'dra bar gyur pa zhes bya ba de ni ming gi dge slong ma zhes bya'o/ /khas 'che ba'i dge slong ma gang zhe na/ gang dge slong ma ma yin bzhin du bdag nyid dge slong ma'o/ /zhes khas 'che bar byed pa dang rku thabs su gnas shing/ yang dge slong ma yin no zhes 
bdag nyid dge slong mar khas 'ches pa'i dge slong ma zhes bya'o/ /slong ba'i phyir dge slong ma gang zhe na/ gang chos dang ldan pas slong mo spyod pas 'tsho bar byed pa de ni slong ba'i phyir dge slong ma zhes bya'o/ /nyon mongs pa bcom pa'i phyir dge slong ma gang zhe 

</font><hr>9-1-46b<br><font size=+1>
na/ gang gi zag pa kun nas nyon mongs par byed pa yang srid pa byed pa/ rims nad dang bcas pa/ rnam par smin pa sdug bsngal ba phyi ma la skye ba dang/ rga ba dang 'chi bar 'gyur ba gang dag yin pa de dag yin pa de dag spangs pa dang/ yongs su 
shes pa dang/ rtsa ba nas bcad pa dang shing ta la'i mgo bzhin du gzhi mi snang ba dang/ phyi ma la mi skye ba'i chos can du gyur pa de ni nyon mongs pa bcom pa'i phyir dge slong ma zhes bya'o/ /don 'dir ni gsol ba dang bzhi'i las mi g.yo ba bzhag par mi 
'os pas bsnyen par rdzogs pa gang yin pa de dge slong mar dgongs te/ des na yang dge slong ma zhes gsungs so/ /dge slong ma rnams dang lhan cig ces bya ba ni de las gzhan pa chos mthun pa tshangs pa mtshungs par spyod pa rnams dang ngo / /bslab pa mtshungs 
pa zhes bya ba ni bslab pa gang la bsnyen par rdzogs nas lo brgya lon pa'i dge slong mas bslab par bya ba de la deng bsnyen par rdzogs pas dang/ deng bsnyen par rdzogs pa'i gang yin pa de la bsnyen par rdzogs nas lo brgya lon pas kyang ngo zhes 'di la tshul khrims nyid kyis 
mnyam pa dang/ bslab pa nyid kyis mnyam pa dang/ so so thar pa'i mdo 'don pa nyid kyis mnyam pa gang yin pa de ni bslab pa mtshungs pa zhes bya ste/ des na bslab pa mtshungs pa zhes gsungs so/ /gyur pas zhes bya ba ni song bas so/ /bslab 
pa ma phul zhes bya ba la ji tsam gyis na bslab pa ma phul ba yin zhe na/ 'di lta ste/ dge slong ma khros shing khro ba'i zil gyis non pas bslab pa 'bul na bslab pa ma phul bar brjod par bya'o/ /smyos pa dang/ sems 'khrugs pa dang/ tshor ba dag gis 
nyen pas bslab pa 'bul na bslab pa ma phul bar brjod par bya'o/ /khros pa'am/ khros pa'i zil gyis non pa'i drung du bslab pa 'bul na bslab pa ma phul bar brjod par bya'o/ /dge slong ma glen ma'i drung du bslab pa 'bul na bslab pa ma phul bar brjod 

</font><hr>9-1-47a<br><font size=+1>
par bya'o/ /glen ma ji lta ba bzhin du lkugs pa dang/ 'on ma dang/ gnyid kyis log pa dang/ snyoms par zhugs pa dang/ lha'i gzugs brnyan dang/ sangs rgyas kyi gzugs brnyan dang/ mi ma yin pa dang/ sprul 
pa dang/ dud 'gror gyur pa'i drung du bslab pa 'bul na bslab pa ma phul bar brjod par bya'o/ /dbus pa mtha' 'khob pa'i tshig gis dbus pa la bslab pa 'bul bar byed la dbus pas gal te mtha' 'khob pa'i tshig smras pa de ma shes na bslab pa ma phul 
bar brjod par bya'o/ /de bzhin du mtha' 'khob pa dbus pa'i tshig gis mtha' 'khob pa la bslab pa 'bul bar byed la/ gal te mtha' 'khob pas dbus pa'i tshig de ma shes na bslab pa ma phul bar brjod par bya'o/ /mtha' 'khob pa mtha' 'khob pa'i 
tshig gis dbus pa la bslab pa 'bul bar byed la/ gal te dbus pas mtha' 'khob pa'i tshig smras pa de ma shes na bslab pa ma phul bar brjod par bya'o/ /dbus pa dbus pa'i tshig gis mtha' 'khob pa la bslab pa 'bul bar byed la/ gal te mtha' 
'khob pas dbus pa'i tshig smras pa de ma shes na bslab pa ma phul bar brjod par bya'o/ /dben par mi dben pa'i 'du shes kyis bslab pa 'bul na bslab pa ma phul bar brjod par bya'o/ /mi dben par dben pa'i 'du shes kyis bslab pa 'bul na bslab pa ma phul bar 
brjod par bya'o/ /ca co can gyis ca co can la bslab pa 'bul na bslab pa ma phul bar brjod par bya'o/ /bslab pa 'bul bar 'dod pas dge slong ma rnal mar gnas pa 'ga' la yang shes par mi byed par bslab pa 'bul bar byed na bslab pa ma phul bar brjod par 
bya'o zhes grags te/ 'di ni bslab pa ma phul ba zhes bya'o// //dge slong ma'i 'dul ba rnam par 'byed pa/bam po gsum pa/ bslab pa nyams par ma byas pa zhes bya ba la/ bslab pa nyams par byas la bslab pa ma phul ba yang yod/ bslab pa 

</font><hr>9-1-47b<br><font size=+1>
nyams par ma byas la bslab pa phul ba yang yod/ bslab pa nyams par byas la bslab pa phul ba yang yod/ bslab pa nyams par ma byas la bslab pa ma phul ba yang yod do/ /ji tsam gyis na bslab pa nyams par byas la bslab pa phul ba ma yin zhe na/ 
'di lta ste/ dge slong ma phrad par 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul don du mi gnyer ba'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ smod pa de dge slong 
ma'i drung du nye bar 'ongs nas 'di skad ces/ 'phags ma dag tshangs par spyod pa spyad dka'o/ /rab tu dben par bya dka'o/ /gcig pu nyid la mngon par dga' bar dka'o/ /gnas mal dgon pa dang/ nags 'dab dang/ bas mtha' dag tu gnas pa khong du 
chud par dka'o/ /bdag ji srid 'tsho'i bar du mi rnams kyi dga' ba dang/ rtsed mo rnams dang bral ba byas par 'gyur ro/ /bdag ji srid 'tsho'i bar du rtswa dang/ lo ma dang/ shing lo bting ba'i mal byed par 'gyur ro/ /bdag ji srid 'tsho'i bar du gzhan 
gyi khyim du gzhan gyi ngor blta dgos par 'gyur ro/ /bdag ji srid 'tsho'i bar du 'di ltar chos gos dang/ bsod snyoms dang/ mal stan dang/ nad gsos kyi sman dang/ yo byad dag gzhan las tshol khro bya dgos so/ /ma dran no/ /pha dang/ 
ming po dang/ phu nu mo dran no/ /bdag khyim bzang po dag tu gtad par mdzod cig ces zer zhing de ltar rnam par 'khyam 'dod pa'i ngag dang/ tshig dang/ tha snyad dang/ skad dang/ rjod pa dang/ nges pa'i tshig dang/ tshig gi lam dang/ smra ba'i 
tshig dang/ ngag gi las dang/ ngag gi rnam par rig byed dag smra zhing 'di skad ces bdag bslab pa ni mi gtong ngo zhes smra ba 'di ni bslab pa nyams par byas la bslab pa ma phul ba yin no/ /ji tsam gyis na bslab pa nyams par ma byas la bslab pa phul ba yin 

</font><hr>9-1-48a<br><font size=+1>
zhe na/ 'di lta ste/ dge slong ma phrad 'dod pa dang/ mngon par mi dga' ba dang/ rnam par 'khyam 'dod cing dge sbyong gi tshul don du mi gnyer ba'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ 
smod pa de dge slong ma'i drung du nye bar 'ongs nas 'di skad ces/ 'phags ma dag dgongs su gsol/ bdag ming 'di zhes bgyi ba 'di ltar dge slong ma'i bslab pa la 'bul lo zhes zer na bslab pa phul bar brjod par bya'o/ /sangs rgyas gtong ngo / /chos gtong ngo / /
dge 'dun gtong ngo / /mkhan po dang/ slob dpon gtong ngo zhes zer zhing/ tha na 'di skad ces bdag dge sbyong mar gzung du gsol/ bdag khyim pa mor gzung du gsol/ bdag za ma dang/ ma ning dang/ dge slong sun phyung bar gzung du gsol/ ma bsad pa 
dang/ pha bsad pa dang/ dgra bcom pa bsad pa dang/ dge 'dun gyi dbyen byas pa dang/ de bzhin gshegs pa la ngan sems kyis khrag phyung ba dang/ rkun thabs su gnas pa'am/ mu stegs can nam/ mu stegs can zhugs pa yin no zhes 
zer ba'am/ 'di skad ces bdag khyed lta bu chos mthun pa tshangs pa mtshungs par spyod pa bdag gis chog go zhes zer zhing de ltar rnam par 'khyam 'dod pa'i ngag dang/ tshig dang/ skad dang/ rjod pa dang/ nges pa'i tshig dang/ tshig gi lam dang/ smra ba'i tshig 
dang/ ngag gi las dang/ ngag gi rnam par rig byed kyis 'di skad ces bdag bslab pa gtong ngo zhes smra na/ bslab pa phul bar brjod par bya ste/ 'di ni bslab pa nyams par ma byas la bslab pa phul ba yin no/ /ji tsam gyis na bslab pa nyams par yang byas 
la bslab pa phul ba yang yin zhe na/ 'di lta ste/ dge slong ma phrad par 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul mi 'dod pa'am/ dge sbyong gi tshul gyis sgyid lug pa'am/ mus byung ba'am/ the tshom za 

</font><hr>9-1-48b<br><font size=+1>
ba'am/ smod pa de dge slong ma'i drung du nye bar 'ongs nas 'di skad ces/ 'phags ma dag tshangs par spyod pa spyad dka'o/ /rab tu dben pa bya dka'o/ /bdag nyid gcig pa la mngon par dga' ba dka'o/ /gnas mal dgon pa dang/ nags 'dab dang/ 
bas mtha' dag tu gnas pa khong du chud par dka'o/ /bdag ji srid 'tsho'i bar du mi rnams kyis dga' ba dang/ rtsed mo rnams dang bral bar byas par 'gyur ro/ /bdag ji srid 'tsho'i bar du rtswa dang/ lo ma dang/ shing lo bting ba'i mal byed par 'gyur ro/ /
bdag ji srid 'tsho'i bar du gzhan gyi khyim du gzhan gyi ngor blta dgos par 'gyur ro/ /bdag ji srid 'tsho'i bar du 'di ltar gzhan las chos gos dang/ bsod snyoms dang/ mal stan dang/ nad gsos kyi sman dang/ yo byad dag tshol khro bya dgos so/ /ma 
dran no/ /pha dang/ ming po dang/ phu nu mo dran no/ /bdag khyim bzang po dag tu gtad par mdzod cig ces zer zhing 'di skad ces/ chos dang ldan ma dag dgongs su gsol/ bdag ming 'di zhes bgyi ba 'di ltar bslab pa 'bul lo/ /sangs rgyas dang/ chos 
dang/ dge 'dun dang/ mkhan po dang/ slob dpon gtong ngo zhes smra ba dang/ tha na 'di skad ces bdag dge sbyong mar gzung du gsol/ bdag khyim pa mor gzung du gsol/ bdag za ma dang/ ma ning dang/ dge slong sun phyung bar gzung du gsol/ ma bsad 
pa dang/ pha bsad pa dang/ dgra bcom pa bsad pa dang/ de bzhin gshegs pa la ngan sems kyis khrag phyung ba dang/ rkun thabs su gnas pa dang/ tha dad par gnas pa dang/ gnas par bya ba ma yin pa dang/ mu stegs can dang/ mu stegs can 
zhugs pa yin no zhes zer ba'am/ 'di skad ces bdag khyed lta bu chos dang mthun pa tshangs pa mtshungs par spyod pa dag gis chog go zhes zer zhing/ 'di ltar rnam par 'khyam 'dod pa'i ngag dang zhes bya ba mu dang po ji lta ba bzhin du rgya cher brjod par bya'o/ /de ltar 

</font><hr>9-1-49a<br><font size=+1>
phyogs gnyi ga'i tshig smra ba 'di ni bslab pa nyams par byas pa yang yin la bslab pa phul ba yang yin no/ /ji tsam gyis na bslab pa nyams par ma byas shing bslab pa ma phul ba yin zhe na/ rnam pa de dag ma gtogs pa ni bslab pa 
nyams par ma byas la bslab pa ma phul ba yin no/ /mi tshangs par spyod pa zhes bya ba ni gnyis kyis gnyis sprod pa'o/ /'khrig pa zhes bya ba ni mi tshangs par spyod pa gang yin pa de nyid 'khrig pa yang yin no/ /chos zhes bya ba 'di ni chos ma yin pa la chos kyi 
sgrar gsungs pa'o/ /bsten na zhes bya ba ni lhag par spyad na'o/ /tha na dud 'gro'i skye gnas su gyur pa dang/ lhan cig kyang rung ste zhes bya ba ni dom dang/ spre'u la sogs pa dang lhan cig tu'o/ /dge slong ma zhes bya ba ni gang la dge slong ma'i dngos po yod par 
gyur pa'o/ /dge slong ma'i dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang bzhi'i las kyis bya ba byed pa nyid dang/ rtog pa nyid dang/ yang dag par rtog pa nyid dang/ mthar phyin par byed pa 
nyid dang/ yang dag par mthar phyin par byed pa dang/ gang zag de'i khas len pa dang/ mngon par khas len pa dang/ phyir mi zlog pa dang/ phyir mi ldog pa dang/ phyir mi 'gog pa nyid dang/ ngag dang/ tshig dang/ tha snyad dang/ skad dang / rjod pa 
dang/ nges pa'i tshig dang/ tshig gi lam dang/ tshig tu rjod pa dang/ ngag gi las dang/ ngag gi rnam par rig byed gang yin pa'o/ /'di zhes bya ba de ni nye bar bstan pa dang/ kun du bstan pa'i tshig bla dgas so/ /phas pham par gyur pa yin gyis 
zhes bya ba ni de tha ma dang/ ltung ba dang/ dman pa dang/ mjug na 'dug pa dang/ tha chad dang/ yid dang mi mthun pa'o/ /yang gang gis ltung ba de byas ma thag tu dge slong mar mi rung bar 'gyur/ dge sbyong du mi rung bar 'gyur/ shAkya'i sras su mi rung/

</font><hr>9-1-49b<br><font size=+1>
dge slong ma'i dngos po las nyams par 'gyur te/ de'i dge sbyong gi tshul zhig pa yin/ nyams pa/ bcom pa/ ltung ba/ phas pham par gyur pa ste/ de'i dge sbyong gi tshul phyir bslang du med par 'gyur ro/ /'di lta ste dper na shing ta la'i mgo bcad na 
sngon por 'gyur du mi rung la 'phel zhing rgyas pa dang yangs par 'gyur du mi rung ba de bzhin du/ dge slong mas gnas de lta bu byas na/ byas ma thag tu dge slong mar mi rung zhes bya ba'i bar du snga ma bzhin no/ /gnas par mi bya'o zhes bya ba ni dge slong ma rnams kyis de dang 
gso sbyong dang/ dgag dbye dang/ gsol ba dang/ gsol ba dang/ gnyis dang/ gsol ba dang/ bzhi'i las nyams su myang bar mi bya zhing/ gang zag bcu gnyis po dag tu sko bas bsko bar mi bya ba ste/ des na gnas par mi bya'o zhes gsungs 
so/ /de la ltung bar ji ltar 'gyur zhe na// //sdom la/ 'ba' zhig dang ni gnas gsum gyis/ /mi la sogs dang lhan cig dang/ /sten la gzhol dang rtsol ba dang/ /myos par byas dang mthus 'dzin pa'o/ /dge slong mas mi tshangs par 
spyod pa 'khrig pa'i chos bsten na phas pham par 'gyur ba'o/ /yang dge slong ma gang zhig mi dang gnas gsum gyis mi tshangs par spyod pa 'khrig pa'i chos bsten na phas pham par 'gyur te/ kha'am/ bshang ba'i lam mam/ mo mtshan du bcug na dge 
slong ma de phas pham par gyur pa yin pas gnas par mi bya'o/ /ji ltar mi dang lhan cig gnas gsum gyis sten par byed pa de bzhin du mi ma yin pa dang/ dud 'gro'i skye gnas su skyes pa dang lhan cig tu bsten na yang thams cad du phas pham par 'gyur ba'o/ /
yang dge slong ma gang zhig sems sten pa la gzhol ba dang/ sten pa la 'bab pa dang/ sten pa la bab par gyur pas mo mtshan bar chad dang bcas pas bar chad dang bcas pa dang/ bar chad dang bcas pas bar chad med pa dang/ bar chad med pas bar 

</font><hr>9-1-50a<br><font size=+1>
chad dang bcas pa dang/ bar chad med pas bar chad med par mi tshangs par spyod pa 'khrig pa'i chos bsten na/ thams cad du phas pham par 'gyur ro/ /de ltar 'dir dge slong gi phas pham pa dang po'i dngos po ji lta ba bzhin du dge slong ma zhes 
brje ba byas te 'dir rgyas par brjod par bya'o/ /bdag gis ni ha cang spros pas 'jigs pa'i phyir ma bris so/ /phas pham par 'gyur ba dang po mdor bsdus pa rdzogs te/ rgyas par ni dge slong gi so sor thar pa dang/ rnam par 'byed pa bzhin no// //sangs 
rgyas bcom ldan 'das 'od ma'i tshal bya ka lan da ka'i gnas na bzhugs so/ /de'i tshe sngon rdza mkhan dge slong nor can rgyal po'i khab na dgon pa'i spyil bu na gnas so/ /de nas sngon rdza mkhan dge slong nor can rgyal po'i khab tu spyod yul du zhugs pa dang/ rgyal po'i khab kyi 
mi ba lang rdzi dang/ phyugs rdzi dag dang/ rtswa thun dag dang/ shing thun dag dang/ lam gyis 'tsho ba dag dang/ lam gol bas 'tsho ba'i mi dag gis spyil bu bcom zhing rnam par dkrugs te rtswa dang/ shing thams cad kyang khyer ro/ /de'i 'og tu sngon rdza 
mkhan dge slong nor can 'ongs pa dang zhes bya ba nas/ de bzhin du sngon rdza mkhan dge slong nor can las glengs nas ma sha ka lnga'am/ ma sha ka lnga las lhag pa zhes bya ba'i bar du'o/ /de nas sangs rgyas bcom ldan 'das kyis byung ba 'di dang/ gleng gzhi 'di 
dang/ dngos po 'di dang/ skabs 'di la gnyi ga'i dge 'dun bsdu ba mdzad do zhes bya ba nas/ gnyi ga'i dge 'dun gyis shes pa dang/ ngas 'dul ba la bslab pa'i gzhi legs par bcas par 'gyur ba zhes bya ba'i bar du'o/ /sangs rgyas bcom ldan 
'das rnams ni mkhyen bzhin du rmed par mdzad pa ste/ mkhyen bzhin du rmed kyi mi mkhyen par ma yin zhes bya ba'i bar du phas pham pa dang po snga ma ji lta ba bzhin du thams cad brjod par bya'o/ /de bzhin du phan yon bcu zhes bya ba'i bar du phas pham pa dang po ji lta ba 

</font><hr>9-1-50b<br><font size=+1>
bzhin du brjod par bya'o/ /yang dge slong ma gang gzhan dag gi grong na 'dug pa'am/ dgon pa na 'dug pa ma byin pa rku ba'i rnam grangs su gtogs pa blangs nas/ ji tsam ma byin par blangs pas de rgyal po'am blon po chen pos bzung nas/ de la 'di skad ces kye 
dge slong ma khyod ni rkun ma'o/ /byis pa'o/ /blun pa'o/ /rku ba'o zhes zer zhing gsod dam/ 'ching ngam/ spyugs kyang rung ste/ dge slong ma de de ltar ma byin par len na/ dge slong ma de yang phas pham par gyur pa yin gyis gnas par mi bya'o/ /yang dge 
slong ma gang zhes bya ba ni dge slong ma bzhi po ming gi dge slong ma dang/ khas 'che ba'i dge slong ma dang/ slong ba'i phyir dge slong ma dang/ nyon mongs pa bcom pa'i phyir dge slong ma las zhes bya ba'i bar du phas pham pa dang po snga ma ji lta ba de bzhin du brjod par bya'o/ /gzhan 
dag gi zhes pa ni skyes pa dang/ bud med dang/ ma ning gi'o/ /grong na 'dug pa'am zhes bya ba ni ra ba'i nang na 'dug pa'o/ /dgon pa na 'dug pa zhes bya ba ni ra ba'i phyi rol na 'dug pa'o/ /ma byin pa zhes bya ba ni de la skyes pa'am bud med dam ma ning gang gis kyang ma byin 
pa'o/ /rku ba'i grangs su gtogs pa zhes bya ba ni ma byin pa gang yin pa de rku ba'i grangs su gtogs pa yang yin no/ /blangs na zhes bya ba ni len na'o/ /ji tsam na ma byin par blangs pas zhes bya ba ni ma sha ka lnga'am/ ma sha ka lnga las lhag pas so/ /de rgyal po'am 
zhes bya ba ni skyes pa'am/ bud med dam/ ma ning yang rung/ rgyal srid la dbang bskur bas dbang bskur bar gyur na/ de dag ni rgyal po yang yin la/ de dag rgyal rigs kyang yin/ de dag spyi bo nas dbang bskur ba yang yin no/ /blon po chen pos zhes bya ba ni de 
las gzhan pa blon po dang/ rtsis mkhan dang/ sna chen po la gtogs pa rgyal srid byed pa gsang tshig mthun pas 'tsho ba gang dag de la brten la 'tsho bar byed pa dag gis so/ /bzung nas zhes bya ba ni bzung nas so/ /de la 'di skad ces kye dge slong ma khyod ni rkun ma'o/ /

</font><hr>9-1-51a<br><font size=+1>
byis pa'o/ /blun pa'o/ /rku ba'o zhes bya ba de dag ni spyo ba'i tshig go/ /zer zhing zhes bya ba ni rjod cing ngo / /gsod dam zhes bya ba ni srog dang bral bar byed pa'o/ /'ching ngam zhes bya ba ni chings ma gsum po lcags las byas pa dang/ shing las 
byas pa dang/ rtswa las byas pa dag gis so/ /spyugs kyang rung zhes bya ba ni yul med par byas kyang rung ste'o/ /dge slong ma zhes bya ba ni gang la dge slong ma'i dngos po yod pa'o zhes bya ba nas de yang zhes bya ba 'di ni nye bar bstan pa dang/ kun du bstan pa'i tshig bla 
dgas so zhes bya ba dang/ gsol ba dang/ gsol ba dang/ gnyis dang/ gsol ba dang bzhi'i las zhes bya ba'i bar du phas pham pa dang po ji lta ba de bzhin du rgya cher brjod par bya'o/ /de la ltung bar ji ltar 'gyur zhe na// //spyi sdom la/ bdag nyid sa 
dang nam mkha' dang/ /sa yi gcal dang bzhon dang gru/ /ston ka 'byung dang chu dang ni/ /rku dang sa gzhi 'tshol ba dang/ /rkang med dang ni gdol pa dang/ /'phyang bar gyur pa tha ma yin/ /sdom la/ bdag nyid dang ni ma byin dang/ /sems dang yongs su 
bzung ba dang/ /'du shes dang ni bzhi pa bzhi/ /lnga pa gnyis su byas pa yin/ /dge slong mas rgyu gsum gyis gzhan gyi yo byad lci ba ma byin par len na phas pham par 'gyur te/ gsum gang zhe na/ bdag nyid kyis dang/ zhal ta byas pas dang/ mngags 
pas so/ /ji ltar bdag nyid kyis she na/ bdag nyid kyis rku ba dang/ bdag nyid kyis rkur 'jug pa dang/ bdag nyid kyis gnas nas gnas su sbed par byed pa ste/ de ltar na bdag nyid kyis so/ /ji ltar zhal ta byas pas she na/ zhal ta byas te rku ba 
dang/ zhal ta byas te rkur 'jug pa dang/ zhal ta byas te gnas nas gnas su sbed par byed pa ste/ de ltar na zhal ta byas pas so/ /ji ltar mngags pas she na/ mngags nas rku ba dang/ mngags nas rkur 'jug pa dang/ mngags nas gnas su 

</font><hr>9-1-51b<br><font size=+1>
sbed par byed pa ste/ de ltar mngags pas so/ /dge slong mas rgyu gsum po de dag gis gzhan gyi yo byad lci ba ma byin par blangs na phas pham par 'gyur ro/ /gzhan yang dge slong mas rgyu gsum gyis gzhan dag gi yo byad lci ba blangs na phas pham par 'gyur te/ gsum 
gang zhe na/ ma byin pa dang/ lci ba dang/ gnas nas gnas su sbed pa'o/ /ji ltar ma byin pa yin zhe na/ skyes pa dang/ bud med dang/ ma ning gang gis kyang ma byin pa ste/ de lta bu ni ma byin pa yin no/ /ji ltar na lci ba yin zhe na/ ma sha ka 
lnga'am/ ma sha ka lnga las lhag pa ste/ de ltar na lci ba yin no/ /ji ltar gnas nas gnas su sbed pa yin zhe na/ gnas gang du bzhag pa'i gnas de nas spos nas gnas gzhan du 'jog par byed pa ste/ de ltar na gnas nas gnas su sbed pa yin no/ /dge slong mas 
rgyu de gsum gyis gzhan gyi yo byad lci ba ma byin par blangs na phas pham pa'i ltung bar 'gyur ro/ /gzhan yang dge slong mas rgyu gsum gyis gzhan gyi yo byad lci ba ma byin par blangs na phas pham par 'gyur te/ gsum gang zhe na/ sems par byed pa dang/ rtsol bar 
byed pa dang/ gnas nas gnas su sbed pa'o/ /de ltar sdom gyi tshigs su bcad pa rgyas par dge slong gi rnam par 'byed pa las ji ltar 'byung ba de bzhin du brjod par bya zhing/ de las dge slong zhes 'byung ba ni dge slong ma'i rnam par 'byed pa 'dir dge slong ma zhes 
bsgyur bar bya'o/ /phas pham par gyur pa gnyis pa rdzogs s+ho// //spyi sdom la/ bran can dang ni ri dgas zlog /bdag nyid dang ni dug dang ni/ /ro langs bsro gang tha ma yin/ /sdom la/ bran can dang ni skyong ba pa/ /mchu can dang ni 
shi ri ka/ /lhung bzed dag dang chos gos dang/ /mngal na gnas dang tshong dpon no/ /sangs rgyas bcom ldan 'das spong byed na chu klung yid 'ong ldan gyi 'gram na sgron shing gi tshal gseb na bzhugs so/ /de na bcom ldan 'das kyis dge slong gi dge 'dun la dge slong dag mi 

</font><hr>9-1-52a<br><font size=+1>
sdug pa sgoms shig /mi sdug pa bsten cing bsgoms la mang du bya ba na 'bras bu chen po dang/ phan yon chen por 'gyur ro zhes mi sdug pa ston pa mdzad cing/ mi sdug pa bsgom pa'i bsngags pa rjod par yang mdzad pas dge slong dag mi sdug pa sgom par byed 
do/ /dge slong dag mi sdug pa sgom pa na lus rul ba 'dis sgyid lug pa dang/ mus byung ba dang/ the tshom za ba dang/ smod par byed pa na mtshon kyang 'byin par byed/ dug kyang za bar byed/ thag pas kyang 'ching bar byed/ g.yang sar yang mchong bar byed cing/ 
'di ltar dge slong gis kyang dge slong la gsod par byed do/ /de nas dge slong zhig lus rul ba 'dis sgyid lug pa dang/ mus byung ba dang/ the tshom za ba dang/ smod par byed cing/ ri dgas zlog dge sbyong sbed ga la ba der song ste phyin nas ri dgas zlog dge sbyong sbed la 'di 
skad ces smras so/ /bzhin bzangs tshur shog /kho bo srog dang phrol cig dang/ kho bo'i lhung bzed dang chos gos gang yin pa de khyod kyi yin par 'gyur ro/ /de nas ri dgas zlog dge sbyong sbed kyis dge slong de srog dang phral nas ral gri khrag gis gos pa khyer te chu klung yid 'ong 
ldan ga la ba der song ste phyin pa dang/ chu klung yid 'ong ldan gyi 'gram du tsog tsog por 'dug ste ral gri khrag gis gos pa 'khru bar byed do/ /de nas bdud kyi ris kyi lha zhig chu klung yid 'ong ldan gyi chu rgyun gyi steng na 'dug nas ri dgas zlog dge sbyong sbed la 'di skad ces smras so/ /
bzhin bzangs legs so legs so/ /'di ltar khyod dge sbyong tshul khrims dang ldan pa/ yon tan dang ldan pa dag ma rgal ba rgal bar byed/ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya 
ngan las 'da' bar byed pa ni khyod la bsod nams mang du skye bar 'gyur zhing/ de dag gi lhung bzed dang/ chos gos gang yin pa de khyod kyir 'gyur ba 'di yang khyod kyi rnyed pa lhag pa yin no/ /de nas ri dgas zlog dge sbyong sbed 'di snyam du gang bdag dge sbyong tshul 

</font><hr>9-1-52b<br><font size=+1>
khrims dang ldan pa/ yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni bden te/ bdag la 
bsod nams mang du skye zhing/ de dag gi lhung bzed dang/ chos gos gang yin pa de bdag gir 'gyur ba de yang/ bdag gi rnyed pa lhag pa yin no snyam du rgya cher sdig pa can gyi lta ba'i rnam pa thob par gyur to/ /de nas ri dgas zlog dge sbyong sbed ral gri rnon po mchan khung 
du bcug ste/ kun dga'i ra ba nas kun dga'i ra ba dang/ gtsug lag khang nas gtsug lag khang dang/ khang khyim nas khang khyim dang/ 'chag sa nas 'chag sa dang/ lam gol bar rjes su rgyu ba na dge slong de dang de dag mthong nas 'di skad ces smras so/ /
dge sbyong tshul khrims dang ldan pa/ yon tan dang ldan pa ma rgal ba rnams brgal bar bya ba/ ma grol ba grol bar bya ba/ dbugs ma phyin pa dbugs dbyung bar bya ba/ yongs su mya ngan las ma 'das pa yongs su mya ngan las 'da' bar bya ba gang yin/ de nas 
dge slong zhig rnag gi lus 'dis sgyid lug pa dang/ mus byung ba dang/ the tshom za ba dang/ smod pa na gnas nas phyir byung ste ri dgas zlog dge sbyong sbed la 'di skad ces smras so/ /bzhin bzangs bdag ma rgal ba yin gyis sgrol cig /bdag ma grol ba yin 
gyis khrol cig /bdag dbugs ma phyin pa yin gyis dbugs phyung shig /bdag yongs su mya ngan las ma 'das pa yin gyis yongs su mya ngan las zlos shig /de nas ri dgas zlog dge sbyong sbed kyis dge slong de srog dang bral bar byas te/ de bzhin du gnyis dang/ 
gsum nas dge slong drug bcu'i bar dag srog dang bral bar byas so/ /de'i tshe dge slong dag nyung ngur gyur/ nyams par gyur/ rnga rngor gyur cing dge slong gi dge 'dun srabs par gyur to/ /de nas bcom ldan 'das de nyid kyi bcwa lnga'i gso sbyong la dge slong gi dge 

</font><hr>9-1-53a<br><font size=+1>
'dun gyi gung la gdan bshams pa nyid la bzhugs so/ /bzhugs nas bcom ldan 'das kyis 'khor thams cad la rnam par gzigs te/ tshe dang ldan pa kun dga' bo la bka' stsal pa/ kun dga' bo gang gis da ltar dge slong dag 
nyung ngur gyur/ nyams par gyur/ rnga rngor gyur cing dge slong gi dge 'dun srabs par gyur pa'i rgyu ni gang yin/ rkyen ni gang yin/ btsun pa da ltar bcom ldan 'das dge slong gi dge 'dun la dge slong dag mi sdug pa sgoms shig /mi sdug pa bsten 
cing goms par byas lan mang du byas na 'bras bu chen po dang phan yon chen por 'gyur ro zhes mi sdug pa ston par mdzad cing/ mi sdug pa bsgom pa'i bsngags pa brjod par yang mdzad do zhes bya ba nas gsad par mi bya'o/ /bdag nyid dam gzhan gsod du 'jug 
na ste/ gso sbyong bcwa lnga pa de nyid la bslab pa bcas so zhes bya ba'i bar du rgya cher brjod par bya ste/ de nyid las glengs nas ji ltar dge slong gi rnam par 'byed pa bzhin du rgya cher bya'o/ /de nas bcom ldan 'das kyis byung ba de nyid dang/ gleng gzhi de nyid dang/ 
dngos po de nyid dang/ skabs de nyid kyis gnyi ga'i dge 'dun bsdu ba mdzad de/ nga'i nyan thos rnams kyis don de shes pa dang/ ngas bslab pa'i gzhi legs par bcas par 'gyur ba'i bar phas pham pa dang po ji lta ba bzhin du rgya cher brjod par bya'o/ /yang 
dge slong ma gang zhig mi'am/ mir chags pa la bsams bzhin du rang gi lag dar te srog bcad dam/ de la mtshon byin nam/ de la mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di 
skad ces mi khyod 'tsho ba sdig pa/ mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing sems kyi 'dod pa dang/ sems kyi kun du rtog pa dag gis rnam grangs du mas de 'chir bcug gam/ de la 'chi ba'i bsngags pa brjod 

</font><hr>9-1-53b<br><font size=+1>
la/ de yang rtsom pa des shi bar gyur na dge slong ma de yang phas pham par gyur pa yin pas gnas par mi bya'o/ /yang dge slong ma gang zhig ces bya ba ni/ dge slong ma rnam pa bzhi po ming gi dge slong ma dang/ khas 'che ba'i dge slong ma dang/ slong 
ba'i phyir dge slong ma dang/ nyon mongs pa bcom pa'i phyir dge slong ma zhes bya ba'i bar phas pham pa dang po snga ma ji lta bar snga ma bzhin du brjod do/ /mi'am zhes bya ba ni gang gis ma'i ltor dbang po drug po 'di lta ste/ mig gi dbang po dang/ rna ba'i dbang po dang/ 
sna'i dbang po dang/ lce'i dbang po dang/ lus kyi dbang po dang/ yid kyi dbang po thob par gyur pa'o/ /mir chags pa la zhes bya ba ni gang gis ma'i ltor dbang po gsum po 'di lta ste/ lus kyi dbang po dang/ srog gi dbang po dang/ yid kyi dbang po thob 
par gyur pa la'o/ /bsams bzhin du zhes bya ba ni rnam par brtags nas so/ /rang gi lag dar nas zhes bya ba ni bdag nyid kyi lag gis so/ /srog bcad dam zhes bya ba ni srog bcad par gyur na'o/ /de la mtshon byin nam zhes bya ba ni ral gri'am/ 
spu gri'am/ chu gri'o/ /de la mtshon thogs pa gnyer tam zhes bya ba ni skyes pa'am/ bud med dam/ ma ning ngo / /de 'chir bcug gam zhes bya ba ni 'chir gzhug pa'i gang zag ni rnam pa gsum ste/ nad pa dang/ tshul khrims 'chal pa 
dang/ tshul khrims dang ldan pa'o/ /nad pa la ji lta zhe na/ 'di ltar dge slong ma de dge slong ngam/ dge slong ma nad pa la chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba 'ga' zhig 
'dod pa'i phyir de 'di snyam du sems te/ 'di ji srid gson pa de srid du bdag gis thob par mi 'gyur gyis bdag de'i drung du song la 'chir gzhug go snyam nas/ de de'i drung du song ste 'di skad ces tshe dang ldan pa ni na ba/ sdug bsngal ba/ na tshabs che ba yin pas/

</font><hr>9-1-54a<br><font size=+1>
tshe dang ldan pa ji srid yun ring du 'tsho ba de srid du sdug bsngal ba/ mi bzad pa/ rtsub pa/ tsha ba/ yid du mi 'ong ba dag nyams su myong bar 'gyur ro zhes smras pa na/ des de la 'di skad ces 'o na kho bos ji ltar bya zhes pa de'i tshe tshur 
shog /khyod kyis bdag nyid thong shig /bdag nyid sod cig /bdag nyid srog dang bral bar byed du chug shig ces smras la/ gal te nad pa de bdag nyid gtong bar byed dam/ bdag nyid gsod par byed dam/ bdag nyid srog dang bral bar byed du 
'jug na phas pham par 'gyur ro/ /gal te nad pa de 'di snyam du de de skad ces zer mod kyi/ 'on kyang 'tsho ba ni rnyed par dka'o/ /bdag nyid gsod pa ni nus par dka' bas bdag gis bdag nyid mi gtong ngo / /bdag gis bdag nyid mi gsod do/ /bdag gis 
bdag nyid srog dang bral bar byed du mi gzhug go snyam bsams nas/ gal te bdag nyid gtong bar mi byed/ bdag nyid gsod par mi byed/ bdag nyid srog dang bral ba byed du mi 'jug na/ 'chir bcug pa'i sbyor ba snga ma de nyid kyis nyes pa sbom por 
'gyur ro/ /gal te de de skad smras pas bdag ni 'di lta ste/ byis pa/ blun pa/ mi gsal ba/ mi mkhas pa yin pas bdag gis gya tshom dang/ byung rgyal du so sor ma brtags pa'i tshig smras so snyam du 'gyod par gyur nas de de'i gan du 
song ste 'di skad ces bdag gis khyod la bdag nyid srog dang bral bar gyis shig ces smras mod kyi/ 'on kyang khyod bdag nyid kyi srog gtong bar ma byed cig /de ci'i phyir zhe na/ gal te khyod kyis rjes su mthun pa'i sman so sor bstan pa dang/ kha zas 
'phrod pa dag dang/ nad g.yog tshul bzhin du byed pa dag gis bsnyen bkur byas par gyur pa de lta na ring po mi thogs par bde ba dang/ nad med pa dang/ stobs dang ldan par gyur nas gang du dga' bar 'gro bar 'gyur ba'i gnas skabs de lta bu yod do zhes 

</font><hr>9-1-54b<br><font size=+1>
smras la/ gal te de de lta bur bzlog pas bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jug kyang 'chir bcug pa'i sbyor ba snga ma de nyid kyis nyes pa sbom por 'gyur ro/ /gal te nad pa de 'di snyam du de de 
skad ces zer mod kyi/ 'on kyang tshor ba rnam pa 'di lta bur tshor ba/ sdug bsngal ba/ mi bzad pa/ rtsub pa/ tsha ba/ yid du mi 'ong ba nyams su myong ba sus bzod kyis bdag nyid kyis bdag nyid srog dang bral bar bya'o snyam du bsams nas/ gal te bdag 
nyid gtong bar byed/ bdag nyid gsod par byed/ bdag nyid srog dang bral bar byed du 'jug na/ 'chir bcug pa'i sbyor ba snga ma de nyid kyis nyes pa sbom por 'gyur te/ nad pa la ni de lta bur ro/ /tshul khrims 'chal pa la ji lta bur zhe na/ 'di ltar dge slong 
ma de dge slong ngam/ dge slong tshul khrims 'chal pa'i dge sbyong gi 'tsho ba'i yo byad 'ga' zhig 'dod pa'i phyir de 'di snyam du sems te/ 'di ji srid gson pa de srid kyi bar du bdag gis thob par mi 'gyur bas bdag de'i drung du song la 'chir gzhug go snyam nas zhes bya ba'i bar 
du snga ma bzhin no/ /de de'i drung du song ste 'di skad ces khyod ni tshul khrims 'chal pa sdig pa'i chos can/ lus kyis nyes par spyad pa dang ldan pa/ ngag dang yid kyis nyes par spyod pa dang ldan pa dang/ khong rul ba nas 'dzag pa/ rtswa ltar gsog tu gyur pa/ lung 
bong ltar kun du spyod pa/ dge sbyong ma yin par dge sbyong du khas 'che ba/ tshangs par spyod pa ma yin par tshangs par spyod par khas 'che ba/ khyod ji srid du yun ring du gson pa de srid kyi bar du bsod nams ma yin pa mang du 'phel bar 'gyur la/ de'i 'og tu sems 
can dmyal ba rnams su tshor ba shin tu sdug bsngal ba/ shin tu mi bzad pa/ shin tu rtsub pa/ lhag par tsha ba/ lhag par yid du mi 'ong ba nyams su myong bar 'gyur ro zhes smras pa na des de la 'di skad ces 'o na kho bos ji ltar bya zhes zer ba de'i tshe des de la 

</font><hr>9-1-55a<br><font size=+1>
tshur shog /khyod kyis bdag nyid thong shig /bdag nyid sod cig /bdag nyid srog dang bral bar byed du chug shig /khyod shi dang bsod nams ma yin pa'i rnam pa mang po 'di lta bu 'phel bar mi 'gyur la/ tshor ba sdug 
bsngal ba'i rnam pa mi bzad pa/ rtsub pa/ tsha ba yid du mi 'ong ba de lta bu nyams su myong bar mi 'gyur ro zhes smras la/ des de skad smras pas de bdag nyid gtong ngam/ bdag nyid gsod dam/ bdag nyid srog dang bral bar byed du 'jug na 'chir bcug pa 
de nyid kyis pham par 'gyur ro/ /gal te de 'di snyam du 'di ltar de 'di skad ces zer mod kyi/ 'on kyang 'tsho ba ni rnyed par dka' ba'o/ /bdag nyid gsod pa ni nus par dka' ba yin pas bdag gis bdag nyid mi gtang ngo / /bdag gis bdag nyid mi gsad do/ /
bdag gis bdag nyid srog dang bral bar byed du mi gzhug go snyam du bsams nas/ gal te de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jug na yang 'chir bcug pa'i sbyor ba snga ma de nyid kyis nyes pa sbom 
por 'gyur ro/ /gal te de de skad smras pas bdag ni 'di ltar byis pa blun pa/ mi gsal ba/ mi mkhas pa yin pas bdag gis gya tshom dang byung rgyal du smras/ bdag gis ma brtags pa'i tshig smras so snyam du 'gyod par gyur nas/ de de'i gan du song 
nas 'di skad ces bdag gis khyod la bdag nyid srog dang bral bar gyis shig ces smras mod kyi/ 'on kyang khyod bdag nyid srog dang bral bar ma byed cig /de ci'i phyir zhe na/ gal te khyod kyis dge ba'i bshes gnyen 'ga' zhig mgu bar byas na khyod kyi lus kyi 
las kyi kun du spyod pa yongs su ma dag pa gang yin pa las bslang ste dge ba'i las la 'jog par 'gyur ro/ /ngag dang yid kyi las mi dge ba las bslang ste ngag dang yid kyi las dge ba la rab tu 'jog par 'gyur ro/ /de ltar khyod kyi lus dang/ ngag dang/ yid kyi 

</font><hr>9-1-55b<br><font size=+1>
legs par spyod pa dang ldan na lus zhig nas bde 'gro mtho ris kyi 'jig rten lha rnams kyi nang du skye bar 'gyur ba de lta bu'i gnas skabs yod par 'gyur ro zhes smras la/ gal te de skad ces smras pas de bdag nyid gtong bar mi byed/bdag nyid gsod par mi byed/ 
bdag nyid srog dang bral ba byed du mi 'jug kyang 'chir bcug pa'i sbyor ba snga ma de nyid kyis nyes pa sbom por 'gyur ro/ /gal te 'di snyam du 'di ltar de skad ces zer la bdag ji srid du gson par gyur pa de srid kyi bar du bdag las bsod nams ma yin pa mang du skye 
bar 'gyur la/ ji srid du bdag las bsod nams ma yin pa skyes pa de srid du sems can dmyal ba rnams su sdug bsngal lhag par rgya che ba dang/ lhag par yun ring ba myong bar 'gyur bas gdon mi za bar bdag nyid srog dang bral bar bya'o/ /'di ltar 
bdag nyid gtang bar bya'o/ /bdag nyid gsad par bya'o/ /bdag nyid srog dang bral bar bya'o snyam du bsams nas/ gal te bdag nyid gtong bar byed dam/ bdag nyid gsod par byed dam/ bdag nyid srog dang bral bar byed na/ 'chir bcug pa'i 
sbyor ba snga ma de nyid kyis nyes pa sbom por 'gyur te/ tshul khrims 'chal pa la ni de lta bur ro/ /tshul khrims dang ldan pa la ji lta bur zhe na/ 'di ltar yang dge slong ma de dge slong ngam dge slong ma yon tan dang ldan pa la dge sbyong gi 'tsho ba'i yo byad 'ga' zhig 
'dod pa'i phyir zhes bya ba snga ma bzhin no/ /de de'i drung du song nas 'di skad ces khyod ni tshul khrims dang ldan pa/ dge ba'i chos can/ yon tan phun sum tshogs pa du ma dang ldan pas khyod yul gzhan du song na yang lo legs pa yin/ mtho ris ni dar gyis chod pa tsam/ 
thar pa ni yol bas bsgribs pa tsam ste lus zhig na yang lha rnams kyi nang du skye bar 'gyur ro/ /khyod mtho ris su skyes nas kyang lha'i gos dang/ do shal dang/ se mo dos lus brgyan par 'gyur/ lha'i bdud rtsis lus tshim par 'gyur/ lha'i bde ba nyams su 

</font><hr>9-1-56a<br><font size=+1>
myong bar 'gyur ro/ /zhes smra la/ gal te des de la 'o na kho bos ji ltar bya zhes zer ba'i tshe des de la tshur shog /bdag nyid thong shig /bdag nyid sod cig /bdag nyid srog dang bral bar gyis shig ces smras la/ gal te de de skad 
smras pas ji ste bdag nyid srog dang bral bar byed na 'chir bcug pa'i phyir phas pham par 'gyur ro/ /gal te tshul khrims dang ldan pa de 'di snyam du 'di ltar de yang de skad ces zer mod kyi 'on kyang gson pa ni rnyed par dka'o/ /bdag nyid gsod pa ni nus par dka' 
bas bdag gis bdag nyid mi gtang ngo / /bdag gis bdag nyid mi gsad do/ /bdag gis bdag nyid srog dang bral bar mi bya'o snyam du bsams nas/ gal te bdag nyid gtong bar mi byed/ bdag nyid gsod par mi byed/ bdag nyid srog dang 
bral bar mi byed na yang 'chir bcug pa'i sbyor ba snga ma de nyid kyis nyes pa sbom por 'gyur ro/ /gal te de de skad ces smras pas 'gyod par gyur nas/ de'i gan du song ste 'di skad ces tshe dang ldan pa shes par gyis shig /'di ltar byis pa/ blun pa/ 
mi gsal ba/ mi mkhas pa yin pa/ bdag gis gya tshom dang byung rgyal du bdag gis ma legs pa zhig smras kyis/ khyod bdag nyid ma gtong zhig /bdag nyid ma gsod cig /bdag nyid srog dang bral bar ma byed cig /de ci'i phyir zhe na/ 
tshe dang ldan pa ni tshul khrims dang ldan pa/ dge ba'i chos can/ yon tan du ma dang ldan pa/ khyod yun ring du gson dang/ khyod yun ring du gson pas bsod nams mang po skye bar 'gyur ro/ /'di ltar khyod kyis de ltar byas na yun ring du lha rnams kyi 
nang du bde ba rgya che ba myong bar 'gyur ro zhes smras la/ gal te de de ltar bzlog pa na ji ltar bdag nyid srog dang bral bar mi byed na/ 'chir bcug pa'i sbyor ba snga ma de nyid kyis nyes pa sbom por 'gyur ro/ /gal te de 'di snyam du 'di ltar de yang de skad ces zer 

</font><hr>9-1-56b<br><font size=+1>
mod kyi/ 'on kyang bdag ni tshul khrims dang ldan pa mang du thos pa/ dge ba'i chos can/ yon tan du ma dang ldan pas bdag yul gzhan du song na lo legs pa yin/ mtho ris ni dar gyis chod pa tsam/ thar pa ni yol bas bsgribs pa tsam ste/ lus 
zhig nas lha rnams kyi nang du skye bar 'gyur ro snyam du bsams nas/ de bdag nyid gtong bar byed/ bdag nyid gsod par byed/ bdag nyid srog dang bral bar byed na 'chir bcug pa'i sbyor ba snga ma de nyid kyis nyes pa sbom por 'gyur ro/ /tshul khrims dang ldan pa 
la ni de ltar ro/ /des na 'chir bcug gam zhes gsungs so/ /de la 'chi ba'i bsngags pa brjod kyang rung ste zhes bya ba ni 'chi bar mngon par dga' ba'i mdun du 'chi ba'i bsngags pa brjod pa'o/ /de la 'di skad ces/ kye mi khyod ces bya ba ni bod pa'i tshig dag yin no/ /
'tsho ba sdig pa mi gtsang ba ngan pa 'dis ci zhig bya/ kye mi khyod gson pas shi bla'o zhes bya ba de dag ni smad pa'i tshig yin no/ /zer zhing zhes bya ba ni brjod cing ngo / /gzhan yang rgyas par phas pham par gyur pa dang po ji lta ba bzhin du brjod par bya'o/ /gnas par mi bya'o 
zhes bya ba ni dge slong ma rnams kyis de dang lhan cig tu gsol ba dang/ gsol ba dang/ gnyis dang/ gsol ba dang bzhi'i las nyams su myang bar mi bya/ dge slong mas las bcu gnyis dag tu bsko bar mi bya ba ste/ des na gnas par mi bya'o zhes gsungs so/ /
de ltar na 'di ni phas pham par gyur pa gsum pa yin par dge slong ma'i 'dul ba la brjod par bya'o/ /gzhan ni dge slong gi 'dul ba ji lta ba de bzhin du brjod do/ /phas pham par gyur pa gsum pa rdzogs so// //sangs rgyas bcom ldan 'das yangs pa 
can na spre'u rdzing gi 'gram na khang pa brtsegs pa'i khang bzangs na bzhugs so/ /de'i tshe nya pa lnga brgya 'tsho ba'i don la chu klung yid 'ong ldan la rten cing 'khod do/ /de dag la rgya mo spyod pa dang/ spyod pa chen po zhes bya ba gnyis shig yod pa las de dag lan 'ga' ni rgya 

</font><hr>9-1-57a<br><font size=+1>
mo spyod pa 'jud par byed/ lan 'ga' ni spyod pa chen po 'jud par byed do/ /gang gi tshe nya dag nyo ba med pa de'i tshe ni rgya mo spyod pa 'jud par byed la/ gang gi tshe ni nya dag nyo ba yod pa de'i tshe ni spyod pa chen po 'jud par byed do/ /ji tsam dus gzhan zhig na 
yangs pa can du dus ston byung nas de dag gis rgya mo gnyis ka bcug ste/ nyis brgya lnga bcus ni rgya mo spyod pa bcug /nyis brgya lnga bcus ni spyod pa chen po bcug go/ /gang dag gis rgya mo spyod pa bcug pa de dag gis ni nya dang/ rus sbal dang/ sbal pa dang/ 
chu srin byis pa gsod pa dang/ nya kyi ba la sogs pa mang po dag 'di lta ste/ dper na til dang/ 'bras dang/ 'bras thug po che dang/ rgya shug dang/ rgya sran la sogs pa bzhin du phung po chen por spungs so/ /gang dag gis rgya mo spyod pa chen po bcug 
pa de dag gis ni rgya mtsho chen po nas chu klung yid 'ong ldan du zhugs pa chu srin chen po nya'i rigs bong tshod chen po nyal ba zin nas de dag gis de drang bar brtsams so/ /de dag gis drangs pa nas de sad nas nya pa nyis brgya lnga bcu po de dag dang rgya mo spyod pa chen po khyer te rgyun phyogs 
su zhugs so/ /nya pa de dag gis nya pa nyis brgya lnga bcu po gzhan dag la/ grogs po dag rgya mo spyod pa chen po dang bdag cag khyer gyis ra mda' zlog ces byas so/ /de dag gis thos nas nya pa nyis brgya lnga bcu po gzhan de dag kyang lhags te de nyid la rub pa dang 
de dag kyang khyer ro/ /de nas de'i 'og tu sa phyogs mthon por 'dug ste bos pa dang/ de nas phyugs rdzi dang/ ba lang rdzi la sogs pa 'ongs nas 'bad pa chen pos phyung ba dang/ chu srin nya'i rigs ri bo brtsegs pa 'dra ba/ mgo bo bco brgyad dang mig 
sum bcu rtsa drug yod pa phyung ngo / /ji tsam na skye bo'i tshogs chen po 'ongs te lhags pa dang/ ston pa drug po ston pa ma yin par ston par khas 'che ba/ thams cad mkhyen pa ma yin par thams cad mkhyen par khas 'che ba/ drug po gang dag yin zhe na/ 'di lta 

</font><hr>9-1-57b<br><font size=+1>
ste/ 'od srung rdzogs byed dang/ kun du rgyu gnag lhas kyi bu dang/ smra 'dod kyi bu mo'i bu yang dag rgyal ba can dang/ mi pham skra'i la ba can dang/ ka t+ya'i bu nog can dang/ gcer bu pa gnyen gyi bu dag ste/ ston pa ma yin par ston par khas 'che ba drug 
po 'di dag kyang de'i tshe ltad mo la lhags so/ /de'i bar du yang sangs rgyas bcom ldan 'das la ni mi mkhyen pa dang/ ma gzigs pa dang/ ma rig pa dang/ rnam par mi mkhyen pa ci yang mi mnga' ba'i sangs rgyas bcom ldan 'das chos nyid kyis 'tsho zhing gzhes 
la bzhugs pa/ thugs rje chen po dang ldan pa/ gzhan la phan par zhugs pa/ dge ba'i spyod pa la mi g.yo ba/ pha rol gnon pa'i brtson 'grus brtan pa/ nyag gcig dpa' ba/ bsrung ba gcig pu pa gnyis su med pa/ gnyis su mi 
gsung ba/ zhi gnas dang lhag mthong la gnas pa/ rig pa gsum gsal bar mdzad pa/ bslab pa gsum la legs par bslabs pa/ dul ba'i gzhi gsum la mkhas pa/ lam gsum spangs pa/ khams gsum gyi 'dod chags dang bral 
ba/ mi 'jigs pa bzhis bsnyengs pa med pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ yan lag lnga spangs pa/ 'gro ba 
lnga las yang dag par 'das pa/ pha rol du phyin pa drug yongs su rdzogs pa/ yan lag drug dang ldan pa/ rtag tu gnas par bya ba drug gis gnas pa/ byang chub kyi yan lag bdun gyi me tog gis phyug pa/ 'phags pa'i lam yan lag brgyad ston pa/ mthar 
gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad du 'phags pa rnams kyi chos nyid ni nyin lan gsum mtshan lan gsum sangs rgyas kyi 

</font><hr>9-1-58a<br><font size=+1>
spyan gyis 'jig rten la rnam par gzigs nas su ni nyams par gyur/ su ni 'phel bar gyur/ su ni gnod par gyur/ su ni nyam nga bar gyur/ su ni gnod pa dang/ nyam nga ba dang mi bde bar gyur/ gang gi dge ba'i rtsa ba ma bskyed pa ni 
bskyed par bya/ gang gi dge ba'i rtsa ba bskyed pa rnams ni yongs su smin par bya/ gang gi dge ba'i rtsa ba yongs su smin pa rnams ni thar bar bya/ gang zhig 'phags pa rnams kyi nor gyi dbyig dang bral ba ni 'phags pa'i nor gyi dbang phyug la gzhag par bya/ gang ni mi'i 'bras 
bu la gnas/ gang ni sangs rgyas kyis 'dul/ gang ni nyan thos kyis 'dul/ gang ni sangs rgyas dang nyan thos kyis 'dul/ gang ni 'dod chags la spyod/ gang ni zhe sdang la spyod/ gang ni gti mug la spyod/ gang ni 'dod chags dang/ zhe sdang dang/ 
gti mug la spyod/ gang ni nyes pa rnams kyis gnod par gyur/ gang ni ngan song la gzhol/ gang ni ngan song la 'bab/gang ni ngan song la bab/ ngas gang ni ngan song las bslang ste mtho ris dang/ 'bras bu la rab tu gzhag par bya/ nyes par spyod pa'i 
'dam du bying ba gang gi lag nas ni drang bar bya/ gang gis sangs rgyas 'byung bas brgyan pa'i 'jig rten ni 'bras bu dang bcas par bya zhes mkhyen pa dang gzigs pa 'jug go/ /yang smras pa/ rgya mtsho chu srin rnams kyi gnas/ /dus las 'da' bar 'gyur srid 
kyi/ /gdul bya la byams sangs rgyas ni/ /dus las 'da' bar mi mdzad do/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun 
mkhyen rgyud la mnga' ba'i thugs rje yi/ /ba bzhon gdul bya'i bu tshol mi skyo ste/ /srid dang ngan 'gros nyams la byams pa ni/ /be'u sdug stor la byams pa'i ba bzhon bzhin/ /de nas bcom ldan 'das kyi ye shes gzigs pa sgrib pa mi mnga' ba'i spyan/ sangs 

</font><hr>9-1-58b<br><font size=+1>
rgyas kyi spyan gyis gzigs/ kun du gzigs nas dgongs pa/ chu srin nya'i rigs ngan song la gzhol ba/ ngan song la 'bab pa/ ngan song la bab pa sngon gyi sangs rgyas dag la bya ba lhag par byas pa yin yang/ da ltar sangs rgyas 'byung ba dang bral bar gyur 
pa/ lo stong phrag mang por sems can dmyal ba rnams su sdug bsngal myong bar gyur pa yin gyis/ ngas chu srin nya'i rigs 'di la brten te gdul bya'i tshogs chen po drang bar bya/ sems can rnams kyang las bdag gir bya bar mngon sum du byas/ de'i phyir chu klung 
yid 'ong ldan gyi 'gram du gshegs so snyam du dgongs so/ /sangs rgyas bcom ldan 'das rnams ni chos nyid kyis gdul ba'i skye bo rnams la thugs brtse ba yin pas dus dus su sems can dmyal bar rgyur gshegs pa dang/ dud 'gro'i nang du rgyu ba dang/ yi 
dgas kyi nang du rgyu ba dang/ lha'i nang du rgyu ba dang/ ljongs rgyur gshegs so/ /dus dus su ri dang/ dur khrod dang/ chu klung dang/ gtsug lag khang du rgyur gshegs so/ /don 'dir ni sangs rgyas bcom ldan 'das chu klung du rgyur gshegs par 
bzhed de/ 'dzum pa mdzad nas zhes bya ba'i bar nas/ tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa chu klung du rgyur gshegs par bzhed kyis khyed cag las gang de bzhin gshegs pa 
dang thabs cig tu chu klung du 'gro bar spro ba des chos gos dag long shig ces sgo shig ces bya ba nas ser skya'i gleng gzhi 'di rgyas par brjod par bya'o/ /nya pa lnga brgya zhes bya ba nas 'phags pa shA ri'i bus tshigs su bcad pa smras pa/ de bzhin gshegs rnams 
rigs dang ni/ /rus dang khyim la'ang rtog mi mdzad/ /yun ring byas par gyur pa yi/ /las rnams la ni yongs rtog mdzad/ /ces bya ba'i bar dang/ bcom ldan 'das la phul ba dang/ bcom ldan 'das kyis dge slong tshur shog ces bya bas rab tu 

</font><hr>9-1-59a<br><font size=+1>
phyung ba'i bar dang/ yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing/ /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /
zhes bya ba'i bar du'o// //dge slong ma'i 'dul ba rnam par 'byed pa/bam po bzhi pa/ sangs rgyas bcom ldan 'das dge slong gi dge 'dun dang yang thabs cig tu yangs pa can na 'od ma can gyi grong khyer na bzhugs so/ /de'i tshe mu ge nyam nga ba/ 
dgon pa/ slong mo pa rnams kyis zas rnyed par dka' ba zhes bya ba nas slong mo pa dag lta la smos kyang ci dgos zhes bya ba'i bar du'o/ /de nas bcom ldan 'das kyis dge slong rnams la bka' stsal pa/ dge slong dag da ltar mu ge zhes bya ba nas slong mo pa rnams 
kyis zas rnyed par dka' ba zhes bya ba'i bar dang/ dge slong dag khyed cag tshur shog /smos 'drin ji lta ba dang/ phebs par smra ba ji lta ba dang/ 'grogs bshes ji lta bas yangs pa can gyi nyen kor 'di nyid du dbyar gnas par khas long shig /nga yang 'od ma can 
gyi nyen kor drung 'di nyid du zhabs 'bring ba dge slong kun dga' bo dang dbyar gnas kyis thams cad du bsod snyoms kyis nyon mongs par gyur na mi rung ngo zhes bya ba nas/ dge slong dag chu klung yid 'ong ldan gyi 'gram na nye du yod pa'i gan du song ste/ chu klung yid 'ong ldan gyi 'gram du 
brten nas dbyar gnas par khas blangs so zhes bya ba nas/ nye du rnams kyi mdun du yon tan bsgrag par bya'o zhes bya ba'i bar du'o/ /'dus pa dang/ 'dus pa chen po gnyis te/ gcig ni dbyar zla 'bring po'i nya la dbyar nye bar sgrub pa'i tshe'o zhes bya ba'i bar du'o/ /yangs 
pa can gyi grong khyer gyi nyen kor dang/ spong byed kyi grong khyer du dbyar gnas par khas blangs pa'i dge slong rnams dbyar 'das te 'ongs pa dang zhes bya ba'i bar dang/ tshe dang ldan pa kun dga' bos tshig gis bsu ste zhes bya ba'i bar du'o/ /chu klung yid 'ong ldan gyi 'gram nas 'ongs 

</font><hr>9-1-59b<br><font size=+1>
pa rnams la tshig gis bsu ste zhes bya ba nas/ tsho ba dang/ pags pa dang/ sha dang/ khrag gis rgyas pa zhes bya ba'i bar dang/ tshe dang ldan pa kun dga' bos dris pa zhes bya ba nas/ yang dag pa ma yin pas so zhes bya ba'i bar du'o/ /des dge slong rnams la 
smras so/ /dge slong rnams kyis bcom ldan 'das la gsol pa nas/ dge slong dag gsum po 'di dag ni 'jig rten na yod pa'i rkun po yin/ rkun po chen po yin te/ gsum gang zhe na/ dge slong dag 'di na rkun po 'khor brgya dang ldan pa/ 'khor stong dang ldan pa/ 
'khor brgya'am/ stong gi sna la song ste/ khyim 'bigs par byed/ mdud pa 'grol bar byed/ ril gyis 'phrog par byed/ lam sgugs shing 'dug par byed/ mi gtong bar byed/ lam 'joms par byed/ rgyal po'i mdzod rku bar byed/ grong 
'joms par byed/ grong khyer 'joms par byed/ yul 'joms par byed pa 'di ni dge slong dag 'jig rten na yod pa'i rkun po rkun po chen po dang po yin no/ /gzhan yang rkun po rkun po chen po 'khor brgya dang ldan pa yang ma yin/ 'khor stong dang ldan pa yang ma 
yin/ 'khor brgya'am/ stong gi sna la song ste/ khyim 'bigs par mi byed/ mdud pa 'grol bar mi byed ces bya ba snga ma bzhin no/ /'on kyang dge 'dun gyi rtswa'am/ shing ngam/ me tog gam/ 'bras bu'am/ 'od ma'am/ gzhal ba 
gang yang rung ba de btsongs shing btsongs shing 'tsho bar byed pa dang/ des khyim mi gso bar byed pa 'di ni 'jig rten na yod pa'i rkun po rkun po chen po gnyis pa yin no/ /gzhan yang rkun po rkun po chen po 'khor lnga brgya dang ldan pa yang ma yin/ 'khor stong dang ldan pa yang ma 
yin te/ 'khor brgya stong gi sna la song nas zhes bya ba snga ma bzhin no/ /dge 'dun gyi rtswa'am/ shing ngam/ me tog gam/ 'bras bu'am/ 'od ma'am/ gzhal ba gang yang rung ba de btsongs shing btsongs shing 'tsho bar yang mi byed la/ des khyim gyi mi gso 

</font><hr>9-1-60a<br><font size=+1>
bar yang mi byed mod kyi/ 'on kyang mi'i chos bla ma med la med bzhin du smra bar byed pa 'di ni 'jig rten na yod pa'i rkun po rkun po chen po gsum pa yin no/ /dge slong dag rkun po gang 'khor brgya dang ldan pa'am/ 'khor stong dang ldan pa'am/ 'khor 
brgya'am/ stong gi sna la song ste/ khyim 'bigs par byed pa snga ma lta bu ni chung ngu yin no/ /rkun po rnams kyi nang na gang dge 'dun gyi rtswa'am/ shing ngam zhes bya ba snga ma lta bu 'di yang chung ba yin no/ /gang mi'i chos bla ma med la med bzhin du smra ba de ni 'jig 
rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang/ lha dang mir bcas pa'i nang na rkun po rkun po chen po yin no/ /'di na gang zhig dgra bcom ma gyur par/ /bdag nyid dgra bcom yin par khas 'che ba/ /
de ni lhar bcas 'jig rten rkun po ste/ /tshul khrims 'chal pa yin par brjod par bya/ /shes rab 'chal pa lus ni zhig gyur nas/ /sems can dmyal ba dag tu skye bar 'gyur/ /de nas bcom ldan 'das kyis byung ba 'di nyid dang/ gleng gzhi 'di nyid dang/ 
dngos po 'di nyid dang/ skabs 'di nyid la gnyi ga'i dge 'dun bsdu bar mdzad de/ nyan thos ma rnams kyis kun shes pa dang/ ngas bslab pa legs par bcas par 'gyur ro zhes bya ba phas pham par gyur pa dang po ji lta ba de bzhin du bslab pa bcas pa'i bar 
rgya cher brjod par bya'o/ /yang dge slong ma gang zhig mngon par mi shes shing/ yongs su mi shes la/ mi'i chos bla ma mtha' dang/ 'phags pa dang/ khyad par thob pa dang/ shes pa dang/ mthong ba dang/ reg par gnas pa med la med 
bzhin du 'di shes so/ /'di mthong ngo zhes khas 'ches pa las de ltung ba byung ba rnam par dag par 'dod nas/ dus gzhan zhig na dris kyang rung/ ma dris kyang rung/ 'di skad ces tshe dang ldan pa bdag gis ni mi shes pa las shes so zhes smras/ ma mthong bar mthong 

</font><hr>9-1-60b<br><font size=+1>
ngo zhes smras te/ gsob/ gsog /brdzun du smras so zhes zer na mngon pa'i nga rgyal ma gtogs te/ dge slong ma de yang phas pham par gyur pa yin pas gnas par mi bya'o/ /yang dge slong ma gang zhes bya ba ni/ dge slong ma bzhi po dag las zhes bya ba 
nas don gyi skabs 'dir ni gsol ba dang bzhi'i las mi g.yo ba gzhag par 'os pa ma yin pas bsnyen par rdzogs pa gang yin pa de dge slong mar dgongs te zhes bya ba'i bar du snga ma bzhin no/ /mngon par mi shes shing zhes bya ba ci zhig mngon par mi shes pas zhe na/ gzugs 
la sogs pa phung po lnga dag go/ /yongs su mi shes pas zhes bya ba ci zhig yongs su mi shes pas zhe na/ gzugs la sogs pa phung po lnga po de nyid do/ /mi'i chos zhes bya ba ni sgrib pa lnga po dag go/ /bla ma zhes bya ba ni de dag spangs pa gang yin pa'o/ /mtha' zhes bya 
ba ni mya ngan las 'das pa'o/ /'phags pa zhes bya ba ni sangs rgyas bcom ldan 'das rnams dang/ sangs rgyas kyi nyan thos rnams so/ /khyad par thob pa zhes bya ba ni dge sbyong gi 'bras bu bzhi po dag ste/ gang gis thob pa ni khyad par thob pa zhes brjod do/ /shes pa 
zhes bya ba ni sdug bsngal shes pa dang/ kun 'byung ba dang/ 'gog pa dang/ lam shes pa'o/ /mthong ba zhes bya ba ni sdug bsngal mthong ba dang/ kun 'byung dang/ 'gog pa dang/ lam mthong ba'i shes pa'o/ /reg par gnas zhes bya ba ni bsam 
gtan bzhi po dag ste/ 'phags pa'i chos 'dul ba la mthong ba'i chos kho na la reg par gnas pa zhes brjod do/ /med la zhes bya ba ni gzhi de'o/ /med bzhin du zhes pa ni gang zag de la'o/ /'di shes so bya ba ni ci zhig shes she na/ sdug bsngal shes so/ /kun 
'byung dang/ 'gog pa dang/ lam shes so/ /mthong ngo zhes bya ba ci zhig mthong bas she na/ lha rnams mthong ngo / /klu rnams dang/ gnod sbyin rnams dang/ nam mkha' lding rnams dang/ dri za rnams dang/ mi'am ci rnams dang/ lto 'phye 

</font><hr>9-1-61a<br><font size=+1>
chen po rnams dang/ yi dgas rnams dang/ sha za rnams dang/ grul bum rnams dang/ srul po rnams dang/ lus srul po rnams dang/ khas 'ches pa zhes bya ba ni smras pa'o/ /de ltung ba byung ba zhes bya ba ni gzhi de'i 'o/ /rnam par 
dag par 'dod nas zhes bya ba ni rnam par ldang bar 'dod nas so/ /dus gzhan zhig na zhes bya ba ni dus gzhan na'o/ /dris kyang rung zhes bya ba ni gzhan gyis so/ /ma dris kyang rung zhes bya ba ni bdag nyid 'gyod pa dang/ rnam par 'gyod pa dang/ yid la gcags pa 
skyes pas so/ /'di skad ces tshe dang ldan pa bdag gis ni mi shes par shes so zhes smras zhes bya ba ni yid kyi rnam par shes pas so/ /ma mthong bar mthong ngo zhes smras te zhes bya ba ni mig gi rnam par shes pas so/ /gsog /gsob/ brdzun du smras so zhes 
bya ba ni smras pa'i tshig gi rnam grangs so/ /zer na zhes bya ba ni rjod na'o/ /mngon pa'i nga rgyal ma gtogs te zhes bya ba ni mngon pa'i nga rgyal bzhag ste'o/ /dge slong ma zhes bya ba ni gang la dge slong ma'i dngos po yod pa ste snga ma bzhin no/ /de yang zhes bya ba ni nye bar 
bstan pa dang/ kun du bstan pa'i tshig bla dgas yin no/ /ji ltar phas pham par gyur pa dang po der ltung ba brjod pa de bzhin du brjod par bya'o/ /de la ltung bar ji ltar 'gyur zhe na// //sdom la/ 'du shes bsgyur dang dgon pa dang/ /khyim rnams su 
ni stan bkra dang/ /rang gi mtshan nyid 'dzin pa dang/ /bdag nyid nye bar ston pa'o/ /yang dge slong ma gang zhig 'du shes bsgyur cing bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces lha rnams mthong ngo zhes zer na phas 
pham par 'gyur ro/ /de bzhin du klu rnams dang/ gnod sbyin rnams dang/ snga ma bzhin du lus srul po rnams kyi bar du mthong ngo zhes zer na phas pham par 'gyur ro/ /de ltar sdom gyi tshigs bcad 'di yang dge slong gi 'dul ba las dge slong zhes 'byung ba dge slong ma zhes 

</font><hr>9-1-61b<br><font size=+1>
bya bar bsgyur te brjod par bya'o/ /phas pham par gyur pa bzhi pa rdzogs s+ho// //sngon byung ba'i rabs kyi bar sdom la/ 'dod chags chung dang gnyis ka dang/ /mdog bzangs tshangs spyod mngon shes dang/ /phyug dang rigs mthor skyes pa dang/ /
'dod pa chung dang 'od srung ngo / /dge slong rnams the tshom skyes nas the tshom thams cad gcod pa sangs rgyas bcom ldan 'das la gsol pa/ btsun pa 'od srung chen po dang/ ser skya bzang mo dang gnyis 'dod chags chung ba la gzigs su gsol/ bcom ldan 'das 
kyis bka' stsal pa/ dge slong dag da ltar 'ba' zhig tu ma zad de/ 'das pa'i dus na yang zhes bya ba'i bar du'o/ /dge slong dag 'di gnyis kyis las byas shing nye bar bsags pa zhes bya ba'i bar nas rgyas par bya'o/ /dge slong dag sngon 'das pa'i dus na rgyal 
po'i pho brang zhig na zhing pa zhig 'dug pa de nang par sngar langs nas/ rmon pa dang/ gshol blangs te zhing rmed du 'gro kar chung ma la nyi ma shar ba dang g.yar tshus khyer la shog shig ces bsgo'o/ /de'i chung mas g.yar tshus khyer te 'ongs pa dang/ de ma thag tu 
rang sangs rgyas bse ru lta bu zhig kyang 'ongs nas/ de na des de'i rkang pa la phyag 'tshal te langs pa dang/ des smras pa zhes bya ba'i bar dang/ rang sangs rgyas nam mkha' la 'dug go zhes bya ba nas bsod snyoms phul te smon lam dag btab pa/ 'di ltar nyon 
mongs pa kun gyi dbang du gyur pas nongs pa gang bgyis pa de zhes bya ba'i bar nas/ bdag cag gnyis 'dod chags chung bar gyur cig ces bya ba'i bar du'o/ /dge slong dag de'i tshe de'i dus na zhing par gyur pa gang yin pa de ni 'od srung 'di yin no/ /de'i tshe de'i dus na 
zhing pa'i chung mar gyur pa gang yin pa de ni ser skya bzang mo 'di yin te/ de gnyis kyis de'i tshe rang sangs rgyas la bsod snyoms phul nas smon lam btab pa'i phyir 'di gnyis 'dod chags chung bar gyur to zhes bya ba'i bar du'o/ /de'i phyir dge slong dag 'dod chags spang 

</font><hr>9-1-62a<br><font size=+1>
ba'i phyir 'bad par bya'o/ /de ltar na khyed kyis yon tan gyi tshogs rnams bskyed par 'gyur te/ dge slong dag de ltar bslab par bya'o zhes bya ba'i bar du'o/ /yang dge slong rnams zhes bya ba nas tshe dang ldan pa 'od srung chen po dang/ ser skya'i bu mo 
bzang mos las ci zhig bgyis na gang gi slad du gnyis ka rab tu byung bar gyur ces gsol ba'i bar du'o/ /bcom ldan 'das kyis bka' stsal pa/ smon lam gyi dbang gis so/ /gang du lags/ dge slong dag sngon byung ba 'das pa'i dus na grong khyer chen po'i phyi rol gyi grong 
khyer na rdza mkhan gyi dpong sa'i khang pa zhig yod par gyur to/ /sangs rgyas mi bzhugs pa'i tshe na/ rang sangs rgyas phongs pa dang dman pa la snying rje ba/ sems can la phan 'dogs par zhugs pa byung ngo / /de nas rang sangs rgyas zhig rdza mkhan gyi dpong sa'i khang pa gang na ba 
der song ste phyin nas rdza mkhan la 'di skad ces smras so/ /bzhin bzangs gal te khyod la mi bde ba med na dpong sa'i khang pa'i phyogs gcig tu gnas bca'o/ /de skad ces smras pa dang/ rdza mkhan gyis rang sangs rgyas la 'di skad ces smras so/ /'phags pa ci bder 
bzhugs shig /de nas rang sangs rgyas de dpong sa'i khang pa'i phyogs gcig tu rtswa'i gding ba bshams nas/ sbrul gyi rgyal po gnyid log pa'i lus bskyil ba lta bur skyil mo krung bcas nas 'dug go/ /de nas rang sangs rgyas gnyis pa zhig kyang 'ongs te zhes bya ba'i bar 
nas rdza mkhan de las brnyas te dpong sa'i khang pa de nyid kyi grwa gnyis par 'dug go zhes bya ba'i bar du'o/ /gsum pa zhig kyang 'ongs nas grwa gsum par 'dug go zhes bya ba'i bar dang/ de bzhin du bzhi pa zhig kyang 'ongs nas grwa bzhi par 'dug go zhes bya ba'i bar du'o/ /de nas 
nyi ma nub nas nam sros par rig pa dang/ rang sangs rgyas bzhi po de dag nyid me'i khams la snyoms par zhugs pa dang rdza mkhan gyis sgo gseb nas dpong sa'i khang pa de thams cad 'bar/ rab tu 'bar/ kun du rab tu 'bar zhing me lce gcig tu gyur par mthong nas des bsams pa/

</font><hr>9-1-62b<br><font size=+1>
yon gnas 'di lta bu dag byon nas bdag gi dpong sa'i khang pa gang yin par gnas par gyur pa de ni bdag dbang thang che ba dang phan 'dogs pa dang ldan pa yin no snyam mo/ /yang smras pa/ kye ma'o yon gnas byon pa dag /ring mo zhig nas mthong gyur pas/ /'jig 
rten 'di dag pha rol du/ /bdag ni bde ba nyid du 'gyur/ /rang sangs rgyas de dag kyang yon bdag gi dge ba'i rtsa ba bskyed pa'i phyir bsam gtan dang/ rnam par thar pa dang/ ting nge 'dzin dang/ snyoms par 'jug pa dag gis mtshan mo 'das par mdzad nas/ gcig la 
gcig kun dga' bar 'gyur ba rtsom mo/ /de nas rang sangs rgyas de rnams kyis gcig la smras pa/ khyod su zhig /gang du/ ci'i phyir/ ji ltar rab tu byung/ de rnams kyis de skad ces smras pa dang/ des de rnams la 'di skad ces smras so/ /tshe dang 
ldan pa rnams kyis yul ka ling ka na rgyal po rna lag can zhes bya ba byung ba thos sam/ de dag gis smras pa/ thos te gzhan yang bdag cag gis rgyal po rna lag can de ni 'byor pa dang/ yongs su gzung ba rgya che ba bzhon pa glang po che du ma yod do zhes kyang thos so/ /
des 'di skad ces smras so/ /khyed cag gis ji skad thos pa de bzhin mod kyi/ 'on kyang bdag gis ni rgyal srid kyi nyes dmigs mthong nas rab tu byung ngo / /de dag gis smras pa/ khyod kyis rgyal srid kyi nyes dmigs ci zhig mthong nas rab tu byung/ des smras pa/ 
nyes dmigs yod na de yang mi che ba zhig go/ /ji lta bu zhig btsun pa dag nyon cig /bdag 'di na steng gi khang bzangs kyi thog na 'dug pa'i tshe de na bya zhig sha'i dum bu zhig khyer nas nam mkha' la 'phur ba na don de'i phyir de gzhan mang po zhig gis gtses so/ /des 
de bor ba dang gzhan gyis blangs te/ gang gis de bor ba de ni btang la gang gis blangs pa de ni kun nas bskor te/ de ltar phan tshun du 'phrog par byed pa na bdag tshul bzhin yid la byed pa skyes par gyur te/ len pa gang yin pa de ni bcings la 'dor ba gang yin pa 

</font><hr>9-1-63a<br><font size=+1>
de ni gtong bar byed na/ bdag rgyal srid rgyas pa yongs su longs spyod pa 'di'i rgyus bdag dang nyi 'og gi rgyal po dang lhan cig tu 'thab pa dang/rtsod pa dang/ 'gyed par 'gyur bar gdon ma zos te/ bdag ni rgyal srid kyi bde ba des chog go 
snyam nas rgyu de dang/ rkyen de rnyed pas bdag nges par byung ste/ dka' thub kyi nags tshal du yang dag par brten nas/ der bdag gis rang sangs rgyas kyi byang chub mngon sum du byas so/ /yang smras pa/ bya yis sha yi dum bu khyer ba na/ /bya gzhan kun nas bskor zhing 
'brang ba mthong/ /de ltar 'dod pa'i yon tan rig byas te/ /bse ru lta bur gcig pu spyod par gyur/ /de rnams kyis smras pa de'i tshig thos nas gnyis pa la ji ltar rab tu byung zhes dris pa'i bar nas tshe dang ldan pa rnams kyis yul mi thi lar rgyal po gdong ma legs zhes bya 
ba byung ba thos sam zhes bya ba'i bar nas/ steng gi khang bzangs kyi thog na 'dug pa'i tshe zhes bya ba'i bar du'o/ /ji tsam na glang khyu ba gnyis 'dod pa'i rgyus phan tshun snad cing smas pa mthong ba na bdag tshul bzhin yid la byed pa skyes par gyur te/ 'di ltar re zhig dud 
'gro'i skye gnas su gyur pa 'di gnyis kyang 'dod pa'i rgyus phan tshun snad pa dang/ smas par gyur na zhes bya ba'i bar nas/ bdag nyi 'og gi rgyal po dang lhan cig tu 'thab pa dang/ rtsod pa dang/ mtshang 'dru ba dang/ 'gyed pa zhes bya ba'i bar dang/ rab tu byung 
ste rang sangs rgyas kyi byang chub mngon sum du byas so zhes bya ba'i bar du'o/ /yang smras pa/ 'dod pa'i gzhi dang rgyu yi nog g.yo zhing/ /snad dang cig shos smas par gyur mthong ba/ /de ltar 'dod pa'i yon tan rig byas te/ /bse ru lta bur gcig pu spyod par 
gyur/ /de'i tshig kyang thos pa dang/ gsum pa la khyod ga las/ ji ltar rab tu byung zhes dris so/ /des smras pa/ bdag yul bA rA Na sI'i khyer gyi pho brang 'di nyid du rgyal po tshangs byin zhes bya ba nas/ bzhon pa glang po che brgya phrag du ma bdog par gyur 

</font><hr>9-1-63b<br><font size=+1>
to zhes bya ba'i bar du'o/ /de dag gis smras pa/ khyod kyis rgyal srid kyi nyes dmigs ni ci zhig mthong/ 'dod pa la skyon ni ci zhig mthong/ des smras pa/ khyod nyon cig bdag 'di na dgun gyi dus bu yug ldang ba 'das te so ga'i dus la bab pa na/ 
shing rnams kyi me tog ni legs par rgyas/ bung ba rnams 'phur ba'i lang long gis me tog gi mgo lcogs sdug gu rnams ni ldem/ tsan dan bsten pa dang ni rjes su mthun/ khu byug gi sgra ni 'byin/ nags tshal gyi nang na ngang pa dang/ khrung khrung dang/ rma 
bya dang/ ne tso dang/ ri skegs rnams kyi skad 'byin pa na slas kyi btsun mo dang lhan cig tu skyed mos tshal gyi sar song ba na/ der bdag gis a mra'i shing gi me tog shin tu spa ba mthong ba dang/ slas kyi btsun mo de dag me tog la chags pas/ skad cig tu de 
dag yal ga rnams bcag ste bzhag go/ /de la bdag 'di snyam du re zhig phyi rol gyi dngos po 'di dag ni phun sum tshogs pa na mdzes pa yin la/ nyams pa na mi mdzes pa yin na/ bdag gi rgyal srid 'byor pa yongs su longs spyod pa zhes bya ba'i bar lta gdon mi 
za bar snyam du bsams nas rab tu byung ste rang sangs rgyas kyi byang chub mngon sum du byas so/ /yang smras pa/ a mra'i shing rtse me tog legs rgyas pa/ /yid 'ong gzugs ldan chags pa mthong ba na/ /de ltar 'dod pa'i yon tan rig byas te/ /bse ru lta bur 
gcig pu spyod par gyur/ /bzhi pa de la yang dris pa/ khyod su zhig /ji ltar rab tu byung/ des smras pa/ yul brang gis nyal na bdag rgyal po gcer bu thul ces bya bar gyur to zhes bya ba'i bar nas/ steng gi khang bzangs kyi thog tu song ste dga' 
ba'i rtsed mo nyams su myong bar byed cing gnas so/ /de na slas kyi btsun mo zhig gser gyi gdu bus brgyan nas tshon rtsi 'thag go/ /de 'thag pa na sgra byung ba las zhes bya ba'i bar nas/ bdag gis 'di snyam du phyi rol gyi dngos po 'di ni sems med pa yin 

</font><hr>9-1-64a<br><font size=+1>
yang yang dag par brdungs pa na sgra 'byung bar 'gyur na/ bdag gis rgyal srid 'byor pa gang yin pa longs spyad pa zhes bya ba'i bar lta smos kyang ci dgos pas rgyal srid kyis chog go snyam du bsams te/ bdag gis rgyal srid spangs nas nyes pa dang 
skyon chung ngu mthong ba'i rkyen rnyed pas nges par byung ste rab tu byung nas rang sangs rgyas kyi byang chub mngon sum du byas so/ /yang smras pa/ gser mgar gyis ni legs par brdungs pa yi/ /gser gyi 'od gsal lag pa'i mkhrig ma gnyis/ /rdung ba thos pa de 
ltar bdag dang ni/ /gzhan dang lhan cig gzhi ni 'di yi rgyus/ /tshig ngan sna tshogs 'thon cing sems 'khrugs pa/ /de ltar 'dod pa'i yon tan rig byas te/ /bse ru lta bur gcig pu spyod par gyur/ /de ltar de dag gcig la gcig smras nas 'dug go/ /de 
nas rdza mkhan dang chung ma lhan cig tu 'di snyam du bdag nyid chen po 'di dag gis rigs rgyud rgya che ba'i rgyal srid yangs pa yang spangs nas rab tu byung bar gyur na/ bdag cag gis ci'i phyir khyim dang phru rtog dang/ gzar bu dang/ bral brul gyis khyim gyi 'tsho tshis byas pa 
la longs spyod kyi 'du shes 'byung ba'i rnam pa 'di lta bu yongs su spangs nas/ bdag cag ci'i phyir rab tu 'byung bar mi bya snyam du bsams so/ /yang smras pa/ grong dang yul 'khor rigs rgyud 'byor pa'i sa spangs nas/ /chags med sems kyis mi yi 'jig rten 
rgyu byed na/ /bdag cag ci phyir bkren pa'i tshul gyis bsgrubs pa'i yul/ /chu yis khyer ba lta bu mngon du spyod par byed/ /de ltar de dag nam nangs te/ mtshan mo zad nas nam nangs pa dang/ rdza mkhan khyo shug gis zhe sa'i sems bskyed de/ rang sangs 
rgyas de dag spyan drangs nas bsod snyoms phul te zhes bya ba'i bar dang/ de dag steng gi nam mkha' la 'phags so zhes bya ba'i bar nas rdza mkhan khyo shug gis smon lam btab pa/ a la la bdag cag gis sbyin par bya ba'i chos yongs su btang ba dang/ sems bskyed 

</font><hr>9-1-64b<br><font size=+1>
pa'i dge ba'i rtsa ba 'dis nam du yang dbul po'i khyim du skye bar ma gyur cig /bdag cag kyang 'di lta bu'i chos dang ldan pa'i skal ba can du shog shig /bdag cag gis ston pa khyad par du 'phags pa 'di lta bu mnyes par bgyid cing/ mi mnyes par mi bgyid par gyur 
cig ces byas nas/ de gnyis rab tu byung ba la mngon par dga' bar gyur to/ /re zhig na rdza mkhan bum pa thogs nas chu chur song ngo zhes bya ba'i bar dang/ chung mas 'phrigs nas slar bzlog ste zhes bya ba'i bar nas chung ma rab tu byung ba dang/ des bsams pa/ bdag 
ni bslus kyi med na da ji ltar bya/ byis pa khye'u 'di gnyis bskyed par bya zhing bsring bar bya'o snyam nas/ des de gnyis bskyed bsrings te chen por gyur pa de'i tshe rdza mkhan gyis smin pa dang/ ma smin pa dang/ lan tshwa bro ba dang/ lan tshwa mi bro ba dag gis brtag pa 
byas te/ 'di skad ces kyang smras so/ /smin dang ma smin de bzhin du/ /lan tshwa bro dang mi bro ba/ /shes par byis pa gnyis skyes na/ /bdag ni rab tu 'byung ba'i dus/ /des byis pa de gnyis la sa ni 'di ltar brko bar bya'o/ /snod spyad ni 'di ltar btsong ngo 
zhes bya ba'i bar du bslabs nas rab tu byung ngo zhes bya ba'i bar du'o/ /rdza mkhan bsod snyoms byed pa mthong ste zhes bya ba'i bar nas tshigs su bcad pa smras pa/ smin dang ma smin de bzhin du/ /lan tshwa bro dang mi bro ba/ /shes par byis pa gnyis skyes kyis/ /bzang 
mo'ang song zhing bdag kyang 'gro/ /zhes bya ba'i bar du'o/ /bcom ldan 'das kyis bka' stsal pa/ de'i tshe de'i dus na rdza mkhan gang yin pa de ni 'od srung chen po 'di yin no/ /rdza mkhan gyi chung ma gang yin pa de ni ser skya'i bu mo bzang mo 'di yin no/ /de'i tshe yang 'di 
dag yid byung ba chung ngus rab tu byung ngo / /da ltar yang chung ngus so/ /de lta bas na ci zhig bya zhe na/ nges par 'byung ba'i rgyu bstan pas 'di lta bu'i yon tan gyi tshogs can du 'gyur te/ 'od srung chen po dang ser skya'i bu mo bzang mo ji lta ba bzhin du dge slong rnams kyis 

</font><hr>9-1-65a<br><font size=+1>
bslab par bya'o// //bar sdom la/ ka ling ka dang lag rna can/ /mi thi la dang bzhin ma legs/ /ka shi dang ni tshangs byin dang/ /brang gis nyal dang gcer bu thul/ /yang dge slong rnams the tshom skyes nas the tshom thams cad 
gcod pa/ sangs rgyas bcom ldan 'das la gsol pa/ bcom ldan 'das ser skya'i bzang mos las ci zhig bgyis shing bsags na 'di ltar rnam par smin pas gzugs bzang zhing mdzes la/ blta na sdug par gyur ces bya ba'i bar du'o/ /dge slong dag sngon 
byung ba 'das pa'i dus na rgyal po'i pho brang zhig na rgyal po zhig rgyal srid byed pa nas/ tshong dpon phyug pa/ nor mang ba/ longs spyod che ba zhes bya ba'i bar du'o/ /de yang skye bo'i tshogs rnams lta ba na sems can brgya stong du ma rkang lag rtsub pa/ lus ser ka can mgo yegs pa/ rdul gyis yog pa/ kha mig nyams pa/ tsha ba dang lhags pas nyam thag pa/ sdug bsngal dang ldan pa mthong ngo / /gzhan dag ni lus la gos bzang po dang/ rgyan gyi khyad par gyis bklubs pa/ rta dang glang po dang mi dang/ shing 
rta'i bzhon pa can/ 'byor pa mchog dang ldan pa yang mthong nas/ de 'di snyam du sems can sdug bsngal ba 'di rnams kyis 'di ltar sbyin pa ma byin pa'i las des rnam pa 'di lta bur gyur la/ da ltar yang 'di dag gis rab tu sbyin mi nus pa'i phyir 'di nas shi 'phos 
nas 'gro ba shin tu dman pa gang yang rung bar skye bar 'gyur ba'i gnas skabs de lta bu dag yod do/ /sbyin pa khyad par can gyis ni longs spyod can 'di dag tu gyur to/ /bdag gis kyang gdon mi za bar skye ba gzhan la sbyin pa byin pa des na rnam pa 'di lta bu'i 'byor pa 
rnyed par gyur to/ /yang bdag gis byin la tshe rabs gzhan du sdug bsngal bar mi 'gyur bar bya'o snyam du bsams so/ /des de ltar bsams nas khyim du song ste rang gi chung ma la 'di skad ces smras so/ /bzang mo 'jig rten pha rol du nor bsags pa rnams khyer la 

</font><hr>9-1-65b<br><font size=+1>
'dong ngo / /des smras pa/ de ltar bgyi yis bzhon pa rta dang/ rnga mo dang/ bong bu dag sta gon mdzod cig /des smras pa/ bzhon pa 'di dag gis ci zhig bya/ thun mong gi nor dag 'jig rten pha rol du bkur mi nus pa nyid do/ /'on kyang phongs pa dang/ 
bkren pa dang/ long ba dang/ tshong pa rnams khyim du 'ongs pa rnams kyi re thag mi chad pa ji lta bar sbyin pa byin cig /des smras pa/ de bzhin du bgyi'o/ /sangs rgyas bcom ldan 'das 'jig rten du ma byung ba de'i tshe rang sangs rgyas 'jig rten du 'byung bar 'gyur 
bas rang sangs rgyas rke zhing nyam chung ba chos gos hrul po can zhig rgyal po'i pho brang 'khor du bsod snyoms la zhugs pa las/ de tshong dpon de'i khyim sgo na 'dug pa dang/ bran dang/ bran mo dag chu bcu ba'i phyir khyim de nas byung ba dang/ de dag gis rke zhing nyam 
chung ba chos gos hrul po can de mthong nas/ de dag gis 'di snyam du sdug bsngal ba gang yin pa de la gang 'dod pa de byin cig ces jo bos bsgo bas 'phags pa slong mo pa 'di la yang de bstan par bya'o snyam du bsams nas/ de dag gis btsun pa de la 'di skad ces smras 
so/ /khyim 'dir bzhud cig dang slong mo rnyed par 'gyur ro/ /de song ba dang tshong dpon gyi chung mas de mthong na rke zhing nyam chung la chos gos hrul po can zhig go snyam du bsams nas slong mo ma byin pa dang/ de de nas phyir byung ngo / /bran mo de dag kyang bum 
pa chus bkang nas slar 'ongs pa dang/ de dag gis lhung bzed stong par mthong nas de dag gis dris pa/ khyod ci khyim 'dir ma byon nam/ des smras pa/ 'ongs kyang slong mo ma rnyed do/ /de dag gis de phyir bzlog ste khrid nas de dag gis jo mo la smras pa/ ci'i 
slad du 'di la bsod snyoms ma stsal/ des smras pa/ 'di la nga ma dad pas so/ /de dag gis smras pa/ ci jo bos kha dog bzang ba dang/ dad na byin cig ces khyod la bsgo'am/ des smras pa/ 'di la nga ma dad phan cad mang du smras kyang ci phan/

</font><hr>9-1-66a<br><font size=+1>
bran mos 'di snyam du bdag gis dge slong 'di bzung nas lan gnyis kyi bar du bzlog na da re thag bcad nas ji ltar gtang bar bya snyam du bsams nas/ des jo mo la smras pa/ bdag gi 'tshal ma nar ma gang lags pa de bdag la stsal du gsol/ 
des kyang byin pa dang/ bran mo de nyin par gyi zan phye bre'u chung gang blangs nas/ de la phul te des yang 'di snyam du 'phags pa de ni chos gos hrul por 'dug pas khyad du bsad pa yin gyis/ bdag gi ras yug de la dbul lo snyam du bsams nas/ des de la ras 
yug dkar po yang phul lo/ /rang sangs rgyas des kyang 'di snyam du/ bu mo 'dis bsod nams mang po bsgrubs par 'gyur bar bya'o snyam du bsams nas/ de nyid kyi dad pa bskyed pa'i phyir ngang pa'i rgyal po 'dab ma brkyang ba lta bur nam mkha'i dkyil du 'phags so/ /des 
de mthong ma thag tu sems dad par gyur nas dga' ba dang/ mgu ba dang/ rangs pa'i bsam pas pus mo sa la btsugs te/ zhabs la phyag 'tshal nas ji ltar 'phags pa 'di la cung zad khyad du bsad pa gang yin pa de yang kha dog ngan pa las gyur to snyam nas smon lam 
btab pa/ a la la bdag gis sbyin par bya ba'i chos yongs su btang ba'i dge ba'i rtsa ba 'dis gang dang gang du skyes pa'i tshe rabs de dang der gzugs mdzes shing mdog bzang ba shin tu blta na sdug par gyur cig /nam du yang rke ba dang/ kha dog ngan par ma gyur cig ces 
byas so/ /de'i tshe rgyal po zhig blon po'i tshogs kyis bskor nas skyes bu brgya stong du mas bskor cing 'dug pa de'i steng du rang sangs rgyas de'i grib ma bab pa dang/ des steng du bltas na rang sangs rgyas chos gos bgos pa ras yug thogs pa ril ba spyi blugs pa dang/ lhung 
bzed nag po thogs pa/ gcig tu spa zhing mdzes pa zhig nam mkha' la 'gro ba mthong nas/ des 'di snyam du rnam pa 'di lta bu'i bdag nyid chen po yul gyi bsod snyoms so sor len pa gang yin pa de ni bdag dbang thang che ba dang/ phan 'dogs pa dang bcas pa yin no 

</font><hr>9-1-66b<br><font size=+1>
snyam du bsams nas des smras pa/ deng 'di la bsod snyoms 'bul bar byed pa gang yin pa de la ni deng grong khyer gyi mchog sbyin par bya'o/ /tshong dpon de yang 'khor de nyid du 'dus te 'dug pas des 'di snyam du/ bdag gis bsod snyoms pa thams cad la sbyin pa 
byin cig ces khyim du bsgo bas gdon mi za bar bdag gi khyim nas bsod snyoms phul ba yin gyis/ song la brtag par bya'o snyam du bsams nas de langs nas rings par khyim du song ngo / /chung ma des kyang de'i rdzu 'phrul mthong ste sems dad par gyur nas/ bran mo la 
smras pa/ bran mo bsod nams ni nga yir bya'o/ /khyod la ni ngas kha zas mchog tu bsod pa dag sbyin no/ /des de la smras pa/ khyod jo mo yin pas bdag gi srog la dbang gi /bsod nams la ni ma yin pas mi sbyin no/ /de khros shing 'khrugs pas kun 
nas dkris shing 'dug pas lag pa'i mkhrig ma gdu bu dang bcas pas de'i mgor brgyab pa dang/ gdu bus phog pas de'i mgo snad nas khrag byung bar gyur pa dang/ tshong dpon yang 'ongs te des 'di ci nyes zhes dris so/ /des kyang ji ltar gyur pa de la rgya cher 
smras pa dang/ tshong dpon de khros nas bran mo de rgyan thams cad kyis brgyan te khyim bdag tu bcug nas/ des kyang ji ltar gyur pa rgyal po la gsol pa dang/ rgyal pos smras pa/ de ni jo mor 'os te/ khyod kyis legs pa zhig byas so/ /gal te 
khyod kyis de ltar ma byas su zin na ngas bran mo ma yin par byas par 'gyur ro/ /'on kyang ngas de la grong khyer gyi mchog sbyin no/ /de dad pa thob pa dang/ rkyen rnyed pas dge sbyong dang/ bram ze dang/ tshong pa rnams la sbyin pa ni byin/ bsod nams ni byas/ 
tshul khrims kyang bsrungs nas 'chi ba'i dus byas te/ sum bcu rtsa gsum gyi lha rnams kyi nang du skyes so/ /de gzugs phun sum tshogs pa 'od dang/ gzi mdangs dang/ snang ba rgya chen po can de lta bur gyur pa dang/ lha'i tshogs gang yin pa de dag thams 

</font><hr>9-1-67a<br><font size=+1>
cad kyang ngo mtshar du gyur to/ /nye dbang po bzhi dang/ brgya byin yang ya ya por gyur te/ de dag phan tshun du 'di ni bdag gi yin no/ /'di ni bdag gi yin no zhes smra bar gyur to/ /de nas brgya byin gyis smras pa/ bdag cag 'dod chags 
kyi skyon gyis sems lhag par gdungs pas tshigs su bcad pa smra bar byed pa gang yin pa de'i yin par 'gyur ro/ /de dag las gcig gis smras pa/ slong zhing rab tu slong gyur pas/ /bdag la phyogs ni snang ba med/ /de la sems ni gnas gyur pa/ /de 
phyir grogs dag 'di 'dod do/ /gnyis pas smras pa/ kye ma'o lha dbang gang zhig ni/ /tshigs bcad smra ba de re bde/ /g.yul ngo'i sna la rnga brdungs pa/ /de ltar bdag ni 'dod chags skyes/ /gsum pas smras pa/ rnga chen brdungs par gyur kyang ni/ /de 
dang der ni ngal bsor yod/ /chu klung chen po mi bzad ltar/ /de ltar bdag gi 'dod chags skyes/ /bzhi pas smras pa/ mi bzad pa yis khyer gyur kyang/ /de dang der ni thogs gyur kyang/ /phye ma leb ltar bdag gi mig /rtag tu 'dzums pa med par gyur/ /brgya 
byin gyis smras pa/ tshigs bcad rab tu smras pa'i phyir/ /khyed cag thams cad bde ba yin/ /bdag ni ji ga 'chi 'gyur ba'am/ /gson par 'gyur ba'ang mi shes so/ /de dag gis 'di snyam du yul 'di ni brgya byin 'dod pas gnas 'di nas shi 'phos na mi rung ngo snyam 
du bsams nas/ de dag gis brgya byin la byin no/ /bcom ldan 'das kyis bka' stsal pa/ de'i tshe de'i dus na bran mor gyur pa gang yin pa de ni ser skya'i bu mo bzang mo 'di yin te/ rang sangs rgyas de la bsod snyoms rab tu phul ba dang/ ras yug phul bar gyur pa 
zhes bya ba'i bar nas rgyu des gzugs bzang ba dang mdzes par gyur to/ /yang dge slong rnams kyis bcom ldan 'das la gsol pa/ btsun pa re zhig lha'i bu mos nye dbang po bzhi dang/ brgya byin ya ya bor bgyis pa la gzigs/ bcom ldan 'das kyis bka' stsal 

</font><hr>9-1-67b<br><font size=+1>
pa/ dge slong dag 'di na des gang gi phyir nye dbang po bzhi dang/ brgya byin ya ya por byas pa ngo mtshar mi che'o/ /'on kyang dge slong dag sngon 'das pa'i dus na 'di nyid kyis grong gi bkrabs pa bzhi dang/ mchog tu bkrabs pa rnams ya ya por byas pa de bshad kyis 
nyon cig ces bya ba'i bar nas lha'i bu mo 'di nyid ces bya ba'i bar nas/ 'dzam bu'i gling du rigs mtho ba/ nor che ba/ rdzas kyi tshogs mang po zhig tu skyes nas 'dod pa spyod pa zhig tu gyur to zhes rgya cher brjod do/ /tshong dpon zhig gi chung mar blangs pa dang/ de 
la grong gi bkrabs pa bzhi dang/ mchog tu bkrabs pa dang lnga po de dag gis de mthong ba dang/ 'dod chags kyis lhag par gdungs par gyur nas/ de la yang so so nas bar mi dag btang ba dang/ des kyang mnyan to/ /de nas de khyo la rag las pas de 
ring song zhes smra zhing/ de rnams kyi sems srung zhing 'dug go/ /de nas de dag la gcig gis 'di snyam du bsams te nyi ma yang mang zhig thal bas de'i phyir bdag gis zhes bya ba'i bar du'o/ /des kyang de dag la bdag de ring 'ong ngo zhes dus btab pa dang/ 
de dag gis khyod gang du 'ong/ kho bo cag gang du 'ong zhes dris so/ /des kyang grong khyer 'di nas ha cang yang mi ring ba zhig na shing n+ya gro d+ha gnam 'phang du mtho ba/ yal ga rab tu 'phyang ba/ lo ma stug po yod par deng la/ shing de la 'dzegs te 'dug shig 
dang/ bdag de'u re 'ong ngo zhes so sor bstan nas/ de khyo la skabs tshol zhing 'dug go/ /des kyang de la 'di ni 'di ltar sems so zhes bya bar 'phrigs nas/ des de brdegs nas ka ba la bcings so/ /de na gcig la smras pa/ song la shing de la 'dzegs te/ 
shar phyogs kyi shing gi yal ga la 'dzegs la 'dug shig dang/ bdag de'u re 'ong ngo zhes byas pa dang/ de dga' mgu nas de bzhin du byas so/ /de bzhin du rgyas par brjod do/ /gnyis pa ni shing de'i lho phyogs kyi yal ga la 'dzegs te 'dug go/ /gsum pa ni nub 

</font><hr>9-1-68a<br><font size=+1>
phyogs kyi yal ga la 'dzegs te 'dug go/ /bzhi pa ni byang phyogs kyi yal ga la 'dzegs te 'dug go/ /mchog tu bkrabs pa des kyang de bzhin du byas te/ shing de'i dbus kyi yal ga la 'dzegs te 'dug go/ /de nas de rnams de na mtshan 
gcig tu lhags pas bred bzhin du de 'ong ngo snyam pa las/ nam nangs kyi bar du bud med de yang ma 'ongs so/ /mtshan mo zad de nam nangs pa dang shar phyogs kyi yal ga la 'dug pa des tshigs su bcad de smras pa/ 'di ltar nyi ma shar zin la/ /zhing pa grong nas dong zin 
kyang/ /brdzun can ma ni ma 'ongs par/ /n+ya gro d+ha yis shes par gyis/ /lho phyogs kyi yal ga la 'dug pas smras pa/ bud med de ni 'ongs 'gyur te/ /de ni brdzun can ma yin yang/ /legs ldan nyi ma 'di nyid ni/ /shin tu myur bar shar bar gyur/ /
shar phyogs pas smras pa/ rem pa'ang 'ongs sam/ smras pa/ los mod/ de nas nub phyogs kyi yal ga la 'dug pas tshigs su bcad de smras pa/ nyi ma dus su shar bas na/ /zhing pa rnams kyang grong nas dong/ /bdag gis dus ni ma shes pas/ /
mtshan gcig mig gi rtse ma sbyar/ /re zhig na byang phyogs kyi yal ga la 'dug pas smras pas/ bdag gis 'dir ni dus shes ma gyur pas/ /mtshan gcig thog thag lhags pas do sod do/ /gang zhig gzhan gyi bud med la chags pa/ /de ni 'di dang 
gzhan dag thob par 'gyur/ /de nas mchog tu bkrabs pas smras pa/ khyed cag lhags pas do sod la/ /kho bo mya ngan mi byed kyi/ /n+ya gro d+ha yis nyes med par/ /bcag pa la ni mya ngan byed/ /re zhig na shing la gnas pa'i lhas de dag bslus pa 
mthong nas sngar spyos te 'di skad ces smras so/ /bdag nyid dang ni de bzhin du/ /mi 'di bzhi la mya ngan byos/ /dpyid zla tha chungs byung ba na/ /gang dag bcad pa skye bar 'gyur/ /de dag bud med la re thag chad nas shod du babs te rang rang gi khyim du dong ngo / /

</font><hr>9-1-68b<br><font size=+1>
bud med de yang khyim thab kyis bkrol ba dang/ de mi mngon par shing de ga na ba der song ba dang/ de dag gis mthong nas smras pa/ ci'i phyir khyod kyis nged cag bslus/ des ji ltar gyur pa'i lo rgyus rnams de dag la smras so/ /de nas de dag gis smras pa/ khyod 
mig sngar 'ongs so/ /des 'di snyam du bdag skyes pa lnga dang 'di ltar khyi'i chos bya ba ga la nus snyam du bsams nas/ des de dag la smras pa/ khyed cag las gang zhig me tog mdzes pa thams cad khyer te 'ong ba de dang lhan cig dga' ba nyams su myang bar bya'o/ /rgyal 
po'i pho brang 'khor de na yang rgyal po'i pad ma rnams srung zhing ra ma byed pa/ rna ba dang/ sna bcad pa zhig ra ma byed do/ /de dag der song nas 'di snyam du zong dag khyer te ma 'ongs mod kyi/ 'on kyang mi de'i bsngags pa brjod pa dang/ dga' bar gyur nas bdag cag la 
me tog dag ster to snyam du bsams so/ /de nas de dag las gcig gis de la smras pa/ ji ltar smyug ma 'dam bu dag /bcad cing gtubs kyang slar skye ba/ /de ltar khyod kyi sna skye shig /me tog slong gis stsal bar mdzod/ /gnyis pas smras pa/ ji ltar ku sha ka 
sha dag /bcad cing gtubs kyang slar skye ba/ /de ltar khyod kyi sna skye shig /pad ma slong gis stsal bar mdzod/ /gsum pas smras pa/ ji ltar dUr pa 'jag ma dag /bcad cing gtubs kyang slar skye ba/ /de ltar khyod kyi sna skye shig /me tog slong gis 
stsal bar mdzod/ /bzhi pas smras pa/ ji ltar skra dang ag tsom dag /bregs shing phyir yang slar skye ba/ /de ltar khyod kyi sna skye shig /me tog slong gis stsal bar mdzod/ /lnga pas smras pa/ mi gang pad ma slong byed pa/ /de kun khyod la kyal pa 
zer/ /pad ma byin rung ma byin rung/ /khyod kyi sna ni skye mi 'gyur/ /mi des 'di snyam du mi bzhi pos ni bdag la gyi na zhig smras kyi/ mi lnga pas ni ji lta ba bzhin du snying nas smras kyi/ bdag gis de la pad ma sbyin par bya'o snyam du bsams nas/ des de la 

</font><hr>9-1-69a<br><font size=+1>
pad ma ji snyed dgos pa byin pa dang/ de dga' ba dang/ mgu ba dang/ rangs pa'i bsam pas pad ma blangs te/ de bud med gang na bar song nas/ dga' ba nyams su myong bar byas so/ /de nas de gnyis kyis 'di snyam du bdag cag 'dod 
pa'i rgyus kun nas nyon mongs par gyur pa gang yin pa la ltos/ 'dod chags kyi sdug bsngal mi 'byung bar ji ltar bya snyam du bsams so/ /sangs rgyas bcom ldan 'das 'jig rten du ma byung ba de'i tshe rang sangs rgyas 'jig rten du 'byung bas de dang ha cang yang mi ring ba zhig na 
rang sangs rgyas kyi mchod rten zhig yod pa de la pad ma de dag phul nas smon lam btab pa/ sbyin par bya ba'i chos yongs su btang ba'i dge ba'i rtsa ba 'dis gang dang gang du skyes pa'i tshe rabs de dang der nyon mongs pa chung bar gyur cig ces byas so/ /de'i tshe pad ma len pa'i mi gang yin 
pa de ni 'od srung chen po 'di yin no/ /de'i tshe de'i dus na bud med gang yin pa de ni ser skya'i bu mo bzang mo 'di yin no/ /de la pad ma phul ba gang yin pa de'i las kyi rnam par smin pas 'dod chags chung bar gyur to/ /yang bcom ldan 'das la dge slong rnams kyis 
gsol pa/ bcom ldan 'das ser skya'i bu mo bzang mos las ci zhig bgyis shing bsags na/ gang gi slad du des 'dzam bu'i chu bo'i gser las bgyis pa'i gzugs brnyan rang gi 'od kyis mog mog por bgyis par gyur/ bcom ldan 'das kyis bka' stsal pa/
dge slong dag 'di nyid kyis las gang dag byas shing bsags pa zhes bya ba rgyas par bya'o/ /dge slong dag sngon byung ba 'das pa'i dus bskal pa dgu bcu rtsa gcig na skye dgu rnams kyi tshe lo brgyad khri thub pa na yang dag par rdzogs pa'i sangs rgyas rnam par gzigs 
zhes bya ba nas/ sangs rgyas bcom ldan 'das zhes bya ba'i bar byung ngo / /de gang gi tshe bla na med pa yang dag par rdzogs pa'i byang chub mngon par rdzogs par sangs rgyas pa de'i tshe rgyal po'i pho brang gnyen ldan du byon nas zhes bya ba nas/ rgyal po'i pho brang du zhal 

</font><hr>9-1-69b<br><font size=+1>
zas yongs su longs spyod par zhugs so zhes bya ba'i bar du'o/ /de der byon pa dang/re zhig na bu mo zhig rnga yab 'dzam bu'i chu bo'i gser gyi yu ba can zhig thogs nas/ snam logs su 'dug ste g.yob pa na/ sangs rgyas kyi 'od kyis 'dzam bu'i chu bo'i gser mog 
mog por byas so/ /ji tsam na bu mo de 'di snyam du bdag lcags las byas pa'i yu ba can thogs sam ji snyam du the tshom skyes so/ /de nas rnam par gzigs bshos gsol nas phyir gshegs par gyur pa dang/ des yang 'dzam bu'i chu bo'i gser mchog las byas 
pa'i yu bar mthong ngo / /de nas zla ba gsum 'das nas zhes bya ba nas ljongs rgyur gshegs so zhes bya ba'i bar du'o/ /de nas rgyal po gnyen ldan gyis 'dzam bu'i chu bo'i gser las sku gzugs shig byas so/ /re zhig na bu mo des gser las byas pa'i sku gzugs 
de khyer te 'ongs pa dang/ rnam par gzigs kyi 'od kyis mog mog por byas/ kha dog mi 'dra bar mthong nas zhes bya ba'i bar nas smon lam btab pa/ bdag gis sbyin par bya ba'i chos yongs su btang ba'i dge ba'i rtsa ba 'dis zhes bya ba nas/ 'di lta bu'i 
lus kyi 'od can du 'gyur ba dang zhes bya ba'i bar nas/ rang gi 'od kyis mog mog por byed par gyur cig ces bya ba'i bar du'o/ /'dis kyang smon lam gyi dbang gis nga mnyes par byas te mi mnyes par ma byas so/ /dge slong dag de lta bas na sangs rgyas dang/ chos dang/ dge 
'dun la bya ba byas pa dang/ yang dag pa'i smon lam yang gdab par bya ste zhes bya ba nas/ ser skya'i bu mo bzang mo lta bu'o zhes bya ba'i bar du'o// //dge slong ma'i 'dul ba rnam par 'byed pa/bam po lnga pa/ yang zhes bya ba'i bar nas dge slong dag sngon 
byung ba zhes bya ba nas/ rgyal po zhig rgyal srid byed do zhes bya ba'i bar dang/ tshong dpon zhig ces bya ba nas/ re zhig na grong khyer gyi phyi rol na de'i skyed mos tshal mtshe'u dang me tog mang ba shing gis yongs su bskor bas gtibs pa/ me tog dang/ 'bras bu sna 

</font><hr>9-1-70a<br><font size=+1>
tshogs kyi ljon shing mchog tu mdzes pa dang ldan pa zhes bya ba'i bar du'o/ /sangs rgyas bcom ldan 'das 'jig rten du mi 'byung ba'i tshe rang sangs rgyas 'jig rten du 'byung bar 'gyur te zhes bya ba nas/ rang sangs rgyas nad pa zhig ces bya ba'i bar 
nas sman pa'i gan du song ste zhes bya ba'i bar te/ sman pas smras pa/ grong du bzhud cig ces bya ba nas/ tshong dpon gyi skyed mos tshal du 'dug go zhes bya ba'i bar du'o/ /re zhig na tshong dpon gyis mthong nas yo byad thams cad sbyar te/ zhes bya ba nas nad sos par gyur to 
zhes bya ba'i bar du'o/ /yongs su mya ngan las 'das par gyur ces bya ba nas/ sku gdung gi mchod rten byas so zhes bya ba'i bar du'o/ /re zhig na tshong dpon gyis mchod rten skya bor mthong ste zhes bya ba nas/ chung ma la smras pa zhes pa'i bar du'o/ /des de la yung gis 
byugs nas me tog bkram ste smon lam btab pa/ kye ma'o a la la 'phags pa ji srid 'tsho'i bar du bsnyen bkur bgyis pa dang/ yongs su mya ngan las 'das nas kyang mchod rten brtsigs te sbyin par bya ba'i chos yongs su btang ba'i dge ba'i rtsa ba 'dis phyug pa dang/ nor 
che ba dang/ longs spyod che ba'i khyim du skye bar gyur cig /'dis ji lta bu'i chos rnyed pa de lta bu'i chos khong du chud par 'gyur ba dang/ 'di bas ches khyad par du 'phags pa'i ston pa mnyes par bgyid kyi mi mnyes par bgyid par ma gyur cig ces byas so/ /dge slong 
dag de'i tshe tshong dpon gang yin pa de ni 'od srung chen po 'di yin no/ /de'i tshe de'i dus na tshong dpon gyi chung ma gang yin pa de ni ser skya'i bu mo bzang mo 'di nyid yin par gyur to zhes bya ba nas/ yung gis byugs pas gser gyi mdog tu gyur to zhes bya ba'i bar dang/ dge slong 
dag de ltar bslab par bya'o zhes bya ba'i bar du'o/ /yang dge slong dag ces bya ba nas/ bcom ldan 'das bzang mos las ci zhig bgyis na 'od srung chen po dang lo bcu gnyis kyi bar du lhan cig mal gcig na mchis pa'i tshe yang 'khrig pa'i sbyor ba ma bgyis par gyur ces 

</font><hr>9-1-70b<br><font size=+1>
bya ba'i bar du'o/ /dge slong dag de gnyis kyis las byas shing zhes bya ba nas/ grong khyer bA rA Na sI na rgyal po tshangs byin zhes bya ba rgyal srid byed do zhes bya ba'i bar du'o/ /re zhig na rgyal po'i pho brang de na gzugs kyis 'tsho ba bzang mo zhes bya ba sgyu rtsal drug bcu dang 
ldan pa/ kAr ShA pa Na lnga brgya las mi nyung bar spyod pa zhig gnas so/ /de nas dus gzhan zhig na rgyal po'i pho brang de'i dga' 'dun pa lnga brgya rnams kyis bza' ba dang/ btung ba rab tu mang po khyer te zhes bya ba nas/ rgyal po'i bus khrid de song ngo zhes bya ba'i bar du'o/ /
re zhig na dga' 'dun pa rnams kyis rang sangs rgyas la bsod snyoms phul te/ smon lam btab pa zhes bya ba nas/ de'i tshe gzugs kyis 'tsho ma gang yin pa de ni bzang mo 'di yin te/ de'i tshe de'i dus na ser skya'i bu mo bzang mo 'di nyid der gyur to zhes bya ba dang/ 
dga' 'dun pa lnga brgya gang yin pa de ni gcer bu pa lnga brgya 'di yin te zhes bya ba'i bar dang/ las gcig tu dkar ba rnams kyi rnam par smin pa yang gcig tu dkar ba yin la/ las gcig tu gnag pa rnams kyi rnam par smin pa yang gcig tu gnag pa yin par blta 
bar bya'o zhes bya ba'i bar du'o/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la gsol pa zhes bya ba nas dgra bcom pa nyid thob nas kyang rgyal po ma skyes dgras sun phyung bar gyur ces bya ba'i bar du'o/ /dge slong 
dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas 'od srung zhes bya ba byung ste/ bA rA Na sI na drang srong smra ba ri dgas kyi nags na bzhugs so/ /de'i tshe de'i dus na grong khyer bA rA Na sI na tshong dpon nor 
mang ba longs spyod che ba zhig ces bya ba nas/ bu med par gyur to zhes bya ba'i bar dag dang/ shi nas rgyal po'i pho brang du bsdus par 'gyur ro snyam zhes bya ba'i bar du'o/ /des de la smras pa/ rje'i sras 'di ltar thugs mi dgyes par ma bzhugs shig ces bya ba nas/

</font><hr>9-1-71a<br><font size=+1>
chung ma gnyis blangs na bde ba nyams su myong bar mi 'gyur ro zhes bya ba'i bar du'o/ /chun ma la ni bu mo'i 'du shes 'jog la zhes bya ba nas/ snga ma zil gyis gnon pa yin pas snga ma gang yin pa la 'dri bar yang mi byed do zhes bya ba'i bar du'o/ /bdag 
'di ltar ci'i phyir 'dug ces bya ba nas/ des khyo la smras pa/ bdag skyabs su mchi zhing bslab pa'i gzhi len du mchi yis mkhyen par mdzod cig ces smras pa dang/ des kyang gnang ngo / /de yang skyabs su song nas bslab pa'i gzhi blang ba byas so/ /de nas mi de sems 
pa la zhugs pa na 'di snyam du/ 'di ltar bdag gi yon gnas ni 'di yin no zhes bsams te zhes bya ba nas me tog dang/ 'bras bu dang/ bza' ba ches sngar sbyin par byed cing/ phyis ni chun ma de la'o zhes bya ba'i bar du'o/ /des 'di snyam du/ khyim gyi 
bya ba cung zad gang yin pa de dag thams cad ni bdag byed la/ 'di ni nyal zhing za ba yin pa snyam du bsams te zhes bya ba nas/ mi des chun ma la kun du sbyor ba bya ba'i phyir bos pa dang zhes bya ba nas/ des smras pa/ chen ma dang lhan cig mdzod cig 
ces smras pa'i bar du'o/ /bslab pa'i gzhi blangs so zhes bya ba nas/ nyon mongs pa ni shin tu stobs che ba nyid kyi phyir chung ma'i gan du song ste 'khyud pa dang/ des smras pa/ rje'i sras khyod kyis bdag 'di ltar bslab pa'i gzhi len par gnang bar bgyis 
pa nyid ma lags sam/ da ltar gyi 'di lta bu ni rung ba ma lags so/ /des de la nan gyis dga' mgur spyad do zhes bya ba'i bar du'o/ /de'i tshe chun mar gyur pa gang yin pa de ni ser skya'i bu mo bzang mo 'di yin te/ 'dis de'i tshe chen ma'i brtul zhugs gang yin pa nyams 
par byas pa'i las de'i rnam par smin pas dgra bcom pa nyid thob kyang ma skyes dgras zhag bdun du spyad par gyur to/ /bcom ldan 'das las ci zhig bgyis na gang gi slad du 'dis dgra bcom pa nyid thob cing mngon par shes pa myur ba rnams kyi mchog tu bstan ces 

</font><hr>9-1-71b<br><font size=+1>
bya ba nas/ 'dis las byas shing shes bya ba dang/ chung ma chun mar gyur cing khyo shi bar gyur nas khyim nas byung ste/ bcom ldan 'das 'od srung gi gsung rab la khyim med par rab tu byung nas der 'dis lo stong phrag bcu'i bar du tshangs par spyod pa la gnas 
shing yongs su bsrungs te/ phung po dang/ khams dang/ skye mched la mkhas pa dang/ gnas dang gnas ma yin pa la mkhas pa dang/ rten cing 'brel par 'byung ba la mkhas par gyur kyang ye shes mthar thug par khong du chud par ma gyur mod kyi 'on kyang 
de'i tshe smon lam btab pa/ bcom ldan 'das 'od srung gis bram ze'i khye'u bla ma rdzogs pa'i byang chub tu lung bstan pa de bdag gis mnyes par byed kyi mi mnyes par byed par ma gyur cig ces byas pas 'dis nga mnyes par byas te/ mi mnyes par ma byas la tshangs par spyod 
pa gang yin pa la gnas shing de yongs su bskyangs pa'i las de'i rnam par smin pas dgra bcom pa nyid thob par gyur to/ /gsung rab de la yang dge slong ma gang gi drung du rab tu 'byung bar byed pa de bcom ldan 'das 'od srung gis de mngon par shes pa myur ba rnams kyi mchog tu 
bstan pa de'i tshe yang 'dis smon lam btab pa/ bcom ldan 'das 'od srung gis bdag gi mkhan po mngon par shes pa myur ba'i mchog tu bstan pa ji lta ba de bzhin du/ bram ze'i khye'u bla ma rdzogs par byang chub par thob pa na bdag kyang mngon par shes pa myur ba'i mchog tu 
bstan par shog shig ces bya ba nas/ dge slong dag de ltar bslab par bya'o/ /zhes bya ba'i bar du'o/ /yang dge slong rnams the tshom skyes te zhes bya ba nas tshe dang ldan pa 'od srung chen pos las ci zhig bgyis shing bsags na/ 'di ltar las kyi rnam par smin pas 
nor mang ba dang/ longs spyod che ba'i khyim du skyes shing/ de'i 'byor pa 'di ltar las kyi mtha' pa'i grong sum bcu dang zhes bya ba nas/ gser gyi nas kyis gang ba'i sbyang ba brgyad bcu dang/ rmon pa dor dgu brgya dgu bcu rtsa dgu zhes bya ba'i bar du'o/ /dge slong 

</font><hr>9-1-72a<br><font size=+1>
dag 'dis las byas shing bsags pa zhes bya ba nas rgyas par bya'o/ /dge slong dag sngon byung ba 'das pa'i dus na/ bsti gnas zhig na drang srong lnga brgya gnas so/ /sangs rgyas bcom ldan 'das 'jig rten du ma byung ba de'i tshe rang sangs rgyas 
phongs pa dang dman pa la phan 'dogs pa 'jig rten du 'byung ste/ bsti gnas de dang ha cang yang mi ring ba zhig na rang sangs rgyas zhig kyang gnas so/ /de nas drang srong de dag nyin gcig bzhin du sngar langs te/ gnas srung ba'i drang srong bzhag nas/ yam sreg 
shing dang/ 'bras bu'i phyir phyogs bzhir 'gro bar byed do/ /de nas drang srong zhig rang sangs rgyas de dang nye ba nas yang dang yang du 'gro ba na rang sangs rgyas de skyil mo krung bcas te 'dug pa mthong ngo / /ldog pa la yang de bzhin 'dug par mthong nas 'di snyam du/ dge slong 
'di nyin par skyil mo krung 'jig par mi byed na/ kha zas gang nas ji ltar byed/ ma la bdag gis de la dri'o snyam du bsams so/ /de yang 'di snyam du da ltar nye bar song ste drir ni drang srong de dag gis bdag dge slong dang lhan cig 'grogs pa mthong ba dang 'phya bar 'gyur 
bas gang gi tshe bdag bsti gnas srung bar gyur pa de'i tshe bag tsha ba med par dri'o snyam du bsams so/ /de nas dus gzhan zhig na de la bsti gnas srung ba bab ste/ drang srong de dag dong ba dang/ rang sangs rgyas gang na ba der song ste phyin nas de la dris pa/ 'phags 
pa bdag nyin gcig bzhin du kha zas dang 'bras bu'i don du phan tshun du 'gro bar byed pa na/ khyod skyil mo krung bshig pa'am/ bsod snyoms kyi don du 'gro bar bdag gis lan 'ga' yang ma mthong na/ khyod dga' ba za'am ci/ des smras pa/ dga' ba za ba 
ma yin te/ gang gi tshe zas kyi dus la bab pa de'i tshe bsod snyoms kyi don du song ste/ 'dir khyer te 'ongs nas za bar byed do/ /des dris pa/ bsod snyoms kyi phyir gang du 'gro bar byed/ des smras pa/ byang gi sgra mi snyan du'o/ /sgra mi snyan ci 'dra/ des smras pa/

</font><hr>9-1-72b<br><font size=+1>
bdag gir yongs su 'dzin pa med pa/ tshe nges pa/ khyad par can du 'gro zhing/ de nas shi 'phos nas kyang khyad par can du 'gro bar 'gyur ba'o/ /'on te byang gi sgra mi snyan du mi 'gro ba de'i tshe ni sum bcu rtsa gsum pa'i lha rnams kyi nang du kha zas bsod snyoms 
byed do/ /des dris pa/ sum bcu rtsa gsum gyi lha rnams ci 'dra/ des smras pa/ kha dog dang ldan pa/ bde ba mang ba/ gzhal med khang mthon po can/ tshe ring ba/ yun ring du gnas pa/ dus ring por gnas pa yin no/ /des 'di snyam du/ 'di ni 
bdag nyid chen po zhig yin pas ma la de ring gi bsod snyoms bdag gis dbul lo snyam du bsams nas/ des rang sangs rgyas de la smras pa/ 'phags pa deng bdag gis bsod snyoms dbul gyis rjes su gzung du gsol/ des smras pa/ khyod kyang khyim gyi gnas nas 
nges par byung ba yin na/ khyod kyis ji ltar nga la bsod snyoms sbyin par sems/ des smras pa/ de lta lags mod kyi 'on kyang nges par bdag la phan gdags par mdzad du gsol/ khyod ni dpal dang bsod nams yin/ /khyod ni chos 'chad rnams kyi mchog /
khyod kyi brtson pas 'jig rten 'di/ /kun nas brgyan pa bzhin du gyur/ /des kyang khas blangs so/ /de nas drang srong gis des cang mi smra bas khas blangs par rig nas rang gi bsti gnas su song ngo / /de na yang des snga na khre rgod bre'u chung gang zhig drus te bzhag pa de des 
bkrabs nas bsti gnas de dang ha cang mi ring ba na phyugs lhas zhig yod pa der song ste/ de nas 'o ma blangs te 'o ma'i nang du btsos nas/ btsos zin pa dang rang sangs rgyas de la bsod snyoms phul lo/ /btsun pa des kyang de la phan gdags pa'i don du bsod snyoms de 
blangs nas lus kyis chos bstan pa'i phyir ngang pa'i rgyal po 'dab ma brkyang ba lta bur nam mkha'i dkyil du 'phags so/ /des de mthong nas mchog tu dad par gyur te/ dga' ba dang mgu ba dang/ rangs pa'i yid kyis pus mo sa la btsugs te smon lam btab pa/

</font><hr>9-1-73a<br><font size=+1>
bsod snyoms phul te sbyin par bya ba'i chos su btang ba 'dis bdag nam du yang sems can dmyal ba dang/ dud 'gro dang/ yi dgas su skye bar ma gyur cig /rtag tu lha rnams kyi nang du skye zhing/ de nas shi 'phos na yang byang gi sgra mi snyan du skye 
ba dang/ de nas kyang slar lha rnams kyi nang du dang/ 'dis yon tan gyi tshogs thugs su chud pa gang yin pa de dag kyang khong du chud par 'gyur ba dang/ 'di bas ches khyad par du 'phags pa'i ston pa mnyes par byed cing mi mnyes par byed par ma gyur cig ces byas so/ /
dge slong dag de'i tshe de'i dus na drang srong du gyur pa gang yin pa de ni 'od srung chen po 'di yin no/ /de'i tshe de'i dus na 'dir khre rgod bre'u chung gang phul ba'i las de'i rnam par smin pas lan stong du byang gi sgra mi snyan du skyes so/ /lan stong du lha rnams kyi nang du skyes so/ /lha rnams 
nas shi 'phos nas kyang bram ze'i rigs su skyes par gyur to/ /smon lam gyi dbang gis rang sangs rgyas bye ba brgya stong las ches khyad par du 'phags pa'i ston pa nga yang mnyes par byas shing/ 'dis yon tan gyi tshogs de yang thob par gyur to/ /dge slong dag de lta 
bas na sangs rgyas dang/ chos dang dge 'dun la bkur sti byas shing sbyin pa dbul ba dang/ bsod nams kyang bya'o/ /de ltar byas na rnam pa 'di lta bu'i yon tan gyi tshogs can du 'gyur te/ 'od srung ji lta ba de bzhin du dge slong khyed kyis bslab par bya'o/ /yang 
dge slong rnams the tshom skyes pa de bcom ldan 'das la gsol pa/ bcom ldan 'das tshe dang ldan pa 'od srung chen pos las ci zhig bgyis shing bsags pa'i las kyi rnam par smin pas 'di ltar rab tu byung zhing nyon mongs pa thams cad spangs nas dgra bcom pa nyid 
thob cing/ bcom ldan 'das kyis 'dod pa chung ba dang/ chog shes pa dang/ sbyangs pa'i yon tan smra ba rnams kyi mchog tu bstan/ bcom ldan 'das kyis bka' stsal pa/ dge slong dag 'dis las byas shing bsags pa zhes rgyas par bya'o/ /dge slong 

</font><hr>9-1-73b<br><font size=+1>
dag sngon byung ba 'das pa'i dus bskal pa bzang po 'di nyid la skye dgu rnams kyi tshe lo nyi khri thub pa na yang dag par rdzogs pa'i sangs rgyas 'od srung zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i 
kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das byung ngo / /de'i gsung rab la 'di rab tu byung bar gyur te/ der 'dis lo stong phrag bcu'i bar du tshangs par spyod pa la gnas shing/ yongs su bsrungs kyang mthar thug pa'i 
ye shes ma bskyed mod kyi 'on kyang 'chi ba'i dus kyi tshe smon lam btab pa/ bcom ldan 'das 'od srung gis bram ze'i khye'u bla ma khyod ma 'ongs pa'i dus na skye dgu rnams kyi tshe lo brgya thub pa na yang dag par rdzogs pa'i sangs rgyas shAkya thub pa zhes bya bar 'gyur ro zhes 
lung bstan pa gang yin pa de bdag gis mnyes par byed kyi mi mnyes par byed par ma gyur cig ces byas so/ /de na yang dge slong gang gi drung du rab tu 'byung bar byed pa de yang dag par rdzogs pa'i sangs rgyas 'od srung gis 'dod pa chung ba dang/ chog shes pa dang/ sbyangs 
pa'i yon tan smra ba rnams kyi mchog tu lung bstan pa de na yang 'dis smon lam btab pa/ yang dag par rdzogs pa'i sangs rgyas 'od srung gis bdag gi mkhan po 'dod chags chung ba dang/ chog shes pa dang/ sbyangs pa'i yon tan smra ba rnams kyi mchog tu lung 
bstan pa de bzhin du/ bram ze'i khye'u bla mas rdzogs pa'i byang chub thob pa na bdag kyang lung bstan pa thob par shog shig ces byas so/ /dge slong dag der tshangs par spyod pa la gnas pas de 'di la 'bras bu thob par gyur to/ /der dbang po yongs su smin par byas pas de 'di 
la rnam par grol lo/ /der smon lam btab pa gang yin pa des de 'di la lung bstan par gyur to/ /dge slong dag de lta bas na gus par lung dbog par bya/ bklag par bya/ phung po dang/ khams dang/ skye mched dang gnas dang/ gnas ma yin pa dang/

</font><hr>9-1-74a<br><font size=+1>
rten cing 'brel par 'byung ba la mkhas par bya'o/ /de bzhin du yang dag pa'i smon lam gdab ste/ des na khyed cag gi yon tan gyi tshogs bskyed par 'gyur bas dge slong dag khyed kyis de ltar bslab par bya'o// //bar sdom la/ zhing pa dang ni rdza mkhan 
dang/ /tshong dpon ras yug 'tsho ba dang/ /mchod rten yung gi byug pa dang/ /smad 'tshong ma dang chen chun dang/ /phyug dang 'dod pa chung ba yi/ /sde tshan du ni bstan pa yin// //phas pham pa brgyad kyi sdom gyi tshigs su bcad pa ste/ sdom la/ mi tshangs spyod dang 
rku ba dang/ /mi gsod pa dang brdzun smra dang/ /ri dgas 'dzin dang spos 'tshong dang/ /mdza' can ma dang gre las skyes/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /gang gi tshe ut+pa la'i mdog grong khyer chen po 
drug na smad 'tshong ma byed par gyur pa de'i tshe bram ze zhig de la sems lhag par chags par gyur nas der song ste/ me tog dang/ 'bras bu dang/ so shing rnams kyis bsnyen bkur byed par gyur to/ /de nas ut+pa la'i mdog gis bram ze de la 'di skad ces smras 
so/ /khyod ni rigs mtho ba yin la/ bdag ni rigs dma' ba yin na/ ci'i phyir 'dir 'ongs/ de skad ces smras pa dang/ bram zes ut+pa la'i mdog la 'di skad ces smras so/ /bdag khyod dang lhan cig phrad 'dod pa'i phyir ro/ /des 'di skad ces smras so/ /
gal te khyod la kAr ShA pa Na dag yod na phyi nas lhan cig phrad par bya'o/ /de nas bram ze des ut+pa la'i mdog las tshig de thos nas kAr ShA pa Na'i don du ljongs dag tu song ngo / /de nas ut+pa la'i mdog dus gzhan zhig na/ dge ba'i bshes gnyen tshe dang ldan pa 
maud gal gyi bu chen po la brten nas smad pa'i las rnams spangs te dgra bcom pa nyid kyang thob par gyur to/ /de yang nyin par nags tshal thibs por 'dug pa la goms pa yin pas de nas ut+pa la'i mdog nags tshal thibs por nyin par 'dug tu song ngo / /bram ze 

</font><hr>9-1-74b<br><font size=+1>
de yang kAr ShA pa Na khyer te/ grong dang/ grong khyer dang/ yul 'khor dang/rgyal po'i pho brang 'khor du song nas 'dri zhing 'dri zhing mnyan yod du phyin to/ /de nas bram ze de ut+pa la'i mdog gang na ba der song ste phyin nas ut+pa la'i mdog la rgyal ba spel ba byas te 'di 
skad ces smras so/ /kye kAr ShA pa Na dag bzhes shig des kyang bsams nas bram ze la 'di skad ces smras so/ /bram ze bdag gis ni dam pa'i chos ma yin pa de spangs so/ /de skad ces smras pa dang/ bram zes ut+pa la'i mdog la 'di skad ces smras so/ /gal te khyod kyis 
spangs kyang bdag gis ni ma spangs so/ /de nas ut+pa la'i mdog gis bram ze de la 'di skad ces smras so/ /bram ze khyod bdag gi yan lag gi cha gang la sems lhag par chags par gyur/ des 'di skad ces smras te/ mig la'o/ /des mig de rdzu 'phrul gyis 
lag mthil du bzhag ste/ bram ze de la 'di skad ces smras so/ /bram ze gal te 'dod na long shig /de nas bram zes mig de mthong ba dang khros 'khrugs rngam par gyur te/ dge slong ma ut+pa la'i mdog gi klad du khu tshur gcig bsnun nas song ngo / /de nas 
ut+pa la'i mdog gis skabs de dge slong ma rnams la smras so/ /dge slong ma rnams kyis dge slong dag la smras so/ /dge slong rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong dag bud med ni mthu stobs chung ba/ 
g.yon can dang/ 'phyon ma dang/ zol pa la sogs pas 'dod par bya ba yin pas de'i phyir deng phyin chad dge slong mas dgon par gnas par mi bya'o/ /bcom ldan 'das kyis gang gi tshe dge slong ma la dgon pa bkag pa de'i tshe srang dang/ bzhi mdo dang/ sum 
mdo dag tu gnas pa na/ g.yon can la sogs pas kyang bgrod par gyur to/ /re zhig na de dag de na gnas par gyur pa de'i tshe mnyan yod na ri dgas 'dzin gyi bu dge bsnyen sa ga zhes bya ba dad pa dang ldan pa/ dge ba'i bsam pa bzang ba bslab pa'i gzhi lnga 

</font><hr>9-1-75a<br><font size=+1>
dang ldan pa des dge slong ma bab bab tu 'dug pa de dag mthong nas des de dag la gnas btsal te phyin nas/ 'phags ma dag 'dir ci bder bzhugs shig ces byas pa dang/ de dag kyang der 'dug go/ /de'i tshe dge slong ma'i dbyar khang na dge slong ma sbom 
dga' mo zhes bya ba gzugs bzang ba/ mdzes pa/ blta na sdug pa/ 'dod chags che ba/ skyes pa'i yid du 'ong ba zhig 'dug go/ /de nas dus gzhan zhig na dge slong ma dge skos bzhag ste/ dge slong ma'i dge 'dun snga dro'i dus kyi tshe sham thabs bgos/ chos 
gos dang/ lhung bzed thogs nas mnyan yod du bsod snyoms kyi phyir zhugs so/ /de nas dge slong ma sbom dga' mo na'o zhes byas te de nyid nas slar log ste de ri dgas 'dzin gyi bu 'dug pa de la chags pa yin pas des de la brda byas pa dang/ de ma 'dod nas des 'di 
skad ces smras so/ /gang 'dod pa na gang mi 'dod pa de dag ni de bzhin du 'gyur ro/ /de nas ri dgas 'dzin gyi bus sbom dga' mo la 'di skad ces smras so/ /sring mo khyod ni rab tu byung ba yin la bdag ni dge bsnyen yin pa'i steng du khyod kyang rgyal pos slas kyi btsun mo'i 
thabs thob pa yin la/ gal te bdag gis kyang nyes par spyod pa 'di lta bu spyad pa rgyal pos shes par gyur na/ des bdag mtshan mo 'di nyid nas sdug bsngal gyi skal ba can du 'gyur ro/ /de nas sbom dga' mos ri dgas 'dzin gyi bu de la 'di skad ces smras so/ /
khyim bdag gi bu rgyal po'i rtog chen pa dag bdag cag gi phyi bzhin du 'brang ngam ci/ gal te bdag kyang 'dod la khyod kyang 'dod par gyur pa de ltar 'dug pa la su zhig bdag la 'phrigs par 'gyur/ de skad ces smras kyang ri dgas 'dzin gyi bu ma btub bo/ /de nas 
dge slong ma sbom dga' mos 'di snyam du ci bdag lus zhig nas 'chi bar bya'am/ ma la bdag gi yan lag dang sprad pa tsam bdag gir bya'o snyam bsams shing brtags nas ri dgas 'dzin gyi bu la 'di skad ces gal te khyim bdag gi bu mi 'dod na yan lag dang yan 

</font><hr>9-1-75b<br><font size=+1>
lag tsam reg par bya'o zhes smras nas des de pang du blangs te pus mo yan cad dang mig man cad sprad kun sprad par byas pa las sbyor ba de yang dge slong ma dge skos mas tshor bar gyur to/ /dge slong ma'i dge 'dun ma yang mnyan yod du bsod snyoms byas nas zas kyi bya 
ba byas te zas phyi ma'i bsod snyoms spangs nas/slar log pa na ri dgas 'dzin gyi bu'i gnas gang yin pa der song ngo / /de nas dge slong ma dge skos ma des de dag la 'di skad ces smras so/ /kye phu nu mo dag ri dgas 'dzin gyi bu 'dis bdag cag la chos kyi don 
du gnas dben pa rab tu byin snyam na 'dis ni mgo reg mo rnams slas kyi btsun mo lta bur bzhag par bdag gis 'phrigs kyis/ kye phu nu mo dag khyed gang la tshul khrims dgos pa de dag gzhan du deng shig /de dag gis de la dris pa/ de ji zhig /des dge slong 
ma rnams la skabs de rgyas par smras so/ /dge slong ma rnams kyis kyang dge slong dag la smras so/ /dge slong rnams kyis kyang bcom ldan 'das la gsol to/ /de nas bcom ldan 'das kyis nga'i gnyi ga'i dge 'dun gyis don shes pa dang/ ngas bslab 
pa'i gzhi yang legs par bcas par 'gyur ro snyam nas byung ba 'di dang/ gleng gzhi 'di dang/ dngos po 'di dang/ skabs 'di la gnyi ga'i dge 'dun bsdu ba mdzad do/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen 
bzhin du rmed kyi mi mkhyen par ma yin/ dus su yin gyi dus ma yin par ma yin/ don dang ldan par yin gyi don dang mi ldan par ma yin te/ sangs rgyas bcom ldan 'das rnams ni 'di lta ste/ don dang mi ldan par rmed pa ni chu lon gyis zlog par mdzad pa 
yin no/ /de la sangs rgyas bcom ldan 'das rnams ni 'di lta ste/ don dang ldan pa rmed pa la dus mkhyen pa yin pas sangs rgyas bcom ldan 'das kyis dge slong ma sbom dga' mo la rmas pa/ dge slong ma khyod kyis 'di ltar tshul ma yin pa mi mdzes par byas pa bden 

</font><hr>9-1-76a<br><font size=+1>
nam/ bcom ldan 'das bgyis mad do/ /sangs rgyas bcom ldan 'das kyis dge sbyong gi tshul ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom 
ldan 'das kyis rnam grangs du mas rnam par smad nas dge slong ma'i dge 'dun la bka' stsal pa/ dge slong ma dag de lta bas na phan yon bcu po 'di lta ste/ dge 'dun bsdu bar bya ba'i phyir dang/ dge 'dun legs par bya ba'i phyir dang/ dge 'dun mthun par 
bya ba'i phyir dang/ dge 'dun bde bar gnas par bya ba'i phyir dang/ gnod mi bkur ba'i gang zag tshar gcad pa'i phyir dang/ ngo tsha shes pa rnams bde bar gnas par bya ba'i phyir dang/ ma dad pa rnams dad par bya ba'i phyir dang/ dad pa rnams phyir zhing 
rgyas par bya ba'i phyir dang/ tshe 'di'i zag pa rnams bsdam par bya ba'i phyir dang/ tshe rabs phyi ma'i zag pa rnams bzlog par bya ba'i phyir dang/ tshangs par spyod pa rjes su gzung bar bya ba'i phyir dang/ tshangs par spyod pa yongs su rdzogs par bya ba'i phyir dang/ bstan pa 
mthun par bya ba'i phyir dang/ nga'i bstan pa yangs par gyur pa skye bo mang po la phan pa/ lha dang mi'i bar dag la yang dag par rab tu bstan pa yun ring du gnas par 'gyur ba la yang dag par gzigs nas 'dul ba la nyan thos ma rnams kyi bslab pa'i gzhi bca' bar bya'o/ /
nga'i nyan thos ma rnams kyis 'dul ba la bslab pa'i gzhi 'di ltar gdon par bya ste/ yang dge slong ma gang chags par gyur pas skyes pa chags pa dang lhan cig pus mo yan chad mig man chad sprad kun du sprad pa nyams su myong bar byed na dge slong ma de phas pham par gyur 
pa yin pas gnas par mi bya'o/ /yang dge slong ma gang zhes bya ba ni sbom dga' mo'o/ /chags par gyur pas zhes bya ba ni chags pas dang/ yang dag par zhen pas dang/ kun nas dkris pas so/ /skyes pa zhes bya ba ni ri dgas 'dzin gyi bu 'am/ de 

</font><hr>9-1-76b<br><font size=+1>
las gzhan pa gang yang rung ba'o/ /chags pa zhes bya ba ni chags pa dang/ yang dag par zhen pa dang/ kun nas dkris pa'o/ /mig man chad pus mo yan chad ces bya ba ni de'i bar du'o/ /sprad kun du sprad pa zhes bya ba ni gtugs shing kun du gtugs pa'o/ /bdag 
gir byed pa zhes bya ba ni kun nas nyams su myong bar byed pa'o/ /dge slong ma zhes bya ba ni gang la dge slong ma'i dngos po yod pa'o/ /dge slong ma'i dngos po gang zhe na/ bsnyen par rdzogs pa'o/ /bsnyen par rdzogs pa gang zhe na/ gsol ba dang bzhi'i las kyi 
bya ba byed pa nyid dang/ rtog pa nyid dang/ yang dag par rtog pa nyid dang/ mthar phyin par byed pa nyid dang/ de'i khas len pa dang/ mngon par khas len pa dang/ de yang bsnyen par rdzogs pa'i tshe ngag dang/ tshig dang/ tha snyad dang/ skad dang/ brjod 
pa dang/ nges pa'i tshig dang/ tshig gi lam dang/ tshig tu brjod pa dang/ ngag gi las dang/ ngag gi rnam par rig byed kyis khas len pa gang yin pa 'di ni bsnyen par rdzogs pa zhes bya'o/ /de zhes bya ba 'di ni nye bar bstan pa dang/ kun du bstan pa'i tshig bla 
dgas so/ /phas pham par gyur pa yin pas zhes bya ba ni de tha ma dang ltung ba dang/ dman pa dang/ tha chad dang/ bsnyil ba dang/ yid dang mi mthun pa'o/ /yang gang gis ltung ba de byas na byas ma thag tu dge slong mar mi rung bar 'gyur/ shAkya'i sras su mi rung/ 
de'i dge sbyong gi tshul zhig par 'gyur zhing nyams pa/ bcom pa/ ltung ba/ pham pa/ rgyab kyis phyogs par byas pa ste/ de'i dge sbyong gi tshul phyir bslang du med par byas pa yin no/ /'di lta ste/ shing ta la'i mgo bcad na sngon por 'gyur du mi rung la 'phel 
zhing rgyas pa dang yangs par 'gyur du mi rung ba de bzhin du/ dge slong ma gang gis ltung ba de byas na byas ma thag tu zhes bya ba snga ma bzhin no/ /gnas par mi bya'o zhes bya ba ni dge slong ma rnams kyis de dang gso sbyong dang/ dgag dbye dang/ gsol ba dang/ gsol 

</font><hr>9-1-77a<br><font size=+1>
ba dang/ gnyis dang/ gsol ba dang bzhi'i las nyams su myang bar mi bya ba'o/ /yang dge slong ma bcu gnyis po dag tu de bsko bar mi bya'o/ /de la ltung bar ji ltar 'gyur zhe na// //sdom la/ chags pas skyes pa chags pa yi/ /lus 
dang mig ni man chad dang/ /pus mo'i gong ni yan cad kyis/ /sprad na phas pham 'gyur ba yin/ /skyes pa chags par ma gyur pa/ /de ni sbom po nyid du 'gyur/ /byin pa dang ni 'phral ba rnams/ /de dag nyes byas nyid du 'gyur/ /yang dge slong ma gang chags 
pas skyes pa chags pa dang lhan cig mig man chad pus mo yan chad sprad kun du sprad pa nyams su myong bar byed na phas pham par 'gyur ro/ /yang dge slong ma gang chags pas skyes pa chags pa med pa dang lhan cig mig man chad pus mo yan chad sprad kun du sprad pa nyams su 
myong bar byed na sbom por 'gyur ro/ /yang dge slong ma gang chags pa med pas skyes pa dang lhan cig mig man cad pus mo yan chad sprad kun du sprad pa nyams su myong bar byed na sbom por 'gyur ro/ /yang dge slong ma gang chags pas skyes pa chags pa dang lhan cig 'phral 
ba yan chad byin pa man chad sprad kun du sprad pa bdag gir byed na sbom por 'gyur ro/ /yang dge slong ma gang chags pa med pas skyes pa chags pa dang lhan cig 'phral ba yan chad byin pa man cad sprad kun du sprad pa bdag gir byed na nyes byas su 'gyur ro/ /yang dge slong 
ma gang chags pas skyes pa chags pa med pa dang lhan cig 'phral ba yan chad byin pa man chad sprad kun du sprad pa bdag gir byed na nyes byas su 'gyur ro/ /yang dge slong ma gang chags pa med pas skyes pa chags pa med pa dang lhan cig 'phral ba yan chad byin pa man chad sprad kun du 
sprad pa bdag gir byed na nyes byas su 'gyur ro/ /phas pham par gyur pa lnga pa rdzogs s+ho// //sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na 

</font><hr>9-1-77b<br><font size=+1>
spos 'tshong gi khye'u gzugs bzang ba/ mdzes pa/ blta na sdug pa zhig 'dug pa des rigs mnyam pa las chung ma blangs te de chung ma de dang lhan cig rtse bar byed/ dga' bar byed/ dga' mgur spyod par byed do/ /de blangs nas ring po ma lon par de nas dge slong ma 
sbom dga' mo spos 'tshong gi khye'u de la chags par gyur te/ de spos 'tshong gi khye'u de'i gan du song ste/ 'di skad ces smras so/ /bzhin bzangs khyod ci ga bag ma sar pas sems mgu'am/ des 'di skad ces smras so/ /'phags ma gal te mgu bar gyur na 
yang don 'di khyod la ci dgos/ gal te ma mgu bar gyur na yang don 'di khyod la ci dgos/ de skad ces smras pa dang/ sbom dga' mos spos 'tshong gi khye'u la 'di skad ces smras so/ /ngas ko khyod dang lhan cig dgos pa cung zad cig bya bar nus snyam na cung zad kyang 
mi bzod na der zad do/ /de nas spos 'tshong gi khye'u des dge slong ma 'di ni sems chags par gyur to snyam du bsams so/ /de de'i drung du yang dang yang du song nas brda byed/ dus 'debs/ mtshan ma ston par byed cing/ 'phyar g.yeng dang/ gzhogs stegs dang/ 
rtsab hral dag kyang byed do/ /de nas spos 'tshong gi khye'u de dus gzhan zhig na sbom dga' mo'i drung du 'ongs pa dang/ des de g.yogs te bzhag go/ /de nas sbom dga' mo gtsug lag khang gi phyi rol du song ste rkang lag bkrus nas slob ma dang nye gnas rnams la bsgo 
ba byas nas spos 'tshong gi khye'u de dang dben par song ste 'dug go/ /re zhig na des 'khrig thabs su bcug pa dang/ de'i tshe sbom dga' mos 'di snyam du bdag dge slong ma rnams kyi gong du 'gro ba gang ci yang rung ba de dag thams cad ni tshul khrims dang/ brtul 
zhugs dang/ tshangs par spyod pa la gnas pa'i drin yin na/ gal te da bdag gis rnam pa 'di lta bu'i nyes par spyod pa spyad pas dge slong ma nyams par byas na su zhig bdag la 'dri bar byed snyam du sems bskyed cing bsams nas sbom dga' mos spos 'tshong gi khye'u 

</font><hr>9-1-78a<br><font size=+1>
de la 'di skad ces smras so/ /bzhin bzangs thong thong/ de nas spos 'tshong gi khye'u des 'di snyam du gdon mi za bar 'di ni mi bde ba zhig tu 'dug go snyam du bsams nas des kyang btang ngo / /de nas sbom dga' mos rgyab bde bar bzhag ste rkang pa 
g.yas pa bskum nas spos 'tshong gi khye'u de la rdog pa gcig brgyab nas rtsib ma gnyis bcag go/ /de nas spos 'tshong gi khye'u de khrag tu skyug bzhin du bros te song ngo / /de nas sbom dga' mo dbyar khang gi dbus su 'dug nas bdud bcom mo/ /bdud bcom mo 
zhes bos so/ /de nas dge slong ma de dag gis thos nas 'di skad ces smras so/ /ci phu nu mo khyod kyis rgyun du zhugs pa'i 'bras bu mngon sum du byas sam/ lan gcig phyir 'ong ba'i 'bras bu'am/ phyir mi 'ong ba'i 'bras bu'am/ 'bras bu'i mchog dgra 
bcom pa nyid mngon sum du byas/ chung ngu na gzhan dag sangs rgyas kyi bstan pa la dge ba'i rtsa ba bskyed/ des 'di skad ces smras so/ /cang ma yin no/ /de dag gis 'di skad ces smras so/ /'o na khyod kyis bdud ci lta bu zhig bcom/ des skabs de dag phal mo che'i 
nang du smras so/ /de nas dge slong ma de dag gis sbom dga' mo la 'di skad ces smras so/ /khyod rem pa zhig dang ma phrad du zad kyi de lta bu zhig na khyod thag bcug par 'gyur ro/ /de nas dge slong ma mang po rnams kyis sbom dga' mos smras kyang dga' bar yang mi byed/ khro 
bar yang mi byed do/ /dga' bar yang mi byed/ khro bar yang mi byed pa dang stan las langs te dong ngo / /de nas dge slong ma mang pos skabs de dge slong dag la smras so/ /dge slong rnams kyis kyang bcom ldan 'das la gsol to/ /de nas bcom ldan 'das kyis byung 
ba 'di dang/ gleng gzhi 'di dang/ dngos po 'di dang/ skabs 'di la zhes bya ba nas skye bo mang po la phan pa lha dang mi'i bar dag la yang dag par rab tu bstan pa zhes bya ba'i bar du snga ma ji lta ba de bzhin du brjod par bya'o/ /yang nyan thos ma rnams kyis 'dul ba la 

</font><hr>9-1-78b<br><font size=+1>
bslab pa'i gzhi 'di ltar gdon par bya ste/ yang dge slong ma gang chags par gyur pas skyes pa chags pa dang lhan cig brda byed dam/ dus 'debs sam/ mtshan ma ston tam/ 'phyar g.yeng dang/ gzhogs stegs dang/ rtsab hral byas pas skyes pa 'ongs pa 
bdag gir byed cing/ gang du bud med skyes pas bgrod par byar rung ba phyir bzlog tu med pa'i gnas su lus bkan te gnas brgyad po 'di dag tu dge slong mas ltung ba byas na byas ma thag tu de dge slong mar mi rung ba yin gyis gnas par mi bya'o/ /yang dge slong ma gang 
zhes bya ba ni sbom dga' mo'o/ /chags par gyur pas zhes bya ba ni chags pas dang/ yang dag par zhen pas dang/ kun nas dkris pas so/ /skyes pa zhes bya ba ni spos 'tshong gi khye'u'am/ de las gzhan pa gang yang rung ba'o/ /chags pa zhes bya ba ni 
chags pa dang/ yang dag par zhen pa dang/ kun nas dkris pa'o/ /brda byed pa zhes bya ba ni gang gi tshe bdag dpong sa'am/ lha khang la sogs pa che ge mo zhig na mthong ba na'o/ /dus 'debs pa zhes bya ba ni snga dro dang/nyi ma'i gung dang/ phyi dro'i gang 
yin pa de'i tshe shog shig ces zer ba'o/ /mtshan ma ston tam zhes bya ba ni gang gi tshe bdag skra bregs nas ring po ma lon zhing snam sbyar dmar ser gyon par mthong ba de'i tshe na'o/ /'phyar g.yeng dang zhes bya ba ni phyas 'dogs pa'o/ /gzhogs stegs zhes bya 
ba ni kun du rtse ba'o/ /rtsa ba hral zhes bya ba ni kun du ca co 'don pa'o/ /skyes pa 'ongs pa bdag gir byed ces bya ba ni nyams su myong bar byed pa'o/ /gang du bud med skyes pas bgrod par byar rung ba phyir bzlog tu med pa'i gnas su zhes bya ba ni dbang du 'gyur 
ba'o/ /lus bkan te zhes bya ba ni khog pa'o/ /gnas brgyad po 'di dag tu zhes bya ba ni bsten pa gang yin pa de dag tu'o/ /dge slong ma zhes bya ba ni gang la dge slong ma'i dngos po yod pa'o/ /dge slong ma'i dngos po gang zhe na/ bsnyen par rdzogs pa'o/ /bsnyen 

</font><hr>9-1-79a<br><font size=+1>
par rdzogs pa gang zhe na/ gsol ba dang bzhi'i las kyi bya ba byed pa nyid dang/ rtog pa nyid dang/ yang dag par rtog pa nyid dang/ mthar phyin par byed pa nyid dang/ yang dag par mthar phyin par byed pa nyid dang/ de'i khas len pa nyid dang/ nye bar 
khas len pa dang/ mngon par khas len pa zhes bya ba snga ma bzhin no/ /ltung ba byas na zhes bya ba ni lhag par spyad na'o/ /byas ma thag tu zhes bya ba ni de'i mod nyid la'o/ /de zhes bya ba ni nye bar bstan pa dang/ kun du bstan pa'i tshig bla dgas so zhes bya ba 
nas/ dge slong ma bcu gnyis po dag tu de bsko bar mi bya'o zhes bya ba'i bar du'o/ /de la ltung bar ji ltar 'gyur zhe na/ dge slong ma gang chags pas skyes pa chags pa dang lhan cig brda byed na ltung ba sbom por 'gyur ro/ /dus 'debs na'ang sbom por 'gyur ro/ /
mtshan ma ston na sbom por 'gyur ro/ /'phyar g.yeng byed na sbom por 'gyur ro/ /gzhogs stegs byed na sbom por 'gyur ro/ /rtsab hral byed na sbom por 'gyur ro/ /skyes pa 'ongs pa bdag gir byed na sbom por 'gyur ro/ /gang du bud med skyes pas bgrod par 
byar mi rung ba slar zlog tu rung ba'i gnas su lus bkan na sbom por 'gyur ro/ /gang du bud med skyes pas bgrod par byar rung ba phyir bzlog tu med pa'i gnas su lus bkan na phas pham pa'i ltung bar 'gyur ro/ /las dang po pa la sogs pa la nyes pa med do/ /dge 
slong ma'i rnam par 'byed pa las/ phas pham par gyur pa drug pa rdzogs s+ho// // sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /gang gi tshe dge slong ma mdza' mo rang gi dam bcas pa las nyams par 
gyur pa de'i tshe de nyams pas phu nu mo mdza' can ma ngus par gyur to/ /dge slong ma rnams kyis de la smras pa/ mdza' can ma ci bcom ldan 'das kyis tshogs pa'i mtha' 'bral bar 'gyur ba'o/ /zhes ma gsungs sam ci na ngu bar byed/ des 'di skad ces smras so/ /

</font><hr>9-1-79b<br><font size=+1>
bdag mdza' mo 'di chos 'dul ba 'di las nyams pa de'i phyir ni mi ngu mod kyi/ 'on kyang gang gi phyir sngon cad kyang de 'di lta bu dang 'di lta bu dag byed pa de'i phyir ngu'o/ /de dag gis 'di skad ces smras so/ /de khyod kyis shes sam/ des 'di skad ces smras so/ /bdag 
gis shes so/ /ci'i phyir khyod kyis nged cag la sngar ma smras/ des 'di skad ces smras so/ /phu nu mo sdug pa'i phyir mod/ de nas dge slong ma mang pos dge slong ma mdza' can ma la 'di skad ces smras so/ /phu nu mo khyod kyis ni kha na ma tho ba bcabs pa yin no zhes 
bya ba'i skabs de dge slong ma rnams kyis dge slong dag la smras so/ /dge slong rnams kyis kyang bcom ldan 'das la gsol to/ /bcom ldan 'das kyis bka' stsal pa/ dge slong ma khyod kyis 'di ltar tshul ma yin pa mi mdzes pa de lta bu byas pa bden nam/ 
bcom ldan 'das mad do/ /sangs rgyas bcom ldan 'das kyis dge sbyong gi tshul ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /rnam grangs du mas rnam par smad nas/ 
dge slong ma rnams la bka' stsal pa/ dge slong ma dag ngas phan yon bcu yang dag par gzigs nas nyan thos ma'i 'dul ba la bslab pa'i gzhi bca' ba mdzad do zhes bya ba nas/ bslab pa bcas pa rgyas par brjod par bya'o/ /yang dge slong ma gang dge slong ma'i ltung ba 
shes bzhin du 'chab par byed cing gang gi tshe dge slong ma de shi bar gyur tam/ nyams sam/ 'khyams sam/ 'phos par gyur pa de'i tshe dge slong ma des 'di skad ces dge slong ma de la ltung ba 'di lta bu dang 'di lta bu dag byung bar snga nas shes so zhes de skad zer na dge slong ma de 
yang kha na ma tho ba dang bcabs pas phas pham par gyur pa yin gyis gnas par mi bya'o/ /yang dge slong ma gang zhes bya ba ni mdza' can ma'am/ de lta bu dang mthun pa dag go/ /dge slong ma zhes bya ba ni mdza' mo'o/ /ltung ba zhes bya ba ni brgyad po dag las gang 

</font><hr>9-1-80a<br><font size=+1>
yang rung ba'o/ /shes bzhin du zhes bya ba ni bdag nyid kyis mthong ba'am/ de la gzhan gyis smras par gyur nas so/ /bcabs na zhes bya ba ni 'khyud nas so/ /gang gi tshe dge slong ma de shi bar gyur tam zhes bya ba ni de'i srog gi dbang po 
'gags par gyur pa'o/ /nyams sam zhes bya ba ni bslab pa phul ba'o/ /'khyams sam zhes bya ba ni yul btang bar gyur na'o/ /'phos par gyur ces bya ba ni gzhan mu stegs can gyi gnas la rten pa'o/ /de'i tshe dge slong ma de zhes bya ba ni mdza' can 
ma'o/ /dge slong ma 'di zhes bya ba ni chos 'di pa rnams kyi'o/ /'di la ltung ba 'di lta bu dang 'di lta bu dag byung bar snga nas shes so/ /zhes bya ba ni brgyad po dag las gang yang rung bdag go/ /de skad zer na zhes bya ba ni smras na'o/ /dge slong ma zhes bya ba 
ni gang la dge slong ma'i dngos po yod pa de'o/ /dge slong ma'i dngos po gang zhe na/ bsnyen par rdzogs pa'o/ /bsnyen par rdzogs pa gang zhe na/ gzhan thams cad rgyas par brjod par bya'o/ /de zhes bya ba ni bstan pa dang/ nye bar bstan pa'i tshig bla dgas so/ /dge 
slong ma bcu gnyis po dag tu de bsko bar mi bya'o zhes bya ba'i bar du'o/ /de la ltung bar ji ltar 'gyur zhe na/ dge slong mas dge slong ma'i kha na ma tho ba shes bzhin du bcabs na ji ltar yang rung ste thams cad du phas pham par 'gyur ro/ /dge slong ma'i rnam par 'byed pa las 
phas pham par gyur pa bdun pa rdzogs s+ho// //sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na dge slong gre skyes zhes bya ba zhig gnas pa 'thab mo byed pa/ 
mtshang 'dru bar byed pa/ 'gyed par byed pa/ rtsod par byed pa/ 'thab krol byed pa des dge 'dun rnams kyis gnas nas dbyung ba'i las byas so/ /dge slong gre skyes gnas nas dbyung ba'i las byas par skye dgu'i bdag mo chen mo gau ta mIs thos so/ /thos 

</font><hr>9-1-80b<br><font size=+1>
nas kyang bcom ldan 'das gang na ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la skye dgu'i bdag mo chen mo gau ta mIs 'di skad ces gsol to/ /btsun 
pa dge slong 'ga' zhig dge 'dun gyis gnas nas dbyung ba'i las bgyis par gyur na de la bdag gis ji ltar bsgrub par bgyi/ bcom ldan 'das kyis bka' stsal pa/ mthong bar gyur na phyag mi bya bar stan las ldang bar bya'o/ /btsun pa dge slong gre skyes 'di 'thab mo 
bgyid pa/ mtshang 'dru bar bgyid pa/ 'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas par gyur te/ dge slong gi dge 'dun rnams kyis de gnas nas dbyung ba'i las bgyis par gyur 
na de la bdag cag gis ji ltar bsgrub par bgyi/ bcom ldan 'das kyis bka' stsal pa/ phyag bya ba'i 'os ma yin pa'i sdom pa bya'o/ /bcom ldan 'das kyis bka' stsal pa/ de dag gis ma shes nas bcom ldan 'das kyis bka' stsal pa/ gnas 
mal bshams pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge 'dun ma thams cad 'dug cing mthun par gyur pa la dge slong ma cig gis gsol ba byas te las bya'o/ /'di ltar bya ste/ 'phags ma'i dge 
'dun phu nu mo dag bdag la gsan du gsol/ dge slong gre skyes 'di 'thab mo bgyid pa/ mtshang 'dru bar bgyid pa/ 'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas 
par gyur te/ dge slong gi dge 'dun gyis gnas nas dbyung ba'i las bgyis kyis/ gal te dge slong ma'i dge 'dun ma'i dus la bab cing bzod na dge slong ma'i dge 'dun gyis dge slong gre skyes 'thab mo bgyid pa/ mtshang 'dru bar bgyid pa/ 'gyed par bgyid 

</font><hr>9-1-81a<br><font size=+1>
pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas par gyur nas dge slong gi dge 'dun gyis gnas nas dbyung ba'i las bgyis pa de phyag bgyi ba'i 'os ma lags pa'i sdom pa gang lags pa 
bsgo ba mdzad do/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong gre skyes 'di 'thab mo bgyid pa/ mtshang 'dru bar bgyid pa/ 'gyed par bgyid pa/ rtsod par bgyid pa/ 'thab 
krol bgyid pa dge slong ma rnams dang shin tu 'dre bas lhan cig gnas par gyur nas dge slong gi dge 'dun gyis gnas nas dbyung ba'i las bgyis par gyur pa la/ dge slong ma'i dge 'dun mas dge slong gre skyes 'thab mo bgyid pa/ mtshang 'dru bar bgyid pa/ 
'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas par gyur te/ dge slong gi dge 'dun gyi gnas nas dbyung ba'i las bgyis pa de la phyag bgyi ba'i 'os ma yin pa'i sdom pa de 
bsgo ba mdzad do/ /dge slong ma gang dag dge slong gre skyes la phyag bya ba'i 'os ma yin pa'i sdom pa stsal ba la bzod pa de dag ni cang ma gsung shig /gang dag mi bzod pa de dag ni gsung shig /'phags ma'i dge 'dun ma rnams kyis bzod cing gnang ste 'di 
ltar cang mi gsung bas de de bzhin du 'dzin to/ /gang gi tshe dge 'dun rnams kyis dge slong gre skyes gnas nas dbyung ba'i las byas shing/ dge slong ma'i dge 'dun rnams kyis kyang phyag bya ba'i 'os ma yin pa'i sdom pa bsgo ba mdzad pa de'i tshe dge slong gre skyes 
kyis 'di snyam du bdag gis nyes pa byas pas dge slong gi dge 'dun gyis gnas nas dbyung grang na/ dge slong ma'i dge 'dun la bdag gis nyes pa ci zhig byas nas phyag bya ba'i 'os ma yin pa'i sdom pa bsgo ba mdzad pa 'di ltar bdag gis skye dgu'i bdag mo chen mo gau 

</font><hr>9-1-81b<br><font size=+1>
ta mI gang na ba der song ste phyin nas don 'di dri bar bya'o snyam du bsams te/ dge slong gre skyes skye dgu'i bdag mo chen mo gau ta mI gang na ba der song ste phyin nas skye dgu'i bdag mo chen mo gau ta mI la 'di skad ces smras so/ /sring mo re zhig bdag gis nyes pa byas pas de'i 
phyir dge slong gi dge 'dun gyis ni bdag gnas nas dbyung grang na dge slong ma'i dge 'dun la ko bdag gis nyes pa ci zhig byas na/ gang gi phyir bdag la phyag bya ba'i 'os ma yin pa'i sdom pa bsgo ba byas/ de lta mod kyi kha cig dge slong ma la kha zer ba yod pa de la bdag gis 
khros 'khrugs rngam par byas te zhum zhum por gzhug par bya/ khro ba bskyed par bya'o/ /de ltar bdag gis dge slong ma khyed cag gi phyogs byas na khyed cag ci'i phyir bdag la phyag bya ba'i 'os ma yin pa'i sdom pa bsgo bar byed/ de skad ces smras pa dang/ skye dgu'i bdag 
mo chen mo gau ta mIs dge slong gre skyes la 'di skad ces smras so/ /btsun pa gre skyes khyod dge slong ma'i phyogs su gnod pa byed du lta yong yang sus bcug /de'i steng du dge slong gi dge 'dun gyis khyod gnas nas dbyung ba'i las byas la/ bcom ldan 'das kyis kyang dge slong 
ma rnams la phyag bya ba'i 'os ma yin pa'i sdom pa sgo shig ces bka' stsal to/ /de'i phyir bdag cag gis phyag bya ba'i 'os ma yin pa'i sdom pa bsgo'o/ /gzhan yang gre skyes gson cig /re zhig khyod shAkya'i bu shAkya'i rigs las rab tu byung ba/ sde snod 
gsum dang ldan pa/ chos smra bar byed pa 'di ltar yang khyod ni mang du thos pa yin na dge 'dun la bzod pa mi gsol bar phyi lang byed dam/ de nas dge slong gre skyes kyis 'di snyam du skye dgu'i bdag mo chen mo 'dis ni phan par smras kyi mi phan pa ma yin pa'i steng 
du mi gang zhig sa'i steng du 'gyel na des sa de nyid las brten nas ldang ba bzhin du/ bdag gis kyang dge 'dun la nyes pa byas pas de nyid du song la dge 'dun la spu bsnyal bar bya'o/ /mthun par byed pa bstan par bya'o/ /mtshams kyi nang du 'dug ste 

</font><hr>9-1-82a<br><font size=+1>
bzod pa gsol bar bya'o snyam du bsams so/ /yang gre skyes 'di snyam du ma la bdag sring mo dag gang na bar song la phyin nas sring mo dag la yang dri'o snyam du bsams nas/ gre skyes bcu gnyis sde gang na ba der song ste phyin nas skabs de dag rgyas 
par smras so/ /re zhig na bcu gnyis sde dag gis gre skyes la 'di skad ces smras so/ /'phags pa gre skyes khyod rigs sna tshogs dang/ rus sna tshogs dang/ khyim sna tshogs nas rab tu byung ba rnams kyi drung du spu snyol bar ma byed cig /mthun par byed par ma 
ston cig /mtshams kyi nang du 'dug ste bzod pa gsol bar ma byed cig /de ci'i phyir zhe na/ bdag cag gis lhung bzed dang/ chos gos dang/ dra ba dang/ phor bu dang/ ska rags dang/ nad gsos kyi sman dus su rung ba dang/ thun tshod du rung ba dang/ 
zhag bdun du rung ba dang/ ji srid 'tsho'i bar du rung ba rnams dang/ dran par bya ba dang/ dri bar bya ba ci dang cis brel ba de dang des mi brel bar bsnyen bkur bgyi'o zhes smras pa'i skabs de dge slong ma rnams kyis dge slong dag la smras so/ /dge slong rnams kyis 
kyang bcom ldan 'das la gsol to// //dge slong ma'i 'dul ba rnam par 'byed pa/bam po drug pa/ de nas bcom ldan 'das kyis dge slong ma rnams la bka' stsal pa/ dge slong ma dag bcu gnyis sde la bzhams te bsgo bar bya'o/ /'di ltar 
bsgo bar bya ste/ dge slong ma khyed cag dge slong gang zhig dge slong gi dge 'dun gyis gnas nas dbyung ba'i las byas pa dang/ dge slong ma'i dge 'dun rnams kyis kyang phyag bya ba'i 'os ma yin pa'i sdom pa bsgo la/ dge slong de yang skra 'greng bar gyur/ spu 
langs par gyur pa las dge 'dun la spu snyol bar 'dod/ 'byung bar skyod par byed/ mthun par byed pa ston par byed 'dod/ mtshams kyis nang du 'dug ste bzod pa gsol bar byed 'dod la/ de'i phyir 'thab mo dang mtshang 'dru ba spong bar 'dod par shes 

</font><hr>9-1-82b<br><font size=+1>
bzhin du khyed cag de'i gan du song ste 'di skad ces 'phags pa khyod dge 'dun la spu snyol bar ma byed cig /'byung bar ma skyod cig /mthun par byed par ma ston cig /mtshams kyi nang du 'dug ste bzod pa gsol bar ma byed cig /bdag cag gis khyod la 
lhung bzed dang/ chos gos dang/ dra ba dang/ phor bu dang/ ska rags dang/ dran par bya ba dang/ dri bar bya ba dang/ rtsa ba'i sman dang/ sdong bu'i sman dang/ lo ma'i sman dang/ me tog gi sman dang/ 'bras bu'i sman dus su rung ba dang/ thun tshod du 
rung ba dang/ zhag bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des mi brel bar bgyi'o zhes ma zer cig ces bya'o/ /de skad ces bsgo ba dang/ de dag dge slong ma de rnams la 'di skad ces phu nu mo dag dge yang rung sdig kyang 
rung dge slong 'di la cung zad kyang ma zer cig ces gzhi de nyid la phyir zhing nan tan gyi mchog tu bzung ste zhen nas 'di ni bden gyi gzhan ni brdzun pa'o zhes rjes su tha snyad 'dogs so/ /de nas dge slong ma rab tu mang po bcom ldan 'das ga la ba der song ste phyin nas bcom 
ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la dge slong ma rab tu mang pos skabs de rgyas par gsol ba dang/ bcom ldan 'das kyis dge slong ma rnams la bka' stsal pa/ 
dge slong ma dag bcu gnyis sde la gsol ba dang bzhi'i las kyis sgo shig /bsgo ba yang 'di ltar bya ste/ gnas mal bsham pa byas te zhes bya ba nas/ dge slong ma gcig gis gsol ba byas te las bya'o/ /las kyang 'di ltar bya ste/ 'phags ma'i dge 
'dun phu nu mo dag bdag la gsan du gsol/ bcu gnyis sde 'di dag dge slong 'thab mo bgyid pa/ mtshang 'dru bar bgyid pa/ 'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig 

</font><hr>9-1-83a<br><font size=+1>
gnas par gyur pa dge slong rnams kyis gnas nas dbyung ba'i las bgyis pa/ dge slong ma rnams kyis kyang phyag bgyi ba'i 'os ma lags pa'i sdom pa bsgo ba/ skra 'greng bar gyur/ spu langs par gyur pa las/ dge 'dun la spu 
snyol bar bgyid/ 'byung bar skyod par bgyid/ mthun par bgyid pa ston par bgyis/ mtshams kyi nang du mchis te/ bzod pa gsol bar 'tshal bzhin du de'i gan du song ste/ 'di skad ces 'phags pa khyod dge 'dun la spu snyol bar ma byed cig /
'byung bar ma skyod cig /mthun par byed pa ma ston cig /mtshams kyi nang du 'dug ste bzod pa gsol bar ma byed cig /bdag cag gis khyod la lhung bzed dang/ chos gos dang/ dra ba dang/ phor bu dang/ ska rags dang/ dran par bya ba dang/ dri bar 
bya ba dang/ rtsa ba'i sman dang/ sdong bu'i sman dang/ lo ma'i sman dang/ me tog gi sman dang/ 'bras bu'i sman dus su rung ba dang/ thun tshod du rung ba dang/ zhag bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des 
bsnyen bkur bya'o zhes smras pa'i dge slong ma de la dge slong ma mang pos bzhams te bsgo zhing/ dge slong ma mang pos de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di ni bden gyi gzhan ni brdzun pa'o zhes rjes su tha snyad 'dogs 
par bgyid na/ gal te dge 'dun ma rnams kyi dus la bab cing bzod na dge 'dun gyis gnang bar mdzod cig dang/dge 'dun gyis dge slong ma bcu gnyis sde la gsol ba dang bzhi'i las kyis bsgo ba gang lags pa mdzad do/ /phu nu mo khyed cag dge slong 'thab mo 
byed pa/ mtshang 'dru bar byed pa/ 'gyed par byed pa/ rtsod par byed pa/ 'thab krol byed pa/ dge slong ma rnams dang shin tu 'dre bas lhan cig gnas par gyur pa/ dge slong rnams kyis gnas nas dbyung ba'i las byas pa/ dge slong ma rnams kyis 

</font><hr>9-1-83b<br><font size=+1>
kyang phyag bya ba'i 'os ma yin pa'i sdom pa bsgo ba/ skra 'greng bar gyur/ spu langs par gyur pa las dge 'dun la spu snyol bar byed/ 'byung bar skyod par byed/ mthun par byed pa ston par byed/ mtshams kyi nang du 'dug ste bzod pa gsol bar byed 'dod 
par shes bzhin du de'i gan du song ste 'di skad ces 'phags pa khyod dge 'dun la spu snyol bar ma byed cig /'byung bar ma skyod cig /mthun par byed pa ma ston cig /mtshams kyi nang du 'dug ste bzod pa gsol bar ma byed cig /bdag cag gis khyod la lhung 
bzed dang/ chos gos dang/ dra ba dang/ phor bu dang/ ska rags dang/ dran par bya ba dang/ dri bar bya ba dang/ rtsa ba'i sman dang/ sdong bu'i sman dang/ lo ma'i sman dang/ me tog gi sman dang/ 'bras bu'i sman dus su rung ba dang/ thun tshod du 
rung ba dang/ zhag bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des mi brel bar bsnyen bkur bya'o zhes smra bar byed pa'i gzhi 'di lta bu phu nu mo dag gtong du stsal to/ /'di ni gsol ba'o/ /las ni 'di ltar bya ste/ 'phags ma'i 
dge 'dun phu nu mo dag bdag la gsan du gsol/ bcu gnyis sde 'di dag dge slong 'thab mo bgyid pa/ mtshang 'dru bar bgyid pa/ 'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas 
par gyur pa/ dge slong rnams kyis gnas nas dbyung ba'i las bgyis pa/ dge slong ma rnams kyis kyang phyag bgyi ba'i 'os ma lags pa'i sdom pa bsgo ba skra 'greng bar gyur/ spu langs par gyur pa las dge 'dun la spu snyol bar bgyid/ 'byung bar skyod par 
bgyid/mthun par bgyid pa ston par bgyid/ mtshams kyi nang du mchis te/ bzod pa gsol bar 'tshal bzhin du de'i gan du song ste 'di skad ces 'phags pa khyod dge 'dun la spu snyol bar ma byed cig /'byung bar ma skyod cig /mthun par byed pa ma ston 

</font><hr>9-1-84a<br><font size=+1>
cig /mtshams kyi nang du 'dug ste bzod pa gsol bar ma byed cig /bdag cag gis khyod la lhung bzed dang/ chos gos dang/ dra ba dang/ phor bu dang/ ska rags dang/ dran par bya ba dang/ dri bar bya ba dang/ rtsa ba'i sman dang/ sdong bu'i 
sman dang/ lo ma'i sman dang/ me tog gi sman dang/ 'bras bu'i sman dus su rung ba dang/ thun tshod du rung ba dang/ zhag bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des mi brel bar bsnyen bkur bya'o zhes smra ba'i dge 
slong ma de dag la dge slong ma mang pos bzhams te bsgo la/ dge slong ma mang pos de dag bzhams te bsgo yang gzhi de nyid la nan gyis mchog tu 'dzin cing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ de'i slad du dge slong ma 
bcu gnyis sde rnams la phu nu mo khyed cag dge slong gang 'thab mo byed pa/ mtshang 'dru bar byed pa/ 'gyed par byed pa/ rtsod par byed pa/ 'thab krol byed pa/ dge slong ma rnams dang shin tu 'dre bas lhan cig gnas par gyur pa dge slong rnams kyis gnas 
nas dbyung ba'i las byas pa/ dge slong ma rnams kyis phyag bya ba'i 'os ma yin pa'i sdom pa bsgo ba/ skra 'greng bar gyur/ spu langs par gyur pa las dge 'dun la spu snyol bar byed/ 'byung bar skyod par byed/ mthun par byed pa ston par byed/ mtshams kyi 
nang du 'dug ste bzod pa gsol bar byed 'dod par shes bzhin du de'i gan du song ste 'di skad ces 'phags pa khyod dge 'dun la spu snyol bar ma byed cig /'byung bar ma skyod cig /mthun par byed par ma ston cig /mtshams kyi nang du 'dug ste bzod pa gsol 
bar ma byed cig /bdag cag gis lhung bzed dang/ chos gos dang/ dra ba dang/ phor bu dang/ ska rags dang/ dran par bya ba dang/ dri bar bya ba dang/ rtsa ba'i sman dang/ sdong bu'i sman dang/ lo ma'i sman dang/ me tog gi sman dang/ 'bras bu'i sman 

</font><hr>9-1-84b<br><font size=+1>
dus su rung ba dang/ thun tshod du rung ba dang/ zhag bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des mi brel bar bsnyen bkur bya'o zhes zer ba de la bsgo bar mdzad do/ /bcu gnyis sde 'di dag las 
gsol ba dang bzhi'i las kyis bsgo ba mdzad pa la gang dag bzod pa de dag ni cang ma gsung shig /gang dag mi bzod pa de dag ni gsung shig /'di ni las dang po brjod pa'o/ /gnyis pa la yang don de nyid brjod par bya ste/ 'phags ma'i dge 'dun phu nu mo dag bdag 
la gsan du gsol/ bcu gnyis sde 'di dag dge slong 'thab mo bgyid pa/ mtshang 'dru bar bgyid pa/ 'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas par gyur pa/ dge slong 
rnams kyis gnas nas dbyung ba'i las bgyis pa/ dge slong ma rnams kyis kyang phyag bgyi ba'i 'os ma lags pa'i sdom pa bsgo ba/ skra 'greng bar gyur/ spu langs par gyur pa las dge 'dun la spu snyol bar bgyid/ 'byung bar skyod par bgyid/ mthun par 
bgyid pa ston par bgyid/ mtshams kyi nang du mchis te bzod pa gsol bar 'tshal bzhin du de'i gan du song ste 'di skad ces 'phags pa khyod dge 'dun la spu snyol bar ma byed cig /'byung bar ma skyod cig /mthun par byed pa ma ston cig /mtshams kyi 
nang du 'dug ste bzod pa gsol bar ma byed cig /bdag cag gis khyod la lhung bzed dang/ chos gos dang/ dra ba dang/ phor bu dang/ ska rags dang/ dran par bya ba dang/ dri bar bya ba dang/ rtsa ba'i sman dang/ sdong bu'i sman dang/ lo ma'i sman dang/ 
me tog gi sman dang/ 'bras bu'i sman dus su rung ba dang/ thun tshod du rung ba dang/ zhag bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des mi brel bar bsnyen bkur bya'o zhes smra ba'i dge slong ma de dag la dge 

</font><hr>9-1-85a<br><font size=+1>
slong ma mang pos bzhams te bsgo la/ dge slong ma mang pos de dag gzhams te bsgo yang gzhi de nyid la nan gyis mchog tu 'dzin cing mngon par zhen nas 'di ni bden gyi gzhan ni brdzun pa'o zhes rjes su tha snyad 'dogs te/ de'i slad du dge 
'dun gyis dge slong ma bcu gnyis sde rnams la gsol ba dang bzhi'i las kyis bsgo ba mdzad do/ /tshe dang ldan pa gang dag dge slong ma bcu gnyis sde 'di dag la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag 
mi bzod pa de dag ni gsung shig /'di ni las brjod pa gnyis pa'o/ /gsum pa la yang las de nyid brjod par bya ste/ 'phags ma'i dge 'dun phu nu mo dag bdag la gsan du gsol/ bcu gnyis sde 'di dag dge slong 'thab mo bgyid pa/ mtshang 'dru 
bar bgyid pa/ 'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas par gyur pa/ dge slong rnams kyis gnas nas dbyung ba'i las bgyid pa/ dge slong ma rnams kyis kyang phyag bgyi 
ba'i 'os ma lags pa'i sdom pa bsgo ba/ skra 'greng bar gyur/ spu langs par gyur pa las dge 'dun la spu snyol ba 'tshal/ 'byung bar skyod par bgyid/ mthun par bgyid pa ston par 'tshal/ mtshams kyi nang du mchis te bzod pa gsol bar 'tshal 
bzhin du de'i gan du song ste 'di skad ces 'phags pa khyod dge 'dun la spu snyol bar ma byed cig /'byung bar ma skyod cig /mthun par byed pa ma ston cig /mtshams kyi nang du 'dug ste bzod pa gsol bar ma byed cig /bdag cag gis khyod la lhung bzed dang/ 
chos gos dang/ dra ba dang/ phor bu dang/ ska rags dang/ dran par bya ba dang/ dri bar bya ba dang/ rtsa ba'i sman dang/ sdong bu'i sman dang/ lo ma'i sman dang/ me tog gi sman dang/ 'bras bu'i sman dus su rung ba dang/ thun tshod du rung ba dang/ zhag 

</font><hr>9-1-85b<br><font size=+1>
bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des mi brel bar bsnyen bkur bya'o/ /zhes smra ba'i dge slong ma de dag la dge slong ma mang pos bzhams te bsgo la dge slong ma mang pos de dag la bzhams te bsgo yang gzhi 
de nyid la nan gyis mchog tu 'dzin cing mngon par zhen nas 'di ni bden gyi gzhan ni rmongs pa'o zhes rjes su tha snyad 'dogs te/ de'i slad du dge 'dun gyis dge slong ma bcu gnyis sde rnams la gsol ba dang bzhi'i las kyis bsgo ba mdzad do/ /tshe dang ldan pa gang 
dag dge slong ma bcu gnyis sde 'di dag la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas dge 'dun gyis dge slong ma bcu gnyis sde rnams 
la gsol ba dang bzhi'i las kyis bsgo bar mdzad lags te 'di ltar cang mi gsung bas de de bzhin du 'dzin to/ /de dag la gsol ba dang bzhi'i las kyis bsgo ba na gzhi de nyid la nan gyis mchog tu 'dzin cing mngon par zhen nas 'di ni bden gyi gzhan ni rmongs pa'o 
zhes rjes su tha snyad 'dogs pa'i skabs de dge slong ma rnams kyis dge slong dag la smras so/ /dge slong rnams kyis kyang bcom ldan 'das la gsol to/ /de nas bcom ldan 'das kyis nga'i nyan thos ma rnams kyis don shes pa dang/ ngas bslab pa'i 
gzhi yang legs par bcas par 'gyur ro snyam nas byung ba 'di dang/ gleng gzhi 'di dang/ dngos po 'di dang/ skabs 'di la gnyi ga'i dge 'dun bsdu ba mdzad do zhes bya ba nas bslab pa bcas pa'i bar du'o/ /yang dge slong ma gang dge slong gang zhig 
dge 'dun mthun pas gnas nas dbyung ba'i las byas pa dge slong ma'i dge 'dun gyis kyang phyag bya ba'i 'os ma yin pa'i sdom pa bsgo ba'i dge slong de skra 'greng bar gyur/ spu langs par gyur pa las dge 'dun la spu snyol bar byed/ 'byung bar skyod par 

</font><hr>9-1-86a<br><font size=+1>
byed/ mthun par byed pa ston par byed/ mtshams kyi nang du 'dug ste bzod pa gsol bar byed par shes bzhin du 'di skad ces 'phags pa khyod dge 'dun la spu snyol bar ma byed cig /'byung bar ma skyod cig /mthun par byed pa 
ma ston cig /mtshams kyi nang du 'dug ste bzod pa gsol bar ma byed cig /de lta bas na 'thab mo byed pa ma btang zhig /bdag gis khyod la lhung bzed dang/ chos gos dang/ dra ba dang/phor bu dang/ ska rags dang/ dran par bya ba dang/ dri 
bar bya ba dang/ rtsa ba dang/ sdong bu dang/ lo ma dang/ me tog dang/ 'bras bu'i sman dus su rung ba dang/ thun tshod du rung ba dang/ zhag bdun du rung ba dang/ ji srid 'tsho'i bar du rung ba rnams dang/ ci dang cis brel ba de dang des mi brel bar 
bsnyen bkur bya'o zhes smra na/ dge slong ma de la dge slong ma rnams kyis 'di skad ces phu nu mo khyod dge slong gi dge 'dun mthun pa rnams kyis gnas nas dbyung ba'i las byas pa dge slong ma'i dge 'dun mas kyang phyag bya ba'i 'os ma yin pa'i sdom pa bsgo ba'i dge 
slong de skra 'greng bar gyur/ spu langs par gyur pa las dge 'dun la spu snyol bar byed/ 'byung bar skyod par byed/ mthun par byed pa ston par byed/ mtshams kyi nang du 'dug ste bzod pa gsol bar byed par shes bzhin du 'di skad ces 'phags pa khyod 
dge 'dun la spu snyol bar ma byed cig /'byung bar ma skyod cig /mthun par byed pa ma ston cig /mtshams kyi nang du 'dug ste bzod pa gsol bar ma byed cig /de lta bas na 'thab mo byed pa ma btang zhig /bdag cag gis khyod la lhung bzed dang/ chos 
gos dang/ dra ba dang/ phor bu dang/ ska rags dang/ dran par bya ba dang/ dri bar bya ba dang/ rtsa ba dang/ sdong bu dang/ lo ma dang/ me tog dang/ 'bras bu'i sman dus su rung ba dang/ thun tshod du rung ba dang/ zhag bdun du rung ba dang/ ji srid 

</font><hr>9-1-86b<br><font size=+1>
'tsho'i bar du rung ba rnams dang/ ci dang cis brel ba de dang des mi brel bar bsnyen bkur bya'o zhes smra ba na/ phu nu mo gnas nas phyung ba'i rjes su phyogs pa dang/ mi mthun par bya ba'i phyir smra ba 'di lta bu 'di thong shig ces de skad bsgo bar bya'o/ /gal te dge 
slong ma rnams kyis dge slong ma de la 'di skad bsgo ba na gzhi de gtong na de lta na legs/ gal te gtong bar mi byed na gzhi de gtang bar bya ba'i phyir lan gnyis lan gsum gyi bar du yang dag par bsgo bar bya/ yang dag par bstan par bya'o/ /lan gnyis lan 
gsum gyi bar du yang dag par bsgo/ /yang dag par bstan pa na gzhi de gtong ba de lta na legs/ gal te gtong bar mi byed na dge slong ma de yang gnas nas phyung ba'i rjes su 'jug pa'i phyir phas pham par gyur pa yin pas gnas par mi bya'o/ /yang dge 
slong ma gang zhes bya ba ni bcu gnyis sde'o/ /dge slong gang zhig ces bya ba ni 'thab mo byed pa/ mi bde bar byed pa gre skyes so/ /dge 'dun zhes bya ba ni de bzhin gshegs pa'i nyan thos kyi dge 'dun no/ /gnas nas dbyung ba'i las byas pa zhes bya ba ni 
gsol ba dang bzhi'i las kyis so/ /dge slong ma'i dge 'dun zhes bya ba ni de bzhin gshegs pa'i nyan thos kyi dge 'dun ma'o/ /phyag bya ba'i 'os ma yin pa'i sdom pa bsgo ba zhes bya ba ni gsol ba dang las gnyis kyis so/ /dge slong de zhes bya ba ni gre skyes 
so/ /skra 'greng bar gyur/ spu langs par gyur pa las dge 'dun la spu snyol bar byed ces bya ba nas/ shes bzhin du zhes bya ba ni bdag nyid kyis mthong ba'am/ de la gzhan gyis smras par gyur nas so/ /de lta bas na 'thab mo byed pa ma btang zhig 
ces bya ba ni zhi bar ma byed cig ces bya ba'i tha tshig go/ /smras na zhes bya ba ni zer na'o/ /'phags pa khyod ces bya ba ni skra 'greng ba spu langs pa gre skyes so/ /dge 'dun la spu snyol bar ma byed cig ces bya ba nas 'thab mo byed pa ma btang zhig ces bya ba'i bar ni dge 'dun 

</font><hr>9-1-87a<br><font size=+1>
la bzod pa ma gsol cig ces bya ba'i don to/ /bdag gis khyod la lhung bzed dang/ chos gos dang zhes bya ba la sogs pa bsnyen bkur bgyi'o zhes bya ba'i bar nas/ dge slong ma de la zhes bya ba ni bcu gnyis sde'o/ /dge slong ma rnams kyis 
zhes bya ba ni chos 'di pa'i dge slong ma rnams kyis so/ /de skad bsgo bar bya'o zhes bya ba ni 'di skad ces smra bar bya ste/ bzhams te bsgo ba snga ma ji lta ba bzhin du bsgo bar bya ba'o/ /gal te dge slong ma rnams kyis dge slong ma de la 'di skad bsgo ba na gzhi de gtong 
ba de lta na legs zhes bya ba ni bzang ba'o/ /gal te gtong bar mi byed na gzhi de gtang bar bya ba'i phyir lan gnyis lan gsum gyi bar du yang dag par bsgo bar bya/ yang dag par bstan par bya zhes bya ba ni sngar gsol ba dang bzhi'i las kyis ji ltar bsgo ba 
bzhin du'o/ /yang dag par bsgo ba na zhes bya ba ni yang dag par bstan pa na'o/ /de la ltung ba ji ltar 'gyur zhe na/ ji tsam du dge slong mas dge slong 'thab mo byed pa zhes bya ba nas 'thab krol byed pa/ dge 'dun gyis gnas nas dbyung ba'i las byas pa/ dge 
slong ma rnams kyis phyag bya ba'i 'os ma yin pa'i sdom pa bsgo ba zhes bya ba'i bar dang/ shes bzhin du 'di skad ces bdag gis khyod la lhung bzed kyis bsnyen bkur bgyi'o zhes smras na nyes byas su 'gyur ro/ /chos gos kyis kyang nyes byas su 'gyur ro/ /dra 
bas kyang nyes byas su 'gyur ro/ /phor bus kyang nyes byas su 'gyur ro/ /ska rags kyis kyang nyes byas su 'gyur ro/ /ci dang cis brel ba de dang des mi brel bar bya'o zhes bya ba thams cad du nyes byas su 'gyur ro/ /bzhams te bsgo ba na gzhi de gtong ba de 
lta na legs/ gal te mi gtong na nyes pa sbom por 'gyur ro/ /las dang po'i tshig brjod pa ma rdzogs par gal te gtong ba de lta na legs/ ji ste gtong bar mi byed la tshig rdzogs par gyur pa na nyes pa sbom por 'gyur ro/ /las gnyis pa'i tshig brjod 

</font><hr>9-1-87b<br><font size=+1>
pa ma rdzogs par gal te gtong ba de lta na legs/ ji ste gtong bar mi byed la tshig rdzogs par gyur na nyes pa sbom por 'gyur ro/ /las gsum pa'i tshig brjod par yang ma rdzogs la mthun pas chos ma yin par byas pa dang/ mi mthun pas chos ma yin 
par byas pa dang/ mi mthun pas chos bzhin du byas pa dang/ chos ji lta ba dang/ 'dul ba ji lta ba dang/ ston pas bstan pa ji lta ba de bzhin du byas na ltung ba med do/ /las gsum pa'i tshig brjod pa yang rdzogs la chos ji lta ba dang/ 'dul ba 
ji lta ba dang/ ston pas bstan pa ji lta ba de bzhin du byas kyang gzhi de gtong bar mi byed na dge slong ma de la phas pham pa'i ltung ba byung bar gyur pa yin no/ /las dang po pa la sogs pa la ltung ba med do/ /dge slong ma'i rnam par 'byed pa las phas 
pham par gyur pa brgyad pa rdzogs s+ho// //pham pa'i skabs su dge slong ma bcu gnyis po dag bsko bar mi bya'o zhes gsungs pa de la gal te 'ga' zhig bcu gnyis po gang yin zhes 'dri bar byed na 'di skad ces brjod par bya ste/ gnas khang bsko 
ba dang/ kha zas bsko ba dang/ thug pa 'brim pa dang/ so shing 'brim pa dang/ phran tshegs 'brim pa dang snod spyad 'brub pa dang/ 'ged pa dang/ gos 'ged pa dang/ dbyar gyi ras yug chen 'brub pa dang/ dbyar gyi ras chen 'ged pa dang/ mngag 
gzhug pa dang/ mdzes 'chos rnams so// //sdom la/ smyan byed pa dang gzhi med dang/ /gsum pa bag tsam cha las len/ /bzhi pa ci yang rung bar bya/ /lnga pa chags pa med pa ste/ /nyin mo mtshan mo lam 'gro dang/ /chu klung pha rol bskos pa'o/ /
sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe ri dgas 'dzin gyi bu nag po zhes bya ba mnyan yod kyi bram ze dang/ khyim bdag rnams dang gtam 'dre ba/ phebs par smra ba/ smos 

</font><hr>9-1-88a<br><font size=+1>
'drin 'grogs bshes/ yid gcugs pa/ khyim du 'jug par byed pa yin pas gang yang rung ba dag la bu mo sbyin par byed pa de dag kyang ri dgas 'dzin gyi bu nag po la 'di skad ces nag po ma la khye'u de mkhas pa dang/ le lo med pa dang/ sgrub 
phod pa dang/ bu mo la bza' ba dang/ bgo ba mang po sbyin nus pa dang/ las chung ngu 'bogs par byed pa yin nam zhes 'dri bar byed do/ /gal te des 'di skad ces kye khye'u de ni snying nas mkhas pa/ le lo med pa/ sgrub phod pa/ bu mo de la bza' ba dang/ 
bgo ba mang po sbyin nus pa/ las chung ngu 'bogs par byed pa yin no zhes bstan par gyur na/ de de dag la sbyin par byed do/ /gal te 'di skad ces kye khye'u de ni snying nas mi mkhas pa/ le lo can/ sgrub mi phod pa/ bu mo de la bza' ba dang/ bgo ba 
mang po sbyin mi nus pa/ las chung ngu 'bogs par byed pa ma yin no zhes bstan par gyur na de de dag la sbyin par mi byed do/ /de bzhin du bu mo slong bar byed pa de dag kyang ri dgas 'dzin gyi bu nag po la 'di skad ces ma la bu mo de mkhas pa dang/ sgrub phod pa dang/ 
bu mo de bag yod pas khyim na gnas par nus sam zhes 'dri bar byed do zhes bya ba nas lhag ma rnams kyang khye'u la ji lta ba bzhin du brjod par bya'o/ /gang yang rung bdag gis bu mo sbyin legs par gyur pa na de dag 'di skad ces bdag cag gis ri dgas 'dzin gyi bu 
nag po la dris nas bu mo byin pa'i khye'u de yang mkhas pa/ le lo med pa sgrub phod pa/ bu mo de la bza' ba dang/ bgo ba mang po sbyin nus pa/ las chung ngu 'bogs par byed pa yin pas/ gang dag la ri dgas 'dzin gyi bu nag po dang gtam 'dre ba/ 
phebs par smra ba zhes bya ba nas/ khyim du 'jug par byed pa yod pa de dag la yang 'di lta bur 'gyur ro zhes bsngags pa rjod par byed do/ /de bzhin du gang yang rung ba dag gis bu mo sbyin nyes par gyur pa na de dag 'di skad ces bdag cag gis ri dgas 'dzin gyi bu 

</font><hr>9-1-88b<br><font size=+1>
nag po la dri nas bu mo byin na khye'u de yang mi mkhas pa/ le lo can/ sgrub mi phod pa/ bu mo de la bza' ba dang bgo ba mang po dag sbyin mi nus pa/ las chung ngu 'bogs par byed pa ma yin pas gang dag la ri dgas 'dzin gyi bu nag po dang gtam 'dre ba zhes bya ba 
nas/ khyim du 'jug par byed pa yod pa de dag la yang 'di lta bur 'gyur ro zhes bsngags pa ma yin pa rjod par byed do/ /khye'u la ji lta ba de bzhin du bu mo la yang sbyar bar bya'o/ /de'i tshe ri dgas 'dzin gyi bu nag po la dus gcig tu bsngags pa dang/ bsngags pa ma 
yin pa byung bar gyur to/ /de na dge slong ma bcu gnyis sde rnams kyis ri dgas 'dzin gyi bu nag po las tshig blangs te smyan byed cing 'jug pa ma yin pa'i khyim du 'jug par byed pa de dag la bram ze dang khyim bdag rnams 'phya bar byed pa'i skabs de bcom ldan 'das la dge slong rnams kyis gsol to/ /de nas bcom ldan 'das kyis nga'i nyan thos ma'i dge 'dun rnams kyis don shes pa dang/ ngas bslab pa'i gzhi yang legs par bcas par 'gyur ro snyam nas byung ba 'di dang/ gleng gzhi 'di dang/ dngos po 'di dang/ skabs 'di 
la dge slong ma'i dge 'dun bsdu ba mdzad do/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed kyi mi mkhyen par ma yin/ dus su yin gyi dus ma yin par ma yin/ don dang ldan par yin gyi don dang mi ldan par 
ma yin te/ sangs rgyas bcom ldan 'das rnams ni 'di lta ste/ don dang mi ldan par rmed pa ni chu lon gyis zlog par mdzad pa yin no/ /de la sangs rgyas bcom ldan 'das rnams ni 'di lta ste/ don dang ldan par rmed pa la dus mkhyen pa yin pas sangs rgyas 
bcom ldan 'das kyis dge slong ma bcu gnyis sde dag la rmas pa/ dge slong ma khyed kyis 'di ltar tshul ma yin pa/ mi mdzes pa de lta bu byas pa bden nam/ bcom ldan 'das bgyis mad do/ /sangs rgyas bcom ldan 'das kyis bcu gnyis sde la dge sbyong 

</font><hr>9-1-89a<br><font size=+1>
gi tshul ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad pa mdzad nas dge slong ma'i dge 'dun la bka' 
stsal pa/ dge slong ma dag de lta bas na ngas phan yon bcu po 'di lta ste/ dge 'dun bsdu bar bya ba'i phyir dang zhes bya ba nas/ yang dag par gzigs nas 'dul ba la nyan thos ma rnams kyi bslab pa'i gzhi bca' bar bya'o zhes bya ba bslab pa bcas pa'i bar du 
brjod par bya'o/ /yang dge slong ma gang bud med la skyes pa'i tshig gam/ skyes pa la bud med kyi tshig gis chung ma nyid dam/ mdza' na mo nyid du smyan byed na/ tha na thang 'ga' phrad pa yang rung ste chos nyid 'di ni dang po nyid kyis ltung bar 'gyur la/ nges par 'byung ba 
dang bcas pa ste dge 'dun lhag mar 'gyur ro/ /yang dge slong ma gang zhes bya ba ni dge slong ma bcu gnyis sde'o/ /bud med la skyes pa'i tshig gam/skyes pa la bud med kyi tshig gis bya ba ni bud med kyi tshig skyes pa la brjod nas sam/ skyes pa'i tshig bud 
med la brjod nas so/ /chung ma nyid ces bya ba ni chung ma bdun po chu tshigs kyis byin pa dang/ rin chas nyos pa dang/ btsan phrogs su thob pa dang/ dang sam du 'dus pa dang/ gos zas kyis 'tshos pa dang/ kha dum pa dang/ bdun pa ni thang 'ga' 
phrad pa'o/ /de la chu tshigs kyis byin pa gang zhe na/ bud med dam/ gzhon nu ma gang pha ma dag gis skyes pa la 'di ni khyod kyi chung ma skye dgu'i bdag mo byos shig ces skyor chus byin zhing/ de de'i chung ma skye dgu'i bdag mor gyur nas/ des de 'di la 
gzhan dag 'dod pa dag gi phyir spyod par ma gyur cig ces bsrungs pa/ shin tu bsrungs pa/ sbas pa/ shin tu sbas pa de ni chu tshigs kyis byin pa zhes bya'o/ /rin chas nyos pa'i chung ma gang zhe na/ bud med dam/ gzhon nu ma gang skyes pas 'di ni bdag 

</font><hr>9-1-89b<br><font size=+1>
gi chung ma skye dgu'i bdag mor bya'o zhes pha ma dag las rin cha mang yang rung nyung yang rung bas nyos shing skye dgu'i bdag mor gyur nas des 'di la gzhan dag 'dod pa dag gi phyir spyod par ma gyur cig ces bsrungs pa/ shin tu bsrungs pa/ sbas pa/ shin 
tu sbas pa/ de ni rin chas nyos pa'i chung ma zhes bya'o/ /btsan phrogs su thob pa'i chung ma gang zhe na/ 'di lta ste/ rgyal pos dpung gi tshogs yan lag bzhi po glang po che pa'i tshogs dang/ rta pa'i tshogs dang/ shing rta'i tshogs dang/ dpung bu chung gi tshogs 
go bskon te/ ma phebs pa ni phab/ phebs pa ni chom du phab nas se mnangs su dbang bar bsgo ba de'i tshe/ mis rgyal po rgyal mtshan du byas nas bud med dam/ gzhon nu ma gang yin pa de bdag gi chung ma'am/ skye dgu'i bdag mor bya'o zhes phrogs shing zhes 
bya ba nas/ bdag gi 'di la gzhan dag 'dod pa'i phyir spyod par ma gyur cig ces bya ba'i bar gang yin pa ni btsan phrogs su thob pa zhes bya'o/ /gzhan yang btsan phrogs su thob pa ni 'di lta ste/ chom rkun pa grong khyer 'joms pa dang/ grong 'joms pa dang/ ljongs 
'joms pa de dag gis rang gi srog dang bsdos nas grong khyer gzhom par byas/ grong dang ljongs gzhom par byas nas bud med dam/ gzhon nu ma gang yin pa 'di dag gi chung ma skye dgu'i bdag mor bya'o zhes phrogs shig ces bya ba nas/ bdag gi 'di la gzhan dag 'dod 
pa'i phyir spyod par ma gyur cig ces bya ba'i bar 'di yang btsan phrogs su thob pa zhes bya'o/ /dang sam du 'dus pa'i chung ma gang zhe na/ bud med dam gzhon nu ma gang rang gi dad pa dang/ gcugs pa dang/ dga' ba skyes pa'i gan du song ste 'di skad ces rje'i sras bdag 
gis khyod kyi btsun mo skye dgu'i bdag mo bgyi'o zhes smras la/ des kyang de chung ma skye dgu'i bdag mor byas te zhes bya ba nas/ bdag gis 'di la gzhan dag 'dod pa'i phyir spyod par ma gyur cig ces bya ba'i bar 'di ni dang sam du 'dus pa'i chung ma zhes bya'o/ /gos zas 

</font><hr>9-1-90a<br><font size=+1>
kyis 'tshos pa'i chung ma gang zhe na/ bud med dam gzhon nu ma gang skyes pa'i gan du song ste 'di skad ces rje'i sras khyod kyis bdag la gos dang zas stsol cig dang/ bdag gis rje'i sras khyod kyi chung ma skye dgu'i bdag mo bgyi'o zhes smras la/ des kyang de 
la gos dag byin nas des de chung ma skye dgu'i bdag mo byas te zhes bya ba nas/ bdag gi 'di la gzhan dag 'dod pa'i phyir spyod par ma gyur cig ces bya ba'i bar 'di ni gos zas kyis 'tshos pa'i chung ma zhes bya'o/ /kha dum pa'i chung ma gang zhe na/ 'di lta ste/ bud med 
dam gzhon nu ma gang nor mang yang rung nyung yang rung khyer te skyes pa'i gan du song nas 'di skad ces rje'i sras mkhyen par mdzod cig /khyod kyi nor gyi phung po dang/ bdag gi nor gyi phung po gang lags pa de gcig tu bsdus nas bdag cag mnyam du 'tsho zhing 'dod pa la 
longs spyod par bgyis la/ gang gi tshe bdag cag las khye'u'am bu mo gang dag mchis par gyur pa de dag kyang bdag cag dus la bab cing shi ba na sbyin pa dag sbyin zhing bsod nams dag byas nas/ 'di bdag cag gi pha ma gang du skyes pa der rjes su 'gro bar gyur cig 
ces yon bsngo ba bgyid par 'gyur bar bgyi'o zhes smras la des kyang de'i chung ma skye dgu'i bdag mor byas nas bdag gi 'di la gzhan dag 'dod pa'i phyir spyod par ma gyur cig ces bsrungs/ shin tu bsrungs/ sbas shin tu sbas pa de ni kha dum pa'i chung ma zhes bya'o/ /
thang 'ga' 'phrad pa'i chung ma gang zhe na/ 'di lta ste/ bud med dam gzhon nu ma gang la skyes pas de'i dus kyi gla byin nas 'di dang bdag yid tsam zhig lhan cig yongs su spyad par bya'o snyam nas des de bsrungs pa zhes bya ba'i bar 'di ni thang 'ga' phrad pa'i chung ma zhes 
bya ste/ 'di dag ni chung ma bdun zhes bya ba yin no/ /mdza' na mo bcu zhes bya ba la bcu po gang zhe na/ mas bsrungs pa dang/ phas bsrungs pa dang/ ming pos bsrungs pa dang/ phu nu mos bsrungs pa dang/ sgyug mos bsrungs pa dang/ gyos pos bsrungs 

</font><hr>9-1-90b<br><font size=+1>
pa dang/ nye dus bsrungs pa dang/ rigs kyis bsrungs pa dang/ rus kyis bsrungs pa dang/ rnam par 'khrugs pa med pa ni bcu pa'o/ /mas bsrungs pa'i mdza' na mo gang zhe na/ 'di lta ste/ bud med dam pa gzhon nu ma gang zhig gang gi tshe khyim thab smyos par 
gyur pa'am/ sems 'khrugs pa'am/ tshor ba dag gis nyen pa'am/ rgyal pos 'jigs nas yul 'khor gzhan dang/ yul gzhan du bros par gyur tam/ bsad dam/ bcings sam/ spyugs sam/ rab tu byung ngam/ shi bar gyur pa na de la 
mas bdag gi 'di la 'ga' zhig gis ma brtags par nan gyis btsan thabs su 'dod pa'i phyir spyod par mi 'gyur bar bya'o snyam nas bsrungs/ shin tu bsrungs/ sbas shin tu sbas par gyur pa 'di ni mas bsrungs pa'i mdza' na mo zhes bya'o/ /phas bsrungs 
pa'i mdza' na mo gang zhe na/ 'di lta ste/ bud med dam gzhon nu ma gang zhig gang gi tshe/ khyim thab smyos par gyur tam zhes bya ba nas rgyas par ma shi bar gyur pa na de la phas bdag gi 'di la 'ga' zhig gis ma brtags par nan gyis btsan thabs su 
'dod pa'i phyir spyod par mi 'gyur bar bya'o snyam nas/ bsrungs shin tu bsrungs/ sbas shin tu sbas par gyur pa 'di ni phas bsrungs pa'i mdza' na mo zhes bya'o/ /ming pos bsrungs pa'i mdza' na mo gang zhe na/ 'di lta ste/ bud med dam/ gzhon 
nu ma gang zhig gang gi tshe khyim thab smyos par gyur tam/ sems 'khrugs pa'am zhes bya ba nas/ pha ma shi bar gyur pa na de la ming pos bdag gis 'di la 'ga' zhig gis zhes bya ba nas/ 'dod pa'i phyir spyod par mi 'gyur bar bya'o snyam nas bsrungs 
zhes bya ba'i bar 'di ni ming pos bsrungs pa'i mdza' na mo yin no/ /ming pos bsrungs pa ji lta ba bzhin du phu nu mos bsrungs pa yang brjod par bya'o/ /sgyug mos bsrungs pa'i mdza' na mo gang zhe na/ 'di lta ste/ bud med dam pa gzhon nu ma gang zhig 

</font><hr>9-1-91a<br><font size=+1>
gang gi tshe khyim thab smyos par gyur tam/ sems 'khrugs par gyur ces bya ba nas/ pha ma shi bar gyur tam/ ming po dang phu nu mo shi bar gyur pa na de la sgyug mos 'di skad ces bdag gi bu la blta ba ji lta bar khyod la yang de lta bu yin pas 
khyod kyi bza' ba dang bgo ba bdag gis sbyar gyis mna' ma dga' bar gyis shig /mna' ma 'dug par gyis shig ces smras nas/ bdag gi 'di la 'ga' zhig gis ma brtags par nan gyis btsan thabs su 'dod pa'i phyir spyod par mi 'gyur bar bya'o snyam nas 
bsrungs shin tu bsrungs/ sbas shin tu sbas par gyur pa 'di ni sgyug mos bsrungs pa zhes bya'o/ /sgyug mos bsrungs pa ji lta ba bzhin du gyos pos bsrungs pa yang brjod par bya'o/ /nye dus bsrungs pa'i mdza' na mo gang zhe na/ 'di lta ste/ bud 
med dam gzhon nu ma gang zhig khyim thab smyos par gyur tam/ sems 'khrugs par gyur ces bya ba nas pha ma shi bar gyur tam/ ming po dang/ phu nu mo dang/ sgyug mo dang/ gyos po shi bar gyur pa na de nye du'i drung na gnas shing/ de la nye du rnams 
kyis bdag cag gi 'di la 'ga' zhig gis ma brtags par nan gyis btsan thabs su 'dod pa'i phyir spyod par mi 'gyur bar bya'o snyam nas bsrungs/ shin tu bsrungs/ sbas shin tu sbas par gyur pa 'di ni nye dus bsrungs pa'i mdza' na mo zhes bya'o/ /
nye du zhes bya ba ni pha mes dang ma mes gnyi ga'i bdun rgyud gzung ngo / /rigs kyis bsrungs pa'i mdza' na mo gang zhe na/ 'di lta ste/ bud med dam gzhon nu ma gang zhig gang gi tshe khyim thab smyos par gyur tam/ sems 'khrugs par gyur ces bya ba'i bar nas/ 
pha ma shi bar gyur tam/ ming po dang phu nu mo dang sgyug mo dang gyos po dang nye du shi bar gyur pa na de bdag nyid dang rus gcig pa'i drung na gnas shing/ de la de dag gis bdag cag gi 'di la 'ga' zhig gis ma brtags par nan gyis btsan thabs su 'dod pa'i phyir 

</font><hr>9-1-91b<br><font size=+1>
spyod par mi 'gyur bar bya'o snyam nas bsrungs zhes bya ba'i bar 'di ni rigs kyis bsrungs pa'i mdza' na mo zhes bya'o/ /rigs zhes bya ba ni bram ze dang/ rgyal rigs dang/ rje'u rigs dang/ dmangs rigs rnams so/ /rus kyis bsrungs pa'i mdza' na mo gang zhe na/ 
'di lta ste/ bud med dam gzhon nu ma gang zhig gang gi tshe khyim thab smyos par gyur tam/ sems 'khrugs par gyur ces bya ba'i bar nas/ pha ma shi bar gyur tam/ ming po dang/ phu nu mo dang/ sgyug mo dang/ gyos po dang/ nye du rnams shi bar gyur pa na de 
bdag nyid dang rus gcig pa'i drung nas gnas shing de la de dag gis bdag cag gi 'di la 'ga' zhig gis ma brtags par nan gyis btsan thabs su 'dod pa'i phyir spyod par mi 'gyur bar bya'o snyam nas bsrungs zhes bya ba'i bar 'di ni rus kyis bsrungs pa'i mdza' na mo zhes 
bya'o/ /rus zhes bya ba ni kung sa'i rus dang/ bad sa'i rus dang/ shan di la'i rus dang/ bar dwa dza'i rus dang/ maud gal gyi rus dang/ gar ga'i rus dang/ gau ta ma'i rus rnams so/ /rnam par 'khrug pa med pa'i mdza' na mo gang zhe na/ dge slong ma dang/ 
dpyod pa ma dang/ kun du rgyu mo dang/ khyim thab las gzhan dang mi nyal ba'i bud med dang/ brtul zhugs kyi gzhi chos spyod par byed pa ste/ 'di dag ni mdza' na mo bcu zhes bya'o/ /smyan byed na zhes bya ba ni phrin byed pa'o/ /tha na thang 'ga' zhig bya ba ni tha na yud 
tsam yang ngo / /chos 'di ni zhes bya ba ni chos ma yin pa chos kyi sgrar bstan pa 'di'o/ /dang po nyid kyis ltung bar 'gyur la zhes bya ba ni mod la ltung bar 'gyur ba'o/ /nges par 'byung ba dang bcas pa zhes bya ba ni rton pa dang bcas pa'o/ /dge 'dun lhag ma'o zhes 
bya ba ni ltung ba de gnyi ga'i dge 'dun la rag lus pa dang/ gnyi ga'i dge 'dun dang 'brel ba dang/ gnyi ga'i dge 'dun la rton pa yin te/ ltung ba de gnyi ga'i dge 'dun las ldang bar 'gyur gyi gang zag las ni ma yin pa'o/ /yang na phas pham par gyur pa brgyad po 

</font><hr>9-1-92a<br><font size=+1>
'di ni lhag ma med pa yin la/ ltung ba 'di ni lhag ma dang bcas pa yin pa de'i phyir dge 'dun lhag ma zhes bya'o/ /de la ltung bar ji ltar 'gyur zhe na// //bar sdom la/ spring phrin dge slong ma gnyis dang/ /spyod lam dang ni sngon 'gro dang/ /
bdag dang bdag min yul phyogs tshig /spring yig lag yig chung ma'o/ /dge slong mas bdag nyid kyis spring ba mnos te bdag nyid kyis phrin phar yang skyel/ bdag nyid kyis tshur yang skyel na dge 'dun lhag mar 'gyur ro/ /dge slong mas bdag nyid kyis spring ba 
mnos te bdag nyid kyis phrin phar skyel bar byed cing/ mngags pas phrin tshur skyel bar byed na dge 'dun lhag mar 'gyur ro/ /dge slong mas bdag nyid kyis spring ba mnos te mngags pas phrin phar skyel bar byed cing/ bdag nyid kyis phrin tshur skyel bar byed na dge 
'dun lhag mar 'gyur ro/ /dge slong mas bdag nyid kyis spring ba mnos te mngags pas phrin phar yang skyel bar byed cing/ mngags pas phrin tshur yang skyel bar byed na dge 'dun lhag mar 'gyur ro/ /dge slong mas mngags pa las bdag nyid kyis phrin phar yang 
skyel bar byed cing/ bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong mas mngags pa las bdag nyid kyis spring ba mnos te/ bdag nyid kyis phrin phar yang skyel bar byed cing/ mngags pas phrin tshur yang skyel bar 
byed na dge 'dun lhag mar 'gyur ro/ /dge slong mas mngags pa las bdag nyid kyis phrin spring ba mnos te mngags pas phrin phar skyel bar byed cing/ bdag nyid kyis phrin tshur skyel bar byed na dge 'dun lhag mar 'gyur ro/ /dge slong mas mngags pa las bdag nyid 
kyis spring ba mnos te mngags pas phrin phar yang skyel bar byed cing/ mngags pas phrin tshur yang skyel bar byed na dge 'dun lhag mar 'gyur ro/ /dge slong mas mngags pas mngags pa las bdag nyid kyis spring ba mnos te bdag nyid kyis phrin phar yang skyel 

</font><hr>9-1-92b<br><font size=+1>
bar byed cing/ bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong mas mngags pas mngags pa las bdag nyid kyis sbring ba mnos te bdag nyid kyis phrin phar yang skyel bar byed cing/ mngags pas mngags pas 
phrin tshur yang skyel bar byed na dge 'dun lhag mar 'gyur ro/ /dge slong mas mngags pas mngags pa las bdag nyid kyis spring ba mnos te mngags pas mngags pas phrin phar yang skyel bar byed cing/ bdag nyid kyis phrin tshur yang skyel bar byed na dge 
'dun lhag mar 'gyur ro/ /dge slong mas mngags pas mngags pa las bdag nyid kyis spring ba mnos te mngags pas mngags pas phrin phar yang skyel bar byed cing/ mngags pas mngags pas phrin tshur yang skyel bar byed na dge 'dun lhag mar 'gyur ro/ /
dge slong ma gnyis kyis gnyi gas spring ba mnos te gnyi gas phrin phar yang skyel bar byed cing/ gnyi gas phrin tshur yang skyel bar byed na gnyi ga la dge 'dun lhag mar 'gyur ro/ /dge slong ma gnyis kyis gnyi gas spring ba mnos te de na gcig 'di 
skad ces re zhig kho mo'i don du phrin phar skyol la phrin tshur yang skyol cig ces zer nas des de'i don du phrin phar yang skyel bar byed cing/ phrin tshur yang skyel bar byed na gnyi ga la dge 'dun lhag mar 'gyur ro/ /dge slong ma gnyis kyis gnyi gas spring ba 
mnos te de na gcig 'di skad ces kho mo ni phrin phar ni skyal lo/ /phrin tshur ni mi skyel lo zhes zer na de gnyis las gang phrin phar yang skyel bar byed cing/ phrin tshur yang skyel bar byed na de la ni dge 'dun lhag mar 'gyur la/ gang phrin phar ni skyel 
bar byed la phrin tshur ni skyel bar mi byed pa de la ni nyes pa sbom po gnyis su 'gyur ro/ /dge slong ma gnyis kyis gnyi gas spring ba mnos te de na gcig 'di skad ces kho mo ni phrin phar yang mi skyel la/ phrin tshur yang mi skyel lo zhes zer na de gnyis las gang phrin 

</font><hr>9-1-93a<br><font size=+1>
phar yang skyel bar byed cing/ phrin tshur yang skyel bar byed pa la dge 'dun lhag mar 'gyur la/ gang phrin phar yang skyel bar mi byed la phrin tshur yang skyel bar mi byed pa de la nyes pa sbom po gcig tu 'gyur ro/ /dge slong ma gnyis kyis gnyi ga'i 
spring ba mnos te gnyi gas phrin phar ni skyel bar byed la/ phrin tshur ni skyel bar mi byed na gnyi ga la nyes pa sbom po gnyis gnyis su 'gyur ro/ /dge slong ma gnyis kyis gnyi gas spring ba mnos te/ de na gnyi gas 'di skad ces bdag cag gnyi ga phrin phar skyel bar yang 
mi byed la phrin tshur yang skyel bar mi byed do/ /zhes zer na gnyi ga nyes pa sbom po re rer 'gyur ro/ /dge slong ma gcig skyes pa gcig bud med gcig dang 'gron lam du 'gro ba na gal te bud med des dge slong ma de la 'di skad ces 'phags ma khyod skyes pa de la 'di skad 
ces khyod bud med 'di'i khyo 'am/ mdza' bo'am/ smos 'drin gyis shig ces zer nus sam zhes smras la/ gal te dge slong ma des spring ba rnam pa de lta bu mnos nas phrin phar skyel bar byed dam/ phrin tshur skyel bar byed na dge 'dun lhag mar 'gyur ro/ /de bzhin 
du skyes pa des dge slong ma de la 'di skad ces 'phags ma khyod bud med 'di la 'di skad ces khyod skyes pa 'di'i chung ma'am/ mdza' na mo'am/ smon 'drin gyis shig ces zer nus sam zhes smras la/ gal te dge slong ma des spring ba rnam pa de lta bu mnos te phrin phar 
skyel bar byed dam/ phrin tshur skyel bar byed na dge 'dun lhag mar 'gyur ro/ /dge slong ma gcig dang/ bud med gcig dang/ skyes pa gcig la ji lta ba de bzhin du dge slong ma gnyis dang/ bud med gnyis dang/ skyes pa gnyis dang/ de bzhin du dge 
slong ma rab tu mang po dang/ bud med rab tu mang po dang/ skyes pa rab tu mang po la yang rgyas par brjod par bya'o/ /lam du 'gro ba ji lta ba bzhin du sdod pa dang/'dug pa dang/ nyal ba dag la yang rgyas par brjod par bya'o/ /dge slong ma mdun du 'gro ba'i dge sbyong ma dang/

</font><hr>9-1-93b<br><font size=+1>
phyi bzhin 'brang ba'i dge sbyong ma gnyis las mdun du 'gro ba'i dge sbyong mas spring ba mnos te mdun du 'gro ba'i dge sbyong mas phrin phar yang skyel bar byed cing/ mdun du 'gro ba'i dge sbyong mas phrin tshur yang skyel bar byed na mdun du 'gro ba'i dge sbyong ma la dge 'dun 
lhag mar 'gyur ro/ /mdun du 'gro ba'i dge sbyong mas spring ba mnos te mdun du 'gro ba'i dge sbyong mas phrin phar skyel bar byed cing/ phyi bzhin 'brang ba'i dge sbyong mas phrin tshur skyel bar byed na mdun du 'gro ba'i dge sbyong ma la nyes pa sbom po gnyis su 'gyur la/ 
phyi bzhin du 'brang ba'i dge sbyong ma la ni nyes pa sbom po gcig tu 'gyur ro/ /mdun du 'gro ba'i dge sbyong mas spring ba mnos te phyi bzhin 'brang ba'i dge sbyong mas phrin phar skyel bar byed cing/ mdun du 'gro ba'i dge sbyong mas phrin tshur skyel bar byed na mdun du 'gro 
ba'i dge sbyong ma la nyes pa sbom po gnyis su 'gyur la/ phyi bzhin 'brang ba'i dge sbyong ma la ni nyes pa sbom po gcig tu 'gyur ro/ /mdun du 'gro ba'i dge sbyong mas spring ba mnos te phyi bzhin 'brang ba'i dge sbyong mas phrin phar yang skyel bar byed cing/ phyi bzhin 
'brang ba'i dge sbyong mas phrin tshur yang skyel bar byed na mdun du 'gro ba'i dge sbyong ma la nyes pa sbom po gcig tu 'gyur la/ phyi bzhin 'brang ba'i dge sbyong ma la ni nyes pa sbom po gnyis su 'gyur ro/ /phyi bzhin 'brang ba'i dge sbyong mas spring ba mnos te phyi bzhin 
'brang ba'i dge sbyong mas phrin phar yang skyel bar byed cing/ phyi bzhin 'brang ba'i dge sbyong mas phrin tshur yang skyel bar byed na phyi bzhin 'brang ba'i dge sbyong ma la dge 'dun lhag mar 'gyur ro/ /phyi bzhin 'brang ba'i dge sbyong mas spring ba mnos te phyi bzhin 'brang 
ba'i dge sbyong mas phrin phar skyel bar byed cing mdun du 'gro ba'i dge sbyong mas phrin tshur skyel bar byed na phyi bzhin 'brang ba'i dge sbyong ma la nyes pa sbom po gnyis su 'gyur la/ mdun du 'gro ba'i dge sbyong ma la ni nyes pa sbom po gcig tu 'gyur ro/ /phyi bzhin 'brang 

</font><hr>9-1-94a<br><font size=+1>
ba'i dge sbyong mas spring ba mnos te mdun du 'gro ba'i dge sbyong mas phrin phar skyel bar byed cing/ phyi bzhin 'brang ba'i dge sbyong mas phrin tshur skyel bar byed na phyi bzhin 'brang ba'i dge sbyong ma la nyes pa sbom po gnyis su 'gyur la/ mdun du 'gro 
ba'i dge sbyong ma la ni nyes pa sbom po gcig tu 'gyur ro/ /phyi bzhin 'brang ba'i dge sbyong mas spring ba mnos te mdun du 'gro ba'i dge sbyong mas phrin phar yang skyel bar byed cing/ mdun du 'gro ba'i dge sbyong mas phrin tshur yang skyel bar byed na phyi bzhin 'brang ba'i dge 
sbyong ma la nyes pa sbom po gcig tu 'gyur la/ mdun du 'gro ba'i dge sbyong ma la ni nyes pa sbom po gnyis su 'gyur ro/ /khyim bdag ni gnyis te/ bdag po dang/ bdag po ma yin pa'o/ /de la bdag po zhes bya ba ni bu mo sbyin pa dang/ phrog pa'i 
bdag por gyur cing de rgyal po'i pho brang 'khor gyi nang du song yang rung/ rigs pa tshogs pa'i nang du song yang rung ste/ de'i tshig yang dag pa ma yin pa yang gzung bar 'os par gyur pa gang yin pa de ni bdag po zhes bya'o/ /bdag po ma yin pa zhes bya ba ni bu mo 
sbyin pa dang/ 'phrog pa'i bdag por gyur pa ma yin zhing de rgyal po'i pho brang 'khor gyi nang du song yang rung/ rigs pa tshogs pa'i nang du song yang rung ste/ de'i tshig yang dag pa yang gzung bar 'os par mi 'gyur ba gang yin pa de ni bdag po ma yin pa zhes bya'o/ /dge 
slong mas bdag po las spring ba mnos te bdag po la phrin phar yang skyel bar byed cing/ bdag po la phrin tshur yang skyel bar byed na dge 'dun lhag mar 'gyur ro/ /dge slong mas bdag po las spring ba mnos te bdag po la phrin phar skyel bar byed cing/ bdag po 
ma yin pa la phrin tshur skyel bar byed na nyes pa sbom po gnyis dang/ nyes byas gcig tu 'gyur ro/ /dge slong mas bdag po las spring ba mnos te bdag po ma yin pa la phrin phar skyel bar byed cing bdag po la phrin tshur skyel bar byed na nyes pa sbom po gnyis dang/

</font><hr>9-1-94b<br><font size=+1>
nyes byas gcig tu 'gyur ro/ /dge slong mas bdag po las spring ba mnos te bdag po ma yin pa la phrin phar skyel bar byed cing/ bdag po ma yin pa la phrin tshur skyel bar byed na nyes pa sbom po gcig dang/ nyes byas gnyis su 'gyur ro/ /dge 
slong mas bdag po ma yin pa las spring ba mnos te bdag po ma yin pa la phrin phar yang skyel bar byed cing/ bdag po ma yin pa la phrin tshur yang skyel bar byed na nyes byas gsum du 'gyur ro/ /dge slong mas bdag po ma yin pa las spring ba mnos te bdag po la 
phrin phar skyel bar byed cing/ bdag po ma yin pa la phrin tshur skyel bar byed na nyes pa sbom po gcig dang/ nyes byas gnyis su 'gyur ro/ /dge slong mas bdag po ma yin pa las spring ba mnos te/ bdag po ma yin pa la phrin phar skyel bar byed cing/ bdag 
po la phrin tshur skyel bar byed na nyes pa sbom po gcig dang/ nyes byas gnyis su 'gyur ro/ /dge slong mas bdag po ma yin pa las spring ba mnos te/ bdag po la phrin phar yang skyel bar byed cing/ bdag po ma yin pa la phrin tshur yang skyel bar byed 
na nyes pa sbom po gnyis dang/ nyes byas gcig tu 'gyur ro/ /rgyu gsum gyis spring ba'i phrin tshur bskyel bar 'gyur la phar bskyel bar ni mi 'gyur te/ gsum gang zhe na/ yul phyogs dang/ brda dang/ mtshan mas so/ /ji ltar yul phyogs 
kyis she na/ gang gi tshe kho mo skyed mos tshal lam 'dun sa'am/ lha'i gnas ga ge mo zhig na 'dug pa khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar yul phyogs kyis so/ /ji ltar brdas she na/ gang gi 
tshe kho mo snga dro'am/ gung tshigs sam/ phye ma red na khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar brdas so/ /ji ltar mtshan mas she na/ gang gi tshe kho mo skra bregs nas ring po ma lon pa'am/ snam sbyar 

</font><hr>9-1-95a<br><font size=+1>
dmar ser gyon pa'am/ lhung bzed zha nye'i dbyar 'dab can nam/ khar ba lcags sbubs can nam/ zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed thogs pa 
khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar mtshan mas so// //dge slong ma'i 'dul ba rnam par 'byed pa/bam po bdun pa/ rgyu gsum gyis ni spring ba'i phrin phar bskyal bar yang 'gyur la/ phrin 
tshur bskyal bar yang 'gyur te/ gsum gang zhe na/ tshig dang/ spring yig dang/ lag yig gis so/ /dge slong mas tshig gis spring ba mnos te tshig gis phrin phar yang skyel bar byed cing/ tshig gis phrin tshur yang skyel bar byed na dge 'dun lhag mar 
'gyur ro/ /dge slong mas tshig gis spring ba mnos te/ tshig gis phrin phar yang skyel bar byed cing/ spring yig gis phrin tshur skyel bar byed na dge 'dun lhag mar 'gyur ro/ /dge slong mas tshig gis spring ba mnos te/ spring yig gis phrin phar skyel bar byed 
cing/ tshig gis phrin tshur skyel bar byed na dge 'dun lhag mar 'gyur ro/ /dge slong mas tshig gis spring ba mnos te/ spring yig gis phrin phar skyel bar yang byed cing/ spring yig gis phrin tshur skyel bar yang byed na dge 'dun lhag mar 'gyur ro/ /dge 
slong mas tshig gis spring ba mnos te/ spring yig gis phrin phar skyel bar byed cing/ yul phyogs dang/ brda dang/ mtshan mas phrin tshur skyel bar byed na dge 'dun lhag mar 'gyur ro/ /dge slong mas tshig gis spring ba mnos te/ tshig gis phrin 
phar yang skyel bar byed cing/ tshig gis phrin tshur yang skyel bar byed na dge 'dun lhag mar 'gyur ro/ /dge slong mas tshig gis spring ba mnos te/ tshig gis phrin phar skyel bar byed cing/ lag yig gis phrin tshur skyel bar byed na dge 'dun lhag mar 'gyur 

</font><hr>9-1-95b<br><font size=+1>
ro/ /dge slong mas tshig gis spring ba mnos te/ lag yig gis phrin phar skyel bar byed cing/ tshig gis phrin tshur skyel bar byed na dge 'dun lhag mar 'gyur ro/ /dge slong mas tshig gis spring ba mnos te/ lag yig gis phrin phar skyel bar yang byed cing/ lag 
yig gis phrin tshur skyel bar yang byed na dge 'dun lhag mar 'gyur ro/ /dge slong mas tshig gis spring ba mnos te/ lag yig gis phrin phar skyel bar byed cing/ yul phyogs dang/ brda dang/ mtshan mas phrin tshur skyel bar byed na dge 'dun lhag mar 'gyur ro/ /
dge slong mas spring yig gis spring ba mnos te/ spring yig gis phrin phar yang skyel bar byed cing/ spring yig gis phrin tshur yang skyel bar byed na dge 'dun lhag mar 'gyur ro/ /dge slong mas spring yig gis spring ba mnos te/ spring yig gis phrin phar skyel bar byed 
cing/ tshig gis phrin tshur skyel bar byed na dge 'dun lhag mar 'gyur ro/ /dge slong mas spring yig gis spring ba mnos te/ tshig gis phrin phar skyel bar byed cing/ spring yig gis phrin tshur skyel bar byed na dge 'dun lhag mar 'gyur ro/ /dge slong mas spring 
yig gis spring ba mnos te/ tshig gis phrin phar yang skyel bar byed cing/ tshig gis phrin tshur yang skyel bar byed na dge 'dun lhag mar 'gyur ro/ /dge slong mas spring yig gis spring ba mnos te/ spring yig gis phrin phar skyel bar byed cing/ yul phyogs dang/ brda 
dang/ mtshan mas phrin tshur skyel bar byed na dge 'dun lhag mar 'gyur ro/ /dge slong mas spring yig gis spring ba mnos te/ spring yig gis phrin phar yang skyel bar byed cing/ spring yig gis phrin tshur yang skyel bar byed na dge 'dun lhag mar 'gyur ro/ /
dge slong mas spring yig gis spring ba mnos te/ spring yig gis phrin phar skyel bar byed cing/ lag yig gis phrin tshur skyel bar byed na dge 'dun lhag mar 'gyur ro/ /dge slong mas spring yig gis spring ba mnos te/ lag yig gis phrin phar 

</font><hr>9-1-96a<br><font size=+1>
skyel bar byed cing/ spring yig gis phrin tshur skyel bar byed na dge 'dun lhag mar 'gyur ro/ /dge slong mas spring yig gis spring ba mnos te/ lag yig gis phrin phar yang skyel bar byed cing/ lag yig gis phrin tshur yang skyel bar 
byed na dge 'dun lhag mar 'gyur ro/ /dge slong mas spring yig gis spring ba mnos te/ spring yig gis phrin phar skyel bar byed cing/ yul phyogs dang/ brda dang/ mtshan mas phrin tshur skyel bar byed na dge 'dun lhag mar 'gyur ro/ /dge slong mas 
lag yig gis spring ba mnos te/ lag yig gis phrin phar yang skyel bar byed cing/ lag yig gis phrin tshur yang skyel bar byed na dge 'dun lhag mar 'gyur ro/ /dge slong mas lag yig gis spring ba mnos te/ lag yig gis phrin phar skyel bar byed cing/ 
tshig gis phrin tshur skyel bar byed na dge 'dun lhag mar 'gyur ro/ /dge slong mas lag yig gis spring ba mnos te/ tshig gis phrin phar skyel bar byed cing/ lag yig gis phrin tshur skyel bar byed na dge 'dun lhag mar 'gyur ro/ /dge slong mas lag 
yig gis spring ba mnos te/ tshig gis phrin phar skyel bar byed cing/ tshig gis phrin tshur yang skyel bar byed na dge 'dun lhag mar 'gyur ro/ /dge slong mas lag yig gis spring ba mnos te/ lag yig gis phrin phar skyel bar byed cing/ yul phyogs dang/ 
brda dang/ mtshan mas phrin tshur skyel bar byed na dge 'dun lhag mar 'gyur ro/ /dge slong mas lag yig gis spring ba mnos te/ lag yig gis phrin phar skyel bar byed cing/ lag yig gis phrin tshur yang skyel bar byed na dge 'dun lhag mar 'gyur ro/ /
dge slong mas lag yig gis spring ba mnos te/ lag yig gis phrin phar skyel bar byed cing/ spring yig gis phrin tshur skyel bar byed na dge 'dun lhag mar 'gyur ro/ /dge slong mas lag yig gis spring ba mnos te/ spring yig gis phrin phar skyel bar byed cing/

</font><hr>9-1-96b<br><font size=+1>
lag yig gis phrin tshur yang skyel bar byed na dge 'dun lhag mar 'gyur ro/ /dge slong mas lag yig gis spring ba mnos te/ spring yig gis phrin phar yang skyel bar byed cing/ spring yig gis phrin tshur yang skyel bar byed na dge 'dun lhag mar 'gyur ro/ /dge 
slong mas lag yig gis spring ba mnos te/ lag yig gis phrin phar skyel bar byed cing/ yul phyogs dang/ brda dang/ mtshan mas phrin tshur skyel bar byed na dge 'dun lhag mar 'gyur ro/ /dge slong mas chung ma dang po gsum po chu tshigs kyis byin pa dang/ 
rin chas nyos pa dang/ btsan phrogs su thob pa 'thab pa'i mod nyid yin la/ 'thab pa'i 'og ma yin pa dang/ rtswa ma bcad pa dang/ rde'u gsum gyis ma gtor ba dang/ bye rgya byin nas ma btang ba dang/ chung ma ma yin par dpang ma btsugs pa dang/ 
dril ma bsgrags pa dag gi bsdum byas la/ mthun par gyur na nyes byas gcig tu 'gyur ro/ /dge slong mas chung ma dang po gsum po chu tshigs kyis byin pa dang/ rin chas nyos pa dang/ btsan phrogs su thob pa 'thab pa'i 'og yin la/ 'thab pa'i mod 
la ma yin pa dang/ rtswa ma bcad pa dang/ rde'u gsum gyis ma gtor ba dang/ bye rgya byin nas ma btang ba dang/ chung ma ma yin par dpang ma btsugs pa dang/ dril ma bsgrags pa dag gi bsdum byas la/ mthun par gyur na nyes byas gnyis su 
'gyur ro/ /dge slong mas chung ma dang po gsum po chu tshigs kyis byin pa dang/ rin chas nyos pa dang/ btsan phrogs su thob pa 'thab pa'i mod dang/ 'thab pa'i 'og dang/ rtswa bcad pa yin la rde'u gsum gyis ma gtor ba dang/ bye rgya byin nas ma 
btang ba dang/ chung ma ma yin par dpang ma btsugs pa dang/ dril ma bsgrags pa dag gi bsdum byas la/ mthun par gyur na nyes byas gsum du 'gyur ro/ /dge slong mas chung ma dang po gsum po chu tshigs kyis byin pa dang/ rin chas nyos pa dang/

</font><hr>9-1-97a<br><font size=+1>
btsan phrogs su thob pa zhes bya ba nas rde'u gsum gtor ba'i bar yin la/ bye rgya byin nas ma btang ba dang/ chung ma ma yin par dpang ma btsugs pa dang/ dril ma bsgrags pa dag gi bsdum byas la/ mthun par gyur na nyes byas 
gsum dang/ nyes pa sbom po gcig tu 'gyur ro/ /dge slong mas chung ma gsum po chu tshigs kyis byin pa dang/ rin chas nyos pa dang/ btsan phrogs su thob pa zhes bya ba nas bye rgya byin nas btang ba zhes bya ba'i bar yin la/ chung ma ma yin par dpang ma 
btsugs pa dang/ dril ma bsgrags pa dag gi bsdum byas la/ mthun par gyur na nyes byas gsum dang/ nyes pa sbom po gnyis su 'gyur ro/ /dge slong mas chung ma gsum po chu tshigs kyis byin pa dang/ rin chas nyos pa dang/ btsan phrogs su thob pa zhes 
bya ba nas/ chung ma ma yin par dpang btsugs pa'i bar yin la/ dril ma bsgrags pa dag gi bsdum byas te/ mthun par gyur na nyes byas gsum dang/ nyes pa sbom po gsum dang/ dge 'dun lhag ma gcig tu 'gyur ro/ /dge slong mas chung ma gsum 
po chu tshigs kyis byin pa dang/ rin chas nyos pa dang/ btsan phrogs su thob pa zhes bya ba nas/ dril bsgrags pa'i bar dag gi bsdum byas la/ mthun par gyur na nyes byas gsum dang/ nyes pa sbom po bzhi dang/ dge 'dun lhag ma gnyis su 'gyur ro/ /
dge slong mas chung ma de las gzhan pa 'thab pa'i mod dang/ 'thab pa'i 'og tu bsdum byas la/ mthun par gyur na thams cad du dge 'dun lhag mar 'gyur ro/ /dge slong ma khyim pa'i khyim du song nas 'di skad ces ci'i phyir khye'u 'di khyim mi dbub ces zer na 
nyes pa sbom por 'gyur ro/ /ci'i phyir bu mo chen mo 'di bag mar mi gtang zhes zer na nyes pa sbom por 'gyur ro/ /ci'i phyir khye'u 'di gyos po'i thad du mi gtang zhes zer na nyes pa sbom por 'gyur ro/ /ci'i phyir bu mo 'di khyim bdag gi thad du mi bkri zhes zer na 

</font><hr>9-1-97b<br><font size=+1>
nyes pa sbom por 'gyur ro/ /dge slong ma khyim bdag gi khyim du song nas tha na 'di skad ces ci'i phyir khyim bdag khyod kyis zhal ta byed pa dag gzhag par mi byed ces zer na nyes byas su 'gyur ro/ /de bzhin du khyim bdag mo la yang nyes byas su 'gyur ro/ /las 
dang po la sogs pa la ni ltung ba med do/ /dge slong ma'i rnam par 'byed pa las dge 'dun gyi lhag ma dang po rdzogs s+ho// //sangs rgyas bcom ldan 'das rgyal po'i khab bya ka lan da ka gnas pa na bzhugs so/ /de'i tshe sdig byung na gyad kyi sna chen po 
rgyal sde zhes bya ba phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa/ gser dang nor mang po 'byor pa zhig gnas so/ /des rigs mnyam pa 
las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed kyang de dag la bu yang med bu mo yang med do/ /bu med pas bu la mngon par dga' ste/ 
de bu'i don du lha brgya stong du ma la gsol ba 'debs te/ 'di lta ste/ tshangs pa dang/ dbang po dang/ nye dbang dang/ gshin rje dang/ nyi ma dang/ lus ngan po dang/ kun 'ged gzhon nu dang/ skye dgu'i bdag po dang/ khyab 'jug dang/ dbang 
bdag dang/ sa ga dang/ las thams cad pa dang/ tha skar dang/ rlung mar gyi lha dang/ sa'i lha dang/ chu lha dang/ me lha dang/ rlung lha dang/ yul 'khor srung dang/ 'phags skyes po dang/ mig mi bzang dang/ rnam thos kyi bu dang/ nor bu 
bzang po dang/ gang ba bzang po dang/ lngas rtsen dang/ lnga len dang/ gnod sbyin gyi sde dpon nyi shu rtsa brgyad dang/ 'phrog ma bu lnga brgya'i 'khor can dang/ kun dga' ra ba'i lha dang/ nags tshal gyi lha dang/ bzhi mdo'i lha dang/ sum mdo'i lha dang/

</font><hr>9-1-98a<br><font size=+1>
gtor ma len pa'i lha dang/ lhan cig skyes pa'i lha dang/ chos mthun pa pa dang rtag tu rjes su 'brang ba'i lha de dag dang/ gzhan yang lha brgya stong dag la gsol ba 'debs par byed do/ /'jig rten na yang lha la gsol ba btab pa'i rgyu 
las bu dang bu mo dag skye'o zhes bya ba 'jig rten pa'i gtam de lta bu yod mod kyi de ni de lta ma yin te/ gal te de ltar gyur du zin na dper na 'khor los sgyur ba'i rgyal po bzhin du re re la yang bu stong yod par 'gyur ro/ /'on kyang gnas drug po mngon du gyur pa las 
bu dang bu mo dag skye bar 'gyur te/ drug po gang dag ce na/ pha ma gnyis kyis bu rnyed par 'gyur ba'i las dag byas shing bsags pa yin/ bus kyang pha ma rnyed par 'gyur ba'i las byas shing bsags pa yin/ ma yang rung bar gyur cing zla mtshan dang ldan pa 
yin/ pha ma gnyis chags par gyur cing 'dus pa yin/ dri za yang nye bar gnas pa yin/ dri zas kyang sems gnyis po rjes su chags pa dang ldan pa'am/ khong khro ba dang ldan pa gang yang rung ba'i sems yongs su thob pa ste/ gnas drug po 'di dag mngon 
du gyur pa las bu dang bu mo dag skye ba yin no/ /de de ltar lha brgya stong la gsol ba 'debs pa lhur len cing 'dug pa na sems can bsod nams kyi rnam par smin pas dbang che bar grags pa/ sngon gyi sangs rgyas la dge ba'i rtsa ba bskyed pa/ srid pa tha ma pa/ 
spyod pa tshol ba/ 'ching ba nyam smad pa/ thar pa'i tshogs bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho dang skye ba'i don du mi gnyer ba lus tha ma 'dzin pa zhig lha'i 'jig rten nas shi 
'phos nas chung ma de'i mngal du zhugs so/ /'di na bud med mkhas pa'i rang bzhin can kha cig shes par bya ba'i gnas lnga rab tu shes te/ skyes pa chags par gyur pa shes shing skyes pa chags pa dang bral ba shes pa dang/ dus shes shing zla mtshan shes pa 

</font><hr>9-1-98b<br><font size=+1>
dang/ mngal du zhugs pa shes pa dang/ gang las mngal du zhugs pa de yang shes pa dang/ khye'ur shes shing bu mor shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o/ /des 
kyang bdag la sems can zhugs pa de dku g.yas par rten cing 'dug pas na khye'ur 'gyur ro snyam du rig nas dga' zhing mgu la yid rab tu dga' bas khyim thab la smras pa/ rje'i sras khyod la bka' mchid snyan pa zhig gsol lo/ /des smras pa/ bzang mo lha dang 
mi'i gtam snyan pa thob par gyur cig /gtam snyan pa ji lta bu zhig /rje'i sras bdag la sems can zhugs par gyur pa ji ltar bdag gi dku g.yas pa mi bde ba las gor ma bkum par bdag gis bu rnyed do/ /de nas gyad kyi sna chen po la gtogs pa rgyal 
sdes de thos ma thag tu dga' zhing mgu la yid rab tu dga' ste/ bzhin pad ma rgyas pa lta bus dga' ba'i tshig 'di skad ces smras so/ /bzang mo khyod kyi bu de bzhin du skye bar shog shig /kho bos kyang bu sdug pa'i ngo mthong ba dang/ kho bos yun ring mo zhig 
nas bsams pa'i bu yin la bsam pa bzhin du 'grub pa dang/kho bo dang mthun par skye zhing mi mthun par mi skye ba dang/ kho bo'i bya ba dag byed pa dang/ gsos pas phyir gso ba dang/ kho bo'i nor rdzas la spyod pa dang/ kho bo'i rigs rgyud kyang yun ring du 
gnas par 'gyur ba dang/ de yang phyug pa dang/ nor mang ba dang/ longs spyod che ba dang/ yongs su gzung ba yangs shing rgya che bar gyur nas bdag gi dbang phyug kyang nyams par mi 'gyur ba dang/ bdag cag shi zhing dus las 'das pa na bdag 
cag gi phyir sbyin pa dag sbyin zhing bsod nams dag byas nas 'di de gnyis gang du skyes pa der rjes su 'gro bar gyur cig ces yon sngo bar byed par shog shig /de la sems can zhugs par rig nas de tshun chad chung ma la dga' bar gyur/ bkur sti che bar 

</font><hr>9-1-99a<br><font size=+1>
gyur/ byams par gyur nas steng gi khang bzangs kyi thog tu gnod pa med par 'dug tu bcug ste/ grang ba na grang ba'i yo byad dag dang/ dro ba na dro ba'i yo byad dag dang/ sman pas bstan pa'i kha zas dang/ btung ba'i bye brag ha cang mi 
bsil ba/ ha cang mi dro ba/ ha cang mi kha ba/ ha cang mi tsha ba/ ha cang lan tshwa mi che ba/ ha cang mi skyur ba/ ha cang mi mngar ba/ ha cang mi bska ba/ ha cang mi snum pa/ ha cang mi rtsub pa/ kha ba dang/ tsha ba dang/ lan tshwa dang/ skyur ba dang/ 
mngar ba dang/ bska ba dang/ snum pa dang/ rtsub pa rnam par spangs pa'i kha zas dang/ btung ba dag gis de la rim gro byed du 'jug go/ /de nas mngal na gnas pa yongs su bskyang ba'i phyir 'di ltar chung ma de gos tshon sna tshogs su spel ba ni bskon/ lag pa 
ni gser gyi gdu bu dang/ nor bu dang/ mu tig gis gtams/ do shal dang/ se mo do rnam par 'phyang ba dang/ gdu bu dang/ dpung rgyan dang/ rna cha gdub kor ni thogs/ mig ni mig sman gyis bris/ bzhin ni dmar rtsi'i thig les mdzes par 
byas/ so ni me tog ku mu ta dang/ dngul dang/ kha ba dang/ mu tig gi do shal dang/ me tog kun da dang/ zla ba dang/ ngang pa dang/ ba'i 'o ma dang/ dung dang/ pad ma'i rtsa ba ltar dri ma med rked pa ni gser gyi 'og pag gis bcings rkang pa ni rkang 
rgyan gyis mdzes par byas nas gser gyi mchod sdong me tog gis bklubs pa lta bu de 'di ltar mngal du zhugs pa'i sems can gyis bsod nams byed pa dang dge ba byas pa'i rgyus steng gi khang bzangs kyi thog na mthun zhing rjes su mthun pa'i 'khor gling bu dang/ pi bang 
dang/ rdza rnga dang/ rnga bo che dang/ rol mo'i sgra snyan pa 'byin pa rnams kyis lha'i bu mo dga' ba'i tshal na rgyu ba bzhin du khang bzangs na rtse bar byed/ dga' bar byed cing de khri bo che legs par btsugs pa'i steng na khri nas khrir dang/ khri'u nas khri'ur rgyu zhing shod kyis 

</font><hr>9-1-99b<br><font size=+1>
gzhir mi 'bab la de la 'ga' yang sgra yid du mi 'ong ba 'byin par mi byed do/ /khyim de yang nor dang/ 'bru dang/ dbyig dang/ gser dang/ mdzod dang/ bang ba dang/ bran dang/ bran mo dang/ las byed pa dang/ zho shas 'tsho ba dang/ rkang gnyis pa 
dang/ rkang bzhi pa la sogs pa dag gis rgyas shing 'phel bar gyur te/ ji ltar rgya mtsho chen po chu klung lnga brgya dag gis nyin gcig bzhin 'gengs par byed pa de bzhin du khyim de yang rgyas par gyur to/ /re zhig na gyad kyi sna chen po la gtogs pa'i blon po lnga brgya 
rnams kyi chung ma la yang sems can zhugs par gyur to/ /de nas de zla ba brgyad dam dgu 'das te btsas pa las khye'u gzugs bzang ba/ blta na sdug pa/ mdzes pa/ pad ma'i rtsa ba'i mdog ltar dkar ba/ mgo gdugs lta bu/ lag pa ring ba/ 'phral 
ba'i dbyes che ba/ smin tshugs kyi rgyun ma chad pa/ sna'i gzangs mtho ba/ thong ka seng ge'i 'dra ba/ ro stod seng ge'i lta bu dpung pa ring ba zhig btsas so/ /nyi ma de nyid la gyad kyi sna chen po la gtogs pa'i blon po chen po lnga brgya'i bu rnams kyang btsas so/ /
rgod ma lnga brgya yang rte'u 'brangs so/ /de bzhin du rdzas zhes bya ba'i bar du yang rgyas par brjod par bya'o/ /de'i nye du rnams 'dus shing lhags nas nyi ma bdun gsum nyi shu rtsa gcig tu zhes bya ba nas/ grong khyer du btsas ston byas te zhes bya ba'i bar dang/ khye'u'i 
ming cir gdags zhes bya ba'i bar du brjod par bya'o/ /de dag las kha cig na re nor rnams dang lhan cig skyes la/ gyad kyi sna chen po la gtogs pa'i bu yang yin pas de'i phyir ming gyad bu nor du gdags so zhes zer ro/ /gzhan dag na re 'di nor dang 'dra bar 
skyes la/ 'di'i pha yang gyad kyi sna chen po la gtogs pa yin pas khye'u'i ming gyad bu nor zhes ming du gdags so zhes zer nas/ ming gyad bu nor du btags te zhes bya ba nas/ ma ma brgyad la gtad do zhes bya ba'i bar dang/ 'o ma dang/ zho dang/ mar sar 

</font><hr>9-1-100a<br><font size=+1>
dang zhes bya ba nas skyed par byed do zhes bya ba'i bar du'o/ /mngag gzhug ma bu mo zhig gis de phrag pa la blangs te srang du zhugs pa dang/ de na bram ze mtshan mkhan zhig gis mthong nas 'di skad ces smras so/ /rkang gnyis pa bsod nams 
kyi zhing yin no zhes bya ba nas pha las blangs te zhes bya ba'i bar dang/ til mar dri zhim pos byugs nas zhes bya ba nas mchod pa byas nas phyir khyim du bskyal to zhes bya ba'i bar du'o/ /gang gi tshe chen por gyur pa de'i tshe yi ge dang/ rtsis slob tu bcug go zhes bya ba 
nas rtsis dang/ gzhan dag la de blo rno ba dang/ byang bar gyur to/ /rgyal rigs rnams kyi bzo'i gnas dang/ las kyi gnas gang dag yin pa 'di lta ste/ glang po che'i gnya' bar zhon pa dang/ rta la zhon pa dang/ shing rta'i thabs dang/ ral gri'i 
thabs dang/ 'phong thabs dang/ phyir bsnur ba dang/ mdun du bsnur ba dang/ lcags kyus bsgyur ba'i thabs dang/ zhags pa gdab pa dang/ rdo rje rtse gcig pa 'phang ba dang/ 'khor lo 'phang ba'i thabs dang/ mda' bo che 'phang ba'i thabs dang/ 'dzin 
stangs dang/ gom stangs dang/ thor tshugs bcing ba dang/ bcad pa dang/ gtub pa dang/ dbug pa dang/ dral ba dang/ gsheg pa dang/ rgyang nas phog pa dang/ sgra grag par phog pa dang/ gnad du snun pa dang/ mi 'chor bar phog pa dang/ 
tshabs cher phog par bya ba la pha rol du phyin par gyur to/ /gnas bzhi rnams dang/ 'phen pa lnga rnams dang/ rig pa'i gnas bcwa brgyad po rnams la mchog tu blo rno ba dang byang bar gyur to/ /phas kyang de'i skyed mos tshal gsum po dgun gyi dang/ dpyid kyi 
dang/ dbyar gyi rnams byed du bcug ste/ dgun gyi ni gcig tu dro ba'o/ /dpyid kyi ni gcig tu bsil ba'o/ /dbyar gyi ni ha cang mi dro ha cang mi grang ba'o/ /chung ma'i 'khor gsum po chen ma dang/ bar ma dang/ chun ma yang bzhag go/ /de yang 

</font><hr>9-1-100b<br><font size=+1>
steng gi khang bzangs kyi thog na ni'u ldangs rnams dang lhan cig tu gling bu dang/ pi bang dang/ rdza rnga dang/ khar rnga dang/ lcags kyi sil khrol dang/ rol mo'i sgra snyan pa 'byin pa rnams kyis longs spyod byed de/ dper na sems can bsod nams byas shing 
dge ba byas pa dag rang gi bsod nams kyi 'bras bu nyams su myong bar byed pa bzhin no/ /de nas dus gzhan zhig na de'i grogs po rnams ri dgas shor du song ngo zhes bya ba nas dris pa/ grogs po dag ga las 'ongs/ de dag gis smras pa/ ri dgas shor 
song song ngo / /ri dgas shor ba zhes bya ba ji lta bu zhig /de dag gis smras pa/ dgon par song nas ri dgas dag bsad de sha khyer te 'ongs nas shas dgos pa'i bya ba byed pa'o/ /des de rnams la smras pa/ dgon pa na gnas shing rtswa za shing chu 'thung ba de dag 
gis khyed cag la gnod pa ci zhig byas nas gsod par byed/ de dag gis smras pa/ 'di ltar kho bo cag la gnod pa cung zad kyang ma byas mod kyi/ 'on kyang dga' ba'i slad du 'gums par bgyid do/ /de bas na spro bar mdzod cig dang lhan cig tu bzhud par 
bgyi'o/ /des smras pa/ 'di ltar re zhig bdag khyed cag 'gro bar 'dod pa yang med na/ bdag 'gro ba lta smos kyang ci dgos te spyod pa de ni bzang po ma yin no/ /de dag 'di snyam du gal te bdag cag gis ma khrid na bdag cag kyang 'gror mi ster ba'i 
gnas skabs de lta bu yod par 'ong ngo snyam du bsams nas zhes bya ba'i bar du'o/ /de dag gyad bu nor gyi pha ma ga la ba der song ste phyin nas 'di skad ces smras so/ /yab yum dag gang gi phyir gzhon nu gtum pa rtsal che ba/ de lta bu'i nyi 'og gi rgyal po 
rnams kyis thos na bag 'khums par 'gyur zhing zhes bya ba nas/ slas kyi btsun mo yang 'phel bar 'gyur ro/ /zhes bya ba'i bar du'o/ /ji tsam na de la pha dang mas song la grogs po rnams kyis bsgo ba bzhin du gyis shig ces smras pa dang zhes bya ba nas 

</font><hr>9-1-101a<br><font size=+1>
legs so zhes bya ba'i bar du'o/ /de pha ma la gus pa yin pas des 'di snyam du 'di ltar bdag gis de dag gi tshig bzlog par mi nus te/ 'di ltar pha mas bsgo ba bzhin du bya dgos pas pha mas bsgo ba bzhin du 'gro bar bya'o snyam du bsams 
nas de khas blangs so/ /de nas pha mas kyang bu de 'gro ba'i bsam pa rtogs nas bdag nyid kyi grong na gnas pa'i 'bangs dang/ zho shas 'tsho ba rnams la gyad bu nor ri dgas shor du 'gro yis khyed cag kyang song shig ces bsgo'o/ /de dag kyang bsgo ba bzhin 
du 'ongs nas nyi ma gnyis pa la gyad bu nor gyad kyi sna la gtogs pa'i bu lnga brgyas bskor te zho shas 'tsho ba'i mi dang/ bran g.yog mang pos yongs su bskor nas ri dgas shor du song ngo / /de nas de la grogs po rnams kyis smras pa/ grogs po khyod ci ri dgas 
skong du 'gro 'am/ 'on te 'phan kar sdod ces byas pa dang/ des 'di snyam du gal te 'di dag 'phan kar bzhag ste/ bdag gis ri dgas btab par gyur na de dag 'phong skyen pas ri dgas phal mo che bsad par 'gyur bar bdag gis 'phan kar bsdad na 
rung ngo snyam du bsams nas/ des de dag lings la song shig ces bsgo ba dang/ de dag kyang yid rab tu dga' bar gyur nas grogs po bdag cag kyang de kho na ltar dad do/ /de dag gis 'di snyam du 'di ni gnas bzhi dang/ 'phang ba lnga rnams la byang 
ba yin pas phal mo che zhig bsad par 'gyur ro/ /snyam du bsams so/ /de yang mda' stong gis bkang ba'i dong pa thogs nas 'phan kar 'dug go/ /de dag gis kyang ri dgas phal mo che kun nas bskongs pa dang/ ri dgas de dag 'jigs skrag bzhin 
du gzhon nu'i drung du lhags pa dang/ gzhon nu snying rje can gyis brtabs par gyur pa de dag mthong nas yid mi bde bar gyur nas snying rjes mngon par gdungs par gyur te/ de'i tshe tshigs su bcad pa smras pa/ sems can kun la byin pa dang/ /sems can gcig 

</font><hr>9-1-101b<br><font size=+1>
la snying brtse gang/ /sems can kun la byin pa bas/ /snying brtse gcig tu khyad par 'phags/ /de dag rlung ltar 'gro zhing gzhan gyis sdug bsngal bar byas pa de dag byer bar gyur kyang mda' ma 'phangs so/ /'di ltar sems can thams cad ni 
shes pa gcig po kun rdzob shes pa dang ldan pa yin pas de dag gis 'di snyam du bdag nyid chen po 'di ni snying rje can yin no snyam du bsams te/ de dag de la legs par thugs kyang 'jigs pa med par byer ro/ /de nas gyad bu nor 'di snyam du gal te 
bdag gis mda' ma 'phangs pa grogs po 'ga' zhig gis thos na yid mi dga' bar 'gyur ro/ /snyam du bsams shing/ de yang 'di snyam du ma la de dag bdag la gshe bar 'gyur ba yongs su spang ba'i phyir dang/ bdag sbyor ba la goms par shes par bya ba'i phyir 
mda' 'phang ngo snyam du bsams nas/ des de ltar bsams te/ 'di ltar sems can 'ga' la yang gnod pa skyed par mi 'gyur bar mda' 'phangs so/ /des kyang bslabs pas mda' rnams rwa phrag dang rkang lag gi bar dang spu gseb dang rna bar dag tu 'phangs 
te btang ngo / /des de ltar mda' stong po de dag sems can gcig la gnod par mi 'gyur bar de ltar 'phangs so/ /de nas ri dgas de dag shin tu thal nas dong ba dang/ de'i grogs po rnams 'ongs nas 'phan kar 'dug ste/ phan tshun du 'di snyam du deng bdag 
cag gis ri dgas phal mo che kun nas bskongs la gyad bu nor 'di yang gnas bzhi dang/ 'phang ba rnam pa lnga la byang ba yin pas de ring ri dgas mang po zhig bsad par gyur na/ khur khal dag khyer te ma 'ongs pa ni gcig tu nyes pa byas so/ /snyam du bsams 
so/ /ji tsam drung du phyin na de dag gis ri dgas gcig kyang ma bsad par mthong ngo / /mthong nas kyang gyad bu nor de la 'di skad ces smras so/ /grogs po ri dgas de dag gar song/ des 'di skad ces smras so/ /bros te song ngo / /de dag gis smras pa/ ci khyod 

</font><hr>9-1-102a<br><font size=+1>
kyis mda' ma 'phangs sam/ des smras pa/'phangs te dong pa stong par 'dug pa la ltos/ de dag gis 'di snyam du 'di ltar gyad bu nor 'phang ba de lta bu dag la de ltar byang bar gyur to zhes bya ba de'i grags pa brdzun pa lta/ rnam pa gcig 
kyang mi shes na bzhi char shes pa lta smos kyang ci dgos snyam du bsams te/ zhes bya ba nas de'i grogs po rnams smod par byed do zhes bya ba'i bar dang/ rang gi khyim du 'ongs nas steng gi khang bzangs kyi thog na lag pa 'gram pa la gtad nas sems khong 
du chud do zhes bya ba'i bar nas/ pha ma 'ongs nas 'di skad ces smras so/ /zhes bya ba'i bar dang/ bu ci'i phyir khyod kyis ri dgas ma bsad des smras pa/ yab yum khyed cag la bdag sdug lags sam/ bu shin tu sdug go/ /gal te 'ga' zhig gis 
bdag srog dang phral na khyed cag ji lta bur 'gyur/ de dag gis smras pa/ shin tu sdug bsngal ba dang/ yid mi bde bar 'gyur mod/ de smras pa/ khyed cag la yang srog mi phangs lags sam/ de dag gis smras pa shin tu phangs so/ /'o na khyed cag ci'i slad du 
bdag gzhan gyi srog gcod pa la sbyor bar mdzad gzhan yang yab yum khyed cag gis 'di ltar/ 'byung po rnams la phan 'dod snying brtse bas/ /srog gcod pa dang gsod dang 'ching ba spongs/ /ji ltar rang gi srog phangs srung ba ltar/ /de bzhin gzhan rnams 
kyi yang srog bsrung ngo / /zhes bgyi ba ci ma gsan tam zhes bya ba'i bar du'o/ /de nas de dag gi bu de'i nges pa khong du chud nas 'di skad ces smras so/ /bu de lta na phyir yang steng gi khang bzangs kyi thog tu btsun mo'i 'khor rnams dang lhan cig rtsed mo gyis shig /
de nas gyad bu nor gyi steng gi khang bzangs kyi thog nas 'di skad ces rkang gnyis pa dang/ rkang med pa dang/ sman dang/ rig sngags dang/ gsang sngags 'chang ba gang gis bdag 'khor ba'i dgon pa las yongs su thar bar byed pa su yod ces smras so/ /de'i tshe 

</font><hr>9-1-102b<br><font size=+1>
yul sdig byung na ston pa drug po thams cad mkhyen pa ma yin par thams cad mkhyen par mngon pa'i nga rgyal byed pa rnams gnas te zhes bya ba nas/ 'od srung gi gan du song ste 'di skad ces smras so/ /khyod kyi chos kyi tshul ni gang yin slob ma la gdams pa ni gang yin/ khyod kyi tshangs 
par spyod pa la gnas pa'i 'bras bu ni gang yin phan yon ni gang yin/ des smras pa/ gzhon nu kho bo ni 'di ltar lta zhing 'di skad smra ste/ sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /legs par spyad 
pa dang nyes par spyad pa rnams kyi las kyi 'bras bu rnam par smin pa med do/ /'jig rten 'di med do/ /'jig rten pha rol med do/ /ma med do/ /pha med do/ /sems can rdzus te skye ba med do/ /'jig rten 'di na yang dag par song ba dang/ yang dag 
par zhugs pa'i dgra bcom pa gang dag rang gi mngon par shes pas 'jig rten 'di dang 'jig rten pha rol mngon sum du byas shing bsgrubs nas khong du chud par byas te bdag gi skye ba zad do/ /tshangs par spyod pa brten to/ /bya ba byas so/ /srid pa 'di las gzhan mi 
shes so zhes go bar byed pa dag med do zhes bya ba nas/ ston pa 'di yang lam gol bar zhugs pa/ lam ngan pa sgrub par byed pa yin te/ mkhas pa rnams kyis lam 'jigs pa dang bcas pa ji lta ba bzhin spang bar bya ba yin no zhes bya ba'i bar dang tshigs su 
bcad pa smras pa/ lta ngan log par ston byed pa/ /dman pa ston par grags pa ste/ /gang gi chos ni de 'dra ba/ /de yi chos min ci 'dra zhig /ces bya ba nas/ de bzhin du ston pa drug po rnams snod stong pa bzhin du brdabs te song ngo zhes bya ba'i bar du'o/ /
sangs rgyas bcom ldan 'das rnams kyi chos nyid ni nyin lan gsum mtshan lan gsum/ nyin mtshan lan drug tu sangs rgyas kyi spyan gyis 'jig rten rnams la gang ni nyams par gyur/ gang ni sdug bsngal bar gyur/ gang ni nyam nga bar gyur/ gang ni mi 

</font><hr>9-1-103a<br><font size=+1>
bde bar gyur/ gang ni sdug bsngal dang/ nyam nga ba dang/ mi bde bar gyur/ gang gi dge ba'i rtsa ba ma bskyed pa rnams ni dge ba'i rtsa ba bskyed par bya/ gang gi skyed pa rnams ni 'phel bar bya/ gang gi dge ba'i rtsa ba yongs su ma smin pa 
rnams ni yongs su smin par bya/ gang gi dge ba'i rtsa ba yongs su smin pa rnams shes rab kyi mtshon gyis dral bar bya/ gang ni sangs rgyas kyis 'dul/ gang ni nyan thos kyis 'dul/ gang ni sangs rgyas dang nyan thos kyis 'dul/ gang ni zhe sdang la spyod/ 
gang ni 'dod chags la spyod/ gang ni gti mug la spyod/ gang ni 'dod chags dang/ zhe sdang dang/ gti mug la spyod/ gang ni nyes dmigs gang gis gnod par gyur/ 'phags pa'i nor dang bral ba gang ni 'phags pa'i nor gyi dbang phyug gi bdag po la 
rab tu gzhag par bya/ nyes par spyod pa'i 'dam du bying ba gang gi lag nas drang bar bya/ gang ni ngan song las bslang ste/ mtho ris dang thar pa'i 'bras bu la rab tu gzhag par bya zhes gzigs pa 'jug go/ /yang smras pa/ rgya mtsho chu srin rnams kyi gnas/ /
dus las 'da' bar 'gyur srid kyi/ /gdul bya la byams sangs rgyas ni/ /dus las 'da' bar mi 'gyur ro/ /de nas bcom ldan 'das kyi ye shes sgrib pa mi mnga' ba'i spyan sangs rgyas kyi spyan gyis kun du gzigs nas dgongs pa/ gyad bu nor de sngon gyi sangs 
rgyas rnams la dge ba'i rtsa ba skyed pa/ smon lam btab par gyur pa/ 'bras smin pa mtshon gyis brtol 'dod pa lta bur thugs su chud nas bcom ldan 'das kyis 'di snyam du gang gis 'dul bar 'gyur/ ci nyan thos kyis 'dul lam/ 'on te sangs rgyas kyis 'dul/ 
ci spyod lam gyis 'dul lam/ 'on te chos bshad pas 'dul snyam du dgongs so/ /bcom ldan 'das kyis spyod lam gyis 'dul na gang gi spyod lam gyis 'dul snyam du dgongs na/ zhes bya ba de nas tshe dang ldan pa rta thul yul sdig byung du phyin nas yul sdig byung na srin bu 

</font><hr>9-1-103b<br><font size=+1>
pad ma'i nags khrod na 'dug go/ /de nas tshe dang ldan pa rta thul snga dro sham thabs bgos zhes bya ba nas/ gyad bu nor steng gi khang bzangs kyi thog na 'dug pas tshe dang ldan pa rta thul 'gro ba dang/ ldog pa dang/ bskum pa dang/ brkyang ba dang/ snam sbyar dang/ 
chos gos dang/ lhung bzed thogs pa mdzes pa de mthong ngo / /gyad bu nor gyis tshe dang ldan pa rta thul mthong ba de'i tshe tshigs su bcad pa smras pa/ rtags can chos kyis 'tsho byed pa/ /'di na phal cher bdag gis mthong/ /zhi zhing zhi bar gnas gyur pa/ /
'di 'dra bdag gis ma mthong ngo / /zhes bya ba'i bar du'o/ /mi zhig btang nas zhes bya ba nas spyod lam mthong ste slar log nas gzhon nu la smras so zhes bya ba'i bar du'o/ /de nas tshe dang ldan pa gyad bu nor dge ba'i rtsa bas bskul te lta 'dod de zhes bya ba nas/ yang 
dag par dga' bar 'gyur ba'i bar du byas nas 'dug ste de la smras pa/ ci khyod ston pa yin nam/ 'on te nyan thos yin/ tshe dang ldan pa rta thul gyis zhes bya ba nas tshigs su bcad pa smras pa/ ri dbang gangs can dang ni yungs kar nyid kyi khyad par gang yin dang/ /
rgya mtsho dang ni phyugs rjes chu chung nyid kyi khyad par gang yin dang/ /nyi ma 'od zer dra ba che dang srin bu me khyer khyad gang yin/ /de dag rdzogs pa'i sangs rgyas yon tan gter dang nyan thos khyad par ro/ /zhes bya ba'i bar du'o/ /pha ma gnyis kyi gan du 'ongs nas gsol 
ba 'debs par byed de zhes bya ba nas/ ma gnang ngo zhes bya ba'i bar dang/ nyin zhag gcig zan bcad pa'i bar dang/ pha ma 'ongs nas 'di skad ces smras so/ /khyod kyis ni sdug bsngal mi shes te tshangs par spyod par spyad dka'o/ /gcig pu nyid la mngon par 
dga' bar bya dka'o/ /gnas mal dgon pa dang/ nags 'dab dang/ bas mtha' dag tu gnas dka'o/ /khyod kyis ji srid 'tsho'i bar du gcan gzan gdug pa dag dang lhan cig gnas par bya dgos so/ /khyod kyis ji srid 'tsho'i bar du mi rnams kyi dga' ba 

</font><hr>9-1-104a<br><font size=+1>
dang/ rtsed mo dag las mngon par dben par bya dgos so/ /bu khyod tshur shog 'dug la sbyin pa dag byin cig /'dod pa la yang yongs su spyod cig ces bya ba'i bar du'o/ /rjes su gnang nas zhes bya ba nas/ lus kyi stobs dang/ mthu yang dag par 
bskyed nas zhes bya ba'i bar dang/ phas gyad bu nor rab tu 'byung bar 'dod kyis gang dag rab tu 'byung bar 'dod pa de dag kyang deng shig ces dril bsgrags pa byas pa'i bar du'o/ /de nas de'i ne'u ldangs gang yin pa de dag 'di snyam du gyad bu nor 'di ni bde ba 'dod 
pa shin tu gzhon pa yin yang/ khyim gyi bde ba spangs nas nges par byung ste rab tu 'byung bar byed na/ bdag cag gis ji ltar bya snyam du bsam pa las/ de las gcig gis 'di skad ces legs su zad de bdag cag kyang rab tu 'byung bar bya'o zhes smras so/ /de 
nas gyad bu nor gzhon nu lnga brgya dang lhan cig tu tshe dang ldan pa rta thul gang na ba der song ste phyin nas rta thul gyi rkang pa la mgo bos phyag 'tshal te phyogs gcig tu 'dug go/ /phyogs gcig tu 'dug nas gyad bu nor gyis tshe dang ldan pa rta thul la 'di skad ces smras 
so/ /btsun pas bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gis dngos po thob par mdzad du gsol/ bdag khyod kyi thad du tshangs par spyad par spyod do/ /de nas tshe dang ldan pa rta thul gyis gyad bu 
nor rim gyis rab tu phyung ste bsnyen par rdzogs par byas so/ /des kyang sde snod gsum po dag kha ton du bton cing bsgoms pas dgra bcom par gyur te/ khams gsum gyi 'dod chags dang bral ba/ bong ba dang gser du mnyam pa/ nam mkha' dang 
lag mthil du mtshungs pa'i sems dang ldan pa/ ste'u dang tsan dan du mnyam pa/ ma rig pa'i sgo nga'i sbubs dral ba/ rig pa dang/ mngon par shes pa dang/ so so yang dag par rig pa thob pa/ srid pa dang/ 'dod pa'i rnyed pa dang/ bkur sti 

</font><hr>9-1-104b<br><font size=+1>
la rgyab kyis phyogs pa/ dbang po dang/ nye dbang dang bcas pa'i lha rnams kyis mchod par bya ba dang/ rjed par bya ba dang/ mngon du smra bar bya bar gyur to/ /sangs rgyas bcom ldan 'das kyis lugs kyis 'di ltar 'dus pa chen po gnyis yod de dbyar zla 'bring 
po la dbyar nye bar sgrub pa'i tshe dang/ ston zla 'bring po'i nya la'o/ /gang dag dbyar zla 'bring po la dbyar nye bar sgrub pa'i tshe gdams ngag dang rjes su bstan pa mnos pa de dag grong dang/ grong rdal dang/ yul 'khor dang rgyal po'i pho brang dag tu dbyar 'das par byas pa 
de dag ston zla 'bring po nya la 'ongs nas ji ltar khong du chud pa dag ni rjod par byed/gong mar gyur pa dag ni 'dri bar byed do/ /sangs rgyas bcom ldan 'das rnams kyis ji lta ba de bzhin du nyan thos chen po rnams kyi yang de lta bu yin pas tshe dang ldan pa rta thul gyis lhan 
cig gnas pa dang/ nye gnas gang dag grong dang/ grong rdal dang/ yul 'khor dang/ rgyal po'i pho brang du dbyar gnas par byas pa de dang/ de dag ston zla 'bring po nya la tshe dang ldan pa rta thul gang na ba der lhags pa dang/ tshe dang ldan pa gyad bu nor 
gyis mthong ngo / /tshangs par spyod pa de dag mthong nas kyang bsu ste/ gsong por smra bas yang dag par dga' bar byas te/ chos gos dang/ 'khar gsil dang/ ril ba spyi blugs dang/ gtur bu dang/ zhwa dang/ mchil lham dang/ gding ba dag blangs 
so/ /de dag kyang mkhan po'i drung du song nas bsnyen bkur byas te ji ltar khong du chud pa ni rjod par byed/ gong mar gyur pa ni 'dri bar byed cing rgyal po'i khab gang na ba der bcom ldan 'das la blta ba dang/ bcom ldan 'das la bsnyen bkur bya ba'i phyir 'gro bar 
byed pa dag gyad bu nor gyis mthong ngo / /mthong nas kyang slob dpon gcig pa dang/ mkhan po gcig pa de dag gi drung du song nas 'di skad ces smras so/ /khyed cag gang du dong/ de dag gis smras pa/ bdag cag gis mkhan po ni mthong zin pas da ni sangs 

</font><hr>9-1-105a<br><font size=+1>
rgyas bcom ldan 'das ltar 'gro'o/ /de nas tshe dang ldan pa gyad bu nor gyis 'di snyam du bdag gis mkhan po dang/ dge ba'i bshes gnyen la brten pas bcom ldan 'das kyi chos kyi sku ni mthong na/ gzugs kyi sku ma mthong bas bdag 
bcom ldan 'das gang na ba der 'gro'o snyam du bsams so/ /de ltar bsams nas kyang gyad bu nor gyis mkhan po la 'di skad ces smras so/ /mkhan po bdag gis mkhan po dang/ dge ba'i bshes gnyen la brten nas bcom ldan 'das kyi chos kyi sku ni 
mthong na/ gzugs kyi sku ma mthong bas da ni gzugs kyi sku blta bar 'tshal lo/ /de skad ces smras pa dang/ rta thul gyis gyad bu nor la 'di skad ces smras so/ /bu de bzhin gshegs pa dgra bcom pa yang dag par rdzogs pa'i sangs rgyas rnams ni 
dper na u dum bA ra'i me tog ltar shin tu mthong bar dka' ba yin pas/ bu de bzhin gshegs pa dgra bcom pa yang dag par rdzogs pa'i sangs rgyas blta bar gyis shig /de nas tshe dang ldan pa gyad bu nor mkhan pos rjes su gnang bas ne'u ldangs mkhan 
po gcig pa rnams dang lhan cig tu bcom ldan 'das gang na ba der dong ngo / /de'i tshe na bcom ldan 'das 'khor brgya phrag du ma la chos ston te/ bcom ldan 'das kyis gyad bu nor rgyang ring po kho na nas 'ongs pa gzigs so/ /gzigs nas kyang gyad bu 
nor la bka' stsal pa/ gyad bu nor tshur shog /'ongs pa legs so/ /khyod dus su phyin to zhes bka' stsal to/ /de'i tshe na gnas mal mi mthun par 'bogs par byed do/ /mdo sde 'dzin pa rnams dang 'dul ba 'dzin pa rnams su lhan cig mdo sde 
'dzin pa rnams dang/ ma mo 'dzin pa rnams su lhan cig /'dul ba 'dzin pa rnams dang/ mdo sde 'dzin pa rnams su lhan cig /'dul ba 'dzin pa rnams dang/ ma mo 'dzin pa rnams su lhan cig ces bya ba nas de bzhin du mu gsum pa yang sbyar 

</font><hr>9-1-105b<br><font size=+1>
bar bya'o/ /de nas bcom ldan 'das kyis 'di snyam du gyad bu nor 'di ni sngon gyi sangs rgyas rnams la kye ma'o bdag bcom ldan 'das kyi gnas mal 'ged pa dang/ kha zas la bsko ba'i mchog tu gyur cig ces smon lam btab pas zhes bya ba'i bar nas/ bcom 
ldan 'das kyis bka' stsal pa/ gnas mal 'bogs pa chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang/ zhe sdang gis 'gro ba dang/ gti mug gis 'gro ba dang/ 
'jigs pas 'gro ba dang/ gnas mal phog pa dang/ ma phog pa mi shes pa'o/ /dkar po'i phyogs ni de las bzlog par bya'o/ /de nas bcom ldan 'das kyis dge slong rnams la bka' stsal pa/ dge slong dag gyad du nor gnas mal 'bogs par bsko bar 
bya'o zhes bya ba nas/ gnas mal bsham par byas nas las bya ste/ dge 'dun btsun pa rnams gsan du gsol/ gyad bu nor 'di dge 'dun gyi gnas mal 'bogs par spro na/ gal te dge 'dun gyi dus la bab cing bzod na dge 'dun gyis gnang bar 
mdzod cig dang/ gyad bu nor dge 'dun gyi gnas mal 'bogs par bsko bar bgyi'o zhes bya ba'i bar du ste 'di ni gsol ba'o/ /de'i 'og tu las ji lta ba bzhin bya'o gang gi tshe gyad bu nor 'di dge 'dun gyi gnas mal 'bogs par bskos pa de'i tshe/ gnas mal 
gzhan du bsko bar brtsams te/ des mdo sde 'dzin pa rnams dang/ mdo sde 'dzin pa rnams su lhan cig /'dul ba 'dzin pa rnams dang/ 'dul ba 'dzin pa rnams su lhan cig /ma mo 'dzin pa rnams dang ma mo 'dzin pa rnams su lhan cig /glo bur pa rnams 
dang glo bur pa rnams su lhan cig /rnal 'byor spyod pa rnams dang rnal 'byor spyod pa rnams su lhan cig /gang dag rgyun du zhugs pa'i 'bras bu thob pa de dag ni lan gcig phyir 'ong ba rnams dang lhan cig tu bskos/ gang dag lan gcig phyir 'ong ba'i 

</font><hr>9-1-106a<br><font size=+1>
'bras bu thob pa de dag ni phyir mi 'ong ba rnams dang lhan cig /phyir mi 'ong ba rnams ni dgra bcom pa rnams dang lhan cig ste/ de ltar dge slong de rnams lhag par phan tshun du 'bel ba'i gtam rnam par gtan la dbab pa dang/ dge ba'i phyogs 
'phel bar 'gyur ba de ltar gnas mal mthun par gzhan dang gzhan du bskos so/ /de'i tshe na tshe dang ldan pa gyad bu nor rdzu 'phrul gyis gnas mal 'bogs par byed do/ /gang dag mtshan mo sngar 'ong ba de dag la ni sor mo gcig las 'od sbar te gnas mal 
'bogs par byed do/ /gang dag mtshan mo ches phyis 'ong ba de dag la ni sor mo gnyis las 'od sbar te 'bogs par byed do/ /de bzhin du gsum pa dang/ bzhi pa dang/ lnga pa las 'od sbar te zhes bya ba'i bar du'o/ /de nas dge slong de dag 'di snyam du 
'di ni chos dang ldan pas las byas pa yin te zhes bya ba nas/ khong du ma chud pa ni khong du chud par gyur/ khong du chud pa ni lhag par khyad par du khong du chud par gyur to/ /de ltar byas pa nas 'di ltar tshe dang ldan pa gyad bu nor gyis rdzu 'phrul gyi cho 'phrul bstan te 
gnas mal 'bogs par byed ces phyogs bzhi dag tu de'i sgra grags par gyur to/ /de'i tshe gang dag ngo mtshar du gyur pa de dag gis ni mngon sum du bya ba'i phyir nyin par 'ongs nas 'od ma'i tshal gyi nyen kor du 'dug ste nyi ma nub pa dang mtshan mo 'ong bar byed do/ /de 
rnams la yang tshe dang ldan pa des de bzhin du rdzu 'phrul gyi cho 'phrul bstan nas gnas mal 'bogs par byed do/ /re zhig na rgyal po'i khab de na sbyin pa po dang/ sbyin bdag de dag dge 'dun la zas rnam pa gsum du shom par byed de/ kha cig ni bsod pa sbyin 
par byed pa'o/ /kha cig ni 'bring dag sbyin par byed pa'o/ /kha cig ni ngan pa dag sbyin par byed pa'o/ /khyim gang na bsod pa dag sbyor ba de dag ni drug sde rnams kyi sngon ngo shes pa yin pas der ni rang 'ba' zhig 'gro bar byed do/ /gang na 'bring sbyin par byed pa 

</font><hr>9-1-106b<br><font size=+1>
der ni grogs po dang/ nye gnas dag go/ /gang na ngan pa dag sbyin pa der ni dge slong phal rnams 'gro bar bshams so/ /de'i tshe khyim bdag dge bzang zhes bya ba bsod pa sbyin par byed pa'i mchog ces bya ba'i bar nas/ drug sde rnams re mos 'gro bar 
byed de/ nyi ma dang po la ni dga' bo dang/ nye dga' zan za bar byed do/ /nyi ma gnyis pa la ni 'dun pa dang/ 'char ka'o/ /nyi ma gsum pa la ni 'gro mgyogs dang/ nab so'o/ /khyim bdag des de rnams la dris pa/ 'phags pa dag 'od ma'i tshal na dge 
slong gzhan mi bzhugs sam ci na/ 'ga' tsam yang 'dir bshos gsol bar mi mdzad par yang dang yang du khyed cag kho na re mos byon/ de dag gis smras pa/ khyim bdag khyod kyis mi shes so/ /'od ma'i tshal de na dge slong dag yod kyang nyin gcig bzhin du 
bza' ba dang/ bca' ba la sogs pa rnam pa sna tshogs spyod par byed pa de dang de dag khyod 'dra ba'i kha zas phul ba de ji ltar za bar byed/ nged cag ni khyod kho na la phan gdags pa'i phyir 'ong bar zad do/ /de nas khyim bdag gis smras pa/ 'phags pa gal te 'phags 
pa khyed cag gis bdag la phan gdags par mi mdzad na gzhan su zhig bgyid par 'gyur zhes smras so/ /de nas dus gzhan zhig na lho lam nas dge slong zhig bcom ldan 'das yang dag par blta ba'i phyir ljongs rgyu zhing rim gyis 'od ma'i tshal du 'ongs so/ /de 
snga dro chos gos bgos lhung bzed thogs te snga dro rgyal po'i khab tu bsod snyoms la zhugs nas/ de srang na rgyu ba khyim bdag dge bzang gis mthong nas sngon ma byung ba zhig go snyam du bsams te des de la smras pa/ btsun pa ga las byon/ des smras pa/ lho 
lam nas so/ /ci'i phyir bcom ldan 'das blta ba'i phyir ro/ /bsti gnas gang du byas des smras pa/ 'od ma'i tshal du'o/ /ci'i phyir bsod snyoms la rgyu/ des smras pa/ ci zan gcod phod dam/ btsun pa ci 'od ma'i tshal na da ltar dge 'dun la 

</font><hr>9-1-107a<br><font size=+1>
sbyin bdag rnams bza' ba dang/ bca' ba dang/ bldag pa'i rnam pa bsod pa bsod pa dag 'bul bar mi bgyid lags sam/ khyim bdag gal te de ltar gyur du zin na/ kho bo khyod kyi yul du bsod snyoms la 'ong re skan/ khyim bdag 
gis dge slong gi tshig thos nas drug sde rnams la dogs pa skyes te/ de dag ni bdag la gzhan du smra la/ dge slong 'di yang gzhan du smra'o snyam mo/ /des dge slong de la thugs khral skyungs shig dang/ deng khyod kyi gdugs tshod bdag sbyor na bdag rjes su gzung 
du gsol zhes bya ba'i bar nas des dge slong de khrid de song ngo // //dge slong ma'i 'dul ba rnam par 'byed pa/bam po brgyad pa/ drug sdes bskos pa'i dge slong gnyis kyang 'ongs pa dang/ khyim bdag des de dag bde bar 'dug tu bcug ste/ bza' ba 
dang/ bca' ba gtsang zhing bsod pa rab tu mang po dag legs par brims shing bstabs te zan zos zin pa dang/ khyim bdag gis drug sde gnyis la 'phags pa dag gis ni bdag la gdugs gcig bzhin du chos bshad pas de ring ni bdag sngon chad ma byon pa'i dge 
slong 'di las chos mnyan to zhes smras pa dang/ de gnyis kyis yon bsngo ba byas nas dong ngo / /de nas khyim bdag dge bzang dge slong de'i mdun du 'dug nas dge slong de la smras pa/ 'phags pa khyod la bdag gis de ring ni bshos gsol ba 'di ci bsod pa 
dag lags sam/ 'on te ngan pa dag lags/ des smras pa/ sbyin bdag bdag lho lam nas 'ong bar brtsams pa gang yin pa tshun chad nas da'i bar du bdag gis 'di lta bu'i bsod pa dag za ma myong ngo / /des yang smras pa/ 'phags pa bdag la dge 
slong 'di dag kha zas 'di ngan no zhes rtag tu smra na de ji lta bu zhig lags/ des smras pa/ de dag gis gdon mi za bar khyim 'dir gzhan 'ga' yang mi 'ong bar bya ba'i phyir byas so/ /btsun pa ci'i slad du dge slong gzhan khyim 'dir mi byon/ khyim bdag 'dir 

</font><hr>9-1-107b<br><font size=+1>
gzhan dag 'ong du glang po ches brdzis na ji ltar bya/ des 'di snyam du de kho na ltar yin no snyam du bsams nas/ des de la 'di skad ces smras so/ /btsun pa don mjal lags kyis da chos kyi bka' mchid gsungs shig ces bya ba nas/ dge slong des chos kyi 
gtam gyis yang dag par bstan nas song ngo zhes bya ba'i bar du'o/ /de nas khyim bdag dge bzang gis skabs de dge slong rnams la brjod nas 'di skad ces smras so/ /bdag gis dge 'dun gyi gdugs tshod nar mar bsham pa de la gal te dge 'dun gyis bskos pa'i 
dge slong mchis pas longs spyod par bgyid pa lta na g.yar dam de mi bshig par bgyi'o/ /de lta ma lags na bdag gi sbyin par bya ba'i chos ji ltar bshams pa rnams bzhag ste/ bdag gis gang zag sgo sgor stsal bar mi bgyi'o/ /de nas dge slong de dag gis 
'di snyam du rnam pa 'di lta bu'i nyes pa gang yin pa de ni zhes bya ba nas/ bcom ldan 'das la gsol to zhes bya ba'i bar du'o/ /de nas bcom ldan 'das kyis dge slong rnams la bka' stsal pa/ dge slong dag gyad bu nor zas la bsko ba bsko bar bya'o/ /
gang gi tshe dge 'dun rnams kyis gsol ba dang gnyis kyi las kyis tshe dang ldan pa gyad bu nor zas las bsko bar bskos pa de'i tshe tshe dang ldan pa gyad bu nor gyis sbyin bdag gis khyim de dag thams cad las gang dag ni bsod pa sbyin par byed/ gang dag ni 'bring sbyin 
par byed/ gang dag ni ngan pa dag sbyin par byed ces brtags so/ /des brtags nas kyang bsod pa dag sbyin par dge slong gnas brtan gnas brtan dag bskos so/ /'bring dag sbyin par dge slong bar ma dag bskos so/ /tha ma dag sbyin par dge slong 
gzhon rabs dag bskos so/ /nyi ma gnyis pa la ni ngan pa dag sbyin par gnas brtan gnas brtan rnams so/ /'bring dag sbyin par gzhon rabs rnams so/ /bsod pa dag sbyin par bar ma rnams so/ /nyi ma gsum pa la ni bar ma dag sbyin par gnas 

</font><hr>9-1-108a<br><font size=+1>
brtan rnams so/ /ngan pa dag sbyin par bar ma rnams so/ /bsod pa dag sbyin par gzhon rabs rnams te/ de ltar tshul de lta bus dge slong rnams zas la sko bar byed do/ /yang dge slong glo bur ba gang yin pa de dag nyi ma dang po la ni bsod 
pa sbyin pa dag tu'o/ /nyi ma gnyis pa la ni 'bring sbyin pa dag tu'o/ /nyi ma gsum pa la ni ngan pa sbyin pa dag tu sko bar byed cing/ nyi ma bzhi pa la ni lam srang gi spyod yul la mkhas par byed do/ /des rim par bklags pa de bzhin du dge 'dun rnams zas la 
bkod pa na rgan rims ji lta ba bzhin dang rim par bklags pa ji lta ba bzhin du thod rgal med par gyur to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong rnams gnas mal 'bogs pa rnams 
dang/ zas la bskos pa rnams kyi nang na gyad bu nor 'di mchog yin no/ /de'i tshe dge slong mdza' bo dang/ sa las skyes gnyis ljongs rgyu zhing 'gro ba na rim gyis rgyal po'i khab tu phyin pa dang/ tshe dang ldan pa gyad bu nor gyis de gnyis kyi gnas mal dang 
gnas khang yang bskos so/ /de nas nam nangs pa dang mdza' bo dang/ sa las skyes kyis 'di skad ces smras so/ /tshe dang ldan pa dag zas las bsko ba su yod/ dge slong zhig gis de gnyis la smras pa/ gyad bu nor yin no/ /de gnyis kyis tshe dang 
ldan pa gyad bu nor la 'di skad ces smras so/ /gyad bu nor bdag cag gi zas skos shig /de nas tshe dang ldan pa gyad bu nor gyis de gnyis nyi ma dang po la zas bsod pa sbyin pa dag tu bskos so/ /de nas mdza' bo dang/ sa las skyes snga dro chos 
gos bgos/ lhung bzed thogs nas sbyin bdag gi khyim gang na bar dong ngo / /khyim bdag de yang bu gcig pa sdug pa/ yid du 'ong ba shi bas de bu shi ba'i mya ngan gyis gdungs pa'i phyir dge slong gi zas bsham pa ma byas so/ /de gnyis kyis kyang 

</font><hr>9-1-108b<br><font size=+1>
ma brtags par 'ongs pa khyim bdag gis mthong ngo / /mthong nas kyang khyim gyi mi rnams la smras pa/ dge slong dag gi phyir zas bshams pa cung zad yod dam/ de dag gis smras pa/ ma mchis so/ /des 'di snyam du re zhig bu shi ba 'di yang phung 
byas pa gcig yin na/ gnyis pa go ci'i phyir bya snyam du bsams so/ /de ltar bsams nas kyang des kha zas ngan pa zhig phul lo/ /de gnyis kyis kyang zos so/ /zos nas kyang de gnyis kyis 'di snyam du bdag cag gis thos pa yang gzhan la/ myong ba yang 
gzhan du gyur te zas ngan pa dag zos par gyur mod kyi/ 'on kyang sang ni zas bsod pa dag bza' bar bya'o snyam du bsams so/ /de gnyis nyi ma gnyis pa la sbyin bdag 'bring dag sbyin par bskos te der dong ba las zhes bya ba nas/ der yang nyes pa de bzhin du gyur 
to zhes bya ba'i bar du'o/ /nyi ma gsum pa la sbyin bdag ngan pa dag sbyin pa der bskos so/ /dgra bcom pa rnams ni ma dgongs par ye shes gzigs pa mi 'jug pa yin la/ de gnyis kyis kyang kha zas ngan pa dag zos pas de dag lus shin tu rjud par gyur to/ /
de nas dge slong mdza' bo dang/ sa las skyes gnyis kyis 'di snyam du kye ma'o sdug bsngal lo/ /kye ma'o mi bzad de/ tshe dang ldan pa gyad bu nor gyis bsams bzhin du bdag cag gnyis lan gsum gyi bar du kha zas ngan pa zar bcug pas tho btsams te lus shin tu 
rjud par gyur gyis/ brku thabs 'ga' zhig bya'o snyam du bsams so/ /de'i tshe dge slong mdza' bo dang/ sa las skyes gnyis kyi sring mo dge slong ma mdza' mo zhes bya ba rgyal po'i khab na dge slong ma'i dbyar khang rgyal po'i kun dga' ra ba na 'dug go/ /de 
nas dge slong ma mdza' mos dge slong mdza' bo dang/ sa las skyes gnyis ga la ba der song ste phyin nas/ dge slong mdza' bo dang/ sa las skyes gnyis kyi rkang pa la mgo bos phyag 'tshal te phyogs gcig tu 'dug go/ /dge slong ma mdza' mo phyogs gcig tu 'dug 

</font><hr>9-1-109a<br><font size=+1>
pa na dge slong mdza' bo dang/ sa las skyes gnyis gtam 'dre bar mi byed/ phebs par smra bar mi byed/ lta bar mi byed/ rnam par lta bar mi byed do/ /de nas dge slong ma mdza' mos dge slong mdza' bo dang/ sa las skyes gnyis la 'di 
skad ces smras so/ /'phags pa dag ci'i slad du bdag la gtam 'dre bar mi mdzad/ phebs par smra bar mi mdzad/ lta bar mi mdzad/ rnam par lta bar mi mdzad sring mo kho bo cag gnyis tshe dang ldan pa gyad bu nor gyis lan gsum gyi bar du kha zas ngan pas tho 
btsams te/ lus shin tu rjud par gyur na/ de khyod kyis yal bar dor ram/ 'phags pa dag 'o na de la bdag gis ci zhig bgyi sring mo khyod tshur shog /bcom ldan 'das ga la ba der song nas bcom ldan 'das la 'di skad ces btsun pa 'di ltar 'phags 
pa gyad bu nor bdag dang lhan cig mi tshangs par spyad de/ phas pham pa byung ba de ni mi mdzes shing tshul dang mthun pa ma lags so zhes smros shig dang/ kho bo cag gnyis kyis kyang bcom ldan 'das de de bzhin no/ /bde bar gshegs pa de de bzhin te/ bdag 
cag gnyis kyi sring mos ji skad gsol pa de kho na bzhin du bdag cag gnyis kyis kyang 'tshal to zhes smra bar bya'o/ /de skad ces smras pa dang/ dge slong ma mdza' mos de gnyis la 'di skad ces smras so/ /'phags pa dag bdag gis dge slong dag pa ltung ba ma 
mchis pa la gzhi ma mchis par phas pham par 'gyur ba'i chos kyis ji ltar skur pa gdab/ sring mo khyod ci srid du de skad mi zer ba de srid kyi bar du kho bo cag gnyis khyod la gtam 'dre bar mi byed/ phebs par smra bar mi byed/ lta bar mi byed/ rnam par lta bar mi 
byed do/ /de nas dge slong ma mdza' mo yud tsam zhig cang mi smra bar 'dug nas/ dge slong mdza' bo dang/ sa las skyes gnyis la 'di skad ces smras so/ /'phags pa de lta na bdag gis bgyi ba gang lags pa de bgyi'o/ /sring mo khyod de'i phyir ji srid du kho bo 

</font><hr>9-1-109b<br><font size=+1>
cag gnyis bcom ldan 'das gang na ba der ma son pa de srid du sdod la/ de'i 'og tu khyod shog shig /de nas dge slong mdza' bo dang/ sa las skyes gnyis bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 
'tshal te phyogs gcig tu 'dug go/ /de nas dge slong ma mdza' mos dge slong mdza' bo dang/ sa las skyes gnyis dong nas ring po ma lon par rig pa dang/ bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag 'tshal 
te phyogs gcig tu 'dug go/ /phyogs gcig tu 'dug nas bcom ldan 'das la dge slong ma mdza' mos 'di skad ces gsol to/ /btsun pa 'di ltar 'phags pa gyad bu nor bdag dang lhan cig mi tshangs par spyad de phas pham pa byung ba de ni mi mdzes shing tshul dang 
mthun pa ma lags so/ /dge slong mdza' bo dang/ sa las skyes gnyis kyis kyang 'di skad ces gsol to/ /btsun pa de de bzhin no/ /bde bar gshegs pa de de bzhin te/ bdag cag gnyis kyi sring mos ji skad gsol pa de kho na bzhin du bdag cag gnyis 
kyis kyang 'tshal to/ /de'i tshe na tshe dang ldan pa gyad bu nor 'khor de nyid du 'dus par gyur te 'dug go/ /de nas bcom ldan 'das kyis tshe dang ldan pa gyad bu nor la bka' stsal pa/ gyad bu nor khyod kyis de thos sam/ bcom ldan 'das bdag gis thos lags so/ /
gyad bu nor khyod kyi de ji lta bu yin/ bdag ji lta bu lags pa de bcom ldan 'das kyis mkhyen to/ /bdag gi ji lta bu lags pa de bde bar gshegs pas mkhyen to/ /bcom ldan 'das kyis bka' stsal pa/ gyad bu nor khyod kyi dran na dran no zhes smros shig /
khyod mi dran na mi dran no zhes smros shig /bcom ldan 'das mi dran lags so/ /bde bar gshegs pa mi dran lags so/ /de'i tshe tshe dang ldan pa sgra can zin bcom ldan 'das kyi snam logs na rnga ma'i bsil yab thogs te bcom ldan 'das la g.yob 

</font><hr>9-1-110a<br><font size=+1>
cing 'dug go/ /de nas tshe dang ldan pa sgra can zin gyis bcom ldan 'das la 'di skad ces gsol to/ /btsun pa 'di ltar dge slong ma mdza' mo bcom ldan 'das ga la ba der mchis te phyin nas/ bcom ldan 'das la 'di skad ces btsun pa 'di 
ltar 'phags pa gyad bu nor bdag dang lhan cig mi tshangs par spyad de phas pham pa byung ba de ni mi mdzes shing tshul dang mthun pa ma lags so zhes mchi la/ dge slong mdza' bo dang/ sa las skyes gnyis kyang 'di skad ces bcom ldan 'das de de bzhin no/ /bde bar 
gshegs pa de de bzhin te/ bdag cag gnyis kyi sring mos ji skad gsol pa de kho na bzhin bdag cag gnyis kyis kyang 'tshal to zhes mchi na/ tshe dang ldan pa gyad bu nor la smra ci 'tshal/ sgra can zin de'i phyir na de khyod nyid la dris/ khyod kyis ji ltar 
bzod pa de kho na bzhin du lan thob shig /gal te dge slong ma mdza' mo nga gang na ba der 'ongs te phyin nas 'di skad ces btsun pa 'di ltar 'phags pa sgra can zin bdag dang lhan cig mi tshangs par spyad de phas pham pa byung ba de ni mi mdzes shing tshul dang mthun pa 
ma lags so zhes zer la/ dge slong mdza' bo dang/ sa las skyes gnyis kyis kyang 'di skad ces bcom ldan 'das de de bzhin no/ /bde bar gshegs pa de de bzhin te/ bdag cag gnyis kyis kyang sring mos ji skad gsol pa de kho na bzhin du 'tshal to 
zhes zer na/ de la sgra can zin khyod kyis ji skad lan gdab par bya/ btsun pa bdag gis 'di skad ces dran na yang dran no zhes gsol lo/ /mi dran na yang mi dran no zhes gsol lo/ /re zhig skyes bu blun po khyod kyis kyang don de smra bar gyur na/ dge slong 
gyad bu nor dag pa ltung ba med pas ci'i phyir smra bar mi bya/ de nas bcom ldan 'das kyis dge slong rnams la bka' stsal pa/ dge slong dag khyed kyis dge slong gyad bu nor ni dran pa dang ldan par zung shig /dge slong ma mdza' mo ni rang gis khas blangs pas 

</font><hr>9-1-110b<br><font size=+1>
bsnyil bar gyis shig /dge slong mdza' bo dang/ sa las skyes gnyis la ni ci zhig mthong/ ji ltar mthong/ gang du mthong/ gang na mthong/ khyed gnyis ci'i phyir der son ces legs par rab tu smra zhing brtag pa gyis shig ces bka' 
stsal nas/ bcom ldan 'das gdan las bzhengs te nang du yang dag 'jog gi phyir gtsug lag khang du gshegs so/ /de nas dge slong rab tu mang po dag gis bcom ldan 'das nang du yang dag 'jog la zhugs nas ring po ma lon par rig nas/ tshe dang 
ldan pa gyad bu nor ni dran pa dang ldan par bzung/ dge slong ma mdza' mo ni rang gis khas blangs pas bsnyil dge slong mdza' bo dang/ sa las skyes gnyis la ni ci zhig mthong/ ji ltar mthong/ gang du mthong/ gang na mthong/khyed gnyis ci'i 
phyir der son ces legs par rab tu smras shing brtags so/ /legs par rab tu smras shing brtags pa na de gnyis kyis 'di skad ces smras so/ /tshe dang ldan pa dag tshe dang ldan pa gyad bu nor la mi tshangs par spyod pa'i phas pham pa ma byung mod kyi/ 'on kyang 
bdag cag tshe dang ldan pa gyad bu nor gyis lan gsum gyi bar du kha zas ngan pa zar bcug pas tho btsams te/ lus shin tu rjud par gyur te zhes bya ba'i bar dang/ de gnyis kyis 'di snyam du kye ma'o sdug bsngal lo/ /kye ma'o mi bzad do/ /tshe dang ldan pa 
gyad bu nor gyis bsams bzhin du zhes bya ba nas lan gsum gyi bar du kha zas ngan pa zar bcug pas lus shin tu rjud par gyur pas brku thabs 'ga' zhig bya'o zhes bsams te/ bdag cag gis tshe dang ldan pa gyad bu nor la 'dun pas smras pa/ zhe sdang dang/ 
gti mug dang/ 'jigs pas smras par zad kyi/ tshe dang ldan pa gyad bu nor la mi tshangs par spyad pa'i phas pham par ma byung ste/ 'di ltar tshe dang ldan pa gyad bu nor dag pa ltung ba med pa yin no zhes bya ba'i bar du'o/ /de nas bcom ldan 'das kyis dge slong 

</font><hr>9-1-111a<br><font size=+1>
rnams la bka' stsal pa/ dge slong dag mi gti mug can de dag gnyis kyis 'di ltar zang zing cung zad tsam gyi rgyus shes bzhin du brdzun gyi tshig smras par gyur to/ /de yang bcom ldan 'das kyis byung ba de nyid las tshigs su bcad pa 
gnyis bka' stsal pa/ lus can brdzun du smra ba yi/ /chos gcig las ni 'das gyur cing/ /'jig rten pha rol bshig pa yis/ /'di na sdig pa mi bya med/ /lcags sgong me lce 'dra ba dag /zos par gyur pa ches bla yi/ /tshul 'chal 
yang dag sdom med pas/ /yul 'khor bsod snyoms za ba min/ /de nas nam mkha'i dkyil na gnas pa'i lha rnams kyis kye ma'o/ /a la la rnyed pa dang bkur sti 'di ni mi bzad pa'o/ /mchog tu mi bzad pa'o zhes bya ba nas/ zang zing cung zad 
tsam gyi rgyus dge slong la skur pa 'debs par byed pa ni ngan pa'o ngan pa'o zhes smras so/ /de nas dge slong zhig gis de'i tshe tshigs su bcad pa smras pa/ nyes med srid gsum 'gro ba yi/ /nor la'ang skur pa btab pa'i phyir/ /'jig rten dag na blo ldan 
gang/ /'khor ba la ni dga' bar byed/ /de nas bcom ldan 'das kyis dge slong rnams la bka' stsal pa/ dge slong dag gang zag gsum po 'di dag ni 'di dag ma spangs na ngan song du 'gro ba/ sems can dmyal bar 'gro ba dag yin no/ /
gsum gang zhe na/ dge slong dag 'di la gcig ni 'dod pa rnams la sten cing sdig pa mi dge ba dag byed pa ste/ dge slong dag de ma spangs na gang zag 'di ni ngan song du 'gro ba/ sems can dmyal bar 'gro ba dang po yin no/ /gzhan yang dge slong 
dag 'di la gang zag gcig ni 'dod pa rnams ni gtsang ba'o/ /'dod pa rnams ni bsod pa'o/ /'dod pa rnams ni longs spyad par bya ba'o/ /'dod pa rnams la nyes pa med do zhes de ltar lta zhing de skad smra ba ste/ dge slong dag de ma spangs na gang zag 'di ni 

</font><hr>9-1-111b<br><font size=+1>
ngan song du 'gro ba/ sems can dmyal bar 'gro ba gnyis pa yin no/ /gzhan yang dge slong dag 'di la gang zag gcig ni bdag nyid mi tshangs par spyod pa byed la/ gzhan dag la yang gzhi med par mi tshangs par spyod pa'i chos kyis skur pa 'debs par byed 
pa ste/ dge slong dag de ma spangs na gang zag 'di ni ngan song du 'gro ba/ sems can dmyal bar 'gro ba gsum pa yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 
'di skad bka' stsal to/ /skyes bu skyes pa'i kha nas ni/ /ngag gis tshig ngan rjod byed pa'i/ /sta re 'byung zhing de yis ni/ /bdag nyid gcod par byed par 'gyur/ /gang zhig smad bya stod byed cing/ /bstod bya rnams la smod byed pa/ /de yi kha 
nas phung khrol skyed/ /phung khrol can gyis bde mi myong/ /gang 'dir cho los rang nor zad byed pa/ /de ni phung khrol cung zad tsam du zad/ /gang zhig bde bar gshegs la yid rab 'khrug /de 'dir phung khrol shin tu chen po yin/ /gang yid 'phags 
pas smad pa'i sdig gnas na/ /bye ba brgya phrag stong phrag dung phyur phrag /sum bcu drug dang lnga po ji snyed par/ /sems dmyal chu bur chu bur rdol bar 'gro/ /gang gi tshe dge 'dun gyis dge slong ma mdza' mo ni rang gis khas blangs pas bsnyil/ 
mdza' bo dang sa las skyes la ni legs par rab tu dris pa de'i tshe/ dge slong ma rang bzhin du gnas pa rnams tshe dang ldan pa gyad bu nor gyi bsngags pa ni smra bar byed/ dge slong ma mdza' mo la ni bsngags pa ma yin pa rjod par byed do/ /de nas dge slong 
ma mdza' mo'i phu nu mo dge slong ma mdza' can ma zhes bya ba dge slong ma mdza' mo'i bsngags pa ma yin pa brjod pa de'i tshe dge slong ma rnams la khros 'khrugs rngam pas dge slong ma rnams la yang gzhi med par phas pham par 'gyur ba'i chos kyis skur pa 'debs shing 

</font><hr>9-1-112a<br><font size=+1>
dge slong ma rnams spa 'gong bar byed do/ /skabs de dge slong ma rnams kyis dge slong dag la smras pa dang/ dge slong rnams kyis kyang/ bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ 
dngos po 'di dang/ skabs 'di la zhes bya ba nas bslab pa bcas pa'i bar du rgyas par brjod par bya'o/ /yang dge slong ma gang zhig khros shing zhe sdang ma spangs pas ci nas kyang 'di tshangs par spyod pa dang dbral lo snyam nas dge slong ma dag pa ltung ba med pa la 
gzhi med par phas pham par 'gyur ba'i chos kyis skur pa las de dus gzhan zhig na dris kyang rung ma dris kyang rung rtsod pa de yang gzhi med pa yin la/ dge slong ma zhe sdang la gnas pas zhe sdang gis smras so zhe na yang chos 'di dang po nyid kyi ltung bar 'gyur la/ nges 
par 'byung ba dang bcas pa dge 'dun lhag ma'o/ /yang dge slong ma gang zhes bya ba ni mdza' mo'o/ /khros shing zhes bya ba ni 'khrugs pa dang/ rngam pa dang/ ngan pa dang/ yi ma rangs pa'o/ /zhe sdang ma spangs pas zhes bya ba ni 'khrugs pa ma 
bsal bar ro/ /ci nas kyang 'di tshangs par spyod pa dang dbral lo zhes bya ba ni ci nas kyang 'di dge sbyong gi tshul dang dbral lo snyam nas so/ /dge slong ma dag pa ltung ba med pa la zhes bya ba ni gzhi de'i ltung ba med pa'o/ /gzhi med par zhes bya ba ni gzhi gsum 
po mthong ba'i gzhi dang/ thos pa'i gzhi dang/ dogs pa'i gzhi med par ro/ /phas pham par gyur pa zhes bya ba ni brgyad po gang yang rung bas so/ /chos kyis zhes bya ba ni chos ma yin pa la chos kyi sgrar gsungs pa yin no/ /skur pa las zhes bya 
ba ni skur pa btab pa las so/ /de dus gzhan zhig na zhes bya ba ni dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni de rang nyid 'gyod pa dang/ cung zad 'gyod pa dang/ rnam par 'gyod pa dang/ yid la gcags pa 

</font><hr>9-1-112b<br><font size=+1>
skyes nas so/ /rtsod pa de yang zhes bya ba ni rtsod pa bzhi po 'gyod pa'i phyir rtsod pa dang/ mi gdams pa'i phyir rtsod pa dang/ ltung ba'i phyir rtsod pa dang/ bya ba'i phyir rtsod pa'o/ /gzhi med pa yin la zhes bya ba ni gzhi gsum po dag med pa yin pa la'o/ /dge 
slong ma zhe sdang la gnas pas zhes bya ba ni dge sbyong gi tshul dang dbral bar 'dod pas so/ /zhe sdang gis smras so zhes bya ba ni lhag par yang dge sbyong gi tshul dang dbral bar 'dod pas so/ /chos 'di zhes bya ba 'di ni chos ma yin pa la chos kyi sgrar bstan pa'o/ /dang 
po nyid kyis ltung bar 'gyur la zhes bya ba ni mod la ltung bar 'gyur ba'o/ /nges par 'byung ba dang bcas pa zhes bya ba ni rton pa dang bcas pa'o/ /dge 'dun lhag ma zhes bya ba ni ltung ba de gnyi ga'i dge 'dun la rag las pa dang/ gnyi ga'i dge 'dun dang 'brel ba dang/ 
gnyi ga'i dge 'dun la rton pa yin te/ ltung ba de gnyi ga'i dge 'dun las ldang bar 'gyur gyi gang zag las ni ma yin pa'o/ /yang na phas pham par gyur pa brgyad po ni lhag ma med pa yin la/ ltung ba 'di ni lhag ma dang bcas pa yin pa de'i phyir lhag ma 
dang bcas pa zhes bya'o/ /de la ji ltar ltung bar 'gyur zhe na/ gang zag dag pa la skur pa 'debs pa la gzhi bcus ni ltung bar 'gyur la/ gzhi lngas ni ltung bar mi 'gyur ro/ /ji ltar gzhi bcus ltung bar 'gyur zhe na/ des ma mthong ba dang/ ma 
thos pa dang/ mi dogs par 'du shes bsgyur cing/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog dge 'dun 
lhag mar 'gyur ro/ /de thos la de yang brjed pa dang/ de dogs la de yang brjed bzhin du des 'du shes bsgyur cing bzod pa dang/ 'dod pa dang/ blo gros dang/ rtog pa dang lta ba bsgyur te/ 'di skad ces bdag gis thos te de yang ma brjed do/ /bdag dogs te 

</font><hr>9-1-113a<br><font size=+1>
de yang ma brjed do zhes zer na brjod do cog dge 'dun lhag mar 'gyur ro/ /thos pa la yid ches nas bdag gis mthong ngo zhes zer ba dang/ thos pa la yid ma ches par bdag gis mthong ngo zhes zer ba dang/ thos pa la dogs pa na bdag gis mthong 
ngo zhes zer ba dang/ thos pa la mi dogs pa na bdag gis mthong ngo zhes zer ba dang/ dogs pa la dogs pa na bdag gis mthong ngo zhes zer ba na brjod do cog dge 'dun lhag mar 'gyur te/ de ltar gzhi bcus ltung bar 'gyur ro/ /ji ltar gzhi lngas ltung bar 
mi 'gyur zhe na/ des ma mthong ba dang/ ma thos pa dang/ mi dogs pa la des 'du shes ma bsgyur cing bzod pa dang/ 'dod pa dang/ blo gros dang/ rtog pa dang/ lta ba ma bsgyur bar 'di skad ces bdag gis mthong ngo / /thos so/ /dogs so/ /zhes 
zer na ltung bar mi 'gyur ro/ /des thos la de yang brjed pa dang/ de dogs la de yang brjed pa la des 'du shes ma bsgyur cing bzod pa dang/ 'dod pa dang/ blo gros dang/ rtog pa dang/ lta ba ma bsgyur bar 'di skad ces bdag gis thos te de yang ma brjed do/ /
bdag dogs te de yang ma brjed do zhes zer na ltung bar mi 'gyur ro/ /de ltar gzhi lngas ltung bar mi 'gyur ro/ /ji ltar gang zag dag pa la skur pa 'debs pa la gzhi bcus ltung bar 'gyur la/ gzhi lngas ltung bar mi 'gyur ba de bzhin du gang zag dag pa ma dag pa 
ltar bcos pa la skur pa 'debs pa la yang gzhi bcus ltung bar 'gyur la/ gzhi lngas ltung bar mi 'gyur ro/ /gang zag ma dag pa la skur pa 'debs pa la ni gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /ji ltar gzhi bcu 
gcig gis ltung bar 'gyur zhe na/ des ma mthong ba dang/ ma thos pa dang/ mi dogs pa la des 'du shes bsgyur cing/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces bdag gis mthong ngo / /bdag gis 

</font><hr>9-1-113b<br><font size=+1>
thos so/ /bdag dogs so zhes zer na brjod do cog dge 'dun lhag mar 'gyur ro/ /des mthong ba de la yang brjed pa dang/ des thos la de yang brjed pa dang/ des dogs la de yang brjed pa la des 'du shes bsgyur cing bzod pa dang/ 'dod pa dang/ blo gros dang/ 
rtog pa dang/ lta ba bsgyur te 'di skad ces bdag gis mthong ste de yang ma brjed do/ /bdag gis thos te de yang ma brjed do/ /bdag dogs te de yang ma brjed do zhes zer na brjod do cog dge 'dun lhag mar 'gyur ro/ /thos pa la yid ches nas bdag gis mthong 
ngo zhes zer ba dang/ thos pa la yid ma ches par bdag gis mthong ngo zhes zer ba dang/ thos pa la dogs pa na bdag gis mthong ngo zhes zer ba dang/ thos pa la mi dogs pa na bdag gis mthong ngo zhes zer ba dang/ dogs pa la dogs pa na bdag gis 
mthong ngo zhes zer na brjod do cog dge 'dun lhag mar 'gyur te/ de ltar gzhi bcu gcig gis ltung bar 'gyur ro/ /ji ltar gzhi drug gis ltung ba med par 'gyur zhe na/ des ma mthong ba dang/ ma thos pa dang/ mi dogs pa la des 'du shes ma bsgyur cing bzod 
pa dang/ 'dod pa dang/ blo gros dang/ rtog pa dang/ lta ba ma bsgyur bar 'di skad ces bdag gis mthong ngo / /thos so/ /dogs so zhes zer na ltung bar mi 'gyur ro/ /des mthong la de yang ma brjed pa dang/ des thos la de yang ma brjed pa dang/ 
de dogs la de yang ma brjed pa la des 'du shes ma bsgyur cing bzod pa dang/ 'dod pa dang/ blo gros dang/ rtog pa dang/ lta ba ma bsgyur bar 'di skad ces bdag gis mthong ste de yang ma brjed do/ /bdag gis thos te de yang ma brjed do/ /bdag 
dogs te de yang ma brjed do zhes zer na ltung bar mi 'gyur te/ de ltar gzhi drug gis ltung bar mi 'gyur ro/ /ji ltar gang zag ma dag pa la skur pa 'debs pa la gzhi bcu gcig gis ltung bar 'gyur la/ gzhi drug gis ltung bar mi 'gyur ba de bzhin du 

</font><hr>9-1-114a<br><font size=+1>
gang zag ma dag pa dag pa ltar bcos pa la skur pa 'debs pa la yang gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /dge slong rnams the tshom skyes nas the tshom thams cad gcod pa sangs rgyas bcom 
ldan 'das la zhus pa/ las ci zhig bgyi na zhes bya ba'i bar nas sngon gyi rabs rnams rgya cher brjod par bya'o/ /las ci zhig bgyis nas gnas mal 'bogs pa dang/ zas la sko ba gang lags par gyur cing dgra bcom pa nyid thob kyang skur pa btab par 
gyur ces ji ltar dge slong gi rnam par 'byed pa bzhin du rgya cher brjod par bya'o/ /dge slong ma'i rnam par 'byed pa las dge 'dun lhag ma gnyis pa rdzogs s+ho// //sangs rgyas bcom ldan 'das rgyal po'i khab na 'od ma'i tshal bya ka 
lan da ka gnas pa na bzhugs so/ /gang gi tshe ut+pa la'i mdog dge ba'i bshes gnyen tshe dang ldan pa maud gal gyi bu chen po la brten nas smad pa'i las rnams spangs nas dgra bcom pa nyid thob par gyur pa de'i tshe de nyin gcig bzhin du dus gsum du 
bcom ldan 'das la blta ba'i phyir 'gro'o/ /dge slong yid ches pa rnams ni de tshe dang ldan pa gyad bu nor la bdag nyid chen po 'di ni rang gi ting nge 'dzin dang/ rnam par thar pa dang/ snyoms par 'jug pa dag spangs te dge slong rnams la chos dang ldan pa'i 
zhal ta'i las la brtson par byed pa la ltos zhes lhag par yang dad pa skyes par 'gyur ro/ /de'i tshe na tshe dang ldan pa gyad bu nor rgyal po'i khab na bya rgod kyi phung po'i ri dang ha cang yang mi ring ba na rdzing bu rdo rtsigs can zhes bya ba'i 'gram na nyin mo gnas par byed do/ /de 
nas dge slong ma ut+pa la'i mdog tshe dang ldan pa gyad bu nor ga la ba der song ste/ phyin nas tshe dang ldan pa gyad bu nor gyi rkang pa gnyis la mgo bos phyag 'tshal te phyogs gcig tu 'dug go/ /de'i tshe na tshe dang ldan pa gyad bu nor gyi chos gos snam sbyar tshon dmar 

</font><hr>9-1-114b<br><font size=+1>
por gsar du btsos shing dge slong ma ut+pa la'i mdog kyang skra bregs nas ring po ma lon par gyur to/ /de nas chos gos snam sbyar rlung gis khyer nas de'i mgo la 'khris so/ /de'i tshe na ri dgas zhig kyang ri dgas mo dang rung ba'i chos ma yin pa byed do/ /de na 
mdza' bo dang sa las skyes kyang rdzing bu rdo rtsigs can na phyag dar khrod pa 'khru bar byed do/ /mdza' bo dang/ sa las skyes kyis dge slong ma ut+pa la'i mdog tshe dang ldan pa gyad bu nor gyi rkang pa gnyis la phyag 'tshal ba na/ chos gos kyi mtha' ma rlung gis khyer bas 
mgo la 'khris pa dang/ ri dgas zhig kyang ri dgas mo dang rung ba'i chos ma yin pa byed pa yang mthong ngo / /mthong nas kyang mdza' bos sa las skyes la smras pa/ sa las skyes ut+pa la'i mdog dang gyad bu nor la ltos/ de'i tshe ni bdag cag gis cha med pa las brgal 
gyi/ da ni bdag cag gis cha rnyed do zhes smras nas/ de gnyis kyis cha des tshe dang ldan pa gyad bu nor la brgal to/ /dge slong rnams kyis kyang 'di skad ces smras so/ /khyed cag gcig tu lha dang mi rnams yongs su btang nas gcig kho nar sems can dmyal bar 
gnas par byed dam ci/ de gnyis kyis smras pa/ bdag cag gis ni ma nyes na bdag cag gi mig gis nyes grang zhes bya ba nas bcom ldan 'das kyis de gnyis la ci zhig mthong ngo / /ji ltar mthong/ gang du mthong/ gang na mthong/ khyed gnyis ci'i phyir der 
son ces legs par rab tu smras shing brtag par gyis shig ces bka' stsal to zhes bya ba'i bar du snga ma bzhin no/ /dge slong rnams kyis kyang de gnyis la legs par rab tu smras so/ /de gnyis la legs par rab tu smras shing brtags pa na de gnyis kyis 'di skad 
ces/ bdag cag gis ri dgas shig dang/ ri dgas mo zhig kyang mthong/ bdag cag gis gyad bu nor dang/ ut+pa la'i mdog kyang mthong nas cha 'dis brgal to zhes smras so/ /skabs de dge slong rnams kyis bcom ldan 'das la gsol nas gang gi tshe 

</font><hr>9-1-115a<br><font size=+1>
bcom ldan 'das kyis dge slong rnams la bslab pa'i gzhi bca' bar mdzad pa de'i tshe dge slong ma rnams kyis cha des ut+pa la'i mdog la brgal to/ /skabs de dge slong ma rnams kyis dge slong dag la smras so/ /dge slong rnams kyis kyang bcom ldan 
'das la gsol to/ /de nas bcom ldan 'das kyis byung ba 'di dang zhes bya ba nas bslab pa bcas pa'i bar du'o/ /yang dge slong ma gang khros shing zhe sdang ma spangs pas ci nas kyang 'di tshangs par spyod pa dang dbral lo snyam nas dge slong ma dag pa ltung ba med pa la 
rtsod pa gzhan gyi cha ma yin pa'i cha cung zad tsam gyi chos 'ga' zhig blangs nas dge slong ma phas pham pa ma byung ba la phas pham pa'i chos kyis skur pa las de yang dus gzhan zhig na dris kyang rung ma dris kyang rung rtsod pa de nyid kyang gzhan gyi cha ma yin zhing/ rtsod pa de 
yang gzhan gyi cha ma yin pa'i cha cung zad tsam gyi chos 'ga' zhig blangs par gyur la dge slong ma zhe sdang la gnas pas zhe sdang gis smras so zhe na/ yang chos 'di dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro/ /
yang dge slong ma gang zhes bya ba ni mdza' mo'o/ /khros shing zhes bya ba'i bar ni snga ma bzhin no/ /rtsod pa zhes bya ba ni rtsod pa bzhi po rnams te snga ma bzhin no/ /gzhan gyi cha ma yin pa zhes bya ba la/ gzhan zhes bya ba ni mya ngan las 'das pa'o/ /de'i cha ma yin 
pa ni phas pham par 'gyur ba'i chos brgyad po dag go/ /cha cung zad tsam zhes bya ba ni ri dgas dang/ ri dgas mo dag lta bu'o/ /chos zhes bya ba ni chos ma yin pa la chos kyi sgrar gsungs pa'o/ /blangs nas zhes bya ba ni bzung nas so/ /dge slong ma phas pham pa 
ma byung ba la zhes bya ba ni ut+pa la'i mdog go/ /phas pham pa'i chos zhes bya ba ni phas pham pa brgyad po gang yang rung bas so/ /skur pa las zhes bya ba ni skur pa btab pa las so zhes bya ba nas gzhi med pa'i bslab pa'i gzhi ji lta ba bzhin du thams cad snga ma bzhin du 

</font><hr>9-1-115b<br><font size=+1>
brjod par bya'o/ /de la ltung bar ji ltar 'gyur zhe na/ dge slong mas dge slong ma phas pham par 'gyur ba'i ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing/ bzod pa dang/ 'dod pa dang/ blo gros dang/ rtog 
pa dang/ lta ba bsgyur te 'di skad ces bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma phas pham par 'gyur ba'i ltung ba 'byin pa mthong zhing de de la dge 'dun lhag ma'i lta 
ba thob par gyur nas/ des 'du shes bsgyur ces bya ba'i bar nas bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma phas pham par 'gyur ba'i ltung ba 'byin pa 
mthong zhing de de la ltung byed kyi lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma phas pham par 
'gyur ba'i ltung ba 'byin pa mthong zhing de de la so sor bshags par bya ba'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge 
slong mas dge slong ma phas pham par 'gyur ba'i ltung ba 'byin pa mthong zhing de de la nyes byas kyi lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 
'gyur ro/ /dge slong mas dge slong ma dge 'dun lhag ma'i ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes 

</font><hr>9-1-116a<br><font size=+1>
zer na dge 'dun lhag mar 'gyur ro/ /dge slong mas dge slong ma dge 'dun lhag ma'i ltung ba 'byin pa mthong zhing de de la phas pham par 'gyur ba'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham 
par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma dge 'dun lhag ma'i ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing zhes bya ba nas/ bdag gis 
dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma dge 'dun lhag ma'i ltung ba 'byin pa mthong zhing de de la ltung byed kyi lta ba thob par gyur nas des 'du shes bsgyur cing zhes bya ba nas/ 
bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma dge 'dun lhag ma'i ltung ba 'byin pa mthong zhing de de la so sor bshags par bya ba'i lta ba thob par gyur nas/ des 'du 
shes bsgyur cing bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma dge 'dun lhag ma'i ltung ba 'byin pa mthong zhing de de la nyes byas kyi lta ba thob par gyur nas des 'du shes 
bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma ltung byed kyi ltung ba 'byin pa mthong zhing de de la ltung ba med pa'i lta ba thob par gyur nas 
des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma ltung byed kyi ltung ba 'byin pa mthong zhing de de la phas pham pa'i lta ba thob par 

</font><hr>9-1-116b<br><font size=+1>
gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma ltung byed kyi ltung ba 'byin pa mthong zhing de de la dge 'dun lhag 
ma'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma ltung byed kyi ltung ba 'byin pa mthong zhing 
de de la ltung byed kyi lta ba nyid thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma ltung byed kyi ltung ba 
'byin pa mthong zhing de de la so sor bshags par bya ba'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas 
dge slong ma ltung byed kyi ltung ba 'byin pa mthong zhing de de la nyes byas kyi lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge 
slong mas dge slong ma so sor bshags par bya ba'i ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun 
lhag mar 'gyur ro/ /dge slong mas dge slong ma so sor bshags par bya ba'i ltung ba 'byin pa mthong zhing de de la phas pham pa'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin 

</font><hr>9-1-117a<br><font size=+1>
pa mthong ngo zhes zer na dge 'dun lhag mar 'gyur ro/ /dge slong mas dge slong ma so sor bshags par bya ba'i ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing zhes bya ba nas bdag 
gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma so sor bshags par bya ba'i ltung ba 'byin pa mthong zhing de de la ltung byed kyi lta ba thob par gyur nas des 'du shes bsgyur cing 
zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma so sor bshags par bya ba'i ltung ba 'byin pa mthong zhing de de la so sor bshags par bya ba nyid kyi 
lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma so sor bshags par bya ba'i ltung ba 'byin pa mthong zhing de 
de la nyes byas kyi lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma nyes byas kyi ltung ba 'byin pa mthong 
zhing de de la ltung ba med pa'i lta ba thob nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma nyes byas kyi ltung ba 'byin 
pa mthong zhing de de la phas pham par lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma nyes byas kyi 

</font><hr>9-1-117b<br><font size=+1>
ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma 
nyes byas kyi ltung ba 'byin pa mthong zhing de de la ltung byed kyi lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong mas dge slong ma 
nyes byas kyi ltung ba 'byin pa mthong zhing de de la so sor bshags par bya ba'i lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge 
slong mas dge slong ma nyes byas kyi ltung ba 'byin pa mthong zhing de de la nyes byas kyi ltung ba nyid kyi lta ba thob par gyur nas des 'du shes bsgyur cing zhes bya ba nas/ bdag gis dge slong ma phas pham par 'gyur ba'i ltung ba 'byin pa mthong ngo zhes zer na dge 'dun lhag mar 
'gyur ro/ /dge slong ma'i rnam par 'byed pa las dge 'dun lhag ma gsum pa rdzogs s+ho// //sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe sbom dga' mo spos 'tshong 
gi khye'u zhig la chags so/ /de nas sbom dga' mo spos 'tshong gi khye'u ga la ba der song ste phyin nas des ji ltar de yang chags par 'gyur ba de lta bur byas so/ /de chags pas chags pa las cung zad bdag gir byed cing de yang dang yang du song nas zong cung zad cig byin 
nas rin mang du len to/ /de nas spos 'tshong gi khye'u de 'di snyam du sems te/ bdag gis ji srid cig na nyams su myong bar 'gyur zhig gu snyam mo/ /de nas spos 'tshong gi khye'u des dus gzhan zhig na sbom dga' mo la 'di skad ces smras so/ /'phags ma 

</font><hr>9-1-118a<br><font size=+1>
bdag dang nam zhig mjal bar 'gyur/ des 'di skad ces smras so/ /khyod glang po che mo dang phrad par 'gyur ro/ /de nas phyi bzhin 'brang ba'i dge sbyong ma des sbom dga' mo la 'di skad ces smras so/ /'phags ma mi 'di chags par mi mkhyen tam/ 
 des 'di skad ces smras so/ /shes so/ /ci'i slad du khyod skyes pa chags pa las cung zad bdag gir mdzad pa'i skabs de dge slong ma rnams kyis thos so/ /thos nas dge slong dag la smras so/ /dge slong dag gis bcom ldan 'das la gsol to/ /de nas 
bcom ldan 'das kyis byung ba 'di dang zhes bya ba nas bslab pa bcas so zhes bya ba'i bar du ste/ yang dge slong ma gang chags nas skyes pa chags pa la cung zad bdag gir byed na chos 'di yang dang po nas ltung bar 'gyur zhing nges par 'byung ba dang bcas pa ste dge 'dun 
lhag ma'o/ /dge slong ma gang zhes bya ba ni sbom dga' mo'o/ /chags pa zhes bya ba ni 'dod chags pa dang/ kun du 'dod chags pa dang/ kun nas dkris pa'o/ /skyes pa chags pa zhes bya ba ni 'dod chags pa dang/ kun du 'dod chags pa dang/ kun 
nas dkris pa spos 'tshong gi khye'u'am/ gzhan yang de lta bu gang yin pa'o/ /las zhes bya ba ni thad nas so/ /cung zad ces bya ba ni bza' ba lnga dang bca' ba lnga'o/ /bdag gir byed ces bya ba ni blangs nas mgrin par mid pa'o/ /chos 'di zhes bya ba 'di ni 
chos ma yin pa la chos kyi sgrar gsungs pa'o/ /dang po nas ltung bar 'gyur ba zhes bya ba ni mod la ltung bar 'gyur ba'o/ /nges par 'byung ba dang bcas pa zhes bya ba ni rton pa dang bcas pas bya ba'o/ /dge 'dun lhag ma zhes bya ba ni ltung ba 'di gnyi 
ga'i dge 'dun la rag las pa dang/ gnyi ga'i dge 'dun dang 'brel ba dang/ gnyi ga'i dge 'dun la rton pa dang/ ltung ba 'di gnyi ga'i dge 'dun las ldang bar 'gyur gyi gang zag las ma yin pa dang/ gzhan yang phas pham par 'gyur ba brgyad ni 

</font><hr>9-1-118b<br><font size=+1>
lhag ma med pa yin gyi/ ltung ba 'di ni lhag ma dang bcas pa yin te/ de bas na dge 'dun lhag ma zhes bya'o/ /de la ltung bar ji ltar 'gyur zhe na/ dge slong ma gang chags pas skyes pa chags pa las cung zad bdag gir byed na dge 'dun 
lhag ma'o/ /chags pas skyes pa ma chags pa las na nyes byas so/ /ma chags pas chags pa las na sbom po'o/ /las dang po pa la sogs pa la ni ltung ba med do/ /dge slong ma'i rnam par 'byed pa las dge 'dun lhag ma bzhi pa rdzogs s+ho// //
sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis dge slong ma rnams la bslab pa bca' ba mdzad pa dang/ de phyin chad nam yang dge slong ma rnams 
nyo tshong mi byed do/ /de dag phongs pa dang bcom ldan 'das kyis bka' stsal pa/ de lta bas na dran pa nye bar bzhag la nyo bar bya'o/ /de nas sbom dga' mos gtsug dga' mo la 'di skad ces smras so/ /kye phu nu mo re zhig khyod ma chags par gyis la khyod ma 
chags par gyur nas skyes pa chags pa las cung zad zhig long shig /des song nas ji ltar skyes pa chags pa las cung zad bdag gir byed pa de ltar byas so/ /de nas gtsug dga' mos sbom dga' mo la 'di skad ces smras so/ /'phags ma skyes pa 'di 
ni chags so/ /des 'di skad ces smras so/ /ci'i phyir chags/ de de ltar bdag gir byed pa na dge slong ma rnams kyis smras pa/ ci'i phyir de ltar byed/ des 'di skad ces smras so/ /der zad mod skabs de dge slong ma rnams kyis dge slong dag la smras 
pa nas bslab pa bcas pa'i bar du ste/ yang dge slong ma gang dge slong ma la 'di skad ces phu nu mo re zhig khyod ma chags par gyis la khyod ma chags par gyur nas skyes pa chags pa las cung zad bdag gir gyis shig ces zer na chos 'di yang dang po nas ltung bar 'gyur 

</font><hr>9-1-119a<br><font size=+1>
zhing nges par 'byung ba dang bcas pa ste dge 'dun lhag ma'o/ /dge slong ma gang zhes bya ba ni sbom dga' mo'o/ /dge slong ma la zhes bya ba ni gtsug dga' mo la'o/ /re zhig khyod ma chags par gyis la zhes bya ba ni 'dod ma chags pa dang/ kun du 
'dod ma chags pa dang/ kun nas ma dkris par gyis la'o/ /skyes pa chags pa las zhes bya ba ni 'dod chags pa dang/ kun du 'dod chags pa dang/ kun nas dkris pa las so/ /cung zad bdag gir gyis zhes bya ba ni bza' ba lnga dang/ bca' ba lnga long 
la bdag gir gyis shig pa ste 'di ni snga ma bzhin no/ /'di skad du zer na zhes bya ba ni smra na'o/ /de la ltung bar ji ltar 'gyur zhe na/ gang cung zad ji tsam du dge slong mas dge slong ma la 'di skad ces khyod tshur ma chags par gyur nas skyes pa chags pa las cung 
zad long la bdag gir gyis shig ces zer na thams cad du dge 'dun lhag mar 'gyur ro/ /dge slong ma'i rnam par 'byed pa las dge 'dun lhag ma lnga pa rdzogs s+ho// //dge slong ma'i 'dul ba rnam par 'byed pa/bam po dgu pa/ sangs rgyas bcom 
ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /gang gi tshe dge slong ma mdza' mo rang gis khas blangs pas bsnyil ba de'i tshe skyes pas blangs nas khyim gyi 'tsho tshis byed du bcug cing de dang rtse bar byed pa na bu dang bu mo dag kyang skyes so/ /
de dus gzhan zhig na nad kyis thebs pa dang/ de'i phu nu mo dge slong ma mdza' can ma zhes bya bas de nad kyis thebs par thos nas blta ba'i phyir gcig pu song ste des de la bltas nas slar log go/ /de nas mdza' mos phu nu mo la 'di skad ces 'phags ma gal te 
na bdag do mod 'gum yang gdas ma bzhud par 'dir bzhugs shig ces smras pa dang/ de yang der 'dug go/ /de nas mdza' mo yang de nyid kyi nub mo dus las 'das so/ /de nas mdza' mo'i khyos mya ngan bya bar brtsams pa dang/ de'i grogs po zhig gis 

</font><hr>9-1-119b<br><font size=+1>
smras pa/ 'di ni de'i phu nu mo mdza' can ma zhes bya ba yin gyis de nyid blang bar gyis shig /de nas mdza' mo'i khyos mdza' can ma la 'di skad ces smras so/ /gal te mdza' can ma spro na khyim 'di dang/ mdza' mo'i bu dang/ bu mo dag yongs su skyongs 
shig /mdza' can mas 'di snyam du gal te 'dir cung zad cig smras na de nyid du bdag brtul zhugs dang phral bar 'gyur bas mi smra bar bya'o snyam du bsams nas nam nangs pa dang de 'gro bar byas so/ /de nas skyes pa des mdza' can ma la 'di skad ces smras so/ /
'phags ma khyim 'di khyod kyi lags kyis ma bzhud cig /des 'di skad ces smras so/ /khyod kyi khyim btson rar gyur cig /khyod kyi khyim mes tshig par gyur cig smras nas song ngo / /de la dge slong ma rnams kyis khyod mdang sum ga la nyal nyal zhes 
dris pa dang/ des smras pa/bdag gi phu nu mo dus las 'das pa'i de na'o/ /de dag gis smras pa/ gal te 'ga' zhig gis khyod brtul zhugs dang phral na khyod kyis ci byar yod/ des 'di skad ces smras so/ /gal te bdag gis kha rog par ma 
'dug na deng nyid du bdag brtul zhugs dang bral bar gyur to zhes bya ba'i skabs de dge slong ma rnams kyis dge slong dag la smras so zhes bya ba nas bslab pa bcas pa'i bar du'o/ /yang dge slong ma gang mtshan mo gcig pu phyi rol du gnas par byed na chos 'di yang 
dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro/ /yang dge slong ma gang zhes bya ba ni mdza' can ma'o mtshan mo zhes bya ba ni nyi ma nub nas so/ /gcig pu zhes bya ba ni gnyis pa med par ro/ /phyi rol du 
gnas par byed na zhes bya ba ni dbyar khang las gzhan du skya rengs shar bar byed na'o/ /gzhan dag ni snga ma bzhin no/ /de la ltung bar ji ltar 'gyur zhe na/ dge slong ma mtshan mo gcig pu phyi rol du gnas par byed na ji ltar gyur kyang rung ste dge 'dun 

</font><hr>9-1-120a<br><font size=+1>
lhag mar 'gyur ro/ /dge tshul ma dang lhan cig phyi rol du gnas par byed na nyes pa sbom por 'gyur ro/ /dge slob ma dang lhan cig phyi rol du gnas par byed na nyes byas so/ /gal te phyi bzhin 'brang ba'i dge slong ma shi bar gyur tam/ 
nyams par gyur tam/ bros par gyur tam/ babs par gyur na ltung ba med do/ /dge slong ma'i rnam par 'byed pa las dge 'dun lhag ma drug pa rdzogs s+ho// //gleng gzhi ni mnyan yod na'o/ /de nas sbom dga' mo bram ze dang khyim bdag gi 
khyim dag na gcig pu nyi ma nub nub tu chos 'chad par byed do/ /nyi ma nub pa dang dbyar khang du 'ongs nas des dge slong ma dag la 'di skad ces smras so/ /kho mo'i rgyab dang rked pa dag rdzis shig /de dag gis dris pa/ 'phags ma khyod gang nas 'ongs/ des 
'di skad ces smras so/ /bram ze dang khyim bdag rnams la chos bstan pa nas so/ /khyod kyi phyi bzhin 'brang ba'i dge slong ma su dang lhan cig son/ des smras pa/ kho mo gcig pu son to/ /de dag gis smras pa/ gal te 'ga' zhig gis khyod brtul 
zhugs dang phral na khyod kyis ci byar yod/des smras pa/ spos 'tshong gi khye'u gang yin pa rdog pa gcig bsnun pas rtsib ma gnyis bcag pa khyed cag gis ma mthong ngam/ de dag gis smras pa/ chu rdza chu'i don du khron par bcug pa rtag tu mkhrang por mi 
ldog go/ /de nas dge slong ma rnams kyis dge slong dag la smras so zhes bya ba nas bslab pa bcas pa'i bar du'o/ /yang dge slong ma gang nyin par gcig pu phyi rol du gnas par byed na chos 'di yang dang po nyid kyis ltung bar 'gyur la/ nges par 'byung ba dang 
bcas pa ste dge 'dun lhag mar 'gyur ro/ /dge slong ma gang zhes bya ba ni sbom dga' mo'o/ /nyin par zhes bya ba ni nyi ma shar nas so/ /gcig pu zhes bya ba ni gnyis pa med par ro/ /phyi rol du gnas par byed na zhes bya ba ni dbyar khang las gzhan du 

</font><hr>9-1-120b<br><font size=+1>
nyi ma nub par byed na'o/ /gzhan ni snga ma bzhin no/ /de la ltung bar ji ltar 'gyur zhe na/ dge slong ma nyin par gcig pu phyi rol du gnas par byed na ji ltar yang rung ste/ thams cad du dge 'dun lhag mar 'gyur ro/ /dge tshul ma dang lhan cig phyi rol 
du gnas par byed na nyes pa sbom por 'gyur ro/ /dge slong ma dang phyi rol du lhan cig gnas par byed na nyes byas so/ /gal te phyi bzhin 'brang ba'i dge sbyong ma shi bar gyur tam/ nyams par gyur tam/ bros par gyur tam/ babs par gyur na ltung 
ba med do/ /dge slong ma'i rnam par 'byed pa las dge 'dun lhag ma bdun pa rdzogs s+ho// //gleng gzhi ni mnyan yod na'o/ /de nas sbom dga' mo gcig pu lam po che'i bzhi mdo dag tu 'dug nas don mthun thams cad chas nas lam du zhugs te 
grong khyer chen po gang dang gang du 'gro ba'i grong khyer chen po de dang der rgyang grags dang rgyang grags phyed tsam du 'gro bar byed cing ldog par yang byed do/ /de bzhin du ji tsam na nyi ma nub pa na dbyar khang du 'ongs pa nas gzhon rabs dag la 'di skad ces smras so/ /da 
bdag gi rgyab rdzis shig /bdag gi rked pa dang/ rtsib logs rdzis shig /de dag gis 'di skad ces smras so/ /'phags ma gar bzhud bzhud des smras pa/ deng kho mo grong khyer chen po drug po dag gi lam du son to/ /de dag gis smras pa/ 
khyod kyi phyi bzhin 'brang ba'i dge sbyong ma su dang lhan cig phyin/ des smras pa/ kho mo gcig pu'o/ /de dag gis smras pa/ gal te 'ga' zhig gis khyod brtul zhugs dang phral na khyod kyis ci byar yod/ des 'di skad ces gal te bu zan mo'i bu dag 
nga la reg tu 'ong na ngas lhung bzed nag pos so bcag tu zad mod ces smras pa'i skabs de dge slong ma rnams kyis dge slong dag la smras so/ /zhes bya ba nas bslab pa bcas pa'i bar du'o/ /yang dge slong ma gang gcig pu 'gron lam du zhugs shing 'gro bar byed 

</font><hr>9-1-121a<br><font size=+1>
na chos 'di yang dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro/ /dge slong ma gang zhes bya ba ni sbom dga' mo'o/ /gcig pu zhes bya ba ni gnyis pa med par ro/ /'gron lam 
zhes bya ba ni dgon pa'i lam mo/ /gzhan ni snga ma bzhin no/ /de la ltung bar ji ltar 'gyur zhe na/ dge slong ma gcig pu 'gron lam du 'gro bar byed na ji ltar yang rung ste dge 'dun lhag mar 'gyur ro/ /gzhan ni snga ma bzhin no/ /dge slong ma'i rnam 
par 'byed pa las dge 'dun lhag ma brgyad pa rdzogs s+ho// //gleng gzhi ni mnyan yod na'o/ /de nas dge slong ma mang po ljongs rgyu ba rgyu zhing chu 'gram zhig tu phyin to/ /de dag bya ba cung zad tsam gyis phyi rol du 'gro bar 'dod nas gru btsal ba dang/ 
mnyan pas pha rol gyi 'gram du phur pa la gru btags te 'dug go/ /re zhig na dge slong ma rnams kyis mthong nas/ de dag gis 'di skad ces smras so/ /gal te bdag cag las rkyal shes pa 'ga' zhig yod na de song la gru blang bar gyis shig /de'i 
tshe na sngon mnyan pa mo byed byed pa dge slong ma nag mo zhes bya ba des 'di skad ces smras so/ /'phags ma dag bdag song la gru blang bar bgyi'o zhes smras nas des chos gos brtul te chu'i nang du zhugs so/ /de yang sngon gyi goms pa gang yin pa de bri zhing lus 
kyang lci bar gyur pas dbus su phyin pa dang gting du bying la thug par gyur to/ /de nas dge slong ma 'gram na 'dug pa rnams kyis 'di skad ces smras so/ /nag mo rkyol cig nag mo rkyol ces smras nas/ de yang ngal chad de 'gram du phyin te nyi ma nub pa dang dbyar khang 
du 'ongs so/ /dge slong ma rnams kyis cung zad bde bar brgyus sam zhes dris pa dang/ des ji ltar gyur pa de dag rgyas par smras pa na/ de dag gis 'di skad ces smras so/ /khyod gcig pu chur zhugs sam/ des smras pa/ gcig pu'o/ /de dag 

</font><hr>9-1-121b<br><font size=+1>
gis 'di skad ces gal te 'ga' zhig gis khyod brtul zhugs dang phral na khyod kyis ci byar yod ces smras pa'i skabs de dge slong ma rnams kyis dge slong dag la smras so zhes bya ba nas bslab pa bcas pa'i bar du'o/ /yang dge slong ma gang gcig pu chu klung gi pha rol 
du rkyal bar byed na chos 'di yang dang po nyid kyis ltung bar 'gyur la nges par 'byung ba dang bcas pa ste dge 'dun lhag mar 'gyur ro/ /yang dge slong ma gang zhes bya ba ni dge slong ma nag mo'o/ /gcig pu zhes bya ba ni gnyis pa med par ro/ /chu klung gi pha rol 
du rkyal bar byed na zhes bya ba ni chu bo rgal bar byed na'o/ /gzhan ni snga ma bzhin no/ /de la ltung bar ji ltar 'gyur zhe na/ yang dge slong ma gang gcig pu chu klung gi pha rol du rkyal bar byed na dge 'dun lhag mar 'gyur ro/ /rtsang lag rgal bar byed na 
nyes pa sbom por 'gyur ro/ /chu bran rgal bar byed na nyes pa sbom por 'gyur ro/ /yur chu rgal bar byed na nyes byas so/ /dge slong ma'i rnam par 'byed pa las dge 'dun lhag ma dgu pa rdzogs s+ho// //gleng gzhi ni mnyan yod na'o/ /de'i tshe 
na rgyal po gsal rgyal la dmag tshogs mthu stobs rdul du rlog pa zhes bya ba dang/ rigs bzang po zhes bya ba gnyis yod de de dag rgyal po gsal rgyal gyi mdun du 'gro zhing ri brags gang yang rung ba log par gyur na de dag der song nas g.yul 'gyed par byed do/ /de 
dag der song ba na chung ma rnams g.yon can dang/ 'phyon ma dang/ zol pa rnams dang lhan cig rtse bar byed/ dga' bar byed/ dga' mgur spyod par byed nas de dag gis 'di snyam du bdag cag gis ni ri brags pa log pa'i rnams 'dul bar byed na rang gi 
chung ma dag gdul bar mi nus sam khrims bca' gor ma chag snyam du bsams nas/ bdag cag gi chung ma gang zhig skyes pa gzhan dang lhan cig mi rigs pa byed par gyur pa de'i mgo sker bcad nas dor bar bya'o/ /de dag kha cig gis smras pa/ khrims 'di 

</font><hr>9-1-122a<br><font size=+1>
ha cang brlang ches kyis rgyal po la bdag cag gis zhu bar bya'o/ /de nas dmag dpon dpog byed dmag gi tshogs dang lhan cig rgyal po gsal rgyal ga la ba der song ste phyin nas skabs de dag rgyas par rgyal po la bsnyad pa dang/ rgyal pos kyang 
ma nyes so zhes byas so/ /de nas dmag dpon dpog byed kyi bu mo sde can ma zhes bya ba des khrims dang 'gal bar byas pa na bud med phal dag gis 'di skad ces gal te 'di chad pas ma bcad par gyur na bdag cag gis kyang khrims dral bar bya'o zhes smras pa dmag 
mi rnams kyis thos nas de dag gis dpog byed la smras so/ /dmag dpon dpog byed kyis 'di snyam du bdag gis khrims bcas la bdag gis dral du ga la rung snyam du bsams nas dmag dpon dpog byed kyis sde can ma yongs su btang nas dmag mi rnams la sod cig 
ces bsgo'o/ /de nas sde can mas thos nas rings pa rings par song ste dmag mi rnams kyi rkang pa la gtugs nas bzod pa gsol lo/ /de dag gis smras pa/ kho bo cag gis 'di lta bu'i mi rigs pa byed pa la bzod par mi nus mod kyi/ 'on kyang dmag 
mi la bltas pa don med par mi 'gyur bar bya ba'i phyir de'i lan zhag bdun na sbyin par bya'o/ /des kyang zhag bdun na lan thob nas ngu zhing sbyin pa ni sbyin/ bsod nams ni byed pa na dge slong ma phyar mos sde can ma la ci ste ngu zhes dris so/ /des 'di skad 
ces smras so/ /kho mo phas yongs su btang ngo / /kho mo mas yongs su btang ngo / /kho mo khyos yongs su btang ste kho mo ni nyi ma bdun na med do/ /des 'di skad ces re zhig rab tu 'byung bar mi 'dod dam zhes smras pa dang/ de de las rab tu byung ste des de dbyar 
khang du khrid de song ngo / /de yang dmag mi rnams kyis thos nas de dag gis 'di skad ces gal te ba glang gi rwa phrag tu zhugs kyang de ni gson por mi bya'o zhes smras so/ /de yang sde can mas thos nas skrag ste bcu gnyis sde la skyabs su song ba dang/ de dag gis 'di skad 

</font><hr>9-1-122b<br><font size=+1>
ces phu nu mo gal te bu zan ma'i bu rnams 'ongs na lhung bzed nag pos so gcag gis rton cig ces smras so/ /des 'di snyam du bcu gnyis sde kha bya 'di dag gis ni non mi nus so snyam du bsams nas de skye dgu'i bdag mo chen mo gau ta mI la skyabs su song ba dang/ des 
smras pa/ 'di ltar phas yongs su btang ba/ mas yongs su btang ba/ dmag mis yongs su btang ba/ rgyal pos yongs su bsgo ba/ khyim thab kyis spangs pa khyod sus rab tu phyung zhes bya ba nas btsun mo phreng ldan ma la skyabs su song ba'i bar du'o/ /de 
nas btsun mo phreng ldan mas dpog byed kyi bu mo sde can ma'i phyir rgyal po la gsol ba btab pa dang/ rgyal pos kyang khas blangs so/ /de nas rgyal po dmag mi ga la ba der song ste phyin nas 'di skad ces smras so/ /dpog byed kyi bu mo sde can ma 'di ni sangs rgyas la 
skyabs su song ba/ chos la skyabs su song ba/ dge 'dun la skyabs su song ba/ nga la skyabs su 'ongs pa/ khyed cag la skyabs su song ba yin gyis ma gsod cig de dag gis smras pa/ lha ci khrims dral bar bgyi'am/ des 'di skad ces ga la dral gyi 
steng du legs par rab tu bsrung mod kyis 'on kyang 'di'i phyir mchog zhig sbyin par bya'o zhes smras pa'i skabs de dge slong ma rnams kyis dge slong dag la smras so/ /dge slong rnams kyis kyang bcom ldan 'das la gsol to/ /de nas bcom ldan 'das kyis byung ba 
'di dang/ gleng gzhi 'di dang/ dngos po 'di dang/ skabs 'di la zhes bya ba nas bslab pa bcas pa'i bar du'o/ /yang dge slong ma gang bud med gang zhig rgyal pos bsgo ba/khyim thab kyis spangs pa/ pha mas yongs su btang ba/ dmag mi rnams la 
sod cig ces bsgo bar shes bzhin du 'khor du 'jog par byed na chos 'di yang dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro/ /yang dge slong ma gang zhes bya ba ni 'phyar mo'o/ /bud med gang zhig ces bya ba ni 

</font><hr>9-1-123a<br><font size=+1>
sde can ma'o/ /rgyal pos bsgo ba zhes bya ba ni gsal rgyal gyis rang gis rung bar byas pa'o/ /khyim thab kyis spangs pa zhes bya ba ni khyos so/ /pha mas yongs su btang ba zhes bya ba ni dpog byed dang dpog byed kyi chung mas so/ /dmag mi rnams 
la sod cig ces bsgo ba zhes bya ba ni mthu stobs rdul du rlog pa dang/ rigs bzang po la'o/ /shes bzhin du zhes bya ba ni de bdag nyid kyis sam/ gzhan gyis smras pa nas so/ /'khor du 'jog na zhes bya ba ni chos 'dul ba 'di la gsol ba dang bzhi'i las kyis 
rab tu 'byin cing bsnyen par rdzogs par byed na'o/ /gzhan ni snga ma bzhin no/ /de la ltung bar ji ltar 'gyur zhe na/ dge slong mas rnam pa 'di lta bu'i bud med rab tu 'byin par byed na ji ltar yang rung ste dge 'dun lhag mar 'gyur ro/ /dge slong ma'i rnam par 
'byed pa las dge 'dun lhag ma bcu pa rdzogs s+ho// //sdom la/ gang gi tshe na chags rgya dang/ /bzod pa gsol du 'jug byed dang/ /sangs rgyas chos dang dge 'dun gtong/ /'dun dang zhe sdang 'jigs smra dang/ /gnyis po lhan cig gnas byed 
dang/ /de yi rjes su phyogs pa dang/ /dge 'dun dbyen dang rjes phyogs dang/ /khyim sun bka' blo mi bde ba'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe 
mnyan yod na khyim bdag cig nad kyis thebs nas dge sbyong dang/ bram ze dang/ bkren pa dang/ phongs pa rnams la sbyin pa ni sbyin/ bsod nams ni byed pa de sbom dga' mos thos so/ /de nas sbom dga' mo khyim bdag ga la ba der song ste phyin 
nas khyim bdag de la chos bshad pa byas so/ /chos bshad pa byas nas kyang khyim bdag de la 'di skad ces smras so/ /bzhin bzangs bud med ni rnyed pa chung ba yin gyis bdag la yang cung zad cig byin cig /des 'di skad ces smras so/ /'phags ma khyod ci'i 

</font><hr>9-1-123b<br><font size=+1>
slad du ches sngar ma byon/ bdag 'gum par 'gyur ba 'dra nas bdag gis thams cad 'jig rten pha rol du bskyas lags so/ /des 'di skad ces smras so/ /mtshar byas te cang mi nyes par lo brgyar 'tsho bar 'gyur ro/ /des 'di skad ces smras so/ /'phags 
ma chags rgya bzhed dam/ des 'di skad ces smras so/ /bzhin bzangs gal te byin par gyur na'o/ /de nas des de la byin no/ /des chags rgya blangs nas khyim bdag gzhan ga la ba der song ste phyin nas khyim bdag de la 'di skad ces smras so/ /bzhin bzangs 'di 
cung zhig lhogs/ des bklags so/ /bklags nas kyang 'di skad ces 'di 'phags ma khyod mnga' 'am/ des smras pa/ bdag dbang ngo / /bdag gis dbul bar bgyi'o/ /de nas sbom dga' mos khyim bdag de bzung nas gal te khyod kyis 'di nga la ma byin 
par 'gro na rgyal po'i pho brang du dbul lo zhes byas pa dang/ de yang der 'dug go/ /de'i grogs po zhig 'ongs nas des de la 'di skad ces smras so/ /'di na ci byed/ des smras pa/ kho bo bu lon ded pas bzung ngo / /bu lon ded pa su yin/ des 'di skad ces 
smras so/ /dge slong ma'o/ /des smras pa/ khyod kyis 'jig rten na gzhan las ci yang mi rnyed dam ci na dge slong ma las len/ de nas bram ze dang khyim bdag rnams gang gi phyir chags rgya yang len par byed pas shAkya'i bu'i dge sbyong ma rnams kyi dge sbyong gi 
tshul ni tshig pa'o/ /zhes 'phya bar byed/ smod par byed/ phyar ka gtong bar byed pa'i skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /de nas bcom ldan 'das kyis byung ba 'di dang zhes 
bya ba nas bslab pa bcas pa'i bar du'o/ /yang dge slong ma gang chags rgya len par byed na chos 'di yang dang po nyid kyis ltung bar 'gyur la nges par 'byung ba dang bcas pa ste dge 'dun lhag mar 'gyur ro/ /yang dge slong ma gang zhes bya ba ni sbom dga' mo'o/ /chags rgya 

</font><hr>9-1-124a<br><font size=+1>
zhes bya ba ni bu lon bda' ba'i dpang rgya'o/ /len par byed na zhes bya ba ni len na'o/ /chos 'di yang zhes bya ba 'di ni chos ma yin pa la chos kyi sgrar bstan pa'o/ /gzhan ni snga ma bzhin no/ /de la ltung bar ji ltar 'gyur zhe na/ dge slong 
ma chags rgya len par byed na ji ltar yang rung ste dge 'dun lhag mar 'gyur ro/ /tshegs chung ngus khugs pa dang/ las dang po pa la sogs pa la ltung ba med do/ /dge slong ma'i rnam par 'byed pa las dge 'dun lhag ma bcu gcig pa rdzogs s+ho// //gleng 
gzhi ni mnyan yod na'o/ /de'i tshe mnyan yod na dge slong ma 'dun ma zhes bya ba 'thab mo byed pa/ 'gyed par byed pa/ 'thab krol byed pa/ rtsod par byed pa/ de'i bu mo 'dun ma mo zhes bya ba de thos so cog de thams cad ma la zlos par byed do/ /de'i 
rgyus dge slong ma'i dge 'dun rnams 'tshang kar lhags te 'thab pa dang rtsod par byed do/ /de nas dge slong ma'i dge 'dun gyis rtsad chod nas 'dun ma bsod snyoms la song ba'i 'og tu dge slong ma'i dge 'dun gyis dge slong ma 'dun ma mo ma mthong ba'i phyir gnas nas 
dbyung ba'i las byas so/ /de nas 'dun ma mo ngu zhing ma la dge 'dun mas bdag la ma mthong ba'i phyir gnas nas dbyung ba'i las byas so zhes smras pa dang/ des 'di skad ces khams gsum nas bskrad pa'i las kyang byed la rag go zhes smras nas/ de yang 
dkyil 'khor gyi mtshams kyi phyi rol du song ste bzod pa gsol du bcug nas de dang lhan cig gnas par byed/ lhan cig za bar byed/ lhan cig khyim na nyal bar byed pa dang/ dge slong ma de dag gis 'dun ma la 'di skad ces smras so/ /khyod ci bskrad pa dang 
lhan cig gnas par byed dam/ za bar byed dam/ khyim na lhan cig gnas par byed dam/ des 'di skad ces smras so/ /ci bskrad ces te phyogs dang yul du 'dug tu mi rung ngam/ dge slong ma de dag gis smras pa/ dge slong ma'i dge 'dun ma la bzod pa 

</font><hr>9-1-124b<br><font size=+1>
gsol cig /des 'di skad ces smras so/ /'di ngas phyung ngo / /dge slong ma dag gis gang du ji ltar phyung/ des smras pa/ mtshams kyi phyi rol du'o/ /dge slong ma dag gis mtshams kyi phyi rol du de ltar dbyung du rung ngam/ des smras pa/ rung yang bla mi 
rung yang bla ste ngas phyung ngo zhes smras pa dang/ bzod pa ni legs kyis gsol bar bya ste/ 'on kyang khyed cag ni 'dun pas byed do/ /zhe sdang dang gti mug gis byed do zhes bya ba'i skabs de dge slong ma rnams kyis dge slong dag la smras so/ /dge slong dag gis 
kyang bcom ldan 'das la gsol to/ /bcom ldan 'das kyis bka' stsal pa/ dge slong ma khyed cag gis dge slong ma 'dun ma'am/ gzhan yang de lta bu dang mthun pa gang yang rung ba dag la bzhams te bsgo bar bya'o/ /dge slong ma rnams kyis dge slong ma 
de la bzhams te bsgo'o/ /de la bzhams te bsgo ba na gzhi de nyid la nan gyis mchog tu bzung zhing mngon par zhen nas 'di nyid ni bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong ma rnams kyis dge slong dag la smras so/ /
dge slong dag gis kyang bcom ldan 'das la gsol to/ /bcom ldan 'das kyis bka' stsal pa/ dge slong ma rnams kyis dge slong ma 'dun ma la gsol ba dang bzhi'i las kyis bsgo bar bya'o/ /bsgo ba yang 'di ltar bya ste/ gnas mal bshams pa 
byas te zhes bya ba nas dge slong ma gcig gis gsol ba byas te las bya'o/ /las kyang 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma 'dun ma 'di dge slong ma'i dge 'dun ma rnams kyis dge slong ma gang zhig ma 
mthong ba'i phyir gnas nas dbyung ba'i las bgyis par 'tshal bzhin du gnas nas dbyung ba'i las bgyis pa de dang lhan cig gnas par bgyid/ lhan cig za bar bgyid/ lhan cig khyim na nyal bar bgyid nas dge slong ma rnams kyis de la bzhams te 

</font><hr>9-1-125a<br><font size=+1>
bsgo la de la bzhams te bsgo ba na gzhi de nyid la nan gyis mchog tu bzung zhing mngon par zhen nas 'di ni bden gyi gzhan ni brdzun pa'o zhes rjes su tha snyad 'dogs par bgyid kyis dge 'dun gyi dus la bab cing bzod na dge 'dun gyis gnang bar 
mdzod cig dang/ dge slong ma 'dun ma la gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma 'dun ma 'di dge slong ma'i 
dge 'dun ma rnams kyis dge slong ma gang zhig ma mthong ba'i phyir gnas nas dbyung ba'i las byas par shes bzhin du gnas nas dbyung ba'i las byas pa de dang lhan cig gnas par byed/ lhan cig za bar byed/ lhan cig khyim na nyal bar byed nas dge 
slong ma rnams kyis de la bzhams te bsgo la bzhams te bsgo ba na gzhi de nyid la nan gyis mchog tu bzung zhing mngon par zhen nas 'di ni bden gyi gzhan ni brdzun pa'o zhes rjes su tha snyad 'dogs par bgyid pa'i slad du 'phags ma'i dge 'dun gyis dge slong ma 
'dun ma de la gsol ba dang bzhi'i las kyis bsgo bar mdzad pa la gang dag bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste/ gnyis pa dang gsum pa la yang de bzhin du brjod par bya ste/ 
dge 'dun gyis bzod cing gnang nas 'di ltar cang mi gsung bas de de bzhin du 'dzin to/ /gsol ba dang bzhi'i las kyis bsgo ba na gzhi de nyid la nan gyis mchog tu 'dzin cing zhes bya ba'i bar du snga ma bzhin te/ skabs de dge slong ma rnams kyis zhes bya ba 
nas bslab pa bcas pa'i bar du'o/ /yang dge slong ma gang dge slong ma'i dge 'dun mthun pas dge slong ma gang zhig gnas nas dbyung ba'i las byas par shes bzhin du de gcig po mtshams kyi phyi rol du song ste bzod pa gsol du 'jug par byed na/ chos 'di 

</font><hr>9-1-125b<br><font size=+1>
yang dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro/ /yang dge slong ma gang zhes bya ba ni 'dun ma'o/ /dge slong ma'i dge 'dun zhes bya ba ni de bzhin gshegs pa'i nyan thos ma'i dge 'dun no/ /
dge slong ma gang zhig ces bya ba ni 'dun ma mo'o/ /gnas nas dbyung ba'i las byas pa zhes bya ba ni gsol ba dang bzhi'i las kyis so/ /shes bzhin du zhes bya ba ni bdag nyid kyis sam/ de la gzhan gyis smras par gyur nas so/ /de gcig po zhes bya ba 
ni de 'ba' zhig go/ /mtshams kyi phyi rol du song ste zhes bya ba ni mtshams kyi dkyil 'khor gyi phyi rol du song ste'o/ /bzod pa gsol du 'jug par byed na zhes bya ba ni gsol ba dang bzhi'i las kyis so/ /gzhan ni snga ma bzhin no/ /de la ltung bar ji ltar 
'gyur zhe na/ dge slong mas dge slong ma gang zhig gnas nas dbyung ba'i las byas par shes bzhin du zhes bya ba nas mtshams kyi phyi rol du song ste bzod pa gsol du bcug nas de dang lhan cig 'dug par byed/ lhan cig za bar byed/ lhan cig khyim na nyal 
bar byed na/ ji ltar yang rung ste thams cad du nyes byas su 'gyur ro/ /bzhams te bsgo ba na gal te gzhi de gtong ba de lta na legs/ ji ste gtong bar mi byed na nyes pa sbom por 'gyur ro/ /las dang po'i tshig brjod pa ma rdzogs par gal te gtong ba de lta na 
legs/ ji ste gtong bar mi byed la tshig rdzogs par gyur na nyes pa sbom por 'gyur ro/ /las gnyis pa'i tshig brjod pa ma rdzogs par gal te gtong ba de lta na legs/ ji ste gtong bar mi byed la tshig rdzogs par gyur na nyes pa sbom por 'gyur ro/ /las 
gsum pa'i tshig brjod pa yang ma rdzogs la mthun pas chos ma yin par byas pa dang/ mi mthun pas chos ma yin par byas pa dang/ mi mthun pas chos bzhin du byas pa dang/ chos ji lta ba dang/ 'dul ba ji lta ba dang/ ston pas bstan pa ji lta ba 

</font><hr>9-1-126a<br><font size=+1>
bzhin du ma byas na ltung ba med do/ /las gsum pa'i tshig brjod pa yang rdzogs la chos ji lta ba dang/ 'dul ba ji lta ba dang/ ston pas bstan pa ji lta ba de bzhin du byas kyang gzhi de gtong bar mi byed na dge 'dun lhag mar 'gyur 
ro/ /dge slong ma des stan de nyid du 'dug bzhin du 'di skad ces 'phags ma dag bdag la dge 'dun lhag ma byung ngo zhes bya ba'i tshig smra bar byed pa de lta na legs/ ji ste smra bar mi byed na nyes byas su 'gyur ro/ /des ltung ba ma mthol zhing ma bshags 
bzhin du de'i 'og tu gsol ba dang/ gsol ba dang gnyis dang/ gsol ba dang bzhi'i las nyams su myong bar byed na thams cad du nyes byas su 'gyur ro/ /las dang po pa la sogs pa la ni ltung ba med do/ /dge slong ma'i rnam par 'byed pa las dge 
'dun lhag ma bcu gnyis pa rdzogs s+ho// //gleng gzhi ni mnyan yod na'o/ /de'i tshe na mnyan yod na sngon gzhan mu stegs can du gyur pa dge slong ma nag mo zhes bya ba de dge slong ma rnams dang 'thab pa na khros nas 'di skad ces/ re zhig shAkya'i bu'i dge 
sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi dge sbyong gzhan yang tshul khrims dang ldan pa/ yon tan dang ldan pa yod pas de dag gi drung du tshangs par spyod pa spyad par zad kyis sangs rgyas gtong ngo / /chos dang dge 'dun 
gtong ngo zhes zer ba'i skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /bcom ldan 'das kyis bka' stsal pa/ dge slong ma khyed cag gis dge slong ma nag mo'am/ gzhan 
yang de lta bu dang mthun pa su yang rung ba dag la bzhams te bsgo bar bya'o/ /bsgo ba yang 'di ltar bya ste/ nag mo khyod 'thab pa na khros nas 'di skad ces re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin 

</font><hr>9-1-126b<br><font size=+1>
gyi dge sbyong gzhan yang tshul khrims dang ldan pa yon tan dang ldan pa yod pas de dag gi drung du tshangs par spyod pa spyad par zad kyis sangs rgyas gtong ngo / /chos dang dge 'dun gtong ngo zhes ma zer cig /nag mo khyod kyis sdig pa can gyi lta bar gyur 
pa'i rnam pa 'di lta bu thong shig ces bsgo bar bya'o/ /dge slong ma rnams kyis de la bzhams te bsgo ba na gzhi de nyid la nan gyis mchog tu bzung zhing mngon par zhen nas 'di nyid ni bden gyi gzhan ni brdzun pa'o zhes rjes su tha snyad 'dogs par byed pa'i skabs 
de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /bcom ldan 'das kyis bka' stsal pa/ dge slong ma rnams kyis dge slong ma nag mo la gsol ba dang bzhi'i las kyis bsgo bar bya'o/ /bsgo ba yang 'di ltar bya ste/ gnas mal bshams pa bya ste zhes bya ba nas dge slong ma gcig gis gsol ba bya ste las bya'o/ /las kyang 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma nag mo 'di dge 
slong ma rnams dang lhan cig 'thab nas khros pa na 'di skad ces re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi/ dge sbyong gzhan yang tshul khrims dang ldan pa/ yon tan dang ldan pa yod pas de dag gi 
drung du tshangs par spyod pa spyad par zad kyis sangs rgyas gtong ngo / /chos dang dge 'dun gtong ngo zhes mchi ba de la dge slong ma mang po rnams kyis bzhams te bsgo ba na/ gzhi de nyid la nan gyis mchog tu bzung zhing mngon par zhen nas 'di ni bden gyi gzhan ni brdzun pa'o 
zhes rjes su tha snyad 'dogs par bgyid pa'i slad du dge 'dun gyi dus la bab cing bzod na dge 'dun gyis gnang bar mdzod cig dang/ dge 'dun gyis dge slong ma nag mo dge slong ma rnams dang 'thab mo bgyid pa la gsol ba dang bzhi'i las kyis bsgo ba mdzad do/ /'di ni 

</font><hr>9-1-127a<br><font size=+1>
gsol ba'o/ /las kyang 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma nag mo 'di dge slong ma rnams dang lhan cig 'thab pa na khros nas 'di skad ces re zhig shAkya'i bu'i dge sbyong 'di dag 'ba' 
zhig tshul khrims dang ldan pa/ yon tan dang ldan pa ma yin gyi/ dge sbyong gzhan yang tshul khrims dang ldan pa/ yon tan dang ldan pa yod pas de dag gi drung du tshangs par spyod pa spyad par zad kyis sangs rgyas gtong ngo / /chos dang dge 'dun gtong ngo / /
zhes mchi ba de la dge slong ma mang po rnams kyis bzhams te bsgo ba na/ gzhi de nyid la nan gyis mchog tu bzung zhing mngon par zhen nas 'di ni bden gyi gzhan ni brdzun pa'o zhes rjes su tha snyad 'dogs par bgyid pa'i slad du 'phags ma'i dge 'dun gyis dge slong 
ma nag mo de la gsol ba dang bzhi'i las kyis bsgo bar mdzad do/ /dge 'dun gyis dge slong ma nag mo la gsol ba dang bzhi'i las kyis bsgo ba mdzad par gang dag bzod pa de dag ni cang ma gsung shig /gang dag mi bzod pa de dag ni gsung shig /'di ni las 
brjod pa dang po ste/ gnyis pa dang/ gsum pa yang de bzhin du don 'di nyid brjod par bya ste/ zhes bya ba nas dge 'dun gyis bzod cing gnang ste 'di ltar cang mi gsung bas de de bzhin du 'dzin to zhes bya ba'i bar du'o/ /de la gsol ba dang bzhi'i las kyis 
bsgo ba na gzhi de nyid la nan gyis mchog tu 'dzin cing zhes bya ba'i bar du snga ma bzhin no/ /skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /bcom ldan 'das kyis bka' stsal pa zhes 
bya ba nas/ bslab pa bcas pa'i bar du'o/ /yang dge slong ma gang dge slong ma rnams dang lhan cig 'thab pa na khros nas 'di skad ces re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi dge sbyong gzhan yang 

</font><hr>9-1-127b<br><font size=+1>
tshul khrims dang ldan pa/ yon tan dang ldan pa yod pas de dag gi drung du tshangs par spyod pa spyad par zad kyis sangs rgyas gtong ngo / /chos dang dge 'dun gtong ngo zhes zer ba'i dge slong ma de la dge slong ma rnams kyis 'di skad ces dge slong ma khyod dge slong ma 
rnams dang lhan cig 'thab pa na khros nas 'di skad ces re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi dge sbyong gzhan yang tshul khrims dang ldan pa/ yon tan dang ldan pa yod pas de dag gi drung du 
tshangs par spyod pa spyad par zad kyis sangs rgyas gtong ngo / /chos dang dge 'dun gtong ngo zhes ma zer cig /dge slong ma khyod kyis sdig pa can gyi lta bar gyur pa'i rnam pa 'di lta bu 'di thong shig ces bsgo bar bya'o/ /dge slong ma rnams kyis dge slong ma de la 
bsgo ba na gal te gzhi de gtong ba de lta na legs/ ji ste gtong bar mi byed na lan gnyis lan gsum gyi bar du dge slong ma de la dge slong ma rnams kyis 'di skad ces/ dge slong ma khyod dge slong ma rnams dang lhan cig 'thab pa na khros nas 'di skad ces 
re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi dge sbyong gzhan yang tshul khrims dang ldan pa/ yon tan dang ldan pa yod pas de dag gi drung du tshangs par spyod pa spyad par zad kyis sangs rgyas gtong ngo / /chos 
dang dge 'dun gtong ngo zhes ma zer cig /dge slong ma khyod kyis sdig pa can gyi lta bar gyur pa'i rnam pa 'di lta bu 'di thong shig ces bsgo bar bya'o/ /dge slong ma rnams kyis dge slong ma de la lan gnyis lan gsum gyi bar du yang dag par bsgo/ yang dag par bstan 
pa na gal te gzhi de gtong ba de lta na legs/ ji ste gtong bar mi byed na chos 'di yang dang po nyid kyis ltung bar 'gyur la nges par 'byung ba dang bcas pa ste dge 'dun lhag mar 'gyur ro/ /yang dge slong ma gang zhes bya ba ni nag mo'o/ /'thab pa na zhes bya ba ni phyogs 

</font><hr>9-1-128a<br><font size=+1>
gnyis su gyur pa na'o/ /khros nas zhes bya ba ni yid mi bde nas so/ /'di skad ces re zhig shAkya'i bu'i dge sbyong 'di dag 'ba' zhig ces bya ba ni 'di dag kho na'o/ /tshul khrims dang ldan pa zhes bya ba ni ji skad gsungs pa'i tshul khrims dang 
ldan pa'o/ /yon tan dang ldan pa zhes bya ba ni thos pa la sogs pa'i yon tan dang ldan pa'o/ /dge sbyong gzhan yang zhes bya ba ni 'di las phyi rol du gyur pa'o/ /de dag gi drung du zhes bya ba ni de dag gi thad du'o/ /tshangs par spyod pa spyad par zad kyis zhes 
bya ba ni rab tu byung bar zad kyis so/ /sangs rgyas gtong ngo zhes bya ba ni rkang gnyis kyi mchog go/ /chos dang dge 'dun gtong ngo zhes bya ba ni 'dod chags dang bral ba'i mchog dang/ tshogs rnams kyi mchog go/ /zer ba'i dge slong ma de la zhes bya ba ni 
nag mo la'o/ /dge slong ma rnams kyis zhes bya ba ni chos 'di pa rnams kyis so/ /'di skad ces bya ba ni bzhams te bsgo ba snga ma ji lta ba bzhin du bsgo bar bya ba'o/ /bzhams te bsgo ba na gzhi de gtong ba de lta na legs zhes bya ba ni de lta na bzang ba'o/ /
ji ste gtong bar mi byed na zhes bya ba ni sdig pa can gyi lta bar gyur pa de'o/ /lan gnyis lan gsum gyi bar du yang dag par bsgo yang dag par bstan pa na zhes bya ba ni sngar gsol ba dang bzhi'i las kyis ji skad bsgo ba bzhin du'o/ /de la ltung bar ji ltar 'gyur 
zhe na/ dge slong ma gang 'thab pa na khros nas 'di skad ces re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi/ dge sbyong gzhan yang tshul khrims dang ldan pa/ yon tan dang ldan pa yod pas de 
dag gi drung du tshangs par spyod pa spyad par zad kyis sangs rgyas gtong ngo / /chos dang dge 'dun gtong ngo zhes zer na ji ltar yang rung ste thams cad du nyes byas su 'gyur ro/ /bzhams te bsgo ba na gal te gzhi de gtong ba de lta na legs/ ji ste gtong bar 

</font><hr>9-1-128b<br><font size=+1>
mi byed na nyes pa sbom por 'gyur ro/ /las dang po'i tshig brjod pa ma rdzogs par gal te gtong ba de lta na legs/ ji ste gtong bar mi byed la tshig rdzogs par gyur na nyes pa sbom por 'gyur ro/ /las gnyis pa'i tshig brjod pa ma rdzogs par gal te gtong 
ba de lta na legs/ ji ste gtong bar mi byed la tshig rdzogs par gyur na nyes pa sbom por 'gyur ro/ /las gsum pa'i tshig brjod pa yang ma rdzogs la mthun pas chos ma yin par byas pa dang/ mi mthun pas chos ma yin par byas pa dang/ mi mthun 
pas chos bzhin du byas pa dang/ chos ji lta ba dang 'dul ba ji lta ba dang/ ston pas bstan pa ji lta ba bzhin du ma byas na ltung ba med do/ /las gsum pa'i tshig brjod pa yang rdzogs la chos ji lta ba dang/ 'dul ba ji lta ba dang/ ston pas bstan 
pa ji lta ba de bzhin du byas kyang gzhi de gtong bar mi byed na dge 'dun lhag mar 'gyur ro/ /dge slong ma des stan de nyid la 'dug bzhin du 'di skad ces 'phags ma dag bdag la dge 'dun lhag ma byung ngo zhes bya ba'i tshig smra bar byed pa de lta na legs/ ji ste smra 
bar mi byed na nyes byas su 'gyur ro/ /des ltung ba ma mthol cing ma bshags bzhin du de nas mjug thogs su gsol ba dang/ gsol ba dang gnyis dang/ gsol ba dang bzhi'i las nyams su myong bar byed na thams cad du nyes byas su 'gyur ro/ /
las dang po pa la sogs pa la ni ltung ba med do/ /dge slong ma'i rnam par 'byed pa las dge 'dun lhag ma bcu gsum pa rdzogs s+ho// //gleng gzhi ni mnyan yod na'o/ /de'i tshe na sbom dga' mo dge slong ma zhig dang lhan cig 'thab cing 
gnas rtsod pa 'dzin par byed/ 'gyed par gyur nas/ de la dge slong ma rnams kyis phu nu mo khyod 'thab mo ma byed cig ces bsgo ba na de de dag la khros nas 'di skad ces/ gang gi phyir khyed cag kho mo la sgo bar byed la gzhan la ni mi byed pas dge slong ma 

</font><hr>9-1-129a<br><font size=+1>
khyed cag ni 'dun pas 'gro ba'o/ /zhe sdang gis 'gro ba'o/ /gti mug gis 'gro ba'o/ /'jigs pas 'gro ba'o zhes zer ba'i skabs de dge slong ma rnams kyis dge slong dag la smras so/ /dge slong dag gis kyang bcom ldan 'das 
la gsol to/ /bcom ldan 'das kyis bka' stsal pa/ dge slong ma khyed cag gis sbom dga' mo'am zhes bya ba nas/ 'thab mo ma byed cig ces bzhams te bsgo bar bya'o/ /de la bzhams te bsgo ba na gzhi de nyid la nan gyis zhes bya ba nas/ gsol 
ba dang bzhi'i las kyis bsgo bar bya'o zhes bya ba'i bar du'o/ /de la gsol ba dang bzhi'i las kyis bsgo ba na gzhi de nyid la nan gyis zhes bya ba nas/ bslab pa bcas pa'i bar du'o/ /yang dge slong ma gang 'thab mo byed cing gnas la dge slong ma rnams kyis phu 
nu mo khyod 'thab mo ma byed cig ces smras pa na de khros nas 'di skad ces/ gang gi phyir 'thab mo byed pa kha cig la ni smra bar byed la/ gzhan la ni smra bar mi byed pas 'di na dge slong ma kha cig 'dun pas 'gro ba'o/ /zhe sdang gis 'gro ba'o/ /gti mug gis 
'gro ba'o/ /'jigs pas 'gro ba'o zhes zer ba'i dge slong ma de la dge slong ma rnams kyis 'di skad ces/ gang gi phyir 'thab mo byed pa kha cig ni smra bar byed la/ gzhan la ni smra bar mi byed pas 'di na dge slong ma kha cig 'dun pas 'gro ba'o/ /zhe sdang gis 
'gro ba'o/ /gti mug gis 'gro ba'o/ /'jigs pas 'gro ba'o zhes ma zer cig dge slong ma 'di dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin pas khyod kyis de skad ces 
'dun pas 'gro ba'o/ /zhe sdang gis 'gro ba'o/ /gti mug gis 'gro ba'o/ /'jigs pas 'gro ba'o zhes bya ba'i tshig gis lam de lta bu 'di thong shig ces brjod par bya'o/ /dge slong ma de la dge slong ma rnams kyis de skad ces brjod pa na/ gal te gzhi de 

</font><hr>9-1-129b<br><font size=+1>
gtong ba de lta na legs/ ji ste gtong bar mi byed na gzhi de gtong bar bya ba'i phyir lan gnyis lan gsum gyi bar du yang dag par bsgo bar bya/ yang dag par bstan par bya'o/ /lan gnyis lan gsum gyi bar du yang dag par bsgo/ yang dag par bstan 
pa na/ gal te gzhi de gtong ba de lta na legs/ ji ste gtong bar mi byed na chos 'di yang dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro/ /dge slong ma gang zhes bya ba ni sbom dga' mo'o/ /'thab mo 
byed cing gnas la zhes bya ba ni phyogs gnyis su gyur pa la'o/ /dge slong ma rnams kyis zhes bya ba ni chos 'di pa rnams kyis so/ /phu nu mo khyod 'thab mo ma byed cig ces bya ba ni phyogs gnyis su ma byed cig ces so/ /khros nas zhes bya ba ni yid mi bde nas 
so/ /'di skad ces gang gi phyir 'thab mo byed pa kha cig la ni smra bar byed la/ kha cig la ni smra bar mi byed pas zhes bya ba nas 'jigs pas 'gro ba'o zhes bya ba'i bar du zer ba'i dge slong ma de la zhes bya ba ni sbom dga' mo la'o/ /dge slong ma rnams kyis zhes 
bya ba ni chos 'di pa rnams kyis so/ /'di skad ces bya ba ni bzhams te bsgo ba snga ma ji lta ba bzhin du bsgo bar bya ba'o/ /bzhams te bsgo ba na gzhi de gtong ba de lta na legs zhes bya ba ni de lta na bzang ba'o/ /ji ste gtong bar mi byed na zhes bya ba ni 'dun 
pas 'gro ba'o zhes bya ba la sogs pa'i tshig de'o/ /lan gnyis lan gsum gyi bar du yang dag par bsgo/ yang dag par bstan pa na zhes bya ba ni sngar gsol ba dang bzhi'i las kyis ji skad bsgo ba bzhin du byas na'o/ /gzhan ni snga ma bzhin no/ /de la 
ltung bar ji ltar 'gyur zhe na/ ji tsam du dge slong mas dge slong ma rnams la 'di skad ces/ 'dun pas 'gro'o zhes smras na nyes byas su 'gyur ro/ /zhe sdang gis 'gro'o zhes byas na nyes byas su 'gyur ro/ /gti mug gis 'gro'o zhes byas na nyes byas su 'gyur ro/ /

</font><hr>9-1-130a<br><font size=+1>
'jigs pas 'gro'o zhes byas na nyes byas su 'gyur ro/ /gzhan ni lhag ma bcu gnyis po snga ma ji lta ba bzhin du brjod par bya'o/ /dge slong ma'i rnam par 'byed pa las dge 'dun lhag ma bcu bzhi pa rdzogs s+ho// //gleng gzhi 
ni gnyan yod na'o/ /de'i tshe na dge slong ma 'chi ltas dang/ nye ba'i 'chi ltas gnyis 'dre bar gnas par byed do/ /de dag 'dre bas gnas pa na dgod pa dang/ rtse ba dang/ lus kyis rtsab hral byed do/ /de gnyis shin tu 'dre bas gnas par byed pa na 
dogs pa'i gnas su gyur te/ dge slong ma rnams dogs pa skyes nas/ dge slong ma rnams kyis de gnyis la phu nu mo khyed gnyis ha cang 'dre bas gnas par ma byed cig ces bsgo ba na/ de gnyis de kho na bzhin du 'dre bas gnas par byed pa'i skabs de dge 
slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /bcom ldan 'das kyis bka' stsal pa/ dge slong ma khyed 'dre bas gnas par ma byed cig /de ci'i phyir zhe na/ khyed 'dre bas gnas par byed na 
dge ba'i chos rnams mi 'phel zhing 'grib pa nyid du 'gyur bar rig par bya'o/ /dge slong ma khyed mi 'dre bas gnas par gyis shig /de ci'i phyir zhe na/ khyed cag rnams mi 'dre bas gnas par byed na dge ba'i chos rnams mi 'grib cing 'phel ba 
nyid du 'gyur bar rig par bya'o zhes bka' stsal pa na/ dge slong ma rnams kyis de gnyis la 'dre bar ma byed cig ces bsgo ba na yang de kho na bzhin du 'dre zhing gnas par gyur pa'i skabs de dge slong ma rnams kyis dge slong dag la smras so/ /dge slong dag 
gis kyang bcom ldan 'das la gsol to/ /bcom ldan 'das kyis bka' stsal pa/dge slong ma khyed cag gis dge slong ma 'chi ltas dang/ nye ba'i 'chi ltas dang/ gzhan yang de lta bu dang mthun pa su yang rung ba dag bzhams te bsgo bar bya'o/ /

</font><hr>9-1-130b<br><font size=+1>
bsgo ba yang 'di ltar bya ste/ dge slong ma rnams kyis de gnyis la khyed cag 'dre bas gnas par ma byed par mi 'dre bas gnas par gyis shig /de ci'i phyir zhe na/ khyed cag mi 'dre bas gnas par byed na dge ba'i chos rnams mi 'grib cing 'phel ba nyid du 
rig par bya'o zhes bsgo bar bya'o/ /de gnyis la bzhams te bsgo ba na gzhi de nyid la nan gyis zhes bya ba nas gzhan ni rmongs pa'o zhes zer ba'i bar gyi skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la 
gsol to/ /bcom ldan 'das kyis bka' stsal pa/ dge slong ma khyed cag gis dge slong ma 'chi ltas dang/ nye ba'i 'chi ltas la gsol ba dang bzhi'i las kyis bsgo bar bya'o/ /bsgo ba yang 'di ltar bya ste/ gnas mal bshams pa bya ste zhes pa nas 
dge slong ma gcig gis gsol ba byas te las bya'o/ /las kyang 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma 'chi ltas dang/ nye ba'i 'chi ltas 'di ha cang 'dre bas gnas par gyur te/ de gnyis la dge 
slong ma mang po rnams kyis phu nu mo khyed gnyis ha cang 'dre bas gnas par ma byed par phu nu mo khyed gnyis lhan cig gnas par ma byed cig /phu nu mo khyed gnyis mi 'dre bas gnas par gyis shig /de ci'i phyir zhe na/ khyed gnyis mi 'dre bas gnas 
par byed na dge ba'i chos rnams mi 'grib cing 'phel ba nyid du 'gyur ba'i phyir ro zhes dge slong ma de rnams kyis de la bzhams te bsgo ba na gzhi de nyid nan gyis zhes bya ba nas gzhan ni brdzun pa'o zhes bya ba'i bar gyi slad du dge 'dun gyi dus la bab cing bzod na 
dge 'dun gyis gnang bar mdzod cig dang dge 'dun gyis dge slong ma 'chi ltas dang/ nye ba'i 'chi ltas la gsol ba dang bzhi'i las kyis bsgo ba gang lags pa de mdzad do/ /'di ni gsol ba'o// //dge slong ma'i 'dul ba rnam par 'byed pa/

</font><hr>9-1-131a<br><font size=+1>
bam po bcu pa/ las ni 'di ltar bya ste/ lan gsum du brjod pa rgyas par bya'o/ /de ltar de dag la dge slong ma rnams kyis gsol ba dang bzhi'i las kyis bsgo ba na gzhi de nyid la nan gyis zhes bya ba nas 'di kho na bden gyi gzhan ni 
rmongs pa'o zhes bya ba'i bar gyi skabs de dge slong ma rnams kyis dge slong rnams la smras so/ /dge slong dag gis kyang/ bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba mdzad pa'i bar du ste/ 
yang dge slong ma gang dag 'dres par gnas shing/ de dag 'dres par gnas pa na dgod pa dang/ rtse ba dang/ lus kyis rtsab hral byed na/ dge slong ma de dag la dge slong ma rnams kyis 'di skad ces brjod par bya ste/ phu nu mo khyed 'dres par ma gnas shig /
khyed 'dres par gnas na dge ba'i chos rnams nyams pa kho nar 'gyur gyi 'phel ba ni ma yin par rig par bya'o/ /khyed tha dad du gnas na dge ba'i chos rnams 'phel ba kho nar 'gyur gyi nyams pa ni ma yin par rig par bya'o/ /gal te dge slong ma rnams kyis dge 
slong ma de dag la de skad ces brjod pa na gzhi de gtong na de lta na legs/ ji ste tha dad du mi gnas kyi 'dres pa kho nar gnas na gzhi de gtong du gzhug pa'i phyir dge slong ma de dag la dge slong ma rnams kyis lan gnyis lan gsum du yang dag par bsgo bar bya/ yang 
dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang nges par 'byung ba dang bcas pa ste dge 'dun lhag ma'o/ /yang dge slong ma gang 
dag ces bya ba ni 'chi ltas dang/ nye ba'i 'chi ltas so/ /'dres par gnas pa ni tshol ba ste/ stan dang mal dang zas kyis 'dres par gnas pa'o/ /dgod pa ni 'phyar ba'o/ /rtse ba ni rtsed mo'o/ /lus kyi rtsab hral ni dgod bror rung ba'o/ /dge slong ma de dag la 

</font><hr>9-1-131b<br><font size=+1>
zhes bya ba ni 'chi ltas dang/ nye ba'i 'chi ltas la'o/ /dge slong ma rnams kyis zhes bya ba ni chos 'di pa rnams kyis so/ /'di skad ces brjod par bya ste zhes bya ba ni 'di skad ces smra bar bya ba'o/ /phu nu mo khyed 'dres par ma gnas shig /khyed 'dres par 
gnas na dge ba'i chos rnams nyams pa kho nar 'gyur gyi 'phel bar ni ma yin par rig par bya'o zhes bya ba ni khyed 'dres par gnas na dge ba'i phyogs su mi 'gyur bas khyed so so tha dad du gnas par gyis shig /khyod tha dad du gnas na dge ba'i phyogs 'phel ba 
kho nar 'gyur ba'o/ /gal te dge slong ma rnams kyis zhes bya ba ni chos 'di pa rnams kyis so/ /dge slong ma de dag la de skad ces brjod pa na zhes bya ba ni 'chi ltas dang/ nye ba'i 'chi ltas dag la ji ltar sngar bzhams te bsgo ba bzhin du bsgo na'o/ /gzhi de 
gtong na de lta na legs zhes bya ba ni de lta na bzang ba'o/ /gal te gzhi de mi gtong na gzhi de gtong du gzhug pa'i phyir lan gnyis lan gsum du ji ltar sngar bsgo ba bzhin gsol ba dang bzhi'i las kyis yang dag par bsgo bar bya/ yang dag par bstan par 
bya ste/ yang dag par bsgo ba ni 'di yin/ yang dag par bstan pa ni 'di yin no/ /chos 'di yang zhes bya ba ni chos ma yin pa la chos kyi sgrar gsungs pa'o/ /nges par 'byung ba dang bcas pa ni rton par bya ba dang bcas pa'o/ /de la ltung bar ji ltar 
'gyur zhe na/ ji tsam du cung zad dge slong ma dag tha dad du gnas par gyis shig /ces brjod pa las 'dres par gnas nas thams cad du nyes byas su 'gyur ro/ /bzhams te bsgo ba las ma mnyan na sbom por 'gyur ro/ /rim pa gzhan ni ji ltar sngar 
dge 'dun lhag ma bcu gnyis pa las bshad pa bzhin no/ /dge slong ma'i rnam par 'byed pa las dge 'dun lhag ma bcwa lnga pa rdzogs s+ho// //gleng gzhi ni mnyan yod na'o/ /de'i tshe de skad ces bka' stsal pa dang/ dge slong ma de dag tha dad du gnas so/ /

</font><hr>9-1-132a<br><font size=+1>
tha dad du gnas pa de dag la sbom dga' mos smras pa/ khyed ci'i phyir tha dad du gnas/ khyed tshur 'dres par gnos shig /bcom ldan 'das kyis 'bel ba'i gtam gtan la 'bebs pas shes rab 'phel bar 'gyur bar ma gsungs sam/ 
de ltar khyed 'dres par gnas na dge ba'i chos rnams 'phel ba kho nar 'gyur gyi nyams pa ni ma yin par rig par bya'o/ /skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol pa dang/ bcom ldan 
'das kyis bka' stsal pa/ dge slong ma khyed kyis sbom dga' mo la bzhams te sgo shig /bsgo ba yang 'di ltar bya ste/ sbom dga' mo khyod dge slong ma rnams tha dad du gnas shing tha dad du gnas pa de dag gi dge ba'i chos rnams 'phel ba kho nar 'gyur gyi 
nyams pa ni ma yin par shes bzhin du de dag la 'di skad ces/ khyed 'dres par gnos shig /khyed 'dres par gnas na dge ba'i chos rnams 'phel ba kho nar 'gyur gyi nyams par ni ma yin no zhes ma smra shig ces bya ba nas/ gzhan ni gti mug go zhes bya 
ba'i bar du'o/ /skabs de dge slong ma rnams kyis dge slong rnams la smras so/ /dge slong dag gis kyang bcom ldan 'das la gsol pa dang/ bcom ldan 'das kyis bka' stsal pa/ dge slong ma rnams kyis sbom dga' mo la gsol ba dang bzhi'i las kyis 
sgo shig /bsgo ba yang 'di ltar bya ste/ gnas mal bshams pa byas nas zhes bya ba nas/ dge slong ma gcig gis gsol ba byas nas las bya ba'i bar du'o/ /las kyang 'di ltar bya ste/ 'phags ma'i dge 'dun phu nu mo dag bdag la gsan 
du gsol/ sbom dga' mo 'di dge slong ma tha dad du gnas pa rnams kyi drung du mchis nas 'di skad ces/ dge slong ma khyed tha dad du ma gnas par khyed 'dres par gnos shig /khyed 'dres par gnas na dge ba'i chos rnams 'phel ba kho nar 'gyur gyi nyams pa ni 

</font><hr>9-1-132b<br><font size=+1>
ma yin par rig par bya'o zhes mchi ste/ de la dge slong ma mang pos bzhams te bsgo ni gzhi de nyid la nan gyis zhes bya ba nas gzhan ni rmongs pa'o zhes bya ba'i bar du ste/ gal te 'phags ma'i dge 'dun gyi dus la bab cing bzod na gnang bar mdzod cig dang/ 
'phags ma'i dge 'dun gyis sbom dga' mo la gsol ba dang bzhi'i las kyis bsgo ba gang lags pa mdzad do/ /'di ni gsol ba'o/ /las ni 'di ltar bya ste zhes bya ba nas/ gsol ba dang bzhi'i las kyis lan gsum gyi bar du bsgo na nan gyis mchog tu 
zhes bya ba nas gzhan ni rmongs pa'o zhes bya ba'i bar du'o/ /skabs de dge slong ma rnams kyis dge slong rnams la smras so/ /dge slong dag gis kyang bcom ldan 'das la gsol pa dang/ de nas bcom ldan 'das kyis byung ba 'di dang zhes bya ba nas bslab pa 
bca' ba mdzad pa'i bar du ste/ yang dge slong ma gang zhig dge slong ma gang dag 'dres par gnas shing/ dgod pa dang/ rtse ba dang/ lus kyis rtsab hral byed par shes bzhin du de dag tha dad du gnas pa la 'di skad ces phu nu mo khyed tha dad du ma gnas 
par khyed 'dres par gnos shig /khyed 'dres par gnas na dge ba'i chos rnams 'phel ba kho nar 'gyur gyi 'grib pa ni ma yin par rig par bya'o zhes zer na/ dge slong ma de la dge slong ma rnams kyis 'di skad ces brjod par bya ste/ dge slong ma 'dres 
par gnas shing/ dgod pa dang/ rtse ba dang/ lus kyis rtsab hral byed pa las tha dad du gnas pa rnams la 'di skad ces khyed 'dres par gnos la tha dad du ma gnas shig ces ma zer cig /de la dge slong ma rnams kyis de skad ces brjod pa na gal te gzhi de 
gtong na de lta na legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan te/ gzhi de gtong na 

</font><hr>9-1-133a<br><font size=+1>
de lta na legs/ gal te mi gtong na lan gsum zhes bya ba nas/ chos 'di yang nges par 'byung ba dang bcas pa dge 'dun lhag ma'o/ /yang dge slong ma gang zhig ces bya ba ni sbom dga' mo'o/ /dge slong ma gang dag ces bya ba ni 'chi ltas dang/ 
nye ba'i 'chi ltas so/ /dgod pa ni 'phyar ba'o/ /rtse ba ni rtsed mo'o/ /lus kyi rtsab hral ni dgod bror rung ba'o/ /shes bzhin du zhes bya ba ni bdag nyid kyis sam/ gzhan gyis de la brjod nas so/ /tha dad du gnas pa de dag la zhes bya ba ni so sor gnas 
pa la'o/ /'di skad ces zer na zhes bya ba ni smra na'o/ /phu nu mo khyed ces bya ba ni 'chi ltas dang nye ba'i 'chi ltas so/ /tha dad du ma gnas par zhes bya ba ni so sor ro/ /khyed 'dres par gnos shig ces bya ba ni tshol bar ro/ /khyed 'dres par gnas na zhes bya 
ba ni tshol bar ro/ /dge ba'i chos rnams 'phel ba kho nar 'gyur gyi nyams pa ni ma yin par rig par bya'o zhes bya ba ni dge ba'i phyogs 'phel ba kho nar 'gyur gyi nyams pa ni ma yin pa'o/ /dge slong ma de la ni zhes bya ba ni sbom dga' mo la'o/ /dge slong ma 
rnams kyis zhes bya ba ni chos 'di pa rnams kyis so/ /'di skad ces brjod par bya ste zhes bya ba ni bzhams te ji skad sngar bsgo ba bzhin du bsgo bar bya'o/ /gzhi de gtong na de lta na legs zhes bya ba ni de lta na bzang ba'o/ /gal te mi gtang na gzhi de gtang bar bya 
ba'i phyir lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyis ji ltar sngar bsgo ba ltar ro/ /de la ltung bar ji ltar 'gyur zhe na/ ji tsam du cung zad dge slong mas dge slong ma gang dag 
'dres par gnas shing/ dgod pa dang/ rtse ba dang/ lus kyis rtsab hral byed par shes bzhin du de dag tha dad du gnas pa la 'di skad ces khyed tha dad du ma gnas par khyed 'dres par gnos shig ces smra na thams cad du nyes byas su 'gyur ro/ /dge slong ma'i rnam 

</font><hr>9-1-133b<br><font size=+1>
par 'byed pa las dge 'dun lhag ma bcu drug pa rdzogs s+ho// //bcom ldan 'das rgyal po'i khab 'od ma'i tshal ka lan da ka'i gnas na bzhugs so/ /de'i tshe mu ge mi bzad pa dgon pa slong mo pas zas rnyed par dka' bar byung ste/ dge slong gang zhig 
rdzu 'phrul thob pa de ni gang gi ming 'dzam bu zhes bya bas 'dzam bu'i gling du shes pa der song nas shing 'dzam bu'i snye ma kha dog dang dri dang/ ro dang ldan pa rnams kyis lhung bzed bkang ste khyer nas/ bdag nyid kyang yongs su longs spyod/ tshangs pa mtshungs par spyad 
pa mkhas pa yod pa dag la yang bgo bsha' byed do/ /shing 'dzam bu'i snye ma ji lta ba de bzhin du shing bil ba dang/ skyu ru ra dang/ ka pid tha'i snye ma rnams kyis lhung bzed bkang ste khyer nas/ bdag nyid kyang yongs su longs spyod/ tshangs pa mtshungs par spyod pa 
yod pa dag la yang bgo bsha' byed do/ /de bzhin du rgyal chen bzhi'i ris kyi lha dag gi nang du yang song/ sum bcu rtsa gsum pa'i lha dag gi nang du yang song nas bdud rtsi dag gis lhung bzed bkang ste khyer nas bdag nyid kyang yongs su longs spyod/ tshangs pa mtshungs par 
spyod pa mkhas pa yod pa dag la yang bgo bsha' byed do/ /de bzhin du byang gi sgra mi snyan gyi gling du song nas ma rmos ma btab pa'i 'bras sA lu'i chan gyis lhung bzed bkang ste khyer nas bdag nyid kyang yongs su longs spyod/ tshangs pa mtshungs par spyod pa yod pa dag la yang 
bgo bsha' byed do/ /de bzhin du shar gyi lus 'phags dang/ nub kyi ba lang spyod du yang song ba nas/ yul gang dag 'byor pa dang/ rgyas pa dang/ bde ba dang/ lo legs pa dang/ skye bo dang mi mang pos gang ba de dag tu yang song nas bza' ba dang bca' ba gtsang zhing 
bsod pa kha dog dang dri dang ro dang ldan pas lhung bzed bkang ste khyer nas bdag nyid kyang yongs su longs spyod/ tshangs pa mtshungs par spyod pa yod pa dag la yang bgo bsha' byed do/ /de nas lhas byin 'di snyam du sems te/ da lta mu ge mi bzad pa dgon pa slong mo pas 

</font><hr>9-1-134a<br><font size=+1>
zas rnyed par dka' ba byung ngo snyam mo/ /yang lhas byin 'di snyam du sems te/ bdag gis kyang rdzu 'phrul thob par byas la bdag kyang gang gis ming 'dzam bu zhes bya bas 'dzam bu'i gling du shes pa der song la shing 'dzam bu'i snye ma kha dog dang 
dri dang ro dang ldan pa rnams kyis lhung bzed bkang ste blangs nas/ bdag nyid kyang yongs su longs spyad par bya/ tshangs pa mtshungs par spyod pa mkhas pa yod pa dag la yang bgo bsha' bya'o/ /de bzhin du yul gang dag 'byor pa dang/ rgyas pa dang/ bde ba dang/ lo 
legs pa dang/ skye bo dang/ mi mang pos gang ba de dag tu yang song la/ bza' ba dang bca' ba gtsang zhing bsod pa kha dog dang dri dang/ ro dang ldan pas lhung bzed bkang ste blangs nas bdag nyid kyang yongs su longs spyod par bya/ tshangs pa mtshungs par spyod pa mkhas 
pa yod pa dag la yang bgo bsha' bya'o snyam mo/ /yang lhas byin 'di snyam du sems te ma la bdag bcom ldan 'das ga la ba der 'gro'o snyam mo/ /de nas lhas byin bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal 
nas phyogs gcig tu 'dug go/ /phyogs gcig tu 'dug nas bcom ldan 'das la lhas byin gyis 'di skad ces gsol to/ /bcom ldan 'das bdag la rdzu 'phrul gyi lam bstan du gsol/ bde bar gshegs pa bdag la rdzu 'phrul gyi lam bstan du gsol/ 
de nas bcom ldan 'das kyis lhas byin gyi 'dod pa sdig pa can du gyur pa thugs su chud nas lhas byin la 'di skad ces bka' stsal to/ /lhas byin re zhig lhag pa'i tshul khrims la brtson par gyis shig dang khyod la rdzu 'phrul dang gzhan yang 'byung bar 'gyur ro/ /lhag 
pa'i sems dang/ lhag pa'i shes rab la brtson par gyis shig dang khyod la rdzu 'phrul dang gzhan yang 'byung bar 'gyur ro/ /de nas lhas byin 'di snyam du sems te/ bcom ldan 'das bdag la rdzu 'phrul gyi lam mi ston no snyam du rig nas lhas byin tshe dang ldan pa 

</font><hr>9-1-134b<br><font size=+1>
kun shes kauN+Di n+ya ga la ba der song ste phyin nas kun shes kauN+Di n+ya la 'di skad ces smras so/ /gnas brtan bdag la rdzu 'phrul gyi lam ston cig /de nas tshe dang ldan pa kun shes kauN+Di n+yas bcom ldan 'das kyi thugs la rnam par bltas te de'i 'dod pa'i sdig 
pa can du gyur par rig nas lhas byin la 'di skad ces smras so/ /lhas byin gzugs tshul bzhin yid la gyis shig dang khyod la rdzu 'phrul dang gzhan yang 'byung bar 'gyur ro/ /rnam par shes pa'i bar tshul bzhin yid la gyis shig dang khyod la rdzu 'phrul 
dang gzhan yang 'byung bar 'gyur ro zhes bya ba nas/ lhas byin gyis 'od srung stobs bcu pa las rdzu 'phrul bsgrubs te de gcig tu gyur nas du mar 'gyur zhes bya ba'i bar du'o/ /re zhig na sems yongs su gtugs pa de la 'dod pa sdig pa can du gyur 
pa 'di lta bu byung ste/ da ltar bcom ldan 'das bgres 'khogs gtugs pas 'khor bzhi po la gdams par mnyel bas/ kye ma bcom ldan 'das kyis dge slong gi dge 'dun bdag la gtad de/ bdag gis dge slong gi dge 'dun yongs su 
drung zhing bcom ldan 'das ni mthong ba'i chos la bde bar gnas pa'i rnal 'byor la rjes su brtson zhing thugs las chung ngur bzhugs kyang ci ma rung snyam mo/ /ji tsam na lhas byin bcom ldan 'das ga la ba der phyin nas/ bcom ldan 'das kyi zhabs la mgo 
bos phyag 'tshal te bcom ldan 'das la 'di skad ces gsol to/ /bcom ldan 'das da ltar bgres 'khogs zhes bya ba nas mthong ba'i chos la bde bar gnas pa'i rnal 'byor la rjes su brtson zhing zhes bya ba'i bar du'o/ /de skad ces gsol pa dang/ bcom 
ldan 'das kyis lhas byin la 'di skad ces bka' stsal to/ /skyes bu gti mug ngas re zhig tshangs pa mtshungs par spyod pa des pa shA ri'i bu dang/ maud gal gyi bu dag la yang dge slong gi dge 'dun mi gtad na mchil ma 'thung ba ro khyod la lta smos kyang ci dgos/

</font><hr>9-1-135a<br><font size=+1>
de skad ces bka' stsal pa dang/ lhas byin khros 'khrugs nas mgo lan gsum gcogs te mjal to zhes bya ba nas bcom ldan 'das kyi spyan snga nas song ngo / /de nas lhas byin de phyin chad dge slong gi dge 'dun gyi dbyen bya bar 
brtsams so/ /de'i tshe dge slong ma sbom dga' mo zhes bya bas kyang dge slong ma'i dge 'dun gyi dbyen bya bar 'bad pa brtsams pa dang/ dge slong ma rnams kyis de 'bad pa rtsom par 'phrigs so/ /skabs de dge slong ma rnams kyis dge slong dag la smras so/ /dge slong 
dag gis kyang bcom ldan 'das la gsol ba dang/ bcom ldan 'das kyis bka' stsal pa/ dge slong ma khyed kyis sbom dga' mo la bzhams te sgo shig /bzhams te bsgo ba yang 'di ltar bya ste/ sbom dga' mo khyed dge slong ma'i dge 'dun mthun pa dbye 
ba'i phyir ma 'jug cig /dbye bar bya ba'i phyir rtsod pa yang dag par bzung nas rab tu 'dzin cing ma 'dug cig sbom dga' mo khyed dge 'dun dang mthun par gyis shig /dge 'dun mthun mi phyed/ kun du dga' mi rtsod de/ rtse gcig la 'don pa gcig cing chu dang 
'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis sbom dga' mo khyed kyis dge 'dun gyi dbyen byed pa'i gzhi de lta bu thong shig /de la de skad du bzhams te bsgo yang gzhi de nyid la phyir zhing nan 
gyis mchog tu bzung nas 'di kho na bden gyi gzhan ni rmongs pa'o zhes rjes su tha snyad 'dogs so/ /dge slong ma de'i grogs mo rnams kyang dge slong ma de dag la 'di skad ces zer te/ phu nu mo khyed dge slong ma 'di la dge yang rung sdig kyang rung cung zad kyang ma smra 
shig /de ci'i phyir zhe na/ dge slong ma 'di ni chos smra ba 'dul ba smra ba ste 'di ni chos dang 'dul ba yang dag par blangs nas rab tu 'dzin cing rjes su tha snyad 'dogs pas/ dge slong ma 'di shes bzhin du smra'i mi shes par ni ma yin no/ /dge slong ma 'di gang la 

</font><hr>9-1-135b<br><font size=+1>
'dod cing bzod pa de la nged kyang 'dod cing bzod do/ /de nas dge slong ma rab tu mang po bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das 
bdag cag gis sbom dga' mo la bzhams te bsgo lags te/ de bzhams te bsgo ba na gzhi de nyid la nan gyis zhes bya ba nas gzhan ni rmongs pa'o zhes bya ba'i bar du'o/ /dge slong ma de'i grogs mo rnams kyang dge slong ma de dag la 'di skad ces mchi ste/ phu 
nu mo khyed dge slong ma 'di la cung zad kyang ma smra shig ces bya ba nas de la nged kyang 'dod cing bzod do zhes bya ba'i bar du'o/ /bcom ldan 'das kyis bka' stsal pa/ dge slong ma khyed kyis dge slong ma de dag dang/ gzhan yang de lta bu dag la bzhams te sgo 
shig /bsgo ba yang 'di ltar bya ste/ dge slong ma khyed dge slong ma gang zhig dge 'dun mthun pa dbye ba'i phyir zhugs te/ dbye ba'i phyir rtsod pa yang dag par blangs nas rab tu 'dzin cing 'dug par shes bzhin du de'i grogs byed cing mi mthun par smra ba'i rjes su 
phyogs par ma byed par phu nu mo dag dge 'dun 'byed pa'i rjes su 'brang ba mi mthun par smra ba 'di lta bu thong shig /dge slong ma rnams kyis de skad du smras pa na gal te zhes bya ba nas gzhi de nyid la zhes bya ba dang/ gzhan ni rmongs pa'o zhes bya ba'i bar du'o/ /
skabs de dge slong ma rnams kyis dge slong rnams la smras so/ /dge slong rnams kyis kyang bcom ldan 'das la gsol pa dang/ bcom ldan 'das kyis bka' stsal pa/ dge slong ma khyed kyis sbom dga' mo la gsol ba dang bzhi'i las kyis sgo shig /
bsgo ba yang 'di ltar bya ste/ gnas mal bshams pa byas la zhes bya ba nas/ dge slong ma gcig gis gsol ba byas te las bya'o/ /'phags ma'i dge 'dun phu nu mo rnams bdag la gsan du gsol/ dge slong ma sbom dga' mo 'di dge 

</font><hr>9-1-136a<br><font size=+1>
'dun mthun pa dbye ba'i slad du zhugs te dbye ba'i slad du rtsod pa yang dag par blangs nas rab tu 'dzin cing mchis nas/ 'di la dge slong ma mang pos bzhams te bsgo ba na 'di la dge slong ma mang pos bzhams te bsgo yang gzhi de nyid la nan 
gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid kyis/ gal te 'phags ma'i dge 'dun gyi dus la bab cing bzod na/ 'phags ma'i dge 'dun gyis gnang bar mdzod cig dang/ 
'phags ma'i dge 'dun gyis sbom dga' mo la phu nu mo sbom dga' mo khyod dge 'dun mthun pa dbye ba'i phyir ma 'jug cig /dbye bar bya ba'i phyir rtsod pa yang dag par blangs nas rab tu 'dzin cing ma 'dug cig /phu nu mo khyod dge 'dun dang mthun par gyis shig /
dge 'dun mthun cing mi phyed la kun du dga' zhing mi rtsod de rtse gcig la 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ phu nu mo sbom dga' mo khyod dge 
'dun 'byed par byed pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo rnams bdag la gsan du gsol/ sbom dga' mo 'di dge 
'dun dbye ba'i slad du zhugs te/ dbye ba'i slad du rtsod pa yang dag par blangs nas rab tu 'dzin cing rjes su sgrub ste/ 'di la dge slong ma mang pos bzhams te bsgo na 'di la dge slong ma mang pos bzhams te bsgo yang gzhi de nyid la nan gyis mchog tu bzung 
zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs pa de'i slad du 'phags ma'i dge 'dun gyis sbom dga' mo la sbom dga' mo khyod dge 'dun mthun pa dbye ba'i phyir ma 'jug cig /dbye bar bya ba'i phyir rtsod pa yang dag 

</font><hr>9-1-136b<br><font size=+1>
par blangs nas rab tu 'dzin cing ma 'dug cig /sbom dga' mo khyod dge 'dun dang mthun par gyis shig /dge 'dun mthun mi phyed la/ kun du dga'/ mi rtsod de rtse gcig la 'don pa gcig cing chu dang 'o ma gcig tu 'dres pa lta bur gyur la/ 
ston pa'i bstan pa gsal bar byed na bde ba la reg par gnas par 'gyur gyis sbom dga' mo khyed dge 'dun 'byed par byed pa'i gzhi 'di lta bu 'di thong shig /ces dge slong ma sbom dga' mo la gsol ba dang bzhi'i las kyis bsgo ba mdzad na 
tshe dang ldan pa ma gang dag dge slong ma sbom dga' mo la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste de bzhin du lan gnyis lan 
gsum du brjod par bya'o/ /'phags ma'i dge 'dun gyis bzod cing gnang nas 'phags ma'i dge 'dun gyis sbom dga' mo la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /de la de ltar 
gsol ba dang bzhi'i las kyis bsgo yang gzhi de nyid la nan gyis zhes bya ba nas/ 'di nyid bden gyi gzhan ni brdzun pa'o zhes bya ba'i bar du rjes su sgrub bo/ /de'i grogs mo dge slong ma de dag kyang dge slong ma de rnams la dge slong ma khyed dge slong ma 'di la dge 
yang rung sdig kyang rung ci yang ma smra shig /de ci'i phyir zhe na/ dge slong ma 'di ni chos smra ba yin la/ 'di ni chos dang 'dul ba yang dag par bzung nas rab tu 'dzin cing rjes su sgrub pa'o/ /dge slong ma 'di ni shes bzhin smra ba yin gyi mi shes par ni ma yin no/ /
dge slong ma 'di gang la 'dod cing bzod pa de la nged kyang 'dod cing bzod do zhes de skad ces smras so/ /de nas dge slong ma rab tu mang po bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das 

</font><hr>9-1-137a<br><font size=+1>
la 'di skad ces gsol to/ /bcom ldan 'das bdag cag gis sbom dga' mo la gsol ba dang bzhi'i las kyis bsgo yang gzhi de nyid la nan gyis zhes bya ba nas 'di nyid bden gyi gzhan ni brdzun pa'o zhes bgyi ba'i bar du rjes su sgrub cing de'i grogs 
mo dge slong ma de dag kyang dge slong ma rnams la dge slong ma khyed dge slong ma 'di la dge yang rung sdig kyang rung ci yang ma smra shig ces bgyi ba nas nged kyang 'dod cing bzod do zhes de skad ces mchi'o/ /bcom ldan 'das kyis bka' stsal pa/ dge slong ma khyed kyis 
dge slong ma de dag la yang bzhams te sgo shig /bsgo ba yang 'di ltar bya ste/ dge slong ma khyed dge slong ma gang dge 'dun mthun pa dbye ba'i phyir rtsod pa yang dag par blangs nas/ rab tu 'dzin cing rjes su sgrub par shes bzhin du de'i grogs byed cing mi mthun 
par smra ba'i rjes su phyogs par ma byed cig /dge slong ma rnams la dge slong ma khyed dge slong ma 'di la dge yang rung sdig kyang rung ci yang ma smra shig /de ci'i phyir zhe na/ dge slong ma 'di ni chos smra zhing 'dul ba smra la 'di ni chos dang 'dul ba yang dag par bzung 
nas rab tu 'dzin cing rjes su sgrub pa'o/ /dge slong ma 'di ni shes bzhin du smra'i mi shes par ni ma yin te/ dge slong ma 'di gang la 'dod cing bzod pa de la nged kyang 'dod cing bzod do zhes de skad ma zer cig /de ci'i phyir zhe na/ dge slong ma 'di ni chos smra ba 
ma yin zhing 'dul ba smra ba ma yin gyi/ dge slong ma 'di ni chos ma yin pa smra zhing/ 'dul ba ma yin pa smra ba yin la/ dge slong ma 'di ni chos ma yin pa dang/ 'dul ba ma yin pa yang dag par blangs nas rab tu 'dzin cing rjes su sgrub pa'o/ /dge slong ma 'di 
ni mi shes bzhin du smra'i shes par ni ma yin gyis/ dge slong ma 'di gang la 'dod cing bzod pa de la khyed 'dod pa dang bzod par ma byed cig /phu nu mo khyed dge 'dun 'byed 'dod par ma byed par phu nu mo dag dge 'dun mthun pa nyid du 'dod par gyis shig /

</font><hr>9-1-137b<br><font size=+1>
dge 'dun mthun zhing mi phyed la/ kun du dga' zhing mi rtsod de/ rtse gcig la 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ phu nu mo dag dge 
'dun 'byed pa la phyogs pa mi mthun par smra ba 'di lta bu 'di thong shig /gal te dge slong ma de dag la de skad ces bsgo yang gzhi de nyid la nan gyis zhes bya ba nas/ gzhan ni brdzun pa'o zhes bya ba'i bar du rjes su sgrub bo/ /skabs de dge slong ma rnams 
kyis dge slong rnams la brjod cing/ dge slong rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong ma khyed kyis grogs byed pa de dag dang/ gzhan yang de lta bu'i rang bzhin can rnams la gsol ba dang bzhi'i 
las kyis sgo shig /bsgo ba yang 'di ltar bya ste/ gnas mal bshams pa byas la zhes bya ba nas/ dge slong ma gcig gis gsol ba byas te las bya ba'i bar du'o/ /'phags ma'i dge 'dun phu nu mo rnams bdag la gsan du gsol/ rjes su phyogs 
pa 'di dag dge slong ma gang dge 'dun mthun pa dbye ba'i slad du zhugs te/ dbye ba'i slad du rtsod pa yang dag par blangs nas/ rab tu 'dzin cing rjes su sgrub par 'tshal bzhin du de'i grogs bgyid cing mi mthun par smra ba'i rjes su phyogs par bgyid nas/ de la dge 
slong ma rab tu mang pos bzhams te bsgo yang gzhi de nyid la zhes bya ba nas gzhan ni brdzun pa'o zhes bya ba'i bar du rjes su sgrub na de'i slad du 'phags ma'i dge 'dun gyis dge slong ma grogs bgyid pa dag la dge slong ma khyed dge slong ma gang dge 'dun mthun pa dbye ba'i 
phyir zhugs te/ dbye ba'i phyir rtsod pa yang dag par blangs nas rab tu 'dzin cing 'dug par shes bzhin du de'i grogs byed cing mi mthun pa smra ba'i rjes su phyogs nas de dag la dge slong ma mang pos bzhams te bsgo yang gzhi de nyid la zhes bya ba nas gzhan ni brdzun pa'o 

</font><hr>9-1-138a<br><font size=+1>
zhes bya ba'i bar du rjes su sgrub na/ gal te 'phags ma'i dge 'dun gyi dus la bab cing bzod na/ 'phags ma'i dge 'dun gyis gnang bar mdzod cig dang/ dge slong ma grogs bgyid pa 'di dag la dge slong ma khyed dge slong ma gang dge 
'dun dbye ba'i phyir zhugs te/ dge 'dun dbye ba'i phyir rtsod pa yang dag par blangs nas rab tu 'dzin cing 'dug par shes bzhin du de'i grogs byed cing mi mthun par smra ba'i rjes su phyogs par ma byed cig /phu nu mo mi mthun par smra ba 'di lta bu 'di thong shig /
dge 'dun mthun zhing mi phyed la/ kun du dga' zhing mi rtsod de rtse gcig la/ 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur ro zhes gsol ba dang bzhi'i 
las kyis bsgo ba mdzad do/ /'di ni gsol ba'o/ /las kyang 'di ltar bya ste/ 'phags ma'i dge 'dun phu nu mo rnams bdag la gsan du gsol/ dge slong ma rjes su phyogs pa 'di dag ni dge slong ma gang dge 'dun mthun pa dbye ba'i slad du zhugs te/ dbye 
ba'i slad du rtsod pa yang dag par blangs nas rab tu 'dzin cing mchis par 'tshal bzhin du de'i grogs bgyid cing mi mthun par smra ba'i rjes su phyogs nas de dag la dge slong ma rab tu mang pos bzhams te bsgo yang/ gzhi de nyid la zhes bya ba nas gzhan ni brdzun pa'o zhes 
bya ba'i bar du rjes su sgrub na de'i slad du 'phags ma'i dge 'dun gyis dge slong ma khyed dge slong ma gang dge 'dun mthun pa dbye ba'i phyir zhugs te/ dbye ba'i phyir rtsod pa yang dag par bzung nas rab tu 'dzin cing 'dug par shes bzhin du de'i grogs byed cing mi mthun 
par smra ba'i rjes su phyogs par ma byed cig /phu nu mo dge 'dun gyi dbyen gyi mi mthun par smra ba'i rjes su phyogs pa 'di lta bu 'di thong shig ces gsol ba dang bzhi'i las kyis bsgo ba mdzad na/ 'phags ma'i dge 'dun gang dag dge slong ma 'di dag la gsol ba 

</font><hr>9-1-138b<br><font size=+1>
dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste/ de bzhin du lan gnyis lan gsum du brjod par bya ba nas/ 'phags ma'i dge 'dun gyis bzod cing 
gnang nas 'phags ma'i dge 'dun gyis dge slong ma grogs bgyid pa dag la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to zhes bya ba'i bar du'o/ /de dag la gsol ba dang bzhi'i las kyis bsgo 
yang gzhi de nyid la nan gyis zhes bya ba nas gzhan ni brdzun pa'o zhes bya ba'i bar du rjes su sgrub pa'i skabs de dge slong ma rnams kyis dge slong dag la smras so/ /dge slong rnams kyis kyang bcom ldan 'das la gsol pa dang/ de nas bcom ldan 'das kyis 
byung ba 'di dang zhes bya ba nas bslab pa bca' ba'i bar du mdzad do/ /yang dge slong ma gang dge 'dun mthun pa dbye ba'i phyir zhugs te/ dbye ba'i phyir rtsod pa yang dag par blangs nas rab tu 'dzin cing 'dug na dge slong ma de la dge slong ma rnams kyis 
'phags ma khyed dge 'dun mthun pa dbye ba'i phyir ma 'jug cig /dbye ba'i phyir rtsod pa yang dag par blangs nas rab tu 'dzin cing rjes su ma sgrubs shig /'phags ma khyod dge 'dun dang mthun par gyis shig /dge 'dun mthun mi phyed/ kun du dga' mi 
rtsod de rtse gcig la/ 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ 'phags ma dge 'dun gyi dbyen byed pa'i gzhi 'di lta bu 'di thong shig ces de skad ces bsgo 
bar bya'o/ /dge slong ma de la dge slong ma rnams kyis de skad ces bsgo ba na/ gal te gzhi de gtong na de lta na legs/ gal te mi gtong na gzhi de gtong du gzhug pa'i phyir lan gnyis lan gsum gyi bar du yang dag par bsgo bar bya/ yang dag par bstan par 

</font><hr>9-1-139a<br><font size=+1>
bya'o/ /lan gnyis lan gsum gyi bar du yang dag par bsgo/ yang dag par bstan pa na/ gzhi de gtong na de lta na ni legs/ gal te mi gtong na chos 'di yang lan gsum pa la nges par 'byung ba dang bcas pa ste dge 'dun lhag ma'o/ /
yang dge slong ma gang zhes bya ba ni sbom dga' mo'am/ gzhan yang de lta bu dang mthun pa gang yin pa'o/ /dge 'dun zhes bya ba ni de bzhin gshegs pa'i nyan thos ma'i dge 'dun no/ /mthun pa zhes bya ba ni ro gcig pa'o/ /dbye ba'i phyir zhes bya ba ni rnam pa 
gnyis su bya ba'i phyir ro/ /zhugs te zhes bya ba ni brtson par byed pa'o/ /dbyen bya ba'i phyir zhes bya ba ni dbyen byed pa'i gzhi ni bcu bzhi ste/ chos sam chos ma yin pa'am/ 'dul ba'am/ 'dul ba ma yin pa'am/ ltung ba'am/ ltung ba ma yin 
pa'am/ lhag ma yod pa'am/ lhag ma med pa'am/ lci ba'am/ yang ba'am/ bshags par bya ba'am/ bsdam par bya ba'am/ 'dul ba las 'gal ba'am/ nyes par bshad par 'gyur ba ste/ 'di dag las gang yang rung ba'i 
dngos po legs par rab tu shin tu bzung ba yin no/ /rtsod pa zhes bya ba ni rtsod pa bzhi ste zhes bya ba nas bya ba'i phyir rtsod pa'i bar dag go/ /yang dag par blangs nas rab tu 'dzin cing zhes bya ba ni mngon par zhen nas so/ /dge slong ma de la dge slong ma rnams 
kyis zhes bya ba ni chos 'di pa rnams kyis so/ /bzhams te bsgo bar bya'o zhes bya ba ni sngar ji skad bsgo ba bzhin du'o/ /gal te dge slong ma rnams kyis bzhams te bsgo ba na gzhi de gtong na zhes bya ba ni lta ba de'o/ /gtong na de lta na ni legs zhes bya ba ni de lta na 
bzang ngo zhes bya ba'o/ /gal te mi gtong na zhes bya ba ni lta ba de'o/ /lan gnyis lan gsum gyi bar du yang dag par bsgo bar bya/ yang dag par bstan par bya zhes bya ba ni sngar gsol ba dang bzhi'i las kyis ji skad bsgo ba bzhin du ste/ 'di ni yang dag par 

</font><hr>9-1-139b<br><font size=+1>
gdams pa yin no/ /'di ni yang dag par bstan pa yin no/ /chos 'di yang zhes bya ba ni chos ma yin pa la chos kyi sgrar gsungs pa'o/ /lan gsum pa la nges par 'byung bar bya ba ste zhes bya ba ni ston pa dang bcas pa'o/ /gzhan ni snga ma ji lta ba 
bzhin no/ /de la ltung bar ji ltar 'gyur zhe na/ dge slong ma dge 'dun dbye ba'i phyir zhugs na gang ci yang rung ste thams cad du nyes byas kyi ltung bar 'gyur ro/ /bzhams te bsgo ba na gzhi de gtong na de lta na legs/ gal te mi gtong na nyes pa 
sbom po'o/ /gzhan ni snga ma ji lta ba bzhin du brjod par bya'o/ /dge slong ma'i rnam par 'byed pa las dge 'dun lhag ma bcu bdun pa rdzogs s+ho// //de nas bcom ldan 'das gdan de nyid la bzhugs bzhin du bslab pa'i gzhi gnyis pa 'cha' bar 
mdzad de/ dge slong ma rnams la gcig gam/ gnyis sam/ mang po yang rung ste/ dge slong ma de'i grogs su gyur la/ mi mthun par smra ba'i rjes su phyogs nas dge slong ma de rnams dge slong ma rnams la 'phags ma khyed dge slong ma 'di la dge yang 
rung sdig kyang rung ci yang ma smra shig /de ci'i phyir zhe na/ dge slong ma 'di ni chos smra ba 'dul ba smra ba yin la/ dge slong ma 'di ni chos dang 'dul ba yang dag par blangs nas rab tu 'dzin cing rjes su sgrub pa'o/ /dge slong ma 'di ni shes bzhin du smra'i/ mi shes 
par ni ma yin te/ dge slong ma 'di gang la 'dod cing bzod pa de la nged kyang 'dod cing bzod do zhes de skad ces zer na/ dge slong ma de dag la dge slong ma rnams kyis 'phags ma khyed dge slong ma 'di ni chos smra ba/ 'dul ba smra ba yin la/ dge slong ma 
'di ni chos dang 'dul ba yang dag par blangs nas rab tu 'dzin cing rjes su sgrub pa'o/ /dge slong ma 'di ni shes bzhin du smra'i/ mi shes par ni ma yin te/ dge slong ma 'di gang la 'dod cing bzod pa de la nged kyang 'dod cing bzod do zhes de skad ma zer cig /

</font><hr>9-1-140a<br><font size=+1>
de ci'i phyir zhe na/ dge slong ma 'di ni chos smra ba ma yin/ 'dul ba smra ba ma yin gyi/ dge slong ma 'di ni chos ma yin pa smra ba/ 'dul ba ma yin pa smra ba yin la/ dge slong ma 'di ni chos ma yin pa dang/ 'dul ba ma yin pa yang dag 
par blangs nas rab tu 'dzin cing rjes su sgrub pa'o/ /dge slong ma 'di ni mi shes bzhin du smra'i/ shes par ma yin gyis/ dge slong ma 'di gang la 'dod cing bzod pa de la khyod 'dod cing bzod par ma byed cig /khyed dge 'dun 'byed par ma byed cig /khyed 
dge 'dun mthun par 'dod par gyis shig /dge 'dun dang mthun par gyis shig /dge 'dun mthun zhing mi phyed kun du dga' zhing mi rtsod de rtse gcig la 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal 
bar byed na/ bde ba la reg par gnas par 'gyur gyis/ dge slong ma khyed dge 'dun 'byed pa'i phyir mi mthun par smra ba'i rjes su phyogs pa 'di lta bu 'di thong shig ces de skad ces brjod par bya'o/ /de ltar dge slong ma de dag la dge slong ma rnams kyis de skad 
ces brjod pa na gal te gzhi de gtong na de lta na legs/ gal te mi gtong na gzhi de gtong du gzhug pa'i phyir lan gnyis lan gsum gyi bar du yang dag par bsgo bar bya/ yang dag par bstan par bya'o/ /lan gnyis lan gsum gyi bar du yang dag 
par bsgo/ yang dag par bstan pa na gal te gzhi de gtong na de lta na legs/ gal te mi gtong na chos 'di yang lan gsum pa la nges par 'byung ba dang bcas pa ste dge 'dun lhag ma'o/ /dge slong ma de'i zhes bya ba ni sbom dga' mo'i'o/ /dge slong ma 
grogs su gyur la zhes bya ba ni bcu gnyis sde rnams so/ /gcig gam zhes bya ba ni gcig nyid do/ /gnyis sam zhes bya ba ni gnyis nyid do/ /mang po yang rung zhes bya ba ni gnyis las lhag pa ni mang po'o/ /de dag dge slong ma rnams la zhes bya ba 

</font><hr>9-1-140b<br><font size=+1>
ni chos 'di pa rnams la'o/ /de skad ces zer na zhes bya ba ni smra na'o/ /'phags ma khyed ces bya ba ni khyed cag go/ /dge slong ma 'di la zhes bya ba ni sbom dga' mo la'o/ /ci yang ma smra shig ces bya ba ni mang yang rung nyung yang rung ci yang ma ston cig ces bya ba'o/ /
dge yang rung zhes bya ba ni dge ba 'dzin du ma gzhug cig ces bya ba'o/ /sdig kyang rung zhes bya ba ni sdig pa las ma bslang shig ces bya ba'o/ /de ci'i phyir zhe na/ dge slong ma 'di ni chos smra ba/ 'dul ba smra ba zhes bya ba ni chos ji lta ba bzhin dang/ spyod pa ji lta ba 
bzhin du'o/ /'di ni shes bzhin du smra ba yin gyi mi shes par ni ma yin no zhes bya ba ni ji ltar shes pa dang ji ltar mthong ba de bzhin du tha snyad 'dogs pa'o/ /'di gang la 'dod pa zhes bya ba ni 'di dang bdag cag mthun par bzod pa'o/ /dge slong ma de dag la zhes bya 
ba ni bcu gnyis sde rnams la'o/ /dge slong ma rnams kyis zhes bya ba ni chos 'di pa rnams kyis so/ /de skad ces brjod par bya zhes bya ba ni de skad ces bsgo bar bya ba'o/ /mthun pa zhes bya ba ni ro gcig pa'o/ /dge 'dun zhes bya ba ni de bzhin 
gshegs pa'i nyan thos ma'i dge 'dun no/ /'byed pa zhes bya ba ni rnam pa gnyis su 'gyur ba'o/ /'jug ces bya ba ni brtson pa'o/ /de'i zhes bya ba ni sbom dga' mo'o/ /grogs su gyur ces bya ba ni mjug rdzogs par byed pa'o/ /rjes su phyogs pa 
zhes bya ba ni bzod pa dang/ 'dod pa dang/ blo gros dag bsam pa'o/ /mi mthun par smra ba'i zhes bya ba ni mthun pa dang bral bar byed pa'o/ /dge slong ma de dag la zhes bya ba ni bcu gnyis sde rnams la'o/ /dge slong ma rnams kyis zhes bya ba ni chos 'di 
pa rnams kyis so/ /de skad ces brjod par bya zhes bya ba ni de skad bsgo bar bya ba'o/ /phu nu mo dge 'dun gyi dbyen mi mthun par smra ba'i rjes su phyogs pa 'di lta bu 'di thong shig ces bya ba ni rnam grangs du mas dge 'dun dbye bar 'dod par ma byed ces bya ba'o/ /gal te 

</font><hr>9-1-141a<br><font size=+1>
de skad ces brjod pa na gzhi de gtong na de lta na legs/ gal te mi gtong na bzhams te bsgo bar bya'o zhes bya ba ni sngar ji skad bsgo ba bzhin no/ /de bzhams te bsgo ba na gzhi de gtong na de lta na legs/ gal te mi gtong na gsol ba 
dang bzhi'i las kyis bsgo bar bya'o zhes bya ba ni sngar ji skad bsgo ba bzhin du ste/ 'di ni yang dag par bsgo ba yin no/ /'di ni yang dag par bstan pa yin no/ /chos 'di yang zhes bya ba ni chos ma yin pa la chos kyi sgrar bstan pa'o/ /lan gsum pa la nges 
par 'byung ba dang bcas pa ste zhes bya ba ni ston pa dang bcas pa'o/ /gzhan ni snga ma ji lta ba bzhin no/ /de la ltung bar ji ltar 'gyur zhe na/ dge slong mas dge 'dun gyis dbyen gyi rjes su phyogs par zhugs na gang ci yang rung ste/ thams cad du nyes byas 
kyi ltung bar 'gyur ro/ /bzhams te bsgo ba na gzhi de gtong na de lta na legs/ gal te mi gtong na nyes pa sbom por 'gyur ro/ /gzhan ni snga ma ji lta ba bzhin du brjod par bya'o/ /dge slong ma'i rnam par 'byed pa las dge 'dun lhag ma bcwa brgyad pa 
rdzogs s+ho// //sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe re lde ri la 'gro mgyogs dang nab so gnyis dang/ dge slong dmar ser can rnams khyim sun 'byin 
pa'i sdig pa'i chos kun du spyod cing 'khod do/ /de rnams bud med dang lhan cig tu co 'dri bar byed/ kun du rtse bar byed/ ca co 'don par byed/ dgod pa dang/ rtse ba dang/ lus kyis rtsab hral byed cing/ de rnams bud med dang lhan cig tu stan gcig 
dang/ mal gcig la 'khod par byed/ snod gcig tu bza' ba rnam pa du ma za bar byed/ snod gcig nas btung ba du ma 'thung bar byed/ me tog dag 'thog par byed/ 'thog tu 'jug par byed/ rna rgyan du byed/ rna rgyan du byed du 'jug /me 

</font><hr>9-1-141b<br><font size=+1>
tog phreng rgyud par byed/ rgyud du 'jug par byed/ bro rdung bar byed/ glu len par byed/ rol mo'i sgra yang 'byin par byed cing/ ci bro legs par brdungs sam/ glu legs par blangs sam/ rol mo'i sgra legs par phyung ngam zhes bya ba nas rgyug 
par byed/ snyegs par byed/ mchong bar byed pa'i bar dang/ chos gos bzhag ste/ brang gis 'gro bar byed/ nya 'phar ba dang/ rus sbal 'gre ba dang/ 'bur log kyang byed do/ /lag pa rdob par byed/ dpung pa rdob par byed/ brla sgyur bar 
byed/ rdob par byed cing kha nas rnga pa Ta ha'i sgra dag kyang 'byin par byed/ kha nas rnga man du ka dang/ kha nas rnga'i sgra dag 'byin par byed la/ khyu mchog gi nga ro 'byin par byed/ ma he'i skad 'byin par byed/ glang po che'i bzhin du skad 'don par byed/ rma 
bya'i skad 'byin par byed/ khu byug gi skad 'don par byed cing/ glang po che dang/ rta dang/ shing rta dang/ dpung bu chung gi dmag kyang 'gyed cing/ 'gyed du 'jug par byed/ bud med kyi dmag dang/ skyes pa'i dmag dang/ khye'u'i dmag dang/ bu mo'i 
dmag kyang 'gyed par byed/ 'gyed du 'jug par byed la/ skyes pa dang/ bud med dang/ khye'u dang/ bu mo'i dmag kyang 'gyed par byed/ 'gyed du 'jug par byed cing/ bya gag gi 'thab mo dang/ lug gi 'thab mo dang/ bya la ba ka'i 'thab mo dang/ thi 
ba'i 'thab mo dang/ bya gag dang/ lug dang/ bya la ba ka dang/ thi ba'i 'thab mo dag kyang 'gyed par byed/ 'gyed du 'jug par byed do/ /'di dag dang gzhan yang dge sbyong gis bya ba ma yin pa byed cing byed du 'jug par byed do/ /de'i tshe grogs byed pa 
bcu gnyis sde yang dgod pa dang/ rtse ba dang/ lus kyis rtsab hral byed de/ de rnams spyod pa de dang/ spyod tshul de dang/ spyod lam des gnas pa na dge slong sdig pa can gnas pa'i phyir dge slong ma lhags pa rnams kyang mi 'ong zhing/ lhags pa'i rnams kyang 

</font><hr>9-1-142a<br><font size=+1>
slar 'dod par byed/ skra 'greng ba dang/ skra 'phyar ba rnams kyang mi 'khod do/ /de rnams kyi spyod lam des re lde ri la 'khod pa'i bram ze dang/ khyim bdag rnams yid ma rangs shing ma dad par gyur nas dge slong gnyug ma rnams la yang 
bsod snyoms mi sbyin zhing mi bya'o snyam du sems na glo bur du 'ongs pa rnams la lta smos kyang ci dgos/ de'i tshe tshe dang ldan pa kun dga' bo dge slong gnas brtan gnas brtan rnams dang re lde ri la dong ste/ dge slong 'gro mgyogs dang nab so gnyis bskrad pa'i las byas 
so/ /de nyid kyi tshe dge slong ma bcu gnyis sde rnams kyang khyim sun 'byin pa byas pa'i phyir bskrad pa'i las byas so/ /dge slong ma bcu gnyis sde rnams kyi lhan cig gnas pa dang/ nye gnas rnams kyis ni mnyan yod du lhags nas bshags par bya ba gang yin pa 
de bshags shing/ bsdam par bya ba gang yin pa bsdams te/ rang bzhin du gnas pa'i dge slong ma rnams dang lhan cig tu gso sbyong dang dgag dbye dang/ gsol ba dang/ gsol ba dang gnyis dang/ gsol ba dang bzhi'i las dag nyams su myong bar byed 
do/ /de nas bcu gnyis sde rnams kyis bsams pa/ bcom ldan 'das dang dge slong gi dge 'dun dang/ dge slong ma'i dge 'dun la bzod pa gsol du 'dong ngo snyam mo/ /de nas bcu gnyis sde rnams mnyan yod ga la ba der rgyu zhing song ste/ mthar 
gyis rgyu zhing 'gro ba na mnyan yod du phyin pa dang/ dge slong ma rnams kyis dge slong ma bcu gnyis sde rnams mthong ngo / /mthong nas kyang bcom ldan 'das la gsol pa/ bcom ldan 'das bcu gnyis sde 'di rnams bskrad pa'i las bgyis na bdag cag gis 
ji ltar bsgrub par bgyi/ mi smra bar bya zhing lag brdas gtsug lag khang tha ma bstan par bya'o/ /de rnams kyis de bzhin du byas so/ /de nas de dag gi lhan cig gnas pa dang/ nye gnas de rnams kyang smra bar mi byed/ kun du smra bar mi byed/ kun du 

</font><hr>9-1-142b<br><font size=+1>
dga' bar mi byed pa dang/ de rnams kyis lhan cig gnas pa dang/ nye gnas rnams la 'di skad ces smras so/ /phu nu mo dag gang khyed kyis ma smras ma brjod ma bskyod pa las nged kyis smras/ brjod bskyod pa ci zhig yod kye dge slong ma'i gnas 
brtan gnas brtan rnams mi smra zhing kun du mi smra ba ni rung ste/ der zer na khyed ko ci'i phyir mi smra/ de rnams kyis dge slong ma dag bar du bzhag nas 'di skad ces smras so/ /ji skad zer ba de ni de lta yang yin na 'on kyang bdag cag gis ni bshags par bya ba 
gang yin pa de yang bshags/ bsdam par bya ba gang yin pa de yang bsdams nas bdag cag gsol ba dang bzhi'i las kyi bar nyams su myong ngo / /de nas dge slong ma bcu gnyis sde de dag gis dge slong ma rnams gnas brtan gnas brtan rnams la 'di skad ces 
smras so/ /'di na dge slong ma kha cig 'dun pas 'gro ba dang/ zhe sdang gis 'gro ba dang/ gti mug gis 'gro ba dang/ 'jigs pas 'gro ba dag yod de/ gang du ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do/ /
de nas dge slong ma rnams kyis dge slong ma bcu gnyis sde la smras pa/ su la 'dun pas 'gro ba'o zhes gshe/ de dag gis smras pa/dge slong ma gnas brtan gnas brtan rnams la'o/ /skabs de dge slong ma rnams kyis dge slong dag la smras so/ /
dge slong dag gis bcom ldan 'das la gsol pa dang/ bcom ldan 'das kyis bka' stsal pa/ dge slong ma khyed kyis dge slong ma bcu gnyis sde la bzhams te/ dge slong ma khyed dge slong ma gnas brtan gnas brtan rnams la 'di skad ces 'di na 
dge slong ma kha cig 'dun pas 'gro ba dang/ zhe sdang gis 'gro ba dang/ gti mug gis 'gro ba dang/ 'jigs pas 'gro ba yod de/ gang du ltung ba 'dra ba kho na las dge slong ma kha cig ni skrod par byed la/ kha cig ni skrod par mi byed de zhes ma zer 

</font><hr>9-1-143a<br><font size=+1>
cig /de ci'i phyir zhe na/ dge slong ma 'di dag ni 'dun pas 'gro ba dang/ zhe sdang gis 'gro ba dang/ gti mug gis 'gro ba dang/ 'jigs pas 'gro ba ma yin gyi/ 'on kyang dge slong ma khyed nyid khyim sun 'byin pa/ sdig pa'i chos 
kun du spyad pa yin te/ khyed kyis khyim sun phyung bar yang mthong ngam/ thos sam/ rab tu shes/ khyed sdig pa'i chos kun du spyod par yang mthong ngam/ thos sam/ rab tu shes kyis/ phu nu mo dag 'dun pas 'gro ba zhes bya ba'i tshig gi lam 
nas 'jigs pas 'gro ba zhes bya ba'i bar gyi tshig gi lam de lta bu thong shig ces bya'o/ /de dag la bzhams te bsgo ba na gzhi de nyid la nan gyis zhes bya ba nas gzhan ni gti mug go zhes bya ba'i bar du'o/ /skabs de dge slong ma rnams kyis dge slong dag la 
smras so/ /dge slong dag gis bcom ldan 'das la gsol pa dang/ bcom ldan 'das kyis bka' stsal pa/ dge slong ma khyed kyis bcu gnyis sde la gsol ba dang/ bzhi'i las kyis sgo shig bsgo ba yang 'di ltar bya ste/ gnas mal bshams pa 
byas nas dge slong ma gcig gis gsol ba byas nas las bya'o/ /'phags ma'i dge 'dun phu nu mo dag bdag la gsan du gsol/ dge slong ma bcu gnyis sde 'di dag khyim sun 'byin pa/ sdig pa'i chos kun du spyod pa lags te/ 'di dag gis khyim sun phyung bar 
yang mthong ngam/ thos sam/rab tu shes/ 'di dag sdig pa'i chos kun du spyod par yang rab tu shes pa'i bar du ste/ dge slong gnas brtan gnas brtan rnams kyis re lde ri la de dag bskrad pa'i las byas pa dang/ de dag dge slong ma rnams la 'dun 
pas 'gro ba zhes bya ba nas 'jigs pas 'gro ba zhes bya ba'i bar gyis gshe bar bgyid nas de dag la dge slong ma rab tu mang pos bzhams te bsgo ba dang/ de dag bzhams te bsgo ba na gzhi de nyid la nan gyis zhes bya ba nas gzhan ni gti mug go zhes bya ba'i bar du 

</font><hr>9-1-143b<br><font size=+1>
ste/ gal te 'phags ma'i dge 'dun gyi dus la bab cing bzod na gnang bar mdzod cig dang/ 'phags ma'i dge 'dun gyis dge slong ma bcu gnyis sde la gsol ba dang/ bzhi'i las kyis bsgo ba mdzad de/ phu nu mo khyed 'di skad ces 'di na dge slong ma kha 
cig 'dun pas 'gro ba nas/ 'jigs pa'i bar gyis 'gro ba yod do zhes ma zer cig /'on kyang khyed nyid khyim sun 'byin pa/ sdig pa'i chos kun du spyod pa yin te zhes bya ba nas khyed sdig pa'i chos kun du spyod pa yang mthong ngam/ thos sam/ rab tu 
shes so zhes bya ba'i bar du ste/ phu nu mo dag 'dun pas 'gro ba zhes bya ba'i tshig gi lam dang/ zhe sdang gis 'gro ba dang/ gti mug gis 'gro ba dang/ 'jigs pas 'gro ba zhes bya ba'i tshig gi lam de lta bu thong shig ces bya ste/ 'di ni gsol ba'o/ /
las kyang 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma bcu gnyis sde 'di dag khyim sun 'byin pa/ sdig pa'i chos kun du spyod pa lags te/ de dag gis khyim sun phyung bar yang mthong ngam/ thos sam/ rab tu 
shes nas dge slong gnas brtan gnas brtan rnams kyis re lde ri la song ste/ bskrad pa'i las bgyis pa dang/ de dag dge slong ma rnams la 'dun pas 'gro ba zhes bgyi ba nas 'jigs pas 'gro ba zhes bgyi ba'i bar gyis gshe bar bgyid na de dag la dge slong ma 
rab tu mang pos bzhams te bsgo ba dang/ de dag bzhams te bsgo ba na gzhi de nyid la nan gyis zhes bya ba nas gzhan ni gti mug go zhes bya ba'i bar du'o/ /'phags ma'i dge 'dun gyis dge slong ma bcu gnyis sde la gsol ba dang/ bzhi'i las kyis bsgo ba 
mdzad de/ phu nu mo khyed 'di skad ces 'di na dge slong ma kha cig 'dun pas 'gro ba nas 'jigs pa'i bar gyis 'gro ba yod do zhes ma zer cig /'on kyang khyed nyid khyim sun 'byin pa/ sdig pa'i chos kun du spyod pa yin te zhes bya ba nas/ khyed sdig pa'i chos 

</font><hr>9-1-144a<br><font size=+1>
kun du spyod par yang mthong ngam/ thos sam/ rab tu shes kyis phu nu mo dge 'dun pas 'gro ba zhes bya ba'i tshig gi lam dang/ zhe sdang gis 'gro ba dang/ gti mug gis 'gro ba dang/ 'jigs pas 'gro ba zhes bya ba'i tshig gi lam 
de lta bu thong shig ces bya ba'i bar du ste/ 'phags ma'i dge 'dun gang dag bcu gnyis sde 'di dag la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang 
po'o/ /de bzhin du lan gnyis lan gsum du yang don de nyid brjod par bya ste/ 'phags ma'i dge 'dun gyis bzod cing gnang nas dge 'dun gyis bcu gnyis sde 'di dag la gsol ba dang/ bzhi'i las kyis bsgo ba mdzad lags te/ 'di ltar cang mi 
gsung bas de de bzhin du 'dzin to zhes bya ba'i bar du'o// //dge slong ma'i 'dul ba rnam par 'byed pa/bam po bcu gcig pa/ de rnams la gsol ba dang bzhi'i las kyis bsgo yang gzhi de nyid la nan gyis zhes bya ba nas/ gzhan ni gti mug go 
zhes bya ba'i bar gyi skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad do/ /dge slong ma rab tu 
mang po grong ngam grong rdal zhig tu nye bar rten cing gnas la de dag kyang khyim sun 'byin pa/sdig pa'i chos kun du spyod par gyur cing/ de dag gis khyim sun phyung ba mthong ngam/ thos sam/ rab tu shes sam/ sdig pa'i chos kun du spyod par yang mthong 
ngam/ thos sam/ rab tu shes na dge slong ma de dag la dge slong ma rnams kyis 'di skad ces 'phags ma dag khyim sun 'byin pa/ sdig pa'i chos kun du spyod pa yin te/ khyed kyis khyim sun phyung bar mthong ngam/ thos sam/ rab tu shes/ khyed kyis sdig 

</font><hr>9-1-144b<br><font size=+1>
pa'i chos kun du spyod par yang mthong ngam/ thos sam/ rab tu shes kyis/ 'phags ma dag gnas 'di na gnas pas chog gis/ gnas 'di nas deng shig ces bsgo bar bya'o/ /dge slong ma de dag dge slong ma rnams la 'di skad ces 'di na dge 
slong ma kha cig 'dun pas 'gro ba dang/ zhe sdang gis 'gro ba dang/ gti mug gis 'gro ba dang/ 'jigs pas 'gro ba dag yod de/ gang du ltung ba 'dra ba kho na las dge slong ma kha cig ni skrod par byed la/ kha cig ni skrod par mi byed do zhes zer na dge slong 
ma de dag la dge slong ma rnams kyis tshig 'di skad ces kye 'phags ma dag khyed cag 'di skad ces 'di na dge slong ma kha cig 'dun pas 'gro ba yod/ zhe sdang gis 'gro ba dang/ gti mug gis 'gro ba dang/ 'jigs pas 'gro ba dag yod de/ gang du ltung 
ba 'dra ba kho na las dge slong ma kha cig ni skrod par byed la/ kha cig ni skrod par mi byed do zhes ma zer cig /'on kyang phu nu mo dag kho na khyim sun 'byin pa/ sdig pa'i chos kun du spyod pa yin te/ khyed kyis khyim sun phyung bar mthong ngam/ thos sam/ 
rab tu shes/ khyed sdig pa'i chos kun du spyod par mthong ngam/ thos sam/ rab tu shes kyis/ 'phags ma dag 'dun pas 'gro ba zhes bya ba'i tshig gi lam dang/ zhe sdang dang/ gti mug dang/ 'jigs pas 'gro ba zhes bya ba'i tshig gi lam 'di lta 
bu 'di thong shig ces dge slong ma de dag la dge slong ma rnams kyis de skad bsgo ba na/ gzhi de gtong na de lta na legs/ gal te mi gtong na zhes bya ba nas/ lan gnyis lan gsum du yang dag par bsgo bar bya/ yang dag par bstan par bya'o zhes bya ba'i 
bar du'o/ /gzhi de gtong bar bya ba'i phyir lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang lan gsum gyi bar gyis nges par 'byung bar 'os pa'i dge 'dun lhag 

</font><hr>9-1-145a<br><font size=+1>
ma'o/ /dge slong ma zhes bya ba ni chos 'di pa dag gi'o/ /rab tu mang po zhes bya ba ni gnyis las lhag pa rab tu mang po dag go/ /grong ngam/ grong rdal zhig na zhes bya ba ni re lde ri la'o/ /de dag khyim sun 'byin ces bya ba la/ khyim 
zhes bya ba ni bram ze dang/ rgyal rigs dang/ khyim bdag gi khyim dag go/ /sun 'byin pa zhes bya ba ni rgyu gnyis kyis khyim dag tu sun 'byin par rab tu shes te/ 'grogs pa dang/ longs spyod pas so/ /ji ltar 'grogs pas she na/ bud med 
dang/ khye'u dang/ bu mo rnams dang lhan cig dgod pa dang/ rtse ba dang/ lus kyis rtsab hral byed cing de nyid na gnas pa ste/ de ltar 'grogs pas so/ /ji ltar longs spyod pas she na/ khyim de dag nyid du me tog gam/ 'bras bu'am/ so shing 
dag stobs par byed pa ste/ de ltar longs spyod pas so/ /mthong ngam zhes bya ba ni mig gi rnam par shes pas so/ /thos sam zhes bya ba ni rna ba'i rnam par shes pas so/ /rab tu shes zhes bya ba ni de las gzhan pa'i rnam par shes pa'i tshogs 
dag gis so/ /dge slong ma de dag gis zhes bya ba ni bcu gnyis sde dag gis so/ /dge slong ma rnams kyis zhes bya ba ni chos 'di pa rnams kyis so/ /'di skad ces bya ba ni 'di skad ces yang dag par bsgo ba na'o/ /dge slong ma dag 'di skad ces 'dun 
pas 'gro ba'o zhes ma smra shig ces bya ba ni gshe ba'o/ /ltung ba 'dra ba kho na las zhes bya ba ni ltung ba mtshungs pa las so/ /dge slong ma kha cig ni skrod par byed la zhes bya ba ni bcu gnyis sde dag go/ /kha cig ni skrod par mi byed ces bya ba ni de dag nyid 
kyis lhan cig gnas pa dang/ nye gnas dag go/ /dge slong ma rnams kyis tshig 'di skad ces bya ba ni phu nu mo dag 'dun pas 'gro ba zhes bya ba'i tshig gi lam dang zhes bya ba nas/ 'jigs pas 'gro ba zhes bya ba'i bar gyi tshig gi lam 'or cig ces bya ba'o/ /

</font><hr>9-1-145b<br><font size=+1>
dge slong ma de dag la dge slong ma rnams kyis de skad ces bsgo ba na gzhi de gtong na de lta na legs zhes bya ba ni de lta na bzang ba'o/ /gal te mi gtong na bzhams te bsgo bar bya'o zhes bya ba ni ji skad sngar bsgo ba bzhin bya ba'o/ /de dag la bzhams te bsgo ba na 
gzhi de gtong na de lta na legs/ gal te mi gtong na gsol ba dang bzhi'i las kyis bsgo bar bya'o zhes bya ba ni ji skad sngar bsgo ba bzhin bya ba'o/ /yang dag par bsgo ba de ni de yin/ yang dag par bstan pa de ni de yin no/ /chos 'di yang zhes bya ba ni chos 
ma yin pa 'di chos kyi sgrar gsungs pa'o/ /lan gsum gyi bar gyis 'byung bar 'os pa zhes bya ba ni ston pa dang bcas pa'o/ /gzhan ni snga ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong ma la 'di skad ces 'di 
na dge slong ma kha cig 'dun pas 'gro ba yod/ zhe sdang dang/ gti mug dang/ 'jigs pas 'gro ba yod do zhes smra na thams cad du nyes byas kyi ltung bar 'gyur ro/ /bzhams te bsgo ba na gzhi de gtong na de lta na legs/ gal te mi gtong na sbom por 
'gyur ro/ /gzhan ni gong ma ji lta ba de bzhin du brjod par bya'o/ /dge slong ma'i rnam par 'byed pa las dge 'dun lhag ma bcu dgu pa rdzogs s+ho// //sangs rgyas bcom ldan 'das kau shAm+bI'i gdangs can gyi kun dga' ra ba na bzhugs so/ /de'i 
tshe kau shAm+bI na shAkya'i bu mo dge slong ma 'dun ma zhes bya ba la ltung ba byung nas/ de la tshangs pa mtshungs par spyod pa/ don 'dod pa/ phan par 'dod pa/bde bar 'dod pa/ reg par 'dod pa/ grub pa dang bde bar 'dod pa rnams kyis smras pa/ 'dun ma khyod la 
ltung ba byung gis shogs shig /des de dag la 'di skad ces khyed cag dge yang rung sdig kyang rung kho mo la ci yang ma smra shig /de ci'i phyir zhe na/ 'di ltar khyed cag ni rigs sna tshogs dang/ rus sna tshogs dang/ rgyud sna tshogs las rab tu byung ba dag yin 

</font><hr>9-1-146a<br><font size=+1>
te/ ji ltar ston ka'i dus na shing rnams kyi lo ma skya bo dag rlung gis bsdus nas gcig tu sogs shing 'jog pa de bzhin du khyed cag kyang rigs sna tshogs dang/ rus sna tshogs dang/ rgyud sna tshogs las rab tu byung ba dag yin gyi/ kho mo'i 
'phags pas ni byang chub mngon par sangs rgyas so zhes smras pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol pa dang/ bcom ldan 'das kyis bka' stsal pa/ dge slong ma dag khyed kyis dge 
slong ma 'dun ma la bzhams te bsgo bar bya ste/ 'dun ma khyod la dge slong ma don 'dod pa/ phan par 'dod pa/ bde bar 'dod pa/ reg par 'dod pa/ grub pa dang bde bar 'dod pa rnams kyis smras pa na/ bdag nyid brjod par bya ba ma yin par ma 
byed par bdag nyid brjod par gyis shig /dge slong ma rnams kyang 'dun ma la chos dang mthun pa dang/ 'dul ba dang mthun par smras/ khyod kyang dge slong ma rnams la chos dang mthun pa dang/ 'dul ba dang mthun par smros shig /de ci'i phyir zhe na/ 'di 
lta ste/ gcig la gcig rjod par byed pa dang/ gcig la gcig 'doms shing rjes su ston pa dang/ gcig gis gcig ltung ba las slong ba de lta bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 
'khor 'phel bar 'gyur gyis/ 'dun ma khyod bdag nyid rjod par byed pa ma yin pa'i las kyi mtha' thong shig ces bsgo bar bya'o/ /de la dge slong ma rnams kyis bsgo ba na gzhi de nyid ces bya ba nas gzhan ni brdzun pa'o zhes bya ba'i bar gyi skabs de dge slong ma rnams 
kyis dge slong dag la smras pa dang/ dge slong dag gis bcom ldan 'das la gsol to/ /bcom ldan 'das kyis bka' stsal pa/ dge slong ma dag khyed kyis dge slong ma 'dun ma la gsol ba dang bzhi'i las kyis bsgo bar bya'o/ /bsgo ba ni 'di ltar bya ste/ gnas 

</font><hr>9-1-146b<br><font size=+1>
mal bshams pa byas la zhes bya ba nas/ dge slong ma gcig gis gsol ba byas te las bya'o/ /bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ dge slong ma 'dun ma 'di la tshangs pa mtshungs par spyod 
pa don 'tshal ba/ phan par 'tshal ba/ bde bar 'tshal ba/ reg par 'tshal ba/ grub pa dang bde bar 'tshal ba rnams kyis ltung ba shogs shig ces smras na/ de 'di skad ces phu nu mo dag dge yang rung sdig kyang rung kho mo la ci yang ma smra shig /kho 
mo yang khyed cag la dge yang rung sdig kyang rung ci yang mi smra'o zhes mchi nas/ de la dge slong ma rab tu mang pos bzhams te bsgo na/ gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 
'dogs par bgyid na/ gal te 'phags ma'i dge 'dun gyi dus la bab cing bzod na/ 'phags ma'i dge 'dun gyis gnang bar mdzod cig dang/ dge slong ma 'dun ma la 'dun ma khyod la dge slong ma rnams kyis chos dang mthun pa dang/ 'dul ba dang 
mthun par smras pa na/ bdag nyid brjod par bya ba ma yin par ma byed par bdag nyid brjod par bya bar gyis shig /de ci'i phyir zhe na/ dge slong ma rnams kyis khyod la chos dang mthun pa dang/ 'dul ba dang mthun par smras pa na/ khyod kyis dge 
slong ma rnams la chos dang mthun pa dang/ 'dul ba dang mthun par smra ba yin no/ /'di lta ste/ gcig la gcig rjod par byed pa dang/ gcig la gcig rjes su ston pa dang/ gcig gis gcig ltung ba las slong ba de lta bus bcom ldan 'das de 
bzhin gshegs pa dgra bcom pa yang dag par rdzogs pa'i sangs rgyas de'i 'khor 'phel bar 'gyur ro/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma 'dun ma 'di la tshangs 

</font><hr>9-1-147a<br><font size=+1>
pa mtshungs par spyod pa/ don 'tshal ba/ phan par 'tshal ba/ bde bar 'tshal ba/ reg par 'tshal ba/ grub pa dang bde bar 'tshal ba rnams kyis ltung ba shogs shig ces smras na/ de 'di skad ces phu nu mo dag dge yang rung sdig kyang 
rung kho mo la ci yang ma smra shig /kho mo yang khyed cag la dge yang rung sdig kyang rung ci yang mi smra'o zhes mchi nas/ de la dge slong ma rab tu mang pos bzhams te bsgo ba na gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni 
brdzun pa'o zhes rjes su tha snyad 'dogs par bgyid kyis/ de'i slad du 'phags ma'i dge 'dun gyis dge slong ma 'dun ma la 'dun ma khyod la dge slong ma rnams kyis chos dang mthun pa dang/ 'dul ba dang mthun par smras pa na/ bdag nyid brjod par bya ba ma yin par ma 
byed par bdag nyid brjod par gyis shig /de ci'i phyir zhe na/ dge slong ma rnams kyis khyod la chos dang mthun pa dang/ 'dul ba dang mthun par smras pa na/ khyod kyis dge slong ma rnams la chos dang mthun pa dang/ 'dul ba dang mthun par smra ba yin no/ /
'di lta ste/ gcig la gcig rjod par byed pa dang/ gcig la gcig rjes su ston pa dang/ gcig gis gcig ltung ba las slong ba de lta bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 
'phel bar 'gyur ro zhes gsol ba dang bzhi'i las kyis bsgo ba mdzad na/ dge slong ma gang dag dge slong ma 'dun ma 'di la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsung shig /
'di ni las brjod pa dang po ste/ de bzhin du don 'di nyid lan gnyis lan gsum gyi bar du bzlas so/ /dge 'dun gyis bzod cing gnang nas/ dge 'dun gyis dge slong ma 'dun ma la gsol ba dang bzhi'i las kyis bsgo ba mdzad lags te/ 'di ltar 

</font><hr>9-1-147b<br><font size=+1>
cang mi gsung bas de de bzhin du 'dzin to zhes gsol ba dang bzhi'i las kyis bsgo bar bya'o/ /de la gsol ba dang bzhi'i las kyis bsgo ba na gzhi de nyid la nan gyis zhes bya ba nas/ 'di nyid bden gyi gzhan ni brdzun pa'o zhes bya ba'i bar gyi skabs de dge 
slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ 'di na dge slong ma kha cig bka' blo mi bde 
ba'i rang bzhin du gyur la/ de la gdon par gtogs pa bslab pa'i gzhi rnams dang/ bde bar gshegs pa'i mdor gtogs pa rnams dge slong ma rnams kyis chos dang mthun pa dang/ 'dul ba dang mthun par smras pa na/ bdag nyid brjod par bya ba 
ma yin par byed de/ 'phags ma dag dge yang rung sdig kyang rung kho mo la ci yang ma smra shig /kho mo yang dge yang rung sdig kyang rung 'phags ma dag la ci yang mi smra'o/ /'phags ma dag gis bdag la tshig gi lam thong shig /khyed la yang bdag gis 
smras pas ci zhig bya zhes zer ba na/ dge slong ma de la dge slong ma rnams kyis 'di skad ces 'phags ma khyod la gdon par gtogs pa'i bslab pa'i gzhi rnams dang/ bde bar gshegs pa'i mdor gtogs pa rnams dge slong ma rnams kyis chos dang mthun 
pa dang/ 'dul ba dang mthun par smras pa na/ bdag nyid brjod par bya ba ma yin par ma byed par 'phags ma bdag nyid brjod par bya ba kho nar gyis shig /'phags ma la dge slong ma rnams chos dang mthun pa dang/ 'dul ba dang mthun par smra ba na/ 'phags 
mas kyang dge slong ma rnams la chos dang mthun pa dang/ 'dul ba dang mthun par smros shig /de ci'i phyir zhe na/ 'di lta ste/ gcig la gcig rjod par byed pa dang/ gcig la gcig 'doms shing rjes su ston pa dang/ gcig gis gcig ltung ba las 

</font><hr>9-1-148a<br><font size=+1>
slong ba de lta bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'phel bar 'gyur gyis/ 'phags ma khyod kyis bdag nyid brjod par bya ba ma yin par byed pa'i las kyi mtha' de lta bu 
thong shig ces gal te dge slong ma de la dge slong ma rnams kyis smras pa na gzhi de gtong na de lta na legs/ gal te mi gtong na chos 'di yang lan gsum gyi bar gyis 'byung bar 'os pa'i dge 'dun lhag ma'o/ /dge slong ma zhes bya ba ni 'dun ma'o/ /bka' 
blo mi bde ba zhes bya ba ni tshig gi lam mthun pa rjes su mnyan par bya ba 'tsham pa drung por 'jug pa mi 'dzin pa dang/ mi mthun par 'dzin pa'o/ /gdon pa zhes bya ba ni so sor thar pa'i mdor bstan pa'o/ /bde bar gshegs pa zhes bya ba ni ston pa'o/ /mdo 
zhes bya ba ni sangs rgyas kyis gsungs pa'am/ nyan thos kyis smras pa ste/ bslab pa'i gzhi phas pham par 'gyur ba brgyad dang/ dge 'dun lhag ma nyi shu dang/ spang ba sum bcu rtsa gsum dang/ ltung byed brgya brgyad bcu dang/ so sor bshags par 
bya ba bcu gcig dang/ bslab pa mang po dang/ rtsod pa zhi bar bya ba'i chos bdun dang/ 'dul ba'i gzhi bcu bdun dang/ phran tshegs dang/ sil bu dang/ gleng gzhi dang/ 'dul ba ma mo dang/ 'dul ba gcig las 'phros pa dang/ 'dul ba lnga pa dang/ 'dul 
ba bcu drug pa dang/ bram ze'i bu mo dang/ nye ba 'khor gyis zhus par gtogs pa dag legs par sbyar ba'o/ /dge slong ma rnams kyis chos dang mthun pa dang/ 'dul ba dang mthun pas zhes bya ba ni chos ji lta ba dang/ 'dul ba ji lta ba dang/ ston pa'i bstan pa ji lta 
ba de lta bu'i las gang yin pas so/ /smras pa na zhes bya ba ni bde ba la sbyar ba na'o/ /bdag nyid brjod par bya ba ma yin par byed na zhes bya ba ni de'i gdams ngag dang/ bstan pa las bdag nyid gzhan du sel ba'o/ /phu nu mo dag /kho mo la ci yang ma smra shig ces bya ba ni 

</font><hr>9-1-148b<br><font size=+1>
bdag nyid phyir zhing lhag par bka' blo mi bde ba la 'jog pa'o/ /dge yang rung zhes bya ba ni mi dge ba la 'jog pa'o/ /sdig kyang rung zhes bya ba ni sdig pa las mi slong ba'o/ /kho mo yang phu nu mo rnams la ci yang mi smra'o zhes bya ba ni bdag nyid phyir zhing lhag par 
gcig la gcig 'doms shing rjes su ston pa spong ba'o/ /dge yang rung bdag kyang phu nu mo dag la zhes bya ba ni dge ba la mi 'jog pa'o/ /sdig kyang rung bdag kyang phu nu mo dag la zhes bya ba ni sdig pa las mi slong ba'o/ /'phags ma dag thong shig ces bya ba ni ring 
du 'or cig ces bya ba ste/ ci khyod cag ces bya ba ni rgyu 'di dag gis bdag gi rjes su ston par bskos sam zhes bya ba'o/ /dge slong ma de la zhes bya ba ni 'dun ma la'o/ /dge slong ma rnams kyis zhes bya ba ni chos 'di pa dag gis so/ /gzhi de gtang bar bya ba'i 
phyir zhes bya ba ni snga ma bzhin du'o/ /de lta na legs zhes bya ba ni de lta na bzang ba'o/ /gal te mi gtong na zhes bya ba ni bzhams te bsgo bas ji ltar snga ma bzhin du bsgo ba na'o/ /de la bzhams te bsgo ba na gzhi de gtong na zhes bya ba'i bar snga ma bzhin no/ /
de lta na legs zhes bya ba ni de lta na bzang ba'o/ /gal te mi gtong na zhes bya ba ni gsol ba dang bzhi'i las kyis bsgo bas ji ltar snga ma bzhin du bsgo ba na'o/ /yang dag par bsgo ba de ni de yin no/ /chos 'di yang zhes bya ba ni chos ma yin pa 'di chos kyi sgrar 
gsungs pa'o/ /lan gsum gyi bar gyis 'byung ba dang bcas pa zhes bya ba ni 'byung bar 'os pa'o/ /dge 'dun lhag ma zhes bya ba ni ltung ba 'di dge 'dun sde gnyis la rag las pa yin/ dge 'dun sde gnyis la rton pa yin/ dge 'dun sde gnyis kyis de ltung ba 
las slong bar 'gyur gyis gang zag las ni ma yin pa'o/ /'di ltar phas pham par 'gyur ba brgyad po dag ni lhag ma med pa yin la 'di ni lhag ma dang bcas pa yin pas de bas na dge 'dun lhag ma zhes bya'o/ /de la ltung bar ji ltar 'gyur zhe na/ dge slong mas 

</font><hr>9-1-149a<br><font size=+1>
ji tsam cung zad dge slong ma rnams kyis smras pa na 'di skad ces phu nu mo dag kho mo la ci yang ma smra shig ces/ smra na thams cad du nyes byas su 'gyur ro/ /bzhams te bsgo ba na gzhi de mi gtong na sbom po'o/ /las brjod pa dang po brjod pa na 
gzhi de gtong na de lta na legs/ gal te mi gtong na sbom po'o/ /las brjod pa gnyis pa brjod pa na ma rdzogs par gal te gtong na de lta na legs/ gal te mi gtong na brjod pa rdzogs na sbom po'o/ /las brjod pa gsum pa brjod pa na ma rdzogs par chos 
ma yin pas mthun par byed pa dang/ chos kyis mi mthun par byed de/ chos ji lta ba dang/ 'dul ba ji lta ba dang/ ston pa'i bstan pa ji lta ba bzhin mi byed na ltung ba med do/ /las brjod pa bzhi pa brjod pa na rdzogs nas chos ji lta ba dang/ 'dul ba ji lta ba dang/ 
ston pa'i bstan pa ji lta ba bzhin du byed na dge 'dun lhag mar 'gyur ro/ /dge slong ma des stan de nyid la 'dug bzhin du 'di skad ces 'phags ma dag bdag la dge 'dun lhag ma'i ltung ba byung ngo zhes brjod par bya'o/ /brjod na de lta na legs/ gal te ma rjod 
na des ltung ba bshags shing de so sor ma bshags par des de'i 'og tu gsol ba dang/ gsol ba dang gnyis dang gsol ba dang bzhi'i las nyams su myong bar byed na thams cad du nyes byas su 'gyur ro/ /las dang po pa la sogs pa la ni ltung ba med do/ /dge 'dun 
lhag ma nyi shu pa rdzogs te/ dge slong ma'i 'dul ba rnam par 'byed pa las dge 'dun lhag ma rnams rdzogs s+ho// //sdom la/ zhag bcu bcang dang 'bral mi bya/ /zla ba nye du min mi bslang/ /bla gos mthang gos bcas pa dang/ /pags pa gnyis 
dang pho nya bskur/ /mon dar sar pa gser dngul dang/ /sna tshogs nyo tshong byed pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong ma rnams la chos gos mang po 

</font><hr>9-1-149b<br><font size=+1>
'di lta bu 'di byung ste/ chos gos gzhan gyis ni mkhan mo dang/ slob dpon dag la blta ba'i phyir 'gro bar byed/ chos gos gzhan gyis ni gtsug lag khang du chag chag 'debs par byed/ phyag dar 'phyag par byed/ chos gos gzhan gyis ni ba'i lci ba sar pa'i 
byug pas skur par byed/ chos gos gzhan gyis ni bshang ba'i sa dang/ gci ba'i sa dag 'phyag par byed/ chos gos gzhan gyis ni so shing 'dor bar byed/ chos gos gzhan gyis ni gnas mal dang/ snod spyad 'brim par byed/ chos gos gzhan gyis ni grong 
du bsod snyoms la 'jug par byed/ chos gos gzhan gyis ni zas kyi gral du bkad par byed/ chos gos gzhan gyis ni nyin par chos nyan par byed/ chos gos gzhan gyis ni mtshan mo chos nyan par byed/ chos gos gzhan gyis ni ston pa'i spyan snga nas/ gdams ngag dang/ 
 rjes su bstan pa dag so sor nyams su myong bar byed pa na/ dge slong ma don nyung ba dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang/ 
gleng gzhi 'di dang/ skabs 'di la dge slong ma'i dge 'dun bsdu ba mdzad de/ nga'i nyan thos ma rnams rnam par shes par 'gyur ba dang/ bslab pa'i gzhi yang legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed 
par mdzad pa ste/ mkhyen bzhin du rmed kyi mi mkhyen par ni ma yin/ dus su yin gyi dus ma yin par ma yin/ don dang ldan par yin gyi don dang mi ldan pa ni ma yin gyis sangs rgyas bcom ldan 'das rnams chu lon gyis zlog par mdzad pa yin pas/ 'di lta ste/ don dang 
ldan pa'i phyir sangs rgyas bcom ldan 'das kyis dge slong ma rnams la rma ba rmed par mdzad de/ dge slong ma dag khyed cag la chos gos mang po 'di lta bu 'di byung ba bden nam/ bcom ldan 'das mad lags so/ /sangs rgyas bcom ldan 'das kyis gso dka' ba dang/

</font><hr>9-1-150a<br><font size=+1>
dgang dka' ba dang/ 'dod pa che ba dang/ chog mi shes pa dang/ sbyangs pa'i yon tan can ma yin pa dang/ tshod mi shes pa'i rnam par smad pas rnam par smad pa mdzad nas/ dge slong ma rnams la gso sla ba dang/ dgang sla ba dang/ 'dod 
pa chung ba dang/ chog shes pa dang/ sbyangs pa'i yon tan dang/ tshod shes pa'i bsngags pa gsungs te/ dge slong ma rnams kyi bslab pa'i gzhi bca' ba mdzad de/ dge slong ma chos gos zin pas sra brkyang phyung na zhag bcu'i bar du gos lhag pa rung bar ma byas 
pa bcang bar bya'o/ /de las lhag par 'chang na spang ba'i ltung byed do/ /chos gos zin pa zhes bya ba la chos gos zin la sra brkyang ma phyung ba yang yod/ sra brkyang phyung la chos gos ma zin pa yang yod/ chos gos zin la sra brkyang phyung ba yang yod/ chos gos ma zin 
cing sra brkyang ma phyung ba yang yod do/ /chos gos zin la sra brkyang ma phyung ba ji lta bu zhe na/ 'di lta ste/ yang dge slong mas chos gos dag bkru ba dang/ dra ba dang/ drub pa dang/ kha bsgyur zin la/ dge 'dun gyis sra brkyang ma phyung ba yin te/ de lta bu ni chos gos 
zin la sra brkyang ma phyung ba yin no/ /sra brkyang phyung la chos gos ma zin pa ji lta bu zhe na/ 'di lta ste/ yang dge slong ma'i dge 'dun gyis sra brkyang phyung zin la/ dge slong mas chos gos dag bkru ba dang/ dra ba dang/ drub pa dang/ kha bsgyur ma zin pa ste/ de lta 
bu ni sra brkyang phyung la chos gos ma zin pa yin no/ /chos gos zin la sra brkyang phyung ba ji lta bu zhe na/ 'di lta ste/ yang dge slong mas chos gos dag bkru ba dang/ dra ba dang/ drub pa dang/ kha bsgyur ba zin la/ dge slong ma'i dge 'dun gyis kyang sra brkyang phyung ba yin 
te/ de lta bu chos gos zin la sra brkyang phyung ba yin no/ /chos gos ma zin cing sra brkyang ma phyung ba ji lta bu zhe na/ rnam pa de dag ma gtogs pa'o/ /dge slong ma zhes bya ba ni chos 'di pa dag gi'o/ /zhag bcu'i bar du zhes bya ba ni nyin zhag bcu'o/ /gos lhag pa 

</font><hr>9-1-150b<br><font size=+1>
zhes bya ba ni byin gyis brlabs pa lnga las lhag pa'o/ /rung bar ma byas pa zhes bya ba ni gang zhig su'i ming gis kyang rung bar ma byas la bdag nyid kyi'o zhes bcangs pa'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya 
ba'o/ /ltung ba zhes bya ba ni dmyal ba dang/ dud 'gro dang/ yi dgas dang/ ngan song dang/ ngan 'gro log par ltung ba rnams su ste/ de bas na ltung byed do zhes gsungs so/ /de la ltung bar ji ltar 'gyur zhe na/ 'di lta ste/ yang dge slong mas tshes 
la gos rnyed na dge slong ma des gos de zhag bcu po de nyid kyi nang du byin gyis brlab par bya ba'am/ rung bar bya ba'am/ gtang bar bya ba'am/ gzhan la sbyin par bya'o/ /byin gyis rlob par mi byed dam/ rung bar mi byed dam/ gtong bar mi byed dam/ 
gzhan la sbyin par mi byed na nyi ma bcu gcig pa'i skya rengs shar na spang ba'i ltung byed do/ /ji ltar tshes la gos rnyed la/ de bzhin du tshes gnyis dang/ gsum dang zhes bya ba nas bcu'i nang du zhes bya ba'i bar du ste/ dge slong ma des gos de zhag bcu po de nyid kyi nang 
du byin gyis brlab par bya ba'am/ rung bar bya ba'am/ gtang bar bya'o/ /byin gyis rlob par mi byed dam/ gtong bar mi byed dam/ rung bar mi byed na nyi ma bcu gcig pa'i skya rengs shar na spang ba'i ltung byed do/ /dge slong mas tshes la gos gcig 
rnyed la/ phyi de nyin par gcig rnyed na dge slong ma des gos snga ma byin gyis brlab par bya zhing/ phyi ma shos rung bar bya ba'am/ byin gyis brlab par bya'o/ /yang na gos phyi ma shos byin gyis brlab par bya zhing snga ma rung bar bya'o/ /byin gyis rlob par mi 
byed dam/ rung bar mi byed dam/ gtong bar mi byed na/ nyi ma bcu gcig pa'i skya rengs shar na spang ba'i ltung byed do/ /de bzhin du dge slong mas tshes dgu la gos shig rnyed la/tshes bcu la gcig rnyed na dge slong ma des gos snga ma byin gyis brlab par bya 

</font><hr>9-1-151a<br><font size=+1>
zhing/ phyi ma shos rung bar bya ba'am/ gtang bar bya'o zhes bya ba nas spang ba'i ltung byed do zhes bya ba'i bar ro/ /dge slong mas tshes gcig la gos gnyis rnyed la/ tshes gnyis la yang gnyis rnyed na dge slong ma des gos snga ma gnyis byin 
gyis brlab par bya zhing/ gos phyi ma shos gnyis rung bar bya ba'am/ gtang bar bya'o/ /rung bar mi byed dam/ gtong bar mi byed na nyi ma bcu gcig pa'i skya rengs shar na spang ba'i ltung byed do/ /dge slong mas tshes dgu la gos gnyis rnyed la/ tshes 
bcu la yang gnyis rnyed na zhes rgyas par brjod par bya'o/ /dge slong mas tshes gcig la gos rab tu mang po rnyed la/ tshes gnyis la yang rab tu mang po rnyed na dge slong ma des snga ma'i gos rab tu mang po dag byin gyis brlab par bya zhing/ phyi ma shos kyi gos rab tu 
mang po dag rung bar bya ba'am/ gtang bar bya'o/ /yang na phyi ma shos kyi gos rab tu mang po dag byin gyis brlab par bya zhing/ snga ma'i gos rab tu mang po dag rung bar bya ba'am/ gtang bar bya'o/ /byin gyis rlob par mi byed dam/ rung bar mi byed dam/ gtong 
bar mi byed na/ nyi ma bcu gcig pa'i skya rengs shar na spang ba'i ltung byed do/ /dge slong mas tshes dgu la gos rab tu mang po rnyed la/ tshes bcu la yang gos rab tu mang po rnyed na zhes bya ba nas de bzhin du spang ba'i ltung byed do zhes bya ba'i bar ro/ /dge slong ma'i 
gos spang bar gyur na de ma spangs shing bral bar ma byas la ltung ba ma bshags par gos gzhan zhig rnyed na de yang snga ma'i shan gyis spang bar 'gyur ro/ /dge slong ma'i gos spang bar gyur na de spangs shing bral bar ma byas la/ ltung ba ma bshags par 
gos gzhan zhig rnyed na de yang snga ma'i shan gyis spang bar 'gyur ro/ /dge slong ma'i gos spang bar gyur na de spangs shing bral bar byas la ltung ba ma bshags par gos gzhan zhig rnyed na de yang snga ma'i shan gyis spang bar 'gyur ro/ /dge slong ma'i gos 

</font><hr>9-1-151b<br><font size=+1>
spang bar gyur na de spangs shing bral bar byas la ltung ba bshags nas gos gzhan zhig rnyed na ltung ba med do/ /las dang po pa dang/ smyos pa dang/ sems 'khrugs pa dang/ tshor bas nyen pa la ni ltung ba med do/ /dge slong ma'i rnam par 
'byed pa las/ spang ba'i ltung byed dang po rdzogs s+ho// //gleng gzhi ni mnyan yod na'o/ /dge slong ma dbyar gnas par khas blangs pa dbyar mthar phyin par gnas pa 'ga' zhig gis chos gos dag rnyed par gyur nas/ des de dag bkrus shing kha bsgyur te/ 
gtur bu bkang nas bam por bsgres te/ bla gos dang/ mthang gos dang bcas pas ljongs rgyu zhing song nas/ de ljongs rgyu zhing song ba na ma sbas shing sbed du ma bcug par gyur to/ /dge slong ma gnas na gnyug mar gnas pa dag kyang chos gos de dag 
skems pa dang/ sprug pas bya ba mang ba dang/ byed pa mang bar gyur cing/ lung mnod pa dang/ klog pa dang/ kha ton dang/ rnal 'byor dang/ yid la byed pa dang/ nang gi sems kyi zhi gnas gtong bar byed pa nas dge slong ma don nyung ba dag smod 
par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ dge slong ma chos gos 
zin pas sra brkyang phyung nas chos gos lnga las gang yang rung ba zhig dang/ mtshams kyi phyi rol du 'bral bar byed na spang ba'i ltung byed do/ /zhes de ltar bslab pa'i gzhi bca' ba mdzad do/ /gang gi tshe bcom ldan 'das kyis rgyal po'i khab tu gnas 
brtan chen po 'od srung la brten nas snam sbyar dang 'bral bar mi 'gyur ba'i gnang ba byin nas/ yang bslab pa'i gzhi bca' ba mdzad pa de'i tshe dge slong ma gnas brtan gnas brtan dag bcom ldan 'das gang na ba der song ste lhags nas bcom ldan 

</font><hr>9-1-152a<br><font size=+1>
'das kyi zhabs gnyis la mgo bos phyag byas te/ bcom ldan 'das la 'di skad ces gsol to/ /btsun pa bdag cag gis bslab pa'i gzhi 'di ji ltar gdon par bgyi/ de nas bcom ldan 'das kyis dge slong ma rnams la bslab 
pa 'dod pa dang/ bslab pa la gus pa dang/ bslab pa la yo byad bsnyungs pa'i bsngags pa gsungs nas dge slong ma rnams la bka' stsal pa/ dge slong ma dag snga ma ni bcas pa'o/ /'di ni gnang ba yin pas nga'i nyan thos ma rnams kyis yang 'dul ba 
la bslab pa'i gzhi 'di ltar gdon par bya ste/ dge slong ma chos gos zin te sra brkyang phyung nas chos gos lnga las gang yang rung ba zhig dang nub gcig mtshams kyi phyi rol du bral na dge 'dun gyis gnang ba ma gtogs te spang ba'i ltung byed do/ /chos gos zin pa 
zhes bya ba ni gong ma ji lta ba bzhin no/ /chos gos lnga zhes bya ba ni snam sbyar dang/ bla gos la sogs pa chos gos byin gyis brlabs pa gang yang rung ba dag go/ /mtshams kyi phyi rol du bral na zhes bya ba ni skya rengs 'char bar byed na'o/ /dge 'dun gyis 
gnang ba ma gtogs te zhes bya ba ni dge 'dun gyis gnang ba bzhag ste'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na// //ltung ba'i bar sdom la/ khyim gcig pa dang khyim gnyis dang/ /tshogs dang sa bar 
rtsig pa dang/ /'obs kyi nyen kor dag dang ni/ /khyim dang tshong khang tshong rdal dang/ /yang thog kun rgyu g.yul dang ni/ /g.yul tshogs mu stegs shing rta dang/ /gru dang kun dga' ra ba dang/ /ljon shing dang ni zhus pa'o/ /khyim gcig pa'i grong 
ni gang/ khyim gnyis pa'i grong ni gang/ khyim gyi tshogs ni gang/ rib mas bskor ba'i grong ni gang/ rtsig pas bskor ba'i grong ni gang/ de bzhin du 'obs kyis bskor ba'i grong dang/ grong nyen kor gcig pa dang/grong nyen kor tha dad pa 

</font><hr>9-1-152b<br><font size=+1>
dang/ grong rab tu mang po nyen kor gcig pa dang/ grong rab tu mang po nyen kor tha dad pa dang/ khyim nyen kor gcig pa ni gang/ khyim nyen kor tha dad pa ni gang/ khyim rab tu mang po nyen kor gcig pa dang/ khyim rab tu mang po nyen kor tha dad 
pa dang/ de bzhin du tshong khang nyen kor gcig pa dang/ nyen kor tha dad pa yang yod/ rab tu mang po nyen kor gcig pa dang/ rab tu mang po nyen kor tha dad pa dang/ de bzhin du tshong rdal nyen kor gcig pa dang/ tshong rdal nyen kor tha dad pa yang yod/ tshong 
rdal rab tu mang po nyen kor gcig pa dang/ rab tu mang po nyen kor tha dad pa dang/ de bzhin du yang thog nyen kor gcig pa dang/ yang thog nyen kor tha dad pa yang yod/ yang thog rab tu mang po nyen kor gcig pa dang/ rab tu mang po nyen kor tha dad pa dang/ 
de bzhin du g.yul nyen kor gcig pa dang/ nyen kor tha dad pa yang yod/ g.yul rab tu mang po nyen kor gcig pa dang/ rab tu mang po nyen kor tha dad pa dang/ de bzhin du g.yul tshoms nyen kor gcig pa dang/ g.yul tshoms nyen kor tha dad pa dang/ 
g.yul tshoms rab tu mang po nyen kor gcig pa yang yod/ rab tu mang po nyen kor tha dad pa dang/ de bzhin du mu stegs can gyi khyim nyen kor gcig pa dang/ nyen kor tha dad pa yang yod/ rab tu mang po nyen kor gcig pa dang/ rab tu mang po nyen kor tha 
dad pa dang/ de bzhin du kun du rgyu'i khyim nyen kor gcig pa dang/ nyen kor tha dad pa yang yod/ rab tu mang po nyen kor gcig pa dang/ rab tu mang po nyen kor tha dad pa dang/ de bzhin du shing rta nyen kor gcig pa dang/ nyen kor tha dad pa yang yod/ rab 
tu mang po nyen kor gcig pa dang/ rab tu mang po nyen kor tha dad pa dang/ de bzhin du gru nyen kor gcig pa dang/ nyen kor tha dad pa yang yod/ rab tu mang po nyen kor gcig pa dang/ rab tu mang po nyen kor tha dad pa dang/ de bzhin du kun dga' ra ba nyen kor 

</font><hr>9-1-153a<br><font size=+1>
gcig pa dang/ nyen kor tha dad pa yang yod/ rab tu mang po nyen kor gcig pa dang/ rab tu mang po nyen kor tha dad pa dang/ de bzhin du ljon shing nyen kor gcig pa dang/ nyen kor tha dad pa yang yod/ rab tu mang po nyen kor 
gcig pa dang/ rab tu mang po nyen kor tha dad pa ste/ ltung ba de yi bstan pa ni 'di yin no/ /da ni bshad par smra bar bya ste/ de la khyim gcig pa'i grong gang zhe na/ bcom ldan 'das kyis bka' stsal pa/ bod dang/ ri khrod pa dang/ kla klo bzo la 
rag las pa rnams kyi grong gang yin pa ste/ grong 'di ni khyim gcig pa yin no/ /khyim gcig pa ji lta bar khyim gnyis pa'ang de bzhin no/ /khyim gyi tshogs kyi grong gang zhe na/ mi'i gtso bo sna tshogs gnas par gyur pa'i grong gang yin pa ste/ 
'di ni khyim gyi tshogs kyi grong zhes bya'o/ /sab ras bskor ba'i grong gang zhe na/ sab ras bskor ba'i grong gang yin pa'o/ /de'i nyen kor gang zhe na nang thams cad dang/ phyi rol 'dom gang ngam gang du skas gdang bu bcu gnyis pas khyab cing 'dug pa'am/ 
yul ma ga d+hA'i shing rta smyig mas bkang bar gyur pa'o/ /dge slong mas nang du chos gos dag bzhag nas nyen kor du skya rengs 'char bar byed na ltung ba med do/ /nyen kor du chos gos bzhag ste nang du skya rengs 'char bar byed na yang ltung ba med do/ /nang ngam 
phyi rol du chos gos dag bzhag ste/ gzhan du skya rengs 'char bar byed cing skya rengs shar na spang ba'i ltung byed do/ /rtsig pas bskor ba gang zhe na/ ra bas bskor ba'i grong gang yin pa'o/ /de'i nyen kor gang zhe na/ nang thams cad dang/ phyi rol 'dom gang 
ngam/ gang du rdung bar byed pa dang/ rngo bar byed pa dang/ za bar byed pa dang/ khye'u sus byed pa'am/ gang du mi rang bzhin gyis ngo tsha dang ldan pa bshang bar 'gro ba'am/ bya gag 'phur stabs kyis mchod pa ste/ de'i nyen kor ni de yin no/ /dge slong 

</font><hr>9-1-153b<br><font size=+1>
mas nang du chos gos dag bzhag ste/ nyen kor du skya rengs 'char bar byed na ltung ba med do/ /nyen kor du chos gos dag bzhag ste/ nang du skya rengs 'char bar byed na ltung ba med do/ /nang ngam nyen kor du chos gos dag bzhag ste/ gzhan du skya rengs 'char 
bar byed cing/skya rengs shar na spang ba'i ltung byed do/ /'obs kyis bskor ba'i grong gang zhe na/ 'obs kyis bskor ba'i grong gang yin pa'o/ /de'i nyen kor gang zhe na/ nang thams cad dang zhes bya ba nas/ khye'u sus byed pa zhes bya ba'i bar ram gang du ba lang dang/ 
lug dag 'gro ba'i rdul langs pa rlung gis ma bskyod pa'am/ phyag dar bor ba'i bong ba 'dril bas slebs pa yin te/ dge slong mas nang du chos gos dag ces bya ba nas/ spang ba'i ltung byed do zhes bya ba'i bar ro/ /grong nyen kor gcig pa gang zhe na/ grong 
gang na skyed mos tshal lam/ 'dun sa'am/ lha'i gnas gcig yod pa'o/ /de'i nyen kor gang zhe na/ nang thams cad dang/ phyi rol 'dom gang zhes bya ba nas/ khye'u sus byed pa zhes bya ba'i bar ro/ /dge slong mas nang du chos gos dag ces bya ba 
nas/ spang ba'i ltung byed do zhes bya ba'i bar ro/ /grong nyen kor tha dad pa gang zhe na/ grong gang na skyed mos tshal lam/ 'dun sa'am/ lha'i gnas mang po yod pa'o/ /de rnams kyi nyen kor gang zhe na/ so so ba'o/ /ci zhig thun mong yin 
zhe na sgo'o/ /gal te dge slong mas nang ngam/ phyi rol du chos gos dag bzhag la skya rengs 'char na dge slong ma nyen kor dang bral bas sgor 'dug nas skya rengs 'char bar bya'o/ /gal te gzhan du skya rengs 'char bar byed na spang ba'i ltung byed do/ /grong 
rab tu mang po nyen kor gcig pa gang zhe na/ 'di lta ste/ grong rab tu mang po dag la skyed mos tshal lam/ 'dun sa'am/ lha'i gnas gcig yod pa'o/ /de rnams kyi nyen kor gang zhe na/ nang thams cad dang/ phyi rol 'dom gang zhes bya ba nas gzhan du 

</font><hr>9-1-154a<br><font size=+1>
skya rengs 'char bar byed na spang ba'i ltung byed do zhes bya ba'i bar ro/ /grong rab tu mang po nyen kor tha dad pa gang zhe na/ de rnams kyi skyed mos tshal mang po yod pa'o/ /de rnams kyi nyen kor gang zhe na/ so so ba'o/ /ci zhig thun mong yin zhe 
na/ ci yang ma yin no/ /khyim nyen kor gcig pa gang zhe na mi gcig gi'am/ spun sgo ma bye ba'i khyim gang yin pa'o/ /de dag gi nyen kor gang zhe na/ nang thams cad dang/ phyi rol 'dom gang ngo zhes bya ba nas gzhan du skya rengs 'char bar byed 
na spang ba'i ltung byed do zhes bya ba'i bar ro/ /khyim rab tu mang po nyen kor gcig pa gang zhe na/ mi gcig gi'am/ spun sgo bye ba dag gi khyim gang dag yin pa'o/ /de dag gi nyen kor gang zhe na/ nang thams cad dang/ phyi rol 'dom gang ngo zhes 
bya ba nas gzhan du skya rengs 'char bar byed na spang ba'i ltung byed do zhes bya ba'i bar ro/ /khyim rab tu mang po nyen kor tha dad pa gang zhe na/ mi tha dad pa dag gi'am/ spun sgo bye ba'i khyim gang dag yin pa'o/ /de dag gi nyen kor gang zhe na/ so so ba'o/ /
ci zhig thun mong yin zhe na/ ci yang ma yin no/ /tshong khang nyen kor gcig pa gang zhe na/ mi gcig gi'am/ spun sgo ma bye ba dag gi tshong khang yin pa'o/ /de'i nyen kor gang zhe na/ nang thams cad dang/ phyi rol 'dom gang ngam/ gang du 'bru 
spung bar byed pa dang/ gle ba dang/ bre'u cung 'jog par byed pa dang/ 'jal bar byed pa'i snod dag 'jog par byed pa ste/ de'i nyen kor ni de yin no/ /dge slong mas nang du chos gos dag ces bya ba nas/ gzhan du skya rengs 'char bar byed na spang ba'i 
ltung byed do zhes bya ba'i bar ro/ /tshong khang nyen kor tha dad pa gang zhe na/ mi tha dad pa'i'am/ spun sgo bye ba'i tshong khang gang dag yin pa'o/ /de dag gi nyen kor gang zhe na/ so so ba'o/ /ci zhig thun mong yin zhe na/ zong gi mdzod do/ /tshong khang 

</font><hr>9-1-154b<br><font size=+1>
rab tu mang po nyen kor gcig pa gang zhe na/ mi gcig gi'am/ spun sgo ma bye ba'i tshong khang gang dag yin pa'o/ /de dag gi nyen kor gang zhe na/ nang thams cad dang/ phyi rol 'dom gang zhes bya ba nas spang ba'i ltung byed do zhes bya ba'i bar ro/ /
tshong khang rab tu mang po nyen kor tha dad pa gang zhe na/ mi tha dad pa'i'am/ spun sgo bye ba'i tshong khang gang dag yin pa'o/ /de dag gi nyen kor gang zhe na/ so so ba'o/ /ci zhig thun mong yin zhe na/ ci yang ma yin no/ /tshong rdal nyen kor gcig pa gang zhe 
na/ mi gcig gi'am/ spun sgo ma bye ba dag gi tshong rdal gang yin pa'o/ /de'i nyen kor gang zhe na/ nang thams cad dang/ phyi rol 'dom gang ngam/ gang du de dag gi spang leb dag 'jog par byed pa dang/ dri dag 'thag par byed pa dang/ thum 
bu dag 'ching bar byed pa dang/ 'dra bar byed pa dang zhes bya ba nas khye'u sus byed pa zhes bya ba'i bar ro/ /dge slong mas nyen kor du chos gos dag ces bya ba nas spang ba'i ltung byed do zhes bya ba'i bar ro/ /tshong rdal nyen kor tha dad pa gang zhe na/ mi tha 
dad pa'i'am/ spun sgo bye ba'i tshong rdal gang dag yin pa'o/ /de'i nyen kor gang zhe na/ so so ba'o/ /ci zhig thun mong yin zhe na/ 'dug stegs so/ /tshong rdal rab tu mang po nyen kor gcig pa gang zhe na/ mi gcig gi'am/ spun sgo ma bye ba dag 
gi tshong rdal gang yin pa'o/ /de dag gi nyen kor gang zhe na/ nang thams cad dang/ phyi rol 'dom gang zhes bya ba nas spang ba'i ltung byed do zhes bya ba'i bar ro/ /tshong rdal rab tu mang po nyen kor tha dad pa gang zhe na/ mi tha dad pa'i'am/ spun sgo bye ba dag gi tshong 
rdal gang dag yin pa'o/ /de dag gi nyen kor gang zhe na/ so so ba'o/ /ci zhig thun mong yin zhe na/ ci yang ma yin no/ /yang thog nyen kor gcig pa gang zhe na/ 'di lta ste/ mi gcig gi'am/ spun sgo ma bye ba dag gi yang thog go/ /de'i nyen kor 

</font><hr>9-1-155a<br><font size=+1>
gang zhe na/ nang thams cad dang/ phyi rol 'dom gang ngo / /gzhan ni snga ma bzhin no/ /yang thog nyen kor tha dad pa gang zhe na/ 'di lta ste/ mi tha dad pa'i'am/ spun sgo bye ba dag gi yang thog go/ /de dag gi nyen kor gang zhe na/ 
so so ba'o/ /ci zhig thun mong yin zhe na/ skas so/ /yang thog rab tu mang po nyen kor gcig pa gang zhe na/ 'di lta ste/ mi gcig gi'am/ spun sgo bye ba dag gi yang thog go/ /de dag gi nyen kor gang zhe na/ so so ba'o/ /ci zhig thun mong yin 
zhe na/ ci yang ma yin no/ /kun du rgyu'i khyim gyi nyen kor gcig pa gang zhe na/ 'di lta ste/ mi gcig gi'am/ spun sgo ma bye ba dag gi kun du rgyu'i khyim mo/ /de'i nyen kor gang zhe na/ nang thams cad dang/ phyi rol 'dom gang ngam/ gnas gang 
du de dag gi smyig ma gsheg par byed pa dang/ gle ba byed pa dang/ gdugs kyi sgo dag ces bya ba nas/ skya rengs 'char bar byed na spang ba'i ltung byed do zhes bya ba'i bar ro/ /kun du rgyu'i khyim nyen kor tha dad pa gang zhe na/ mi tha dad pa'i'am/ spun sgo bye 
ba dag gi kun du rgyu'i khyim gang yin pa'o/ /de'i nyen kor gang zhe na/ so so ba'o/ /ci zhig thun mong yin zhe na/ rgyal mtshan gyi shing ngo / /kun du rgyu rab tu mang po nyen kor gcig pa gang zhe na/ mi gcig gi'am/ spun sgo ma bye ba dag gi kun du rgyu'i 
khyim rab tu mang po gang yin pa'o/ /de dag gi nyen kor gang zhe na/ nang thams cad dang/ phyi rol 'dom gang ngam/ gnas gang du smyig ma dag gshag par byed pa dang/ zhes bya ba nas spang ba'i ltung byed do zhes bya ba'i bar ro/ /kun du rgyu rab tu mang 
po nyen kor tha dad pa gang zhe na/ mi tha dad pa'am/ spun sgo bye ba dag gi kun du rgyu rab tu mang po'i khyim gang dag yin pa'o/ /de dag gi nyen kor gang zhe na/ so so ba'o/ /ci zhig thun mong yin zhe na/ ci yang ma yin no/ /g.yul nyen kor gcig pa 

</font><hr>9-1-155b<br><font size=+1>
gang zhe na/ mi gcig gi'am/ spun sgo ma bye ba dag gi g.yul gang yin pa'o/ /de'i nyen kor gang zhe na/ nang thams cad dang/ phyi rol 'dom gang ngam/ gnas gang du sog ma dag 'jog par byed pa dang/ bre ba dang/ phyags ma dang/ gzhal 
snod dag 'jog par byed pa dang/ 'phyar bar byed pa dang/ 'bru dag phyar ba na phub ma rags pa dag gang du rlung gis ma bdas par phyin pa ste/ de'i nyen kor ni de yin no/ /dge slong mas nyen kor du chos gos dag ces bya ba nas gzhan ni snga ma bzhin no/ /
g.yul nyen kor tha dad pa gang zhe na/ mi tha dad pa'i'am/ spun sgo bye ba dag gi g.yul gang yin pa'o zhes bya ba nas ci zhig thun mong yin zhe na/ g.yul gyi dbus so/ /g.yul rab tu mang po nyen kor gcig pa gang zhe na/ mi gcig gi'am/ spun sgo 
ma bye ba dag gi g.yul gang yin pa'o/ /gzhan ni snga ma bzhin no/ /g.yul rab tu mang po nyen kor tha dad pa gang zhe na/ g.yul gang zhig mi tha dad pa'i'am zhes bya ba nas ci zhig thun mong zhe na/ ci yang ma yin no zhes bya ba'i bar ro/ /g.yul tshogs 
nyen kor gcig pa gang zhe na/ mi gcig gi'am/ spun sgo ma bye ba dag gi g.yul tshogs gang yin pa'o/ /de'i nyen kor gang zhe na/ nang thams cad dang/ phyi rol 'dom gang ngam/ gang du glang dag 'dogs par byed pa dang/ lci ba dag 'dor bar 
byed pa'o/ /gzhan ni snga ma bzhin no/ /g.yul tshogs nyen kor tha dad pa gang zhe na/ mi tha dad pa'i'am/ spun sgo bye ba dag gi g.yul tshogs gang yin pa'o/ /de'i nyen kor gang zhe na zhes bya ba nas/ ci zhig thun mong yin zhe na/ sgo zhes bya ba'i 
bar ro/ /g.yul tshogs rab tu mang po nyen kor gcig pa gang zhe na/ g.yul gang zhig mi gcig gi'am/ zhes bya ba nas snga ma bzhin no/ /g.yul rab tu mang po nyen kor tha dad pa gang zhe na/ g.yul tshogs gang zhig mi tha dad pa'i'am zhes bya 

</font><hr>9-1-156a<br><font size=+1>
ba nas/ ci zhig thun mong yin zhe na/ ci yang ma yin no zhes bya ba'i bar ro/ /mu stegs can gyi khyim nyen kor gcig pa gang zhe na/ mu stegs can lta ba gcig pa/ bzod pa gcig pa/ 'dod pa gcig pa/ bsam pa gcig pa 
dag gi gang yin pa'o/ /de dag gi nyen kor gang zhe na/ gnas gang du de dag me'i sbyin sreg sreg par byed pa dang/ rtswa dang/ lci ba dang/ yam sreg shing dang/ blugs gzar dag 'jog pa'o/ /de'i nyen kor gang zhe na/ nang thams cad dang/ 
phyi rol 'dom gang ngam/ gang du gcod par byed pa dang zhes bya ba nas/ spang ba'i ltung byed do zhes bya ba'i bar ro/ /mu stegs can gyi khyim nyen kor tha dad pa gang zhe na/ mu stegs can lta ba sna tshogs dang zhes bya ba nas/ bsam pa sna tshogs gang 
yin pa'o/ /zhes bya ba'i bar ro/ /de dag gi nyen kor gang zhe na/ so so ba'o/ /ci zhig thun mong yin zhe na/ lha'i gnas so/ /mu stegs can gyi khyim rab tu mang po nyen kor gcig pa gang zhe na/ dang po pa ji lta ba de bzhin du brjod par bya'o/ /
mu stegs can gyi khyim rab tu mang po nyen kor tha dad pa gang zhe na/ mu stegs can gyi khyim gang dag mi tha dad pa'i'am zhes bya ba nas ci zhig thun mong yin zhe na/ ci yang ma yin no zhes bya ba'i bar ro/ /shing rta nyen kor gcig pa gang zhe na/ 'di lta ste/ shing 
rta mi gcig gi'am/ spun sgo ma bye ba dag gi'o/ /de'i nyen kor gang zhe na/ 'gro ba'am/ 'dug kyang rung nyen kor 'dom gang ngam/ gnas gang du glang 'dogs par byed pa dang/ rtswa mun dza dag rdung bar byed pa dang/ thag gu dag 'khal bar 
byed pa'am/ yang na gang du gcod par byed pa dang zhes bya ba nas/ spang ba'i ltung byed do zhes bya ba'i bar ro/ /shing rta nyen kor tha dad pa gang zhe na/ mi tha dad pa'i'am/ spun sgo bye ba'i shing rta gang yin pa zhes bya ba nas/ ci zhig thun mong yin 

</font><hr>9-1-156b<br><font size=+1>
zhe na/ kha lo sgyur ba'i stan no zhes bya ba'i bar ro/ /shing rta rab tu mang po nyen kor gcig pa gang zhe na/ dang po pa ji lta ba de bzhin du brjod par bya'o/ /shing rta rab tu mang po nyen kor tha dad pa gang zhe na/ shing rta gang dag mi tha dad pa'i'am zhes bya ba 
nas/ ci zhig thun mong yin zhe na/ ci yang ma yin no zhes bya ba'i bar ro// //dge slong ma'i 'dul ba rnam par 'byed pa/bam po bcu gnyis pa/ gru nyen kor gcig pa gang zhe na/ mi gcig gi'am/ spun sgo ma bye ba dag gi gru gang yin 
pa'o/ /de'i nyen kor gang zhe na/ 'gro ba'i nyen kor 'dom gang ngam/ gnas gang du phur pa 'debs par byed pa dang/ gru rtod par byed pa/ rtswa mun dza dag rdung bar byed pa dang/ thag pa dag 'khal bar byed pa dang/ ru skya dag 'jog par byed 
pa'am/ gang du gcod par byed pa dang zhes bya ba nas/ khye'u sus byed pa zhes bya ba'i bar ro/ /dge slong mas nang du chos gos dag ces bya ba nas spang ba'i ltung byed do zhes bya ba'i bar ro/ /gru nyen kor tha dad pa gang zhe na/ gru gang dag mi tha dad 
pa'i'am zhes bya ba nas/ ci zhig thun mong yin zhe na/ gru gdang ngo zhes bya ba'i bar ro/ /gru rab tu mang po nyen kor gcig pa gang zhe na/ dang po pa ji lta ba de bzhin du brjod par bya'o/ /gru rab tu mang po nyen kor tha dad pa gang zhe na/ gru gang dag mi 
tha dad pa'i'am zhes bya ba nas/ ci zhig thun mong yin zhe na/ ci yang ma yin no zhes bya ba'i bar ro/ /kun dga' ra ba nyen kor gcig pa gang zhe na/ mi gcig gi'am/ spun sgo bye ba dag gi kun dga' ra ba gang yin pa'o/ /de'i nyen kor gang zhe na/ 
gnas gang du lo ma sngon mo dag 'khru bar byed pa dang/ thum bu dag 'phur bar byed pa dang/ me tog dag rgyud par byed pa dang/ zhes bya ba nas khye'u sus dag byed pa zhes bya ba'i bar ro/ /dge slong mas nang du chos gos dag ces bya ba nas/ skya rengs 'char 

</font><hr>9-1-157a<br><font size=+1>
bar byed na spang ba'i ltung byed do zhes bya ba'i bar ro/ /kun dga' ra ba nyen kor tha dad pa gang zhe na/ kun dga' ra ba gang mi tha dad pa'i 'am zhes bya ba nas/ ci zhig thun mong yin zhe na/ khron pa'o zhes bya ba'i bar ro/ /kun dga' ra ba rab tu 
mang po nyen kor gcig pa gang zhe na/ kun dga' ra ba gang dag mi gcig gi'am zhes bya ba nas dang po pa ji lta ba de bzhin du brjod par bya'o/ /kun dga' ra ba mang po nyen kor tha dad pa gang zhe na/ kun dga' ra ba mang po gang dag mi tha dad pa'i'am zhes bya 
ba nas/ ci zhig thun mong yin zhe na/ ci yang ma yin no zhes bya ba'i bar ro/ /shing ljon pa'i nyen kor gcig pa gang zhe na/ 'di lta ste/ shing ljon pa'i yal ga'i lo 'dab 'byor pas gcig tu stug pa'o/ /de'i nyen kor gang zhe na/ nang thams 
cad dang/ phyi rol 'dom gang ngam/ so ga rnams kyi zla ba tha ma la bab pa'i nyi ma phyed kyi grib mas khyab cing 'dug pa'am/ lo ma skya bo dag rlung gis ma bdas par lhung ba'am/ char bab pa na chu'i thigs pa dag 'bab pa ste de'i nyen kor ni de yin no/ /dge 
slong mas nang du zhes bya ba nas spang ba'i ltung byed do zhes bya ba'i bar ro/ /shing ljon pa nyen kor tha dad pa gang zhe na/ 'di lta ste/ shing ljon pa yal ga'i lo ma 'dab ma 'byor pa'am zhes bya ba nas/ thun mong ci zhig yin zhe na/ shing drung ngo zhes bya ba'i 
bar ro/ /shing ljon pa rab tu mang po nyen kor gcig pa gang zhe na/ 'di lta ste/ shing ljon pa rab tu mang po yal ga'i lo ma 'dab ma 'byor pa grib ma tha dad pa zhes bya ba nas/ ci zhig thun mong yin zhe na/ ci yang ma yin no zhes bya ba'i bar ro/ /
sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa dge slong ma shul du zhugs pa'i nyen kor gang lags/ 'gro ba na 'dom gang/ 'greng ba na 'dom gang/ 'dug pa na 'dom gang/ khor khor yug yin no/ /

</font><hr>9-1-157b<br><font size=+1>
btsun pa gal te dge slong ma dag shul du zhugs nas lhan cig gnas pa dang/ nye gnas dag la chos gos dag gtad de de slad bzhin mchis na de dag gi nyen kor gang lags/ bcom ldan 'das kyis bka' stsal pa/ ngas ji skad bram ze gro bzhin skyes 
kyi rigs la bar 'dom bdun bdun gyis bcad de a mra bskyed na/ shin tu me tog phun sum tshogs pa dang/ 'bras bu phun sum tshogs pa dang/ yal ga phun sum tshogs par 'gyur bar gsungs pa'i a mra gang dag yin pa de dag gi bar ni 'dom bzhi bcu 
rtsa dgur 'gyur ro/ /btsun pa re zhig gtsug lag khang gnyis kyi mtshams su mchis nyal bar bgyid na mtshams gang lags/ ji tsam chos gos kyi grwa lus dang ma bral ba de srid du chos gos dang bral bar mi 'gyur ro/ /gang gi tshe de'i chos gos kyi grwa lus 
dang bral ba de'i tshe chos gos dang bral bar 'gyur te/ dge slong ma'i chos gos spangs par gyur te de ma spangs par zhes bya ba nas/ dang po ji lta ba de bzhin du brjod par bya'o/ /spang ba'i ltung byed gnyis pa rdzogs s+ho// //gleng gzhi ni mnyan yod na'o/ /de'i 
tshe dge slong ma rnams la gos kyi rnyed pa mang po 'di lta bu 'di byung ste/ gang su yang rung bas gos sngon po zhig rnyed nas des de byed du mi 'jug par gang gi tshe 'di 'dra ba'i gos bdag gis rnyed par gyur pa de'i tshe bdag gis langs par byas la bcang bar bya'o/ /snyam du 
re ba yod cing des de 'jog par byed do/ /sngon po la ji lta ba de bzhin du ser po dang/ dmar po dang/ stug po dang/ srab mo la yang brjod par bya'o/ /skabs de dge slong ma rnams kyis dge slong dag la smras pa dang/ dge slong dag gis bcom ldan 'das la 
gsol to/ /de nas bcom ldan 'das kyis byung ba 'di dang/ zhes bya ba nas bslab pa bca' ba'i bar du mdzad de/ dge slong ma chos gos zin pas sra brkyang phyung na dus ma yin par gos shig rnyed la 'dod na dge slong ma des gos de blang bar bya'o/ /blangs nas 

</font><hr>9-1-158a<br><font size=+1>
gal te langs na myur ba kho nar byas te bcang bar bya'o/ /gal te chos gos la re ba yod pa'am/ kha ma langs pa kha skong bar byed na dge slong ma des gos de zla ba gcig gi mtha'i bar du bcang bar bya'o/ /de las 'das par 'jog na spang ba'i 
ltung byed do/ /dge slong ma chos gos zin pas zhes bya ba ni snga ma bzhin no/ /rnyed la zhes bya ba ni gzhan las so/ /dus ma yin pa'i gos zhes bya ba la/ gos kyi dus ni gang yin/ dus ma yin pa'i gos ni gang yin zhe na/ sra brkyang bting ba'i gnas na ni 
ston zla 'bring po'i nya nas bzung ste/ dpyid zla ra ba nya'i bar gyi zla ba lnga po de dag ni gos kyi dus yin no/ /lhag ma zla ba bdun po dag ni dus ma yin no/ /gos bdun po gang yang rung ba zhes bya ba la/ bdun po de dag gang zhe na/ bal gyi dang/ ras dang/ ras 
bal gyi dang/ mon dar dang/ du gu la'i ras dang/ ko tam pa'i ras dang/ nyi 'og gi gos so/ /'dod na zhes bya ba ni gal te don du gnyer na'o/ /blangs nas gal te langs na myur ba na kho nar byas te bcang bar bya'o/ /gal te mi langs na zhes bya ba ni 
lnga po gang yang rung ba'o/ /dge slong ma des gos de zla ba gcig gi mthar bcang bar bya'o zhes bya ba ni nyin zhag sum bcu'i mthar ro/ /gos de'i re ba zhes bya ba la gos kyi re ba gang zhe na/ bdag la mas sbyin par 'gyur ba'am/ bdag la phas sbyin par 'gyur 
ba'am/ bdag la ming po dang phu nu mos sbyin par 'gyur ba'am/lo lnga'i dus ston chen po'i tshe 'thob pa'o/ /kha ma langs pa kha skong bar byed na zhes bya ba ni gos de'i kha skong bar byed na'o/ /de las 'das par zhes bya ba ni de las thal bar ro/ /
'jog na zhes bya ba ni 'chang na'o/ /spang ba'i ltung byed do zhes bya ba ni dngos po de spangs nas zhes bya ba nas/ ngan 'gro log par ltung ba rnams so zhes bya ba'i bar ro/ /de la ltung bar ji ltar 'gyur zhe na// //ltung ba'i bar sdom la/ re bcas re ba 

</font><hr>9-1-158b<br><font size=+1>
med pa dang/ /nyams par gyur la gsum dag dang/ /ma grub pa la rgyun chad dang/ /gos ni gnyis po nyid dag dang/ /de nas gos ni lnga dag dang/ /phyag dar khrod la gnyis dang yang/ /snam phran tshad dang glan pa dang/ /rngul gzan mthang gos nyid 
dang yang/ /'khor gsum khebs pa dag dang ni/ /khor yug phyi mar byas pa yin/ /dge slong mas tshes la gos sngon po zhig rnyed nas/ des de byed du mi 'jug par gang gi tshe bdag gis 'di 'dra ba'i gos rnyed par gyur pa de'i tshe bya'o/ /snyam du gos kyi 
re ba yod pas des de 'jog par byed cing de gos kyi re ba yod pa las des tshes de nyid kyi nyin par re ba yod pa rnyed na dge slong ma des gos de nyi ma bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya'o/ /byin gyis rlob par mi 
byed dam/ rung bar mi byed dam/ gtong bar mi byed na nyi ma bcu gcig pa'i skya rengs shar na spang ba'i ltung byed do/ /dge slong mas tshes nyid la gos ma rnyed dam/ tshes gnyis la yang ma rnyed mod kyi tshes dgu la re ba dang bcas pa zhig rnyed na dge slong ma des nyi ma 
bcu po de nyid kyi nang du byin gyis brlab par bya ba'am/ rung bar bya ba'am/ gtang bar bya'o/ /byin gyis rlob par mi byed dam/ rung bar mi byed dam/ gtong bar mi byed na nyi ma bcu gcig pa'i skya rengs shar na spang ba'i ltung byed do/ /gzhan yang dge 
slong mas tshes nyid la gos ma rnyed cing/ tshes gnyis la yang ma rnyed de/ 'on kyang zhag nyi shu rtsa dgu'i nyin par re ba dang bcas pa zhig rnyed na dge slong ma des gos de nyi ma sum bcu po de nyid kyi nang du byin gyis brlab par bya ba'am/rung bar bya ba'am/ gtang 
bar bya'o/ /byin gyis rlob par mi byed dam/ rung bar mi byed dam/ gtong bar mi byed na nyi ma sum bcu pa'i skya rengs shar na spang ba'i ltung byed do/ /sngon po la ji lta ba de bzhin du ser po dang/ stug po dang/ srab mo yang de bzhin no/ /dge slong mas 

</font><hr>9-1-159a<br><font size=+1>
tshes la gos sngon po zhig rnyed la des de byed du mi 'jug par gang gi tshe bdag gis 'di 'dra ba'i gos rnyed par gyur pa de'i tshe bya'o snyam du gos kyi re ba yod pas des de 'jog par byed cing/ des tshes de nyid la re ba med pa gzhan zhig rnyed na dge 
slong ma des gos de nyi ma bcu po de nyid kyi nang du zhes bya ba nas/ spang ba'i ltung byed do zhes bya ba'i bar ro/ /dge slong mas tshes nyid la yang ma yin/ tshes gnyis la yang ma yin zhes bya ba nas tshes dgu dang bcu'i nang du yang ma yin na zhes bya ba nas/ spang 
ba'i ltung byed do zhes bya ba'i bar ro/ /gzhan yang dge slong mas tshes nyid la yang ma yin zhes bya ba nas/ tshes nyi shu dgu'i nyin par re ba med pa zhig rnyed na zhes bya ba nas spang ba'i ltung byed do zhes bya ba'i bar ro/ /sngon po la ji lta ba bzhin du srab mo'i bar 
la yang de bzhin no/ /dge slong mas tshes la gos sngon po zhig rnyed la/ des de byed du mi 'jug par gang gi tshe bdag gis 'di 'dra ba'i gos rnyed par gyur pa de'i tshe bya'o snyam du gos kyi re ba yod pa las/ de'i gos kyi re ba de nyams par gyur/ 'gyangs par 
gyur/ shas chung bar gyur la/ des tshes de nyid la re ba med pa'i gos gzhan rnyed na zhes bya ba nas/ de bzhin du tshes dgu la yang zhes bya ba nas/ spang ba'i ltung byed do zhes bya ba'i bar ro/ /gzhan yang dge slong mas tshes la gos gzhan zhig rnyed 
na zhes bya ba nas/ tshes nyi shu dgu'i nyin par zhes bya ba nas spang ba'i ltung byed do zhes bya ba'i bar ro/ /sngon po la ji lta ba bzhin du srab mo'i bar la yang de bzhin no/ /dge slong mas tshes la gos sngon po zhig rnyed la/ des de byed du mi 'jug par gang gi 
tshe bdag gis 'di 'dra ba'i gos rnyed par gyur pa de'i tshe bya'o/ /snyam du gos kyi re ba yod cing des de 'jog par byed pa na/ de'i gos kyi re ba yod pa de grub par ma gyur/ rgyun chad par ma gyur par des tshes de nyid la re ba med pa'i gos gzhan rnyed na zhes bya ba 

</font><hr>9-1-159b<br><font size=+1>
dang/ de bzhin du tshes la ma yin zhes bya ba nas tshes dgu'i bar dang/ tshes nyi shu dgu'i nyin mo zhes bya ba'i bar rgyas par brjod par bya'o/ /sngon po la ji lta ba bzhin du srab mo'i bar la yang de bzhin no/ /dge slong mas tshes la gos sngon po zhig rnyed la/ 
des de byed du mi 'jug par gang gi tshe bdag gis 'di 'dra ba'i gos rnyed par gyur pa de'i tshe bya'o snyam du gos kyi re ba yod pa las de'i gos kyi re ba de thams cad kyi thams cad du rgyun chad par gyur pa dang/ des tshes de nyid la re ba med pa'i gos gzhan zhig rnyed na zhes 
bya ba dang/ de bzhin du tshes la yang ma yin zhes bya ba nas/ tshes dgu'i bar dang/ de bzhin du tshes nyi shu dgu'i nyi ma la re ba med pa'i zhes bya ba'i bar du rgyas par brjod par bya'o/ /sngon po la ji lta ba de bzhin du srab mo'i bar la yang de bzhin no/ /gos 
ni gnyis te/ sar pa dang/ dus tshigs su spyad pa'o/ /de la sar pa ni tha ga pas gsar du btags pa'o/ /dus tshigs pa ni dus tshigs gsum po gang yang rung ba'i dus tshigs su spyad par gyur pa'o/ /gos lnga po dag la lnga gang zhe na/ gos bdag 
po yod pa dang/ bdag po med pa dang/ bor ba blangs pa dang/ dur khrod pa dang/ lnga pa ni phyag dar khrod pa'o/ /de la gos bdag po yod pa ni skyes pa dang/ bud med dang/ ma ning sbyin pa por btags pa gang yin pa'o/ /bdag po med pa ni ma 
ning gi bar du sbyin pa po med pa gang yin pa'am/ yang na lam kar lhung ba rnyed pa'o/ /bor ba blangs pa ni shi ba'i nye dus gos kyi gdugs dag bsgreng ste dur khrod du bskyal nas/ de nas blangs pa dag dge slong ma rnams la 'bul bar byed pa ste/ 'di ni 
bor ba blangs pa'i gos zhes bya'o/ /dur khrod pa zhes bya ba ni yongs su 'dzin pa med pa'i dur khrod nas blangs pa gang yin pa'o/ /lnga pa nyid ni phyag dar khrod pa'o/ /gzhan yang phyag dar khrod pa ni lnga ste/ lnga gang zhe na/ phyag dar khrod pa lam po che pa dang/

</font><hr>9-1-160a<br><font size=+1>
chu 'gram pa dang/ dgon par bor ba dang/ ral rul dang/ lnga pa nyid ni phyag dar khrod pa'o/ /gzhan yang phyag dar khrod pa ni lnga ste/ be'u yis zos pa dang/ sril gyis zos pa dang/ byi bas zos pa dang/ mes tshig pa 
dang/ lnga pa nyid ni sa la lhung ba'i gos so/ /dge slong mas gos sar pa rnyed la gal te nus na des gos de las snam sbyar ni nyi rim du bya/ gding ba yang nyi rim du bya/ bla gos ni chig rkyang du bya/ mthang gos kyang chig rkyang du bya'o/ /de bzhin du rngul gzan 
dang/ shing dpung chad kyang chig rkyang du bya'o/ /dge slong mas sar pa la snam sbyar nyi rim la rim pa gsum pa glon par byed na de glon par byed pa na nyes byas so/ /zhag bcu 'das na spang ba'i ltung byed do/ /dge slong mas sar pa la snam sbyar nyi rim byas pa las 
gzhan du glan no snyam nas rim pa gcig 'bogs par byed na de 'bogs par byed pa na nyes byas so/ /zhag bcu 'das na spang ba'i ltung byed do/ /gal te 'di snyam du sems bskyed de/ bkogs la bkrus shing kha bsgyur te/ 'di nyid la glan no 
snyam pas de 'bogs par byed na ltung ba med do/ /zhag bcu 'das na spang ba'i ltung byed do/ /de bzhin du gding ba la yang brjod par bya'o/ /bla gos chig rkyang la rim pa glon par byed na de glon pa la nyes byas la/ zhag bcu 'das na spang ba'i ltung 
byed do/ /bla gos la ji lta ba bzhin du mthang gos la yang de bzhin du brjod par bya'o/ /chos gos lnga'i bar du yang brjod par bya ste/ thams cad la spang ba'i ltung byed do zhes brjod par bya'o/ /dge slong mas dus tshigs su bcas pa'i gos zhig rnyed 
la/ gal te nus na des de las snam sbyang ni bzhi rim du bya'o/ /gding ba dang/ bla gos dang/ mthang gos ni nyi rim du bya'o/ /rngul gzan dang/ shing dpung chad kyang de bzhin no/ /dge slong mas snam sbyar bzhi rim la rim pa lnga pa glon par byed na de 

</font><hr>9-1-160b<br><font size=+1>
glon par byed pa na nyes byas la/ zhag bcu 'das na spang ba'i ltung byed do/ /'bogs par byed na zhes bya ba'i bar gong ma ji lta ba bzhin no/ /de bzhin du gding ba la yang brjod par bya'o/ /bla gos dang mthang gos kyang de bzhin no/ /rngul gzan dang/ shing 
dpung chad la yang de bzhin du brjod par bya'o/ /rim pa gnyis pa la zhes bya ba nas/ 'bogs shing rim pa gsum pa glon par byed na de glon par byed pa na nyes byas la/ zhag bcu 'das na spang ba'i ltung byed do zhes bya ba'i bar ro/ /phog la gzhan du glan no 
snyam pa nas de glon par byed na nyes byas la/ zhag bcu 'das na spang ba'i ltung byed do zhes bya ba'i bar ro/ /bkogs la bkrus shing kha bsgyur te zhes bya ba nas/ 'di nyid la glan par bya'o snyam na ltung ba med la/ zhag bcu 'das na spang ba'i ltung byed do zhes 
bya ba'i bar ro/ /phyag dar khrod pa'i tshem bu rnams la ni ji tsam 'dod par glan par bya'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa snam sbyar dag gi snam phran du lags/ bcom ldan 'das kyis bka' 
stsal pa/ nye ba 'khor dgu ste/ dgu gang zhe na/ dgu pa dang/ bcu gcig pa dang/ bcu gsum pa dang/ bcwa lnga pa dang/ bcu bdun pa dang/ bcu dgu pa dang/ nyi shu rtsa gcig pa dang/ nyi shu rtsa gsum pa dang/ nyi shu rtsa lnga pa'o/ /
nye ba 'khor snam phran can dgu po 'di dag ni snam sbyar zhes bya'o/ /nye ba 'khor de la dgu pa gang yin pa dang/ bcu gcig pa gang yin pa dang/ bcu gsum pa gang yin pa de dag ni glegs bu phyed dang gsum par byas te bcang bar bya'o/ /bcwa lnga pa gang yin 
pa dang/ bcu bdun pa gang yin pa dang/ bcu dgu pa gang yin pa de dag ni glegs bu phyed dang bzhi par bya ste bcang bar bya'o/ /nyi shu rtsa gcig pa gang yin pa dang/ nyi shu rtsa gsum pa gang yin pa dang/ nyi shu rtsa lnga pa gang yin pa de dag ni glegs bu phyed 

</font><hr>9-1-161a<br><font size=+1>
dang lnga par byas te bcang bar bya'o/ /de bzhin du glan par bya'o/ /de yan chad ni tshem bu'o/ /bcom ldan 'das chos gos kyi tshad ji tsam lags/ nye ba 'khor gsum ste/ chos gos chen po dang/ 'bring dang/ chung ngu'o/ /de la 
snam sbyar chen po gang yin pa'i srid du ni khru lnga'o/ /zheng du ni khru gsum mo/ /snam sbyar chung ngu gang yin pa'i srid du ni khru phyed dang lnga'o/ /zheng du ni khru phyed dang gsum mo/ /'bring ni de'i bar ma'o/ /de bzhin du bla gos la yang rnam pa gsum mo/ /mthang 
gos la yang rnam pa gsum mo/ /de bzhin du rngul gzan dang/ shi nga dpung chad la yang rnam pa gsum mo/ /gzhan yang mthang gos kyi srid du ni khru lnga'o/ /zheng du ni khru do'o/ /gzhan yang mthang gos kyi srid du ni khru bzhi'o/ /zheng du ni khru do'o/ /mthang 
gos kyi tha ma ni khor gsum khebs pa'i tshad do/ /spang ba rnams kyi tha ma ni khru gang khor yug go/ /dge slong mas gos spang bar gyur pa zhes bya ba nas/ dang po ji lta ba bzhin du spang ba'i ltung byed do zhes bya ba'i bar ro/ /spang ba'i ltung byed gsum pa 
rdzogs s+ho// //sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis nye dga' las brten te mgon med zas sbyin gyis gsol nas nye du ma yin pa las bslab 
pa'i gzhi bca' ba mdzad pa dang/ dge slong dag chom rkun pas btogs nas/ dge slong chom rkun pas btogs pa las brten te/ bcom ldan 'das kyis rjes su gnang ngo zhes/ dge slong ma gnas brtan gnas brtan rab tu mang pos thos nas bcom ldan 
'das gang na ba der dong ste lhags pa dang/ bcom ldan 'das kyi zhabs la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das la dge slong ma gnas brtan gnas brtan rab tu mang pos 'di skad ces gsol to/ /

</font><hr>9-1-161b<br><font size=+1>
bcom ldan 'das bslab pa'i gzhi 'di la bdag cag gis ji ltar bgyi/ de nas bcom ldan 'das kyis dge slong ma rnams la bslab pa 'dod pa dang/ bslab pa la gus pa dang/ bslab pa la yo byad bsnyungs pa'i bsngags pa brjod nas dge slong ma'i dge 
'dun la bka' stsal pa/ yang dge slong ma gang khyim bdag gam/ khyim bdag gi chung ma nye du ma yin pa'i drung du song ste gos slong na dus ma gtogs te de las 'das na spang ba'i ltung byed do/ /de la dus ni 'di yin te/ dge slong ma gos phrogs sam/ gos rlag 
gam/ gos tshig gam/ gos chus khyer bar gyur na khyim bdag gam/ khyim bdag gi chung ma nye du ma yin pa'i drung du song nas gos bslang bar bya ste/ de la dus ni de yin no/ /yang dge slong ma gang zhes bya ba ni chos 'di pa'i'o/ /nye du ma yin pa'i zhes bya ba ni phyi mo dang/ 
mes po'i phrugs bdun tshun chad ni nye du yin la/ de phan chad ni nye du ma yin no/ /khyim bdag gam zhes bya ba ni skyes pa'o/ /khyim bdag gi chung ma zhes bya ba ni bud med do/ /song ste zhes bya ba ni song nas so/ /slong na zhes bya ba ni dus ma gtogs par bdag 
nyid dam/ gzhan slong du 'jug na'o/ /de la dus ni 'di yin te zhes bya ba ni de la 'di ni chos dang mthun pa yin pa'o/ /gos phrogs sam zhes bya ba ni chom rkun nam/ /g.yon can gyis de'i gos dag phrogs par gyur pa'o/ /gos rlag gam zhes bya ba ni de'i gos 
dag rlag pa'am/ 'khyams par gyur pa'o/ /gos chus khyer ram zhes bya ba ni de'i gos dag chus khyer bar gyur pa'o/ /gos tshig gam zhes bya ba ni de'i gos dag mes tshig par gyur pa'o/ /spang ba'i ltung byed do zhes bya ba nas rgyas par sbyar te/ de la ltung 
bar ji ltar 'gyur zhe na/ rin thang dang/ kha dog dang/ khru tshad las te/ ji ltar rin thang las zhe na/ yang dge slong ma gang khyim bdag gam/ khyim bdag gi chung ma nye du ma yin pa'i drung du song nas gos kAr ShA pa Na lnga ri ba bslangs na slong ba na 

</font><hr>9-1-162a<br><font size=+1>
de la nyes byas so/ /thob na spang ba'i ltung byed do/ /gal te ches lhag par thob na ltung ba med do/ /de bzhin du kAr ShA pa Na bcu dang nyi shu ri ba la yang brjod par bya ste/ de lta bu ni rin thang las so/ /ji ltar kha dog las zhe na/ dge slong ma 
khyim bdag gam/ khyim bdag gi chung ma nye du ma yin pa'i drung du song ste gos sngon po bslangs na slong ba na de la nyes byas so/ /thob na spang ba'i ltung byed do/ /gal te ser po thob na ltung ba med do/ /de bzhin du sngon po dang/ de bzhin du dmar po la sngon po dang/ 
dkar po nyid rgyas par brjod par bya'o/ /dge slong ma khyim bdag gam/ khyim bdag gi chung ma nye du ma yin pa'i drung du song nas gos ser po bslangs na slong ba na de la nyes byas so/ /thob na spang ba'i ltung byed do/ /gal te sngon po thob na ltung ba med do/ /de 
bzhin du ser po dang/ dmar po dang/ dkar po la yang brjod par bya'o/ /dge slong ma khyim bdag gam/ khyim bdag gi chung ma nye du ma yin pa'i drung du song nas gos dmar po bslangs na slong ba na de la nyes byas so/ /thob na spang ba'i ltung byed do/ /gal 
te sngon po thob na ltung ba med do/ /de bzhin du ser po dang/ dmar po dang/ dkar po la yang brjod par bya'o/ /dge slong ma khyim bdag gam/ khyim bdag gi chung ma nye du ma yin pa'i drung du song nas gos dkar po bslangs na slong ba na de la nyes byas so/ /thob 
na spang ba'i ltung byed do/ /gal te sngon po thob na ltung ba med do/ /de bzhin du dkar po dang/ ser po dang dmar po la yang brjod par bya ste/ de lta bu ni kha dog las so/ /ji ltar khru tshad las she na/ yang dge slong ma gang khyim bdag gam/ khyim 
bdag gi chung ma nye du ma yin pa'i drung du song ste/ gos khru lnga pa bslangs na slong ba na de la nyes byas so/ /thob na spang ba'i ltung byed do/ /khru lnga pa'i gos gang yin pa bslangs pa na khru drug pa thob na ltung ba med do/ /de bzhin du khru bcu pa dang/ khru bcu 

</font><hr>9-1-162b<br><font size=+1>
gcig pa dang/ de bzhin du khru nyi shu pa dang/ khru nyi shu rtsa gcig pa thob pa dang/ de bzhin du khru bcu'i bar du bslang la/ ras ma thob pa dang/ ras ma bslang la/ snam sbyar gyi bar du thob pa la ni ltung ba med do/ /spang ba'i ltung byed bzhi pa 
rdzogs s+ho// //gleng gzhi ni mnyan yod na'o/ /de'i tshe mnyan yod du dge slong ma chom rkun pas bcom pa dag lhags so/ /de nas bcu gnyis sde dga' mo dang/ nye dga' mo dang/ sbom dga' mo rnams kyis de dag gi ched du bram ze dang/ 
khyim bdag dag gi khyim rnams su dong nas gos rab tu mang po dag bsgrubs te/ bsgrubs nas 'bul du 'jug pa na don nyung ba'i dge slong ma dag smod par byed pa'i skabs de dge slong ma rnams kyis bcom ldan 'das la gsol to/ /de nas bcom ldan 'das 
kyis byung ba 'di dang zhes bya ba nas/ bslab pa bca' ba'i bar du mdzad de/ dge slong ma gos phrogs sam/ gos rlag gam/ gos tshig gam/ gos chus khyer bar gyur na khyim bdag gam/ khyim bdag gi chung ma nye du ma yin pa'i drung du song nas gos 
bslang bar bya'o/ /gal te de la bram ze dang/ khyim bdag dad pa can gyis gos rab tu mang po stobs la/ 'dod na dge slong ma des gos de las bla gos dang/ mthang gos dang bcas pa'i mthar thug pa blang bar bya'o/ /de las lhag par len na spang 
ba'i ltung byed do/ /gos phrogs sam zhes bya ba ni chom rkun nam/ g.yon can gyis de'i gos dag phrogs par gyur pa'o/ /slong na zhes bya ba ni rang ngam gzhan gyi bar gyis so/ /gal te de la zhes bya ba ni dge slong ma de la'o/ /dad pa can zhes bya 
ba ni sangs rgyas la mngon par dad pa dang/ chos dang/ dge 'dun la dad pa dang/ bden pa mthong ba dang/ 'bras bu thob pa gang dag yin pa'o/ /bram ze zhes bya ba ni bram ze gtsang sbra can la sogs pa'o/ /khyim bdag ces bya ba ni de las rigs gzhan pa'o/ /

</font><hr>9-1-163a<br><font size=+1>
lhag par zhes bya ba ni yang dang yang du'o/ /rab tu mang po zhes bya ba ni gos bdun po gang yang rung ba las ji tsam gyis chog pa'o/ /stobs la zhes bya ba ni mgron du gnyer na'o/ /'dod na zhes bya ba ni gal te don du gnyer na'o/ /dge 
slong ma des zhes bya ba ni don du gnyer ba gang yin pa des so/ /bla gos dang mthang gos dang bcas pa'i mthar thug pa zhes bya ba la bla gos dang mthang gos dang bcas pa ni gnyis te/ khyim pa'i gos dang/ mthang gos dang bcas pa dang/ dge slong ma'i bla gos 
dang/ mthang gos dang bcas pa'o/ /khyim pa'i stod g.yogs dang/ smad g.yogs dang bcas pa gang zhe na/ ras yug chen khru bcu gnyis pa dang/ ras yug phran khru bdun pa dang do pa ste/ 'di ni khyim pa'i stod g.yogs dang/ smad g.yogs dang bcas 
pa zhes bya'o/ /dge slong ma'i bla gos dang/ mthang gos dang bcas pa gang zhe na/ sar pa la snam sbyar nyi rim dang/ ras yug phran khru lnga pa dang do pa'o/ /gos de las blang bar bya'o zhes bya ba ni de las bla gos dang/ mthang gos dang bcas pa'o/ /de 
las lhag na spang ba'i ltung byed do zhes bya ba ni gong ma ji lta ba bzhin no/ /de la ltung bar ji ltar 'gyur zhe na/ dge slong mas khyim pa'i stod g.yogs dang/ smad g.yogs dang bcas pa thob la/ khyim pa'i stod g.yogs dang/ smad g.yogs dang bcas 
pa blangs nas/ des ras yug chen khru bcu gnyis pa de la ni snam sbyar nyi rim par bya'o/ /ras yug phran khru bdun pa dang/ do pa la ni mthang gos bya'o/ /gal te mi ldang na yang bslang bar mi bya la/ lhag par gyur na yang sbyin par mi bya'o/ /dge 
slong mas dge slong ma'i bla gos dang/ mthang gos dang bcas par thob la/ dge slong ma'i bla gos dang/ mthang gos dang bcas pa blangs na des snam sbyar de las ni snam sbyar nyid du bya'o/ /ras yug phran khru lnga pa dang/ do pa la ni mthang gos bya'o/ /gal te mi 

</font><hr>9-1-163b<br><font size=+1>
ldang na yang bslang bar bya'o/ /lhag par gyur na yang sbyin par bya'o/ /dge slong mas khyim pa las chung ba bslangs na slong ba de la nyes byas so/ /thob pa na spang ba'i ltung byed do/ /dge slong mas chung ba slong na nyes byas so/ /lhag ste ma byin na spang ba'i ltung byed 
do/ /las dang po pa la sogs pa ni ltung ba med do/ /spang ba'i ltung byed lnga pa rdzogs s+ho// //gleng gzhi ni mnyan yod na'o/ /de'i tshe mnyan yod na khyim bdag phyug pa/ nor mang ba longs spyod che ba zhes bya ba nas/ rnam thos kyi bu la nor gyis 
'gran pa zhig yod pa des rigs mnyam pa las chung ma blangs so/ /de yang ji tsam dus gzhan zhig na bud med gzhan zhig dang lhan cig 'jig rten pa'i 'phyan po dag la zhugs pa dang/ de chung ma des bzlog go/ /de bzlog pa na ma btub nas de'i chung ma de la 
snying na nas mi gzhan zhig dang lhan cig dga' mgur spyad pa la zhugs pas khyim de sgo gnyis kyis rgud par gyur nas de gnyis kyis bran mo yang rgyun du brdegs so/ /de nas sbom dga' mo snga dro chos gos dang/ lhung bzed blangs te mnyan yod du bsod 
snyoms la zhugs nas/ de mnyan yod du bsod snyoms spyod cing khyim bdag de'i khyim gang yin par song ste/ song nas khyim bdag dang/ khyim bdag gi chung ma la 'dod chags la 'dod chags dang bral bar bya ba'i phyir sems rnam par grol bar 'gyur ba'i 
chos bshad pa dang/ de gnyis kyis phan tshun du bltas nas sbom dga' mo la 'di skad ces smras so/ /'phags ma 'di ni bdag gis ma nongs te nongs pa 'di ni rje'i sras 'di'i lags so/ /tshong dpon gyis 'di skad ces 'di bdag gi yang ma lags mod kyi nongs 
pa 'di ni bzang mo'i lags so zhes smras pa dang/ de nas sbom dga' mos khyim bdag de yang gzhan gyi bud med dang/ khyim bdag gi chung ma de yang gzhan gyi skyes pa dang bslab pa'i gzhi 'dzin du bcug go/ /de gnyis kyis dam pa ma yin pa'i chos de 

</font><hr>9-1-164a<br><font size=+1>
las log pas khyim de rgyas par gyur nas bran mo de yang khyim de'i dpon mor bcug go/ /de nas khyim bdag de dang/ khyim bdag gi chung ma des bsams pa/ bdag cag gi legs pa de dang skal ba gang cung zad ci bdog pa thams cad ni 
'phags ma sbom dga' mo las byung bar shes so/ /bran mo des kyang bsams pa/ da ltar bdag bde ba dang yid bde ba cung zad ci bdog pa de gang yin pa thams cad ni 'phags ma sbom dga' mo las byung bar shes kyis/ kye ma'o bdag gis 'phags ma 
sbom dga' mo la dbul bar bya'o snyam nas de phyi rol du byung ba dang/ sbom dga' mo mthong ngo / /mthong nas kyang 'di skad ces smras so/ /'phags ma khyod la gtam snyan sbran par bgyi ste/ 'phags mas rje'i sras las ras yug chen gcig thob par 'gyur 
ro/ /de nas sbom dga' mo khyim der song nas/ khyim bdag dang khyim bdag gi chung ma la 'di skad ces smras so/ /khyim bdag kho mo la sbyin par 'dod pa'i ras yug chen gang yin pa de bltas 'on cig /de nas khyim bdag des ras yug chen de blangs 
nas sbom dga' mo la byin pa las sbom dga' mos ras yug chen sbom po de mthong nas bzhin sgyur bar byed/ lag pa 'dril bar byed pa dang/ de gnyis kyis 'di skad ces smras so/ /'phags ma 'di ci nongs/ des 'di skad ces smras so/ /bzhin bzangs 'di bzang 
po yin snyam mam/ khyim bdag gal te 'di kho mos bgos te khyim dag tu son na kho mo la de dag su las thob pa'i gos yin zhes 'dri na kho mo ni ngo tsha na ji skad lan gdab/ de gnyis kyis 'di skad ces smras so/ /'phags ma bdag cag la 'di mchis kyi gzhan ni 
ma mchis so/ /des 'di skad ces smras so/ /khyim bdag kho mos khyod la bstan par bya'o/ /ji ltar bgyi lags/ des 'di skad ces smras so/ /khyim bdag ras yug chen 'di nyid btsongs pa'i steng du cung zad cig bsnan dang/ lhag par bzang por 'gyur ro/ /

</font><hr>9-1-164b<br><font size=+1>
chung mas kyang smras pa/ rje'i sras de bzhin du mdzod cig /de tshong 'dus su song ste/ tshong pa la zhag dus btab nas ras yug chen sar pa zhig skyin por blangs te bskon no/ /de nas tshong pa des dus tshang nas tshong dpon de bzung ba gzhan dag gis mthong ba nas 
smod par byed pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang/ zhes bya ba nas bslab pa bca' ba'i bar du mdzad de/ dge slong ma'i ched du khyim bdag gam/ khyim bdag gi chung ma nye du ma 
yin pas gos kyi rin dag spags par gyur la/ der yang dge slong ma de la sngar ma bstabs bzhin du rnam par rtog pa 'ga' kho na skyes te song nas khyed kyis kho mo'i ched du gos kyi rin dag spags par gyur pa gang yin pa'i gos kyi rin spags pa de dag gis tshe dang 
ldan pa dag gos 'di lta bu dang 'di lta bu dag nyos la bdag la gos rung ba dus su legs par skon cig ces smra na bzang po 'dod pa'i phyir gos grub na spang ba'i ltung byed do/ /dge slong ma zhes bya ba ni sbom dga' mo'o/ /nye du ma yin pa zhes bya ba ni snga ma bzhin no/ /
gos kyi rin dag ces bya ba ni dngul dang gser ro/ /spags te zhes bya ba ni bdag gi gos kyi rin dngul dang gser 'di dag gis zhes mngon par 'dus byas pa'o/ /'di lta bu dang/ 'di lta bu dag ces bya ba ni gos bdun po gang yang rung ba las gos 'di 'dra ba dag 
nyos shig ces bya ba'o/ /dge slong ma 'di zhes bya ba ni sbom dga' mo'o/ /'ongs na zhes bya ba ni 'ongs na'o/ /skon cig ces bya ba ni phul cig ces bya ba'o/ /gos zhes bya ba ni bdun po gang yang rung ba'o/ /rung ba dus su zhes bya ba ni longs spyad par 'os pa'o/ /
der dge slong ma de zhes bya ba ni sbom dga' mo'o/ /sngar ma bstabs par zhes bya ba ni sngar mgron du ma gnyer bar ro/ /rnam par rtog pa 'ga' kho na skyes nas zhes bya ba ni rtog pa 'ga' kho na skyes pa'o/ /khyed kyis kho mo'i ched du zhes bya ba ni bdag nyid 

</font><hr>9-1-165a<br><font size=+1>
nye bar ston pa'o/ /gos grub na zhes bya ba ni thob na'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ rin thang dang/ kha dog dang/ khru tshad las te/ ji ltar rin thang las she na/ dge 
slong ma khyim bdag gam/khyim bdag gi chung ma nye du ma yin pa'i drung du song nas gos kAr ShA pa Na lnga ri ba byin la/ gos kAr ShA pa Na lnga ri ba blangs na ltung ba med do/ /gal te lhag par bslangs na slong ba na de la nyes byas so/ /thob na spang ba'i ltung byed do/ /
de bzhin du kAr ShA pa Na nyi shu ri ba'i bar du brjod par bya ste/ de lta bu ni rin thang las so/ /ji ltar kha dog las she na/ dge slong ma khyim bdag gam/ khyim bdag gi chung ma nye du ma yin pa'i drung du song nas gos sngon po gang yin pa byin la/ gos sngon po blangs 
na ltung ba med do/ /gal te ser po blangs na slong ba na de la nyes byas so/ /thob na spang ba'i ltung byed do/ /sngon po la ji lta ba bzhin du ser po dang/ dmar po dang/ stug po dang/ srab mo'i bar du snga ma bzhin te/ de lta bu ni kha dog las so/ /ji 
ltar khru tshad las she na/ dge slong ma khyim bdag gam/ khyim bdag gi chung ma nye du ma yin pa'i drung du song nas ras yug chen khru lnga pa byin la/ ras yug chen khru lnga pa blangs na ltung ba med do/ /gal te lhag pa bslangs na slong ba na de la nyes byas so/ /
thob na spang ba'i ltung byed do/ /khru nyi shu'i bar la yang de bzhin no/ /spang ba'i ltung byed drug pa rdzogs s+ho// //gleng gzhi ni mnyan yod na'o/ /byung ba 'di nyid nas bslab pa bca' ba'i bar du mdzad de/ dge slong ma'i ched du khyim bdag gam/ khyim 
bdag gi chung ma nye du ma yin pas so so nas gos kyi rin dag bsdogs par gyur la/ bdag cag so so nas gos kyi rin bsdogs pa 'di dag gis gos 'di lta bu so so ba dag nyos la dge slong ma ming 'di zhes bya ba 'ongs dang/ de la so so nas gos bskon par bya'o snyam 

</font><hr>9-1-165b<br><font size=+1>
pa las der gal te dge slong ma de sngar ma bstabs bzhin du rnam par rtog pa 'ga' kho na skyes te/ song nas khyed kyis kho mo'i ched du so so nas gos kyi rin bsdogs par gyur pa gang yin pa'i gos kyi rin so so ba de dag gis tshe dang ldan pa dag so so nas gos 
'di lta bu dang/ 'di lta bu dag nyos la gnyi ga 'dus te gos rung ba dus gcig tu legs par skon cig ces smra na/ bzang po 'dod pa'i phyir gos grub na spang ba'i ltung byed do/ /ltung ba'i rim pa ni gong ma ji lta ba bzhin du bslab pa'i gzhi 'di la yang rjes su 
mthun par brjod par bya'o/ /de lta mod kyi khyad par ni 'di yod de/ so so zhes bya ba ni re re'o zhes bya ba nas bzang po 'dod pa'i phyir zhes bya ba'i bar 'di ni tha dad du bya ba yin no/ /spang ba'i ltung byed bdun pa rdzogs s+ho// //gleng gzhi ni rgyal po'i 
khab na'o/ /bcom ldan 'das kyis kha cig dge slong thun mong dag kha cig dge slong ma thun mong dang/ kha cig gnyi ga thun mong pa'i bslab pa'i gzhi bca' ba mdzad pa yin pas/ 'dir ni bcom ldan 'das kyis gnyi ga thun mong pa mdzad de/ gang gi tshe 
bcom ldan 'das kyis rgyal po'i khab tu nye dga' las brten te kAr ShA pa Na len pa'i bslab pa'i gzhi bca' ba mdzad pa de'i tshe dge slong ma gang dag bslab pa 'dod pa dag ni rjes su byed do/ /de nas dge slong ma nye dga' mo rgyal po dang/ blon po chen po dang/ 
bram ze dang/ khyim bdag rnams las kAr ShA pa Na slong ba na don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /bcom ldan 'das kyis 
bka' stsal pa/ zhes bya ba nas bslab pa bca' ba'i bar du mdzad de/ dge slong ma'i ched du rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul gyi mi'am/ nor can nam/ tshong dpon nam/ ded 

</font><hr>9-1-166a<br><font size=+1>
dpon gyis pho nya'i lag tu gos kyi rin dag bskur bar gyur la/ de nas pho nya de gos kyi rin de dag khyer nas dge slong ma de'i drung du song ste/ son nas dge slong ma de la 'di skad ces 'phags ma mkhyen par mdzod cig /khyod la gos kyi rin 
'di dag rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul mi'am/nor can nam/ tshong dpon nam/ ded dpon che ge mo zhig gis bskur ba lags kyis 'phags mas thugs brtse ba nye 
bar bzung ste/ gos kyi rin 'di dag bzhes su gsol zhes smra na/ dge slong ma des pho nya de la tshig 'di skad ces tshe dang ldan pa pho nya dge slong ma rnams ni gos kyi rin dag len du rung ba ma yin pas kho mo cag ni gos rung ba dus su rnyed na ni len to zhes brjod par bya'o/ /
gal te pho nya de dge slong ma de la 'di skad ces 'phags ma rnams kyi zhal ta bgyid pa/ 'phags ma rnams kyi zhal ta nyams su len pa gang lags pa mchis sam zhes zer na/ dge slong ma gos 'dod pas pho nya 'di dag ni dge slong ma rnams kyis zhal ta 
nyams su len pa yin no zhes kun dga' ra ba pa'am/ dge bsnyen zhal ta byed pa bstan par bya'o/ /de nas pho nya des zhal ta byed pa de gang na ba der 'gro bar bya ste/ son nas zhal ta byed pa la 'di skad ces/ tshe dang ldan pa zhal ta byed pa shes par gyis shig /
dge slong ma 'di lta bu zhig gi ched du gos kyi rin 'di dag rgyal po'am/ zhes bya ba nas/ ded dpon zhes bya ba'i bar gyis bskur ba yin gyis zhal ta byed pa khyod kyis gos kyi rin 'di dag gis gos 'di lta bu dang/ 'di lta bu dag nyos la dge slong ma ming 'di zhes 
bya bas 'ongs dang/ 'di la gos rung ba dus su skon cig ces brjod par bya'o/ /de nas pho nya des zhal ta byed pa de la shin tu legs par yang dag par bsgo/ yang dag par bstan nas dge slong ma de gang na ba der 'gro bar bya ste/ phyin nas dge slong ma de la 

</font><hr>9-1-166b<br><font size=+1>
'di skad ces 'phags ma rnams kyi zhal ta bgyid pa bstan pa gang lags pa de la bdag gis yang dag par bstan lags kyis de'i drung du bzhud cig dang/ des khyod la gos rung ba dus su bskon par 'gyur ro/ /zhes brjod par bya'o/ /dge slong ma 
gos 'dod pas kyang zhal ta byed pa de gang na ba der 'gro bar bya ste/ son nas tshe dang ldan pa zhal ta byed pa kho mo gos 'dod do/ /tshe dang ldan pa zhal ta byed pa kho mo gos 'dod do zhes lan gnyis lan gsum du bskul bar bya dran par bya'o/ /lan gnyis 
lan gsum du song ste bskul cing dran par byas pa las gal te gos grub na de lta na legs/ ji ste ma grub na lan bzhi lan lnga lan drug gi mthar thug gi bar du phyogs su cang mi smra bar bsdad par bya'o/ /lan bzhi lan lnga lan drug gi mthar thug 
gi bar du phyogs su bsdad pa byas pa las gal te gos grub na de lta na legs/ ji ste ma grub na de las lhag par gos bsgrub pa'i phyir brtsal ba byas te gos bsgrub na spang ba'i ltung byed do/ /gal te ma grub na dge slong ma des phyogs gang nas gos kyi rin 
de dag 'ongs pa der bdag nyid 'gro bar bya'o/ /yang na yid gcugs pa'i pho nya las khyed kyis dge slong ma ming 'di zhes bya ba'i ched du gos kyi rin gang yin pa dag bskur ba las gos kyi rin de dag gis ni dge slong ma de'i don ci yang ma grub kyis shes par gyis 
shig /tshe dang ldan pa dag rang gi nor chud ma gzan cig ces spring bar bya ste/ de la de ni cho ga yin no/ /dge slong ma'i ched du zhes bya ba ni shAkya'i bu mo nye dga' mo'i 'o/ /rgyal po ni rgyal rigs spyi bo nas dbang bskur ba zhes bya ba ste/ bud med dam/ 
skyes pa'am/ ma ning rgyal po'i dbang bskur bas dbang bskur ba gang yin pa de ni rgyal po yang yin/ de ni rgyal rigs kyang yin/ de ni spyi bo nas dbang bskur ba yang yin no/ /blon po chen po'am zhes bya ba ni rgyal po'i bya ba byed pa ste/ gsang tshig mthun 

</font><hr>9-1-167a<br><font size=+1>
pas 'tsho ba'o/ /bram ze'am zhes bya ba ni bram ze gtsang sbra can no/ /khyim bdag gam zhes bya ba ni phyug po'o/ /grong rdal gyi mi zhes bya ba ni grong glings pa'o/ /yul gyi mi'am zhes bya ba ni yul na gnas pa'o/ /nor can nam zhes bya 
ba ni nor bye bas phyug pa'o/ /tshong dpon nam zhes bya ba ni cod pan bcings pa'o/ /ded dpon gyis zhes bya ba ni gang gis yul gzhan du don mthun dag deng pa'o/ /pho nya'i lag tu zhes bya ba ni skyes pa dang/ bud med dang/ ma ning gi'o/ /gos kyi 
rin dag ces bya ba ni gser dang dngul dag go/ /bskur te zhes bya ba ni brdzangs te'o/ /de nas pho nya de zhes bya ba ni skyes pa dang/ bud med dang/ ma ning ngo / /gos kyi rin de dag blangs te zhes bya ba ni khyer nas so/ /dge slong ma de zhes bya ba ni shAkya'i bu mo 
nye dga' mo'o/ /song ste zhes bya ba ni song nas so/ /'di skad ces smras so zhes bya ba ni smras pa'o/ /'phags ma mkhyen par mdzod cig ces bya ba ni gos kyi rin 'di dag ni rgyal pos bskur ba'o zhes rig par bya'o/ /snoms shig ces bya ba ni long shig 
pa'o/ /thugs brtse ba nye bar bzung ste zhes bya ba ni legs par 'dod pa nye bar bzung ste'o/ /dge slong ma des zhes bya ba ni nye dga' mos so/ /pho nya de zhes bya ba ni skyes pa dang/ bud med dang/ ma ning ngo / /tshig 'di skad ces brjod par bya'o zhes bya 
ba ni 'di skad ces yang dag par bsgo bar bya ba'o/ /tshe dang ldan pa pho nya dge slong ma rnams ni gos kyi rin dag len du rung ba ma yin te/ zhes bya ba ni de dag len pa bcom ldan 'das kyis bkag gi bcom ldan 'das kyis kho mo cag la ni gos rung ba rjes su 
gnang ba'o/ /gal te pho nya de dge slong ma de la 'di skad ces zer na zhes bya ba ni 'dri na'o/ /'phags ma rnams kyi zhal ta bgyid pa zhes bya ba ni 'phags ma rnams kyi zhal ta nyams su len pa gang lags zhes bya ba'o/ /dge slong ma gos 'dod pas 

</font><hr>9-1-167b<br><font size=+1>
zhal ta byed pa bstan par bya ste zhes bya ba la/ kun dga' ra ba pa zhes bya ba ni rung ba byed pa'o/ /dge bsnyen zhes bya ba ni bslab pa'i gzhi lnga pa'o/ /'di dag ni dge slong ma rnams kyi zhal ta byed pa yin no/ /zhes bya ba ni 'di dag gis dge slong ma de 
rnams kyi zhal ta byed pa nyams su myong ba'i phyir ro/ /gal te pho nya de zhal ta byed pa gang na ba der 'gro bar bya ste phyin nas zhes bya ba ni de la dgos par rig par bya ba'i phyir phyin pa'o/ /zhal ta byed pa shes par gyis shig /gos kyi rin 'di dag ni zhes 
bya ba ni gser dang dngul dag rgyal po'i bar gyis bskur ba dag go/ /dge slong ma ming 'di zhes bya ba'i ched du zhes bya ba ni shAkya'i bu mo nye dga' mo'o/ /de nas pho nya de zhes bya ba ni skyes pa dang/ bud med dang/ ma ning ngo / /zhal ta byed pa kun dga' ra ba'am/ 
dge bsnyen la shin tu legs par yang dag par bsgo nas zhes bya ba ni rnam grangs du mas so/ /dge slong ma de zhes bya ba ni shAkya'i bu mo nye dga' mo'o/ /gang na ba der 'gro bar bya ste phyin nas zhes bya ba ni son nas so/ /'di skad ces smra bar bya ste/ 'phags ma 
rnams kyi zhal ta bgyid pa bstan pa gang lags pa de la bdag gis yang dag par bstan lags kyis bzhud cig dang/ des khyod la gos bskon par 'gyur ro zhes bya ba ni bdun po gang yang rung ba'o/ /rung ba zhes bya ba ni longs spyad par 'os pa'o/ /dge 
slong ma gos 'dod pa zhes bya ba ni gal te gos don du gnyer bar gyur na'o/ /song ste zhes bya ba ni song nas so/ /lan gnyis zhes bya ba ni lan gnyis kyi bar du'o/ /lan gsum du'o zhes bya ba ni lan gsum gyi bar du'o/ /bskul bar bya dran par bya'o/ /
don de gal te grub na de lta na legs zhes bya ba ni de lta na bzang po'o/ /ji ste ma grub na lan bzhi lan lnga lan drug gi mthar thug gi bar du phyogs su cang mi smra bar bsdad par bya'o/ /zhes bya ba ni phyogs su bsdad pa bzhi dang/ bskul ba'i sgo drug po dag 

</font><hr>9-1-168a<br><font size=+1>
gis so/ /phyogs su bsdad pa bzhi po dag gang zhe na/ kun gnas dang/ 'dug gnas dang/ zong gnas dang/ las kyi mtha'i gnas so// //dge slong ma'i 'dul ba rnam par 'byed pa/bam po bcu gsum pa/ de la kun 
gnas zhes bya ba ni 'dreg mkhan dang/ rdza mkhan gyi gnas so/ /'dug gnas zhes bya ba ni khyim ste lhag par gnas pa'o/ /zong gnas zhes bya ba ni tshong khang dang/ tshong rdal lo/ /las kyi mtha'i gnas ni gsum ste/ sA lu'i las kyi mtha' 
dang/ lan tshwa dang/ bu ram shing gi las kyi mtha' ste/ 'di ni phyogs su bsdad pa bzhi zhes bya'o/ /bskul ba'i sgo drug po dag gang zhe na/ 'ongs sam zhe na/ de'i phyir ro zhes bya ba dang/ 'ongs pa legs so zhe na/ de'i phyir ro zhes bya ba dang/ stan 
'di la 'dug cig ce na/ de'i phyir ro zhes bya ba dang/ bca' ba 'di 'tsho zhig ces bya ba dang/ zas 'di zo zhig ces bya ba dang/ btung ba 'di 'thung shig ce na/ de'i phyir ro zhes bya ba ste/ 'di dag ni bskul ba'i sgo drug go/ /ma thogs par brjod cing 
gang du skabs med par bskul na bskul ba yongs su ma rdzogs pa zhes brjod par bya'o/ /gal te skabs yod pa la bskul na bskul ba yongs su rdzogs pa zhes brjod par bya'o/ /de ltar gnas de rnams su cang mi smra bar bsdad pa na gos de grub na'o zhes 
bya ba ni rnyed na'o/ /de lta na legs zhes bya ba ni de lta na bzang ba'o/ /ji ste ma grub na zhes bya ba ni ma thob na'o/ /lhag par brtsal bar byas nas zhes bya ba ni de'i 'og rol du lhag par ro/ /gos grub na zhes bya ba ni thob na'o/ /spang ba'i ltung byed do zhes 
bya ba ni dngos po de spangs nas zhes bya ba snga ma bzhin no/ /ji ste ma grub na zhes bya ba ni ma thob na'o/ /dge slong ma de zhes bya ba ni nye dga' mo'o/ /phyogs gang na gos kyi rin de dag 'ongs par gyur pa zhes bya ba ni gang las 'ongs par gyur pa'o/ /der bdag 

</font><hr>9-1-168b<br><font size=+1>
nyid 'gro bar bya ba'am/ zhes bya ba ni rang nyid do/ /yid gcugs pa'i pho nya gtang bar bya'o zhes bya ba ni gang zhig song na don de byed par 'gyur ba'o/ /khyod kyis dge slong ma ming 'di zhes bya ba'i ched du gos kyi rin bskur ba gang yin pa de dag gis 
ni de'i don ci yang ma grub ces bya ba ni dgos pa cung zad kyang ma byas pa'o/ /shes par gyis shig ces bya ba ni tshe dang ldan pa dag rang gi nor tshul ma yin par chud ma gzan cig ces bya ba'o/ /de la de ni cho ga yin no zhes bya ba ni de la de ni rjes su mthun pa'i 
chos yin no/ /de la ltung bar ji ltar 'gyur zhe na/ gal te zhal ta byed pa de dge slong ma'i drung du song nas 'di skad ces/ 'phags ma gos snoms shig ces zer na dge slong ma des zhal ta byed pa de la 'di skad ces/ 'di dag kho mos spangs zin gyis de nyid 
la byin cig ces brjod par bya'o/ /gal te zhal ta byed pa de yang 'di skad ces 'phags ma gos 'di dag bzhes shig dang/ bdag gis de'i sems gzung lags kyis zhes zer na gal te dge slong mas rim pa 'di ma byas par len na thams cad du spang ba'i 
ltung byed du 'gyur ro/ /gal te dge slong mas brtags pa ma yin pa des gang cung zad du na lhung bzed dam/ chos gos sam/ gzhan yang dge sbyong gi 'tsho ba'i yo byad ci yang rung ba bdag gir byed na de la spang ba'i ltung byed du 'gyur ro/ /spang ba'i ltung 
byed brgyad pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis mon dar gyi gding ba bkag pa de'i tshe bcu gnyis sde dag gis mon dar gyi gding ba dag kyang byed/ byed du yang 'jug pa dang/ don nyung ba'i dge slong ma dag 
smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong 

</font><hr>9-1-169a<br><font size=+1>
ma gang mon dar sar pa las gding ba byed na spang ba'i ltung byed do/ /yang dge slong ma gang zhes bya ba ni chos 'di pa'i'o/ /sar pa zhes bya ba la/ sar pa ni gnyis te/ gsar pas sar pa dang/ rnyed pas sar pa ste/ skabs 'dir ni 
gsar pas sar pa kho na yin par dgongs so/ /mon dar zhes bya ba ni srin bal la bya'o/ /gding ba zhes bya ba la gding ba ni gnyis te/ nang tshangs can dang/ blings pa ste skabs 'dir ni gnyi ga yin par dgongs so/ /byed na zhes bya ba ni bdag nyid 
dam gzhan gyis so/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ chun po dang/ 'da' ba dang/ phung po ste/ dge slong mas srin bal gyi chun po 'byed par byed/ 'jig par byed/ rmel bar byed cing/ 
ji srid du gding ba mi byed na nyes byas so/ /byas na spang ba'i ltung byed do/ /dge slong mas srin bal gyi 'da' ba 'byed par byed/ 'jig par byed/ rmel bar byed cing/ ji srid du gding ba mi byed na nyes byas so/ /byas na spang ba'i ltung byed do/ /
dge slong mas srin bal gyi phung po 'byed par byed/ 'jig par byed/ rmel bar byed cing/ ji srid du gding ba mi byed na nyes byas so/ /byas na spang ba'i ltung byed do/ /dge slong mas srin bal gyi chun po dang/ 'da' ba dang/ phung po 'byed 
par byed/ 'jig par byed/ rmel bar byed cing/ ji srid du gding ba mi byed na nyes byas so/ /byas na spang ba'i ltung byed do/ /dge slong mas srin bal gyi 'da' ba dang/ phung po dang/ chun po 'byed par byed/ 'jig par byed/ rmel bar byed cing 
ji srid du gding ba mi byed na nyes byas so/ /byas na spang ba'i ltung byed do/ /dge slong mas srin bal gyi phung po dang/ 'da' ba dang/ chun po 'byed par byed/ 'jig par byed/ rmel bar byed cing/ ji srid du gding ba mi byed na nyes byas so/ /byas na 

</font><hr>9-1-169b<br><font size=+1>
spang ba'i ltung byed do/ /gal te byas pa rnyed na longs spyad pa ni ltung ba med do/ /spang ba'i ltung byed dgu pa rdzogs s+ho// //gleng gzhi ni rgyal po'i khab na'o/ /gang gi tshe bcom ldan 'das kyis gtsug na nor bu'i mdo las 'byung ba'i ngo bo la 
brten nas/ gser dang dngul len pa'i bslab pa'i gzhi bca' ba mdzad pa de'i tshe yang bcu gnyis sde rnams kyis de'i tshe gser dang/ dngul rang gi lag gis len par byed/ len du 'jug par byed pa dang/ dge slong ma don nyung ba dag smod par byed 
pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang rang gi lag gis gser dang/ dngul len par 
byed dam len du 'jug na spang ba'i ltung byed do/ /yang dge slong ma gang zhes bya ba ni snga ma bzhin no/ /rang gi lag gis zhes bya ba ni bdag nyid kyi'o/ /gser dang dngul zhes bya ba ni dbyig dang/ gser ro/ /len par byed dam zhes bya ba ni bdag 
nyid kyis so/ /len du 'jug na zhes bya ba ni gzhan gyis so/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ gzhi bcwa brgyad kyis te/ 'di long shig /'di nas long shig /'di tsam long shig 
ces bya ba dang/ 'di khyer te shog /'di nas khyer te shog /'di tsam khyer te shog ces bya ba dang/ 'di zhog cig /'dir zhog cig /'di tsam zhog cig ces bya ba dang/ de long shig /de nas long shig /de tsam long shig ces bya ba dang/ 
de khyer shog /de nas khyer te shog /de tsam khyer shog ces bya ba dang/ de zhog cig /der zhog cig /de tsam zhog cig ces bya ba ste/ 'di long shig ces bya ba ni dbyig gam/ gser ro/ /'di nas long shig ces bya ba ni lcags zangs nas 

</font><hr>9-1-170a<br><font size=+1>
sam/ rdza bo nas sam/ zangs nas sam/ byi gred nas sam/ za ma tog nas so/ /'di tsam long shig ces bya ba ni brgya'am/ stong ste/ gang na rung ba byed pa'am/ dge sbyong yod pa der long shig ces bsgo na nyes byas so/ /
blangs na spang ba'i ltung byed do/ /'di long shig /'di nas long shig /'di tsam long shig ces bya ba nas 'thob par mi 'gyur ba'i phyogs gang du rung ba byed pa'am/ dge tshul ma med pa der long shig ces bsgo na nyes byas so/ /blangs na yang nyes 
byas so/ /zhes bya ba'i bar ro/ /gang yang yul tsam pa'i khyim bdag la brten nas bcom ldan 'das kyis bka' stsal pa/ blang bar bya ste bshes pa gzhan gyis bcang bar bya'o/ /bcang ba ni 'di ltar bya ste/ 'phags ma dgongs su gsol/ 
bdag ming 'di zhes bgyi ba la kAr ShA pa Na rung ba ma lags pa dag byung ste/ bdag ming 'di zhes bgyi bas yon bdag gam/ yon bdag gi mchis 'brang che ge mo zhes bgyi ba'i ming gis rung bar bgyi ste/ rkyen de kho nas bcang bar bgyi'o/ /nam rung bar 
ma bgyis pa 'dis rung bar bgyis pa grub pa de'i tshe bdag gis rung bar bgyis so zhes bya ba nas bcang bar bya'o/ /spang ba'i ltung byed bcu pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis drug sde rnams la brten 
nas mngon mtshan can gyis spyod pa rnam pa sna tshogs byed pa'i bslab pa'i gzhi bca' ba mdzad pa de'i tshe yang bcu gnyis sde rnams kyis de'i tshe mngon mtshan can gyis spyod pa sna tshogs byed pa na don nyung ba'i dge slong ma dag smod par byed pa'i skabs de 
bcom ldan 'das la gsol pa dang/ de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang mngon mtshan can gyis spyod pa sna tshogs byed na spang ba'i ltung byed do/ /yang dge slong ma gang 

</font><hr>9-1-170b<br><font size=+1>
zhes bya ba ni snga ma bzhin no/ /sna tshogs zhes bya ba ni rnam pa du ma'o/ /mngon mtshan can zhes bya ba ni dbyig gam/ gser ro/ /spyod na zhes bya ba ni lhag par spyod na'o/ /spang ba'i ltung byed do zhes bya ba ni gong ma bzhin no/ /de la ltung bar 
ji ltar 'gyur zhe na/ rnam pa bzhi ste/ kun du sbyor bar byed/ rab tu sbyor bar byed/ bun 'gyed par byed/ skyed 'gyed par byed pa'o/ /de la kun du sbyor bar byed pa ni yul gyi rnyed pa'i phyir zong la kun du sbyor bar byed pa dang/ shing rta la kun 
du sbyor bar byed pa dang/ mi rnams sdud par byed pa dang/ de nas rdzas 'di ni khyed kyi'o/ /'di ni kho mo'i'o zhes bya ba ste/ ji srid du rnyed pa bdag gir mi byed pa de srid du nyes byas so/ /rnyed pa bdag gir byed na spang ba'i ltung byed do/ /de lta bu ni kun du sbyor 
bar byed pa yin no/ /ji ltar rab tu sbyor bar byed ce na/ gser gyi rnyed pa'i zong gis bcu las bcu gcig tu bskyed pa'i phyir zong la rab tu sbyor bar byed cing dpang rgya'i ched du der 'gro ba dang/ snag tsha'am/ dpang po tshol du 'gro ba'o/ /ji tsam du rnyed pa 
bdag gir mi byed na nyes byas so/ /bdag gir byed na spang ba'i ltung byed do/ /de lta bu ni rab tu sbyor bar byed pa yin no/ /ji ltar bun 'gyed par byed ce na/ nas dang gro gsar thog gi phyir bun dgye bar gzhal ba'i snod kyis gro dang nas skyed du gtong ba ste/ 
der de dag gzhal ba'i snod dang/ bre'u chung dang/ phul dang/ 'jal ba dang/ mi dag don du gnyer bar 'gro ba yin te/ ji srid du rnyed pa bdag gir mi byed na nyes byas so/ /bdag gir byed na spang ba'i ltung byed do/ /de lta bu ni bun 'gyed par byed 
pa yin no/ /ji ltar skyed 'gyed par byed ce na/ de dag mu tig gi skyed nyid kyis skyed 'gyed par byed/ gser gyi skyed nyid kyis skyed 'gyed par byed pa yin/ der de dag gro ga dang/ snag tsha dang/ dpang po don du gnyer bar byed pa yin te/ ji srid 

</font><hr>9-1-171a<br><font size=+1>
du rnyed pa bdag gir mi byed na nyes byas so/ /bdag gir byed na spang ba'i ltung byed do/ /de lta bu ni skyed 'gyed par byed pa yin no/ /de ltar bslab pa'i gzhi bcas pa dang/ mchod rten gyi dang/ dge 'dun gyi mi zad par bya ba 
de dag rab tu sbyor bar mi byed nas bcom ldan 'das kyis bka' stsal pa/ rab tu sbyar bar bya'o/ /de dag gis su yang rung ba dag la btang ba dang/ btang ba de dag 'khyams par gyur pa nas bcom ldan 'das kyis bka' stsal pa/ bkren pa la yang nor 
mi gtang/ /mtha' 'khob gnas la'ang ma yin zhing/ /gtum po sdig pa'i las can dang/ /mthu can la yang nam yang min/ /spang ba'i ltung byed bcu gcig pa rdzogs s+ho// //gleng gzhi ni mnyan yod na'o/ /de'i tshe drug sde rnams 
nyo tshong rnam pa sna tshogs dag byed de/ len par byed/ gtong bar byed/ nyo bar byed/ 'tshong bar byed do/ /ji ltar len par byed ce na/ gang gi tshe mnyan yod na dkon par gyur la ljongs rnams su mod par gyur pa de'i tshe ljongs rnams nas blangs 
nas mnyan yod du len par byed de/ de lta bu ni len par byed pa'o/ /ji ltar gtong bar byed ce na/ gang gi tshe mnyan yod du lo legs par gyur la ljongs rnams su lo nyes par gyur pa de'i tshe mnyan yod nas blangs nas ljongs rnams su gtong bar byed 
de/ de lta bu ni gtong bar byed pa'o/ /ji ltar nyo bar byed ce na/ gang gi tshe mod par gyur pa de'i tshe nyo bar byed pa ste/ de lta bu ni nyo bar byed pa'o/ /ji ltar 'tshong bar byed ce na/ gang gi tshe dkon par gyur pa de'i tshe 'tshong bar byed pa ste de lta bu ni 
'tshong bar byed pa'o/ /nyo tshong byed pa na don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di 

</font><hr>9-1-171b<br><font size=+1>
dang zhes bya ba nas/ bslab pa bca' ba'i bar du mdzad de/ yang dge slong ma gang nyo tshong rnam pa sna tshogs byed na spang ba'i ltung byed do/ /yang dge slong ma gang zhes bya ba ni gong ma bzhin no/ /de la ltung bar ji ltar 'gyur zhe na/ rnyed pa 'dod 
pas nyo bar byed cing/ rnyed pa 'dod pas 'tshong bar byed na nyo bar byed pa na de la nyes byas so/ /'tshong bar byed pa na spang ba'i ltung byed do/ /rnyed pa 'dod pas nyo bar byed la/ rnyed pa mi 'dod pas 'tshong bar byed na nyo bar byed pa na de la nyes byas so/ /
'tshong bar byed pa na ltung ba med do/ /rnyed pa mi 'dod pas nyo bar byed la rnyed pa 'dod pas 'tshong bar byed na nyo ba na de la ltung ba med do/ /'tshong bar byed pa na spang ba'i ltung byed do/ /rnyed pa mi 'dod pas nyo bar byed cing/ rnyed pa mi 'dod pas 'tshong bar byed 
na gnyis ka la ltung ba med do/ /yul gzhan gyi sbyor bas snga ma'i rgyud sbyang bar bya'o/ /de nas dge 'dun gyi dag yod la sbyin pa po dag kyang 'ongs te zan sbyar bar 'dod nas de dag gis zong gis btsal ba dang/ bza' ba dang btung ba ma rnyed nas bcom 
ldan 'das kyis bka' stsal pa/ ji ltar nyos pa bzhin sbyin no/ /res 'ga' mod pa na nyos la dkon par gyur/ res 'ga' dkon pa na nyos la mod par gyur nas/ bcom ldan 'das kyis bka' stsal pa/ tshong 'dus kyi rin thang gis sbyin par bya'o/ /
spang ba'i ltung byed dang po'i tshigs su bcad pa'i sdom rdzogs s+ho// //sdom la/ lhung bzed skud pa de phyir dang/ /phyir 'phrog de bzhin brtad pa dang/ /rnyed dang sman dang zhag gcig dang/ /brjes dang dus dang dus min pa'o/ /gleng gzhi ni mnyan 
yod na'o/ /gang gi tshe bcom ldan 'das kyis drug sde rnams la brten te lhung bzed 'brel pa med pa'i bslab pa'i gzhi bca' ba mdzad pa de'i tshe/ dge slong ma bcu gnyis sde rnams lhung bzed 'brel pa med pa yang 'chang bar byed/ 'brel pa med pa lhan pa med 

</font><hr>9-1-172a<br><font size=+1>
pa yang 'chang bar byed do/ /de nas rang bzhin du gnas pa'i dge slong ma dag gis bcu gnyis sde de dag la 'di skad ces smras so/ /phu nu mo dag bcom ldan 'das kyis bslab pa'i gzhi ma bcas sam/ de nas bcu gnyis sde de dag 
gis dge slong ma de rnams la 'di skad ces/ bslab pa'i gzhi de ni dge slong rnams kyi yin gyi/ dge slong ma rnams kyi ni de ma yin no zhes smras pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 
'di dang zhes bya ba nas/ bslab pa bca' ba'i bar du mdzad de/ yang dge slong ma gang lhung bzed lhan pa lnga med pa spyad bzod pa yod bzhin du bzang po 'dod pa'i phyir lhung bzed sar pa gzhan slong zhing/ lhung bzed grub na spang ba'i ltung byed do/ /dge slong ma 
des lhung bzed de dge slong ma'i 'khor la dbul bar bya'o/ /dge slong ma'i 'khor de'i lhung bzed tha mar gyur pa gang yin pa de dge slong ma de la/ dge slong ma khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar 
chag pa'i mthar thug gi bar du khad kyis dal bus dal bus spyad par bya'o zhes sbyin par bya ste/ de la de ni cho ga yin no/ /yang dge slong ma gang zhes bya ba ni snga ma bzhin no/ /lhan pa lnga med pa'i lhung bzed ces bya ba ni lhan pa lngar ma tshang ba gang yin pa'o/ /
yod bzhin du zhes bya ba ni spyad bzod pa'o/ /sar pa gzhan slong na zhes bya ba ni gnyis pa shos so/ /bzang po 'dod pa'i phyir zhes bya ba ni mchog 'dod pa'i phyir ram/ yang na gzhan 'dod pa'i phyir ro/ /grub na'o zhes bya ba ni thob na'o/ /spang ba'i ltung 
byed do zhes bya ba ni snga ma bzhin no/ /dge slong ma des lhung bzed de dge slong ma'i dge 'dun la dbul bar bya'o zhes bya ba ni sbyin par bya'o/ /dge slong ma'i 'khor gang yin pa de'i zhes bya ba ni dge slong ma'i lhung bzed tha mar gyur pa'o/ /de nas dge 

</font><hr>9-1-172b<br><font size=+1>
slong ma'i dge 'dun des lhung bzed 'brel pa med pa 'brim pa'i dge slong ma bsko bar bya'o/ /lhung bzed 'brel pa med pa 'brim pa'i dge slong ma chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya'o/ /lnga gang zhe na/ 
'dun pas 'gro ba dang/ zhe sdang gis 'gro ba dang/ gti mug gis 'gro ba dang/ 'jigs pas 'gro ba dang/ lhung bzed brims pa dang ma brims pa mi shes pa'o/ /de bzhin du dkar po'i phyogs la yang sbyar bar bya'o/ /de'i 'og tu gsol ba dang gnyis 
kyi las kyis lhung bzed 'brel pa med pa 'brim pa'i dge slong ma bsko bar bya ste/ gnas mal bshams pa byas nas zhes bya ba nas dge slong ma gcig gis gsol ba byas te las bya'o/ /'di ltar bya ste/ 'phags ma'i dge 'dun phu nu mo dag bdag la 
gsan du gsol/ dge slong ma ming 'di zhes bgyi ba 'di 'phags ma'i dge 'dun la lhung bzed 'brel ba med pa 'brim par spro lags na gal te 'phags ma'i dge 'dun gyi dus la bab cing bzod na gnang bar mdzod cig dang/ 'phags ma'i dge 'dun mas 
dge slong ma ming 'di zhes bgyi ba lhung bzed 'brel pa med pa 'brim par bsko bar bgyi ste 'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ ming 'di zhes bgyi ba 'di 'phags ma'i dge 'dun 
la lhung bzed 'brel pa med pa 'brim par spro lags nas/ 'phags ma'i dge 'dun gyis ming 'di zhes bgyi ba lhung bzed 'brel pa med pa 'brim par bskos te/ ming 'di zhes bgyi ba 'phags ma'i dge 'dun la lhung bzed 'brel pa med pa 'brim par 
bgyid na/ phu nu mo dag ming 'di zhes bgyi ba lhung bzed 'brel ba med pa 'brim par bsko bar bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas/ 'phags ma'i dge 'dun 

</font><hr>9-1-173a<br><font size=+1>
gyis ming 'di zhes bgyi ba lhung bzed 'brel pa med pa 'brim par bskos lags te/ 'di ltar cang mi gsung bas de de bzhin du 'dzin to/ /de'i 'og tu lhung bzed 'brel ba med pa 'brim pa'i dge slong mas tshogs pa'i dus su dge 'dun 
la sang snga dro 'brel ba med pa'i lhung bzed 'brim gyis/ rang rang gi lhung bzed snoms la spyon cig ces brjod par bya'o/ /de nas nam nangs pa dang 'brim par byed pa'i dge slong mas gnas mal bshams pa byas te/ dge slong ma'i dge 'dun tshogs shing 
mthun par gyur pa dang/ lhung bzed 'brel pa med pa thogs te/ dge slong ma'i gnas brtan gyi mdun du 'dug nas lhung bzed 'brel pa med pa'i bsngags pa ji lta ba bzhin brjod par bya zhing/ 'di skad ces gnas brtan ma lhung bzed bzhes shig ces kyang 
brjod par bya'o/ /gal te dge 'dun gyis gnas brtan gyi lhung bzed 'brel pa med pa blangs na/ dge 'dun gyis gnas brtan gyi lhung bzed gnas brtan gnyis pa shos la sbyin par bya'o/ /gnas brtan gnyis pa shos kyi lhung bzed gsum pa shos la sbyin 
par bya ste/de bzhin du dge 'dun gsar bu'i bar du yang ngo / /gal te dge 'dun gyi gnas brtan gyis lhung bzed 'brel ba med pa ma blangs la/ gnas brtan gsum pa'i thad du phyin pa las/ gal te slar yang dge 'dun gyi gnas brtan gyis slong na sbyin par mi 
bya'o/ /lan gnyis slong na yang sbyin par mi bya'o/ /gal te lan gsum du slong na sbyin par bya ste/ 'dul ba dang 'gal ba'i nyes byas bshags par bya'o/ /de bzhin du dge 'dun gsar bu'i bar du ste/ gal te sus kyang lhung bzed 'brel ba med pa ma blangs sam 
gzhan gyi lhag par gyur na de nyid la sbyin par bya'o/ /des de'i 'og tu kun du spyad par brjod par bya'o/ /zhes bcom ldan 'das kyis bka' stsal na ma shes nas/ bcom ldan 'das kyis bka' stsal pa/ lhung bzed 'brel ba med pa 'chang ba'i dge slong ma'i 

</font><hr>9-1-173b<br><font size=+1>
kun du spyad pa'i chos bca' bar bya ste/ dge slong ma lhung bzed 'brel ba med pa 'chang ba gal te bsod snyoms la 'gro na lag pa g.yas par lhung bzed 'brel ba med par bkur zhing lag pa g.yon par byin gyis brlabs pa'o/ /gal te 'bras chan gsher 
ba rnyed na byin gyis brlabs par blang bar bya'o/ /gal te 'bras chan skam po rnyed na lhung bzed 'brel ba med par blang bar bya'o/ /gal te lhung bzed kyi snod du 'jug par byed na zhabs su ni byin gyis brlabs pa'o/ /steng du ni lhung bzed 'brel ba med pa'o/ /
gal te byi dor byed na dang por lhung bzed 'brel ba med pa'o/ /phyi nas byin gyis brlabs pa'o/ /gal te lhung bzed gdu bu'i steng du 'jog na byin gyis brlabs pa'i steng du lhung bzed 'brel ba med par gzhag par bya'o/ /gal te lhung bzed kyi las byed na rdza bo 
bzang po gang yin pa der lhung bzed 'brel ba med pa bsreg par bya'o/ /gal te lam du 'gro na lhan cig gnas pa dang/ nye gnas rnams la byin gyis brlabs pa bskur bar bya zhing/ lhung bzed 'brel ba med pa ni rang gis so/ /gal te khyer ba 'ga' 
yang med na mchan khung g.yas kyis ni lhung bzed 'brel ba med pa'o/ /g.yon gyis ni byin gyis brlabs pa'o/ /lhung bzed 'brel ba med pa 'chang ba'i dge slong mas kun du spyad pa'i chos ji ltar bcas pa bzhin yang dag par blangs te 'jug par mi byed na 'gal 
tshabs can du 'gyur ro/ /dge 'dun gyi lhung bzed tha ma de byin gyis mi brlab ste/ byin gyis brlab par mi bya/ su la yang sbyin par mi bya bar khad kyis dal bus dal bus ji srid 'tsho'i bar chag pa'i mthar thug pa'i bar du bcang bar bya'o/ /de la ltung 
bar ji ltar 'gyur zhe na/ dge slong ma'i lhung bzed chag par gyur kyang lhan pa gcig gis glan par 'os shing ma glan pa spyad bzod bzhin du gzhan tshol bar byed na nyes byas so/ /thob na spang ba'i ltung byed do/ /dge slong ma'i lhung bzed chag par gyur kyang 

</font><hr>9-1-174a<br><font size=+1>
lhan pa gnyis kyis glan par 'os shing/ ma glan la spyad bzod bzhin du gzhan yang tshol bar byed na nyes byas so/ /thob na spang ba'i ltung byed do/ /dge slong ma lhung bzed chag par gyur kyang lhan pa gsum gyis glan par 'os shing ma glan la 
spyad bzod bzhin du gzhan yang tshol bar byed na nyes byas so/ /thob na spang ba'i ltung byed do/ /dge slong ma'i lhung bzed chag par gyur kyang lhan pa bzhis glan par 'os shing/ ma glan la spyad bzod bzhin du gal te gzhan yang tshol bar byed na nyes byas so/ /thob 
na spang ba'i ltung byed do/ /dge slong ma'i lhung bzed chag par gyur kyang lhan pa lngas glan par 'os shing ma glan la spyad bzod bzhin du gal te gzhan yang tshol bar byed na nyes byas so/ /thob na spang ba'i ltung byed do/ /dge slong ma'i lhung bzed chag par gyur kyang 
lhan pa gcig gis glan par 'os pas glan te spyad bzod bzhin du gzhan tshol bar byed na nyes byas so/ /thob na spang ba'i ltung byed do/ /dge slong ma'i lhung bzed chag par gyur kyang lhan pa gnyis kyis glan par 'os pas glan te spyad bzod bzhin du zhes bya ba nas 
nyes byas dang/ spang ba'i ltung byed do zhes bya ba'i bar du'o/ /de bzhin du lhan pa gsum 'os pa dang/ de bzhin du lhan pa bzhi 'os pa la yang brjod par bya'o/ /dge slong ma'i lhung bzed chag par gyur kyang lhan pa lngas glan par 'os pas glan kyang rung ma glan kyang 
rung/ lhung bzed gzhan tshol ba la ltung ba med do/ /las dang po pa la sogs pa la ni ltung ba med do/ /spang ba'i ltung byed bcu gsum pa rdzogs s+ho// //gleng gzhi ni mnyan yod na'o/ /gang gi tshe nye dga' la brten te nye du ma yin pa las skud pa'i bslab 
pa'i gzhi bca' ba mdzad pa de'i tshe dge slong ma sbom dga' mos nye du ma yin pa dang/ nye du las kyang skud pa bslangs shing tha ga pa nye du dang nye du ma yin pa la yang gos 'thag tu 'jug pa na/ don nyung ba'i dge slong ma dag smod par byed pa'i skabs de dge slong ma rnams kyis 

</font><hr>9-1-174b<br><font size=+1>
dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang khyim bdag gam/ khyim bdag gi chung ma nye du ma yin pa 
las skud pa bslangs te/ tha ga pa nye du ma yin pa la gos 'thag tu 'jug na spang ba'i ltung byed do/ /yang dge slong ma gang zhes bya ba ni sbom dga' mo'o/ /nye du ma yin pa la zhes bya ba ni ma mes dang/ pha mes phrugs bdun gyi bar ro/ /skud pa zhes bya ba ni bdun po gang 
yang rung ba'i'o/ /tha ga pa nye du ma yin pa zhes bya ba ni thags 'thag pa'o/ /gos zhes bya ba ni bdun po gang yang rung ba'o/ /'thag tu 'jug na zhes bya ba ni 'thag tu bcug na'o/ /spang ba'i ltung byed do zhes bya ba ni snga ma bzhin no/ /de la ltung bar ji ltar 'gyur zhe 
na/ yang dge slong ma gang nye du ma yin pa las skud pa bslangs te/ tha ga pa nye du ma yin pa la gos 'thag tu 'jug nas slong ba na de la nyes byas so/ /tha ga pa nye du ma yin pa la gos 'thag tu bcug nas grub na spang ba'i ltung byed do/ /dge slong mas nye du ma yin 
pa las skud pa bslangs te/ bdag nyid dam tha ga pa nye du ma yin pa la 'thag tu 'jug nas slong ba na de la nyes byas so/ /bdag nyid 'thag na yang nyes byas so/ /nye du ma yin pa la 'thag tu bcug ste grub na spang ba'i ltung byed do/ /dge slong mas nye du ma yin 
pa las skud pa bslangs te/ tha ga pa nye du la 'thag tu 'jug na slong ba na de la nyes byas so/ /tha ga pa nye du 'thag tu bcug na ltung ba med do/ /dge slong mas nye du ma yin pa las skud pa bslangs te bdag nyid dam/ nye du 'thag tu 'jug na slong ba na de la nyes byas 
so/ /bdag nyid 'thag na nyes byas so/ /nye du yin na ltung ba med do/ /dge slong mas nye du ma yin pa las skud pa bslangs te/ bdag nyid 'thag gam nye du ma yin pa 'thag tu 'jug na slong ba na de la nyes byas so/ /bdag nyid 'thag na nyes byas so/ /

</font><hr>9-1-175a<br><font size=+1>
nye du 'thag tu 'jug na ltung ba med do/ /nye du ma yin pa 'thag tu bcug ste grub na spang ba'i ltung byed do/ /dge slong mas nye du las skud pa bslangs te bdag nyid 'thag na slong ba na de la ltung ba med do/ /bdag nyid 'thag na nyes byas so/ /dge 
slong mas nye du las skud pa bslangs te nye du ma yin pa la 'thag tu 'jug na slong ba na de la ltung ba med do/ /grub na spang ba'i ltung byed do/ /dge slong mas nye du las skud pa bslangs te bdag nyid dam/ nye du 'thag tu 'jug na de slong ba na de la ltung ba med do/ /bdag nyid 
'thag na nyes byas so/ /nye du 'thag tu bcug na ltung ba med do/ /dge slong mas nye du las skud pa bslangs te bdag nyid 'thag gam/ nye du ma yin pa 'thag tu 'jug na slong ba na de la ltung ba med do/ /bdag nyid 'thag na nyes byas so/ /nye du ma yin pa 'thag tu 
bcug ste grub na spang ba'i ltung byed do/ /yang dge slong ma gang zhig nye du las skud pa bslangs te tha ga pa nye du la 'thag tu 'jug na slong ba na de la ltung ba med do/ /nye du 'thag tu bcug pa la yang ltung ba med do/ /dge slong mas nye du la skud pa bslangs te bdag nyid 'thag 
gam/ nye du 'thag tu 'jug na slong ba na de la ltung ba med do/ /bdag nyid 'thag na nyes byas so/ /nye du 'thag tu bcug na ltung ba med do/ /nye du ma yin pa 'thag tu bcug ste grub na spang ba'i ltung byed do/ /las dang po la sogs pa la ni ltung ba med do/ /
spang ba'i ltung byed bcu bzhi pa rdzogs s+ho// //gleng gzhi ni mnyan yod na'o/ /de'i tshe mnyan yod du sbom dga' mos khyim bdag 'khor dang bcas pa mngon par dad par byas pas/ khyim bdag des dge slong ma sbom dga' mo'i phyir skud pa dag tha ga 
pa la byin pa sbom dga' mos/ bran mo de las thos te thos nas tha ga pa gang na ba der song ste phyin pa dang/ 'di skad ces smras so/ /tha ga pa brgyangs te 'thag pa'i ras yug chen 'di su'i phyir yin zhes sam/ des 'di skad ces smras so/ /ma 'tshal to/ /

</font><hr>9-1-175b<br><font size=+1>
des 'di skad ces kho mo'i phyir yin no/ /zhes smras nas ji tsam gyi bar du de la de bza' ba'am/ bza' ba tsam mam/ bza' ba'i rgyu sgrub par byed pa na don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang/ 
dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ dge slong ma'i phyir khyim bdag gam/ khyim bdag gi chung mas tha ga pa nye du ma yin pa la gos 'thag 
tu bcug la/ de yang dge slong ma de la sngar ma bstabs bzhin du rnam par rtog pa 'ga' zhig byung nas/ tshe dang ldan pa tha ga pa shes par gyis shig /gos 'di kho mo'i phyir yin gyis/ tshe dang ldan pa gos 'di zheng che ba dang/ khrun ring ba dang/ thar 
gyis zhag pa dang/ thags ran bzang bar legs par gyis shig /de ltar byas na kho mos tshe dang ldan pa la 'di lta ste/ bza' ba'am/ bza' ba tsam mam/ bza' ba'i rgyu cung zad tsam gyis kyang bsgrub par bya'o zhes byas nas/ de la dge slong ma de 'di 
lta ste/ bza' ba'am/ bza' ba tsam mam/ bza' ba'i rgyu cung zad tsam byin nas gos bsgrubs te/ gos grub na spang ba'i ltung byed do/ /yang dge slong ma gang zhes bya ba ni sbom dga' mo'o/ /nye du ma yin pa las zhes bya ba ni ma mes dang/ pha 
mes phrugs bdun gyi bar dag go/ /khyim bdag ces bya ba ni skyes pa'o/ /khyim bdag gi chung ma zhes bya ba ni bud med do/ /tha ga pa nye du ma yin pa zhes bya ba ni thags 'thag pa'o/ /gos 'thag tu bcug pa la zhes bya ba ni bdun po gang yang rung ba'o/ /
de nas dge slong ma de zhes bya ba ni sbom dga' mo'o/ /rnam par rtog pa 'ga' zhig byung na zhes bya ba ni dogs pa 'ga' zhig skyes nas so/ /tha ga pa'i drung du song nas zhes bya ba ni phyin nas so/ /'di skad ces smras so zhes bya ba ni smras pa'o/ /gos 'di zhes 

</font><hr>9-1-176a<br><font size=+1>
bya ba ni gos nye bar ston pa'o/ /kho mo'i phyir 'thag tu bcug gis zhes bya ba ni bdag nyid nye bar ston par byed pa'o/ /tshe dang ldan pa tha ga pas legs par zhes bya ba ni tshe dang ldan pa tha ga pas bzang por ro/ /khyod kyis gos 'di 
zhes bya ba ni 'thag tu bcug pa gang yin pa de'o/ /zheng che ba zhes bya ba ni 'di ltar rgya che ba nyid do/ /khrun ring ba zhes bya ba ni 'di ltar mchu ring ba nyid do/ /thar gyis zhag pa zhes bya ba ni 'jur mdud med pa'o/ /thags ran bzang bar zhes bya ba ni thags bzang ba dang/ 
kha tshar thung bar ro/ /gal te de lta na kho mos khyod la bza' ba'am/ bza' ba tsam mam/ bza' ba'i rgyu chung zad tsam bsgrub par bya'o/ /zhes bya ba ni bza' ba lnga dang/ bca' ba lnga po dag go/ /de la gal te dge slong ma zhes bya ba ni sbom dga' mo'o/ /chung 
zad sgrub na zhes bya ba ni 'di lta ste/ bza' ba'am/ bza' ba tsam mam/ bza' ba'i rgyu cung zad byin pa'o/ /gos bsgrubs te zhes bya ba ni gos thob par bya ba'i phyir ro/ /gos grub na zhes bya ba ni thob na'o/ /spang ba'i ltung byed do zhes bya ba ni gong 
ma bzhin no/ /de la ltung bar ji ltar 'gyur zhe na/ dge slong mas gos bsgrub pa'i phyir khyim bdag gi khyim rnams su bsod snyoms la 'jug cing bca' ba lnga dang/ bza' ba lnga po dag tha ga pa la sbyin par byed pa nas/ ji tsam ma grub pa de srid du nyes byas so/ /
grub na spang ba'i ltung byed do/ /spang ba'i ltung byed bcwa lnga pa rdzogs s+ho// //gleng gzhi ni mnyan yod na'o/ /de'i tshe bcu gnyis sde rnams kyis lhan cig gnas pa dang nye gnas rnams la chos gos dang lhung bzed dag bgo bsha' byed la/ bud med ni khro ba'i 
dbang du 'gyur ba yin pas gang gi tshe de dag dang de rnams 'thab mo dang/ mtshang 'dru bar gyur pa de'i tshe de dag gis lhan cig gnas pa dang/ nye gnas la phyir yang gos dag 'phrog par byed/ 'phrog tu 'jug par byed pa na don nyung ba'i dge slong ma rnams smod 

</font><hr>9-1-176b<br><font size=+1>
par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang dge 
slong ma dag la gos dag byin nas de'i 'og tu khros 'khrugs rngam par gyur cing/ yid ma rangs pas dge slong ma khyod la gos dag mi sbyin gyis phyir byin cig ces 'phrog gam/ 'phrog tu 'jug na dge slong ma des gos kyi lhag ma yod pa slar sbyin par bya ste/ longs spyad na 
spang ba'i ltung byed do/ /yang dge slong ma gang zhes bya ba ni bcu gnyis sde dag go/ /dge slong ma rnams zhes bya ba ni lhan cig gnas pa dang/ nye gnas rnams so/ /gos dag byin nas zhes bya ba ni bdun po gang yang rung ba dag go/ /de'i 'og tu zhes bya ba ni dus 
gzhan no/ /khros 'khrugs rngam par gyur cing yid ma rangs pas zhes bya ba ni 'khrug pa ma sangs par ro/ /'phrog gam zhes bya ba ni bdag nyid kyis so/ /'phrog tu 'jug na zhes bya ba ni gzhan gyis so/ /dge slong ma khyod la gos dag mi sbyin gyis phyir byin 
cig ces zer na dge slong ma des gos de zhes bya ba ni gos bdun po gang yang rung ba'i lhag ma yod pa'o/ /phyir sbyin par bya'o zhes bya ba ni gtang bar bya'o/ /de longs spyad na zhes bya ba ni de ji tsam gyi bar du longs spyad par gyur na'o/ /spang ba'i ltung byed do zhes bya ba ni 
gong ma bzhin no/ /de la ltung bar ji ltar 'gyur zhe na/ lus g.yo bar byed pa dang/ tshig rjod par byed pa dang/ de gnyi ga dang ldan pa'o/ /ji ltar lus g.yo bar byed pas zhe na/ lag pas bzung zhing 'phrog pa ste/ ji srid du gos kyi grwa lus dang bral bar 
mi byed kyi bar du nyes byas so/ /phral ba na spang ba'i ltung byed de/ de lta bu ni lus g.yo bar byed pas so/ /ji ltar tshig rjod pas zhe na/ tshig 'di skad ces dge slong ma gos phyir byin cig ces smras nas ji srid du gos kyi grwa lus dang bral bar mi byed kyi bar du nyes 

</font><hr>9-1-177a<br><font size=+1>
byas so/ /phral ba na spang ba'i ltung byed de/ de lta bu ni tshig rjod par byed pas so/ /ji ltar de gnyis dang ldan pas she na/ tshig tu gos phyir byin cig ces smras shing lag pas 'dzin pa ste/ ji srid du gos kyi grwa lus dang bral bar mi byed 
kyi bar du nyes byas so/ /phral ba na spang ba'i ltung byed de/ de lta bu ni gnyis dang ldan pas so/ /don gzhan dang 'dul ba'i yo byad kyis ni ltung ba med do/ /ji ltar don gzhan gyis zhe na/ 'di ltar yang dge slong ma rnams kyi lhan cig gnas pa dang/ nye gnas 
dag dus ma yin par 'jigs pa dang bcas pa'i dus su 'gro ba na de dag gi mkhan mo dang/ slob dpon dag gis chom rkun pa rnams kyis gos dag phrogs par gyur na mi rung ngo zhes 'phrog par byed pa ste/ de lta bu ni don gzhan gyis yin no/ /ji ltar 'dul ba'i yo 
byad kyis zhe na/ 'di ltar yang dge slong ma rnams kyis lhan cig gnas pa dang/ nye gnas rnams ni mi dge ba'i bshes gnyen dang lhan cig 'grogs shing 'gro ba na dge ba'i bshes gnyen dang lhan cig 'gro bar gyur cig ces de dag las gos 'phrog par 
byed pa ste/ de lta bu ni 'dul ba'i yo byad kyis yin no/ /spang ba'i ltung byed bcu drug pa rdzogs s+ho// //gleng gzhi ni mnyan yod na'o/ /gang gi tshe chos sbyin gyis nyams pa'i rgyal rigs 'khor dang bcas pa bden pa rnams la rab tu bkod pa dang/ 
de rnams kyis rgyal po gsal rgyal las dpya rgyu dag thob bo/ /de dag 'di snyam du bdag cag bden pa mthong bar byed pa gang yin pa de thams cad ni dge ba'i bshes gnyen 'phags ma chos sbyin las brten te yin na de la bdag cag gis ci zhig byas na lan lon par 
'gyur/ ma la bdag gis rgyal po las rnyed pa dang/ bkur sti thob pa de bdag cag gis chos sbyin la dbul bar bya gor ma chag snyam mo/ /de nas nyams pa'i rgyal rigs rnams kyis rnyed pa de khyer te chos sbyin gang na ba der dong nas lhags pa dang/ chos sbyin 

</font><hr>9-1-177b<br><font size=+1>
gyi rkang pa la mgo bos phyag byas te chos sbyin la rnyed pa dang bkur sti de phul lo/ /chos sbyin gyis bsams pa/ ci bcom ldan 'das la 'ga' zhig gis zla ba gsum du na bza' dang bsod snyoms kyis bstabs sam snyam mo/ /de nas de rtog pa la zhugs pa 
na bcom ldan 'das de dag kho na la gzhes par shes so/ /de nas chos sbyin gyis nyams pa'i rgyal rigs de dag la 'di skad ces smras so/ /khyim bdag dag deng la bcom ldan 'das la zla ba gsum du na bza' dang bsod snyoms dang/ zhes bya ba nas 
sman dang/ mkho ba'i yo byad kyi bar gyis stobs shig /de nas de dag dong nas bcom ldan 'das nyan thos kyi dge 'dun dang bcas pa dang/ chos sbyin 'khor dang bcas pa la bstabs so/ /de nas nyams pa'i rgyal rigs kyi chung ma de dag gis dge slong ma 
de rnams la bsnyen bkur bya bar brtsams so/ /nyams pa'i rgyal rigs de dag gis kyang dge slong dang/ dge slong ma rnams kyi phyir rin thang chen po'i gos dang/ gos phal dag 'jog tu bcug go/ /de dag dbyar gyi nang logs su rgyal pos gzhan du 
mngags pa las mgon med zas sbyin gyis de dag bzlog pa dang/ de dag la dge slong ma rnams kyis dbyar zad nas gos 'dod pa'i phyir brda byas pa dang/ de dag gis 'di skad ces smras so/ /'phags ma dag bdag cag gis gos kyi rin de dag phul lags 
so/ /sril rnams kyis zos so/ /dge slong ma rnams kyis bcom ldan 'das kyis dbyar gyi dus kyi rnyed pa dbyar gyi nang logs su bgo bar mi bya'o/ zhes gsungs pas/ bslab pa 'dod pas ma bgos pa'i skabs de dge slong ma rnams kyis dge slong 
dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas ston zla tha chungs nyar zhag bcus ma tshang ba tshun chad 

</font><hr>9-1-178a<br><font size=+1>
du brtad pa las byung ba'i gos shig rnyed la/ brtad pa las byung ba'i gos 'dod na dge slong ma des blang bar bya'o/ /blangs nas gos sbyin pa'i dus kyi bar du bcang bar bya'o/ /de las 'das par 'chang na spang ba'i ltung byed do/ /zhag bcu 
zhes bya ba ni zhag bcu pa la dgag dbye 'byung bar 'gyur ba'o/ /dge slong ma zhes bya ba ni chos 'di pa dag gi'o/ /rnyed pa zhes bya ba ni gzhan las so/ /brtad pa las byung ba'i gos zhes bya ba la brtad pa las byung ba'i gos lnga ste/ lnga gang zhe na/ 'ongs pa dang/ 
'gro bar chas pa dang/ nad pa dang/ nad g.yog dang/ dge skos ma'o/ /gos zhes bya ba ni bdun po gang yang rung ba'o/ /'dod na zhes bya ba nas gal te don du gnyer na'o/ /gos sbyin pa'i dus su bcang bar bya'o zhes bya ba ni gos sbyin pa'i dus zhag 
bcu'i dgag dbye gang yin pa'o/ /de las 'das par zhes bya ba ni de las lhag par ro/ /spang ba'i ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ gang yang dge slong mas dbyar gyi rnyed pa ci yang rung dbyar gyi nang logs su 'ged pa 
dang/ dgag dbye las 'das par 'chang na thams cad du spang ba'i ltung byed du 'gyur ro/ /gal te gos sbed pa'i dge slong ma bskos na yang ltung ba med do/ /spang ba'i ltung byed bcu bdun pa rdzogs s+ho// //gleng gzhi ni mnyan yod na'o/ /gang gi tshe 
bcom ldan 'das kyis nye dga' la brten te dge 'dun gyi gang zag rang gir sgyur bar byed pa'i bslab pa'i gzhi bca' ba mdzad pa de'i tshe dge slong ma bcu gnyis sde rnams kyis dge 'dun gyi ched du rnyed pa blangs nas gang zag gir sgyur bar byed pa na don nyung ba'i dge 
slong ma rnams smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/

</font><hr>9-1-178b<br><font size=+1>
yang dge slong ma gang zhig shes bzhin du dge 'dun la bsngos pa'i rnyed pa gang zag bdag gir byed na spang ba'i ltung byed do/ /yang dge slong ma gang zhig ces bya ba ni bcu gnyis sde rnams so/ /shes bzhin du zhes bya ba ni bdag nyid kyis sam/ gzhan gyis 
smras par gyur pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /rnyed pa zhes bya ba ni rnyed pa gnyis po gos kyi rnyed pa dang/ zas kyi rnyed pa ste/ skabs 'dir ni gos kyi rnyed pa yin par dgongs so/ /bsngos pa zhes bya ba 
ni phul ba'o/ /gang zag bdag gir byed na zhes bya ba ni rang gir byed na'o/ /spang ba'i ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ dge slong ma shes bzhin du gang zag la bsngos pa'i rnyed pa gzhan du gang zag la sgyur bar byed na ji 
srid du rnyed pa rang gir mi byed pa de srid du nyes byas so/ /rang gir byed na spang ba'i ltung byed do/ /dge slong mas dge 'dun sde gzhan dang gzhan du gnas la sde gcig la bsngos pa'i rnyed pa sde gnyis pa shos la sgyur bar byed na ji srid du rnyed pa rang gir mi byed pa de 
srid du nyes byas so/ /rang gir byed na spang ba'i ltung byed do/ /de bzhin du dge slong gi dge 'dun la bsngos pa dge slong ma'i dge 'dun la sgyur bar byed na yang snga ma bzhin no/ /de bzhin du gnyi ga'i dge 'dun la bsngos pa dge 'dun sde gcig la sgyur bar byed na spang 
ba'i ltung byed do/ /de bzhin du dge 'dun sde gcig la bsngos pa gnyi ga'i dge 'dun la sgyur bar byed na yang spang ba'i ltung byed do/ /de bzhin du mchod rten rnams kyi me tog gi gnas nas bzung ste bum pa'i bar me tog gi gnas dang/ sgo gang la sogs pa 
dang/ de bzhin du rim gro'i khang par bsngos pa drod khang du sgyur bar byed pa dang/ de bzhin du bsro gang dang/ dge 'dun gyi kun dga' ra ba dang/ ka ba dang/ gdung dang/ sa la yang brjod par bya'o/ /tha na mu lto ba gcig la bsngos pa gnyis pa 

</font><hr>9-1-179a<br><font size=+1>
shos la sgyur bar byed na yang nyes byas so/ /gal te btsal ba las ma rnyed dam gnang ba sbyin na nyes pa med do/ /spang ba'i ltung byed bcwa brgyad pa rdzogs s+ho// //dge slong ma'i 'dul ba rnam par 'byed pa/bam po bcu bzhi pa/ 
gleng gzhi ni rgyal po'i khab na'o/ /gang gi tshe bcom ldan 'das kyis pi lin da'i bu'i lhan cig gnas pa dang/ nye gnas rnams la brten te gnyi ga'i thun mong pa'i nad kyi sman gyi bslab pa'i gzhi bca' ba mdzad pa de'i tshe/ dge slong ma bcu gnyis sde rnams 
kyis nad kyi sman de las byin len byas shing za bar byed myur bar byin len byas nas de las byin len byas pa dag phan tshun du sre bar byed/ zas kyi phye ma dang 'dres shing shan 'bags pa dbyer yang mi mngon par de dag dus dang dus ma yin par za bar byed pa'i 
skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang bcom ldan 'das kyis dge 
slong ma nad pa rnams la 'phrod pa so sor bsten par bya ba'i sman rjes su gnang ba gang yin pa 'di lta ste/ mar sar dang/ til mar dang/ sbrang rtsi dang/ bu ram gyi dbu ba ste/ de dag dge slong ma nad pas gsog 'jog gi longs spyod kyis zhag bdun gyi mthar thug 
par longs spyad par bya'o/ /de las 'das par longs spyod na spang ba'i ltung byed do/ /yang bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /dge slong ma nad pa rnams la zhes bya ba ni na 
ba rnams la'o/ /'phrod pa zhes bya ba ni rjes su mthun pa'o/ /so sor bsten par bya ba'i zhes bya ba ni rung ba'i sman rnams zhes bya ba la/ mar sar zhes bya ba ni mar ro/ /til mar zhes bya ba ni til mar nyid do/ /sbrang rtsi zhes bya ba ni sbrang bu'i'o/ /bu ram 

</font><hr>9-1-179b<br><font size=+1>
gyi dbu ba zhes bya ba ni bu ram mo/ /zhag bdun pa'i mthar thug pa'i zhes bya ba ni nyin zhag bdun du'o/ /gsog 'jog gi longs spyod kyis zhes bya ba ni byin gyis brlabs nas so/ /so sor bsten par bya ba zhes bya ba ni bza' bar bya ba'o/ /de las 'das par 
zhes bya ba ni de las lhag par ro/ /spang ba'i ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ dge slong mas tshes la na ba'i sman zhig rnyed na des na ba'i sman de zhag bdun pa'i nang rol du byin gyis brlab par bya ba'am/ 
gtang bar bya ba'am/ longs spyad par bya'o/ /byin gyis rlob par mi byed dam/ gtong bar mi byed dam/ longs spyod par mi byed na zhag brgyad pa'i skya rengs shar na spang ba'i ltung byed do/ /de bzhin du tshes la zhes bya ba ltar zhag drug pa'i bar du 
de kho na bzhin snga ma dang 'dra bar brjod do/ /dge slong mas tshes la na ba'i sman zhig rnyed la/ tshes gnyis la yang gzhan zhig rnyed na dge slong ma des snga ma shos byin gyis brlab par bya ba'am/ gtang bar bya ba'am/ phyi ma shos longs spyad par bya 
ba'am/ phyi ma shos byin gyis brlab par bya ba'am/snga ma shos longs spyad par bya'o/ /byin gyis rlob par mi byed dam/ gtong bar mi byed dam/ longs spyod par mi byed na zhag brgyad pa'i skya rengs shar na spang ba'i ltung byed do/ /de 
bzhin du tshes la gnyis rnyed la/ tshes gnyis la yang gnyis rnyed na zhes bya ba nas zhag drug dang/ bdun gyi bar du yang rgyas par brjod par bya'o/ /dge slong mas tshes la na ba'i sman rab tu mang po zhes bya ba'i bar du rgyas par brjod par bya'o/ /
de bzhin du tshes la rab tu mang po rnyed la/ tshes gnyis la yang gzhan dag ces bya ba'i bar du rgyas par ro/ /de la na ba'i sman gang yin pa de las byin len byas pa gang dag phan tshun du 'dres pa dang/ zas kyi phye ma dang 'dres shing shan 'bags pa de 

</font><hr>9-1-180a<br><font size=+1>
dag ni gtsug lag khang gzhan gyi dge tshul ma rnams la sbyin par bya'o/ /na ba'i sman gang yin pa de las byin len byas pa gang dag phan tshun ma 'dres pa dang/ zas kyi phye ma dang ma 'dres shing shan ma 'bags pa de dag ni tshangs pa mtshungs 
par spyod pa rnams la sbyin par bya zhing 'di skad ces na ba'i sman 'di nyi ma gcig lon lags kyis nyi ma drug tu longs spyad par bgyi'o zhes brjod par bya'o/ /de bzhin du nyi ma gcig lus pa'i bar du ste/ dge slong mas na ba'i sman rnyed par gyur la de ma spangs sam/ 
bral bar ma byas sam/ ltung ba ma bshags par gzhan zhig rnyed na de yang snga ma'i shan gyis spang ba'i ltung byed do/ /de bzhin du spangs la bral bar ma byas shing ltung ba ma bshags na de yang spang ba'i ltung byed do/ /de bzhin du bral ba byas la ltung ba 
ma bshags na de yang spang ba'i ltung byed do/ /spangs shing bral bar byas la ltung ba bshags te longs spyad na ltung ba med do/ /las dang po pa la sogs pa la ni ltung ba med do/ /spang ba'i ltung byed bcu dgu pa rdzogs s+ho// //gleng gzhi ni mnyan 
yod na'o/ /de'i tshe bcu gnyis sde rnams kyis lhung bzed rnyed cing rnyed pa rnams sogs par byed cing bdag nyid kyang spyod par mi byed/ dge slong ma 'khod pa la yang 'ged par mi byed/ tha na slong ba la yang sbyin par mi byed pa na don nyung ba'i dge slong ma rnams smod par 
byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas lhung bzed 
lhag pa zhag gcig gi mthar thug par bcang bar bya'o/ /de las 'das par 'chang na spang ba'i ltung byed do/ /zhag gcig ces bya ba ni nyin zhag gcig go/ /dge slong ma zhes bya ba ni bcu gnyis sde'am/ gzhan yang de lta bu dang mthun pa'o/ /lhung bzed 

</font><hr>9-1-180b<br><font size=+1>
lhag pa zhes bya ba ni byin gyis brlabs pa las lhag pa'o/ /de las 'das par 'chang na zhes bya ba ni de las lhag par ro/ /spang ba'i ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ dge slong mas zhag gcig las 'das 
par lhung bzed lhag par 'chang na thams cad du spang ba'i ltung byed du 'gyur ro/ /gal te lhung bzed skya bo 'chang na ltung ba med do/ /spang ba'i ltung byed nyi shu pa rdzogs s+ho// //gleng gzhi ni mnyan yod na'o/ /de'i tshe mnyan yod na khyim bdag 
cig gnas pa des ji tsam na rigs mnyam pa las chung ma blangs te de de dang rtse bar byed pa nas khye'u zhig btsas pa'i bar du ste/ de'i ming 'dun pa zhes bya bar btags so/ /'dod pa rnams ni tshwa chu dang 'dra bas de yang rtse bar byed pa na bu mo zhig btsas te/ 
de'i ming ni 'dun ma zhes bya bar btags so/ /de nas dus gzhan zhig na khyim bdag shi bar gyur to/ /gang gi tshe khyim bdag de shi bar gyur pa de'i tshe khyim bdag de'i chung ma ma smad gsum rab tu byung ngo / /de nas gzhon nu 'dun pa dge slong pha'i 
gtsug lag khang nas/ dge slong ma'i gtsug lag khang du ma la blta ba'i phyir/ des snam sbyar tshon gsar gyis kha bsgyur ba dmar ser zhig bgos te/ song ba dang sring mo des dris pa/ ming po chos gos 'di su'i lags/ des 'di skad ces smras so/ /kho bo'i 
yin no/ /des 'di skad ces bdag la stsol cig ces smras pa las/ des ma byin pa dang de ngu bar gyur to/ /de la mas dris pa bu mo ci ste ngu / des 'di skad ces smras so/ /ming po la bdag gis chos gos bslangs na des ma stsal to/ /de nas mas gzhon 
nu 'dun pa la smras pa/ bu sring mo la chos gos byin cig /des smras pa/ nyes pa 'ga' zhig tu mi 'gyur lags grang/ des 'di skad ces smras so/ /de la nyes pa ci yang med do/ /de nas 'dun pas chos gos de 'dun ma la byin no/ /'dun mas kyang 

</font><hr>9-1-181a<br><font size=+1>
rang gi chos gos 'dun pa la byin no/ /de nas 'dun mas chos gos de zhag mang po ma lon par dri ma can du byas so/ /'dun pas yang chos gos de legs par bkrus shing legs par kha bsgyur ba byas nas yang ma blta ba'i phyir song ba dang/ 
de nas 'dun mas ming po la 'di skad ces smras so/ /ming po chos gos 'di su'i lags/ des 'di skad ces smras so/ /'di de'i tshe'i khyod kyi yin mod des 'di skad ces smras so/ /rang gi chos gos 'di snoms la bdag gi chos gos ni tshur stsol cig /des ma 
byin pa dang/ des yang ma la gsol ba btab pa dang/ bu byin cig /des de la byin no/ /de nas dge slong ma 'dun ma la dge slong ma rnams kyis smras pa/ khyod kyi chos gos la rtag par bkrus shing legs par kha bsgyur bas gnas gtsang ma'i bzhin 
du gyur to/ /des skabs de dge slong ma rnams la smras pa dang/ de nas dge slong ma de rnams kyis 'di skad ces smras so/ /ci'i phyir khyod 'khor gyi gtso bo dang lhan cig chos gos brje ba nyams su myong bar byed/des 'di skad ces gal te brjer rung yang rung 
brjer mi rung yang rung bdag gis brjes lags so/ /zhes smras pa na don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to zhes bya ba nas/ bslab pa 
bca' ba'i bar du mdzad de/ yang dge slong ma gang dge slong dang lhan cig chos gos brjes nas de'i 'og tu 'di skad ces 'phags pa 'phags pa'i chos gos gang lags pa 'di bzhes la bdag gi chos gos gang lags pa de slar stsol cig ces smra na spang ba'i ltung byed 
do/ /yang dge slong ma gang zhes bya ba ni 'dun ma dang/ dge slong 'dun par ro/ /chos gos brjes pa zhes bya ba ni bdun po gang yang rung ba'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji 

</font><hr>9-1-181b<br><font size=+1>
tsam cung zad dge slong dang chos gos brje ba nyams su myong bar byed na thams cad du spang ba'i ltung byed du 'gyur ro/ /spang ba'i ltung byed nyi shu gcig pa rdzogs s+ho// //gleng gzhi ni mnyan yod na'o/ /de'i tshe sbom dga' mos dge slong ma'i dge 'dun dang 
lhan cig ston zla tha chungs tshes la sra brkyang bting ma thag tu dge slong ma rnams la 'di skad ces smras so/ /phu nu mo dag sra brkyang dbyung gis tshur sheg /sra brkyang phyung na grub pa dang bde ba mang po 'byung ngo / /de dag gis 'di skad ces smras so/ /bdag cag 
dus ma yin par sra brkyang mi 'byin to/ /des 'di skad ces smras so/ /kho mo sde snod gsum pa yin na kho mos ci sra brkyang dbyung ba'i dus gang yin pa mi shes sam/ des dge slong ma de dag gi tshig ma mnyan par dus ma yin par sra brkyang phyung nas rnyed 
pa bgos so/ /de nas dge slong ma de dag chos gos lnga thogs te/ ljongs rgyu zhing 'dong ba dang/ de nas dge slong ma de dag la dge slong ma rnams kyis dris pa/ 'phags ma dag khyed kyis sra brkyang bting ba tshang ngam/ de dag gis 'di skad ces smras 
so/ /kho mo cag ni mi shes mod kyi/ 'phags ma sbom dga' mo na re 'di skad ces kho mo sde snod gsum pa yin pas sra brkyang dbyung ba'i dus shes so zhes zer ro/ /de rnams kyis 'di skad ces smras so/ /khyed cag gis sra brkyang phyung ngam/ de dag 
gis phyung ngo zhes smras pa na don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /zhes bya ba nas/ bslab pa bca' ba'i bar du mdzad de/ yang dge 
slong ma gang dus ma yin par sra brkyang 'byin na spang ba'i ltung byed do/ /yang dge slong ma gang zhes bya ba ni sbom dga' mo'o/ /dus ma yin pa zhes bya ba ni sra brkyang gi dus dang dus ma yin pa gang zhe na/ ston zla tha chungs nas bzung ste dpyid zla ra ba'i bar de ni 

</font><hr>9-1-182a<br><font size=+1>
sra brkyang gding ba'i dus yin no/ /gal te nang der sra brkyang 'byin na dus ma yin par sra brkyang phyung ba yin no/ /de la ltung bar ji ltar 'gyur zhe na/ gang yang dge slong mas dus ma yin par sra brkyang de 'byin na thams cad du spang ba'i 
ltung byed du 'gyur ro/ /gal te chom rkun pas btogs pa'i dge slong ma rnams kyi phyir yin na ltung ba med do/ /spang ba'i ltung byed nyi shu gnyis pa rdzogs s+ho// // gleng gzhi ni mnyan yod na'o/ /de'i tshe sbom dga' mos sra brkyang dbyung ba'i dus su sra brkyang 
ma phyung ba dang/ de la dge slong ma rnams kyis 'di skad ces smras so/ /'phags ma sra brkyang dbyung ba'i dus la bab na khyod kyis ci'i slad du sra brkyang mi dbyung/ des 'di skad ces smras so/ /kho mo sde snod gsum pa yin pas kho mos sra brkyang dbyung ba'i dus 
shes so/ /de nas dge slong ma de rnams sra brkyang gi dus las 'das te bla gos mthang gos dang bcas pas ljongs rgyu zhing dong ba dang/ dge slong ma de dag gis dris pa/ phu nu mo dag khyed cag ci'i phyir sra brkyang dbyung ba las 'das te bla gos mthang gos dang bcas 
pas ljongs rgyu zhing 'dong/ de dag gis 'di skad ces 'phags ma sbom dga' mo na re kho mo sde snod gsum pa yin no zhes zer nas da dung sra brkyang ma phyung ngo zhes smras pa na don nyung ba'i dge slong ma rnams smod par byed pa nas/ bslab pa bca' ba'i bar du mdzad de/ yang 
dge slong ma gang dus su sra brkyang mi 'byin na spang ba'i ltung byed do/ /yang dge slong ma gang zhes bya ba ni sbom dga' mo'o/ /dus su zhes bya ba ni dpyid zla ra ba'i nya la sra brkyang 'byin pa'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur 
zhe na/ ji tsam dge slong mas sra brkyang dus su 'byin par mi byed na thams cad du spang ba'i ltung byed du 'gyur ro/ /spang ba'i ltung byed nyi shu gsum pa rdzogs s+ho// //sdom la/ mngon mtshan can dang so so dang/ /de ni yang yang 'grol ba dang/ /gos phyir 

</font><hr>9-1-182b<br><font size=+1>
dngos po gzhan rnyed dang/ /gnas mal dang ni dbyar khang dang/ /skye bo mang po'i phyir rnyed dang/ /dge 'dun ched du slong ba dang/ /lci la rin thang che ba dang/ /yang ba de ni tha ma yin/ /sangs rgyas bcom ldan 'das mnyan yod na rgyal bu rgyal byed kyi tshal 
mgon med zas sbyin gyi kun dga' ra ba na bzhugs so/ /de'i tshe mnyan yod na gser mgar zhig yod pa des rigs mnyam pa las chung ma blangs so/ /de nas de khu 'phrigs can zhig pas chung ma sar pa de bgam par 'dod nas gser gyi rna gdub cig bzhag ste 
dben par bsdad do/ /de nas sbom dga' mo snga dro sham thabs bgos lhung bzed dang chos gos blangs te gser mgar gyi khyim gang na ba der song nas phyin pa dang/ bag ma sar pa de la nad med par gyur cig ces byas nas 'di skad ces smras so/ /mtshan bzangs 
ma bsod snyoms byin cig /des zas phye zhig phyung ba dang/ des zas phye de mthong nas 'di skad ces kho bo khyod las thog mar zas phye len pa ni mi bzang ste/ mi shes kyis gser gyi rna gdub de bstan nas 'o ni byin cig ces smras pa dang/ des snoms shig 
ces kyang ma smras/ ma bsnams shig ces kyang ma smras pa las des de blangs te dong ngo / /de nas mi des gser gyi rna gdub de ma mthong ngo / /ma mthong nas bag sar de la brdeg par zhugs pa dang/ g.yas g.yon 'khod pa dag gis 'di skad ces khyod gnong 
med cing ma nyes pa 'di la dbyug pas rdeg gam/ ci gser gyi rna gdub ni dge slong ma pha bis khyer te song ngo zhes smras pa dang/ de nas gser mgar gyis sbom dga' mo gang na ba der brgyugs pa las/ de yang skyes pa dang bud med kyi rkang pa'i sgra la mkhas pa 
yin pas/ des 'phrigs nas gser gyi rna gdub khar bcug go/ /ji tsam na mi de nye ba dang/ mi de la sbom dga' mos 'di skad ces smras so/ /bu zan mo'i bu kho mo cag rgyal pos btsun mo'i thabs gnang bar khyod kyis mi shes sam/ kho mo la 

</font><hr>9-1-183a<br><font size=+1>
lag pas ma reg cig /des mgo reg mo ngan pa mo zhes smras nas/ des de la khu tshur gyis bsnun nas kha nas khrag byung byung du te por brdegs so/ /de yang mig phugs skrangs shing dbyar khang du 'ongs pa dang/ dge slong ma de rnams kyis 
dris pa/ 'phags ma 'di ci nongs/ de khros nas 'di skad ces khyed cag pha rol mi bde bas snying tshim mam zhes smras nas/ gtam de yang dge slong ma rnams la rgyas par smras pa dang/ don nyung ba'i dge slong ma dag smod par byed pa'i skabs de zhes bya ba 
nas/ bcom ldan 'das la gsol to zhes bya ba'i bar ro/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang mngon mtshan can slong na spang ba'i ltung byed do/ /yang dge slong 
ma gang zhes bya ba ni sbom dga' mo'am/ gzhan yang de lta bu dang mthun pa'o/ /mngon mtshan can slong na zhes bya ba ni gser ram dngul lo/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang 
dge slong ma gang rang gi don du mngon mtshan can slong na spang ba'i ltung byed do/ /gser slong na spang ba'i ltung byed do/ /gang yang dge slong mas ci yang rung ba ma yin pa slong na de yang spang ba'i ltung byed do/ /spang ba'i ltung byed nyi shu bzhi pa rdzogs s+ho// //
sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na sbom dga' mo khyim bdag gi chung ma rab tu mang po la chos snyan pa snyan pa dag ston to/ /de'i tshe sbom dga' mo'i chos gos 
lnga ni rnyings/ snam sbyar ni dengs pa dang/ de la khyim bdag gi chung ma de rnams kyis smras pa/ 'phags ma khyod gal te 'di 'dra ba'i chos 'chad mkhyen na khyod ci'i slad du chos gos rnying pa lngas 'khyam par mdzad/ des 'di skad ces smras so/ /ci kho mo la 

</font><hr>9-1-183b<br><font size=+1>
yang khyed bzhin du khyo dang bu las byed pa dag yod dam/ kho mo dge slong ma la ster ba su yod/ de la de dag gis skud pa dag bstan nas/ bdag cag gis skud pa 'di 'phags ma'i slad du gos su 'thag tu stsal nas gsol lo/ /des 'di skad ces smras so/ /
khyed kyis dge slong ma'i gos ji ltar bya bar mi shes pas kho mo rang gis btag go zhes des skud pa de khyer nas tshong pa'i mi gang na ba der song ste phyin nas/ tshong pa'i mi la 'di skad ces smras so/ /kye nang rje khyod skud pa 'di ji tsam gyis nyo/ nyos nas ji tsam du 'tshong/ 
des 'di skad ces smras so/ /kho bo ni 'di tsam gyis nyos nas kho bo ni 'di tsam du 'tshong ngo / /des 'di skad ces smras so/ /skud pa 'di khyer la kho mo la rin byin cig /tshong pa'i mi des skud pa'i rin kAr ShA pa Na dag byin no/ /de nas sbom dga' mo dbyar khang du song 
nas kAr ShA pa Na de dag las kha zas dag g.yo bar byed de/ kun du g.yos pa dang/ legs par g.yos pa dang/ 'bras bus brgyan pa dang/ tshil gyi be reg dang/ 'bras bu'i be reg dang/ rim pa brgya pa dang/ nang tshangs can dag ste/ de ltar kha zas 
kyis g.yos kyi sna grangs bcwa brgyad pa dang/ nyi shu pa dag byas te kAr ShA pa Na de dag zhag mang po ma lon par zos so/ /zos nas kyang yang khyim bdag gi chung ma rnams kyi drung du song ba dang/ de nas khyim bdag gi chung ma de rnams kyis sbom dga' mo la 'di skad 
ces smras so/ /'phags ma gos de btags lags sam/ des 'di skad ces smras so/ /de la gla yang dgos so/ /de dag gis gla yang byin pa dang/ de yang zos so/ /de bzhin du 'drub pa'i dang/ tshon rtsi'i gla yang zos so/ /de nas sbom dga' mo la 
yang khyim bdag gi chung ma de rnams kyis smras pa/ 'phags ma khyod ci'i slad du na bza' mi mnabs/ des 'di skad ces smras so/ /rjes su yi rang bar gyis shig /de dag gis 'di skad ces smras so/ /'phags ma khyod kyis ci zhig tu bgyis/ des 

</font><hr>9-1-184a<br><font size=+1>
'di skad ces smras so/ /gter du sbas so/ /de dag gis 'di skad ces smras so/ /re zhig bdag cag ni bu dang khyo'i ched du gter du sbed na/ khyod mun di ta dang rgya shug ltar gcig pu lags na/ su'i slad du gter du sbas/ des 'di 
skad ces smras so/ /khyed cag ci dong brkos nas gter du sbas snyam mam/ 'on kyang kho mos ni kha zas kyis g.yos kyi sna grangs bcwa brgyad pa dang/ nyi shu pa dag byas te lag mthil nas lkog mar brdzangs so/ /lkog ma nas sa'i 'og tu bor ro/ /de dag gis 
'di skad ces smras so/ /'phags ma re zhig bdag cag la bu dang/ sdum thab las bgyid pa mchis kyang bdag cag 'di 'dra ba'i kha zas mi 'tshal na/ ci'i slad du khyod rab tu byung bar gyur pa kha zas kyi rnam pa 'di lta bu la longs spyod lags/ des 'di skad ces kho 
mo ni shAkya'i bu mo shin tu gzhon pa sde snod gsum pa yin te/ kha zas ngan pas 'tsho bar mi nus so zhes smras pa'i skabs de dge slong ma rnams kyis thos nas dge slong ma rnams smod par byed do zhes bya ba nas/ bslab pa bca' ba'i bar du mdzad de/ yang dge slong 
ma gang gos kyi rnyed pa so so ba dag bdag gi kha'i bza' bar byin gyis rlob par byed na spang ba'i ltung byed do/ /yang dge slong ma gang zhes bya ba ni sbom dga' mo'am/ gzhan yang de lta bu dang mthun pa'o/ /so so ba zhes bya ba ni dngos po gzhan dag go/ /gos zhes bya ba 
ni bdun po gang yang rung ba'o/ /bdag rang gi kha'i sgor zhes bya ba ni lkog mar mid pa'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gos kyi rnyed pa kha'i sgor byin gyis rlob par byed na thams 
cad du spang ba'i ltung byed du 'gyur ro/ /spang ba'i ltung byed nyi shu lnga pa rdzogs s+ho// //gleng gzhi ni mnyan yod na'o/ /de'i tshe sbom dga' mo spos 'tshong gi khye'u zhig la chags pas de de'i tshong khang du song ste 'di skad ces smras so/ /bzhin bzangs sge'u gsher 

</font><hr>9-1-184b<br><font size=+1>
gyi thum po chings shig /ji tsam na 'ching ba la zhugs pa dang/ des kyang 'di skad ces smras so/ /ma yin ma yin pi pi ling gi thum po chings shig /ma yin ma yin na le sham gyi thum po chings shig /bud med ni brjed ngas pa yin pas bu ram gyi thum po 
chings shig /ma yin ma yin sha kha ra'i thum po chings shig /ma yin ma yin btsag yug snam gyi thum po chings shig /gang gi tshe de gzhan 'grol zhing gzhan 'ching ba de'i tshe spos 'tshong gi khye'u khros nas thum po de brdabs so/ /brdabs nas 'di skad ces 
mgo reg mo ngan pa zhes smras so/ /de la phyi bzhin 'brang ba'i dge slong mas smras pa/ khyod nus pa 'dis sde snod gsum po dag legs par ston nam/ des blun mo kho mo brjed snyam mam/ de lta mod kyi kho mo tshig tsam rang gir byed do/ /des 'di skad 
ces smras so/ /khyod 'dod chags kyis brdegs na mi 'gas shing/ shing zhugs ji lta ba bzhin du mi 'bar ba ngo mtshar che'o zhes smras pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /
bcom ldan 'das kyis bka' stsal pa/ zhes bya ba nas bslab pa bca' ba'i bar du mdzad de/ yang dge slong ma gang thum po bcings shing/ bcings shing yang dang yang du 'grol du 'jug na spang ba'i ltung byed do/ /yang dge slong ma gang zhes bya ba ni sbom dga' 
mo'o/ /thum po bcings shing bcings shing zhes bya ba ni zong ngo / /yang dang yang du 'grol du 'jug na zhes bya ba ni gzhan dang gzhan no/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung 
zad chags pas thum po bcings shing bcings shing 'grol du 'jug na thams cad du spang ba'i ltung byed du 'gyur ro/ /spang ba'i ltung byed nyi shu drug pa rdzogs s+ho// //gleng gzhi ni mnyan yod na'o/ /de nas sbom dga' mo snga dro sham thabs bgos 

</font><hr>9-1-185a<br><font size=+1>
lhung bzed dang chos gos blangs te btsun mo phreng ldan ma'i pho brang gang na ba der song ba dang/ btsun mo phreng ldan mas rgyang ring po kho na nas sbom dga' mo 'ong ba mthong ngo / /mthong nas kyang stan shom du bcug go/ /de nas sbom dga' mo 
stan bshams pa nyid la 'dug ste/ 'dug nas btsun mo phreng ldan ma la chos snyan cing snyan pa bshad do/ /de'i tshe sbom dga' mo'i chos gos smad lnga rnyings shing/ snam sbyar yang dengs so/ /de nas dge slong ma sbom dga' mo la btsun mo phreng ldan mas 'di skad ces smras 
so/ /'phags ma khyod kyi chos gos rnams rnyings so/ /des 'di skad ces smras so/ /btsun mo ci bdag la gsus po che kha da bgyid dam/ 'on te yul ka shi dang/ ko sa la bdog /gzhan yang btsun mo bud med ni rnyed pa chung ba lags so/ /de nas 
btsun mo phreng ldan mas dge slong ma sbom dga' mo la 'di skad ces smras so/ /'phags ma la bdag gis chos gos lnga dbul lo/ /des 'di skad ces smras so/ /khyod kyis dge slong ma'i chos gos dag 'tshem mi mkhyen te/ de lta mod kyi bdag nyid kyis btsem 
mo/ /des de la chos gos lnga'i rgyur rin che ba'i ras yug po che dag byin no/ /des de blangs te tshong pa'i drung du song nas btsongs te zhes bya ba nas/ kha zas kyi rnam grangs bcwa brgyad pa dang/ nyi shu pa dag byas nas zos te slar yang song ba dang zhes bya ba nas 
'drub pa'i dang/ tshon rtsi'i gla yang zos so/ /de nas sbom dga' mo la btsun mo phreng ldan mas 'di skad ces smras so/ /'phags ma khyod ci'i slad du chos gos de dag mi mnabs/ des 'di skad ces smras so/ /btsun mo gter du sbas lags kyis/ /rjes 
su yi rang ba mdzod cig /de nas sbom dga' mo la btsun mo phreng ldan mas 'di skad ces smras so/ /kho mo yul ka shi dang/ ko sa la yod kyang gter mi 'cha'o zhes bya ba nas/ rnam grangs bcwa brgyad pa dang/ nyi shu pa dag bgyis te lag mthil 

</font><hr>9-1-185b<br><font size=+1>
nas lkog mar brdzangs so zhes bya ba nas/ bdag ni sde snod gsum pa lags so zhes bya ba'i bar ro/ /don nyung ba'i dge slong ma dag smod par byed pa zhes bya ba nas/ bslab pa bca' ba'i bar du mdzad de/ yang dge slong ma gang gos kyi phyir dngos po gzhan 
rnyed pa rang gi kha'i sgor byin gyis rlob par byed na spang ba'i ltung byed do/ /yang dge slong ma gang zhes bya ba ni sbom dga' mo'o/ /dngos po gzhan zhes bya ba ni gzhan du bsngos pa'o/ /gos kyi rnyed pa zhes bya ba ni bdun po gang yang rung ba'o/ /kha'i sgo zhes bya ba ni 
lkog mar mid pa'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ ji tsam dge slong mas dngos po gzhan rnyed pa de kha'i sgor byin gyis rlob par byed na thams cad du spang ba'i ltung byed du 'gyur ro/ /spang ba'i ltung byed 
nyi shu bdun pa rdzogs s+ho// //gleng gzhi ni mnyan yod na'o/ /de'i tshe sbom dga' mo rang gi dbyar khang gi gnas mal grugs shing chag pa dang/ de la bram ze dang/ khyim bdag gi chung ma rnams kyis smras pa/ khyod kyis gnas mal grugs shing 
chag pa dag ci'i slad du ma bcos/ des 'di skad ces smras so/ /ci kho mo la bu dang khyim thab las byed pa yod snyam mam/ de dag gis gnas mal bcos pa'i phyir kAr ShA pa Na mang po byin no/ /zhes bya ba nas des kha zas kyi rnam grangs bcwa brgyad pa dang/ 
nyi shu pa dag byas te zos so zhes bya ba'i bar ro/ /yang grugs shing chag pa mthong nas zhes bya ba nas/ 'di skad ces kho mo ni sde snod gsum pa yin no zhes bya ba'i bar smras pa na/ don nyung ba'i dge slong dag smod par byed pa'i zhes bya ba nas/ bslab 
pa bca' ba'i bar du mdzad de/ yang dge slong ma gang dbyar khang gi gnas mal gyi rnyed pa rang gi kha'i bza' bar byin gyis rlob par byed na spang ba'i ltung byed do/ /yang dge slong ma gang zhes bya ba ni sbom dga' mo'o/ /gnas mal gyi rnyed pa zhes bya ba ni 

</font><hr>9-1-186a<br><font size=+1>
gding ba dang/ g.yog pa btags pa'am rin no/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dbyar khang gi rnyed pa kha'i sgor byin gyis rlob par byed na spang 
ba'i ltung byed do/ /spang ba'i ltung byed nyi shu brgyad pa rdzogs s+ho// //gleng gzhi ni mnyan yod na'o/ /de'i tshe tshes brgyad dang/ bcwa lnga dag la khyim bdag gi chung ma rab tu mang po chos nyan pa'i phyir dbyar khang du 'ongs pa dang/ de nas mtshan mo char bab pas 
dbyar khang thams cad thigs pa 'dzag par gyur to/ /de nas khyim bdag gi chung ma de rnams kyis sbom dga' mo la 'di skad ces smras so/ /'phags ma khyod kyis ci'i slad du dbyar khang mi bcos/ des 'di skad ces ci kho mo'i khyim na yang bu dang khyim thab yod 
snyam zhes smras pa dang/ de dag gis dbyar khang bcos pa'i phyir kAr ShA pa Na dag byin te/ des kha zas kyi rnam grangs bcwa brgyad pa dang/ nyi shu pa dag byas nas zos so zhes bya ba nas/ yang thigs pa 'dzag pa mthong nas zhes bya ba'i bar ro/ /de dag gis smras 
pa/ 'phags ma dbyar khang ma bcos sam zhes bya ba'i bar du ste/ des 'di skad ces kho mo ni sde snod gsum pa yin no zhes bya ba'i bar du smras pa na/ don nyung ba'i dge slong ma dag smod par byed pa nas/ bcom ldan 'das kyis bka' stsal pa/ zhes bya ba nas 
bslab pa bca' ba'i bar du mdzad de/ yang dge slong ma gang dbyar khang bcos pa'i rnyed pa bdag nyid kyi kha'i sgor byin gyis rlob par byed na spang ba'i ltung byed do/ /yang dge slong ma gang zhes bya ba ni sbom dga' mo'o/ /dbyar khang zhes bya ba ni gtsug lag khang ngo / /
rnyed pa zhes bya ba ni gser dang dngul lam/ gzhan ci yang rung ba'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dbyar khang bcos pa'i rnyed pa kha'i sgor byin gyis rlob par byed na 

</font><hr>9-1-186b<br><font size=+1>
spang ba'i ltung byed do/ /spang ba'i ltung byed nyi shu dgu pa rdzogs s+ho// //gleng gzhi ni mnyan yod na'o/ /de'i tshe ljongs shig nas dge slong ma rab tu mang po mnyan yod du lhags pa dang/ de dag gi phyir bram ze dang khyim bdag rnams kyi chung mas rnyed pa mang du gtad 
nas de dag gis 'di skad ces smras so/ /'phags ma gdugs tshod mdzod cig /des 'di skad ces smras so/ /'di ltar nyungs kyis yang dang yang du snon cig /de dag gis yang dang yang du byin nas kyang de dag gis 'di skad ces smras so/ /'phags ma gdugs 
tshod bgyi ba'i dus ni 'di lags so/ /des 'di skad ces smras so/ /da dung zan bya ba'i dus la ma bab bo/ /gang gi tshe dge slong ma de rnams ljongs dag tu dong ba de'i tshe des rnyed pa de las rnam grangs bcwa brgyad pa dang/ nyi shu pa'i bar dag byas te zos so zhes bya ba 
nas/ kho mo ni sde snod gsum pa yin no zhes bya ba'i bar ro/ /don nyung ba'i dge slong ma dag smod par byed pa nas/ bcom ldan 'das kyis bka' stsal pa zhes bya ba nas/ bslab pa bca' ba'i bar du mdzad de/ yang dge slong ma gang glo bur du lhags pa'i dge slong 
ma rnams kyi phyir rnyed pa bslangs te/ gcig pu za na spang ba'i ltung byed do/ /yang dge slong ma gang zhes bya ba ni sbom dga' mo'o/ /glo bur du lhags pa'i dge slong ma rnams kyi phyir zhes bya ba ni bcom ldan 'das kyi nyan thos ma rnams so/ /rnyed pa zhes bya ba la rnyed pa ni 
gnyis te/ zas kyi rnyed pa dang/ gos kyi rnyed pa'o/ /don 'di la ni zas kyi rnyed pa yin par dgongs so/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ ji tsam dge slong mas glo bur du lhags pa'i dge slong ma rnams 
kyi phyir rnyed pa yod pa gcig pu za bar byed na thams cad du spang ba'i ltung byed du 'gyur ro/ /spang ba'i ltung byed sum bcu pa rdzogs s+ho// //gleng gzhi ni mnyan yod na'o/ /de nas dge slong ma sbom dga' mos dge 'dun ma'i phyir zas dag yang dag par skul 

</font><hr>9-1-187a<br><font size=+1>
bar byed pa na/ de nas bram ze dang khyim bdag gi chung ma de rnams kyis sbom dga' mo la 'di skad ces smras so/ /'phags ma ci'i slad du dge 'dun ma'i zas kyi rnyed pa mi bgyi/ 'di ltar nyungs so zhes yang dang yang du blangs nas gcig pus 
kun du g.yos pa dang/ legs par g.yos pa nas/ rnam grangs bcwa brgyad pa dang/ nyi shu pa dag gi bar dag byas te zos so zhes bya ba nas/ rjes su yi rang bar gyis shig ces bya ba dang/ kho mo ni sde snod gsum pa yin no zhes bya ba'i bar ro/ /don 
nyung ba'i dge slong ma dag smod par byed pa'i zhes bya ba nas/ de nas bcom ldan 'das kyis bslab pa bca' ba'i bar du mdzad de/ yang dge slong ma gang dge 'dun gyi phyir rnyed pa bslangs te bdag nyid kyi kha'i bza' bar byin gyis rlob par byed na spang ba'i ltung byed 
do/ /yang dge slong ma gang zhes bya ba ni sbom dga' mo'o/ /dge 'dun ma'i phyir zhes bya ba ni de bzhin gshegs pa'i nyan thos kyi dge 'dun ma'i 'o/ /rnyed pa zhes bya ba la rnyed pa ni gnyis te/ zas kyi rnyed pa dang/ gos kyi rnyed pa'o/ /don 'di la ni zas 
kyi rnyed pa yin par dgongs so/ /bslangs te zhes bya ba ni pha rol las so/ /kha'i zhes bya ba ni kha'i bza' bar ro/ /byin gyis rlob par byed na zhes bya ba ni lkog mar mid par ro/ /spang ba'i ltung byed do zhes bya ba ni gong ma bzhin no/ /de la ltung bar ji 
ltar 'gyur zhe na/ dge slong mas ji tsam cung zad dge 'dun ma'i rnyed pa bdag nyid kyi kha'i sgor byin gyis rlob par byed na thams cad du spang ba'i ltung byed du 'gyur ro/ /spang ba'i ltung byed sum bcu gcig pa rdzogs s+ho// //gleng gzhi ni mnyan yod na'o/ /
de'i tshe yul lus 'phags kyi rgyal pos la ba rin po che zhig rgyal po gsal rgyal la skyes su bskur ba las/ des rgyal rigs nyams pa'i dmag mi rnams la byin no/ /de rnams kyis kyang chos sbyin ni bdag cag gi dge ba'i bshes gnyen yin no zhes la ba rin 

</font><hr>9-1-187b<br><font size=+1>
po che de de la byin no/ /des kyang la ba rin po che chos gos kyi gdang la gzar te bzhag go/ /gtsug dga' mo gnas khang du zhugs pas mthong nas/ des chos sbyin la dris pa/ 'phags ma la ba rin po che 'di su'i lags/ des 'di skad ces smras 
so/ /kho mo'i yin no/ /de nas gtsug dga' mos 'di skad ces smras so/ /bcom ldan 'das kyis bsod nams dag ni bya ba ste/ bsod nams ma byas sdug bsngal 'gyur/ /'jig rten 'di dang pha rol du/ /bsod nams byas pa dga' 
bar 'gyur/ /zhes gsungs pa ni thog tu bab ste/ khyod ni bsod nams bgyis pas lha dang mis mchod par gyur to/ /de nas chos sbyin gyis gtsug dga' mo la 'di skad ces smras so/ /gal te 'dod na khyer cig /des 'di skad ces smras so/ /'di ni lha'i 
pham phabs lags so zhes byas nas la ba rin po che de blangs te bgos nas lag pa gnyis bsgyur ba byas te/ lam po che dang srang du 'khyam pa na/ de bram ze dang khyim bdag rnams kyis mthong nas 'di skad ces smras so/ /pha bi su zhig yin ci nor can gyi 
chung ma'am/ tshong dpon gyi chung ma'am/ ded dpon gyi chung ma zhig yin/ gzhan dag gis 'di skad ces smras so/ /gtsug dga' mo yin no/ /bltas nas shes ldan dag bram ze dang khyim bdag gi chung ma gang yin pa de dag kyang lci la rin che ba'i gos dag 
gyon la/ shAkya'i sras kyi dge sbyong ma 'di dag kyang lci la rin che ba'i gos dag gyon na khyad par ni ci yod/ bsam pa ni ci yod/ tha dad du bya ba ni ci yod/ ces smod par byed/ phyar ka gtong bar byed/ kha zer bar byed do/ /zhes bya ba'i skabs 
de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ sangs rgyas bcom ldan 'das kyis gtsug dga' mo la rmad par mdzad 

</font><hr>9-1-188a<br><font size=+1>
de/ dge slong ma khyed kyis 'di lta bu mdzes pa ma yin pa byas pa bden nam/ bcom ldan 'das mad lags so/ /sangs rgyas bcom ldan 'das kyis gtsug dga' mo la dge sbyong ma'i tshul ma yin pa dang/ rung ba ma yin pa 
dang/ mdzes pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas gnyi ga'i dge 'dun la bka' stsal pa/ dge slong dag bud med ni kha zas dang 'dra ste/ 
re zhig gos bzang po med na yang 'dod par bya ba yin na/ gos bzang po bgos na lta smos kyang ci dgos/ bcom ldan 'das kyis dgongs pa/ nyes dmigs gang ci byung ba thams cad ni lci la rin che ba'i gos 'chang ba las gyur to snyam nas bcom ldan 'das kyis 
bka' stsal pa/ yang dge slong ma gang lci la rin che ba'i gos 'chang na spang ba'i ltung byed do/ /yang dge slong ma gang zhes bya ba ni gtsug dga' mo'o/ /lci la zhes bya ba ni dgun gyi bgo ba'o/ /rin che ba zhes bya ba ni kAr ShA pa Na nyi shu'am/ nyi shu rtsa lnga ri ba'o/ /
'chang na zhes bya ba ni gyon na'o/ /spang ba'i ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ dge slong mas ji tsam cung zad lci la rin che ba'i gos 'chang na thams cad du spang ba'i ltung byed du 'gyur ro/ /spang ba'i ltung byed sum bcu 
gnyis pa rdzogs s+ho// //gleng gzhi ni mnyan yod na'o/ /de'i tshe yul ka ling ka'i rgyal pos seng ras rin che ba zhig rgyal po gsal rgyal la skyes su bskur ba las/ des rgyal rigs nyams pa'i dmag mi rnams la byin no/ /de rnams kyis kyang 
chos sbyin ni bdag cag gi dge ba'i bshes gnyen yin no zhes de la byin no/ /des de blangs te chos gos kyi gdang la gzar te bzhag go/ /gtsug dga' mo yang gnas khang du zhugs pa na mthong nas des 'di skad ces smras so/ /'phags ma seng ras 

</font><hr>9-1-188b<br><font size=+1>
'di su'i lags/ des 'di skad ces smras so/ /kho mo'i yin no/ /de nas gtsug dga' mos chos sbyin la 'di skad ces smras so/ /khyod ni bsod nams bgyis pas lha dang mis mchod par gyur te/ khyod la dpyid ka'i bgo ba 'di lta bu mnga'o/ /des 
'di skad ces smras so/ /gal te 'dod na khyer cig /de nas 'di skad ces smras so/ /lha'i pham phabs su mi 'tshal/ de nas chos sbyin gyis seng ras gtsug dga' mo la byin no/ /des de bgos te bgos nas srang du zhugs na de'i lus g.yogs kyang sgren 
mo 'dra bar snang ngo / /de nas bram ze dang/ khyim bdag rnams kyis gtsug dga' mo rgyang ring po kho na nas 'ong ba mthong nas 'di skad ces smras so/ /pha bi su zhig yin/ nor can gyi'am/ tshong dpon gyi'am/ ded dpon gyi bu mo zhig 'ongs par 
gyur tam/ gzhan dag gis 'di skad ces smras so/ /dge slong ma gtsug dga' mo yin no/ /de rnams kyis bltas nas 'di skad ces smras so/ /'di lta ste/ seng ras gyon pa 'di ni dge slong ma rnams la mdzes pa ma yin no zhes smod par byed/ phyar ka 
gtong bar byed/ kha zer bar byed pa na don nyung ba'i dge slong ma rnams smod par byed pa'i skabs de/ dge slong ma rnams kyis rgyas par dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung 
ba 'di dang/ gleng gzhi 'di dang/ skabs 'di la nga'i nyan thos ma rnams kyis rnam par shes par 'gyur ba dang/ ngas bslab pa'i gzhi legs par bcas par 'gyur bar bya ba'i phyir gnyi ga'i dge 'dun bsdu ba mdzad do/ /sangs rgyas bcom ldan 
'das rnams ni mkhyen bzhin du rmed pa/ mi mkhyen par ma yin gyi mkhyen bzhin du rmed pa yin pas zhes bya ba nas/ dge slong ma khyod kyis mdzes pa ma yin pa 'di lta bu byas pa bden nam zhes bya ba'i bar ro/ /btsun pa mad do/ /sangs rgyas 

</font><hr>9-1-189a<br><font size=+1>
bcom ldan 'das kyis smad par mdzad de/ dge slong ma dag bud med ni legs par sbas kyang mdzes pa ma yin na/ ma sbas na lta smos kyang ci dgos zhes rnam grangs du mas rnam par smad nas dge slong ma rnams la bka' stsal pa/ dge slong 
ma dag ngas phan yon bcu yang dag par rjes su gzigs nas 'dul ba la nyan thos rnams kyi bslab pa'i gzhi bca' ba mdzad de/ 'di lta ste/ dge 'dun yang dag par bsdu ba'i phyir dang/ zhes bya ba nas lha dang mi'i bar la yang dag par legs par rab tu bshad 
par 'gyur ba'i bar ro/ /yang nga'i nyan thos ma rnams kyis 'dul ba la bslab pa'i gzhi 'di skad ces gdon par bya ste/ yang dge slong ma gang yang la rin che ba'i gos gyon na spang ba'i ltung byed do/ /yang dge slong ma gang zhes bya ba ni gtsug dga' mo'o/ /
gos yang la zhes bya ba ni seng ras so/ /rin che ba zhes bya ba ni kAr ShA pa Na nyi shu ri ba'am/ kAr ShA pa Na nyi shu rtsa lnga ri ba'o/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma seng ras gyon na spang ba'i 
ltung byed do/ /sna tshogs su bkra ba gyon nam/ srab mo gyon na thams cad du spang ba'i ltung byed du 'gyur ro/ /las dang po pa la sogs pa la ni ltung ba med do/ /spang ba'i ltung byed sum bcu gsum pa rdzogs so/ /dge slong ma'i 'dul ba rnam par 'byed 
pa las spang ba'i ltung byed rnams rdzogs s+ho// //dge slong ma'i 'dul ba rnam par 'byed pa/bam po bcwa lnga pa/ da ni ltung byed rnams smra bar bya ste/ bsdus pa'i sdom ni/ shes bzhin dang ni sa bon dang/ /de bzhin khur ba nyid dang ni/ /
thal mo rdebs dang ched bsams dang/ /rkun ma bang chen nyid dang ngo / /sdom ni/ shes bzhin dang ni skyon nas 'dru/ /phra ma dang ni skyo sngogs dang/ /skyes pa la ston chos dang ni/ /yid 'ong bslab pa khyad gsod pa'o/ /sangs rgyas bcom ldan 'das 

</font><hr>9-1-189b<br><font size=+1>
rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong ma bcu gnyis sde rnams kyis shes bzhin du dge slong ma rnams la brdzun smra bas mtho 'tsham par byed pa na/ don nyung ba'i dge slong ma rnams smod par 
byed pa'i skabs de bcom ldan 'das la gsol pa dang/ de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ shes bzhin du brdzun smra na ltung byed do/ /shes bzhin du zhes bya ba ni rnam par dpyad nas 
so/ /brdzun smra na zhes bya ba la/ brdzun du smra ba rnam pa brgyad kyang yod/ brdzun du smra ba rnam pa bdun yang yod/ brdzun du smra ba rnam pa drug kyang yod/ brdzun du smra ba rnam pa lnga yang yod/ brdzun du smra ba rnam pa bzhi yang yod/ brdzun du smra ba 
rnam pa gsum yang yod/ brdzun du smra ba rnam pa gnyis kyang yod do/ /brdzun du smra ba rnam pa brgyad gang zhe na/ gzhi med par phas pham par 'gyur ba dang/ dge 'dun lhag ma dang/ ltung byed dang/ so sor bshags par bya ba dang/ nyes byas dang/ 
gzhi med par mthong ba dang/ thos pa dang/ dogs pa ste/ 'di ni brdzun du smra ba rnam pa brgyad yin no/ /brdzun du smra ba rnam pa bdun gang zhe na/ gzhi med par tshul khrims nyams pa dang/ lta ba nyams pa dang/ cho ga nyams pa dang/ 'tsho 
ba nyams pa dang/ gzhi med par mthong ba dang/ thos pa dang/ dogs pa ste/ 'di ni brdzun du smra ba rnam pa bdun yin no/ /brdzun du smra ba rnam pa drug gang zhe na/ dge slong ma brdzun du smra bar 'dod pa 'di snyam du brdzun du smra bar bya'o 
snyam pa dang/ brdzun smra'o snyam pa dang/ brdzun smras so snyam pa dang/ gzhi med par mthong ba dang/ thos pa dang/ dogs pa ste/ 'di ni brdzun du smra ba rnam pa drug yin no/ /brdzun du smra ba rnam pa lnga gang zhe na/ gzhi med par phas 

</font><hr>9-1-190a<br><font size=+1>
pham par 'gyur ba dang/ dge 'dun lhag ma dang/ ltung byed dang/so sor bshags par bya ba dang/ nyes byas kyis te/ 'di ni brdzun du smra ba rnam pa lnga yin no/ /brdzun du smra ba rnam pa bzhi gang zhe na/ gzhi med par tshul 
khrims nyams pa dang/ lta ba nyams pa dang/ cho ga nyams pa dang/ 'tsho ba nyams pa ste/ 'di ni brdzun du smra ba rnam pa bzhi yin no/ /brdzun du smra ba rnam pa gsum gang zhe na/ gzhi med par mthong ba dang/ thos pa dang/ dogs pa ste/ 'di ni 
brdzun du smra ba rnam pa gsum yin no/ /gzhan yang brdzun du smra ba rnam pa gsum ste/ brdzun du smra bar 'dod pa na 'di snyam du bdag gis brdzun smra bar bya'o snyam pa dang/ smra ba na 'di snyam du bdag brdzun smra'o snyam pa dang/ brdzun smras pa na 'di snyam du 
bdag gis brdzun smras so snyam pa ste/ 'di ni brdzun du smra ba rnam pa gsum yin no/ /brdzun du smra ba rnam pa gnyis gang zhe na/ brdzun smra ba na 'di snyam du brdzun smra'o snyam pa dang/ brdzun smras pa na 'di snyam du bdag gis brdzun smras so snyam pa ste/ 'di ni 
brdzun du smra ba rnam pa gnyis yin no/ /brdzun du smra ba la rnam pa gcig pu 'ba' zhig ni med do/ /brdzun du smra ba phas pham par 'gyur ba yang yod/ brdzun du smra ba dge 'dun lhag mar 'gyur ba yang yod/ brdzun du smra ba sbom por 'gyur ba yang yod/ brdzun 
du smra ba ltung byed du 'gyur ba yang yod/ brdzun du smra ba nyes byas su 'gyur ba yang yod do/ /brdzun du smra ba phas pham par 'gyur ba gang zhe na/ 'di lta ste/ yang dge slong mas mi'i chos bla ma med bzhin du smra ba ste/ 'di ni brdzun du smra ba phas pham par 'gyur 
ba yin no/ /brdzun du smra ba dge 'dun lhag mar 'gyur ba gang zhe na/ 'di lta ste/ yang dge slong mas gzhi med par dge slong ma dag pa la phas pham par 'gyur ba'i chos kyis skur pa 'debs pa ste/ 'di ni brdzun du smra ba dge 'dun lhag mar 'gyur ba yin no/ /

</font><hr>9-1-190b<br><font size=+1>
brdzun du smra ba sbom por 'gyur ba gang zhe na/ 'di lta ste/ yang dge slong mas ched du bsams te dge 'dun gyi nang du chos ma yin pa la chos dang/ chos la chos ma yin pa dang/ 'dul ba ma yin pa la 'dul ba dang/ 'dul ba la 'dul ba ma yin par ston pa ste/ 
'di ni brdzun du smra ba sbom por 'gyur ba yin no/ /brdzun du smra ba ltung byed du 'gyur ba gang zhe na/ 'di lta ste/ yang dge slong ma bcu gnyis sde rnams kyis shes bzhin du brdzun smra bas mtho 'tsham par byed pa ste/ 'di ni brdzun du smra ba ltung byed du 'gyur ba yin 
no/ /brdzun smra ba nyes byas su 'gyur ba gang zhe na/ 'di lta ste/ yang dge slong mas gso sbyong bcwa lnga pa de nyid la so so thar pa'i mdo 'don pas ci 'di ni yongs su dag gam zhes dris pa na de yongs su ma dag bzhin du cang mi smra bas dang du len pa ste/ 'di ni brdzun du 
smra ba nyes byas su 'gyur ba yin te/ de la rnam pa bzhi ma gtogs pa de las gzhan pa'i brdzun gang yin pa de thams cad do/ /ltung byed do zhes bya ba ni dmyal ba dang/ dud 'gro dang/ yi dgas dang/ ngan song ngan 'gro log par ltung ba rnams su sreg par 
byed/ 'tshed par byed/ ltung bar byed pa'o/ /de la ltung bar ji ltar 'gyur zhe na// //bar sdom ni/ ma brjed pa dang yid gnyis dang/ /'du shes mu bzhir sbyar ba'o/ /'dis ma mthong ba dang/ ma thos pa dang/ ma rtogs pa dang/ rnam par mi 
shes la/ des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas mthong ngo thos so/ /rtogs so/ /rnam par shes so zhes zer na smras so cog ltung byed du 'gyur ro/ /mthong la brjed cing 
bdag gis thos pa dang/ rtogs pa dang/ rnam par shes la brjed nas des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur nas 'di skad ces ngas mthong ste ma brjed do/ /thos rtogs/ rnam par shes te ma brjed 

</font><hr>9-1-191a<br><font size=+1>
do zhes zer na smras so cog ltung byed do/ /bdag gis mthong la yid gnyis za ba dang/ bdag gis mthong ba dang/ rtogs pa dang/ bdag gis rnam par shes la yid gnyis za ba las des 'du shes dang/ bzod pa dang/ 'dod pa dang/ 
blo gros dang/ rtog pa dang/ lta ba bsgyur nas 'di skad ces ngas mthong ste yid gnyis mi za'o/ /ngas rtogs/ rnam par shes te yid gnyis mi za'o zhes zer na smras so cog ltung byed do/ /mthong la ma mthong bar 'du shes shing/thos rtogs/ rnam par 
shes la rnam par ma shes par 'du shes pa las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas ma mthong ngo / /kho mos ma thos so/ /ma rtogs so/ /rnam par ma shes so 
zhes zer na smras so cog ltung byed do/ /'dis ma mthong mod kyi/ thos rtogs/ rnam par shes pa las/ des 'du shes bsgyur te zhes bya ba nas ngas ma mthong ngo / /ma thos so/ /ma rtogs so/ /rnam par ma shes so zhes zer na smras so cog ltung byed do 
'dis ma thos mod kyi/ mthong rtogs/ rnam par shes pa las des 'du shes bsgyur te zhes bya ba nas/ ngas thos kyi ma mthong ngo / /ma rig go/ /rnam par ma shes so zhes zer na smras so cog ltung byed do/ /'dis ma rtogs mod kyi/ mthong thos rnam par 
shes pa las des 'du shes bsgyur te zhes bya ba nas/ ngas rtogs kyi ma mthong ngo / /ma thos so rnam par ma shes so zhes zer na smras so cog ltung byed do/ /'dis rnam par ma shes mod kyi/ mthong thos rtogs pa las des 'du shes bsgyur te zhes bya ba nas/ ngas 
rnam par shes kyi ma thos so/ /ma rtogs so zhes zer na smras so cog ltung byed do/ /bdag gis mthong la ma brjed cing bdag gis thos pa dang/ rtogs pa dang/ rnam par shes la ma brjed pa las des 'du shes bsgyur nas zhes bya ba nas ngas mthong ste brjed 

</font><hr>9-1-191b<br><font size=+1>
do/ /kho mos thos rtogs/ rnam par shes te brjed do zhes zer na smras so cog ltung byed do/ /bdag gis thos la brjed cing bdag gis mthong ba dang/ rtogs pa dang/ rnam par shes la brjed pa las des bsgyur te zhes bya ba nas/ ngas thos te ma 
brjed do/ /ngas mthong rtogs/ rnam par shes te ma brjed do zhes zer na smras so cog ltung byed do/ /bdag gis rtogs la ma brjed cing bdag gis mthong ba dang/ thos pa dang/ rnam par shes la ma brjed pa las/ des 'du shes bsgyur te zhes bya ba nas/ 
ngas rtogs te brjed do/ /ngas mthong/ rtogs/ rnam par shes te brjed do zhes zer na smras so cog ltung byed do/ /bdag gis rnam par shes la ma brjed cing/ bdag gis mthong ba dang/ thos pa dang/ rtogs la ma brjed pa las des 'du shes bsgyur te 
zhes bya ba nas/ ngas rnam par shes te brjed do/ /kho mos mthong/ thos/ rtogs te brjed do zhes zer na smras so cog ltung byed do/ /bdag gis mthong la yid gnyis za zhing bdag gis thos pa dang/ rtogs pa dang/ rnam par shes la yid gnyis za ba 
las zhes bya ba nas/ ngas mthong ste yid gnyis mi za'o/ /kho mos thos/ rtogs/ rnam par shes te yid gnyis mi za'o zhes zer na smras so cog ltung byed do/ /bdag gis thos la yid gnyis za zhing bdag gis mthong ba dang/ rtogs pa dang/ rnam par shes 
la yid gnyis za ba las zhes bya ba nas/ ngas thos te yid gnyis mi za'o/ /kho mos mthong/ rtogs rnam par shes te yid gnyis mi za'o zhes zer na smras so cog ltung byed do/ /bdag gis rtogs la yid gnyis za zhing bdag gis mthong ba dang/ thos pa dang/ rnam 
par shes la yid gnyis za ba las des 'du shes bsgyur te zhes bya ba nas/ ngas rtogs te yid gnyis mi za'o/ /kho mos mthong thos la/ rnam par shes te yid gnyis mi za'o zhes zer na smras so cog ltung byed do/ /bdag gis rnam par shes la yid gnyis za zhing 

</font><hr>9-1-192a<br><font size=+1>
bdag gis mthong ba dang/ thos pa dang/ rtogs la yid gnyis za ba las/ des 'du shes bsgyur te zhes bya ba nas/ ngas rnam par shes te yid gnyis mi za'o/ /kho mos mthong thos/ rtogs te yid gnyis mi za'o zhes zer na smras so cog ltung 
byed do/ /des mthong la ma mthong bar 'du shes shing thos pa dang/ rtogs pa dang/ rnam par shes la rnam par shes par 'du shes pa las des 'du shes bsgyur te zhes bya ba nas/ ngas mthong gis ma thos so/ /ma rtogs so/ /rnam par ma shes so zhes zer na 
smras so cog ltung byed do/ /des thos la ma thos par 'du shes shing mthong ba dang/ rtogs pa dang/ rnam par shes la rnam par shes par 'du shes pa las des bsgyur te zhes bya ba nas ngas thos kyis/ ma mthong ngo / /ma rtogs so/ /rnam par ma shes so zhes 
zer na smras so cog ltung byed do/ /rtogs la ma rtogs par 'du shes shing mthong ba dang/ thos pa dang/ rnam par shes la rnam par shes par 'du shes pa las/ des bsgyur te zhes bya ba nas/ kho mos rtogs kyi mthong ngo / /ma thos so/ /rnam par ma shes 
so zhes zer na smras so cog ltung byed do/ /rnam par shes la rnam par ma shes par 'du shes shing mthong ba dang/ thos pa dang/ rtogs pa la rtogs par 'du shes pa las des 'du shes bsgyur te zhes bya ba nas ngas rnam par shes kyi/ ma mthong ngo / /ma thos so/ /
ma rtogs so zhes zer na smras so cog ltung byed do/ /'dis mthong bar gyur cing thos pa dang/ rtogs pa dang/ rnam par shes par gyur pa las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas 
ma mthong ngo / /ma thos so/ /ma reg go/ /rnam par ma shes so zhes zer na smras so cog ltung byed do/ /'dis mthong bar gyur la ma brjed pa dang/ thos pa dang/ rtogs pa dang/ rnam par shes la ma brjed pa las des 'du shes dang/ bzod pa dang/ 'dod pa dang/

</font><hr>9-1-192b<br><font size=+1>
blo gros dang/ rtog pa dang/ lta ba bsgyur te 'di skad ces ngas mthong ste brjed do/ /ngas thos te brjed do/ /ngas rtogs te brjed do/ /ngas rnam par shes te brjed do zhes zer na smras so cog ltung byed do/ /bdag gis mthong la yid gnyis mi za zhing bdag gis 
thos pa dang/ rtogs pa dang/ rnam par shes la yid gnyis mi za ba las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas mthong ste yid gnyis za'o/ /ngas thos rtogs/ rnam par 
shes te yid gnyis za'o zhes zer na smras so cog ltung byed do/ /mthong la mthong bar 'du shes shing thos pa dang/ rtogs pa dang/ rnam par shes la rnam par shes par 'du shes pa las des 'du shes dang/ bzod pa dang/ 'dod pa dang/ blo gros dang/ 
rtog pa dang/ lta ba bsgyur te 'di skad ces ngas mthong ngo / /ma thos so/ /ma rtogs so/ /rnam par shes so zhes zer na smras so cog ltung byed do/ /'dis mthong mod kyi ma thos/ ma rtogs/ rnam par ma shes pa las des 'du shes bsgyur te zhes bya ba 
nas ngas ma mthong ste 'on kyang thos so/ /rtogs so/ /rnam par shes so zhes zer na smras so cog ltung byed do/ /'dis thos mod kyi ma mthong/ ma rtogs/ rnam par ma shes pa las des 'du shes dang/ bzod pa dang/ 'dod pa dang/ blo gros dang/ rtog 
pa dang/ lta ba bsgyur te 'di skad ces ngas ma thos te 'on kyang mthong ngo / /rtogs so/ /rnam par shes so zhes zer na smras so cog ltung byed do/ /'dis rtogs mod kyi ma mthong ba dang/ ma thos pa dang/ rnam par ma shes pa las des 'du shes dang/ bzod pa 
dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas ma rtogs te 'on kyang mthong ngo / /thos so/ /rnam par shes so zhes zer na smras so cog ltung byed do/ /'di rnam par shes mod kyi ma mthong ma thos/ ma rtogs pa las des 

</font><hr>9-1-193a<br><font size=+1>
bsgyur te zhes bya ba nas/ 'di skad ces ngas rnam par ma shes te 'on kyang ngas mthong ngo / /ngas thos so/ /ngas rtogs so zhes zer na smras so cog ltung byed do/ /bdag gis mthong la ma brjed cing bdag gis thos pa dang/ rtogs pa dang/ rnam 
par shes pa brjed pa las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas ma mthong ste/ 'on kyang thos so/ /rtogs so/ /rnam par shes so zhes de skad zer na smras so cog ltung byed do/ /bdag 
gis mthong la ma brjed/ bdag gis thos la ma brjed/ bdag gis rtogs la ma brjed/ bdag gis rnam par shes la ma brjed pa las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas mthong ste 
brjed do/ /ngas thos te brjed do/ /ngas rtogs te brjed do/ /ngas rnam par shes te brjed do zhes zer na smras so cog ltung byed do/ /bdag gis rtogs la ma brjed/ bdag gis mthong la ma brjed/ bdag gis thos la ma brjed/bdag gis rtogs la ma 
brjed/ bdag gis rnam par shes la ma brjed pa las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas rtogs te brjed do/ /ngas mthong ste brjed do/ /ngas thos te brjed do/ /ngas rnam par shes te 
brjed do zhes zer na smras so cog ltung byed do/ /bdag gis rnam par shes la ma brjed do/ /bdag gis mthong la ma brjed/ bdag gis thos la ma brjed/ bdag gis rtogs la ma brjed pa las des 'du shes dang/ bzod pa dang/ 'dod pa dang/ blo gros dang/ rtog 
pa dang/ lta ba bsgyur te 'di skad ces ngas rnam par shes te brjed do/ /ngas mthong ste brjed do/ /ngas thos te brjed do/ /ngas rtogs te brjed do zhes zer na smras so cog ltung byed do/ /bdag gis mthong la yid gnyis mi za/ bdag gis thos la yid gnyis mi za/

</font><hr>9-1-193b<br><font size=+1>
bdag gis rtogs la yid gnyis mi za/ bdag gis rnam par shes la yid gnyis mi za ba las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas mthong ste yid gnyis za'o/ /ngas thos te yid 
gnyis za'o/ /ngas rtogs te yid gnyis za'o/ /ngas rnam par shes te yid gnyis za'o zhes zer na smras so cog ltung byed do/ /bdag gis thos la yid gnyis mi za/ bdag gis mthong la yid gnyis mi za/ bdag gis rtogs la yid gnyis mi za/ bdag 
gis rnam par shes la yid gnyis mi za ba las des 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas thos te yid gnyis za'o/ /ngas mthong ste yid gnyis za'o/ /ngas rtogs te yid gnyis za'o/ /
ngas rnam par shes te yid gnyis za'o zhes zer na smras so cog ltung byed do/ /bdag gis rtogs la yid gnyis mi za/ bdag gis mthong la yid gnyis mi za/ bdag gis thos la yid gnyis mi za/ bdag gis rnam par shes la yid gnyis mi za ba las 
des bsgyur te zhes bya ba nas ngas rtogs te yid gnyis za'o/ /ngas mthong/ thos/ rnam par shes te yid gnyis za'o zhes zer na smras so cog ltung byed do/ /bdag gis rnam par shes la yid gnyis mi za zhing mthong ba dang/ thos pa dang/ rtogs la 
yid gnyis mi za ba las des zhes bya ba nas/ ngas rnam par shes te yid gnyis za'o/ /ngas mthong thos/ rig ste yid gnyis za'o zhes zer na smras so cog ltung byed do/ /ma mthong la mthong bar 'du shes shing thos pa dang/ rtogs pa dang/ rnam 
par shes la rnam par shes par 'du shes pa las des bsgyur te zhes bya ba nas/ ngas mthong gi ma thos so/ /ma rtogs so/ /rnam par ma shes so zhes zer na smras so cog ltung byed do/ /ma thos la thos par 'du shes shing mthong ba dang/ rtogs pa dang/

</font><hr>9-1-194a<br><font size=+1>
rnam par shes par 'du shes pa las ngas thos kyi mthong ngo / /ma rtogs so/ /rnam par ma shes so zhes zer na smras so cog ltung byed do/ /ma rtogs pa la rtogs par 'du shes shing mthong ba la mthong bar 'du shes/ thos pa la thos par 'du shes rnam 
par shes pa la rnam par shes par 'du shes pa las des bsgyur te zhes bya ba nas/ ngas rtogs kyi ma mthong ngo / /ma thos so/ /rnam par ma shes so zhes zer na smras so cog ltung byed du 'gyur ro/ /rnam par shes la rnam par shes par 'du shes shing bdag gis 
mthong ba dang/ bdag gis thos pa dang/ bdag gis rtogs pa las 'du shes dang/ bzod pa dang/ 'dod pa dang/ blo gros dang/ rtog pa dang/ lta ba bsgyur te 'di skad ces ngas rnam par shes kyi/ ma mthong ngo / /ma thos so/ /ma rtogs so zhes zer na smras 
so cog ltung byed du 'gyur ro/ /ltung byed dang po rdzogs s+ho// //gleng gzhi ni mnyan yod na'o/ /de'i tshe dge slong ma bcu gnyis sde rnams kyis 'di skad ces zhar ma/ theng mo/ sgur mo/ mi'u thung mo/ mchu 'phyangs mo/ mgo mo che/ lag zha mo zhes bud 
med kyi skyon nas 'dru zhing smra ba'i kun du spyod pas kun du spyod par byed pa na/ de rnams de ltar bud med kyi skyon nas 'dru zhing smra ba'i kun du spyod pas sdug bsngal zhing yid mi bde ba mang bar gyur te/ lung mnod pa dang/ bklag pa dang/ kha ton dang/ rnal 'byor dang/ 
yid la byed pa gtong zhing/ chos 'dul ba 'di la chos dang ldan pa'i snum bag nyung ngu dag byung ba yang bar chad du gyur pa na/ don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 
'das la gsol to/ /de nas bcom ldan 'das kyis dge slong ma rnams la bka' stsal pa/ dge slong ma dag sngon byung ba ljongs shig na khyim bdag zhing pa zhig yod pa'i drung du khye'u zhig 'ongs te zhes bya ba nas/ des de'i sems mgu bar byas so zhes bya ba'i bar ro/ /des 

</font><hr>9-1-194b<br><font size=+1>
khye'u de la bu mo byin no zhes bya ba nas/ zhing pa des chung ma'i tshig mnyan nas yang ma byin no zhes bya ba'i bar ro/ /des de'i glang de dag brdegs pa las glang de gnyis kyis khye'u de la dris pa dang/ des kyang smras so/ /de na de dag las glang gnyis shig gis rgyal 
po'i pho brang du song shig dang/ kho bo cag gis dpang bya'o zhes bya ba nas/ des yang dang yang du rwa chag mjug rdum/ zhar ba zhes kun du smras pa gcig cig yod pa de ma btub po zhes bya ba'i bar dang/ rgyal po 'khor dang bcas pa'i zhes bya ba nas/ mon sran 
gre'u'i zhing phun sum tshogs pa la nyi ma bdun du ma gzan par skye yang cung zad kyang ma zos so zhes bya ba'i bar ro/ /dge slong ma dag re zhig dud 'gro'i skye gnas su song ba'i srog chags de dag kyang mi'i skyon nas smra bas kun du spyod pa na gnod par bya bar sems par byed na 
mir gyur pa rnams lta smos kyang ci dgos zhes bya ba nas/ sngon gyi sbyor ba 'di rgyas par brjod par bya'o/ /yang bcom ldan 'das kyis dge slong ma rnams la bka' stsal pa/ dge slong ma dag sngon byung ba 'das pa na shing rtas spyod pa'i mi zhig la dga' byed ma dang/ sa 
ri mo zhes bya ba'i ba bzhon gnyis shig yod pa las zhes bya ba nas/ be'u gnyis yod pa'i bar ro/ /de gnyis 'thab pa las gcig gi ni rwa ni chag par gyur to/ /cig shos ni gdengs par gyur nas des ru rdum dang/ ru 'di la zhes bya ba'i bar ro/ /shing rtas spyod 
pas 'dren pa na zhes bya ba nas skugs yal lo zhes bya ba'i bar ro/ /dga' byed dang/ sa ri zhes smras nas zhes bya ba nas/ nyis 'gyur thob bo zhes bya ba'i bar dang/ tshigs su bcad pas smras pa/ gang tshe lam ni ches dma' la/ /gang tshe khal ni ches lci ba/ /de 
tshe khal dag khyer byed cing/ /de tshe sna la 'dren par byed/ /yid du 'ong ba smras pa na/ /khur lci ba yang sgrol bar byed/ /ces bya ba'i bar du'o/ /dud 'gro'i skye gnas su song ba'i srog chags dag kyang mi'i skyon nas smras pa na gnod par bya bar sems par byed na mir 

</font><hr>9-1-195a<br><font size=+1>
gyur pa lta smos kyang ci dgos/ dge slong ma dag de lta bas na bud med kyi skyon nas smra na ltung byed do/ /bud med kyi skyon nas smra ba'i bsam pa can gyi ngag dang/ tshig dang/ tha snyad dang/ brjod pa dang/ skad dang/ nges pa'i tshig dang/ tshig gi 
lam dang/ tshig gi sgra dang/ rjod byed dang/ rjod pa'i las dang/ ngag gi rnam par rig byed gang yin pa dag go/ /de la ltung bar ji ltar 'gyur zhe na// //bar sdom ni/ rigs dang bzo dang las dang ni/ /rtags nang ltung ba sde lnga dang/ /nye ba'i nyon mongs 
rnams dang ni/ /spyo bar byed pa tha ma yin/ /dge slong mas dge slong ma'i drung du song ste 'di skad ces 'phags ma khyod ni bram ze mo las rab tu byung ba yin na dge sbyong gi tshul gyis ni ci zhig bya/ tshangs pa'i tshul gyis ni ci zhig bya zhes smras na/ dge slong ma spa gong ba nyid 
du gyur kyang rung/ ma gyur kyang rung zhes bya ba nas/ ltung byed du 'gyur ro zhes bya ba'i bar ro/ /dge slong mas dge slong ma'i drung du song ste 'di skad ces khyod ni rgyal rigs mo las rab tu byung ba yin na khyod la dge sbyong gi tshul lam tshangs pa'i tshul gyis ci zhig bya zhes smras na 
dge slong ma spa gong ba nyid du gyur kyang rung ma gyur kyang rung ltung byed du 'gyur ro/ /dge slong mas dge slong ma'i drung du song ste 'di skad ces khyod ni rje'u rigs mo las rab tu byung ba yin na/ khyod la dge sbyong gi tshul lam/ bram ze'i tshul gyis ci zhig bya zhes smras na/ dge slong ma 
spa gong ba nyid du gyur kyang rung ma gyur kyang rung ltung byed du 'gyur ro/ /dge slong mas dge slong ma'i drung du song ste/ 'di skad ces khyod ni dmangs rigs mo las rab tu byung ba yin na/ dge sbyong gi tshul lam/ tshangs pa'i tshul gyis ci zhig bya zhes smra na/ dge slong ma spa gong ba 
nyid du gyur kyang rung ma gyur kyang rung ltung byed du 'gyur te/ 'di ni rigs zhes bya ba yin no/ /de la bzo las brjod pa ni// //bar sdom la/ bram ze'i rigs dang rgyal rigs dang/ /rje'u rigs dmangs rigs bzo dag dang/ /thag pa dang skud ris mkhan/ /bzang 

</font><hr>9-1-195b<br><font size=+1>
mkhan mgar ba lcags mgar dang/ /lham mkhan rdza mkhan 'dreg mkhan dang/ /shing mkhan smyig mkhan bran rigs so/ /dge slong mas dge slong ma'i drung du song ste 'di skad ces/ khyod ni bram ze las rab tu byung ba yin pas rang gi gzhung lugs 'di lta ste bram ze 
rnams kyi spyod tshul dang/ spyod pa dang/ gtsang sbra dang/ kun du spyod pa dang/ thal ba blang ba dang/ bya ma bum blang ba dang/ sa blang ba dang/ rab bsngags bya ba dang/ kye zhes bya ba dang/ rgyal bar gyur cig ces bya ba dang/ kun du bzlas brjod dang/ bzlas 
brjod dang/ dus kyi bsnyen pa dang/ nges brjod kyi rig byed dang/ mchod sbyin gyi rig byed dang/ snyan tshig gi rig byed dang/ srid srung gi rig byed dang/ mchod sbyin byed pa dang/ mchod sbyin byed du 'jug pa dang/ klog pa dang/ klog tu 'jug pa dang/ sbyin pa dang/ 
len pa kho na bslab dgos te/ las drug la brtson pa'i bram ze mo ni tshangs pa yin no zhes smras na/ dge slong ma spa gong ba nyid du gyur kyang rung/ ma gyur kyang rung ltung byed du 'gyur ro/ /dge slong mas dge slong ma'i drung du song ste 'di skad ces khyod ni rgyal rigs las 
rab tu byung ba yin pas rang gi gzhung lugs 'di lta ste/ bro dang glu dang/ pi bang dang/ pi bang rgyud gcig pa dang/ ba b+his ke zhes bya ba dang/ ma ni ka pre ba ne zhes bya ba dang/ dri btag pa dang/ mgo'i byi dor dang/ gos bltab pa dang/ byi dor bslab dgos so 
zhes smras na/ dge slong ma spa gong ba nyid du gyur kyang rung/ ma gyur kyang rung ltung byed du 'gyur ro/ /dge slong mas dge slong ma'i drung du song ste 'di skad ces khyod ni rje'u rigs las rab tu byung ba yin pas rang gi gzhung lugs 'di lta ste/ yi ge dang/ rtsis dang/ grangs 
dang/ lag rtsis bslab dgos so zhes smras na/ dge slong ma spa gong ba nyid du gyur kyang rung/ ma gyur kyang rung ltung byed du 'gyur ro/ /dge slong mas dge slong ma'i drung du song ste 'di skad ces khyod ni dmangs rigs las rab tu byung ba yin pas rang gi gzhung lugs 

</font><hr>9-1-196a<br><font size=+1>
'di lta ste/ 'dru ba dang/ 'thag pa dang/ gtun dang/ gtun shing dang zhes bya ba nas/ sel ba dang/ rmel ba dang/ 'khal ba'i bar bslab dgos so zhes smras na/ dge slong ma spa gong ba nyid du gyur kyang rung/ ma gyur kyang rung ltung byed 
du 'gyur ro/ /dge slong mas dge slong ma'i drung du song ste 'di skad ces/ khyod ni tha ga ma las rab tu byung ba yin pas khyod kyis rang gi gzhung lugs 'di lta ste/ dar dang/ ras yug chen dang/ gos dang/ dar la dang/ mon dar dag bslab dgos so zhes smras na/ dge 
slong ma spa gong ba nyid du gyur kyang rung/ ma gyur kyang rung ltung byed du 'gyur ro/ /dge slong mas dge slong ma'i drung du song ste 'di skad ces khyod ni skud ris mkhan las rab tu byung ba yin pas khyod kyis rang gi gzhung lugs 'di lta ste/ klam dang/ par tang dang/ rgyab rten 
dang/ gor chen nang tshangs dang/ zhwa drub pa dang/ lgo to dag bslab dgos so zhes smras na/ dge slong ma spa gong ba nyid du gyur kyang rung/ ma gyur kyang rung ltung byed du 'gyur ro/ /de bzhin du bzang mkhan las rab tu byung ba la bus pa'i gos dang/ zhwa dang/ yan lag lnga 
khebs pa dang/ 'thab ber dag ces bya ba nas ltung byed do/ /zhes bya ba'i bar ro/ /de bzhin du mgar ba las rab tu byung ba la lhung bzed dang/ lhung bzed chung ngu dang/ mtshon cha dang/ khab dang/ gsor bu dang/ zhes bya ba nas ltung byed do zhes bya ba'i bar ro/ /de 
bzhin du lcags mgar las rab tu byung ba la zhugs gling dang/ gri gu dang/ phor bu dang/ kha gzar dang zhes bya ba nas/ ltung byed do zhes bya ba'i bar ro/ /de bzhin du lham mkhan las rab tu byung ba la lham dang/ lham yu chad dang/ mchil lham dang/ srab dang/ sga 
zhes bya ba nas ltung byed do zhes bya ba'i bar ro/ /de bzhin du rdza mkhan las rab tu byung ba la rdza ma dang/ ril ba dang/ bya bo dang/ kham phor dang/ lhung bzed dang/ lhung bzed chung ngu dag ces bya ba nas/ ltung byed do zhes bya ba'i bar ro/ /de bzhin du 'dreg 

</font><hr>9-1-196b<br><font size=+1>
mkhan las rab tu byung ba la kha spu breg pa dang/ byin spu breg pa dang/ sen mo breg pa dang/ skra breg pa dang/ zhes bya ba nas ltung byed do zhes bya ba'i bar ro/ /de bzhin du shing mkhan las rab tu byung ba la khri dang/ khri'u dang/ mal khri dang/ 'dug khri dang/ 
sgo cha dang/ sgo 'phar dang zhes bya ba nas ltung byed do/ /zhes bya ba'i bar ro/ /de bzhin du smyug ma mkhan las rab tu byung ba la gdugs dang/ bsil yab dang/ dir dang/ skon bu dang/ ngud gzeb dang/ sba khri'u dang/ zhes bya ba nas ltung byed do zhes bya 
ba'i bar ro/ /dge slong mas dge slong ma'i drung du song nas 'di skad ces khyod ni bran mo las rab tu byung ba yin pas khyod kyis rang gi gzhung lugs 'di lta ste/ bsku mnye dang/ khrus dang/ dril phyi dang/ bang chen du 'gro ba dang/ 'ong ba dang/ mngag gzhug 
dag bslab dgos so zhes smras na/ dge slong ma spa gong ba nyid du gyur kyang rung ma gyur kyang rung ltung byed du 'gyur te/ 'di ni bzo zhes bya ba yin no/ /dge slong mas dge slong ma'i drung du song nas 'di skad ces khyod ni bram ze las rab tu byung ba yin pas khyod kyis rang 
gi gzhung lugs 'di lta ste/ blugs gzar dang/ zangs bu dang/ sbyin sreg dang/ yam sreg shing dang/ rtswa dang/ me dang/ ba'i lci ba dag gi las bya dgos so zhes smras na/ dge slong ma spa gong ba nyid du gyur kyang rung ma gyur kyang rung ltung byed du 'gyur ro/ /
dge slong mas dge slong ma'i drung du song nas 'di skad ces khyod rgyal rigs las rab tu byung ba yin pas khyod kyis rang gi gzhung lugs 'di lta ste/ pi bang dang/ pi bang rgyud gcig pa dang/ ba b+his ke'i las bya dgos so zhes smras na/ dge slong ma spa gong ba 
nyid du gyur kyang rung ma gyur kyang rung ltung byed do/ /de bzhin du rje'u rigs las rab tu byung ba la zhes bya ba nas yi ge dang/ rtsis dang/ zhes bya ba nas ltung byed do zhes bya ba'i bar ro/ /de bzhin du dmangs rigs las rab tu byung ba la zhes bya ba nas sel ba 

</font><hr>9-1-197a<br><font size=+1>
dang/ rmel ba dang/ 'khal ba zhes bya ba nas ltung byed do zhes bya ba'i bar ro/ /de bzhin du tha ga pa las rab tu byung ba la zhes bya ba nas 'di lta ste/ thags bzangs dang/ son ma dang/ dru bu dang/ snas dang/ snas gri dang/ skud pa dang/ 
'bras thug tu gzhug dang/ brgyang thag gi las bya dgos so zhes smras na ltung byed do zhes bya ba'i bar ro/ /de bzhin du skud ris mkhan las rab tu byung ba la rgyang shing dang/ thags bzangs dang/ spun gyi smyug ma dang/ so mangs dang zhes bya ba nas ltung byed do 
zhes bya ba'i bar ro/ /de bzhin du bzang mkhan las rab tu byung ba la dra gri dang/ khab dang/ lcib mo dang/ mtheb lcib dang/ zhes bya ba nas ltung byed do zhes bya ba'i bar ro/ /de bzhin du mgar ba las rab tu byung ba la sbud ru dang/ so mal dang/ gri 
dang/ the'u dang/ tho chen dang/ sbud pa dang/ skam pa dang zhes bya ba nas ltung byed do zhes bya ba'i bar ro/ /de bzhin du rdza mkhan las rab tu byung ba la 'khor lo dang/ dbyug gu dang/ 'khor lo'i rten ma dang/ gzhag pa dang/ dra ba'i the gu dang/ chu 
snod dang zhes bya ba nas ltung byed do zhes bya ba'i bar ro/ /de bzhin du 'dreg mkhan las rab tu byung ba la chan pa dang/ spu gri dang/ smang tsher dang/ sen mo breg pa dang/ gdar dang zhes bya ba nas ltung byed do zhes bya ba'i bar ro/ /de bzhin du shing mkhan las 
rab tu byung ba la ste'u dang/ gzhi dang/ gzong dang/sta re dang/ sog le dang/ sog chung dang/ gsor bu dang zhes bya ba nas ltung byed do zhes bya ba'i bar ro/ /de bzhin du smyug mkhan las rab tu byung ba la smyug ma dang/ skud pa dang/ gsheg gri dang/ tshon 
rtsi dang/ lhang tsher dang zhes bya ba nas ltung byed do zhes bya ba'i bar ro/ /de bzhin du bran mo'i rigs las rab tu byung ba la thag pa dang/ bum pa dang/ 'bru mar dang/ bsku mnye dang/ khrus dang zhes bya ba nas ltung byed do zhes bya ba'i bar te/ 'di ni las 

</font><hr>9-1-197b<br><font size=+1>
zhes bya ba yin no/ /dge slong mas dge slong ma'i drung du song ste 'di skad ces/ theng mo zhes smras na ltung byed do/ /sgur mo dang/ mi thung mo dang/ rkang zha mo dang/ lba ba can mo dang/ lkugs ma dang/ theng mo dang/ 'on pa mo dang/ rten 'phye mo dang/ rkang bam mo zhes smras na 
thams cad du ltung byed du 'gyur te/ 'di ni rtags zhes bya ba yin no/ /dge slong mas dge slong ma'i drung du song ste 'di skad ces/ mdze can ma zhes smras na ltung byed do/ /shu ba dang/ 'brum bu phra mo dang/ ngal skyen pa dang/ g.yal ba dang/ khyi rngo dang/ g.yan 
pa dang shu ba g.ya' ba dang/ rkang shu dang/ skyigs bu dang/ skyug bro ba dang/ rims dang/ khong skem dang/ lu ba dang/ dbugs mi bde ba dang/ kha skam pa dang/ brjed byed dang/ bkres ngab dang/ skya rbab dang/ skran dang/ khrag nad dang/ mkhris 
nad dang/ mtshan bar rdol ma zhes de la sogs pa smras na thams cad du ltung byed du 'gyur te/ 'di ni nad las zhes bya ba yin no/ /dge slong mas dge slong ma'i drung du song ste/ 'di skad ces khyod ni phas pham par 'gyur ba dang/ dge 'dun lhag ma can yin 
no zhes smras na ltung byed do/ /so sor bshags pa dang/ nyes byas can yin no zhes smras na thams cad du gzhi ji lta ba bzhin du 'gyur ro/ /dge slong mas dge slong ma'i drung du song ste/ 'di skad ces khro ba dang/ khon du 'dzin pa dang/ 'chab pa dang/ 'tshig 
pa dang/ phrag dog dang/ ser sna dang/ g.yo dang/ sgyu can ma zhes smras na thams cad du ltung byed du 'gyur te/ 'di ni nye ba'i nyon mongs pa zhes bya ba yin no/ /dge slong mas dge slong ma'i drung du song ste/ spyo ba na rgya zhes bya ba dang/mngal zhes bya ba dang/ 
bong bu dang ldan pa dag gis spyos pa na dge slong ma spa gong ba nyid du gyur kyang rung ma gyur kyang rung thams cad du ltung byed du 'gyur ro/ /gal te mang po zhig ming mthun na ltung ba med do/ /de la yang dmigs kyis bsal ba med par mi brjod kyi rgyu'i ched kyis ming nas 

</font><hr>9-1-198a<br><font size=+1>
brjod par bya'o/ /las dang po la sogs pa la ni ltung ba med do/ /ltung byed gnyis pa rdzogs s+ho// //gleng gzhi ni mnyan yod na'o/ /de'i tshe dge slong ma bcu gnyis sde rnams phra mas kun du spyod par byed de/ tshu bi las thos nas pha bi dag la 
rjod par byed/ pha bi las thos nas tshu bi dag la rjod par byed pa na de dag phye ste phyogs gnyis su gyur pas phan tshun sdug bsngal zhing yid mi bde ba skyes la/ lung mnod pa dang/ bklag pa dang/ kha ton dang/ rnal 'byor dang/ yid la bya ba dang/ nang gi sems 
kyi zhi gnas kyang stong par byed cing gnas pa na don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis dge slong ma rnams 
la bka' stsal pa/ dge slong ma dag khyed gcig la gcig phra mas kun du spyod par ma byed cig /de ci'i phyir zhe na/ dge slong ma dag sngon byung ba na nags tshang tshing zhig na seng ge mo sbrum ma zhig yod de/ de rnams kyi rang bzhin ni bdag gi phru gus nu ma la 
za ba'am/ ltogs par gyur na mi rung ngo zhes de nyid kha zas su bya ba'i phyir sha kho na'i tshogs byas te 'brang bar byed do zhes bya ba nas ba zhig bsad de 'brangs so/ /ba de la yang be'u zhig yod pa seng ge mo de nyid kyi nu ma la 'thung ngo zhes bya ba'i bar du'o/ /ji tsam 
na gnyis ka chen por gyur nas de yang 'chi ba'i dus kyi tshe zhes bya ba nas/ mdza' ba 'byed pa ni mang du yod do zhes yang dag par gtams nas zhes bya ba'i bar ro/ /wa zhig gis gnyis ka phye nas zhes bya ba nas/ de gnyis kyang gcig gis gcig srog dang phral 
lo zhes bya ba'i bar ro/ /ji tsam na lhas tshigs su bcad de smras pa/ skye bo sdig can 'grogs pa las/ /mi yis bzang po mthong mi 'gyur/ /seng ge khyu mchog mdza' ba las/ /wa yis tha dad phye la ltos/ /dge slong ma dag re zhig dud 'gro'i skye 

</font><hr>9-1-198b<br><font size=+1>
gnas su song ba'i srog chags de dag kyang phra mas kun du spyad pa na ji tsam na gcig la gcig gsod par byed na bud med lhag par khro ba lta smos kyang ci dgos zhes sngon gyi sbyor ba 'di rgyas par brjod par bya'o/ /gzhan yang sngon gyi sbyor ba ni dge slong ma dag sngon 
byung ba seng ge phru gu btsas nas ring po ma lon pa zhig ma spyod yul du song ba dang ltogs shing 'phyan pa na/ de dang ha cang yang mi ring ba zhig na stag mo zhig 'brangs so/ /de 'phyan pa na stag mo zhig dang phrad nas nu ma bsnun par brtsams so zhes bya ba nas/ gnas 
gcig tu 'khod do zhes bya ba'i bar ro/ /de la yang seng ge'i ming ni mche bzangs zhes bya'o/ /stag gi ming ni dpung bzangs zhes bya'o zhes bya ba nas/ de gnyis la yang wa zhig gis dbyen bya bar brtsams so zhes bya ba'i bar ro/ /ji tsam na seng ges tshigs 
su bcad de smras pa/ chu zheng phun sum tshogs pa dang/ /rtsal dang shugs dang ldan pa yi/ /mche bzangs la ni rgol byed pa/ /dpung bzangs de ni legs pa min/ /dpung bzangs kyis smras pa/ chu zheng phun sum tshogs pa dang/ /rtsal dang shugs dang ldan 
pa yi/ /dpung bzangs la ni rgol byed pa/ /mche bzangs de ni legs pa min/ /de gnyis kyis gcig la gcig dris nas zhes bya ba nas wa bsad do zhes bya ba'i bar ro/ /ji tsam na lhas tshigs su bcad de smras pa/ gzhan gyi tshig gis grogs po mi 
spang ste/ /gzhan gyis smras pa dag ni brtag par bya/ /dbye bar 'dod pa rnams ni glags tshol byed/ /de bas skye bo phra ma yid mi rton/ /grogs po 'byed pa'i phra ma can/ /brdzun du smra ba'i wa skyes po/ /grong rgyun skyes te ro 'di ni/ /bsad nas bde 
bas dga' bar byed/ /dge slong ma dag re zhig dud 'gro'i skye gnas su song ba'i srog chags de dag kyang gcig la gcig phra mas kun du spyad pa na/ sdug bsngal dang yid mi bde ba mang po gnas par byed na/ bud med lhag par khro ba lta smos kyang ci dgos/

</font><hr>9-1-199a<br><font size=+1>
dge slong ma dag de lta bas na phra mas kun du spyad par mi bya'o/ /kun du spyod na ltung byed do/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas phra ma smras na ltung byed do/ /
phra ma'i bsam pa can gyi gang zhes bya ba nas ngag dang/ tshig dang zhes bya ba'i bar snga ma bzhin no/ /ltung byed do zhes bya ba ni ltung bar byed ces bya ba'i bar snga ma bzhin no/ /de la ltung bar ji ltar 'gyur zhe na/ dge slong mas bram ze las rab tu byung ba'i 
drung du song ste 'di skad ces 'phags ma khyod la dge slong ma che ge mo zhig 'di skad ces khyod la dge sbyong gi tshul dang/ tshangs pa'i tshul gyis ci zhig bya/ khyod ni bram ze las rab tu byung ba yin no zhes zer ro zhes smra zhing rigs sgrogs par byed na nyes byas so/ /
rus sgrogs par byed na yang nyes byas so/ /de bzhin du rgyal rigs las rab tu byung ba zhes bya ba nas/ nyes byas so zhes bya ba'i bar ro/ /de bzhin du rje'u rigs las rab tu byung ba zhes bya ba nas/ ltung byed do zhes bya ba'i bar ro/ /de bzhin du dmangs rigs 
las rab tu byung ba la zhes bya ba nas/ ltung byed do zhes bya ba'i bar te/ 'di ni rigs zhes bya ba yin no/ /dge slong mas bram ze las rab tu byung ba'i drung du song ste 'di skad ces 'phags ma khyod la dge slong ma che ge mo zhig 'di skad ces khyod la dge sbyong gi tshul 
dang/ tshangs pa'i tshul gyis ci zhig bya/ khyod ni bram ze las rab tu byung ba yin pas khyod ni rang gi gzhung lugs la bslab dgos so zhes zer ro zhes smras shing bzo sgrogs par byed na nyes byas so/ /de bzhin du rgyal rigs las rab tu byung ba zhes bya ba nas 
nyes byas so zhes bya ba'i bar ro/ /de bzhin du rje'u rigs las rab tu byung ba la zhes bya ba nas/ ltung byed do zhes bya ba'i bar ro/ /de bzhin du dmangs rigs las rab tu byung ba la zhes bya ba nas/ ltung byed do zhes bya ba'i bar te/ de ltar bar sdom de ji ltar 

</font><hr>9-1-199b<br><font size=+1>
gong du bshad pa bzhin du rgyas par brjod par bya'o/ /de la skud ris mkhan dang bzang mkhan dang/ /lcags mgar dang ni lham mkhan dang/ /rdza mkhan 'dreg mkhan shing mkhan dang/ /smig ma mkhan dang bran mo'o/ /'di ni bzo zhes bya ba yin no/ /dge 
slong mas bram ze las rab tu byung ba'i dge slong ma'i drung du song ste 'di skad ces/ 'phags ma khyod la dge slong ma che ge mo zhig 'di skad ces khyod la dge sbyong gi tshul dang/ tshangs pa'i tshul gyis ci zhig bya/ khyod ni bram ze las rab tu byung ba yin pas khyod 
kyis rang gi gzhung lugs kyi las bya dgos so zhes zer ro zhes smras shing/ las sgrogs par byed na nyes byas so/ /de bzhin du rgyal rigs las rab tu byung ba la zhes bya ba nas/ nyes byas so zhes bya ba'i bar ro/ /de bzhin du rje'u rigs las rab tu byung ba 
la zhes bya ba nas/ ltung byed do zhes bya ba'i bar ro/ /de bzhin du dmangs rigs las rab tu byung ba la zhes bya ba nas/ ltung byed do zhes bya ba'i bar te/ ji ltar gong du bshad pa bzhin bar sdom de rgyas par brjod par bya'o/ /rigs dang bzo dang las dang ni/ /
rtags dang nad ni lnga pa yin/ /ltung ba dang ni nye nyon mongs/ /spyo bar byed pa tha ma yin/ /ltung byed gsum pa rdzogs s+ho// //gleng gzhi ni mnyan yod na'o/ /de'i tshe bcu gnyis sde rnams kyis rtsod pa nye bar zhi bar byas pa rnams rtsod pa 'di ni shad kyis ma byang 
ste/ yang shad kyis sbyang bar bya'o/ /rtsod pa 'di ni nges par ma brtags te yang nges par brtag par bya'o/ /rtsod pa 'di ni legs par gtan la ma phab ste yang legs par gtan la dbab par bya'o/ /rtsod pa 'di ni nye bar zhi bar ma byas te yang nye bar zhi bar bya'o 
zhes yang dang yang du skyo sngogs byed do/ /de nas dge slong ma de rnams 'thab mo dang/ mtshang 'dru ba dang/ rtsod pa byung zhing mtshang 'dru bar gyur pas gnas shing lung mnod pa dang/ klog pa dang/ kha ton dang/ rnal 'byor dang/ yid la byed pa dang/ nang gi 

</font><hr>9-1-200a<br><font size=+1>
sems kyi zhi gnas gtong bar byed pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge 
slong ma gang dge 'dun mthun pas chos bzhin du rtsod pa sbyangs par shes bzhin du yang las kyi skyo sngogs byed na ltung byed do/ /yang dge slong ma gang zhes bya ba ni bcu gnyis sde dag go/ /shes bzhin du zhes bya ba ni bdag nyid kyis so/ /chos bzhin du zhes bya ba ni 
'dul ba ji lta ba bzhin dang ston pa'i bstan pa ji lta ba bzhin du'o/ /rtsod pa zhes bya ba ni rtsod pa bzhi po 'thab pa'i phyir rtsod pa dang/ mi gdams pa'i phyir rtsod pa dang/ ltung ba'i phyir rtsod pa dang/ bya ba'i phyir rtsod pa'o/ /chos bzhin du sbyangs pa las zhes bya ba ni 
gsol ba dang/ bzhi'i las kyis so/ /yang las kyi skyo sngogs byed na zhes bya ba ni yang byed 'dod pa'i phyir ro/ /de la ltung bar ji ltar 'gyur zhe na/ dge slong mas 'thab pa'i phyir rtsod pa la rtsod par 'du shes nas shad kyis byang ba la shad kyis byang bar 'du shes 
shing yang las kyi skyo sngogs byed na ltung byed do/ /dge slong mas shad kyis byang ba la yid gnyis za na ltung byed do/ /dge slong mas shad kyis ma byang ba la shad kyis byang bar 'du shes shing yang las kyi skyo sngogs byed na ltung byed do/ /yid gnyis za na ltung byed do/ /
dge slong mas shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong mas 'thab pa'i phyir rtsod pa la mi gdams pa'i phyir rtsod par 'du shes nas shad kyis byang bar 'du shes shing/ yang las kyi skyo 
sngogs byed na ltung byed do/ /yid gnyis za na ltung byed do/ /shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong mas 'thab pa'i phyir rtsod pa la ltung ba'i phyir rtsod par 'du shes nas shad kyis byang 

</font><hr>9-1-200b<br><font size=+1>
bar 'du shes shing yang las kyi skyo sngogs byed na ltung byed do/ /yid gnyis za na ltung byed do/ /shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong mas 'thab pa'i phyir rtsod pa la bya ba'i phyir rtsod par 'du 
shes nas shad kyis byang ba la shad kyis byang bar 'du shes shing yang las kyi skyo sngogs byed na ltung byed do/ /yid gnyis za na ltung byed do/ /shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong mas 
mi gdams pa'i phyir rtsod pa la 'thab pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyi skyo sngogs byed na ltung byed do/ /shad kyis byang ba la yid gnyis za na ltung byed do/ /dge slong mas shad kyis ma byang ba la shad kyis 
byang bar 'du shes na nyes byas so/ /yid gnyis za na nyes byas so/ /dge slong mas mi gdams pa'i phyir rtsod pa la ltung ba'i phyir rtsod par 'du shes nas shad kyis byang ba la shad kyis byang bar 'du shes na ltung byed do/ /yid gnyis za na ltung byed do/ /shad kyis 
byang ba la shad kyis ma byang bar 'du shes na nyes byas so/ /yid gnyis za na nyes byas so/ /mi gdams pa'i phyir rtsod pa la bya ba'i phyir rtsod par 'du shes nas shad kyis byang ba la shad kyis byang bar 'du shes na ltung byed do/ /yid gnyis za na ltung byed do/ /shad 
kyis byang ba la shad kyis ma byang bar 'du shes na nyes byas so/ /shad kyis ma byang ba la shad kyis ma byang bar 'du shes na nyes byas so/ /yid gnyis za na nyes byas so/ /dge slong mas ltung ba'i phyir rtsod pa la 'thab pa'i phyir rtsod par 'du shes nas shad kyis byang 
ba la shad kyis byang bar 'du shes na ltung byed do/ /yid gnyis za na ltung byed do/ /dge slong mas shad kyis byang ba la shad kyis ma byang bar 'du shes na nyes byas so/ /yid gnyis za na nyes byas so/ /dge slong mas ltung ba'i phyir rtsod pa la mi gdams pa'i phyir rtsod par 'du 

</font><hr>9-1-201a<br><font size=+1>
shes nas shad kyis byang ba la shad kyis byang bar 'du shes na ltung byed do/ /yid gnyis za na ltung byed do/ /dge slong mas ltung ba'i phyir rtsod pa la bya ba'i phyir rtsod par 'du shes nas shad kyis byang ba la shad kyis byang bar 'du shes na ltung byed do/ /
yid gnyis za na ltung byed do/ /dge slong mas shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong mas bya ba'i phyir rtsod pa la 'thab pa'i phyir rtsod par 'du shes nas shad kyis byang ba la shad kyis byang 
bar 'du shes na ltung byed do/ /yid gnyis za na ltung byed do/ /dge slong mas shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong mas bya ba'i phyir rtsod pa la mi gdams pa'i phyir rtsod par 'du shes nas 
shad kyis byang ba la shad kyis byang bar 'du shes na ltung byed do/ /yid gnyis za na ltung byed do/ /dge slong mas shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong mas bya ba'i phyir rtsod pa la ltung ba'i phyir rtsod par 
'du shes nas shad kyis byang ba la shad kyis byang bar 'du shes na ltung byed do/ /yid gnyis za na ltung byed do/ /dge slong mas shad kyis ma byang ba la shad kyis byang bar 'du shes na nyes byas so/ /yid gnyis za na nyes byas so/ /dge slong ma ni lnga ste/ lnga gang zhe na/ 
dge slong ma gnyug mar gnas pa dang/ las byed pa dang/ 'dun pa dbul ba dang/ lta ba smra ba dang/ lnga pa ni glo bur du 'ongs pa'o/ /dge slong ma gnyug mar gnas pa gang zhe na/ gang gis rtsod pa de'i thog ma dang/ bar dang/ tha ma dag shes pa'o/ /
las byed pa gang zhe na/ gang gis der las byas par gyur pa'o/ /'dun pa 'bul ba gang zhe na/ gang gis der rang gis 'dun pa phul bar gyur pa'o/ /lta ba smra ba gang zhe na/ gang gis der 'di ni bdag bzod do/ /'di mi bzod do/ /'di ni bdag 'dod 

</font><hr>9-1-201b<br><font size=+1>
do/ /'di ni bdag mi 'dod do zhes rang gi lta ba brjod par gyur pa'o/ /glo bur du 'ongs pa gang zhe na/ der gang gis thog ma dang/ bar dang/ tha ma dag mi shes pa'o/ /dang po'i gsum po gang yin pa gnyug mar gnas pa dang/ las byed pa dang/'dun pa 'bul ba ste/ 'di dag gis chos bzhin du rtsod pa sbyangs pa las yang las kyi skyo sngogs byed na ltung byed du 'gyur ro/ /tha ma gnyis kyis skyo sngogs byed na nyes byas so/ /gal te shad kyis nyes par sbyangs pa yin na ltung ba med do/ /ltung byed bzhi 
pa rdzogs s+ho// //dge slong ma'i 'dul ba rnam par 'byed pa/bam po bcu drug pa/ gleng gzhi ni mnyan yod na'o/ /de nas sbom dga' mo khyim bdag gi khyim de dang de rnams su bsod snyoms kyi phyir zhugs te bram ze dang/ khyim bdag de dag la 
gcig pu 'dug cing chos ston pa na des bud med rnams kyi bud med kyi gsang ba dang/ bud med kyi gsang chen gang yin pa thams cad skyes pa de dag la bstan to/ /skyes pa de dag gis kyang chung ma de dag la smras so/ /bud med ni phrag dog can yin pas de nas 
dge slong ma gnas brtan gnas brtan dag bsod snyoms la rgyu ba na 'jig rten la co 'dri bar byed pa khyed cag la su zhig bsod snyoms sbyin par byed par sems par 'gyur zhes kha zer ba dang/ e ma'o phu nu mo dag 'di ci nyes na gshe bar gyur/ de dag gis 'di 
skad ces smras so/ /'phags ma sbom dga' mos bdag cag khyim thab dag gi mdun du co dris so/ /de rnams kyis bsod snyoms ma rnyed de/ de rnams kyis bsod snyoms ma rnyed pa na smod par byed/ phyar kha gtong bar byed/ kha zer bar byed pa'i skabs de 
bcom ldan 'das la gsol to/ /de nas bcom ldan 'das kyis dgongs pa nyes dmigs gang cung zad ci byung ba de thams cad ni chos bstan pa las gyur gyis de lta bas na chos bstan par mi bya'o/ /de dag yang bsod snyoms kyi phyir zhugs pa na bram ze dang/ khyim 

</font><hr>9-1-202a<br><font size=+1>
bdag rnams kyis smras pa/ 'phags ma dag chos shod cig /de rnams kyis 'di skad ces smras so/ /bcom ldan 'das kyis bkag go/ /bram ze dang/ khyim bdag de rnams kyis 'di skad ces smras so/ /bdag cag gi sdum pa'i bsod snyoms kyang dgag lags mod/ de rnams yang bsod snyoms kyis phongs par gyur pa nas/ bcom ldan 'das la gsol pa dang/ bcom ldan 'das kyis bka' stsal pa/ de lta bas na tshig lnga'i chos bstan par bya'o/ /bcom ldan 'das kyis 
tshig lnga'i chos bstan par bka' stsal pa na de rnams kyis ma shes nas/ bcom ldan 'das kyis bka' stsal pa/ khyim bdag gzugs ni mi rtag go/ /tshor ba dang/ 'du shes dang/ 'du byed rnams dang/ rnam par shes pa ni mi rtag go zhes 
bya ba'o/ /gang gi tshe de rnams kyis tshig lnga'i chos bstan par brtsams pa dang/ de nas bram ze dang/ khyim bdag de rnams kyis 'di skad ces smras so/ /'phags ma dag ci'i slad du khyod kyis chos mang du mi bshad/ khyim bdag bcom ldan 'das kyis de 
tsam zhig bca' ba mdzad do/ /'phags ma dag ci khyod sprig ka'i rin gyi chos shig bstan par rtsom mam/ de nas bram ze dang/ khyim bdag de rnams kyis 'di skad ces smras so/ /ji ltar bdag cag la chos nyung ngu bstan pa de ltar bdag cag gis bsod snyoms 
kyang nyung ngu 'bul lo/ /de ltar bsod snyoms kyis phongs par gyur pa'i skabs de bcom ldan 'das la gsol pa dang/ bcom ldan 'das kyis bka' stsal pa/ tshig drug gi chos bstan par bya'o zhes bcom ldan 'das kyis bka' stsal pa na de rnams kyis 
ma shes nas/ bcom ldan 'das kyis bka' stsal pa/ khyim bdag mig ni mi rtag go/ /khyim bdag rna ba dang/ sna dang/ lce dang/ lus dang/ yid ni mi rtag go zhes bya ba'o/ /gang gi tshe dge slong ma de rnams kyis tshig drug gi chos bstan par brtsams pa dang/

</font><hr>9-1-202b<br><font size=+1>
de nas bcu gnyis sde de rnams kyis 'di skad ces smras so/ /tshig lnga gang yin pa de drug par byas 'dod cig /tshig drug pas chang ni ma 'thungs sgog skya ni ma zos na nyes pa ci yod/ de bzhin du ched du bsams te tshig drug bya ba la tshig bdun par 'das par byed pa'i 
skabs de bcom ldan 'das la gsol pa dang/ bcom ldan 'das kyis bka' stsal pa mi bstan to zhes bya ba nas bsod snyoms kyis phongs par gyur pa nas/ bcom ldan 'das kyis bka' stsal pa/ skyes pa la ni bud med dang bshad par bya'o zhes bya ba'i bar 
ro/ /bcu gnyis sde de rnams bsod snyoms la rgyu ba na khyim bdag gi khyim de dag tu khyim bdag rnams la 'di skad ces smras so/ /khyim bdag chos nyon cig /'phags ma re zhig bud med dag grogs su dgug gis gzhes shig /bcu gnyis sde de dag gis 
'di skad ces smras so/ /bya gag mo 'am/ spra mo'am/ lug ma mo'am/ byi la mo 'di dag mo ma yin nam/ zhes de rnams kyis rung bar byed pa 'dis skyes pa rnams la chos ston par byed do/ /de nas skye dgu'i bdag mo chen mo gau ta mI snga dro sham thabs bgos lhung bzed dang 
chos gos blangs nas spyod yul du zhugs te/ de khyim bdag gi khyim de dag tu bsod snyoms kyi phyir zhugs pa dang/ de nas khyim bdag de rnams kyis 'di skad ces smras so/ /'phags ma chos bshad du gsol/ song la bud med dag grogs su khrid de shog 
shig /khyim bdag des yang 'di skad ces smras so/ /bya gag mo 'di mo ma lags sam/ de nas skye dgu'i bdag mo chen mo gau ta mIs khyim bdag de la 'di skad ces smras so/ /khyed la de lta bu'i chos ston pa de su yin/ de dag gis 'di skad ces smras so/ /bcu gnyis sde dag 
go/ /des 'di skad ces des na kho mo cag la yang gnas skabs 'di byung ngo zhes smra ba na don nyung ba'i dge slong ma dag smod par byed pa na zhes bya ba nas/ bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang bud med med par 

</font><hr>9-1-203a<br><font size=+1>
skyes pa'i mdun du tshig lnga'am/ drug gi chos ston na rig pa'i bud med ma gtogs te ltung byed do/ /yang dge slong ma gang zhes bya ba ni bcu gnyis sde dag go/ /tshig lnga zhes bya ba ni gzugs la sogs pa'o/ /tshig drug gis zhes bya ba ni mig la sogs 
pa'o/ /rig pa'i bud med ma gtogs te zhes bya ba ni rig pa'i bud med bzhag ste'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang zhig ched du bsams te skyes pa la tshig lnga'i chos ston pa na tshig 
drug par thal bar byed na ltung byed do/ /de bzhin du steng gi sar bshad nas zhes bya ba nas khyim du zhes bya ba'i bar te thams cad du ltung byed du 'gyur ro/ /de bzhin du ched du bsams te tshig drug gi chos ston pa na tshig bdun par thal bar byed na ltung byed do/ /
gal te dri ba 'dri na ltung ba med do/ /las dang po la sogs pa la yang ltung ba med do/ /ltung byed lnga pa rdzogs s+ho// //gleng gzhi ni mnyan yod na'o/ /de'i tshe bcu gnyis sde rnams bsnyen par ma rdzogs pa'i bud med dang/ skyes pa dang/ khye'u 
dang/ bu mo la sogs pa la kha bstams te chos 'don du 'jug go/ /de nas dbyar khang de na dper na rtsis sa na rtsis kyi slob dpon rnams kyis bzhin du sgra mthon po dang/ sgra chen po byung ba na don nyung ba'i dge slong ma dag smod par byed do/ /de nas bcom ldan 
'das kyis zhes bya ba nas bslab pa bca' ba'i bar du mdzad de/ yang dge slong ma gang gang zag bsnyen par ma rdzogs pa rnams la kha bstams te chos 'don du 'jug na ltung byed do/ /yang dge slong ma gang zhes bya ba ni bcu gnyis sde dag go/ /gang zag 
bsnyen par ma rdzogs pa zhes bya ba la/ bsnyen par rdzogs pa ni gnyis te/ dge slong dang/ dge slong ma'o/ /lhag ma rnams ni bsnyen par ma rdzogs pa'o/ /kha bstams te zhes bya ba ni tshig mnyam pa dang/ tshig lhag pa dang/ yi ge mnyam pa dang/

</font><hr>9-1-203b<br><font size=+1>
yi ge lhag par ro/ /de la tshig mnyam pa zhes bya ba ni ji srid du sdig pa thams cad mi bya ste zhes smra ba de srid du de yang sdig pa thams cad mi bya ste zhes smra ba ste/ 'di ni tshig mnyam pa zhes bya'o/ /tshig lhag pa zhes bya ba ni ji srid du sdig pa thams cad mi bya ste 
zhes ma smras pa de srid du de dge ba phun sum tshogs par bya'o zhes smra ba ste/ 'di ni tshig lhag pa zhes bya'o/ /yi ge mnyam pa zhes bya ba ni ji srid du a zhes smra ba de srid du de yang a zhes smra ba ste/ 'di ni yi ge mnyam pa zhes bya'o/ /yi ge lhag pa zhes bya ba ni ji srid du 
a zhes ma smras pa de srid du de yang a zhes smra ba'o/ /chos 'don du 'jug na zhes bya ba ni sangs rgyas kyis gsungs pa'am/ nyan thos kyis smras pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 
gang zag bsnyen par ma rdzogs pa la kha bstams te chos 'don du 'jug na thams cad du ltung byed du 'gyur ro/ /gal te ldab ldib can dang/ smra myur ba dang/ dran par bya ba dang/ 'dri ba gsol ba la sbyin pa la ltung ba med do/ /ltung byed drug pa rdzogs s+ho// //
gleng gzhi ni mnyan yod na'o/ /nyon mongs pa rnams ma spangs pa'i phyir dang/ mi shes pa'i phyir ltung ba dag byung zhing sngon gyi ltung ba dag 'chags par byed pas de rnams bkur sti bya ba spyod de/ de rnams nang par sngar langs shing sangs rgyas dang/ chos dang/ dge 
'dun la bsnyen bkur byed/ chag chag dang/ phyag dar dang/ phyi bdar byed do/ /bcu gnyis sde de dag ni sems las chung ngur 'dug cing 'khod do/ /der yang khyim bdag lhags te de rnams kyis de dag mthong nas 'di snyam du dge slong ma rgan mo 'di dag 
ni rin po che shes shing rin po che sogs par byed do/ /bcu gnyis sde 'di dag ni rin po che mi shes shing rin po che sogs par mi byed do snyam sems so/ /de nas bcu gnyis sde dag gis khyim bdag las thos nas 'di skad ces smras so/ /khyed 'di lta bu rin po che 

</font><hr>9-1-204a<br><font size=+1>
sogs shig /de dag gis 'di skad ces smras so/ /ci'i phyir 'di dag sangs rgyas dang/ chos dang/ dge 'dun la sogs pa la mchod pa'i don du brtson par byed/ de dag gis 'di skad ces smras so/ /ltung ba 'di dang 'di dag byung ngo / /
de dag gis thos nas gang la rgan mo rnams kyang 'di 'dra ba'i gnas skabs su gyur na gzhon nu ma rnams la ji lta bu zhig tu 'gyur/ zhes yid la gcags par gyur to/ /bcu gnyis sde dag gis don de rtogs par byas nas de dag gis dge tshul gzhon nu ma rnams 
la dris pa/ khyed kyi mkhan mo dang/ slob dpon dag ci byed/ de rnams kyis 'di skad ces smras so/ /bsod nams bgyid do/ /de nas bcu gnyis sde dag gis 'di skad ces smras so/ /khyod bsod nams 'di 'dra ba byos shig /dge tshul ma de rnams 
kyis 'di skad ces smras so/ /de ci lags/ de nas bcu gnyis sde dag gis de dag gi dge tshul ma rnams la 'di skad ces smras so/ /ci khyed kyi snying lam na khyed kyi mkhan mo dang/ slob dpon 'di dag 'di la chos bzang ngo zhes sangs rgyas dang/ chos dang/ dge 'dun 
la sogs pa la bsnyen bkur byed snyam mam/ de lta mod kyi ltung ba 'di dang 'di dag byung ngo / /gang gi tshe dge slong ma de dag ltung ba de las langs par gyur pa de'i tshe de dag gi dge tshul gzhon nu ma de dag la dge tshul ma dag las dag gyis shig ces bsgo ba na/ de dag 
gis smras pa/ khyed cag ci'i phyir mi mdzad/ gnas brtan mo de dag gis 'di skad ces smras so/ /kho mo cag gis mi rung ngo / /dge tshul ma rnams kyis yang 'di skad ces smras so/ /kha cig rung na kha cig mi rung ngam/ dge slong ma de rnams kyis 'di 
skad ces smras so/ /khyed la sus smras/ de dag gis 'di skad ces bcu gnyis sde dag gis so zhes smras pa na don nyung ba'i dge slong ma dag smod par byed pa'i skabs de bcom ldan 'das la rgyas par gsol to/ /bcom ldan 'das kyis bka' stsal pa/

</font><hr>9-1-204b<br><font size=+1>
brjod par mi bya'o zhes de ltar dgag pa mdzad do/ /de nas dge slong ma drang mo zhes bya ba ci nas kyang skye bo'i tshogs chen po ma dad pa rig par 'gyur ba de lta de ltar khyim rnams su spyod par byed pa'i skabs de bcom ldan 'das la gsol pa dang/ bcom ldan 'das kyis 
bka' stsal pa/ khyim du so sor go bar byed pa'i dge slong ma bsko bar bya'o/ /bcom ldan 'das kyis bka' stsal pa ma shes nas bcom ldan 'das kyis bka' stsal pa/ dge slong ma chos lnga dang ldan pa khyim du so sor go bar byed pa bsko bar bya ste/ lnga gang zhe na/ 
'dun pas mi 'gro ba dang/ zhe sdang gis mi 'gro ba dang/ gti mug gis mi 'gro ba dang/ 'jigs pas mi 'gro ba dang/ so sor go bar bya ba dang/ so sor go bar ma byas pa'i khyim shes pa'o/ /bsko ba ni 'di ltar bya ste/ gnas mal bshams pa byas 
la zhes bya ba nas/ 'phags ma'i dge 'dun phu nu mo dag bdag la gsan du gsol/ dge slong ma drang mo 'di gang gis na skye bo'i tshogs chen po ma dad par rig par 'gyur ba de lta de ltar khyim rnams su spyod par bgyid de/ ming 'di zhes bgyi ba 'di khyim 
rnams su so sor go bar bgyid par spro na/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang/ ming 'di zhes bgyi ba gang lags pa 'di dge slong ma drang mo'i slad du khyim du so sor go bar bgyid 
par bsko bar bgyi ste/ ming 'di zhes bgyi ba gang lags pas dge slong ma drang mo'i slad du khyim rnams su phu nu mo dag khyed cag dge slong ma drang mo sa bon tshig pa lta bu/ sa bon nyams pa lta bu 'dis bstan pa la tshod ma 'dzin cig /'phags ma skye 
dgu'i bdag mo chen mos bstan pa'i tshad zung shig /gau ta mI skem mo dang/ ut+pa la'i mdog dang/ chos sbyin dang/ 'phags ma tshul ldan gyis tshad zung shig /ces so sor go bar bgyid par 'gyur ro/ /'di ni gsol ba'o/ /las ni 'di ltar 

</font><hr>9-1-205a<br><font size=+1>
bya ste/ 'phags ma'i dge 'dun phu nu mo dag bdag la gsan du gsol zhes bya ba nas/ 'phags ma'i dge 'dun gyis bzod cing gnang nas 'di ltar cang mi gsung bas de de bzhin du 'dzin to zhes bya ba'i bar ro/ /de nas dge slong ma 
drang mos khyod kyi phyir khyim du so sor go bar byed pa'i dge slong ma spro bar byas so zhes thos so/ /thos nas kyang dge slong ma drang mo khyim du so sor go bar byed pa'i dge slong ma gang na ba der song ste phyin nas dge slong ma de la 'di skad ces smras so/ /phu nu mo khyod 
dge 'dun gyis kho mo'i phyir khyim du so sor go bar byed pa bskos sam/ des 'di skad ces smras so/ /de yin no/ /phu nu mo khyod kyis kho mo 'di ltar khyim rnams su ma dad pa mang du byas par yid ches sam/ des 'di skad ces smras so/ /yid ches so/ /drang 
mos 'di skad ces smras so/ /ji ltar gcig la yid ches pa ltar cig shos la yang de dang 'dra bas kho mos khyod kyi lto dral la rgyu mas dbyar khang 'khor bar bskor ro/ /dge slong ma de skrag nas skabs de dge slong ma'i dge 'dun la rgyas par smras so/ /dge slong ma 
rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong ma rnams kyis gsol ba 'ba' zhig pa bya'o/ /bcom ldan 'das kyis gsol ba 'ba' zhig pa bya'o zhes bka' stsal pa ma shes nas/ bcom ldan 'das 
kyis bka' stsal pa/ gnas mal bshams pa byas nas zhes bya ba nas/ 'phags ma'i dge 'dun phu nu mo dag bdag la gsan du gsol/ dge slong ma drang mo 'di ci nas kyang skye bo'i tshogs chen po ma dad par rig par 'gyur ba de lta de ltar khyim rnams su 
spyod par bgyid de/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang/ gsol ba 'ba' zhig pa bgyis nas dge slong ma drang mo ji ltar snang ba dang/ gang du de snang ba de kho nar 'di 

</font><hr>9-1-205b<br><font size=+1>
skad ces phu nu mo dag khyed dge slong ma sdig can sa bon tshig pa bzhin du skye ba'i mthu med pa 'dis bstan pa la tshod ma 'dzin cig /de lta mod kyi dge slong ma gnas brtan gnas brtan dag gis bstan pa 'di la tshad zung shig ces bsgo bar bgyi ste 'di ni gsol ba'o/ /
de ltar gsol ba 'ba' zhig pa byas nas dge slong ma de rnams kyis gang du skye bo'i tshogs chen po yod pa der so sor go bar bya'o/ /gang du ma dad par byas pa der brjod par bya'i ltogs pa kho nas shi bar gyur na mi rung bas gzhan du ni brjod par mi bya'o/ /de nas 
bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gang zag bsnyen par ma rdzogs pa rnams la gnas ngan len gyi ltung ba brjod na dge 'dun gyis gnang ba ma gtogs te ltung byed do/ /yang dge 
slong ma gang zhes bya ba ni chos 'di pa'o/ /brjod na zhes bya ba ni smra na'o/ /dge 'dun gyis gnang ba ma gtogs te zhes bya ba ni dge 'dun gyis gnang ba bzhag ste'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas 
dge slong ma la mthar 'gyur ba'i ltung ba mthong la des ma rig pa la ma rig pa'i 'du shes kyis brjod na ltung byed do/ /de bzhin du ma rig pa la yid gnyis za na ltung byed do/ /dge slong mas dge slong ma la mthar 'gyur ba'i ltung ba mthong ba la des rig pa la ma 
rig par 'du shes na nyes byas so/ /de bzhin du rig pa la yid gnyis za na nyes byas so/ /ras la ri mor bris pa ltar ji ltar bdag gis shes pa de bzhin du 'jig rten thams cad kyis shes pa la ni ltung ba med do/ /ltung byed bdun pa rdzogs s+ho// //
sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzangs na bzhugs so/ /de'i tshe mu ge mi bzad pa dgon pa slong mo pas zas rnyed par dka' ba byung ngo / /de nas dge slong ma rab tu mang po ljongs shig tu dong ba dang/ bsod 

</font><hr>9-1-206a<br><font size=+1>
snyoms kyis phongs par gyur to/ /de nas de rnams phan tshun du bgros pa/ ci'i phyir bdag cag gi yon tan bsgrags par mi bya/ de dag gis 'di skad ces smras so/ /ci yang dag pas sam/ yang dag pa ma yin pas de dag gis 
'di skad ces smras so/ /yang dag pas so/ /de dag gis phan tshun du yon tan yang dag pas bsgrags pa byas pa dang/ 'jig rten ni yon tan la dga' ba yin pas de rnams kyis de dag bsod snyoms kyis ma phongs par byas so/ /gang gi tshe dge slong ma de dag 
ljongs rgyu zhing dong nas yangs pa can du phyin no/ /de nas gnas pa dang/ gnyug mar gnas pa'i dge slong ma rnams kyis mthong nas 'di skad ces smras so/ /sangs rgyas ldan/ chos ldan/ dge 'dun ldan dag 'ongs pa legs so/ /'ongs pa legs so/ /ji ga 
legs par spyad dam/ de dag gis 'di skad ces smras so/ /legs par spyad do/ /tshe dang ldan ma dag bsod snyoms kyis phongs par ma gyur grang/ de dag gis 'di skad ces smras so/ /ma gyur to/ /gnas brtan gnas brtan 'di dag ni bsod snyoms kyis 
phongs par gyur na khyod kyis thabs ci zhig byas na ma gyur/ de dag gis 'di skad ces smras so/ /phan tshun yon tan bsgrags pa byas pas so/ /khyed mi'i chos bla ma brjod du rung ngam/ de dag gis 'di skad ces bdag cag gis brjod do zhes smras pa na don nyung ba'i 
dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gang zag bsnyen par ma rdzogs pa la mi'i chos bla ma bden pa brjod na 
ltung byed do/ /yang dge slong ma gang zhes bya ba ni chos 'di pa'o/ /bsnyen par ma rdzogs pa la zhes bya ba la bsnyen par rdzogs pa ni gnyis so/ /lhag ma rnams ni bsnyen par ma rdzogs pa'o/ /bden pa zhes bya ba ni yang dag par yod pa'o/ /ltung byed do zhes 

</font><hr>9-1-206b<br><font size=+1>
bya ba ni gong ma bzhin no/ /de la ltung bar ji ltar 'gyur zhe na// //bar sdom la/ mthong dang 'du shes dgon pa dang/ /khyim rnams su ni stan bkra dang/ /rang gi mtshan nyid 'dzin byed dang/ /bdag nyid nye bar ston pa'o/ /dge slong mas 'du shes dang/ 
bzod pa dang/ 'dod pa dang/ blo gros dang/rtog pa dang/ lta ba ma bsgyur bar 'di skad ces lha mthong ngo zhes zer la/ bden pa yin na ltung byed do/ /de bzhin du gnod sbyin rnams dang/ klu rnams dang/ dri za rnams dang/ mi'am ci rnams dang/ lto 'phye 
chen po rnams dang/ grul bum rnams dang/ yi dgas rnams dang/ sha za rnams dang/ srul po rnams kyang bden na ltung byed do/ /tha na phyag dar khrod kyi sha za yang bden na nyes byas so/ /de bzhin du lha rnams la blta ba'i phyir 'gro'o zhes bya ba nas 
lus srul po rnams la zhes bya ba'i bar te bden na ltung byed do/ /tha na phyag dar khrod kyi sha za yang bden na nyes byas so/ /kho mo'i drung du lha la sogs pa nye bar 'ong ba bden na ltung byed do/ /tha na phyag dar khrod kyi sha za yang bden na nyes byas so/ /de bzhin du lha la 
sogs pa'i sgra thos pa bden na ltung byed do/ /tha na phyag dar khrod kyi sha za yang bden na nyes byas so/ /lha rnams dang lhan cig gtam 'dre bar byed/ rnam par gtan la 'bebs par byed pa bden na ltung byed do/ /tha na phyag dar khrod kyi sha za yang bden na nyes 
byas so/ /de bzhin du lha yang kho mo dang lhan cig gtam 'dre bar byed/ rnam par gtan la 'bebs par byed pa bden na ltung byed do/ /tha na phyag dar khrod kyi sha za yang bden na nyes byas so/ /dge slong mas 'du shes dang/ bzod pa dang/ 'dod pa dang/ blo 
gros dang/ rtog pa dang/ lta ba ma bsgyur bar 'di skad ces mi rtag pa'i 'du shes thob bo zhes zer la bden pa yin na ltung byed do/ /de bzhin du mi rtag pa la sdug bsngal ba'i 'du shes dang/ sdug bsngal la bdag med pa'i 'du shes dang/ zas la mi mthun 

</font><hr>9-1-207a<br><font size=+1>
pa'i 'du shes dang 'jig rten thams cad la mngon par mi dga' ba'i 'du shes dang/ nyes dmigs kyi 'du shes dang/ spong ba'i 'du shes dang/ 'dod chags dang bral ba'i 'du shes dang/ 'gog pa'i 'du shes dang/ 'chi ba'i 'du 
shes dang/ mi gtsang ba'i 'du shes dang/ rnam par bam pa'i 'du shes dang/ rnam par sngos pa'i 'du shes dang/ rnam par rul ba'i 'du shes dang/ rnam par dmar ba'i 'du shes dang/ rnam par zos pa'i 'du shes dang/ rnam par zhigs pa'i 'du shes dang/ 
rnam par 'thor ba'i 'du shes dang/ rus pa'i 'du shes dang/ stong pa nyid du so sor rtogs pa'i 'du shes dang/ kho mos bsam gtan dang po dang/ gnyis pa dang/ gsum pa dang/ bzhi pa zhes bya ba nas/ rnam par thar pa brgyad kyi bsam gtan kho mos thob 
bo zhes zer la bden na ltung byed do/ /dge slong mas 'du shes ma bsgyur ba zhes bya ba nas/ 'di skad ces bya ba'i bar te/ dge slong ma rab tu mang po dgon pa na gnas na de dag las mi ma yin pa rnams kyis rnam par mi 'tshe na kho mo yang de na gnas na rnam par mi 
'tshe'o/ /zhes smras la bden na ltung byed do/ /de bzhin du khyim rnams su stan bkra zhing bkra ba rnams la yang brjod par bya'o/ /dge slong mas 'du shes ma bsgyur bar zhes bya ba nas/ 'di skad ces bya ba'i bar te/ dge slong ma gang gis rang gi mtshan nyid 
'dzin pa zhi gnas kyi mtshan ma la brten nas/ 'jig rten pa'i yid la byed pas nyon mongs pa dag rnam par mnan pas 'dod pa'i 'dod chags dang/ gnod sems la sogs pa kun du mi spyod pa de yod de zhes bya ba nas/ kho mos kyang zhes bya ba'i bar du 
zer na ltung byed do/ /dge slong mas 'du shes dang/ bzod pa dang/ 'dod pa dang/ blo gros dang/ rtog pa dang/ lta ba ma bsgyur bar 'di skad ces dge slong ma lha mthong ba gang yin pa de yod do zhes smras kyis kho mos so zhes de skad ma smras na nyes byas so/ /

</font><hr>9-1-207b<br><font size=+1>
de bzhin du gnod sbyin rnams dang/ klu rnams dang/ dri za rnams dang/ mi 'am ci rnams dang/ lto 'phye chen po rnams dang/ grul bum rnams dang/ yi dgas rnams dang/ sha za rnams dang/ lus srul po rnams bdag gis so zhes de skad ma smras 
na nyes byas so/ /tha na phyag dar khrod kyi sha za la yang bdag gis so zhes ma smras na nyes byas so/ /de bzhin du rim pa 'dis sdom gyi tshig bcad 'di brjod par bya'o/ /yang dge slong ma gang zhig 'du shes ma bsgyur bar zhes bya ba nas/ 'di skad ces bya ba'i bar te/ 
dge slong ma rang gi mtshan nyid 'dzin pa zhi gnas kyi mtshan ma la brten nas 'jig rten pa'i yid la byed pas nyon mongs pa rnams rnam par mnan nas 'dod pa la 'dod chags dang/ gnod sems la sogs pa kun du mi spyod pa gang yin pa de yod do zhes zer gyi kho mo yin 
no zhes de skad ma smras na nyes byas so/ /ltung byed brgyad pa rdzogs s+ho// //gleng gzhi ni mnyan yod na'o/ /gang gi tshe chos sbyin pho nyas bsnyen par rdzogs pa thob cing bden pa rnams mthong ba de'i tshe de rang gi dbyar khang na dge slong ma rnams kyi chos dang ldan 
pa'i zhal ta byed pa la brtson par byed do/ /de dad pa dang ldan zhing bzang la dge ba'i bsam pa can yin pas 'di lta ste/ sangs rgyas sam/ chos sam/ dge 'dun nam/ dge slong ma bshes pa rnams la mi 'bul ba'am/ yongs su mi gtang ba ci yang 
med do/ /de de ltar phul zhing de ltar yongs su btang bas chos gos rnyings shing snam sbyar yang dengs par gyur to/ /de nas dge slong ma'i dge 'dun 'di snyam du dge slong ma chos sbyin 'di ni dad pa dang ldan zhing bzang la dge ba'i bsam pa can yin pas bsam gtan dang/ 
 rnam par thar pa dang/ ting nge 'dzin dang/ snyoms par 'jug pa spangs nas dge slong ma rnams kyi chos dang ldan pa'i zhal ta byed pa la brtson par byed la/ de mi 'bul ba'am/ yongs su mi gtang ba ci yang med do zhes bya ba nas/ snam sbyar dengs par gyur gyis zhes 

</font><hr>9-1-208a<br><font size=+1>
bya ba'i bar ro/ /bdag cag gis ras yug chen zhig grub pa dang/ de bdag cag gis chos sbyin la sbyin no/ /snyam du sems so/ /de nas dus gzhan zhig na ras yug chen zhig rnyed nas de rnams kyis chos sbyin la byin no/ /des skabs de bcom 
ldan 'das la gsol pa dang/ bcom ldan 'das kyis bka' stsal pa/ gsol ba byas te sbyin no/ /'di ltar byas te/ gnas mal bshams pa byas la zhes bya ba nas/ 'phags ma'i dge 'dun phu nu mo dag bdag la gsan du gsol/ dge slong ma chos sbyin 
'di dad pa dang ldan zhing bzang la dge ba'i bsam pa can lags pas 'di lta ste/ sangs rgyas sam/ chos sam/ dge 'dun nam/ dge slong ma bshes pa rnams la mi 'bul ba'am/ yongs su mi gtang ba ci yang ma mchis so/ /de de ltar yongs su btang bas chos 
gos lnga rnyings shing snam sbyar yang dengs par gyur lags kyis/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang/ 'di ltar 'phags ma'i dge 'dun gyis chos sbyin la ras yug chen stsol bar mdzad 
do/ /'di ni gsol ba'o/ /gang gi tshe de dag gis gsol ba byas te chos sbyin la ras yug chen byin pa de'i tshe sbom dga' mos bcu gnyis sde lhag ma rnams la/ kye phu nu mo dag gang du dge 'dun gyi rnyed pa bshes ngor sngo bar byed par dge slong ma'i dge 'dun gyi 
rnyed pa 'grub par ga la 'gyur zhes smras pa na don nyung ba'i dge slong ma rnams smod par byed do/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang sngar legs par rung bar byas nas de'i 'og 
tu dge slong ma rnams la 'di skad ces phu nu mo dag dge slong ma rnams kyis bshes ngor byas te dge 'dun gyi rnyed par bsngos pa gang zag gir sngo bar byed do zhes zer na ltung byed do/ /yang dge slong ma gang zhes bya ba ni sbom dga' mo'o/ /sngar legs par rung bar byas 

</font><hr>9-1-208b<br><font size=+1>
nas zhes bya ba ni blo gros mthun par byas pa'o/ /de'i 'og tu zhes bya ba ni dus gzhan na'o/ /'di skad ces zer na zhes bya ba ni smra na'o/ /dge 'dun gyi zhes bya ba ni de bzhin gshegs pa'i nyan thos ma'i dge 'dun gyi'o/ /rnyed pa zhes bya ba la rnyed pa ni gnyis 
te/ zang zing gi rnyed pa dang/ gos kyi rnyed pa ste/ don 'di la ni gos kyi rnyed pa yin par dgongs so/ /bshes ngor zhes bya ba la gang gi bshes gang yin zhe na/ lhan cig gnas pa'i bshes pa ni mkhan mo yin la/ mkhan mo'i ni lhan cig gnas pa 
yin no/ /nye gnas kyi ni slob dpon yin la/ slob dpon gyi yang nye gnas yin no/ /'grogs bshes kyi yang 'grogs bshes yin no/ /smos 'drin gyi yang smos 'drin yin no/ /gnas gcig pa'i yang gnas gcig pa yin no/ /sngon zhes bya ba ni sgyur na'o/ /
gang zag la zhes bya ba ni gang zag la sbyin na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ de dge slong mas ji tsam du sngar legs par rung bar byas nas de'i 'og tu dge slong ma rnams la 'di skad ces dge slong mas bshes 
ngor dge 'dun gyi rnyed par bsngos pa gang zag gir sgyur bar byed do/ /zhes zer na thams cad du ltung byed du 'gyur ro/ /gal te bden pa kho na yin na ltung ba med do/ /ltung byed dgu pa rdzogs s+ho// //gleng gzhi ni mnyan yod na'o/ /de'i tshe dge slong ma 
bcu gnyis sde rnams so sor thar pa'i mdo gdon pa 'don pa na 'di skad ces phu nu mo dag ji tsam gyis dge slong ma rnams 'gyod pa dang/ yid la gcags pa dang/ yid mi bde ba dang/ gnod pa dang/ gdung bar 'gyur ba'i bslab pa'i gzhi phran tshegs rab tu phra ba gang 
la gzhi yang mngon la/ gang zag dang/ grong dang/ zhing yang mngon pa de dag zla ba phyed phyed cing so sor thar pa'i mdo gdon pa las bton pas ci zhig bya zhes smras pa na don nyung ba'i dge slong ma rnams smod par byed pa'i skabs de bcom ldan 'das la gsol to/ /de nas 

</font><hr>9-1-209a<br><font size=+1>
bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang zla ba phyed phyed cing so sor thar pa'i mdo gdon pa 'don pa na 'di skad ces 'phags ma dag ji tsam dge slong ma rnams 'gyod pa 
dang/ yid la gcags pa dang/ yid mi bde ba dang/ gnod pa dang/ gdung bar 'gyur ba'i bslab pa'i gzhi phran tshegs rab tu phra ba 'di dag zla ba phyed phyed cing so sor thar pa'i mdo gdon pa las bton pas ci zhig bya zhes zer na ltung byed do/ /yang dge slong ma 
gang zhes bya ba ni sbom dga' mo'o/ /zla ba phyed phyed cing zhes bya ba ni zla ba phyed phyed cing ngo / /so sor thar pa zhes bya ba ni phas pham par 'gyur ba brgyad dang/ dge 'dun lhag ma nyi shu dang zhes bya ba nas/ ltung byed brgya brgyad bcu dang/ so sor bshags pa bya ba bcu 
gcig dang/ bslab pa mang po dang/ rtsod pa zhi bar byed pa bdun dang/ 'dul ba gzhi bcu bdun dang/ phran tshegs dang/ sil bu dang/ gleng gzhi dang/ 'dul ba ma mo dang/ 'dul ba gcig las 'phros pa dang/ 'dul ba lnga pa dang/ 'dul ba bcu drug pa 
dang/ nye ba 'khor gyis zhus pa las 'byung ba'o/ /mdo zhes bya ba ni legs par sbyar ba'o/ /gdon pa zhes bya ba ni rab tu ston pa'o/ /'di skad zer na zhes bya ba ni smra na'o/ /phu nu mo dag 'di dag ci dgos zhes bya ba ni gang la gang zag mngon zhing grong dang/ zhing 
dang/ gzhi yang mngon pa ji tsam gyi dge slong ma rnams 'gyod pa dang/ yid la gcags pa dang/ yid mi bde ba dang/ gnod pa dang/ gdung ba'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung 
zad zla ba phyed phyed cing so sor thar pa'i mdo gdon pa 'don pa na dge slong ma rnams la 'di skad ces phu nu mo ji tsam gyis dge slong ma rnams 'gyod par 'gyur ba'i bslab pa'i gzhi phran tshegs rab tu phra ba 'di dag ci dgos zhes bya ba'i bar du zer na ltung byed do/ /yid la 

</font><hr>9-1-209b<br><font size=+1>
gcags pa dang/ yid mi bde ba zhes zer na ltung byed do/ /de bzhin du gdung ba dang/ kun du gdung ba dang/ yongs su gdung ba dang/ de bzhin du bslab pa'i gzhi dang ldan pa'i mdo 'don pa na khyad du gsod na ltung byed do/ /de bzhin du bslab pa'i gzhi dang ldan pa'i 
tshigs su bcad pa 'don pa na khyad du gsod na thams cad du nyes byas su 'gyur ro/ /gal te nyams pa yin pa dang/ gal te dge slong ma'i dge 'dun na bar gyur na ltung ba med do/ /ltung byed dang po'i tshigs su bcad pa'i sdom rdzogs s+ho// //sdom ni/ rnga zhing 
rngar 'jug 'phya ba dang/ /rna la gzon dang gnas mal dang/ /gding ba dag ni lnga pa yin/ /yang thog khri rtsa 'byung ba dang/ /rtswa dag dang ni khang chen dang/ /gnas gcig de bzhin 'khod pa'o/ /gleng gzhi ni mnyan yod na'o/ /gang gi tshe bcom ldan 'das kyis sngon 
gyi shing mkhan byed byed pa'i dge slong las brten nas sa bon gyi tshogs dang/ 'byung po'i gnas 'jig pa'i bslab pa'i gzhi bca' ba mdzad do/ /de'i tshe dge slong ma bcu gnyis sde rnams rang gi lag gis rtswa sngon po rnga zhing rngar 'jug par byed pa dang/ de rnams la rang 
bzhin du gnas pa'i dge slong ma rnams kyis smras pa/ phu nu mo dag bcom ldan 'das kyis 'di lta bu'i bslab pa'i gzhi bca' ba mdzad kyis khyed rtswa sngon po ma gcod gcod du ma gzhug cig /de nas bcu gnyis sde de rnams kyis dge slong ma de dag la 'di skad ces bslab 
pa'i gzhi 'di dge slong rnams kyi yin gyi/ dge slong ma rnams kyi ni ma yin no zhes smras pa dang/ don nyung ba'i dge slong ma dag smod par byed/ phyar ka gtong bar byed/ kha zer bar byed pa'i skabs de dge slong ma rnams kyis dge slong dag la smras pa dang/ dge slong 
dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ sa bon gyi tshogs dang/ 'byung po'i gnas 'jig gam/ 'jig tu 'jug na ltung byed do/ /sa bon gyi tshogs 

</font><hr>9-1-210a<br><font size=+1>
zhes bya ba la sa bon ni lnga ste/ rtsa ba'i sa bon dang/ sdong bu'i sa bon dang/ thor to'i sa bon dang/ 'gas pa'i sa bon dang/ sa bon gyi sa bon ni lnga pa'o/ /de la rtsa ba'i sa bon ni gla sgang dang/ shu dag dang/ yungs dang/ sge'u gsher dang/ bong 
nga dkar po dang/ gzhan yang de lta bu'i rtsa ba ste rtsa ba nyid sa bon du 'gyur ba gang yin pa 'di ni rtsa ba'i sa bon zhes bya'o/ /sdong bu'i sa bon gang zhe na/ shing kan tsa na dang/ pi ta la dang/ a shwat+tha dang/ u dum bA ra dang/ n+ya gro d+ha dang/ gzhan yang de lta bu'i 
sdong bu ste/ sdong bu nyid sa bon du 'gyur ba gang yin pa 'di ni sdong bu'i sa bon zhes bya'o/ /thor to'i sa bon gang zhe na/ bu ram shing dang/ 'dam bu dang/ smyig ma dang/ rgya mtsho ba dang/ rtswa ka sha dang gzhan yang de lta bu'i thor to ste thor to nyid sa bon du 
'gyur ba gang yin pa 'di ni thor to'i sa bon zhes bya'o/ /'gas pa'i sa bon gang zhe na/ ardza ka dang/ sardza ka dang/ se yab dang/ rtswa mkhris dang/ b+hu drin ka dang/ gzhan yang de lta bus 'gas shing sa bon du 'gyur ba gang yin pa 'di ni 'gas pa'i sa 
bon zhes bya'o/ /sa bon gyi sa bon gang zhe na/ nas dang/ gro dang/ sA lu dang/ mon sran sde'u la sogs pa dang/ gzhan yang sa bon gyi sa bon du 'gyur ba gang yin pa de ni sa bon gyi sa bon zhes bya ste lnga pa nyid yin no/ /'byung po'i gnas zhes bya ba la 
'byung po zhes bya ba ni sbrul dang/ sdig sbrul dang/ tre ma bu ka dang/ trai la ta dang/ srin bu dang/ phye ma leb dang/ til gyi phub ma za ba ste/ de dag gi shing gang yin pa ni 'byung po'i gnas zhes bya'o/ /gcod dam zhes bya ba ni rang gis so/ /gcod du 
'jug na zhes bya ba ni gzhan no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas rtsa ba'i sa bon la rtsa ba'i sa bon du 'du shes shing sngon po la sngon por 'du shes nas gcod dam gcod du 'jug na ltung byed do/ /dge 

</font><hr>9-1-210b<br><font size=+1>
slong mas rtsa ba'i sa bon la rtsa ba'i sa bon du 'du shes shing sngon po la yid gnyis za na ltung byed do/ /dge slong mas rtsa ba'i sa bon la rtsa ba'i sa bon du 'du shes shing skam po la rlon par 'du shes na nyes byas so/ /dge slong mas rtsa ba'i sa bon la rtsa ba'i sa bon du 
'du shes shing skam po la yid gnyis za na nyes byas so/ /dge slong mas sdong bu'i sa bon la sdong bu'i sa bon du 'du shes shing sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /dge slong mas 
sdong bu'i sa bon la sdong bu'i sa bon du 'du shes shing skam po la sngon por 'du shes na nyes byas so/ /de bzhin du yid gnyis za na nyes byas so/ /dge slong mas thor to'i sa bon la thor to'i sa bon du 'du shes shing sngon po la sngon por 'du shes na ltung byed do/ /
de bzhin du yid gnyis za na ltung byed do/ /dge slong mas thor to'i sa bon la thor to'i sa bon du 'du shes shing skam po la sngon por 'du shes na nyes byas so/ /de bzhin du yid gnyis za na nyes byas so/ /dge slong mas 'gas pa'i sa bon la 'gas pa'i sa 
bon du 'du shes shing sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /dge slong mas 'gas pa'i sa bon la 'gas pa'i sa bon du 'du shes shing skam po la sngon por 'du shes nas gcod 
dam/ gcod du 'jug na nyes byas so/ /de bzhin du yid gnyis za na nyes byas so/ /dge slong mas sa bon gyi sa bon la sa bon gyi sa bon du 'du shes shing sngon po la sngon por 'du shes nas gcod dam/ gcod du 'jug na ltung byed do/ /de bzhin du yid 
gnyis za na ltung byed do/ /dge slong mas sa bon gyi sa bon la sa bon gyi sa bon du 'du shes shing skam po la sngon por 'du shes nas gcod dam/ gcod du 'jug na nyes byas so/ /de bzhin du yid gnyis za na nyes byas so/ /dge slong mas rtsa ba'i sa bon 

</font><hr>9-1-211a<br><font size=+1>
la sdong bu'i sa bon du 'du shes shing sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /dge slong mas rtsa ba'i sa bon la sdong bu'i sa bon du 'du shes shing skam po la sngon por 
'du shes nas gcod dam/ gcod du 'jug na nyes byas so/ /de bzhin du yid gnyis za na nyes byas so/ /dge slong mas rtsa ba'i sa bon la thor to'i sa bon du 'du shes shing sngon po la sngon por 'du shes nas gcod dam/ gcod du 'jug na ltung byed do/ /de 
bzhin du yid gnyis za na ltung byed do/ /dge slong mas rtsa ba'i sa bon la thor to'i sa bon du 'du shes shing skam po la sngon por 'du shes nas gcod dam/ gcod du 'jug na nyes byas so/ /de bzhin du yid gnyis za na nyes byas so/ /rtsa ba'i sa bon gyis sa bon 
gyi sa bon la yang de bzhin du sbyar ro/ /dge slong mas sdong bu'i sa bon la thor to'i sa bon du 'du shes shing/ sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /dge slong mas sdong bu'i sa bon la thor to'i 
sa bon du 'du shes shing skam po la sngon por 'du shes nas gcod dam/ gcod du 'jug na nyes byas so/ /de bzhin du yid gnyis za na nyes byas so/ /sdong bu'i sa bon gyis rtsa ba'i sa bon la yang de bzhin sbyar ro/ /sdong bu'i sa bon gyis 'gas pa'i sa bon la yang de 
bzhin sbyar ro/ /sdong bu'i sa bon gyis sa bon gyi sa bon la yang de bzhin sbyar ro/ /dge slong mas thor to'i sa bon la 'gas pa'i sa bon du 'du shes shing sngon po la sngon por 'du shes na ltung byed do/ /de bzhin du yid gnyis za na ltung byed do/ /dge slong mas thor to'i sa 
bon la 'gas pa'i sa bon du 'du shes shing skam po la sngon por 'du shes na nyes byas so/ /de bzhin du yid gnyis za na nyes byas so/ /thor to'i sa bon gyis sdong bu'i sa bon la yang de bzhin sbyar ro/ /dge slong mas rtsa ba'i sa bon la rtsa ba'i sa bon du 'du shes shing 

</font><hr>9-1-211b<br><font size=+1>
sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /skam po la sngon por 'du shes na nyes byas so/ /de bzhin du yid gnyis za na nyes byas so/ /rtsa ba'i sa bon gyis sdong bu'i sa bon la yang de 
bzhin sbyar ro/ /rtsa ba'i sa bon gyis thor to'i sa bon la yang de bzhin sbyar ro/ /rtsa ba'i sa bon gyis 'gas pa'i sa bon la yang de bzhin sbyar ro/ /rtsa ba'i sa bon gyis sa bon gyi sa bon la yang de bzhin sbyar ro/ /dge slong mas sdong bu'i sa bon la yang sdong bu'i sa 
bon du 'du shes shing sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /skam po la sngon por 'du shes na nyes byas so/ /de bzhin du yid gnyis za na nyes byas so/ /sdong bu'i sa bon gyis thor 
to'i sa bon la yang de bzhin du sbyar ro/ /sdong bu'i sa bon gyis 'gas pa'i sa bon la yang de bzhin sbyar ro/ /sdong bu'i sa bon gyis sa bon gyi sa bon la yang de bzhin sbyar ro/ /dge slong mas thor to'i sa bon la thor to'i sa bon du 'du shes shing sngon po la sngon por 'du 
shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /skam po la sngon por 'du shes na nyes byas so/ /de bzhin du yid gnyis za na nyes byas so/ /thor to'i sa bon gyis rtsa ba'i sa bon la yang de bzhin sbyar ro/ /
thor to'i sa bon gyis sdong bu'i sa bon la yang de bzhin sbyar ro/ /thor to'i sa bon gyis 'gas pa'i sa bon la yang de bzhin sbyar ro/ /thor to'i sa bon gyis sa bon gyi sa bon la yang de bzhin sbyar ro/ /dge slong mas 'gas pa'i sa bon la 'gas pa'i sa bon du 
'du shes shing sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /skam po la sngon por 'du shes nas gcod dam/ gcod du 'jug na nyes byas so/ /de bzhin du yid gnyis za na nyes byas 

</font><hr>9-1-212a<br><font size=+1>
so/ /'gas pa'i sa bon gyis rtsa ba'i sa bon la yang de bzhin sbyar ro/ /'gas pa'i sa bon gyis sdong bu'i sa bon la yang de bzhin sbyar ro/ /'gas pa'i sa bon gyis thor to'i sa bon la yang de bzhin sbyar ro/ /'gas pa'i sa bon gyis sa 
bon gyi sa bon la yang de bzhin sbyar ro/ /dge slong mas sa bon gyi sa bon la sa bon gyi sa bon du 'du shes shing sngon po la sngon por 'du shes nas gcod dam/ gcod du 'jug na ltung byed do/ /de bzhin du yid gnyis za na ltung byed do/ /skam po la sngon por 'du 
shes nas gcod dam/ gcod du 'jug na nyes byas so/ /de bzhin du yid gnyis za na nyes byas so/ /sa bon gyi sa bon gyis rtsa ba'i sa bon la yang de bzhin sbyar ro/ /sa bon gyi sa bon gyis sdong bu'i sa bon la yang de bzhin sbyar ro/ /sa bon gyi sa bon gyis 
thor to'i sa bon la yang de bzhin sbyar ro/ /sa bon gyi sa bon gyis 'gas pa'i sa bon la yang de bzhin sbyar ro// //dge slong ma'i 'dul ba rnam par 'byed pa/bam po bcu bdun pa/ bar sdom la/ rtsa ba'i sa bon lnga dag dang/ /ljon shing rtswa gcod de 
bzhin du/ /'chag dar rtswa rgyun nya lcibs dang/ /chu dreg me tog rgyas pa'o/ /dge slong mas sa bon rnams nyams par gyur cig snyam pa'i bsam pas/ sa bon gyi rigs lnga gtun skyur blugs nas gtun mgos rdung zhing sa bon nyams par gyur cig /rnam 
par nyams par gyur cig ces drag tu brdungs pa las sa bon nyams na ltung byed du 'gyur ro/ /sa bon ma nyams shing sa bon rnam par ma nyams na nyes byas su 'gyur ro/ /de bzhin du me dang/ tha ba dang/ zhugs ling dang/ sla nga dang/ me thab dang/ me dong dang/ 
me dong chen po dang/ sa dang/ thug pa dang/ khu tshan dang/ 'bras khur ldugs pa dang/ de bzhin du sa bon nyams par gyur cig /rab tu nyams par gyur cig ces mtsho chen po dang/ 'bab chu chen po dang zhes bya ba nas chu nyung ngu dang/ lci ba dang/ tsha rgo dang/

</font><hr>9-1-212b<br><font size=+1>
'gyur byed dang/ sa dang lhan cig bsres pa las de yang nyams na ltung byed do/ /ma nyams na nyes byas so zhes bya ba'i bar ro/ /dge slong mas sbyor ba gcig gis shing ljon pa gcig gcod dam/ gcod du 'jug na nyes byas gcig dang/ ltung byed 
gcig go/ /de bzhin du sbyor ba gnyis kyis shing ljon pa gcig gcod na de la nyes byas gnyis dang/ ltung byed gcig go/ /de bzhin du sbyor ba mang pos shing ljon pa gcig gcod na de la nyes byas mang po dang/ ltung byed gcig go/ /dge slong mas sbyor ba 
gcig gis shing ljon pa gnyis gcod na de la nyes byas gcig dang/ ltung byed gnyis so/ /de bzhin du sbyor ba gnyis kyis shing ljon pa gnyis gcod na de la nyes byas gnyis dang/ ltung byed gnyis so/ /dge slong mas sbyor ba mang pos shing ljon pa gnyis gcod 
na de la nyes byas mang po dang/ ltung byed gnyis so/ /dge slong mas sbyor ba gcig gis shing ljon pa mang po gcod na de la nyes byas gcig dang/ ltung byed mang por 'gyur ro/ /de bzhin du sbyor ba gnyis kyis shing ljon pa mang po gcod na de la nyes byas gnyis 
dang/ ltung byed mang por 'gyur ro/ /de bzhin du sbyor ba mang pos shing ljon pa mang po gcod na de la nyes byas mang po dang/ ltung byed mang por 'gyur ro/ /dge slong mas rtswa sngon po la sngon por 'du shes pas rnga na ltung byed do/ /rngar 'jug na ltung byed do/ /sngon po 
la yid gnyis za bas rnga na ltung byed do/ /rngar 'jug na ltung byed do/ /skam po la sngon por 'du shes pas rnga na nyes byas so/ /rngar 'jug na nyes byas so/ /skam po la yid gnyis za na nyes byas so/ /rngar 'jug na nyes byas so/ /dge slong mas sbyor ba gcig gis rtswa 
gcig rnga na de la nyes byas gcig dang/ ltung byed gcig go/ de bzhin du gnyis la yang brjod par bya'o/ /de bzhin du mang pos rtswa gnyis la yang brjod par bya'o/ /ji ltar shing ljon pa la brjod pa de bzhin du rgyas par rtswa mang po la yang brjod par bya'o/ /dge 

</font><hr>9-1-213a<br><font size=+1>
slong mas shing ljon pa'i rtswa rgyun 'byin na nyes byas so/ /phyi shun 'chu na nyes byas so/ /phri 'chu na nyes byas so/ /nang shun 'chu na nyes byas so/ /snying po 'byin na ltung byed do/ /lo ma skya bo na nyes byas so/ /lo ma rlon na ltung byed do/ /me tog 
kha bye na nyes byas so/ /kha ma phye na ltung byed do/ /'bras bu smin na nyes byas so/ /'bras bu ma smin na ltung byed do/ /rtswa nyams par gyur cig /rtswa rab tu nyams par gyur cig ces rtswa sngon po'i steng du 'chag par byed na ltung byed do/ /de bzhin du khu tshan la sogs 
pa la yang ltung byed do/ /nyams par gyur cig /rab tu nyams par gyur cig ces shing ngam/ yal ga 'dren na ltung byed do/ /'dren pa'i bsam pa dang/ 'chag pa'i bsam pa yin na ltung ba med do/ /chu dreg nyams par gyur cig ces 'chag na nyes byas so/ /
khu tshan dang/ shing la sogs pa la yang ngo / /'chag pa'i bsam pas yin na ltung ba med do/ /nya lcibs chu nas ji srid ma bton pa de srid du nyes byas so/ /bton na ltung byed do/ /rtsa ba med pa'i sa bon gyi khams 'byin na nyes byas so/ /nya tshang dang/ pha ba lgo lgo dang/ 
sha mo 'byin na nyes byas so/ /bum pa'i 'dam skya bo 'phyi na nyes byas so/ /kha zas 'dam skya bo za na nyes byas so/ /gal te rung ba byas pa yin na ltung ba med do/ /ltung byed gnyis pa'i dang po rdzogs s+ho// //gleng gzhi ni rgyal po'i khab na'o/ /
gang gi tshe mdza' bo dang/ sa las skyes kyis drug sde rnams kyi mdun du tshe dang ldan pa gyad bu nor la 'phya bar byed pa na de bzhin du dge slong ma mdza' mo zhes bya ba yang bcu gnyis sde rnams kyi mdun du gyad bu nor la 'phya bar byed do/ /de nas dge slong ma gnas 
brtan gnas brtan dag gis 'di skad ces smras so/ /mdza' mo 'khor gyi gtso bo la ma 'phya zhig /de la de skad du bsgo ba na 'on kyang 'phya bar byed pa'i skabs de dge slong ma rnams kyis bcom ldan 'das la gsol to/ /bcom ldan 'das kyis bka' stsal 

</font><hr>9-1-213b<br><font size=+1>
pa/ dge slong ma dag dge slong ma mdza' mo ngor 'phya ba'i grangs su chug shig /grangs su gzhug pa ni 'di ltar bya ste/ gnas mal bshams pa byas nas zhes bya ba nas/ 'phags ma'i dge 'dun phu nu mo dag bdag la gsan du gsol/ dge slong ma 
mdza' mo 'di tshe dang ldan pa gyad bu nor la ngor 'phya lags kyis/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang/ dge slong ma mdza' mo ngor 'phya ba'i grangs su stsal to/ /'di ni gsol 
ba'o/ /de bzhin du las kyang brjod par bya'o/ /'on kyang gzhogs 'phyas kyis 'phya bar byed pa nas zhes bya ba nas/ bcom ldan 'das kyis bka' stsal pa/ dge slong ma dag dge slong ma mdza' mo gzhogs 'phyas byed pa'i grangs su chug shig ces bya 
ba'i bar te/ 'di ni gsol ba'o/ /las kyang brjod par bya'o/ /phyi nas gzhogs 'phyas dang/ ngor 'phya ba gnyis ka byed na zhes bya ba nas/ bcom ldan 'das kyis bka' stsal pa/ dge slong ma mdza' mo gnyi gar 'phya ba'i grangs su chug shig ces bya 
ba'i bar te/ gsol ba dang/ las kyang brjod par bya'o/ /de de ltar bsgo yang 'phya bar byed pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang/ zhes bya ba nas bslab 
pa bca' ba'i bar du mdzad de/ 'phya'am gzhogs 'phyas byed na ltung byed do/ /'phya'am zhes bya ba ni 'phya ba'i bsam pa can gyi gang ngag dang tshig dang/ brjod pa zhes bya ba'i bar gong ma bzhin no/ /de la ltung bar ji ltar 'gyur zhe na/ dge slong ma grangs 
su bcug par gyur pas yang dge 'dun gyis bskos pa'i dge slong ma bcu gnyis po sbyor ba ma btang ba rnams la 'phya na ltung byed do/ /gzhogs 'phyas byed na ltung byed do/ /'phya ba dang gzhogs 'phyas byed na ltung byed do/ /dge slong ma grangs su bcug par gyur 

</font><hr>9-1-214a<br><font size=+1>
pas yang dge 'dun gyis ma bskos pa'i dge slong ma bcu gnyis po sbyor ba ma btang ba rnams la 'phya na ltung byed do/ /gzhogs 'phyas byed na ltung byed do/ /'phya ba dang gzhogs 'phyas byed na ltung byed do/ /dge slong ma grangs su bcug par 
gyur pas yang dge 'dun gyis ma bskos pa'i dge slong ma bcu gnyis po sbyor ba ma btang ba rnams la 'phya na ltung byed do/ /gzhogs 'phyas byed na ltung byed do/ /'phya ba dang gzhogs 'phyas byed na ltung byed do/ /dge slong ma grangs su bcug par gyur pas yang dge 'dun 
gyis ma bskos pa'i dge slong ma bcu gnyis po sbyor ba btang ba rnams la 'phya na ltung byed do/ /gzhogs 'phyas byed na ltung byed do/ /'phya ba dang gzhogs 'phyas byed na ltung byed do/ /dge slong ma grangs su bcug par ma gyur pas kyang dge 'dun gyis bskos pa'i 
dge slong ma bcu gnyis sbyor ba ma btang ba rnams la 'phya na nyes byas so/ /gzhogs 'phyas byed na nyes byas so/ /'phya ba dang gzhogs 'phyas byed na nyes byas so/ /de bzhin du mu gzhan gsum rgyas par brjod par bya'o/ /ltung byed gnyis pa'i gnyis pa rdzogs 
s+ho// //gleng gzhi ni kau shAm+bI na'o/ /de na dge slong ma 'dun ma la ltung ba byung ba dang/ de la tshangs pa mtshungs par spyod pa don 'dod pa/ phan par 'dod pa/ bde bar 'dod pa/ reg par 'dod pa/ grub pa dang bde bar 'dod pa rnams kyis smras pa/ phu nu 
mo khyod la ltung ba byung gis de shogs shig /de dge slong ma de rnams kyi bsgo ba bcag pa'i skabs de dge slong ma rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong ma dag dge slong ma 'dun ma bsgo ba gcog pa'i 
grangs su chug shig grangs su gzhug pa ni 'di ltar bya ste/ gnas mal bshams pa byas nas zhes bya ba nas/ 'phags ma'i dge 'dun phu nu mo dag bdag la gsan du gsol/ dge slong ma 'dun ma 'di ltung ba byung nas de la tshangs pa mtshungs par spyod pa don 

</font><hr>9-1-214b<br><font size=+1>
'tshal ba/ sman par 'tshal ba/ bde bar 'tshal ba/ reg par 'tshal ba/ grub pa dang bde bar 'tshal ba rnams kyis smras pa/ 'dun ma khyod la ltung ba byung gis de shogs shig ces bgyis na/ de dge slong ma de rnams kyi bsgo ba gcog par bgyid 
lags kyis/ gal te 'phags ma'i dge 'dun gyi dus la bab cing bzod na 'di ltar 'phags ma'i dge 'dun gyis gnang bar mdzod cig dang/ dge slong ma 'dun ma bsgo ba gcog pa'i grangs su stsal to/ /'di ni gsol ba'o/ /de kho na bzhin las kyang bya'o/ /de 
'di snyam du ma la bdag gis kha rog pa'am/ bdag gis ma smras par gyur na bdag grangs su bcug par mi 'gyur ba zhig ste/ 'di ltar la las kyang/ skyes bu mkhas par ldan pa yis/ /ngag rnams bzhi po bsrung bya ste/ /nags kyi nang na gong ma sreg /
sgra 'byin pas ni zin la ltos/ /zhes smras so snyam du bsams nas de cang mi smra bas dge slong ma rnams kyi bsgo ba gcog go zhes bya ba nas/ bcom ldan 'das kyis bka' stsal pa/ gnyi gas gcog pa'i grangs su gzhug par bya ste/ gsol ba dang las bya'o/ /de 
la bsgo ba na 'on kyang gcog par byed pa nas don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ 
bslab pa bca' ba'i bar du mdzad de/ bsgo ba gcog na ltung byed do/ /bsgo ba gcog pa zhes bya ba ni bsgo ba gcog pa'i bsam pa can gyi gang ngag dang/ tshig dang/ brjod pa zhes bya ba'i bar gong ma bzhin no/ /ltung byed do zhes bya ba ni gong ma bzhin no/ /de la 
ltung bar ji ltar 'gyur zhe na/ dge slong ma dge slong ma'i drung du song nas 'di skad ces khyod kyi dge slong ma skra bregs nas ring po ma lon pa/ snam sbyar dmar ser can lhung bzed zha nye'i dbyar 'dab can/ mar gyis lhung bzed bkang ba'am/ sbrang rtsis lhung bzed bkang 

</font><hr>9-1-215a<br><font size=+1>
ba'am/ 'o mas lhung bzed bkang bas 'gro ba zhig mthong ngam/ zhes zer ba de la des 'di skad ces dge slong ma rkang gis 'gro ba zhig mthong ngo zhes zer te gzhan dris na lan gzhan ldon par byed cing bsgo ba gcog pa'i bsam pas yin na 
ltung byed du 'gyur ro/ /dge slong ma dge slong ma'i drung du song ste 'di skad ces khyod kyis dge slong ma skra bregs nas ring po ma lon pa/ snam sbyar dmar ser can lhung bzed zha nye'i dbyar 'dab can 'khar gsil lcags kyis dkris pas byung ba zhig mthong ngam zhes zer ba 
na zhes bya ba nas gzhan thams cad brjod de bsgo ba gcog pa'i bsam pas yin na ltung byed du 'gyur ro zhes bya ba'i bar ro/ /dge slong mas dge slong ma'i drung du song ste khyod kyis lam 'di nas khyim pa bu ram shing gi khur ram/ 'dam bu'am/ smyig ma'am/ mda'i 
khur ram/ mar gyi bum pa'am/ 'bru mar ram/ sbrang rtsi'am/ bu ram gyi dbu ba'i bum pas 'gro ba mthong ngam/ zhes zer ba na de 'di skad ces kho mos khyim pa rkang pas 'ong ba zhig mthong gi rgyu gzhan dag gis ni ma yin no zhes zer te/ gzhan dris na lan 
ldon par byed cing bsgo ba gcog pa'i bsam pas yin na ltung byed du 'gyur ro/ /dge slong ma dge slong ma'i drung du song nas 'di skad ces khyod kyis lam 'di nas khyim pa mo thams cad sngo ba'am/ thams cad ser ba'am/ thams cad dmar ba'am/ thams cad 
dkar ba bgos pas 'gro ba mthong ngam zhes 'dri ba na de 'di skad ces kho mos khyim pa mo rkang gis 'gro ba zhig mthong ngo zhes zer te/ gzhan dris na lan gzhan ldon par byed cing bsgo ba gcog pa'i bsam pas yin na ltung byed du 'gyur ro/ /gal te gshed ma'i 
drung nas bros pa zhig gshed mas rjes thogs la de dge slong ma'i drung du song nas 'di skad ces 'phags ma khyod kyis lam 'di nas gsad pa zhig bros pa gzigs sam zhes dris na des de la gsod pa'i gshed ma la rigs pas brjod par bya ste/ gal te tsha ba'i dus 

</font><hr>9-1-215b<br><font size=+1>
yin na bzhin bzangs re zhig yud tsam zhig ngal so shig /re zhig chu grang mo dag 'thung shig ces bsil yab dag gis g.yab par bya'o/ /gal te grang ba'i dus yin na/ 'di skad ces bzhin bzangs re zhig bsro gang du zhugs shig /yud tsam zhig gnas 
dron por ngal so zhig ces brjod par bya'o/ /gal te gshed ma de 'di skad ces bdag rings kyis thong shig ces zer na de la 'di skad ces nam mkha' la bltas te/ nam mkha' mthong ngo zhes brjod par bya'o/ /de bzhin du sen mo la bltas te sen mo mthong ngo zhes 
brjod par bya'o/ /gal te gshed ma zin po zhig ste/ 'di skad ces bdag rnam pa 'di dag mi 'dri'o/ /bdag ni gsad pa 'dri'o zhes zer na dge slong ma des 'du byed thams cad stong pa nyid du lhag par mos par byas la cung zad kyang mthong ba med do zhes brjod 
par bya'o/ /dge slong ma dge slong ma'i drung du song ste de skad ces 'dri ba la gal te dge slong mas cang mi smra bas gcog na ltung byed du 'gyur ro/ /gal te na ba'i sman khar bcug par gyur pa'am/ kha'i nad kyis thebs pa la ni ltung ba med do/ /ltung byed gnyis 
pa'i gsum pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis dge slong rnams kyis bla gab med pa'i gnas mal rab tu mang po gzigs nas bslab pa'i gzhi bca' ba mdzad pa dang/ de na rang bzhin du gnas pa'i dge slong 
ma gang dag yin pa de dag ni bslab pa'i gzhi de'i rjes su sgrub par byed do/ /de nas dge slong ma bcu gnyis sde rnams kyis bla gab med pa'i gnas mal rnams ma brtul bar mtshams kyi phyi rol du dong ngo / /de nas dge slong ma gnas brtan gnas brtan de dag gis 
bcu gnyis sde de rnams la 'di skad ces smras so/ /kye phu nu mo dag bcom ldan 'das kyis bslab pa'i gzhi ma bcas sam/ de dag gis 'di skad ces bslab pa'i gzhi bca' ba mdzad pa de ni dge slong rnams kyi yin gyi/ dge slong ma rnams kyi ni ma yin no/ /

</font><hr>9-1-216a<br><font size=+1>
zhes smras pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /bcom ldan 'das kyis bka' stsal pa/ ngas bslab pa'i gzhi bca' ba mdzad pa de ni gnyi ga'i thun 
mong yin no/ /bcom ldan 'das kyis de ltar bla gab med par gnas mal gzhag par mi bya'o zhes bca' ba mdzad pa dang/ de nas dus gzhan zhig na dge slong ma rnams don mthun dang lhan cig 'grogs te ri 'or zhig tu phyin pa dang/ de rnams kyis gtsug 
lag khang der gnas mal rnyed nas phyi de nyin par gnas mal gtong ba na don mthun dang yang bral nas/ de dag 'ba' zhig dong ba las chom rkun pa rnams kyis btogs pa'i skabs de dge slong ma rnams kyis bcom ldan 'das la gsol pa dang/ bcom ldan 'das 
kyis bka' stsal pa/ bcol te 'dong bar bya'o/ /bcom ldan 'das kyis gsungs pa ma shes nas bcom ldan 'das kyis bka' stsal pa/ gal te gtsug lag khang na gnas na dge slong la bcol bar bya'o/ /dbyar khang na gnas na dge slong ma la bcol bar bya'o/ /
de dag de rnams la 'chol ba na yang thogs par gyur nas bcom ldan 'das kyis bka' stsal pa/gnas mal bcol ba ni lnga ste/ lnga gang zhe na/ gtsug lag khang 'de re zhes bya ba dang/ gtsug lag khang ltos shig ces bya ba dang/ gnas mal 'de re zhes bya 
ba dang/ gnas mal ltos shig ces bya ba dang/ sgo lcags gzhug pa nyid ni lnga pa yin te/ de ltar byas nas de'i 'og tu 'dong bar bya'o/ /de nas bcom ldan 'das kyis dge slong ma rnams la bslab pa 'dod pa dang/ bslab pa la gus pa'i bsngags pa 
brjod nas 'di skad ces bka' stsal to/ /yang dge slong ma gang shes bzhin du dge 'dun gyi khri'am/ khri'u'am/ stan nang tshangs can nam/ la ba'am/ sngas sam/ gor bu bting ba ma bsdus sam/ sdud du ma bcug gam/ dge slong ma yod pa la 

</font><hr>9-1-216b<br><font size=+1>
ma bcol bar de'i 'og tu dong na de 'dra ba'i rkyen ma gtogs te ltung byed do/ /yang dge slong ma gang zhes bya ba ni chos 'di pa'o/ /dge 'dun gyi zhes bya ba ni de bzhin gshegs pa'i nyan thos ma'i dge 'dun gyi'o/ /gtsug lag khang zhes bya ba ni gang du spyod lam 
bzhi shong ba'o/ /khri zhes bya ba ni nyal ba'i'o/ /khri'u zhes bya ba ni 'dug pa'i'o/ /stan nang tshangs can zhes bya ba ni shing bal can no/ /la ba zhes bya ba ni la ba'o/ /sngas zhes bya ba ni sngas su gzhug pa'o/ /gor bu zhes bya ba ni gru bzhi'o/ /bla gab med 
par zhes bya ba ni bar snang ngo / /bting ba zhes bya ba ni rang nyid kyis so/ /'ding du bcug pa zhes bya ba ni gzhan no/ /ma bsdus sam zhes bya ba ni rang gis so/ /sdud du ma bcug par zhes bya ba ni gzhan no/ /de'i 'og tu dong na zhes bya ba ni nyen kor spangs nas 
so/ /gnas mal gyi nyen kor gang zhe na/ bcom ldan 'das kyis bka' stsal pa/ 'dom bzhi bcu rtsa dgu'o/ /phan phun du gyur na ltung byed do/ /phan phun du ma gyur na nyes byas so/ /sangs rgyas bcom ldan 'das la tshe dang ldan pa nye ba 'khor gyis 
zhus pa/ btsun pa gnas mal phan phun du 'gyur ba du mchis/ nye ba 'khor gnyis te/ gnyis gang zhe na/ char gyis phan phun du 'gyur ba dang/ rlung gis phan phun du 'gyur ba'o/ /char gyis phan phun du 'gyur ba gang zhe na/ nye ba 'khor gal te char 
gyi chus gnas mal rim pa gnyis brlan par gyur na ltung byed du 'gyur ro/ /ma brlan na nyes byas te 'di ni char gyis phan phun du 'gyur ba zhes bya'o/ /gal te rlung gis rim pa gnyis bzlog par gyur na ltung byed du 'gyur ro/ /ma bzlog na nyes byas so/ /gal te 
lam du zhugs pa na dran na des sems bskyed par bya zhing tshig tu yang bdag gis gnas 'di 'dra ba zhig tu gnas mal bzhag pa tshangs pa mtshungs par spyod pa rnams kyis brtul grang zhes brjod par bya la/ ltung ba de yang slar chos bzhin bya'o/ /lam du dge slong ma 

</font><hr>9-1-217a<br><font size=+1>
mthong na tha na bta' bar bya zhing gar son yang tha na bta' bar bya la/ ltung ba de yang slar chos bzhin du bya'o/ /dge slong ma yod pa la ma bcol bar zhes bya ba ni de na yod pa'i dge slong ma gang yin pa'o/ /de lta bu ma gtogs te zhes bya ba ni de'i srog gi bar 
chad du 'gyur ba gang yin pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge 'dun gyi gtsug lag khang du dge 'dun gyi khri dang/ khri'u dang/ stan nang tshangs can dang zhes bya ba nas/ gnas mal bla 
gab med par bting ngam/ 'ding du bcug pa ma bsdus sam/ sdud du ma bcug par song na thams cad du ltung byed du 'gyur ro/ /dge slong mas dge 'dun gyi gtsug lag khang du gnas mal bla gab med par bting ngam/ 'ding du bcug la/ gtsug lag khang du zhugs 
nas dran pa nye bar ma bzhag pa nye bar gzhag pa'am/ sems mnyam par ma bzhag pa mnyam par gzhag pa'am/ sems rnam par ma grol ba rnam par grol bar bya'o zhes nang du yang dag bzhag la thun dang po phyed khor na byung ba na phan phun du gyur na ltung byed do/ /
phan phun du ma gyur na nyes byas so/ /de bzhin du thun dang po la byung ba na phan phun du gyur na ltung byed do/ /phan phun du ma gyur na nyes byas so/ /de bzhin du thun dbu ma phyed khor na byung ba na phan phun du gyur na ltung byed do/ /phan phun du ma gyur na nyes byas so/ /de bzhin 
du thun dbu ma la byung ba na phan phun du gyur na ltung byed do/ /phan phun du ma gyur na nyes byas so/ /de bzhin du thun tha ma phyed khor na byung ba na phan phun du gyur na ltung byed do/ /phan phun du ma gyur na nyes byas so/ /de bzhin du thun tha ma la byung ba na phan phun du gyur na ltung 
byed do/ /phan phun du ma gyur na nyes byas so/ /de bzhin du skya rengs shar ka'i dus kyi tshe byung ba na phan phun du gyur na ltung byed do/ /phan phun du ma gyur na nyes byas so/ /de bzhin du skya rengs tha ma dang/ de bzhin du glang po che 'don pa'i dus kyi tshe dang/ de bzhin du 

</font><hr>9-1-217b<br><font size=+1>
glang po che bton pa dang/ de bzhin du nam phan phun dang/ de bzhin du nam nangs pa dang/ de bzhin du nyi ma 'char ka'i dus kyi tshe dang/ de bzhin du nyi ma rtse dang/ de bzhin du dros bu chung dang/ de bzhin du dros chen dang/ de bzhin du phyed yol na byung ba na phan phun du 
gyur na ltung byed do/ /phan phun du ma gyur na nyes byas so/ /dge slong mas dge 'dun gyi gtsug lag khang zhes bya ba nas/ sems rnam par ma grol ba rnam par grol bar bya'o zhes nang du yang dag 'jog pa'i phyir zhugs nas zhes bya ba'i bar ro/ /dung 'bud pa 
gsum pa la byung nas zhes bya ba nas nyi ma nub ka na byung nas zhes bya ba'i bar te phan phun du gyur na ltung byed do/ /phan phun du ma gyur na nyes byas so// //gzhung bla ma'i bsdus pa'i sdom ni/ chos mnyan pa dang de bzhin du/ /zan za ba dang de bzhin grong/ /gtsug 
lag khang du bcol ba dang/ /nad pa dang ni gnas mal dang/ /lnga la bcol bar mi bya dang/ /khri gcig la ni gnyis 'dug pa'o/ /de nas bram ze dang khyim bdag gi chung ma rab tu mang po dge slong ma'i dbyar khang du lhags pa dang/ dge slong ma de rnams kyi lhan 
cig 'du 'dzi'i gtam gyis dus 'da' bar byed na/ bcom ldan 'das kyis bka' stsal pa/ dge slong ma dag 'du 'dzi'i gtam smra ba ni 'tsham pa ma yin no/ /de lta mod kyi chos shod cig /de dag langs te gus shing mdun du 'dug nas chos 'chad par byed 
pa nas/ bcom ldan 'das kyis bka' stsal pa/'dug la chos bshad par bya ste/ khyim pa mo de rnams la yang stan bstab par bya'o/ /gang gi tshe bcom ldan 'das kyis 'dug la chos bshad par bya'o zhes bka' stsal pa dang/ de nas dge 
slong ma de rnams kyis gral rings su shom par byed nas/ bcom ldan 'das kyis bka' stsal pa/ stan rnam pa gnyis po zla gam lta bu'am/ gru bzhir gding bar bya'o/ /gang gi tshe bcom ldan 'das kyis chos bshad par bya'o zhes bka' stsal pa na de dag gis 

</font><hr>9-1-218a<br><font size=+1>
gang gis bshad pa ma shes nas/ bcom ldan 'das kyis bka' stsal pa/ spobs pa'i mthu dang ldan par gyur pa gang yin pa des bshad par bya'o/ /de nas rgan rims mthu dang ldan pa ma yin par gyur nas/ 'og ma gzhon rims dag 'chad par 
byed pa na de dag rgan rims nas gzhon rims su dong nas nyan par byed pas rgan rims de dag mi brjed par gyur nas/ bcom ldan 'das kyis bka' stsal pa/ chos smra ba'i seng ge'i khri bsham par bya zhing seng ge'i khri las smra bar bya'o/ /gang gi tshe bcom ldan 'das kyis 
seng ge'i khri las smra bar bya'o zhes bka' stsal pa de'i tshe mdo ring po dag rgyas par smra bar byed pa na khyim pa mo rnams skyo bar gyur nas/ bcom ldan 'das kyis bka' stsal pa/ cha gsum pa dang/ lnga pa nas cha gsum pa dang/ ston pa yongs su bsgrags pa la tshar bsrang 
ste smra bar gnang ngo zhes bya ba'i bar ro/ /ji tsam na khyim bdag mo rnams zas dag g.yo bar byed pa na de rnams snod spyad dag rnyen par byed nas/ bcom ldan 'das kyis bka' stsal pa/ rnyos shig /stan dag rnyen par byed nas/ bcom ldan 'das kyis bka' stsal 
pa/ rnyos shig /de nas de dag grong du mgron du 'bod nas/ bcom ldan 'das kyis bka' stsal pa/ der yang dong la longs spyad par bya'o/ /de nas khyim bdag mo rnams kyis de dag la 'di skad ces 'phags ma dag khyed cag ci'i slad du chab snod dag snoms te ma 
byon zhes zer nas/ bcom ldan 'das kyis bka' stsal pa/ der yang bum pa dang/ ril ba dang/ stan dang/ seng ge'i khri dag bkur bar bya'o/ /ji tsam na dge slong ma nad pa zhig yod pa des 'di skad ces smras so/ /kye phu nu mo dag 'chi bar 'gyur ro/ /
de dag gis 'di skad ces smras so/ /ci ste/ des 'di skad ces smras so/ /kho mo nad pa la 'dri ba 'ga' yang med do zhes byas nas/ bcom ldan 'das kyis bka' stsal pa/ nad pa la blta bar bya'o/ /lta bar mi byed na 'gal tshabs can du 'gyur ro/ /gang 

</font><hr>9-1-218b<br><font size=+1>
gi tshe bcom ldan 'das kyis nad pa la blta bar bya'o/ /zhes bka' stsal pa dang/ de phyin chad gaN+DI brdungs te dge 'dun thams cad nad pa la blta ba'i phyir 'dong ba na/ de nas nad pas mthong nas gang gi phyir dge 'dun thams cad lhags pa las na/ bdag ni 'chi 
bar 'gyur gor ma chag go snyam nas skrag par gyur nas bcom ldan 'das kyis bka' stsal pa/ de lta bas na gcig gam/ gnyis 'gro bar bya'o/ /der dong ba na stan dag med nas/ bcom ldan 'das kyis bka' stsal pa/ nad 'dri ba'i ched du stan dag gding 
bar bya'o/ /gang gi tshe bting ba de'i tshe de dag 'di snyam du bcom ldan 'das kyis bla gab med par gnas mal dor bar mi bya'o zhes gsungs so snyam du sems shing/ de de dag de nyid na srung zhing 'khod pa na de dag gi sangs rgyas dang/ chos dang/ dge 'dun dang/ 
mkhan po dang/ slob dpon gyi bya ba gang yin pa de des nyams par gyur nas/ bcom ldan 'das kyis bka' stsal pa/ bcol la 'dong bar bya'o/ /de dag nad pa la 'chol bar byed nas/ bcom ldan 'das kyis bka' stsal pa zhes bya ba nas/ rkyen lngas 
gnas mal bla gab med par bor te 'dong bar mi bya'o zhes bya ba'i bar ro/ /lnga po de dag gang zhe na zhes bya ba nas rgas pa dang/ ngo tsha ba med pa dang/ bar chad dang bcas pa dang/ 'gyod pa med pa dang/ bsnyen par ma rdzogs pa'o zhes bya ba'i bar te/ de 
dag rkyen du byas nas dor bar mi bya'o/ /byed na 'gal tshabs can du 'gyur ro/ /gnyis khri gcig la 'dug na gang gis khri brtul bar bya/ bcom ldan 'das kyis bka' stsal pa/ gzhon pas so/ /gnyis ka gzhon par gyur na gal te bzod na gcig 
gis so/ /ltung byed gnyis pa'i bzhi pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis lho lam nas 'ongs pa'i dge slong zhig la brten nas rtswa'i gding ba'i bslab pa'i gzhi bca' ba mdzad pa de'i tshe rang bzhin du gnas 

</font><hr>9-1-219a<br><font size=+1>
pa'i dge slong ma de rnams kyis ni thos nas rjes su sgrub par byed do/ /bcu gnyis sde rnams kyis ni rtswa'i gding ba dag bting zhing 'ding du bcug nas/ mi sdud cing sdud du ma bcug go/ /de nas bcu gnyis sde rnams la dge slong ma de rnams kyis 'di skad ces smras 
so/ /kye phu nu mo dag bcom ldan 'das kyis bslab pa'i gzhi bca' ba ma mdzad dam/ ci'i phyir rtswa'i gding ba dag mi rtul/ de dag gis 'di skad ces bslab pa'i gzhi bca' ba mdzad pa de ni dge slong rnams kyi yin gyi/ dge slong ma rnams kyi ni ma yin no zhes smras pa dang/ 
don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ 
yang dge slong ma gang dge 'dun gyi gtsug lag khang du rtswa'i gding ba'am/ lo ma'i gding ba bting ngam/ 'ding du bcug nas ma bsdus sam/ sdud du ma bcug gam/ dge slong ma yod pa la ma bcol bar de nas song na de lta bu'i rkyen ma gtogs te ltung byed 
do/ /yang dge slong ma gang zhes bya ba ni gong ma bzhin no/ /rtswa'i gding ba zhes bya ba la/ rtswa zhes bya ba ni rtswa nyid do/ /lo ma zhes bya ba ni lo ma dag nyid do/ /bting ngam zhes bya ba ni rang nyid kyis so/ /'ding du bcug pa zhes bya ba ni gzhan gyis so/ /ma bsdus 
sam zhes bya ba ni rang gis so/ /sdud du ma bcug gam zhes bya ba ni gzhan no/ /de nas song na zhes bya ba ni nyen kor spangs na'o/ /gding ba'i nyen kor gang lags/bcom ldan 'das kyis bka' stsal pa/ 'dom bzhi bcu rtsa dgu ste/ phan phun du gyur 
na ltung byed do/ /phan phun du ma gyur na nyes byas so/ /nye ba 'khor gyis zhus pa/ gding ba la phan phun du gyur pa du mchis/ nye ba 'khor gnyis te/ rlung gis phan phun du gyur pa dang/ sril gyis phan phun du 'gyur ba'o/ /rlung gis phan phun du 'gyur 

</font><hr>9-1-219b<br><font size=+1>
ba gang zhe na/ rlung gis gding ba rim gnyis bzlog par gyur pa ste ltung byed du 'gyur ro/ /ma bzlog na nyes byas te 'di ni rlung gis phan phun du gyur pa zhes bya'o/ /sril gyis phan phun du gyur pa gang zhe na/ gal te sril rnams kyis gding ba rim gnyis 
glongs par gyur pa ste glongs na ltung byed do/ /ma glongs na nyes byas so/ /lam du dong ba na dran na nyes byas zhes bya ba nas/ gnas mal la ji lta ba bzhin du rgyas par sbyar bar bya'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ 
gang yang dge slong mas dge 'dun gyi gtsug lag khang du rtswa'i gding ba'am/ lo ma'i gding ba bting ngam/ 'ding du bcug nas ma bsdus sam/ sdud du ma bcug par de ji srid du nyen kor spangs na thams cad du ltung byed du 'gyur ro/ /yang dge slong ma gang 
zhig dge 'dun gyi gtsug lag khang du rtswa'i gding ba'am/ lo ma'i gding ba bla gab med par bting ngam/ 'ding du bcug nas gtsug lag khang du zhugs te dran pa nye bar ma bzhag pa nye bar gzhag pa dang/ sems mnyam par ma bzhag pa mnyam par gzhag 
pa dang/ sems rnam par ma grol ba rnam par grol bar bya'o zhes nang du yang dag par bzhag la thun dang po phyed khor na byung la phan phun du gyur na ltung byed do/ /phan phun du ma gyur na nyes byas so/ /nyi ma nub ka na zhes bya ba nas phan phun du gyur na ltung byed 
do/ /phan phun du ma gyur na nyes byas so zhes bya ba'i bar gnas mal la ji lta ba bzhin du rgyas par sbyar bar bya'o/ /lam kar gnas mal bting ba la nyal ba de dag 'gyod par gyur pa nas/ bcom ldan 'das kyis bka' stsal pa/ glong bar bya'o/ /glong 
bar mi byed na 'gal tshabs can du 'gyur ro/ /de nas phyis dbyar khang du tshon rtsi'i las dag byed pa na dge slong ma rnams kyis rtswa dag bkram par gyur pa dang/ bslab pa 'dod pa de dag gis rtswa de dag bsdus nas dbyar khang gi phyi rol du bor ba dang/ gzhan 

</font><hr>9-1-220a<br><font size=+1>
dag phongs par gyur pa nas bcom ldan 'das kyis bka' stsal pa/ gal te 'ga' zhig sems las chung bar gyis shig ces zer na mi dor ro/ /ltung byed gnyis pa'i lnga pa rdzogs s+ho// //gleng gzhi ni mnyan yod na'o/ /de'i tshe 
sbom dga' mos dbyar gyi thal nas rgyu zhing song ba dang/ de nas dge slong ma gzhon nu rnams kyis mkhan mo dang slob dpon mo dag la 'di skad ces smras so/ /'phags ma dag bdag cag kyang rgyu zhing mchi lags so/ /de dag gis dris pa su dang lhan cig /de 
rnams kyis 'di skad ces smras so/ /'phags ma sbom dga' mo dang ngo / /de dag gis 'di skad ces smras so/ /ma 'deng shig /ci'i slad du/ de dag gis 'di skad ces smras so/ /sbom dga' mo ni gnas ngan len kun du spyod pa yin no/ /zhes de dag gis de 
ltar bzlog kyang de dang lhan cig rgyu zhing dong ste/ de dag rgyu zhing dong ba na ri 'or zhig tu phyin to/ /de nas gzhon nu de rnams kyis rtswa dag bslangs te gding ba bshams nas de dag nyal ba dang/ sbom dga' mos dbus su mchongs nas gnod par byas shing phul te go 
bshugs nas 'di skad ces su la gnod par 'gyur ba de dag 'dong bar 'gyur grang zhes smras so/ /de nas dge slong ma de rnams phyi de nyin par slar log pa dang/ de nas dge slong ma sbom dga' mos de dag la 'di skad ces smras so/ /kho mos khyed la nad kyi sman 
la sogs pa sbyar bar bya'o/ /zhes bya ba nas/ gzhon nu ma de dag gis skabs de mkhan mo dang/ slob dpon mo dag la rgyas par smras so/ /zhes bya ba'i bar ro/ /don nyung ba'i dge slong ma dag smod par byed pa'i skabs de bcom ldan 'das la gsol to/ /
de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong ma rnams snga nas 'khod par shes bzhin du de'i 'og tu 'ongs nas su la gnod par 'gyur ba de 'gro bar 'gyur ba de nyid rkyen du byas 

</font><hr>9-1-220b<br><font size=+1>
te phyis gnon byas nas stan la 'dug par byed na ltung byed do/ /yang dge slong ma gang zhes bya ba ni sbom dga' mo'o/ /shes bzhin du zhes bya ba ni bdag nyid kyis sam gzhan gyis smras par gyur pa'o/ /snga nas 'khod par zhes bya ba ni snga nas 'dug par ro/ /
phyis gnon byas nas zhes bya ba ni 'phral du mthus so/ /stan la zhes bya ba ni gding ba la'o/ /'dug par byed na zhes bya ba ni 'dug par byed pa'am/ lus snyol bar byed pa'o/ /su la gnod par 'gyur ba zhes bya ba ni go mi 'tshugs pa gang yin pa'o/ /de 'gro 
bar 'gyur grang zhes bya ba ni de langs te 'gro ba'o/ /de nyid rkyen du byas te zhes bya ba ni gzhan ma yin pa'o/ /de la ltung bar ji ltar 'gyur zhe na/ dge slong mas ji tsam cung zad dge slong ma dag snga nas 'khod par shes bzhin du su la gnod par 'gyur ba de 'gro 
bar 'gyur grang zhes phyis gnon byas nas stan la 'dug par byed na thams cad du ltung byed du 'gyur ro/ /gal te nad pa yin na ltung ba med do/ /gal te skrag pa yin na ltung ba med do/ /ltung byed gnyis pa'i drug pa rdzogs s+ho// //gleng gzhi ni mnyan yod 
na'o/ /de'i tshe sbom dga' mo 'khor dang bcas te ljongs rgyu zhing song ba na mnyan yod du phyin to/ /bcom ldan 'das kyi bstan pa la dge slong dang/ dge slong ma rnams gnas mal 'ged par byed pa 'di ni lugs yin pas de nas dge slong ma'i dbyar khang gi 
gnas mal 'ged pa na sbom dga' mo'i skal bar steng gi yang thog cig bab pa las de shes bzhin dang mi ldan par gnas mal de la 'dug ste/ de 'dug pa na khri'i rkang pas khang thog rdol bar byas te/ khri'i rkang pa ltung bas de'i 'og na dge slong ma zhig yod 
pa'i mgo bo brtol ba dang/ don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab 

</font><hr>9-1-221a<br><font size=+1>
pa bca' ba'i bar du mdzad de/ yang dge slong ma gang steng gi yang thog tu khri'am/ khri'u rtsa ba 'byung ba la ljid kyis mnan te nyal lam 'dug na ltung byed do/ /yang dge slong ma gang zhes bya ba ni sbom dga' mo'o/ /dge 'dun gyi zhes bya ba ni 
de bzhin gshegs pa'i nyan thos ma'i dge 'dun gyi'o/ /gtsug lag khang zhes bya ba ni gang du spyod lam bzhi shong ba'o/ /steng gi zhes bya ba ni khang thog gi steng ngo / /yang thog ces bya ba ni gnas khang ngo / /rtsa ba 'byung ba la zhes bya ba ni rkang pa 'byung ba'o/ /
'dug gam zhes bya ba ni 'dug par byed pa'o/ /nyal lam zhes bya ba ni lus snyol bar byed pa'o/ /de la ltung bar ji ltar 'gyur zhe na/ dge slong mas ji tsam cung zad steng gi khang thog gi yang thog tu khri'am/ khri'u'i rtsa ba 'byung ba la 'dug gam nyal na thams 
cad du ltung byed du 'gyur ro/ /gal te so phag gis g.yogs pa'am/ spang leb kyis g.yogs pa'am/ dral bu'am/ shing leb bam/ shing leb chung ngus g.yogs pa'am/ zhal zhal byas pa'am/ rkang rten bcug pa la ni ltung ba med do/ /ltung byed 
gnyis pa'i bdun pa rdzogs s+ho// //gleng gzhi ni mnyan yod na'o/ /de'i tshe sbom dga' mo srog chags dang bcas pa'i chus rtswa la 'debs par byed sa dang lci ba la yang 'debs par byed nas/ de la dge slong ma rnams kyis smras pa/ phu nu mo srog chags dang 
bcas pa'i chus rtswa'am lci ba la ma 'debs shig /des 'di skad ces ci kho mo la bgrangs te gtad dam/shar gyi rgya mtsho chen por 'dong na ci nyes/ lho dang nub kyi rgya mtsho chen por 'dong na ci nyes zhes smras pa dang/ don nyung ba'i dge slong ma dag smod par byed pa'i 
skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang srog chags dang bcas pa'i chus rtswa'am/ lci ba'am/ sa la 'debs sam/ 'debs su 

</font><hr>9-1-221b<br><font size=+1>
'jug na ltung byed do/ /yang dge slong ma gang zhes bya ba ni sbom dga' mo'o/ /srog chags dang bcas pa'i zhes bya ba la srog chags ni gnyis te/ gang dag mig lam du snang bar 'gyur ba dang/ gang dag chu tshags kyis zin par 'gyur ba'o/ /chus zhes bya ba 
ni chus rtswa'am/ sa'am/ 'ji ba'am/ lci ba'am/ lud la'o/ /'debs sam zhes bya ba ni bdag nyid kyis so/ /'debs su bcug na zhes bya ba ni gzhan dag go/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ srog 
chags dang bcas pa'i chu la srog chags dang bcas par 'du shes te 'debs sam/ 'debs su 'jug na ltung byed do/ /de bzhin du yid gnyis za na ltung byed do/ /dge slong mas srog chags med pa'i chu la srog chags dang bcas par 'du shes nas 'debs sam/ 'debs 
su 'jug na nyes byas so/ /de bzhin du yid gnyis za na nyes byas so/ /dge slong mas yur ba 'dren par byed na der srog chags ji snyed shi ba de snyed kyi ltung byed du 'gyur ro/ /ji snyed ma shi ba de snyed kyi nyes byas su 'gyur ro/ /de bzhin du rgyun gcod par byed pa 
dang/ zhing gi dka' gcod pa dang/ 'gog cing gtong ba ste/ thams cad du gzhi ji lta ba bzhin du 'gyur ro/ /ltung byed gnyis pa'i brgyad pa rdzogs s+ho// //dge slong ma'i 'dul ba rnam par 'byed pa/bam po bcwa brgyad pa/gleng gzhi ni 
mnyan yod na'o/ /gang gi tshe bcom ldan 'das kyis/ bsod nams dag ni bya ba ste/ /bsod nams ma byas sdug bsngal 'gyur/ /'jig rten 'di dang pha rol du/ /bsod nams byas pa dga' bar 'gyur zhes bka' stsal pa de'i tshe/ dge slong ma de dag 
gis gnas khang dang/ ra ba dang/ sgo khang la sogs pa bya bar brtsams so/ /de nas sbom dga' mos bsams pa/ bdag gis 'di lta bu'i bsod nams kyi phung po las yongs su nyams so snyam du bsams nas snga dro sham thabs bgos/ lhung bzed 

</font><hr>9-1-222a<br><font size=+1>
dang/ chos gos blangs te/ tshong dpon gyi chung ma zhig gi drung du song nas son pa dang 'di skad ces smras so/ /mtshan bzangs ma nad med par gyur cig /de nas khyim bdag gi chung ma des sbom dga' mo'i phyir stan bting ngo / /de nas sbom dga' 
mo stan bting ba la 'dug go/ /'dug nas rdzas las byung ba'i bsod nams bya ba'i dngos po bdun gyi mdo rgyas par rnam par phye bas khyim bdag gi chung ma de dad par byas nas skabs 'byed du bcug go zhes bya ba nas des smras pa/ gtsug lag khang gi rgyu cung zad cig 
byin cig ces bya ba'i bar ro/ /de nas sbom dga' mos dbyar khang de la stor khung yang med/ chu khung yang med pa/ sbyang gi dbyibs lta bu zhig brtsig par brtsams pa dang/ de nas dge slong ma de rnams kyis sbom dga' mo la 'di skad ces smras so/ /'phags 
ma bcom ldan 'das kyi sgo khang dang/ gtan pa'i gnas ji srid par 'ji ba'i rim pa gnyis sam gsum brtsig par bya'o zhes bka' stsal pa ma yin nam/ des 'di skad ces dge slong rnams la bka' stsal gyi dge slong ma rnams la ni ma yin no/ /de lta mod kyi bu 
zan gyi bu mo dag /kye kho mo sde snod gsum pa yin pas gtsug lag khang ci 'dra bar brtsigs par shes so zhes smras pa dang/ don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang/ dge slong dag gis 
bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas gtsug lag khang chen po zhig rtsig tu 'jug na sgo khang dang/ gtan pa dang/ snang ba'i gnas ji tsam pa'i 
'du shes kyis sa brtag pa nas bzung ste 'ji ba'i rim pa gnyis sam gsum brtsig par bya'o/ /de las lhag par rtsig na ltung byed do/ /chen po zhes bya ba la chen po ni gnyis te/ sbyin par bya ba las dang/ tshad las te/ don 'di la ni sbyin par bya ba las yin par 

</font><hr>9-1-222b<br><font size=+1>
dgongs so/ /gtsug lag khang zhes bya ba ni gang du spyod lam bzhi shong ba'o/ /rtsig tu 'jug na zhes bya ba ni bdag nyid dam gzhan no/ /sgo khang dang/ gtan pa'i gnas zhes bya ba ni sgo khang dang/ skar khung gi 'du shes dang/ chu khung gi 'du shes so/ /'ji 
ba'i rim pa gnyis sam gsum zhes bya la/ 'ji ba zhes bya ba ni 'jim pa'o/ /rim pa zhes bya ba ni rtseg ma'o/ /brtsig par bya'o zhes bya ba ni bslang bar bya ba'o/ /de las lhag par zhes bya ba ni de las gong du'o/ /ltung byed do zhes bya ba ni gong ma bzhin no/ /de 
la ltung bar ji ltar 'gyur zhe na/ dge slong mas ji tsam cung zad 'ji ba'i rim pa gnyis sam gsum las lhag par rtsig na thams cad du ltung byed du 'gyur ro/ /gal te gtsug lag khang rdo ba'i rgyu las rtsig gam/ gtsug lag khang gi bdag po rings na ltung ba med do/ /
ltung byed gnyis pa'i dgu pa rdzogs s+ho// //gleng gzhi ni mnyan yod na'o/ /gang gi tshe tshe dang ldan pa shA ri'i bu gcer bu pa'i 'dug gnas su 'dug nas khyim bdag chung ma dang/ 'khor dang bcas pa rgyun du zhugs pa'i 'bras bu la rab tu bzhag go/ /de 
nyid la rab tu brten nas srog chags khri nyis stong bden pa mthong bar byas pa na tshe dang ldan pa shA ri'i bu las brten te legs par brtags nas bslab pa'i gzhi bca' ba mdzad pa de'i tshe bcu gnyis sde rnams 'dug gnas gcig tu nyal bar byed/ 'dug gnas 
gcig tu zos nas bsod snyoms phyi ma shos kyang za bar byed pa dang/ rang bzhin du gnas pa'i dge slong ma rnams kyis 'di skad ces smras so/ /kye phu nu mo dag bcom ldan 'das kyis 'dug gnas kyi bslab pa'i gzhi bca' ba ma mdzad dam/ de dag gis 'di skad 
ces bcom ldan 'das kyis bcas pa de ni dge slong rnams kyi yin gyi/ dge slong ma rnams kyi ma yin no zhes smras pa dang/ don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang/ dge slong dag gis bcom 

</font><hr>9-1-223a<br><font size=+1>
ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad do/ /dge slong ma gang mi na bar 'dug gnas gcig na 'dug pas bsod snyoms lan gcig bza' bar bya ste/ de las 
lhag par za na ltung byed do/ /'dug gnas gcig tu nyal na zhes bya ba ni mu stegs can gyi gnas su nyal na'o/ /dge slong ma gang zhes bya ba ni bcu gnyis sde dag go/ /mi na bar zhes bya ba ni na ba ma gtogs pa'o/ /bsod snyoms lan gcig bza' bar bya ste zhes 
bya ba ni phyi ma shos ma yin pa'o/ /de las lhag par zhes bya ba ni de las 'das par ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'dug gnas su gnas sam/ 'dug gnas su za ba na gnas 
pa na de la nyes byas so/ /za na ltung byed do/ /'dug gnas su gnas shing gzhan du za na 'dug gnas su gnas pa na de la nyes byas so/ /gzhan du za na ltung ba med do/ /'dug gnas su za la gzhan du gnas par byed na 'dug gnas su za bar byed na de la ltung 
byed do/ /gzhan du gnas par byed pa la ltung ba med do/ /gzhan du gnas par byed cing gzhan du za na gnyi ga la ltung ba med do/ /ltung byed gnyis pa'i bcu pa rdzogs s+ho// //sdom ni/ khur ba 'dus dang dus min dang/ /sogs 'jog ma byin lnga pa 
yin/ /srog chags bcas pa dag dang ni/ /nyal po byed par shom pa gnyis/ /gcer bu dmag la zhag gnyis lhag /tshogs la lta bar byed pa'o/ /gleng gzhi ni mnyan yod na'o/ /de'i tshe khyim bdag cig gis rigs mnyam pa las chung ma blangs te/ de chung 
ma de dang lhan cig rtse bar byed/ dga' bar byed/ dga' mgur spyod par byed pa las/ ji tsam na bu mo g.yas zhar ma zhig btsas te zhes bya ba nas/ chung ma gsod pa zhes bya bas bslangs te zhag dus btab bo zhes bya ba'i bar ro/ /ji tsam na de'i ched du 

</font><hr>9-1-223b<br><font size=+1>
phal mo che dag sta gon byed do/ /ji tsam na khyim der dga' bo dang/ nye dga' bsod snyoms kyi phyir zhugs nas de gnyis kyis 'di skad ces smras so/ /mtshan bzangs ma bsod snyoms byin cig /des 'di skad ces smras so/ /bdag glo ba brel ba zhig mchis so/ /
de gnyis kyis 'di skad ces smras so/ /khyod ci zhig brel/ des 'di skad ces smras so/ /g.yas zhar ma rdzong ba la bab lags so/ /de gnyis kyis 'di skad ces smras so/ /de ring kho bo cag gi sring mo rdzong na kho bo cag gis de ring kho na bsod snyoms mi rnyed dam/ de 
dga' ba dang/ mgu ba dang/ rab tu dga' ba'i yid kyis bsod snyoms mang du byin no/ /de gnyis kyis bsod snyoms blangs nas dong ngo / /de'i 'og tu sbom dga' mo dang/ gtsug dga' mo 'ongs nas de gnyis kyis kyang bsod snyoms blangs te dong ngo / /ji tsam na 
rgyal dang/ nye rgyal gyis sbom dga' mo dang/ gtsug dga' mo lag pa gang zhing lhung bzed gang ba mthong ngo / /mthong nas kyang 'di skad ces smras so/ /phu nu mo dag g.yas zhar ma de ring rdzong ba la bab kyis deng shig /de nas rgyal dang/ nye rgyal yang bsod 
snyoms kyi phyir de nyid du dong ngo / /de bzhin du rgyal grogs ma dang/ rgyal skyong ma dang/ de bzhin du bzang mo dang/ shin tu bzang mo dang/ de bzhin du mdzes dga' mo dang/ rgyal ldan ma yang dong nas khyim de na g.yas zhar ma rdzong ba'i ched du sta gon byas pa 
cung zad ci yod pa de thams cad bcu gnyis sde rnams la byin no/ /ji tsam na yang sta gon bya bar brtsams pa dang/ de nas chung ma gsod pa de'i ne'u zla zhig yod pa des smras pa/ g.yas zhar ma ni skyon mang po can yin te/ rgya skyegs shing gi so shing dang/ 
nub tu sngas bstan nyal ba dang/ /dgongs ka'i zho 'thung g.yas zhar len/ /zhi ba yang ni gnas nas 'pho/ /zhes smras te/ de ltar g.yas zhar ma de len pa'i bar chad byas par gyur to/ /bram ze dang/ khyim bdag rnams dge sbyong gi shAkya'i 

</font><hr>9-1-224a<br><font size=+1>
sras rnams kyi dge sbyong gi tshul dang/ tshangs pa'i tshul ni tshig pa yin te/ gang gi phyir bu mo len pa'i bar chad byed do zhes smod par byed pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung 
ba 'di dang zhes bya ba nas/ bslab pa bca' ba'i bar du mdzad de/ yang dge slong ma rab tu mang po khyim rnams su dong ba na de dag la gal te bram ze dang/ khyim bdag dad pa can rnams skyo ma'am/ snum khur dag gis shin tu stobs par byed la/ 'dod na dge slong 
ma des lhung bzed do'am/ gsum blang bar bya'o/ /de las lhag par len na ltung byed do/ /lhung bzed do'am/ gsum blangs nas khyim gyi phyi rol kun dga'i ra bar song la dge slong ma 'khod pa rnams dang bgo bar bya ste/ de la cho ga ni de yin no/ /yang dge 
slong ma zhes bya ba ni bcu gnyis sde dag go/ /khyim rnams su dong ba na zhes bya ba ni bram ze dang/ khyim bdag gi khyim rnams su'o/ /de dag la gal te bram ze dang/ khyim bdag dad pa can dag ces bya ba la/ dad pa can zhes bya ba ni sangs rgyas la mngon par dad 
pa dang/ chos dang/ dge 'dun la mngon par dad pa zhes bya ba nas/ 'bras bu thob pa zhes bya ba'i bar gang yin pa'o/ /shin tu zhes bya ba ni chog par ro/ /stobs par byed na zhes bya ba ni mgron du gnyer na'o/ /skyo ma zhes bya ba ni phye'i'o/ /snum khur 
zhes bya ba ni khur ba'o/ /'dod na zhes bya ba ni don du gnyer na'o/ /do'am gsum zhes bya ba la do zhes bya ba ni chen po'i'o/ /gsum zhes bya ba ni chung ngu dang/ 'bring dang/ chen po'i'o/ /de la chen po ni yul ma ga d+hA'i bre'u chung gang ngo / /chung ngu ni bre'u 
chung phyed do/ /de'i bar ma ni bar ma'o/ /blangs nas khyim gyi phyi rol kun dga' ra bar song nas gtsug lag khang na dge slong ma 'khod pa rnams dang bgo bar bya ste zhes bya ba ni de na yod pa'i dge slong ma dag dang ngo / /de las lhag par zhes bya ba ni de las 'das par ro/ /

</font><hr>9-1-224b<br><font size=+1>
ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas lhung bzed chen po gsum blangs na ltung byed do/ /chen po gnyis dang/ bar ma gcig blangs na ltung byed do/ /bar ma gnyis dang/ chen po gcig len na ltung 
byed do/ /dge slong mas ji tsam cung zad bre'u chung do las lhag par len na thams cad du ltung byed du 'gyur ro/ /ltung byed gsum pa'i dang po rdzogs s+ho// //gleng gzhi ni rgyal po'i khab na'o/ /gang gi tshe bcom ldan 'das kyis lha sbyin las brten te tshogs 
shing za ba bkag pa dang/ de nas dge slong ma de dag gis gnyi ga'i thun mong yin no zhes rjes su sgrub par byed do/ /de nas phyis na ba dag tu gyur te zas gcig gis 'tsho bar ma nus nas/ bcom ldan 'das kyis bka' stsal pa/ na ba dus yin no zhes byas te 
bza' bar bya'o/ /de bzhin du lam du zhugs pa bkres nas dge ba'i phyogs byed mi nus par gyur nas zhes bya ba nas/ bza' bar bya'o zhes bya ba'i bar ro/ /de bzhin du las byed pa dang/ de bzhin du grur zhugs pas kyang bza' bar bya'o/ /de bzhin du 
mang po 'dus pa'i dus su rnyed pa byung ba nas bcom ldan 'das kyis bka' stsal pa/ bza' bar bya'o/ /de bzhin du kun du rgyu'am/ kun du rgyu mo sangs rgyas kyi bstan pa la dad pa rnyed pa de las kyang bza' bar bya ste/ dge slong ma dag kun du rgyu sangs 
rgyas kyi bstan pa la dad pa rnyed pa ni dkon pa'i phyir ro/ /de nas bcom ldan 'das kyis dge slong ma rnams la bslab pa 'dod pa dang/ bslab pa la gus pa dang/ bslab pa la yo byad bsnyungs pa'i bsngags pa brjod nas 'di skad ces bka' stsal to/ /dus ma 
gtogs te 'dus shing za na ltung byed do/ /de la dus ni 'di yin te/ na ba dus dang las dus dang/ lam dus dang/ grur zhugs pa dang/ 'dus pa chen po dang/ dge sbyong gi zas dus so/ /'dus shing za ba zhes bya ba ni mi mthun zhing za ba'o/ /dus ma 

</font><hr>9-1-225a<br><font size=+1>
gtogs te zhes bya ba ni 'di ltar yang na ba dag tu gyur la/ zas gcig gis 'tsho bar mi nus pa lta bu'o/ /lam dus zhes bya ba ni lam du zhugs pa la sbyin bdag gis byin pa'o/ /grur zhugs pa zhes bya ba ni grur 'jug pa na sbyin bdag gis 
bsod snyoms byin pa'o/ /'dus pa chen po zhes bya ba ni mang po 'dus pa'i zas so/ /dge sbyong gi zas dus so zhes bya ba ni 'di las phyi rol pa'i rab tu byung ba la dge sbyong zhes bya'o/ /de la dus ni 'di yin no zhes bya ba ni de la de ni mthun pa'i chos yin pa'o/ /de la 
ltung bar ji ltar 'gyur zhe na/ dge slong ma mtshams kyi nang la mtshams kyi nang du 'du shes pas 'dus shing zas za na ltung byed do/ /de bzhin du yid gnyis za na ltung byed do/ /dge slong ma mtshams kyi phyi rol la mtshams kyi nang du 'du shes pas 'dus shing zas za na nyes byas 
so/ /yid gnyis za na nyes byas so/ /dge slong ma'i dbyar khang gi khyams dag yod la/ gal te dge slong ma kha cig dbyar khang du za la/ kha cig khyams dag tu za na/ de la ni g.yar khang na za ba gang yin pa de dag gis ji ga kha zas kyis bsrul tam zhes dri bar bya'o/ /
ma dris par za na ltung byed du 'gyur ro/ /khyams rnams la ni nyes byas su 'gyur ro/ /de bzhin du gnas khang dang/ sgo khang la sogs pa la yang brjod par bya'o/ /gal te kha zas kyis bsrul na chung ngu na ril ba'i chu'am/ lan tshwa kha gzar gang tsam yang bsrul na ltung ba med do/ /ltung byed gsum pa'i gnyis pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis bcu bdun sde rnams las brten te dus ma yin pa'i zas kyi bslab pa'i gzhi bca' ba mdzad pa de'i tshe bcu 
gnyis sde rnams dus su yang za bar byed/ dus ma yin par yang za bar byed pa dang/ dge slong ma rnams kyis smras pa/ bcom ldan 'das kyis dus ma yin pa'i zas kyi bslab pa'i gzhi bca' ba ma mdzad dam/ de dag gis 'di skad ces dge slong rnams la bca' 

</font><hr>9-1-225b<br><font size=+1>
ba mdzad kyi dge slong ma rnams la ni ma yin no zhes smras pa dang/ don nyung ba'i dge slong ma rnams smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ 
yang dge slong ma gang dus ma yin par bza' ba dang/ bca' ba 'chos sam zos na ltung byed do/ /yang dge slong ma gang zhes bya ba ni bcu gnyis sde dag go/ /dus ma yin pa zhes bya ba la dus ma yin pa ni gnyis te/ dus ma yin pa phyed yol ba dang/ dus ma yin pa 
skya rengs ma shar ba'o/ /bca' ba dang/ bza' ba zhes bya ba ni bca' ba lnga dang/ bza' ba lnga po dag go/ /'chos sam/ zos na zhes bya ba ni lkog mar mid na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas 
dus ma yin pa la dus ma yin par 'du shes nas 'chos sam/ zos na ltung byed do/ /de bzhin du yid gnyis za na ltung byed do/ /dge slong mas dus la dus ma yin par 'du shes nas 'chos sam/ zos na nyes byas so/ /de bzhin du yid gnyis za na nyes byas so/ /
ltung byed gsum pa'i gsum pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis nag po 'char ka las brten te gsog 'jog byas pa'i zas kyi bslab pa'i gzhi bca' ba mdzad pa de'i tshe bcu gnyis sde rnams kyis bsod snyoms 
la brgyus nas 'bras chan skam po yang logs shig tu len par byed/ 'bras chan gsher ba yang logs shig tu len par byed cing/ ji snyed longs spyad pa'i lhag ma de dag skems par byed de/ de dag bskams nas 'jog par byed do/ /gang gi tshe rlung 
langs par gyur pa'am/ yul ngan byung ba de'i tshe de dag chus sbangs nas mes btsos te longs spyod par byed pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang 

</font><hr>9-1-226a<br><font size=+1>
zhes bya ba nas/ bslab pa bca' ba'i bar du mdzad de/ yang dge slong ma gang gsog 'jog byas pa'i bca' ba dang/ bza' ba 'chos sam/ zos na ltung byed do/ /yang dge slong ma gang zhes bya ba ni bcu gnyis sde dag go/ /gsog 
'jog byas pa zhes bya ba la/ gsog 'jog byas pa ni gnyis te/ snga ma'i zas byin len byas shing phyi ma'i zas gsog 'jog byas pa'am/ phyi ma'i zas byin len byed cing dus tshod las 'das par gsog 'jog byas pa'o/ /bca' ba dang/ bza' ba zhes 
bya ba ni snga ma bzhin no/ /ltung byed do zhes bya ba'i bar gong ma bzhin no/ /de la ltung bar ji ltar 'gyur zhe na/ dge slong mas gsog 'jog byas pa la gsog 'jog byas par 'du shes na ltung byed do/ /gsog 'jog ma byas pa la gsog 'jog byas par 'du shes na 
nyes byas so/ /de bzhin du yid gnyis za na nyes byas so/ /gos kyi gsog 'jog byed na ltung byed do/ /lhung bzed kyi gsog 'jog byed na ltung byed do/ /bya ma bum gsog 'jog byed na ltung byed do/ /sgo lcags gsog 'jog byed na nyes byas so/ /lde mig 
kyog po gsog 'jog byed na nyes byas so/ /sgo lcags gze ma gsog 'jog byed na nyes byas so/ /ltung byed gsum pa'i bzhi pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis dur khrod thams cad pa'i dge slong nag po 
chen po la brten nas byin len bya ba'i bslab pa'i gzhi bca' ba mdzad pa de'i tshe dge slong ma de dag gis byin len ji lta bu yin pa dang/ byin len du yod pa ma shes par gyur pa'i skabs de dge slong ma rnams kyis bcom ldan 'das la gsol pa dang/ bcom ldan 
'das kyis bka' stsal pa/ byin len ni lnga ste/ lnga gang zhe na/ lus kyis lus dang 'brel pa dang/ lus la lus kyis dang/ lus dang 'brel pa la lus dang 'brel pa dang/ lus la lus kyis 'brel pa dang/ gzhag pa'i cho ga nyid ni lnga pa yin no/ /smad 

</font><hr>9-1-226b<br><font size=+1>
pa zhes bya ba'i yul yod de/ de dag ma la yang nyal bar byed pa yin no zhes bya ba nas/ der sa la dkyil 'khor byas te byin len bya'o/ /'bras bu dag rnyed na de dag gis ji ltar byin len bya ba ma shes nas bcom ldan 'das kyis bka' stsal pa/ byin len 
ni lnga ste/ gzhong pa dang/ khri dang/ khri'u dang/ thu ba dang/ lhung bzed kyi snod de lag pas reg pas byin len bya'o/ /byin len byas pa de dag 'dril na gal te ma langs par zin na de nyid byin len byas pa yin no/ /gal te rgyang ring por gyur na yang byin 
len bya'o/ /de dag rung bar byin len bya'o/ /de dag rung bar bya dgos na rung ba du yod pa ma shes nas bcom ldan 'das kyis bka' stsal pa/ rung ba ni lnga ste/ lnga gang zhe na/ mes rung ba dang/ mtshon gyis rung ba dang/ ne tsos rung ba dang/ sen mos 
rung ba dang/ rnyis pas rung ba nyid ni lnga pa'o/ /yang rung ba ni lnga ste/ phyung ba dang/ gshegs pa dang/ bcad pa dang/ phug pa dang/ sa bon gyi chos med pa ni lnga pa ste/ sngon po la yang de nyid kyis rung bar byas pa yin no/ /phyis de dag la bram ze dang/ 
khyim bdag rnams 'brim par 'dod pa na ma byin nas bcom ldan 'das kyis bka' stsal pa/ sbyin par bya'o/ /dge slong ma dag lam du zhugs nas dgon pa'i gnas zhig tu 'khod pa na nags kyi seng ge dang/ spre'u dang/ dom la sogs pa las byin len byas te/ 
gang dag la 'dzin pa mngon pa/ de dag las byin len yang mngon no/ /de dag lam du zhugs pa na chu dang so shing gis phongs par gyur pa'i skabs de dge slong ma rnams kyis dge slong dag la smras so/ /dge slong dag gis bcom ldan 'das la gsol pa dang/ 
bcom ldan 'das kyis bka' stsal pa/ chu dang so shing ma gtogs so zhes rjes su gnang ngo / /de nas bcom ldan 'das kyis dge slong ma rnams la bslab pa 'dod pa dang/ bslab pa la gus pa dang/ bslab pa la yo byad bsnyungs pa'i bsngags pa 

</font><hr>9-1-227a<br><font size=+1>
brjod nas 'di skad ces bka' stsal to/ /yang dge slong ma gang chu dang so shing ma gtogs te ma byin par kha'i sgo nas mid pa'i zas za na ltung byed do/ /yang dge slong ma gang zhes bya ba ni chos 'di pa dag go/ /ma byin par zhes bya ba ni de la sus kyang ma 
byin par gyur pa'o/ /kha'i sgo nas zhes bya ba ni khar za ba'o/ /bca' ba zhes bya ba ni snga ma bzhin no/ /chu dang so shing ma gtogs par zhes bya ba ni chu dang so shing bzhag ste'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong 
mas byin len ma byas pa la byin len byas par 'du shes nas 'chos sam zos na ltung byed do/ /de bzhin du yid gnyis za na ltung byed do/ /dge slong mas byin len byas pa la byin len ma byas par 'du shes nas zos sam 'chos na nyes byas so/ /de bzhin du 
yid gnyis za na nyes byas so// //bar sdom la/ byin len lnga dang 'bras bu dang/ /de bzhin rung ba lnga dang ni/ /seng ge spre'u dom dag gi/ /de bzhin gshegs pas rjes gnang ste/ /bar gyi sdom du bsdus pa yin/ /ltung byed gsum pa'i lnga pa rdzogs s+ho// //
gleng gzhi ni kau shAm+bI na'o/ /de'i tshe rgyal dang nye rgyal srog chags dang bcas pa'i chu la spyod pa dang/ dge slong ma de rnams kyis smras pa/ phu nu mo dag srog chags dang bcas pa'i chu la spyod par ma byed cig /de dag gis 'di skad ces ci kho mo cag la bgrangs te gtad 
dam/ shar gyi rgya mtsho chen por dong na ci nyes/ lho dang/ nub dang/ byang gi rgya mtsho chen por dong na ci nyes zhes smras pa dang/ don nyung ba'i dge slong ma rnams smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 
'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du srog chags dang bcas pa'i chu la spyod na ltung byed do/ /yang dge slong ma gang zhes bya ba ni rgyal dang/ nye rgyal lo/ /srog chags dang bcas pa'i chu zhes bya ba la/

</font><hr>9-1-227b<br><font size=+1>
srog chags ni gnyis te/ gang dag mig lam du snang ba dang/ gang dag chu tshags kyis zin par 'gyur ba'o/ /spyod na zhes bya ba la spyod pa ni gnyis te/ nang dang phyi'i'o/ /phyi'i ni khrus byed pa dang/ chag chag dang/ gos la sogs pa'i bkru bshal dang/ sre ba dang/ 'tshod 
par byed pa dang/ byed du 'jug pa ste/ 'di ni phyi'i spyod pa zhes bya'o/ /so shing bca' ba dang/ btung ba yang ngo / /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas srog chags dang bcas pa'i chu la srog chags dang bcas pa'i 
chur 'du shes nas gnyis po gang yang rung bar spyod na ltung byed do/ /de bzhin du yid gnyis za na ltung byed do/ /dge slong mas srog chags med pa'i chu la srog chags dang bcas par 'du shes nas gnyis po gang yang rung bar spyod par byed na nyes byas so/ /de bzhin du yid 
gnyis za na nyes byas so/ /de bzhin du srog chags dang bcas pa'i yal ga dang/ lo ma dang/ 'bras bu la sogs pa la yang brjod par bya'o/ /ltung byed gsum pa'i drug pa rdzogs s+ho// //gleng gzhi ni mnyan yod na'o/ /de'i tshe spos 'tshong gi khye'u chung 
ma blangs nas ring por ma lon pa zhig yod pa de nub mo bsrung ba'i phyir tshong khang du 'dug nas/ de nang bar gyi dus su tshong khang gi sgo bcad de khyim du chas pa de sbom dga' mo spyod yul du zhugs pas mthong ngo / /mthong nas kyang e ma'o khye'u de ni 'dod chags kyi sems kyis 
khyim du song ngo snyam du rig nas de nas de rings par song ste tshong pa'i khye'u de'i khyim du zhugs te/ stan la 'dug nas bsdad do/ /de nas tshong pa'i khye'u de khyim du 'ongs nas chung ma la blta bar brtsams pa dang/ des 'di skad ces smras so/ /rje'i sras 'phags ma 
sdod cing bzhugs so/ /de nas khye'u des sbom dga' mo mthong nas shAkya'i sras kyi dge sbyong ma rnams kyi dge sbyong gi tshul dang/ tshangs pa'i tshul tshig pa yin te/ gang gi phyir 'di ltar rang gi chung ma dang lhan cig dben pa na 'dug pa'i skabs kyang mi rnyed do 

</font><hr>9-1-228a<br><font size=+1>
zhes 'phya bar byed pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma 
gang shes bzhin du nyal po byed par shom pa'i khyim du phyis gnon byas te stan la 'dug par byed na ltung byed do/ /yang dge slong ma gang zhes bya ba ni sbom dga' mo'o/ /nyal po byed par shom pa'i zhes bya ba ni bud med ni skyes pa'i nyal po bya ba yin no/ /khyim du zhes 
bya ba ni khyim bdag rnams kyi khyim du'o/ /phyis gnon byas te zhes bya ba ni 'phral la'o/ /'dug par byed na zhes bya ba ni 'dug par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ci tsam cung zad nyal po byed 
par shom pa'i khyim rnams su mthus mnan te stan la 'dug par byed na thams cad du ltung byed du 'gyur ro/ /ltung byed gsum pa'i bdun pa rdzogs s+ho// //gleng gzhi ni mnyan yod na'o/ /de nas sbom dga' mo snga dro sham thabs bgos chos gos dang lhung bzed 
thogs te spyod yul du zhugs pa dang/ sbom dga' mos yang spos 'tshong gi khye'u de khyim du 'gro ba mthong ngo / /de nas sbom dga' mos bsams pa/ bcom ldan 'das kyis 'dug pa'i bslab pa'i gzhi bca' ba mdzad kyis ma la bdag gis sgo rgyab tu 'greng la bsdad 
do snyam pa nas spos 'tshong gi khye'u yis mthong ste smod par byed pa nas/ bslab pa bca' ba'i bar du mdzad de/ yang dge slong ma gang shes bzhin du nyal po byed par shom pa'i khyim du dben pa skyabs yod pa na 'greng na ltung byed do/ /yang dge slong ma gang zhes bya 
ba ni sbom dga' mo'o/ /shes bzhin du zhes bya ba ni rang nyid kyis sam/ gzhan gyis smras par gyur pa'o/ /gzhan ni snga ma bzhin no/ /de la ltung bar ji ltar 'gyur zhe na/ dge slong mas ji tsam cung zad nyal po byed par shom pa'i khyim du dben pa skyabs yod 

</font><hr>9-1-228b<br><font size=+1>
pa na 'greng na thams cad du ltung byed du 'gyur ro/ /gal te skrag par gyur pa'am/ bar chad yod pa yin na ltung ba med do/ /ltung byed gsum pa'i brgyad pa rdzogs s+ho// //gleng gzhi ni rgyal po'i khab na'o/ /gang gi tshe bcom ldan 'das kyis kun dga' bo 
la brten nas gcer bu pa dang/ gcer bu ma'i bslab pa'i gzhi bca' ba mdzad pa de'i tshe bcu gnyis sde rnams rang gi lag gis bza' ba dang/ bca' ba gcer bu pa dang/ gcer bu ma rnams la sbyin par byed pa dang/ don nyung ba'i dge slong ma rnams smod par 
byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang rang gi lag gis bza' ba dang/ bca' ba gcer bu pa'am/ gcer bu ma 'am/ kun du 
rgyu 'am/ kun du rgyu mo la sbyin par byed na ltung byed do/ /yang dge slong ma gang zhes bya ba ni bcu gnyis sde dag go/ /gcer bu pa zhes bya ba ni gos med pa'o/ /gcer bu ma zhes bya ba yang gos med pa'o/ /de bzhin du kun du rgyu zhes bya ba ni grangs can no/ /
kun du rgyu mo yang de bzhin no/ /rang gi lag gis zhes bya ba ni lag pas lag par ro/ /bza' ba dang bca' ba zhes bya ba nas/ ltung byed do zhes bya ba'i bar gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rang gi lag 
gis bza' ba dang/ bca' ba gcer bu pa'am zhes bya ba nas/ kun du rgyu mo'i bar la sbyin par byed na ltung byed do/ /gal te pha dang ma yin na ltung ba med do/ /gal te lta bar song ba zhig dbral bar 'dod na ltung ba med do/ /gal te slong na de la 'di skad 
ces slong phor sa la zhog cig ces brjod par bya'o/ /gal te bzhag na sbyin par bya'o/ /'on te ma bzhag na sbyin par mi bya'o/ /ltung byed gsum pa'i dgu pa rdzogs s+ho// // gleng gzhi ni mnyan yod na'o/ /gang gi tshe bcom ldan 'das kyis drug sde rnams 

</font><hr>9-1-229a<br><font size=+1>
la brten nas dmag shom pa'i bslab pa'i gzhi bca' ba mdzad pa dang/ de nas bcu gnyis sde de dag dmag shom pa la blta ba'i phyir dong ba dang zhes bya ba nas/ don nyung ba'i dge slong ma dag smod par byed pa'i skabs de bcom ldan 'das la gsol to/ /
de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dmag shom pa la blta ba'i phyir 'gro bar byed na ltung byed do/ /yang dge slong ma gang zhes bya ba ni bcu gnyis sde dag go/ /shom pa zhes bya ba ni 
dmag la mngon par dga' ba'o/ /dmag ces bya ba la dmag ni bzhi ste/ dmag yan lag gcig pa yang yod/ dmag yan lag gnyis pa dang/ yan lag gsum pa dang/ yan lag bzhi pa yang yod do/ /dmag yan lag gcig pa ni glang po che pa'i'o/ /
yan lag gnyis pa ni glang po che pa dang rta pa'i'o/ /yan lag gsum pa ni glang po che pa dang/ rta pa dang/ shing rta pa'i'o/ /yan lag bzhi pa ni glang po che pa dang/ rta pa dang/ shing rta pa dang/ dpung bu chung gi dmag go/ /blta ba'i phyir zhes bya ba ni blta ba'i 
phyir ro/ /'gro na zhes bya ba ni 'gro bar byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dmag shom pa la blta ba'i phyir 'gro na thams cad du ltung byed du 'gyur ro/ /dbyar khang lam ka na 'dug 
na ltung ba med do/ /ltung byed gsum pa'i bcu pa rdzogs so// //gleng gzhi ni mnyan yod na'o/ /gang gi tshe rgyal po gsal rgyal la ri 'or pa dag log pa de'i tshe khyim bdag mgon med zas sbyin la sogs te dge bsnyen rnams kyang rgyal pos spring nas der dong 
ngo / /de'i 'og tu dge 'dun la gsol ba btab nas drug sde rnams dong ngo / /de'i tshe drug sde de rnams la zhag gnyis kyi mtha'i bslab pa'i gzhi bca' ba mdzad do/ /de nas dus gzhan zhig na bcu gnyis sde rnams dmag shom par zhag gnyis kyi mthar 

</font><hr>9-1-229b<br><font size=+1>
gnas par byed do/ /gang gi tshe de dag mngon du lhags pa de'i tshe dge slong ma de rnams kyis 'di skad ces smras so/ /dga' mo nye dga' mo/ /sbom dga' mo dag 'ongs pa legs so 'ongs pa legs so/ /khyed cag gang nas 'dir 'ongs/ gang du gnas/ de 
dag gis 'di skad ces smras so/ /kho mo cag dmag shom pa la chos 'chad du dong ste de nyid du gnas so/ /de nas dge slong ma de rnams kyis 'di skad ces smras so/ /bcom ldan 'das kyis zhag gnyis kyi mtha'i bslab pa'i gzhi bca' ba ma mdzad dam/ de rnams kyis 'di 
skad ces dge slong rnams la bca' ba mdzad kyis/ dge slong ma rnams la ni ma yin no zhes smras pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ 
bslab pa bca' ba'i bar du mdzad de/ yang dge slong mas dmag shom pa la lta dgos pa'i rkyen de lta bu byung na zhag gnyis kyi mthar dmag de'i nang du dge slong ma des gnas par bya'o/ /de las lhag par gnas na ltung byed do/ /dge slong mas zhes bya ba ni bcu 
gnyis sde dag go/ /de lta bu'i rkyen byung na zhes bya ba ni de lta bu'i rkyen byung ba ma gtogs pa'o/ /shom pa zhes bya ba ni dmag la mngon par dga' ba'o/ /dmag ces bya ba ni zhes bya ba nas rnam pa bzhi'o zhes bya ba'i bar ro/ /zhag gnyis kyi mthar zhes bya ba ni 
nyin zhag gnyis su'o/ /de las lhag par zhes bya ba ni de las 'das par ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad zhag gnyis las lhag par dmag gi nang du gnas na thams cad 
du ltung byed du 'gyur ro/ /ltung byed gsum pa'i bcu gcig pa rdzogs s+ho// //gleng gzhi ni mnyan yod na'o/ /gang gi tshe yang khyim bdag mgon med zas sbyin la springs nas zhes bya ba nas/ zhag gnyis kyi mthar thug par dmag de'i nang du 

</font><hr>9-1-230a<br><font size=+1>
gnas so zhes bya ba'i bar ro/ /de'i tshe bcom ldan 'das kyis de rnams la g.yul bshams pa dang/ rgyal mtshan gyi mchog gi bslab pa'i gzhi bca' ba mdzad do/ /de nas bcu gnyis sde de dag yang g.yul bshams pa dang/ rgyal mtshan gyi 
mchog dang/ dpung gi mchog gi nang du dong ba dang/ dge slong ma de rnams kyis smras pa/ kye phu nu mo dag bslab pa'i gzhi bca' ba ma mdzad dam/ de dag gis 'di skad ces dge slong rnams la bca' ba mdzad kyi/ dge slong ma rnams la ni ma yin no zhes smras pa dang/ don 
nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang gal te dge slong ma dmag de'i nang du zhag gnyis gnas pa na g.yul bshams pa 
dang/ rgyal mtshan gyi mchog dang/ dpung gi mchog dang/ dpung bkod pa'i tshogs la lta ba so sor nyams su myong bar byed na ltung byed do/ /yang dge slong ma gang zhes bya ba ni bcu gnyis sde dag go/ /bkod pa'i tshogs la lta ba zhes bya ba la/ bkod pa zhes bya ba ni 
shing rta'i dbyibs lta bu dang/ nam mkha' lding gi 'dab ma'i dbyibs lta bu dang/ 'bru'i kha lta bu dang/ pad ma'i dbyibs lta bu dang/ zla ba kham pa'i dbyibs lta bu'o/ /tshogs zhes bya ba ni dpung gi mchog dag go/ /ltung byed do zhes bya ba ni gong ma bzhin no/ /
de la ltung bar ji ltar 'gyur zhe na/ dge slong mas ji tsam cung zad g.yul bshams pa'i nang du 'gro na thams cad du ltung byed du 'gyur ro/ /ltung byed gsum pa'i bcu gnyis pa rdzogs s+ho// //sdom ni/ rdeg pa dang ni thal mo dang/ /'khru dang sbed dang bsod pa 
slong/ /gnas ngan len 'chab khyim dang me/ /'dun pa dang ni nub gnyis dang/ /bar chad dang ni shes bzhin dang/ /dge tshul ma gnyis kha dog sgyur/ /gleng gzhi ni mnyan yod na'o/ /de'i tshe sbom dga' mo dge slong ma rnams dang lhan cig 'thab mo dang mtshang 

</font><hr>9-1-230b<br><font size=+1>
'dru bar byed do/ /bud med ni rang bzhin gyis khro ba yin pas de rang bzhin gyis khros pas khros 'khrugs rngam par gyur nas dge slong ma rnams la ltag dbyug dang/ thal lcag gis brdegs pa dang/ don nyung ba'i dge slong ma rnams smod par byed pa'i skabs de 
bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khros 'khrugs rngam par gyur te yi ma rangs nas dge slong ma la rdeg na ltung byed do/ /yang dge slong ma 
gang zhes bya ba ni sbom dga' mo'o/ /khros zhes bya ba ni kun nas dkris pa'o/ /'khrugs rngam par gyur te zhes bya ba ni lhag par zhen nas so/ /yi ma rangs nas zhes bya ba ni yid mi bde ba skyes pa'o/ /dge slong ma la zhes bya ba ni chos 'di pa la'o/ /rdeg na zhes bya 
ba ni sor mo lngas rdeg na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang khros nas dge slong ma rnams la sor mo gcig gis brdegs na ltung byed du 'gyur ro/ /de bzhin du sor mo lngas brdegs na ltung byed 
lnga'o/ /de bzhin du lag pa dang/ mdzub mo dang/ mgo bo dang/ ltag pa dang/ lus dang/ gru mo dang/ brla dang/ byin pa dang/ rkang pa dang/ rkang pa'i mthe bos brdegs na thams cad du ltung byed du 'gyur ro/ /de bzhin du dbyug pa dang/ gseg 
ma dang/ bong ba la sogs pas brdegs na thams cad du ltung byed du 'gyur ro/ /gal te phyags mas brdegs na phyags ma'i nyag ma ji snyed phog pa de snyed kyi ltung byed do/ /ji snyed ma phog pa de snyed ni nyes byas so/ /de bzhin du mon sran sde'u'i spar bas brdegs 
na mon sran sde'u'i 'bru ji snyed lus la phog pa de snyed kyi ltung byed do/ /ji snyed ma phog pa de snyed kyi nyes byas so/ /las dang po pa la sogs pa ni ltung ba med do/ /ltung byed bzhi pa'i dang po rdzogs s+ho// //gleng gzhi ni mnyan yod na'o/ /byung ba snga ma de nyid la 

</font><hr>9-1-231a<br><font size=+1>
khyad par ni 'di yod de/ dge slong ma de rnams kho na la zhes bya ba nas thal mo gzas pa dang/ zhes bya ba'i bar ro/ /ji tsam na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung 
ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khros 'khrugs rngam par gyur te yi ma rangs nas dge slong ma la rdeg par gzas na tha na thal mos kyang rung ste ltung byed do/ /yang dge slong ma gang zhes bya ba ni sbom dga' mo'o/ /gzhan 
ni snga ma bzhin no/ /khyad par ni 'di yod de/ gzas na zhes bya ba ni gdengs nas ma brgyab pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ de kho na bzhin du ltung ba'i rim pa brjod par bya ste/ dge slong mas ji tsam cung zad 
dge slong ma la gzas na thams cad du ltung byed du 'gyur ro/ /ltung byed bzhi pa'i gnyis pa rdzogs s+ho// //dge slong ma'i 'dul ba rnam par 'byed pa/bam po bcu dgu pa/ gleng gzhi ni mnyan yod na'o/ /de nas tshe dang ldan pa 'char ka snga dro sham 
thabs bgos lhung bzed dang/ chos gos blangs nas mnyan yod du bsod snyoms kyi phyir zhugs te/ mnyan yod du bsod snyoms spyad nas sbed ma'i khyim gang na ba der song ba dang/ sbed mas 'char ka rgyang ring po kho na nas 'ong ba mthong ngo / /mthong nas kyang 'di skad 
ces smras so/ /'char ka rab tu byung na da bdag gis ci dag bgyi/ de nas 'char kas sbed ma la 'di skad ces smras so/ /byang chub sems dpas btsun mo drug khri spangs te rab tu byung na khyod kyis de dag gi rkang pa 'khru bar yang mi khom na de dag ci byed/ des 'di skad 
ces smras so/ /bdag kyang rab tu 'byung lags grang/ de nas 'char kas sbed ma la 'di skad ces smras so/ /khyim gyi bya ba dag legs par spongs shig /des legs par spangs nas 'char ka dang rgyal po'i khab tu song ste dbyar gnas so/ /de nas sbed ma rgyal 

</font><hr>9-1-231b<br><font size=+1>
byed kyi tshal du song ba dang nye dga'as 'di skad ces smras so/ /dgos pa ci zhig la 'ongs/ de nas sbed mas 'di skad ces smras so/ /rab tu 'byung ngo / /nye dga'as 'di skad ces smras so/ /'char ka ni yul ko sa la'i spu gri rtul bas yul ma ga d+hAr spu gri'i phyir song 
ngo / /de nas sbed ma de bdag rab tu yang ma byung la khyim na gnas par yang ma gyur to snyam du sems khong du chud cing 'dug pa dang/ dge slong ma 'chag pa gzhan zhig gis sbed ma skye dgu'i bdag mo chen mo la gtad nas zhes bya ba nas/ rab tu phyung ngo zhes bya ba'i bar 
ro/ /de nas 'char ka dbyar gyi zla ba gsum po dag 'das nas mnyan yod du phyin pa dang/ sbed mas 'char ka 'ongs so zhes thos nas/ de nas dge slong ma sbed ma 'char ka gang na ba der song ste son pa dang gnas khang gi sgo la brdegs so/ /de nas 'char kas 
'di su zhig ces dris so/ /des 'di skad ces smras so/ /bdag sbed ma lags so/ /de nas 'char kas 'di skad ces smras so/ /khyim bdag gi chung ma nang du zhugs shig /des 'di skad ces smras so/ /bdag khyim bdag gi mchis 'brang ma lags te/ bdag 
rab tu byung ba lags so/ /des khyod sus gnang na 'di ltar khyod rab tu byung zhes spyos pa dang/ de nas sbed mas 'char ka la bzod pa gsol to/ /de nas de'i 'og tu 'char kas sbed ma la chos bshad par brtsams pa dang/ ji tsam na kun du chags 
par gyur to/ /bcom ldan 'das kyis bud med mkhas pa'i rang bzhin can ni skyes pa chags pa shes so zhes gsungs pa yin pas ji tsam na 'phrigs nas gci ba'i brda byas te bros so/ /'char ka yang rkang pa'i sgra la mkhas pa yin pas rig nas phyi bzhin 
brgyugs pa dang/ de'i brla la reg pas smad g.yogs gsher to/ /sbed mas 'dod chags dang bral bar rig nas 'char ka gang na ba der song ste phyin nas sbed mas 'char ka la 'di skad ces smras so/ /'phags pa 'char ka gal te bdag gis de ltar ma 

</font><hr>9-1-232a<br><font size=+1>
bgyis na nges par 'o skol gnyis ka dge sbyong gi tshul las nyams par 'gyur ro/ zhes de skad smras pa dang/ 'char kas sbed ma la 'di skad ces smras so/ /sbed ma legs so legs so/ /bcom ldan 'das kyis gang bdag bsrung ba de ni 
gzhan srung ba yin la gang gzhan srung ba de ni bdag srung ba yin no zhes gsungs pa ni thog tu bab ste 'di ltar yang sbed ma khyod kyis rang yang bsrungs/ kho bo yang bsrungs so/ /de nas sbed mas 'char ka la 'di skad ces smras so/ /khyod lam gyis dub ste byon gyis gos dag 
bdag la gtod cig bkru'o/ /de nas byin pa dang sbed mas mthong nas 'gyod pa skyes te bdag gis ni bud med kyi mi brtan pa byas/ bdag gis ni dge sbyong gi mi brtan pa dang/ bram ze'i mi brtan pa byas te/ bdag gi lus kyi yan lag de 'di lta ste/ 'char kas 
ma mthong ba'am/ ma reg pa'am/ sus kyang mi shes pa de gang zhig yod ces de ltar smre sngags mang du bton nas mi gtsang ba rma'i nang du blugs so/ /de nas sbed mas 'char ka'i gos dag bkrus nas dge slong ma'i dbyar khang gang na ba der song ngo / /de nas sbed ma 
dus gzhan zhig na sems can dang ldan par gyur to/ /de nas dge slong ma rnams kyis sbed ma'i lus kyi gyur pa dag mthong nas zhes bya ba nas skabs de dge slong ma rnams kyis dge slong dag la smras pa dang/ dge slong dag gis bcom ldan 'das la gsol to/ /
bcom ldan 'das kyis dgongs pa/ nyes dmigs gang ci byung ba de ni dge slong ma dag dge slong nye du ma yin pa'i gos dag 'khru ba dang/ kha dog bsgyur ba dang/ 'chag pa las gyur to snyam mo/ /de nas bcom ldan 'das kyis byung ba 'di dang zhes bya ba nas/ bslab 
pa bca' ba'i bar du mdzad de/ yang dge slong ma gang dge slong nye du ma yin pa'i gos rnying pa 'khru'am/kha dog bsgyur ram/ 'chag na ltung byed do/ /yang dge slong ma gang zhes bya ba ni sbed ma'o/ /nye du ma yin pa zhes bya ba ni ma mes dang/ pha mes bdun rgyud 

</font><hr>9-1-232b<br><font size=+1>
tshun chad ni nye du yin no/ /dge slong zhes bya ba ni chos 'di pa'o/ /rnying pa dag ces bya ba ni dus tshigs gsum po dgun dang dpyid dang/ dbyar gang yang rung ba'i dus tshigs su longs spyad par gyur pa'o/ /gos zhes bya ba ni bdun po gang yang rung ba'o/ /'khru'am 
zhes bya ba ni tha na chu lan gcig ldugs pa yang ngo / /kha sgyur ram zhes bya ba ni tha na tshon gyi nang du lan gcig 'jug pa yang ngo / /'chag na zhes bya ba ni tha na lag mthil gyis lan gcig rdebs na yang ngo / /ltung byed do zhes bya ba ni gong ma bzhin no/ /de la ltung bar ji ltar 
'gyur zhe na/ dge slong mas nye du ma yin pa'i 'du shes kyis dge slong nye du ma yin pa'i 'khru na ltung byed do/ /kha sgyur na ltung byed do/ /'chag na ltung byed do/ /de bzhin du nye du ma yin pa la yid gnyis kyis 'khru na ltung byed do/ /kha sgyur na ltung byed do/ /'chag na ltung byed 
do/ /dge slong mas dge slong nye du la nye du ma yin pa'i 'du shes kyis 'khru na nyes byas so/ /kha sgyur na nyes byas so/ /'chag na nyes byas so/ /de bzhin du nye du la yid gnyis kyis 'khru na nyes byas so/ /kha sgyur na nyes byas so/ /'chag na nyes byas so/ /pha dang bu dang 
ming po dag gi la ltung ba med do/ /ltung byed bzhi pa'i gsum pa rdzogs s+ho// //gleng gzhi ni mnyan yod na'o/ /gang gi tshe bcu bdun sde rnams la brten nas bcom ldan 'das kyis dge slong rnams la sbed pa'i bslab pa'i gzhi bca' ba mdzad pa dang/ de nas bcu 
gnyis sde rnams rgod pa'i bsam pas dge slong rnams kyi gos dag sbed par byed pa dang/ don nyung ba'i dge slong ma smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du 
mdzad de/ yang dge slong ma gang dge slong gi'am/ dge slong ma'i 'am/ dge slob ma'i 'am/ dge tshul lam/ dge tshul ma'i lhung bzed dam/ chos gos sam/ dra ba'am/ tshwa khug gam/ ska rags sbed dam/ sbed du 'jug na ltung byed do/ /yang dge slong 

</font><hr>9-1-233a<br><font size=+1>
ma gang zhes bya ba ni bcu gnyis sde dag go/ /dge slong ngam zhes bya ba ni chos 'di pa'o/ /dge slong ma'am zhes bya ba ni bcom ldan 'das kyi nyan thos ma'o/ /dge slob ma zhes bya ba ni dge slob ma'i bslab pa la slob pa gang yin pa'o/ /dge tshul 
zhes bya ba ni gzhon nu'o/ /dge tshul ma zhes bya ba ni gzhon nu ma'o/ /lhung bzed dam zhes bya ba ni byin gyis brlabs pa la sogs pa ste/ tha na snod cig shos kyang yin no/ /chos gos sam zhes bya ba ni bdun po gang yang rung ba'o/ /dra ba'am zhes bya ba ni dra ba 
nyid do/ /tshwa khug gam zhes bya ba ni lan tshwa'i snod do/ /ska rags zhes bya ba ni lcag pod dam/ rgya cang gang yang rung ba ste/ dge slong ma'i 'tsho ba'i yo byad ci gang yang rung ba sbas na rkyen de lta bu ma gtogs te ltung byed do/ /rkyen de lta bu ma gtogs te zhes bya ba ni 
rkyen de lta bu bzhag ste'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge sbyong gi 'tsho ba'i yo byad sbed na rkyen ma gtogs te thams cad du ltung byed du 'gyur ro/ /ltung byed bzhi pa'i bzhi pa rdzogs 
s+ho// //gleng gzhi ni mnyan yod na'o/ /de'i tshe bcom ldan 'das kyis drug sde rnams la brten nas kha zas bsod pa'i dgag pa mdzad nas nad pa la ni rjes su gnang ngo / /de nas bcu gnyis sde de dag bram ze dang khyim bdag gi khyim rnams su kha zas bsod pa 
bslangs nas na ba yang longs spyod par byed/ mi na ba yang longs spyod par byed pa dang/ dge slong ma rnams kyis bsgo ba na de dag gis ni 'di skad ces bslab pa'i gzhi de ni dge slong rnams la mdzad kyi/ dge slong ma rnams la ni ma yin no zhes smras pa dang/ don nyung 
ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong ma na ba rnams la kha zas bsod pa rjes su gnang ba gang yin pa de dag ni 'di 

</font><hr>9-1-233b<br><font size=+1>
lta ste/ 'o ma dang/ zho dang/ mar sar dang/ nya dang/ sha dang/ sha skam mo/ /yang dge slong ma gang mi na bar bdag nyid kyi ched du bca' ba dang/ bza' ba de lta bu gzhan gyi khyim dag nas bslangs te 'cha'a'am za na ltung byed do/ /gang yin pa de dag ni zhes 
bya ba ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis so/ /nad pa rnams kyi zhes bya ba ni nad kyis thebs pa rnams kyi'o/ /dge slong ma rnams zhes bya ba ni de bzhin gshegs pa'i nyan thos ma rnams so/ /bsod pa 
zhes bya ba ni zhim po'o/ /bca' ba dang bza' ba zhes bya ba ni bca' ba lnga dang bza' ba lnga'o/ /'o ma zhes bya ba ni 'o ma nyid do/ /zho zhes bya ba ni zho nyid do/ /mar sar zhes bya ba ni mar ro/ /sha zhes bya ba ni sha nyid do/ /nya zhes bya ba ni nya nyid do/ /sha skam zhes bya 
ba ni sha skams pa'o/ /'di ltar khyim dag nas slong na zhes bya ba ni rang gis so/ /slong du 'jug na zhes bya ba ni gzhan no/ /zos sam 'chos na zhes bya ba ni lkog mar kham gyis mid na'o/ /ltung byed do zhes bya ba ni gong ma bzhin no/ /mi na bar slong zhing mi 
na bar za na slong ba na de la nyes byas so/ /za ba na ltung byed do/ /mi na bar slong zhing na ba na za na slong ba na de la nyes byas so/ /za ba na ltung ba med do/ /de bzhin du na ba na bslang la mi na ba na za na slong ba de la ltung ba med do/ /za ba na ltung byed do/ /de bzhin du na ba 
na slong zhing na ba na za na gnyi ga la ltung ba med do/ /ltung byed bzhi pa'i lnga pa rdzogs s+ho// //gleng gzhi ni mnyan yod na'o/ /de nas bcu gnyis sde rnams gnas ngan len gyi ltung ba byung nas phan tshun 'chab par byed cing/ de dag 'thab pa dang mtshang 'dru bar 
byed cing phan tshun du gzhi des gleng bar byed pa de dag don nyung ba'i dge slong ma rnams kyis thos nas smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/

</font><hr>9-1-234a<br><font size=+1>
yang dge slong ma gang shes bzhin du dge slong ma'i gnas ngan len gyi ltung ba 'chab na ltung byed do/ /yang dge slong ma gang zhes bya ba ni bcu gnyis sde dag go/ /gnas ngan len zhes bya ba ni gnas ngan len gnyis te/ phas pham par gyur 
pas kun nas bslang ba dang/ dge 'dun lhag mas kun nas bslang ba'o/ /'chab na zhes bya ba ni gzhan la mi smra ba'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas dge slong ma la phas pham par 'gyur bas kun 
nas bslang ba'i ltung ba byung ba mthong la de yis de bcab par sems bskyed na ltung byed do/ /de bzhin du dge 'dun lhag ma dang/ de bzhin du ltung byed dang/ so sor bshags par bya ba dang/ nyes byas la ni nyes byas so/ /gal te thab mor gyur na ltung ba med do/ /
ltung byed bzhi pa'i drug pa rdzogs s+ho// //gleng gzhi ni mnyan yod na'o/ /de nas bcu gnyis sde rnams kyis bsams pa/ tshem bu pa lhung bzed nag po can 'di dag gis kho bo cag dge slong ma rnams kyi mdun du tho btsams na/ kho mo cag gis 'di dag la gnod 
pa ci zhig bya snyam mo/ /de nas sbom dga' mo dang/ gtsug dga' mos 'di skad ces smras so/ /lan du tho btsam par bya ba lta bla'o zhes de dag gis dge slong ma rgan mo rgan mo rnams srang dang/ sum mdo dang/ bzhi mdo rnams su mgron du bos nas/ ji srid kyi 
zan 'chad pa de srid 'khyam du bcug go/ /bcu gnyis sde rnams kyis ni gnyis shing gnyis shing gsang nas bram ze dang khyim bdag gi khyim rnams su song ste/ bsod snyoms zos so/ /de nas dge slong ma rgan mo rgan mo de dag dbyar khang du 'ongs nas 'phres te 
'dug pa dang/ de dag gi lhan cig gnas pa dang/ nye gnas rnams kyis smras pa/ 'phags ma dag gal te zas gzhan gyi lags zhes te/ lto yang gzhan gyi lags sam ci/ de dag gis 'di skad ces smras so/ /de ring sus zos pa yin grang/ de dag gis 

</font><hr>9-1-234b<br><font size=+1>
'di skad ces bshos ma bkum grang zhes smras pa dang/ de dag gis skabs de dge slong ma rnams la smras pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba 
nas/bslab pa bca' ba'i bar du mdzad de/ yang dge slong ma gang klan ka tshol bas ci nas kyang dge slong ma 'di la klan ka btsal bar 'gyur ro snyam pa de nyid rkyen du byas te/ dge slong ma la 'di skad ces 'phags ma khyod tshur khyim dag tu bzhud do/ /der 
khyod la bza' ba dang bca' ba bsod pa dag ji tsam 'dod pa sbyin du gzhug go/ zhes smras nas des de la bza' ba dang/ bca' ba bsod pa dag ji tsam 'dod par sbyin du ma bcug par de'i 'og tu 'di skad ces 'phags ma khyod dang kho mo lhan cig smra ba'am 'dug pa 
bde ba ma yin no/ /de lta mod kyi kho mo gcig pu smra'am 'dug na bdes/ khyod song shig ces zer na ltung byed do/ /yang dge slong ma gang zhes bya ba ni bcu gnyis sde dag go/ /dge slong ma la zhes bya ba ni bcom ldan 'das kyi nyan thos ma la'o/ /'di skad ces 
zer na zhes bya ba ni smra na'o/ /tshur khyim dag tu bzhud dang zhes bya ba ni bram ze dang/ khyim bdag gi khyim rnams su'o/ /der khyod la bza' ba dang bca' ba bsod pa dag sbyin du gzhug go zhes bya ba ni bca' ba lnga dang/ bza' ba lnga'o/ /ji tsam 'dod par zhes 
bya ba ni ji tsam za 'dod pa'o/ /des de la sbyin du ma bcug par 'di skad ces khyod dang kho mo lhan cig bde ba ma yin no zhes bya ba ni khyod dang lhan cig dga' ba ma yin pa'o/ /smra'am zhes bya ba ni tshig go/ /'dug pa'am zhes bya ba ni 'khod pa'o/ /klan ka tshol ba zhes 
bya ba ni tho btsam pa'i glags tshol ba'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad klan ka tshol bas de skad ces smras na thams cad du ltung byed du 'gyur ro/ /gal te sman pa'i lung yod 

</font><hr>9-1-235a<br><font size=+1>
pa'am/ de la brten nas dge 'dun gyi zan bcad par gyur na mi rung ba zhig yin na ltung ba med do/ /ltung byed bzhi pa'i bdun pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis drug sde rnams la brten te bla 
gab med par me 'bud pa'i bslab pa'i gzhi bca' ba mdzad la/ de yang nad pa rnams la brten nas ni rjes su gnang ba de'i tshe bcu gnyis sde rnams rang gi lag gis me sbor bar byed/ sbor du 'jug par byed pa dang/ ji tsam na don nyung ba'i dge slong ma dag smod par byed pa'i 
skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang mi na bar bdag nyid kyi phyir bde bar 'dod nas me sbor ram/ sbor du 'jug na ltung byed do/ /yang dge 
slong ma gang zhes bya ba ni bcu gnyis sde dag go/ /mi na bar zhes bya ba ni nad pa ma gtogs pa'o/ /bdag nyid kyi phyir zhes bya ba ni rang gi ched du'o/ /me sbor ram zhes bya ba ni me 'bud pa'o/ /bdag nyid kyis zhes bya ba ni rang gis so/ /sbor du 'jug na zhes bya ba ni gzhan 
no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ma dag ma len tam/ dri'i ched du mes 'gengs par byed na des dus byin gyis brlab par bya'o/ /byin gyis ma brlabs na ltung byed do/ /de bzhin du dri dag dri'i ched du 
ldugs na yang sangs rgyas kyi ched yin no zhes dus byin gyis brlab par bya'o/ /byin gyis ma brlabs na ltung byed do/ /de bzhin du mkhan po'i phyir yang byin gyis ma brlabs na ltung byed do/ /de bzhin du dge 'dun gyi phyir me sbor na ci tsam dgos pa ma rdzogs kyi bar du 
dus ring por byin gyis brlab par bya'o/ /byin gyis rlob na de lta na legs/ gal te byin gyis mi rlob na ltung byed do/ /shing re re nas 'jug na yang dus byin gyis brlab par bya'o/ /byin gyis rlob na de lta na legs/ gal te byin gyis mi rlob na ltung byed do/ /de 

</font><hr>9-1-235b<br><font size=+1>
bzhin du me 'thor bar byed dam spung bar byed na yang ltung byed do/ /dge slong mas mgal me blangs te mgal me'i 'khor lo skor bar byed na ltung byed do/ zhes bya ba nas de bzhin du mdag ma la ri mo 'dri bar byed na ltung byed do zhes bya ba'i bar ro/ /dge slong mas mdag ma len 
na gal te dus byin gyis rlob na de lta na legs/ gal te mi byed na nyes byas so/ /gal te nad pa'i phyir bla gab med par snod du btso ba 'tshed dam/ de bzhin du tshon rtsi'i las dang/ lhung bzed kyi las byed pa ste/ thams cad du dus byin gyis brlabs na ltung ba med do/ /
ltung byed bzhi pa'i brgyad pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis bcu bdun sde rnams la brten nas dge 'dun gyi bya ba chos dang ldan pa'i bslab pa'i gzhi bca' ba mdzad pa/ de'i tshe rang bzhin du gnas pa'i dge slong ma rnams 
dge 'dun gyi bya ba chos dang ldan pas dge 'dun gyi bya ba byed do/ /de'i tshe bcu gnyis sde de rnams kyis dge 'dun gyi bya ba chos dang ldan pa la 'dun pa byin zin nas mi sbyin no/ /nyes par byin no/ /mi mthun pas byas kyi/ mthun pas ma yin no zhes smra ba na don nyung 
ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge 'dun gyi bya ba chos dang ldan pa la 'dun pa byin nas de'i 'og 
tu spong ba'i chos su byed cing/ dge slong ma 'dun pa phyir byin cig khyod la mi sbyin no zhes zer na ltung byed do/ /yang dge slong ma gang zhes bya ba ni bcu gnyis sde dag go/ /dge 'dun gyi bya ba chos dang ldan pa la zhes bya ba ni dge 'dun gyi chos dang ldan pa'i dge 'dun gyi 
bya ba gsol ba dang/ gsol ba dang gnyis dang/ gsol ba dang bzhi'i las dag go/ /'dun pa byin nas zhes bya ba ni blo gros byin nas so/ /de'i 'og tu zhes bya ba ni dus gzhan na'o/ /spong ba'i chos su byed cing zhes bya ba ni 'di skad ces kho mos 'dun pa ma 

</font><hr>9-1-236a<br><font size=+1>
byin no zhes smras pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge 'dun gyi bya ba chos dang ldan pa la 'dun pa byin nas spong ba'i chos su byed na thams cad du ltung byed du 'gyur 
ro/ /gal te bden pa nyid dam/ nyes par byin na ltung ba med do/ /ltung byed bzhi pa'i dgu pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis dge slong rgan zhugs shig la brten nas bsnyen par ma rdzogs pa dang lhan cig 
thams cad du gnas par mi bya'o/ /gnas na ltung byed do/ /yang dge tshul sgra can zin la brten nas nub gnyis tshun chad rjes su gnang ngo / /de nas bcu gnyis sde rnams kyis 'di skad ces gang du nub gnyis yin pa de la ni gsum du 'gyur 'dod cig /gang du gsum 
yin pa de la ni bzhir 'gyur 'dod cig ces smra ba'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis bka' stsal pa/ gnas par mi bya'o/ /gnas na ltung byed do/ /de nas dge slong ma de rnams kyis dge tshul ma dag 
dge tshul gyi kun dga' ra ba'i phyi rol du byung ba na de dag mi sbed cing ma bsrungs par gyur pa'i skabs de bcom ldan 'das la gsol pa dang/ bcom ldan 'das kyis bka' stsal pa/ dge 'dun gyi kun dga' ra ba'i phyi rol du dbyung bar mi bya'o/ /de lta mod kyi 
gzhi spang bar bya'o/ /de ltar byas pa dang/ dge slong ma zhig gis dge tshul ma nad pa zhig yod pa de la kha zas tsam byin nas bdag gi lag pas byin len ma byas par ma gyur grang zhes slar yang reg par mi byed pa dang zhes bya ba nas/ bcom ldan 'das kyis 
bka' stsal pa/ rang gi lag gis bsnyod par bya ste de la 'gyod par mi bya'o/ /de nas dge tshul ma nad pa de dag zas kyi dus su 'dug pas dub par gyur pa na dge slong ma de dag ston par mi byed pa nas/ bcom ldan 'das kyis bka' stsal pa/ stan gcig tu 

</font><hr>9-1-236b<br><font size=+1>
'dug la brten par bya ste de la 'gyod par mi bya'o/ /de nas yang nub mor gyur pa na dge tshul ma de dag bor te dong ba dang/ nad pa de yang nub mo skom slong ba dang zhes bya ba nas/ bcom ldan 'das kyis bka' stsal pa/ de kho nar lhan cig gnas par bya ste de la 'gyod 
par mi bya'o/ /de bzhin du dge slong ma na na yang der dge tshul ma'am/ nad g.yog dag gnas par bya zhing snang ba dang bcas par yang gnas par bya ste de la 'gyod par mi bya'o/ /de nas bcom ldan 'das kyis dge slong ma rnams bslab pa 'dod pa dang/ bslab pa la 
gus pa dang/bslab pa la yo byad bsnyungs pa'i bsngags pa gsungs nas snga ma ni bcas pa'o/ /'di ni rjes su gnang ba ste/ nyan thos ma rnams kyis yang 'dul ba la bslab pa'i gzhi 'di ltar gdon par bya ste/ yang dge slong ma gang bsnyen par ma rdzogs pa 
dang/ lhan cig nub gnyis las lhag par gnas gcig tu nyal bar byed na ltung byed do/ /yang dge slong ma gang zhes bya ba ni bcu gnyis sde dag go/ /bsnyen par ma rdzogs pa dang zhes bya ba la bsnyen par rdzogs pa ni gnyis te/ dge slong dang dge slong ma'o/ /lhag 
ma ni bsnyen par ma rdzogs pa'o/ /nub gnyis las lhag par zhes bya ba ni nub gnyis 'das par ro/ /gnas gcig tu nyal bar byed na zhes bya ba la/ gnas bzhi po dag tu nyal bar byed pa ste/ thams cad du g.yogs shing thams cad bskor ba dang/ 
thams cad g.yogs shing phal cher ma bskor ba dang/ thams cad phal cher ma g.yogs shing phal cher ma bskor ba dang/ thams cad phal cher g.yogs shing phal cher bskor ba'o/ /thams cad g.yogs shing thams cad bskor ba ni gnas khang ngam/ 
'khor gyi khyams sam/ khang pa brtsegs ma dag go/ /thams cad g.yogs shing phal cher ma bskor ba ni khyams zlum po'am/ rim gro'i gnas dag go/ thams cad phal cher ma g.yogs shing phal cher ma bskor ba ni khyams ngos gsum pa'o/ /phal 

</font><hr>9-1-237a<br><font size=+1>
cher ma g.yogs shing phal cher ma bskor ba ni khyams ngos bzhi pa'o/ /skya rengs shar na zhes bya ba ni skya rengs gsum po skya rengs dang po'am/ bar ma'am/ tha ma gang yang rung ba shar na'o/ /ltung byed do zhes bya ba ni gong ma bzhin no/ /de la 
ltung bar ji ltar 'gyur zhe na/ dge slong mas ji tsam cung zad bsnyen par ma rdzogs pa dang lhan cig nub gnyis las 'das te nub gsum par gnas gcig tu nyal bar byed na thams cad du ltung byed du 'gyur ro/ /ltung byed bzhi pa'i bcu pa rdzogs s+ho// //
gleng gzhi ni rgyal po'i khab na'o/ /de'i tshe dge slong ma 'chi ltas la sdig pa can gyi lta bar song ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du gcod par mi 'gyur 
ba de ltar kho mos bcom ldan 'das kyis chos bstan pa shes so zhes zer ba'i skabs de bcom ldan 'das la gsol pa dang/ bcom ldan 'das kyis bka' stsal pa/ dge slong ma dag khyed kyis dge slong ma 'chi ltas la bzhams te sgo shig /de la bzhams 
te bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni gti mug go zhes rjes su tha snyad 'dogs par byed pa'i skabs de dge slong ma rnams kyis bcom ldan 'das la gsol pa dang/ bcom ldan 'das 
kyis bka' stsal pa/ dge slong ma dag khyed kyis dge slong ma 'chi ltas la gsol ba dang bzhi'i las kyis bsgo bar bya'o/ /bsgo ba ni 'di ltar bya ste gnas mal bshams pa byas te zhes bya ba nas/ dge slong ma gcig gis gsol ba byas te las bya'o 
zhes bya ba'i bar ro/ /bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ dge slong ma 'chi ltas 'di la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis bar du gcod 

</font><hr>9-1-237b<br><font size=+1>
pa'i chos su gsungs pa gang yin pa de la so sor bsten kyang bar du gcod par mi 'gyur ba de ltar kho mos bcom ldan 'das kyis chos bstan pa shes so zhes mchi ba de la dge slong ma mang pos bzhams te bsgo ste/ de la bzhams te bsgo ba na gzhi de nyid la nan gyis 
mchog tu bzung zhing mngon par zhen nas 'di nyid bden gyi/ gzhan ni gti mug go zhes rjes su tha snyad 'dogs par bgyid kyis/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang/ 'di 
ltar 'phags ma'i dge 'dun gyis dge slong ma 'chi ltas la gsol ba dang bzhi'i las kyis bsgo ba mdzad do/ /'di ni gsol ba'o/ /de bzhin du las kyang lan gsum gyi bar du bya'o/ /de la gsol ba dang bzhi'i las kyis bsgo ba na 'di skad ces 'di nyid bden gyi 
gzhan ni gti mug go zhes smra ba'i skabs de dge slong ma rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong ma dag dge slong ma 'chi ltas sdig pa can gyi lta bar song ba de gtong du mi btub pa dang/ gzhan yang de lta 
bu dang mthun pa su yang rung ba la gnas nas dbyung ba'i las byos shig /las ni 'di ltar bya ste gnas mal bshams pa byas la zhes bya ba nas/ dge slong ma gcig gis gsol ba bya ste las bya'o/ /bya ba ni 'di lta bu yin te/ 'phags ma'i dge 'dun phu nu 
mo dag bdag la gsan du gsol/ dge slong ma 'chi ltas 'di la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du gcod par mi 'gyur ba de 
ltar kho mos bcom ldan 'das kyis chos bstan pa shes so mchi lags kyis gal te/ 'phags ma'i dge 'dun gyi dus la bab cing bzod na 'phags ma'i dge 'dun gyis gnang bar mdzod cig dang/ 'di ltar 'phags ma'i dge 'dun gyis dge slong ma 'chi 

</font><hr>9-1-238a<br><font size=+1>
ltas sdig pa can gyi lta bar song ba de gtong du mi btub pa la gnas nas dbyung ba'i las mdzad de/ ji srid du dge slong ma 'chi ltas sdig pa can gyi lta bar song ba de gtong du mi btub pa de srid du de la dge slong ma rnams kyis gtam 'dre bar mi bgyi/ phebs 
par smra bar mi bgyi/ so sor yang dag par dga' bar mi bgyi zhing dper na gdol pa'i bu mo bzhin du shin tu smad pas smad par bgyi'o/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ dge 
slong ma 'chi ltas 'di la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du gcod par mi 'gyur ba de ltar kho mos bcom ldan 'das kyis chos bstan 
pa shes so zhes mchi ba dang/ dge 'dun gyis dge slong ma 'chi ltas sdig pa can gyi lta bar song ba gtong du mi btub pa la gnas nas dbyung ba'i phrin las mdzad de/ ji srid du dge slong ma 'chi ltas sdig pa can gyi lta ba'i rnam par song ba 'di lta bu 'di gtong du mi btub pa de srid 
du/ 'di la dge slong ma rnams kyis gtam 'dre bar mi bgyi/ phebs par smra bar mi bgyi/ so sor yang dag par dga' bar mi bgyi zhing dper na gdol pa'i bu mo bzhin du shin tu smad pas smad par bgyi na/ phu nu mo gang dag dge slong ma 'chi ltas sdig pa can gyi lta 
bar song ba de 'dor du mi btub pa la gnas nas dbyung ba'i las bgyi bar bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste/ lan gnyis su yang don 'di nyid brjod par bya'o/ /'phags ma'i 
dge 'dun phu nu mo dag bdag la gsan du gsol/ dge slong ma 'chi ltas 'di la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du 

</font><hr>9-1-238b<br><font size=+1>
gcod par mi 'gyur ba de ltar kho mos bcom ldan 'das kyis chos bstan pa shes so zhes mchi ba dang/ dge 'dun gyis dge slong ma 'chi ltas sdig pa can gyi lta bar song ba de gtong du mi btub pa la gnas nas dbyung ba'i phrin las mdzad de/ ji srid du dge slong ma 
'chi ltas sdig pa can gyi lta ba'i rnam par song ba 'di lta bu 'di gtong du mi btub pa de srid du 'di la dge slong ma rnams kyis gtam 'dre bar mi bgyi/ phebs par smra bar mi bgyi/ so sor yang dag par dga' bar mi bgyi zhing gdol pa'i bu mo bzhin du shin tu 
smad pas smad par bgyi na/ phu nu mo gang dag dge slong ma 'chi ltas sdig pa can gyi lta bar song ba de 'dor du mi btub pa la gnas nas dbyung ba'i las bgyi bar bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod 
pa gnyis pa ste/ lan gsum du yang don de nyid brjod par bya'o/ /'phags ma'i dge 'dun phu nu mo dag bdag la gsan du gsol/ dge slong ma 'chi ltas 'di la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis bar du 
gcod pa'i chos su gsungs pa gang yin pa de la so sor bsten kyang bar du gcod par mi 'gyur ba de ltar kho mos bcom ldan 'das kyis chos bstan pa shes so zhes mchi ba dang/ dge 'dun gyis dge slong ma 'chi ltas sdig pa can gyi lta bar song ba gtong du mi btub pa la gnas 
nas dbyung ba'i phrin las mdzad de/ ji srid du dge slong ma 'chi ltas sdig pa can gyi lta ba'i rnam par song ba 'di lta bu 'di gtong du mi btub pa de srid du 'di la dge slong ma rnams kyis gtam 'dre bar mi bgyi/ phebs par smra bar mi bgyi/ so sor yang dag par dga' bar 
mi bgyi zhing gdol pa'i bu mo bzhin du shin tu smad pas smad par bgyi'o/ /'di ni las brjod pa gsum pa ste/ 'phags ma'i dge 'dun gyis bzod cing gnang nas 'di ltar cang mi gsung bas de de bzhin du 'dzin to/ /de de ltar gnas nas dbyung ba'i las byas 

</font><hr>9-1-239a<br><font size=+1>
kyang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni gti mug go zhes rjes su tha snyad 'dogs pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung 
ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 'di skad ces ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du gcod par mi 'gyur ba de ltar kho mos bcom 
ldan 'das kyis chos bstan pa shes so zhes zer na dge slong ma de la dge slong ma rnams kyis 'di skad ces phu nu mo khyod 'di skad ces ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du gcod par mi 'gyur ba 
de ltar kho mos bcom ldan 'das kyis chos bstan pa shes so zhes brjod par ma smra shig bcom ldan 'das la skur pa ma 'debs shig /bcom ldan 'das la skur pa btab pa ni legs par mi 'gyur ro/ /bcom ldan 'das ni de skad kyang mi gsung ngo / /bar 
du gcod pa'i chos yin pa las bcom ldan 'das kyis rnam grangs du mar bar du gcod pa'i chos su gsungs te/ de dag so sor bsten na bar du gcod par yang 'gyur gyis/ phu nu mo khyod sdig pa can gyi lta ba'i rnam par song ba 'di lta bu 'di thong shig ces 
brjod par bya'o/ /gal te dge slong ma de la dge slong ma rnams kyis de skad smras pa na gzhi de gtong na de lta na legs/ gal te mi gtong na lan gnyis lan gsum du yang yang dag par bsgo bar bya/ yang dag par bstan par bya'o/ /gzhi de gtang bar bya ba'i phyir 
lan gnyis lan gsum du yang dag par bsgo yang dag par bstan pa na gzhi de gtong na de lta na legs/ gal te mi gtong na ltung byed do/ /yang dge slong ma gang zhes bya ba ni 'chi ltas so/ /'di skad ces zer na zhes bya ba ni smra na'o/ /de ltar kho mos bcom ldan 

</font><hr>9-1-239b<br><font size=+1>
'das kyis chos bstan pa shes so/ /zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /de ltar bcom ldan 'das kyis bar du gcod pa'i chos su gsungs pa gang yin pa zhes bya ba ni dge sbyong gi tshul gyi bar du 
gcod par 'di lta ste/ phas pham par 'gyur ba'i chos brgyad dang/ dge 'dun lhag ma nyi shu dang/ spang ba'i ltung byed sum bcu rtsa gsum dang/ ltung byed brgya brgyad bcu dang/ so sor bshags par bya ba bcu gcig dang/ bslab pa mang po dang/ rtsod 
pa zhi bar bya ba'i chos bdun te/ chos ma yin pa 'di la chos kyi sgrar gsungs so/ /de la so sor bsten kyang zhes bya ba ni lhag par spyad na'o/ /bar du gcod par mi 'gyur zhes bya ba ni dge sbyong gi tshul gyi bar du gcod par mi 'gyur ba'o/ /dge slong ma de la 
zhes bya ba ni 'chi ltas la'o/ /dge slong ma rnams kyis zhes bya ba ni chos 'di pa dag gis so/ /'di skad ces brjod par bya'o zhes bya ba ni 'di skad ces smra bar bya ba'o/ /phu nu mo khyod 'di skad ces ji ltar bcom ldan 'das kyis bar du gcod pa'i chos su gsungs 
pa gang yin pa de la so sor bsten kyang bar du gcod par mi 'gyur ba de ltar kho mos bcom ldan 'das kyis chos bstan pa shes so zhes brjod par ma smra shig zhes bya ba nas/ bzhams te bsgo ba na zhes bya ba'i bar ro/ /gal te gzhi de gtong na de lta na legs/ 
gal te mi gtong na lan gnyis lan gsum du yang yang dag par bstan par bya/ yang dag par bsgo bar bya'o zhes bya ba nas/ gsol ba dang bzhi'i las kyis bsgo bar bya'o zhes bya ba'i bar ro zhes bya ba ni bsgo ba snga ma ji lta ba bzhin du'o/ /yang dag par bsgo 
ba ni de yin no/ /yang dag par bstan pa ni de yin no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'di skad ces de ltar kho mos bcom ldan 'das kyis chos bstan pa shes so zhes smra na thams 

</font><hr>9-1-240a<br><font size=+1>
cad du nyes byas su 'gyur ro/ /bzhams te bsgo ba na gzhi de gtong na de lta na legs/ gal te mi gtong na nyes byas so/ /las dang po brjod pa smras pa na/ gal te gtong na de lta na legs/ gal te mi gtong na nyes byas so/ /las 
brjod pa gnyis pa smras pa ma rdzogs par gal te gtong na de lta na legs/ gal te smras pa rdzogs kyang mi gtong na nyes byas so/ /las brjod pa gsum pa smras pa ma rdzogs par mi mthun pa dag chos ma yin par byed pa dang/ mi mthun pa dag chos ma yin pa 
ltar bcos pa dang/ mthun pa dag chos ma yin pa ltar bcos pa dang/ chos ji lta ba bzhin ma yin pa dang/ 'dul ba ji lta ba bzhin ma yin pa dang/ ston pa'i bstan pa ji lta ba bzhin ma yin pas de ltar byed na ltung ba med do/ /chos ji lta ba dang/ 'dul 
ba ji lta ba dang/ ston pa'i bstan pa ji lta bas las brjod pa bzhi pa smras pa rdzogs na ltung byed du 'gyur ro/ /ltung byed bzhi pa'i bcu gcig pa rdzogs s+ho// //dge slong ma'i 'dul ba rnam par 'byed pa/bam po nyi shu pa/ sangs rgyas bcom ldan 'das 
rgyal po'i khab na bzhugs so/ /de'i tshe bcu gnyis sde rnams kyis 'chi ltas de dang lhan cig gtam 'dre bar byed/ phebs par smra bar byed/ kun du longs spyod par byed/ gnas gcig tu nyal bar byed pa dang/ don nyung ba'i dge slong ma dag smod par 
byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du de skad zer ba'i dge slong ma chos bzhin ma byas pa sdig pa can 
gyi lta bar song ba de ma spangs pa dang gtam 'dre bar byed/ phebs par smra bar byed/ kun du longs spyod par byed/ kun du gnas par byed/ gnas gcig tu lhan cig nyal bar byed na ltung byed do/ /yang dge slong ma gang zhes bya ba ni bcu gnyis sde dag go/ /

</font><hr>9-1-240b<br><font size=+1>
chos bzhin ma byas pa zhes bya ba ni gsol ba dang bzhi'i las kyis ma phyung ba'o/ /gtam 'dre bar byed ces bya ba ni lung dbog pa sbyin par byed pa'o/ /phebs par smra bar byed ces bya ba ni brjed pa dran pa sbyin par byed pa'o/ /kun du longs spyod par byed ces bya ba 
ni bsnyen bkur rang gir byed pa'o/ /kun du gnas par byed/ gnas gcig tu nyal bar byed ces bya ba ni gnas bzhi po dag tu skya rengs 'char bar byed pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas 
ji tsam cung zad lhan cig gnas gcig tu nyal bar byed na thams cad du ltung byed du 'gyur ro/ /gal te lta bar song ba de dang dbral bar 'dod par gyur na ltung ba med do/ /ltung byed bzhi pa'i bcu gnyis pa rdzogs s+ho// //gleng gzhi ni rgyal po'i khab na'o/ /
sbom dga' mo la dge tshul ma mdzes ma dang rgyal ma gnyis yod de/ de gnyis la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa yin no zhes bcom ldan 'das kyis gsungs 
pa gang yin pa de la so sor bsten kyang bar du gcod par mi 'gyur ba de ltar kho mo cag gis bcom ldan 'das kyis chos bstan pa shes so zhes smra ba'i skabs de dge slong ma rnams kyis bcom ldan 'das la gsol pa dang/ bcom ldan 'das kyis bka' stsal 
pa/ dge slong ma dag khyed kyis dge tshul ma mdzes ma dang/ rgyal ma gnyis la bzhams te bsgo ba byos shig /de gnyis la bzhams te bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni gti mug go zhes rjes su 
tha snyad 'dogs par byed pa'i skabs de dge slong ma rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong ma dag khyed kyis dge tshul ma gnyis la gsol ba dang bzhi'i las kyis bsgo ba byos shig /bsgo ba ni 'di ltar 

</font><hr>9-1-241a<br><font size=+1>
bya ste/ gnas mal bshams pa byas nas zhes bya ba nas dge slong ma rnams la dris pa'i lan yang dag par bsgo la/ dge tshul ma thos pa'i nyen kor nas bkar te mthong ba'i nyen kor du 'dug tu bcug nas dge slong ma gcig gis gsol ba 
byas te las bya'o/ /bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ dge tshul ma 'di gnyis la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa 
yin no/ /zhes gsungs pa gang yin pa de la so sor bsten kyang bar du gcod par mi 'gyur ba de ltar kho mo cag gis bcom ldan 'das kyis chos bstan pa shes so zhes mchi ba na de gnyis la dge slong ma rab tu mang pos bzhams nas bsgo ste/ de gnyis la dge 
slong ma rab tu mang pos bzhams te bsgo na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni gti mug go zhes rjes su tha snyad 'dogs par bgyid kyis/ gal te 'phags ma'i dge 'dun gyi dus la bab cing bzod na/ 'phags 
ma'i dge 'dun gyis gnang bar mdzod cig dang/ dge tshul ma mdzes ma dang rgyal ma 'di gnyis la gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ 
dge tshul ma mdzes ma dang/ rgyal ma 'di gnyis la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur ba 
de ltar kho mo cag gis bcom ldan 'das kyis chos bstan pa shes so zhes mchi ba na/ de gnyis la dge slong ma rab tu mang pos bzhams nas bsgo ste/ de dag la bzhams nas bsgo ba na gzhi de nyid la nan gyis mchog tu bzung zhing mngon par zhen nas 'di nyid bden 

</font><hr>9-1-241b<br><font size=+1>
gyi gzhan ni gti mug go zhes rjes su tha snyad 'dogs par bgyid kyis/ 'phags ma'i dge 'dun gyis mdzes ma dang/ rgyal ma 'di gnyis la gsol ba dang bzhi'i las kyis bsgo ba mdzad par phu nu mo gang dag bzod pa de dag ni cang ma gsung shig /gang dag mi bzod 
pa de dag ni gsung shig /'di ni las brjod pa dang po ste/ de bzhin du gnyis pa dang/ gsum pa yang brjod par bya'o/ /'phags ma'i dge 'dun gyis bzod cing gnang nas zhes bya ba nas/ 'di ltar cang mi gsung bas de de bzhin du 'dzin to zhes bya ba'i bar ro/ /
de gnyis la gsol ba dang bzhi'i las kyis bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni gti mug go zhes rjes su tha snyad 'dogs par byed pa'i skabs de dge slong ma rnams kyis bcom ldan 'das la gsol to/ /
bcom ldan 'das kyis bka' stsal pa/ dge slong ma dag dge tshul ma mdzes ma dang/ rgyal ma la bsnyil ba'i las byos shig /bya ba ni 'di lta bu yin te/ gnas mal bshams pa byas la zhes bya ba nas/ dge tshul ma mdzes ma dang/ rgyal ma thos pa'i 
nyen kor nas bkar te mthong ba'i nyen kor du 'dug tu bcug nas dge slong ma gcig gis gsol ba byas te las bya'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ dge tshul ma mdzes ma dang/ rgyal ma 'di 
gnyis la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur ba de ltar kho mo cag gis bcom ldan 
'das kyis chos bstan pa shes so zhes mchi nas/ dge tshul ma mdzes ma dang/ rgyal ma de gnyis la dge slong ma rab tu mang pos bzhams nas bsgo ste/ de gnyis la bzhams nas bsgo ba na zhes bya ba nas 'di nyid bden gyi gzhan ni gti mug go zhes bya ba'i bar 

</font><hr>9-1-242a<br><font size=+1>
ro/ /de gnyis la dge 'dun gyis gsol ba dang bzhi'i las kyis bsgo ste/ de gnyis la gsol ba dang bzhi'i las kyis bsgo ba na zhes bya ba nas/ 'di nyid bden gyi gzhan ni gti mug go zhes bya ba'i bar du mchis lags kyis/ gal te 
'phags ma'i dge 'dun gyi dus la bab cing bzod na 'phags ma'i dge 'dun gyis gnang bar mdzod cig dang/ 'di ltar 'phags ma'i dge 'dun gyis dge tshul ma mdzes ma dang/ rgyal ma 'di gnyis la phu nu mo dag khyed cag deng phan chad bcom ldan 'das de 
bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge tshul ma gzhan dag dge slong ma rnams dang lhan 
cig nub gnyis tshun chad gnas gcig tu nyal bar gnang ba gang yin pa de yang deng phyin chad khyed la med kyis/ bud med gti mug can khyod gnyis gzhan du deng shig ces bsnyil ba'i las mdzad do/ /'di ni gsol ba'o/ /de'i 'og tu de gnyis la bsnyil ba'i 
gsol ba mdzad zin gyis sdig pa can gyi lta ba de thong shig ces bsgo bar bya'o/ /gal te gtong na de lta na legs/ gal te mi gtong na de'i 'og tu las bya'o/ /bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ dge 
tshul ma mdzes ma dang/ rgyal ma 'di gnyis la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur 
ba de ltar kho mo cag gis bcom ldan 'das kyis chos bstan pa shes so zhes mchi nas/ dge tshul ma mdzes ma dang/ rgyal ma de gnyis la dge slong ma rab tu mang pos bzhams nas bsgo ste/ de gnyis la bzhams nas bsgo ba na zhes bya ba nas 'di nyid bden 

</font><hr>9-1-242b<br><font size=+1>
gyi gzhan ni gti mug go zhes bya ba'i bar ro/ /de gnyis la dge 'dun gyis gsol ba dang bzhi'i las kyis bsgo ste/ de gnyis la gsol ba dang bzhi'i las kyis bsgo ba na zhes bya ba nas 'di nyid bden gyi gzhan ni gti mug go zhes bya ba'i bar du mchi nas 
'phags ma'i dge 'dun gyis dge tshul ma mdzes ma dang/ rgyal ma sdig pa can gyi lta bar song ba de gtong du mi btub pa de gnyis la bsnyil ba'i phrin las mdzad par gang dag bzod pa de dag ni cang ma gsung shig /gang dag mi bzod pa de dag ni gsung 
shig /'di ni las brjod pa dang po yin no/ /de'i 'og tu de gnyis la bsgo bar bya ste/ gal te gtong na de lta na legs/ gal te mi gtong na lan gnyis su yang don de nyid brjod par bya'o/ /'phags ma'i dge 'dun phu nu mo dag bdag la gsan 
du gsol zhes bya ba nas/ lan gnyis pa nyid brjod pa byas nas yang bsgo bar bya ste/ gal te gtong na de lta na legs/ gal te mi gtong na lan gsum du yang don de nyid brjod par bya'o/ /'phags ma'i dge 'dun phu nu mo dag bdag la gsan du 
gsol zhes bya ba nas/ 'phags ma'i dge 'dun gyis dge tshul ma mdzes ma dang/ rgyal ma sdig pa can gyi lta bar song ba de gtong du mi btub pa la bsnyil ba'i phrin las mdzad par 'phags ma'i dge 'dun gyis bzod cing gnang nas/ 'di ltar cang mi 
gsung bas de de bzhin du 'dzin to/ /de nas dge tshul ma de gnyis ngu zhing mkhan mo'i drung du dong ste phyin nas mkhan mo la 'di skad ces smras so/ /mkhan mo bdag cag la dge slong ma'i dge 'dun gyis bsnyil ba'i phrin las mdzad lags so/ /de nas sbom dga' 
mos dge tshul ma de gnyis la 'di skad ces smras so/ /bsnyil ba'i las byas pa rnams la ci khams gsum yang ma lus sam/ grong dang/ ljongs dag kyang med dam ci zhes da bsnyil ba'i las byas pa de gnyis dang lhan cig gtam 'dre bar byed/ phebs par 

</font><hr>9-1-243a<br><font size=+1>
smra bar byed/ kun du longs spyod par byed/ gnas gcig tu nyal bar byed pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab 
pa bca' ba'i bar du mdzad de/ dge tshul ma la 'di skad ces ji ltar bcom ldan 'das kyis 'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur ba de ltar kho mo cag gis/ bcom ldan 'das kyis chos 
bstan pa shes so zhes zer ba'i dge tshul ma de la dge slong ma rnams kyis 'di skad ces dge tshul ma khyod 'di skad ces ji ltar bcom ldan 'das kyis 'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur ba de 
ltar/ kho mo cag gis bcom ldan 'das kyis chos bstan pa shes so zhes ma smra shig /bcom ldan 'das la skur pa ma 'debs shig /bcom ldan 'das la skur pa btab pas ni legs par mi 'gyur ro/ /bcom ldan 'das ni de skad kyang mi gsung ngo / /
dge tshul ma dag 'dod pa rnams ni bar du gcod par byed pa kho na yin pa las/ bcom ldan 'das kyis rnam grangs du mar bar du gcod par byed par gsungs te/ de dag so sor bsten na bar du gcod par yang 'gyur bas dge tshul ma dag sdig pa can gyi lta ba'i 
rnam par song ba 'di lta bu 'di thong shig ces de skad du/ dge tshul ma de la dge slong ma rnams kyis bsgo ba na gzhi de gtong na de lta na legs/ gal te mi gtong na lan gnyis lan gsum du yang gzhi de gtong du gzhug pa'i phyir yang dag par bstan par bya'o/ /
lan gnyis lan gsum du yang yang dag par bstan pa na/ gzhi de gtong na de lta na legs/ gal te mi gtong na dge tshul ma de la dge slong ma rnams kyis 'di skad ces/ dge tshul ma khyod deng phan chad bcom ldan 'das de bzhin gshegs pa dgra bcom pa de 

</font><hr>9-1-243b<br><font size=+1>
la ston pa zhes kyang ma zer cig /tshangs pa mtshungs par spyod pa mkhas pa gang yang rung ba dag gi rjes bzhin rjes bzhin du yang ma 'gro shig /dge tshul ma gzhan dag dge slong ma rnams dang/ nub gnyis tshun chad gnas gcig tu nyal bar gnang 
ba gang yin pa de yang khyod la deng phan chad med kyis dge tshul ma dag phar song shig ces brjod par bya'o/ /yang dge slong ma gang shes bzhin du de ltar bsnyil ba'i dge tshul ma nye bar 'jog par byed dam/ nye bar ston par byed dam/ kun du longs spyod par 
byed dam/ gnas gcig tu lhan cig nyal bar byed na ltung byed do/ /dge tshul ma zhes bya ba ni mdzes ma dang/ rgyal ma'o/ /dge slong ma rnams zhes bya ba ni chos 'di pa dag go/ /'di skad ces zer na zhes bya ba ni smra na'o/ /ji ltar bcom ldan 'das kyis 
'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur ba de ltar kho mo cag gis bcom ldan 'das kyis chos bstan pa shes so/ /zhes bya ba ni lhag par spyad kyang dge slong gi tshul gyi bar chad du mi 
'gyur ba'o/ /de dag la zhes bya ba ni dge tshul ma mdzes ma dang/ rgyal ma la'o/ /dge slong ma rnams kyis zhes bya ba ni chos 'di pa dag gis so/ /'di skad ces brjod par bya'o zhes bya ba ni bzhams te bsgo bas snga ma ji lta ba bzhin du bsgo ba'o/ /yang dag 
par bstan pa ni de yin/ yang dag par bsgo ba ni de yin no/ /de gnyis la de ltar rjes su bstan pa na gzhi de gtong na de lta na legs/ gal te mi gtong na bsnyil ba'i las byos shig ces bya ba ni gong ma ji lta ba bzhin du bya ba'o/ /yang dge slong ma 
gang zhig ces bya ba ni sbom dga' mo'o/ /shes bzhin du zhes bya ba ni bdag nyid dam/ gzhan gyis smras par gyur pa'o/ /de ltar bsnyil ba zhes bya ba ni bsnyil ba'i las byas pa'o/ /dge tshul ma zhes bya ba ni mdzes ma dang/ rgyal ma'o/ /

</font><hr>9-1-244a<br><font size=+1>
nye bar 'jog par byed dam zhes bya ba ni gnas sbyin par byed pa'o/ /nye bar ston par byed dam zhes bya ba ni 'dri ba sbyin par byed pa'o/ /kun du longs spyod par byed dam zhes bya ba ni bkur sti rang gir byed pa'o/ /kun du gnas par byed gnas 
gcig tu nyal bar byed ces bya ba nas ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam du cung zad shes bzhin du de ltar bsnyil ba'i dge tshul ma nye bar 'jog par byed dam/ nye bar ston par byed dam 
zhes bya ba nas/ gnas gcig tu nyal bar byed dam zhes bya ba'i bar te/ thams cad du ltung byed du 'gyur ro/ /ltung byed bzhi pa'i tshigs su bcad pa'i sdom rdzogs s+ho// // sdom la/ kha dog len dang zla phyed dang/ /ched du bsams dang 'gyod pa dang/ /
ga ga tshil dang chur rtse dang/ /skyes pa nyal dang sngangs mi bya/ /gos sbyin gzhi med lam du ni/ /skyes par 'grogs te 'gro mi bya/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /gang gi tshe rgyal po 
gzugs can snying pos klu'i rgyal po ri bo dang/ yid 'ong ldan gnyis kyi dus mchod btsugs pa dang/ de nas dus gzhan zhig na lho lam nas gar mkhan gyi slob dpon chen po zhig 'ongs te/ des sangs rgyas kyi spyod pa zhes bya ba'i gar thabs byas pa dang/ dad 
pa can rnams las bya dga' cher thob bo zhes bya ba nas/ drug sde rnams sun phyung ngo zhes bya ba'i bar ro/ /de nas de'i 'og tu drug sde rnams dang/ dge slong ma bcu gnyis sde rnams kyis gar gyi brda thabs dag sbyar nas gar byas pa dang zhes bya ba nas/ don nyung ba'i dge 
slong ma dag smod par byed pa'i skabs de bcom ldan 'das la gsol pa dang/ bcom ldan 'das kyis dgongs pa/ nyes dmigs gang ci byung ba de thams cad ni dge slong ma gang dag khyim pa gon pa'i gos dkar po gyon pa las gyur to snyam nas/ de nas bcom 

</font><hr>9-1-244b<br><font size=+1>
ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas gos sar pa rnyed na kha dog bsgyur ba gsum po sngon po'am/ 'dam kha'am/ ngur smrig gang yang rung ba'i kha dog tu bsgyur bar bya'o/ /gal te dge slong mas kha 
dog bsgyur ba gsum po gang yang rung ba'i kha dog ma bsgyur ba'i gos sar pa gyon na ltung byed do/ /gsar pa zhes bya ba la gsar pa ni gnyis te/ gsar pa dang/ gsar du rnyed pa ste/ don 'di la ni gsar du rnyed pa la bya bar dgongs so/ /gos zhes bya ba ni bdun 
po gang yang rung ba'o/ /dge slong ma zhes bya ba ni chos 'di pa dag go/ /kha dog bsgyur ba gsum po gang yang rung ba ma bsgyur na zhes bya ba ni kha dog ma bsgyur na'o/ /gos gsar pa gyon na zhes bya ba ni bgos na'o/ /ltung byed do zhes bya ba ni gong ma bzhin no/ /de 
la ltung bar ji ltar 'gyur zhe na/ dge slong mas ji tsam cung zad kha dog bsgyur ba gsum po gang yang rung ba'i kha dog ma bsgyur ba'i gos gsar pa gyon na thams cad du ltung byed du 'gyur ro/ /tha na lhung bzed kyi snod tsam ma bsgyur na yang nyes byas so/ /ltung byed lnga pa'i 
dang po rdzogs s+ho// //sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis yangs pa can du drug sde rnams la brten nas len pa'i bslab pa'i gzhi bca' ba mdzad la/ 
mnyan yod du ni kun dga' bo la brten nas rjes su gnang ngo / /de nas bcu gnyis sde de dag gis kun dga'i ra bar gtogs pa'am/ kun dga'i ra bar ma gtogs pa na rin po che'am/ rin po cher smos pa dag 'dug pa rang gi lag gis len par byed/ 
len du 'jug par byed cing gang gi yin pa de la yang sbyin par mi byed pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar 

</font><hr>9-1-245a<br><font size=+1>
du mdzad de/ yang dge slong ma gang rin po che 'am/ rin po cher smos pa rang gi lag gis len tam/ len du 'jug na kun dga'i ra bar gtogs pa na 'dug pa 'am/ gnas khang du gtogs pa na 'dug pa ma gtogs te ltung byed do/ /dge slong ma gang zhig gis kun dga'i ra bar 
gtogs pa'am/ gnas khang du gtogs pa na rin po che'am/ rin po cher smos pa 'dug na 'di snyam du/ 'di su'i yin pa de nyid len par 'gyur grang zhes bsams nas blang bar bya ste/ de la cho ga ni de yin no/ /yang dge slong ma gang zhes bya ba ni bcu gnyis sde dag 
go/ /rin po che 'am rin po cher smos pa ni g.yul ngor spyad pa'i yo byad thams cad dang/ skyed mos tshal gyi yo byad thams cad do/ /len na zhes bya ba ni rang gis so/ /len du 'jug na zhes bya ba ni gzhan no/ /kun dga'i ra bar gtogs pa na 'dug pa ni 
skyed mos tshal na 'dug pa'o/ /gnas khang du gtogs pa na 'dug pa ma gtogs te zhes bya ba ni gtsug lag khang gi nang na'o/ /des 'di snyam du 'di su'i yin pa de nyid len par 'gyur grang zhes de nyid rkyen du byas nas blang bar bya'o/ /zhes bya ba ni de nyid 
rjes su mthun par byas pa'i chos yin no/ /dus ma gtogs te zhes bya ba ni bzhag ste'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma nor bu len par byed na mig phug pa len na ltung byed do/ /mig ma 
phug pa len na nyes byas so/ /nor bu la ji lta ba de bzhin du mu tig dang/ rdo rje dang/ bai DUr+ya dang/ dung dang/ man shel dang/ byi ru dang/ dngul dang/ rin po che dang/ dmar po dang/ dung g.yas su 'khyil pa phug pa len na ltung byed do/ /ma phug 
pa len na nyes byas so/ /tha na nor bu mching bu len na yang nyes byas so/ /mgul gdub len na ltung byed do/ /de bzhin du gdu bu rgyan can dang dpung rgyan dang/ do shal dang/ se mo do la sogs pa la yang ltung byed do/ /tha na nor bu do zan len na yang 

</font><hr>9-1-245b<br><font size=+1>
nyes byas so zhes bya ba'i bar ro/ /dge slong mas dngul gyi nor bu len na mngon mtshan can yin na ltung byed do/ /mngon mtshan can ma yin na nyes byas so/ /tha na ko lham bcos bu len na yang nyes byas so/ /dge slong mas pi bang rgyud dang chas pa len na 
ltung byed do/ /rgyud med pa len na nyes byas so/ /de bzhin du bA ba b+hi sa ka dang/ pi bang rgyud gcig pa dang/ khar rnga dang/ rnga bo che dang/ rdza rnga dang/ rnga pa Ta ha la sogs pa rgyud dang chas pa len na ltung byed do/ /rgyud med pa len na nyes byas so/ /tha 
na rtswa las byas pa'i pi bang rgyud dang chas pa len na ltung byed do/ /rgyud med pa len na nyes byas so/ /de bzhin du rdo rje rtse gcig pa dang/ 'khor lo dang/ mtshon rtse gcig pa dang/ ral gri dang/ mdung thung dang/ mda' bo che dang/ mdung dang/ mdung 
phyed lcags las byas pa dang/ lcags mda' dang/ mda' phyed lcags las byas pa 'phang du rung ba len na ltung byed do/ /'phang du mi rung ba len na nyes byas so/ /dge slong mas mda' mde'u dang bcas pa len na ltung byed do/ /mde'u med pa len na 
nyes byas so/ /tha na rtswa'i gzhu len na yang nyes byas so/ /dge slong mas sangs rgyas kyi sku gzugs brnyan ring bsrel dang bcas pa len na ltung byed do/ /ring bsrel med pa yin na nyes byas so/ /gal te ston pa la mchod pa'i 'du shes kyis len par 
byed cing/ dge tshul ma 'am rung bar byed pa'i lag tu bzhag pa la ni ltung ba med do// //bar sdom ni/ nor bu mgul gdub pi bang dang/ /dung dang gzhu dang mda' dag dang/ /ring bsrel bcas pa'i sku gzugs te/ /'dir ni yang dag bsdus pa 
yin/ /ltung byed lnga pa'i gnyis pa rdzogs s+ho// //gleng gzhi ni rgyal po'i khab na'o/ /de'i tshe rgyal po gzugs can snying po la dka' thub kyi chu grang ba na dro bar tshor ba dang/ dro ba na bsil bar tshor ba gsum yod de/ gcig la ni rgyal po rang nyid khrus 

</font><hr>9-1-246a<br><font size=+1>
byed do/ /gnyis par ni btsun mo'o/ /gsum par ni 'jig rten thams cad kyi thun mong ngo / /de nas rgyal po gzugs can snying pos bsams pa/ bdag gis bcom ldan 'das dang/ nyan thos kyi dge 'dun la thams cad du yo 
byad thams cad kyis bkur sti mang du ni byas na dka' thub kyi chu'i khrus kyis ma byas kyis/ ma la bdag gis bcom ldan 'das dang/ dge slong dang/ dge slong ma rnams la dka' thub kyi chu gnyis ci bder dbul lo snyam du bsams nas/ rgyal po gzugs 
can snying po bcom ldan 'das gang na ba der song ste phyin pa dang/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug pa dang/ bcom ldan 'das kyis rgyal po gzugs can snying po la chos dang 
ldan pa'i gtam gyis yang dag par ston par mdzad ces bya ba nas/ stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das 
nyan thos ma'i dge 'dun dang thabs cig la bdag dka' thub kyi chab gnyis 'bul te/ rgyal po rgyal rigs spyi bo nas dbang bskur ba khrus bgyid pa gang lags pa der ni/ bcom ldan 'das nyan thos kyi dge 'dun dang bcas pa khrus mdzad par gsol/ gang 
du mchis 'brang 'khor dang bcas pa khrus bgyid pa der ni de bzhin gshegs pa'i nyan thos ma'i dge 'dun ci bder khrus bgyi zhing bzhes su gsol/ bcom ldan 'das kyis cang mi gsung bas rgyal po gzugs can snying po las 'di lta ste/ dka' thub kyi chu'i 
khrus bzhes par gnang ngo / /de nas ji tsam na rgyal po zhes bya ba nas song ngo zhes bya ba'i bar ro/ /de nas bcu gnyis sde rnams kyis bcom ldan 'das rgyal po gzugs can snying pos dka' thub kyi chu'i khrus la spyan drangs pa las/ bcom ldan 'das kyis kyang 

</font><hr>9-1-246b<br><font size=+1>
gnang ngo zhes thos so/ /thos nas bcu gnyis sde de rnams rgyal po gzugs can snying po'i btsun mo'i khrus byed pa'i dka' thub kyi chu gang na ba der khrus kyi phyir dong ngo / /de'i tshe rgyal po gzugs can snying po'i btsun mo khrus byed par 'dod nas de dka' thub kyi chu 
gang na ba der song ba na zhes bya ba nas/ bcu gnyis sde rnams las skabs ma rnyed do zhes bya ba'i bar ro/ /de nas dge slong ma rnams kyi mdun du smod par byed pa na dge slong ma rnams kyis bcom ldan 'das la gsol pa dang/ bcom ldan 'das kyis 
bka' stsal pa/ de lta bas na khrus mi bya'o/ /de rnams khrus ma byas pas lus shin tu dri mi zhim zhing bsod snyoms la zhugs pa na khyim pa mo rnams kyis 'di skad ces smras so/ /dri ngan pa zhig mnam lags so/ /dge slong ma drang po drang ba'i rang bzhin 
can de rnams kyis 'di skad ces smras so/ /dri ngan pa de ni kho mo cag gi lus kyi yin no/ /de dag gis 'di skad ces smras so/ /khyed cag gis khrus ma bgyis sam/ de dag gis 'di skad ces smras so/ /bcom ldan 'das kyis khrus mi bya'o zhes dgag pa 
mdzad do/ /zhes bya ba'i skabs de dge slong ma rnams kyis bcom ldan 'das la gsol pa dang/ bcom ldan 'das kyis bka' stsal pa/ de lta bas na/ zla ba phyed phyed cing khrus bya'o/ /de nas tsha bas gdungs nas zhes bya ba nas/ zla ba phyed dang gsum ni 
tsha ba'i dus so zhes bya ste/ khrus bya'o zhes bya ba'i bar ro/ /de bzhin du na ba dus so zhes byin gyis brlabs te khrus bya'o/ /de bzhin du las dus so/ /lam dus so/ /rlung dang char pa dus so zhes byin gyis brlabs te khrus bya'o/ /de nas bcu gnyis 
sde de rnams tsha ba dus so/ /zhes byas nas dus thams cad du khrus byed pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' 

</font><hr>9-1-247a<br><font size=+1>
ba'i bar du mdzad de/ bcom ldan 'das kyis zla ba phyed phyed cing khrus bya'o zhes gsungs pa de las 'dums par byed na dus ma gtogs te ltung byed do/ /de la dus ni 'di yin te/ so ga rnams kyi zla ba phyed dang gnyis dang/ dbyar rnams 
kyi zla ba dang po dang/ zla ba phyed dang gsum po de dag ni tsha ba'i dus so/ /lhag ma ni na ba dus so/ /las dus so/ /lam dus so/ /rlung dus so/ /char dus so/ /rdzi char dus te/ de la de ni dus yin no/ /zla ba phyed cing zhes bya ba ni zla ba'i ngo phyed cing 
ngo / /khrus zhes bya ba la khrus ni rnam pa gnyis te/ dbang bskur ba'i khrus dang/ 'jug pa'i khrus so/ /dus ma gtogs te zhes bya ba ni dus bzhag ste'o/ /de la de ni dus yin no zhes bya ba ni so ga rnams kyi lhag ma zla ba phyed dang gnyis dang/ dbyar rnams 
kyi dang po zhes bya ba ni thog ma'i zla ba ste dbyar zla ra ba dang/ zla ba phyed dang gsum po 'di dag ni tsha ba'i dus so/ /lhag ma ni na ba'i dus so/ /zhes bya ba ni khrus ma byas na na bar 'gyur ba'o/ /las dus so zhes byas te khrus bya'o zhes bya ba ni las dag byas 
pas de dag dub par gyur pa'o/ /lam dus so zhes byas te khrus bya'o zhes bya ba ni dpag tshad phyed dam dpag tshad gcig gi lam nas 'ongs pas de dag dub par gyur pa'o/ /rlung dus so zhes byas te khrus bya'o zhes bya ba ni rlung gis dkrugs par gyur pa ste/ 
tha na chos gos kyi grwa tsam rlung gis bsgul bar gyur pa'o/ /char dus so zhes byas te khrus bya'o zhes bya ba ni char gyi thigs pa gnyis sam gsum lus la bab par gyur pa ni char gyi dus yin no/ /rdzi char dus so zhes byas te khrus bya'o zhes bya ba ni de rlung gis kyang 
bsgul la char gyi thigs pa gnyis sam gsum yang lus la bab par gyur pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas dbang bskur ba'i khrus kyis khrus byed na/ des dus byin gyis brlab par bya'o/ /

</font><hr>9-1-247b<br><font size=+1>
byin gyis ma brlabs na ji srid du chu lte bar son gyi bar du ni nyes byas so/ /chu lte ba las 'das na ltung byed do/ /dge slong mas 'jug pa'i khrus kyis khrus byed na des dus byin gyis brlab par bya'o/ /byin gyis ma brlabs na ji srid du chu lte bar son gyi bar du 
nyes byas so/ /chu lte ba las 'das na ltung byed do/ /de bzhin du dbang bskur ba'i khrus kyis khrus byas nas 'jug pa'i khrus 'dod na dus gzhan byin gyis brlab par bya'o/ /byin gyis ma brlabs na ji srid du chu lte bar son gyi bar du nyes byas so/ /'das na ltung byed do/ /
de bzhin du 'jug pa'i khrus kyis khrus byas nas dbang bskur ba'i khrus kyis khrus byed par 'dod na/ de yang zhes bya ba nas ji srid du chus lte bar son gyi bar du ni nyes byas so/ /'das na ltung byed do/ /de bzhin du dron mo'i khrus byas nas bsil ba'i khrus 'dod na/ de yang 
zhes bya ba nas nyes byas so/ /'das na ltung byed do/ /de bzhin du bsil ba'i khrus byas nas dron mo'i khrus 'dod na/ de yang zhes bya ba nas nyes byas so/ /'das na ltung byed do/ /de bzhin du gal te khrus de nyid kyis yang byed par 'dod na de srid du dus gzhan byin gyis 
brlab par bya'o/ /gal te brgyal ba la chus gtor ba dang/ rgal te 'gro ba dang/ mchongs pa na chur ltung ba dang/ chu bo rgal ba'am/ mtsho chen po rgal ba na chur nub pa la ni ltung ba med do/ /ltung byed lnga pa'i gsum pa rdzogs s+ho// //gleng gzhi 
ni mnyan yod na'o/ /gang gi tshe bcom ldan 'das kyis 'char ka la brten te ched du bsams pa'i dud 'gro'i skye gnas kyi bslab pa'i gzhi bca' ba mdzad pa de'i tshe bcu gnyis sde de dag gis ched du bsams pa dang/ ched du ma bsams par dud 
'gro'i skye gnas su gtogs pa'i srog chags rnams kyi srog gcod par byed pa dang/ don nyung ba'i dge slong ma dag smod pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i 

</font><hr>9-1-248a<br><font size=+1>
bar du mdzad de/ yang dge slong ma gang ched du bsams te dud 'gro'i skye gnas su gtogs pa'i srog chags kyi srog gcod na ltung byed do/ /yang dge slong ma gang zhes bya ba ni bcu gnyis sde dag go/ /ched du bsams nas zhes bya ba 
ni rnam par brtags nas so/ /dud 'gro'i skye gnas su gtogs pa zhes bya ba ni tha na grog sbur tsam yang ngo / /srog gcod na zhes bya ba ni de'i srog la gnod pa byed pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge 
slong mas ji tsam cung zad ched du bsams te dud 'gro'i skye gnas su gtogs pa'i srog chags kyi srog bcad na thams cad du ltung byed du 'gyur ro/ /ltung byed lnga pa'i bzhi pa rdzogs s+ho// //gleng gzhi ni mnyan yod na'o/ /de'i tshe bcu gnyis sde rnams 
kyis ched du bsams bzhin du dge slong ma rnams la 'gyod pa skyed par byed pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i 
bar du mdzad de/ yang dge slong ma gang ched du bsams te dge slong ma la ci nas kyang 'di yud tsam zhig kyang reg par mi 'gyur bar bya'o zhes de nyid rkyen du byas te dge slong ma la 'gyod pa skyed na ltung byed do/ /yang dge slong ma gang zhes bya ba ni bcu gnyis sde dag go/ /
ched du bsams te zhes bya ba ni rnam par brtags nas so/ /'gyod pa skyed na zhes bya ba ni 'gyod pa bskyed pa'i bsam pa can gyi ngag dang/ tshig dang/ brjod pa dang zhes bya ba nas/ ngag gi rnam par rig byed ces bya ba'i bar gang yin pa'o/ /ltung byed do 
zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ched du bsams te 'gyod pa bskyed pa'i bsam pas dge slong ma'i drung du song ste/ 'di skad ces phu nu mo rgyal po che ge mo'am/ tshong dpon che ge mo'am/ sa g.yos pa'am/ zla 

</font><hr>9-1-248b<br><font size=+1>
ba gzas zin pa'am/ nyi ma gzas zin pa'am/ phyogs tshig pa dran nam zhes dris pa na/ de 'di skad ces mi dran no zhes zer ba dang/ de 'di skad ces dus sngar byung ba yin pas phu nu mo khyod ni lo nyi shu ma lon par bsnyen par rdzogs par gyur te/ phu nu mo khyod bsnyen par rdzogs 
pa ma yin pas slar yang bsnyen par rdzogs dgos so zhes smras na/ dge slong ma 'gyod pa skyes kyang rung ma skyes kyang rung 'gyod pa skyed pa gang yin pa de la ltung byed du 'gyur ro/ /de bzhin du phu nu mo khyod kyi mkhan mo su yin/ de 'di skad ces che ge mo 
yin no zhes zer ba na de 'di skad ces dge slong ma che ge mo zhes bya ba de ni dge 'dun gyis gnas nas dbyung ba'i phrin las mdzad pa yin no zhes smras na/ dge slong ma de 'gyod pa skyes kyang rung/ ma skyes kyang rung zhes bya ba nas ltung byed do zhes bya ba'i bar ro/ /de 
bzhin du tshul khrims 'chal pa yin no zhes zer na ltung byed do zhes bya ba'i bar ro/ /de bzhin du phu nu mo gnas gang du bsnyen par rdzogs/ de 'di skad ces gnas ni ga ge mo zhig tu bsnyen par rdzogs so zhes zer ba na/ de 'di skad ces gnas de ni mtshams 
ma bcad pa/ de ni dkyil 'khor bar mi mngon pa/ mi mthun pa 'khrugs pas khyod bsnyen par rdzogs kyi mthun pas ma yin pas phu nu mo khyod ni bsnyen par ma rdzogs pa yin gyis zhes bya ba nas/ ltung byed do zhes bya ba'i bar ro/ /de bzhin du phu nu 
mo mkhan mo dang/ slob dpon gyi gos dag len nam/ de 'di skad ces len no zhes zer ba na de 'di skad ces khyod ni phas pham par 'gyur ba'i ltung ba byung ba yin no zhes smras na zhes bya ba'i bar ro/ /de bzhin du phu nu mo 'du byed thams cad mi rtag pa dang/ 
chos thams cad bdag med pa dang/ mya ngan las 'das pa ni zhi ba'o zhes rab tu ston tam de 'di skad ces rab tu ston to zhes zer ba na/ de 'di skad ces khyod kyis mi'i chos bla ma smras pas khyod phas pham par 'gyur ba'i ltung ba byung ba yin no zhes zer ba 

</font><hr>9-1-249a<br><font size=+1>
yang ngo / /de bzhin du phu nu mo phyogs ga ge mo zhig tu 'gro'am/ de 'di skad ces 'gro'o zhes zer ba na de 'di skad ces gtum po rnams kyis gnas btab pa'i phyogs yin pas/ khyod phas pham par 'gyur ba'i ltung ba byung bar 'gyur du 'ong ngo / /
zhes smras nas zhes bya ba nas ltung byed do zhes bya ba'i bar ro/ /de bzhin du phu nu mo sha dang/ nya dang/ sha skam dang/ chur ba dang/ 'o ma dang/ zho dang/ mar sar za'am/ des 'di skad ces za'o zhes smras pa na/ de 'di skad ces khyod kha zas de 
lta bu za na mdze dang/ 'brum bu phra mo dang/ sha bkra dang/ sha gzig gu dang/ shu ba dang/ g.ya' ba dang/ khyi rngo dang/ skyug bro ba dang/ skya rbab dang/ skem nad dang/ lud pa dang/ dbugs mi bde ba dang/ skem pa ste/ nad kyi rnam pa de lta bu 
dag khyod la 'byung bar 'gyur ro zhes smras na dge slong ma 'gyod par gyur kyang rung/ ma gyur kyang rung ltung byed du 'gyur ro/ /don gzhan dang 'dul ba'i yo byad kyis ni ltung ba med do/ /de la don gzhan zhes bya ba ni phu nu mo rgyal po che ge mo dran nam/ de 'di skad ces 
dran no zhes zer na/ de 'di skad ces rgyal po de ni yun ring mo zhig lon pas phu nu mo khyod lo nyi shu tshang zhing/ legs par bsnyen par rdzogs pa yin gyis khyod la sus ci smras kyang 'gyod par ma byed cig ces bya ba dang/ de bzhin du phyogs tshig pa dang zhes 
bya ba nas/ de bzhin du khyod kyis mkhan mo ni tshul khrims dang ldan pa mang du thos pa yin no zhes bya ba dang/ khyod bsnyen par rdzogs pa'i gnas ni mtshams bcad pa de ni dkyil 'khor bar mngon pa yin no zhes bya ba dang/ khyod kyis lhag par nya'am/ 
sha'am zhes bya ba nas/ mar sar gyi bar dag ma zos grang/ khyod na bar 'gyur du 'ong ngo zhes bya ba ste/ de lta bu ni don gzhan yin no/ /'dul ba'i yo byad ji lta bu zhe na/ phu nu mo khyod kyis rku sems kyis mkhan mo dang/ slob dpon dag gi gos 

</font><hr>9-1-249b<br><font size=+1>
blangs par ma gyur grang zhes bya ba dang/ ltung ba dang bcas par ma gyur grang zhes bya ba dang/ khyod mi'i chos bla ma'i gtam smra ba'i bsam pas gtam ma smras grang zhes bya ba dang/ khyod gnas der ma song ngam/ khyod tshangs pa mtshungs par spyod pa 
rnams dang mi mthun par ma gyur grang/ mi 'gyur grang zhes bya ba ste/ de lta bu ni 'dul ba'i yo byad yin no// //bar sdom ni/ rigs dang bsnyen par rdzogs pa dang/ /mkhan mo nyid dang de 'phrog dang/ /'gro ba dang ni smra ba dang/ /don nyid 
dang ni 'dul ba'o/ /ltung byed lnga pa'i lnga pa rdzogs s+ho// //gleng gzhi ni mnyan yod na'o/ /de'i tshe bcu gnyis sde rnams dgod pa'i bsam pas sor mos dge slong ma rnams kyi mchan khung dag tu 'dzugs shing ga ga tshil byed pa na don nyung 
ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ sor mos ga ga tshil byed na ltung byed do/ /sor mo zhes bya ba ni ga 
ga tshil bya ba'i bsam pa can gyi gang yin pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas sor mo gcig gis ga ga tshil byed na ltung byed do/ /de bzhin du gnyis dang/ lnga'i bar gyis byed na ltung 
byed lnga'o/ /gal te sme ba'am nag nog ston na ltung ba med do/ /ltung byed lnga pa'i drug pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis bcu bdun sde rnams la brten te/ chu la rtse ba'i bslab pa'i gzhi bca' 
bar mdzad pa dang/ de nas bcu gnyis sde de dag chur zhugs nas rtse bar byed/ rtser 'jug par byed pa dang/ de dag la dge slong ma rnams kyis 'di skad ces smras so/ /phu nu mo dag bcom ldan 'das kyis bslab pa'i gzhi bca' ba ma mdzad dam/

</font><hr>9-1-250a<br><font size=+1>
de dag gis 'di skad ces dge slong dag la yin gyi/ dge slong ma rnams la ni ma yin no zhes smras pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 
'di dang zhes bya ba nas bslab pa bca' ba'i bar du mdzad de/ chu la rtse na ltung byed do/ /chu la zhes bya ba ni dge slong mas rtse ba'i bsam pa can gyi ngag dang/ tshig dang zhes bya ba nas ngag gi rnam par rig byed ces bya ba'i bar gang yin pa'o/ /ltung byed 
do zhes bya ba ni gong ma bzhin no/ /de la ltung bar ji ltar 'gyur zhe na/ gzhi dgu las te dge slong mas chur rtse ba'i bsam pas chur 'jug par 'dod pa dang/ ras kyis 'ching ba dang/ chur 'jug pa dang/ byi'u zul byed na ltung byed do/ /de bzhin du 
steng du 'byung bar byed pa dang/ tshu rol gyi 'gram nas pha rol gyi 'gram du 'gro ba dang/ rgyun phyogs nas bzlog phyogs su rtsol bar byed na thams cad du ltung byed du 'gyur ro/ /chu la rnga'i sgra 'byin na ltung byed do/ /de bzhin du chu la rdza rnga kha gcig pa'i bar gyi sgra 
'byin na thams cad du ltung byed du 'gyur ro/ /dge slong mas chu phan tshun du 'thor bar byed na ltung byed do/ /dge slong mas chu la dga' bar byed na ltung byed do/ /dga' bar byed du 'jug na ltung byed do/ /de bzhin du rtse ba dang/ rtser 'jug pa dang/ mgu 
bar byed pa dang/ mgu bar byed du 'jug na thams cad du ltung byed du 'gyur ro/ /de bzhin du rgod pa dang/ 'phyar g.yeng gis lus kyis snyogs par byed na thams cad du ltung byed du 'gyur ro/ /tha na bum pa'i chu la sor mo'i bem tol gyis rdeg na 
yang nyes byas so/ /de bzhin du chu snod dang/ sha khu dang/ 'bras khu dang/ thug pa yang ngo / /nad pas rtse ba'i bsam pas thug pa'am/ sha khu la bem tol gyis rdeg pa la ni ltung ba med do/ /ltung byed lnga pa'i bdun pa rdzogs s+ho// //gleng 

</font><hr>9-1-250b<br><font size=+1>
gzhi ni mnyan yod na'o/ /gang gi tshe bcom ldan 'das kyis tshe dang ldan pa ma 'gags pa la brten te bud med dang gnas gcig tu nyal ba'i bslab pa'i gzhi bca' ba mdzad pa de'i tshe bcu gnyis sde rnams skyes pa dag dang gnas gcig tu nyal bar byed do/ /
de nas dge slong ma de rnams kyis bcu gnyis sde dag la 'di skad ces smras so/ /phu nu mo dag bcom ldan 'das kyis gnas gcig tu lhan cig nyal ba'i bslab pa'i gzhi bca' ba ma mdzad dam/ de dag gis 'di skad ces dge slong rnams la yin gyi/ dge 
slong ma rnams la ni ma yin no zhes smras pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ 
yang dge slong ma gang skyes pa dang/ gnas gcig tu nyal bar byed na ltung byed do/ /yang dge slong ma gang zhes bya ba ni bcu gnyis sde dag go/ /skyes pa dang lhan cig ces bya ba ni skyes pa'i dbang po dang ldan pa dang ngo / /gnas gcig tu nyal na zhes bya 
ba ni gnas bzhi po dag tu skya rengs 'char bar byed pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma steng khang gi gzhi na nyal bar byed la/ skyes pa ni shod na nyal na dge slong ma des skas brtul bar 
bya'o/ /gal te them skas yin na der yang gtan pas sgo bcad la de'i 'og tu nyal bar bya'o/ /gal te skas ma brtul tam/ gtan pas sgo ma bcad par glos phab ste nyal bar byed du 'gyur ro/ /de bzhin du bar khang na skyes pa nyal la 
shod na dge slong ma nyal bar byed na ltung byed do zhes bya ba'i bar ro/ /de bzhin du steng khang na skyes pa nyal la shod du dge slong ma nyal bar byed na skas brtul bar bya ba'am/ gtan pas sgo gcad par bya'o/ /ma byas par nyal bar byed na ltung byed 

</font><hr>9-1-251a<br><font size=+1>
do/ /de bzhin du bar khang na skyes pa nyal la/ shod na dge slong ma nyal bar byed na yang ltung byed do/ /de bzhin du phyugs ra la sogs pa dag tu yang zhes bya ba nas/ der yang shing dang/ sab ma dang/ re lde dag gis 'khor bar 
bskor bar bya'o zhes bya ba nas ma byas na/ltung byed do zhes bya ba'i bar ro/ /dge slong mas ji tsam cung zad skyes pa dang lhan cig gnas gcig tu nyal bar byed na thams cad du ltung byed du 'gyur ro/ /ltung byed lnga pa'i brgyad pa rdzogs s+ho// //
dge slong ma'i 'dul ba rnam par 'byed pa/bam po nyi shu gcig pa/ gleng gzhi ni mnyan yod na'o/ /de'i tshe sbom dga' mo rgod pa'i bsam pas mi sdug cing mi sdug pa dag gis/ dge slong ma gzhon nu rnams la sngangs par byed/ sngangs su 
'jug par byed pa dang/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong ma 
rnams la sngangs par byed dam/ sngangs par byed du 'jug na tha na bzhad gad kyi bsam pas kyang rung ste ltung byed do/ /yang dge slong ma gang zhes bya ba ni sbom dga' mo'o/ /sngangs par byed dam zhes bya ba ni rang gis so/ /sngangs par byed du 'jug na zhes bya ba 
ni gzhan no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang zhig dge slong ma rnams la sngangs par bya ba'i bsam pas mi sdug cing mi sdug pa dag nye bar dong zhing/ gnag cing gnag pa sol 
ba'i kha dog 'dra ba yid du mi 'ong ba 'di lta ste/ sdong dum tshig pa 'dra ba dag nye bar dong nas 'di skad ces gzugs 'di 'dra ba dag gi gnod sbyin dang/ yi dgas dang/ sha za dang/ 'byung po dang/ grul bum dang/ lus srul po dang/ srul po 

</font><hr>9-1-251b<br><font size=+1>
rnams khyod kyi drung du 'ongs nas de dag gis gsod par 'gyur/ srog dang bral bar 'gyur ro zhes smras na/ dge slong ma sngangs par gyur kyang rung ma gyur kyang rung/ ltung byed du 'gyur ro/ /de bzhin du sgra 'byin par byed pa 'di lta ste/ seng ge dang stag 
dang/ spyang ki rnams kyi dang/ de bzhin du yi dgas dang/ sha za rnams kyi sgra sna tshogs dag ces bya ba nas/ltung byed do zhes bya ba'i bar ro/ /de bzhin du dri 'byin par byed pa 'di lta ste/ ngan skyugs dang/ gcin gyi dang/ ra'i dang/ ra ral pa 
can rnams kyi dang/ de bzhin du yi dgas la sogs pa dri sna tshogs dag ces bya ba nas/ ltung byed do zhes bya ba'i bar ro/ /de bzhin du reg pa sna tshogs 'byin par byed pa 'di lta ste/ shing dang/ sab ma dang/ re lde dang/ phyar ba rnams kyi dang/ 
de bzhin du yi dgas la sogs pa'i reg pa sna tshogs dag ces bya ba nas/ ltung byed do zhes bya ba'i bar ro/ /dge slong mas dge slong ma la sngangs par bya ba'i bsam pas yid du 'ong ba'i gzugs dag ston par byed pa 'di lta ste/ rgyal rigs shing sA la 
chen po lta bu dang/ bram ze shing sA la chen po lta bu dang/ khyim bdag shing sA la chen po lta bu rnams te/ gzugs 'di 'dra ba'i lha dang/ dri za dang/ mi 'am ci dang/ lto 'phye chen po rnams te/ dge slong ma sngangs par gyur kyang rung ma gyur kyang 
rung nyes byas su 'gyur ro/ /de bzhin du sgra yid du 'ong ba 'byin par byed pa 'di lta ste/ pi bang dang/ lcags kyi sil krol dang/ khar rnga dang/ shin tu dbyangs snyan rnams kyi ste/ sgra 'di lta bu'i lha la sogs pa zhes bya ba nas nyes byas so zhes 
bya ba'i bar ro/ /de bzhin du dri yid du 'ong ba 'byin par byed pa 'di lta ste/ a ga ru dang/ tsan dan dang/ du ru ska dang/ ga bur la sogs pa'i ste/ dri 'di lta bu'i lha la sogs pa zhes bya ba nas nyes byas so zhes bya ba'i bar ro/ /

</font><hr>9-1-252a<br><font size=+1>
de bzhin du reg pa yid du 'ong ba 'byin par byed pa 'di lta ste/ dar dang/ ras dang/ gos dang/ dar la dang/ du gu la'i gos rnams kyi ste/ reg pa 'di lta bu'i lha la sogs pa zhes bya ba nas/ nyes byas so zhes bya ba'i bar ro/ /
ltung byed lnga pa'i dgu pa rdzogs s+ho// //gleng gzhi ni mnyan yod na'o/ /de'i tshe sbom dga' mo 'khor mang du yod pas/ de yang mang du za zhing/ mang du 'thung bas rdul gyis de'i gos dag ma rung bar gyur pa na/ des gos de dag 'khru zhing kha bsgyur 
ma nus nas des lhan cig gnas pa dang/ nye gnas de dag la gtan byin no/ /de dag gis chos gos de dag bkrus shing kha bsgyur te gtur bu dag gi nang du bcug nas de nyid kyi lag tu bcol te ljongs rgyu zhing dong ngo / /de dag ljongs rgyu zhing dong ba dang/ 
des phyir blang ngo snyam nas gos dag spyad do/ /des de dag yang slar dri mas gos par byas nas gtur bu de dag nyid kyi nang du bcug go/ /de dag lhags na gos de dag dri ma can du byas pa mthong nas smod par byed pa'i skabs de dge slong ma rnams kyis bcom 
ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong ma la gos dag byin nas de'i 'og tu phyir ma blangs par spyod na ltung byed do/ /yang gang zhes 
bya ba ni sbom dga' mo'o/ /gos zhes bya ba ni bdun po gang yang rung ba'i bar dag go/ /phyir ma blangs par zhes bya ba ni rdeng ma bcang bar ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam 
cung zad gos byin nas de'i 'og tu phyir ma blangs par spyod na thams cad du ltung byed du 'gyur ro/ /gal te 'grogs bshes yin pa dang/ thos na dga' bar 'gyur ba yin na ltung ba med do/ /ltung byed lnga pa'i bcu pa rdzogs s+ho// //gleng gzhi ni 

</font><hr>9-1-252b<br><font size=+1>
mnyan yod na'o/ /de'i tshe bcu gnyis sde rnams dang / dge slong ma rnams su 'thab cing mtshang 'dru bar byed de/ khros shing zhe sdang ba'i zil gyis non nas gzhi med par dge slong ma rnams la dge 'dun lhag mas gleng bar byed pa dang / don nyung ba'i dge 
slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khros shing zhe sdang la mi dga' bar gyur nas dge slong 
ma dag pa ltung ba med pa la gzhi med par dge 'dun lhag ma'i chos kyis skur na ltung byed do/ /yang dge slong ma gang zhes bya ba dag ni bcu gnyis sde dag go/ /khros nas zhes bya ba ni snga ma bzhin no/ /dge 'dun lhag mas zhes bya ba ni nyi shu po gang yang rung 
bas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas dge slong ma la dge 'dun lhag ma'i ltung ba byung ba mthong la/ des de la ltung ba ma byung ba'i lta ba thob pa las des 'du shes dang / bzod pa 
dang / 'dod pa dang / blo gros dang / rtog pa dang / lta ba bsgyur te 'di skad ces kho mos dge slong ma la dge 'dun lhag ma'i ltung ba byung ba mthong ngo zhes smras na ltung byed do/ /dge slong mas dge slong ma la dge 'dun lhag ma'i ltung ba byung ba mthong la/ des 
de la ltung byed kyi lta ba thob pa las des 'du shes dang / bzod pa dang / 'dod pa dang / blo gros dang / rtog pa dang / lta ba bsgyur te 'di skad ces kho mos dge slong ma la dge 'dun lhag ma'i ltung ba byung ba mthong ngo zhes smras na ltung byed do/ /dge slong 
mas dge slong ma la dge 'dun lhag ma'i ltung ba byung ba mthong la/ des de la so sor bshags par bya ba'i lta ba thob pa las des 'du shes dang / bzod pa dang / 'dod pa dang / blo gros dang / rtog pa dang / lta ba bsgyur nas 'di skad ces kho mos dge slong 

</font><hr>9-1-253a<br><font size=+1>
ma la dge 'dun lhag ma'i ltung ba byung ba mthong ngo zhes smra na ltung byed do/ /dge slong mas dge slong ma la dge 'dun lhag ma'i ltung ba byung ba mthong la/ des de la nyes byas kyi lta ba thob pa las des 'du shes dang / bzod pa dang / 'dod pa dang / 
blo gros dang / rtog pa dang / lta ba bsgyur te 'di skad ces kho mos dge slong ma la dge 'dun lhag ma'i ltung ba byung ba mthong ngo zhes smra na ltung byed do/ /de bzhin du rim pa 'dis dge 'dun gyi lhag ma'i bag tsam gyi bslab pa'i gzhi la de bzhin du rgyas par 
brjod par bya'o/ /de lta mod kyi dge slong mas ji tsam cung zad khros shing zhe sdang la mi dga' bas gzhi med par dge 'dun lhag mas skur pa 'debs na thams cad du ltung byed du 'gyur ro/ /ltung byed lnga pa'i bcu gcig pa rdzogs s+ho// //gleng gzhi 
ni mnyan yod na'o/ /de'i tshe yul tsam pa'i tha ga pa'i khye'u zhig chung ma blangs nas ring po ma lon par de rang gi chung ma la khros nas slar yang tsam par chas pa na de'i tshe sbom dga' mo lam kha na 'dug pa des khye'u de mthong nas 'di skad ces smras so/ /bzhin 
bzangs gar 'gro [(]das [,]des [)]'di skad ces smras so/ /tsam par mchi'o/ /de nas sbom dga' mo de dang lhan cig chas pa dang / tha ga pa'i chung ma khang thog na 'dug pa des khyim thab dge slong ma zhig dang 'grogs te 'gron lam du zhugs te song ba mthong ngo / /mthong 
nas kyang skad chen por kho mo'i khyim thab kyis dge slong ma zhig khrid nas bros so zhes bsgrags pa dang / de nas tha ga pa rab tu mang pos sbom dga' mo brdegs so/ /de nas mig phugs skrangs shing dbyar khang du song ba dang / dge slong ma rnams kyis dris pa 
las des skabs de rgyas par smras pa na/ don nyung ba'i dge slong ma rnams smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge 

</font><hr>9-1-253b<br><font size=+1>
slong ma gang bud med med par skyes pa dang lhan cig 'gron lam du zhugs te 'gro na tha na grong bar du yang rung ste ltung byed do/ /yang gang zhes bya ba ni sbom dga' mo'o/ /bud med med par skyes pa dang lhan cig ces bya ba ni gang du bud med med par ro/ /
'gron lam du zhugs te 'gro na zhes bya ba ni dgon pa'i lam du 'gro na'o/ /tha na grong bar du yang rung ste zhes bya ba ni grong nas grong du 'gro na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji 
tsam cung zad bud med med par skyes pa dang lhan cig grong nas grong bar du 'gro na rgyang grags phyed phyed du song na de la nyes byas so/ /rgyang grags rgyang grags su ni ltung byed do/ /ltung byed lnga pa'i bcu gnyis pa rdzogs s+ho// //sdom la/ rkun ma lhan 
cig nyi shu min/ /mi brko 'gron pos bslab pa dang / /nyan rna ldang dang ma gus dang / /chang 'thung dus min rgyu ba'o/ /gleng gzhi ni mnyan yod na'o/ /de'i tshe sbom dga' mo rgyal po'i khab nas sho gam 'dral ba'i tshong pa rnams dang lhan cig mnyan 
yod du chas te/ de nas sho gam 'dral ba'i tshong pa dang / lam gol ba nas dong ba na sho gam pa dag gis slebs nas/ der sbom dga' mo yang brdegs so/ /de rim gyis mnyan yod du phyin pa dang / de la dge slong ma rnams kyis 'phags 
ma byon pa legs so/ /sho gam pa dag gis ma gtses grang zhes dris pa dang / des skabs de rgyas par smras pa las dge slong ma rnams kyis skabs de bcom ldan 'das la gsol to/ /de nas bcom ldan 'das kyis dgongs pa/ nyes dmigs 
gang ci byung ba de thams cad ni dge slong ma gang rkun po'i don mthun dang lhan cig 'gron lam du 'gro ba las gyur to snyam nas de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 

</font><hr>9-1-254a<br><font size=+1>
rkun po'i don mthun dang lhan cig 'gron lam du 'jug na ltung byed do/ /yang gang zhes bya ba ni sbom dga' mo'o/ /rkun po'i don mthun dang zhes bya ba ni sho gam 'dral ba'i tshong pa'am rkun po dang / 'gron lam du zhes bya ba ni dgon pa'i 
lam du zhugs te 'dong na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rkun po'i don mthun dang 'gron lam du 'jug na ltung byed do/ /rgyang grags phyed phyed du ni nyes byas su 'gyur 
ro/ /rgyang grags rgyang grags su ni ltung byed do/ /ltung byed drug pa'i dang po rdzogs s+ho// //gleng gzhi ni mnyan yod na'o/ /de'i tshe sbom dga' mo 'khor 'dod pas des lo nyi shu ma lon pa dge slong ma'i dngos por bsnyen par rdzogs par byed pa na 
de la dge slong ma rnams kyis smras pa/phu nu mo bcom ldan 'das kyis bslab pa'i gzhi bca' ba ma mdzad dam/ des 'di skad ces dge slong rnams la mdzad kyi/ dge slong ma rnams la ni ma yin no zhes smras pa dang / don nyung ba'i dge slong ma dag 
smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang lo nyi shu ma lon pa gsol ba dang bzhi'i las kyis dge slong 
ma'i dngos por bsnyen par rdzogs par byed na dge slong ma de ni bsnyen par ma rdzogs pa yin la de dag kyang ltung ba dang bcas pas smad par 'gyur ro/ /de la de ni nges pa yin no/ /de la de ni rjes su mthun pa'i chos yin no/ /ltung byed do zhes bya ba ni gong ma bzhin 
no/ /de la ltung bar ji ltar 'gyur zhe na/ gal te lo nyi shu ma lon par gyur cing / lo nyi shu ma lon par 'du shes pa de la dge slong ma rnams kyis lo nyi shu lon nam zhes dris pa dang / de 'di skad ces kho mo nyi shu ma lon no zhes smras pa na de dge slong 

</font><hr>9-1-254b<br><font size=+1>
ma dag gis dge slong ma'i dngos por bsnyen par rdzogs par byed na/ dge slong ma dag dge slong ma de yang dang po nyid nas bsnyen par ma rdzogs pa yin la 'grogs pa dang / longs spyad pas ltung bar yang 'gyur/ dge slong ma'i dge 'dun yang des 'gal 
tshabs can du 'gyur ro/ /gal te lo nyi shu ma lon par gyur cing / lo nyi shu ma lon par 'du shes pa de la dge slong ma rnams kyis lo nyi shu lon nam zhes dris pa dang / de 'di skad ces kho mos ji ltar yang lo nyi shu lon par mi shes shing mi dran te/ kho 
mo ni yid gnyis za'o zhes smras pa na/ de dge slong ma dag gis dge slong ma'i dngos por bsnyen par rdzogs par byed na dge slong ma dag dge slong ma de yang dang po nyid nas bsnyen par ma rdzogs pa yin la 'grogs pa dang / longs spyad pas ltung bar yang 
'gyur/ dge slong ma'i dge 'dun yang des 'gal tshabs can du 'gyur ro/ /gal te lo nyi shu ma lon par gyur cing / lo nyi shu ma lon par 'du shes pa la de yang mi shes pa dang / mi dran pa dang / yid gnyis za bar gyur kyang rung / de la dge slong 
mas ci yang ma dris pa'am/ lan ma byin par de dge slong ma dag gis dge slong ma'i dngos por bsnyen par rdzogs par byed pa nas bcom ldan 'das kyis bka' stsal pa/ dge slong ma dag dge slong ma de de'i 'og tu bsnyen par rdzogs pa ni 'chags 
te/ dge 'dun dang 'grogs pa dang longs spyad pas ltung bar yang 'gyur la/ dge 'dun yang des 'gal tshabs can du 'gyur ro/ /gal te lo nyi shu ma lon par gyur la lo nyi shu lon par 'du shes pa de la dge slong ma rnams kyis lo nyi shu lon 
nam zhes dris pa dang des 'di skad ces lo nyi shu lon no zhes smras pa na/ de la dge slong ma dag gis dge slong ma'i dngos por bsnyen par rdzogs par byed na dge slong ma dag dge slong ma de de'i 'og tu bsnyen par rdzogs pa 'chags te dge 'dun dang 

</font><hr>9-1-255a<br><font size=+1>
'grogs shing longs spyad pas ltung bar yang mi 'gyur la/ dge 'dun yang des 'gal tshabs can du mi 'gyur ro/ /gal te lo nyi shu ma lon par gyur cing / lo nyi shu lon par 'du shes pa de la dge slong ma rnams kyis lo nyi shu 
lon nam zhes dris pa nas/ de 'di skad ces kho mos ji ltar yang lo nyi shu lon par shes shing dran te kho mo ni yid gnyis mi za'o zhes smras pa na de la dge slong ma dag gis dge slong ma'i dngos por bsnyen par rdzogs par byed na dge slong ma dag dge 
slong ma de'i 'og tu bsnyen par rdzogs pa 'chags shing 'grogs pa dang longs spyad pas ltung bar yang mi 'gyur la/ dge 'dun yang des 'gal tshabs can du mi 'gyur ro/ /gal te lo nyi shu lon par gyur cing lo nyi shu ma lon par 'du shes pa de la dge 
slong ma rnams kyis lo nyi shu lon nam zhes dris pa na/ de 'di skad ces kho mos lo nyi shu ma lon no zhes smras pa na de la dge slong ma dag gis dge slong ma'i dngos por bsnyen par rdzogs par byed na dge slong ma dag dge slong ma de dang po nyid nas legs 
par bsnyen par rdzogs pa yin zhing 'grogs pa dang longs spyad pas ltung bar yang mi 'gyur la/ dge 'dun ni des 'gal tshabs can du 'gyur ro/ /gal te lo nyi shu lon par gyur cing lo nyi shu ma lon par 'du shes pa de la dge slong ma rnams kyis 
lo nyi shu lon nam zhes dris pa na de 'di skad ces kho mos ji ltar yang lo nyi shu ma lon par shes shing dran te kho mo yid gnyis za'o zhes smras pa na/ de dge slong ma dag gis dge slong ma'i dngos por bsnyen par rdzogs par byed na dge slong ma dag dge slong 
ma de dang po nyid nas legs par bsnyen par rdzogs pa yin zhing 'grogs pa dang longs spyad pas ltung bar yang mi 'gyur la/ dge 'dun ni des 'gal tshabs can du 'gyur ro/ /gal te lo nyi shu lon la de ma shes shing mi dran nam yid gnyis za bar gyur 

</font><hr>9-1-255b<br><font size=+1>
kyang rung de la dge slong mas ma dris sam dris pa'i lan ma byin par de dge slong ma dag gis dge slong ma'i dngos por bsnyen par rdzogs par byed na dge slong ma dag dge slong ma de dang po nyid nas legs par bsnyen par rdzogs pa yin zhing 'grogs pa dang / longs 
spyad pas ltung bar mi 'gyur la dge 'dun ni des 'gal tshabs can du 'gyur ro/ /gal te lo nyi shu tshang bar gyur cing lo nyi shu tshang bar 'du shes pa de la dge slong ma rnams kyis lo nyi shu lon nam zhes dris pa dang des 'di skad ces lo nyi shu lon no zhes smras 
pa na/ de dge slong ma dag gis dge slong ma'i dngos por bsnyen par rdzogs par byed pa na bcom ldan 'das kyis bka' stsal pa/ dge slong ma dag dge slong ma de dang po nyid nas legs par bsnyen par rdzogs pa yin zhing 'grogs pa dang longs spyad pas 
ltung bar yang mi 'gyur zhing dge 'dun yang des 'gal tshabs can du mi 'gyur ro/ /gal te lo nyi shu lon par gyur cing lo nyi shu lon par 'du shes pa dang shes shing dran te yid gnyis mi za ba de la dge slong ma rnams kyis lo nyi shu lon nam zhes 
dris pa na de 'di skad ces ji ltar yang kho mos lo nyi shu lon par shes shing dran te kho mo yid gnyis mi za'o zhes smras pa na/ dge slong ma dag gis dge slong ma'i dngos por bsnyen par rdzogs par byed pa na bcom ldan 'das kyis bka' stsal pa/ 
dge slong ma dag dge slong ma de dang po nyid nas legs par bsnyen par rdzogs pa yin zhing 'grogs pa dang longs spyad pas ltung bar yang mi 'gyur la/ dge 'dun yang des 'gal tshabs can du mi 'gyur ro/ /dge slong ma dag de la dge slong ma bzhi po 
gang yin pa de dag ni dang po 'khrugs pa yin te de dag dang po nyid nas bsnyen par ma rdzogs pas bsnyil bar 'os pa yin no/ /dge slong ma de la dge slong ma mi shes shing mi dran la yid gnyis za ba gang yin pa de la ni shes par bya dran par bya/ som nyi 

</font><hr>9-1-256a<br><font size=+1>
dang yid gnyis spang bar bya ste/ gang gi tshe shes par gyur tam/ dran par gyur tam/ som nyi dang yid nyid spangs par gyur la/ gal te re zhig tshang na ji ltar bsnyen par rdzogs pa de bzhin du bsnyen par rdzogs pa yin no/ /gal te ma 
tshang na sa spo bar bya ba'am/ slar yang bsnyen par rdzogs par bya'o/ /sa spo bar mi byed dam/ slar yang bsnyen par rdzogs par mi byed la/ gal te rang bzhin du gnas pa'i dge slong ma rnams dang lhan cig lan gnyis sam gsum gso sbyong gi las dag 
nyams su myong bar byed na dge slong ma dag rku thabs su gnas pa yin te dge slong ma de bsnyil bar 'os pa yin no/ /dge slong ma dag de la dge slong ma lo nyi shu ma lon par gyur pa lo nyi shu lon pa'i 'du shes kyis bsnyen par rdzogs pa dang de'i gnyen dag lhags 
te 'di skad ces smras so/ /ming 'di zhes bya ba yod dam de dag gis 'di skad ces smras so/ /de ni bsnyen par rdzogs so/ /de dag gis 'di skad ces smras so/ /de ni lo nyi shu ma lon no zhes de skad smras pa na bcom ldan 'das kyis bka' stsal pa/ de'i shol 
gyi zla ba dang / mngal gyi zla ba yang brtsi bar bya'o/ /gal te tshang na de lta na legs/ de ste ma tshang na sa spo bar bya ba'am/ slar yang bsnyen par rdzogs par bya'o/ /sa spo bar mi byed dam/ slar yang bsnyen par rdzogs par mi byed na zhes bya ba nas 
bsnyil bar 'os pa yin no zhes bya ba'i bar ro/ /dge slong ma dag de la dge slong ma lo bcwa brgyad lon pa gang yin pa de lo nyi shu'i 'du shes kyis bsnyen par rdzogs par gyur la/ gal te lo gnyis kyi dran pa rnyed na ji ltar bsnyen par rdzogs pa de bzhin 
du bsnyen par rdzogs pa yin te/ dge slong ma dag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong ma'i dngos po rnyed par dka' ba'i phyir ro/ /gal te lo gcig gi dran pa rnyed na mngal gyi zla ba dang shol 

</font><hr>9-1-256b<br><font size=+1>
gyi zla ba brtsi bar bya'o/ /gal te tshang na de lta na legs/ de ste ma tshang na zhes bya ba nas bsnyil bar 'os pa yin no zhes bya ba'i bar ro/ /dge slong ma dag de la dge slong ma lo bcu dgu lon pa gang yin pa de lo nyi shu'i 'du shes kyis bsnyen par rdzogs 
par gyur la/ gal te lo gcig gi dran pa rnyed na ji ltar bsnyen par rdzogs pa de bzhin du bsnyen par rdzogs pa yin te/ dge slong ma dag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong ma'i dngos po rnyed par 
dka' ba'i phyir ro/ /gal te lo ma tshang bar dran pa rnyed na mngal gyi zla ba dang shol gyi zla ba brtsi bar bya'o/ /gal te tshang na de lta na legs/ gal te ma tshang na sa spo bar bya ba'am/ slar yang bsnyen par rdzogs par bya'o zhes bya ba nas bsnyil bar 'os pa 
yin no zhes bya ba'i bar ro/ /ltung byed drug pa'i gnyis pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis drug sde rnams la brten te rang gi lag gis sa rko ba'i bslab pa'i gzhi bca' ba mdzad pa dang / de nas bcu gnyis 
sde de dag rang gi lag gis sa rko bar byed/ rkor 'jug par byed pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ 
yang dge slong ma gang sa rko'am rkor 'jug na ltung byed do/ /yang gang zhes bya ba ni bcu gnyis sde dag go/ /sa zhes bya ba la sa ni gnyis te/ rang bzhin can dang / rang bzhin can ma yin pa'o/ /de la rang bzhin zhes bya ba ni char chu zhod pa'i dus su zla ba 
gsum gyis sa rtas par gyur pa ste 'di ni rang bzhin can gyis zhes bya'o/ /rang bzhin can ma yin pa'i sa gang zhe na/ gang gi tshe char ma bab pa de'i tshe sa ma rtas par gyur pa ste 'di ni sa rang bzhin can ma yin pa zhes bya'o/ /rko na zhes bya ba ni rang gis so/ /rkor 

</font><hr>9-1-257a<br><font size=+1>
'jug na zhes bya ba ni gzhan no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas rang bzhin can gyis rko na rko ba na de la ltung byed do/ /rang bzhin can ma yin pa rko na nyes byas so/ /dge 
slong mas sa la phur pa 'debs na ltung byed do/ /'byin na nyes byas so/ /dge slong mas sa zhag 'gogs par byed pa na gal te sa'i khams ni ches mang la sa'i zhag ni ches srab par gyur na ltung byed do/ /sa zhag gi khams ni ches stug la sa'i khams ni 
ches srab par gyur na nyes byas so/ /de bzhin du lci ba ni ches mang la sa'i khams ni ches nyung na nyes byas so/ /dge slong mas sa la bye zhag 'gogs par byed na sa'i khams ni ches stug la bye ma'i khams ni ches srab na ltung byed do/ /bye ma'i khams ches mang la 
sa'i khams ni ches srab na nyes byas so/ /dog sa ma grum pa rtib par byed na ltung byed do/ /grum pa la ni nyes byas so/ /rtsig pa ma grum pa 'jig par byed na ltung byed do/ /grum pa la ni nyes byas so/ /rtsig pa la phur pas 'debs na ltung byed do/ /'byin na 
nyes byas so/ /zhal zhal ma grum pa 'gogs na ltung byed do/ /grum pa la ni nyes byas so/ /tha na rlams 'dral bar byed na yang nyes byas so/ /'dam rdzab la phur pas sam/ phur bus 'debs na nyes byas so/ /'khrug na nyes byas so/ /phur pa 
rnying pa'i mchan du phur pa 'debs na nyes byas so/ /sa la ri mo 'dri na nyes byas so/ /gal te lag gi bla zhig rtsis byed na ltung ba med do/ /ltung byed drug pa'i gsum pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis drug sde 
rnams la brten te zla ba bzhir mgron du bos pa'i bslab pa'i gzhi bca' ba mdzad pa de'i tshe bcu gnyis sde de dag gis zla ba lnga dang / zla ba drug tu mgron du bos pa yang bdag gir byed pa dang / de nas de dag la dge slong ma de rnams kyis 'di skad ces smras so/ /

</font><hr>9-1-257b<br><font size=+1>
bcom ldan 'das kyis zla ba bzhi'i bslab pa'i gzhi bca' ba ma mdzad dam/ de dag gis 'di skad ces de ni dge slong rnams la mdzad kyi dge slong ma rnams la ni ma yin no zhes smras pa'i skabs de bcom ldan 'das la gsol to/ /de nas bcom ldan 'das kyis 
byung ba 'di dang zhes bya ba nas/ bslab pa bca' ba'i bar du mdzad de/ dge slong mas zla ba bzhir mgron du bos pa bdag gir bya'o/ /de las 'das par byed na dus ma gtogs te ltung byed do/ /de la 'di ni dus yin te/ so sor mgron du bos pa dang / yang dang yang 
mgron du bos pa dang / lhag par mgron du bos pa dang / rtag tu mgron du bos pa'o/ /zla ba bzhi zhes bya ba ni zla ba bzhi'o/ /de las lhag par mgron du bos pa zhes bya ba ni mgron du gnyer ba'o/ /dus ma gtogs te zhes bya ba ni dus bzhag ste'o/ /so sor 
zhes bya ba ni tha dad par ro/ /yang dang yang zhes bya ba ni phyir zhing phyir zhing ngo / /lhag par zhes bya ba ni chog par ro/ /rtag tu zhes bya ba ni rgyun du'o/ /de la 'di ni dus yin te/ zhes bya ba ni de la 'di ni rjes su mthun pa'i chos yin pa'o/ /ltung byed do zhes 
bya ba ni gong ma bzhin no/ /de la ltung bar ji ltar 'gyur zhe na/ dge slong ma khyim bdag gi khyim rnams su tshod ma la mgron du bos la khu ba slong na ltung byed do/ /de bzhin du phal pa la mgron du bos la bsod pa slong na zhes bya ba nas thams cad du ltung byed du 
'gyur ro zhes bya ba'i bar ro/ /bsod pa la zhes bya ba nas phal pa slong na nyes byas so/ /gal te nad pa yin nam bsod pa rnyed la phal pa slong ngam bstabs pa yin na ltung ba med do/ /ltung byed drug pa'i bzhi pa rdzogs s+ho// //gleng gzhi ni mnyan yod na'o/ /bcom 
ldan 'das kyis kha cig ni dge slong ma thun mong ba'i bslab pa'i gzhi bca' ba mdzad pa yang yod/ kha cig ni dge slong ma dang thun mong pa yang yod/ kha cig ni gnyi ga'i thun mong pa yang yod pas gang gi tshe bcom ldan 'das kyis gnyi ga'i thun mong gi bslab pa'i gzhi 

</font><hr>9-1-258a<br><font size=+1>
bca' ba mdzad pa de'i tshe dge slong ma'i dbyar khang du dge slong sgor btang ngo / /gang gi tshe dge slong gis dge slong ma rnams la bsgo ba de'i tshe dge slong ma dag gis dge slong ma gzhan dang gzhan dag la yang bsgo'o/ /de nas yang dge slong ma de rnams kyis 
bcu gnyis sde rnams la bsgo ba dang / de dag gis 'di skad ces/ kho mo cag bus pa/ rmongs pa/ mi gsal ba/ mi mkhas pa/ khyed cag la bslab pa mi slob kyi zhes bya ba nas kho mo cag ni mdo sde 'dzin pa/ 'dul ba 'dzin pa/ ma mo 'dzin pa gzhan 
dag la 'dri'o zhes smras pa na/ don nyung ba'i dge slong ma rnams smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang dge slong ma rnams 
kyis 'di skad ces 'phags ma khyod kyis bslab pa 'di la bslab par bya'o zhes bsgo ba na de de dag la 'di skad ces kho mos bus pa/ rmongs pa/ mi gsal ba/ mi mkhas pa khyed kyi tshig gis bslab pa la mi slob kyi zhes bya ba nas dge slong ma mdo sde 'dzin pa/ 'dul 
ba 'dzin pa/ ma mo 'dzin pa/ gzhan dag la 'dri'o zhes smra na ltung byed do/ /dge slong ma kun shes par 'dod pas bslab pa de la bslab par bya zhing dge slong ma mdo sde 'dzin pa/ 'dul ba 'dzin pa dang / ma mo 'dzin pa la yang dri bar bya ste/ de ni de la cho ga 
yin no/ /yang gang zhes bya ba ni bcu gnyis sde dag la'o/ /dge slong ma rnams kyis bsgo ba na zhes bya ba ni chos 'di pa dag gis so/ /bslab pa de la khyod kyis bslab par bya'o zhes bya ba ni phas pham par 'gyur ba brgyad ces bya ba nas/ rtsod pa zhi bar bya ba'i chos 
bdun zhes bya ba'i bar ro/ /bus pa zhes bya ba ni mdo sde mi 'dzin 'dul ba mi 'dzin ma mo mi 'dzin pa ni bus pa zhes bya'o/ /mi mkhas pa zhes bya ba ni mdo sde la mi mkhas/ 'dul ba la mi mkhas/ ma mo la mi mkhas pa ni mi mkhas pa zhes bya'o/ /mi gsal ba zhes bya 

</font><hr>9-1-258b<br><font size=+1>
ba ni mdo sde la mi gsal/ 'dul ba la mi gsal/ ma mo la mi gsal ba ni mi gsal ba zhes bya'o/ /'di ltar dge slong ma mdo sde 'dzin pa/ 'dul ba 'dzin pa/ ma mo 'dzin pa gzhan la 'dri'o zhes bya ba nas mdo sde la gsal ba/ 'dul ba la gsal ba/ ma mo la 
gsal ba zhes bya ba'i bar ro/ /dge slong ma kun shes par 'dod pa zhes bya ba ni bslab par 'dod pas so/ /bslab pa de la yang bslab par bya'o zhes bya ba ni dge slong ma dag gang la slob pa la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge 
slong mas ji tsam cung zad dge slong ma rnams kyis bsgo ba na 'di skad ces bus pa zhes zer na ltung byed do/ /rmongs pa zhes zer na ltung byed do/ /mi gsal ba zhes zer na ltung byed do/ /mi mkhas pa zhes zer na ltung byed do/ /ltung byed drug pa'i lnga pa rdzogs s+ho// //gleng 
gzhi ni mnyan yod na'o/ /de'i tshe bcu gnyis sde rnams kyis dge slong ma dag 'thab mo byung ba la nyan rna bar sgor bsdad nas de dag gis cung zad ci thos pa tshu bi las thos pa de pha bi dag la sbron par byed cing / pha bi dag las thos pa de tshu bi dag la sbron par byed pas 
des na dge 'dun 'thab pa dang / mtshang 'dru ba dang / rtsod pa dang / 'gyed pa byung ba dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i 
bar du mdzad de/ yang dge slong ma gang shes bzhin du dge slong ma rnams 'thab mo byung bar gyur la/ mtshang 'dru ba dang / 'gyed pa dang / rtsod pa byung zhing 'khod pa la dge slong ma de dag ci smras pa de bdag gis mnyan la de lta de ltar rjes su tha snyad gdags par 
bya'o zhes cang mi smra bas nyan rna byed cing 'dug na ltung byed do/ /yang gang zhes bya ba ni bcu gnyis sde dag go/ /nyan rna byed cing 'dug na zhes bya ba ni thos par 'dod pas sgo na sdod pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/

</font><hr>9-1-259a<br><font size=+1>
dge slong ma nang na 'dug par gyur la gzhan phyi logs nas nang du 'jug na des skad gsal ba'am/ rting sgra 'am/ se gol bya'o/ /mi byed dam gal te sgra yang ma go/ /don kyang ma go na nyes byas so/ /sgra yang go don kyang go bar gyur na 
ltung byed do/ /de bzhin du gang na 'dug pa la yang rung ste ltung byed do/ /gal te thos na nye bar zhi bar bya'o snyam na ltung ba med do/ /ltung byed drug pa'i drug pa rdzogs s+ho// //gleng gzhi ni mnyan yod na'o/ /de'i tshe bcu gnyis sde dag dge slong ma'i dge 'dun 
chos kyi gtam rnam par gtan la 'bebs pa na cang mi smra bar langs te dong ba'i skabs de bcom ldan 'das la gsol pa dang / bcom ldan 'das kyis bka' stsal pa/ 'dong bar mi bya'o/ /de dag na bar gyur nas bcom ldan 'das kyis bka' stsal pa/ 
dge slong ma la go bar byas te 'dong bar bya'o/ /de nas bcom ldan 'das kyis dge slong ma rnams bslab pa 'dod pa dang zhes bya ba nas yo byad bsnyungs pa zhes bya ba'i bar ro/ /yang nyan thos ma rnams kyis 'dul ba la bslab pa'i gzhi 'di ltar gdon par bya ste/ yang 
dge slong ma gang dge 'dun gyi chos dang ldan pa'i gtam rnam par gtan la 'bebs pa na cang mi smra bar stan las langs te dge slong ma 'khod pa la go bar ma byas par 'gro na rkyen de lta bu ma gtogs te ltung byed do/ /yang gang zhes bya ba ni bcu gnyis sde dag go/ /
chos kyi gtam rnam par gtan la 'bebs pa zhes bya ba ni chos kyi gtam rnam par gtan la dbab pa 'di lta ste/ gsol ba dang / gsol ba dang gnyis dang / gsol ba dang bzhi'i las dag go/ /cang mi smra bar langs te zhes bya ba ni kha rog ste'o/ /dge 
slong ma 'khod pa la go bar ma byas par zhes bya ba ni 'dun pa ma 'byin par ro/ /rkyen de lta bu ma gtogs te zhes bya ba ni rkyen bzhag ste'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad chos 

</font><hr>9-1-259b<br><font size=+1>
kyi gtam rnam par gtan la 'bebs pa na cang mi smra bas langs te 'gro na zhes bya ba nas don ma go na nyes byas so/ /sgra ma go la don go na ltung byed do/ /ltung byed drug pa'i bdun pa rdzogs s+ho// //gleng gzhi ni mnyan yod na'o/ /de'i tshe sbom 
dga' mo 'khor dang bcas pa sangs rgyas la ma gus chos dang dge 'dun la ma gus pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa 
bca' ba'i bar du mdzad de/ gus par mi byed na ltung byed do/ /gus par mi byed na zhes bya ba la/ gus par mi byed pa ni gnyis te/ dge 'dun dang gang zag la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma la 
khang skyong gis gnas mal long shig ces bsgo ba na mi len na ltung byed do/ /gal te chos dang ldan pa'i 'du shes kyis gsol ba 'debs shing de ma blangs pa la ltung ba med do/ /de bzhin du song shig smros shig ces bya ba de lta bu la sogs pa thams cad la ltung byed du 
'gyur te/ 'di ni dge 'dun la yin no/ /gang zag gi ni mkhan mo dang slob dpon gyis gnas mal long shig ces bsgo ba na mi len na nyes byas so/ /ma song na nyes byas so/ /smras na nyes byas so/ /ma smras na nyes byas te/ de bzhin du thams cad la 
nyes byas so/ /gal te chos dang ldan pa'i 'du shes kyis gsol ba 'debs pa la ni ltung ba med do/ /ltung byed drug pa'i brgyad pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis tshe dang ldan pa legs 'ongs la brten te bag med pa'i 
gnas myos par 'gyur ba 'bru'i chang dang bcos pa'i chang gi bslab pa'i gzhi bca' ba mdzad pa de'i tshe dge slong ma'i dge 'dun dag 'di snyam du sems te/ bdag cag gis bslab pa'i gzhi 'di ji ltar gdon par bya snyam du bsams nas dge slong ma'i dge 

</font><hr>9-1-260a<br><font size=+1>
'dun bcom ldan 'das gang na ba der dong ste lhags pa dang / bcom ldan 'das kyi zhabs la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das la dge slong ma rab tu mang pos 'di skad ces gsol to/ /bcom ldan 'das dge slong ma rnams kyis 'bru'i skyems dang / bcos pa'i skyems kyi bslab pa'i gzhi la ji ltar gzung bar bgyi/ de nas bcom ldan 'das kyis dge slong ma rnams la bslab par 'dod pa dang / bslab pa la gus pa dang / bslab pa la yo byad bsnyungs pa'i 
bsngags pa gsungs nas 'di skad ces bka' stsal to/ /'bru'i chang dang / bcos pa'i chang 'thung na ltung byed do/ /'bru'i chang zhes bya ba ni phabs dang sbyar ba dang / zas dang sbyar ba'o/ /bcos pa'i chang zhes bya ba ni dgun chang dang / bu ram chang dang / rdzas gzhan dag 
sbyar ba'i'o/ /'thung na zhes bya ba ni lkog mar mid na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas chang gi kha dog dang / chang gi dri dang / chang gi ro 'thung ngam/ 'thung du 'jug na ltung byed do/ /bcos pa'i 
chang na ltung byed do/ /bsres pa'i chang na ltung byed do/ /chang gi kha dog na nyes byas so/ /chang gi dri na nyes byas so/ /chang gi ro na nyes byas so/ /glum za na nyes byas so/ /gal te mdze byung nas yan lag skud pa dang / kha nad kyi phyir khar blugs te 'dzin pa dang / 
bskol ba la ni ltung ba med do/ /ltung byed drug pa'i dgu pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis tshe dang ldan pa 'char ka la brten nas dus ma yin par rgyu ba'i bslab pa'i gzhi bca' ba mdzad pa de'i tshe bcu gnyis sde dag 
grong du dus su yang rgyu bar byed/ dus ma yin par yang rgyu bar byed pa dang / de dag la dge slong ma rnams kyis smras pa/ phu nu mo dag bcom ldan 'das kyis dus ma yin par rgyu ba'i bslab pa'i bca' ba ma mdzad dam/ de dag gis 'di skad ces dge slong rnams la mdzad 

</font><hr>9-1-260b<br><font size=+1>
kyi/ dge slong ma rnams la ni ma yin no zhes smras pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong mas go bar bya ste 'gro bar bya'o/ /de nas dge slong ma zhig gis khyim 
bdag cig gi khyim du lhung bzed dang / chos gos bzhag pa las khyim bdag gi khyim de me shor to zhes dge slong ma des thos nas de 'di snyam du bcom ldan 'das kyis dge slong ma 'khod pa la go bar bya ste 'gro bar bya'o zhes gsungs so snyam nas ji srid du dge slong ma la 
go bar byed pa de srid du lhung bzed dang / chos gos tshig par gyur pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis dge slong ma rnams la bslab pa 'dod pa dang zhes bya ba nas bslab pa la yo byad bsnyungs pa zhes 
bya ba'i bar te/ snga ma ni bcas pa yin la 'di ni rjes su gnang ba yin te/ yang nyan thos ma rnams kyis 'dul ba'i bslab pa'i gzhi 'di ltar gdon par bya ste/ yang dge slong ma gang dus ma yin par dge slong ma 'khod pa la go bar ma byas par grong du 'gro na rkyen 
de lta bu ma gtogs te ltung byed do/ /yang gang zhes bya ba ni chos 'di pa'i dge slong ma'o/ /dus ma yin par zhes bya ba la dus ma yin pa ni gang / dus ni gang zhe na/ phyed yol phan chad nas skya rengs ma shar ba'i bar 'di ni dus ma yin pa'o/ /lhag ma ni dus 
so/ /grong du 'gro na zhes bya ba ni khyim bdag gi khyim rnams su'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang zhig dus ma yin pa la dus ma yin par 'du shes pas 'gro na ltung byed do/ /de 
bzhin du yid gnyis za na ltung byed do/ /dus la dus ma yin pa'i 'du shes kyis 'gro na nyes byas so/ /de bzhin du yid gnyis za na nyes byas so/ /ltung byed drug pa'i tshigs su bcad pa'i sdom rdzogs s+ho// //dge slong ma'i 'dul ba rnam par 'byed 

</font><hr>9-1-261a<br><font size=+1>
pa/bam po nyi shu gnyis pa/ sdom la/ rgyu dang rgyal po'i pho brang dang / /da gdod rus pa sor brgyad dang / /khri'u bdal gding dang g.yan pa dang / /bde bar gshegs pa'i chos gos so/ /gleng gzhi ni mnyan yod na'o/ /de nas dge 
slong ma dga' mo snga dro sham thabs bgos chos gos dang /lhung bzed blangs te phyi bzhin 'brang ba'i dge sbyong ma zhig dang lhan cig sbyin bdag cig gi khyim du song nas des rjes su mthun pa'i chos bstan pas mngon par dad par byas nas des dge slong ma'i dge 'dun 
gyi ched du zas dag sbyor du bcug go/ /de nas phyi de nyin par dge slong ma'i dge 'dun snga dro sham thabs bgos lhung bzed dang chos gos blangs te khyim bdag de'i bkad sa gang na ba der song nas zhes bya ba nas/ stan bshams pa kho na la 'dug go zhes bya ba'i bar 
ro/ /dge slong ma dga' mo ni bya ba mang zhing sgrub pa mang bas gaN+DI'i dus las yol bar gyur to/ /dge slong ma de rnams kyis khyim bdag de la 'di skad ces smras so/ /khyim bdag khyod dge slong ma'i dge 'dun gyi dus la bab kyis brims shig /des 'di skad 
ces smras so/ /'phags ma dag bdag ni ma 'tshal mod kyi zas la sko bar bgyid pa dga' mo mkhyen to zhes bya ba nas/ don nyung ba'i dge slong ma dag smod par byed pa'i skabs de bcom ldan 'das la gsol pa dang / bcom ldan 'das kyis bka' stsal pa/ dge slong ma 
dag zas snga ma dang zas phyi ma la khyim dag tu rgyu bar mi bya'o/ /de nas zhal ta byed pa dag gam zas sgrub pa de dag gi dge 'dun gyi bya ba dang / dge 'dun gyi sgrub pa de dag nyams par gyur pa nas/ bcom ldan 'das kyis bka' stsal pa/ zas snga ma la khyim gnyis 
gnyis su zas phyi ma la khyim gsum du'o/ /de nas bcom ldan 'das kyis dge slong ma rnams la bslab pa 'dod pa dang zhes bya ba nas/ bslab pa la yo byad bsnyungs pa'i bsngags pa gsungs nas 'di skad ces bka' stsal to/ /yang dge slong ma gang zas dang bcas pa'i 

</font><hr>9-1-261b<br><font size=+1>
khyim du mgron du bos la zas snga ma dang zas phyi ma la khyim dag tu khyim bdag 'khod pa la go bar ma byas par 'gro na ltung byed do/ /yang gang zhes bya ba ni dga' mo'o zas dang bcas pa zhes bya ba ni ston mo can gyi khyim du'o/ /khyim dag tu zhes bya ba ni khyim bdag gi 
khyim dag tu mgron du bos pa'o/ /zas snga ma zhes bya ba ni snga dro'i dus so/ /phyi ma zhes bya ba ni phyi dro'i dus so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong ma zas dang bcas pa'i khyim du mgron du 
bos nas snga ma la khyim gnyis su song la ched du bsams te khyim gsum par 'gro na ltung byed do/ /zas phyi ma la khyim gsum du song la ched du bsams te khyim bzhi par 'gro na ltung byed do/ /khyim bdag gi mi la go bar byas na ltung ba med do/ /ltung byed bdun pa'i 
dang po rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis drug sde rnams la brten te sgo gtan gyi bslab pa'i gzhi bca' ba mdzad pa de'i tshe bcu gnyis sde de dag gis dge slong gi bslab pa'i gzhi yin no zhes bya ba nas bslab pa'i 
gzhi de la rjes su sgrub par mi byed pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong ma rnams kyis kyang nam ma nangs shing skya rengs ma shar gyi bar du'o/ /gang gi tshe 
rgyal po 'char kas dpal ldan ma'i phyir khyim bdag gdangs can la khyod kyi bu mo dge slong rnams lta bar 'dod do zhes rgyal pos bsgo ba de'i tshe khyim bdag gdangs can gyis dge slong shA ri'i bu la dpal ldan ma gdul ba'i ched du gsol ba btab nas rgyal po'i pho 
brang du btang ba dang / bcom ldan 'das kyis kyang gnang ngo / /des dus gzhan zhig na gdangs can gyi bu mo yang dge slong ma rnams lta bar 'dod pa de'i tshe khyim bdag gdangs can gyis skye dgu'i bdag mo chen mo la gsol ba btab pa dang / des rgyal po'i pho brang du 

</font><hr>9-1-262a<br><font size=+1>
'jug pa ni nyes dmigs bcu yod do zhes bya ba nas ma btub pa dang / de'i 'og tu rgyal po 'char kas gsol ba btab bo/ /de nas skye dgu'i bdag mo chen mos skabs de bcom ldan 'das la gsol pa dang / bcom ldan 'das kyis bka' 
stsal pa/ gau ta mI drug po dag gi tshig ni gcag tu mi rung ste/ drug po gang gi zhe na/ slob dpon dang / mkhan po dang rgyal po rgyal rigs spyi bo nas dbang bskur ba dang / dge 'dun dang / dge 'dun gyi gnas brtan dang / de bzhin gshegs pa 
dgra bcom pa yang dag par rdzogs pa'i sangs rgyas kyi'o zhes bcom ldan 'das kyis de la yang bkas bsgo nas rgyal po'i pho brang du zhugs so/ /gang gi tshe skye dgu'i bdag mo chen mo rgyal po'i pho brang du zhugs pa de'i tshe bcu gnyis sde rnams gal te bdag cag 
dong bar gyur na de ring nyid du dge sbyong gi tshul ma yin pa dang rung ba ma yin pa'i khur khyer bar 'gyur ba zhig ces kha zer bar byed do/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang nam ma 
nangs skya rengs ma shar bar rin po che dag gam/ rin po cher smos pa dag ma brtul bar rgyal po rgyal rigs spyi bo nas dbang bskur ba'i sgo gtan nam/ sgo gtan gyi nyen kor las 'da' zhing 'dug na de 'dra ba'i rkyen ma gtogs te ltung byed do/ /yang gang 
zhes bya ba ni bcu gnyis sde dag go/ /rgyal po rgyal rigs spyi bo nas dbang bskur ba zhes bya ba ni bud med dam/ skyes pa'am/ ma ning rgyal por dbang bskur na de ni rgyal po yang yin/ rgyal rigs kyang yin/ de ni spyi bo nas dbang bskur ba yin no/ /nam 
ma nangs pa zhes bya ba ni nam nangs par ma gyur pa'o/ /skya rengs ma shar bar zhes bya ba ni skya rengs gsum po zhes bya ba snga ma bzhin no/ /rin po che dag gam rin po cher smos pa ma brtul bar zhes bya ba ni ma bsdus par ro/ /sgo gtan zhes bya ba la sgo gtan ni 

</font><hr>9-1-262b<br><font size=+1>
gsum ste/ gsum gang zhe na/ grong khyer gyi sgo gtan dang / rgyal po'i pho brang gi sgo gtan dang / btsun mo'i gnyen ris kyi sgo gtan no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang zhig 
skya rengs ma shar ba la skya rengs ma shar ba'i 'du shes kyis sgo gtan las 'das par byed na ltung byed do/ /de bzhin du yid gnyis za na ltung byed do/ /yang dge slong ma gang zhig skya rengs shar ba la skya rengs ma shar bar 'du shes na nyes byas so/ /de bzhin du yid gnyis 
za na nyes byas so/ /gal te rgyal po dang / btsun mo dang / blon po'i bar chad du 'gyur ba zhig yin na ltung ba med do/ /ltung byed bdun pa'i gnyis pa rdzogs s+ho// //gleng gzhi ni mnyan yod na'o/ /de nas so sor thar pa'i mdo gdon pa 'don pa'i tshe bcu gnyis 
sde rnams kyis 'di skad ces kye 'phags ma dag kho mo cag gis 'di ltar chos 'di yang mdor gtogs shing mdor 'dus par da gdod shes so zhes zer ba na de la dge slong ma rnams kyis sngon dge slong ma de/ gso sbyong gi las gnyis sam/ gsum gyi tshe 'dug par shes na 
lan mang du lta ci smos na de la dge slong ma rnams kyis phu nu mo de skad ma smra zhig ces bsgo ba dang / de dag la 'di skad ces kho mo cag ji skad smra ba de ni de bzhin no zhes smras pa na don nyung ba'i dge slong ma dag smod par byed pa'i skabs de dge slong ma rnams kyis bcom ldan 'das 
la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang zla ba phyed phyed cing so sor thar pa'i mdo gdon pa 'don pa na 'di skad ces kye 'phags ma dag kho mo cag gis 'di ltar chos 'di yang 
mdor gtogs shing mdor 'dus par da gdod shes so zhes zer ba na/ gal te dge slong ma rnams kyis sngon gso sbyong gi las gnyis sam/ gsum gyi tshe 'dug par shes na lan mang du lta ci smos na/ de la 'phags ma mi shes pas mi 'grol bas de ltung ba gang 

</font><hr>9-1-263a<br><font size=+1>
byung ba de chos bzhin du byed du gzhug pa'i steng du 'phags ma khyod kyis ma rnyed de/ rnyed pa ma yin zhing nyes pa rnyed pa yin te/ khyod kyis gang gis phyir so sor thar pa'i mdo gdon pa 'don pa'i tshe gus par byas te chos nyan par mi byed/ bla mar 
byas te mi byed/ yid la byas te mi byed/ rtse gcig tu rna blags te nyan par mi byed/ sems thams cad kyis bsams te chos nyan par mi byed do zhes spyo bar bya'o/ /de'i spyo bar bya ba ni 'di yin te ltung byed do/ /yang gang zhes bya ba ni bcu gnyis sde dag go/ /zla 
ba phyed phyed cing zhes bya ba ni zla ba phyed phyed cing ngo / /so sor thar pa'i mdo gdon pa 'don pa'i tshe zhes bya ba ni phas pham par 'gyur ba brgyad ces bya ba nas/ rtsod pa zhi bar bya ba'i chos bdun zhes bya ba'i bar ro/ /snga ma bzhin du brjod par bya'o zhes bya ba ni rim bzhin du brjod 
par bya'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na dge slong mas ji tsam cung zad zla ba phyed phyed cing so sor thar pa'i mdo gdon pa 'don pa'i tshe 'di skad ces chos 'di yang mdor gtogs par zhes zer na ltung byed do/ /mdor 'dus par 
zhes zer na ltung byed do/ /gzhi na ma 'dug pa dang / tshogs las gar pa la ni ltung ba med do/ /ltung byed bdun pa'i gsum pa rdzogs s+ho// //gleng gzhi ni mnyan yod na'o/ /de'i tshe mnyan yod na gcer bu pa'i nyan thos chos zhes bya ba ba so mkhan zhig gnas pa de 
bsod snyoms pa zhig gis sangs rgyas kyi bstan pa la mngon par dad par byas nas de gnyi ga'i dge 'dun la khab ral dag 'bul du bcug go/ /de nas bcu gnyis sde rnams kyis ba so dang / rus pa dang / rwa las byas pa'i khab ral dbyibs sna tshogs dag byed du 
bcug go/ /de rang gi zan zos shing gzhan gyi las byas pas de ring po ma lon par dbul por gyur to/ /de nas mu stegs pa rnams kyis lag bzo chos mthong nas 'di skad ces/ lag bzo chos gang gi tshe kho bo cag la mngon par dad par gyur pa de'i tshe 'byor par 

</font><hr>9-1-263b<br><font size=+1>
gyur la/ gang gi tshe shAkya'i sras kyi dge sbyong ma rnams la mngon par dad par gyur pa de'i tshe bkren par gyur to zhes smras pa dge slong ma rnams kyis thos so/ /thos nas skabs de bcom ldan 'das la gsol to/ /de nas bcom ldan 'das kyis byung ba 'di 
dang zhes bya ba nas/ bslab pa bca' ba'i bar du mdzad de/ yang dge slong ma gang ba so'am/ rus pa'am/ rwa'i khab ral las sar pa byed du 'jug na bcag nas ltung byed do/ /yang gang zhes bya ba ni bcu gnyis sde dag go/ /ba so'am zhes bya ba ni ba so nyid 
do/ /rus pa'am zhes bya ba ni rus pa nyid do/ /rwa las byas pa zhes bya ba ni rwa nyid do/ /khab ral zhes bya ba la khab ral ni gnyis te/ sbu bu can dang / chang ba lta bu'o/ /byed dam zhes bya ba ni bdag nyid kyis so/ /byed du 'jug na zhes bya ba ni gzhan no/ /
ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad ba so'am zhes bya ba nas/ rwa'i bar gyi khab ral sar pa byed dam/ byed du 'jug na thams cad du ltung byed du 'gyur ro/ /gang gi mdun du de 
'chags par byed pa des ci ga bcag gam zhes dri bar bya'o/ /ma dris par 'chags par byed na ltung ba de yang ma bshags shing gang gi mdun du 'chags par byed pa de la yang nyes byas su 'gyur ro/ /ltung byed bdun pa'i bzhi pa rdzogs s+ho// //gleng gzhi ni 
mnyan yod na'o/ /gang gi tshe bcom ldan 'das kyis drug sde rnams la brten te khri dang / khri'u'i tshad bde bar gshegs pa'i sor brgyad kyi bslab pa'i gzhi bca' ba mdzad pa de'i tshe bcu gnyis sde de dag gis tshad las 'das pa'i khri dang / khri'u dag byed 
du 'jug pa dang / de dag la dge slong ma rnams kyis smras pa/ phu nu mo dag bcom ldan 'das kyis bslab pa'i gzhi bca' ba ma mdzad dam/ de dag gis 'di skad ces dge slong rnams la mdzad kyi/ dge slong ma rnams la ni ma yin no zhes smras pa na don nyung ba'i 

</font><hr>9-1-264a<br><font size=+1>
dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas dge 'dun gyi khri'am/ khri'u byed du 
'jug na rtsa ba bu gar gzhug pa ma gtogs par bde bar gshegs pa'i sor brgyad kyi tshad du byed du gzhug par bya'o/ /de las lhag par byed du 'jug na bcad nas ltung byed do/ /dge 'dun gyi zhes bya ba ni de bzhin gshegs pa'i nyan thos ma'i dge 'dun gyi'o/ /dge 
slong ma zhes bya ba ni bcu gnyis sde dag go/ /khri'am zhes bya ba ni nyal ba'i'o/ /khri'u'am zhes bya ba ni khri'u nyid do/ /bde bar gshegs pa'i zhes bya ba ni ston pa'i'o/ /bde bar gshegs pa'i sor brgyad gang yin pa de la ni tshad dang ldan pa'i lag pa'i khru gang ngo / /bu gar 
gzhug pa ma gtogs te zhes bya ba ni bzhag ste'o/ /de las lhag par byed na zhes bya ba ni de las 'das par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad bde bar gshegs pa'i sor brgyad 
kyi tshad las lhag par byed na thams cad du ltung byed du 'gyur ro/ /gang gi mdun du 'chags par byed na zhes bya ba snga ma bzhin no/ /ltung byed bdun pa'i lnga pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis dge slong dang / dge slong 
ma rnams kyis gnas mal bsko bar bya'o zhes bsko ba mdzad pa na/ de nas dus gzhan zhig gi tshe dge slong ma rnams gnas mal sko bar byed pa dang / de'i 'og tu bcu gnyis sde rnams kyis dge 'dun gyi khri dang / khri'u la shing bal dag bting ba de'i tshe gzhan gyis 
bsdus nas blangs pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge 'dun gyi khri'am/ khri'u 

</font><hr>9-1-264b<br><font size=+1>
la shing bal 'ding ngam/ 'ding du 'jug na bsdus na ltung byed do/ /yang gang zhes bya ba ni bcu gnyis sde dag go/ /dge 'dun gyi zhes bya ba ni de bzhin gshegs pa'i nyan thos ma'i dge 'dun gyi'o/ /khri zhes bya ba ni nyal ba'i'o/ /khri'u zhes bya ba ni khri'u nyid do/ /
shing bal zhes bya ba la shing bal ni lnga ste/ lnga gang zhe na/ ar ka'i shing bal dang / shal ma li'i shing bal dang / ka sa'i shing bal dang / lug gi bal dang / lnga pa nyid ni sha na'i shing bal lo/ /'ding ngam/ 'ding du 'jug na ltung byed do zhes bya ba ni gong ma 
bzhin no/ /de la ltung bar ji ltar 'gyur zhe na/ dge slong mas ji tsam cung zad dge 'dun gyi khri'am khri'u zhes bya ba nas/ 'ding du 'jug na thams cad du ltung byed du 'gyur ro/ /de lta mod kyi gang gi mdun du 'chags par byed pa des bsdus sam/ ma bsdus zhes dri 
bar bya ste/gzhan ni snga ma bzhin no/ /ltung byed bdun pa'i drug pa rdzogs s+ho// //gleng gzhi ni mnyan yod na'o/ /de'i tshe dge slong ma rnams la 'di lta bu'i gding ba mang po byung ste/ gding ba 'di ni ha cang ring ches so zhes de bor nas gzhan byed du 
'jug gding ba 'di ni ha cang thung ches so zhes de bor te gzhan byed du 'jug /de bzhin du ha cang rgya che ba dang / ha cang chung ba ste/ de dag de lta bu byed pas bya ba mang zhing / byed pa mang bas lung mnod pa dang / klog pa dang / kha ton dang / rnal 'byor dang / yid la byed 
pa dang / nang gi sems kyi zhi gnas dag gtong ba na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ dge slong mas gding ba 
byed na tshad bzhin du byed du gzhug go/ /de la gding ba'i tshad ni 'di yin te/ srid du bde bar gshegs pa'i mtho'i mtho do'o zheng du phyed dang do'o/ /srid du mtho gang gis srings shig /de las lhag par byed na bcad nas ltung byed do/ /gding ba zhes bya ba ni gding ba'o/ /

</font><hr>9-1-265a<br><font size=+1>
dge slong ma zhes bya ba ni chos 'di pa'o/ /byed dam zhes bya ba ni bdag nyid kyis so/ /byed du 'jug na zhes bya ba ni gzhan no/ /srid du zhes bya ba ni de'i chu gang yin pa'o/ /bde bar gshegs pa'i mtho gang gis zhes bya ba la/ bde bar gshegs 
pa zhes bya ba ni ston pa'o/ /bde bar gshegs pa'i mtho gang gang yin pa de la ni tshad dang ldan pa'i khru phyed dang do ste/ bde bar gshegs pa'i mtho gsum gang yin pa de la tshad dang ldan pa'i khru'i khru phyed dang lnga'o/ /zheng du mtho phyed dang do'o zhes bya ba ni tshad dang ldan pa'i 
khru do dang sor drug go/ /de las lhag par zhes bya ba ni de las 'das par ro/ /byed dam zhes bya ba ni bdag nyid kyis so/ /byed du 'jug na zhes bya ba ni gzhan no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam 
cung zad gding ba khru phyed dang lnga las lhag par byed dam/ byed du 'jug na thams cad du bcad nas ltung byed do/ /gang gi mdun du ltung ba 'chags par byed na zhes bya ba nas ltung ba'i rim pa snga ma bzhin no/ /gal te byas zin pa rnyed na byas zin pa nyid longs spyad par 
bya'o/ /ltung byed bdun pa'i bdun pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis dge slong dang / dge slong ma rnams kyis g.yan pa dgab pa'i gos bcang bar bya'o zhes bka' stsal pa de'i tshe de dge slong ma de dag gis ci 'dra ba de 
tshad ji tsam pa bcang ba ma shes nas/ bcom ldan 'das kyis bka' stsal pa/ srid du bde bar gshegs pa'i mtho bzhi'o/ /zheng du mtho do'o/ /gang gi tshe bcom ldan 'das kyis tshad bka' stsal pa de'i tshe bcu gnyis sde de dag tshad las lhag par byed pa dang / don 
nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ dge slong ma g.yan pa dgab pa'i gos byed pas tshad bzhin du byed du gzhug 

</font><hr>9-1-265b<br><font size=+1>
go/ /de la g.yan pa dgab pa'i gos kyi tshad ni 'di yin te/ srid du bde bar gshegs pa'i mtho'i mtho bzhi'o/ /zheng du mtho do'o/ /de las lhag par byed na bcad nas ltung byed do/ /g.yan pa dgab pa'i gos zhes bya ba ni na ba'i gos so/ /dge slong ma zhes 
bya ba ni chos 'di pa'o/ /byed dam zhes bya ba ni bdag nyid kyis so/ /byed du 'jug na zhes bya ba ni gzhan no/ /srid du bde bar gshegs pa'i mtho'i mtho bzhi zhes bya ba ni de'i mchu gang yin pa tshad dang ldan pa'i khru'i khru drug go/ /bde bar gshegs pa zhes 
bya ba ni ston pa'o/ /zheng du mtho do'o zhes bya ba ni tshad dang ldan pa'i khru gsum mo/ /de las lhag par zhes bya ba ni de las 'das par ro/ /byed dam zhes bya ba ni bdag nyid kyis so/ /byed du 'jug na zhes bya ba ni gzhan no/ /bcad nas zhes bya ba ni mnyam por byas nas 
so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam spyad cung zad g.yan pa dgab pa'i gos khru drug las lhag par byed du 'jug na thams cad du bcad nas ltung byed do/ /gang gi mdun du 'chags par byed na 
zhes bya ba'i bar gong nas 'byung ba bzhin no/ /ltung byed bdun pa'i brgyad pa rdzogs s+ho// //gleng gzhi ni mnyan yod na'o/ /gang gi tshe nye dga'as bde bar gshegs pa'i chos gos kyi tshad kyi tshad byed du bcug la/ bcom ldan 'das kyis ni bkag pa de'i tshe 
sbom dga' mos kyang nye dga' mthong nas bde bar gshegs pa'i chos gos kyi tshad kyi chos gos byed du bcug nas bgos te dge slong ma'i dbyar khang du song nas des bde bar gshegs pa'i chos gos kyi tshad kha cig ni mchan khung du brtul/ kha cig ni phrag pa la 
gzar/ kha cig ni lus la bgos/ kha cig ni 'jol zhing 'dug pa dang / de la dge slong ma rnams kyis smras pa/ 'phags ma lhung bzed dang chos gos blangs te gang du 'gro/ des 'di skad ces smras so/ /kho mo lhung bzed dang chos gos blangs te gang du yang 

</font><hr>9-1-266a<br><font size=+1>
mi 'gro'o/ /de lta mod kyis kho mos bde bar gshegs pa'i chos gos kyi tshad kyi chos gos byed du bcug pa yin no/ /de dag gis 'di skad ces smras so/ /phu nu mo bcom ldan 'das kyis dgag pa ma mdzad dam/ des 'di skad ces dge slong 
rnams la dgag pa mdzad kyi/ dge slong ma rnams la ni ma yin no zhes pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar 
du mdzad de/ yang dge slong ma gang bde bar gshegs pa'i chos gos kyi tshad kyi chos gos byed du 'jug gam bde bar gshegs pa'i chos gos las lhag pa byed du 'jug na bcad nas ltung byed do/ /de la bde bar gshegs pa'i chos gos kyi tshad ni 'di yin te/ srid 
du bde bar gshegs pa'i mtho'i mtho bcu'o/ /zheng du mtho drug ste/ de la 'di ni bde bar gshegs pa'i chos gos kyi tshad yin no/ /yang gang zhes bya ba ni sbom dga' mo'o/ /bde bar gshegs pa'i chos gos kyi tshad kyi chos gos byed du 'jug gam zhes bya ba ni sangs rgyas kyi chos 
gos kyi tshad kyi chos gos byed du 'jug pa'o/ /de las lhag par zhes bya ba ni de las 'das par ro/ /de la 'di ni bde bar gshegs pa'i chos gos kyi tshad yin no zhes bya ba ni grangs rnam par bshad pa yin no/ /srid du zhes bya ba ni de'i chu gang yin pa'o/ /mtho bcu zhes bya ba ni 
bde bar gshegs pa'i mtho bcu gang yin pa ste/ de ni tshad dang ldan pa'i khru'i khru bcwa lnga pa'o/ /zheng du mtho drug go zhes bya ba gang yin pa de ni tshad dang ldan pa'i khru'i khru dgu'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji 
tsam cung zad bde bar gshegs pa'i chos gos kyi tshad kyi chos gos byed dam/ bde bar gshegs pa'i chos gos las lhag pa dag byed du 'jug na thams cad du bcad nas ltung byed do/ /gang gi mdun du 'chags par byed na zhes bya ba'i bar gong nas 'byung ba bzhin no/ /

</font><hr>9-1-266b<br><font size=+1>
ltung byed bdun pa'i tshigs su bcad pa'i sdom rdzogs s+ho// //bsdus pa'i sdom la/ sgog skya rjen pa skyabs yod dang / /rnar gshub mun khung snga nas 'dug /dbyar nang lo ni bcu gnyis dang / /'dod chen sdom pa gzhon nu ma'o/ /sdom la/ sgog skya mdoms spu 
'dreg pa dang / /sor mo'i tshigs gnyis 'jug pa dang / /thal mos brdeg par mi bya'o/ /gleng gzhi ni mnyan yod na'o/ /de'i tshe mu ge mi bzad pa dgon pa slong mo pas zas rnyed par dka' ba byung nas zhes bya ba nas/ mi zhig la sgog skya'i ldum ra zhig yod do zhes bya ba'i 
bar te/ de na tshod sngon dag mang du skye'o/ /de nas mi de la dge slong ma rnams kyis tshod sngon bslangs pa dang / des smras pa/ ci bde ba kho nar mdzod cig /de lta mod kyi sgog skya de dag ni ma gdon cig ces de dag nyi ma re re zhing tshod sngon dag blangs nas dge slong ma'i dbyar khang du 'dong 
ngo / /de nas sbom dga' mos dge slong ma de rnams la dris pa/ phu nu mo dag khyed kyis tshod sngon gang nas blangs zhes bya ba nas sbom dga' mo yang sgog skya'i ldum rar song nas/ des tshod sngon dang sgog skya lhan cig bton to/ /de nas sgog skya'i bdag po des 'phrigs nas kyang 
sgog skya'i ldum ra gzhan zhig gi lag tu btsongs te btsongs nas dge slong ma rnams la smras pa/ kye 'phags ma dag bdag gis gzhan zhig gi sug par btsongs lags kyis de las tshod sngon slong shig ces bya ba nas/ des kyang srung ma'i khye'u zhig bzhag ste/ ci bder 
byed du bcug nas dge slong ma de dag tshod sngon rnga ba na/ sbom dga' mo sgog skya 'ba' zhig 'byin par byed do/ /de nas khye'u yis sbom dga' mo la sgog skya 'byin pa bzlog pa dang / de nas sbom dga' mos khye'u de brdegs so/ /de nas khye'u des pha la smras pa dang / de'i phyi 
de nyin par sgog skya'i nang zhig tu gab nas bsdad do/ /de nas sbom dga' mo yang 'ongs nas sgog skya 'byin pa las khye'u des bzlog pa dang zhes bya ba nas khyim bdag des kyang sbom dga' mo brdegs so zhes bya ba'i bar ro/ /de yang mig phubs skrangs shing 

</font><hr>9-1-267a<br><font size=+1>
dbyar khang du 'ongs pa dang / dge slong ma rnams kyis dris pa las des skabs de rgyas par smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes 
bya ba nas bslab pa bca' ba'i bar du mdzad de/ yang dge slong ma gang sgog skya za na ltung byed do/ /yang gang zhes bya ba ni sbom dga' mo'o/ /sgog skya zhes bya ba ni byi sku'o/ /za na zhes bya ba ni lkog mar mid na'o/ /ltung byed do zhes bya ba ni gong ma bzhin no/ /de la ltung bar 
ji ltar 'gyur zhe na/ dge slong mas ji tsam cung zad sgog skya za na thams cad du ltung byed du 'gyur ro zhes de ltar bslab pa'i gzhi bca' ba mdzad pa dang / dge slong ma nad pa zhig yod pa des sman pa la dris pa dang / sman pas sgog skya bstan to/ /des 'di skad ces smras so/ /bzhin 
bzangs sman pa kho mo da ni shi zin no/ /sman pas smras pa/ ci nyes/ des 'di skad ces smras so/ /bcom ldan 'das kyis bkag go/ /des 'di skad ces smras so/ /khyod kyi ston pa thugs rje can yin pas rjes su gnang bar 'gyur ro zhes pa'i skabs de dge slong ma rnams kyis bcom 
ldan 'das la gsol pa dang / bcom ldan 'das kyis bka' stsal pa/ sman pa'i lung gis nad pa la ni ltung ba med do zhes bya ba nas sgog skya dang / ki'u la sogs pa kun tu spyad par bya'o/ /dge slong ma rnams the tshom skyes nas the tshom thams cad gcod pa sangs rgyas 
bcom ldan 'das la zhus pa/ btsun pa sbom dga' mo lhag par chags pa'i zil gyis non pas sgog skya'i phyir brdegs pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin gyi 'on kyang 'das pa'i dus na yang lhag par 
chags pas tshul ma yin pas sdug bsngal bar gyur pa de nyon cig ces bya ba nas grong khyer bA rA Na sIr rgyal po tshangs byin zhes bya ba zhig byung ngo zhes bya ba'i bar ro/ /ji tsam na rkun po zhig rgyal po'i pho brang phug pa dang zhes bya ba nas/ phu gu'i sgor dngul skyogs 

</font><hr>9-1-267b<br><font size=+1>
shig brjed de lus pa dang / rkun po des slar yang song ste blang ngo snyam nas zhes bya ba nas rgyal po'i bkrabs pa dag gis bzung nas tshul ma yin pas sdug bsngal bar byas so/ /de nas lha zhig gis de'i tshe tshigs su bcad de smras pa/ lhag par chags pas zil non na/ /
don grub pa yang nyams gyur te/ /phyir don gnyer bar byed pa yin/ /rkun ma'i skyogs ni ji bzhin no/ /dge slong dag gzhan yang lhag par chags pa kho nas rin po che dag las yongs su nyams par gyur pa de nyon cig /dge slong dag sngon byung ba grong khyer bA ra NA sI na 
khyim bdag cig yod pa de zhes bya ba nas de la bu mo zhig btsas pa dang / shi nas ngang pa'i rgyal po rang bzhin gyis skye ba dran pa zhig tu skyes so zhes bya ba'i bar ro/ /ji tsam na de bu mo'i don du nyi ma re re zhing rin po che dag skyel bar byed do/ /de nas bu mos bsams pa/ 
ngang pa'i rgyal po yang bzung la rin po che yang blang ngo snyam pa dang / de bros nas phyin chad mi 'ong bar gyur to/ /ji tsam na lha zhig gis tshigs su bcad de smras pa/ lhag par chags par mi bya ste/ /chos min chags pa sdig pa can/ /ngang pa'i rgyal po gzung snyam pas/ /
rin chen rnams las yongs su nyams/ /dge slong dag ji snyam du sems/ de'i tshe rkun po dang / bu mo gang yin pa de ni sbom dga' mo 'di nyid yin te/ de nas yang lhag par chags pa kho nar gyur to/ /da ltar yang lhag par chags pa kho nar gyur to/ /de lta bas na 
lhag par chags par mi bya ste/ dge slong dag khyed kyis de lta bu la bslab par bya'o/ /ltung byed brgyad pa'i dang po rdzogs s+ho// //gleng gzhi ni mnyan yod na'o/ /de'i tshe sbom dga' mos mdoms kyi phyogs kyi spu'i las byed cing de khrus byed pa na bram ze dang / khyim 
bdag gi chung ma rnams la bstan te/ til 'brus khra bor byas pa'i phan ci ltar 'dug pa 'di la ltos/ de dag gis 'di skad ces smras so/ /'phags ma re zhig kho mo cag ni sdum thab kyi sems mgu bar bgyid pa'i phyir bgyid na khyod kyis 'di cir 'tshal/ khyod kyi 

</font><hr>9-1-268a<br><font size=+1>
su zhig mgu bar bgyi/ 'di ni rab tu byung ba dang 'tsham pa ma lags so zhes bya ba nas/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa 
bca' ba'i bar du mdzad de/ yang dge slong ma gang mdoms kyi phyogs kyi spu'i las byed na thams cad du ltung byed du 'gyur ro/ /yang gang zhes bya ba ni sbom dga' mo'o/ /mdoms kyi phyogs zhes bya ba ni gsang ba'i gnas so/ /spu'i las byed dam zhes bya ba ni smongs 
'dreg na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad mdoms kyi phyogs kyi spu'i las byed na yang thams cad du ltung byed du 'gyur ro/ /gal te rma byung ba'i phyir byed na ltung ba med do/ /ltung byed brgyad 
pa'i gnyis pa rdzogs s+ho// //gleng gzhi ni mnyan yod na'o/ /de'i tshe sbom dga' mos gsang ba'i gnas su lag pa bcug nas ji tsam nyon mongs pa zhi bar gyur gyi bar du bkrus pas de'i gsang ba'i gnas skrangs par gyur to/ /des pu shel tsi dang / tsan dan 
la sogs pa'i byug pa lhan cig gnas pa dang / nye gnas rnams la bslang ba dang / de dag gis 'di skad ces smras so/ /khyod ci bsnyung / des skabs de rgyas par smras pa dang zhes bya ba nas bcom ldan 'das la gsol pa dang / bcom ldan 'das kyis bka' stsal 
pa/ de lta bas na dge slong mas khrus mi bya'o/ /de dag khrus ma byas pas dri ngan pa skyes par gyur to/ /de nas dus gzhan zhig na skye dgu'i bdag mo chen mo gau ta mI khyim bdag gi chung ma rab tu mang po la chos 'chad pa na/ de dag phan tshun du 'di skad ces dri ngan 
pa mnam mo zhes zer ro/ /de nas skye dgu'i bdag mo chen mo gau ta mI rang bzhin gyis drang ba yin pas 'di skad ces smras so/ /phu nu mo dag dri ngan pa de ni kho mo'i yin no/ /de dag gis 'di skad ces smras so/ /khyod ci'i slad du khrus mi mdzad/ skye dgu'i bdag mo chen 

</font><hr>9-1-268b<br><font size=+1>
mos 'di skad ces smras so/ /bcom ldan 'das kyis bkag go zhes bya ba nas/ bcom ldan 'das kyis bka' stsal pa/ de lta bas na sor mo'i tshigs gnyis kyis khrus bya'o/ /ji tsam na de nyid nyes dmigs su gyur to/ /de nas bcom ldan 'das kyis byung ba 
'di dang zhes bya ba nas bslab pa bca' ba'i bar du mdzad de/ yang dge slong ma gang khrus byed pa na sor mo'i tshigs gnyis las 'das par byed na ltung byed do/ /yang gang zhes bya ba ni sbom dga' mo'o/ /khrus byed na zhes bya ba ni chu blangs nas so/ /sor mo'i tshigs 
gnyis las 'das par 'jug na zhes bya ba ni de las lhag par ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad khrus byed pa ni sor mo'i tshigs gnyis las 'das par byed na thams cad du ltung 
byed du 'gyur ro/ /ltung byed brgyad pa'i gsum pa rdzogs s+ho// //gleng gzhi ni mnyan yod na'o/ /de'i tshe sbom dga' mo nyon mongs pas nyen nas ji srid tshim gyi bar du gsang ba'i phyogs su thal mos brgyab pas ji tsam na skrangs par gyur to/ /gang gi tshe 'dod 
chags zhi bar gyur pa de'i tshe na nas cho nges 'debs so/ /de nas lhan cig gnas pa dang nye gnas rnams kyis dris pa las des skabs de rgyas par smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas 
bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang bud med kyi yul la thal mos rdeg na ltung byed do/ /yang gang zhes bya ba ni sbom dga' mo'o/ /bud med kyi yul la thal mos rdeg na zhes 
bya ba ni mo mtshan la thal lcag gis brdegs na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad bud med kyi yul la thal mos rdeg na thams cad du ltung byed du 'gyur ro/ /ltung byed brgyad pa'i tshigs 

</font><hr>9-1-269a<br><font size=+1>
su bcad pa'i sdom rdzogs s+ho// //sdom ni/ rjen pa btso bar mi bya dang / /chus ni gtor bar mi bya dang / /sngon por bshang ba mi dor dang / /rtsig pa'i rgyab tu mi dor ba'o/ /gleng gzhi ni mnyan yod na'o/ /grong khyer pa dag ldum ra dang / skyed mos tshal la dga' bas de 
dag gi kun du spyod pa ni gang gi tshe skyed mos tshal dag tu 'dong ba na g.yos mkhan gyis bca' ba 'tshed par byed pa yin pas de dag gis yang g.yos mkhan la sang nang par sngar shog shig ces bsgo ba las/ de ma 'ongs par sbom dga' mo snga dro sham thab bgos/ chos gos dang 
lhung bzed blangs te bsod snyoms kyi phyir spyod yul du zhugs nas khyim bdag cig gi khyim du zhugs te 'di skad ces smras so/ /mtshan bzangs ma bsod snyoms byin cig /des 'di skad ces smras so/ /'phags ma bdag glo ba mi dga' ba lags so/ /sbom dga' mos 'di skad ces 
smras so/ /khyod ci ste mi dga'/ des skabs de rgyas par smras pa dang / des 'di skad ces smras so/ /ci'i phyir khyod rang nyid mi 'tshed/ des 'di skad ces smras so/ /bdag gis rngo mi thog lags so/ /de nas sbom dga' mos khyim bdag gi chung ma la 'di skad ces smras so/ /ci khyod 
kyang khab bzhin du las sna gcig pa zhig yin nam/ des 'di skad ces smras so/ /'phags ma de la mkhyen pa mnga' 'am/ sbom dga' mos 'di skad ces smras so/ /kho mos bzo'i gnas dang / las kyi gnas gang la mkhas par ma byas pa de gang zhig yod/ de nas khyim 
bdag gi chung ma des de sbom dga' mo la 'di skad ces smras so/ /'phags ma da ni khyod la bdag gsol ba 'debs kyis bca' ba sgrol la bdag la stsol cig /des 'di skad ces smras so/ /kho mo la su bsod snyoms ster bar 'gyur/ khyim bdag gi chung mas 'di skad ces slad 
kyis bdag gis phyi bzhin 'brang ba'i dge sbyong ma la bdag gis slob dpon la/ bdag gis mkhan mo la/ bdag gis khang skyong ma'i bar la slad kyis 'bul lo zhes smras pa dang / des lhung bzed dang / chos gos mtha' gcig tu bzhag /gos gzhan dag brdzes te zhes 

</font><hr>9-1-269b<br><font size=+1>
bya ba nas des dog le bkrus bshal ba bsregs te/ mar khus bkang nas ji tsam na rim bzhin du kun du g.yos pa dang / legs par g.yos pa dang / 'bras bu las g.yos pa dang / la du dang / khong tshangs can dang / ce kun dang / rim brgya pa dang / srin bu'i 
dbyibs lta bu ste/ de lta bu dag btsos te des grong rdal de'i phyed dri yis khyab par byas so/ /ji tsam na des grong rdal gyi phyed na 'dug pa dag 'ongs nas dris pa/ ci khyod kyi khyim du g.yos mkhan 'ongs sam/ des 'di skad ces smras so/ /ma 'ongs te/ de lta mod kyi 'phags ma 
sbom dga' mo 'tshed do/ /de dag kyang 'ongs nas gsol ba btab pa dang / des 'di skad ces smras so/ /kho mo la su bsod snyoms ster bar 'gyur/ de dag gis 'di skad ces/ bdag cag gis khang skyong gi bar la dbul lo zhes smras pa dang / de bzhin du sbom dga' mos grong 
khyer phyed kyi bca' ba thams cad btsos te/ de nas btsos nas bsod snyoms kyis khur bslang nas dbyar khang du song ngo / /de'i 'og tu g.yos mkhan 'ongs te 'ongs nas sgo sgor 'di skad ces smras so/ /khyim bdag mo dag btsun mo dag bca' ba dag btsos snoms te spyon cig /
de dag gis 'di skad ces smras so/ /kho mo dag gis btsos zin no/ /rgya tshos mkhan gyis 'di skad ces smras so/ /su zhig gis/ de dag gis 'di skad ces smras so/ /sbom dga' mos so zhes grong rdal phyed po thams cad kyi bar gyis go bar byas pa dang / des 'di skad 
ces shAkya'i sras kyi dge sbyong rnams kyi tshul dang / tshangs pa'i tshul ni tshig pa yin te/ gang gi phyir 'di ltar 'tsho ba yang bcad do zhes 'phya bar byed pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom 
ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang rjen pa 'tshed par byed na ltung byed do/ /yang gang zhes bya ba ni sbom dga' mo'o/ /rjen pa 'tshed na zhes bya ba ni bca' ba 'tshed na'o/ /ltung byed do zhes bya ba ni 

</font><hr>9-1-270a<br><font size=+1>
gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rjen pa 'tshed par byed na thams cad du ltung byed do/ /de nas dge 'dun gyi brel ba byung nas bcom ldan 'das kyis bka' stsal pa/ dge 'dun gyi phyir dben 
par 'dug nas btso bar bya ste ltung ba med do/ /ltung byed dgu pa'i dang po rdzogs s+ho// //gleng gzhi ni mnyan yod na'o/ /de'i tshe khyim bdag cig chung ma dang lhan cig khyim nas khyim med par rab tu byung nas zhes bya ba nas/ dge slong ma rnams la blta 
ba'i phyir dbyar khang du dong ngo / /ji tsam na de de na nang par thug pa zhig 'thung ba dang / dge slong ma de yang chu snod cig thogs te/ mdun na sdod cing 'dug go/ /de nas dge slong de dgod nas 'di skad ces/ kho bo khyim par gyur pa na khyod de ltar mdun na sdod do 
zhes smras pa dang / des chu snod de nas mgor gtor nas 'di skad ces smras so/ /kho mo khyod kyi yon tan yang dag par sgrogs na khyod kho mo'i skyon rnams la 'jug par byed dam zhes smras nas bros pa dang / de la dge slong ma rnams kyis smras pa/ khyod kyis ci'i phyir 
'khor gyi gtso bo'i mgo la chus gtor zhes bya ba nas don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong 
ma gang chus 'thor na ltung byed do/ /yang gang zhes bya ba ni chos 'di pa'o/ /'khor gyi gtso bo zhes bya ba ni 'khor gyi mchog go/ /chus 'thor na zhes bya ba ni chus so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas 
ji tsam cung zad 'khor gyi gtso bo la chus gtor na thams cad du ltung byed du 'gyur ro/ /gal te brgyal ba la gdong du chu lcag gis 'thor ba la ni ltung ba med do/ /ltung byed dgu pa'i gnyis pa rdzogs s+ho// //gleng gzhi ni mnyan yod na'o/ /de nas dbyar khang 

</font><hr>9-1-270b<br><font size=+1>
dang mi ring ba zhig na ne'u gsing sngon po zhig yod pa de na bram ze zhig bram ze'i khye'u lnga brgya la bram ze'i gsang tshig klog tu 'jug go/ /de nas bram ze'i khye'u de rnams kyis sbom dga' mo spyod yul du 'jug pa mthong nas tho btsams so/ /ji tsam na sbom dga' mos 
'khru bar 'gyur ba'i sman zos pas de mang du 'khrus nas 'khrus pa de phyags te ne'u gsing sngon po'i steng du song nas des 'khru bas ne'u gsing sngon po thams cad sbags so/ /de nas yang bram ze'i khye'u rnams lhags nas 'dug ste/ de dag gis 'di skad ces kud sa'i bu dag /
bad sa'i bu dag /ba ra dwa dza'i bu dag ngan skyugs kyi dri mnam mo zhes smras pa las/ ji tsam na de dag gi lag pa dang / rkang pa dang / gos rnams ngan skyugs kyis 'bags par gyur to/ /bram ze rnams ni gtsang sbra 'dod pa yin pas de nas bram ze'i bu de rnams yid 
mi bde zhing 'dug go/ /de nas yang sbom dga' mo bsod snyoms las slar log pa na bram ze'i khye'u de rnams yid mi bde zhing 'dug pa mthong nas 'di skad ces smras so/ /kye bram ze'i khye'u dag ci mang du gnod pa byas sam/ ji tsam na dgod nas 'di skad ces khyed 
de ltar bcos so zhes bya ba nas smod par byed pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang ne'u gsing sngon po la 
bshang ba 'dor na ltung byed do/ /yang gang zhes bya ba ni sbom dga' mo'o/ /ne'u gsing sngon po la zhes bya ba ni rtswa sngon po la'o/ /bshang ba 'dor na zhes bya ba ni mi gtsang ba'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge 
slong mas ji tsam cung zad 'di snyam du ne'u gsing sngon po la dor ro snyam nas bshang ba 'dor na thams cad du ltung byed du 'gyur ro/ /ltung byed dgu pa'i gsum pa rdzogs s+ho// //dge slong ma'i 'dul ba rnam par 'byed pa/bam po nyi shu gsum pa/

</font><hr>9-1-271a<br><font size=+1>
gleng gzhi ni mnyan yod na'o/ /sbom dga' mos mang du zos shing mang du 'thungs pas de mtshan mo gci bas thebs nas des shol zangs bzhag ste gcis so/ /de nas yang glang po'i sna chen po la gtogs pa dpal skyed ces bya ba/ rgyal po gsal rgyal gyis chad pas bcad 
pa zhig yod pa de nang par gyi dus su dbyar khang dang nye ba zhig nas rgyal po'i pho brang du song ba las sbom dga' mo des shol zangs gcin gyis bkang ba ma brtags par gtor bas mgo la phog par gyur to zhes bya ba nas de ring bdag la bkra shis par 'gyur ram/ 'on te bkra mi shis 
par 'gyur snyam pa las ji tsam na ri dgas 'dzin gyis rgyal po dpal skyed la bzod pa byed du bcug nas/ 'di ltar rgyal pos glang po che pad ma dkar po zhes bya ba cig dang / de'i dbang thang nyid kyang slar byin no/ /de nas dpal skyed kyis ras yug po che zhig khyer te dge slong ma'i 
dbyar khang du phyin pa ji tsam na sbom dga' mos thos nas skrag par gyur pa dang zhes bya ba nas dpal skyed kyis 'di skad ces smras so/ /gang gis nang par gyi dus su kho bo la gcin gtor ba'i de'i gcin ni bkra shis pa dga' bar byed pa yin pas/ de la kho bo de ring bskon pa ras yug po 
che 'bul na dge slong ma de gang lags/ de nas sbom dga' mos 'di skad ces/ kho mo yin no zhes smras pa dang / des de la ras yug po che cig bskon no/ /ji tsam na sbom dga' mo dge slong ma rnams dang lhan cig 'thab mo byung ba de'i tshe de na re ngan skyugs kyang khyed dang mi mtshungs 
so zhes smras pa nas/ bcom ldan 'das kyis bka' stsal pa/ ma brtags par dor bar mi bya'o/ /'dor na de ltung byed do/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang ma brtags par bshang ba dang / gci ba 'dor na ltung byed do/ /yang gang zhes bya ba ni sbom dga' mo'o/ /ma brtags par zhes bya ba ni brtags par ma byas par ro/ /bshang ba'am/ gci ba 'dor na zhes bya ba ni 'dor bar byed na'o/ /ltung byed do zhes bya ba ni gong ma bzhin no/ /de la 

</font><hr>9-1-271b<br><font size=+1>
ltung bar ji ltar 'gyur zhe na/ dge slong mas ji tsam cung zad ma brtags par bshang ba'am/ gci ba 'dor na thams cad du ltung byed du 'gyur ro/ /gal te khang stong ngam rtsig pa ral ba yin na ltung ba med do/ /ltung byed dgu pa'i tshigs su bcad pa'i sdom rdzogs s+ho// //
sdom ni/ skyabs yod par ni skyes pa dang / /dge slong ma dang 'dug mi bya/ /bla gab med par skyes pa dang / /dge slong gnyis ni ma yin dang / /'ba' zhig gnas par mi bya'o/ /gleng gzhi ni mnyan yod na'o/ /de nas sbom dga' mo skyes pa dang lhan cig skyabs yod pa na gtam 
byed pa dang bram ze dang / khyim bdag gi chung ma rnams kyis 'di skad ces de ltar brda byed nas mtshan mo nyes par spyad pa spyod par 'gyur ro zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis 
byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang gcig pu skyes pa cig dang lhan cig dben pa skyabs yod pa na 'dug pa na ltung byed do/ /yang gang zhes bya ba ni sbom dga' mo'o/ /skyes pa dang lhan cig ces bya ba ni pho dang ngo / /gcig pu zhes 
bya ba ni gang na gsum pa skyes pa'am/ bud med dam/ ma ning med par ro/ /dben pa skyabs yod pa zhes bya ba la/ skyabs yod pa ni gsum ste/ rtsig pa'i skyabs yod pa dang / sab ma'i skyabs yod pa dang / yol ba'i skyabs yod pa'o/ /'dug na zhes bya ba 
ni gtam zer zhing ngo / /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma ji tsam cung zad skyes pa dang lhan cig skyabs yod pa na 'dug na thams cad du ltung byed du 'gyur ro/ /ltung byed bcu pa'i dang po rdzogs s+ho// //gleng gzhi ni 
mnyan yod na'o/ /gang gi tshe 'char ka dang / sbed ma rab tu byung ba de'i tshe 'char ka dge slong ma'i dbyar khang gang na ba der song ste phyin nas sbed ma dang lhan cig dben pa skyabs yod pa na 'dug pa na don nyung ba'i dge slong ma dag smod par byed pa'i skabs de bcom ldan 'das la gsol to/ /

</font><hr>9-1-272a<br><font size=+1>
de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang gcig pu dge slong cig dang lhan cig dben pa skyabs yod pa na 'dug pa na ltung byed do/ /yang gang zhes bya ba ni sbed ma'o/ /gcig pu dge slong cig 
dang lhan cig zhes bya ba ni gang na gsum pa skyes pa dang / bud med dang / ma ning med par 'char ka dang ngo / /dben pa skyabs yod pa na zhes bya ba'i bar gong ma bzhin no/ /'dug na zhes bya ba ni gtam smra zhing ngo / /ltung byed do zhes bya ba ni gong ma bzhin no/ /de la ltung 
bar ji ltar 'gyur zhe na/ dge slong mas ji tsam cung zad dge slong dang lhan cig dben pa skyabs yod pa na 'dug na thams cad du ltung byed du 'gyur ro/ /gal te grogs gnyis pa yod na ltung ba med do/ /ltung byed bcu pa'i gnyis pa rdzogs s+ho// //gleng gzhi ni mnyan yod 
na'o/ /de nas sbom dga' mos skyes pa zhig dang lhan cig bla gab med par 'dug nas rkun la rtsed mo zhes brda'i tshig smra'o zhes bya ba nas bslab pa bca' ba'i bar du mdzad de/ yang dge slong ma gang gcig pu skyes pa zhig dang lhan cig bla gab med par dben par 'dug na ltung 
byed do/ /yang gang zhes bya ba ni sbom dga' mo'o/ /gzhan ni snga ma bzhin no/ /bla gab med par zhes bya ba ni thang la'o/ /dben par 'dug na zhes bya ba ni gtam zer zhing ste/ khyad par ni 'di yod do/ /ltung byed do zhes bya ba ni gong ma bzhin no/ /de la ltung bar ji ltar 
'gyur zhe na/ dge slong ma ji tsam cung zad skyes pa dang lhan cig bla gab med pa na 'dug na thams cad du ltung byed du 'gyur ro/ /grogs yod na ltung ba med do/ /ltung byed bcu pa'i gsum pa rdzogs s+ho// //de bzhin du sbed ma dang / 'char ka dben pa bla gab med pa na 
'dug nas zhes bya ba nas bslab pa bca' ba'i bar du mdzad de/ yang dge slong ma gang gcig pu dge slong zhig dang lhan cig bla gab med pa dben par 'dug na ltung byed do/ /yang gang zhes bya ba ni sbed ma'o/ /dge slong ni 'char ka'o/ /gzhan ni gong nas 'byung ba bzhin 

</font><hr>9-1-272b<br><font size=+1>
no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad ces bya ba snga ma bzhin no/ /grogs yod na ltung ba med do/ /ltung byed bcu pa'i bzhi pa rdzogs s+ho// //gleng gzhi ni mnyan yod na'o/ /sbom dga' mos skyes 
pa zhig la brda byas pa dang / des 'di skad ces smras so/ /'phags ma khyod ni rab tu byung ba lags la/ bdag kyang khyim pa'i nang na dge bsnyen lags te gal te 'ga' zhig gis shes par gyur na gnyis ka smod par 'gyur ro/ /des 'di skad ces smras so/ /khyod 
ji snyam du sems/ dung dang / rnga pa Ta ha 'bud cing 'ong dgos sam/ de lta mod kyi dbyar khang gi gnas khang du shog shig /ci tsam na skyes pa de gnas khang du 'ongs so/ /de nas sbom dga' mos skyes pa de skyabs yod par khri steng du 'dug tu bcug nas 'di skad ces smras so/ /
kho mo mkhan mo'i zhabs bkru ba'i ched du lta zhig 'gro'o zhes smras nas song ngo / /des kyang mkhan mo la zhus nas lung yang mnos/ gzhon nu ma rnams la yang lung phog gtam dag gleng ba yang byas te/ de ltar bya ba mang zhing bsgrub pa mangs pas ci tsam na skyes pa de brjed do/ /de 
gtsug lag khang gi phyi rol du rkang pa bkrus nas/ gnas khang gi nang du zhugs te khri steng du 'dug pa dang skyes pa de yang 'gul bar brtsams so/ /des 'gul bas khri ldegs pa dang / des rkun po byung ngo rkun po byung ngo zhes khus btab pa dang / de nas skyes pa de yang kha zer zhing bros 
so/ /dge slong ma rnams kyis 'phrigs te/ 'phrigs nas kyang smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang gcig pu gnyis su med par 
dge slong ma med pa'i gnas khang du mtshan mo gnas par byed na ltung byed do/ /yang gang zhes bya ba ni sbom dga' mo'o/ /gcig pu gnyis su med par dge slong ma'i gnas khang du gnas par byed na zhes bya ba ni nyal na'o/ /ltung byed do zhes bya ba ni gong ma bzhin no/ /de la ltung 

</font><hr>9-1-273a<br><font size=+1>
bar ji ltar 'gyur zhe na/ dge slong ma ji tsam cung zad gcig pu gnyis su med par gnas khang du nyal bar byed na thams cad du ltung byed du 'gyur ro/ /ltung byed bcu pa'i tshigs su bcad pa'i sdom rdzogs s+ho// //sdom la/ rna bar gshub pa gnyis 
dang ni/ /bdag nyid la ni mtho 'tshams dang / /tshangs par spyod la mna' min dang / /nyes par mthong ba mi gleng ba'o/ /gleng gzhi ni mnyan yod na'o/ /de nas sbom dga' mos skyes pa zhig gi rna bar gshubs pa dang / bram ze dang / khyim bdag dag na re gang gi 
phyir rab tu byung ba yang khyim na gnas pa'i rna bar gshub la/ khyim na gnas pa yang gshub par byed na 'di gnyis la khyad par ni ci zhig yod/ bsam pa ni ci yod/ tha dad du bya ba ni ci yod ces 'phya bar byed pa na/ don nyung ba'i dge slong ma dag smod par byed pa'i skabs de 
bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang skyes pa'i rna bar gshub par byed na ltung byed do/ /yang gang zhes bya ba ni sbom dga' mo'o/ /rna bar gshub 
par byed na zhes bya ba ni rna bar gtam smra bar byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad skyes pa'i rna bar gshub par byed na thams cad du ltung byed du 'gyur ro/ /ltung byed bcu gcig pa'i dang po 
rdzogs s+ho// //gleng gzhi ni mnyan yod na'o/ /de bzhin du sbed ma 'char ka'i rna bar gshub par byed pa nas/ don nyung ba'i dge slong ma rnams 'phya bar byed pa'i bar gyi skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab 
pa bca' ba'i bar du mdzad de/ yang dge slong ma gang dge slong dang lhan cig rna bar gshub par byed na ltung byed do/ /yang gang zhes bya ba ni sbed ma'o/ /dge slong zhes bya ba ni 'char ka'o/ /lhan cig rna bar gshub par byed na zhes bya ba ni rna bar gtam smra bar byed na'o/ /

</font><hr>9-1-273b<br><font size=+1>
ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong gi rna bar gshub par byed na thams cad du ltung byed du 'gyur ro/ /ltung byed bcu gcig pa'i gnyis pa rdzogs s+ho// //gleng gzhi ni mnyan yod na'o/ /
de'i tshe sbom dga' mo dge slong ma rnams dang lhan cig 'thab mo byung ba na de la dge slong ma rnams kyis rtsod pa 'ga' zhig la gleng bar byed de/ de glengs pa na rang la 'tshogs par byed pa dang / don nyung ba'i dge slong ma dag smod par byed pa'i skabs de bcom ldan 'das la gsol 
to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 'khrugs nas rang la rdeg na ltung byed do/ /yang gang zhes bya ba ni sbom dga' mo'o/ /rang la rdeg na zhes bya ba ni rang la 'tshog par byed 
na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rang gi lus la rdeg na thams cad du ltung byed du 'gyur ro/ /ltung byed bcu gcig pa'i gsum pa rdzogs s+ho// //gleng gzhi ni mnyan yod na'o/ /de 
nas bcu gnyis sde rnams gang du kha mi 'dum pa ci byung yang rung thams cad du sangs rgyas la mna' 'dor bar byed/ chos dang / dge 'dun dang / tshangs par spyod pa la gnas pa dang / mkhan mo dang / slob dpon la mna' 'dor bar byed pa na/ don nyung ba'i dge slong 
ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang tshangs par spyod pa la mna' 'dor bar byed na ltung byed do/ /yang gang zhes bya ba ni 
bcu gnyis sde dag go/ /tshangs par spyod pas zhes bya ba ni tshul khrims la mna' 'dor ba'o/ /mna' 'dor bar byed na zhes bya ba ni yid ches par bya ba'i phyir byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam 

</font><hr>9-1-274a<br><font size=+1>
cung zad sangs rgyas la mna' 'dor bar byed na ltung byed do/ /chos la ni ltung byed do/ /dge 'dun la ni ltung byed do/ /tshangs par spyod pa la gnas pa la ni ltung byed do/ /mkhan mo dang / slob dpon la ni thams cad du ltung byed du 'gyur ro/ /ltung byed bcu 
gcig pa'i bzhi pa rdzogs s+ho// //gleng gzhi ni mnyan yod na'o/ /de nas bcu gnyis sde rnams dge slong ma rnams dang lhan cig 'thab mo byung ste/ de dag 'thab mo byung ba na dge slong ma rnams la gleng bar byed de/ gang gi tshe lcogs par mi nus pa de'i tshe de dag dge 
slong ma rnams la nyes par mthong bas gleng bar byed/ nyes par thos pa dang / nyes par dogs pas gleng bar byed pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba 
nas bslab pa bca' ba'i bar du mdzad de/ yang dge slong ma gang dge slong ma rnams la nyes par mthong ba dang / nyes par thos pa dang / nyes par dogs pas gleng na ltung byed do/ /yang gang zhes bya ba ni bcu gnyis sde dag go/ /dge slong ma rnams la zhes bya ba ni chos 
'di pa rnams la'o/ /nyes par mthong bas gleng na ltung byed do/ /nyes par thos pa dang / nyes par dogs pas ma brtags par gleng bar byed na zhes bya ba ni gshe na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong 
mas ji tsam cung zad nyes par mthong bas gleng na ltung byed do/ /nyes par thos pas na ltung byed do/ /nyes par dogs pas na ltung byed do/ /ltung byed bcu gcig pa'i tshigs su bcad pa'i sdom rdzogs s+ho// //sdom la/ mun par rgya skyegs bcangs pa dang / /ma 
gtad par ni 'gro ba dang / /khyim pa'i stan ni bshams pa dang / /der ni nyal bar mi bya ba'o/ /gleng gzhi ni mnyan yod na'o/ /de nas dge slong ma rnams ljongs rgyu ba na ri 'or zhig tu phyin nas de dag gis der khyim bdag cig la gnas zhig brnyas te/ de dag nub mo de na 

</font><hr>9-1-274b<br><font size=+1>
rten cing 'khod pa las ji tsam na mtshan mo nam sros pa na char phab nas de dag phugs logs su nur te zhugs pa dang / de na yang skyes pa zhig sngar zhugs pa zhig yod pa des dge slong ma bzung ba dang des khus btab po/ /ji tsam na dge slong ma rnams kyis gsol ba byas te 
btang ba nas mnyan yod du lhags pa dang / skabs de dge slong ma rnams la rgyas par smras pa'i bar dge slong ma rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang byung ba de ni dge slong ma dag khyim du ma brtags 
par gnas 'cha' ba las gyur to snyam nas/ de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gnas ma brtags par gnas su gnas 'cha' bar byed na ltung byed do/ /yang gang zhes bya ba ni chos 
'di pa dag gi'o/ /gnas ma brtags par zhes bya ba ni brtag pa ma byas par ro/ /gnas par byed na zhes bya ba ni khyim pa'i khyim du nyal bar byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung 
zad mun khung du khyim pa'i khyim du ma brtags par nyal bar byed na thams cad du ltung byed du 'gyur ro/ /ltung byed bcu gnyis pa'i dang po rdzogs s+ho// //gleng gzhi ni mnyan yod na'o/ /de nas sbom dga' mo khyim thab byes su song ba'i chung ma zhig gi drung du song nas 
dris pa/ khyod de'i bar du ji lta bu zhig gis nyon mongs pa sel bar byed/ khyod ni rab tu byung ba lags na 'di cir 'tshal zhes bya ba nas/ rgya skyegs bcangs pas lags so zhes bya ba'i bar ro/ /de nas sbom dga' mos ci tsam na btsun mo phreng ldan ma'i drung du song nas dris 
pa/ btsun mo gal te gsus po che yul gzhan du gshegs na de'i bar du ji lta bu zhig gis nyon mongs ba sel bar mdzad de/ des 'di skad ces khyod ni rab tu byung ba yin na 'dri ci dgos zhes bya ba nas/ rgya skyegs bcangs pas yin no zhes bya ba'i bar ro/ /de 

</font><hr>9-1-275a<br><font size=+1>
nas sbom dga' mo rgya skyegs kyi tshigs ma mkhan gyi drung du song ste zhes bya ba nas/ rgya skyegs bcangs pa zhig nyos te/ ji tsam na dbyar khang du 'ongs nas mtshan mo rkang pa'i rting pa la bcings nas nyon mongs pa sel bar byed pa dang / ci tsam na 
dbyar khang du me shor bar gyur to/ /de nas sbom dga' mo sngangs shing brtags pas gcer bu sgren mor skas las babs pa dang / krol krol zer ba'i sgra byung ba na skye bo'i tshogs chen pos bgad do zhes bya ba nas/ des 'di skad ces ma la dris shig /sring mo la 
dris shig /bu mo la dris shig ces smras so zhes bya ba'i bar ro/ /ji tsam na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bcas ba'i bar 
du mdzad de/ yang dge slong ma gang rgya skyegs bcangs pa 'chang na ltung byed do/ /yang gang zhes bya ba ni sbom dga' mo'o/ /bcangs pa zhes bya ba ni rgya skyegs las bcos pa'o/ /'chang na zhes bya ba ni rang gis so/ /ltung byed do zhes bya ba ni gong ma bzhin no/ /de la 
ltung bar ji ltar 'gyur zhe na/ dge slong mas ji tsam cung zad rgya skyegs bcangs pa 'chang na thams cad du ltung byed du 'gyur ro/ /dge slong rnams the tsom skyes nas zhes bya ba nas/ btsun pa sbom dga' mos skye bo'i tshogs chen po gad mo bton pa la gzigs zhes bya ba'i bar 
ro/ /bcom ldan 'das kyis bka' stsal pa/ dge slong dag da ltar gyi 'dir ma zad kyis 'das pa'i dus na yang sbom dga' mos skye bo tshogs chen po gad mo ston pa de nyon cig /dge slong dag sngon byung ba 'das pa na grong khyer bA rA Na sIr rgyal po tshangs byin zhes bya ba rgyal srid 
byed du 'jug go/ /ji tsam na bram ze cig gis ljongs kyi bram ze zhig gi bu mo chung mar blangs pa dang zhes bya ba nas/ bram ze'i bu mo de bram ze de la 'jar du ma btub nas zhes bya ba'i bar te/ gyos po'i khyim du bskyal ba'i phyir bu mo de bong bu zhig la zhon te/ bu mo de'i pha'i khyim 

</font><hr>9-1-275b<br><font size=+1>
gang na ba der chas pa dang / ji tsam na bu mo des dris pa las des kyang smras so zhes bya ba nas/ bu mo des dris pa na tha snyad ji lta ba bzhin du bram ze des nyal bar brtsams so zhes bya ba nas/ bram ze ni gtsang sbra 'dod pa yin pas chu len par byed pa na ji tsam na bya ma bum 
'khrogs pa'i sgras bong bu 'drogs te/ de 'drogs pas bu mo de cha byad de nyid kyis grong khyer ba nas skye bo'i tshogs chen pos gad mos btab pa'i bar ro/ /de nas bram ze des de'i tshe tshigs su bcad de smras pa/ bya ma bum ni 'khrogs pa yis/ /bong bu rab tu 'drogs 
gyur te/ /bud med 'di yi las dag gis/ /bdag kyang 'dir ni ngo tsha'o/ /dge slong dag ji snyam du sems/ /bram ze'i bu mo gang yin pa de ni sbom dga' mo 'di nyid yin te zhes bya ba nas/ sngon dang da ltar yang zhes bya ba'i bar ro/ /ltung byed bcu gnyis pa'i 
gnyis pa rdzogs s+ho// //gleng gzhi ni mnyan yod na'o/ /de nas khyim bdag gi chung ma rab du mang pos sbom dga' mo la 'phags ma chos bshad du gsol zhes gsol ba btab pa dang / des 'di skad ces stan shoms shig ces smras so/ /de dag gis 
de'i ched du stan bshams pa dang / de stan bshams pa nyid la 'dug nas kha rtsig pa la bltas te mdo ring po bzung ste 'chad pa la zhugs so/ /de nas bram ze dang / khyim bdag gi chung ma de dag 'di snyam du sems te/ dge slong ma rnams kyi las ni bklag par bya ba dang / 
dran par bya ba 'di kho nar zad kyi/ bdag cag ni khyim gyi bya ba dag nyams par 'gyur ro snyam du bsams nas dong ngo / /phyi bzhin 'brang ba'i dge slong ma des smras pa/ 'phags ma su la chos 'chad/ des 'di skad ces smras so/ /bram ze dang / khyim bdag gi chung ma 
rnams la'o/ /de dag ni skyo nas dong lags so zhes bya ba nas/ sbom dga' mos kyang stan bor te song ngo zhes bya ba'i bar ro/ /stan de ma byin par len pa dag gis brkus so zhes bya ba nas/ bram ze dang / khyim bdag gi chung ma rnams kha zer bar byed pa'i skabs de bcom 

</font><hr>9-1-276a<br><font size=+1>
ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang chos 'chad pa na khyim pa la stan ma gtad par bor te 'gro na ltung byed do/ /yang gang zhes bya ba ni 
sbom dga' mo'o/ /stan ma gtad par zhes bya ba ni bdag po la ma gtad par ro/ /'gro na zhes bya ba ni song na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad stan bdag po la ma gtad par 'gro na thams cad 
du ltung byed du 'gyur ro/ /ltung byed bcu gnyis pa'i gsum pa rdzogs s+ho// //gleng gzhi ni mnyan yod na'o/ /de nas yul dbus pa'i yul chos kyis bram ze dang / khyim bdag rnams kyi khyim na stan bshams pa dag mi rtul ba yin pas bram ze zhig gis stan 
bshams nas der srung ma zhig bzhag go/ /sbom dga' mo yang khyim der bsod snyoms kyi phyir zhugs te des 'di skad ces smras so/ /mtshan bzangs ma bsod snyoms byin cig /de nas bud med des 'di skad ces smras so/ /'phags ma stan srung lags so/ /
kho mos srung gis khyod song la bsod snyoms khyer te shog shig /bud med de yang bsod snyoms kyi phyir nang du zhugs pa dang / sbom dga' mos kyang bram ze'i stan la 'dug go/ /bram ze de 'ongs nas sbom dga' mo stan de'i steng na 'dug pa mthong nas smod par byed do zhes 
bya ba'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang ma gnang bar khyim gyi nang du stan la 'dug na ltung byed do/ /yang gang zhes bya ba ni sbom dga' 
mo'o/ /ma gnang bar zhes bya ba ni khyim gyi bdag po la ma brtags par ro/ /khyim gyi nang du khyim pa'i stan la 'dug na zhes bya ba ni bsdad na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad ma gnang bar khyim 

</font><hr>9-1-276b<br><font size=+1>
pa'i stan la 'dug na thams cad du ltung byed du 'gyur ro/ /ltung byed bcu gnyis pa'i bzhi pa rdzogs s+ho// //gleng gzhi ni mnyan yod na'o/ /dge slong ma rab tu mang po ljongs rgyu zhing dong ba dang / tha ga pa zhig gi khyim du nub mo brang btab ste 'dug go/ /de'i 'og tu mun sros pa 
dang khyim bdag 'ongs nas des dge slong ma de dag ma mthong ma thos so/ /de nas khyim bdag de chung ma dang lhan cig kun du spyod pa la zhugs pa na des skad ngan shor ba gzhon nu rab tu byung ba'i dge slong ma zhig yod pa des thos nas bgad do/ /de nas khyim bdag gis khyim bdag gi 
chung ma de la 'di skad ces smras so/ /de su zhig des smras pa/ dge slong ma'o/ /khyim bdag des thos nas khros te 'di skad ces ci'i phyir khyod kyis 'jig rten la co 'dri ba rnams kyi gnas sbyin zhes smras nas/ de khros te nam phyed na sgor bton pa dang / de dag gis gsol 
ba btab pa dang zhes bya ba nas/ skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim gyi bdag po la ma brtags par khyim gyi nang du nub mo gnas bcas 
te 'dug na ltung byed do/ /yang gang zhes bya ba ni chos 'di pa'o/ /tha ga pa'i khyim gyi bdag po la ma brtags par khyim gyi nang du zhes bya ba ni thag pa'i khyim du'o/ /nub mo gnas bcas te 'dug na zhes bya ba ni nyal bar byed na'o/ /ltung byed do zhes bya ba ni gong ma bzhin no/ /de 
la ltung bar ji ltar 'gyur zhe na/ dge slong mas ji tsam cung zad khyim gyi bdag po la ma brtags par khyim gyi nang du nub mo gnas 'cha' na thams cad du ltung byed du 'gyur ro/ /ltung byed bcu gnyis pa'i tshigs su bcad pa'i sdom rdzogs s+ho// //sdom la/ snga nas 
'dug par shes pa dang / /nad pa'i rim gro bya ba dang / /dbyar khang nas ni mi bskrad dang / /khri dang gding ba gcig la min/ /gleng gzhi ni mnyan yod na'o/ /de'i tshe sbom dga' mo ljongs rgyu zhing khyim bdag cig gi khyim du zhugs pa dang / de na yang dge slong ma snga nas 

</font><hr>9-1-277a<br><font size=+1>
'khod pa dag yod pa de dag gis de la 'jig rten pa'i tshul dag ma byas pa dang / des de dag thabs kyis khyim de nas bskrad pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang 
zhes bya ba nas/ bslab pa bca' ba'i bar du mdzad de/ yang dge slong ma gang dge slong ma dag snga ma nas 'dug par shes bzhin du de'i 'og tu 'ongs nas khyim nas skrod par byed na ltung byed do/ /yang gang zhes bya ba ni sbom dga' mo'o/ /snga nas 'dug par zhes bya ba ni thog ma nas gnas 
par ro/ /shes bzhin du zhes bya ba ni rang nyid kyis sam/ /gzhan gyis smras par gyur pa'o/ /dge slong ma rnams zhes bya ba ni chos 'di pa dag go/ /de'i 'og tu 'ongs nas zhes bya ba ni dus gzhan na'o/ /khyim nas skrod na zhes bya ba ni gnas nas so/ /ltung byed do zhes bya ba ni gong ma bzhin 
no/ /de la ltung bar ji ltar 'gyur zhe na/ dge slong mas ji tsam cung zad dge slong ma snga nas 'khod pa dag khyim nas skrod par byed na thams cad du ltung byed du 'gyur ro/ /ltung byed bcu gsum pa'i dang po rdzogs s+ho// //gleng gzhi ni mnyan yod na'o/ /de'i tshe sbom dga' mos 
lhan cig gnas pa dang / nye gnas dag nye bar bzhag nas na ba na rim gro mi byed do/ /de dag mgon med pas tshul ma yin pas sdug bsngal bar gyur pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis 
byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang lhan cig gnas pa dang / nye gnas dag nye bar bzhag nas na ba na rim gro mi byed na ltung byed do/ /yang gang zhes bya ba ni sbom dga' mo'o/ /lhan cig gnas pa dang / nye gnas dag nye bar 
bzhag nas zhes bya ba ni rab tu phyung ste bzhag nas so/ /na ba na zhes bya ba ni nad kyis thebs na'o/ /rim gro mi byed na zhes bya ba ni rtsa ba'i sman la sogs pas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'khor 

</font><hr>9-1-277b<br><font size=+1>
nye bar bzhag nas na ba na rim gro mi byed na thams cad du ltung byed du 'gyur ro/ /ltung byed bcu gsum pa'i gnyis pa rdzogs s+ho// //gleng gzhi ni mnyan yod na'o/ /de nas sbom dga' mos bsams pa/ bdag gis dge slong ma gang zhig dbyar khang 'di nas bskrad par bya 
snyam pa las 'di snyam du skye dgu'i bdag mo chen mo 'di ni spong ba pa 'khor rgya chen po can yin no/ /chos sbyin ma 'di yang lung 'bogs pa pa 'khor rgya chen po can yin no/ /gau ta mI skem mo 'di ni don nyung ba/ 'khor don nyung ba can yin gyis/ gau ta mI chung ngu bskrad par bya'o snyam du 
des bsams so/ /de nas sbom dga' mo snga dro'i tshe lto'i gtam dag glengs nas snga dro sham thabs bgos te ma lus par chas te dong ngo / /ji tsam na gau ta mI skem mos dge slong ma de dag dge ba'i phyogs la sbyar nas/ de nas gau ta mI skem mo 'di snyam du ma la bdag gis sbom dga' mo 
la yang chos bshad par bya'o snyam du bsams so/ /de nas go+o ta mI skem mos sbom dga' mo la phu nu mo ci khyod lto kho na sems shing 'dug gi /dge ba'i phyogs la ma yin nam zhes chos bshad par brtsams pa dang / de nas sbom dga' mo 'di snyam du bdag gis yun ring mo zhig lon 
nas glags rnyed do snyam du bsams te/ des de la bu'i sha zan mo/ sems 'khrugs ma/ dur du bcug ma zhes spyos nas dbyar gyi nang logs su dbyar khang nas bskrad pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas 
bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khros 'khrugs rngam yi ma rangs par gyur nas/ dge slong ma dbyar khang nas skrod na ltung byed do/ /yang gang zhes bya ba ni sbom dga' mo'o/ /khros 'khrugs rngam 
zhes bya ba ni khro ba'i kun nas dkris pa gnas nas so/ /dge slong ma zhes bya ba ni gau ta mI skem mo'o/ /dbyar khang nas zhes bya ba ni gnas nas so/ /skrod na zhes bya ba ni 'byin na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ lus skyod 

</font><hr>9-1-278a<br><font size=+1>
par byed pa'am/ tshig tu smra bar byed pa'am gnyi ga ldan pas te/ spang ba'i ltung byed las ji skad 'byung ba yin no/ /ltung byed bcu gsum pa'i gsum pa rdzogs s+ho// //gleng gzhi ni mnyan yod na'o/ /de'i tshe 'chi ltas ma dang / nye ba'i 'chi ltas 
ma khri gcig la nyal bar byed do/ /de gnyis khri gcig la nyal ba na dper na skyes pa dang / bud med lhan cig 'khod pa bzhin du dgod pa dang / 'phyar g.yeng dang / lus kyis rtsab hral byed pa na don nyung ba'i dge slong ma rnams 'phya bar byed pa'i skabs de bcom ldan 'das la gsol to/ /
de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong ma dang lhan cig khri gcig la nyal na ltung byed do/ /yang gang zhes bya ba ni 'chi ltas ma dang / nye ba'i 'chi ltas ma'o/ /khri gcig la zhes bya ba ni 
mal gcig tu'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong ma dang lhan cig khri gcig la nyal na thams cad du ltung byed du 'gyur ro/ /de nas yang dge slong ma dag rgyu zhing dong ba na khri chen po dag rnyed nas 
de dag re re bzung ste nyal ba na lhag ma dag sdug bsngal bar gyur pa dang / khyim pa mo dag gis 'di skad ces smras so/ /'phags ma dag khyed cag gi khri 'di thams cad zhugs shing lags na/ ci'i slad du khyed cag re re gzims/ de dag gis 'di skad ces bcom ldan 'das 
kyis bkag go zhes smras pa'i skabs de bcom ldan 'das la gsol pa dang / bcom ldan 'das kyis bka' stsal pa/ de lta bas na lhag par ngo tsha ba dang / 'dzem pa nye bar bzhag ste gtur bu dang lhung bzed kyi gdu bu la sogs pa bar du bzhag nas rang rang gi lus gos kyis 
dkris shing nyal bar bya ste/ 'di la 'gyod par mi bya'o/ /ltung byed bcu gsum pa'i bzhi pa rdzogs s+ho// //de bzhin du gding ba la yang rgyas par brjod par bya'o/ /bslab pa bca' ba'i bar du mdzad de/ yang dge slong ma gang dge slong ma dang lhan cig gding ba 

</font><hr>9-1-278b<br><font size=+1>
gcig la bar du ma bcad par nyal na ltung byed do/ /yang gang zhes bya ba ni 'chi ltas ma dang / nye ba'i 'chi ltas ma'o/ /gding ba zhes bya ba ni steng rim du gding ba'o/ /bar du ma bcad par zhes bya ba ni lus kyis lus kyi reg pa rang gir byed pa'o/ /nyal na zhes bya ba ni mtshan 
mo gnas na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong ma dang lhan cig gding ba la bar du ma bcad par nyal na thams cad du ltung byed du 'gyur te gzhung bla ma las ji skad 'byung ba bzhin no/ /ltung byed 
bcu gsum pa'i tshigs su bcad pa'i sdom rdzogs s+ho// //sdom la/ dbyar gyi nang du 'gro mi bya/ /dbyar rdzogs nas ni 'gro ba dang / /dogs dang bcas pa'i yul 'khor gnyis/ /lha khang dag ni phyi ma yin/ /gleng gzhi ni mnyan yod na'o/ /de'i tshe sbom dga' mo 'khor 
dang bcas pa dbyar gyi nang logs su rgyu zhing 'dong ba na dge slong ma de rnams la dge slong ma rnams kyis dris pa/ phu nu mo dag khyed ci'i phyir dbyar gyi nang logs su rgyu zhing 'dong / de dag gis 'di skad ces 'phags ma sbom dga' mo na re kho mo sde snod gsum shes kyis 'dong ngo 
zhes zer ro zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dbyar gyi nang logs su rgyu zhing 
'dong na ltung byed do/ /yang gang zhes bya ba ni sbom dga' mo'o/ /dbyar gyi nang logs su zhes bya ba ni dgag dbye ma byas par ro/ /'dong na zhes bya ba ni grong rdal lam/ grong khyer ram/ yul 'khor ram/ rgyal po'i pho brang dag tu 'dong na'o/ /ltung byed do zhes bya ba ni 
gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dbyar gyi nang logs su rgyu zhing 'dong na ltung byed do/ /ltung byed bcu bzhi pa'i dang po rdzogs s+ho// //gleng gzhi ni mnyan yod na'o/ /de nas sbom dga' mo la dge slong ma rnams kyis smras pa/

</font><hr>9-1-279a<br><font size=+1>
'phags ma dgag dbye bgyis lags kyis rgyu zhing bzhud do/ /des 'di skad ces smras so/ /kho mo sde snod gsum pa yin te/ da dung rgyu ba'i dus la ma bab bo/ /dge slong ma de dag la dge slong ma rnams kyis smras pa/ phu nu mo khyed cag dgag dbye ni byas zin na 
ci'i phyir rgyu zhing mi 'dong / de dag gis 'di skad ces smras so/ /'phags ma sbom dga' mo na re kho mos sde snod gsum shes te da dung rgyu ba'i dus la ma bab bo zhes zer ro zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /
de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dbyar gnas nas rgyu zhing mi 'dong na ltung byed do/ /yang gang zhes bya ba ni sbom dga' mo'o/ /dbyar gnas nas rgyu zhing mi 'dong na zhes bya ba ni dgag dbye byas 
nas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dgag dbye byas nas rgyu zhing mi 'dong na thams cad du ltung byed du 'gyur ro/ /tha na dbyar khang gcig nas cig shos su yang 'dong bar bya'o/ /ltung byed 
bcu bzhi pa'i gnyis pa rdzogs s+ho// //gleng gzhi ni rgyal po'i khab na'o/ /de'i tshe ma skyes dgras su yang yangs pa can du ma 'gro shig ces dril bsgrags pa byas so/ /de nas dge slong ma rnams rgyal po'i khab nas yangs pa can gang na ba der rgyu zhing dong ngo / /de dag dong ba na 
lam khar chom rkun pa dag gis sun phyung ba'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong mas dogs pa dang bcas pa'i yul 'khor du 'dong bar mi bya'o/ /de nas bcom ldan 
'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dogs pa dang bcas pa'i lam nas nang gi yul 'khor du 'gro na ltung byed do/ /yang gang zhes bya ba ni chos 'di pa'o/ /dogs pa dang bcas pa'i lam zhes bya 

</font><hr>9-1-279b<br><font size=+1>
ba ni 'jigs pa dang bcas par grags pa'o/ /nang gi yul 'khor zhes bya ba ni phan tshun mi mthun pa'i 'o/ /'gro na zhes bya ba ni rgyu na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad phan tshun mi mthun 
pa'i yul 'khor gnyis su rgyu zhing 'gro na ltung byed do/ /ltung byed bcu bzhi pa'i gsum pa rdzogs s+ho// //gleng gzhi ni yangs pa can na'o/ /yangs pa can pa dag gis su yang rgyal po'i khab tu ma 'gro shig ces dril bsgrags pa byas so zhes bya ba nas/ bslab pa bca' 
ba'i bar du mdzad de/ yang dge slong ma gang dogs pa dang bcas pa'i lam nas phyi rol gyi yul 'khor du rgyu zhing 'gro na ltung byed do/ /gzhung gong ma ji lta ba bzhin du ltung ba ni rjes su mthun par bya'o/ /ltung byed bcu bzhi pa'i bzhi pa rdzogs s+ho// //gleng gzhi ni rgyal po'i khab 
na'o/ /de nas sbom dga' mo lha khang du song nas lha khang pa dag dang / gzhan yang rtsod pa dag dang lhan cig tu rtsod pa byed cing / de'i 'og tu nyi ma yol nas dbyar khang du 'ongs te rgyab dang rked pa tshir cig ces zer ba dang / de dag gis 'di skad ces smras so/ /khyod gang du song / des 
'di skad ces smras so/ /kho mos lha khang du rtsod pa rnams tshar bcad do/ /de dag gis 'di skad ces smras so/ /khyod kyi phyi bzhin 'brang ba'i dge sbyong ma gang zhig /des 'di skad ces kho mo 'ba' zhig song ngo zhes smras pa nas/ don nyung ba'i dge slong ma dag smod par byed pa'i skabs 
de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang lha khang du song nas rtsod par byed na ltung byed do/ /yang gang zhes bya ba ni sbom dga' mo'o/ /lha khang du zhes bya ba 
ni gzhan mu stegs can gyi lha khang ngo / /song nas zhes bya ba ni zhugs nas so/ /rtsod par byed na zhes bya ba ni 'thab par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad lha khang du song nas mu stegs 

</font><hr>9-1-280a<br><font size=+1>
can dag dang rtsod par byed na thams cad du ltung byed du 'gyur ro/ /ltung byed bcu bzhi pa'i lnga pa rdzogs s+ho// //gleng gzhi ni mnyan yod na'o/ /gang gi tshe lha khang blta ba dgag pa mdzad pa de'i tshe ri mo mkhan gyi khang pa blta ba'i phyir 'gro ba dang / gar 
mkhan gyi khang pa blta ba'i phyir 'gro ba na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang ri mo mkhan gyi khang pa'am/ 
gar mkhan gyi khang pa blta ba'i phyir 'gro na ltung byed do/ /yang gang zhes bya ba ni sbom dga' mo'o/ /ri mo mkhan gyi khang pa'am/ gar mkhan gyi khang pa zhes bya ba ni dge slong ma rnams 'jug par bya ba ma yin pa'i khyim gang dag yin pa'o/ /ltung byed do zhes bya ba ni gong ma bzhin no/ /de 
la ltung bar ji ltar 'gyur zhe na/ dge slong mas ji tsam cung zad ri mo mkhan gyi khang pa'am/ gar mkhan gyi khang pa blta ba'i phyir 'gro na thams cad du ltung byed du 'gyur ro/ /ltung byed bcu bzhi pa'i tshigs su bcad pa'i sdom rdzogs s+ho// //dge slong ma'i 'dul ba rnam par 
'byed pa/bam po nyi shu bzhi pa/ sdom la/ lo ni bcu gnyis ma lon dang / /lon yang bsgo ba ma byas dang / /khyim so bzung ba lo bcu gnyis/ /de yang dge 'dun ma bskos na'o/ /gleng gzhi ni mnyan yod na'o/ /de nas bcu gnyis sde dag gis dge slong rnams la 
dris pa/ khyed cag lo du lon na bsnyen par rdzogs par byed/ de dag gis 'di skad ces smras so/ /lo bcu lon na'o/ /de nas bcu gnyis sde rnams kyis dge slong rnams la 'di skad ces kho mo cag kyang lo bcu lon na bsnyen par rdzogs par byed la/ khyed kyang lo bcu lon na 
bsnyen par rdzogs par byed na/ 'di la khyed cag dang kho mo cag tu khyad par ni ci yod/ bsam pa ni ci yod/ tha dad du bya ba ni ci yod ces smras pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes 

</font><hr>9-1-280b<br><font size=+1>
su gnang ste/ dge slong ma lo bcu gnyis lon nas bsnyen par rdzogs par bya'o/ /de nas sbom dga' mo lo bcu gnyis ma lon par bsnyen par rdzogs par byed pa na don nyung ba'i dge slong ma rnams smod par byed pa'i skabs de bcom ldan 'das la gsol to/ /de nas bcom ldan 
'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang lo bcu gnyis ma lon par bsnyen par rdzogs par byed na ltung byed do/ /yang gang zhes bya ba ni sbom dga' mo'o/ /lo bcu gnyis ma lon par zhes bya ba ni bsnyen par rdzogs 
par bya ba lo bcu gnyis ma lon pa gang yin pa'o/ /bsnyen par rdzogs par byed na zhes bya ba ni 'khor du 'jog par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong ma ji tsam cung zad lo bcu gnyis ma lon par 'khor du 'jog 
par byed na thams cad du ltung byed du 'gyur ro/ /ltung byed bcwa lnga pa'i dang po rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis lo bcu gnyis ma lon pa 'khor du gzhag par mi bya'o zhes gsungs pa de'i tshe de dag khyad par med pa kho nar 'khor du 'jog 
cing byis pa rmongs pa/ mi gsal ba mi mkhas pa gang dag yin pa de dag kyang 'khor du 'jog pas de rnams kyang ma dul ba/ ma byang bar gyur pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ 'khor 'jog 
par 'dod pa gang yin pa des dge 'dun las 'khor gzhag pa'i sdom pa gsol bar bya'o/ /gsol ba ni 'di ltar bya ste/ gnas mal bshams pa byas la zhes bya ba nas gaN+DI brdungs te dris pa'i lan gyis dge slong ma rnams la yang dag par bsgo la/ dge slong ma de 
rgan pa'i mthar 'dug nas dge slong ma'i dge 'dun la 'dud pa dang bcas pas thal mo sbyar ba byas nas/ tshig 'di skad ces/ 'phags ma'i dge 'dun phu nu mo dag bdag la gsan du gsol/ bdag dge slong ma ming 'di zhes bgyi ba 'phags ma'i dge 'dun las 'khor 

</font><hr>9-1-281a<br><font size=+1>
gzhag pa'i sdom pa gsol te/ bdag dge slong ma ming 'di zhes bgyi ba 'phags ma'i dge 'dun gyi spyan sngar mchis nas 'khor gzhag pa'i sdom pa gsol lags na/ 'phags ma'i dge 'dun gyis thugs brtse ba nye bar bzung ste/ bdag dge slong ma ming 
'di zhes bgyi ba la 'khor gzhag pa'i sdom pa stsal du gsol zhes de ltar lan gnyis lan gsum gyi bar du brjod par bya'o/ /de'i 'og tu dge slong ma gcig gis gsol ba byas te las bya'o/ /gsol ba ni 'di ltar bya ste/ 'phags ma'i dge 'dun phu nu mo dag bdag 
la gsan du gsol/ /dge slong ma ming 'di zhes bgyi ba 'di 'phags ma'i dge 'dun gyi spyan sngar mchis nas 'khor gzhag pa'i sdom pa gsol na/ gal te 'phags ma'i dge 'dun gyi dus la bab cing bzod na/ 'phags ma'i dge 'dun gyis gnang bar mdzod cig 
dang / 'di ltar 'phags ma'i dge 'dun gyis dge slong ma ming 'di zhes bgyi ba la 'khor 'jog pa'i sdom pa stsol bar mdzad do/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ dge slong ma ming 'di 
zhes bgyi ba 'di 'phags ma'i dge 'dun gyi spyan sngar mchis nas 'khor gzhag pa'i sdom pa gsol nas/ 'phags ma'i dge 'dun gyis dge slong ma ming 'di zhes bgyi ba la 'khor gzhag pa'i sdom pa stsol bar mdzad na/ 'phags ma'i dge 'dun gyis dge slong ma ming 'di 
zhes bgyi ba la 'khor gzhag pa'i sdom pa stsol bar bzod pa gang dag lags pa de dag ni cang ma gsung shig /gang dag mi bzod pa de dag ni gsung shig /'phags ma'i dge 'dun gyis bzod cing gnang nas/ 'phags ma'i dge 'dun gyis dge slong ma ming 'di zhes 
bgyi ba la 'khor gzhag pa'i sdom pa stsal lags te/ 'di ltar cang mi gsung bas de de bzhin du 'dzin to/ /de nas sbom dga' mo dge 'dun gyis ma gnang bzhin du 'khor 'jog par byed pa na/ don nyung ba'i dge slong ma dag smod par byed pa'i skabs de bcom ldan 

</font><hr>9-1-281b<br><font size=+1>
'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge 'dun las dge slong ma'i 'khor gzhag pa'i sdom pa ma gsol bar 'khor 'jog par byed na ltung byed do/ /yang gang 
zhes bya ba ni sbom dga' mo'o/ /dge 'dun gyis zhes bya ba ni de bzhin gshegs pa'i nyan thos ma'i dge 'dun gyis so/ /'khor 'jog pa'i sdom pa zhes bya ba ni gsol ba dang gnyis kyi las kyis so/ /ma gsol bar zhes bya ba ni ma blangs par ro/ /'khor 'jog par byed 
na zhes bya ba ni rab tu byung ba'am/ bsnyen par rdzogs pa'am/ gnas sbyin par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'khor gzhag pa'i sdom pa ma gsol bar 'khor 'jog par byed na thams cad du ltung byed du 'gyur ro/ /ltung byed bcwa lnga pa'i gnyis pa rdzogs s+ho// //gleng gzhi ni mnyan yod na'o/ /de nas khyim so bzung ba lo bcu gnyis lon pa dag 'ongs pa dang rab tu byung nas de dag lo nyi shu'i bar du gzhag pa las/ de dag gis 'di skad ces smras so/ /
bdag cag ci'i slad du bsnyen par rdzogs par mi bgyi/ dge slong ma rnams kyis 'di skad ces smras so/ /da dung khyed kyis ma goms so/ /de dag gis 'di skad ces 'phags ma dag bdag cag sdum pa na mchis pa na sdum thab kyi sems gzung ba dang / khyim gyi nang mi'i sems 
gzung ba dang / de bzhin du khyim gyi bgyi ba mang po dag bgyis nad bdag cag gis dge slong ma'i dge 'dun gyi thugs mnyes par mi 'gyur ram zhes smras pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de 
lta bas na rjes su gnang ste/ khyim so bzung ba lo bcu gnyis lon pa yin na de bsnyen par rdzogs par bya'o/ /gang gi tshe bcom ldan 'das kyis khyim so bzung ba lo bcu gnyis lon pa yin na bsnyen par rdzogs par bya'o zhes bka' stsal pa de'i tshe sbom dga' mos lo bcu 

</font><hr>9-1-282a<br><font size=+1>
gnyis ma lon pa dag bsnyen par rdzogs par byed pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad 
de/ yang dge slong ma gang shes bzhin du khyim so bzung ba lo bcu gnyis su ma lon pa bsnyen par rdzogs par byed na ltung byed do/ /yang gang zhes bya ba ni sbom dga' mo'o/ /shes bzhin du zhes bya ba ni rang nyid kyis sam/ gzhan gyis smras par gyur pa'o/ /khyim so 
bzung ba zhes bya ba ni khyim gyi chos la lo bcu gnyis su gnas pa'o/ /lo bcu gnyis su ma lon pa zhes bya ba ni lo bcu gcig lon pa'o/ /bsnyen par rdzogs par byed na zhes bya ba ni dge slong ma'i dngos por ro/ /ltung byed do zhes bya ba ni gong ma bzhin no/ /de la ltung bar ji ltar 
'gyur zhe na/ yang dge slong mas ji tsam cung zad lo bcu gnyis ma lon par bsnyen par rdzogs par byed na ltung byed do/ /ltung byed bcwa lnga pa'i gsum pa rdzogs s+ho// //gleng gzhi ni mnyan yod na'o/ /gang gi tshe skyes bu gti mug can 'phags skyes po mi dge 
ba'i bshes gnyen sdug bsngal gyi ma mo la brten nas shAkya rnams kha btag pa de'i tshe shAkya mo rab tu mang po dag khyim thab dang bu'i mya ngan gyis gdungs nas rab tu byung ngo / /gang gi tshe khyim thab dang bu'i mya ngan gyis gdungs nas rab tu byung ba de'i tshe de dag nyon mongs pas ma gdungs 
so/ /gang gi tshe de dag mya ngan sangs pa de'i tshe de dag nyon mongs pas gdungs par gyur to/ /de nas shAkya mo rnams kyis skabs de sbom dga' mo la smras pa dang / sbom dga' mos 'di skad ces kho mo ni da rgas pa'i gnas skabs la bab pas ci byar yod/ /khyed cag 
ni gzugs bzang ba/ blta na sdug pa/ mdzes pa yin gyis da so sor shes par gyis la nor can nam/ tshong dpon nam/ ded dpon dag dang lhan cig rtse bar gyis shig /dga' bar gyis shig /dga' mgur spyod par gyis shig ces smras so/ /ji tsam na gau 

</font><hr>9-1-282b<br><font size=+1>
ta mI skem mo'i drung du song nas/ de dag gis gau ta mI skem mo la sbom dga' mos bstan pa dag rgyas par smras pa dang / des 'di skad ces smras so/ /phu nu mo dag re zhig 'jig rten pha rol gyi sdug bsngal lta zhog gi/ kho mos 'jig rten 'dir sdug bsngal nyams su 
myong ba gang yin pa de nyon cig /khyim thab shi ba dang / bu dang bral ba dang / pha dang ma thog gis bsad pa dang / bu'i sha zos pa dang / dur du bcug pa dang / sems 'khrugs pa dang / sgren mor 'phyan pa ste/ 'di dag dang gzhan yang 'jig rten 'di kho na la 
sdug bsngal kho na nyams su myong na 'jig rten pha rol lta smos kyang ci dgos/ /phu nu mo dag de lta bu ma byed cig ces gau ta mI skem mos shAkya'i bu mo rab tu mang po de dag mi dge ba las sems bzlog ste dge ba la sems bkod pa dang / de dag gis 'di skad ces bdag cag 
sbom dga' mos phyir mi gtsang ba'i dong du bcug go zhes smras pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ lo gnyis su chos drug dang / rjes su mthun pa'i chos drug 
gi bslab pa'i sdom pa byin cig /de dag lo gnyis su bslab pa dang mngon par dga' bar gyur to/ /gang gi tshe bcom ldan 'das kyis chos drug dang / rjes su mthun pa'i chos drug gi bslab pa'i sdom pa byin cig ces gsungs pa na de dag gis ji ltar sbyin pa ma shes 
nas/ bcom ldan 'das kyis bka' stsal pa/ gnas mal bshams pa byas la gaN+DI brdungs te zhes bya ba nas/ dris pa'i lan gyis dge slong ma rnams la yang dag par bsgo la/ khyim so bzung ba lo bcu gnyis lon pa des rgan pa'i mthar 'dug ste 'dud 
pa dang bcas pas thal mo sbyar ba byas te/ tshig 'di skad ces 'phags ma'i dge 'dun phu nu mo dag bdag la gsan du gsol/ bdag ming 'di zhes bgyi ba mkhan mo ming 'di zhes bgyi bas bsnyen par rdzogs par 'tshal te/ bdag ming 'di zhes bgyi ba mkhan mo ming 

</font><hr>9-1-283a<br><font size=+1>
'di zhes bgyi bas 'phags ma'i dge 'dun las lo gnyis su chos drug dang / rjes su mthun pa'i chos drug gi bslab pa'i sdom pa gsol lags na 'phags ma'i dge 'dun thugs brtse ba can thugs brtse ba nye bar bzung ste/ bdag ming zhes bgyi ba mkhan mo ming 
'di zhes bgyi bas lo gnyis su chos drug dang / rjes su mthun pa'i chos drug gi bslab pa'i sdom pa stsal du gsol zhes de ltar lan gnyis lan gsum gyi bar du brjod par bya'o/ /de'i 'og tu thos pa'i nyen kor nas bkar te/ mthong ba'i nyen kor du 'dug tu bcug nas/ 
dge slong ma gcig gis gsol ba byas te las bya'o/ /bya ba ni 'di lta bu yin te 'phags ma'i dge 'dun phu nu mo dag bdag la gsan du gsol/ khyim so bzung ba lo bcu gnyis lon pa ming 'di zhes bgyi ba 'di mkhan mo ming 'di zhes bgyi bas 'phags ma'i dge 'dun 
las lo gnyis su chos drug dang / rjes su mthun pa'i chos drug gi bslab pa'i sdom pa gsol na/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang / 'di ltar 'phags ma'i dge 'dun gyis bdag ming 'di zhes 
bgyi ba mkhan mo ming 'di zhes bgyi bas lo gnyis su chos drug dang / rjes su mthun pa'i chos drug gi bslab pa'i sdom pa stsol bar mdzad do/ /'di ni gsol ba'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ /khyim so 
bzung ba lo bcu gnyis lon pa ming 'di zhes bgyi ba 'di mkhan mo ming 'di zhes bgyi bas 'phags ma'i dge 'dun las lo gnyis su chos drug dang / rjes su mthun pa'i chos drug gi bslab pa'i sdom pa gsol te/ 'phags ma'i dge 'dun gyis ming 'di zhes bgyi ba 
'di la mkhan mo ming 'di zhes bgyi bas lo gnyis su chos drug dang / rjes su mthun pa'i chos drug gi bslab pa'i sdom pa stsol bar mdzad na/ 'phags ma'i dge 'dun las gang dag ming 'di zhes bgyi ba mkhan mo ming 'di zhes bgyi bas lo gnyis su chos drug dang rjes 

</font><hr>9-1-283b<br><font size=+1>
su mthun pa'i chos drug gi bslab pa'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsung shig /'phags ma'i dge 'dun gyis bzod cing gnang nas/ 'phags ma'i dge 'dun gyis ming 'di zhes bgyi ba la mkhan mo ming 'di zhes bgyi 
bas lo gnyis su chos drug dang / rjes su mthun pa'i chos drug stsal lags te/ 'di ltar cang mi gsung bas de de bzhin du 'dzin to/ /gang gi tshe de dag lo gnyis su chos drug dang / rjes su mthun pa'i chos drug gi bslab pa'i sdom pa byin pa de'i tshe de dag bslab pas mngon 
par dga' bar gyur nas bcom ldan 'das kyis bka' stsal pa/ de'i 'og tu tshangs par spyad pa nye bar gnas pa'i sdom pa byin cig /bcom ldan 'das kyis tshangs par spyad pa nye bar gnas pa'i sdom pa byin cig ces gsungs na/ de dag gis ma shes nas/ bcom ldan 'das 
kyis bka' stsal pa/ gnas mal bshams pa bya ste zhes bya ba nas dris pa'i lan gyis dge slong ma rnams la yang dag par bsgo la/ khyim so bzung ba lo bcu gnyis lon pa des rgan pa'i mthar 'dug ste 'dud pa dang bcas pas dge slong ma'i dge 'dun la thal mo sbyar ba byas te/ 
tshig 'di skad ces 'phags ma'i dge 'dun phu nu mo dag bdag la gsan du gsol/ bdag ming 'di zhes bgyi ba mkhan mo ming 'di zhes bgyi bas bsnyen par rdzogs par 'tshal te/ bdag ming 'di zhes bgyi ba mkhan mo ming 'di zhes bgyi bas 'phags ma'i dge 'dun las 
tshangs par spyod pa nye bar gnas pa'i sdom pa gsol na/ 'phags ma'i dge 'dun thugs brtse ba can thugs brtse ba nye bar bzung ste/ bdag ming 'di zhes bgyi ba la mkhan mo ming 'di zhes bgyi bas tshangs par spyad pa nye bar gnas pa'i sdom pa stsal du gsol zhes de ltar lan 
gnyis lan gsum gyi bar du brjod par bya'o/ /de'i 'og tu dge slong ma gcig gis gsol ba bya ste las bya'o/ /bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ /ming 'di zhes bgyi ba 'di mkhan mo ming 'di zhes bgyi bas bsnyen 

</font><hr>9-1-284a<br><font size=+1>
par rdzogs par 'tshal te/ ming 'di zhes bgyi ba 'di mkhan mo ming 'di zhes bgyi bas 'phags ma'i dge 'dun las tshangs par spyad pa nye bar gnas pa'i sdom pa gsol na/ gal te 'phags ma'i dge 'dun gyi dus la bab cing bzod na/ 'phags 
ma'i dge 'dun gyis gnang bar mdzod cig dang / 'phags ma'i dge 'dun gyis ming 'di zhes bgyi ba la mkhan mo ming 'di zhes bgyi bas tshangs par spyad pa nye bar gnas pa'i sdom pa stsol bar mdzad do/ /'di ni gsol ba'o/ /las ni 'di ltar bya ste/ 'phags 
ma'i dge 'dun phu nu mo dag bdag la gsan du gsol/ ming 'di zhes bgyi ba mkhan mo ming 'di zhes bgyi bas bsnyen par rdzogs par 'tshal te/ ming 'di zhes bgyi ba mkhan mo ming 'di zhes bgyi bas 'phags ma'i dge 'dun las tshangs par spyad pa nye bar gnas pa'i sdom 
pa gsol te/ 'phags ma'i dge 'dun gyis ming 'di zhes bgyi ba 'di la mkhan mo ming 'di zhes bgyi bas tshangs par spyad pa nye bar gnas pa'i sdom pa stsal bar mdzad na/ 'phags ma'i dge 'dun las gang dag ming 'di zhes bgyi ba la mkhan mo ming 'di zhes bgyi bas tshangs 
par spyad pa nye bar gnas pa'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsung shig /'phags ma'i dge 'dun gyis bzod cing gnang nas/ 'phags ma'i dge 'dun gyis ming 'di zhes bgyi ba la mkhan mo ming 'di zhes bgyi 
bas tshangs par spyod pa nye bar gnas pa'i sdom pa stsal lags te/ 'di ltar cang mi gsung bas de de bzhin du 'dzin to/ /de ltar dge slong ma'i dge 'dun gyis su yang rung ba 'ga' zhig la tshangs par spyad pa nye bar gnas pa'i sdom pa phog na dge slong ma des ci bder bsnyen 
par rdzogs par bya ste/ 'di la 'gyod par mi bya'o/ /de nas yang sbom dga' mos khyim so bzung ba lo bcu gnyis lon pa dag ma gsol bar tshangs par spyad pa nye bar gnas pa'i sdom pa dang / bsnyen par rdzogs par byed pa na/ don nyung ba'i dge slong ma rnams smod 

</font><hr>9-1-284b<br><font size=+1>
par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang khyim so bzung ba lo bcu gnyis lon pa ma gsol bar tshangs par spyad pa nye bar gnas 
pa'i sdom pa dang / bsnyen par rdzogs par byed na ltung byed do/ /yang gang zhes bya ba ni sbom dga' mo'o/ /khyim so bzung ba lo bcu gnyis lon pa zhes bya ba ni lo bcu gnyis su khyim na gnas par gyur pa gang yin pa'o/ /tshangs par spyad pa nye bar gnas pa'i 
sdom pa zhes bya ba ni gsol ba dang / gnyis kyi las kyis so/ /ma gsol bar zhes bya ba ni ma bslangs par ro/ /bsnyen par rdzogs par byed na zhes bya ba ni gsol ba dang bzhi'i las kyis so/ /ltung byed do zhes bya ba ni gong ma bzhin no/ /de la ltung bar ji ltar 'gyur 
zhe na/ dge slong mas ji tsam cung zad khyim so bzung ba lo bcu gnyis lon pa ma gsol bar tshangs par spyod pa nye bar gnas pa'i sdom pa dang / bsnyen par rdzogs par byed na thams cad du ltung byed du 'gyur ro/ /ltung byed bcwa lnga pa'i tshigs su bcad pa'i sdom 
rdzogs s+ho// //sdom la/ 'dod chen sdom pa byin pa dang / /sbrum pa dang ni bslab pa dang / /bzhag nas phan mi 'dogs pa dang / /bkar bar bya ba tha ma yin/ /gleng gzhi ni mnyan yod na'o/ /de'i tshe sbom dga' mos 'dod chen gyi 'khor bzhag 
nas mi 'dzin/ mi ston gdams ngag mi ster bas de dag ma dul ba dang / ma zhi ba dang / ma sbas pa dang / ma bsrungs par gyur pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 
'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 'dod chen gyi 'khor bzhag nas rjes su skyong bar mi byed na ltung byed do/ /yang gang zhes bya ba ni sbom dga' mo'o/ /'dod chen zhes bya ba ni chog mi shes 

</font><hr>9-1-285a<br><font size=+1>
pa'o/ /'khor zhes bya ba ni lhan cig gnas pa dang / nye gnas so/ /bzhag nas zhes bya ba ni bzung nas so/ /rjes su skyong bar mi byed na zhes bya ba ni rjes su 'dzin par mi byed na'o/ /ltung byed do zhes bya ba ni gong ma bzhin no/ /de la ltung bar ji ltar 
'gyur zhe na/ dge slong mas ji tsam cung zad 'dod chen gyi 'khor 'jog na thams cad du ltung byed du 'gyur ro/ /ltung byed bcu drug pa'i dang po rdzogs s+ho// //gleng gzhi ni mnyan yod na'o/ /rang bzhin du gnas pa'i dge slong ma gang yin pa de dag 'dod chen gyi 'khor 'jog 
par spro ba'i skabs de dge slong ma de rnams kyis dge slong dag la smras pa dang / dge slong dag gis bcom ldan 'das la gsol to/ /bcom ldan 'das kyis bka' stsal pa/ dge slong ma des dge slong ma'i dge 'dun la 'dod chen gyi 'khor 'jog pa'i sdom pa gsol bar 
bya'o zhes bcom ldan 'das kyis gsungs pa ma shes nas/ bcom ldan 'das kyis bka' stsal pa/ gnas mal bshams pa byas te zhes bya ba nas/ dris pa'i lan gyis dge slong ma rnams la yang dag par bsgo la/ dge slong ma des rgan rims kyi mthar 'dud pa dang 
bcas par byas te/ dge slong ma'i dge 'dun gang na ba de logs su thal mo sbyar ba btud nas tshig 'di skad ces 'phags ma'i dge 'dun phu nu mo dag bdag la gsan du gsol/ bdag dge slong ma ming 'di zhes bgyi ba 'phags ma'i dge 'dun las 'dod chen gyi 'khor 'jog 
pa'i sdom pa gsol na/ 'phags ma'i dge 'dun thugs brtse ba can thugs brtse ba nye bar bzung ste/ bdag ming 'di zhes bgyi ba la 'dod chen gyi 'khor 'jog pa'i sdom pa stsal du gsol/ de ltar lan gnyis lan gsum gyi bar du brjod par bya'o/ /de'i 'og tu dge 
slong ma gcig gis gsol ba byas te las bya'o/ /bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ ming 'di zhes bgyi ba 'di 'phags ma'i dge 'dun las 'dod chen gyi 'khor 'jog pa'i sdom pa gsol na/ gal te 'phags ma'i 

</font><hr>9-1-285b<br><font size=+1>
dge 'dun gyi dus la bab cing bzod na/ 'phags ma'i dge 'dun gyis gnang bar mdzod cig dang / 'phags ma'i dge 'dun gyis ming 'di zhes bgyi ba la 'dod chen gyi 'khor 'jog pa'i sdom pa stsol bar mdzad do/ /'di ni gsol ba'o/ /las ni 'di ltar bya ste/ 'phags ma'i 
dge 'dun phu nu mo dag bdag la gsan du gsol/ ming 'di zhes bgyi ba 'di 'phags ma'i dge 'dun las 'dod chen gyi 'khor 'jog pa'i sdom pa gsol te/ 'phags ma'i dge 'dun gyis ming 'di zhes bgyi ba la 'dod chen gyi 'khor 'jog pa'i sdom pa stsol bar mdzad na/ 
gang dag ming 'di zhes bgyi ba la 'dod chen gyi 'khor 'jog pa'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsung shig /'phags ma'i dge 'dun gyis bzod cing gnang nas/ 'phags ma'i dge 'dun gyis ming 'di zhes bgyi ba 
la 'dod chen gyi 'khor 'jog pa'i sdom pa stsal lags te/ 'di ltar cang mi gsung bas de de bzhin du 'dzin to/ /de ltar dge slong ma gang su yang rung ba 'dod chen gyi 'khor 'jog pa'i sdom pa phog par gyur pa des ci bde ba kho nar 'dod chen gyi 'khor gzhag par bya ste/ 
'di la 'gyod par mi bya'o/ /de nas sbom dga' mos dge 'dun las 'dod chen gyi 'khor 'jog pa'i sdom pa ma gsol bar 'dod chen gyi 'khor bzhag pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 
'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge 'dun las 'dod chen gyi 'khor 'jog pa'i sdom pa ma gsol bar 'dod chen gyi 'khor 'jog na ltung byed do/ /yang gang zhes bya ba ni sbom dga' mo'o/ /'dod chen 
gyi sdom pa zhes bya ba ni gsol ba dang gnyis kyi las kyis so/ /dge 'dun las 'dod chen gyi 'khor 'jog pa ma gsol bar rab tu 'byin pa'am/ bsnyen par rdzogs pa'am/ gnas sbyin pa ci 'dod par byed na ste ltung byed do zhes bya ba ni gong ma bzhin no/ /de 

</font><hr>9-1-286a<br><font size=+1>
la ltung bar ji ltar 'gyur zhe na/ dge slong mas ci tsam cung zad 'dod chen gyi sdom pa ma gsol bar 'dod chen gyi 'khor 'jog na thams cad du ltung byed du 'gyur ro/ /ltung byed bcu drug pa'i gnyis pa rdzogs s+ho// //gleng gzhi ni mnyan yod na'o/ /
de nas sbom dga' mos bud med sbrum ma zhig rab tu phyung ba de bram ze dang / khyim bdag gi chung ma rnams kyis mthong nas dge slong ma 'di dag ni 'dren ma 'dren mar tshangs par spyad pa la spyod do zhes kha zer ba'i skabs de bcom ldan 'das la gsol to/ /de nas bcom ldan 'das kyis 
byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du bud med sbrum ma rab tu 'byin na ltung byed do/ /yang gang zhes bya ba ni sbom dga' mo'o/ /sbrum ma zhes bya ba ni sems can dang ldan pa'o/ /bud med ces bya ba ni bud 
med do/ /rab tu 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad bud med sbrum ma rab tu 'byin na thams cad du ltung byed du 'gyur ro/ /ltung byed bcu drug pa'i gsum pa 
rdzogs s+ho// //gleng gzhi ni mnyan yod na'o/ /de nas sbom dga' mos rab tu phyung nas slob par mi byed pa dang / de la dge slong ma rnams kyis smras pa/ khyod kyis 'khor du bzhag nas ci'i phyir mi bslab/ des smras pa/ 'di nyid du slob grang / gal te mi slob na 'di nyid du 
slob grang zhes zer ba'i skabs de bcom ldan 'das la gsol to/ /de nas bcom ldan 'das kyis byung ba 'di dang / zhes bya ba nas bslab pa bca' ba'i bar du mdzad de/ yang dge slong ma gang rab tu phyung nas mi slob na ltung byed do/ /yang gang zhes bya ba ni sbom dga' mo'o/ /rab 
tu phyung nas zhes bya ba ni chos 'dul ba 'di la'o/ /mi slob na zhes bya ba ni dge slong ma'i bslab pa la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rab tu phyung nas mi slob na ltung byed du 'gyur ro/ /ltung byed 

</font><hr>9-1-286b<br><font size=+1>
bcu drug pa'i bzhi pa rdzogs s+ho// //gleng gzhi ni mnyan yod na'o/ /de nas sbom dga' mos rab tu phyung nas gdams ngag mi 'bogs/ mi ston phan mi 'dogs pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas 
bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang rab tu phyung nas phan mi 'dogs na ltung byed do/ /yang gang zhes bya ba ni sbom dga' mo'o/ /rab tu phyung nas zhes bya ba ni chos 'dul ba 'di la'o/ /phan mi 
'dogs na zhes bya ba ni lhung bzed dang / chos gos dang / lhung bzed kyi snod dang / rgya cang dang / ska rags dang / lung dbog pa dang / klog pa dang / kha ton dang / rnal 'byor dang / yid la byed pas so/ /ltung byed do zhes bya ba ni gong ma bzhin no/ /de la ltung bar 
ji ltar 'gyur zhe na/ dge slong mas ji tsam cung zad rab tu byung nas 'khor la phan mi 'dogs na thams cad du ltung byed du 'gyur ro/ /ltung byed bcu drug pa'i lnga pa rdzogs s+ho// //gleng gzhi ni mnyan yod na'o/ /de nas sbom dga' mos khyim thab byes su song ba'i chung ma 
zhig rab tu phyung ba las dus gzhan zhig na/ de'i khyim thab 'ongs pa dang bud med des kyang bdag gi khyim thab 'ongs so zhes thos so/ /thos nas kyang bud med de sbom dga' mo gang na ba der song ste phyin nas sbom dga' mo la 'di skad ces smras so/ /'phags ma bdag gi 
sdum thab mchis kyis re zhig bdag phyogs gzhan zhig tu bkar du gsol/ des ma bkar ba dang / de nas khyim thab de 'ongs nas bzung ste 'di skad ces smras so/ /'di sus gnang ste rab tu phyung des de nyid du 'phags ma khyod kyis bdag bkar bar gyur na sdum thab 
kyis bdag zin par mi 'gyur ba zhig ces smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/

</font><hr>9-1-287a<br><font size=+1>
yang dge slong ma gang rab tu phyung nas ma bkar na ltung byed do/ /yang gang zhes bya ba ni sbom dga' mo'o/ /rab tu phyung nas zhes bya ba ni chos 'dul ba 'di la'o/ /ma bkar na zhes bya ba ni gnas gzhan du'o/ /ltung byed do zhes bya ba ni gong ma bzhin no/ /de la ltung 
bar ji ltar 'gyur zhe na/ dge slong mas ji tsam cung zad 'khor du bzhag ste ma bkar na thams cad du ltung byed du 'gyur ro/ /ltung byed bcu drug pa'i tshigs su bcad pa'i sdom rdzogs s+ho// //sdom la/ lo ni nyi shur ma lon dang / /lon yang gsol ba ma byas dang / /gtum mo mya ngan 
gyis gdungs dang / /chos drug dag la ma bslabs pa'o/ /gleng gzhi ni mnyan yod na'o/ /de nas dge slong ma rnams kyis gzhon nu ma lo nyi shu ma lon pa dag bsnyen par rdzogs par byed nas bcom ldan 'das kyis bka' stsal pa/ gzhon nu ma lo nyi shu ma lon pa bsnyen par rdzogs 
par mi bya'o/ /de nas sbom dga' mos lo nyi shu ma lon pa dag bsnyen par rdzogs par byed pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad 
de/ yang dge slong ma gang gzhon nu ma lo nyi shu ma lon pa bsnyen par rdzogs par byed na ltung byed do/ /yang gang zhes bya ba ni sbom dga' mo'o/ /lo nyi shu ma lon par zhes bya ba ni gang gi lo nyi shur ma tshang ba'o/ /bsnyen par rdzogs par byed na zhes bya ba ni gsol ba dang bzhi'i las 
kyis so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gzhon nu ma lo nyi shu ma lon pa bsnyen par rdzogs par byed na thams cad du ltung byed du 'gyur ro/ /ltung byed bcu bdun pa'i dang po rdzogs s+ho// //gleng 
gzhi ni mnyan yod na'o/ /de nas dge slong ma de dag gis dge slong dag la 'di skad ces khyed kyang lo nyi shu lon nas bsnyen par rdzogs par mdzad na/ bdag cag kyang lo nyi shu lon nas bsnyen par rdzogs par bgyid pa ma lags sam/ 'di la khyed dang bdag cag khyad par ni ci mchis/

</font><hr>9-1-287b<br><font size=+1>
bsam pa ni ci mchis/ tha dad du bgyi ba ni ci mchis zhes smra ba'i skabs de bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ gzhon nu ma lo nyi shu lon na lo gnyis su chos drug dang / rjes su mthun pa'i chos drug gi 
bslab pa'i sdom pa byin cig /gang gi tshe bcom ldan 'das kyis gzhon nu ma lo nyi shu lon na lo gnyis su chos drug dang / rjes su mthun pa'i chos drug gi bslab pa'i sdom pa byin cig ces gsungs pa skye dgu'i bdag mo chen mo gau ta mIs thos nas bcom ldan 'das gang na ba der 
song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go phyogs gcig tu 'dug pa dang / bcom ldan 'das kyis skye dgu'i bdag mo chen mo gau ta mI la chos dang ldan pa'i gtam gyis yang dag par ston par mdzad ces bya ba 
nas/ cang mi gsung ngo zhes bya ba'i bar ro/ /de nas skye dgu'i bdag mo chen mo gau ta mIs bcom ldan 'das kyis bka' stsal pa'i rjes chad par rig nas stan las langs te/ bla gos phrag pa gcig tu bgos nas bcom ldan 'das ga la ba de logs su thal mo sbyar ba btud de 
bcom ldan 'das la 'di skad ces gsol to/ /bcom ldan 'das bdag la dam pa gnang ba'i rigs so/ /bde bar gshegs pa bdag la dam pa gnang ba'i rigs so/ /gau ta mI khyod dam pa ci gsol/ des 'di skad ces gsol to/ /btsun pa khyim so bzung ba lo bcu gnyis 
lon pa 'di dag dang / gzhon nu ma lo nyi shu lon pa 'di dag gis rab tu byung ba ni legs par rnyed lags na/ lo gnyis su chos drug dang / rjes su mthun pa'i chos drug gi bslab pa'i sdom pa stsal lags na ha cang thogs par gyur na/ gal te bcom ldan 'das kyis rjes su gnang 
na khyim so bzung ba lo bcu lon pa dang / gzhon nu ma lo bcwa brgyad lon pa na de dag la chos drug dang / rjes su mthun pa'i chos drug gi bslab pa'i sdom pa stsal bar gsol/ de ltar mdzad na 'di gnyi gas kyang tshang bar 'gyur lags so/ /bcom ldan 'das kyis bka' 

</font><hr>9-1-288a<br><font size=+1>
stsal pa/ de lta bas na rjes su gnang ste/ khyim so bzung ba lo bcu lon pa dang / gzhon nu ma lo bcwa brgyad lon pa la lo gnyis su chos drug dang / rjes su mthun pa'i chos drug gi bslab pa'i sdom pa byin cig /de lta mod kyi khyim so bzung ba lo bcu lon pa dang / 
gzhon nu ma lo bcwa brgyad lon pas lo gnyis su chos drug dang / rjes su mthun pa'i chos drug gi bslab pa'i sdom pa spyad zin pa dang / de'i 'og tu tshangs par spyad pa nye bar gnas pa'i sdom pa sbyin par bya'o/ /gang gi tshe bcom ldan 'das kyis gzhon nu ma lo nyi shu lon pa la tshangs 
par spyad pa nye bar gnas pa'i sdom pa byin cig ces bka' stsal pa na de dag gis ma shes nas/ bcom ldan 'das kyis bka' stsal pa/ gnas mal bshams pa byas te zhes bya ba nas/ gzhon nu ma lo nyi shu lon pa des rgan pa'i mtha' nas gdud pa dang bcas par byas te/dge slong ma'i dge 'dun la thal mo sbyar ba btud nas tshig 'di skad ces 'phags ma'i dge 'dun phu nu mo dag bdag la gsan du gsol/ bdag gzhon nu ma lo nyi shu lon pa ming 'di zhes bgyi ba mkhan mo ming 'di zhes bgyi bas dge 'dun las tshangs par spyad pa nye bar gnas pa'i 
sdom pa gsol na/ 'phags ma'i dge 'dun thugs brtse ba can thugs brtse ba nye bar bzung ste/ bdag gzhon nu ma lo nyi shu lon pa ming 'di zhes bgyi ba la mkhan mo ming 'di zhes bgyi bas tshangs par spyad pa nye bar gnas pa'i sdom pa stsal du gsol zhes de ltar lan gnyis 
lan gsum gyi bar du brjod par bya'o/ /de'i 'og tu dge slong ma gcig gis gsol ba byas te las bya'o/ /bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ gzhon nu ma lo nyi shu ma lon pa ming 'di zhes bgyi ba 'di mkhan mo 
ming 'di zhes bgyi ba 'dis dge 'dun las tshangs par spyod pa nye bar gnas pa'i sdom pa gsol na/ gal te 'phags ma'i dge 'dun gyi dus la bab cing bzod na/ 'phags ma'i dge 'dun gyis gnang bar mdzod cig dang / 'phags ma'i dge 'dun gyis gzhon nu ma lo nyi shu 

</font><hr>9-1-288b<br><font size=+1>
lon pa ming 'di zhes bgyi ba la mkhan mo ming 'di zhes bgyi bas tshangs par spyad pa nye bar gnas pa'i sdom pa stsol bar mdzad do/ /'di ni gsol ba'o/ /de bzhin du las kyang rgyas par brjod par bya'o/ /de nas sbom dga' mos tshangs par spyad pa nye bar gnas pa'i sdom pa 
ma gsol bar bsnyen par rdzogs par byed pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gzhon 
nu ma lo nyi shu lon pa tshangs par spyad pa nye bar gnas pa'i sdom pa ma gsol bar bsnyen par rdzogs par byed na ltung byed do/ /yang gang zhes bya ba ni sbom dga' mo'o/ /gzhon nu ma zhes bya ba ni gzhon nu ma rab tu byung ba'o/ /lo nyi shu lon pa zhes bya ba ni gang gi lo nyi shur 
tshang bar gyur pa'o/ /tshangs par spyad pa nye bar gnas pa'i sdom pa zhes bya ba ni gsol ba dang gnyis kyi las kyis so/ /ma gsol bar zhes bya ba ni dge 'dun las so/ /bsnyen par rdzogs par byed na zhes bya ba ni gsol ba dang bzhi'i las kyis so/ /ltung byed do 
zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gzhon nu ma lo nyi shu lon pa tshangs par spyad pa nye bar gnas pa'i sdom pa ma gsol bar dge slong ma'i dngos por bsnyen par rdzogs par byed na thams cad du ltung byed du 'gyur 
ro/ /ltung byed bcu bdun pa'i gnyis pa rdzogs s+ho// //gleng gzhi ni mnyan yod na'o/ /de nas sbom dga' mo snga dro sham thabs bgos nas spyod yul du zhugs pa na sbom dga' mos lam po che zhig na bud med gcig bud med dag cig dang lhan cig 'thab mo byung 
ba mthong zhing / sbom dga' mos bud med de khros pas skra 'greng bar gyur pa mthong ngo / /de nas sbom dga' mos 'di snyam du bsams te/ gang gi tshe bdag 'thab mo 'gyed pa'i grogs su 'gyur ba'i grogs mo zhig bdag gis rnyed do snyam du bsams nas/ sbom 

</font><hr>9-1-289a<br><font size=+1>
dga' mos bud med de la 'di skad ces smras so/ /phu nu mo khyod ci'i phyir rab tu mi 'byung / des 'di skad ces smras so/ /bdag ni shin du gtum mo lags na su zhig gis bdag rab tu 'byin par 'gyur/ de nas sbom dga' mos 'di skad ces smras so/ /
kho mos khyod rab tu dbyung ngo zhes des de rab tu phyung bsnyen par rdzogs par byas so/ /de nas sbom dga' mo dus gzhan zhig na dge slong ma rnams dang lhan cig 'thab mo byung ba na de'i grogs mo de yang sems las bstungs te cang mi smra'o/ /de nas sbom dga' mos 
dge slong ma de la 'di skad ces smras so/ /kho mos khyod don 'di'i phyir rab tu phyung bsnyen par rdzogs par byas na/ da ltar khyod bsam gtan bzhi pa la snyoms par zhugs pa bzhin du 'dug gam/ khyod kho mo 'thab mo byung ba'i grogs gyis shig /des 'di skad ces 
smras so/ /bdag gis khyim pa mo de dag gi kha na ma tho ba ni shes kyi/ bdag gis dge slong ma 'di dag gi kha na ma tho ba ni mi shes so/ /sbom dga' mos 'di skad ces smras so/ /kho mos khyod la de dag gi mtshang bstan gyis re zhig skye dgu'i bdag mo chen mo 'di ni rang zhugs 
yin no/ /ut+pa la'i mdog 'di ni grong khyer chen po drug dag tu smad 'tshong byas pa yin no/ /gau ta mI skem mo 'di ni bu'i sha zos pa dang / dur du bcug pa sems 'khrugs pa yin no/ /de nas dus gzhan zhig na dge slong ma rnams dang 'thab mo byung ba na dge slong ma 
shin tu gtum mo des dge slong ma rnams la kha na ma tho ba rab tu bsgrags pas spyo bar brtsams so/ /de nas skye dgu'i bdag mo chen mos dge slong ma shin tu gtum mo de mthong nas 'di skad ces smras so/ /shin tu gtum mo 'di sus rab tu phyung de dag gis 'di skad ces 
sbom dga' mo lags so zhes smras pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du bud med gtum mo 

</font><hr>9-1-289b<br><font size=+1>
rab tu 'byin na ltung byed do/ /yang gang zhes bya ba ni sbom dga' mo'o/ /shes bzhin du zhes bya ba ni rang gis sam/ gzhan gyis smras par gyur pa'o/ /bud med gtum mo zhes bya ba ni khro ba 'thab krol can no/ /rab tu 'byin na zhes bya ba ni chos 'dul ba 'di la'o/ /ltung 
byed do zhes bya ba ni gong ma bzhin no/ /de la ltung bar ji ltar 'gyur zhe na/dge slong mas ji tsam cung zad bud med gtum mo rab tu 'byin na thams cad du ltung byed du 'gyur ro/ /ltung byed bcu bdun pa'i gsum pa rdzogs s+ho// //dge slong ma'i 'dul ba rnam par 
'byed pa/bam po nyi shu lnga pa/ gleng gzhi ni mnyan yod na'o/ /de nas sbom dga' mo snga dro sham thabs bgos lhung bzed dang chos gos blangs te spyod yul du zhugs pa dang zhes bya ba nas/ sbom dga' mos bud med mya ngan gyis gdungs pa zhig rab tu phyung ngo zhes 
bya ba'i bar ro/ /de tho rangs sngar langs te ngu zhing 'di skad ces kyi hud bu/ kyi hud bu mo/ re zhig rmi lam tsam du yang ston cig ces smra zhing smre sngags 'don la brang rdung zhing cho nges 'debs so/ /de nas skye dgu'i bdag mo chen mos sgra de thos nas 'di skad ces smras 
so/ /mya ngan gyis non pa pha bi sus rab tu phyung / de dag gis 'di skad ces sbom dga' mos so zhes smras pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ 
yang dge slong ma gang shes bzhin du bud med mya ngan gyis gdungs pa rab tu 'byin na ltung byed do/ /yang gang zhes bya ba ni sbom dga' mo'o/ /shes bzhin du zhes bya ba ni rang nyid kyis sam/ gzhan gyis smras par gyur pa'o/ /mya ngan gyis gdungs pa zhes bya 
ba ni sdug pa nye du dang rang gi skye bo dang bral ba'o/ /rab tu 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad shes bzhin du bud med mya ngan gyis gdungs pa 

</font><hr>9-1-290a<br><font size=+1>
rab tu 'byin na thams cad du ltung byed du 'gyur ro/ /ltung byed bcu bdun pa'i bzhi pa rdzogs s+ho// //gleng gzhi ni mnyan yod na'o/ /gang gi tshe dge slong ma rnams kyis de dag de bzhin du rab tu phyung bar gyur pa de'i tshe/ de dag bdag cag gis lhan 
cig gnas pa dang / nye gnas dag ji tsam na ji ltar bsnyen par rdzogs par bya ba ma shes nas/ bcom ldan 'das kyis bka' stsal pa/ khyim so bzung ba lo bcu lon pa dang / gzhon nu ma lo bcwa brgyad lon pa la lo gnyis su chos drug dang / rjes su mthun pa'i chos 
drug gi bslab pa'i sdom pa byin cig /de dag gis chos drug po gang dag yin pa dang / rjes su mthun pa'i chos drug po gang dag yin pa ma shes nas bcom ldan 'das kyis bka' stsal pa/ gcig pu lam du 'gro mi bya/ /chu bo'i pha rol brgal mi bya/ /skyes pa la ni reg mi 
bya/ /skyes pa dang ni 'dug mi bya/ /smyan du 'gyur ba mi bya zhing / /kha na ma tho bcab mi bya/ /'di dag ni chos drug ces bya'o/ /rjes su mthun pa'i chos drug gang zhe na/ gser la gzung bar mi bya ste/ /spu yi las ni mi bya'o/ /sa yang brko bar mi bya ste/ /rtswa sngon dag 
kyang gcad mi bya/ /byin len ma byas mi bza' ste/ /bzhag pa bza' bar mi bya'o/ /chos drug po 'di dag ni rjes su mthun pa'i chos drug ces bya ste/ lo gnyis su bslabs nas tshangs par spyad pa nye bar gnas pa'i sdom pa byin te/ de'i 'og tu bsnyen par rdzogs par 
bya'o/ /de nas sbom dga' mos lo gnyis su chos drug dang / rjes su mthun pa'i chos drug ma gsol bar bsnyen par rdzogs par byed nas don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 
'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du lo gnyis su chos drug dang / rjes su mthun pa'i chos drug la ma bslabs par bsnyen par rdzogs par byed na ltung byed do/ /yang gang zhes bya ba ni sbom dga' mo'o/ /

</font><hr>9-1-290b<br><font size=+1>
shes bzhin du zhes bya ba ni rang gis sam/ gzhan gyis smras par gyur pa'o/ /chos drug dang rjes su mthun pa'i chos drug ces bya ba ni ji skad bstan pa yin no/ /lo gnyis su ma bslabs par zhes bya ba ni dge slob mar 'gyur ba'i bslab pa 'di la'o/ /ltung byed 
do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad lo gnyis su chos drug dang / rjes su mthun pa'i chos drug gi bslab pa'i sdom pa ma gsol bar bsnyen par rdzogs par byed na thams cad du ltung byed du 'gyur ro/ /
ltung byed bcu bdun pa'i tshigs su bcad pa'i sdom rdzogs s+ho// //bsdus pa'i sdom la/ bslab pa dang ni lo re dang / /tshogs dang sme gab kyi lnga dang / /nyer zhi khyim gyi go re long / /dpung pa dang ni khyim pa mo/ /skabs ma phye bar 'dri ba dang / /bshang 
bar gcig pu 'gro mi bya/ /sdom la/ chos drug dang ni bslabs pa dang / /khyim thab kyis ni ma gnang dang / /gal te bdag la gos byin dang / /phyi nas khyod dga' ma yin no/ /gleng gzhi ni mnyan yod na'o/ /de nas sbom dga' mos lhan cig gnas pa dang / 
nye gnas dag lo gnyis su chos drug dang / rjes su mthun pa'i chos drug la bslabs nas des de dag bsnyen par rdzogs par mi byed pa dang / de la dge slong ma rnams kyis smras pa/ 'phags ma khyod kyis bslabs nas ci'i phyir bsnyen par rdzogs par mi 
byed/ des 'di skad ces 'di dag kho mo la 'di skad ces sbom dga' mo ni ma bslabs par bsnyen par rdzogs par byed do zhes zer bas kho mo 'di snyam du re zhig shin tu slob la rag go snyam du sems so zhes smras pa'i skabs de bcom ldan 'das la gsol to/ /de nas 
bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du 'khor lo gnyis su chos drug dang / rjes su mthun pa'i chos drug la bslabs nas bsnyen par rdzogs par mi byed na ltung byed 

</font><hr>9-1-291a<br><font size=+1>
do/ /yang gang zhes bya ba ni sbom dga' mo'o/ /shes bzhin du zhes bya ba ni rang gis sam/ gzhan gyis smras par gyur pa'o/ /bslabs nas zhes bya ba ni dge slob mar 'gyur ba'i bslabs pa la'o/ /bsnyen par rdzogs par mi byed na zhes bya ba ni gsol 
pa dang bzhi'i las kyis so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad shes bzhin du lo gnyis kyi bar du bslabs te/ de las lhag par 'jog cing bsnyen par rdzogs par mi byed na thams cad du ltung 
byed du 'gyur ro/ /ltung byed bcwa brgyad pa'i dang po rdzogs s+ho// //gleng gzhi ni mnyan yod na'o/ /de nas sbom dga' mo snga dro sham thabs bgos te khyim bdag cig gi khyim du zhugs pa las/ de na bud med cig khyim thab dang lhan cig rtsod cing 'dug pa dang / 
des 'di skad ces smras so/ /ci zhig yid mi bde zhing 'dug /des skabs de rgyas par smras pa dang / de nas sbom dga' mos bud med de la 'di skad ces smras so/ /khyod ci'i phyir rab tu mi 'byung / des 'di skad ces smras so/ /bdag su zhig gis rab tu 'byin 
par 'gyur/ des 'di skad ces kho mos bya'o zhes smras pa nas ji tsam na des rab tu phyung ngo / /de'i 'og tu khyim thab 'ongs nas des khyim tshes la dris pa/ kho bo'i chung ma gang du song / des 'di skad ces smras so/ /sbom dga' mos rab tu phyung ngo / /de nas khyim 
bdag de sbom dga' mo gang na ba der song ste phyin nas sbom dga' mo la 'di skad ces smras so/ /'phags ma bdag gi mchis 'brang 'di sus rab tu phyung / sbom dga' mos 'di skad ces smras te/ kho mos so/ /de nas khyim bdag des 'di skad ces 'phags ma khyod 
khyim thab kyis ma gnang ba rab tu 'byin par mdzad pa rigs sam zhes smras nas zhes bya ba dag khyim bdag des kha byas te song ba dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di 

</font><hr>9-1-291b<br><font size=+1>
dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du khyim thab kyis ma gnang ba rab tu 'byin na ltung byed do/ /yang gang zhes bya ba ni sbom dga' mo'o/ /shes bzhin du zhes bya ba ni rang nyid kyis sam/ gzhan gyis smras par gyur 
pa'o/ /khyim thab kyis zhes bya ba ni khyos so/ /ma gnang ba zhes bya ba ni ma btang ba'o/ /rab tu 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad khyim thab 
kyis ma gnang ba rab tu 'byin na ltung byed do/ /ltung byed bcwa brgyad pa'i gnyis pa rdzogs s+ho// //gleng gzhi ni mnyan yod na'o/ /de nas sbom dga' mo la dge slong mas smras pa/ 'phags ma bdag bsnyen par rdzogs par mdzad du gsol/ des 'di skad ces gal te 
kho mo la gos byin na de'i 'og tu khyod bsnyen par rdzogs par bya'o zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i 
bar du mdzad de/ yang dge slong ma gang dge slong mas de skad ces smras pa na/ gal te kho mo la gos byin na de'i 'og tu bsnyen par rdzogs par bya'o zhes zer na ltung byed do/ /yang gang zhes bya ba ni sbom dga' mo'o/ /dge slong mas de skad ces smras pa na 
zhes bya ba ni zer na'o/ /gal te kho mo la gos zhes bya ba ni bdun po gang yang rung ba'o/ /byin na zhes bya ba ni phul na'o/ /de'i 'og tu zhes bya ba ni dus gzhan na'o/ /bsnyen par rdzogs par bya'o zhes bya ba ni dge slong ma'i dngos por ro/ /ltung byed do zhes bya ba ni 
gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong mas de skad ces smras pa na/ gal te kho mo la gos byin na de'i 'og tu khyod bsnyen par rdzogs par bya'o zhes zer na thams cad du ltung byed du 'gyur ro/ /ltung byed 

</font><hr>9-1-292a<br><font size=+1>
bcwa brgyad pa'i gsum pa rdzogs s+ho// //gleng gzhi ni mnyan yod na'o/ /de nas bud med cig gau ta mI skem mo gang na ba der song ste phyin nas/ gau ta mI skem mo la 'di skad ces smras so/ /'phags ma gal te khyod kyis bdag rab tu dbyung 
na bdag rab tu 'byung bar 'tshal lo/ /des 'di skad ces smras so/ /khyod kyis khyim gyi bya ba mngon par spangs dang de'i 'og tu dka' bar mi 'gyur ro/ /de nas khyim bdag gi chung ma des khyim gyi bya ba mngon par spangs te 'ongs pa na gau ta mI skem mo des kyang rab tu ma phyung 
ngo / /de bdag ni khyim na gnas pa yang ma yin la/ rab tu byung ba yang ma yin no zhes zer ba'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge 
slong ma gang khyim pa mos de skad smras pa na/ khyod kyis khyim gyi bya ba mngon par spangs dang de'i 'og tu dka' bar mi 'gyur ro zhes smras la/ 'ongs nas rab tu mi 'byin na ltung byed do/ /yang gang zhes bya ba ni gau ta mI skem mo'o/ /khyim pa mo zhes bya ba ni khyim bdag gi chung 
ma'o/ /khyod kyis khyim gyi bya ba mngon par spangs dang de'i 'og tu khyod la dka' bar mi 'gyur ro zhes bya ba ni rab tu 'byung bar 'gyur ba la'o/ /de'i 'og tu mi 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ 
dge slong mas ji tsam cung zad 'di skad ces khyim gyi bya ba mngon par spangs dang de'i 'og tu dka' bar mi 'gyur ro zhes smras la 'ongs nas rab tu mi 'byin na thams cad du ltung byed du 'gyur ro/ /ltung byed bcwa brgyad pa'i tshigs su bcad pa'i sdom rdzogs s+ho// //sdom la/ lo re 
re ni bkag pa dang / /zhag lon bdun pa ma yin dang / /zla ba phyed phyed gdams pa dang / /dge slong med pa'i gso sbyong dang / /dge slong med par dbyar gnas min/ /dbyar gnas pas ni dgag dbye bya'o/ /gleng gzhi ni mnyan yod na'o/ /de nas sbom dga' mos 

</font><hr>9-1-292b<br><font size=+1>
lo re re zhing rab tu phyung nas phyis gang gi tshe de dag la 'bod pa de'i tshe 'di skad ces lo gcig pa lo gnyis pa zhes bya ba nas lo lnga pa zhes bya ba'i bar dag tu 'bod pa dang / de nas de la dge slong ma rnams kyis 'di skad ces smras so/ /'phags ma ci khyod kyis 'di rnams kyi ming mi shes 
sam/ des 'di skad ces 'di snyed kyi ming sus shes par 'gyur zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ 
yang dge slong ma gang lo re re zhing 'khor 'jog na ltung byed do/ /yang gang zhes bya ba ni sbom dga' mo'o/ /lo re re zhing zhes bya ba ni lo re re'o/ /'khor 'jog na zhes bya ba ni rab tu 'byin na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ 
dge slong mas ji tsam cung zad lo re zhing rab tu 'byin na thams cad du ltung byed du 'gyur ro/ /ltung byed bcu dgu pa'i dang po rdzogs s+ho// //gleng gzhi ni mnyan yod na'o/ /de nas sbom dga' mos bcwa lnga pa snga ma'i 'dun pa blangs pas bcwa lnga pa phyi ma'i gso 
sbyong yang nyams su myong bar byed pa dang / de la dge slong ma rnams kyis smras pa/ 'phags ma khyod ci'i phyir de ltar byed/ des 'di skad ces kho mo sde snod gsum pa yin pas ji ltar 'gyur ba shes so zhes smras pa na/ don nyung ba'i dge slong ma dag smod par byed pa'i 
skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 'dun pa zhag lon pas gso sbyong nyams su myong bar byed na ltung byed do/ /yang gang zhes bya ba ni sbom 
dga' mo'o/ /zhag lon pas zhes bya ba ni spyad zin pa'o/ /'dun pa zhes bya ba ni blo gros so/ /gso sbyong nyams su myong bar byed na ltung byed do/ /zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'dun pa zhag lon pas so 

</font><hr>9-1-293a<br><font size=+1>
sor thar pa nyams su myong bar byed na thams cad du ltung byed du 'gyur ro/ /ltung byed bcu dgu pa'i gnyis pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis bcwa lnga'i 'dun pa len pa'i dge slong mas dge slong ma rnams kyi 
drung du 'gro bar bya zhing dge slong rnams las tshes shing gdams ngag dang rjes su bstan pa nyams su myang bar bya'o zhes gsungs pa dang / 'on kyang bcu gnyis sde de dag gdams ngag dang rjes su bstan pa nyams su myong bar mi byed pa'i skabs de dge slong ma rnams kyis bcom ldan 'das 
la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang zla ba phyed phyed cing gdams ngag dang rjes su bstan pa nyams su myong bar mi byed na ltung byed do/ /yang gang zhes bya ba ni bcu gnyis sde dag gi 
bar ro/ /zla ba phyed phyed cing zhes bya ba ni zla ba phyed cing ngo / /gdams ngag dang rjes su bstan pa nyams su myong bar mi byed na zhes bya ba ni dge slong ma rnams dang lhan cig rjes su sgrub par mi byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong 
mas ji tsam cung zad zla ba phyed phyed cing gdams ngag dang rjes su bstan pa nyams su myong bar mi byed na thams cad du ltung byed du 'gyur ro/ /ltung byed bcu dgu pa'i gsum pa rdzogs s+ho// //gleng gzhi ni mnyan yod na'o/ /de nas dge slong ma rnams ljongs rgyu zhing dong ba na dge slong 
ma zhig gi dbyar khang du phyin nas der de dag gis dge slong med pa'i gnas su gso sbyong byas te/ de dag rim gyis rgyu zhing mnyan yod du phyin nas de dag gang gi tshe dbyar khang du 'ongs pa de'i tshe dge slong ma rnams kyis smras pa sangs rgyas ldan/ chos ldan dge 'dun ldan 'ongs pa legs 
so/ /khyed cag gis gang du gso sbyong byas/ de dag gis 'di skad ces smras so/ /gnas ga ge mo zhig tu'o/ /de nas dge slong ma de rnams kyis dge slong ma de dag la 'di skad ces khyed cag gis ci'i phyir dge slong med pa'i gnas su gso sbyong byas zhes smras pa'i skabs de bcom ldan 

</font><hr>9-1-293b<br><font size=+1>
'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang dge slong med pa'i gnas su gso sbyong nyams su myong bar byed na ltung byed do/ /yang gang zhes bya ba ni chos 'di pa dag gi'o/ /dge slong 
med pa'i gnas su zhes bya ba ni gang na dge slong med par gyur pa'o/ /gso sbyong zhes bya ba ni so sor thar pa nyams su myong bar byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong med pa'i gnas su 
gso sbyong nyams su myong bar byed na thams cad du ltung byed du 'gyur ro/ /ltung byed bcu dgu pa'i bzhi pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis dge slong mas dge slong med pa'i gnas su dbyar gnas par khas blang bar mi bya'o zhes 
gsungs pa dang / de nas yang dge slong ma rnams ljongs shig nas lhags nas dge slong med pa'i gnas su dbyar gnas par khas blangs te/ de nas de dag gis dbyar gnas nas mnyan yod du phyin pa dang / ji tsam na dge slong ma rnams kyis smras pa/ khyed cag gang du dbyar gnas/ 
de dag gis 'di skad ces smras so/ /gnas ga ge mo zhig tu'o/ /de dag la dge slong ma rnams kyis dris pa/ ci re zhig dge slong dang bcas pa yin nam 'on te dge slong med pa yin/ de dag gis 'di skad ces dge slong med pa yin no zhes smras pa na don nyung ba'i dge slong ma 
dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong med pa'i gnas su dbyar gnas par khas len na ltung byed do/ /yang gang zhes 
bya ba ni chos 'di pa dag gi'o/ /dge slong med pa'i zhes bya ba ni gang na dge slong med par gyur pa'o/ /gnas zhes bya ba ni gang na las thams cad mngon pa'o/ /dbyar gnas par khas len na zhes bya ba ni zla ba gsum dam 'cha' bar byed na'o/ /ltung byed do zhes bya ba ni gong 

</font><hr>9-1-294a<br><font size=+1>
ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong med pa'i gnas su dbyar gnas par khas len na thams cad du ltung byed du 'gyur ro/ /ltung byed bcu dgu pa'i lnga pa rdzogs s+ho// //gleng gzhi ni mnyan yod na'o/ /
gang gi tshe bcom ldan 'das kyis dbyar gnas pa'i dge slong ma rnams kyis gnyi ga'i dge 'dun la dgag dbye bya'o zhes gsungs pa dang / de nas dge slong ma de rnams kyis sbom dga' mo la 'di skad ces smras so/ /'phags ma gnyi ga'i dge 'dun la dgag dbye byas tshur spyon/ des 
'di skad ces smras so/ /kho mo der mi 'gro'o/ /ci'i phyir/ re zhig kho mo ni sde snod gsum pa yin pas kho mos dgag dbye ji ltar bya ba shes te/ dge slong gi dge 'dun la lcag pod dang / shur bu dang / shur bu phre'u phal mo che dbul dgos pas khyed cag deng shig /kho 
mo ni der mi 'gro'o zhes zer ba'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang dbyar gnas nas gnyi ga'i dge 'dun la dgag dbye mi byed na ltung byed 
do/ /yang gang zhes bya ba ni sbom dga' mo'o/ /dbyar gnas nas zhes bya ba ni zla ba gsum gyi mthar phyin nas so/ /gnyi ga'i dge 'dun la zhes bya ba ni dge slong dang dge slong ma'i dge 'dun la'o/ /dgag dbye mi byed na zhes bya ba ni mthong ba dang / thos pa dang dogs 
pas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dbyar gnas nas gnyi ga'i dge 'dun la dgag dbye mi byed na thams cad du ltung byed du 'gyur ro/ /ltung byed bcu dgu pa'i tshigs su bcad pa'i sdom rdzogs s+ho// //
sdom la/ tshogs la spyo bar mi bya dang / /mi snyan pa dang ser sna lnga/ /spangs nas bza' bar mi bya dang / /btsas pa blang bar mi bya'o/ /gleng gzhi ni mnyan yod na'o/ /de nas sbom dga' mos tshogs la spyos pa dang / de la lhan cig gnas pa dang / nye gnas 

</font><hr>9-1-294b<br><font size=+1>
rnams kyis smras pa/ 'phags ma dge slong ma'i tshogs la spyo bar mi rigs so/ /des 'di skad ces rigs kyang rung / mi rigs kyang rung kho mos ni spyos so zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de 
nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang tshogs la spyos na ltung byed do/ /yang gang zhes bya ba ni sbom dga' mo'o/ /tshogs la zhes bya ba ni dge slong ma'i dge 'dun la'o/ /spyos na 
zhes bya ba ni tshar bcad na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad tshogs la spyos na thams cad du ltung byed du 'gyur ro/ /ltung byed nyi shu pa'i dang po rdzogs s+ho// //gleng gzhi ni mnyan 
yod na'o/ /de nas sbom dga' mos dge slong ma'i tshogs la mi snyan pa khyim zhes bya ba dang / nal zhes bya ba dang / bong bu dag dang ldan pa'i gshe ba dag gis gshe ba'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung 
ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang tshogs la gshe na ltung byed do/ /yang gang zhes bya ba ni sbom dga' mo'o/ /tshogs la zhes bya ba ni dge slong ma'i dge 'dun la'o/ /gshe na zhes bya ba ni khyim pa mo'i tshig dang 
ldan pa'i gshe bas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad tshogs la gshe na thams cad du ltung byed du 'gyur ro/ /ltung byed nyi shu pa'i gnyis pa rdzogs s+ho// //gleng gzhi ni mnyan yod na'o/ /de nas sbom dga' mos dge slong ma glo bur pa rnams kyis dbyar khang du gnas byin nas de dag rnyed pa dang / bkur sti rab tu mang po dang ldan pa dang / des ser snas de dag bskrad pa na/ de la dge slong ma rnams kyis smras pa/ 'phags ma khyod ci ser snas gnod par ma 

</font><hr>9-1-295a<br><font size=+1>
gyur grang / des 'di skad ces kho mo grang ba'i tshe na grang bas nyen/ tsha ba'i tshe na tsha bas nyen bzhin du sdug bsngal chen pos bsgrubs pa'i dbyar khang kho mos kha 'jam can 'di rnams la skabs dbye'am zhes smras pa na/ don nyung ba'i dge slong ma dag 
smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gnas la ser sna byed na ltung byed do/ /yang gang zhes bya ba ni sbom dga' mo'o/ /
gnas la zhes bya ba ni g.yar khang la'o/ /ser sna zhes bya ba ni de dang lhan cig tu mngon par mi dga' ba'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gnas la ser sna byed na thams cad du ltung byed du 
'gyur ro/ /ltung byed nyi shu pa'i gsum pa rdzogs s+ho// //gleng gzhi ni mnyan yod na'o/ /de nas dge slong ma rnams kyis bram ze dang / khyim bdag gi khyim dag tu skye dgu'i bdag mo chen mo'i bsngags pa dag rjod par byed de/ skye dgu'i bdag mo chen mo ni 
bsod nams dang ldan pa sangs rgyas kyi yum/ bcom ldan 'das kyis kyang gnas brtan ma'i rgyal mo rnams kyi nang na mchog tu bstan pa yin no/ /ut+pa la'i mdog kyang rdzu 'phrul dang ldan pa rnams kyi mchog tu bstan pa yin no/ /gau ta mI skem mo yang 'dul ba 'dzin 
pa rnams kyi mchog tu bstan pa yin no/ /chos sbyin yang mdo sde rnam par 'byed pa rnams kyi mchog tu bstan pa yin no/ /de nas sbom dga' mos tshig de thos nas kye bu zan mo'i bu mo dag re zhig skye dgu'i bdag mo chen mo 'di ni rang zhugs yin te/ 'di la mkhan mo dang / 
slob dpon yang med do/ /ut+pa la'i mdog 'di ni smad 'tshong ma yin no/ /gau ta mI skem mo 'di ni bu'i sha zos pa yin na/ khyed cag de dag gi bsngags pa rjod pa lta zhes smod par byed pa dang / de dag gis 'di skad ces smras so/ /'phags ma bsngags pa'i ser 

</font><hr>9-1-295b<br><font size=+1>
snas gnod par ma gyur grang / des 'di skad ces kho mo shAkya'i rigs las rab tu byung ba sde snod gsum pa yin na bsngags par mi 'os pa de dag gi bsngags pa brjod kyis kho mo'i mi brjod na ci'i phyir kho mo la gnod par mi 'gyur zhes smras pa na/ don nyung ba'i dge slong ma 
dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang bsngags pa la ser sna byed na ltung byed do/ /yang gang zhes bya ba ni 
sbom dga' mo'o/ /bsngags pa zhes bya ba ni lung dang rtogs pa dag brjod pa na ser sna dang phrag dog byed pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad yang dag pa'i bsngags pa ji lta ba bzhin 
smras pa na bsngags pa la ser sna byed na thams cad du ltung byed du 'gyur ro/ /ltung byed nyi shu pa'i bzhi pa rdzogs s+ho// //gleng gzhi ni mnyan yod na'o/ /de nas sbom dga' mos dge slong ma rnams la 'di skad ces smras so/ /kye phu nu mo dag khyim ga ge mor ni 
ma deng shig /de dag gis 'di skad ces smras so/ /ci'i phyir des 'di skad ces smras so/ /kho mos khyim de ngal ba chen pos chos bshad nas dad par byas pa yin no/ /de la dge slong ma rnams kyis smras pa/ 'phags ma khyod khyim gyi ser snas gnod par ma gyur grang / 
des 'di skad ces gyur to zhes smras pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/bslab pa bca' ba'i bar du mdzad de/ yang dge slong ma gang khyim la ser sna 
byed na ltung byed do/ /yang gang zhes bya ba ni sbom dga' mo'o/ /khyim la zhes bya ba ni bram ze dang khyim bdag gi khyim la'o/ /ser sna byed na zhes bya ba ni phrag dog skyed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge 

</font><hr>9-1-296a<br><font size=+1>
slong mas ji tsam cung zad khyim la ser sna byed na thams cad du ltung byed du 'gyur ro/ /ltung byed nyi shu pa'i lnga pa rdzogs s+ho// //gleng gzhi ni mnyan yod na'o/ /de nas sbom dga' mos dge slong ma rnams la gdams ngag 'bogs pa na phu nu mo dag bram 
ze ya mtshan du 'dzin pa rnams kyis khu tshur dang / thal lcag gis brgyab nas klad pa gas par gyur na mi rung gis ha cang sngar bsod snyoms la ma 'dong shig ces des gzhan dag bzlog nas rang nyid nang par ches snga ba zhig tu sham thabs bgos/ lhung bzed dang chos gos 
blangs te spyod yul du zhugs pa dang bram ze ya mtshan du 'dzin pa zhig gis mthong nas/ des de bzung ste khu tshur dang thal lcag gis te por brdegs pas de'i mig phubs snad cing dbyar khang du song ba dang de la dge slong ma rnams kyis smras pa/ 'phags ma khyod sus 
brdegs/ des skabs de rgyas par smras pa dang / de la dge slong ma rnams kyis smras pa/ 'phags ma khyod rnyed pa'i ser snas gnod par ma gyur grang / des 'di skad ces gyur to zhes smras pa'i skabs de dge slong ma rnams kyis bcom ldan 'das la gsol 
to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang rnyed pa la ser sna byed na ltung byed do/ /yang dge slong ma gang zhes bya ba ni sbom dga' mo'o/ /rnyed pa la ser sna byed na zhes bya ba la rnyed 
pa ni gnyis te/ zas kyi rnyed pa dang / gos kyi rnyed pa yin te/ don 'di la ni zas kyi rnyed pa yin par dgongs so/ /ser sna bskyed na zhes bya ba ni phrag dog skyed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji 
tsam cung zad rnyed pa la ser sna byed na thams cad du ltung byed du 'gyur ro/ /de nas sngon gyi sbyor ba ni dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sbom dga' mo gzhan dag la rjes su ston cing rang mi 

</font><hr>9-1-296b<br><font size=+1>
sgrub pa la gzigs/ bcom ldan 'das kyis bka' stsal pa/ ji ltar 'das pa'i dus na yang sbom dga' mo gzhan la rjes su ston cing rang mi sgrub pas tshul ma yin pas sdug bsngal du gyur pa yin te/ dge slong dag sngon byung ba 'das pa'i dus na/ lam po che zhig 
nas/ ri skegs mo rab tu mang po brgyus pa dang /de na ri skegs mo rnams la phu nu mo dag khyed mkhris pa'i nad kyis smyos par gyur dang mi rung gis khyed cag til la ma za zhig ces rjes su bstan nas/ de rang nyid shing rta 'ong ba'i lam kha na til za za ba las shing rta'i 
'khor los mgo bcad par gyur to/ /de nas lha zhig gis de'i tshe tshigs su bcad de smras pa/ gzhan la rjes su ston byed cing / /rang nyid sgrub par mi byed pa/ /brkam chags pa yi rang bzhin can/ /ri skegs mo 'di 'khor los bcom/ /dge slong dag 'di 
snyam du sems/ ri skegs mo gang yin pa de ni sbom dga' mo 'di nyid yin te/ de na yang 'di gzhan dag la rjes su ston cing bdag nyid mi sgrub pas tshul bzhin ma yin pas sdug bsngal bar gyur pa la/ da ltar yang gzhan dag la rjes su ston cing bdag nyid 
mi sgrub pas tshul bzhin ma yin pas sdug bsngal bar gyur to/ /de lta bas na dge slong dag 'di ltar bslab par bya ste/ mthun pa gang la bdag nyid sgrub pa la gzhan dag kyang rjes su bstan par bya ste/ dge slong dag khyed kyis de lta bu la bslab par bya'o/ /ltung 
byed nyi shu pa'i drug pa rdzogs s+ho// //gleng gzhi ni mnyan yod na'o/ /de nas sbom dga' mo la lhan cig gnas pa dang / nye gnas rnams kyis lung bslangs pa dang / des 'di skad ces deng la re zhig kho mo'i snod du tshos shig /bu ram dang se 'bru dag nyes shig 
ces smras nas de phan tshun bsgyangs te/ de dag la lung ma byin pa dang / de dag gis 'di skad ces smras so/ /'phags ma khyod chos la ser sna mi byed grang / des 'di skad ces kye bu zan mo'i bu mo dag kho mo drug sde rnams la lung gi ched du se'u 'bru mnyes pas ni 

</font><hr>9-1-297a<br><font size=+1>
lag pa la ser ka byung / bzod pa gsol bas ni mgo bo byi/ pus mo btsugs nas lung gsol bas ni lce gas na kho mo ci'i phyir ser sna mi byed ces smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /
de nas bcom ldan 'das kyis byung ba 'di dang zhes bya ba nas/bslab pa bca' ba'i bar du mdzad de/ yang dge slong ma gang chos la ser sna byed na ltung byed do/ /yang gang zhes bya ba ni sbom dga' mo'o/ /chos la ser sna byed na zhes bya ba la chos zhes bya ba ni sangs rgyas kyis gsungs 
pa'am/ nyan thos kyis smras pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad chos la ser sna byed na thams cad du ltung byed du 'gyur ro/ /ser sna lnga'i bar sdom ni/ /gnas dang bsngags dang khyim 
dang ni/ /rnyed pa nyid dang chos la'o/ /ltung byed nyi shu pa'i bdun pa rdzogs s+ho// //gleng gzhi ni mnyan yod na'o/ /de nas bcu gnyis sde rnams rnyed pa gnas cig tu zos nas cig shos su yang za bar byed de/ de ltar spangs pa dang / ma spangs pa za ba na don nyung 
ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang zos te spangs zin nas bca' ba dang / bza' ba 'chos sam 
zos na ltung byed do/ /yang gang zhes bya ba ni bcu gnyis sde dag go/ /zos zin nas zhes bya ba ni gnas gcig tu spangs nas spyod lam bshig pa'o/ /bca' ba dang bza' ba zhes bya ba ni bca' ba lnga dang / bza' ba lnga'o/ /'chos sam zos na zhes bya ba ni lkog 
mar kham gyis mid na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas spangs pa la spangs pa'i 'du shes kyis 'chos sam zos na ltung byed do/ /de bzhin du yid gnyis za na ltung byed do/ /dge slong mas ma spangs 

</font><hr>9-1-297b<br><font size=+1>
pa la spangs pa'i 'du shes kyis 'chos sam zos na nyes byas so/ /de bzhin du yid gnyis za na nyes byas so/ /ltung byed nyi shu pa'i brgyad pa rdzogs s+ho// //gleng gzhi ni mnyan yod na'o/ /de nas sbom dga' mo snga dro sham thabs bgos lhung bzed dang chos gos 
blangs nas bsod snyoms kyi phyir byung ste khyim bdag cig gi khyim du zhugs pa dang / khyim bdag de'i chung ma bu thon bu btsas pas rang gis khye'u bkru ba ma shes so/ /de nas sbom dga' mos 'di skad ces smras so/ /mtshan bzangs ma bsod snyoms byin cig /
des 'di skad ces smras so/ /'phags ma bdag glo ba mi dga' lags so/ /sbom dga' mos 'di skad ces smras so/ /ci'i phyir bdag gis khye'u sus kyang ma bkrus so/ /sbom dga' mos 'di skad ces smras so/ /ci'i phyir khyod mi 'khru ma 'tshal to/ /
sbom dga' mos 'di skad ces smras so/ /ci khyod kyang khab bzhin du las sna gcig pa yin nam/ /des 'di skad ces smras so/ /'phags ma 'di la byang ba cung zad mnga' 'am/ sbom dga' mos 'di skad ces smras so/ /kho mos bzo'i gnas dang / las 
kyi gnas gang la ma byang ba cung zad yod dam/ des 'di skad ces smras so/ /'phags ma bdag gi khye'u khrus gyis la stsol cig /de nas sbom dga' mos 'di skad ces smras so/ /kho mo la sus bsod snyoms sbyin par 'gyur/ des 'di skad ces smras so/ /bdag 
gis phyi bzhin 'brang ba'i dge sbyong ma dang / bdag gis mkhan mo dang / khang skyong ma la dbul lo/ /de nas sbom dga' mos lhung bzed bzhag /gos dag brdzes nas khye'u blangs te/ yid tsam zhig bskyong nas de'i 'og tu 'dag rdzas dag gis bkrus dril 
te/ de nas chu dron gyis bkrus/ mig tu mig sman blugs/ sa zhag gis thig le bris skra'i byi dor byas/ sbrang rtsi dang / mar sar gyis bsnyod nas khul zhor bcug ste bsnyal nas 'di skad ces khyod kyis 'di bzhin du nyi ma re re zhing khrus byos shig ces bsgo nas/ des 

</font><hr>9-1-298a<br><font size=+1>
bsod snyoms kyis khur bslang ste dbyar khang du song ngo / /de nas khyim bdag de 'ongs nas chung ma de la 'di skad ces smras so/ /bzang mo khyod kyis de ring khye'u khrus byas pa legs so/ /'or che'o zhes bya ba nas/ sbom dga' mos bkrus so zhes bya ba dang / bsod 
snyoms rab tu mang du phul lo zhes bya ba'i bar ro/ /de nas dus gzhan zhig na skye dgu'i bdag mo chen mo gau ta mI snga dro sham thabs bgos lhung bzed dang chos gos blangs te khyim bdag gi khyim der bsod snyoms kyi phyir zhugs nas 'di skad ces smras so/ /mtshan bzangs ma bsod 
snyoms byin cig /des 'di skad ces smras so/ /'phags ma bdag gi khye'u khrus gyis la stsol cig /de nas skye dgu'i bdag mo chen mos 'di skad ces smras so/ /phu nu mo kho mos byang chub sems dpa' bkrus te/ de las khye'u gzhan ni ma bkrus so/ /phu nu mo 
khyod dge slong ma tshul khrims dang ldan pa la mchid stsol ba'i phyir yang bran mor 'gyur ba'i las sogs sam/ de lta mod kyi phu nu mo khyod kyis 'di ltar dge slong ma khye'u 'khru ba ga las mthong ngam thos/ des 'di 'di skad ces smras so/ /'phags ma sbom dga' mos bkrus 
so/ /skye dgu'i bdag mo chen mos 'di skad ces de kho nas kho mo cag la yang gnas skabs 'di byung ngo / /zhes smras pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' 
ba'i bar du mdzad de/ yang dge slong ma gang bu len na ltung byed do/ /yang gang zhes bya ba ni sbom dga' mo'o/ /bu zhes bya ba ni bu chung ngu'o/ /len na zhes bya ba ni rtse na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ci 
yang rung bu len na thams cad du ltung byed du 'gyur ro/ /ltung byed nyi shu pa'i tshigs su bcad pa'i sdom rdzogs s+ho// //sdom ni/ khrus ras dag ni bya ba dang / /gos dag bkru bar bya ba dang / /snam sbyar dag ni brje ba dang / /dge tshul chos gos sbyin pa'o/ /gleng gzhi 

</font><hr>9-1-298b<br><font size=+1>
ni mnyan yod na'o/ /de nas bcu gnyis sde dag khyim bdag gi chung ma rab tu mang po dang lhan cig sgren mor byung nas khrus byed pa dang / de nas sbom dga' mos kho mo'i rmongs kyi tshogs shin tu gnag la legs par 'khyil ba dper na sran ma sha'i 'bras bu ltar 'dug pa la ltos 
zhes ston pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ dge slong mas khrus ras bcang bar bya'o/ /gang gi tshe bcom ldan 'das kyis dge slong ma rnams kyis khrus ras 
bcang bar bya'o/ /zhes bka' stsal pa de'i tshe sbom dga' mo mi thogs pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du 
mdzad de/ yang dge slong ma gang khrus ras med par khrus byed na ltung byed do/ /yang gang zhes bya ba ni sbom dga' mo'o/ /khrus ras zhes bya ba ni khrus kyi ras te de med par ro/ /khrus byed na zhes bya ba la khrus ni gnyis te/ 'jug pa'i khrus dang dbang bskur ba'i 
khrus so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad khrus gnyis byed na khrus kyi khrus ras mi 'chang na thams cad du ltung byed du 'gyur ro/ /ltung byed nyi shu gcig pa'i dang po rdzogs s+ho// //gleng 
gzhi ni mnyan yod na'o/ /de nas sbom dga' mos mi gtsang bas gos pa'i gos dag btso blag mkhan la 'khrur bcug pa dang / /bram ze dang khyim bdag dag bdag cag gi gos kyang 'dis ni mi gtsang bar 'gyur ro zhes kha zer bar byed pa'i skabs de dge slong ma rnams kyis bcom 
ldan 'das la gsol to/ /de nas bcom ldan 'das kyis byung ba 'di dang zhes bya ba nas/bslab pa bca' ba'i bar du mdzad de/ yang dge slong ma gang btso blag mkhan la gos 'khrur 'jug na ltung byed do/ /yang gang zhes bya ba ni sbom dga' mo'o/ /btso blag 

</font><hr>9-1-299a<br><font size=+1>
mkhan zhes bya ba ni khyim pa mo'o/ /gos zhes bya ba ni bdun po gang yang rung ba'o/ /'khrur 'jug na zhes bya ba ni bkru bshal byed du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 
mi gtsang bas gos pa'i gos 'khrur 'jug na thams cad du ltung byed du 'gyur ro/ /ltung byed nyi shu gcig pa'i gnyis pa rdzogs s+ho// //dge slong ma'i 'dul ba rnam par 'byed pa/bam po nyi shu drug pa/ gleng gzhi ni mnyan yod na'o/ /bud med ni brjed ngas pa yin 
pas dge slong ma rnams kyis chos gos byin gyis brlabs pa brjed nas de dag gis bdag cag gi gang dag ni byin gyis brlabs/ gang dag ni byin gyis ma brlabs pa ma shes pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis 
bka' stsal pa/ de lta bas na deng phyin chad dge slong ma rnams kyis/ tshes bcwa lnga bcwa lnga zhing chos gos byin gyis brlabs pa nyams su [(]myang[,]myong [)]bar bya'o/ /de nas sbom dga' mos tshes bcwa lnga bcwa lnga zhing chos gos byin gyis brlab pa nyams su myong bar mi byed nas/ de la 
dge slong ma rnams kyis smras pa/ 'phags ma khyod ci'i phyir tshes bcwa lnga zhing chos gos byin gyis brlab pa nyams su myong bar mi byed/ des 'di skad ces kho mos sde snod gsum dran na ci'i phyir kho mos chos gos byin gyis brlab pa mi dran zhes smras pa dang / don nyung ba'i 
dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/yang dge slong ma gang zla ba phyed cing chos gos byin gyis brlab pa nyams su myong bar mi 
byed na ltung byed do/ /yang gang zhes bya ba ni sbom dga' mo'o/ /zla ba phyed cing ces bya ba ni zla ba phyed cing ngo / /chos gos zhes bya ba ni bdun po gang yang rung ba'o/ /byin gyis brlab pa zhes bya ba ni byin gyis brlab par bya ba dran par bya ba'o/ /nyams su myong bar mi 

</font><hr>9-1-299b<br><font size=+1>
byed na zhes bya ba ni ston pa'i bslab pa nyams su myong bar mi byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad tshes bcwa lnga bcwa lnga zhing chos gos byin gyis brlab pa nyams su myong bar mi byed na thams 
cad du ltung byed du 'gyur ro/ /ltung byed nyi shu gcig pa'i gsum pa rdzogs s+ho// //gleng gzhi ni rgyal po'i khab na'o/ /gang gi tshe sbom dga' mos gar mkhan mo las glar bca' ba blangs te chos gos byin pa dang / des bgos nas gar byas te de nyid du drug sde dag sun 
phyung ngo / /de nas drug sde rnams kyis thos nas sbom dga' mo'i drung du song ste/ sbom dga' mo dang gtugs nas snad par brdegs so/ /de yang mig phubs skrangs shing dbyar khang du song ba dang / de la dge slong ma rnams kyis smras pa/ khyod sus brdegs/ 
des 'di skad ces smras so/ /kho mo ming po dag gis brdegs kyis mi dgar ma byed cig /de dag gis 'di skad ces smras so/ /ci'i phyir des skabs de rgyas par smras pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /
de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang khyim pa mo la dge sbyong gis chos gos byin na ltung byed do/ /yang gang zhes bya ba ni sbom dga' mo'o/ /khyim pa mo zhes bya ba ni khyim na gnas pa'o/ /dge sbyong gi chos gos zhes bya ba ni ngur smrig go/ /sbyin na zhes bya ba ni gtong na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge sbyong gi chos gos khyim pa mo la byin na thams cad du ltung byed du 'gyur ro/ /ltung byed 
nyi shu gcig pa'i tshigs su bcad pa'i sdom rdzogs s+ho// //sdom ni/ sme gab tshogs kyi sme gab dang / /bkren pa yi rang 'jug pa dang / /sra brkyang 'byung bar bya ba dang / /gos dag bgo bar bya ba'o/ /gleng gzhi ni mnyan yod na'o/ /de nas bud med ni sngon gyi 

</font><hr>9-1-300a<br><font size=+1>
las kyis 'phungs pa'i shugs yod pas dge slong ma rnams zla ba ngo re zhing zla mtshan 'dzag par gyur nas/ bcom ldan 'das kyis bka' stsal pa/ sme gab bcang bar bya'o/ /gang gi tshe bcom ldan 'das kyis sme gab bcang bar bya'o/ /zhes 
gsungs pa de'i tshe de dag bgos shing rgyu ba na lhung bar gyur nas/ /bcom ldan 'das kyis bka' stsal pa/ srad bus gdags par bya'o/ /yang sbom dga' mo mi thogs pas de byin pa la khrag 'dzag cing bsod snyoms la song ba bram ze dang / khyim bdag rnams kyis mthong 
nas dris pa/ 'phags ma byin pa la khrag 'dzag pa'o ni ci lags/ des 'di skad ces ma la dris shig /sring mo la dris shig /bu mo la dris shig ces smras pa na/ de dag bdag cag gi khyim thams cad kyang btsog par 'gyur ro zhes phyar ka gtong bar byed/ kha 
zer bar byed/ smod par byed pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma sme gab mi 'chang na ltung byed do/ /yang gang 
zhes bya ba ni sbom dga' mo'o/ /sme gab ces bya ba ni bud med kyi mi bde ba dgab pa'o/ /mi 'chang na zhes bya ba ni rang gir mi byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad sme gab mi 'chang 
na thams cad du ltung byed du 'gyur ro/ /ltung byed nyi shu gnyis pa'i dang po rdzogs s+ho// //gleng gzhi ni mnyan yod na'o/ /de nas phreng ldan mas bcom ldan 'das kyis dge slong ma rnams la sme gab rjes su gnang ngo zhes thos nas de 'di snyam du kye ma'o bdag gis 
dge slong ma'i dge 'dun thams cad la sme gab dbul lo snyam du bsams so/ /de nas sbom dga' mo btsun mo phreng ldan ma gang na ba der song ste phyin nas/ btsun mo phreng ldan ma la 'di skad ces smras so/ /btsun mo bcom ldan 'das kyis dge slong ma rnams la 

</font><hr>9-1-300b<br><font size=+1>
sme gab rjes su gnang ngo / /de nas btsun mo phreng ldan mas nang mi la bsgo ba dang / de dag gis gos sna tshogs kyis sgrom dag mdun du bzhag go/ /de nas btsun mo phreng ldan mas sbom dga' mo la 'di skad ces smras so/ /'phags ma gos 'di dge slong ma'i 
tshogs thams cad la sme gab du brims shig /de nas sbom dga' mos gos de dag thams cad rang gir byas pa dang / dge slong ma gzhan zhig btsun mo phreng ldan ma gang na ba der song ste phyin nas btsun mo phreng ldan ma la 'di skad ces smras so btsun mo bdag la yang 
sme gab stsol cig /de nas btsun mo phreng ldan mas dge slong ma de la 'di skad ces smras so/ /'phags ma bdag gis dge slong ma'i tshogs thams cad kyi sme gab sbom dga' mo'i lag tu gtad lags so/ /ji tsam na sbom dga' mo la bslangs pa las ma byin 
pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang sme gab can gyi tshogs kyi sme gab 
gang zag rang gir byed na ltung byed do/ /yang gang zhig ces bya ba ni sbom dga' mo'o/ /sme gab can zhes bya ba ni bud med na ba'o/ /tshogs kyi sme gab ces bya ba ni dge slong ma'i dge 'dun dang thun mong pa'o/ /gang zag ces bya ba ni gcig pu'o/ /rang gir 
byed na zhes bya ba ni bdag gir rnon pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na dge slong mas ji tsam cung zad sme gab can gyi tshogs kyi sme gab gang zag rang gir byed na thams cad du ltung byed du 'gyur ro/ /ltung byed nyi shu gnyis 
pa'i gnyis pa rdzogs s+ho// //gleng gzhi ni mnyan yod na'o/ /de'i tshe khyim bdag nad pa sbyor mi bzod pa zhig yod do/ /de nas sbom dga' mo khyim bdag de gang na ba der song ste phyin nas khyim bdag la 'di skad ces smras so/ /bzhin bzangs sra brkyang gi 

</font><hr>9-1-301a<br><font size=+1>
dus la bab kyis sra brkyang byin cig /des 'di skad ces smras so/ /'phags ma bdag ni bro 'tshal ba zhig ste ci yang ma mchis so/ /de nas sbom dga' mos 'di skad ces smras so/ /kho mos khyod la bstan gyis bzhin bzangs tshong khang nas skyin po long la 
phyis skyin pa byin cig /de nas sbom dga' mos nyam chung ngu sra brkyang la rjes su yi rang ba byed du bcug nas blangs te dbyar khang du song ngo / /de nas khyim bdag de dus gzhan zhig na tshong pa des bzung nas kAr ShA pa Na dag ma byin gyi bar du gar yang ma 'gro shig ces bzung ngo 
de nas ne'u zla dag gis khyim bdag de la smras pa/ gnas 'di na ci byed/ des 'di skad ces bu lon pa dag gis bzung ngo / /zhes smras so/ de dag gis 'di skad ces smras so/ /khyod ci'i phyir bu lon pa dag gis bzung / des skabs de rgyas par smras pa dang / de 
dag 'di skad ces shAkya'i sras kyi dge sbyong rnams kyis dge sbyong gi tshul dang tshangs pa'i tshul ni tshig pa yin te/ gang gi phyir nad pa la yang rjes su yi rang bar byed du 'jug go zhes kha zer bar byed pa'i skabs de bcom ldan 'das la gsol to/ /de nas bcom ldan 'das 
kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang nyam chung ngu la sra brkyang 'bul du 'jug gam/ rjes su yi rang bar byed du 'jug na ltung byed do/ /yang gang zhes bya ba ni sbom dga' mo'o/ /nyam chung ngu zhes bya ba 
ni nad pa'o/ /sra brkyang 'bul du 'jug gam zhes bya ba ni dge 'dun gyi chos gos so/ /rjes su yi rang bar byed du 'jug na zhes bya ba ni skyin po len du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam 
cung zad nyam chung ngu la sra brkyang rjes su yi rang bar byed du 'jug na thams cad du ltung byed du 'gyur ro/ /ltung byed nyi shu gnyis pa'i gsum pa rdzogs s+ho// //gleng gzhi ni mnyan yod na'o/ /de nas gnas su sra brkyang bting ba las dge slong ma chom rkun 

</font><hr>9-1-301b<br><font size=+1>
pas btogs pa rab tu mang po dag lhags te de dag gis 'di skad ces gal te bcom ldan 'das kyis rjes su gnang na sra brkyang dbyung bar bya'o zhes smras pa'i skabs de bcom ldan 'das la gsol pa dang / bcom ldan 'das kyis bka' stsal pa/ rjes su gnang ste sra 
brkyang 'byung bar bya'o/ /bcom ldan 'das kyis gsungs pa ma shes nas/ bcom ldan 'das kyis bka' stsal pa/ gnas mal bshams pa byas te zhes bya ba nas/ dris pa'i lan gyis dge slong ma rnams la yang dag par bsgo la de'i 'og tu dge slong ma 
gcig gis gsol ba byas te las bya'o/ /las ni 'di ltar bya ste/ 'phags ma'i dge 'dun phu nu mo dag bdag la gsan du gsol/ gnas 'dir dge slong ma chom rkun pas btogs pa rab tu mang po dag mchis lags na/ gal te 'phags ma'i dge 'dun 
gyi dus la bab cing bzod na/ 'phags ma'i dge 'dun gyis gnang bar mdzod cig dang / 'di ltar 'phags ma'i dge 'dun gyis dge slong ma chom rkun pas btogs pa rab tu mang po'i slad du sra brkyang dbyung bar mdzad do/ /'di ni gsol ba'o/ /de bzhin du 
las kyang rgyas par brjod par bya'o/ /de nas sbom dga' mo sra brkyang 'byin pa nyams su myong bar mi byed pa nas dge slong ma rnams kyis skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa 
bca' ba'i bar du mdzad de/ yang dge slong ma gang sra brkyang 'byin pa nyams su myong bar mi byed na ltung byed do/ /yang gang zhes bya ba ni sbom dga' mo'o/ /sra brkyang 'byin pa zhes bya ba ni dge 'dun gyi chos gos so/ /'byin pa nyams su myong bar mi byed na 
zhes bya ba ni mthun pa mi sbyin na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge 'dun dang lhan cig sra brkyang 'byin pa nyams su myong bar mi byed na thams cad du ltung byed du 'gyur ro/ /ltung byed 

</font><hr>9-1-302a<br><font size=+1>
nyi shu gnyis pa'i bzhi pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis sra brkyang phyung nas der gos kyi rnyed pa gang yin pa de bgo bar bya'o zhes gsungs pa dang / de nas sbom dga' mo gos kyi rnyed 
pa 'ged pa nyams su myong bar mi byed pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang sra brkyang gi rnyed pa 'ged pa nyams 
su myong bar mi byed na ltung byed do/ /yang gang zhes bya ba ni sbom dga' mo'o/ /sra brkyang gi rnyed pa 'ged pa zhes bya ba ni gos 'ged pa'o/ /nyams su myong bar mi byed na zhes bya ba ni mi 'du na'o/ /ltung byed do zhes bya ba ni gong ma bzhin no/ /de la ltung bar ji ltar 
'gyur zhe na/ dge slong mas ji tsam cung zad gos kyi rnyed pa 'ged pa nyams su myong bar mi byed na thams cad du ltung byed du 'gyur ro/ /gal te len 'dod pa nyid ma yin na ltung ba med do/ /ltung byed nyi shu gnyis pa'i tshigs su bcad pa'i sdom rdzogs s+ho// //
sdom ni/ tshur shog nye bar zhi bya dang / /bcol nas 'gro bar bya ba dang / /rig pa mi blang mi gzhug dang / /kha zas btsong bar mi bya ba'o/ /gleng gzhi ni mnyan yod na'o/ /de nas dge slong ma rnams kyi lhan cig gnas pa dang / nye gnas dag phan tshun 'thab pa 
na sbom dga' mos de la rkyen dag nye bar bsgrubs pas/ /des na 'thab mo che thang du byung nas dge slong ma rnams kyis 'di skad ces 'phags ma tshur spyon 'thab mo nye bar zhi bar bgyi'o zhes smras pa dang / sbom dga' mos 'di skad ces mgos mgo ci'i phyir ma 
btsal/ re zhig kho mo ni 'thab mo byed kyi nye bar zhi bar mi byed do zhes smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i 

</font><hr>9-1-302b<br><font size=+1>
bar du mdzad de/ yang dge slong ma gang 'thab mo nye bar zhi bar bya ba'i mthu yod par gyur la nye bar zhi bar mi byed na ltung byed do/ /yang gang zhes bya ba ni sbom dga' mo'o/ /mthu yod par gyur la zhes bya ba ni mthu dang ldan pa'o/ /'thab mo zhes bya ba ni mtshang 'dru 
ba'o/ /nye bar zhi ba zhes bya ba ni rab tu zhi ba'o/ /nye bar zhi bar mi byed na zhes bya ba ni mi zlog na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'thab mo dang mtshang 'dru ba nye bar zhi bar bya bar nus shing 
mthu yod par gyur la nye bar zhi bar mi byed na thams cad du ltung byed du 'gyur ro/ /ltung byed nyi shu gsum pa'i dang po rdzogs s+ho// //gleng gzhi ni mnyan yod na'o/ /de nas sbom dga' mos dbyar khang du sgo bcad nas lde mig khyer te ljongs rgyu zhing song ba las dbyar 
khang der me shor te/ dge slong ma rnams kyis gsad par 'dod na sgo dbyer lde mig ma rnyed nas mes tshig par gyur pa de'i tshe don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes 
bya ba nas/ bslab pa bca' ba'i bar du mdzad de/ yang dge slong ma gang dbyar khang ma bcol bar ljongs rgyu zhing 'gro na ltung byed do/ /yang gang zhes bya ba ni sbom dga' mo'o/ /dbyar khang zhes bya ba ni gtsug lag khang ngo / /ma bcol bar zhes bya ba ni dge 
slong ma rnams la lde mig ma gtad par ro/ /ljongs rgyu zhing 'gro ba na zhes bya ba ni mtshams kyi phyi rol du 'gro na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas mtshams kyi nang la mtshams kyi nang du 
'du shes pas dge slong ma rnams la lde mig ma gtad par mtshams kyi phyi rol du byung na ltung byed do/ /de bzhin du yid gnyis za na ltung byed do dge slong mas mtshams kyi phyi rol la mtshams kyi nang du 'du shes pas/ dge slong ma rnams la lde mig ma gtad 

</font><hr>9-1-303a<br><font size=+1>
par mtshams kyi phyi rol du byung na nyes byas so/ /de bzhin du yid gnyis za na nyes byas so/ /ltung byed nyi shu gsum pa'i gnyis pa rdzogs s+ho// //gleng gzhi ni mnyan yod na'o/ /de nas sbom dga' mo chags pas skyes pa 'dod nas de spos 
'tshong gi khye'u zhig gi drung du song ste phyin nas 'di skad ces smras so/ /bzhin bzangs rig pa cung zad klog gam/ des 'di skad ces smras te klog go/ /sbom dga' mos 'di skad ces smras te/ thon cig dang bklag go/ /des 'di skad ces sar phu/ bi si ri phu/ si ri 
bi swA hA/ zhes smras so/ /sbom dga' mos 'di skad yang dang yang du brjod cig ces smras pa dang / ji tsam na khros nas mgo reg mo ngan pa zhes spyos so/ /phyi bzhin 'brang ba'i dge sbyong mas 'di skad ces smras so/ /'di ltar khyod kyis tshig gnyis kyang mi zin na ji ltar 
khyod kyis sde snod gsum bzung / des 'di skad ces smras so/ /kho mos brjod pa dang po la bzung zin mod kyi tshig tsam rang gir byed do/ /phyi bzhin 'brang ba'i dge sbyong mas 'di skad ces 'phags ma khyod 'dod chags kyis rab tu ma 'bar ba ngo mtshar to zhes smras pa'i skabs 
de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim pa las rig pa klog na ltung byed do/ /yang gang zhes bya ba ni sbom dga' 
mo'o/ /khyim pa las zhes bya ba ni khyim na gnas pa las so/ /rig pa zhes bya ba ni sel bar byed pa'o/ /klog na zhes bya ba ni kun chub par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad khyim 
pa las rig pa klog na thams cad du ltung byed du 'gyur ro/ /ltung byed nyi shu gsum pa'i gsum pa rdzogs s+ho// //gleng gzhi ni mnyan yod na'o/ /de nas sbom dga' mos skyes pa zhig rig pa klog tu bcug nas kye nang rje si ri phu/ bi si ri phu/ si ri bi si ri phu 

</font><hr>9-1-303b<br><font size=+1>
swA hA/ zung shig ces de ltar lan gnyis lan gsum gyi bar du bton pa dang / de nas mi des 'di skad ces smras so 'phags ma bdag gis kun chub par bzung lags so/ /sbom dga' mos yang dang yang du zung shig ces smras pa dang / de nas mi de khros 
nas 'di skad ces mgo reg mo ngan pa khyod kyang ma mthong yang bla/ rig pa yang med du zad do zhes smras pa dang / phyi bzhin 'brang ba'i dge sbyong mas 'di skad ces smras so/ /'phags ma khyod ci'i phyir de ltar byed/ sbom dga' mos 'di skad ces smras so/ /tshig 
tsam rang gir byed do/ /phyi bzhin 'brang ba'i dge sbyong mas 'di skad ces 'phags ma khyod nyon mongs pas ma gos pa ngo mtshar che'o zhes smras pa'i skabs de/ dge slong ma rnams kyis bcom ldan 'das la gsol to/ /de nas bcom ldan 'das kyis byung ba 
'di dang zhes bya ba nas/ bslab pa bca' ba'i bar du mdzad de/yang dge slong ma gang skyes pa la rig pa klog tu 'jug na ltung byed do/ /yang gang zhes bya ba ni sbom dga' mo'o/ /skyes pa la zhes bya ba ni mi la'o/ /rig pa zhes bya ba ni rig pa ma yin pa la 
rig pa'i sgrar gsungs pa'o/ /klog tu 'jug na zhes bya ba ni 'don du 'jug pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad skyes pa la rig pa klog tu 'jug na thams cad du ltung byed du 
'gyur ro/ /ltung byed nyi shu gsum pa'i bzhi pa rdzogs s+ho// //gleng gzhi ni mnyan yod na'o/ /de nas sbom dga' mos bsod snyoms mang du rnyed pa dang / des bsod pa gang yin pa de ni zos phye dang 'bras chan la sogs pa ngan pa gang yin pa de ni 
btsongs so/ /de nas dus gzhan zhig na sbom dga' mo dgos pa 'ga' zhig gi phyir phyi rol du song ba dang / phye nyo ba zhig 'ongs pa nas de skye dgu'i bdag mo chen mo'i drung du song ste/ song nas 'di skad ces smras so/ /'phags ma ji ga phye dag mnga' 

</font><hr>9-1-304a<br><font size=+1>
'am skye dgu'i bdag mos 'di skad ces smras so/ /bzhin bzangs ci kho mo phye'i tshong khang gis bskor tam/ de nas mi des 'di skad ces smras so/ /'phags ma dge slong ma dag phye 'tshong lags so/ /des 'di skad ces smras so/ /bzhin 
bzangs phye 'tshong ba'i dge slong ma de gang yin/ de nas mi des 'di skad ces smras so/ /sbom dga' mo lags so/ /skye dgu'i bdag mo chen mo gau ta mIs 'di skad ces de kho nas kho mo cag la yang gnas skabs 'di byung ngo zhes smras pa dang / don nyung ba'i dge slong ma 
dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang kha zas 'tshong na ltung byed do/ /yang gang zhes bya ba ni sbom dga' mo'o/ /kha zas zhes bya ba ni phye la sogs pa'o/ /'tshong na zhes bya ba ni rin len na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad kha zas 'tshong na ji srid du rin rang gir ma byas pa de srid du nyes byas so/ /
rang gir byas na ltung byed do/ /ltung byed nyi shu gsum pa'i tshigs su bcad pa'i sdom rdzogs s+ho// //sdom ni/ khyim gyi go re long mi bya/ /stan ni skyed du mi gzhug cing / /skud pa'ang bkal bar mi bya ste/ /gdugs dang mchil lham mi bcang ba'o/ /gleng gzhi 
ni mnyan yod na'o/ /de nas sbom dga' mo snga dro sham thabs bgos lhung bzed dang chos gos blangs te/ khyim bdag cig gi khyim du bsod snyoms la zhugs nas/ de nas khyim bdag gi chung ma de la 'di skad ces smras so/ /mtshan bzangs ma bsod snyoms 
byin cig des 'di skad ces smras so/ /'phags ma bdag glo ba mi dga' lags so/ /sbom dga' mos 'di skad ces smras so/ /ci de ring khyod kyi be'u thams cad 'o ma 'thungs sam/ /des 'di skad ces smras so/ /'phags ma khyim gyi go re long bgyid 

</font><hr>9-1-304b<br><font size=+1>
rngo mi thog lags mod/ sbom dga' mos yang 'di skad ces smras so/ /ci khyod kyang khab ji lta bar las sna gcig pa yin nam/ khyim bdag gi chung mas kyang 'di skad ces smras so/ /'phags ma khyod 'di la byang ba cung zad mnga'am/ sbom dga' mos kyang 'di 
skad ces smras so/ /kho mos bzo'i gnas dang / las kyi gnas gang la ma byang ba gang zhig yod/ de nas khyim bdag gi chung ma des sbom dga' mo la 'di skad ces smras so/ /'phags ma bdag gi go re long mdzod cig /des 'di skad ces smras so/ /kho mo la 
sus bsod snyoms sbyin par 'gyur/ khyim bdag gi chung mas 'di skad ces smras te bya ba nas/ khang skyong la yang dbul lo zhes bya ba'i bar ro/ /de nas sbom dga' mos lhung bzed mtha' gcig tu bzhag nas gos dag brdzes te khyim de thams cad chag chag 
legs par btab/ phyag dar legs par byas nas mal bcas/ lcags kyi snod dang / dngul gyi snod dang / gser gyi snod dag byi dor byas nas bzhag ste/ khyim de thams cad shin tu mdzes par byas so/ /de yang bsod snyoms kyis khur bslang 
nas dbyar khang du song ngo / /de nas khyim bdag des mthong nas 'di skad ces smras so/ /bzang mo khyod kyis de ring khyim gyi byi dor gtsang gtsang ltar byas so/ /des 'di skad ces smras te zhes bya ba nas/ 'phags ma sbom dga' mos bgyis kyi bdag gis ma 
bgyis so/ /des 'di skad ces smras so/ /khyod kyis de la nyi ma re re zhing bsod snyoms byin cig dang / khyod kyi khyim gyi go re long byed par 'gyur ro/ /de nas dus gzhan zhig na skye dgu'i bdag mo chen mo gau ta mI khyim der bsod snyoms la zhugs pa dang / de 
nas khyim bdag gi chung ma des skye dgu'i bdag mo chen mo la 'di skad ces smras so/ /'phags ma bdag gi khyim gyi go re long mdzod de stsol/ des 'di skad ces smras so/ /phu nu mo kho mos zas gtsang gi khyim gyi go re long yang ma byas na da rab tu byung nas 

</font><hr>9-1-305a<br><font size=+1>
bya'am/ de lta mod kyi phu nu mo khyod tshul khrims dang ldan pa la mchid stsal ba ni bsod nams ma yin pa mang du bsags nas bran mor gyur pa'i sa bon skyed dam/ gzhan yang khyod kyis rab tu byung ba khyim gyi go re long byed pa mthong ba'am thos pa su 
yod/ des 'di skad ces smras so/ /sbom dga' mo lags so/ /skye dgu'i bdag mo chen mos kyang 'di skad ces de kho nas bdag cag la yang gnas skabs 'di byung ngo zhes smras pa na/ don nyung ba'i dge slong ma dag smod par byed pa'i skabs de/ bcom ldan 
'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim gyi go re long byed na ltung byed do/ /yang gang zhes bya ba ni sbom dga' mo'o/ /khyim gyi go re long zhes bya ba ni 
rang gi khyim gyi bya ba byed pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad khyim gyi go re long byed na thams cad du ltung byed du 'gyur ro/ /ltung byed nyi shu bzhi pa'i dang po rdzogs s+ho// //gleng 
gzhi ni mnyan yod na'o/ /de nas sbom dga' mo dge slong ma rnams la lung klog tu 'jug pa na de'i phyi bzhin dge slong ma rnams stan skyed du bcug cing 'di skad ces khyer la gnas ga ge mo zhig tu thong shig ces sgo bar byed pa dang / dge slong ma rnams kyis khyed dge slong ma 
rnams stan skyed du bcug cing nyams su myong bar byed pa na bsod nams ma yin pa mang du skyed do/ /zhes smod par byed pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' 
ba'i bar du mdzad de/ yang dge slong ma gang dge slong ma rnams las stan skyed pa nyams su myong bar byed na ltung byed do/ /yang gang zhes bya ba ni sbom dga' mo'o/ /dge slong ma rnams zhes bya ba ni chos 'di pa'o las zhes bya ba ni las so/ /stan zhes bya ba ni khri'u dag go/ /

</font><hr>9-1-305b<br><font size=+1>
stan skyed du bcug cing zhes bya ba ni phyi bzhin khyer du bcug cing ngo / /nyams su myong bar byed ces bya ba ni rang gir byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong ma rnams las stan skyed pa 
nyams su myong bar byed na thams cad ltung byed du 'gyur ro/ /gal te rgas pa sbyor mi bzod pa'am/ nad pa zhig chos 'chad pa yin na ltung ba med do/ /ltung byed nyi shu bzhi pa'i gnyis pa rdzogs s+ho// //gleng gzhi ni mnyan yod na'o/ /de nas gtsug 
dga' mos snga dro sham thabs bgos lhung bzed dang chos gos blangs te khyim bdag cig gi khyim du bsod snyoms la zhugs nas khyim bdag gi chung ma de la 'di skad ces smras so/ /mtshan bzangs ma bsod snyoms byin cig /des 'di skad ces smras so/ /'phags 
ma bdag skud pa 'khal bas glo ba brel lo/ /gtsug dga' mos 'di skad ces smras so/ /khyod song la bsod snyoms khyer te shog shig dang / kho mos bkal lo zhes bsod snyoms kyi phyir bkal to de nas dus gzhan zhig na skye dgu'i bdag mo khyim der bsod snyoms 
la zhugs te 'di skad ces smras so/ /phu nu mo bsod snyoms byin cig /khyim bdag gi chung mas 'di skad ces smras so/ /'phags ma skud pa cig khol mdzod cig dang / de'i bar du bsod snyoms 'tshal te mchi'o/ /skye dgu'i bdag mo chen mos 'di skad ces 
smras so/ /phu nu mo kho mo khyim par gyur pa na yang 'khal ma myong na/ da rab tu byung nas 'khal lam de lta mod kyi zhes bya ba dang / byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang skud pa 'khal na ltung byed do/ /
yang gang zhes bya ba ni gtsug dga' mo'o/ /skud pa zhes bya ba ni bdun po gang yang rung ba'o/ /'khal na zhes bya ba ni phung bur byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad skud pa 'khal 

</font><hr>9-1-306a<br><font size=+1>
na thams cad du ltung byed du 'gyur ro/ /gal te so so'i gnas dben par shur bu dang / lcag phod dang rgya cang gi phyir ni ltung ba med do/ /ltung byed nyi shu bzhi pa'i gsum pa rdzogs s+ho// //gleng gzhi ni mnyan yod na'o/ /de nas gtsug dga' 
mos mchil lham bgos/ gdugs thogs te bsod snyoms la rgyu ba na de skye bo mang po dgod cing bram ze dang / khyim bdag rnams 'phya ba'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i 
bar du mdzad de/ yang dge slong ma gang gdugs dang / mchil lham thogs na ltung byed do/ /yang gang zhes bya ba ni gtsug dga' mo'o/ /gdugs zhes bya ba ni tsha ba'i skyabs so/ /mchil lham zhes bya ba ni lham mo/ /thogs na zhes bya ba ni bdag nyid do/ /ltung 
byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gdugs dang mchil lham thogs na thams cad du ltung byed du 'gyur ro/ /dbyar khang du gnas mal bsrung ba'i phyir mchil lham 'chang ba la ltung ba med 
do/ /ltung byed nyi shu bzhi pa'i tshigs su bcad pa'i sdom rdzogs s+ho// //sdom ni/ dpung par phol mig byung ba dang / /smad 'tshong ma yi dge slong ma/ /dge slong ma dang dge slob ma/ /dge tshul ma yis mnye mi bya/ /gleng gzhi ni mnyan yod na'o/ /de nas gtsug 
dga' mo'i dpung par phol mig byung nas de sman pas bcings te/ de ltar bcings zin pa dang / de'i 'og tu 'di skad ces bzhin bzangs bcing ba ha cang dam ches so zhes smras so/ /lhod par byas pa dang / ha cang lhod ches so zhes de ltar 'ching du 'jug cing 
'grol du 'jug pa dang / de nas sman pa des 'di skad ces smras so/ /khyod 'on kyang ma mthong yang bla/ phol mig kyang ma sos su zad mod ces smras nas song ngo / /de la dge slong ma rnams kyis smras pa/ 'phags ma ci'i phyir khyod de ltar byed/ des 'di skad ces 

</font><hr>9-1-306b<br><font size=+1>
smras so/ /kho mos dam pa dang lhod pa shes mod kyi reg pa tsam rang gir bya'o/ /dge slong ma rnams kyis 'di skad ces gang gi phyir gnas skabs der yang khyod 'dod chags kyi blo skyes na/ khyod shing skam ji lta ba bzhin du 'dod chags kyis rab tu mi 'bar ba ngo mtshar 
che'o zhes smras pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dpung par phol mig byung ba skyes pa yang dang yang 
du 'ching zhing 'grol du 'jug na ltung byed do/ /yang gang zhes bya ba ni gtsug dga' mo'o/ /dpung par phol mig byung ba zhes bya ba ni rma zhig go/ /yang dang yang du zhes bya ba ni lan du mar ro/ /skyes pas 'ching zhing 'grol du 'jug na zhes bya ba ni khyim pas 
so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rma byung ba skyes pa 'ching du 'jug gam/ 'grol du 'jug na thams cad du ltung byed du 'gyur ro/ /gal te rma nyid yin te bu'am/ ming 
po'am pha'i dran pa bzhag ste 'ching na ltung ba med do/ /ltung byed nyi shu lnga pa'i dang po rdzogs s+ho// //gleng gzhi ni mnyan yod na'o/ /de nas sbom dga' mos bud med smad 'tshong ma zhig rab tu phyung ngo / /de nas g.yon can dang / nal phrug dang / rgyan 
po dag smad 'tshong ma de tshol ba na/ de dag gis sbom dga' mos rab tu phyung ngo zhes thos nas de dag gis blo skyes pa/ da ni legs pa zhig byas kyis bdag cag gis de'i zan dang gos sbyin mi dgos te/ de lta mod kyi dga' mgur ni spyad par bya'o snyam nas de 
dag gnas der dong zhing cha ma yin pa'i tshig dag 'byin pa na/ don nyung ba'i dge slong ma dag smod par byed pa'i skabs de dge slong ma rnams kyis/ bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar 

</font><hr>9-1-307a<br><font size=+1>
du mdzad de/ yang dge slong ma gang shes bzhin du bud med smad 'tshong ma rab tu 'byin na ltung byed do/ /yang dge slong ma gang zhes bya ba ni sbom dga' mo'o/ /shes bzhin du zhes bya ba ni rang gis sam/ gzhan gyis smras par gyur pa'o/ /bud med smad 'tshong 
ma zhes bya ba ni kun gyis spyad par bya ba'o/ /rab tu 'byin na zhes bya ba ni chos 'dul ba 'di la'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad bud med smad 'tshong ma zhes rab tu 'byin na thams cad du ltung 
byed du 'gyur ro/ /gal te yul gzhan du bkar nas rab tu 'byin na ltung ba med do/ /ltung byed nyi shu lnga pa'i gnyis pa rdzogs s+ho// //gleng gzhi ni mnyan yod na'o/ /de nas sbom dga' mos rang la dge slong ma dag mnyed du bcug pa dang / de la dge slong ma 
rnams kyis smras pa/ dur khrod sten pa 'di mnyes te ci zhig bya/ des 'di skad ces pags pa'i mdog 'di 'tsher zhing gsal bar byed byas pa dang / rgyan po pa dang nal phrug rnams kyi snying 'gas par 'gyur ro zhes bya ba'i bar du smras pa'i skabs de dge slong ma 
rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang rang la dge slong ma dag mnyed du 'jug na ltung byed do/ /yang gang zhes bya ba ni sbom dga' 
mo'o/ /dge slong ma zhes bya ba ni chos 'di pa'o/ /rang la mnyed du 'jug na zhes bya ba ni lus mnyed du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rang la mnyed du 'jug na thams cad 
du ltung byed du 'gyur ro/ /ltung byed nyi shu lnga pa'i gsum pa rdzogs s+ho// //gleng gzhi ni mnyan yod na'o/ /de nas sbom dga' mos bsams pa/ bcom ldan 'das kyis dge slong ma dag gis mnye bar mi bya'o/ /zhes gsungs pas ma la bdag gis dge slong 

</font><hr>9-1-307b<br><font size=+1>
ma mnyed du gzhug go snyam nas de rang la dge slob ma mnyed du bcug pa dang / don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du 
mdzad de/ yang dge slong ma gang dge slong ma mnyed du 'jug na ltung byed do/ /yang gang zhes bya ba ni sbom dga' mo'o/ /dge slob ma zhes bya ba ni chos 'dul ba 'di la dge slob mar 'gyur ba'i bslab pa la slob par 'gyur ba'o/ /rang la mnyed du 'jug na zhes bya 
ba ni lus mnyed du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rang la dge slob ma mnyed du 'jug na thams cad du ltung byed du 'gyur ro/ /ltung byed nyi shu lnga pa'i bzhi pa rdzogs 
s+ho// //gleng gzhi ni mnyan yod na'o/ /de bzhin du gzhon nu ma la yang rgyas par brjod par bya ste zhes bya ba nas/ bslab pa bca' ba'i bar du mdzad de/ yang dge slong ma gang rang la gzhon nu ma mnyed du 'jug na ltung byed do/ /yang gang zhes bya ba ni 
sbom dga' mo'o/ /gzhon nu ma zhes bya ba ni dge tshul ma'o/ /rang la mnyed du 'jug na zhes bya ba ni lus mnyed du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rang 
la dge tshul ma mnyed du 'jug na thams cad du ltung byed du 'gyur ro/ /ltung byed nyi shu lnga pa'i tshigs su bcad pa'i sdom rdzogs s+ho// //sdom ni/ khyim pa mo yang mnyed mi gzhug /kun du rgyu mo'ang de bzhin no/ /dri dang til gyi tshigs ma 
dang / /gnig pa'i rdzas kyis phyi ba'o/ /gleng gzhi ni mnyan yod na'o/ /de nas sbom dga' mos bsams pa/ bcom ldan 'das kyis gzhon nu ma'i bar gyis mnyed du gzhug pa bkag gis/ ma la bdag gis khyim pa mo mnyed du gzhug go snyam nas des 

</font><hr>9-1-308a<br><font size=+1>
khyim pa mo mnyed du bcug pa dang / zhes bya ba nas/ skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 
khyim pa mo mnyed du 'jug na ltung byed do/ /yang gang zhes bya ba ni sbom dga' mo'o/ /khyim pa mo zhes bya ba ni khyim na gnas pa'o/ /mnyed du 'jug na zhes bya ba ni bsku mnye byed du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ 
dge slong mas ji tsam cung zad khyim pa mo mnyed du 'jug na thams cad du ltung byed du 'gyur ro/ /gal te nad pa sbyor mi bzod pa'am/ ma'am/ bu'am/ bu mo'am/ ming pos mnyed na ltung ba med do/ /ltung byed nyi shu drug pa'i dang po rdzogs s+ho// //gleng 
gzhi ni mnyan yod na'o/ /de bzhin du kun du rgyu mo la yang rgyas par brjod par bya ste zhes bya ba nas/ bslab pa bca' ba'i bar du mdzad de/ yang dge slong ma gang rang la kun du rgyu mo mnyed du 'jug na ltung byed do/ /yang gang zhes bya ba ni sbom dga' mo'o/ /kun du 
rgyu mo zhes bya ba ni grangs can gyi rab tu byung ba'o/ /rang la mnyed du 'jug na zhes bya ba ni lus mnyed du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad rang la kun du rgyu mo mnyed du 'jug na thams 
cad du ltung byed du 'gyur ro/ /ltung byed nyi shu drug pa'i gnyis pa rdzogs s+ho// //gleng gzhi ni mnyan yod na'o/ /de nas sbom dga' mo dris skud par byed pa dang / dge slong ma rnams kyis smras pa/ 'phags ma 'di ci bya/ des 'di skad ces smras so/ /lus dri 
zhim par bya'o/ /de dag gis 'di skad ces smras so/ /rang bzhin gyis dri mi zhim pa'i lus 'di khyod su'i ched du dri zhim par byed ces bya ba nas/ 'dod chags can gyis mthong na 'dod chags kyis gos par 'gyur ro zhes bya ba'i bar du smras pa'i skabs de dge slong ma rnams 

</font><hr>9-1-308b<br><font size=+1>
kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dris skud na ltung byed do/ /yang gang zhes bya ba ni sbom dga' mo'o/ /dris skud na zhes bya ba ni tsan dan 
dang / tu ru ska la sogs te dri zhim pos so/ /skud na zhes bya ba ni rang ngam gzhan skud du 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dris skud dam/ skud du 'jug na thams cad du 
ltung byed du 'gyur ro/ /ltung byed nyi shu drug pa'i gsum pa rdzogs s+ho// //gleng gzhi ni mnyan yod na'o/ /gang gi tshe bcom ldan 'das kyis dris skud pa bkag pa dang zhes bya ba nas/ de bzhin du til gyi tshigs mas 'phyi ba la yang brjod par bya ste zhes bya 
ba nas bslab pa bca' ba'i bar du mdzad de/ yang dge slong ma gang til gyi tshigs mas 'phyir 'jug na ltung byed do/ /yang gang zhes bya ba ni sbom dga' mo'o/ /til gyi tshigs mas 'phyi bar byed na thams cad du zhes bya ba ni til mar phyung ba'i tshigs mas lus 
'phyir 'jug na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad til gyi tshigs mas 'phyir 'jug na thams cad du ltung byed du 'gyur ro/ /ltung byed nyi shu drug pa'i bzhi pa rdzogs s+ho// //
gleng gzhi ni mnyan yod na'o/ /de nas bcu gnyis sde dag gnig pa'i rdzas kyis lus kyi dri ma 'phyi ba na de nyid nyes dmigs su gyur nas/ don nyung ba'i dge slong ma dag smod par byed pa'i skabs de dge slong ma rnams kyis bcom ldan 'das la gsol to/ /de 
nas bcom ldan 'das kyis byung ba 'di dang zhes bya ba nas/bslab pa bca' ba'i bar du mdzad de/ yang dge slong ma gang gnig pa'i rdzas kyis 'phyir 'jug na ltung byed do/ /yang gang zhes bya ba ni bcu gnyis sde dag go/ /gnig pa'i rdzas zhes bya ba ni lus 

</font><hr>9-1-309a<br><font size=+1>
kyi dri ma 'phyi zhing gnig par byed pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gnig pa'i rdzas kyis 'phyir 'jug na thams cad du ltung byed du 'gyur ro/ /ltung byed nyi shu drug pa'i tshigs su 
bcad pa'i sdom rdzogs s+ho// //dge slong ma'i 'dul ba rnam par 'byed pa/bam po nyi shu bdun pa/ sdom ni/ skabs ma phye bar 'dri ba dang / /khyim pa'i rgyan ni thogs pa dang / /sbrel cing khrus ni byed pa dang / /gar dang glu dang rol mo min/ /gleng gzhi ni mnyan 
yod na'o/ /de nas sbom dga' mo gtsug lag khang du song nas dge slong la skabs ma phye bar dri ba dris pa dang / dge slong des dri ba des dgrol bar ma nus nas zhum zhum por gyur pa'i skabs de dge slong ma rnams kyis bcom ldan 'das la gsol to/ /de nas bcom ldan 
'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong la skabs ma phye bar dri ba 'dri na ltung byed do/ /yang gang zhes bya ba ni sbom dga' mo'o/ /dge slong la zhes bya ba ni 'khor gyi gtso bo la'o/ /skabs ma phye 
bar zhes bya ba ni gsol ba ma byas par ro/ /dri ba 'dri na zhes bya ba ni sangs rgyas kyis gsungs pa'am/ nyan thos kyis smras pa'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong la skabs ma phye 
bar dri ba 'dri na thams cad du ltung byed du 'gyur ro/ /ltung byed nyi shu bdun pa'i dang po rdzogs s+ho// //gleng gzhi ni mnyan yod na'o/ /de nas sbom dga' mos snga dro sham thabs bgos lhung bzed dang chos gos blangs te phyug po zhig gi khyim du bsod snyoms la zhugs 
pa dang / de dag gi lus kyi rgyan gyi snod sprog ma dag tu rgyan rnams bzhag nas skra'i byi dor byed pa yin pas de nas sbom dga' mos mgul gdub dang / gdu bu rgyan can dang / dpung rgyan la sogs mthong nas blangs te thogs pa dang / bud med de dag gis smras pa/

</font><hr>9-1-309b<br><font size=+1>
'phags ma 'di ci mdzad/ des 'di skad ces smras so/ /kho mo'i lus rgyan gyis mdzes sam ci blta mod/ de dag gis smras pa/ mgo reg tshul gzhan du khas blangs pa khyod la mdzes su ci yod ces bud med de dag de ltar kha zer bar byed pa'i skabs de dge slong 
ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim pa'i rgyan thogs na ltung byed do/ /yang gang zhes bya ba ni sbom dga' mo'o/ /khyim 
pa'i rgyan ces bya ba ni mgul gdub dang / gdu bu rgyan can dang / dpung rgyan la sogs pa'o/ /thogs na zhes bya ba ni brgyan par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad khyim 
pa'i rgyan thogs na thams cad du ltung byed du 'gyur ro/ /ltung byed nyi shu bdun pa'i gnyis pa rdzogs s+ho// //gleng gzhi ni mnyan yod na'o/ /de nas bcu gnyis sde dag mnyan yod kyi bram ze dang / khyim bdag gi chung ma rab tu mang po dang lag pa sbrel nas 
'bab chu a dzi ra ba tir lus khrus byed pa na de dag gcig la gcig mdzub mo 'dzugs shing de dag dga' bar byed dga' bar byed du 'jug /rtse bar byed/ rtser 'jug par byed cing dgod pa dang / 'phyar g.yeng dang / lus kyi rtsab hral byed pa nye bar ston par byed pa na 
don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang lag pa sbrel nas khrus byed na ltung byed do/ /yang 
gang zhes bya ba ni bcu gnyis sde dag go/ /lag pa sbrel nas zhes bya ba ni lag pa sbrel te'o/ /khrus byed na zhes bya ba la khrus ni gnyis te/ dbang bskur ba'i khrus dang / 'jug pa'i khrus las don 'di la ni 'jug pa'i khrus la bya bar dgongs so/ /ltung byed do zhes bya 

</font><hr>9-1-310a<br><font size=+1>
ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad 'jug pa'i khrus la lag pa sbrel nas lus khrus byed na thams cad du ltung byed du 'gyur ro/ /ltung byed nyi shu bdun pa'i gsum pa rdzogs s+ho// //gleng gzhi ni mnyan yod 
na'o/ /de'i tshe mnyan yod na dga' sde'i tshogs gnyis po gcig ni rgyal rigs kyi dga' sde'o/ /cig shos ni bram ze'i dga' sde'o/ /de la rgyal rigs kyi dga' sde ni g.yul la byang ba yin no/ /bram ze'i dga' sde ni gar la byang ba yin no/ /gang gi tshe dga' sde'i tshogs 
gnyis las g.yul 'gyed pas 'gran pa de'i tshe rgyal rigs kyi dga' sde rgyal bar 'gyur la/ gang gi tshe gar gyi tshe ni bram ze'i dga' sde rgyal bar 'gyur ro/ /de nas rgyal rigs kyi dga' sde rnams 'di snyam du sems te/ /bdag cag gis su zhig la gar bslab snyam 
pa las de dag 'di snyam du sems te/ 'phags ma sbom dga' mo 'di ni shAkya'i rigs las rab tu byung ba bzo'i gnas thams cad dang / las kyi gnas thams cad la byang ba yin no snyam du bsam nas/ sbom dga' mo gang na ba der song ste phyin pa dang / sbom dga' 
mo la 'di skad ces smras so/ /'phags ma khyod gar la byang ba cung zad mnga'am/ des 'di skad ces smras so/ /kho mos bzo'i gnas dang / las kyi gnas gang la ma byang ba de gang zhig yod/ de dag gis 'di skad ces smras so/ /re zhig bdag cag gis glar 
bca' ba sbyin gyis bdag cag la gar slobs shig /des smras pa/ 'di ltar lag pa sgyur cig /'di ltar rked pa sgyur cig /'di ltar rkang pa zhog shig ces bya ba nas/ rgyal rigs kyi dga' sde rnams gar slob tu bcug go zhes bya ba'i bar ro/ /de nas rgyal rigs 
kyi dga' sde de dag gis bram ze'i dga' sde rnams gar gyis pham par byas so/ /de nas bram ze'i dga' sde rnams kyis 'di skad ces smras so/ /khyed cag la sus bslabs/ de dag gis 'di skad ces sbom dga' mos so zhes smras pa na/ de dag shAkya'i sras kyi dge 

</font><hr>9-1-310b<br><font size=+1>
sbyong rnams kyi dge sbyong gi tshul dang / tshangs pa'i tshul ni tshig pa yin te/ gang gi phyir 'di ltar gar yang slob tu 'jug go zhes smod par byed/ phyar ka gtong bar byed/ kha zer bar byed pa'i skabs de dge slong ma rnams kyis bcom ldan 'das la gsol to/ /de nas bcom 
ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gar slob tu 'jug na ltung byed do/ /yang gang zhes bya ba ni sbom dga' mo'o/ /gar zhes bya ba ni lag pa dang / rkang pa sgyur ba'o/ /slob tu 'jug na zhes bya ba ni 
ston par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gar slob tu 'jug na thams cad du ltung byed du 'gyur ro/ /ltung byed nyi shu bdun pa'i bzhi pa rdzogs s+ho// //gleng gzhi ni mnyan yod 
na'o/ /gang gi tshe bcom ldan 'das kyis gar slob tu gzhug par mi bya'o/ /zhes dgag pa mdzad pa dang / de'i 'og tu sbom dga' mo dga' sde'i drung du song nas gar ston par byed do zhes bya ba nas/bslab pa bca' ba'i bar du mdzad de/ yang dge slong ma gang gar 
ston na ltung byed do/ /yang gang zhes bya ba ni sbom dga' mo'o/ /de bzhin du gar ston na zhes bya ba ni nye bar ston na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gar ston na thams cad du ltung byed du 'gyur 
ro/ /ltung byed nyi shu bdun pa'i lnga pa rdzogs s+ho// //gleng gzhi ni mnyan yod na'o/ /de bzhin du gar la ltar 'gro ba'i bar du bya ste zhes bya ba nas/ bslab pa bca' ba'i bar du mdzad de/ yang dge slong ma gang gar la ltar 'gro na ltung byed do/ /yang gang zhes bya ba ni sbom dga' 
mo'o/ /gar la ltar 'gro na zhes bya ba ni ltad mo 'dod de 'gro na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gar la ltar 'gro na thams cad du ltung byed du 'gyur ro/ /ltung byed nyi shu bdun pa'i drug pa rdzogs s+ho// //

</font><hr>9-1-311a<br><font size=+1>
gleng gzhi ni mnyan yod na'o/ /gang gi tshe dga' sde gnyis las glengs nas de nas bram ze'i dga' sde rnams glu'i ched du sbom dga' mo gang na ba der dong ste zhes bya ba nas/ 'phags ma bdag cag la yang glu slobs shig ces bya ba'i bar ro/ /de yang drug ldan dang 
zhes bya ba nas/ shes gsal zhes bya ba dang / kai shi ke zhes bya ba dang / sa 'dzin pa dag gi bar de lta bu rol mo'i dbyangs bdun rgyas par bslabs pa dang zhes bya ba nas/ bslab pa bca' ba'i bar du mdzad de/ yang dge slong ma gang glu slob tu 'jug na ltung byed do/ /yang gang zhes 
bya ba ni sbom dga' mo'o/ /glu zhes bya ba ni khar 'byin pa'o/ /slob tu 'jug na zhes bya ba ni ston par byed na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad glu slob tu 'jug na thams cad du ltung byed du 'gyur ro/ /ltung 
byed nyi shu bdun pa'i bdun pa rdzogs s+ho// //gleng gzhi ni mnyan yod na'o/ /de bzhin du glu ston pa zhes bya ba nas/ bslab pa bca' ba'i bar du mdzad de/ yang dge slong ma gang glu ston na ltung byed do/ /yang gang zhes bya ba ni sbom dga' mo'o/ /ltung ba'i rim pa ni gong ma ji lta ba de 
bzhin du rjes su mthun par bya'o/ /ltung byed nyi shu bdun pa'i brgyad pa'o// //gleng gzhi ni mnyan yod na'o/ /de bzhin du glu la ltar 'gro ba zhes bya ba nas/ bslab pa bca' ba'i bar du mdzad de/ yang dge slong ma gang glu la ltar 'gro na ltung byed do/ /yang gang zhes bya ba ni sbom 
dga' mo'o/ /ltung ba'i rim pa ni gong ma ji lta ba de bzhin du rjes su mthun par bya'o/ /ltung byed nyi shu bdun pa'i dgu pa'o// //gleng gzhi ni mnyan yod na'o/ /zhes bya ba nas rgyal rigs kyi dga' sde dag rol mo'i ched du sbom dga' mo gang na ba der song ste phyin nas 'di skad 
ces smras so/ /'phags ma bdag cag la rol mo dag slobs shig des pi bang dang / gling bu dang / rdza rnga dang / pi bang rgyud gcig pa dang / ba b+hi sa ke dang / lcags kyi sil krol dang / shin tu dbyangs snyan la sogs pa dbyangs bdun po dag bslabs nas/ zhes bya ba 

</font><hr>9-1-311b<br><font size=+1>
nas/ bslab pa bca' ba'i bar du mdzad de/ yang dge slong ma gang rol mo slob tu 'jug na ltung byed do/ /yang gang zhes bya ba ni sbom dga' mo'o/ /slob tu 'jug na zhes bya ba ni 'dod pa'i yon tan dang ldan pa'i sgra la'o/ /ltung byed do zhes bya ba ni gong ma bzhin no/ /de la ltung 
bar ji ltar 'gyur zhe na/ dge slong mas ji tsam cung zad rol mo slob tu 'jug na thams cad du ltung byed du 'gyur ro/ /ltung byed nyi shu bdun pa'i bcu pa'o// //gleng gzhi ni mnyan yod na'o/ /de bzhin du rol mo ston pa zhes bya ba nas/ bslab pa bca' ba'i bar du mdzad de/ yang 
dge slong ma gang rol mo ston na ltung byed do/ /yang gang zhes bya ba ni sbom dga' mo'o/ /ltung ba'i rim pa ni gong ma ji lta ba de bzhin du rjes su mthun par bya'o/ /ltung byed nyi shu bdun pa'i bcu gcig pa'o// //gleng gzhi ni mnyan yod na'o/ /de bzhin du rol mo la ltar 'gro ba zhes bya 
ba nas/ bslab pa bca' ba'i bar du mdzad de/ yang dge slong ma gang rol mo la ltar 'gro na ltung byed do/ /yang gang zhes bya ba ni sbom dga' mo'o/ /ltung ba'i rim pa ni gong ma ji lta ba de bzhin du rjes su mthun par bya'o/ /ltung byed nyi shu bdun pa'i tshigs su bcad pa'i sdom rdzogs s+ho// //
sdom ni/ dge slong bcas pa'i gnas dag nas/ /'ba' zhig bshang bar 'gro mi bya/ /pu shel tse dang so mangs dang / /rtswa thum skra brnyan bcang mi bya/ /gleng gzhi ni mnyan yod na'o/ /de nas gtsug dga' mos skyes pa zhig la 'di skad ces tshur shog 'di dang 'di dag bya'o/ /zhes smras te/ 
ji tsam na dbyar khang du shog shig pa'i brda byas so/ /de nas skyes pa de nub mo dbyar khang du 'ongs pa dang / des de chab kung sar bzhag nas bya ba mang po dang / sgrub pa mang po gang yin pa de dag byas nas/ chab kung sar song ste son nas skyes pa de la 'di skad ces smras so gnas 'di ni mi 
gtsang gis gnas gzhan du dong ngo / /des 'di skad ces smras so/ /gang du gtsug dga' mos 'di skad ces smras te/ khyod kyi khyim du'o/ /de nas skyes pa des 'di skad ces smras so/ /ji ltar 'dong gtsug dga' mos 'di skad ces smras te/ kye re zhig kho mo'i phrag pa la zhon cig 

</font><hr>9-1-312a<br><font size=+1>
ces des skyes pa da phrag pa la zhon pa dang / de nas gtsug dga' mos 'di snyam du sems te/ bdag dge slong ma rnams kyi sna la 'gro ba gang ci yang rung ba de thams cad ni tshul khrims tsam gyis yin na/ gal te bdag dge slong ma'i dngos po zhig par gyur na bdag gis 
tshig tsam yang smra bar ga la nus te ji skad du/ gtsang mas 'jig rten zil gnon te/ /btsog pas 'jig rten zil mi gnon/ /ces zer ba lta bu'o snyam du bsams nas/ gtsug dga' mos khros te 'phags ma chom rkun pas khrid do zhes smras pa dang / skyes pa des phrag pa 
las sa la mchongs te/ 'di skad ces mgo reg mo ngan pa rang gis brda byas la 'di skad ces chom rkun pas khrid do zhes smra'am zhes smras pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang 
zhes bya ba nas/ bslab pa bca' ba'i bar du mdzad de/ yang dge slong ma gang gcig pu chab kung sar 'gro na ltung byed do/ /yang gang zhes bya ba ni gtsug dga' mo'o/ /gcig pu zhes bya ba ni gnyis pa shos med par ro/ /chab kung sar 'gro na zhes bya ba ni bshang ba'i sar 
ro/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad gcig pu chab kung sar 'gro na thams cad du ltung byed du 'gyur ro/ /ltung byed nyi shu brgyad pa'i dang po'o// // gleng gzhi ni mnyan yod na'o/ /de nas bcu gnyis sde dag pu 
shel tses skra 'chos shing mnyam par 'chang ba na dge slong ma rnams kyis 'di skad ces smras so/ /phu nu mo dag 'di ci byed/de dag gis 'di skad ces smras so/ /skra ma 'dzings par bskyed mod/ dge slong ma rnams kyis 'di skad ces khyed cag de ltar byed pa ni skra ma yin gyi nyon mongs 
pa bskyed do/ /zhes smras pa'i skabs de dge slong ma rnams kyis bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong mas gang pu shel tses skra byi dor byed na ltung byed do/ /yang gang 

</font><hr>9-1-312b<br><font size=+1>
zhes bya ba ni bcu gnyis sde dag go/ /pu shel tses zhes bya ba ni bi ra Na'i rtsa bas so/ /skra'i byi dor byed na zhes bya ba ni mgo'i skra 'chos na'o/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad pu shel tses skra'i byi dor byed na 
thams cad du ltung byed du 'gyur ro/ /ltung byed nyi shu brgyad pa'i gnyis pa'o// //gleng gzhi ni mnyan yod na'o/ /gang gi tshe bcom ldan 'das kyis pu shel tses skra'i byi dor mi bya'o/ /zhes dgag pa mdzad pa de'i tshe so mangs kyis byi dor byed pa dang / zhes bya ba ni bslab pa bca' ba'i 
bar du mdzad de/ yang dge slong ma gang so mangs kyis skra'i byi dor byed na ltung byed do/ /yang gang zhes bya ba ni bcu gnyis sde dag go/ /so mangs kyis zhes bya ba ni so mangs kyis so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ zhes bya ba'i bar 
gong nas 'byung ba bzhin no/ /ltung byed nyi shu brgyad pa'i gsum pa'o// //gleng gzhi ni mnyan yod na'o/ /yang rtswa'i thum pos skra'i byi dor byed pa dang / zhes bya ba'i bar gyi skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ 
bslab pa bca' ba'i bar du mdzad de/ yang dge slong ma gang rtswa'i thum pos skra'i byi dor byed na ltung byed do/ /yang gang zhes bya ba ni bcu gnyis sde dag go/ /rtswa'i thum pos zhes bya ba ni sdong bu gshibs pas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ 
zhes bya ba'i bar gong nas 'byung ba bzhin no/ /ltung byed nyi shu brgyad pa'i bzhi pa'o// //gleng gzhi ni mnyan yod na'o/ /yang so mangs dang / rtswa'i thum pos skra'i byi dor byed pa'i bar du bya ste zhes bya ba nas/ bslab pa bca' ba'i bar du mdzad de/ yang dge slong ma gang so 
mangs dang rtswa'i thum pos skra'i byi dor byed na ltung byed do/ /yang gang zhes bya ba ni bcu gnyis sde dag go/ /so mangs dang rtswa'i thum pos zhes bya ba ni gnyi gas so/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ zhes bya ba'i bar du gong nas 'byung ba 

</font><hr>9-1-313a<br><font size=+1>
bzhin no/ /ltung byed nyi shu brgyad pa'i lnga pa'o// //gleng gzhi ni mnyan yod na'o/ /de nas sbom dga' mos bsams pa/ bdag gis byas so cog thams cad ni phul phyin par byas kyis ma la re zhig bdag gis skra brnyan yang thogs par bya'o/ /snyam du 
bsam nas/ rol mo mkhan gyi rgyan dang / rol mo mkhan gyi gos dang / rol mo mkhan gyi lham zung gcig brnyas/ gar mkhan zhig las skra brnyan brnyas te/ de nas sbom dga' mos rgyan thams cad bgos nas smad 'tshong ma yod pa'i rtags btsugs te gnas gcig tu bsdad pa 
dang / de nas skyes pa zhig 'ongs nas des dris pa dang / nyi ma gcig la gla ci tsam/ des 'di skad ces smras te/ kAr ShA pa Na lnga brgya'o skyes pa des 'di skad ces smras so/ /ha cang mang ches so/ /des 'di skad ces re zhig gzugs bzang ba la ltos shig /gang gi tshe byed tshul 
dag mthong nas mgu bar gyur nas lhag par gzhal dgos pa'i gnas 'di yod ces smras pa dang / de nas skyes pa des kAr ShA pa Na lnga brgya byin no/ /des smras pa nang du zhugs shig de nas sbom dga' mos bsams pa/ bdag dge slong ma'i sna la 'gro ba gang ci yang rung ba de thams cad 
ni tshul khrims dang brtul zhugs tsam gyis yin na/ gal te bdag dge slong ma'i dngos po zhig na tshul khrims ral pa yin no zhes byas nas snod chag pa ji lta ba bzhin du bdag la su zhig 'dri bar 'gyur snyam du bsams nas/ sbom dga' mos rol mo mkhan gyi rgyan phud nas bros so/ /
skyes pa des kyang 'phrigs nas sbom dga' mo gang na ba der brgyugs te des skra brnyan nas bzung ba dang / skra brnyan phud nas skra brnyan de yang skyes pa'i lag tu 'ongs nas 'di skad ces mgo reg mo ngan pa mo zhes smras so/ /de nas sbom dga' mos skyes pa de la 'di skad ces smras 
so/ /bu zan mo'i bu rgyal po gsal rgyal gyis dge slong ma rnams btsun mo'i thabs su gnang bar khyod kyis mi shes sam/ gal te kho mo la lag pas reg par gyur na lag pa mkhrig ma'i drung du gcod du gzhug go/ /des 'di skad mgo reg mo ngan pa mo khyod 'dra ba ni gnang ba ma 

</font><hr>9-1-313b<br><font size=+1>
yin te/ gnang ba ni skye dgu'i bdag mo chen mo dang / gau ta mI skem mo dang / ut+pa la'i mdog dang / chos sbyin dang / bzang ldan ma dang / ser skya mo dag yin gyis mgo reg mo khyod 'dra ba ni ma yin no zhes smras pa na/ don nyung ba'i dge slong ma dag smod par byed pa'i skabs 
de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang skra brnyan thogs na ltung byed do/ /yang gang zhes bya ba ni sbom dga' mo'o/ /skra brnyan thogs na zhes bya ba ni 
gar mkhan gyi skra brnyan no/ /ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad skra brnyan thogs na thams cad du ltung byed du 'gyur ro/ /ltung byed nyi shu brgyad pa'i tshigs su bcad pa'i sdom rdzogs s+ho// //
dge slong ma'i 'dul ba rnam par 'byed pa las ltung byed rnams rdzogs s+ho// //da ni so sor bshags par bya ba rnams smra bar bya ste/ de la so sor bshags par bya ba rnams kyi sdom gyi tshigs su bcad pa ni 'di yin te/ sdom la/ 'o ma zho dang mar dang ni/ /zhun 
mar 'bru mar hwags dag dang / /sbrang rtsi nya sha sha dag dang / /sha skam slob pa bskos pa'o/ /gleng gzhi ni mnyan yod na'o/ /de'i tshe bcu gnyis sde dag bud med kyi brkam chags kyis gzhan gyi khyim dag nas 'o ma bslangs shing longs spyod par byed do/ /de dag 'o ma 
tshol ba'i rgyus lung nod pa dang / klog pa dang kha ton byed pa dang / rnal 'byor dang / yid la byed pa dang / nang gi sems kyi zhi gnas shor ba dang zhes bya ba nas/ don nyung ba'i dge slong ma dag smod par byed pa'i skabs de bcom ldan 'das la gsol pa dang / 
bcom ldan 'das kyis bka' stsal pa/ bslang bar mi bya'o/ /phyis nyo bar byed pa na nyes pa de nyid du gyur nas bcom ldan 'das kyis bka' stsal pa/ nyo bar mi bya'o/ /nye du dag las slong ba na nyes dmigs de nyid du gyur nas/ bcom ldan 'das kyis bka' 

</font><hr>9-1-314a<br><font size=+1>
stsal pa bslang bar mi bya'o/ /ji tsam na dge slong ma nad pa zhig yod pa de la sman pas 'o ma sten cig ces bstan pa dang / des 'di skad ces smras so/ /bzhin bzangs kho mo shi zin no/ /sman pas smras pa/ ci'i phyir/ des 'di skad ces smras so/ /bcom ldan 
'das kyis bkag go/ /sman pas smras pa/ khyod kyi ston pa ni thugs rje can yin pas rjes su gnang bar 'gyur ro/ /zhes pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ sman pas bstan na nad kyi sman du longs 
spyad par bya'o/ /de nas sbom dga' mo na yang rung mi na yang rung gzhan gyi khyim dag nas 'o ma bslangs nas longs spyod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang 
dge slong ma gang mi na bar rang gi don du/ khyim dag tu 'o ma bslangs nas 'cha' 'am za na dge slong ma des dbyar khang du song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par 
bya ste/ chos 'di ni so sor bshags par bya ba'o/ /yang gang zhes bya ba ni sbom dga' mo'o/ /rang gi don du zhes bya ba ni rang gi lus kyi'o/ /mi na bar zhes bya ba ni nad kyis ma thebs par ro/ /khyim dag tu zhes bya ba ni bram ze dang khyim bdag gi khyim dag tu'o/ /'o ma zhes bya ba la 
'o ma ni lnga ste/ ba'i 'o ma dang / ma he'i 'o ma dang / rnga rmo'i 'o ma dang / ra'i 'o ma dang / lnga pa ni lug gi 'o ma'o/ /bslangs nas zhes bya ba ni gsol ba btab nas so/ /'cha' 'am za na zhes bya ba ni lkog mar kham gyis mid pa'o/ /dge slong ma des zhes bya ba ni gang yin 
pa'i dge slong ma des so/ /dbyar khang du song nas zhes bya ba ni gtsug lag khang du'o/ /dge slong ma rnams la zhes bya ba ni chos 'di pa dag la'o/ /so sor bshags par bya'o zhes bya ba ni mthol bar bya ba'o/ /'phags ma smad pa'i gnas zhes bya ba ni dge slong mas de bya ba ma yin 

</font><hr>9-1-314b<br><font size=+1>
pa'o/ /mi rigs pa zhes bya ba ni chags par 'gyur ba'o/ /so sor bshags par bya ba byung gis chos de so sor 'chags so/ /zhes bya ba ni nges par mthol ba'o/ /chos 'di ni so sor bshags par bya ba yin no zhes bya ba ni gdon mi za bar mthol bar bya ba'o/ /de la ltung bar ji 
ltar 'gyur zhe na/ dge slong mas ji tsam cung zad 'o ma slong na thams cad du nyes byas su 'gyur ro/ /thob na nyes byas so/ /longs spyad na so sor bshags par 'gyur ro/ /las dang po pa dang / smyos pa dang / sems 'khrugs pa dang / tshor bas nyen pa la ltung ba med do/ /
dge slong ma'i 'dul ba rnam par 'byed pa las/ /so sor bshags par bya ba dang po'o// //gleng gzhi ni mnyan yod na'o/ /gang gi tshe bcom ldan 'das kyis dge slong ma rnams la 'o ma dgag pa mdzad pa dang / de nas zho slong ba dang zhes bya ba nas/ bslab pa bca' ba'i 
bar du mdzad de/ yang dge slong ma gang mi na bar rang gi don du khyim dag tu zho bslangs nas 'cha' 'am za na dge slong ma des dbyar khang du song nas/ dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags 
so zhes so sor bshags par bya ste/ 'di ni so sor bshags par bya ba'i chos yin no/ /yang gang zhes bya ba ni sbom dga' mo'o/ /ltung ba'i rim pa gzhan ni gong ma ji lta ba bzhin du rjes su mthun par bya ste/ der 'o ma lnga zhes 'byung ba ni 'dir zho lnga zhes rgyas par 
brjod par bya'o/ /so sor bshags par bya ba gnyis pa'o// //gleng gzhi ni mnyan yod na'o/ /de bzhin du mar sar slong ba dang zhes bya ba nas/ bslab pa bca' ba'i bar du mdzad de/ yang dge slong ma gang mi na bar rang gi don du khyim dag tu mar sar 
bslangs nas/ 'cha' 'am za na dge slong ma des dbyar khang du song nas/ dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ 'di ni so sor bshags par bya 

</font><hr>9-1-315a<br><font size=+1>
ba'i chos yin no/ /yang gang zhes bya ba ni sbom dga' mo'o/ /zhes bya ba nas mar sar ni lnga'o/ /zhes bya ba'i bar ro/ /ltung ba'i rim pa lhag ma ni gong ma ji lta ba bzhin du rjes su mthun par bya'o/ /so sor bshags par bya ba gsum pa'o// //gleng gzhi ni 
mnyan yod na'o/ /de nas zhun mar slong ba dang zhes bya ba nas/ bslab pa bca' ba'i bar du mdzad de/ yang dge slong ma gang mi na bar rang gi don du khyim dag tu zhun mar bslangs nas 'cha'a'am za na dge slong ma des dbyar khang du song nas dge slong ma rnams la 'phags ma smad pa'i 
gnas mi rigs pa so sor bshags par bya ba byung gis chos de so sor 'chags so/ /zhes so sor bshags par bya ste/'di ni so sor bshags par bya ba'i chos yin no/ /yang gang zhes bya ba ni sbom dga' mo'o zhes bya ba nas/ zhun mar zhes bya ba ni mar lnga'o zhes bya ba'i 
bar ro/ /ltung ba'i rim pa lhag ma ni gong ma ji lta ba bzhin du rjes su mthun par bya'o/ /so sor bshags par bya ba bzhi pa'o// //gleng gzhi ni mnyan yod na'o/ /de nas til mar slong ba dang zhes bya ba nas bslab pa bca' ba'i bar du mdzad de/ yang dge slong ma gang mi na bar 
rang gi don du khyim dag tu til mar bslangs nas 'cha' 'am za na dge slong ma des dbyar khang du song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ 'di ni so sor 
bshags par bya ba'i chos yin no/ /yang gang zhes bya ba ni sbom dga' mo'o zhes bya ba nas til mar zhes bya ba ni til 'bru'i snying khu'o zhes bya ba'i bar ro/ /ltung ba'i rim pa lhag ma gzhan ni gong ma ji lta ba bzhin du rjes su mthun par bya'o/ /so sor bshags par bya ba lnga 
pa'o// //gleng gzhi ni mnyan yod na'o/ /de nas bu ram gyi dbu ba slong ba dang zhes bya ba nas bslab pa bca' ba'i bar du mdzad de/ yang dge slong ma gang mi na bar rang gi don du khyim dag tu bu ram gyi dbu ba bslangs nas 'cha' 'am za na/ /dge slong ma des dbyar khang du 

</font><hr>9-1-315b<br><font size=+1>
song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ /'di ni so sor bshags par bya ba'i chos yin no/ /yang gang zhes bya ba ni sbom dga' mo'o zhes bya ba nas 
bu ram gyi dbu ba zhes bya ba ni bu ram gyi'o/ /zhes bya ba'i bar ro/ /ltung ba'i rim pa gzhan ni gong ma ji lta ba bzhin du rjes su mthun par bya'o/ /so sor bshags par bya ba drug pa'o// //gleng gzhi ni mnyan yod na'o/ /de nas sbrang rtsi slong ba dang zhes bya ba nas bslab pa bca' 
ba'i bar du mdzad de/ yang dge slong ma gang mi na bar rang gi don du khyim dag tu sbrang rtsi bslangs nas 'cha' 'am za na dge slong ma des dbyar khang du song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags 
so/ /zhes so sor bshags par bya ste/ 'di ni so sor bshags par bya ba'i chos yin no/ /yang gang zhes bya ba ni sbom dga' mo'o/ /zhes bya ba nas sbrang rtsi zhes bya ba ni sbrang bu'i 'o zhes bya ba'i bar ro/ /ltung ba'i rim pa gzhan ni gong ma ji lta ba bzhin du rjes su mthun par 
bya'o/ /so sor bshags par bya ba bdun pa'o// //gleng gzhi ni mnyan yod na'o/ /de nas nya sha dag slong ba dang zhes bya ba nas bslab pa bca' ba'i bar du mdzad de/ yang dge slong ma gang mi na bar rang gi don du khyim dag tu nya sha bslangs nas 'cha' 'am za na/ dge slong 
ma des dbyar khang du song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ba ste/ 'di ni so sor bshags par bya ba'i chos yin no/ /yang gang zhes 
bya ba ni sbom dga' mo'o zhes bya ba nas nya sha zhes bya ba ni chu na rgyu ba la sogs pa'i 'o zhes bya ba'i bar ro/ /ltung ba'i rim pa gzhan ni gong ma ji lta ba bzhin du rjes su mthun par bya'o/ /so sor bshags par bya ba brgyad pa'o// //gleng gzhi ni mnyan 

</font><hr>9-1-316a<br><font size=+1>
yod na'o/ /de nas sha slong ba dang zhes bya ba nas bslab pa bca' ba'i bar du mdzad de/ yang dge slong ma gang mi na bar rang gi don du khyim dag tu sha bslangs nas 'cha' 'am za na dge slong ma des dbyar khang du song nas dge slong ma rnams la 
'phags ma smad pa'i gnas mi rigs pa so sor bshags par bya ba byung gis chos de so sor 'chags so/ /zhes so sor bshags par bya ste/'di ni so sor bshags par bya ba'i chos yin no/ /yang gang zhes bya ba ni sbom dga' mo'o/ /zhes bya ba nas sha zhes 
bya ba ni phyugs la sogs pa'i 'o zhes bya ba'i bar ro/ /ltung ba'i rim pa gzhan ni gong ma ji lta ba bzhin du rjes su mthun par bya'o/ /so sor bshags par bya ba dgu pa'o// //gleng gzhi ni mnyan yod na'o/ /de nas sha skam slong ba dang zhes bya ba nas bslab pa bca' ba'i 
bar du mdzad de/ yang dge slong ma gang mi na bar rang gi don du khyim dag tu sha skam bslangs nas 'cha' 'am za na dge slong ma des dbyar khang du song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags 
so/ /zhes so sor bshags par bya ste/ 'di ni so sor bshags par bya ba'i chos yin no/ /yang gang zhes bya ba ni sbom dga' mo'o/ /zhes bya ba nas sha skam zhes bya ba ni sha skam po'o zhes bya ba'i bar ro/ /ltung ba'i rim pa gzhan ni gong ma ji lta ba bzhin du rjes su mthun 
par bya ba'o/ /so sor bshags par bya ba bcu pa'o// //gleng gzhi ni mnyan yod na'o/ /gang gi tshe sde dpon seng ges bden pa rnams mthong ba dang zhes bya ba nas/ bcom ldan 'das kyis bka' stsal nas/ dge 'dun gyis bslab pa'i sdom pa byin pa dang zhes bya ba'i 
bar ro/ /de nas bcu gnyis sde dag khyim der zhugs nas bsod snyoms blangs pa dang / de nas de dag la dge slong ma rnams kyis smras pa/ phu nu mo dag bcom ldan 'das kyis khyim der bslab pa'i sdom pa ma byin nam/ de dag gis 'di skad ces dge slong rnams la byin 

</font><hr>9-1-316b<br><font size=+1>
gyi dge slong ma rnams la ni ma yin no/ /zhes smras pa na don nyung ba'i dge slong ma dag smod par byed pa'i skabs de bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ dge slong ma dag dge 'dun gyi 
bslab pa bcas pa'i khyim gang dag yin pa ni bslab pa'i sdom pa bcas pa yin te/ yang dge slong ma gang slob par grags pa'i khyim bslab pa'i sdom pa bcas pa de lta bu dag tu sngar ma bos bzhin du song nas/ rang gi lag gis bca' ba dang bza' ba blangs te 
'cha' 'am za na dge slong ma des dbyar khang du song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis/ chos de so sor 'chags so zhes so sor bshags par bya ste/ 'di ni so sor bshags par bya ba'i chos yin no/ /
yang gang zhes bya ba ni bcu gnyis sde dag go/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /slob par grags pa'i khyim gang dag yin pa zhes bya ba ni bden pa mthong ba dag gi'o/ /bslab pa'i sdom pa bcas pa zhes bya ba ni 
gsol ba dang gnyis kyi las kyis so/ /sngar ma bos bzhin du zhes bya ba ni mgron du ma gnyer bar ro/ /song ste zhes bya ba ni song nas so/ /rang gi lag gis zhes bya ba ni bdag nyid kyis so/ /bca' ba dang bza' ba zhes bya ba ni bca' ba lnga dang bza' 
ba lnga'o/ /blangs te 'cha'am za na zhes bya ba ni lkog mar kham gyis mid pa'o/ /dge slong ma des zhes bya ba ni gang yin pa'i dge slong ma des so/ /dbyar khang du zhes bya ba ni gtsug lag khang du'o/ /dge slong ma rnams la zhes bya ba ni chos 'di pa dag la'o/ /
so sor bshags par bya'o zhes bya ba ni mthol bar bya ba'o/ /'phags ma smad pa'i gnas zhes bya ba ni dge slong mas de bya ba ma yin pa'o/ /mi rigs pa zhes bya ba ni chags par 'gyur ba'o/ /so sor bshags par bya ba byung gis chos de so sor 'chags so zhes 

</font><hr>9-1-317a<br><font size=+1>
bya ba ni nges par mthol ba'o/ /chos 'di ni so sor bshags par bya ba yin no zhes bya ba ni gdon mi za bar mthol bar bya ba'o/ /de la ltung bar ji ltar 'gyur zhe na/ dge slong mas ji tsam cung zad slob par grags pa'i khyim bslab pa'i sdom pa bcas pa dag tu sngar 
ma bor bzhin du zhes bya ba nas/ 'chos sam zos na thams cad du so sor bshags par bya bar 'gyur ro/ /zhes bya ba'i bar ro/ /gal te thog ma nyid nas bos pa'am/ bslab pa'i sdom pa bag yangs su gnang ba byin pa la ni ltung ba med do/ /so sor bshags par bya ba bcu 
gcig pa rdzogs s+ho// //dge slong ma'i 'dul ba rnam par 'byed pa las so sor bshags par bya ba rnams rdzogs s+ho// //da ni bslab pa rnams smra bar bya ste/ de la bslab pa rnams kyi sdom gyi tshigs su bcad pa 'di yin te/ sdom la/ chos gos legs bgo mgo mi g.yog /
mchong dang lus ni sgyur ba dang / /'dug pa dang ni rkang pa dag /tshogs su yang dag bsdus pa yin/ /sangs rgyas bcom ldan 'das sgra can gyi drang srong kun 'dzi ka'i 'dug gnas na bzhugs so/ /de nas skye dgu'i bdag mo chen mo gau ta mI shAkya mo skra bregs shing gos ngur smrig bgos 
pa lnga brgya tsam dang lhan cig sgra can gang na ba der rgyu zhing dong ste/ rim gyis rgyu zhing dong ba na sgra can gyi drang srong kun 'dzi ka'i 'dug gnas su lhags so/ /gang gi tshe bcom ldan 'das kyis skye dgu'i bdag mo chen mo gau ta mI la brten nas chos 'dul ba 'di la dge slong ma rnams rab tu 'byung 
ba dang bsnyen par rdzogs par rjes su gnang bar mdzad pa de'i tshe de dag bdag cag gis ji ltar gos dag bgo bar bya zhes ma shes pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to/ /bcom ldan 'das kyis bka' stsal 
pa/ chos gos ha cang rtsengs pa ma yin pa dang / ha cang 'jol ba ma yin pa zlum por bgo bar bya'o/ /gang gi tshe bcom ldan 'das kyis chos gos de ltar bgo bar bya'o zhes gsungs pa de'i tshe/ skye dgu'i bdag mo chen mo la sogs te rang bzhin du gnas pa'i dge slong ma de rnams 

</font><hr>9-1-317b<br><font size=+1>
kyis chos gos dang sham thabs bgos so/ /de nas dus gzhan zhig na dge slong ma bcu gnyis sde dag sham thabs ha cang rtsengs par gyon pa dang / de dag la dge slong ma rnams kyis smras pa/ khyed cag ci'i phyir sham thabs ha cang rtsengs par gyon/ de dag 
gis 'di skad ces kho mo cag khyim pa na 'di ltar goms so zhes smras pa nas bcom ldan 'das kyis bka' stsal pa/ chos gos dang sham thabs ha cang rtsengs par bgo bar mi bya'o/ /de bzhin du sham thabs ha cang 'jol bar bgo bar mi bya'o/ /zhes 
de ltar bslab pa'i gzhi bca' bar mdzad pa dang / de dag sham thabs gyon pa na glo dag tu ltebs par byed nas de dag la dge slong ma rnams kyis smras pa/ khyed cag ci'i phyir sham thabs gyon pa na glo dag tu ltebs par byed/ de dag gis 'di skad ces smras 
so/ /khyim pa mo dag 'di ltar gyon no/ /de dag la dge slong ma rnams kyis ci khyed cag khyim pa mo yin nam zhes smras pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ sham thabs 
ha cang rtsengs pa ma yin pa dang / ha cang 'jol ba ma yin pa dang / sham thabs dang chos gos zlum por bgo bar bslab par bya'o// //gleng gzhi ni mnyan yod na'o/ /de nas bcu gnyis sde dag chos gos glang po che'i sna ltar gyon pa dang / de 
dag la dge slong ma rnams kyis smras pa/ phu nu mo dag khyed ci'i phyir chos gos glang po che'i sna ltar gyon/ de dag gis 'di skad ces nor can dang / tshong dpon dang / ded dpon dag 'di ltar gyon no zhes smras pa nas bcom ldan 'das kyis bka' stsal pa/ 
chos gos dang sham thabs glang po che'i sna ltar ma yin pa dang / ta la'i lo ma ltar bltab pa ma yin pa dang / 'bru'i phur ma ltar ma yin pa dang / sbrul mgo'i gdengs ka ltar ma yin pa dang / sbrul mgo'i gdengs ka dgu po ltar ma yin par bgo bar bya'o// //

</font><hr>9-1-318a<br><font size=+1>
gleng gzhi ni mnyan yod na'o/ /de nas bcu gnyis sde dag phrag pa phyung nas khyim dag tu 'dong ba na de dag la dge slong ma rnams kyis smras pa/ phu nu mo dag khyed cag ci'i phyir phrag pa phyung zhing 'dong / de dag gis 'di skad ces re zhig 
g.yon can dag gis mthong na de dag gi snying 'gas par 'gyur bar bya'o zhes smras pa nas/ bcom ldan 'das kyis bka' stsal pa/ shin tu bsdams pa dang / legs par bgos pas khyim gyi nang du 'jug par bya'o/ /khyim dag tu 'jug pa na sgra mthon 
po dang / sgra chen pos 'dong ba na/ bcom ldan 'das kyis bka' stsal pa/ gcom skyung zhing 'jug par bya'o/ /de nas phan tshun du blta zhing 'dong ba nas/ bcom ldan 'das kyis bka' stsal pa/ mig mi g.yeng bar khyim gyi nang du 'jug par bya'o/ /
de dag mdun du mi lta bar 'dong ba nas/ bcom ldan 'das kyis bka' stsal pa/ shin tu bsdams pa dang / legs par bgos pa dang / gcom bskyungs pa dang / mig mi g.yeng zhing gnya' shing gang tsam du lta bas khyim gyi nang du 'jug pa dang / 'dug 
par bslab par bya'o/ /de nas bcu gnyis sde dag mgo g.yogs nas 'dong ba na de dag la khyed cag ci'i phyir de ltar byed cing 'dong zhes dris pa dang / de dag gis 'di skad ces smras so/ /kho mo cag sngon dra ma dag gi mna' mar gyur pa na khyim dag na 'di ltar byed do/ /
de rnams kyis 'di skad ces smras so/ /ci khyed da dung yang dra ma dag gi mna' ma yin nam/ de dag 'di skad ces mi shes pa gang yin pa de spangs par 'gyur zhing / khyed cag kyang bslab pa la bslab par 'gyur ro/ /zhes smras pa na bcom ldan 'das 
kyis bka' stsal pa/ mgo g.yogs te khyim gyi nang du 'dong bar mi bya'o// //dge slong ma'i 'dul ba rnam par 'byed pa/bam po nyi shu brgyad pa ste tha ma'o/ /de nas bcu gnyis sde dag lag pa gnyis kyis shing dpung chad brdzes nas 'dong ba na/

</font><hr>9-1-318b<br><font size=+1>
de rnams kyis khyed cag ci'i phyir de ltar byed cing 'dong zhes dris pa dang / de dag gis 'di skad ces smras so/ /dra ma'i mna' ma dag 'dong na de ltar byed do/ /de rnams kyis 'di skad ces smras so/ /ci khyed cag dra ma'i mna' ma yin nam/ bcu gnyis sde 
dag gis 'di skad ces mi shes pa gang yin pa de spangs par 'gyur zhing / khyed cag kyang bslab pa la bslab par 'gyur ro zhes smras pa nas/ bcom ldan 'das kyis bka' stsal pa/ mi brdze bar khyim der 'jug par bya'o/ /de nas bcu gnyis sde dag ji ltar 
phyugs rdzi dag 'dong ba bzhin du chos gos dag phrag pa la gzar te 'dong ba nas/ bcom ldan 'das kyis bka' stsal pa/ mi gzar bar khyim gyi nang du 'jug par bya'o/ /de nas bcu gnyis sde dag khye'u dag byis pa'i grwa gang du 'di ltar 'dong ngo zhes 
gnya' gong du bsnol te khyim gyi nang du 'gro zhes bya ba nas/ bcom ldan 'das kyis bka' stsal pa/ gnya' gong du mi bsnol bar khyim gyi nang du 'jug par bya'o zhes bya ba'i bar ro/ /de nas bcu gnyis sde dag phrag pa gnyis la gzar nas khyim gyi nang du 
'dong ba nas/ zhes bya ba nas/ 'di skad ces g.yog dag 'gro ba ltar 'dong ngo zhes smras pa nas/ bcom ldan 'das kyis bka' stsal pa/ mgo mi g.yog pa dang / mi brdze ba dang mi gzar ba dang / gnya' gong du mi bsnol ba dang / phrag pa 
gnyis la mi gzar bar khyim gyi nang du 'jug pa dang / 'dug par bslab par bya'o zhes bya ba'i bar ro/ /de nas bcu gnyis sde dag g.yon can dag 'di ltar 'dong ngo zhes khyim gyi nang du gad rgyangs dag byed cing 'gro zhes bya ba nas/ bcom ldan 'das 
kyis bka' stsal pa/ 'gro bar mi bya'o zhes bya ba'i bar ro/ /de nas bcu gnyis sde dag bcos ma 'di ltar 'dong ngo zhes khyim gyi nang du 'phrum zhing 'gro zhes bya ba nas/ bcom ldan 'das kyis bka' stsal pa/ 'gro bar mi bya'o zhes bya ba'i bar 

</font><hr>9-1-319a<br><font size=+1>
ro/ /de nas bcu gnyis sde dag rkang pa'i brang ba dras pa dag 'di ltar 'dong ngo zhes khyim gyi nang du rkang pa brang bas 'dzugs shing 'gro zhes bya ba nas/ bcom ldan 'das kyis bka' stsal pa/ 'gro bar mi bya'o zhes bya ba'i bar ro/ /
de nas bcu gnyis sde dag khyim 'bigs pa dag 'di ltar 'dong ngo / /zhes khyim gyi nang du 'phye zhing 'gro zhes bya ba nas/ bcom ldan 'das kyis bka' stsal pa/ 'gro bar mi bya'o zhes bya ba'i bar ro/ /de nas bcu gnyis sde dag nor can dang / tshong 
dpon dag 'di ltar 'dong ngo zhes khyim gyi nang du dkur brten cing 'gro zhes bya ba nas/ bcom ldan 'das kyis bka' stsal pa/ mi bgad pa dang / mi mchong ba dang / brang bas mi gzug pa dang / mi 'phye ba dang / dkur mi brten par khyim gyi 
nang du 'jug pa dang / 'dug par bslab par bya'o zhes bya ba'i bar ro/ /de nas bcu gnyis sde dag glang po che dag 'di ltar 'gro'o zhes lus sgyur zhing 'gro zhes bya ba nas/ bcom ldan 'das kyis bka' stsal pa/ lus sgyur zhing khyim gyi nang du 'jug 
par mi bya'o zhes bya ba'i bar ro/ /de nas bcu gnyis sde dag nor can dang tshong dpon dag 'di ltar 'dong ngo zhes khyim gyi nang du lag pa dkyogs ka byed cing 'gro zhes bya ba nas/ bcom ldan 'das kyis bka' stsal pa/ 'gro bar mi bya'o zhes bya ba'i bar ro/ /de 
nas bcu gnyis sde dag srog chags rtsangs pa dag 'di ltar 'gro'o zhes khyim gyi nang du mgo sgyur zhing 'gro zhes bya ba nas/ bcom ldan 'das kyis bka' stsal pa/ de ltar 'gro bar mi bya'o zhes bya ba'i bar ro/ /de nas bcu gnyis sde dag g.yon can dag 'di 
ltar 'dong ngo zhes khyim gyi nang du lag pa sbrel te zhes bya ba nas/ bcom ldan 'das kyis bka' stsal pa/ 'gro bar mi bya'o zhes bya ba'i bar ro/ /de nas bcu gnyis sde dag shed mthun dag 'di ltar 'dong ngo zhes khyim gyi nang du phrag pa sprad cing 'gro zhes bya ba 

</font><hr>9-1-319b<br><font size=+1>
nas/ bcom ldan 'das kyis bka' stsal pa/ lus mi sgyur ba dang / lag pa mi dkyog pa dang / mgo mi bsgyur ba dang / lag pa mi sbrel ba dang / phrag pa mi sprad par khyim gyi nang du 'jug pa dang / 'dug par bslab par bya'o zhe bya ba'i bar ro/ /
de nas bcu gnyis sde dag bram ze dang / khyim bdag dag gis khyim du ma bsgo bar stan dag la 'dug pa dang de dag smod par byed pa nas/ bcom ldan 'das kyis bka' stsal pa/ 'dug par mi bya'o/ /gang gi tshe bcom ldan 'das kyis 'char ka la 
brten te stan la so sor brtags te 'dug par bya'o zhes bslab pa'i gzhi bca' ba mdzad pa dang / de nas yang bcu gnyis sde dag khyim gyi nang du stan la ma brtags par 'dug pa nas/ bcom ldan 'das kyis bka' stsal pa/ de ltar 'dug par mi 
bya'o/ /gang gi tshe bcom ldan 'das kyis ser skya'i gzhir 'char ka la brten te lus thams cad kyi ljid kyis mnan te 'dug par mi bya'o zhes bslab pa'i gzhi bca' ba mdzad pa dang / de nas bcu gnyis sde dag khyim gyi nang du lus thams cad kyi 
ljid kyis mnan te 'dug pa nas/ bcom ldan 'das kyis bka' stsal pa/ de ltar 'dug par mi bya'o/ /de nas bcu gnyis sde dag g.yon can dag 'di ltar 'dug go zhes khang pa'i nang du rkang pa bsnol nas 'dug ces bya ba nas/ bcom ldan 'das 
kyis bka' stsal pa/ 'dug par mi bya'o zhes bya ba'i bar ro/ /de nas bcu gnyis sde dag nor can dang / tshong dpon dag 'di ltar 'dug go zhes khyim gyi nang du brla bsnol te 'dug ces bya ba nas/ bcom ldan 'das kyis bka' stsal pa/ khyim gyi 
nang du ma bsgo bar stan la 'dug par mi bya ba dang / so sor ma brtags pa ma yin pa dang / lus thams cad kyi ljid kyis mi mnan pa dang / rkang pa mi bsnol ba dang / brla mi bsnol bar khyim gyi nang du 'dug par bslab par bya'o zhes bya ba'i bar ro/ /

</font><hr>9-1-320a<br><font size=+1>
de nas bcu gnyis sde dag gar la lta ba dag 'di ltar 'khod do zhes stan cig la dku dang dkur sprad nas 'dug ces bya ba nas/ bcom ldan 'das kyis bka' stsal pa/ 'dug par mi bya'o/ /zhes bya ba'i bar ro/ /de nas bcu gnyis sde 
dag sems khong du chud pa dag 'di ltar 'khod do zhes long bu'i steng du long bu bzhag ste 'dug ces bya ba nas/ bcom ldan 'das kyis bka' stsal pa/ 'dug par mi bya'o zhes bya ba'i bar ro/ /de nas bcu gnyis sde dag rkang pa bkug ste 'dug pa dang / de nas bram ze 
dang khyim bdag gi chung ma dag 'ongs nas rkang pa la phyag byed pa na de dag gis rkang pa phye ba dang / de dag gis mgo bo sa la thug nas smod par byed pa nas/ bcom ldan 'das kyis bka' stsal pa/ rkang pa bkug ste 'dug par mi bya'o/ /de nas bcu gnyis sde 
dag khyim gyi nang du rkang pa gdangs nas 'dug pa dang / bram ze dang khyim bdag gi chung ma de dag 'ongs nas rkang pa la phyag byas pa dang / de nas bcu gnyis sde dag gis de dag la nad med par gyur cig ces bya ba'i tshig phyed smras pa na/ 'di skad ces de ci'i 
phyir nad med par gyur cig ces rdzogs par mi gsung zhes smras pa dang / bcu gnyis sde dag gis 'di skad ces 'di ltar khyed kyis rkang pa ya gcig la phyag byas kyis rkang pa ya gcig la yang phyag byos shig dang bya'o zhes smras pa na smod par byed pa nas/ 
bcom ldan 'das kyis bka' stsal pa/ rkang pa gdangs te 'dug par mi bya'o/ /de nas bcu gnyis sde dag khyim gyi nang du rkang pa ha cang bkug ste 'dug pa dang / ji tsam na bram ze dang khyim bdag gi chung ma dag phyag byed pa na smod par byed pa nas/ bcom ldan 'das 
kyis bka' stsal pa/ dku dang dkur mi sprad pa dang / long bu'i steng du long bu mi gzhag pa dang / rkang pa mi dgug pa dang / rkang pa mi gdang bar khyim gyi nang du 'dug par bslab par bya'o// //sdom la/ legs par blang dang ma 'ongs dang / /tsug tsug 

</font><hr>9-1-320b<br><font size=+1>
'bru ni 'byed pa dang / /lag pa dang ni kha zer dang / /ma bting ba dang 'greng ste min/ /sangs rgyas bcom ldan 'das yul b+har ga'i chu srin byis pa gsod kyi ri 'jigs rung gi tshal ri dgas kyi nags na bzhugs so/ /de'i tshe rgyal bu rtogs ldan gyis chu srin 
byis pa gsod kyi ri la khang bzangs pad ma dkar po sar pa can zhes bya ba zhig rtsig tu bcug nas der sangs rgyas bcom ldan 'das dge slong dang dge slong ma rnams dang thabs cig spyan drangs so/ /de nas rgyal bu gzhon nu rtogs ldan gyi 'khor ni ma dad pa yin pas 
de dag gis kha zas kyi gong bu drag tu bor bas dge slong ma rnams kyi lag pa dang lhung bzed gcog par byed do/ /de nas yang phyogs gcig na bcu gnyis sde dag 'khod pas de dag gis gcig la gcig 'di skad ces gtsug dga' mo/ nye dga' mo/ sbom 
dga' mo/ /bdag cag gis bu gsod mo'i bu 'di dag bslab par bya'o zhes smras nas gang gi tshe kha zas 'ong ba de'i tshe lhung bzed bzed nas phyir bkyed pa dang 'bras chan de dag sa la bo ba na don nyung ba'i dge slong ma dag smod par byed pa nas/ bcom ldan 'das kyis 
bka' stsal pa/ legs par kha zas blang bar bya'o/ /de bzhin du khyim zhig tu spyan drangs pa dang zhes bya ba'i bar du ste/ 'bras chan dang tshod ma ji snyed kyis lhung bzed nas sa la 'bo ba de snyed blangs nas/ bcom ldan 'das kyis bka' stsal pa/ mu 
dang kha da chad ma yin par kha zas blang bar bya'o/ /mnyan yod du khyim bdag cig gis zhes bya ba nas khyim du spyan drangs so zhes bya ba'i bar te/ bcu gnyis sde de dag la 'bras chan dang tshod ma mnyam par brims pa na lhag par slong bar byed pa nas/ bcom 
ldan 'das kyis bka' stsal pa/ zan 'bras chan dang mnyam par bza' bar bya'o/ /de bzhin du yang khyim bdag cig gi khyim du spyan drangs pa dang zhes bya ba'i bar te/ de nas yang 'bras chan ni mang la tshod ma ni ches nyung ba dang / de dag 'bras chan 

</font><hr>9-1-321a<br><font size=+1>
gyis tshod ma bkab nas yang slong bar byed pa nas/ bcom ldan 'das kyis bka' stsal pa/ 'bras chan gyis tshod ma dgab par mi bya'o/ /de bzhin du gzhan du yang zhes bya ba'i bar te/ tshod ma ni mang la 'bras chan ni nyung ba dang / de dag mang du 'dod pa'i 
phyir tshod mas 'bras chen bkab pa nas/ bcom ldan 'das kyis bka' stsal pa/ legs par kha zas blangs te bza' ba dang / kha da chad du ma yin pa dang / tshod ma dang mnyam pa dang / mang du 'dod pa'i phyir 'bras chan gyis tshod ma mi dgab pa dang tshod mas 
'bras chan mi dgab par bslab par bya'o/ /de nas bcu gnyis sde dag bca' ba rnams ma 'ongs par lhung bzed bzed par byed pa nas/ bcom ldan 'das kyis bka' stsal pa/ bzed par mi bya'o/ /de nas sbom dga' mo'i mdun na gral gyi sna la dge slong ma rab tu 
phyung ba rgan mo zhig kha gdangs te 'dug pa dang / de nas sbom dga' mos de'i khar la du zhig btsangs pa nas/ bcom ldan 'das kyis bka' stsal pa/kham ma gzas par kha gdang bar mi bya'o/ /de nas bcu gnyis sde dag kha zas za ba na sgra 'byin par byed pa dang / 
dge slong ma rnams kyis smras pa/ kye phu nu mo dag de ltar byed pa ci tha tshig de dag gis 'di skad ces ming brjed na mi rung ngo zhes smras pa nas/ bcom ldan 'das kyis bka' stsal pa/ kha kham gyis bkang ba dang bcas pas smra bar mi bya'o/ /de nas bcu gnyis sde 
dag 'bras chan 'bru gnyis sam gsum zhig khar 'jug pa dang / zhes bya ba nas 'di skad ces yi gar mi 'ong ba la byin pa dag 'di ltar za'o zhes smras pa nas/ bcom ldan 'das kyis bka' stsal pa/ kham ha cang chung bar ma yin par bya'o/ /de nas bcu 
gnyis sde dag kham ha cang che bar khar 'jug par byed pa dang zhes bya ba nas 'di skad ces ltogs pa dag 'di ltar za'o zhes smras pa nas/ bcom ldan 'das kyis bka' stsal pa/ bca' ba dang bza' ba ma 'ongs par lhung bzed bzed par mi bya ba dang / kham ma 

</font><hr>9-1-321b<br><font size=+1>
bzas par kha gdang bar mi bya ba dang / kha kham gyis bkang ba dang bcas pas smra bar mi bya ba dang / kham ha cang chung ba ma yin pa dang / kham ha cang che ba ma yin par kham ran par bya ba la bslab par bya'o/ /zhes bya ba'i bar ro/ /de nas bcu gnyis sde dag kha 
zas tsug tsug byed cing za ba na de dag la dge slong ma rnams kyis smras pa de ltar byed pa ci tha tshig de dag gis 'di skad ces byis pa dag za ba 'di ltar byed do zhes smras pa nas/ bcom ldan 'das kyis bka' stsal pa/ tsug tsug mi bya bar kha zas bza' bar bya'o zhes 
bya ba'i bar ro/ /de nas bcu gnyis sde dag hu hu byed cing kha zas za ba na zhes bya ba nas 'di skad ces nad pa yi gar mi 'ong ba dag 'di ltar za'o zhes smras pa nas/ bcom ldan 'das kyis bka' stsal pa/ bza' bar mi bya'o zhes bya ba'i bar ro/ /ji tsam na 
khyim bdag cig gi khyim du dge slong ma'i dge 'dun mgron du bos pa na des 'bras chan ni mang la tshod ma nyung ngu brims pa dang / de dag dgod pa'i bsam pas balcag balcag byed cing za ba dang / de nas khyim bdag de zhum zhum por gyur nas 'di skad ces 'phags ma 
dag 'bras chan skam par bdag gis 'tshal mod kyi/ tshod ma'i rdze'u chag lags so zhes smras pa nas/ bcom ldan 'das kyis bka' stsal pa/ balcag balcag mi bya bar kha zas bza' bar bya'o zhes bya ba'i bar ro/ /de bzhin du khyim bdag cig gis 
mgron du bos pa na khyim bdag de yang dbul po zhig yin pas des dgun ka'i dus na kha zas grang mo dag brims pa dang / de dag dgod pa'i bsam pas phu phu zhes byas te za bar byed do/ /de nas khyim bdag de zhum zhum por gyur nas 'di skad ces 
'phags ma dag bdag gis 'tshal mod kyi/ bdag gzhi ngan pas ci bgyir yang ma mchis so zhes smras pa nas/ bcom ldan 'das kyis bka' stsal pa/ phu phu mi bya bar kha zas bza' bar bya'o/ /zhes bya ba'i bar ro/ /de nas bcu gnyis sde dag ljongs rgyu zhing 

</font><hr>9-1-322a<br><font size=+1>
dong ba na zhing pa'i khyim zhig tu phyin pa dang de dag gis gnas der chos gos dag sprugs/ rkang pa dang lag pa dag bkrus nas zas kyi bya ba la zhugs pa dang / de nas khyim cig shos su yang gcer bu pa dag lhags nas ji tsam na de dag kyang zas kyi bya ba la 
zhugs so/ /de nas bcu gnyis sde dgod pa'i bsam pa can dag gis kha zas la rdzogs byed ces bya ba'i mchod rten byas nas la phug gi srog shing btsugs de gcer bu pa de dag la 'di skad ces 'di ni khyed kyi ston pa'i mchod rten yin no zhes smras nas/ de nas mchod rten 
de las kham gyis bcad de za shing sgra gcig tu 'di skad ces rdzogs byed kyi mchod rten zhig go zhes smras pa dang / de nas gcer bu pa de dag sdug bsngal zhing yid mi bde ba skyes nas ngu zhing 'di skad ces de ring bdag cag gi ston pa dus las 'das pa lta zhes zer ro/ /bcom 
ldan 'das kyis bka' stsal pa/ tsug tsug mi bya ba dang / hu hu mi bya ba dang / balcag balcag mi bya ba dang / phu phu mi bya ba dang / mchod rten 'dra bar sbrus te zas za bar mi bya bar bslab par bya'o/ /de nas bcu gnyis sde dag spang leb kyi steng du kha zas bkram nas 'bru re nas 
blangs te khar 'jug par byed pa nas/ de dag la dge slong ma rnams kyis smras pa/ de ltar byed na ci tha tshig de dag gis 'di skad ces bya gag dag gtor ma thu na 'di ltar byed do zhes smras pa nas/ bcom ldan 'das kyis bka' stsal pa/ zas la 'bru re nas bsal bar 
mi bya'o zhes bya ba'i bar ro/ /de nas bcu gnyis sde dag khyim zhig tu mgron du bos nas des de dag la kha zas phal pa dag brims pa dang / de dag gis kha zas de la bsngags pa dag brjod do/ /gzhan gyis yang kha zas bsod pa dag brims pa na de dag la skyon dag 
brjod pa nas/ bcom ldan 'das kyis bka' stsal pa/ zas la bsngags pa dang skyon gdags par mi bya'o/ /de nas bcu gnyis sde dag zas kyi kham mkhur ba nas mkhur bar sbed cing za ba na zhes bya ba nas/ 'di skad ces nad pa dag 'di ltar za'o zhes smras pa nas/

</font><hr>9-1-322b<br><font size=+1>
bcom ldan 'das kyis bka' stsal pa/ zas mkhur ba spo bar mi bya'o zhes bya ba'i bar ro/ /de nas bcu gnyis sde dag kham phyed bcad cing lce'i grwar bzhag ste/ phan tshun du ston cing slar yang mid par byed pa nas/ bcom ldan 'das kyis bka' stsal pa/ kha zas la lce 
phyir dbyung bar mi bya'o zhes bya ba'i bar ro/ /de nas bcu gnyis sde dag zas kyi kham sos bcad nas de dag las kham gcig ni khar/ gnyis pa ni lag par gsum pa ni lhung bzed du 'jog par byed pa nas/ bcom ldan 'das kyis bka' stsal pa/ 'bru re nas bsal bar 
mi bya ba dang / bsngags pa dang skyon mi gdags pa dang / mkhur bar mi spo ba dang / lce mi dbyung ba dang / kham 'phro mi bcad par zas bza' bar bslab par bya'o/ /zhes bya ba'i bar ro/ /de nas bcu gnyis sde dag kha zas yod bzhin du lag pa la ldag par byed pa nas/ bcom 
ldan 'das kyis bka' stsal pa/ lag pa la bldag par mi bya'o/ /zhes bya ba'i bar ro/ /de bzhin du lhung bzed byog par byed pa nas/ bcom ldan 'das kyis bka' stsal pa/ lhung bzed byog par mi bya'o zhes bya ba'i bar ro/ /de nas sbom dga' mo kha zas khar bcug nas 
lag pa sprug par byed pa nas/ bcom ldan 'das kyis bka' stsal pa/ lag pa sprug par mi bya'o zhes bya ba'i bar ro/ /de nas bcu gnyis sde dag khyim zhig tu mgron du bos pa na de nas sbom dga' mos phye dag rnyed pa dang / lhung bzed bskyams nas 'di skad ces 
kho mo'i lhung bzed 'di blangs pa yin gyis lugs shig lugs shig ces smras pa nas/ bcom ldan 'das kyis bka' stsal pa/ lhung bzed bskyam par mi bya'o zhes bya ba'i bar ro/ /de nas yang khyim bdag cig gis khyim du dge slong ma'i dge 'dun mgron du bos nas des 
bca' ba dang bza' ba bsod pa rab tu mang po dag sta gon byas so/ /yang bcu gnyis sde dag gi nang na dge slong ma rab tu byung ba rgan mo zhig 'dug go/ /khyim bdag des kyang thog mar dge slong ma'i dge 'dun la zhun mar dang phye dag brims pa las de nas bcu gnyis sde dag 

</font><hr>9-1-323a<br><font size=+1>
gis phye rab tu mang du blangs so/ /khyim bdag des yang g.yos kyi rnam grangs nyi shu rtsa brgyad rgan pa'i mtha' nas brims pa dang / de nas rab tu byung ba rgan mo de rgan rims gang na ba de logs su lta bar byed pa na bcu gnyis sde de dag gis yang rgan mo rab tu byung 
ba de'i mdun du kha zas kyi gong bu dag gtor nas 'di skad ces rgyal po nga las nu la rin po che'i char dag 'bab po zhes de skad grag na khyod kyang bsod nams dang ldan nas kha zas kyi char bab bo ces smras pa nas/ bcom ldan 'das kyis bka' stsal pa/ lag pa mi ldag pa dang / 
lhung bzed mi byog pa dang / lag pa mi sprug pa dang lhung bzed mi bskyam pa dang / lhung bzed kyi 'du shes kyis zas bza' bar bslab par bya'o zhes bya ba'i bar ro/ /de nas bcu gnyis sde dag gral zla'i dge slong ma rnams kyi lhung bzed la bltas na 'dir ni mang du brims 
la kho mo cag la nyung du brims so zhes kha zer bar byed pa nas/ bcom ldan 'das kyis bka' stsal pa/ kha zer bar 'dod pas dge slong ma gral zla rnams kyi lhung bzed blta bar mi bya'o/ /zhes bya ba'i bar ro/ /de nas bcu gnyis sde dag lag pa kha zas kyis 
'bags pas bya ma bum len pa na de kha zas kyis 'bags pas sbrang bu dag gis zi zi ston pa dang / khyim bdag rnams kyis mthong nas smod par byed pa nas/ bcom ldan 'das kyis bka' stsal pa/ lag pa zas kyis 'bags pas chu snod la gzung bar mi bya'o 
zhes bya ba'i bar ro/ /de nas yang khyim bdag cig gis dge slong ma'i dge 'dun mgron du bos pa dang / de nas 'dun ma dang / nye dga' mo'i bar na dge slong ma snam sbyar dmar ser gyon pa zhig 'dug pa dang / des de la lhung bzed bshal ba'i chus gtor nas de dag 'di skad 
ces bkren ma ngan pa mo khyod 'ba' zhig la snam sbyar yod dam zhes kha zer bar byed pa nas/ bcom ldan 'das kyis bka' stsal pa/ zas kyis 'bags pa'i chus gtor bar mi bya'o zhes bya ba'i bar ro/ /gang gi tshe chu srin byis pa gsod kyi ri la khang bzangs pad ma dkar po 

</font><hr>9-1-323b<br><font size=+1>
can la brten nas khyim gyi nang du zas kyis 'bags pa'i chu dbo bar mi bya'o zhes dgag pa mdzad pa khyim bdag gzhan zhig la brten nas rjes su gnang ste khyim bdag yod pa la dris nas dbo bar bya'o/ /de nas yang bcu gnyis sde dag gis ma dris par khyim gyi nang du 'bo bar byed pa 
nas/ bcom ldan 'das kyis bka' stsal pa/ khyim bdag yod pa la ma dris par zas dang 'bags pa'i chu khyim gyi nang du dbo bar mi bya'o/ /zhes bya ba'i bar ro/ /mnyan yod na bram ze zhig gi bu sems 'khrugs nas de mnyan yod du song ba las dge slong zhig gi lhung 
bzed kyi chus reg par byas pa dang / rang gi sems slar rnyed par gyur to/ /de nas yang bram ze zhig gi bu sems 'khrugs pa dang / de nas bram ze des bram ze de las thos nas dge slong ma'i dbyar khang du song ste/ ji tsam na sbom dga' mo las lhung bzed kyi chu bslangs pa 
dang / zhes bya ba nas des dge 'dun gyi zas kyi lhag mas lhung bzed bkang nas byin pa dang / bram ze des bdag gi bu shi ba ni bla'i mnom par ni mi bya'o/ /zhes byas te/ma blangs pa nas/ bcom ldan 'das kyis bka' stsal pa/ gral zla'i dge slong ma rnams la kha zer bar 
'dod pas blta bar mi bya ba dang / lag pas zas kyis 'bags pas chu snod mi gzung ba dang / zas kyis 'bags pa'i chus dge slong ma gral zla la mi gtor ba dang / khyim bdag yod pa la ma dris par zas 'bags pa'i chu khang pa'i nang du mi dbo ba dang / lhung bzed kyi nang du zas 
kyi lhag ma blugs te mi dor bar bslab par bya'o zhes bya ba'i bar ro/ /de nas bcu gnyis sde dag 'og gzhi med pa'i sar lhung bzed 'jog par byed pa nas/ bcom ldan 'das kyis bka' stsal pa/ gzhag par mi bya'o/ /de nas bcu gnyis sde dag gis g.yang sar lhung bzed 
bzhag pa dang de nas lhung bzed lhung nas dum bur chag par gyur pa nas/ bcom ldan 'das kyis bka' stsal pa/ lhung bzed g.yang sar gzhag par mi bya'o zhes bya ba'i bar ro/ /de dag 'bab chu'i 'gram du 'jog par byed pa nas/ bcom ldan 'das kyis bka' stsal pa/ 'bab 

</font><hr>9-1-324a<br><font size=+1>
chu'i 'gram du gzhag par mi bya'o zhes bya ba'i bar ro/ /de dag lam kar 'jog par byed pa nas/ bcom ldan 'das kyis bka' stsal pa/ lam kar gzhag par mi bya'o zhes bya ba'i bar ro/ /de dag lhung bzed bye ma dang bcas pa'i lci bas rung bar byed pa 
na de dag ring po ma lon par skya skya bor gyur pa nas/ bcom ldan 'das kyis bka' stsal pa/ 'og gzhi ma bting ba'i sa la lhung bzed gzhag par mi bya ba dang / g.yang sar mi gzhag pa dang / 'bab chu'i 'gram du mi gzhag pa dang / lam kar mi gzhag pa 
dang / bye ma dang bcas pa'i lci bas lhung bzed mi phyi bar bslab par bya'o zhes bya ba'i bar ro/ /ji tsam na gzhon nu ma zhig 'greng ste lhung bzed 'khru ba dang / de la dge slong ma rnams kyis smras pa/ phu nu mo 'greng ste lhung bzed ma 'khru shig /des 'di skad ces cir 'gyur zhes 
smra ba na de'i lhung bzed de lag nas lhung nas chag pa dang / de la 'di skad ces 'dir 'gyur ro zhes smras pa nas/ bcom ldan 'das kyis bka' stsal pa/ 'greng ste lhung bzed bkru bar mi bya'o zhes bya ba'i bar ro/ /de bzhin du skoms par byed pa nas/ bcom 
ldan 'das kyis bka' stsal pa/ 'greng ste bskams par mi bya'o zhes bya ba'i bar ro/ /de bzhin du 'phyi bar byed pa nas/ bcom ldan 'das kyis bka' stsal pa/ 'greng ste phyi bar mi bya'o zhes bya ba'i bar ro/ /de bzhin du lhung bzed kyi snod du 'jug par byed 
pa nas/ bcom ldan 'das kyis bka' stsal pa/ 'greng ste lhung bzed kyi snod du gzhug par mi bya'o zhes bya ba'i bar ro/ /de bzhin du lhung bzed kyi snod nas 'byin par byed pa nas/ bcom ldan 'das kyis bka' stsal pa/ 'greng ste lhung bzed bkru ba dang / bskam 
pa dang phyi ba dang / lhung bzed kyi snod du gzhug pa dang / dbyung ba mi bya bar bslab par bya'o zhes bya ba'i bar ro// //sdom la/ 'greng ste ma yin mgo g.yogs min/ /glang chen do ker lag na min/ /rtswa dang chu la bshang mi bya/ /shing la mi gang tsam ma yin/ /

</font><hr>9-1-324b<br><font size=+1>
de nas bcu gnyis sde dag 'greng nas 'dug pa la chos 'chad par byed pa nas/ bcom ldan 'das kyis bka' stsal pa/ bshad par mi bya'o zhes bya ba'i bar ro/ /ji tsam na nad pa dag 'ongs pa nas/ bcom ldan 'das kyis bka' stsal pa/ nad pa la bshad par bya'o zhes 
bya ba'i bar ro/ /de bzhin du 'dug pa dang nyal ba la yang 'chad par byed pa nas/ bcom ldan 'das kyis bka' stsal pa/ mi na ba la chos bshad par mi bya'o zhes bya ba'i bar ro/ /de bzhin du stan dma' ba la 'dug nas stan mthon po la 'dug pa la chos 'chad 
par byed pa nas/ bcom ldan 'das kyis bka' stsal pa/ mi na ba la chos bshad par mi bya'o/ /zhes bya ba'i bar ro/ /de dag gi mdun du 'gro ba la de'i phyi bzhin du 'brang zhing chos 'chad par byed pa nas/ bcom ldan 'das kyis bka' stsal pa/ mi na ba la chos 
bshad par mi bya'o zhes bya ba'i bar ro/ /de bzhin du lam nas 'gro ba la lam gyi 'gram nas 'gro zhing 'chad par byed pa nas/ bcom ldan 'das kyis bka' stsal pa/ 'greng nas mi na bar 'dug pa la chos bshad par mi bya ste/ nyal ba la ma yin pa dang / 
stan dma' ba la 'dug ste stan mthon po la 'dug pa la ma yin pa dang / mdun du 'gro ba la de'i phyi bzhin 'brang zhing ma yin pa dang / mi na bar lam du 'gro ba la lam gyi 'gram nas 'gro zhing chos mi bshad par bslab par bya'o zhes bya ba'i bar ro/ /de nas bcu gnyis sde dag 
mgo g.yogs pa la chos 'chad par byed pa nas/ bcom ldan 'das kyis bka' stsal pa/ bshad par mi bya'o zhes bya ba'i bar ro/ /ji tsam na mig nad can dag 'ongs pa nas/ bcom ldan 'das kyis bka' stsal pa/ mig nad can la chos bshad par bya'o/ /de bzhin 
du brdzes pa la bshad par mi bya'o zhes bya ba'i bar ro/ /ji tsam na las mi dag 'ongs nas/ bcom ldan 'das kyis bka' stsal pa/ bshad par bya'o zhes bya ba'i bar ro/ /de bzhin du gzar ba'i bar la chos 'chad par byed pa nas/ bcom ldan 'das kyis bka' stsal pa/

</font><hr>9-1-325a<br><font size=+1>
mi na ba la chos bshad par mi bya'o zhes bya ba'i bar ro/ /rta gad byed byed pa'i bar dag la chos 'chad par byed pa nas/ bcom ldan 'das kyis bka' stsal pa/ mi na ba la chos bshad par mi bya'o zhes bya ba'i bar ro/ /gnya' gong du bsnol ba'i bar dag la 
chos 'chad par byed pa nas/ bcom ldan 'das kyis bka' stsal pa/ bshad par mi bya'o/ /zhes bya ba'i bar ro/ /ji tsam na gnya' gong du bsnol ba'i bar dag 'ongs pa nas/ bcom ldan 'das kyis bka' stsal pa/ mi na bar mgo g.yogs pa la chos bshad par 
mi bya ste/ brdzes pa la ma yin pa dang / gzar ba la ma yin pa dang / phrag pa gnyis ka la gzar ba la ma yin pa dang / mi na bar gnya' gong du bsnol ba la/chos mi bshad par bslab par bya'o zhes bya ba'i bar ro/ /de nas bcu gnyis sde dag glang po che 
zhon pa la chos 'chad par byed pa nas/ bcom ldan 'das kyis bka' stsal pa/ bshad par mi bya'o zhes bya ba'i bar ro/ /de nas glang po che zhon pa dag g.yul du chas nas de dag gis 'di skad ces smras so/ /'phags ma chos bshad du gsol/ de dag gis 
'di skad ces smras so/ /bobs shig dang chos bshad do/ /de dag gis 'di skad ces bdag cag 'gums par bgyid pa phas kyis rgol ba dag rting la thug lags so zhes smras pa nas/ bcom ldan 'das kyis bka' stsal pa/ nad pa yin no zhes bya ste bshad par 
bya'o zhes bya ba'i bar ro/ /de bzhin du rta zhon pa dang shing rtar zhugs pa la yang brjod par bya'o/ /de nas mi'i phrag pa dang / mgo la zhon zhing 'gro ba nas chos bshad par mi bya'o zhes bya ba'i bar ro/ /ji tsam na nad par gyur pa nas bcom ldan 'das kyis bka' stsal pa/ 
bshad par bya'o zhes bya ba'i bar ro/ /lham mthon po gyon pa'i bar dag la chos 'chad par byed pa nas/ bcom ldan 'das kyis bka' stsal pa/ mi na bar glang po che zhon pa la chos bshad par mi bya ste/ rta zhon pa la ma yin pa dang / shing rtar zhugs pa la ma yin pa 

</font><hr>9-1-325b<br><font size=+1>
dang / mi la zhon pa ma yin pa dang / mi na bar lham mthon po gyon pa la chos mi bshad par bslab par bya'o/ /zhes bya ba'i bar ro/ /de nas bcu gnyis sde dag skra do ker can la chos 'chad par byed pa nas/ bcom ldan 'das kyis bka' stsal pa/ bshad par mi bya'o zhes bya 
ba'i bar ro/ /rgyal po 'ongs pa nas/ bcom ldan 'das kyis bka' stsal pa/ bshad par bya'o zhes bya ba'i bar ro/ /de bzhin du mgo dkris pa dag 'ongs pa nas/ bcom ldan 'das kyis bka' stsal pa/ bshad par mi bya'o zhes bya ba'i bar ro/ /ji tsam na blon po chen 
po 'am nad pa dag 'ongs pa nas/ bcom ldan 'das kyis bka' stsal pa/ bshad par bya'o zhes bya ba'i bar ro/ /de bzhin du mgo phreng bas bcings pa dag 'ongs pa nas bshad par mi bya'o zhes bya ba nas/ bcom ldan 'das kyis bka' stsal pa/ nad pa la bshad par 
bya'o zhes bya ba'i bar ro/ /de bzhin du mgo cod pan gyis bcings pa dag 'ongs pa nas bshad par mi bya'o zhes bya ba nas/ bcom ldan 'das kyis bka' stsal pa/ tshong dpon nam nad pa la bshad par bya'o zhes bya ba'i bar ro/ /de nas yang zhwa gyon pa dag 'ongs pa nas/ bcom ldan 
'das kyis bka' stsal pa/ bshad par mi bya'o zhes bya ba'i bar ro/ /nad pa dag 'ongs pa nas bcom ldan 'das kyis bka' stsal pa/ mi na bar skra do ker can la chos bshad par mi bya ste/ mgo dkris pa la ma yin pa dang / mgo phreng bas bcings pa la ma yin pa dang / mgo cod 
pan gyis bcings pa la ma yin pa dang / mi na bar zhwa gyon pa la chos mi bshad par bslab par bya'o zhes bya ba'i bar ro/ /de nas bcu gnyis sde dag lag pa na mtshon thogs pa la chos 'chad par byed pa nas/ bshad par mi bya'o zhes bya ba'i bar ro/ /ji tsam na g.yul du chas 
pa'am/ nad par gyur pa nas/ bcom ldan 'das kyis bka' stsal pa/ bshad par bya'o zhes bya ba'i bar ro/ /de bzhin du gdugs thogs pa'i bar dag 'ongs nas bshad par mi bya'o zhes bya ba nas/ bcom ldan 'das kyis bka' stsal pa/ nad pa la bshad par bya'o zhes 

</font><hr>9-1-326a<br><font size=+1>
bya ba'i bar ro/ /de bzhin du lag na khar ba thogs pa 'ongs nas/ bshad par mi bya'o zhes bya ba nas/ yang nad pa'am rgas pa khar ba med par 'tsho bar mi nus pa zhig yin na zhes bya ba nas/ bcom ldan 'das kyis bka' stsal pa/ de dag la chos bshad par bya'o zhes bya ba'i bar 
ro/ /de bzhin du lag na ral gri thogs pa 'ongs pa dang zhes bya ba nas/ bshad par mi bya'o zhes bya ba'i bar gong ma ji lta ba bzhin du'o/ /de bzhin du go cha sna lnga gyon pa dag 'ongs pa nas/ bcom ldan 'das kyis bka' stsal pa/ mi na bar lag na mtshon cha thogs pa la chos bshad 
par mi bya ste/ lag na gdugs thogs pa la ma yin pa dang / lag na khar ba thogs pa la ma yin pa dang / lag na ral gri thogs pa la ma yin pa dang / lag na dgra cha thogs pa la ma yin pa dang / go cha sna lnga gyon pa la chos mi bshad par bslab par bya'o zhes bya ba'i bar ro/ /de 
nas bcu gnyis sde dag 'greng ste bshang gci byed pa dang zhes bya ba nas mi bya'o zhes bya ba'i bar ro/ /nad par gyur te 'dug mi nus pa nas bcom ldan 'das kyis bka' stsal pa/ nad pa yin na rjes su gnang ngo / /de nas sbom dga' mo ser skya'i gzhir 'ongs pa na rang gi kun dga' ra ba srung 
ba mthong nas/ des 'di skad ces smras so/ /gang gi tshe kho mo rab tu byung bar ma gyur na kho mo khyod kyi cir 'gyur/ des 'di skad ces smras so jo mor 'gyur ro/ /sbom dga' mos 'di skad ces smras so/ /da khyod ci'i phyir kho mo la tshod sngon dang me tog gi mkho bas mi stobs/ kun dga' ra ba srung bas 
kyang 'di skad ces smras so/ /de'i tshe khyod kyis bdag la zas dang gos kyi mkho ba sbyar ba na ni kho bos kyang khyod la bsnyen bkur byas so/ /da ni khyod rab tu byung la kho bo ni khyim pa yin na khyod la kho bos ji ltar bsnyen bkur bya/ de nas sbom dga' mos bkru sman zos nas/ des gyo mo zhig bzhag 
nas bshang ba dang gci ba phal mo che blugs nas/ ji tsam na ngan skyugs kyis bkang ba'i gyo mo dang phyags ma khyer te/ kun dga' ra bar song nas tshod sngon de thams cad dang / me tog gi shing rnams mi gtsang bas gtor to/ /mi gtsang ba'i dri des der wa dang khyi dag gis bcags 

</font><hr>9-1-326b<br><font size=+1>
so/ /phyi de nyin par kun dga' ra ba srung bas tshod sngon de mthong nas yid mi bde bar gyur pa dang / sbom dga' mos 'di skad ces smras so/ /kun dga' rab srung ba ji lta khyod kyi kun dga' ra ba dri zhim pa dang / tshod sngon mang ngam/ des 'di skad ces 'phags ma 'di ni khyod kyis byas mod 
ces smras pa dang / des bgad nas 'di skad ces khyod de ltar bcos so zhes smras pa nas/ bcom ldan 'das kyis bka' stsal pa/ rtswa sngon po la bshang ba dang gci ba dor bar mi bya'o zhes bya ba nas/ nad pa yin na rjes su gnang ngo zhes bya ba'i bar ro/ /de bzhin du mchil ma 'dor bar 
byed pa dang / dor bar mi bya'o zhes bya ba nas/ bcom ldan 'das kyis bka' stsal pa/ nad pa yin na rjes su gnang ngo zhes bya ba'i bar ro/ /de bzhin du snabs la yang brjod par bya'o/ /ji tsam na skyugs pa dang / rlugs pa dag 'dor bar byed pa nas/ bcom ldan 'das kyis bka' 
stsal pa/ mi na bar 'greng ste bshang ba dang gci ba mi bya ba dang / mi na bar rtswa sngon po yod pa'i sa phyogs su bshang ba dang gci ba dang / mchil ma dang / snabs dang / skyugs pa dang / rlugs par mi dor bar bslab par bya'o zhes bya ba'i bar ro/ /de bzhin du gong du ser skya'i gzhir kun 
dga' ra ba'i srung ma dang sbom dga' mo ji lta ba de bzhin du btso blag mkhan la yang brjod par bya ste/ ji tsam na bkru sman zos nas zhes bya ba nas/ mi gtsang bas bkang ba'i snod dang / brdab pa'i gzhi dang gos bshal ba'i chu snod ma rung bar byas so/ /de nas btso blag mkhan de gos 'khru ba 
na gos de tshon khra bo sna tshogs kyi tshon gyis bkra ba dang / mnam pa mthong ngo zhes bya ba'i bar ro/ /de nas sbom dga' mo 'ongs nas 'di skad ces smras so/ /kye nang rje gos dag ci ste skya bor gyur des 'di skad ces 'phags ma khyod kyis ma byas grang zhes smras pa dang / sbom 
dga' mos 'di skad ces khyod de ltar bcos so zhes smras pa na smod par byed pa nas/ bcom ldan 'das kyis bka' stsal pa/ chu'i nang du bshang gci dor bar mi bya'o zhes bya ba'i bar ro/ /na ba dag de nyid du 'dor bar byed pa nas/ bcom ldan 'das kyis bka' stsal pa/ rjes 

</font><hr>9-1-327a<br><font size=+1>
su gnang ngo / /de bzhin du mchil ma dang / snabs dang / skyugs pa dang / rlugs pa zhes bya ba nas/ nad pa yin na/ rjes su gnang ngo zhes bya ba'i bar ro/ /gang gi tshe bcom ldan 'das kyis mnyan yod du dge skos la brten nas shing la 'dzeg pa'i bslab pa'i gzhi bca' 
ba mdzad pa de'i tshe sbom dga' mo bya ba 'ga' zhig gi phyir shing khar 'dzeg pa na/ de la dge slong ma rnams kyis smras pa/ phu nu mo bcom ldan 'das kyis bslab pa'i gzhi bca' ba ma mdzad dam/ des 'di skad ces dge slong rnams la mdzad kyi/ dge slong ma rnams la ni ma yin no 
zhes smras pa nas/ bcom ldan 'das kyis bka' stsal pa/ mi na bar chu'i nang du bshang ba dang / gci ba dang mchil ma dang / snabs dang skyugs pa dang / rlugs pa dor bar mi bya ba dang / gnod pa byung ba ma gtogs par shing la mi gang tsam las mthor mi 'dzeg par 
bslab par bya'o zhes bya ba'i bar ro/ /bslab pa mang po rdzogs s+ho/ /dge slong ma'i 'dul ba rnam par 'byed pa las bslab pa mang po rdzogs s+ho// //da ni rtsod pa zhi bar byed pa rnams smra bar bya ste/ sdom la/ mngon sum dang ni dran pa dang / /ma myos 'dul dang de'i ngo bo/ /tshul shing 
mang po brim pa dang / /khas blang ba dang rtswa bkram pa'o/ /mngon sum gyis 'dul bar 'os pa la ni mngon sum gyis 'dul ba sbyin no/ /dran pas 'dul bar 'os pa la ni dran pas 'dul ba sbyin no/ /ma myos pas 'dul bar 'os pa la ni ma myos pas 'dul ba sbyin no/ /de'i ngo bo nyid tshol 
du gzhug par 'os pa la ni de'i ngo bo nyid tshol du gzhug pa sbyin no/ /gang tshul shing mang po brim par 'os pa la ni gang tshul shing mang po brim pa sbyin no/ /khas blang bar 'os pa la ni khas blang ba sbyin no/ /rtswa bkram pa lta bur 'os pa la ni rtswa bkram pa lta bu sbyin te/ rtsod pa 
zhi bar byed pa'i chos bdun po 'di dag gis rtsod pa byung bar gyur pa rnams chos dang / 'dul ba dang / ston pa'i bstan pa bzhin du dul bar bya/ zhi bar bya/ rnam par zhi bar bya bar bslab par bya'o/ /rtsod pa zhi bar byed pa'i chos bdun rdzogs s+ho// //dge 

</font><hr>9-1-327b<br><font size=+1>
slong ma'i 'dul ba rnam par 'byed pa las rtsod pa zhi bar byed pa'i chos bdun rdzogs s+ho// //mtha' brgyad dge 'dun lhag ma nyi shu dang / /de bzhin spang ba sum bcu rtsa gsum dang / /gzhan yang ltung byed brgya ni brgyad bcu dang / /so sor bshags par bya ba bcu gcig ni/ /bslab 
pa yi ni phreng ba lhag pa ste/ /zhi bar byed pa dge slong pa dang mthun/ /bzod pa dka' thub dam pa bzod pa yi/ /mya ngan 'das pa mchog ces sangs rgyas gsung / /rab tu byung ba gzhan la gnod pa dang / /gzhan la 'tshe ba dge sbyong ma yin no/ /mig ldan pha rol gnon yod na/ /nyam 
nga ba dag ji bzhin du/ /mkhas pas 'tsho ba'i 'jig rten 'dir/ /sdig pa dag ni yongs su spong / /skur pa mi gdab gnod mi bya/ /so sor thar pa'ang bsdam par bya/ /zas kyi tshod kyang rig par bya/ /bas mtha'i gnas su gnas par bya/ /lhag pa'i sems la yang dag sbyor/ /
'di ni sangs rgyas bstan pa yin/ /ji ltar bung ba me tog las/ /kha dog dri la mi gnod par/ /khu ba bzhibs nas 'phur ba ltar/ /de bzhin thub pa grong du rgyu/ /bdag gi rigs dang mi rigs la/ /brtag par bya ste gzhan rnams kyi/ /mi mthun pa dang gzhan rnams 
kyi/ /byas dang ma byas rnams la min/ /lhag pa'i sems la bag bya ste/ /thub pa'i thub gzhi rnams la bslab/ /nyer zhi rtag tu dran ldan pa/ /skyob pa mya ngan med pa yin/ /sbyin pas bsod nams rab tu 'phel/ /legs bsdams dgra sogs mi 'gyur 
ro/ /dge dang ldan pas sdig pa spong / /nyon mongs zad pas mya ngan 'da'/ /sdig pa thams cad mi bya ste/ /dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ste/ /ngag gi 
sdom pa legs pa yin/ /yid kyi sdom pa'ang legs pa ste/ /thams cad du ni sdom pa legs/ /kun du gdams pa'i dge slong ni/ /sdug bsngal kun las rab tu grol/ /ngag rnams bsrung zhing yid kyis rab bsdams te/ /lus kyis mi dge ba dag mi byed cing / /

</font><hr>9-1-328a<br><font size=+1>
las lam gsum po 'di dag rab sbyangs nas/ /drang srong gsungs pa'i lam ni thob par 'gyur/ /sangs rgyas rnam gzigs gtsug tor thams cad skyob/ /'khor ba 'jig dang gser thub 'od srung dang / /shAkya thub pa gau tam lha 
yi lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyi so sor thar/ /'di ni rab tu rgyas par bton/ /'di la sangs rgyas rnams dang gang / /sangs rgyas nyan thos 
rnams kyang gus/ /'di la gus par bcas gyur pas/ /'dus ma byas pa thob par gyis/ /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang 
zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /dge slong ma'i 'dul ba rnam par 'byed pa so sor thar pa dang bcas pa rdzogs s+ho// //
kha che'i mkhan po sarba dz+nyA de ba dang / /d+harmA ka ra dang / rgya gar gyi mkhan po bid+yA ka ra pra b+ha dang / lo ts+tsha ba ban de dpal gyi lhun pos bsgyur/ /rgya gar gyi mkhan po bid+yA ka ra pra b+ha dang / zhu chen gyi lo ts+tsha ba ban de dpal brtsegs kyis zhus te gtan 
la phab pa'o/ /snga zhus kun dga'o shAkya dpal/ /gnyis kyis ma dag dri ma bsal/ /gsum zhus mkhas pa snar thang dpon slob pas/ /sa yi steng 'dir legs par dag bgyis so// //

</font><hr>

</table>