D508

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D508</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D508&coll=derge">see text in Tibetan script</a></table>88-1-7b<br><font size=+1>
@##/ /rgya gar skad du/ bo d+hi maN+Da s+ya yak+ShA lang+gA ra nA ma d+hA ra NI/ rgya nag skad du/ phu thi Tha dra I TA nga yanra tho lo ni/ bod skad du/ byang chub snying bo'i 
rgyan 'bum zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul wA rA Na sI'i grong khyer chen po'i skyed mos tshal rgya chen po na/ dge slong gi dge 'dun chen po lnga stong 
thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun tu sbyor ba yongs su zad pa sha stag dang / byang chub sems dpa' sems dpa' chen po'i tshogs lnga brgya bcas dang thabs cig tu bzhugs 
so/ /de'i tshe bcom ldan 'das kyis dkar po'i phyogs kyi zla ba nya bas tshes pa'i dus gcig na 'khor rnam pa bzhi la chos ston cing mchog tu dga' bas tshim par byas so/ /yang 'khor der sems can tshad med pa bye ba khrag khrig brgya stong mang po 'dus pa 'di lta ste/ rgyal rigs 
dang / bram ze'i rigs dang / rig byed smra ba rnams dang / gcer bu pa dang / ya mtshan can gzhan dag rtog ge pa mang po dang / sgyu rtsal shes rigs dang / dur khrod pa dang / tshem bu pa dang / glang ru'i brtul zhugs can dang / ri sul na gnas pa'i brtul zhugs can dang /

</font><hr>88-1-8a<br><font size=+1>

dbang phyug pa'i tshogs thams cad dang thabs cig go/ /de la 'dus pa'i tshogs der gang zag 'ga' zhig lta ba log pas bslad de lam gol ba dang the tshom gyi dra bar chud pa rnams bcom ldan 'das kyis thugs brtse ba chen pos gang ji lta ji snyed zhus pa'i don 
legs par rab tu ston cing the tsom ma lus pa bsal bar mdzad do/ /gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i tshogs kyis mdun nas bltas 
shing yongs su bskor te/ lha'i dbang po brgya byin gyis sum cu rtsa gsum pa'i lha'i bu'i 'khor mang po dang bcas bcom ldan 'das kyi drung du nye bar lhags so/ /de bzhin du mi mjed kyi bdag po tshangs pa tshangs ris kyi lha'i bu mang po'i 'khor dang bcas pa dang / lha'i bu nyi ma 
dang / lha'i bu zla ba dang / lha'i bu stobs bzang dang / gnod sbyin nor bu bzang po dang / gang ba bzang po la sogs pa gnod sbyin gyi sde dpon chen po rnams dang / dbang phyug dang / khyab 'jug dang / gshin rje dang / chu lha dang / lus ngan dang / rgyal po chen po 
bzhi dang / dpal gyi lha mo dang / dbyangs can ma dang / 'phrog ma dang / dung skyong ma dang / me tog so ma dang / 'phrog ma'i bu lnga brgya rnams kyang rang rang gi 'khor dang bcas pa dang / klu'i rgyal po rgya mtsho dang / klu'i rgyal po dga' bo dang / klu'i rgyal po nye dga' la 
sogs pa'i klu'i rgyal po chen po rnams so so'i klu'i rigs kyi 'khor bye ba khrag khrig brgya stong rab tu mang pos bskor ba dang / mi'am ci'i rgyal po dang / lto 'phye chen po'i rgyal po rnams kyang rang rang gi 'khor grangs su med pas yongs su bskor zhing bcom ldan 'das kyi drung du lhags te/ phyag 
'tshal ba dang / mchod pa dang / bkur sti dang / rim gro byed cing chos mnyan to/ /de'i tshe de'i dus na pa tha ri'i grong khyer na gnas pa'i bram ze chen po bi Nu dat+ta zhes bya ba phyug pa dbyig nor sna tshogs phun sum tshogs pa dang ldan pa/ longs spyod rnam thos kyi bu dang 'gran bzod pa/

</font><hr>88-1-8b<br><font size=+1>

mang du thos pa/ shes rab che ba/ dbang po rno ba/ rnam dpyod yangs pa/ dge ba'i chos la dga' ba/ dad pa brtan pa/ dkon mchog gsum la skyabs su song ba'i dge bsnyen thams cad kyi khyu mchog tu gyur pa la bu med pa zhig yod do/ /lan cig bram ze chen po des 'di snyam 
du sems par gyur te/ bdag longs spyod 'di tsam che zhing rigs 'di ltar btsun pa la bu med pa ci ltar rung / bram ze'i rigs shing sbal chen po lta bu 'di rgyun chad na ci ltar rung / bdag gson kyang don re chung ngo snyam du bsam zhing nyin mtshan mang por sdug bsngal bar gyur to/ /yang lan 
cig 'di ltar sems par gyur te/ lha dang mi'i ston pa sangs rgyas bcom ldan 'das ni bdag gi pha yin no/ /bdag ni sangs rgyas kyi bu yin no/ /yang dag pa dam pa'i chos ni bdag gi ma yin no/ /'phags pa'i dge 'dun gyi tshogs ni bdag gi phu nu yin no/ /skye ba 'dir stes 
bzang pos bkra shis pa'i dpal gyi 'byor pa 'di lta bu rnyed na/ skye ba phyi mar yang don ldan du bya bar byed pa'i phyir/ chos gang gcig la bslabs pas dkar po'i chos kyi dge ba'i rtsa ba thams cad 'dus shing tshegs chung ngus bla na med pa yang dag par rdzogs pa'i byang chub tu bsngo bar bya ste/ 
dkon mchog gsum gyi gdung yun ring du rgyun mi 'chad par gyur pa dang / dge ba'i las gang gi rgyu rkyen la brten nas bu tsha rigs rgyud 'phel bar byed pa'i thabs ci'i phyir bdag gis bcom ldan 'das la mi zhu/ da ni bcom ldan 'das la zhu'o snyam du bsams so/ /de nas bram ze chen po 
bi Nu dat+ta des bcom ldan 'das kyi spyan sngar dong nas/ bcom ldan 'das la phyag 'tshal zhing lan gsum bskor ba byas te thal mo sbyar ba btud nas bcom ldan 'das la 'di skad ces gsol to/ /ston pa bcom ldan 'das chos gang gcig la bslabs na dkar po'i chos kyi dge ba'i rtsa ba 
thams cad 'dus par gyur cing tshegs chung ngus bla na med pa yang dag par rdzogs pa'i byang chub rnyed par 'gyur ba dang / dkon mchog gsum gyi gdung rgyun mi 'chad par 'gyur ba dang / bu tsha rigs rgyud 'phel bar 'gyur ba'i thabs shig bcom ldan 'das kyis bstan du gsol/ de skad ces 

</font><hr>88-1-9a<br><font size=+1>

gsol ba dang / bcom ldan 'das kyis bram ze bi Nu dat+ta la 'di skad ces bka' stsal to/ /legs so legs so/ /bram ze chen po khyod kyis don legs pa 'di 'dra nga la dris pa ni shin tu legs so/ /bram ze chen po legs par rab tu nyon la yid la zungs shig 
dngangs khyod la bshad do/ /bram ze chen po rtog pa'i rgyal bo chen po byang chub snying po'i rgyan 'bum zhes bya ba'i gzungs yod de/ gzungs de ni dkar po'i chos kyi dge ba'i rtsa ba thams cad skrun par byed/ skyed par byed/ yongs su rdzogs par byed/ re ba thams cad skong bar byed pa ste/ 
ngas rjes su dran pa sngon 'das pa'i dus na pa tha ri'i grong khyer gyi shar sgo'i phyi rol du skyed mos tshal chen po zhig yod de/ skyed tshal de'i ming ni a su ri zhes bya ba'o/ /de na gnyug mar gnas pa'i srin po'i bu mo zhig yod de/ ming ni lha min mdzes ma zhes bya'o/ /srin mo de rang bzhin ngan pa 
gdug rtsub che ba/ khor yug dpag tshad stong gi nang rol na gnas pa'i khye'u dang bu mo rnams kyi mdangs 'phrog cing bcud brkus/ srog kyang phrogs par byas pas/ pa tha ri'i grong khyer na gnas pa'i skye bo pho mo phal cher srin mo de'i gnod pas gtses pas sdug bsngal bar gyur/ yun ring du 
'jigs pa dang ldan par gyur/ nyam nga bas nyen par gyur to/ /de nas dus gcig na de dag phan tshun du bltas shing thabs ci 'dra zhig gis sdug bsngal 'di las grol bar 'gyur zhes bgros so/ /de'i tshe skye bo'i tshogs 'dus pa'i khrod na rgan rabs rgyus yod pa 'ga' zhig gis/ skye bo de dag la 
'di skad ces smras so/ /grogs po dag nyon cig /da lta de bzhin gshegs pa dgra bcom pa yang dag par rdzogs pa'i sangs rgyas 'od zer dam pa'i rgyal mtshan zhes bya ba 'jig rten du byung nas 'tsho zhing gzhes bzhin bzhugs te/ de'i drung du mjal te 'dri bar rigs so/ /sangs rgyas 
bcom ldan 'das de nyid kyis/ khyed cag gi mgon po dang skyabs su 'gyur la 'jigs pa dang sdug bsngal thams cad bsal bar mdzad par 'gyur ro/ /de skad ces smras pa dang / skye bo de dag gis de bzhin gshegs pa de yul phyogs gang na bzhugs zhes dris pas/ rgan rabs dag 

</font><hr>88-1-9b<br><font size=+1>

gis lan btab pa/ de bzhin gshegs pa de dus skabs da lta na lnga len gyi ljongs na bzhugs zer ro/ /slar dris pa/ bzhin bzang dag de bzhin gshegs pa de dang mjal ba'i thabs bstan du gsol/ smras pa/ khyed cag slar log la/ dben zhing gtsang ba'i gnas shig 
btsal te sa phyogs der ba lci bsres pa'i sa gtsang gi dkyil 'khor gru bzhi mtha' logs cha mnyam pa bzhengs/ spos 'dam dang ba byung lngas byug la/ me tog sna tshogs gcal du bkram nas bdug pa'i spos phor bzhi dang / dri bzang gi chab kyi bum pa bzhi dang / zhal zas sder 
ma bzhi gzhag par bya'o/ /mar me bzhi bud par bya'o/ /dbus su dri bzang gi chus gang ba'i bum pa dmar ser cig bkod la/ de'i khar so shing gcig gzhag par bya'o/ /de nas de bzhin gshegs pa de la mngon par dad pas dmigs te/ bcom ldan 'das bdag cag rnams 
la thugs brtse ba'i slad du/ sang nyin bsod snyoms kyi dus la bab pa na gnas 'di nyid du gshegs par ci gnang zhes gsol ba gdab par bya'o/ /de bzhin gshegs pa de ni 'das pa dang / ma 'ongs pa dang / da ltar byung ba'i sems can thams cad kyi bsam pa dang / mos pa 
dang / bya ba spyod pa ji lta ji snyed thams cad yongs su mkhyen cing gzigs pa ste/ sems can dmyal ba dang / yi dgas dang / dud 'gro'i skye gnas su ltung ba rnams kyang thabs mkhas pas thar bar mdzad/ phan pa dang bde ba'i thabs ston par 'gyur ro/ /de ltar byas pas de 
bzhin gshegs pa des mngon par mkhyen cing gzigs nas/ rdzu 'phrul thogs pa med pa'i stobs kyis 'khor dang bcas pa khyed cag gi bsti gnas su 'byon par 'gyur ro/ /de skad ces smras pa dang / skye bo de rnams kyis thos pa ji lta ba bzhin blo la bzung nas slar log ste 'du 'dzis 
dben zhing gtsang la mtho zhing ngos yangs pa'i gnas shig btsal nas/ ba lci bsres pa'i sa gtsang gi dkyil 'khor bshams te/ me tog sna tshogs bkram/ dkyil 'khor gyi rgyan bum pa bzang po dang bza' btung gtsang ma sna tshogs dang byug pa dang bdug spos dang mar me rnams 

</font><hr>88-1-10a<br><font size=+1>

bkod nas snyan pa'i rol mo sna tshogs kyang dkrol/ dbus su rin po che sna tshogs kyis brgyan pa'i gser gyi bum pa dmar ser dri bzang gi chus bkang ba so shing dang bcas pa bzhag la/ thams cad yid mthun/ mos pa mthun/ spyod lam mthun par dad 
pas kun nas bslang ba'i dbyangs snyan la skad gsang mthon pos mgrin gcig tu 'di skad ces gsol ba btab bo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer dam pa'i rgyal mtshan la phyag 'tshal lo mchod do skyabs su mchi'o/ /
sems can thams cad la brtse ba dang skyob pa'i bdag nyid can/ thub pa chen po sangs rgyas bcom ldan 'das khyed la phyag 'tshal lo mchod do skyabs su mchi'o/ /chos nyid bsam mi khyab cing rmad du byung ba'i bdag nyid chen po sangs rgyas bcom ldan 'das khyed la phyag 'tshal lo 
mchod do skyabs su mchi'o/ /bdag cag mgon med skyabs med cing sdug bsngal gyi 'dam du byings pa'i sems can rnams la rjes su brtse ba'i slad du/ sang bsod snyoms kyi dus tshod la gnas 'dir gshegs su gsol lo/ /gshegs shing bzhugs nas kyang bdag cag gis legs 
par sbyar ba'i mchod pa rnams bzhes la bdag cag la sogs pa sems can thams cad kyi mgon dang skyabs dang dpung gnyen mdzad du gsol/ phan pa dang bde ba dang / rnam par grol ba'i lam bstan du gsol/ 'jigs pa thams cad dang / gnod pa thams cad dang / nyam 
nga ba thams cad bsal du gsol/ de ltar gsol ba btab ma thag tu sa rnam pa drug tu g.yos so/ /bum pa yang 'gul zhing sa la 'gyil to/ /bum chu sa la phos te pad+ma'i rdzing bu chen por gyur to/ /de yang lha'i chu dang mnyam pa/ dri bzang 'thul ba/ gtsang ba/ ha cang mi grang ha 
cang mi dro yid du 'ong ba/ yan lag brgyad dang ldan pa rdzing bu yongs su gang ba'i gting gser gyi bye ma brdal ba/ ut+pa la dang pad+ma dang pad+ma dmar po dang / puN+Da rI ka la sogs pa rin po che'i me tog sna tshogs kyis khebs pa/ dbus su gser gyi sa gzhi'i gling chen po/ phyogs 

</font><hr>88-1-10b<br><font size=+1>

bzhir rin po che sna tshogs kyi them skas dang lam bzhi yod pa/ dkyil na so shing gnas 'gyur ba'i rin po che'i ljon shing srid du dpag tshad brgyad yod la chu zheng gab pa/ rtsa ba dang sdong po dang yal ga dang lo 'dab dang me tog dang 'bras bu rnams rin po che sna bdun las grub pa/ gnas 
de shin tu gtsang zhing tha gru yangs pa logs bzhi'i ngos re la dpag tshad bcu gnyis re yod pa'i dkyil 'khor ngo mtshar rmad du byung ba/ skye bo thams cad kyi yid du 'ong ba blta na sdug pa phyogs mtshams rnams su chu skyes thang skyes kyi me tog sna tshogs dang / ta ma la'i shing dang / tsam+pa ka'i 
shing dang / ku shu'i shing dang / mya ngan med dang / a ti muk+ta ka dang / su ma nA dang / ka dam+pa'i shing dang / n+ya gro d+ha dang n+ya gro d+ha chen po dang / ga bur gyi shing dang / se rgod tsher ma can gyi shing dang / shug pa dang / yu ti ka dang tin+tu ka'i shing la sogs pa'i ljon pa'i phreng bas brgyan 
pa/ de rnams kyi steng na ne tso dang rma bya dang ka la ping+ka dang shang shang te'u la sogs pa bkra shis pa'i bya sna tshogs gser gyi mchu dang gser gyi gtsug phud can/ spu dang gshog sgro thams cad rin po che sna bdun las grub pa/ snyan cing 'jebs pa'i skad sna mang po sgrogs pa/ de thams 
cad kyang de bzhin gshegs pa 'od zer dam pa'i rgyal mtshan gyi sngon gyi smon lam gyi mthu dang / byang chub snying po'i rgyan 'bum gyi gzungs sngags rig pa'i byin rlabs las byung ba sha stag go/ /de nas pa tha ri'i grong khyer gyi skye bo'i tshogs thams cad shin tu ngo mtshar bar gyur nas phan 
tshun du gcig gis gcig la 'di skad ces 'dri mol byed do/ /e ma'o ngo mtshar che'o/ /grogs po dag 'di lta bu'i cho 'phrul chen po sngon chad mthong ma myong thos ma myong ba 'phral du byung ba 'di su zhig gi mthu yin/ rdzu 'phrul chen po 'di sus bstan pa yin/ gor ma chag par dzam+bu gling 'dir 
bkra shis pa dang phan pa dang bde ba phun sum tshogs pa 'byung bar 'gyur ram zer to/ /de'i tshe rgan rabs dag gis skye bo'i tshogs de dag la 'di skad ces smras so/ /cho 'phrul chen po 'di ni gdon mi za bar de bzhin gshegs pa 'od zer dam pa'i rgyal mtshan gyi mthu yin no/ /de bzhin 

</font><hr>88-1-11a<br><font size=+1>

gshegs pa des sems can thams cad la phan pa dang bde ba'i phyir khyed cag gi bsti gnas la gshegs pa'i ltas su rdzu 'phrul 'di bstan pa yin no/ /bdag cag so so'i gnas su log la rang rang gi nus tshad la dpag pa'i zhal zas bzang po'i bye brag mang po bshams te 
sang nyin de bzhin gshegs pa de la gdugs tshod 'bul zhing mchod pa dang bsnyen bkur bya'o/ /de nas skye bo de dag thams cad rings pa rings par rang rang gi khyim du song nas mtshan mo'i ring de la dri zhim la ro bda' ba'i zhal zas bza' btung sna tshogs sbyar zhing dri zhim po'i me tog dang / dri'i byug pa 
dang bdug spos dang phye ma phur ma dang gdugs dang rgyal mtshan dang ba dan la sogs pa dang / rol mo pheg rdob pa'i bye brag mang po bshams nas lam rnams su nye bar lhags te de bzhin gshegs pa bsgugs so/ /de'i tshe bcom ldan 'das 'od zer dam pa'i rgyal mtshan des lnga len gyi ljongs su 'khor 
mang po le chos ston cing bzhugs pa'i skabs shig glo bur du rin po che sna bdun gyis spud pa'i bum pa so shing dang bcas pa cig bcom ldan 'das kyi spyan sngar byung bar gyur to/ /de nas bcom ldan 'das 'od zer dam pa'i rgyal mtshan gyis bum pa so shing dang bcas pa gzigs nas 'dzum pa mdzad do/ /zhal 
'dzum pa mdzad nas kyang rtsibs stong 'khor los mtshan pa'i phyag gser gyi mdog can brkyang ste bum pa so shing dang bcas pa phyag tu bzhes la cang mi gsung bar bzhugs so/ /de'i tshe 'khor 'dus pa thams cad kyis ngo mtshar du gyur nas/ e ma bkra shis pa'i mtshan ma 'di lta bu phyogs gang nas byung / 
yul phyogs gang zhig tu bcom ldan 'das gdan 'dren pa'i mtshan ma zhig yin snyam zer to/ /de'i tshe 'khor gyi nang na byang chub sems dpa' sems dpa' chen po rnam dag dam pa'i blo gros zhes bya ba zhig 'dus par gyur te stan las langs nas bcom ldan 'das kyi thad du phyin nas bcom ldan 'das kyi zhabs la mgo bos 
phyag 'tshal zhing g.yas skor du lan gsum bskor ba byas thal mo sbyar ba btud nas bcom ldan 'das la 'di skad ces gsol to/ /bcom ldan 'das bkra shis pa'i mtshan ma 'di phyogs gang nas byung / bum pa so shing dang bcas pa'i rgyu mtshan ci lags/ bcom ldan 'das kyis bshad du gsol zhes gsol pa 

</font><hr>88-1-11b<br><font size=+1>

dang / bcom ldan 'das kyis bka' stsal pa/ bum pa so shing dang bcas pa 'di pa tha ri'i grong khyer chen po nas 'ongs pa ste sa phyogs de rang spyan 'dren pa'i phyir ro/ /rnam dag dam pa'i blo gros khyod 'khor rnams la 'di skad du/ nga'i phyag phyir bsod snyoms la 'gro bar 'dod pa rnams 
tshul shing longs shig ces 'grems shig /sang snga bar pa tha ri'i grong khyer chen por rdzu 'phrul gyis 'gro'o zhes gsungs so/ /de skad ces bka' stsal pa dang / byang chub sems dpa' sems dpa' chen po rnam dag dam pa'i blo gros kyis tshul shing bzung nas 'dus pa'i 'khor 
byang chub sems dpa' dang nyan thos kyi tshogs thams cad la brim zhing / rdzu 'phrul chen po dang ldan pas rdzu 'phrul gyi yul la 'jug nus pa rnams tshul shing longs shig bcom ldan 'das kyis sang snga bar pa tha ri'i grong khyer chen por bsod snyoms la cha'o/ /byang chub sems dpa' 
rnam dag dam pa'i blo gros kyis de ltar tshul shing bri mas tshar nas slar bcom ldan 'das la gsol zhing bcom ldan 'das gdan 'dren par bskul to/ /de nas de'i sang zhogs snga bar de bzhin gshegs pa 'od zer dam pa'i rgyal mtshan gyis chos gos gsum legs par gsol nas/ dpal 
dang gzi brjid kyi rgyan mchog tu 'bar zhing / 'dus pa'i 'khor mang po dang bcas rdzu 'phrul chen po rnam par rol ba'i stobs kyis bar snang la 'phags te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i 
'khor gyi tshogs mang bos rol mo dang sil snyan sna tshogs dkrol zhing bdug spos dang / me tog dang byug pa dang phye ma phur ma dang na bza' dang rgyan la sogs pa'i mchod pa'i bye brag sna tshogs kyis mchod pas yongs su bskor bzhin par nam mkha'i lam nas yud tsam gcig la pa tha 
ri'i grong khyer chen por phebs te/ bcom ldan 'das kyis sprul ba'i dkyil 'khor chen po'i dbus su pad+ma'i snying po seng ge'i khri la bzhugs so/ /'khor thams cad kyang rang rang gi sprul pa'i pad+ma'i khyim gyi theg pa dang bcas 'dus te 'khod par gyur to/ /de nas pa tha ri'i grong khyer gyi skye 

</font><hr>88-1-12a<br><font size=+1>

bo thams cad rab tu dga' zhing mgu nas/ rang rang gi legs par bshams pa'i mchod pa sna tshogs kyis bcom ldan 'das dang / 'khor byang chub sems dpa' nyan thos kyi tshogs dang bcas pa dang / lha klu sde brgyad kyi tshogs thams cad la mchod 
pa byed do/ /gdugs tshod kyi dus la babs pa na/ kha dog dri ro phun sum tshogs pa'i zhal zas sna tshogs 'bul zhing brim ste/ ci bde bar tshim par byas so/ /bcom ldan 'das 'khor dang bcas pas gdugs tshod legs par bzhes nas bkru bshal mdzad de/ spyod lam dag 
par mdzad la 'khor rnams kyis bcom ldan 'das la bskor ba lan gsum byas nas gral stan la go rims 'tsham par 'khod do/ /de nas pa tha ri'i grong khyer gyi skye bo de dag thams cad slar yang bcom ldan 'das la phyag dang bskor ba byas nas don gyi rgyu las brtsams te/ snga ma'i 
gnas tshul 'di skad ces gsol to/ /bcom ldan 'das gsan du gsol/ grong khyer 'di'i shar sgo'i phyi rol na a su ri zhes bya ba'i skyed tshal zhig yod do/ /grong khyer de'i nang na srin po'i bu mo lha min mdzes ma zhes bya ba rang bzhin ngan pa gdug rtsub che ba khro zhing gtum pa gcig 
gnas te/ rgyun par khye'u bu mo rnams kyi mdangs dang gzi brjid 'phrog cing srog kyang 'phrog par byed pas bdag cag rnams nyin mtshan med par 'jigs pas nyen te sdug bsngal zhing bde ba'i go skabs cung zad kyang mi thob bo/ /bcom ldan 'das kyis thugs brtse ba chen 
pos dgongs la sdug bsngal 'di bsal ba'i thabs bstan du gsol/ bde bar gshegs pas bstan du gsol zhes gsol ba btab bo/ /de ltar gsol ba btab pas de bzhin gshegs pa 'od zer dam pa'i rgyal mtshan des/ skye bo'i tshogs de dag la brtse ba'i dgongs pas zhal 
gyis bzhes te cang mi gsung bar gnang nas zhal 'dzum pa mdzad do/ /'dzum pa mdzad pas zhal gyi sgo nas 'od zer kha dog brgya stong du 'phros/ stong gsum gyi stong chen po'i 'jig rten gyi khams thams cad yongs su khengs pas sems can thams cad dbugs phyung bar mdzad cing khyad par 

</font><hr>88-1-12b<br><font size=+1>

a su ri'i skyed mos tshal de rdzu 'phrul gyi 'od zer me'i phung pos bsreg kun tu rab tu sreg go/ /der gnas pa'i srin po'i bu mo 'khor khri phrag mang po dang bcas tshom bu tshom bur phral nas phyogs bzhir 'thor zhing rgyug go/ /skad chen pos ngu zhing cho nge 'debs/ kye ma kyi hud bdag cag rnams 
su la skyabs su 'gro/ su zhig gis sdug bsngal 'di las skyob nus zer zhing 'o dod 'bod de ngu bar gyur to/ /de nas bar snang na gnas pa'i lha rnams kyis de dag la 'di skad ces smras so/ /khyod rnams de bzhin gshegs pa 'od zer dam pa'i rgyal mtshan gyi drung du song la phyag 'tshal 
zhing skyabs su song na sdug bsngal 'di las thar bar gyur te bde ba dang yid bde ba 'thob par 'gyur ro zhes smras so/ /de nas lha min mdzes ma 'khor khri phrag mang po dang bcas rings pa rings par pa tha ri'i grong khyer gyi sprul ba'i dkyil 'khor ga la ba der phyin nas bcom ldan 'das 'od 
zer dam pa'i rgyal mtshan gyi zhabs la mgo bos phyag 'tshal zhing / bcom ldan 'das bdag cag rnams bskyab tu gsol/ 'jig rten mgon po bskyab tu gsol/ bde bar gshegs pa bskyab tu gsol/ deng phyin chad bdag cag gis sems can la gnod pa mi bgyid do/ /
sems can la 'tshe bar mi bgyid do zhes gsol to/ /de nas bcom ldan 'das kyis cang mi gsung bar dgongs pas zhal gyis bzhes nas/ byang chub snying po'i rgyan 'bum rnam par rol pa'i rdzu 'phrul gyi byin rlabs zhes bya ba'i ting nge 'dzin la snyoms par zhugs so/ /de las langs te 
byang chub snying po'i rgyan 'bum gyi gzungs gsungs so/ /de'i tshe ting nge 'dzin gyi stobs dang gzungs sngags kyi mthus phyogs bcu'i 'jig rten gyi khams thams cad dang de na bzhugs pa'i sangs rgyas thams cad lham me lham mer mngon sum du snang bar gyur to/ /sangs rgyas de dag 
thams cad kyis rang rang gi 'khor rnams la chos ston pa yang lhang lhang thos par gyur to/ /de bzhin gshegs pa de dag thams cad kyis bcom ldan 'das 'od zer dam pa'i rgyal mtshan gyis byang chub snying po'i rgyan 'bum gyi gzungs gsungs pa la rjes su yi rangs nas so so'i zhing na bzhugs 

</font><hr>88-1-13a<br><font size=+1>

bzhin mgrin gcig dbyangs gcig gis legs so legs so/ /de bzhin gshegs pa 'od zer dam pa'i rgyal mtshan khyed kyis rtog pa'i rgyal po byang chub snying po'i rgyan 'bum gyi gzungs gsungs pa legs so legs so/ /legs par gsungs so zhes 
gsungs so/ /de nas srin mo lha min mdzes ma 'khor dang bcas pa btul zhing dge ba bcu'i lam la 'god/ skye bo'i tshogs grangs med pa mang po yang phyir mi ldog pa'i sa la 'god do/ /de nas grong khyer de nyid rin po che sna bdun las grub par gyur te/ rin po che sna bdun gyi char 
yang babs so/ /dzam+bu gling gi skye rgu thams cad kyang sdug bsngal med pa'i bde ba phun sum tshogs pa la longs spyod par gyur to/ /bram ze chen po nga de'i dus na bram ze'i khye'u lo bdun lon pa zhig ste/ gzungs sngags 'di thos pas de bzhin gshegs pa de'i bstan pa la rnam par 
dag pa'i dad pa thob cing da lta bla na med pa yang dag par rdzogs pa'i byang chub brnyes pa yin no/ /bram ze chen po khyod kyis the tshom dang yid gnyis ma byed cig /bram ze chen po khyod de'i tshe de'i dus na srin mo lha min mdzes ma zhes bya bar gyur to/ /de'i dus dge ba'i sems ma 
bzung zhing sems can mang po la gnod pa byas pa'i 'bras bu bskal pa grangs med du mar ngan song myul sdug bsngal dpag tu med pa myongs so/ /mthar de bzhin gshegs pa de la skyabs su song zhing bslab pa bzung bas da lta bram ze shing sA la chen po lta bur skyes shing shes rab che la longs 
spyod phun sum tshogs pa dang ldan par gyur/ 'on kyang las kyi lhag mas bu tsha med par gyur pa'o/ /bram ze chen po de'i dus kyi pa tha ri'i grong khyer na gnas pa skye bo de dag ni/ da lta nga'i 'khor du byung ba'i lha klu gnod sbyin dri za lha min mkha' lding mi'am ci la sogs pa'i 'dus pa'i 
tshoms chen po 'di dag go/ /bram ze chen po khyod de'i tshe de'i dus kyi lha min mdzes ma'i 'khor khri phrag mang po de dag da lta gzhan su dag yin nam snyam pa'i yid gnyis dang / nem nur byed na bram ze chen po de ltar ma byed cig /de ci'i phyir zhe na/ de'i tshe de'i dus kyi lha min 

</font><hr>88-1-13b<br><font size=+1>

mdzes ma'i 'khor khri phrag mang po ni/ da lta nga'i 'khor 'dus pa chen po'i nang du byung ba'i bram ze dang / rgyal rigs dang / rig byed smra ba rnams dang / gcer bu pa dang / rtog ge pa gzhan dag sgyu rtsal shes rigs dang / dur khrod na gnas pa'i brtul zhugs can dang / tshem 
bu pa dang / glang ru'i brtul zhugs can dang / ri sul na gnas pa'i brtul zhugs can 'di dag go/ /de bzhin gshegs pa shAkya thub pas de dag gi sngon gyi sbyor ba rnams de ltar bshad nas cang mi gsung bar bzhugs so/ /de nas 'khor 'dus pa chen po de dag gis sngon gyi sbyor ba'i 
rgyu rkyen de lta bu thos nas shin tu ngo mtshar bar gyur te dga' zhing mgu nas/ bdug spos dang me tog dang byug pa dang phye ma phur ma dang / me tog gi phreng ba dang na bza' dang / rgyal mtshan dang ba dan la sogs pa'i mchod pa'i bye brag sna tshogs bsnams nas bcom ldan 'das la mchod cing 
g.yas skor du bskor ba lan gsum byas/ bcom ldan 'das kyi zhabs la mgo bos phyag 'tshal zhing thal mo sbyar ba btud nas tshig gcig gis mthun par gsol ba/ bcom ldan 'das bdag cag la sogs pa'i sems can thams cad la thugs brtse ba'i slad du/ rtog pa'i rgyal po 
byang chub snying po'i rgyan 'bum gyi gzungs bshad du gsol/ bcom ldan 'das bshad du gsol/ bde bar gshegs pa bshad du gsol/ rig pa'i rgyal po de ni sems can thams cad kyi dmigs bu dang sgron mer gyur pa ste/ khyad par du yang ma 'ongs pa'i dus lnga brgya'i tha ma la babs 
pa'i tshe sems can thams cad kyi bsam pa yongs su rdzogs par byed pa'o/ /de skad ces gsol ba dang / bcom ldan 'das kyis cang mi gsung bar gnang nas/ zhal 'dzum pa mdzad do/ /zhal 'dzum pa mdzad pas bcom ldan 'das kyi zhal gyi sgo nas 'od zer rnam pa sna tshogs 'phros/ 
phyogs bcu'i 'jig rten gyi khams thams cad gsal bar byas te/ de dag na bzhugs pa'i sangs rgyas thams cad mngon sum du lham me lham mer snang bar gyur to/ /de dag gi chos bshad pa yang lhang nge lhang nger thos par gyur to/ /gnas de nyid rin po che'i ljon shing rtsa ba sdong po yal ga lo 'dab me tog 

</font><hr>88-1-14a<br><font size=+1>

'bras bu rnams rin po che sna bdun las grub pa yid du 'ong ba'i lha'i shing sha stag gi tshal chen pos phyogs mtshams brgyan par gyur to/ /dzam+bu gling gi sems can thams cad kyang lha'i bde ba la longs spyod par gyur pa la sogs pa'i rmad du byung ba'i rdzu 'phrul gyi rnam par rol pa'i 
byin rlabs kyi snang ba 'jig rten 'di na mngon sum du gyur to/ /de'i tshe byang chub sems dpa' 'jam dpal gzhon nur gyur pas tshul de dag mthong nas dga' bas 'dzum pa mdzad cing / bcom ldan 'das kyi spyan sngar mchis te phyag 'tshal zhing lan gsum bskor ba byas nas thal mo sbyar ba btud de bcom 
ldan 'das la 'di skad ces gsol to/ /bcom ldan 'das sems can thams cad la phan pa dang bde ba rgya chen po rgyun mi 'chad pa 'byung ba'i phyir rtog pa'i rgyal po byang chub snying po'i rgyan 'bum gyi gzungs bshad du gsol/ bde bar gshegs pas bshad du gsol zhes gsol pa dang / bcom ldan 
'das kyis cang mi gsung bar zhal gyis bzhes nas sangs rgyas thams cad la nye bar blta ba zhes bya ba'i ting nge 'dzin la snyoms par zhugs so/ /snyoms par zhugs ma thag tu ting nge 'dzin de'i mthus phyogs bcu'i sangs rgyas thams cad kyi zhing khams ma lus par mngon sum du snang bar gyur te/ 
sangs rgyas bye ba khrag khrig brgya stong grangs med pa thams cad mda' 'ben gcig gis tsam du nye bar gyur to/ /de nas de bzhin gshegs pa de dag thams cad mgrin gcig dbyangs gcig gis 'di skad du legs so legs so/ /bcom ldan 'das de bzhin gshegs pa shAkya thub pa khyod 
kyis rtog pa'i rgyal po 'di gsung bar brtsams pa shin tu legs so/ /legs par gsungs shig /rtog pa'i rgyal po 'di 'das pa'i sangs rgyas thams cad kyis gsungs zhing byin gyis brlabs pa'o/ /da ltar de bzhin gshegs pa shAkya thub pa khyed kyis gsungs pa'i dus la bab bo/ /bdag cag 
thams cad kyang rjes su yi rang ngo zhes gsungs so/ /de nas byang chub sems dpa' 'jam dpal gzhon nur gyur pas lhung bzed gcig bsnams nas bcom ldan 'das kyis gsungs pa'i chos kyi dbyings thams cad der bsdus te bcom ldan 'das la phul to/ /bcom ldan 'das kyi phyag 

</font><hr>88-1-14b<br><font size=+1>

gser gyi mdog can brkyang nas phyag tu bzhes la mdun gyi nam mkhar por to/ /de nas lhung bzed des nam mkha'i dbyings kyi khyon gang ba'i de bzhin gshegs pa'i skur gyur te/ stong gsum gyi stong chen po'i 'jig rten gyi khams thams cad yongs su gang bar gyur nas de dag thams cad kyang 
mgrin gcig dbyangs gcig gis bcom ldan 'das shAkya thub pa legs so legs so zhes gsungs shing / de dag thams cad re re'i spyan sngar bcom ldan 'das shAkya thub pa 'khor gyi tshogs dang bcas pa dang / shAkya thub pa so so'i mdun du byang chub sems dpa' 'jam dpal lhung bzed 'bul 
bzhin pa re re snang bar gyur to/ /de nas byang chub sems dpa' sems dpa' chen po phyag na rdo rjes byang chub sems dpa' 'jam dpal gzhon nur gyur pa la 'di skad ces smras so/ /'jam dpal ngo mtshar rmad du byung ba'i rdzu 'phrul chen po de bzhin gshegs pa thams cad 'ubs kyis 'dus shing rnam 
par spros pa 'di su'i don du yin/ 'di'i rgyu gang / rkyen gang / ci'i phyir 'od zer 'gyed la rnam par 'phrul ba 'di bstan/ 'jam dpal gyis smras pa/ ci phyag na rdo rje khyed kyis 'od kyi snang ba dang rdzu 'phrul gyi rgyu rkyen mi shes sam/ phyag na rdo rjes smras pa/ 'jam dpal mi shes so/ /de bzhin gshegs 
pa thams cad 'dus pa dang rnam par spros pa'i rdzu 'phrul chen po 'di 'dra bdag gis sngon chad ma mthong ma thos shing de ring bdag la thog mar ro/ /de nas byang chub sems dpa' sems dpa' chen po phyag na rdo rjes/ rdo rje gsor zhing bcom ldan 'das la bskor ba lan gsum byas nas bcom ldan 
'das la 'di skad ces gsol to/ /chos gang zhig bstan par brtsams pas deng 'dir sngon chad mthong ma myong thos ma myong ba'i rdzu 'phrul ngo mtshar rmad du byung ba 'di lta bu zhig ston/ bcom ldan 'das kyis bka' stsal pa/ lag na rdo rje re zhig sgug cig /skad cig yud tsam na mngon sum du 'gyur ro zhes gsungs 
ma thag rin po che sna bdun las grub pa'i mchod rten dbangs su dpag tshad bdun stong dang rgyar dpag tshad lnga stong yod pa zhig sa brtol te byung bar gyur to/ /mchod rten de ni lha'i rin po che'i rgyan gyis sbud pa 'od zer sna tshogs 'phro ba/ lha rdzas kyi gos kyi dar dpyangs 'phyang ba/ nor bu rin po che mu tig gi dra bas 

</font><hr>88-1-15a<br><font size=+1>

khebs cing rin po che'i phyang 'phrul dang / gser gyi dril bu dang dril bu'i g.yeRa kha las snyan pa'i sgra skad sna tshogs byung ba'o/ /de'i tshe bar snang nas lha'i bu bye ba khrag khrig brgya stong du mas lag na mchod pa'i yo byad sna tshogs thogs pa babs te/ rin po che'i mchod rten de la 
mchod pa dang phyag dang bskor ba byed do/ /de nas bcom ldan 'das kyis byang chub sems dpa' phyag na rdo rje la mchod rten de'i sgo phyed par bsgos so/ /sgo phyed par bsgos pa dang byang chub sems dpa' phyag na rdo rje sku las ye shes kyi me'i phung po rab tu 'bar ba/ rin po che'i rgyan sna tshogs kyis brgyan pa/ lag 
na rdo rje gsor zhing zhal khro gnyer bsdus pa'i nyams can/ 'jigs su rung ba'i dpa' byad dang ldan pa des rin po che'i mchod rten de'i drung du song nas phyag g.yas pa brkyang ste mchod rten de'i sgo 'phar rab tu phye'o/ /phyed pa dang de'i nang na dzam+bu chu bo'i gser las grub pa'i seng ge'i khri rin po che sna 
bdun gyis spa ba lha rdzas kyi gos sna tshogs kyis khebs dang ldan pa'i stan la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shin tu rgyas pa'i gser zhal mchog tu dpa' ba'i 'od zer rgyal mtshan gyi tog ces bya ba bsam gtan la snyoms par zhugs bzhin pa 
snang bar gyur to/ /de nas sangs rgyas shin tu rgyas pa'i gser zhal mchog tu dpa' ba'i 'od zer rgyal mtshan gyi tog des 'di skad ces bsngags pa mdzad do/ /bcom ldan 'das shAkya thub pa legs so legs so/ /de bzhin gshegs pa shAkya thub pa khyed kyis 'di lta bu'i ngo mtshar che ba'i rdzu 'phrul 
bstan cing de bzhin gshegs pa thams cad 'dus pa dang spros par mdzad cing / don dam par chos thams cad 'du 'bral yong ye mi mnga' bzhin 'jig rten 'di na rdzu 'phrul ngo mtshar 'di lta bu bstan pa 'di ni/ sngon gyi sangs rgyas rnams la yang ma byung ngo / /da lta bcom ldan 'das shAkya thub pa khyed 
kyis rtog pa'i rgyal po byang chub snying po'i rgyan 'bum gyi gzungs bshad du gsol/ bcom ldan 'das khyed kyis sems can thams cad la phan pa dang bde ba'i phyir rjes su brtse bas de bzhin gshegs pa thams cad kyi sku mngon sum du snang ba'i rnam par rol pa'i rdzu 'phrul bstan pa dang nga'i mchod rten sa 

</font><hr>88-1-15b<br><font size=+1>

steng du byung ba'i rgyu rkyen 'di nyid kyang byang chub snying po'i rgyan 'bum gyi gzungs kyi mthu dang byin rlabs las byung ba lags pas bcom ldan 'das kyis byang chub snying po'i rgyan 'bum gyi gzungs 'chad pa'i dus la bab bo/ /de skad ces gsungs pa dang / bcom ldan 'das shAkya thub pas de bzhin gshegs 
pa shin tu rgyas pa'i gser zhal mchog tu dpa' ba'i 'od zer rgyal mtshan gyi tog gis bskul ba dang du bzhes nas/ rtog pa'i rgyal po byang chub snying po'i rgyan 'bum zhes bya ba'i gzungs 'di gsungs so/ /oM na mo b+ha ga ba te/ bi pu la ba dan kAny+tsa no ta k+Ship+ta/ pra b+hA sa ke tu mUr+d+ha ne/ ta thA ga tA ya/ 
ar+ha te samyak+saM bud+d+ha ya/ na mo b+ha ga bA te/ shAkya mu na ye/ ta thA ga tA ya/ ar+ha te samyak+saM bud+hA ya/ tad+ya thA/ bo d+hi bo d+hi/ bo d+hi ni bo d+hi ni/ sarba ta thA ga ta go tsa re/ d+ha ra d+ha ra/ ha ra ha ra/ pra ha ra pra ha ra/ ma hA bo d+hi tsit+ta d+ha re/ tsu lu tsu lu/ Sha Ta rasmi sa h+tso di te/ sarba ta thA ga ta b+h+riShik+te/ gu Ne 
gu Na ba te/ sarba bud+d+ha gu NA ba b+hA se/ mi li mi li/ ga ga na ta le/ pra tiSh+Thi te/ sarba ta thA ga ta a d+hiSh+Thi te/ na b+ha sta le/ sha me sha me/ pra sha me pra sha me/ sarba pA paM pra sha ma Na/ sarba pA paM bi sho d+ha ne/ hu lu hu lu/ ma hA bo d+hi mArga saM pra tiSh+Thi te/ sarba ta thA ga ta/ su pra tiSh+Thi te shud+d+he 
swA hA/ rtsa ba'i sngags so/ /de ltar bcom ldan 'das kyis rtog pa'i rgyal po chen po byang chub snying po'i rgyan 'bum gyi gzungs 'di gsungs ma thag tu/ phyogs bcu na bzhugs pa'i sangs rgyas thams cad kyis legs so legs so/ /legs par gsungs so zhes bsngags pa mdzad do/ /
sprul pa'i sangs rgyas de dag thams cad kyis kyang legs so legs so/ /de bzhin gshegs pa shAkya thub pa khyed kyis sems can thams cad la phan pa dang bde ba'i phyir gzungs kyi rgyal po 'di gsungs pa legs so legs par gsungs so zhes mthun par bsngags pa mdzad ma thag tu sa chen po 
'di rnam pa drug tu g.yos so/ /lhas me tog sna tshogs kyi char phabs so/ /de bzhin du byug pa dang phye ma phur ma dang / na bza' dang nor bu rin po che'i rgyan sna tshogs dang / dbu rgyan dang phyag gdub dang do shal dang ska rags la sogs pa bsnams nas mchod cing snyan cing 'jebs pa'i glu len/ rol mo 

</font><hr>88-1-16a<br><font size=+1>

sna tshogs dkrol/ me tog gi char de yang 'di lta ste/ ut+pa la dang pad+ma dmar po dang pad+ma le brgan rtsi dang buN+Da rI ga dang / man+dA ra ba dang man+dA ra ba chen po dang / me tog ro tsa dang many+dzu ka dang many+dzu ka chen po dang su ma nA dang / wA R+shi ka dang tsam+pa ka dang so+o gan+d+hi ka la sogs 
pa'i me tog sna tshogs kyi char babs shing bcom ldan 'das la mchod pa dang bstod bsngags byas so/ /de ltar bcom ldan 'das kyis 'dus pa'i 'khor tshogs chen po'i nang / gzungs kyi rgyal po 'di gsungs pas la la ni rang sangs rgyas kyi byang chub thob par gyur to/ /la la ni dgra bcom 
pa'i 'bras bu thob par gyur to/ /la las phyir mi 'ong ba'i 'bras bu/ la las lan cig phyir 'ong ba'i 'bras bu/  la las rgyun tu zhugs pa'i 'bras bu thob par gyur to/ /'ga' zhig ni byang chub tu sems bskyed do/ /'ga' zhig phyir mi ldog pa'i sa la gnas par gyur to/ /'ga' zhig bla na med pa'i 
byang chub tu lung bstan thob po/ /sems can la las lhar skye ba'i 'bras bu thob bo/ /sems can dmyal bar skyes pa rnams ni sdug bsngal thams cad las thar bar gyur to/ /gshin rje'i 'jig rten du ltung ba dang yi dgas dang dud 'gro'i skye gnas su song ba thams cad kyang so so'i skye gnas kyi 
sdug bsngal las grol te mi'i lus thob nas byang chub kyi lam la zhugs par gyur to/ /de ltar dzam+bu gling 'dir ngo mtshar ba'i rdzu 'phrul byung zhing sems can thams cad phan pa dang bde ba phun sum tshogs pa thob par gyur pa dang / byang chub sems dpa' sems dpa' chen po gsang bdag phyag 
na rdo rjes bcom ldan 'das kyi zhabs la mgo bos phyag 'tshal nas thal mo sbyar te bcom ldan 'das la 'di skad ces gsol to/ /bcom ldan 'das gzungs rtog pa'i rgyal po 'di ni shin tu rnyed par dka' ba'o/ /dge slong ngam/ dge slong ma'am/ dge bsnyen nam/ dge bsnyen ma'am/ rigs kyi 
bu'am rigs kyi bu mo gang la la zhig gis gzungs 'di 'chang ba dang / klog po dang / kun chub par byed pa dang / gzhan dag la yang dag par rab tu ston par byed pa dang tshul bzhin du yid la byed pa de'i bsod nams kyi phung po'i tshad ni ji tsam zhig lags/ bcom ldan 'das kyis bka' stsal 

</font><hr>88-1-16b<br><font size=+1>

pa/ legs so legs so/ /gsang ba'i bdag po lag na rdo rje khyod kyis don 'di 'dri ba ni shin tu legs so/ /dri ba 'di ni mchog go/ /dam pa'o/ /'on kyang khyod song nas 'jam dpal gzhon nur gyur pa la dris shig dang des khyod la legs par ston par 'gyur ro/ /de skad ces gsungs pa 
dang / phyag na rdo rjes byang chub sems dpa' 'jam dpal gyi thad du phyin nas g.yas skor du bskor ba byas te 'jam dpal gzhon nur gyur pa la 'di skad ces smras so/ /skyes bu gang la la zhig gis/ byang chub snying po'i rgyan 'bum gyi gzungs 'di 'chang ba dang / klog pa dang / kun chub par byed pa dang / 
gzhan dag la yang rgya cher yang dag par rab tu ston par byed pa de'i bsod nams kyi phung po'i tshad ni ji tsam zhig lags/ 'jam dpal gzhon nur gyur pas smras pa/ phyag na rdo rje legs par nyon cig /dper na stong gsum gyi stong chen po'i 'jig rten gyi khams ji snyed yod pa'i sa gzhi ri dang thang dang / 
la dang sgang che chung thams cad brgya cha stong cha tha na spu tsam gyi bar gshag cing phye yang rdul phra rab kyis ma khyab pa'i gnas shig mthong bar mi 'gyur ro/ /de bzhin du ngas lha'i mig gis bltas pas/ de bzhin gshegs pa'i sku'i cha thams cad kyang ring bsrel gyis khyab pa 
ste/ de bzhin gshegs pa'i chos kyi sku'i cha thams cad chos kyi dbyings kyi ring bsrel dang / rus pa'i ring bsrel dang / sha'i ring bsrel dang / yungs 'bru lta bu'i ring bsrel gyis stongs pa'i gnas shig ngas ma mthong ngo / /phyag na rdo rje mngon par shes pa dang rdzu 'phrul gyi 
rtsal dang ldan pa'i skye bo zhig gis de'i grangs ji tsam bgrang bar nus na/ phyag na rdo rje skye bo de blo gros dang shes rtsal phun sum tshogs pa zhig lags sam/ phyag na rdo rjes smras pa/ de de bzhin no/ /'jam dpal de de bzhin te/ skye bo de ni blo gros dang shes rtsal phun sum tshogs pa ngo 
mtshar du gyur pa zhig go/ /'jam dpal gyis smras pa/ phyag na rdo rje nyon cig rdul phra rab de dag dang ring bsrel de lta bu'i grangs dang tshad ni bgrang ba dang dpag par rung gis/ phyag na rdo rje rdul phra rab dang / ring bsrel de dag gi grangs rnams de ltar bgrang ba dang dpag pa ji lta ba bzhin du/ de 

</font><hr>88-1-17a<br><font size=+1>

bzhin gshegs pas bskal ba'am/ bskal ba las lhag gam/ bskal pa stong du bzhugs te gsungs kyang / rtog pa'i rgyal po byang chub snying po'i rgyan 'bum gyi gzungs kyi phan yon bsod nams kyi phung po'i tshad ni dpe'i sgo nas kyang rdzogs par bstan par mi nus 
so/ /phyag na rdo rje rtog pa'i rgyal po byang chub snying po'i rgyan 'bum zhes bya ba'i gzungs 'di ni de lta bu'i yon tan phun sum tshogs pa dang ldan pa'o/ /gang zhig gzungs 'di 'chang ba dang klog pa dang / kun chub par byad pa dang / gzhan dag la yang rgya cher yang dag par bstan pa dang / tshul 
bzhin yid la byed pa lta zhog /glegs bam la bris te mchod pa bkur sti tsam byed pa'i skye bos kyang tshad med grangs med dpag gis mi langs pa'i bsod nams kyi phung po zad mi shes pa 'thob par 'gyur ro/ /de nas 'khor der 'dus pa'i lha dang / klu dang / gnod sbyin dang / dri za dang / lha ma 
yin dang / nam mkha' lding dang / mi'am ci dang / lto 'phye chen po dang / mi dang mi ma yin pa thams cad 'jam dpal gzhon nur gyur pa'i tshig de thos nas ma lus par bla na med pa yang dag par rdzogs pa'i byang chub las phyir mi ldog pa'i sa la gnas par gyur to/ /la las ni bla na med pa 
yang dag par rdzogs pa'i byang chub tu lung bstan pa thob par gyur to/ /de nas thams cad kyis mgrin gcig tu a la la legs par bshad do zhes bsngags nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo skyabs su 
mchi'o/ /ngo mtshar rmad du byung ba'i rdzu 'phrul la dbang bsgyur ba sangs rgyas bcom ldan 'das la phyag 'tshal lo skyabs su mchi'o/ /bsam gyis mi khyab pa'i mdzad pa dang phrin las kyi bdag nyid sangs rgyas bcom ldan 'das la phyag 'tshal lo skyabs su mchi'o zhes ched du brjod do/ /de 
nas gsang ba'i bdag po phyag na rdo rjes 'jam dpal gzhon nur gyur pa la 'di skad ces smras so/ /'jam dpal ji lta bur byang chub rgyan 'bum gyi gzungs 'di la brten nas dge ba'i rtsa ba thams cad bskrun pa dang bskyed par mdzad/ 'jam dpal gyis smras pa/ phyag na rdo rje 

</font><hr>88-1-17b<br><font size=+1>

tshul 'di ni bcom ldan 'das la gsol bar rigs so/ /bcom ldan 'das kyis tshul 'di ma lus par mkhyen to/ /de nas gsang ba'i bdag po phyag na rdo rjes bcom ldan 'das kyi gan du phyin nas bcom ldan 'das la bskor ba lan gsum byas te 'di skad ces gsol to/ /
bcom ldan 'das tshul ji lta bur byang chub rgyan 'bum gyi gzungs 'di la brten nas dge ba'i rtsa ba thams cad bskrun par mdzad bskyed par mdzad/ bcom ldan 'das kyis bka' stsal pa/ lag na rdo rje khyod legs par rab tu nyon la yid la zungs shig /lag na rdo rje gzungs 
'di la brten nas dge ba'i rtsa ba thams cad bskrun pa dang skyed par byed pa'i thabs ngas khyod la bshad do/ /'di lta ste/ dge slong ngam/ dge slong ma'am/ dge bsnyen nam/ dge bsnyen ma'am/ gzhan yang rigs kyi bu'am rigs kyi bu mo gang la la zhig gis/ 
lus dang yan lag bkrus shing gos gsar gtsang ma gon te/ ba lci dang dri bzang bsres pa'i sa gtsang gis maN+Dal gru bzhi pa byas la/ ba byung lnga dang dri bzang gi chus legs par chag chag gdab/ me tog legs par bkram zhing mchod pa yang bsham/ gzungs 'dis byin gyis 
brlabs pa'i chus sangs rgyas kyi sku gzugs la khrus bya/ de bzhin du gzungs 'dis byin gyis brlabs pa'i tsan+dan dkar po'i phye ma sbyar ba'i gur gum gyis byug /de nas ci 'byor pa'i mchod pa 'bul zhing bskor ba dang phyag byas nas sku gzugs kyi spyan sngar 'dug la gzungs sngags lan 
cig brjod cing mar me gcig bud par bya'o/ /lag na rdo rje dge ba'i rtsa ba bskrun pa dang bskyed pa'i ngas dpe gcig ston gyis nyon cig /dper na stong gsum gyi stong chen po'i 'jig rten gyi khams na gnas pa'i klu'i rgyal po chen po thams cad kyis so so nas char gyi thigs pa rdul phra rab tsam 
pa'i char chen po 'bebs par byas te/ de la mi rdzu 'phrul gyi stobs chen po dang ldan pa zhig yod la/ mi des char de'i thigs pa re re nas bgrangs pas de'i grangs dang tshad rtogs nus kyis/ dge slong ngam/ dge slong ma 'am/ dge bsnyen nam/ dge bsnyen ma'am/

</font><hr>88-1-18a<br><font size=+1>

gzhan yang rigs kyi bu'am rigs kyi bu mo gang la la zhig gis sngar bstan pa ltar mchod pa dang phyag byas pa la sogs pa'i phan yon gyi grangs dang tshad ni de bzhin gshegs pas bskal ba'am/ bskal pa las lhag gam/ bskal pa brgya stong gi bar bzhugs te char 
gyi thigs pa bgrangs pa ji lta bur gsungs kyang rdzogs par mi 'gyur ro/ /lag na rdo rje gong du bstan pa'i sku gzugs la khrus gsol ba tsam gyi bsod nams kyi tshad ni de bzhin gshegs pa thams cad kyis mi mkhyen to/ /lag na rdo rje gzhan yang dge ba'i rtsa ba bskrun pa dang bskyed par 
bya ba dang / bsam pa'i don 'grub par byed pa'i las tshogs kyi rten 'brel grub pa'i tshul mdo tsam zhig bshad kyis nyon cig /lag na rdo rje gang la la zhig gis byang chub snying po'i rgyan 'bum gyi gzungs 'di gro ga la bris te/ phyag mtshan gyi rdo rje'i nang du bcug pa'am/ sku gzugs 
kyi nang bcug pa'am/ khog par bris pa'am/ lha khang gi gan+d+ho la'i nang bcug pa'am/ mchod rten gyi nang bcug na/ des mchod rten gcig byas pas 'bum byas par 'gyur ro/ /mchod rten de snyed bzhengs pa'i bsod nams thob par 'gyur ro/ /dge slong ngam/ dge slong 
ma'am/ dge bsnyen nam/ dge bsnyen ma'am/ gzhan yang rigs kyi bu'am rigs kyi bu mo gang la la zhig gis gzungs 'di bris te lam gyi bzhi mdo'am/ ri mthon po'i spo'am/ chu chen po'i 'gram mam/ grong khyer gyi sgo'am/ theg lam chen por mchod rten chen po 
gcig byas la char khebs sam gdugs kyi nang du gzungs 'di bcug na/ rigs kyi bu'am rigs kyi bu mo des ngas sngar dpe drangs te bstan pa ltar stong gsum gyi stong chen po'i 'jig rten gyi khams kyi rdul phra rab kyi grangs dang mnyam pa'i chos kyi sku'i ring bsrel dang / chos kyi 
dbyings kyi ring bsrel dang / rus pa'i ring bsrel dang / sha'i ring bsrel de dag thams cad la mchod rten byas pa'i bsod nams thob par 'gyur ro/ /mchod rten zhes bya ba ni sangs rgyas thams cad kyi bzhugs gnas dkyil 'khor yin no/ /mchod rten zhes bya ba ni sangs rgyas 

</font><hr>88-1-18b<br><font size=+1>

thams cad kyi sprul pa'i sku'i sku gdung gi bang so yin no/ /de bzhin gshegs pa yang dag pa'i gsung dang ldan pas de ltar gsungs so/ /lag na rdo rje gzhan yang rigs kyi bu'am rigs kyi bu mo gang la la zhig gis/ de lta bu'i mchod rten de dag la me tog dang bdug spos la sogs pa mchod pa'i 
yo byad ci 'byor pas mchod pa byed pa'am/ thal mo sbyar nas phyag 'tshal ba'am/ lan gcig tsam bskor ba byas kyang / dge slong ngam/ dge slong ma'am/ dge bsnyen nam/ dge bsnyen ma'am/ rigs kyi bu'am rigs kyi bu mo gzhan zhig kyang rung ste de'i bskrun pa dang bskyed pa'i 
bsod nams kyi phung po ni gzhal du med cing bgrangs su ma mchis pa'o/ /sdig pa dang sgrib pa thams cad ni yongs su dag par 'gyur ro/ /dmyal ba dang yi dgas dang dud 'gro'i skye gnas ni rgyun 'chad par 'gyur ro/ /bla na med pa yang dag par rdzogs pa'i byang chub las phyir mi ldog par 
'gyur ro/ /mchod rten 'ba' zhig mchod par gyur pa ma yin gyi/ sangs rgyas dkon mchog dang / chos dkon mchog dang / dge 'dun dkon mchog rnams la yang lha rdzas kyi mchod pa'i yo byad de dag gis mchod pa byas par 'gyur ro/ /phyir mi ldog pa'i rtags dang mtshan ma'i rgyan 
gyi ting nge 'dzin thob par 'gyur ro/ /byang chub snying po la mchis kyi bar du lus rnams par dag pa thob par 'gyur ro/ /dge ba'i rtsa ba ni nam yang chud mi za bar 'gyur ro/ /slar yang mngal du skye bar mi 'gyur ro/ /lag na rdo rje gzungs sngags 'di ni shin tu rnyed par dka' ba yin no/ /lag 
na rdo rje skye bo gang la la zhig gis lder bzo'am/ thang kar bris pa'am/ shing ngam rin po che'i rigs kyi rdo la brkos sam/ dri bzang gi sman 'dam las byas pa'am/ zangs btul ma'am/ gser dngul zangs te lcags gsum bsres pa'am/ lcags sam/ dngul 
'ba' zhig gam/ gser rkyang ngam/ de dag gang yang rung bas mchod rten nam sku gzugs byas la/ rgya shog gam/ dar dkar po la gzungs sngags 'di bris nas mchod rten nam sku gzugs kyi nang du bcug ste/ phyag dang / mchod pa dang / bkur sti rim gro byed na/

</font><hr>88-1-19a<br><font size=+1>

lag na rdo rje dge slong ngam/ dge slong ma'am/ dge bsnyen nam/ dge bsnyen ma'am/ gzhan yang rigs kyi bu'am rigs kyi bu mo de'i bsod nams kyi tshad ni de bzhin gshegs pa'i 'od zer gyis gzhal/ de bzhin gshegs pa'i mkhyen pas dpag /
de bzhin gshegs pa'i sangs rgyas kyi spyan gyis gzigs pas sngar bstan pa'i ring bsrel gyi grangs ji snyed pa dang / rgya mtsho chen po'i chu thigs ji tsam gyi grangs dang mnyam pa'i mchod rten dang sku gzugs byas pa dang / dge slong ngam/ dge slong ma'am/ dge bsnyen nam/ dge bsnyen 
ma'am/ gzhan yang rigs kyi bu'am rigs kyi bu mo des mchod rten nam sku gzugs gzungs 'dis snying po can gcig la phyag bya ba dang mchod pa byas par mi 'gyur la/ mchod rten de snyed dang / sku gzugs de snyed pa phyag dang mchod pa byas pa'i bsod nams kyi 'bras bu thob par 
'gyur ro/ /de nas byang chub sems dpa' gsang ba'i bdag po phyag na rdo rjes bcom ldan 'das la 'di skad ces gsol to/ /bcom ldan 'das rtog pa'i rgyal po chen po 'di ni dpal dang gzi brjid chen po dang ldan pa lags so/ /bkra shis dang phan yon chen po dang ldan pa lags 
so/ /rdzu 'phrul dang nus stobs chen po dang ldan pa lags so/ /gzungs sngags 'di'i ming tsam 'dzin pas kyang dge ba'i rtsa ba dpag tu med pa bskyed cing bsod nams dpag tu med pa thob pa lags so/ /bcom ldan 'das kyis bka' stsal pa/ lag na rdo rje dge slong ngam/ dge 
slong ma'am/ dge bsnyen nam/ dge bsnyen ma la sogs pa rigs kyi bu'am rigs kyi bu mo gang la la zhig gis bsod nams kyi tshogs chen po yongs su rdzogs par kun nas bslangs pas/ 'das pa dang ma 'ongs pa dang da ltar bzhugs pa'i sangs rgyas thams cad la phyag dang mchod 
pa dang bsnyen bkur byed par 'dod par gyur tshe/ rigs kyi bu'am rigs kyi bu mo des rtog pa'i rgyal po 'di yi ger bris nas za ma tog tu bcug la/ nyin re bzhin dri bzang gi chus khrus 'bul ba dang / mchod pa dang phyag dang bskor ba byed na/ dge slong ngam/ dge slong ma'am/ dge 

</font><hr>88-1-19b<br><font size=+1>

bsnyen nam/ dge bsnyen ma la sogs pa rigs kyi bu'am rigs kyi bu mo de ni/ 'das pa dang ma 'ongs pa dang da ltar bzhugs pa'i sangs rgyas sngar bstan pa'i dpes bsdus pa thams cad la spyod lam rnam pa bzhi yis bar ma chad par bsnyen bkur byas par 'gyur ro/ /rigs kyi bu'am 
rigs kyi bu mo de la dus gsum gyi sangs rgyas thams cad kyis byin gyis brlabs par 'gyur/ de bzhin gshegs pa de dag thams cad kyis lung ston par 'gyur/ de dag thams cad kyis dbugs dbyung bar 'gyur ro/ /skye bo de myur du bla na med pa yang dag par rdzogs pa'i byang chub 
las phyir mi ldog pa'i sa thob par 'gyur ro/ /de nas bcom ldan 'das kyis byang chub sems dpa' 'jam dpal gzhon nur gyur pa dang / gsang ba'i bdag po phyag na rdo rje dang / rgyal po chen po sde bzhi rnams la bka' stsal pa/ de ring ngas rgyal ba'i sras po khyed cag la gzungs 
sngags rtog pa'i rgyal po 'di yongs su gtad do/ /rtog pa'i rgyal po 'di ma 'ongs pa'i dus lnga brgya'i tha mar 'jig rten du snubs par ma byed cig /legs par bsrung ba dang sba bar byos shig /gzungs sngags 'di 'chang ba'i skye bo rnams legs par bsrung ba dang bskyab pa dang sba 
bar mdzod cig /phyag rgya ji lta ba bzhin dang cho ga tshul bzhin du nyams su len pa rnams la byin gyis rlobs shig /'dod pa rnams bsgrub par byos shig /de skad ces bka' stsal pa dang / de nas byang chub sems dpa' 'jam dpal gzhon nur gyur pa dang / gsang ba'i bdag 
po phyag na rdo rje dang / rgyal po chen po sde bzhi 'khor dang bcas pa stan las langs nas bcom ldan 'das kyi zhabs la mgo bos phyag btsal nas bcom ldan 'das la 'di skad ces gsol to/ /bcom ldan 'das bdag cag gis bcom ldan 'das kyi bka' yang dag par nos 
so/ /rtog pa'i rgyal po chen po 'di 'chang ba'i skyes bu chen po de bdag cag gis bsrung ba dang bskyab pa dang sbed par byed cing / de'i 'byor pa thams cad phun sum tshogs par byed do/ /mgon med pa skyabs med par gyur pa rnams kyang dbugs dbyung zhing mgo 'dren par bgyid cing /

</font><hr>88-1-20a<br><font size=+1>

byang chub snying po la bzhugs shing chos kyi 'khor lo bskor bar gyur pa'i bar rnam pa thams cad du bsrung ba dang bskyab par bgyid do/ /de nas bcom ldan 'das kyis byang chub sems dpa' 'jam dpal gzhon nur gyur pa dang / gsang ba'i bdag po phyag na rdo rje dang 
rgyal po chen po sde bzhi la legs so zhes bya ba byin nas legs so legs so/ /khyod cag gis dam bcas pa de bzhin du byos shig /de nas bcom ldan 'das kyis 'khor 'dus pa chen po la thun mong du bka' stsal pa/ gzungs sngags 'di ni las thams cad grub par byed pa/ dngos 
grub thams cad ster ba/ sdig pa dang sgrib pa thams cad zhi bar mdzad pa/ don thams cad thogs pa med par 'grub par mdzad pa ste/ lus dag par bkrus la gos gsar gtsang ma gon nas nyin re bzhin brgya rtsa brgyad bzlas brjod byed na/ de bzhin gshegs pa thams cad kyi 
zhal mthong bar 'gyur ro/ /tshe lo brgya thub par 'gyur ro/ /nad thams cad ring du spang bar 'gyur ro/ /'phags pa'i sa la gnas pa thams cad kyis skyob par 'gyur ro/ /gsang ba'i bdag po lag na rdo rje dang rgyal po chen po sde bzhi 'khor dang bcas pas rtag tu bsrung zhing skyong ba dang 
sba bar yang byed do/ /'di nas shi 'phos nas kyang 'jig rten gyi khams bde ba can du skye bar 'gyur ro/ /skye zhing skye bar rin po che'i pad+ma las rdzus te skye bar 'gyur zhing / mngal gyi skye gnas yongs su spang ba yin no/ /skye ba thams cad du tshe rabs dran par 'gyur ro/ /lan nyi shu rtsa 
gcig bzlas na dmyal bar ltung nges kyi sdig pa'i las thams cad yongs su byang bar 'gyur ro/ /nam yang ngan song du lhung bar mi 'gyur ro/ /dgra thams cad dbang du 'gyur ro/ /lan bdun bzlas na rtsod pa las rgyal bar 'gyur ro/ /dkar po'i phyogs kyi tshes bco lnga la nyin mtshan 
thog thag gcig tu smyung bar gnas shing / khrus byas la gos gsar gtsang ma gyon nas sku gzugs kyi mdun du skyil mo krung bcas te 'dug la/ me tog dang / bdug spos dang / mar me la sogs pas mchod nas/ byang chub snying po'i rgyan 'bum gyi gzungs 'di lan stong du 

</font><hr>88-1-20b<br><font size=+1>

bzlas brjod byas tshe/ bzlas pa zin pa dang / de bzhin gshegs pa shAkya thub pa'i zhal mthong bar 'gyur ro/ /de bzhin gshegs pas phyag gser gyi mdog can brkyang nas sgrub pa po'i spyi bor bzhag ste dbugs dbyung bar mdzad cing legs so legs so/ /rig pa 'dzin 
pa chen po/ skyes bu chen po khyod kyis bsgrub pa'i byang chub snying po'i rgyan 'bum gyi gzungs legs par grub bo/ /rig pa 'dzin pa chen po khyod snying stobs chen po'o/ /'bad rtsol chen pos dka' thub byas te dge ba'i rtsa ba dpag tu med pa thob bo/ /gang 'dod pa'i 
sangs rgyas kyi zhing du bgrod par gyis shig ces gsung bar 'gyur ro/ /de ltar gsungs ma thag tu rig pa 'dzin pa de'i lus la 'od zer gyi phung po chen po 'bar bar 'gyur ro/ /de nas sngags kyi rgyud thams cad las ji snyed gsungs pa'i dngos grub thams cad ma lus par grub par 
'gyur ro/ /bsam pa thams cad yongs su rdzogs par 'gyur ro/ /rig pa 'dzin pa des sngon mtshams med pa lnga'i las byas pa yin kyang de'i sdig pa dang sgrib pa thams cad nyin mtshan thog thag gcig la smyung ba byas zhing bzlas brjod byed pa des yongs su byang bar 'gyur ro/ /dngos 
grub thams cad tshe 'di nyid la thob par 'gyur ro/ /zla ba'i dmar phyogs kyi tshes bcu bzhi la lus legs par bkrus la gos gsar gtsang ma gon nas nyin mtshan thog thag gcig smyung ba byas shing sku gdung dang bcas pa'i mchod rten gyi drung du zangs kyi snod gcig yungs kar gyis gang bar 
byas te/ gzungs sngags 'di lan stong bzlas brjod byas pas byin gyis brlabs nas las sbyor gyi dus su klu gnas pa'i rdzing bur yungs kar de spar gang blugs na/ klu de dag dga' zhing rig pa 'dzin pa de'i dbang du 'gyur/ klu'i pho brang du gdan 'dren nas zhabs la phyag bgyid nas 'dod pa 
thams cad ster bar 'gyur/ gang du gnas pa'i sa phyogs su phyi bzhin 'brangs la bka' nod par 'gyur ro/ /yungs kar de phyogs bzhir gtor na rdzi char drag po bzlog go/ /sha sbrang dang / ne tso dang / khu byug dang / cha ga pa la sogs pa'i srog chags ma rungs pa thams cad 

</font><hr>88-1-21a<br><font size=+1>

kyi kha bcing bar 'gyur ro/ /yungs kar me la btab na me mi sbar ro/ /chu klung la btab na chu rgyun 'chad do/ /tshong pa'i nor rdzas la btab na chom rkun gyis mi khyer/ sgrib shing du yang 'gyur ro/ /rgyal po'i pho brang gi sgo la gtor na rgyal po dang / btsun mo 
dang / blon po 'khor dang bcas pa dga' bar 'gyur ro/ /nya ma pho mo'i tshogs la gtor na thams cad bdag la mchod pa dang bkur sti byed par 'gyur ro/ /pha rol gyi dmag tshogs la gtor na dgra thams cad bcings par 'gyur ro/ /lam du zhugs tshe 'phrang sgor gtor na srung mis 
mi mthong ngo / /zhing la gtor na srog chags ma rungs pa'i kha bcings par 'gyur ro/ /than pa byung tshe klu gnas pa'i chur blugs na gru char 'bab par 'gyur ro/ /ser ba dang rdzi char drag po babs tshe bar snang la gtor na mod la zhi bar 'gyur ro/ /dgra'i khyim la gtor na 'khon yongs su 
zhi bar 'gyur te phyin chad mdza' bshes su 'gyur ro/ /grong khyer gyi sgo la gtor na de'i nang gnas kyi sems can gang dag gnod pas gtses pa thams cad gnod pa dang bral bar 'gyur ro/ /gnod sbyin dang srin po rnams ni phyogs su byer bar 'gyur ro/ /g.yul sprad pa'i 
tshe pha rol po'i phyogs su gtor na dgra bo pham zhing rang phyogs pa rgyal bar 'gyur ro/ /gshags 'gyed pa'am rtsod pa byed tshe khar bcug na ngag btsan zhing chos phyogs thob par 'gyur ro/ /chu la blugs nas nad kyis zin pa dag la 'thung du bcug na nad de zhi bar 'gyur ro/ /gdon 
kyis zin pa rnams la yungs kar dang kar bsres pas bdugs na gdon thams cad las thar bar 'gyur ro/ /ba lang la sogs pa phyugs kyi rims dang / khye'u dang bu mo'i rims ngan thams cad la yungs kar sa dang bsres nas lam gyi bzhi mdor bsregs na rims nad thams cad zhi 
bar 'gyur ro/ /gtsug phud kyi nang du bcug na gang du phyin sar skye bo thams cad dga' zhing mgu nas bdag la mchod pa dang bkur sti byed par 'gyur ro/ /ci zer ba mnyan par 'gyur ro/ /gzhan yang rig pa 'dzin pas tshes bcu bzhi'i mtshan mo'i cha nas brtsams te lag pa gnyis 

</font><hr>88-1-21b<br><font size=+1>

kyis byang chub sems dpa' 'jam dpal gzhon nur gyur pa'i sku gzugs kyi zhabs la 'jus shing phyi nyin tshes bco lnga'i tho rangs kyi bar du/ bar mi chad par bzlas brjod byas na/ byang chub sems dpa' 'jam dpal sgrub pa po'i mdun du 'ongs nas 'dod pa thams cad stsol bar 'gyur ro/ /
byang chub sems dpa' lag na rdo rje'i zhabs la 'jus shing / gzungs 'di lan stong rtsa brgyad bzlas te byin gyis brlabs pa'i gu gul dang zhun mar sbyar bas bdug pa phul na/ byang chub sems dpa' lag na rdo rje de'i mdun du lus snang bar byas te/ 'dod pa thams cad stsol bar 
byed/ las thams cad grub par byed/ bu bzhin du skyong zhing gsang sngags kyi rgyud yongs su gtad par byed do/ /gnod sbyin nor bu bzang po la 'jus shing bzlas brjod stong rtsa brgyad byas na nor gyi phung po rgya chen po dang bcas lus snang bar byas te nor chen po ster bar 'gyur ro/ /rnam 
thos kyi bu'i mgo la bzhag ste/ a ka ru nag po'i dud pas bdug cing lan stong rtsa brgyad bzlas na gser srang stong rnyed par 'gyur ro/ /dpal gyi lha mo'i gdong la blta zhing stong rtsa brgyad bzlas na yang gser srang stong rnyed par 'gyur ro/ /gzhan yang tshon sna lngas gnod sbyin gyi gzugs 
bris la lan stong dang nyi shu bzla zhing sardza ra dza'i spos kyis bdugs na gnod sbyin mo mdun du byung nas mngags gzhug tu khas blangs te/ ci bcol ba'i las rnam pa brgya'am stong yang rung ste ma lus par grub par byed do/ /da ni ras bris kyi cho ga bshad par bya ste/ ras bris la brten nas 
las thams cad sgrub pa'i thabs la/ kha tshar ma nyams shing longs ma spyad pa'i ras gtsang ma srid du khru bzhi yod pa zhig lpags pa las byung ba min pa'i sbyin gtsang mas btul zhing legs par brdar ba la bzo bo gso sbyong yan lag brgyad pa la gnas shing gtsang sbra dang ldan pas bri 
bar bya ste/ dbus su shAkya thub pa rin po che sna tshogs kyis brgyan pa'i byang chub ljon shing gi drung na seng ge'i khri la bzhugs pa bri bar bya'o/ /de'i steng na de bzhin gshegs pa 'od zer dam pa'i rgyal mtshan chos 'chad kyi phyag rgya can bri bar bya'o/ /g.yas su 'phags pa 'jam 

</font><hr>88-1-22a<br><font size=+1>

dpal gzhon nur gyur pa rin po che'i rgyan thams cad kyis brgyan pa/ pad+ma'i gdan la pus mo btsugs te lag pa gnyis kyis lhung bzed bzung nas bcom ldan 'das la 'bul ba'i rnam pa can bri bar bya'o/ /g.yon na 'phags pa gsang ba'i bdag po lag na 
rdo rje khro 'dzum brjid bag can rin po che'i rgyan thams cad kyis brgyan pa lag na rdo rje gsor ba'i tshul gyis bsnams pa/ pad+ma'i gdan la pus mo gnyis btsugs nas bcom ldan 'das la blta ba bri bar bya'o/ /'phags pa 'jam dpal gyi rgyab tu rin po che'i mchod rten mtho zhing yangs 
pa bri bar bya'o/ /de'i nang na de bzhin gshegs pa shin tu rgyas pa'i gser zhal mchog tu dpa' ba'i 'od zer rgyal mtshan gyi tog seng ge'i gdan la bzhugs shing dbugs dbyung mdzad pa'i rnam pa can bri bar bya'o/ /lag na rdo rje'i rgyab tu byang chub snying po'i rgyan 'bum gyi glegs bam 
rin po che sna tshogs kyis spa ba'i rin po che'i za ma tog gi nang du bcug pa mtha' 'jags su sangs rgyas kyi sku gzugs bris pa seng ge'i khri la bzhag pa bri bar bya'o/ /de'i 'og tu rdo rje pho nya khro bo'i gzugs can bri bar bya'o/ /mchod rten gyi 'og tu dpal gyi lha mo bri bar bya'o/ /shAkya thub 
pa'i 'og tu rgyal po chen po bzhi rin po che'i go cha gyon pa dpal zhing brjid pa'i nyams can bri bar bya'o/ /de'i 'og tu sgrub pa po lag pa g.yon pa na spos snod thogs pa g.yas pas bgrang phreng bsnams pa bcom ldan 'das kyi zhal la blta ba bri bar bya'o/ /de ltar bris sku bsgrubs pa tsam 
gyis dam pa'i chos spangs pa dang / 'phags pa la skur pa btab pa dang mtshams med pa lnga'i las byas pa la sogs pa ngan song gsum du ltung bar gyur pa'i las thams cad yongs su byang bar 'gyur ro/ /bla na med pa yang dag par rdzogs pa'i byang chub las phyir mi ldog par 'gyur ro/ /
ras bris bsgrubs pa tsam gyi phan yon de ltar na de'i mdun du sgrub pa byed pa'i phan yon smos kyang ci dgos te de bzhin gshegs pa dang skal ba mnyam par 'gyur ro/ /de nas bcom ldan 'das kyis byang chub snying po'i rgyan 'bum gyi dkyil 'khor gyi cho ga 'di bshad do/ /'di'i dkyil 'khor 

</font><hr>88-1-22b<br><font size=+1>

bzhengs par 'dod pas gtsug lag khang ngam/ lha'i khang pa'am/ ri sul la sogs dben zhing gtsang la yid du 'ong ba'i gnas su rgyud nas gsungs pa'i cho ga bzhin sa blangs la/ gzungs sngags kyis byin gyis brlabs pa'i sa gtsang dang ba lci bsres pas khor yug tu khru bcu 
drug yod pa'i stegs bu byas la/ der gtsang sbra dang ldan pas dkyil 'khor gru bzhi sgo bzhi pa rta babs bzhi dang ldan pa bri bar bya'o/ /de'i dbus su de bzhin gshegs pa'i sku gzugs dang / grwa bzhir rgyal po chen po bzhi bri bar bya'o/ /sgo bzhi'i nang rin po che'i ljon shing bris la 
de dag gi drung na lha mo bzhi bri bar bya ste/ shar sgor ni lha mo dpal mo'o/ /lho sgor dbyangs can ma'o/ /nub sgor dung can ma'o/ /byang sgor me tog so ma'o/ /de ltar dkyil 'khor bris nas ngos la 'bras ma grugs pa dang yungs kar dang dus kyi me tog bkram par bya'o/ /dri bzang gi byug pa dang 
phye ma phur ma yang bsham mo/ /zur bzhir dri bzang gi chus gang ba'i bum pa bzhi gzhag par bya'o/ /zhal zas bza' btung bzang po sder ma bzhi yang bkod par bya'o/ /sgo bzhir bdug spos kyi pog phor bzhi gzhag par bya'o/ /me tog sna tshogs kyi chun po dang dkar gsum gyi gtor ma yang 
bsham par bya'o/ /yang zur bzhir mar me bzhi bud par bya'o/ /rig pa 'dzin pa kha shar du bltas te bzlas brjod bya bar bya zhing / mtshan gyi thun tha ma la lus bsrung ba dang mtshams bcing ba sogs byas nas dkyil 'khor du 'jug par bya la/ dkyil 'khor du zhugs pa tsam gyis sdig pa dang 
sgrib pa thams cad byang bar 'gyur ro/ /dngos grub thams cad bde blag thob pa'i skal ba can du 'gyur ro/ /bsod nams kyi phung po dpag tu med pa dang ldan par 'gyur ro/ /sangs rgyas dang byang chub sems dpa' thams cad kyis rtag tu dgongs par 'gyur ro/ /'byung po thams cad 
kyis gnod par mi 'gyur ro/ /lha thams cad kyis bsrung ba dang bskyab pa dang sba bar byed cing sgrub pa'i stong grogs byed par 'gyur ro/ /dkyil 'khor du zhugs pa tsam gyis phyir mi ldog pa'i sa la gnas par 'gyur ro/ /oM sarba ta thA ga ta byA ba lo ki te/ dza ya dza ya swA hA/ snying po'o/ /

</font><hr>88-1-23a<br><font size=+1>

oM hu ru hu ru dza ya mu khe swA hA/ nye ba'i snying po'o/ /oM dza le ni dza ye swA hA/ nye regs kyi sngags so/ /oM sa man+ta pUr Na dza ye swA hA/ mtshams bcing ba'i sngags so/ /oM maN+Da la dza ye swA hA/ dkyil 'khor gyi mtshams bcing ba'i skabs kyi sngags so/ /oM si rI 
mi rI dza ye swA hA/ gtor ma'i sngags so/ /oM sa wa san+d+ha ri mi ri dza ye swA hA/ spyan 'dren pa'i sngags so/ /oM bud+d+ha ku su maM swA hA/ me tog 'bul ba'i sngags so/ /oM dza ya yan+ti swA hA/ bdug spos 'bul ba'i sngags so/ /oM bi dza ya ga pI swA hA/ dbang bskur ba'i sngags so/ /
oM ta thA ga ta dza ya swA hA/ gtsug tor bcing ba'i sngags so/ /oM dza ya u ri ti swA hA/ gos byin gyis brlabs pa'i sngags so/ /oM gu ru d+ha ri swA hA/ slob ma bsrung zhing rjes su 'dzin pa'i sngags so/ /oM d+ha ra d+ha ra mi ri dza ye swA hA/ slar gshegs su gsol ba'i sngags so/ /oM 
su sam+b+ha wa dza ye swA hA/ phreng ba byin gyis brlabs pa'i sngags so/ /oM su na ri dza ya ye swA hA/ gdan 'bul ba'i sngags so/ /oM su ri dza ye swA hA/ bgegs bcing ba'i sngags so/ /oM pra wa rA dza ye sid+d+hi swA hA/ de bzhin gshegs pa thams cad spyan 'dren pa'i sngags so/ /oM 
rak+Sha ni dza ye swA hA/ lus bsrung ba'i sngags so/ /oM dza ya di pi ni swA hA/ mar me 'bul ba'i sngags so/ /oM ma le bim la dza ye swA hA/ sbyin sreg gi sngags so/ /oM sa ra sa ra dza ye sid+d+hi swA hA/ yang de bzhin gshegs pa thams cad spyan 'dren pa'i sngags so/ /de nas bcom ldan 
'das kyis 'di skad ces bka' stsal to/ /da ni snying po dang nye ba'i snying po'i sgrub thabs bshad par bya ste/ snying po 'bum bzlas na rig pa 'dzin pa'i 'khor los sgyur ba thob par 'gyur ro/ /ldong ros zangs kyi snod du bzhag la snying po stong bzlas pas brlabs nas dpral bar thig le byas na nam 
mkha' la 'gro zhing lha srin sde brgyad thams cad kyi khyim sgo ngang gis phye bar 'gyur te sgrub pa pos ci dgar 'jug pa dang bgrod par 'gyur ro/ /so bIr mig sman la 'bum bzlas nas mig la byugs na an+ta na 'thob par gyur la 'byung po thams cad kyi khyim du rang dbang gis 'jug nus par 'gyur ro/ /

</font><hr>88-1-23b<br><font size=+1>

gzhan yang khri bzlas na de bzhin gshegs pa thams cad kyi zhal mthong bar 'gyur ro/ /mchod rten gyi srog shing gi rtse mo'i gdugs la lan stong rtsa brgyad bzlas nas bteg byas na de bzhin gshegs pa thams cad kyi ring bsrel ma lus par bzhugs pa'i mchod rten chen po'i rang 
bzhin du 'gyur ro/ /'jam dpal gyi phyag mtshan lhung bzed blangs nas de la sngags stong rtsa brgyad bzlas la'o thug gis gang bar byas/ slar 'jam dpal gyi phyag la 'jog ste gdugs tshod 'bul na bsod snyoms pa stong yang tshim par 'gyur ro/ /gzhan yang rgyud gzhan dag nas gsungs 
pa'i las tshogs thams cad kyang gzungs sngags 'dis byin gyis brlabs na 'dod pa thams cad 'bad med du 'grub par 'gyur ro/ /da ni phyag rgya'i rim pa bshad par bya ste/ lag pa gnyis thal mo gan rkyal du byas la snying ga'i thad du thal mo g.yas pa'i mthil na g.yon pa yang gan rkyal du 
bzed de bzhag pa ni byang chub snying po'i rgyan 'bum gyi gzungs kyi rtsa ba'i phyag rgya'o/ /phyag rgya 'di bcing ba tsam gyis sdig pa thams cad byang bar 'gyur ro/ /de bzhin gshegs pa thams cad kyis dbugs dbyung bar mdzad par 'gyur ro/ /phyag rgya des de bzhin gshegs pa thams cad 
bskul bar 'gyur zhing / de bzhin gshegs pa thams cad kyis rjes su 'dzin par 'gyur ro/ /phyag rgya de nyid las lag pa g.yas pa bteg ste phyag rgya gzhan gang dgos su bsgyur bas phyag rgya thams cad byung bar gyur te de bzhin gshegs pa thams cad kyis byin gyis brlab par 'gyur ro/ /
phyag rgya de nyid las lag pa g.yas pa bsgyur nas lte bar bzhag pa'i mtheb chen dang mdzub mo gnyis phan tshun du sbyar ba ni phyag rgya las thams cad pa'i phyag rgya ste de bzhin gshegs pa thams cad kyis byin gyis brlabs shing las kyi sgrib pa thams cad yongs su byang bar 'gyur ro/ /de nas byang 
chub sems dpa' 'jam dpal gzhon nur gyur pas gzungs 'di bsrung zhing mtshams sbyor ba'i gzungs sngags 'di smras so/ /na mo many+dzu shrI ya ye/ ku mA ra b+hU ta ye/ tad+ya thA/ dza ye/ bi dza ye/ dza ya shrI/ dziSh+Ti/ hU~M swA hA/ sgrub pa pos thog mar 'jug pa'i skabs dang / las 

</font><hr>88-1-24a<br><font size=+1>

la sbyor ba'i skabs rnams su sngags 'di lan bdun bzlas na sgrib pa dang bgegs med par 'gyur zhing myur du grub par 'gyur ro/ /de nas gsang ba'i bdag po phyag na rdo rjes rig pa chen po'i gzungs 'di smras so/ /tad+ya thA/ badzra muSh+Ti/ ha na da ha pa tsa badzra hU~M hU~M phaT swA hA/ sngags 
'di yungs kar la lan bdun btab nas phyogs bzhir gtor na mtshams bcing gi mchog tu 'gyur ro/ /de nas rgyal po chen po bzhis sngags 'di smras so/ /tad+ya thA/ d+h+ri ti hri mri sa ra pra sa ra bi ri bi ri swA hA/ sngags 'di yungs kar dang bcas pa'i chu la lan nyi shu rtsa gcig bzlas la spyi bo nas 
blugs na gnod byed 'byung po thams cad dbang du gyur nas sgrub pa po'i rkang par mgo bos phyag 'tshal nas rang gnas su gdengs par 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ngas mdo 'di bshad pa ni bsod nams zhan pa dang / ma dang pha 
dang / lta ba log pa dang / the tshom za ba dang / mtshams med pa byed pa dang / tshe thung ba dang / sems can dmyal ba dang / byol song dang / gshin rje'i 'jig rten dang / mtshams med par 'gro ba'i sems can de lta bu dag gi phyir gzungs 'di bshad do/ /kun dga' bo phyi ma'i dus phyi ma'i tshe khyim na 
gnas pa dang / dge slong las phal cher gzungs 'di mi klog pa dang / mchod par mi byed pa rnams ji ltar khyim pa rnams sdug bsngal bar bshad pa de bzhin du rab tu byung ba rnams kyang sdug bsngal bar 'gyur ro/ /de ste de bzhin du sangs rgyas mchod cing 'di la brten pas mchod rten gcig 
byas na chos kyis brgyan pa brgyad khri bzhi stong rnams kyang mchod par 'gyur ro/ /gzhan yang bsod nams kyi phung po dpag tu med par 'gyur ro/ /sdong pos brgyan pa bklags shing kha ton du byas par 'gyur ro/ /'jig rten dang 'jig rten las 'das pa'i dkyil 'khor du yang zhugs par 'gyur ro/ /
bcom ldan 'das kyis mdo sde 'di bka' stsal nas/ byang chub sems dpa' 'jam dpal gzhon nur gyur pa dang / gsang ba'i bdag po chen po phyag na rdo rje dang / rgyal po chen po bzhi dang / bram ze bi Nudat+ta dang / lha dang klu la sogs pa'i sde brgyad mi dang mi ma yin pa thams cad rjes su yi rangs nas/ bcom 

</font><hr>88-1-24b<br><font size=+1>

ldan 'das kyis gsungs pa la mngon par bstod do/ /'phags pa byang chub snying po'i rgyan 'bum zhes bya ba'i gzungs rdzogs so// //thang gur gyi dus the tsin zhi hung lu khing go sa can rgya gar byang phyogs kyi mkhan po sde snod gsum pa rig 'dzin don yod rdo rjes bka' yis bskul ba dang du blangs te/ 
rgya gar gyi dpe las rgya nag tu bsgyur bar mdzad pa las da lta chen po ching gur gyi lo tsA ra sgro btags pa bod yig gi slob grwa'i mi bzang jing gir rigs las rim pa dang po'i tha'i ji mgon po skyabs kyis thob chin wang gis gzungs bsdus gsar ba bzhengs skabs 'phros don las brtsams te bskul ba ltar/ rang 
gnas nyid dga'i skyed tshal du bsgyur ba lags shing / legs sbyar gyi sgra la ma byang bas sngags tshig gi lci yang sogs la rtog dpyod byed pa'i ngal ba spangs te snga rabs pa dag gi mdo gzhan gyi yi ge ji ltar ngo sprod gnang ba sor bzhag kun dga' bo'i tshig lhug cig ni rgya nag mar mi snang yang bod mar yod pas chad 
dam snyam pas bod ma nas tshur bsabs/ de yang gzhung gi bka' 'gyur bar mar dga' bo zhes pa 'dug kyang / bris ma 'ga' zhig na kun dga' bos snang ba 'thad dam snyam du sems pa ltar bris pa la/ badzra A yu She'i sngags ni rgya nag gi dpe cha na med cing / bod dper yod kyang snying po dang nye snying gi rjes la byung 
mod/ rang tshugs kyi ming mi gsal bas re zhig gzhag te/ khi'an lung gnam lo brgyad pa zla 4 tshes 1 la rdzogs par bsgrubs so/ /dge ba 'di yis skye bo kun/ /bsod nams ye shes tshogs bsags shing / /bsod nams ye shes las byung ba'i/ /dam pa sku gnyis thob par shog/ //'og gi byang chub 
snying po'i rgyan 'bum 'di yang 'di las zur phyung zhig yin 'dug pas logs su bri ma dgos kyang / sngar gyi rnams su gong ma ma rnyed pa'i skabs su bris 'dug pa ltar bzhag go/
  
</font><hr>

</table>