D527

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D527</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D527&coll=derge">see text in Tibetan script</a></table>88-1-71b<br><font size=+1>
@#/ /rgya gar skad du/ Ar+ya sarba d+harma gu Na byU ha rA dza nA ma ma hA yA na sU tra/ bod skad du/ 'phags pa chos thams cad kyi yon tan bkod pa'i rgyal po zhes bya ba 
theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na 'od ma'i tshal bya ka lan da ka gnas pa na dge slong lnga brgya tham pa'i dge slong gi dge 'dun chen po 
dang / byang chub sems dpa' stong nyis brgya thams cad kyang gzungs thob pa/ chags pa med pa'i ye shes mthong ba/ spyod yul chags pa med pa/ thabs mkhas pa/ khams gsum thams cad la sems snyoms pa/ phan pa dang snying rje'i lhag pa'i bsam pa la zhugs 
pa/ de bzhin gshegs pa'i chos kyi 'bel ba'i gtam 'dri ba sha stag la 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po rtag tu brtson dang / byang chub sems dpa' sems dpa' chen po mnyam pa nyid la 

</font><hr>88-1-72a<br><font size=+1>

gnas pa dang / byang chub sems dpa' sems dpa' chen po mi g.yo ba dang / byang chub sems dpa' sems dpa' chen po blo gros bzang po dang / byang chub sems dpa' sems dpa' chen po blo gros chen po dang / byang chub sems dpa' sems dpa' chen 
po spobs pa mtha' yas dang / byang chub sems dpa' sems dpa' chen po rab gnon blo gros dang / byang chub sems dpa' sems dpa' chen po spyan ras gzigs dbang phyug dang / de dag la sogs pa byang chub sems dpa' stong nyis brgya dang / brgya byin dang / tshangs pa dang / 
'jig rten skyong ba rnams dang / klu'i rgyal po rnams dang / srin po'i bdag po thams cad dang / gnod sbyin mo sum brgya dang / gzhan mu stegs can spyod pa pa dang / kun tu rgyu dang / gcer bu pa drug stong dang / nam mkha' lding gi rgyal po bdun dang thabs cig tu bzhugs te/ 
de dag thams cad kyis de bzhin gshegs pa la bskor ba byas nas/ de bzhin gshegs pa la mchod pa'i las bya ba'i phyir lha'i me tog gi char mngon par phab bo/ /tsan+dan gyi phye ma'i char yang mngon par phab bo/ /lha'i sil snyan dang pheg rdob pa dag kyang de bzhin gshegs pa la 
mchod pa'i las bya ba'i phyir bsgrags so/ /gang dag de bzhin gshegs pa'i bstan pa la mngon par dad pa de dag thams cad kyis kyang tshig 'di skad ces gsol to/ /bcom ldan 'das legs so legs so/ /bcom ldan 'das de bzhin gshegs pa'i bstan pa nyon mongs pa thams 
cad zad par bgyid pa 'di ni rdzu 'phrul che ste legs so legs so/ /de nas bcom ldan 'das de'i tshe nyon mongs pa thams cad rnam par 'joms pa rdul med pa'i rgyal mtshan zhes bya ba'i ting nge 'dzin la snyoms par zhugs nas/ ting nge 'dzin de'i mthus sa chen po 'di mtho ba dang dma' bar 
byas te/ 'gul rab tu 'gul/ kun tu rab tu 'gul/ g.yos rab tu g.yos/ kun tu rab tu g.yos/ ldeg rab tu ldeg /kun tu rab tu ldeg /'khrugs rab tu 'khrugs/ kun tu rab tu 'khrugs/ 'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem 

</font><hr>88-1-72b<br><font size=+1>

chem mo/ /lha'i tsan+dan gyi phye ma'i char yang bab bo/ /lha'i me tog gi char yang bab bo/ /lha'i 'od kyi snang ba yang byung ngo / /stong gsum gyi stong chen po'i 'jig rten gyi khams 'dir sems can gang su dag ngan song du skyes pa de dag thams cad kyang ngan song rnams las yongs su grol bar gyur to/ /
lha'i dbang po dang / klu'i dbang po dang / gnod sbyin gyi dbang po dang / srin po'i dbang po dang / mi'i dbang po de dag thams cad kyi gnas rnams kyang snang bar gyur to/ /lha'i sil snyan gyi sgra dag kyang grag go/ /lha'i 'od dag kyang snang bar gyur to/ /lha'i spos kyi ngad kyang ldang bar 
gyur to/ /de nas de dag thams cad kyang cho 'phrul chen po de mthong nas ya mtshan du gyur te 'di snyam du sems so/ /gnas 'di dag snang bar gyur pa 'di dang / cho 'phrul chen po snang bar gyur pa 'di dang / sa chen po g.yos pa 'di dang / me tog gi char chen po bab pa 'di su'i mthu yin/ 
su'i byin gyis brlabs yin zhig gu snyam nas/ de dag thang cig cang mi zer sems nas gcig la gcig 'di skad du 'di ni de bzhin gshegs pa'i mthu yin no/ /'di ni de bzhin gshegs pa'i rnam par 'phrul pa yin no zhes smras so/ /de nas rgyal po chen po bzhi 'di snyam du sems te/ 
bdag cag de bzhin gshegs pa la blta ba dang / phyag bya ba dang / mchod pa dang / chos nyan pa'i phyir bcom ldan 'das ga la ba der 'dong gor ma chag snyam mo/ /de nas lha'i dbang po dang / klu'i dbang po dang / gnod sbyin gyi dbang po dang / srin po'i dbang po rdzu 'phrul che zhing 
mthu che ba de dag thams cad kyis lha'i me tog ut+pa la dang / pad+ma dang / ku mu da dang / pad+ma dkar po dang / dri mchog dang / man dA ra ba dang / man dA ra ba chen po dag khyer nas 'od ma'i tshal bya ka lan da ka gnas pa ga la ba dang / bcom ldan 'das ga la ba der dong ste lhags 
nas/ bcom ldan 'das la mngon par mchod de phyag byas so/ /me tog gi char chen po des kyang sa chen po 'di pus mo nub tsam du khyab par 'dug go/ /de nas byang chub sems dpa' sems dpa' chen po de dag thams cad chos mnyan pa'i phyir bcom ldan 'das la lan gsum bskor ba 

</font><hr>88-1-73a<br><font size=+1>

byas nas phyogs gcig tu 'khod do/ /de nas byang chub sems dpa' sems dpa' chen po lag na rdo rje byang chub sems dpa' bye ba phrag du mas bskor cing / lha bye ba phrag du mas bskor te/ rig sngags 'chang brgya phrag du mas mdun du bdar bas rdzu 'phrul dang mthu chen po 
dang / bkod pa chen po dang / me tog dang / spos dang / me tog phreng dang / bdug pa dang / rol mo'i sgra dang / sil snyan dang / pheg rdob pa chen pos de bzhin gshegs pa dge slong gi dge 'dun dang / byang chub sems dpa'i tshogs dang bcas pa la mngon par mchod do/ /de nas 
de'i tshe byang chub sems dpa' bkod pa'i rgyal pos lha'i bkod pa dang / bkod pa'i mthu dang / me tog gi char chen pos de bzhin gshegs pa la mchod pa chen po byas so/ /de nas byang chub sems dpa' sems dpa' chen po de dag gis 'dus pa chen po de mthong nas/ chos kyi 'bel 
ba'i gtam 'dod par gyur to/ /de nas bcom ldan 'das kyis byang chub sems dpa' de dag gi sems thugs kyis mkhyen nas/ byang chub sems dpa' bkod pa'i rgyal po de la 'di skad ces bka' stsal to/ /rigs kyi bu song la sa chen po 'di ltos shig /de nas byang chub sems 
dpa' bkod pa'i rgyal pos sa chen po bltas so/ /bltas nas kyang bcom ldan 'das la 'di skad ces gsol to/ /bcom ldan 'das bdag gis sa chen po bltas lags te/ bcom ldan 'das bcom ldan 'das kyis sems can thams cad la bde ba'i 'dus pa chen po mdzad pa mthong lags 
so/ /bcom ldan 'das kyis bka' stsal pa/ bkod pa'i rgyal po srog chags drug khri bzhi stong bla na med pa yang dag par rdzogs pa'i byang chub tu deng kho na lung bstan par 'gyur ro/ /de nas byang chub sems dpa' sems dpa' chen po lag na rdo rjes bcom ldan 'das kyi zhabs gnyis la 
gtugs nas/ bcom ldan 'das la 'di skad ces gsol to/ /bcom ldan 'das lha dang / klu dang / gnod sbyin dang / srin po dang / mi dang / spyod pa pa dang / kun tu rgyu mang po 'dus lags so/ /bde bar gshegs pa sems can mang po 'dus lags so/ /bcom ldan 'das 

</font><hr>88-1-73b<br><font size=+1>

chos mnyan pa'i dus ni 'di lags so/ /bde bar gshegs pa chos mnyan pa'i dus ni 'di lags so/ /de nas bcom ldan 'das cang mi gsung bar gyur nas/ byang chub sems dpa' lag na rdo rjes lan gnyis lan gsum gyi bar du de bzhin gshegs pa la gsol ba btab 
ste/ bcom ldan 'das bstan du gsol/ /bde bar gshegs pa bstan du gsol/ sems can thams cad kyi bsam pa grub par mdzad du gsol/ bcom ldan 'das 'gyod pa bsal ba dang / sems can thams cad la sman pa dang bde ba'i slad du chos thams cad kyi yon tan 
bkod pa'i rgyal po zhes bgyi ba'i mdo/ nyon mongs pa thams cad zad par bgyid pa/ bdud thams cad yang dag par 'joms pa/ sdig pa thams cad zad par bgyid pa/ sems can ma dad pa rnams dad par bgyid pa/ mu ge'i gnod pa zhi bar bgyid pa/ nad thams cad zhi bar bgyid 
pa/ dus ma lags par 'chi ba thams cad zlog pa/ bdag gis de bzhin gshegs pa glog snang ba las thos nas/ thos pa'i mod la chos thams cad mngon sum du gyur cing / ngan song thams cad yang dag par chad de/ las kyi sgrib pa thams cad yang dag par chad pa gang lags 
pa de bstan par gsol/ de nas bcom ldan 'das kyis byang chub sems dpa' lag na rdo rje la 'di skad ces bka' stsal to/ /rigs kyi bu phyi ma'i dus phyi ma'i tshe sems can nga'i bstan pa la ma dad pa dang / de bzhin gshegs pas gsungs pa'i mdo sde dag la mngon par ma dad cing yid 
mi ches la/ tshig 'di skad du 'di ni de bzhin gshegs pas gsungs pa'i mdo sde ma yin no/ /'di la ni legs par byas pa dang / nyes par byas pa'i las kyi 'bras bu rnam par smin pa ci yang med do zhes zer ba dag 'byung bar 'gyur te/ de dag ni chags pas zil gyis non nas/ mchod 
pa yang mngon par 'du byed par mi 'gyur la/ chos smra ba de dag la yang mchod pa byed par mi 'gyur te/ de dag ni tshe 'di nyid la yang 'khrug pa mang po 'byung bar 'gyur la/ phyis kyang sems can dmyal ba rnams su btso bar 'gyur te/ rigs kyi bu 'di ni de bzhin gshegs pa rnams kyi 

</font><hr>88-1-74a<br><font size=+1>

yab yum dang 'dra la/ las thams cad zad par byed pa'i mdo sde'i rgyal po chen po mnyan pa'i dus ma yin te/ gzhan mu stegs can spyod pa pa dang / kun tu rgyu de dag dang / sems can mang po gzhan dag kyang ngan song du 'gro bar 'ong ngo / /rigs kyi bu de dag 
ni mdo sde'i rgyal po 'di la dad par mi 'gyur te/ 'dod pas ldongs pa'i yid kyis khyim yongs su skyong bar byed cing / rmo rko dang / tshong dang / g.yul 'gyed pa dang / 'thab pa la sred par 'gyur ro/ /de nas shi 'phos nas kyang sems can dmyal ba chen po brgyad po dag tu btso 
bar 'gyur ro/ /de nas de'i tshe srog chags brgyad khri stan las langs nas/ bcom ldan 'das kyi zhabs la gtugs te 'di skad ces gsol to/ /bcom ldan 'das bdag cag ni dad par bgyid lags so/ /mngon par mchod par bgyid lags so/ /rgyas par yang bgyid lags 
so/ /'dri ba dang / klog pa dang / nyan du stsal ba dang / 'don pa la spro bar bgyid lags so/ /slad kyis chos ma lags pa'i dus de la bab na/ spyo ba dang / brgyad bkag pa dang / bsdigs pa bzod par bgyid lags so/ /bcom ldan 'das bdag cag ni bka' drin 
gzo bar bgyid kyi/ bka' drin mi gzo par mi bgyid de/ bdag cag slad kyis 'gyod par 'gyur bar mi bgyid lags so/ /bcom ldan 'das chos thams cad kyi yon tan bkod pa'i rgyal po zhes bgyi ba'i mdo bstan du gsol/ 'di ni slad ma'i dus slad ma'i tshe de bzhin 
gshegs pa'i phrin las bgyid par 'gyur ba lags so/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das byang chub sems dpa' sems dpa' chen pos dge ba'i bshes gnyen ji ltar yongs su btsal bar bgyi/ bcom 
ldan 'das kyis bka' stsal pa/ rigs kyi bu 'di la byang chub sems dpa' sems dpa' chen pos rgyun mi 'chad par dge ba'i bshes gnyen la lta bar 'dod pa dang / brtson 'grus brtsams pa dang / bsam pa yongs su dag pa dang / chos 'dod par byas te/ chos bzhi po de 

</font><hr>88-1-74b<br><font size=+1>

dag dang ldan pa'i byang chub sems dpa' sems dpa' chen pos dge ba'i bshes gnyen yongs su btsal bar bya'o/ /byang chub sems dpa' lag na rdo rjes gsol pa/ bcom ldan 'das byang chub sems dpa' dgon pa na gnas pas ji ltar bgyi lags/ bcom ldan 'das 
kyis bka' stsal pa/ 'di lta ste/ khyim na gnas pa yongs su spang ba dang / mi dge ba'i bshes gnyen gyi 'du 'dzi yongs su spang ba dang / bdog pa thams cad yongs su gtang bar bya'o/ /de nas bcom ldan 'das la byang chub sems dpa' sems dpa' chen po 'phags pa 
spyan ras gzigs dbang phyug gis 'di skad ces gsol to/ /bcom ldan 'das bdag gis ni gang gis chos kyi rnam grangs 'di thos nas ngan song du mchi bar 'gyur ba de ma mthong ste/ de ni gnas ma mchis so/ /bcom ldan 'das gang la la chos kyi rnam grangs 'di nyan pa dang / 
'di la phyag 'tshal ba de ni rdzu 'phrul che zhing mthu che ba lags na/ gang yi ger 'dri ba dang / yi ger 'drir stsol ba dang / 'chang ba dang / klog pa dang / gdugs dang / rgyal mtshan dang / ba dan rnams kyis mchod pa bgyid pa dang / chos smra ba de la yang gos dang / rgyan 
rnams kyis mchod par bgyid pa lta smos kyang ci 'tshal te/ de ni sangs rgyas thams cad kyi byin gyis brlabs pa lags so/ /de ni de bzhin gshegs pas bde ba can gyi 'jig rten gyi khams su lung bstan pa kho na lags so/ /chos smra ba de ni de bzhin gshegs pa dang 'dra ba kho nar 
blta bar bgyi'o/ /bcom ldan 'das kyis bka' stsal pa/ rigs kyi bu de ni de bzhin te/ legs so legs so/ /chos smra ba de la ni ngas kyang mchod par bya'o/ /'jig rten gyi khams bde ba can du yang lung bstan par bya'o/ /gang de bzhin gshegs pa la bla ma'i sri zhu byed 
cing me tog dang / bdug spos dang / spos dang / me tog phreng dang / byug pa dang / gos dang / rgyan rnams dang / gdugs dang / rgyal mtshan dang / ba dan rnams kyis mchod pa byed pa de ni dus ma yin par 'chi bas 'chi bar mi 'gyur ro/ /pha rol gyi dmag tshogs kyis 

</font><hr>88-1-75a<br><font size=+1>

'jigs pa yang med/ mu ge'i gnod pa'i 'jigs pa yang med/ bu las gyur pa'i yid mi bde ba yang med/ chung ma las gyur pa'i yid mi bde ba yang med la/ bsam pa thams cad kyang yongs su rdzogs par 'gyur ro/ /rigs kyi bu de bzhin gshegs pa 
rnams 'byung ba dang / mdo sde'i rgyal po 'di thos pa ni dka'o/ /rigs kyi bu grong ngam/ grong khyer ram/ grong rdal lam/ khyim mam/ dgon pa'i gnas gang la lar chos kyi rnam grangs 'di spyod pa'i sa phyogs de ni de bzhin gshegs pas yongs su bzung ba yin no/ /de 
nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das spyan ras gzigs dbang phyug spyan ras gzigs dbang phyug ces bgyi ba ci'i slad du de skad ces bgyi lags/ bka' stsal pa/ gang gi phyir 'di ltar 'jig rten thams cad la lta 
bar byed/ rtog par byed/ tshim par byed/ yongs su skyong bar byed/ yang dag par dbugs 'byin par byed cing / snying rje'i sems dang / bde ba'i sems dang / byams pa'i sems dang / snying brtse ba'i sems dang ldan la/ bsam pa thams cad yongs su rdzogs par byed pas 
na de'i phyir spyan ras gzigs dbang phyug ces bya'o/ /de nas byang chub sems dpa' lag na rdo rjes gsol pa/ bcom ldan 'das spyan ras gzigs dbang phyug gi ming tsam la rtog pa gang lags pa de yang bsam pa thams cad yongs su rdzogs par 'gyur na/ gang dag de bzhin gshegs 
pa la mngon par mchod pa dang / chos kyi rnam grangs 'di la mngon par dad pa dang / 'chang ba dang / klog pa dang / yi ger 'dri ba dang / yi ger 'drir stsol ba dang / gos dang / rgyan gyi mchod pa chen po dag gis mchod par bgyid pa dang / rgyan gyis brgyan nas yi ger 'dri 
ba dang / yi ger 'drir stsol ba lta smos kyang ci 'tshal lags/ de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das chos kyi rnam grangs 'di ni mthu che ste/ de bzhin gshegs pa'i phrin 

</font><hr>88-1-75b<br><font size=+1>

las bgyid pa lags so/ /bcom ldan 'das kyis bka' stsal pa/ rigs kyi bu rgyal ba can zhes bya ba'i gzungs yod de/ de ni nga byang chub sems dpar gyur pa na de bzhin gshegs pa rgyal ba'i dbyangs las blangs te/ thob pa'i mod la yangs bcu thob par gyur la/ srog 
chags stong phrag du mas kyang chos la bzod pa thob par gyur to/ /de nas byang chub sems dpa' de dag gis 'di skad ces gsol to/ /bcom ldan 'das gzungs mthu chen po bstan par gsol/ de nas bcom ldan 'das de bzhin gshegs pa bya ka la ping ka'i sgra dang gdangs 
sgrogs pas gzungs 'di bka' stsal pa/ tad+ya thA/ dza ya dza ya/ dza ya ba ha/ kha ba ha/ dza ya ba ha/ hu lu hu lu/ pad+ma be/ a ba ma ba me/ sa ra sa ra Ne/ d+hi ri d+hi ri/ d+hi ri d+hi ri/ de ba tA a nu pA lA ni/ yud+d+ha ut+tA ra Ni/ pa ra tsakra ni pa ra Ni/ pU ra ya b+ha ga bAn sarba A shA na/ ma ma sarba karma 
k+Sha pa ya/ bud+d+ha a d+hiSh+ThA nen swA hA/ rigs kyi bu 'di ni rgyal ba can zhes bya ba'i gzungs yin te/ sdig pa thams cad zad par byed pa/ nor dang / 'bru rnam par 'phel bar byed pa/ pha rol gyi dmag tshogs zlog par byed pa/ mu ge'i gnod pa rab tu zhi bar byed pa/ tshe nur bar byed pa ste/ 
'di ni de bzhin gshegs pa rnams kyi yab yum dang 'dra ba'i chos kyi rnam grangs yin no/ /rigs kyi bu la la zhig gis chos kyi rnam grangs 'di dang / gzungs kyi gsang sngags kyi tshig rnams la phyag 'tshal zhing bsam pa yongs su dag pas mchod par byed de/ yi ger 'dri ba dang / yi 
ger 'drir 'jug pa dang / mchod pa chen pos chos smra ba de la mchod pa de ni las kyi sgrib pa thams cad zad par 'gyur ro/ /dus ma yin par 'chi bas 'chi bar mi 'gyur ro/ /tshe 'di nyid la yang bde ba myong bar 'gyur te/ bus yid bde bar 'gyur ba dang / chung mas yid bde bar 
'gyur ba dang / khyim gyis yid bde bar 'gyur ba dang / rgyal srid kyis yid bde bar 'gyur la/ bsam pa thams cad kyang yongs su rdzogs par 'gyur ro/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das chos kyi 

</font><hr>88-1-76a<br><font size=+1>

rnam grangs 'di la phyag 'tshal lo/ /chos smra ba de dag dang / chos kyi rnam grangs 'di yi ger 'dri ba rnams dang / 'chang ba rnams dang / klog pa rnams la yang mchod par 'tshal lo/ /gang la la chos kyi rnam grangs 'di la mchod pa bgyid pa dang / chos smra ba de 
dag la yang gos dang / rgyan rnams dang / gdugs dang / bzhon pa rnams kyis mchod par bgyid pa de dag gis ni/ de bzhin gshegs pa thams cad la mchod pa bgyid pa lags so/ /bcom ldan 'das de ni bdag dang byang chub sems dpa' thams cad la yang mchod pa'i mchog 
gis mchod pa bgyid pa lags so/ /rgyal srid thams cad la yang bdag gis bsrung bar bgyi'o/ /bsam pa thams cad kyang yongs su rdzogs par bgyi'o/ /rgyal srid thams cad la yang mchod par 'gyur bar bgyi'o/ /bcom ldan 'das bdag gis kyang chos nyan pa de dag gi 
don du gzungs kyi gsang sngags kyi tshig rnams rjes su stsal bar 'tshal lo/ /bsam pa thams cad kyang yongs su rdzogs par bgyi'o/ /snying blas su yang bgyi'o/ /bcom ldan 'das kyis bka' stsal pa/ rigs kyi bu sems can rnams kyi don gyi phyir smros shig /de nas byang chub 
sems dpa' lag na rdo rjes gzungs kyi gsang sngags kyi tshig 'di dag smras so/ /namaHsarba ta thA ga tA nAM/ na mo a mi tA b+hA ya/ ta thA ga tA ya/ namaHsarba bud+d+ha bo d+hi sa twA nAM/ namaHsarba ma hA ra d+hi ke b+h+yaH/ tad+ya thA/ hu hu he he/ ma ti ma ti/ ma hA ma ti/ badzra ma ti/ dr-i D+ha badzra ma ti/ ta thA ga ta a nu 
pa ri pA li te/ sa ra sa ra/ a yo mu khi b+h+r-i ku Ti/ b+h+r-i ku Ta mu khi/ kri pe kri pA mu khi/ sat+ya ba tsa na/ ma nu sma ra/ b+ha ga bAn badzra pA Ni/ sarba karma A ba ra NA ni k+ShA pa ya/ sarba A sha ya pa ri pU ra ya/ de hi me bar ma/ bud+d+ha sa t+ye na/ b+ho d+hi sa twa sa t+ye na swA hA/ btsun pa bcom ldan 'das gang la la byang chub 
sems dpa'i sa btsal 'tshal ba dang / de bzhin gshegs pa blta ba dang / sangs rgyas kyi zhing du skye ba dang / rgyal srid dang / longs spyod 'tshal ba dang / yul gru 'tshal ba dang / nor 'tshal ba dang / 'bru 'tshal ba des ni chos kyi rnam grangs 'di dang / chos smra ba de la mchod pa chen pos 

</font><hr>88-1-76b<br><font size=+1>

mchod par bgyi'o/ /gang yi ger 'dri ba dang / 'chang ba dang / klog pa de la yang spos dang / me tog phreng dang / byug pa dang / mal cha dang / stan dang / gos dang / rgyan rnams dang / gdugs dang / bzhon pa rnams kyis mchod par bgyi ste/ bcom ldan 'das de la ni bdag 
gis bsrung bar bgyi'o/ /rgyal srid thams cad la yang ches mchod par 'gyur bar bgyi'o/ /ji ltar 'tshal ba bzhin du sems dang / yid bde bar bgyi'o/ /bu gcig pa bzhin du yongs su bskyang bar bgyi'o/ /gang la la bdag mthong bar 'tshal ba dang / stobs kyis 
'khor los sgyur bar 'gyur ba dang / ting nge 'dzin 'thob pa dang / thos pa 'dzin par 'gyur ba dang / khams rnam par smin par 'gyur ba dang / lus mi snang bar 'gyur ba dang / nam mkha' las mchi bar 'tshal ba des ni zla ba yar gyi ngo tshes brgyad la nyin mtshan du smyung ba bgyis la 
gzugs bgyid du stsal te/ rdo rje 'chang gi gzugs 'dam bu mda' rgyu'i mdog can rgyan thams cad kyis brgyan pa/ zhi ba'i tshul can sku gdung dang ldan par bgyi'o/ /dbus su ni de bzhin gshegs pa shAkya thub pa bzhugs par bgyi'o/ /g.yas logs su ni 'phags pa spyan ras 
gzigs dbang phyug lag pa bzhi pa rgyan thams cad kyis brgyan pa/ sku gdung dang bcas pa gzhag go/ /g.yas g.yon dag tu ni rgyal po chen po bzhi mchod pa bgyid pa gzhag go/ /sgrub pa po'i rigs kyi bu des kyang gtsang sbra bgyi ba dang / dus gsum du khrus bgyi ba dang / dus 
gsum du gos brje bar bgyi'o/ /sems can thams cad la yang byams pa'i sems su bgyi'o/ /zla ba yar gyi ngo tshes brgyad nas brtsams te/ zla ba phyi ma nya ba tshes bco lnga'i bar du zas su nas kyi 'o thug 'tshal zhing / dus gsum du bzlas brjod bgyi'o/ /bdug pa ni a ga ru 
dang / tsan+dan dang / ce pog dang / gu gul dbul lo/ /lan sum 'bum gyi bar du bzlas brjod bgyi ste/ de ni sngar bsnyen pa bgyi ba lags so/ /sku gdung dang ldan pa'i mchod rten nam/ dgon pa'i gnas su spos dang / bdug pa dang / me tog sna tshogs dang / ba dan 

</font><hr>88-1-77a<br><font size=+1>

sna tshogs kyis kyang mchod par bgyi'o/ /dkar bag gi lha bshos dag kyang dbul bar bgyi'o/ /chos kyi rnam grangs 'di yang yi ger 'drir stsal cing / gos dang / rgyan dang / lhab lhub dang / gdugs dang / bzhon pa rnam pa sna tshogs kyis mchod pa 
bgyi'o/ /de nas zla ba nya ba tshes bco lnga'i bar du sems can thams cad la snying rje'i sems dang ldan pa dang / dus gsum du khrus bgyi ba dang / dus gsum du gos brje bar bgyi ste/ dkyil 'khor gru bzhi pa ba lang gi lci bas bskus la me tog sna tshogs kyis khebs par bgyi ste/ 
bum pa gang ba bcu drug dang / mar me bcu drug kyang gzhag par bgyi'o/ /gdugs dang / rgyal mtshan dang / ba dan sna tshogs kyis kyang sa phyogs de brgyan par bgyi'o/ /ro sna tshogs sbyar ba'i lha bshos rgya chen po phab la spos chab kyis phyogs der chag chag btab nas/ nam 
sku gzugs dang / sa gzhi 'gul ba dang / bdag nyid kyang dga' bar gyur pa'i bar du bzlas brjod bgyi'o/ /de nas des 'di ni gcig tu nges par 'grub par 'gyur ro snyam du shes par bgyi'o/ /de nas de'i 'og tu bdag gis rmi lam du bstan par bgyi zhing 'bel ba'i 
gtam bgyi'o/ /bsam pa thams cad kyang yongs su rdzogs par bgyi'o/ /bu gcig pa bzhin du yongs su bskyang bar bgyi'o/ /dam pa ci 'tshal ba yang stsal bar bgyi ste/ gang chos kyi rnam grangs 'di la ma dad cing spong bar bgyid pa ni ma gtogs so/ /bcom ldan 
'das kyis bka' stsal pa/ lag na rdo rje khyod kyis tshig de skad ces smras pa legs so legs so/ /de nas byang chub sems dpa' 'phags pa spyan ras gzigs dbang phyug gis byang chub sems dpa' lag na rdo rje la 'di skad ces smras so/ /rigs kyi bu chos kyi rnam grangs 'di ni 
sems can bsod nams chung ngu rnams kyi yul na spyod par mi 'gyur ro/ /'di ni sems can bsod nams chung ngu rnams kyis yi ger 'dri ba'am/ yi ger 'drir 'jug pa'am/ 'chang ba'am/ klog par mi nus te/ de dag la bdud kyis bar chad byed par 'gyur ro/ /rigs kyi bu 

</font><hr>88-1-77b<br><font size=+1>

bzhi po 'di dag ni chos kyi rnam grangs 'di yi ger 'dri ba dang / klog pa dang / nyan du 'jug pa'i bdud kyi las yin te/ bzhi gang zhe na/ 'di lta ste/ le lo dang / ma dad pa dang / bla ma la sri zhu med pa dang / chos smra ba'i sems mi brtan pa ste/ rigs kyi bu des de la 'di ni bdud 
kyi las yin no/ /snyam du shes par bya'o/ /gzhan yang bdud kyi las bzhi yod de/ bzhi gang zhe na/ 'di lta ste/ dge ba'i bshes gnyen la 'dun pa med pa dang / yid la mi byed pa dang / khengs pa'i tshig smra ba dang / 'jig rten 'di la sems pa ste/ 'di snyam du 'jig 
rten 'di la yang 'jigs pa med do/ /'jig rten pha rol la yang 'jigs pa med do/ /sdig pa'i las rnams kyi 'bras bu rnam par smin pa yang med do/ /bdag la tshig mi gsal ba yang med do/ /yid rtul ba yang med do/ /bdag ni mdzes pa yin no/ /bdag ni dbang phyug 
dang ldan no snyam du sems shing / khyim dang bu smad rnams la zhen to/ /de dag ni bskal pa du mar sdug bsngal myong bar 'gyur te/ bzhi po de dag ni de dag gi mi dge ba'i bshes gnyen yin par blta bar bya'o/ /gzhan yang bdud kyi las bzhi yod de/ bzhi gang zhe na/ 'di lta ste/ 
nor la brkam pa ste/ de dag bskal pa du mar sdug bsngal myong bar 'gyur ba dang / de dag mi dge ba'i bshes gnyen dang dgod cing smra ba dang / chung mas yid bde ba dang / chos nyan pa de dag gi 'dun pa zlog par byed pa ste/ 'di lta ste/ blon po dang / 'khor rnams 'dus pa de 
dag gi thad du lhags nas 'di skad du sbyin pa'i rnam par smin pa med do/ /chos smra ba 'di ni sdig pa byed pa dbang phyug gi rgyags pas myos pa 'dod pa la log par g.yem pa/ phra ma la dga' ba yin te/ 'di ni khyod kyi srog gi bar chad byed par 'dod la/ khyod ni chos la gnas 
pa ste khyod kyis chos mang du byas so/ /khyod ni mdo sde klog pa dang / 'drir 'jug pa yin no zhes 'dzer te/ de dag mdo sde 'di yi ger 'drir 'jug par mi byed/ mchod par mi byed de/ de dag la ni tshe 'di nyid la yang bar chad mang po 'byung bar 'gyur la phyi ma la yang sems can dmyal 

</font><hr>88-1-78a<br><font size=+1>

bar btso bar 'gyur te/ de yang rigs kyi bu des bdud kyi las yin par rig par byas la de'i dbang du 'gyur bar mi bya'o/ /bcom ldan 'das kyis bka' stsal pa/ grogs po dag ngas lan gnyis lan gsum du tshig gis bsgo ste/ bag yod par gyis shig /
phyis sems can dmyal ba dag tu btso ba na 'gyod par gyur ta re/ de nas bcom ldan 'das kyis de'i tshe tshigs su bcad pa 'di dag bka' stsal to/ /ngas ni mdo sde'i rgyal po mang po bstan/ /byang chub la ni sems can du ma bkod/ /sangs rgyas tshul yang nga yis bstan 
par gyur/ /de thos nas ni bag kyang yod par gyis/ /khyod rnams phyi dus rab tu 'jig pa'i tshe/ /log par ltung bar 'gro bar gyur ta re/ /mdo 'di la ni rtag tu gang dad pa/ /de ni nges par nga yi bu yang yin/ /mdo 'di la ni rtag tu gang mchod pa/ /de ni sangs rgyas 
zhing du'ang skye bar 'gyur/ /gang phyogs mdo sde'i rgyal po 'di gnas pa/ /der ni 'byung po gnod sbyin srin po dang / /yi dgas grul bum lto 'phye chen po dang / /gshed byed byad stems rnams kyis yongs mi tshugs/ /de ni bsam pa thams cad yongs rdzogs shing / /de 
ni bde bar byang chub 'tshang yang rgya/ /de'i tshe rgyal po chen po bzhis tshigs su bcad pa 'di dag thos nas/ chos kyi shugs kyis mchi ma blags te/ lus 'dar bzhin du bcom ldan 'das kyi zhabs la gtugs nas/ bcom ldan 'das la 'di skad ces gsol to/ /bcom ldan 
'das bdag cag rgyal po chen po bzhis chos smra ba de la mchod par bgyi'o/ /chos nyan pa de dag la yang bsrung bar bgyi'o/ /bcom ldan 'das gang la la chos kyi rnam grangs 'di yi ger 'dri ba dang / yi ger 'drir stsol ba dang / gzungs 'chang ba dang / klog pa dang / kun 
chub par bgyid pa dang / chos smra ba de la yang gos dang / rgyan dag gis mchod pa bgyid pa de la yang bdag cag gis bsrung bar bgyi'o/ /de'i yul yang yongs su bskyang bar bgyi'o/ /nor dang 'bru thams cad kyang stsal bar bgyi'o/ /bu gcig pa bzhin du yongs su bskyang 

</font><hr>88-1-78b<br><font size=+1>

bar bgyi'o/ /g.yul 'gyed pa thams cad du yang mdun du mchi bar bgyi'o/ /rgyal srid thams cad du yang ches bkur stir bgyid par 'gyur bar bgyi ste/ bdag cag ni de bzhin gshegs pa la bka' drin gzo bar bgyid kyi bka' drin mi gzo bar mi bgyid lags so/ /
bcom ldan 'das gang la la chos kyi rnam grangs 'di thos nas mchod par mi bgyid pa dang / chos smra ba de dag la yang mchod par mi bgyid pa de la ni bdag cag gis sems mi bde bar bgyi'o/ /de nas bcom ldan 'das kyis rgyal po chen po bzhi po de dag la legs so zhes bya 
ba byin te/ rgyal po chen po dag legs so legs so/ /rgyal po chen po dag khyod legs kyis rtag tu khyod kyis de ltar gyis shig /de nas dri za'i bdag po chen po yul 'khor srung gis bcom ldan 'das kyi zhabs la gtugs nas/ bcom ldan 'das la 'di skad ces 
gsol to/ /bcom ldan 'das slad ma'i dus slad ma'i tshe sems can mi dge ba spyod pa dang / de bzhin gshegs pa la ma dad cing glo bar ma chud pa dag kyang 'byung bar 'gyur te/ de dag ni chos kyi rnam grangs 'di lta bu 'dzin par mi bgyid/ klog par mi bgyid/ yi ger 
'drir stsol bar mi bgyid/ sbyin pa sbyin par mi bgyid/ sbyin pa'i 'bras bu rnam par smin pa la yid mi ches shing / 'jig rten 'di'i bde ba la lta bar bgyid de/ sems can de lta bu de dag gi don du de bzhin gshegs pa dang 'dra ba'i mdo sde'i rgyal po chen po 'di bka' stsal to/ /
bcom ldan 'das kyis bka' stsal pa/ rigs kyi bu chos gnyis kyis sems can dmyal bar ltung bar byed de/ gnyis gang zhe na/ 'dod chags dang / zhe sdang ste/ rigs kyi bu chos de gnyis kyis sems can dmyal bar ltung bar byed do/ /rigs kyi bu chos 'di bzhis ni bde 
'gror 'gro bar byed de/ bzhi gang zhe na/ 'di lta ste/ sems can thams cad la sems snyoms pa dang / bsam pa yongs su dag pa dang / bdog pa thams cad yongs su gtong ba dang / tshangs par spyod pa la gnas pa'o/ /de nas bcom ldan 'das kyis de'i tshe tshigs su bcad pa 

</font><hr>88-1-79a<br><font size=+1>

'di dag bka' stsal to/ /rgyal chen sbyin pa 'di ni rdzu 'phrul che/ /ngan song ngan 'gro kun las rab grol byed/ /rmongs pa'i sems can rtag tu 'dod la chags/ /chags pa sna tshogs brgya yis de dag myos/ /mdo sde 'di la dad par mi byed cing / /sangs 
rgyas bstan la sbyin pa sbyin mi byed/ /sems can de 'dra ba dag ngan song sar/ /skyes nas tshor ba dag kyang myong bar 'gyur/ /sems can de dag la ni phan pa'i phyir/ /de ltar mdo sde mthu chen rab tu bstan/ /mdo sde 'di la rtag tu dad pa gang / /de la gshed byed med cing sdig 
byed med/ /'byung po grul bum lto 'phye chen po med/ /rgyal po de la sdig pa byed pa med/ /legs 'dri nyan du 'jug dang mchod pa dang / /legs par 'dzin pa'i bsod nams gang yin pa/ /sangs rgyas ye shes kyis ni bsngags pa de/ /sems can kun gyis bskal mang 
brjod mi nus/ /gang dag rtag tu sangs rgyas byang chub rnams/ /rjed cing mchod pa byed pa de dag dang / /la la gzhan 'gas mdo sde 'di nyid las/ /yi ge 'bru gcig tsam yang legs bris na/ /de la bsod nams snga ma de yis ni/ /de yi brgya stong char yang mi phod do/ /de nas 
bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to/ /bcom ldan 'das rigs kyi bu'am/ rigs kyi bu mo gang la la chos kyi rnam grangs 'di la dad de/ me tog dang / bdug pa dang / spos dang / me tog 
phreng dang / byug pa dang / gdugs dang / rgyal mtshan dang / ba dan rnams kyis mngon par mchod pa dang chos smra ba de dag dang / 'dri ba rnams dang / 'dzin pa rnams la mchod pa chen pos mchod pa bgyid pa de dag ni tshe 'di nyid la yon tan dang phan yon mang po thob par 'gyur te/ de'i lus 
la mig nad dang / rna nad dang / sna nad dang / lce nad dang / rims nad dang / dug dang / mtshon dang / mes mi tshugs lags so/ /de dag la pha mas yid bde ba dang / bu dang chung mas yid bde ba dang / khyim gyis yid bde ba 'byung bar 'gyur lags so/ /g.yul 'gyed pa thams cad 

</font><hr>88-1-79b<br><font size=+1>

du yang rgyal bar 'gyur ro/ /'gum pa'i tshe yang de bzhin gshegs pa mi 'khrugs pas yang dag par dbugs 'byin par mdzad de/ kye mi khyod tshur shog /'jig rten gyi khams bde ba can du song shig /skyes bu chen po khyod ni dge ba'i rtsa ba 'bar ba dang ldan te/ gang du 'dod 
pa'i gnas rnams su skye bar 'gyur ro zhes gsung ngo / /de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das legs so legs so/ /de bzhin gshegs pas 'di 'dzam bu'i gling du bzhag pa ni de bzhin 
gshegs pa'i phrin las bgyid pa lags so/ /bcom ldan 'das rig sngags chen po 'di ni las thams cad rnam par dag par bgyid pa lags so/ /bcom ldan 'das kyis bka' stsal pa/ rigs kyi bu 'di ni sems can bsod nams chung ngu dag gi yul na spyod par mi 'gyur ro/ /
sems can bsod nams chung ngu dag gis thos par mi 'gyur lag du 'ong bar mi 'gyur ro/ /sangs rgyas kyi mthus gang gi lag tu 'ongs sam/ de bzhin gshegs pas nyan du bcug na/ des thos pa'i mod kho na la bri bar bya/ yi ger 'drir gzhug par bya/ bklag par bya'o/ /
rigs kyi bu de bzhin gshegs pa dang 'dra ba'i chos kyi rnam grangs 'di'i ming tsam thos na yang ngan 'gros 'jigs par mi 'gyur ro/ /la la zhig gis chos kyi rnam grangs 'di las yig 'bru gcig tsam mam/ ming tsam nyan du bcug gam/ phyogs sam/ yul 'ga' zhig tu lung 
'bogs par byed na/ de ni de bzhin gshegs pa dang 'dra bar blta bar bya'o/ /de ni de bzhin gshegs pa dang 'dra ba kho nar mchod par bya'o/ /de ni pha ma dang 'dra bar blta bar bya'o/ /rigs kyi bu chos kyi rnam grangs 'di ni de bzhin gshegs pa bdun po rnams kyis gsungs so/ /
byang chub sems dpa' thams cad kyis rjes su yi rang ngo / /lha thams cad kyis rjes su bzung ngo / /yongs su bskyangs so/ /chos kyi rnam grangs 'di ni byang chub sems dpa' rnams kyi pha ma lta bu'o/ /de nas bcom ldan 'das la byang chub sems dpa' lag na rdo rjes 'di skad ces gsol 

</font><hr>88-1-80a<br><font size=+1>

to/ /bcom ldan 'das slad ma'i dus slad ma'i tshe chos kyi rnam grangs 'di rtag tu rgyun mi 'chad par thams cad rdzogs par/ gang du spyod par 'gyur lags/ bcom ldan 'das kyis bka' stsal pa/ rigs kyi bu chos kyi rnam grangs 'di ni klu'i rgyal po rgya mtsho'i gnas 
dang / sum cu rtsa gsum pa'i lha rnams kyi gnas su thams cad rdzogs par gnas par 'gyur ro/ /lho phyogs su yang spyod par 'gyur ro/ /'dzam bu'i gling du ni cung zad tsam gnas par 'gyur te/ gnas kha cig tu ni spyod kha cig tu ni mi spyod par 'gyur ro/ /de nas bcom ldan 
'das kyis byang chub sems dpa' lag na rdo rje la 'di skad ces bka' stsal to/ /lag na rdo rje chos kyi rnam grangs 'di gzung bar bya ba dang / bklag par bya ba dang / mchod par bya ba dang / nyan du gzhug par bya ba'i phyir khyod la gtad do/ /de bzhin gshegs pa dang 'dra ba'i chos kyi 
rnam grangs 'di nub par gyur ta re/ 'di ni de bzhin gshegs pa'i bya ba byed pa yin no/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das chos kyi rnam grangs 'di gzung bar bgyi ba dang / bklag par bgyi ba dang / mchod 
par bgyi ba dang / nyan du gzhug par bgyi ba'i slad du bdag gis gzung lags so/ /chos smra ba de dag la yang mchod par bgyi/ rjed par bgyi'o/ /gang chos kyi rnam grangs 'di dang / chos smra ba de dag la mchod par bgyid pa de ni bdag la yang mchod par bgyid pa lags te/ de 
ni bdag gis bsrung bar bgyi/ yongs su bskyang bar bgyi ste/ bdag ni de bzhin gshegs pa la bka' drin gzo bar bgyid do/ /de nas bcom ldan 'das kyis byang chub sems dpa' lag na rdo rje la legs so zhes bya ba byin te/ lag na rdo rje legs so legs so/ /khyod kyis de ltar 
gyis shig /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das chos kyi rnam grangs 'di la phyag 'tshal lo/ /chos nyan pa de dag dang / yi ger 'dri ba rnams dang / 'dzin pa rnams dang /

</font><hr>88-1-80b<br><font size=+1>

klog pa rnams dang / nyan du 'jug pa rnams la yang mngon par mchod par bgyi'o/ /bcom ldan 'das gal te sems can bsod nams chung ngu dag gi yul du chos kyi rnam grangs 'di byung ngam/ gal te rgyal po chos dang mi ldan pa'i yul du chos kyi rnam grangs 'di byung ste/ spyod pa na 
chos kyi rnam grangs 'di la rgyal po de mchod par mi bgyid/ dad par mi bgyid la/ chos smra ba de dag dang / yi ger 'dri ba rnams dang / 'dzin pa rnams dang / klog pa rnams dang / nyan du 'jug pa rnams dang / lung 'bogs pa rnams la yang mchod par mi bgyid/ bla ma'i 
'du shes skyed par mi bgyid na/ des na chos kyi rnam grangs 'di nub par 'gyur lags so/ /de'i yul du sdig pa'i chos mang po dang / yid mi bde ba mang po 'byung bar 'gyur te/ des na rgyal rigs rgyal po des bdag gi yul du chos nub par gyur to snyam du 'tshal bar bgyi ste/ 
des chos spyad par bgyi'o/ /bcom ldan 'das kyis bka' stsal pa/ rigs kyi bu legs so legs so/ /de ni de bzhin te/ rigs kyi bu dper na/ rigs kyi bu'am/ rigs kyi bu mo dad pa can la la zhig gis de bzhin gshegs pa dgra bcom pa yang dag par rdzogs pa'i 
sangs rgyas gang gA'i klung gi bye ma snyed la lo brgya'am lo stong gi bar du bla na med pa'i mchod pas mchod pa byed la/ 'dzam bu'i gling 'di rin po ches yongs su gang bar byas te/ nyan thos rnams dang / rang sangs rgyas rnams la sbyin pa byin pa dang / bdag nyid yongs su gtong ba gang 
yin pa dang / chung ma dang / bu dang / bu mo yongs su gtong ba gang yin pa dang / gang gis chos kyi rnam grangs 'di mchod pa'am/ yi ger 'dri'am/ yi ger 'drir 'jug pa'am/ klog pa'am/ me tog dang / bdug pa dang / spos dang / me tog phreng ba rnams kyis 
mchod de chos kyi rnam grangs 'di'i phyir zho'i brgyad cha cig tsam sbyin pa byin na de ni de bas ches bsod nams mang du skyed par 'gyur te/ dge ba'i rtsa ba snga ma shos de ni brgya'i char yang mi phod na/ gang bla ma'i 'du shes bskyed de/ chos kyi rnam grangs 'di la gdugs dang / rgyal mtshan 

</font><hr>88-1-81a<br><font size=+1>

dang / ba dan rnams kyis mchod pa byed cing / chos smra ba de dag la yang gos sam/ rgyan nam/ gdugs sam/ bzhon pa'am/ grong ngam/ grong khyer ram/ sa gzhi ba lang gi rmig rjes tsam yang chos kyi rnam grangs 'di'i phyir sbyin pa byed la/ lus 'di 
ni snying po med pa'o snyam du shes shing rmi lam lta bu'o/ /sgyu ma lta bu'o/ /chu'i chu bur lta bu'o snyam du shes te/ lus 'di la ni snying po med do/ /chos thams cad ni mi rtag pa'o snyam du shes na/ de ni de bzhin gshegs pas lung bstan pa kho na yin no/ /de bzhin gshegs 
pas dbugs phyung ba kho na yin no/ /des ni de bzhin gshegs pa thams cad mchod pa yin no/ /phyis kyang mthar gyis bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar 'gyur ro/ /de nas de'i tshe byang chub sems dpa' thams cad dang / 
lha'i dbang po rnams dang / klu'i dbang po rnams dang / gnod sbyin gyi dbang po rnams dang / lha ma yin gyi dbang po rnams dang / nam mkha' lding gi dbang po rnams dang / mi'am ci'i dbang po rnams kyis tshig mthun par bcom ldan 'das la legs so zhes bya ba gsol te/ bcom 
ldan 'das legs so legs so/ /'di ni chos kyi 'khor lo lan gnyis bskor bar gyur to/ /bcom ldan 'das bdag cag kyang gcig tu mthun par bgyis te/ chos kyi rnam grangs 'di la mchod par bgyi'o/ /yul de yang bskyang bar bgyi'o/ /chos smra ba de la yang mchod 
par bgyi/ bsrung bar bgyi/ lung bstan par bgyi/ dbugs dbyung bar bgyi'o/ /gang la la chos smra ba dang / yi ger 'dri ba dang / 'dzin pa dang / klog pa de la bla ma'i 'du shes skyed pa dang / pha'i 'du shes dang / bu'i 'du shes skyed pa de la ni bdag cag gis kyang 
pha'i 'du shes bskyed par bgyi'o/ /gal te chos kyi rnam grangs de ma rungs par bgyid na ni de'i yul thams cad du bu dang mchis brang dang pha ma yid mi bde bar 'gyur la/ de'i 'og tu sems can dmyal bar skye bar 'gyur ro/ /de nas bcom ldan 'das kyis byang chub sems dpa' de dag dang /

</font><hr>88-1-81b<br><font size=+1>

lha'i dbang po nas mi'i dbang po'i bar de dag la legs so zhes bya ba byin te/ rigs kyi bu dag legs so legs so/ /grogs po dag khyed kyis de ltar gyis shig /chos kyi rnam grangs 'di nyan du gzhug pa dang / mchod par bya ba'i phyir khyod la gtad do/ /de bzhin gshegs pa dang 
'dra ba'i chos kyi rnam grangs 'di myur du nub par gyur ta re/ la la zhig gis spangs te/ sems can dmyal bar lhung nga re/ chos kyi rnam grangs 'di ni skye bo mang po la phan pa dang / skye bo mang po la bde bar 'gyur ba'o/ /khyed phyis 'gyod par gyur ta re/ chos kyi rnam grangs 'di bstan 
pa na/ sa chen po 'di g.yos te/ g.yos rab tu g.yos so/ /srog chags drug stong ni len pa med par zag pa rnams las sems rnam par grol lo/ /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom 
ldan 'das gang la la chos kyi rnam grangs 'di yi ger 'dri ba dang / yi ger 'drir stsol ba dang / 'dzin pa dang / klog pa dang / kun chub par bgyid pa dang / gzhan dag la yang rgyas par yang dag par ston pa dang / me tog dang / bdug pa dang / spos dang / me tog phreng dang / 
byug pa dang / phye ma dang / gos dang / gdugs dang / rgyal mtshan dang / ba dan rnams kyis mchod par bgyid na/ bcom ldan 'das rigs kyi bu'am/ rigs kyi bu mo de bsod nams ji snyed cig skyed par 'gyur lags/ gang du ni skye bar 'gyur lags/ de nas bcom 
ldan 'das kyis byang chub sems dpa' 'phags pa spyan ras gzigs dbang phyug la legs so zhes bya ba byin te/ rigs kyi bu legs so legs so/ /khyod kyis de bzhin gshegs pa la 'di zhus pa ni legs so/ /rigs kyi bu de'i phyir legs par rab tu nyon la yid la zung shig dang / 
ngas khyod la bshad do/ /rigs kyi bu'am/ rigs kyi bu mo gang la la chos kyi rnam grangs 'di yi ger 'dri ba dang / yi ger 'drir 'jug pa dang / 'dzin pa dang / klog pa dang / kun chub par byed pa dang / gzhan dag la yang rgya cher yang dag par ston pa dang / me tog dang / bdug pa 

</font><hr>88-1-82a<br><font size=+1>

dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis mchod pa byed pa de ni 'di nas shi 'phos nas 'jig rten gyi khams bde ba can du skye bar 'gyur ro/ /rigs kyi bu gang la las stong gsum 
gyi stong chen po'i 'jig rten gyi khams 'di rin po ches yongs su gang bar byas te/ nyan thos rnams dang / rang sangs rgyas rnams la sbyin pa byin pa bas ni chos kyi rnam grangs 'di 'dzin pa dang / mchod pa dang / yi ger 'dri ba dang / yi ger 'drir 'jug pa dang / chos smra ba de dag la yang 
me tog dang / bdug pa dang / spos dang / me tog phreng dang / byug pa la sogs pas mchod pa 'di rigs kyi bu'am/ rigs kyi bu mo de'i bsod nams ches mang du 'phel bar 'gyur gyi/ rigs kyi bu snga ma gang yin pa des ni de snyed bsags pa ma yin no/ /rigs kyi bu 
gzhan yang rigs kyi bu'am/ rigs kyi bu mo gang gis byang chub sems dpa'i spyod pa spyad de/ bu dang / bu mo dang / chung ma yongs su gtong ba dang / lag pa dang / rkang pa dang / mig dang / mgo bo yongs su gtong ba bas ni gang gis chos kyi rnam grangs 'di yi ger 'dri ba'am/ 
yi ger 'drir 'jug gam/ klog gam/ dad par byed pa 'di bsod nams ches mang du 'phel bar 'gyur gyi/ rigs kyi bu snga ma gang yin pa des ni de snyed bsags pa ma yin no/ /chos smra ba'i rigs kyi bu de ni de bzhin gshegs pa dang 'dra ba kho nar blta bar bya'o/ /de bzhin 
gshegs pa dang 'dra ba kho nar mchod pa mngon par 'du bya bar bya'o/ /de nas bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to/ /bcom ldan 'das chos kyi rnam grangs 'di ni lha dang / mi dang / 
lha ma yin du bcas pa'i 'jig rten gyis phyag bgyi ba'i 'os lags so/ /chos smra ba de la yang phyag bgyi ba dang mchod par bgyi ba'i 'os lags so/ /bcom ldan 'das chos kyi rnam grangs 'di ni rdzu 'phrul che ba lags te/ de bas na rigs kyi bu'am/ rigs kyi bu mo dad pa can 

</font><hr>88-1-82b<br><font size=+1>

gyis chos kyi rnam grangs 'di la gus par bgyis te mnyan par bgyi'o/ /gus par bgyis te yid la bgyi'o/ /bcom ldan 'das sa phyogs gang na chos kyi rnam grangs 'di spyod pa'i sa phyogs de ni de bzhin gshegs pas byin gyis brlabs pa lags so/ /sa phyogs de ni 
mchod rten du gyur par blta bar bgyi'o/ /sa phyogs de ni lha dang / mi dang / lha ma yin du bcas pa'i 'jig rten gyis phyag bgyi ba'i gnas lags so/ /bcom ldan 'das kyis bka' stsal pa/ rigs kyi bu de de bzhin no/ /de de bzhin te/ rigs kyi bu sa phyogs de ni lha 
dang / mi dang / lha ma yin du bcas pa'i 'jig rten gyis phyag bya ba'i gnas yin no/ /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das gang la la chos kyi rnam grangs 'di la yang 
mchod pa bgyid la 'di'i slad du mchod pa dang bkur sti la brtson pa'i sems kyis sbyin pa yungs 'bru tsam stsal na/ de'i mtshams med pa lnga'i las rnams yongs su zad par 'gyur la/ bskal pa dgu khri'i bar du longs spyod che ba'i rigs rnams su skye bar 'gyur ro/ /bskal pa 
brgyad khri'i bar du 'khor los sgyur ba'i rgyal por 'gyur ro/ /sangs rgyas kyi zhing yongs su dag pa rnams su skye bar 'gyur ro/ /gshis ngan du 'gum par mi 'gyur ro/ /ngan song du skye bar mi 'gyur/ bsam pa thams cad yongs su rdzogs par 'gyur ro/ /de nas bcom 
ldan 'das kyis byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /rigs kyi bu sngon byung ba 'das pa'i dus bskal pa bgrang ba las 'das pa na/ de bzhin gshegs pa chos kyi ye shes mtha' yas pa chags pa 
med cing rdul dang bral ba'i rgyal po'i tog ces bya ba byung ste/ der ngas bram ze'i gzugs kyis chos kyi rnam grangs 'di thos so/ /thos nas kyang sems can rnams la bshad do/ /der ngas rnyed pa'i mod la chos la bzod pa thob ste/ chos rnams la chos kyi mig rnam par dag go/ /

</font><hr>88-1-83a<br><font size=+1>

sems can gang dag gis thos pa de dag thams cad kyang ngan song thams cad las yongs su grol te/ nam yang ngan song du mi 'gro bar 'gyur la/ chos rnams la chos kyi mig rnam par dag ste/ sems can de dag thams cad mthar gyis bla na med pa yang dag par 
rdzogs pa'i byang chub mngon par rdzogs par sangs rgyas so/ /mngon par rdzogs par 'tshang rgya bar 'gyur ro/ /rigs kyi bu ngas kyang lo mang po/ /lo brgya phrag mang po/ /lo stong phrag mang po/ /lo 'bum phrag mang por sems can 'dod chags dang / zhe sdang dang / gti 
mug gis dkris pa rnams kyi phyir nor dang / 'bru dang / 'gron bu dang / gser yongs su gtong ba byas nas/ mthar gyis lag pa dang / rkang pa dang / mig dang / mgo bo dang / sdug pa'i bu dang / chung ma dang / bu mo'i bar du yongs su gtong bar byas so/ /rkang 
dang / rus pa yongs su gtong ba dang / khyim dang / grong dang / grong khyer dang / grong rdal dang / yul 'khor dang / rgyal po'i pho brang yongs su gtong ba byas so/ /lo 'bum phrag du mar tshangs par spyod pa yang spyad do/ /khyim pa dang 'dris par ma byas/ rgyal srid la 
dga' ba dang / nor la dga' ba dang / yul 'khor dang / pho brang 'khor la dga' ba dang / bu dang bu mo la dga' ba dang / chung ma la dga' bar ma byas so/ /gcig tu nges par tshangs par spyod pa la gnas pa brten to/ /gcig tu nges par sbyin pa byin no/ /gcig tu nges par 
sangs rgyas dang / chos dang / dge 'dun rnams la mchod pa dang / bsnyen bkur byas so/ /gcig tu nges par ngas chos smra ba rnams la me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal 
mtshan dang / ba dan rnams kyis bkur stir byas/ bla mar byas/ ri mor byas/ mchod par byas so/ /dge ba'i bshes gnyen mang po yang ngas bsnyen bkur byas so/ /de yang ngas 'khor ba la skyo ba'i lugs kyis lus rnams byin la/ mig rnams dang / rang gi sha rnams dang / rkang 

</font><hr>88-1-83b<br><font size=+1>

dang / rus pa rnams dang / rang gi pags pa rnams kyang byin na/ phyi rol gyi dngos po gzhan dag lta ci smos te/ nga 'gyod par gyur pa yang med do/ /de nas byang chub sems dpa' de dag dang / lha'i dbang po rnams dang / klu'i dbang po rnams dang / gnod sbyin gyi dbang po 
rnams dang / lha ma yin gyi dbang po rnams dang / mi'i dbang po rnams dang / spyod pa pa dang / kun tu rgyu dang / gcer bu pa rnams kyis de bzhin gshegs pa'i sngon gyi tshul 'di thos nas/ chos kyi shugs kyis mchi ma blags te/ de dag thams cad kyis chos la 
bzod pa thob par gyur to/ /bcom ldan 'das kyis bka' stsal pa/ grogs po dag chos kyi rnam grangs 'di zung shig /'di ni sems can rnams la de bzhin gshegs pa'i bya ba byed pa yin no/ /de nas bcom ldan 'das la byang chub sems dpa' 'phags pa spyan ras 
gzigs dbang phyug gis 'di skad ces gsol to/ /bcom ldan 'das chos kyi rnam grangs 'di la dad pa dang / mchod pa bgyid pa dang / 'dzin pa dang / klog pa dang / kun chub par bgyid pa'i sems can de dag ni dkon lags so/ /gang dag gi sug par mchis pa 
de dag ni sangs rgyas byung ba dang 'dra bar blta bar bgyi'o/ /bcom ldan 'das kyis bka' stsal pa/ rigs kyi bu legs so legs so/ /rigs kyi bu de de bzhin te/ rigs kyi bu'am/ rigs kyi bu mo gang chos kyi rnam grangs 'di la mchod pa byed pa dang / yi ger 'dri ba dang / yi 
ger 'drir 'jug pa dang / 'dzin pa dang / klog pa dang / chos smra ba de dag la yang me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis mchod pa byed pa de dag ni dkon te/ de 
dag ni de bzhin gshegs pa dang 'dra ba kho nar blta bar bya'o/ /rigs kyi bu sems can gang dag chos kyi rnam grangs 'di la mchod pa mi byed pa dang / 'dzin par mi byed pa dang / klog par mi byed pa dang / sbyin pa mi byed pa dag 'byung bar 'gyur te/ de dag ni bskal pa du ma dang / bskal pa brgya 

</font><hr>88-1-84a<br><font size=+1>

dang / bskal pa stong gi bar du 'khor ba na 'khor bar 'gyur te/ sdug bsngal ba mang po sdug bsngal brgya dag nyams su myong bar 'gyur ro/ /'di lta ste dper na bud med sbrum ma zhig yod la/ bud med sbrum ma de'i lto na bu chags pa de yang khye'u'am/ bu mo zhig tu gyur na/ 
bud med de'i bu de gang gi tshe zla ba gcig lon nam/ zla ba gnyis lon nam/ zla ba gsum lon nam/ zla ba lnga lon nam/ zla ba tshang ba'i bar du gyur pa de tsam du bud med de'i lus non par 'gyur te/ tshigs kyang 'bye bar 'gyur/ lto yang chung bar 'gyur/ skad kyi gcom yang chung 
bar 'gyur te/ tshor ba de dag gis yongs su gzir ba'i lus kyis de tsam du sdug bsngal gyi tshor ba myong bzhin du lus 'dzin par byed de/ bu btsa' ba'i dus kyi bar du sems can dmyal ba'i sdug bsngal myong ngo / /de 'di snyam du sems te/ gang gi tshe bdag gi bu btsa' bar gyur 
pa de'i tshe/ bdag bde bar btsas par gyur na de'i tshe tshangs par spyad par bya'o snyam mo/ /de phyis yang 'dod pa'i 'dod chags kyis chags par gyur pa na sdug bsngal de dag phyis mi dran te/ bde ba'i 'du shes skyed par byed do/ /de bzhin du phyi ma'i tshe phyi ma'i dus na sems can 'byung 
bar 'gyur ba de dag chos kyi rnam grangs 'di la dad par mi byed/ mchod par mi byed/ 'dzin par mi byed/ klog par mi byed de/ de dag sems can dmyal ba dang / dud 'gro'i skye gnas dang / gshin rje'i 'jig rten rnams su skye bar 'gyur ro/ /de dag kyang 'dod chags kyis 
myos nas/ tshor ba de dag bzod par gyur te/ bdag cag gis khyim dang / bu smad yongs su bskyang bar bya'o/ /chung ma dang / bu dang / bu mo yongs su bskyang bar bya'o snyam mo/ /gang gi tshe yang sems can dmyal bar skyes pa de'i tshe ni 'gyod par 'gyur ro/ /gang gi tshe phyir 
thar par gyur pa de'i tshe ni 'dod chags kyis chags nas sems can dmyal ba'i sdug bsngal brjed par 'gyur te/ sbyin pa yang sbyin par mi byed/ tshul khrims kyang srung bar mi byed do/ /'di lta ste dper na mi chang gis ra ro zhing myos te/ tshabs cher ra ro zhing myos la gtu lum par gyur na/

</font><hr>88-1-84b<br><font size=+1>

mi des sems kyis kyang khyim tshol mi nus/ lam yang mi tshol/ pha ma dang / chung ma dang / bu dang / bu mo'i 'du shes kyang med/ sangs rgyas dang / chos dang / dge 'dun yang mi dran te/ de chang gis myos pa'i mthus dur khrod na 'dug na yang 'jigs pa med la/ 'di snyam 
du sems te/ lha'am/ klu'am/ gnod sbyin nga skrag par byed nus pa su zhig yod snyam mo/ /de bong ba dang / shing dang / rtswa dang / tsher ma'i lam gzhan dag la bde ba'i 'du shes skyed pa las/ lus sor chud cing ra ro ba de sangs nas gang gi tshe dran pa rnyed par gyur pa de'i tshe 'gyod 
par byed de/ bdag ni srog la thug kyang bla/ bdag gis chang 'di btung bar mi bya'o snyam mo/ /de bzhin du sems can 'dod chags kyis rgyags pas myos shing / khyim na gnas pas rnam par 'khrul pa nor gyis sems myos pa rnams kyis ni sangs rgyas dang / chos dang / dge 
'dun yang yongs su tshol bar mi byed/ sbyin pa yang mi dran/ mtho ris su skye ba dang / rgyal por 'gyur ba dang / sangs rgyas kyi zhing du skye ba yang yongs su tshol bar mi byed de/ 'khor ba de nyid na 'khor zhing sems can dmyal ba dang / dud 'gro'i skye gnas dang / gshin rje'i 
'jig rten rnams su skyes pa'i sdug bsngal myong bar 'gyur la/ 'di snyam du 'dzin te/ bdag gi lus ni bde ste/ sdug bsngal ba med do snyam mo/ /gang gi tshe sems can dmyal ba dang / dud 'gro'i skye gnas dang / gshin rje'i 'jig rten de dag nas thar te/ brgya la brgya lam na 
mi'i lus thob par gyur pa de'i tshe mngal na gnas pas lus yongs su gzir cing mun nag gis skyo bar gyur pa'i lus la bad kan dang / mkhris pa dang / ljan ljin dang / khrag dang / phyi sas bangs pas skyo bar gyur nas/ 'di snyam du sems te/ bdag cag lo brgya'am/ bskal 
pa'am/ bskal pa brgya'am/ bskal pa stong ngam/ bskal pa 'bum gyi bar du 'khor ba na 'khor zhing sdug bsngal gyi tshor ba mi bzad cing yid du mi 'ong ba myong la/ gang du yang bdag cag gis skyabs med pa 'di las gang dag gi 'bras bu rnam par smin pa yin zhig gu/ bdag 

</font><hr>88-1-85a<br><font size=+1>

cag gis kyang sngon sdig pa mang du byas so snyam ste/ de ltar mngal na gnas nas sems can dmyal ba dang 'dra bar 'gyod pa skyed par byed de/ gang gi tshe bdag cag mngal na gnas pa'i sems can dmyal ba 'di las thar bar gyur pa de'i tshe sangs rgyas dang / chos dang 
dge 'dun la mi phyed pa'i dad pas bsgrub pa dang btsal bar bya ste/ ci nas kyang bdag cag phyin chad mngal gyi sems can dmyal bar gnas par mi 'gyur bar bya'o snyam mo/ /de dag phyis mngal gyi gnas rnams las thar nas bag med par byed de/ de dag yang sems can dmyal 
ba rnams su sdug bsngal myong bar 'gyur ro/ /de lta bas nanams kyang bag med par mi bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ 
bcom ldan 'das kyis bka' stsal pa/ kun dga' bo de'i phyir chos kyi rnam grangs 'di sems can thams cad kyi skyabs byed pa zhes bya bar zung shig /byang chub sems dpas zhus pa zhes bya bar yang zung shig /bkod pa'i rgyal po'i rnam par 'phrul pa'i rgyal po zhes bya bar yang zung 
shig /de bzhin gshegs pa mngon par rdzogs par byang chub pa zhes bya bar yang zung shig /chos thams cad kyi yon tan bkod pa'i rgyal po zhes bya bar yang zung shig /bcom ldan 'das kyis de skad ces bka' stsal nas/ byang chub sems dpa' de dag dang / nyan thos chen 
po de dag dang / brgya byin dang / tshangs pa dang / 'jig rten skyong ba de dag thams cad dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /
'phags pa chos thams cad kyi yon tan bkod pa'i rgyal po zhes bya ba theg pa chen po'i mdo rdzogs so// //rgya gar gyi mkhan po pradz+nya bar ma dang / su ren+d+ra bo d+hi dang / zhu chen gyi lo ts+tsha ba ban+de ye shes sde la sogs pas bsgyur cing zhus te gtan la phab pa// //

</font><hr>

</table>