90-1-199a
@##/ /rgya gar skad du/ Ar+yA sarba d+ha rma mA tr-i kA nA ma d+hA ra NI/ /bod skad du/ 'phags ma chos thams cad kyi yum zhes bya ba'i gzungs/ sangs rgyas dang byang chub sems dpa'
thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos thams cad kyi yum zhes bya ba'i
phyag rgya'i gzungs/ nad thams cad rab tu zhi bar byed pa de bzhin gshegs pa thams cad kyis gsungs pa ste/ nga yang da ltar 'chad pa zung shig /tad+ya thA/ a brte a brte/ bi brte bi brte/ b+ha ga ma shud+d+he/ pra b+hA swa re tA ra Ne/ uka kha le/ mug kha le/ sarba d+harmA pA shi ba ta
ni swA hA/ de nas gnas gtsang ma'i lha rnams kyis bcom ldan 'das la 'di skad ces gsol to/ /bcom ldan 'das bdag cag gis gzungs 'di'i snying po brjod par bgyi'o/ /tad+ya thA/ ats+tshe/ a na le/ e lu le/ e lu phe/ mUrta a nu ga te sarba d+harma a d+hi pa ta ye/
prAp+te dz+yosna ka ra/ a d+hi ga ta dz+nyA ne bi shud+d+he pa ti swA hA/ bcom ldan 'das kyis de skad ces bka' stsal nas/ tshe dang ldan pa kun dga' bo dang / thams cad dang ldan pa'i 'khor de dag yi rangs te/ bcom ldan 'das kyis gsungs pa la mngon par bstod do// //
chos thams cad kyi yum zhes bya ba'i gzungs rdzogs so//
