D599

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D599</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D599&coll=derge">see text in Tibetan script</a></table>90-1-249a<br><font size=+1>
@##/ /rgya gar skad du/
sa man+ta mu kha pra be sha rash+mi bi ma loSh+NI Sha pra b+hA sa sarba ta thA ga ta hr-i da ya sa ma ya bi lo ki te gnas na/ byang chub sems dpa'i dge 'dun chen po dang / zham ring ba lha'i tshogs chen po dang / tshangs pa dang / khyab 'jug dang / dbang phyug chen po la sogs pa'i lha rnams dang thabs cig tu bzhugs te/ 'khor mang po tshogs pa la bcom ldan 'das pha rol tu phyin pa / /de nas bcom ldan 'das dga' ldan gyi lha'i 
gnas na/ byang chub sems dpa'i dge 'dun chen po dang / zham ring ba lha'i tshogs chen po dang / tshangs pa dang / khyab 'jug dang / dbang phyug chen po la sogs pa'i lha rnams dang thabs cig tu bzhugs te/ 'khor mang po tshogs pa la bcom ldan 'das pha rol tu phyin pa 

</font><hr>90-1-249b<br><font size=+1>

drug dang ldan pa'i chos ston par mdzad de/ 'di lta ste/ ji ltar sbyin pa'i 'bras bu bsod nams kyi tshogs chen po bsags pas 'khor los sgyur ba'i dbang phyug gi 'bras bu rnam par smin pa dang / rin po che sna bdun gyi char 'bab pa dang / lhun gyis grub pa'i gter chen po bskyed 
bar 'gyur ba'i sbyin pa'i pha rol tu phyin pa dang / ji ltar de bzhin gshegs pa'i bstan pa dang / mngon par shes pa lnga dang / tshul khrims dang ldan pa dang / tshangs pa dang / lhar skye ba'i 'bras bu rnam par smin par 'gyur ba'i tshul khrims kyi pha rol tu phyin pa dang / ji ltar lha'i 
gzugs yid du 'ong ba lta bas chog yi shes pa'i mtshan dang dpe byad bzang pos legs par brgyan pa'i 'bras bu rnam par smin par 'gyur ba'i bzod pa'i pha rol tu phyin pa dang / ji ltar brtson 'grus rtsom pa lta ba dang / bdud 'dul ba dang / rga shi dang / skye ba las grol ba 
dang / brdzus te skye ba'i sangs rgyas kyi zhing du 'gro ba'i 'bras bu rnam par smin par 'gyur ba'i brtson 'grus kyi pha rol tu phyin pa dang / ji ltar dpa' bar 'gro ba'i ting nge 'dzin la sogs pa'i ting nge 'dzin bye ba khrag khrig 'bum phrag du ma 'thob pa'i 'bras bu rnam par smin par 'gyur ba'i 
bsam gtan gyi pha rol tu phyin pa dang / ji ltar shes rab dang ye shes kyi tshogs chen po dang / thos pa rgya mtsho bsags pa dang / mang du thos pa'i 'bras bu rnam par smin par 'gyur ba'i shes rab kyi pha rol tu phyin pa'o/ /de nas lha'i bu de dag gis pha rol tu phyin pa drug gi 
chos kyi sgo 'di nyid nyin mtshan du rjes su sems shing rjes su spyad de dka' ba chen po'i phyir sgom par yang byed do/ /de nas lha'i 'khor de nyid kyi nang nas sum cu rtsa gsum gyi ris kyi lha'i bu nor bu'i snying po dri ma med pa zhes bya ba g.yog lha'i bu bye ba phrag stong dang ldan pa/ lha'i bu 
mo khri brgyad stong gis bskor ba/ lha'i rnam par 'phrul pa'i gzhal med khang rin po che sna bdun dang ldan pa'i rtsig pa brtsigs pa'i khang bzangs skyed mos tshal sna tshogs dang / lha'i me tog gis mdzes par byas pa'i rdzing gis legs par brgyan pa dang ldan pa zhig yod de/

</font><hr>90-1-250a<br><font size=+1>

lha'i bu nor bu'i snying po dri ma med pa de lha'i bu mo'i mchog me tog rgyas pa dang ldan pa zhes bya ba dang lhan cig dga' ba chen po mang po dang ldan zhing lha'i bde ba la ni chags/ rin po che sna bdun las byas pa'i sgo bzhi dang ldan pa'i khang bzangs kyi nang na 'dod pa'i yon 
tan lnga 'byor cing rgyags pa dang / nga rgyal gyis dregs te snyems shing nyal lo/ /de nas nam phyed tsam na lha'i bu de gnyid kyis log cing lha'i bu mo'i tshogs thams cad kyang sgra bskyungs te nyal bar gyur to/ /de nas gnas mchog de na lha'i gnod sbyin gyi gtso bo skar mda' gdong zhes 
bya ba zhig gnas pa des lha'i bu nor bu'i snying po dri ma med pa de la bskul nas tshig 'di skad ces smras so/ /kye nor bu'i snying po dri ma med pa longs longs/ khyod gnyid la dga' zhing chags pas ci zhig bya/ dga' ba la goms par byed cing chags par gnas pas ci zhig bya/ 
lha'i longs spyod dpag tu med pa la spyod pas ci zhig bya/ da ste zhag bdun na 'chi ba'i dus byed par 'gyur te/ lha'i longs spyod dang bral zhing sdug bsngal gyi tshor ba chen po myong bar 'gyur na/ khyod kyi gnas gzhal med khang dam pa rin po che sna bdun las byas pa ci dgos/ 
khyod kyi srog ni yong med kyis/ /thabs ni myur du rnam par soms/ /zhes de skad smras nas lha'i gnod sbyin gyi gtso bo skar mda' gdong mi snang bar gyur to/ /de nas lha'i bu nor bu'i snying po dri ma med pas tshig mi snyan pa de thos nas brgyal te mal nas khas bub tu sa la lhungaltung ngo / /
de nas lha'i bu mo'i tshogs de dag kyang skra ni bshig /rgyan rnams ni lhung / gos ni bsnyil/ kha ni khrag dang gsher bag ni chad nas mchu dang / rkan dang / mid pa dang / lce ni bskams la/ smre sngags stong phrag du ma ni smre ste ngu zhing cho nges 'debs la/ kyi hud kyi hud 
ces 'dzer cing / lha'i rin po che'i snod nas spos chu dang / tsan+dan gyi chu grang mos 'thor zhing / kha cig ni mgul nas 'ju/ kha cig ni lag pa nas 'ju/ kha cig ni de'i skra la'o byed/ kha cig ni rkang pa nas 'ju/ kha cig ni mgo la mgol 'ju/ kha cig ni brgyal 

</font><hr>90-1-250b<br><font size=+1>

te 'gyel/ kha cig ni sa'i steng na chu med pa'i nya bzhin du 'gre ldog /kha cig ni lus la mes 'tshig pa bzhin du 'gre ldog /kha cig ni smre sngags du ma 'don cing kyi hud kyi hud ces zer cing ngu'o/ /de nas lha'i bu nor bu'i snying po dri ma med pa de brgyal ba las sangs 
te/ dran pa thob nas/ kha nas khrag skyug cing sdug bsngal chen po drag po nyams su myong nas shugs ring du phyung ste/ lus 'dar zhing shing rlung gi shugs kyis btab pa bzhin du g.yo bar gyur la/ sgra bskyungs pa'i snying gis rings pa rings par lha'i dbang po brgya byin ga 
la ba der song ste phyin nas/ lha'i dbang po brgya byin gyi rkang pa la gtugs te/ rkang pa gnyis la 'jus nas 'di skad ces smras so/ /bcom ldan 'das bdag la bskyab tu gsol/ bcom ldan 'das lha'i rgyal po che ba'i bdag nyid can bskyab tu gsol/ lha'i 
gnod sbyin gyi gtso bo skar mda' gdong gis bsgo ba thos nas bdag dgung bdun na 'gum pa'i dus bgyid do/ /zhes mchi zhing sems can dmyal ba'i tshor ba soms shig ces mchin lha'i dbang po thabs gang gis bdag 'chi bdag gi dbang du mchi bar mi 'gyur ba dang / ngan 'gror 
mchi bar mi 'gyur bar 'jigs pa ma mchis pa'i gnyen po bka' stsal du gsol/ lha'i dbang po ci nas kyang bdag 'chi bdag gi sgo nas thar pa'i cho gas bdag la bskyab tu gsol/ de nas lha'i dbang bo brgya byin gyis tshig de thos nas snying rab tu sdug bsngal bas 
lha'i bu nor bu'i snying po dri ma med pa la 'di skad ces smras so/ /lha'i bu ma 'jigs shig /gang gis 'chi bdag pham par 'gyur zhing sems can dmyal ba'i sdug bsngal las thar bar 'gyur ba/ sangs rgyas bcom ldan 'das 'jig rten na lha dang mi rnams 
kyi ston pa/ skye ba dang / rga ba dang / na ba dang / 'chi ba dang / mya ngan las brgal ba bla na med pa'i sman pa yod de/ de ni khyod kyi skyabs dang / rtsa lag bzang po dang / dpung gnyen dang pha ma lta bur gyur pa yin no/ /de ni ngan 'gro thams cad 'jig 

</font><hr>90-1-251a<br><font size=+1>

par mdzad pa yin gyi 'dren pa de gang na bzhugs pa der bdag cag myur du 'dong ngo / /de nas de'i tho rangs lha'i dbang po brgya byin dang lha'i bu nor bu'i snying po dri ma med pa dang lha dang lha'i bu mo stong phrag du ma dang lhan cig dga' ldan ga la ba der dong nas bcom 
ldan 'das ga la ba der phyin pa dang / bcom ldan 'das kyi zhabs la mgo bos phyag 'tshal te lan gsum bskor ba byas nas/ bcom ldan 'das kyi spyan sngar 'khod do/ /de nas lha'i dbang po brgya byin gyis rnam par dman pa'i tshig gis bcom ldan 'das la 
'di skad ces gsol to/ /bcom ldan 'das lha'i bu nor bu'i snying po dri ma med pa 'di la lha'i gnod sbyin gyi gtso bo skar mda'i gdong gis bskul te de dgung bdun gyi gdugs la nor bu'i snying po dri ma med pa 'di 'chi bdag gi sgo'i dbang du 'gyur ro zhes mchi na bcom 
ldan 'das de la ji ltar bsgrub par bgyi/ de nas bcom ldan 'das de bzhin gshegs pa shAkya thub pas lha'i dbang po brgya byin gyi tshig gsan nas 'dzum pa mdzad de 'dzum pa bstan pa des zhal nas kha dog du ma dang ldan pa'i 'od zer byung ste/ 'od zer byung ba des 
stong gsum gyi stong chen po'i 'jig rten gyi khams snang bar byas te/ 'od zer gyi snang ba des lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / srin po dang / 'byung po thams 
cad kyi gnas rnams snang bar byas nas bskul te/ bskul nas kyang 'od zer de slar log ste/ bcom ldan 'das la lan gsum bskor ba byas nas/ bcom ldan 'das kyi zhal gyi sgor zhugs so/ /zhugs ma thag tu lha'i dbang po brgya byin la 'di skad 
ces bka' stsal to/ /lha'i dbang po lha'i bu nor bu'i snying po dri ma med pa 'di zhag bdun gyi nyin par 'chi bdag gi sgo'i 'jigs par 'gyur ba de nyon cig /'di gal te 'chi ba'i dus byed par gyur na/ sdug bsngal shin tu mi bzad pa chen po drag po chen po'i tshor 

</font><hr>90-1-251b<br><font size=+1>

ba sems can dmyal ba'i sdug bsngal rnams myong bar 'gyur ro/ /thog mar ni grong khyer chen po bA rA Na sIr smyig ma mkhan gyi phyis khung gi 'dam rdzab kyi nang du sha za mo phag mgo can du skye bar 'gyur te/ phyis khung de na bshang gci za'o/ /phyis khung de nyid kyi nang 
na srog chags bye ba brgya stong gnas te de dag dus gsum du phag mo de'i sha za zhing keng rus 'ba' zhig lus par byed do/ /de nas yang las kyi dbang gis lus kun rdzogs par gyur te lo bdun 'tsho bar 'gyur ro/ /de nas 'chi ba'i dus byed par 'gyur te/ de nas 
dgon par rus sbal gyi skye gnas su skye la de na chu'i ming yang mi grag cing shing grib kyang med de nyi tshan gyis lus gdungs shing tshig la bye tshan za zhing bya rog dag gis lus btogs nas lus dum bur 'gyur ro/ /de nas yang las kyi dbang gis lus byung nas zhig par 'gyur 
te lo lnga tshang bar de ltar 'gyur ro/ /de nas 'chi ba'i dus byed par 'gyur te bA rA Na sI de nyid du 'bab chu chen po'i nya chen por skye bar 'gyur ro/ /de nas yang las kyi dbang gis gang na chu med pa der 'phangs nas lus chen po de la sbrul gdug pa dang / bya rog dang / sre 
mo dang / khyi dang / gzig dang / dred dang / ce spyang la sogs pas za'o/ /srog chags sna tshogs pa gzhan dag gis kyang za'o/ /de nas yang las kyi dbang gis lus byung zhing za bar 'gyur te lo gsum du de ltar 'gyur ro/ /de nas yang 'chi ba'i dus 
byas nas khyim bdun du skye zhing 'dzam bu'i gling gi sdug bsngal myong bar 'gyur te/ mdze can gyi khyim dang / dbul po'i khyim dang / g.yung po'i khyim dang / shan pa'i khyim dang / rigs ngan gyi khyim dang / gdol pa'i khyim dang / dmus long gi khyim 
du skye ste lo drug cu'i bar du sdug bsngal myong bar 'gyur ro/ /sdug bsngal de dag myong nas de nas shi 'phos te/ sems can dmyal ba chen po bcu drug tu bskal pa brgyad cu rtsa bzhir sdug bsngal myong bar 'gyur ro/ /lha'i dbang po de lta bu'i sdug bsngal 

</font><hr>90-1-252a<br><font size=+1>

chen po nyams su myong bar 'gyur ro/ /ci ste brgya la mi'i lus thob na yang dbul ba dang yan lag ma tshang ba dang / shes rab chung ba dang / yi ge mi shes pa dang / sangs rgyas dang / chos dang / dge 'dun dang bral ba dang / 'jig rten thams 
cad kyis dmad pa dang / rtag tu skom pa dang / bkres pa sems pa dang / tshe thung zhing nad mang bar 'gyur ro/ /de nas lha'i dbang po brgya byin gyis lha'i bu nor bu'i snying po dri ma med pa'i gtam ngan thos nas bcom ldan 'das kyi spyan sngar shin tu 'jigs skrag ste yid mi 
dga' nas 'di skad ces gsol to/ /bcom ldan 'das bdag re ba ma mchis par gyur to/ /bdag la skyabs bgyid pa ma mchis so/ /bcom ldan 'das kyis bka' stsal pa/ lha'i dbang po 'chi bdag gi chad pa chen po'i gnyen po yod kyi de bas na re ba med par 
ma byed cig /des phyi ma'i tshe phyi ma'i dus na sems can de dag 'chi ba'i dus kyi tshe bde bar 'chi ba'i dus byed par 'gyur ro/ /sems can dmyal ba dang / dud 'gro'i skye gnas thams cad las yongs su thar bar 'gyur ro/ /dran pa tsam gyis sgrib pa thams 
cad byang bar 'gyur ro/ /tshe ring por 'gyur ro/ /shin tu yongs su dag pa'i lus thob par 'gyur ro/ /de nas lha'i dbang po brgya byin dang / rgyal po chen po bzhi dang / tshangs pa dang / khyab 'jug dang / dbang phyug chen pos bcom ldan 'das ga la ba de 
logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das re ba 'phel bar mdzad du gsol/ bcom ldan 'das lha thams cad bskyab tu gsol/ bcom ldan 'das skye dgu'i 'jig rten thams cad bsgral 
du gsol/ bcom ldan 'das 'chi ba'i 'jigs pa zhi bar mdzad du gsol/ bcom ldan 'das sems can dmyal ba'i sdug bsngal mi bzad pa bsal du gsol/ bcom ldan 'das ci chos kyi rgyal po gshin rje dgug tu gsol/ bcom ldan 'das gling 

</font><hr>90-1-252b<br><font size=+1>

bzhi ba'i 'jig rten gyi khams kyi sems can rnams dbugs dbyung du gsol/ bcom ldan 'das sum cu rtsa gsum pa'i lha'i gnas la gzigs su gsol/ bcom ldan 'das phyogs bcu'i 'jig rten gyi khams na phyogs bcu kun gyi de bzhin gshegs pa'i ye shes 
kyi phyag rgya chen pos gdab tu gsol/ de bzhin gshegs pa'i byin gyis brlabs kyis byin gyis brlab tu gsol/ bcom ldan 'das bdag cag la thugs brtse ba'i slad du gnyen po ston pa chen po bshad du gsol/ bde bar gshegs pa bshad du gsol/ de nas 
bcom ldan 'das de bzhin gshegs pa shAkya thub pas de skad ces gsol pa thugs su chud nas/ rnam pa kun tu rnam par gzigs pa zhes bya ba'i ting nge 'dzin la snyoms par zhugs so/ /ting nge 'dzin de la snyoms par zhugs ma thag tu rnam pa kun zhes bya ba'i 'od zer 
gtsug tor gyi dbus nas byung nas/ des phyogs kun tu snang bar byas te/ rin po che'i gdugs lta bur nam mkha' la 'dug pa dang / bcom ldan 'das kyis 'dzum pa mdzad de gzigs nas lha'i dbang po brgya byin la 'di skad ces bka' stsal to/ /lha'i dbang 
po kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la rnam par lta ba zhes bya ba'i gzungs sngags zung shig /phyag rgya 'di ni gang gA'i klung bye ba khrag khrig 'bum phrag drug cu rtsa gnyis kyi bye ma 
snyed kyi de bzhin gshegs pa rnams kyis gsungs shing rjes su yi rang ba'o/ /gzungs sngags 'di mthong ba dang thos pa tsam gyis sdig pa dang / sgrib pa dang / sems can dmyal ba dang / dud 'gro dang / ngan 'gro'i 'jigs pa thams cad las rnam par 
grol bar 'gyur ro/ /sngon gyi las kyi sgrib pa thams cad kyang rnam par 'jig par 'gyur zhing / sems can dmyal ba thams cad kyang 'jig par 'gyur te/ dper na me yis rtswa bsregs pa/ /rlung gis thal ba myur du ded/ /de bzhin tshe rabs snga ma la/ /bsags 

</font><hr>90-1-253a<br><font size=+1>

pa'i sdig pa thams cad sreg/ /dper na char pa 'bab 'gyur te/ /ri la 'bab chu babs pa yis/ /sa yi steng gi phyag dar dang / /nyal nyil thams cad 'ded par 'gyur/ /de bzhin gzungs 'di mthong ba dang / /thos pa tsam gyis sdig pa 'byang / /dper 
na me yis gser sbyangs pa/ /sos gcad rung bar snyi bar 'gyur/ /de bzhin bzlas brjod byas tsam gyis/ /lus sbyong 'gyur te the tshom med/ /dper na nyi ma shar gyur na/ /'od zer kun du rab tu 'byung / /de bzhin su zhig gzungs 'chang ba/ /de yi lus kyang 
rnam par mdzes/ /dper na skam por nya 'gre ldog /chu dang bral bas 'chi sgor 'gro/ /la las slar yang chur bor bas/ /de na gnas shing yang rtse'o/ /de bzhin dran pa tsam gyis kyang / /mi rnams tshe ni zlog par byed/ /lha'i dbang po gzungs sngags bstan 
gyis nyon cig /na maHsarba ta thA ga tA nAM/ oM ma hA tsin+tA ma Ni dz+wa la na/ sA ga ra gam+b+hi re/ A kar+Sha ya/ A kar+Sha ya/ A yun+d+ha ra/ A yun+d+ha ra/ san+d+ha ra/ san+d+ha ra/ k+Sha Na k+Sha Na/ k+She Ni k+She Ni/ k+Shu Nu k+Shu Nu/ sarba ta thA ga ta ma hA sa ma ya/ tiSh+Tha tiSh+Tha/ ma hA b+hu ba na/ 
sA ga ra/ saM sho d+ha ya/ mAM sarba satwAMsh+tsa/ b+ha ga ba ti/ sarba pA paM bi ma la/ dza ya dza ya/ dza ya lab+he/ s+phu Ta s+phu Ta/ s+pho Ta ya s+pho Ta ya/ bi ga ta A ba ra Ni/ b+ha ya ha ra Ni/ hU~M hU~M hU~M/ /mr-i t+yu daN+Da d+ha re/ a b+ha ya pra de/ uSh+Ni Sha bya ba lo ki te/ sa man+ta mu She/ sa man+ta 
bya ba lo ki te/ ma hA mA yi/ ma hA pA sha d+ha re/ a mo g+ha bi ma le/ A kar+Sha ya/ A kar+Sha ya/ A kaD+D+ha ya/ A kaD+D+ha ya/ b+ha ra b+ha ra/ sam+b+ha ra sam+b+ha ra/ in+d+ri ya bi sho d+ha ni/ b+hU Shi ta b+hu dze/ ma hA mu drA bi lo ki te/ dza ya ja ya/ sid+d+he sid+d+he/ bud+d+ha bud+d+ha/ bod+ha ni bo d+ha ni/ saM bo d+ha 
ni saM bo d+ha ni/ sho d+ha ni sho d+ha ni/ saM sho d+ha ni saM sho d+ha ni/ bi sho d+ha ni bi sho d+ha ni/ ha ra ha ra/ ma ma sarba pA paM/ sarba ta thA ga ta ku la b+hu dze/ sa ma ya tiSh+The/ pra sa ra tu ma ma puN+ye/ bi na sh+yan+tu pA paM/ sarba kilbi Shaha re/ ma Ni bi shud+d+he/ sho d+ha ya bi ma le/ bi kA si ta pad+me/

</font><hr>90-1-253b<br><font size=+1>

gab tsaMta b+hudze/ ShaD+pA ra mi tA pa ri pU ra Ni/ sarba ta thA ga toSh+NI Sha bi lo ki te swA hA/ sarba ta thA ga ta gu h+ya a d+hiSh+ThA na a d+hiSh+Thi te swA hA/ A yurda de swA hA/ pu N+ya da de swA hA/ pu N+ya bi li ki te swA hA/ pu N+ya a ba lo ki te swA hA/ mr-i t+yu daN+De swA hA/ ya mad N+DeswA hA/ 
ya ma dU te swA hA/ saM ha ra Ni swA hA/ sam+b+ha ra Ni swA hA/ san+d+ha' ra Ni swA hA/ pra ti sa ra Ni swA hA/ o dzo ba te swA hA/ te dzo ba ti swA hA/ dza ya ba ti swA hA/ sarba ta thA ga ta mu drA a d+hiSh+ThA na a d+hiSh+Thi te swA hA/ lha'i dbang po gzungs sngags 'di lha'i bu nor bu'i 
snying po dri ma med pa la rjes su ston cig /des ni khyod kyis lha'i bu de la yun ring por phan pa dang / bde bar 'gyur ro/ /kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la rnam par lta ba'i 
gzungs sngags 'di bris la mchod rten gyi nang du gzhug go/ /mchod rten sar pa'am rnying pa bcos pa yang rung ste de'i nang du gzhug go/ /spos dang / byug pa yang phul la gzungs kyi rig sngags brgya rtsa brgyad dran par bya zhing lan brgya rtsa brgyad bsgom par bya'o/ /
nyin zhag gcig la nyin lan gsum mtshan lan gsum dran par bya'o/ /de nas nyi ma shar ba dang shar phyogs su bltas te spos kyi dkyil 'khor byas la/ nyi ma logs su me tog gis gtor ro/ /a ka ru dang / du ru ska'i bdug pas bdugs te/ de 
bzhin gshegs pa thams cad la phyag byas la lan brgya rtsa brgyad bzlas brjod bya'o/ /mchod rten brgya rtsa brgyad btab pa la rig sngags kyi snying po 'di bris te mchod rten gyi nang du bcug nas dkyil 'khor gyi steng du bzhag na gang gA'i klung gi bye ba khrag khrig 
'bum phrag dgu bcu rtsa dgu'i bye ma snyed kyi de bzhin gshegs pa rnams kyi sku gdung dang ring bsrel mchod rten re re'i nang du bcug par 'gyur ro/ /ring bsrel gyi snying por yang 'gyur ro/ /snying po 'di bris la gzhug go/ /oM na ma s+t+rai ya d+h+wi kA nAM/ sarba 

</font><hr>90-1-254a<br><font size=+1>

ta thA ga ta hr-i da ya gar+b+he dz+wa la dz+wa la/ d+harma d+hA tu gar+b+he saM b+ha ram ma A yuH/ saM shoDa ya/ saM sho d+ha ya/ ma ma sarba pA paM/ sarba ta thA ga ta sa man+toSh+NI Sha bi ma la bi shud+d+he/ hU~M hU~M hU~M/ a~M baM saM dzaHswA hA/ kun nas sgor 'jug pa'i 
'od zer gtsug tor dri ma med par snang ba zhes bya ba dus gsum gyi de bzhin gshegs pa thams cad kyi snying po 'di la gus par byas te mchod rten gyi las byas na tshe zad pa las slar nur te tshe ring por sbyong bar byed do/ /gal te shi 'phos na yang sbrul gyi pags 
pa brjes pa bzhin du lus bor nas skal ba mnyam pas 'jig rten gyi khams bde ba can du 'gro bar 'gyur ro/ /'chi ba'i sdug bsngal myong bar mi 'gyur ro/ /phyin chad nam yang 'chi ba'i tshor ba myong bar mi 'gyur ro/ /phyin chad sems can dmyal ba dang / 
dud 'gro dang / gshin rje'i 'jig rten dang / ngan 'gror 'gro zhing skye bar mi 'gyur ro/ /phyin chad sems can dmyal ba pa'i sgra rna lam du yang grag par mi 'gyur na 'bras bu rnam par smin par 'gyur ba lta ci smos te de ni gnas med do/ /de nas lha'i 
dbang po brgya byin gyis rig sngags 'di bcom ldan 'das las bzung nas lha'i bu nor bu'i snying po dri ma med pa dang lhan cig tu nam langs pa dang rang gi gnas su song ste/ de bzhin gshegs pas bka' stsal pa'i lung bzhin du cho ga go rims bzhin du mchod rten 
gyi las byas nas/ bzlas brjod kyi cho ga yang byas pa dang / byas ma thag tu lha'i bu nor bu'i snying po dri ma med pa sdug bsngal thams cad nye bar zhi nas sdig pa thams cad dang bral te/ lus rnam par dag nas pags pa'i mdog ni gser gyi kha dog lta bur 
gyur/ skra dang mig ni mthon mthing lta bur gyur/ de bzhin gshegs pa thams cad ni mngon du mthong / nam mkha'i dbyings nas de bzhin gshegs pas legs so legs so zhes bya ba'i gsung ni phyung ngo / /de nas lha'i bu de sgrib pa dang bral ba'i lus 

</font><hr>90-1-254b<br><font size=+1>

su gyur par mthong nas ya mtshan cher bzung ste rab tu dga' nas/ a la la sangs rgyas/ a la la rig sngags/ a la la chos/ 'bras bu 'phral du ston pa bcom ldan 'das de bzhin gshegs pa shAkya thub pa/ thugs rje mchog tu che ba yid bzhin 
gyi nor bu lta bu de la phyag 'tshal lo/ /phyag 'tshal lo zhes ched du brjod pa ched du brjod do/ /de nas lha'i bu de rang gi gnas su song nas lha'i me tog dang / bdug pa dang / spos dang / phreng ba dang / byug pa sna tshogs blangs te/ lha'i gos 
dang / spud pa dang / rgyan kyang blangs nas g.yog 'khor thams cad dang / lha'i bu mo dang / lha'i tshogs dang / lha'i dbang po brgya byin la sogs pa dang / dga' ldan gyi gnas su dong ste/ bcom ldan 'das ga la ba der dong nas phyin pa dang / 
bcom ldan 'das la mchod pa chan po byas te lan brgya stong du bskor ba byas nas chos mnyan pa'i phyir de nyid du bcom ldan 'das kyi spyan sngar 'dug go/ /de nas rgyal po chen po bzhi dang / tshangs pa dang / khyab 'jug dang / dbang phyug chen po dang / gnod 
sbyin gyi sde dpon chen po lag na rdo rjes bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ sug las gang gis lha'i bu nor bu'i snying po dri ma med pa la mi bzad cing shin tu tsha ba'i 
'bras bu rnam par smin pa rnams 'byung bar 'gyur/ bcom ldan 'das kyis bka' stsal pa/ skyes bu dam pa dag legs so legs so/ /skyes bu dam pa dag legs par dris so/ /de'i phyir nyon cig dang bshad par bya'o/ /lag na rdo rje sngon byung ba 
'das pa'i dus na lho phyogs kyi rgyud na yangs pa 'khyil ba zhes bya ba'i grong khyer yod de/ de na bram ze dri ma med pa zhes bya ba mkhas pa/ byang ba/ gsal ba/ yid gzhungs pa/ gzugs bzang zhing mdzes pa/ blta na sdug pa/ mdog bzang po rgyas pa mchog dang ldan pa/

</font><hr>90-1-255a<br><font size=+1>

dad pa dang ldan pa/ dge ba'i bsam pa can rig pa smra ba zhig gnas te/ de rig sngags kyi rgyal mo 'di rjes su sems shing sgom la mang du byed de/ sems can thams cad la phan par 'dod do/ /de nas grong khyer de nyid na khyim bdag rab 
snang zhes bya ba phyug pa/ nor che ba/ longs spyod che ba/ g.yog 'khor mang ba zhig gnas te/ khyim bdag de ni dad pa dang mi ldan zhing gzhan mu stegs can la dad do/ /bram ze de ni khyim bdag de la yang dang yang rig sngags kyi rgyal mo 'di snying po dang bcas 
pa sgrogs kyang khyim bdag de ni de la dad pa'i sems mi skyed kyi/ de 'di snyam du sems te/ ngas bram ze 'di dum bu dum bur gtubs la nya dang rus sbal bsregs pa bzhin du bor te khar ngan skyugs kyis dgang ngo snyam mo/ /des 'di snyam du bsams ma 
thag tu khyim bdag de la sha bkra dang / mdze'i nad kyis btab bo/ /de nas 'chi ba'i dus byas nas 'chi kar sdug bsngal gyi tshor ba chen po myong ste/ shi nas sems can dmyal ba chen po mnar med par skyes nas/ der bskal pa'i tshad du sdug bsngal 
gyi tshor ba myong ngo / /de nas shi 'phos nas nya dang / phag dang / rus sbal gyi nang du bskal par sdug bsngal myong ngo / /de nas 'chi ba'i dus byas nas sems can dmyal ba thig nag tu skyes te/ der yang bskal pa'i tshad du sdug bsngal chen po myong ngo / /
de nas shi 'phos nas grong khyer de nyid du dmus long gi khyim du skyes te/ dmus long du gyur nas phan tshun du slong mo la song ba dang / gtsug lag khang zhig tu phyin pa na/ de na dge slong snying rje la gnas pa zhig 'dug ste/ des de mthong nas byams pas rgyas par 
byas te zas byin no/ /rig sngags kyi rgyal mo 'di yang bsgrags so/ /dmus long des gzungs sngags 'di thos pa dang tshe rabs dran par gyur nas bram ze de yang dran te/ rjes su sems shing kye ma'o mi bzad pa'i las byas so snyam nas ngo tsha dang / khrel yod 

</font><hr>90-1-255b<br><font size=+1>

par gyur te/ 'chi ba'i dus byas pa dang gzungs sngags 'di'i mthus sum cu rtsa gsum pa'i lha'i nang du skyes te/ gzhal med khang chen po'i nang na lha'i bu mo'i tshogs kyis bskor cing lha'i longs spyod chen po myong bar gyur to/ /de'i tshe de'i dus na khyim bdag dmus 
long du gyur ba de gzhan zhig yin snyam du khyod dogs shing the tshom za 'am yid gnyis su gyur na de ltar mi blta ste/ lha'i bu nor bu'i snying po dri ma med pa 'di nyid do/ /lag na rdo rje de lta bas na sdom pa gsum gyis bsdam par bya'o/ /lag na rdo rje las des 'bras 
bu rnam par smin pa sdug bsngal gyi tshor ba 'di lta bu myong ngo / /lha'i bu 'dis byang chub kyi snying po'i mthar thug gi bar du las kyi 'bras bu tha ma 'di myong ngo / /lag na rdo rje de'i tshe de'i dus na bram ze dri ma med par gyur pa de gzhan zhig yin snyam du khyod dogs 
shing the tshom mam yid gnyis su gyur na/ de ltar mi blta ste/ lag na rdo rje khyod nyid do/ /dmus long la gzungs sngags 'di sgrogs pa'i dge slong de ni 'jam dpal gzhon nur gyur pa 'di nyid yin te/ de'i tshe de'i dus na dge slong du gyur to/ /
de nas lha'i 'khor mang po des sngon byung ba 'di thos nas rmad du byung bar gyur/ dga' ba thob par gyur te/ ca co dang ga zha'i sgra chen po phyung nas/ a la la de bzhin gshegs pa'i dam tshig rig sngags 'di'i mthu ni yid bzhin gyi nor bu rin po che lta bu'o zhes 
ched du brjod pa ched du brjod do/ /de nas 'khor de las lha'i bu khri nyis stong ni phyir mi ldog par gyur to/ /lha'i bu mo bye ba phrag 'bum ni bud med kyi dbang po dang bral nas skyes pa'i dbang po byung ste phyir mi ldog pa nyid la gnas so/ /de nas bcom ldan 
'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das gzungs kyi tshig rig sngags kyi rgyal mo 'di ni mthu che ba/ phan yon che ba lags so/ /bcom ldan 'das ji ltar slad ma'i tshe slad ma'i dus 

</font><hr>90-1-256a<br><font size=+1>

na sems can rnams la phan pa dang bde bar 'gyur zhing / gang gis sems can dmyal ba dang / dud 'gro'i skye gnas nas yongs su grol bar 'gyur ba'i sgrub pa'i cho ga bshad du gsol/ bcom ldan 'das kyis bka' stsal 
ba/ lag na rdo rje gzungs sngags 'di'i phan yon dang / sgrub pa'i cho ga 'di nyon cig /'di ltar phyi ma'i tshe phyi ma'i dus na rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen mas 
rig sngags kyi rgyal mo 'di dus gcig tu dran par bya'o/ /ring bsrel gyi snying po'am/ de bzhin gshegs pa'i ring bsrel gyi snying po can gyi mchod rten la bskor ba bya'o/ /yid bzhin gyi nor bu rin po che 'di gnyis kyang dus gcig tu dran par bya'o/ /des 
ni gang gA'i klung gi bye ma snyed khrag khrig phrag 'bum gyi bye ma snyed kyi de bzhin gshegs pa rnams la dge ba'i rtsa ba bskyed par 'gyur ro/ /bsod nams chen po dang ldan par 'gyur ro/ /mtshams med pa lnga'i las kyi sgrib pa rnams kyang yongs su byang bar 
'gyur ro/ /sems can dmyal ba dang / dud 'gro'i skye gnas dang / gshin rje'i 'jig rten gyi ngan song rnams las yongs su thar bar 'gyur ro/ /tshe ring por 'gyur ro/ /sbrul gyi pags pa brjes pa bzhin du lus bor nas skal ba mnyam pa'i 
phyir 'jig rten gyi khams bde ba can du 'gro bar 'gyur ro/ /phyin chad mngal gyi gnas kyi dri mas mi gos par 'gyur ro/ /gang dang gang du skye ba de dang der brdzus te skye zhing pad+ma las skye bar 'gyur ro/ /tshe rabs thams cad du tshe rabs dran par 'gyur ro/ /rtag 
tu de bzhin gshegs pa thams cad la lta 'dod par 'gyur ro/ /bsam pa thams cad yid bzhin du yongs su rdzogs par 'gyur ro/ /gal te cho ga bya bar 'dod na des khrus byas la gos sar pa bgos te/ spos kyi dkyil 'khor gru bzhi pa bya'o/ /

</font><hr>90-1-256b<br><font size=+1>

snying po'i rig sngags gro ga la bri bar bya'o/ /mchod rten lnga gdab par bya'o/ /rig sngags 'di yang mchod rten gyi nang du gzhug par bya'o/ /mchod rten bzhi ni grwa bzhir gzhag go/ /gcig ni dkyil 'khor gyi dbus su gzhag go/ /shing bu 
btsugs te ba dan dmar po dpyang bar bya'o/ /me tog gis gtor ro/ /bum pa gang ba lnga gzhag go/ /grwa bzhi dpog por bzhi nas du ru ska dang / a ka ru dang / tsan+dan dang / gu gul gyi bdug pas bdug par bya'o/ /spos kyi mchod yon gyi 
snod bzhi gzhag par bya'o/ /yid bzhin gyi nor bu rin po che 'di gnyis kyang lan brgya rtsa brgyad bzlas brjod bya'o/ /snying po'i sngags brjod cing dkyil 'khor la bskor ba brgya rtsa brgyad bya'o/ /nad kyis btab pa dang / gnod pa dang / nad tshabs che ba 
dang / tshe zad pa dang / dus ma yin par 'chi bas 'jigs pa dang / rgyal po dang / pha rol gyi dmag tshogs kyis skrag pa dang / bu 'dod pa dkyil 'khor la mngon par phyogs par gzhag go/ /rma bya'i sgro lngas byab par bya'o/ /mchod rten gyi 
dkyil 'khor la mchod par bya'o/ /cho ga 'di lan cig byas na bskal pa 'bum du bsags pa'i las kyi sgrib pa dang bral nas sgrib pa med par 'gyur ro/ /nad thams cad dang / nyon mongs pa thams cad dang / sems can dmyal ba dang / dud 
'gro'i skye gnas dang / gshin rje'i 'jig rten gyi ngan song thams cad dang / 'jigs pa thams cad las yongs su thar bar 'gyur ro/ /'jig rten pa dang / 'jig rten las 'das pa'i sdug bsngal dang / sgrib pa dang / sdig pa dang / 
gdug pa thams cad tshe rabs gcig nas gcig tu brgyud de/ byang chub kyi snying po'i mthar thug gi bar du rnam par 'jig par 'gyur ro/ /tshe zad pa yang phyir nur zhing tshe ring bar 'gyur ro/ /yun ring du nad kyis brnyongs te sha zad pa yang lus 

</font><hr>90-1-257a<br><font size=+1>

yongs su rdzogs par 'gyur ro/ /lus shin tu yongs su dag par 'gyur ro/ /bsam pa yang yid bzhin du yongs su rdzogs par 'gyur ro/ /phyin chad 'chi bdag gi sgo'i sdug bsngal mi mthong bar 'gyur ro/ /sbrul gyi pags 
pa brjes pa bzhin du lus bor nas skal ba mnyam pa'i phyir/ 'jig rten gyi khams bde ba can du 'gro bar 'gyur ro/ /gang dang gang du skye ba de dang der pad+ma las skye bar 'gyur ro/ /thams cad du rgyan thams cad kyis brgyan par 'gyur ro/ /skye ba 
thams cad du tshe rabs dran par 'gyur ro/ /'di'i bzlas brjod kyi cho ga bzhin du nyin gcig bzhin du dus gsum du lan nyi shu rtsa gcig bzlas brjod byas na de'i sdig pa'i sgrib pa dang / nyon mongs pa thams cad las rnam par grol bar 'gyur ro/ /bzlas 
brjod cho ga bzhin du lo gcig tshang bar byas na 'jigs pa med par lta ba kun nas sgo'i 'od zer zhes bya ba'i ting nge 'dzin 'thob bo/ /phyogs bcu'i sangs rgyas kyi zhing thams cad du de bzhin gshegs pa thams cad mthong bar 'gyur ro/ /dri ma med par 
rnam par dag pa 'bar ba'i gzi brjid ces bya ba'i lus yongs su dag pa 'thob par 'gyur ro/ /tshe rnam par dag pa thob par 'gyur ro/ /gang gA'i klung bye ba khrag khrig 'bum phrag brgyad cu rtsa gnyis kyi bye ma snyed kyi de bzhin gshegs pa rnams la 
dge ba'i rtsa ba bskyed par 'gyur ro/ /tshe rabs gcig nas gcig tu brgyud pa rnams su yang shin tu yongs su dag par 'gyur ro/ /sangs rgyas kyi zhing gang dang gang du 'gro 'dod pa der 'gro bar 'gyur ro/ /sbrul gyi pags pa brjes pa bzhin 
du lus bor nas skal ba mnyam pa'i phyir 'jig rten gyi khams bde ba can du skye bar 'gyur ro/ /'chi bdag gi sgo mi mthong zhing rmi lam lta bur kun tu shes so/ /tshes brgyad dam/ bcu bzhi 'am/ bcwa lnga la yid bzhin gyi nor bu rin po che chen po'i 

</font><hr>90-1-257b<br><font size=+1>

gzungs sngags 'di gnyis lan brgya rtsa brgyad bzlas brjod byas shing ring bsrel dang bcas pa'i mchod rten la bskor ba byas na bzlas brjod byas pa tsam gyis 'phral du mchod rten la sgra 'byung ste/ legs so zhes bya ba sbyin par 'gyur ro/ /'phral du sdig pa'i 
sgrib pa dang / nyon mongs pa thams cad dang / 'dod chags dang / zhe sdang dang / gti mug gi dri ma dang / ser sna dang / phrag dog dang bral bar 'gyur ro/ /lus dri ma med cing yongs su dag par 'gyur ro/ /skyes pa'am/ bud 
med dam/ khye'u'am/ bu mo gang dang gtam byas pa de dag thams cad kyang sdig pa rnams las grol bar 'gyur ro/ /dud 'gro'i skye gnas su song ba la smras na yang dud 'gro'i skye gnas su gtogs pa thams cad las yongs su thar bar 'gyur ro/ /
bya'i tshogs thams cad la smras na yang bya'i tshogs thams cad yongs su grol bar 'gyur ro/ /tha na khyi dang / rus sbal dang / sbrul dang / byi la dang / sre mo dang / srog chags sna tshogs la smras na yang thams cad yongs su grol bar 'gyur 
ro/ /bye ma la lan nyi shu rtsa gcig bzlas brjod byas te dur khrod du gtor na/ gang gi rus pa la phog pa de dag sems can dmyal ba gang dang gang du skyes pa de dang de nas yongs su thar te mtho ris su skye bar 'gyur ro/ /gang dag mtho ris su 
skyes pa de dag gi lus la me tog gi char 'bab par 'gyur ro/ /gcan gzan dang / bya sna tshogs gang dag dur khrod der 'gro ba de dag thams cad kyang bde 'gror 'gro bar 'gyur ro/ /ri la gtor na ri dgas dang / bya rgyu ba de dag thams cad 
bde 'gror 'gro bar 'gyur ro/ /kun nas sgor 'jug pa'i 'od zer gtsug tor dri ma med par snang ba dus gsum gyi de bzhin gshegs pa'i snying po lan brgya stong bzlas brjod byas na/ gal te mtshams med pa lnga byed pa dag mnar med par lhung nas gdung bas 

</font><hr>90-1-258a<br><font size=+1>

bsregs pa las 'phral du yongs su thar bar 'gyur ro/ /lan 'bum bzlas brjod byas na/ gal te mgul nas thag pas btags te khrid pa yang gshin rje'i gnas nas 'phral du ldog par 'gyur ro/ /de'i 'jigs pa chen po las yongs su grol 
bar 'gyur ro/ /sems can dmyal ba thams cad kyang rnam par zhi zhing rnam par 'jig par 'gyur te the tshom med do/ /chos kyi rgyal po gshin rje yang bran bzhin du sems shing 'dug go/ /lus bsam gtan gyi lam bzhin nam/ sbrul gyi pags pa brjes pa 
bzhin du lus bor nas 'jig rten gyi khams bde ba can du mngon par dga' zhing 'gro bar 'gyur ro/ /'chi bdag gi sdug bsngal mi mthong bar 'gyur ro/ /'bum bris te mchod rten gyi nang du bcug na/ 'bum tshang nas mchod rten thams cad 'bar bar 'gyur ro/ /
bdag kyang 'bar bar 'gyur ro/ /nges par 'phral du phyir mi ldog par 'gyur ro/ /sa bcu la gnas par 'gyur ro/ /gang gA'i klung bye ba khrag khrig 'bum phrag dgu bcu rtsa dgu'i bye ma snyed kyi bcom ldan 'das de bzhin gshegs pa rnams la dge ba'i rtsa ba 
bskyed cing lung bstan pa thob par 'gyur ro/ /de nas mchod rten chen po gcig gi nang du bcug ste shing bu bsgreng ba byas na dus gsum gyi de bzhin gshegs pa'i ring bsrel gyi snying po 'bum gyi mchod rten zhes bya'o/ /gang dag de las bya ba rnams byed pa 
de dag thams cad kyang phyir mi ldog par 'gyur ro/ /bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /tha na dud 'gro'i skye gnas su gtogs pa rnams dang / gzhan yang srog chags kyi rigs sna 
tshogs gang dag der 'dong ba de dag kyang phyir mi ldog par 'gyur ro/ /tha na grib mas phog na yang yongs su grol bar 'gyur na bkur sti mang du byed pa lta smos kyang ci dgos te/ 'di'i yon tan dang phan yon ni brjod par mi nus so/ /de nas 

</font><hr>90-1-258b<br><font size=+1>

gnod sbyin gyi sde dpon chen po lag na rdo rje dang / rgyal po chen po bzhi dang / tshangs pa dang / khyab 'jug dang / dbang phyug chen po dang / dga' ldan gyi gnas na gnas pa'i lha'i bu de dag dang / brgya byin la sogs pa sum cu rtsa gsum gyi ris kyi lha'i 
bu rnams dang / lha'i bu nor bu'i snying po dri ma med pa dang / de dag thams cad bcom ldan 'das ga la ba der song ste phyin nas/ bcom ldan 'das la lan gsum bskor ba byas te/ bcom ldan 'das ga la ba de logs su thal mo sbyar ba 
btud nas/ bcom ldan 'das la 'di skad ces gsol to/ /bcom ldan 'das gzungs sngags mthu chen po 'di ni yid bzhin gyi nor bu rin po che lta bur mthong ba dang / thos par dka' ba lags te/ bcom ldan 'das bdag 
cag lhan cig tshogs nas slad ma'i tshe slad ma'i dus na/ yid bzhin gyi nor bu rin po che 'di gzung bar bgyi'o/ /rgyas par bgyi'o/ /sems can thams cad la bsgrag par bgyi'o/ /'di 'dzin pa'i sems can chen po de'i slad 
bzhin 'brang zhing rtag tu rgyun mi 'chad par bsrung ba dang / bskyab pa dang / sba bar bgyi'o/ /bu bzhin du yongs su bskyang bar bgyi'o/ /bcom ldan 'das kyis bka' stsal pa/ grogs po dag legs so legs so/ /khyod kyis 
de ltar gyis shig /rig sngags kyi rgyal mo yid bzhin gyi nor bu rin po che 'di ngas khyod la gtad do/ /'phags pa kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la 
rnam par lta ba zhes bya ba'i gzungs rdzogs s+ho// //rgya gar gyi mkhan po dzi na mi tra dang / shI len+d+ra bo d+hi dang / zhu chen gyi lots+tsha ba ban+de ye shes sdes bsgyur cing zhus te gtan la phab pa// //

</font><hr>

</table>