@#/ /rgya gar skad du/ Ar+ya dra mi D+wa bi d+yA rA dza/ bod skad du/ 'phags pa 'gro lding ba'i rig sngags kyi rgyal po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na smyig ma'i myu gu'i 'khor gyi khyams na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis glog thams cad zlog pa/ so sor 'brang ba sngon gyi yang dag par rdzogs pa'i sangs rgyas rnams kyis gsungs pa nga yang de ltar 'chad kyis zung shig /kun dga' bo shar phyogs na 'ong ba zhes bya ba'i glog yod/ kun dga' bo lho phyogs na skad brgya zhes bya ba'i glog yod/ /kun dga' bo nub phyogs na 'od nyams pa zhes bya ba'i glog yod/ kun dga' bo byang phyogs na rgyun gyi bdag po zhes bya ba'i glog yod do/ /kun dga' bo gang la la glog 'di rnams kyi ming shes pa dang / phyogs rnam par gnas pa shes pa de la glog gis 'jigs pa thams cad du mi 'byung bar shes par bya'o/ /glog gi ming 'di dag yi ger bris te/ gnas gang dag tu gzhag pa'i gnas de dag tu glog thams cad mi 'bab po/ /de nas bcom ldan 'das kyis de'i tshe 'gro lding ba'i gsang sngags gzhi 'di dag bka' stsal to/ /tad+ya thA/ ni mi ni ni mi ni ni mi ni ni min d+ha re/ 'jig rten gsum snang bar byed pa/ lag 91-1-43b na rtse gsum pas phyogs 'dir glog thams cad las bdag la srungs shig srungs shig swA hA/ yang de'i tshe byang chub sems dpa' sems dpa' chen po 'phags pa spyan ras gzigs dbang phyug 'khor de nyid du 'dus par gyur te 'dug pa des/ bcom ldan 'das la 'di skad ces gsol to/ /bcom ldan 'das bdag gis kyang chos kyi rnam grangs 'di la/ 'gro lding pa'i gsang sngags gzhi 'di rnams brjod par bgyi'o/ /tad+ya thA/ ha te/ bi ha te/ ni ha te/ pra t+yar+thi ke/ pra t+ya mi tre/ shud d+he/ muk+te/ bi ma le/ pra b+hA swa re/ aN+Da re/ paN+Da re/ shwe te/ paN+Da ra bA si ni/ ha ri ka ra de/ pang+gi lA k+Shi dan+ti mu khi/ dus ma yin par 'chi ba thams cad las bdag la srungs shig /srungs shig /'phags pa spyan ras gzigs dbang phyug gi gzi brjid kyis bdag gis dus ma yin par 'chi ba thams cad mthong bar ma gyur cig swA hA/ de nas gsang ba pa'i bdag po lag na rdo rjes bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag gis kyang chos kyi rnam grangs 'di la gzungs kyi tshig rnams brjod par bgyi'o/ /tad+ya thA/ mu ni mu ni/ mu ni mu ni re ri/ ma ti ma ti/ su ma ti/ ma hA ma ti/ hA hA hA hA/ khyod la sdig pa med kyis ma 'jigs shig ces lag na rdo rjes smras kyis/ dr-i D+ha swA hA/ bcom ldan 'das bdag gi bsrung ba gzhan gyis mi thub pa 'di su'i snying la 'dzin tam/ yi ger bris nas de la bdag gis rtag par rgyun du 'jigs pa thams cad las bsrung bar bgyi'o/ /dus ma lags par 'gum pa thams cad las thar bar bgyi'o/ /de nas mi mjed kyi bdag po tshangs pas bcom ldan 'das la 'di skad ces gsol to/ /bcom ldan 'das bdag gis kyang sems can thams cad kyi don dang / sman pa dang / bde ba bskyed pa'i slad du chos kyi rnam grangs 'di la gzungs kyi gsang sngags gzhi rnams brjod par bgyi'o/ /tad+ya thA/ hi li mi li/ tsi li swA hA/ brah+ma swA re swA re swA hA/ 91-1-44a brah+ma gar+b+he puSh+pa saM sta re swA hA/ bcom ldan 'das 'di ni bdag gi bsrung ba tshangs pa'i chad pa zhes bgyi ba ste/ dus ma lags par 'gum pa thams cad las yongs su skyob pa/ sdig pa thams cad rab tu zhi bar bgyid pa lags so/ /de nas lha'i dbang po brgya byin gyis/ bcom ldan 'das ga [p] de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag gis kyang chos kyi rnam grangs 'di la gzungs kyi gsang sngags gzhi rnams brjod par bgyi'o/ /tad+ya thA/ ni ba ra NI/ ban+d+ha ban+d+ha mA dan d+he/ ma ti ma ti/ ti Ti/ gau ri/ gan+d+ha ri/ tsaN+Da li/ ma taM gi/ ba ra la ni/ hI na ma d+h+ya ma d+hA ra nI ma la ni/ da la ma t+te/ tsakra pa kri/ sha ba ri sha ba ri swA hA/ btsun pa bcom ldan 'das 'di ni bdag gi rig sngags rdo rje lce 'bebs pa zhes bgyi ste/ 'jigs pa thams cad las rnam par thar bar bgyid pa/ dus ma lags par 'gum pa thams cad las yongs su skyob pa lags so/ /de nas rgyal po chen po yul 'khor srung dang / 'phags skyes po dang / mig mi bzang dang / rgyal po chen po rnam thos kyi bus bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag gis kyang skye bo mang po la sman pa dang / skye bo mang po la bde ba dang / 'jig rten la snying brtse ba'i slad du chos kyi rnam grangs 'di la gzungs kyi gsang sngags gzhi rnams brjod par bgyi'o/ /tad+ya thA/ puSh+pe puSh+pe/ d+harma ba ri ha ri/ Ar+ya pra sha ste/ nir mug+te/ mang+ga li/ stu te/ sta bi ste swA hA/ btsun pa bcom ldan 'das 'di ni rgyal po chen po bzhi po bdag cag gi bsrung ba 'jigs pa ma mchis pa zhes bya ste/ 'jigs pa thams cad las mi 'jigs par bgyid pa/ tshe skyong ba/ dus ma lags par 'gum pa thams cad las yongs su skyob pa lags so/ /de nas klu'i rgyal po rgya mtsho dang / klu'i rgyal po glog 'od dang / klu'i rgyal po ma dros pa dang / klu'i rgyal po glog 91-1-44b lce dang / klu'i rgyal po 'od zer brgya pas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag gi bsrung ba chen po yid bzhin gyi nor bu zhes bgyi ba glog thams cad zlog pa/ dus ma lags par 'gum pa thams cad sel ba/ gdug pa rnams mi gdug par bgyid pa/ gshed byed dang / byad dang / ro langs dang / bkra mi shis pa 'jig par bgyid pa mchis na/ bcom ldan 'das bdag cag klu'i skye gnas 'di nas dbyung ba dang / ser sna spang ba'i slad du thugs brtse bar dgongs te de bzhes su gsol/ de ci'i slad du zhe na/ bcom ldan 'das bdag cag klu rnams ni sems ser sna can te/ sems ser snas kun nas dkris pa lags pa'i slad du'o/ /tad+ya thA/ a ra dze/ a ma re/ a mr-i te/ a k+Sha ye/ puN+ya par+ya pa te/ sarba pA paM pra sha ma nA ye swA hA/ Ar+ya puN+ya so pa kI ye swA hA/ btsun pa bcom ldan 'das gsang sngags gzhi 'di dag skyes pa'am/ bud med gang la la'i lce la 'don tam/ yi ger bris pa de la glog gi 'jigs pa thams cad ma mchis par rig par bgyi'o/ /rtsa ba'i dug gam/ mche ba'i dug gam/ dbyig dug gam/ /gang dag gzhan yang yan lag las byung ba'i dug de dag gis de 'gum pa'i dus bgyid par mi 'gyur ro/ /bdag 'jigs pa thams cad dang / gnod pa thams cad las bde legs su gyur cig /de nas bcom ldan 'das kyis brgya byin dang / tshangs pa dang / 'jig rten skyong ba dang /klu'i bdag po de dag la legs so zhes bya ba byin te/ bzhin pa zangs dag khyed skye bo mang po la phan pa dang / skye bo mang po la bde ba'i phyir zhugs te/ chos kyi rnam grangs 'di rjes su gzung ba'i phyir 'gro lding ba'i gsang sngags kyi tshig rnams bshad pa legs so legs so/ /phyogs rnams na gnyid log pa dang / myos pa dang / rab tu myos pa rnams bsrung bar 'gyur ro/ /bcom ldan 'das kyis de skad ces 91-1-45a bka' stsal nas/ dge slong de dag dang / brgya byin dang / tshangs pa dang / 'jig rten skyong ba de dag dang / klu'i dbang po de dag dang / lha dang / mi dang / lha mi yin dang / dri zar bcas pa'i 'jig rten yi Rangs te/ bcom ldan 'das kyis gsungs pa la mngon par bstod do/ /'phags pa 'gro lding ba'i rig sngags kyi rgyal po rdzogs so// //rgya gar gyi mkhan po dzi na mi tra dang / dA na shI la dang zhu chen gyi lo ts+tsha ba ban+de ye shes sdes bsgyur cing zhus te skad gsar chad kyis kyang bcos nas gtan la phab pa// // |