@#/ /rgya gar skad du/ Ar+ya d+ha dza a gra ke yU ra nA ma d+hA ra NI/ bod skad du/ 'phags pa rgyal mtshan gyi rtse mo'i dpung rgyan ces bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das sum cu rtsa gsum pa'i lha'i nang na lwa ba dkar po lta bu'i rdo leb la bzhugs te/ de nas lha'i dbang po brgya byin lha ma yin rnams las pham/ rab tu pham nas de rtab cing rings pa'i gzugs kyis bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bdag 'di ltar lha ma yin dang g.yul bkye ba las/ lha ma yin gyi dbang po thags zangs ris las pham/ rab tu pham ste/ sum cu rtsa gsum pa'i lha rnams kyang pham/ rab tu pham na/ bcom ldan 'das bdag cag gis de ji ltar bsgrub par bgyi/ bcom ldan 'das kyis bka' stsal pa/ lha'i dbang po khyod kyis rgyal mtshan gyi rtse mo'i dpung rgyan ces bya ba gzhan gyis mi thub pa'i gzungs zung shig /ngas kyang sngon byang chub sems dpar gyur pa na de bzhin gshegs pa gzhan gyis mi thub pa'i rgyal mtshan las 'di mnos so/ /mnos nas kyang gzhan la rgya cher yang dag par bshad do/ /mngon par dran te de tshun chad 'jigs pa'am/ bag tsha ba'am/ spu zing zhes byed pa'am/ tha na skad cig yud tsam yang lus la gnod pa byung ma myong ngo / /bcom ldan 'das rgyal mtshan gyi rtse mo'i dpung rgyan ces bgyi ba gzhan gyis mi thub pa'i gzungs de gang lags/ /bcom ldan 'das kyis bka' stsal pa/ tad+ya thA/ oM dza ya dza ya/ bi dza ya bi dza ya/ dza ya bA hi ni/ shang ka ri shang ka ri/ pra b+haM ka ri/ bdag dang sems can thams cad kyi/ sarba sha trUM/ dzaM b+ha ya dzaM b+ha ya/ stam+b+ha ya stam+b+ha ya/ mo ha ya mo ha ya/ b+ha ga ba ti/ dza ya bA hi ni/ ma tha ma tha/ pra ma tha pra ma tha/ gra sa gra sa/ ha sa ha sa/ hUM hUM/ la hUM la hUM/ la mA+o da ri/ 91-1-46a tri ne tre/ tsa tur bAk+t+re/ tsa tur daM Sh+the/ tsa tur b+hu dze/ a si mu sa la/ tsakra/ tri shU la/ badzra ka ba tsa d+hA ra Ni/ bdag gnod pa thams cad las srungs shig srungs shig /oM b+ha ga ba ti/ ha na ha na/ da ha da ha/ pa tsa pa tsa/ ma tha ma tha/ pra ma tha pra ma tha/ d+hu na d+hu na/ bid+hu na bid+hu na/ hUM hUM/ phaT phaT/ b+hany+dza b+hany+dza/ pa ra sai n+yaM/bid+h+wan+sa ya/ sarba sha trUM nA sha ya/ d+h+wa dza a gra ke yU re/ tri Ta tri Ta tri Ta/ b+h+ri Ta b+h+ri Ta/ ulkA mu khi ulkA d+hA ra NI/ trai lo kya ma thA ni/ bid+h+wan+sa ya pa ra se n+yan/ bdag gnod pa thams cad las srungs shig srungs shig / tsa la tsa la/ tsi li tsi li/ tsu lu tsu lu/ kaM pa kaM pa/ ka la ka la/ ki li ki li/ ku lu ku lu/ muny+dza muny+dza/ aT+Ta hA saM bi d+h+wa n+sa ya/ pa ra sai n+yan/ bdag gnod pa thams cad las srungs shig srungs shig /trA sa ya trA sa ya/ b+h+rA ma ya b+h+rA ma ya/ bud+d+ha sa t+ye na/ d+harma sa t+ye na/ saM g+ha sa t+ye na/ sa t+ya bA di nAM/ sa t+ye na/ bud+d+ha sa t+ye mA ti kra ma/ d+harma sa t+ye mA ti kra ma/ saM g+ha sa t+ye mA ti kra ma/ sa t+ye bA di nAM/ sa t+ye mA ti kra ma/ lam+bod ri/ lam+bo da ri/ ku Ta ku Ta/ kuT+Ta kuT+Ta kuT+TA pa ya kuT+TA pa ya/ ru dra ma nA ya/ baSh+Ni ma nA ya/ tsan+d+ra sUr+ya prah+ma ma nA ya tro lokya a d+hi pa ti ma nA ya sarba de ba a d+hi pa ti ma nA ya/ sarba yak+Sha/ rak+Sha sa/ gan d+harba/ kuM b+haN+Da/ ma ho ra ga a d+hi pa ti ma nA ya/ bi d+h+wan+sa ya ba ra sai n+yaM/ raM ga raM ga /raM gA pa ya raM gA pa ya/ dz+wA la dz+wA la/ puSh+pa mA li ni/ run+d+ha run+d+ha/ ri ti ri ti/ tsi ti tsi ti/ d+h+ri ti d+h+ri ti/ b+h+r-i ku Ti/ mu kha pa ra se na gu lo ta sA da ni ka ri/ ha la ha la/ hi li hi li/ hu lu hu lu/ he he/ ri ni ri ni/ ri ni ma ti/ dzaM b+ha d+h+wa dze/ sarba bud+d+ha/ a ba lo ki te/ bdag 'jigs pa thams cad las srungs shig srungs shig /sarba ta thA ga ta a pa lo ki te swA hA/ gu Na rA dza pra b+ha sot+ta me swA hA/ sUr+ya arka bi ma le swA hA/ tsan+d+ra arka bi ma le swA hA/ sarba gra ha na k+Sha tra d+he mI ka ra Ne swA hA/ bdag 'jigs pa dang / gnod pa dang / nad 'go ba dang / 'khrug pa thams cad las srungs shig srungs shig swA hA/ lha'i rgyal po rgyal 91-1-46b mtshan gyi rtse mo'i dpung rgyan ces bya ba gzhan gyis mi thub pa'i gzungs 'dis khyod g.yul sprod pa'am/ 'thab pa'am/ rtsod pa'am/ 'gyed pa'am/ gang du 'gro yang rung ste mi 'jigs shing thams cad du rgyal bar 'gyur ro/ /rgyal mtshan gyi rtse mo'am/ mgul du btags na mi'i rgyal po dang / skyes bu dpa' bo thams cad la srung bar byed do/ /bud med kyi gzugs lta bur bsgyur nas mdun du 'dug ste mi 'jigs pa sbyin zhing srung bar byed/ dpal skyed par byed/ pha rol gyi sde spa bkong bar byed/ bkra shis pa dang / gtsang ba dang / grags pa dang / dpal dang / phun sum tshogs pa kun tu gnas par byed do/ /bcom ldan 'das kyis de skad ces bka' stsal nas/ lha'i dbang po brgya byin dang / lha dang / mi dang / lha ma yin dang / dri zar bcas pa'i 'jig rten yi rangs te/ /bcom ldan 'das kyis gsungs pa la mngon par bstod do/ /'phags pa rgyal mtshan gyi rtse mo'i dpung rgyan ces bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang zhu chen gyi lo ts+tsha ba ban+de ye shes sdes bsgyur cing zhus te skad gsar bcad kyis kyang bcos nas gtan la phab pa// // |