@#/ /rgya gar skad du/ Ar+ya ba hu pu tra pra ti sa ra nA ma d+hA ra NI/ bod skad du/ 'phags pa bu mang po rton pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe khyim bdag mgon med zas sbyin bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bdag deng 'dir rgyal po gsal rgyal dang 'thab rtsod mtshang brus te bkye bar gyur na/ bcom ldan 91-1-52b 'das de la bdag gis ji ltar sgrub par bgyi/ de skad ces gsol pa dang /bcom ldan 'das kyis khyim bdag mgon med zas sbyin la 'di skad ces bka' stsal to/ /khyim bdag de'i phyir khyod kyis bu mang po rton pa zhes bya ba'i rig sngags 'di zung shig /chongs shig / lhogs shig /kun chub par gyis shig /tad+ya thA/ da De/ ba da De/ u pa da Da da De/ u pa da De da Da/ gam b+hi rI/ a brta ne/ ni brta ne/ d+ha hi d+ha hi/ a brta ni/ bdag gi/ sarbe shA na karmi/ kA nA~M/ pra t+yar+thi kA nA~M/ pra t+ya mo tri NA~M/ tsak+Shurmo hA nA~M/ ka ro mi/ shro tra mo hA nA~M ka ro mi/ dzi hwA grA NAM ka ro mi/ dzi hwA ma hA dzaM b+hA nA~M/ sta~M b+hA nA~M/ mo hA nA~M/ pra mo hA nA~M/ khyim bdag gang la la zhig bu mang po rton pa'i gzungs 'di skud pa dmar po la lan bdun sngags te/ lag pa g.yon pa'i sor mo gcig la bcings na de'i lus la dug dang / mtshon dang / nad dang / rims nad dang / rims drag pos mi tshugs so/ /'thab pa dang / mtshang 'dru ba dang / rtsod pa rnams kyi lan thebs par 'gyur ro/ /bcom ldan 'das kyis de skad ces bka' stsal nas/ khyim bdag mgon med zas sbyin yi rangs te/ bcom ldan 'das kyis gsungs pa la mngon par bstod do/ /'phags pa bu mang po rton pa zhes bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban+de ye shes sdes bsgyur cing zhus te gtan la phab pa// // |