@#/ /rgya gar skad du/ Ar+ya mai tri pra ti dz+nyA nA ma d+hA ra NI/ bod skad du/ 'phags pa byams pas dam bcas pa zhes bya ba'i gzungs/ dkon mchog gsum la phyag 'tshal lo/ /rgyal ba byams pa la phyag 'tshal lo/ /na mo rat+na tra yA ya/ na mo b+ha ga ba te/ shAkya mu na ye/ ta thA ga tA ya/ ar+ha te saM myak+saM bud+d+hA ya/ tad+ya thA/ oM a dzi te/ a dzi te/ a pa rA dzi te/ a dzi tan dza ya/ ha ra ha ra/ me+e tri a ba lo ki te/ ka ra ka ra/ ma hA sa ma ya sid+d+he/ b+ha ra b+ha ra/ ma hA bo d+hi maN+Da bI dze/ smar smar/ asma kaM sa ma ya bo d+hi bo d+hi/ ma hA bo d+hi swA hA/ rtsa ba'i gsang sngags so/ /oM mo hi mo hi/ ma hA mo hi swA hA/ snying po'o/ /oM mu ni mu ni sma ra swA hA/ nye ba'i snying po'o/ /gzungs 'di nyan pa tsam dang / klog pa dang / kha ton byed pa dang / tshul bzhin yid la sems pa dang / bsgom pa tsam gyis gang gi tshe bdag bla na med pa yang dag par rdzogs pa'i byang chub tu mngon par rdzogs par sangs rgyas par gyur pa na/ bdag gis sems can de nges par btsal bar bgyi ste/ bla na med pa yang dag par rdzogs pa'i byang chub tu lung bstan par bgyi'o/ /tha na dud 'gro'i skye gnas su gyur pa'i ri dgas dang / bya rnams kyi rna khung du sgrogs par byed na/ de dag kyang bla na med pa yang dag par rdzogs pa'i byang chub tu lung bstan pa 'thob bo/ /'di thos pa tsam gyis nam du yang ngan song du 'gro bar mi 'gyur ro/ /ngan song gi dri mas kyang mi gos so/ /ma'i mngal du yang mi skye'o/ /lha'i bskal pa stong du 'khor los sgyur 91-1-128a ba'i rgyal por 'gyur ro/ /dge ba bcu'i las kyi lam dang ldan par 'gyur ro/ /ji ltar bsams shing don du gnyer ba'i longs spyod 'grub par 'gyur ro/ /bcom ldan 'das bdag gis kyang sems can de bskyud par mi bgyi lags so/ /nges par bdag byang chub kyi snying po la mchis nas/ de ji ltar gyur kyang rung bla na med pa yang dag par rdzogs pa'i byang chub tu lung bstan par bgyi'o/ /'phags pa byams pas dam bcas pa zhes bya ba'i gzungs rdzogs so// //rgya gar gyi mkhan po badzra pA Ni dang / bod kyi lo ts+tsha ba dge slong chos kyi shes rab kyis bsgyur cing zhus te gtan la phab pa// |