D653

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D653</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D653&coll=derge">see text in Tibetan script</a></table>91-1-137a<br><font size=+1>
@#/ /rgya gar skad du/ ma hA sa mA dza sU tra na nA ma hA sU tra/ bod skad du/ mdo chen po 'dus pa chen po'i mdo zhes bya ba/ dkon mchog 
gsum la phyag 'tshal lo/ /'di skad bdag gis thos pa dus gcig na/ bcom ldan 'das shAkya rnams kyi ser skya'i gnas kyi nags tshal na/ dge slong lnga brgya thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don 
rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba sha stag dang thabs cig tu bzhugs so/ /de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtam ston par 

</font><hr>91-1-137b<br><font size=+1>

mdzad de/ de'i tshe na phyogs bcu kun gyi 'jig rten gyi khams dag nas/ dbang che bar grags pa dbang che bar grags pa'i lha dag lhags nas/ bcom ldan 'das dang dge slong gi dge 'dun la bsnyen bkur byed do/ /de nas tshangs ris kyi lha tshangs pa'i 'jig rten gnas pa bzhi 
zhig 'di snyam du sems te/ sangs rgyas bcom ldan 'das de ni shAkya rnams kyi ser skya'i gnas kyi nags tshal na/ dge slong lnga brgya thams cad kyang dgra bcom pa zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid 
par kun tu sbyor ba yongs su zad pa/ yang dag pa'i shes pas sems shin tu rnam par grol ba sha stag dang thabs cig tu bzhugs so/ /de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtam ston par mdzad de/ de'i tshe na 
phyogs bcu kun gyi 'jig rten gyi khams dag nas dbang che bar grags pa dbang che bar grags pa'i lha dag lhags nas bcom ldan 'das dang dge slong gi dge 'dun la bsnyen bkur byed kyis bdag cag kyang song la/ bcom ldan 'das la re re nas tshigs su bcad pas mngon par 
bstod par bya ba gor ma chag snyam mo/ /de nas tshangs ris kyi lha bzhi po dag 'di lta ste/ dper na skyes bu stobs dang ldan pas lag pa bskum pa las brkyang ba'am/ brkyang ba las bskum pa tsam gyis tshangs pa'i 'jig rten nas mi snang bar gyur cing / bcom 
ldan 'das kyi spyan sngar lhags te phyogs gcig tu 'khod nas/ tshangs ris kyi lha gcig gis tshigs su bcad de gsol pa/ 'dus pa che la gzhol ba yi/ /lha tshogs kun nas lhags gyur pas/ /gzhan gyis mi thub dge 'dun la/ /blta ba'i slad du bdag 
cag mchis/ /tshangs ris kyi lha gnyis pas tshigs su bcad de gsol pa/ drang por gyur pa'i sems kyis ni/ /'di na dge sbyong rab brtson pa/ /kha lo pa ltar mig blangs shing / /dbang po rnams ni legs sdom bgyid/ /tshangs ris kyi lha gsum pas tshigs 

</font><hr>91-1-138a<br><font size=+1>

su bcad de gsol pa/ dbang phur 'od pa 'obs 'dra ba'i/ /phur bu rab bcom bkrir mi tshugs/ /de dag sred bral dag spyod cing / /'dren pas glang po gzhon ltar btul/ /tshangs ris kyi lha bzhi pas tshigs su bcad de gsol pa/ gang dag sangs 
rgyas skyabs mchi ba/ /de dag ngan 'gror mi mchi zhing / /mi lus spangs par gyur nas kyang / /lha yi lus ni thob par 'gyur/ /tshangs ris kyi lha bzhi po dag gis de skad ces gsol nas de nyid na bag bcum ste 'khod do/ /de nas bcom ldan 'das kyis lha'i 
'khor thams cad la rnam par gzigs nas/ dge slong rnams la bka' stsal pa/ dge slong dag kye ma lha rnams kyi 'dus pa 'di ni che ba yin no/ /dge slong dag kye ma lha rnams kyi 'dus pa 'di ni shin tu che ba yin te/ de bzhin gshegs pa dgra bcom pa yang dag par 
rdzogs pa'i sangs rgyas gang dag 'das pa'i dus na byung bar gyur ba'i sangs rgyas bcom ldan 'das de dag la yang 'di lta ste/ dper na da ltar nga'i lha rnams kyi 'dus pa chen po 'di kho na lta bu dag 'dus par gyur to/ /de bzhin gshegs pa dgra bcom pa yang dag par 
rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag la yang 'di lta ste/ dper na da ltar nga'i lha rnams kyi 'dus pa chen po 'di kho na lta bu dag 'du ba gyur ro/ /dge slong dag lha rnams kyi ming dag brjod 
par byas/ lha rnams kyi ming dag zung shig /gang dag sa la gnas pa dang / /gang dag ri khrod gnas pa rnams/ /seng ge bzhin du tha dad la/ /sems bsdus mnyam par bzhag byas shing / /kun nas 'dus par gyur pa ni/ /spu dag zing zhes byed pa yin/ /
gang dag sa la gnas ba dang / /gang dag ri khrod gnas pa rnams/ /seng ge bzhin du tha dad pa/ /sems bsdus mnyam par bzhag byas shing / /kun nas 'dus gyur spu zing zhes/ /byed pa bdag gis brjod par bya/ /yid byad dag cing rab dang la/ /rnyog med 

</font><hr>91-1-138b<br><font size=+1>

'chi bdag spangs pa rnams/ /tshangs pa'i 'jig rten mthar thug pa'i/ /lha dang mi yi bar na 'khod/ /slob ma lnga brgya phrag gnyis dang / /gzhan yang brgya dang bcu dag dang / /stong phrag du ma rnams dag gi/ /lha rnams 'dus par gyur pa dag /mtha' nas 
mtha' ma mi mthong zhing / /phyogs rnams thams cad khyab gyur pa/ /sangs rgyas kyis ni de mkhyen nas/ /de bzhin gshegs pas rnam gzigs te/ /de nas ston pas bstan dga' ba'i/ /nyan thos rnams la dge slong dag /lha tshogs mngon par lhags gyur 
kyis/ /nges par rtogs zhes bka' stsal pa/ /tshigs su bcad pas mthar chags kyis/ /de dag rnams kyi ming brjod kyi/ /rtse gcig gyur pa'i yid kyis ni/ /nga yis bshad pa mnyan par gyis/ /ser skya'i gnas kyi nags tshal gyi/ /gnod sbyin stong 
phrag bdun po dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la 
phyag 'tshal zhing / /'dus pa'i tshal du mngon par zhugs/ /gser can stong phrag drug po kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par 
lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /shar phyogs rnam rgyal tshal gyi ni/ /ri mnyam stong phrag gsum po dag /ser skya'i gnas 
kyi nags tshal ni/ /snang bar te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal 

</font><hr>91-1-139a<br><font size=+1>

du mngon par zhugs/ /de ltar stong phrag bcu drug kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul 
ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gnod sbyin chu srin rgyal po'i khab/ /yangs pa la ni rtag gnas shing / /brgya stong phrag ni mang po yi/ /gnod 
sbyin bsnyen bkur byed pa dang / /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /
kun gyi bshes gnyen lda brgya dang / /rdzu 'phrul chen po kun gyi lha/ /gang dag de yi 'khor rnams dang / /de gnyis kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i 
tshal du mngon par zhugs/ /shar phyogs mngon par skyong byed pa/ /rgyal chen grags dang ldan pa ni/ /dri za'i bdag po rgyal po ste/ /ming ni yul 'khor srung zhes bya/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /de yang 'dus 
pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad cu dang ni bcu dang gcig /de dag ming mthun grags pa ni/ /
dbang po zhes bya stobs po che/ /lha dang lha min g.yul 'gyed par/ /kun tu gzhan gyis mi thub par/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la 

</font><hr>91-1-139b<br><font size=+1>

phyag 'tshal zhing / /'dus pa'i tshal du mngon par zhugs/ /lho phyogs mngon par skyong byed pa/ /rgyal chen grags dang ldan pa ni/ /grub bum bdag po rgyal po ste/ /ming ni 'phags skyes po zhes bgyi/ /de ni nye du lhan cig tu/ /glu dang gar gyis rtag tu rtse/ /gang 
dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad cu dang ni 
bcu dang gcig /de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun tu gzhan gyis mi thub pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od 
dang ldan/ /kha dog lngan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /nub phyogs mngon par skyong byed pa/ /rgyal chen grags dang ldan pa ni/ /klu yi bdag po rgyal po ste/ /ming ni mig mi bzang 
zhes bgyi/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus 
pa'i tshal du mngon par zhugs/ /de la bu ni mang yod de/ /brgyad cu dang ni bcu dang gcig /de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun tu gzhan gyis mi thub pa/ /gang dag de yi 'khor rnams 
dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /byang phyogs mngon par skyong byed pa/ /rgyal chen grags 

</font><hr>91-1-140a<br><font size=+1>

dang ldan pa ni/ /gnod sbyin bdag po rgyal po ste/ /ming ni lus ngan po zhes bya/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /
kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad cu dang ni bcu dang gcig /de dag ming mthun grags pa ni/ /dbang po zhes bya stobs po che/ /lha dang lha min 
g.yul 'gyed par/ /kun tu gzhan gyis mi thub pa/ /gang dag de yi 'khor rnams dang / /dge dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i 
tshal du mngon par zhugs/ /shar phyogs na ni yul 'khor srung / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ /rgyal po chen po de bzhi dag /'jig rten skyong ba grags dang ldan/ /rdzu 'phrul chen po stobs 
po che/ /phyogs bzhi dag ni skyong bar byed/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par 
zhugs/ /de dag gi ni khol po rnams/ /mchod rten mang la gnas bcas pa/ /slu byed g.yon can sgyu ma can/ /sgyu ma shes dang rnam shes dang / /ngan spong khro gnyer lhan cig tu/ /de tshe rdzu 'phrul ston cing lhags/ /gang dag de yi 'khor rnams dang / /de dag 
kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gnod sbyin dang / gnod sbyin chen po dang / /gnod sbyin gyi sde dpon dang / dmag 

</font><hr>91-1-140b<br><font size=+1>

dpon 'di dag kyang der kun nas lhags te/ /'di lta ste/ dbang po zla ba chu lha dang / /b+ha ra dwa dza skye dgu'i bdag /dbang ldan tsan+da na 'dod gtso dang / /mgrin ngan dang ni mgul nges dang / /stobs ldan nor bu nor spyod dang / /sgra rab dang ni nye rnga dang / /ri mnyam gser can 
gang po dang / /seng ldeng pa dang g.yon can dang / /gnod sbyin ba skyong 'brog gnas dang / /rgyal ba'i khyu mchog mi rgyal po/ /dri za sna tshogs sde dang ni/ /lcags mdung ring dang ma ldan dang / /tshigs lnga ser po yid dga' dang / /gnod sbyin ring po 'khor dang bcas/ /
'bras bu gsum dang mgul gsum pa/ /'gro gnas ji snyed yod pa yin/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal 
zhing / /'dus pa'i tshal du mgon par zhugs/ /lhan cig 'byung ba'i klu dang ni/ /'jog po dang ni yangs pa'ang 'ongs/ /la ba dang ni mgyogs mchog dag /srung byed 'gro dang lhan cig lhags/ /klu bdag bran bzang bu dang ni/ /yul 'khor srung dang glang po che/ /
'jigs byed che dang sa srung bu/ /rdzu 'phrul ldan pa'i klu yang 'ongs/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus 
ba'i tshal du mngon par zhugs/ /gang zhig klu rgyal zim mnan len/ /stobs ldan mig rnon 'dab chags bya/ /de ming 'dab bzang khra bo yang / /mkha' las tshal du mngon par 'ongs/ /de tshe klu rgyal mi 'jigs byin/ /ston pas 'das bzang bde mdzad cing / /
gsung 'jam brjod pa de nyid la/ /sangs rgyas skyabs su nye bar song / /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus 

</font><hr>91-1-141a<br><font size=+1>

pa'i tshal du mngon par zhugs/ /lag na rdo rjes pham byas shing / /rgya mtshor rten pa'i lha min rnams/ /thams cad nor lhas sbag gyur cing / /mtsho la skyabs su 'du shes pa/ /thags bzangs ris dang rab bkra dang / /rab sim byed dang btang bzung 
dang / /stobs ldan bu ni brgyad po kun/ /rnam snang byed pa'i bu rnams dang / /stobs ldan sde dang sgra gcan bzang / /dpa' chen khyod kyi dus lags shes/ /dge slong 'dus pa'i nags tshal du/ /go cha bgos te lhags pa dang / /gang dag de yi 'khor rnams dang / /
de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /chu lha mo dang bu mo dang / /zla ba mo yang phyi bzhin 'ongs/ /mdza' bshes 
ma dang chu lha can/ /lha mo grags ldan nyid kyang 'ongs/ /sa dang chu dang rlung gi dang / /me yi lha mo'ang 'ongs gyur te/ /bcu tshan tshogs bcu de dag kun/ /kha dog sna tshogs ldan bdag /ser skya'i gnas kyi nags tshal ni/ /snang bar byas te 'khod pa dang / /
gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /khyab 'jug lha dang gshol can lha/ /
mtshem gnyis kyang lhags par gyur/ /zla la gnas pa'i lha rnams kyis/ /zla ba nyid ni mdun du bdar/ /nyi la gnas pa'i lha rnams kyis/ /nyi ma nyid kyang mdun bdar cing / /char pa 'bebs par byed pa dag /rgyu skar rnams kyis mdun bdar lags/ /thams 
cad bzang po rdo rje can/ /brgya byin khyer 'jig 'ongs gyur te/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus 

</font><hr>91-1-141b<br><font size=+1>

par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lha mo tshogs can ma dang ni/ /me lce'i rtse 'dra 'chi ltas can/ /zhi ba mo dang dka' zlog 
ma/ /me tog gos can 'ongs gyur cing / /rgyu ba mo dang mtshan mchings bzang / /'chi med rnam pa du ma dang / /gang zhig phyogs su char 'bebs pa/ /'dod lha'i dbyangs can ma yang 'ongs/ /bcu tshan tshogs bcu de dag kun/ /kha dog sna tshogs ldan pa dag /ser 
skya'i gnas kyi nags tshal ni/ /snang bar byas te 'khod pa dag / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing drag ldan rnams/ /dge slong rnams la phyag 'tshal zhing / /'dus pa'i 
tshal du mngon par zhugs/ /sngo bsangs sngo bsangs chen mo dang / /mi 'dra mi 'dra dam pa dang / /rtsed mos myos dang de bzhin du/ /yid rab 'khrug ma'ang 'ongs gyur cing / /phag mo phag mo chen mo dang / /slong ma nges ma lhan cig lhags/ /bcu tshan tshogs bcu 
de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /
dge slong rnams la phyag 'tshal zhing / /'dus pa'i tshal du mngon par zhugs/ /dkar mo rgyags byed snying rje dang / /gos sngon mo yang 'ongs gyur cing / /skra dkar mo la sogs pa dang / /gos ser mo yang 'ongs par gyur/ /'phrog ma rtag tu myos pa dang / /spel 
ma rnam pa du mdar/ /dag pa dang ni 'od can ma/ /lha mo grags ldan rnams kyang lhags/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor 

</font><hr>91-1-142a<br><font size=+1>

rnams dang / /de dag kyang ni 'dus par lhags//rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /bde byed dga' ldan 'thab bral dang / /nag 
po btab pa du ma dang / /lum bi ni dang lum bi mchog /skar ma zhes bya legs smon dang / /'phrul dga' rnams dang de bzhin du/ /dbang sgyur rnams kyang lhags par gyur/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags 
tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par 
zhugs/ /lha tshogs drug cu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan 
zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /tshangs pa'i 'jig rten stong dag gi/ /tshangs pa chen po zhes bya ba/ /kun 'ged gzhon nu skar rgyal de/ /so sor dbang sgyur dbang phyug bcu/ /rdzu 'phrul ldan 
pa de dag dang / /lhan cig 'grogs te der lhags pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal 
du mngon par zhugs/ /dbang sgyur byed pa'i 'phrog ma mo/ /kha dog gzugs mchog ldan pa yang / /bu rnams kyis ni yongs bskor cing / /de dag rnams kyi phyi bzhin 'ongs/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 

</font><hr>91-1-142b<br><font size=+1>

'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /dbang por bcas dang dbang ldan bcas/ /skye dgu'i bdag dang bcas pa yi/ /lha rnams de dag der lhags shing / /dge slong 
rnams kyang der lhags so/ /nag pos smras pa'i tshig la ltos/ /'dod chags kyis ni 'di bzung la/ /bcing bgyis dang khyod la legs/ /'di dag kun nas yongs bsdus la/ /'di dag gson por ma btang zhes/ /de na nag po sde bo che/ /sde rnams la ni skul byed 
cing / /khros shing rang dbang ched gyur nas/ /rang yang mngon par zhugs gyur te/ /lag pas la brdabs nas ni/ /shin tu 'jigs pa'i sgra phyung ste/ /de nas lha yis sprin phreng dang / /glog dang bcas pa'i char yang phab/ /sangs rgyas kyis ni de mkhyen nas/ /de bzhin 
gshegs pas rnam gzigs te/ /de nas ston pas bstan dga' ba'i/ /nyan thos rnams la dge slong dag /bdud sde mngon par lhags gyur gyis/ /mngon par rtogs zhes bka' stsal pa/ /brtson par byed pa de dag gis/ /sangs rgyas gsungs pa thos nas ni/ /de dag 
spu yang mi g.yo bas/ /de dag chags bral yin par rtogs/ /rgyal sras nyan thos de dag ni/ /slob ma rnams dang lhan cig dga'/ /de dag g.yul las rnam rgyal zhing / /'jigs bral grags dang ldan pa yin/ /bar gyi sdom ni/ bdun stong gser can ri mnyam 
dang / /de bzhin gnod sbyin chu srin dang / /kun gyi bshes dang rgyal po rnams/ /de bzhin khol po gnod sbyin dang / /klu dang 'dab bzang lha min dang / /chu lha mo dang khyab 'jug dang / /tshogs can ma dang sngo bsangs dang / /dkar mo bde byed dbang phyug dang / /kun 'ged 
gzhon dang 'phrog ma dang / /dbang bcas bdud dang dge slong ngo / /de nas gnas gtsang ma'i lha shin tu dbang che bar grags pa rnams mdo sde bstan pas yi rangs par gyur nas de'i tshe tshig 'di dag gis 'dus pa chen po'i mdo bshad do/ /bcom ldan 'das bdag cag gis kyang 

</font><hr>91-1-143a<br><font size=+1>

tshig 'di dag gis mdo sde 'di yang dag par bsnyad par bgyi zhing yang dag par brjod par bgyi lags so/ /de la gsang sngags kyi tshig ni 'di dag lags so/ /tad+ya thA/ te dze te dza ba ti/ tsi tre tsi tra ba ti/ la te la ta ba ti/ kha me kha ma ba ti/ k+She me k+Sha ma pa ti/ 
b+ha dre b+ha dra ba ti/ ya she ya sha ba ti/ dU te dU ta ba ti/ tsa pa le tsa pa la ba ti/ kha tse kha tsa ba ti/ bcom ldan 'das 'di dag ni gnas gtsang ma pa rnams kyi gsang sngags kyi tshig rnams lags te/ bcom ldan 'das gang zhig mdo sde 'di dang / gsang sngags kyi tshig 'di 
dag rmongs pa ma mchis par 'dzin par bgyid na/ de ni ji srid 'tsho'i bar du 'byung po thams cad las bsrung ba bgyis par 'gyur lags so/ /'byung po thams cad kyang dga' bar 'gyur lags so/ /de la bro nad thams cad kyis mi tshugs par 'gyur lags so/ /gang du 
klog pa der dge bar 'gyur zhing de dag la dgung lo bdun du bsrung ba bgyis par yang 'gyur lags so/ /ji tsam 'tshal bar 'gyur ba de tsam gyis dgung char 'bab par yang 'gyur/ 'chad par yang 'gyur/ dgung ser 'beb par yang 'gyur/ 'chad par yang 'gyur 
lags so/ /bro nad thams cad la byab par bgyis sam/ chab la bzlas brjod bgyis te stsal na/ des de'i bro nad thams cad rab tu zhi bar 'gyur lags so/ /de nas bcom ldan 'das la tshangs pas gsol pa/ bcom ldan 'das gnas gtsang ma pa dag ma gtogs pa 
gzugs na spyod pa'i lha'i ris gong ma rnams kyi rig sngags kyang 'di dag lags la/ gsang sngags kyi tshig zhib mo yang 'di dag lags so/ /'di ni 'dir mdo sde yongs su 'dzin par bgyid pa lags so/ /tad+ya thA/ b+ha le b+ha la ma le/ dur du le/ hi me/ phub pi se/ 
kA tsAk+Shi ku tse si/ ma mI Ni She re tho ra NI/ bam pi bam po Ti ste ke/ ta ra ke/ gu ru ga ro Te/ gug gu mi ti/ tA re rak+Sha/ sU tra ma nu pA la ya thA/ 'di ni bdag cag gi rig sngags kyi cho ga zhib mo lags te/ gang la la zhig mdo sde 'di dang gsang sngags kyi tshig 'di dag dum bur 

</font><hr>91-1-143b<br><font size=+1>

ma gyur par 'dzin tam/ klog par bgyid na de la mi dang / mi ma lags pa dag mchi bar mi 'gyur zhing gdug pa yang mi mchi/ sbrul yang mi mchi/ dug kyang mi mchi la/ de'i lus la gnod pa dag gis mi tshugs par 'gyur lags so/ /'byung po thams cad kyang 
dga' bar 'gyur lags so/ /ji srid 'tsho'i bar du 'byung po thams cad las bsrung ba bgyis par yang 'gyur lags so/ /gang klog par bgyid pa dang / gang nyan par bgyid pa de la dgung lo bdun du bsrung ba bgyis par 'gyur lags so/ /chab la bzlas 
brjod bgyis te gtor tam/ 'tshal du stsal na de'i bro nad thams cad nye bar zhi bar 'gyur lags so/ /de nas bcom ldan 'das la 'dod pa'i bdag po thams cad kyis gsol pa/ bcom ldan 'das 'di ni bdag cag gi yul yang lags te/ mdo sde 'di yongs su 
gzung ba'i rig sngags ni 'di lags so/ /tad+ya thA/ lin+te li pe/ lo pe/ ba pe/ pad ke/ ka me/ kA tse kA tse k+Shi/ kA tsa pi ga le/ du me du me/ ta Te tra Te/ ta da tra/ Tetra TA k+Shi/ go lA/ ko li/ ki ka ko li ke sA d+hA/ sU tra ma nu pA la ya thA/ ud gr-ih+Na ya tse ti/ bcom ldan 
'das gang zhig gsang sngags kyi tshig 'di dag dang / mdo sde legs par gsungs pa 'di dum bur ma gyur ba dang / mnyams par bzung ste srung bar bgyid na de ni thams cad las bsrung ba bgyis par 'gyur lags so/ /'byung po thams cad kyang dga' bar 'gyur 
lags so/ /ji tsam 'tshal bar de tsam gyi dgung char 'beb par yang 'gyur/ 'chad par yang 'gyur/ dgung ser 'bab par yang 'gyur/'chad par yang 'gyur lags so/ /'byung po dang gdon rnams las yongs su thar bar yang 'gyur lags so/ /dug 
'byin par yang 'gyur lags so/ /chab la lan bdun bzlas brjod bgyis te/ gtor tam 'tshal du stsal na des bro nad thams cad nye bar zhi bar 'gyur lags so/ /de nas bcom ldan 'das la lha'i dbang po brgya byin gyis gsol pa/ bcom ldan 'das bdag cag 

</font><hr>91-1-144a<br><font size=+1>

gi rig sngags 'di yang de bzhin du mdo sde 'di yongs su 'dzin par bgyid cing / 'dod pa na spyod pa'i lha gong ma rnams kyis ni rjes su yi rang bar bgyis la/ 'og ma rnams kyis kyang legs par rjes su yi rang bar bgyis pa lags so/ /tad+ya thA/ bI re bI re ba 
ti/ to Te to Ta ba ti/ b+ha dre b+ha dra ba ti/ go ne go na ba ti/ me g+he me g+ha ba ti/ dz+wa la ne dz+wa la na ba ti/ b+hu ti b+hu ta ba ti/ kho ra te kho ra ta pa ti/ i dan sU tra ma nu gr-ih+Na Tha/ a nu pA la ya tha tse ti/ bcom ldan 'das gang zhig mdo sde 'di dang gsang sngags kyi tshig 'di dag dum bur ma 
gyur par 'dzin par bgyid na de ji srid 'tsho'i bar du 'byung po thams cad las srung bar bgyid par 'gyur lags so/ /de la mi dang mi ma lags pa 'ga' yang 'tshe bar mi 'gyur lags so/ /gang du klog pa der ji srid 'tsho'i bar du srung ba bgyid par 'gyur lags so/ /sems 
can thams cad kyang dga' bar 'gyur lags so/ /de la zil gyis gnon pa 'ga' yang 'byung bar mi 'gyur lags so/ /de yi lus la bro nad rnams kyis mi tshugs par 'gyur lags so/ /sems can thams cad la phan 'dogs par yang 'gyur lags so/ /gang du klog 
par 'gyur ba der dgung lo bdun du bsrung ba bgyis par 'gyur ro/ /'byung po dang gdon rnams las thar bar yang 'gyur lags so/ /dug 'joms par yang 'gyur lags so/ /bro nad thams cad sel bar yang 'gyur lags so/ /skud pa'am chab la bzlas brjod 
bgyis te bcings sam gtor na bro nad thams cad dang bral bar yang 'gyur lags so/ /de nas bcom ldan 'das la rgyal po chen po bzhis gsol pa/ bcom ldan 'das bdag cag rgyal po chen po bzhi'i rig sngags 'di yang mdo sde 'di yongs su 'dzin cing grub par 
bgyid pa lags so/ /rnam thos kyi bus gsol pa/ tad+ya thA/ ku re ku ra NI/ mo re mo ra NI/ kA tse kA tsa nI/ kri mi kri mi NI/ yul 'khor srung gis gsol pa/ pu re po re/ pu ra tI/ ho re ho ra NI/ pra ho re pra ho ra NI/ 'phags skyes pos gsol pa/ ke she ke she 

</font><hr>91-1-144b<br><font size=+1>

pa ti/ ke sha na/ mi ke sha/ The ti The ni ma ri ti/ mig mi bzang gis gsol pa/ tsakre tsakri NI/ tsakra ba gi Ni/ b+hi ti ri rmi ni/ shi mi shi mi/ shA ma ne ti/ bcom ldan 'das gang zhig rgyal po chen po bzhis brjod pa'i rig sngags kyi cho ga zhib mo 'di bzhi dang / mdo sde 
'di dum bur ma gyur pa dang / ma bkol bar legs par bzung ste srung bar bgyid na/ de ji srid 'tsho'i bar du bsrung ba bgyis par 'gyur lags so/ /de la 'byung po thams cad dang / bro nad thams cad kyang slar mi ldog par 'gyur lags so/ /gdug pas zin pa 
dang / dug thams cad las kyang thar bar 'gyur lags so/ /skud pa'am/ chab la bzlas brjod bgyis te/ bcings sam/ gtor cing 'tshal du stsal na/ cho ga des de la 'grub par 'gyur lags so/ /de nas bcom ldan 'das la lha ma yin dang / rlung lhas 
gsol pa/ bcom ldan 'das bdag cag gi rig sngags 'di yang yongs su 'dzin par bgyid pa lags so/ /tad+ya thA/ ga le/ ga ga ga le/ ga le ga ni/ khi ni khi ni/ g+hu She g+hu She g+hu g+hu Sh+ya/ kha na kha kha ne/ kha na kha ni/ lu pe lu pi/ lu pa lu pi ti/ bcom ldan 'das gsang sngags 
'di dag dang / mdo sde 'di dum bur ma gyur cing / ma bkol bar bzung na ji srid 'tsho'i bar du bsrung bar 'gyur lags so/ /de'i bro nad thams cad kyang rab tu zhi bar 'gyur lags so/ /lus la dug gis mi tshugs par yang 'gyur lags so/ /de nas bcom ldan 'das la 
gnas gtsang ma'i ris kyi lha rnams kyis 'di skad ces gsol to/ /btsun pa bcom ldan 'das mdo sde 'di'i dgongs pa yongs su gzung ba'i slad du phyogs bcu'i 'jig rten gyi khams nas lhags pa rnams kyis rig sngags dag smras pa lags na/ bcom ldan 'das nyan thos kyi 
tshogs dang bcas pas kyang yang dag par rjes su yi rang bar mdzad cing / kun tu gzung ba dang / bsrung ba dang / bsgrub pa dag legs par bshad du gsol/ de ltar na rigs kyi bu de dag gi sbyin par bgyi ba'i chos kyi mdo sde 'di 'bras bu dang bcas par 'gyur lags so/ /de nas 

</font><hr>91-1-145a<br><font size=+1>

bcom ldan 'das kyis bka' stsal pa/ khyed kyis gsang sngags kun tu bzung ba 'di ni grub pa yin te/ nga nyan thos kyi tshogs dang bcas pas kyang mdo sde 'di'i grub pa dang / bsrung ba dang / bsgrub pa dag bshad par bya ste/ de nyon cig dang bshad par bya'o/ /gnas 
gtsang ma'i ris kyi lha rnams kyis bcom ldan 'das de bzhin lags te/ bcom ldan 'das nyan thos kyi tshogs dang bcas pas mdo sde chen po 'di grub par bgyi ba'i slad du bsrung ba dang / bsgrub pa dag bshad du gsol/ de nas bcom ldan 'das kyis mdo sde 'di grub par bya ba'i phyir 
bsrung ba dang / bsgrub pa dag bka' stsal pa/ de la rgyun du zhugs pa rnams kyi grub pa ni 'di yin no/ /ta la ta la/ tan ta la/ ta to ta le me te/ lan cig phyir 'ong ba rnams kyi grub pa ni 'di yin no/ /sa le sa sa li ti/ phyir mi 'ong ba rnams kyi grub pa ni 'di yin no/ /la te 
la te lo la te/ dgra bcom pa rnams kyi grub pa ni 'di yin no/ /d+hu pu d+hu pu/ d+hu ru d+hu ru/ ka tsi bi ka tsi/ ka tsa bi ka tse ti/ de nas bcom ldan 'das kyi grub pa ni 'di yin no/ /d+ha me d+ha me/ d+ha me d+ha me/ d+ha se d+ha se/ d+ha re d+ha re/ d+ha ro d+hi d+hi ti/ de la srung ba ni 'di yin no/ /ti na ti ri 
tsa ri Sha/ ping+ga la k+Shi rak+Sha/ mtshams bcad pa ni 'di yin no/ /bad+d+ha bad+d+ho ti/ bad+d+ha si ri mi ti/ bad+d+ha ku She bad+d+ha/ g+hu g+hu She bad+d+ha g+hu She g+hu She ya ma ba d+ha b+hi/ sgrub pa ni 'di yin no/ /pe She sA d+ha ya/ tu tu li sA d+ha ye ti/ zhag gsum smyung ba byas pas tshes bco lnga'i nyin par gsang sngags kyi tshig 
'di dag dang / mdo sde 'dis bcom ldan 'das la mchod par byas te/ kha shar phyogs su bltas la srung ba lan brgya brjod par bya zhing / bzlas brjod lan brgya byas la/ mdud pa re re la brgya rtsa brgyad byas na bsrung ba byas pa yin zhing / lan gsum spu zing zhes byed par yang 
'gyur te/ sngon gyi las kyi rnam par smin pa ni ma gtogs so/ /zla ba yar gyi ngo'i tshes bcu gnyis la bcom ldan 'das la mchod pa byas la skud pa de lag tu blangs te bzlas shing mtshams gcad par byas te/ lan brgya rtsa brgyad brjod cing mdud pa brgya rtsa brgyad byas te/

</font><hr>91-1-145b<br><font size=+1>

mtshams gcod par byed na lan bdun spu zing zhes byed par yang 'gyur ro/ /lho phyogs nas ce spyang mos lan bsum sgra phyung ste 'dug par gyur na/ /de nas mtshams bcad par shes par bya'o/ /des de bzhin du smyur ba byas te/ tshes bco lnga'i nyin par khrus byas la/ bcom ldan 
'das la mchod pa byas te/ skud pa blangs la/ nyan thos kyi tshig rnams dang / bcom ldan 'das kyi cho gzhi mos lan bdun bzlus te/ bzlas brjod lan rtsa brgyad brjod cing mdud pa brgya rtsa brgyad byas la/ skud pa lag tu blangs te/ rig sngags thams cad lan cig 
bzlas brjod byas shing sgrub pa byas na char pa chen po dang / rlung chen po yang 'byung ste/ mtshams kyi phyi rol du ldang zhing 'bab par 'gyur la/ skad cig gis 'chad par yang 'gyur te/ lan bdun gyi bar du yang brjod par bya'o/ /de nas lha'i bu sprin chen zhes bya ba dang / sprin bzang 
zhes bya ba gnyis 'ongs te/ de'i rkang pa la mgo bos phyag 'tshal zhing grub pa sbyin pa dang / rjes su yi rang bar yang 'gyur ro/ /de la grub pa ni 'di dag yin te/ sprin ni ku tsu ku tsa zhes bya'o/ /sprin bzang kyi ni 'di yin te/ ka ra ka ra kA ra ra zhes bya'o/ tshig 'di dag dang 
skud pa lag tu blangs pas mdo sde dang / gsang sngags rnams bsams na gang bya bar 'dod pa de dag thams cad byed par 'gyur ro/ /bcom ldan 'das kyi mdo sde dang / rig sngags 'di dag thams cad kyis chu'am skud pa la bzlas na gang byed par mi 'gyur ba de med de las thams 
cad 'grub par 'gyur ro/ /ji srid 'tsho'i bar du bdag dang / gzhan dag bsrung ba'i phyir mdo sde 'di gzung bar bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /'byung po gang 
dag 'dir ni lhags gyur cing / /sa dang bar snang dag la 'khod pa rnams/ /skye dgu rnams la rtag tu byams byas cing / /nyin dang mtshan du chos kyang spyod gyur cig /mdo chen po 'dus pa chen po'i mdo zhes bya ba rdzogs so// //rgya gar gyi mkhan po dzi na mi tra dang /

</font><hr>91-1-146a<br><font size=+1>

pradz+nyA barma dang / zhu chen gyi lots+tsha ba ban+de ye shes sde la sogs pas bsgyur cing zhus te gtan la phab pa//
  
</font><hr>

</table>