@#/ /rgya gar skad du/ Ar+ya ta pa swI nA ga rA dzA pa ri prits+tshA nA ma d+hA ra NI/ bod skad du/ 'phags pa klu'i rgyal po gzi can gyis zhus pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+hA na lus 'phags ri'i dbang po'i brag phug na bzhugs te/ de nas klu'i rgyal po gzi can kha dog shin tu 'phags pa dang ldan pa nam sros pa dang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das lus 'phags ri 'di ni ring po dag dge slong rnams la 'tshe na/ de la bdag gis ji ltar mi 'tshe bar bgyi/ de skad ces gsol pa dang / bcom ldan 'das kyis klu'i rgyal po gzi can la 'di skad ces bka' stsal to/ /klu'i rgyal 91-1-180b po legs so legs so/ /'di lta bur khyod kyis bya ba yin no/ /de nas bcom ldan 'das kyis dge slong rnams la bka' stsal pa/ dge slong dag de'i phyir dug dang / sman chen po bcwa brgyad po 'di dag gi ming zung shig /tad+ya thA/ paN+Da re/ ka ra Te/ ke yU re/ bo d+h+yaM ga ma te/ bin+du ma te/ a ra Da/ ta ra Da/ ta ru Da/ da ha da ha na/ e ta da ha/ dze le dze la/ pha le/ sha ta sha ta/ku le na ku li/ e kar Shi ta rad+ga priSh+Ti/ dge slong dag su zhig dug dang / sman chen po bcwa brgyad po 'di dag gi ming 'dzin pa de'i lus la rims kyis mi tshugs/ dug dang / mtshon dang / byad dang / ro langs dang / nyin gcig pa dang / nyin gnyis pa dang / nyin gsum pa dang / nyin bzhi pas mi tshugs/ de la ring po dag 'tshe bar mi 'gyur ro/ /su zhig 'di dag 'dzin pa de ji srid 'tsho'i bar du bsrung ba byas par 'gyur ro/ /bcom ldan 'das kyis de skad ces bka' stsal nas/ klu'i rgyal po gzi can yi rangs te/ bcom ldan 'das kyis gsungs pa la mngon par bstod do// //'phags pa klu'i rgyal po gzi can gyis zhus pa zhes bya ba'i gzungs rdzogs so// // |