D690

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D690</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D690&coll=derge">see text in Tibetan script</a></table>93-1-66a<br><font size=+1>
@#/ /byang chub sems dpa' 'phags pa spyan ras gzigs dbang phyug lag pa stong dang / mig stong dang / 
ldan pa'i cho ga zhib mo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das shAkya thub pa/ ri gru 'dzin na byang chub sems dpa' 'phags pa spyan ras gzigs dbang phyug gi 
gnas na/ rin po che bkod pa'i 'khor gyi khyams na bzhugs shing / bcom ldan 'das rin po che'i seng ge'i khri la bzhugs te/ khri de ni rin po che'i mchog sna tshogs du mas spras pa/ rin po che sna bdun gyi rgyal mtshan rnams kyis yongs su brtsegs pa lha'i ba dan 
dpyangs pa ste/ de'i tshe sangs rgyas bcom ldan 'das seng ge'i khri de nyid la bzhugs nas 'di snyam dgongs te/ ngas byang chub sems dpa' thams cad 'dzin pa'i gzungs bshad gor ma chag snyam du dgongs so/ /byang chub sems dpa' sems dpa' chen po du ma dang / 
thabs cig tu bzhugs pa la 'di lta ste/ byang chub sems dpa' gzungs kyi dbang phyug rgyal po dang / byang chub sems dpa' sems dpa' chen po rin po che'i rgyal po dang / byang chub sems dpa' sman gyi rgyal po dang / byang chub sems dpa' sman gyi sde dang / byang chub 
sems dpa' 'phags pa spyan ras gzigs dbang phyug dang / byang chub sems dpa' mthu chen thob pa dang / byang chub sems dpa' pad+ma'i spyan dang / byang chub sems dpa' bkod pa chen po dang / byang chub sems dpa' rin po che'i snying po dang / byang chub sems 
dpa' dpal gyi snying po dang / byang chub sems dpa' rdo rje'i snying po dang / byang chub sems dpa' nam mkha'i snying po dang / byang chub sems dpa' byams pa dang / byang chub sems dpa' kun tu bzang po dang / byang chub sems dpa' 'jam dpal la sogs pa/

</font><hr>93-1-66b<br><font size=+1>

byang chub sems dpa' chen po rnams kyang / de bzhin gshegs pa thams cad kyis spyi bo nas dbang bskur ba/ chos kyi rgyal po chen po rnam thos kyi sras sha stag dang thabs cig go/ /'od srung chen po la sogs gang dag gis nyan thos dag gis bcu spyad par gyur pa/ nyan thos kyi 
dge 'dun dpag tu med pa/ grangs med pa/ tshangs pa dung la sogs pa tshangs ris kyi lha'i bu du ma dang / lha'i bu sa 'tsho la sogs pa lha'i bu du ma dang / rgyal po chen po bzhi 'phags skyes po la sogs pa du ma dang / lha dang / klu dang / gnod sbyin dang / dri za dang / lha ma yin dang / 
nam mkha' lding dang / mi'am ci dang / lto 'phye chen po dang / mi dang mi ma yin pa du ma dang / klu'i rgyal po nus pa'i dra ba la sogs pa klu'i rgyal po du ma dang / lha'i bu mo gzhon nu'i mig la sogs pa/ 'dod pa na spyod pa'i lha du ma dang / dgon pa'i lha du ma yang thabs cig 
go/ /'bab chu dang / mtsho dang / mtsho bran dang / khron pa dang / chu klung dang / chu klung chen po dang / sman dang / rtswa dang / shing gel ba dang / nags tshal dang / nags khrod dang / gtsug lag khang dang / khyim dang / chu dang / me dang / rdul gyi ri dang / 
sa dang / rgyal po'i khab dang / mchod rten dang / dri gtsang khang la sogs pa na gnas pa'i lha thams cad kyang der 'dus so/ /de nas byang chub sems dpa' 'phags pa spyan ras gzigs dbang phyug 'khor chen po de'i nang na 'dug pas/ rdzu 'phrul mngon par shes pa'i 'od zer 
rnams kyis ma tshor bar phyogs bcu'i sangs rgyas kyi zhing rnams khyab par snang bar byas shing / stong gsum gyi stong po'i 'jig rten gyi khams 'di yang gser gyi kha dog lta bur byas so/ /lha dang klu thams cad dang / lha mchog thams cad kyi khang pa dag kyang khrol zhes g.yos so/ /
chu klung dang / chu klung chen po dang / rgya mtsho chen po dang / ri khor yug dang / ri bo ri rab dang / rdul gyi ri dang / ri nag po thams cad kyang shin tu g.yos so/ /zla ba dang / nyi ma dang / rin po che dang / me dang / gza' dang / rgyu skar gyi 'od kyang mog mog por byas 

</font><hr>93-1-67a<br><font size=+1>

so/ /byang chub sems dpa' gzungs kyi dbang phyug rgyal pos ltas rmad du byung ba de mthong nas/ ltas sngon ma mthong ba la the tshom skyes te/ de stan las langs te thal mo sbyar te/ rdzu 'phrul mngon par shes pa'i ltas 'di sus bgyis zhes/ sangs 
rgyas bcom ldan 'das la tshigs su bcad pas zhus pa/ /deng su byang chub yang dag mthar thug gyur/ /thams cad ldan pa'i 'od zer su yis btang / /'jig rten mgon po ci slad phyogs bcu yi/ /zhing rnams gser mchog 'dra bar gnas par gyur/ /stong gsum 'di ni ci 
slad tshig pa 'dra/ /deng 'dir su zhig gis ni dbang thob lags/ /sngon chad ma byung rdzu 'phrul stobs sus bstan/ /su yis 'dir ni zhing mang g.yos par bgyis/ /ci slad lha dang klu rnams khyim 'khrugs shing / /gzhal med khang mchog dag kyang rab 'gul dang / /
thams cad skrag nas rnam par blta zhing mchis/ /ci yi slad du stong gsum g.yos pa dang / /gang gis 'khor 'dir the tshom skyes gyur de'i/ /rgyu dang su yi mthu lags ma 'tshal na/ /ci slad rdzu 'phrul mngon shes bstan bgyis pa/ /rgyal ba byams pa'i thugs can bka' 
stsal gsol/ /bcom ldan 'das kyis byang chub sems dpa' gzungs kyi dbang phyug rgyal po la bka' stsal pa/ /kye rigs kyi bu khyod la sogs pa 'di ltar shes par gyis shig /da ltar 'khor gyi dkyil 'khor 'di na byang chub sems dpa' sems dpa' chen po ming 'phags 
pa spyan ras gzigs dbang phyug ces bya ba zhig yod de/ 'di ni bskal pa du ma nas 'gro ba'i don mthar phyin pa/ byams pa dang / snying rje dang thabs la mkhas pa/ bsgoms pas sgrub pa dang / gzungs kyi sgo rnams la nus pa dang ldan pa ste/ sems can 
gyi khams thams cad la zhi ba dang / bde bar 'dod pas rdzu 'phrul gyi stobs chen po 'di phyung ngo / /bcom ldan 'das kyis de skad ces bka' stsal pa dang / de nas de'i tshe byang chub sems dpa' 'phags pa spyan ras gzigs dbang phyug stan las langs te/ gos 

</font><hr>93-1-67b<br><font size=+1>

legs par bgos nas/ sangs rgyas bcom ldan 'das la thal mo sbyar te/ 'di skad ces gsol to/ /btsun pa bcom ldan 'das bdag la snying rje chen po'i rang bzhin gyis gsang sngags snying ltar bzung ba mchis te/ sems can gyi khams thams cad kyi phan pa dang / 
bde ba thob par bgyi ba dang / sdig pa'i las thams cad dang / las lci ba rnams 'byang bar bgyi ba dang / bgegs dang mi khom pa rnams yongs su spang bar bgyi ba dang / dge ba'i phyogs bsod nams thams cad 'phel bar bgyi ba dang / dge ba'i rtsa ba'i sa bon thams cad yongs su 
rdzogs par bgyi ba dang / 'jigs pa dang / gnod pa thams cad yongs su spang ba dang / mchog thams cad myur du yongs su rdzogs par bgyi ba'i slad du/ bdag da de brjod par 'tshal na/ bcom ldan 'das thugs brtse ba'i slad du/ thugs rjes bdag la nges par gnang 
bar mdzad du gsol/ bcom ldan 'das kyis bka' stsal pa/ kye rigs kyi bu shin tu snying rje chen po dang ldan pa khyod/ sems can rnams la phan pa dang / bde ba'i phyir/ gsang sngags gang brjod par 'dod pa 'di/ da ltar legs par khyod kyis dus la bab kyis myur du 
smros shig /sangs rgyas bcom ldan 'das dang / de bzhin du sangs rgyas bcom ldan 'das thams cad kyang rjes su thugs rang ngo / /sangs rgyas bcom ldan 'das la byang chub sems dpa' 'phags pa spyan ras gzigs dbang phyug gis yang 'di skad ces gsol to/ /bcom 
ldan 'das bdag gis dran pa bskal pa du ma 'das par gyur pa na/ 'dir sangs rgyas bcom ldan 'das 'od zer stong gi rgyal po dag par gnas pa zhes bgyi ba byung ste/ sangs rgyas bcom ldan 'das 'gro ba'i bla ma des bdag la byams pas dran par bgyi ba dang / sems can 
thams cad la phan par bgyi ba'i slad du/ /thugs rje chen pos snying lta bu 'di yongs su rdzogs pa dang / mi zlogs pa dang / rgyas par bshad de/ gser gyi kha dog lta bu'i phyag bdag gi mgo la bzhag na/ 'di skad ces kye rigs kyi bu khyod kyis ma 'ongs pa'i sdig pa can 

</font><hr>93-1-68a<br><font size=+1>

gyi dus kyi sems can thams cad la phan pa dang / bde ba chen po bya ba'i phyir/ snying lta bu'i gsang sngags 'di zung shig /ces bka' stsal to/ /bdag ni de'i tshe thog ma nyid du sa dang po la gnas par gyur to/ /'di ltar bdag gis gsang sngags 'di lan cig thos 
pas de nyid na gnas bzhin du sa brgyad pa nges par rtogs par gyur to/ /bdag gis de'i tshe snying la bab pa dang / dga' ba dang / yid bde ba thob nas/ de nyid du bdag gis smon lam 'di skad btab ste/ 'di ltar bdag ma 'ongs pa'i dus na/ sems can thams cad la phan pa dang / 
bde ba dang / zhi bar bgyid nus par 'gyur zhe na/ da nges par bdag gi lus la lag pa stong dang / mig stong yongs su rdzogs par gyur cig ces bgyis pa dang / smon lam de skad btab ma thag tu de nyid na mchis bzhin du/ lag stong dang / mig stong yongs su rdzogs par 
gyur to/ /phyogs bcu dag tu sa chen po yang rnam pa drug tu g.yos so phyogs bcu nas sangs rgyas bcom ldan 'das thams cad kyis 'od zer stong stong bdag gi steng du bkye nas/ phyogs bcu'i 'jig rten gyi khams mtha' yas pa snang bar gyur to/ /de slan chad sangs rgyas bcom 
ldan 'das du ma'i 'khor gyi dkyil 'khor rnams su yang dang yang du rnyed cing thos te/ de dag gi spyan sngar gzungs sngags 'di bzung ngo / /yang dga' ba dang mgu ba du ma skyes par gyur to/ /bdag gis bskal pa du mar skye ba dang / 'chi ba nges par rtogs pa phra mo thob par gyur te/ 
de slan chad rtag tu brjod cing bzung ste/ bskyud par ma gyur to/ /gzungs sngags 'di gzung ba'i don du bdag gang dang gang du skyes par rtag tu sangs rgyas bcom ldan 'das rnams kyi spyan sngar pad+ma las rdzus te skyes nas/ ma'i mngal du skye ba gzung bar ma gyur to/ /dge slong ngam/ 
dge slong ma'am/ dge bsnyen nam/ dge bsnyen ma'am/ khye'u 'am/ bu mo gang la la zhig brjod cing 'dzin par 'tshal ba des/ sems can thams cad la byams pa'i bsam pa dang / snying rje'i bsam pa'i sems bskyed par bgyi'o/ /thog mar bdag brjod pa'i 

</font><hr>93-1-68b<br><font size=+1>

'og tu smon lam chen po 'di skad gdab par bgyi ste/ btsun pa spyan ras gzigs dbang phyug snying rje can khyod la phyag 'tshal lo/ /bdag nges par shes rab chen po'i ming thob par gyur cig /btsun pa spyan ras gzigs dbang phyug snying rje can khyod la phyag 'tshal lo/ /bdag nges 
par sems can yongs su skyob par gyur cig /btsun pa spyan ras gzigs dbang phyug snying rje can khyod la phyag 'tshal lo/ /bdag nges par myur du thabs la mkhas pa thob par gyur cig /btsun pa spyan ras gzigs dbang phyug snying rje can khyod la phyag 'tshal lo/ /bdag nges 
par shes rab kyi grur zhugs par gyur cig /btsun pa spyan ras gzigs dbang phyug snying rje chen po can khyod la phyag 'tshal lo/ /bdag nges par myur du sdug bsngal gyi rgya mtsho las rgal bar gyur cig /btsun pa spyan ras gzigs dbang phyug snying rje chen po can khyod la phyag 'tshal 
lo/ /bdag tshul khrims kyi rkang pa dang ldan zhing lam myur du thob par gyur cig /btsun pa spyan ras gzigs dbang phyug snying rje chen po can khyod la phyag 'tshal lo/ /bdag nges par myur du mya ngan las 'das pa'i ri la 'dzeg par gyur cig /btsun pa spyan ras gzigs 
dbang phyug snying rje chen po can khyod la phyag 'tshal lo/ /bdag nges par myur du 'dus ma byas kyi khyim du 'jug par gyur cig /btsun pa spyan ras gzigs dbang phyug snying rje can khyod la phyag 'tshal lo/ /bdag myur du chos kyi sku dang gcig tu gyur cig /gang gi tshe bdag 
ral gri'i ri de la 'gro ba na ral gri'i ri de bsnyil zhing zhig par gyur cig /gang gi tshe bdag me ma mur gyi nang du 'gro ba na/ me ma mur de rang med par gyur cig /gang gi tshe bdag sems can dmyal ba'i lam du 'gro ba na/ sems can dmyal ba rnams rang bzhin gyis stongs par 
gyur cig /gang gi tshe bdag gshin rje'i 'jig rten du 'gro ba na/ yi dgas rnams rang tshim par gyur cig /gang gi tshe bdag lha ma yin gyi gnas su 'gro ba na/ de dag gi sems rang dul bar gyur cig /gang gi tshe bdag dud 'gro rnams su 'gro ba na/ de dag ye 

</font><hr>93-1-69a<br><font size=+1>

shes chen po'i de kho na rang thob par gyur cig ces de ltar smon lam de skad btab nas/ dad pa ldan zhing sems kyis dran par bgyis la/ bdag gi ming brjod par bgyi'o/ /de nas yang bdag slob dpon 'di lta ste/ de bzhin gshegs pa 'od dpag med 
rtag tu dran par bgyi'o/ /de nas gsang sngags 'di brjod par rigs so/ /nub gcig la 'di lan lnga brjod na/ bdag nyid kyi skye ba dang / 'chi ba bsags pa'i las lci ba stong phrag brgya dang / bye ba stong phrag bcu bsags pa rnams spong bar 'gyur/ byang bar 'gyur 
ro/ /yang bcom ldan 'das la gsol pa/ btsun pa bcom ldan 'das lha dang mi thams cad snying rje chen po'i rang bzhin gyi gzungs sngags gzhi 'di ji lta ba bzhin du brjod cing 'dzin na/ gal te de dag 'gum pa'i dus kyi tshe/ phyogs bcu nas sangs rgyas bcom ldan 'das 
rnams de'i steng du phyag rkyong zhing 'di skad ces khyod gang du skye bar 'dod/ /gang dang gang du smon lam btab pa der song shig ces gsung ngo / /yang bcom ldan 'das la 'di skad ces gsol to/ /btsun pa bcom ldan 'das mi'am mi ma lags pa gang zhig snying rje 
chen po'i rang bzhin gyi gsang sngags 'di brjod cing 'dzin la/ de gal te ngan song gsum du lhung bar gyur na/ bdag bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /gang zhig gis gsang sngags 'di brjod cing bzung 
la/ sangs rgyas bcom ldan 'das thams cad kyi 'jig rten gyi khams su skye ba ma thob na bdag sangs rgyas su ma gyur cig /yang su zhig gis gsang sngags 'di brjod cing bzung la/ des ting nge 'dzin dang / so so yang dag par rig pa du ma ma thob na/ bdag sangs rgyas 
su ma gyur cig /yang su zhig gis gsang sngags 'di brjod cing bzung la/ tshe gcig gis yid la bsams pa thams cad yongs su ma rdzogs na/ 'di snying rje chen po'i rang bzhin gyi snying po zhes bgyi ba'i ming thob par mi 'gyur ro/ /su sdig pa bgyid pa dang / ma dad 

</font><hr>93-1-69b<br><font size=+1>

pa ni ma gtogs so/ /bud med su zhig bud med kyi chos la yid byung nas/ bdag skyes par gyur cig ces 'tshal te/ snying rje chen po'i rang bzhin gyi gzungs sngags gzhi 'di brjod cing bzung la de bud med kyi lus las ma gyur cing / skyes pa'i lus ma thob na/ bdag byang 
chub mngon par rdzogs par 'tshang rgya bar ma gyur cig /gal te 'dzin par bgyid pas/ de la the tshom cung zad tsam zhig bgyis na/ gdon mi 'tshal bar yid la bsams pa bzhin du mi 'grub bo/ /gang gis dge 'dun gyi bza' ba dang / thug pa dang / nor dang / 'bru 
phrogs sam/ chud gsan te/ gang la sangs rgyas stong gi bshags su gnang bas bshags su lags kyang bshags par ma gyur la/ gal te gsang sngags 'di brjod kyang / sdig pa thams cad 'byang bar ma gyur na/ de'i slad du dge 'dun gyi rdzas ci spyad pa dang / chud 
gsan pa dang / phrogs pa dang / phyogs bcu dag na/ rab tu byung ba thams cad kyi so so'i mdun du mchis la bshags na/ de'i tshe de'i bshags par 'gyur ro/ /gal te de ltar gsang sngags 'di brjod par gyur na/ phyogs bcu dag tu gtogs pa'i rab tu byung ba'i 
'dus pa rnams de la dbang yin no zhes smra zhing las thams cad kyang bshags par chud par 'gyur ro/ /sdig pa bcu po thams cad dang / mtshams med pa lnga dang / 'phags pa'i gang zag rnams la mi snyan pa brjod pa dang / dam pa'i chos spang ba dang / dus ma lags par zas 
'tshal ba dang / bslab pa nyams pa dang / mchod rten dang / dge 'dun gyi kun dga' ra ba dang / dge 'dun gyi rdzas chud gzon pa dang / tshul khrims yongs su dag par gnas pa'i sems can rnams kyi tshul khrims nyams par bgyid pa dang / de la sogs pa'i sdig 
pa'i las shin tu lci ba thams cad dang / sdig pa thams cad ma lus par byang bar 'gyur ro/ /gang the tshom 'tshal ba ni ma gtogs te/ de'i sdig pa chung ngu dang / las yang ba yang 'byang bar mi 'gyur na/ shin tu lci ba lta smos kyang ci 'tshal/ sdig pa'i las shin tu lci ba 

</font><hr>93-1-70a<br><font size=+1>

rnams byang bar ma gyur du lags kyang / yun ring mo zhig na/ sangs rgyas kyi rgyur 'gyur bar bgyid nus par 'gyur ro/ /yang 'di skad ces gsol to/ /btsun pa bcom ldan 'das gal te mi'am/ mi ma lags pa zhig gis snying rje chen po'i rang bzhin gyi snying 
po 'di brjod par gyur na/ de skye ba bzang po rnam pa bco lnga thob par 'gyur ro/ /gshis ngan du 'gum pa rnam pa bco lnga ni myong bar mi 'gyur te/ bco lnga gang zhe na/ dang po ni gang ltogs pas sdug bsngal te 'gum par mi 'gyur ba'o/ /gnyis pa ni gang chad pa ngan pas 
bcad pa'i tshor bas nyam thag pa'i gnod pa dag gis 'gum par mi 'gyur ba'o/ /gsum pa ni dgra dang / khon mchis pa dang / phyir bzlog pa rnams kyi dug dang / mtshon gyis 'gum par mi 'gyur ba'o/ /bzhi pa ni gang dmag gi g.yul 'gyed par zhugs pa'i 
tshe 'gum par mi 'gyur ba'o/ /lnga pa ni gang stag dang / spyang ki la sogs pa gcan gzan ma rungs pa rnams kyis bsad pas 'gum par mi 'gyur ba'o/ /drug pa ni gang sbrul gdug pa dang / rtsangs pa dang / srog chags u tsi ling gas zin nas 'gum par mi 'gyur 
ba'o/ /bdun pa ni gang me dang / chus 'gum par mi 'gyur ba'o/ /brgyad pa ni gang dug tu 'gyur ro 'tshal bas/ 'gum par mi 'gyur ba'o/ /dgu pa ni gang srog chags sna tshogs kyi dug gis 'gum par mi 'gyur ro/ /bcu pa ni gang rmongs pa dang / rnam 
par g.yengs pa dang / brjed pa dang / nyal bas 'gum par mi 'gyur ba'o/ /bcu gcig pa ni gang ri dang / shing dang / g.yang sa dang / gad pa las ltung bas 'gum par mi 'gyur ba'o/ /bcu gnyis pa ni gang byad kyis 'gum par mi 'gyur ba'o/ /bcu gsum 
pa ni gang dag lha g.yon can rnams dang / 'byung po sdig pa can rnams kyis glags bltas pas 'gum par mi 'gyur ba'o/ /bcu bzhi pa ni gang gsor mi rung ba'i nad rnams kyis btab nas 'gum par mi 'gyur ro/ /bco lnga pa ni gang bdag la bdag gsod pas 'gum 

</font><hr>93-1-70b<br><font size=+1>

par mi 'gyur ba ste/ gang snying rje chen po'i rang bzhin can te/ gang snying rje chen po'i rang bzhin gyi snying po 'di brjod cing 'dzin pa de la/ gshis ngan du 'gum pa rnam pa bco lnga 'byung bar mi 'gyur ro/ /skye ba bzang po rnam pa bco lnga yang thob par 'gyur te/ dang po ni gang dang gang du 
skye ba thams cad du chos dang mthun pa'i rgyal po rnams dang phrad par 'gyur ba'o/ /gnyis pa ni gang 'phags pa'i yul du skye ba thob par 'gyur ba'o/ /gsum pa ni dus bzang po dang phrad par 'gyur ba'o/ /bzhi pa ni gang rtag tu dge ba'i bshes gnyen rnams dang phrad par 'gyur ba'o/ /
lnga pa ni gang dbang po mtha' dag tshang ba'i lus 'thob par 'gyur ba'o/ /drug pa ni gang dge ba'i phyogs la sems yongs su smin par 'gyur ba'o/ /bdun pa ni gang tshul khrims nyams par mi 'gyur ba'o/ /brgyad pa ni gang gnyen bshes rnams dang / bran g.yog rnams kyis bye brag 
shes shing mthun par 'gyur ba'o/ /dgu pa ni gang yo byad dang / nor dang / zas rtag tu rgyun mi 'chad par rnyed par 'gyur ba'o/ /bcu pa ni gang gzhan gyis go 'phang bstod pa dang / mchod pa dang / bkur sti rnyed par 'gyur ba'o/ /bcu gcig pa ni gang nor dang / yo byad mi 'phrogs 
par 'gyur ba'o/ /bcu gnyis pa ni gang bsams pa sems dang mthun par 'gyur ba'o/ /bcu gsum pa ni gang lha dang klu dang / lha ma yin rnams kyis kyang rtag tu srung bar 'gyur ba'o/ /bcu bzhi pa ni gang sangs rgyas bcom ldan 'das rnams mthong zhing chos kyang thob par 'gyur 
ba'o/ /bco lnga pa ni gang chos thos pa dang / don zab mo shes rab kyis rtogs par 'gyur ba ste/ gang la la zhig snying rje chen po'i rang bzhin gyi snying po 'di brjod cing 'dzin pa des gong du smos pa skye ba rnam pa bco lnga po de dag 'thob par 'gyur ro/ /de'i slad du lha dang mi thams cad kyis rtag tu brjod 
cing gzung bar bgyi ste/ de la skyo ba bskyed par mi bgyi'o/ /de nas byang chub sems dpa' 'phags pa spyan ras gzigs dbang phyug gis tshig de skad smras nas/ de'i rjes la 'khor mang po'i dbus de nyid du 'dug ste/ lag pa gnyis mnyam par thal mo sbyar nas/ sems can 

</font><hr>93-1-71a<br><font size=+1>

thams cad la snying rje chen po'i sems bskyed de/ 'dzum pa'i bzhin rgyas par byas nas/ rgyas pa chen po kun nas yongs su rdzogs pa thogs pa med pa snying rje chen po'i rang bzhin gyi snying po gzungs sngags chen po gzhi mdzes pa 'di smras so/ /na mo rat+na tra yA ya/ na ma 
Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM sarba ban d+ha na ts+tshe da na ka rA ya/ sarba pA pa sa mu drots+tsho Sha Na ka rA ya/ sarba byA d+hi pra sha ma na ka rA ya/ sarba i t+yu pa dra ba bi nA sha na ka rA ya/ sarba b+ha ye Shu tA ra Na ka rA ya/ ta s+ya na maskr-i twa/ i daM 
Ar+ya a ba lo ki te shwa ra/ ta ba nI la kaN+Tha nA ma pa ra ma hr-i da ya mA brta yi Sh+yA mi/ sarba aR+tha sA d+ha naM/ shu b+ha tse ta naM/ sarba b+hU tA nAM pA pa mA rga bi sho d+ha kaM/ tad+ya thA/ A lo ke/ lo ka ma ti/ lo kA ti krAn+ta/ e h+ye hi ma hA bo d+hi satwa/ he bo d+hi satwa/ he ma hA bo d+hi satwa/ he pri ya bo d+hi 
satwa/ he ma hA kA ru Ni ka /sma ra hr-i da yaM/ e h+ye hi/ AR+yA ba lo ki te shwa rA ya/ pa ra ma me+e tri tsit+ta kA ru Ni ka /ku ru ku ru karma/ sA d+ha ya sA d+ha ya bi d+yA na/ de hi de hi/ me a raM ga maM ga maM bi haM ga ma/ sid d+ha yo gI shwa ra/ du hu du hu ma hA bIr+ya n+te/ d+ha ra d+ha ra d+hA ren+d+re shwa ra dz+wa la dz+wa 
la bi ma la mU rte/ AR+ya a ba lo ki te shwa ra/ kr-iSh+NA dzi na dza TA mu ku Ta/ a laM kr-i ta/ sha rI ra lam+ba pra lam+ba bi lam+ba/ ma hA sid d+ha bid+yA d+ha ra/ ba la ba la/ ma hA ba la/ ma la ma la ma hA ma la/ dz+wa la dz+wa la ma hA dz+wa la/ k-iSh+Na pak+Sha/ kr-iSh+Na bar+Na/ kiSh+Na pA sha/ ni r+g+hA ta na/ 
he pad+ma ha sta/ dza ya ka ra/ ni shA tsa re shwa ra/ k-iSh+Na sarba kri ta yadz+nyo pa bI ta/ e h+ye hi ma hA bI ra/ ma hA ba ra ma hA bA rA ha mu kha/ tri pu ra da ha ne shwa ra/ nA rA ya Na rU pa/ ba la be ga d+hA ri/ he nI la kaN+Tha/ e h+ye hi/ ma hA ha la ha la/ bi Sha ni rdzi ta lo ka s+ya rA ga bi Sha nA sha 
na/ dwe Sha bi Sha bi nA sha na/ mo ha bi Sha bi nA sha na/ ni ra mok+Sha Na hu lu hu lu/ muny+tsa many+tsa/ mu hu mu hu/ ha lA ha ra/ ma hA pad+ma nA b+hi/ ra sa ra sa/ si ri si ri/ su ru su ru/ bu d+h+ya bu d+h+ya/ bod+ha ya bo d+haya/ bod+ha yA mi/ ta ba nI la kaN+Tha/ e h+ye hi/ bA ma s+thi ta/ ma hA 

</font><hr>93-1-71b<br><font size=+1>

sing ha mu kha/ ha sa ha sa/ muny+tsa muny+tsa/ ma hA T+TaT+Ta nir+NA de na/ e h+ye hi b+ho b+ho ma hA sid d+ha yo gI shwa ra/ ban+d+ha ban+d+ha/ bA tsa na sA d+ha ya/ sA d+ha ya/ bid+yA na/ sma ra sma ra s+t+waM/ he b+ha ga bAn/ lo ki bi lo ki s+t+waM/ ta thA ga ta/ de hi de hi me dar sha naM/ kA ma s+ya dar sha naM/ pra sA d+ha ya 
me swA hA/ sid d+hA ya swA hA/ ma hA sid d+hA ya swA hA/ sid d+ha yo gI shwa rA ya swA hA/ nI la kaN+ThA ya swA hA/ bA rA ha mu khA ya swA hA/ siM ha mu khA ya swA hA/ ma hA na ra siM ha mu khA ya swA hA/ badzra ha stA ya swA hA/ ma hA badzra ha stA ya swA hA/ sid d+ha bid+yA d+ha rA ya swA hA/ ma hA sid d+ha bid+yA 
d+ha rA ya swA hA/ pad+ma ha stA ya swA hA/ ma hA pad+ma ha stA ya swA hA/ kr-iSh+Na sarba kri ta yadz+nyo pa bI tA ya swA hA/ ma hA mA la ma ku Ta d+ha rA ya swA hA/ tsakrA yu d+ha d+ha rA ya swA hA/ shad+kha shab+da nirnA da na ka rA ya swA hA/ bo d+ha na ka rA ya swA hA/ bA mas+thi ta skan+d+ha de sha kr-iSh+NA dzi nA ya swA hA/ 
bA ma hasta byA g+h+ra tsarma ni bA sa nA ya swA hA/ lo ke shwa rA ya swA hA/ ma hA lo ke shwa rA ya swA hA/ sarba sid+he shwa rA ya swA hA/ rak+Sha rak+Sha mAM swA hA/ ku ru rak+Sha mU rtI nAM swA hA/ na mo b+ha ga ba te/ na ma AR+ya a ba lo ki te shwa rA ya bo d+hi satwA ya/ ma hA satwA ya/ ma hA kA ru Ni kA ya sid 
d+h+yan tu me/ man+t+ra pa dA ni swA hA/ o~M hrI tre+e lokya bi dza ya/ a mo g+ha pA sha /a pra ti ha te hrIHha hUM phaT swA hA/ de nas byang chub sems dpa' 'phags pa spyan ras gzigs dbang phyug gis snying po 'di brjod nas sa chen po ni rnam pa drug tu g.yos so/ /rab tu g.yos so/ /'gul 
lo/ /'ur 'ur ro/ /bar snang las rin po che dang 'dres pa'i me tog gi char mngon par bab bo/ /phyogs bcu'i sangs rgyas bcom ldan 'das thams cad rjes su thugs rang ngo/ /bdud dang gzhan mu stegs thams cad sngangs skrag ste/ spu zing zhes byed par gyur to/ /'khor de thams cad 
ni so sor 'bras bu thob ste/ rgyun du zhugs pa'i 'bras bu dang / lan cig phyir 'ong ba dang / phyir mi 'ong ba dang / dgra bcom pa'i 'bras bu thob bo/ /kha cig ni sa dang po thob bo/ /kha cig ni sa gnyis pa/ kha cig ni sa gsum pa/ kha cig ni sa bzhi pa/ kha cig 

</font><hr>93-1-72a<br><font size=+1>

ni sa lnga pa nas/ kha cig sa bcu pa'i bar du thob bo/ /gang dag gis bla na med pa yang dag par rdzogs pa'i byang chub tu sems bskyed pa'i sems can de dag kyang dpag tu med do/ /de nas tshangs pa chen po stan las langs te/ gos legs par bgos nas/ gus pa'i 
sems kyis thal mo sbyar te/ byang chub sems dpa' 'phags pa spyan ras gzigs dbang phyug la 'di skad ces smras so/ /kye kye las mdzad pa legs so legs so/ /bdag kyang 'das pa'i dus na/ de bzhin gshegs pa dpag tu med pa dag gi 'khor rnams su 'dus par gyur 
te/ bdag gis de dag tu chos kyi rnam grangs dang / gzungs kyi sgo sna tshogs dag kyang thob na/ bdag gis snying rje chen po'i rang bzhin gyi gzung sngags gzhi thogs pa med pa rgya chen po 'di ma thos kyis/ da byang chub sems dpa' las mdzad pa chen po de'i lus dang / rtags dang / 
tshul dang / mtshan nyid nges par bshad du gsol/ bdag la sogs pa 'khor chen po 'di thos par 'tshal zhing smos so/ /de nas byang chub sems dpa' 'phags pa spyan ras gzigs dbang phyug gis/ tshangs pa chen po la 'di skad ces smras so/ /kye khyod kyis thabs mkhas 
pas/ sems can gyi khams thams cad la phan pa dang / bde ba'i phyir dri ba 'di byas so/ /da nyon cig dang mdor cung zad cig kho bos khyod la bshad par bya'o/ /de nas 'phags pa spyan ras gzigs dbang phyug gis 'di skad ces smras so/ /'di ni snying rje chen po'i sems 
so/ /'di ni mtshungs shing mnyam pa'i sems so/ /'di ni 'dus ma byas kyi sems so/ /'di ni chags shing zhen pa med pa'i sems so/ /'di ni stong pa nyid du blta ba'i sems so/ /'di ni bsti stang du byas shing gus pa'i sems so/ /'di ni ma 'khrugs shing skyon 
med pa'i sems so/ /'di ni bla na med pa'i byang chub kyi sems te/ sems de dag la sogs pa ni snying po 'di'i mtshan nyid dang / tshul yin par de ltar zhes bya'o/ /de ltar tshul 'dis spyad par bya'o/ /bsgom par bya'o/ /tshangs pa chen pos 'di skad ces smras so/ /

</font><hr>93-1-72b<br><font size=+1>

bdag la sogs pa 'khor 'dis snying po 'di'i tshul dang / mtshan nyid de dang slan chad ma 'tshal to/ /da slan chad ni blang ngo / /mi bskyud par bgyi'o/ /byang chub sems dpa' 'phags pa spyan ras gzigs dbang phyug gis de la 'di skad ces smras so/ /rigs kyi bu'am/ 
rigs kyi bu mo gang la la zhig snying po 'di brjod cing 'dzin na/ des byang chub sems dpa' chen po yangs pa bskyed pa'o/ /de ltar yi dam bcas nas/ bdag gis sems can thams cad kyi lus gzung bar bya'o/ /zas dus dus su bza' ba dang / tshul khrims dang ldan 
par bya'o/ /sems can thams cad la mnyam pa'i sems bskyed par bya'o/ /rtag par rgyun du rgyun mi 'chad par gsang sngags 'di brjod par bya'o/ /gtsang mar gnas pas gnas par bya'o/ /khrus legs par bya'o/ /gos gtsang ma bgos la lha'i ba dan dang / 
mar me dang / bdug pa dang / me tog dang / gtor ma la sogs pas mchod par bya'o/ /sems rtse gcig tu gzung bar bya'o/ /yang dag par ma yin pa la brtag par mi bya'o zhes de skad ces brjod par bya'o/ /de ltar gzung bar bya'o/ /'on tang byang chub sems dpa' 
nyi 'od dang / byang chub sems dpa' zla 'od dang / lha'i drang srong du ma yang der 'gro ste/ dbang byed cing dngos grub kyang sbyin par 'gyur ro/ /kho bos kyang de'i tshe mig stong gis sgrub pa po de la blta'o/ /lag pa stong gis sba zhing bzung ngo / /'jig rten gyi mdo dang / yi ge 
rnams len cing 'dzin kyang nus par 'gyur ro/ /gzhan mu stegs can thams cad kyi chos dbang du bya ba dang / rig byed rnams kyang nges par rtogs par 'gyur ro/ /gang la la zhig gsang sngags 'di brjod cing 'dzin pas ni 'jig rten na 'byung pos phyung ba'i nad kyi rnam 
pa brgyad khri bzhi stong gang su la byung yang rung sos par byed do/ /des zhi bar mi 'gyur ba'i nad gang yang med do/ /yang 'byung po'am/ lha rnams la yang rgol ba'i mthu yod par 'gyur ro/ /bdud kyang pham par byed do/ /gzhan mu stegs can rnams kyi phyogs kyang 

</font><hr>93-1-73a<br><font size=+1>

lkugs par byed do/ /gal te ri la gnas pa'am/ dgon pa na gnas pa gang zhig kha ton pa la de na gnas pa sdig pa byed pa dang / bgegs byed pa dang / gnod pa byed pa'i lha dang / 'byung po sna tshogs gang dag sems 'khrugs par byed na/ snying po 'di lan 
cig brjod pas de dag thamasacad bcings par 'gyur ro/ /gang la la zhig tshul 'di bzhin du gsang sngags 'di brjod cing 'dzin na/ srog chags thams cad la snying rje bskyed par bya'o/ /de'i tshe kho bos kyang lha dang / klu'i rgyal po thams cad dang / gsang ba'i bdag po 
lag na rdo rje la rtag tu de'i phyi bzhin 'brangs la bsrung ba bgyis te/ phrad par gyis shig ces bsgo bar bya'o/ /mig gi 'bras bu dang / rang gi srog ji lta ba bzhin du srung bar 'gyur ro/ /tshigs su bcad pa dag kyang smras pa/ gang zhig dad pas snying po 'di/ /kha yis rtag tu 
'dzin pa yi/ /sgrub pa po la dus kun tu/ /soms la srung bgyis shig ces/ /khung bu mig dang de bzhin du/ /stobs po che dang lu gu rgyud/ /lha yi dam pa lcags kyu dang / /lag na rdo rje bsgo bar bya/ /kho bo'i snying po mchog 'di ni/ /dad pas rtag tu 'dzin pa yi/ /
sgrub pa sdig dang bral ba la/ /khyed cag srungs shig skyongs shig ces/ /dbang phyug che dang khyab 'jug dang / /nor gyi bu dang drag po dang / /kum bi ra dang ser skya dang / /de dag rnams la kho bo bsgo/ /gang zhig rtag tu dad pa yis/ /gsang sngags 'di brjod 'dzin byed pa'i/ /
rig sngags 'chang la mi g.yel bar/ /soms shig srung ba gyis shig ces/ /lngas rtsen dang ni bde mchog dang / /tsin da la dang su ma la/ /bing ga la dang gshin rje la/ /kho bos lung gis bsgo bar bya/ /gang zhig rtag tu dad pa yi/ /kho bo'i gsang sngags 'di 
'dzin cing / /rtag brjod rig sngags 'chang ba la/ /bsam pa gyis shig srung ba gyis/ /sgrub pa po la srungs shig ces/ /bden pa po dang so brtsegs dang / /mi mjed bdag dang lha mo dpal/ /de dag kun la kho bos bsgo/ /gang zhig dad pas kho bo yi/ /

</font><hr>93-1-73b<br><font size=+1>

gsang sngags 'di ni rtag 'dzin cing / /rjod byed rig sngags 'chang ba la/ /soms shig srung ba gyis shig ces/ /lha mo chen mo dbyangs can dang / /lha yi dbang po brgya byin dang / /sum cu gsum dbang ro langs dang / /mang po 'dzin la kho bos bsgo/ /kho bo'i rig sngags 'di 
'chang la/ /soms shig srung ba gyis shig ces/ /gnas lnga dag na gnas pa yi/ /gtsang ma'i gnas kyi lha rnams dang / /yang dag shes dang nor bu bzang/ /de dag rnams la kho bos bsgo/ /gang zhig dad pas kho bo yi/ /gsang sngags 'di ni rtag 'dzin cing / /
rjod byed rig sngags 'chang ba la/ /soms shig srung ba gyis shig ces/ /rgyal po rnam thos bu dang ni/ /'phrog ma bu dang bcas pa dang / /yul 'khor srung dang skyong byed dang / /mig mi bzang dang 'phags skyes dang / /skem byed gzhon nur gyur pa dang / /de dag rnams la kho 
bos bsgo/ /gang zhig rtag tu dad pa yis/ /rtag tu gsang sngags 'di 'dzin cing / /rjod byed rig sngags 'chang ba la/ /soms shig srung ba gyis shig ces/ /dga' bo nye dga' klu gnyis dang / /stobs kyi lha dang rgya mtsho dang / /drang srong nyi shu rtsa brgyad dang / /de dag 
rnams la kho bos bsgo/ /gang zhig rtag tu dag pa yis/ /rtag tu gsang sngags 'di 'dzin cing / /rjod byed rig sngags 'chang ba la/ /soms shig srung ba gyis shig ces/ /klu yi rgyal po ut+pal dang / /'phrul chen lto 'phye che rnams dang / /lha min mi ci dri za dang / /
de dag rnams la kho bos bsgo/ /gang zhig rtag tu dad pa yis/ /rtag tu gsang sngags 'di 'dzin cing / /rjod byed rig sngags 'chang ba la/ /soms shig srung ba gyis shig ces/ /chu dang me yi lha rnams dang / /sha za rnams dang glog dang sprin/ /grul bum dag dang 
mkha' lding dang / /de dag kun la kho bos bsgo/ /bde bar byed pa'i lha g.yog 'khor lnga brgya dang ldan pa khyed thams cad dang / de bzhin du lha dang / /klu'i rgyal po rnams dang / lha dang / lha'i bu mo la sogs pa dang / gnod sbyin stobs dang ldan pa rnams kyang gang snying rje chen 

</font><hr>93-1-74a<br><font size=+1>

po'i rang bzhin gyi snying po 'di bzlas brjod byed pa de'i phyi bzhin du 'brongs shig /gnod pa sol cig /srung ba gyis shig /gal te sngags pa mi zhig ri dang / nags tshal stong pa thibs po dag na/ gcig pur grogs med par nyal na yang / bde 
bar byed pa'i lha de dag rang gi 'khor dang bcas te srung bar byed do/ /yams kyi nad rnams dang / bgegs rnams kyang zhi bar byed do/ /gal te ri khrod du lam stor bar gyur na/ gsang sngags 'di bzlas brjod byas pa dang / bde bar byed pa'i lha dang / klu'i rgyal po de dag mi 
gzugs kyis de la lam ston par byed do/ /gal te ri dang / nags dang / dgon par son la chu dang me med par gyur na/ klu'i rgyal po rnams kyis de la srung ba'i phyir chu dang me ston par byed do/ /de nas byang chub sems dpa' 'phags pa spyan ras gzigs dbang phyug 
gis yang rig sngags 'chang de la yams kyi nad dang / gnod pa gzhig cing bsal ba'i phyir/ zhi bar byed pa'i tshigs su bcad pa 'di dag smras so/ /gal te 'brog dang ri khrod rnams zhig tu/ /stag dang spyang ki gcan gzan khro rnams dang / /sbrul dang rtsangs pa dang 
ni mkha' 'gro ma/ /'ong yang 'di thos sngags mthus ldog par 'gyur/ /rgya mtsho chu klung mtsho bran 'gram gnas na/ /dug ldan sbrul dang sbrul 'dzin byed pa dang / /chu srin gnod sbyin nya dang kum bi ra/ /'ongs na'ang gsang sngags thos na 'jigs par 'gyur/ /dmag 
dpung chen po'i dgra dang 'thab pa dang / /nor 'phrog chom rkun rnams dang phrad na yang / /dad pas rtse gcig sems dang byams pa yis/ /gsang sngags bzlas na sdig byed mi nus ldog /rgyal po'i khrims can go rar bcug pa dang / /btson rar lcags dang shing sgrog 
bcug na yab/ /dad pas gsang sngags 'di ni brjod byas na/ /rgyal po bdag nyid de la dga' bar 'gyur/ /gal te dug can nags sam khyim gang na/ /dug can zas yod der ni son gyur la/ /dad dang ldan pas gsang sngags mchog brjod na/ /dug rnams 

</font><hr>93-1-74b<br><font size=+1>

thams cad gyur nas bdud rtsir 'gyur/ /gal te bud med bus thogs mi phyin cing / /g.yon can bgegs kyis na bar byed na yang / /dad pa drag pos gsang sngags 'di brjod na/ /'byung po 'bros shing bde bar btsa' bar 'gyur/ /'byung po sdang dang gnod sems klu rnams 
kyis/ /bsad pa'i ched du gnod pa byas na yang / /dad pas gsang sngags 'di ni brjod byas na/ /tshe yang 'phel zhing nad rnams 'byang bar 'gyur/ /gal te 'byung pos skrangs nad byas pa dang / /bas ldags nad dang shu ba rnag khrag can/ /dad pas rtag tu gsang sngags 
'di bzlas na/ /gsang sngags mthu yis thams cad med par 'gyur/ /sems can rab tu sdang bas bsad pa'i phyir/ /g.yo dang sgyu yi las rnams byed na yang / /dad pa drag pos gsang sngags 'di brjod na/ /de drung sgyu ma'i mkhan po 'gro mi 'gyur/ /dam pa'i 
chos nyams sems can rnyog pa can/ /'dod chags bcings shing log pas rmongs rnams dang / /nyin mtshan mi drang ma zhi rtog ldan zhing / /khyo dang lhan cig mi dga' bud med rnams/ /gsang sngags bzlas brjod byas pas 'byin nus te/ /'dod chags me zhi sems 
ni drang bar 'gyur/ /gal te snying po 'di yi mthu brjod na/ /bskal pa gcig gi mtha' mir phyin ma 'gyur/ /tshon skud sna lnga pa la snying po 'di lan lnga bzlas brjod byas te/ mdud pa nyi shu rtsa gcig bzlas pa mgul du gdags so/ /snying po 'di ni sngon gyi sangs rgyas 
bcom ldan 'das gang gA'i klung dgu bcu rtsa dgu'i bye ma snyed kyis sems can rnams kyi don gyi phyir gsungs pa'o/ /gang dag pha rol tu phyin pa drug sgom par byed la yongs su rdzogs par mi 'gyur ba de dag la/ myur du yongs su rdzogs par bya ba'i phyir gsungs so/ /gang dag 
sangs rgyas nyid du sems ma bskyed pa de dag kyang / byang chub tu sems skyed par byed do/ /gang nyan thos kyi 'bras bu ma thob pa de dag kyang myur du thob par byed do/ /stong gsum gyi stong chen po'i 'jig rten gyi khams na/ lha'i drang srong gang dag byang chub tu sems ma bskyed pa ji 

</font><hr>93-1-75a<br><font size=+1>

snyed 'khod pa de dag kyang sems skyed par byed do/ /gang theg pa chen po'i chos la dbang po rnams dad pa ma rnyed pa de dag kyang thob par byed do/ /snying po 'di'i mthus theg pa chen po la thar pa'i sa bon gyi myu gu 'phel bar 'gyur ro/ /gal te dgos pa zhig yod na 
yang kho bo'i snying rje dang / thabs la mkhas pas thams cad 'grub bo/ /stong gsum gyi stong chen po'i 'jig rten gyi khams na/ mun pa mun nag gi sems can dmyal ba dag na/ sems can gang dag gnas pa rnams kyang / gal te snying po 'di thos na/ sdug bsngal 
rnams las yongs su thar bar 'gyur ro/ /byang chub sems dpa' gang dag sa dang po ma thob pa de dag kyang / sa bcu nas sangs rgyas kyi byang chub kyi bar du 'thob par 'gyur ro/ /skyes bu chen po'i mtshan sum cu rtsa gnyis dang / dpe byad bzang po brgyad cu rnams kyang rang yongs 
su rdzogs par 'gyur ro/ /nyan thos kyi theg pa can gyi sems can gang dag gis snying po 'di lan cig thos na/ drang po'i sems kyi bsam pas mos shing sgom par 'gyur ro/ /dge sbyong gi 'bras bu bzhi yang ji ltar 'dod pa bzhin du 'thob bo/ /gal te de ltar bzod na/ stong 
gsum gyi stong chen po'i 'jig rten gyi khams kyi phyi nang na yod pa'i ri dang / rdo dang rtsig pa dang ri rab dang / ri khor yug rnams kyang g.yo zhing rdul phra rab bzhin du phye mar 'gyur ro/ /rgya mtsho chen po bzhi yang khol zhing 'thor bar 'gyur ro/ /gal te de dang de'i gam yo na sems 
can gang dag 'khod pa de dag thams cad ji ltar byang chub tu sems bskyed pa de bzhin du 'gyur ro/ /gang gi tshe 'di la dam par gyur pa de dag gis/ nyi ma nyi shu rtsa gcig tu tshul khrims dang ldan par byas la/ snying po 'di bzlas brjod byas na/ yid la bsams pa yongs su rdzogs 
par 'gyur ro/ /thog ma med pa'i tha ma'i mtha'i bar gyi sdig pa'i las gang yin pa de dag thams cad 'byang bar 'gyur ro/ /stong gsum gyi stong chen po'i 'jig rten gyi khams kyi phyi nang gi sangs rgyas dang / byang chub sems dpa' dang / brgya byin dang / tshangs pa dang /

</font><hr>93-1-75b<br><font size=+1>

'jig rten skyong ba dang / lha'i drang srong dang / klu'i rgyal po thams cad dbang du 'gyur ro/ /mi'am lha gang la la zhig gsang sngags 'di kha ton byed pa de 'bab chu'am/ rgya mtshor khrus byas na/ de na srog chags gang dag 'khod pa la des reg pa de dag gi las shin tu lci ba 
thams cad 'byang bar 'gyur/ tshe phyi ma la sangs rgyas kyi zhing yongs su dag par pad+ma las brdzus te skye bar 'gyur/ mngal nas skye ba dang / drod gsher las skye ba dang / sgo nga las skye ba'i skye ba 'dzin par mi 'gyur na/ gang 'di 'dzin pa dang / brjod pa dang / klog pa lta ci 
smos/ 'don cing brjod pa lta yang ci smos/ rlung gang gis rig sngags 'chang la reg pa'i rlung des sems can gang la la la reg par gyur pa'i las lci ba thams cad 'byang bar 'gyur ro/ /yang dang yang ngan song gsum du 'gro bar mi 'gyur ro/ /rtag tu sangs rgyas 
'byung bar skye bar 'gyur ro/ /'di ltar yang shes par bya ste/ gang 'dzin pa dang / 'chang ba'i bsod nams kyi rnam par smin pa ni/ bsam gyis mi khyab cing dpag tu med do/ /gang la la snying po 'di brjod pa de'i kha nas tshig dge ba'am/ mi dge ba ci byung yang 
rung ste/ de thams cad bdud dang gzhan mu stegs can dang / srung ba'i lha dang klu dang / 'byung po rnams kyis yongs su dag pa'i chos su thos par 'gyur ro/ /su snying po 'di kha ton byed pa de la thams cad sangs rgyas su 'du shes bskyed cing gus par 'gyur ro/ /
sangs rgyas bcom ldan 'das gang gA'i klung dgu bcu rtsa dgu'i bye ma snyed kyi rdul phra rab snyed dag gis sdug par dgongs shing yongs su bzung ba de ni sangs rgyas kyi sku'i mdzod du shes par bya'o/ /de ni sangs rgyas thams cad kyi 'od zer gyi snang bas snang bar 'gyur bas/ lus 
'od zer dang ldan par shes par bya'o/ /gang snying po 'dis sems can rnams yongs su skyob pa de snying rje'i mdzod du shes par bya'o/ /gang gzungs kyi sgo rnams sdud pa de chos kyi mdzod du shes par bya'o/ /gang la ting nge 'dzin brgya stong mngon du snang ba de bsam gtan 

</font><hr>93-1-76a<br><font size=+1>

dang / snyoms par 'jug pa'i mdzod du shes par bya'o/ /gang stong pa nyid kyi ye shes kyis sems can rnams la blta ba de nam mkha'i snying po'i mdzod du shes par bya'o/ /gang la rtag tu lha dag dang lha rnams kyis kun tu bsrungs pa de mi 'jigs pa'i 
mdzod du shes par bya'o/ /gang gi kha nas gzungs kyi sgra rgyun mi 'chad pa de gtam sna tshogs kyi mdzod du shes bar bya'o/ /gang yams kyi nad rnam gsum dang / dus ngan pas chud mi zos pa de rtag tu gnas pa'i mdzod du shes par bya'o/ /gang bdud dad gzhan 
mu stegs can gyis bar du gcod cing bzlog mi nus pa de'i mi'i sha'i mdzod ji lta ba bzhin ma yin par shes par bya'o/ /gang rtag tu snying po 'dis sems can thams cad gso bar byed pa de sman gyi rgyal po'i mdzod du shes par bya'o/ /gang sangs rgyas kyi zhing du 'gro ba la 'byung 
ba de ni mngon par shes par bya ste/ de'i bsod nams kyi bsngags pa ni mtha' yas so/ /gal te rigs kyi bu mir gyur pa zhig yun ring por 'khor ba'i sdug bsngal gyis skyo zhing bde ba 'dod na/ des thog mar bas mtha' dben pa'i gnas btsal bar bya ste/ der 'dug par bya'o/ /
gtsang mar mtshams legs par bya'o/ /gal te chu la bzlas brjod byas sam/ yang na zas sam thug pa'am/ sman nam/ bdug pa la so sor lan brgya rtsa brgyad bzlas brjod byas te spyad na tshe ring bar 'gyur ro/ /mthu yod par 'gyur ro/ /mtshams gcod nus par 'gyur ro/ /rjes 
su mthun pa'i chos len pa'am/ 'dzin nus par 'gyur ro/ /thams cad 'grub par 'gyur ro/ /de la mtshams bcad pa'i cho ga ni 'di yin te/ thog mar ral gri la lan nyi shu rtsa gcig bzlas brjod byas la dkyil 'khor gcad par bya'o/ /yang na chu gtsang ma la lan nyi 
shu rtsa gcig bzlas brjod byas la/ phyogs bzhir gtor bar bya ste/ 'di ni mtshams so/ /yang na yungs kar la lan nyi shu rtsa gcig bzlas brjod byas la phyogs bzhir gtor na mtshams bcad par 'gyur ro/ /yang na ji tsam 'dod pa sems kyis byin gyis brlab par 

</font><hr>93-1-76b<br><font size=+1>

bya'o/ /yang na thal ba gtsang ma la lan nyi shu rtsa gcig bzlas brjod byas te/ mtshams bcad do/ /yang na tshon skud sna lnga pa las bzlas brjod byas la phyogs bzhir bres na/ thams cad du mtshams bcad par 'gyur ro/ /cho ga 'dis len cing 'dzin nus par gyur na bdag nyid 'bras 
bu thob par 'gyur ro/ /sus snying po 'di'i ming thos pa de'i bskal pa du ma'i skye ba dang 'chi ba bsags pa'i las lci ba rnams kyang byang bar 'gyur na/ su 'di brjod cing 'dzin pa lta ci smos/ gang zhig 'di brjod cing smra bar nus pa de sngon gyi de bzhin gshegs pa du ma la mchod cing bsod 
nams dang dge ba'i rtsa ba bsags pa yin par rig par bya'o/ /gal te cho ga 'dis sems can gyi khams sdug bsngal la gnas pa thams cad gdon par byed nus par gyur na/ mi de ni snying rje chen po dang ldan zhing ring po mi thogs par sangs rgyas kyi byang chub 'thob par rig par bya'o/ /
rig sngags 'chang des sems can ji snyed mthong ba dang / sems can so so la brjod pa dang / de la gang dag gis thos pa yang byang chub kyi rgyur 'gyur ro/ /rig sngags 'chang de'i bsod nams dang dge ba'i mtha' ni brjod mi nus par dpag tu med par 'gyur ro/ /gal 
te lus bsdams shing zas dus su za bar gnas la dge zhing drang po'i sems kyis brjod par nus na/ des de'i tshe sems can gyi khams thams cad kyi ched du/ sngon gyi las rnams bshags par bya'o/ /bdag nyid kyang de bzhin du bshags par bya'o/ /gal te de ltar goms 
shing rgyun mi 'chad par snying po 'di brjod na/ des tshe 'di la dge sbyong gi 'bras bu bzhi thob par 'gyur/ dbang po rno ba dang / blo dang ldan pa dang / bsam gtan la blo skye bar 'gyur/ sa bcu'i 'bras bu thob pa la mi dka' bar gyur na/ 'jig rten pa'i bsod nams kyi 'bras 
bu chung ngu 'thob pa lta ci smos/ /ci dang ci 'dod pa rnams de la yongs su rdzogs par mi 'gyur ba med do/ /de ci'i phyir zhe na/ byang chub sems dpa' 'phags pa spyan ras gzigs dbang phyug gi snying rje chen po dang / smon lam chen po zab cing rgya che ba'i stobs kyis so/ /

</font><hr>93-1-77a<br><font size=+1>

de nas bcom ldan 'das kyis snying po 'di'i mthu stobs rgya chen po tshe dang ldan pa kun dga' bo la bka' stsal pa/ kun dga' bo yul gang dang gang du yams kyi nad byung la/ yul der gal te rgyal pos chos kyis yul srung zhing rgya che ba dang / gtsang mar bya na sems can 
rnams stams las mi gcod do/ /nyes par byung ba rnams la bzod par bya'o/ /rgyal po des lus dang sems kyi brtson 'grus dang ldan par byas la/ zhag bdun snying rje chen po'i rang bzhin gyi snying po 'di bzlas brjod byas na/ yul der yams kyi nad ci byung ba thams cad zhi bar 'gyur 
ro/ /lo tog thams cad kyang phun sum tshogs par 'gyur ro/ /sems can thams cad bde bar 'gyur ro/ /gal te sa ris so sor dag rgyun du 'ong zhing yul du gnas pa'i sems can rnams la gnod pa byed pa dang / mi yongs mi dga' bar gyur pa dang / der nad byung ba dang / 
chu dus su mi 'bab pa dang / der zla ba dang nyi ma lam drang por mi 'gro ba dang / gal te sdig pa'i las de snyed byung na/ rgyal po des spyan ras gzigs dbang phyug lag pa stong dang / mig stong dang ldan pa'i gzugs byas la/ gang du yams kyi nad byung ba de logs su bzhin bstan te 
bzhag go/ /shin tu dad pas bdug pa dang / me tog dang / gdugs dang / rgyal mtshan dang / lha'i ba dan sna tshogs dang / zhal zas ro brgya pas mchod par bya'o/ /de nas rgyal po des snying po 'di brjod pa'i phyir/ nyin zhag bdun du brtson 'grus brtan por gnas par 
byas na/ sa ris so sor dgra thams cad de la phyag 'tshal bar 'gyur/ /rang rang gi yul la dga' bar 'gyur/ sems mthun par 'gyur/ phan tshun grogs su 'gyur/ mi yongs dang rgyal bu thams cad kyang byas pa gzo zhing / legs par byed par 'gyur ro/ /rgyal 
po'i btsun mo'i 'khor rnams kyang de la dga' ba bskyed par 'gyur ro/ /lha dang klu rnams kyang yul srung bar byed do/ /char yang dus su 'bab par 'gyur ro/ /'bras bu dang / lo tog rnams kyang mang zhing grub par 'gyur ro/ /yul na gnas pa rnams kyang bde ba dang / yid 

</font><hr>93-1-77b<br><font size=+1>

bde ba skye bar 'gyur ro/ /gal te khyim gcig tu nad dang / gnod pa sna tshogs byung ngam/ bdud dang 'byung po g.yon can gnas pas 'khrugs shing smra'am/ skur pa 'debs sam/ gnod pa dag byung ngam/ phyi nang gi mi mthun pa chen po'am/ chung ngu dag byung na de'i tshe 
spyan ras gzigs dbang phyug lag pa stong dang / mig stong dang ldan pa de'i mdun du mchod pa byas la/ shin tu dad pas snying po 'di lan stong bzlas brjod byas na/ gong du smos pa'i gnod pa de dag zhi bar 'gyur ro/ /de nas bcom ldan 'das la tshe dang ldan pa kun dga' bos 'di skad 
ces gsol to/ /btsun pa bcom ldan 'das snying po 'di'i ming ci zhes bgyi/ ji ltar blang bar bgyi/ ji ltar gzung bar bgyi/ kun dga' bo snying po 'di'i ming ni mang du yod de/ gcig ni rgya cher dri ma med pa yongs su rdzogs pa zhes bya'o/ /snying rje chen po thogs pa med pa zhes 
kyang bya'o/ /sdug bsngal las yongs su skyob pa zhes kyang bya'o/ /tshe 'phel bar byed pa zhes kyang bya'o/ /ngan 'gro'i lam rnam par 'jig pa zhes kyang bya'o/ /las kyi sgrib pa 'joms pa zhes kyang bya'o/ /bsam pa yongs su rdzogs par byed pa zhes kyang bya'o/ /sems 
kyi rjes su mthun par dbang ba zhes kyang bya'o/ /sa gong mar myur du nges par rtogs par byed pa zhes kyang bya ste/ kun dga' bo de ltar zung shig /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das gang snying po drang 
po 'di ston pa'i byang chub sems dpa' sems dpa' chen po 'di'i ming ci zhes bgyi/ bcom ldan 'das kyis bka' stsal pa/ byang chub sems dpa' sems dpa' chen po spyan ras gzigs dbang phyug ces bya'o/ /mdo 'dzin pa zhes kyang bya'o/ /'od zer dang mig dang / lag 
pa stong yod pa zhes kyang bya'o/ /byang chub sems dpa' sems dpa' chen po spyan ras gzigs dbang phyug de'i rdzu 'phrul gyi mthu ni dpag tu med cing bsam gyis mi khyab bo/ /'di ni 'das pa'i bskal pa dpag tu med pa'i snga logs su byang chub mngon par rdzogs par sangs rgyas te/

</font><hr>93-1-78a<br><font size=+1>

chos snang ba'i sangs rgyas bcom ldan 'das zhes bya'o/ /de ni snying rje chen po dang / smon lam gyi dbang gis sems can la phan pa dang / bde ba'i phyir 'dir byang chub sems dpa'i gzugs su snang ngo / /byang chub sems dpa' rnams dang / mi mjed kyi bdag po 
tshangs pa dang / lha'i dbang po brgya byin dang / klu'i 'khor dang khyed thams cad kyis de la mchod pa gyis shig /de la brnyas par ma byed cig /lha dang mi thams cad kyis rtag tu mchod pa gyis shig /ming yang brjod cig dang / dge ba'i rtsa ba skye zhing sdig pa du ma yang 
'byang bar 'gyur ro/ /lus zhig ste shi ba'i 'og tu de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can du skye ba 'dzin par 'gyur ro/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /su nor bu dang / 
'bras bu dang / rin po che dang yo byad 'dod pa des/ yid bzhin gyi nor bu rin po che thogs pa'i lag pa la bltas te 'dug par bya'o/ /su nad sna tshogs kyis btab ste/ nad med par 'dod pa des don yod pa'i zhags pa thogs pa'i lag pa la bltas te 'dug par bya'o/ /su 
lto na ba des rin po che'i lhung bzed thogs pa'i lag pa la bltas te bsam par bya'o/ /su 'byung po rnams dang bgegs byed pa'i lha la sogs pa gdul bar 'dod pa des/ rin po che'i ral gri thogs pa'i lag pa la bltas te 'dug par bya'o/ /su 'dod pa'i dbang phyug bdud 'dul 
bar 'dod pa des/ rdo rje thogs pa'i lag pa la bltas te 'dug par bya'o/ /su dgra tshar gcod par 'dod pa des/ rdo rje can gyi gtun shing thogs pa'i lag pa la bltas te 'dug par bya'o/ /su thams cad du 'jigs par gyur te/ bde ba ma thob pa des mi 'jigs pa sbyin pa'i 
lag pa la blta bar bya'o/ /su mig na zhing mthong ba nyams pa des nor bu rin po che me shel thogs pa'i lag pa la bltas te 'dug par bya'o/ /su tsha ba'i nad kyis btab pa dang / dug 'thungs pa des nor bu rin po che chu shel thogs pa'i lag pa la blta bar bya'o/ /su bdag 

</font><hr>93-1-78b<br><font size=+1>

po dang / rnyed pa dang / go 'phang 'dod pa des/ rin po che'i gzhu thogs pa'i lag pa la bsam par bya'o/ /su grogs po sdug pa myur du phrad par 'dod pa des/ rin po che'i mda' thogs pa'i lag pa la dmigs par bya'o/ /su lus la nad sna tshogs kyis btab pa des/ me tog 
gi snye ma thogs pa'i lag pa la bltas te 'dug par bya'o/ /su lus la las kyi sgrib pa'i sdig pa rnams zad par 'dod pa des/ rnga yab dkar po thogs pa'i lag pa la blta bar bya'o/ /su nye du dang / gnyen 'dab dang / bu dang / chung ma rnams dang / sems mthun par 'dod 
pa des/ ril ba b+h+r-ing gar thogs pa'i lag pa la blta bar bya'o/ /su stag dang / spyang ki dang / gcan gzan ma rungs pa spong bar 'dod pa des/ phub thogs pa'i lag pa la bltas te 'dug par bya'o/ /su phyogs thams cad du dbang phyug rnams kyis glags lta ba yongs su spong 
bar 'dod pa des/ dgra sta thogs pa'i lag pa la bltas te 'dug par bya'o/ /su khye'u dang / bu mo dang / bskol bar 'dod pa des/ sor mo la ri thogs pa'i phyag rgya'i lag pa la bltas te 'dug par bya'o/ /su bsod nams dang dge ba'i tshogs byed mi nus pa des/ pad+ma 
dkar po thogs pa'i lag pa la bltas te 'dug par bya'o/ /su sangs rgyas kyi zhing yongs su dag par skye bar 'dod pa des/ pad+ma sngon po thogs pa'i lag pa la bltas te 'dug par bya'o/ /su ye shes chen po thob par 'dod pa des rin po che'i me long thogs pa'i lag pa la 
bltas te 'dug par bya'o/ /su phyogs bcu'i sangs rgyas mngon sum du mthong bar 'dod pa des/ pad+ma thogs pa'i lag pa la bltas te 'dug par bya'o/ /su sa'i 'og gi gter rnams thob par 'dod pa des rin po che za ma tog thogs pa'i lag pa la bltas te 'dug par bya'o/ /
su drang srong gi lam tshol bar 'dod pa des/ tshon sna lnga'i sprin thogs pa'i lag pa la bltas te 'dug par bya'o/ /su tshangs ris kyi lha'i nang du skye bar 'dod pa des/ ril ba spyi blugs thogs pa'i lag pa la bltas te 'dug par bya'o/ /su lha'i nang du skye bar 'dod pa des/

</font><hr>93-1-79a<br><font size=+1>

me'i mdog lta bu'i pad+ma thogs pa'i lag pa la bltas te 'dug par bya'o/ /su yul gzhan gyi dgra phyir phyogs par 'dod pa des/ rin po che mdung rtse gsum pa thogs pa'i lag pa la bltas te 'dug par bya'o/ /su lha dag dang / lha dang / yongs su skyong ba thams cad 
dgug par 'dod pa des/ dung thogs pa'i lag pa la bltas te 'dug par bya'o/ /su lha rnams dang / 'byung po rnams la bsgo ba byed par 'dod pa des/ khri'i zur shing lta bu thogs pa'i lag pa la bltas te 'dug par bya'o/ /su phyogs bcu'i sangs rgyas bcom ldan 'das rnams kyis 
myur du lung bstan par 'dod pa des/ bgrang ba'i nor bu thogs pa'i lag pa la bltas te 'dug par bya'o/ /su skad snyan cing tshangs pa'i sgra lta bu 'dod pa des/ rin po che'i dril bu thogs pa'i lag pa la bltas te 'dug par bya'o/ /su dgos pa thams cad dag par 'dod pa dang / lce bde 
ba dang / mkhas par 'dod pa des/ phyag rgya rin po che thogs pa'i lag pa la bltas te 'dug par bya'o/ /su lha rnams dang / klu rnams dang / rgyal po rnams kyis yongs su srung bar 'dod pa des/ lcags kyu thogs pa'i lag pa la bltas te 'dug par bya'o/ /su sems can thams cad 
la byams pa dang / snying rjes khyab par 'dod pa des/ 'khar gsil thogs pa'i lag pa la bltas te 'dug par bya'o/ /su sems can thams cad kyis bsti stang bya ba dang / dran par 'dod pa des/ thal mo sbyar ba'i lag pa la bltas te 'dug par bya'o/ /su tshe rabs tshe rabs su 
sangs rgyas dang mi 'bral bar 'dod pa des/ sangs rgyas kyi sprul ba thogs pa'i lag pa la bltas te 'dug par bya'o/ /su skye zhing skye ba na sangs rgyas rgyal po'i gnas dang / khang bzangs su skye zhing ma'i mngal du mi skye bar 'dod pa des/ sprul pa'i gzhal med khang thogs pa'i lag pa 
la bltas te 'dug par bya'o/ /su mang du nyan pa dang / mang du slob par 'dod pa des/ glegs bam thogs pa'i lag pa la bltas te 'dug par bya'o/ /su tshe 'di nas bzung ste/ sangs rgyas nyid kyi bar du yid mi ldog par 'dod pa des/ 'khor lo thogs pa'i lag pa la bltas te 

</font><hr>93-1-79b<br><font size=+1>

'dug par bya'o/ /su mi 'jigs pa la sogs pa sbyin pa rnam pa bzhis 'gro ba tshim par 'dod pas mchog sbyin pa'i phyag la bltas te 'dug par bya'o/ /su phyogs bcu'i sangs rgyas bcom ldan 'das rnams myur du byon te/ phyag gis mgo la nyug cing lung ston par 'dod pa des/ mgo 
la sangs rgyas sprul pa bzhugs pa la bltas te 'dug par bya'o/ /su 'bru dang / 'bras bu la sogs pa btab cing bskyed pa rnams phun sum tshogs par 'gyur bar 'dod pa des/ dgun gyi snye ma thogs pa'i lag pa la bltas te 'dug par bya'o/ /de la sogs pa 'dod pa'i dngos 
po rnams rnam pa stong du rig par bya ste/ mdo tsam zhig bstan pa yin no/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis snying po 'di ci nam 'dzam bu'i gling 'dir rgyun mi 'chad par 'gyur bar dge ba'i sems kyis zung 
shig long shig rgyas par ston cig /de ltar na snying po 'di don chen po byed pa yin no/ /khams gsum na sems can ji snyed 'khod pa'i lus la nad gang dag yod pa de gal te gsang sngags 'dis gso bar byed na/ nad med par mi 'gyur ba de gang yang med do/ /snying po 'dis 
shing skam po la bzlas brjod byas na/ de la yal ga dang / me tog gi snye ma dang / lo ma dang / 'bras bu rnams 'byung bar 'gyur na/ sems yod pa'i sems can bde bar 'gyur ba lta ci smos te/ 'di la the tshom za bar mi bya'o/ /kun dga' bo snying po 'di'i mthu stobs ni 
brtag par mi nus shing bsam gyis mi khyab ste/ de bas na yon tan rnams kyi pha rol tu phyin to/ /sngon gyi dus dag na dge ba'i rtsa ba ma skyes pas ni ming yang mi thos na mthong ba lta ci smos/ khyod la sogs pa'i 'khor chen po 'di dang / lha dang / klu dang / mi rnams kyi snying po 
'di la rjes su yi rang bar bya'o/ /gang gis thos la spong ba de ni/ gang gA'i klung dgu bcu rtsa dgu'i bye ma'i rdul phra rab snyed kyi sangs rgyas bcom ldan 'das rnams spong bar 'gyur ro/ /su zhig snying po 'di la the tshom bskyed cing yid mi ches pa'i mi de ni/ yun ring po nas 

</font><hr>93-1-80a<br><font size=+1>

rnyed pa las rab tu nyams nas bskal pa chen po brgyad stong du ngan 'gro rnams su 'khyams par 'gyur ba dang / mngon par 'byung bar mi 'thob pa dang / rtag tu sangs rgyas mi mthong ba dang / chos mi mthong ba dang / chos mi thos pa dang / dge slong gi dge 
'dun dang / byang chub sems dpa' sems dpa' chen po rnams mi mthong bar shes par bya'o/ /de nas lag na rdo rje la sogs pa 'khor chen po de dang / brgya byin dang / tshangs pa dang / 'jig rten skyong ba dang / lha dang klu dang / 'byung po gnas pa rnams bcom 
ldan 'das kyi snying po 'di'i bsngags pa brjod pa thos nas/ thams cad rab tu dga' ste/ bka' bzhin du 'dzin to/ /de nas byang chub sems dpa' nyi 'od kyis rig sngags de srung ba'i phyir/ gsang sngags 'di smras so/ /sangs rgyas gtso la phyag 'tshal lo/ /skyob 
ba'i chos la phyag 'tshal lo/ /dge 'dun che la phyag 'tshal lo/ /gsum la rtag tu phyag 'tshal lo/ /sus tshigs su bcad pa 'di brjod na/ de sdig pa thams cad 'byang bar 'gyur ro/ /bgegs byed pa bdud dang mi phrad par 'gyur ro/ /yams kyi nad 
rnams zhi bar 'gyur ro/ /nyin gcig la dus gsum du brjod cing / dkon mchog gsum la phyag 'tshal na/ dge ba'i rtsa ba des tshe rabs gzhan na gzugs dang ldan par skye bar 'gyur ro/ /sems can rnams dga' bar 'gyur ro/ /de'i tshe byang chub sems dpa' zla 'od 
kyis rig sngags 'chang de srung ba'i phyir gsang sngags 'di smras so/ /sha ma ta te ta tu su te/ Adz+nyA ba te/ u tu te/ shaM khri ste/ parma n+ya te/ a tu Te/ ku la ta te/ khi ma Te swA hA/ gsang sngags 'di ni zhal nas gsungs pa'o/ /gsang sngags 'di lan lnga bzlas brjod 
byas la/ tshon sna bdun pa'i skud pas bcing ba bya ste/ gsang sngags 'chang gang du na bar gyur pa der bcing bar bya'o/ /gsang sngags 'di ni sngon gyi sangs rgyas gang gA'i klung bzhi bcu'i bye ma snyed kyis gsungs te/ bdag gis kyang da rig sngags 'chang rnams srung ba'i phyir 

</font><hr>93-1-80b<br><font size=+1>

smras so/ /bgegs dang yams kyi nad thams cad zhi bar byed do/ /sdig pa thams cad dang nad thams cad byang bar byed do/ /'jigs pa thams cad dang bral bar 'gyur ro/ /dge ba thams cad kyang yongs su rdzogs par 'gyur ro/ /bcom ldan 'das kyis tshe dang ldan pa kun 
dga' bo la 'di skad ces bka' stsal to/ /kun dga' bo spyan ras gzigs dbang phyug gis smras pa'i gsang sngags 'di ni de bzhin no/ /ma nor ba de bzhin no/ /don yod pa'o/ /su byang chub sems dpa' 'gugs par 'dod pa des/ gu gul gyi bdug pa la lan nyi shu rtsa gcig 
bzlas brjod byas te bsregs na/ byang chub sems dpa' der 'ong bar 'gyur ro/ /su zhig byi la'i gdon gyis zin par gyur na/ byi la'i mgo rus blangs te bsregs la sa gtsang ma dang / thal ba zhib mo dang bsres te chus sbrus la byi la'i gzugs byas te/ byang chub sems dpa' 
mig stong ldan gyi mdun du ur mo'i ral gri la lan brgya rtsa brgyad bzlas brjod byas te/ ral gri des byi la'i gzugs de brgya rtsa brgyad du gtubs la dum bu re re la yang lan re bzlas brjod byas shing ming nas kyang brjod na/ ji srid 'tsho'i bar du mi ldang ngo / /su zhig ha la ha la'i dug zos na/ 
des gu gul gyi bdug pa dang / ga bur cha bsnyams te khron pa'i chu lhag mar ma gyur pa dang / bskol ba khyor gang tsam lus pa dang / byang chub sems dpa' mig stong ldan gyi mdun du lan brgya rtsa brgyad bzlas brjod byas te 'thungs na/ dug las sos par 'gyur ro/ /su zhig sbrul 
dang / srog chags u tsi ling gas zin par gyur na/ sga phye la lan bdun bzlas brjod byas te/ rma khar btab na sos par 'gyur ro/ /su zhig sdig pa'i 'chi ba dang / skur ba 'debs pas mi gzhan la 'chi na/ des sa gtsang ma'am/ bag phye'am/ sbra tshil las de'i gzugs 
byas la/ byang chub sems dpa' mig stong ldan gyi mdun du ur mo'i ral gri la lan brgya rtsa brgyad dus gcig tu bzlas brjod byas te/ snying po brjod la dum bur gtubs te/ de'i ming nas brjod cing lan brgya rtsa brgyad sbyin sreg byas na/ dga' bar 'gyur te/ ji srid 'tsho'i bar 

</font><hr>93-1-81a<br><font size=+1>

du mdza' bar 'gyur ro/ /su zhig mig nyams te ldongs pa'i bar du gyur pa dang / su zhig mig gi 'bras bu'i steng du ling thog byung ba dang / mig tu skyes te mi mthong bar gyur ba des a ru ra gcig dang / ba ru ra gcig dang / skyu ru ra gcig zhib tu btags la sbrang rtsi dkar 
po dang / khye'u nu ba'i 'o ma dang sbyar bar bya ste/ sbyor ba'i tshe sangs rgyas kyi mtshan nas brjod cing / bu gsar du btsas pa'i bud med dang / khyi dang / phag gis ma mthong bar byas la ril bur byas te/ byang chub sems dpa' mig stong ldan gyi mdun du lan stong rtsa brgyad bzlas 
brjod byas la/ gnas dben pa rlung mi 'ong bar 'dug ste/ nyi ma bdun gyi bar du sman de mi'i 'o ma dang / sbrang rtsi dang brdar ba mig tu blugs na/ mig gi 'bras bu skye'o/ /ling thog med par 'gyur zhing legs par mthong bar 'gyur ro/ /su grang ba'i rims kyis btab pa'i ched du/ 
stag lpags sam/ gzigs lpags sam/ dred lpags sam/ dom lpags sam/ spyang lpags la lan nyi shu rtsa gcig bzlas brjod byas te/ grang ba'i rims kyis btab pa la bskon na rims sos par 'gyur ro/ /seng ge'i pags pa ni thams cad kyi mchog go/ /gal 
te sbrul gyis zin na mi de nyid kyi skra bcad la lan nyi shu rtsa gcig bzlas brjod byas te/ dug gi rma khar bzhag na sos par 'gyur ro/ /su zhig snying na zhing mi dran nam/ 'chi 'dod par gyur na/ shing sle ma ta ka'i thang chu star ka tsam chu gtsang ma dang bskol te phyed du ba dang lan bdun bzlas 
brjod byas la 'thungs na/ thams cad bde bar 'gyur ro/ /bud med kyis bskol bar mi bya'o/ /su zhig 'byung po'i gdon gyis zin tam/ mi ma yin pas btab pa'i nad kyis btab par gyur na/ gu gul gyi bdug pa la lan nyi shu rtsa gcig bzlas brjod byas te snar 
blugs so/ /yang na ri bong gi rtug pa tsam gyi ril bur byas la lan nyi shu rtsa gcig bzlas brjod byas te bza'o/ /sha dang / chang dang / sgog pa dang / 'thab mo spang ngo / /'on dang sos par 'gyur ro/ /yang na ldong ros dang / yungs kar dang / lan tshwa dkar po 

</font><hr>93-1-81b<br><font size=+1>

bsres la lan nyi shu rtsa gcig bzlas brjod byas te/ nad pa'i mal gyi 'og nas bdugs na/ nad gtong ba'i 'byung po myur du 'bros te/ lus 'jig cing der 'dug mi nus par 'gyur ro/ /gal te gzhogs phyed na'am/ gzhogs phyed nyams sam/ rna ba 'on nam/ rkang lag 'gul mi 
nus par gyur na/ til mar gyi nang du ru rta btsos la/ lan nyi shu rtsa gcig bzlas brjod byas te bskus na sos par 'gyur ro/ /yang na ba mar gcig pu la lan nyi shu rtsa gcig bzlas brjod byas te/ bskus na sos par 'gyur ro/ /bud med la la zhig bu 'byung shin tu dka' 
na/ til mar la lan nyi shu rtsa gcig bzlas brjod byas te/ lto ba'am/ lte bar bskus na myur du 'byung ngo / /gang gi mngal du bu 'chi na shing a pa marga srang gcig chu khyor do'i nang du bskol la phyed lus pa dang / de la lan nyi shu rtsa gcig bzlas brjod byas te 'thungs na/ 
gnod pa med par 'byung bar 'gyur ro/ /sha ma mi 'byung na yang sman de la bzlas brjod bya'o/ /la la zhig shi la thug pa tsam du snying na ste/ mnags mi bzod na tu ru ska dang / dbyi mo cha bsnyams te bsres la lan nyi shu rtsa gcig bzlas brjod byas te so la bsku zhing mid la skyugs 
skyugs kyi bar du byas na sos par 'gyur ro/ /sgog pa rnam dgu dang / sha dang / chang spang bar bya'o/ /mes tshig na ba nag mo'i lci ba dron po la lan nyi shu rtsa gcig bzlas brjod byas te/ rma khar glan na sos par 'gyur ro/ /la la zhig srog chags ring po snying la za/ rta dkar 
po'i gcin khyor phyed la lan nyi shu rtsa gcig bzlas brjod byas te 'thungs na/ srog chags de 'byung ngo / /gal te nad tshabs che na khyor gang 'thungs na/ srog chags thag pa srig 'byung ngo / /gal te 'bras drag po byung na/ rams kyi lo ma brdungs te khu ba btsir la de la lan 
nyi shu rtsa gcig tu bzlas brjod byas te rma khar gtor na rtsa ba dang bcas te 'byung ngo / /la la zhig mig la sbrang bus zos par gyur na/ bong bu'i rtug pa gsar du byung ba btsir te/ khu ba la lan nyi shu rtsa gcig bzlas brjod byas te/ dgongs su nyal kar mig tu blugs na sos 

</font><hr>93-1-82a<br><font size=+1>

par 'gyur ro/ /la la zhig lto na na khron pa'i chu lhag mar ma gyur pa la lan nyi shu rtsa gcig bzlas brjod byas pa'i nang du lan tshwa dkar po la lan nyi shu rtsa gcig bzlas brjod byas la btab ste/ khyor phyed 'thungs na sos par 'gyur ro/ /su'i mig la mig nag chags sam/ rab rib bam/ 
rtsa dmar par gyur na/ shing sham mya ka'i lo ma btsir te/ de'i khu ba la lan bdun bzlas brjod byas la nang du 'gron bu bcug ste/ zhag gcig bzhag la nang par yang lan bdun bzlas brjod byas te/ mig tu blugs na phan no/ /su zhig mtshan mo 'jigs shing mi bde la skrag na/ skud 
pa dkar po la lan nyi shu rtsa gcig bzlas brjod byas te/ mdud pa nyi shu rtsa gcig bor la mgul du btags na 'jigs par mi 'gyur ro/ /las rnams kyang byang bar 'gyur ro/ /khyim zhig tu glo bur du gnod pa dag byung na/ bal po se'u'i shing gi lcug ma sor gnyis kyi tshad du gtubs pa 
stong rtsa brgyad byas la/ ba mar dang / zho dang / sbrang rtsi snod cig tu blugs pa drung du bzhag ste/ lcug ma'i dum bu cig blangs la lan cig bsngags te/ rtse mo gnyis mar du smyugs la sreg go/ /de bzhin du lcug ma'i dum bu thams cad bsregs na/ yams kyi nad thams cad 
med par 'gyur ro/ /las 'di ni sangs rgyas kyi spyan sngar bya'o/ /shu dag dkar bo la lan brgya rtsa brgyad bzlas brjod byas te/ dpung pa g.yas par thogs na thab mo'am/ 'gyed pa'i tshe rgyal bar 'gyur ro/ /shing sham mya ka'i lo ma dang bcas pa sor gnyis kyi tshad gtubs la cho ga gong 
ma bzhin du sbyin sreg bya'o/ /nyi ma gcig la dus gsum du lan stong rtsa brgyad sbyin sreg bya'o/ /gal te nyi ma bdun du de bzhin byas na/ dngos grub 'thob bo/ /'phags pa'i lam yang skye'o/ /gal te 'byung po rdzu 'phrul chen po las rgyal bar 'dod na/ lung tang gi shing la lan 
bzhi bcu rtsa dgu bzlas brjod byas la ba mar dang / zho dang / sbrang rtsi dang sbyin sreg byas te/ byang chub sems dpa'i mdun du bya'o/ /glang dkar po'i gi'u wang srang gcig mthing bu'i snod du bcug la/ byang chub sems dpa'i mdun du lan stong rtsa brgyad bzlas brjod bya ste/ yan lag 

</font><hr>93-1-82b<br><font size=+1>

rnams la bskus la/ dpral bar thig le byas na/ lha klu dang 'byung po dang / mi thams cad dga' bar 'gyur ro/ /gang dag nyes byung ste lcags sgrog dang / shing sgrog tu bcug na/ phug ron gyi rtug pa la lan brgya rtsa brgyad bzlas brjod byas te/ lag pa la yang bsku'o/ /
lcags sgrog dang / shing sgrog la yang reg par byas na thar bar 'gyur ro/ /gal te khyo shug me dang chu ltar mi mthun par gyur na/ byang chub sems dpa'i mdun du ngur pa'i mjug sgro la lan stong rtsa brgyad bzlas brjod byas te/ lus la thogs na ji srid 'tsho'i bar du 'dum 
bar 'gyur ro/ /gal te srog chags dag lo tog phung bar byed na/ thal ba gtsang ma'am/ bye ma gtsang ma la lan stong rtsa brgyad bzlas brjod byas la/ me tog kun tu gtor na/ srog chags rnams phyir ldog par 'gyur ro/ /gal te srog chags dag shing tog la za na/ 
chu la bzlas brjod byas te/ shing rnams la gtor na 'bras bu la mi za'o/ /de'i tshe yang bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to/ /btsun pa bcom ldan 'das bdag tshe rabs snga 
ma'i bsod nams kyi rgyus/ bcom ldan 'das kyis bdag la khyod sems can gyi khams thams cad la snying rje chen po bskyed nas/ bcing ba dang / 'jigs pa thams cad gcod nus par 'gyur te/ de'i mthus sems can thams cad sdug bsngal rnams las thar bar 
'gyur/ zhi ba dang / bde ba thob bar 'gyur ro/ /zhes lung bstan par gyur to/ /ma 'ongs pa'i dus lnga brgya pa tha mar gyur pa na/ rigs kyi bu'am/ rigs kyi bu mo la la zhig snying po chos kyi sgo 'di nyin lan gsum mtshan lan gsum 'dzin nus na/ de'i las kyi sgrib 
pa thams cad 'byang bar 'gyur ro/ /chos thams cad kyi chos nyid 'grub par 'gyur ro/ /bdag gis sangs rgyas kyi bka' drin dran par bgyi ste/ grong khyer ram grong ngam/ grong rdal lam/ nags tshal gang na rig sngags 'chang gnas pa la/ gal te de na gnas pa'i 

</font><hr>93-1-83a<br><font size=+1>

'byung po rnams 'tshe bar bgyid na/ bdag rtag tu der mchi zhing kun tu bsrung bar bgyi ste/ yongs su spong bar mi bgyid do/ /de'i tshe yang bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad 
ces gsol to/ /btsun pa bcom ldan 'das slad ma'i dus lnga brgya pa thams cad sems can phal cher rnyog pa can du 'gyur te/ dge ba'i rtsa ba chung zhing rtag par rgyun du dge ba'i phyogs bgyid mi nus pa dang / gal te 'dzin na yang de'i tshe/ lha dang / 'byung po 'tshe bar 'gyur bas/ bdag 
gis lha dang mi dang lha ma yin la sogs pa sems can thams cad la sman pa dang / bde ba dang / zhi bar bgyid pa'i slad du/ sangs rgyas bcom ldan 'das kyi mthu dang / rdzu 'phrul gyi stobs kyis gzungs 'di'i cho ga da bshad par bgyi'o/ /bdag gis kyang 'das pa'i bskal pa du mar gzungs 
'di la mchod pa bgyis so/ /'das pa dang / ma byon pa dang / da ltar byung ba'i sangs rgyas bcom ldan 'das ji snyed pa rnams kyis kyang gzungs 'di la brten nas/ bla na med pa yang dag par rdzogs pa'i byang chub brnyes so/ /rigs kyi bu'am/ rigs kyi bu mo gang la la zhig 
rtag tu gzungs 'di 'dzin cing 'chang na/ de'i tshe 'di nyid la tshig gi rgyun thogs pa med par 'gyur/ dbang po rno zhing mkhas par 'gyur/ spobs pa myur bar 'gyur/ lha dang / mi thams cad kyi mchog tu 'gyur ro/ /gang su'i sgra dang / tshigs su bcad pa dang / grags 
pa yang thos shing bde ba dang / dga' bar yang 'gyur ro/ /phyag bya ba'i 'os su yang 'gyur ro/ /gang dang gang du skyes par yang sangs rgyas dang / chos dang / dge 'dun yang mthong bar 'gyur/ tshig la yang yid ches shing yid rton par 'gyur ro/ /de yang 'di ltar sangs 
rgyas bcom ldan 'das rnams kyi mthu lags par bgyi yi/ bdag nyid kyi ni ma lags so/ /de nas bcom ldan 'das kyis/ byang chub sems dpa' 'phags pa spyan ras gzigs dbang phyug la bstod nas/ legs so zhes bya ba yang byin te/ khyod ni lha dang mi la sogs pa la 

</font><hr>93-1-83b<br><font size=+1>

phan pa dang / bde ba dang / zhi bas las kyi lam la sbyor bar nus so/ /gal te yun ring por phyir mi ldog pa lta na/ da ngas ye shes kyi phyag rgyas gdab bo/ /de nas bcom ldan 'das la 'phags pa spyan ras gzigs dbang phyug gis 'di skad ces gsol to/ /btsun pa 
bcom ldan 'das bdag gis dran pa bdag ri gru 'dzin la gnas shing / 'das pa'i bskal pa du mar gzungs sngags kyi chos kyi sgo 'di brjod do/ /de'i tshe bdud der mchis nas bdud des 'khor bsdus nas/ ci nas kyang gsang sngags kyi gzhi 'di'i 'grub par bdag gis chos de 
la mtho ba tsam par bsams pa dang / de'i tshe bdag gis gsang sngags kyi chos de'i cho gas bdud pham par bgyis/ rnam par pham par bgyis so/ /gsang sngags 'di'i mthu ni brtag mi nus shing bsam gyis mi khyab par rig par bgyi'o/ /de'i tshe byang chub sems dpa' 
'phags pa spyan ras gzigs dbang phyug gis lha dang mi rnams la phan pa dang / bde ba thob par bya ba'i phyir snying rjes rtsa ba'i gsang sngags 'di smras so/ /na maHsarba dz+nyA ya/ na mo rat+na tra yA ya/ na mo\u0f85 mi tA b+hA ya/ ta thA ga tA ya/ aR+ha te samyak+saM bud d+hA ya/ na ma AR+yA ba lo 
ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na mo ma hA s+thA ma prAp+NA ya/ bo d+hi satwA ya/ ma hA kA ru Ni kA ya/ na mo bi pu la/ bi ma na su pra tiSh+Thi tA saM g+hA ya/ sUr+ya sha ta sa ha sra a ti re ka/ pra b+hA a ba b+hA si ta mUrta ye/ ma hA ma Ni mu ku Ta 
kuN+Da la/ a laM kA ra d+hA ri Ne/ b+ha ga ba te/ pad+ma pA Na ye/ sarba lo ka a pA ya pra sha me nA ya/ bi bi d+ha mu kha sa mA be sha/ a b+haSh+Ta sarba satwA pa ri mo tsa kA ya/ tad+ya thA/ oM b+hur b+hu ba swA hA/ ma hA A lo ka ka ra Na ta ma sti mir pa Ta la bi nA sha ka rA ga dwe Sha mo ha dz+wa la sha ma ka/ 
shA sa ka /sa mA shwA sa na ka ra/ rak+Sha ka /sarba a pA ya durga ti pra sha ma na ka ra/ sarba sa twAM sa mA shwA sa na ka ra/ sarba A shA pa ri pU ra ka /sarba ta thA ga ta/ sa ma pa dA na ka ra/ e h+ye hi ma hA bo d+hi satwa ba ra pad+ma A lo ka saM b+hu ta ma hA kA ru Ni ka /dza TA ma ku Ta/ a lang kr-i ta/ shi 

</font><hr>93-1-84a<br><font size=+1>

ro ma Ni ka na ka /rA dza ta badzra bai DUr+ya a lang kr-i ta/ sha rI ra a mi tA b+ha dzi na ka ma la/ a lang kr-i ta pra b+ha ra Na ra dza na sha ta sa ha sra a b+hi la ShI ta kA ya/ ma hA bo d+hi satwA ya bar ba ra da/ bi d+ha ma bi d+ha ma/ bi nA sha ya/ bi nA sha ya/ ma hA ya na traM/ kle sha kab+hA 
ta/ a ba ba d+ha bi bid+ha satwAM/ sang sA ra tsA ra ka /pra ma tha na ka ra/ pu ru Sha pad+ma/ pu ru Sha nA ga /pu ru Sha sA ga ra/ pu ru Sha sing ha/ bI ra bI rA dza su daN+Ta tA pa ri bi ti/ d+ha ma d+ha ma/ sa ma sa ma/ d+hu ru d+hu ru/ pra shA sa ya pra shA sa ya/ g+hi ri g+hi ri/ bi bi ri bi bi ri/ tsi 
ri tsi ri/ si ri si ri/ su ru su ru/ d+hi ri d+hi ri/ bi d+hi ri bi d+hi ri/ bi ri bi ri/ mu ru mu ru/ mu kha mu kha/ mu ya mu ya/ mu ny+tsa muny+tsa/ d+hu na d+hu na/ bi d+hu na bi d+hu na/ d+hu ru d+hu ru/ gA ya gA ya/ ga d+ha ya ga d+ha ya/ sa ha sa ha/ pra sa ha pra sa ha/ 
nA nA bi bid+ha kle shI bA sa na/ ha ra ha ra/ saM ha ra saM ha ra/ d+hu ru tu d+hu ru tu/ ma hA maN+Da la ka ra Na sha ta pra se ka /a ba b+hA si ta bi bi d+ha bA sa na sha mi ka /shA sa ka /rak+Sha ka /ma hA bo d+hi satwa ba ra ba ra da swA hA/ gzungs sngags 'di ni de bzhin gshegs pa pad+ma'i 
phyag gi rgyan gyi yu ba zhes bya ste/ sangs rgyas bcom ldan 'das lha dang / klu dang / mi'am ci du mas yongs su bskor bas/ rdo rje chen po dang ldan zhing dga' ba'i rgyu las byung ba'i khang bzangs su thams cad kyis mchog gi byang chub sems dpa' rnams kyi don du gsungs te/ sgrib 
pa'i ri chen po rnam par 'joms pa'o/ /gang la la zhig gis mnyan pa dang / blta ba dang / bklag pa dang / brjod pa thob na/ mi de'i nyon mongs pa'i sgrib pa ji snyed mchis pa thams cad 'byang bar 'gyur ro/ /su zhig dad par gus pas snga dro brjod na/ byang chub sems dpa' 
'phags pa spyan ras gzigs dbang phyug rtag tu de'i slad bzhin 'brang zhing srung ba bgyid do/ /gang ci 'tshal ba dag kyang de bzhin du 'grub bo/ /su zhig gal te bdag gi bsam pa thams cad yongs su rdzogs par thob par 'tshal ba des/ gcig pu phyogs dben par mchis 

</font><hr>93-1-84b<br><font size=+1>

la/ byang chub sems dpa' 'phags pa spyan ras gzigs dbang phyug yid la dran par bgyi zhing gzhan bsam par mi bgyi bar gzungs sngags 'di lan bdun brjod na/ yid la bsams pa gang rdzogs par mi 'gyur ba de gang yang ma mchis so/ /sems can thams cad dga' bar 'gyur 
ro/ /ngan 'gror mchi bar mi 'gyur ro/ /sangs rgyas bcom ldan 'das rtag tu rjes su mngon du dran na/ bskal pa bye ba phrag du ma bsags pa'i las kyi sgrib pa thams cad 'byang bar 'gyur ro/ /'khor los sgyur ba'i rgyal po stong du tshang ba'i bsod nams dag kyang thob par 'gyur ro/ /
gar skyes gar skyes kyang byang chub sems dpa' 'phags pa spyan ras gzigs dbang phyug mthong bar 'gyur ro/ /rigs chen por skye bar 'gyur ro/ /su zhig snyim pa spos kyis bkang ste/ 'phags pa spyan ras gzigs dbang phyug gi mdun du gtor la/ gzungs sngags 'di yang lan 
bdun brjod na/ stong gi bsod nams kyi mchog dang / snying rje chen po'i rang bzhin yang 'thob bo/ /de mi'i 'jig rten 'dir yang stobs chen po yongs su rdzogs pa 'thob bo/ /su zhig 'phags pa spyan ras gzigs dbang phyug gi gdong du blta zhing / gzungs sngags 'di brjod pa 
de byang chub sems dpa' mtshan rgyas pa mthong nas/ sa dri ma med pa yang 'thob bo/ /'jig rten na yang snang ba bgyid do/ /tshe gcig gis sangs rgyas bcom ldan 'das rnams kyang mthong ngo / /ji ltar bsam gtan la snyoms par zhugs pa de lta bur mchi bar 'gyur ro/ /gar 
skyes gar skyes kyang sngon gyi tshe rabs dran par 'gyur ro/ /las kyi sgrib pa thams cad 'byang bar 'gyur ro/ /su zhig gzungs sngags 'di 'dzin pa des/ tshes bco lnga'i zla ba nya ba la bslab pa'i gzhi brgyad bzung ste/ gos gtsang ma bgos la ring bsrel dang bcas pa'i mchod rten 
gyi mdun du'am/ sangs rgyas kyi gzugs kyi spyan sngar tsan+dan dkar po'i dkyil 'khor bgyis la/ der me tog sna tshogs gtor bar bgyi/ bdug pas kyang bdugs par bgyi/ mar me yang bud par bgyi'o/ /sangs rgyas bcom ldan 'das la gus pa bskyed par bgyi'o/ /

</font><hr>93-1-85a<br><font size=+1>

de'i tshe gzungs sngags 'di yang lan brgya rtsa brgyad bzlas brjod bgyis na/ byang chub sems dpa' 'phags pa spyan ras gzigs dbang phyug dkyil 'khor der 'dug ste/ mtshams med pa la sogs pa las kyi sgrib pa mi dge ba ji snyed mchis pa thams cad 'byang bar 
'gyur ro/ /lus dang ngag dang yid kyi las rnams kyang yongs su dag par 'gyur ro/ /sangs rgyas kyi ting nge 'dzin gyi stobs kyang 'thob bo/ /'od zer gyis dbang bskur ba'i stobs kyang 'thob bo/ /sa dang pha rol tu phyin pa yang yongs su rdzogs par 'gyur ro/ /gal te char 
dbab par 'tshal na/ gyen du nam mkha' la bltas la gzungs sngags lan nyi shu rtsa gcig brjod na char 'bab bo/ /gal te sa la bltas te gzungs sngags brjod na/ sa bon thams cad rnam pa brgyar phun sum tshogs par 'gyur ro/ /gal te 'bab chu skams pa'i shul 
lam 'bab chu chen po'am/ 'bab chu'i dngo'am mtsho'am mtshe'u'am/ mtsho bran gyi 'gram du mchis te brjod na/ chu thams cad yongs su rdzogs par 'gyur ro/ /nad thams cad kyi don du gzungs sngags brjod de lag pas byabs na sos par 'gyur ro/ /dran pa nyams 
pa'i mi'i mdun du brjod na/ dran pa slar 'thob bar 'gyur ro/ /bru bas nyen pa'am/ skom pas nyen pa'i mi'i gdong du bltas te brjod na/ bkres pa'am skom pa zhi bar 'gyur ro/ /gal te mtshams bcad par 'tshal na/ des mtshe'u chu'i nang du zhugs te der mchis la/ 
gzungs sngags 'di yi ger bris te/ rgyal mtshan gyi rtse mo la btags na/ dpag tshad brgyar mtshams bcad par 'gyur te/ der nyes pa rnams mi 'byung ngo / /mtshams kun tu srung ba rdzogs so// //da ni lus thams cad bsdu ba'i phyag rgya brjod par bgyi'o/ /
lus drang por 'greng ste/ rkang pa nye bar mnyam du gzhibs la/ rkang pa g.yas pa yid tsam bskums te/ lag pa g.yon pa thur du brkyang / gung mo dang srin lag gnyis lag mthil du dgug /mdzub mo dang / mthe bong dang / mthe'u chung brkyang la lag mthil bkan 

</font><hr>93-1-85b<br><font size=+1>

te bzhag go/ /lag pa g.yas pa yang de bzhin du bgyi'o/ /lag pa gnyis ka'i gung mo bkug pa lag pa phrag pa dang mnyam par bzhag go/ /lag mthil ni mdun du bstan te bzhag go/ /'di ni lus bsdu ba'i phyag rgya dang po'o/ /su zhig bdud dang / gzhan mu 
stegs can dang / dgra rnams pham par bgyi ba dang / lam dang po la gnas par 'tshal na/ phyag rgya 'di bcings la gzungs 'di yang lan nyi shu rtsa gcig brjod par bgyi'o/ /na mo rat+na tra yA ya/ na mo AR+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA 
ya/ tad+ya thA/ a bat+ta/ a bat+te pa ri bat+te/ e h+ye hi swA hA/ gang gong du phyag rgya ji skad smos pa de bzhin du lus gnas par bgyis la/ snying gar thal mo sbyar te/ sor mo thams cad phan tshun thad kar bsnol la/ g.yon pa'i sor mo rnams kyis g.yas pa rnams la 'khyud 
bar bgyi/ mdzub mo gnyis gyen du sgreng la/ rtse mo gnyis sprad do/ /mthe bong gnyis mdzub mo gnyis kyi tshigs dang po la reg par bgyi'o/ /lag mthil ni ma 'byar bar bgyi'o/ /'di ni gzungs thams cad kyi phyag rgya ste gnyis pa'o/ /bskal pa du mar tshe rabs 
su bsags pa'i las kyi sgrib pa mi dge ba thams cad 'byang bar 'gyur ro/ /tshe phyi ma la 'gyur ro/ /gang gi tshe sangs rgyas bcom ldan 'das shAkya thub pas byang chub brnyes par mdzad par brtsams pa'i tshe bdud kyis mtho btsams pa na/ phyag rgya 'dis btul/ de'i tshe zhi ba'i bde 
ba dang / bsam gtan dang / snyoms par 'jug pa yang brnyes par 'gyur ro/ /gzungs sngags 'di yang brjod par bgyi'o/ /tad+ya thA/ sarba d+hA ra Ni/ maN+Da lA ya/ e h+ye hi pa ra ma shud d+ha satwA ya swA hA/ yang thog mar lag pa g.yas pa 'byin pa ltar 
bgyis la/ pus mo g.yas pa'i lha nga sa la btsugs te/ mgo bor thal mo sbyar la mdzub mo gnyis bkug ste rtse mo sprad/ mthe bong gnyis mdzub mo gnyis kyi tshigs gnyis pa la sbyar ro/ /'di ni chos kyi phyag rgya ste/ rnam par grol bar bgyi ba'i slad du/ bsam 

</font><hr>93-1-86a<br><font size=+1>

gtan dang / snyoms par 'jug pa thob par 'gyur ro/ /'di ni phyag rgya gsum pa'o/ /sngon de bzhin gshegs pa rnams kyis kyang mthun par bsgoms te/ de'i tshe bsam gtan rnams dang / snyoms par 'jug pa rnams dang / rnam par grol ba 
brnyes so/ /yang 'di ni gzhan te 'greng la rkang pa gnyis mnyam par gzhib bo/ /lag pa'i gung mo dang / srin lag dang / mthe'u chung rgyab sbyar te/ sen mo phrad par bgyi/ mdzub mo gnyis brkyang ste rtse mo phrad par bgyi/ mthe bo gnyis mdzub mo'i tshigs gnyis pa 
la reg par bgyi/ lag mthil nang nas sor bcu tsam gyis bskyed la smin mtshams su gzugs so/ /'di ni mig stong gi phyag rgya ste bzhi pa'o/ /gal te phyag rgya 'di bcings la gzungs sngags brjod na/ skad cig de nyid la 'jig rten gyi khams sangs rgyas kyi zhing yongs 
su dag pa/ dkrigs pa bye ba phrag stong mthong bar 'gyur ro/ /gang dag rig sngags 'chang de dang lhan cig spyod cing grogs su gyur pa ni zhing re re na yang byang chub sems dpa' dkrigs pa bye ba phrag 'bum dang / bzhi stong nyi shu mchis so/ /gang dkyil 'khor du ma 
zhugs pa des ni blta bar mi rigs te/ phyag rgya de'i chos nyid do/ /su la rigs zhe na gang dkyil 'khor du zhugs pa de nyid la'o/ /'di ltar byang chub sems dpa' rnams kyi chos kyi sbyin pa ye shes kyis rtogs par 'tshal ba thams cad yongs su rdzogs par 'gyur 
ro/ /gzungs sngags ni 'di lags te/ tad+ya thA/ oM b+hu sarba tsak+ShuHkA rA ya d+hA ra NI na drA ya swA hA/ yang 'greng la rkang pa mnyam par gzhibs te/ lag pa g.yas pa bkan la sor mo lnga gzhibs te brkyang la/ lag pa g.yon pa yang de bzhin du bgyis te bkan 
la lag pa g.yas pa'i rgyab la sbyar te snying gar bzhag go/ /'di ni lag pa stong thams cad bsdus pa'i phyag rgya ste lnga pa'o/ /'dis stong gsum gyi stong chen po'i 'jig rten gyi khams na/ bdud dang dgra mchis pa rnams thul lo/ /gzungs sngags 'di lags te/

</font><hr>93-1-86b<br><font size=+1>

na mo Ar+yA ba lo ki te shwa rA ya/ tad+ya thA sarba duSh+Ta o~M ha ya me swA hA/ yang 'greng ste rting pa phrad par bgyis la/ lag pa g.yon pa mi 'jigs pa sbyin par bgyis te/ lag pa g.yas pa yang de bzhin du bgyis la/ lag mthil bdag logs su bstan par bgyi'o/ /'di 
ni ting nge 'dzin rab tu rtogs par 'gyur ba'i phyag rgya ste drug pa'o/ /'dis ting nge 'dzin thams cad dang / chos kyi sgo mo brgyad khri bzhi stong dang / sangs rgyas kyi byang chub rab tu rtogs par 'gyur ro/ /phyag rgya 'dis ni thams cad kyang 'thob bo/ /gzungs kyi rtsa ba'i 
gsang sngags snga ma/ na maHsarba dz+nyA zhes bgyi ba lags so/ /yang 'greng la rkang pa nye bar gzhibs te/ lag pa g.yon pa'i srin lag gis mthe bo'i sen mo mnan to/ /g.yas pa yang de bzhin te mthe'u chung dang / gung mo rnams rtse mo sprad la/ lag rting drang por bsrang ste/ dgug 
pa ni mdzub mo gnyis dgug go/ /slar btang na ni brkyang ngo / /de ltar mchis la sngags brjod par bgyi'o/ /lag pa g.yas pa'i mdzub mo gnyis ni dgug go/ /g.yon pa'i mdzub mo gnyis ni slar gtang ngo / /mgo'i thon 'khor g.yas nas bskor bar bgyi ste bod pa'o/ /
g.yon pas ni bsal ba ltar bgyis te slar btang ngo / /phyag rgya 'dis ni lha dang klu la sogs pa 'khor brgyad bsdu ba'i slad du dgug pa'i phyag rgya ste bdun pa'o/ /gsang sngags ni 'di lags te/ oM sarba de ba nA ga a na le swA hA/ phyag rgya snga ma la rtse mo bskyed de/ lag rting 
gnyis sbyar ba las yud tsam bzung mdzub mos g.yab ste snga ma bzhin no/ /'di ni brgya byin dang / tshangs pa chos mnyan pa'i slad du dgug pa'i phyag rgya ste brgyad pa'o/ /gsang sngags ni 'di lags te/ oM ma hA prah+ma ye/ e h+ye hi swA hA/ phyag rgya 'di dang / gsang sngags 'di ni 
gzungs sngags dang / phyag rgya dang / chos kyi sgo du ma gzung ba'i slad du bsdu ba'o/ /nyi ma spyang kis zin pa dang / zla ba spyang kis zin pa'i tshe/ ba mar la lan nyi shu rtsa gcig bzlas brjod bgyis te/ phyag rgya 'dis phyag rgyas btab la 'thungs na dbang po rno bar 'gyur ro/ /nyin gcig 

</font><hr>93-1-87a<br><font size=+1>

bzhin du chos kyi tshigs su bcad pa khri lobs nus par 'gyur ro/ /phyag rgya 'di dang / chos kyi sgo 'di ni de bzhin gshegs pa nyi ma'i snying pos/ byang chub sems dpa' 'phags pa spyan ras gzigs dbang phyug gi ched du gsungs pa'o/ /yang 'greng ste 
rkang pa nye bar gzhibs la/ lag pa thal mo sbyar te/ snying gar bzhag la mthe bong gnyis lag mthil du bkug ste/ rtsa ba'i sngags chen po lan nyi shu rtsa gcig brjod par bgyi'o/ /'di ni byang chub sems dpa' rnams kyi rang rang gi nor bu'i yid bzhin lta bu'i phyag 
rgya ste dgu ba'o/ /'dis nges par lha'i gzhal med khang rnams su 'jug go/ /phyogs bcu'i sangs rgyas kyi zhing rnams su yang mchi'o/ /mchod pa'i don du rin po che brgya stong dag kyang bsams pa bzhin rnyed par 'gyur ro/ /su zhig chos kyi sgo 'di'i las bgyid nus na/ de nang 
par sngar langs la khrus bgyi zhing kha gdong bkrus te/ phyag rgya de'i dam tshig bgyis na/ des phyogs bcu'i de bzhin gshegs pa gang gA'i klung gi bye ma snyed mngon sum du mthong bar 'gyur ro/ /bskal pa du mar tshe rabs su bsags pa'i sdig pa mi dge ba'i las lci ba 
rnams 'byang bar 'gyur ro/ /phyag rgya de'i yon tan dang / bsngags pa ni rab tu mang ngo / /yang snga ma bzhin du thal mo sbyar te/ mdzub mo gnyis bkug la mthe bo'i sen mo la bcar te/ mdzub mo gnyis kyi sen mo yang phan tshun du rgyab sprad la rtsa ba'i gsang sngags 
brjod par bgyi'o/ /'di nas byang chub sems dpa' rnams kyi sems la 'dod pa'i phyag rgya ste bcu pa'o/ /ci 'tshal ba de bzhin du 'grub bo/ /nges par bla na med pa yang dag par rdzogs pa'i byang chub las phyir mi ldog par 'gyur ro/ /yang thal mo snga ma las mthe bong dang / 
mdzub mo so sor brkyang ste lag mthil dbye bar bgyi'o/ /'di ni rgyu'i gnas skabs kyi tshe sangs rgyas bcom ldan 'das gang gA'i klung gi bye ma snyed kyis bdag la stsal ba ste/ 'dis bdag byang chub kyi lam rab tu rtogs so/ /'dis rtsa ba'i gsang sngags brjod par bgyi'o/

</font><hr>93-1-87b<br><font size=+1>

'di ni byang chub sems dpa' rnams 'gog pa la snyoms par 'jug pa'i phyag rgya ste/ bcu gcig pa'o/ /yang thal mo snga ma las mdzub mo gnyis bskum zhing brkyang bas bskul bar bgyi'o/ /'di byang chub sems dpa' sangs rgyas thams cad kyi ting nge 'dzin rnams 'thob pa'i 
phyag rgya ste/ bcu gnyis pa'o/ /gzungs sngags ni 'di lags te/ o~M sarba bud d+ha sa ma ya e h+ye hi pa ra ma shud d+ha satwa swA hA/ de ni byang chub sems dpa' 'phags pa spyan ras gzigs dbang phyug mig stong dang ldan pa/ lag pa stong dang ldan pa'i dkyil 'khor khru bcu drug 
pa'i cho ga brjod par bgyi'o/ /thog mar ri rnams dang nye ba/ sa gzhi bkra shis pa'i phyogs btsal bar bgyi'o/ /der sa brkos te/ gseg ma dang / gyo mo dang / rus pa dang / mi gtsang ba rnams bsal la/ dri zhim po dang bsres pa'i ba'i gcib dang / 'jim par bsres 
te byug par bgyi'o/ /der chu zheng du khru bcu drug pa'i stegs bu bgyi'o/ /'phang du ni mtho gang gi tshad du bgyis la/ sgo bzhi btod de/ shar gyi sgor ni yul 'khor srung / lho'i sgor ni 'phags skyes po'o/ /nub kyi sgor ni mig mi bzang / byang gi sgor ni rnam thos 
kyi sras te/ de dag gi gam yor rang rang gi 'khor thams cad bri'o/ /dkyil 'khor gyi dbus su ni byang chub sems dpa' 'phags pa spyan ras gzigs dbang phyug mig stong dang ldan pa lag pa stong dang ldan pa gzhag par bgyi'o/ /de'i mdun du khri'u bzhag ste/ khri'u'i 
steng du gzungs sngags kyi cho ga gzhag par bgyi'o/ /de la bdug pa sna tshogs kyis bdug go/ /me tog sna tshogs bkram mo/ /lha bshos sna tshogs dbab bo/ /der mchod pa de rnams bzhag ste/ sgog pa rnam dgu dang / sha dang chang mi dbab bo/ /gal te rgyun mi 
'chad par bgyi na nyin gcig bzhin mchod pa thams cad kyang sar pa gzhan gyis brje'o/ /cho ga 'dis nyi ma nyi shu rtsa gcig tu dngos po thams cad kyis mchod par bgyi'o/ /sgrub pa po gang dag sngon mthong ba de dag gis bri bar bgyi'o/ /de sgrub pa po shar phyogs su bltas te/

</font><hr>93-1-88a<br><font size=+1>

'greng la gzungs sngags snga ma dang po nas bcu gnyis kyi bar du brjod par bgyi'o/ /sangs rgyas kyi mthar phyin gyi bar du skyo bar mi bgyi'o/ /thog mar phyag rgya dang po lan cig bcings la gsang sngags kyang lan bdun brjod par bgyi'o/ /bcu gnyis pa'i bar 
du yang de bzhin du bgyi'o/ /der de'i tshe phyir mi ldog pa brtan po'i sems bskyed par bgyi'o/ /cho ga 'dis de bzhin du dgug pa bgyis na/ thams cad 'du bar 'gyur ro/ /de'i tshe sangs rgyas nyid kyi ched du nges par drang po'i sems kyis drang por mchis par bgyi'o/ /gsang 
sngags dang lha thams cad rjes su dran par bgyi ste/ ji ltar na mdun na mig lam na gnas pa lta bu dang phan tshun gnod pa bgyid pa ma mchis par bgyi'o/ /dmigs pa gzhan la dmigs par mi bgyi'o/ /de'i tshe rtsa ba'i gsang sngags lan stong brgyad cu bzlas brjod 
bgyi'o/ /'on tang byang chub sems dpa' spyan ras gzigs dbang phyug kun dga' bo'i gzugs kyis der mchis te/ sgrub pa po la ci 'dod ci slong zhes 'dri zhing phan tshun smra bar 'gyur ro/ /sgrub pa pos bdag nyid kyis mchod pa bgyi bar bsams la/ bdag la ji skad 
dris pa lan gdab par bgyi ste/ bla na med pa yang dag par rdzogs pa'i byang chub kyi don du gzungs sngags kyi rang bzhin 'tshal lo zhes brjod par bgyi'o/ /yang na 'di skad du 'di ni lung bstan pa'i dus lags pa snyam bgyid na/ thugs rje dang ldan pas bdag la nges par 
thugs rje chen po bskyed du gsol/ bdag ni rnyed pa dang / bkur sti dang / grags pa mi 'tshal gyi/ nam zhig na sems can thams cad la bu gcig pa bzhin du lta ba dang / yongs su skyob par 'gyur snyam du sems so/ /yang 'byung po gnyug mar gnas pa thams 
cad bdag gis bsgo ba bzhin du gnas par gyur cig snyam du sems so zhes brjod par bgyi'o/ /gal te yid la bsams pa 'di thob cing dngos grub de thob na gzhan la mi brjod par bdag nyid kyis 'tshal bar bgyi'o/ /gal te cho ga 'di grub na bzlas par bgyi/ gcig tu 

</font><hr>93-1-88b<br><font size=+1>

gzung bar bgyi'o/ /'di ni bslab pa gcig tu gsang ngo / /su zhig sna tshogs 'tshal ba des a ga ru nag po'i chab kyis dkyil 'khor gru bzhi pa bgyis la/ rtsa ba'i gsang sngags lan brgya rtsa brgyad bzlas brjod bgyi'o/ /yid la bsams pa yongs su rdzogs par bgyid 
pa'i phyag rgya bcu pa yang bcing bar bgyi'o/ /'on tang 'tshal ba yongs su rdzogs par rnyed par 'gyur ro/ /de'i tshe glegs bam 'di bzhin du sems shing / su zhig 'di bzhin du mchod pa bgyid na gzhan du mi 'gyur ro/ /gzungs sngags kyi cho ga rdzogs so// //
yang cho ga gzhan te su zhig bde ba thams cad thob par 'tshal ba des/ yid bzhin gyi nor bu rin po che lta bu'i phyag rgya dgu pa bcings la rtsa ba'i gsang sngags bzlas brjod bgyi'o/ /til nag po la lan nyi shu rtsa gcig bzlas brjod bgyis te/ mer bsregs na ci 'tshal ba 
bzhin du 'grub bo/ /ci nas rgyal po dga' bar bgyi 'tshal na des rgyal po gnas pa na mchis pa'i shing las lcug ma blangs te/ lan nyi shu rtsa gcig bzlas brjod bgyis la/ rgyal po'i kun dga' ra ba der bor na dga' bar 'gyur ro/ /gal te sems can sdig pa can 
rnams dang / dgra rnams tshar gcod par 'tshal na/ des shing ni ma pa la lan nyi shu rtsa gcig bzlas brjod bgyis te/ mer bsregs na dbang du 'gyur ro/ /yang cho ga gzhan te lha dang / 'byung po ma dul ba de'i slad du/ gu gul dang yungs kar la lan nyi shu rtsa gcig bzlas brjod 
bgyis te mer bsregs na/ 'byung po thams cad bdag nyid tshul bzhin du gnas par 'gyur ro/ /gang du nad byung na chab kyis dkyil 'khor gru bzhi pa bgyis te/ der ba mar la lan brgya rtsa brgyad bzlas brjod bgyis la/ mer bsregs na nad zhi bar 'gyur ro/ /mar de nyid 
las nyung zhig nad pa la blud na 'tsho bar 'gyur ro/ /sngon yul ko bi nar nad byung ste/ nad pa rnams gdugs gcig gnyis bro 'tshal nas gum mo/ /de'i tshe dbus kyi yul gyi mi bden gyur ces bgyi ba der mchis te/ des gzungs sngags 'di'i cho ga bgyis nas bsgrags pa 

</font><hr>93-1-89a<br><font size=+1>

dang / nad chad do/ /'byung po'i rgyal po yang yul de nas byung ngo / /thams cad kyis kyang 'di'i stobs 'tshal te/ gang du rang gi 'khor du pha rol gyi dmag tshogs mchi ba der thog ma'i rtsa ba'i gsang sngags bcings la bcangs la/ gsang sngags lan 
brgya rtsa brgyad bzlas brjod bgyis na/ dgra bo chom rkun rnams bdag nyid mi rung bar 'gyur ro/ /su zhig tshe zad pa des 'gog pa la snyoms par 'jug pa'i phyag rgya bcing bar bgyi/ nyin gcig bzhin mchod pa bgyi/ a ga ru nag po'i bdug pas bdugs par bgyi 
zhing / gsang sngags lan stong rtsa brgyad bzlas brjod bgyis na de tshe ring bar 'gyur ro/ /bud med gang zhig bu mi phyin na ba mar la lan nyi shu rtsa gcig bzlas brjod bgyis te/ de la blud na zhi ba dang bde bar 'gyur ro/ /gang bskyed pa'i bu dang / bu mo dag kyang yongs su 
rdzogs par 'gyur ro/ /mtshan mo bzang po sngon gyi bsod nams rnams kyis brgyan cing / sems can rnams dga' ba dang / mir skyes pa na rtag tu mchod pa'i 'os su 'gyur zhing bde ba mchog rnams myong bar 'gyur ro/ /su zhig mig na ba des mig stong dang ldan pa'i phyag rgya bcings 
la gzungs sngags thams cad kyi phyag rgyas mig la phyag rgyas btab na sos par 'gyur ro/ /ji ltar steng gi phyogs kyi lha bde ba myong ba rnams mthong ba de lta bu'i mthong ba dang ldan par 'gyur ro/ /da ni ri mo bri ba'i cho ga brjod par bgyi ste/ ri mo bri ba'i ched du ras dkar po 
bgyis la/ byang chub sems dpa' mdog 'dzam bu'i gser lta bu bri bar bgyi'o/ /lag pa stong dang ldan par bgyi'o/ /lag pa so so'i lag mthil na mig re re mchis par bgyi ste/ spyin ma mchis pa'i tshon gyis bri bar bgyi'o/ /tshon rtsi yang ka pid tha dang 
bsre bar bgyi'o/ /mgo la rin po che sna bdun gyi cod pan bri bar bgyi'o/ /yan lag dang / nying lag rnams su rgyan gyis brgyan par bri bar bya'o/ /yang na ras la byang chub sems dpa' srid du khru gang pa bris te/ lag pa gnyis bri bar bgyi'o/ /gong du smos pa'i 

</font><hr>93-1-89b<br><font size=+1>

lag pa stong dang ldan pa'i phyag rgya lnga pas/ rig sngags 'chang gis mchod pa bgyi'o/ /gal te lag pa dang / mig stong dang ldan par ma gyur na/ dpral bar mig gcig bgyi'o/ /yang 'di ni cho ga gzhan te/ su zhig chos kyi sgo 'di mchod par 'tshal na/ thog 
mar ras la bri bar bya'o/ /de ni 'di ltar bri bar bgyi ste/ cho ga snga ma bzhin du dkyil 'khor bgyi'o/ /de nas ri mo mkhan bslab pa brgyad bzung ba chab khung sar mchis te/ slar log nas legs par bkrus pa gtsang mas bri bar bgyi'o/ /tshon rtsi rung bas 
cho ga bzhin bris la/ de'i tshe dkyil 'khor gyi dbus su mchis te/ der smyung ba bgyis la nyi ma nyi shu rtsa gcig tu mchod pa'i las rgya cher bgyis na/ de na gnas byang chub sems dpa' 'od zer gtong ste/ de la the tshom mi bgyi'o/ /slad kyis zla ba dang / nyi ma lta bu'i 
'od kyang bgyid do/ /gang dge ba dang dad pas mi bgyid pa des ma gtogs so/ /byang chub sems dpa' lag pa stong dang ldan pa'i cho ga'o/ /de bzhin gshegs pa rnam par gzigs byung ba'i tshe yang bdag gis bdud 'dul ba'i lus mig stong dang ldan pa sprul pa'o/ /
mig re re las kyang sangs rgyas re re sprul te/ de dag ni bskal pa bzang po la sangs rgyas stong 'byung ba lags so/ /lag pa stong las lag pa re re la yang 'khor los sgyur ba'i rgyal po re re sprul to/ /de dag ni 'khor los sgyur ba'i rgyal po stong 'byung ba lags so/ /bdud 
'dul ba'i tshogs kyi nang na/ byang chub sems dpa'i lus ni thams cad kyi mchog go/ /de nas bcom ldan 'das kyis byang chub sems dpa' 'phags pa spyan ras gzigs dbang phyug la 'di skad ces bka' stsal to/ /ngas gsang sngags 'di sangs rgyas kyi mthus rgyas 
par bshad na/ bskal pa 'das kyang mthar thug par mi 'gyur ro/ /byang chub sems dpa' 'phags pa spyan ras gzigs dbang phyug gis/ bcom ldan 'das la gsang sngags 'di thos nas rab tu dga' ste/ yi rangs nas bzung ste/ sangs rgyas kyi zhabs 

</font><hr>93-1-90a<br><font size=+1>

la phyag 'tshal nas gzungs sngags 'di brjod do/ /na mo rat+na rash+mi tsan+d+ra a laM kA ra mArga te dza puN+ya tsak+Shu ra pi Sha ya rA dzA ya ta thA ga tA ya/ tad+ya thA/ rat+na rat+na/ ta ta sha rat+na/ rat+na pra ti ma te/ rat+na pra b+hA rat+na da ka te swA hA/ byang chub sems dpa' 'phags 
pa spyan ras gzigs dbang phyug gis gzungs sngags 'di brjod nas/ de'i tshe stong gsum gyi stong chen po'i 'jig rten gyi khams 'du shes med 'du shes med min skye mched la thug gi bar du/ rnam pa drug tu g.yos so/ /rab tu g.yos so/ /'og min gyi lha'i ris na/ dbang 
phyug chen po yang mi bde bar gyur to/ /lha'i gnas der 'jigs pa chen po yang byung ngo / /ngan song du gyur pa thams cad kyang sdug bsngal chen po rnyed do zhes sgra chen po 'byin cing / phar 'bros tshur 'bros te/ gar song mi shes so/ /de'i tshe sprul pas ngan song du gyur pa'i 
'khor chen po la 'di skad ces smras so/ /gal te gsang sngags 'di las 'da' zhing 'gras par byed na mgo bo rdul phra rab bzhin du 'gyes so/ /gsang sngags 'di'i mthus ni ri 'thor ro/ /rgya mtsho chen po skems so/ /lha ma yin gyi dmag pham par bgyid do/ /'byung 
po rnams tshar gcod do/ /sdig pa can gyi mi rnams kyang tshar gcod do/ /nad chen po dag kyang chad par bgyid do/ /yul bsrungs par yang 'gyur ro/ /sum cu rtsa gsum gyi lha rnams kyang phyag 'tshal lo/ /rigs kyi bu gang la la zhig gsang sngags 'di brjod cing 
'dzin pa de'i gzi brjid dang / stobs yun thung dus bshad par mi nus so/ /gzungs sngags 'di 'chang zhing brjod pa ni dpa' bar 'gyur ro/ /phyug pa dang / stobs dang ldan pa dang / dbang dang ldan par 'gyur ro/ /ji srid 'tsho'i bar du rgyal po byams par 'gyur ro/ /ci 
'tshal ba thams cad 'grub bo/ /su zhig bdud pham par bgyid par 'tshal ba des bdug pa gtsang ma la rtsa ba'i gsang sngags lan nyi shu rtsa gcig bzlas brjod bgyi'o/ /su zhig 'di snyam du bdag la sems can thams cad byams par 'tshal ba des/ so shing la lan nyi 

</font><hr>93-1-90b<br><font size=+1>

shu rtsa gcig bzlas brjod bgyis te mchod na byams par 'gyur ro/ /su zhig bdag gi tshig thogs pa med par 'gyur bar 'tshal ba des/ shu dag la lan stong rtsa brgyad bzlas brjod bgyis la snying gar bskus na 'grub bo/ /las de dag la yang rtsa ba'i gsang sngags brjod 
do/ /phyag rgya yang bcing bar bgyi'o/ /lag pa gnyis rgyab sprad de sbyar la mthe bong gnyis brkyang ngo / /phyag rgya 'di ni ji ltar bdag srung ba de bzhin du gzhan yang srung ngo / /mtshams bcad pa yang bgyi'o/ /gang zhig tu mchin chab bam/ thal pa lag par blangs te lan 
bdun bzlas brjod bgyis la/ bdag gi steng du gtor na/ phyogs bzhir mtshams bcad par yang 'gyur ro/ /rigs kyi bu'am rigs kyi bu mo gang la la zhig 'byung po rnams sam/ bgegs dang / log 'dren rnams kyis mtho btsams par gyur na/ bal po se'u 
shing gi lcug ma la gsang sngags bzlas brjod bgyis te/ dal gyis bzhus na sos par 'gyur ro/ /'di ni byang chub sems dpa'i so so'i rig pa'i phyag rgya thogs pa med pa ste/ bcu gsum pa'o/ /gsang sngags ni 'di lags te/ namaHsarba bud d+ha d+harma saM g+hA ya/ na ma 
Ar+yA ba lo ki te shwa ra s+ya bo d+hi satwa satwa s+ya/ na mo badzra pA Ni s+ya/ bo d+hi satwa s+ya/ tad+ya thA/ d+hu pi d+hu pi/ kA ya d+hu pi/ pra sha ma ni swA hA/ log par lta ba gzhan mu stegs can rnams 'dul bar nus so/ /su zhig dus gsum du gsang sngags 'di lan nyi shu rtsa re re brjod pa des/ sangs 
rgyas bcom ldan 'das bye ba phrag bcu la mchod pa'i las rnam pa sna tshogs kyis mchod pa bgyis par 'gyur ro/ /bud med du skye bar mi 'gyur ro/ /'chi ba'i dus kyi tshe ngan 'gro gsum po dag las yongs su thar bar 'gyur ro/ /'jig rten gyi khams bde ba can du mchi 
bar 'gyur ro/ /de bzhin gshegs pa 'od dpag med kyis de'i spyi bor phyag bzhag ste/ 'di skad du bu ma 'jigs shig /nga'i sangs rgyas kyi zhing 'dir 'ongs so/ /'dir skyes nas dus ma yin par 'chi bas 'chi bar mi 'gyur ro/ /'dir 'byung po rnams kyis glags 

</font><hr>93-1-91a<br><font size=+1>

rnyed par mi 'gyur ro zhes gsung ngo / /'greng ste lag pa g.yon pa gru mo bkug pa drang por brkyang ste/ mi 'jigs pa sbyin par bgyi/ lag pa g.yas pa'i mthe bong lag mthil du bkug la sor mo bzhis mnan te/ khu tshur 'di rna ba g.yas pa'i gong du bzhag la 
mdzub mo sgul bar bgyi/ brkyang bar bgyi/ bskum par bgyi'o/ /phyag rgya 'di ni stong chen po'i 'jig rten gyi khams su gtogs pa'i las rnams 'byang bar bgyi ba'i slad du smras pa ste bcu bzhi pa'o/ /phyag rgya 'di ni nyin gcig bzhin dus gsum du bcings la gsang 
sngags kyang lan bdun bdun brjod na/ mtshams med pa lnga po dag dang / rtsa ba'i ltung ba bzhi po dag kyang 'byang bar bgyid nus par 'gyur ro/ /sems can thams cad la snying rje chen po bskyed na/ las kyi rtsa ba thams cad tshig par 'gyur ro/ /gang gi tshe tshe 'di 'dor 
ba na/ sangs rgyas dang phrad par 'gyur ro/ /'khor los sgyur ba'i rgyal por 'gyur ro/ /dpag tu med cing mi zad pa'i snying po'i gzungs 'thob par 'gyur ro/ /mnyam pa nyid kyi ting nge 'dzin 'thob par 'gyur ro/ /lus la ltas rnam pa nyi shu rtsa brgyad 'byung bar 
'gyur ro/ /lus la gnod pa mi 'byung ngo / /mig nad dang / rna ba'i nad dang / sna'i nad dang / lce nad mi 'byung ngo / /phyi dang nang gi nad thams cad zhi bar 'gyur ro/ /sngon gyi las mi dge ba rnams kyang 'byang bar 'gyur ro/ /gal te char mi 'bab na til nag po 
la e raN+Da'i mar gyis sbrus te/ ril bur bgyis la lan brgya rtsa brgyad bzlas brjod bgyis te/ mtshe 'ur stsal na/ de'i mod la char dbab bo/ /gal te char ches na yungs kar gyi mar gyis sna ma'i me tog sbrus la ril bur bgyis te/ lan brgya rtsa brgyad bzlas brjod 
bgyis la mtshe'ur stsal na char 'chad par 'gyur ro/ /sor mo lnga phan tshun bsnol te/ g.yon pa'i sor mo rnams kyis g.yas pa'i sor mo rnams dam du 'khyud la mgo bo'i steng du bzhag ste/ rtsa ba'i gsang sngags bzlas brjod bgyi'o/ /'di ni stong gsum gyi stong 

</font><hr>93-1-91b<br><font size=+1>

chen po'i 'jig rten du bdud 'dul ba'i phyag rgya ste bco lnga pa'o/ /phyag rgya 'dis ring bsrel dang bcas pa'i mchod rten gyi mdun du smyung bar bgyi/ gdugs nyi shu rtsa dgu'i bar du tsan+dan dkar po'i 'dag gus dkyil 'khor byug /me tog gtsang ma dgram mo/ /de'i tshe khrus 
bgyis la gos gtsang ma bgos te/ a ga ru nag po'i bdug pas bdug par bgyi'o/ /rtsa ba'i gsang sngags lan brgya rtsa brgyad bzlas brjod bgyi'o/ /'di ni ngar snyems pa bgyi'o/ /de nas yungs kar dang / til nag po lhan cig btags la/ pho gsum gang tsam la 
lan cig bzlas brjod bgyis te zhugs su dor ro/ /de ltar gdugs bdun gyi bar du gdugs gcig cing / yang lan brgya rtsa brgyad bzlas brjod bgyis na/ ci 'tshal ba thams cad 'grub par 'gyur ro/ /'greng la rkang pa mnyam par nye bar gzhibs te/ lag pa g.yas pa thur du 
thams cad brkyang la bkan te/ pus mo'i steng du bzhag /lag pa g.yon pa yang de bzhin du bgyi'o/ /'di ni byang chub sems dpa'i mi 'jigs pa stsol ba'i phyag rgya ste bcu drug pa'o/ /phyag rgya 'di ring bsrel dang bcas pa'i mchod rten gyi drung du bcings la/ rtsa ba'i gsang 
sngags lan brgya rtsa brgyad bzlas brjod bgyis na/ sems can thams cad la mi 'jigs pa stsol bar 'gyur ro/ /yang na shu ti'i sa bon dang / yungs kar dang / shu dag dang / nye'u shing dang / 'di dag sangs rgyas kyi spyan snga'am/ bla gab med pa'i phyogs su sbyin sreg bgyi'o/ /
gsang sngags lan sum cu gnyis bzlas brjod bgyi'o/ /me tog dang / bdug pas mchod par bgyi'o/ /'di ni gsang sngags kyi cho ga lags te/ ci rtsom pa thams cad de bzhin du 'grub bo/ /gsang sngags gang mi 'grub na/ gsang sngags 'di bzlas brjod bgyis na 
'grub bo/ /rmi lam mthong bar 'tshal na/ gsang sngags 'di yang brjod cing phyag rgya 'di yang bcings na ci 'tshal ba rmi lam du mthong bar 'gyur ro/ /mi bsod nams dang mi ldan pa gang zhig dngos grub mi thob na/ gsang sngags 'di gdugs bdun gyi bar du gdugs gcig kyang 

</font><hr>93-1-92a<br><font size=+1>

dus gsum du lan brgya rtsa brgyad bzlas brjod bgyis na/ ci 'tshal ba de bzhin du 'grub bo/ /de'i tshe yang byang chub sems dpa' rgya mtsho chen po'i nang du klu'i rgyal po rgya mtsho'i khang par 'dug ste chos bshad do/ /der klu sdug bsngal chen po myong ba dag mthong nas/ 
snying rje chen po skyes te/ gal te yongs su skyob pa zhig yod na/ sdug bsngal gyi gnod pa rnams las thar bar 'gyur ro snyam mo/ /de'i tshe der klu'i bu mo chos 'dod pa gcig gis rin po che 'jig rten gyi khams mi mjed gcig rib cig phul ba dang / des kyang sdug bsngal 
thams cad yongs su thar bar byed pa'i chos bshad do/ /de'i tshe der gsang sngags 'dzin pa'i byang chub sems dpa' chu'i snying pos kun tu srung ba'i phyir gsang sngags 'di smras so/ /bi ma le ma hA bi ma le/ o ha re ma hA o ha re/ hu ma re ma hA hu ma re swA hA/ rigs kyi bu'am 
rigs kyi bu mo gang la la zhig gsang sngags 'di 'dzin na/ de gar mchi bar bdud kyi 'khor gyis sdug bsngal bar bgyid pa'i bar du bdag gis rtag tu kun tu bsrung bar bgyi'o/ /gang la la zhig glo bur du 'jigs par gyur tam/ rang gi yul lam gzhan gyi yul lam/ 
chom rkun dang phyir rgol ba dag byung na/ des tshon skud sna lnga pa bcing bar bgyi ste/ mdud pa nyi shu rtsa gcig bor la/ mdud pa re re zhing yang gsang sngags lan re re bzlas brjod bgyis te/ lag pa g.yon pa la bcing bar bgyi'o/ /lag pa g.yon pa'i srin lag dang / 
gung mo dang / mdzub mo rnams khu tshur bcangs la/ mthe bos de dag mnan/ mthe'u chung brkyang ste/ dgra logs su bstan la gsang sngags kyang lan bdun bzlas brjod bgyi'o/ /'di ni byang chub sems dpa' mig stong dang ldan pa'i kun tu srung ba'i phyag rgya ste bcu bdun 
pa'o/ /gsang sngags lan bcu bdun bzlas brjod bgyis na/ dgra thams cad ldog par 'gyur zhing / gnod par bgyid mi nus so/ /de'i tshe yang byang chub sems dpa' gangs kyi ri la gnas te chos kyang 'chad do/ /der gnod sbyin dang srin po rnams kyi yul na 

</font><hr>93-1-92b<br><font size=+1>

sems can rnams phan tshun za zhing / de dag la dge ba'i sems med par mthong nas/ byang chub sems dpa' 'di snyam du nam zhig na 'dul bar 'gyur snyam nas de'i tshe der song ste/ yul der de dag gi don gyi+i phyir lag pa stong dang ldan zhing mig stong dang ldan pa'i lus sprul nas 
des bdud rnams pham par byas so/ /der gzungs sngags 'di yang smras so/ /de nas srin po'i rgyal po byang chub sems dpa'i gan du song ste/ las de bshags nas phyag byas so/ /byang chub sems dpas kyang phyag rgya bcu bdun gyis phyag rgyas btab pa dang / de'i mod 
la byang chub kyi lam thob bo/ /'greng ste rkang pa phan tshun nye bar gzhibs la snying gar thal mo sbyar te mthe'u chung phan tshun bsnol lo/ /g.yon pas g.yas pa la 'khyud par bgyi/ rtsa ba'i gsang sngags kyang lan nyi shu rtsa gcig bzlas brjod bgyi'o/ /byang chub sems 
dpa' 'phags pa spyan ras gzigs dbang phyug gi phyag rgya yongs su rdzogs pa ste bcwa brgyad pa'o/ /yid la bsam pa rnams rdzogs par 'gyur ro/ /su zhig ngan 'gro drug po dag gi sems can rnams skyob par 'tshal ba des/ 'khor lo'i phyag rgya bcing bar bgyi ste/ sor mo bcu rtse 
sprad la lag rting dbye/ sor mo'i bar yang sor gnyis gnyis tsam gyis ma phrad par bgyi'o/ /phyag rgya 'dis byang chub sems dpa' sems can rnams yongs su thar bar bgyid cing / 'gro ba drug po dag tu zhugs pa dang 'dra bar rig par bgyi ste/ phyag rgya de'i cho ga'o/ /yang 
skyil mo krung bcas te mchis la lag pa g.yon pa pus mo'i steng du lag mthil bkan te bzhag par bgyi'o/ /g.yas pa yang de bzhin du bgyis la/ lag mthil pus mo'i steng du kha phub ste gzhag par bgyi'o/ /'di ni byang chub sems dpa' 'phags pa spyan ras gzigs 
dbang phyug gi dam tshig yongs su rdzogs pa yang dag pa'i byang chub kyi phyag rgya ste bcu dgu pa'o/ /'di ni rang bzhin gyis 'gog pa dang mtshungs te/ dus gsum gyi sangs rgyas bcom ldan 'das rnams phyag rgya 'di gcig pus sangs rgyas kyi byang chub brnyes so/ /phyag rgya 

</font><hr>93-1-93a<br><font size=+1>

'dis las mi dge ba thams cad 'byang bar 'gyur ro/ /gal te sgrub pa po skyil mo krung bcas te mchis pa la chos rnams mngon du gda' bar ma gyur na/ gdugs bdun gyi bar du dgon pa'i phyogs kyi gnas su phyag rgya 'dis gzungs 'di brjod la shin tu dad pas 
sangs rgyas la phyag bgyi zhing / gdugs mtshan drug tu las rnams so sor bshags na/ de'i tshe chos mdun du gda' bar 'gyur ro/ /bsod nams dpag tu ma mchis shing grangs ma mchis par 'gyur ro/ /yang lag pa g.yon pa'i sor mo bzhi khu tshur bcangs la g.yas pa'i 
sor mo bzhis g.yon pa'i mthe bong bcangs te/ cung zhig mchis la g.yas pa'i mdzub mos g.yab bo/ /'di ni byang chub sems dpa' 'phags pa spyan ras gzigs dbang phyug gi sum cu rtsa gsum gyi lha'i rnam pa rnams dgug pa'i phyag rgya ste nyi shu pa'o/ /gsang sngags ni 'di 
lags te/ oM ku Te ku Te/ ku na re tsi le tsi le/ tsi li le swA hA/ gsang sngags 'di dang / phyag rgya 'di ni lhag par rgya che ba'o/ /rigs kyi bu'am/ rigs kyi bu mo gang la la zhig ci rtsom pa rmi lam du mthong bar 'tshal na/ gsang sngags 'di lan brgya rtsa brgyad bzlas brjod 
bgyis na/ yid la ci bsams pa rmi lam du mthong bar 'gyur ro/ /su zhig gdugs gcig bzhin du goms par bgyid na/ las rnams byang bar 'gyur ro/ /byang chub kyi sems mi bskyud do/ /rmi lam bzang po dpal du 'gyur ba dang / byang chub kyi shing drung na bzhugs 
pa'i sangs rgyas kyi bar du mthong zhing / byang chub tu lung ston par rmi bar 'gyur ro/ /brgya byin dang / tshangs pa la sogs pa lha rnams kyang kun tu srung bar 'gyur ro/ /yang 'greng ste rkang pa phan tshun bsnyen la/ lag pa g.yon pa'i mthe bong lag mthil du bkug ste/ sor mo 
bzhis khu tshur bcangs la snying gar bzhag /g.yas pa yang de bzhin bgyis la/ rna ba g.yas pa'i steng du bzhag ste/ mdzub mos g.yab bo/ /'di ni byang chub sems dpa' 'phags pa spyan ras gzigs dbang phyug gi lha dang / klu la sogs pa 'khor brgyad po dag 

</font><hr>93-1-93b<br><font size=+1>

dgug pa'i phyag rgya ste/ nyi shu rtsa gcig pa'o/ /gsang sngags ni 'di lags te/ na mo ni gan+d+ha/ na mo dar+sha na swA hA/ na mo ni rdza la swA hA/ e h+ye hi swA hA/ rigs kyi bu'am/ rigs kyi bu mo gang la la zhig phyag rgya 'di dang / gsang sngags 'di 'dzin tam/ 'don tam/ 
klog pa tshe rabs bdun dran par 'gyur ro/ /sbrul gdug pas zin par mi 'gyur ro/ /dug kyang gdug par mi 'gyur ro/ /lus la mtshon gyis mi tshugs so/ /rgyal po'i chad pas 'jigs pa mi 'byung ngo / /bskal pa mang por sems can dmyal bar mi mchi'o/ /sdug 
bsngal nyams su mi myong ngo / /gang brjod par 'byung po rnam pa nyi shu rtsa gcig lhags te/ gsang sngags 'di nyan par 'gyur ro/ /gang gi drung du 'byung po mchi ba der skud pa dkar po gdags par bgyi ste/ mdud pa bzhi bcu rtsa dgu bor la/ mdud pa re re la yang lan 
re bzlas brjod bgyis te mgul du btags na bde bar 'gyur ro/ /gal te yul du yams kyi nad byung ste/ sems can mang du 'gum na/ rgyal po'i skyed mos tshal nas pad+ma dag bslangs la/ pad+ma re re la yang lan brgya rtsa brgyad bzlas brjod bgyis te/ bsregs pa 
bgyis na/ yams kyi nad 'chad par 'gyur ro/ /yang skyil mo krung bcas te mchis la lag pa g.yon pa'i mthe bong dang / gung mo rtse mo sprad de/ lag mthil bkan la pus mo g.yon pa'i steng du bzhag /g.yas pa yang de bzhin du bgyis la/ pus mo g.yas pa'i steng 
du kha phub ste bzhag go/ /sor mo gzhan bskyed la/ rtsa ba'i gsang sngags lan nyi shu rtsa gcig bzlas brjod bgyi'o/ /'di ni byang chub sems dpa'i rnam par grol ba'i phyag rgya ste/ nyi shu rtsa gnyis pa'o/ /ci 'tshal ba de bzhin du 'grub bo/ /sdug bsngal las 
thar bar 'gyur ro/ /gang gis mtshams med pa lnga po'i las dag bgyis pa/ sdig pa re re'i phyir yang / dper na 'dzam bu'i gling gi sa'i rdul phra rab mtha' dag re re'i bskal bar sems can dmyal bar mchi 'tshal la/ 'byung ba ni nges par mchis par gyur na/ des 

</font><hr>93-1-94a<br><font size=+1>

de'i tshe ring bsrel dang bcas pa'i mchod rten gyi mdun du tshes bco lnga'i zla ba nya la/ zas mi 'tshal bar phyag rgya 'di bcings la/ gsang sngags 'di yang lan brgya rtsa brgyad bzlas brjod bgyis na/ sngon gyi las kyi sdug bsngal thams cad 'byang bar 
bgyid nus par 'gyur te/ lhag ma lus pa ni gnas ma lags shing skabs ma mchis so/ /yang 'greng ste lag pa g.yon pas rkang pa g.yon pa'i mthe bong chang par bcug la/ lag pa g.yas pas g.yon pa'i lag mthil nas bzung ste/ rtsa ba'i gsang sngags 
brgya rtsa brgyad bzlas brjod bgyi'o/ /'di ni byang chub sems dpa'i dbang dang / rdzu 'phrul gyi rkang pa'i phyag rgya ste/ nyi shu rtsa gsum pa'o/ /dpag tshad stong gi phyogs su mchi 'tshal na yang dka' ba ma mchis so/ /gsang sngags ni dben par mchis 
la bzlas brjod bgyi'o/ /yang lag pa g.yon pa'i mthe bos mthe'u chung gi sen mo mnan la/ g.yas pa yang de bzhin du bgyis te/ sor mo lhag ma gsum gsum mchis pa brkyang la/ lag mthil du bkug ste/ spyi bor bzhag la rtsa ba'i gsang sngags 
lan nyi shu rtsa gcig bzlas brjod bgyi'o/ /'di ni byang chub sems dpa'i rdzu 'phrul gyi cho 'phrul dang / dbang gi phyag rgya ste/ nyi shu rtsa bzhi pa'o/ /'gro ba la dbang ba 'thob bo/ /yang thal mo reg par sbyar te/ thal mo'i nang khog stong du bgyis la mdzub 
mo gnyis kyis g.yab bo/ /'di ni byang chub sems dpa'i rgyal po'i snying po las spyan drang ba'i phyag rgya ste/ nyi shu rtsa lnga pa'o/ /gsang sngags ni 'di lags te/ oM A ro li ka trai lo kya bi dza ya/ sarba sha truM pra ma tha na sa ra ya su waM phaT m+ta swA hA/ byang 
chub sems dpa' 'phags pa spyan ras gzigs dbang phyug lag pa stong dang / mig stong dang ldan pa'i cho ga zhib mo rdzogs so// //

</font><hr>

</table>