D721

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D721</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D721&coll=derge">see text in Tibetan script</a></table>93-1-180b<br><font size=+1>

@##/ /rgya gar skad du/ Ar+ya sarba ta thA ga ta a d+hiSh+ThA na sa twA ba lo ke na bud d+ha k+She tra nir de sha na byU ha nA ma ma hA yA na sU tra/ bod skad du/ 'phags pa de bzhin gshegs pa thams cad kyi byin gyis rlabs sems can la gzigs shing sangs rgyas kyi zhing gi bkod pa kun tu 
ston pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ri gru 'dzin na 'phags pa spyan ras gzigs dbang phyug gi gnas lha'i nor bu rin po che dpal 
gyi snying po dang / me tog rgyas pa dang / lha'i seng ge'i khri bkod pa na/ dge slong lnga brgya tsam gyi dge slong gi dge 'dun chen po thams cad kyang dgra bcom pa/ zag pa zad pa/ sems can thams cad kyi dbang gi dam pa'i pha rol tu son pa sha stag dang / byang chub sems dpa' 
thams cad kyang snying rje chen po'i shes pa la gnas pa thams cad kyang skye ba gcig gis thogs pa dang / skye ba gnyis dang / skye ba gsum dang / skye ba bcu dang / skye ba nyi shu dang / skye ba sum cu dang / skye ba brgya'i bar dag gis thogs pa/ thams cad kyang sa brgyad pa dang / 
sa bcu pa la gnas pa sha stag ste/ 'phags pa spyan ras gzigs dbang phyug dang / 'jam dpal dang / dri med tog dang / nor dpal dang / glog gi tog dang / dri med 'od dang / tsan+dan dang / bdud rtsi'i tog la sogs pa byang chub sems dpa' sems dpa' 
chen po bdun brgya dang / dge bsnyen dang / dge bsnyen ma thams cad kyang lung bstan pa dang ldan pa/ ting nge 'dzin thob pa/ 'jig rten gyi khams tha dad pa nas 'dus pa lnga stong dang / lha dang / klu dang / gnod sbyin dang / dri za thams cad kyang sngon gyi sangs 
rgyas la bsnyen bkur byas pa/ de bzhin gshegs pa'i cho 'phrul mthong ba brgya stong dang / gnod sbyin mo chen mo thams cad kyang byang chub sems dpa'i ye shes thob pa/ lung bstan pa thob pa/ phyir mi ldog pa dpe med pa dang / dri med 'od dang / 'od can ma dang /

</font><hr>93-1-181a<br><font size=+1>

'jigs byed ma dang / dpal ldan ma dang / 'phrog ma dang / dung can ma la sogs pa gnod sbyin mo chen mo brgyad cu dang / brgya byin dang / tshangs pa dang / rnam thos kyi bu dang / yul 'khor srung dang / 'phags skyes po dang / mig mi 
bzang dang / nor bu bzang po'i bu dang / gang ba bzang po la sogs pa 'jig rten skyong ba thams cad kyi bar dag dang thabs cig tu bzhugs so/ /de nas de dag thams cad kyis de bzhin gshegs pa seng ge'i khri la bzhugs par rig nas rang rang gi dge ba'i rtsa ba 
dag gis de bzhin gshegs pa la lha'i rgyan dang / na bza' dang / me tog dang / me tog phreng dang / spos dang / byug pa dang / rol mo'i sgra rnams kyis mchod par byas/ ri mor byas so/ /kha cig gis ni lan 'bum phrag du mar bskor ba byas te bstod do/ /de nas 
de'i tshe bcom ldan 'das sems can thams cad la dmigs pa snying rje chen po'i shes pa la gnas pa zhes bya ba'i ting nge 'dzin la snyoms par zhugs so/ /ting nge 'dzin de'i mthus stong gsum gyi stong chen po'i 'jig rten gyi khams 'di 'od kyis snang bar gyur cing / gzugs 
thams cad snang bas khyab par gyur nas/ sems can dmus long gang yin pa de dag gis ni mig gis gzugs rnams mthong bar gyur to/ /'on pa rnams kyis ni rna bas sgra dag thos par gyur to/ /nad kyis btab pa rnams ni nad dag dang bral bar gyur to/ /gos 
med pa rnams ni gos dag thob par gyur to/ /smyon pa rnams ni dran pa thob par gyur to/ /lus nyams pa dang dbang po ma tshang ba rnams ni lus dang dbang po yongs su rdzogs par gyur to/ /dbul po rnams kyis ni nor dag thob par gyur to/ /sems can gang dag nor 
dang / yo byad dang / longs spyod med pa de dag ni nor dang / yo byad dang / longs spyod dag dang ldan par gyur to/ /sems can thams cad kyang bde ba thams cad dang ldan zhing bsam pa thams cad yongs su rdzogs par gyur to/ /stong gsum gyi stong chen po'i 

</font><hr>93-1-181b<br><font size=+1>

'jig rten gyi khams kyi sems can gang yin pa de dag thams cad la yang bskul nas thams cad chos mnyan pa'i phyir/ bcom ldan 'das ga la ba der lhags te/ sems can gang dag lha rnams kyi nang du skyes pa de dag thams cad kyis ni lha'i bde ba yongs su spangs nas sangs 
rgyas rjes su dran par byas te chos mnyan pa'i phyir/ bcom ldan 'das ga la ba der lhags so/ /sems can gang dag mi rnams kyi nang du skyes pa de dag gis kyang mi'i bde ba yongs su spangs nas chos mnyan pa'i phyir/ bcom ldan 'das ga la ba der lhags so/ /sems 
can gang dag /klu dang / gnod sbyin dang / srin po dang / yi dgas dang / sha za rnams kyi nang na skyes pa de dag gis kyang sangs rgyas rjes su dran pa so sor thob nas sems can thams cad la byams par gnas pa dang / lus dang sems bde bar gyur nas chos mnyan pa'i 
phyir/ bcom ldan 'das ga la ba der lhags so/ /sems can gang dag gshin rje'i 'jig rten rnams su mun pa mun nag gi nang du skyes pa de dag kyang sangs rgyas kyi mthus yud tsam zhig dran pa so sor thob nas gcig gis gcig kun tu shes par gyur te/ de dag mun pa 
chen po de nas yongs su thar bar gyur to/ /sems can thams cad gcig la gcig byams par gnas shing nye ba'i nyon mongs pa rnams dang bral bar gyur to/ /de nas de'i tshe sa chen po 'di rnam pa drug tu rab tu g.yos te mtho ba dang dma' bar gyur to/ /de nas 'khor 
'dus pa der 'jam dpal gzhon nur gyur pa 'dus te 'dug par gyur nas/ des byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so/ /rigs kyi bu byang chub sems dpa'i 'dus pa chen po kun tu snang zhing 'dus pa 
chen po'i snga ltas kyang kun tu snang la/ rigs kyi bu byang chub sems dpa' bye ba khrag khrig 'bum phrag mang po dag lung ston pa yang kun tu snang zhing chos kyi 'bel ba'i gtam chen po'i snga ltas kyang kun tu snang ba las na rigs kyi bu byang chub sems dpa' bye ba khrag khrig 'bum 

</font><hr>93-1-182a<br><font size=+1>

phrag du ma dag gi re ba thams cad yongs su rdzogs par 'gyur zhing ye shes chen po yang 'thob par 'gyur gyis/ rigs kyi bu de'i phyir khyed kyis sems can thams cad la snying rje skyed la/ phan pa dang / bde ba dang / bla na med pa yang dag par rdzogs pa'i byang chub 
la dgod par bya ba'i bar gyi phyir/ de bzhin gshegs pa la yongs su zhus shig /rigs kyi bu phyi ma'i dus phyi ma'i tshe na sems can sdig pa byed pa/ dbul ba/ nyam chung ba/ lus mdog ngan pa/ rga ba dang na bas yongs su gzir ba/ longs spyod chung ba lus yongs su ma 
bsgoms pa/ tshe thung ba/ blo chung ba/ 'dod chags dang / zhe sdang dang / gti mug gis yongs su gzir ba dag 'byung ba yod de/ rigs kyi bu de dag gi don du chos bstan par bya ba'i phyir/ de bzhin gshegs pa la gsol ba thob shig dang / rigs kyi bu de'i phyir khyod kyis yun ring por sems 
can rnams kyi don dang / phan pa dang / bde ba dang / nad thams cad rab tu zhi bar bya ba dang / sdig pa thams cad bzlog par bya ba dang / sdig pa thams cad rab tu zhi bar bya ba dang / re ba thams cad yongs su rdzogs par bya ba dang / bla na med pa'i yongs su mya ngan las 'da' ba'i 
bar dag byas par 'gyur ro/ /de nas byang chub sems dpa' sems dpa' chen po 'phags pa spyan ras gzigs dbang phyug gis phyogs bcur rnam par bltas te/ de bzhin gshegs pa bye ba phrag gang gA'i klung gi bye ma snyed dag yid la byas nas/ bcom ldan 'das ga la ba de logs 
su thal mo sbyar ba btud de/ lan gsum bskor ba byas nas yan lag lngas phyag 'tshal te/ bcom ldan 'das la 'di skad ces gsol to/ /bcom ldan 'das slad ma'i dus slad ma'i tshe na sems can rga ba dang / na ba dang / 'chi ba dang / mya ngan gyis non par gyur pa/ 
dus ma lags par 'gum pas yongs su gzir ba/ nyam chung ba/ mdog ngan pa/ tshe thung ba/ longs spyod chung ba/ lus yongs su ma bsgoms pa dag 'byung bar mchis te/ de dag ni ser sna dang / 'chal pa'i tshul khrims kyi sems kyis gcig la gcig 'gum par 'gyur 

</font><hr>93-1-182b<br><font size=+1>

la/ gcig gis gcig gi nor dang / longs spyod dang / dbang phyug dag 'phrog par 'gyur zhing / gad mo dang / 'jo sgeg dang / bro gar dang / rtsed mo dag gis mngon par rtse ba dang / mi rtag pa la rtag par 'du shes pa dang / mi sdug pa la sdug par 'du shes par bgyid 
lags so/ /de ci'i slad du zhe na/ de dag rgyu de dang gzhi des sems can rnams la mi dge ba rnam pa sna tshogs dag gis gtses nas sems can dmyal ba dang / dud 'gro'i skye gnas dang / gshin rje'i 'jig rten dag tu yang skye bar 'gyur lags pas/ bcom ldan 'das de'i 
slad du bdag de dag gi don dang / sman pa dang / bde ba dang / re ba thams cad yongs su rdzogs par bgyi ba dang / de bzhin gshegs pa'i ye shes thob par bgyi ba'i bar dang / sangs rgyas kyi zhing du skye bar bgyi ba dang / sdig pa thams cad bzlog par bgyi ba'i slad du/ de 
bzhin gshegs pa la gsol ba 'debs par 'tshal gyis/ bcom ldan 'das de bzhin gshegs pa la ni mi mkhyen pa dang / ma rtogs pa dang / ma gzigs pa dang / ma gsan pa dang / rnam par mi mkhyen pa ci yang mi mnga' bas chos kyi 'bel ba'i gtam nyan par 
'tshal ba dang / sngon gyi sangs rgyas la bsnyen bkur bgyis pa dang / shes rab dang ldan pa'i rang bzhin can gyi byang chub sems dpa' dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / 
lha ma yin dang / nam mkha' lding dang / mi'am ci dang / lto 'phye chen po mang po lhags pa 'di dag re ba ma mchis par gyur cing / slar mchi par mi 'gyur bar bcom ldan 'das bshad du gsol/ bde bar gshegs pa bshad du gsol/ de nas thams cad dang ldan pa'i 
'khor ji ltar lhags pa de dag gis kyang yan lag lngas phyag byas te tshig mthun par 'di skad ces gsol to/ /bcom ldan 'das legs par bshad du gsol/ bde bar gshegs pa legs par bshad du gsol/ de nas bcom ldan 'das kyis lan gnyis lan gsum du 

</font><hr>93-1-183a<br><font size=+1>

gsol ba btab par thugs su chud nas phyogs bcur rnam par gzigs te/ snyan cing 'jebs la yid du 'ong ba'i gsung dbyangs kyis byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /rigs 
kyi bu de bzhin gshegs pa thams cad kyis byin gyi rlabs sems can la gzigs shing sangs rgyas kyi zhing gi bkod pa kun tu ston pa zhes bya ba'i ting nge 'dzin yod de/ ngas sngon dang po sems bskyed pa nas bzung ste/ de bzhin gshegs pa me tog snang ba kun tu ston pa zhes bya ba'i spyan sngar de 
thos so/ /rigs kyi bu ting nge 'dzin de'i ming thos ma thag tu sems can bye ba phrag dgu bcus de bzhin gshegs pa'i ye shes thob par gyur nas/ thams cad kyang de bzhin gshegs pas sangs rgyas kyi zhing tha dad pa dag tu lung bstan te/ ngas kyang lung bstan pa thob bo/ /
rigs kyi bu ngas de bzhin gshegs pa'i lha'i mkhyen pas sngon de bzhin gshegs pa sum khris sems can thams cad kyi don du chos kyi rnam grangs 'di bshad de/ thams cad du yang de bzhin gshegs pa la gsol ba 'debs pa ni 'phags pa spyan ras gzigs dbang phyug khyod 
nyid dang / 'jam dpal gzhon nur gyur pa yin la/ byang chub sems dpa' sems dpa' chen po'i 'khor rnams dang dge slong dang / dge slong ma dang / dge bsnyen dang / dge bsnyen ma'i 'khor ji ltar lhags pa 'di dag gis kyang thos nas ri mo dang mchod pa dag byas te/ de'i 
'og tu sems can bye ba khrag khrig 'bum phrag du ma dag gis lung bstan pa thob cing byang chub sems dpa'i ting nge 'dzin dag kyang thob par gyur nas/ 'dod pa thams cad du 'gro ba dang / re ba thams cad grub pa dang / nad rnams dang bral bar yang gyur la/ dge ba'i rtsa ba 
rnams yongs su smin pa dang / sgrib pa thams cad spangs pa dang / gzugs bzang zhing mdzes pa blta na sdug pa dang / nor dang / 'bru dang / mdzod dang / bang ba rnams 'byor ba dang / rgyal po dang / rgyal bu dang / blon po rnams kyis mngon par bstod par 

</font><hr>93-1-183b<br><font size=+1>

'os pa dang / sems can thams cad kyis phyag bya bar 'os pa dang / dran pa dang ldan pa dang / shes rab dang ldan pa dang / sangs rgyas dang / chos dang / dge 'dun la dad pa mi phyed pa dang ldan pa dang / rdzu 'phrul dang ldan pa dang / tshe dang kha dog dang / gzi brjid 
dang / mthu stobs dang ldan zhing rnam pa thams cad kyi mchog dang ldan par gyur te/ nam yang sdug pa dang bral bar ma gyur cing / sdug pa'i sdug bsngal med par gyur pa de dran te/ rigs kyi bu de ltar na rigs kyi bu'am/ rigs kyi bu mo gang dag chos smra ba de la mchog tu gus 
pa'i sems bskyed de/ chos kyi rnams grangs 'di la yan lag lngas phyag byas shing / me tog dang / bdug spos dang / spos dang / me tog phreng dang / byug pa dang / gdugs dang / rgyal mtshan dang / ba dan dag gis legs par brgyan nas sangs rgyas la phyag 'tshal lo zhes 
brjod cing phyag 'tshal bar byed pa dang / legs so zhes bya bar sbyin par byed pa dang / 'dzin pa dang / 'chang ba dang / klog pa dang / yi ger 'dri ba dang / yi ger 'drir 'jug pa de dag ni yon tan mang po dang ldan par 'gyur ro/ /de dag ni tshe 'di nyid la yang yon 
tan mang po dang ldan par 'gyur te/ gzugs bzang zhing mdzes la/ blta na sdug pa dang / nad rnams dang bral ba dang / tshe ring ba dang / blo brtan pa dang / dran pa dang ldan pa dang / brtan pa dang ldan pa dang / rgyal po thams cad dang / rgyal po'i btsun mo thams cad 
dang / rgyal bu thams cad dang / blon po thams cad dang / dgra thams cad dang / sems can thams cad kyis mngon par bstod par 'os pa dang / phyag bya bar 'os pa dang / bsnyen bkur bya bar 'os par 'gyur ro/ /nor dang yo byad mang por yang 'gyur ro/ /de dag 
gi kha nas tsan+dan gyi dri'i ngad 'byung bar yang 'gyur ro/ /mig ut+pal sngon po'i 'dab ma 'dra bar yang 'gyur ro/ /de dag gis nyin mtshan du sangs rgyas dang byang chub sems dpa' dag mthong bar yang 'gyur ro/ /mtshams med pa lnga la sogs pa'i sgrib pa thams cad zad 

</font><hr>93-1-184a<br><font size=+1>

par yang 'gyur ro/ /de dag la lha rnams srung bar yang 'gyur ro/ /de dag 'chi ba'i dus na sangs rgyas dang byang chub sems dpa' dag mthong bar yang 'gyur ro/ /phrag dog med pa dang / sems rnam par g.yengs pa med par 'chi ba'i dus byed par yang 
'gyur ro/ /shi 'phos nas kyang 'jig rten gyi khams bde ba can du skye ba'i bar du 'gyur ro/ /rigs kyi bu gang dag chos kyi rnam grangs 'di 'dzin pa dang / bsnyen bkur byas te yi ger 'dri ba dang / yi ger 'drir 'jug pa dang / klog pa dang / mchod par byed pa dang / 
'chang ba dang / ming tsam thos par 'gyur ba de dag ni ngas mngon sum du lung bstan pas lung bstan pa yin te/ de dag gis nga mthong zhing bsnyen bkur byas/ ri mor byas/ mchod pa byas pa yang yin pas/ de dag gis ni sangs rgyas kyi byang chub la the tsom bskyed par mi bya'o/ /gang 
dag rna lam du grag par gyur pa de dag kyang byang chub sems dpa' yin par yid la byas la bsnyen bkur bya'o/ /de'i sngon gyi las kyi rnam par smin pas gzugs mi mdzes pa dang / longs spyod med pa dang / blo med pa dang / sred pa che ba dang / sdug pa dang bral ba 
dang / rgyal srid 'khrugs par gyur pa gang yin pa de dag dang / klad pa na ba gang yin pa dang / zan chad pa gang yin pa dang / gos ngan par gyur pa gang yin pa dang / lus dang sems la gnod pa gang yin pa dang / reg na mi bde ba'i mal bcas pa gang 
yin pa dang / spyo ba gang yin pa'i las kyi sgrib pa de dag thams cad kyang ting nge 'dzin 'di thos pa'i mthus yongs su zad par 'gyur ro/ /des kyang 'di ltar sems bskyed par bya ste/ bdag gis sngon 'khor ba na 'khor ba'i tshe sems can rnams la sdig pa mi dge 
ba rnam pa sna tshogs bsags pa de dag so sor bshags par bya'o/ /bsal bar bya'o/ /mi bcab par bya'o/ /sangs rgyas dang / chos dang / dge 'dun la dad pa mi phyed pa dang ldan pa'i sems bskyed par bya ste/ rigs kyi bu'am rigs kyi bu mo de'i longs spyod kyi 

</font><hr>93-1-184b<br><font size=+1>

'bras bu med par 'gyur ba'i las kyi sgrib pa dang / sangs rgyas dang / chos dang / dge 'dun dang / nyan thos dang / rang sangs rgyas dag dang / pha ma dag la sdig pa'i las byas shing bsags par gyur pa gang yin pa de dag thams cad kyang yongs su zad par 'gyur zhing 
dbang phyug chen po dag kyang yang dag par 'grub par 'gyur ro/ /rigs kyi bu'am rigs kyi bu mo de'i sems can dmyal ba'i sdug bsngal myong bar 'gyur ba'i las kyi sgrib pa dang / sdug pa dang bral bar 'gyur ba dang / dmus long du 'gyur ba dang / bud med kyi dngos por 
'gyur ba dang / mtshan gnyis par 'gyur ba dang / phrag dog dang / nga rgyal dang / khro ba'i dbang gis gshin rje'i 'jig rten dang / yi dgas dang / dud 'gro'i skye gnas su 'gyur ba gang yin pa de dag thams cad kyang yongs su zad par 'gyur te/ rigs kyi bu de ltar na 
ting nge 'dzin 'di ni yon tan thams cad kyi 'byung gnas yin no/ /rigs kyi bu chos kyi rnam grangs 'di ni yun ring du gnas par byed pa dang / rigs kyi bu dang / rigs kyi bu mo de dag la srung ba dang / skyob pa dang / sbed par byed pa dang / de dag thams cad kyi yon tan dang / re 
ba thams cad yongs su rdzogs par byed pa dang / longs spyod pa dang / dbang phyug dang / bde ba chen por byed pa dang / bsam pa dang / 'dod pa thams cad yang dag par 'grub par byed pa dang / las thams cad zad par byed pa dang / dus ma yin par 'chi ba dang / rmi 
lam ngan pa thams cad dang / nad thams cad rab tu zhi bar byed pa dang / g.yul thams cad las rgyal bar byed pa dang / tshe dang / mdog dang / stobs dang / brtson 'grus dang / mthu che bar byed pa dang / gnod sbyin dang / 'byung po dang / mi dang mi ma yin pa 
thams cad dbang du byed pa dang / rims dang / dug dang / me dang / chu thams cad rab tu zhi bar byed pa dang / lung bstan pa'i bar dag thob par byed pa'i gzungs kyi gsang sngags gzhi dag yod de de dag mnyan cing bzung ste bsnyen bkur byed pa dang / klog pa dang / yi 

</font><hr>93-1-185a<br><font size=+1>

ger 'dri ba dang / yi ger 'drir 'jug pa'i rigs kyi bu dang / rigs kyi bu mo dag ni yon tan de dag thams cad thob par 'gyur ro/ /de nas de'i tshe sa chen po 'di rnam pa drug tu rab tu g.yos pa dang / ji ltar lhags pa'i 'khor de dag gis kyang de bzhin gshegs pa'i 
sku la me tog dang / bdug spos dang / spos dang / me tog phreng dang / phye ma dang / byug pa dang / ras bcos bu zung dag gsol te/ legs so zhes bya ba gsol nas/ bcom ldan 'das legs so legs so/ /gzungs kyi gsang sngags gzhi de dag gang lags/ 
bcom ldan 'das kyis bka' stsal pa/ na maHsarba ta thA ga tA nA na/ tad+ya thA/ bud d+he/ su bud d+he/ bud d+ha ma te/ lo ke bi lo ke lo ka /a ti krAn te/ satwa a ba lo ki ni/ sarba ta thA ga ta a d+hiSh+ThA na a d+hiSh+Thi te/ sarba A sha pa ri pUr Ne/ d+yu ti na d+ha re/ na ra de ba 
pU dzi te/ ta thA ga ta dz+nyA na da de/ ta thA ga ta a d+hiSh+ThA ne na/ sarba lo ka ma su khI b+ha ba tu/ pUrba karma k+ShA pa ya tu/ rak+Sha b+ha ba tu/ sarba ye b+h+yasta thA ga ta/ a d+hiSh+ThA cen swA hA/ kye rigs kyi bu dag gzungs kyi gsang sngags gzhi 'di dag ni de bzhin gshegs pa sum khris gsungs 
shing byin gyis brlabs pa yin no/ /ngas kyang da ltar sems can thams cad kyi don dang / phan pa dang / bde ba dang / bsrung ba dang / bskyab pa dang / sba ba dang / nad thams cad rab tu zhi bar bya ba dang / sangs rgyas kyi zhing du skye bar bya ba'i phyir bshad de/ grogs po dag 
gang la la zhig 'di snyam du bdag gis ji ltar na de bzhin gshegs pas gsungs pa'i yon tan de dag thams cad 'thob par 'gyur snyam du sems pa des nang par sngar langs te/ sems can thams cad la snying brtse ba'i sems dang / snying rje'i sems dang / byams pa'i sems 
dang / phrag dog dang / nga rgyal dang / 'chab pa dang / khro ba yongs su spangs pa'i sems dang / rtse gcig pa'i sems kyis sangs rgyas dang byang chub sems dpa' rnams la mchod pa shin tu rgya cher byas la phyogs bcu'i de bzhin gshegs pa thams cad la phyag byas te/ gang 

</font><hr>93-1-185b<br><font size=+1>

'dod pa yid la byas nas me tog la bzlas brjod lan brgya rtsa brgyad bya zhing de bzhin gshegs pa la re re nas dbul bar bya'o/ /des na de'i re ba thams cad yang dag par 'grub par 'gyur ro/ /rmi lam na de bzhin gshegs pa mthong bar yang 'gyur ro/ /dam pa gang 'dod pa de thob 
par yang 'gyur ro/ /'chi ba'i tshe na de bzhin gshegs pa mthong bar yang 'gyur ro/ /shi 'phos nas kyang 'jig rten gyi khams bde ba can du skye bar 'gyur ro/ /tshe dang stobs dang / mdog dang / brtson 'grus dang ldan par yang 'gyur ro/ /dgra thams cad kyang de'i dbang du 
'gyur ro/ /gzungs 'di bshad pa na srog chags drug khri mi skye ba'i chos la bzod pa thob par gyur nas de dag thams cad las kyi sgrib pa thams cad las rnam par grol zhing bsam pa thams cad yongs su rdzogs par gyur to/ /de nas byang chub sems dpa' sems dpa' chen po 
lag na rdo rjes phyogs bcur rnam par bltas te/ bcom ldan 'das la 'di skad ces gsol to/ /bcom ldan 'das byang chub sems dpa' rnams kyi dam 'cha' ba mi 'jigs pa'i gzi brjid ces bgyi ba'i gzungs mchis te/ bdag gis de bzhin gshegs pa 'jigs med 
bkod pa gzi brjid rgyal po'i spyan sngar de bzung lags so/ /bzung nas kyang sems can thams cad la bshad lags so/ /bcom ldan 'das deng slan chad bdag gis mngon par 'tshal te/ gang gi rna lam du gzungs de grag par gyur tam/ glo bar chud par gyur pa de'i lus 
la nyam nga ba'am/ nyon mongs pa sna tshogs sam/ bro nad dam/ rims sam/ lus bro 'tshal ba'am/ sems gdung ba'am/ dus ma lags par 'gum pa'am/ chab kyis 'jigs pa'am/ mtshon gyis 'jigs pa'am/ dug gis 'jigs pa'am/ dug sbyar 
mas 'jigs pa'am/ mkha' 'gro ma dang / 'byung po'i 'jigs pa'am/ gnod sbyin nam/ dgra rnams sam/ mi dang mi ma lags pa dag gis tho 'tsham pa'am/ rnam par gtse ba'am/ gnod pa bgyid par 'gyur ba de ni gnas ma mchis lags so/ /de'i slad 

</font><hr>93-1-186a<br><font size=+1>

du bcom ldan 'das kyis bdag la rjes su gnang ba stsol cig dang / bdag gis chos smra ba dang / chos nyan pa de dag gi don du nyan pa rnams dang / ri mor bgyid pa rnams dang / mchod par bgyid pa rnams dang / 'dzin par bgyid pa rnams kyi re ba thams cad yongs 
su rdzogs par bgyid pa/ byang chub sems dpa' rnams kyi dam bca' ba'i phyag rgya dag stsal bar bgyi'o/ /na maHsarba ta thA ga tA nA na/ sarba bo d+hi sa twA nA na/ ar hA tA na/ tad+ya thA/ o~M badzra d+ha ra/ badzra kA ya/ badzra ba la/ badzra te dza/ hU~M hU~M/ badzra pA Ni/ ta thA ga ta A dz+nyA ma pa lA 
ya/ sma ra pra ti dz+nyA ma/ sarba byA d+hI na sarba pA bA na nA sha ya/ de hi me/ ya the+e ba si ta ma ba ra ma/ ya na ya me ba a b+hi prA ya na yA tsa mi tan ta me ba sa mr-i d+ha tu/ he he/ tu ru tu ru/ A gats+tsha A gats+tsha mA bi lam ba/ dar+Sha ya/ badzra kA ya ma/ dar+Sha ya/ badzra kA ya ma/ bud d+ha a 
d+hiSh+ThA ne na swA hA/ gzungs 'di brjod pa na sa chen po 'di mtho ba dang dma' bar gyur to/ /gnod sbyin dang / srin po thams cad kyang rab tu dngangs so/ /lha thams cad dang / mi dang mi ma yin pa'i bar dag kyang ngo mtshar du gyur nas sems can chen por rab tu grub par byed 
pa'i gzungs kyi gsang sngags gzhi 'di dag bshad pa ni legs so legs so zhes bya ba byin no/ /de nas bcom ldan 'das la byang chub sems dpa' sems dpa' chen po lag na rdo rjes 'di skad ces gsol to/ /btsun pa bcom ldan 'das gang la la zhig byang chub sems dpa'i 
sa'am/ nor dang / 'bru dang / longs spyod kyi dbang phyug gam/ rgyal srid kyi dbang phyug gam/ rig sngags 'chang ba nyid dam/ tshe dang / stobs dang / mdog dang / brtson 'grus dang / tshe ring po nyid 'tshal ba des snga nas bsnyen par bgyis la dgung zla yar 
gyi ngo tshes brgyad la tsan+dan dkar po las rdo rje 'dzin pa rta gad du dgod cing rgyan thams cad kyis brgyan pa/ snying gar sku gdung stsal ba/ sku gdung dang bcas pa'i rdo rje 'dzin pa rig sngags 'chang yang dag par dbugs 'byin par bgyid pa bgyis la/ gtsang mas bdug spos 

</font><hr>93-1-186b<br><font size=+1>

kyis bdug cing gdugs mtshan gcig tu smyung ba bgyis la/ de nas tshes brgyad nas tshes bcwa lnga'i bar du de bzhin gshegs pa'i sku gzugs bzhugs pa'i gnas gtsang mar tsan+dan dkar po'i dkyil 'khor bgyis la/ bum pa gang ba bzhi yang gzhag par bgyi/ phyogs bzhir 
yang ro dang ldan pa dang / dri dang ldan pa dang / skyems dang / 'o thug gi gtor ma dag stsal la rad pa dkar po bgos te/ sems rtse gcig tu bgyis nas/ dus gsum du bdug spos dang / me tog dang / spos dang mar me dag gis mchod pa chen po bgyi zhing / de bzhin gshegs pa yang mchod pa 
bgyis te/ de bzhin gshegs pa la phyag bgyis nas sna ma'i me tog brgya rtsa brgyad la bzlas brjod brgya rtsa brgyad bzlas shing / re re nas lag na rdo rje la bsnun par bgyi'o/ /des na sgra skad chen po 'byung bar 'gyur zhing / dog sa g.yo ba dang / 'od zer dag kyang 'byung 
bar 'gyur te/ de nas dam pa ci 'tshal ba yang stsal bar bgyi'o/ /bzlas brjod bgyis pa tsam gyis las thams cad dang dgos pa thams cad kyang yang dag par 'grub par 'gyur lags so/ /bro nad ma mchis pa dang / tshe ring ba dang / sdig pa thams cad dang bral bar 'gyur 
zhing yon tan stong yang 'thob par 'gyur lags so/ /'gum pa'i tshe na yang sangs rgyas bcom ldan 'das stong mthong bar 'gyur lags so/ /bdag mthong bar yang stsal bar bgyi lags so/ /de nas bcom ldan 'das kyis lag na rdo rje la legs so zhes bya ba byin te/ lag na 
rdo rje legs so legs so/ /phyag rgya 'di ni lha dang bcas pa'i 'jig rten gyis 'da' bar bya ba ma yin te/ 'di la som nyi med pa dang / yid gnyis med pa dang / the tsom med par bya'o/ /de nas bcom ldan 'das la 'jam dpal gzhon nur gyur pas 'di skad ces gsol 
to/ /bcom ldan 'das ci'i slad du ting nge 'dzin 'di de bzhin gshegs pa thams cad kyis byin gyi rlabs sems can la gzigs shing sangs rgyas kyi zhing gi bkod pa kun tu ston pa zhes bgyi/ bcom ldan 'das kyis bka' stsal pa/ de bzhin gshegs pa thams cad kyi byin 

</font><hr>93-1-187a<br><font size=+1>

gyis brlabs dang / byang chub sems dpa' thams cad kyi byin gyis brlabs de las ting nge 'dzin thams cad dang / gzungs kyi sgo thams cad 'thob par 'gyur ba dang / lha rnams dang / klu rnams dang / mi rnams dang / gnod sbyin rnams dang / dri za rnams dang / yi dgas 
rnams dang / dud 'gro'i skye gnas su skyes pa rnams dang / gshin rje'i 'jig rten pa'i sems can thams cad kyi sems dang sems las byung ba lhag par g.yo ba dang bral bar g.yo ba dag rab tu shes shing / sems can 'di dag ni bsod nams su nye bar 'gro ba ste legs par spyod pa'i las 
byed pa/ sangs rgyas dang / chos dang / dge 'dun dag la dad pa 'thob par 'gyur ba'o/ /'di dag ni sems can dmyal bar 'gro ba ste/ nyes par spyod pa'i las byed pa/ sdig pa spyod par byed par shes nas sdig pa'i lta bar gyur pa'i sems can de dag la chos ston par byed 
cing / sdig pa thams cad las zlog par byed pa dang / sangs rgyas kyi byang chub la 'god par byed pa dang / bsam pa thams cad yongs su rdzogs par byed pa dang / phrag dog dang / nga rgyal dang / khro ba dang / ser sna dag sel par byed pa dang / sems can de dag kyang 
sangs rgyas dang / chos dang / dge 'dun dag la dad pa rab tu thob nas sangs rgyas kyi zhing rnams su skye zhing nam du yang sdug bsngal nyams su myong bar mi 'gyur la/ yid mi bde bar mi 'gyur bas na rigs kyi bu de'i phyir ting nge 'dzin 'di ni de bzhin gshegs pa thams cad kyis byin 
gyi rlabs sems can la gzigs shing sangs rgyas kyi zhing gi bkod pa kun tu ston pa zhes bya ste/ 'di thos pa'i sems can rnams ni phyir mi ldog par nges pa'i sa thob par 'gyur ro/ /gsol ba bcom ldan 'das ci'i slad du/ rigs kyi bu dang / rigs kyi bu mo de dag lung 
bstan par 'gyur lags/ bcom ldan 'das dgra bcom pa nyid kyang dka' ba lags te/ bla na med pa yang dag par rdzogs pa'i byang chub lta ci smos kyang mi 'tshal lags na de dag gi bsod nams kyi phung po dang / dka' ba spyod pa ji tsam zhig tu 'gyur lags/ bcom ldan 'das 

</font><hr>93-1-187b<br><font size=+1>

kyis bka' stsal pa/ rigs kyi bu ngas dang po sems bskyed pa nas nye bar bzung ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi 
kyi pha rol tu phyin pa yongs su rdzogs par byas pa gang yin pa dang / mgo dang / lag pa dang / rkang pa dang / mig dang / lus dang / sdug pa'i bu dang / bu mo dang / chung ma dang / bran dang / bran mo dag yongs su btang bar gyur pa gang yin pa bsod nams mngon par 'du bya ba dang / dge 
ba'i rtsa ba mngon par 'du bya ba snga ma 'di ni/ chos kyi rnam grangs 'di la mchod pa byed pa dang / bsnyen bkur byed pa dang / yi ger 'dri ba dang / yi ger 'drir 'jug pa dang / klog pa dang / 'dzin pa'i bsod nams mngon par 'du bya ba dang / gzhan dag la yang 
yang dag par ston par byed pa'i bsod nams mngon par 'du bya ba gang yin pa dang / chos smra ba de dag la yang mchod pa byed pa dang / bsnyen bkur byed pa'i bsod nams mngon par 'du bya ba gang yin pa de'i brgya'i char yang nye bar mi 'gro'o/ /rigs kyi bu ngas kun chub par 
byas shing / bshad pa'i chos de dag thams cad la bsnyen bkur byed pa dang / bla mar byed pa dang / ri mor byed pa dang / mchod pa byed pa dang / bsnyen bkur byas te yi ger 'dri ba dang / yi ger 'drir 'jug pa gang yin pa de bas ni gang zhig chos kyi rnam grangs 'di yi 
ger 'dri ba dang / yi ger 'drir 'jug pa dang / klog pa dang / mchod pa byed pa dang / yang dag par ston par byed pa dang / nyan par byed na de las bsod nams mngon par 'du bya ba ches mang du yongs su sdud par 'gyur te/ des na de bzhin gshegs pas bla na med pa yang 
dag par rdzogs pa'i byang chub tu lung ston to/ /de ci'i phyir zhe na/ chos kyi rnam grangs 'di nyan pa dang / 'dzin pa dang / 'chang ba dang / klog pa dang / mchod pa dang / yi ger 'dri ba dang / yi ger 'drir 'jug pa'i bsod nams ni de ltar dka' ba yin pa'i phyir ro/ /

</font><hr>93-1-188a<br><font size=+1>

rigs kyi bu sems can gang dag sdig pa kun tu spyod pa dang / bza' ba dang / btung ba dang / bro gar la mngon par dga' ba dang / mi sdug pa la sdug par 'du shes pa dang / 'dod pa dang / khro ba dang / gnod sems mang ba dang / mi bde ba la bde bar 'du shes pa 
dang / mtshon cha dang / spyo ba dang / bsdigs pa dang / rdeg pa la mngon par dga' ba dang / shes par mi 'gyur ba dang / yid la byed par mi 'gyur ba de dag ni sdig pa'i las kyi gzhi de dang / mi shes pa des mi dge ba'i bshes gnyen gyis yongs su zin cing rga ba dang / na 
ba dang / mya ngan dang / 'chi bas yongs su zin pas 'chi ba'i tshe na yongs su gdung bar 'gyur te/ dmigs pa na so so nas dur khrod dang 'dra ba kho nar mthong zhing / dge ba'i sems bskyed par yang mi 'gyur la/ dad pa mi phyed pa thob par yang mi 'gyur te/ de dag de nas 
shi 'phos nas kyang / sdug bsngal dag nyams su myong bar 'gyur bas na lung bstan pa'i dge ba'i rtsa ba med pa dang / de bzhin gshegs pa ma mthong ba dang / lung bstan pa ma thob pa dag gis ni chos kyi rnam grangs 'di mnyan pa dang / ri mor bya ba dang / mchod par bya ba dang / 
gzung ba dang / yi ger 'dri ba dang / yi ger 'drir gzhug pa dang / dad par yang mi nus la/ chos smra ba de la yang bsnyen bkur bya ba dang / bla mar bya ba dang / ri mor bya ba dang / mchod par bya bar yang mi nus so/ /rigs kyi bu gang du chos kyi rnam grangs 'di rab tu spyod 
par 'gyur ba'i yul der ni de bzhin gshegs pa'i mdzad pa 'byung bar 'gyur ro/ /de nas ji ltar lhags pa'i 'khor de dag gis bcom ldan 'das la legs so zhes bya ba gsol to/ /bcom ldan 'das legs so legs so/ /bcom ldan 'das bdag cag gis 
kyang chos smra ba de dang / chos nyan pa de dag la de bzhin gshegs pa'i mdzad pas bsnyen bkur bgyi/ bla mar bgyi/ ri mor bgyi/ mchod par bgyi zhing bde ba'i yo byad thams cad kyang nye bar bsgrub par bgyi lags so/ /chos kyi rnam grangs 'di yang rgyas par bgyi/

</font><hr>93-1-188b<br><font size=+1>

bsrung bar bgyi ste/ des na chos kyi rnam grangs 'di yun ring du gnas bar yang 'gyur lags so/ /de nas de'i tshe bcom ldan 'das kyis ji ltar lhags pa'i 'khor rnams la rnam par gzigs te/ bka' stsal pa/ kye rigs kyi bu dag legs so legs so/ /khyed cag gis 
de bzhin du gyis shig /gnod pa byed pa dang / brnyas pa dang / gshe ba dang / bsdigs pa dang / mtshon 'byin pa dang / rgya 'gal bar byed na yang lus dang / srog la mi lta bar byas la chos kyi rnam grangs 'di mnyan par bya/ yi ger bri bar bya/ yi ger 'drir 
gzhug par bya/ bklag par bya'o/ /chos smra ba de la yang bde ba'i yo byad thams cad kyis rim gror bya'o/ /yul phyogs de dang / gling de dang / grong khyer de dag kyang 'jigs pa dang / gnod pa dang / 'go ba'i nad dang / 'khrug pa dag la bsrung bar bya'o/ /
rigs kyi bu dang / rigs kyi bu mo de dag la yang rtag par rgyun du bsam par bya'o/ /de nas de'i tshe bcom ldan 'das kyis tshigs su bcad pa 'di dag bka' stsal to/ /bskal pa grangs med stong phrag bye snyed du/ /sangs rgyas 'byung ba lan 'ga' rnyed pa la/ /phyi ma'i 
dus na 'gyod par mi 'gyur bar/ /rigs kyi bu rnams bag yod chos nyon cig /yon tan nyan cing mngon par dad byed pa/ /de dag gis ni ting 'dzin rnyed mi dka'/ /gang gis rkang gnyis gtso bo rnams la ni/ /bskal pa bye ba gang gA'i bye snyed du/ /nor dang 'bru dang de bzhin 
gos dang rgyan/ /spos dang phreng ba byug pa phul ba bas/ /gang gis mdo sde 'di la dad byas te/ /nyan cing klog la yi ger 'dri byed pa/ /de la bsod nams tshad ni yod min te/ /bde bar gshegs pas de snyed tshad ma gsungs/ /rtag tu bag yod dgon par sten byed cing / /
sems gzhan med par bsam gtan dag sgom dang / /sdug pa'i bu dang bu mo sbyin byed cing / /lag pa rkang pa yongs su gtong ba bas/ /gang su mdo sde 'di ni 'dzin byed pa/ /de ni de bas bsod nams mang po 'thob/ /mdo mchog 'di ni nor sbyin byed pa ste/ /de yi 

</font><hr>93-1-189a<br><font size=+1>

ngan song kun kyang rtag tu spangs/ /'di ni nor dang 'bru sbyin byed pa ste/ /gang zhig mdo sde rnam dag 'di 'dzin pa/ /de la yon tan kun kyang mi dkon zhing / /de la tshe stobs brtson 'grus mod pa yin/ /'dren pa sangs rgyas 'od dpag med mthong zhing / /
ngas de sangs rgyas byang chub lung yang bstan/ /de la nam yang sdig pa yod min zhing / /bde ba can gyi 'jig rten khams kyang mthong / /de la rtag tu las gang 'byung 'gyur ba/ /sems gdung lus na ba'am de bzhin du/ /klad pa na bas thams cad zad 'gyur zhing / /
de ni nams kyang rnam par ltung mi 'gyur/ /des ni mthong ba'i chos la'ang yon tan kun/ /ji ltar bsams shing 'dod pas 'thob par 'gyur/ /de ltar rtag tu dge slong pho mo dang / /dge bsnyen rnams dang rgyal pos rtag tu ni/ /mi yi dbang po de bzhin gshegs 
pa ltar/ /chos smra ba la rjes su gus byas te/ /mdo sde 'di ni rtag tu gzung bya zhing / /'dzin pa la yang rtag tu bsnyen bkur bya/ /spos dang phreng ba byug pa rnams kyis ni/ /bsnyen bkur byas te yi ger 'drir yang gzhug /phyi ma'i dus la rga nas gdungs gyur la/ /
'khrug pa stong phrag du mas g.yen spyo zhing / /sems dmyal yi dgas rnams su yongs 'khyam dang / /za ma ma ning dmad par bya ba dang / /dmus long nyid dang ro dang khyi yi dri/ /rigs dma' bud med rnams su skye bar byed/ /phrag dog che zhing rtag tu sdig byed la/ /khro bas 
zil non rtag tu ser sna can/ /sangs rgyas chos la gus par ma byas pas/ /de ni de 'dra'i rigs su skye 'gyur la/ /der yang sdug bsngal tshor ba myong 'gyur zhing / /de ni phyi ma'i dus la'ang gdung bar 'gyur/ /de phyir gang dag 'dzin cing ston byed pa/ /de dag gis ni 
rtag tu mchod par bya/ /gang gis de la yongs su spyo ba dang / /smad cing brdegs la bcing ba byas gyur pa/ /de ni nga yang yongs su spyos pa yin/ /'dzin la phu dud byas na nga la'ang byas/ /de phyir de dag gis ni chos smra dang / /gang zhig 'di 'dzin 'dri zhing klog byed 

</font><hr>93-1-189b<br><font size=+1>

pa/ /de dag la ni rtag tu bsnyen bkur zhing / /tshig 'jam snyan pa'ang rgyun du brjod par bya/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyi zhabs gnyis la gtugs te/ bcom ldan 'das la 'di 
skad ces gsol to/ /bcom ldan 'das bdag gis rnam par lta ba'i cho 'phrul zhes bgyi ba'i gzungs mchis par rjes su dran te/ bdag gis sngon de bzhin gshegs pa 'od mdzad ye shes tog ces bgyi ba'i spyan sngar de thos shing bzung lags so/ /de mnyan cing bzung 
la bcangs shing bklags te gzhan dag la yang bsgrags shing bsnyen bkur bgyis nas yi ger bris sam/ yi ger 'drir stsal na/ phyir mi ldog pa'i sa 'thob par 'gyur zhing / de bzhin gshegs pas gsungs pa'i yon tan de dag thams cad kyang 'thob par 'gyur/ 
des ji ltar bsams pa thams cad kyang yang dag par 'grub par 'gyur/ de'i las kyi sgrib pa thams cad kyang byang bar 'gyur/ ting nge 'dzin kyang 'thob par 'gyur/ bro nad rnams dang bral bar yang 'gyur/ sangs rgyas mthong ba dang / byang chub sems dpa' yang mthong bar 
'gyur lags so/ /de nas bcom ldan 'das kyis byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ rigs kyi bu legs so legs so/ /rigs kyi bu khyod la de bzhin gshegs pas byin gyis brlabs zin 
gyis shod cig /de nas byang chub sems dpa' sems dpa' chen po 'phags pa spyan ras gzigs dbang phyug gis phyogs bcu'i de bzhin gshegs pa thams cad la phyag byas te gsang sngags kyi gzhi 'di dag smras so/ /na maHsarba ta thA ga tA nA na/ sarba A shA pa ri pU 
ra kA nA na/ na ma Ar+yA ba lo ki te shwa rA ya/ bo d+hi satwA ya/ ma hA sa twA ya/ ma hA kA ru Ni kA ya/ tad+ya thA/ ha ha ha/ ma ma ma/ d+hi ri d+hi ri d+hi ri/ shAn te/ pra shAn te/ sarba pA pak+Sha yang ka ri/ a ba lo kA ya/ kA ru Ni ka/ bo d+hi tsit+ta ma ma na si ku ru/

</font><hr>93-1-190a<br><font size=+1>

bya ba lo kA ya/ mA ma/ sma ra sma ra/ yan twa yA pUrbe/ sat+ya a d+hiSh+ThA naM kr-i te na/ te na sa t+ye na/ ba tsa ne na/ sarba A shA me pa ri bU ra ya/ bud d+ha k+She tra ma pa ri sho d+ha ya/ ma me kash+tsid bi he thaM ka ro tu/ bud d+ha a d+hiSh+ThA ne na swA hA/ tad+ya thA/ te dze te 
dze/ ma hA te dze/ yan ma ma kA ya dush+tsa ri ta ma bA/ wAg dush+tsa ri ta ma bA/ ma no dush+tsa ri tam bA/ dA ri d+r+yam bA/ tad sarbaM k+ShA pa ya/ a lo ka ya/ bi lo ka ya/ ta thA ga ta dar+Sha Nan tsa/ a ha ma d+hikAM k+ShA mi bo d+hi sa t+ya dar+Sha Nam/ d+hu d+hu ma/ da das swa me dar+Sha Na ma/ sarba me 
ku sha la/ a b+hi bar d+han tu/ na maHsarba ta thA ga tA nA na/ na ma Ar+yA ba lo ki te shwa rA ya/ bo d+hi sa twA ya/ sma ra pra ti dz+nyA ma ma satwa/ si d+h+yan tu man+t+ra pa dA swA hA/ gzungs 'di brjod pa na sa chen po 'di yang rab tu g.yos shing ga zha'i sgra chen po dang / lha'i me tog gi 
char dag kyang mngon par rab tu bab par gyur to/ /thams cad dang ldan pa'i 'khor des legs so zhes bya ba byin te/ rigs kyi bu legs so legs so/ /sems can chen po khyod kyis sems can thams cad bskyab pa'i phyir re ba thams cad yongs su rdzogs par byed pa/ 
'jigs pa thams cad las srung bar byed pa/ las thams cad byang bar byed pa dang / sdang ba dang rmi lam ngan pa'i gnod pa thams cad rab tu zhi bar byed pa'i gzungs 'di legs par smras so/ /bdag cag thams cad kyis kyang gzung bar bya/ /bsnyen bkur bya'o/ /
spyan ras gzigs dbang phyug gis smras pa/ rigs kyi bu dag gang la la ji ltar de bzhin gshegs pas yongs su bsgrags pa'i yon tan de dag mngon par 'dod cing lung bstan pa dang / kho bo yang mngon sum du mthong ba dang / ting nge 'dzin 'thob pa dang / sangs rgyas dang byang 
chub sems dpa' mthong ba dang / longs spyod dang dbang phyug 'thob pa dang / sangs rgyas kyi zhing du skye bar 'dod pa des zla ba yar gyi ngo la lus legs par khrus byas shing gtsang la/ bsnyen te gnas/ 'phags pa yan lag brgyad pa la gnas par byas la tshes 

</font><hr>93-1-190b<br><font size=+1>

brgyad nas brtsams te/ de bzhin gshegs pas byin gyis brlabs pa'i sa phyogs su spos dang / me tog dang / rgyal mtshan dang / ba dan dag dang / bum pa gang ba dag gis sa phyogs dedang / chos smra ba de yang mchod pa byas nas lus legs par khrus byas pa 
gtsang mas gos dkar bo bgos te/ me tog dang / bdug spos dang / spos dang / me tog phreng dang / byug pa sna tshogs dag gis mchod nas yi ger bri bar bya'o/ /'dri ba'i tshe na nyin gcig bzhin du dge ba'i rtsa ba rnams sems can thams cad dang thun mong du byas 
la/ de bzhin gshegs pa la bla ma dang / gus pa'i sems nye bar bzhag nas sems can thams cad la byams pa'i sems dang snying brtse ba'i sems dang / snying rje'i sems kyis nyi ma phyed tshun chad kyi bar de tsam du bri bar bya'o/ /tshes brgyad nas brtsams te tshes bco lnga'i 
bar du nyin gcig bzhin du mchod pa yang de bzhin bya'o/ /cho ga 'di kho na bzhin du byas te bris na de ma thag tu mtshams med pa lnga la sogs pa las kyi sgrib pa thams cad dang / sdig pa thams cad byang bar 'gyur zhing dge ba'i rtsa ba rnams kyang 'phel bar 'gyur/ brtson 
'grus 'bar bar 'gyur ro/ /tshe de nyid la yang lus bde ba 'thob par 'gyur/ 'dod chags dang / zhe sdang dang / gti mug dang / nga rgyal dang / khro ba dang / phrag dog dang / ser sna dag srab mor 'gyur ro/ /des yi ger 'drir bcug nas kyang sku gdung 
dang bcas pa'i mchod rten gyi gnas su de bzhin gshegs pa'i sku gzugs sku gdung dang bcas pa dang spyan ras gzigs dbang phyug gi gzugs sku gdung dang bcas pa zhal shar phyogs su bstan te bzhag la/ me tog dang / bdug spos dang / spos dang / mar 
me dag gis mchod pa shin tu rgya cher byas la/ tshes brgyad nas brtsams te tshes bco lnga'i bar du sems can thams cad la snying rje chen po'i sems bskyed par bya zhing / gtsang ma kha zas dkar po za ba/ bsnyen te gnas pa/ 'phags pa yan lag brgyad 

</font><hr>93-1-191a<br><font size=+1>

pa la gnas pa/ grogs po yid gcugs pa dang ldan pa/ nga rgyal dang / khro ba dang / phrag dog dang / ser sna yongs su spangs pas nyin gcig bzhin du mchod pa rgya chen po byas te/ dus gsum du bzlas brjod lan brgya rtsa brgyad rtsa brgyad bya'o/ /me 
tog dang / bdug spos dang / spos dang / mar me dag kyang phul la/ dus gsum du sna ma'i me tog brgya rtsa brgyad rtsa brgyad 'phags pa spyan ras gzigs dbang phyug gi gzugs la gtor bar bya'o/ /lag na rdo rje la yang bdug spos kyis bdug par bya'o/ /phyogs 
bcur phyag byas la/ nub phyogs kyi lha mo 'jigs byed ma dang / shar phyogs kyi dpe med ma dang / steng gi phyogs kyi dung can ma la sogs pa la phyogs bzhir gtor ma ro sna tshogs dang ldan pa dang / 'o thug dang / zho dang / 'bras chan dag kyang gtor bar bya'o/ /des 
na de la rnam par g.yeng ba dang 'jigs pa 'ga' yang 'byung bar mi 'gyur zhing sems 'khrul bar mi 'gyur ro/ /sna ma'i me tog brgya rtsa brgyad po thams cad la bzlas brjod brgya rtsa brgyad byas la bskul bar bya'o/ /cho ga 'di kho na bzhin du sngar bsnyen pa byas la/ de nas 
tshes bco lnga'i nang par sa phyogs der bum pa gang ba bzhi bzhag la/ bdug spos dang / tsan+dan dang / pog dkar po dang / ga pur dag kyang gzhag /mar me kha bzhi/ me tog dang / bdug spos dang / gdugs dang / rgyal mtshan dang / dar dang / ba 
dan sna tshogs dag dang / gser dngul gyi snod dag gis legs par brgyan la/ sbrang rtsi dang sbyar ba'i 'o thug dang / zho dang / 'bras chan dang / gzhan yang ci 'byor pa'i lha bshos dang / gtor ma dag kyang phyogs bzhir gzhag go/ /sna ma'i me tog brgya rtsa 
brgyad la snga ma bzhin du bzlas brjod lan re byas la phyogs bzhir dor ro/ /de nas sna ma'i me tog brgya rtsa brgyad phrag gsum la bzlas brjod lan re byas la/ re re nas 'phags pa spyan ras gzigs dbang phyug gi gzugs la bsnun par bya'o/ /de nas gzugs 

</font><hr>93-1-191b<br><font size=+1>

de 'gul bar 'gyur zhing sgra skad chen po yang 'byung bar 'gyur ro/ /'od zer dag kyang 'byung bar 'gyur/ sa yang g.yo bar 'gyur ro/ /de nas las thams cad dang / /dgos pa thams cad kyang 'grub par 'gyur zhing / de bzhin gshegs pa mthong ba dang / byang 
chub sems dpa'i sa thob par yang 'gyur/ sems can thams cad kyis phyag bya ba'i 'os su yang 'gyur/ nor dang / 'bru dang / mdzod dang / bang ba rnams 'byor par yang 'gyur/ nad thams cad yongs su spangs pa dang / tshe ring bar yang 'gyur/ dgra 
thams cad dang / rgyal po dang / rgyal bu dang / blon po rnams kyang de la lta 'dod cing gces spras byed par yang 'gyur/ nyon mongs pa thams cad dang / 'dod chags dang / zhe sdang dang / gti mug spangs par yang 'gyur/ nam du'ang sdug pa dang mi 'bral 
bar 'gyur ro/ /brtan pa dang / stobs dang / brtson 'grus chen po dang ldan pa dang / gzi brjid dang ldan pa dang / dbang po rno ba dang / blo dang ldan pa dang / sems can thams cad la snying brtse ba'i sems dang ldan pa dang / cho ga shes pa dang / 'chi ba'i 
tshe na sangs rgyas bcom ldan 'das rnams mthong ba dang / 'phags pa spyan ras gzigs dbang phyug kyang mthong ba dang / byams pa la gnas shing chos ston bzhin du 'chi ba'i dus byed pa'i bar du yang 'gyur ro/ /sangs rgyas kyi zhing ji ltar bu 'dod pa dag gam/ 'khor 
los sgyur ba'i rigs chen po'am/ gang du rjes su dran par byed pa der skye ba dang / gzhan yang yon tan stong phrag du ma dag kyang 'thob par 'gyur ro/ /gsol pa/ bcom ldan 'das de ltar na/ chos kyi rnam grangs 'di dang gzungs kyi gsang sngags gzhi 'di 
dag ni yon tan mang po'i 'byung gnas lags te/ chos kyi rnam grangs 'di ni de bzhin gshegs pa'i byin gyis brlabs ma mchis par mnyan par yang rngo mi thogs la gzung bar yang rngo mi thogs/ klog par yang rngo mi thogs/ mchod par yang rngo mi thogs/ yi ge bri 

</font><hr>93-1-192a<br><font size=+1>

bar yang rngo mi thogs/ yi ger 'drir stsal bar yang rngo mi thogs/ dad par yang rngo mi thogs lags so/ /gal te mthong bar gyur na yang nyan par mi 'gyur la/ gal te nyan par gyur na yang de sems rnam par g.yengs pas nyan par 'gyur 
zhing dad par mi 'gyur/ bsnyen bkur bgyid par mi 'gyur lags so/ /gal te bsnyen bkur bgyid par 'gyur na yang nyon mongs pa dang / gnod sems dang bcas pa'i sems kyis bsnyen bkur bgyid par 'gyur lags so/ /gal te yi ger 'dri'am/ 
yi ger 'drir stsal bar gyur na yang de gzhan dag yid la bgyid par 'gyur lags so/ /de ci'i slad du zhe na/ 'di ltar de'i sngon gyi las kyi 'bras bu lags pa'i slad du ste/ de ni las de nyams su myong bar bgyid cing the tsom skye bar 'gyur lags so/ /mtshams 
ma mchis pa lnga bgyid pas kyang lan gsum bsgrubs na re ba thams cad yang dag par 'grub par 'gyur lags te/ de la nem nur ma mchis pa dang / yid gnyis ma mchis pa dang / the tsom mi bskyed par bgyi lags so/ /de nas bcom ldan 'das kyis 
byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ rigs kyi bu legs so legs so/ /chos kyi rnam grangs 'di ni sems can thams cad la de bzhin gshegs pa'i mdzad pa byed par 'gyur ro/ /
de nas gnod sbyin mo chen mo dpe med ma bcom ldan 'das ga la ba der song ste phyin nas/ bcom ldan 'das la me tog dang / spos dang / bdug spos sna tshogs dang / ras bcos bu zung dag gis mchod par byas te/ bcom ldan 'das kyi zhabs 
gnyis lag gtugs nas/ bcom ldan 'das la 'di skad ces gsol to/ /bcom ldan 'das bdag gis 'di ltar bcom ldan 'das yul ko'u shAm bI na dbyangs can gyi kun dga' ra ba na bzhugs pa'i spyan sngar sems can thams cad kyi don dang /

</font><hr>93-1-192b<br><font size=+1>

sman pa dang / bde ba'i slad du dam bcas pa brjod par rjes su dran lags te/ bcom ldan 'das bdag cag gis kyang rig sngags 'chang ba thams cad kyi snying po dag 'tshal lags so/ /de'i slad du bcom ldan 'das kyis skye bo mang po la sman pa dang / 
skye bo mang po la bde ba dang / re ba thams cad yongs su rdzogs par 'gyur ba dang / dge slong dang / dge slong ma dang / dge bsnyen dang / dge bsnyen ma rnams kyi don du bdag rjes su gzung du gsol/ /na maHsarba ta thA ga tA nA na/ s+yAd 
ya the da na/ ha ha/ hi hi/ hu hu/ sa ra sa ra/ la hU~M la hU~M/ shIg+h+raM/ ma hA bi d+yA/ sarba bid+yA d+ha ra na ma skr-i te/ ha sa ha sa kiM tiSh+Tha si/ kiM kiM tiSh+Tha si/ ka na ka bi tsi tra/ A ba ra Na bi b+hU Shi tAM ge/ pa Ta pa Ta/ b+ha ra b+ha ra/ b+hi ri b+hi ri/ b+hu 
ru b+hu ru/ sarba ar+tha na me sA d+ha ya/ tu ru tu ru/ ar+tha na sA d+ha ya/ ar+tha na de hi me/ sarba sa twA nA na sid+d+hi na/ hA hA/ pad+me/ pad+me/ ma hA pad+me/ bi Sha de/ bi Sha de/ ma hA bi Sha de/ b+ha ba b+ha ba/ b+ha bod b+ha bA ya/ ta ma haM g+ho re/ tan me 
bi d+yA ma pra yo dza nA ya/ sid d+hiM ku ru/ sarba A shA me pa ri pU ra ya/ bud+d+ha a d+hiSh+ThA ne na swA hA/ bcom ldan 'das gang la la yon tan 'tshal ba dang / nor dang 'bru 'tshal ba dang / sems can thams cad dbang du bgyid par 'tshal ba dang / nor gyi dbang 
phyug chen po dang / rgyal srid dang / rig sngags 'chang chen po nyid dang / bdag kyang mngon sum du mthong bar 'tshal ba des tshes brgyad kyi gdugs la ras dkar po sar pa kha tshar ma bskum pa skra bsal ba la ri mo mkhan gtsang ma bsnyen te gnas pa/ 'phags pa 
yan lag brgyad pa la gnas pas/ tshon rtsi sbyin dang ma 'brags pa snod sar pa'i nang du stsal bas dbus su de bzhin gshegs pa'i sku gzugs chos ston pa'i tshul du bzhugs pa bri bar bgyi'o/ /g.yas phyogs su 'phags pa rdo rje khro bo rad pa dkar po 'tshal 

</font><hr>93-1-193a<br><font size=+1>

ba/ rgyan thams cad dang / me tog phreng dang / zla gam dang / se mo dos brgyan pa/ rdo rje gsor zhing mchis pa bri bar bgyi'o/ /g.yon phyogs su ni gnod sbyin mo chen mo dpe med ma 'dam bu mda' rgyu'i mdog ltar dkar sham du mchis la/ rad pa 
dkar po 'tshal ba/ rgyan thams cad kyis brgyan pa/ sug pa na pad+ma thogs shing yang dag par dbugs 'byin pa'i tshul du mchis pa bri bar bgyi'o/ /de nas rig sngags 'chang gtsang ma bsnyen te gnas pa/ 'phags pa'i yan lag brgyad pa la gnas pa/ rad pa 
dkar po 'tshal ba/ grogs dang ldan pa/ nas chan 'o ma dang sbyar ba 'tshal bas sngar bsnyen pa bgyi la/ tshes brgyad kyi gdugs la de bzhin gshegs pa'i sku gdung dang bcas pa'i gnas gtsang mar dang por kho nar de bzhin gshegs pa dang / lag na rdo rje la me tog 
dang / bdug spos dang / spos dag gsol bar bgyi zhing / phyogs bzhir yang 'o thug dang / zho dang / 'bras chan dang / ro sna tshogs dang ldan pa dang / chan sna tshogs kyi gtor ma dag gtor la/ me tog dang / bdug spos dang / spos dang / mar me 
sna tshogs dag gis mchod pa bgyis nas dus gsum du sna ma'i me tog brgya rtsa brgyad phrag gsum la bzlas brjod brgya rtsa brgyad phrag gsum bgyi zhing / re re nas gnod sbyin mo chen mo dpe med ma'i gzugs de la bsnun par bgyi'o/ /de nas zla ba nya'i tshes bcwa lnga'i 
gdugs la yang cho ga 'di nyid dang / gzhan yang ci 'byor ba dag dang / bdug spos dang / ga pur dang / pog dkar po dang / tsan+dan dang / shing mu sa dag kyang dbul/ 'bru mar dri bda' ba'i zhugs mar kha gnyis kyang dbul bar bgyi'o/ /de nas 
bdag der rang gi gzugs kyis gnas bar bgyi zhing dam pa ci 'tshal ba yang stsal bar bgyi ste/ ting nge 'dzin thob pa dang / nam mkha' la mchi ba dang / lus mi snang bar bgyi ba dang / rgyal srid dang / stobs kyi 'khor los sgyur ba nyid dang / rig sngags 'chang nyid dang /

</font><hr>93-1-193b<br><font size=+1>

gter lta 'tshal ba dang / nor sgyur 'tshal ba dang / pha rol gyi sems 'tshal ba dang / tshe ring ba dang / dam pa ci 'tshal ba yang stsal bar bgyi lags so/ /des kyang sems can thams cad la byams pa'i sems dang / nga rgyal dang / khro ba dang / phrag dog dang / ser 
sna yongs su spangs pa'i sems su bgyi'o/ /mchod rten dang / chos dang / dge 'dun gyi nor 'phrog pa yongs su spang ba dang / de bzhin gshegs pa rnams la dad pa mi phyed par bgyi'o/ /bcom ldan 'das gal te mtshams ma mchis pa bgyid pa zhig gis 
kyang lan gsum bsgrubs te bdag gis ma stsal bar gyur na bcom ldan 'das bdag bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /gal te sangs rgyas la ma dad par gyur pa dang / yid gnyis su gyur pa gang 
lags pa dang / sdig pa mi dge ba'i chos bgyis nas 'gyod par mi bgyid pa dang / nyon mongs pa dang / nye ba'i nyon mongs pa'i sems dang ldan pa gang lags pa de dag la yang bdag mthong ba stsal bar bgyi zhing thob par yang bgyi lags so/ /de nas bcom 
ldan 'das kyis gnod sbyin mo chen mo dpe med ma la legs so zhes bya ba byin te/ sring mo legs so legs so/ /sring mo khyod kyis sems can thams cad kyi don du sdig pa kun tu spyod pa'i sems can rnams la gsang sngags kyi gzhi 'di lta bu 'di dag smras shing dam bca' 
ba yang byas pa ni yang khyod legs so/ /khyod snying rje chen po 'di lta bu 'dis sems can thams cad bla na med pa yang dag par rdzogs pa'i byang chub la rab tu dgod nus par 'gyur gyis khyod kyis de bzhin du gyis shig /de nas lha mo chen mo dung can mas bcom ldan 'das 
la me tog sna tshogs dang / spos sna tshogs dag gis mchod pa byas te bskor ba byas nas/ bcom ldan 'das kyi zhabs gnyis la gtugs te/ bcom ldan 'das la 'di skad ces gsol to/ /bcom ldan 'das bdag gis kyang de bzhin gshegs pa'i byin 

</font><hr>93-1-194a<br><font size=+1>

gyis brlabs kyis de bzhin gshegs pa'i bstan pa yun ring du gnas par bgyi ba dang / chos smra ba de dag kyang bsrung ba'i slad du dam bca' bar bgyi zhing re ba thams cad yongs su rdzogs par bgyid pa'i gsang sngags gzhi rnams stsal bar bgyi lags kyis/
de'i slad du bcom ldan 'das kyis bdag la rjes su gnang bar mdzad du gsol/ na maHsarba ta thA ga tA nA na/ tad+ya thA/ o~M shang khi ni de bi/ A gats+tsha/ A gats+tsha/ tiShA d+ha ne/ d+ha na dza ye/ bri bri/ bri d+hi ka ri/ d+h+ri d+h+ri/ d+h+ri ti ka ri/ nA nA bi bi d+ha/ be sha bsta/ A yu d+ha d+hA ri Ni/ yu 
yu A yuSh+pA la ne/ ta thA ga tA nAM/ sma ra bo d+hi tsi ta taM/ mA bi lam ba/ de hi me ba ran/ shaM khi ni swA hA/ bcom ldan 'das gsang sngags gzhi 'di dag lus la gnas par bgyis na/ de'i snyan pa 'phel bar 'gyur zhing / gzi brjid 'phel ba dang / longs 
spyod 'phel ba dang / dbang phyug 'phel ba dang / tshe ring ba dang / dgra rnams dbang du bgyi ba yang 'phel bar 'gyur lags so/ /sa phyogs gtsang ma'am lha'i gnas su ci 'byor pa'i gtor ma phyogs bzhir stsal la/ de bzhin gshegs pa la bdug spos dang / 
pog dkar po dag gis mchod pa rgya cher bgyi zhing zhugs mar dag kyang phul la/ dgung nyi shu rtsa gcig tu byams pa la gnas pa dang / nges par gnas shing bzlas brjod lan brgya rtsa brgyad bgyis na/ dam pa'i chos spong ba ma gtogs pa rnams kyi bsam pa thams cad 
yongs su rdzogs par bgyi lags so/ /de nas bcom ldan 'das dang ji ltar lhags pa'i 'khor de dag gis lha mo chen mo dung can ma la legs so zhes bya ba byin te/ sring mo legs so legs so/ /yon tan mang po dang ldan pa'i dam bca' ba 'di ni legs par smras 
so/ /sring mo khyod kyis ma 'ongs pa'i dus na de bzhin du gyis shig /de nas lha mo chen mo 'jigs byed mas bcom ldan 'das la gser gyi me tog dag gis mchod pa byas nas/ bcom ldan 'das kyi zhabs gnyis la mgo bos gtugs te/ bcom ldan 'das la 

</font><hr>93-1-194b<br><font size=+1>

'di skad ces gsol to/ /bcom ldan 'das bdag gis kyang chos smra ba de dag dang / chos nyan pa de dag dang / yi ger 'dri ba de dag dang / 'dzin pa dang / klog pa dang / mchod pa bgyid pa de dag gi don du re ba thams cad yongs su rdzogs par bgyid pa/ dbyig dang / 
nor bu dang / mu tig dang / longs spyod dang / dbang phyug dang / rgyal srid dang / tshe ring bar bgyid pa/ dgra thams cad dbang du bgyid pa'i gsang sngags gzhi rnams stsal bar bgyi ste/ rgyal po'am/ rgyal po'i btsun mo'am/ dge slong ngam/ dge slong 
ma'am/ dge bsnyen nam/ dge bsnyen ma gang la la zhig 'dzin tam/ klog gam/ bsnyen bkur bgyid dam/ yi ger 'dri'am/ yi ger 'drir stsol tam/ mchog tu gus pas ji skad gsungs pa'i sgrub pa la sgrub par bgyid na/ bcom ldan 'das bdag 
gis de bsrung bar bya/ yongs su bskyang bar bgyi zhing dam pa ci 'tshal ba yang stsal bar bgyi ste/ longs spyod dang / dbang phyug dag gis mi brel bar bgyi/ thab mo dang / 'gyed pa dang / khrag khrug dang / 'khrug klong dag las rgyal bar bgyi/ tshe phun sum tshogs pa nye bar bsgrub 
par bgyi/ de'i yul dang grong khyer dag kyang yongs su bskyang bar bgyi lags kyis/ de'i slad du bcom ldan 'das kyis bdag la rjes su gnang bar mdzad du gsol/ na maHsarba ta thA ga tA nA na/ sarba bo d+hi satwA nA na/ na ma Ar+yA ba lo ki te shwa ra/ badzra pA Ni pra b+h+r-i tI nA na/ 
tad+ya thA/ o~M ma hA de bi/ b+hi me b+hI ma ma te/ dza ye dza yA ba he ya sho ba ti/ ya sho dza be/ te dza dza be/ byA ka ra Na prA pa te/ sarba satwa a ba lo ki te/ kri pa te dza pa hu le/ ta thA ga te a nu dz+nyA tam pA la ya/ sma ra pra ti dz+nyA ma/ bud d+ha a d+hiSh+ThA ne na/ de hi me ba ran/ 
sid d+hiM ku ru/ de bi ma hA de bi sat+ya ba tsan de bi b+hi ma sat+ya ba tsan pra tiSh+Thi te gu h+ya ni bA si ni swA hA/ bcom ldan 'das bdag gis sems can thams cad kyi don du de bzhin gshegs pas byin gyis brlabs shing de bzhin gshegs pas rjes su gnang ba'i gsang sngags gzhi 

</font><hr>93-1-195a<br><font size=+1>

'di dag smras lags te/ de bzhin gshegs pa'i spyan sngar me tog dang / bdug spos dang / spos dang / mar me dag gis mchod pa bgyis la/ phyogs bzhir yang 'o thug dang / ro sna tshogs dang ldan pa'i gtor ma dag stsal te/ ci dang ci 'tshal 
ba yid la bgyis shing bzlas brjod lan brgya rtsa brgyad kyis mchod pa bgyis na/ re ba de dang de dag thams cad yongs su rdzogs par bgyis lags so/ /gang la la bdag rang gis gzugs mthong bar 'tshal ba des tshes brgyad kyi gdugs la ras dkar 
po sar pa kha tshar ma bkum pa skra ma mchis pa la ri mo mkhan gtsang ma 'phags pa'i yan lag brgyad yongs su bzung ba'i tshon rtsi spyin dang ma 'bags pa snod sar pa'i nang du stsal bas/ dbus su de bzhin gshegs pa'i sku gzugs chos ston pa'i tshul du bzhugs pa 
bri bar bgyi'o/ /g.yas phyogs su 'phags pa spyan ras gzigs dbang phyug chos kyi 'bel ba'i gtam ston pa bri bar bgyi'o/ /g.yon phyogs su ni lha mo chen mo 'jigs byed ma 'dam bu mda' rgyu'i mdog ltar dkar sham du mchis la/ rad pa dkar po 'tshal ba/ rgyan 
thams cad kyis brgyan pa/ ril ba dang / bgrang phreng thogs shing yang dag par dbugs 'byin pa'i tshul du mchis pa bri bar bgyi'o/ /de nas rig sngags 'chang gtsang mas sngar bsnyen pa bgyi la/ tshes brgyad nas tshes bcwa lnga'i bar du mchod rten sku gdung dang bcas 
pa'i gnas su me tog dang / bdug spos dang / spos dang / me tog phreng dag gis mchod pa bgyi zhing / phyogs bzhir yang 'o thug dang / zho dang / 'bras chan gyi gtor ma dag gtor la/ me tog dang / bdug spos dang / mar me sna tshogs dag gis mchod pa rgya cher 
bgyi zhing lha bshos dkar po dag kyang phul la/ gtor ma ro sna tshogs dang ldan pa dang / gzhan yang ci 'byor pa dag stsal nas sems can thams cad la byams pa'i sems dang / snying rje'i sems kyis sna ma'i me tog brgya rtsa brgyad la bzlas brjod lan brgya rtsa 

</font><hr>93-1-195b<br><font size=+1>

brgyad bgyi zhing re re nas lha mo chen mo 'jigs byed ma'i gzugs de la 'phang bar bgyi'o/ /de nas bdag der rang gi gzugs kyis gnas par bgyi/ dam pa ci 'tshal ba yang stsal bar bgyi ste/ rgyal srid kyi dbang phyug dang / nam mkha' la mchi ba dang / gter 
lta 'tshal ba dang / nor sgyur 'tshal ba dang / rig sngags 'chang nyid dang / dus ma lags par 'gum pa bzlog pa dang / bro nad thams cad rab tu zhi bar bgyi ba dang / pha rol gyi dmag tshogs rab tu gzhom pa dang / bu mchis par bgyi ba dang / nor 'du 
bar bgyi ba dang / sems can thams cad la byams pa skye ba dang / gzhan yang ci 'tshal ba'i las dag kyang bgyi lags so/ /bcom ldan 'das gal te dam pa'i chos spong ba dang / sangs rgyas dang / chos dang / dge 'dun dag la the tsom du gyur pa gang lags pa ma 
gtogs par mtshams ma mchis pa lnga bgyid pa zhig lags na yang bdag gis re ba thams cad yongs su rdzogs par ma bgyis par gyur na/ bcom ldan 'das bdag bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur cig /
bcom ldan 'das kyis bka' stsal pa/ sring mo legs so legs so/ /sring mo khyod sems can thams cad kyi don dang / phan pa dang bde ba'i phyir zhugs shing / chos kyi rnam grangs 'di yang yun ring du gnas par bya ba'i phyir zhugs pa ni yang khyod legs so/ /
sring mo de'i phyir khyod kyis rtag tu dam bcas pa 'di dran par gyis shig /de nas de'i tshe sa chen po 'di rab tu g.yos shing lha'i me tog gi char dag kyang mngon par rab tu bab pa dang / thams cad dang ldan pa'i 'khor de dag gis kyang legs so zhes bya ba byin te/ sring mo 
legs so legs so/ /khyod kyis sems can thams cad kyi re ba thams cad yongs su rdzogs par 'gyur ba'i dam bca' ba 'di ni legs par smras so/ /de nas bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad 

</font><hr>93-1-196a<br><font size=+1>

ces gsol to/ /bcom ldan 'das ci rigs kyi bu'am/ rigs kyi bu mo de chos kyi rnam grangs 'di yi ger 'dri ba dang / yi ger 'drir stsol ba dang / klog pa dang / mchod pa dang / yang dag par ston pa dang / 'don pa dang / mchid ton du bgyid pa des bsod nams 'thob par 
'gyur lags sam/ bcom ldan 'das kyis bka' stsal pa/ 'phags pa spyan ras gzigs dbang phyug de'i phyir de khyod nyid la dri yis khyod kyis ji ltar bzod pa de bzhin du lan thob shig /spyan ras gzigs dbang phyug gis gsol pa/ bcom ldan 'das de bzhin 
gshegs pa la ni ma gzigs pa'am/ ma gsan pa'am/ ma dgongs pa dang / rnam par mi mkhyen pa mi mnga' bas bcom ldan 'das nyid kyis bka' stsal du gsol/ bcom ldan 'das kyis bka' stsal pa/ rigs kyi bu chos kyi rnam grangs 'di yi ger 'dri ba dang / 
yi ger 'drir 'jug pa dang / klog pa dang / mchod pa dang / yang dag par ston pa dang / 'don pa dang / kha ton du byed pa las bsod nams 'thob par 'gyur ba gang yin pa de ni dpes brjod par yang mi nus so/ /de ci'i phyir zhe na/ gos dang / rgyan dang / dbyig dang / gser 
dang / nor bu dang / mu tig dag gis sems can thams cad kyi bsam pa ji lta ba bzhin du yongs su rdzogs par byas te rtser bcug kyang sems can de dag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid 
mi bde ba dang / 'khrug pa dag las yongs su thar bar mi 'gyur ba nyid yin zhing / lo 'bum du 'dod pa'i yon tan lnga po dag gis rtser bcug kyang sems can de dag sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul dag las yongs 
su thar bar mi 'gyur ba nyid de/ sems can rnams kyi phyir chos kyi rnam grangs 'di nyan cing mchod pa byed pa dang / yang dag par bstan te/ de'i don kyang mnyan cing nan tan gyis sgrub par byed pa ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal 

</font><hr>93-1-196b<br><font size=+1>

ba dang / yid mi bde ba dang / 'khrug pa dag dang / sems can dmyal ba dang / dud 'gro'i skye gnas dang / gshin rje'i 'jig rten thams cad las yongs su thar ba kho nar 'gyur bas de'i phyir de bzhin gshegs pas 'di'i bsod nams kyi tshad kyi dpe mi mdzad do/ /rigs kyi bu gang gis chos kyi rnam 
grangs 'di dang / chos smra ba dang / 'dzin pa dang / klog pa dang / yi ger 'dri ba dang / mchod pa byed pa de dag gi phyir dbyig yungs 'bru tsam yongs su gtong bar byed dam/ me tog gcig gam/ 'bras bu gcig gam/ ba dan nam/ rol mo'i sgra'am/ spos sam/ gos sam/ rgyan gcig tsam 
zhig yongs su gtong bar byed dam/ yi ger 'dri ba'am/ yi ger 'drir 'jug gam/ 'chang ngam/ klog gam/ mchod pa byed dam/ yang dag par ston tam/ bsnyen bkur byed dam/ gzhan dag la yang rgya cher yang dag par rab tu ston par byed pa gang yin pa dang / gang gis de bzhin 
gshegs pa 'khor dang bcas pa mngon sum du bzhugs pa la lo 'bum du me tog dang / bdug spos dang / spos dang / me tog phreng dang / byug pa dang / gdugs dang / rgyal mtshan dang / ba dan dag gis mchod pas mchod par byed/ rjed par byed cing / bde ba'i yo byad thams cad kyis 
bsnyen bkur byed pa dang / gtsug lag khang dang / 'chag sa dang / skyed mos tshal dag byed du bcug gam/ de bzhin gshegs pa'i phyir rin po che sna bdun gyi mchod rten 'phang du dpag tshad phyed pa brgya'am stong byed du bcug ste/ de dag la lo 'bum du mchod pa dag gis mchod par
byed pa bas/ gang chos kyi rnam grangs 'di yi ger 'dri ba dang / yi ger 'drir 'jug pa dang / 'chang ba dang / klog pa dang / 'don pa dang / mchod pa byed pa dang / yang dag par ston pa de ni de bas ches bsod nams mngon par 'du bya ba ches mang du skye bar 'gyur gyi/ de bzhin 
gshegs pa la mngon sum du mchod pa byed pa de ni de lta ma yin la/ sems can thams cad la sbyin pa byin zhing 'dod pa'i yon tan lnga po dag gis rtser bcug pa yang de lta ma yin no/ /de lta bas na rigs kyi bu dang / rigs kyi bu mo dang / rgyal po dang / rgyal bu dang / blon po chen 

</font><hr>93-1-197a<br><font size=+1>

po dang / blon po de dag gis rtag par rgyun du chos kyi rnam grangs 'di mchod par bya'o/ /gang chos kyi rnam grangs 'di sgrogs par byed pa dang / rjod par byed pa dang / don kyang nye bar sgrub par byed pa'i dge ba'i bshes gnyen de dag la yang de bzhin gshegs pa nyid du 
'du shes bskyed par bya zhing / de dag gis bsnyen bkur byas te chos kyi rnam grangs 'di mnyan par bya/ gzung bar bya/ bcang bar bya/ bklag par bya/ yid la bya zhing 'di ltar sems bskyed par yang bya ste/ bdag cag don med pa la don du 'du shes pa dang / mi rtag pa la rtag par 
'du shes pa dang / sdug bsngal ba la bde bar 'du shes shing / lam ma yin par zhugs pa la lam nye bar ston pa gang yin pa dang / bdag cag sems can dmyal ba dang / dud 'gro'i skye gnas dang / gshin rje'i 'jig rten las yongs su thar bar bya ba'i phyir de bzhin gshegs pa'i 
mdzad pa byed pa gang yin pa de ni bdag gis rnyed pa legs par rnyed do snyam du sems bskyed par yang bya'o/ /spyan ras gzigs dbang phyug gis gsol ba/ bcom ldan 'das chos kyi rnam grangs 'di ni sems can thams cad la de bzhin gshegs pa'i mdzad pa mdzad pa chen pos yang 
dag par bshad lags so/ /bcom ldan 'das kyis bka' stsal pa/ rigs kyi bu chos kyi rnam grangs 'di ni phyi ma'i dus phyi ma'i tshe na/ lho phyogs kyi rgyud na spyod par 'gyur te/ der yang dge slong dang / dge slong ma dang / dge bsnyen dang / dge bsnyen ma dang / rgyal po dang / rgyal bu dang / blon 
po chen po dang / blon po snod du gyur pa mchod pa byed pa/ 'dzin par byed pa/ klog par byed pa dag 'byung bar 'gyur zhing / dad par 'gyur/ yid ches par 'gyur ro/ /gal te byang dang / shar dang / nub phyogs kyi rgyud dag na spyod par 'gyur na/ yang de na gang dag nyan par mi byed pa dang / dad 
par mi byed pa dang / yid ches par mi byed pa dang / mchod par mi byed pa dang / brtson 'grus zhan pa dang / brjed ngas pa dang / bu smad dang / bran dang / bran mo dang / longs spyod dang / dbang phyug dang / bzhad gad dang / 'jo sgeg dang / bro dang / gar dang / glu sna tshogs kyis rnam par g.yengs shing /

</font><hr>93-1-197b<br><font size=+1>

phrag dog dang / ser sna'i dran pas nyan par mi byed/ yid ches par mi byed pa'i sems can de dag ni bdud kyi las la mngon par brtson pa yin te/ de dag ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi 
bde ba dang / 'khrug pa dag dang / sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul rnams las yongs su mi thar ba kho nar 'gyur ro/ /de lta bas na rigs kyi bu dang / rigs kyi bu mo bdag nyid ngan song thams cad las 
yongs su thar bar 'dod pa de dag gis bsnyen bkur byas te chos kyi rnam grangs 'di mchod par bya zhing / gzhan dag la yang yang dag par bstan par bya yid la yang gzung bar bya'o/ /khrag khrug dang / 'khrug klong dang / rmi lam ngan pa dang / ltas ngan pa dag dang / dus ma yin par 'chi ba 
dang / gnag nad dang / phyugs nad dang / mi nad dag dang / nad dang / 'jigs pa dang / gnod pa sna tshogs dag la yang chos kyi rnam grangs 'di mchod pa byas te bklag par bya'o/ /rgyal mtshan btsugs la me tog dang / bdug spos dang / spos dang / rol mo'i sgra sna tshogs dag gis 
mchod cing phyogs bzhir gtor ma gtor la me tog dang / bdug spos dang / spos dag gis phyag byas te 'jug par byas na/ der yams kyi nad dang / gnod pa dang / 'go ba'i nad thams cad kyang rab tu zhi bar 'gyur ro/ /de nas de'i tshe bcom ldan 'das kyis tshigs su 
bcad pa 'di dag bka' stsal to/ /sngon gyi srid par 'dren pas gang gsungs shing / /sems can thams cad rjes su gzung ba'i phyir/ /da ltar ngas kyang khyod la bshad pa yi/ /ting 'dzin 'di ni zung shig kun dga' bo/ /sangs rgyas chos dang dge 'dun dkon mchog la/ /gang gis 
khams gsum sbyin par byin pa bas/ /mdo sde 'di la mchod pa byas na ni/ /sbyin pas de yi dper yang mi phod do/ /gang gis sangs rgyas la ni dad byas te/ /tshad med gtsug lag khang dag brtsigs pa bas/ /gang zhig mdo 'di 'dzin pa gang yin pa/ /de ni de bas bsod nams mang por 'gyur/ /

</font><hr>93-1-198a<br><font size=+1>

gang zhig me tog gcig tsam 'thor byed cing / /gos dang phreng ba byug pa de bzhin te/ /ting 'dzin 'di la bsnyen bkur byed gyur na/ /bsod nams tshogs char snga ma de mi 'gyur/ /gang gis mdo sde 'di la mchod pa'i phyir/ /kA ra ShA pa Na'i sbyin pa sbyin byed cing / /byang chub phyir 
ni byams pa'i sems bskyed na/ /de ni de bas bsod nams mang po 'thob/ /byang chub sems dpa' gang gis sems can la/ /ting 'dzin 'di bshad lung phog de bzhin du/ /bla med byang chub phyir ni bkod gyur na/ /de yi bsod nams dper yang mi bzod 'gyur/ /de ltas phan yon 'di dag 
thos nas kyang / /sems can kun la de bzhin byams byas te/ /mdo 'di gzung zhing yi ger bri bar bya/ /bklag par bya zhing de bzhin bshad par bya/ /rga dang de bzhin na 'chis gnod gyur cing / /sdug bsngal rab drag brgya yis yongs gdungs la/ /sems dmyal yi dgas rnams su skye 
ba na/ /phyi ma'i dus na 'gyod par gyur ta re/ /'chi ba'i dus na yid skrag 'jigs gyur la/ /yang dang yang du sngam pa 'don byed cing / /bdag gi dpung gnyen skyabs su su 'gyur zhes/ /byis pa'i blo can phan tshun rtog ga re/ /gang phyir de bzhin gshegs pa ma mchod cing / /sangs 
rgyas chos dang dge 'dun nor 'phrogs pa/ /mi bzad gshin rje'i 'jig rten khrid 'gyur zhing / /phyin chad rtag tu skyabs 'gyur 'ga' yang med/ /bu smad yod min nye du rtsa lag med/ /yul 'khor yod min bzhad gad 'jo sgeg med/ /nor dang 'bru dang de bzhin gos dang rgyan/ /
kun spangs sdug bsngal yang dang yang mi zad/ /ting 'dzin 'di la dad par ma byas pas/ /de 'dra'i sdug bsngal mi bzad myong 'gyur bas/ /sdug bsngal 'di dang phan yon de thos na/ /byis pa'i blo yang su zhig dad mi skyed/ /de phyir rtag tu dge slong pho mo dang / /dge bsnyen rnams dang rgyal 
pos khor zug dang / /mdo sde 'di ni rtag tu gzung bya zhing / /'dzin pa la yang rtag tu bsnyen bkur bya/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das bdag gis chos kyi rnam grangs 'di bzung lags te/ ston pa'i 'du 

</font><hr>93-1-198b<br><font size=+1>

shes kyis bcad bar bgyi zhing sems can thams cad la yang dag par bstan par bgyi lags so/ /bcom ldan 'das kyis bka' stsal pa/ kun dga' bo gal te khyod kyis ngas chos gang bstan pa mnyan te kun bzung ba de dag thams cad 'chang bar mi byed/ klog par mi byed/ 
rgyas par mi byed kyang / des ni khyod kyis nga la nyes pa byas par mi 'gyur zhing gus par ma mnyan par yang mi 'gyur la/ nyan thos nyid ma yin par yang mi 'gyur gyi/ chos kyi rnam grangs 'di 'chang bar mi byed/ klog par mi byed/ mchod par mi byed/ yang dag par ston par mi byed/ yid 
la mi byed na ni des na khyod kyis nga la nyes pa byas par 'gyur zhing gus par ma mnyan par yang 'gyur la/ nyan thos nyid yin par yang mi 'gyur ro/ /kun dga' bo de lta bas na khyod kyis phu dud byas te chos kyi rnam grangs 'di bcang bar bya'o/ /'di ni phyi ma'i dus phyi ma'i tshe na sems can 
thams cad la de bzhin gshegs pa'i bla na med pa yang dag par rdzogs pa'i byang chub kyis de bzhin gshegs pa'i mdzad pa byed par 'gyur ro/ /bcom ldan 'das kyis chos kyi rnam grangs 'di bshad pa na srog chags drug khri len ba med par zag pa rnams las sems rnam par grol lo/ /
byang chub sems dpa' bdun brgyas ni ting nge 'dzin thob par gyur to/ /lnga brgyas ni sangs rgyas kyi zhing tha dad par skye bar lung bstan pa thob par gyur to/ /srog chags dgu khri ni nyon mongs pa thams cad las rnam par grol te mi khom pa dang / ngan song dang / ngan 'gro thams cad spangs so/ /de nas 
bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis yang 'di skad ces gsol to/ /bcom ldan 'das chos kyi rnam grangs 'di ni slad ma'i dus slad ma'i tshe na/ rigs kyi bu dang / rigs kyi bu mo nyan par bgyid pa dang / 
'dzin par bgyid pa dang / ri mor bgyid pa dang / mchod par bgyid pa de dag dang / yi ger 'dri bar bgyid pa de dag la de bzhin gshegs pa'i mdzad pa bgyid par 'gyur te/ de dag kyang ji lta bu 'tshal ba'i sangs rgyas kyi zhing tha dad pa dag tu lung bstan pa lags so/ /slad ma'i 

</font><hr>93-1-199a<br><font size=+1>

dus slad ma'i tshe na sems can gang bzhad gad dang / 'jo sgeg dang / gar dang / bro dang / glu dang / rol mo'i sgra dag la sna tshogs su g.yeng ba/ 'dod chags dang / zhe sdang dang / gti mug gi mun pa che ba/ rtsed mo la dga' bar 'du shes pa/ mi rtag pa la rtag par 'du shes 
pa/ phrag dog dang / ser snas yongs su zin cing / mchod par mi bgyid/ ri mor mi bgyid/ dad par mi bgyid/ glo ba ches par mi bgyid/ 'chang bar mi bgyid/ klog par mi bgyid/ nyan par mi bgyid/ nan tan gyis sgrub par mi bgyid pa de dag ni ngal ba 'di yid byung bar 
bgyis shing / sngon gyi las kyi 'bras bu de yongs su bas par bgyis nas sdug bsngal ba dang / yid mi bde ba sna tshogs dang / sems can dmyal ba'i sdug bsngal dag nyams su myong bar 'gyur zhing / der yang bskal pa bye ba brgya phrag du mar sdug bsngal nyams su myong nas 
yang slar sems can dmyal ba dang / dud 'gro'i skye gnas dang / gshin rje'i 'jig rten rnams su skye bar 'gyur lags te/ mi dge ba'i bshes gnyen gyi dbang gis yun ring por rjes su 'gyod par 'gyur lags so/ /de lta lags pas na lus dang / ngag dang / yid legs par bsdam par bgyi 
zhing / sangs rgyas dang / chos dang / dge 'dun dag la yang dad pa mi phyed par bgyi/ sems can thams cad la yang byams pa'i sems dang / phrag dog dang / ser sna dang / 'chal pa'i tshul khrims yongs su spangs pa'i sems dang / khro ba yongs su spangs pa'i sems su bgyi lags 
so/ /de nas ji ltar lhags pa'i 'khor de dag gis rang rang gi bsod nams mngon par 'du bya ba dag gis de bzhin gshegs pa la lha'i me tog dang / bdug spos dang / spos dang / me tog phreng dang / byug pa dang / na bza' dang / rgyan dag dang / a la la zhes ca co dang ga zha'i sgra dag dang / 
lha'i sil snyan dang / pheg rdob pa dang / glu dbyangs dag gis mchod pa byas nas legs so zhes bya ba gsol te/ bcom ldan 'das legs so legs so/ /sems can thams cad kyi don dang / de bzhin gshegs pa'i bstan pa yun ring du gnas par bgyi ba'i slad du chos kyi rnam grangs 

</font><hr>93-1-199b<br><font size=+1>

chen po 'di shin tu legs par bka' stsal lags so/ /de nas bcom ldan 'das la tshe dang ldan pa kun dga' pos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo 
de'i phyir khyod kyis chos kyi rnam grangs 'di de bzhin gshegs pa thams cad kyis rjes su gnang ba dang / byang chub sems dpa'i sa gnon pa zhes bya bar yang zung shig /rdzu 'phrul gyi rnam par 'phrul ba 'dus pa chen po zhes bya bar yang zung shig /de bzhin gshegs pa thams cad kyis 
byin gyi rlabs sems can la gzigs shing sangs rgyas kyi zhing gi bkod pa kun tu ston pa zhes bya bar yang zung shig /bcom ldan 'das kyis de skad ces bka' stsal nas/ 'phags pa spyan ras gzigs dbang phyug dang / 'jam dpal dang / lag na rdo rje la sogs pa byang chub 
sems dpa' sems dpa' chen po de dag thams cad dang / nyan thos chen po de dag thams cad dang / brgya byin dang / tshangs pa dang / 'jig rten skyong ba de dag thams cad dang / rgyal po chen po bzhi dang / gnod sbyin chen mo dpe med ma dang / dri med 'od dang / 'od can ma dang / 
'jigs byed ma dang / dpal ldan ma dang / dung can ma dang / 'phrog ma la sogs pa de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po de dag thams cad dang / thams cad dang ldan pa'i 'khor ji ltar lhags pa 
de dag dang / dge slong dang / dge slong ma dang / dge bsnyen dang / dge bsnyen ma'i 'khor rnams yi rangs te/ bcom ldan 'das kyis gsungs pa la mngon par bstod do/ /'phags pa da bzhin gshegs pa thams cad kyis byin gyi rlabs sems can la gzigs shing sangs rgyas kyi zhing gi 
bkod pa kun tu ston pa zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lots+tsa ba ban+de ye shes sdes zhus te gtan la phab pa/ ban+de klu'i rgyal mtshan gyis bsgyur cing zhus te gtan la phab pa// //

</font><hr>

</table>