D759

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D759</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D759&coll=derge">see text in Tibetan script</a></table>96-1-27b<br><font size=+1>
@##/ /rgya gar skad du/ badzra tuN+Da nA ma nA ga sa ma ya/ bod skad du/ rdo rje mchu zhes bya ba klu'i dam tshig go/ /thams cad mkhyen pa la phyag 'tshal 
lo/ /de nas bcom ldan 'das grong khyer chen po g.yog 'dor na bzhugs te/ 'khor 'dus pa chen po 'jog po la sogs pa klu'i 'khor dang / lha dang mi'i tshogs kyi 'khor chen po la sems can rnams kyi don chen po'i phyir te/ bsam pa dang re ba thams cad 
yongs su skong ba bde bar byed pa'i chos ston to/ /de nas grong khyer de nas bram ze'i khye'u khyab ma spyan zhes bya ba phyug pa nor che ba/longs spyod che ba/ rdzas dang yo byad mang po phun sum tshogs pa/ rig byed dang rig byed kyi yan lag gi pha rol tu phyin pa/ sngags 
la 'jug pa/ sngags grub pa zhig 'dug ste de yang yang dang yang du klu 'gugs shing me'i sbyin sreg byed do/ /bram ze de'i lo tog smin kar char chad par gyur nas/ /des nga rgyal gyi sgras sngags brjod pa dang mthun pas 'di skad ces bdag gis char pa'i 

</font><hr>96-1-28a<br><font size=+1>

rgyun dbab cing klu dgug par bya'o zhes smras te/ des me'i sbyin sreg bya bar bshams nas til dang / 'bras dang / yungs kar rnams 'bru mar tsha ba dang bsres te sbyin sreg byed do/ /de nas klu mi srun pa zhig gi gzugs byas te/ des lcags 
kyi phur bu la bsngags nas klu'i spyi bor btab pa dang / klu'i spyi bo gas nas sdug bsngal gyi tshor ba chen por gyur to/ /klu de yang cher 'khrugs te khros nas skad cig thang cig yud tsam de la klus khyab par byed pa'i shugs kyis cher gnod cing rdul 'byung ba'i 'od zer tsha ba rang 
gi lus las bkye ste gnod pa chen pos khebs par byas nas bram ze de'i zhing tshig par byas so/ /de yang lce 'bab pa'i char gyi rgyun chen po bram ze'i lus la phab nas bram ze de mgon med/ skyabs med/ dpung gnyen med de/ me'i sbyin sreg byed pa btang nas de 
bcom ldan 'das la mgon dang skyabs dang dpung gnyen btsal te 'bros par bsams nas bcom ldan 'das kyi drung du brgyugs te/ bcom ldan 'das ga la ba der song nas bcom ldan 'das kyi zhabs gnyis la gtugs te 'di skad ces gsol to/ /bcom ldan 
'das klu khro bo dag gis srog ma rungs bar bgyid par 'tshal te skyabs su yang ma mchis na/ bcom ldan 'das bskyab tu gsol/ /bde bar gshegs pa bskyab tu gsol/ /de nas bcom ldan 'das kyis bram ze chen po de dbugs phyung nas 'di skad ces 
bka' stsal to/ /bram ze chen po ma 'jigs shig /ngas khyod kyi mgon dang / skyabs dang / dpung gnyen bya'o zhes bka' stsal nas cang mi gsung bar bzhugs so/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol 
to/ /bcom ldan 'das gzigs su gsol/ mngon sum du gyur bzhin du yang klu mi bgrungs pas lo tog ma rungs par bgyid na/ bcom ldan 'das khyod yongs su mya ngan las 'das kyi slad na slad ma'i tshe slad ma'i dus na sems can thams cad kyi rten ni su lags/

</font><hr>96-1-28b<br><font size=+1>

ji ltar 'gyur/ bcom ldan 'das lo tog thams cad kyi don du lo tog rnams tshig par mi 'gyur ba dang / kun du bsrung ba dang / rab tu 'phel bar bgyid par 'gyur ba lo tog yongs su skyong zhing klu bzlog pa de bshad du gsol/ de nas bcom ldan 'das 
kyis gsang ba'i bdag po lag na rdo rje la bka' stsal to/ /lag na rdo rjes klu rab tu 'gro bar byed pa'i snying po sbas pa rdo rje zhes bya ba'i gzungs de bzhin gshegs pa'i snying po dang phyag rgya sngon gyi de bzhin gshegs pa dgra bcom pa yang dag par rdzogs pa'i 
sangs rgyas rnams kyis gsungs pa yod de ngas bshad par bya'o/ /des myur du gnod pa bkag pa'i phyir lo tog thams cad myur du bskyang bar 'gyur ro/ /legs par bsrungs par 'gyur/ me'i ri sul chen po so so phyogs bcu kun nas klu thams cad kyi 
mtshams bcad par 'gyur ro/ /me lce 'bar ba'i rim pa'i sprin chen po nam mkha' lding 'dab ma gdengs pa'i shugs zhes bya ba'i sprin gyi rim pas nam mkha' khebs par byed do/ /lo tog dang / me tog dang / 'bras bu thams cad kun du bsrung ste gnas par 
'gyur ro/ /des klu la sogs pa thams cad kun du rab tu 'bar bar 'gyur ro/ /klu mi bgrungs pa rnams phung bar 'gyur ro/ /'dum par 'gyur ro/ de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom 
ldan 'das kyis sems can thams cad la sman pa'i slad du gzungs chen po 'di'i sngags kyi tshig bshad du gsol/ /de nas bcom ldan 'das kyis snying po 'di bka' stsal to/ /na mo b+ha ga ba te/ sarba bud+d+hA nAn/ /na mo b+ha ga ba te shAkya rA dzA ya/ oM dz+wa la dz+wa la/ 
gi rA ba b+ha ni/ /dIb+ta be ga ma hA bde b+ha ga ba te ma hA tsaN+Da hr-i da ya sa la ni/ hu ru hu ru/ /ha ra ha ra/ /da ha da ha/ pa tsa pa tsa/ sarba sa s+ya nA sha ya/ /nA ga ku la baM shan d+ha ra d+ha ra pra sa ra tsaN+Da be ga ma hA ba la parA kra ma spu ri ta rau dra bak+t+ra/ ma tha ma tha/ pra dz+wa la mA la/

</font><hr>96-1-29a<br><font size=+1>

d+hA ra NI/ tsaN+Da be ga ba ti/ bra par bi man+d+ha ra NI/ hU~M hU~M/ ba la ba te/ be ga ba ti/ sa ra sa ra/ bi sa ra bis ra sa ran+ti/ sarba sa dri s+ya na nA ma dri ba na ya dri/ pu ya pha la phaT/ dra san+d+ha ra NI/ ya pas rban+tu sarba nA gto ngas rba ba b+ha ba b+ha ni/ be ga ta be ga ba 
ti swA hA/ hU~M hU~M phaT/ nA ga ba sa ra Ni phaT/ dz+wa la mA li ni phaT/ dzA lamA li ni phaT/ phaT phaT phaT swA hA/ bcom ldan 'das kyis klu thams cad dang / klu mi bgrungs pa thams cad ma rungs par byed pa'i rig pa 'di bshad ma thag tu klu dang klu chen po thams cad klad pa na 
bar gyur/ lus rul te lus rnags shing dri mi zhim par gyur nas/ bcom ldan 'das kyi zhabs gnyis la gtugs te 'di skad ces gsol to/ /bcom ldan 'das sngags kyi tshig shin tu mi bzad pa dag bka' stsal to/ /bcom ldan 'das bdag cag gis nongs 
pa bgyis pa mi dran du lags kyis kyang / bcom ldan 'das rig 'dzin gnod pa bgyid pas bdag cag la brnyas pa dang / rdeg pa dang / 'ching ba dang / skrod pa dang / gnod pa de'i tshe bcom ldan 'das klu mi bgrungs pa rnams 'khrugs te/ de'i tshe lo tog dang / me 
tog dang / 'bras bu ma rungs par bgyid/ ser ba 'bab par bgyid/ sad dang rlung gis 'khrug par bgyid/ ha cang char che ba dang / char mi 'bab pa dang / dus ma lags par char bab par bgyid do/ /bcom ldan 'das rig pa 'dzin pa sngags smas pas byams 
pa la gnas par bgyi/ byams pa'i go bgo bar bgyi// byams pa'i ral gri lag na thogs par bgyi ste/ byams pas gnod pa bgyid pa thams cad zhi bar bgyi'o/ /bcom ldan 'das deng slan chad de bzhin gshegs pa'i spyan sngar bdag cag dam bca' bar 'tshal 
te/ gang na rig pa'i rgyal mo 'di rab tu spyod pa der bcom ldan 'das klu rtse bar mi bgyid do/ /gang na snying po'i gzungs 'dis bsrung bar bgyis pa dang / yongs su bskyab pa dang / yongs su gzung ba dang / yongs su bskyang bar bgyis pa dang / srad bu bre ba dang /

</font><hr>96-1-29b<br><font size=+1>

mtshams dgum pa dang / dkyil 'khor gyis ris gcad par bgyis pa der bcom ldan 'das bdag cag gis rtag par rgyun du gnod pa thams cad bzlog par bgyi 'tshal lo/ /lo tog dang / me tog dang / 'bras bu thams cad kun du bsrung bar 'tshal lo/ /
yongs su bskyang bar 'tshal lo/ /tha na rkun po dang / g.yo can dang / ri dgas dang / bya rnams kyang kun du bsrung bar 'tshal te/ slad kyis kyang ma rungs par mi bgyid do/ /de nas bcom ldan 'das kyis klu'i bdag po de dag la legs so zhes bya ba gnang 
ste/ klu'i bdag po dag legs so legs so/ /khyed kyis de ltar gyis shig /khyed kyis 'dzam bu'i gling 'di legs par srung bas bsrung bar gyis shig /de nas de'i 'og tu cho gar bya ba las thams cad byed pa dge bar ba ba brjod par bya'o/ /lo tog la gnod 
par byed na de'i tshe rig pa 'dzin pas zhing gi dbus sam/ khang steng ngam/ gnas mthon por dkyil 'khor gru bzhi pa byas la phyogs bzhir bum pa bkang ba bzhi bzhag go/ /me tog sil mas gcal bkram ste bzhag go/ /gzugs 'khyil pa bdun 
bya'o/ /'bras las byas pa'i 'khyil pa bdun byas te/ gzugs re re zhing yang gzugs nyi shu rtsa re bya'o/ /'bras dang 'o thug bsres pa dang / zho dang / 'o ma gzhag par bgyi'o/ /phyogs bzhir dril bu gzhag par bya'o/ /pad+ma lta bur zan gyi 
gtor ma snga ma bzhin gzhag par bya'o/ /dkyil 'khor gyi dbus su bum pa chen po bzhag ste ba las byung ba lnga dang / 'o ma dang chus dgang ngo / /yungs kar dang / 'bras yos blug par bya'o/ /sngags lan drug cur yongs su bzlas par bya'o/ /
seng ldeng gi phur bu bzhi dang / lcags kyi phur bu gcig bya ste/ thams cad sor brgyad kyi tshad du bya'o/ /ba ser skya'i lci ba 'am/ bag phye las byas pa'i klu'i gzugs bzhi bya ste/ dkyil 'khor gyi grwa bzhir gzhag par bya'o/ /seng ldeng gi 

</font><hr>96-1-30a<br><font size=+1>

phur bu de dag kyang snying gar nub par gzugs so/ /sngags brgya rtsa brgyad yongs su bzlas par bya'o/ /shar phyogs su klu mgo bdun pa gzhag par bya'o/ /nub phyogs su mgo brgyad pa'o/ /lho phyogs su mgo lnga pa'o/ /byang phyogs su mgo gsum 
pa'o/ /dkyil 'khor gyi dbus su mgo dgu pa gzhag par bya'o/ /pog phor re re ste lnga gzhag par bya'o/ /yungs kar dang / bra yos su bsres pa la lan nyi shu rtsa gcig bzlas pa byas te/ phyogs bzhir gtor ro/ /gzungs 'di bris la rgyal mtshan gyi rtse mo 
la btags te dkyil 'khor gyi grwa bzhir gzugs so/ /zhing gi dbus su yang gzugs so/ /skyed mos tshal gyi dbus su yang gzugs so/ /de btsugs ma thag tu phyogs bzhi kun nas ri sul chen pos mtshams bcad par 'gyur ro/ /ji srid du phur bu ma phyung ba 
de srid du mtshams bcad pa chen por 'gyur ro/ /lo tog thams cad dang / me tog dang / 'bras bu thams cad legs par bsrungs par 'gyur ro/ /tha na 'dab ma gcig kyang skams par mi 'gyur na/ yal ga dang / sdong bu skams par 'gyur ba lta ci 
smos/ srog chags kyi rigs ri dgas dang bya thams cad kyang kha bcings par 'gyur ro/ /ma rungs par byed kyang mi nus so/ /gnas der rlung dang / sprin dang / ser ba dang / sad dang / dus ma yin pa'i rlung gis kyang ma rungs par byed mi nus so/ /klu'i gnod 
pa byas kyang ma rungs par byed mi nus so/ /ma rungs pa zhig tu gyur na de yang slar rtas par 'gyur ro/ /yang stobs dang / rtas pa dang / 'od yod par 'gyur ro/ /bum pa chen po nang na yod pa de yang zhing dang kun dga' ra ba dang / skyed mos tshal gyi phyogs bzhi 
kun du gtor ba byas na srog chags thams cad med par 'gyur ro/ /sbrul dang / byi ba dang / ne'u le dang / byi dur dang / dom dang / sbal pa dang / sha sbrang dang / sbrang bu dang / byi ba dang / 'dab chags rnams med par 'gyur ro/ /grog sbur thams 

</font><hr>96-1-30b<br><font size=+1>

cad med par 'gyur ro/ /tha na phye ma leb la sogs pa yang nam yang mi 'byung ngo / /drod gsher las skyes pa dang / rdzus te skyes pa dang / sgo nga las skyes pa'i bar gyis kyang ma rungs par byed mi nus so/ /rlan dang me tog las skyes pa'i srog chags kyi rnam pa dag 
kyang phur bu ma phyung gi bar du nam yang mi 'byung ngo / /phur bu ma phyung gi bar du klu'i nyes pa rnam pa sna tshogs mi 'byung zhing rab tu 'byung bar mi 'gyur ro/ /bde ba dang lo legs pa dang / lo tog dang / me tog dang / 'bras bu thams cad yongs su 'grub par 
'gyur ro/ /ro zhim pa dang 'jam par 'gyur ro/ /klu thams cad kyang rtag par rgyun du srung ba dang / skyob pa dang / sbed pa byed par 'gyur ro/ /phye ma la lan nyi shu rtsa gcig bzlas par byas/ lo tog dang / me tog dang / 'dab ma dang / shing ljon pa rnams 
la gtor na srog chags thams cad lhung zhing med par 'gyur ro/ /srin bu trai ma bu ka dang / /trai la ta dang / sbrul gdug pa dang / rkang brgyad pa dang / srog chags kyi rigs gzhan dag kyang phur bu ma phyung gi bar du med par 'gyur ro/ /mi 'byung bar 'gyur ro/ /
zhing gi phyogs bzhir zhi ba'i las bya ste/ nas dang / gro dang / til dang / yungs kar dang / 'bras dang mar bsres te sbyin sreg byas na zhi ba chen por 'gyur ro/ /tha na dud 'gro'i skye gnas su song bdag gis kyang ma rungs par byed mi nus so/ /gzungs 'di 
dang/ cho gar bya ba 'byung ba mtha' dag bri bar bya ste/ sangs rgyas bcom ldan 'das dang / drang srong chen po nyes 'dor dang / rdo rje 'dzin bris la rgyal mtshan gyi rtse mo la btags te gnas mthon por gzugs so/ /gtor ma dang / me tog dang / bdug pa yang 
dbul lo/ /seng ldeng gi phur bu sor brgyad pa la lan stong yongs su bzlas pa byas te/ khang steng du btsugs na rlung dang / sad dang / sprin dang / ser ba thams cad thub par 'gyur ro/ /lo tog dang / me tog dang / 'bras bu dang / 'dab ma ma rungs par byed 

</font><hr>96-1-31a<br><font size=+1>

pa'i srog chags rnams med par 'gyur te/ sha sbrang dang / sbrang bu dang / pi tsi li ka dang / byi ba dang / sbrang ma dang / /trai ma bu ka dang / /trai la ta dang / bi sha ki ta ka dang / nya phyis can dang / nya dang / lo mi ka dang / sbal pa dang / ne'u le dang / 
phag dang / kan ti ka dang / seng ge dang / rkang mangs dang / rkang gcig pa dang / ru sbal dang / grog mo dang / sbrang rtsi'i sbrang ma dang / thang gi sbrang ma dang / bung ba dang / nag po dang / shang ga ni ka dang / sa'i 'og nas byung ba dang / ma lu shi ka dang / 'ug pa dang / 
byi ba dang / mchu rings la sogs pa'i srog chags kyi rigs thams cad med par 'gyur ro/ /mi 'byung bar 'gyur ro/ /thams cad phung bar 'gyur ro/ /bya rog dang / bye'u dang / khug rta dang / phug ron dang / ma du ri ka dang / 'ug pa dang /kha na dza na dang / ne tso 
dang / ri skegs la sogs pa thams cad med par 'gyur ro/ /sngags 'dis phur bu la yongs su bzlas par bya ste phyogs bcing ngo / /na mo bud+d+hA ya/ oM ki li mi li tsaN+De/ me re li tsaN+Da tsaN+De ban+d+ha ya swA hA/ de nas drang srong chen po nyes 'dor bcom ldan 'das dang ha 
cang mi ring ba zhig na 'dug pas gzungs 'di thos nas de stan las langs nas bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das bdag gi srog chags kyi rigs gnod par sems pa/ rab tu 
gnod par sems pa/ dug 'chang ba/ lo tog dang / me tog dang / 'bras bu dang / 'dab ma dang / sdong bu dang / rtsa ba ma rungs par bgyid pa thams cad kyi kha bcing bar bgyi'o/ /bzlog par bgyi'o/ /bsdigs par bgyi'o/ /phyogs bzhi kun nas 
dpag tshad du mtshams gcad pa chen po bgyi'o/ /kun du bsrung bar bgyi'o/ /bcom ldan 'das slad ma'i tshe slad ma'i dus na gnod par sems pa/ rab tu gnod par sems pa thams cad bzlog par bgyi'o/ /sngags kyi tshig rjes su stsal bar bgyi'o/ /bcom ldan 

</font><hr>96-1-31b<br><font size=+1>

'das sems can thams cad kyi don dang / bdag la thugs brtse ba'i slad du de byin gyis brlab tu gsol/ bcom ldan 'das kyis 'di skad ces bka' stsal to/ /drang srong chen po ngas byin gyis brlabs kyis/ sems can thams cad kyi don dang / lo 
tog dang / me tog dang / 'bras bu dang / ldum ra yongs su bsrung ba'i phyir gzungs kyi sngags kyi tshig smros shig /de nas drang srong chen po rnams kyis bcom ldan 'das kyi spyan sngar 'dug nas 'di skad ces smras so/ /na mo b+ha ga ba te/ shAkya RA dzA ya/ ta thA 
ga tA ya/ na mo a ga stA ya/ ma hA r-i Sha ye/ tad+ya thA/ k+Sha mi tsu li/ tsa la tsa ra tsa ra/ ho mi li/ ban+d+ha ni/nA sha ni/ da ha da ha/ su ma ri tsa ri/ sarba du Sh+TaM ba n+d+ha ni tu N+Da ban+d+ha ni/ sa ra sa ra Ni/ k+Shu k+Shu k+Shu/ ma ni shu ri bi sa ra sa ra/ ha li hu li/ hu ti hu 
ti/ sa ra ma Ni/ sa ra n+tu/ sarba pA pa pA nag k+Shu d+ha li swA hA/ drang srong chen po nyes 'dor gyis bcom ldan 'das kyi spyan sngar rig pa 'di smras ma thag tu klu dang / gnod sbyin dang / srin po gnod par sems pa de dag thams cad khas bub tu 'gyel nas 
bcom ldan 'das la skad kyi gsang mthon pos smre sngags 'don te/ bcom ldan 'das bdag cag ma rungs lags so/ /drang srong gi dmod pa bab par gyur to/ /bcom ldan 'das bdag cag drang srong gi dmod pa'i mes tshig go/ /kun du tshig go/ /bcom ldan 
'das shAkya thub pa bdag cag slan chad 'dzam bu'i gling du sems can rnams la rnam par 'tshe bar mi bgyid do/ /bcom ldan 'das bdag cag slan chad lo tog dang / me tog dang / 'bras bu dang / 'dab ma ma rungs par mi bgyid do/ /srog chags kyi rigs 
thams cad bzlog par bgyid do/ /bcom ldan 'das kyis de dag la bka' stsal pa/ klu'i bdag po dag khyed kyis de ltar gyis shig /'dzam bu'i gling ba'i sems can thams cad lo tog dang / me tog dang / 'bras bu dang / 'dab ma dang / yal ga bde bar 

</font><hr>96-1-32a<br><font size=+1>

kun du 'phel bar gyur pa rjes su srungs shig /de nas drang srong chen po des cho gar bya ba smras pa/ bcom ldan 'das kha shar phyogs su bltas te mchis la/ rig pa drang srong chen po'i snying po 'di ril ba b+h+r-ing gar chab bcus la lan brgya rtsa brgyad yongs 
su bzlas pa bgyi ste/ drang srong gi mi smra bas phyogs bzhir gtor bar bgyi'o/ /a ba sa ra sa ra/ sha pa ta pa dA ma/ hr-i da ya kro d+ha/ a mu ka ban+d+ha ya/ pra Na tsa ra/ su mu ru tsa la swA hA/ sngags 'di lan bdun stong bzlas pa bgyi ste/ bzlas pa tsam gyis klu gnod 
par sems pa thams cad tsha bas gdungs par 'gyur ro/ /rkang gnyis pa dang / rkang bzhi pa'i bar gyi srog chags kyi rigs thams cad dmod pas gdungs par gyur te thams cad 'byer ro/ /slar yang phyogs der lo tog la gnod pa mi bgyid do/ /srog chags kyi rigs 
thams cad ma mchis par 'gyur ro/ /srog chags kyi rigs thams cad phyis kyang ma mchis par 'gyur ro/ /yang lo tog dang / me tog dang / 'bras bu dang 'dab ma ma rungs par mi bgyid do/ /de nas bcom ldan 'das kyis drang srong chen po la legs 
so zhes bya ba gnang ste drang srong chen po legs so legs so khyod kyis ci nas kyang sems can thams cad la legs par bsrung bar 'gyur ba dang / lo tog dang / me tog dang / 'bras bu thams cad legs par bsrung bar 'gyur ba de ltar gyis shig /de nas 
bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /slad ma'i tshe slad ma'i dus na rjes su srung bar bgyid/ yongs su bsrung bar bgyid na bcom ldan 'das kyis byin gyis brlab tu gsol/ lag na rdo rje legs so legs 
so/ /sems can thams cad yongs su srungs shig /lo tog la gnod par byed pa klu'i cha ga rdzogs sto// //de nas de'i 'og tu bcom ldan 'das zham ring chen po dang / 'khor 'dus pa chen po dang / bkod pa chen po dang / yon yod pa'i 

</font><hr>96-1-32b<br><font size=+1>

mthu chen po dang / cho 'phrul chen pos kun du ston pas rgyal po chen po rnam thos kyi bu'i gnas su gshegs so/ /de nas bcom ldan 'das rnam thos kyi bu'i gnas dang ha cang yang mi ring ba zhig tu byon pa dang / sa phyogs de na 'brog gi nags nyi shu pa zhes bya ba zhig yod de/ 
nags de'i mthongs na rdzing bu zhig yod la/ rdzing bu de'i mthus lcang lo can gyi pho brang 'khor gyi zhing dang / kun dga' dang / nags dang / 'dab ma dang / me tog dang / 'bras bu rnams kun du tshim par gyur to/ /skyes pa dang bud med dang / khye'u dang / bu mo dang / 
ba lang dang / rta dang / rta rgod ma dang / ma he dang / glang po che dang / bong bu dang / skye bo'i tshogs thams cad bde bas tshim par gyur to/ /rdzing bu de yang phyogs bzhi kun du rgyar dpag tshad gnyis kyi tshad do/ /rdzing bu de yang me tog ut+pa la dang / pad+ma dang / ku mud dang / 
bun da ri ka sna tshogs kyis kun du khebs shing / nya sna tshogs dang / chu bran dang / nya mid dang / chu srin byis pa gsod pa dang / bung ba gzugs sna tshogs can no/ /de nas de'i 'og tu than pa byung ba de'i tshe nags tshal dang / me tog dang 'bras bu dang / 'dab ma dang / 
yal ga thams cad skams te me tog de dag rnyings so/ /nya dang chu srin dang / nya mid dang / chu srin byis pa gsod dang / bung ba gzugs sna tshogs pa de dag kyang chu bri ste cung zad cig lus pas phyogs bcur rgyug kun du rgyug rab tu rgyug ste/ srog 'gags la thug /srog 
chad la thug pas snying 'phar zhing rgyug go/ /de nas bcom ldan 'das zha ma ring ba chen po dang rdzing bu der byon pa dang / de na nya dang chu srin dang / chu srin byis pa gsod pa dang / bung ba brgya stong du ma srog 'gags la thug /srog chad la thug ste phyogs bcur rgyug cing snying rje rje ltar 
gzigs nas bcom ldan 'das kyis byams pa'i dmigs pa snying rjes dbugs phyung ste se gol gyi sgras klu rnams 'bod cing lan gnyis lan gsum du se gol rdob cing stong gsum gyi stong chen po'i 'jig rten gyi khams su sgra grag par mdzad do/ /sngon gyi las kyi 

</font><hr>96-1-33a<br><font size=+1>

rkyen 'ga' zhig gis srog chags de dag kyang srog ma chad do/ /klu chen po de dag gis sgra de yang ma thos bcom ldan 'das kyang rjes su ma dran no/ /de nas bdud kyi ris kyi gnod sbyin rnam par 'thor rlung zhes bya ba des stong gsum gyi stong chen po'i 'jig 
rten gyi khams su sgra bsgrags pa zhag bdun gyi nyin par sreg pa'i bskal pa 'byung ste/ 'di ni srid pa'i rtse mo nas mnar med pa'i sems can dmyal ba mnar med pa la thug pa'i bar dag las gang tshig par ma gyur pa cung zad kyang mi srid do/ /'jig rten du 'jigs pa chen 
po byung zhes sgra grag go/ /de nas lha dang klu dang gnod sbyin dang dri za dang lha ma yin dang nam mkha' lding dang / mi 'am ci dang lto 'phye chen po dang / mi dang mi ma yin pa de dag thams cad kyis sgra de thos nas kyi hud kyi hud 'jig rten ma rung bar gyur to zhes ngu'o/ /de nas 
bcom ldan 'das kyis las kyi rkyen gyis 'di myong bar mkhyen mod kyi/ 'on kyang dgongs pa mdzad de/ bcom ldan 'das kyi smin mtshams kyi mdzod spu nas 'od zer byung nas 'od zer des klu'i khyim thams cad snang bar byas nas kyang slar log ste spyi bo'i gtsug tu nub par 
gyur to/ /de nas klu'i rgyal po kun nas gdugs kyi rnam pas bskor ba zhes bya bas kla thams cad bsdus nas 'di skad ces smras so/ /kye klu dang kla chen po dag ci'i phyir 'od zer byung zhing rkyen gang gis 'jig rten du byung / de nas klu'i rgyal po chen po rgya mtshos bsams na 
bcom ldan 'das kyi mthus 'od zer byung bar mthong ngo / /de nas klu'i rgyal po rgya mtsho dang / gzhan yang klu'i rgyal po mthu che ba bcom ldan 'das gang na ba der dong ste lhags nas bcom ldan 'das kyi zhabs la gtugs te 'di skad ces gsol to/ /bcom ldan 'das 
'od zer rab tu bkye ba'i rgyu gang lags rkyen gang lags 'od zer rab tu bkye ste/ khang pa thams cad snang bar bgyis te/ slar ldog par byed pa'i rgyu gang lags rkyen gang lags/ bcom ldan 'das kyis bka' stsal pa/ kye klu'i bdag po dag srog chags brgya stong 

</font><hr>96-1-33b<br><font size=+1>

phrag mang po srog 'gags pas 'gag par 'gyur ba'o/ /de nas klu'i rgyal po rgya mtshos skad cig thang cig yud tsam de la rdzing bu char gyi rgyun gyi chus bkang nas bde bas tshim par byas so/ /de nas phyogs der go skabs chen po byung bar gyur nas sa phyogs der bcom ldan 
'das 'khor chen pos kun nas bskor te mdun du bdar ba'i dbus na bzhugs so/ /klu'i 'khor chen po 'dus pa ni 'di lta ste/ klu'i rgyal po stong phrag brgyad cu ste/ klu'i rgyal po rgya mtsho la sogs pa klu'i rgyal po kun nas gdugs kyi rnam pas bskor ba de stan las langs 
nas bcom ldan 'das ga la ba der song ste phyin nas bcom ldan 'das kyi zhabs la mgo bos gtugs te phyag 'tshal nas lan gsum bskor ba byas nas me tog dang / bdug pa dang / phreng ba dang / spos dang / byug pa dang / rgyan dang / lhab lhub dang / na bza' sna 
tshogs kyis bcom ldan 'das la mchod de bcom ldan 'das kyi spyan sngar 'dug go/ /de nas rgyal po chen po bzhes bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'jigs pa 
chen po mi bzad pa 'jig rten du byung ste/ 'di ltar than pa byung zhing mu ge'i dgon par gyur pa lags so/ /bcom ldan 'das sdug bsngal 'dis sems can thams cad mgon ma mchis skyabs ma mchis dpung gnyen ma mchis par gyur na/ bcom ldan 'das kyis 
de lta bu dang mthun pa'i sngags kyi tshig bshad du gsol/ gang gis slad ma'i tshe slad ma'i dus na sdug bsngal sna tshogs su ltung ba'i 'jig rten kun du sgrol ba dang / ha cang char che ba dang / char ma mchis pa dang / dus ma lags pa'i char dang / ser ba dang / 
sad dang / tsha ba ma mchis par bgyid pa dang / mu ge'i dgon pa rab tu ma mchis par bgyid pa dang / bzlog pa dang / yongs su bskyang ba'i slad du gzungs kyi sngags kyi tshig bshad du gsol/ de nas bcom ldan 'das kyis rgyal po chen po rnam thos kyi bu 

</font><hr>96-1-34a<br><font size=+1>

dang rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang la 'di skad ces bka' stsal to/ /rgyal po chen po dag klu'i snying po'i gzungs kyi sngags kyi tshig skul ma 'debs pa kun nas 'bar ba'i glog 
ces bya ba yod de/ de dran pa tsam gyis klu thams cad kyi khyim dang / /kluthams cad kyi lus 'bar bar 'gyur ro/ /klu mi bgrungs pa thams cad kyi snying 'phar bar 'gyur ro/ /klu thams cad kyi mgo tshal pa bdun du 'gas par 'gyur ro/ /mig dang mgo rnams 
gas nas dum bu dum bur chad cing 'brul bar 'gyur ro/ /rgyal po chen po dag klu gnod par sems pa dang / rab tu gnod par sems pa rnams kyi don dang sems can thams cad kyi phyir zung shig /de nas rgyal po chen po bzhis bcom ldan 'das kyi zhabs gnyis 
la gtugs nas 'di skad ces gsol to/ /bcom ldan 'das klu'i snying po'i sngags kyi tshig skul ma 'debs pa kun nas 'bar ba'i glog ces bgyi ba bshad du gsol/ de nas bcom ldan 'das kyis klu'i lta stangs dang / de bzhin gshegs pa'i gzigs stangs 
kyis rnam par gzigs nas klu'i 'khor 'dus pa thams cad la 'di skad ces bka' stsal to/ /klu'i bdag po dag nga las gzungs kyi tshig gi sngags kyi tshig nyon cig /tad+ya thA/ oM pi bu le/ pra ba re/ nA ge ma hA nA ga hr-i da ya/ A brte/ dz+wa la dz+wa la/ sarba nA ga 
hr-i da yA ni/ ki mi ki mi/ nA ga ku la bi d+h+wa nad+han ni/ ha na ha na/ sarba nA ga du Sh+TAM hr-i da yA ni/ ha na ha na/ sarba duSh+TAM nA ga b+ha ba nA ni/ pa tsa pa tsa pa tsa ya/ sarba duSh+TAM nA gA nA~M/ a kr-i ma a kr-i ma samu drA sA ga ra/ bi ma le/ bi kra me ma hA nA ga ga te/ dza pa re swA hA/ 
bcom ldan 'das kyis snying po'i gzungs kyi sngags kyi tshig 'di gsungs pa tsam gyis klu de dag thams cad 'dar zhing lus rul te dri mi zhim par gyur to/ /me 'bar ba bzhin du lus la du ba 'thul zhing 'gre ldog go/ /thams cad skad cher bcom ldan 'das 

</font><hr>96-1-34b<br><font size=+1>

la ngu zhing thams cad kyis bcom ldan 'das la 'di skad ces gsol to/ /bcom ldan 'das sngags kyi tshig shin tu mi bzad pa bdag bka' stsal to/ /bcom ldan 'das bdag cag thams cad kyi snying la g.yo ma mchis par 'gyur ro/ /bcom ldan 'das bdag 
cag thams cad tshig ste ma rung bar gyur to/ /bcom ldan 'das deng slan chad mthun par bgyid do/ /bcom ldan 'das kyi spyan sngar yi dam bgyid do/ /bcom ldan 'das bdag cag klu'i skye gnas na gnas kyi bar du bcom ldan 'das yang bdag cag 'dzam bu'i 
gling du 'tshe bar mi bgyid do/ /ma rung bar mi bgyid do/ /me tog dang / yal ga dang / 'bras bu dang / lo tog thams cad yongs su rgyas par bgyid do/ /dus dus su char gyi rgyun 'bab par bgyid do/ /bde ba dang yid bde bar bgyid do/ /lo tog dang me tog 
dang / 'bras bu thams cad 'grub par bgyid do/ /de bzhin gshegs pa'i bka' rjes su skyong bar bgyid do/ /bden pa'i dam tshig la gnas par bgyid do/ /bu gcig pa la bgyi ba bzhin du sems can thams cad rjes su skyong bar bgyid do/ /bcom ldan 'das 
phyogs gang dang gang na rig pa'i rgyal mo 'di spyod pa der bcom ldan 'das bdag cag mthun par bgyid do/ /bcom ldan 'das rig pa'i rgyal po 'di dran pa tsam gyis kyang bdag cag thams cad kyi char gyi rgyun 'bab par bgyid do/ /dran pa tsam gyis kyang ha cang char 
che ba bzlog par bgyid do/ /bcom ldan 'das kyis bka' stsal pa las log par mi bgyid do/ /bcom ldan 'das yang ma nas bsgag pa'i sngags kyi tshig stsal to/ /de nas klu'i rgyal po de dag thams cad kyis bcom ldan 'das kyi zhabs gnyis la gtugs 
nas 'di skad ces smras so/ tad+ya thA/ oM tsa ta tsa ta bi tsa ta/ sha ta sha ta/ pa tsa ra ti swA ha/ bcom ldan 'das gal te rig pa 'dzin pas gdugs zhag gcig chog bgyis la bdag cag gis sems can thams cad yongs su bskyang ba'i don du 'dzam bu'i gling 

</font><hr>96-1-35a<br><font size=+1>

thams cad du char gyi rgyun ma phab na/ bcom ldan 'das bdag cag yang dag par rdzogs pa'i sangs rgyas la 'khus par 'gyur ro/ /bdag cag klu'i skye gnas nas 'chi 'pho bar gyur du yang mchis te/ bcom ldan 'das de'i tshe rig pa 'dzin pas 
mnas bsgag pa'i gzungs kyi sngags kyi tshig 'di thog ma nyid du lan bdun du brjod par bgyi'o/ /de'i 'og tu skye tshe'i sa bon brgya rtsa brgyad klu'i sa bon du mtshe'ur dor ro/ /bcom ldan 'das de'i tshe bdag cag thams cad kyi khang khyim mtha' dag zhugs 'bar bar 
gyur ba dag shi keng rus kyi lhag ma tsam zhig lus nas yongs su thar bar ma gyur gyi bar du dum bu dum bur 'chad par 'gyur ro/ /de'i tshe bdag cag thams cad kyi myur bar char gyi rgyun 'bebs par bgyid do/ /gal te myur du char gyi rgyun ma phab na/ bcom ldan 
'das de'i tshe bdag cag thams cad 'gum pa'i dus kyi dbang du mchi'o/ /bu dang tsha bor bcas te 'gum par mchi'o/ /de nas rnam thos kyi bu la sogs pa rgyal po chen po bzhis bcom ldan 'das la 'di skad ces gsol to/ /bcom ldan 'das klu mnas 
bsgag pa'i sngags kyi tshig shin tu mi bzad pa dag bshad do/ /snying rje ma mchis pa'i mnas bsgag pa dag bshad do/ /bcom ldan 'das kyis bka' stsal pa/ rgyal po chen po dag phyi ma'i tshe phyi ma'i dus na klu mi bgrungs pa ma rungs pa gtum pa gnod par 
byed pa dag 'byung ste/ de'i tshe mna' 'dis 'jigs par 'gyur skrag par 'gyur dus dus su char gyi rgyun ni legs par 'bebs so/ /dus dus su lo tog dang / me tog dang 'bras bu rnams sgrub bo/ /de nas bcom ldan 'das la rgyal po chen po rnam thos kyi 
bus 'di skad ces gsol to/ /bcom ldan 'das cho ga rgya cher bka' stsal du gsol/ de nas bcom ldan 'das kyis cho ga bka' stsal pa char mi 'bab pa'i dus na des ri 'am/ dgon pa'i gnas sam/ gtsug lag khang ngam/ chu mig gam mtshe'u 

</font><hr>96-1-35b<br><font size=+1>

'am mtsho 'am/ lteng ka 'am/ khron pa'am/ klu'i gnas kyi mtshe'u 'am/ 'jim pa dang lci bar bsres pa'i dkyil 'khor gru gsum du bya ste/ dkyil 'khor dbus zabs khru gang brkos la kha khyer yang khru gang bar bya'o/ /shin tu 'jam pa dang shin tu 
phyi bar bya'o/ /spos chus khor yug tu gtor ro/ /de'i dbus su klu'i rgyal po chen po bzhi bya ste/ ba ser skya'i lci ba dang 'jim par bsres pa'i klu'i rgyal po mgo dgu gdengs ka can lus dbyibs dgu bar byas te thams cad kyi mgo la yang yid bzhin nor bu bya'o/ /
shar phyogs su klu'i rgyal po rgya mtsho bya'o/ /lho phyogs su klu'i rgyal po gdugs bya'o/ /nub phyogs su klu'i rgyal po chu lha bya'o/ /byang phyogs su klu'i rgyal po lam bu ka ra bya'o/ /de'i g.yog 'khor bdun bdun mgo gsum pa/ mgo gnyis pa mgo lnga 
par bya'o/ /lus dag la spos sna tshogs kyis byug par bya'o/ /tsan+dan dkar dmar dang / su ra bi na tsa na dang / shug pa dang / gur gum rnams phye mar byas te gtor bar bya'o/ /me tog dang me tog phreng ba gdags so/ /gnas de'i dbus su 'bras yos 
dang yungs kar gyis gtor bar bya'o/ grwa bzhir rgyal po chen po bzhi gzhag par bya'o/ /phyogs chen po bzhir sangs rgyas shAkya thub pa'i sku gzugs ring bsrel dang bcas pa dang / mchod rten ring bsrel dang bcas pa dag bzhag go/ /dar dang ba dan gyis 
brgyan par bya'o/ /mchod pa lngas mchod do/ /a ga ru dang tsan+dan dang / du ru skas bdug go/ /rgya spos dang / na la dang / kun du ru dang / yungs kar dang / gan d+ha ras dang / sra rtsi'i pog dang / pog dkar po rnams dang sbrang rtsi dang bsres te sngags lan nyi shu rtsa 
gcig bzlas te klu rnams la bdug par bya'o/ /dkyil 'khor gyi mtha' kun du nas phyes pad+ma bri bar bya'o/ /sgo bzhi bstod la ngos bzhi re rer yang gtor mas gzhong pa bkang ba bdun bdun gzhag par bya'o/ /gtor ma dkar po dang / ci 'byor ba'i ro rnam pa mang 

</font><hr>96-1-36a<br><font size=+1>

po bzhag go/ /me tog sil mas gtor bar bya'o/ /bum pa bkang ba bzhi bzhag go/ /bum pa gtor mas bkang ba bzhi bzhag go/ /pog phor bzhi nas ga gul gyi bdug pas bdug go/ /me mar kha brgyad du bud do/ /rig pa 'dzin pas shar gyi sgo 
ru sbyin sreg bya ste/ shing kar bI ra dang / /yungs kar dang ce cang mar po bsres te lan brgya rtsa brgyad dor to/ /dor ba brgya rtsa brgyad tshang ba dang klu thams cad char gyi rgyun 'bebs te 'dzam bu'i gling thams cad du phyogs bzhi kun nas char gyi rgyun 'bebs so/ /klu de dag 
thams cad 'dir char 'bebs so/ /'di ni cho ga dang po'o// //yungs kar gyi mar dang / sbrang rtsi dang shing ka ra bI ra'i me tog dang / /nA ga ge sar dang btags pa'i ril bu byas la/ de nas ril bu la sngags lan brgya rtsa brgyad bzlas pa byas te/klu'i mtshor 
bor ma thag tu klu thams cad dga' bar gyur te/ char gyi rgyun chen po 'bebs so/ /gal te de ma thag ma phab na klu de dag thams cad lus zhig par 'gyur ro/ /klad pa na bar 'gyur sdug bsngal chen po 'byung bar 'gyur ro/ /'di ni cho ga ga gnyis pa'o////
sbyin sreg byas pa'i thal ba dang / rtsab mo dkrugs la sngags lan drug cu bzlas pa bya ste khyim gyi nang du pho na pho ma thag tu klu thams cad 'khrugs par gyur te/ de'i phyir char gyi rgyun 'bebs so/ /gal te de ma thag tu ma phab na klu thams cad kyi lus la sha bkra 
'byung zhing mdzes btab par 'gyur long bar 'gyur ro/ /'di ni cho ga gsum pa'o// //shug pa dang ut+pa la sngon po dang / ba bla dang / zangs phye dang yungs kar dang / in+d+ra ha sta dang / pa la sha bsres te bu ram khu bas sbrus pa shes rab can gyi sngags 
lan brgyad cu bzlas te/ ril bu rgya shug gi 'bru tsam du byas la char mi 'bab pa'i dus ril bu bdun klu'i khyim du bor na nyin mtshan bdun char 'bebs so/ /gal te 'phral du ma phab na de'i phyir klu'i khyim chu thams cad bskams par 'gyur ro/ /klu'i khyim na 

</font><hr>96-1-36b<br><font size=+1>

gnas pa thams cad gcer bur 'gyur ro/ /ril bu gcig rgyal mtshan gyi rtse mo la btags te klu'i mtshor gzugs so/ /ba dan sngon po gdags so/ /sngags 'di bris te der gdags pa byas na ji srid du rgyal mtshan ma bsdus pa de srid du klu thams cad char 'bebs 
so/ /yang rgyal mtshan gyi rtse mo la btags te khang thog mthon por gzugs so/ /ser ba 'bab pa'i dus na yang klu rnams ser ba 'bebs kyang mi nus so/ /klu rnams kyis gser gyi kha dog 'dra ba de 'dra bar mthong ste/ klu thams cad dngangs skrag cing 
gnas der 'dod pa bzhin char 'bebs so/ /oM su pra te badzra dun+de mi li mi li swA hA/ 'di ni sngags so/ /bag phye las klu mgo dgu pa'i gzugs byas la lus mtshal gyis bsku bar bya'o/ /mgul du ba dan gdags so/ /dkyil 'khor grwa bzhi byas te dbus su 
klu'i gzugs bzhag la me tog sil mas gtor ro/ /gtor ma dkar po ci 'byor tshad sbyin no/ /me tog dang bdug spos kyang sbyin no/ /bal po se'u shing gi lcug ma la lan nyi shu rtsa gcig yongs su bzlas pa byas te/ sngags dang bal po se'u shing gi lcug 
ma la klu'i gzugs la lan brgya rtsa brgyad du bya ba pa byas na klu gang gi ming bris pa'i klu de bkug par 'gyur te/ klu de yang rang gi khyim la dga' bar mi 'gyur ro/ /gal te char gyi rgyun legs par ma phab na 'phral du srog ma rung bar 'gyur ro/ /yungs kar 
la lan stong rtsa brgyad re re la yongs su bzlas pa bya ste/ stong rtsa brgyad du tshang na klu'i gzugs thams cad 'gro zhing mgo gdengs ka byed do/ /de'i 'og tu bal po se'u'i lcug mas bsdigs na ldang zhing lce ston par 'gyur/ lus kyi bar du ston par 'gyur klu 
thams cad dbang du 'gyur te/ gang bsgo ba de bzhin byed do/ /'o ma dang / yungs kar la sngags brgya rtsa brgyad yongs su bzlas pa byas te/ gnas thams cad du gtor na thams cad la phyir legs pa byas par 'gyur ro/ /'di ni cho ga bzhi pa'o// //

</font><hr>96-1-37a<br><font size=+1>

de nas klu'i rgyal po rgya mtsho dang / gzhan yang klu'i rgyal po mthu che ba klu'i rgyal po brgya stong stan las langs te/ bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das sngags kyi tshig shin tu mi bzad pa dag 
bka' stsal to/ /las bsgrub pa shin tu mi bzad pa dag bka' stsal to/ /bcom ldan 'das bdag cag gis kyang de dang 'dra bar bshad par bgyi'o/ /dus dus su char gyi rgyun 'bebs so/ /slan chad sems can dag la rnam par 'tshe bar mi bgyid do/ /bcom 
ldan 'das bdag cag gis klu mi bgrungs pa rnam par 'tshe bar bgyid pa rnams kyi don du dam tshig ma 'tshal ba rnams bzlog pa'i sngags kyi tshig bshad par 'tshal na/ bcom ldan 'das kyis byin gyis brlab tu gsol/ klu'i bdag po dgangs dam tshig 
gi sngags byin gyis brlabs kyis de shod cig /na mo b+ha ga ba te shAkya mu na ye/ ta thA ga tA ya/ tad+ya thA/ b+hu dze b+hu dze/ sa ma ya b+hu dze/ ta twa b+hu dze/ pra b+ha ra b+hu dze/ sa man+ta A kA ra b+hu dze/ du ru du ru swA hA/ sa ma ya ba la ne swA hA/ nA ga ma ra sany+tso da ni swA hA/ 
bcom ldan 'das slad ma'i tshe slad ma'i dus na klu mi bgrungs pa thams cad slar bzlog pa'i slad du bdag cag gis klu'i dam tshig gi sngags 'di bshad do/ /ha cang char che ba'i tshe dang / char dkon pa'i tshe dang / sad dang ser ba 'bab pa'i tshe sngags 'di dran par 
bya'o/ /brjod par bgyi'o/ /de nas klu thams cad bskul bar bgyi'o/ /rig pa 'dzin pa des shin tu khrus bgyis te/ gtsang mar bgyis la/ gos sar pa bgos te klu'i gnas su mchi bar bgyi'o/ /klu'i gnas su ci 'byor pa'i spos kyi dkyil 'khor 
bgyis te bcom ldan 'das shAkya thub pa'i sku gzugs sam/ sku gdung dang bcas pa'i mchod rten dkyil 'khor de'i steng du bzhag ste spos chab kyis bkru bar bgyi/ me tog dang / bdug pas mchod par bgyi/ klu kun yang bkru bar bgyi'o/ /sku bsil ba'i 

</font><hr>96-1-37b<br><font size=+1>

chab de la lan brgyad yongs su bzlas pa bgyis te/ de'i nang du yungs kar stsal nas mtshe'u de'i nang du dbo zhing phyogs bzhi nas bdug pas bdugs na/ de pho ma thag tu skad cig de la klu'i gnas 'gul zhing du ba lta bu byung nas sprin gyi dkyil 'khor chen por 
gyur te/nam mkha' dkyil de khebs par char gyi rgyun 'bebs so/ /ser ba 'bab pa'idus su yungs kar dang / til bsres pa la lan nyi shu rtsa gcig bzlas pa bgyis te phyogs bzhir bcing bar bya'o/ /klu'i phyogs sa gtor bar bgyi'o/ /ser ba 
mi 'bab pa dang / klu thams cad kyang gcod par 'gyur ro/ /sad dang ser ba dang / dus ma yin pa'i rlung rab tu zhi bar 'gyur ro/ /klu'i mtsho'am khron pa'am/ lteng ka'am rdzing bu'i 'gram mam/ ri'i rtse mor shing a rka dang / zhun mar dang / 
yungs kar dang / shing kar bI ra'i me tog gis stong rtsa brgyad sbyin sreg byas na thams cad 'grub par 'gyur ro/ /sbyin sreg byas ma thag tu char gyi rgyun chen po 'bab par 'gyur ro/ /ha cang char che ba'i dus na 'bras yos dang / yungs kar la lan brgya rtsa 
brgyad bzlas pa byas te nam mkha' la gtor na char chen po zlog par 'gyur ro/ /bcom ldan 'das gal te bdag cag gis dgung gsum gyis char gyi rgyun ma phab na/ bcom ldan 'das de'i tshe sha bkra 'byung bar 'gyur lags so/ /long ba dang / lus dri mi 
zhim par 'gyur ro/ /sangs rgyas dang / chos dang dge 'dun slu bar bgyid pa lags so/ /'jig rten gsum slu bar bgyid pa lags so/ /bdag cag klu'i skye gnas 'pho bar gyur cig /bcom ldan 'das gzhan thams cad la yang sbyor bar bgyid na 
thams cad rung bar 'gyur ro/ /de nas bcom ldan 'das kyis klu'i rgyal po de dag dbugs phyung / dam tshig la bkod nas rgyal po chen po rnam thos kyi bu la yongs su gtad de/ rjes su gtad nas sa phyogs de nas gshegs so/ /rnam thos kyi bu ni 

</font><hr>96-1-38a<br><font size=+1>

gzhi la bzhugs so/ /klu'i dam tshig ces bya ba char 'bebs pa'i skabs rdzogs s+ho// //de nas bcom ldan 'das tshangs pa'i khang pa brtsegs par bzhugs pa dang / lha'i tshogs du ma lhags byang chub sems dpa'i 'khor chen po yang 
lhags/ lha rnams kyi dbang po brgya byin dang / tshangs pa dang / khyab 'jug dang / dbang phyug chen po dang / klu'i dbang po mthu che ba thams cad kyang lhags/ nam mkha'i lding gi dbang po dang / rgyal po chen po gser mig gi 'dab ma can/ rdo rje'i mchu can bdag 
nyid chen po lus 'bar zhing khro ba 'jigs su rung ba'i rtsal can rin po che tha dad pa sna tshogs dang / mu tig dang / gser gyis spras pa'i cod pan mgo la thogs pa/ gser gyis bklubs pa drag po'i gzugs can 'gying bar blta ba/ klu'i dbang po gdan du bting 
ba/ g.yog 'khor mang po thams cad dang lhags so/ /gnod sbyin gyi dbang po lag na rdo rje gnod sbyin bye ba dang / rdo rje 'dzin g.yog 'khor rig 'dzin stong lhags te/ bcom ldan 'das ni nor bu rin po che sna tshogs kyis spras pa/ mu tig dmar po tha dad pa 
mang pos brgyan pa'i seng ge'i khri la bzhugs pa/ khang pa brtsegs pa na zham ring chen po dang / de bzhin gshegs pa'i byin gyi rlabs chen pos byin gyis brlabs pa dang ldan pas bzhugs te/ bcom ldan 'das ni 'od zer sna tshogs bye ba khrag khrig brgya stong gis 
sku ni shin tu brgyan/ gser gyi mchod sdong ltar ni 'bar/ nyi ma ltar ni snang / mtshan sum cu rtsa gnyis dang dpe byad bzang po brgyad cu mnga' ba 'od 'dom gang bas ni sku legs par brgyan/ de bzhin gshegs pa'i sku ni shin tu rnam par dag cing shin tu dri ma dang 
skyon med pa'i 'od ni gsal/ de nas bcom ldan 'das kyis 'khor chen po 'dus par mkhyen nas sku las 'od zer sna tshogs phyung ste 'od zer gyi snang ba des phyogs bcu kun du khyab par mdzad do/ /de nas tshangs pa dang / khyab 'jug dang / dbang phyug chen pos 

</font><hr>96-1-38b<br><font size=+1>

de bzhin gshegs pa'i 'od zer la bltas nas 'dzam bu'i gling na klu mi bgrungs pas sad dang / ser ba dang / rlung dang / ser sprin phab ste/ me tog dang / 'bras bu thams cad dang / lo tog thams cad dang / shing dang / rtswa dang / shing gel pa dang / sman dang 
nags tshal dang / sman gyi bar bsregs te/ ma rung bar byas nas/ yal ga yang 'dzam bu'i gling na med par byas te ma rung bar byas na/ de na sems can de dag sdug bsngal chen pos gzir cing nyam thag pa'i skad byung ba thos so/ /de nas tshangs pa dang / khyab 'jug dang / 
dbang phyug chen pos bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das klu gnod par sems pa gtum po rnams kyis 'dzam bu'i gling rnam par bshig ste/ thams cad ma rungs par bgyis nas sems can rnams sdug 
bsngal mi bzad pa chen po myong ngo / /bcom ldan 'das kyis bka' stsal pa/ kye lha'i dbang po dag 'di ni mngon sum du gyur pa yin te/ de bzhin gshegs pa'i byin gyis brlabs dang / sangs rgyas kyi ye shes zab mo dang / de bzhin gshegs pa'i yon tan gyi 
khyad par gyi byin gyis brlabs la ltos shig /de nas bcom ldan 'das nam mkha' lding bsgyings pas rnam par bltas pa zhes bya ba kun nas me lce 'bar ba'i 'phreng ba can rnam par 'phrul ba'i ting nge 'dzin la snyoms par zhugs so/ /snyoms par zhugs ma thag tu sku phrag 
pa gnyis rab tu 'bar te/ 'bar ma thag tu klu thams cad kyi lus rab tu 'bar bar gyur to/ /de nas klu'i rgyal po chen po kun nas gdugs kyis rnam par bskor bas bcom ldan 'das kyi zhabs gnyis la gtugs te 'di skad ces gsol to/ /bcom ldan 
'das tshig lags so/ /bde bar gshegs pa chig lags so/ /de nas bcom ldan 'das kyis cang mi gsung bar gnang nas steng du rnam par gzigs te phyogs bcu kun du yang gzigs te/ de bzhin gshegs pa thams cad la phyag bzhes te 

</font><hr>96-1-39a<br><font size=+1>

nam mkha' lding gi shugs chen pos kun du 'bar ba nam mkha' lding gi gzi brjid kyi snying po'i dkyil 'khor 'di rjes su dgongs so/ /oM badzra ba ti ga ru Da be ge hU~M hU~M/ ra tsi sri dza hU~M phaT/ de nas klu mi srun pa de dag yur yur por gyur nas/ bcom 
ldan 'das kyi spyan sngar 'dug ste 'dar yed yed do/ /de nas bcom ldan 'das kyis de bzhin gshegs pa'i nam mkha' lding me lce 'bar ba zhes bya ba'i snying po chen po bka' stsal pa/ na mo b+ha ga ba te/ /sAkya mun na ye/ ta thA ga tA ya/ oM badzra dz+wa la dz+wa la 
pra dz+wa la/ ha na ha na/ sarba nA ga hr-i da ya d+hA ra NI/ ha ra ha ra/ sarba ka na naM ba la bIR+Ya ba rA kra maM/ da ha da ha/ sarba nA ga /sha rI ra' Ni/ pa tsa pa tsa/ sarba nA ga ma rmA Ni/ ga ru Da beg pak+Shi ni pa te/ na t+pa ta ya pa ta ya/ sarba nA ga b+hu ba nA ni/ oM ma ta ma ta/ 
ma hA bi tsi tra ma ni mo hu li da ra ha ma hA ru dra be ga da ra bi tsi tra/ A ba ra Na bi bu hu shI ta kA ya/ sarba nA gU nAM/ / ka ra ka ra/ sma ra sma ra/ b+ho ga ru De na ba ra~M tha gaM baM tra na shAkya mu ne pra tsa nam nu pA la ya/ ta rdza ya/ nA gA nI/ pak+ShA ya/duSh+TaM pra ma dA ya/ bA yu be dza 
ga paM/ spo Ta ya/ mU rtA nA na sho Sha ya/ bi du dz+wa la na/ hU~M hU~M/ phaT phaT/ pra ma ta sarba ba ta a shin+na me kaM /nA sha ya nA sha ya/ sarba nA ga ba laM pa ha ra/ pra tsa tu n+ten/ A gar pA ya/ su shA nA ga na/ ga rdza ga rdza/ ma hA ga ru Da pe ga na/ hU~M hU~M/ phaT 
phaT/ stam+b+ha ya ni shI ta pa la ha kaM /saM b+ha k+Sha ya/ hU~M hU~M/ phaT phaT/ stam+b+ha ya/ /shI ta bA yu/ mu g+ha na/ sarba nA gA b+hi ha ri Ni/ hU~M hU~M/ phaT phaT/ b+ho nAg a d+hi pa ti/ muny+tsa hrIH/b+ha Sha bu yuM ga ru Da kro d+ha ma hA be ga ba m+d+ha ya/ bA yu ba la ha kan+ti ti/ Ti Ti Ti/ 
hU~M hU~M/ phaT phaT/ b+ha sha ya/ ba ta shI ta A sha nA ni/ nA sha ya/ tsi ti tsi ti/ phaT phaT/ swA hA/ A shA ya/ nA gA nA na ban+d+ha ya/ badzri b+hi ne na ta thA ga ta sa man+te na/ sa t+ye na/ hU~M hU~M hU~M/ phaT phaT phaT swA hA/ ti ti ti ti / hU~M hU~M/ phaT 

</font><hr>96-1-39b<br><font size=+1>

phaT swA hA/ dza laM ba du: sarba a shan+ta thA ga ta a d+hi Sh+ShA ne na hU~M phaT/ a mr-i te ma b+ha ba tu sarba shI ta pA yu be ga A sha ni/ hU~M hU~M/ phaT phaT/ mA ti kra ma s+phoT ya/ nA ga ma ti kra ma mA te murta naM/ ya ti shi ti/ hu ru hu ru/ hU~M hU~M/ phaT phaT swA hA/ partA ya 
swA hA/ nA ga s+pho Ta ya swA hA/ nA ga bi dA rA ya swA hA/ oM swA hA/ swA swU hA/ b+hu ba swA hA/ ta thA ga ta sa ma ya swA hA/ trai lo kya bU dzi tA ya swA hA/ oM hU~M hU~M/ hU~M hU~M hU~M/ phaT phaT phaT/ klu'i bdag po dag de bzhin gshegs pa'i nam mkha' lding gi 'bar 
ba'i snying po zhes bya ba'i gzungs chen po 'di klu mi srun pa thams cad zlog par byed pa'o/ /sprin dang / lhags pa dang / rlung dang / ser ba thams cad 'jig pa'o/ /bzlog pa'o/ /lo tog yongs su skyong ba'o/ /me tog dang / 'bras bu dang / 
nags tshal yongs su skyong ba'o/ /bdud rtsi'i 'bras bu yongs su grub par byed pa'o/ /de bas bstabs pa 'phel bar byed pa'o/ /kye klu'i bdag po dag 'di dran ma thag pa tsam gyis klu'i dkyil 'khor byed pa/ bu dang chung mar bcas pa dang / blon 
por bcas pa dang / mngag gzhug par bcas pa dang / 'khor dang bcas pa lhags pa'i stobs byed pa/ rlung gi stobs byed pa/ sdud pa dang / stobs byed pa/ kun thams cad mthun pa de bzhin gshegs pa'i bka' gnang ba dang / de bzhin 
gshegs pa'i dam tshig gi byin gyis brlabs kyis phyi ma'i tshe phyi ma'i dus na 'dzam bu'i gling 'dir lo tog thams cad dang / me tog dang / 'bras bu thams cad dang / rdzas dang / shing dang / sman thams cad kun du bsrung bgyis shig /dus dus su char 
gyi rgyun pho ba shig / bdag gi srog ci lta ba de bzhin du 'dzam bu'i gling gi sems can thams cad rtas par byed pa/ /me tog dang / 'bras bu dang / lo tog rnams yongs su skyongs shig /gal te gzhan du 'gyur te de bzhin gshegs pa'i bka' lung dge 

</font><hr>96-1-40a<br><font size=+1>

ba ltar ma byas na de'i tshe klu thams cad kyi khyim kun du 'bar/ rab tu 'bar/ kun du rab tu 'bar te/ me lce gcig tu 'bar bar gyur cig /klu la mu ge chen po 'byung bar gyur cig /stobs bri zhing brtson 'grus ma rung bar gyur cig /chu skams par gyur 
cig /khyim skams par gyur cig /lus rtsub par gyur cig /'dab bzangs kyis 'jigs pa dang / me dang bye ma yis 'jigs pa dang / rtag tu bkres pa dang skom pa yis 'jigs pa can du gyur cig /phar rgyug tshur rgyug cing lus kun du tshig pa dang / nyi ma'i 
dugs kyis yongs su gdungs pas lus tshig par gyur cig /nad dang / gnod pa dang / nad 'go ba sna tshogs pa 'dus par gyur cig /de ltar phyi ma'i tshe phyi ma'i du sa na klu mi srun pa/ klu gtum pa/ rab tu gtum pa rnams gal te de bzhin gshegs pa'i 
nam mkha' lding 'bar ba zhes bya ba'i snying po'i gzungs 'di las 'gal bar byed na sdug bsngal 'di lta bu myong bar 'gyur te/ klu'i bdag po dag de'i phyir bden pa'i yi dam gyis de bzhin gshegs pa'i dam tshig gi rjes su bsrung bar bya'o/ /'dzam bu'i gling gi sems 
can thams cad yongs su bskyang bar bya'o/ /bsrung bar bya'o/ /bsgrub par bya'o/ /de nas klu'i rgyal po kun nas gdugs kyi rnam pas bskor ba dang / klu'i rgyal po chen po rgya mtsho dang / klu'i rgyal po chen po dga' bo dang / bsnyen dga' bo dang / klu'i rgyal po 
chen po gzi can dang / klu'i rgyal po chen po hu la ba dang / klu'i rgyal po chen po chu lha dang / klu'i rgyal po chen po 'bar ba kun du 'dzin pa kha bye rab tu dga' ba'i gtsug ces bya ba dang // klu'i rgyal po chen po tshangs pa'i mgo dang / klu'i rgyal po chen po 'jig rten gsum 
du grags rgyal mtshan dang / klu'i rgyal po chen po dbang phyug 'od dang / klu'i rgyal po chen po 'od rnam par grags pa zhes bya ba dang / klu'i rgyal po chen po kun nas rgyal mtshan gyi rnam pa zhes bya ba dang / klu'i rgyal po chen po nor bu mgo dang / klu'i rgyal po chen po 

</font><hr>96-1-40b<br><font size=+1>

rab tu gnas pa tshangs pa'i gtsug dang / klu'i rgyal po chen po gtsug gi nor bu 'bar dang / klu'i rgyal po chen po mtsho chen po gnon dang / klu'i rgyal po chen po kun du blta ba'i mig dang / klu'i rgyal po chen po khyab 'jug khor yug dang / klu'i rgyal po chen po kun nas 
rnam par bral dang / klu'i rgyal po chen po rab tu dga' bas char 'bebs dang / klu'i rgyal po chen po rnam dag rab dga' dang / klu'i rgyal po chen po rab tu gtor ba dang / klu'i rgyal po glog 'bar dang / klu'i rgyal po chen po sa srung gi bu dang / klu'i rgyal po chen po 
chu 'bebs sna tshogs dang / klu'i rgyal po chen po btang bzung stobs dang / klu'i rgyal po chen po 'jig rten gsum du rab tu char 'bebs dang / klu'i rgyal po chen po rnam thos kyi bu sna tshogs dang / de la sogs pa klu'i rgyal po chen po brgyad khri bzhi stong klu'i+i rgyal po chen 
po re re yang g.yog 'khor klu'i rigs stong phrag bdun cu rtsa bdun yod pa de dag bcom ldan 'das ga la ba der song nas/ bcom ldan 'das la lan gsum du bskor ba byas te/ mchod pa chen pos mchod nas/ bcom ldan 'das kyi zhabs gnyis la gtugs nas/ 
bcom ldan 'das la 'di skad ces gsol to/ /bcom ldan 'das kyis sngags kyi tshig shin tu mi bzad pa drag po chen po blta dka' ba chen po dag bka' stsal pas/ bcom ldan 'das bdag cag ni phung ngo / /tshig go/ /lus rab tu 'dar ro/ /spu zing zhes bgyid 
do/ /bcom ldan 'das bdag cag bas par bcom ldan 'das kyi spyan snga na mngon sum du gyur par gnas pa lags te/ 'di ltar 'jigs skrag ba spu'i bu ga nas skyi bung zhes bgyid cing / 'jigs pa mi bzad pa chen po skyes te/ bas par yang sgyid lug cing 
mchis so/ /bcom ldan 'das slad ma'i tshe slad ma'i dus na de bzhin gshegs pa yongs su mya ngan las 'das pa'i slad na dge slong drag shul bgyid pa nor la brkam pa dag mchis pa la/ sad dang / rlung dang / ser ba bzlog pa'i slad du gsol ba btab par 

</font><hr>96-1-41a<br><font size=+1>

gyur nas/ bcom ldan 'das de la klu mi bgrungs pa de dag gis ji ltar nan tan du bgyi/ de dag gi srog slar zhing ji ltar 'gyur/ bcom ldan 'das bdag cag gi bu dang tsha bo ji lta bu mang bar 'gyur/ de nas bcom ldan 'das kyis klu'i bdag po chen po 
de dag la 'di skad ces bka' stsal to/ /klu'i bdag po dag phyi ma'i tshe phyi ma'i dus na byams pa la gnas par bya'o/ /de bzhin gshegs pa'i dam tshig dang mthun par bya'o/ dus dus su char gyi rgyun phob cig /dus dus su me tog dang / 'bras bu dang / 
lo tog sgrubs shig /rlung dang / sprin dang / ser ba thams cad zlog shig /chud za bar ma byed cig /klu'i bdag po dag de'i phyir khyed phyi ma'i tshe phyi ma'i dus na gnod pa med par gnas par gyis shig /klu'i bdag po dag gal te yang dag par dam tshig 
ma bsrungs na de'i phyir klu'i bdag po dag khyed la nyes pa chen por 'gyur ro/ /zhes smra'o/ /thog mar klu bskul ba'i rig pa rdzogs s+ho// //de nas de'i 'og tu rtsa ba'i rig pa'i cho ga klu rnams kyi khros pa zhi bar byed pa nam mkha' lding 'bar ba'i gzi brjid kyi 
snying po'i dkyil 'khor 'di brjod par bya'o/ /thog ma kho nar gnam du bltas te/ yungs kar dang chu bsres pa phyogs bzhir gtor na/ sad dang / rlung dang / sprin dang / ser ba thams cad thub par 'gyur ro/ /bcings par 'gyur ro/ /klu thams cad 
'dar yed yed cing 'khod par 'gyur ro/ /thal ba dang chur bsres la lan nyi shu rtsa gcig bzlas pa byas te/ dbang bskur na bdag bsrung ba byas par 'gyur ro/ /'brug zer ba'i tshe yungs kar la lan nyi shu rtsa bdun yongs su bzlas par byas la/ chu la lan 
bdun du yongs su bzlas pa byas te gnam la sprin bcing bar bya'o/ /de nas sprin la bltas te/ yungs kar gnam du gtor na me tog dang / 'bras bu thams cad bsdus nas sa'i steng du ltung ngo / /sngags kyang brjod cing khros pas phaT ces bya ba brjod 

</font><hr>96-1-41b<br><font size=+1>

par bya ste/ phaT ces bya ba lan gsum gyis klu phrug gu rnams kyang ltung bar 'gyur/ klu rnams kyi lus kyang zhig ste thang la lhung bar 'gyur ro/ /bal po se'u'i lcug ma la lan nyi shu rtsa gcig yongs su bzlas pa byas te/ 'khor lo'i tshul du 
lan bdun bskor na/ klu mi bgrungs pa thams cad sad dang / sprin dang / rlung dang / ser ba thams cad sa la mi 'bebs so/ /mgo tshal pa bdun du 'gas so/ /mig 'byung ngo / /khros pas brgya rtsa brgyad yongs su bzlas pa byas na/ klu 
rnams rigs dang / sprin dang / g.yog 'khor kun dang bcas te sa'i steng du ltung ngo / /klu'i khyim dang / gzhal yas khang mtha' dag dang /chu dang / shing dang / nags tshal du bcas pa me lce 'bar ba gcig tu 'gyur ro/ /klu'i rgyal po 
chen po gzi brjid che ba mthu che ba thams cad kyang klad nad drag pos btab par 'gyur ro/ /gal te rig pa 'dzin pas myur du ma bskyabs na rigs thams cad phung bar 'gyur ro/ /bu dang / tsha bo dang / 'khor du bcas pa dang / bzhon par bcas te rnam 
par med par 'gyur ro/ /mig med par 'gyur ro/ /char med pa'i dus na yungs kar la lan stong bzlas te/ khyim la gtor na/ klu thams cad 'dar yed yed cing / khyim dang mtsho me lce 'bar ba gcig tu gyur te/ 'dod pa bzhin du myur du 
char gyi rgyun 'bebs so/ /yang dang yang char gyi rgyun 'bebs so/ /gang gi tshe char dgos pa de'i tshe rig pa 'dzin pas chu dang yungs kar la lan brgya rtsa brgyad yongs su bzlas pa byas te/ gnas mthon por song la shar phyogs su bltas te 'dug nas chu snyim 
pa bdun la sngags la lan bdun bdun du yongs su bzlas te/ shar phyogs su gtor na klu'i rgyal po thams cad 'phral du gcig tu 'dus te char gyi rgyun 'bebs so/ /skya rengs shar ba'i dus na yungs kar dang / gur gum dang chur bsres la lan bdun 

</font><hr>96-1-42a<br><font size=+1>

bzlas pa byas te phyogs bzhir gtor zhing steng dang 'og tu yang gtor na sad dang / rlung dang / sprin dang / ser ba thams cad la kun nas dpag tshad tshun chad du mtshams bcad par 'gyur ro/ /klu mi srun pa thams cad bcings par 'gyur ro/ /klu 
thams cad mi 'da' bar 'gyur ro/ /ba ser skya'i lci ba sa la ma lhung bar blangs pa dang / de nyid kyi mar dang / 'o ma dang / gcin blangs la sab ta byis ka dang / bag phye dang / thams cad bsres la lan dgu bcu rtsa gnyis bzlas pa byas te/ de nas klu mgo lnga 
pa bya'o/ /mgo gdengs ka can gyi skyil mo krung bcas pa lus gcus pa byas te/ tsan+dan dkar po dang / gur gum gyis lus bkru bar bya'o/ /stan gtsang ma'i steng du bzhag go/ /dar gyi cod pan gyis dbang bskur ro/ /me tog phreng ba gdags so/ /dkyil 'khor gru 
bzhi pa byas te/ me tog sil ma gtor/ bum pa gang ba bzhi bzhag go/ /mda' bzhi btsugs te/ dar gyi ba dan dkar po bzhi gdags te/ dkyil 'khor gyi dbus su gtor ma bzhag go/ /dkyil 'khor grwa bzhir seng ldeng gi phur bu bzhi bcugs so/ /
tshon sna lnga'i skud pas lan lnga bskor ro/ /kun la yang lan nyi shu rtsa gcig bzlas te las bya'o/ /bum pa'i mgul dar gyis bcing ngo / /na la dang / sra rtsi pog dang / rgya spos dang / kun du ra dang / sen mo dang / nA ga puSh+pa dang / yungs kar dkar po dang / 
sha ka ra dang bsres la lan brgya rtsa brgyad bzlas la bdug par bya'o/ /bdug pa 'di sbyar la/ de nas rig pa 'dzin pas shin tu khrus byas te/ gos gtsang ma gon la sngags 'di nyid kyis nye reg dang / brag bcing ba dang / mtshams bcing ba dang / phyogs 
bcing ba dang / dkyil 'khor bcing ba dang / gos gdegs pa dang / bdag bsrung ba dang / khrus bya ba rnams bya'o/ /klu kha shar phyogs su bstan te bzhag la/ rig pa 'dzin pa klu la bltas te/ skyil mo krung du 'dug la/ sngags 'di nyid kyis dgug 

</font><hr>96-1-42b<br><font size=+1>

pa dang / gtor ma dang / bdug pas slar gtang bar bya'o/ /de nas rig pa 'dzin pas stong rtsa brgyad bzlas te/ yungs kar re re la bzlas la klu'i gzugs la bsnun par bya'o/ /mar me kha bzhi 'bud do/ /klu'i ming bri'o/ /gang bos bde 'grang bar 'gyur ro/ /
bzlas pa stong rtsa brgyad tshang bar byas na klu'i rgyal po chen po dbang du 'gyur ro/ /thams cad ston par 'gyur ro/ /ci bsams pa de thams cad sbyin par 'gyur ro/ /dbang thams cad bzlog par 'gyur ro/ /rang gi skye bo dang / 'khor du bcas pa dang / bu dang tsha 
bor bcas pa thams cad dbang du 'gyur ro/ /las thams cad byed par 'gyur ro/ /rang gi khyim bzhin du yongs su skyong bar 'gyur ro/ /klu'i gzugs de gnas dben par bzhag la/ /me tog dang bdug pa sbyin no/ /lang long med par bzhag cing mi mthong bar 
bya ste/ su la yang mi bstan no/ /gos gtsang mas dgab bo/ /nam dgos pa yod pa de'i tshe yungs kar la lan brgya rtsa brgyad bzlas pa bya ste/ /bsnun na dgos pa thams cad byed par 'gyur ro/ /gar btang ba der 'gro zhing slar yang 'ong ngo / /rmi lam du 
dgos pa thams cad ston cing las thams cad byed par 'gyur ro/ /klu'i mngag gzhug pa zhes bya'o/ /gang gi tshe dus ma yin pa'i sprin dang / rlung dang / ser ba dang / sad byung ba de'i tshe skye tshe'i 'bru dang / yungs kar du bsres la lan brgya rtsa gcig 
bzlas pa byas te/ khros pas klu'i gzugs la bsnun na skad cig de la rlung dang / ser ba dang / sprin med par 'gyur te thams cad bcing bar 'gyur ro/ /than pa byung ba de'i tshe yi ger bris la skud pa dmar po dkris la skud pa la mdud pa nyi shu rtsa gcig por 
te/ klu'i mgul du btagasal klu'i spyi bor lan nyi shu rtsa gcig bzlas pa byas na skad cig de la char gyi rgyun 'bebs te/ sgrub pa po ji ltar 'dod pa bzhin char 'bebs so/ /ha cang char chen skud pa sngon po la lan bdun bzlas pa byas te/ mdud pa bdun por 

</font><hr>96-1-43a<br><font size=+1>

na char chen po mi 'bab par 'gyur ro/ /cho ga dang rig pa bsgrub pa gzhan thams cad la yang sngags 'di thog ma kho nar lan bdun bdun brjod do/ /'di kun du sbyor ba ste/ brjod pa bsgrub pa 'grub po/ /nam mkha' lding chen po rdo rje shugs 
'bar ba nam mkha' lding gi snying po dkyil 'khor zhes bya ba'i gzungs rdzogs s+ho// //de nas de'i 'og tu rtsa ba'i snying po'i cho ga ston to/ /gzungs bton ma thag pa tsam gyis klu thams cad 'dar yed yed do/ /bal po se'u shing gi lcug ma dang / 
shing ka ra pI ra'i lcug mas rlung dang / sprin bzlog par bya'o/ /ba'i lci ba sa la ma lhung bas khang steng du dkyil 'khor grwa bzhi pa shin tu rnam par phye ba re'u cha legs par byas te/ seng ldeng gi phur bu sor brgyad pa brgyad phyogs mtshams su gzugs so/ /mda' 
lnga gzugs so/ /rtse gsum pa gzugs so/ /mda' bzhi la tshon sna lnga'i skud pa bzhis 'khor bar bskor ro/ /bum pa gang ba bzhi dang / pog phor dang / gtor ma'i bum pa bzhi bzhag go/ /gtor ma dkar pos bkang ba bzhi dkyil 'khor gyi dbus 
su bzhag /me tog sil mas gang bar gtor/ bra yos dang yungs kar gyis gtor ro/ /thams cad la lan bdun bdun gyis bzlas pa byas te gzugs so/ /yungs kar dang chu bsres la bzlas pa byas pas phyogs bzhir mtshams bcad do/ /
de nas dpag tshad tshun chad kun du mtshams chen po bcad par 'gyur ro/ /der klu mi srun pa rnams 'phrog mi nus so/ /klu chen po rnams kyang rtag tu dus ma yin pa'i rlung dang / sprin dang / ser ba 'bebs mi nus so/ /me tog dang 'bras bu thams cad 
'tshe yang mi nus/ lan 'ga' yang rtswa'i lo ma yang 'tshe mi nus/ bcing ba lngas bsdams te thams cad bcings par 'gyur ro/ /'di zla ba brgyad du mtshams bcings par 'gyur ro/ /gnod sbyin dang / 'byung po dang / srin po dang / yi dgas 

</font><hr>96-1-43b<br><font size=+1>

dang / grul bum dang / gsang ba pa de rnams gnas 'di las mi 'da'o/ /de nas rig pa 'dzin pa dkyil 'khor gyi dbus su 'dug ste/ bal po se'u shing gi lcug ma la lan bdun bzlas pas klu bzlog par bya'o/ /shin tu khro bas bzlog par bya ba ni ma yin 
no/ /klu'i skyil mo krung gi phyag rgya bcing bar bya ste/ mdzub mo gnyis mgo bo gdengs ka ltar byas la mthe'u chung gnyis brkyang ngo / /'di ni klu thams cad kyi phyag rgya'o/ /brjod ma thag tsam gyis klu thams cad kyi snying dag la gnod par 'gyur ro/ /gal te klu 
dag phyogs de ma rung bar bya bar 'dod na de'i tshe bye tshan mgo la 'bab bo/ /mgo dang / mjug ma dang / khog pa ji tsam par de tsam du lus la ral gri'i char gyi rgyun 'bab par 'gyur ro/ /de nas klu thams cad dngangs skrag par gnas par 'gyur te/ 
de'i tshe 'dzam bu'i gling du dus dus su char gyi rgyun 'bebs so/ /klu mi bgrungs pa thams cad dbang du 'gyur ro/ /khang steng du dkyil 'khor gru bzhi pa byas te/ me tog sil mas gang bar gtor la bdug pas bdugs te/ bum pa chus bkang ba thams 
cad la lan bdun du bzlas par bya'o/ /gtor ma bzhag go/ /seng ldeng gi phur bu la lan nyi shu rtsa gcig bzlas te/ seng ldeng gi phur bu dkyil 'khor gyi dbus su btsugs na rlung dang / sprin dang / ser ba dang / sad kyi nyes pa thams cad bcings par 
'gyur te/ phur bu ma phyung gi bar du thub par 'gyur ro/ /yungs kar la lan bdun bzlas la sprin la bltas te gtor na/ ser ba thams cad 'chad par 'gyur ro/ /shing ka ra bI ra'i lcug ma la lan nyi shu rtsa gcig bzlas te/ gdu bur byas na thams 
cad du ser ba chod par 'gyur ro/ /shing ka ra bI ra'i dmar po'i me tog la lan nyi shu rtsa gcig bzlas te/ /glog byung ba'i tshe na nam mkha' la 'phangs na nam mkha' nyid du 'dug ste bcings par 'gyur ro/ /chu la lan bdun bzlas te gtor na grol 

</font><hr>96-1-44a<br><font size=+1>

bar 'gyur ro/ /'brug zer ba'i tshe rtse gsum pa la lan nyi shu rtsa gcig bzlas te/ dkyil 'khor gyi dbus su gtsugs na rtse gsum pa ma phyung gi bar du 'brug zer te sprin bcings par 'gyur ro/ /phyung nas grol bar 'gyur ro/ /ral gri la lan 
bdun bzlas te/ klu'i phyag rgya skyil mo krung gis bzung la sprin la bltas te 'dug na bzung ma thag tu klu mtha' dag 'bar bar 'gyur te/ klu thams cad lkugs par 'gyur ro/ /ral gri thogs la lan brgya rtsa brgyad bzlas te/ gur gum gyis de'i steng du nam 
mkha' lding bris nas ci lta ji lta bur bskor ba de lta bur nam mkha' lding gi 'dab gshog klu'i lus la 'bab par gyur te/ klu thams cad skrag cing phyogs bcur 'bros par 'gyur te/ phyis rlung dang ser ba 'bebs mi nus so/ /shing ka ra bI ra'i me tog dang yungs 
kar bsres te/ dkyil 'khor du lan drug cu sbyin sreg byas na klu thams cad grang ba'i stobs byed pa dang / ser ba dang kha ba'i bar la sogs pa thub par 'gyur ro/ /gang gi tshe char dgos par 'gyur ba de'i tshe char 'bebs so/ /spra tshil las klu'i gzugs tshad 
sor bzhi pa mgo lnga pa byas te/ gser gyis g.yogs la steng gos dkar pos g.yogs te/ rtsa ba'i sngags lan stong bzlas pa byas la/ bum pa gsar pa ma spyad pa'i nang du bcug ste/ lus gos kyis dkri'o/ /rgyas gdab bo/ /ba'i lci bas dkyil 'khor gru 
bzhi pa byas la bra yos dang yungs kar gyis gtor la bdug pas bdugs te/ sngags 'di brjod par bya'o/ /bal po se'u shing gi lcug ma la lan bdun bzlas te/ bum pa la dal bu dal bus gzhus na ser ba thams cad bum pa'i nang du 'pho'o/ /klu thams cad dbang 
du 'gyur ro/ /klu'i rgyal po'i gzugs sbra tshil la byas pa la klu thams cad kyi ming bris na gang gis ming gis rigs brjod pas klu de dbang du 'gyur te/ 'khor dang bcas pa bram ze'i gzugs kyi mdun na 'dug cing ci bsgo ba de thams cad byed do/ /klu'i rgyal po chos can 

</font><hr>96-1-44b<br><font size=+1>

ma yin pa yul yongs su mi skyong ba/ lo tog dang 'bras bu chud gzon pa'i klu'i khyim du song ste/ shin tu khrus byas la gos dkar po gtsang ma bgos te/ rig pa lan nyi shu rtsa gcig brjod na/ klu'i khyim de nas bud med rgan mo dag 'byung zhing / rig pa 'dzin pa ci 
tshol zhes zer ba dang / lan mi gdab par rdo rje sa la brdab par bya'o/ /phaT zhes bya ba brjod par bya'o/ /klu rgan mo de ngus nas shi'o shi'o zhes zer zhing khyim du 'jug go/ /de nas klu rnams 'dus te dngangs skrag ste/ khye'u'i gzugs su bsgyur nas rig pa 'dzin pa'i mdun 
du 'dug ste/ kye rig pa 'dzin pa ci zhig tshol/ rig pa 'dzin pas sngar sngags brjod la/ khros pas bal po se'u shing gi lcug ma sa la brdabs pa dang / khye'u'i gzugs can de sa la 'gre ldog cing / kye rig pa 'dzin pa ci zhig tshol zhes smra'o/ /rig pa 'dzin pas snying 
rje med par bya ste/ bsgyel ba'i tshul gyis bsgyel ba dang / 'di skad ces kye rig pa 'dzin pa bsgo ba thams cad bgyid do zhes smra'o/ /de nas rig pa 'dzin pas 'di skad ces brjod do/ /de bzhin gshegs pa'i dam tshig srungs shig /srung ngo / /rig pa 'dzin pas yang 'di 
skad ces brjod do/ /dge ba bcu zung shig /'dzin to/ /rig pa 'dzin pas yang gsum la skyabs su gsol/ gtad do rjes su 'dzin to/ /rig pa 'dzin pa phur bu dbyung du gsol/ mi dbyung ngo / /'di skad ces brjod de/ de bzhin gshegs pa'i dam tshig bzlas 
pa rjes su zung shig gdod phur bu dbyung ngo zhes bya'o/ /'on tang klu de 'khor dang bcas te rkang pa gnyis la gtugs so/ /gsum la skyabs su 'gro bar bya ba dang / dge ba bcu'i las kyi lam rjes su sbyin par bya'o/ /dam tshig rjes su 'dzin du gzhug go/ /de nas gdod 
phur bu phyung la de nyid du kha zas kyang byin pa dang / klu thams cad dbang du 'gyur ro/ /rang gi khyim du 'jug pa bzhin du zhugs shing las su bya ba rnams ci 'dod pa bzhin du bya ba thams cad bsgo ba bzhin byed par 'gyur ro/ /gang du btang ba der 'gro'o/ bya ba thams cad 

</font><hr>96-1-45a<br><font size=+1>

byed par 'gyur ro/ /klu'i khyim der phyis klu mi srun pa mi 'byung ngo / /dus dus su char gyi rgyun 'bebs so/ /dus dus su lo tog sgrub bo/ /der me tog dang / 'bras bu dang / lo ma rnams sgrub bo/ /phyis gnod pa byed par mi 'gyur ro/ /bklags pas 
'grub pa'i gzungs chen po las thams cad la sbyar bar bya'o/ /las thams cad 'grub/ mchog 'grub pa/ bla na med pa'o/ /rtsa ba'i sngags kyi bya ba'i cho ga dang bcas pardzogs sto// //de nas nam mkha' lding gi rgyal po de bcom ldan 'das ga la ba de logs su 
thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag gis klu thams cad kyi snying 'bar bar bgyid pa/ dus ma lags pa'i rlung dang / sprin dang / ser ba thams cad bzlog pa/ me tog dang / 'bras bu dang lo tog thams 
cad sgrub pa/ sa'i rdul dang / snying po dang / byin 'phel bar bgyid pa/ rdo rje'i mchu glog 'bar ba zhes bya ba'i gzungs brjod par bgyid na/ sems can thams cad kyi re ba thams cad yongs su bskang ba'i slad du/ bcom ldan 'das de byin gyis brlab tu gsol/ de nas 
bcom ldan 'das kyis nam mkha' lding gi dbang po la 'di skad ces bka' stsal to/ /nam mkha' lding gi bdag po rdo rje mchu zhes bya ba'i gzungs byin gyis brlabs te/ de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed bye ba 
khrag khrig brgyad stong dag gis kyang byin gyis brlabs kyis nam mkha' lding gi bdag po klu mi srun pa rnams tshar bcad pa'i phyir smros shig /de nas nam mkha' lding gi bdag pos rdo rje mchu zhes bya ba'i gzungs 'di smras so/ /na mo rat+na tra yA ya/ /na ma sh+tsa N+Da badzra pA Na 
ye/ ma hA yak+Sha se nA pa ta ye/ na ma s+t+rai lo kya a d+hi pa ta ye/ namash+tsa tu t+tAM ma hA rA dzA nA/ oM badzra dun+te dun+te/ ma hA dun+te/ du ti du ti/ badzra shi kha ra dun+te/ ma Ni ka na ka bi tsi tra/ A b+ha ra Na bi b+hU Shi ta sa rI re/ hU~M hU~M hU~M hU~MhU~M/ phaT phaT phaT phaT phaT/ nA ga 

</font><hr>96-1-45b<br><font size=+1>

rA dza bi dra pa Ni hr-i da yaM/ s+pho Ta ya badzra du n+te na/ hU~M hU~M hU~M hU~M hU~M/ dz+wa li ta badzra dun+te na/ ha na ha na/ ga ru Da pak+Sha ni pa te na b+ha smiM ku ru ku ru ku ru ku ru ku ru du Sh+TaM nA gA nAM/ hU~M hU~M hU~M hU~M hU~M/ phaT phaT phaT phaT phaT/ b+ho b+ho pan+nA gen+d+ra spu ta spu ta spu tan+tu nA ga sma shA ni kro d+ha rA dzA ma hA ba la 
sa rA kra ma/ dz+wa la dz+wa la/ pra dz+wa la/ hU~M hU~M hU~M hU~M hU~M/ phaT phaT phaT phaT phaT/ b+ho ga ru Da rA dza badzra du n+te/ su bar+Na pak+Sha ma hA ba la/ ma hA ka na ka pi tsi tri ma hU~M da ra/ b+ha kaSha ya du Sh+Ta nA gaM pi ba du b+ho bA yu ba la ha kaM hU~M hU~M/ phaT phaT/ sho Sha ya shA ta ba la ha ga ga ru Da u Sh+peN/
hU~M hU~M hU~M hU~M/ phaT phaT phaT phaT/ b+ho b+ho badzra dun+ta bi tsu hu na/ bi byud dz+wa la na/ hU~M hU~M hU~M/ phaT phaT phaT/ b+hany+dza ya/ sarba sha ra ni mA ti kra ma si maM/ b+ho ban+nA gen+d+ra mA te/ badzra dun+te na mU r+NAM/ spa ta yA mi/ ha ra ha ra/pra ha ra hU~M phaT/ ma ta ma ta/ sarba nA gA nA~M hU~MhU~M 
phaT/ ta thA ga ta pA tsa na ma nu sma ra hU~M hU~M phaT/ badzra pA Ni sa ma ya/ ma nu pA la ya/ hU~M hU~M phaT/ trai lo kya a d+hi pa te r+thA tsa na ma nu pA la ya/ hU~M hU~M phaT/ sa ra sa ra/ sma ra sma ra/ sa ma ya ma nu pA la ya/ trir t+na sa t+ye na/ hU~M hU~M hU~M/ phaT phaT phaT/ hrI: badzra dun+da sarba nA ga 
bi dra ba cha kar hU~M hU~M hU~M phaT swA hA/ tri ra t+na ma nu pA la ya hU~M hU~M hU~M phaT/ pra ma da n+ta ha da sa hU~M hU~M hU~M hU~M phaT swA hA/ bi ni tsarka ha ta/ hU~M hU~M hU~M phaT swA hA/ ma he shwa ra tri shU la ha stA ya hU~M hU~M hU~M phaT swA hA/ ga ru Da te dza nya stA ya hU~M hU~M phaT swA hA/ ga ru Da bi kra mA ya hU~M hU~M hU~M phaT swA hA/ nA ga ku 
la nA sha nA ya hU~M hU~M phaT swA hA/ ga ru Da sarba a sha ni ba pa na ya hU~M hU~M phaT swA hA/ sarba pA ba pA ba yu si b+ha k+Sha NA ya hU~M hU~M phaT swA hA/ sarba kA la bA ta me g+ha a sha ni bar NA ya hU~M hU~M phaT phaT swA hA/ ma hA badzra dz+wa la swA ha/ sarba du Sh+TaM nA ga bi nA sha kA ya swA hA/ ka ru Da hr-i dA ya 
swA hA/ ga ru Da dun+tA ya swA hA/ sarba nA sha nA ya swA h+la/ oM du ru du ru swA hA/ mu ru mu ru swA hA/ tu ru tu ru swA hA/ di ri di ri/ du ru ru ru ru ru ru ru ru/ hU~M hU~M hU~M hU~M hU~M/ phaT phaT phaT phaT phaT swA hA/ nam mkha' lding gi dbang pos rdo rje mchu'i gzungs 'di brjod ma thag 

</font><hr>96-1-46a<br><font size=+1>

tu klu'i rgyal po bye ba khrag khrig brgya stong phrag brgyad cu khas bub tu 'gyel nas lus rngul byung zhing lus rab tu 'dar te brgyal nas sa la 'gre ldog go/ /kye ma'o gzungs chen po sngags kyi tshig mi bzad pa dag smras so zhes 'dzer zhing / thams cad lus 
'dar yed yed nas/ bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das bskyab tu gsol/ bde bar gshegs pa bskyab tu gsol/ bcom ldan 'das bdag cag slan cad 'dzam bu'i gling du ma rung bar mi bgyid 
do/ /me tog dang / 'bras bu dang / lo tog ma rung bar mi bgyid do/ /bcom ldan 'das sa phyogs 'di mchod rten dang 'dra bar 'dzin te/ gang na cha ga'i rgyal po chen po 'di spyod pa dang / gang na gnas pas spyod pa der bcom ldan 'das bdag cag gis rgyun du de bzhin 
gshegs pa'i mchod rten dang 'dra bar 'dzin to/ /yul lam/ grong khyer ram/ ljongs sam/ ri brags sam/ grong ngam/ gtsug lag khang de rtag par rgyun du bsrung ba dang / bskyang ba dang / /sba bar bgyi'o/ /sad dang / rlung dang / ser ba dang / dus 
ma lags pa'i sprin thams cad snum pa dang / mngar ba dang / yid du 'ong ba dang / ro zhim pa dang / snyi ba dang / /ro bro ba'i me tog dang / 'bras bu dang / lo tog thams cad bsgrub par bgyi'o/ /'thab pa dang / sdig pa thams cad byang ba dang / ltas ngan pa thams 
cad bsal bar bgyi'o/ /dus dus su char gyi rgyun dbab par bgyi'o/ /me tog dang / 'bras bu dang / lo tog rnams yang dag par 'grub par bgyi/ sha sbrang dang / sbrang bu mchu rings dang / byi ba dang / sbrul dang / sbal pa dang / /trai ma bu ka dang / mak+Shi 
ka dang / /trai la ta dang / sha ta pa da dang / bung ba dang / ne tso dang / ri skegs kyis 'jigs pa thams cad med par bgyi/ rnam par 'jig par bgyi/ yams kyi nad dang 'go ba thams cad rab tu zhi bar bgyi'o/ /bzlog par bgyi'o/ /bcom ldan 'das slan 

</font><hr>96-1-46b<br><font size=+1>

chad sdig pa'i las kun du spyod pa'i tshul mi spyod par bgyi'o/ /char gnod pa 'bab pa dang / dus ma lags pa'i char thams cad ma mchis par bgyi'o/ /bcom ldan 'das rang gi mna'i yi dam gyis gnas par bgyi'o/ /bcom ldan 'das dkon mchog gsum gyi 
dgongs pa bslab pa'i sdom pa yongs su bskyang bar bgyi'o/ /bcom ldan 'das slan chad 'dzam bu'i gling gi sems can rnams la 'tshe bar mi bgyid/bu gcig pa bzhin du yongs su bskyang bar bgyi'o/ /bcom ldan 'das de bzhin gshegs pa'i bka' lung 
bzhin du slad ma'i tshe slad ma'i dus na sems can thams cad yongs su bskyang bar bgyi'o/ /kun du 'dzin par bgyi'o/ /dge ba dang / bde ba dang / lo legs pa kun du bsgrub par bgyi'o/ /de nas bcom ldan 'das kyis klu'i rgyal po la dbugs phyung nas 'di skad ces 
bka' stsal to/ /klu'i rgyal po dag de ltar gyis shig /yal bar ma btang shig /de nas de'i 'og tu cho ga bya ba brjod par bya ste/ sngags 'di dpa' ba gcig pu ni/ /las kun byed pa dge ba ste/ /shes rab can gyis lan cig dran/ /dgos pa thams cad 
byed par 'gyur/ /mthon po'i gnas su mkhas pa yis/ /sgra skad chen po brjod par bya/ /gnas gang dang gang du sgra bsgrags pa de dang der dus ma yin pa'i rlung dang / sad dang / sprin dang / ser ba dang / glog thams cad kyis mi tshugs so/ /sus kyang byin 
'phrog par mi nus so/ /gtse bar mi nus so/ /gnas mthon po'i ri 'am/ dgon pa'i gnas sam/ grong ngam/ gtsug lag khang ngam/ gnas khang shin tu mtho ba der rig pa 'dzin pa gtsang mar byas te/ gos gtsang ma dkar po bgos la kha shar phyogs su 
bltas te/ ba'i lci ba dang 'jim pa bsres pas dkyil 'khor khru gang gru bzhi pa byas la/ dkyil 'khor gyi dbus su mda' gang tsam pa cig btsugs te/ sngags lan nyi shu rtsa gcig bzlas so/ /dkyil 'khor gyi grwa bzhir seng ldeng gi phur bu sor brgyad pa 

</font><hr>96-1-47a<br><font size=+1>

btsugs te/ sngags lan nyi shu rtsa gcig bzlas pa byas la tshon sna lnga pa'i skud pas lan gsum 'khris par bskor ro/ /dkyil 'khor gyi dbus su pog phor bzhag la lan bdun bzlas pa'i bdug pas bdug go/ /lan nyi shu rtsa gcig bzlas pa 
byas la yungs kar gyis gtor ro/ /me tog sil mas gang bar gtor ro/ /phyogs bzhir gtor ma'i bum pa bzhi bzhag go/ /dkyil 'khor gyi dbus su gtor ma gzhag par bya ste/ zho dang / 'o ma dang / 'bras btsos pa dang / bu ra ma dang / sha ka ras gdab 
bo/ /chu dang yungs kar la sngags lan lnga brjod de/ phyogs bzhir mtshams bcad par bgyi/ zla ba nya la sbyor bar bya'o/ /skad cher bklagasal phyogs bzhi dang / steng dang 'og tu yungs kar gtor zhing / klu thams cad kyi so so'i ming nas brjod na/ cho 
ga 'di byas ma thag tu dus ma yin pa'i rlung dang / sprin dang / ser ba dang / klu mi srun pa thams cad bcings par 'gyur/ thub par 'gyur ro/ /ltas ngan pa dang / yams kyi nad dang / gnod pa dang / nad 'go ba dang / gdon 'byung po dang / sha za dang / 
gnod sbyin dang / srin po thams cad rgyang ring du spangs par 'gyur ro/ /dpag tshad gcig kho ra khor yug tu mtshams bcad par 'gyur ro/ /nad thams cad dang / na ba thams cad dang / gnod par sems pa dang / rab tu gnod par sems pa dang / phyir 
rgol ba dang / phyir gnod par byed pa thams cad kyis mi tshugs par 'gyur ro/ /me tog dang / 'bras bu dang lo tog thams cad legs par yongs su 'grub par 'gyur/ legs par yongs su smin pa dang / ro zhim par 'gyur ro/ /sa bon legs par btab 
pa/ thams cad legs par 'khrung bar 'gyur ro/ /gshed byed dang / las dang / byad stems thams cad rnam par 'jig par 'gyur/ mi tshugs par 'gyur ro/ /ji srid du phur bu ma phyung ba de srid du mtshams chen po bcad par 'gyur ro/ /de srid 

</font><hr>96-1-47b<br><font size=+1>

du klu thams cad char gyi rgyun 'bebs so/ /me tog dang / 'bras bu dang / lo tog thams cad legs par yongs su rgyas par 'grub par 'gyur ro/ /gang dang gang du dgos par 'gyur ba thams cad lan cig dran par byas na 'grub par 'gyur/ spra tshil las nam 
mkha' lding gi gzugs sor brgyad pa skyil mo krung bcas pa/ 'dab ma bskyang pa / /klu rgyal gdan du bting ba/ mgo dgu pa mgo rgyan du thogs pa/ klu mgo gsum pa lag pa g.yas na thogs pa/ nor bu rin po che 'bar ba lag pa g.yon na thogs pa/ gser gyis 
g.yogs pa byas te/ cho ga bzhin du tshon gyis ri mo bris la/ stan sna tshogs kyi steng du bzhag la/ nyin zhag gcig la sngags stong brjod do/ /na ma lus kyis mi thub pa'i tshe kha zas dkar po bza' bar bya ste/ yang khrus byas la bsgrub par bya'o/ /gu gul gyis bdug 
go/ /me tog dang / bdug pa dang / gtor ma ci 'byor pa sbyar ro/ /mar me btang la de'i mdun du nyal na ston par 'gyur zhing las thams cad brjod par 'gyur ro/ /mchog thams cad sbyin par 'gyur/ las thams cad byed par 'gyur ro/ /ci bsgo ba byed 
par 'gyur ro/ /lang long med pa'i gnas su bzhag la/ nam than pa byung ba'i tshe rig pa 'dzin pas blangs te/ klu'i gnas su bkur bar bya/ klu'i gnas mtshor bzhag la/ me tog dang bdug pa byin la/ yungs kar la sngags lan gsum bzlas te 
gnas su gtor na 'phral du klu thams cad char gyi rgyun 'bebs so/ /gal te 'phral du char gyi rgyun mi 'bebs na/ de'i phyir klu'i gnas kun du nam mkha' lding gis gang bar mthong bar 'gyur/ gnas me lce gcig tu 'bar bar 'gyur/ bye tshan mgo la 'bab 
par 'gyur/ chu bskams par 'gyur ro/ /than pa byung ba'i tshe sprin la bstan na char 'beb par 'gyur ro/ /rlung dang / sprin dang / ser ba dang / sad dang / char sprin la bstan na skad cig tu med par 'gyur ro/ /dpag tshad bdun gyi nang du phyogs bzhi kun 

</font><hr>96-1-48a<br><font size=+1>

du ser ba mi 'bab cing / sad dang dus ma yin pa'i rlung gis mi tshugs par 'gyur te/ thams cad thub par 'gyur/ rlung 'khrugs pa'i tshe/ /lam gyi bzhi mdor bzhag go/ /yang na grong khyer gyi sgor ro/ /yang na rgyal po'i sgor bzhag go/ /
des rlung thams cad chod par 'gyur ro/ /rlung chen po rnam par 'thor yang chod par 'gyur ro/ /phyis ldang mi nus so/ /bstan ma thag tu klu thams cad 'bros par 'gyur ro/ /rdo rje mchu'i gzungs las thams cad byed pa nam mkha' lding bklags pas grub pa mchog tu 
'grub bo/ /de nas tshangs pa dang / dbang phyug chen po dang / rgyal po chen po dang / bcom ldan 'das ga la ba der dong ste lhags nas bcom ldan 'das la lan gsum bskor ba byas te// bcom ldan 'das la 'di skad ces gsol to/ /bcom ldan 'das bdag cag 
thams cad tshogs pas kyang rdo rje 'bar ba'i lce 'bab pa'i mchu zhes bgyi ba'i gzungs brjod par bya ste/ klu thams cad kyi snying 'phrog pa/ snying 'gems pa/ klu mi srun pa'i rigs phung bar bgyid pa/ rlung dang / sprin dang / ser ba thams cad sel ba/ lo tog dang / /
me tog dang / 'bras bu thams cad sgrub pa 'bul na/ sems can thams cad la sman par bgyi ba'i slad du/ bcom ldan 'das kyis byin gyis brlab tu gsol/ de nas bcom ldan 'das kyis tshangs pa dang / khyab 'jug dang / dbang phyug chen po dang / rgyal 
po chen po bzhi dag la 'di skad ces bka' stsal to/ /rigs kyi bu dag sems can thams cad kyi don dang / phan pa dang / bde ba'i phyir ngas byin gyis brlabs kyis brjod cig /de nas tshangs pa dang / khyab 'jug dang / dbang phyug chen po dang / rgyal po chen 
po bzhi po dag gis gzungs 'di smras so/ /na mo rat+na tra yA ya/ na mo b+ha ga ba te/ shAkya mu na ye/ ta thA ga tA ya/ ar+ha te samya k+saM bu d+d+hA ya/ na ma sh+tsaN+Da badzra d+ha rA ya/ ma hA ba la pa rA kra mA ya/ na ma s+t+rai lo kya mUrta ye/ na ma sh+tsa tu t+tI/ ma hA rA dzA nAM/ na mo badzrA sha ni 

</font><hr>96-1-48b<br><font size=+1>

dz+wa li ta rau drA D+Da ha sA ya/ dza ya ma hA ba la bI r+ya pa rA kra ma kro d+ha rA dza pra h+me su bra h+me bra h+ma swa ra b+ho b+ho nA ga a d+hi ba ti bi sa ra da bi sa ra/ ma re bra h+ma da n+te nA mu rad+ha nAM/ bra ta ya hU~M hU~M phaT/ b+ha ra b+ha ra/ bik+Shu tsakra ha sta na bi sh+nA gen du ma ti biSh+Ta tsa kre shri ts+tshi n+dA mi/ tu ti tu ti/ li li li li/ hU~M hU~M phaT/ 
mu hu mu hu hu h+ya na tu sarba bu Sh+Ta nA gaM/ s+pho Ta ya hr-i da yaM ma he shwa ra dz+wa li ta tri shu la d+ha ra/ ha na ha na hU~M hU~M phaT/ mu tsi mu ci/ tu ti tu ti/ b+ha ba b+ha ba/ /k+Shi Ni k+Shi Ni k+Shi Ni/ tsa tu r+NAM/ ma ri tsi naM/ dz+wa li ta shaki d+ha ra d+hA ra/ hU~M hU~M phaT/ spu ra spu ra/ bi spu ra bi spu ra/ tsa rwa tsa rwa/ nA sha ya/
du Sh+TaM nA ga hr-i da yaM/ s+pho Ta ya hU~M hU~M phaT/ saM ha ra saM ha ra/ du Sh+TaM ya sha ni/ ba ti nA ga na shI ta bi d+yud dz+wa la b+ha smi ku ru hU~M hU~M phaT phaT swA hA/ sa ma ya ma nu sma ra b+ho nA ga ya d+hi pa te badzri ba ya b+ho b+ho tu ti tu ti hU~M hU~M phaT phaT swA hA/ badzra a shan ni nA sha ya hU~M phaT swA hA/ sarba nA 
ga hr-i da yA ni/ bi s+pho Ta ya hU~M phaT swA hA/ bud+d+ha bi lo ki tA ya swA hA/ brah+mA ya swA hA/ biTh+Nu murti swa ha/ ma he shwa ra dz+wa li ta tri shU lA ya swA hA/ tsa tu rma hA rA dza sa ma ya d+ha rA ya swA hA/ b+hu ji gA ya swA hA/ nA ga a d+hi pa ta ye swA hA/ oM d+hi ri d+hi ri swA hA/ dz+wa li ta bak+t+ra ya 
swA hA/ ro ma hA ra nA shA ya swA hA/ dzu ti dzu ti dzu ti swA hA/ phaT phaT phaT phaT phaT swA hA/ de nas rdo rje 'bar ba'i lce 'bab pa'i mchu zhes bya ba'i gzungs 'di brjod ma thag tu klu mi srun pa thams cad lus rul te dri mi zhim par gyur te/ lus shig shig por 
gyur cing / sha bkras btab par gyur nas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das bskyab tu gsol/ bcom ldan 'das lha dang bcas pa'i 'jig rten gyis smad par gyur to/ /bcom ldan 'das 
bdag cag ni brlag go/ /bcom ldan 'das slan cad 'dzam bu'i gling gi sems can rnams la 'tshe bar mi bgyid do/ /gnod par mi bgyid do/ /bcom ldan 'das rdo rje 'bar ba'i lce 'bab pa'i mchu'i gzungs 'di brjod pa der/ bcom ldan 'das klu 

</font><hr>96-1-49a<br><font size=+1>

thams cad gnod par sems shing mi mchi ste/ tha na lta bar yang mi bgyid na 'jug pa lta ci smos kyang ci 'tshal/ de nas 'di'i cho ga brjod de/ gzungs 'di dran pa tsam gyis klu thams cad kyi lus dum bu dum bur 'brul lo/ /lus dri mi zhim par 
'gyur ro/ /yungs kar la lan nyi shu rtsa gcig bzlas te phyogs bzhir gtor na klu thams cad bcings par 'gyur ro/ /dpag tshad bdun kho ra khor yug tu mtshams bcad par 'gyur ro/ /rdo rje la lan brgya rtsa brgyad bzlas pa byas te/ klu bzlog par bya'o/ /lan cig 
brjod na rlung dang / sprin dang /ser ba thams cad bzlog go/ /thams cad med par 'gyur ro/ /dran pa tsam gyis ser ba thams cad skad cig tu med par 'gyur ro/ /gal te 'bab na yang yud tsam gyis chur 'gyur ro/ /ser ba 'bab pa'i dus na rdo rje bskor na/ 
phyogs gang du bskor ba der ser ba 'drim par 'gyur te/ phyogs der ser ba mi 'bab par 'gyur ro/ /nang par dben par song ste/ nang du yang dag 'jog tu zhugs la/ skyil mo krung gi phyag rgya bcings te/ sngags lan sum cu rtsa gnyis brjod de brjod ma thag tu 
rlung dang / sprin dang / ser ba thams cad med par 'gyur ro/ /rlung thams cad rnam par 'jig par 'gyur ro/ /mi 'byung bar 'gyur ro/ /yungs kar phyogs bzhir gtor na lo gcig khyud kor du mtshams bcad par 'gyur ro/ /rlung dang / sprin dang / ser 
ba thams cad bcings par 'gyur ro/ /klu thams cad dbang du 'gyur ro/ /bu dang tsha bo 'khor dang bcas pa rgyun du rgyun mi 'chad par phyi bzhin 'brang bar 'gyur ro/ /las thams cad byed par 'gyur ro/ /dril bu la lan nyi shu rtsa gcig bzlas te/ ser ba 'bab 
pa'i dus na dkrol na klu mi srun pa thams cad kyi klad pa 'gas par 'gyur ro/ /nam mkha' las sa la ltung bar 'gyur ro/ /las thams cad byed par 'gyur ro/ /gzungs 'di ni thams cad du thogs pa med par 'gyur ro/ /de nas bcom ldan 'das kyis nam mkha' 

</font><hr>96-1-49b<br><font size=+1>

lding gi dbang po chen po dang / tshangs pa dang / khyab 'jug dang / dbang phyug chen po la legs so zhes bya ba gnang ste/ tshangs pa chen po sems can thams cad la phan pa dang / bde ba dang / klu mi srun pa/ snying rje med pa/ 'tshe ba rnams gdul ba dang / tshar 
gcad pa dang / chad pas gcad pa'i phyir khyod kyis rig pa chen po'i gzungs sngags kyi tshig 'di brjod nas 'dzam bu'i gling du bzhag pa legs so legs so/ /de nas klu'i rgyal po chen po rgya mtsho dang / de nas klu'i rgyal po chen po rnam par kun nas bskor ba dang / gzhan 
yang klu'i rgyal po chen po gzi brjid che zhing rdzu 'phrul che ba dang / gzhan yang klu mi srun pa bye ba phrag du ma dag bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces 
gsol to/ /bcom ldan 'das bdag cag 'khor dang bcas pas slad ma'i tshe/ slad ma'i dus na 'dzam bu'i gling thams cad kyi me tog dang / 'bras bu dang / lo tog dang / lo ma dang / yal ga rnams bsrung bar bgyi'o/ /yongs su bskyang bar bgyid 
do/ /rlung dang / sprin dang / ser ba dang / sad dang / tshad pa thams cad bzlog par bgyid do/ /dus dus su char gyi rgyun 'bebs par 'tshal lo/ /rang gi mna'i yid ma gyis de bzhin gshegs pa'i dam tshig bskyang bar 'tshal lo/ /sems can 
thams cad kyi re ba yongs su rdzogs shing bsam pa grub par 'tshal lo/ /mi 'tshe bar 'tshal lo/ /bcom ldan 'das gal te cho ga'i rgyal po 'di las gong du sngags dang / gzungs ji skad bshad pa'i yon tan gyi khyad par rnams dang 'gal bar 
bgyid na/ bdag cag byang chub tu mngon par rdzogs par 'tshang rgya bar ma gyur cig /'di ni bro bor ba ste/ /tat+ya thA/ pa ki tsa ti/ shu li shu mu li/ sha sha shu shu/ ti ti bi ri ti/ hu yu hu yu/ hu ri ti swA hA/ bcom ldan 'das 'di ni klu'i mna' 

</font><hr>96-1-50a<br><font size=+1>

lags te/ slad ma'i tshe slad ma'i dus na klu mi srun pa rnams 'jig par bgyid do/ than pa dang / /than pa che ba dang / dus ma lags pa'i char dang / rlung dang / sprin dang / ser ba dang / sad dang / dus ma lags pa'i rlung dang / glog byung na/ ri'am 
khang pa mthon po'i steng du rig pa 'dzin pa kha shar phyogs su bltas te/ mna' 'di dag gis bstod de lan bdun brjod la/ chu dang yungs kar bsres pas phyogs bzhir gtor bar bya'o/ /gtor cing dran ma thag tu klu thams cad kyi lus rnams dum bu brgyar 'chad par 
'gyur ro/ /gyes par 'gyur ro/ /'gugs par 'gyur te/ de'i slad du char gyi rgyun 'bebs so/ /bcom ldan 'das kyis bka' stsal pa/klu'i rgyal po khyed kyis de ltar byos shig /rdo rje mchu'i cho ga rdzogs s+ho// //
  
</font><hr>

</table>