D766

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D766</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D766&coll=derge">see text in Tibetan script</a></table>96-1-69a<br><font size=+1>
@##/ /rgya gar skad du/ ma hA yak+Sha se na pa ti na ra ku par ka lpa/ bod skad du/ gnod sbyin gyi sde dpon chen po gar mkhan mchog gi brtag pa/ dkon mchog gsum la phyag 'tshal lo/ /dpal phyag na rdo rje la phyag 'tshal lo/ /gnod sbyin bdag 

</font><hr>96-1-69b<br><font size=+1>

po nyi ma 'bum gyi gzi/ /'od zer dpag med sdang ba 'dul mdzad pa/ /thugs rje'i bdag nyid 'gro don ma lus mdzad/ /bdud bzhi 'joms mdzad de la phyag 'tshal lo/ /'di skad bdag gis thos pa dus gcig na/ bcom ldan 'das lcang lo can gyi pho brang na/ 
rgyal po rnam thos kyi bu'i gnas na bzhugs te/ grangs med lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mthu bo che 
dang / lha chen po dang / nor bu bzang po dang / gang ba bzang po dang / stobs kyi lha dang / stobs chen po'i stobs dang / dga' ba'i dbang po dang / nag po chen po dang / be shwa ra dang / ma mo'i tshogs dang / gsang ba la gnas pa dang / gru bzhi'i rin gnas pa dang / 'bod 
sgrogs dang / rnam par 'bod sgrogs dang / rnam par 'jigs byed dang / rin chen gsang ba dang / rab gnas gsang ba dang / mtha' yas gsang ba dang / rab mchog mche ba dang / mche ba 'khyil ba dang / mche ba rno ba dang / rnga mo'i rkang pa can dang / ba lang 
gi mgo bo can dang / rgyal ba'i drang srong dang / a da ba ka dang / rab tu 'joms pa dang / 'od byed dang / rab tu gzi brjid ldan pa dang / shin tu 'od dang / yang dag shes dang / mig bzang dang / rtog 'dod dang / gser gyi ba spu can dang / gser gyi skra can dang / 
rnam par 'khyil ba dang / rnam par rgyal ba dang / 'bar bar smra ba dang / mi'i thod pa can dang / rab tu gnas pa dang / dbung bzang dang / pan tsi ka dang / me tog mche ba can dang / gtsug na me tog dang / gtsug na nor bu dang / nor gyi bdag po dang / rab tu gsang 
ba dang / rab tu ldan pa dang / shugs drag po'i lus dang / nyi ma'i gzi brjid dang / nyi ma'i 'od dang / dga' ba'i nyi ma dang / mche ba gtsigs pa dang / 'bar ba'i phreng ba dang / 'bar ba'i 'od dang / dpa' ba'i 'od dang / 'jigs byed 'od dang / kun du gnas pa dang /

</font><hr>96-1-70a<br><font size=+1>

de dag la sogs pa'i gnod sbyin gyi sde dpon mthu chen po rdzu 'phrul chen po grangs med pa brgya stong gis bskor te/ bcom ldan 'das kyi spyan sngar lhags nas 'khod do/ /rdo rje snying po la sogs pa'i byang chub sems dpa'i 'khor mang po yang lhags nas 'khod 
do/ /gnas brtan chen po shA ri'i bu la sogs pa nyan thos kyi tshogs chen po dang / rigs 'dzin chen po'i 'khor 'tshogs pa nye bar lhags so/ /drang srong mngon par shes pa lnga dang ldan pa grangs med pa lhags so/ /lag na rdo rje gnod sbyin gyi dbang po yang 'khor mang 
pos bskor te lhags so/ /ngal bso ba'i bu gar mkhan mchog lag na rdo rje gnod sbyin gyi dbang po de mthu bo che'i cha lugs 'dzin te/ cha lugs bzang po/ zhal bzang po/ sku bzang po/ phyag bzang po/ nor bu rnam pa sna tshogs 'khyil ba 'chang ba dang / dbu bzang po dang / spyan bzang po 
sna tshogs pa'i me tog gis mnyam par brgyan pa'i sku nyi ma dang zla ba las lhag pa'i gzi brjid 'chang ba/ rgyan sna tshogs kyis rnam par brgyan pa'i sku/ dbang po dang / nye dga' bo klu'i rgyal pos se ral du byas pa/ tak+Sha ka klu'i rgyal pos rked chings su bcings pa/ gzugs 
brnyan sna tshogs dang / mtshon cha sna tshogs 'dzin pa/ zla ba dang / nyi ma 'dzin cing kun du 'bar ba'i sku/ snang bar byed cing zhal rab tu bzhad nas bcom ldan 'das kyi spyan sngar snyems pa'i yid kyis 'dug go/ /de nas rgyal po chen po rnam thos kyi bu stan las langs te/ 
bcom ldan 'das gang na ba der 'ongs te/ bcom ldan 'das la rin po che sna tshogs pa'i ngo bo nyid kyis mchod pa byed pa ni thang las skyes pa dang / chu las skyes pa'i me tog sna tshogs pad mo dang / ku mud dang / buN+Da rI ka dang / ut+pa la mthing ga dang / so'u gan ti dang / 
bar shi ka dang / /tsam pa ka dang / /ma na dA ra ba dang / man dA ra ba la sogs pa'i me tog thogs nas bcom ldan 'das la mchod de/ brgya phrag stong du bskor ba byas nas bcom ldan 'das la 'di skad ces gsol to/ /bcom ldan 'das gnod sbyin grangs med pa'i 

</font><hr>96-1-70b<br><font size=+1>

'khor chen po 'dus par gyur to/ /sha chen po za ba dang / mi'i lus za ba'i gnod sbyin dang / 'bar ba dang / sna tshogs kyi gzugs 'dzin pa mang po 'dus te/ lha dang / klu dang / gnod sbyin dang / 'bar ba dang / lha ma yin dang / nam mkha' lding dang / mi'am 
ci dang / lto 'phye chen po dang / mi dang / mi ma yin pa sna tshogs pa 'dus par gyur to/ /bcom ldan 'das rigs 'dzin chen po'i 'khor dang / drang srong chen po'i tshogs kyi 'khor de dag kyang 'dus par gyur/ byang chub sems dpa'i tshogs mang po yang lhags te/ thog 
ma'i ngo mtshar brjid par mthong ngo / /bcom ldan 'das gang rig pa bshad par dgongs pa de bcom ldan 'das kyis bshad du gsol/ bde bar gshegs pa dus 'di'i tshe bshad du gsol/ de nas bcom ldan 'das kyis ngal bso po'i rgyal po chen po la dbugs phyung 
nas gnod sbyin 'dul ba kun du 'bar ba'i 'od zer chen po zhes bya ba'i ting nge 'dzin la snyoms par zhugs so/ /bcom ldan 'das kyis ting nge 'dzin la snyoms par zhugs ma thag tu bcom ldan 'das kyi sku las 'od zer sna tshogs byung ste/ gang stong gsum gyi stong chen po'i 'jig rten 
gyi khams 'od zer gyis snang bar byas nas/ 'dus pa'i gnod sbyin dang / 'bar ba dang / 'byung po dang / yi dgas dang / sha za dang / gza' dang / brjed byed thams cad la bskul nas gdug pa'i klu dang klu thams cad la bskul nas slar 'ongs te/ bcom ldan 'das kyi 
sku la lan gsum bskor ba byas te/ bcom ldan 'das kyi spyi gtsug tu zhugs pa dang / bcom ldan 'das bzhad de/ bzhad pa des 'od zer sna bdun zhal gyi sgo nas byung ste/ rnam thos kyi bu'i sras gar mkhan mchog gi spyi por zhugs so/ /bcom ldan 'das kyi 'od de 
der zhugs ma thag tu gar mkhan mchog gnod sbyin gyi dbang po rang gi gzugs snang bar gyur te/ gnod sbyin rab tu 'joms par byed pa/ 'jigs par byed pa'i gad mo cher stong pa'i sku/ 'jigs par byed pa'i sgra 'byin pa/ sku chen po phyag stong pa'i ri rab ltar 

</font><hr>96-1-71a<br><font size=+1>

gnas pa'i sku/ sa rab tu g.yo zhing stobs chen po rnam par gnon pa/ mtshon cha sna tshogs 'dzin cing 'jigs par byed pa'i sgra 'byin pa/ mi'i thod pa'i phreng ba bcings la/ mi mgo khrag gis bkang ba 'dzin pa'i phyag /stag lpags kyi stod g.yogs 
byas pa/ seng+ge'i 'gros ltar grags pa de bcom ldan 'das gang na ba der nye bar 'ongs nas/ bcom ldan 'das la lan gsum bskor ba byas te 'di skad ces gsol to/ /bcom ldan 'das bdag gi snying po mchis te/ lha ma yin kyi tshogs thams cad rab tu gzhom pa 
dang / lha dang / klu dang / gnod sbyin rnams nye bar dgug pa dang / klu rnams rab tu gzhom pa dang / gnod sbyin dang / 'byung po dang / sha za dang / gza' thams cad rab tu 'joms par byed pa dang / tshangs pa dang / dbang po dang / mthu bo ches phyag byas pa/ rig 
'dzin thams cad kyi sgrub pa brjod pa tsam gyis 'grub pa ste/ de bcom ldan 'das bdag gis 'khor chen po lhags pa'i mdun du rab tu brjod par 'tshal na/ rig 'dzin thams cad grub pa dang / sems can thams cad kyi re ba yongs su rdzogs pa'i phyir kun du brjod pa 
tsam gyis 'grub par 'gyur zhing / lan cig dran pa tsam gyis kyang rig pa thams cad kyi dngos grub rab tu 'byin par byed cing dkyil 'khor thams cad kyi rjes su zhugs nas dam tshig shes par 'gyur ba ni 'di lta ste/ /de bzhin gshegs pa'i rigs dang / /nor bu'i 
rigs dang / phan glang gi rigs dang / pad+ma'i rigs dang / rdo rje'i rigs dang / dkyil 'khor chen po'i dngos grub ster ba/ dam tshig dang / dkyil 'khor thams cad kyi phyag rgyas thams cad 'jug par byed pa/ gzungs chen po'i sngags kyi le'u rjes su ster ba/ 
bcom ldan 'das chung ngu na lan cig rjes su dran pas kyang / dngos grub thams cad rjes su ster bar 'gyur te/ bcom ldan 'das kyi rigs thams cad kyi spyi bor dbang bskur du gsol/ bcom ldan 'das bdag la brtse bar dgongs te/ phyag rgya chen po'i dkyil 'khor dang 

</font><hr>96-1-71b<br><font size=+1>

le'u dang sngags kyi dngos grub rjes su stsal du gsol/ de nas bcom ldan 'das shAkya thub pa de bzhin gshegs pas gar mkhan mchog gnod sbyin gyi sde'i bdag po la 'di skad ces bka' stsal to/ /rigs thams cad kyi spyi'i dkyil 'khor dang / phyag rgya dang / 
gzungs sngags grub par ngas byin gyis brlabs kyis/ rig 'dzin thams cad kyi dngos grub thob par bya ba'i phyir gnod sbyin gyi bdag po sgrogs shig /de nas gar mkhan mchog gnod sbyin gyi sde dpon gyis/ bcom ldan 'das gang na ba der nye bar song nas/ bcom 
ldan 'das la lan gsum bskor ba byas nas spyan sngar 'dug ste/ gsang sngags kyi tshig 'di smras so/ /AR+Ya na rta ku pe ra/ mU la man+t+ra/ oM A thA to dz+wa li ta/ hU ta b+ha ho ta ta b+ha/ ka na ka ma Ni/ shI la to pa ha sa kA/ ma Ni pra lam+ba ha ra ar+d+ha ha ri/ tsit+ta ha ri tA la 
ts+tshan+da na a ga ru/ du ru ska/ sa kr-i ta san+na d+h+ya sha rI raM/ ma hA me ru maM dA ra d+ha ra/ wa ra gam b+hA ra d+hi rad+h+yai R+Ya/ a su rA ga Na/ ni yun dman d+ha ra da sha d+ha ra Ni/ d+ha ra ga m+b+hI ra/ d+hi ra/ phi ra phi ra/ ma phi ra ma phi ra/ a su ra ga Na ni/ su d+ha na mar d+ha naM/ tadz+dza ni/ bi yu 
mig /ang gar a ti ga ti ra Na/ bra b+hA a nu ra tsi ti/ maN+Da la na/ ka bA la mA la/ a b+ha ba d+h+wa dzA ti/ ha sa ku lan/ ni rma laM/ saM bu laM/ sA ga ra su mai ru bar ba ta/ ta ri ta rad+ha sa shi kha rad+hA tu she la pa ta/ na ga raM/ a mo g+ha da sha A di t+ya/ maN+Dal na/ sha 
shi ki ra na mo wi d+ha raM/ tsa la tsi ma la/ sa ga la/ /dz+yo na kri ta/ a ba b+hA saM ku laM/ pra ma tha naM/ a su ra b+ha ba na/ ku la nA sha naM/ bra h+men+d+ra/ ru dran ma kri taM/ nAM ti traM/ bU dzi taM/ sarba pid+yA d+ha ra na ma skr-i taM/ shi ra bi sid+d+ha ya sha/ gan d+ha ra ba su tsi taM/ mnyA 
me ru maN+Dal na/ kuN+Da la d+harma/ wa ra yad myos sa bi dwa d+harma/ b+huny+dza ka ta k+Sha ka pA su ki /sA gar/ naM To pa na ta/ ga la ka b+ho la me kha la laM kr-i ta/ ga ti d+yod hr-i da ka pA la mA laM/ a laM kr-i ta/ sha rI ra/ shrI ra pra dz+wa li ta mo ra ta raM/ A yur b+ha pa na be ga dza/

</font><hr>96-1-72a<br><font size=+1>

ba ka tsa tu rang+ga tsakra tsa ra NaM/ a pra me ya ba ra/ badzra mu sid d+hi khad ta ka to mA ra ya/ pa ra shu pA sha tsakra/ a si tri shU la/ mdu ga ra/ bra ha ra Nan/ ma ra ku bar raM/ wa ra ku pa raM/ su re dran/ su be sham/ su bA ka tra kraM/ su gu h+ya kraM/ sid se nas ni/ 
na ra ku pa ra/ pa raM ta yiSh+yA mi/ e h+ye hi b+ha ga ban/ na ra ku par/ ku pa ra/ ha sa ha sa/ tu ru tu ru/ tsi ti tsi ti/ bi tsa ti bi tsa ti/ badzra badzra/ tsa badzra badzra/ ha ra ha ra/ hu ru hu ru/ ha na ha na/ bid+haM sa ya/ bi dra ba ya/ u ta sA da ya/ u par ya/ u par ya/ na 
ra ku pa ra/ wa ra ku pa ra/ shu pa ku pa ra/ yak+Sha ku par/ g+hu ha ku par/ ma d+ha ma d+ha/ gadz+dza gadz+dza/ ta dz+dza tadz+dza/ na r+tsha nar+tsha/ ha ri ha ri/ ha ri lo tsa ni/ nI la lo tsa na/ tI bya lo ts+tsha na/ su wa ra Na lo tsa na/ meg+ha g+ho Sho da b+ha ba/ ha la ha la/ shap+da gaN/ kA nA ba 
ya/ he he he he/ na ra ka ku par/ he na ra ku par ku par/ wa ra ku par/ A bi sha A pi sha/ su ku ba ra ku par/ wa ku bar/ tsa la tsa la/ mo li d+ha tsa la ya wardza/ la gu la gu/ ku ru ku ru/ a dwa twa da sha ku laM/ ku la ku la/ ki la ki la/ hu lu hu lu/ muny+tsa 
muny+tsa/ shap+da kU laM/ nar mung+ga ra/ ku par/ bar bar bar/ badzra d+ha ra/ pad+ma d+ha ra/ mu sa la d+ha ra/ tsakra d+ha ra/ lang+ga d+ha ra/ bar shU d+ha ra/ a yo mu sa la/ trA sa na ka ra/ d+ha ra d+ha ra/ d+ha ra Ni/ d+ha ra tsan+na/ sUr+Ya mA la d+ha ra/ na k+sha ta/ na k+Sha tra gra ha maN+Da la dra ha sha a 
byid ta dz+wa la te/ dz+wa ka ra/ sa g+ha ras ra bi sho shan ka ra mad samad ka ra/ shi shu mar khi ta bA sha d+ha ra/ a su ra ga Na nAn/ mar da na ka ra/ khum ban d+ha ra yak+Sha ra k+Sha sa/ hr-i da yos mA da na kha ra ma/ staM b+ha ga wan/ na ra ku pa ra/ wa ra ku pa ra/ na r+tsha na r+tsha / ha ra ha ri/ hA ri/ hA 
ri lo tsa nA swA hA/ gar mkhan mchog gi rig pa dang po 'di las stong byed do/ /sprin bskrad pa la mtshon cha'am/ ka ra bI ra'i lcug ma'am/ bal po se'u'i lcug ma 'am/ thal bas bya'o/ /rma bya'i lcug mas bya ba pa'i nang du sprin bya ba pa ltar bya bas te/ char dbab 

</font><hr>96-1-72b<br><font size=+1>

pa'i dus na/ pog gis bdugs na char pa 'pho bar 'gyur ro/ /lan cig bzlas pas 'byung po dang / gnod sbyin dang / gza' dang / 'bar ba dang / gdon la gdab pa ni gu gul gyi dud pas lan cig bzlas pas 'bab par 'gyur/ thams cad ston cing gang dris 
pa de smra bar 'gyur ro/ /gu gul la lan cig bzlas te bdug pas 'gul bar 'gyur/ lha dang / klu dang / gnod sbyin dang / 'bar ba dang / lha ma yin dang / nam mkha' lding dang / mi'am ci dang / lto 'phye chen po dang / 'bar ba mo dang / sha za mo la 
sogs pa la gu gul la lan cig bzlas te/ bdug pas thams cad 'gugs shing smra bar 'gyur ro/ /lhag chad ston par byed do/ /gu gul la lan cig bzlas te bdugs na yul nas skrod par 'gyur/ mar dang yungs kar gyis kha zas bcos pa rnams gar 
'dod pa der 'pho/ /khur mkhan gyi khang par sngags rjes su dran par byas te/ gu gul gyis bdugs na khur ba thams cad gang 'dod pa der 'pho bar 'gyur ro/ /rims nad thams cad gzhig pa dang / bdag srung ba la yungs kar dang / thal ba dang / ba'i chu la 
lan cig bsngags nas gu gul gyis bdugs te/ srung ba'i skud pa mgul bar bcings na 'jigs pa dang / nad thams cad sel bar 'gyur ro/ /rims nad gzhan la gtong bar 'dod na gu gul la lan cig bzlas te bdugs na de ma thag tu 'gro ba stong yang rims 
kyis btab par 'gyur ro/ /de nyid kyis sos par 'gyur ro/ /zhag bzhi pa'i rims gtong bar 'dod na/ ba lang gi sha dang gu gul gcig tu bsres la zhag bdun bzlas te/ lan bdun bsregs na/ gang gi ming bzung ba de rims kyis btab par 'gyur ro/ /
gu gul la lan bdun bzlas te/ bsregs na slar sos par 'gyur ro/ /gu gul la lan bdun bzlas te/ gang gi ming dang bcas pa mer bcug na/ gang dang gang gi ming bzung ba gza' yis gzung bar 'gyur ro/ /thal bas thig le byas te spyi gtsug byas 

</font><hr>96-1-73a<br><font size=+1>

pa bcings te bzlas na grol bar 'gyur ro/ /rims nad thams cad zhi bar 'dod na skud pa nag po'am 'jig ma la lan cig bzlas pas zhi'o/ /gang cung zad bya ba thams cad la gu gul la lan cig bzlas pas byed par 'gyur ro/ /gar mkhan mchog 
gi brtag pa las las mang po'i le'u ste dang po'o// //na mo rat+na tra yA ya/ na mo bai shra ma Na s+ya/ ma hA rA dza s+ya/ na ra ku par s+ya/ gu h+ya kAn+ta pa ti/ /mA brta yiSh+yA mi/ a nu rU ba su rU pa/ na ra ku par tsan+d+ra/khan na tsa ka na/ he ma hA sa ka na/ na ra ku 
pa raM/ he ma ka na/ ku ha ka na/ tsa la tsa la/ pa tsa pa tsa/ phu lu phu lu/ ku par swA hA/ gcig tu dpa' ba 'bar ba rnams 'dul zhing las thams cad gdon mi za bar byed pa/ dngos grub kyi las thams cad dang / bla na med pa'i dgos pa thams cad brjod pa tsam 
gyis 'grub par 'gyur ro/ /bskrad par bya bar 'dod na seng ldeng gi phur bu sor brgyad pa'i tshad du byas te/ lan cig yongs su bzlas nas gang gi sgor btab pa de de ma thag tu skrod par 'gyur ro/ /phur pa phyung na grol bar 'gyur ro/ /yungs kar la lan nyi shu rtsa 
gcig yongs su bzlas te/ dgra bo'i khyim du gtor na de ma thag tu 'khyam par 'gyur ro/ /gu gul la lan nyi shu rtsa gcig bzlas te bdugs na grol bar 'gyur ro/ /'khyam par bya bar 'dod na mi rus las phur ba sor brgyad pa'i tshad du byas te/ lan cig 
yongs su bzlas nas gu gul gyis bdugs te sgo drung du btab na zhag gsum gyis thams cad dang bcas te 'khyam par 'gyur ro/ /thob byas nas lan cig yongs su bzlas nas gang gi ming bzung ste sa 'og tu tho bas brdegs na de'i lus dum bu dum bur zhig par 'gyur ro/ /
phyung na thar ro/ /dur khrod du gang gi ming bzung ste bcug na 'byung po chen pos zin te phyung na thar bar 'gyur ro/ /khang stong du gang gi ming bzung ste/ bcug na de sha zas zin te phyung na thar ro/ /lha khang du sa brkos te bcug na de lha chen pos zin par 'gyur te 

</font><hr>96-1-73b<br><font size=+1>

phyung na thar ro/ /tshal du gang gi ming bzung ste sa brkos te bcug na gang gi gnyen dang 'khor dang / bu dang bu mo dang khyim thams cad spangs nas thams cad du 'bros par 'gyur te ji ltar ri dgas bzhin du nags su spyod par 'gyur te phyung na thar ro/ /thams cad 
gu gul la lan cig bzlas pas 'grub par 'gyur ro/ /dkyil 'khor gru bzhi pa byas te tho ba la lan cig bzlas te gu gul gyis bdug cing tho ba dkyil 'khor gyi dbus su bzhag na gnod sbyin dang / 'bar ba dang / 'bar ba mo dang / gnod sbyin pho mo rnams ngu 
zhing phyogs phyogs su 'bros par 'gyur ro/ /gnod sbyin gyi gzugs brnyan byas pa'am/ yang na bris pa la lan cig bzlas te/ gu gul gyis bdugs na gnod sbyin dang / 'bar ba dang / gnod sbyin pho mo rnams gnas shing dgos pa thams cad byed 
par 'gyur ro/ /gter thams cad ston cing 'gugs par yang byed do/ /ngal bso ba'i gzugs brnyan byas pa'am/ bris pa la gu gul gyis bdugs shing sngags brjod nas bsdigs nas tho bas brdegs ma thag tu ngu zhing 'ongs te/ mchog thams cad 
dang / 'bru dang nor thams cad ji ltar bde bar 'bul bar byed do/ /gar mkhan mchog 'di ltar byas na de ma thag tu 'chi bar 'gyur ro/ /ngal bso po rkang pas mnan cing gu gul gyis bdugs nas sngags lan bdun rjes su dran par byas na/ de ste myur du ma 
'ongs na mgo tshal pa bdun du 'gas par 'gyur ro/ /yungs kar dang thal ba bsres te lan bdun yongs su bzlas nas spyi bor bzhag la gu gul gyis bdug cing sngags rjes su dran par byas na/ ngal bso po gnod sbyin stong dang bcas pa de nor dang bcas pa mdun du 'ongs nas 
las thams cad byed par 'gyur zhing dbang du 'gyur ro/ /mthu bo che rkang pas mnan te gu gul gyis bdug cing sngags bzlas na gzugs g.yo bar gyur te/ yungs kar gyis brdegs na tshig smra zhing chos thams cad sbyin par byed/ mdun du bkug ste bka' thams cad mnyan nas 

</font><hr>96-1-74a<br><font size=+1>

dgos pa thams cad sgrub cing / spyad thams cad kyi dngos grub thams cad sbyin par byed do/ /mi'i thod pa la lan bdun yongs su bzlas pa'i yungs kar thod pa'i nang du bcug ste drag po'i sgor bcings na/ ji srid drag po'i sgo der thod pa gnas kyi bar de srid 
du dgos pa thams cad sgrub cing mchog thams cad ster ba nas bka' bzhin byed par 'gyur/ gu gul gyis bdugs te sngags rjes su dran par byas na tshig smra zhing bya ba thams cad byed cing mchog thams cad ster bar 'gyur ro/ /tshangs pa rkang pas mnan te gu gul gyis 
bdugs nas sngags brjod de/ 'o ma dang zhos bkrus na/ tshangs pa rang gi gzugs kyis mdun du bkug ste/ gsang sngags kyi spyad dang dngos grub thams cad rjes su ster bar 'gyur ro/ /khrus byas pa'i 'o ma de 'bras mkhar ma'i zan dang bsres te zos na thos pa'i rgyud 
thams cad kha ton nus shing / spyad thams cad kyi sngags kyi rjes 'jug par 'gyur ro/ /thos pa thams cad chud ma zos par gyur nas mi'am ci dang tshangs pa'i dbyangs kying ro dang ldan par gyur nas lus thams cad dag par rnyed nas tshe lo stong du 'gyur zhing / bskyil cing 
'khyil ba'i skra dang ldan par gyur nas rkang pa gnyis la bzung ste phyag btsal nas las thams cad byed par 'gyur ro/ /gzugs brnyan dur khrod kyi dbus su sa brkos te bcug na/ 'byung po thams cad kyi rnam par gtses par 'gyur zhing lus dum bur zhig par 'gyur ro/ /
mig gi 'bras bu rdol te zla ba gsum na 'chi bar 'gyur ro/ /klu'i gzugs brnyan byas te/ dkyil 'khor gyi dbus su bzhag nas me tog dang bdug pa thams cad phul nas ka ra pI ra'i lcug ma la yongs su bzlas te/ sngags rjes su dran par byas te bzhus na klu thams cad 
'ong ste char gyi rgyun chen po 'bebs par byed do/ /klu thams cad las byed par 'gyur ro/ /thams cad kyis bka' bzhin byed par 'gyur ro/ /klu'i gzugs brnyan byas te/ bal po se'u'i lcug mas bzhus na ser ba thams cad gcod par 'gyur ro/ /rlung thams cad 

</font><hr>96-1-74b<br><font size=+1>

yongs su bcing ba la stan 'jam po la yongs su bzlas te/ khang pa mthon po'i khar 'dug na/ rlung thams cad 'ching bar byas par 'gyur ro/ /mi'i thod pa bzung ste/ /kar bI ra'i lcug mas dgra bo'i ming bzung nas gzhus na las thams cad la lan cig bzlas 
pa tsam gyis grub par 'gyur ro/ /gnod sbyin gar mkhan mchog gi brtag pa las las thams cad pa'i cho ga'i le'u ste gnyis pa'o// //na mo pe shra ma Na su tA la di bya bi mA na tsi ri ti ya/ he ma a la kuN+Dal sha rI rA ya/ yak+Sha rak+Sha/ sa ban ti d+ha ya/ 
taM b+ha ga na na/ mA brta yi Sh+yu mi/ tad+ya thA/ ba ni ba ni/ ku Ta ka Ta/ kuT+Ta kuT+Ta/ ku ku ku ku/ pa ra pa ra/ ku par ku par/ na ra ku bar/ di bya bi mya ni ku ta li/ tu ti tu ti swA hA/ de nas gnod sbyin nam/ gnod sbyin mo srung bar 'dod na/ wa da'i shing las spang leb 
tu byas te/ gnod sbyin mo bri bar bya ste/ kha dog sngo bsangs la gdong khro gnyer can/ mche ba 'khyil bstod g.yogs med pa/ rgyan thams cad kyis rnam par brgyan pa/ lag pa g.yon pa na mi'i thod pa khrag gis bkang ba thogs pa/ lag pa g.yas pa mchog 
sbyin ma ste/ de'i mdun rig pa brgya stong bzlas shing zas dkar po bza' bar bya/ brgya stong rdzogs pa dang / gnod sbyin mo mdun du 'ong bar 'gyur te/ de la gtor ma dkar po dang / yon chu sbyin no/ /des smras pa/ ci bgyi ba bka' stsol cig ces bgyis pa dang / 
rig pa 'dzin pa sma bar bya ba nga'i chung ma'o zhes pa dang / de de bzhin no zhes smras nas mi snang bar 'gyur ro/ /de nas rgyan thams cad kyis brgyan pa'i bud med 'ongs nas de nas 'dod pa'i yon tan lnga lhan cig tu rol cing spyod pa la dga' bas rtse'o/ /rig pa 'dzin 
pa de gnod sbyin chen po'i stobs dang ldan par 'gyur te gang dang gang du 'dod pa de dang der 'gro zhing nam mkhar spyod de/ tshe lo lnga stong thub par 'gyur ro/ /de nas mngon par spyod par 'dod pas byed pa bslang ba ni gos chen po bgos te/ stag gi pags pas smad 

</font><hr>96-1-75a<br><font size=+1>

dkris la dur khrod kyi dbus su ci 'byor ba'i khrag gi sbyin sreg zhag bcu gnyis yongs su rdzogs pa'i bar du bsregs na/ bud med seng ge la zhon pa/ lag pa bzhi pa/ dril bu dang / dgra sta dang / mu sa la dang / lag na tri shU la thogs pas mdun du/ 
'ongs nas/ des smras pa/ rig pa 'dzin pa nga bkres so zhes pa dang / gtor ma 'di gar mkhan mchog gi bka' ste/ ji ltar bde bar spyod cig ces nas de nas yon chab sbyin par bya/ des smras pa/ ci slong zhes pa dang / rig pa 'dzin pas smra bar bya ste/ nga'i 
las thams cad byos shig ces so/ /des smras pa/ rig pa 'dzin pa de bzhin no zhes nas gang dgos par 'gyur ba de thams cad dang / gter thams cad kyang ston no/ /de nas a tsa na bsku bar 'dod na ldong ros dmar po mi mgo gsher ba'i nang du khrag dang bsres nas bcug 
nas sngags lan brgyad kyis yongs su bzlas te/ ka ra bI ra'i lcug mas dgug par bya'o/ /de nas mi mgo 'bar bar 'gyur te/ des theg le byas na nam mkha' la 'gro bar 'gyur zhing rig pa 'dzin pa dang thabs cig tu rol bar 'gyur ro/ /snying khar thig le byas na 
mi snang bar 'gyur zhing gang du 'dod pa de dang der zhugs par 'gyur/ mig la bskus na gter thams cad mthong bar 'gyur zhing lha ma yin gyi sgo thams cad sgrib pa med par mthong bar 'gyur ro/ /klu'i gnas thams cad mthong ba dang / kun du 'gro ba thams 
cad dang rol cing dga' ba myong bar 'gyur ro/ /zos na bskal pa brgya phrag stong du 'tsho zhing rig pa 'dzin pa'i 'khor los sgyur bar gyur nas/ skra 'khyil zhing 'khyil ba/ mi'am ci dang tshangs pa'i nga ro'i dbyangs dang ldan par 'gyur ro/ /nyung ru ma bya bar 'dod na dur 
khrod kyi thal ba la gzugs byas te/ /seng ldeng gi phur ba la lan bdun bzlas nas snying kha'i gnas su btab na nyung rum du 'gyur te phyung na thar ro/ /nag po'i phyogs kyi tshes bcu bzhi la dur khrod du zhugs nas sngags lan nyi shu rtsa gcig rjes su dran par byas nas 

</font><hr>96-1-75b<br><font size=+1>

an dzan blang zhing sa bi ra dang lhan cig tu bsres te/ lan nyi shu rtsa gcig yongs su bzlas te/ mig la bskus na skal ba'i mchog dang gzi brjid dang ldan zhing gang mthong ba de dbang du 'gyur ro/ /'jig rten kun dang mdza' zhing thams cad kyis mchod par 
'gyur ro/ /go ro tsa na la lan nyi shu rtsa gcig bzlas te/ thig le byas na skal ba mchog dang dgos pa thams cad sgrub cing bud med kun la dbang bar gyur nas 'gro ba thams cad mdza' bar 'gyur ro/ /zos na rtsod pa las rgyal bar 'gyur ro/ /lan nyi shu 
rtsa gcig bzlas pa'i chus gdong bkrus na khros pa'i rgyal po yang zhi bar 'gyur ro/ /'jig rten pa kun dang mdza' zhing 'dzin pa'i ngag tu 'gyur ro/ /thams cad kyang gu gul gyi dudapas bsgrub par bya'o/ /gnod sbyin gar mkhan mchog gi brtag pa las mig 
sman dang / go ngo tsan dang / gnod sbyin mo sgrub pa'i le'u ste gsum pa'o// //'di man chad gar mkhan mchog gnod sbyin chen po'i dkyil 'khor cho ga bshad par bya'o/ /grub pa'i lha thams cad kyis phyag byas pa/ tshangs pa dang / gtogs 
'dod dang / dbang pos mchod pa dang / de bzhin gshegs pa thams cad kyi byin gyis brlabs pa/ byang chub sems dpa' thams cad kyis phyag byas pa/ drang srong thams cad kyis bstod pa/ gnod sbyin dang 'bar ba thams cad kyis dam tshig thob pa/ dpyad 
thams cad dang / rig pa thams cad thob pa'o/ /de nas gnas gtsang mar grub pa'i mtshan ma brtag go/ /de nas rig pa 'dzin pa gtsang mar byas te/ rab tu khrus byas nas gos dkar po gtsang ma bgos te/ kha zas dkar po bza' zhing rtag tu bzlas pal 
brtson par bya'o/ /dkar po'i phyogs la skar ma dang / gza' dang / mjug rings bzang po yid du 'ong ba'i nyi ma der brtags te/ ba kham pa mo'i lci bas lam lhung bas dkyil 'khor bskus te/ khru bcu gnyis pa rim pa gsum du dkyil 'khor yang rab 

</font><hr>96-1-76a<br><font size=+1>

tu bya'o/ /kun du thig bri ba ni shin tu mnyam par gcal te gru bzhi pa la sgo bzhi pa/ cha mnyam par gcal bar bya'o/ /dbus kyi khru brgyad pa'i tshad la tsan+dan dkar pos legs par bri par bya'o/ /nang gi khru bzhi'i tshad la/ gla rtsi dang / gur gum dang / 
ga bur dang bsres pas bri bar bya'o/ /de'i dbus su gar mkhan mchog rgyan thams cad kyis brgyan pa/ lag pa bcu drug pa/ mtshan dang ldan pa bri bar bya'o/ /phyi rol gyi dkyil 'khor du tshangs pa dang / gtogs 'dod dang / dbang po chen po dang / mthu chen po bri bar 
bya'o/ /grwa bzhir rgyal po chen po bri bar bya'o/ /phyi rol gyi dkyil 'khor gyi gnas su gnod sbyin mang po sna tshogs bri bar bya'o/ /sgo bzhir gang ba bzang po dang / nor bu bzang po dang / stobs kyi lha dang / dga' ba'i dbang po bri bar bya'o/ /dbus kyi dkyil 
'khor gyi gnas su sangs rgyas gcig pu dpa' ba shAkya mi'i seng ge'i gzugs gzhug par bya ste/ lag na rdo rje dang / brgya byin rnga yab thogs shing g.yab pa ltar g.yas g.yon du gzhag par bya'o/ /byang phyogs kyi grwa ra gang ba'i bum pa nyi shu rtsa lnga dang / dngul gyi 
snod brgyad gzhag par bya'o/ /nub phyogs su pog phor nyi shu rtsa lnga dang / de bzhin du shar dang / lho phyogs su yang gzhag par bya'o/ /gtor ma gang ba brgya rtsa brgyad dang / gtor ma'i bum pa sum cu rtsa gnyis dang / 'bru dang / 'bras bu dang / me tog gi 
phreng ba brgya rtsa brgyad dang / kham phor brgya rtsa brgyad dang / bar bar du mtshon cha sna tshogs pa yang gzhag par bya'o/ /kha zas drug cu rtsa bzhi dang / bco ba sum cu dang / ba dan brgya rtsa brgyad dang / gser gyi snod bzhi dkyil 'khor gyi dbus su gzhag par 
bya'o/ /tho ba bzhi dang / 'khor lo sum cu dang / mus la bzhi dang / mda' bzhi dang / bum pa bzhi gzhag par bya'o/ /dri sna tshogs dang / bdug pa sna tshogs rim pa bzhin du dbul lo/ kun du dar gyi bla re dang / sil snyan sna tshogs dang ldan pa 

</font><hr>96-1-76b<br><font size=+1>

rnams dang / phyogs dang mtshams su bzhag cing ji ltar cho ga bzhin du gnod sbyin dang 'bar ba rnams gtor ma sbyin no/ /ras kyi gzugs zhal lho phyogs su bstan nas bzhag la snga dro lan bdun bzlas la gtor ma yang dbul bar bya'o/ /gung dang phyi dro dang nyi ma nub 
pa'i dus su yang de bzhin du bzlas te/ dbul bar bya'o/ /de nas gu gul dang yungs kar bsres te/ gzugs kyi spyan sngar nyi shu rtsa gcig bsreg par bya'o/ /de nas gar mkhan mchog rang nyid gshegs par gyur pa na/ /byis pa'i gzugs dang 'dra bar 
'ongs nas/ sangs rgyas la phyag 'tshal te/ rig pa 'dzin pa de la bu bde bar 'ongs sam tshur shog /grub pa'i mchog slong shig dang / ci 'dod pa khyod la sbyin no/ /de nas yon chab phul te mchog blang bar bya'o/ /gang 'dod pa'i mchog de ster te/ 
rig pa 'dzin pa'am/ 'jig rten skyong ba'am/ 'khor los sgyur ba'am/ dbang po'am/ grub pa'i sbyor ba'i dbang po'am/ ngal bso ba'am/ khyod gang dang gang 'dod pa de sbyin par byed na/ 'jig rten gyi yo byad sbyin pa lta ci smos/ tshe ring ba'am/ 
don grub pa'am/ 'jig rten pa dang mdza' ba dang / rgyal srid dang / yul thob par ram/ ldong ros dmar po sgrub pa'am/ nam mkha' la 'gro ba'am/ mi snang bar 'gyur ba'am/ mig rnam par dag pa'am/ rig pa'i cho ga lha ma yin gyi cho gas 
phug tu 'jug pa'am/ 'dod pa'i gzugs sam/ dbang po'i spyad dam/ /rgyal po dbang du byed pa'am/ ri dgas dang bya'i skad shes pa dang / tshe snga ma rjes su dran pa'am/ gnod sbyin dang / 'bar ba'i gzugs kyi las 'di dag thams cad 'grub par 
'gyur ro/ /gsang sngags 'dis gar mkhan mchog slar gshegs su gsol lo/ /na mo bai shra ma Na su tA ya/ na ra ku pa rA ya/ oM sa ras ra/ na Ta Ta na Ta Ta/ gats+tshe/ swa b+ha ba nA ma/ ya tha su e traM yak+She na dra sa hA/ 'di ltar sbyor ba'i me tog blangs 

</font><hr>96-1-77a<br><font size=+1>

nas phul te/ lan cig bzlas pas gu gul gyis bdugs na mi snang bar 'gyur ro/ /gnod sbyin gar mkhan mchog gi brtag pa las/ dkyil 'khor sgrub pa'i cho ga'i le'u ste bzhi pa'o////de nas sku gzugs kyi cho ga bshad par bya ste/ 
ras kha tshar ma bcad pa/ skra med pa khru bzhi'i tshad la kun du gru bzhi lham par bya'o/ /gtsang ma'i pho gar spyad cing ma 'dres pa'i tshon rtsis ri mo mkhan gyi rjes su mthun par snod gtsang mar byas te bri bar bya'o/ /dbus su gar mkhan mchog bri ba ni gur gum gzhon 
nu'i mdog 'dra ba/ zhal bzhi pa/ g.yas ut+pal sngon po 'dra ba/ g.yon dung dang mtshungs pa/ rgyab kyi zhal in+d+ra nI la'i mdog lta bu zhal mche ba cung zad gtsigs pa'i tshul du 'dzum pa dang bcas pa'o/ /phyag bcu drug rin po'i che'i rgyan gyis spras pa ste/ rdo 
rje dang / 'khor lo dang / rin po che dang / pad+ma dang / ral gri dang / zhags pa dang / mda' dang / dgra sta ste g.yas pa na rim pas so/ /dril bu dang / rtse gsum pa dang / ne'u le dang / me tog gi phur ma dang / ba dan dang / thod pa dang / gzhu dang / 
rnga yab ni g.yon pa'i rim pas so/ /g.yas g.yon du tshangs pa dang / gtogs 'dod dang / dbang phyug chen po dang / ngal bso po bri bar bya'o/ /yang 'og gi cha la ni nor bu bzang po dang / gang ba bzang po dang / stobs kyi lha dang / dga' ba'i dbang po dang / 
dbang mo dang / dbyangs can ma dang / stobs dang / stobs chen po dang / gzhan yang gnod sbyin rdzu 'phrul che ba rnams bri bar bya'o/ /steng gi cha la lha'i bu dang drang srong rdzu 'phrul can rnams bri bar bya'o/ /'og tu rig pa 'dzin pa bri bar bya'o/ /gzhan yang ji 
ltar sngags kyi cho ga bzhin bri ste/ gsang sngags thams cad las 'byung ba'i cho ga sku gzugs kyi spyan sngar mchod cing sngags lan stong bzlas par bya/ 'di dag sgrub pa brjod pa tsam gyis 'grub bo/ /gnod sbyin gar mkhan mchog gi brtag pa las 

</font><hr>96-1-77b<br><font size=+1>

bla na med pa'i sku gzugs kyi cho ga'i le'u ste lnga pa'o// //de nas sngags kyi le'u bshad par bya ste/ na mo bai shra ma Na su tA ya/ na ra ku pa rA ya/ oM ma da nad na kuny+dza la swA hA/ lan bdun yongs su bzlas te yon chab dbul lo/ /na mo b+hag ba ti/ na ra ku 
pa rA ya/ bai shra ma Na su tA ya/ su pa ti shaM rak+Sha tu pa/ su de bo ya/ mo tak+Sha maM/ paSh+Tha maM/ ba ru Na su tra/ na ta ku be ra/ sho ta ra ga maM/ ta rdzo ba ti/ bi ti sha ba/ yu sarbe gu h+ya sa rak+Shan tu maN+Dal na/ tad+ya thA/ a mi ti ma ti li/ ru ti ru ti d+yA na ra na ta ku pa ra/ 
ku bar nas ra ku pa ra/ Adz+nyA ba ya ti/ tiSh+Tha tiSh+Tha/ ma ti kra ma ma maN+Da la swA hA/ phyogs bcing ba dang / maN+Dal bcing ba dang / mtshams bcing ba dang / chu'am yungs kar la lan bdun bzlas par bya'o/ /na mo bai shra ma Na su tA ya/ na ra ku ba rA ya/ te sam 
skraM ta/ oM sa ras ra/ na Ta na Ta/ du ti du ti/ na da na da/ ku bar dz+nyA pa ya ti swA hA/ lan bdun bzlas te bdug pa dbul lo/ /na mo b+ha ga ba te/ na ra ku pa ra ya/ bai shra ma Na su tA ya/ oM ha na ha na/ dz+wa la dz+wa la/ he he na ta ku parA ya/ sbyin sreg gi sngags so/ /
na mo na ta ku pa rA ya/ oM ke la ke le/ ki li dz+wa la ni/ khi li dz+wa li ni swA hA/ yungs kar la lan bdun bzlas la khrus bya'o/ /na mo na ta ku pa rA ya/ oM ha hi ka ri ba kun ti yak+Sha ku pAr ya swA hA/ nye reg gi sngags te lan bdun bzlas par bya'o/ /na mo ba shra ma Na 
su tA ya/ na ta ku pa rA ya/ oM tu ru tu ru/ puSh+pa ti/ mu ra mu ra/ pA ra pA ra/ gu h+ya na ta ku pAr ya swA hA/ me tog la bsngags te lan bdun bzlas par bya'o/ /na mo na ta ku pa ra/ bi dza ya/ pra b+ha ra/ ku ba rA ya/ gtor ma'i sngags te lan bdun brjod la dbul 
lo/ /na mo na ra ku pa rA ya/ sarba ba na ti tA ya/ oM ki ri ki ri/ ku pi ra ku pa ra/ tiSh+Tha tiSh+Tha/ shi khi swA hA/ spyi gtsug bcing ba'i sngags te lan bdun brjod bar bya'o/ /na mo na ra ku bar s+ya/ oM tsu ru tsu ru/ du ru du ru/ ku pa ra kA ma sha rI raM/ sarba ku lu tu ti swA hA/

</font><hr>96-1-78a<br><font size=+1>

bdag srung ba dang / mchog srung ba dang / las thams cad byed pa ste/ skud pa'am/ chu'am/ yungs kar ram/ thal ba'am/ gu gul la lan nyi shu rtsa gcig bzlas par bya'o/ /gnod sbyin gar mkhan mchog gi brtan pa las mchog tu grub pa'i 
sngags kyi le'u ste drug pa'o////'di man chad phyag rgya'i cho ga bshad par bya ste/ gar mkhan mchog gi spyad chen po bla na med pa'i mchog sgrub pa'o/ /thal mo gnyis mnyam par sbyar te/ sor mo'i rtse mo rnams mnyam par gzhag la mthe bong dang mthe chung gnyis 
phral la gung mo gnyis bkug pa'i rgyab tu mdzub mo gnyis dkri bar bya ste/ phyag rgya 'di ni phyag rgya chen po ste/ gzi brjid chen po pha rol gnon pa/ dpa' bo chen po'i cho ga dang / las thams cad sgrub par byed cing / gnod sbyin thams cad gzir ba dang / rtag tu 'gugs 
pa ste/ gza' dbab pa dang / las thams cad sgrub pa/ gar mkhan mchog gi phyag rgya zhes brjod do/ /las thams cad sgrub pa'o/ /oM Ta ki ku par swA hA/ sor mo thams cad bsnol te/ gung mo gnyis rdo rje ltar bsgrengs nas/ spyi bor bcing ba ni tho ba'i phyag rgya 
ste las thams cad sgrub par byed pa'i mchog tu bkod pa'o/ /oM tsi ti tsi ti/ bi tsi ti mud gar hU~M hU~M/ de nas rdo rje lta bus sor mo kun bsnol te bkug nas mdzub mo gnyis rtse sprad de zlum por bkug pa snying po'i phyag rgya ste/ gnod sbyin gyi bdag po chen po'o/ /gnod 
sbyin dang / 'bar ba dang / klu'i rigs dang / gdug pa la sogs pa thams cad gtan nas 'byin par byed pa'o/ /oM ru ti swA hA/ phyag rgya de nyid las mdzub mo gnyis nang du bkug ste/ mthe bong gnyis rtse sprad de brkyang ba de ni thams cad kyi snying po'i phyag 
rgya ste/ las thams cad shin tu sgrub par byed pa'o/ /oM na ra te a tsa hU~M phaT/ thal mo mnyam par sbyar te gung mo gnyis lhan cig tu gzhibs te nang du gnas par bya/ gnod sbyin dang / 'bar ba thams cad kyi snying po'i phyag rgya ste/ gza' thams 

</font><hr>96-1-78b<br><font size=+1>

cad rnam par gzhig pa dang / gang du bcings pa tsam gyis thams cad g.yo zhing gnod sbyin dang / 'bar ba ma rungs pa myur du ma 'ongs na mig rdol cing mgo 'gas par 'gyur ro/ /oM na ma stu te/ shud d+he shwa rA ya/ na ra ku pa ra/ ma tu ma ma ta/ ga Na pa ti/ 
bai shra ma Na/ sA d+hu hU~M/ b+hi bi d+hi swA hA/ sor mo phan tshun bsnol te khu tshur bcings pa la mthe bong gnyis phye ste sgreng / mthe chung gnyis brkyang ste snying khar bzhag pa ni/ lha thams cad mchod pa'i phyag rgya ste/ las thams cad gdon mi za bar bsgrub 
pa'i phyag rgya'i sprul pa'o/ /oM sa ra ma ku ku ka/ dz+wa la dz+wa la/ pra laM badzra hU~M/ mthe chung gnyis phral nas brkyang ste/ mdzub mo gnyis zlum por bkug nas gung mo gnyis lcags kyu ltar bzung ba ni bskrad pa'i sngags dang phyag rgya ste/ gsang ba gsum gyi 
spyi'i las thams cad byed pa'o/ /rtsa ba'i sngags de brjod byas na/ de ma thag tu yid la dgos pa thams cad byed par 'gyur ro/ /thogs pa med pa'i gar mkhan mchog gi snying po'i phyag rgya zhes bshad do/ /des lha dang / klu dang / gnod sbyin 
dang/ 'bar ba dang / gza' ma rungs pa thams cad mdun du 'dug nas bka' nyan par 'gyur ro/ /oM ha ra ha ra/ pra ha ra swA hA/ phyag rgya lhag ma 'di dag bshad pa ni las thams cad sgrub par byed pa ste/ gnas gtsang mar gos gtsang ma bgos te/ lag 
pa gnyis tsan+dan nam gu gul gyis bskus la de nas phyag rgya bcings na sems can thams cad bde bar 'gyur ro/ /gnod sbyin gar mkhan mchog gi brtag pa las phyag rgya'i le'u ste bdun pa'o// //na mo rat+na tra yA ya/ na ra ku pa rA ya/ bai shra ma 
Na su tA ya/ tad+ya thA/ sa grA s+ya/ hi li hi li/ mili swA hA/ a mun shaM sa hi/ ha ra N+ya na su ga te b+h+yo dzA be yi sA sA la ka ra/ ba sha ma na ye swA hA/ de'i zhi ba nye bar sbyor ba ni zhag gsum smyung ba byas te/ smon pa can gyi shing las yam shing byas la/

</font><hr>96-1-79a<br><font size=+1>

yungs kar bdag gi khrag las sbags te brgya rtsa brgyad bsregs na'ong bar 'gyur ro/ /don grub pa dang slar btang ste/ slar btang ba'i sngags la/ a pas ras ra/ a pa ra/ gats+tsha gats+tsha swA hA/ yungs kar la lan bdun bzlas te gdong bkrus na 'gro 
ba thams cad mdza' zhing gang gis mthong ba de dbang du 'gyur ro/ /me tog dang 'bras bu la lan bdun bzlas te gang la byin pa de dbang du 'gyur ro/ /na le sham la lan nyi shu rtsa gcig yongs su bzlas te khar bcug na gang dang gang smras pa de dbang du 'gyur ro/ /gang 
bslangs pa de ster ro/ /lag pa la lan nyi shu rtsa gcig bzlas te/ gang la reg pa de dbang du gyur nas gang bslangs pa de ster ro/ /gang bsgo ba de yang byed do/ /yungs kar la bzlas te 'jug byed kyi mgor gtor na grib ma bzhin du rjes su 'brang bar 'gyur ro/ /shu 
dag dang / gser la bzlas te khar bcug na 'thab pa dang / rtsod pa kun las rgyal bar 'gyur ro/ /go ro tsan la bzlas te thig le byas nas rgyal po'i pho brang du zhugs na rgyal po dang / rgyal po'i 'khor dang blon po thams cad dbang du 'gyur ro/ /gu gul la bzlas 
te/ bdag la bdugs na dgra thams cad las rgyal bar 'gyur ro/ /lan cig brjod pas dgra thams cad las rgyal bar byed do/ /gu gul la lan nyi shu rtsa gcig bzlas te/ bdugs na dbang du byed pa'i mchog dam pa'o/ /gnod sbyin gar mkhan mchog 
gi brtag pa las spyad dam pa sgrub pa'i le'u ste brgyad pa'o// //na mo na ta ku par s+ya ya s+ya/ bai shra ma NA ya ku pa ra/ ma hA gu h+ya grin ta s+ya/ di byi ba ma na ba sa ta ya s+ya/ ata kro doM na ta ku par s+ya/ hr-i da yA la bar trI sha ta me a pa ha na na/ sa rob nan/ 
ra ra ka ba nan/ ro na pa nan/ brta nan/ ma man man ma/ tra sa nam/ te dza nam/ stam b+ha nam/ dzam b+ha nam/ mo ha nam/ sarba mi tra nan/ bra than ma nam/ na tan ta yu ba ya/ na mo bai shra ma NA ya/ na mo bi RU pA k+ShU ya/ na mo be ru D+ha kA ya/ na mo d+h+ra ta ra Sh+TA ya/

</font><hr>96-1-79b<br><font size=+1>

na mo dz+wa ti lA ya/ na mo yak+Sha gan d+hA ya/ na mo ma Ni b+ha drA ya/ na mo pU ra Na b+ha drA ya/ pra pa ri/ sarba bi d+yA/ man+t+ra pU dzi tA ya/ pra ta ya dz+wa li ta/ hr-i da ya/ pra ha ra pra ha ra/ sta ya/ su bi ma ya/ ma ni ni sha/ /pra b+ha ra Na/ a lang kr-i ta sha rI rA ya/ 
sarba de ba bU ji ti/ tad+ya thA/ tsan drA ya/ sUR+Ya/ skan d+ha tA rA ya/ na ta ku pa rA ya/ e h+ye hi/ brah+ma sa d+yA na/ de ba s+ya/ da ne bA yu badz+nyI/ bar shi sha/ I shwa raM/ sarba de ma a mo g+ha man+tu/ A be sha yan+t+ra/ man trA ba in du/ mA ra yan+tu/ ya di yots+tsha 
na/ shan g+ha to pi ye ti d+ha rmA lo sha g+ha to/ a b+hA ba ru Na lA ya/ in+d+ra yo ga ga ta b+hA/ thi ha gu lo ga ga ti bI se so ma sa pA R+Ya/ lo ka ga ti/ me g+ha ta ta bu nan ta ku pa ra/ A ka d+ha ya/ A kar+Sha ya/ b+ha ga ba na/ na ta ku par/ na mu sam tsa/ pra kra pa ni rA dz+nyA 
ba ya ti/ sarba na ta shring in ti ta/ k+Shi nan ti/ sha ma yA na rdzo pi shi pa le me/ na mo nA ga u ta ta ra Ne/ be+e shra ba Na/ brdo ya ti ti sha pa la/ a ho yA pa yan tu ti ta yAM/ b+ho b+ho d+hi d+ha ku par ma d+ha ma d+ha/ ku par ku par/ pu pa ku par/ hr-i dku par/ hu dra hu 
dra/ ha na ha na/ da ha da ha/ pa tsa pa tsa/ ts+tshin da ts+tshin da/ ha ha na ta ku par/ hi hi na ta ku pa ra/ pU ra ya pU ra ya/ na ta pU ra/ de ba ta ku ba ta/ ata staM b+ha ya/ b+ho gu h+ya ga Na/ na ta na ta/ ha hU~M ha hU~M/ Ti ti Ti ti/ b+hi tsi b+hi tsi/ b+hi tsi ta be swA hA/ nye bar 
spyod pa'i cho ga ni gu gul gyis bdugs te dran pa tsam gyis gza' thams cad 'bab par 'gyur/ gu gul la lan nyi shu rtsa gcig bzlas nas/ de'i mdun du 'dug nas sngags stong bzlas te/ gtsang zhing gtsang ma'i gos gon nas gtor ma dkar po 
dbul bar bya/ bzlas pa stong yongs su rdzogs pa dang / bris pa'i skul zhugs nas 'gul ba dang / 'bar ba dang / sgra 'byin par 'gyur te/ gar mkhan mchog gi spyad de rig pa 'dzin pa khyod kyi dngos grub kyi sngags byos shig ces pa dang / rig pa 'dzin 

</font><hr>96-1-80a<br><font size=+1>

pas yon chab dbul bar bya'o/ /'di dag sgrub pa'i tshig ste/ yungs kar la lan bdun yongs su bzlas te grong khyer gyi dbus su yongs su gtor na gus par byin gyis brlabs te 'bab par 'gyur ro/ /'jig rten pa phan tshun 'jig par 'gyur/ 
gang gis kyang 'tsho bar mi nus so/ /chus gtor na zhi bar 'gyur ro/ /ral gris yid la dran pa tsam gyis 'bar ba'o/ /de bzhin du rtse gsum pa dang / 'khor lo dang / ral gri dang / mu sa la dang / tho ba la reg cing yid la sngags dran cing gu gul gyis bdugs 
pa tsam gyis 'bar bar 'gyur ro/ /bu don gyi gzugs la yungs kar gyis bdugs na gzugs de 'bar bar 'gyur ro/ /de bzhin du tshangs pa dang / brgya byin dang / mthu bo che dang / dbang po dang / ngal bso po dang / nag po chen po la sogs pa la gu gul gyis 
bdugs pa tsam gyis las kun 'bar bar 'gyur ro/ /bum pa la dbab par 'dod na dkyil 'khor byas te/ bum pa chus bkang la dkyil 'khor du me tog gis gtor nas gu gul gyis bdug cing sngags rjes su dran par byas na babs na 'bar te/ me long dbab par 
'dod na dkyil 'khor byas nas me tog gtor te/ gu gul gyis bdugs na 'das pa dang ma 'ongs pa dang / da ltar byung ba dang / thams cad me long gi dbus su mthong ngo / /ji srid lha'i gnas dang / rgyal chen bzhi'i gnas dang / gshin rje'i gnas dang /
klu'i gnas dang / gang dang gang yid kyis bsams pa de dang de mthong bar 'gyur ro/ /gang du 'dod pa de'i tshe mthar 'gyur ba yang mthong ste/ 'jig rten mngon sum mthong bar 'gyur ro/ /de bzhin du tho ba la dbab par 'dod na/ tho ba la rgya skyegs kyi khu bas 
bskus nas dpung pa la tsan+dan dang gur gum gyis bskus te/ me long la bsdigs na cho ga 'dis thams cad mthong bar 'gyur ro/ /skyes bu dam pa'i thod pa blangs nas shin tu bkrus nas byi dor byas te yon chus bkrus nas dri rnam pa lngas bkru bar bya'o/ /thod pa'i 

</font><hr>96-1-80b<br><font size=+1>

dngos gzhi dri zhim pos bkrus la thod pa'i spyi bor dri zhim po dang yungs kar gyis bkru bar bya'o/ /dkyil 'khor gru bzhi par chus bkang ba'i bum pa bzhi grwa bzhir gzhag par bya'o/ /gtor mas bkang ba'i snod bzhi yang bzhag nas/ me tog gis gtor zhing tshon sna 
lngas bri/ de nas ral gri bzhi bzhag ste/ kham phor bzhi dang / me tog dang / 'bras bu dang / gtor ma dang / tshon sna lnga'i ba dan gyis dkyil 'khor brgyan cing thod pa la yang lan bdun bzlas te/ thod pa gsum dkyil 'khor gyi dbus su bzhag nas gu gul 
gyis bdug cing sngags rjes su dran par byas nas seng ldeng gi phur bus lan gsum brdegs na thod pa 'bar bar gyur nas chu gtor bar 'gyur ro/ /des ji ltar me long la snang ba de bzhin du thod pa la snang bar 'gyur ro/ /gar mkhan gyi gzhal med khang dang / 'khor dang khang pa 
dang / gnas su bcas pa'i spyi bo rnams mthong ste/ de dang lhan cig tu smra zhing mchog kun yang sbyin par byed do/ /'gro ba dang 'ong ba yang mthong ste/ bud med dang skyes pa dang / khye'u dang / bu mo la sogs pa mtshams med pa byed pa dang / dam pa'i chos la dbang za 
ba dang / byis pa mi shes pa rnams kyis mi mthong ngo / /sngags sgrub kyang de dag gis mi 'grub bo/ /'di ltar me long dang / thod pa dang / tho ba dang / de dag la dbab pa ni mchog tu bzlas pas 'grub par 'gyur ro/ /dur khrod du zhugs nas yungs kar la bzlas te 
gu gul gyis bdugs na yungs kar gyis ri mo la brdegs na ro langs te spyi gtsug sngags 'dis bcing bar bya'o/ /gtong ba ni se gol lan bdun gtogs nas yid kyis bsams pas 'gro zhing las thams cad byed par 'gyur ro/ /gang dris pa de yang smra'o/ /yungs kar 
la yongs su bsngags te gtor na gang la bya bas gtor byas thams cad 'bab par 'gyur ro/ /rgyal po'i sgor btab na rgyal po dang rgyal po'i 'khor du bcas pa dbang du 'gyur ro/ /nam yang dgos pa'i bdag la 'dod pa'i stong phrag brgyad kyang ster bar 'gyur ro/ /

</font><hr>96-1-81a<br><font size=+1>

gnod sbyin gar mkhan mchog gi brtag pa las gsal snang dus gsum brtag pa'i le'u ste dgu pa'o// //'di man chad nye ba'i snying po bshad par bya ste/ na mo bai shra ma Na s+ya/ brdzu mu sa la tri shU la gu sha ha sta s+ya/ na maHsarba de ba tA la ye/ bU 
ji ta/ na ma sti ta s+ya/ ma hA ki li ki li s+ya/ sarba ga ga ga ra Na/ yadz+dza ya ta/ b+ha ga wan/ na de shU b+ha ba rA ya/ yak+Shi ti bar tsi ta/ brah+ma Ni ka la ka la/ na ta ku par ku la ku la/ ku par ku pa ra/ du b+hin b+han ku pa ra/ pi tsi rim pa b+han/ b+ha ga ba na/ na ta ku pa ra/ 
bi Ti ti rat+na/ dra ha ha bu ka R+Ya kam pa pa ri dri ta bai shra ma Na/ ba b+ha bi ma na/ pa si ni shu ti shu ti/ ku par ku pa ra/ na ta ku pa ra/ na mo stu te swA hA/ nye ba'i snying po'i sngags dang / nye bar longs spyad pa'i cho ga yin te/ dpa' pa la gu gul gyi dud pa bdugs na reg pa dang ma 
reg pa yang 'bab par 'gyur ro/ /gu gul gyis bdugs na sngags rjes su dran pa tsam gyis lha ma yin gyi sgo dang / 'khrul 'khor dang / brtag pa thams cad 'joms par byed do/ /gu gul gyis bdug cing yungs kar la sngags nyi shu rtsa gcig bzlas te klu'i 
gnas su brdegs na klus mi tshugs par 'gyur ro/ /phung po la yungs kar gyis brdeg cing sngags lan bdun btab cing klu'i gnas su btab na klus mi tshugs par 'gyur ro/ /phyung na thar ro/ /lcags kyi phur pa la lan nyi shu rtsa gcig btab na pha rol gyi 'khor 
gyis mi tshugs so/ /ngal bso po'i dmag sdes mi tshugs par 'dod na mi rus kyi phur pa la lan nyi shu rtsa gcig bzlas te gu gul gyis bdugs na mi tshugs par 'gyur ro/ /phyung na thar ro/ /gza' thams cad las grol bar 'dod na gu gul gyis bdug cing brdeg 
go/ /rims thams cad gzhig pa la tshon sna lnga'i skud pas bcing bar bya'o/ /bcings pa grol bar 'dod na gu gul gyis bdug cing brdeg go/ /sgo dang lcags sgrog 'grol bar 'dod na brgya rtsa brgyad du bzlas so/ /yungs kar dang gu gul gyis bdags na gcer 

</font><hr>96-1-81b<br><font size=+1>

ba 'pho bar byed do/ /sprin bskrad pa la yang ba la po se'u'i lcug mas so/ /ser ba 'pho bar bya ba la ka ra bI ra'i lcug mas so/ /sa bon bdun pa bsregs nas klus car 'bebs par byed do/ /gnod sbyin bskrad pa la yang 'bras dang til bsregs pas so/ chang 'tshong gi chang nyams par 
byed na chang gi skyo ba dang / phug ma bsreg par bya'o/ /til mar gyis ni dbang du byed par 'gyur ro/ /yid kyis bzlas pas dug 'pho bar byed do/ /rma bya'i mjug sgros las stong phrag brgyad byed par 'gyur ro/ /gar mkhan mchog gi nye ba'i snying po bskyed pa tsam gyis 'grub bo// //gu 
gul gyis bdugs na las thams cad 'grub par 'gyur ba ni dngos grub thams cad bla na med pa des blang ngo / /gar mkhan mchog gi nye bar spyad pa dang / sngags dang phyag rgya sgrub pa'i cho ga'i le'u ste bcu pa'o// //de nas bcom ldan 'das kyis ngal bso po'i bu gar 
mkhan mchog la legs so zhes gsungs te/ legs so legs so/ /gnod sbyin gyi dbang po khyod kyis sems can thams cad la phan pa'i phyir bstan pa legs par bstan to/ /bcom ldan 'das kyis de skad ces bka' stsal nas/ lha dang / klu dang / gnod sbyin 
dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / 'jig rten skyong ba dang / tshangs pa dang / khyab 'jug dang / lha chen po dang / nor bu bzang po dang / gang ba bzang po la sogs pa yi rangs te/ 
bcom ldan 'das kyis gsungs pa la mngon par bstod do// //gnod sbyin gyi sde dpon chen po gar mkhan mchog rig pa'i rgyal po spyad dang dngos grub sgrub pa bklags pas thams cad 'grub pa brtag pa'i rgyal po dang po rdzogs so// //rgya gar gyi mkhan po 
d+ha na gup+ta zhes bya ba spyod mdzad chos kyi rdo rje'i slob ma dngos las rab zhi lots+tsha bas tho ling du bsgyur ba'o// 
  
</font><hr>

</table>