D806

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D806</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D806&coll=derge">see text in Tibetan script</a></table>96-1-141a<br><font size=+1>

@##/ /rgya gar skad du/ sarba maN+Dal sA mA n+ya bi d+hi na gu h+ya tan+t+ra/ bod skad du/ dkyil 'khor thams cad kyi spyi'i cho ga gsang ba'i rgyud/ thams cad mkhyen pa la phyag 'tshal lo/ /de nas gzhan yang gsang ba'i rgyud/ /dkyil 'khor dag ni thams cad 
kyi/ /spyi yi cho ga rgyas pa dag /mdor bsdus rab tu bshad par bya/ /gzhan gyis mi thub la sogs gang / /de bzhin gshegs pa'i dkyil 'khor dang / /rab tu gnas pa la sogs gang / /pad+mo rigs kyi ra bshad pa dang / /'jig rten dag la brtse phyir ngas/ /
rnam par gnon pa la sogs pa/ /dkyil 'khor sum stong dag dang ni/ /lnga brgyar bshad pa gang yan pa/ /dkyil 'khor de dag rnams kyi spyi'i/ /cho ga 'di ni ngas bshad de/ /de lta bas na cho ga 'dis/ /dkyil 'khor thams cad bri bar bya/ /slob dpon bstan bcos 
kun shes pa/ /tshul khrims ldan zhing snying rje'i bdag /drang zhing bzod la gtsang sbra can/ /dad dang dran ldan snyingastobs ldan/ /smra mkhas mi 'jigs sran thub pa/ /sgyu rtsal dag la mkhas shing gsal/ /mdzes dang ldan zhing de bzhin du/ /gus ldan dul la khong 
gzo ba/ /rtag tu dam pa'i chos la dga'/ /theg pa che la mos pa can/ /gsang sngags spyod pa la bslabs shing / /dkyil 'khor dag gi bye brag shes/ /slob ma dag gi tshul shes shing / /de bzhin gsang sngags rgyud kyang 'dzin/ /rjes su gnang zhing dbang bskur la/ /chog 
shes bzlas brjod lhur len pa/ /slob dpon rigs la bsnyen bkur byas/ /dkyil 'khor thams cad khong du chud/ /gsang sngags kun dang bla ma dang / /de bzhin glo bur 'gronamachod byed/ /phyag rgya la sogs bcing ba dang / /dkyil 'khor bri ba'i las rnams dang / /
gsang sngags spyod pa'i mchod pa la/ /slob dpon gyis ni mkhas par bya/ /de nas gzhan yang bshad pa ni/ /sa yi phyogs kyi mtshan nyid de/ /sa gzhi ci 'dra bzang ba dang / /mi bzang bdag bsgrags pa'o/ /mthon dman can dang tsher ma can/ /gyo mo dum bu can dag dang / /ngam 

</font><hr>96-1-141b<br><font size=+1>

grog rus pa sdong dum can/ /grog mkhar thal ba tshwa sgo can/ /gseg ma rdo dang rdul dang skra/ /srin bu grog spur la sogs mang / /de lta bu yi sa gzhi ni/ /mkhas pas las rnams kun la spang / /mthon dman snyoms shing gtsang la snum/ /zug rngu nyes pa rnam par 
spangs/ /shar dang byang du gzhol ba yi/ /sa gzhi las rnams kun la shis/ /dang por pus nubacom brkos la/ /sa de nyid kyis dgang bar bya/ /gal te lhag par gyur na ni/ /dngos grubadag ni yod par ba shad/ /de las bzlog par gyur na ni/ /sgrub pa pos ni 
las mi brtsam/ /brtsams na sdug bsngal myong 'gyur zhing / /legs pa dag kyang mi 'thob bo/ /dkyil 'khor sa ni gang dag gi/ /nye 'khor dag na chu mod pa/ /de ni shis shing dngos grub thob/ /chu dkon pa ni mkhas pas smad/ /kho ra khor yug sna tshogs 
shing/ /me tog 'bras bu lo mar ldan/ /'o ma can gyi shing yod pa/ /dkyil 'khor dag la rab tu shis/ /kho ra khor yug shing ldan pa'i/ /sa gzhi yon tan kun ldan te/ /nye 'khor na yang chu yod pa/ /dkyil 'khor dag la sa de shis/ /zhi ba'i las la sa gzhi 
ni/ /dkar po dag tu brtag par bya/ /rgyas pa'i ched du dmar ser bya/ /drag shul spyod la nag po shis/ /gang du chu ngogs pad+mo yi/ /mtsho dang rgya mtsho nye 'khor dang / /chu yi gling ni nyams dga' bar/ /zhi ba'i dkyil 'khor bri bar bya/ /ma mo'i gnas dang dur khrod 
dang/ /dben pa'i gnas dang khang stong dang / /nyams mi dga' ba'i yul gang yin/ /de dag tu ni mngon spyod bri/ /ri rtse dang ni ba lang lhas/ /mchod rten sku gzugs khang pa dang / /de la sogs pa'i phyogs dag tu/ /rgyas pa yi ni dkyil 'khor bri/ /mchod rten 
chen po nyams dga' dang / /dben pa chen pa'i gnas dag dang / /ri bo'i rtse mo rgya chen gyi/ /dngos grub dkyil 'khor bri bar bya/ /ri rtse dag dang ri bo dang / /ri yi zom dang phug dag tu/ /lha min dag ni 'dod pa yis/ /sa 'og rdo rje dkyil 'khor bri/ /pad+ma'i kha ni bye ba'i 

</font><hr>96-1-142a<br><font size=+1>

tshal/ /ngang skya dag ni sgra sgrogs par/ /rgyal srid 'dod pa'am nor 'dod pas/ /dpal gyi dkyil 'khor thams cad bri/ /ma mo'i gnas dang ri rtse dang / /lha rnams kyi ni gnas dag tu/ /gdon dbab pa dang 'joms byed pa/ /rdo rje lcags kyu'i dkyil 
'khor bri/ /lam gyi bzhi mdo chen po dang / /mchod rten phyag na rdo rje yi/ /mdun du sgrub pa po yis ni/ /khro rgyal dkyil 'khor bgegs 'joms bri/ /de bzhin gshegs pa'i dkyil 'khor ni/ /gnas ni bzang po gzhan du yang / /mkhas pa yis ni khyad par du/ /
thams cad bri bar bya ba yin/ /rab tu gnas sogs dkyil 'khor kun/ /mkhas pa yis ni khyad par du/ /pad+ma'i mtsho yi nye 'khor du/ /cho ga bzhin du bri bar bya/ /ri ye rtse mor mkhas pa yis/ /mdo las byung ba'i cho ga bzhin/ /rnam par gnon sogs dkyil 
'khor kun/ /khyad par du ni bri bar bya/ /rnam par nges pa'i gnas 'di ni/ /khyad par du ni bstan pa yin/ /rab tu bsgrims te thams cad la/ /sa ni rnam gsum yongs su brtag /khyad par phun sum ma ldan na/ /spyi yi las kyis bri bar bya/ /phun sum tshogs par kun 
bzang ba'i/ /tshogs pa dag ni rnyed par dka'/ /mdor na sa gzhi mnyam pa dang / /mdangs snum shar du gzhol ba bzhed/ /chu mang ldan pa'i gnas dang ni/ /ljon shing bzang pos brgyan pa dang / /bdag gi mig yid mgu ba dang / /'tshe med zug rngu spangs pa ni/ /dkyil 
'khor gnas su shis pa ste/ /mi yi dngos grub kun thob byed/ /drang srong gnas dang ba glang lhas/ /phug dang ri yi rtse mo dang / /sa gzhi gang na 'thas pa dang / /khang thog dang ni rdo leb dang / /mchod rten drung dang 'bab chu'i gling / /mtsho rnams kyi ni 'gram dag tu/ /sa gzhi 
sbyang zhing brtag pa dang / /nan tan du ni bya mi dgos/ /der ni zug rngu dbyung mi dgos/ /'thas par bcag kyang der mi dgos/ /mthon dman la sogs skyon rnams kyang / /der ni dogs pa bskyed mi dgos/ /gnyug mar gnas pa'i sa gzhi la/ /byi dor legs par byas nas 

</font><hr>96-1-142b<br><font size=+1>

su/ /lag pas bram zhing gsang sngags bzlas/ /de yi sbyang ba de yin no/ /zug rngu'i nyes pa thams cad ni/ /gal te dbyung bar mi nus na/ /der ni gsang sngags kho nas ni/ /sbyangs pa legs par byas par 'gyur/ /brtan par 'gyur ba'i las rnams dang / /gdon 
rnams tshar gcad la sogs dang / /drag shul spyod pa dag la yang / /sa ni brtag par bya mi dgos/ /dkyil 'khor sa gzhi cho ga la/ /khro bo kI li kI la yis/ /ba yi rnam lnga la bzlas pa'i/ /bsang gtor byas na sbyangs par 'gyur/ /gzhan gyis mi thub la sogs 
pa/ /rgyal ba'i gtsug tor nyid kyis sbyang / /phyag na pad+ma'i dkyil 'khor kun/ /sa gzhi sbyang bar bya ba ni/ /zhi ba 'dren pa zhes bya yi/ /dpal mos cho ga bzhin du sbyang / /phyag na rdo rje'i dkyil 'khor rnams/ /khyad par du ni khro bos sbyang / /las su bya ba thams cad kyang / /
cho ga bzhin du 'di yis bya/ /rgyal ba'i gtsug dang zhi ba'i 'dren/ /khro bo stobs chen zhes bya ba/ /'di gsum rigs ni gsum car gyis/ /las rnams kun la sbyar byas te/ /sa sbyang ba dang bsrung ba dang / /slob ma sta gon gnas pa dang / /bgegs rnams bsal dang dri dag 
dang / /me tog mngon par bsngags pa dang / /de la sogs pa'i las kun la/ /bsgrims te sbyang bar bya ba yin/ /so so'i rgyud la las dang ni/ /gsang sngags rab tu bsgrags pa gang / /ston zla 'bring po'i nya nas ni/ /dpyid zla tha chung sa nya yi bar/ /'di yi nang du mkhas 
pa yis/ /dkyil 'khor cho ga bzhin du bri/ /bgegs kyi dkyil 'khor nang gcad dang / /de bzhin bsgrub pa'i dkyil 'khor dag /dpyad mi dgos par dbyar yang ni/ /mkhas pas dus bzhin bri bar bya/ /slob ma dbang bskur ched du ni/ /dkyil 'khor yongs su bsgrags 
gang dang / /gnang ba'i dkyil 'khor gang yin dang / /da ma tshig dkyil 'khor gang yin dang / /'byor pa'i ched du bsgrub pa dang / /chen po'i dkyil 'khor gang yin pa/ /de dag thams cad mkhas pa yis/ /zla ba bdun po dag la bya/ /yul dang dus dang slob ma dang / /bdeg 

</font><hr>96-1-143a<br><font size=+1>

pa'i yon tan shes bya ste/ /mkhas pas dbyar yang dkyil 'khor gyi/ /las ni cho ga bzhin du bri/ /dri dang me tog bdug spos dang / /lha ba shos sbyin sreg las kyi rnams/ /phongs par gyur kyang mi da bri ste/ /phri na nges par 'chi bar 'gyur/ /tshes grangs ngan 
dang dus min dang / /gnas min cho ga mi ldan par/ /mkhas pas dkyil 'khor mi bri'o/ /bris na dogs pa med par 'chi/ /mkhas pas ji skad bshad pa yi/ /zla ba yar gyi ngo dag la/ /zla ba nya 'am bcu gsum mam/ /tshes brgyad dag gam bcu bzhi 'am/ /tshes bcu dang 
ni bcu gcig gam/ /yang na yar gyi tshes gcig gam/ /tshes lnga'am yang na tshes bdun nam/ /yang na tshes grangs gsum la'ang rung / /nyi ma bcu po 'di dag la/ /dkyil 'khor rab tu bsgrims te bri/ /mar gyi ngo yi dus mtshams la'ang / /dkyil 'khor bri ba 'gal 
ba med/ /tshes lnga'am yang na tshes bdun nam/ /zla ba nya la khyad par du/ /phyag na pad+ma'i dkyil 'khor gyi/ /cho ga rnams ni bya bar shis/ /sa yi 'og gi dkyil 'khor dang / /drag shul gyi ni las rnams dang / /khro bo rnams kyi dkyil 'khor gang / /de dag mar ngo la yang 
bri/ /zla ba nya la khyad par du/ /rgyal ba'i dkyil 'khor bri bar shis/ /dpyid zla 'bring dang tha chung sa la/ /mkhas pas dkyil 'khor chen po bri/ /gang tshe yo byad ldan pa dang / /gang tshe dad pa bdo ba dang / /gang tshe las la brtson gyur pa/ /de yi tshe yang dkyil 'khor bri/ /gang tshe 
'tsho ba kun mod cing / /me tog mod pa la sogs pa/ /phun sum tshogs pa'i dus shes pa'i/ /de yi tshe yang dkyil 'khor bri/ /gang tshe slob ma'i bsnyen bkur gyis/ /bla ma dag ni mgu gyur pa/ /de tshe de lag na nga bas na/ /dbang bskur ched du dkyil 'khor bri/ /nyi ma zla ba 
gzas zin dang / /ya mtshan che ltas byung ba dang / /cho 'phrul gyi ni zla ba la/ /bsgrims te dkyil 'khor bri bar bya/ /snga dro rgyas pa bskyed pa ste/ /nyi ma gung la drag shul spyad/ /dgongs kar zhi ba blo can gyis/ /cho ga bzhin du dkyil 'khor bri/ /dkyil 'khor dag ni ma lus pa/ /

</font><hr>96-1-143b<br><font size=+1>

nyi ma tser tses nub nas brtsam/ /nyi ma shar bar ma gyur par/ /mchod nas gshegs su gsol bar shis/ /khyad par can gyi cho ga ni/ /lha dus bya ba dus bzhin bshad/ /gzhan du cho ga nyams pa'i phyir/ /dngos grub 'byung bar mi 'gyur ro/ /spyi yi dkyil 'khor blo 
ldan pas/ /nam yang nyin par mi bri'o/ /nyin par bris na de dag tu/ /sdug bsngal nyams su myong bar 'gyur/ /dgongs mgo btsugs nas nam phyed na/ /drag shul spyod par gyur pa yin/ /mtshan mo dus las 'das pas na/ /nyes pa mang po 'byung bar 'gyur/ /
mtshan mo rab tu zhi ba'i phyir/ /spyir na 'dod par bya ba yin/ /dam tshig dag la sogs pa'i las/ /de lta bas na mtshan mo brtsam/ /nyi ma nub na lha rnams ni/ /nges par byin gyi rlabs kyis 'du/ /gzhan dag kyang ni khyad par du/ /byin gyis rlob par byed par 'gyur/ /cho 
gas spyan drangs gsang sngags dang / /lha yang nyi ma nub pa na/ phan par bzhedapas dkyil 'khor du/ /nges par byin gyis rlob par mdzad/ /yang dag zhi ba'i sems kyis ni/ /dus dang ches grangs zhi ba la/ /sngags kyis spyan 'dren byed pa ni/ /bsams pa'i 
dngos grub thob par 'gyur/ /phur bu dang ni zla ba dang / /pa ba sangs dang nyi ma bzang/ /gzhan la rab tu drag po yi/ /las ni kun du brtsam par bya/ /rgyal dang skag dang sa ga dang / /me bzhi nag pa tha skar dang / /snron la sogs gsum sa ga ni/ /dkyil 'khor 
dag la rab tu shis/ /de la sogs pa'i zhi ba dang / /rgyu skar dag ni bzang po la/ /blo dang ldan pas dkyil 'khor bri/ /drag po la ni drag po bri/ /'bebs ldan rnam rgyal rgyal byed dang / /gsal dang dmar ldan nor can dang / /bzang mo chu lha tshangs ma dang / /des dang bkra 
shis khyab 'jug dang / /skye dgu'i bdag dang tha skar byams/ /tshig bzang pa ba sangs pa'o/ /yud tsam rnams kyi rgyud kun gyi/ /bya ba'i cho ga rnams las shis/ /de dag la sogs bzang po dang / /byed pa bzang la rtag tu bri/ /mi bzang ba la brtsams pa'i 

</font><hr>96-1-144a<br><font size=+1>

las/ /gang du ci yang mi 'grub bo/ /de lta bas na yud tsam dang / /tshes grangs rgyu skar byed pa dang / /rmi lam bzang po brtag par bya/ /bzang po dag la las brtsam ste/ /bzang po min la brtsam mi bya/ /bzang po min pa'i las rnams kyang / /bzang po 
nyid la brtsam par bya/ /ltas ni bzang dang mi bzang bas/ /grub pa dang ni mi grub ston/ /de lta bas na brtsams pa la/ /mtshan ma rab tu 'bad de brtag /de nas gzhan yangs dag ni/ /sbyang bar bya bar rab tu bshad/ /zhag bdun gyi ni nang logs su/ /ji ltar rigs 
pas bsrung byas te/ /'jor gyis sa ni bzlog byas shing / /de nas zug rngu dbyung bar bya/ /zug rngu bcas pa'i sa gzhi ni/ /las byas pa dag 'grub mi 'gyur/ /zug rngu nyes pa rus pa dang / /gyo mo dang ni thal ba dang / /sdong du ma dang ni tsher ma dag /rab tu bsgrims te 
ma lus dbyung / /de nas tho bas bong ba dag /bkrum nas zhib mor byas te ba cag /de nas ba yi gcin gyis ni/ /yang nas yang du gdab bya zhing / /lag mazil lta bur mnyam byas shing / /ba yi lci ba chur sbyangs nas/ /shar phyogs nas ni mgo btsugs te/ /blo dang ldan 
pas legs par byug /de nas de yi dbus su ni/ /khung bu cung zhig brkos nas der/ /'bru rnams dang ni rin chen kun/ /sngags kyis btab ste gzhug par bya/ /de ltar sbyangs shing dbyig dag gi/ /dbyig dang ldan par byas nas ni/ /blo dang ldan pas ci rigs par/ /
sa gzhi yongs su gzung bya ba/ /yang dag bsdams pas zhag gsum na/ /las kun byed pa'i gsang sngags dang / /gang gi dkyil 'khor gang yin pa/ /de dag gis ni yongs gzung bya/ /gcig gis dri yi chu yis ni/ /dngos su bsang gtor bya ba ste/ /cig shos kyi 
ni lag pa yis/ /sa la bram ste mngon par bsngags/ /bla yis yongs su gzung byas na/ /gnas ni yongs su bzung ba yin/ /las kun byed pa'i gsang sngags kyis/ /de nas slob ma yongs su gzung / /bu mo gzhon nus bkal ba'i skud/ /blangs nas bzhi bcu rtsa 

</font><hr>96-1-144b<br><font size=+1>

dgu bzlas/ /slob ma rnams ni blos bsams nas/ /mnyam par gzhag ste mdud pa bor/ /de nas slob mas yongs bzung nas/ /las la bgegs ni med par 'gyur/ /sang ni dkyil 'khor bri ba'i tshe/ /do nub lta bu sta gon gnas/ /thog ma nyi ma shar ba'i tshe/ /
sa phyogs kyi ni chad ga brtag /de nas dkyil 'khor dgod pa dag /yid kyis legs par yongs su brtag /sngags rgyud dag las 'byung ba'i zas/ /bzang la gtsang zhing snum bag can/ /rjes su mthun zhing yid 'ong ba/ /slob mar bcas pas ran par bza'/ /de nas nub kar 
khrus byas shing / /gtsang la gos ni dkar po bgos/ /bla ma slob ma dang bcas par/ /dkyil 'khor drung du dong bar bya/ /dkyil 'khor bri ba'i sa gzhi ni/ /byi dor legs byas legs byugasal/ /khro bo chen po bzlas pa yi/ /spos chus bsang gtor byas pa la/ /dbus 
su sta gon gnas pa dag /rigs rnams kyi ni snyisnying po bzlas/ /dkyil 'khor ba dag po'i gsang sngags kyis/ /las rnams thams cad bya ba bshad/ /sa gzhi steng du byug spos kyis/ /dkyil 'khor sor grangs bcu gnyis bya/ /dkyil 'khor gyi ni rig sngags kyis/ /lag 
pas bram zhing lan bdun bzlas/ /de nas gtso bo lha rnams ni/ /ming gis yid la bsams nas su/ /byug spos me tog la sogs pas/ /snying pos ci rigs mchod par bya/ /lha bshos dag kyang dbul bar bya/ /bdug spos mngon par bsngags pa'ang dbul/ /de nas tsan+dan 
sbyar ba yi/ /chu la mngon par bsngags bya zhing / /de la me tog gis gtor nas/ /cho ga bzhin du bdug pas bdug /so shing u dum ba ra 'am/ /a shwat+tha ni rma med pa/ /ha cang mi sbom mi phra ba'i/ /sor grangs bcu gnyis tshad du bya/ /spos kyi chus ni legs par bkrus/ /
skud pa dag gis rnam par dkris/ /spos kyis byugs shing bdug pas bdug /lag pas bram zhing rigs kyi ni/ /snying po lan grangs mang po'am/ /yang na lan bdun bzlas brjod bya/ /slob ma rnams kyi grangs las ni/ /so shing la sogs gsog par bya/ /so shing mgo zhabs 

</font><hr>96-1-145a<br><font size=+1>

bsnyams byas la/ /thor to gcig ni mgor byas nas/ /rtse mo nas ni bca' bar bya/ /de nas mkhas pas gnas dang ni/ /bdag dang slob ma brtan bsrungs nas/ /lha rnams thams cad legs mchod de/ /dang por bgegs ni zhi ba'i phyir/ /mar las 
btags pa'i yam shing dang / /mar dang sbyar ba'i til dag dang / /mar gyi sreg blugs sbyin sreg bya/ /'bras chan zhor sbyar sbyin sreg bya/ /de yi 'og tu snying po ste/ /de nas zhi ba'i sbyin sreg ni/ /zhi ba'i rig sngags nyid kyis bya/ /de nas slob ma legs brtags te/ /sta 
gon gnas pa tshul bzhin bya/ /slob ma rigs btsun gtsang sbra can/ /snyingastobs che zhing chos lhur len/ /dad pa che zhing bzod dang ldan/ /dran dang ldan zhing mkhas pa ste/ /drang rkan che la mdongs gsol can/ /brtan zhing dul la snyan par smra/ /smra mkhas pa la zlo bskyel 
can/ /yang dag shes shing byas pa gzo/ /blo dang ldan zhing spobs pa che/ /chen por 'dod cing nga rgyal med/ /mdog dang gzugs dang na tshod bzang/ /bstan bcos dag la goms par byas/ /ha cang mi ring mi thung la/ /de la sogs pa'i yon tan dang / /ldan pa'i blo can 
slob mar shis/ /rang bzhin ngan gtum g.yon can dang / /snying rje med cing ngan pas 'tsho/ /yan lag nyams dang yan lag lhag /ha cangasbom dang skem dang sdar/ /mig dmar gdong ni khro gnyer can/ /kha dog 'byes shing yan lag rnams/ /mtshan dang ldan pa ma yin dang / /
de 'dra'i slob ma skyon mang ba/ /slob dpon gyis ni spang bar bya/ /sha tshugs ma legs yon tan med/ /rigs dman zhing ni ngan pas 'tsho/ /nad bu can dang dad med pa'i/ /slob ma rnams ni yongs su spang / /bdag nyid ngan pa'i mi gang dag /smad 'tshong ma la rab gdung 
zhing/ /chang dad can dang rgyan la sred/ /de dag rtag tu yongs su spang / /dkon mchog gsum la sems dad cing / /tshul khrims kyi ni sdom pas bsdams/ /theg pa che la lhag mos pa'i/ /slob ma yongs su gzung bar shis/ /slob ma yan lag ma nyams dang / /lhag 

</font><hr>96-1-145b<br><font size=+1>

par yon tan ldan pa dang / /nad med rigs ni btsun pa dang / /dad cing brtul zhugs brtan par dkon/ /dkon mchog gsum la gang dad cing / /theg pa chen po'i lugs la dga'/ /bsod nams 'dod pa'i sems can ni/ /chen po de dag mdor gzung ngo / /
bder gshegs gsang sngags bsgrub pa la/ /don gnyer brtson pa'i slob ma ni/ /gzugs ngan yon tan mi ldan yang / /blo dang ldan pas gzhug par bya/ /dkyil 'khor cho ga 'khor bzhi po/ /theg pa che la dga' ba'i bad ga /rang gi bslab pa la brtson pa/ /kun gyi 
cho ga yin par bshad/ /kha cig gsang sngags bsgrub bya'i phyir/ /de las gzhan pa bsod nams 'dod/ /gzhan dag 'jig rten pha rol don/ /'di na dkyil 'khor 'jug par byed/ /'jig rten pha rol ched du ni/ /dad pa chen po bskyed byas nas/ /blo ldan dkyil 'khor 
'jug bya yi/ /tshe 'di'i 'bras bu 'dod mi bya/ /'jig rten pha rol don du ni/ /skyes bu tshe 'di 'bras rgyas pa/ /de ltar tshe 'di 'dod pa yi/ /'jig rten pha rol rgyas mi 'gyur/ /mkhas pas slob ma gcig gam gsum/ /lnga'am yang na bdun dag gam/ /nyi shu dag ni 
lnga yi bar/ /zung du ma gyur slob ma gzung / /de las lhag pa'i slob ma dag /yongs su gzung bar mi shes so/ /mdor na slob ma phan tshun du/ /nang mi gshin pa mi bzung ngo / /gcig la gcig ni sems gzung zhing / /zhi dul bla ma la phan pa/ /'phags pa'i yul dang rigs skyes 
pa'i/ /slob ma mdor na gzung bar bya/ /de dag bsreg par bya ba yis/ /zas ni za gcig bza' bar bya/ /de yi nub mo ci nus par/ /de bzhin sdom pa 'dzin du gzhug /gtsang ma gos dkar bgos pa yi/ /slob ma de lta bu dag ga/shar phyogs kha bltas 'khod pa la/ /sta gon 
gnas pa brtsam par bya/ /dang po gsum la skyabs su btang / /de nas bla mas byang chub sems/ /ma bskyed pa ni bskyed par bya/ /bskyed pa dag kyang dran par bya/ /de nas khro bo bzlas pa yis/ /spos chu mgo la gtor bya zhing / /mgo la brams te mnyam bzhag nas/ /lan 

</font><hr>96-1-146a<br><font size=+1>

bdun du yang bzlas brjod bya/ /byug spos dag gis bskus pa yi/ /lag pas mgo la bzhag bzhin du/ /mkhas pas rig pa'i rgyal po yi/ /snying po yang ni la na bdun bzlas/ /rgyal ba'i rigs la rig sngags rgyal/ /'khor los sgyur ba'i yi ge 
gcig /pad+ma'i rigs la rig sngags rgyal/ /rta mgrin yi ge bcu pa'o/ /rdo rje rigs la rig sngags rgyal/ /de bzhin gnod mdzes mthu bo che/ /yi ge hU~M ni bzhi dang ldan/ /las rnams kun la rab tu drag /khro bo bdud rtsi thab sbyor ni/ /rigs gsum dag gi spyi la yang / /bgegs 
rnams thams cad gzhom pa'i phyir/ /gsang ba pa ya bdag pos bshad/ /de nas la sa kun byed pa yi/ /sngags kyis spyi bor bram zhing bzlas/ /de nyid kyis ni bsang gtor bya/ /bdug spos dag gis rab tu bdug /dbang bskur ba yi bum pa ni/ /'bru la sogs pa kun 
ldan pa/ /chu ni cung zad blugs nas su/ /rig pa'i rgyal posamangon bsngags te/ /spos chu'i mchod yon phul nas ni/ /cho ga bzhin du sta gon bya/ /me tog dag kyang blugs nas su/ /bdug spos dag gis bdug par bya/ /phyi de nyin par dus gsum du/ /mkhas pas bzlas 
brjod legs par bya/ /dkyil 'khor du yang bzlas nas ni/ /de yis mngon par dbang bskur ro/ /slob ma mthun par tshogs pa rnams/ /byang gi phyogs su kha bltas shing / /thal mo sbyar te 'khod pa la/ /so shing go rims bzhin du sbyin/ /slob ma shar du kha bltas te/ /mi 
smra bar ni so shing bca'/ /bca' ba zin nas mi dgos shing / /phan tshun du yang mi dor ro/ /so shing mdun du drang por dor/ /de tshe mdun du lta ba dang / /de tshe gyen du 'greng 'gyur na/ /de ni dngos grub mchog ces bya/ /de bzhin shar du kha bltas na/ /de ni dngos grub 'bring du 
bshad/ /mtshams dang byang du kha bltas na/ /'jig rten pa yi dngos grub 'grub/ /so shing bor ba brgya lam na/ /gal te thur du kha bltas na/ /de ni nges par sa 'og gi/ /dngos grub de la the tshom ma med/ /slob ma nye reg byas nas ni/ /snga ma bzhin du 'khod pa la/ /re re la 

</font><hr>96-1-146b<br><font size=+1>

yang btung ba'i phyir/ /bla mas las kun byed pa yi/ /gsang sngags dag gi spos kyi chus/ /khyor bar blugs pas lan bdun blud/ /der ni 'thungs te langs nas su/ /phyi rol du ni kha bkru bya/ /de nas mchod pa yang byas nas/ /bdug spos lag tu thogs nas su/ /
blo gros can gyis lha rnams la/ /gus par gsol ba gdab par bya/ /gang gi dkyil 'khor yin pa'i sngags/ /de la thog mar gdas par gsol/ /go rims de yi tshul gyis ni/ /lha rnams kun la gdas par gsol/ /'di zhes bya ba'i bcom ldan 'das/ /rig 
sngags rgyal la phyag 'tshal lo/ /bdag ni brtse bar gyur nas su/ /slob ma rnams la brtse ba dang / /khyed rnams la yang mchod pa'i phyir/ /sang ni dkyil 'khor 'dri bar 'tshal/ /bcom ldan bdag ni gus pa la/ /de bas gnang ba mdzad pa'i rigs/ /sangs rgyas 
'jig rten mgon brtse dang / /byang chub sems dpa' dgra bcom dang / /gsang sngags lha gzhan gang lags dang / /'jig rten skyong ba'i lha rnams dang / /gang yang 'byung po mthu chen dang / /gang su lha yi spyan mnga' ba'i/ /sems can bstan la dga' ba rnams/ /
bdag la dgongs pa mdzad du gsol/ /bdag ming 'di zhes bgyi ba yis/ /sang gi dkyil 'khor bzang po'i ming / /'di zhes bgyi ba ci nus kyis/ /cho ga bzhin du 'dri lags na/ /bdag dang slob mar bcas pa la/ /thugs ni brtse bar dgongs nas su/ /tshogs 
pa thams cad dkyil 'khor du/ /byin gyis brlab par mdzad du gsol/ /de ltar lan gsum smras nas ni/ /bsam pa dag pas phyag byas te/ /bstod pa'i tshig kyang brjod nas su/ /de nas slar yang gshegs su gsol/ /'dod chags bral dang ldan pa'i chos/ /
slob ma rnams la bshad nas ni/ /ku sha bting ba'i sa gzhi la/ /shar phyogs sngas ltas nyal du gzhug /de nas nang par nam langs nas/ /rmi lam ci mthong dri bar bya/ /thos nas bzang ngam mi bzang ba/ /the tshom med par bshad par bya/ /rmi lam sangs rgyas 

</font><hr>96-1-147a<br><font size=+1>

mthong na ni/ /yon tan rgya mtsho mngon sum bzhin/ /mchod rten dang ni sku gzugs mthong / /de la mchod pa rtsom pa dang / /dge slong dag la chos nyan tam/ /yang na gzhan la nyan kyang rung / /chos ni rnam par spyod pa dang / /de bzhin glegs bam klog pa dang / /
rmi lam dge 'dun mthong ba dang / /yang na dge slong gcig po mthong / /de dang 'grags shing gtam zer dang / /yang na dge slong dngos por gyur/ /gtsug lag khang dag mthong ba dang / /de bzhin dge slong ma dag mthong / /rgyal ba'i sras dag mthong ba dang / /de bzhin pha ma 
bla ma dang / /mdza' bo rnam pa sna tshogs rnams/ /rmi lam du ni mthong na shis/ /rig sngags dang ni dngos grub thob/ /de bzhin bslab pa 'dzin pa dang / /kun dga' rnam pa sna tshogs dang / /'bab chu rnams dang rgya mtsho dang / /ri dang glang po che dag kyang / /mthong na yang ni 
bzang bar bsgrags/ /rgyal po dag ni mthong na shis/ /bder gshags spyod pa mthun pa yi/ /dka' thub can dang bram ze dang / /phyug po skyes bu dam pa dang / /ba dang rta dang ngang pa dang / /seng ge dang ni ri dgas rnams/ /rmi lam du ni mthong na shis/ /bkra shis pa 
yi bya rnams dang / /gser dag dang ni gter rnams dang / /rin po che dang dngul dag dang / /nor ni rnam pa sna tshogs dang / /mdor na 'byung khungs rnam pa tshogs/ /mtshon cha rnams dang 'bru rnams dang / /'bras bu rnams dang me tog dang / /rgyan ni rnam pa sna tshogs dang / /kha zas 
dang ni gos rnams dang / /byis pa dang ni gzhon nu dang / /bud med gzugs ni bzang mo dag /rmi lam du ni mthong na bzang/ /yang na thob cing reg smra dang / /rmi lam du ni dbang bskur dang / /rgyal por gyur pa'i 'byor pa dang / /dmag dpon du ni gyur pa dang / /g.yul las 
rgyal dang dgra gsod dang / /gnyen dang lhan cig 'grogs pa dang / /lha rnams dag ni mthong ba dang / /theg pa dang ni shing rta zhon/ /de bzhin ri dang khang thog 'dzeg /ngo mtshar rnam pa sna tshogs dang / /rmi lam du ni mthong na dge/ /yam shing me la sbyin sreg byed/ /bya ba bzang po 

</font><hr>96-1-147b<br><font size=+1>

dag la 'jug /chu las rkyal te rong las rgal/ /rkun po dag ni tshar gcod pa/ /stobs 'gyed pa las rgyal ba dang / /gyad stobs rdeb cing 'gying ba dang / /rtsed mo sna tshogs rmi ba dang / /de bzhin rtsal sbungs byed pa dang / /bkra shis dag ni thams cad kyang / /
mthong na rab tu dge bar bshad/ /gsang sngags cho ga nyan pa dang / /dga' ston dge ba mthong ba dang / /bsgrub pa bzang po rtsom pa dang / /sgrub pa po dag mthong ba dang / /de la sogs pa'i lha rnams ni/ /dge ba rnam pa du ma dag /blo yis rnam par dpyad bya zhing / /de 
las bzlog pa spang bar bya'o/ /dge ba rnams ni 'grub par 'gyur/ /mi dge rnams ni mi 'grub bo/ /mi dge ba dag shes nas su/ /de dag mkhas pas spang bar bya/ /dge ba yi ni ltas rnams ni/ /rab dang 'bring dang tha ma las/ /gsang sngags dngos grub rnam gsum 
po/ /rab dang 'bring dang tha ma 'grub/ /mi dge ba la zhi ba yi/ /sbyin sreg zhi ba'i gsang sngags kyis/ /ba yi mar la brgya rtsa brgyad/ /cho ga bzhin du zhi bar bya/ /de nas slob ma sdig bral zhing / /rnam par dag pa de dag la/ /rjes su brtse bar bya ba'i phyir/ /
ci 'dod par ni gzung bar bya/ /dkyil 'khor gyi ni gsang sngags kun/ /nang par rjes su dran byas nas/ /gos dkar bgos shing ma yengs par/ /dkyil 'khor gyi ni drung du 'gro/ /las kun byed pa'i gsang sngags kyis/ /thog ma nyid du bsang gtor bya/ /tshon sna lnga 
yi srad bu la/ /de dag nyid kyis brgyar bzlas te/ /bzang po'i ltas dang sbyar nas ni/ /mkhas pas dkyil 'khor zig gdab bo/ /thig skud kyi ni tshon sna lnga/ /dkar dang dmar dang de bzhin ser/ /sngo dang lnga pa nag po ste/ /tshon rtsi rnams kyang de dang 'dra/ /dkon mchog 
gsum la mchod bya zhing / /lha rnams gnas la'ang phyag byas nas/ /mkhas pas srad bu bri bar bya/ /nang par nyi ma shar ba'i tshe/ /blo yis phyogs cha legs brtags la/ /dang por shar nas bsnyams te gzung / /slob dpon byang du kha bltas te/ /srad bu 'dzin pa de la 

</font><hr>96-1-148a<br><font size=+1>

blta/ /de nas g.yas phyogs bskor nas ni/ /bdag nyid nub phyogs kha bltas te/ /de nas srad bu nub phyogs su/ /bdag nyid kyis ni bre bar bya/ /de yi 'og tu byang phyogs su/ /mkhas pas srad bu bre bar bya/ /dang por bdag nyid me phyogs su/ /
'dug nas phyogs gnyis brtag par bya/ /de yi 'og tu rlung phyogs su/ /phyogs gnyis nas ni srad bu bre/ /bden bral dbang ldan gra gnyis nas/ /srad bu 'dzin pa blta bar bya/ /gru bzhi lha ma par bsnyams nas su/ /rgya gram du ni srad bu bre/ /rgya gram thams cad 
mnyam par bsnyams/ /de ltar srad bus gtan la dbab/ /bsnyams nas de yi dkyil du ni/ /phur bu gcig kyang gdab par bya/ /de nas de yi 'og tu yang / /grwa bzhir phur bu bzhi gdab bo/ /de bzhin dkyil 'khor gnyis pa dang / /gsum pa legs par grwa dag 
nas/ /che chung dag kyang rim pa bzhin/ /yongs su brtsam par bya bar bshad/ /rim gyis phyed phyed da bri bar bar bya/ /de las gzhan pa'i 'khor gyi ni/ /dkyil 'khor bshad pa gang yin pa/ /de kun phye ma dkar po yis/ /chig rkyang du ni bri bar ba shad/ /dkyil 'khor nyis 
rim sum rim mam/ /bzhi 'am mang por bya ba la/ /phyi rim gang yin de la ni/ /sgo gcig pa dang rgya cher bya/ /gzhan ni phyogs kyi cha bzhin du/ /sgo bzhi sgo khyud bcas par bya/ /yang na thams cad dogs med par/ /sgo re re bzhi bya ba yin/ /snying po dkyil 'khor nges par 
ni/ /rab tu bzang po sgo bzhir bya/ /nub phyogs sgo 'am yang na ni/ /gang las ji skad bshad par dbye/ /lhag ma rnams ni dkar po yi/ /phye mas gcad par bya ba yin/ /dkyil 'khor rnam gsum dgod pa yis/ /dkyil 'khor rab tu mang bshad kyang / /de ni dkyil 
'khor mang po dag /rnam par dgod pa bshad pa gang / /de dag rnams ni thams cad kyi/ /rnam par dbye ba yin par grags/ /lha yi gtso bor gyur pa rnams/ /rtag tu dkyil du dgod par bya/ /de yi lhag ma'i dkyil 'khor ni/ /gnyis pa dag tu dgod par bya/ /

</font><hr>96-1-148b<br><font size=+1>

'jig rten skyong ba la sogs pa/ /dkyil 'khor gsum pa bsdu bar bshad/ /de las gzhan rnams ji skad du/ /bshad pa de bzhin kho nar dgod/ /dkyil 'khor thig gdab thig skud ni/ /kha bsgyur gtsang ma sra zhing phra/ /de bzhin bu mo gzhon nus bkal/ /sar pa shin 
tu gtsang ma dang / /mdzes shing shin tu ran pa dag /dri zhim reg na bde ba dang / /legs par bkal dang sra ba dang / /sbom phra la sogs bkal legs dang / /'jur mdud med par gyur pa yi/ /thig skud me tog spos mchodapas/ /shes rab can gyis thig gdab bo// 
mchod sbyin shing gi phur bu dag /thur du rtse bstan mngon bsngags pa/ /dkyil 'khor bri ba'i cho ga la/ /phyogs bzhi dag tu gdab par bya/ /ltas ngan byung na dngos mi 'grub/ /srad bu chad na bla ma 'chi/ /ring thung khyer na nad kyis 'debs/ /phyogs 'khrul slob ma 
myos par 'gyur/ /de bas thams cad nan tan du/ /mkhas pas legs par thig gdab bo// //khyim sa'i dpyad la sa ci byung ba'i/ /sa yi nges pa de dang 'dra/ /de nas bla mas ci 'byor pas/ /'phags pa'i dge 'dun chos ston gsol/ /yang na bla mas bsgos pa 
yi/ /slob ma rnams kyis chos ston gsol/ /gal te mi 'byor dge 'dun gyis/ /bskos pa'i dge slong chos ston sbyin/ /yang na sangs rgyas mchod pa'am/ /dge 'dun dag la yon yang dbul/ /bla ma slob ma dang bcas par/ /khro bo rgyal po rjes dran zhing / /skyu ru ra 
la sogs pa yis/ /phyi dro tshul bzhin khrus bya'o/ /khrus byas gtsang zhing gos dkar bgos/ /yo byad rnam pa kun dang ldan/ /byams pa'i sems ni nyer bzhag nas/ /dkyil 'khor gyi ni drung du 'dong / /bla mas tshogs rnams kun bsags shing / /lta ba ngan pa thams cad 
spangs/ /dkyil 'khor bri ba thams cad la/ /bla mas mkhas pa dag tu bya/ /dang por dkyil 'khor sa gzhi la/ /ba yi gcin dang bsres pa yi/ /ba yi lci bas bsku bya zhing / /de nas spos chus bsang gtor bya/ /sa gzhi kho ra khor yug tu/ /chag chag gdab cing phyag dang 

</font><hr>96-1-149a<br><font size=+1>

bya/ /yid ni mos par bya ba'i phyir/ /me tog sil ma gtor bar bya/ /srad bu dag gis yongs su bskor/ /rgyal mtshan rta babs dag gis mtshan/ /brgyus pa'i phreng ba rnams bre zhing / /bkra shis cho gar bstan par bya/ /de nas byang gi phyogs gcig 
tu/ /yo byad thams cad gsog par bya/ /khro bo'i rgyal pos bsrungs nas su/ /blo dang ldan pas dgod par bya/ /gnas ni bsang gtor bya ba dang / /bgegs rnams bsal bar byas nas ni/ /bdag dang dkyil 'khor dag kyang ni/ /dang por kun nas bsrung bya ste/ /
bkra shis ltas dang sbyar nas ni/ /mos pa'i sems ni bskyed bya zhing / /mtshams kyi dus su bab pa yi/ /srod kyi dus la brtsam par bya/ /ltas dang mi ldan gyur na yang / /sems ni zhum par mi bya bar/ /rigs gsum dag la phyag byas nas/ /dal gyis legs 
par brtsam par bya/ /ltas ngan dag ni yang dang yang / /bstudamar byung bar gyur na ni/ /de na dngos grub med gyur gyis/ /de tshe brtsam par mi bya yi/ /yang na de ni zhi ba'i phyir/ /yam shing me ni 'bar ba la/ /ba yi mar las brgya rtsa brgyad/ /zhi ba'i phyir ni sbyin sreg 
bya/ /de bzhin gshegs pa'i rigs la ni/ /sangs rgyas spyan gyis zhi bar bya/ /pad+ma'i rigs la grags ldan ma/ /rdo rje'i rigs la mA ma kI/ /rigs gsum dag gi spyi la yang / /rig sngags chen mo ma ma ka/ /blo dang ldan pas las kun la/ /de bas des ni zhi bar bya/ /
dkyil 'khor ba dag po cho ga bzhin/ /de nas mchod yon dbul bar bya/ /snod ni gser dang dngu la dag dang / /zangs la byas pa'am dung yang rung / /shing la byas pa'am rdo dag gam/ /kham pasar pa'i gtsang ma'ang rung / /der ni me tog dkar po blugs/ /bdug spos kyis 
kyang bdug par bya/ /de nas dri zhim chu blugs nas/ /blo ldan la ga gi bram bya zhing / /bdug spos kyis ni bdug bzhin du/ /yid kyis rab tu bzlas brjod bya/ /de nas blo dang ldan pa yis/ /rtsa ba'i gsang sngags zlos byed cing / /sa yi dbus kyi phyogs su ni/ /pus 

</font><hr>96-1-149b<br><font size=+1>

mo gnyis btsugs mchod yon dbul/ /yang na dkyil 'khor thams cad kyi/ /las la mchod yon don du ni/ /me tog dkar po'am bdug spos ni/ /bzang po'am dri zhim byug spos dbul/ /bdug spos dag dang byug spos ni/ /srog chags yan lag bcas pa spang / /
las su bya ba thams cad la/ /chu ni gtsang ma bcog par bya/ /dkyil 'khor dag tu tshig rkyang ba'i/ /byug spos dag gam bdug spos dag /me tog skam las skyes pa ni/ /dri zhim pa dang dkar po shis/ /de nas slob ma bsogs nas ni/ /spos kyi chu yis bsang gtor bya/ /
tshogs pa bsrung ba byas pa rnams/ /phyogs gcig tu ni bkod nas su/ /shes rab pha rol phyin bklags te/ /gus par yang ni phyag byas nas/ /'phags pa'i tshogs kun bsams nas su/ /de nas dkyil 'khor bri bar bya/ /mkhas pas lcags ni rnam lnga'am/ /phye ma 
dkar po la sogs pa'am/ /dad cing yon tan ldan pa yi/ /slob mas rin chen phye mas bri/ /rin chen lcags rnams ma 'byor na/ /sa lu btags pa'i phye mas bya/ /tshon rtsi lngar bshad zhib mo dang / /'byung khungs nas byung phye ma dang / /rdo yi khams ni sna tshogs 
dag /phye ma'i las la sbyar bar bya/ /de ltar rnam pa bzhi po dag /phye ma'i rgyur ni bsgrags pa yin/ /lcags rnams kun dang rin chen dang / /'byung khungs sa dang 'bras btags pa/ /dkyil 'khor kun gyi las rnams la/ /phye ma'i don du sbyar bar bya/ /yang na las 
kyi cho ga la/ /phye ma dmar po so phag bsregs/ /nag po thal ba dkar po ni/ /nas dang gro las byas pa gnang / /bya ba rings pa 'byung ba dang / /bgegs rnams tshar gcad bya ba dang / /drag shul spyad pa'i las dag gi/ /dkyil 'khor las la thal ba gnang / /
dkyil 'khor gyi ni cho ga la/ /phye ma'i rgyu ni sngar bshad pa/ /kun kyang rung ste khyad par du/ /dang po la sogs rim bzhin shis/ /da ma tshig las la lcags kyi bzang/ /rin chen las byung dbang bskur la/ /sA lu'i phye ma zhi ba la/ /'byung khungs las byung rgyas pa la/ /

</font><hr>96-1-150a<br><font size=+1>

drag shul spyod la khyad par du/ /thal ba la sogs bya bar shis/ /de ni phye ma'i cho ga'i rim/ /khyad par dang bcas bstan pa yin/ /byang shar mtshams nas brtsams nas su/ /rdo rje khu tshur sbyor ba'am/ /yang na lcags kyu'i phyag rgya 'am/ /
lhung bzed rgya yi sbyor ba'am/ /yang na rig byed lag pas bri/ /dkar po dang por dgye bar bya/ /de yi 'og tu dmar po dgye/ /de nas ser po dgye bar bya/ /de yi 'og tu ljang gu dgye/ /sngags pas kun gyi phyi rol du/ /tshon rtsi nag po dgye bar bya/ /g.yas su bskor 
zhing rgyun mi bcad/ /thams cad mnyam zhing bar chad med/ /ngan pa dang ni nyams pa dang / /ma snyoms pa dang bar chad na/ /gnod pa mang po 'byung bar 'gyur/ /de bas nan tan cher byas te/ /mkhas pas phye ma dgye bar bya/ /phyogs rnams kun du mkhas pa yis/ /
dbus su sgo ni gdod par bya/ /ngos gnyis su ni tsha dag kyang / /bzhi bzhi dag ni dor bar bya/ /chab sgo chen po stegs bur bcas/ /chung zad gcig ni lhag par bya/ /chab sgo gzhan rnams bcad par ni/ /phye ma dkar po dag gis ni/ /sgo yi dbus kyi cha dag tu/ /ri mo phra 
mo bri bar bya/ /yang na sgo yi phyag rgya'am/ /sgo srungs ji ltar 'dod par bri/ /dang po tshon rtsi sna lngas bri/ /dkyil 'khor gnyis pa sna gsum gyis/ /gsum pa phye ma dkar po yis/ /gcig rkyang du ni bri bar bya/ /gzhan yang kha cig gang bshad pa/ /de yi ri mo gcig 
rkyang nyid/ /thal phyer bshad pa gang yin pa/ /de dag thams cad ri mo gcig /de ltar dkyil 'khor bris nas su/ /cha gsum du ni legs brtags la/ /chu zheng dag ni cha gnyis kyang / /shin tu legs par nges par bya/ /rnam par dbye ba 'di dag ni/ /rigs gsum 
dag gis spyir bstan no/ /yang na so so rgyud rnams las/ /go rims ji skad bshad bzhin bya/ /lha yi gnas kyi sa gzhi rnams/ /ba glang lci bas bsku bar bya/ /de yi 'og tu khyad par du/ /ba yi rnam lnga'i chu yis bsku/ /thams cad spos kyi chus gtor nas/ /de yi 'og tu 

</font><hr>96-1-150b<br><font size=+1>

phye ma dgye/ /rig sngags rgyal posamangon bsngags pa'i/ /spos kyi chu yis gtor bar bya/ /dkyil 'khor dag gi cho ga ni/ /rnam pa gsum po ma lus la/ /lha rnams thams cad dgod pa ni/ /rnam pa gsum du rab tu bshad/ /dang po gzugs su bri bar bshad/ /
gnyis pa dag ni phyag rgya bri/ /gsum pa stan dang gnas dag tu/ /bri ba'i cho ga yongs su bsgrags/ /blo dang ldan pas gzugs kyi tshul/ /bri ba de la mkhas par bya/ /gtsang mas bsgrims te rang gi ni/ /ngo bo ji skad bshad bzhin bri/ /gzugs dang 'tsham par yan 
lag gdags/ /gsal zhing rnam par 'byes par bri/ /gzugs kyang dkyil 'khor rnams kyi ni/ /tshad dang sbyar zhing bya bar bsgrags/ /rang gi lung las kha dog gzugs/ /'byung ba bzhin du gzugs bris te/ /ci nas yan lag ma nyams shing / /rang bzhin zhi 
ba'i gzugs su bri/ /gsang sngags cho ga shes pa yis/ /cho ga 'di yis dkyil 'khor bri/ /blo dang ldan pa ma bslabs pas/ /phyag rgya rnams su dgod par bya/ /bslabs pas kyang ni phye ma yis/ /yan lag rdzogs par rab tu dka'/ /yan lag rdzogs shing rgyas 
bya na/ /cho ga'i las la ring du thogs/ /gzugs rnams legs par bsgrubs na ni/ /mang po rnams ni zin mi 'gyur/ /yan lag nyams na byin mi rlob/ /dngos mi 'grub par rab tu bshad/ /de lta bas na mkhas pa yis/ /phyag rgya'i gzugs su lha rnams 
dgod/ /yang na rigs gsum bdag po rnams/ /ci 'dod par ni gzugs su dgod/ /de la sa sangs rgyas bcom ldan gyi/ /phyag rgya gtsug tor go rims bzhin/ /yid la de yi sngags zlos shing / /phye ma dkar pos bri bar bya/ /'phags pa spyan ras gzigs dbang gi/ /
phyag rgya pad+mar rab tu bsgrags/ /phyag na rdo rje'i phyag rgya ni/ /rdo rje rnon po rtse gsum 'bar/ /lha rnams gzhan gyi phyag rgya ni/ /lung las ji skad bshad pa bzhin/ /yang na rigs kyi bdag po'i rgya/ /de dang der ni spyi yi yin/ /lha rnams gang dang gang dag gi/ /mtshan ma gang 

</font><hr>96-1-151a<br><font size=+1>

dang gang yin pa/ /de dang de dag de yi rgya/ /'di ni ma nor mdor bshad bya/ /drag po'i phyag rgya rtse gsum rno/ /dka' zlog phyag na rtse gsum gdengs/ /khyab 'jug gi ni 'khor lo rno/ /sde chen gyi ni mdung thung yin/ /tshangs pa'i pad+ma yin par bshad/ /
brgya byin gyi ni rdo rjer gsungs/ /me lha'i phyag rgya zhugs thab yin/ /gshin rje'i phyag rgya be con yin/ /bden bral gyi ni ral gri yin/ /chu bdag gi ni zhags par bshad/ /rlung gi phyag rgya rgyal mtshan yin/ /ku be ra yi dbyug to ste/ /dbang bdag gi ni rtse gsum 
gsungs/ /'di brgyad phyogs kyi lha brgyad kyi'o/ /sa yi phyag rgya bum pa yin/ /nyi zla'i phyag rgya zlum por bya/ /lha rnams so so'i bye brag las/ /swa sti ka la sogs pa'i rgya/ /mkhas pas ji skad bshad bzhin bri/ /yang na kun gyi zlum por bri/ /gang du lha rnams gzugs 
dag tu/ /dgod pa bshad pa der yang ni/ /phyag rgya dag gam yang na ni/ /stan du dgod pa rnam par bshad/ /de la sogs pa'i phyag rgya rnams/ /ji skad bshad pa'i cho ga bzhin/ /dkyil 'khor dag tu ma smos kyang / /cho ga bzhin du bri bar bshad/ /de ltar phyag rgya dgod pa 
'dis/ /dgod pa gnyis par bshad pa yin/ /stan du dgod pa'i cho ga ni/ /'di las gzhan pa gsum par bshad/ /dkyil 'khor dag gi nang du ni/ /tshon rtsi phye ma'i thig ler bri/ /dkyil 'khor dag gi tshad las ni/ /kho ra khor yug rgya cher bskor/ /rigs kyi bdag po'i lha 
rnams ni/ /go rims bzhin du de ltar bri/ /lha rnams gzhan ni gdan rnams kyi/ /spyi yi cho ga bshad pa yin/ /zlum po'am yang na gru bzhi rung / /thog ma stan ni dgod par bya/ /yid la de yi sngags zlos shing / /de yi steng du mkhas pas dgod/ /phyi rol du ni thig le la/ /
mkhas pas lha rnams ming gis dgod/ /thams cad thig ler gnas byas nas/ /spyan drang bar ni brtsam par bya/ /'di dag stan du dgod pa ste/ /gsum pa yongs su bsgrags pa yin/ /rings sam yang na mi nus na/ /stan du dgod pa'i dkyil 'khor bya/ /yang na cho ga shes 

</font><hr>96-1-151b<br><font size=+1>

pa yis/ /gsum po 'di yi cho ga ni/ /re re'am gnyis sam gsum charam/ /bsres nas dkyil 'khor legs par bri/ /rigs kyi bdag po gsum rnams kyi/ /gsang sngags thog mar bkod nas su/ /dkyil 'khor nang du mkhas pa yis/ /lhag ma rnams kyi 
phyag rgya bri/ /phyi rol du ni stan rnams bri/ /'di ni spyi yi cho ga ste/ /dkyil 'khor dag la khyad par du/ /bar ma rab tu bsngags pa yin/ /gzugs rnams legs par ma rdzogs na/ /nyes pa sngar ni bshad pa bzhin/ /gnas rnams stong par 'gyur bas na/ /cho ga tha ma mi shes 
so/ /phyag rgya rnam gsum gang bkod pa/ /bar ma rab tu bsgrags pa yin/ /khyad par du ni de bsngags te/ /de la byin gyis rlob par 'gyur/ /phyag rgya bri na bde ba ste/ /phyag rgya gang yin de nyid lha/ /de bas mkhas pas nan tan du/ /dkyil 'khor dag gi phyag rgya bri/ /
dkyil 'khor ma lus pa rnams su/ /ma bshad kyang ni dogs med pas/ /sangs rgyas bcom ldana'og logs su/ /gzhan gyis mi thub lha mo bri/ /dbus kyistong pa gang yin pa/ /der yang bum pa'i steng du ni/ /shes rab pha rol phyin pa gzhag /der yang mchod cing 
bklag par bya/ /la la dag tu ma gsungs kyang / /'phags pa spyan ras gzigs dbang gi/ /drung du blo dang ldan pa yis/ /gos dkar can ni rtag tu bri/ /phyag na rdo rje'i drung du ni/ /bdud rtsi thab sbyor kun du bri/ /brtson 'grus chen mo mA ma kI/ /phyag rgya chen mo 
bri bar bya/ /cho ga shes pas sgo drung du/ /dga' bo de dang bsnyen dga' bri/ /mkhas pas ji skad bshad pa yis/ /'phrog ma de bzhin mdun du bri/ /sgo rnams kun du rdo rje bri/ /phyogs skyong phyag rgya'ang lugs bzhin du/ /so so so sor drag po'i gzugs/ /
so so'i phyogs kyi gnas su bri/ /gnod sbyin nor bu bzang la sogs/ /bstan pa la ni gang dga' ba/ /sgo yi byang gi phyi rol gyi/ /phyi rol du yang de dgod do/ /gang dag tu yang ma bshad kyang / /shar du sangs rgyas thams cad dang / /de bzhin chos dang dge 'dun la/ /gus 

</font><hr>96-1-152a<br><font size=+1>

par dkyil 'khor byas nas mchod/ /'jam dpal gzhon nur gyur pa dang / /rgyal sras mthu chen thob pa dang / /nam mkha'i snying po don grub dang / /dri ma med pa'i blo gros dang / /de la sogs pa'i sems dpa' che/ /dkyil 'khor gyi ni phyi rol 
dgod/ /bskal pa bzang po'i grogs po ni/ /byams pa la sogs thams cad dgod/ /rdo rje sde dang lag bzangs dang / /de bzhin bgegs kyi sde dpon dang / /dbang phyug chen po chung mar bcas/ /tshangs pa chen po mes po bri/ /rig sngags 'chang gi rgyal po yang / /
glang po che zhes bya ba dang / /yan lag bkram 'byin rtse bran can/ /g.yon phyogs cod pan mi bzad dang / /sna tshogs 'od dang legs par 'grub/ /rig sngags 'chang bdun bdag po ste/ /bdun po 'di dag rigs kyi gco/ /dngos grub pa ste mthu can rnams/ /dkyil 
'khor dag ni thams cad kyi/ /lho yi phyogs su legs par dgod/ /ma mo rnams dang sna yon dang / /de bzhin gza' rnams sna tshogs dang / /sgra gcan stobs can rab sim dang / /rnam par snang byed la sogs dang / /nor rgyas la sogs klu rnams dang / /de dag nub kyi 
phyogs su dgod/ /shar du rdo rje phyag rgya ni/ /brgya byin lha dang bcas pa dang / /de bzhin gnas gtsang lha rnams kyang / /gus par yang ni mchod par bya/ /nyi zla gnyis kyi dkyil 'khor ni/ /dkar dang dmar ba'i bye brag gis/ /shar dang nub tu bris nas ni/ /de nas de gnyis 
mkhas pas mchod/ /me yi phyogs su zhugs thab rgya/ /me lha drang srong 'khor bcas bri/ /lho phyogs be con phyag rgya ni/ /gshin rje yi dgas la sogs bcas/ /bden bral phyogs su ral gri'i rgya/ /bden bral ba ni srin por bcas/ /chu lha'i phyogs su zhags pa'i rgya/ /
chu lha klu dang lhan cig tu/ /rlung gi phyogs su rgyal mtshan rgya/ /rlung gi lha ni rlung dang bcas/ /byang du dbyug to'i phyag rgya yang / /ku be ra yang gnod sbyin bcas/ /dbang ldan phyogs su rtse gsum rgya/ /dbang ldan tshogs dang lhan cig tu/ /'og tu bum pa'i phyag rgya ni/ /

</font><hr>96-1-152b<br><font size=+1>

sa yi lha mo lha min bcas/ /phyogs skyong rnams ni go rims bzhin/ /de ltar gnas su dgod byas nas/ /byug spos me tog la sogs pas/ /mkhas pas so sor 'khor bcas mchod/ /mdzod spu dang ni mdung thung dang / /'khor los sgyur ba cher 'byung bcas/ /rig 
sngags chen mo spyan dang ni/ /yid bzhin nor bu'i rgyal mtshan dang / /mngag gzhug brtson 'grus chen po dang / /de bzhin gzhan gyis mi thub pa/ /de bzhin gshegs pa'i rigs dag gi/ /dkyil 'khor kun la dgod par bya/ /grags ldan ma dang dkar chen mo/ /de bzhin 
gos dkar can dang ni/ /rta mgrin dang ni ral pa gcig /sgrol ma dkar sham dpal mo che/ /'dod pa 'byor byed gsang sngags dag /'phags pa spyan ras gzigs dbang gi/ /dkyil 'khor ma lus pa rnams su/ /mkhas pas cho ga bzhin du dgod/ /rdo rje lcags kyu 
khu tshur dang / /rig pa'i rgyal po phyag rgyar bcas/ /khro bo chen po thab sbyor dang / /gom pa dor ba nyid dang ni/ /rdo rje lug rgyud be con dang / /khro bo 'chol pa zhes bya dag /phyag na rdo rje'i dkyil 'khor du/ /ma smos kyang ni de dag dgod/ /dkyil 'khor dang po'i nang du 
ni/ /ji skad smos pa'i lha bkod nas/ /de nas mkhas pas dkyil 'khor ni/ /gnyis par rim pa ji bzhin du/ /ma smos pa dang 'dod pa yi/ /gsang sngags rnams kyang dgod bya zhing / /'khrul pa med par gsum pa yang / /bye brag tu ni dgod par bya/ /phyogs bzhir 
chos klog bzhi bzhag nas/ /de la shar gyi phyogs su ni/ /shes rab pha rol phyin pa bzhag /byang gi phyogs su bzhag pa ni/ /gser 'od dam pa'i mdo sde yin/ /nub kyi phyogs su bzhag pa ni/ /de bzhin gshegs pa'i gsang ba'i mdo/ /theg pa chen po sdong pos 
bshad/ /lho yi phyogs su bzhag nas su/ /gus par de dag mchod par bya/ /rgyud kun gyi ni gsangasngags bdag /yongs su mnyes par bya ba'i phyir/ /mkhas pas dkyil 'khor phyi rol du/ /spyi yi cho ga gzhan 'di'ang bya/ /byang dang lho dang shar phyogs kyi/ /

</font><hr>96-1-153a<br><font size=+1>

phyogs gsum du ni stegs bu gsum/ /byas te rigs gsum bsams nas su/ /spyan drang ba yi cho ga bya/ /de bzhin gshegs pa'i rigs rnams kyi/ /gsang sngags kun la dbul lo zhes/ /me tog spos chus bkang ba yi/ /mchod yon dag ni 
dbul bar bya/ /sangs rgyas pa la shar phyogs su/ /pad+ma 'dzin la byang phyogs su/ /gsang ba'i bdag pos bshad pa yi/ /gsang sngags rnams la lho phyogs su/ /de ltar byas na rigs gsum gyi/ /gsang sngags 'khor dang bcas pa kun/ /mchod pa byas 
pa 'di ru ni/ /dgyes par gyur pa gdon mi za/ /cho ga 'di yis nub phyogs su/ /'jig rten pa yi lha rnams ni/ /kun la dbul lo zhes brjod cing / /phyi rol stegs bu steng du mchod/ /zhi ba dag gi cho ga la/ /byang chub sems dpa' dkon mchog gsum/ /gtsang 
ma'i gnas na 'khod pa yi/ /lha rnams kyang ni dgod par bya/ /rgyas pa la ni khyad par du/ /rig sngags gsang sngags thams cad dang / /bstan pa la ni dga' ba yi/ /gnod sbyin rnams kyang dgod par bya/ /drag shul spyod pa'i dkyil 'khor du/ /khro bo rnams kyi 
phyag rgya ni/ /drag shul chen po'i rnam dag dang / /mngag gzhug pho mo mang po dgod/ /dkyil 'khor dag ni thams cad la'ang / /las rnams gsum du shes par bya/ /de bas cho ga 'di rnams kyis/ /dkyil 'khor rnam pa gsum du brtags/ /dkyil 'khor dag gi 
dbus dag na/ /sa stong gar yang ma gtogs pa/ /gang na yod pa de ru ni/ /shes rab pha rol phyin pa bzhag /yang nasgo yi g.yas rol du/ /slob ma bzang po'i steng du bzhag /g.yon gyi phyogs su sbyin sreg phyir/ /me ni yam sreg shing gis sbar/ /yang na shar 
lho mtshams dag tu/ /me ni rab tu sbar bar bya/ /yang na las kyi rjes mthun par/ /phyogs kyi go rims bzhin du bzhag /dri gtsang khang ngam gnas khang ngam/ /phug gam yang na go skabs dag /dog pa bzhin du byed na ni/ /der ni ji ltar 'dod par bya/ /go skabs dog 

</font><hr>96-1-153b<br><font size=+1>

pa dag tu ni/ /bsgrubs pa'i dkyil 'khor ma gtogs pa/ /slob dpon gyis ni gzhan mi bri/ /bris na mod la 'chi bar 'gyur/ /dkyil 'khor dag ni ma lus par/ /go skabs yangs pa'i phyogs su shis/ /khang bzangs dag gam khyams su yang / /goms pa 
yis ni ci bder bri/ /rad rod dag gam sdong dum dag /ljon shing dag dang rdo ba ni/ /rab tu bsgrims nas dbyung bya ste/ /de dag zug rngu yin par bshad/ /mkhas pas de dbyung thabs med na/ /zhi ba'i cho ga byas te bzhag /snying po'i dkyil 'khor du ni de/ /bag med 
nam yang mi bzhag go/ /rad rod la sogs bye brag dag /dkyil 'khor dbu ma ma gtogs par/ /gnas khang la sogs nyes med de/ /de dag de na rang bzhin gnas/ /khang bzangs dag la sogs par ni/ /bsang gtor byas pas dag par bshad/ /ri la sa gzhi 
mnyam pa dang / /rdo pa'i zug rngu brtag mi dgos/ /gal te gnas kyi dbang gis su/ /lha rnams phyogs logs 'god byed na/ /mkhas pas zhi ba byas te gzhag /snying por nam yang mi bya'o/ /bya ba'i dbang gis de la sogs/ /'gal ba gang dang gang byed pa/ /de 
dang der ni mkhas pa yis/ /thams cad zhi ba'i las kyis bsal/ /blo dang ldan pas cho ga 'dis/ /dkyil 'khor rdzogs par bris nas ni/ /yid ni legs par mnyam bzhag nas/ /de yi 'og tu yang brtags te/ /brgya la 'ga' zhig ma legs na/ /de ni phyir yang 
bcos par bya/ /mkhas pas rang gi gsang sngags sam/ /slob ma'i sngags kyang 'dod nad god/ /slob ma brtags pa la la zhig /gal te dbang ni bskur 'dod na/ /dbang bskur don du dkyil 'khor ni/ /phye ma dkar pos bri bar bya/ /dkyil 'khor dag dang 
rjes mthun par/ /stegs bu gru bzhi byas nas su/ /de yi dbus su tshon sna lngas/ /pad+ma yongs su rdzogs par bri/ /bkra shis la sogs mtshan ma rnams/ /de ni ji ltar 'dod pa bri/ /bkra shis phyir ni gang bstan pa/ /yang na de ni dngos su dgod/ /mkhas 

</font><hr>96-1-154a<br><font size=+1>

pas g.yos rnams gang bzhag pa'i/ /sa ris rnams kyang phye mas bcad/ /g.yos su byas pa'i rnam pa kun/ /bsogs nas der ni dgod par bya/ /bum pa dag dang rgyal mtshan dang / /rta babs bzhag pa'i sa ris dang / /phyi rol mdzes par 
bya ba yang / /ji ltar 'dod pa phye mas bya/ /de nas gzhan yang lha rnams ni/ /spyan drang ba yi cho ga dang / /mchod pa go rims ji bzhin du/ /yang dag mdor bsdus bshad par bya/ /dkyil 'khor cho ga bzhin bris nas/ /nye reg byas shing gtsang bar bar bya/ /lha rnams 
la yang phyag byas nas/ /bzang ngam mi bzang brtag par bya/ /phyi rol shar phyogs kha bltas nas/ /yid la dkyil 'khor ba dag po yi/ /snying po'am gsang sngags kun zlos shing / /mtshan ma dag ni brtag par bya/ /ji srid ltas ni bzang po dag /'ga' zhig 
'byung bar 'gyur gyi bar/ /de nyid bsgrims te yid gcig tu/ /bzlas brjod byed la 'bad cing bsdad/ /de mthong blo ldan rangs 'gyur bas/ /las kun byed pa'i gsang sngags sam/ /bdag gis gang zhig bzlas pa yis/ /bsrung ba legs par sbyar bar 
bya/ /yang na rgyud rnams kun gyi spyir/ /bgegs rnams thams cad bzlog pa la/ /rdo rje be con brtson 'grus che/ /khro bo bdud rtsi thab sbyor dang / /mgo la rdo rje smos pa yis/ /phur bu ra ba dra ba gsum/ /blo dang ldan pas lnga po dag /cho ga bzhin du sbyar bar 
bya/ /bsrung ba rtsa ba'i gsang sngags sam/ /yang na de yi snying pos bya/ /slob ma rnams la yid kyis su/ /bsrung ba snga ma bzhin du bya/ /bsrung ba byas nas de 'og tu/ /mkhas pas dkyil 'khor 'jug par bya/ /zhugs nas mchod yon snod thogs te/ /mchod 
yon dag kyang dbul bar bya/ /mchod yon snod ni gser dngul lam/ /zangs sam shel lam nor bu 'am/ /mching bu dkar po las byas pa/ /shing ngam de bzhin rdo las byas/ /dung ngam lo ma skyongs bu 'am/ /nya phyis dag gam kham phor ni/ /sar pa yan 

</font><hr>96-1-154b<br><font size=+1>

lag ma nyams pa/ /dag par byas la blang bar bya/ /der ni khro rgyal bzlas pa yi/ /me tog dag kyang bcug nas su/ /mnyam par bzhag ste dkyil 'khor gyi/ /gsang sngags lan bdun bzlas nas ni/ /snga ma bzhin du dri chu yi sa/ /mchod yon gus 
par dbul bar bya/ /dkyil 'khor dbu mar phul nas ni/ /lhag ma rnams la gtor bar ba shad/ /dkyil 'khor thams cad bsang gtor byas/ /de nas cho ga 'di bya'o/ /bum pa nag po ra ri med/ /gzugs bzang kha dog rab tu dmar/ /gsar la 
ma chag ma gas pa/ /yang dag dbyibs ni legs shing zlum/ /bzlas brjod dag kyang lan bdun byas/ /spos chu dag gis bkang ba la/ /'bru rnams kun dang ldan byas shing / /sman rnams dang yang ldan pa dang / /rin chen kun dang rab tu ldan/ /mgul par 
ras sar rangs pas dkris/ /me tog phreng ba sa rnam par brgyan/ /kha rgyan ldum bu bzang pos bya/ /shing tog bkra shis khar blugs pa/ /'bras bu me tog sil mar ldan/ /spos kyis byug cing bdug pas bdug /thams cad bkra shis dang ldan pa/ /bzlas 
brjod lan bdun byas pa dag /bkra shis don du gnyer ba yin/ /phyogs dang mtshams rnams dag tu dgod/ /yon tan kun dang ldan pa yi/ /bum pa 'di kun ma 'byor na/ /dbang bskur phyir ni 'bring po gcig /nan tan bskyed de legs par gzhag /grwa dang 
sgor ni ma lus par/ /bum pa dag kyang bzhag nas ni/ /bar sgo chen po gnyis gnyis shig /khyad par du ni gzhag par bya/ /bum pa gcig ni phyi sgo yi/ /drung du mngon par gzhag par bya/ /mang po 'byor par ma gyur na/ /brgyad dam yang na bzhi bzhag go/ /
nyung ngu rnams ni khyad par du/ /pha rol dag tu dgod bya ste/ /sgo yi drung du gcig bzhag pa/ /de ni nges par bya dgos so/ /'bras kyi sob monasran gre'u/ /nas dang gro dang til dang lnga/ /'bru rnams kun zhes bya ba ni/ /las rnams kun la 'di dag gzung / /

</font><hr>96-1-155a<br><font size=+1>

sing g+h+ri byA g+h+ri kar Ni ka/ /ha sa ha sa de ba ste/ /sman rnams kun ces bya ba la/ /lnga po 'di dag shes par bya/ /byi ru gser gyi sa le sbram/ /dung dang mu tig nor bu ste/ /rin chen kun ces bya ba la/ /lnga po 'di dag shes par bya/ /rgyal mtshan 
sar pa sna tshogs dang / /brgyad ni kho ra khor yug tu/ /yu ba drang po ring po la/ /dpyangs nas nye bar bzung byas te/ /dkar po shar gyi phyogs su gzugs/ /shar lho mtshams su le brgan gzugs/ /lho yi phyogs su nag po gzugs/ /lho nub mtshams su 
dud kha gzugs/ /nub kyi phyogs su dmar po gzugs/ /nub byang mtshams su khra bo gzugs/ /byang gi phyogs su ser po gzugs/ /byang shar mtshams su ljang ser gzugs/ /de ltar rgyal mtshan brgyad po rnams/ /go rims bzhin du gzugs par bya/ /rgyal mtshan 
rnams kyi rtse mo la/ /tog ni rma bya'i mdong sa kyis brgyan/ /rgyal mtshan rnams ni ma rnyed na/ /thams cad thal kar gcig pu'am/ /yang na de bas mang yang rung / /shar gyi phyogs su gzugs par bya/ /pog phor kham pa las byas pa/ /so ma btang ba dkar 
po bcu/ /byas nas phyogs dang phyogs mtshams ni/ /rgyab dang de bzhin mdun du dgod/ /pog phor dag tu ma 'byor na/ /kham pa'i phor bu'i nang nas dbul/ /de dag kyang ni ma 'byor na/ /gcig cig sgor ni bzhag nas dbul/ /me tog phreng bas brgyan pa 
yi/ /rta babs dag kyang phyogs bzhir bya/ /nas dang gro dang 'bru rnams kyi/ /myu gu legs par bskyed pa dgod/ /dril bu gdugs dang rnga ma dang / /srad bu dag kyang phyogs bzhir ni/ /rta babs sogs las phyi rol tu/ /mdzes par bya phyir mkhas pas gdags/ /
'bras yos 'bru dang bcas pa yis/ /me tog sil ma rab tu dgram/ /dkyil 'khor dag gi phyi rol tu/ /phye mas dkyil 'khor sdug gu bri/ /'jig rten 'di na grags pa yi/ /bkra shis la sogs gang yin rnams/ /dkyil 'khor dag gi phyi rol tu/ /phyogs 

</font><hr>96-1-155b<br><font size=+1>

bzhi dag tu mkhas pas dgod/ /de ltar rgyas dang mdor bsdus la/ /ci nus su ni sbyar ba dag / cho ga bzhin du byas nas su/ /de nas spyan drang brtsam par bya/ /mchod yon cho ga snga ma bzhin/ /ma yengs par ni sbyar nas su/ /so so sngags kyis ci rigs par/ /
mkhas pas spyan ni drang bar bya/ /dkyil 'khor bdag po'i gsang sngags sam/ /yang na thams cad snying pos bya/ /sngags rgyud las ni ci bshad pa/ /de bzhin du ni spyan drang ba'o/ /mkhas pas de bzhin gshegs rigs la/ /'khor los sgyur bas spyan 
drang ngo/ /yang na spyan drang cho ga ni/ /sangs rgyas spyan gyis byar yang rung / /phyag na pad+mo'i rigs kun la/ /rig pa'i rgyal pos spyan drang bya/ /yang naspyan drang cho ga la/ /dpal mos las kun byed pas bya/ /mkhas pas rdo rje 'dzin rigs la/ /gnod mdzes 
zhes bya'i gsang sngags sam/ /ma yengs par ni mA ma kIs/ /spyan drang ba yi cho ga bya/ /sngags rgyud bdag po'i sngags gang yin/ /de 'am de yi snying po yis/ /lha rnams kyi ni ming smos te/ /mkhas pas spyan drang cho ga bya/ /yang na rang gi rigs kyisngags/ /
gang yin de 'am de snying ngam/ /cho ga ji skad gsungs pas kyang / /spyan drang ba ni mkhas pas bya/ /yang na cho ga ci gsungs pas/ /yang na phyi 'am nang dag gi/ /rang gi gsang sngags gang yin pa/ /de dag gis ni spyan drang ba'am/ /ji ltar lobs par byar yang rung / /
mchod yon gyi ni cho ga bzhin/ /de ltar spyan drang byas nas ni/ /mchod yon nyid kyis lan re zhing / /de nas zhabs bkru'i cho ga bya/ /bde bar gshegs zhes bya la sogs/ /phyag kyang gus par 'tshal ba dag /go rims bzhin du byas nas ni/ /mkhas pas de dag mchod 
pa brtsam/ /dang po byug spos dbul byas te/ /de yi 'og tu me tog dbul/ /de nas legs par mnyam bzhag nas/ /bdug spos lha bshos dag kyang dbul/ /tsan+dan a kar gur gum dang / /ut+pal rgya spos pri yang ku/ /li shi shing tsha spangaspos smrig /nA ga 

</font><hr>96-1-156a<br><font size=+1>

puSh+pa gA nAm bu/ /gran te sug smel pa tra dang / /la ni s+tho'u ner sar ldan/ /rdo dreg sha ta puSh+pa dang / /sna ma'i lo ma tsa rong dang / /ko'un tim 'du ri ka dang / /ng+h+yan n+ya ka tso la sogs bzang/ /'bras bu thang chu'i tshogs rnams ni/ /mkhas pa rnams kyis 
'di sbyar nas/ /mkhas pa blo dang ldan pa yis/ /phyi dang nang gi lha kun la/ /go rims bzhin du gsang sngags kyis/ /mngon par bsngags nas byug spos 'bul/ /srog chags yan lag sbyar mi rung / /rgya skyegs changasogs sbyar mi rung / /rdzas ngan dag dang 
sbyar mi rung / /rtsa bas dang sbyar ba'ang mi rung ngo / /sangs rgyas la ni khyad par du/ /byug spos gur gum la byas pa'am/ /a kar nag po dri zhim pa/ /dri zhim gyis bsgos dbul bar bya/ /'phags pa spyan ras gzigs dbang la/ /tsan+dan dkar po rab tu 
dbul/ /phyag na rdo rje 'khor bcas la/ /tsan+dan dmar po dbul bar bya/ /lhag ma rnams la byug spos dag /ji ltar rigs pas spyir phul nas/ /me tog skam las skyes pa dang / /chu las skyes pas mchod par bya/ /ma li ba kun kun da dang / /mi la ki nam 
li ka/ /tsam pa ka sho pu na ka/ /pri yang yu ni u ra na/ /ge sar sa la ti la ka/ /shing gi ut+pa la kar Ni ka/ta kar ka ra bi ra dang / /a dzi dog pa ka dam dang / /bin ti ri dang ka ta ra/ /kan tsa na dang pa ta la/ /shi tagan ti ku ra ba/ /ba na dang ni ging shu nyid/ /
cho ga shes pas de la sogs/ /skam las skyes pa go rims bzhin/ /nan tan du ni dbul bya zhing / /ngan pa dag ni rnam par spangs/ /gan dang ku ya shig mu dang / /pu sha pa ti mug ta ka/ /a gol drang ka ni pa dang / /ke ta ka dang ma na yan/ /ku ran ta dang 'da' ma 
ka/ /ku ti ba la ma li ka/de la sogs pa mi shis pa/ /drag shul spyod la sbyar bar bya/ /pad+ma dkar dang pad+ma dmar/ /ut+pal rigs ni sna tshogs dang / /ku mu da sogs chu skyes rnams/ /dkyil 'khor las la sbyar bya ste/ /de yang ku mu da dmar dang / /de bzhin se'u 

</font><hr>96-1-156b<br><font size=+1>

gan ti dkar dang / /dri mi zhim pa gzhan dag kyang / /drag shul spyod la sbyar bar bya/ /ge sar kra ni ka ra dang / /ma la ti dang me tog dkar/ /dri zhim pa dag khyad par du/ /de bzhin gshegs pa'i rigs la dbul/ /pad+ma la sogs chu skyes rnams/ /
mkhas pas pad+ma'i rigs la dbul/ /a sho ku ti ti la ka/ /de bzhin na pa ma li ka /pri yang ku dang ta pa ra/ /ka ra bI ra trag tra ka/ /ut+pal sngon po nyid dag kyang / /rdo rje'i rigs la dbul bar bya/ /de bzhin gshegs pa'i rigs la yang / /tsan+dan a gar 
bdug spos dbul/ /mkhas pas shi ri bi sta sogs/ /thang chu pad+ma'i rigs la dbul/ /a gar nag po gu gul gyi/ /bdug spos rdo rje'i rigs dgyes so/ /bdug spos dag ni spyir bshad na/ /srog chags yan lag spangs pa'i rdzas/ /tsan+dan ga pur a 
gar dang / /tu ru ska dang pog dkar dang / /shi ri be sta sra rtsi bob/ /ra sa gu gul shal la ki/ /u shi ra dang la ba ka/ /spangaspos gla sgang ga pur dang / /de ba da ru thang shing dang / /de la sogs pa'i rdzas rnams ni/ /ji snyed pa dag bsdu byas nas/ /blo dang ldan 
pas bu ra ma dang / /lhan cig tu ni sbyar bar bya/ /de lta bu yi bdug spos ni/ /lha la go rims bzhin du dbul/ /de dag gang yang rung ba dang / /gzhan yang dri zhim bshad pa gang / /rdzas mang dag dang sbyar ba yi/ /bdug spos dkyil 'khor dag la dbul/ /dkyil 'khor 
gyi ni cho ga bzhin/ /ra ba dang sems kyis ci 'byor pa/ /bdug spos me tog la sogs pa/ /bya ba dag ni legs par bya/ /me tog de dag brgyud mkhan gyis/ /brgyus pa zhig na ngan pa ni/ /nyung shas yod na mi 'gal te/ /de mang na ni rnam par spangs/ /mi shes pa yi 
byug spos dag /mkhas pas dkyil 'khor dbul mi bya/ /srog chags yan lag gis gtugs pa/ /de yis gzhan dag bdug mi bya/ /rgya skyegs la sogs bdug spos ni/ /dge ba'i las la dbul mi bya/ /de 'dra'i cho ga 'di shes nas/ /cho ga'i las la 'bad 

</font><hr>96-1-157a<br><font size=+1>

par bya/ /phyi rol bzhag pa'i pog phor nang / /kham phor nang du bsgrags pa gang / /de dag tu ni ci 'dod par/ /srog chags yan lag sbyar ba'ang bzhag /dkyil 'khor phyi rol 'jig rten pa'i/ /lha ni gang dag 'dri byed pa/ /de 
yang mkhas pas de bzhin du/ /bdug spos byug spos ci dgar dbul/ /rigs kyi bdag po rnams la ni/ /mchod pa khyad par can du bya/ /de yi 'og tu lha kun la/ /gral rim bzhin du mchod par bya/ /rigs kyi bdag po rnams la ni/ /bdug 
spos snod kyang rnam gsum gzhag /dbus su bdug spos snod gcig ni/ /bdug spos 'thul ba rgyun mi 'chad/ /dkyil 'khor rim pa re re la/ /bdug spos snod ni re re bzhag /de nyid nas ni thams cad du/ /rtag par bdug spos dbul bar bya/ /
yang na thams cad spyi la ni/ /bdug spos snod ni gcig bzhag ste/ /bsang gtor yang dang yang byas nas/ /de nas bdug spos dbul bar bya/ /de yi 'og tu dkyil 'khor du/ /lha rnams kun la mchod yon dbul/ /de nas yid la sngags zlos shing / /lha 
bshos dbul ba legs par bya/ /lha bshos dbul ba 'byor pa dang / /gtsang zhing cha yang mnyam pa ru/ /dkyil 'khor gyi ni go rims bzhin/ /mkhas pas nan tan bskyed de bya/ /rigs kyi bdag po rnams la ni/ /dbul ba khyad par can du bya/ /dkyil 
'khor gyi ni bdag po la/ /lha bshos dag ni nyis 'gyur dbul/ /'og ma rnams la go rims bzhin/ /mkhas pas de bas chung ngu dbul/ /lha bshos dbul ba bar bar du/ /ci dgar khyad par can gyis bya/ /mchod pa'i bshos ni bzang po dag /gtsang 
zhing rab tu rgya che zhing / /dkyil 'khor dag tu lha rnams kun/ /rab tu mnyes shing 'go bar 'gyur/ /dbul bar bya ba rnams la ni/ /bar du kha cig chad 'gyur na/ /de las gzhan pa dag la ni/ /mkhas pas lha bshos lhags te dbul/ /'bul ba ha 

</font><hr>96-1-157b<br><font size=+1>

cang nyung ba gang / /rigs kyi bdag por dbul bar bya/ /yang na snying por dkyil 'khor du/ /kun gyi spyi la ma lus dbul/ /yang na gang dang gang bshams na/ /de de mkhas pas thams cad du/ /dkyil 'khor dang po'am gnyis pa'am/ /
gsum pa dag tu dbul byas nas/ /rigs dag rnams dang khyad med pa'i/ /nyes pa 'ga' yang yod min pas/ /dkyil 'khor dag ni ma brtsams par/ /bag dang chas te brtag par bya/ /dang po chu shing pad+mo sogs/ /lo ma'am 'dab ma bting byas 
nas/ /swa sti ka la sogs pa yi/ /bca' ba dag ni dbul bya zhing / /de bzhin 'bras chan la sogs pa/ /bza' ba dag kyang rim bzhin dbul/ /de yi 'og tu rdo gu dang / /rtsa ba 'bras bu la sogs 'bul/ /gtor ma gang yin las dag la/ /bca' 
ba rnam pa sna tshogs pa/ /nas dang gro las byas pa yi/ /dri zhim pa dang legs pa'ang dbul/ /hwags ni rnam pa sna tshogs dang / /la du dag dang la ba ni/ /pe na ma du shir sha dang / /snum khur a sho bar ta dang / /shri ka da tshil ka dang / /par pa ta dang 
par pa ni/ /ra tsa ha sa gu ha dang / /kar pod ka ri ka nyid dang / /pu sha par ta ha bi dang / /pur+Na de bzhin zhi the'u dang / /bar ti puSh+pa be ti ma/ /bit+ta kha dang kha rdzu ba/ /sa rdza ka dang man da ka/ /dza li ti bi ka dang ni/ /shas ku la dang mo ta ka/ /snum tshos 
sna tshogs khar ra bcas/ /u lo bi ga ku la dang / /de bzhin du ni glang sna dang / /ma sha'i khur ba la sogs dang / /shus ka ka dang lo ma'i dbyibs/ /ba rta ka dang be reg dang / /swa ya li ka dwa tse dang / /de la sogs te sna tshogs pa'i/ /bca' ba dag 
ni 'dir dbul lo/ /kri sa ra dang 'o thug dang / /'bras thug chu dang sbyar ba dang / /zho dang dar ba nas thug dang / /kha dog dmar dang ser sogs 'gyur/ /lo ma bting ba 'di dag ni/ /kham phor dag nas dbul bar bya/ /de nas sa lu'am drug cu yi/ /

</font><hr>96-1-158a<br><font size=+1>

'bras chan bungs ni mi chung dbul/ /de nas tshod ma sna tshogs pa/ /g.yos legs pa la dri zhim pa/ /sran chung tshod ma la sogs pa'i/ /tshod ma rnam pa sna tshogs dbul/ /'bras chan zho sbyar bu ram chan/ /kham phor dag nas dbul bar 
bya/ /mkhas pas zas rnams bzang po dag /gang yang rung bas lha bshos dbul/ /cho ga shes pas zas rnams ni/ /dkar gsum 'byung po thams cad la/ /rgya chen po ni sna tshogs pa/ /ji ltar rigs par sbyar bar bya/ /'bras chan mar zho 'o mar sbyar/ /dkar 
gsum zhes bya 'o thug dang / /kri sar sran tshod dang sbyar ba/ /de ming 'byung po thams cad pa'i/ /bca' ba mang bcas rgya chen de/ /nas thug dang sbyar sna tshogs pa'o/ /de ltar kha zas rnam pa drug /ci nus par ni dbul bar bya/ /dri mi zhim dang bska ba 
dang / /kha ba dang ni tsha ba dang / /tshod ma zhag tu lon pa dang / /bkra mi shis pa rnam par spangs/ /tshod ma rnams ni ma 'byor na/ /sran tshod gcig pu dbul bar bya/ /zho ni kun du 'bras chan gyi/ /steng du bsgos te blug par bya/ /'o thug ma sha'i sran tshod dang / /
zho dang 'bras chan swa sti ka/ kri sa ra dang drug po dag /gtor ma'i las la rtag mi spang / /dbul po'i gtor ma'i las la ni/ /drug po kho na brjod par bya/ /de dag gang yang rung ba zhig /nyams na gtor ma'i las nyams so/ /'o thug nang du sbrang rtsi gdab/ /de 
bzhin zho dang bu ram gdab/ /sran tshod nang du mar mi gdab/ /bdog na sge'u gsher dag kyang gdab/ /'bras chu dag dang rtsa ba dang / /rnam pa sna tshogs bsgrims te gdab/ /lha rnams dang ni gsang sngags dang / /khyad par du yang de la dgyes/ /a mra 'bra go bal po 
se'u/ /rgun 'brum rgya shug tin tu ka/ /ka pid bI dza pur dang / /na rang ka dang pa na sa/ /skyur shing la ku chu shing 'bras/ /b+ha bya ba ra ba rta dang / /shi ri 'dzam bu skyu ru ra/ /ka ra ma ta ba ri ya/ /de la sogs pa'i 'bras bu ni/ /rnam pa sna tshogs smin pa dag /

</font><hr>96-1-158b<br><font size=+1>

mkhas pas gtor ma'i las la ni/ /gus pa dag tu dbul bar bya/ /na ri ke ra bil ba'i'i 'bras/ /ta la dang ni se'u 'bru dang / /de la sogs pa'i gel pa yi/ /'bras bu dag ni rnam par spang / /rdo ba'i rdo gu dag dang ni/ /bi ta ral sogs pa yi/ /
ldum bu bshus pa bzang po dag /thams cad du ni dbul bar bya/ /su ran yi rtsa ba dang / /kar+ya du tan ta nyid dang / /de la sogs pa'i rdo gu ni/ /mi shes pa dag rnam par spang / /'bras bu'i mchog ni bal po'i se'u/ /rdo gu'i mchog ni bi di ri/ /
de dag blo dang ldan pa yis/ /bsgrims te dkyil 'khor dag tu dbul/ /sran chan rnam pa sna tshogs dang / /til ni kha tshos dang bsres pa/ /de dag dkyil 'khor phyi rol gyi/ /lha la go rims bzhin du dbul/ /de nas me tog dkar po dang / /til 
dang 'bras yos dkyil 'khor dgram/ /ma thar phyogs kyi gtor ma ni/ /rgya chen phyogs rnams kun du sbyin/ /'bras yos dang ni til du bcas/ /'bras chan me tog chu dang bcas/ /sran chan bcas shing mang du bya/ /mar dang tshag tshig bcas pa yi/ /
gtor ma 'di 'dra slob dpon gyi/ /lag tu blangs te bka' bzhin du/ /phyogs mtshams kun du gsum gsum dbul/ /mchod yon dang ni bdug pa'angasbyin/ /srin po rnams dang sha za dang / /'byung po rnams dang sha rjen za/ /sems can rnam pa sna tshogs la/ /
mkhas pas gtor ma phyogs su gtor/ /sems la gang dang gang dran pa/ /de dag kun la gtor ma sbyin/ /sa phyogs de yi sems can ni/ /ljon shing gel par gnas rnams la/ /sbyin bya gal te 'thor ba'i tshe/ /blo bur ce spyang sgra grag na/ /der ni 
mnyam gzhag ma 'khrul bar/ /gtor ma yang dang yang du sbyin/ /ce spyang sgra dang sgra chen dang / /'byung po dag ni snang ba dang / /ljon shing yal ga chag sogs dang / /'brug gi sgra ni grag pa dang / /de la sogs pa ya mtshan ltas/ /gal te der ni 'byung gyur 

</font><hr>96-1-159a<br><font size=+1>

na/ /gtor ma ji ltar rigs byin nas/ /bsrung ba'i las ni bya bar bya/ /ci thos ji ltar shes pa dang / /ci mthong rim pa ci lta bar/ /lha rnams kun la phyogs dag tu/ /de bzhin gtor ma sbyin par bya/ /de ltar phyogs kyi gtor ma dag /
byin nas legs par lag bkrus te/ /nye reg byas nas phyi rol tu/ /mkhas pa yis ni bdug spos sbyin/ /de nas nang du zhugs nas ni/ /mchod yon snga ma bzhin phul nas/ /bdug spos dag gis bdugs nas su/ /yid kyis mchod pa'i bshos rnams 
dbul/ /dkyil 'khor dbu ma'i lha rnams ni/ /thams cad la yang nan tan du/ /ras ni dkar la phra ba dag /re re la yang zung re dbul/ /'byor na lha rnams thams cad la/ /ras ni zung re dbul bar bya/ /ma 'byor na yang rigs gsum gyi/ /bdag po 
rnams la zung re dbul/ /yang na cho ga shes pa yis/ /dkyil 'khor dbus su ras phran ni/ /zung gcig slob ma'i steng bzhag ste/ /phul nas kun la bsngo bar bya/ /de nas so so'i gsang sngags ni/ /re re'ang bdun bdun bzlas brjod bya/ /dkyil 'khor ba dag 
po'i gsang sngags kyang / /brgya rtsa brgyad du bzlas par bya/ /yang na rigs kyi snying po rnams/ /re re zhing yang brgya brgya bzlas/ /de nas so so'i phyag rgya rnams/ /bzlas brjod gsum byas rim bzhin bzlas/ /yang naspyi yi phyag rgya ni/ /re re la yang so sor bstan/ /
de ltar byas na mnyes pa dang / /byin gyis lob cing dngos grub stsol/ /thal mo sbyar ba bkan pa las/ /mdzub mo gnyis ni cung zad bkug /'di ni de bzhin gshegs rigs kyi/ /dam tshig phyag rgyar shes par bya/ /thal mo legs par sbyar ba las/ /sor 
mo dbu ma gsum 'gyed pa/ /'di ni pad+mo'i phyag rgya ste/ /pad+mo kha bye'i mtshan nyid de/ /lag pa gnyis ni rgyab bsnol te/ /mthe'u chung gnyis dang mtheb gnyis dkra/ /'di ni rdo rje'i phyag rgya ste/ /rdo rje'i rigs la bshad pa yin/ /dkyil 'khor rnams ni thams 

</font><hr>96-1-159b<br><font size=+1>

cad la/ /dam tshig gsum gyi phyag rgya rgya rnams/ /rigs gsum dag la bshad pa ste/ /spyi yi yin par rab tu bsgrags/ /bsrung ba'i las dang phyogs bcing ba/ /lha rnams la ni bskul ba dang / /dbang bskur ba yi cho ga dang / /bgegs rnams 
dag ni bzlog pa dang / /me tog sogs la gdab pa dang / /de bzhin dgra rnams zhi bya dang / /gdon rnams tshar gcad bya ba dang / /bcing ba dang ni dgrol ba dang / /phyag rgya phyag rgya le'u las ni/ /rgyas par yang dag bshad pa yin/ /de dag gi ni dkyil 
'khor du/ /rnam par dbye ste las rnams bya/ /gsang sngags gang rnams sngar bshad pa/ /de dag thams cad rgyar bcas te/ /bsrung ba dag la sogs pa la/ /'dir ni cho ga bzhin du sbyar/ /gdon la sogs pa khyad par du/ /rdo rje tho bas mtshams 
gcad do/ /gdon gyi dkyil 'khor dag tu gang / /phyag rgya bcwa brgyad bshad pa'ang sbyar/ /rdo rje lcags kyus dgug par bya/ /bcing ba rdo rje lcags sgrog gis/ /rdo rje khu tshur 'dul ba la/ /rdo rje sder mo sdigs pa la/ /khro bo chen po stobs po che/ /dam 
tshig 'dzin du gzhug la sbyar/ /rig sngags rgyal po gnod mdzes ni/ /phyag rgyar bcas la gdon rnams 'joms/ /rab tu drag po'i gdon rnams la/ /rdo rje tho ba sbyar ba ni/ /brtson 'grus mthu rtsal chen po ste/ /gcig pus kyang ni las rnams 'grub/ /
gdon las sbyar ba'i phyag rgya ni/ /ma lus pa dag 'bar 'gyur zhing / /de dag gi ni mthu stobs kyang / /der ni lhag par mngon par 'gyur/ /de bas gdon rnams tshar bcad par/ /phyag rgya dag ni 'bad de sbyar/ /las la ji ltar mthong ba bzhin/ /gzhan 
dag kyang ni sbyar bar bya/ /de nas yam shing dag gis ni/ /sbar ba'i me la sbyin sreg bya/ /shar du kha bltas ku sha yi/ /khres la 'dug ste mnyam gzhag ste/ /ku sha dgram dang bsang ba yang / /g.yas phyogs dag nas bskor bya zhing / /mchod sbyin 

</font><hr>96-1-160a<br><font size=+1>

yam shing me la sbar/ /thog ma dang ni tha mar yang / /mar gyi sreg blugs dgang blugs kyis/ /so so dag tu dbul bar bya/ /gang du bzlas brjod ji skad bshad/ /sbyin sreg dag kyang de bzhin bsgrags/ /yang na re re'i ched du yang / /
zhi ba'i sngags kyis so sor bya/ /gsang sngags thams cad rim bzhin du/ /re re nas kyang dran byas la/ /sreg blugs bdun bdun bsreg bya zhing / /yang nas yang du bsang gtor bya/ /de nas mjug tu me bsangs nas/ /zhi ba yi ni gsang sngags kyis/ /sreg 
blugs brgya rtsa brgyad phul nas/ /lha rnams kun la bzod par gsol/ /sems ni rab tu dad byas la/ /dkyil 'khor du ni bdug spos dbul/ /de nas rigs kyi bdag po la/ /bstod pa dag ni legs par bya/ /sdig pa rnams kyang gus par bshags/ /
bsod nams rjes su yi rang bya/ /de ltar bslabs shing ci 'dod pa/ /smon lam dag tu btab nas su/ /dkon mchog gsum la skyabs 'gro ba/ /yang dang yang du gus par bya/ /phyir mi ldog pa'i dge 'dun dang / /rig sngags gsang sngags tshogs la 
yang / /yid la bsams te yang dang yang / /byang chub tu ni sems kyang bskyed/ /de ltar byas nas de 'og tu/ /glegs bam cung zad bklag par bya/ /dkyil 'khor dag tu spyan drang ba'i/ /cho ga legs par byas nas ni/ /bdug spos rgyun mi 'chad par 
dbul/ /yang dang yang du mchod yon gsol/ /de ltar cho ga 'di byas nas/ /lha rnams la yang phyag byas te/ /blo dang ldan pas cho ga 'dis/ /slob ma rnams ni legs par gzung / /slob ma re re nas dgug ste/ /bsang gtor snga ma bzhin byas nas/ /byug 
spos la sogs byin nas su/ /snying pos mngon par bsngags nas ni/ /las kun byed pa'i gsang sngags kyis/ /btab pa'i gos kyis gdong g.yogs te/ /sngar bstan pa yi phyag rgya la/ /me tog dag ni bzhag nas su/ /de nas dkyil 'khor bdag po'i sngags/ /phyag rgyar 

</font><hr>96-1-160b<br><font size=+1>

bcas pa spyi bor gzhag /gsang sngags lan gsum bzlas byas nas/ /nyid kyi bden pa'i byin brlabs gsol/ /'di ltar bdag gis slob ma 'di/ /dkyil 'khor du ni legs btsud nas/ /lha yi rigs kyi rim pa dag /'di yi bsod nams ci 'dra las/ /
de bzhin du ni 'bab gyur cig /'dis ni dngos grub gang 'grub dang / /rigs ni gang gi snod du 'gyur/ /bsod nams mthu ni ci yod pa/ /dkyil 'khor 'dir ni de bzhin 'gyur/ /de skad brjod nas de 'og tu/ /de nas sgo yi phyogs su de/ /bzhag ste me tog 
gtor du gzhug /gang du me tog bab gyur pa/ /de ni de yi rigs su gsungs/ /de nas gdong g.yogs bkrol nas ni/ /dkyil 'khor bzang po bstan par bya/ /de nas bla ma dga' 'gyur nas/ /slob ma de la 'di skad bsgo/ /dkyil 'khor bzang po 'di la ltos/ /
da ni dad pa rab tu bskyed/ /khyod ni sangs rgyas rigs su skye/ /sngags dang rig pas byin gyis brlabs/ /'gro ba phun sum dngos grub kyang / /thams cad khyod la mngon du 'gyur/ /dngos grub phyir ni dam tshig srungs/ /gsang sngags dag la'ang brtson par gyis/ /
de nas slob ma bdag nyid kyis/ /me tog snyim pa bkang nas ni/ /rigs gsum dag la bsngos nas su/ /phyag 'tshal lan gsum gtor bar bya/ /de nas de tshe slob dpon gyis/ /dkyil 'khor der ni rang sngags sam/ /snying po sbyin bya des kyang de/ /mnos 
nas dkyil 'khor gnyis por bzlas/ /dngos grub rab 'bring rnam gsum ni/ /me tog bab pa las brtags te/ /lha rnams kyi ni khyad par dang / /gnas kyi khyad par dag las brtag /gang tshe sangs rgyas bcom ldan gyi/ /dbu la me tog bab gyur na/ /de tshe 
gtsug tor mdzod spu dag /gdon mi za bar 'grub par 'gyur/ /spyan la sogs pa'i sngags rnams kyang / /zhal du bab na 'grub par 'gyur/ /stod du bab na mchog rnams 'grub/ /rked du bab na 'bring rnams 'grub/ /ro smad phyogs su bab na ni/ /dngos 

</font><hr>96-1-161a<br><font size=+1>

grub phal rnams 'grub par 'gyur/ /bar gyi sku la bab na ni/ /snying po la sogs 'grub par 'gyur/ /smad du bab par gyur na ni/ /mngag gzhug la sogs 'grub par 'gyur/ /rim des pad+ma rdo rje yi/ /rigs kun la yang bsgre bar bya/ /
de bzhin lha gzhan rnams la yang / /dngos grub rnam pa gsum du bshad/ /gal te lha yi gzugs dag las/ /ring du me tog lhung gyur na/ /de yi dngos grub yun ring 'gyur/ /nye na dngos grub myur du 'grub/ /gsang sngags kyi ni mchod pa dag /gang du 
bkram pa tshun chad ni/ /de yi sa ris de yin te/ /me tog der lhung de yi rigs/ /lha gnyis kyi ni bar dag tu/ /gal te me tog bab gyur na/ /gang la nye bar gyur na ni/ /de ni de yi rigs su bshad/ /gal te la la'i me tog dag /dkyil 'khor dang po 'das 
lhung na/ /de la dngos grub phal 'grub cing / /de ni dad pa'ang rab tu chung / /gal te me tog bor ba dag /ra ba'i ri mo la bab na/ /zhi ba byas nas de nas gdod/ /nan tan bskyed de 'dor du gzhug /de tshe the tshom gyur na ni/ /mkhas pas bzlas te 'dor mi 
gzhug /der ni gang yang nges med pas/ /des ni dngos grub thob mi 'gyur/ /gnyis kyi bar du mnyam pa dang / /don med phyi rol lhung ba ni/ /zhi ba'i sbyin sreg byas rnams kyis/ /de nas me tog 'thor du gzhug /snying por me tog bab na ni/ /rtag tu 
don med mi 'gyur bshad/ /srad bu dag gi cho ga bzhin/ /de yis sa 'khor shes par bya/ /rigs gsum la yang cho ga bzhin/ /dkyil 'khor rnam pa gsum du brtag /ji ltar gnas pa'i tshul dag las/ /gtso bo rnams kyi rim gyis bskyed/ /shes rab 
pha rol phyin dbus sam/ /dkyil 'khor gyi ni gtso bo dang / /sgo srung gnyis la mtshungs gyur na/ /da lta snying po spyod yul legs/ /gal te me tog bor ba dag /mchod pa'i steng du bab 'gyur na/ /de ni rgyas pa'i bsgrub pa dag /khyad par du ni shes par bya/ /dkyil 

</font><hr>96-1-161b<br><font size=+1>

'khor gyi ni bdag po la/ /gang gi me tog bab gyur na/ /des ni de yi las rnams kun/ /myur du 'grub cing mchog tu 'gyur/ /sangs rgyas bcom ldan 'das la ni/ /gang gi me tog bab gyur pa/ /de la rigs gsum gsang sngags kun/ /gdon mi za bar 
'grub par 'gyur/ /pad+ma 'dzin la rigs gnyis 'grub/ /rdo rje 'dzin la rang rigs 'grub/ /yang na lha ni bsnyen pa bzhin/ /gsang sngags 'grub par shes par bya/ /gang gis gnyis dang gsum pa las/ /'das te song bar gyur na ni/ /dkyil 'khor 
de nas dbyung bar bya/ /yang na dkyil 'khor gzhan du gzhug /de la sogs pa'i rnam pa yis/ /me tog rnams ni bor ba las/ /bdag gi mdun du gang lhung ba/ /de la zhi ba brtsam par bya/ /sbyin sreg gis ni zhi byas nas/ /de ni slar yang 'dor du 
gzhug /lan gsum spogs te ma bab na/ /re thag bcad de slar gtang ngo / /blo dang ldan pas cho ga 'dis/ /slob ma thams cad gzung bar bya/ /btsud nas me tog dri la sogs/ /dkyil 'khor du ni dbul bar bya/ /slob ma gcig nas bkug nas ni/ /cho 
ga bzhin du yon phul te/ /cho ga shes pas bsang gtor bya/ /g.yon gyi phyogs su bzhag nas ni/ /de yi lag g.yas mthe bong nas/ /lag pa g.yon gyis bzung nas ni/ /dkyil 'khor bdag po'i gsang sngags kyis/ /mkhas pas sreg blugs bdun bdun bya/ /
de nas zhi ba'i gsang sngags kyis/ /mar gyi sreg blugs lan bdun bya/ /de nas slob ma blugs gzar gyis/ /bskor zhing lan bdun sreg blugs bya/ /de nas srad bus bcings nas ni/ /bsang gtor snga ma bzhin byas nas/ /snying gar bram zhing sngags btab la/ /ji ltar 'dod pa 
slar gtang ngo / /slob ma rnams ni thams cad la/ /cho ga 'di ni bshad pa yin/ /sbyin sreg las ni ba mar gyis/ /blugs gzar nyid kyis de bzhin du/ /ku sha'i chu dang ku sha'i stan/ /de bzhin ku sha'i bsang byed dang / /ku sha'i dgram pa dag kyang ni/ /sbyin sreg las la rab tu bya/ /

</font><hr>96-1-162a<br><font size=+1>

mchod sbyin shing gi bud shing ni/ /ba mar bskus pas me sbar te/ /de la yam shing rlon bsreg pa/ /sbyin sreg dag la de ltar bsreg /mar gyi sbyin sreg ji snyed pa/ /til gyi sbyin sreg de snyed bya/ /'bras chan ci dgar bsregs nas ni/ /tha 
mar dgang blugs de bzhin bya/ /me ni 'bod dang gtang ba dag /rang gi gsang sngags dag gis bya/ /de yi bsang gtor las kun pa'i/ /gsang sngags dag gis bya ba yin/ /dkyil 'khor du ni sbyin sreg la/ /gsang sngags bshad pa gang yin pa/ /de 
dag gis ni cho ga bzhin/ /mkhas pas der ni sbyin sreg bya/ /de nas gzhan yang zhi ba dang / /rgyas pa dang ni de bzhin du/ /drag shul spyod pa'i sbyin sreg las/ /khyad par du ni bshad par bya/ /las dang ji ltar rjes mthun par/ /dkyil 'khor cho ga 
bzhin bris nas/ /mnyam gzhag rdzas ni 'di dag gis/ /sbyin sreg las ni rab tu dbye/ /byang du kha bltas zhi ba'i phyir/ /shar du kha bltas rgyas pa'i phyir/ /lho phyogs kha bltas drag po yi/ /sbyin sreg las ni brtsam par bya/ /las rnams kun la kha ran 
ni/ /zlum po dang ni gru bzhi dang / /gru gsum yin te dkar po dang / /ser po nag po gsum du bsgrags/ /zhi ba'i las ni pad+mo'i stan/ /rgyas pa'i las ni ku sha'i khres/ /drag shul spyod la stan med par/ /rkang pa rkang pas mnan te bya/ /las gsum 
dag la zhi ba dang / /dga' dang de bzhin khro bya ste/ /mkhas pas mdo las ji skad du/ /'byung ba'i cho ga de bzhin bya/ /zhi la yam shing rtse mo ste/ /dbus kyi las ni rgyas pa la/ /drag shul kun la rtsa ba ste/ /yam shing rnam pa gsum du bshad/ /zhi ba'i 
las ni ku sha dang / /lo ma la sogs gyon nas bya/ /rgyas pa du gu la la sogs/ /ras phran ser por yongs su grags/ /mngon spyod gos ni nag po la/ /khrag gis btab pas bya ba yin/ /yang na gos rnying dri ma can/ /bgo ba'am gcer bur brtsam par bya/ /

</font><hr>96-1-162b<br><font size=+1>

nas dang sbrang rtsi 'o ma dang / /mar dang 'bras yos 'o thug dang / /dur ba myu gu kun dad dang / /tsu ta'i lo ma tsan+dan dang / /u dum a shwad pa la sha/ /de bzhin sha mya'i yam sreg shing / /de la sogs pa thams cad ni/ /zhi ba'i sbyin sreg rdzas yin no/ /'o 
thug zho dang lag pan dang / /'o ma dang ni nas dkar can/ /til ni rnam pa gsum sbyar dang / /sgron shing shu te nye'u shing dang / /nag puSh+pa bil ba'i 'bras/ /'bru rnams dang ni yam sreg shing / /de la sogs pa'i rdzas rnams ni/ /rgyas pa'i sbyin sreg rnams la 
bshad/ /yungs kar dang ni ske tshe khrag /yungs kar mar dang de bzhin du ga /rus phye dur khrod thal ba dang / /de bzhin skra ni gtubs pa dang / /ko bi da ra mgal dum dang / /seng ldeng dang ni a ri sta/ /yam shing tsher ma can la sogs/ /drag shul can gyi 
rdzas su bshad/ /sngags kyi rgyud las ma gsungs kyang / /blo dang ldan pas rdzas 'di rnams/ /rab tu drag po'i las dag la/ /cho ga bzhin du sbyar bar bya/ /sbyin sreg cho ga byas nas ni/ /slob ma dbang bskur 'os rig nas/ /cho ga bzhin du nan tan du/ /
dbang bskur ba yi cho ga bya/ /las kun byed pa'i gsang sngags kyis/ /btab pa'i stan ni gsar bzhag ste/ /bkra shis la sogs kun byas la/ /bsrung ba nan tan cher byas te/ /dkyil 'khor gyi ni sngags bzlas shing / /spyi bor gdugs dkar bzang 
po la/ /me tog phreng ba dkar pos brgyan/ /ras phran dkar po dpyangs pa gzung / /slob ma yon ni cher phul zhing / /bla ma bsnyen bskur byas pa dag /stan la de ni bzhag nas su/ /sngags kyis skyon bsal bkra shis bya/ /bdug pa legs par sbyar ba 
yi/ /bdug pa khro bo'i rgyal pos bdug /rnga yab la sogs gzung ba dang / /spyi bo steng du gdugs kyang gzung / /rnga ma'i bsil yab bdug spos dang / /zhwa dang gos kyis slob ma dag ba/ /'di dag dang ni de bzhin du/ /bum pa bzhi yang bshams te dgod/ /

</font><hr>96-1-163a<br><font size=+1>

shin tu bkra shis tshigs bcad bsgrags/ /de bzhin bkra shis rgya cher gdon/ /'byor par 'gyur ba'i sil snyan dang / /glu dbyangs dag dang rnga sgra bsgrags/ /mdor na de la sogs pa yi/ /cho ga rgyas pa byas nas su/ /yid kyis 
dkyil 'khor lha kun la/ /mkhas pas gsol ba btab nas ni/ /bum pa bzlas brjod brgyar byas la/ /de ni legs par blangs nas su/ /dkyil 'khor dal bus lan gsum bskor/ /rtsa ba'i gsang sngags kun 'don cing / /blo dang ldan pas dbang 
bskur bya/ /de nas phyag rgya bcings nas su/ /gsang sngags blos ni spyi bos gtugs/ /gsang sngags rgyud ni 'dzin 'gyur ba/ /blo dang ldan pas dbang bskur ro/ /slob ma yon tan kun ldan pa/ /nub phyogs kha bltas cho ga bya/ /byang phyogs kha bltas 
zhi ba'i phyir/ /rgyas pa'i cho ga shar du bltas/ /drag shul spyod pa de bzhin du/ /lho phyogs kha bltas brtson de bya/ /de ltar dbang bskur byas nas ni/ /de la sar pa'i gos rnams bskon/ /me tog dri la sogs pas mchod/ /mchod phyir thogs 
dang gdu bur bcas/ /de nas bla ma bdag nyid kyis/ /de yi spyi bor gdugs kyang gzung / /thal mo sbyar ba byas nas ni/ /dkyil 'khor legs par bskor du gzhug /gdugs dang bcas pas sgo phyogs su/ /spyi bo btud de phyag 'tshal gzhug /
gsang sngags rgyud ni 'dzin 'gyur ba'i/ /slob ma 'di ni phul ba lags/ /mkhan pos de skad smras nas su/ /gdugs bzhag nas ni slob ma de/ /lag pas legs par blangs nas su/ /de nas 'di skad bsgo bar bya/ /da ni dkyil 'khor slob dpon 
'gyur/ /gsang sngags rgyud kyang 'dzin par 'gyur/ /sangs rgyas byang chub sems dpa' dang / /lha rnams kyang ni kun gyis bkur/ /sems can rnams la snying brtse'i phyir/ /khyod kyis dkyil 'khor cho ga bzhin/ /nan tan bskyed de bri bar byos/ /

</font><hr>96-1-163b<br><font size=+1>

sgrub pa po yang rgyud la sbyor/ /de skad bsgo nas de 'og tu/ /de nas slob ma de yi phyir/ /sbyin sreg cho ga sngon bzhin bya/ /yam sreg shing gi me la ni/ /dkyil 'khor bdag po'i gsang sngags kyis/ /mar gyi sbyin sreg brgya dag bya/ /de bzhin zhi ba'i gsang 
sngags kyis/ /zho dang sbrang rtsi mar sbyar ba'i/ /til gyi sreg blugs brgya yang bya/ /sbyin sreg zin nas spyi bor ni/ /chu de nyid kyis bsang gtor bya/ /de nas de la dkyil 'khor ni/ /rab tu rgyas par bstan par bya/ /phyag rgya chen po dag kyang bstan/ /
rig sngags rgyal po klog tu gzhug /bla mas de la ci nus par/ /cho ga bzhin du zlos su gzhug /de nas slob ma blo ldan pas/ /me tog snyim pa bkang nas su/ /bdag gis sngags dang lha rnams kyang / /go rims bzhin du mchod byas nas/ /slob dpon 
sbyin sreg gnas 'dug la/ /dga' zhing gus pas dran byas la/ /de tshe bla ma ci 'dod pa'i/ /yon ni phyag rgyas dbul bar bya/ /bdag dang bdog pa kun bcas par/ /slob dpon la ni dbul bar bya/ /bdag nyid dbang ba'i skye bo kun/ /nor dang bcas shing 
rkang 'gros bcas/ /gzhan yang nor gyis mgu ba'am/ /yang na gang la dga' yang rung / /yang na bdag la ci 'dod pa/ /bla ma la ni de dbul lo/ /yang na dbul pos bla ma la/ /bkur sti dag gis mgu bar bya/ /slob dpon dag ni thams cad la/ /bkur 
sti bya ba yon du bshad/ /dang por ras zung gcig phul nas/ /phyi nas cho ga 'di kun bya/ /slob mas gsang sngags grub 'dod pas/ /bla ma mchod pa bya ba'i phyir/ /slob ma dam tshig bsrung ba yis/ /gos dang gser dang bdag nyid dang / /bu dang bdog 
pa thams cad ni/ /bla ma dag la yon du dbul/ /de nas bla mas slob ma rnams/ /ma yengs legs par bkod nas su/ /shes rab pha rol phyin bklags te/ /dam tshig 'di la bsgo bar bya/ /de ring phyin chad khyed rnams kyis/ /sangs rgyas chos dang dge 

</font><hr>96-1-164a<br><font size=+1>

'dun dang / /byang chub sems dpa' rnams dang ni/ /rig sngags gsang sngags tshogs rnams la/ /dad pas rab tu brten par bya/ /rtag par phyag rgya chen po la/ /khyad par du ni mos par bya/ /dam tshig can dang mdza' bo dang / /bla ma la yang gus 
par bya/ /lha rnams kun la sdang mi bya/ /dus mtshams dag tu mchod par bya/ /ston pa gzhan gyi gzhung mi mchod/ /rtag tu glo bur 'gron mchod bya/ /srog chags rnams la byams pa'i sems/ /rab tu brtan pa nye bar gzhag /theg pa la ni dga' rnams kyi/ /bsod 
nams dag la nan tan bskyed/ /bzlas brjod byed la 'bad pa yis/ /gsang sngags spyod la brtson par bya/ /gsang sngags rgyud las bstan pa yi/ /dam tshig rnams kyang bsrung bar bya/ /dam tshig med pa rnams la ni/ /sngags dang phyag rgya mi sbyin no/ /gsang sngags 
rgyud ni legs bsrung zhing / /de yang bdag gis rtogs par bya/ /de ltar dam tshig bsgo nas ni/ /nyid kyi phyag rgya rnams bstan la/ /nyid kyi rigs kyi rig pa sbyin/ /dkyil 'khor dag kyang bshad par bya/ /de nas kha lag bkrus nas su/ /lha la mchod yon phul nas ni/ /
go rims bzhin du thams cad la/ /bdug spos cho ga bzhin du dbul/ /de nas dkyil 'khor rig sngags kyis/ /sbyin sreg brgya rtsa brgyad du dbul/ /zhi ba'i sngags kyis brgya rtsa brgyad/ /snying po yis ni nyi shu gcig /ji ltar bstan pa'i gsang sngags kyis/ /mar gyis 
sbyin sreg so sor bya/ /de yi 'og tu rang sngags kyis/ /sbyin sreg ji ltar 'dod par bya/ /de nas phyogs kyi gtor ma sbyin/ /bsdam zhing kha lag yang bkrus nas/ /me tog dri la sogs pa yis/ /slob mas ji ltar 'dod par mchod/ /slob ma dang bcas ma yengs par/ /mgo 
bos gus par phyag 'tshal te/ /snod du bshad pa gang yin pa/ /de nas spos chu phul nas su/ /so so'i sngags kyis ci rigs par/ /de nas slar ni gshegs su gsol/ /dman ma rnams ni phyags nas su/ /mtsho chen nang du dor bar bya/ /bza' ba dang ni bca' ba rnams/ /

</font><hr>96-1-164b<br><font size=+1>

ci dgar phongs pa rnams la sbyin/ /khyi dang bya rog la sogs la/ /cung zad tsam yang mi sbyin no/ /yo byad rdzas rnams thams cad ni/ /slob dpon dag gis bsdus nas su/ /bdag rang nyid kyis spyad par bya/ /slob ma rnams la bgor mi rung / /dkyil 'khor 
gyi ni yo byad kun/ /slob dpon bdag nyid dbang bar bshad/ /de nas slob mas spyad na ni/ /da ma tshig las ni nyams par 'gyur/ /gang zhig spyod par mi 'dod na/ /de yi cho ga twa rim 'di'o/ /dkon mchog gsum gyi yo byad du/ /de dag cho ga bzhin du dbul/ /
gdugs dang rnga yab dril bu sogs/ /sangs rgyas nyid la dbul bar bya/ /gdan dang bdug spos dri la sogs/ /dam pa'i chos la dbul bar bya/ /gos dang yo byad snod la sogs/ /dge 'dun rnams la dbul bar bya/ /de dag la ni slob ma yis/ /cung zad 
tsam yang mi bkur ro/ /dge 'dun med na dge slong sbyin/ /yang na dge slong ma la sbyin/ /gal te bdag nyid mi 'dod na/ /dge bsnyen dag la sbyin par bya/ /de nas de yi phyi de nyin/ /nyes byas lhag ma zhi ba'i phyir/ /mkhas pa yis ni zhi ba yi/ /sbyin sreg brgya rtsa 
brgyad bya'o/ /de nas gzhan yang rgyud kun las/ /dkyil 'khor ji ltar rgyas bshad pa'i/ /cho ga lhag ma lus pa dag /'dir ni lhag par rab tu bshad/ /slob dponagasang sngags rgyud la mkhas/ /snying rje'i bdag nyid tshul khrims ldan/ /dkyil 'khor bri ba la mkhas 
shing/ /drang la gtsang sbra che ba shis/ /khang stong rdo thal gyis byugs pa/ /gtsang ma bzang po yangs pa dang / /lha khang du yang dkyil 'khor ni/ /ji skad bshad pa legs par bri/ /ji ltar chu na spyod pa yi/ /khang khyim byed pa de bzhin du/ /chu steng spang leb bzang 
po yis/ /bsdams pa dag tu bri bar bya/ /mchod sbyin sa dang grong gi sa/ /mi gtsang ba yis gang ba dang / /gzhan du dkyil 'khor du spyad pa'i/ /sa ni 'bad de spang bar bya/ /la la dkyil 'khor ba dag po ni/ /gcig pu kho nar las byar bsgrags/ /de nyid 

</font><hr>96-1-165a<br><font size=+1>

kyis ni bya ba ste/ /sa 'og dkyil 'khor lta bu yin/ /kha cig tu ni 'khor tshogs kyis/ /las rnams bya bdag tu bshad/ /de yang de nyid kyis byas te/ /khro bo'i dkyil 'khor lta bu yin/ /gang du las ni yod 'gyur la/ /rang gi las 
kyi cho ga med/ /der ni mkhas pas spyi rgyud las/ /gsungs pa'i las rnams bya ba yin/ /dkyil 'khor du ni dgodapa'i sngags/ /gang dag yongs su bsgrags pa ni/ /thog mar de dag re re la/ /bzlas brjod khri khri bya bar bshad/ /mkhas pas 
dkyil 'khor gang bris pa/ /de dag rgyas par bzlas nas ni/ /dran par bya ba'i phyir yang ni/ /glegs bam der yang nye bar bzhag /khrus la sogs pa byed pa'i tshe/ /dkyil 'khor lta ba gzhan bzhag ste/ /dkyil 'khor 'dri ba'i tshe na ni/ /nam yang stong 
par mi gzhag go/ /thig 'debs dus la bab pa'i tshe/ /slob ma gal te med na yang / /de ni phur bu cho ga yis/ /bdag rang nyid kyis thig gdab bo/ /dkyil 'khor dag gi las dag la/ /gal te grogs shig med na yang / /der ni mkhas pa bdag nyid 
kyis/ /rnam pa de bzhin las bya'o/ /na dbu can dang tshul nyams dang / /gtsang sbra chung zhing ma bslabs pa/ /de lta bu dag rgyud mthong yang / /grogs su gzung bar mi bya'o/ /bder gshegs chos ni mi byed pa/ /la la rigs btsun dad cing drang / /dkyil 'khor 
thos na dad 'gyur te/ /gal te 'phral la 'ongs na ni/ /de yi dad pa brtan shes nas/ /dkyil 'khor dag ni bris nas kyang / /bdag gis bstan la gzhug pa'i phyir/ /de ni gcig pu gzhug par bya/ /de yi sta gon gnas pa yang / /de dag nyid ni mod la bya/ /
slob ma nang mi mthun pa dang / /cho ga'i tshul ni med pa la/ /ji skad bshad pa'i zhi ba bya/ /rgyal po'i mi ni dpa' snying can/ /lag na mtshon thogs pas bsrung zhing / /sa yi bdag pos gnang nas ni/ /slob dpon gyis ni dkyil 'khor bri/ /slob ma yongs su gzung 

</font><hr>96-1-165b<br><font size=+1>

ba gang / /sta gon gnas tshe med na ni/ /de yi gzugs brnyan byas nas su/ /ji skad bshad pa'i las rnams bya/ /slob ma yongs su gzung ba gang / /gal te rkyen 'ga' zhig gis ni/ /der ni 'ongs par ma gyur na/ /gzhan dag de yi skyin par gzhug /
sta gon gnas par byas pa las/ /gal te rkyen gyis ma 'ongs na/ /bla ma blo ldan mkhas pa yis/ /der ni slob ma gzhan mi gzung / /sta gon gnas par byas pa las/ /bla ma gal te dkyil 'khor du/ /gang zhig 'ongs par ma gyur na/ /nad kyis btab nas nges par 
'chi/ /rkyen 'ga' zhig gis bskal nas su/ /gal te nyin gcig bar chad na/ /de yi nyin par zhi byas nas/ /slar yang sta gon gnas par bya/ /yo byad gces pa ma 'byor yang / /bshol ba dag ni yong mi bya/ /gal te bshol na bla ma la/ /gnod pa 
mang po 'byung bar 'gyur/ /dkyil 'khor 'dri ba'i tshe na ni/ /gnod pa 'ga' zhig 'byung 'gyur na/ /bshad pa'i sngags kyi stobs kyis su/ /de ni slar yang bzlog par bya/ /des kyang bzlog par ma nus na/ /mchod pa'i yo byad thams cad ni/ /bsang gtor byas te 
phul nas su/ /mchod yon phul te slar gshegs gsol/ /blo dang ldan pas phyi de nyin/ /dkyil 'khor snga ma bzhin du bri/ /yang na mkhas pas sbyin sreg gi/ /las kyis zhi bar rab tu bya/ /ma bdun gyi ni dkyil 'khor dang / /gnod sbyin dkyil 'khor bshad pa 
gang / /de la sogs pa dgod pa ni/ /nyes pa rim bzhin brtag mi dgos/ /de dag tu ni de bzhin du/ /dkyil 'khor dgod pa rgyas par bya/ /cho gar byas pa gzhan dag las/ /cho ga 'di ni ci rigs sbyar/ /mdor bsdus bshad pa gang yin dang / /rgyas 
par bshad pa gang yin dang / /zur gyis bstan dang mdo las ni/ /spyir bstan pa ni gang yin pa/ /de rnams bya ba'i cho ga la/ /rgyud 'dir rgyas par bshad pa yin/ /mkhas pas cho ga 'di yis ni/ /dkyil 'khor thams cad bri bar bya/ /dkyil 'khor chen 

</font><hr>96-1-166a<br><font size=+1>

po'i mdo las ni/ /ci bshad cho ga rgyas par bya/ /bla mas ji skad bstan pa dang / /rtog pa dag las ci gsungs dang / /gsang sngags kun gyi 'dul ba las/ /cho ga rim pa ci bshad pa/ /dkyil 'khor gyi ni cho ga la/ /mkhas pas 
cho ga de bzhin sbyar/ /gsang sngags kyi ni tshad dag las/ /bum pa la sogs bstan byas pa/ /der yang cho ga 'di yis ni/ /lhag par byas la nyes pa med/ /de bzhin gsang sngags cho ga la/ /lha gzhan gyi ni gtor ma yang / /dkyil 'khor dag tu 
bshad pa las/ /lhag par byas kyang nyes pa med/ /de bas gang du cung zad cig /bklags te bshad pa gang yin pa/ /der ni dogs pa med sems kyis/ /thams cad de bzhin kho nar bya/ /la lar slob ma dang bcas te/ /bdug spos dang ni mar 
me dag /lag tu thogs te mnyam par ni/ /dkyil 'khor bskor bar ba shad pa dang / /da ma tshig ston tshe slob ma rnams/ /las kyi grwar ni zhugs nas su/ /me tog 'dor bar bya'o zhes/ /khyad par bshad pa gang yin dang / /de la sogs pa'i cho ga 
dag /gang du cung zad bshad pa ni/ /der ni dga' mgu nyid du bya'i/ /kun la de kun sbyar mi bya/ /lha yi rigs rnams mthong ba las/ /dbang bskur ba ni rnam pa bzhi/ /bla ma mnyam par bzhag pa yis/ /de dag shes nas ci rigs bya/ /slob dpon go 
'phang thob pa'i phyir/ /dang po yongs su bsgrags pa yin/ /rig sngags rnams ni bsgrub bya'i phyir/ /gnyis pa legs par bshad pa yin/ /bgegs rnams rab tu gzhom pa'i phyir/ /gsum pa rab tu bsgrags pa yin/ /bzhi pa 'byor pa thob pa'i phyir/ /
cho ga rgyas pa de bshad do/ /dang po cho ga rgyas par ni/ /nga yis thog mar bshad pa yin/ /rigs gsum dbang bskur cho ga yang / /mdor bsdus nas ni 'dir bshad do/ /slob ma lha yi rigs mthong ba/ /rig sngags gang la zlos 'dod pa/ /de yis brgya rtsa brgyad 

</font><hr>96-1-166b<br><font size=+1>

bzlas pa'i/ /bum pas mngon par dbang bskur bya/ /de nyid kyis kyang sbyin sreg bya/ /de nyid du ni de yang bzlas/ /de ltar gang zhig dbang bskur ba/ /dbang bskur cho ga gnyis pa yin/ /sems ni bgegs kyis brlams pa dag /zhi bar bya ba gang 
yin pa/ /de ni dbang bskur gsum pa ste/ /phan dang bde ba thob par bshad/ /dpal la sogs pa'i dkyil 'khor du/ /rgyal srid thob phyir dbang bskur dang / /byur ni med par bya ba dang / /dpal yang bskyed par bya ba dang / /nor dang bu tsha 'phan pa 
dang/ /de la sogs pa dbang bskur gang / /de ni bzhi pa'i mi rnams la/ /'byor pa sbyin par shes par bya/ /dbang bskur dang po thob pa ni/ /sangs rgyas rnams kyang dgongs par 'gyur/ /de'i sras gsang sngags spyod pa la/ /brtson pa rnams kyis bkur 
bar 'gyur/ /rig sngags gsang sngags mang po dang / /'phags pa spyan ras gzigs dbang dang / /dpa' bo rdo rje 'dzin pa dag /nyid kyis byin gyis brlabs par 'gyur/ /de yis sbyar na sgrub pa po/ /las rnams thams cad 'grub par 'gyur/ /de ni 
cis kyang mi tshugs shing / /lha rnams kyis kyang mchod par 'gyur/ /'khor ba na ni 'khor ba na/ /de ni ngan song ltung mi 'gyur/ /yan lag nyams dang dbul ba dang / /smad pa rnams su skye mi 'gyur/ /tshe rabs dran zhing longs spyod che/ /tshul khrims 
ldan zhing gzugs kyang bzang/ /rtag tu lha dang mi rnams kyi/ /mtho ris rnams su skye bar 'gyur/ /de yi bsod nams mthu yis ni/ /sangs rgyas byang chub las mi ldog /des ni ring po mi thogs par/ /byang chub tshogs ni rdzogs par 'gyur/ /de la sogs 
pa'i yon tan ni/ /mang po rgya chen dag dang ldan/ /rig sngags rnams kyi rigs skye zhing / /de ni byang chub spyad pa spyod/ /de ltar mngon par dbang bskur zhing / /blo ldan rgyud ni mthong ba la/ /bla ma las ni lung thob pas/ /dkyil 'khor dag ni bri bar bya/ /

</font><hr>96-1-167a<br><font size=+1>

yon tan 'di dang mi ldan par/ /gang zhig dkyil 'khor 'dri byed pa/ /de ni mi bzad sems dmyal ltung / /slob ma rnams kyang don med 'gyur/ /mu ge dang ni nad mang dang / /than pa dang ni 'tshe ba 'byung / /rgyal po rnams kyang 'thab pa dang / /
chom rkun la sogs 'jigs pa 'byung / /de dang de yi rgyu rnams kyis/ /slob ma rnams kyang phung bar 'gyur/ /dkyil 'khor cho ga mi ldan par/ bris na bla ma nges par 'chi/ /de bzhin gshegs rigs dkyil 'khor du/ /gang zhig legs par dbang 
bskur ba/ /de ni rigs rnams gsum char gyi/ /dkyil 'khor la sogs slob dpon 'gyur/ /'phags pa spyan ras gzigs dbang gi/ /dkyil 'khor du ni dbang bskur ba/ /de ni rigs gnyis dkyil 'khor gyi/ /slob dpon du ni dbang bskur 'gyur/ /
phyag na rdo rje gzi chen gyi/ /dkyil 'khor du ni dbang bskur ba/ /de ni rdo rje rigs gcig gi/ /dkyil 'khor gyi ni slob dpon 'gyur/ /ma mo gnod sbyin drag po yi/ /dkyil 'khor gang dag ci bshad pa/ /thams cad de dag kun gyis kyang / /dogs pa 
med par bri bar bya/ /bla mas slob ma gcig pu ni/ /dkyil 'khor dag tu dbang bskur bya/ /mkhas pas cig char slob ma gnyis/ /dbang bskur ba ni yong mi bya/ /gnyis sam gsum mam bzhi yang rung / /bla mas dbang bskur bya ba ni/ /yo byad sar pa gzhan rnams 
kyis/ /thams cad so so so sor bya/ /rig sngags dbang ni thob pa la/ /bsgrub pa'i dkyil 'khor dbang bskur bya/ /dbang bskur ba yi cho ga dang / /bsgrub pa'i cho ga'ang de bzhin sbyin/ /slob ma dam tshig shes pa ni/ /gzhan rnams la ni rang gi sngags/ /cho gar bcas 
shing phyag rgyar bcas/ /cho ga rgyas dang bcas par sbyin/ /dkyil 'khor legs par ma mthong bar/ /gang zhig ji ste sngags zlos na/ /des ni dngos grub thob mi 'gyur/ /shi na ngan song ltung bar 'gyur/ /sngags dang phyag rgya cho ga dag /gang zhig de la ston pa yang / /de ni dam tshig nyams 

</font><hr>96-1-167b<br><font size=+1>

gyur nas/ /ngu 'bod sems can dmyal bar 'gro/ /ji skad bshad pa'i dam tshig rnams/ /gal te nyams par gang gyur pa/ /des ni rang gi snying po'i sngags/ /gcig 'bum du ni bzlas brjod bya/ /yang na mes rmongs byed pa'i gzungs/ /stong du bzlas brjod byas kyang 
rung / /yang na zhi ba'i sbyin sreg bya/ /yang na dkyil 'khor du yang 'jug /gti mug dbang gis mi shes par/ /mi gang dkyil 'khor 'dri byed pa/ /de ni mtshams med lnga rnams dang / /'dra ba'i gnas su 'gro bar 'gyur/ /gang zhig bsod nams las byed pa/ /cho ga legs par 'dri 
na ni/ /byang chub sems dpa' mthu chen te/ /'dod pa'i gnas ni dam par skye/ /gshed byed rnams dang ro langs dang / /sha za lto 'phye chen po dang / /rnam pa sna tshogs gdon rnams dang / /'jigs par 'gyur ba'i bgegs rnams kyis/ /lha yi rigs mthong dam tshig shes/ /
rtag tu tshugs par mi 'gyur zhing / /de yi mi dge'i las 'byang zhing / /ngan song du yang yong mi ltung / /de yis bsgrubs na nges par ni/ /gsang sngags thams cad 'grub par 'gyur/ /de la byang chub sa bon ni/ /brtan par 'gyur bar dogs pa med/ /slob dpon blo gros chen po yis/ /
gsang sngags rgyud ni 'dzin pa po/ /slob ma bsdams pa snying rje can/ /gcig ni nan tan bskyed de bsgrub/ /dkyil 'khor rnams ni thams cad kyi/ /cho ga 'di ni dam pa ste/ /blo dang ldan pas cho ga 'dis/ /dkyil 'khor rnams ni bri bar bya/ /rig sngags rgyal dang phyag rgya che/ /
dkyil 'khor rnams ni thams cad kyang / /slob ma la ni sngags byin nas/ /de nas bla mas rgyud 'di byin/ /dbang gi dkyil 'khor gshegs su gsol/ /bsgrub pa chen po bya ba'i rgyud kyi bzhed lugs kyis dkyil 'khor gyi mdzad byang ma lus par yongs su rdzogs 
par bstan pa yin no// //dkyil 'khor chen po bkod pa rim par phye ba/ phyag na rdo rje dbang phyug chen po bdag nyid kyis bstan pa las/ dkyil 'khor thams cad kyi spyi'i cho ga gsang ba spyi'i rgyud rdzogs s+ho// //

</font><hr>

</table>