D830

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D830</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D830&coll=derge">see text in Tibetan script</a></table>97-1-290b<br><font size=+1>

@##/ /rgya gar skad du/ sarba ta thA ga tagu h+ya ma hA gup+ta ko Sha ak+Sha ya ni d+hi dI pa ma hA pra ta sA d+ha na tan+t+ra dz+nyA nA sh+tsar+ya r+yu ti tsakra na ma ma hA yA na sU tra/ bod skad du/ de bzhin gshegs pa thams cad kyi gsang ba/ gsang ba'i mdzod chen po mi zad pa 
gter gyi sgron ma/ brtul zhugs chen po bsgrub pa'i rgyud/ ye shes rngam pa glog gi 'khor lo zhes bya ba theg pa chen po'i mdo/ /bcom ldan 'das dpal ye shes rngam pa'i rgyal po la phyag 'tshal lo/ /'di skad bdag gis thos pa dus gcig na/ bcom ldan 
'das gsang ba mchog gi bdag po dpal kun du bzang po chen po ye shes rngam pa'i rgyal po zhes bya ba phyogs bcu dang dus bzhes bsdus pa'i bde bar gshegs pa rnal 'byor gyi dbang phyug chen po rnams kyi sku gsung thugs rdo rje mi phyedapa'i bdag nyid chen po/ gsang 
ba mchog gi dgyes pa na/ lhun gyis grub pa'i longs spyod chen po/ chos ma lus mi lus lus pa med pa thams cad kyi rang bzhin chen po/ ngo mtshar rmad du byung ba'i cho 'phrul chen po'i bdag nyid de 'og min gyi gnas mtha' dang dbus brjod du med pa na rang bzhin 
lhun gyis grub pa'i gsang ba mchog gi dkyil 'khor gsang ba yum gyi mkha' rnam par dag pa'i gzhal yas khang na gcig dang du ma dang bral ba'i phyir rgya phyogs bcur yongs su ma chad pa/ chos thams cad gnyis su med pa'i dbyings su thim pa'i 'od zer gsal 
ba/ spros pa med pa'i tshul gyis pho brang gi snying po zlum por gyur pa/ dbyings dang ye shes rgyu dang 'bras bur ldan pa'i 'khor lo rtsibs dang ldan pa/ thams cad mkhyen pa'i ye shes rang snang ba'i thabs las byung ba'i mu khyud kyis bskor ba/ bsod nams dang ye shes 
kyi tshogs thugs rje rgyas pa'i phyir gru bzhir gsal ba/ rnam par thar pa'i sgo nas 'jug pa'i sgo bzhi na rnam par thar pa brgyad kyi lam stegs su shar ba/ phyi dang nang med par lhun gyis grub pa'i gzhal yas khang de na nyi ma dang zla ba rangs pa dang phyed kyis 'od gsal 

</font><hr>97-1-291a<br><font size=+1>

bar snang ba dang / che ba'i yon tan rnam pa sna tshogs pa'i dril bu dang mu tig gi chun mdzes 'phyang ba dang / shar bu'i rgyan dang / bla re dang / gdugs dang / rgyal mtshan la sogs pa'i rgyan gyi khyad par dang / mnyam pa nyid kyi ta la'i ljon shing 
dang / re ba skong ba'i dpag bsam gyi shing dang / yid bzhin gyi nor bu rin po che'i rgyal mtshan dang / 'jig rten pa'i lha dang / lha'i bu mo rnam pa sna tshogs pa'i rol mo dang glu dbyangs kyi tshigs su bcad pas brgyan pa'i gnas khyad par rgyu rin po che sna tshogs las 
grub pa'i gnas de nyid na thabs dang shes rab rang bzhin gyis 'od gsal ba'i nyi zla dang ma chags ma gos pa'i pad+ma dang mi zad pa'i rin po che 'bar ba'i gdan khri dang gzims cha dang snam rten du ldan par gnas so/ /gzhan yang khrag 'thung gi tshogs 'dus pa'i gnas su 
yang 'gyur te/ dur khrod kyi rgyan gyi khyad par gyi bye brag zhing gi gdan dang sbrul nag gi chun 'phyang dang thod pa rnam gsum gyi mtshan ma dang / rlung nag gi phung po spungs shing rak+ta'i rgya mtsho mi bzad par 'khrug pa dang / me ri ser nag tu 'khyil cing 'bar ba/ keng rus 
kyi ri rab las rak+ta'i khrag zhag gi chu 'bab pa/ 'bar ba'i 'phro ba mang po 'khrug pa'i gnas na dregs pa khyo shug dang / sems can chen po'i gdan dang bcas pa'i gnas kun du bzang po'i bsod nams dang ye shes kyi tshogs las grub pa/ rnal 'byor gyi dbang 
phyug chen po'i rdo rje gsang ba'i gral du gyur pa na rnal 'byor gyi dbang phyug gi 'khor tshogs brjod pa las 'das pa'i yang brjod pa las 'das pa/ sangs rgyas kyi zhing gi rdul phra rab snyed 'khod pa ni rnal 'byor gyi dbang phyug chen po dang / khrag 'thung rol pa'i tshogs dang / 
dad pas 'dus pa'i tshogs rnams dang thabs cig tu bzhugs pa 'di lta ste/ nam mkha'i dbyings dang mnyam pa'i de bzhin gshegs pa btsun mo dang bcas pa de bzhin gshegs pa rnam par snang mdzad dang / de bzhin gshegs pa mi bskyod pa dang / de bzhin 

</font><hr>97-1-291b<br><font size=+1>

gshegs pa rin chen 'byung ldan dang / de bzhin gshegs pa snang ba mtha' yas dang / de bzhin gshegs pa don yod grub pa dang / btsun mo dam pa dbyings phyug ma dang / btsun mo dam pa sangs rgyas spyan dang / btsun mo dam pa mA ma kI dang / btsun 
mo dam pa gos dkar mo dang / btsun mo dam pa sgrol ma dang / gzhan yang rigs kyi rnal 'byor gyi 'khor btsun mo'i tshogs dang bcas pa nam mkha' dang mnyam pa rnal 'byor chen po sems dpa'i rdo rje dang / rnal 'byor chen po rin chen rdo rje dang / rnal 'byor 
chen po chos rdo rje dang / rnal 'byor chen po las rdo rje dang / rnal 'byor chen mo rdo rje sems ma dang / rnal 'byor chen mo rin chen sems ma dang / rnal 'byor chen mo chos kyi sems ma dang / rnal 'byor chen mo las kyi sems ma dang / gzhan yang nam 
mkha' dang mnyam pa'i byang chub sems dpa' chen po'i 'khor btsun mo dang bcas pa byang chub chen po sa'i snying po dang / byang chub chen po nam mkha'i snying po dang / byang chub chen po spyan ras gzigs dbang phyug dang / byang chub chen po lag na rdo rje dang / byang 
chub chen po 'jam dpal gzhon nu dang / byang chub chen po sgrib pa rnam par sel ba dang / byang chub chen po byams pa me+e tri dang / byang chub chen po kun du bzang po dang / byang chub chen mo sgeg mo dang / byang chub chen mo phreng ba dang / byang chub chen mo dbyangs 
dang / byang chub chen mo gar ma dang / byang chub chen mo pog me ma dang / byang chub chen mo me tog ma dang / byang chub chen mo mar me ma dang / byang chub chen mo dri dang / gzhan yang 'joms pa chen po'i 'khor btsun mo dang bcas pa nam mkha' dang mnyam 
pa 'joms pa chen po gshin rje gshed po dang / 'joms pa chen po stobs po che dang / 'joms pa chen po rnam par rgyal ba dang / 'joms pa chen po rta'i rgyal po dang / 'joms pa chen po bdud rtsi thab sbyor dang / 'joms ma chen mo lcags kyu ma dang /

</font><hr>97-1-292a<br><font size=+1>

'joms ma chen mo zhags pa ma dang / 'joms ma chen mo lcags sgrog ma dang / 'joms ma chen mo 'bebs ma dang / gzhan yang thub pa'i sras kyi 'khor rdul phra rab snyed dang mnyam pa/ thub pa chen po lha'i dbang po dang / thub pa chen po lha ma yin 
gyi dbang po dang / thub pa chen po mi'i dbang po dang / thub pa chen po dud 'gro'i dbang po dang / thub pa chen po yi dgas kyi dbang po dang / thub pa chen po dmyal ba'i dbang po dang / de dag la sogs pa rnal 'byor gyi dbang phyug chen po sras kyi tshogs grangs med pa dang / 
yang thabs cig tu bzhugs so/ /gzhan yang khrag 'thung rol pa'i dpal he ru ka btsun mo'i tshogs dang bcas pa 'di lta ste/ khrag 'thung chen po dpal bud+d+ha he ru ka zhes bya ba dang / khrag 'thung chen po dpal badzra he ru ka zhes bya ba dang / khrag 'thung chen po dpal 
rat+na he ru ka zhes bya ba dang / khrag 'thung chen po dpal pad+ma he ru ka zhes bya ba dang / khrag 'thung chen po dpal karma he ru ka zhes bya ba dang / btsun mo bud+d+ha kro d+hi zhes bya ba dang / btsun mo badzra kro d+hi zhes bya ba dang / btsun mo rat+na kro d+hi zhes bya ba dang / btsun mo pad+ma 
kro d+hi zhes bya ba dang / btsun mo karma kro d+hi zhes bya ba dang / gzhan yang gsang ba chen po 'khor btsun mo dang bcas pa gsang ba chen po rak+Sha he ru ka zhes bya ba dang / gsang ba chen po yak+Sha he ru ka zhes bya ba dang / gsang ba chen po bi shwa he ru ka zhes bya ba dang / gsang ba 
chen po sa ma ya he ru ka zhes bya ba dang / gsang ba chen mo rak+Sha kro d+hi zhes bya ba dang / gsang ba chen mo yak+Sha kro d+hi zhes bya ba dang / gsang ba chen mo bi shwa kro d+hi zhes bya ba dang / gsang ba chen mo sa ma ya kro d+hi zhes bya ba dang / gzhan yang phra men ma nyi shu'i tshogs 
kyi 'khor dkar mo'i tshogs zhes bya ba dang / rkun mo'i tshogs zhes bya ba dang / sbos mo'i tshogs zhes bya ba dang / gtum mo'i tshogs zhes bya ba dang / rmongs mo'i tshogs zhes bya ba dang / thal byed ma'i tshogs zhes bya ba dang / sme sha can gyi tshogs zhes bya ba dang / ma 

</font><hr>97-1-292b<br><font size=+1>

tshogs zhes bya ba dang / seng gdong gi tshogs zhes bya ba dang / stag gdong gi tshogs zhes bya ba dang / wa gdong gi tshogs zhes bya ba dang / khyi gdong gi tshogs zhes bya ba dang / bzhad gdong gi tshogs zhes bya ba dang / kang ka'i gdong gi tshogs zhes bya ba dang / dur 
bya'i gdong gi tshogs zhes bya ba dang / bya rog gdong gi tshogs zhes bya ba dang / 'ug pa'i gdong gi tshogs zhes bya ba dang / rta gdong gi tshogs zhes bya ba dang / phag gdong gi tshogs zhes bya ba dang / seng gdong gi tshogs zhes bya ba dang / spre gdong gi tshogs zhes bya ba 
la sogs pa/ phra men ma'i tshogs shin tu mang ba dang / gzhan yang rdo rje srin po khro bo'i tshogs rdo rje srin po khro bo rnam par rgyal ba zhes bya ba dang / dbyug pa sngon po zhes bya ba dang / gshin rje gshed ces bya ba dang / mi g.yo mgon po zhes bya ba dang / rta mgrin 
zhes bya ba dang / gzhan gyis mi thub pa zhes bya ba dang / bdud rtsi 'khyil pa zhes bya ba dang / khams gsum rnam par rgyal ba zhes bya ba dang / hU~M kA ra zhes bya ba dang / stobs po che zhes bya ba dang / gzhan yang rdo rje srin mo'i khro mo'i 'khor rdo rje srin mo snyems ma zhes 
bya ba dang / sder mo zhes bya ba dang / dur khrod ma zhes bya ba dang /gtun khung ma zhes bya ba dang / gtum mo zhes bya ba dang / mda' snyems ma zhes bya ba dang / sgra 'byin ma zhes bya ba dang / gsod ma zhes bya ba dang / bskyod ma zhes bya ba dang / rlung 'byin ma zhes 
bya ba la sogs pa rdo rje gzhon nu'i 'khor rigs 'dzin 'bum phrag bsam gyis mi khyab pa dang / gzhan yang gsang sngags kyi mthu dang / ston pa'i ngo mtshar rmad du byung ba'i cho 'phrul gyis rang dbang med par 'khor du 'dus pa'i dbang phyug dang / dbang phyug ma nyi shu rtsa 
brgyad la sogs pa kun bran dang yang bran/ g.yog dang yang g.yog dang bcas pa rdzu 'phrul gyi shugs kyi 'khor 'dus pa rnams ni bdag dang gzhan gyi shes pa'i rgyud ni thams cad zhi ba dang / rgyas pa dang dbang dang drag po dang dgug pa dang bcing ba dang gtang 

</font><hr>97-1-293a<br><font size=+1>

ba dang dgrol ba dang drang ba dang rengs pa dang rmugs pa dang dbral ba dang bza' ba dang btung ba dang 'jib pa dang nyams pa dang gsad pa dang / gnon pa dang spar ba dang pham pa dang / rgyal ba la sogs pa byed cing thabs cig tu rdo rje gsang ba'i gral du 
'khod do/ /de nas yang dpal 'bar yum kro d+hi'i rgyal mo yang bcom ldan 'das gsang ba mchog gi bdag po'i sku la 'khril te bzhugs so/ /bcom ldan 'das byed pa po rdo rje kun du bzang po dang / btsun mo bya ba mo kun du bzang mo yang gnyis su med par mdun 
gyis bltas te bka' nod pa'i tshul du gnas so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las gleng gzhi'i le'u ste dang po'o// //de nas bcom ldan 'das gsang ba mchog gi bdag po dpal kun du bzang po ye 
shes rngam pa'i rgyal pos 'khor gyi dkyil 'khor thams cad la rnam par gzigs so/ /'khor gyi dkyil 'khor thams cad la gzigs nas phyi snod kyi khams nam mkha' dang sa dang / chu dang / me dang / rlung dang ri dang / tshal la sogs pa thams cad la rnam 
par gzigs so/ /de dag thams cad la rnam par gzigs nas yang nang bcud kyi khams sems dang sems las byung ba'i g.yo ba dang / 'gul ba dang / dmyal ba dang / yi dgas dang / byol song dang / mi dang / lha ma yin dang / lha'i rigs so so'i khams 
dang / bsam gtan bzhi dang / tshad med pa bzhi dang / gzugs med pa'i khams dang / mu stegs kyi khams dang / bdud chen po dang / lha dang / klu dang / gnod sbyin dang / srin po dang / nam mkha' lding dang / mi'am ci dang / ru tra dang / ru tra can la 
sogs pa'i khams la rnam par gzigs so/ /de dag thams cad la rnam par gzigs nas yang nyan thos kyi sa dang / rang sangs rgyas kyi sa dang / byang chub sems dpa' rnams kyi sa dang / rig 'dzin sa pa'i bsti gnas dang / phyogs bcu dus 

</font><hr>97-1-293b<br><font size=+1>

bzhi'i sangs rgyas thams cad sa la rdzu 'phrul gyi spyan gyis rnam par gzigs nas smra bsam las 'das pa de bzhin nyid stong pa chen po'i ting nge 'dzin la snyoms par zhugs te cang mi mdzad/ rnam par mi mdzad/ mdzad pa mi 'gog /mdzad pa rnam par 
yang mi 'gog /mi mdzad pa yang mi gnas/ cang mi gsung / rnam par mi gsung mi sgrogs/ gsungs pa yang mi 'gog /gsungs pa rnam par yang mi 'gog /mi gsung mi 'gog pa la yang mi gnas/ 'khor gyi dkyil 'khor dang / snod kyi khams 
thams cad dang / sa'i khyad par thams cad la yang mi gzigs mi dgongs/ gzigs shing dgongs pa la yang mi 'gog /rnam par yang mi 'gog /mi 'gog pa la yang mi gnas so/ /de nas ting nge 'dzin la snyoms par zhugs ma thag tu 'khor gyi 
dkyil 'khor de dag dang / snod kyi khams de dag dang / bcud kyi khams de dag dang / sa'i khyad par de dag thams cad kyang sgyu ma'i mtshan nyid tsam du yang dmigs su med do/ /dper na nam mkha' ni chos thams cad kyi rjes su yang song la ji lta bu'i 
ngo bor yang gdags su med pa de bzhin du don dam pa byang chub sems de yang chos thams cad la yang khyab la smra bsam las kyang 'das so/ /de ltar chos kyi sku'i ngo bor brjod du med pa la brnal bzhin du yum kun du bzang mo rngam pa'i kro d+hi'i rgyal mos stong 
nyid kyi ngang las glu 'dis bskul lo/ /o~M snang stong stong pa'i rdo rje chos kyi sku/ /smra bsam las 'das don dam byang chub sems/ /stong nyid ngang las mi 'da'i dam tshig gis/ /snying rje nam mkha'i ngo bo bstan du gsol/ /zhes bskul bas/ bskul bar 
thugs su chud nas stong nyid kyi ting nge 'dzin gyi ngang las rig pa'i ye shes snying rje chen po yis kun du klong bdal bar khyab ste/ snying rje chen po des 'khor gyi dkyil 'khor kun du khyab par mdzad do/ /'khor gyi dkyil 'khor kun du khyab par mdzad nas yang snod 

</font><hr>97-1-294a<br><font size=+1>

kyi khams kun la khyab par mdzad nas yang bcud kyi khams kun la khyab par mdzad do/ /bcud kyi khams kun la khyab par mdzad nas sa'i khams kun la khyab par mdzad do/ /dper na nyi ma bar snang la shar ba'i 'od kun la snyoms 
pa bzhin du rig pa'i nyi ma snying rjes byang chub kyi sems kyis kyang stong nyid kyi ngang kun la snyoms par khyab bdal to/ /de'i tshe gsang ba mchog gi bdag po de nyid yang ting nge 'dzin las langs nas snying rje nam mkha'i ngo bo kun du snang ba zhes bya ba'i ting nge 'dzin la 
snyoms par zhugs so/ /zhugs ma thag tu snying rjes kun la khyab par gyur pa ni ting nge 'dzin de'i mthu yin no/ /de nas yum kun du bzang mo rngam pa kro d+hi'i rgyal mos yang glu 'dis bskul lo/ /ma ltar byams pa'i thugs rjes kun du khyab/ /mkha' ltar go 'byed cho 
'phrul 'byung gnas las/ /longs spyod rdzogs dang thugs rje sprul pa'i sku/ /'bar ba'i sku mchog bdag la bstan du gsol/ /a la la ho zhes gsol ba btab pas bcom ldan 'das gsang ba mchog gi bdag po des chos thams cad don dam pa byang chub sems 
la shar bar mkhyen nas mi dmigs nam mkha'i dbyings nas rdo rje'i mngon du phyung ste/ dper na zla ba dri ma med pa nam mkha' dang ba la shar ba bzhin no/ /rdo rje'i sku de las rig pa'i cho 'phrul gyi 'od zer rnam par 'phro ba ni dper na nyi 'od kyi 'od zer dus gcig shar ba 
lta bu'o/ /de nas bcom ldan 'das gsang ba mchog gi bdag po des ting nge 'dzin las langs nas 'dod chags chen po'i tshul rdo rje rnam par bsgyings pa zhes bya ba'i ting nge 'dzin la snyoms par zhugs te zhugs nas kyang yum kro d+hi'i rgyal mo la gzigs te 'dzum 
pa rnam par mdzad do/ /de nas yum kro d+hi'i rgyal mos kyang spyan zim bag gi tshul gyis gzigs nas lan stong du brkyang phyag btsal te g.yon pa slong ba'i glu 'dis rnam par bskul lo/ /e ma'o yid bzhin sku mchog tshogs chen mngon rdzogs lha/ /rdo rje gar 

</font><hr>97-1-294b<br><font size=+1>

gyi tshul gyis gar mdzad cing / /dga' mchog rdo rje'i byang chub sems chen de/ /'dzum zhing 'khyil pa'i pad+ma'i gnas su phob ho/ /e ma'o/ /dkar la 'tsher ba'i byang chub sems sprin dang / /chags pa dmar po dbang gi rang bzhin du/ /gnyis med 'phros 
pa'i byin brlabs bsam yas las/ /ye shes lha tshogs sprul sku bsam yas 'thon/ /ma rig mun pas ldongs pas don gyis phye/ /dgon gdungs gnas nas byang chub myu gu skyed/ /zhi ba 'gog pa'i sa las rnam par slong / /zhes rnam par bskul bas 
gnyis su med pa'i rnam par rol pas rol zhing brjid pa dang bcas nas gar mdzad pa dang / zhal 'dzum pa dang / 'dor ba dang / skum pa dang / 'gying ba dang / spyan mdzes pa'i smin ring bskyod cing sgyur ba dang / dung gi phur pas g.yan pa slong ba dang / 'dor 
zhing skum pa dang / 'jog cing 'deg pa dang /rnam par 'dor ba'i rol pa'i gar gyis nam mkha'i khams kun du khyab par mdzad do/ /rnam par rol pa des 'byung ba dang / 'byung ba las gyur pa thams cad la khyab par mdzad do/ /des sems dang 
sems las byung ba kun la khyab par mdzad pas bcom ldan 'das kyi byang chub kyi sems zhi zhing 'khyil bas rol pa'i char mngon par phab pas snod kyi khams dang / bcud kyi khams dang / bsam gtan pa dang / 'gog pa pa dang / sa'i khyad par 
thams cad dang / byang chub kyi rol pa sna tshogs sgeg pa dang / steg pa dang / sbyor ba dang / 'khyud pa dang / sdom pa dang / bstim pa dang / mnyes pa dang / gsol ba dang / myang ba dang / bca' ba dang / bde ba dang / sprod pa dang / 'jog pa la sogs 
pa bcom ldan 'das kun du bzang po'i rdo rje 'dzin gyis kun du rgyas par byas te yang dag par gnas so/ /de nas de'i tshe thugs rnam par dag pa'i mkha' klong nas rig pa byang chub kyi sems kyi 'od zer brjod kyis mi lang ba 'byam klas pa shar ba de las gsung 

</font><hr>97-1-295a<br><font size=+1>

gi yig 'bru 'khor lo'i tshogs su yang snang ngo / /yig 'bru de nyid thugs phyag mtshan du yang gyur/ thugs dam tshig gi phyag rgya 'od du 'phros shing rnam par 'du ba'i tshul gyis rnal 'byor gyi dbang phyug gi 'khor rgyal ba yab yum dang / sems 
dpa' dang / sems ma dang / thub pa dang / 'joms pa dang / 'joms pa rnams kyi skur yang rang rang gi dam tshig gi phyag rgya las snang bar byas te gsang ba mchog gi bdag po la mdun gyis bltas nas rdo rje gsang ba'i gral du 'khod de/ de ltar re re la'ang sangs rgyas 
kyi 'khor zhabs 'bring dang bcas pa 'byam klas pa/ nam mkha'i dbyings kyi mtha' klas pa lhun gyis grub bo/ /yang 'od zer de dag re re las he ru ka mang po'i tshogs kyang shar to/ /he ru ka re re la yang sangs rgyas 'bum phrag gi 'khor so so'i zhabs 'bring dang bcas 
pa lhun gyis grub par mdzad do/ /he ru ka re re las rig pa'i nyi ma'i char mngon par phab ste mun nag gi klong gsal bar mdzad do/ /chos kyi glu dang gar dang / chos kyi char dang / mchod pa dang / chos kyi ngo mtshar rmad du byung ba rngam pa'i cho 'phrul yan man 
dang snrel zhi thams cad du ling long phyad do/ /de'i tshe he ru ka 'od kyi phreng ba des ru tra can dang / bdud dang srin po dang / gnod sbyin dang / dbang phyug ma nyi shu rtsa brgyad la sogs pa rang rang gi che ba'i nga rgyal rab tu ston pa rnams zhi zhing dul bar gyur te/ rang rang 
gi dbang phrogs nas sangs rgyas kyi bstan pa 'di la dad par gyur nas 'dus rab tu 'dus so/ /de'i tshe na byang chub sems kyi 'od zer kun du khyab pa des 'du shes med pa dang 'gog pa la gnas pa'i mur lhung ba rnams sa bon mes tshig pa dang 'dra ba de yang dri ma 
med pa'i byang chub sems rin po che'i chu des dbang bskur bas byang chub sems kyi dbang thob ste 'gro ba'i don byed par gyur to/ /gzhan yang sa'i khyad par la gnas pa rnams kyang rang rang gi sa la skyo sems skyes te las kyi tshe bkag nas sangs rgyas kyi bstan pa 

</font><hr>97-1-295b<br><font size=+1>

'di la rab tu dad do/ /de nas 'dus pa'i 'khor tshogs rnams ngo mtshar du gyur rmad du gyur te 'dus nas shin tu skrag ste gsol ba btab pa/ e ma'o e ma'o ya mtshan che/ /gnyis med rol pa ya mtshan che/ /'od zer 'phro 'du ya mtshan che/ /byang chub 
char sprin ya mtshan che/ /sangs rgyas 'byung ba ya mtshan che/ /sprul pa 'byung ba ya mtshan che/ /khro bo 'byung ba ya mtshan che/ /byin brlabs cho 'phrul ya mtshan che/ /dgon gdungs spangs pa ya mtshan che/ /'gog pa gsos pa ya mtshan che/ /bdag 
cag 'khor tshogs 'dus pa rnams/ /dam tshig can du byin brlabs mdzod/ /bla 'og rim pa ji bzhin du/ /rdo rje gsang ba'i gral du 'khod/ /ces gsol ba btab pas bcom ldan 'das gsang ba mchog gi bdag po des sku gsung thugs gnyis su med 
pa'i sgo nas 'khor rnam par sbyor ba'i rdo rje'i rgyan zhes bya ba'i ting nge 'dzin la snyoms par zhugs te/ byed pa po rdo rje kun du bzang po la gzigs nas zhal 'dzum pa mdzad do/ /de nas byed pa po rdo rje kun du bzang po des bskul bar rnam par rig nas btsun mo bya ba mo 
kun du bzang mo dang gnyis su med par sbyor zhing rang gi stan las rnam par langs te byang chub sems kyi mtshan ma gnas lngar btab nas lce pad+mo'i steng du las kyi rdo rje bzhag ste/ brkyang phyag btsal nas mi 'jigs pa'i lta bas ston pa'i zhal du bltas nas don 
bsdu bar gsol ba btab pa/ gsang ba'i bdag po yab yum dgongs su gsol/ /'dus pa'i 'khor tshogs mang po dgongs su gsol/ /gsang mdzod ye shes glog gi 'khor lo 'di/ /chos kyi rgyal po chen pos bshad du gsol/ /zhes gsol ba btab pas 
gsang ba mchog gi bdag pos byed pa po kun du bzang po rdo rje las kyi bka' bar byin gyis brlabs pa'i phyir thugs gsang ba'i mkha' las byang chub sems sprin spros pas las kyi 'khor lo rdo rje rgya gram gcig lag tu bzhag ste/ las kyi dbang bskur nas ming yang 

</font><hr>97-1-296a<br><font size=+1>

las kyi sems dpa' byed pa po kun du bzang por btags te las kyi dbang thob par gyur to/ /chos kyi 'khor lo pad+ma 'dab ma brgyad pa lce stengs su bzhag ste/ smra ba'i seng ge chos kyi sems dpa' zhes ming du dbang bskur te chos smra ba'i dbang 
thob bo/ /de nas smra ba'i seng ge byed pa po rdo rje kun du bzang po de btsun mo bya ba mo kun du bzang mo la 'jug cing spobs pa can du gyur to/ /de nas smra ba'i seng ge kun du bzang po des 'dus pa'i 'khor rnams snod du rung bar byin gyis brlabs pa'i phyir las kyi 'khor 
lo dang chos kyi 'khor lo rnam pa bcu gnyis kyi tshul du bskor te cho 'phrul 'di dag rnam par bstan te/ zhing khams mtha' dag kyang g.yos/ rab tu g.yos/ 'gul/ rab tu 'gul/ ldeg rab tu ldeg /'khrugs/ rab tu 'khrugs/ yan man dang snrel 
zhi'i zhing khams mtha' dag kyang ling long phyad par gyur to/ /de nas byang chub sems kyi mtshan mas 'dus pa'i 'khor rnams kyi gnas lngar reg par byas so/ /hU~M badzra sa ma ya/ gu h+ya sa ma ya kro d+ha sa ma ya/ rdo rje 'du bar 'dus pa yi/ /'dus pa chen po'i rig 
'dzin rnams/ /gong 'og rim pa ji bzhin du/ /rdo rje gsang ba'i gral du gnos/ /bskal bzang dam tshig chen po ste/ /de las 'das na brlag par 'gyur/ /zhes bsgo bas 'dus pa'i 'khor tshogs rnams rang rang gi sems rangs par byas te dam tshig thob nas 
rdo rje gsang ba'i gral du 'khod rnam par 'khod do/ /de nas byed pa po kun du bzang po las kyi bka' ba des bcom ldan 'das gsang ba mchog gi bdag po la gtsug gis 'dud phyag rnal 'byor gyi lugs su byas te phyi dang / nang dang / gsang ba mchod pa 
de kho na nyid kyis mchod de gsol ba btab bo/ /'di ltar rmad byung ngo mtshar khyod/ /sangs rgyas yab gyur rgyal ba'i sras/ /ya mtshan chen po ston par spyod/ /bka' yi 'khor lo dam pa de/ /smra brjod yul las rab 'das kyang / /ngag gi lam nas 

</font><hr>97-1-296b<br><font size=+1>

rab brjod cing / /dpes mtshon tshig gi lde mig gis/ /gsal bar mtshon te go bar mdzod/ /a la la ho zhes gsol ba btab bo/ /de nas gsang ba mchog gi bdag po des gsol ba btab par mkhyen nas brjod du med pa'i ting nge 'dzin la snyoms par 
zhugs nas cang mi gsung bar bzhugs so/ /de nas 'dus pa'i 'khor tshogs kyis smra ba'i seng ge byed pa po kun du bzang po de la lugs su btud de brkyang phyag btsal nas rmad du byung ba'i mchod pa sna tshogs byas nas gsol ba btab pa/ smra ba'i seng ge byed 
pa po rdo rje kun du bzang po khyod la bdag cag zhu b.raspobs na gnang ba'i skabs dbye bar gsol/ smra ba'i seng ge kun du bzang pos bka' stsal pa/ 'dus pa'i 'khor tshogs khyod ci dang ci 'dod pa bdag la zhus shig /bdag gis gnang ba'i skabs dbye'o/ /
'dus pa'i 'khor rnams kyis gsol pa/ smra ba'i seng ge byed pa po dang kun du bzang po khyod ni sangs rgyas thams cad kyi yab byang chub sems dpa' thams cad kyi rje btsan/ rnal 'byor pa thams cad kyi lha phud/ chos thams cad kyi mdzod lags na/ 
bcom ldan 'das gsang ba mchog gi bdag pos bdag cag 'khor gyi dkyil 'khor 'dir/ gsang ba'i tshig lam gyis ston par mi snang ba'i rgyu dang rkyen bdag cag rnams la bstan du gsol/ smra ba'i seng ge legs par bstan du gsol zhes zhus pa 
dang / smra ba'i seng ges bka' stsal pa/ o~M AHhU~M a la la ho/ rgyal ba'i sras po cang mi gsung / /mi gsung ba nyid rgya cher bshad/ /bshad du med pa'i don de ni/ /rgyal ba rnams kyis ma bshad de/ /de ltar ston pa rgyal mchog kyang / /rnam 
par brjod par mi mdzad de/ /bka' mi stsal bar dgongs pa'o/ /'dus pa'i 'khor rnams nyon cig /de bas na gsang ba don dam pa'i byang chub kyi snying po de smra bsam las 'das shing brjod du med pas de la tshig tu smra ba legs pa ma yin te/ tshig tu 

</font><hr>97-1-297a<br><font size=+1>

smos pa'i dus nyid na gol ba yin par phyogs bcu dus bzhi'i rgyal ba rnams kyis kyang bshad de/ da ltar ston pa nyid kyang don de nyid dgongs nas ma gsungs so/ /'dus pa'i 'khor tshogs rnams de bas na ma skyes pa'i snying po byang chub 
sems tshig tu spros pa dang bral gyis kyang kun rdzob kyi bden pa'i dbang du mtshan ma'i tshig gi rnal 'byor pa rnams tshig gi phyir 'brang ba'i phyir don rtogs pa'i bkri ba'i phyir rgyal ba rnams kyi tshig gi sgo nas gsungs pa yin no/ /'dus pa'i 'khor tshogs 
rnams kyis gsol pa/ smra ba'i seng ge de ltar na bdag cag dang ma 'ongs pa'i rnal 'byor pa'i tshig gi rjes su 'brang ba rnams kyi don du/ rdo rje tshig gi lam du brjod pas don gsal bar byed pa de smra ba'i seng ge las kyi bka' ba khyod nyid kyis zhu bar spobs 
shig /smra ba'i seng ge dbang bas na bcom ldan 'das gsang ba mchog gi bdag po la zhus shig dang / de nas smra ba'i seng ge byed pa po rdo rje kun du bzang pos 'dus pa'i 'khor tshogs rnams kyi rnam par rtog pa mkhyen nas bcom ldan 'das gsang ba mchog 
gi bdag po la lan stong du bskor ba byas te rmad du byung ba'i mchod pa rgyas pa de kho na nyid kyis mchod nas 'di skad gsol ba btab bo/ /e ma ho ston pa'i ngo mtshar khyod/ /phyogs bcu'i sangs rgyas thams cad kyi/ /byang chub sems kyi mtshan nyid de/ /
tshig tu brjod pa ma lags na'ang / /mtshan ma'i rjes 'brang rnal 'byor pa/ /don la rtsing la tshig la zhib/ /tshig gis bsam pa rangs bya'i phyir/ /snying po byang chub don 'di la/ /dpes mtshon tshig gi lde mig gis/ /gsang ba de nyid bshad du gsol/ /
zhes gsol ba btab pa las bcom ldan 'das gsang ba mchog gi bdag po smra ba'i seng ges gsol ba btab pa yang mkhyen/ 'dus pa'i 'khor tshogs rnams kyi sems kyi rtog pa yang mkhyen pa dang / tshig gi rjes su 'brang ba'i rnal 'byor yang thugs su 

</font><hr>97-1-297b<br><font size=+1>

chud nas rnam par thar pa'i sgo gsum phyung ste/ ye shes kyi rdo rje rtse dgu pa yang nas yang du gsor zhing rmad du byung ba'i chos kyi sgra chen po rab tu bsgrags so/ /o~M AHhU~M swA hA/ bo d+hi tsit+ta gu h+ya sa ma ya/ 'di ni gsungs ma thag tu yang / /sangs rgyas 
grags pa chen po kun/ /rab tu sngangs te brgyal bar gyur/ /'khor tshogs gzhan la smos ci dgos/ /de nas gsang ba mchog gi bdag pos 'di skad ces bka' stsal to/ /rigs kyi bu rnams nyon cig /gang tshig gis brjod du rung ba thams cad ni 
kun rdzob kyi bden pa'o/ /ji srid brjod du rung ba ma yin pa'i chos gang yin pa de ni don dam pa'i bden pa'o/ /gang tshig dang yi ge las 'das pa gang yin pa de ni chos kyi sku'o/ /gang tshig dang yi ges brjod du rung ba thams cad ni gzugs kyi sku'o/ /rigs kyi 
bu sngags kyi lta ba dang spyod pa yang de nyid yin te/ gang don dam pa'i bden pa dang / chos kyi sku gang yin pa de ni sngags kyi lta ba yin par shes par bya'o/ /de nyid rgyu'i tshul du gnas pa las/ 'bras bu'i tshul du kun rdzob kyi bden pa dang / gzugs kyi skur 
snang ste/ ji ltar spyad pa dang spyad du rung ba thams cad ni spyod par rnal 'byor can gyis blta'o/ /de nas smra ba'i seng ge byed pa po rdo rje kun du bzang pos a la la ho zhes pa'i sgra brjod de bcom ldan 'das gsang ba mchog gi bdag po la 'di skad ces gsol to/ /
de ltar lags na/ bcom ldan 'das sngags kyi lta ba la blo gnas pa gang lags/ lta ba dang spyod pa la blo gnas pa ni gang lags/ spyod pa 'ba' zhig la blo gnas pa ni gang lags/ gsang ba mchog gi bdag pos bka' stsal pa/ smra ba'i seng ge legs so/ /
de'i don khyod nga la zhu ba ni legs so/ /smra ba'i seng ge gsang sngags ni de bzhin gshegs pa 'ba' zhig gi dgongs pa'i yul lo/ /de ci'i phyir zhe na/ de bzhin gshegs pa rnams ni don dam pa'i bden pa tsam kyang spangs na kun rdzob kyi bden pa lta ga la yod de 

</font><hr>97-1-298a<br><font size=+1>

bden pa gnyis su yang dbyer med pa'i phyir ro/ /lta ba dang spyod pa la blo gnas pa ni rnal 'byor pas thob pa dang / sa la bsnyen pa rnams te/ de ci'i phyir zhe na/ rnal 'byor pa blo mnyam pa nyid du blo chung ba rnams la ni/ /bden pa rnam pa gnyis 
kyi tshul yod de don dam par ma skyes pa'i tshul du blo chung la/ kun rdzob tu mtshan ma thabs kyi phyag rgya sgyu ma'i tshul du yang med pa ma yin te/ mtshan ma med pa'i rnal 'byor dang mtshan ma'i rnal 'byor gnyis dang ldan pa'i phyir ro/ /slob pa'i rnal 'byor de ni 
bden pa rnam pa gnyis la brten nas lhun gyis grub pa'i sa la goms pa che chung gis grub pa yin no/ /sgra'i rjes su 'brang ba'i rnal 'byor/ don las ring du gyur pa rnams ni spyod pa 'ba' zhig la blo gnas te/ ci'i phyir zhe na/ log pa'i kun rdzob 'ba' 
zhig la rtog gi yang dag pa'i kun rdzob lha'i dkyil 'khor yang mthong ba med pa'i phyir ro/ /smra ba'i seng ge de bas na log pa'i kun rdzob so so'i skye bo lta bu'i chos la brten nas yang dag pa'i kun rdzob kyi bden pa lha dang lha mo'i dkyil 'khor du chos thams cad 
shes par bya'o/ /yang dag pa'i kun rdzob kyi bden pa la brten nas don dam pa'i bden pa khong du chud par nus pa ni rig pa'i skyes bu zhes grags so/ /smra ba'i seng ge byed pa po rdo rje kun du bzang pos gsol pa/ bcom ldan 'das gsang sngags kyi spyod pa'i 
rang bzhin gang lags/ dper brjod na ji skad du brjod pa lags/ bcom ldan 'das gsang ba mchog gi bdag pos bka' stsal pa/ smra ba'i seng ge gsang sngags kyi spyod pa'i tshul rnams ngas bshad kyis nyon cig /ngas yid tshim par bya'o/ /smra ba'i seng 
ge gsang sngags kyi spyod pa ni bsam gyis mi khyab ste rab tu brjod par dka' na mdor bsdu na rnam pa bcur 'dus so/ /bcu gang zhe na/ gsang sngags kyi sgrub pa dang / gsang sngags kyi ming gi khyad par dang / gsang sngags kyi spyod pa dang / gsang 

</font><hr>97-1-298b<br><font size=+1>

sngags kyi dngos grub dang / gsang sngags kyi grub pa'i gnas dang / gsang sngags kyi bzlas pa dang / gsang sngags kyi phyag rgya dang / gsang sngags kyi ting nge 'dzin dang / gsang sngags kyi lta ba dang / gsang sngags kyi cho 'phrul lo/ /smra ba'i seng 
ge de dag gi dper brjod pa yang rnam pa bcu ste/ sgyu ma dang / smig rgyu dang / rmi lam dang / gzugs brnyan dang / dri za'i grong khyer dang / brag ca dang / chu zla dang / chu'i chu bur dang / mig 'khrul dang / mgal me bskor ba lta bu'i rnam par snang ngo / /smra ba'i 
seng ge de yang ji lta zhe na/ sgyu ma zhes bya ba'i mtshan nyid ni skyes bu'i rtsol ba dang / sman dang sbyor sngags kyi sbyor ba las/ dbang po'i yid 'phrog pa'i rnam pa cir yang snang yang slu ba'i bdag nyid can de snang ba med do/ /de bzhin du gsang sngags sgrub pa'i 
mtshan nyid kyang ting nge 'dzin dang yig 'bru dang rdzas kyi sbyor ba las grub pa'i rtags dag snang yang de la rang bzhin med do/ /smig rgyu zhes bya ba'i mtshan nyid kyang 'gro ba skom gyis gdungs pa'i dus su nyi ma dro ba las smig rgyu la chur mthong yang de la chu'i rang 
bzhin med do/ /de bzhin du gsang sngags ming gi khyad par yang gdags pa'i gzhi med pa la ming dang tha snyad btags pa yang ming nyid dmigs su ga la yod/ rmi lam zhes bya ba'i mtshan nyid ni skyes bu gnyid log pa'i tshe bde sdug gi rnam pa mang po rmis 
kyang sangs nas ci yang dmigs su med do/ /de bzhin du gsang sngags kyi spyod pa yang ji ltar spyad na yang spyad pa'i dmigs pa kun dang bral lo/ /gzugs brnyan zhes bya ba'i mtshan nyid kyang chu'am me long ngam 'bru mar la brten nas bzhin gyi gzugs 
su snang yang bzhin de nyid du 'phos pa med do/ /de bzhin du gsang sngags kyi dngos grub kyang bsgrub pa dang / ting nge 'dzin dang / yo byad la brten nas 'byung yang dmigs pa dang bral lo/ /dri za'i grong khyer zhes bya ba'i mtshan nyid ni bar snang na dri za gang na 

</font><hr>97-1-299a<br><font size=+1>

gnas pa der grong khyer yang de na gnas te de byung ma thag tu rtag pa ma yin pa dang gsang sngags kyi gnas kyang rnal 'byor pa bdag nyid kyis kyang bskyed par 'byung la/ de yang ther zug ma yin no/ /brag ca zhes bya ba'i mtshan nyid ni brag gi ngos 
la sgra ji skad rkyen pa skad brag ca la yang de bzhin du 'byung ngo / /'byung yang sgrar mi dmigs pa de bzhin du gsang sngags bzlas pa'i sgra yang bzlas pa tsam nyid na stong pa'o/ /chu zla zhes bya ba'i mtshan nyid ni zla ba'i gzugs brnyan chu'i nang du snang yang chu la zla ba med do/ /
de bzhin du phyag rgya'i dkyil 'khor la yang gzung 'dzin kyi rtog pa med do/ /chu'i chu bur zhes bya ba'i mtshan nyid ni chu'i rlabs chen gcig las chu bur mang du 'byung zhing slar yang 'du ba de bzhin du rnal 'byor pa'i ting nge 'dzin gyi rnam pa yang gcig tu ma chad do/ /mig 
'khrul pa zhes bya ba'i mtshan nyid ni mi mig nad can gyis bar snang la bltas na zla ba gnyis su snang yang zla ba la gnyis su gyur pa med do/ /de bzhin du gsang sngags kyi lta ba yang 'dzin rtog gi lta ba cir rnam par rtog pa rnam mang yongs su grub par yongs 
su mi lta'o/ /mgal me bskor ba zhes bya ba'i mtshan nyid ni gang dag lag na mgal me thogs nas bskor na dbyibs kyi rnam pa ji ltar yang snang ste/ de la dbyibs med do/ /de bzhin du rnal 'byor pa'i sems kyi cho 'phrul cir yang snang zhing 'byung la dngos 
por ma grub pa'o/ /smra ba'i seng ge de ltar na gsang sngags kyi spyod pa ni de ltar shes par bya'o/ /smra ba'i seng ge de lta bas na rnal 'byor pas yang dag pa'i kun rdzob kyi bden pa la brten nas don dam pa'i bden pa khong du chud par bya'o/ /'phags pa rgyud kyi 
rgyal po ye shes rngam pa glog gi 'khor lo'i mdo zhes bya ba las ting nge 'dzin gyi rim par phye ba'i sgo nas gleng bslang ba dang sngags kyi spyod pa bstan pa'i le'u ste gnyis pa'o// //de nas smra ba'i seng ge byed pa po kun du bzang pos bcom ldan 'das 

</font><hr>97-1-299b<br><font size=+1>

gsang ba mchog gi rgyal po la lan brgya stong du bskor ba byas nas rmad du byung ba'i mchod pa rgyas pa de kho na nyid kyis rab tu mchod de kun du rab tu mchod nas gtsug gi 'dud pas phyag rnal 'byor gyi lugs su byas te 'di skad ces gsol ba btab bo/ /e ma'o bder 
gshegs kun du bzang/ /e ma'o ye nas dag pa'i don/ /e ma'o gsang ba mchog gi bad ga /e ma'o ye shes rngam pa'i glog /e ma'o gnyis med dgyes chen po/ /e ma'o bde ba bde chen mchog /e ma'o rnam dag dpal khyod la/ /e ma'o bdag 
cag gsol ba 'debs/ /byang chub sems 'di ji ltar skyed/ /dkyil 'khor rnams ni ji ltar lags/ /phyag rgya rnams kyi mtshan nyid ci/ /bsnyen sgrub rnam bzhi ji ltar lags/ /dngos grub sgrub pa'i rnam grangs ci/ /sngags kyi sdom pa ji ltar bsrung / /
rnal 'byor brtul zhugs ji ltar spyad/ /dregs pa'i tshogs ni ji ltar gdul/ /rnam bzhi'i las ni ji ltar bgyi/ /brnag pa'i nan tur ji ltar bgyi/ /rnal 'byor rnams la brtse ba dang / /bdag cag rnams la sman slad du/ /bcom ldan snying pos bshad du 
gsol/ /a la la ho zhes gsol ba las bcom ldan 'das gsang ba mchog gi bdag pos gsol ba btab pa thugs su chud nas 'di skad ces bka' stsal to/ /smra ba'i seng ge gsang sngags mdo'i don rnams phyi rabs kyi rnal 'byor pa la phan gdags pa 
dang / dad pa can gyi 'gro ba rnams yid ches par bya ba'i phyir nga la zhu ba legs so/ /smra ba'i seng ge legs so/ /phyogs bcu dus bzhi'i sangs rgyas sngar 'das pa rnams kyis gsungs pa dang / da ltar bzhugs pa rnams kyis gsungs pa dang / slad kyis byon 
pa rnams kyis gsung bar 'gyur ba rnams kyi don thog mar dge ba/ bar du dge ba/ tha mar dge ba/ don bzang po/ rgyud kyi 'brel pa/ don gyi bkod pa/ rtags kyi rol pa/ ye shes rngam pa glog gi 'khor los rnam par bsgyings pa gzhung chen po 'di ngas 

</font><hr>97-1-300a<br><font size=+1>

bshad par bya yis skal ba dang ldan pa rnams gsang sngags kyi don zab mo mi thos par dka' na thos nas de'i don la gnas par dka' ste phal gyi thun mong du ma gyur pa'o/ /'phags pa rgyud kyi rgyal po ye shes rngam pa klog gi 'khor lo'i 
mdo zhes bya ba las sngags kyi mdo bstan pa'i le'u ste gsum pa'o// //de nas bcom ldan 'das gsang ba mchog gi bdag po de snying po byang chub la nges par 'grel pa zhes bya ba'i ting nge 'dzin la snyoms par zhugs so/ /zhugs nas yang 'dus 
pa'i 'khor tshogs la bka' stsal to/ /rigs kyi bu rnams chos thams cad ni byang chub sems su 'dus shing byang chub kyi sems nyid snang ba shes par gyis shig /de ci'i phyir zhe na/ chos thams cad ni lus dang ngag dang sems su 'dus la/ lus dang ngag 
dang sems nyid chos thams cad kyi rnam par snang ngo / /'dus pa'i 'khor tshogs rnams kyis gsol pa/ lus dang ngag dang sems bdag cag rnams kyis ji ltar blta bar bgyi/ gsang ba mchog gi bdag pos bka' stsal pa/ rigs kyi bu rnams lus dang 
ngag dang sems kyi mtshan nyid ni sems kyang lus dang ngag gi rnam pa lta bu/ ngag kyang lus dang sems kyi rnam pa lta bu/ lus kyang tshig tu brjod pa dang sems kyi rnam pa lta bur rang rang gi lus dang ngag dang sems rtogs shig /'on tang byang chub tu sems 
bskyed par 'gyur ro/ /de nas yang gsang ba mchog gi bdag po des stong pa nyid kyi ting nge 'dzin zhes bya ba la snyoms par zhugs nas byang chub kyi sems 'di gsungs so/ /e ma'o dngos po thams cad dang bral ba/ /phung po khams dang skye mched dang / /gzung 
dang 'dzin pa rnam par spangs/ /chos bdag med pa mnyam nyid pas/ /rang sems gdod nas ma skyes pa/ /stong pa nyid kyi rang bzhin no/ /zhes gsungs so/ /de nas yang chos kyi dbyings rnam par dag pa zhes bya ba'i ting nge 'dzin la snyoms par zhugs nas 

</font><hr>97-1-300b<br><font size=+1>

byang chub kyi sems 'di gsungs so/ /e ma'o ngo mtshar ya mtshan gyi/ /sangs rgyas kun gyi gsang ba'i thugs/ /chos kun skye ba med pa las/ /skye ba 'di ni rab grags pa/ /skye dang mi skye gnyis med pa/ /byang chub sems 'di bstan pa'o/ /zhes gsungs 
so/ /de nas yang me long lta bu gsal ba zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /e ma'o ngo mtshar ya mtshan gyi/ /sangs rgyas kun gyi gsang ba'i thugs/ /chos kun 'gag pa med pa las/ /'gag pa 'di 
ni rab tu bsgrags/ /'gag dang mi 'gag med pa ste/ /byang chub tshul 'di bstan pa'o/ /zhes gsungs so/ /de nas yang chos thams cad mnyam pa nyid ces bya ba'i ting nge 'dzin la snyoms par zhugs nas byang chub kyi sems 'di gsungs so/ /e ma'o ngo 
mtshar ya mtshan gyi/ /sangs rgyas kun gyi gsang ba'i thugs/ /chos kun gnas pa med pa las/ /gnas pa 'di ni rab tu bsgrags/ /gnas dang mi gnas med pa ste/ /byang chub tshul 'di bstan pa'o/ /zhes gsungs so/ /de nas yang chos thams cad so so 
kun du rtogs pa zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /e ma'o ngo mtshar ya mtshan gyi/ /sangs rgyas kun gyi gsang ba'i thugs/ /chos kun dmigs pa med pa las/ /dmigs pa 'di ni rab tu bsgrags/ /
dmigs dang mi dmigs med pa ste/ /byang chub tshul 'di bstan pa'o/ /zhes gsungs so/ /de nas yang chos thams cad bya ba la nan tan du sgrub pa zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /e ma'o ngo mtshar ya mtshan 
gyi/ /sangs rgyas kun gyi gsang ba'i thugs/ /chos kun spro bsdu med pa las/ /spros dang bsdus par rab tu grags/ /spros bsdus yod dang med pa ste/ /byang chub tshul 'di bstan pa'o/ /zhes gsungs so/ /de nas smra ba'i seng ge byed pa po rdo rje kun du bzang 

</font><hr>97-1-301a<br><font size=+1>

pos a la la ho zhes sgra phyung ste byang chub sems la bstod pa/ e ma'o bde chen kun du bzang/ /e ma'o stong nyid byang chub sems/ /e ma'o dag pa dri ma med/ /e ma'o mi sgrib gsal ba che/ /e ma'o mnyam nyid dbyer med chos/ /e ma'o 
so sor rang rig sems/ /e ma'o byang sems lhun gyis grub/ /byang chub sems la phyag 'tshal lo/ /zhes bstod de/ bcom ldan 'das nyid khyad par du gyur pa yang byang chub sems nyid yin zhing byang chub kyi sems thugs su chud pa'o/ /bdag cag rig 'dzin gyi 
tshogs su gyur pa rnams kyang byang chub sems la smon par 'tshal/ 'jug par 'tshal/ ldang bar 'tshal/ gnas par 'tshal te/ bdag cag kyang rang rang gi sems g.yos par bgyi/ reg par bgyi/ nye bar bgyi/ nyams su myong bar bgyi bar 'tshal na/ 
bdag cag de 'dra ba'i bsam pa can la snying rje chen por dgongs par mdzad du gsol/ bde bar gshegs pa dgongs pa mdzad du gsol zhes gsol ba btab pa las gsang ba mchog gi bdag pos gsol ba btab par thugs su chud nas snying rje byang chub 'byung ba 
zhes bya ba'i ting nge 'dzin la snyoms par zhugs te gnyis su med par mngon par 'du mdzad do/ /gnyis su med par mngon par 'du mdzad pas byang chub sems kyi sprin kyis thams cad rgyas par khyab pa ni til 'bru mar gyis khyab pa bzhin no/ /de nas yang 'di gsungs 
so/ /e ma'o ye shes rnam dag chos/ /sna tshogs snang yang rtog par gsang/ /ngo bo nyid ni brjod du med/ /snod ma yin la bstan pa dka'o/ /e ma'o srid gsum ye nas rnam par dag pa'i rang bzhin la/ /bdag tu rtog pa srid rtsa'i nyes dmigs kyis/ /
yun rings dus nas 'khyams pa'i 'gro ba rnams/ /mi mthun bde sdug gnas rnams so sor gzung / /log rtog nor ba'i dbang gis kun brtags kyang / /rang bzhin nyid las mnyam pa rdul tsam med/ /e ma'o yun rings dus nas rmongs pa'i 'gro ba rnams/ /

</font><hr>97-1-301b<br><font size=+1>

ye nas don gyis sangs rgyas yin mod kyang / /rmongs pa'i dbang gis 'khor ba'i 'khor lor 'khyams/ /log rtog nyid la dngos med byang chub sems/ /'khrul 'khor nyid kyang mi zad rgyan du che/ /snyigs ma lnga nyid bde ldan gnas su gsal/ /phung po lnga nyid 
mngon par rdzogs pa'i sku/ /srid rtsa'i nyes dmigs nyid kyang byang chub snying por gnas/ /phyi nang snod bcud yab yum ngang du gsal/ /zhes gsungs pas chos thams cad byang chub sems su gnas so/ /'phags pa rgyud kyi rgyal po ye shes rngam pa'i glog gi 
'khor lo'i mdo las byang chub tu sems bskyed pa'i le'u ste bzhi pa'o// //de nas bcom ldan 'das gsang ba mchog gi bdag nyid sku dang gsung thugs rdo rje las dkyil 'khor thams cad 'byung bar bzhed nas btsun mo dang gnyis su med par 'du 
mdzad do/ /mngon par 'du mdzad nas yang dkyil 'khor thams cad 'byung ba rdo rje'i rgyan zhes bya ba'i ting nge 'dzin la zhugs te/ dkyil 'khor thams cad kyi mdo 'di gsungs so/ /'dus pa'i 'khor tshogs rnams nyon cig /gsang sngags byin brlabs bsam 
yas la/ /dkyil 'khor bsam yas brjod mi lang / /mdor bsdus rnam pa gsum yin te/ /rang bzhin lhun grub dkyil 'khor dang / /ting 'dzin gsal ba'i dkyil 'khor dang / /bkri drang rdul tshon dkyil 'khor te/ /gsum po dag tu rgyal bas 
gsungs/ /zhes ched du gleng ngo / /de nas smra ba'i seng ge byed pa po kun tu bzang pos gsol pa/ bcom ldan 'das bdag cag rnams kyis chos thams cad ni dkyil 'khor gsum du brjod par mthong lags so/ /de yang 'di skad ces gsol ba btab bo/ /
e ma'o gsang mchog bde ba che/ /ye nas lhun grub dag pa'i bdag /dkyil 'khor kun gyi 'byung gnas gtso/ /rdo rje rgyal la phyag 'tshal lo/ /chos kun ye nas sangs rgyas pa'i/ /rang bzhin dag pa dri ma med/ /rang bzhin lhun grub zab mo'i don/ /

</font><hr>97-1-302a<br><font size=+1>

bcom ldan snying pos bshad du gsol/ /a la la ho/ de nas bcom ldan 'das gsang ba mchog gi bdag po des gsol ba btab pa'i don thugs su chud nas lhun gyis grub pa'i dkyil 'khor 'byung ba'i rdo rje rgyan zhes bya ba'i ting nge 
'dzin la snyoms par zhugs so/ /zhugs nas yang rang bzhin don dam pa'i dkyil 'khor spros pa dang bral ba 'di gsungs so/ /e ma'o sangs rgyas kun gyi byang chub sems/ /bla na med pa rtogs 'gyur ba'i/ /rgyal bas gsungs pa'i ye shes gang / /de 
ni dkyil 'khor snying po yin/ /zhes gsungs so/ /de nas yang bcom ldan 'das gsang ba mchog gi bdag po des rang bzhin don dam pa'i dkyil 'khor gyi rnam grangs 'di gsungs so/ /de la 'di ni spyir bsdus pa'o/ /sems can kun gyi sems chen po/ /
rang bzhin dag pas dri ma med/ /phung po lnga don sangs rgyas lnga/ /'byung ba lnga don dbyings phyug yum/ /khams dang skye mched mang po kun/ /sems dpa' sems ma'i dkyil 'khor yin/ /des na srid gsum dkyil 'khor che/ /zhes gsungs so/ /de 
la phung po lnga sangs rgyas lnga'i rang bzhin du gsungs pa yang / /srid gsum sems can thams cad kyi/ /rgyu dang 'bras bu'i gzugs rnams kun/ /chos kyi dbyings las byung bas na/ /dbyer med don gyi gti mug pas/ /rnam par snang mdzad rang bzhin 
yin/ /srid gsum sems can thams cad/ /bde sdug tshor ba'i phung po kun/ /mnyam nyid dbyings la snang bas na/ /nga rgyal chen po'i rang bzhin pas/ /myong ba rin chen 'byung ba yin/ /srid gsum sems can thams cad kyi/ yul dang shes 
pa phra rags kyi/ /byed pa'i phung po thams cad kun/ /ma 'dres dbyings la snang bas na/ /shes rab rlabs kyi 'dod chags pas/ /snang ba mtha' yas rang bzhin no/ /srid gsum sems can thams cad kyi/ dge dang mi dge gnyis ka min/ /sems 

</font><hr>97-1-302b<br><font size=+1>

las byung dang ma byung ba'i/ /'du byed phung po thams cad kun/ /spro bsdu dbyings las byung bas na/ /rnam par grol ba'i phrag dog pas/ /don yod grub pa'i rang bzhin yin/ /srid gsum sems can thams cad kyi/ /rnam smin rang sems rnam rig pa'i/ /
shes brgyad rnam shes phung po kun/ /rig pa'i dbyings la shar bas na/ /zhe sdang chen po'i ye shes pas/ /rdo rje sems dpa'i rang bzhin yin/ /zhes gsungs so/ /de la 'di ni chen po lnga dbyings phyug lnga'i rang bzhin du gsungs pa/ snod bcud 'gro ba 
thams cad kyi/ /gsal stong mi sgrib go 'byed pa'i/ /snang stong nam mkha'i khams rnams kun/ /stong nyid dbyings la shar bas na/ /thams cad gnas pa'i klong yin pas/ /bde gshegs dbyings phyug rang bzhin yin/ /snod bcud 'gro ba thams 
cad/ /sra brtan skyed bskrun rten rnams kun/ /sa yi khams su grags pa rnams/ /mi 'gyur dbyings la shar bas na/ /thams cad skyed pa'i rten yin pas/ /rdo rje dbyings phyug rang bzhin yin/ /snod bcud 'gro ba thams cad kyi/ /gyes sdud gsher 
ba'i mtshan nyid kun/ /chu yi khams su grags pa ste/ /kun sdud dbyings su shar bas na/ /yon tan tshogs chen kun sdud pas/ /rin chen dbyings phyug rang bzhin yin/ /snod bcud 'gro ba thams cad kyi/ /gsal dro'i ngo bo thams cad kun/ /me yi 
khams su grags pa rnams/ /snang gsal dbyings la shar bas na/ /gsal dro sreg pa'i rang bzhin pas/ /pad+ma'i dbyings phyug rang bzhin yin/ /snod bcud 'gro ba thams cad kyi/ /yang g.yo 'degs bskyod thams cad kun/ /rlung gi khams su grags 
pa ste/ /bskyod chen dbyings la shar bas na/ /thogs med shugs bskyod rang bzhin pas/ /las kyi dbyings phyug rang bzhin yin/ /zhes gsungs so/ /de la 'di ni rnam par shes pa bzhi byang chub sems dpa' bzhi'i rang bzhin du gsungs pa/ srid 

</font><hr>97-1-303a<br><font size=+1>

gsum sems can thams cad kyi/ /kha dog dbyibs la spyod pa kun/ /mig gi rnam shes zhes su grags/ /mthong ba'i ye shes yin pa'i phyir/ /sa yi snying po'i rang bzhin yin/ /srid gsum sems can thams cad kyi/ /sgra rnams 
kun la spyod pa kun/ /rna ba'i rnam shes zhes su grags/ /thos pa'i ye shes yin pas na/ /lag na rdo rje'i rang bzhin yin/ /srid gsum sems can thams cad kyi/ /dri rnams kun la spyod pa kun/ /sna yi rnam shes zhes su grags/ /tshor ba'i ye shes 
yin pas na/ /nam mkha'i snying po'i rang bzhin yin/ /srid gsum sems can thams cad kyi/ /ro rnams kun la spyod pa kun/ /lce yi rnam shes zhes su grags/ /myong ba'i ye shes yin pa'i phyir/ /spyan ras gzigs kyi rang bzhin yin/ /zhes gsungs so/ /
de la yul bzhi byang chub sems ma bzhi'i rang bzhin du gsungs pa/ snod bcud 'gro ba thams cad/ /kha dog dbyibs dang mtshan ma kun/ /gzugs kyi skye mched nyid du grags/ /mthong bar bya ba'i yul yin pas/ /gzugs mdzes lA s+yai'i rang 
bzhin yin/ /snod bcud 'gro ba thams cad kyi/ /zin dang ma zin gnyis ka las/ /byung ba'i sgra yi khams su grags/ /thos par bya ba'i yul yin pas/ /nir t+ya ma yi rang bzhin yin/ /snod bcud 'gro ba thams cad kyi/ /lhan cig skyes dang sbyar 
dang gyur/ /zhim dang nga dang de bzhin gzhan/ /dri yi khams dang skye mched de/ /bsnam par bya ba'i yul yin pas/ /mA lai nyid kyi rang bzhin yin/ /snod bcud 'gro ba thams cad kyi/ /kha mngar la sogs ro rnams kun/ /ro yi skye mched nyid du 
grags/ /myang bar bya ba'i yul yin pas/ /gI ti nyid kyi rang bzhin yin/ /zhes gsungs so/ /de la 'di ni dbang po bzhi byang chub sems dpa' bzhi'i rang bzhin du gsungs pa/ srid gsum sems can thams cad kyi/ /mthong byed dang ba'i bdag 

</font><hr>97-1-303b<br><font size=+1>

nyid de/ /mig gi khams zhes bya bar grags/ /mthong ba'i bya ba byed pa'i phyir/ /byams pa me+e tri rang bzhin yin/ /srid gsum sems can thams cad kyi/ /thos par byed pa'i bdag nyid de/ /rna ba'i khams zhes bya bar grags/ /thos pa'i bya ba 
byed pa'i phyir/ /sgrib pa kun sel rang bzhin yin/ /srid gsum sems can thams cad kyi/ /snom byed dang ba'i bdag nyid de/ /sna yi khams zhes bya bar grags/ /tshor bar bya ba byed pa'i phyir/ /'jam dpal nyid kyi rang bzhin yin/ /srid gsum 
sems can thams cad kyi/ /myong byed dag pa'i bdag nyid de/ /lce yi khams zhes bya bar grags/ /myong ba'i bya ba byed pa'i phyir/ /kun du bzang po'i rang bzhin yin/ /zhes gsungs so/ /de la dus bzhi mchod pa'i lha mo bzhi'i rang bzhin du gsungs pa/ 
snod bcud 'gro ba thams cad kyi/ /rgyu 'bras kun du rnam par spyad/ /sngon 'das dus su rnam par grags/ /sngon 'das dpyid kyi rang bzhin yin/ /spos me'i rang bzhin nyid yin no/ /snod bcud 'gro ba thams cad kyi/ /rgyu spyad 'bras bu ma spyad kun/ /
da ltar dbyar gyi rang bzhin yin/ /me tog nyid kyi rang bzhin yin/ /snod bcud 'gro ba thams cad kyi/ /rgyu 'bras yongs kyis ma spyad pa/ /ma 'ongs dus su rnam par grags/ /'ong ma rag ston rang bzhin ni/ /A lo ke yi rang bzhin yin/ /snod 
bcud 'gro ba thams cad kyi/ /rgyu 'bras nges par ma tshogs pa/ /'byung bar ma nges dus zhes grags/ /ma 'ongs dgun gyi rang bzhin ni/ /gan d+he'i rang bzhin yin par nges/ /zhes gsungs so/ /de la 'di ni lus kyi dbang po dang / rnam par 
shes pa dang / yang de'i yul dang de las byung ba'i byang chub sems khro bo bzhi'i rang bzhin du gsungs pa/ srid gsum sems can thams cad kyi/ /reg byed dang ba'i bdag nyid de/ /lus kyi khams zhes bya bar grags/ /reg byed bya ba byed pas na/ /gshin 

</font><hr>97-1-304a<br><font size=+1>

rje 'joms pa'i rang bzhin no/ /snod bcud 'gro ba thams cad kyi/ /reg bya kun la spyod pa kun/ /lus kyi rnam shes zhes su grags/ /reg pa'i ye shes yin pa'i phyir/ /rnam par rgyal ba'i rang bzhin yin/ /srid gsum sems can 
thams cad kyi/ /byung dang 'byung 'gyur reg bya rnams/ /reg bya'i skye mched nyid du grags/ /reg par bya ba'i yul yin pas/ /rta mchog dpal gyi rang bzhin no/ /srid gsum sems can thams cad kyi/ /tshogs drug 'gags pa'i de ma thag /go 
'byed gsal ba'i bdag nyid de/ /yid kyi khams zhes bya bar grags/ /des spyod bya ba byed pa'i phyir/ /bdud rtsi 'khyil ba'i rang bzhin yin/ /zhes gsungs so/ /de la 'di ni phyin ci ma log pa bzhi lha mo bzhi'i rang bzhin du gsungs pa/ snod bcud 'gro 
ba thams cad kyi/ /'jig dang skad cig mi rtag pa/ /rtag par ma yin zhes su grags/ /sgyu ma lta bu yin pa'i phyir/ /lcags kyu ma yi rang bzhin yin/ /snod bcud 'gro ba thams cad kyi/ /kun rtog gzhan dbang med min pa/ /chad par ma yin zhes 
su grags/ /rmi lam lta bur sems snang phyir/ /zhags pa ma yi rang bzhin yin/ /snod bcud 'gro ba thams cad kyi/ /gzung 'dzin dngos por ma grub pa/ /mtshan mar ma yin zhes su grags/ /smig rgyu lta bur sems snang phyir/ /lcags 
sgrog ma yi rang bzhin yin/ /snod bcud 'gro ba thams cad kyi/ /skyes bu byed pa ma grub pa/ /bdag tu ma yin zhes su grags/ /sgra brnyan lta bu'i sems snang phyir/ /dril bu ma yi rang bzhin yin/ /zhes gsungs so/ /de la 'di ni yid dang chos 
gtso gzungs gnyis kyi rang bzhin du bstan te/ /srid gsum sems can thams cad kyi/ /chos rnams kun la nges spyod pa'i/ /yid kyi rnam shes zhes su grags/ /rtog pa'i ye shes yin pa'i phyir/ /kun du bzang po'i rang bzhin yin/ /snod bcud 

</font><hr>97-1-304b<br><font size=+1>

'gro ba thams cad kyi/ /'dus byas ma byas chos rnams kun/ /chos kyi skyed byed yin par grags/ /rnam par shes pa'i yul yin pas/ /kun du bzang mo'i rang bzhin yin/ /de la sogs te mtha' yas mchog /chos dbyings mnyam dang mi mnyam 
pa/ /nam mkha'i khams kyi mtha' klas pa/ /ji snyed rnam grangs yod pa'i chos/ /kun kyang phyag rgya'i rang bzhin pas/ /rang bzhin dkyil 'khor chen po yi/ /rnam grangs yin par rgyal bas gsungs/ /zhes ched du brjod pa gsungs so/ /de nas 
yang bcom ldan 'das gsang ba mchog gi bdag po des rang bzhin kun rdzob kyi dkyil 'khor 'di gsungs so/ /kun rdzob mtshan ma'i gnas chen kyang / /'og min bla med gnas mchog gam/ /lcang lo can nam bde ba can/ /pad+ma can la sogs pa 
yi/ /rang bzhin lhun grub dkyil 'khor de/ /mtshan ma'i rnal 'byor ngo la snang / /de yang ji lta bu zhe na/ /mkha' 'am yid kyi nam mkha' la/ /'byung chen brtsegs pa'i lhun gyis grub/ /de steng rin chen sna bzhi las/ /lhun gyis grub pa tshad dpag 
med/ /de la brten pa'i sa gzhi ni/ /rin chen sna tshogs gcal du bkram/ /mnan nem bteg 'phar mdzes pa'i gzhi/ /de la pho brang gzhal med khang / /gru bzhi lham pa mdzes par snang / /rin chen sna bzhi'i rgyu las grub/ /glo 'bur bzhi yang mkhar 
thabs tshul/ /bum pa'i rtse mo chos kyi tog /rma bya'i mdongs dang ldan pa'o/ /sgo bzhi sgo khyud bzhi dang ldan/ /rta babs brgyad dang yang dag ldan/ /dbus na 'khor lo rtsibs bzhi pa/ /lte bar bcas shing rtsibs rten ldan/ /gru chad bar khyams mdzes par ldan/ /
rin chen 'od zer 'bar bas 'khrigs/ /sems can pad+ma nyi zla dang / /rin chen 'bar ba'i gdan mchog ldan/ /rin chen khri rkang rnam rten ldan/ /pho brang de yi gdan mchog kyang / /nyi zla nor bu rin chen 'bar/ /bla re rgyal mtshan na bza' gdugs/ /dar 

</font><hr>97-1-305a<br><font size=+1>

dang ba ra mu tig phreng / /dril bu dang ni rnga yab sogs/ /rol mo'i cha byad sna tshogs brgyan/ /'jig rten lha tshogs mdzes pa dang / /de la sogs te rgyan rnams kyang / /bsam gyis mi khyab mtha' yas mchog /gzhal yas de yi sgo 
bzhi na/ /glang seng rnams kyis mdzes par byas/ /rta babs rnams kyi tsong tsong dang / /gser gyi dril bu 'bar ba dag /dkon mchog gsum gyi mtshan yang sgrogs/ /sgo drung de dag re re na/ /ta la'i skyed shing tsong tsong 'khril/ /dri dang gzugs dang 'od du ldan/ /
ta la'i skyed shing de dag la/ /khu byug la sogs bkra shis pa'i/ /bya rnams snyan pa'i skad kyang 'byin/ /sgo drung de dag re re na/ /khrus kyi rdzing bu dbyibs legs pa/ /blo mchog yan lag ldan pa'i chu/ /grangs med de dag re re na/ /lha dang lha mo bsam mi 
khyab/ /phyi rol kho ra khor yug na/ /rtse sa 'chag sa brjod mi lang / /de la sogs pa bsam yas mchog /ma btsal ye nas lhun gyis grub/ /lha mchog rnams kyi bsod nams kyis/ /rgyu las grub par rgyal bas gsungs/ /pho brang de na gnas 
pa yi/ /ye shes lha tshogs mang po rnams/ /gtso gzungs zung du 'khril ba ste/ /dbus kyi pho brang snying po la/ /rnam par snang mdzad snying po che/ /'dzam bu na da'i gser 'od 'dra/ /rang rtags lag na 'khor lo bsnams/ /dpa' bo de yi spyan snga na/ /
rdo rje sems dpa'i rgya chen yang / /dung dang shel gyi kha dog 'dra/ /rang rtags lag na rdo rje 'dzin/ /g.yas su rin chen 'byung ldan te/ /bai DUr+ya yi kha dog 'dra/ /rang rtags rin chen zur brgyad 'dzin/ /rgyab na snang ba mtha' yas gtso/ /pad+ma rA ga'i mdog 
'dra zhing / /rang rtags pad+ma dmar po 'dzin/ /g.yon du don yod grub pa ste/ /in tra nI la ljang gu'i mdog /rang rtags phyag na ral gri 'dzin/ /kun kyang zhi ba'i cha lugs te/ /thor tshugs rigs lnga dbu la brgyan/ /rdzogs pa'i skyil krung tshul du bzhugs/ /

</font><hr>97-1-305b<br><font size=+1>

do shal dpung rgyan se mo do/ /phyag gdub snyan chas kun la mdzes/ /mtshan dang dpe byad yang dag rdzogs/ /de dag gi ni g.yon rol na/ /kun du bzang dang lo tsa na/ /ma ma gos dkar sgrol ma rnams/ /g.yas pas thabs kyi gtso la 'khyud/ /g.yon 
pas rang rtags dril bu 'dzin/ /sku mdog cha lugs yab dang 'dra/ /'khor lo rtsibs la lhun gyis grub/ /spyan snga'i glo 'bur mdzes pa la/ /lag na rdo rje sngo skya'i mdog /rang rtags rdo rje rtse gsum 'dzin/ /g.yas na sa yi snying po ste/ /ljang sngon rin chen 
myu gu 'dzin/ /rgyab tu nam mkha'i snying po ste/ /mthing ga rang rtags ral gri 'dzin/ /g.yon du mdzes pa'i glo 'bur la/ /spyan ras gzigs dbang dmar skya ste/ /rang rtags pad+ma dkar po 'dzin/ /thor tshugs ye shes sems dpas brgyan/ /sems dpa'i 
skyil mo krung du bzhugs/ /rgyan dang cha lugs kun gyis brgyan/ /de dag gi ni g.yon rol na/ /gar dang sgeg mo phreng ba dbyangs/ /g.yas pas thabs kyi gtso la 'khyud/ /g.yon pa gar dang me long phreng / /pi wang 'dzin cing cha lugs gzhan/ /gtso bo 
nyid kyang mthun pa yin/ /mdzes pa'i gru chen rnams la ni/ /byams pa mai tri dkar ba ste/ /mdzes pa'i klu shing 'gun+d+he bsnams/ /shar lho mtshams kyi gru chad la'o/ /sgrib pa rnam sel mthing ga ste/ /chos kyi 'khor lo 'dzin pa ste/ /lho nub mtshams 
su mdzes par gnas/ /'jam dpal gzhon nu dmar skya'i mdog /rang rtags ut+pal mthing ga 'dzin/ /nub byang mtshams su mdzes par gnas/ /kun du bzang po ljang ser mdog /rang rtags rin chen snye ma 'dzin/ /byang shar mtshams 
kyi gru la gnas/ /de dag gi ni g.yon rol na/ /spos dang me tog bdug pa dri/ /g.yas pa thabs kyi gtso la 'khyud/ /g.yon pa rang rtags 'dzin pa'o/ /cha lugs thams cad snga ma bzhin/ /sgo khyud rnams la 'joms pa ni/ /gshin rje gshed po 

</font><hr>97-1-306a<br><font size=+1>

mthing nag 'bar/ /nir mgo gdengs pa lag mtshan thogs/ /shar gyi sgor ni rnam par gnas/ /rnam par rgyal ba ser nag 'bar/ /rdo rjes gnod pa lho sgor ro/ /rta mgrin dmar nag 'bar ba ste/ /thod sbrul thogs pa nub sgor 
gnas/ /bdud rtsi 'khyil pa ljang nag 'bar/ /rgya gram gyis gnon byang gi sgor/ /stang stabs tshul du rab tu gnas/ /dur khrod rgyan gyis rnam par brgyan/ /rnam par gtsigs la 'jigs 'jigs lta/ /me dpung 'bar ba'i klong du 'khyil/ /hU~M dang phaT 
kyi sgra chen sgrogs/ /de dag gi ni g.yon rol na/ /gshed mo dang ni rgyal ma dang / /rta mgrin mo dang 'khyil mo rnams/ /lag mtshan lcags kyu zhags pa dang / /sgrog dang dril bu thogs shing rngam/ /cha lugs 'joms pa dag dang 'dra/ /sgo khyud dag tu lhun 
gyis grub/ /mdzes pa'i bar khyams de nyid la/ /sprul sku thub pa chen mo drug /ci 'dul thabs kyi skur ston pas/ /cha lugs ma nges 'dul bar ston/ /mdzes pa'i bar khyams de nyid las/ /mdun dang rgyab kyi phyogs rol la/ /byed pa po dang bya ba mo/ /nam 
mkha' yi ni mdog 'dra la/ /ting nge 'dzin du ldan par gnas/ /de la sogs te mtha' yas mchog /brjod med rjod du med pa yi/ /lha yi tshogs kyis gang bar gnas/ /dkyil 'khor bsam yas lhun gyis grub/ /lha yi tshogs chen de dag gi /thugs 
kar ye shes sems dpa' gnas/ /tshon gang 'od dang bcas pa'o/ /ljang la rang rtags yi ge rnams/ /rang rtags phyag rgya'i steng du gsal/ /de lta'i sku mchog re re la/ /tshul dgu dag dang ldan pa ste/ /mnyen dang lcug dang 'khyil bag dang / /ldem 
bag chags dang gzhon tshul can/ /gsal dang 'tsher dang lhun stug dang / /gzi brjid 'bar bar rab tu gnas/ /de ltar rang bzhin dkyil 'khor nas/ /phyi rabs sngags 'chang rnal 'byor pas/ /spyan drangs mchod pa dbul ba'i 'os/ /zhes gsungs pas 

</font><hr>97-1-306b<br><font size=+1>

chos thams cad rang bzhin gyi dkyil 'khor du lhun gyis grub bo/ /de nas smra ba'i seng ge la sogs pa'i 'dus pa'i 'khor tshogs rnams rang rang gi bsam pa rangs par gyur te/ a la la zhes bya ba'i sgra phyung nas mgrin gcig tu ched du brjod pa 'di brjod do/ /a ho 
dmigs dang mi dmigs brtan g.yo chos kun lhun grub dpag mi lang / /rang rig yon tan dpag med bsam yas mang po de kun brjod mi lang / /gsang sngags rgya mtsho thugs rje bsam yas bsam khyab ji snyed dpag mi lang / /sprul pa rgya mtsho gang gA'i 
bye snyed 'gro ba chos ston zhing khams khyab ces ched du brjod pa ched du brjod do/ /le'u ste lnga pa'o// //rang bzhin gyi dkyil 'khor bstan pa'o/ /de nas bcom ldan 'das gsang ba mchog gi bdag po des mi g.yo ba rnam par 'phro ba zhes bya ba'i ting nge 'dzin 
la snyoms par zhugs nas ting nge 'dzin gyi dkyil 'khor 'di gsungs so/ /'dus pa'i 'khor tshogs rnams chos thams cad ting nge 'dzin gyis dbang bsgyur du rung tsam du rtogs shig /de ci'i phyir zhe na/ chos thams cad ni ting nge 'dzin ji ltar 'dod pa de ltar 
dbang bsgyur ba'o/ /'dus pa'i 'khor tshogs 'di lta ste/ gsang sngags ya mtshan chen po 'di/ /ting 'dzin dkyil 'khor bsam yas kyang / /mdor bsdus rnam pa gsum yod de/ /bsgom pa'i ting 'dzin dkyil 'khor dang / /bskyed dang lhag pa'i 
ting 'dzin no/ /thog ma'i rnal 'byor nyid bsgoms te/ /dkyil 'khor yin par rgyal bas gsungs/ /de yang ji ltar bsgom zhe na/ /ting nge 'dzin kyang rnam gsum ste/ /dang por de bzhin nyid kyi dang / /de bzhin nyid la gnas bca'i phyir/ /stong pa chen 
po'i ting 'dzin bsgom/ /gnyis pa kun snang nam mkha'i ngang / /snying rje yum gyis khyab pa'i phyir/ /mtshams sbyor chen po'i ting 'dzin bsgom/ /gsum pa rang gi sa bon nam/ /rab tu brtan pa'i yig 'bru a/ /de las phra mo a 'phros 'dus/ /spros 

</font><hr>97-1-307a<br><font size=+1>

shing bsdus kyang 'phel 'grib med/ /de las bdag nyid chen por bsgom/ /ma lus thams cad rdzogs par gsal/ /rgyas btab byin brlabs dbang bskur bas/ /rtsa ba'i dkyil 'khor bar du rdzogs/ /de bzhin dbyings las shar bas 
na/ /bdag nyid chen po g.yon du ste/ /mkha' dbyings rdo rje pad+mor ldan/ /de ni bsgom pa'i dkyil 'khor yin/ /skyed pa yang ni 'di lta ste/ /lha tshogs bdag gis sras su skyed/ /de nas bskyed pa'i dkyil 'khor yin/ /de yang ji ltar bskyed ce na/ /thog 
mar yab yum mkha' rnam gnyis/ /rdo rje pad+mar byin gyis brlab/ /gnyis med dgyes par 'khril ba las/ /b+ha ga'i dkyil du ling ga a/ /'phro 'du dbyings su thim pa las/ /dbang chen sa bon 'bru lngar gyur/ /e ya~M ba~M su bru~M/ e nyid 'dus pas nam 
mkhar gsal/ /ya~M las rlung gi dkyil 'khor bskyed/ /ba~M las bdud rtsi'i rgya mtshor bskyed/ /su las gser gyi bris mar bskyed/ /bru~M las ri rab gzhal med khang / /dbyibs dang kha dog tshad dpag med/ /'khor lo'i gdan dang rol mo'i tshogs/ /
rang bzhin kun rdzob ci 'dra ba'o/ /de ru lha tshogs bskyed pa ni/ /brtan 'byung mkha' yi yi ge a/ /'phel 'grib med par gnas pa ste/ /gnyis med dgyes pa'i 'phro 'du la/ /bzhi bcu rtsa gnyis 'od du shar/ /ka kha ga g+ha nga / tsa tsha dza dz+ha nya/ 
Ta Tha Da D+ha Na/ ta tha dad+ha na/ pa pha ba b+ha ma/ ya wa ra la/ sha Sha sa ha/ k+Sha/ i I u U e ai o au/ gsung gi dkyil 'khor bzhi bcu gnyis/ /spro bsdu gsal bar gyur pa las/ /thugs mtshan bzhi bcu rtsa gnyis 'bar/ /de las 
mngon rdzogs skur gsal ba/ /Tha la sogs pa'i yig 'bru lnga/ /phung po lnga yi sa bon yin/ /tha la sogs pa 'byung ba lnga/ /bskyed pa'i sa bon yin par grags/ /ka la sogs pa'i yig 'bru lnga/ /rnam shes lnga yi sa bon yin/ /tsa la sogs pa'i 

</font><hr>97-1-307b<br><font size=+1>

yig 'bru lnga/ /mig gi khams la sogs pa lnga/ /pa la sogs pa'i 'byung ba lnga/ /gzugs sogs skye mched rnam lnga'i yin/ /ya la sogs pa'i yig 'bru bzhi/ /dus bzhi sa bon rab tu grags/ /sha la sogs pa'i yig 'bru bzhi/ /phyin ci ma log 
dus bzhir bshad/ /i la sogs pa'i yig 'bru drug /rdul snyed thub pa drug tu bshad/ /o~M ni yid kyi khams yin te/ /k+Sha ni yid kyi rnam shes khams/ /o~M ni chos kyi khams su bshad/ /so so thugs mtshan gsal ba las/ /sa bon rnams kyis 
mngon rdzogs bskyed/ /o~M hU~M badzra d+h+r-ika/ swA rat+na d+h+r-ika /oM A ro lika/ hA pradz+nyAd+h+r-ika/ rmaM d+hA twI shwa ri/ lA~M dwe Sha ra ti/ mA~M mo hA ra ti/ pA~M ra ga ra ti/ tA~M badzra ra ti/ k+Shi hi rA dza ya/ t+na~M a gam+b+ha aH/ hriHha hU~M pad+ma/ dzIM ku ru pan+na hrIH/ hU~M lA s+ye/ trA~M mA la/ hrIHgi ti/ 
a nr-i t+ya/ mai d+ha ra Ni/ th+l+hIMni swa raM b+ha ya/ swa ra tsa ya/ mu~M shrI A~M ra ga ya/ dzaHd+hU pa/ hU~M puSh+pa/ /pa~M dI pa/ hoHgan+d+he/ hU~M ya mAn+ta kr-ita/ hU~M pad+mAM ta kr-ita/ hU~M bi g+h+nan ta kr-ita/ dzaH/ badzra kro d+hi/ hU~M rat+na kro d+hi/ pa~M pad+ma kro d+hi/ hoHkad+ma kro d+hi/ hU~M badzra tsit+ta/ a badzra 
sa ma ya/ mu ne kriM/ mu ne sru~M/ mu ne tra~M/ mu ne braM/ mu ne k+Sha/ mu ne ye/ de ltar so so'i snying po yis/ /mngon rdzogs skur ni gsal ba dang / /ye shes lnga yi dbang bskur te/ /sku gsung thugs su byin gyis brlab/ /oM ma hA shU n+ya tA dz+nyA na badzra swa b+hA ba 
at+ma ko\u0f85ha~M/ o~M ma hA A dar+sha dz+nyA na badzra swa b+hA ba at+ma ko\u0f85ha~M/ oM ma hA saman+ta dz+nyA na badzra swa b+hA ba At+ma ko\u0f85ha~M/ oM ma hA pra t+ya bek+Sha NA dz+nyA na badzra swa b+hA ba At+ma ko\u0f85ha~M/ oM ma hA kr-i t+ya nuSh+Tha na dz+nyA na badzra swa b+hA ba At+ma ko\u0f85ha~M/ oM sarba ta thA ga ta kA ya badzra swa b+hA ba 
At+ma ko\u0f85ha~M/ o~M sarba ta thA ga ta bA ka badzra swa b+hA ba At+ma ko\u0f85ha~M/ o~M sarba ta thA ga ta tsit+ta badzra swa b+hA ba At+ma ko\u0f85ha~M/ o~M sarba ta thA ga ta pU dza badzra swa b+hA ba At+ma ko\u0f85ha~M/ de ltar rdzogs pa'i sangs rgyas rnams/ /sku mchog thugs mtshan bzhugs tshul dang / /

</font><hr>97-1-308a<br><font size=+1>

thor tshugs la sogs cha lugs kun/ /rang bzhin kun rdzob dkyil 'khor 'di/ /rnal 'byor rig pa'i rtsal yin te/ /nam mkha'i dbyings kyi dbus su bsu bsam/ /yang na gzugs brnyan dkyil 'khor la'o/ /lhag pa'i ting 'dzin zhes 
bya ba/ /de ltar gsal ba'i rnam pa kun/ /yum gyi mkha' las gsal bar bsgom/ /rnal 'byor rig pa'i khyad par ro/ /zhes gsungs pas 'dus pa'i 'khor tshogs thams cad kyis chos thams cad ting nge 'dzin gyis dbang bsgyur bar mthong ngo / /
'phags pa rgyud kyi rgyal po ye shes rngam pa glog gi 'khor lo'i mdo zhes bya ba las ting nge 'dzin gyi dkyil 'khor rnam par phye ba'i le'u ste drug pa'o// //de nas bcom ldan 'das gsang ba mchog gi bdag pos gzugs brnyan lta bu rnam par 'phro 
ba zhes bya ba'i ting nge 'dzin la snyoms par zhugs nas las dang po pa'i rnal 'byor pa yid ches par bya ba'i phyir 'dus pa'i 'khor tshogs rnams la bka' stsal pa/ 'dus pa'i 'khor tshogs rnams chos thams cad ni gzugs brnyan lta bu'i rnam pa yin 
par shes par bya'o/ /de ci'i phyir zhe na/ chos thams cad ni gzugs brnyan lta bu'i rnam par snang zhing de las ma 'das pa'i phyir ro/ /de bas na gzugs brnyan gyi dkyil 'khor ci 'dra bar bya yis nyon cig /de la 'di ni rgyud kyi rnam grangs so/ /mi 
shes pa yi 'gro ba la/ /mtshon pas gsal ba'i don ston phyir/ /gzugs brnyan dkyil 'khor bshad par bya/ /de yang ji lta bu zhe na/ /brtan zhing mdzes pa'i khang bu la/ /'jam por zhal zhal byas nas ni/ /kha dog lnga yi gzugs bris pa/ /
de yang dngos grub rten du bshad/ /ras sam gro ga 'am shing shun nam/ /ta la'i lo ma'am dur khrod ras/ /zhing chen ras la sogs pa la/ /phyag rgya'i gzugs su bris na yang / /mtshan ma 'byung ba'i rten du bshad/ /rdo dang shel rdo la 

</font><hr>97-1-308b<br><font size=+1>

sogs dang / /dung ngam ba so'i rgyu las ni/ /phyag rgya 'am gzugs su 'bur btod nas/ /de yang dngos grub 'byung ba'i rten/ /gser dngul zangs khar la sogs la/ /mkhas pas legs par lugs byas te/ /yan lag ma nyams gzugs byas na/ /
de yang mtshan ma'i rten du bshad/ /blag sha byang chub shing bu 'am/ /rgyu shing mnyen las gzugs byas na/ /de rnams mtshan ma'i rten du bshad/ /sbyin zhing mnyen pa'i rgyu rnams las/ /phyag rgya'i gzugs su legs byas na/ /de yang mtshan 
ma'i rten yin no/ /sa stengs dbyibs legs mdzes pa la/ /rdul tshon 'dus byas rgyu rnams kyis/ /brnyan ma'i dkyil 'khor byas na yang / /de yang dngos grub rten du bshad/ /re zhig las kyi dang po las/ /sa stengs dkyil 'khor byas par shis/ /
zhes gsungs so/ /de la 'di ni gnas kyi mtshan nyid de/ /sa stegs bya ba'i gnas mchog kyang / /skyon yon bye brag shes pa las/ /spang blang gnyis su shes par bya/ /ri bo ri bran 'dus pa'i spyi/ /gangs ri brag dkar 'dab rtsa ni/ /seng gcan 
'khra ba'i gnas zhes bya/ /zhi ba'i las la de shis so/ /phug chen dgon pa chen po dang / /brag chen rdo rje gtams pa'i dkyil/ /gcan can 'khra ba'i gnas zhes bya/ /mngon par spyod pa sgrub pa'i gnas/ /dur khrod gnas dang ngam grog dang / /
sum mdo grog le bshung ba'i gnas/ /dur gcan 'khra ba'i gnas bya'o/ /dbang du bsdu ba sgrub pa'i gnas/ /nags tshal mang po gtibs pa dang / /shin tu btsan dang 'jigs pa'i ngos/ /stag gzig 'khra ba'i gnas zhes bya/ /'dod pa sgrub pa'i 
gnas yin no/ /mtsho gling chu mdo rgya mtsho'i 'jings/ /chu yi gle ma btsan pa'i gnas/ /chu gcan 'khra ba'i gnas zhes bya/ /las rnams kun la de shis so/ /ri bo 'dun pa'i rtse rnams dang / /tsan+dan nags tshal me tog tshal/ /yid 'ong bkra shis 

</font><hr>97-1-309a<br><font size=+1>

nyams dga' yi/ /gnas su dkyil 'khor bri bar shis/ /gnam dang sa dang bar snang rnams/ /legs par brtags te dkyil 'khor bya/ /mtshon cha lnga yi dbyibs dag tu/ /brtags na mngon pa'i nam mkha' shis/ /bar snang kha 
dog rnam lnga po/ /so sor ma 'dres gsal ba shis/ /sa gzhi shin tu ma nyams dang / /ma grum mnyam par gnas pa la/ /tshwa sgo sa slan ba tshwa med/ /de ltar brtags par las bya'o/ /spang bar bya ba'i gnas ngan no/ /gshin rje gdug pa'i mdung 
rjes dang / /srin po ngus pa'i mchi rjes dang / /khro bo gnod sbyin lcam rjes dang / /ma mo rngam pa'i spar rjes dang / /'byung po rku ba'i 'jol sa dang / /gdug pa klu yi rgyun srang dang / /skyon can rgyu ba'i lam srang dang / /zhang blon gdug pa'i 'dug sa 
dang / /kha nas ma tho'i 'dun sa dang / /nyen dang 'brel ba'i gnas rnams ni/ /sbrul gdug pang du 'ongs pa ltar/ /wa yi brtul zhugs chen po yis/ /lo yi bshugs te rab tu spang / /zhes gsungs so/ /de la 'di ni sa bslang ba'i las te/ /
de nas bslang ba'i las rnams kyang / /mngon dang mi mngon bdag po la/ /rtsod pa nye bar zhi bya'i phyir/ /ser sna spangs pa'i sems kyis ni/ /rin dang bden pas bsgo la bslang / /zhes gsungs so/ /de la 'di ni sa gzung ba ste/ de nas slob dpon bdag 
nyid kyis/ /rdo rje dril bur ldan pa yis/ /rtse gsum 'gros kyis kun du bskor/ /khros pas hU~M gi nga rgyal bya/ /dngos grub bar du gcod pa'i bgegs/ /dengs shig ces su bsgo nas kyang / /seng ldeng phur bu sor brgyad pa/ /khro bor byin brlabs 
gdab par bya/ /zhes gsungs so/ /de la 'di ni sa'i lha mo spyan drangs pa'o/ /de nas dbang gyur lha mo de/ /spyan drangs bskyed dang gnyis min par/ /mchod bstod tshul bzhin byas nas ni/ /bdag cag rnal 'byor sgrub pa po/ /bdud btul mngon 

</font><hr>97-1-309b<br><font size=+1>

par rdzogs pa'i tshe/ /ru tra tshogs kyis rgal ba la/ /dgyes pa'i las kyi don bgrangs te/ /bdag cag sa la bgrodapa'i tshe/ /ru tra'i rgol ba byung ba na/ /spyan ldan de la dpang bcol lo/ /zhes gsungs so/ /de la 'di ni rtags brtag pa'o/ /mtshan 
mas mtshan ma gzhom pa'i phyir/ /ro lnga mtshan nyid brtag par bya/ /dge ba'i rtags na dngos grub 'byung / /gal te shes par ma gyur na/ /thabs la mkhas pas spang bar bya/ /yang na sbyin sreg bya bar brtag /ces gsungs so/ /de la 'di ni 
rin chen gter sba ba'o/ /gnas de bsod nams gter ldan phyir/ /rin chen lnga dang sman lnga dang / /spos lnga 'bru lnga snying po lnga/ /ga 'u'i nang du blugs nas su/ /sa gzhi gter dang ldan par bya/ /zhes gsungs so/ /de la 'di ni sa sbyang ba'o/ /sa zhag spos 
chen rnam lnga yi/ /khu ba bsres nas kun du ni/ /gru bzhi dbyibs su legs byas te/ /ba ko tsam du skyong nul bya/ /de nas dkyil 'khor lha tshogs kyi/ /sngags dang phyag rgyas sbyang bar bya/ /des kyang dngos po kun sbyangs te/ /rgyal ba'i bzhugs gnas 
rang bzhin du/ /ting nge 'dzin gyis sbyang bar bya/ /zhes gsungs so/ /de la 'di ni lha sta gon la gnas pa'i cho ga'o/ /de nas lha rnams ji snyed pa/ /rang bzhin kun rdzob spyan drangs te/ /spos kyi dkyil 'khor lha grangs bzhin/ /gdan sar byas te yon 
mchod la/ /lan cig gshegs zhes sta gon bya/ /de nas 'dus pa'i sems can kun/ /gsang dang snying gar bram pa dang / /ku sha brim dang srung skud gdags/ /so shing brim dang rmi ltas brtag /mchod pa'i yo byad ji snyed dang / /rgyan du 'os pa'i 
rnam pa kun/ /tshang bar bsogs te byin gyis brlab/ /'dus pa'i sems can de dag kun/ /chos gtam rim pas dbugs phyung ste/ /gsang sngags che ba'i yon tan bshad/ /ces gsungs so/ /de la 'di ni dkyil 'khor bri ba'i dus so/ /rig byed 

</font><hr>97-1-310a<br><font size=+1>

dag gi yan lag las/ /dus rnams shes par bya ba ni/ /bkra shis lha yi nyi ma dang / /'byor ldan dus tshod bzang ba ni/ /mtshan ma'i rtog pa yin mod kyang / /brtags na dngos grub mtshan ma 'byung / /zhes gsungs so/ /de la 
'di ni thig gdab pa'i cho ga'o/ /tshon dang thig skud rnam lnga la/ /sangs rgyas lnga yis byin brlabs te/ /sprul pa 'phro 'du rgyun mi gcad/ /spos sam lce pog dkar po yi/ /dud pas rgyun mi bcad par bdug /khros pas drag po'i sngags zlos shing / /
khro bo khro mo'i stangs kyis bskor/ /bde bar gshegs pa'i thugs dam bskul/ /thig skud sar pa gtsang ma 'am/ /gsang ba'i lcang lo 'khril mdangs sam/ /rdo rje rgyun thag la sogs la/ /yum gyi grangs dang mthun par bsgrim/ /rdo rje rtse lnga'i lu gu 
rgyud/ /byang chub sems su byin gyis brlabs/ /thig g.yog las kyi sems ma ste/ /mtshan ldan byin gyis brlabs nas ni/ /phyag rgya gar dang bcas pa yis/ /rang bzhin dkyil 'khor gnam thig gdab/ /de nas sa thig gdab pa yang / /'dul 
ba'i dbang gi bye brag las/ /maN+Dal tshad ma nges pa med/ /sor bzhi pa nas brtsams nas su/ /ji srid dpag tshad thub par ro/ /o~M dz+nyA na tsakra su tra ma ti kra ma hU~M zhes gsungs so/ /de la 'di ni tshon dgye ba'i cho ga'o/ /rang bzhin kun rdzob ci 'dra dang / /
ting 'dzin dkyil 'khor de 'dra bar/ /brnyan ma yang ni de 'dra bri/ /tshon sna 'bras dang 'byung khungs sam/ /rdo khams rin chen dag la bya/ /sna gsum sna lnga dag dang ni/ /rin chen phung po'i tshon gyis ni/ /dbus kyi pho brang bskor ba yin/ /sgo la rnam 
lngas bskor bar bya/ /phyag rgya gzhan la rkyang pas so/ /dkar dmar ser ljang nag po rnams/ /go rims de yis bkod par bya/ /gtso bo gzugs su rdzogs par bri/ /'khor rnams phyag rgya dag tu bya/ /phal pa dag la yig 'brus so/ /zhes gsungs 

</font><hr>97-1-310b<br><font size=+1>

so/ /de la 'di ni dkyil 'khor gyi rgyan dgod pa'i cho ga'o/ /de nas bsgrub pa'i dkyil 'khor la/ /bla re rgyal mtshan 'phan dang gdugs/ /pi bang gling bu brdab pa dang / /rdza rnga mu kun rnga chen dang / /da rnga ra dang mu tsar dang / /dbyangs dang gar dang 
bzhad pa che/ /rol mo'i yo byad ji snyed pas/ /dga' byed dkyil 'khor dag la brgyan/ /bum pa rnam pa sna tshogs kyi/ /gser dang dngul las byas pa'o/ /rigs dang mthun pa'i gos kyis dkris/ /me tog 'bras bus brgyan pa la/ /bdud rtsi 
lnga yis gang byas pa/ /sman dang rin chen 'bru rnam lngas/ /gang ba brgyad dam bcu drug gzhag /dkyil 'khor bdag pos mngon bsngags pa'i/ /rnam rgyal bum pa de bzhin du/ /dbus nyid du ni gzhag par bya/ /yang na bum pa'i skyin par ro/ /
zla ba nyi ma dri chu dang / /btung ba rab tu snum po dang / /dbang po kun nas 'byung ba rnams/ /sha srang gcig gis rab bsres pas/ /gang ba'i ban da de bzhin gzhag /rmad du byung ba'i gtor ma dgram/ /de la sogs pa mtha' yas mchog /ci rigs 
rnams kyis mdzes par bya/ /zhes gsungs so/ /de la 'di dag ni 'phan sdud kyi las spyir bstan pa'o/ /de nas sngags pa mnyam bzhag ste/ /ting 'dzin dkyil 'khor gsal bar bsgom/ /gsal ba gnyis med dkyil 'khor du/ /rang bzhin kun 
rdzob spyan drangs dang / /dbab dang bzhugs dang brtan pa dang / /mi g.yo dam tshig zil gnon dang / /phyag 'tshal mchod pa brjod pa dang / /gsang ba mchog gi dkyil 'khor du/ /'jug dang dngos grub gsol ba dang / /dbang bskur ba yi las rnams bya/ /
des ni tshe 'di nyid la yang / /sangs rgyas nyid kyang thob 'gyur na/ /dngos grub gzhan lta smos ci dgos/ /zhes gsungs so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las gzugs brnyan gyi dkyil 'khor rim par 

</font><hr>97-1-311a<br><font size=+1>

phye ba'i le'u ste bdun pa'o// //de nas bcom ldan 'das gsang ba mchog gi bdag po de chos thams cad lhun gyis grub pa'i phyag rgya las mi 'da' ba zhes bya ba'i ting nge 'dzin la snyoms par zhugs nas phyag rgya dam tshig gi mtshan nyid 
rnams nyid kyi sku dang gsung dang thugs rdo rje las phyung ngo / /gsang sngags rgya mtsho chen po 'di/ /phyag rgya bsam yas ji snyed pa/ /mdor bsdus rnam pa bzhi ru 'dus/ /dang por phyag rgya chen po ste/ /gnyis pa dam tshig rgya yin no/ /gsum pa chos kyi 
phyag rgya ste/ /bzhi pa las kyi phyag rgya ste/ /phyag rgya chen po sku yi rgya/ /rang bzhin chos sku dngos med rgya/ /gzugs sku mtshan ma'i rgya zhes bshad/ /gzugs sku rang bzhin kun rdzob dang / /bsgom dang bskyed pa yin par bshad/ /gnyis pa'i rgya la 
gsum yod de/ /bsgom dang gzung dang bcing ba'o/ /bsgom pa dam tshig gsung yin te/ /gsal ldan ma 'am byin brlabs pa'o/ /gzung ba thugs mtshan nyid bzung ba'o/ /dam tshig lag rgya bcing bar bshad/ /yang na so so'i gtso gzung rnams/ /
sbyor thabs phyag rgya nyid yin no/ /gsum pa'i rgya la gsum yod de/ /rang bzhin bsgom dang bzlas brjod do/ /rang bzhin chos kyi phyag rgya ni/ /chos kyi dbyings su rgyal bas gsungs/ /bsgom pa mtshan ma'i yig 'bru dag /lce steng snying ga mkha' 
sogs su/ /mtshan ma'i rnam par gsal ba'o/ /rtsa ba bskyed dang bzlas pa yis/ /snying po tshig brjod bzlas pa'i rgya/ /bzhi pa las kyi phyag rgya la/ /rnam pa gsum du dpa' bos gsungs/ /bsgom dang 'phro 'du bcing ba'o/ /las kyi lha yi rnal 'byor 
gang / /bsgom pa sgom pa las kyi rgya/ /lta 'og mkha' 'am thugs ka nas/ /rnam bzhi las kyi 'phro 'du ni/ /'phro 'du las kyi phyag rgya'o/ /phyag rgya bca' dang stangs tshul rnams/ /bcing ba las kyi phyag rgya bshad/ /lag rgya dam tshig phyag 

</font><hr>97-1-311b<br><font size=+1>

rgya rnams/ /rang gi sku ru rnam bsgoms nas/ /bcings shing mkha' la rnam bkrol na/ /sdig pa kun las rnam grol zhing / /sangs rgyas nyid kyang 'thob 'gyur na/ /dngos grub gzhan lta smos ci dgos/ /bdag nyid phyag rgya cher bsgom pa/ /dbu ni rnam par 
snang mdzad de/ /lag g.yas rdo rje sems dpa'i rgya/ /lag g.yon rin chen 'byung ldan rgya/ /rkang pa g.yon pa snang mtha' yas/ /rkang g.yas las kyi sems dpa'i rgya/ /yan lag rigs kyi dkyil 'khor bas/ /bsgul bskyod thams cad phyag rgya yin/ /
sor mo rnams la bsgom bya ba/ /gung mo gnyis la o~M dang la~M/ /'dzub mo gnyis la hU~M dang mu~M/ /dbang mo gnyis la swa dang ma~M/ /chung ngu gnyis la o~M dang ba~M/ /sbom po gnyis la hU~M dang tra~M/ /g.yas pa'i 'bru gdan nyi ma ste/ /g.yon pa zla ba'i dkyil 'khor 
ro/ /o~M dang mu~M du rtse sbyar te/ /de bzhin hU~M dang la~M du sbyar/ /hU~M dang pa~M yang de bzhin te/ /a~M dang rta~M du sbyar ba la/ /rgyab sbyar swa dang ma~M bsgreng ba/ /'di ni yab kyi spyi rgya yin/ /lag pa thal mo sbyar ba las/ /o~M dang mu~M sbyar hU~M dang ni/ /la~M sbyar swa dang pa~M 
du sbyar/ /o~M dang ma~M sbyar ha~M rta~M bsgreng / /yum gyi spyi rgya yin par ba shad/ /rdo rje khu tshur snying gar bcangs/ /o~M bsgreng rtse mor 'khor lo 'bar/ /rin chen dril gsil chos la brtan/ /'dzum pa'i mdangs dang bcas pa ni/ /rnam par snang mdzad phyag rgya yin/ /
rin chen khu tshur snying gar bcangs/ /la~M bsgreng rtse la dril gsil 'bar/ /rdo rje thal mo las la 'khril/ /'dzum pa'i mdangs dang bcas pa ni/ /bder gshegs dbyings phyug ma yi rgya/ /rdo rje khu tshur snying gar brtan/ /hU~M bsgreng rtse la rdo rje 'bar/ /rin chen 
dril gsil chos la brtan/ /'dzum pa'i mdangs dang bcas pa ni/ /rdo rje sems ma'i phyag rgya yin/ /rin chen khu tshur snying gar brtan/ /mu~M bsgreng rtse la dril gsil 'bar/ /rdo rje thal mo las la 'khril/ /'dzum pa'i mdangs dang bcas pa ni/ /rdo rje dbyings 

</font><hr>97-1-312a<br><font size=+1>

phyug phyag rgya yin/ /rdo rje khu tshur snying gar brtan/ /swa bsgreng rtse la rin chen 'bar/ /rin chen dril gsil chos la brtan/ /'dzum pa'i mdangs dang bcas pa ni/ /rin chen 'byung ba'i phyag rgya yin/ /rin chen khu tshur snying gar brtan/ /ma~M 
bsgreng rtse la dril gsil 'bar/ /rdo rje thal mo las la 'khril/ /'dzum pa'i mdangs dang bcas pa ni/ /rin chen dbyings phyug phyag rgya yin/ /rdo rje khu tshur snying gar brtan/ /oM bsgreng rtse la pad+mo 'bar/ /rin chen dril gsil chos la brtan/ /'dzum pa'i 
mdangs dang bcas pa ni/ /snang ba mtha' yas phyag rgya yin/ /rin chen khu tshur snying gar brtan/ /ba~M bsgreng rtse la dril gsil 'bar/ /rdo rje thal mo las la 'khril/ /'dzum pa'i mdangs dang bcas pa ni/ /pad+ma dbyings phyug phyag rgya yin/ /rdo rje khu tshur 
snying gar brtan/ /ha~M bsgreng rtse la ral gri 'bar/ /rin chen dril gsil chos la brtan/ /'dzum pa'i mdangs dang bcas pa ni/ /don yod grub pa'i phyag rgya yin/ /rin chen khu tshur snying gar brtan/ /rta~M bsgreng rtse la dril gsil 'bar/ /rdo rje thal mo las 
la 'khril/ /'dzum pa'i mdangs dang bcas pa ni/ /las kyi dbyings phyug phyag rgya yin/ /rdo rje khu tshur thugs ka na/ /rin chen dril gsil chos la brtan/ /'dzum pa'i mdangs kyis lta ba ni/ /lag na rdo rje'i phyag rgya yin/ /rin chen gar thabs 
bskor nas su/ /rdo rje thal mo las la 'khril/ /'dzum pa'i mdangs kyis 'dud pa'i tshul/ /gar gyi phyag rgyar dpa' bos bshad/ /rdo rje thugs kar rin chen 'dzin/ /rin chen dril gsil chos la brtan/ /'dzum pa'i mdangs kyis lta ba ni/ /sa 
yi snying po'i phyag rgya yin/ /rdo rje khu tshur bcangs pa ni/ /dku yi thad kar 'dzin pa dang / /'dzum pa'i mdangs kyis 'dud pa ni/ /sgeg mo'i phyag rgya yin par bshad/ /rdo rje ral gri thugs ka na/ /rin chen dril gsil chos la brtan/ /'dzum pa'i 

</font><hr>97-1-312b<br><font size=+1>

mdangs kyis lta ba ni/ /nam mkha'i snying po'i phyag rgya yin/ /rdo rje rin chen rna lhag gzhag /rin chen phreng ba bzung nas su/ /'dzum pa'i mdangs kyis 'dud pa ni/ /phreng ba'i phyag rgya yin par grags/ /rdo rje pad+ma thugs ka na/ /rin chen dril gsil chos 
la brtan/ /'dzum pa'i mdangs kyis lta ba ni/ /spyan ras gzigs kyi phyag rgya yin/ /rin chen pi bang 'dzin pa la/ /rdo rje len par byas nas ni/ /'dzum pa'i mdangs kyis 'dud pa ni/ /dbyangs kyi phyag rgya yin par grags/ /rdo rje klu shing thugs ka na/ /
rin chen dril gsil chos la brtan/ /'dzum pa'i mdangs kyis lta ba ni/ /byams pa me+e tri'i phyag rgya yin/ /rin chen bdug spos thugs kar 'dzin/ /rdo rje las la rab tu 'khril/ /'dzum pa'i mdangs kyis 'dud pa ni/ /bdug pa'i phyag rgya yin par bshad/ /
rdo rje po ti thugs kar 'dzin/ /rin chen dril gsil chos la brtan/ /'dzum pa'i mdangs kyis lta ba ni/ /sgrib pa kun sel phyag rgya yin/ /rdo rje rin chen rna ltag tu/ /me tog snod bcas 'dzin pa la/ /'dzum pa'i mdangs kyis 'dud pa ni/ /me tog phyag 
rgya yin par ba shad/ /rdo rje ut+pal thugs ka na/ /rin chen dril gsil chos la brtan/ /'dzum pa'i mdangs kyis lta ba ni/ /'jam dpal gyi ni phyag rgya yin/ /rin chen mar me thugs ka na/ /rdo rje thal mo las la 'khril/ /'dzum pa'i mdangs kyis 
'dud pa ni/ /mar me'i phyag rgyar dpa' bos bshad/ /rdo rje snye ma thugs ka na/ /rin chen dril gsil chos la brtan/ /'dzum pa'i mdangs kyis lta ba ni/ /kun du bzang po'i phyag rgya yin/ /rin chen dbyug pa thugs ka na/ /rdo rje thal mo las la 'khril/ /
rdo rje nyug par byed pa ni/ /dri yi phyag rgya yin par bshad/ /nir mgo gdengs ka gshed po'i rgya/ /rdo rje gnon pa stobs po che/ /thod sbrul gnon pa rta yi rgya/ /rgya gram gnon pa bdud rtsi 'khyil/ /mdzub gnyis 'khyud pa lcags kyu'i rgya/ /mdzub gnyis rtse sprad 

</font><hr>97-1-313a<br><font size=+1>

zhags pa'i rgya/ /mdzub gnyis 'khyud pa lu gu rgyud/ /bskyod par gyur pa 'bebs ma'o/ /pi bang len pa lha yi rgya/ /mi yi gseg par 'dzin pa ste/ /lha min phyag rgya go cha yin/ /chos kyi dkyil 'khor byol song rgya/ /za ma tog ni yi 
dgas rgya/ /me chu gnyis ni dmyal ba'i rgya/ /yab kyi spyi rgya kun bzang gi'o/ /yum gyi spyi rgya bzang mor bshad/ /yang na kun bzang yab yum gyi/ /rdo rje thal mo gnyis su bshad/ /bder gshegs rnams la rdzogs dkyil lo/ /sems dpa' 
rnams la sems dpa'i dkyil/ /'joms dang thub pa langs te bcing / /zhes gsungs so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las phyag rgya'i mtshan nyid bshad pa'i le'u ste brgyad pa'o// //de 
nas smra ba'i seng ge byed pa po rdo rje kun du bzang pos 'di skad ces gsol to/ /bcom ldan 'das gsang ba mchog gi bdag po he ru ka rnams kyi dkyil 'khor ji lta bu lags pa bdag cag rnams la bshad du gsol/ gsang ba mchog gi bdag 
pos bshad du gsol zhes gsol ba btab pa las/ bcom ldan 'das gsang ba mchog gi bdag po des de bzhin gshegs pa thams cad kyi khro bo rnam par 'phro ba'i rgyal po ye shes rngam pa glog zhes bya ba'i ting nge 'dzin la snyoms par zhugs te/ 
nyid kyi sku khro bo chen por 'du mdzad de/ de ci'i phyir zhe na/ 'jig rten na dregs pa chen po la sogs pa gdug pa'i dbang du 'gro ba rnams gyur te/ khams gsum 'di na de bzhin gshegs pa gsung rab zer bar ston pa dang / 'jug pa dang / bstan pa 
la gnas shing dkon mchog gsum la 'jug pa ni 'ga' yang med/ khros pas gtum po rab tu gdug pa'i sems dang / 'dod chags zhe sdang gti mug gis bsgribs pa gtum zhing 'khrug pa dang / gzhan gyi srog dang sems 'phrog pa dang / mi dge ba 

</font><hr>97-1-313b<br><font size=+1>

bcu'i las kyis nyon mongs pa dang nye ba'i nyon mongs pas gzhan la gtses pa dang / gcig sha gcig gis za ba dang / log pa'i lam la gnas pa'i 'jig rten gsum po 'di brlag go zhes sngon gyi smon lam la gnas pa'i de bzhin gshegs pa 
rnams dang / gsang ba mchog gi bdag po chen pos rnam par gzigs nas nyid kyi sku dang gsung dang thugs rdo rje las khro bo'i dkyil 'khor glog rnam par 'phro ba 'di phyung ngo / /o~M badzra ma hA tsaN+Da sarba duSh+Tan ta ka ha na da ha pa tsa/ bi shwa kro d+ha dz+wa la maN+Da la/ 
phaT phaT phaT ha la ha la/ 'di phyung ma thag tu khro bo chen po'i mthus khams gsum 'di dag thams cad g.yos rab tu g.yos/ kun du rab tu g.yos so/ /'ur 'ur rab tu 'ur 'ur/ kun du rab tu 'ur 'ur ro/ /shig shig /rab tu shig shig /
kun du rab tu shig shig /gtor gtor/ rab tu gtor gtor/ kun du rab tu gtor gtor ro/ /lha dang / klu dang / gnod sbyin dang / dri za dang / nam mkha' lding dang / srin po la sogs pa rnams 'khrugs pa chen por gyur to/ /de nas 'jigs 
pas nyen pa de dag brgya byin la skyabs su song / brgya byin yang 'jigs pas nyen te tshangs pa'i thad du phyin/ tshangs pa yang khyab 'jug thad du song / khyab 'jug kyang dbang phyug chen po'i thad du song / dbang phyug chen po rang gi mthu yod yod pa ston cing 
lha rnams ma skrag /klu rnams dang gnod sbyin rnams dang / lha ma yin dang / 'khor du gtogs pa rnams ma skrag cig /nga'i mthu 'di la gzhan gang gis kyang brdzi bar mi nus so zhes spro bsrings so/ /kwa brgya byin dang tshangs pa dang khyab 'jug rnams 
khyed kyang 'jig rten na mthu che ba'i chen po yin pas rang rang gi mthu dang rdzu 'phrul ci yod pas rang rang gi 'khor gdug pa de dag dbugs dbyung bar mdzod cig ces bsgo'o/ /de nas brgya byin dang / tshangs pa dang / khyab 'jug rnams de ma thag tu rang rang 

</font><hr>97-1-314a<br><font size=+1>

gi mthu ci yod pa ston cing rdo rje'i skad dang gad mo drag po 'byin cing rang rang gi 'khor rnams la ma skrag ma dngangs shig /bdag cag gi mthu 'di lta bu gzhan gang gis kyang zil gyis gnon par mi nus so zhes spro bsring ngo / /de nas bcom 
ldan 'das ye shes rngam pa'i rgyal po des de bzhin nyid kyi dbyings nas yum rngam pa'i kro d+hi'i rgyal mo mngon par phyung ste/ hi hi dgyes pa'i gzi mdangs kyi rol pa'i dgyes pas thim par mdzad nas/ byang chub sems kyi sprin las phaT phaT badzra kro d+ha dz+wa la maN+Da la 
ha la ha la zhes pas stong gsum khro bo chol pas gang bar gyur to/ /de nas bcom ldan 'das dgyes pa chen po nyid ni dbu dgu phyag bcwa brgyad zhabs rnam pa brgyad kyi rnam par snang ngo / /de nas dgyes te hU~M hU~M hU~M zhes brjod pas dbu dgu phyag bcwa brgyad las 'dul 
ba'i dbang gis dbu gsum phyag drug zhabs bzhir gyur te/ khrag gi rgya mtsho 'khrug pa'i dkyil na keng rus kyi steng na rnam par gnas so/ /khro bo chol pa de dag gis kyang phyogs bcu'i dregs pa ji snyed pa kun bsgral te slar 'dus nas/ la la ni rdo rje khrag 
'thung chen por gyur nas brgya byin 'khor dang bcas pa bsgral/ la la ni rin chen khrag 'thung du gyur te tshangs pa 'khor dang bcas pa bsgral/ la la ni pad+ma khrag 'thung chen por gyur te/ ma hA de ba 'khor dang bcas pa bsgral/ la la ni las kyi khrag 'thung chen 
por gyur te/ khyab 'jug 'khor dang bcas pa bsgral/ khro bo de dag gis dregs pa can de dag gi nang grol kun drangs/ khrag 'thungs/ rus pa kun 'chos so/ /de nas dgyes te o~M ru lu ru lu dza dza zhes brjod pas dbang phyug chen po bcu gnyis dang brgyad 
kyi 'khor tshogs ma lus pa yud tsam cig gis dbang du 'dus par gyur pa ni dper na rdo khab len la lcags 'du ba'i tshul lo/ /bcom ldan 'das dpal chen po'i sku la rnam pa brgyad kyis 'khril ba'i tshul du gnas so/ /khrag 'thung bzhi la rnam pa lnga lngas 

</font><hr>97-1-314b<br><font size=+1>

'khril ba'i tshul gyis rnam par gnas pa dang / dgyes te ha ha zhes brjod pas byang chub sems las dkar mo'i tshogs dang / rkun mo'i tshogs dang / spos mo'i tshogs dang / gtum mo'i tshogs dang / rmongs mo'i tshogs dang / thal byed ma'i tshogs dang / 
sme sha can gyi tshogs dang / ma mo'i tshogs rnams 'thon to/ /de nas yang dgyes te he he zhes brjod pas byang chub sems las seng gdong gi tshogs dang / stag gdong gi tshogs dang / wa gdong gi tshogs dang / khyi gdong gi tshogs dang / 
bzhad gdong gi tshogs dang / dur bya'i gdong gi tshogs dang / bya rog gi gdong gi tshogs dang / 'ug pa'i gdong gi tshogs rnams 'thon to/ /de nas yang dgyes te phaT ces brjod pas byang chub sems las rta gdong gi tshogs dang / 
phag gdong gi tshogs dang / seng gdong gi tshogs dang / sbrul gdong gi tshogs 'thon nas nyi shu rtsa brgyad 'khor dang bcas pa rnams rang rang gi gdan ga la ba der yud tsam gyis phyin par phaT ces spros so/ /de'i tshe 'jig rten gyi khams mtha' yas mu med 
pa rnams na dregs pa gang ji snyed yod pa thams cad tshul ji ltar 'dul ba dang / thabs cis 'dul ba sna tshogs kyis bcom ldan 'das kyi mthus btul bar gyur to/ /de nas bcom ldan 'das kyis khro bo de dag la dregs pa'i tshogs slar gsol cig ces 
bka' stsal pas/ khro bo de dag gis gsol pa/ bcom ldan 'das nyid kyis gso bar gsol zhes pa dang / bcom ldan 'das nyid kyis khro bo de dag gcig tu hU~M zhes pas bsdus te/ dbu dgu phyag bcwa brgyad pa'i tshul du rnam par gnas so/ /de nas ye 
shes rngam pa'i rgyal po des phyag bco brgyad bsnol te btsir bas mi gtsang ba'i 'dam chen por 'khyil to/ /de nas bdud rtsi 'byung ba'i ting nge 'dzin la zhugs nas bdud rtsi 'byung zhes bya ba gnam nas rnam par phyung ngo / /o~M badzra a mr-i tam hA kro d+hi shwa ri 

</font><hr>97-1-315a<br><font size=+1>

u spri dz+wa/ badzra a mr-i ta hU~M a/ de nas khro mo bdud rtsi chen mo de smin ma sgyur zhing shin tu rngam pa'i bzhad pas ru lu ru lu khA hi khA hi zhes bdud rtsir bsgrubs te gsol bas gdug pa can thams cad snga ma bzhin du rang rang gi lus sos par gyur te 
sems dran nas dpal chen ye shes rngam pa'i rgyal po'i sku dbu dgu brgya phyag stong brgyad brgya/ zhabs brgyad brgyar gnas shing yab la khro bo brgya rtsa brgyad lhun gyis grub par mthong ngo / /phra men ma nyi shu'i tshogs kyang shin tu rngam pa'i gzugs rang rang gi stan 
dang lag char gnas pa mthong nas/ shin tu ngo mtshar du gyur nas zhum pa'i nga ros gsol ba btab pa/ bdag cag 'khor dang bcas pa rnams/ /rngam chen rgyal po'i 'bangs su mchi/ /'bangs su nan tan ma bgyis na/ /mgo lus rnying yang rul nas ni/ /
btso bsreg gnas su 'bod sgrogs shog /bdag cag rnams kyi ma dang sring / /mchis brang dang ni bu mo rnams/ /'bar ba'i dkyil 'khor bzhes su gsol/ /bdag cag rnams kyi mgo bcad la/ /'bar ba'i dkyil 'khor rgyan du bzhes/ /bdag cag 
rnams kyi snying phyung la/ /dpal chen nyid kyi zhal du gsol/ /bdag cag rnams kyi lpags shus la/ /dpa' bo chen po sku la gsol/ /a la la ho zhes gsol ba btab ste/ la las ni rang gi lus gdan khrir phul/ la las ni rang gi mgo bcad nas 
'bar ba'i tshogs kyi zhal bur phul/ la las ni rang gi snying phyung nas zhal du gsol/ la la ni rang gi pags pa bshus te sku la g.yang gzhi gsol to/ /dbang phyug chen po rnams dpal chen po'i sku la sbrul ltar 'khril bas des dregs pa'i tshogs 
rnams kyang shes bya'i sgrib pa byang ste/ bden pa mthong nas dam tshig dang ldan par mthong bar gyur te/ de'i tshe 'dus pa'i 'khor tshogs kyang rab tu spro ba'i sems kyis rdzu 'phrul rnam pa du ma dang ldan te/ la la ni 'jig rten gyi khams rgyang ma ring du 

</font><hr>97-1-315b<br><font size=+1>

'phan/ la la ni ri rab klad la skor/ la la ni nyi zla zhabs 'og gnon/ la la ni 'jig rten rnam pa drug tu g.yo ba la sogs pa'i cho 'phrul rnam pa du ma ston cing a la la zhes pa'i sgra rnam par 'byin to/ /de nas bcom ldan 'das gsang ba mchog gi 
bdag po des 'jigs byed tshogs kyi dkyil 'khor chen po 'di nyid kyi sku dang gsung dang thugs rdo rje las phyung ngo / /dur khrod chen po'i gnas chen du/ /rak+ta'i rba rlabs 'khrug pa'i dkyil/ /keng rus ri rab 'bar ba'i steng / /me 'bar sreg pa'i klong 
dkyil na/ /dur khrod 'bar ba'i gzhal yas khang / /tshad dang rgya yongs ma chad pa/ /phyi nang med par gsal ba'i 'od/ /'khor lo 'bar ba'i rtsibs bzhi pa/ /gru chad bar khyams bzhes brgyan pa/ /gru bzhi sgo khyud 'bar bas mdzes/ /
bar khyams gnyis ni 'bar bar gsal/ /nyi zla sbrul dang thod pas brgyan/ /khyu mchog dang ni ma he gzig /stag dang gtum thung dom dag gis/ /sder mos dregs pa brgya byin dang / /tshangs pa dbang phyug bzung ba ni/ /gdan chen rnams 
kyang bzung ba'o/ /dbus su 'jigs byed chen po ni/ /smug nag chen po 'jigs pa'i gzugs/ /dbu dgu phyag kyang bcwa brgyad de/ /spyan 'bar ba ni nyi shu bdun/ /zhabs brgyad thur du gtams pa'o/ /rtsub pa'i phyag mtshan skal bar thogs/ /rdo rje 
gshog pa phyogs bcur gtams/ /dur khrod rgyan gyis rab tu bzhugs/ /btsun mo rngam pa kro d+hi yang / /cha lugs 'jigs byed chen po ltar/ /de yi phyogs kyi khro bo yang / /khrag 'thung rdo rje rin chen dang / /pad+ma las kyi he ru ka/ kun kyang 
dbu gsum phyag drug ste/ /zhabs bzhi dag tu rnam par bgrad/ /kro d+hi'i tshogs kyis rab tu 'khril/ /'khor lo 'bar ba'i rtse mtshan la/ /dkar mo la sogs ral pa can/ /rang stan lag char chas te gnas/ /phyi rol shar gyi phyogs dag nas/ /

</font><hr>97-1-316a<br><font size=+1>

seng gdong la sogs mgo brnyan tshogs/ /stan dang lag cha de bzhin chas/ /sgo srung gdong mo la sogs gnas/ /rang gi lag mtshan stan dang chas/ /'bar ba'i bar khyams gnyis pa la/ /rdo rje srin po khro bo bcu/ /hU~M chen rnam 
rgyal dbyug sngon can/ /gshed po mi g.yo rta mgrin rgyal/ /gzhan gyis mi thub bdud rtsi 'khyil/ /khams gsum rnam rgyal stobs po che/ /de dag rnams dang gnyis med pa'i/ /rdo rje srin mo khro mo bcu/ /rlung 'byin snyems ma sder mo dang / /dur khrod 
gtun khung gtum mo dang / /mda' snyems sgra 'byin gsod ma dang / /skul byed rnams kyis rab tu 'khril/ /kun kyang zhal gsum phyag drug ste/ /zhabs drug rdo rje brag stengs na/ /'jig rten skyong bas btud tshul lo/ /de dag rnams kyi bka' sdod ni/ /
rdo rje phra men gtum bag can/ /mche gshog 'bar ba'i tshogs dang 'khor/ /slas dang byi mo bran mo dang / /ci bgyi la sogs pho nya'i tshogs/ /phyi rol mu ran dag lag nas/ /zhes gsungs pas snang srid thams cad khro bo'i dkyil 'khor du gyur 
to/ /de nas bcom ldan 'das 'jigs byed chen pos gsung gi dkyil 'khor 'di nyid kyi sku dang gsung dang thugs rdo rje las phyung ngo / /oM b+h+ru~M bi shwa bi shud+d+he dz+nyA na tsakra d+hu~M/ oM oM oM oM oM/ ba ba ba ba/ dzra dzra dzra dzra dzra/ ma ma ma ma ma/ hA hA hA hA 
hA/ bud+d+ha/ badzra rat+na/ pad+ma karma/ shrI shrI shrI shrI shI/ he he he he he/ru ru ru ru ru/ ka ka ka ka ka/ hU~M hU~M hU~M hU~M hU~M/ phaT phaT phaT phaT phaT/ o~M o~M o~M o~M oM/ ba ba ba ba/ dzra dzra dzra dzra dzra/ bud+d+ha badzra/ rat+na/ pad+ma/ karma/ kro kro kro kro kro/ d+hI d+hI 
d+hI d+hI d+hI/ shwa shwa shwa shwa shwa/ ri ri ri ri ri/ ba ba ba ba ba ba/ dzra dzra dzra dzra dzra dzra dzra dzra/ gau rI/ rtsau rI/ tsau mo hA/ be+et+ta lI/ puk+ka sI/ g+hasma rI/ sma shA nI/ tsaN+Da lI/ ha ha ha ha ha ha ha ha/ ba ba ba ba ba ba/ dzra dzra dzra dzra dzra dzra dzra dzra/ sid+ha/ byA g+h+r-i/

</font><hr>97-1-316b<br><font size=+1>

sr-i gla/ shwa na/ kr-i D+ha/ kAng+ka ka /kha ga /U lu/ mu mu mu mu mu mu mu mu/ kha kha kha kha kha kha kha kha/ he he he he he he he he/ ba ba ba ba/ dzra dzra dzra dzra/ Ar+yA te dza te/ dzaHa mu kha/ lo ka b+hasmi pa lA ya/ dzaHhU~M pa~M hoH/ ba ba ba ba ba ba ba ba ba 
ba/ dzra dzra dzra dzra dzra dzra dzra dzra dzra dzra/ kro kro kro kro gro kro kro kro kro kro/ d+ha d+ha d+ha d+ha d+ha d+ha d+ha d+ha d+ha d+ha/ hU~M kA ra/ bi dza ye/ nI la daN+Da/ ya mAn+ta ka /Ar+ya a tsa la/ ha ya grI wa/ a pa rA dzi ta/ a mr-i ta kuN+Da li/ tri lo kya bi dza ya/ ma hA ba la/ hU~M hU~M hU~M hU~M hU~M 
hU~M hU~M hU~M hU~M hU~M/ phaT phaT phaT phaT phaT phaT phaT phaT phaT phaT/ kro kro kro kro kro kro kro kro kro kro/ hU~M hU~M hU~M hU~M hU~M hU~M hU~M hU~M hU~M hU~M/ ba ya be sha~M bar+t+ti/ le no ki/ tra ta hri sta na pa ta/ mu ha la/ tsaN+Da lI ya ti/ sha ya ba ti/ ba ya be mA ra Na/ tsun+d+ho/ hU~M hU~M hU~M hU~M 
hU~M hU~M hU~M hU~M hU~M hU~M/ phaT phaT phaT phaT phaT phaT phaT phaT phaT phaT/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ ru lu ru lu ru lu/ hU~M hU~M hU~M/ phaT phaT phaT/ zhes gsungs pas phyogs bcu'i 'jig rten gyi khams 
thams cad gsung gi dkyil 'khor du gyur pa'o/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las 'jigs byed chen po'i dkyil 'khor bstan pa'i le'u ste dgu pa'o// //de nas bcom ldan 'das rngam 
pa'i rgyal po des stang stabs kyi rnam par rgyal ba'i rgyal po zhes bya ba'i ting nge 'dzin la snyoms par zhugs nas stang stabs 'di dag nyid kyi sku dang gsung dang thugs rdo rje las phyung ngo / /chos kun mnyam pa'i ngang rtogs na/ /bsgul zhing bsigs pa thams 
cad kun/ /phyag rgya yin par dpa' bos bshad/ /rang gi lha yi ting 'dzin gyis/ /stang stabs 'di la gang gnas pa/ /sangs rgyas nyid kyang skrag 'gyur na/ /dregs pa'i tshogs lta smos ci dgos/ /lag gnyis thal sbyar spyi gtsug bzhag /rkang 

</font><hr>97-1-317a<br><font size=+1>

gnyis mthil sprad rtse mo btsugs/ /mgo mtshan rdo rje snying por bsgom/ /rtse gcig rtse gsum rtse lnga dang / /rtse dgu bcu gcig rdo rje bsgom/ /sa stengs kun du mchod byas pa/ /'jigs byed chen po'i phyag rgya yin/ /de nyid g.yon gyi phyogs 
nas mchong / /'jigs byed ma yi phyag rgya bshad/ /lag g.yas gung mo snying por bya/ /gung mdzub srin lag rtse gsum tshul/ /mthe bos mthe'u chung mnan par bya/ /lhag ma rnams ni rdo rje'i tshul/ /g.yon pa ban d+ha ltar byas nas/ /dkrugs nas 
zhal du gsol ba ni/ /rdo rje khrag 'thung phyag rgya yin/ /g.yas pa gtso la 'khyud tshul du/ /g.yon pa rak+ta stobs pa ni/ /rdo rje kro d+hi kun gyi rgya/ /lag pa g.yas pa brkyang byas te/ /g.yon pa dung dmar rak+ta 'thung / /'di ni rin chen khrag 
'thung rgya/ /de nyid gung 'dzub srin lag gzhibs/ /ral gri 'degs pa ltar byas pa/ /pad+ma khrag 'thung phyag rgya yin/ /de nyid g.yas pa khu tshur bcangs/ /mthe bo gung mdzub mthe'u chung rnams/ /so sor brkyang ba rgya gram tshul/ /las kyi khrag 
'thung phyag rgyar bshad/ /khrag 'thung g.yas brkyang g.yon bskum tshul/ /kro d+hi g.yon brkyang g.yas bskum tshul/ /stabs su mchod par dpa' bos bshad/ /g.yas pa'i khu tshur bcangs nas bsgreng / /g.yon pa 'dzin pa ltar byas pa/ /
g.yas dang g.yon du lta zhing sgyur/ /gau ri tshogs kyi phyag rgya yin/ /mda' gzhu 'gengs pa'i tshul du ni/ /'bur tshugs mi 'gyur lta byed pa/ /rkun mo'i tshogs kyi phyag rgya yin/ /g.yas pas khu tshur bcangs pa ni/ /mthe bo mthe'u chung brkyang bar byas/ /
g.yon pas 'dzin pa'i khro tshul lta/ /pra mo'i phyag rgya dpa' bos bshad/ /g.yas pa'i gung mo rtse mo brkyang / /sor bzhi rtse bsdus rdo rje 'phyar/ /g.yon pa dku ru brten pa ni/ /'bur tshugs lta ba be ta'i rgya/ /g.yon pas nyon mongs mnan tshul la/ /g.yas 

</font><hr>97-1-317b<br><font size=+1>

pas rgyu 'dren za ba'i tshul/ /pu ka'i phyag rgyar bshad pa yin/ /g.yon pa dung khrag 'dzin pa la/ /g.yas pas 'khrug cing rngam tshul ston/ /gasma ri yi phyag rgya yin/ /g.yon pas byis pa'i lus mnan nas/ /g.yas pas snying 'dren za tshul du/ /sgrol 
tshul lta ba sma sha'i rgya/ /g.yas pas mgo bcad phyir nas kyang / /g.yon pas lus 'dzin stobs pa ltar/ /tsaN+Da li yi phyag rgya yin/ /lag gnyis brang la bsnol nas ni/ /kha na ro thogs ral gsigs pa/ /seng gdong tshogs kyi phyag rgya yin/ /lag gnyis 
thur du bsnol nas ni/ /zhing la 'bur tshugs mche ba bsnyer/ /stag gdong tshogs kyi phyag rgya yin/ /lag gnyis zhing khong kha phye nas/ /lce yis ldag pa ltar byed na/ /wa gdong tshogs kyi phyag rgya yin/ /lag gnyis zhing khong kha phye nas/ /'bur tshugs 
lta ba shwa na'i rgya/ /lag gnyis spu gri thogs tshul du/ /g.yon pas rgyu ma gzung zhing za/ /bzhad gdong tshogs kyi phyag rgya yin/ /zhing chen phrag la bkal nas ni/ /keng rus thogs pa ltar byas pa/ /dur bya'i tshogs kyi phyag rgya yin/ /g.yon pas ban da 
g.yas pa gri/ /glo snying 'dren pa ltar byed pa/ /khwa kha ma yi phyag rgya yin/ /g.yas pa rdo rje khu tshur la/ /lcags kyu 'dzin pa hu lu'i rgya/ /mdzub gnyis lcags kyu'i tshul du byas/ /rta skad 'tsher ba ltar byas pa/ /rta gdong tshogs kyi phyag rgya yin/ /
mdzub gnyis rtse sbyar phag gdong gis/ /tha rgod log pa'i tshul bstan pa/ /phag gdong tshogs kyi phyag rgya yin/ /mdzub gnyis lu gu rgyud du 'khyud/ /seng ge'i tshul du ral gsigs pa/ /seng gdong tshogs kyi phyag rgya yin/ /lag gnyis rab tu 
bskyod bya zhing / /phyogs bcur lta bar byed pa ni/ /sbrul gdong tshogs kyi phyag rgya yin/ /lag pa'i phyag rgya bcings byas shing / /rkang pa 'jog tshul stabs su mchong / /g.yas pa'i sdigs mdzub nam mkhar 'phyar/ /g.yon pa dgu ru brten pa ni/ /

</font><hr>97-1-318a<br><font size=+1>

hu~M ka ra yi phyag rgya yin/ /lag pa g.yas pa sder mor gdengs/ /g.yon pa 'dzin pa rnam rgyal rgya/ /g.yas kyi sor mo dbyug par brkyang / /g.yon pa gar thabs skor bar byed/ /dbyug sngon can gyi phyag rgya yin/ /g.yas pa'i 
khu tshur nam mkhar 'phyar/ /g.yon pas gru mo brten pa ni/ /gshin rje 'joms pa'i phyag rgya yin/ /g.yas pa'i gung mdzub srin lag brkyang / /mthe'u chung mthe bos mnan par bya/ /g.yon pa'ang de bzhin shugs su bya/ /mi g.yo ral gri'i phyag 
rgya yin/ /lag gnyis mthe'u chung lu gu rgyud/ /lhag ma khu tshur bcangs pa las/ /dpral ba'i thad kar bzung ba ni/ /rta mchog dpal gyi phyag rgya yin/ /lag gnyis khu tshur mdun du bcangs/ /zhags pa'i tshul du drangs pa ni/ /gzhan gyis mi thub 
phyag rgya yin/ /lag gnyis khu tshur gyen du bsnol/ /dril bu gsil tshul bdud rtsi 'khyil/ /lag pa g.yas pa khu tshur 'phyar/ /brdeg pa'i stabs su byas pa ni/ /khams gsum rnam rgyal phyag rgya yin/ /lag gnyis khu tshur thur du brkyang / /gnon pa'i 
stabs su bgrad pa ni/ /stobs po che yi phyag rgya yin/ /gyad kyi dor stabs tshul du gnas/ /stobs su mchong ba khro bo'i rgya/ /srin mo rnams kyi phyag rgya ni/ /rkang lag gar thabs bskor ba yin/ /yang na khro bo'i phyag rgya las/ /g.yas g.yon bzlog pa 
yin par gsungs/ /ci bgyid bka' nyan phyag rgya ni/ /g.yas g.yon sor mo drag sprugs pa'o zhes gsungs so/ /'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las 'jigs byed rnams kyi phyag rgya bstan pa'i 
le'u ste bcu pa'o// //de nas bcom ldan 'das gsang ba mchog gi bdag po des bsnyen bsgrub rgyun gyi ting nge 'dzin la snyoms par zhugs so/ /zhugs nas kyang bsnyen bsgrub zab mo'i dkyil 'khor 'di dag nyid kyi sku dang gsung dang thugs rdo rje las 

</font><hr>97-1-318b<br><font size=+1>

phyung ngo / /bsnyen bsgrub yan lag bsam yas kyang / /dkyil 'khor dag ni thams cad la/ /rnal 'byor 'jug pa'i don gyi phyir/ /mdor bsdus rnam pa bzhir bshad do/ /thog mar bsnyen pa yin par bshad/ /gnyis pa dag ni nye bsnyen pa/ /gsum 
pa bsgrub pa zhes su brjod/ /tha ma bsgrub chen po zhes bya/ /bye brag tu ni shes byas la/ /de nas las rnams brtsam par bya/ /bsnyen bsgrub bye brag shes bya zhing / /de la gnas pa rab tu gces/ /de dag mi shes mi gnas pas/ /bsgrubs kyang 
'grub par mi 'gyur te/ /las rnams brtsams kyang don med 'gyur/ /de bas nan tan bskyed de bya/ /bsnyen pa'i ting 'dzin rab sbyor bas/ /byang chub sems ni shes par bya/ /nye bar bsnyen pa la gnas pas/ /bdag nyid phyag rgya chen por 
bsgom/ /de yang gsang sngags bdag po nyid/ /rig ma bskyed dang bskul bya ba/ /bsgrub pa zhes su rgyal bas gsungs/ /thabs dang shes rab 'brel ba las/ /rang gi lha yi rnal 'byor gsungs/ /gang yin rdo rje 'grub 'gyur ba/ /bsgrub pa 
chen po zhes su bya/ /byang chub sems zhes bya ba yang / /dam pa'i don gyi sems yin te/ /chos rnams thams cad dngos med pas/ /rang gi sems kyis shes bya ba/ /bsnyen pa'i dam tshig yin par gsungs/ /bdag nyid phyag rgya chen po ni/ /
sngags kyi bdag po'i cha lugs su/ /ting 'dzin nan tan khugs par bsgom/ /thams cad lha yi rang bzhin pas/ /bdag nyid lha yi mtshan nyid de/ /phyag rgya bzhi dang rnam ldan par/ /shes pa nye bsnyen dam tshig yin/ /rig ma bskyed dang 
bskul bya ba'i/ /rten du bya ba shes rab ma/ /mtshan ldan bkra shis gsang ba'i gzungs/ /b+ha ga gsang ba'i pad+mo ni/ /rgyal ba rnams kyi pho brang ste/ /'das pa'i sangs rgyas byung ba'i gnas/ /slad kyis byon pa gshegs pa'i shul/ /de ltar 

</font><hr>97-1-319a<br><font size=+1>

sangs rgyas bzhugs pa'i rten/ /rnal 'byor ngo la de ltar snang / /ma rtogs pa la 'khor ba'i lam/ /sgrub pa rnams kyi bsgrub pa'i rten/ /rnal 'byor can gyis shes par bya/ /chen po lngas bsdus thams cad kun/ /de nas yum du gnas 
mod/ /mtshan ma bsgrub pa'i rnal 'byor pa/ /bsgrub phyir rigs kyi dbye ba bya/ /smin ma'i dkyus ring lag sor phra/ /tshigs pa zlum la rked skabs phyed/ /phra bshad ut+pal dang ldan zhing / /so dkar skra 'jam mthon mthing 'khril/ /mig 
kyang zar ma'i me tog 'dra/ /skra mtshams 'khyug la mdog kyang gsal/ /sna bzang ske ring sems ma 'dra/ /lus drang nu ma'i dkyil na mtho/ /khong dal 'gro na 'jab pa 'dra/ /skad ni ngang pa'i rgyal po 'dra/ /cir yang mdzes pa'i stobs ldan pa/ /spyi 
yi rigs dang mtshan du bshad/ /bzhin dbyibs sog ka mdog kyang dmar/ /mig rings so thags rab tu dam/ /so la shel chags kos ko phra/ /lus la zhim pa'i dri 'byung ba/ /pad+ma can zhes bya bar bshad/ /zla ba'i mdangs ltar dkar la 
gsal/ /gtsug phud g.yas 'khril skad kyang che/ /bong chung lus mdzes tshig tu snyan/ /dung ltar lus bzhin g.yas su 'khyil/ /dung can ma zhes bya bar grags/ /'dod pa che la brtul zhugs che/ /shes pa gsal la byad bzhin yangs/ /bu mo 
mig mangs ma ru bshad/ /sbas pa'i brda dang thabs la mkhas/ /phyi nang rlung khar gser ltar lci/ /bsdig cing kun gyis drod mi lon/ /don la gzhol la rtog pa med/ /zla gsang dkar dmar rlung khar lci/ /rigs dang mtshan du bshad pa yin/ /
skra ni mthon mthing lcang lor bshad/ /srid du ring la phra la ldem/ /lcug phran mang po 'dab rgyas pa/ /ljon pa ma zhes bshad pa yin/ /phra zhing bshan la gzangs ring ba/ /bcu gnyis nyi shu lnga yi bar/ /mU la rak+ta 'dzag pa la/ /rdo rje mtshon 

</font><hr>97-1-319b<br><font size=+1>

gyis ma phog pa/ /lcug phran ma yi rigs su bshad/ /sor mo gru bzhi skra yang kham/ /smin tshogs che zhing mig kyang 'bur/ /'gram glad ring la skra mtshams dma'/ /sha mdog che zhing rna ba ring / /ba lang can zhes bya bar bshad/ /bzhin 
mdog gru gsum kha dog gnag /skra rtsub shel la khro gnyer mang / /ri mo can zhes bya bar bshad/ /skye rgyud med cing bkra mi shis/ /gcig pur 'dug pa gdong gcig ma'o/ /yan lag thams cad mes tshig bzhin/ /gtan du 'phel ba'i rgyu 
med pa/ /me reg ma yi rigs su bshad/ /gzhan yang lha 'am lha min nam/ /gnod sbyin srin po la sogs pa/ /mdor na 'jig rten khams rnams na/ /mo yi rigs can gang yang rung / /yid du 'ong dang mi 'ong rnams/ /dngos grub bsgrub pa'i 
rten yin te/ /thugs rje'i yul bas kun snyoms bya'o/ /de dag gang rnyed byin gyis brlab/ /de yi spyi bo gtsug tu ni/ /zla dkyil ma~M las kun bzang mo/ /snying gar zla dkyil la~M bsams te/ /yangs pa'i spyan du bsgom par bya/ /lce stengs 
zla dkyil yi ge pa~M/ /gos dkar ma yi lte ba la/ /zla dkyil ma~M las mA ma kI/ /yan lag bzhi yi dkyil 'khor la/ /rta~M las sgrol ma'i phyag rgyar gsal/ /lag g.yas lcags kyu'i sku ru bsgom/ /lag g.yon dril bu lcags sgrog kha/ /zhags 
pa pad+ma dag la'o/ /rdo rje thabs la yab rnams bsgom/ /de ltar gsal bar gyur pa dang / /b+ha ga'i dbyibs su me ri bsgom/ /byang chub sems kyi 'phro 'du las/ /lhag pa'i ting 'dzin dkyil 'khor bsgom/ /gsal ldan ma 'am byin brlabs bya'o/ /
mtshan ldan shes rab de nyid la/ /rin chen sna tshogs rgyan du gdags/ /gser gyi rna cha gdu bu dang / /do shal dpung rgyan se mo do/ /'jam zhing gsal bar byas pa yi/ /chos gos lnga dang ldan par bya/ /a ga ru dang du ru ska/ /dri spos tsan+dan sbyar ba yin/ /

</font><hr>97-1-320a<br><font size=+1>

khrus kyi cho ga dag par bya/ /dri zhim byug pas lus la byugs/ /rdzas kyi chu dang rdzas sbyar bas/ /nang yang dag pa'i khrus bya'o/ /de nas byang chub sems bskyed de/ /mi dmigs don la sems sbyar phyir/ /skye med byang chub sems kyi 
don/ /rgya cher rab tu bshad par bya/ /snang srid phyag rgya'i dkyil 'khor du/ /lhun gyis grub par yid ches bya/ /de nas bskul bar bya ba'i phyir/ /gsang ba'i brda yis bsre bar bya/ /sa ma ya ho zhes brjod na/ /sa ma ya s+t+wa~M zhes pas bsre/ /rA ga yA mi 
zhes brjod na/ /ra ho ha~M zhes kyang ni bya/ /ti pa su ke zhes brjod na/ /gan de tsi ta zhes pas mtshon/ /a ti pu ho zhes brjod na/ /pra ti pu ho zhes pas mtshon/ /g.yas pa smin ma bskyod na ni/ /g.yon pa'i smin mas de bzhin mtshon/ /de bzhin 
brda sna tshogs pas bsre/ /de nas bskul bar bya ba ni/ /shes rab nyi ma'i 'od zer gyis/ /thabs mchog zla ba'i 'od zer la/ /bskul ba'i cho ga 'di skad do/ /mi g.yo mchog gi rgyal po dgongs su gsol/ /rnam par rtog bral shin tu dri med sku/ /
'od zer zla rgyas 'dra ba'i mdangs ldan zhal/ /dgyes pa'i rol pa'i don la gshegs su gsol/ /thabs mchog zla ba'i 'od zer gyis/ /shes rab nyi ma'i 'od zer la/ /bskul ba'i cho ga 'di skad do/ /'byor ldan yid 'ong rgyal ba rgya mtsho'i dbyings/ /
shes rab zab mo rnam dag pad+ma'i mdangs/ /rdzu 'phrul thabs la mkhas pa'i spyod mchog ma/ /'byor ldan yid 'ong cho 'phrul sna tshogs ston/ /ho/ nyi ma'i 'od zer gyis bskul ba/ /e ma'o pad+ma 'bar ba'i ze'u 'bru 'di/ /'dzum pa'i mdangs kyis 
'bul lags na/ /dgyes pa'i rdo rje rab gsor nas/ /byang chub sems sprin dbab tu gsol/ /zla ba'i 'od zer gyis bskul ba/ /e ma'o/ 'od zer dga' ste yid 'ong ma/ /sems 'phreng gdungs pa'i shes rab gzungs/ /ga'u 'khril pa'i pad+ma la/ /rdo rje 

</font><hr>97-1-320b<br><font size=+1>

bde ba'i byang chub 'bar/ /a la la ho/ de nas gnyis med bde mchog sems/ /sangs rgyas sprin gyi tshogs chen la/ /dgyes mnyam mchog gi mchod pa dbul/ /grub pa nyi zla'i snying po de/ /rnal 'byor rdo rje chen pos blang / /'gro drug sems 
can bag chags sreg /zhi ba'i mtha' la shi ba bslang / /phyogs bcu'i rnal 'byor thugs dam bskul/ /de ltar bya ba'i dam tshig ni/ /bsgrub pa yin par rgyal bas gsungs/ /de dag dngos grub thob pa'i rgyu/ /rig pa'i dam tshig bsgoms 
pa'i lam/ /sngags kyi bdag po bdag 'grub ste/ /gang yin las la 'jug nus pa'i/ /dam tshig sgrub po chen po yin/ /zhes gsungs so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las bsnyen bsgrub rnam 
bzhi bshad pa'i le'u ste bcu gcig pa'o// //de nas bcom ldan 'das gsang ba mchog gi bdag po des 'dod pa thams cad rab tu bsgrub pa'i sprin bkod pa zhes bya ba'i ting nge 'dzin la snyoms par zhugs nas/ bsgrub pa'i mtshan nyid las dngos 
grub kyi bye brag 'di nyid kyi sku dang gsung dang thugs rdo rje las phyung ngo / /de la 'di ni phra mo'i ting nge 'dzin la bsgrub pa'o/ /de bzhin gshegs pa thams cad kyi/ thams cad mkhyen pa bsgrub pa'i phyir/ /rang sems shin tu sbyangs pas na/ /phra mo'i dngos 
grub bsgrub pa gces/ /rab tu dben pa'i gnas dag tu/ /bdag nyid nam mkha'i dbus su ni/ /zla ba'i dkyil 'khor la gnas pa'o/ /rang gi lhar ni rang bsgoms nas/ /phra mo'i sbyor ba kun du brtsam/ /rin chen rgyu las grub pa yi/ /bsnyen ma'i 
dkyil 'khor de bzhin du/ /so so'i gsung gi yig 'bru rnams/ /che chung yungs kar 'bru tshod tsam/ /snying ga'i dkyil du gsal ba las/ /hU~M gis khong du drangs nas ni/ /khong nas kha ru byung bar bsam/ /hU~M gi dbugs la zhon nas su/ /sna yi rtse 

</font><hr>97-1-321a<br><font size=+1>

mor byung ba dang / /sna rtse nyid du gsal bar bsgom/ /ting 'dzin gsal bar khugs pa dang / /sna yi rtse nas nam mkha' la/ /je ring je ring phaT kyis spro/ /ring du spro ba goms pa dang / /'od dang bcas pa'i yig 'bru des/ /phyogs 
bcur gnas pa'i sangs rgyas kyi/ gsung gi yi ge ji snyed pa/ /dbyar gyi sprin spung 'dus pa bzhin/ /hU~M gis snying ga nyid du bsdu/ /yungs kar 'bru tshod de nyid la/ /stong gsum 'jig rten kun bcug kyang / /de yi nang du sa le gsal/ /sngags 
kyis brtags pa'i lha rnams kyi/ /gnas su'ang de nyid gsal bar bsgom/ /de lta'i 'phro 'du yang dang yang / /goms par ci nus dag tu bya/ /de ni gsung gi phra mor bshad/ /so so'i gsung gi yig 'bru las/ /phyag mtshan yungs kar tsam du 
gsal/ /snying ga nyid du gsal ba nas/ /rgyal ba'i pho brang 'dus kyi bar/ /gong ma'i go rims de yis bya/ /de ni thugs kyi phra mor bshad/ /so so'i thugs mtshan gsal ba las/ /rang rang lha yi rnam par gsal/ /thugs kar yungs kar 'bru tshod 
tsam/ /gong ma'i tshul du bya bar bshad/ /de ni sku yi phra mo yin/ /de ltar lha tshogs ma lus par/ /rim gyis yang na cig car ro/ /cig car bsgom pa shin tu dka'/ /bde gshegs rgyal ba sangs rgyas kyi/ /thams cad mkhyen pa'i spyod 
yul min/ /rnal 'byor can gyis rim gyis ni/ /gtso nas 'khor gyi bar dag tu/ /yang nas yang du gsal bar bsgom/ /'di dag bsgoms pa'i yon tan ni/ /sangs rgyas nyid du 'grub par nges/ /thams cad mkhyen pa bsgrub pa'i mchog /
sku gsung thugs kyi dkyil 'khor kun/ /'di las 'byung bar gdon mi za/ /'di thos dngos grub gzhan rnams kun/ /bsgrub mi dgos par grub pa yin/ /rnal 'byor can gyis bsgom byas na/ /zla ba drug gis nges par 'grub/ /zas su 

</font><hr>97-1-321b<br><font size=+1>

bshang gci za ba'am/ /sha rnams zos na 'grub pa yin/ /zhes gsungs so/ /de la 'di ni rdo rje mi snang ba bsgrub pa'i thabs so/ /dgon pa'i gnas sam ri bo dben/ /me tog 'bras bu rgyas pa ru/ /rang gi lus ngag sems rdo rje'i/ /snying gar zla 
ba'i dkyil 'khor la/ /'jam dpal sa bon mu~M du bsgom/ /bdag lus dang ni zla ba dang / /mu~M rnams rim par je zhi la/ /stong pa nyid kyi rnam pa las/ /snying rje mu~M dang zla ba las/ /rdo rje 'jam pa'i phyag rgya bsgom/ /lus dang ngag sems rdo rje las/ /
rdo rje 'jam pa rab 'phros pas/ /'jam dpal nyid dang 'dra bar 'gyur/ /dpag tshad brgya yi khyon tsam du/ /rdo rje 'jam pa'i 'od dang bcas/ /rgyan rnams kun gyis legs brgyan pa'i/ /'jam dpal nyid du kun gyis mthong / /mngon shes ldan pa'i lha 
rnams kyis/ /lus kyi rnam pa mthong mi 'gyur/ /de nas slar ni bsdus pa las/ /thugs ka'i mu~M la thim bsams na/ /mchog tu shes rab rno ba dang / /mkhyen rab kun gyi bdag por 'gyur/ /thams cad mkhyen pa'ang thob 'gyur na/ /'jig 
rten shes bya smos ci dgos/ /zhes gsungs so/ /de la 'di ni rdo rje rig 'dzin bsgrub pa'i thabs so/ /nam mkha' dbyings kyi dbus dag tu/ /zla ba'i dkyil 'khor bsams nas su/ /rang nyid gang 'dod lhar bsgoms te/ /sku gsung thugs su byin 
brlabs pa'i/ /dam rdzas bdud rtsi rnam lnga la/ /sran ma tsam gyi ril bu bya/ /lcags gsum ga 'ur bcug nas ni/ /khar bcug rang gi snying po las/ /rab tu goms par 'di byas na/ /gang 'dod rigs 'dzin gdon mi za/ /mtha' yas zhing khams 
thams cad kyi/ /rdul snyed bzhugs pa'i sangs rgyas kun/ /de yi rjes su 'brang bar 'gyur/ /de la sogs te mtha' yas mchog /ces gsungs so/ /yang na rang gi phyag rgya ste/ /nam mkha' dbyings kyi dbus dag tu/ /zla ba'i dkyil 'khor steng du ni/ /

</font><hr>97-1-322a<br><font size=+1>

bdag nyid gang 'dod lhar bsgoms te/ /rang gi phyag rgya brnyan mar bya/ /lag tu thogs la rang rig sngags/ /bzlas na rig 'dzin gang yin 'gyur/ /rang gi lha ni gang yin pa'i/ /yon tan dag ni de thob 'gyur/ /zhes gsungs so/ /
de la 'di ni rdo rje lha dang / /lha mo dgug pa'i cho ga'o/ /shing gcig drung ngam bzhi mdo 'am/ /mtshan ma gcig dang zhi gnas su/ /bdag nyid gtso gzung ldan byas nas/ /sku gsung thugs kyi bdag nyid bsam/ /sku gsung thugs kyi rdo rje las/ /lag 
na kyo ba thogs pa yi/ /sprul pa bsam yas 'phro bar bya/ /dza yA ra Na phaT/ gang dgug lha 'am bud med dam/ /ya~M las rlung gis bteg bsams te/ /kyo bas gdan nam snying gnas/ /gzung ste hU~M gis bsdus byas na/ /sangs rgyas grags pa 
chen po yang / /rang dbang med par khugs 'gyur na/ /'jig rten bu mo smos ci dgos/ /gang 'dod las de byed par 'gyur/ /zhes gsungs so/ /de ni 'di ni rdo rje lce bsgrub pa'i thabs so/ /bdag nyid sngags kyi skyes bu yi/ /rdo rje'i skur ni rab bsgoms 
la/ /lce la pad+ma'i dkyil 'khor du/ /rdo rje'i sbyor bas o~M du bsam/ /de las rdo rje gsung du gyur/ /bsam yas a~M gi 'phro 'du las/ /sangs rgyas gsung dang sems can dag /bdag gi lce la 'dus pa ru/ /yang nas yang du goms par bsdu/ /
'jig rten tshig gam chos kyi sgra/ /ngag brjod bden zhing nyan pa dang / /brdzun dang phra ma tshig rtsub sogs/ /ngag gi nyes pa ci brjod kyang / /lce sgrib spangs par gdon mi za/ /zhes gsungs so/ /de la 'di ni sha rnam pa lnga'i dngos grub bsgrub pa'i thabs 
so/ /bdag nyid lus ngag sems rdo rje/ /rdo rje gsum du rnam par bsgom/ /mtshan dang dpe byad yang dag ldan/ /ye shes dam tshig snying gar bsgom/ /dbu rgyan rdo rje gsal bar bya/ /sha chen dag ni thams cad la/ /sa bon oM gyis rnam par sbyang / /

</font><hr>97-1-322b<br><font size=+1>

srid gsum sems can thams cad kyi/ sha chen ji snyed yod pa kun/ /o~M gyi 'phro 'dus bsdus nas ni/ /spyod tshe bdag la thim par bsgom/ /glang po dag gi sha rnams la/ /hU~M lce'i dam tshig rdo rje la/ /rdo rje can gyi hU~M du bsgom/ /ye shes 
lnga yi sbyor ba yis/ /zos na dam tshig sku gsung thugs/ /rdo rje thob par gdon mi za/ /phyag na rdo rje'i mthu stobs 'grub/ /cho ga go rims de yis ni/ /glang po dag gi sha rnams la/ /hU~M gi 'phro 'dus rab sbyangs te/ /zos na mngon shes lnga thob 'gyur/ /
rta sha dag ni thams cad la/ /swa yi 'phro 'dus rab sbyangs te/ /zos na mi snang kun gyi mchog /khyi sha dag ni thams cad la/ /ha yi 'phro 'dus rab sbyangs na/ /dngos grub rab 'bring tha ma kun/ /yid bzhin nor bu lta bur 'gyur/ /gnyid kyi dgra yang 
mod la 'joms/ /ba glang sha ni thams cad la/ /a~M gyi 'phro 'dus sbyang byas te/ /cho ga bzhin du zos na ni/ /sangs rgyas kun gyi longs spyod 'phrog /mthu chen kun gyi bu mo yang / /spyod par 'gyur ba gdon mi za/ /zhes gsungs so/ /de la 'di ni 
rdo rje mngon par shes pa lnga bsgrub pa'i thabs so/ /rab tu dben pa'i gnas dag tu/ /bdag nyid rnam pa kun ldan pa'i/ /sngags kyi lus su rnam sbyangs nas/ /mig gi dbang po thams cad la/ /yig 'bru lnga yis rab sbyangs te/ /'od zer lngar ni 'phro 
ba las/ /sangs rgyas sems can thams cad/ /mig gi mngon shes kun bsdus nas/ /dbang po de la thim pa dang / /zos sam mig la rtag bskus na/ /sangs rgyas sems can thams cad kyi/ /spyod yul ji snyed yod pa kun/ /shing thog 
lag tu bzhag pa bzhin/ /rdo rje mig gi gsal bar mthong / /cho ga gong ma'i tshul gyis ni/ /rna ba'i dbang po thams cad la/ /sangs rgyas sems can thams cad kyi/ rna ba'i mngon shes kun bsdus nas/ /zos sam rna ba'i nang bzhag na/ /sangs rgyas 

</font><hr>97-1-323a<br><font size=+1>

sems can thams cad kyi/ /sgra rnams thams cad ji snyed pa/ /rna ba'i drung du 'dod pa bzhin la/ /snying gi bye brag thams cad la/ /sangs rgyas sems can thams cad kyi/ /dran pa'i mngon shes kun bsdus nas/ /zos sam snying gar 
bzhag na ni/ /sangs rgyas sems can thams cad kyi/ thugs dang sems kyi rgyud dag ni/ /mkhyen cing rig pa kun shes 'gyur/ /yum gyi mkha' las byung ba yi/ /rak+ta dag ni thams cad la/ /sangs rgyas sems can thams cad kyi/ /gnas 
rnams ma lus kun bsdus nas/ /zos sam snying gar bzhag na ni/ /sngon gyi gnas kyi gtan tshigs rnams/ /zhag gsum lon bzhin gsal bar 'gyur/ /snying gar ye shes sems dpa' bsgom/ /phyogs bcur gnas pa'i sangs rgyas rnams/ /
bkug nas de dag rdzu 'phrul rnams/ /phrogs nas snying gar bsdu byas na/ /sangs rgyas dag ni thams cad kyi/ /rdo rje rdzu 'phrul thams cad kun/ /'grub par 'gyur bar gdon mi za/ /zhes gsungs so/ /de la 'di ni rdo rje bsrung ba bsgrub pa'i thabs so/ /sku gsung 
thugs ni rnams bsgoms la/ /snying gar nyi zla'i dkyil 'khor las/ /khro bo 'od kyi phreng ba yis/ /bsrung bar bya ba'i zug rngu rnams/ /phyung ste med par bsams nas ni/ /lha rnams dag ni thams cad kyi/ phyag rgya dag ni thams cad dam/ /yang na rdo rje 
rgya gram mam/ /rdo rje go cha'i phyag rgya yis/ /lus dang ngag sems rab bsrungs na/ /sangs rgyas kyis kyang mi tshugs na/ /phal pa rnams kyis smos ci dgos/ /zhes gsungs so/ /las 'di sbyar bar bya ba yang / /ljongs sam grong khyer grong dag tu/ /
sngags kyi bdag por rab gnas la/ /nad kun spong ba'i las 'di bya/ /rdo rje rtse lnga 'od 'phro ba/ /bskal pa'i me bzhin bsams nas su/ /spros pas nad rnams bsregs nas ni/ /slar yang rdo rje nyid la bsdu/ /de nas rdo rje de nyid las/ /'od zer 

</font><hr>97-1-323b<br><font size=+1>

ser po spros pa yis/ /nad rnams stong pa'i gnas de dag /bskal pa yun du gang bsams te/ /goms par yang dang yang bsams na/ /nad rnams thams cad sel bar byed/ /de na 'khor ba'i skye bo rnams/ /sprul pa'i bde ba thob par 'gyur/ /
bde gshegs rnams kyis byin gyis rlob/ /tshe ring lang tsho bde bar 'gyur/ /zhes gsungs so/ /de la 'di ni zhi ba bsgrub pa'i thabs so/ /rab tu dben zhing nyams dga' bar/ /rnam par snang mdzad bsgom pa ni/ /nam mkha'i dbus su zla ba la/ /
dkyil 'khor zlum po bsams nas su/ /rnam par snang mdzad dkyil 'khor bskyed/ /snying gar zla ba'i dkyil 'khor la/ /bud d+ha lo tsa'i snying po bsam/ /de las lha mo'i skur spros pas/ /mkha' dbyings yongs su gang bar bsgom/ /slar 'dus 'od kyi 
thig ler gsal/ /de nyid bdag gi lus la dbab/ /bdag gi ba spu'i bu ga nas/ /sangs rgyas sprin chen rab 'phros te/ /'dod pa'i lus nang gang bar bya/ /sangs rgyas sprin gyis de lus la/ /dbang bskur ba ni rab tu stsol/ /de yis skad cig de yi tshe/ /
drag po gtum po'ang lhan ner 'gyur/ /zhes gsungs so/ /de la 'di ni rgyas pa'i bsgrub pa'i thabs so/ /nam mkha'i dbus su zla ba la/ /chos kyi sems dpa' bsgom par bya/ /snying gar zla ba'i dkyil 'khor la/ /gos dkar can gyi snying po bsam/ /
de las gos dkar nyid 'phros pas/ /mkha' dbyings yongs su gang bar bsgom/ /de las 'od kyi gong bu ni/ /gru bzhi lam par gsal bar bsdu/ /ba spu rnams kyi bu ga nas/ /rin chen sprin chen rab spros pas/ /rdo rje chos su bsgoms nas su/ /'dod 
par bya ba'i lus nang dgang / /yang nas yang du 'di byas na/ /bar snang ci 'dod rgyas par 'gengs/ /nor bu rin chen bzhin 'drar 'gyur/ /dgos pa phra mo smos ci dgos/ /zhes gsungs so/ /de la 'di ni rdo rje dbang du bsdu ba bsgrub pa'i thabs so/ /rdo rje dkyil 

</font><hr>97-1-324a<br><font size=+1>

'khor zla gam ni/ /nam mkha'i dbyings kyi dbus su bsam/ /rdo rje chos mchog gzugs su bsam/ /snying gar zla ba'i dkyil 'khor la/ /nyid kyi snying po bsam par bya/ /rgyal ba sras dang bcas rnams kyis/ /mkha' dbyings 
thams cad gang bar bsgom/ /'od zer sna lnga 'phros pa yis/ /'dod pa la ni dbab par bya/ /de nas bsdus te bdag nyid kyis/ /sku gsung thugs kyi byin bsdus na/ /sangs rgyas nyid kyang dbang 'du na/ /'gro ba dbang med smos ci dgos/ /zhes gsungs so/ /
de la 'di ni rdo rje drag po bsgrub pa'i thabs so/ /nam mkha' dbyings kyi dbus su ni/ /nyi ma'i dkyil 'khor steng du ni/ /khros pa'i gzugs rnams bsgom bya ste/ /bskal pa'i me dpung 'phros pa las/ /khros pa'i rdo rje srin po dang / /sna tshogs wa dang bya 
rog dang / /bya rgod khyi la sogs pa yi/ /phra men bsam yas mi bzad pas/ /mkha' dbyings gang bar bsgoms nas su/ /sangs rgyas kun la gnod byed na/ /dngos sam yang na bsams nas kyang / /mtshon cha thogs pa de dag gis/ /snying dang 
nang grol dbang po kun/ /drangs te zos par rab bsgoms na/ /dgra rnams 'chi bar nges pa ste/ /de ltar rab tu bsgoms na ni/ /rgyal ba rdo rje 'dzin pa yang / /zla ba phyed kyis 'chi 'gyur na/ /dam tshig nyams pa smos ci dgos/ /zhes gsungs so/ /de la 'di ni 
skye 'gro 'dul ba'i phur bu bsgrub pa'i thabs so/ /sdig pa byed dam gnod byed pa/ /rdo rje phur bus gdul bar bya/ /dur khrod gnas sam rkang gcig tu/ /bdud rtsi 'khyil pa'am ki li'am/ /gang yang rung bar gnas byas la/ /rdo rje phur bu rab tu bsgom/ /
me stag 'phro ba'i 'od 'phro bas/ /ri rab gling bzhi'i gzugs byas la/ /rang gi sngags kyis gdab par bya/ /de ltar rab tu gdab byas na/ /'gro dang mi 'gro thams cad kun/ /dul bar gyur par gdon mi za/ /zhes gsungs so/ /de la 'di ni gzhan gyi rig 

</font><hr>97-1-324b<br><font size=+1>

sngags gnon pa bsgrub pa'i thabs so/ /nam mkha' dbyings kyi dbus su ni/ /dbang chen dkyil 'khor bsgoms nas ni/ /las kyi sems dpar bdag gnas la/ /g.yas pa rdo rje rtse lnga bzhag /rig sngags byed pa bsams nas ni/ /las kyi rdo rje'i rkang 
pa dag /de yi spyi nas mnan par bsgom/ /rig sngags nyid kyang mnan par bsam/ /des ni mu stegs can dag dang / /phas kyi rgol ba thams cad kun/ /mnan par 'gyur te the tshom med/ /ces gsungs so/ /de la 'di ni gzhan gyi dpung mnan 
pa bsgrub pa'i thabs so/ /nam mkha' dbyings kyi dbus su ni/ /nyi ma'i dkyil 'khor dbus gnas par/ /gzhan gyis mi thub khro bo che/ /pad+ma dmar ser mdog 'dra ba/ /shin tu che zhing brjid pa bsgom/ /pha rol dmag dpung 'og dag tu/ /rlung dang 
mtsho dang sa skyed la/ /de la gnas pa'i dpung rnams kyis/ /steng du zla ba'i dkyil 'khor bsam/ /de steng rdo rje rgya gram gyi/ /steng du ri rab rnam par bsgom/ /de yi steng du mnan bsams na/ /sangs rgyas dpung yang gnon par nus/ /mi rgyal dpung 
la smos ci dgos/ /zhes gsungs so/ /de la 'di ni dgra'i dpung rmongs par bya ba bsgrub pa'i thabs so/ /dgra 'am dpung gi gzugs brnyan dag /bsams sam gzugs su byas nas ni/ /rdo rje phur bu tshad ldan la/ /hU~M las khro bo'i skur bskyed nas/ /
rang gi rig sngags rab bzlas te/ /snying gar btab par rab bsgoms nas/ /khros pas byas na sangs rgyas kyi/ /dpung yang myos par gdon mi za/ /zhes gsungs so/ /de la 'di ni chu la 'bying ba med pa bsgrub pa'i thabs so/ /nam mkha' dbyings 
kyi dbus su ni/ /sngags kyi bdag po rab tu bsgom/ /chu yi steng ni thams cad du/ /sangs rgyas dag gis gtams par bsgom/ /steng nas dal gyis bcag par bsam/ /sangs rgyas dag ni thams cad kyi/ /spyi bo'i steng du rkang pa bsgom/ /de ltar 

</font><hr>97-1-325a<br><font size=+1>

rab tu goms pa dang / /sa la 'gro bzhin nus par 'gyur/ /zhes gsungs so/ /de la 'di ni thogs med rlung gi dngos grub bsgrub pa'i thabs so/ /nam mkhar rdo rje dbus su ni/ /zla ba'i dkyil 'khor dbus gnas par/ /lha yi rnal 
'byor bsgom par bya/ /'og gi phyogs su ya~M las ni/ /rlung gis rab tu bteg par bsgom/ /de ltar rab tu bsgom byas na/ /mkha' la bya bzhin 'gro bar nus/ /zhing khams kun du bgrod par 'gyur/ /zhes gsungs so/ /de la 'di ni nyi ma gsal ba 
zhes bya ba'i dngos grub bsgrub pa'i thabs so/ /sku gsung thugs ni rdo rje yi/ /snying gar nyi ma'i dkyil 'khor bsam/ /de las 'od du 'phros pa las/ /mun pa'i gnas rnams bsal bar nges/ /zhes gsungs so/ /de la 'di ni rlung bcad pa bsgrub pa'i 
thabs so/ /bdag nyid rlung gi phyogs song la/ /stegs bu gru bzhi lham par bya/ /spos kyi thig le bdun byas te/ /ya~M las rlung bdun bskyed par bya/ /rlung lha dgug pa byas nas su/ /kham phor gyis ni dgab byas te/ /de steng la~M las ri rab bsgom/ /
ri rab rtse la khro bo ni/ /'bar ba dag gis mnan par bsgom/ /des ni 'jig pa'i rlung rnams kyang / /bcings par 'gyur bar gdon mi za/ /zhes gsungs so/ /de la 'di ni char pa dbab pa'i thabs so/ /nam mkha' dbyings kyi dbus su ni/ /
pad+ma 'dab ma brgyad pa bsgom/ /dbus su khro bo stobs po che/ /'dab ma la ni klu brgyad po/ /bsgoms sam yang na bris kyang rung / /khro bo'i zhabs kyi mthil gyis ni/ /klu rnams rab tu mnan nas su/ /hU~M gnyis bar du klu rnams kyi/ /snying po spel 
cing gzir nas su/ /klu rnams gnas pa'i sa phyogs su/ /hU~M zhes bya ba bzlas brjod bya/ /khro bos mnan pa'i klu rnams kyi/ /kha nas char pa skyugs bsams na/ /'jig dus lta bu'i char pa'ang 'bab/ /ces gsungs so/ /de la 'di ni char pa dang 

</font><hr>97-1-325b<br><font size=+1>

ser ba gcad pa'i thabs so/ /nam mkha'i dbyings kyi dbus su ni/ /nyi ma'i dkyil 'khor dbus gnas par/ /rta mchog dpal ni rnam par bsam/ /nyi ma'i mdog 'dra 'od bzang zhal/ /nam mkha' khyab par rnam par gdangs/ /lce yi steng du hU~M 
bzhag ste/ /me ri 'od dang bcas pa yis/ /char chus gang ba'i sprin rnams kun/ /bskam zhing lce yis blangs bsams na/ /skam par 'gyur bar gdon mi za/ /yang na lce stengs de nyid du/ /ya~M las rlung du bsgoms nas ni/ /bus pas sprin rnams 
gtor bar 'gyur/ /yang na ral gri'i phyag rgya yis/ /char sprin dang ni klu yi gzugs/ /bcad cing dum bur gtubs bsams te/ /hU~M zhes bya ba'i sdigs mdzub kyis/ /bsdus te rang rig sngags bzlas na/ /'jig pa'i char che de rnams kyang / /skad cig 
na ni med par 'gyur/ /zhes gsungs so/ /de la 'di ni bgegs bsal ba'i thabs so/ /nam mkha'i dbus su nyi ma yi/ /dbus su khro bo rnam bsgom pa/ /mi g.yo mgon po'i phyag rgya che/ /rig pa mang pos bskor ba'o/ /rang rig sngags dang 
stangs tshul gyis/ /hU~M dang phaT ces rnam bsgrags na/ /khams gsum dregs pa thams cad kyang / /rdul phran bzhin du rlag par 'gyur/ /zhes gsungs so/ /de la 'di ni chom rkun bcing ba'i thabs so/ /rkang rjes sa dang khyi khrag las/ /mtshan 
ma ming du bcas par bya/ /mi yi rus pa'i phur bu la/ /'od zer can gyi sngags bzlas pas/ /lan grangs nyi shur bsngags nas ni/ /mig gnyis su ni gdab par bya/ /gzugs brnyan tshogs la phul nas ni/ /rdo rje gtun shing dag gis brdung / /
oM sum b+ha badzra mu sa le na tsur+NA ya na ra big+h+nan hU~M phaT/ las 'di brtsam pa byas na ni/ /mi rgod bzlog par gdon mi za/ /zhes gsungs so/ /de la 'di ni me bsad pa'i thabs so/ /me ni mched pa'i sa phyogs su/ /mkha' lding rgyal po bya khyung ni/ /stang 

</font><hr>97-1-326a<br><font size=+1>

zil lta bu'i kha dog la/ /sbrul nag stong gis rab brgyan pa'i/ /gshog pa mkha' la gdengs pa bsgom/ /klu rnams dang ni sprin dag la/ /rdo rje tshig tu bsgo ba ni/ /char chen phob la me sod ces/ /thos nas sprin tshogs bum pa 
yi/ /char gyis me yang gsod par 'gyur/ /gshog pas me nyid bkab nas su/ /mchus brkos chus ni mtshams bcad na/ /bskal pa'i mes kyang 'tshig mi nus/ /oM badzra na ra ya Na/ ni rba ba ya ti na ba~M bu me g+he hU~M zhes gsungs so/ /de la 'di ni thog 
bzlog pa'i thabs so/ /nam mkha' dbyings kyi dbus su ni/ /bde ba chen po zhes bya ba/ /zhal gsum phyag bzhir rnam par gnas/ /ston ka'i zla ba'i mdog 'dra ba/ /snyems ma dang ni byams ma dang / /chu srin rgyal mtshan zhes bya ba/ /me tog 
rol pa zhes bya yi/ /lha mo bzhi yis rnam par bskor/ /g.yas pa'i phyag gis rdo rje gsor/ /g.yon pa'i dril bu dkur brten pa/ /phyag gnyis mda' gzhu 'gengs pa ste/ /sku las sems dpa' 'byung ba'i sprin/ /thor tshugs gsal ba rnam par bsgom/ /
nam mkha' las ni babs pa yi/ /thog ni rang rig sngags kyis bzlog /a~M ma hA su kha badzra che ge mo dza/ o~M su ra ta ban+d+ha hU~M phaT ces gsungs so/ /de la 'di ni gzhan gyi lce gnon pa'i thabs so/ /mar gyi tshes brgyad bcu bzhi la/ /dur khrod sol ba blangs 
nas su/ /sngags kyi bdag por bsgoms nas su/ /dbang chen dkyil 'khor steng du ni/ /mi snyan smra ba'am shags rgol ba'i/ /lce yi gzugs su bris pa yi/ /steng du zla ba'i dkyil 'khor la/ /rdo rje rgya gram bsgoms pa yi/ /dbus su ri rab bskyed 
par bya/ /de steng bdag gis mnan bsams na/ /tshig dbang lha yang dbang 'gyur na/ /shags la sogs pa smos ci dgos/ /zhes gsungs so/ /de la 'di ni pra dbab pa bsgrub pa'i thabs so/ /lo grangs bcu gnyis lon pa yi/ /khye'u bu mo gang yang rung / /

</font><hr>97-1-326b<br><font size=+1>

mtshan nyid thams cad yongs rdzogs pa/ /dbab pa'i snod du rab tu brtag /ting 'dzin rtsal dang ldan pas bya/ /gzhan gyis byas na dpyas par 'gyur/ /dang por phyi nang khrus byas te/ /sdig pa sbyang phyir 'dul khrims dbog /'od kyi 'phro 'dus byin gyis brlab/ /
rgyan gyi khyad par rnams kyis brgyan/ /snying gar hU~M ni bsgom par bya/ /spyi bo gtsug tu ha bsgom mo/ /a ni kha ru de bzhin te/ /de nas mdun gyi nam mkha' la/ /'phags pa kun mkhyen spyan drangs te/ /de las 'od zer bskul zhing dbab/ /ng+ha ni bskul 
ba'i sngags tshig ste/ /gang dbab dz+hau yis bskul bar bya/ /byis pa'i lus la thim par bsam/ /byis pa'i tsit+ta gzhal med khang / /dbab pa'i lha nyid bzhugs bsams te/ /lag rgya rdo rje thal mo las/ /sor mo phyir bsnol kha sbub la/ /mtheb gnyis so so'i 
mthil bkug pa'o/ /rdo rje tshig tu bzlas pa'i sngags/ /che ge mo zhig a a zhes/ /brjod cing rab tu bskul byas na/ /'gul ba dang ni g.yo bar 'gyur/ /khru gang tsam nas lnga yi bar/ /'jigs skrag nas ni 'phar bar 'gyur/ /snying la gnas pa'i 
lha des ni/ /smra gsung kun dang ldan pa ste/ /'jig rten 'das dang 'jig rten pa'i/ /ci 'dod gtam ni smra bar 'gyur/ /rtog pa thams cad bral ba yi/ /rdo rje sems dpa' chen po yang / /cho ga 'di yis 'bab 'gyur na/ /'jig rten pa lta smos ci dgos/ /
zhes gsungs so/ /de la 'di ni dug gtang ba'i thabs so/ /sbrul ni mi sdug gdug cing khro/ /'jigs byed nag po rab tu 'bar/ /dug gi lce gnyis mche ba can/ /sol ba rdo rgyus dag gis bri/ /bskul ba'i yi ge snying po 'di/ /sbrul gyi khong par rab 
tu bsam/ /khaM kha de nang mi zad dug /'jigs par bde ba rab bsgoms na/ /sbrul de rab tu 'gul bar 'gyur/ /de nas zos shig ces bskul te/ /mtshan ma nas ni zhugs nas ni/ /khong du song ste zos bsams na/ /dug gis gzung bar 

</font><hr>97-1-327a<br><font size=+1>

gdon mi za/ /zhes gsungs so/ /de la 'di ni dug dbyung ba'i thabs so/ /nam mkha' dbyings kyi dbus su ni/ /zla ba'i dkyil 'khor dbus gnas par/ /spyan ras gzigs ni bsgom par bya/ /kha dog dkar po hri spros te/ /dug can 
khong du zhugs pa yis/ /dug rnams hri la 'dus nas ni/ /hU~M gis khong nas phyir phyung dang / /phaT kyis bar snang khams su gtor/ /yang na gzhan gyi khong du spo/ /des ni de ma thag tu yang / /dug rnams dbyung bar gdon mi za/ /zhes gsungs so/ /de 
la 'di ni dug spo ba'i thabs so/ /dug can snying gar o~M dkar las/ /'od zer dkar pos dug bsdus pas/ /o~M nyid nag por snang byung nas/ /gzhan gyi lce 'am mtshan ma 'am/ /khong du zhugs par rab bsgoms na/ /'pho ba rtag tu gdon mi za/ /
zhes gsungs so/ /de la 'di ni nye ba'i dug gso ba'i thabs so/ /mdze 'bras shu ba phol mig dang / /'brum bu la sogs nad rnams kun/ /a dkar dag gi 'phro 'du yis/ /gong ma bzhin du dbyung bar bya/ /spo ba yang ni de bzhin no/ /de ni khams las 
gyur pa yi/ /nad rnams thams cad nges par sel/ /zhes gsungs so/ /de la 'di ni bkres skom zhi ba sgrub pa'i thabs so/ /bkres skom can gyi nyon mongs pa'am/ /yang na bsgrub pa'am gang yang rung / /sbyor ba 'di ni brtsam par bya/ /rnam par snang 
mdzad gzugs chen po/ /nam mkha'i dbus su bsgom par bya/ /ba ni kha yi nang du bsgom/ /o~M ni lce la rnam bsams te/ /yid bzhin bdud rtsi lta bu yi/ /bza' ba'i gnas su de nyid bsam/ /des ni bkres skom sdug bsngal sel/ /zhes gsungs 
so/ /de la 'di ni rnam par dag pa bsgrub pa'i thabs so/ /o~M ni mig la rab bsams te/ /yul kun rnam snang mdzad du bsgom/ /de ltar rtag tu goms pa dang / /chos kun sku gsung rdo rje mthong / /de nyid rnam dag spyan du grags/ /zhes gsungs so/ /

</font><hr>97-1-327b<br><font size=+1>

de la 'di ni 'jig rten pa'i lha mthu bo che rnams zil gyis gnon cing tshig nyan pa bsgrub pa'i thabs so/ /nam mkha' rdo rje'i dbus su ni/ /nyi ma'i dkyil 'khor dbus gnas par/ /khams gsum rnam par rgyal ba bsam/ /b+hi zhes bya ba'i snying po 
yis/ /mthu chen rnams ni drangs nas su/ /bsdigs pa dag kyang byas nas ni/ /zil gyis gnon cing nyan par 'gyur/ /zhes gsungs so/ de la 'di ni lha mo tsun d+ha bsgrub pa'i thabs so/ /sngags kyi bdag por bdag gnas pa'i/ /snying gar nyi ma'i 
dkyil 'khor la/ /tsa~M zhes bya ba'i 'phro 'du las/ /bdag nyid tsun d+ha'i gzugs su bsgyur/ /rnam pa'i mchog rnams kun ldan pa'i/ /kha dog dkar po rab tu bsgom/ /'di ni chos dbyings bsgrub pa ste/ /bud med thams cad 'grub par 'gyur/ /
zhes bshad do/ /de la 'di ni dza~M b+ha la nor bsgrub pa'i thabs so/ /nam mkha'i dkyil 'khor dbus su ni/ /sangs rgyas dkyil 'khor bsgom par bya/ /snying gar dza~M gyi 'phro 'du las/ /dza~M b+ha la yi gzugs dag gis/ /bar snang khams kun gang ba ni/ /
mdog sngon thor tshugs kyis brgyan pa/ /gsus po che la mi thung gzugs/ /yid bzhin nor bu thogs pa yis/ /dbul ba thams cad sel bar bsam/ /'dod pa la ni de dag dab ba/ /des ni dbul ba sel bar byed/ /nor dang gter gyi bdag por 'gyur/ /
zhes gsungs so/ /de la 'di ni rdo rje any+dza na bsgrub pa'i thabs so/ /shing gcig drung ngam bzhi mdo 'am/ /ma mo'i gnas sam zhi gnas su/ /rdo rje any+dza bsgrub par bya/ /pad+ma ban d+ha kha sbyar du/ /tshil chen bshang gci khu ba dang / /ma hA ra k+ta las 
byung ba'i/ /du ba ban d+har chags pa dang / /bshang gci rak+tas sbrus nas ni/ /ril bu lcags gsum gyis dkris pa/ /gsum du byas na de nyid la/ /rang gi gsang sngags brgya rtsa brgyad/ /nyi shu dgu yi nam phyed na/ /btab na dngos grub grub 'gyur 

</font><hr>97-1-328a<br><font size=+1>

te/ /mig la bskus na ci yang mthong / /mi snang ba dang rkang mgyogs dang / /de la sogs pa'i dngos grub rnams/ /thob par 'gyur te gdon mi za/ /zhes gsungs so/ /de la 'di ni rdo rje ro langs bsgrub pa'i thabs so/ /nam mkha'i 
dbyings kyi dbus su ni/ /nyi ma'i dkyil 'khor dbus gnas par/ /bdud rtsi 'khyil pa rnam par bsgom/ /dur khrod ri brag gnyan pa'i sar/ /ro yi rdzas btsal de nas kyang / /ro yi gnyen por bdag bsams te/ /de yi steng du bdag gnas la/ /
de la dkyil 'khor tshang bar bsgom/ /de sngags rgyun du bzlas bya zhing / /dgug pa'i pho nya drag tu bskul/ /mdog mdangs bkrag snum byung ba dang / /bdud rtsi yis ni bsku bar bya/ /de nas 'gul bar gyur pa dang / /phyag rgya bzhi yis gzhum par 
bya/ /sngags kyi 'phro 'du rgyun mi gcad/ /de nas rab tu 'phar ba dang / /'gro ba ris drug gang yin pa/ /rdo rje drag tu gdab par bya/ /rdo rje so yis gcad bya zhing / /sngags zlos khong du bstim par bya/ /de nas langs par gyur pa dang / /rdo rje byin 
nas dbang yang bskur/ /bdud rtsi'i chu yang blud par bya/ /las rnams gang 'dod byed du gzhug /yang na gser ram gos mtshon nam/ /rkang mgyogs la sogs dngos grub rnams/ /ji ltar 'dod pa rkyen gyis bsgyur/ /gang 'dod pa de 
gdon mi za/ /zhes gsungs so/ /de la 'di ni rdo rje sgyu ma bsgrub pa'i thabs so/ /bdag nyid lha yi rnal 'byor gyis/ /rde'u shing bu yi rgyu dag las/ /ji ltar 'dod pa'i gzugs byas te/ /she'u re sman gyis byugs nas ni/ /rdo rje sngags 
kyis tshig 'di bzlas/ /she'u re'u i na ya/ /a mo ka a g+hus sa g+hus/ /shing bu dag gis gdab bya zhing / /ji ltar 'dod pa'i gzugs su 'gyur/ /des ni sna tshogs gzugs su 'gyur/ /bsdu bar 'dod na slar la bzlog /de yang bkri drang 

</font><hr>97-1-328b<br><font size=+1>

thabs su 'gyur/ /zhes gsungs so/ /de la 'di ni ro bsreg pa'i bsgrub thabs so/ /nam mkha'i dbyings kyi dbus su ni/ /bdag nyid 'jigs byed skur bsgoms te/ /ro la sngags kyis btab nas ni/ /dri zhim chu yis byug par bya/ /zhun 
chen khu bar btsos pa yi/ /ras kyis kyang ni dkri bar bya/ /dbang po rnams kyi gnas dag tu/ /lha yi phyag rgya dgod par bya/ /gnas der sdong bu re re la/ /lha rnams snying po bris pa gdags/ /ro yi phyi rol shun pa la/ /'gro drug sa bon bkod 
nas ni/ /rim gyis sbyang ba'i las su bya/ /thab khung dkyil gang yin pa yi/ /phyag rgya gzhung dang mthun par dgod/ /de stengs shing brtsigs gru bzhi la/ /ka ba zur bzhi sum brtsegs kyi/ /bar khang yang thog bcas par bya/ /bar khang ro gzhag 
shar du bstan/ /yang stengs ras sam shog shog la/ /bris pa'i phyag rgya tshang bar dgod/ /bar khang glo skar phyogs bzhi nas/ /gzungs thag phyogs bzhir bla mar dbul/ /de mthar 'khor gyi lha rnams dgod/ /de nas rdo rje rgyal po yis/ /me 
yi 'phro 'du rgyun mi gcad/ /rdo rje las kyi kar ma yis/ /las kyi phreng ba rdzogs par rol/ /rdo rje bla ma gcig gis ni/ /ro yi nyes pa bgrang zhing bshags/ /rdo rje skabs sbyor chen po yi/ /rdo rje mchod pa skabs su dbul/ /bkra shis gnas kyi 
smon lam ni/ /skabs sam mjug tu gdab par bya/ /rdo rje grangs kyi ting 'dzin gyis/ /grangs gzung dkar byang bla ma dbul/ /sdig pa'i gnag byang gshegs shing bsreg /me lha spyan drang mchod pa bya/ /bstod pa dag kyang legs par bya/ /ro yi 
sgrib pa 'byongs ma 'byongs/ /me la ltas su blta bar bya/ /mtshan ma mi sdug byung ba na/ /bsreg sbyang cho ga rgya cher bya/ /de ni tshogs rnams rdzogs par 'gyur/ /zhes gsungs so/ /de la 'di ni rdo rje thal chen bsgrub pa'i thabs so/ /de la thal ba thams 

</font><hr>97-1-329a<br><font size=+1>

cad kun/ /gu gul nag po dang sbyar ba/ /ril bu lcags gsum gyis dkris pa/ /rdo rje 'joms pa'i phyag rgya dang / /rdo rje drag po'i sngags btab na/ /bar du gcod pa'i gnyen por 'gyur/ /zhes gsungs so/ /de la 'di ni phrin 
las bzhi'i sgrub thabs so/ /las bzhi so so'i khyad par gyis/ /rdzas dang kha dog phyogs dang dbyibs/ /yam shing bsreg rdzas khyad par las/ /dkar dang dmar ser mthing gnag las/ /shar lho nub byang phyogs dag tu/ /zlum po le'u tshe 
pad+ma zhi/ /gru bzhi zur brgyad 'khor lo rgyas/ /gru chad gzhu dbyibs zla gam dbang/ /gru gsum b+ha ga mngon spyod pa'o/ /ting 'dzin byams dang dang bas zhi/ /snying rje dga' bas rgyas pa ste/ /dga' dang chags pas dbang du 'gyur/ /btang 
snyoms khros pas drag por 'gyur/ /so so'i las kyi lha rgyud la/ /sngags dang phyag rgya la sogs dang / /glu rgyud 'byor pas mchod par bya/ /zhal du gyur pa'i me bos la/ /khro bos ye shes me ru sbyang / /so so'i rgyud du bshad bstabs te/ /
klong yangs 'khyil pa'i hom khung du/ /dam rdzas bdud rtsi 'bar ba yis/ /sbyang dang thob phyir bsreg par bya/ /nyon mongs lnga yi dam rdzas ni/ /ye shes lnga yi klong du dbul/ /phung po lnga ni yab lnga la/ /'byung ba yum lnga'i dbyings su bstim/ /
shes pa brgyad ni ma brgyad la'o/ /yul brgyad phra men brgyad la bstim/ /skye bzhes bsdus pa'i sreg rdzas rnams/ /rnam thar sgo bzhi'i klong du bstim/ /sgrib dang dngos grub don rnams ni/ /me la mkhas pas brtag par bya/ /so so'i dbyibs 
dang kha dog la/ /dbyibs dang kha dog shes par bya/ /zhes gsungs so/ /de la 'di ni rdzas bsgrub pa'i thabs gsang ba'o/ /phun sum tshogs pa bzhi ldan nas/ /gnas dang sa gzhi brtags par ni/ /sa stegs tshon gyis bri bar bya/ /dbus su 

</font><hr>97-1-329b<br><font size=+1>

thig bzhi le'u tshe dgu/ /de'i mtha' 'khor lo rtsibs brgyad bya/ /sgo bzhi sgo khyud bcas par bri/ /mtha' zad bskal pa'i me ri 'bar/ /dbus su zla gam kha sprod bri/ /phyogs mtshams brgyad du kha~M brgyad bri/ /'khor lo'i bar khyams mu khyud 
la/ /nang du bltas pa'i kha~M brgyad gsal/ /rtsibs la nang du lta ba brgyad/ /mu khyud brgyad la phyir bltas brgyad/ /gru chad bzhi la nang bltas bzhi/ /sgo bzhir phyir blta bri bar bya/ /phyi rol bar khyams de dag la/ /phyi lta nyi shu rtsa brgyad 
bri/ /bskal pa'i me ri phyi khyams la/ /phyir lta bcu ni bri bar bya/ /de la phyag rgya rim par dgod/ /ro yi tshol stangs rnam bzhi yis/ /dur khrod rdzas mchog ma nyams bcol/ /ye shes spyan gyis lta ba dang / /rdo rje 'gros kyis btsal ba dang / /
phyag rgya'i tshogs kyis rol pa dang / /ma mo'i tshogs kyis 'jo tshul dang / /btsal nas maN+Dal sgo bzhi nas/ /bro chen bzhi yis sbyang bar bya/ /shar du dug gsum 'joms pa'i bro/ /lho ru khrag 'thung rol pa'i bro/ /nub tu rta mchog zhal gyi 
bro/ /byang du gdul sbyong drag po'i bros/ /sbyang bar bya ba rab tu gces/ /de nas dbus su gzhag bya ste/ /mgo bo shar du bstan pa de'i/ /phung po bru~M las gzhal med khang / /de ru phyag rgya'i tshogs mchog bsgom/ /so so'i rdzas kyi gnas 
rnams la/ /rigs kyi lha rnams rim par dgod/ /bsnyen pas phyin phebs rtags byung nas/ /bam de byang shar mtshams su bsgral/ /rdo rje thig gis btab nas kyang / /rdzas rnams so so'i skos su gdab/ /des mtshon rnam lngas bkro bar bya/ /
'khor lo'i spyi bo nyid nas bkro/ /rdo rjes snying ga'i phyogs nas bkro/ /rin chen zur brgyad lte ba nas/ /pad+mas kha yi phyogs nas so/ /ral gris yan lag rnams nas bkro/ /de nas phyag rgya'i gnas rnams su/ /rdzas rnams go rims bzhin du 

</font><hr>97-1-330a<br><font size=+1>

dgod/ /dpal dang ldan pa'i gnod dgu la/ /sku gsung thugs dang ldan par ni/ /gsol ba'i 'od dang bcas par dgram/ /rdzas kyis mdzes par brgyan par bya/ /rmad du byung ba'i gtor ma dgram/ /mchod pa'i dam rdzas tshang 
bar bsham/ /de nas rnal 'byor chen po kun/ /bdag nyid phyag rgyar gnas pa de/ /bskyed pa ting 'dzin tshul bzhin bskyed/ /rang bzhin rdzogs chen spyan drangs mchod/ /bsgrub pa nyams len bzlog par bya/ /dngos grub gsol dang dbang bskur 
bya/ /de nas gtor ma tsho gsum du/ /dang por bcad de sbyin sreg bya/ /bar mas mkha' 'gro tshim par bya/ /tha ma mi zad gter du sba/ /las rnams rdzogs par byas na ni/ /dpal chen nyid kyang 'grub 'gyur na/ /dngos grub gzhan lta smos ci 
dgos/ /zhes gsungs so/ /de la 'di ni rdo rje mchog chen po bsgrub pa'i thabs so/ /don dang ldan pa'i rnal 'byor pas/ /sa stengs chag phyed tshad du bya/ /sum brtsegs byas dbus zla gam brgyad/ /phyi mtha' thod pas bskor ba la/ /me dpung 'bar 
bas bskor ba'o/ /de yi phyi rim dmar chen rgyas/ /dbus su ban d+ha mtshan ldan la/ /yab yum snying po bris la bzhag /zla gam brgyad la ma brgyad bzhag /mthing gnag ma tha me ri 'bar/ /de 'og thod tshar gsum du bya/ /sgo khyams dur 
khrod rdzas kyis brgyan/ /sgo rtseg sgo khyud tha ma bran/ /gnas mchog rab tu dben pa yi/ /ri yi rtse 'am nags tshal lam/ /sde dpung phra mos mi tshugs shing / /'du 'dzi 'gro 'ong chad par shis/ /rnal 'byor gdeng dang rab ldan zhing / /brjid 
cing sran tshugs khu 'phrig chung / /brtul zhugs che la rtog pa med/ /las kyi phreng ba lhag chad med/ /dri zhim sman gyis phyi bkru zhing / /shi ne d+he hus nang yang bkru/ /tshad mar sbyar ba'i bka' dag dang / /ldan pas dus btab bzhin du brtsam/ /

</font><hr>97-1-330b<br><font size=+1>

rgyu yang brtag par bya ba ni/ /mdzes shing bkra shis ldan pa la/ /bong tshod lo ni dar la bab/ /rigs lnga'i mtshan rtags yod pa shis/ /bsgrub pa'i rgyu mchog de lta bu/ /dag pa gsum gyis gzhung bsrangs nas/ /byin gyis brlab pa rab tu bya/ /
d+ha hu ma 'das dbang po bsgyur/ /bdud rtsi lnga yi thig le yis/ /dbang po lnga la gdab par bya/ /snang srid gtam ni dri ba'am/ /legs nyes dri ba'i pra yang dbab/ /rnam shes 'byung ba'i sgo rnams su/ /so so'i rigs kyi phyag rgyas gdab/ /phyag 
rgya bkod de bsgral bar bya/ /phung po gzhal yas khang du bya/ /nang grol thams cad lhar bsgoms te/ /bsgral sbyangs sbyar ba byas nas ni/ /mchod dang mnyes dang dam skongs dang / /dngos grub rnam gsum thob nas blang / /zhes gsungs 
so/ /de la 'di ni mchog phran gtsang ma bsgrub pa'i thabs so/ /maN+Dal gru bzhi tshad ldan la/ /zla gam sgo gcig rdo rjes bskor/ /mu khyud sgo bzhi rab tu bri/ /khyu mchog dbang po phyed ldan la/ /phyi nang khrus kyang de bzhin bya/ /dbus su bzhag 
ste shar du bstan/ /lce la gzungs thag sna lngas gdags/ /man ngag lung ldan phyag tu dbul/ /phyag rgya rdzas dang bcas par dgram/ /de yi khong du gzhal yas su/ /ye shes sems dpa' tshon gang ba'i/ /thugs kar nor bu rin chen 
'bar/ /dbus su nyi ma'i ga'u la/ /dpal be'u yungs 'bru'i snying po la/ /til 'bru tsam gyi hU~M dmar gnas/ /rdo rje 'phro 'du rgyun mi gcad/ /rdo rje pra yang dbab par bya/ /de nas mtshan rtags bzang ba dang / /dngos grub blangs te bsgral 
bar bya/ /bskams te bdud rtsi'i rtsa bar shis/ /zhes gsungs so/ /de la 'di ni dregs pa can gnon pa bsgrub pa'i thabs so/ /phun sum tshogs pa bzhi ldan nas/ /ji ltar rigs pa 'dus pa dang / /maN+Dal gzhi gcig skyong nul bya/ /

</font><hr>97-1-331a<br><font size=+1>

chag rams bstod pa'i maN+Dal bzhi/ /gru bzhir gzhi las spags par bya/ /de dag ma tang gzugs su bya/ /snying ga man chad dbus su bsnol/ /maN+Dal chen po'i 'og tu gzhug /dbus su 'khor lo'i thig btab la/ /dpal 
chen lnga yi phyag rgya gzhag /bar khyams gnyis kyis mdzes pa la/ /gnas dang yul gyi phyag rgya dgod/ /sgo bzhir sgo srung de bzhi gzhag /yan lag sprul pa'i mgo brnyan gnas/ /phyi rol khyams la me rir bya/ /de mtha' thod pa tshar 
gsum bltams/ /de yi phyi rim me bur 'tshub/ /gu gu thul dang za ra tshags/ /zhing dang sbrul chun sgo khyud la/ /ban d+ha snying por bcas pa dag /so so'i gnas su de bzhin gzhag /rdo rje'i dbyibs su brtsigs pa'i thab/ /zur bzhi kha bzhi dag la bya/ /snying gar 'khor 
lo'i thab tu bya/ /rigs dang mthun pa'i yam shing brtsig /hom lnga 'brel pa'i las chen la/ /thab khung lnga yi bye brag tu/ /rgyud drug yam shing spungs pa las/ /ye shes lnga yi me klong du/ /nyon mongs lnga yi bsreg sbyang thim/ /bya bar 'os pa 
mtha' dag kun/ /rnal 'byor can gyis ci rigs bya/ /zhes gsungs so/ /de la 'di ni ma tang 'greng bu gnon pa'i thabs so/ /dkyil 'khor ma tang gzugs su bya/ /mgo bo lho nub mtshams su bstan/ /mgo lus yan lag rnams la ni/ /
maN+Dal bcu gcig rab tu bya/ /zhal du hom khung gru gsum la/ /yam shing dag gis brdzangs nas ni/ /sbyin sreg hom gyi las rnams bya/ /snying gar gru gsum rtse gsum la/ /bang rim gsum par byas nas ni/ /phur bu nyi shu rtsa gsum dgod/ /
zhe sdang rdo rje'i ting 'dzin bya/ /lte bar gru gsum mthing nag la/ /zur la thod pa tshar gsum bri/ /gzhu bdun dgra sta brgyad kyang dgod/ /phur bu dgu dang kha T+wAM dgu/ /rtsang dmar drug cu rtsa brgyad dgod/ /yum gyi mkha' ru bsgoms nas su/ /gzir 

</font><hr>97-1-331b<br><font size=+1>

gnan drag po'i las rnams bya/ /yan lag mgo mtshan g.yas g.yon la/ /gnas kyi ma mo brgyad rnams kyi/ /bri 'am mtshan ma gzhag par bya/ /gzhan rnams kyang ni ci rigs par/ /ma tang dgug dang dbab dang gnon/ /byin brlabs 
mkhas pas tshul bzhin bya/ /bya ba thams cad ci rigs bya/ /des ni gnon pa'i las chen 'grub/ /ces gsungs so/ /de la 'di ni rdo rje tshe bsgrub pa'i thabs so/ /thams cad 'byor par byas nas ni/ /sa stengs skyong nul legs byas la/ /
dbus su pad+ma 'dab brgyad la/ /zla gam dmar po sgo bzhir ldan/ /rdo rje'i ra bas bskor bar bya/ /dpal ldan tshe yi phyag rgya dgod/ /rin chen sna tshogs bum pa la/ /tshe yi rdzas kyis gang ba de/ /pad+ma ban d+has kha bkab la/ /gzungs thag btags 
nas dbus su gzhag /tshe dpag med par de mnga' gsol/ /bum pa rin chen las byas bzhi/ /gsang ba'i yum du de mnga' gsol/ /rigs dang mthun pa'i bum pa bzhi/ /rigs lnga'i sangs rgyas gtso gzungs dang / /so so'i 'khor gyi sems 
dpa' rnams/ /gtso gzungs zung du 'brel bar ni/ /phyogs phyogs dag tu tshom bur bri/ /sgo bzhir sgo srung la sogs gzhag /sems dpa'i phyag rgya kun bkod nas/ /tshe dpag med pa'i thugs ka nas/ /'khyil cing 'tsher ba'i byang chub 
sems/ /nyi zla'i ga'u gnas pa de/ /a yu byang chub sems su zhu/ /de las rgyal mtshan mchod ldan dang / /rin chen gter dang dbang bskur mdzad/ /gsang ba'i tshe gter 'dzin dang bzhi/ /thugs kar 'phros nas de bzhin du/ /tshom bu rim gyis 
spros nas ni/ /dkar dmar 'od kyis bdag la bstims/ /skye med dbyings su sbas nas ni/ /mi 'gyur phyag rgyas gdab par bya/ /yang na ting 'dzin khyad par gyis/ /lo 'am zla ba'i mtha' dag tu/ /skya rengs 'char ba'i dus su ni/ /phyag rgya chen pos 

</font><hr>97-1-332a<br><font size=+1>

gnas pa des/ /shar phyogs ngos su kha bltas te/ /lha klu gnod sbyin ji snyed pa/ /shar phyogs nam mkhar gnas pa rnams/ /thams cad khong du rngubs pa las/ /phyir mi 'byung bar khong du bstims/ /dbugs de tha mar sna 
ru bsring / /phyogs bcur de ltar goms byas nas/ /dpal tshe gzi byin thams cad thob/ /ces gsungs so/ /de la 'di ni bdud rtsi bsgrub pa'i thabs so/ /maN+Dal tshad dang mthun pa la/ /dbus su pad+ma 'dab brgyad bri/ /gru chad zla gam bzhi par 
bya/ /gzhan yang zla gam ci rigs dgram/ /pad+ma'i rtse la rin po che/ /ge sar dag gis mdzes par bya/ /phyag rgya 'bar ba'i lha tshogs dgod/ /dbus su tshangs pa'i skud pa can/ /sul med dung can 'khor bar gzhag /shar du sul 'greng de 
bzhin te/ /lho ru dpag bsam shing bu can/ /nub tu shong bu gnyis pa gzhag /byang du bse phor rgya gram mo/ /snod kyi mtshan nyid bkod nas su/ /dri chen zhu ba ma~M sa dang / /rak+ta dri chu phyogs phyogs su/ /de dag skabs su sbyor ba yi/ /ka 
kol la dang du ru ska/ /dzA ti pha la kha dri zhim/ /lce pog dkar po rim bzhin sbyar/ /'di dag kyang ni rim pa bzhin/ /a ka ru dang ga pur dang / /gur gum pad+ma li ga dur/ /de nas ras ya na'i tshogs/ /rigs dang las dang kha dog gis/ /ci 
rigs so sor dbye bar bya/ /sa bon lnga yis rnam par sbyangs/ /gsang chen de nyid dam pa yi/ /rigs gcig rigs lnga rigs brgya yis/ /sbyang ba mchog tu bya ba yin/ /khrol bu dag ni sbyangs pa na/ /bsal dang bsngo dang bsdu dang dbye/ /khrus 
dang bshags dang yon tan brjod/ /byin dbab bzlas pa rtags byung dang / /bsdu dang btag btsag gzhal ba bya/ /mtshan ldan snod du rgya yis gdab/ /rigs dang mthun pa'i gzungs kyis gdags/ /dbang bskur byin brlab tshul bzhin bya/ /

</font><hr>97-1-332b<br><font size=+1>

ting 'dzin mi g.yeng 'byongs pa dang / /dngos grub blang ba la sogs bya/ /de nas ril bu 'am 'de gu 'am/ /skyo ma la sogs ci rigs par/ /rnal 'byor mchog gis spyad par bya/ /zhes gsungs so/ /de la 'di ni stan bsgrub pa'i thabs so/ /gang 
yang rung ba'i sems can de/ /las bab pa yi rnal 'byor pas/ /raM yaM khaM gis sreg sbyang bya/ /rgyud drug sa bon 'bru lngas sbyang / /rol pa'i tshul gyis bsgral bya zhing / /rnam shes sbyor ba'i lhums su 'phang / /byang chub sems kyi 'phro 'du yis/ /sku 
bskyed ye shes skur spros te/ /rdzogs sangs rgyas la som nyi med/ /ces gsungs so/ /de la 'di ni ga Na bsgrub pa'i thabs so/ /mtshan dang ldan pa'i gzungs ma la/ /bsnyen sgrub lung bzhin sbyor bar bya/ /dkar dmar 'dres pa'i byang chub sems/ /
rdo rje lce yis blang bar bya/ /sangs rgyas rnams la mchod par bya/ /'gro drug sgrib pa sbyong bar byed/ /ces gsungs so/ /de la 'di ni spyir bsgrub pa'i thabs so/ /yi dam bcas pa btang na yang / /bdag lus phyal bar mi gtang zhing / /de nyid dran 
pa chen por bya/ /'phags pa mchod par brtson pa dang / /rang gi lta ba gsal ba dang / /gsang sngags sdom la gnas pa dang / /gsang sngags phyag rgya ma nyams dang / /yo byad tshogs na nges par 'grub/ /mi ldan don rnams brlag par 'gyur/ /
zhes gsungs so/ de la 'di ni mi 'grub pa'i chad pa'o/ /bsnyen bsgrub rim par ma rdzogs par/ /dngos la zhen cing sgrub byed pa/ /rang rgyud sreg par gdon mi za/ /zhes gsungs so/ /de la 'di ni bsgrubs nas ma grub pa'i chad pa'o/ /bka' 
bzhin sgrub pa'i rnal 'byor pas/ /dus bzhin grub par ma gyur na/ /rdo rje sems dpa' la sogs pa'i/ /ye shes las grub lha rnams kyang / /tshal par 'gas pa gdon mi za/ /zhes gsungs so/ /dngos grub gzhan dag de dag tu/ /mi zad 

</font><hr>97-1-333a<br><font size=+1>

bsam gyis mi khyab ste/ /de dag la sogs bsam yas mchog /chos dbyings mnyam dang mi mnyam dang / /nam mkha' dbyings kyi mthas klas pa/ /brjod med brjod las 'das pa yi/ /dngos grub ji ltar 'dod pa 'grub/ /ces 
gsungs so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las dngos grub bsgrub pa'i rnam grangs bshad pa'i le'u ste bcu gnyis pa'o// //de nas bcom ldan 'das gsang ba mchog gi bdag po de mi 
'da' ba dam tshig gi rdo rje zhes bya ba'i ting nge 'dzin la snyoms par zhugs nas/ nyid kyi sku dang gsung dang thugs rdo rje las sdom pa zab mo 'di phyung ngo / /de la 'di ni dam tshig gi sdom pa ci'i phyir bsrung ba'o/ /srid gsum sems can thams cad la/ /log 
rtog 'khrul pa bsam mi khyab/ /de nyid gzhil ba'i gdul thabs su/ /phyi nang sdom pa ji snyed pa/ /rtog 'dul thabs su de snyed gsungs/ /zhes gsungs so/ /de la 'di ni dam tshig gi mdo kun 'dir 'dus pa'o/ /ji snyed sdom pa bsam yas kun/ /
gsang sngags rgya mtsho chen po las/ /'dul ba'i thabs su so sor snang / /snang yang rtog 'dul ma grub phyir/ /rmad byung ngang du gcig par 'dus/ /de bas gsang sngags ngo mtshar che/ /zhes gsungs so/ /de la 'di ni dam tshig rnam par dag pa'o/ /
chos kun ye nas dag pa'i phyir/ /log rtog ye nas rnam par dag /de bas sdom pa rnam par dag /dam tshig 'di ni rmad po che/ /zhes gsungs so/ /de la 'di ni bsrung ba med pa'i sdom pa'o/ /thams cad thig le rdo rje bas/ /bsrung ba'i tha 
snyad rnams dang bral/ /kun khyab bdal ba'i ngang nyid la/ /bsrung du med na sdom pa yin/ /nam mkha' bzhin du kun du khyab/ /ces gsungs so/ /de la 'di ni rtogs pa'i dam tshig go/ /bde chen rnam dag lhun grub par/ /lta bas rtogs shing 

</font><hr>97-1-333b<br><font size=+1>

chud gyur na/ /dam tshig nyid kyang rnam dag ste/ /lta ba khyad par ji bzhin du/ /'dul ba'i khyad par de ltar gnas/ /de bas dam tshig zhes bya ba/ /rang gi lta ba yin par gsungs/ /zhes gsungs so/ /de la 'di ni dam tshig gi mdo gsang 
ba'o/ /gsang sngags rgya mtsho chen po yi/ /dam tshig bsam yas ji snyed pa/ /rtsa ba yan lag gnyis su 'dus/ /rtsa ba'i dam tshig gsum yin te/ /sku gsung thugs su rgyal bas gsungs/ /yan lag dam tshig mi spong dang / /mi 'dor 
spyod dang shes pa dang / /grub pa yin te rnam lnga po/ /mdor na rnam pa brgyad du grags/ /zhes gsungs so/ /de la 'di ni mdo rgyas pa'o/ /sku yi dam tshig ces bya ba/ /bla ma spun la gdung sems ldan/ /mngan dang dpya sems spangs pa yin/ /
bla ma la yang rnam gsum ste/ /dam tshig dbang dang shes rab rgyud/ /man ngag lung ston slob dpon la/ /mngan dang dpya ba'i sems bor na/ /lus ngag sgo nas smos ci dgos/ /mgo dang mig dang gsang ma snying / /rtag tu 'bral bar 
'phangs pa ltar/ /bla ma rdo rje slob dpon la/ /mi 'bral sems kyis de ltar lta/ /de yi phyi bzhin be'u ltar 'brang / /de yi dgos pa ci yang rung / /skongs na srog la'ang mi lta na/ /zang zing gzhan lta smos ci dgos/ /lus la dbang ba'i rgyal 
po 'am/ /lus srog bskyed pa'i pha ma bas/ /shin tu gnyan zhing bkur bar bya/ /ci phyir dbyings dang rnam thar gyi/ /sgo rnams de yi ston pa yin/ /dngos grub bye brag ji snyed pa/ /de la rag las rjes su 'brang / /ma rig mun pas gtibs pa 
la/ /sems kyi sgron ma de yis 'degs/ /lha mi yongs kyi 'dren ston yin/ /dus gsum sangs rgyas zhal mthong yin/ /dge ba'i rtsa ba'i srog shing yin/ /yon tan kun gyi gter mdzod yin/ /gal te yon tan mi ldan yang / /bla mar 

</font><hr>97-1-334a<br><font size=+1>

bzung nas spang byas na/ /kun gyi slob dpon brnyas pa yin/ /dus gsum sangs rgyas skur pa yin/ /de yi nyams pa brjod mi lang / /yon tan ldan pa'i bla ma de/ /phyogs bcu'i sangs rgyas thams cad dang / /rgyal 
sras dang ni mthu chen rnams/ /phyag 'tshal mchod cing bkur sti byed/ /'jig rten 'di na mthu chen kun/ /de yi dgongs pa skong ba dang / /khur zhing bran du khas len na/ /rdo rje slob mas smos ci dgos/ /rdo rje spun la gdung sems kyang / /
'dres dang ma 'dres yongs kyi spun/ /yang dag lam du zhugs pa la/ /mngan dang dpyas kyis sems tsam yang / /rtag tu spang bar bya ba yin/ /brtse zhing gdung ba'i shugs phyung la/ /gcig la gcig ni mig bzhin blta/ /mdor na srog 
la mi chags par/ /spun dang ming sring dgos pa sgrub/ /ci phyir rdo rje spun rnams ni/ /'di nas byang chub thug pa ru/ /mi 'bral 'grogs pa'i grogs mchog ste/ /mar me 'od dang sdong bu 'dra'o/ /dper na 'jig rten mi rnams kyang / /mang po 
'dus na dka' ba'ang 'grub/ /de bzhin rdo rje ming sringaspun/ /dngos grub sgrub pa'i grogs mchog yin/ /dper na grogs dang ldan pa'i mi/ /'tshe ba rnams kyis mi tshugs bzhin/ /de bzhin rnal 'byor grogs ldan yang / /rgol ba rnams 
kyis mi tshugs shing / /'bras bu myur du 'grub par 'gyur/ /de bas nan tan bskyed de bsrung / /de yang sku yi dam tshig ste/ /bsrung ba yin par rgyal bas gsungs/ /mdor na snang srid thams cad ni/ /gzugs su snang ba mtha' yas 
kun/ /chos kyi sku las ma g.yos par/ /gzugs sku 'ja' tshon tshul du gsal/ /de nyid don las mi 'da' bar/ /rtogs pa sku yi dam tshig ces/ /rgyal ba rnams kyis rab tu gsungs/ /gsung gi dam tshig ces bya ba/ /sngags kyi 

</font><hr>97-1-334b<br><font size=+1>

rnal 'byor gral sgo bas/ /phyag rgya bzhi ru rnam gsal nas/ /rdo rje sngags rnams rgyun mi gcad/ /bsgom dang bzlas dang 'phro 'du'i sngags/ /ting 'dzin me dang 'dra ba la/ /bzlas brjod rlung dang 'dras bskyod nas/ /sgrib pa'i bud shing bsreg 
par bya/ /bzlas brjod sngags kyis brtul zhugs kyang / /sgra chen ma yin chung bar min/ /mgyogs par ma yin bul bar min/ /drag par ma yin dal bar min/ /yig 'bru yan lag nyams ma yin/ /yengs min glal sogs bar gcod 
min/ /rgyu ba'i sems rnams spangs pa dang / /bzlas pa'i skyon bcu spangs nas ni/ /dus dang grangs dang mtshan ma yi/ /bsnyen pa rab tu rdzogs pa gces/ /ye shes lha rnams nye ba dang / /dbyings dang rnam thar 'dzom pa dang / /dngos grub rnam 
gsum thob pa dang / /'phro 'dus 'gro don bya ba dang / /de yis lha rnams mnyes pa dang / /las de myur du 'grub pa'i phyir/ /bsrung ba'i dam tshig yin par gsungs/ /mdor na snang srid thams cad kun/ /skye med gsung las ma g.yos kyang / /
gsung gi bye brag nyid yin par/ /rtogs shing slar yang dbyings su thim/ /rtogs pa gsung du rgyal bas gsungs/ /thugs kyi dam tshig ces bya ba/ /spyir gsang bzhi dang bar gsang bzhi/ /gsang bar 'os dang gnyer gtad pa'i/ /gsang 
sngags gsang ba'i don rnams kun/ /bum pa'i nang gi me mar bzhin/ /snod ma yin pa'i gang zag la/ /dus dang gnas skabs kun du gsang/ /snod dang ldan pa rnams la yang / /dbang ma thob par bshad pa min/ /ci phyir gsang don de 
nyid la/ /ma rtogs pa rnams skur pa 'debs/ /log par rtogs pa ltung bar 'gyur/ /don ma rtogs na yid ches med/ /khams gsum skye bo'i bcas kar 'gyur/ /dngos grub bar gcod bgegs su 'gyur/ /de bas gzhan du bstan pa min/ /

</font><hr>97-1-335a<br><font size=+1>

mdor na thugs kyi dam tshig ni/ /srid gsum sems can thams cad kyi/ /sems rtog rnam pa thams cad kun/ /skye med dbyings las ma g.yos kyang / /so sor rtogs pa thugs nyid snang / /snang nyid dbyings las mi 'da' bar/ /
rtogs pa thugs su rgyal bas gsungs/ /de ni rtsa ba'i dam tshig gi/ /mdo nyid rgyas par bshad pa yin/ /rtsa ba'i dam tshig gi mdo rgyas par bshad pa'o/ /mi spong dam tshig ces bya ba/ /'dod chags zhe sdang gti mug dang / /nga rgyal phrag dog lnga rnams 
ni/ /rigs lnga'i sangs rgyas ngo bo ste/ /ye shes lnga yi rang bzhin pas/ /spangs na rnal 'byor don dang 'gal/ /mi dor dang du blang ba ni/ /dri chen dri chu rak+ta dang / /ma~M sa dang ni zil pa lnga/ /'bras bu lnga yis bsdus pa rnams/ /rnal 'byor pas ni 
rtag tu bza'/ /'di yang dam tshig rmad po che/ /spyad par bya ba'i dam tshig ni/ /sbyor dang sgrol dang ma byin len/ /brdzun dang ngag rtsub smra dang lnga/ /don dam skyes bus spyad par bya/ /shes par bya ba'i dam tshig ni/ /phung po lnga dang 'byung ba lnga/ /dbang po 
yul lnga kha dog lnga/ /rigs lnga ye shes lnga nyid du/ /don ldan skyes bus shes par bya/ /lung dang ldan pa'i rnal 'byor pas/ /grub par bya ba'i don chen yang / /sangs rgyas lnga las gzhan mi bsgrub/ /grub par bya ba'i dam tshig ste/ /'di dag bsrung 
bar rab tu gces/ /de yang ci phyir bsrung zhe na/ /'dod chags rang dang spyir snang ba/ /chags shing zhen pa thams cad kun/ /pad+ma rigs kyi ngo bo yin/ /zhe sdang de bzhin rdo rje'i rigs/ /gti mug sangs rgyas yin par gsungs/ /nga rgyal yid bzhin 
nor bu ste/ /phrag dog zhes bya las su bshad/ /de bas spang bar bya ba min/ /dri chen snang mdzad gtso bo yin/ /dri chu gdon mi za grub pa/ /rak+ta snang ba mtha' yas sku/ /ma~M sa rin chen 'byung ldan gtso/ /byang chub sems ni rdo rje sems/ /des na dang du 

</font><hr>97-1-335b<br><font size=+1>

blang bar gsungs/ /sems can thams cad gsad bya ba/ /rdo rje sems dpa'i dam tshig yin/ /bud med rnams la chags bya ba/ /snang ba mtha' yas dam tshig ste/ /gzhan gyi nor 'phrog rnam snang gis/ /rin chen 'byung ba'i brdzun phra ma/ /
ngag rtsub gdon mi za 'grub pa'i/ /dam tshig yin par rgyal bas gsungs/ /de bas spyad par bya ba'o/ /gzugs su snang ba rnam snang mdzad/ /tshor ba rin chen 'byung ldan gtso/ /'du shes snang ba mtha' yas te/ /'du byed gdon mi za grub 
pa/ /rnam shes rdo rje sems dpa'o/ /sa ni rdo rje zhes su bshad/ /rin chen chu ste pad+ma me/ /thogs med rlung gi rang bzhin te/ /nam mkha'i khams ni rnam snang mdzad/ /mig gi dbang po rnam snang mdzad/ /rna ba rin chen 'byung ba'i tshul/ /snang 
ba mtha' yas sna zhes grags/ /lce ni gdon mi za grub pa/ /lus ni mi bskyod pa ru bshad/ /gzugs ni rnam par snang mdzad tshul/ /sgra ni rin chen 'byung ba ste/ /dri ni snang ba mtha' yas so/ /ro ni don yod grub pa yin/ /reg rnams mi 
bskyod pa ru bshad/ /de bzhin dkar po rdo rje'i rigs/ /ser po bder gshegs rigs su bshad/ /mthing ga rin chen dmar po chos/ /ljang gu las kyi rigs su bshad/ /de phyir shes par bya ba yi/ /dam tshig yin par dpa' bos 
gsungs/ /bsgrub par bya ba'i 'bras bu yang / /rigs lnga nyid du grub pas na/ /de grub pa yi dam tshig yin/ /dam tshig 'di ni rmad po che/ /yan lag dam tshig 'da' ba'o/ /zhes gsungs so/ /yan lag gi dam tshig mdo rgyas pa'o/ /de 
la 'di ni dbye ba'o/ /rtsa ba yan lag dam tshig rnams/ /bsrung ba rtog pa gnyis su dbye/ /de dag dngos su bsrung bas na/ /mi 'da' bsrung ba'i sdom bcas yin/ /rnam par dag pa'i ngang nyid du/ /de dag rtogs pas khyad par du/ /rtogs pa'i 

</font><hr>97-1-336a<br><font size=+1>

dam tshig yin par gsungs/ /de la 'di ni dam tshig nyams pa ltung ba'i gnas so/ /rtsa ba nyams pa'i skyon chen yang / /bskal pa grangs med bgrangs par yang / /dmyal ba'i gnas su ltung bar 'gyur/ /rdo rje bla ma'i sku smad na/ /
dus gsum sangs rgyas brnyas pa yin/ /byang chub sems la skur pas na/ /de yi sdig pa brjod mi lang / /dper na 'jig rten sa yi rdul/ /grangs kyis bgrang bar shes kyang srid/ /rgya mtsho chen po'i chu thigs kyang / /grangs kyis bgrang zhing shes su 
rung / /'di yi sdig pa brjod mi nus/ /shin tu mi bzad sdug bsngal las/ /thar bar nams kyang mi 'gyur te/ /srid gsum sems can gsad pas ni/ /bla ma'i bka' bcag char mi phod/ /rdo rje spun la smad pa ni/ /nyams pa'i skyon yang brjod 
par dka'/ /bskal pa gcig gi bar dag tu/ /dmyal ba chen por ltung bar 'gyur/ /tshe 'dir bsgrub pa log pa dang / /'bad pa'i 'bras bu med par 'gyur/ /gsung gi dam tshig nyams gyur na/ /dbyings dang rnam par thar pa yi/ /sgo rnams nyams 
par gyur pas na/ /bsgrub pa thams cad log par 'gyur/ /yi dgas gnas su yun ring ste/ /lkugs pa'i gnas su gyur pa yin/ /thugs kyi dam tshig nyams gyur na/ /yi dgas kyi ni lus su skye/ /thong gshol 'bar ba lnga brgya yis/ /de yi lce 
la gshog par byed/ /bskal pa du mar myong ba dang / /dngos grub 'bras bu med par 'gyur/ /mdor na rtsa ba nyams gyur na/ /'bras bu med cing ngan song ltung / /rdo rje sems dpa' bdag nyid kyang / /de yi snying khrag 'thung bar nges/ /mi spong dam tshig 
nyams gyur na/ /dngos grub thams cad spangs par 'gyur/ /mi dor dam tshig nyams gyur na/ /dngos grub 'bras bu mi 'thob cing / /yi dgas spre'u'i gnas su skye/ /spyad pa'i dam tshig nyams gyur na/ /'du shes med pa'i 'gog par ltung / /shes 

</font><hr>97-1-336b<br><font size=+1>

pa'i dam tshig nyams gyur na/ /'du shes med pa'i khros pas ltung / /grub pa'i dam tshig nyams gyur na/ /bdud kyi khams su ltung bar 'gyur/ /rtogs pa'i dam tshig nyams gyur na/ /ru tra chen po'i gnas su ltung / /de la sogs te bsam mi 
khyab/ /ces gsungs so/ /de la 'di ni nyams pa bskang ba'i tshad do/ /dam tshig nyams par gyur pa na/ /mgon btsun mnyam pa'i don rtogs na/ /de nyid skongs pa'i gnas su 'gyur/ /bla ma spun la smad gyur na/ /tshe 'di nyid la mnyes byas te/ /mthol 
bshags drag pos 'gyod byas na/ /de ni skongs pa'i las su 'gyur/ /gal te bdag gam bla ma spun/ /ma bskangs bar du tshe 'phos na/ /de ni bskang ba'i tshad las 'das/ /gsung gi tha tshig ral gyur na/ /rdo rje chos su bdag bsgoms la/ /tha tshig 
gang brlag 'bum 'bum gdon/ /thugs kyi tha tshig ral gyur na/ /rdo rje sems dpar bsgoms pa la/ /lo gsum bar du mi smra bar/ /bsam gtan sbyor bar rab tu bya/ /yan lag dam tshig nyams gyur na/ /so so'i rigs kyis de bzhin bskong / /
zhes gsungs so/ /de skad ces gsungs pas 'dus pa'i 'khor tshogs rnams kyis gsang sngags kyi dam tshig ni/ rang rang gi snying la gnas par mthong nas/ a la la zhes pa'i sgra phyung nas rang rang gi dam tshig la dmigs so/ /'phags pa rgyud kyi 
rgyal po ye shes rngam pa glog gi 'khor lo'i mdo zhes bya ba las dam tshig rnam par bkod pa'i le'u ste bcu gsum pa'o// //de nas bcom ldan 'das gsang ba mchog gi bdag pos brtul zhugs rnam par rol pa zhes bya ba'i ting nge 'dzin la 
snyoms par zhugs so/ /zhugs nas kyang gsang sngags thams cad kyi brtul zhugs rnam par rol pa 'di nyid kyi sku dang gsung dang thugs rdo rje las phyung ngo / /gsang sngags rgya mtsho chen po yi/ /brtul zhugs ngo mtshar rmad byung ba/ /chos kun rol par 

</font><hr>97-1-337a<br><font size=+1>

snang ba'i phyir/ /ji ltar spyad kyang brtul zhugs te/ /dka' thub dka' ba spyad mi dgos/ /dka' thub sdom la rten pa'i mis/ /bsgrubs kyang 'grub par mi 'gyur te/ /dka' thub sdom la mi gnas shing / /'dod pa'i longs 
spyod rab bsten pas/ /bsgrubs na myur du 'grub par 'gyur/ /rigs ngan dang ni sme sha can/ /rtag tu gsod la brtson pa dang / /ma byin len dang mi tshangs spyod/ /brdzun du smra la dga' ba dang / /rtsub pa'i ngag la dga' ba ni/ /gsang sngags 
bsgrub pa'i snod du 'gyur/ /pha dang khu bo mes po la/ /zhe sdang sems kyis bsgral byas na/ /rdo rje sems dpa'i dngos grub thob/ /ma dang bu mo sring mo la/ /'dod chags sems kyis sbyar byas na/ /chags pa chen po'i dngos grub thob/ /snying rje med par 
gsod pa dang / /'jigs pa med par sbyor ba la/ /bshang gci zas su za ba dang / /rang gi khu bas mchod pa dang / /dur khrod rgyan la dga' ba ni/ /theg mchog 'di la 'grub par 'gyur/ /bsod snyoms zas la mi chags shing / /ma bslangs pa la'ang 
chags mi bya/ /nags tshal dgon pa'i sa phyogs su/ /bsod snyoms blangs te bza' bar bya/ /sems kyi brtul zhugs chen po yis/ /ting 'dzin stobs dang ldan par bya/ /lus kyi brtul zhugs chen po yis/ /thogs med stang thabs tshul du gnas/ /
ngag gi brtul zhugs chen po yis/ /sngags kyi yi ge drag tu brjod/ /dben pa'i phyogs su gnas bcas la/ /g.yang gzhi gos su gyon nas ni/ /che ba'i nga rgyal rtag tu bskyed/ /wa yi brtul zhugs chen po yis/ /spang bar bya ba'i thabs su spyad/ /
cang shes brtul zhugs chen po yis/ /shes bya kun la 'jug par bya/ /lus kyi rtsal gyi bya ba dag /gyi ling brtul zhugs chen pos bya/ /phag gi brtul zhugs chen po yis/ /gtsang sme med par kun la spyad/ /glang chen myos pa'i brtul zhugs 

</font><hr>97-1-337b<br><font size=+1>

kyis/ /mi 'byed rmongs tshul bstan par bya/ /stag mchog rngam pa'i brtul zhugs kyis/ /dpa' brtul gtum pa'i las chen bya/ /khyung chen mkha' lding brtul zhugs kyis/ /lta ba spyi rgya rlabs kyis gcad/ /gtum thung dom gyi brtul zhugs kyis/ /
re ba med pa'i las chen bya/ /rgya mtsho gter gyi brtul zhugs kyis/ /yid thub mi ldog brtan par bya/ /lkugs pa lug gi brtul zhugs kyis/ /gti mug bzhin du shes rab ldan/ /ri bo lta bu'i brtul zhugs kyis/ /mi 'gyur rab tu brtan par 
bya/ /nam mkha' lta bu'i brtul zhugs kyis/ /yangs dog kun dang bral bar bya/ /gnam lcags lta bu'i brtul zhugs kyis/ /drag shul las la sbyar bar bya/ /lag na rdo rje'i brtul zhugs kyis/ /mthu stobs dag la spyad par bya/ /kha dog 
brtul zhugs chen po yis/ /zon bag khu 'phrig spyad par bya/ /glang chen chur 'jug brtul zhugs kyis/ /nges pa'i nga rgyal spyad par bya/ /ri dgas seng ge'i brtul zhugs kyis/ /grogs ngan la sogs spang bar bya/ /reg 'jam bya yi brtul 
zhugs kyis/ /'grogs na bde zhing chags par bya/ /sgyu ma rgya yi brtul zhugs kyis/ /thabs la mkhas pa'i las chen bya/ /ce spyang khra yi brtul zhugs kyis/ /gtsang sme med par spyad pa dang / /thogs med gsod la brtson par bya/ /nga rgyal 
stag mchog brtul zhugs kyis/ /che ba'i nga rgyal bskyed par bya/ /mkha' lding lta bu'i brtul zhugs kyis/ /kun du mdzes pa'i spyod pa spyad/ /rgyal po 'khor skyong brtul zhugs kyis/ /sa thub 'khor dang ldan par bya/ /bcu gnyis dang ni gsum dag 
gi/ /brtul zhugs blo dang ldan par bya/ /de la sogs te bsam mi khyab/ /ces gsungs so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las rnal 'byor gyi rig pa'i brtul zhugs kyi le'u ste bcu bzhi pa'o// //

</font><hr>97-1-338a<br><font size=+1>

de nas bcom ldan 'das gsang ba mchog gi bdag po chan pos phrin las rgya mtsho lhun gyis grub pa zhes bya ba'i ting nge 'dzin la snyoms par zhugs so/ /zhugs nas yang 'dus pa'i 'khor rnams la 'di skad ces gsungs so/ /'dus 
pa'i 'khor rnams nyon cig /btsal med lhun grub dkyil 'khor las/ /phrin las rgya mtsho bsam yas kyang / /rnal 'byor dgos pa'i dbang dag tu/ /las bzhi dag tu rgyal bas gsungs/ /dang pos zhi ba'i lha yin te/ /gnyis pa rgyas pa zhes 
su bya/ /gsum pa dbang du sdud pa'i las/ /bzhi pa drag po'i las su gsungs/ /de dag lha yi dkyil 'khor dang / /gnas dang dus dang rdzas rnams dang / /dbyibs dang kha dog maN+Dal dang / /yul dang ting nge 'dzin dag dang / /phyogs dang stan dang 
'dug stangs dang / /tho ba phur pa gtor ma dang / /bzlas brjod hom dang bskul tshig dang / /'khor lo me lha'i mtshan nyid dang / /yul dang grub pa'i 'bras bu ste/ /bcu gnyis dang ni gnyis dag gis/ /bya ba thams cad rdzogs par gsungs/ /ya 
ni zhi ba'i mtshan nyid de/ /ma zhes bya ba rgyas pa yin/ /dbang du sdud pa ba~M du bshad/ /e nyid drag po'i mtshan nyid do/ /lha yi rnal 'byor rim pa yang / /rdo rje sems dpa' zhi drag bya/ /rnam snang mdzad dang rin chen 'dzin/ /rgyas pa'i las ni 
byed par 'gyur/ /snang ba mtha' yas rgyas pa dang / /dbang gi las ni byed par 'gyur/ /gdon mi za bas las kun byed/ /yang na drag po nyid la'o/ /kun du bzang pos ci yang byed/ /spyan ni zhi ba'i mchog yin te/ /bsrung ba mA ma kI yis byed/ /gos 
dkar can gyis dbang du byed/ /sgrol ma las rnams kun la sbyar/ /sa yi snying pos rgyas par byed/ /nam mkha'i snying pos 'phel bar byed/ /lag na rdo rjes drag po byed/ /spyan ras gzigs kyis snying brtse bar/ /yid kyis yid du 'ong bar byed/ /

</font><hr>97-1-338b<br><font size=+1>

byams pas chos kyi 'khor lo bskor/ /sgrib pa sel bas rnam dag byed/ /kun du bzang pos nor sgrub byed/ /'jam dpal shes rab rno bar byed/ /sgeg mos sangs rgyas mtshan rnams 'grub/ /phreng bas rgyan dang ldan pa dang / /sangs rgyas yul du 
phyin par byed/ /glu yis dbyangs snyan grub par byed/ /rig ma dag dang lhan cig rtsen/ /gar gyis phyag rgya gar mchog dang / /sangs rgyas rnams dang lhan cig 'grogs/ /bdug pas yid 'ong dngos grub thob/ /me tog rab dgyes mdzes par byed/ /
di+A bas 'od gsal mdangs dang ldan/ /dri yis dri nga dag par byed/ /lcags kyu yis ni spyan drang dang / /rdo rjes dgug pa'i las rnams byed/ /zhags pas 'dren cing 'ching bar byed/ /sgrog gis dbang du byed cing sdom/ /dril bus dgyes sgrol dbab par byed/ /
byed pa po dang bya ba mos/ /thams cad thams cad kun la sbyor/ /rdul snyed dbang po drug rnams kyis/ /cis 'dul thabs kyis sna tshogs byed/ /khrag 'thung chen pos gti mug 'joms/ /khrag 'thung rdo rjes zhe sdang 'joms/ /rin chen he rus nga 
rgyal 'joms/ /pad+ma he rus 'dod chags 'joms/ /las kyi he rus phrag dog 'joms/ /khrag 'thung chen pos thim par byed/ /badzra kro d+his 'khyud par byed/ /rat+na kro d+his sbyor bar byed/ /pad+ma kro d+his skyod par byed/ /karma kro d+his 'bebs 
par byed/ /dkar mo'i tshogs kyis 'gugs par byed/ /rkun mo'i tshogs kyis mthu 'phrog byed/ /rmongs ma'i tshogs kyis myos par byed/ /thal byed mas ni thal bar rlog /sbos mo'i tshogs kyis dbang du byed/ /gtum mos sgrol zhing myos 
par byed/ /sme sha can gyis za bar byed/ /ma tshogs mas ni rgyud 'phel byed/ /seng gdong tshogs kyis zil gyis gnon/ /stag gdong tshogs kyis 'joms par byed/ /wa gdong tshogs kyis rol par byed/ /khyi gdong tshogs kyis gsod cing 

</font><hr>97-1-339a<br><font size=+1>

za/ /rgod gdong tshogs kyis rgyug par byed/ /dur byas rnam par 'dren par byed/ /bya rog tshogs kyis dbang du 'du/ /'ug gdong tshogs kyis 'dren cing lta/ /gshed pos 'gugs shing sgrol bar byed/ /bdud rtsi 'khyil pas 
skrod par byed/ /gzhan gyis mi thub mngag gzhug byed/ /rta yis dug rnams 'joms par byed/ /dbyug sngon can gyis gsod par byed/ /stobs chen char 'bebs byed pa'i mchog /mi g.yo bas ni skrag cing 'khrug /rdo rje hU~M gis 
'ching bar byed/ /rnam par rgyal bas gnon par byed/ /khams gsum bdag pos 'joms par byed/ /phra men tshogs rnams mang po kun/ /mngag gzhug pho nya'i las rnams byed/ /slas dang byi mo'i tshogs rnams kyis/ /thams cad 
thams cad byed par 'gyur/ /mdor na lha yi rnal 'byor ni/ /cis 'dul thabs kyis de ltar ro/ /yid 'ong bkra shis dben pa ru/ /rdo rje zhi ba sgrub par shis/ /me tog nags tshal skyed mos tshal/ /nyams dga' bar ni rgyas par shis/ /kha 
dog dmar zhing gcong rong mang / /ri bor gnas su dbang du bya/ /sum mdo grog gle rkang gcig drung / /rtsub pa'i gnas su drag po bya/ /snga dro zhi ba gung la rgyas/ /srod la dbang bya gung la ni/ /drag po'i las rnams brtsam par bya/ /rdzas dang bsreg bya'i rdzas 
rnams kyang / /dkar zhing dmar ba'i rdzas rnams dang / /zho dang ldan pa'i zhing dag ga /rtse mo las byas zhi ba'i rdzas/ /ser zhing kha ba'i ror ldan pa'i/ /bar gyi shing las byas pa kun/ /rgyas pa'i las su bsngags pa yin/ /skyur zhing kha dog dmar 
ba dang / /drungs pa las byas shing gi rnams/ /dbang gi rdzas su rab tu grags/ /gnag cing rtsub pa tsha ba yi/ /ror ldan rtsa ba'i shing las byas/ /rdo rje drag po nyid la'o/ /zlum po dang ni 'khor lo dag /zhi ba yi ni las su gsungs/ /zur bzhi zur 

</font><hr>97-1-339b<br><font size=+1>

drug zur brgya dam/ /pad+ma 'am rin chen dbyibs 'dra ba/ /rgyas pa'i las la shis pa'o/ /zla ba kham dang gzhu yi dbyibs/ /pad+mo smyung po'am mkha' 'dra ba/ /dbang du bya ba'i las yin no/ /gru gsum mam ni gru chad dam/ /rdo rje'i dbyibs dang mda' 
'dra bar/ /byas pa rdo rje drag po la'o/ /dkar po zhi ba ser po rgyas/ /dmar po dbang la nag po drag /ljang gu spyi yi las su gsungs/ /ser skya zhi rgyas las yin te/ /dmar skya zhi ba dbang gi las/ /sngo skya zhi ba drag po'i las/ /rgyas dang dbang dang drag 
po la'ang / /zhi ba'i tshul du sbyar bar bya/ /des na las rnams re re la'ang / /bzhi bzhi dag tu rgyal bas gsungs/ /zlum po'i thab khung rdo rje yis/ /brgyan pa zhi ba'i dkyil 'khor yin/ /pad+ma gru bzhi rin po ches/ /brgyan pa rgyas pa'i las su shis/ /
zla gam khung bu mda' gzhus brgyan/ /dbang du bsdu ba'i dkyil 'khor yin/ /gru gsum rtsang thod kyis brgyan pa/ /drag po spyod pa'i dkyil 'khor yin/ /ljon pa ma dang lcug phran ma/ /sdod cig ma dang me reg ma/ /spyan dang mA ma gos dkar sgrol/ /byin 
gyis brlab pa'i gnas byas te/ /dad byams snying rje dang ba dang / /dga' chags btang snyoms khros pa yi/ /ting 'dzin dag gis zhi dang rgyas/ /dbang drag so so'i 'phro 'du bya/ /byang du bltas te zhi ba bya/ /rgyas pa'i tshe na shar du blta/ /dbang la nub tu 
drag po lho/ /zhi ba ku sha'i khri stengs su/ /rdzogs pa'i skyil mo krung du gnas/ /pad+ma'i steng du sems dpa' yi/ /skyil mo krung gis rgyas par bya/ /khri steng dag tu phyed skyil gyis/ /dbang du bsdu ba'i las bya'o/ /sa gzhi gru gsum nyid la ni/ /rus 
sbal gyi ni rgyas btab kyis/ /mngon par spyod pa brtson par bya/ /zlum po gru bzhi zla gam dang / /zur gsum tho ba'i gtun tshogs kyis/ /las bzhi yum gyi gtun khung du/ /gti mug nga rgyal 'dod chags dang / /zhe sdang mtshan ma rdul du brdung / /

</font><hr>97-1-340a<br><font size=+1>

gser dngul zangs dang lcags dag gam/ /zho can ser skyur rtsub shing la/ /ri rab tshul du rab brjid pa'i/ /phur pa las rnams so so yi/ /lha yi dkyil 'khor bsgoms pa la/ /rtse mo ya~M ba~M e yi dbyibs/ /mtshan ma ming du 
bcas pa la/ /btab na zhi rgyas dbang drag 'gyur/ /dngul phye 'bras chan dkar po la/ /zhi bar 'gyur ba'i gtor mar sbyar/ /gser phye 'bru chan ser po la/ /rgyas par 'gyur ba'i gtor ma sbyar/ /dbang la zangs phye 'bru dmar cha na/ /drag po'i lcags phye 
sha khrag la'o/ /shAn ting puSh+Ting ba shang dang / /mA ra ya yi sngags tshig la/ /swA hA swA hA hU~M phaT kyis/ /brgyan pa'i mgo la o~M bzhag pa/ /bzlas pa'i sngags su shes par bya/ /hom khung zlum po gru bzhi dang / /zla gam gru gsum gdengs pa ru/ /rdo rje 
rin chen mda' gzhu dang / /rdo rje rtse dgu'i phyag rgya gzhag /zho can ser skyur rtsub pa yi/ /yam shing dag la me sbar te/ /lhan ne gzi byin lhun chen dang / /gtum chen rngam pa'i lha tshogs la/ /las bzhi'i tshul du bsregs na 'grub/ /sngags dang 'dod 
pa'i ming spil te/ /bskul pa bya ba'i tshig tu bshad/ /ras sam gro ga shing shun la/ /zhi rgyas 'khor lo'i sngags bcas bri/ /lcags gsum ga pur bcug nas ni/ /mchod cing bskul na gdon mi za/ /zhing chen ras sam smad dkris la/ /dbang drag 
'khor lo'i sngags bcas bri/ /kham phor nang ngam thod par gzhug /dur khrod gnas la sogs pa ru/ /bskul zhing mnan pa byas na ni/ /gdon mi za bar mnan par 'gyur/ /las bzhi'i me lha'i mtshan nyid ni/ /me yi lha ni snang mtha' yas/ /
me yi lha mo gos dkar mo/ /thabs dang shes rab 'brel bas ni/ /gang 'dod las de byed par 'gyur/ /gdug rtsub rnams la zhi ba sbyar/ /dbul phongs rnams la rgyas pa sbyar/ /dbang ni 'dod gzir rnams la ste/ /zhe sdang can la drag po'i las/ /thams 

</font><hr>97-1-340b<br><font size=+1>

cad zhi bar 'gyur ba dang / /yid bzhin nam mkha' 'gengs pa dang / /dgug cing phyi bzhin 'breng ba dang / /myos nas gas te 'tshig pa ni/ /las bzhi'i 'bras bur rgyal bas gsungs/ /'phags pa rgyud kyi rgyal po ye shes rngam pa glog gi 'khor 
lo'i mdo zhes bya ba las las kyi rim par phye ba'i le'u ste bcwa lnga pa'o// //de nas bcom ldan 'das gsang ba mchog gi bdag po des skye 'gro thams cad 'dul ba zhes bya ba'i ting nge 'dzin la snyoms par zhugs te/ zhugs nas kyang brnag 
pa'i nan tur 'di dag gsungs so/ /rdo rje slob dpon smod pa dang / /sangs rgyas bstan pa 'jig pa dang / /lu gu rgyud las 'gal byed dang / /rdo rje spun la 'khu byed pa/ /rnal 'byor spyi yi dgrar gyur dang / /skye bo yongs la gnod pa dang / /ma chags 
pa yi sems can la/ /brnag pa'i nan tur bya bar gsungs/ /dgug dang gsad dang bskam pa dang / /dbye dang bskrad dang mnan pa dang / /bcing ba'i las dang bdun dag gis/ /grub par 'gyur zhes rab tu gsungs/ /dgug pa'i las dag bya ba yang / /
bdag nyid rnal 'byor ldan byas te/ /rkang rjes nyid kyis blangs la/ /mi rus bsregs pa'i thal ba dang / /dur khrod ro yi ras dag dang / /rgya mtshor 'bab pa'i chu bo yi/ /'gram nyid nas ni blangs pa'i sa/ /rlung gis khyer ba'i shing lo dang / /grog mkhar 
sa rnams btags nas su/ /lung bong gcin gyis spru bar bya/ /de nas yan lag tshang ba yi/ /gzugs la snying gar gra \u0f7cga 'am/ /shing shun legs par glan nas ni/ /ra khyi khrag gis ming bris te/ /hU~M dang phaT kyi bar du gzhug /drag po'i dkyil 
'khor gru gsum du/ /mgo ni lho nub mtshams su bstan/ /gang na gnas pa de nyid nas/ /de yi rnam par shes pa ni/ /thogs med rlung dang 'dra ba ste/ /lcags kyu yis ni snying drangs te/ /ya~M las rlung gis bteg nas ni/ /bdag gi drung du phyin pa dang / /

</font><hr>97-1-341a<br><font size=+1>

gzugs brnyan nang du de bcug pa/ /srin bu me khyer 'dra bar gsal/ /zhags pa'i phyag rgyas dam du gzhug /lcags sgrog phyag rgyas sgrog tu gzhug /dril bu'i phyag rgyas brtan par bya/ /gu gul nag po'i dud pas bdug /yungs 
kar rgyal po'i mtshon gyis brdeg /rdo rje mig gis bltar mngon par/ /nyams pa de nyid gnon par ni/ /nyin mtshan kun la drangs te bsam/ /yang na su~M b+ha'ang lhag par 'jebs/ /de ni dgug pa'i mchog tu gsungs/ /gal te gsad pa'i las 
bya na/ /dgug pa de nyid sbyar byas te/ /dug shing snying po'i tsher ma yis/ /khugs pa'i gzugs de dbug par bya/ /drag por gyur pa'i phur pa yis/ /dpral ba snying mgrin pus mo gnyis/ /gnas lnga dag tu btab par bsgom/ /rdo rje rtse mo'i sngags kyis 
gdab/ /rdo rje rtse gcig phyag rgya dang / /be con rdo rje gnod sbyin dang / /rdo rje brjid pas phur pa gnon/ /bskal pa'i mthar yang zug bsams te/ /gu gul dud pas myos su gzhug /yungs kar rgyal pos brdeg par bya/ /de nas gzugs kyi dngos 
po de/ /rab tu rno ba'i mtshon cha yis/ /pho ni rkang pa g.yas nas gtub/ /mo ni rkang pa g.yon nas gtub/ /rmad du byung ba'i gtor ma dang / /bcas te 'bar ba'i lha tshogs la/ /drag po hom du sbyin sreg bya/ /nyin mtshan gung la bya bar gsungs/ /las 
'di byas na nges par yang / /lha yis bsrungs kyang 'chi bar 'gyur/ /gal te skam pa'i las byas na/ /dgug pa de nyid sbyar byas te/ /de yi ming nas smos nas ni/ /gzugs de dug gi tsher mas dbug /dug dang skye tshe lan tshwa dang / /'bru mar tsha bar 
rab bsres te/ /tsha ba'i rims kyis gdab pa'i phyir/ /de yi lus nang gang bar dgang / /tsher ma'i me la bskam par bya/ /mtshan ma ming du bcas pa ste/ /kham phor ram ni thod par gzhug /dgra yi sgo gang mnan byas na/ /skam par 'gyur bar gdon mi 

</font><hr>97-1-341b<br><font size=+1>

za/ /yang na tsha bas btab par 'gyur/ /gal te gnas nas spo bya na/ /ting 'dzin ldan pa'i rnal 'byor pas/ /dgug pa de nyid sbyar byas te/ /rdo rje mig gis mthong ba dang / /rlung gi dkyil 'khor steng dag tu/ /rdo rje rnga mo rab bsams te/ /de nyid 
rgyab tu bskyon nas ni/ /rdo rje khro bo 'bar ba yis/ /gshin rje'i phyogs su khrid pa dang / /gzhan gyis brdeg pa'i thabs su sbyar/ /ral gris rgyu ma gtubs pa dang / /bya rog 'ug pa bya rgod kyis/ /za zhing 'thog par rnam bsams nas/ /de yi ming nas 
bskul byas na/ /des ni myur du skrod par 'gyur/ /rdo rje mi 'chi las kyis sbyar/ /yang na rkang rjes sa dang ni/ /shing lo rlung gis gtsubs pa la/ /mtshan ma ming du bcas par bya/ /ming nas drag tu bskul bya zhing / /rdo rje 'bar ba'i khro bo yis/ /gshin rje'i 
drung du khrid pa dang / /bgegs kyi drung du mnan byas na/ /des kyang bskrad pa'i las su 'gyur/ /yang na dgra yi sgo ga ru/ /thod pa ma gas ma chag par/ /rdo rje sngags kyi tshig bris te/ /rdo rje mi 'chi rnam par bsgom/ /dgra yi sgo ru bzhag na ni/ /bskrad 
par 'gyur ba gdon mi za/ /gal te dbye ba'i las byas na/ /khro bo'i sngags dang ming spel te/ /'ug pa'i sgro la bris nas ni/ /bram ze'am dge sbyong skras dkris te/ /lam gyi bzhi mdor brkos te gzhug /de la rdo rje khro bo gnyis/ /'thab cing rtsod par rnam bsams 
na/ /gsad de dbye bar gdon mi za/ /gal te mnan pa'i las byas na/ /dgug pa de nyid sbyar byas te/ /mngon sum khugs par gyur pa dang / /de steng dbang chen rim par bskyed/ /ri rab steng du bsgom pa ni/ /las kyi lha ste don yod grub/ /rdo rje rgya gram 
brjid ldan pas/ /bskal pa yun du gnon par bsam/ /gzugs brnyan thod pa gang bar gzhug /lam gyi bzhi mdor de bzhin bya/ /des ni rab tu mnan par 'gyur/ /gal te bcing bar 'dod pa na/ /dgug pa de nyid sbyar byas te/ /mtshan ma ming du bcas pa 

</font><hr>97-1-342a<br><font size=+1>

de/ /tshon skud sna lngas mgo lus dkri/ /rdo rje sgrog gis bcings bsams nas/ /thod pa ma nyams nang du gzhug /lam gyi bzhi mdo'am dur khrod du/ /sbas na nges par bcings par 'gyur/ /gzhan yang gsad pa'i brtul zhugs ni/ /
khrag dang dri chu bshang gci yis/ /gsher bar byas ba'i gos gyon te/ /khro bo'i rgyal por sbyar byas nas/ /rkang pas gzugs brnyan mnan nas ni/ /khros pas gsang sngags brgya rtsa brgyad/ /rdzogs par bzlas na nges par 'chi/ /thal ba'i skyo ma spangs 
pa'am/ /skra bshig gcer bur phud pa'ang rung / /de lta bu yi sbyor ba yis/ /sangs rgyas dag kyang 'chi 'gyur na/ /khams gsum skye bo smos ci dgos/ /zhes gsungs pas 'dus pa'i 'khor tshogs thams cad 'jigs skrag ste/ rang rang gi stan las 
langs nas lus sa la brdabs pa'i phyag rnal 'byor gyi lugs su byas te/ cho 'phrul rnam pa du ma bstan nas ngo mtshar rmad du byung ba'i rdo rje'i tshig gis bstod pa/ e ma'o ngo mtshar ya mtshan gyi/ /cho 'phrul kun gyi 'byung gnas gtso/ /ngo mtshar kun gyi 
bdag po mchog /rdo rje rgyal la phyag 'tshal 'dud/ /byang chub sems dpa' dkyil 'khor dang / /phyag rgya bsnyen sgrub bsgrub pa dang / /sdom dang gsal zhugs las rnams dang / /nan tur bdag po khyod la 'dud/ /khyod ni sangs rgyas kun gyi yab/ /de bzhin 
rgyal sras snying por 'gyur/ /bdag cag rnams kyis rten pa'i gnas/ /ma rungs 'dul gtso khyod la 'dud/ /e ma'o snang dang mi snang brtan g.yo la sogs chos kun nyid kyi sgyu 'phrul dra ba 'khrul la snang / /bsam yas bsam dpag las 'das chos 
kun ngo mtshar rmad byung cho 'phrul sna tshogs kun du snang / /rtog med mnyam nyid dbyings las ji srid 'phrul kyang dbyings las g.yos pa rdul gyi cha tsam med/ /don dam bden pa'i cho 'phrul kun rdzob gsang sngags che ba'i khyad par rmad 'byung e ma'o ngo 

</font><hr>97-1-342b<br><font size=+1>

mtshar che/ /zhes mgrin gcig tu gsol ba btab ste/ 'dus pa'i 'khor tshogs rnams la la ni byang chub sems kyi mtshan nyid la sems shing cang mi smra bar 'khod do/ /la la ni dkyil 'khor rnams rim gyis dgod/ la la ni lhun gyis grub pa'i 
gar dang phyag rgya nye bar ston/ la la ni gsang sngags kyi sgo zab mo bsnyen sgrub rnam pa bzhir 'jug cing mi ldog /la la ni ngo mtshar rmad du byung ba'i che ba dag ston/ la la ni gsang sngags kyi dam tshig snying la gnas par sdom/ la la ni brtul 
zhugs zab mo la 'jol nyag tu rol/ la la ni gdug pa'i tshogs nyen cing tshar gcod/ la la ni rmugs pa dang / rengs pa dang / 'dod gzir dang / dregs pa rnams dang / sbyor ba'i las kyi rol pas dgyes/ la la ni nan tur gyi che ba ston cing ling 
long phyad/ thams cad bla 'khyal ba'i spyod pa can du gyur to/ /bcom ldan 'das gsang ba mchog gi bdag po ni yum rngam pa kro d+hi'i rgyal mo dang gnyis su med par de bzhin nyid kyi dbyings la dgongs shing cang mi gsung bar gyur to/ /'phags pa rgyud 
kyi rgyal po ye shes rngam pa glog gi 'khor lo'i mdo zhes bya ba las nan tur gyi las rim par phye ba'i le'u ste bcu drug pa rdzogs s+ho// //rgya gar gyi mkhan po badzra bi shwa mi tra dang zhu chen gyi lo ts+tsha ba pa gor bai ro tsa na rak+Shi tas bsgyur cing 
zhus te gtan la phab pa'o// //de nas yang smra ba'i seng ge byed pa po rdo rje kun du bzang pos bcom ldan 'das gsang ba mchog gi bdag po de de bzhin nyid kyi ngang la mi g.yo bar brnal bzhin du cho 'phrul 'byung ba'i glu 'dis rnam par bskul lo/ /e 
ma'o mi dmigs chos dbyings dag pa las/ /'bar ba'i sku mchog bdag la bstan du gsol/ /rol pa'i cho 'phrul mi zad rgyan du che/ /don la rngam pa'i spyod pas rol du gsol/ /a la la ho zhes bskul bas bskul bar thugs su chud nas sku nyi ma'i snying 

</font><hr>97-1-343a<br><font size=+1>

po lta bu mngon du phyung ste cho 'phrul rnam par 'phrul pas snod bcud dang sa'i khyad par thams cad la snang bar mdzad pa'o/ /de nas smra ba'i seng ge byed pa po rdo rje kun du bzang pos mchod pa rgyas pa de kho na nyid kyis mngon par mchod de brkyang 
phyag 'tshal nas gsol ba btab pa/ e ma'o gsang mchog dag pa'i bdag /ye shes shes bgyi ji ltar lags/ /rngam pa zhes ni gang la bgyi/ /glog phreng zhes pa ji ltar lags/ /'khor lo zhes pa ji lta bu/ /mdo yi don ni ji ltar lags/ /
bcom ldan 'das kyis bshad du gsol/ /zhes gsol ba btab pa/ gsang ba mchog gi bdag pos gsol ba btab pa thugs su chud nas ye shes snying po can rnams nyon cig /ye shes ye shes zhes bya ba/ /shes dang shes bya tha dad min/ /rig 
pa'i ngo bo rnam pa lnga/ /stong nyid snying rje dbyer med pas/ /byang chub sems su rgyal bas gsungs/ /dregs pa 'dul zhing nan thur gyis/ /thogs chags med pa'i brtul zhugs pas/ /sngags spyod rngam pa'i khyad par de/ /rngam pas rngam pa'i mtshan 
nyid yin/ /glog ni myur du 'jug pa'i phyir/ /'jug pa'i yan lag bzhi dag dang / /sdom dang las bzhi'i khyad par gyis/ /dngos grub las la myur 'jug pa'o/ /rang bzhin ting 'dzin gzugs brnyan dang / /phyag rgya dngos grub 'brel bcas 
ni/ /'khor lo zhes su rgyal bas gsungs/ /de bas ming ni don mthun grags/ /rig cing gsal ba'i ngo bo pas/ /ye shes zhes su brjod pa yin/ /rngam pa zhes pa drag shul spyod/ /myur zhing bar chad med pas na/ /log gi phreng ba zhes 
su bya/ /skor dang gcod dang rgyun mi gcad/ /'khor lo lta bu'i rnam pa der/ /gsang ba kun 'dus mdo bya'o/ /zhes gsungs so/ /de nas smra ba'i seng ge byed pa po rdo rje kun du bzang pos gsol pa/ rgyud ces bgyi ba ji lta bu/ mdo 'di 

</font><hr>97-1-343b<br><font size=+1>

'brel pa ji ltar lags/ /de bzhin dgos dang yang dgos ci/ /brjod pa ji ltar shes par bgyi/ /bcom ldan gsang ba mchog gi bdag pos bka' stsal pa/ 'brel dang ma tshang med pa dang / /phun sum tshogs phyir rgyud ces bya/ /'di don 
rig pa'i skyes bu yis/ /gsang ba kun don shes pa'i phyir/ /phyogs bcu kun du rab grags pa'i/ /rgyud kun dang ni 'brel par bshad/ /gsang ba'i sgor zhugs rnal 'byor pa/ /byang chub sems dang dkyil 'khor dang / /phyag rgya bsnyen dang 
dngos grub dang / /sdom dang brtul zhugs ma rungs mnyes/ /las dang nan tur bya ba'i rnams/ /mchog tu dgos pas dgos pa yin/ /bden gnyis rtogs nas bdag gzhan don/ /grub pa yang dgos yin par bshad/ /dgos pa'i don 
yang rdzod byed pa'i/ /don bsdus mdo 'di brjod pa yin/ /de bas rnam pa bzhi po yis/ /bde blag tu ni rtogs par 'gyur/ /zhes gsungs so/ /yang smra ba'i seng ges gsol pa/ dbang mchog dam pa ma thob par/ /sgrub pa ci yang mi 'grub pa/ /
ji ltar dbang bskur mtshan nyid lags/ /snod ni ji lta bu dag lags/ /go rims ji lta bu dag lags/ /rnam grangs dag gi mtshan nyid ci/ /dbang thob rtags dang mtshan ma ci/ /bcom ldan snying pos bshad du gsol/ /gsang ba mchog 
gi bdag pos bka' stsal pa/ gsang ba'i tshig la gsal 'dris shing / /don la gzhol zhing yid ches kyang / /dbang bskur bka' rtags ma byin par/ /nor bu blon bral bskos pa ltar/ /sa rnams thob par mi 'gyur ro/ /sems kyis 
chos la dbang thob na/ /rdzas tshig gang zag dbang rnams kun/ /ma bskur na yang thob par 'gyur/ /bskur na'ang nyes pa med par bshad/ /rig pa rang dbang thob gyur na/ /bskur ba'i dbang la thogs pa med/ /de ni dbang gi mtshan 

</font><hr>97-1-344a<br><font size=+1>

nyid yin/ /ras chod byed cing tshul 'chos pa'i/ /dad dang mi ldan brtson 'grus chung / /blo zhan nges med 'phyar la g.yeng / /bla ma spun la sri zhu chung / /de ni dbang gi snod ma yin/ /dad dang ldan zhing brtson 'grus che/ /
mnyan bsam slob la mi skyo ba/ /bla ma spun la bkur sti byed/ /gsang ba nyan pa'i dbang bskur ro/ /rnam bzhi las kyi dgos pa tshang / /bya ba'i las la ma rmongs na/ /kar ma las kyi dbang bskur ro/ /lta bas mnyam pa'i don rtogs 
na/ /rgyal 'theb 'chad cing ston pa'i dbang/ /tshad ma gsum dang rab ldan zhing / /rkyen thub rdo rje slob dpon dbang/ /theg pa'i rim pa thams cad la/ /phyogs ris med cing ma rmongs na/ /rab 'byam rgyal po'i dbang thob pa'o/ /rkyen thub 
brtul zhugs che ba dang / /skyon rnams spangs shing dam tshig ldan/ /gsang ba sgrub pa'i dbang thob pa'o/ /dang por gsang ba nyan pa'i dbang/ /rin chen rigs kyis rna ba la'o/ /de nas rdo rje las kyi dbang/ /las kyi rigs kyis yan lag 
la'o/ /de nas gsang ba sgrub pa'i dbang/ /rdo rje rigs kyis snying gar ro/ /de nas rgyal 'theb rgyal po'i dbang/ /sangs rgyas rigs kyis spyi bo la'o/ /de nas gsang ba 'chang ba'i dbang/ /pad+ma'i rigs kyis lce la bskur/ /de nas rab 'byam rgyal 
po'i dbang/ /yan lag rigs lngas dbang bskur ro/ /dang po gsum pa bdag gi don/ /gnyis pa bzhi pa gnyis ka ste/ /lnga pa drug pa gzhan don du/ /dbang mchog bskur ba'i go rims yin/ /rnam grangs go rims mtshan nyid ni/ /dang 
por phyi yi dbang bcu bskur/ /de nas nang dbang bcu dang gcig /de nas sgrub pa'i bcu dang gsum/ /tha mar gsang ba rnam pa gnyis/ /bcu phrag gsum dang drug dag gis/ /dbang mchog dam pa bskur ba yin/ /dang po bka' rtags phyag 

</font><hr>97-1-344b<br><font size=+1>

rgya'i dbang/ /gnyis pa rtags kyi mtshan ma'i dbang/ /gsum pa shes rab gzugs kyis te/ /bzhi pa bkra shis bum pa'i dbang/ /lnga pa bkra shis rdzas kyi dbang/ /drug pa rin chen sna bdun dbang/ /bdun pa gdan mchog dam pa'i 
dbang/ /brgyad pa mdzes pa rgyan gyi dbang/ /dgu pa gsang ba ming gi dbang/ /bcu pa rgyal rtags 'khor lo ste/ /phyi dbang bcu po rdzogs pa dang / /rdo rje nang du gzhug par bya/ /dang po gsang ba nyan cing slob pa'i dbang/ /gnyis pa glegs 
bam zab mo gtad par bya/ /gsum pa rnam bzhi las kyi rdzas kyang sbyin/ /bzhi pa rgyal tshab dam pa'i mdzod gsum sbyin/ /lnga pa slob dpon bzhi yi theg chen rtags/ /drug pa nyi zla pad+ma sems can gdan/ /bdun pa rgyal po gsang ba'i rin chen 
bdun/ /brgyad pa gzugs brnyan spyi bor gzhag /dgu pa sku gsum ye shes sbyin/ /bcu pa bkra shis dam rdzas dbang/ /de nas lag tu rdo rje sbyin/ /bcu dang gcig gis nang bcug nas/ /sgrub pa'i dbang mchog sbyin par bya/ /dang por sems 
kyi gtan tshigs sbyin/ /gnyis pa snying rje'i dbang bskur sbyin/ /gsum pa yi ge 'khor lo sbyin/ /bzhi pa thong gshol 'bar ba sbyin/ /b+han d+ha gang ba sbyin dang lnga/ /drug pa mtshon cha sna tshogs te/ /bdun pa skyon med pad+ma sbyin/ /brgyad pa 
sti ra'i dbyug pa sbyin/ /dgu pa sbrul nag chun po sbyin/ /bcu pa dri med lha mo sbyin/ /gcig pa 'dod pa'i longs spyod kun/ /gnyis pa sgrub rdzas rab tu sbyin/ /gsum pa rdo rje gsang mi sbyin/ /bcu dang gsum pa rdzogs pa dang / /gsang ba dam pa sbyin 
pa yang / /dkar dmar 'dres pa'i byang chub sems/ /bu mchog de yi lce la gzhag /snying po don dam byang chub sems/ /de yi blo la gzhag par bya/ /dbang mchog thob pa'i ltas rnams kyang / /blo rtsal che ba'i bdag nyid dang / /snang ba lus kyi 

</font><hr>97-1-345a<br><font size=+1>

snga ltas dang / /ngo mtshar che ba'i rdzas rnyed dang / /mtshan ma pra yi rmi ltas 'byung / /blo rtsal che ba'i khyad par du/ /yang dag bden pa'i don rnams la/ /mi skrag dga' mgu skye bar 'gyur/ /'khor ba'i chos la skyo sems 'byung / /
rnam grangs chos la dad mi 'gyur/ /ji ltar snang ba'i mtshan ma kun/ /sgyu ma bzhin du shes par 'gyur/ /'jig rten pa yi mthu chen la/ /'jigs shing nyam nga med par 'gyur/ /de la sogs te mtha' yas mchog /snang ba lus kyi snga ltas kyang / /
lus kyis bzod pa thob pa dang / /'du ba'i nad dang bral ba dang / /kham kyi zas dang bral ba dang / /dbang po'i gzi mdangs gsal ba dang / /bar snang dag la lding ba dang / /shing bal lta bur yang ba dang / /chu la mi 'bying mes mi 'tshig /rlung gis 
khyer bar nus mi 'gyur/ /de la sogs te mtha' yas mchog /ngag gis ji snyed brjod pa bzhin/ /'gyur ba yin par shes par bya/ /rdzas kyi dam pa yon tan ldan/ /rnyed cing thob pa dag tu 'gyur/ /nyams dang rmi lam dag tu yang / /dbang 
mchog ji ltar bskur ba bzhin/ /de dag nus pa'i rnam pa 'byung / /de dag dbang bskur thob pa'i rtags/ /zhes gsungs so/ /de nas yang smra ba'i seng ge byed pa po rdo rje kun du bzang pos 'di skad ces gsol ba btab bo/ /ye shes rnal 'byor 
can rnams kyis/ /gsang ba sbas pa'i thabs tshul du/ /sbas pas grub pa'ang myur ba dang / /gsang ba'i dam la gnas bya dang / /brda la dga' ba'i mi rnams kun/ /nye zhing gdung bar bya ba'i phyir/ /lus dang ngag gi brda rnams kun/ /gsang ba'i 
bdag pos bshad du gsol/ /zhes gsol ba btab pa dang / gsang ba'i bdag pos bka' stsal pa/ /gsang ba sbas pa'i thabs tshul du/ /brda yi dam tshig bshad par bya/ /'dus pa'i 'khor rnams legs par nyon/ /lus brda dam tshig 

</font><hr>97-1-345b<br><font size=+1>

phyag rgya ni/ /lag pa g.yas pas bya ba kun/ /rnal 'byor pa yis bya ba'i brda/ /g.yon pas bya ba ma yis brda/ /spyi bor nyug pa'i lag brda ni/ /phyag 'tshal ba yi brda yi rgya/ /dpral bar reg pa phyag lan yin/ /lag pa g.yas pa brkyang byas 
te/ /mgo bo btud par byas pa ni/ /khams bde 'am zhes 'dri ba'i brda/ /lag pa g.yon pa brkyang nas ni/ /g.yon du 'dud pa bde ba'i lan/ /mig gnyis dag la reg pa na/ /gzugs mdzes ston cig ces pa'i brda/ /g.yas pa skyes 
pa mdzes pa yin/ /g.yon pa bud med bzang mor bshad/ /rna ba dag la reg pa'i brda/ /g.yon pa legs pa'i glu snyan brda/ /g.yas pa tshig snyan smra ba'i brda/ /sna phug gnyis la reg pa ni/ /g.yas pa bdug pa 'dod pa ste/ /g.yon pa 
dri dag slong ba'i brda/ /lces ni ldag par byed pa'i brda/ /g.yas su ldag pa sha 'dod pa'o/ /g.yon du chang 'dod brda ru bshad/ /mche bas ma mchu mnan pa ni/ /g.yon pa bud med reg bya 'dod/ /g.yas pa skyes pa de bzhin no/ /lkog mar reg 
pa gsang ba yi/ /theg mchog gsang ba smra ba'i brda/ /ske la reg par byed pa ni/ /bdag nyid dbyangs snyan len pa'i brda/ /snying ga'i dkyil du reg pa ni/ /don rtogs pa yi brda ru bshad/ /rig nas phyir la 'gyed pa ni/ /spyos pa'i brda ru shes par bya/ /
slar yang snying gar gtugs pa ni/ /slar yang bsdu ba'i brda yin no/ /lte ba'i dkyil du reg pa ni/ /dbu ma'i nan tan spyod pa yin/ /dbang po rab tu gsal byas na/ /ting 'dzin sgrim zhes bya ba yin/ /phrag pa gnyis ni ston pa'i brda/ /g.yas pa 'gugs 
pa'i brda yin no/ /g.yon pa slar gtod pa yi brda/ /dpung pa gnyis la nyug pa'i brda/ /g.yas pa dregs pa 'dul ba'i brda/ /g.yon pa longs spyod grub pa'i brda/ /khu tshur g.yas bcangs dbang du sdud/ /g.yon pa bcangs na thong shig pa'o/ /brla 

</font><hr>97-1-346a<br><font size=+1>

gnyis myug pa'i brda dag kyang / /g.yas pa chos la sbyor ba'i brda/ /g.yon pa 'dod chags rtsom pa'i brda/ /pus mo'i lha nga'i brda dag kyang / /g.yon pa rab tu 'dud pa yin/ /yang na bcing ba yin par bshad/ /g.yas pas rab 
tu dgrol ba yin/ /rkang pas gnon pa'i brda dag kyang / /g.yon pas thams cad gnon par byed/ /g.yas pas 'joms par byed pa yin/ /mdzub mo bsgreng ba'i brda tshul gyis/ /khro bo'i brda ru bshad pa yin/ /dbang po gyen du bsgreng ba ni/ /de tshe 
mdza' bar 'dod pa'i brda/ /chung ngu'i rtse mo bsgreng ba ni/ /de tshe sbyor bar 'dod pa'i brda/ /sbon po mngon par ston pa na/ /bkres zhes bya ba'i brda yin no/ /gang tshe shin tu mthor ston na/ /mngon pa'i nga rgyal bskyed pa'i brda/ /khro mo lcags kyur drangs 
byas na/ /de tshe tshur shog brda yin no/ /de nyid zlog pa khyed cig pa'o/ /lag gnyis gar thabs bskor nas kyang / /se gol drag rdobs 'dren pa'i brda/ /bskor nas sbyar ba phyag rgya'i brda/ /bskor nas thal mo spyi bor gzhag /'di ni mchod 
pa'i brda yin no/ /bskor nas snying gar gzhag pa ni/ /bsam gtan rtse gcig brda yin no/ /bskor nas gnyis kyis ston pa ni/ /mchod pa stobs pa'i brda yin no/ /dbang mo lce la reg pa ni/ /tshogs mchod dus la bab pa'i brda'o/ /gar 
thabs bskor nas dbang mor 'thor/ /de nas lce la reg pa ni/ /'dza' gad brim pa'i brda yin no/ /de la sogs te bsam mi khyab/ /ngag brda dam tshig phyag rgya yang / /a ti bu zhes bya ba ni/ /phyag 'tshal zhes pa'i brda yin no/ /pra ti pu zhes bya 
ba ni/ /phyag lan 'tshal ba'i brda yin no/ /ri mo zhes bya gzugs kyi brda/ /glu ni sgra yi brda ru bshad/ /tshim byed dri yi brda yin no/ /ra sa a na ro yi brda/ /bde ba zhes bya reg pa yin/ /dga' ba zhes pa rab tu rig /sbyor ba zhes pa chos su 

</font><hr>97-1-346b<br><font size=+1>

bshad/ /me tog zhes bya khrag yin no/ /bdug pa zhes pa mdangs kyi brda/ /mar me zhes pa sha chen la'o/ /dpa' bo zhes pa chang du bshad/ /spos zhes thal chen dag la'o/ /'dod chags sra ba tshwa yin te/ /khu ba g.yon can skyur po yin/ /bran mo 
tshod ma'i brda yin no/ /chur ba zho la zla rgyas te/ /sman gyi mchog ni sha yi brda/ /zan ni tshe zhes bya ba'i brda/ /arma mi zhes bya ba'i brda/ /rgun 'brum zhes pa rta yi brda/ /glang po pa na se zhes bya/ /na li ki ri khyi yi brda/ /a ru ga ni ba lang ngo / /ti 
zhes mkha' 'gro'i brdar bstan to/ /a ral zhes pa mkha' 'gro ma/ /dar dir sil snyan sgra ru bshad/ /dza zhes bya ba 'dren pa'i brda/ /hU~M ni sdud pa'i brda yin no/ /ba~M ni sdom pa yin par bshad/ /ho ni zhugs nas dbang du 'gyur/ /e hi zhes pa tshur 
spyon brda/ /ya hi phar bzhud zhes pa'o/ /ti sta ha ni drangs shig pa'o/ /kha kha khA hi zo shig pa'o/ /a pa'i zhes pa yang nas yang / /da ra da ra byin cig pa'o/ /ru ta ma ta rol zhes pa'o/ /hu lu hu lu zhugs shig pa'o/ /a ra ra ra bskul cig pa'o/ /
de la sogs te bsam yas mchog /zhes gsungs so/ /de nas yang smra ba'i seng ge'i byed pa po rdo rje kun du bzang pos gsol pa/ e ma'o gsang chen bde ba che/ /mi 'gyur nam mkha' dngos po med/ /lhun grub bde chen rnam par dag /dag mchog 
lha la phyag 'tshal bstod/ /gsang ba zhes bgyi rnam pa du/ /sbas pa zhes bgyi rnam pa du/ /thig le zhes bgyi ji ltar gnas/ /mnyam nyid zhes pa rnam pa du/ /dag pa zhes pa rnam pa du/ /rtogs pa rnam pa du ru bzhed/ /mtshan nyid gsum 
zhes ji lta bu/ /ting 'dzin gsum po ji ltar lags/ /bdag cag rnams la sman slad du/ /bde bar gshegs pas bshad du gsol/ /zhes gsol ba btab pas/ gsang ba mchog gi bdag pos thugs su chud de bka' stsal pa/ gsang 

</font><hr>97-1-347a<br><font size=+1>

ba zhes pa rnam pa bzhi/ /rang bzhin don gyi gsang ba dang / /gab pa sbas pa'i gsang ba dang / /bstan med rdzas kyi gsang ba dang / /snod med bka' yi gsang ba dang / /chos nyid rang bzhin gsang ba dang / /thugs kyi 
klong nas bskungs pa dang / /dman la mi bstan rdzas rnams dang / /gsang sngags theg chen zab mo'i don/ /rab tu shes pa dka' ba'i phyir/ /bstan par yang ni mi bya bas/ /gsang ba zhes su rgyal bas gsungs/ /de nyid sbas pas sbas 
pa'i don/ /sbas pa rnam pa gsum yin te/ /phyi yi sbas pa gsang ba dang / /de bzhin nang gi sbas pa dang / /gnyis kar ma nges sbas pa ste/ /rmad 'byung sngags kyi spyod pa ste/ /phyi rol sde pas mthong thos na/ /de la bzod pa thob 
min pas/ /de ni sbas pa phyi zhes bya/ /lhun grub bde chen zab mo de/ /ming gi rnal 'byor phal dag gis/ /rtogs shing khong du chud par dka'/ /de ni nang gi sbas pa yin/ /phyi nang gnyis su tha dad min/ /bden pa gnyis su dbyer 
med pa/ /rgyal ba sangs rgyas spyod yul de/ /ma nges sbas par rgyal bas gsungs/ /sbas pa'i don rnams gsal 'byin pa/ /bla ma rdo rje'i thugs la gnas/ /des na sbas zhes nges par gsungs/ /thabs dang shes rab zhes bya 
ba/ /gnyis su med pa'i byang chub sems/ /de nyid thig le rnam gsum ste/ /thabs mchog yab kyi mkha' nyid dang / /shes rab yum gyi klong nyid dang / /gnyis med bde chen ngang nyid du/ /chos kun 'dus shing gcig pa dang / /
spros med thig ler gnas pa'i phyir/ /thig le zhes su rgyal bas gsungs/ /mnyam pa nyid kyang rnam gsum ste/ /don dam dbyings su mnyam pa dang / /kun rdzob sgyu mar mnyam pa dang / /dbyer med gcig par mnyam pa ste/ /ma skyes 

</font><hr>97-1-347b<br><font size=+1>

ma grub dbyer med par/ /chos kun mnyam par gnas pas na/ /mnyam pa zhes su brjod pa yin/ /snod dang bcud dang rgyud rnams kun/ /dag pas dag pa gsum yin te/ /yum gyi dbyings dang yab kyi mkha'/ /ye shes lnga yi rang bzhin du/ /
snod bcud rgyud kun dag pa'i phyir/ /dag pa gsum du rgyal bas gsungs/ /rtogs pa yang ni rnam pa bzhir/ /rnal 'byor nang pa bzhed pa ste/ /rgyu gcig pa dang yig 'bru'i tshul/ /byin gyis brlabs dang mngon sum pas/ /rdzogs chen don la 
'jug 'gyur te/ /rgyu ni bden gnyis gcig pa ru/ /gcig pas gcig pa'i mtshan nyid dang / /sku gsung thugs kyi yi ge ru/ /chos kun rang bzhin rtogs pa dang / /skye med dbyings kyi byin brlabs las/ /chos kun snang bar shes pa 
dang / /de lta bu yi rang bzhin te/ /gzhan la ma rten mi 'gal bar/ /mngon sum rig pas thag chod na/ /rnal 'byor sa la slebs pa yin/ /ma rtogs pa yang bzhi yin te/ /ye nas ma rtogs blun pa dang / /log pa'i rnam par 
rtog pa dang / /phyogs gcig rtogs pa'i khyad par dang / /gsang ba de nyid ma rtogs pa/ /dka' thub med pa'i 'jig rten dang / /log par spyod pa'i dka' thub dang / /nyan thos dman pa'i lam pa dang / /byang chub sa la gnas pa rnams/ /
gsang ba de nyid ma rtogs par/ /bder gshegs rgyal ba nyid kyis gsungs/ /des na rtogs pa rnam bzhi yis/ /rnal 'byor sa la bsnyen pa yin/ /shes pa dang ni 'jug pa dang / /'bras bu'i mtshan nyid ces bya bas/ /sa la nye dang sar chud 
dang / /sa thob 'bras bu rnam pa gsum/ /rgyu 'bras tshul du gnas pa ni/ /nus mthur ldan pa'i shes rab kyis/ /rig 'dzin zhing ste shes rab gsum/ /yum yang mtshan nyid gsum yin te/ /kun du brtags dang gzhan dbang dang / /yongs 

</font><hr>97-1-348a<br><font size=+1>

su grub pa zhes su brjod/ /log pa'i bsam pas mthong brtags pa/ /kun du brtags te yod pa min/ /bden gnyis rgyu dang 'bras bu'i tshul/ /'brel ba gzhan dbang yin par gsungs/ /bden gnyis rgyu 'bras dbyer med 
par/ /yongs su grub par bder gshegs gsung / /kun brtags log par shes pa ni/ /shes pa'i mtshan nyid ces su bya/ /gzhan dbang tshul du goms bya ba/ /'jug pa'i mtshan nyid ces su bya/ /yongs su grub la gnas bcas na/ /de 
nyid 'bras bu'i mtshan nyid yin/ /de bzhin nyid dang kun du snang / /rgyu yi ting 'dzin rab bsgoms pas/ /rdzogs pa'i byang chub thob pa ste/ /yongs su grub pa'i blo gsal na/ /de bzhin nyid du rnam par grags/ /kun snang snying rje'i ngo bo dang / /yig 
'bru kha dog gsal ba yi/ /rgyu yi ting 'dzin gsal ba ni/ /bskyed pa gzhan gyi dbang yin te/ /de nyid log rtog kun brtags pa'o/ /des na rnal 'byor skyes bu yis/ /mtshan med ngang la gnas bcas nas/ /mtshan ma'i rnal 'byor bsgom par bya'o/ /
mtshan ma med dang mtshan ma yang / /tha dad med par shes par bya/ /de ltar rig pa'i rnal 'byor pa/ /de nyid nga yin sa thob yin/ /sangs rgyas zhes kyang de la bya/ /sangs rgyas rnams kyang mchod pa byed/ /byang chub sems dpa' smos ci dgos/ /'jig 
rten lha klu mthu chen yang / /de la mchod cing bkur sti byed/ /phyi bzhin 'breng zhing dgos pa skong / /zhes gsungs pas/ 'dus pa'i 'khor tshogs rnams kyis rang rang gi lus sa la brdabs nas a la la zhes bya ba'i sgra phyung ste shin tu ngo mtshar to/ /de nas 
smra ba'i seng ge byed pa po rdo rje kun du bzang pos 'di skad ces gsol to/ /bcom ldan 'das the tshom thams cad gcod pa'i bdag po mchog rgyud kyi rgyal po chen po 'di nyid ye shes rngam pa glog gi 'khor lo'i mdo chen po zhes bya ba rgyud kyi 'grel pa/ rtags kyi 

</font><hr>97-1-348b<br><font size=+1>

rol pa/ don gyi bkod pa rdo rje rnam par rol pa'i gzhung chen po 'di yi bla ma rdo rje slob dpon skyes bu dam pas ma nor bar rtogs shing gzhan dag la yang ma nor bar ston pa de la bdag cag rnams kyis ji ltar blta bar bgyi/ ji lta bu'i rang bzhin du 'tshal bar 
bgyi/ bcom ldan 'das lung bstan du gsol/ bde bar gshegs pas lung bstan du gsol/ de nas bcom ldan 'das gsang ba mchog gi bdag pos gsol pa btab pa de mkhyen nas 'di skad ces gsungs so/ /smra ba'i seng ge nga la zhu bar
spobs pa legs/ rab tu legs kyis nyon cig /gzhung 'di bla ma rdo rje slob dpon de ni skyes bu dam pa 'ba' zhig tu ma zad de/ de ni bla na med pa yang dag par rdzogs pa'i sangs rgyas rdo rje 'dzin pa nyid du blta bar bya'o/ /de ci'i phyir zhe na/ de 
ni rdo rje 'dzin pa chen po dang / dbyer med cing tha mi dad de/ bla ma de ni bskal pa chen po grangs med pa'i pha mtha' yi yang pha mtha' 'das pa nas rgyal ba sangs rgyas brjod du med pa yi yang brjod pa rnams la tshogs thams cad yongs su rdzogs par sbyangs 
shing rang gi sems kyi rgyud rnam par sbyangs pa'i nus mthus gsang ba 'di'i don la yid ches shing gsang ba'i don 'di lta bu'i bla ma rdo rje slob dpon chen po nyid du rig par bya ste/ de ni sangs rgyas nyid dang tha mi dad cing byang chub kyi sems nyid du blta bar bya'o/ /
de la 'di ni phyogs bcu dus bzhi'i sangs rgyas ma lus mi lus lus pa med pa'i sangs rgyas kyi zhing rdul phra rab dang mnyam pa rnams kyang spyi bo gtsug gis khur zhing phyag 'tshal ba dang mchod pa byed cing rjes su 'breng na gzhan byang chub sems dpa' dang rdo rje 'dzin 
pa rnams la phyag 'tshal zhing mchod pa ci zhig smos te/ 'jig rten gyi mthu bo che rnams kyang de'i bran du khas len cing 'khor gyi dkyil 'khor yang skyong zhing ci bsgo ba thams cad kyang bsam pa yid bzhin du grub par byed do/ /de bas na yang dag par 

</font><hr>97-1-349a<br><font size=+1>

rdzogs pa'i sangs rgyas nyid du blta bar bya'o/ /de ni de bzhin gshegs pa skyes bu 'dul ba/ kha lo sgyur ba/ 'jig rten dang 'jig rten las 'das pa'i ston pa chen po yin par blta'o/ /sems can thams cad kyi 
mgon dang skyabs dang / rten dang / gling dang / ded dpon dang / 'dren pa dang / sgrol ba'i gru lta bu yin par shes par bya'o/ /de ni ye shes kyi sgron ma chen po 'dzin pa ste de bas na sangs rgyas nyid du blta'o/ /de bas na bla ma de dang 
phrad pa'i gang zag rnal 'byor pa des kyang yang dag par rdzogs pa'i sangs rgyas nyid dang phrad par rig par bya'o/ /smra ba'i seng ges gsol pa/ bcom ldan 'das bla ma rdo rje slob dpon de'i rjes su 'brang zhing gsang ba 'di lta bu la mos shing 'dzin pa 
dang / rna ba'i dbang pos nyan cing gzhung bzhin du sgrub pa'i gang zag rnal 'byor pa de'i rnam par smin pa ni ji lta bu zhig bdag cag rnams kyis ji ltar 'tshal bar bgyi/ gsang ba mchog gi bdag pos bka' stsal pa/ bla ma de'i rjes 
su 'breng zhing gsang ba 'di la mos shing 'dzin pa dang / rna ba'i dbang pos nyan cing gzhung bzhin du sgrub pa'i gang zag rnal 'byor pa de ni gang zag 'ba' zhig ma lags te/ sa la bsnyen pa dang / sa thob pa'i rnal 'byor pa ste/ rigs kyi bu khyed 
rnams kyis kyang spun dang grogs po lta bur shes par bya'o/ /gang phyogs bcu dus bzhi'i sangs rgyas ji snyed pa rnams kyang rnal 'byor pa de la nye ba'i sras dam par dgongs shing byin gyis rlob par 'gyur ro/ /de ci'i phyir zhe na/ gang zag gsang ba 'di 
ni thos shing mos pa'i skal ba dang ldan pa yang bskal pa grangs med pa'i pha mtha' nas tshogs bsags shing sbyangs pa'i mthus des ltar 'gyur bar rig par bya'o/ /de bas na smra ba'i seng ge khyod nyid la sogs pa'i rdo rje 'dzin pa rnams dang tha mi dad 

</font><hr>97-1-349b<br><font size=+1>

par rig par bya'o/ /de dag gi dngos grub kyang tshe 'di nyid la 'grub cing gzhan 'jig rten gyi mthu chen rnams kyang bka' nyan cing las byed par 'gyur ro/ /yang smra ba'i seng ges gsol pa/ bcom ldan 'das bla ma rdo rje slob dpon chen po rnal 
'byor gyi 'khor dang bcas pa rnams gsang ba'i theg pa 'di nyid la mos shing dad pa'i sems kyis g.yo sgyu dang / gsog 'jog spangs pa'i phyi rabs kyi dad pa can gyi skye bo de'i rnam par smin pa cir 'gyur/ bdag cag la sogs pa rnams kyis ji 
ltar blta bar bgyi/ bcom ldan 'das kyis bka' stsal pa/ rigs kyi bu dad pa can gyi skye bo bla ma 'khor dang bcas pa gsang ba'i theg pa 'di nyid la mos shing dad pa dang rna ba'i dbang pos nyan cing g.yo sgyu dang gsog 'jog spangs pa de'i rnam 
par smin pa'i legs pa'i yon tan yang brjod cing tshad gzung bar rab tu dka'o/ /la la dag gis so so skye bo sangs rgyas kyi zhing yongs su gang ba la sbyin pa byin pa'am/ srog bton pa'am dge ba bcu dang / tshad med pa bzhi dang / bsdu ba'i 
dngos po bzhis rgyu'i theg pa'i sgo nas 'gro ba'i don byas pa bas ni bla ma 'khor dang bcas pa dang gsang ba'i theg pa 'di'i sgo nas skad cig tsam 'gro ba gcig gi don byas pa'i bsod nams kyi dge ba'i rtsa ba 'bum gyi cha yang mi phod do/ /rigs kyi bu la la 
dag gis sangs rgyas kyi zhing yongs su gang ba'i nyan thos sam/ rang sangs rgyas sam/ byang chub sems dpa'i theg pa de snyed la rim gro bkur sti tshul bzhin du bskal pa grangs med pa'i yun du byas pa'i bsod nams kyis ni gsang ba'i theg pa 
'di la gnas pa'i gang zag rnal 'byor pa gcig la tha na dro gcig gam/ skad cig yud tsam du bkur sti tshul bzhin du byas pa'i bsod nams kyi 'bum gyi char yang mi phod do/ /de ci'i phyir zhe na/ de ni gsang ba'i theg pa 'di nyid 

</font><hr>97-1-350a<br><font size=+1>

las nyan thos dang / rang sangs rgyas dang / byang chub sems dpa'i theg pa rnams 'byung zhing gsang ba'i theg pa nyid la 'gro ba gzud pa'i thabs su bsti ba'i gnas su gsungs pa yin gyi gtan du gzhag pa'i sa ni ma yin 
no/ /de bas na nga nyid kyi sprul pa bas kyang chos rnam pa sna tshogs ji ltar 'dul bar ston pa yin no/ /de bas na gsang sngags kyi yon tan ni bsam gyis kyang mi khyab bo/ /rigs kyi bu gang zag la la dag gis bskal pa brjod du med pa'i 
yang brjod du med par rgyu'i theg pa'i sgo nas dge ba'i rtsa ba rgyas par spyad pa bas ni gsang ba'i theg pa 'di'i don skad cig tsam yid la byas pa'i bsod nams khyad par du 'phags te 'bum gyi char yang mi phod do/ /rigs kyi bu gang zag la la 
zhig gis bskal pa gang gA'i klung gi bye ma snyed du so so'i skye bo'am/ nyan thos sam/ rang rgyal ba'am/ byang chub sems dpas sangs rgyas kyi zhing yongs su gang ba snyed la me tog dang / phreng ba dang / byug spos dang / bla bre 
dang / rgyal mtshan dang / ba dan dang / lhab lhub dang / rol mo'i khyad par mang po la sogs pas sangs rgyas kyi zhing yongs su gang bar byas te phul ba bas tha na gsang ba'i theg pa la gnas pa'i rnal 'byor pa gcig tsam la'ang g.yo 
sgyu dang / gsog 'jog spangs pa'i sgo nas 'dod pa'i yon tan gyi tshogs skad cig tsam bteg cing longs spyad pa'i bsod nams khyad par du 'phags te 'bum gyi char yang mi phod do/ /de ci'i phyir zhe na/ so so'i skye bo'am/ nyan thos sam/ 
rang sangs rgyas sam/ byang chub sems dpa'i bsod nams dang ye shes kyi phung po de dag pas gsang ba'i theg pa la gnas pa gcig gi ba spu'i cha gcig gi bsod nams dang / ye shes kyi phung po khyad par du 'phags te 'bum gyi char yang mi 

</font><hr>97-1-350b<br><font size=+1>

phod do/ /de bzhin du gang zag la la zhig gis me tog la sogs pas sangs rgyas kyi zhing yongs su gang ba'i bsod nams dang ye shes kyi phung po gang yin pas 'dod pa'i yon tan tshogs chen po gcig gi rdul phra rab kyi cha tsam gyi bsod nams 
dang ye shes kyi phung po gang yin pa de bas 'dod pa'i yon tan tshogs chen po gcig gi rdul phra rab kyi cha tsam gyi bsod nams dang ye shes kyi phung po khyad par du 'phags te 'bum gyi char yang mi phod do/ /rigs kyi bu de bas na dad pa can gyi 
skye bo gsang ba'i theg pa nyid dang / gsang ba'i theg pa la gnas pa'i bla ma 'khor dang bcas pa la dad pa'i sems kyis g.yo sgyu dang / gsog 'jog spangs pa'i de'i bsod nams dang ye shes kyi phung po ni tshad med do/ /de bsod nams 
dang ye shes kyi phung po ni thams cad mkhyen pa'i sangs rgyas rnams kyis kyang bgrang bar mi nus so/ /de nas smra ba'i seng ges 'di skad ces gsol to/ /bcom ldan 'das gsang sngags kyi yon tan ni tshad ma mchis so/ /bde bar gshegs 
pa tshad ma mchis lags so/ /bcom ldan 'das 'on kyang bdag cag la sogs pa dang / ma 'ongs pa'i 'gro ba rnams drang ba'i slad du sngon 'das pa'i lo rgyus kyi gtan tshigs rnams zhu bar 'tshal na gnang ba'i skabs dbye bar gsol/ gsang 
ba mchog gi bdag pos bka' stsal pa/ smra ba'i seng ge khyod nga la zhu bar spobs kyis ci dang ci 'dod pa dris shig dang ngas khyod la bshad par bya'o/ /de nas smra ba'i seng ges gsol pa/ bcom ldan 'das gsang ba'i theg pa 'di rna ba'i dbang 
pos thos pa'i yon tan dang rnam par smin pa ji lta bur 'gyur/ gsang ba mchog gi bdag pos bka' stsal pa/ rigs kyi bu rnams nyon cig /gsang ba'i theg pa 'di rna ba'i dbang pos thos pa'i yon tan ni ming tsam thos pas kyang ngan 

</font><hr>97-1-351a<br><font size=+1>

'gro las skyob par 'gyur ro/ /de yang ji ltar yongs su shes zhe na/ sngon 'das pa'i dus dran pa thog ma'i tshe gsang ba'i theg pa'i lha'i gnas rim pa gsum na tshul bzhin du spyod pa las 'od ldan zhes bya ba'i lha'i bu 
zhig mi rtag pa'i dus la bab ste 'chi ba'i snga ltas rnams byung bar gyur/ de rab tu mi dga' ba'i 'du shes su gyur nas tshe phyi ma la gang du skye snyam pa'i 'du shes 'ba' zhig skyes pa las/ lha'i bu de nyid mngon par shes pa las mi gtsang ba za 
ba'i byol song gi rigs su skye bar mthong ste shin tu 'jigs pa'i sems skyes nas mgon skyabs gzhan med par mthong ste gsang ba'i theg pa'i mtshan thos nas de bzhin du yid la dran par byas so/ /de'i tshe 'od ldan zhes bya ba lha'i bu de ngan 
'gro'i lam de las grol te gsang ba'i theg pa 'dzin pa'i gnas ga la ba der skyes so/ /der skyes nas kyang tshogs chen po la longs spyod pa skal ba can du gyur pa de bzhin du shes par bya'o/ /yang gsol pa/ gsang ba mchog gi bdag po 
gsang ba'i theg pa 'di la dga' zhing mos pa dang / 'dun pa skyes pa'i gang zag de ni rnam par smin pa'i yon tan ji lta bur 'gyur/ lung bstan du gsol/ gsang ba mchog gi bdag pos bka' stsal pa/ gsang ba'i theg pa 'di 
la dga' zhing / mos pa dang 'dun pa skyed pa'i gang zag dam pa de ni rig 'dzin rgyal ba'i sras dam par 'gyur bar gdon mi za'o/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe bram ze rgyal byed ces 
bya ba'i bu byams ldan zhes bya ba zhig gsang ba'i theg pa 'di la dga' zhing mos nas 'dun pa skyes te gsang ba'i theg pa 'di kun du btsal bas rang gi sgrib pa'i bag chags stug pos gegs byas nas/ rnyed par ma gyur te sa phyogs shin tu yang dben 

</font><hr>97-1-351b<br><font size=+1>

pa cig tu 'dug nas gsang ba la rab tu gdung ba'i shugs kyis ngu zhing smre sngags kyi tshig 'di skad ces smras so/ /kye ma'o bdag gi las 'di shin tu pham/ /thog ma skyes nas rgas bar du/ /'bad de gsang ba'i don btsal yang / /gsang 
ba ma rnyed las re ngan/ /da yang ji ltar btsal na rnyed/ /btsal yang rnyed par mi 'gyur na/ /thugs rje bdag la skyabs mdzod cig /ces smras nas nam mkha' stong pa las cho 'phrul gyi sgra 'di skad ces grag go/ /bram ze'i bu ni skal 
ldan khyod/ /yid dam brtan pa shin tu legs/ /khyod ni don gyi skal ba can/ /phyogs bcu dus bzhi'i sangs rgyas kyis/ /khyod la byin gyis rlob pa mdzod/ /rang nyid lta ba ma yengs par/ /bag chags sbyangs pa'i thabs 
dag la/ /mkhas shing brtson par bya dgos te/ /rang gi khrag rnams drangs nas su/ /dad cing gtsang ba tsan+dan chur/ /dmigs nas rgyal ba kun mchod na/ /myur du gsang don rnyed par 'gyur/ /zhes bar snang 
las lung bstan pa thos nas rab tu dga' ba'i sems kyis lus kyi rtsa rnams khrag drangs nas 'phags pa rnams la mchod pa de nyid du gsang ba'i don mthong ste/ rig 'dzin rgyal ba'i sras dam par gyur pa de bzhin shes par bya'o/ /
de nas yang smra ba'i seng ges gsol pa/ bcom ldan 'das gsang ba mchog gi bdag pos gsang ba'i theg pa 'di'i sgor zhugs shing tshogs kyi dkyil 'khor dam pa mthong ba'i gang zag dam pa de'i 'bras bu ji ltar lags/ lung 
bstan du gsol/ bde bar gshegs pas lung bstan du gsol/ gsang ba mchog gi bdag pos bka' stsal pa/ gsang ba'i theg pa'i sgor zhugs shing tshogs kyi dkyil 'khor dam pa mthong ba'i gang zag de ni dngos grub 

</font><hr>97-1-352a<br><font size=+1>

tu gyur to 'tshal thams cad ji ltar 'dod pa bzhin thob par 'gyur ro/ /de na yang ji ltar yongs su shes zhe na/ sngon 'das pa'i dus nga dran pa thog ma'i tshe lha'i gnas rim pa gsum na gsang ba spyod pa las dge ba'i rgyal po 
bkod pa zhes bya ba'i lha'i bu zhig tshom bu 'bum dang bcas nas gsang ba rgya cher spyod pa las rin chen 'od ldan zhes bya ba'i lha'i bu zhig gsang sngags rgya cher spyod pa de nyid la shin tu dad pa skyes pa las yo byad phun sum tshogs pa dang bcas pa gsang ba'i 
gnas der phyin te gsang ba'i sgor zhugs nas tshogs kyi dkyil 'khor chen po yang mthong bar byas te de nyid kyi dus kyi tshe dag tu dngos grub tu gyur to 'tshal ba thams cad ji ltar bsams pa bzhin du thob par gyur pa/ de bzhin du shes par bya'o/ /de 
nas smra ba'i seng ges gsol pa/ gsang ba'i theg pa 'di mngon du spyod pa'i rnal 'byor pa gang zhig la dga' ba'i yid kyis mngon du phyogs pa de'i 'bras bu ji lta bur 'gyur ba lung bstan du gsol/ gsang ba mchog gi bdag pos bka' stsal pa/ 
smra ba'i seng ge gzhan yang gsang ba'i theg pa spyod pa la mngon du phyogs pa'i gang zag de'i rnam par smin pa ni gsang ba dngos su spyod pa'i rnal 'byor pa de dang 'dra bar thob par 'gyur ro/ /de yang ji ltar yongs su shes zhe na/ sngon 'das pa'i 
dus nga dran pa thog ma'i tshe rgyal po dbang phyug 'od ldan zhes bya ba'i rnal 'byor pa zhig tshom bu 'bum dang bcas nas sngags kyi spyod pa la rgya cher zhugs te 'bras bu ngo mtshar rmad du byung ba thob par kun du grags pa las/ gzhan gyi sde pa bram ze dge 
slong bya ba zhig shin tu dga' ba'i sems skyes nas 'byor pa'i yo byad mang po dang bcas nas tshogs kyi dkyil 'khor de nyid du 'jug par gsol ba btab pa las rgyal pos ma gnang ste gsang sgo bsdams so/ /bram ze de dad pa ma log par 'byor 

</font><hr>97-1-352b<br><font size=+1>

pa'i yo byad ci yod pa rgyal po'i spyan sngar phul te rgyal po gnas pa'i yul phyogs su yid kyis phyogs te smon lam btab cing rjes su yi rang bar byas so/ /de'i rnam par smin pas rgyal po dang bram ze gnyis 'bras bu mtho dman med par thob pa bzhin du 
shes par bya'o/ /yang smra ba'i seng ges gsol pa/ gsang ba'i theg pa 'di'i bslab pa mthar phyin pa 'di yon tan gyi khyad par ji lta bu lags/ gsang ba mchog gi bdag pos bka' stsal pa/ gsang ba'i theg pa 'di 'di'i bslab pa 
mthar phyin pa'i che ba'i khyad par gyis theg pa mtha' dag gi bslab pa yang mthar phyin cing lung bstan pa yang thob par 'gyur ro/ /de yang ji ltar yongs su shes zhe na/ sngon 'das pa'i dus su nga dran pa thog ma'i tshe bram ze'i bu gsal sbyin zhes 
bya bas gsang ba chen po 'di'i bslab pa mthar phyin te/ rang gi sems goms par byas pas theg pa mtha' dag gi bslab pa mthar phyin cing / de nyid du bar snang las lung bstan pa'i sgra/ rigs kyi bu khyod dus phyi ma'i tshe chos kyi rgyal po chen 
por gyur nas/ zhing khams rnam par dag pa zhes bya bar sangs rgyas nas/ smra ba'i seng ge zhes bya bar grags par 'gyur ro zhes bya bar lung bstan pa de bzhin du shes par bya'o/ /yang smra ba'i seng ges gsol pa/ tshogs chen po gcig 
gi bsod nams kyi khyad par ji lta bu lags/ gsang ba mchog gi bdag pos bka' stsal pa/ smra ba'i seng ge so so'i skye bo'am/ nyan thos sam/ rang sangs rgyas sam/ sa la gnas pa'i byang chub sems dpa' sangs rgyas kyi zhing 
yongs su gang ba snyed la sbyin mchod sangs rgyas kyi zhing byur bur gtams pas bskal pa'am/ bskal pa grangs med par byin pa'i bsod nams kyis ni rnal 'byor gcig la tshogs gcig skad cig tu mchod pa rgya cher byas pa'i bsod nams dang ye shes 

</font><hr>97-1-353a<br><font size=+1>

kyi tshogs 'bum gyi char yang mi phod do/ /de yang ji ltar yongs su shes zhe na/ sngon 'das pa'i dus nang dran pa thog ma'i tshe las dag pa'i bram ze'i bu gsal ldan zhes bya ba zhig gsang ba'i theg pa 'di la dad par 'gyur ro/ /
bram ze'i bu dge ldan zhes bya ba zhig ni rgyu'i theg pa la dad par 'gyur ro/ /de'i tshe bram ze'i bu de gnyis tha tshig bcas te/ dge ldan gyis mchod sbyin bzang po rgya cher spel lo/ /gsal ldan gyis ni tshogs mchod rgya cher byas so/ /de 
gnyis kyi 'bras bu'i khyad par ni/ sngags spyod pa'i bram ze gsal ldan ni tshe de nyid la mngon par rdzogs par sangs rgyas par gyur to/ /rgyu'i theg pa la spyod pa'i dge ldan ni/ bskal pa grangs med pa gsum du dka' ba byas nas/ 'bras 
bu thob pa de bzhin du shes par bya'o/ /yang smra ba'i seng ges gsol pa/ gsang ba'i theg pa'i mdo 'di rtag tu 'chang ba'i gang zag de'i rnam par smin pa ji lta bur 'gyur ba lags/ gsang ba mchog gi bdag pos bka' stsal pa/ smra ba'i 
seng ge mdo 'di rtag tu 'chang zhing 'dzin pa de ni/ dpal rdo rje sems dpa'i che ba'i yon tan gyi gzungs dang bcas pa thob bo/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe/ khyim bdag dad pa can mes 
sbyin bya ba de/ tshom bu brgya dang bcas pas gsang ba'i theg pa'i mdo 'di rgyun rtag par bcangs pas/ dpal rdo rje sems dpa'i 'khor dang bcas pa ci 'dra bar tshe 'di nyid kyis nges par 'thob cing mi brjedapa'i gzungs thob pa'o/ /de bzhin 
du shes par bya'o/ /yang smra ba'i seng ges gsol pa/ gsang ba'i mdo 'di'i don rtogs nas/ gzhan dag la smra bar byed pa de'i yon tan ji lta bu lags/ lung bstan du gsol/ gsang ba mchog gi bdag pos bka' stsal 

</font><hr>97-1-353b<br><font size=+1>

pa/ smra ba'i seng ge gsang ba'i mdo 'di'i don rtogs nas/ gzhan snod dang ldan pa'i 'gro ba la bstan tam/ bshad na chos kyi rgyal po chen por 'gyur te nga nyid dang 'dra bar 'gyur ro/ /de yang ji ltar yongs su shes zhe na/ sngon 
'das pa'i dus nga dran pa thog ma'i tshe/ rnal 'byor la gnas pa'i drang srong ka pa ya na zhes bya bas/ drang srong mang po rnams la gsang ba'i don 'di bshad cing bkrol ba las/ drang srong mang pos rig 'dzin gyi sa thob/ ston pa'i drang srong 
de nyid gsang ba'i bdag por gyur to/ /de bzhin du yongs su shes par bya'o/ /de bas na gsang sngags che ba'i yon tan gyi khyad par ni bsam gyis mi khyab pa'o/ /de nas smra ba'i seng ge byed pa po rdo rje kun du bzang pos gsol pa/ bcom 
ldan 'das the tshom thams cad gcod pa'i rgyal pos/ gsang sngags spyad nyes pa'i skyon gyi rnam pa zhu bar 'tshal na gnang ba'i skabs dbye bar gsol/ gsang ba mchog gi bdag pos bka' stsal pa/ bcom ldan 'das gsang don 
la mi gnas par/ gsang sngags kyi spyod par tshul 'chos pa'i nyes pa ji lta bu lags/ gsang ba mchog gi bdag pos bka' stsal pa/ smra ba'i seng ge gsang ba'i don zab mos yid ches pa med par tshul 'chos shing / g.yo sgyus 
bden par 'chos pa ni ngan 'gro log pa'i lam du ltung bar nges so/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe bskal pa kun du bkod pa zhes bya ba la/ sangs rgyas kyi zhing mngon par 'byung 
ba zhes bya ba der sangs rgyas mngon par 'byung ba'i rgyal po zhes bya ba de/ sku mya ngan las 'das par gyur pa'i 'og tu bzang rgyan zhes bya ba'i rnal 'byor du khas 'ches pa cig byung bar gyur te/ des mi shes pa'i dbang gis mi shes pa'i 

</font><hr>97-1-354a<br><font size=+1>

'khor rnams la gsang ba'i tshul du bcos nas/ log pa'i tshogs bskyangs pas tshom bu lnga brgya dang bcas par yang dag pa'i don las gol zhing / ngan 'gro log pa'i lam du lhung bar gyur pa de bzhin du shes par 
bya'o/ /de nas yang smra ba'i seng ges gsol pa/ gang zag la la dag gsang ba'i don zab mo rtogs pa med par dga' ba'i gzhung bor te/ gzhan nges pa'i rnal 'byor rnams la skur pa 'debs pa'i rnam par smin pa ni ji lta bur 'gyur ba lags/ 
gsang ba mchog gi bdag pos bka' stsal pa/ smra ba'i seng ge gang zag la la dag rang nyid gsang ba'i don la yid ches pa'i nges pa med par gzhan nges pa'i rnal 'byor pa rnams la sgro skur gyi sun 'byin pa'i blo skye zhing bdag gi ni yin/ gzhan 
gyi ni ma yin zhes bdag la bstod cing gzhan la smod pa ni don las 'ban thag chad de mnar med par ltung ngo / /de yang ji ltar yongs su shes zhe na/ sngon 'das pa'i dus nga dran pa thog ma'i tshe/ bskal pa kun du bkod pa zhes bya ba'i dus de 
nyid la/ dpal sbyin zhes bya ba'i rnal 'byor zhig tu khas 'ches pa zhig yang dag pa'i don la shed ma bye zhing / lam gyi bgrod thabs la mi mkhas pas des bka' nges pa'i gzhung ni ma rtogs/ chos ma yin pa'i chos la chos su spyod 
cing nor bas/ bdag nyid sun 'byin cing log pa'i tshad mas gzhan nges pa'i don spyod pa'i rnal 'byor pa la khyod kyi de ni yang dag pa'i don ma yin/ yang dag pa'i bdud rtsi dang 'dra ba ni nga'i chos 'di yin no zhes bdag bstod/ gzhan 
la ni smod pas yang dag pa'i don dang ni gtan du 'gyangs/ mnar med pa'i sems can dmyal ba chen por bskal pa bcu gnyis kyi bar du 'khyams par gyur to/ /de bzhin du shes par bya'o/ /de nas yang smra ba'i seng ges gsol pa/

</font><hr>97-1-354b<br><font size=+1>

gang zag la la dag don la mkhas pa'i rnal 'byor gyi rjes su 'byung ba dag /gzhan gyi dpon bstabs na mi shes bzhin du ras gcod cing / tshul 'chos shing sems gya gyus slob dpon gyi sa 'dzin pa'i rnam par smin pa ni ji lta bu lags/ gsang 
ba mchog gi bdag pos bka' stsal pa/ smra ba'i seng ge bla ma'i don la mkhas pa'i rjes su byung ba'i mi shes bzhin du tshul 'chos shing / bla ma'i sa bzung nas tshogs skyong ba de ni dregs pa'i ru tra chen por lhung bar nges so/ /de yang ji ltar 
yongs su shes zhe na/ sngon 'das pa'i dus nga dran pa thog ma'i tshe/ bla ma don la mkhas pa dag gi rjes su 'byung ba'i dge slong dri med spyod pa zhes bya ba zhig rnal 'byor gyi tshul 'dra ba tsam du spyod de/ de don la mkhas pa'i bla ma rnams 
mi bzhugs nas/ bla ma de dag gi tshom bu 'bum gyi 'khor rnams kyis bdag cag rnams kyi bla ma'i gdung 'tshob par gsol zhes dpon bstabs pas/ dge slong dri med spyod pa zhes bya ba de che ba'i dregs pa skyes te/ mi shes bzhin 
du tshul 'dra ba log par spyod pas/ de'i tshe de'i dus nyid du dge slong tshom bu 'bum gyi 'khor dang bcas pa/ dregs pa chen po'i ru trar bskal pa chen po grangs med par skyes so/ /de bas na de bzhin du shes par bya'o/ /yang smra 
ba'i seng ges gsol pa/ gang zag la la dag bdag nyid kyis tshogs skyong ba'i 'khor bla ma gzhan gyi dbang du 'gyur du dogs nas/ dge ba'i sgo 'gegs pa dag mchis na/ de'i rnam par smin pa ji lta bu zhig lags/ gsang ba 
mchog gi bdag pos bka' stsal pa/ smra ba'i seng ge 'khor sgo rigs dang rkyen mtshan so sor bcad cing / bla ma gzhan la nyon mongs pa'i sgo 'byed pa ni ngan song gsum gyi kha brgyud cing / sho gam gcan chen gyi rigs su skye bar 

</font><hr>97-1-355a<br><font size=+1>

nges so/ /de yang ji ltar yongs su shes par 'gyur zhe na/ sngon 'das pa'i dus nga dran pa thog ma'i tshe/ dge slong zhi gnas pa zhes bya ba'i tshom bu lnga brgya dang bcas pa/ don dang mi ldan pa zhig shin tu gsang 
ba'i sngags pa spyod do zhes zer nas/ dgon pa'i gnas bzung ste yul khams chen po de na gnas pa'i mi rnams kun 'dul ba'i dbang du spyod do/ /de'i tshe de'i dus su gzhan gyi sde par gyur pa'i dge slong grol ba'i blo gros zhes bya ba'i don dang 
ldan pa zhig yul khams de yang dag pa'i don la gzud pa'i ched du 'ongs nas/ gsang ba'i theg pa'i don rgya cher bstan par bsams pa las/ zhi gnas pa zhes bya ba'i dge slong des nyon mongs pa'i bsgo ba drag po byas te/ 'khor 
'di dag ni bdag gi zhing khams yin pas na/ khyod 'di la ma rtog shig ces bsgo ris so sor bcad pas de'i tshe dge slong zhi gnas pa'i tshom bu lnga brgya'i 'khor dang bcas pa nyon mongs pa 'khor ba'i lam du lhung ste/ sho gam 
gcan chen gyi rigs su gyur to/ /de bas na de bzhin du shes par bya'o/ /de nas yang smra ba'i seng ges gsol ba/ gang zag la la dag rnal 'byor pa tshogs kyi yo byad kyi tshogs su bsngos pa la ser snas gsog 'jog bgyid pa 
dag mchis na/ de'i rnam par smin pa ji lta bur 'gyur ba lags/ gsang ba mchog gi bdag pos bka' stsal pa/ smra ba'i seng ge gsang ba'i tshogs chen por bsngos pa'i yo byad la ser snas gsog 'jog byed cing / gcig gi yid 
gcig gis 'byin par byed pa'i gang zag de ni/ nam zhar longs spyod thams cad dang bral te yi dgas khyi'i lus su skye'o/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe rnal 'byor bde ldan zhes bya ba 

</font><hr>97-1-355b<br><font size=+1>

zhig tshom bu 'bum dang bcas pa gsang ba rgya cher spyod pa las/ de'i 'khor na bud med bzang ldan zhes bya ba'i rnal 'byor ma zhig tshogs sbyor ba'i ging du bskos pa las/ yo byad phun sum tshogs pa la ser sna'i dbang gis gsog 'jog byas so/ /
de'i tshe de'i rnam par smin pas yi dgas kyi lus su skyes nas longs spyod kyis brel zhing phongs par gyur to/ /de bas na de bzhin du shes par bya'o/ /de nas yang smra ba'i seng ges gsol pa/ gal te gang zag la la dag rnal 'byor gyi tshogs 
log par spyod cing / lta ba log pa can gyi spyi brtol dang / khro gtum che ba'i sdig pa spyod cing / don dang mi ldan yang bdag rnal 'byor pa'o zhes bab col du bka' rku zhing slu bar byed pa de'i rnam par smin pa ji lta bu lags/ gsang ba 
mchog gi bdag pos bka' stsal pa/ smra ba'i seng ge lta spyod log pas rnal 'byor du khas 'ches pa de ni mu stegs chen po'i rigs su skye bar 'gyur ro/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe 
don la mi mkhas pa'i dge slong bla ma de ba zhes bya ba zhig gis/ bdag ni yang dag pa'i lam la mkhas pa'o zhes kun la bsgrags nas tshogs ni bskyangs/ spyi brtol dang khro gtum gyis sdig pa spyad pa'i rnam par smin pas mu stegs kyi 
spyod pa'i khams su lhung bar gyur to/ /de bas na de bzhin du shes par bya'o/ /yang smra ba'i seng ges gsol pa/ gal te gang zag la la dag don la ni rmugs/ tha tshig ni nyams/ dregs pa'i nga rgyal gyis rdo rje rgyal po'i sa 'dzin par 
'dod pa'i rnam par smin pa ji lta bur 'gyur/ gsang ba mchog gi bdag pos bka' stsal pa/ khrel med pa'i spyi brtol gyis mun sprul du byed pa de ni gti mug phag gi lus su skyes te/ de yang ji ltar yongs su shes zhe na/ sngon 'das pa'i dus 

</font><hr>97-1-356a<br><font size=+1>

nga dran pa thog ma'i tshe rtsa ba'i dam tshig nyams shing yang dag pa'i don la rmugs shing / dregs pa'i nga rgyal gyis sngags kyi tshul du spyod pa'i drang srong pe na ya zhes bya ba zhig tshom bu brgya dang bcas par gnas so/ /de'i tshe rnam par 
smin pa des gti mug phag gi lus su lhung ba de bzhin du shes par bya'o/ /yang smra ba'i seng ges gsol pa/ gang zag la la dag tshig tu mnyam zer yang / blo mnyam pa dang mi nye bar chags sdang la 'chel ba dag mchis na/ de'i rnam 
par smin pa ji lta bu lags/ gsang ba mchog gi bdag pos bka' stsal pa/ mnyam pa ma rtogs par chags sdang la 'chel ba de ni rag+sha srin po'i rigs su 'gyur te/ de yang ji ltar yongs su shes zhe na/ sngon 'das pa'i dus nga dran pa 
thog ma'i tshe/ mnyam pa nyid ma rtogs par chags sdang la 'chel ba'i dge slong de sbyin zhes bya ba tshom bu stong dang bcas pa zhig gis/ gsang ba'i spyod pa mngon du spyod pas las de'i rnam par smin pas rak+sha srin po'i gnas su skyes so/ /de 
bas na de ltar shes par bya'o/ /yang smra ba'i seng ges gsol pa/ gal te gang zag la la dag rdo rje 'chang gi gral du tshogs pa'i tshe don la dga' ba'i rnal 'byor pa dag gis/ yang dag pa'i don la gleng bslang ba de la 'jigs skrag zhum ste/ 
mi dga' zhing gud du byol ba'i rnam par smin pa ji lta bu lags/ gsang ba mchog gi bdag pos bka' stsal pa/ yang dag pa'i don gyis 'jigs pa'i phrag dog can de ni 'khor ba'i gnas su 'khyams te/ yak+sha gnod sbyin gyi gnas su 
lhung ngo / /de yang ji ltar yongs su shes zhe na/ sngon 'das pa'i dus nga dran pa thog ma'i tshe/ rnal 'byor las dang po'i sar slob pa'i dge slong lha sbyin zhes bya ba zhig don dang ldan pa'i rnal 'byor phal chen tshogs par gyur pa las rnal 'byor de dag 

</font><hr>97-1-356b<br><font size=+1>

gis yang dag pa'i don glengs pa las/ lha sbyin 'khor dang bcas pa gleng bslang ba mi dga' zhing / ngan sems kyi phrag dog skyes nas rang gi gnas su byol te/ de dag la mi snyan par brjod pas de'i rnam par smin pas yang dag pa'i don las 
gol te/ gnod sbyin kha 'bar ma'i gnas su skyes so/ /de bas na de bzhin du shes par bya'o/ /yang smra ba'i seng ges gsol pa/ gal te gang zag la la dag don dang ldan pa'i rnal 'byor la mngan sems kyis sgro skur 'debs pa de'i rnam 
par smin pa ji lta bu lags/ gsang ba mchog gi bdag pos bka' stsal pa/ don dang ldan pa'i skyes bu la mngan sems kyis phyir 'dogs pa ni mnar med par ltung ste/ lce la thong gshol 'bar ba lnga brgyas 'dra la bar 'gyur ro/ /de 
yang ji ltar shes zhe na/ sngon 'das pa'i dus nga dran pa thog ma'i tshe/ rnal 'byor don dang ldan pa rnam par dag pa'i blo gros zhes bya ba la/ mi 'jigs blo gros zhes bya ba don dang mi ldan pa zhig gis/ rnam par dag pa'i blo gros 
sde mang po skyong ba'i sar mi 'jigs blo gros 'ongs te/ mngan sems kyis sgro skur mang po btab pas de'i rnam par smin pas mi 'jigs blo gros mnar med par ltung nas/ lce la thong gshol 'bar ba lnga brgyas rmod par gyur to/ /de bas 
na de bzhin du shes par bya'o/ /yang smra ba'i seng ges gsol pa/ gang zag la la dag gis shes rab kyi rnal 'byor khong du ma chud par/ sgra thos pa tsam gyis gzhung spyad na ji lta bur 'gyur ba lags/ gsang ba mchog 
gi bdag pos bka' stsal pa/ sgra phyir 'breng ba'i rnal 'byor de ni long ba'i 'du shes thob par 'gyur ro/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe/ rgyal po rab gsal 'dzin 

</font><hr>97-1-357a<br><font size=+1>

zhes bya ba mtshan ma'i rnal 'byor can de shes rab kyi tshig med par spyi yud tsam la ltos nas/ rnal 'byor gyi tshul bzung bas/ de'i dbang gis log pa'i khams su ltung ba de bzhin du shes par bya'o/ /rigs kyi 
bu de bas na shin tu gsang ba'i chos 'di ni shin tu gol sa che bas/ mnyam pa nyid kyi don la goms pa'i sgo nas spyod cig ces gsungs so/ /de nas de'i tshe 'dus pa'i 'khor tshogs rnams ngo mtshar bar gyur/ rmad du gyur te/ rmad du byung ba'i cho 
'phrul rnam pa du ma ston cing / nyes legs kyi khyad par de dag la rab tu ngo mtshar nas/ mgrin gcig tu 'di skad ces dam pa'i glu 'di blangs so/ /e ma'o ngo mtshar rmad kyi ston pa gsang mchog kun du bzang/ /gsang ba kun gyi mnga' bdag ye 
shes rol pa'i mdzod/ /kun nas kun gyi dbang bskur dam pa'i bdag khyod bzhugs/ /yid dang 'thadab pa'i bla ma khyod la phyag 'tshal 'dud/ /gsang sngags yon tan rgya mtsho grangs mang bsam yas kyang / /gzhung dang 'gal 
byas snod ngan skyon nyid lhung gnas mang po brjod mi lang / /legs dang nyes pa'i 'bras bu rnam smin de nyid kyis rab gsungs pa/ /bdag cag 'khor tshogs dga' spro gsang nyid don la 'jug ces dam par gyur/ /a la la ho zhes 
bya ba'i glu 'dis mnyes par byas so/ /de nas smra ba'i seng ges phyag rnal 'byor gyi lugs su byas te/ mchod pa rgyas pa de kho na nyid kyis mchod de/ gsang ba mchog gi bdag po la 'di skad ces gsol to/ /bcom ldan 'das 
gsang ba mchog gi bdag po/ gsang ba'i theg pa 'di bdag cag 'khor dang bcas pa rnams la bsgo bar gsol/ ci nas kyang ma 'ongs pa'i gang zag rnal 'byor pa rnams la phan gdags pa'i phyir nan tan bgyi ba bsgo bar gsol/

</font><hr>97-1-357b<br><font size=+1>

de nas gsang ba mchog gi bdag pos zhal 'dzum pa mdzad de/ smin rings bsgyur nas btsun mo rngam pa kro d+ha'i rgyal mo la rnam par 'jug par gyur to/ /de'i tshe chos thams cad gnyis su med pa'i byang chub kyi rang bzhin du gnas par gyur te/ 
de'i tshe byang chub sems dpa' de dag smra ba'i seng ge byed pa po rdo rje kun du bzang pos/ btsun mo bya ba mo kun du bzang mo dang gnyis su med pa'i dkyil 'khor la thim par mdzad do/ /de nas bcom ldan 'das gsang ba mchog gi bdag 
pos smra ba'i seng ge la bka' stsal pa/ smra ba'i seng ge dang sa chos 'di bsdus te bshad kyis nyon cig /gsang ba chen po'i rang bzhin ni/ /bskyed pa med cing bsgrub pa med/ /bsgom pa med cing gzugs kyang med/ /
phyag rgya med cing 'jug sgo'ang med/ /'dod pa med cing bsrung ba med/ /brtul zhugs med cing bsrung ba'ang med/ /ye nas rnam dag brjod med chos/ /skyon dang yon tan dbyings su dag /ngo bo nyid ni brjod du med/ /
de la gsal 'dris goms par byos/ /med pa'i don las kun 'byung ba/ /gsal 'dris goms pa bya ba'i phyir/ /smra ba'i seng ge khyod nyid kyis/ /tshig don ma lus thams cad kun/ /shes rab blo la gsal bsdus 
nas/ /mi nub rgyal mtshan rtse mo ltar/ /nan tan gyis ni brtson 'grus bya'o/ /zhes gtad do/ /de nas smra ba'i seng ges a la la ho zhes pa'i sgra phyung ste/ yid kyi dkyil 'khor pad+mo lta bu'i sgo phye ste gsang ba'i don 'di 
nyid thugs rin po che la bzhag ste gsung gi dkyil 'khor du gnas so/ /de nas smra ba'i seng ges bcom ldan 'das gsang ba mchog gi bdag po dang / gsang ba'i mdo 'di nyid dang / 'dus pa'i 'khor tshog rnams la bstod 

</font><hr>97-1-358a<br><font size=+1>

pa'i glu 'di blangs so/ /oM phyogs bcu dus bzhi rgyal ba'i sku gsung thugs/ /gsang ba mchog gi bdag po b+ha ga yongs kyi gter/ /gsang ba yum dang gnyis med rol pa'i cho 'phrul bdag /'dul 
dbang 'jigs byed zhi khro kun gyi bdag po mchog /thams cad mkhyen pa'i ston mchog gcig pu khyod la phyag 'tshal bstod/ /o~M bsam gyis mi khyab chos kun 'dus pa'i gtso/ /lung dang rigs pa gtan tshigs kun gyi 
gnas/ /rgyud lung man ngag kun gyi 'byung gnas gtso/ /phyi rabs rnal 'byor kun gyi yid ches gter/ /gsang ba'i yang gsang mdzad la phyag 'tshal bstod/ /o~M phyogs bcu'i zhing rnams kun nas 'dus pa'i gtso/ /rgyal 
ba sras bcas yum tshogs sprul par bcas/ /nyid las mi gzhan 'khor du sku sprul pa/ /dbyings kyi ngang las mi 'da' dam tshig can/ /zhi khro'i 'khor tshogs rnams la phyag 'tshal bstod/ ho /a la la ho zhes brjod pas 
thams cad mnyes par gyur to/ /de nas bcom ldan 'das gsang ba mchog gi bdag pos hU~M zhes brjod pa tsam gyis/ dkyil 'khor de dag thams cad thugs gsang ba'i mdzod du thim par gyur te mi snang ngo / /gsang ba 
mchog gi bdag po nyid kyang dus bzhi mnyam pa'i dbyings las mi gnas pa'i tshul gyis rnam par gnas so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las/ gsang ba phyi ma rnam par 
bkod pa'i le'u ste bcu bdun pa'o// //'phags pa rgyud kyi rgyal po ye shes rngam pa glog gi 'khor lo'i mdo zhes bya ba theg pa chen po'i mdo rdzogs s+ho// //sarba mang+ga la~M/ /

</font><hr>

</table>