@##/ /rgya gar skad du/ Ar+ya ma hA ma hI n+d+ra nA ma d+hA ra NI/ bod skad du/ 'phags pa sa'i dbang po chen po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yang dag par rdzogs pa'i sangs rgyas kun du 'od bram ze sa'i dbang po chen po shing sA la chen po lta bu'i gnas lha dang ldan pa na bzhugs te/ de nas bram ze sa'i dbang po chen po shing sA la chen po lta bu bcom ldan 'das yang dag par rdzogs pa'i sangs rgyas kun du 'od ga la ba der song ste phyin nas/ bcom ldan 'das yang dag par rdzogs pa'i sangs rgyas kun du 'od kyi zhabs la mgo bos phyag 'tshal te phyogs gcig tu 'khod do/ /phyogs gcig tu 'dug nas bram ze sa'i dbang po chen po shing sA la chen po lta bus bcom ldan 'das yang dag par rdzogs pa'i sangs rgyas kun du 'od la 'di skad ces gsol to/ /bcom ldan 'das bdag ni bla na med pa yang dag par rdzogs pa'i byang chub tu smon lam btab lags na/ gang gis bdag skye ba dran par 'gyur/ bdag bla na med pa yang dag par rdzogs pa'i byang chub kyi sems brjed par mi 'gyur ba'i thabs de bcom ldan 'das kyis bdag la legs par bshad du gsol/ de skad ces 101-1-162a gsol pa dang / bcom ldan 'das yang dag par rdzogs pa'i sangs rgyas kun du 'od kyis bram ze sa'i dbang po chen po shing sA la chen po lta bu la 'di skad ces bka' stsal to/ /de'i phyir bu khyod gal te de ltar smon na de'i phyir kun du 'od kyi rig sngags kyi snying po 'di zung shig /chongs shig /lhogs shig /kun chub par gyis shig /kun du 'od kyi rig sngags kyi snying po gang zhe na/ tad+ya thA/ a mo da ni/ pra mo da ni/ bi mo da ni/ saM mo da ni/ pri yaM ka ra Ni/ shrI ka ra Ni/ shrA ka ra Ni/ bo d+hi ka ra Ni/ a nut+ta ras+yaM samyak+saM bud+d+ha ka ra Ni/ a nut+ta ra Ar+ya ka ra Ni/ a nut+ta ra pradz+nyA ka ra Ni/ a nut+ta ra ba shI ka ra Ni/ anun+ta ra sarba kle sho pa kle sha bi d+hA ra Ni/ a pa d+yA na d+ha ka ra bid+ha ma ni/ a nut+ta ra bid+yA a lo kot+pA da ni/ a nut+ta she+e k+Sha shI la bid+yA tsa ra Na/ bi muk+ti gu Na ga Na/ saM b+ha d+ha ni/ u nut+ta ra sarba ku sha la/ mU lo d+b+ho da ni/ a nu t+ta ri b+ho na mU la ni/ a nut+ta dA ra ga do Sha/ mo ha na mU la ni/ a nut+ta ra she+ek+Sha ma na/ a bid+yA/ an+ta ka rA bid+ha ma ni/ a nut+ta rA sI a pra ti ha ta ba la tsakra/ a nut+ta rA sarba lA ra ba bi drA ma ni/ twaM hi b+ha dre/ a nut+ta rA ba la b+ha dra/ su b+ha dra/ shrI b+ha dra/ a nut+ta ra b+ha dra/ sa man+ta b+ha dra/ a sa ma sa ma b+ha dra/ a nut+ta ra ma hA pu ru Sha b+ha dra/ a nut+ta ra ma hA pu ru Sha se pi tA/ a nut+ta ra ma hA pu ru Sha a nu brta nI/ a nut+ta ra ma hA pu ru Sha d+harma de shi kA /a nut+ta ra ma hA pu ru Sha/ d+harma ko Sha/ sa~M bAr+d+hi kA/ a nut+ta ra ma hA bu ru Sha nirbA Na/ a nut+ta pra tar+Shi k+Sha/ twaM hi b+ha dre/ gang gA si ta pak+Shu/ samyak+saM bud+d+he A se bi tA/ b+hA bi tA ba hu lI kro d+ha/ stu ta/ sto+o bi ta bar+Ni tA pra sha sta/ bu 'di ni kun du 'od kyi rig sngags kyi snying po yin te/ de bas na bu khyed kyis kun du 'od kyi rig sngags kyi snying po 'di 'gro ba dang / 'greng ba dang / 'dug pa dang / nyal ba na yang yid la gyis shig /bu gang la la zhig kun du 'od kyi rig sngags kyi snying po 'di ming dang / rigs dang / rigs kyi bye brag gang yid la byed dam/ skyes pa'am/ bud med 101-1-162b dam/ khye'u 'am/ bu mo'am/ lha'am/ lha mo'am/ klu'am/ klu mo'am/ dri za'am/ dri za mo'am/ lha ma yin nam/ lha ma yin mo'am/ mi'am ci'am/ mi'am ci mo'am/ lto 'phye chen po'am/ lto 'phye chen mo'am/ yi dgas sam/ yi dgas mo'am/ sha za'am/ sha za mo'am/ grul bum mam/ grul bum mo'am/ lus srul po'am/ lus srul mo'am/ kun du 'od kyi rig sngags kyi snying po 'di 'chang ngam/ klog gam/ lung 'bog gam/ ston tam/ 'chad na de tshe rabs bdun gyi bar du tshe rabs dran par 'gyur ro/ /de ji srid 'khor gyi bar du bla na med pa yang dag par rdzogs pa'i byang chub kyi sems mi brjed par 'gyur ro/ /lhar gyur kyang rung mir gyur kyang rung ste/ de mtshon cha'am/ dug gam/ chu'am/ mes bar ma dor 'chi ba'i dus byed par mi 'gyur ro/ /bcom ldan 'das yang dag par rdzogs pa'i sangs rgyas kun du rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mtha' yas rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'chi med 'od rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od chen po rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mnyam pa med pa rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mi mnyam pa dang mnyam pa rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas drang srong chen po 'od srung gi rigs dang bcas pa bdun po de dag la phyag 'tshal lo/ /zhi ba'i dbyings su zhugs pa 'khor dang bcas pa rnams la phyag 'tshal lo/ /phyag 'tshal lo/ /bcom ldan 'das kyis de skad ces bka' stsal nas/ bram ze sa'i 101-1-163a dbang po chen po shing sA la chen po lta bu yi rangs te/ bcom ldan 'das kyis gsungs pa la mngon par bstod do/ /'phags pa sa'i dbang po chen po zhes bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban+de ye shes sdes bsgyur cing zhus te skad gsar chad kyis kyang bcos nas gtan la phab pa// |