@#/ /rgya gar skad du/ badzra bi dA ra NA nA ma d+hA ra NI/ bod skad du/ rdo rjes rnam par 'joms pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rdo rje la bzhugs te/ sangs rgyas kyi mthus lag na rdo rjes lus thams cad rdo rjer byin gyis brlabs nas rdo rje'i ting nge 'dzin la snyoms par zhugs so/ /de nas lag na rdo rje sangs rgyas thams cad kyi mthu dang / sangs rgyas thams cad kyi byin gyis brlabs dang / byang chub sems dpa' thams cad kyis byin gyis brlabs kyis rdo rje khro bo las byung ba rdo rje snying pos rab tu smras te/ mi chod pa/ mi shigs pa/ bden pa/ sra ba/ brtan pa/ thams cad du thogs pa med pa/ thams cad du ma pham pa/ sems can thams cad skrag par byed pa/ sems can thams cad 'jil bar byed pa/ rig sngags thams cad gcod par byed pa/ rig sngags thams cad gnon par byed pa/ las thams cad 'joms par byed pa/ gzhan gyi las thams cad 'jigs par byed pa/ gdon thams cad rlag par byed pa/ gdon thams cad las thar bar byed pa/ 'byung po thams cad 'gugs par byed pa/ 'byung po thams cad tshar gcod pa/ rig sngags kyi las thams cad byed du 'jug pa/ /ma grub pa rnams grub par byed pa/ grub pa rnams chud mi za bar byed pa/ 'dod pa thams cad rab tu sbyin pa/ sems can thams cad srung ba/ zhi ba/ rgyas pa/ sems can thams cad rengs par byed pa/ rmugs par byed pa'i gsang sngags kyi mthu chen po 'di sangs rgyas kyi mthus lag na rdo rjes rab tu smras so/ /na mo rat+na tra yA ya/ na ma sh+tsaN+Da badzra pA Na ye/ ma hA yak+Sha sen pa ta ye/ tad+ya thA/ o~M tu Ta tu Ta/ tro Ta ya tro Ta ya/ s+phu Ta s+phu Ta/ s+pho Ta ya s+pho Ta ya/ g+h+rur+N+Na g+h+rur+N+Na/ g+hur+N+NA pa ya g+hUr+N+NA ba ya/ sarba sa twA ni/ bo d+ha ya bo d+ha ya/ saM 102-1-43a bo d+ha ya/ sa~M bo d+ha ya/ b+h+ra ma b+h+ra ma/ sa~M b+h+ra ma ya sa~M b+h+rA ma ya/ sarba b+hA tA ni/ ku Ta ku Ta/ sa~M ku Ta ya sa~M ku Ta ya/ sarba sha trU na/ g+ha Ta g+ha Ta/ sa~M g+hA Ta ya sa~M g+hA Ta ya/ sarba bid+yA badzra badzra/ s+pho Ta ya badzra badzra/ ka Ta badzra badzra/ ma Ta badzra badzra/ ma tha badzra badzra/ aT+Ta hA sa nI la badzra/ su badzrA ya swA hA/ he phul+lu/ ni ru phul+lu/ ni gri h+na kul+lu/ mi li tsul+lu/ ku ru ku l+lu/ badzra bi dza yA ya swA hA/ kI li kI lA ya swA hA/ ka Ta ka Ta/ ma Ta ma Ta/ ra Ta ra Ta/ mo Ta na pra mo Ta nA ya swA hA/ tsa ra ni tsa ra/ ha ra ha ra/ sa ra sa ra/ mA ra ya/ badzra bi dA ra NA ya swA hA/ ts+tshin+da ts+tshin+da/ b+hin+da b+hin+da/ ma hA kI li kI lA ya swA hA/ ban+d+ha ban+d+ha/ kro d+ha kro d+ha badzra kI le kI lA ya swA hA/ tsu ru tsu ru/ tsaN+Da kI li kI lA ye swA hA/ hrA sa ya trA sa ya/ badzra kI li kI lA ya swA hA/ ha ra ha ra/ badzra d+ta rA ya swA hA/ pra ha ra pra ha ra/ badzra pra b+hany+dzanA ya swA hA/ ma ti s+thi ra badzra/ shru ti s+thi ra badzra/ pra ti s+thi ra badzra/ ma hA badzra/ o pra ti ha ta badzra/ a mo g+ha badzra/ e hi badzra/ shIg+h+raM badzrA ya swA hA/ d+ha ra d+ha ra/ d+hi ri d+hi ri/ d+hu ru d+hu ru/sarba badzra kU la mA brtA ya swA hA/ a mu kaM mA ra ya phaT/ nam s+sa man+ta badzrA NAM/ sarba ba la~M A brta ya/ ma hA ba le/ ka ta ba le ta ta le/ a ca le/ maN+Da la ma ye/ a ti badzra/ ma hA ba le/ be ga ra Na/ a dzi te/ dz+wa la dz+wa la/ ti Ti ti Ti/ ting ga le/ da ha da ha/ te dzo ba ti/ ti li ti li/ ban+d+ha ban+d+ha/ ma hA ba le/ badzrA~M ku sha dzra lA ya swA hA/ na mo rat+na tra yA ya/ na ma sh+tsaN+Da badzra pAN ye/ ma hA yak+Sha sa nA ba ta ye/ tad+ya thA/ a~M ha ra ha ra badzra/ ma tha ma tha badzra/ d+hu na d+hu na badzra/ da ha da ha badzra/ pa tsa pa tsa badzra/ d+ha ra d+ha ra badzra/ d+hA ra ya d+hA ra ya badzra/ dA ru Na dA ru Na badzra/ ts+tshin+da ts+tshin+da badzra/ b+hin+da b+hin+da badzra hU~M phaT/ nam shA N+Da badzra kro d+hA ya/ hu lu hu lu /tiSh+Tha tiSh+Tha/ ban+d+ha ban+d+ha/ ha na ha na/ a mraM te hU~M phaT/ sdig pa thams cad byang byas na/ /sdug bsngal thams cad med par 'gyur/ /rgyud do cog gi rtsa ba ste/ /dpal kun gyis ni legs par brgyan/ /sems can dbang po nyams pa dang / /tshe zad pa dang 102-1-43b tshe nyams dang / /phun sum tshogs min gang chags dang / /lha rnams rgyab kyis phyogs pa dang / /mdza' sdug skye bo sdang ba dang / /bran bza' la sogs gtses pa dang / /phan tshun mthun pa ma yin dang / /nor 'gribs pas ni gnod pa dang / /mya ngan ngal las gnod pa dang / /'jigs pa dang ni 'phongs pa dang / /gza' dang rgyu skar byad stems dang / /mi bzad gdon gyis nyen pa dang / /mya ngan ngal las byung ba yi/ /rmi lam sdig pa mthong na yang / /des ni rab bkrus gtsang ma yis/ /mdo sde dam pa mnyan par bya/ /gang dag yid dge sems dang zhing / /gtsang ma'i gos kyis rab brgyan te/ /zab mo sangs rgyas spyod yul ba/ /mdo sde 'di ni nyan byed na/ /mdo sde 'di yi gzi brjid kyis/ /srog chags dag ni thams cad kyi/ /mi bzad pa yi nad rnams kyang / /de dag thams cad zhi bar blta/ /tshe dang bsod nams 'phel bar 'gyur/ /sdig pa kun las rnam par thar/ /nor bu yungs kar dUr ba dang / /rin chen rma med tsan+dan bcas/ /shel dang rdo rje me tog dang / /chu yis gser ram yang na ni/ /dngul gyi bum pa dag kyang rung / /gtsang ma'i gos kyis dkri zhing dgang / /lan grangs nyi shu rtsa gcig gam/ /yang na lan grangs brgya rtsa brgyad/ /rdo rje rnam 'joms bzlas nas ni/ /rgyal po rtag tu khrus gyis shig /rdo rje rnam par 'joms pa zhes bya ba'i gzungs rdzogs s+ho// //rgya gar gyi mkhan po dzi na mi tra dang dA na shI la dang / bod kyi lo ts+tsha ba ban+de ye shes sdes bsgyur cing zhus te gtan la phab pa// |