D97

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D97</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D97&coll=derge">see text in Tibetan script</a></table>46-1-242a<br><font size=+1>

@##/ /rgya gar skad du/ Ar+ya many+dzu shrI bi kurbA Na pa ri brta nA ma ma hA yA na sU tra/ bod skad du/ 'phags pa 'jam dpal rnam par 'phrul pa'i le'u zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal 
lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ byang chub sems dpa'i dge 
'dun chen po dang / 'dod pa na spyod pa dang / gzugs na spyod pa dang / gnas gtsang ma'i ris kyi lha'i bu du ma dag dang yang thabs cig go/ /de na bcom ldan 'das 'khor brgya stong du mas yongs su bskor cing mdun gyis bltas nas chos ston to/ /de'i tshe lha'i bu 'od mang po zhes 
bya ba 'khor de nyid du 'dus par gyur te 'dug go /'jam dpal gzhon nur gyur pa yang 'khor de nyid du 'dus par gyur te 'dug go/ /de nas lha'i bu 'od mang pos 'jam dpal gzhon nur gyur pa la 'di skad ces smras so/ /'jam dpal byang chub sems dpa' rnams kyi bla na med pa yang 
dag par rdzogs pa'i byang chub la bdud bar chad byed na/ 'jam dpal byang chub sems dpa' rnams kyi bdud kyi las gang yin/ de skad ces smras pa dang / 'jam dpal gzhon nur gyur pas lha'i bu 'od mang po la 'di skad ces smras so/ /lha'i bu ji tsam du las rnams 'byung ba de tsam du bdud 
kyi las so/ /ji tsam du smon pa dang / ji tsam du log par 'dzin pa dang / ji tsam du mchog tu 'dzin pa de tsam du bdud kyi las so/ /ji tsam du 'dod pa dang / ji tsam du 'du shes pa dang / ji tsam du rlom sems pa dang / ji tsam du yongs su rtogs pa de tsam du bdud kyi las so/ /lha'i 
bu gzhan yang byang chub kyi sems la mngon par zhen pa yang bdud kyi las so/ /sbyin pa'i sems la mngon par zhen pa yang bdud kyi las so/ /tshul khrims dang /bzod pa dang / brtson 'grus dang / bsam gtan dang / shes rab kyi sems la mngon par zhen pa yang bdud kyi las so/ /sbyin 

</font><hr>46-1-242b<br><font size=+1>

pa rlom sems su byed pa dang / tshul khrims mchog tu 'dzin pa dang / bzod pa 'dzin pa dang / brtson 'grus len pa dang / bsam gtan la mtshan ma dang / shes rab rgyu ba yang bdud kyi las so/ /dgon pa la dga' zhing mos pa'i sems dang / btang snyoms su lhung 
ba yang bdud kyi las so/ /'dod pa nyung ba dang / chog shes pa dang / sbyangs pa'i yon tan dang / yo byad bsnyungs pa rlom sems su byed pa yang bdud kyi las so/ /bdag ni stong pa nyid la gnas pa/ bdag ni mtshan ma med pa la gnas pa/ bdag ni smon pa med pa la gnas 
pa/ bdag ni spros pa med pa la gnas pa/ bdag ni de bzhin gshegs pa'i bka' bsgrub cing gnas pa'o snyam du rlom sems su byed cing rnam par rtog pa yang bdud kyi las so/ /lha'i bu rtog pa dang / rnam par rtog pa dang / yongs su rtog pa dang / mthong ba dang / thos pa dang / 
bye brag phyed pa dang / rnam par shes pa'i gnas ji tsam pa de tsam du bdud kyi las so/ /lha'i bus smras pa/ 'jam dpal bdud kyi las ga las 'byung / 'jam dpal gyis smras pa/ lha'i bu bdud kyi las ni brtson pa las 'byung ngo / /de ci'i phyir zhe na/ lha'i bu brtson pa la bdud kyi 
glags tshol gyi mi brtson pa la bdud kyis ci zhig bya bar 'gyur te/ de nyid bdud kyi las yin no/ /lha'i bus smras pa/ 'jam dpal byang chub sems dpa' ji ltar na brtson pa yin/ ji ltar na mi brtson pa yin/ 'jam dpal gyis smras pa/ lha'i bu ji tsam du gnyis la sbyor ba de tsam 
du brtson pa ma yin no/ /de ci'i phyir zhe na/ 'jig rten gnas pa ni gnyis la sbyor ba dang ldan pa'o/ /lha'i bu brtson pa zhes bya ba 'di ni sbyor ba yang dag pa'i tshig bla dgas so/ /sbyor ba yang dag pa zhes bya ba 'di ni sbyor ba med pa'i tshig bla dgas so/ /sbyor ba med pa zhes bya ba 'di ni spros pa 
med pa'i tshig bla dgas so/ /spros pa med pa zhes bya ba 'di ni sbyor ba yang dag pa'i tshig bla dgas so/ /lha'i bu gang na mig la mi sbyor ba dang / gzugs la mi sbyor ba 'di ni byang chub sems dpa'i sbyor ba yang dag pa zhes bya'o/ /gang na rna ba la mi sbyor ba dang / sgra la mi sbyor ba dang / sna la mi sbyor 

</font><hr>46-1-243a<br><font size=+1>

ba dang / dri la mi sbyor ba dang / lce la mi sbyor ba dang / ro la mi sbyor ba dang / lus la mi sbyor ba dang / reg bya la mi sbyor ba dang / yid la mi sbyor ba dang / chos la mi sbyor ba 'di ni byang chub sems dpa'i sbyor ba yang dag pa zhes bya'o/ /lha'i bu gzhan yang nyon 
mongs pa thams cad la yang mi sbyor la/ sems can thams cad kyi nyon mongs pa spang ba'i phyir yang brtson pa 'di ni byang chub sems dpa'i sbyor ba yang dag pa zhes bya'o/ /lha'i bu gzhan yang khams gsum pa thams cad la yang mi sbyor la/ khams gsum du gtogs pa'i sems 
can rnams kyang 'byung bar sbyor ba 'di ni byang chub sems dpa'i sbyor ba yang dag pa zhes bya'o/ /gzhan yang sbyin pa la rlom sems med par yang sbyor la/ sems can ser sna can sdud par yang sbyor ba dang / tshul khrims la rlom sems med par yang sbyor la/ sems can tshul khrims 
'chal pa sdud par yang sbyor ba dang / bzod pa la rlom sems med par yang sbyor la/ sems can gnod sems can sdud par yang sbyor ba dang / brtson 'grus la rlom sems med par yang sbyor la/ sems can le lo can sdud par yang sbyor ba dang / bsam gtan la rlom sems 
med par yang sbyor la/ sems can sems rnam par g.yengs pa sdud par yang sbyor ba dang / shes rab la rlom sems med par yang sbyor la/ sems can shes rab 'chal pa can sdud par yang sbyor ba 'di yang byang chub sems dpa'i sbyor ba yang dag pa zhes bya'o/ /gzhan yang stong pa nyid 
la rlom sems med par yang sbyor la/ lta bar song ba thams cad dang yang bral zhing lta bar song ba las rnam par grol ba yang ma yin pa ni stong pa nyid la sbyor ba ste/ stong pa nyid gang gis stong pa nyid stong pa'i stong pa nyid des lta bar gyur pa rnams stong pa dang / stong pa nyid gang gis lta bar gyur 
pa rnams stong pa'i stong pa nyid des chos thams cad stong par 'di shes shing shes pa la lhag pa'i nga rgyal yang med pa gang yin pa 'di yang byang chub sems dpa'i sbyor ba yang dag pa'o/ /lha'i bu gzhan yang mtshan ma med pa la rlom sems med par yang sbyor la/ /rnam par rtog pa thams cad dang bral 

</font><hr>46-1-243b<br><font size=+1>

zhing rnam par rtog pa las grol ba yang ma yin pa ni mtshan ma med pa la sbyor ba ste/ rnam par rtog pa gang gis mtshan ma med pa la rnam par rtog pa'i rnam par rtog pa de yang mtshan ma med pa dang mnyam zhing rnam par rtog pa de dang mtshan ma med pa yang mtshan ma med par rnam par rtog pas mnyam 
par shes te/ 'di shes shing shes pa la lhag pa'i nga rgyal yang med pa gang yin pa 'di yang byang chub sems dpa'i sbyor ba yang dag pa'o/ /gzhan yang smon pa med pa la rlom sems med par yang sbyor la/ bsams bzhin du skye ba yongs su 'dzin par yang sbyor te/ de smon lam 
'debs kyang sems kyis bag la nyal bar mi byed cing / smon lam 'debs kyang smon lam gyis rgyu ba yang med la/ skye yang skye zhing mtha' gnyi gar lta ba dang bral ba 'di lta ste/ ngar 'dzin pa dang / nga yir 'dzin pa'i lta ba dang bral bar gyur cing / skye yang skye la 'chi 'pho dang skye ba 
dang yang bral ba yin te/ 'di shes shing shes pa la lhag pa'i nga rgyal yang med pa gang yin pa 'di yang byang chub sems dpa'i sbyor ba yang dag pa'o/ /lha'i bu gzhan yang byang chub sems dpa' rnams kyi sbyor ba yang dag pa yang dag phul ni gang shes rab kyi shes pas brtson pa yang med la/ 
thabs kyi shes pas dge ba'i chos thams cad sdud par yang sbyor ba dang / shes rab kyi shes pas bdag med pa dang / sems can med pa dang / srog med pa dang / gso ba med pa dang / gang zag med par yang sbyor la/ thabs kyi shes pas sems can thams cad yongs su smin par byed 
par yang sbyor ba dang / shes rab kyi shes pas chos thams cad blang ba med pa dang / dor ba med par yang sbyor la/ thabs kyi shes pas chos thams cad yongs su 'dzin par yang sbyor ba dang / shes rab kyi shes pas sangs rgyas thams cad dang chos kyi dbyings dbyer med par yang sbyor la/ 
thabs kyi shes pas sangs rgyas thams cad la bla mar bya ba dang / gus par bya ba dang / mchod pa dang / rim gro byed par yang sbyor ba dang / shes rab kyi shes pas sangs rgyas kyi zhing thams cad nam mkha'i zhing du yang sbyor la/ thabs kyi shes pas sangs rgyas kyi zhing gi yon tan bkod pa 

</font><hr>46-1-244a<br><font size=+1>

yongs su sbyor ba'i rgyan la sbyor ba dang / shes rab kyi shes pas 'phags pa thams cad 'dus ma byas kyis rab tu phye bar yang sbyor la/ thabs kyi shes pas 'phags pa thams cad la bla ma dang / gus pa dang / rim gro byed par yang sbyor ba dang / shes rab kyi 
shes pas sangs rgyas kyi sku zag pa med par so sor rtog par yang sbyor la/ thabs kyi shes pas mtshan dang dpe byad bzang po dang / rgyan la yang sbyor ba dang / shes rab kyi shes pas 'du byed thams cad ma skyes pa dang / ma byung bar so sor rtog par yang sbyor la/ thabs kyi shes 
pas bsams bzhin du srid par skye ba yongs su 'dzin par yang sbyor ba dang / shes rab kyi shes pas stong pa nyid dang / mtshan ma med pa dang / smon pa med par yang sbyor la/ thabs kyi shes pas lta ba dang rnam par rtog pa dang / smon lam spang ba ston par yang sbyor ba dang / shes 
rab kyi shes pas mngon par shes pa skye ba med par yang sbyor la/ thabs kyi shes pas mngon par shes pa thams cad kyis rnam par 'phrul bar yang sbyor ba dang / shes rab kyi shes pas phung po dang / khams dang / skye mched ma skyes pa dang / mi stsogs par yang sbyor la/ 
thabs kyi shes pas phung po dang / khams dang / skye mched yongs su 'dor bar yang sbyor ba dang shes rab kyi shes pas srid pa mya ngan las 'das pa'i rang bzhin du rtogs par byed par yang sbyor la/thabs kyi shes pas 'khor ba na sems can yongs su smin par byed par yang sbyor ba 
dang / shes rab kyi shes pas shes rab kyi mig la yang sbyor la/ thabs kyi shes pas lha'i mig mngon par bsgrub pa la yang sbyor ba dang / shes rab kyi shes pas chos brjod du med par khong du chud par yang sbyor la/ thabs kyi shes pas yi ge dang nges pa'i tshig gis chos ston 
par yang sbyor ba dang / shes rab kyi shes pas don dang chos so so yang dag par rig pa la yang sbyor la/ thabs kyi shes pas nges pa'i tshig dang spobs pa so so yang dag par rig pa la yang sbyor ba dang / shes rab kyi shes pas sems can gyi dbang po mchog dang / mchog ma yin pa 

</font><hr>46-1-244b<br><font size=+1>

thams cad shes pa la yang sbyor la/ thabs kyi shes pas so so ci rig par chos ston par yang sbyor ba dang / shes rab kyi shes pas sems can gyi spyod pa brgyad khri bzhi stong khong du chud par byed par yang sbyor la/ thabs kyi shes pas chos kyi phung po brgyad khri bzhi stong yang dag 
par ston par yang sbyor ba 'di ni lha'i bu byang chub sems dpa' rnams kyi sbyor ba yang dag pa yang dag phul lo/ /'jam dpal gzhon nur gyur pas sbyor ba yang dag pa 'di bstan pa na/ 'khor de las lha'i bu brgyad stong ni bla na med pa yang dag par rdzogs pa'i byang chub tu sems skyes so/ /
byang chub sems dpa' lnga stong ni mi skye ba'i chos la bzod pa skyes so/ /bcom ldan 'das kyis kyang 'jam dpal gzhon nur gyur pa la/ 'jam dpal khyod kyis byang chub sems dpa' rnams kyi sbyor ba yang dag pa 'di legs par bshad pa legs so zhes legs so zhes bya ba byin no/ /de 
nas lha'i bu 'od mang pos 'jam dpal gzhon nur gyur pa la 'di skad ces smras so/ /'jam dpal khyod la de bzhin gshegs pas gang gi phyir legs so zhes bya ba byin pas ci khyod dga' bar 'gyur ram/ 'jam dpal gyis smras pa/ lha'i bu 'di ji snyam du sems/ gang 
sprul pas sprul pa la legs so zhes bya ba byin na sprul pa de la ci dga' ba 'gyur ba lta yod dam/ lha'i bus smras pa/ 'jam dpal sprul pa la rjes su chags pa yang med/ khong khro ba yang med na de la dga' bar 'gyur ba ci zhig yod/ 'jam dpal gyis smras pa/ lha'i bu de 
bzhin du chos thams cad kyang sprul pa'i ngo bo nyid kyi mtshan nyid de/ de bzhin gshegs pa yang de'i mtshan nyid la 'jam dpal yang de'i mtshan nyid yin na/ de la legs so zhes bya bas kho bo dga' bar 'gyur du ci zhig yod/ lha'i bu 'di lta ste dper na/ brag ca ni sgra snyan pa 
dang / mi snyan pa rnams la rjes su chags par yang mi 'gyur/ khong khro bar yang mi 'gyur ro/ /lha'i bu de bzhin du chos thams cad ni brag ca'i ngo bo nyid kyi rang bzhin te/ de bzhin gshegs pa yang de'i rang bzhin 'jam dpal yang de'i rang bzhin yin na/ de la legs so zhes 

</font><hr>46-1-245a<br><font size=+1>

bya bas kho bo dga' bar 'gyur du ci yod/ lha'i bus smras pa/ 'jam dpal de bzhin gshegs pas su la legs so zhes bya ba gnang / 'jam dpal gyis smras pa/ lha'i bu rnam par shes pa mi gnas par ston pa dang / bstan pa thams cad la su'i blo thogs 
par mi 'gyur ba dang / su sems can thams cad la sems can du 'du shes mi 'jug pa dang / su chos thams cad la chos su 'du shes mi 'jug pa dang / su bsam pa mya ngan las 'das pa la yang gnas la/ sbyor ba 'khor ba la yang gnas pa dang / su bdud kyi las khong du chud nas 
bdud kyi las kyang sangs rgyas kyi phrin las su shes shing / sangs rgyas kyi phrin las la mngon par zhen na/ sangs rgyas kyi phrin las kyang bdud kyi las su shes pa de lta bu'i chos dang ldan pa'i byang chub sems dpa' la/ lha'i bu de bzhin gshegs pas legs so zhes bya ba gnang ngo / /lha'i 
bus smras pa/ 'jam dpal ci de lta bu'i chos dang ldan pas de bzhin gshegs pas khyod la/ legs so zhes bya ba gnang ngam/ 'jam dpal gyis smras pa/ lha'i bu 'di ji snyam du sems/ gang mnyam pa nyid de la mi mnyam pa gang yang yod dam/ lha'i bus smras pa/ 'jam 
dpal mnyam pa nyid la mi mnyam pa gang yang med do/ /'jam dpal gyis smras pa/ lha'i bu mnyam pa nyid gang dang mnyam pa de dang mtshams med pa mnyam mo/ /mtshams med pa gang dang mnyam pa de dang kho bo mnyam mo/ /mnyam pa nyid gang dang mnyam pa de dang lta bar gyur pa rnams 
mnyam mo/ /lta bar gyur pa rnams gang dang mnyam pa de dang kho bo mnyam mo/ /mnyam pa nyid gang dang mnyam pa de dang phyin ci log rnams mnyam mo/ /phyin ci log rnams gang dang mnyam pa de dang kho bo mnyam mo/ /mnyam pa nyid gang dang mnyam pa de dang dmigs pa mnyam mo/ /
dmigs pa gang dang mnyam pa de dang kho bo mnyam mo/ /mnyam pa nyid gang dang mnyam pa de dang 'khor ba'i mtha' mnyam mo/ /'khor ba'i mtha' gang dang mnyam pa de dang mya ngan las 'das pa'i mtha' mnyam mo/ /mya ngan las 'das pa'i mtha' gang dang mnyam pa de dang bdag gi mtha' 

</font><hr>46-1-245b<br><font size=+1>

mnyam mo/ /bdag gi mtha' gang dang mnyam pa de dang yang dag pa'i mtha' mnyam mo/ /yang dag pa'i mtha' gang dang mnyam pa de dang ma rig pa dang / srid pa dang / sred pa'i mtha' mnyam mo/ /ma rig pa dang / srid pa dang / sred pa'i mtha' gang dang mnyam pa de dang rig pa dang / rnam par 
grol ba'i mtha' mnyam mo/ rig pa dang / rnam par grol ba'i mtha' gang dang mnyam pa de dang 'dod chags dang / zhe sdang dang / gti mug gi mtha' mnyam mo/ /'dod chags dang / zhe sdang dang / gti mug gi mtha' gang dang mnyam pa de dang stong pa nyid dang / mtshan ma med pa 
dang smon pa med pa'i mtha' mnyam mo/ /stong pa nyid dang / mtshan ma med pa dang / smon pa med pa'i mtha' gang dang mnyam pa de dang 'dus byas kyi mtha' mnyam mo/ /'dus byas kyi mtha' gang dang mnyam pa de dang / 'dus ma byas kyi mtha' mnyam mo/ /'dus ma byas kyi mtha' gang dang 
mnyam pa de dang 'jam dpal gzhon nur gyur pa mnyam ste/ lha'i bu mnyam pa nyid des chos thams cad mnyam mo/ /de la su 'chad pa dang / gang bshad pa dang / gang la bshad pa dang / su la legs so zhes bya ba sbyin pa'i chos de dag thams cad nam mkha' dang mnyam pa nyid kyis 
mnyam ste/ nam mkha' yang 'dus ma byas yin pas nam mkha' ni mnyam pa yang med/ mi mnyam pa yang med de/ su rjes su mi 'gro ba'i tshul gyis mnyam pa nyid 'di dag gi rjes su song ba de la de bzhin gshegs pas legs so zhes bya ba gnang ngo / /lha'i bus smras pa/ 'jam dpal 
khyod legs so zhes bya ba dang legs so zhes bya ba ma yin pa las brtsams te chos bstan pa la spobs par gyis shig /'jam dpal gyis smras pa/ lha'i bu lhag pa'i bsam pas byang chub kyi phyir 'jug pa ni legs pa'o/ /g.yo dang sgyus nye bar spyod pa ni legs pa ma yin pa'o/ /snying rje chen 
pos sems can thams cad mi gtong ba ni legs pa'o/ /sems can rnams la rnam par 'tshe ba ni legs pa ma yin pa'o/ /sems can thams cad la zhe 'gras pa med pa'i sems ni legs pa'o/ /gnod sems kyi bsam pa ni legs pa ma yin pa'o/ /nyes pa byung ba mi 'chab cing 'chags 

</font><hr>46-1-246a<br><font size=+1>

te rnam par 'byed la kun nas bskor ba med par gnas pa ni legs pa'o/ /nyes pa byung ba 'chab pa ni legs pa ma yin pa'o/ /bdag gi 'khrul pa la so sor rtog pa ni legs pa'o/ /gzhan gyi 'khrul pa'i skyon tshol ba ni legs pa ma yin pa'o/ /byas pa 
gzo ba dang / byas pa shes pa dang / byas pa chud mi gzon pa dang / byas pa la lan du phan 'dogs pa ni legs pa'o/ /byas pa mi gzo ba dang / byas pa mi shes pa dang / byas pa chud gzon pa dang / byas pa la lan du phan mi 'dogs pa ni legs pa ma yin pa'o/ /thos pa yang dag par 
sgrub pa ni legs pa'o/ /thos pa log par bsgrub pa ni legs pa ma yin pa'o/ /bslab pa yang dag par blangs nas ma nyams pa ni legs pa'o/ /bslab pa yang dag par blangs pa las 'da' ba ni legs pa ma yin pa'o/ /dben pa la sems gzhol zhing dben pa la dga' ba ni legs pa'o/ /'du 
'dzi la dga' ba ni legs pa ma yin pa'o/ /dgon pa la gnas par lus dang srog 'dor ba ni legs pa'o/ /lus dang srog la lta ba ni legs pa ma yin pa'o/ /'phags pa'i rigs la yang dag par dga' ba dang rung ba rnams la tshod rig pa ni legs pa'o/ /chog mi shes shing 'dod pa che la sdig pa 'dod 
pa ni legs pa ma yin pa'o/ /nyam chung ba rnams la bzod cing dang du len pa ni legs pa'o/ /sems can rnams la sma 'bebs pa ni legs pa ma yin pa'o/ /'tsho ba dag pa ni legs pa'o/ /snyom las can ni legs pa ma yin pa'o/ /skyabs su song ba rnams mi gtong ba ni legs pa'o/ /
skyabs su song ba rnams la 'khu ba ni legs pa ma yin pa'o/ /dam bcas pa las mi nyams pa'i tshig bden pa dang / ji skad smras pa de bzhin byed pa ni legs pa'o/ /'jig rten thams cad la slu ba ni legs pa ma yin pa'o/ /dam pa'i chos yongs su 'dzin pa ni legs pa'o/ /dam 
pa'i chos yongs su spong ba ni legs pa ma yin pa'o/ /thos pa la ser sna med cing chos la slob dpon gyis dpe mkhyud med de zang zing med par chos ston pa ni legs pa'o/ /chos la ser sna byed cing chos la slob dpon gyis dpe mkhyud byed de zang zing dang 'brel ba'i sems kyis chos ston pa ni legs 

</font><hr>46-1-246b<br><font size=+1>

pa ma yin pa'o/ /sems can yongs su smin par byed pa'i thabs dang ldan pa'i bsdu ba ni legs pa'o/ /sems can la mi lta zhing thabs dang mi ldan par bsdu ba'i dngos po ston pa ni legs pa ma yin pa'o/ /pha rol tu phyin pa drug tshol ba ni legs pa'o/ /pha rol tu phyin pa drug 
gi mi 'thun pa'i phyogs ni legs pa ma yin pa'o/ /shes pas byas pa'i las rnams ni legs pa'o/ /nga rgyal gyis byas pa'i las rnams ni legs pa ma yin pa'o/ /mdza' ba brtan pa ni legs pa'o/ /ngan pa dang bshes pa ni legs pa ma yin pa'o/ /dge ba bcu'i las kyi lam 
la sten pa ni legs pa'o/ /mi dge ba bcu'i las kyi lam du zhugs pa ni legs pa ma yin pa'o/ /sdig pa'i las thams cad mi spyod pa ni legs pa'o/ /sdig pa'i las thams cad la zhugs pa ni legs pa ma yin pa'o/ /lha'i bu dmigs pa can gyi rab tu 'byung ba ni legs pa ma yin 
pa'o/ /stong pa nyid smra ba'i mngon par 'byung ba ni legs pa'o/ /'jig rten rgyang phan pa'i gtam smra ba'i seng ge'i khri ni legs pa ma yin pa'o/ /byang chub sems dpa'i sde snod rab tu thob pa'i dam pa'i chos kyi gtam smra ba'i seng ge'i khri ni legs pa'o/ /tshul khrims 'chal bas 
dad pas byin pa spyad pa ni legs pa ma yin pa'o/ /tshul khrims dang ldan pa'i thob pa dang / bkur sti dang tshigs su bcad pa thams cad ni legs pa'o/ /lhag pa'i nga rgyal can gyi byang chub ni legs pa ma yin pa'o/ /lhag pa'i nga rgyal med par shes pa'i brda sprod pa ni legs pa'o/ /
byang chub sems dpa' rnams la gnod par sems pa ni legs pa ma yin pa'o/ /byang chub sems dpa' rnams la ston pa tsam du phangs par 'dzin pa ni legs pa'o/ /byang chub sems dpa'i ming gis rnyed pas 'tsho ba ni legs pa ma yin pa'o/ /byang chub sems dpa' chos smra 
ba yang dag par sgrub pa la gnas pa'i rnyed pa ni legs pa'o/ /lha'i bu de ltar na ji tsam du de bzhin gshegs pa'i bka' dang 'gal ba de tsam du thams cad legs pa ma yin pa'o/ /ji tsam du de bzhin gshegs pa'i bka' dang 'thun pa de tsam du thams cad legs pa'o/ /lha'i bus 

</font><hr>46-1-247a<br><font size=+1>

smras pa/ 'jam dpal khyod ci legs so zhes bya ba'i chos la brtson nam/ 'on te legs pa ma yin zhes bya ba'i chos la brtson/ 'jam dpal gyis smras pa/ lha'i bu kho bo ni legs so zhes bya ba'i chos la brtson pa yang ma yin/ legs pa ma yin pa zhes bya 
ba'i chos la brtson pa yang ma yin no/ /de ci'i phyir zhe na/ lha'i bu kho bo ni chos thams cad la brtson pa ma yin no/ /lha'i bus smras pa/'jam dpal khyod ci dge ba'i chos la mi brtson nam/ 'jam dpal gyis smras pa/ lha'i bu kho bo ni dge ba'i chos la brtson pa yang ma yin/ /
mi dge ba'i chos la brtson pa yang ma yin no/ /de ci'i phyir zhe na/ lha'i bu dge ba zhes bya ba 'di yang 'dus byas so/ /mi dge ba zhes bya ba 'di yang 'dus byas so/ /mi g.yo ba zhes bya ba 'di yang 'dus byas so/ /lha'i bus smras pa/ 'jam dpal khyod ci 'dus ma byas pa'am/ 
'jam dpal gyis smras pa/ lha'i bu gal te 'dus byas kyis skrag pa lta na ni kho bo 'dus ma byas su 'gyur ro/ /lha'i bus smras pa/ 'jam dpal khyod ci 'dus byas kyis mi skrag gam/ 'jam dpal gyis smras pa/ lha'i bu gal te yang dag par 'dus byas kyis yongs su grub pa 
zhig mthong na ni kho bo 'dus byas kyis skrag par 'gyur ro/ /lha'i bus smras pa/ 'jam dpal ci khyod kyis yang dag par 'dus byas kyis yongs su grub pa ma mthong ngam/ 'jam dpal gyis smras pa/ lha'i bu kho bos ni yang dag par 'dus byas kyis yongs su grub pa ma mthong ste/ 'dus 
ma byas kyis kyang ma yin no/ /lha'i bus smras pa/ 'jam dpal khyod ci 'dus byas su gtogs sam/ 'on te 'dus ma byas su gtogs/ 'jam dpal gyis smras pa/ lha'i bu kho bo ni 'dus byas su gtogs pa yang ma yin/ 'dus ma byas su gtogs pa yang ma yin no/ /de ci'i 
phyir zhe na/ gal te 'dus byas su gtogs par gyur na ni byis pa so so'i skye bo thams cad dang 'dra bar 'gyur ro/ /gal te 'dus ma byas su gtogs par gyur na ni nyan thos dang rang sangs rgyas thams cad dang 'dra bar 'gyur ro/ /lha'i bus smras pa/ 'jam dpal gal te khyod 'dus byas su gtogs pa 

</font><hr>46-1-247b<br><font size=+1>

yang ma yin/ 'dus ma byas su gtogs pa yang ma yin na khyod ji ltar shes par bya/ 'jam dpal gyis smras pa/ lha'i bu 'di ji snyam du sems/ gang de bzhin gshegs pas sprul pa 'dus byas su gtogs sam/ 'on te 'dus ma byas su gtogs/ lha'i bus smras pa/ 'jam 
dpal de bzhin gshegs pas sprul pa ni 'dus byas su gtogs pa yang ma yin/ 'dus ma byas su gtogs pa yang ma yin no/ /'jam dpal gyis smras pa/ lha'i bu de bzhin gshegs pas sprul pa'i chos kyi de bzhin nyid ci 'dra ba de 'dra bar kho bo shes par gyis shig /lha'i bu de ji 
snyam du sems/ de bzhin gshegs pa'i rnam par shes pa gang la gnas/ gzugs la gnas sam/ smras pa ma yin no/ /smras pa/ de ci tshor ba dang / 'du shes dang / 'du byed rnams la gnas sam/ smras pa/ ma yin no/ /smras pa/ de ci 'dus byas la gnas sam/ smras pa/ 
ma yin no/ /smras pa/ de ci 'dus ma byas la gnas sam/ smras pa/ ma yin no/ /smras pa/ de bzhin gshegs pa'i rnam par shes pa gang la gnas/ smras pa/ 'jam dpal de bzhin gshegs pa'i rnam par shes pa ni gang la yang mi gnas so/ /'jam dpal gyis smras pa/ 
lha'i bu de bzhin gshegs pa'i rnam par shes pa gang la gnas pa de la kho bo gnas par shes par bya'o/ /lha'i bus smras pa/ 'jam dpal khyod ci de bzhin gshegs pa yin nam/ 'jam dpal gyis smras pa/ lha'i bu de bzhin nyid kyi 'ong ba med pa dang 'gro ba med pa gang yin pa de nyid kho 
bo'i 'gro ba de nyid de bzhin gshegs pa'i 'gro ba ste/ des na kho bo de bzhin gshegs pa'o/ /de bzhin nyid ji lta bar kho bo yang de ltar 'ongs pas des na kho bo de bzhin gshegs pa'o/ /de bzhin nyid ji lta bar kho bo yang de ltar gnas te/ des na kho bo de bzhin gshegs pa'o/ /lha'i 
bu 'jam dpal zhes bya ba 'di ni de bzhin nyid ci 'dra ba de 'dra ste/ des na kho bo de bzhin gshegs pa'o/ /de bzhin nyid sems med cing zhi ba'i phyir/ 'jam dpal yang sems med cing zhi ba ste/ /des na kho bo de bzhin gshegs pa'o/ /lha'i bus smras pa/ 'jam dpal de bzhin nyid gang du 

</font><hr>46-1-248a<br><font size=+1>

btsal bar bya/ 'jam dpal gyis smras pa/ lha'i bu de bzhin nyid ni lta bar song ba drug cu rtsa gnyis rnams su btsal bar bya'o/ /lha'i bus smras pa/ lta bar song ba drug cu rtsa gnyis po rnams gang du btsal bar bya/ 'jam dpal gyis smras pa/ lha'i bu lta 
bar song ba drug cu rtsa gnyis po dag ni de bzhin gshegs pa mi 'khrugs pa'i chos can gyi rnam par grol ba las btsal bar bya'o/ /lha'i bus smras pa/ 'jam dpal de bzhin gshegs pa'i rnam par grol ba gang du btsal bar bya/ 'jam dpal gyis smras pa/ lha'i bu de bzhin gshegs pa'i 
rnam par grol ba ni sems can thams cad kyi sems kyi spyod pa dang / bsam pa rnams su btsal bar bya'o/ /lha'i bus smras pa/ 'jam dpal sems can thams cad kyi sems kyi spyod pa dang / bsam pa gang du btsal bar bya/ 'jam dpal gyis smras pa/ lha'i bu sangs rgyas kyi spyod yul du'o/ /
lha'i bus smras pa/ 'jam dpal sangs rgyas kyi spyod yul gang du btsal bar bya/ 'jam dpal gyis smras pa/ lha'i bu sems can gyi dbang po mchog dang / mchog ma yin pa thams cad shes pa las btsal bar bya'o/ /lha'i bus smras pa/ 'jam dpal khyod ji ltar 'dir shes pa nyung bar 'gyur ba 
de lta bur ston tam/ 'jam dpal gyis smras pa/ lha'i bu sangs rgyas kyi ye shes ni sus kyang kun shes pa'am/ rnam par shes par mi nus so/ /de ci'i phyir zhe na/ lha'i bu sangs rgyas kyi ye shes ni chags pa med pa/ rnam par rtog pa med pa/ brjod du med pa/ bsnyad du med pa/ sbyor ba med 
pa/ tshig med pa/ sems dang yid dang rnam par shes pa dang bral ba ste/ de sus kyang kun shes par ram rnam par shes par mi nus pa'i phyir ro/ /lha'i bus smras pa/ 'jam dpal gal te sangs rgyas kyi ye shes kun shes par bya ba ma yin na nyan thos 'di dag gis kun shes par ga la 
'gyur/ byang chub sems dpa' rnams kyang phyir mi ldog pa la gnas par ga la 'gyur/ 'jam dpal gyis smras pa/ lha'i bu gang yi ge rnams kyi ye shes de bstan pa 'di ni de bzhin gshegs pa rnams kyi thabs te ye shes de ni yi ge med pa'o/ /lha'i bu 'di lta ste dper na/ me gtsubs 

</font><hr>46-1-248b<br><font size=+1>

pa las me mi 'byung gi gtsub shing gtsubs pa las me 'byung ba de bzhin du lha'i bu de bzhin gshegs pas gal te thog ma kho nar sangs rgyas kyi ye shes rgya chen yang dag par rab tu bstan na/ sems can gang gis kyang de bzhin gshegs pa'i ye shes de kun shes par mi 'gyur bas/ de bzhin 
gshegs pas gtsub shing gi gtam gyis ye shes de bstan te/ ye shes de ni yi ge med pa'o/ /lha'i bus smras pa/ 'jam dpal gtsub shing gi gtam gang / 'jam dpal gyis smras pa/ lha'i bu gang ci yang rung ste/ sdom pa dang yo byad bsnyungs pa'i gtam dang / 
pha rol tu phyin pa la sbyor ba'i gtam dang / byang chub kyi phyogs kyi chos la 'jug pa'i gtam 'di ni gtsub shing gi gtam zhes bya'o/ /lha'i bus smras pa/ 'jam dpal gtsub shing gi gtam ma yin pa'i gtam gang / 'jam dpal gyis smras pa/ lha'i bu gtam gang 
skye ba dang / 'jig pa dang / gnas pa'i gtam ma yin pa dang / 'dren pa dang / sel ba'i gtam ma yin pa dang / gtam gang kun nas nyon mongs pa yongs su brjod pa'i gtam ma yin pa dang / rnam par byang ba'i phan yon gyi gtam ma yin pa dang / gtam gang 'khor ba la yid 
'byung bar bya ba'i gtam ma yin pa dang / mya ngan las 'das pa la mngon par dga' bar bya ba ma yin pa'i gtam dang / gtam gang yongs su shes par bya ba'i phyir ma yin/ spang bar bya ba'i phyir ma yin/ bsgom par bya ba'i phyir ma yin/ mngon sum du bya ba'i phyir ma yin pa dang / gtam 
gang thob par bya ba'i phyir ma yin/ mngon par rtogs par bya ba'i phyir ma yin pa 'di ni lha'i bu dag snying po yod pa'i gtam mo/ /lha'i bus smras pa/ 'jam dpal gtam 'di lta bu rjod pa'i tshe/ mig gis mi rtsol bar bya ba'i phyir bdud sdig can 'dir mi 'ong ba ni ngo mtshar to/ /tshig de smras nas 
ring por ma lon par de'i mod la bdud sdig can steng gi bar snang la sprin chen po 'khrugs par mngon par sprul nas sgra chen po'i nga ro phyung ba dang / des thams cad dang ldan pa'i 'khor de dngangs skrag nas sgra skad kyi nga ro 'di lta bu su zhig gi snyam mo/ /de nas bcom ldan 'das kyis 'jam dpal 

</font><hr>46-1-249a<br><font size=+1>

gzhon nur gyur pa la bka' stsal pa/ 'jam dpal khyod kyis bdud sdig can gyi 'gyur ba mthong ngam/ 'jam dpal gyis gsol pa/ bcom ldan 'das mthong lags so/ /bde bar gshegs pa mthong lags so/ /de nas 'jam dpal gzhon nur 
gyur pas de'i tshe bdud sdig to can bcing ba dam pos bcings te/ sa'i steng du ltung ba de lta bu'i bsam pa bsams pa dang / bdag ni bcing ba dam pos bcings so/ /bdag ni bcing ba dam pos bcings so zhes sgra 'byin to/ /'jam dpal gyis smras pa/ sdig can bcing ba 'di 
bas ches dam pa'i 'ching ba gzhan yod de/ des khyod rtag tu bcings kyang khyod kyis khong du ma chud do/ /de yang gang zhe na 'di lta ste/ nga'o snyam pa'i nga rgyal gyi 'ching ba dang / phyin ci log gi 'ching ba dang / sred pa dang lta ba'i 'ching ba ste/ sdig can 'di ni 'ching ba 'di bas 
ches dam pa'i 'ching ba dam po gzhan yin te/ des khyod rtag tu bcings kyang khong du ma chud do/ /bdud kyis smras pa/ 'jam dpal thong shig dang bdag gi gnas su 'gro'o/ /yang bdud kyi las mi bya'o/ /'jam dpal gyis smras pa/ sdig can sangs rgyas kyi mdzad pa khyod kyis bya 
dgos na khyod ci'i phyir btang / bdud kyis smras pa/ 'jam dpal/ bdag ni sangs rgyas kyi chos rnams la bar chad bya ba'i phyir zhugs pa yin na bdag gis sangs rgyas kyi mdzad pa ji ltar bya/ 'jam dpal gyis smras pa/ sdig can gang sangs rgyas kyi mdzad pa bdud byed du gzhug pa 
'di ni byang chub sems dpa' rnams kyis thabs dang shes rab kyi shes pa rnam par sprul pa'o/ /gang sangs rgyas kyis sangs rgyas kyi mdzad pa mdzad pa 'di ni ngo mtshar ma yin te/ gang bdud sangs rgyas kyi mdzad pa byed pa 'di ni rab tu ngo mtshar to/ /de nas 'jam dpal gzhon nur gyur pas de'i tshe 
gang sdig can sangs rgyas kyi gzugs dang ldan pa dang / sangs rgyas kyi seng ge'i khri la 'dug pa dang / sangs rgyas kyi spobs pa dang ldan par 'gyur ba'i byin gyi rlabs de lta bu'i byin gyis brlabs so/ /de nas bdud sdig can gyis tshe dang ldan pa dag ci dang ci 'dod pa kho bo la dris shig dang kho 

</font><hr>46-1-249b<br><font size=+1>

bos dris pa lung bstan pas khyed kyi sems rangs par bya'o zhes tshig de skad smras so/ /de nas gnas brtan 'od srung chen pos bdud sdig can la 'di skad ces smras so/ /sdig can dge slong rnal 'byor spyod pa'i 'ching ba gang yin/ bdud kyis smras pa/ btsun pa 'od srung chen po bsam 
gtan gyi ro myong bar byed pa ni dge slong rnal 'byor spyod pa'i 'ching ba'o/ /zhi gnas de la chags pa dang / 'du shes med 'du shes med min skye mched la snyoms par 'jug pa dang / stong pa nyid la snying por 'du shes pa dang / lta bar song ba rnams bsal bar 'du shes pa 
dang / mtshan ma med pa la snying por 'du shes pa dang / mtshan ma rnams la bsal bar 'du shes pa dang / smon pa med pa la snying por 'du shes pa dang / smon lam la bsal bar 'du shes pa dang / mya ngan las 'das pa la snying por 'du shes pa dang / 'khor ba la bsal 
bar 'du shes pa 'di dag ni btsun pa 'od srung chen po dge slong rnal 'byor spyod pa'i 'ching ba'o/ /de ci'i phyir zhe na/ btsun pa 'od srung chen po lta bar song ba bsal nas stong pa nyid bsgom par bya ba ma yin gyi/ lta bar song ba nyid stong pa nyid do/ /mtshan ma bsal nas mtshan 
ma med pa bsgom par bya ba ma yin gyi/ mtshan ma'i ngo bo nyid mtshan ma med pa'o/ /smon lam bsal nas smon pa med par bsgom par bya ba ma yin gyi/ smon lam gyi ngo bo nyid smon pa med pa'o/ /'khor ba bsal nas mya ngan las 'das pa bsgom par bya ba ma yin gyi/ 
'khor bar dmigs pa nyid mya ngan las 'das pa'o/ /btsun pa 'od srung chen po mya ngan las 'das pa zhes bya ba ni 'du shes pa dang / rlom sems dang / mtshan ma la dmigs pa thams cad la mi spyod pa ste/ mya ngan las 'das pa ni skye ba dang / 'jig pa dang / zad pa 
las ma yin gyi/ rang bzhin gyis skye ba med pa nyid mya ngan las 'das pa'o/ /bstan pa 'di bshad pa na dge slong lnga brgya nye bar len pa med par zag pa rnams las sems rnam par grol lo/ /de nas gnas brtan rab 'byor gyis dge slong de dag la 'di skad ces smras so/ /tshe dang 

</font><hr>46-1-250a<br><font size=+1>

ldan pa dag sus btul/ dge slong de dag gis smras pa/ gang thob pa yang med pa/ mngon par rdzogs par sangs rgyas pa yang med pas so/ /rab 'byor gyis smras pa/ btul ba de ji lta bu/ smras pa/ ji ltar gnas pa nyid kyi phyir chung zad 
kyang khrid pa yang med/ ma khrid pa yang med de/ ji ltar gnas pa bzhin du shes pa dang / bskyed pa yang med/ bkag pa yang med de/ mnyam pa nyid du shes pa de ltar bdag cag btul to/ /dge slong de dag gis bstan pa 'di bshad pa na lha'i bu stong nyis brgya chos rnams la 
chos kyi mig rdul med cing dri ma dang bral ba rnam par dag go/ /gnas brtan rab 'byor gyis gzhan yang bdud sdig can la 'di skad ces smras so/ /sdig can ji ltar na dge slong sbyin gnas yin/ bdud kyis smras pa/ btsun pa rab 'byor nam dge slong len pa yang med de/ nod pa yang med 
la dad cing dang ba thams cad las kyang yongs su spyod pa na'o/ /btsun pa rab 'byor gang dge slong gang la byin pa de la sgyu ma'i blo dang / gang len pa de la mig yor gyi blo dang / nye bar len pa'i sems dang / nye bar len pa med pa'i sems kyis kyang yongs su mi spyod pa'i dge slong de lta bu ni 
sbyin pa'i gnas yin no/ /sha ra dwa ti'i bus smras pa/ sdig can bcom ldan 'das kyis ting nge 'dzin 'khrugs pa med par gsungs pa gang yin/ bdud kyis smras pa/ byang chub sems dpa' ting nge 'dzin gang la brten nas shin tu zad pa'i phyir zad pa yang zad par mi byed/ rang bzhin 
gyis ma skyes pa'i phyir ma skyes pa yang mi skyed/ myong ba med pa yang myong bar mi byed de/ chos thams cad kyang rang bzhin gyis snyoms par zhugs par shes la/ shes nas kyang tshor ba thams cad 'gog pa'i snyoms par 'jug pa la snyoms par 'jug cing mnyam par yang mthong la chung 
zad kyang mthong ba yang med/ mi mthong ba yang med pa 'di ni bcom ldan 'das kyis ting nge 'dzin 'khrugs pa med par gsungs pa'o/ /maud gal gyi bus smras pa/ sdig can ji ltar na dge slong sems thams cad la dbang thob pa yin/ bdud kyis smras pa/ btsun pa maud gal gyi bu chen 

</font><hr>46-1-250b<br><font size=+1>

po nam dge slong chos thams cad la sems rnam par grol ba'i mtshan nyid du shes la/ rnam par grol ba'i mtshan nyid la mngon par zhen pa yang med cing sems gzod ma nas rnam par grol ba shes la/ 'ching bar yang mi byed/ grol bar yang mi byed/ sems gzugs med 
pas chos thams cad gzugs med par shes/ sems gnas pa med pas chos thams cad gnas pa med par mthong / sems 'dzin pa med pas chos thams cad 'dzin pa med par shes kyang sems kyis sems shes pa yang med la/ sems kyis ngo bo nyid kyi rang bzhin gyis chos 
thams cad kyi chos kyi dbyings kyi ngo bo nyid kyi rang bzhin yang shes shing / chos kyi dbyings kyi ngo bo nyid kyi rang bzhin gyis gzhan gyi dring la mi 'jog par dbang thob pa ni mos pa'i rdzu 'phrul dang ldan pa yin te/ btsun pa maud gal gyi bu chen po dge slong de lta bu ni sems thams cad la dbang 
thob pa yin no/ /gang pos smras pa/ sdig can ji ltar na dge slong yongs su dag par chos ston pa yin/ bdud kyis smras pa/ btsun pa gang po nam dge slong gis gzhan las chos thams cad shes kyang gzhan dang gzhan ma yin pa'i sems la mngon par zhen pa yang med/ chos 
thams cad kyang sgro btags par yang ston/ yi ge dang / skad dang / dbyangs dang / tshig gi lam thams cad kyang brag ca lta bur shes/ chos nyan pa thams cad kyang sgyu ma'i skyes bu ltar mthong / gang gi lus kyi rnam par rig byed kyang chu zla dang 'dra bar mthong / nyon mongs 
pa thams cad kyang yongs su rtog pa las byung bar shes/ chos 'ga' zhig gzung ba'i phyir ram/ dor ba'i phyir ram/ shin tu bzla ba'i phyir ram/ thob par bya ba'i phyir yang chos mi ston/ so so yang dag par rig pa bzhi po rnams la yang dbang thob cing legs so zhes bya ba la yang 
re ba med la/ zang zing med par chos ston cing rang gi sems rang bzhin gyis yongs su dag pas sems can thams cad kyi sems rang bzhin gyis yongs su dag par shes te/ sems rang bzhin gyis yongs su dag par shes nas phung po'i bdud la dben par mthong ba dang / nyon 

</font><hr>46-1-251a<br><font size=+1>

mongs pa'i bdud la bcos mar 'du shes pa dang / 'chi bdag gi bdud la ma skyes pa dang / mi skye bar gnas pa dang / lha'i bu'i bdud la g.yo ba dang / rlom sems thams cad dang bral bar gyur pa yin te/ dge slong de lta bu ni yongs su dag par 
chos ston pa yin no/ /nye bar 'khor gyis smras pa/ sdig can ji ltar na dge slong 'dul ba 'dzin pa yin/ bdud kyis smras pa/ btsun pa nye bar 'khor dge slong gis nam chos thams cad shin tu dul bar shes te/ nyes pa rnams kyi thog ma'i sngon gyi mtha' yang dben pa'i 
mthar shes la/ nyes pa byung ba rnams kyi 'gyod pa yang sel cing dam por mi byed de/ de dag gang gis mtshams med pa rnams kyang rnam par gnon na/ cho ga dang tshul khrims la log par zhugs pa phran tshegs lta smos kyang ci dgos pa de lta bu'i chos kyi tshul gyi rnam pa yang nye 
bar sgrub/ nyon mongs pa 'dul ba la yang mkhas/ blo bur gyi nyon mongs pa rnams la yang kun nas nyon mongs par gyur pa ma yin pa dang / 'byung bar 'du shes/ nyon mongs par nang du yang mi ston/ phyi rol du yang ma yin/ gnyi ga med par yang ma yin te/ nyon 
mongs pa khong du chud pa nyid nyon mongs pa med par shes shing nyon mongs pa yang mi sel/ nyon mongs pa med pa yang mi sgrub/ nyon mongs pa thams cad kyang sprin 'dra bar shes te/ ye shes dang lhag mthong gi rlung gis gtor nas phyogs dang yul du 'gro ba yang med gnas pa 
yang med pa dang / nyon mongs pa rnams ni chu zla dang 'dra ste/ yongs su rtog pa'i gzugs brnyan gyis bzhin nye bar ston pa dang / nyon mongs pa rnams ni mun pa'i spyod yul te/ shes rab kyi sgron mas mi snang ba snang bar byed pa dang / nyon mongs pa rnams ni chom rkun dang / mkha' 
'gro ma dang / gnod sbyin dang / srin po dang 'dra ste/ tshul bzhin yid la byed pas brtags na gnas pa ma yin pa dang / nyon mongs pa rnams ni glags tshol ba ste/ tshul bzhin ma yin pa yid la byed pas 'phel ba dang / stong pa nyid dang / mtshan ma med pa dang / smon pa med 

</font><hr>46-1-251b<br><font size=+1>

pa'i shes pas yid la 'jug par mi byed pas sus nyon mongs pa rnams 'di 'dra bar shes te/ sems can nyon mongs pas kun nas nyon mongs par gyur pa rnams la snying rje zhing bdag med pa dang / sems can med pa mngon sum du gyur pa na 'dul ba 'dzin pa yang dag pa zhes bya'o/ /
de ltar nyan thos chen po de dag thams cad kyis rang rang gi 'dod pa bdud sdig can de la kun dris nas bdud sdig can gyis kyang de dag thams cad kyi don gtan la bab par bstan pas sems rangs par gyur to/ /de nas lha'i bu mtshams bzangs 'khor de nyid du 'dus par gyur te 'dug pa 
des/ bdud sdig can de la 'di skad ces smras so/ /sdig can 'jam dpal gzhon nur gyur pas ni byang chub sems dpa' rnams kyi bdud kyi las bshad zin gyis khyod kyang spobs par gyis shig /sdig can byang chub sems dpa' rnams kyi bdud kyi las gang / de skad 
ces smras pa dang / sdig can gyis lha'i bu mtshams bzangs la 'di skad ces smras so/ /lha'i bu nyi shu po 'di dag ni byang chub sems dpa' rnams kyi bdud kyi las yang dag phul yin no/ /nyi shu gang zhe na/ 'di lta ste/ rnal 'byor spyod pa rnam par grol ba 'dod cing 
'khor bas skrag pa rnams la bsnyen pa dang / bsten pa dang / bsnyen bkur byed pa ni bdud kyi las so/ /stong pa nyid la so sor rtog cing sems can yal bar 'dor ba yang bdud kyi las so/ /'dus ma byas la so sor rtog cing 'dus byas kyi dge ba'i rtsa bas yongs su skyo ba 
yang bdud kyi las so/ /bsam gtan skyed cing bsam gtan las rnam par ldog pa tshol ba yang bdud kyi las so/ /chos ston kyang chos nyan pa rnams la snying rje chen po mi skyed pa yang bdud kyi las so/ /yon tan dang ldan pa dang sbyin gnas tshol zhing tshul khrims 'chal pa 
rnams la khro ba yang bdud kyi las so/ /nyan thos dang / rang sangs rgyas kyi gtam ston cing theg pa chen po'i gtam 'chab pa yang bdud kyi las so/ /zab mo'i gtam 'chab cing gtam sna tshogs ston pa yang bdud kyi las so/ /byang chub sems dpa'i lam shes kyang pha rol 

</font><hr>46-1-252a<br><font size=+1>

tu phyin pa'i lam yongs su mi tshol ba yang bdud kyi las so/ /rab tu brtson pa'i bsngags pa brjod kyang sems can mi brtson pa rnams mngon par mi sbyor ba yang bdud kyi las so/ /dge ba'i rtsa ba sogs kyang byang chub kyi sems mngon du mi byed pa yang bdud 
kyi las so/ /lhag mthong gi rnal 'byor dang ldan par gnas kyang sems can rnams lhag mthong yang dag par 'dzin du mi 'jug pa yang bdud kyi las so/ /nyon mongs pa ma lus par zad par tshol zhing 'khor ba'i rgyun gyi nyon mongs pa rnams la smon pa'ang bdud kyi las so/ /
shes rab kyis rnam par dpyod cing snying rje chen po la dmigs pa mi 'dzin pa yang bdud kyi las so/ /thabs dang mi ldan par dge bar spyod pa thams cad kyang bdud kyi las so/ /byang chub sems dpa'i sde snod mi tshol gyi 'jig rten rgyang phan pa'i gsang tshig 'dzin pa'ang bdud kyi las so/ /
mang du thos kyang gzhan gyis shes kyis dogs te chos la slob dpon gyis dpe mkhyud byed pa'ang bdud kyi las so/ /'jig rten pa'i dgos pa'i zhal ta byed cing mang du thos pa mi tshol ba yang bdud kyi las so/ /byang chub sems dpa' chos smra ba theg pa chen po la yang dag par zhugs pa skal ba mnyam pa 
rnams la mi sten/ mi snyen/ bsnyen bkur mi byed/ nyan thos dang / rang sangs rgyas kyi theg pa la yang dag par zhugs pa skal ba mi mnyam par dga' ba'ang bdud kyi las so/ /gang gi tshe brgya byin nam/ tshangs pa'am/ 'jig rten skyong ba'am/ rgyal po 'am/ tshangs 
dpon nam/ khyim bdag gi longs spyod dang / nor dang / rin po che dang / dbang phyug gi che ba nyid du gyur pa de'i tshe chos kyi che ba nyid dang ldan pa rnams la mi sten/ mi snyen/ bsnyen bkur mi byed pa 'di dag ni lha'i bu byang chub sems dpa' rnams kyi bdud kyi las yang dag phul nyi shu'o/ /
de nas bcom ldan 'das kyis bdud sdig can la sdig can khyod kyis byang chub sems dpa' rnams kyi bdud kyi las 'di dag legs par bshad pa ni legs so legs so zhes bya ba byin no/ /byang chub sems dpa' gang dag bdud kyi las 'di rnams thos shing thos nas kyang rnam par spong ba de dag byang chub 

</font><hr>46-1-252b<br><font size=+1>

yongs su smin par byed pa'i chos nyi shu thob par 'gyur ro/ /nyi shu gang zhe na/ 'di lta ste/ byams pa chen po dang / snying rje chen po dang / 'khor ba na yongs su mi skyo ba dang / dge ba'i bshes gnyen gyis yongs su zin pa dang / sangs rgyas 'byung ba mnyes par byed pa dang / 
pha rol tu phyin pa rnams nyan pa dang / byang chub sems dpa'i 'khor dang skal ba mnyam pa dang / gzungs rab tu thob pa dang / spobs pa phun sum tshogs pa dang / mngon par shes pa shes pa dang / chos ma thos pa nyan pa dang / tshe rabs tshe rabs su byang chub kyi sems mngon du 'gyur 
ba dang / rtag tu rgyun mi 'chad par rab tu 'byung ba rnyed pa dang / dal ba phun sum tshogs pa dang / ji ltar thos pa'i chos rnams sgrub pa dang / thabs dang shes rab kyis shes pas sems can sdud cing yongs su 'dzin pa dang / dam pa'i chos yongs su 'dzin pa dang / g.yo med cing 
sgyu med pa dang / phangs pa'i dngos po thams cad yongs su gtong ba dang / sems can thams cad la khong khro ba med pa ste/ byang chub yongs su smin par byed pa'i chos nyi shu po 'di dag thob par 'gyur ro/ /de nas lha'i bu mtshams bzangs kyis bdud sdig can la 'di skad ces smras so/ /sdig 
can khyod la bcom ldan 'das kyis legs so zhes bya ba gnang ba ni sdig can khyod kyis rnyed pa legs par rnyed do/ /bdud kyis smras pa/ lha'i bu 'di la kho bos rnyed pa ci zhig legs par rnyed/ de ci'i phyir zhe na/ lha'i bu 'di lta ste dper na/ mi gang 'byung po babs pa bstan pa de ni mi de'i 
'gyur ba ma yin gyi/ de ni 'byung po de'i 'gyur bar blta'o/ /lha'i bu de bzhin du kho bo yang 'jam dpal gyis byin gyis brlabs nas ston gyi/ 'di kho bo'i skyes bu'i rtsal du ni mi blta'o/ /lha'i bus smras pa/ sdig can khyod sangs rgyas kyi gzugs kyi mtshan dang ldan zhing sangs 
rgyas kyi seng ge'i khri la 'dug ste/ sangs rgyas kyi spobs pa dang ldan zhing chos ston pas dga' bar ma gyur tam/ bdud kyis smras pa/ khyod kyis ni kho bo brgyan par mthong ba lta na kho bos ni bcing ba dam pos bdag bcings par shes so/ /lha'i bus smras pa/ sdig can 

</font><hr>46-1-253a<br><font size=+1>

'jam dpal gzhon nur gyur pa la bzod par gsol cig dang de nas gtong bar 'gyur ro/ /de nas 'jam dpal gyi byin gyi rlabs kyis bdud kyis lha'i bu mtshams bzangs la 'di skad ces smras so/ /lha'i bu byang chub sems dpa' sems dpa' chen po theg pa 
chen po la yang dag par zhugs pa rnams la bzod par gsol mi dgos so/ /de ci'i phyir zhe na/ de dag la 'khrug pa med khro ba med pa'i phyir ro/ /gang dag 'khrug cing khro ba de dag la ni bzod pa gsol dgos so/ /lha'i bus smras pa/ sdig can byang chub sems dpa' rnams 
kyi bzod pa ci 'dra/ bdud kyis smras pa/ lha'i bu byang chub sems dpa' rnams kyi bzod pa ni rnam pa bcu gnyis te/ rnam pa bcu gnyis gang zhe na 'di lta ste/ bcos ma ma yin pas bsam pa'i bzod pa dang / khong khro ba med pa'i sems kyis lhag pa'i bsam pa'i bzod pa dang / 
sems can thams cad la mi slu bas g.yo ba med pa'i bzod pa dang / dbul zhing phongs pa yongs su skyob pas snying brtse zhing snying rje ba'i bzod pa dang / ldog pa med pas ji skad smra ba de bzhin du byed pa'i bzod pa dang / lta bar song ba dang bral bas stong pa nyid kyi bzod pa dang / chos nyid la 
rton pas chos nges par sems pa'i bzod pa dang / bdag med pas zab mo'i bzod pa dang / 'phags pa'i skye bo'i rjes su 'jug pas 'thun pa'i bzod pa dang / rten cing 'brel par 'byung ba dang 'thun pas yang dag pa'i bzod pa dang / sems can thams cad rjes su srung bas ngo byed pa yang 
med la mi 'thun pa'ang med pa'i bzod pa dang / mi skye ba'i chos la bzod pa rab tu thob pa'i phyir skye ba med cing 'byung ba med pa'i bzod pa ste/ lha'i bu 'di dag ni byang chub sems dpa' rnams kyi bzod pa rnam pa bcu gnyis so/ /lha'i bus smras pa/ sdig can khyod gal te bkrol na dga' bar 'gyur 
ram/ bdud kyis smras pa/ lha'i bu kho bo dga' ste mchog tu dga'o/ /de nas lha'i bu mtshams bzangs kyis 'jam dpal gzhon nur gyur pa la 'di skad ces smras so/ /'jam dpal bdud sdig can thong shig dang rang gi gnas su 'gro'o/ /de nas 'jam dpal gzhon nur gyur pas bdud 

</font><hr>46-1-253b<br><font size=+1>

sdig can la 'di skad ces smras so/ /sdig can khyod su zhig gis bcings/ gang las dgrol/ bdud kyis smras pa/ 'jam dpal bdag ni sus bcings mi shes so/ /'jam dpal gyis smras pa/ sdig can khyod ji ltar bcings pa med pa la bcings par 'du shes pa de bzhin du 
byis pa so so'i skye bo thams cad kyang / mi rtag pa la rtag par 'du shes/ sdug bsngal ba la bde bar 'du shes/ bdag med pa la bdag tu 'du shes/ mi sdug pa la sdug par 'du shes/ gzugs med pa la gzugs su 'du shes/ tshor ba med pa dang / 'du shes 
med pa dang / 'du byed rnams med pa dang / rnam par shes pa med pa la/ tshor ba dang / 'du shes dang / 'du byed rnams dang / rnam par shes par 'du shes so/ /sdig can khyod dgrol na gang nas dgrol/ bdud kyis smras pa/ bdag ni gang las kyang mi dgrol lo/ /
smras pa/ sdig can de bzhin du gang dag rnam par dgrol ba yang / yang dag pa ma yin pa'i 'du shes yongs su shes pa ma gtogs par gang las kyang rnam par grol bar 'gyur ba med de/ de dag yongs su shes pas rnam par grol ba zhes bya'o/ /de nas 'jam dpal gzhon nur gyur 
pas byin gyis brlabs de bsdus pa dang / sdig can de'ang rang gi gzugs dang ldan par bdag gis shes so/ /de nas gnas brtan 'od srung chen pos bdud sdig can la 'di skad ces smras so/ /sdig can khyod kyis sangs rgyas kyi mdzad pa byas pa legs so/ /legs so/ /bdud kyis 
smras pa/ btsun pa 'od srung chen po 'di ni kho bo'i yul ma yin gyi/ 'di ni 'jam dpal gzhon nur gyur pa'i yul du blta'o/ /de nas lha'i bu mtshams bzangs kyis 'jam dpal gzhon nur gyur pa la 'di skad ces smras so/ /'jam dpal sangs rgyas kyi mdzad pa gang du btsal bar 
bya/ 'jam dpal gyis smras pa/ lha'i bu sangs rgyas kyi mdzad pa ni sems can thams cad kyi nyon mongs pa rnams su btsal bar bya'o/ /de ci'i phyir zhe na/ gal te sems can rnams nyon mongs pas gzir ba med na sangs rgyas kyis kyang mdzad par mi 'gyur ba'i phyir ro/ /lha'i bu 'di lta ste 

</font><hr>46-1-254a<br><font size=+1>

dper na/ gal te sems can rnams na bar ma gyur na/ sman pas kyang bya bar mi 'gyur ba de bzhin du/ lha'i bu gal te sems can rnams nyon mongs pas gzir bar ma gyur na/ sangs rgyas kyis kyang mdzad par mi 'gyur ro/ /lha'i bus smras 
pa/ 'jam dpal gang byung na sangs rgyas 'byung / 'jam dpal gyis smras pa/ lha'i bu skye ba dang / rga ba dang / na ba dang / 'chi ba byung na sangs rgyas 'byung ngo / /de ci'i phyir zhe na/ chos de dag spang ba'i don du sangs rgyas bcom ldan 'das rnams 'byung 
ba'i phyir ro/ /lha'i bus smras pa/ 'jam dpal gang de bzhin gshegs pas byang chub brnyes nas chos bskyed pa de gang / chos bkag pa gang / 'jam dpal gyis smras pa/ lha'i bu de bzhin gshegs pas byang chub brnyes nas chos gang yang bskyed pa yang med/ 
bkag pa yang med do/ /de ci'i phyir zhe na/ lha'i bu chos thams cad ni skye ba ma yin/ 'gag pa ma yin pa'i phyir ro/ /lha'i bu sangs rgyas 'byung ba sangs rgyas 'byung ba zhes bya ba 'di ni rang bzhin gyi ngo bo nyid kyis skye ba med pa'i tshig bla dgas so/ /lha'i bus smras pa/ 'jam 
dpal ji ltar na byang chub sems dpa' bsam pa phun sum tshogs pa yin/ 'jam dpal gyis smras pa/ gang dmigs pa'i lta bas chos gang la yang kun tu mi spyod pa'o/ /lha'i bus smras pa/ ji ltar na lhag pa'i bsam pa phun sum tshogs pa yin/ 'jam dpal 
gyis smras pa/ gang nang dang phyi'i chos rnams la chags pa med pa'o/ /lha'i bus smras pa/ ji ltar na byang chub sems dpa' sbyin pa phun sum tshogs pa yin/ 'jam dpal gyis smras pa/ gang nyon mongs pa thams cad kyang 'dor la sems can thams cad kyang yongs su mi 
gtong ba'o/ /lha'i bus smras pa/ ji ltar na byang chub sems dpa' tshul khrims phun sum tshogs pa yin/ 'jam dpal gyis smras pa/ ji ltar ston pas bstan pa bzhin du sgrub cing sems can thams cad kyang tshul khrims la 'god la/ lhag pa'i bsam pas byang chub 

</font><hr>46-1-254b<br><font size=+1>

kyi sems kyang mi 'dor ba'o/ /lha'i bus smras pa/ ji ltar na byang chub sems dpa' bzod pa phun sum tshogs pa yin/ 'jam dpal gyis smras pa/ gang chos thams cad shin tu zad pa'i mtshan nyid du shes nas sems can thams cad kyi gnod sems dang / khro ba dang / 
tha ba spang ba'i phyir thams cad mkhyen pa nyid kyi cho ga mi 'dor ba'o/ /lha'i bus smras pa/ ji ltar na byang chub sems dpa' brtson 'grus phun sum tshogs pa yin/ /'jam dpal gyis smras pa/ nam byang chub sems dpa' chos gang gi phyir brtson 'grus brtsam pa'i chos de ni 'di 
lta ste/ bla na med pa yang dag par rdzogs pa'i byang chub ste/ de nyid shin tu yang dag par rjes su mi mthong la/ sems can thams cad kyi le lo spang ba'i phyir/ brtson 'grus gces pa yang mi 'dor ba na'o/ /lha'i bus smras pa/ ji ltar na byang chub sems dpa' bsam gtan 
phun sum tshogs pa yin/ 'jam dpal gyis smras pa/ nam chos thams cad rang bzhin gyis snyoms par zhugs par shes kyang sems can thams cad kyi nyon mongs pa 'dul ba'i phyir yang bsam gtan byed pa na'o/ /lha'i bus smras pa/ ji ltar na byang chub sems dpa' shes 
rab phun sum tshogs pa yin/ 'jam dpal gyis smras pa/ nam rgyu ba med pa thob par gyur te/ spros pa thams cad dang bral zhing sems can thams cad kyi lta ba spong ba'i phyir/ shes rab kyi rnam par dpyod pa na ste/ de ltar na byang chub sems dpa' shes rab 
phun sum tshogs pa yin no/ /lha'i bus smras pa/ ji ltar na byang chub sems dpa' byams pa la gnas pa yin/ 'jam dpal gyis smras pa/ nam chos thams cad rang bzhin gyis yongs su mya ngan las 'das par mthong ba na'o/ /lha'i bus smras pa/ ji ltar 
na byang chub sems dpa' snying rje la gnas pa yin/ 'jam dpal gyis smras pa/ nam chos thams cad la las kyi rnam par smin pa med par shes pa na'o/ /lha'i bus smras pa/ ji ltar na byang chub sems dpa' dga' ba la gnas pa yin/ 'jam dpal gyis 

</font><hr>46-1-255a<br><font size=+1>

smras pa/ nam chos thams cad la dga' ba yang mi skyed la/ mi dga' ba yang ma yin pa na'o/ /lha'i bus smras pa/ ji ltar na byang chub sems dpa' btang snyoms la gnas pa yin/ 'jam dpal gyis smras pa/ nam chos thams 
cad la gnyis dang bral bar gyur pa na'o/ /lha'i bus smras pa/ ji ltar na byang chub sems dpa' la byang chub sems dpa' yang dag pa zhes bya/ 'jam dpal gyis smras pa/ nam chos thams cad sgyu ma lta bur byung ba med par shes pa na'o/ /lha'i bus smras 
pa/ ji ltar na byang chub sems dpa' sems dpa' chen po yin/ 'jam dpal gyis smras pa/ nam byang chub sems dpas chos thams cad bdag med par mthong ba na'o/ /lha'i bus smras pa/ ji ltar na byang chub sems dpa' sems can gyi mchog 
yin/ 'jam dpal gyis smras pa/ nam chos thams cad gzung ba med pa dang / gzhi med par shes pa na'o/ /lha'i bus smras pa/ ji ltar na byang chub sems dpa' go cha chen po bgos pa yin/ 'jam dpal gyis smras pa/ nam byang chub 
sems dpas chos thams cad nam mkha' dang mnyam par thos nas mi dngangs mi skrag skrag par mi 'gyur zhing go cha chen po mi 'dor ba na'o/ /lha'i bus smras pa/ ji ltar na byang chub sems dpa' des pa yin/ 'jam dpal gyis smras pa/ nam snying 
rje chen pos sems can thams cad ring du bsrings pa yang ma yin la sred pa'i bag la nyal gyis nye bar bsnyen pa yang ma yin pa na'o/ /lha'i bus smras pa/ ji ltar na byang chub sems dpa' 'grogs na bde ba yin/ 'jam dpal gyis smras pa/ nam 
bdag dang gzhan mi dmigs pas lus dang / ngag dang yid kyis gzhan la gnod pa mi byed pa na'o/ /lha'i bus smras pa/ ji ltar na byang chub sems dpa' bka' blo bde ba yin/ 'jam dpal gyis smras pa/ nam ji ltar thos pa'i chos rnams sgrub cing 

</font><hr>46-1-255b<br><font size=+1>

tshig ji skad smras pa bzhin byed pa na'o/ /lha'i bus smras pa/ ji ltar na byang chub sems dpa' 'thun par 'dzin pa yin/ 'jam dpal gyis smras pa/ nam rang gi sems dang 'thun pa'i phyir/ sems can thams cad kyis bsgo ba las mi 'gyur zhing / 
sems can thams cad dang 'thun par gnas pa na'o/ /lha'i bus smras pa/ ji ltar na byang chub sems dpa' ngo tsha shes shing khrel yod pa phun sum tshogs pa yin/ 'jam dpal gyis smras pa/ nam sems can thams cad yongs su smin par bya ba'i phyir 
nang yang nye bar zhi la phyi rol tu rgyu ba la yang rgyu ba na'o/ /lha'i bus smras pa/ ji ltar na byang chub sems dpa' dad pa dang ldan pa yin/ 'jam dpal gyis smras pa/ nam chags pa thams cad la yang spyod la/ chags pa thams cad la zhen pa yang med pa na'o/ /lha'i 
bus smras pa/ ji ltar na byang chub sems dpa' mdza' ba brten pa yin/ 'jam dpal gyis smras pa/ nam sangs rgyas kyi rigs mi gcod pa na'o/ /lha'i bus smras pa/ ji ltar na byang chub sems dpa' byas pa gzo ba yin/ 'jam dpal gyis 
smras pa/ nam ji ltar byas pa'i dge ba'i rtsa ba chud mi gzon pa na'o/ /lha'i bus smras pa/ ji ltar na byang chub sems dpa' byas pa shes pa yin/ 'jam dpal gyis smras pa/ nam theg pa gzhan la 'dod pa mi byed pa na'o/ /lha'i bus smras pa/ ji 
ltar na byang chub sems dpa' 'dod pa nyung ba yin/ 'jam dpal gyis smras pa/ nam rang gi nyon mongs pa rnams kyang mi 'dod la/ sems can thams cad kyi nyon mongs pa rnams spang bar yang 'dod pa na'o/ /lha'i bus smras pa/ ji ltar na byang 
chub sems dpa' cho ga shes pa yin/ 'jam dpal gyis smras pa/ nam 'phags pa'i shes rab kyi shes pas chos gang yang mi len pa na'o/ /lha'i bus smras pa/ ji ltar na byang chub sems dpa' ngoms pa yin/ 'jam dpal gyis smras pa/

</font><hr>46-1-256a<br><font size=+1>

nam 'jig rten las 'das pa'i shes rab la yang gnas la/ 'jig rten pa'i rgyu bas kyang sems can rnams yongs su smin par byed pa na'o/ /lha'i bus smras pa/ ji ltar na byang chub sems dpa' rab tu dben pa yin/ 'jam dpal 
gyis smras pa/ nam nyon mongs pa thams cad kyis kyang kun nas nyon mongs par mi 'gyur la/ sems can thams cad kyi nyon mongs pa spong ba'i phyir brtson par yang snang ba na'o/ /lha'i bus smras pa/ ji ltar na byang chub sems dpa' rang dga' rang dbang can 
yin/ 'jam dpal gyis smras pa/ nam zag pa med pa'i lus kyis sangs rgyas kyi zhing thams cad du snang ste/ ye shes kyi dbang byed kyi nyon mongs pas dbang byed pa ma yin pa na'o/ /lha'i bus smras pa/ ji ltar na byang chub sems dpa' mang du thos pa yin/ 'jam 
dpal gyis smras pa/ nam bdag nyid kyang ma thos pa'i chos nyan cing gzhan la yang ma thos pa'i chos thos par byed pa na'o/ /lha'i bus smras pa/ ji ltar na byang chub sems dpa' tshul bzhin la brtson pa yin/ 'jam dpal gyis smras pa/ nam dmigs pa 
thams cad las 'byung ba rab tu shes kyang chos thams cad 'phros par yang mi byed/ mi 'phro bar yang mi byed pa na'o/ /lha'i bus smras pa/ ji ltar na byang chub sems dpa' sgrub pa snying por byed pa yin/ 'jam dpal gyis smras pa/ nam gzhan dang 'brel pa'i rnam 
par rig pa mi skyed cing sems can thams cad kyi sems kyi spyod pa dben par yang rtog la/ rang gi sems kyi spyod pa la yang mi lta zhing / bdag dang gzhan du 'du shes pas sgrub pa snying por byed pa ma yin pa na'o/ /lha'i bus smras pa/ 'jam dpal ji ltar na 
byang chub sems dpa' gzungs dang spobs pa phun sum tshogs pa yin/ 'jam dpal gyis smras pa/ lha'i bu nam byang chub sems dpa' thos pa thams cad kyang 'dzin la sems can thams cad kyi dbang po rnams la yang mtshungs par rab tu 'byed cing / sgra skad 

</font><hr>46-1-256b<br><font size=+1>

brag ca dang mtshungs par yang shes nas mngon par zhen pa med pa na ste/ de ltar na byang chub sems dpa' gzungs dang spobs pa phun sum tshogs pa yin no/ /de nas lha'i bu 'od mang pos 'jam dpal gzhon nur gyur pa la 'di skad ces smras so/ /'jam 
dpal khyod kyis bshad pa'i don 'di sus kun shes par 'gyur/ 'jam dpal gyis smras pa/ lha'i bu gang dag dge ba'i bshes gnyen gyis yongs su zin par gyur pa/ sngon gyi sbyor ba phun sum tshogs pa/ dge ba'i rtsa ba bskyed pa/ dmigs 
pa med par spyod pa de dag gis kho bos bshad pa'i don 'di kun shes par 'gyur ro/ /lha'i bus smras pa/ de dag ci la mos par 'gyur/ bsam pa ni gang / 'jam dpal gyis smras pa/ de dag ni zab mo la mos par 'gyur te/ lhag pa'i nga 
rgyal med pa ni bsam pa'o/ /lha'i bus smras pa/ 'jam dpal ji ltar na dge slong lhag pa'i nga rgyal med pa yin/ 'jam dpal gyis smras pa/ lha'i bu nam dge slong 'jig tshogs la lta ba ngo bo nyid kyis bgrod pa gcig pu'i lam du sgom ste/ gnyis su 
med pas 'jig tshogs la lta ba'i ngo bo nyid gang yin pa de bgrod pa gcig pu'i lam gyi ngo bo nyid du mnyam par shes shing ma rig pa dang srid pa dang sred pa las 'byung ba yang tshol la/ ma rig pa dang srid pa dang sred pa las 'byung ba la so sor rtog pa na/ 
ma rig pa dang srid pa dang sred pa'i ngo bo nyid kyang rig pa dang rnam par grol bar shes pa na ste/ de ltar na dge slong lhag pa'i nga rgyal med pa yin no/ /lha'i bu gzhan yang nam dge slong 'dod chags kyi mtha' la 'dod chags dang bral ba'i mthar shes shing / /'dod 
chags dang bral ba'i mtha'i rang bzhin yang 'dod chags su shes pa dang / zhe sdang gi mtha' la zhe sdang dang bral ba'i mthar shes shing / zhe sdang dang bral ba'i mtha'i rang bzhin yang zhe sdang du shes pa dang / gti mug gi mtha' la gti mug dang bral ba'i mthar shes shing / gti 

</font><hr>46-1-257a<br><font size=+1>

mug dang bral ba'i mtha'i rang bzhin yang gti mug tu shes pa na ste/ de ltar na dge slong lhag pa'i nga rgyal med pa yin no/ /lha'i bu gzhan yang nam dge slong sdug bsngal yongs su shes par mi byed/ kun 'byung ba spong bar mi byed/
'gog pa mngon sum du mi byed/ lam sgom par yang mi byed la/ sdug bsngal mi skye bar shes pas 'phags pa'i bden pa bzhi rjes su rtogs te/ sdug bsngal mi skye ba shes pa gang yin pa de la kun 'byung ba gang yang med/ sdug bsngal mi skye ba shes pa gang 
yin pa de la 'gog pa gang yang med/ sdug bsngal mi skye ba shes pa gang yin pa de la lam gang yang med pa de ltar dge slong tshul bzhin la brtson pa ni chos gang yang skyed par mi byed/ 'gag par mi byed/ gnas par mi byed do/ /gang la skye ba med pa dang / 
'gag pa med pa dang / gnas pa med pa de 'dus ma byas pa'o/ /'dus ma byas kyi rang bzhin yang 'phags pa rnams kyi bden pa sgom pa ste/ lha'i bu de ltar na dge slong lhag pa'i nga rgyal med pa yin no/ /de nas bdud sdig can sdug bsngal zhing yid mi bde ste/ gdong 
mchi mas gang zhing mchi mas brnangs bzhin du tshig 'di skad ces smras so/ /gang na chos kyi rnam grangs 'di spyod pa de na bdud rnams kyi skabs med do/ /gang dag chos kyi rnam grangs 'di 'dzin par 'gyur ba de dag gi bdud kyi las thams cad bkag par 'gyur ro zhes de skad 
smras nas bdud sdig can sdug bsngal zhing yid mi bde ste/ yid la gcags bzhin de nyid du mi snang bar gyur to/ /de nas lha'i bu 'od mang pos 'jam dpal gzhon nur gyur pa la 'di skad ces smras so/ /'jam dpal khyod kyi bshad pa'i don ji ltar bdag gis shes pa 
ltar na/ gang dag lhag pa'i nga rgyal med pa'i tshul zab mo 'di thos nas spong ba'i dge slong de dag gi rab tu byung ba med do/ /bsnyen par rdzogs pa med do/ /lhag pa'i nga rgyal med pa'i tshul mchog tu zab pa 'dis skrag par 'gyur ba'i khyim de dag gi ston pa de bzhin gshegs pa ma 

</font><hr>46-1-257b<br><font size=+1>

yin no/ /dge slong ngam/ dge slong ma'am/ dge bsnyen nam/ dge bsnyen ma gang dag lhag pa'i nga rgyal med pa'i tshul mchog tu zab pa 'di thos nas mi skrag mi dngang la dngang bar mi 'gyur zhing mos par 'gyur ba de dag rnam par grol ba nyid du rig par bya'o/ /de nas 
bcom ldan 'das kyis lha'i bu 'od mang po la 'di skad ces bka' stsal to/ /lha'i bu de de bzhin no/ /ji skad smras pa bzhin te/ dge slong ngam/ dge slong ma'am/ dge bsnyen nam/ dge bsnyen ma gang dag lhag pa'i nga rgyal med pa'i tshul mchog tu zab pa 'di 
thos nas mi skrag mi dngang la dngang bar mi 'gyur zhing mos par 'gyur ba de dag rnam par grol ba nyid du rig par bya'o/ /de ci'i phyir zhe na/ bzod pa 'dis byang chub sems dpa' rnams bla na med pa yang dag par rdzogs pa'i byang chub tu lung ston pa dang / bzod pa 'dis 
nyan thos dang / rang sangs rgyas thams cad nges par 'byung ba'i phyir ro/ /lha'i bu 'od mang pos gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ lha'i bu de'i phyir 
khyod kyis chos kyi rnam grangs 'di 'jam dpal rnam par 'phrul pa'i le'u zhes bya bar zung shig /bdud 'dul ba'i le'u zhes bya bar yang zung shig /bcom ldan 'das kyis de skad ces bka' stsal nas/ 'jam dpal gzhon nur gyur pa dang / lha'i bu 'od mang po 
dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa 'jam dpal rnam par 'phrul pa'i le'u zhes 
bya ba theg pa chen po'i mdo rdzogs so// //rgya gar gyi mkhan po shI len dra bo d+hi dang dzi na mi tra dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis bcos nas gtan la phab pa// //

</font><hr>

</table>