H100

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H100</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H100&coll=lhasa">see text in Tibetan script</a></table>446a<br><font size=+1>


rgya gar skad du/ AR+Ya rat+nA lo ka nA ma d+hA ra NI ma hA yA na sU tra/ bod skad du/ 'phags pa dkon mchog ta la la'i gzungs zhes bya ba/ theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong du tshang ba thams cad kyang dkar po'i chos yongs su rdzogs pa/ seng+ge'i sgra chen po sgrog pa/ ye shes kyi tshogs dpag tu med pa tshol ba la mkhas pa sha stag gi dge slong gi dge 'dun chen po dang thabs gcig tu bzhugs so/ /byang chub sems dpa'i dge 'dun chen po 'di lta ste/ byang chub sems dpa' sems dpa' chen po kun tu bzang po dang / byang chub sems dpa' sems dpa' chen po lag na phyag rgya rin po che dang / </font><hr>446b<br><font size=+1>


byang chub sems dpa' sems dpa' chen po rtag tu brtson dang / byang chub sems dpa' sems dpa' chen po yon tan gyis brgyan pa dang / byang chub sems dpa' sems dpa' chen po bsod nams mngon bsgrags dang / byang chub sems dpa' sems dpa' chen po blo gros chen po dang / byang chub sems dpa' sems dpa' chen po yon tan bkod pa dang / byang chub sems dpa' sems dpa' chen po rdo rje'i blo gros dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rdo rje'i 'od dang / byang chub sems dpa' sems dpa' chen po rdo rje'i mtshon cha dang / byang chub sems dpa' sems dpa' chen po rdo rje sra ba dang / byang chub sems dpa' sems dpa' chen po sa 'dzin dang / byang chub sems dpa' sems dpa' chen po gzungs kyi blo gros dang / byang chub sems dpa' sems dpa' chen po don kun mthong dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob dang / byang chub sems dpa' sems dpa' chen po blo gros brtan pa dang / byang chub sems dpa' sems dpa' chen po lag na rdo rje dang / byang chub sems dpa' sems dpa' chen po 'jam dpal gzhon nur gyur pa dang / byang chub </font><hr>447a<br><font size=+1>


@#/ /sems dpa' sems dpa' chen po ngan song spong dang / byang chub sems dpa' sems dpa' chen po mya ngan dang mun pa thams cad 'joms pa dang / byang chub sems dpa' sems dpa' chen po rab kyi rtsal gyis rnam par gnon pa dang / byang chub sems dpa' sems dpa' chen po mi len mi 'dor ba dang / byang chub sems dpa' sems dpa' chen po tsan+dan snying po dang / byang chub sems dpa' sems dpa' chen po blo gros rgya mtsho dang / byang chub sems dpa' sems dpa' chen po 'byung dka' dang / byang chub sems dpa' sems dpa' chen po dga' 'byung dang / byang chub sems dpa' sems dpa' chen po spyod pa'i blo gros dang / byang chub sems dpa' sems dpa' chen po spobs pa brtsegs dang / byang chub sems dpa' sems dpa' chen po mgyogs pa'i snying po dang / byang chub sems dpa' sems dpa' chen po byams pa dang / de dag la sogs pa byang chub sems dpa' sems dpa' chen po rnam par thar pa bsam gyis mi khyab pa la gnas pa/ dpa' bar 'gro ba'i ting nge 'dzin gyis nges par byung ba/ dbyangs sgra thogs pa med pa/ sangs rgyas kyi zhing dpag tu med pa zil gyis gnon pa la mkhas pa/ mi 'jigs pa la gnas pa/ rjes su chags pa dang khong khro ba </font><hr>447b<br><font size=+1>


dang bral ba/ yid du 'ong ba'i dbyangs dang ldan pa/ khams gsum la ma chags pa/ g.yog 'khor mi phyed pa dang ldan pa/ thams cad mkhyen pa nyid las nges par skyes pa/ ting nge 'dzin dang snyoms par 'jug pa tshad med pa dang ldan pa/ re ba thams cad yongs su skong ba/ shes rab kyi pha rol tu phyin pa rtogs par khong du chud pa/ lus dang ngag dang yid kyi las kyi mtha' don yod pa la mos pa/ thams cad mkhyen pa nyid la mngon par brtson pa/ ting nge 'dzin dang spyod pa tshad med pas byin gyis brlabs pa/ mi 'jigs pa thob pa/ stong pa nyid kyi spyod yul ba/ mtshan ma med pa la gnas pa sha stag dang yang thabs cig go /de nas byang chub sems dpa' sems dpa' chen po kun tu bzang po zhes bya ba 'khor de nyid du 'dus par gyur te 'dug pa des bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /bcom ldan 'das/ chos kyi dbyings ji ltar rtogs par bgyi/ bcom ldan 'das kyis bka' stsal pa/ rigs kyi bu/ chos kyi dbyings ni dngos po med par rtogs par bya'o/ /rigs kyi bu/ chos kyi dbyings ni nam mkha' dang mtshungs pa dang / spros pa med pa dang / ma spros pa dang / blang ba med pa dang / dor ba med pa dang / dngos po med pa dang / gnas pa med pa ste/ de ltar rtogs par bya'o// </font><hr>448a<br><font size=+1>


@#/ /byang chub sems dpa' kun tu bzang pos gsol pa/ bcom ldan 'das/ ci lags/ chos kyi dbyings 'byung ba lags sam/ bcom ldan 'das kyis bka' stsal pa/ rigs kyi bu/ chos kyi dbyings ni 'byung ba med pa'o/ /rigs kyi bu/ chos kyi dbyings ni bsam gyis mi khyab pa'o/ /rigs kyi bu/ chos kyi dbyings ni dngos po med par rtogs pa ste/ dngos po gang du yang brjod par bya ba ma yin zhing bstan par bya ba ma yin pa'o/ /byang chub sems dpa' kun tu bzang pos gsol pa/ bcom ldan 'das/ byang chub la rnam pa du mchis/ bcom ldan 'das kyis bka' stsal pa/ rigs kyi bu/ byang chub kyi rnam pa ni tshad med de/ de ni tshad dang ldan par bstan par mi nus so/ /byang chub sems dpa' kun tu bzang pos gsol pa/ bcom ldan 'das/ ci lags/ chos kyi dbyings rnam par rtog par bgyid dam/ bcom ldan 'das kyis bka' stsal pa/ rigs kyi bu/ chos kyi dbyings ni rnam par mi rtog go /byang chub sems dpa' kun tu bzang pos gsol pa/ bcom ldan 'das/ gal te chos kyi dbyings rnam par mi rtog pa lags na/ byis pa so so'i skye bo rnams ci'i slad du rtog par bgyid/ bcom ldan 'das kyis bka' stsal pa/ rigs kyi bu/ byis pa </font><hr>448b<br><font size=+1>


so so'i skye bo thams cad ni rtog pa dang / rnam par rtog pa dang / yongs su rtog pa las byung ba'o/ /byang chub sems dpa' kun tu bzang pos gsol pa/ bcom ldan 'das de bzhin gshegs pa rnams kyi byang chub 'di ni zab lags so/ /bcom ldan 'das kyis bka' stsal pa/ rigs kyi bu/ de de bzhin te/ ji skad smras pa bzhin no/ /rigs kyi bu| gzhan yang chos thams cad spros pa med pa ni byang chub ces bya'o/ /de nas 'jam dpal gzhon nur gyur pa 'khor de nyid du 'dus par gyur te 'dug pa des bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das kyis dkon mchog ta la la zhes bgyi ba'i gzungs bshad du gsol/ bcom ldan 'das kyis bka' stsal pa/ rigs kyi bu/ byang chub sems dpa' kun tu bzang po chos thams cad la thogs pa med pa'i spobs pa la gnas pa 'di la dris shig dang / 'dis khyod la ston par 'gyur ro/ /de nas 'jam dpal gzhon nur gyur pas bcom ldan 'das la mngon du phyogs te 'dug nas sor mo bcu'i thal mo sbyar te bcom ldan 'das la 'di skad ces gsol to/ /thams cad mkhyen cing thams cad gzigs pa/ bcom ldan 'das nyid kyis ci'i slad du mi bshad/ bcom ldan </font><hr>449a<br><font size=+1>


@#/ /'das kyis bka' stsal pa/ rigs kyi bu/ gang na byang chub sems dpa' yon tan 'di lta bu dang ldan pa dag 'khor ba de na de bzhin gshegs pa rnams btang snyoms su bzhugs so/ /'jam dpal gyis gsol pa/ bcom ldan 'das/ de bzhin gshegs pa rnams ni btang snyoms su bzhugs pa ma lags so// bcom ldan 'das kyis bka' stsal pa/ rigs kyi bu/ nga ni sems can gyi khams yal bar 'dor ba ma yin te/ rigs kyi bu/ 'on kyang byang chub sems dpa' rnams kyi bstan pa ni bstan pa tshad med cing bstan pa bsam gyis mi khyab bo/ /de nas 'jam dpal gzhon nur gyur pas yang bcom ldan 'das la 'di skad ces gsol to/ / bcom ldan 'das kyis dkon mchog ta la la zhes bgyi ba'i gzungs bshad du gsol/ bcom ldan 'das kyis bka' stsal pa/ rigs kyi bu/ byang chub sems dpa' kun tu bzang po 'di la dris shig dang / 'dis khyod la ston par 'gyur ro/ /de ci'i phyir zhe na/ rigs kyi bu/ skyes bu dam pa 'di ni ye shes kyi tshogs la gnas pa'o/ /'jam dpal gyis gsol pa/ gal te de bzhin gshegs pas bdag la dgongs na/ bdag gis skyes bu dam pa 'di la dri bar bgyi'o/ /bcom ldan </font><hr>449b<br><font size=+1>


'das kyis bka' stsal pa/ 'jam dpal/ khyod ting nge 'dzin rdul phra rab kyi rdul snyed thob pa yin na/ de bzhin gshegs pa la gsol ba gdab ci dgos/ rigs kyi bu/ khyod ni sangs rgyas kyi chos thams cad la skal ba dang ldan pa yin no/ /'jam dpal gyis gsol pa/ bcom ldan 'das/ bdag gis sangs rgyas kyi chos gang dag kun tu bsten pa dang / bsgoms pa dang / mang du bgyis pa de thams cad ni de bzhin gshegs pa'i skyes bu'i mthur rig par bgyi'o/ /bcom ldan 'das kyis bka' stsal pa| rigs kyi bu/ legs so/ /legs so/ /khyod kyi tshig 'di legs par smras te/ 'on kyang 'jam dpal/ nga khyod la gsol ba 'debs kyi/ khyod byang chub sems dpa' kun tu bzang po la dris shig /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ byang chub sems dpa' kun tu bzang po 'di ni shin tu zab mo ston pa ste/ theg pa chen po rtogs par khong du chud pa lags so/ /bcom ldan 'das kyis bka' stsal pa/ rigs kyi bu/ khyod kyang chos thams cad kyi dbang phyug gi rgyal po yin gyi/ bdag la ma srungs shig /yang rigs kyi bu/ khyod ni stong pa nyid la gnas pa ting nge 'dzin bsam gyis mi khyab pa dang ldan pa'o/ /de nas </font><hr>450a<br><font size=+1>


@#/ /'jam dpal gzhon nur gyur pas byang chub sems dpa' kun tu bzang po la sor mo bcu'i thal mo sbyar te phyag 'tshal nas byang chub sems dpa' kun tu bzang po la 'di skad ces smras so/ /kye rgyal ba'i sras/ khyod kyis bdag la skabs phye na/ khyod la bdag yi ge 'bru gnyis shig 'dri'o/ /byang chub sems dpa' kun tu bzang pos smras pa/ rigs kyi bu/ de'i dus la da bab par shes na dris shig /de nas 'jam dpal gzhon nur gyur pas/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ sangs rgyas sangs rgyas zhes bya ba'i gzhi'i don gang yin/ byang chub sems dpa' kun tu bzang pos smras pa/ kye rgyal ba'i sras/ sangs rgyas kyi gzhi'i don ni gzhi med pa'i don to/ /sangs rgyas kyi gzhi'i don ni dngos po med pa'i don to/ /sangs rgyas kyi gzhi'i don ni bsam gyis mi khyab pa'i don to/ /sangs rgyas kyi gzhi'i don ni mi mnyam pa dang mnyam pa'i don to/ /sangs rgyas kyi gzhi'i don ni spros pa med pa'i don to/ /sangs rgyas kyi gzhi'i don ni ma spros pa'i don to/ /sangs rgyas kyi gzhi'i don ni blang ba med pa'i don to/ /sangs rgyas kyi gzhi'i don ni dor ba med pa'i don to/ /sangs rgyas kyi gzhi'i don ni </font><hr>450b<br><font size=+1>


nam mkha' dang mtshungs pa'i don to/ /sangs rgyas kyi gzhi'i don ni bsnyad du med pa'i don to/ /rigs kyi bu/ sangs rgyas kyi chos rnams kyi rang bzhin ni de lta bu yin no// 'jam dpal gyis smras pa/ kye rgyal ba'i sras/ gal te chos thams cad spros pa med pa yin na/ 'o na sangs rgyas kyi chos rnams zhes ji skad bstan/ byang chub sems dpa' kun tu bzang pos smras pa/ kye rgyal ba'i sras/ bstan pa 'di ni bstan tu med pa'o/ /'jam dpal gyis smras pa/ kye rgyal ba'i sras/ bstan du med na ci zhig bstan/ byang chub sems dpa' kun tu bzang pos smras pa/ 'jam dpal/ bstan du med pa ni btags te bstan to/ /'jam dpal gyis smras pa/ kye rgyal ba'i sras/ btags pas ci zhig 'dogs par byed/ byang chub sems dpa' kun tu bzang pos smras pa/ 'jam dpal/ btags pas ni dngos po yang mi 'dogs/ dngos po med pa yang mi 'dogs so/ /'jam dpal gyis smras pa/ kye rgyal ba'i sras/ gal te btags pas dngos po yang mi 'dogs/ dngos po med pa yang mi 'dogs na/ theg pa gsum po dag ji ltar bstan/ byang chub sems dpa' kun tu bzang pos smras pa/ 'jam dpal/ khyod chos kyi dbyings chags pa med pa la chags par ma byed/ de ci'i phyir zhe na/ 'jam dpal/ de bzhin gshegs pas chos </font><hr>451a<br><font size=+1>


@#/ /thams cad ni dngos po med pa'o zhes bstan pa'i phyir te/ gang dngos po med pa'i phyir zhe na/ phung po lnga mi dmigs pa'i phyir ro/ /'jam dpal gyis smras pa/ byang chub spros pa dang bcas pa yin nam/ 'on te spros pa med pa yin/ byang chub sems dpa' kun tu bzang pos smras pa/ rigs kyi bu/ byang chub ni spros pa dang bcas pa yang ma yin/ spros pa med pa yang ma yin te/ 'di ltar byang chub dang / spros pa dang bcas pa dang / spros pa med pa de ni gnyis su dbyer med do| |de nas bcom ldan 'das kyis byang chub sems dpa' sems dpa' chen po kun tu bzang po la/ rigs kyi bu/ bsam gyis mi khyab pa bstan pa 'di legs so/ /legs so zhes bya ba byin no/ /gtam 'di brjod pas lha dang bcas pa'i 'jig rten 'di la rmongs par 'gyur ro/ /'jam dpal gyis gsol pa/ bcom ldan 'das/ chos bstan pa 'di lta bu'i rnam par 'tshal bar mi rung ngo / /bcom ldan 'das kyis bka' stsal pa/ rigs kyi bu/ de de bzhin te/ ji skad smras pa bzhin no/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ chos thams cad btags pa 'dis btags pa lags sam/ bcom ldan 'das kyis bka' stsal </font><hr>451b<br><font size=+1>


pa| rigs kyi bu/ de de bzhin te/ ji skad smras pa bzhin no/ /de nas bcom ldan 'das la byang chub sems dpa' kun tu bzang pos 'di skad ces gsol to/ /bcom ldan 'das rnam par dag pa'i sgo 'di ni mos par bgyi dka' ba lags so/ /bcom ldan 'das kyis bka' stsal pa/ rigs kyi bu/ de de bzhin te/ ji skad smras pa bzhin no/ /de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das/ byang chub sems dpa' kun tu bzang pos rnam par dag pa'i sgo bstan pa 'di legs pas smras lags so/ /bcom ldan 'das kyis bka' stsal pa/ rigs kyi bu/ de de bzhin te/ ji skad smras pa bzhin no/ /rigs kyi bu/ gzhan yang 'di ni chos thams cad kyi rgya mthun pa yin no/ /'di ni chos kyi char chen po yin no/ /de nas shing sA la chen po lta bu'i bram ze mnyam pa nyid du gnas pas bcom ldan 'das la 'di skad ces gsol to/ /bcom ldan 'das/ byang chub ni mnyam pa nyid bsam gyis mi khyab pa lags te/ de la yi ge mi dmigs/ tshig 'bru mi dmigs so/ /bcom ldan 'das kyis bka' stsal pa/ rigs kyi bu/ de de bzhin te/ chos kyi dbyings la tshig 'bru mi snang / don kyang mi snang ngo / /de nas bcom ldan 'das la 'jam dpal gzhon nur </font><hr>452a<br><font size=+1>


@#/ /gyur pas 'di skad ces gsol to/ /bcom ldan 'das/ stong pa nyid kyi rgyu mthun pa gang lags/ rnam pa gang lags/ rtags gang lags / mtshan ma gang lags/ bcom ldan 'das kyis bka' stsal pa/ 'jam dpal/ stong pa nyid ni brjod du med pa/ bsnyad du med pa ste/ brjod du med pa'i chos nyid 'di la mos pa gang yin pa de stong pa nyid ces bya'o/ /stong pa nyid de ni yi ge med pa ste/ de'i phyir stong pa nyid ces bya'o/ /stong pa nyid de ni bsnyad du med pa ste/ de'i phyir stong pa nyid ces bya'o/ /rigs kyi bu/ chos thams cad ni chos kyi ngo bo nyid kyis stong ngo / /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das/ byang chub sems dpa' bsam gyis mi khyab pa'i chos la gnas pa rnams kyi rnam par 'phrul pa la gzigs/ bcom ldan 'das kyis bka' stsal pa/ tshe dang ldan pa shA ra dwa ti'i bu sems dang po bskyed pa'i byang chub sems dpa'i shes pa ni mchog yin gyi/ dgra bcom pa'i shes pa ni de lta ma yin no/ / de ci'i phyir zhe na/ dgra bcom pa ni sangs rgyas kyi chos rnams las ring du gnas la/ byang chub sems dpa' de ni sangs rgyas bcom ldan 'das su 'gyur ba'i phyir ro/ / </font><hr>452b<br><font size=+1>


de nas bcom ldan 'das la byang chub sems dpa' chos thams cad kyi dbang phyug gi rgyal pos 'di skad ces gsol to/ /bcom ldan 'das/ ji ltar bcom ldan 'das kyis gsungs pa'i don bdag gis 'tshal ba lter na/ nyan thos kyis ni nyan thos kyi chos rnams ma thob pa nyid lags so/ /bcom ldan 'das kyis bka' stsal pa/ rigs kyi bu| nyan thos kyis nyan thos kyi chos rnams ma thob pa ni ma yin te/ 'on kyang nyan thos la byang chub sems dpa' dang lhan cig tu dris pa lan gdab pa'am/ spyod pa'i byin gyis brlab par bya pa'i nus pa dang mthu ga la yod/ de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ shA ra dwa ti'i bu 'di ni de bzhin gshegs pas shes rab dang ldan pa rnams kyi mchog tu bstan pa lags na/ bstan pa 'di gang la bstan pa lags/ bcom ldan 'das kyis bka' stsal pa/ 'jam dpal/ ngas gang bstan pa 'di ni bstan pa med pa'o/ /de nas 'jam dpal gzhon nur gyur pas gnas brtan shA radwa ti'i bu la 'di skad ces smras so/ / gnas brtan gyis nyan thos kyi chos rnams thob bam/ smras pa/ de ni ma yin no/ /'jam dpal gyis smras pas/ 'o na ci khyod so so'i skye bo'am/ smras pa/ de ni ma yin no/ / </font><hr>453a<br><font size=+1>


@#/ /'jam dpal gyis smras pa/ 'o na khyod ci slob pa'am/ smras pa/ de ni ma yin no/ /'jam dpal gyis smras pa/ 'o na khyod ci shes rab dang ldan pa'i mchog yin nam/ smras pa/ de ni ma yin no/ /'jam dpal gyis smras pa/ gal te btsun pa shA radwa ti'i bu so so'i skye bo yang ma yin/ slob pa yang ma yin/ shes rab dang ldan pa'i mchog kyang ma yin na/ de nyid khyod dmigs pa can du 'gyur ro/ /shA radwa ti'i bus smras pa/ rigs kyi bu/ kho bo ni skyes bu dam pa rgya mtsho ltar gting dpag dka' ba khyod dang 'gyed par mi byed do/ /'jam dpal gyis smras pa/ btsun pa shA radwa ti'i bu/ khyod ni rgan rabs thu bo mchog yin gyi/ btsun pa shA radwa ti'i bu de skad ma zer cig /gnas brtan gyis smras pa/ rigs kyi bu/ rgas pa'i dngos po ni ci yang thob par mi 'gyur/ mngon par rtogs par mi 'gyur ro/ /rigs kyi bu/ don de nyid shes par bya ba'i phyir khyod la dpe bya'o/ /rigs kyi bu/ 'di lta ste/ dper na/ rdo rje ngan ngon gyis kyang ri brag chen po rnam par 'jig go /rigs kyi bu/ de bzhin du khyod kyi spu'i khung bu gcig na shes rab 'dug pa gang yin pa de ni kho po lta bu'i sems can rdul phra rab kyi rdul snyed rnams la med do/ /rigs kyi bu/ don de nyid shes par bya </font><hr>453b<br><font size=+1>


ba'i phyir yang khyod la dpe bya'o/ /rigs kyi bu/ 'di lta ste/ dper na/ bal glang glang po che shin tu mi bzad pa chen po de yang mi stobs dang ldan pas lcags kyu chung dus dul bar byed do/ /rigs kyi bu/ de bzhin du khyod ni stobs dang ldan pa/ kho bo ni nyam chung ba ste/ glang po che chen po 'di lta bu dang kho bo 'gyed ga la nus/ de nas bcom ldan 'das la gnas brtan shA radwa ti'i bus 'di skad ces gsol to/ /bcom ldan 'das/ 'di lta ste/ dper na/ mi dmus long gis ni bshul du mchi ba'am/ grong khyer mthong bar yang rngo mi thogs na/ khyim nas khyim du mchi ba'i rngo lta ga la thogs te/ de ni gnas ma yin no/ /de bzhin du glang po che chen po 'di lta bu 'di dag gi mdun na bdag ni dmus long dang mtshungs par mthong ste/ sangs rgyas kyi chos 'di dag ni de tsam du rgya che ba lags so/ /bdag ni sangs rgyas kyi chos rnams kyi snod du ma gyur te/ da ci bgyir yang ma mchis so/ /bcom ldan 'das kyis bka' stsal pa/ shA radwa ti'i bu/ de skad ma zer cig /shA radwa ti'i bu/ 'di lta ste/ dper na/ de bzhin gshegs pa'i 'od kyis sems can ji snyed cig la reg pa de dag thams cad sangs rgyas kyi chos rnams thob pa yin no/ /shA radwa ti'i bu/ de bzhin du khyod ni ting nge 'dzin mtha' yas shing bsam </font><hr>454a<br><font size=+1>


@#/ /gyis mi khyab pa thob pa yin no/ /bcom ldan 'das kyis chos kyi rnam grangs 'di bshad pa na/ lha dang mi'i skye rgu las sems can dgu khri nyis stong gis chos mngon par rtogs par gyur to/ /de nas byang chub sems dpa' chos kyi blo gros byang chub sems dpa' ting nge 'dzin dkon mchog ta la la sbyor ba mtha' yas pa zhes bya ba de la snyoms par zhugs so/ /byang chub sems dpa' chos kyi blo gros snyoms par zhugs ma thag tu phyogs bcu'i phyogs re re'i 'jig rten gyi khams sangs rgyas kyi zhing stong phrag bcu'i rdul phra rab kyi rdul snyed kyi pha rol nas sangs rgyas bcom ldan 'das sangs rgyas kyi zhing stong phrag bcu'i rdul phra rab kyi rdul snyed kyis zhal mngon par bstan te/ sangs rgyas bcom ldan 'das de dag thams cad kyang mtshan rdo rje'i snying po zhes bya bar mthun pa sha stag go /phyogs gcig ji lta bar phyogs bcu rnams nas kyang de bzhin te/ sangs rgyas bcom ldan 'das de dag gis de la 'di skad ces bka' stsal to/ /chos kyi blo gros/ khyod de ltar byang chub sems dpa'i ting nge 'dzin sbyor ba mtha' yas pa la snyoms par zhugs pa legs so/ /legs so/ /rigs kyi bu/ 'di lta ste/ bcom ldan 'das de bzhin </font><hr>454b<br><font size=+1>


gshegs pa rnam par snang mdzad 'di nyid kyi sngon gyi smon lam dang / sngon gyi byin gyi rlabs dang / khyod nyid kyi dge ba'i rtsa bas nye bar brtan pas 'di lta ste/ chos thams cad bstan par bya ba dang / sangs rgyas kyi ye shes rnam par sbyang ba dang / sangs rgyas kyi ye shes rnam par 'phel bar bya ba dang / chos kyi dbyings su 'jug par bya ba dang / sems can gyi khams rnam par dgrol ba dang / chags pa med pa'i ye shes la 'jug cing chud par bya ba dang / kun tu sbyor bar bya ba dang / skad thams cad brjod par bya ba dang / thams cad mkhyen pa'i ye shes la 'jug par bya ba dang / chos thams cad la sgrib pa med par bya ba dang / dus gsum thams cad yongs su shes pa'i chos bstan pa la 'jug par bya ba'i phyir phyogs bcu nas de bzhin gshegs pa sangs rgyas kyi zhing stong phrag bcu'i rdul phra rab kyi rdul snyed thams cad kyang mthun par 'di dag thams cad khyod la byin gyis rlob kyi/ rigs kyi bu/ 'di lta ste/ byang chub sems dpa' rnam par gzhag pa bcu las brtsams te sangs rgyas kyi mthu dang / sangs rgyas kyi byin gyi rlabs kyis chos bstan pa 'di la spobs pa skyed cig /de nas sangs rgyas bcom ldan 'das de dag gis byang chub sems dpa' chos kyi blo gros la thogs pa med pa'i ye </font><hr>455a<br><font size=+1>


@#/ /shes kyi snang ba dang / sgrib pa med pa dang / chod pa med pa dang / brjod pa med pa'i chos nyid dang / tha dad pa med pa'i ye shes dang / kha na ma tho ba med pa dang / zil gyis mi non pa dang / zhum pa med pa dang / 'phrog pa med pa'i chos nyid dang / brjod pa bzang po nye bar sgrub pa mdzad do/ /de ci'i phyir zhe na/ 'di ltar ting nge 'dzin 'di nyid kyi chos nyid thob pa'i phyir ro/ /de nas sangs rgyas bcom ldan 'das de dag gis phyag g.yas pa brkyangs te byang chub sems dpa' chos kyi blo gros kyi mgo la nyug pa mdzad de/ sangs rgyas bcom ldan 'das de dag gis byang chub sems dpa' chos kyi blo gros la reg ma thag tu de nas ting nge 'dzin de las langs nas byang chub sems dpa' de dag la smras pa/ kye rgyal ba'i sras dag /byang chub sems dpa' rnams kyi rigs 'di ni 'di lta ste/ chos kyi dbyings kyis klas pa dang / nam mkha' khams kyi mthas gtugs pas rgya che ba'o/ /kye rgyal ba'i sras dag /'di ltar byang chub sems dpa' sems dpa' chen po rnams ni 'das pa'i sangs rgyas bcom ldan 'das rnams kyi rigs su skye ba yin/ ma byon pa'i sangs rgyas bcom ldan 'das rnams kyi rigs su skye ba yin/ da ltar ba'i sangs rgyas bcom ldan 'das </font><hr>455b<br><font size=+1>


rnams kyi rigs su skye ba yin no/ /de nas byang chub sems dpa' de dag gis byang chub sems dpa' chos kyi blo gros la 'di skad ces smras so/ /kye rgyal ba'i sras/ gang dag 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rigs su skye ba'i byang chub sems dpa' sems dpa' chen po de dag ni gang yin| gang las bsam ste de skad smra/ kye rgyal ba'i sras/ byang chub sems dpa' rnams kyi byang chub sems dpa' rnam pa gzhag pa bcu po de dag gang yin pa de shod cig / de skad ces smras pa dang / byang chub sems dpa' chos kyi blo gros kyis byang chub sems dpa' de dag la 'di skad ces smras so/ /kye rgyal ba'i sras dag /byang chub sems dpa' rnams kyi byang chub sems dpa' rnam par gzhag pa ni bcu po 'di dag ste/ de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ sems dang po bskyed pa'i byang chub sems dpa' rnam par gzhag pa dang / las dang po pa dang / rnal 'byor spyod pa dang / skye bar skyes pa dang / sbyor ba phun sum tshogs pa dang / bsam pa phun sum tshogs pa dang / phyir mi ldog pa dang / gzhon nur gyur </font><hr>456a<br><font size=+1>


@#/ /pa dang / rgyal tshab dang / dbang bskur ba thob pa'i byang chub sems dpa' rnam par gzhag pa'o/ /kye rgyal ba'i sras dag /byang chub sems dpa' rnams kyi byang chub sems dpa' rnam par gzhag pa ni bcu po da dag ste/ de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /kye rgyal ba'i sras dag /de la sems dang po skyed pa'i byang chub sems dpa' rnam par gzhag pa gang zhe na/ kye rgyal ba'i sras dag /'di la sems dang po bskyed pa'i byang chub sems dpa' ni sangs rgyas bcom ldan 'das rnams mthong ma thag tu gzugs bzang ba'am/ mdzes pa'am/ kha dog bzang po rgyas pa'am/ rgya che ba'am/ gzi brjid che ba'am/ rdzu 'phrul gyi rnam par 'phrul ba'am/ kun brjod pa'i rnam par 'phrul ba'am/ rjes su bstan pa'i rnam par 'phrul ba mthong ngam/ sems can sdug bsngal bdag mthong ngam/ de bzhin gshegs pa'i bsngags pa rgya cher thos na/ 'di lta ste/ rnam pa thams cad mkhyen pa'i ye shes 'dod cing / thog ma nyid du bla na med pa yang dag par rdzogs pa'i byang chub tu sems bskyed do/ /sems bskyed ma thag tu de nyid kyis bsnyen par dka' ba'i </font><hr>456b<br><font size=+1>


gnas bcu yongs su bzung bar 'gyur te/ bcu gang zhe na/ 'di lta ste/ gnas dang gnas ma yin pa shes pa dang / 'das pa dang / ma 'ongs pa dang / da ltar byung ba'i las dang / chos yang dag par blangs pa shes pa dang / thams cad du 'gro ba'i lam shes pa dang / khams du ma sna tshogs shes pa dang / mos pa dang rnam par grol ba du ma shes pa dang / dbang po mchog dang mchog ma yin pa shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang ldan pa thams cad shes pa dang / sngon gyi gnas rjes su dran pa'i shes pa dang / lha'i mig gi shes pa dang / zag pa zad pa'i shes pa ste/ bsnyen par dka' ba'i gnas bcu po de dag yongs su bzung bar 'gyur ro/ /kye rgyal ba'i sras dag/ 'di ni sems dang po bskyed pa'i byang chub sems dpa' rnam par gzhag pa'o/ /kye rgyal ba'i sras dag /sems dang po bskyed pa'i byang chub sems dpa' sems dpa' chen po de sangs rgyas mchod pa dang / byang chub sems dpa'i bde ba'i yo byad la sbyar bar bya'o/ /de la 'jig rten gyi bdag por 'gyur ba dang / mchog tu bya ba dang / zil gyis mi non pa dang / sangs rgyas dpag tu med pa dang phrad pa dang / rab tu zhi ba'i ting nge 'dzin la rnal </font><hr>457a<br><font size=+1>


@#/ /'byor tu bya ba dang / 'khor ba'i 'khor lo rnam par bzlog pa dang / dam pa'i chos kyi 'khor lo rab tu bskor ba dang / sems can sdug bsngal ba yongs su bskyab pa yang brjod par bya'o/ /de ci'i phyir zhe na/ 'di ltar sems bskyed ma thag pa de nyid kyis shas cher sangs rgyas kyi chos thams cad la sbyor zhing gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa 'thob pa'i phyir te/ kye rgyal ba'i sras dag /'di ni sems dang po bskyed pa'i byang chub sems dpa' rnam par gzhag pa'o/ /kye rgyal ba'i sras dag /de la las dang po pa'i byang chub sems dpa' rnam par gzhag pa gang zhe na/ kye rgyal ba'i sras dag /'di la las dang po pa'i byang chub sems dpa' ni sems can rnams la thog ma nyid du sems rnam pa bcu bskyed de/ rnam pa bcu gang zhe na/ 'di lta ste/ phan par bya ba'i sems dang / bde bar bya ba'i sems dang / snying brtse ba'i sems dang / mnyen pa'i sems dang / sdug pa'i sems dang / phan gdags pa'i sems dang / kun tu srung ba'i sems dang / snyoms pa'i sems dang / slob dpon gyi sems dang / ston pa'i sems te sems rnam pa bcu po 'di dag bskyed do/ /kye rgyal ba'i sras </font><hr>457b<br><font size=+1>


dag /'di ni las dang po pa'i byang chub sems dpa'o/ /kye rgyal ba'i sras dag /las dang po pa'i byang chub sems dpa' de lung ma nod pa dang / kha ton la sbyar bar bya'o/ /mang du thos nas rab tu dben pa la sbyar bar bya'o/ /rab tu dben par gyur nas dge ba'i bshes gnyen la mngon par dga' ba la sbyar bar bya'o/ /dge ba'i bshes gnyen la mngon par dga' nas bka' blo bde ba la sbyar bar bya'o/ /bka' blo bde bar gyur nas dus shes pa la sbyar bar bya'o/ /dus shes par gyur nas mi 'jigs pa la sbyar bar bya'o/ /mi 'jigs par gyur nas don shes pa la sbyar bar bya'o/ /don shes par gyur nas chos kyi rjes su 'brang ba la sbyar bar bya'o/ /chos kyi rjes su 'brang bar gyur nas brjed pa med pa'i chos nyid la sbyar bar bya'o/ /rmongs pa med par gyur nas chos rnam par dgod pa la sbyar bar bya'o/ /de ci'i phyir zhe na/ 'di ltar sems bskyed ma thag pa de nyid kyis shas cher sangs rgyas kyi chos thams cad la mngon par brtson par byed cing gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras dag /'di ni las dang po ba'i byang chub sems dpa' rnam par gzhag pa'o/ /kye rgyal ba'i sras dag /de la rnal 'byor spyod pa'i byang chub sems dpa' rnam par gzhag pa </font><hr>458a<br><font size=+1>


@#/ /gang zhe na/ kye rgyal ba'i sras dag /rnal 'byor spyod pa'i byang chub sems dpa' ni dmigs pa rnam pa bcus chos rnams rtogs par byed de/ bcu gang zhe na| 'di lta ste/ chos thams cad la mi rtag pa nyid du rtogs par byed pa dang / chos thams cad la sdug bsngal ba nyid dang / bdag med pa nyid dang / stong pa nyid dang / g.yo ba med pa nyid dang / dbugs 'byin pa med pa nyid dang / gnas med pa nyid dang / rnam par rtog pa med pa nyid dang / rtsol ba med pa nyid dang / mngon par 'du byed pa med pa nyid du rtog par byed de/ chos kyi rjes su 'brang bar gyur pa'i phyir sbyor ba yang mi byed/ mi sbyor bar yang mi byed de/ kye rgyal ba'i sras dag /'di ni rnal 'byor spyod pa'i byang chub sems dpa'o/ /kye rgyal ba'i sras dag /rnal 'byor spyod pa'i byang chub sems dpa' de ni sems can gyi khams brtag pa la sbyar bar bya'o/ /chos kyi dbyings brtag pa la sbyar bar bya'o/ /'jig rten gyi khams brtag pa la sbyar bar bya'o/ /sa'i khams brtag pa la sbyar bar bya'o/ /chu'i khams dang / me'i khams dang / rlung gi khams dang / nam mkha'i khams dang / gzugs kyi khams dang / gzugs med pa'i khams brtag pa la sbyar bar bya'o/ /de ci'i phyir zhe na/ 'di ltar de ni shas cher chos </font><hr>458b<br><font size=+1>


rnams la snang ba 'jug cing gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras dag/ 'di ni rnal 'byor spyod pa'i byang chub sems dpa' rnam par gzhag pa'o/ /kye rgyal ba'i sras dag /skye bar skyes pa'i byang chub sems dpa' rnam par gzhag pa gang zhe na/ kye rgyal ba'i sras dag /'di la skye bar skyes pa'i byang chub sems dpa' ni yongs su sbyong ba byed pa bcus gsung rab 'phags par skyes pa yin te/ bcu gang zhe na/ 'di lta ste/ chos nyid las phyir mi ldog pa dang / sangs rgyas la mi phyed pa'i dad pa mthar thug par gyur pa yongs su grub pa dang / chos nges par sems pa dang / sems can la rnam par dpyod pa dang / zhing la rnam par dpyod pa dang / 'jig rten la rnam par dpyod pa dang / las la rnam par dpyod pa dang / rnam par smin pa la rnam par dpyod pa dag 'khor ba la rnam par dpyod pa dang / mya ngan las 'das pa la rnam par dpyod pa ste/ yongs su sbyong ba byed pa bcu po de dag gis gsung rab 'phags par skyes pa yin te/ kye rgyal ba'i sras dag /'di ni skye bar skyes pa'i byang chub sems dpa'o/ /kye rgyal ba'i sras dag /skye bar skyes pa'i byang chub sems dpa' de ni 'das pa'i sangs rgyas kyi chos mnyam pa nyid rnam par dpyad pa la </font><hr>459a<br><font size=+1>


@#/ /sbyar bar bya'o/ /ma byon pa'i sangs rgyas kyi chos mnyam pa nyid rnam par dpyad pa la sbyar bar bya'o/ /da ltar byung ba'i sangs rgyas kyi chos mnyam pa nyid rnam par dpyad pa la sbyar bar bya'o/ /sangs rgyas thams cad kyi chos mnyam pa nyid rnam par dpyad pa la sbyar bar bya'o/ /'das pa'i sangs rgyas kyi chos yang dag par 'grub pa rnam par dpyad pa la sbyar bar bya'o/ /ma byon pa'i sangs rgyas kyi chos yang dag par 'grub pa rnam par dpyad pa la sbyar bar bya'o/ /da ltar byung ba'i sangs rgyas kyi chos yang dag par 'grub pa rnam par dpyad pa la sbyar par bya'o/ /sangs rgyas thams cad kyi chos yang dag par 'grub pa rnam par dpyad pa la sbyar bar bya'o/ /'das pa'i sangs rgyas kyi chos yongs su 'grub pa mnyam pa nyid rnam par dpyad pa la sbyar bar bya'o/ /ma byon pa'i sangs rgyas kyi chos yongs su 'grub pa mnyam pa nyid rnam par dpyad pa la spyar bar bya'o/ /da ltar byung ba'i sangs rgyas kyi chos yongs su 'grub pa mnyam pa nyid rnam par dpyad pa la sbyar bar bya'o/ /sangs rgyas thams cad kyi chos yongs su 'grub pa mnyam pa nyid rnam par dpyad pa la sbyar bar bya'o/ /de ci'i phyir zhe na/ 'di ltar de ni shas cher dus gsum mnyam pa nyid du rtogs par byed cing / </font><hr>459b<br><font size=+1>


gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal pa'i sras dag /'di ni skye bar skyes pa'i byang chub sems dpa' rnam par gzhag pa'o/ /kye rgyal ba'i sras dag /de la sbyor ba phun sum tshogs pa'i byang chub sems dpa'i rnam par gzhag pa gang zhe na/ kye rgyal ba'i sras dag/ 'di la sbyor ba phun sum tshogs pa'i byang chub sems dpa' ni dge ba'i las gang ci rtsom yang de thams cad sems can thams cad yongs su bskyab pa dang / sems can thams cad la phan par 'dod par bya ba dang / sems can thams cad la bde bar sbyar ba dang / sems can thams cad la snying brtse bar bya ba dang / sems can thams cad rab tu thar par bya ba dang / sems can thams cad la gnod pa med par bya ba dang / sems can thams cad drang bar bya ba dang / sems can thams cad dang bar bya ba dang / sems can thams cad gdul bar bya ba dang / sems can thams cad yongs su mya ngan las bzla ba'i phyir rtsol te/ kye rgyal ba'i sras dag /'di ni sbyor ba phun sum tshogs pa'i byang chub sems dpa'o/ /kye rgyal ba'i sras dag /sbyor ba phun sum tshogs pa'i byang chub sems dpa' de la gnas bcu yang dag par brjod par bya ste/ bcu gang zhe na/ 'di lta ste/ sems </font><hr>460a<br><font size=+1>


@#/ /can mtha' yas pa dang / sems can dpag tu med pa dang / sems can grangs med pa dang / sems can bsam gyis mi khyab pa dang / sems can mtshungs pa med pa dang / sems can gzhal du med pa dang / sems can stong pa nyid dang / sems can g.yo ba med pa nyid dang / sems can med pa nyid dang / sems can rang bzhin med pa nyid do/ /de ci'i phyir zhe na/ 'di ltar de shas cher mngon par zhen pa med pa la sems 'jog cing gong du gnas gang dag thos pa'i gnas de dag la yang bdag nyid sbyor gyi gzhan gyi dring la mi 'jog pa thob pa'i phyir te/ kye rgyal ba'i sras dag /'di ni sbyor ba phun sum tshogs pa'i byang chub sems dpa' rnam par gzhag pa'o| |kye rgyal ba'i sras dag /de la bsam pa phun sum tshogs pa'i byang chub sems dpa' rnam par gzhag pa gang zhe na/ kye rgyal ba'i sras dag /'di la bsam pa phun sum tshogs pa'i byang chub sems dpa' ni chos bcu thob pa na sangs rgyas kyi chos rnams la bsam pa nges pa yin te/ bcu gang zhe na/ 'di lta ste/ sangs rgyas kyi bsngags pa'am/ bsngags pa ma yin pa 'chad kyang rung ste/ sangs rgyas kyi chos rnams la bsam pa nges pa yin/ chos kyi bsngags pa'am/ bsngags pa ma yin pa </font><hr>460b<br><font size=+1>


'chad kyang rung ste/ sangs rgyas kyi chos rnams la bsam pa nges pa yin/ byang chub sems dpa' rnams kyi bsngags pa'am/ bsngags pa ma yin pa 'chad kyang rung ste/ sangs rgyas kyi chos rnams la bsam pa nges pa yin/ byang chub sems dpa'i spyod pa'i bsngags pa'am/ bsngags pa ma yin pa 'chad kyang rung ste/ sangs rgyas kyi chos rnams la bsam pa nges pa yin/ sems can gyi khams rgya chung zhes 'chad pa'am/ sems can gyi khams rgya che zhe'am/ sems can gyi khams kun nas nyon mongs pa can zhe'am| sems can gyi khams kun nas nyon mongs pa can ma yin pa zhe'am/ sems can gyi khams gdul sla zhe'am/ sems can gyi khams gdul dka' zhe'am/ chos kyi dbying rgya chung zhe'am/ chos kyi dbyings rgya che zhe'am/ 'jig rten gyi khams dag 'jig ce'am/ mi 'jig ce'am/ chos kyi dbyings yod ce'am/ chos kyi dbyings med ces 'chad kyang rung ste/ sangs rgyas kyi chos rnams la bsam pa nges pa yin te/ kye rgyal ba'i sras dag /'di ni bsam pa phun sum tshogs pa'i byang chub sems dpa'o| |kye rgyal ba'i sras dag /bsam pa phun sum tshogs pa'i byang chub sems dpa' de la chos kyi rjes su 'jug pa bcu yang dag par brjod par bya ste/ bcu gang zhe na/ </font><hr>461a<br><font size=+1>


@#/ /'di lta ste/ chos thams cad mtshan ma med pa nyid du yang dag par brjod par bya ba dang / chos thams cad mtshan nyid med pa nyid dang / dngos po med pa nyid dang / med pa nyid dang / rdzun pa nyid dang / dben pa nyid dang / ngo bo nyid med pa nyid dang / sgyu ma lta bu nyid dang / rmi lam lta bu nyid dang / rnam par rtog pa med pa nyid du yang dag par brjod par bya'o/ /de ci'i phyir zhe na/ 'di ltar de mi 'phrog pa'i phyir shas cher lhag pa'i bsam pa rnam par 'phel ba'i chos can du gyur cing / gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras dag /'di ni bsam pa phun sum tshogs pa'i byang chub sems dpa' rnam par gzhag pa'o/ /kye rgyal ba'i sras dag /de la phyir mi ldog pa'i byang chub sems dpa' rnam par gzhag pa gang zhe na/ kye rgyal ba'i sras dag/ 'di la phyir mi ldog pa'i byang chub sems dpa' mi dmigs pa bcu thos nas sangs rgyas kyi chos rnams las phyir mi ldog ste/ bcu gang zhe na/ 'di lta ste/ sangs rgyas kyi yod do zhe'am/ med do zhes thos kyang sangs rgyas kyi chos rnam las phyir mi ldog pa dang / chos yod do zhe'am/ med do zhes bya ba dang / byang chub sems dpa' yod do </font><hr>461b<br><font size=+1>


zhe'am| med do zhes bya ba dang / byang chub sems dpa'i spyod pa yod do zhe'am/ med do zhes bya ba dang / byang chub sems dpa' byang chub sems dpa'i spyod pa la nges par 'byung ngo zhe'am/ nges par mi 'byung ngo zhes bya ba dang / de bzhin gshegs pa dag 'das so zhe'am/ ma 'das so zhes bya ba dang / de bzhin gshegs pa ma byon to zhe'am/ ma byon pa ma yin no zhes bya ba dang / de bzhin gshegs pa dag da ltar byung ba'o zhe'am/ da ltar byung ba ma yin no zhes bya ba dang / sangs rgyas kyi ye shes zad do zhe'am/ mi zad do zhes bya ba dang / dus gsum po dag mtshan nyid gcig ce'am/ mtshan nyid gcig pa ma yin no zhes thos kyang sangs rgyas kyi chos rnams las phyir mi ldog pa ste| kye rgyal ba'i sras dag /'di ni phyir mi ldog pa'i byang chub sems dpa'o/ /kye rgyal ba'i sras dag /phyir mi ldog pa'i byang chub sems dpa' de la chos kyi rgyun bcu yang dag par brjod par bya ste/ bcu gang zhe na/ 'di lta ste/ chos thams cad gcig pa nyid dang / tha dad pa nyid du yang dag par brjod par bya'o/ /mang ba dang / gcig pa nyid dang / yi ge la don sgro btags pa dang / don la yi ge sgro btags pa dang / dngos pos dngos po med pa sgro btags pa dang / dngos po med pas dngos po sgro btags pa dang / mtshan mas mtshan ma med pa sgro </font><hr>462a<br><font size=+1>


@#/ /btags pa dang / mtshan ma med pas mtshan ma sgro btags pa dang / mtshan nyid kyis mtshan nyid med pa sgro btags pa dang / mtshan nyid med pas mtshan nyid sgro btags pa yang dag par brjod par bya'o/ /de ci'i phyir zhe na/ 'di ltar de shas cher chos thams cad la mkhas pa yongs su smin pa'i tshul la nges par 'gyur zhing / gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras dag /'di ni/ phyir mi ldog pa'i byang chub sems dpa' rnam par gzhag pa'o/ /kye rgyal ba'i sras dag /de la gzhon nur gyur pa'i byang chub sems dpa' rnam par gzhag pa gang zhe na/ kye rgyal ba'i sras dag /'di la gzhon nur gyur pa'i byang chub sems dpa' ni chos rtogs pa bcu dang ldan pa yin te/ bcu gang zhe na/ 'di lta ste/ lus kyi las 'bras bu yod pa dang ldan pa yin/ ngag gi las 'bras bu yod pa dang ldan pa yin/ yid kyi las 'bras bu yod pa dang ldan pa yin/ sems bskyed pa tsam gyis skye ba mngon par sgrub pa yin/ sems can gzhan dang / gang zag gzhan rnams kyi bsam pa shes par byed cing mos pa la rtog pa yin/ sems can gyi khams tha dad pa rab tu shes pa yin/ </font><hr>462b<br><font size=+1>


'dod pa'i khams tha dad pa rab tu shes pa yin/ gzugs kyi khams tha dad pa rab tu shes pa yin/ gzugs med pa'i khams tha dad pa rab tu shes pa yin/ dus ji lta ba bzhin du 'gro ba'i phyir mngon par shes pa myur ba yin te/ kye rgyal ba'i sras dag /'di ni gzhon nur gyur pa'i byang chub sems dpa'o/ /kye rgyal ba'i sras dag /gzhon nur gyur pa'i byang chub sems dpa' de la chos mngon par sgrub pa bcu yang dag par brjod par bya ste/ bcu gang zhe na/ 'di lta ste/ sangs rgyas kyi zhing yongs su shes pa dang / sangs rgyas kyi zhing rab tu g.yo bar bya ba dang / sangs rgyas kyi zhing byin gyis brlab pa dang / sangs rgyas kyi zhing rnam par dpyad pa dang / sangs rgyas kyi zhing du 'gro ba dang / 'jig rten gyi khams grangs med par 'gro ba dang / dri ba grangs med pa dri ba dang / yid kyi lus mngon par sgrub pa dang / sgra skad la sbyor ba tshad med pa dang / sems bskyed pas sangs rgyas kyi zhing grangs med pa yongs su 'grub pa yang dag par brjod par bya'o/ /de ci'i phyir zhe na/ 'di ltar shas cher mngon par sgrub pa mkhas pa la sbyor zhing / gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras dag /'di ni gzhon nur gyur pa'i byang chub sems dpa' </font><hr>463a<br><font size=+1>


@#/ /rnam par gzhag pa'o/ /kye rgyal ba'i sras dag /de la rgyal tshab kyi byang chub sems dpa' rnam par gzhag pa gang zhe na/ kye rgyal ba'i sras dag /'di la rgyal tshab kyi byang chub sems dpa' ni chos rtogs par bya ba bcu la mkhas pa yin te/ bcu gang zhe na/ 'di lta ste/ sems can gyi skye ba rtogs par bya ba la mkhas pa yin| nyon mongs pa rgyu ba rtogs par bya ba la mkhas pa yin/ bag chags kyi mtshams sbyor ba rtogs par bya ba la mkhas pa yin/ spyod yul la sbyor ba rtogs par bya ba la mkhas pa yin/ chos nyid rtogs par bya ba la mkhas pa yin/ nye bar spyad pa rtogs par bya ba la mkhas pa yin/ 'jig rten gyi khams rnam par dbye ba rtogs par bya ba la mkhas pa yin/ sngon gyi mtha' dang / phyi ma'i mtha' dang / da ltar byung ba shes pa rtogs par bya ba la mkhas pa yin/ kun rdzob kyi bden pa la nges par rtogs par bya ba la mkhas pa yin/ don dam pa'i bden pa rtogs par bya ba la mkhas pa yin te/ kye rgyal ba'i sras dag /'di ni rgyal tshab kyi byang chub sems dpa'o/ /kye rgyal ba'i sras dag / rgyal tshab kyi byang chub sems dpa' de la gnas bcu yang dag par brjod par bya ste/ bcu gang zhe na/ 'di lta ste/ rgyal po'i pho brang 'khor la mkhas pa yang dag par brjod </font><hr>463b<br><font size=+1>


par bya'o/ /rgyal po'i pho brang 'khor du kun tu dpyad pa dang / rgyal po'i pho brang 'khor du 'jug pa dang / rgyal po'i pho brang 'khor du rnam par dpyad pa dang / chos kyi rgyal po'i dbang bskur ba dang / chos kyi rgyal po'i byin gyi rlabs dang / chos kyi rgyal po'i pha rol gnon pa dang / chos kyi rgyal po'i gnas dang / chos kyi rgyal po'i bka' lung yang dag par brjod par bya'o/ / de ci'i phyir zhe na/ 'di ltar de'i sems shas cher chos thams cad la sgrib pa med par sgrub pa la 'jug cing gong du gnas gang dag thos pa'i gnas de dag la yang bdag nyid sgrub kyi gzhan gyi dring la mi 'jog pa thob pa'i phyir te/ kye rgyal ba'i sras dag /'di ni rgyal tshab gyi byang chub sems dpa' rnam par gzhag pa'o/ /kye rgyal ba'i sras dag /'di la dbang bskur ba thob pa'i byang chub sems dpa' rnam par gzhag pa gang zhe na/ kye rgyal ba'i sras dag /'di la dbang bskur ba thob pa'i byang chub sems dpa' ni shes pa mngon par sgrub pa bcu dang ldan pa yin te/ bcu gang zhe na/ 'di lta ste/ 'jig rten gyi khams grangs med pa rab tu g.yo bar byed pa mang ba yin/ 'jig rten gyi khams grangs med pa byin gyis rlob pa mang ba yin/ 'jig rten gyi khams grangs med pa sems gcig gis 'da' bar byed pa mang ba yin/ 'jig rten gyi khams grangs med pa yongs su sbyang ba byed pa mang ba yin </font><hr>464a<br><font size=+1>


@#/ /sems can grangs med pa'i sems gcig gis rnam par rig pa mang ba yin/ 'jig rten gyi khams grangs med pa la rnam par lta ba mang ba yin/ sems can grangs med pa'i sems kyi spyod pa la sems gcig gis rnam par dpyod pa la mkhas pa yin/ sems can grangs med pa'i dbang po sems gcig gis rtogs par byed pa la mkhas pa yin/ sems can grangs med pa 'dul ba la mkhas pa yin/ sems can grangs med pa thams cad mkhyen pa nyid kyi sems la 'dzud pa la mkhas pa yin no/ /kye rgyal ba'i sras dag /rgyal tshab kyi sa la gnas pa'i byang chub sems dpa' man chad gang gis kyang dbang bskur ba thob pa'i byang chub sems dpa' de'i lus kyi las shes par mi nus| ngag gi las shes par mi nus/ yid kyi las shes par mi nus/ rdzu 'phrul shes par mi nus/ rdzu 'phrul rnam par lta ba shes par mi nus/ 'das pa'i dus la rnam par lta ba shes par mi nus/ zhing mngon par 'du byed pa shes par mi nus/ blos rnam par lta ba shes par mi nus/ sems kyi yul shes par mi nus/ ye shes kyi spyod yul shes par mi nus te/ kye rgyal ba'i sras dag /'di ni dbang bskur ba thob pa'i byang chub sems dpa'o/ /kye rgyal ba'i sras dag /dbang bskur ba thob pa'i byang chub sems dpa' de la </font><hr>464b<br><font size=+1>


sangs rgyas bcom ldan 'das dag gnas bcu yang dag par brjod par mdzad de/ bcu gang zhe na/ 'di lta ste/ dus gsum shes pa dang / sangs rgyas kyi chos shes pa dang / chos kyi dbyings dbyer med pa shes pa dang / chos kyi dbyings mtha' dang dbus med pa dang / 'jig rten gyi khams thams cad rgyas par dgang ba dang / 'jig rten gyi khams thams cad snang bar byed pa dang / 'jig rten gyi khams thams cad byin gyis brlab pa dang / sems can thams cad yongs su shes pa dang / chos thams cad mngon par shes pa dang / sangs rgyas kyi ye shes mtha' yas pa brjod pa mdzad do/ /de ci'i phyir zhe na/ 'di ltar de ni shas cher thams cad mkhyen pa nyid la sems 'jug pa'i phyir te/ kye rgyal ba'i sras dag /'di ni dbang bskur ba thob pa'i byang chub sems dpa' rnam par gzhag pa'o/ /byang chub sems dpa' chos kyi blo gros kyi byang chub sems dpa' sems dpa' chen po rnams kyi byang chub sems dpa' rnam par gzhag pa bcu bshad ma thag tu de nas de'i tshe sangs rgyas kyi mthus phyogs bcu'i phyogs re rer yang sangs rgyas kyi zhing stong phrag bcu'i rdul phra rab kyi rdul snyed kyi 'jig rten gyi khams rnam pa drug tu g.yos/ rab tu g.yos/ kun tu rab tu g.yos so/ /'gul/ rab tu 'gul/ kun tu rab tu 'gul to/ /ldeg /rab tu ldeg /kun tu rab tu ldeg go /'ur </font><hr>465a<br><font size=+1>


@#/ /'ur| rab tu 'ur 'ur/ kun tu rab tu 'ur 'ur ro/ /chem che ma/ rab tu chem chem/ kun tu rab tu chem che ma mo/ /'khrug /rab tu 'khrug /kun tu rab tu 'khrug go /sangs rgyas kyi mthu dang chos nyid thob pas lha'i me tog gi sprin gyi char yang mngon par bab bo/ /lha'i bdug pa'i sprin gyi char yang mngon par bab pa/ lha'i spos kyi sprin gyi char yang mngon par bab po/ lha'i phye ma'i sprin gyi char dang / lha'i phreng ba'i sprin gyi char dang / lha'i gos kyi sprin gyi char dang / lha'i rin po che'i sprin gyi char dang / lha'i pad+ma'i sprin gyi char dang / lha'i rgyan phreng gi sprin gyi char dang / lha'i rgyan gyi sprin gyi char yang mngon par bab bo/ /lha'i sil snyan rnams kyang ma bkrol bar sgra byung ngo / /lha'i snang ba yang rab tu byung ngo / /lha'i nga ro yang grag go /gling bzhi pa 'dir ri rab kyi rtse mor lha'i dbang po'i khang par ji lta ba de bzhin du 'jig rten gyi khams thams cad du yang chos bstan pa 'di khyab par gyur nas byung ste/ lhag chad med do/ /tshig 'bru 'di dag nyid kyis don nyid ston to/ /sangs rgyas kyi mthus sangs rgyas kyi zhing stong phrag bcu'i rdul phra rab kyi rdul snyed kyi 'jig rten gyi khams rnams kyi pha rol nas byang chub sems dpa' sangs rgyas kyi zhing stong phrag bcu'i rdul phra rab snyed lhags te/ phyogs bcu rgyas par bkang </font><hr>465b<br><font size=+1>


nas 'di skad ces 'dzer to/ /kye rgyal ba'i sras/ de ltar khyod byang chub sems dpa'i chos nyid 'di ston pa legs so/ /legs so/ /kye rgyal ba'i sras dag /bdag cag kyang ming chos kyi blo gros zhes bya ba sha stag ste/ 'jig rten gyi khams chos kyi sprin ces bya ba dag nas de bzhin gshegs pa'i mtshan chos kyi blo gros bzang po zhes bya ba sha stag gi thad nas 'dir phyin to/ /sangs rgyas kyi byin gyis de dag thams cad du yang tshes bstan pa 'di byung ste/ 'khor 'di lta bu dag gi nang du tshig 'bru 'di dag gis don 'di nyid ston te/ lhag chad med do| |kye rgyal ba'i sras/ bdag cag ni khyod kyi dbang du gyur te/ sangs rgyas kyi mthus 'jig rten gyi khams 'dir phyin to/ /bdag cag ji ltar 'jig rten gyi khams 'dir phyin pa de bzhin du phyogs bcu'i 'jig rten gyi khams thams cad kyi gling bzhi pa thams cad du ri rab kyi rtse mor lha'i dbang po'i khang pa rnams su yang byang chub sems dpa' sangs rgyas kyi zhing bcu'i rdul phra rab kyi rdul snyed phyin par gyur to// //bam po gnyis pa/ de nas sangs rgyas kyi mthus byang chub sems dpa' chos kyi blo gros kyis phyogs bcur rnam par bltas te/ thams cad dang ldan pa'i 'khor dang / chos kyi dbyings la yang rnam par bltas nas de'i tshe tshigs su bcad pa 'di dag smras so/ /rang byung shin tu rnam dag blo mnga' ba/ /mdzes </font><hr>466a<br><font size=+1>


@#/ /shing gzugs kyi stobs dang ldan gyur pa/ /rnyed dka' mtshan gyis brgyan pa mthong gyur nas/ /byang chub don du brtan pa sems 'jog byed/ /do zla med pa'i rdzu 'phrul stobs rnams dang / /kun brjod bzang dang rjes su bstan pa dang / /sdug bsngal bzod glags 'jig rten 'gro mthong nas/ /byang chub don du brtan pa sems 'jog byed| |yon tan kun gyi 'byung gnas de bzhin gshegs/ /kun tu bzang po'i yon tan thos gyur nas/ /nam mkha'i dbyings 'dra 'gyur ba med pa yi/ /byang chub don du brtan pa sems 'jog byed/ /gnas rnams ji snyed gang dag yod gyur dang / /rang bzhin gnas pa'i gnas rnams gzhan dag kyang / /gzhan min dngos por rnam par rtogs bya'i phyir// byang chub don du brtan pa sems 'jog byed/ /'das dang ma 'ongs da ltar dus dag na/ /dge dang mi dge las rnams gang yod pa/ /de dag rgyu rnams rtogs par bya ba'i phyir/ / byang chub don du brtan pa sems 'jog byed/ /ting 'dzin bsam gtan rnam thar spyod pa dang / /de bzhin snyoms 'jug rnam dag mthar thug pa/ /de dag gnas skabs rtogs par bya ba'i phyir/ /byang chub don du brtan pa sems 'di 'jog /'jig rten brtson 'grus stobs dang dbang po rnams/ /ci 'dra ci 'dra de yi de dang der/ /rim pa de dag rtogs par bya </font><hr>466b<br><font size=+1>


ba'i phyir/ /byang chub don du brtan pa sems 'jog byed/ /'jig rten kun gyi mos pa ci 'dra dang / /lhag pa'i bsam pa tha dad rnam gsum nas/ /bstan bcos du ma rtogs par bya ba'i phyir/ /byang chub don du brtan pa sems 'jog byed/ /rnam pa sna tshogs rnam pa du ma'i khams/ /gang dag 'jig rten gsum 'dir yod kun gyi/ /khams kyi rang bzhin rtogs par bya ba'i phyir/ /byang chub don du brtan pa sems de 'jog /chos 'dir kun tu 'gro bar gang gyur cing / /dge ba'i 'jug pa gang yang rab 'jug pa/ /yang dag rang bzhin rtogs par bya ba'i phyir/ /byang chub don du brtan pa sems 'jog byed/ /zhing rnams thams cad ji ltar 'byung ba dang / /sems can ji ltar sa la 'byung 'gyur zhes/ /chags med mig ni rab tu dbye ba'i phyir/ /byang chub don du brtan pa sems 'di 'jog /'das pa'i dus dang da ltar byung dus na/ /sems can ris dngos mtshan nyid gang yod dang / /sngon gyi gnas rnams rtogs par bya ba'i phyir/ /byang chub don du brtan pa sems 'di 'jog /ji ltar 'gro ba sems can 'ching byed pa/ /kun tu sbyor ba 'jig rten gang yod pa'i/ /nyon mongs zad pa rtogs par bya ba'i phyir/ /byang chub don du brtan pa sems 'di 'jog /'jig rten gsum na tha snyad gang btags dang / /ngag la ma sngags tshul spyod pa gang yod pa/ /brda yi bden pa </font><hr>467a<br><font size=+1>


@#/ /rtogs par bya ba'i phyir/ /byang chub don du brtan pa sems 'di 'jog /chos rnams thams cad brjod du med pa ste/ /stong pa mig yor rang bzhin ngo bo nyid// don dam bden pa rtogs par bya ba'i phyir/ /byang chub don du brtan pa sems 'jog byed/ /zhing rnams dag tu sa g.yo bstan pa dang / /rgya mtsho dag kyang rnam par 'khrug pa dang / de bzhin gshegs kyis rdzu 'phrul bstan pa'i phyir/ /byang chub don du brtan pa sems 'di 'jog /'od zer rtse mo re las 'od zer rnams/ /de bzhin phyogs bcu kun tu rab tu 'gyed| |de dag 'od gcig rtogs par bya ba'i phyir/ /byang chub don du brtan pa sems 'jog byed/ /zhing mang bsam gyis mi khyab gang yod pa/ /de dag rang gi lag tu mngon sprul te| |sgyu ma'i tshul de rtogs par bya ba'i phyir/ /byang chub don du brtan pa sems 'jog byed/ /zhing rnams ji ltar de bzhin sems can kun/ /gnod pa med par lag pa'i mthil bzhag nas/ /chos rnams srog med rtogs par bya ba'i phyir/ /byang chub don du brtan pa sems 'di 'jog /rgya mtsho rnams na ji snyed chu yod pa/ /skra rtse'i thigs pa'i nang du 'jug par byed/ /ma lus mthar thug rtogs par bya ba'i phyir/ /byang chub don du brtan pa sems 'di 'jog /zhing rnams kun na phra rab rdul gyi grangs/ /gang yod de </font><hr>467b<br><font size=+1>


dag ma lus bgrang byed cing / /phra rab rdul grangs rtogs par bya ba'i phyir/ /byang chub don du brtan pa sems 'jog byed/ /'jig rten 'di na 'das dang de bzhin du/ /ma 'ongs sreg pa'i bskal pa 'jig pa rnams/ /bskal pa zad pa rtogs par bya ba'i phyir/ /byang chub don du brtan pa sems 'di 'jog /dus gsum dag gi de bzhin gshegs rnams dang / / ston pa rang rgyal thos las byung rnams kyi/ /chos kyi rang bzhin rtogs par bya ba'i phyir/ /byang chub don du brtan pa sems 'di 'jog /brjod du med pa'i 'jig rten khams kyi rnams// skra yis bcings nas ma lus srang la 'debs/ /dngos po'i rang bzhin rtogs par bya ba'i phyir/ /byang chub don du brtan pa sems 'di 'jog /khor yug ri bo bsam gyis mi khyab pa| |skra yis bcings nas ma lus srang la 'debs/ /rags dang phra ba rtogs par bya ba'i phyir/ /byang chub don du brtan pa sems 'di 'jog /lus pa med pa'i 'jig rten khams rnams su/ /skad cig gcig la dbyangs kyis go bar byed/ /dbyangs kyi yan lag dag pa brtan pa'i phyir/ /byang chub don du brtan pa sems 'di 'jog /'jig rten kun gyi sgra rnams ci 'dra ba/ /skad cig gcig la skad cig rjod byed cing / /zhi ba'i rang bzhin rtogs par bya ba'i phyir/ /byang chub don du brtan pa sems 'di 'jog /'jig rten gsum </font><hr>468a<br><font size=+1>


@#/ /po ma lus rtogs par byed/ /sems can kun gyi rab tu rnam par shes/ /lce yangs rgya chen rtogs par bya ba'i phyir/ /byang chub don du brtan pa sems 'jog byed/ /zhing rnams kun tu brjod dang 'dra bar yang / /skad cig gcig la lta gyur sel bar byed/ /rnam rtog chos rnams rtogs par bya ba'i phyir/ /byang chub don du brtan pa sems 'jog byed/ /'dir ni zhing rnams thams cad ma lus par/ /de bzhin gshegs pas gang zhig rang byung gi /chos rnams skad cig gcig la rtogs bya'i phyir| |byang chub don du brtan pa sems 'di 'jog /rdul phran tha dad lta bur 'jig rten khams/ /rnam pa kun tu mngon par sprul byed cing / /yid las byung ba de dag rtogs bya'i phyir| |byang chub don du brtan pa sems 'jog byed/ /'das dang de bzhin ma byon sangs rgyas rnams/ /ji snyed gang dag 'jig rten bzhugs so cog /sems kyi skad cig gcig la rtogs bya'i phyir/ /byang chub don du brtan pa sems 'jog byed/ /tshig gcig brjod kyang bsam gyis mi khyab pa'i/ /bskal pa zad kyi de la nyams pa med/ /tshig rab dbye ba rtogs par bya ba'i phyir/ /byang chub don du brtan pa sems 'jog byed/ /phyogs bcu rnams kyi 'jig rten thams cad kyi/ /'gro ba ci 'dra ldog pa ci 'dra ba/ /sems kyi </font><hr>468b<br><font size=+1>


skad cig gcig la rtogs bya'i phyir/ /byang chub don du brtan pa sems 'jog byed/ /phyogs rnams kun tu 'gro yang lus kyis sam/ /ngag gam yid kyis gang du'ang chags pa med| |dus gsum stong pa nyid du rtogs bya'i phyir/ /byang chub don du brtan pa sems 'jog byed/ /byang chub sems ni ji ltar bskyed pa bzhin/ /gzhal yas bskal par phyogs su rgyu byed cing / /sangs rgyas spyan sngar mchod par bya'o zhes/ /'di ni mi ldog rnams kyi bstan pa yin/ /phyogs bcu dag ni 'jig rten tha dad par/ /'jig rten bdag por rgyal ba'i sras 'byung ba/ /gang yang rung ba dam pa sgrog par byed/ /'di ni mi ldog rnams kyis bstan pa yin/ /byang chub don tu srid par spyad spyod tshe/ /byang chub sems dpa'i bde sbyar gang yin pa/ /de yi bsngags pa rtag tu rjod par byed/ /'di ni mi ldog rnams kyis bstan pa yin/ /chos mchog chos rab phul tu phyin pa dang / /khyad par 'phags chos bla med gang yod pa/ /de dag byang chub sems dpa' rnams la ston/ /'di ni mi ldog rnams kyis bstan pa yin/ /yon tan kun ldan de bzhin gshegs pa yi/ /tshe nyid 'di na yod kyi gzhan med pa/ /'di na byang chub sems dpa' sbyor bar byed/ /'di ni mi ldog rnams kyis bstan pa yin/ /tshad med gzhal yas bsam gyis mi khyab pa'i/ /sangs rgyas rnams dang phrad 'gyur ci 'dra ba/ /byang chub </font><hr>469a<br><font size=+1>


@#/ /sems dpa' de la ston par byed/ /'di ni mi ldog rnams kyis bstan pa yin/ /ting 'dzin gang dag ji snyed yod pa dang / /de bzhin ting 'dzin rgyud kyi rnam pa rnams| |de dag bde gshegs sras la rjod par byed/ /'di ni mi ldog rnams kyis bstan pa yin/ /'khor ba'i 'khor lo rnam par zlog pa dang / /dam pa'i chos kyi 'khor lo rab bskor ba/ /'jig rten kun gyis rtag tu ma bskor ba/ /byang chub sems dpa' rnams la de bstan bya/ /shin tu sdug bsngal 'jig rten thams cad dang / /ngan song sa rnams dag tu gnod gyur pa'i/ /gnas dang skyabs dang dpung gnyen 'gyur ba de/ /byang chub sems dpa' rnams la bstan par bya/ /gang zhig byang chub don du sems 'jog pa/ /de ni dang po'i byang chub sems dpa' bstan/ /bslab pa'i gdams ngag ji bzhin des byas pa/ /ji bzhin rnam par gzhag 'di de yi yin/ /nad bral rnams kyis bstan pa ji bzhin du| |'jig rten kun la phan pa bya ba'i phyir/ /de ltar thog ma su zhig sems bskyed pa/ /'di ni gnyis te dang po'i las can no/ /phan pa thob byed sems dang rab dang bde/ /gnyen dang sdug dang de bzhin sdud sems dang / /kun tu srung ba'i sems dang snyoms pa'i sems/ /slob dpon sems dang snyoms par ston pa'i sems/ /de 'dra dag la sems </font><hr>469b<br><font size=+1>


gnas gyur pa de/ /lung nod kha ton byed par sbyang bar bya/ /mang du thos nas dgon par gnas su gzhug /mngon par gyur nas dge bshes sten du gzhug /dge bshes rnams la bka' blo bde bar bya/ /dus tshod shes la shes bzhin ldan par bya/ /dus shes gyur nas shin tu 'jigs med bya/ /'jigs pa med nas don la brtson par bya/ /don shes gyur nas de bzhin chos brjod bya/ /chos rnams kun la rmongs gyur med par bya/ /rmongs pa med par gyur nas rgyal ba'i sras/ /legs par gsungs pa'i chos la gnas par bya/ /'di ni dang po'i las can brjod pa ste/ /byang chub zhugs pa'i byang chub sems dpa' yin/ /'di ni gdams pa 'di ni bstan pa ste/ /'di la su slob de ni sangs rgyas sras/ /byang chub sems dpa' gsum pa gang yin pa/ /chos kyi rgyal po'i bstan pa rab tu sbyor/ /mi rtag pa nyid dang sdug bsngal stong nyid dang / /bdag med pa dang g.yo ba med pa dang / /de bzhin chos 'di thams cad bdag min dang / /mngon par 'du byed med dang dben pa dang / /'di dag thams cad rtogs pa med yin par/ /byang chub sems dpa' de ltar rtog par byed| |sems can khams dang chos kyi dbyings la yang / /rtag par bya phyir de ni gzengs kyang bstod/ /'jig rten khams ni mtha' yas mu med ces/ /de ltar de ni dpyod du </font><hr>470a<br><font size=+1>


@#/ /gzhug par bya/ /'di na sa dang chu dang de bzhin me/ /rlung dang nam mkha' ji snyed yod pa dang / /phyogs na 'dod dang gzugs dang gzugs med pa/ / de dag rnams la de ni dpyod du gzhug /rgya chen chos rnams kun dang khams rnams kyi/ /rang bzhin ma lus mthar thug brtag bya ba/ /de ni sangs rgyas sras po sbyor byed la| |phan par bya phyir rjes su bstan pa yin/ /byang chub sems dpa' skye bar gang skyes pa/ /bstan la skyes shing rab tu 'byung bar byed/ /blo ldan de ni dngos med dngos po rtogs/ /dam chos gnas su skyes te legs par skyes/ /de ni rang gi sa las yongs mi ldog /sangs rgyas mthar thug yin par 'dzin pa skye/ /rtag tu chos la nges par sems dang ldan/ /sems can rang bzhin ci 'drar rnam par dpyod/ /las dang 'jig rten dag dang zhing rnams dang / /rnam par smin dang 'khor dang mya ngan 'das/ /rnam par dbye ba rgyal ba'i sras kyis shes/ /de thugs skyes pa'i byang chub sems dpa' brjod/ /thams cad mkhyen pa 'das dang byung rnams dang / /ma byon dag kyang chos rnams rnam dpyad nas/ /grub dang gang yang legs skyes mthar thug dang / /rang byung rnams kyi grub pa ci 'dra ba/ /sangs rgyas dam pa de dag thams cad ni/ /dus gsum mnyam </font><hr>470b<br><font size=+1>


nyid rjes su zhugs pas shes/ /nam yang mnyam nyid bye phrag 'phyed mi byed/ /de ni dus gsum tha dad med par 'jug /gang gi phan yon rnam pa 'di 'dra ba/ /de na byang chub sems dpa' bzhi ba ste/ /'di dag rab bsgrubs byang chub sems dpa' de/ /byang chub don du nges par 'byung bar 'gyur/ /de ni byang chub sems dpa' lnga pa ste/ /sbyor ba phun sum tshogs par brjod pa yin/ /thabs la mkhas pa'i rjes su zhugs pa ste/ /bsod nams las dag brtsams pas mthar phyin byed/ /de ltar bsod nams rab tu ci byed kyang / /'jig rten kun gyi rten du 'gyur pa dang / /phan par 'dod dang bde ba thob byed dang / /snying brtse ba dang skye rgu dgrol 'gyur byed/ /'jig rten gnod gyur gdul bar bya ba'i phyir/ /'dren par byed cing rab tu dang par byed/ /sems can mang po thams cad gdul 'dod dang / /mya ngan 'das pa'i sems kyi mthu yang che/ /'jig rten thams cad tha ma med pa dang / /de bzhin dpag tu med cing grangs med dang / /mtshungs med bsam yas mnyam med gzhal yas dang / /stong pa mi g.yo med pa'i rang bzhin shes/ /de ni byang chub sems dpa' lnga pa ste/ /sbyor ba phun tshogs phan dang snying brtser ldan/ /de la rjes su bstan pa 'di 'dra ste/ /yon tan kun dang ldan pa rnams kyis bstan/ /de ni sems can mtha' yas thams cad dang / /chos kyi ngo bo nyid la rmongs pa </font><hr>471a<br><font size=+1>


@#/ /med| |shin tu blo ldan rtog bral rnam rtog med/ /'jig rten lha dang bcas pas dbyer mi phyed/ /sangs rgyas chos dang byang chub sems dpa' dang / /spyod pa'i bsngags dang bsngags pa ma yin dang / /sems can chung ngam yang na che 'o zhes/ /thos par gyur kyang bsam las nur ba med/ /sems can nyon mongs can nam rnam dag gam| |gdul sla zhe 'am gdul bar dka' zhe 'am/ /chos dbyings chung zhe'am yang na rgya che zhe'am/ /'jig par 'gyur zhe'am chags par 'gyur zhe 'am/ /chos dbyings yod ce'am med ces thos gyur kyang / /dus gsum rtogs pa'i byang chub sems dpa' de/ /nges par sems shing thams cad rnam dpyod de/ /sangs rgyas chos 'dir bsam pa shin tu nges| |mtshan ma med dang mtshan nyid med pa dang / /dngos med rang bzhin rdzun zhing dben pa dang / /sgyu ma'i rang bzhin mig yor 'dra ba yi/ /chos mchog zhi ba 'di 'dra nyan par byed/ /de ltar mi ldog byang chub sems dpa' ni/ /sangs rgyas chos dang byang chub sems dpa' dang / /spyod pa yod dam med ces nges par dpyod/ /'byung ngam mi 'byung zhe na'am phyir mi ldog /de bzhin gshegs pa 'das zhe'am ma 'das zhes/ /ma byon ce 'am ma byon ma yin zhe'am/ /byung ngam ma byung zad dam mi zad dam/ /de bzhin mtshan nyid </font><hr>471b<br><font size=+1>


gcig gam mtshan nyid med/ /gcig dang tha dad rnam pa rnam pa dang / /don dam tshig 'bru dngos dang dngos med pa/ /thams cad sgro btags rnam pa gzhan nyid du/ /mi ldog byang chub sems dpa' yid byed ces/ /mtshan ma med dang mtshan ma yod pa dang / /mtshan nyid med dang mtshan gyis mtshon pa dang / /rnam par bye ba phan tshun sbyar ba rnams/ /thos nas 'di la mthar thug 'jug par byed/ /gzhon nur gyur pa'i byang chub sems dpa' ni/ /lus dang ngag dang de bzhin yid kyis kyang / /'bras bu yod pa'i las rnams byed 'gyur zhing / ji ltar 'dod bzhin 'dir ni skye ba ston/ /pha rol rnams kyi bsam pa rtog byed cing / /de dag rnams kyi mos pa dpyod par byed/ /sems can dpyod dang rjes su mthun chos dang / /zhing rnams 'jig dang 'chags pa rnams kyang shes/ /ji ltar 'dod bzhin myur du mngon shes thob/ /phyogs rnams kun tu yid ni 'jug par byed/ /bde gshegs bsngags pa'i chos rnams thos nas kyang / /de la de ni nur bar 'gyur ba med/ /yongs su shes dang zhing g.yo byed pa dang / /de bzhin byin gyis brlab dang rnam dpyod dang / /ji ltar skad cig grangs med 'go 'gyur ba/ /zhing du 'gro bar bya ba brjod par bya/ /de ni dri ba grangs med 'dri bar byed/ /lus rnams ci 'drar yid kyi lus kyang ston/ /de la sgra skad sbyor ba 'byams </font><hr>472a<br><font size=+1>


@#/ /klas dang / /skad cig la yang sangs rgyas grangs med brjod/ /byang chub sems dpa' rgyal tshab gang yin pa/ /sems can rnams kyi 'jug pa ji bzhin shes/ /de dag nyon mongs rgyud dang bag chags dang / /spyod yul gang yin sbyor ba gang yin dang / /tha dad chos dang rgyu ba ci 'dra dang / /'jig rten rnam par phye dang sngon mtha' dang / /brda yi bden dang don dam bden pa dag /ma lus rtogs par bya la mkhas pa yin/ /pho brang 'khor la mkhas pa tshang 'byin te/ /de yang ji ltar kun tu spyad pa dang / /gnas dang de bzhin 'jug par bya ba dang / /pho brang 'khor ni ci 'dra dpyad pa dang / /dam chos rgyal po'i dbang bskur ci 'dra dang / /byin gyi rlabs dang gzhan gnod ci 'dra dang / /chos la 'jug dang bka' lung brjod bya ste/ /'di ni rgyal tshab sa la 'jug pa yin/ /de tsam gyis na de yi mthar thug ste/ /ji skad bstan bzhin gzhan du 'gyur ba med/ /tshe yi 'du byed nam zhig 'dor ba na/ /tshul ldan rgyal tshab rgyal bar mngon du phyogs/ /dbang bskur gang yin bde gshegs sras gcig ste/ /thu bo khyad 'phags mthar phyin bdag nyid can/ /skra thigs gcig gis chu tshad gzung du rung / /'di ni bsam pa bgrangs pas rtogs ma yin/ /rgyal sras rnams kyi spyod pa 'di </font><hr>472b<br><font size=+1>


'dra ste| |'di na sems can la las zhing rnams kun/ /phra rab rdul du glags nas ma lus bgrang / /grangs med 'di snyed cig ces gcod byed pa/ /de kun 'dir ni byang chub sems dpa' shes/ /'das dang de bzhin ma byon sangs rgyas dang / /gang dag phyogs bcu dag na bzhugs pa dang / /rang sangs rgyas dang de bzhin nyan thos kyi/ /sa bon gyur pa byang chub sems de skye| |thog mar byang chub sems zhes gang brjod pa/ /de ni ji lta'i tshul du'ang grangs med de/ /'jig rten khams 'di kun kyang khyab gyur na/ /de las gong du brjod du ci zhig yod/ /de nas byang chub sems dpa' kun tu bzang pos byang chub sems dpa' chos kyi blo gros la 'di skad ces smras so/ /rigs kyi bu/ khyod kyis dkon mchog ta la la'i gzungs ba shad pa legs par smras so/ /rigs kyi bu/ sangs rgyas kyi yon tan rnams ni bsam gyis mi khyab ste/ gang dag chos kyi rnam grangs 'di'i ming thos pa'i sems can de dag thams cad mkhyen pa nyid du nye bar gyur pa yin na/ gang dang chos kyi rnam grangs 'di 'dzin pa dang / klog pa dang / kun chub par byed pa dang / de bzhin du sgrub par byed pa lta smos kyang ci dgos te| de dag nges par sangs rgyas su 'gyur ro/ /chos kyi blo gros kyis smras pa/ kye rgyal ba'i sras/ de de bzhin no/ /ji skad smras pa bzhin te/ shes rab zab mo dang ldan pa de dag ni/ </font><hr>473a<br><font size=+1>


@#/ /de bzhin gshegs pas dbang bskur pa yin par rig par bya'o/ /byang chub sems dpa' kun tu bzang pos smras pa/ rigs kyi bu'am/ rigs kyi bu mo gang la la zhig gis rna lam du 'di lta bu'i chos 'di dag grag par gyur pa'i skyes bu dam pa de dag kyang sangs rgyas kyis chos rnams la lung bstan par rig par bya ba yin na/ chos kyi rnam grangs 'di gang dag gi lag tu thob pa lta smos kyang ci dgos/ de nas tshe dang ldan pa shA radwa ti'i bus bcom ldan 'das kyi zhabs la mgo bos phyag 'tshal te 'di skad ces gsol to/ /bcom ldan 'das/ gzigs su gsol/ bdag gis 'di lta bu'i chos 'di dag ma 'tshal bas bdag ni dmus long dang 'dra lags so/ /bcom ldan 'das bdag gcig pu dmus long lta bur gyur pa yang ma lags kyi/ bcom ldan 'das/ sems can gang dag gis chos kyi rnam grangs 'di ma thos pa de dag thams cad kyang dmus long lta bur gyur pa lags so/ /bcom ldan 'das kyis bka' stsal pa/ gnas brtan/ de de bzhin te/ ji skad smras pa bzhin no/ /shA radwa ti'i bus gsol pa / bcom ldan 'das kyis bsam gyis mi khyab pa nyid bshad du gsol/ bcom ldan 'das kyis bka' stsal pa/ shA radwa ti'i bu song la/ brgya byin dang / tshangs pa dang / 'jig </font><hr>473b<br><font size=+1>


rten skyong ba thams cad skul cig /de bzhin gshegs pa'i bka' yang sgrogs shig /chos kyi phyag rgya dam pa dkon mchog ta la la 'i zhes bya ba'i gzungs 'di yang 'khor der sgrogs shig /de nas tshe dang ldan pa shA radwa ti'i bus de bzhin gshegs pa'i bka' thos nas dkon mchog ta la la'i gzungs 'di'i don gyi phyir yongs su skom pas/ brgya byin dang / tshangs pa dang / 'jig rten skyong ba de dag la don 'di skad brjod de chos nyan pa thams cad 'du bar gyis shig /de bzhin gshegs pa dkon mchog ta la la'i gzungs 'chad cing bsam gyis mi khyab pa nyid kyang bstan par 'gyur gyi/ 'du bar gyis shig /khyod phyis 'gyod par gyur ta re/ kye grogs po dag /mdo sde rin po che 'di lta bu dag 'jig rten du 'byung ba ni shin tu rnyed par dka'o/ /de nas skad cig de nyid la brgya byin dang / tshangs pa dang / 'jig rten skyong ba thams cad 'dus nas bcom ldan 'das la lan gsum bskor ba byas te/ bcom ldan 'das kyi spyan sngar 'khod nas thal mo sbyar te bcom ldan 'das la gsol ba btab pa/ bcom ldan 'das kyis dkon mchog ta la la'i gzungs bshad du gsol/ de nas bcom ldan 'das kyi cang mi gsung bar gyur bas gnang ba mdzad do/ /brgya byin dang / tshangs pa dang / 'jig rten skyong ba thams cad kyis lan gnyis lan </font><hr>474a<br><font size=+1>


@#/ /gsum du gsol ba btab na yang bcom ldan 'das cang mi gsung bar gyur to/ /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das kyis dkon mchog ta la la'i zhes bgyi ba'i gzungs bshad du gsol/ /bde bar gshegs pas bshad du gsol/ /de nas bcom ldan 'das kyis de'i tshe zhal nas ljags kyi dbang po phyung ste/ rigs kyi bu/ gang la la dkon mchog ta la la'i gzungs 'di'i don gyi phyir de bzhin gshegs pa la gsol pa 'debs pa de dag thams cad ni bla na med pa yang dag par rdzogs pa'i byang chub las phyir mi ldog par 'gyur ro zhes stong gsum gyi stong chen po'i 'jig rten gyi khams su dbyangs kyis go bar mdzad do/ /de nas bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /tshe dang ldan pa shA radwa ti'i bu/ khyod song la 'jam dpal gzhon nur gyur pa la gsol ba thob cig/ /de'i tshe 'jam dpal gzhon nur gyur pa shing blag sha dang / sA la'i drung gzhan zhig na skyil mo krung bcas shing lus mi g.yo bar 'dug ste/ nyi ma bye ba khrag khrig brgya stong bas lhag pa'i kha dog bkod pa chen po dang ldan pa'i khang pa brtsegs pa na brgya byin dang / tshangs pa dang / 'jig rten skyong ba </font><hr>474b<br><font size=+1>


rnams kyis yongs su bskor cing mdun gyis bltas nas 'dug par gyur te/ gser gyi kha dog lta bu'i lus dang dpal gyis lham me lhan ne lhang nger 'dug go /de nas tshe dang ldan pa shA radwa ti'i bus 'jam dpal gzhon nur gyur pa ga la der song ste phyin nas 'jam dpal gzhon nur 'gyur pa la 'di skad ces smras so/ /rigs kyi bu/ de bzhin gshegs pa ni khyod la chos bshad par gsol ba 'debs so/ /de nas 'jam dpal gzhon nur gyur pas tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ de bzhin gshegs pa zhes bya ba'i gzhi'i don 'di gang yin/ shA radwa ti'i bu smras pa/ rigs kyi bu/ khyod ni shes rab zab pa ste/ kho bo ni khyod dang 'gyed mi nus so/ /'jam dpal gyis smras pa/ khyod snying las chung ngur 'dug cig dang / khyod kyis ji ltar bzod pa de bzhin du bstan par bya'o/ /shA radwa ti'i bus smras pa/ rigs kyi bu/ kho bo nyan gyi/ khyod kyi sa shod cig /de nas 'jam dpal gzhon nur gyur pa ting nge 'dzin de las langs te/ stong gsum gyi stong chen po'i 'jig rten gyi khams dbyangs kyi go bar byas so/ /de nas de'i tshe stong gsum gyi stong chen po'i 'jig rten gyi khams na gnas gtsang ma'i ris kyi lha'i bu nas 'og min gyi bar gyi lha'i bu ji snyed 'khod pa de dag thams cad 'dus par gyur to/ / </font><hr>475a<br><font size=+1>


@#/ /rgyal po chen po bzhi dpung dang g.yog tu bcas pa yang gnod sbyin bye ba du ma dang lhan cig 'dus par gyur to/ /brgya byin dang / tshangs pa dang / 'jig rten skyong ba rnams kyang 'dus par gyur to/ /chos 'dod pa rnams dang / chos 'dod pa ma yin pa'i gang zag rnams kyang 'dus par gyur to/ /lha'i bu mo mang po yang 'dus par gyur to| |dge slong gi 'khor dang / dge slong ma'i 'khor dang / dge bsnyen gyi 'khor dang / dge bsnyen ma'i 'khor dang / de bzhin du sum cu rtsa gsum pa'i bar gyi 'khor dang / 'thab bral gyi 'khor dang / dga' ldan gyi 'khor dang / 'phrul dga'i 'khor dang / gzhan 'phrul dbang byed kyi lha'i 'khor dang / tshangs pa'i 'khor dang / de bzhin du 'og min gyi bar gyi lha'i 'khor rnams 'dus par gyur to/ /de bzhin du nyan thos kyi tshogs kyang 'dus par gyur te/ 'di lta ste/ tshe dang ldan pa rab 'byor dang / tshe dang ldan pa 'od srung chen po dang / tshe dang ldan pa mau gal gyi bu chen po dang / tshe dang ldan pa shA radwa ti'i bu dang / tshe dang ldan pa kA t+yA'i bu chen po dang / tshe dang ldan pa ma 'gags pa dang / tshe dang ldan pa ga ya 'od srung dang / tshe dang ldan pa gsus po che dang / tshe dang ldan pa lam phran brtan dang / tshe dang ldan pa nam gru dang / tshe dang ldan pa chu klung 'od srung </font><hr>475b<br><font size=+1>


dang / tshe dang ldan pa lteng rgyas 'od srung dang / tshe dang ldan pa byams ma'i bu gang po dang / tshe dang ldan pa sgra gcan zin dang / tshe dang ldan pa bzang skyong dang / tshe dang ldan pa rlangs pa dang / tshe dang ldan pa kun dga' bo dang / de dag dang / nyan thos chen po gzhan dag dang / grags 'dzin la sogs pa dge slong ma lnga brgya yang 'dus par gyur to/ /khams kyi rgyal po dang / stobs kyi 'khor los bsgyur ba dag kyang 'dus par gyur to/ /rgyal rigs dang / bram ze dang / khyim bdag gi 'khor dag kyang 'dus par gyur to/ /de nas tshe dang ldan pa shA radwa ti'i bus bcom ldan 'das la lan gsum bskor ba byas te 'di skad ces gsol to/ /bcom ldan 'das/ deng 'di ltar 'khor chen po 'dus pa 'di su'i mthu lags/ de ji ltar 'tshal bar bgyi/ bcom ldan 'das kyis bka' stsal pa/ tshe dang ldan pa shA radwa ti'i bu/ 'di ni dkon mchog ta la la'i gzungs kyi mthu yin no/ /shA radwa ti'i bus gsol pa/ bcom ldan 'das/ dkon mchog ta la la'i gzungs mnyan par 'tshal lo/ /bcom ldan 'das kyis bka' stsal pa/ shA radwa ti'i bu/ /song la 'jam dpal gzhon nur gyur pa dang / byang chub sems dpa' kun tu bzang po la gsol ba thob cig /de nas tshe dang ldan pa shA radwa ti'i bus 'jam dpal gzhon nur gyur pa la 'di skad ces smras so/ / </font><hr>476a<br><font size=+1>


@#/ /rigs kyi bu/ khyod kyis ting nge 'dzin rin po che bstan pa dkon mchog ta la la 'di shod cig /'jam dpal gyis smras pa/ btsun pa shA radwa ti'i bu / dkon mchog ta la la'i gzungs 'di nyan par 'gyur ba su yin/ shA radwa ti'i bus smras pa/ 'khor bzhi 'dus pa 'di dag dang / brgya byin dang / tshangs pa dang / 'jig rten skyong ba rnams 'dus pa 'di dag ste/ kho bo yang nyan pa'i phyir 'ongs so/ /de nas 'jam dpal gzhon nur gyur pas gnas brtan shA radwa ti'i bu la 'di skad ces smras so/ / gnas brtan shA radwa ti'i bu/ chos nyan pa 'di dag ni sgyu ma byung ba sha stag na kho bos su la chos bshad/ nyan pa ni su yin/ 'chad pa ni su yin/ gnas brtan gyis smras pa| skyes bu dam pa khyod kyis shod cig /kho bos mnyan to/ /'jam dpal gyis smras pa/ btsun pa shA radwa ti'i bu/ bshad ces bya ba de gang gi tshig bla dwags yin/ smras pa| 'jam dpal/ bshad pa zhes bya ba de ni stong pa nyid kyi tshig bla dwags so/ /smras pa/ shA radwa ti'i bu/ stong pa nyid gang gi tshig bla dwags yin/ smras pa/ 'jam dpal| stong pa nyid ni tshig med pa yin no/ /'jam dpal gyis smras pa/ btsun pa shA radwa ti'i bu/ gal te stong pa nyid tshig med pa yin na/ ci zhig bshad par bya/ btsun pa </font><hr>476b<br><font size=+1>


shA radwa ti'i bu/ chos thams cad ni bstan du med pa yin te/ de dag ni bstan du med cing mnyan du med do/ /gnas brtan gyis smras pa/ rigs kyi bu/ khyod kyis ji lta bu bstan pa de thams cad ni stong pa nyid bstan pa/ mtshan ma med pa bstan pa/ smon pa med pa bstan pa/ blang ba med pa bstan pa/ dor ba med pa bstan pa/ spros pa med pa bstan pa ste/ ma spros pa bstan pa yin no/ /de nas thams cad dang ldan pa'i byang chub sems dpa'i 'khor de dang / brgya byin dang / tshangs pa dang / 'jig rten skyong ba de dag kyang rab tu dga' nas mgrin gcig tu 'jam dpal gzhon nur gyur pa dang / tshe dang ldan pa shA radwa ti'i bus dkon mchog ta la la'i gzungs 'di legs par bshad do zhes legs so/ zhes bya ba byin no/ / de nas tshe dang ldan pa rab 'byor gyis 'jam dpal gzhon nur gyur pa la 'di skad ces smras so/ /'jam dpal/ byang chub sems dpa' dkon mchog ta la la'i gzungs ji ltar gzung bar bya/ bklag par bya/ kun chub par bya/ gzhan dag la yang rgya cher yang dag par bshad par bya/ 'jam dpal gyis smras pa/ rab 'byor/ gzungs 'di ni skye ba med par yid la bya'o/ /dngos po med pa dang / mtshan nyid med pa dang / spros pa med pa dang / dor ba med par yid la bya'o/ /'jam dpal gzhon nur gyur pas chos kyi rnam grangs 'di </font><hr>477a<br><font size=+1>


@#/ /bshad pa na/ 'khor de'i nang nas byang chub sems dpa' dgu bcu rtsa gnyis kyis dpa' bar 'gro ba'i ting nge 'dzin thob par gyur to/ /lha dang mi drug cu rtsa gnyis ni/ mi skye ba'i chos la bzod pa thob par gyur to/ /de nas byang chub sems dpa' kun tu bzang po stan las langs te bla gos phrag pa gcig tu gzar nas thal mo sbyar te bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen po rnams kyi snying rje chen po ji 'dra ba zhig lags/ bcom ldan 'das kyis bka' stsal pa/ rigs kyi bu/ 'di la byang chub sems dpa' sems dpa' chen po rnams kyi snying rje chen po ni gang khams gsum pa yongs su mi gtong ba ste/ 'di ni snying rje chen po yin no/ /gang sems can thams cad la sangs rgyas kyi zhing kun tu ston pa 'di ni snying rje chen po yin no/ /gang sems can tshul khrims 'chal ba yongs su 'dzin pa 'di ni snying rje chen po yin no/ /gang shes rab kyi pha rol tu phyin pa mi 'dor ba 'di ni/ snying rje chen po yin no/ /gang sems can thams cad kyi don gyi phyir lus dang srog yongs su gtong ba 'di ni snying rje chen po yin no/ /gang 'dod chags spyod pa'i sems can rnams la byams pa yang dag par brjod pa </font><hr>477b<br><font size=+1>


'di ni snying rje chen po yin no/ /gang sems can stobs dang ldan pa rnams la byams pa 'di ni byang chub sems dpa' sems dpa' chen po rnams kyi snying rje chen po yin no/ / rigs kyi bu/ gzhan yang byang chub sems dpa' sems dpa' chen po sems can thams cad la zhe 'gras pa med pa'i sems su bya'o/ /'dre ba med pa mang du bya'o/ /de nas bcom ldan 'das la byang chub sems dpa' kun tu bzang pos 'di skad ces gsol to/ /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang / bde bar 'gyur pa'i slad du bcom ldan 'das kyis dkon mchog ta la la zhes bgyi ba'i gzungs bshad du gsol/ sems can thams cad la sman pa dang / thugs brtse ba mnga' ba bcom ldan 'das kyis bshad du gsol/ de nas bcom ldan 'das kyis tshangs pa'i dbyangs kyis byang chub sems dpa' de dag la 'di skad ces bka' stsal to/ /khyed kyi nang na phyi ma'i tshe phyi ma'i dus lnga brgya pa'i tha ma la dam pa'i chos nub pa'i dus kyi tshe chos kyi rnam grangs 'di yang dag par rab tu ston par spro ba su yod/ de nas byang chub sems dpa' kun tu bzang po dang / byang chub sems dpa' 'jam dpal gzhon nur gyur pa </font><hr>478a<br><font size=+1>


@#/ /dang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa' ngan song spong dang| byang chub sems dpa' sman gyi rgyal po dang / byang chub sems dpa' spobs pa brtsegs pa dang / byang chub sems dpa' chos thams cad kyis mngon 'phags rgyal po dang| byang chub sems dpa' blo gros mi zad pa dang / byang chub sems dpa' blo gros rgya mtsho dang / byang chub sems dpa' rin chen ze ba ldan dang / byang chub sems dpa' nor bu 'od dang / byang chub sems dpa' gtsug na nor bu can dang / byang chub sems dpa' rnam par lta dang / byang chub sems dpa' bltar mi mthong dang / byang chub sems dpa' rtag tu lta dang / byang chub sems dpa' lag na rdo rje dang / byang chub sems dpa' rin chen phung po dang / byang chub sems dpa' dkon mchog 'byung gnas dang / byang chub sems dpa' chos dpal dang / byang chub sems dpa' tog dpal dang / byang chub sems dpa' nor dpal dang / byang chub sems dpa' bsod nams dpal dang / byang chub sems dpa' tsan+dan dpal dang / byang chub sems dpa' chos kyi blo gros dang / byang chub sems dpa' bdud rtsi blo gros dang / byang chub sems dpa' bsam yas blo gros dang / </font><hr>478b<br><font size=+1>


byang chub sems dpa' bsod nams kyis brgyan dang / byang chub sems dpa' yon tan gyis brgyan dang / byang chub sems dpa' mtshan gyis brgyan dang / byang chub sems dpa' rtag tu dgod cing dbang po thams cad rab tu dga' ba dang / byang chub sems dpa' ri'i rtse mo rdal ba'i rgyal po dang / byang chub sems dpa' spobs pa mkhas dang / byang chub sems dpa' rtag tu lag brkyang dang / byang chub sems dpa' sa 'dzin dang / byang chub sems dpa' spobs pa myur dang / byang chub sems dpa' nam mkha'i snying po dang / byang chub sems dpa' zla ba'i snying po dang / byang chub sems dpa' nyi ma'i snying po dang / byang chub sems dpa' zla ba dri ma med pa'i snying po dang / byang chub sems dpa' nyi gdugs snying po dang / byang chub sems dpa' mngon 'phags rgyal po dang / byang chub sems dpa' lhun po chen po dang / byang chub sems dpa' blo gros brtan pa dang / byang chub sems dpa' spobs pa dang rna ba dang / byang chub sems dpa' sems dpa' chen po byams pa dang / de dag la sogs pa byang chub sems dpa' bye ba khrag khrig brgya stong phrag drug cu rtsa gnyis kyis mgrin gcig tu tshig tu smras pa/ bcom ldan 'das| slad ma'i tshe slad ma'i dus lnga brgya pa tha ma la dam pa'i chos nub pa'i dus kyi tshe bdag cag thams cad 'dus shing tshogs te dkon mchog ta la la zhes bgyi ba'i gzungs yang dag </font><hr>479a<br><font size=+1>


@#/ /par bshad par spro lags so/ /bcom ldan 'das kyis bka' stsal pa/ rigs kyi bu dag/ legs so/ /legs so/ /rigs kyi bu dag /'di ni bya dka' ba ste| go cha 'di 'dra ba 'di ni shin tu bya dka' ba'o/ /de nas bcom ldan 'das kyis byang chub sems dpa' kun tu bzang po la 'di skad ces bka' stsal to/ /rigs kyi bu/ skye bo mang po la phan pa dang / skye bo mang po la bde bar gyur pa dkon mchog ta la la'i gzungs nyon cig /de nas bcom ldan 'das kyis bkod pa chen po'i seng+ge'i khri la bzhugs te sngags bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ /tad+ya thA/ oM maM/ b+ha ra Te b+ha ra Te/ b+ha ra b+ha ra na te swAhA| de nas bcom ldan 'das kyis a la la chos/ a la la chos/ a la la chos zhes lan gnyis lan gsum gsum du ched du brjod pa ched du brjod pa mdzad do/ /de nas bcom ldan 'das la byang chub sems dpa' kun tu bzang pos 'di skad ces gsol to/ /bcom ldan 'das/ chos chos zhes bgyi ba 'di'i gzhi'i don gang lags/ bcom ldan 'das kyis bka' stsal pa/ rigs kyi bu/ chos thams cad kyi gzhi'i don to/ /gzhi med pa'i don to/ /chos thams cad kyi gzhi'i don ni dngos po med pa'i gzhi'i don to/ /chos </font><hr>479b<br><font size=+1>


thams cad kyi gzhi'i don ni nam mkha'i gzhi'i don to/ /chos thams cad kyi gzhi'i don ni blang ba med pa'i gzhi'i don te/ /chos thams cad kyi gzhi'i don ni dor ba med pa'i gzhi'i don to/ /de nas byang chub sems dpa' kun tu bzang pos gsol pa/ bcom ldan 'das/ 'o na ci'i slad du chos thams cad ces bgyi/ bcom ldan 'das kyis bka' stsal pa/ rigs kyi bu/ chos thams cad ces bya ba ni mig dang / rna ba dang / sna dang / lce dang / lus dang / yid dang / de bzhin du khams rnams dang / skye mched rnams dang / rten cing 'brel par 'byung ba ste/ rigs kyi bu/ 'di ni chos thams cad ces bya'o/ /rigs kyi bu/ gzhan yang chos thams cad ni gzod ma nas ma skyes pa'i phyir stong pa'o/ /de nas yang 'jam dpal gzhon nur gyur pas byang chub sems dpa' kun tu bzang po la 'di skad ces smras so/ /kye rgyal ba'i sras/ dkon mchog ta la le'i gzungs 'di ji ltar gzung bar bya/ /de skad ces smras pa dang / byang chub sems dpa' kun tu bzang pos 'jam dpal gzhon nur gyur pa la 'di skad ces smras so/ /de bzhin nyid bstan pa dang / skye ba med pa'i de bzhin nyid dang / 'byung ba med pa'i de bzhin nyid dang / mtshan nyid med pa'i de bzhin nyid dang / nam mkha'i de bzhin nyid dang / dngos po med pa'i de bzhin nyid dang / ngo bo nyid kyi de bzhin nyid dang / dngos </font><hr>480a<br><font size=+1>


@#/ /po med pa'i ngo bo nyid kyi de bzhin nyid kyi de bzhin nyid du gzungs 'di gzung bar bya ste/ rigs kyi bu/ dkon mchog ta la la'i gzungs 'di gzung ba dang / kun tu gzung ba dang / bsgom pa dang / rnam par dpyad pa dang / gdags pa dang / rab tu gzhag pa dang / rnam par dgrol ba dang / rnam par dbye ba dang / gsal bar bya ba ni 'di 'dra ste/ rigs kyi bu/ 'di ni dkon mchog ta la la'i gzungs bsgom pa dang / rnam par brtag pa'i don to/ /de nas tshe dang ldan pa shA radwa ti'i bus 'jam dpal gzhon nur gyur pa la 'di skad ces smras so/ /'jam dpal/ khyod chos kyi rnam grangs 'di la yang dag par zhugs nas yun ji srid cig lon/ 'jam dpal gyis smras pa/ shA radwa ti'i bu/ 'dod chags dang / zhe sdang dang / gti mug rnams yun ji srid cig nas zhugs pa srid do/ /shA radwa ti'i bus smras pa/ rigs kyi bu/ 'dod chags dang / zhe sdang dang / gti mug rnams yun ji srid cig nas zhugs/ 'jam dpal gyis smras pa/ shA radwa ti'i bu/ sa'i khams yun ji srid cig nas zhugs pa srid do/ /shA radwa ti'i bus smras pa/ rigs kyi bu| sa'i khams yun ji srid cig nas zhugs| 'jam dpal gyis smras pa/ shA radwa ti'i bu/ rig pa dang / ma rig pa yun ji srid cig nas zhugs pa srid </font><hr>480b<br><font size=+1>


do| |shA radwa ti'i bus smras pa/ rigs kyi bu/ rig pa dang / ma rig pa yun ji srid cig nas zhugs/ 'jam dpal gyis smras pa/ shA radwa ti'i bu/ nam mkha'i khams yun ji srid cig nas zhugs pa srid do/ /shA radwa ti'i bus smras pa/ 'jam dpal/ nam mkha'i khams yun ji srid cig nas zhugs/ 'jam dpal gyis smras pa/ shA radwa ti'i bu/ dngos po med pa'i ngo bo nyid kyi chos thams cad yun ji srid cig nas zhugs pa srid do/ /de nas tshe dang ldan pa shA radwa ti'i bus 'jam dpal gzhon nur gyur pa la 'di skad ces smras so| |kho bo skyes bu dam pa 'di lta bu dag dang gtam bya ba'i nus pa ga la yod/ rigs kyi bu/ 'di lta ste/ dper na/ khyi dang byi la thams cad dam/ wa thams cad kyis kyang ri'i rgyal po ri rab gzhig par mi nus so/ /rigs kyi bu/ de bzhin du shA radwa ti'i bu 'dra ba'i nyan thos thams cad kyis kyang byang chub sems dpa' bstan pa gcig gi mtha' yang rtog par mi nus na/ 'jam dpal gzhon nur gyur pa'i bstan pa lta ci smos/ de nas byang chub sems dpa' kun tu bzang pos 'jam dpal gzhon nur gyur pa la 'di skad ces smras so/ /'jam dpal/ bzhud la phyi ma'i tshe phyi ma'i dus na mdo sde'i rgyal po 'dzin pa chos smra ba de dag la kun tu bsrung ba dang / yongs su bskyong ba mdzad par de </font><hr>481a<br><font size=+1>


@#/ /bzhin gshegs pa la gsol ba thob cig /de nas 'jam dpal gzhon nur gyur pas rang gi chos kyi stan las langs nas bcom ldan 'das la 'di skad ces gsol to/ /gang dag chos kyi rnam grangs 'di 'dzin pa dang / klog pa dang / kun chub bar bgyid pa dang / gzhan dag la yang rgya cher yang dag par ston par bgyid pa/ chos smra ba de dag gi yon tan gyi khyad par rnams bshad du gsol/ bcom ldan 'das kyis bka' stsal pa/ 'jam dpal/ dge slong mdo sde'i rgyal po 'dzin pa chos smra ba de dag ni nga'i chos kyi sku la nges par 'byung bar 'gyur ro/ /de dag ni sangs rgyas kyi byang chub thob par 'gyur ro/ /de dag ni sangs rgyas kyi chos rnams la nye bar 'gyur ro/ /de dag la bdud dang bdud kyi ris kyi lha'i bu glags lta ba rnams kyis glags mi rnyed par 'gyur ro/ /rigs kyi bu gang su dag chos smra ba'i dge slong de la se gol gtogs pa gcig tsam srid cig mi byams pa'i sems bskyed pa de dag ni mir 'gyur pa las kyang ring du gyur pa yin na/ sangs rgyas kyi byang chub las lta smos kyang ci dgos/ 'jam dpal/ gzhan yang gang dag mdo sde'i rgyal po 'di 'dzin pa'i dge slong rnams la ma dad pa'i sems bskyed pa de dag ni so thags ngan par 'gyur/ lce dang sna med par gyur/ rkang lag phyi phyogs su 'gyur/ </font><hr>481b<br><font size=+1>


lus nad pu can du 'gyur/ mig med par 'gyur/ shes rab 'chal pa'i rang bzhin can du 'gyur/ brtson 'grus chung bar 'gyur te/ 'jam dpal/ 'di dag ni mi gti mug pa de dag gi skyon du 'gyur ba'o/ /'jam dpal/ mdor bshad na/ de dag 'chi ba'i dus kyi tshe de dag gi spu'i khung bu re rer yang sems can dmyal ba'i sdug bsngal dpag tu med pa 'jug go /gal te mir skyes na yang rtag tu dmus long du 'gyur/ lce med par 'gyur ro/ /'jam dpal/ gzhan yang gang dag chos kyi rnam grangs 'di spong ba de dag ni tshe 'di nyid la lus 'dze can du 'gyur/ mchu 'jigs 'jigs ltar 'dug par 'gyur/ lus zhom par 'gyur/ lus gcer bur 'gyur/ lus skam por 'gyur/ yi dwags 'dra bar 'gyur ro/ /'jam dpal/ gzhan yang mi gti mug pa de dag gang du skye bar 'gyur ba de dag gi gnas ni ngas sangs rgyas kyi ye shes bsam gyis mi khyab pas mkhyen to/ /'jam dpal gzhon nur gyur pas gsol pa/ bcom ldan 'das kyis lung bstan du gsol/ bde bar gshegs pas bstan du gsol/ bcom ldan 'das kyis bka' stsal pa/ 'jam dpal/ kha rog de skad ma 'dri zhig /'di la lha dang bcas pa'i 'jig rten myos par 'gyur te/ skrag par 'gyur/ dngang bar 'gyur/ rab tu dngang bar 'gyur ro/ /'jam dpal gyis gsol pa/ sems can 'di dag gis 'di ltar chos nas slan chad kyang dam pa'i </font><hr>482a<br><font size=+1>


@#/ /chos spong bar mi 'gyur bar bgyi ba'i slad du thugs brtse bar dgongs te bcom ldan 'das kyis bshad du gsol/ bcom ldan 'das kyis bka' stsal pa/ 'jam dpal/ sa'i 'og na sems can dmyal ba yod pa'i ming la 'di lta ste/ tsha ba dang / rab tu tsha ba dang / thig nag dang / kun tu 'bar dang / rab tu 'bar dang / reg dka' dang / drag po dang / mchu rnon dang / lcags kyi thu lum dang / lcags kyi be con dang / mun khung dang / mgo bstod dang / spyi'u tshugs dang / spre'u gdong dang / rtag tu rab 'bar dang / rul pa dang / rtag tu dri nga dang / rab 'joms dang / nges 'joms dang / shin tu gnod 'byung rnams te/ 'jam dpal/ mi gti mug ba de gang du skye bar 'gyur ba'i sems can dmyal ba ni 'di dag go /de nas bcom ldan 'das la byang chub sems dpa' kun tu bzang pos 'di skad ces gsol to/ /bcom ldan 'das/ chos smra ba de 'di nas shi 'phos nas gang du skye bar 'gyur/ bcom ldan 'das kyis bka' stsal pa/ kun tu bzang po/ khyod kyis zhu ba de legs par zhus so/ /kun tu bzang po/ rigs kyi bu'am/ rigs kyi bu mo chos smra ba de 'di nas shi 'phos nas bcom ldan 'das de bzhin gshegs pa spobs pa bsam gyis mi khyab pa'i sangs rgyas kyi zhing 'jig rten gyi khams rab tu brgyan </font><hr>482b<br><font size=+1>


par skye bar 'gyur te/ 'jig rten gyi khams de na byang chub sems dpa' kun nas mdzes pa sha stag go /'chi ba'i dus kyi tshe rigs kyi bu de la sangs rgyas bye ba phrag bcu gnyis mngon du 'gyur ro/ /rigs kyi bu/ mdor na rigs kyi bu de'i phan yon ni grangs med/ dpag tu med de/ de dag ni bskal pa stong dag gis kyang brjod par mi nus so/ /byang chub sems dpa' kun tu bzang pos gsol pa/ bcom ldan 'das/ slad ma'i tshe slad ma'i dus na gang dag chos kyi rnam grangs 'di spong bar 'gyur ba'i sems can ji lta bu dag 'byung bar 'gyur/ bcom ldan 'das kyis bka' stsal pa/ kun tu bzang po/ 'di lta bu chos 'di dag spong bar 'gyur ba'i sems can de dag ni phal cher rab tu byung ba dag 'byung ste/ 'di skad du 'di dag ni snyan dngags sbyar ba yin gyi/ 'di dag ni de bzhin gshegs pas gsungs pa ma yin no/ /'di dag ni rang bzor byas pa yin te/ mdo sde 'di dag ni sngon nam yang ma thos so zhes 'dzer cing de dag chos kyi rnam grangs 'di spong bar 'gyur ro/ /spangs nas kyang mthol zhing 'chags par mi 'gyur te/ de dag chos spangs pas 'chi ba'i tshe sems can dmyal ba kun tu 'bar pa mi bzad par skye bar 'gyur ro/ /skyes ma thag tu lcags kyi 'khor los mi gti mug pa de dag gi mgo bcad nas sa la lhung bar 'gyur ro/ /de ltar gyur nas kyang bskal pa mang po </font><hr>483a<br><font size=+1>


@#/ /dang / bskal pa brgya phrag mang po dang / bskal pa stong phrag mang por dmus long du 'gyur ro/ /gal te bskal pa brgya dag 'das nas mir skye bar gyur na yang tshe rabs thams cad du dmus long du skye bar 'gyur zhing lce med pa dang / gdong phyin phyogs su 'dug pa dang / ltag sgur dang / 'jing pa nub pa dang / rkang gyol dang / nga ro khyi skad lta bu dang / rtag tu bkres shing skom pas nyen pa dang / lus bskams pa dang / kham nam pa dang / sems can thams cad kyis mthong ngam/ thos na yang yid du mi 'ong bar skye bar 'gyur ro/ /de nas thams cad dang ldan pa'i 'khor des mgrin gcig tu smras pa/ bcom ldan 'das/ ma 'tshal ba bdag cag gis mdo snga 'di lta bu dag spangs pa dang / chos smra ba de dag la khros pa'i sems kyis bltas par gyur pa rnams nongs pa la nongs par 'chags so/ /bcom ldan 'das/ bdag cag ji ltar byis par gyur pa dang / ji ltar rmongs par gyur pa dang / ji ltar shes rab 'chal bar gyur pa dang / ji ltar blo chung bar gyur pa rnams 'chags shing mchis na/ sangs rgyas bcom ldan 'das rnams dgongs su gsol/ de nas nyan thos chen po de dag dang / brgya byin dang / tshangs pa dang / 'jig rten skyong ba de dag dang / dge slong dang / dge slong ma dang / dge bsnyen dang / dge bsnyen ma de dag spangs nas bcom ldan 'das/ </font><hr>483b<br><font size=+1>


bdag cag ni bstan pa 'di lta bu 'di thos nas rab tu sngangs lags so/ /bcom ldan 'das kyis bka' stsal pa/ grogs po dag /de de bzhin no/ /ji skad smras pa bzhin te/ khyed kyis skrag par bya ba'i rigs so/ /grogs po dag /nga thams cad mkhyen pa'i ye shes brnyes pa yin na/ nga nyid kyang skrag na/ gang dag nga'i slob ma rnams lta ci smos/ rigs kyi bu dag / chos 'di ni zab pa ste/ de ni mi'am/ mi ma yin pa'am/ lha'am/ klu'am/ gnod sbyin nam/ dri za'am/ sus kyang rnam par dkrugs par mi nus na/ dge sbyong ngam/ bram ze gzhan dag gis lta ga la nus te ci smos/ rigs kyi bu dag /chos kyi rnam grangs 'di ni lha dang bcas pa'i 'jig rten gyi mchod rten du gyur pa ste/ rigs kyi bu dag /dper na/ dkon mchog za ma tog ji lta bar mdo sde'i rgyal po 'di yang de bzhin du blta bar bya'o/ /de nas bcom ldan 'das la 'jam dpal gzhon nur gyur pas 'di skad ces gsol lo/ /bcom ldan 'das/ 'di ni legs par gsungs pa legs so/ /bcom ldan 'das/ dge slong de lta bu de dag gis dad pas stsal ba ji ltar yongs su 'ju bar 'gyur/ bcom ldan 'das kyis bka' stsal pa| 'jam dpal/ gang dag chos kyi rnam grangs 'di spong ba dang / chos smra ba de dag la mi byams pa'i sems bskyed pa de dag ni nyi ma gcig gam/ se gol gtogs pa </font><hr>484a<br><font size=+1>


@#/ /gcig srid tsam zhig dad pas byin pa yongs su spyad pa'am/ tha na dge 'dun la phul ba'i sa la mchil ma thal gcig 'dor du yang ngas ma gnang ngo / /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ mtshams ma mchis pa lnga po dag 'di dang nye ba lags sam/ ring pa lags| bcom ldan 'das kyis bka' stsal pa/ gnas brtan shA radwa ti'i bu/ kha rog de skad ma 'dri zhig /de ci'i phyir zhe na/ shA radwa ti'i bu/ mtshams med pa lnga po dag ni bla'i| chos kyi rnam grangs 'di spangs pa ni nam yang de lta ma yin no/ /shA radwa ti'i bu/ mtshams med pa lnga byed pa ni mtshams med pa lnga po dag myur du zad par byas nas mir skye bar 'gyur ro/ /dam pa'i chos spong ba'i gang zag de ni nam yang sangs rgyas kyi chos rnams 'thob par mi 'gyur te/ de ni bdag kyang phung la gzhan yang phung bar byed par 'gyur ro/ /de nas tshe dang ldan pa shA radwa ti'i bu bcom ldan 'das kyi spyan snga na du zhing 'di skad ces smras so/ /e ma'o dam pa'i chos spong ba'i sems can rnams ni sdug bsngal lo| |las kyi sgrib pa 'di lta bu dag ni bdag gis rmi lam na yang mthong bar ma gyur cig/ //bam po gsum pa| de nas bcom ldan 'das kyis tshe dang ldan pa shA radwa ti'i bu la </font><hr>484b<br><font size=+1>


'di skad ces bka' stsal to/ /shA radwa ti'i bu/ de snyam ma sems shig /ngas chos bstan pa ni 'byung ba dang bcas pa yin na/ 'jig rten ni las bdag gir bya ba/ rang gi las kyi bgo skal la spyod pa/ rang gi las brtan par bya ba ste/ sems can dag rang rang gi las rnams kyis sdug bsngal gyi tshor ba myong gi /de la de bzhin gshegs pas ni ma lan no/ / shA radwa ti'i bu/ ngas ni dge legs su 'gro ba'i lam bshad de/ bde bar 'gro ba dang / 'jigs pa med par 'gro ba dang / mya ngan las 'das par 'gro ba dang / 'chi ba med par 'gro ba'i lam bshad na/ 'on kyang sems can 'di dag ni lus kyis nyes par spyod pa dang ldan/ ngag gis nyes par spyad pa dang ldan/ yid kyis nyes par spyod pa dang ldan zhing / 'phags pa rnams la skur ba 'debs pa dang / log par lta ste/ log par lta ba'i las dang / chos yang dag par blangs pa'i rgyus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye ste/ de la de bzhin gshegs pas ni ma lan no/ /shA radwa ti'i bu/ sems can thams cad la nga'i snying rje 'di lta bu skye ste/ ngas sems can gcig gi don du yang bskal pa'am/ bskal pa las lhag par sems can dmyal ba'i sdug bsngal rnams myong bar bya'i/ /sems can gcig po ni yongs su gtang bar mi bya'o/ / </font><hr>485a<br><font size=+1>


@#/ /snyam ste/ shA radwa ti'i bu/ de bzhin gshegs pa'i snying rje chen po ni de 'dra'o/ /shA radwa ti'i bu/ 'di lta ste/ dper na/ mi zhig la bu gcig pa gzugs bzang pa/ mdzes pa/ blta na sdug pa/ kha dog bzang po rgyas pa mchog dang ldan pa zhig yod la/ de rkyen 'ga' zhig dang phrad nas 'chi ba'i dus byas par gyur na/ mi de bu la sems pas sdug bsngal zhing yid mi bde bar gyur te du zhing smre sngags 'don to/ /shA radwa ti'i bu/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sems can sdug bsngal ba dag la bu gcig pa bzhin du dgongs pa mdzad de/ de bzhin gshegs pa dag nyon mongs pa rnams dang lhan cig gnas pa ni ma yin no| |shA radwa ti'i bu/ 'di lta ste/ dper na/ rgya mtsho chen po ni shi ba'i ro dang lhan cig mi gnas so/ /shA radwa ti'i bu/ de bzhin du de bzhin gshegs pa dag kyang nyon mongs pa rnams dang lhan cig mi gnas so/ /shA radwa ti'i bu/ 'di lta ste/ dper na/ sgyu ma mkhan nam/ sgyu ma mkhan gyi slob ma mkhas pas lam po che'i bzhi mdor skye po'i tshogs chen po mngon par sprul te bya ba dag ston kyang bya ba de dag ni yul na mi gnas/ phyogs ni ma gnas te/ ma skyes/ ma 'gags/ 'gag par mi 'gyur ro// </font><hr>485b<br><font size=+1>


shA radwa ti'i bu/ de bzhin du de bzhin gshegs pa rnams kyang sems can rnams yongs su smin par mdzad cing / 'dod chags kyi spyod pa yang ston te/ mdzad pa ston kyang spyod pa de dag ni yod pa ma yin no/ /dper na/ nam mkha'i khams ni rnam par rtog pa med cing spros pa med pa'o/ /de bzhin du de bzhin gshegs pa'i sku la yang rnam par rtog pa med cing spros pa med pa'o/ /'on kyang sems can rnams dang mthun par de bzhin gshegs pa rnams mthun par mdzad de/ sems can rnams ji ltar 'dul bar 'gyur ba de bzhin du de bzhin gshegs pa rnams mthun par 'jug go/ shA radwa ti'i bu/ de bzhin gshegs pa la 'khrul pa mi mnga'o/ /de bzhin gshegs pa la mi mkhyen pa mi mnga'o/ /de bzhin gshegs pa la bsnyel ba mi mnga'o/ /shA radwa ti'i bu/ nga ni lha dang bcas pa'i 'jig rten gyi thu bo dang / gtso bo dang / rab dang / mchog dang / phul dang / bla ma dang / bla na med pa dang / gong na med pa dang / mi mnyam pa dang mnyam pa yin te/ shA radwa ti'i bu/ tshig smras pa 'di ni bden pa'i rjes su mthun pa'o/ /rab tu byung ba'am/ khyim pa'ang rung ste/ sems can gang dag chos kyi rnam grangs 'di spong ba de dag thams cad ni sems can dmyal ba'i sdug bsngal 'di lta bu dag rnyed par 'gyur/ de nas tshe dang ldan pa rab 'byor gyis bcom ldan 'das kyis bstan </font><hr>486a<br><font size=+1>


@#/ /pa 'di thos nas thal mo sbyar te bcom ldan 'das la 'di skad ces gsol to/ /bcom ldan 'das/ sems can de dag gis ni rnyed pa nongs par rnyed do// gang dag chos kyi rnam grangs 'di spong bar 'gyur ba de dag ni lce ci 'dra ba zhig tu 'gyur ba lags/ bcom ldan 'das kyis bka' stsal pa/ rab 'byor/ de dag gi lce ni dpag tshad 'bum par 'gyur te/ de la lcags kyi thong gshol 'bar ba/ rab tu 'bar ba/ kun tu rab tu 'bar ba/ kun tu rab tu mched cing 'bar ba/ me lce gcig tu gyur pa bye ba phrag lnga brgyas rmo bar 'gyur ro/ /de ci'i phyir zhe na/ 'di ltar des ngag ma bsrungs pa'i phyir te/ rab 'byor/ mi gti mug pa de dag gi las kyi sgrib pa ni de lta bur 'gyur ro/ /de nas sangs rgyas kyi mthus thams cad dang ldan pa'i 'khor des de bzhin gshegs pas bstan pa ni rmad du byung ba chen po lags so zhes ched du brjod pa ched du brjod do/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ bdag gis chos smra ba'i dge slong de dag phrag pa la bkur bar bgyi'o/ /me tog dang / bdug pa dang / spos dang / phreng ba dang / byug pa rnams kyis mchod par bgyi'o/ /gdugs lan gsum mtshan lan gsum du phyag bgyi'o/ /bsnyen bkur bgyi'o/ /bsti stang bgyi'o// </font><hr>486b<br><font size=+1>


bla mar bgyi'o/ /ri mor bgyi'o/ /mchod par bgyi'o/ /brjed par bgyi'o/ /gsol ba bgyi'o/ /bsti stang bgyi ba dang / bla mar bgyi ba dang / gus pas bsrung bar bgyi'o/ /de'i slad du zhe na| de dag ni bcom ldan 'das kyi sras te/ chos kyi sku las nges par 'byung ba'i slad du'o/ /bcom ldan 'das/ 'di lta ste/ dper na/ rgyal po rgyal rigs spyi bo nas dbang bskur ba'i bur gyur pa/ gzugs bzang ba/ mdzes pa/ blta na sdug pa de ni 'og ma thams cad kyi mchod pa'i 'os dang / phyag bgyi ba'i 'os lags so/ /de bzhin du chos smra ba de dag kyang lha dang bcas pa'i 'jig rten gyi mchod pa'i 'os dang / phyag bgyi ba'i 'os lags so/ /de nas bcom ldan 'das kyis byang chub sems dpa' kun tu bzang po la 'di skad ces bka' stsal to| |rigs kyi bu/ lha'i dbang po brgya byin gyis chos smra ba'i dge slong de dag snying las chung ngur bya ba dang / yongs su bskyang ba dang / kun tu bsrung ba dang / bskyab pa'i phyir tshig 'di legs par smras so/ /byang chub sems dpa' kun tu bzang pos gsol pa/ bcom ldan 'das/ bdag gis kyang rigs kyi bu'am/ rigs kyi bu mo de dag kun tu bsrung bar bgyi'o/ / yongs su bskyab pa dang / yongs su gzung ba dang / zhi ba dang / bde legs su 'gyur bar bgyi'o/ /dpag tshad brgya khor yug tu yongs su bskyang bar bgyi'o/ /de nas bcom ldan 'das </font><hr>487a<br><font size=+1>


@#/ /kyis byang chub sems dpa' kun tu bzang po la rigs kyi bu/ tshig 'di legs par smras pa legs so/ /legs so zhes bya ba byin no/ /de nas bcom ldan 'das kyis tshangs pa'i dbyangs kyis tshigs su bcad pa 'di bka' stsal to/ /gzhan la phan dang bde ba byed pa bsags pa po/ /rnam pa sna tshogs rab mdzes mchog rab tshig ldan pa| |shin tu dri med bzhin ldan khyod kyi bsam pa mchog /yon tan rin chen mi mnyam mnyam pa'i tshig legs smras/ /de nas bcom ldan 'das la byang chub sems dpa' kun tu bzang pos 'di skad ces gsol to/ /bcom ldan 'das/ byang chub sems dpa' sems dpa' chen po dag chos du dang ldan na/ dkon mchog ta la la'i gzungs 'thob par 'gyur/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po dag chos gcig dang ldan na/ dkon mchog ta la la'i gzungs 'thob bo/ /chos gcig po gang zhe na/ 'di lta ste/ sems can thams cad la khong khro ba med pa'o/ /kun tu bzang po/ byang chub sems dpa' sems dpa' chen po dag gi chos gnyis te/ gnyis gang zhe na/ 'di lta ste/ phrag dog med pa dang / rlom sems med pa ste/ kun tu bzang po/ 'di dag ni byang chub sems dpa' sems dpa' chen po dag gi chos gnyis so/ / </font><hr>487b<br><font size=+1>


kun tu bzang po/ gzhan yang byang chub sems dpa' sems dpa' chen po ni sems can thams cad la dbang po gnod par mi 'gyur ro/ /rigs kyi bu/ gzhan yang byang chub sems dpa' sems can thams cad la thams cad kyi thams cad du rnam par 'tshe ba bskyed par mi bya'o/ /byang chub sems dpa'i yon tan brjod pa 'di bshad pa dang / dkon mchog ta la la'i gzungs kyi khyad par gyi yon tan yongs su brjod pa bshad pa na lha dang mi'i skye rgu las sems can dpag tu med pas gzungs thob par gyur to/ /dkon mchog ta la la'i gzungs kyi khyad par gyi yon tan yongs su brjod pa'i le'u'o// //de nas tshe dang ldan pa kun dga' bo stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ chos kyi rnam grangs 'di ni zab lags so/ /bcom ldan 'das kyis bka' stsal pa/ kun dga' bo/ de de bzhin te/ gzugs zab pa'i phyir zab bo/ tshor ba dang / 'du shes dang / 'du byed dang / rnam par shes pa zab pa'i phyir zab bo/ /stong pa nyid zab pa'i phyir zab bo/ /nam mkha' zab pa'i phyir zab bo/ /kun dga' bos gsol pa/ bcom ldan 'das/ bdag gis chos kyi phung po brgyad khri </font><hr>488a<br><font size=+1>


@#/ /bzhi stong de bzhin gshegs pa las mngon du thos na/ chos kyi rnam grangs 'di lta bu ni nam yang ma thos so/ /bcom ldan 'das kyis bka' stsal pa/ chos kyi rnam grangs 'di ni shin tu thos par bya dka' ba yin no/ /kun dga' bos gsol pa/ slad ma'i tshe slad ma'i dus lnga brgya tha ma la dam pa'i chos nub pa'i dus kyi tshe sems can mang po dag sangs rgyas kyi mdzad pa bgyid par 'gyur bar bcom ldan 'das kyis chos kyi rnam grangs 'di byin gyis brlab tu gsol/ bcom ldan 'das kyis bka' stsal pa/ kun dga' bo/ ngas chos kyi rnam grangs 'di byin gyis brlabs zin te/ de bzhin gshegs pa shAkya thub pa ngas chos smra ba de dag kyang byin gyis brlabs so/ /kun dga' bo/ gang la la zhig chos kyi rnam grangs 'di yi ger 'bri ba de ni mig na bar mi 'gyur/ lce na bar mi 'gyur/ sna na bar mi 'gyur/ so na bar mi 'gyur/ lag pa dang rkang pa na bar mi 'gyur/ klad pa na bar mi 'gyur/ rna ba na bar mi 'gyur/ lus dman par mi 'gyur/ lus dri mi zhim par mi 'gyur/ pha rol gyi gnod pas 'chi ba'i dus byed par mi 'gyur ro/ /de la mi dang mi ma yin pa thams cad srung bar 'gyur ro/ /'di nas shi 'phos nas kyang de spros pa thams cad yongs su spangs nas bde 'gro mtho ris kyi 'jig rten du lha rnams kyi nang du skye bar 'gyur ro// </font><hr>488b<br><font size=+1>


kun dga' bos gsol pa/ bcom ldan 'das chos bshad pa'i tshe bdud bar chad mi bgyid pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo/ bdud thams cad chos kyi rnam grangs 'di la bar chad byed mi nus te/ kun dga' bo/ gang gi tshe bdud sdig can 'di snyam du bdag dkon mchog ta la la'i gzungs 'chad pa la bar chad byed du 'gro'o snyam pa'i sems bskyed pa de'i tshe bdud sdig can gyis rang gi khyim kun tu 'bar bar mthong ste/ kun dga' bo/ chos kyi rnam grangs 'di de ltar zab bo/ /kun dga' bo/ sa phyogs gang na chos kyi rnam grangs 'di spyod pa'i sa phyogs de mchod rten du 'gyur/ phyag bya ba'i 'os su yang 'gyur ro/ /kun dga' bos gsol pa/ gal te de bzhin gshegs pas phyogs gang na bzhugs pa'i sa phyogs de nyid na chos kyi rnam grangs 'di yang gnas par gyur la/ bdag de bzhin gshegs pa la blta ba'i slad du mchis shing mchis nas kyang sngar de bzhin gshegs pa la phyag bgyis nas chos kyi rnam grangs 'di la phyag bgyis na/ nongs pa ci mchis/ bcom ldan 'das kyis bka' stsal pa/ kun dga' bo/ gang tshe khyod kyis chos kyi rnam grangs 'di lta bu bkol te nga la phyag 'tshal ba de'i tshe khyod nyes pa dang bcas par 'gyur ro/ /kun dga' bo/ gzhan yang nga lha dang bcas pa'i 'jig rten gyi thu bo dang / gtso bo dang / mchog dang / dam pa </font><hr>489a<br><font size=+1>


@#/ /yin mod kyi/ kun dga' bo/ ngas sngar chos kyi rnam grangs 'di thos nas phyis byang chub mngon par rdzogs par sangs rgyas so/ /kun dga' bos gsol pa/ bcom ldan 'das/ de bzhin gshegs pas gang las ting nge 'dzin rin po che dkon mchog ta la la bstan pa 'di gsan pa/ de bzhin gshegs pa'i gong na su mchis/ bcom ldan 'das kyis bka' stsal pa/ kun dga' bo/ mi'i 'jig rten dang / lha'i 'jig rten dang / dri za'i 'jig rten na nga'i gong na su yang med de/ 'on kyang byang chub sems dpa'i spyad pa spyod pa na ngas bcom ldan 'das de bzhin gshegs pa ye shes thogs pa med pa brtsegs pa'i snying po gser bzang po bsam gyis mi khyab pa'i 'od zer du ma'i lte ba rgyas pa las mngon du thos te/ kun dga' bo/ bya dka' ba chen po bye ba khrag khrig brgya stong du ma myong nas ngas chos kyi rnam grangs 'di thos te/ de'i tshe de bzhin gshegs pa des nga lung bstan to// kun dga' bo/ de lta bas na/ khyod kyis sngar chos kyi rnam grangs 'di la phyag gyis la/ phyis nga la phyag 'tshal cig /de nas brgya byin dang / tshangs pa dang / 'jig rten skyong ba de dag thams cad kyis mgrin gcig tu tshig 'di skad ces smras so/ /a la la chos/ a la la chos/ chos rnams kyi rnam par 'phrul pa a la la'o/ /sems can gang dag chos kyi rnam </font><hr>489b<br><font size=+1>


grangs 'di'i ming thos pa de dag kyang phyag bya ba'i 'os yin na/ gang dag 'dzin pa dang / klog pa dang / kun chub par byed pa dang / gzhan dag la yang rgya cher yang dag par rab tu ston pa lta smos kyang ci dgos te/ de dag ni de bzhin gshegs pa zhes brjod par bya'o/ /de nas bcom ldan 'das kyis brgya byin dang / tshangs pa dang / 'jig rten skyong ba de dag la kye grogs po dag/ khyed kyis tshig 'di legs par smras pa legs so/ /legs so zhes bya ba byin no/ /de nas bcom ldan 'das kyis zhal nas ljags kyi dbang po phyung ste stong gsum gyi stong chen po'i 'jig rten gyi khams ljags kyi dbang pos snang bar byas nas byang chub sems dpa' kun tu bzang po la 'di skad ces bka' stsal to/ /sems can gang dag chos kyi rnam grangs 'di ma thos pa de dag ni ji ltar mi dmus long gis nyi ma'i snang ba mi mthong ba dang / ji ltar tshong pa thabs mi shes pa dang / ji ltar mi dbul po gzhan gyi ngor lta ba dang 'dra ste/ de dag gi don du ngas dpe 'di dag byas na/ ci nas sems can rnams chos rin po che'i phung po 'di 'dra ba las ring du mi 'gyur bar bya ba'i phyir chos rnam grangs 'di'i ched dang / sems can thams cad kyi don du nga khyod la gsol ba 'debs na/ rigs kyi bu/ khyod spro'am/ de nas byang chub sems dpa' kun tu bzang po stan las langs te bla gos phrag pa gcig tu gzar nas pus mo g.yas </font><hr>490a<br><font size=+1>


@#/ /pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas ngu zhing byang chub sems dpa' kun tu bzang po rang gi chos kyi stan las langs ma thag tu de nas de'i mdo la stong gsum gyi stong chen po'i 'jig rten gyi khams 'di rnam pa drug tu g.yos/ rab tu g.yos/ kun tu rab tu g.yos so/ /'gul/ rab tu 'gul| kun tu rab tu 'gul to/ /ldeg /rab tu ldeg /kun tu rab tu ldeg go /'ur 'ur/ rab tu 'ur 'ur/ kun tu rab tu 'ur 'ur ro/ /chem chem/ rab tu chem chem/ kun tu rab tu chem chem mo| |'khrugs/ rab tu 'khrugs/ kun tu rab tu 'khrugs so/ /'jig rten du snang ba chen po yang byung bar gyur to/ /de nas byang chub sems dpa' kun tu bzang pos sor mo bcu thal mo sbyar te du zhing bcom ldan 'das la 'di skad ces gsol to/ /bcom ldan 'das/ bdag spro lags so/ /bde bar gshegs pa/ bdag spro lags so/ /bcom ldan 'das/ khyod ni thams cad mkhyen pa/ sems can thams cad la phan par bzhed pa/ thugs rje chen po dang ldan pa lags kyi steng du bdag ni de bzhin gshegs pa las skyes pa lags na/ ci'i slad du de bzhin gshegs pa'i bka' ltar mi bgyid/ bcom ldan 'das/ de bzhin gshegs pa'i bka' ni bdud rtsi'i bka' lags na/ bdag de bzhin gshegs pa'i </font><hr>490b<br><font size=+1>


bka' dang 'gal bar bgyid pa'i mthu bdag la ga la mchis/ bcom ldan 'das/ bdag gis ni byas pa gzo bar bgyi ba lags kyi/ byas pa mi gzo bar bgyi ba ma lags so/ /de nas bcom ldan 'das kyis byang chub sems dpa' kun tu bzang po la legs so zhes bya ba byin te/ kye rgyal ba'i sras/ legs so/ /legs so/ /khyod ni de bzhin gshegs pa rnams kyi sras thu bo dang / gtso bo dang / mchog dang / dam pa dang / phul yin te/ chos kyi rnam grangs 'di khyod la yongs su gtad do/ /'di ni nga'i ston pa yin te/ de'i phyir khyod kyis bsrung bar bya'o/ /dus dus su bsti stang gyis shig /rin po che'i sngon du chug la phrag la thogs shig /phyi ma'i tshe phyi ma'i dus na dge slong sdig pa can de dag la yid ma rton cig /rigs kyi bu/ 'di ni khyod la rjes su bstan pa'o/ /byang chub sems dpa' kun tu bzang pos gsol pa/ bcom ldan 'das/ rab tu byung ba ci 'dra ba de dag 'byung bar 'gyur/ bcom ldan 'das kyis bka' stsal pa/ rigs kyi bu| kha rog de skad ma 'dri zhig /byang chub sems dpa' kun tu bzang pos gsol pa/ sems can mang po la sman par bgyid par 'gyur lags na/ bcom ldan 'das kyis bshad du gsol| bde bar gshegs pas bshad du gsol/ bcom ldan 'das kyis bka' stsal pa/ kun tu bzang po bshad kyi nyen cig /'khor rgya mtsho lta bu 'di lta bu dang / 'jam dpal </font><hr>491a<br><font size=+1>


@#/ /dang / spyan ras gzigs dbang phyug la sogs pa byang chub sems dpa' sems dpa' chen po grangs med dpag tu med pa thams cad yid la byed pa gzhan thong la| phyi ma'i tshe phyi ma'i dus na rab tu byung ba ci 'dra ba dag 'byung bar 'gyur ba de dag nyon cig /de nas bcom ldan 'das kyis byang chub sems dpa' kun tu bzang po la 'di skad ces bka' stsal to/ /kun tu bzang po/ rab tu byung ba dam pa'i chos sun 'byin pa/ khyim la chags pa/ rnyed pa la chags pa/ gtsug lag khang la chags pa/ gnas la chags pa/ lhung bzed dang chos gos la chags pa/ khyim sun par byed pa/ sdig pa'i chos kun tu spyod pa de dag 'byung ste/ kun tu bzang po/ mi gti mug pa de lta bu dag gi don du ngas mdo 'di yongs su gtad kyi/ mdo 'di nub par gyur ta re/ de nas phyogs bcu nas lha dang / klu dang / gnod sbyin dang / dri za thams cad lhags te bcom ldan 'das la 'di skad ces gsol to| |bcom ldan 'das/ bdag cag kyang thams cad 'dus shing tshogs te ji srid 'tsho'i bar dang / dam pa'i chos ji srid gnas kyi bar du chos kyi rnam grangs 'di yongs su bskyang bar bgyi'o| |chos smra ba'i dge slong de la yang yongs su bskyang bar bgyi'o/ /bsti stang du bgyi'o/ /btsun par bgyi'o/ /rim gro bgyi'o/ /mchod pa bgyi'o/ /brjod par bgyi'o/ /gsol ba </font><hr>491b<br><font size=+1>


bgyi'o| |de nas bcom ldan 'das kyis byang chub sems dpa' kun tu bzang po la sogs pa byang chub sems dpa' bye ba phrag dgu bcu rtsa gnyis po de dag la yang dag par skul ba'i tshigs su bcad pa 'di dag gsungs so/ /yon tan pha rol tu phyin pa de dag gi /yon tan kun bshad thams cad nga la nyon/ /nga rgyal rgyags dang bag med spang byos la/ /dga' zhing mgu ba'i yid kyis mnyan par gyis/ /ma ga d+ha 'dir shing dbang byang chub drung / /rang byung mi yi seng+ge bzhugs zhes grags/ /ting 'dzin rnam par thar pa mchog la gnas/ /shing rgyal chen po de yi drung na bzhugs/ /phyogs bcu zhing rdul snyed dang de thabs cig /skyes bu dam pa rnams kyis dpa' bo bskor/ /sangs rgyas phal chen zhes bya'o ting nge 'dzin/ /ting 'dzin de la mi yi dbang po gnas/ / mi dbang de ni snyoms par zhugs rtogs nas/ /'jam dpal gzhon nu shar gyi phyogs logs nas/ /sangs rgyas zhing bcu'i rdul snyed lhan cig tu/ /skyes bu dam pa rnams dang rgyal drung 'ongs| |de bzhin sbyar te phyogs bcu'i zhing kun nas/ /sangs rgyas sras po dpal zhes bya ba kun/ /phyogs bcu'i zhing rdul snyed dang lhan cig tu/ /skyes bu dam pa rnams dang lhags par gyur/ der 'dus gyur nas 'jig rten phan 'dod pa/ /'jam dpal grags pa mtha' yas ldan rnams la/ /sems can dam pa bzang po'i dpal gyis dris/ /sangs rgyas sras kyi spyod gang yon tan ci/ </font><hr>492a<br><font size=+1>


@#/ /de nas sems dpa' 'jam dpal zhes bya ba/ /rlog pa med pas byang chub yon tan dang / /bden yangs yon tan ldan gyi spyod yul gtsang / /sems can dam pa bzang po'i dpal la dris/ /sangs rgyas sras po rnams kyi spyod yul gtsang / /rgyal bas bsten pa bdag gis 'dir smras kyi/ /khyod kyang sangs rgyas sras kyi yon tan dang / /spyod pa gang dag yin pa brjod par gyis/ /bzang po'i dpal gyis smras pa rgyal sras nyon/ /yon tan mtha' yas ldan de'i yon tan las/ /dpe tshul cung zad tsam zhig brjod par bya/ /rgya mtsho'i thigs pa bzhin du shin tu chung / /byang chub gzhir gyur ba yi rang byung sems/ /thog ma nyid du bskyed pa gang yin pa/ /de yi yon tan bsngags pa mtha' yas te/ /mtshungs med kyis kyang yongs su brjod mi spyod/ /pha rol phyin dang sa yi yon tan rnams/ /bskal pa mang por spyad pa ci smos te/ /phyogs bcu'i rgyal ba kun gyis de dag gi /yon tan chu bo zad par mdzad mi spyod/ /yon tan mtha' yas rnams kyi yon tan las/ /dpe tshul cung zad tsam zhig brjod bya ste/ /mkha' la bya rjes 'dra bar chung ba dang / /sa chen rnams las rdul phran gcig dang mtshungs/ /byang chub yon tan gnas kyi sems skye ba/ /rgyu med ma yin gyi na ma yin gyi/ /rgyal dang rgyal ba'i chos dang dge 'dun la/ /dad dang dang ba bskyed nas </font><hr>492b<br><font size=+1>


sems skye ste/ /de ni 'dod dang longs spyod rgyal srid dang / /bdag la bde dang snyan dang grags phyir min/ /'gro ba'i sdug bsngal ma lus zhi bya'i phyir/ /'jig rten phan pa byed pa'i sems skye'o| |rtag tu sems can phan pa bya phyir dang / /zhing rnams sbyang dang sangs rgyas mchod pa dang / /chos yongs gzung dang sangs rgyas byang chub dang / /ye shes rnam par sbyang phyir sems de skye| |rgyal ba kun dang chos dang de bzhin du/ /'phags pa'i tshogs la rtag tu dad pa dang / /dang zhing mos dang gus pa rab bskyed nas/ /bla ma gus par mchod phyir sems de skye/ /rgyal dang rgyal ba'i chos la dad gyur cing / /sangs rgyas sras kyi spyod la dad byed la/ /byang chub bla na med la dad gyur nas/ /skyes bu chen po rnams kyi sems skye'o/ /dad pa'i stobs kyis mi bdag gyur pa rnams/ /bsam yas rgya chen mchod pas mchod byas shing / /chos dang de bzhin mi phyed dge 'dun la/ /bsam yas mchod pas mchod nas sems skye'o/ /dad pa sngon 'dren ma ltar skyed pa ste/ /yon tan thams cad srung zhing 'phel bar byed/ /dogs pa sel cing chu bo rnams las sgrol/ /dad pa bde ba'i grong khyer mtshon pa yin/ /dad pa rnyog pa med cing sems dang byed/ /nga rgyal spang zhing gus pa'i rtsa ba yin/ /dad pa gter dang nor dang rkang pa'i mchog /lag pa bzhin du dge sdud rtsa ba yin/ /dad pa yongs su gtong la dga' bar byed/ /dad pa </font><hr>493a<br><font size=+1>


@#/ /rgyal ba'i chos la rab dga' skyed/ /dad pa yon tan ye shes khyad par byed/ /sangs rgyas go 'phang ston cing thob par byed/ /dbang po rno zhing rab tu gsal bar byed| |dad pa'i stobs la gzhan gyis mi rdzi zhing / /nyon mongs rnam par sel ba'i gzhi rten yin/ /dad pa rang byung yon tan rnams kyang tshol/ /dad pa chags pa'i sgo la chags pa med| |mi dal spangs shing dal ba'i mchog cig yin/ /dad pa bdud kyi lam las 'da' byed cing / /thar pa'i lam mchog ston par byed pa yin/ /yon tan zhing gi sa bon ma rul pa| |dad pa byang chub zhing ni rnam par skyed/ /ye shes khyad par yon tan 'phel bar byed/ /dad pa rgyal ba thams cad ston pa yin/ /dad pas mos pa'i khyad par dga' rnams kyi/ /de la spyod pa rim gyis brjod par bya/ /'di 'dra'i chos ni 'jig rten rab dkon te/ /rgya mtsho'i nang na rin chen rgyal po bzhin/ /gang dag rtag tu sangs rgyas dad gus pa/ /de dag tshul khrims bslab pa yod mi 'dor/ /gang dag tshul khrims bslab pa mi 'dor ba/ /yon tan ldan de yon tan ldan pas bstod/ /tshul khrims byang chub sems bstod byed pa ste/ /slob pa'i sa yi yon tan rnams la sbyor/ /tshul khrims bslab pa 'dor bar mi byed pa/ /de dag rgyal bas bsngags pa'i 'os su 'gyur/ /gang dag rtag tu sangs rgyas dad gus pa/ /de dag rgyal la </font><hr>493b<br><font size=+1>


mchod pa rgya chen byed/ /gang dag rgyal la mchod pa che byed pa/ /de dag sangs rgyas dad pa bsam mi khyab/ /gang dag rtag tu chos la dad gus pa/ /de dag rgyal ba'i chos nyan ngoms pa med/ gang dag rgyal ba'i chos nyan mi ngoms pa/ /de dag chos la mos pa bsam mi khyab/ /gang dag rtag tu dge 'dun dad gus pa/ /de dag mi ldog dge 'dun dad pa yin/ /gang dag mi ldog dge 'dun rab dad pa/ /de dag dad pa'i stobs kyis mi ldog 'gyur/ /gang dag dad pa'i stobs kyis mi ldog pa'i/ /de dag dbang po rno zhing rab tu gsal/ /gang dag dbang po rno zhing rab gsal ba| |de dag sdig pa'i grogs po rnam par spangs/ /gang dag sdig pa'i grogs po rnam spangs ba/ /de dag chos ldan grogs kyis yongs su bzung / /gang dag chos ldan grogs kyis yongs bzung ba/ /de dag dge ba rgya chen gsog par byed/ /gang dag dge ba rgya chen gsog byed pa/ /bdag nyid chen po de dag rgyu stobs ldan/ /bdag nyid chen po rgyu stobs gang ldan pa/ /de dag mos pa'i khyad par rgya chen 'gyur/ /gang dag mos pa'i khyad par rgya che ba/ /de dag rgyal ba kun gyis rtag byin brlabs/ /gang dag rgyal ba kun gyis byin brlabs pa/ /de dag byang chub don du sems kyang skye| |gang dag byang chub don du sems skye ba/ /de dag drang srong chen po'i yon tan brtson/ /drang srong chen po'i yon tan gang brtson pa/ /de dag rigs mtho sangs rgyas rigs skyes pa/ </font><hr>494a<br><font size=+1>


@#/ /gang dag rigs mtho sangs rgyas rigs skyes pa/ /de dag mnyam zhing sbyor dang mi sbyor spangs/ /mnyam zhing sbyor dang mi sbyor gang spangs pa/ /de dag dad dang bsam pa rnam par dag /gang dag dad dang bsam pa rnam dag pa/ /de dag lhag pa'i bsam pa dam pa mchog /gang dag lhag bsam dam pa mchog ldan pa/ /de dag rtag tu pha rol phyin pa spyod| |gang dag rtag tu pha rol phyin spyod pa/ /de dag theg pa chen po 'di la zhugs/ /gang dag theg pa chen po 'dir zhugs pa/ /de dag sangs rgyas rnams la sgrub pas mchod/ /gang dag sgrub pas sangs rgyas mchod byed pa/ /de dag sangs rgyas rjes su dran mi phyed/ /gang dag sangs rgyas rjes dran mi phyed pa/ /de dag rtag tu sangs rgyas bsam yas mthong / /gang dag sangs rgyas bsam yas rtag mthong ba/ /de la nam yang sangs rgyas mi bzhugs min/ /gang dag nam yang sangs rgyas mi bzhugs min/ /de dag bar skabs chos las nyams mi 'gyur// gang dag bar skabs chos las mi nyams pa/ /de dag spobs pa sgrib pa med par 'gyur/ /gang dag spobs pa sgrib pa med gyur pa/ /de dag chos rab ston pa mtha' yas 'gyur/ /gang dag chos rab ston pa mtha' yas pa/ /de dag 'gro la byams shing phan par 'dod/ /gang dag 'gro la byams shing phan 'dod pa/ /de dag snying rje chen po'i rtsa ba brtan/ /gang dag snying rje </font><hr>494b<br><font size=+1>


chen po'i rtsa brtan pa/ /de dag chos dga' dga' ba'i dbang por 'gyur/ /gang dag chos dga' dga' ba'i dbang po can/ /de dag 'dus byas skyon gyis yal bar bor/ /gang dag 'dus byas skyon gyis yal bor ba/ /de dag nga rgyal rgyags med bag med min/ /gang dag nga rgyal rgyags med bag med min/ /de dag rtag tu bdag dang gzhan don brtson/ /gang dag rtag tu bdag gzhan don brtson pa| |de dag 'khor bar yongs su skyo ba med/ /gang dag 'khor bar yongs su mi skyo ba/ /de dag brtun pa dam pa mchog dang ldan/ /gang dag brtun pa dam pa mchog ldan pa/ /de dag mngon shes rnam par dag pa skyes/ /gang dag mngon shes rnam par dag skyes pa/ /de dag 'gro ba'i spyod pa mang po rtogs/ /gang dag 'gro ba'i spyod pa mang rtogs pa/ /de dag 'gro ba yongs su smin byed mkhas| |'gro ba yongs su smin byed gang mkhas pa/ /de dag 'gro ba sdud shes cho ga mkhas/ /'gro ba sdud shes cho ga su mkhas pa/ /de dag bsdu ba'i dngos po bzhi la brtson/ /gang dag bsdu ba'i dngos po bzhir brtson pa/ /de dag 'gro ba'i don ni mtha' yas byed/ /gang dag 'gro don mtha' yas byed gyur pa/ /de dag shes rab thabs la brten pa yin/ /gang dag shes rab thabs la brten gyur pa| |dpa' bo de dag bla med lam la gnas/ /dpa' bo gang dag bla med lam gnas pa/ /de dag bdud dpung rnams kyis yongs mi tshugs/ /gang dag bdud dpung rnams kyis mi tshugs pa/ / </font><hr>495a<br><font size=+1>


@#/ /de dag bdud kyi lam las rab tu 'das/ /gang dag bdud kyi lam las rab 'das pa/ /de dag mi ldog sa ni rjes su thob/ /gang dag mi ldog sa ni thob gyur pa/ /de dag mi skye bzod pa thob pa yin/ /gang dag mi skye bzod pa thob gyur pa/ /'jig rten sgron de rgyal bas lung bstan to/ /'jig rten sgron gang rgyal bas lung bstan pa/ /de dag rgyal ba kun dang mngon sum gnas/ /rgyal ba kun dang mngon du su gnas pa/ /de dag rgyal gsang rnam 'phrul cho ga mkhas/ /rgyas gsang rnam 'phrul cho ga su mkhas pa/ /de dag rgyal ba kun gyis dgongs pa yin| |gang dag rgyal ba kun gyis dgongs gyur pa/ /de dag yon tan kun gyis legs par brgyan/ /gang dag yon tan kun gyis legs brgyan pa/ /de dag bsod nams dam pas lus kyang sbyangs/ /bsod nams mchog gis gang lus rnams sbyangs pa/ /de dag gser gyi ri bo 'dra bar 'bar/ /gser gyi ri bo 'dra bar su 'bar ba/ /de dag sum cu rtsa gnyis mtshan rnams rdzogs/ /gang dag sum cu rtsa gnyis mtshan rdzogs pa/ /de dag lus rnams dpe byad bzang pos spras/ /gang dag lus rnams dpe byad bzang spras pa/ /de dag lus kyi 'od ni mtha' yas so/ /gang dag lus kyi 'od ni mtha' yas pa/ /de dag 'od zer bkod pa bsam mi khyab/ /gang dag 'od bkod bsam gyis mi khyab pa/ /de dag 'od las pad+ma rnams kyang </font><hr>495b<br><font size=+1>


'byung / /gang dag 'od las pad+ma rnams 'byung ba/ /de dag rgyal gzugs pad+ma'i gdan 'khod par/ /phyogs bcu'i 'jig rten dag tu ston byed cing / /don yod gnas pa sems can 'dul bar byed/ /gang dag rgyal gzugs pad+ma'i gdan 'khod par/ /phyogs bcu'i 'jig rten dag tu ston byed cing / /don yod gnas pa sems can 'dul byed pa/ /de dag mngon shes rnam 'phrul mtha' yas so/ /gang dag mngon shes rnam 'phrul mtha' yas pa/ /de dag bsam gyis mi khyab zhing rgyu zhing / /bsam gyis mi khyab chos rnams ston par byed/ /sems can bsam gyis mi khyab tshim par byed/ /gang dag bsam gyis mi khyab chos ston cing / /sems can bsam gyis mi khyab tshim byed pa/ /de dag so so rig shes stobs rnams kyis/ /bsam pa ji bzhin 'jig rten sems can 'dul/ /gang dag so so rig shes stobs rnams kyis/ /bsam pa ji bzhin 'jig rten sems can 'dul/ /de dag rtag tu lus dang ngag dang yid/ /ye shes sngon du 'gro zhing rjes su 'brang / /gang dag rtag tu lus dang ngag dang yid/ /ye shes sngon du 'gro zhing rjes 'brang ba/ /de dag smon lam stobs kyis ci 'dod par/ /sems can rgyud na gzugs ni ston par byed/ / gang dag smon lam stobs kyis ci 'dod par/ /sems can rgyud na gzugs ni ston byed pa/ /de dag tshig rnams rngod par byed pa'i tshe/ /dbyangs kyi yan lag bsam yas sgra 'byung ngo / /gang </font><hr>496a<br><font size=+1>


@#/ /dag tshig rnams rjod par byed pa'i tshe/ /dbyangs kyi yan lag bsam yas sgra 'byung ba/ /de dag 'gro ba ma lus kun gyi sems/ /skad cig gcig la sems kyis rnam par shes/ /gang dag 'gro ba ma lus kun gyi sems/ /skad cig gcig la sems kyis rnam shes pa/ /de dag nam yang mi 'chi skye mi 'gyur/ /nyon mongs rgyu ba'ang 'byung bar 'gyur ma yin/ /gang dag nam yang mi 'chi mi skye zhing / /nyon mongs rgyu ba 'byung bar mi 'gyur ba/ /de dag yon tan chos nyid ye shes lus/ /chos kyis rab tu phye bas 'jig rten rgyu/ /gang dag yon tan chos nyid ye shes lus/ /chos kyis rab phye 'jig rten rgyu byed pa/ /de dag sa bcu rnams dang dbang bcu dang / /pha rol phyin dang rnam thar mchog la gnas| |gang dag sa bcu rnams dang dbang bcu dang / /pha rol phyin dang rnam thar mchog gnas pa/ /de dag dbang bskur bkod dang rnam 'phrul dang / /ting 'dzin mchog la gnas pa rjes su thob/ /gang dag dbang bskur bkod dang rnam 'phrul dang / /ting 'dzin mchog la gnas pa rjes thob pa/ /de dag phyogs bcu'i rgyal ba thams cad las/ /dbang bskur thams cad ma lus nod par byed/ /gang dag phyogs bcu'i rgyal ba thams cad las/ /dbang bskur thams cad ma lus nod byed pa/ /de dag spyi bor phyogs bcu'i sangs rgyas kyis/ / </font><hr>496b<br><font size=+1>


phyag mthil bdud rtsi can gyis dbang bskur to/ /gang dag spyi bor phyogs bcu'i sangs rgyas kyis/ /phyag mthil bdud rtsi can gyis dbang bskur ba/ /mthu brtan de dag nam mkha' lta bur ni| |ma lus khyab byas phyogs rnams kun na gnas/ /mthu brtan gang dag nam mkha' lta bur ni/ /ma lus khyab byas phyogs rnams kun gnas pa/ /mtshungs med de dag spyod yul lhar bcas kyi/ /'jig rten rnams kyis shes par yod mi nus/ /mtshungs med gang dag spyod yul lhar bcas kyi/ /'jig rten rnams kyis shes par mi nus pa/ /de dag brtun pa kun dang mthong ba dang / /ming thos pa dang spobs pa don yod do/ /gang dag brtun pa kun dang mthong ba dang / /ming thos pa dang spobs pa don yod pa/ /skyes chen de dag sbyin pa sbyin byed kyi/ /sbyin pa thams cad don yod 'gyur ba yin/ /skyes bu dam pa de dag rnams kyi mthus/ /chos kyang gnas shing byams pa nyams mi 'gyur/ /dge ba'i las lam rab tu spyod 'gyur te/ /dkon mchog mthu yang dam pa mchog tu 'gyur/ /rdo rje mkhregs pa'i rin chen mchog yod pa/ /de yi mthu yis rgya mtshor rin chen rnams/ /mi zad mi 'grib 'phel bar mi 'gyur te/ /de bzhin yon tan mtha' yas yon tan chu/ /gang na sangs rgyas med pa'i zhing gyur ba/ /der ni byang chub rnam par sangs rgyas ston/ /phyogs rnams gang na chos kyang med gyur pa/ /phyogs der chos kyi gter </font><hr>497a<br><font size=+1>


@#/ /ni ston par byed/ /de dag rtog med rnam par mi rtog cing / /de dag lhun gyis grub par phyogs kun tu/ /zla ba lta bur snang ba rab ston cing / /thabs stong dag gis sems can 'dul bar byed/ /de nas skad cig re la phyogs bcu yi/ /'jig rten kun tu byang chub sangs rgyas ston/ /'khor lo bskor dang mya ngan 'das zhi dang / /ring bsrel rab tu rgyas pa'ang dpa' bo ston/ /mkhas pa de dag nyan thos rang rgyal sa/ /sangs rgyas bkod pa rnam 'phrul mtha' yas pa/ /bskal pa bsam mi khyab par ston byed cing / /theg gsum sgo nas sems can 'dul bar byed/ /mos pa kun gyis sgrub pa shes pa rnams/ /khye'u dang bu mo bud med lus rnams dang / /lha mi lha min klu dang gnod sbyin dang / /grul bum lto 'phye chen po'i gzugs rnams ston/ /rgya mtsho'i phyag rgya ting nge 'dzin gyi sgos/ /dpa' bo de dag 'gro ba'i gzugs spyod dang / /rtags dang spyod dang sgra skad 'jug pa dag /ji snyed thams cad ma lus ston par byed/ /de dag zhing bkod bsam gyis mi khyab pas/ /phyogs bcu'i rgyal ba kun la mchod pa byed/ /gang dag zhing bkod bsam gyis mi khyab pas/ /phyogs bcu'i rgyal ba kun la mchod byed pa/ /de dag 'od zer bkod pa bsam yas shing / /sems can 'grel ba'i ye shes mtha' yas so/ /gang dag </font><hr>497b<br><font size=+1>


'od zer bkod pa bsam yas shing / /sems can 'grel ba'i ye shes mtha' yas pa/ /de dag lus dang ngag gi rnam 'phrul dang / /yid kyis rnam par 'phrul ba bsam mi khyab/ /gang dag lus dang ngag gi rnam 'phrul dang / /yid kyi rnam 'phrul bsam gyis mi khyab pa/ /de dag sbyin dang tshul khrims rnam 'phrul dang / bzod dang brtson 'grus rnam 'phrul bsam mi khyab/ / gang dag sbyin dang tshul khrims rnam 'phrul dang / /bzod brtson rnam 'phrul bsam gyis mi khyab pa/ /de dag sangs rgyas phal chen ting 'dzin sgos/ /bsam gtan rnam par 'phrul dang shes rab dang / /thabs dang mngon shes rnam 'phrul bsam mi khyab/ /yon tan kun gyis rnam 'phrul mtha' yang yas/ /de dag phra rab rdul 'jug ting nge 'dzin/ /rdul rnams kun la mngon par sgrub byed cing / /rdul gcig steng na zhing rnams bsam mi khyab/ /ston par byed kyang rdul la 'phel ba med/ /rdul de'i steng du sangs rgyas bcu'i zhing dang / /sangs rgyas med pa'i zhing yang kha cig ston/ /nyon mongs rnam dag dog pa kha cig dang / /yangs shing phra dang che ba'i zhing yang ston/ /zhing rnams la la 'jig dang 'chags pa dang / /la la steng g.yogs med dang mthun pa dang / /la la 'chol ba smig rgyu lta bu dang / /la la mig 'phrul lta bur gyur pa rnams/ /ji ltar rdul gcig steng du ston byed pa/ /de bzhin rdul rnams ma lus kun la ston/ /drang srong ting </font><hr>498a<br><font size=+1>


@#/ /'dzin rnam 'phrul 'di 'dra ste/ /grags pa mtha' yas rnam thar 'di 'dra 'o/ /de dag rgyal mchod rnam 'phrul ting nge 'dzin/ /rgyal ba kun la mngon par sgrub byed cing / /lag pa'i mthil du stong gsum rgyas bkang ste/ /skyes bu chen po rnams la mchod pa byed/ /phyogs bcu dag na me tog phreng ba dang / /spos byug rin chen rin che ji snyed pa/ /de dag byang chub shing drung bzhugs pa yi/ /rgyal rnams mchod phyir lag pa'i mthil nas 'byin/ /gos dang phye ma rin chen ji snyed dang / /rgyal mtshan ba dan gdugs mchog sna tshogs dang / / gser gyis brgyan pa'i rin chen bla re rnams/ /de dag lag pa'i mthil nas char du 'bebs/ /phyogs bcu dag na yo byad mtha' yas gang / /drang srong chen po rnams la mchod 'os ba| |de dag lag pa'i mthil nas char 'bebs shing / /byang chub shing drung bzhugs pa'i rgyal ba mchod/ /phyogs rnams dag na rol mo ji snyed pa/ /rnga dang rdza rnga sgra snyan pi wang dang // sil snyan sgra dang sgra chen gling bu rnams/ /de dag lag pa'i mthil nas rab tu sgrog /phyogs bcu kun gyi dpe zla med rnams kyi/ /yang dag yon tan bsngags pa sna tshogs dang / / bstod pa'i tshigs bcad sgrub pa sna tshogs pa/ /de dag lag pa'i mthil nas rab tu sgrog /'od zer gang dag las dges yongs bsags pa/ /lag pa g.yas nas yongs su 'gyed </font><hr>498b<br><font size=+1>


byed cing / spos chus rgyal ba'i zhing rnams thams cad du/ /'debs shing 'jig rten sgron ma rnams la mchod/ /'od zer bkod dang ldan pa mdzes pa'i 'od/ /pad+ma'i rgyan phreng bsam yas rab 'chang ba/ /pad+ma mtshan rab gzugs can du ma dag /lag nas rgyal ba rnams la mchod pa byed/ /me tog phal chen me tog bla re dang / /me tog bkod pa'i 'od zer rab bkye ste/ /me tog sna tshogs kun tu bkram byas shing / /bdag nyid chen po de dag rgyal ba mchod/ /bdug pa phal chen bdug pa'i bla re dang / /bdug pa bkod pa'i 'od zer rab bkye ste/ /bdug pa sna tshogs kun tu bkram byas shing / /bdag nyid chen po de dag rgyal ba mchod/ /phal chen spos dang spos kyi bla re dang / /spos kyi bkod pa'i 'od zer rab bkye ste/ /sna tshogs spos rnams kun tu bkram byas shing / /bdag nyid chen po de dag rgyal ba mchod/ /phreng ba phal cher phreng ba'i bla re dang / /phreng ba bkod pa'i 'od zer rab bkye ste/ /phreng ba sna tshogs kun tu bkram byas shing / /bdag nyid chen po de dag rgyal ba mchod/ /phye ma phal chen phye ma'i bla re dang / /phye ma bkod pa'i 'od zer rab bkye ste/ /phye ma sna tshogs kun tu bkram byas shing / /bdag nyid chen po de dag rgyal ba mchod/ /na bza' phal chen na bza'i bla re dang / /na bza' bkod pa'i 'od zer rab bkye ste/ /na bza' sna tshogs kun tu bkram byas shing / /bdag nyid chen po de dag rgyal ba mchod/ /phal chen gdugs </font><hr>499a<br><font size=+1>


@#/ /dang gdugs kyi bla re dang / /gdugs kyi bkod pa'i 'od zer rab bkye ste/ /sna tshogs gdugs rnams kun tu bkram byas shing / /bdag nyid chen po de dag rgyal ba mchod/ /rin chen phal chen rin chen bla re dang / /rin chen bkod pa'i 'od zer rab bkye ste/ /rin chen sna tshogs kun tu bkram byas shing / /bdag nyid chen po de dag rgyal ba mchod/ / pad+ma phal chen pad+ma'i bla re dang / /pad+ma bkod pa'i 'od zer rab bkye ste/ /pad+ma sna tshogs kun tu bkram byas shing / /bdag nyid chen po de dag rgyal ba mchod/ /rgyan phreng phal chen rgyan phreng bla re dang / /rgyan phreng bkod pa'i 'od zer rab bkye ste/ /rgyan phreng sna tshogs kun tu bkram byas shing / /bdag nyid chen po de dag rgyal ba mchod/ /rgyal mtshan mchog bkod 'od zer rab bkye ste/ /de dag rgyal mtshan dkar dmar ser po dang / /sngo dang rgyal mtshan bkod pa sna tshogs pa/ /du mas rgyal ba'i zhing rnams brgyan par byed/ /nor bu'i dra ba sna tshogs bkod pa'i gdugs/ /dar gyi lnga ldi ba dan rab dpyangs shing / /dril g.yer dra ba rgyal ba'i gsung sgrog pa/ /de bzhin gshegs kyi dbu la de dag 'dzin/ /lag pa'i mthil nas mchod pa bsam yas rnams/ /rgyal ba gcig la de dag byed pa ltar/ /rgyal ba ma lus kun la de bzhin te/ /drang srong ting 'dzin rnam 'phrul de 'dra'o/ /de dag 'gro </font><hr>499b<br><font size=+1>


ba sdud pa'i ye shes kyis/ /rnam par 'phrul dang ting 'dzin mchog bsgrubs shing / /bya ba dag dang bsnyen bkur kun gyi sgo/ /thabs stong dag gis sems can 'dul bar byed/ /kha cig de bzhin gshegs pa mchod sgo dang / /sbyin pa bsam gyis mi khyab gtong sgo dang / /sbyangs pa'i yon tan tshul khrims kun sgo dang / /bzod pa mi bzod mi 'khrugs sgo dag dang / /kha cig brtul zhugs dka' thub brtson sgo dang / /bsam gtan rab tu zhi bar gnas sgo dang / /don la rnam nges shes rab sgo rnams dang / /spyod pa kun ldan thabs kyi sgo dag dang / /tshangs pa'i gnas pa dag dang mngon shes sgo/ /bsdu ba'i dngos pos phan par 'dod sgo dang / /bsod nams bsags dang ye shes sgo dag dang / /bden dang brten dang rnam par thar sgo dang / /kha cig stobs dang dbang po lam sgo dang / /nyan thos theg pas rnam par sgrol sgo dang / /skyen gyi theg pas rnam par dag sgo dang / /theg pa mchog gi rnam par 'phrul sgo dang / /kha cig mi rtag nyid dang sdug bsngal sgo/ /kha cig bdag med srog med sgo dag dang / /mi sdug 'du shes 'dod chags bral sgo dang / /zhi 'gog ting nge 'dzin gyi sgo yis 'dul/ /'gro ba'i spyod pa'i sgo rnams ji snyed pa/ /de snyed chos kyi sgo la rab zhugs te/ /de dag kun tu rnam thar sgo dag nas/ /bsam pa ji bzhin 'jig rten sems can 'dul/ /gang dag kun tu rnam thar </font><hr>500a<br><font size=+1>


@#/ /sgo dag nas/ /bsam bzhin 'jig rten sems can 'dul byed pa/ /de dag sus kyang mchan mar gzung mi nus/ /ting 'dzin rnam par 'phrul pa de 'dra 'o| |de dag dga' ba bkod pa'i ting 'dzin mchog /'gro ba thams cad yongs smin mthun byed pa/ /dga' bde spro ba rab dga' kun ldan pas/ /bsam pa bstan nas sems can 'dul par byed/ /gang du lo nyes 'jig rten yo byad gang / /bde byed thams cad rab tu dkon gyur pa/ /der ni kun gyis bsam bzhin bya ba yis/ /sbyin pa sbyin zhing 'gro ba'i don rnams byed/ /de dag zas skom mchog dang ro mchog dang / /gos dang bgo ba rin chen sna tshogs dang / /rgyal srid nor dang bdag phangs yongs gtong bas/ /sbyin la mos pa'i 'gro ba 'dul bar byed/ /brtan pa de dag mtshan mchog lus spras shing / /gos dang rgyan mchog bgos shing brgyan byas te/ /phreng bas spud cing spos kyis bskul ba yi| |gzugs rnams bstan pas sems can 'dul bar byed/ /mthong na dga' tshim rab tu dga' rnams la/ /blo mchog de dag gzugs mchog gzugs bzang ba/ / gzugs kyi dam pa yongs su ston byed cing / /gzugs la mos pa'i sems can 'dul bar byed/ /de dag ka la ping+ka'i sgra snyan dang / /khu byug ku nal ngang pa'i sgra skad dang / / </font><hr>500b<br><font size=+1>


rnga dang tshangs dang mi 'am ci yi sgras/ /mos pa kun la de bzhin chos kyang ston/ /stong phrag brgyad cu rtsa bzhi gang yin pas/ /rgyal ba gang dag 'gro ba'i don mdzad pa'i/ /chos kyi bye brag sgo mo de dag gis/ /bsam pa ji bzhin 'jig rten sems can 'dul/ /de dag bde dang sdug bsngal grogs kyang byed/ /don dang gnod pa'i grogs kyang de bzhin byed/ /bya ba kun la grogs su gyur byas shing / /grogs kyi sgo nas sems can 'dul bar byed/ /sdug bsngal gnod pa 'dus byas skyon gyi rnams/ /grogs kyi don du de dag bzod byed cing / /'gro ba kun la phan don bde don du/ /de dag grogs don gnod pa dang du len/ /gang na mngon 'byung med cing chos med de/ /dgon par 'gro dang thar pa mi dmigs pa/ /der ni rgyal srid 'byor pa rab spangs te/ /zhi ba'i yid kyis gnas med mngon par 'byung / /de dag khyim dang 'ching dang sred pa'i gnas/ /'gro ba thams cad yongs su dgrol ba'i phyir/ /'dod pa'i dga' ba kun la mi gnas par/ /mngon par byung zhing thar pa rab tu brjod/ /de dag spyod pa bcu rnams rjod byed cing / /skyes chen rnams kyi chos spyod gang yin dang / /drang srong rnams kyi spyod kun ma lus par/ /yongs su brjod cing 'gro ba'i don rnams byed/ /gang na sems can dpag med che ldan zhing / /bde bar ldan la nyon mongs chung yod pa/ /der ni rga bas </font><hr>501a<br><font size=+1>


@#/ /nyen cing nad bu can/ /bdag la dbang med 'chi ba'i dbang gyur ston/ /'dod chags 'bar zhing zhe sdang rab 'bar la/ /'jig rten gti mug me chen rab 'bar zhing / /rga dang na dang 'chi ba rab 'bar ba'i/ /'jig rten bstan nas sems can 'dul bar byed/ /de dag sangs rgyas stobs bcu brtson bzhi dang / /chos kyi khyad par bco brgyad rnams kyis kyang / /sangs rgyas che ba'i bdag nyid rjod byed cing / /sangs rgyas yon tan rnams kyis 'gro don byed/ /de dag kun brjod rdzu 'phrul rjes bstan pas/ / gzugs kyi byin rlabs stobs kyis thams cad du/ /de bzhin gshegs pa'i rdzu 'phrul ston byed cing / /rdzu 'phrul rnam par 'phrul pas sems can 'dul/ /de dag thabs tshul rnam pa sna tshogs kyis/ /'jig rten rgyu zhing 'gro ba'i don rnams byed/ /'jig rten mi chags chu la pad+ma bzhin/ /dga' zhing dad par byed la rnam par rgyu/ /de dag snyan mngags mkhan rgyal snyan dngags sbyor/ /gar mkhan rnga mkhan gyad dang rol mo mkhan/ /zhags mdzes rgyan phreng thogs shing gar byed dang / /sgyu ma mkhan po gzugs mang kun tu ston| |grong pa grong dpon kha lo sgyur bar 'gyur/ /de bzhin ded dpon tshong dpon khyim bdag 'gyur/ /rgyal po blon po mdun 'don pho nya dang / /sman pa 'jigs med bstan bcos </font><hr>501b<br><font size=+1>


cho ga mkhas/ /de dag dgon par ljon shing chen por 'gyur/ /sman dang rin chen mi zad gter rnams dang / /yid bzhin nor bu 'dod sbyin sdong po dang / /lam gol dong ba rnams la lam ston 'gyur/ /'jig rten byung nas mi ring shes gyur cing / /sems can las kyi tshul rnams mi shes pa/ /de dag kun la rmos chos tshong thabs dang / /sna tshogs bzo rnams 'jig rten rjod par byed/ /'tshe med gnod pa med pa'i sbyor ba gang / /sems can bde byed mkhas pas rab bsngags pa/ /rig stobs sman dang bstan bcos sna tshogs kun/ /drang srong de dag rnams kyis rab tu brjod/ /gang la lhar bcas 'jig rten mos 'gyur ba/ /drang srong spyod mchog dam pa gang yin dang / /brtul zhugs dka' spyad dka' thub mchog kun kyang / /mkhas pa de dag rnams kyis rab tu brjod/ /de dag spyod can kun rgyu mu stegs can/ /gdung ba gau ta ma dang mi smrar spyod/ /gcer bu gos med lhur lan dge sbyong la/ /mu stegs can gyi slob dpon mkhas par ston/ /de dag kun tu 'tsho ba'i chos 'dzin dang / /bla na yod dang bla na med rnams dang / /ral pa ring dang gzhon nu'i brtul zhugs can/ /de dag tu yang slob dpon 'gyur ba yin| |nyi ma'i rjes lta dka' thub lnga ldan dang / /khyi dang ba lang brtul zhugs ri dwags spyod/ /gle'u can dag dang mu stegs sum cu pa/ /de dag tu yang de dag slob dpon 'gyur/ / </font><hr>502a<br><font size=+1>


@#/ /lha yi shes la 'jug pa dga' rnams dang / /mu stegs nye reg yul du rgyu rnams su/ /rtsa ba 'bras bu chu spyod gyur nas kyang / /bsam yas chos la de dag dam pa mchog /tsog pur 'dug dang gcig pu rgyu ba dang / /tsher ma rtswa dang thal bar nyal ba dang / /gang dag gtun shing mal can gnas pa dang / /de dag tu yang de dag slob dpon 'gyur/ /phyi rol mu stegs can rnams ji snyed pa/ /de dag bsam pa mos pa rtogs byas shing / /bsnyen dka' mi zad drag shul dka' thub kyis/ /mu stegs can gyi sdug bsngal spang bar 'dul/ /'jig rten lta bas 'khrugs pa shes byas nas/ /lta ba ngan la gnas pa'i mu stegs can/ /kun la phra ba'i gzhi dang thabs tshul gyis/ /de dag rnams la bden pa ston par byed/ /la lar 'gro lding ba yi sngags kyi gzhi/ /shin tu gsang ba'i gzhi yis bden pa ston/ /la la dag la gsal zhing drang tshig gis/ /la la dag la lha yi gsang tshig gis/ /la la dag la yi ge dbye tshig dang / /don la rnam nges rdo rje'i tshig rnams dang / /rgol ba 'dul ba shes pa'i tshig rnams dang / /bstan bcos thub med thar pa'i tshig rnams kyis/ /la la dag la mi skad tshig rnams dang / /kun la 'jug pa'i tshig nges tshig rnams kyis/ /la la dag la lha tshig nges tshig dang / /klu yi nges </font><hr>502b<br><font size=+1>


tshig gnod sbyin nges tshig gis/ /la la srin po 'byung po sha za dang / /dri za grul bum lto 'phye che tshig dang / /mi ci lha min mkha' lding tshig rnams kyis/ /bden pa bstan cing thar par 'dren pa byed/ /de dag bden dang dres tshig tshul shes te/ /de ltar rgyal pa'i chos rnams ma lus pa'i/ /chos nyid bsam yas tshig lam shes pas ston/ /de dag ting 'dzin rnam 'phrul de 'dra 'o/ //bsam po bzhi pa ste/ /tha ma/ de dag 'gro bde mchog gi ting nge 'dzin/ /'gro ba kun la mngon par sgrub byed cing / /'od zer bsam gyis mi khyab rab bkye ste| |'od zer bkye nas sems can 'dul bar byed/ /mthong na legs pa'i 'od zer rab gtong zhing / /sems can ji snyed 'od zer de shes pa/ /de dag mthong legs don med ma yin te/ /bla na med pa'i ye shes mchog gi rgyu/ /mi rnams kun la sangs rgyas yongs bstan cing / /chos kyang yongs su bstan te lam bstan cing / /rgyal ba'i sku gzugs mchod rten bstan byas pas/ /des na mthong legs 'od zer grub par 'gyur/ /lha yi 'od zer zil gyis gnon pa yi/ /'od zer 'od byed ces bya ba gtong zhing / /rdul dang mun pa thams cad bsal byas te/ /'jig rten phan pa'i 'od de rab tu snang / /sems can gang dag 'od des bskul byas pa/ /de dag rgyal ba mchod phyir sgron ma 'dzin/ /de dag rgyal ba mchod phyir </font><hr>503a<br><font size=+1>


@#/ /sgron bzung bas/ /'jig rten sgron ma mdzad pa'i rgyal bar 'gyur/ /'bru mar mar me mar gyi mar me dang / /rtswa shing 'dam bu 'od ma'i sgron ma dang / /spos dang bcud len rin chen sgron ma dag /rgyal ba rnams la phul nas 'od byed thob/ /sgrol zhes bya ba'i 'od zer rab gtong zhing / /sems can gang dag 'od des bskul byas pa/ /de dag sred yangs srid pa'i rgya mtsho las/ /sems can bsgral ba'i don du go cha gyon/ /gang dag sred yangs srid pa'i rgya mtsho las/ /sems can bsgral ba'i don du go gyon pa/ /de dag chu bo bzhi las rab tu sgrol/ /mya ngan med pa bde ba'i grong khyer ston/ /stegs dang zam pa du ma byas pa dang / /chu klung lam la sgrol ba'i gru 'byin te/ /'dus byas sun byung zhi ba bsngags byas pas/ /des na sgrol ba'i 'od zer grub par 'gyur/ /skom pa sel ba'i 'od zer rab gtong zhing / /sems can gang dag 'od des bskul byas pa/ /'dod pa'i yon tan sgom pa rab spangs shing / /chos la mos pa'i ro ni don du gnyer/ /'dod pa'i yon tan skom pa rab spangs te/ /chos mos ro la don du gnyer gyur pas/ /bdud rtsi'i char pa 'bebs pa'i sangs rgyas 'gyur/ /'jig rten skom pa'i sred pa rnam par sel/ /rdzing dang chu klung khron pa chu dong dang / /mtsho rnams byang chub don du byed btsud de/ /'dod pa smad </font><hr>503b<br><font size=+1>


cing bsam gtan bsngags byas pas/ /des na sred pa sel ba grub par gyur/ /dga' bar byed pa'i 'od zer rab gtong zhing / /sems can gang dag 'od des bskul byas pa/ dga' bas rgyas shing byang chub mchog don du/ /rang byung 'gyur bar bya zhes sems bskyed do/ /thugs rje ldan pa'i sku gzugs mtshan brgyan pa/ /pad+ma'i gdan la bzhugs pa rnams byas shing / /rtag tu sangs rgyas yon tan rnams brjod pas/ /des na dga' byed 'od zer grub par gyur/ /mgu bar byed pa'i 'od zer rab gtong zhing / /sems can gang dag 'od des bskul byas pa/ /rtag tu sangs rgyas la ni dga' mgu zhing / /chos la dga' mgu dge 'dun dga' mgu 'o/ /de dag rtag tu sangs rgyas dga' mgu zhing / /chos la dga' mgu dge 'dun dga' mgu nas/ /sangs rgyas chos dang 'phags pa'i tshogs rnams dang / /rtag tu 'grogs thob bzod pa bla med thob/ /sangs rgyas rjes dran chos dang tshogs mchog la/ /sems can mang po bskul cing dran byas la/ /byang chub sems kyi yon tan rab brjod pas/ /des na mgu byed 'od zer grub par gyur/ /bsod nams bsags pa'i 'od zer rab gtong zhing / /sems can gang dag 'od des bskul byas pa/ /bla na med pa'i byang chub don gnyer cing / /sbyin pa sna tshogs du ma sbyin par byed/ /gtan pa med pa'i mchod sbyin </font><hr>504a<br><font size=+1>


@#/ /de byed tshe/ /slong ba rnams kyi bsam pa rdzogs byas te/ /bsam pa thams cad sbyin pa byin byas pas/ /bsod nams bsags pa'i 'od zer grub par gyur| |ye shes ldan pa'i 'od zer rab gtong zhing / /sems can gang dag 'od des bskul byas pa/ /chos gcig sgo mo nas ni du ma yi/ /chos kyi sgo rnams yud kyis khong du chud| |chos kyi dbye ba sems can 'dzin btsud de/ /don la nges pa'i ye shes rnam phye zhing / /chos kyi tshig don brjod pa byas pas na/ /des na ye shes ldan de'i 'od zer grub| |shes rab sgron ma'i 'od zer rab gtong zhing / /sems can gang dag 'od des bskul byas pa/ /stong pa bdag med ma skyes ma byung zhing / /rang bzhin med pa'i chos la rab tu 'jug /bdag po med chos stong pa byed med pa/ /sgyu ma smig rgyu chu zla mtshungs 'dra zhing / /rmi lam mtshungs la gzugs brnyan 'dra ba dag /bstan pas shes rab sgron ma de grub po/ /chos kyi rnam 'phrul 'od zer rab gtong zhes/ /sems can gang dag 'od des bskul byas pa/ /mi zad mdzod kyi gzungs ni thob gyur nas/ /de bzhin gshegs pa kun gyi mdzod kyang 'dzin/ /chos 'dzin rnams la yongs su phan btags te/ /drang srong rnams la chos kyis bsrungs byas shing / /'gro ba chos kyis rjes su bzung byas pas// </font><hr>504b<br><font size=+1>


chos kyi rnam 'phrul 'od zer grub par gyur/ /gtong dang ldan pa'i 'od zer rab gtong zhing / /sems can 'jungs pa gang dag des bskul pas/ /longs spyod mi rtag mi brtan shes gyur nas/ /de dag rtag tu gtong la dga' mos 'gyur/ /ma dul gdul dka'i sems can ser sna can/ /nor rnams rmi lam sprin dang 'drar shes nas/ /dga' ba'i yid kyis sbyin pa spel byas pas/ /des na gtong dang ldan pa'i 'od grub bo/ /yongs su gdung med 'od zer rab gtong zhing / /khrims 'chal sems can gang dag des bskul ba/ /tshul khrims rnam par dag la gnas gyur nas/ /rang byung 'gyur bar bya zhes sems bskyed do/ /dag ba'i las lam yongs su dag pa dang / /tshul khrims la yang sems can mang 'dzud cing| |byang chub sems kyang yang dag 'dzin 'jug pas/ /yongs gdung med pa'i 'od zer de grub bo/ /bzod pa bkod pa'i 'od zer rab gtong zhing / /mi bzod sems can gang dag des bskul ba/ /khro dang tha ba nga rgyal yongs spangs shing / /de dag rtag tu bzod mos dga' bar 'gyur/ /sdig ldan rnams kyi nyes byas bzod byas te/ /byang chub don du 'khrugs pa ma byas shing / /bstod pa'i yon tan rtag tu bsngags brjod pas/ /des na bzod pa bkod pa de grub bo/ /sbyangs dang ldan pa'i 'od zer rab gtong zhing / /le lo'i sems can kyi </font><hr>505a<br><font size=+1>


@#/ /gang dag des bskul ba/ /rigs par brtson pa dkon mchog gsum rnams la/ /sbyor ba skyon med mchod pa byed par 'gyur/ /rigs par brtson pa dkon mchog gsum rnams la/ /sbyor ba skyo ba med pas mchod byas nas/ /de dag bdud bzhi'i lam las rab 'das te/ /byang chub bla med myur du reg par 'gyur/ /sems can mang po brtson 'grus 'dzin bcug ste/ /dkon mchog gsum la mchod pa rab byas nas/ /zad pa'i dus na dam chos yongs bzung bas/ /des na sbyangs dang ldan pa'i 'od thob bo| |zhi bar byed pa'i 'od zer rab gtong zhing / /rnam 'khrugs sems can gang dag des bskul pa/ /de dag chags med sdang med rmongs med cing / /rtogs par gyur nas mnyam bzhag sems su 'gyur/ /sdig pa'i grogs po skyon ldan spyod can dang / /'dre ba yongs su rnam par spangs byas te/ /dgon pa rab zhi bsam gtan bsngags brjod pas/ /des na zhi bar byed pa'i 'od grub bo/ /shes rab bkod pa 'od zer rab gtong zhing / /shes 'chal sems can ji snyed des bskul ba/ /bden dang rten dang rnam thar tshul rnams dang / /dbang po shes pa rtogs par khong chud 'gyur/ /bden dang rten dang rnam thar tshul rnams dang / /dbang po shes pa rtogs par khong chud cing / /nyi ma'i sgron </font><hr>505b<br><font size=+1>


me'i ting 'dzin thob gyur nas/ /shes rab snang bar mdzad pa'i rgyal bar 'gyur/ /rgyal srid nor dang bdag phangs yongs btang ste/ /byang chub don du chos gang btsal byas pas/ /chos de gus par byas nas rab bshad pas/ /shes rab bkod pa'i 'od zer de grub bo/ /sangs rgyas ldan pa'i 'od zer rab gtong zhing / /sems can gang dag 'od des bskul byas pa/ / sangs rgyas stong phrag du ma bsam yas rnams/ /pad+ma dam pa rnams la bzhugs par mthong / /sangs rgyas che dang sangs rgyas rnam thar dang / /sangs rgyas rnam 'phrul mtha' yas brjod byas shing / /sangs rgyas stobs dang rdzu 'phrul rab brjod pas/ /des ni sangs rgyas ldan pa'i 'od grub bo/ /mi 'jigs sbyin pa'i 'od zer rab gtong zhing / /'jigs nyen sems can gang dag des reg pa/ /'byung po gza' dang gsad brdeg bcing ba dang / /nad 'go 'jigs pa kun las thar par 'gyur/ /mi 'jigs sbyin pas sems can gang bskyabs dang / /srog chags bsod las bzlog pa byas pa dang / /'jigs pa skyabs tshol rnams la bskyabs byas las/ /mi 'jigs sbyin pa'i 'od zer des grub bo/ /bde ba kun byed 'od zer rab gtong zhing / /nad pa na ba gang dag des reg pa/ /rnam pa kun tu nad kyi sdug bsngal thar/ /bsam gtan ting 'dzin bde ba rnams kyang thob/ /nad gsos 'bras </font><hr>506a<br><font size=+1>


@#/ /bu sman dang rtsa ba dang / /rin chen bcud len spos dang byug pa dang / /bu ram sbrang rtsi 'o ma mar dag dang / /'bru mar zas skom byin pas de thob bo/ /sangs rgyas ston pa'i 'od zer rab gtong zhing / /tshe zad tha mar gang dag des bskul ba/ /sangs rgyas rjes dran sangs rgyas mthong bar 'gyur/ /de dag shi 'phos sangs rgyas bzhugs shing 'gro/ 'chi ba'i dus su sangs rgyas dran byas te/ /dga' byed rgyal ba'i sku gzugs bstan byas shing / /'chi khar sangs rgyas skyabs su btang brjod pas/ /sangs rgyas ston pa'i 'od zer de thob bo/ /chos rab brjod pa'i 'od zer rab gtong zhing / /sems can gang dag 'od des bskul byas pa/ /chos nyan klog cing yi ger 'bri ba byed/ /de dag rtag tu chos la dga' mos 'gyur/ /chos kyi mu ge byung tshe chos brjod de/ /chos tshol rnams kyi bsam pa rdzogs byas shing / /'dun pa bskyed de chos la brtson gyis zhes| |brjod pas chos rab brjod pa de thob bo/ /sangs rgyas sras rnams yongs su bskul ba'i phyir/ /dbyangs dang ldan pa'i 'od zer rab gtong zhing / /'jig rten gsum na sgra rgyud ji snyed pa/ /kun kyang de bzhin gshegs pa'i gsung du thos/ /gsang bstod sgra yis drang srong che bstod de/ /rgyal ba'i gsung sgra don tu sil snyan dang / /sgra chen </font><hr>506b<br><font size=+1>


dril bu sbyin rnams 'gro kun la/ /rab tu bsgrags pas dbyangs ldan 'od grub bo/ /'chi med sbyin pa'i 'od zer rab gtong zhing / /sems can gang dag 'od des bskul byas pas/ / bag med spyod pa thams cad rab spangs te/ /yon tan kun la brtson pa nyams su len/ /'dus byas rtag tu bde ba med pa ste/ /sdug bsngal 'tshe ba du mas yongs su gang / /'gog pa rtag tu bde zhing zhi skyed ces/ /brjod pas 'chi med sbyin pa de thob po/ /khyad par ldan pa'i 'od zer rab gtong zhing / /sems can gang dag 'od des bskul byas pa/ /rgyal ba rnams kyi tshul khrims khyad par dang / /ting 'dzin khyad par shes rab khyad par thos/ /thub chen rgyal po'i khrims kyi mchog gyur cing / /ting 'dzin mchog dang shes rab mchog gyur ces/ / byang chub don du bstod cing bsngags brjod pas/ /des na khyad par ldan pa'i 'od grub bo/ /rin chen bkod pa'i 'od zer rab gtong zhing / /sems can gang dag 'od des bskul byas pa/ /rin chen mi zad gter rnams thob gyur nas/ /drang srong che la rin chen dam pas mchod/ /rgyal dang rgyal ba'i mchod rten rin chen phul/ /skye bo nyon mongs rin chen rnams kyis bsdus/ /rgyal ba rnams la rin chen rab phul bas/ /rin chen bkod pa'i 'od zer grub par gyur/ /spos rab snang ba'i 'od zer rab gtong zhing / /sems </font><hr>507a<br><font size=+1>


@#/ /can gang dag 'od des bskul byas pa/ /mi la med spos yid 'ong tshor gyur nas/ /sangs rgyas yon tan rnams la nges par 'gyur/ /mi dang lha yi spos dang byug pa yis/ /mi yi gtso la mchod pa rab byas te/ /spos las rgyal ba'i gzugs dang mchod rten dag /byas pas spos rab snang ba de grub bo/ / sna tshogs bkod pa'i 'od zer rab gtong zhing / /rgyal mtshan ba dan gdugs mchog sna tshogs dang / /sil snyan bsgrags shing spos kyis bdugs pa yis/ /pho brang dam pa mdzes byas me tog bkram/ /sil snyan dag gis rgyal ba rnams bsu zhing / /me tog byug pa bdug spos phye ma dang / /rgyal mtshan pa dan gdugs mchog rnams kyis mchod/ /des na sna tshogs bkod pa grub par 'gyur/ /shin tu dang byed 'od zer rab gtong zhing / /sa rnams lag mthil bzhin du gnas par byed| |mchod rten drang srong gnas rnams sbyangs byas pas/ /des na shin tu dang byed 'od grub po/ /sprin dang ldan pa'i 'od zer rab gtong zhing / /spos kyi char 'bebs sprin rnams kun tu gnas/ /mchod rten 'khor sar spos kyi chus btab pas/ /sprin dang ldan pa'i 'od de rab tu thob/ /lhab lhub bkod pa'i 'od zer rab gtong zhing / /gcer </font><hr>507b<br><font size=+1>


bu gos yod rgyan dang ldan par gyur/ /gos dang bgo ba rgyan phreng sna tshogs dag /sbyin pa byas pas lhab lhub bkod pa grub/ /ro mchog ldan pa'i 'od zer rab gtong zhing / / bkres pa kha zas ro mchog thob par 'gyur/ /zas dang skom dang ro mchog sna tshogs rnams/ /byin pas ro mchog ldan pa'i 'od grub bo/ /nor rnams ston pa'i 'od zer rab gtong zhing / /dbul po dag gis rin chen gter rnams 'thob/ /dkon mchog gsum la gter bzhi'i mi zad pa/ /dbul ba byas pas nor ston 'od thob bo/ /mig rnams sbyong ba'i 'od zer rab gtong zhing / /de tshe long ba sna tshogs gzugs rnams mthong / /rgyal ba dag dang rgyal ba'i mchod rten la/ /mar me phul bas mig sbyong 'od zer grub/ / rna ba rnams sbyong 'od zer rab gtong zhing / /rna ba nyams pas sgra mang thos par 'gyur/ /rgyal ba rnams dang rgyal ba'i mchod rten la/ /sil snyan phul bas rna sbyong 'od zer grub| |sna rnams sbyong ba'i 'od zer rab gtong zhing / /sngon chad mtshor dri zhim tshor bar 'gyur/ /rgyal ba rnams dang rgyal ba'i mchod rten la/ /spos rab phul bas sna sbyong 'od zer grub/ /lce rnams sbyong ba'i 'od zer rab gtong zhing / /sgra snyan yid 'ong rnams kyis sangs rgyas bstod/ /mi snyan brlang bar smra ba rnam spangs te/ /'jam par </font><hr>508a<br><font size=+1>


@#/ /smras pas lce sbyong 'od zer grub/ /lus rnams sbyong ba'i 'od zer rab gtong zhing / /dbang po nyams pa dbang po ldan par 'gyur/ /rgyal ba rnams dang rgyal ba'i mchod rten la/ /lus btud byas pas lus rnams sbyong ba thob/ /sems rnams sbyong ba'i 'od zer rab gtong zhing / /smyos pa thams cad sems dang ldan par 'gyur/ /ting 'dzin dbang rjes sems 'gro byas pas na/ /sems rnams sbyong ba'i 'od zer de grub bo/ /gzugs rnams sbyong ba'i 'od zer rab gtong zhing / /mi dbang rnams kyi bsam yas sku mthong ste/ /sku gzugs ri mo sna tshogs mang po dang / /mchod rten brgyan byas gzugs sbyong 'od grub bo/ /sgra rnams sbyong ba'i 'od zer rab gtong zhing / /sgra ni sgra min stong par rab tu shes/ /rkyen las byung bas brag ca 'dra 'o zhes/ /sgra rnams bstan pas 'od zer de grub po/ /dri rnams sbyong ba'i 'od zer rab gtong zhing / /dri nga thams cad dri zhim mchog tu 'gyur/ /spos rab mchog chus rgyal ba'i mchod rten dag /khrus byas byang chub zhing gi 'od de yin/ /ro bro sbyong ba'i 'od zer rab gtong zhing / /dug can dug med ro yi mchog tu 'gyur/ /sangs rgyas nyan thos bcas dang pha ma la/ /ro mchog thams cad phul ba'i 'od de </font><hr>508b<br><font size=+1>


yin| |reg rnams sbyong ba'i 'od zer rab gtong zhing / /reg na rtsu ba pa 'jam zhing bde bar 'gyur/ /mdung thung rtse gsum ral gri mda' chen char/ /phreng ba 'jam pa pad+ma ut+pal 'gyur| |bcos bu'i ras mang 'jam zhing reg bde rnams/ /rgyal ba rnams kyi gshegs bshul bting bkram ste/ /me tog byug pa na bza' 'jam rnams dang / /phreng ba bla re phul ba'i 'od de yin/ /chos rnams sbyong ba'i 'od zer rab gtong zhing / /'jig rten phan mdzad rgyal ba thams cad kyi/ /spu rnams kun nas chos rnams bsam mi khyab/ /byung ba thos nas mos pa thams cad tshim/ /rkyen las byung bas ma skyes ngo bo nyid/ /rgyal ba rnams kyi sku ni chos sku ste/ /chos nyid mkha' bzhin rtag tu gnas so zhes/ /brjod pas chos rnams sbyong ba thob par 'gyur/ /'od zer sgo mo de dag la sogs pa/ /drang srong rnams kyi spu yi sgo gcig nas/ /'od zer gang+gA'i bye ma snyed 'byung ste/ /kun kyang las sbyor tha dad tshul can no/ /ji ltar de dag spu yi sgo gcig nas/ /'od zer gang+gA'i bye ma snyed 'byung ba/ /ma lus spu rnams kun nas de bzhin te/ /drang srong ting 'dzin rnam 'phrul 'di 'dra'o/ / yon tan gang gis 'od zer gang grub pa'i/ /yon tan de grogs sngon chad gang gyur pa/ /de dag nyid las 'od zer rab 'byung ste/ /drang srong ye shes rnam 'phrul 'di 'dra'o/ /de </font><hr>509a<br><font size=+1>


@#/ /dag bsod nams sngon grogs gang yin la/ /rjes su yi rang gsol ba sus btab dang / /gang gis mthong ste dge ba bsags gyur pas/ /de dag kun gyis 'od zer de dag shes/ /gang dag bsod nams byas shing dge bsags dang / /gang dag yang yang sangs rgyas rnams mchod cing / /sangs rgyas yon tan 'dun te don gnyer ba/ /de dag kun la 'od zer de dag skul/ /dper na dmus long nyi ma mi mthong yang / /de med ma yin 'jig rten kun tu 'char/ /mig dang ldan pas shar bar shes gyur nas/ /kun kyang rang rang so so'i las la 'jug /de bzhin skyes chen 'od zer de dag kun/ /rab tu 'byung yang log pas nyen gyur cing / /mos nyams phal pa rnams kyis mi mthong ste/ /blo gros yangs pa rnams la de dag mod/ /dper rgyan nor bu bzhon pa gzhal med khang / /bcud kyis len dang rin chen byug pa spos| |de dag skye bo che la yod mod kyi/ /phongs par gyur pa rnams la de dag med/ /de bzhin skyes chen 'od zer de dag mod/ /de dag yod kyang log par nyen gyur cing / / mos pa nyams pa rnams kyis mi mthong ste/ /blo gros yangs pa rnams la de dag mod/ /gang dag 'od zer dbye ba 'di thos nas/ /dad cing mos la dang ba skyes gyur na/ /bdag ni </font><hr>509b<br><font size=+1>


yon tan che rgyur mi 'gyur zhes/ /de dag dogs dang som nyi mi skyed do/ /de dag g.yog 'khor bkod pa rnam 'phrul ba/ /ting 'dzin dam pa mngon par sgrub byed cing / /phyogs bcu kun tu do zla med rnams kyis/ /zham ring sangs rgyas sras rnams ston par byed/ /'od bkod de dag pad+ma sna tshogs pa/ /stong gsum tshad tsam byin gyis brlabs byas nas/ / skyil krung bcas pa'i lus kyis kun khyab ston/ /ting 'dzin rnam par 'phrul ba 'di 'dra 'o/ /de dag zhing bcu'i rdul snyed pad+ma gzhan/ /'khor dang bcas pa byin gyis brlabs byas shing / /sangs rgyas sras kyis thams cad yongs su bskor/ /de dag ting 'dzin ting 'dzin med par gnas/ /drang srong de yis sems can gang dag rnams/ /yongs su smin byas sangs rgyas legs bsgrubs pa/ /de dag pad+ma chen po de bskor cing / /kun kyang thal mo sbyar nas lta zhing 'khod/ /gang dag ting 'dzin gnas par rab zhugs pa/ /skyes chen rnams kyi chos nyid 'di yin te/ /rang gi slob mas kun kyang yongs bskor nas/ /skar ma'i tshogs kyis zla ba bskor ba bzhin/ /de dag ji ltar phyogs gcig rab 'jug cing / /zham ring sangs rgyas sras rnams ston byed pa/ /de bzhin phyogs rnams ma lus kun tu ston/ /ting 'dzin rnam par 'phrul pa 'di 'dra 'o/ /de dag phyogs kyi dra ba khyab gnas pa'i/ / </font><hr>510a<br><font size=+1>


@#/ /ting 'dzin dam pa mngon par sgrub byed cing / /kha cig mnyam bzhag kha cig ldang bar yang / /phyogs rnams kun tu rang gi lus ston to/ /de dag shar gyi phyogs su mnyam bzhag cing / /nub kyi phyogs nas dpa' bo rnam par ldang / /nub kyi phyogs su mnyam par bzhag gyur cing / /bdag nyid chen po shar gyi phyogs nas ldang / / de bzhin phyogs bcu rnams su rab tu 'jug /gzhan gyi phyogs su mnyam par bzhag gyur la/ /ye shes yon tan phyug po gzhan nas ldang / /drang srong ting 'dzin rnam 'phrul 'di 'dra'o/ /shar phyogs sangs rgyas zhing rnams gang yin pa/ /grangs med ma lus dag na rang byung ba/ /de dag spyan sngar zhabs drung de dag rnams/ /zhi ba'i ting nge 'dzin la gnas par snang / /phyogs der mnyam par bzhag pa bstan byas nas/ /dpa' bo nub kyi zhing rnams ma lus par/ /rnam par ldang zhing mngon sum rgyal kun la/ /mchod pa du ma rab tu byed par snang / /nub phyogs sangs rgyas zhing rnams gang yin pa/ /grangs med ma lus dag na bzhugs sangs rgyas/ /de dag spyan sngar zhabs drung de dag rnams/ / zhi ba'i ting nge 'dzin la gnas par snang / /phyogs der mnyam par bzhag par bstan byas nas/ /dpa' bo shar gyi zhing rnams ma lus par/ /rnam par ldang zhing mngon sum </font><hr>510b<br><font size=+1>


rgyal kun la/ /mchod pa du ma rab tu byed par snang / /de bzhin phyogs bcu dag gi zhing rnams su/ /phyogs rnams ma lus kun tu brtan pa 'jug /kha cig mnyam bzhag kha cig langs gyur cing / /'jig rten sgron ma rnams la mchod byed snang / /de dag mig gi lam la mnyam bzhag cing / /gzugs kyi lam las bdag nyid chen po ldang / /gzugs rnams bsam gyis mi khyab ston pa na/ /de la lhar bcas 'jig rten rmongs par 'gyur/ /gzugs kyi lam la mnyam par bzhag gyur la/ /mig ni ma skyes ma byung rang bzhin te| |stong pa byed pa med par rab ston cing / /mig gi lam nas dran ldan rnam par ldang / /de dag rna ba'i lam la mnyam bzhag cing / /sgra yi lam nas bdag nyid chen po ldang / / gang la lhar bcas 'jig rten rmongs 'gyur ba/ /sgra dang skad rnams kun la rab tu zhugs/ /sgra yi lam la mnyam par bzhag gyur cing / /rna ba ma skyes ma byung rang bzhin te/ /stong pa byed pa med par rab ston cing / /rna ba'i lam nas dran ldan rnam par ldang / /de dag sna yi lam la mnyam bzhag cing / /dri yi lam nas bdag nyid chen po ldang / /gang du lhar bcas 'jig rten rmongs 'gyur ba/ /dri mchog dam pa 'jug par rab tu zhugs/ /dri yi lam la mnyam par bzhag gyur cing / /sna ni ma skyes ma byung rang bzhin te/ /stong pa byed pa med par rab stong cing </font><hr>511a<br><font size=+1>


@#/ /sna yi lam nas dran ldan rnam par ldang / /de dag lce yi lam la mnyam bzhag cing / /ro mchog kun gyi lam nas rnam par ldang / /gang du lhar bcas 'jig rten rmongs 'gyur ba/ /bdag nyid chen po ro mchog rnams dang ldan/ /ro mchog rnams la mnyam par bzhag gyur cing / /lce ni ma skyes ma byung rang bzhin te/ /stong pa byed pa med par rab ston cing / /lce yi lam nas dran ldan rnam par ldang / /de dag lus kyi lam la mnyam bzhag cing / /reg pa'i lam nas bdag nyid chen po ldang / /gang du lhar bcas 'jig rten rmongs 'gyur ba/ /'jig rten bde ba skyed pa'i reg la zhugs/ /reg pa'i lam la mnyam par bzhag gyur cing / /lus ni ma skyes ma byung rang bzhin te/ /stong pa byed pa med par rab ston cing / /lus kyi lam nas dran ldan rnam par ldang / /de dag sems kyi lam la mnyam bzhag cing / /chos kyi lam nas bdag nyid chen po ldang / /gang du lhar bcas 'jig rten rmongs 'gyur ba/ /chos la gnas pa'i 'jug pa rab tu zhugs/ /chos lam rnams la mnyam par bzhag gyur cing / /sems ni ma skyes ma byung rang bzhin te/ /stong pa byed pa med par rab ston cing / /sems kyi lam nas drang ldan rnam par ldang / /de dag byis pa'i lus la mnyam bzhag cing / /lang tsho shugs la gnas pa rnams las ldang / / </font><hr>511b<br><font size=+1>


lang tsho shugs gnas rnams la mnyam bzhag cing / /rgas shing 'khogs pa'i lus las rnam par ldang / /rgas shing 'khogs pa'i lus la mnyam bzhag cing / /dad pa'i dge bsnyen ma yi lus las ldang / /dge bsnyen dad ma'i lus la mnyam bzhag cing / /dad pa'i dge bsnyen lus las rnam par ldang / /dad pa'i dge bsnyen lus la mnyam bzhag cing / /dge slong ma yi lus las rnam par ldang / /dge slong ma yi lus la mnyam bzhag cing / /dge slong mang du thos pa'i lus las ldang / /dge slong mang thos lus la mnyam bzhag cing / /slob dang mi slob lus las rnam par ldang / /slob dang mi slob lus la mnyam bzhag cing / /rkyen gyi sangs rgyas lus las rnam par ldang / /rkyen gyi sangs rgyas lus la mnyam bzhag cing / /sangs rgyas sku mchog rab las rnam par ldang / /sangs rgyas sku mchog rab la mnyam bzhag cing / /lha yi lus gzugs las ni rnam par ldang / /lha yi lus gzugs la ni mnyam bzhag cing / /rdzu 'phrul chen po'i klu yi lus las ldang / /rdzu 'phrul che glu'i lus la mnyam bzhag cing / /'phrul chen gnod sbyin lus las rnam par ldang / /'phrul chen gnod sbyin lus la mnyam bzhag cing / / 'byung po kun gyi lus las rnam par ldang / /'byung po kun gyi lus la mnyam bzhag cing / /spu yi sgo gcig nas ni rnam par ldang / /spu sgo gcig la mnyam par bzhag gyur cing / /spu sgo thams cad </font><hr>512a<br><font size=+1>


@#/ /nas ni rnam par ldang / /spu sgo kun la mnyam par bzhag gyur cing / /skra rtse gcig gi khyon las rnam par ldang / /skra rtse gcig gi khyon la mnyam bzhag cing / /skra rtse kun gyi khyon las rnam par ldang / /skra rtse kun gyi khyon la mnyam bzhag cing / /phra rab rdul gyi rdul las de dag ldang / /rdul gcig la ni mnyam par bzhag gyur cing / /ma lus rdul rnams kun las rnam par ldang / /rdul rnams ma lus kun la mnyam bzhag cing / /rgya mtsho'i rdo rje'i gzhi las rnam par ldang / /rgya mtsho'i rdo rje'i gzhi la mnyam bzhag cing / /nor bu'i shing tog dag las rnam par ldang / /shing tog rnams la mnyam par bzhag gyur cing / /rgyal ba rnams kyi 'od zer sgo nas ldang / /rgyal ba'i 'od zer sgo la mnyam bzhag cing / /rgya mtsho'i chu yi chu klung rnams las ldang / /rgya mtsho'i chu klung rnams la mnyam bzhag cing / /bdag nyid chen po me yi lam las ldang / /me yi lam la mnyam par bzhag gyur cing / /klung gi lam las dran ldan rnam par ldang / /rlung gi lam la mnyam par bzhag gyur cing / /bdag nyid chen po sa yi gzhi las ldang / /sa yi gzhi la mnyam par bzhag gyur cing / /lha kun gzhal med khang las rnam par ldang / /lha kun gzhal med khang la mnyam bzhag cing / /dran ldan de dag mkha' las rnam par ldang / /yon tan bsam yas bsags pa de dag gi /ting 'dzin </font><hr>512b<br><font size=+1>


rnam thar de dag bsam mi khyab/ /rgyal ba kun gyis bskal pa bsam yas su/ /bshad pa mdzad kyang zad par mdzad mi spyod/ /'gro las rnam smin bsam gyis mi khyab ste/ /rgyal ba kun gyis de dag gsungs pa ni/ /klu yi rnam 'phrul sangs rgyas rnam 'phrul dang / /bsam byed bsam gtan rnam 'phrul bsam mi khyab/ /de dag la yang dpe bstan brjod par bya/ /de dag 'dra ba'i dpe lta cang med de/ /mkhas shing rig pa'i skye bo dpe rnams kyis/ /bstan na myur du ston rnams shes par 'gyur/ /rnam thar brgyad kyi dbang la gnas pa yi/ /nyan thos gcig tu gyur nas mang por 'gyur/ /mang por gyur nas phyir yang gcig gyur te/ /mkha' la bsam gtan 'cha' zhing 'bar bar byed/ /smad nas me 'bar stod nas chu yi rgyun/ /stod nas me 'bar smad nas chu yi rgyun/ /'gro dang 'greng dang nyal dang 'dug pa dang / /lus 'phrul skad cig gcig la bsam mi khyab/ /da ni snying rje che dang mi ldan zhing / /byang chub mi tshol 'jig rten yang 'dor yang / /lus kyi rnam 'phrul bsam yas ston byed na/ /'jig rten phan 'dod ci phyir ston mi byed/ /nyi zla mkha' las rnam par rgyu 'dod cing / /phyogs rnams kun gyi chu yi dngo dag dang| |mtsho mtshe'u mtsho bran snod dang rin chen dang / /rgya mtsho chu klung rnams su gzugs brnyan ston/ /de bzhin gzugs rnams bsam gyis mi khyab pa/ /skyes bu dpa' bo phyogs bcu kun </font><hr>513a<br><font size=+1>


@#/ /tu ston/ /ting 'dzin rnam thar kun gyi tshul la mkhas/ /de la de bzhin gshegs pa rang byung dbang / /dang ba'i mtsho la yan lag bzhi pa'i dmag /de dag so so rang gi gzugs brnyan mthong / /ral gri mda' chen gzhu dang mda' rnams dang / /go gyon bzhon dang theg par bcas su mthong / /gang gi gzugs gang gnas gang cha byad gang / /de dang de dag de ltar chu las mthong / /'on kyang chu la byams sdang rnam rtog med/ /drang srong ting 'dzin rnam 'phrul 'di 'dra'o/ /rgya mtsho'i lha mo sgra ldan zhes bya ba/ /sems can rgya mtshor ji snyed skyes rnams kyi/ /sgra yi yan lag dbyangs kyi tshul mkhas te/ /rang gi skad kyis skad kun tshim par byed/ /sgra ldan chags sdang gti mug can de yang / /skad rnams kun gyi sgra yi tshul mkhas na/ /gzugs dang chos kyi stobs la dbang thob rnams/ /lhar bcas 'jig rten ci phyir mgu mi byed/ /tum bu ra yi chung ma dbyangs ldan ma/ /tshangs pa'i bu mo yid las byung ba de/ /bden dang dam bcas mi 'tshe dga' rnams kyi/ /sems dang yid dang kha yi sgor 'jug ste/ /dbyangs ldan tshogs bcas zhe sdang can de yang / /brtul zhugs grub mthun dbyangs kyi yan lag gis/ /yid 'ong skad kyis 'jig rten mgu byed na/ /ye shes yon tan phyug rnams cis mi byed/ /rig sngags tshul mkhas sgyu ma'i mkhan po ni/ /sna </font><hr>513b<br><font size=+1>


tshogs gzugs mang mtha' yas ston pa byed/ /nyin mtshan yud dang zla ba lo brgya dang / /khyim bzang rgyas pa shin tu mdzes pa ston/ /'dod chags dang ldan sgyu ma'i mkhan po yang / /sgyu ma'i 'phrul gyis 'jig rten mgu byed na/ /bsam gtan mngon shes rnam thar rab bslab pa/ /spyod tshul mkhas rnams ci phyir mgu mi byed/ /lha dang lha min dbang po 'thab pa'i tshe/ /rgya ldan lha yis lha min pham byas na/ /de dag 'jigs pas gdugs bcas bzhon bcas shing / /theg bcas dmag bcas go gyon bzhin du 'byer/ /'dod chags dang ldan lha dbang de dag kyang / / lus kyi rnam 'phrul bsam yas ston byed na/ /dbang phyug rdzu 'phrul dbang gnas dpa' bo rnams/ /lus kyi rnam 'phrul ci phyir ston mi byed/ /rdo rje 'chang ba'i glang po sa srung bu/ /dbang po'i 'khor gyur rdzu 'phrul chen po de/ /mgo bo sum cu rtsa gsum mngon sprul cing / /mgo rnams kun la'ang mche ba drug drug ste/ /mche ba de dag so so re re la'ang / /rdzing bu chus gang bdun bdun sprul par byed/ /rdzing de la yang pad+ma sna tshogs pa/ /rnam par bkod pa bdun bdun sprul par byed/ /pad+ma de la'ang lha yi bu mo dag /sgyu rtsal kun shes bdun bdun sprul par byed/ /de dag rtsed mo glu gar tshul la mkhas/ /sum cu rtsa gsum dbang po de dang rtse/ /glang po de yang lus ni bsgyur byas te/ /lha rnams kun dang 'grogs shing 'dra bar byed/ /spyod pa'i tshul dang longs </font><hr>514a<br><font size=+1>


@#/ /spyod kun yang mthun/ /glang po mchog gi rnam 'phrul de ltar snang / /glang po chags sdang gti mug ldan de yang / /'di 'dra'i rdzu 'phrul rab tu ston byed na/ / shes rab thabs kyi stobs la sbyangs pa rnams/ /ting 'dzin brgya yis rnam 'phrul cis mi byed/ /sgra gcan ji ltar 'dod bzhin lus 'phrul te/ /rdo rje'i gzhi la rkang pa 'jog byed cing / /rgya mtsho lte bar phyin pa tsam du ston/ /ri rab rtse dang nyid kyi mgo yang snyoms/ /sgra gcan chags sdang gti mug ldan de yang / /'di 'dra'i rdzu 'phrul rab tu ston byed na/ / 'jig rten sgron ma bdud rnams rab 'joms pa/ /rdzu 'phrul mtha' yas ci rab ston mi byed/ /brgya byin rnam 'phrul bsam yas rab snang ste/ /lha dang lha min dbang po g.yul 'gyed tshe/ /lha min bye ba phyes pa ji snyed pa/ /de snyed brgya byin rang gi lus las sprul/ /lha min dbang dang lha min phal kun gyis/ /brgya byin rang gi mdun na 'dug par shes/ /de ni rdo rje 'chang bas bzung ngo zhes/ /lha min dbang po kun yang mgo myos gyur/ /'jigs par byed pa'i mig stong rab bstan te/ /rdo rje me lce 'bar ba thogs byed cing / /lus la go bgos gzi brjid bsnyen dka' ba'i/ /brgya byin mthong nas lha min dbang po 'byer/ /de yang bsod nams phal ba'i mthu stobs kyis/ /lha rgyal don du rnam par 'phrul byed na/ / </font><hr>514b<br><font size=+1>


'gro ba ma lus kun gyi skyabs gyur ba/ /bsod nams mi zad rnams lta cis mi 'phrul/ /lha la skul ma 'debs pa lha yi rnga/ /lha las rnam par smin pas grub gyur pa/ /lha rnams bag med gnas par shes gyur nas/ /rnga de nam mkha' las ni sgra sgrog ste/ /'dod pa thams cad mi rtag ther thug min/ /tha shal mi brtan dbu ba'i ngo bo nyid/ /sgyu ma smig rgyu chu zla mtshungs shing 'dra/ /srid pa thams cad rmi lam smin dang mtshungs/ /bag med thams cad dgra bcas mya ngan can/ /'chi ba'i lam yin mi 'chi'i lam ma yin/ /ji snyed su dag bag med gnas gyur pa/ /de dag 'chi bdag chu srin chen pos zin/ /sdug bsngal rtsa ba yongs 'dzin thams cad yin/ /skye ba thams cad 'phags pa rnams kyis smad/ /'dod pa'i yon tan rnams gyis yul la rmongs/ /chos kyi stobs la rtag dga' gyis zhes skul/ /rnga des bskul nas brgya byin lha rnams dang / /lha yi 'dun sa chos bzang 'dug nas su/ /gtam gang zhi zhing 'dod chags bral mthun pa/ /chos kyi gtam de lha rnams kun la rjod/ /rnga de gzugs med bstan du mi rung yang / /de ltar rnga sgras don chen rab byed na/ /bsam pa ji bzhin gzugs ni yongs ston rnams/ /'gro ba kun gyi don chen cis mi byed/ /lha dang lha min dbang po g.yul 'gyed tshe/ /lha yi bsod nams khyad par mthu stobs kyi/ /lha la skul ma 'debs pa'i rnga yi </font><hr>515a<br><font size=+1>


@#/ /sgra| |lha rnams ma 'jigs shig ces sgra 'byin te/ /rnga yis bskul nas lha rnams rab dga' zhing / /skrag pa med de stobs kyang skye bar 'gyur/ /lha min dbang po skrag pas nyen pa rnams/ /'jigs nas dmag bcas de yi mod la 'byer/ /de ltar sgra skrad 'byin pa'i rnga 'dra ba/ /'gro ba kun gyi skyabs dang dpung gnyen po/ /nyon mongs bdud bcom snying rje che ldan rnams/ /zhi ba'i sgra bsgrags nyon mongs sel bar byed/ /dbang po'i lha yi bu mo dgu bcu gnyis/ /dbang po'i sprul pas kun kyang dga' bar 'gyur/ / gcig kyang bdag dang brgya byin rtse bar shes/ /gcig ltar lha mo kun kyang de bzhin no/ /lha mo kun dang dga' bar gnas snang yang / /chos bzang mdun sa na yang de bzhin 'dug /lha rnams kun la chos rab ston snang zhing / /brgya byin skad cig gcig la rnam par 'phrul/ /brgya byin chags sdang gti mug ldan pa yang / /sprul pas rang gi 'khor rnams dga' byed na/ / 'gro don mi skyo sbyor rnams ci yi phyir/ /rdzu 'phrul stobs kyis 'jig rten mgu mi byed/ /bdud kyi dkrugs ma 'gro ba'i dbang sgyur ba/ /de yi dbang du sems can 'di kun 'dong / / las dang nyon mongs kun tu zhugs pa yis/ /so so'i skye bo thams cad bdud des bcings/ /chags sdang gti mug ldan pa'i bdud de yang / /'gro ba thams cad dbang du 'gyur byed na/ / </font><hr>515b<br><font size=+1>


dbang bcu dbang thob rnams lta ci smos te/ /'gro ba thams cad rang gi phyogs mi gzhon/ /stong gsum gnas kyi bdag po tshangs pa yang / /stong gsum tshangs gnas ji snyed yod pa na/ / de dag kun na 'dug par rab snang zhing / /tshangs pa'i sgra dbyangs shin tu yid 'ong sgrog /tshangs de 'jig rten pa yi tshangs lam gyi/ /bsam gtan mngon shes rnam par 'phrul byed na/ / 'jig rten rab 'das bla na med pa yi/ /bsam gtan rnam par gnas pa cis mi 'phrul/ /dbang phyug chen po'i shes pa'i rnam 'phrul ltos/ /rgya mtsho'i sprin gyis char thigs rab bkye ba/ / skad cig gcig la thams cad bgrang bar byed/ /thigs 'ga'i zer kyang ma shes de med na/ /bslab pa bskal pa bsam yas rab bslab ste/ /byang chub bla med ye shes thob pa rnams/ / ci phyir skad cig gcig la sems kyis ni/ /'gro ba ma lus kun gyi sems mi shes/ /sems can las smin bsam gyis mi khyab pas/ /'jig rten 'di kun rlung las yongs su byung / / rgya mtsho ri dang lha yi gzhal med khang / /rin chen rnam phye sa bon bkram pa'ang byung / /rlung las sprin byung char pa'ang kun tu 'bab/ /rlung gis sprin kyang rab tu zhi bar byed/ /'jig rten lo tog 'phel ba'ang rlung byed de/ /rlung ni 'gro ba kun la phan pa skyed/ /rlung de pha rol phyin la ma bslab cing / /sangs rgyas yon tan rnams la ma bslab kyang / /'jig rten rnam smin </font><hr>516a<br><font size=+1>


@#/ /bsam yas ston byed na/ /dam pa thob nas ci phyir ston mi byed/ /rgya mtsho'i 'brug sgra'i sprin gyi chu tshogs ni/ /bya skad ri dwags skad dang skyes pa dang / / bud med bu mo khye'u skad ci snyed pa/ /kun gyi sgra snyan sems can rnams la sgrog /de ltar sgra snyan rang bzhin med shes nas/ /sgrib pa med pa'i spobs dang ldan 'gyur zhing / /'gro ba kun la sgra snyan brjod byas nas/ /yid 'ong sgra yis 'jig rten mgu bar byed/ /rgya mtsho 'di la ngo mtshar rmad kyi chos/ /'gro kun rgya dang mtshungs pas rgya mtsho ste/ /chu dang 'byung po rin chen yod mi zad/ /chu rnams bzung bas ngoms par 'gyur ba med/ /de bzhin de dag 'gro kun rgya 'dra ste/ /bsod nams bsam gtan rnam par thar rnams dang / /shes rab ye shes yon tan kun mi zad/ /bsod nams yon tan gsog pas ngoms pa med/ /rgya mtsho'i klu ni rnam par rtse ba na/ /sa yi gzhi nas dbang sgyur gnas kyi bar/ /gling bzhi bcas par sprin chen rgyas 'gengs te/ /de dag kun kyang sna tshogs bkod pa mang / /de ni dbang sgyur gnas su 'dzam gling gi /gser gyi mdog gi sprin rnams rnam par sgrub/ / 'phrul dgar mu tig dmar po'i mdog lta bu/ /dga' ldan gnas su kha ba ba mo'i mdog /'thab bral gnas su mthon mthing bai DUR+Ya/ /sum cu gsum du rdo yi snying po 'dra/ /skyong </font><hr>516b<br><font size=+1>


ba'i gnas su shel gyi mdog lta bu/ /rgya mtshor rdo rje mi phyed mkhregs 'dra ba/ /mi ci'i gnas su spos mchog 'khrigs lta bu/ /klu yi gnas su pad+ma'i mdog 'dra ba/ /gsang ba'i gnas su ngang pa'i bya gar mchog /lha min gnas su ri brag mdog 'dra ba/ /byang du gser gyi 'od zer mdog ston te/ /gling rnams gzhan du sna tshogs bkod pa ston/ /'dzam bu'i gling du ri sngon 'dra ba ste/ /gang na ci mtho sprin rnams de bzhin no/ /dbang sgyur gnas su gser sprin des bstan nas/ /nyi ma'i mdog 'dra glog kyang rab tu 'gyed/ /'phrul dga'i gnas su zla 'od bzang 'dra dang / /dga' ldan gnas su 'dzam bu'i gser mdog 'dra/ /'thab bral gnas su kha ba ba mo'i mdog /sum cu gsum du gser gyi 'od zer 'dra/ / skyong ba'i gnas su dpal gyi snying po'i mdog /rgya mtshor mu tig dmar po'i mdog 'dra bkod/ /mi ci'i gnas su mthon mthing bai DUR+Ya/ /klu yi gnas su dpal gyi snying po'i mdog / gsang ba'i gnas su shel gyi mdog 'dra ba/ /lha min gnas su rdo yi snying po 'dra/ /byang du nor bu skar mdog kha dog 'dra/ /gling gzhan rnams na'ang bkod pa gzhan dang gzhan/ / 'dzam bu'i gling du zla ba'i nor bu 'bar/ /sprin gyi mtshan nyid mthun pa'i glog kyang 'gyed/ /de ni dbang sgyur gnas su tshangs sgra sgrog /'phrul dga'i gnas su rnga sgra sgrog par byed/ </font><hr>517a<br><font size=+1>


@#/ /dga' ldan gnas su sil snyan rol mo'i sgra/ /'thab bral gnas su lha yi bu mo'i sgra/ /sum cu gsum du mi ci mang po'i skad/ /skyong ba'i gnas su dri za'i skad du ste/ /rgya mtshor ri 'thab sgra skad 'dra ba 'o/ /mi ci'i gnas su gling bu kun la sgra/ /klu yi gnas su ka la ping+ka'i sgra/ /gsang ba'i gnas su klu yi bu mo'i sgra/ /lha min gnas su lha yi rdza rnga'i sgra/ /mi yi gnas su rgya mtsho gling bu'i sgra/ /de ni dbang sgyur gnas su lha spos zhim/ /me tog sna tshogs bkod pa'i char yang 'bebs/ /'phrul dga'i zla ba zla bzang 'dra ba yi/ /me tog man+dAr phreng dang byug pa 'bebs/ /dga' ldan gnas su nor bu chen po'i mdog /rgyan gyi dam pa rin chen sna tshogs dang / /gtsug gi nor bu zla ba 'dra ba dang / /gser mdog 'dra ba'i dar la'i char yang 'bebs/ /rgyal mtshan gdugs dang ba dan sna tshogs dang / /phreng ba rnams dang rgyan dang byug pa dang / /mu tig dmar dang gser dang dar la dang / /sil snyan yid 'ong 'thab bral gnas su 'bebs/ /sum cu gsum du yid bzhin nor bu mchog /skyong ba'i gnas su tsan+dan snying po'i mchog /gur gum sil ma lha shing ta ma la/ /spos chu'i rgyun dang me tog rab tu 'bebs/ /skyong ba'i gnas su klu yi dbang po de/ /nyams stobs skye ba'i kha zas skoms </font><hr>517b<br><font size=+1>


gyi rnams/ /kha dog dri zhim ro dang ldan pa dang / /de min rin chen bsam yas char yang 'bebs/ /de ni rgya mtsho chen por rgyun du yang / /char rgyun mi 'chad gnya' shing tsam dag dang / / rnam rgyal chen po mdzod rnams mi zad pa/ /rin chen bkod pa mtha' yas char yang 'bebs/ /mi ci'i gnas su rgyan phreng sna tshogs dang / /pad+ma ut+pal ras dang rin chen dang / /me tog paR+sha ma li'i phye ma spos/ /pi wang gling bu sgra snyan rdza rnga 'bebs/ /klu yi gnas su mu tig dmar po ste/ /gsang bar nor bu rin chen skar mdog 'dra/ /lha min gnas su ral gri mda' chen dang / /dgra 'dul gzhu dang ste'u ka'i char pa 'bebs/ /byang du de ni rgyan phreng rin chen dang / /me tog paR+sha ma li tsam pa'i phreng / /kun ran gtsang dang a ti muk+ta 'bebs/ / gling gzhan rnams na'ang sna tshogs char pa 'bebs/ /'dzam bu'i gling du chu gsal dang ba yi/ /char rnams chos bzhin phra ba'i rgyun du 'bebs/ /me tog 'bras bu sman dang spos dang shing / /lo tog bde byed 'jig rten rnams su skyed/ /de ltar sprin bkod bsam gyis mi khyab dang / /glog 'byin 'brug sgrog bkod pa'i char 'bebs kyang / /gnas nas mi g.yo rnam par rtog pa med/ /klu yi rnam 'phrul de ltar bsam mi khyab/ /rgya mtsho'i chu na gnas pa de ltar yang / /klu yi rnam 'phrul bsam yas ston byed na/ /chos kyi rgya mtsho </font><hr>518a<br><font size=+1>


@#/ /zhugs pa'i yon tan phyug /rnam 'phrul mtha' yas ci phyir ston mi byed/ /bag tsam smos pa'i dpe tshul 'di dag gis/ /skyes chen de dag rnams kyis brjod pa byas/ /dpa' bo de dag dpe rnams kun dang bral/ /de dag 'di 'dra'i rnam thar dbang sgyur ro/ /blo gros dam pa blo gros rgya chen ldan/ /ma nor blo gros mtha' yas blo gros can/ /ye shes mchog ldan khyad par blo can gyi/ /rnam thar mchog rnams 'di dag rnams kyis spyad/ /rnam thar dam pa 'di dag sus thos nas/ /yid ches 'dzin cing 'jig rten sgrog byed pa/ /de dag ngo mtshar rmad byung chos ldan de/ /de dag dka' byed mi yi 'jig rten na/ /'di 'dra chos 'dir gang dag dad gyur pa/ /sems can so so'i skye bo'i tshogs na dkon| |gang dag dge bsags bsod nams byas gyur pa/ /de dag rgyu yi stobs kyis 'di la dad/ /gang dag nyan thos theg la'ang yid ches pa'i/ /mi dag mi yi 'jig rten rnams na nyung / /de bas rkyen gyi theg par rab tu nyung / /theg pa chen por de dag de bas nyung / /theg pa che la zhugs pa de dkon te/ /gang dag chos 'dir dad pa'ang rab dkon na/ /'jug cing 'dzin pa smos kyang ci dgos te/ /gang dag de bzhin sgrub pa smos ci dgos/ /gang dag stong gsum ri dang rgya mtshor bcas/ /phyi ma'i bskal par mgo bos 'degs byed kyang / / </font><hr>518b<br><font size=+1>


chos 'dir dad pa'i bya dka' ci 'dra ba/ /de 'dra de ni de la yod ma yin/ /la las stong gsum rdul snyed sems can la/ /bde ba kun gyis bskal par bsnyen bkur yang / /chos 'di dad pa'i bsod nams ci 'dra ba/ /bsod nams khyad par de 'dra de la med/ /la las zhing bcu ri dang rgya mtshor bcas/ /lag pa'i mthil du bskal par mkhar 'dzin kyang / /chos 'dir dang pa'i bya dka' ci 'dra ba/ /de 'dra de ni de la yod ma yin/ /la las zhing bcu'i rdul snyed sems can la/ /bde ba kun gyis bskal par bsnyen bkur kyang / /chos 'dir dad pa'i bsod nams ci 'dra ba/ /bsod nams khyad par de 'dra de la med/ /la las zhing bcu'i rdul snyed sangs rgyas rnams/ /bde ba kun gyis bskal par bsnyen bkur bas/ /gang gis chos kyi le'u 'di bzung byas pa/ /bsod nams de ni de bas khyad par 'phags/ /rnam thar de dag rab tu bstan ba'i tshe/ /phyogs bcu'i zhing rnams thams cad g.yos par gyur/ /bdud kyi gnas rnams mog mog byas gyur cing / /sgra rab phyung bas ngan song rab tu zhi/ /phyogs bcu kun gyi mi yi seng+ge rnams/ /de dag kun gyis mngon par zhal bstan te/ /phyag brkyang mdzad nas yon tan mtha' yas pa/ /bzang po dpal gyi mgo la bzhag par gyur/ /phyag gi mthil gyis mgo la byug mdzad de/ /rnam thar 'di dag legs par bshad pa legs/ / </font><hr>519a<br><font size=+1>


@#/ /khyod kyis legs bstan rjes su nged dgyes zhes/ /sangs rgyas de dag kun gyis gsung brjod do/ /de nas bcom ldan 'das kyis tshigs su bcad pa bstan pa 'di dag bka' stsal nas cang mi gsung bar gyur to/ /de nas stong gsum gyi stong chen po'i 'jig rten gyi khams 'di na gang dag 'khod pa'i lha thams cad dang / mi dang mi ma yin pa de dag thams cad kyis de bzhin gshegs pas 'di legs par bka' stsal to/ /kye ma de bzhin gshegs pas chos kyi 'khor lo bskor ba gnyis pa 'di mdzad do/ /chos bstan pa 'di sngon ma thos so/ /sems can gang dag chos kyi rnam grangs 'di rnyed par 'gyur ba de dag ni shin tu dkon te/ sems can de dag ni dge ba'i rtsa ba ngan ngon dang ldan pa ma yin no/ /sems can de dag ni sangs rgyas mang po la bsnyen bkur byas pa yin no/ /sems can de dag ni lha dang bcas pa/ bdud dang bcas pa/ tshangs pa dang bcas pa'i 'jig rten la mchod rten lta bur 'gyur te/ de dag ni bdud dam/ /bdud kyi ris kyi lha rnams sam/ rab tu byung ba rnams sam/ khyim na gnas pa rnams sam| de bzhin du rgyal po rnams sam/ blon po chen po rnams sam/ khyim bdag rnams kyis gtse bar mi nus so zhes ca co dang / ga zha'i sgra phyung ngo / /de nas bcom ldan </font><hr>519b<br><font size=+1>


'das la tshe dang ldan pa rab 'byor kyis 'di skad ces gsol to/ /bcom ldan 'das/ mdo sde dkon mchog 'di lta bu dag 'jig rten du 'byung ba ni rnyed par dka' ba lags te| 'on kyang de bzhin gshegs pa'i mthus chos 'di lta bu dag 'jig rten du byung zhing / de bzhin gshegs pa'i mthu nyid kyis sems can de dag gis kyang thos lags so| |de nas bcom ldan 'das kyis ljags kyi dbang po phyung nas tshe dang ldan pa kun dga' bo la bka' stsal pa/ kun dga' bo/ khyod kyis chos kyi rnam grangs 'di zungs shig /chongs shig /lhogs shig /kun chub par gyis shig /de nas tshe dang ldan pa kun dga' bos bcom ldan 'das la lan gsum bskor ba byas te 'di skad ces gsol to/ /bcom ldan 'das/ bdag gis chos kyi rnam grangs 'di bzung lags te/ slan chad mi bskyud par bgyid do/ /bcom ldan 'das kyis de skad ces bka' stsal nas thams cad dang ldan pa'i byang chub sems dpa'i 'khor dang / byang chub sems dpa' 'phags pa kun tu bzang po dang / 'jam dpal gzhon nur gyur pa dang / tshe dang ldan pa shA radwa ti'i bu dang / nyan thos chen po gzhan dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /shin tu rgyas pa chen po'i mdo/ 'phags pa sangs rgyas phal </font><hr>520a<br><font size=+1>


@#/ /po che las/ dkon mchog ta la la zhes bya ba'i gzungs kyi chos kyi rnam grangs rdzogs so// //rgya gar gyi mkhan po su ren+d+ra bo d+hi dang / zhu chen gyi lo tsa ba ban+d+he ye shes sdes bsgyur cing zhus te gtan la phab pa/ </font><hr>

</table>