rKTs


H104

(e-text produced by ACIP)

see text in Tibetan script
1b
@##/ /rgya gar skad du/ AR+Ya ku sha la mU la saM pa ri d+ha ra nA mahA yA na sU tra/ bod skad du/ 'phags pa dge ba'i rtsa ba yongs su 'dzin pa zhes bya ba theg pa chen po'i mdo/ /bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka
2a
@#/ /lan+ta ka gnas pa na 'di lta ste/ bsam gtan pa rnams kyi gnas/ gnas med pa rnams kyi gnas/ stong pa nyid la gnas pa rnams kyi gnas/ mtshan ma med pa la gnas pa dang / smon pa med pa la gnas pa rnams kyi gnas na 'di lta ste/ dge slong 'bum gyi dge slong gi dge 'dun chen po dang thabs cig tu bzhugs te| thams cad kyang sgra bskyungs pa/ dben pa la gnas pa/ nang du yang dag 'jog la mngon par brtson pa sha stag go /de'i tshe tshe dang ldan pa shA radwa ti'i bu nang du yang dag 'jog las langs nas bcom ldan 'das ga la ba der song ste
2b
phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go /tshe dang ldan pa maung+gal gyi bu chen po dang / tshe dang ldan pa kA t+yA'i bu chen po dang / tshe dang ldan pa gsus po che chen po dang / tshe dang ldan pa ka pi na dang / tshe dang ldan pa skul byed chen po dang / tshe dang ldan pa rab 'byor dang / tshe dang ldan pa don yod rgyal po dang / tshe dang ldan pa rlangs pa dang / tshe dang ldan pa dga' bo dang / tshe dang ldan pa kun dga' bo dang / tshe dang ldan pa dga' byed dang / tshe dang ldan pa ci 'jigs dang / tshe dang ldan pa nyer sbas dang / tshe dang ldan pa mis byin gyi bu dang / tshe dang ldan pa thang la gnas pa dang / tshe dang ldan pa mo ki la dang / tshe dang ldan pa nye bar 'khor dang / de dag dang / gzhan yang dbang dang ldan par gyur pa lnga brgya tham pa phyem red kyi dus kyi tshe nang du yang dag 'jog las langs nas bcom ldan 'das ga la ba der dong ste lhags nas bcom ldan
3a
@#/ /'das kyi zhabs la mgo bos phyag btsal te phyogs gcig tu 'khod do/ /yang de'i tshe tshe dang ldan pa grags sbyin dang / tshe dang ldan pa yul 'khor skyong dang / tshe dang ldan pa las mchod dang / tshe dang ldan pa grags 'dod dang / tshe dang ldan pa dga' sde dang / tshe dang ldan pa dga' 'dod dang / de dag dang / gzhan yang dge slong lnga brgya tham pa lam du zhugs pa las dbyar mnyan yod na gnas nas/ rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /yang de'i tshe byang chub sems dpa' sems dpa' chen po ma pham pa/ de dang 'dra ba'i byang chub sems dpa' stong dang lhan cig tu yul tsam par dbyar gnas nas lam du zhugs te rgyal po'i khab 'od ma'i tshal
3b
bya ka lan+ta ka gnas pa ga la ba dang / bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te phyogs gcig tu 'khod do/ /yang de'i tshe byang chub sems dpa' sems dpa' chen po bzang skyong dang / dkon mchog 'byung gnas dang / ded dpon bzang po dang / phug sbas dang / mis byin dang / dbang pos byin dang / chu lha dang / tshangs lha dang / stobs bzang dang / bla ma'i blo gros dang / khyad par blo gros dang / 'phel ba'i blo gros dang / mthong ba don yod dang / legs par yang dag zhugs dang / rab kyi rtsal gyis rnam par gnon dang / rtag tu brtson dang / brtson pa mi gtong dang / nyi ma'i snying po dang / 'gro ba 'dzin dang / sa 'dzin dang / bdud rtsi 'dzin dang / blo gros rab gnas dang / blo gros mtha' yas dang / brtan pa'i blo gros dang / 'jig rten gsum rnam par gnon dang / mtha' yas rnam par gnon dang / dpag med rnam par gnon dang / rdo rje'i gom pas rnam par gnon dang / don yod pa'i gom pas rnam par gnon dang / mi g.yo ba'i gom pas rnam par gnon dang / spobs pa chen po dang / spobs pa rnon po dang / spobs pa zab ba dang / spobs pa mtha' yas dang / spobs pa dpag med dang / 'jam dpal gzhon nur gyur pa dang / pad+ma dpal gyi snying po dang / chos 'phags dang / lag na rin
4a
@#/ /chen dang / rin chen 'dzin dang / bskal pa 'gyur ba mtha' yas par go cha bgos pa dang / bud med 'gyur ba'i go cha bgos pa dang / skyes pa 'gyur ba'i go cha bgos pa dang / sems can 'gyur ba'i go cha bgos pa dang / mtha' yas khyu mchog dang / dpag med khyu mchog dang / dmigs pa thams cad rnam par 'jig pa'i khyu mchog dang / byang chub sems dpa' sems dpa' chen po de dag thams cad kyang tha mi dad par spyod pa'i go cha bgos pa sha stag ste/ yul tha dad pa rnams su dbyar gnas par gnas nas yul rgyu zhing gcig tu 'dus te/ rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag btsal te phyogs gcig tu 'khod do/ /de nas bcom ldan 'das kyis byang chub sems dpa' sems dpa' chen po de dag 'dus par thugs su chud nas/ rdzu 'phrul ji lta bu mngon par 'du bya ba mngon par 'du mdzad pas rgyal po'i khab kyi grong khyer chen po 'od ma'i tshal bya ka lan+ta ka gnas pa na dge slong dang / dge slong ma dang / dge bsnyen dang / dge bsnyen ma ji snyed gnas pa de dag thams cad bcom ldan 'das la blta ba dang / phyag
4b
'tshal ba dang / bsnyen bkur bya ba'i phyir 'od ma'i tshal bya ka lan+ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag btsal te phyogs gcig tu 'khod par 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de'i tshe tshe dang ldan pa 'od srung chen po lus 'phags ri'i dbang po'i brag phug na dge slong lnga brgya tham pa thams cad kyang dgon pa pa/ bsod snyoms pa/ phyag dar khrod pa/ chos gos gsum pa/ tsog pu pa/ rtswa'i gding ba pa/ shing drung pa/ 'dod pa chung ba/ chog shes pa/ rab tu dben pa pa/ chos gos ngan pa 'chang ba sha stag dang lhan cig tu 'dug go /de nas bcom ldan 'das kyi rdzu 'phrul ji lta bu mngon par 'du bya ba mngon par 'du mdzad pas/ tshe dang ldan pa 'od srung chen po dge slong lnga brgya tham pa de dag dang lhan cig tu lus 'phags ri'i dbang po'i brag phug nas mi snang bar gyur te rgyal po'i khab na 'od ma'i tshal bya ka lan+ta ka gnas pa na 'dug pa de lta bu'i rdzu 'phrul mngon par 'du bya ba mngon par 'du mdzad de/ bcom ldan 'das kyis tshe dang ldan pa 'od srung chen po rgyang ring po nyid nas 'ong ba gzigs te/ gzigs nas kyang bcom ldan 'das kyis dge slong rnams la bka' stsal pa/ dge slong dag /
5a
@#/ /gnas brtan 'od srung chen po 'ong ba 'di ni/ dgon pa pa/ bsod snyoms pa/ phyag dar khrod pa/ chos gos gsum pa/ chos gos ngan pa 'chang ba/ bas mtha'i gnas mal la gnas pa/ 'dod pa chung ba/ chog shes pa/ rab tu dben par gnas pa/ ma 'dres pa/ chos thams cad kyi dam pa'i pha rol tu son pa ste/ dge slong dag / nga'i nyan thos ji snyed pa ni/ dge slong dag /da ltar dge slong 'od srung chen po'i sbyangs pa'i yon tan dag dang mtshungs pa'am 'dra ba ni/ ngas yang dag par rjes su ma mthong ngo / / dge slong dag /dge slong 'od srung chos gos gsum pa ni/ lha rnams dang yang smra ba dang / kun tu smra bar mi 'dod na/ mi rnams dang lta smos kyang ci dgos/ de nas bcom ldan 'das kyis tshe dang ldan pa 'od srung chen po rgyang ring po nyid nas 'ong ba gzigs nas bka' stsal pa/ 'od srung tshur shog /'od srung / khyod legs par 'ongs so/ /kye ma gnas brtan 'od srung gis ni/ 'di lta ste/ 'dir 'ong bar bya ba'i phyir yun ring po nas rnam grangs byas so/ 'od srung / khyod gdan 'di'i phyed la 'dug cig /ces bcom ldan 'das kyis gnas brtan 'od srung la gdan gyi phyed gnang ma thag tu de nas bcom ldan 'das gdan de las bskyod pa dang / stong gsum gyi stong chen po'i 'jig rten gyi khams 'di 'gul/ rab
5b
tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg rab tu ldeg /kun tu rab tu ldeg cing / 'jig rten du snang ba chen po 'ang byung bar gyur to/ /stong gsum gyi stong chen po'i 'jig rten gyi khams 'di ni/ 'di lta ste/ dper na/ yul ma ga d+ha'i khar ba'i snod la lcags kyi thu lum gyis bsnun na 'ur 'ur ba zer ba de bzhin du btsun pa 'od srung chen po la gdan gyi phyed gnang ma thag tu de bzhin gshegs pa dgra bcom pa yang dag par rdzogs pa'i sangs rgyas gdan las bskyod nas/ de nas de ma thag tu stong gsum gyi stong chen po'i 'jig rten gyi khams 'di sgra skad chen po 'byin to/ /de nas tshe dang ldan pa 'od srung chen po chos gos phrag pa gcig tu gzar nas pus mo g.yas pa'i lha sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das kyi thad du phyin te/ bcom ldan 'das kyi zhabs la mgo bos gtugs nas bcom ldan 'das la 'di skad ces gsol to/ /bcom ldan 'das ni/ bdag gi ston pa lags la/ bdag ni/ nyan thos lags pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi chos gos sam/ lhung bzed dam/ gdan nam/ de las gzhan pa'i longs spyod rnams nyan thos rnams kyis longs spyod par rdo mi thogs lags so/ /de ci'i slad du zhe na/
6a
@#/ /bcom ldan 'das/ de dag ni/ lha dang / mi dang / lha ma yin du bcas pa'i 'jig rten gyi mchod rten du gyur pa lags shing / bcom ldan 'das/ bcom ldan 'das las sha na'i ras phyag dar khrod pa gang dag blangs pa de dag kyang bcom ldan 'das/ mchod rten du gyur pa lags pa'i slad du ste/ de dag bdag gis ma spyad lags so// bcom ldan 'das/ de slan chad 'dod pa'i rnam par rtog pa'i rnam par brtags pa'am/ gnod sems kyi rnam par rtog pa dang / rnam par 'tshe ba'i rnam par rtog pa'i rnam par brtags pa'am/ 'dod chags kyi yongs su gdung pas gdungs par gyur pa'am/ zhe sdang gi yongs su gdung ba dang / gti mug gi yongs su gdung bas yongs su gdungs par gyur par ma dran lags so/ /bcom ldan 'das/ mdor na slob par gyur pa bdag gis bcom ldan 'das las sha na'i ras phyag dar khrod mnos pa rnams mi slob pa'i sa la thug gi bar du spyi bos mnos lags so/ /bcom ldan 'das/ bdag gis longs spyad pa'i slad du blangs pa ni/ ma lags kyi/ gdams pa dang / rjes su bstan pa las brtsams nas blangs lags so/ /bcom ldan 'das/ de dag blangs nas sems mtho ba'am dma' bar gyur par mi dran lags so/ /bcom ldan 'das/ sha na'i ras phyag dar khrod de dag chos
6b
gos ma mchis pa'i lus la sbyar bar mi dran lags so/ /bcom ldan 'das/ phyag dar khrod de dag sug pa ma red pas reg par mi dran lags so/ /bcom ldan 'das/ gang dang gang du mchi ba de dang der sha na'i ras phyag dar khrod de dag mgos 'tshal cing mchis lags so/ /bcom ldan 'das/ sha na'i ras phyag dar khrod de dag yan lag mi gtsang ba gang gis kyang reg par mi dran lags so/ /bcom ldan 'das/ sha na'i ras phyag dar khrod mchod rten du gyur pa de dag bcangs lags so/ /bcom ldan 'das/ de dag ni/ bcom ldan 'das kyis spangs shing gnang ba lags te/ de dag ni/ bdag gis bcangs lags so/ /sangs rgyas rjes su dran pa ma lags par de las gzhan snyoms par 'jug pa dag gis bdag gzhan du gnas par mi dran lags so/ /bdag ji ltar gnas pa na sa la sa'i 'du shes su ma gyur pa dang / chu la chu'i 'du shes dang / me la me'i 'du shes dang / rlung la rlung gi 'du shes su ma gyur pa dang / 'jig rten 'di'i 'du shes dang / 'jig rten pha rol gyi 'du shes su ma gyur pa dang / bcom ldan 'das/ gang mthong ba dang / thos pa dang / bye brag phyed pa dang / rnam par shes pa dang / yid kyi rjes su brtags pa dang / rjes su bsam pa de la'ang bdag 'du shes su ma gyur pa dang / bcom ldan 'das/ gang 'du shes med pa'i gnas pa dang / 'du shes med pa'i snyoms
7a
@#/ /par 'jug pa'i gnas pa dang / gang 'du shes las yang dag par 'da' ba'i gnas pa dang / gang 'du shes med pa las yang dag par 'da' ba'i gnas pa dang / gang 'du shes kyi gnas pa dang / gang 'du shes med pa'i gnas pa dang / gang 'du shes thams cad las yang dag par 'da' ba'i gnas pa de'ang slob pa'i gnas pa dang / mi slob pa'i gnas par bdag gis yang dag par rjes su ma mthong lags so/ /bcom ldan 'das/ gnas pa de la de bzhin gshegs pa yang dag par rjes su ma mthong / de bzhin gshegs pa'i chos rnams dang / de bzhin gshegs pa'i gnas pa yang dag par rjes su ma mthong lags te/ bdag ni/ de ltar gnas lags so/ /bcom ldan 'das/ dper bgyi na/ nam mkha' bla gab ma mchis pa la ming dang / brda dang / gdags pa rnam pa sna tshogs bgyis pa dag /bcom ldan 'das/ ming dang / brda dang / gdags pa gang dag gis nam mkha' zhes tha snyad du btags pa dang / nam mkha' zhes brdar btags pa dang / nam mkha' zhes rten du bgyis pa dang / bcom ldan 'das/ nam mkha' zhe'am/ bla gab ma mchis pa zhe'am/ stong pa zhe'am/ gsog ce'am/ gsob ce'am/ ya ma brla zhe'am/ gzung ba ma mchis pa zhe'am/ tshad ma mchis pa zhe'am/
7b
rten pa ma mchis pa zhe'am/ blang pa ma mchis pa zhe'am/ dor ba ma mchis pa zhe'am/ lus ma mchis pa zhe'am/ ji lta ba bzhin zhe'am/ yongs su dag pa zhe'am/ bar snang zhe'am/ thogs pa ma mchis pa zhe'am/ dngos po ma mchis pa zhe'am/ bstan du ma mchis pa zhes de dag dang / gzhan yang tha snyad kyi brda tha dad pa rnam pa sna tshogs kyis brjod pa ni/ bcom ldan 'das/ 'di lta ste/ tshad 'di tsam mam/ yongs su bcad pa 'di tsam mam/ mnyam pa'am/ mi mnyam pa zhes ming ngam/ brda'am/ rten rnams kyis 'tshal bar mi nus lags so/ /bcom ldan 'das/ gang dag de'i phyogs tsam zhig 'tshal ba de dag thams cad kyis kyang kha dog gam/ dbyibs sam/ dmigs pas nam mkha' de tshad 'di tsam dang / mchog 'di tsam zhes bgyi ba ma 'tshal lags so/ /bcom ldan 'das/ de bzhin du gang de bzhin gshegs pa zhes bgyi'am/ sangs rgyas zhes bgyi ba'am/ ston pa zhe'am/ skyabs she'am| dpung gnyen zhe'am/ gnas she'am/ 'dren pa zhe'am/ rnam par 'dren pa zhe'am/ yongs su 'dren pa zhe'am/ sman pa zhe'am/ gso ba zhe'am/ lam ston pa zhe'am/ lam brjod pa zhe'am/ gzhan yang tha snyad tha dad pa'i tshig rnam pa sna tshogs brjod pa'i tha snyad kyi tshig gang dag gis mkhas pa rnams kyis bcom ldan 'das bstod pa dang / bkur
8a
@#/ /ba dang / bsngags pa dang / rab tu bstod pa dang / rab tu bsngags pa dang / bcom ldan 'das/ tha snyad kyi tshig gang dag gis 'jig rten mngon par brjod pa'i chos de dag ni/ bcom ldan 'das/ bdag ma 'tshal/ mi rten/ ma mthong lags so/ /de ci'i slad du zhe na/ bcom ldan 'das/ chos thams cad ni/ ngo bo nyid kyis ya ma brla dang / ngo bo nyid kyis gsob lags pa'i slad du'o/ /bcom ldan 'das/ dper bgyi na/ sgyu ma mkhan gyis rgyal po rgyal rigs spyi bo nas dbang bskur ba/ dpung gi tshogs yan lag bzhi pa dang ldan pa/ rin po che sna bdun dang ldan pa'i 'khor los bsgyur ba zhig sprul par gyur la/ bcom ldan 'das/ de'i thad du gling bzhi pa'i 'jig rten gyi khams su gtogs pa'i sems can rnam par rgyal bar bgyi pa la gnas pa mtha' yas pa de dag thams cad lhags shing / bcom ldan 'das/ de la lus tha dad par yang gda' la/ bcom ldan 'das/ de la sems can lus tha dad par yang mthong lags mod kyi/ bcom ldan 'das/ sgyu ma mkhan gyis sprul pa'i 'khor los bsgyur ba'i rgyal po de 'di snyam du bdag gis ni/ dpung gi tshogs 'di'i bdag po bya zhing / gling bzhi pa'i 'jig rten gyi khams kyi rjes su 'jug par bya'o/ /snyam du mi sems lags
8b
la| dpung gi tshogs yan lag bzhi po de'ang 'di snyam du 'khor los bsgyur ba'i rgyal po 'di ni/ bdag cag gi gtso bo yin pas bdag cag ni/ 'di'i rjes su 'jug par bya'o/ /snyam du mi sems lags mod kyi/ de dag de'i rjes su 'jug par bgyid par yang gda' lags so/ /bcom ldan 'das/ de bzhin du chos de dag gi chos nyid gang lags pa de la/ bcom ldan 'das/ de bzhin gshegs pa'am/ nyan thos sam/ slob pa'am/ mi slob pa'am/ rang sangs rgyas sam/ so so'i skye bo ma mchis lags so/ /bcom ldan 'das/ chos nyid de la de bzhin gshegs pa'i chos nyid dmigs pa'am/ de bzhin gshegs pa'i chos nyid mngon pa'am/ de bzhin gshegs pa'i chos nyid rten pa'am/ rang sangs rgyas kyi chos nyid dmigs pa'am/ rang sangs rgyas kyi chos nyid mngon pa'am/ rang sangs rgyas kyi chos nyid rten pa'am/ nyan thos kyi chos nyid dmigs pa'am/ nyan thos kyi chos nyid mngon pa'am| nyan thos kyi chos nyid rten pa'am/ so so'i skye bo'i chos nyid dmigs pa'am/ so so'i skye bo'i chos nyid mngon pa'am/ so so'i skye bo'i chos nyid rten pa'am/ gzugs kyi chos nyid dmigs pa'am/ gzugs kyi chos nyid mngon pa'am/ gzugs kyi chos nyid rten pa'am/ de bzhin du tshor ba dang / 'du shes dang / 'du byed dang / rnam par shes pa'i
9a
@#/ /chos nyid dmigs pa'am/ rnam par shes pa'i chos nyid mngon pa'am/ rnam par shes pa'i chos nyid rten par mi 'gyur lags so/ /bcom ldan 'das| chos nyid de la gzugs stong pa dang / 'dis gzugs stong ba dang / 'di la gzugs stong pa dmigs pa dang / de bzhin du tshor ba dang / 'du shes dang / 'du byed dang / rnam par shes pa stong pa dang / 'dis rnam par shes pa stong pa dang / 'di la rnam par shes pa stong pa dmigs pa dang / de bzhin du de bzhin gshegs pa stong pa dang / 'dis de bzhin gshegs pa stong pa dang / 'di la de bzhin gshegs pa stong pa dmigs pa dang / de bzhin du de bzhin gshegs pa'i chos nyid stong pa dang / 'dis de bzhin gshegs pa'i chos nyid stong pa dang / 'di la de bzhin gshegs pa'i chos nyid stong pa dmigs par mi 'gyur lags so/ /bcom ldan 'das/ de bzhin du de la nyan thos ma mchis| nyan thos kyi chos nyid ma mchis/ so so'i skye bo ma mchis/ so so'i skye bo'i chos nyid kyi bar du ma mchis lags so/ /bcom ldan 'das/ dper bgyi na/ sgyu ma mkhan gyis 'khor los bsgyur ba'am/ dpung gi tshogs sprul ba de la 'khor los bsgyur ba ma mchis/ dpung gi tshogs ma mchis lags so/ /sgyu ma la ma mchis/ sgyu ma'i chos nyid
9b
la ma mchis/ sgyu ma mkhan rnams la ma mchis lags so/ /sa la ma mchis/ chu la ma mchis/ me la ma mchis/ rlung la ma mchis/ nam mkha' la ma mchis/ rnam par shes pa la ma mchis lags so/ /sa dang / chu dang / me dang / rlung dang / nam mkha'i khams rnams la ma mchis/ rnam par shes pa'i khams la ma mchis lags so/ /bcom ldan 'das| chos thams cad ni/ de dang 'dra lags te/ bcom ldan 'das/ de dag la/ bdag ni/ rlom sems su mi bgyid/ de dag la bdag ni/ byung bar ma gyur/ de dag bdag gis ni| ma smras lags so/ /bcom ldan 'das/ de ltar bdag ni/ yon tan gyi chos rnams nyid las dben pa lags pas de bzhin gshegs pa'i chos rnams rjes su dran par bgyid lags so/ /bcom ldan 'das/ de ni/ lam lags/ de ni/ tshul lags te/ lam de la gnas pa'i rigs kyi bu'am rigs kyi bu mo lam de rjes su thob pa rnams ni/ 'di snyam du gzhan yang dag par blangs la 'jug par bya zhing / ston pa'ang gzhan btsal bar bya la/ dge sbyong ngam/ bram ze gzhan smra ba'i gdong du gyen du blta bar bya zhing / tshe dang ldan pa 'di ni/ shes bzhin pas shes/ mthong bzhin pas mthong / yang dag pa'i lta ba'ang 'dogs bzhin pas 'dogs par byed do/ /snyam du mi sems lags te/ de
10a
@#/ /ni| gnas ma mchis lags so/ /bcom ldan 'das/ gnas pa 'di la ni/ bdag som nyi ma mchis pa thob pas gnas lags so/ /chos kyi sgo de'ang rjes su thob pas gnas lags so/ /chos thams cad ni/ 'di lta ste/ dben pa'i tshul dang / skye ba ma mchis pa'i tshul dag gis tshul gcig pa lags so/ /bcom ldan 'das/ bdag ni/ de bzhin gshegs pa dgra bcom pa yang dag par rdzogs pa'i sangs rgyas la chos kyi the tshom zhu bar 'tshal ba lags la/ de bzhin gshegs pas kyang bdag la skabs phye ba lags te/ dbang po'i brag phug nas 'od ma'i tshal 'dir phyin pa lags so/ /bcom ldan 'das/ bdag 'dir mchis pa dang / bcom ldan 'das kyi gdan gyi phyed gnang ste/ bdag la gnang ba na stong gsum gyi stong chen po'i 'jig rten gyi khams 'di rab tu 'ur 'ur zhing rnam pa drug tu yang g.yos/ rab tu g.yos lags so/ / bcom ldan 'das/ bdag ni/ 'di snyam du de bzhin gshegs pa ni/ bdag nyid chen po'i chos dang ldan pa de lta bu dang / rgya chen po'i chos dang ldan pa de lta bu dang / slob dpon ma mchis shing rang byung ba lags kyang thugs rje chen po'i tshul la bzhugs shing / lhag pa'i nga rgyal ma mchis pa dang / nga rgyal ma mchis pa la bzhugs nas bdag
10b
la gdan gyi phyed gnang ba ngo mtshar lags so/ /snyam bgyid de/ bcom ldan 'das/ dper bgyi na/ mi dbul po 'tsho ba ngan pa tshegs kyis 'tsho ba zhig tshegs kyis khyim gyi phun sum tshogs pa bsgrubs nas/ rgyal po rgyal rigs spyi bo nas dbang bskur ba/ dpung gi tshogs yan lag bzhi dang ldan pa'i gan du blta ba dang / phyag bgyi ba dang / bsnyen bkur bgyi ba dang / dri bar bgyi ba'i slad du mchis par gyur la/ mchis pa de la des stan gyi phyed stsal na/ de nas de 'di snyam du sems lags te/ rgyal po la blta ba dang / phyag bya ba'i phyir bdag song du zin kyang bdag gis blta ba dang / phyag bya ba'ang dka' bar 'gyur na/ gsol ba lta ci smos/ rgyal po rgyal rigs spyi bo nas dbang bskur bas bdag phyin ma thag pa la stan gyi phyed byin du zin kyang 'di ni/ ngo mtshar ro/ /snyam bgyid lags so/ /bcom ldan 'das/ de bzhin du chos kyi rgyal po de bzhin gshegs pa dgra bcom pa yang dag par rdzogs pa'i sangs rgyas ni/ rang byung ba/ slob dpon ma mchis pa/ nyan thos dang / rang sangs rgyas rnams kyis kyang bsnyen par dka' zhing rtogs par dka' ba lags na| lha dang / mi dang / lha ma yin du bcas pa'i 'jig rten gyis lta smos kyang ci 'tshal/ bcom ldan 'das/ de bzhin gshegs pa dgra bcom pa yang dag par rdzogs pa'i sangs
11a
@#/ /rgyas la chos kyi the tshom zhu ba dang / blta ba dang / phyag bgyi ba dang / bsnyen bkur bgyi ba'i slad du bdag ji lta ji ltar mchis pa na/ bcom ldan 'das/ bdag 'di snyam du sems lags te/ bdag gis ni/ de bzhin gshegs pa blta ba rnyed cing phyag bgyi ba rnyed la/ bsnyen bkur bgyi ba dang / zhu ba dang / yongs su zhu bar bgyi ba rnyed de/ bcom ldan 'das kyis da ltar bdag 'dir mchis pa la gdan gyi phyed gnang ba ni/ bdag gis rnyed pa legs par rnyed do/ /snyam bgyid lags so/ /bcom ldan 'das/ ji ltar na/ mi dbul po des 'khor los bsgyur ba'i rgyal po de la blta ba nyid dang / phyag bgyi ba nyid kyang ngo mtshar lags pa de bzhin du/ bcom ldan 'das/ bdag ni/ 'di snyam du sems te/ de bzhin gshegs pa ni/ byams pa chen po dang ldan zhing / thugs rje chen po dang / dga' ba chen po dang / btang snyoms chen po dang ldan pa lags kyang / de bzhin gshegs pa'i yon tan gang dag lags pa de dag ston pa ma gtogs par de bzhin gshegs pa 'di snyam du bdag ni/ phul dang / bdag ni| mchog dang / bdag ni/ khyad par du 'phags pa'o/ /snyam du mi dgongs pa ni/ ngo mtshar lags te/ bdag ni/ 'di snyam du de bzhin gshegs pa dgra bcom pa yang
11b
dag par rdzogs pa'i sangs rgyas kyi yon tan de dag ni/ nyan thos dang / rang sangs rgyas thams cad dang thun mong ma lags so/ /snyam bgyid lags so/ /de skad ces gsol pa dang / bcom ldan 'das kyis tshe dang ldan pa 'od srung chen po la bka' stsal pa/ 'od srung / legs so/ /legs so/ /'od srung / khyod yang legs so/ /'od srung / de bzhin gshegs pa ni/ dpag tu med cing / dpag tu med pa'i chos dang ldan te/ de ni/ sbyin pa'i tshad de lta bu dang / sbyin pa'i pha rol tu phyin pa'i tshad de lta bu dang / shes rab kyi bar gyi tshad de lta bu dang / shes rab kyi pha rol tu phyin pa'i tshad de lta bu dang / smon lam rnams kyi tshad de lta bu dang / smon lam gyi pha rol tu phyin pa'i tshad de lta bu dang / thabs kyi tshad de lta bu dang / thabs la mkhas pa'i pha rol tu phyin pa'i tshad de lta bu dang / spyod pa'i tshad de lta bu dang / spyod pa'i pha rol tu phyin pa'i tshad de lta bu dang / rnam par grol ba'i tshad de lta bu dang / rnam par grol ba'i pha rol tu phyin pa'i tshad de lta bu dang / rnam par grol ba'i ye shes mthong ba'i tshad de lta bu dang / rnam par grol ba'i ye shes mthong ba'i pha rol tu phyin pa'i tshad de lta bus dpag par mi nus so/ /'od srung / bzhi po 'di dag ni/ de bzhin gshegs pa'i mi mnyam pa'i ye shes rnams yin te/ de dag dang ldan na/ de bzhin
12a
@#/ /gshegs pa 'khor gyi nang du seng+ge'i sgra sgrog par byed pa'o/ /bzhi gang zhe na/ tshul khrims mnyam pa nyid dang / ting nge 'dzin mnyam pa nyid dang / shes rab mnyam pa nyid dang / sangs rgyas kyi chos mnyam pa nyid de/ 'od srung / mnyam pa'i ye shes bzhi po de dag ni/ gang dag dang ldan na de bzhin gshegs pa 'khor gyi nang na bzhugs shing seng+ge'i sgra yang dag par sgrog par byed pa'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas 'jig rten bsam yas na/ /sangs rgyas ye shes mtha' yas te/ /sems kyi las ni sbyangs pas na/ /de dag seng+ge'i sgra sgrog byed/ /seng+ge'i sgra sgrog byed pa ni/ /mu stegs gzhan rnams skrag par 'gyur/ /chos kyi chos nyid thos nas su/ /g.yang sar rab tu ltung bar 'gyur/ /bdag tu 'du shes gang gnas dang / /sems can 'du shes gang gnas pa/ / 'od srung de dag bstan 'di la/ /mu stegs can zhes ngas bshad do/ /dngos po'i 'du shes gang gnas dang / /nga yi nga zhes rten pa rnams/ /'od srung de dag bstan 'di la/ /mu stegs can zhes ngas bshad do/ /gang dag tshul khrims phung po dang / /bsam gtan rnams dang thos mang gis/ /rlom sems rnam rmongs de dag ni/ /'od srung mu stegs
12b
can rnams so/ /bdag ni chog shes 'dod chung dang / /rab tu dben la gnas pa dang / /chos gos ngan pa 'chang snyam pa/ /'od srung de ni mu stegs so/ /dper na nam mkha' 'di la ni/ / lag pa bskyod kyang thogs med cing / /dper na mkha' la rdul gyis kyang / /nam yang gos par mi 'gyur ba/ /de bzhin 'od srung ngas bstan pa'i/ /chos 'dir gang dag gnas de dag / nyon mongs rnams kyis mi gos te/ /mkha' la rdul dang sprin bzhin no/ /ji ltar mkha' la mi yis me tog spos rnams dang / /de bzhin phreng ba byug pa rnams kyis 'dir mchod kyang / /bdag mchod la la skye 'gyur 'jig par 'gyur ro zhes/ /de la blo gros kyang ni 'byung bar mi 'gyur dang / /ji ltar nam mkha' de la gos par mi 'gyur dang / /ji ltar de yi rang bzhin gos par mi 'gyur dang / /ji ltar de yi rang bzhin ngo bo nyid kyis gsob/ /de bzhin dge sbyong dag la stong pa'i chos rnams so/ /ji ltar gang gis nam mkha' bsdigs pa dang / /ji ltar nam du yang ni gshe bar mi 'gyur ba/ /de bzhin dge sbyong dag la chos rnams gang dag yin/ /de dag nam mkha' bzhin du gos pa med chos rnams/ /chos 'dir dge sbyong gang dag legs par bslab rnams dang / /gzhan dag slob pa rnams dang slob par 'gyur ba rnams/ /'di la nam du'ang gang dag 'chags par mi 'gyur ba/ /nga
13a
@#/ /yis de dag dge sbyong legs bslab rnams su bstan/ /ji ltar mkha' la nam yang lag pa mi thogs dang / /rdul dang du ba rnams kyis gos par mi 'gyur dang / /ji ltar lam ni nam yang byed par mi 'gyur ba/ /chos la de bzhin mos pa rnams ni dge sbyong yin/ /ji ltar sprin dang bral bar gyur ba'i nam mkha' la/ /zla ba thogs pa med par mkha' la 'gro byed kyang / /bdag gis bar snang la ni snang bar bya snyam du/ /de la rnam rtog de ni 'byung bar mi 'gyur bzhin/ /rgod med bdag nyid dge slong zla ba lta bu yis| |sbyin pa'i bdag po'i khyim rnams su ni 'gro bar bya/ /rgod med nga rgyal rnam grol sems dang ldan pa dang / /'jig rten chos rnams kyis ni ma gos sems ldan bya/ / khyim rnams la ni nga rgyal spangs nas bsten par bya/ /der phyin nas kyang chos nyid rab tu brjod par bya/ /bde dang rnyed pa'i phyir ni 'dod pa'ang spangs nas su/ /'jig rten rnam dag tshul khrims can du gnas par bya/ /de nas bcom ldan 'das kyis tshe dang ldan pa 'od srung chen po la bka' stsal pa/ 'od srung longs shig /longs la rang gi stan la 'dug cig /'od srung / khyod la chos kyi the tshom ji snyed yod pa de dag de bzhin gshegs pa la dris shig dang / 'od srung / ngas dris pa lan btab pas khyod kyi sems rangs
13b
par bya'o/ /de nas tshe dang ldan pa 'od srung chen po sa'i steng de nas langs te bcom ldan 'das kyi zhabs la mgo bos phyag btsal nas phyogs gcig tu 'dug go /de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas dzam+bu'i gling 'di na dge slong dang / dge slong ma dang / dge bsnyen dang / dge bsnyen ma ji snyed gnas pa de dag thams cad rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te phyogs gcig tu 'khod nas dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag yin pa de dag kyang 'od ma'i tshal bya ka lan+ta ka gnas par zhugs te/ de dag zhugs nas mtha' yas shing dpag tu med par shes par 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas /stong gsum gyi stong chen po'i 'jig rten gyi khams na rgyal po chen po bzhi dang / lha rnams kyi dbang po brgya byin dang / tshangs pa dang / tshangs pa chen po dang / 'od
14a
@#/ /gsal dang / mi che ba dang / mi gdung ba dang / shin tu mthong ba dang / 'og min gyi lha'i bu ji snyed pa de dag thams cad sangs rgyas kyi mthus rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag btsal te phyogs gcig tu 'khod nas/ bcom ldan 'das la thal mo sbyar te phyag 'tshal bar 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas klu'i rgyal po rgya mtsho dang / ma dros pa dang / snam bu'i dbang phyug dang / gau ta ma dang / dga' bo dang / nye dga' dang / gzi can dang / 'jog po dang / rab mdzes dang / e la'i 'dab dang / de dag dang / gzhan yang klu bye ba phrag stong sangs rgyas kyi mthus bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te/ phyogs gcig tu 'khod cing rgya chen po'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma de dag thams cad kyang sangs rgyas kyi mthus 'od ma'i tshal bya ka lan+ta ka
14b
gnas par zhugs nas gcig la gcig nyam nga ba med pas 'khod par 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis tshe dang ldan pa maung+gal gyi bu chen po la bka' stsal pa/ maung+gal gyi bu/ khyod longs la de bzhin gshegs pa'i gdan shoms shig /de bzhin gshegs pa de la bzhugs nas the tshom thams cad gcod pa zhes bya ba'i chos kyi rnam grangs yang dag par ston par 'gyur/ sems can thams cad kyi bsam pa sgrub pa'i spyod pa yang dag par ston par 'gyur/ sems can thams cad yang dag par tshim pa'i chos kyi rnam grangs yang dag par ston par 'gyur/ sems can thams cad chos la yang dag par gzhol ba'i tshul gyi sgo rgya mtsho'i phyag rgya yang dag par ston par 'gyur/ byang chub sems dpa' sems dpa' chen po rnams gyi spyod pa sgrub pa yang dag par ston par 'gyur/ sangs rgyas kyi chos sgrub pa yang dag par ston par 'gyur| sems can yongs su smin par bya ba sgrub pa yang dag par ston par 'gyur/ sbyin pa'i pha rol tu phyin pa sgrub pa yang dag par ston par 'gyur ba nas shes rab kyi pha rol tu phyin pa sgrub pa'i bar du yang dag par ston par 'gyur/ chos thams cad kyi tshul gyi sgo sgrub pa yang dag par ston par 'gyur/ sems can thams cad kyi dbang po sgrub pa
15a
@#/ /yang dag par ston par 'gyur/ sems can thams cad kyi gnas pa'i spyod pa sgrub pa yang dag par ston par yang 'gyur/ 'khor bzhi yang dag par tshim par byed par 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i 'khor kyang yang dag par tshim par byed par 'gyur/ 'das pa'i dus la ma chags ma thogs pa'i ye shes mthong ba dang / de bzhin du da ltar dang / ma 'ongs pa'i dus la ma chags ma thogs pa'i ye shes mthong ba dang / las kyi rnam par smin pa dang / spyod pa dang / smon lam rnams dang / ye shes kyi phyogs tsam zhig yang dag par ston par 'gyur ro/ /de nas tshe dang ldan pa maung+gal gyi bu chen po stan las langs te/ bcom ldan 'das kyi zhabs la mgo bos phyag btsal nas| bcom ldan 'das kyi gdan 'phang du tshangs pa'i 'jig rten srid cig bshams so/ /steng gi bar snang la'ang bcom ldan 'das kyi 'chag sa rin po che sna bdun las byas pa ka tsa linada'i gos ltar reg na bde ba/ srid kyi tshad ni/ stong gi 'jig rten gyi khams dang ldan pa/ rgyar ni| dpag tshad bdun brgya dang ldan pa zhig byas so/ /'chag sa de la'ang rtsig pa rim pa bdun dang / rta babs rim pa bdun dang / stegs bu rim pa bdun dang / dril bu g.yer ka'i
15b
dra ba rim pa bdun gyis kun nas bskor ba sprul to/ /'chags de'i g.yas g.yon du'ang 'di lta ste/ gser dang / dngul dang / shel dang / baiDUR+Ya rin po che sna bzhi'i shing ljon pa dag mngon par sprul to/ /gser las byas pa'i shing ljon pa rnams la dngul gyi lo ma dag dang / shel gyi me tog dag dang / bai DUR+Ya las byas pa'i 'bras bu dag dang / dngul las byas pa'i shing ljon pa rnams la gser gyi lo ma dag dang / baiDUR+Ya las byas pa'i me tog dag dang / shel las byas pa'i 'bras bu dag dang / baiDUR+Ya las byas pa'i shing ljon pa rnams la gser gyi lo ma dag dang / dngul gyi me tog dag dang / shel gyi 'bras bu dag dang / shel las byas pa'i shing ljon pa rnams la gser gyi lo ma dag dang / dngul gyi me tog dag dang / baiDUR+Ya las byas pa'i 'bras bu dag mngon par sprul to/ /shing ljon pa thams cad kyi bar dag tu'ang yan lag brgyad dang ldan pa'i chus bkang ba'i rdzing them skas bzhi dang ldan pa/ them skas de dag kyang rin po che sna bzhi gser dang / dngul dang / baiDUR+Ya dang / shel las byas pa/ gser gyi bye ma bdal ba/ ut+pa la dang / pad+ma dang / ku mu da dang / pad+ma dkar pos khebs pa/ steng gi bar snang la'ang rin po che sna bdun las byas pa'i dra ba'i bla re bres pa zhig mngon par sprul to/ /'chags de'ang dar gyi lda ldi mang pos dpyangs pa/ bdug spos dri zhim pos bdugs
16a
@#/ /pa| mi bdun gyi srid tsam du me tog sna tshogs kyis bcal bkram pa zhig mngon par sprul to/ /ut+pa la dang / pad+ma dang / ku mu da dang / pad+ma dkar po de dag la'ang maung+gal gyi bu dang 'dra ba'i dge slong dag mngon par sprul to/ /de nas tshe dang ldan pa maung+gal gyi bu chen pos rdzu 'phrul gyis byas pa'i gdan de lta bu de mngon par sprul te| bcom ldan 'das kyi thad du phyin nas 'di skad ces gsol to/ /bcom ldan 'das/ bdag gis gdan bshams lags na/ de'i dus la dbab par mkhyen par mdzad du gsol/ de skad ces gsol ba dang / bcom ldan 'das kyis tshe dang ldan pa maung+gal gyi bu chen po la bka' stsal pa/ maung+gal gyi bu/ khyod kyis gdan bshams zin tam/ bcom ldan 'das/ bdag gis bshams lags so/ /de nas bcom ldan 'das kyis byang chub sems dpa' sems dpa' chen po yul mtha' yas pa la dmigs pa sgrub pa nges par ston pa la bka' stsal pa/ rigs kyi bu| khyod kyis de bzhin gshegs pa'i seng+ge'i khri shoms shig /de bzhin gshegs pa de la bzhugs nas sems can thams cad yang dag par tshim par byed pa zhes bya ba'i chos kyi rnam grangs yang dag par rab tu ston par 'gyur ro/ /de nas byang chub sems dpa' sems dpa' chen po yul mtha' yas pa la dmigs pa sgrub pa nges par ston pas/ bcom ldan
16b
'das kyi ltar mnyan nas gdan bshams so/ /gdan de shom pa na byang chub sems dpa' ji snyed 'dus pa de dag thams cad kyis seng+ge'i gdan der rang rang gis bla gos dag bting ngo / /de nas bcom ldan 'das 'di snyam du dgongs te/ bdag gis ni/ 'di lta ste/ the tshom dang som nyi bsal ba'i phyir rdzu 'phrul mngon par 'du bya ba mngon par 'du mdzad pa gang gis byang chub sems dpa' de dag gi spyad pa sgrub pa dang / 'jug pa sgrub pa dang / smon lam sgrub pa dang / zhing bkod pa sgrub pa dang / sems can yongs su smin par bya ba sgrub pa gang dag yin pa dang / byang chub sems dpa' de dag byang chub mngon par rdzogs par sangs rgyas pa'i sangs rgyas kyi zhing rnams su sangs rgyas kyi zhing gi bkod pa 'byung ba dang / nyan thos phun sum tshogs pa 'byung ba dang / byang chub sems dpa' phun sum tshogs pa 'byung ba dang / chos bstan pa phun sum tshogs pa 'byung ba dang / che phun sum tshogs pa dang / mdog phun sum tshogs pa dang / gzugs phun sum tshogs pa dang / mtshan phun sum tshogs pa dang / dpe byad phun sum tshogs pa dang / yang dag pa'i sbyor ba phun sum tshogs pa dang / dam pa'i chos rab tu rnam par mi 'jig pa phun sum tshogs pa 'byung ba gang dag yin pa de dag thams cad rang rang gi chos gos dag las mthong bar 'gyur ba de lta bu'i rdzu 'phrul mngon
17a
@#/ /par 'du bya ba des nges par mngon par 'du bya'o/ /snyam mo/ /de nas bcom ldan 'das dran pa dang mkhyen bzhin du gdan de la bzhugs te/ bcom ldan 'das gdan de la bzhugs nas kyang yul mtha' yas pa la dmigs pa sgrub pa nges par ston pa zhes bya ba sangs rgyas kyi ting nge 'dzin la snyoms par zhugs so/ /de bzhin gshegs pa ting nge 'dzin la snyoms par zhugs nas| de nas de ma thag tu byang chub sems dpa' de dag gis rang rang gi bla gos ji snyed pa de dag bcom ldan 'das kyi gdan du bting ngo / /de dag gis rang rang gi chos gos de dag la bdag nyid kyi sangs rgyas kyi zhing gi yon tan bkod pa phun sum tshogs pa nas rab tu rnam par mi 'jig pa phun sum tshogs pa'i bar du'ang mthong ngo / / de nas byang chub sems dpa' de dag yang dag par tshim zhing yid rangs te/ dga' ba dang / dang ba la gnas nas bcom ldan 'das la sgra skad mthun par tshigs su bcad de bstod pa/ cho ga spyod pa yon tan gnas gyur pa/ /chos rnams kun la dbang ldan bsnyengs mi mnga'/ /yon tan kun la gnas pas khyod mdzes te/ /rgyal ba dbang ldan ting 'dzin yang dag gnas/ / g.yo dang sgyu ni khyod la yongs mi mnga'/ /nga rgyal rgod dang tshul 'chos mi mnga' ste/ /rig dang rnam grol dag gi spyod pa mkhyen/ /ting 'dzin de la gnas pas khyod mdzes so/ /dbang
17b
ldan bsnyengs bral ting 'dzin gnas nas su/ /rdzu 'phrul mi mtshungs bla na med pa bstan/ /chags med ye shes bstan phyir dbang ldan pa/ /ma 'ongs dus ni khyod kyis deng bstan to/ /mi g.yo go 'phang zhi ba thob snyam bgyid/ /de ring byang chub la ni mchis snyam bgyid/ /bdud dpung bcas pa rab tu bcom snyam bgyid/ /de ring rig pa rjes su thob snyam bgyid/ /rgyal bas gang gis 'dus byas stong gzigs pa'i/ /bla med mig ni thob par 'gyur snyam bgyid/ /chags med ye shes khyod kyi bka' drin la/ /mig kyang chags pa mchis pa yod ma lags/ / rnam par mthong yang ci yang ma mthong zhing / /chos ni gang la'ang zhe 'gras ma mchis te/ /gang la yid ni zhe 'gras ma mchis pa/ /de ni sangs rgyas spyan mchog de lags so/ /ji ltar rgyal ba'i sangs rgyas spyan mchog gis/ /khams gsum shes la ma chags 'jug pa bzhin/ /dngos dang dngos med mnyam mtshungs yid dang ldan/ /yang dag brtson zhing rang gi mig la gnas/ /gang tshe rgyal ba ting 'dzin der gnas te/ /de ring de dag kun gyis thob snyam bgyid/ /de dag gis ni gzungs sgo de dag dang / /chos la rnam par grol ba'i sgo mchog thob/ / sgor 'jug yongs su sbyangs byas rnam dag pa/ /rgyal ba'i blo ni yong ye nyams mi 'gyur/ /sbyin pa chen po'i rnam smin de 'dra ste/ /khrims chen yon tan de dag de 'dra lags/ /shes rab
18a
@#/ /chen po'i yon tan de 'dra ste/ /sngon chad chos de dag ni bsten pa mdzad/ /khyod ni gdan bzhugs bsam gtan mdzad pa na/ /mi yi dbang po phyogs bcur lhang nger gyur| /rgyal sras thugs kyi sras po 'dus de dag /gang nas shi 'phos las ni ci mchis pa/ /lha dang klu dang mi min mi'am ci/ /kun la de ring shes pa de 'jug go /kun tu snang bar gyur pa'i ting 'dzin la/ /gang gis bskal byer shes pa de bskyed pa/ /som nyi gcod cing the tshom sel ba yi/ /mi mchog seng+ge bzhin du sgrog par 'gyur/ /bdag dang gzhan la phan pa tshol ba na/ /'di ltar sngon chad sbyin pa stsal lags te/ /'di la sbyin pa tshul khrims bzod brtson gang / /sems can kun la de 'drar bskal pa mnyam/ /sems can de dag thams cad ma btud par/ /'di ltar sbyin dang tshul khrims bzod brtson gang / /sems can kun la kun tu mkhas pas na/ /'di la ting 'dzin 'jug dang shes rab mchog /des na khyod kyis ting 'dzin rnam par sbyangs/ /dpa' bo de ring gdan la bzhugs pa la/ /thal mo sbyar nas khyod la zhu lags na/ /som nyi gcad cing the tshom bsal du gsol/ /deng 'dir chos la kun tu snang thob cing / /the tshom bral te snang ba thob gyur pas/ /sems can gang dag 'byung dang bdag cag la/ /chos kyi tshul ni yun ring gnas par 'gyur/ /gleng gzhi'i le'u
18b
zhes bya ba ste dang po'o// //yang de'i tshe 'khor 'dus pa de nyid du pad+ma dpal gyi snying po zhes bya ba gzhon nur gyur pa zhig 'dus par gyur te 'dug go /de nas pad+ma dpal gyi snying po gzhon nur gyur pa stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas 'dug go /de ltar 'dug pa de'i sems la rnam par rtog pa 'di lta bu byung ste/ bdag ni/ de bzhin gshegs pa la chos kyi sgo rnams zhu bar 'dod pa yin/ rdo rje'i tshig rnams dang / rgyun mi gcod pa sgrub pa'i tshig rnams zhu bar 'dod pa yin/ smra ba thams cad tshar gcad pa sgrub pa'i tshig rnams dang / rim par phye ba'i tshig rnams dang / chos thams cad bsdu ba'i tshig rnams zhu bar 'dod pa yin na/ rigs kyi bu dang / rigs kyi bu mo dag phyag rgya'i sgo gang dag la bslab na/ chos thams cad la sgrib pa med pa'i mig dang shes pa la mkhas pa nyid rjes su thob par 'gyur/ bcom ldan 'das/ kye ma bdag gis bsam pa'i tshogs gang dag dang / 'jug pa sgrub pa gang dag gi go cha bgos pa/ sngon gyi dge ba'i rtsa ba'i tshogs skye ba la bsam pa sgrub pa'i tshogs la dgongs par 'gyur snyam mo/ /de nas bcom ldan 'das kyis pad+ma dpal gyi snying po gzhon nur gyur pa'i bsam pa thugs su chud cing smon lam dang / dge ba'i rtsa ba'i tshogs sgrub
19a
@#/ /pa thugs su chud nas de'i tshe phyogs bzhir rnam par gzigs so/ /phyogs bzhir gzigs pa na bcom ldan 'das kyi zhal gyi sgo nas 'od zer chen po bzhi byung ste/ de dag byung nas 'jig rten gyi khams mtha' yas mu med pa dag tu dong ngo / /'od zer de dag kyang shing ljon pa'am/ rtsig pa'am/ ri'am/ sa'am/ bar snang gang du bab pa de dag thams cad gser gyi kha dog gcig tu gyur to/ /phyogs dang phyogs mtshams thams cad du'ang 'od zer de dag thogs pa med par rab tu dong ste/ de ltar stong gsum gyi stong chen po'i 'jig rten gyi khams na 'od de dag gis reg pa'i sems can ji snyed pa de dag thams cad kyis rang gi lus dag gser gyi lus lta bur shes so/ /gang dag 'dod chags kyi yongs su gdung bas yongs su gdungs pa dang / zhe sdang gi yongs su gdung bas yongs su gdungs pa dang / gti mug gi yongs su gdung bas yongs su gdungs pa de dag thams cad kyis ni/ bdag nyid 'dod chags chung ba dang / zhe sdang chung ba dang / gti mug chung bar mngon par shes so/ /stong gsum gyi stong chen po'i 'jig rten gyi khams 'di na sems can dmyal ba ji snyed yod pa de dag tu sems can skyes pa gang dag sdug bsngal tsha ba/ mi bzad pa/ 'chi ba'i mthar byed pa'i tshor ba nyams su myong ba de dag thams
19b
cad kyis ni/ bcom ldan 'das kyi mthu dang / byang chub sems dpa' de'i sngon gyi smon lam gyi mthus bde ba snyam du shes par gyur to/ /stong gsum gyi stong chen po'i 'jig rten gyi khams na las kyi sgrib pas bsgribs pa dang / nyon mongs pa'i sgrib pas bsgribs pa dang / las kyi rnam par smin pa'i sgrib pas bsgribs par gyur pa'i sems can ji snyed yod pa de dag thams cad kyis kyang / bcom ldan 'das kyi mthu dang / byang chub sems dpa' de'i sngon gyi smon lam gyis sgrib pa dang bral bar gyur to/ /de'i tshe sems can rnams kyi dge ba'i rtsa ba cher gsal bar bya ba'i phyir/ bcom ldan 'das kyis spu'i khung bu thams cad nas 'od zer dag byung ste/ 'od zer de dag kyang shar phyogs su 'jig rten gyi khams tshad med pa dag 'das so/ / de bzhin du lho dang / nub dang / byang dang / steng dang / 'og tu 'jig rten gyi khams tshad med pa dag 'das so/ /de nas bcom ldan 'das kyis 'od zer de dag phyung nas gsung bsal ba'i sgra mdzad do/ /gsung bsal ba'i sgra des kyang 'jig rten gyi khams thams cad mngon par go bar gyur to/ /de'i tshe shar phyogs su 'jig rten gyi khams grangs med pa dag 'das pa na 'jig rten gyi khams gdugs gcig pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa zhes bya ba bzhugs te 'tsho zhing gzhes la
20a
@#/ /chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa des byang chub sems dpa' sems dpa' chen po dra ba can gyi 'od 'di ni/ nga'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / zhes bla na med pa yang dag par rdzogs pa'i byang chub tu lung bstan to/ /de nas de bcom ldan 'das de bzhin gshegs pa rin po che'i bkod pa gcig pa ga la ba der song ste phyin nas/ bcom ldan 'das de la 'di skad ces gsol to/ /bcom ldan 'das/ gsung bsal ba'i sgra dang / 'od kyi snang ba chen po gda' ba de su'i lags/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pas byang chub sems dpa' dra ba can gyi 'od la bka' stsal pa| rigs kyi bu/ nub phyogs su sangs rgyas kyi zhing 'di nas 'jig rten gyi khams tshad med grangs med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod sems
20b
can thams cad yang dag par tshim par byed pa zhes bya ba'i chos kyi rnam grangs kyi chos kyang ston to/ /'khor der byang chub sems dpa' sems dpa' chen po pad+ma dpal gyi snying po zhes bya ba 'dus te/ bcom ldan 'das de bzhin gshegs pa shAkya thub pa de la 'di lta ste/ chos thams cad la yang dag par gzhol ba'i phyag rgya yi ge mngon par sgrub pa'i sgo zhu bar 'dod do/ /dra ba can gyi 'od/ sangs rgyas kyi zhing de na byang chub sems dpa' sems dpa' chen po bsam gyis mi khyab pa'i go cha bgos pa/ tha mi dad par spyod pa'i go cha bgos pa dag 'khor der 'dus te 'khod do/ /dra ba can gyi 'od/ byang chub sems dpa' sems dpa' chen po go cha de dag dang ldan pa de dag gis sangs rgyas kyi zhing gzhan dag kyang stongs so/ / dra ba can gyi 'od/ de bzhin gshegs pa shAkya thub pa de'i sangs rgyas kyi zhing du skyes pa gang dag yin pa de dag mthong ba dang thos pa'ang byang chub sems dpa' de dag gi gces spras byed par nga smra na/ dra ba can gyi 'od/ gang dag gis de dag mthong nas bkur sti byed dam/ bla mar byed dam/ ri mor byed dam/ mchod par byed dam/ 'dri bar byed pa lta ci smos/ de nas de bzhin gshegs pa rin po che'i bkod pa gcig pa de la byang chub sems dpa' sems dpa' chen po dra ba can gyi 'od kyis 'di skad ces gsol to/ /bcom ldan 'das/ de
21a
@#/ /bzhin gshegs pa shAkya thub pa de la lta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po bsam gyis mi khyab pa'i go cha bgos pa de dag blta ba'i slad du 'jig rten gyi khams der mchi zhing 'jig rten gyi khams de'ang blta bar bgyi'o/ /de skad ces gsol pa dang / de bzhin gshegs pa rin po che'i bkod pa gcig pas byang chub sems dpa' sems dpa' chen po dra ba can gyi 'od la 'di skad ces bka' stsal to/ /rigs kyi bu/ de'i dus la da bab par shes na song la sangs rgyas kyi zhing der shes bzhin du'ang spyod cig /de ci'i phyir zhe na/ rigs kyi bu/ 'jig rten gyi khams mi mjed de na gnas pa'i byang chub sems dpa' sems dpa' chen po de dag bsnyen par dka' ba'i phyir ro/ /de nas de bzhin gshegs pa rin po che'i bkod pa gcig pas byang chub sems dpa' sems dpa' chen po dra ba can gyi 'od la lag pa lta bu'i ut+pa la byin te/ dra ba can gyi 'od/ de bzhin gshegs pa shAkya thub pa de la khyod kyis lag pa lta bu'i ut+pa la 'dis mchod cig /nga'i tshig gis bcom ldan 'das de bzhin gshegs pa rin po che'i bkod pa gcig pa de bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg
21b
pa la gnas sam zhes snyun gsol lo/ /zhes de skad ces gsol cig /de nas byang chub sems dpa' sems dpa' chen po dra ba can gyi 'od de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa de'i zhabs la mgo bas phyag btsal te lan gsum bskor ba byas nas byang chub sems dpa' sems dpa' chen po tshad med grangs med pa dag dang lhan cig tu 'jig rten gyi khams mi mjed ga la ba der song ste/ sems kyi skad cig gcig gis 'jig rten gyi khams mi mjed der 'dug par gyur to/ / de nas byang chub sems dpa' sems dpa' chen po dra ba can gyi 'od rgyal po'i khab 'od ma'i tshal bya ka lan+ta ka gnas pa ga la ba der song nas bcom ldan 'das ga la ba der yang song ste phyin nas/ bcom ldan 'das kyi zhabs la mgo bos phyag btsal te 'di skad ces gsol to/ /bcom ldan 'das/ byang chub sems dpa' dra ba can gyi 'od bcom ldan 'das kyi zhabs la mgo bos phyag 'tshal lo/ /bcom ldan 'das/ bdag dra ba can gyi 'od lags so/ /bde bar gshegs pa/ bdag dra ba can gyi 'od lags te/ bcom ldan 'das kyi zhabs la mgo bos phyag 'tshal lo/ /de skad ces gsol pa dang / bcom ldan 'das kyi byang chub sems dpa' sems dpa' chen po dra ba can gyi 'od la 'di skad ces bka' stsal to/ /dra ba can gyi 'od/
22a
@#/ /khyod yun ring du 'tsho bar gyur cig /khyod bde ba dang nad med par gyur cig /de nas byang chub sems dpa' sems dpa' chen po dra ba can gyi 'od bcom ldan 'das kyi zhabs la mgo bos phyag btsal nas phyogs gcig tu 'dug go /phyogs gcig tu 'dug nas kyang byang chub sems dpa' sems dpa' chen po dra ba can gyi 'od kyis bcom ldan 'das la 'di skad ces gsol to/ /bcom ldan 'dad de bzhin gshegs pa rin po che'i bkod pa gcig pa bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa des bcom ldan 'das la lag pa lta bu'i ut+pa la 'di'ang bskur lags na/ bcom ldan 'das/ byang chub sems dpa' dra ba can gyi 'od las lag pa lta bu'i ut+pa la bzhes su gsol/ de nas bcom ldan 'das kyis lag pa lta bu'i ut+pa la bzhes nas byang chub sems dpa' ma pham pa la byin no/ /de nas byang chub sems dpa' ma pham pas lag pa lta bu'i ut+pa la de thogs nas byang chub sems dpa' bzang skyong la sogs pa lnga brgya la smras pa/ rgan rabs dag/ lag pa lta bu'i ut+pa la 'di ni/ de bzhin gshegs
22b
pas byin pa'o/ /de nas bzang skyong la sogs pa byang chub sems dpa' lnga brgya po de dag gis lag pa lta bu'i ut+pa la de thogs nas bcom ldan 'das la 'di skad ces gsol to/ /bcom ldan 'das/ bdag cag de ltar yang dag par zhugs pa lags na/ ci bdag cag byang chub sems dpa'i spyad pa spyod pa na sems can gang dag gis ming thos par gyur pa de thams cad bla na med pa yang dag par rdzogs pa'i byang chub tu nges par 'gyur lags sam/ bcom ldan 'das/ lag pa lta bu'i ut+pa la 'di ni/ byang chub sems dpa' ma pham pas bdag cag la stsal lags te/ bcom ldan 'das/ bdag cag gis ni/ lag pa lta bu'i ut+pa la 'di rang gi smon lam gyi stobs dang / spyod pa'i stobs dang / bsam pa'i stobs dang / sems can thams cad yongs su mi gtong ba'i stobs kyis de bzhin gshegs pa la gsol ba 'debs pa'i slad du lag pa lta bu'i ut+pa la de gtor bar bgyi'o/ /bcom ldan 'das/ shar phyogs na de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs te 'tsho zhing gzhes pa dag dang / gang dag ma byung ba dag dang / 'byung bar 'gyur ba dag dang / 'byung ba'am 'jig pa der yang bcom ldan 'das/ gtor bar bgyi'o/ /de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du 'og gi phyogs dang /
23a
@#/ /de bzhin du steng gi phyogs dang / de bzhin du phyogs mtshams kyi 'jig rten gyi khams rnams na sangs rgyas bcom ldan 'das ji snyed byung ba dang / 'byung bar 'gyur ba'i 'jig rten gyi khams de dag tu'ang gtor bar bgyi'o/ /bcom ldan 'das/ gang su dag gis lag pa lta bu'i ut+pa la de mthong bar gyur pa de dag thams cad ut+pa la'i dri snom par gyur cig /de dag thams cad bla na med pa yang dag par rdzogs pa'i byang chub tu nges par gyur cig /de bzhin du sangs rgyas kyi zhing thams cad du'ang mchi bar gyur cig /de dag gis lag pa lta bu'i ut+pa la de gtor nas de nas de ma thag tu bcom ldan 'das kyis phyag g.yas pas reg ste/ lag pa lta bu'i ut+pa la de bcom ldan 'das kyis reg nas kyang de nas de ma thag tu skad cig de nyid la ut+pa la de'i nang nas de bzhin gshegs pa'i sku'i phyed mngon par byung zhing / ut+pa la re re las kyang de bzhin gshegs pa'i sku phyed mngon par byung ste| de bzhin gshegs pa'i sku'i phyed po de dag gis gang dag chos thams cad sgyu ma lta bur mi shes shing mos par mi byed la/ chos thams cad sgrib pa med pa dang / chos thams cad mtshan nyid med par mi shes shing mos par mi byed/ khong du chud par mi byed pa de dag gi ston pa ni/ de bzhin gshegs pa ma yin zhing / de dag de bzhin gshegs pa'i nyan thos
23b
dag kyang ma yin no/ /zhes de lta bu'i tshig de dag gsungs te/ gsungs nas kyang bzhud do/ /tshigs su bcad pa 'di dag kyang bka' stsal to/ /sgyu ma 'dra chos gzung du med pa ste/ /gzung min thams cad chu zla 'dra ba yin/ /stong pas stong pa'i rang bzhin mi 'dzin pa/ /chos nyid 'di ni rgyal bas de 'drar gsungs/ /mtshan nyid med chos rnam dag mtshan nyid yin/ /mtshan nyid med pa'i rang bzhin de 'dra ste/ /brtags pas stong zhing bdag med chos rnams la/ /'dzin pa med cing rtsod pa med par 'gyur/ /gang dag de ltar chos nyid de 'dod pa/ /de dag ston pa rgyal ba mthu bo che/ /phyogs bcur 'jig rten spyod pa thams cad la/ /de 'dra 'di ni de yi byin rlabs so/ /de ltar de bzhin gshegs pa'i sprul pa de dag gis tshigs su bcad pa de dag gsungs nas phyogs bcur bzhud do/ /bam po gnyis pa/ de nas bcom ldan 'das la byang chub sems dpa' sems dpa' chen po dra ba can gyi 'od kyis 'di skad ces gsol to/ /bcom ldan 'das/ rigs kyi bu de dag gis ji tsam du smon lam dag shin tu yongs su sbyangs pa dang / sems can gang dag gis de dag gi smon lam de dag thos pa dang / ming yang bsgrags pa de dag sdug bsngal mang pos reg pa'i sdug bsngal de dag las yongs su thar par 'gyur ba dang / bla na med pa yang dag par rdzogs pa'i byang chub tu nges par 'gyur ba ni/ ngo mtshar lags so/ /bcom ldan 'das/ 'on kyang
24a
@#/ /bcom ldan 'das dang / rigs kyi bu de dag 'jig rten gyi khams 'dir 'byung ba'i cha ma lags so/ /de ci'i slad du zhe na/ bcom ldan 'das/ dper bgyi na/ skyes pa'am bud med la la zhig rin thang ma mchis pa'i nor bu rin po che dri ma thams cad dang bral ba/ phan pa dang bde ba thams cad nye bar sgrub par bgyid pa'i nor bu rin po che de'i yon tan bsgrags pa thos nas yongs su btsal bar sems shing / nor bu rin po che de'i mtshan ma dag kyang legs par 'dzin par bgyid la/ chab khungs 'am de las gzhan mi gtsang ba dang 'dres pa'i phyogs dag na nor bu rin po che shin tu yongs su byang ba de 'dam du stsal ba mthong zhing / lhag par yang nor bu rin po che de'i khor yug na smyig ma mkhan gyi rigs sam/ gdol ba'i rigs sam/ g.yung po'i rigs sam/ de dag las gzhan yang tshegs kyis 'tsho ba dma' ba'i rigs dag mchis par gyur na/ de dag nor bu rin po che de'i ming yang ma 'tshal na/ yon tan 'tshal bar 'gyur ba lta smos kyang ci 'tshal te/ de ni/ gnas ma mchis lags so/ /de nas mi des mi gtsang bar stsal ba'i nor bu rin po che de mthong nas nor bu rin po che de'i snod ni/ mdzes pa ma yin no/ /zhes de skad ces smra bar bgyid la/ de nas dma' ba'i mi de dag 'di skad ces smra bar bgyid de/ khyod kyis
24b
gang gi bsngags pa smras pa'i nor bu rin po che de gang yin zhes de skad ces smras pa dang / mi des nor bu rin po che de bstan la/ de ston pa na mi byis pa'i rang bzhin can de dag ma 'tshal bzhin du/ kye mi khyod kyis nor bu rin po che de'i yon tan ci'i phyir smras/ khyod kyis gang smras pa'i nor bu rin po che de'i yon tan de dag ni/ yod pa ma yin no/ /khyod ni/ rdzun du smra ba/ gzhan du smra ba ste/ khyod kyi tshig de dag yid mi ches so/ /zhes smras la/ de'i tshe mi des nor bu rin po che de mi gtsang ba'i gnas de nas mngon par bteg cing blangs nas mchis te/ de nas nor bu rin po che de phyung nas mi de mchis ma thag tu mi dbul po'i rang bzhin can de dag gcig la gcig shin tu rab tu rnam par 'khrugs par gyur nas de'i rjes la gnod pa mang pos yongs su bskor ba de bzhin du/ bcom ldan 'das/ bdag cag ni/ dge ba'i rtsa ba chung ngu dang ldan pa rnams kyi 'jig rten gyi khams mi mjed dbul pos gtams par mchis lags te/ bcom ldan 'das/ ji ltar mi gtsang ba'i 'dam gyis snod du stsal ba'i nor bu rin po che de mkhas pa'i rang bzhin can gyi mi des ngo 'tshal ba de lta bur ni/ bcom ldan 'das/ 'jig rten gyi khams mi mjed na bdag cag blta bar bgyi'o/ /bcom ldan 'das/ ji ltar bde ba thams cad nye bar sgrub par bgyid pa'i nor bu rin po che de legs par
25a
@#/ /sbyangs shing rnam par dag pa de lta bur ni/ bcom ldan 'das/ de bzhin gshegs pa dang / byang chub sems dpa' sems dpa' chen po bsam gyis mi khyab pa'i go cha bgos pa de dag blta bar bgyi'o/ /bcom ldan 'das/ ji ltar nor bu rin po che de'i khor yug na dma' bas 'tsho ba dbul po dma' ba'i mi de dag gnas pa de lta bur ni/ bcom ldan 'das/ 'jig rten gyi khams mi mjed 'di na de dag las gzhan pa'i sems can rnams blta bar bgyi'o/ /bcom ldan 'das/ ji ltar skyes pa'am/ bud med kyis nor bu rin po che de'i yon tan dag thos nas nor bu rin po che de yongs su btsal bar sems shing / mi gtsang ba'i snod na mchis pa'i nor bu rin po che de mthong nas kyang nor bu rin po che de'i snod de ni/ 'tsham pa ma yin no/ /zhes smra bar bgyid pa de bzhin du/ bcom ldan 'das/ phyogs bcu dag na sangs rgyas bcom ldan 'das dang / byang chub sems dpa' gang dag lags pa de dag bcom ldan 'das kyi sangs rgyas kyi zhing de ni/ 'tsham pa ma yin no/ /zhes sangs rgyas bcom ldan 'das rnams dang / byang chub sems dpa' sems dpa' chen po bsam gyis mi khyab pa'i go cha bgos pa de dag gi bsngags pa brjod lags so/ /bcom ldan 'das/ dper bgyi na/ skyes pa'am/ bud med kyis nor bu rin
25b
po che de'i yon tan dag thos nas yongs su btsal bar sems shing / mi gtsang ba'i snod na mchis pa de'ang mthong nas snod de ni/ 'tsham pa ma yin no/ /zhes tshig smra bar bgyid pa de bzhin du| bcom ldan 'das/ bdag cag gis ni/ de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' sems dpa' chen po bsam gyis mi khyab pa'i go cha bgos pa de dag gi yon tan gyi bsngags pa thos nas blta ba'i slang du bdag cag 'dir mchis te/ bcom ldan 'das/ 'jig rten gyi khams 'dir mchis nas bdag cag gis ni/ 'jig rten gyi khams 'di gnod pa brgya phrag du mas gtams shing sems can dge ba'i rtsa ba chung du dang ldan pa dag gis gtams par mthong lags so| |bcom ldan 'das/ dper bgyi na/ 'dam du stsal ba'i nor bu rin po che de'i 'od de mi 'dor ba de bzhin du/ bcom ldan 'das/ phyogs bcu dag na de bzhin gshegs pa dang / byang chub sems dpa' sems dpa' chen po bsam gyis mi khyab pa'i go cha bgos pa de dag gi 'od de mi 'dor lags te/ 'dir ni/ sems can rnams kyis bsam pa dang mos pa chung ba'i slad du bcom ldan 'das kyi 'od 'dom gang tsam du byin gyis rlob par mdzad lags so/ /bcom ldan 'das/ dper bgyi na/ mi de nor bu rin po che de'i yon tan dag sgrog pa na mi dbul
26a
@#/ /ba'i rang bzhin can de dag mngon par yid mi ches pa de bzhin du/ bcom ldan 'das/ sems can de dag ni/ de bzhin gshegs pa'i 'od shin tu rgyas pa'am| smon lam chen po'am/ rnam par 'phrul pa chen po'am/ sangs rgyas kyi yon tan dag la'ang yid ches par mi bgyid na/ byang chub sems dpa' sems dpa' chen po de dag gi la lta smos kyang ci 'tshal/ /bcom ldan 'das/ dper bgyi na/ mi des mi gtsang ba'i snod de nas nor bu rin po che de blangs nas mchis la/ de mchis ma thag tu'ang sems can de dag gnod pa rnam pa du mas shas cher yongs su bskor ba de bzhin du/ bcom ldan 'das/ de bzhin gshegs pa yongs su mya ngan las 'das shing / byang chub sems dpa' sems dpa' chen po de dag kyang 'jig rten gyi khams gzhan du mchis nas/ 'di lta bu'i mdo sde 'dzin pa/ byang chub sems dpa' yang dag par 'dzin du stsol ba rnams gcig la gcig rab tu rnam par 'khrug par 'gyur zhing / chos kyi sgra'ang 'byung bar mi 'gyur la/ chos ma lags pa nyid kyi sgra 'byung ba kho na rabs so/ /zhes de skad ces gsol pa lags so/ /de ci'i slad du zhe na| 'di ltar sems can de dag ni/ chos ma lags pa la gnas par 'gyur zhing chos ma lags pas 'tsho ba nyid yang dag par blangs nas gnas par 'gyur la/ gcig la gcig
26b
'thab mo dang / sun 'byin pa dang / mtshang 'dru ba dang / smod pa la 'jug par bgyid par 'gyur te/ de dag gcig la gcig dge ba'i chos las nyams nas sdug bsngal thob par 'gyur zhing / de dag chos gsog pa dang / dge ba gsog pa lhur len par mi 'gyur ba'i slad du'o/ /bcom ldan 'das/ rigs kyi bu'am/ rigs kyi bu mo don 'tshal ba/ don yongs su tshol bar 'tshal ba/ sangs rgyas kyi byang chub yang dag par sgrub par 'tshal ba dang / nyan thos kyi theg pa bas kyang 'jig rten gyi khams 'dir skye bar mi bgyi na/ byang chub sems dpa'i theg pa pas lta smos kyang ci 'tshal/ de ci'i slad du zhe na/ bcom ldan 'das/ dper bgyi na/ sems can dmyal ba chen po mnar med pa dang / yang sos dang / thig nag dang / tsha ba dang / rab tu tsha ba dang / de dag las gzhan pa sems can dmyal ba chen po dag tu sems can gang dag skyes pa de dag la skad cig thang gcig yud tsam yang bde ba mi dmigs pa de bzhin du/ bcom ldan 'das bcom ldan 'das de bzhin gshegs pa rin po che'i bkod pa gcig pa de'i 'jig rten gyi khams rin po che'i gdugs gcig pa na byang chub sems dpa' gang dag mchis pa de dag gis 'jig rten gyi khams mi mjed 'di na sems can mnar med par skyes pa rnams dang 'dra bar byang chub sems dpa' sems dpa' chen po 'dir skyes pa de dag la'ang bde ba ci'ang yang dag
27a
@#/ /par rjes su ma mthong lags so/ /sangs rgyas kyi zhing bde ba gcig pu ma chog tu gyur pa dang / 'jig rten gyi khams de na sems can de dag ni/ rang bzhin gyis bde ba lags so/ /bcom ldan 'das/ bdag ni/ sems can 'dir skyes pa rnams kyis de mngon par yid ches par dka' bar 'gyur bar smra lags te/ bcom ldan 'das/ 'on kyang chos kyi the tshom gcad pa dang / chos kyi phyag rgya'i sgo mnyan pa'i slad du gang gi don du bdag 'dir mchis pa de bcom ldan 'das las bdag cag thos par 'tshal lags so/ /de ci'i slad du zhe na/ bcom ldan 'das/ bde ba dang sdug bsngal de dag thams cad mi rtag pa lags pa'i slad du'o/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas las gang la bde ba ma mchis pa dang / sdug bsngal ba ma mchis pa dang / rtag pa ma mchis pa dang / mi rtag pa ma mchis pa dang / rtog pa ma mchis pa dang / rnam par rtog pa ma mchis pa dang / dngos po ma mchis pa dang / dngos po ma mchis pa ma mchis pa dang / 'dus byas ma mchis pa dang / 'dus ma byas ma mchis pa dang / gdags pa ma mchis pa dang / gdags pa ma mchis pa ma mchis pa dang / 'jig rten ma mchis pa dang / 'jig rten las 'das pa ma mchis pa dang / zag pa dang bcas pa ma mchis pa dang / zag
27b
pa ma mchis pa ma mchis pa dang / bden pa ma mchis pa dang / rdzun pa ma mchis pa dang / byang chub ma mchis pa dang / byang chub kyi yan lag rnams ma mchis pa dang / stobs rnams ma mchis pa dang / snang ba ma mchis pa dang / mun pa ma mchis pa dang / rnam par rig pa ma mchis pa dang / rnam par rig pa ma lags pa ma mchis pa dang / 'bras bu ma mchis pa dang / 'bras bu ma lags ba ma mchis pa dang / lam ma mchis pa dang / lam ma lags pa ma mchis pa dang / 'jug pa ma mchis pa dang / mthar thug pa ma mchis pa dang / 'jig rten ma mchis pa dang / 'jig rten nas nges par 'byung ba ma mchis pa rnam pa de lta bu'i chos thos par 'tshal lags so/ /de ci'i slad du zhe na/ bcom ldan 'das/ bsod nams kyi tshogs las yang dag par byung ba/ kun rtog pa las byung ba'i bde ba de dag dang / gzhan thams cad 'jig rten la bstan par bgyi ba'i slad du'o/ /bcom ldan 'das/ sangs rgyas kyi chos rnams ni/ bstan du mi rung lags te/ bcom ldan 'das/ de la stobs rnams ma mchis/ mi 'jigs pa rnams ma mchis/ rdzu 'phrul ma mchis/ rdzu 'phrul gyi cho 'phrul ma mchis/ kun brjod pa ma mchis/ kun brjod pa'i cho 'phrul ma mchis/ rjes su bstan pa ma mchis/ rjes su bstan pa'i cho 'phrul ma mchis lags so/ /mi 'jigs pa rnams ma mchis shing stobs rnams ma mchis la/ bde ba ma mchis
28a
@#/ /shing sdug bsngal ba ma mchis lags te/ de dag thams cad ni/ rlom sems lags shing / de dag thams cad ni/ g.yo ba lags pa'i slad du'o/ /bcom ldan 'das/ de bzhin nyid rjes su thob pa dang / rjes su ma thob pa'i slad du de bzhin gshegs pa ni/ de bzhin gshegs pa zhes bgyi ba'i grangs su mchi ba ma lags te/ 'di ltar de dag thams cad ni/ g.yo ba dang / rlom sems dang / g.yos pa dang / spros pa lags pa'i slad du'o/ /de bzhin gshegs pas ni/ bden pa'am/ rdzun pa 'am/ 'dus byas sam| 'dus ma byas sam/ zag pa dang bcas pa'am/ zag pa ma mchis pa'am/ kha na ma tho ba dang bcas pa'am/ kha nam tho ba ma mchis pa'am/ 'jig rten pa'am/ 'jig rten las 'das pa'am/ tshul khrims sam/ 'chal ba'i tshul khrims sam/ stobs rnams sam/ stobs ma mchis pa'am/ mi 'jigs pa'am/ mi 'jigs pa ma mchis pa'am/ sbyin gnas sam/ sbyin gnas ma lags pa'am/ de bzhin gshegs pa'am/ sangs rgyas sam/ byang chub sems dpa'am/ nyan thos sam/ rang sangs rgyas sam/ smon lam rnams sam/ byin gyi rlabs rnams kyi rlom sems thams cad yang dag par bcom zhing lam yongs su mkhyen te/ de bas na/ de bzhin gshegs pa ni/ bag tsha ba mi mnga' bar seng+ge lta bu dang / glang
28b
po che lta bu'i sgra sgrog par mdzad lags so/ /de bzhin gshegs pa ni/ bzhed na mi mthun pa rnams la mi mthun pa'i 'du shes can du gnas par mdzad/ mthun pa rnams la mthun pa'i 'du shes can du gnas par mdzad do/ /de bzhin gshegs pa ni/ bzhed na dran pa dang ldan zhing mkhyen bzhin du de gnyis kas kyang btang snyoms par gnas par mdzad do/ /bcom ldan 'das/ de bzhin gshegs pa'i gnas pa de dag ni/ sangs rgyas kyi gnas pa dag dang / rang byung gi gnas pa dag dang / nyan thos dang rang sangs rgyas rnams dang yang thun mong ma lags pa'i gnas pa dag lags na/ de dag las gzhan pa'i sems can tha chad rnams dang thun mong ma lags pa lta smos kyang ci 'tshal/ bcom ldan 'das/ ci'i slad du thun mong ma lags she na/ de las gzhan pa'i sems can tha chad kyis de lta bu'i gnas pa de dag dang / de snyed kyi gnas pa de dag dang / yun ji srid nas gnas pa de dag dang / sbyor ba de lta bu'i gnas pa de dag dang / bde bde lta bu'i gnas pa de dag 'tshal bar rngo mi thogs shing / bcom ldan 'das/ de dag de bzhin gshegs pa dang bral ba'i sems can rnams kyi gnas de dag 'tshal bar rngo mi thogs pa'i slad du'o/ /bcom ldan 'das/ de dag ni/ sems can gzhan dag gi spyod yul ma lags shing / de bzhin gshegs pa'i gnas pa de lta bu de dag ni/ nyan thos dang / rang
29a
@#/ /sangs rgyas thams cad kyi spyod yul ma lags te/ bcom ldan 'das/ spyod yul ma lags zhes bgyi ba ni/ spyod pa ma mchis shing / rnam par spyod pa ma mchis pa ste/ des na spyod yul ma lags zhes bgyi'o/ /de ci'i slad du zhe na/ bcom ldan 'das/ de la nyan thos dag gam/ rang sangs rgyas dag gi spyod pa ma mchis pa'i slad du'o// de ci'i slad du zhe na/ bcom ldan 'das/ gnas pa de mtha' yas pa'i slad du'o/ /bcom ldan 'das/ ci'i slad du gnas pa mtha' yas pa lags she na/ bcom ldan 'das/ de bzhin gshegs pa dag gi mos pa ni/ mtha' yas te/ gang gis kyang 'tshal bar rngo mi thogs lags so/ /de ci'i slad du zhe na/ bcom ldan 'das/ gnas pa de ni/ yi ge ma mchis pa lags te/ yi ge ma mchis pa zhes bgyi ba ni/ brjod du ma mchis pa lags la/ yi ge ni/ brjod pa kho na lags pas de'i slad du bcom ldan 'das/ de ni/ rang byung gi gnas pa ma lags so/ /bcom ldan 'das/ gang dag gnas pa de la rnam par lta bar mi 'gyur zhing rab tu 'tshal bar mi 'gyur ba'i sems can de dag 'jig rten gyi khams gzhan nas shi 'phos pa lags so/ /gang dag gnas pa de glo bar chud par mi 'gyur ba de dag gis ni/ gnod pa chen po dang ldan par 'tshal bar bgyi'o/ /bcom ldan 'das/ de bzhin
29b
gshegs pa'i gnas pa de ni/ bcom ldan 'das/ don gyi sgo dang / chos kyi sgo de lags te/ 'khor sgo drug khri brgyad stong dang ldan pa lags so/ /de bzhin gshegs pa rin po che'i bkod pa gcig pa'i byang chub ni/ nam mkha' lta bur tshad ma mchis shing / byang chub sems dpa' sems dpa' chen po de dag sgo gcig pa'i tshad las rjes su thob pa lags so/ / sgo'i tshig 'di bstan cing bshad pa na byang chub sems dpa' sems dpa' chen po bdun khri bdun stong gis ni/ sgrib pa med pa'i chos kyi sgo rjes su thob ste/ 'di lta ste/ de bzhin gshegs pa'i gnas pa de nyid do/ /de dag thams cad kyis bdag cag gis deng byang chub thob bo/ /bdag cag gis dang byang chub thob bo/ /zhes bya ba'i tshig kyang smras so/ /srog chags bye ba khrag khrig phrag drug cu ni/ bla na med pa yang dag par rdzogs pa'i byang chub tu sems skyes te/ bcom ldan 'das kyis de dag sems dang po bskyed pa nyid kyis bla na med pa yang dag par rdzogs pa'i byang chub tu lung bstan to/ /srog chags bye ba khrag khrig sa ya phrag brgyad ni/ chos rnams la chos kyi mig rdul med cing dri ma dang bral ba skyes so/ /dge slong sum stong ni/ len pa med par zag pa rnams las sems rnam par grol lo/ /de nas bcom ldan 'das kyis de'i tshe 'dzum pa mdzad do/ /bcom ldan 'das kyi 'dzum pa mdzad nas kyang de nas de ma thag tu de'i tshe
30a
@#/ /'jig rten du 'od chen po byung bar gyur cing / sa chen po'ang g.yos par gyur to/ /de nas tshe dang ldan pa kun dga' bos chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la bde logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das 'dzum pa mdzad pa dang / 'jig rten du snang ba chen po byung ba dang / 'jig rten du sa chen po g.yos pa'i rgyu ni gang lags/ rkyen ni/ gang lags/ bcom ldan 'das kyis bka' stsal pa/ kun dga' bo/ byang chub sems dpa' dra ba can gyi 'od kyis chos kyi sgo de bstan cing bshad pa na/ byang chub sems dpa' bdun khri bdun stong gis sgrib pa med pa'i chos kyi phyag rgya'i sgo thob par gyur cing / kun dga' bo/ byang chub sems dpa' dra ba can gyi 'od kyis chos kyi sgo'i tshig bstan pa de ni/ nam mkha' yongs su zin pa'i sa phyogs de nyid du sangs rgyas brgyad stong las blangs te/ blangs nas kyang de'i rjes la byang chub sems dpa' dra ba can gyi 'od sgrib pa med pa'i chos kyi sgos nges par byung ba dang / sangs rgyas kyi zhing nas sangs rgyas kyi zhing du 'gro ba la mkhas par gyur pa'i phyir ro/ /yang de'i tshe shar phyogs su sangs rgyas kyi zhing grangs med pa bdun cu rtsa brgyad 'das pa na 'jig
30b
rten gyi khams rin po che brtsegs pa gcig pa na/ de bzhin gshegs pa dgra bcom pa yang dag par rdzogs pa'i sangs rgyas rin po chen mtha' yas khyu mchog ces bya ba da ltar bzhugs te 'tsho zhing gzhes la 'khor 'bum phrag du ma la chos kyang ston to/ /bcom ldan 'das de'i rgyal tsha ba byang chub sems dpa' sems dpa' chen po don yod khyu mchog rnam par gnon ces bya ba de 'khor der 'dus par gyur te 'dug nas/ de gsung bsal ba'i sgra de thos te/ de bzhin gshegs pa shAkya thub pa'i 'od de'ang mthong nas de bzhin gshegs pa rin chen mtha' yas khyu mchog la 'di skad ces gsol to/ /bcom ldan 'das/ gsung bsal ba'i sgra dang / 'od gda' ba de su'i lags/ de nas de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog gis byang chub sems dpa' sems dpa' chen po don yod khyu mchog rnam par gnon de la bka' stsal pa/ don yod khyu mchog rnam par gnon/ nub phyogs su sangs rgyas kyi zhing 'di nas sangs rgyas kyi zhing grangs med pa bdun cu rtsa brgyad 'das pa na 'jig rten gyi khams mi mjed ces bya ba yod de/ de na de
31a
@#/ /bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te 'tsho zhing gzhes la/ 'di lta ste/ sems pa dpe med pa'i byang chub sems dpa' rnams las brtsams nas byang chub sems dpa'i sde snod sems can thams cad yang dag par tshim par byed pa/ sems can thams cad kyi the tshom gcod pa zhes bya ba'i chos kyi rnam grangs kyi chos kyang ston to/ /de nas de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog la byang chub sems dpa' sems dpa' chen po don yod khyu mchog rnam par gnon gyis 'di skad ces gsol to/ /bcom ldan 'das/ bcom ldan 'das de bzhin gshegs pa shAkya thub pa la blta ba dang / phyag bgyi ba dang / bsnyen bkur bgyi ba dang / sems pa dpe med pa'i byang chub sems dpa' sems dpa' chen po dag blta ba'i slad du 'jig rten gyi khams mi mjed der bdag mchi bar bgyi'o/ / de skad ces gsol pa dang / bcom ldan 'das de bzhin gshegs pa rin chen mtha' yas khyu mchog gis byang chub sems dpa' sems dpa' chen po
31b
don yod khyu mchog rnam par gnon la 'di skad ces bka' stsal to/ /rigs kyi bu/ khyod de'i dus la dbab par shes na/ rigs kyi bu/ khyod song la sangs rgyas kyi zhing der shes bzhin du gnas par yang byos shig /de ci'i phyir zhe na/ don yod khyu mchog rnam par gnon/ 'jig rten gyi khams mi mjed der skyes pa'i byang chub sems dpa' sems dpa' chen po gang dag skyes pa de dag bsnyen par dka' ba'i phyir ro/ /nga'i tshig gis gnod pa chung ngam/ nyam nga ba nyung ngam| bskyod pa yang ngam/ stobs dang bde bar reg pa la gnas sam zhes snyun gsol la/ de bzhin gshegs pa de la lag pa lta bu'i pad+ma 'di 'ang phul cig /de nas byang chub sems dpa' sems dpa' chen po don yod khyu mchog rnam par gnon stan las langs nas/ bcom ldan 'das de'i zhabs la mgo bos phyag btsal te/ bskor ba'ang byas nas byang chub sems dpa' bdun khri brgyad stong dang lhan cig tu 'jig rten gyi khams mi mjed du 'ongs te/ de 'ongs nas de ma thag tu 'jig rten gyi khams mi mjed nam tog gi shing ngam/ 'bras bu shing ji snyed yod pa de dag thams cad kyis de'i tshe dus ma yin pa'i me tog dag dang /
32a
@#/ /dus ma yin pa'i 'bras bu dag gtor to/ /me tog gi char ba'ang bab po/ /spos kyi char pa rnam pa sna tshogs dag kyang bab po/ /rol mo'i sgra rnam pa sna tshogs dag kyang grag go /de nas byang chub sems dpa' sems dpa' chen po don yod khyu mchog rnam par gnon rgyal po'i khab 'od ma'i tshal bya ka lan+ta ka gnas pa ga la ba der song ste phyin nas/ bcom ldan 'das kyi zhabs la mgo bos phyag 'tshal te/ lag pa gnyis kas bcom ldan 'das kyi zhabs la bzung ngo / /gdong gis kyang yongs su gtugs te/ tshig 'di skad ces kyang gsol to/ /bcom ldan 'das/ byang chub sems dpa' don yod khyu mchog rnam par gnon pas bcom ldan 'das kyi zhabs la mgo bos phyag 'tshal lo/ /de skad ces gsol ba dang / bcom ldan 'das kyis byang chub sems dpa' sems dpa' chen po don yod khyu mchog rnam par gnon la 'di skad ces bka' stsal to/ /don yod khyu mchog rnam par gnon bkur sti byas pa dang / mchod pa dang / ri mo byas par gyur cig /de nas byang chub byang chub sems dpa' sems dpa' chen po don yod khyu mchog rnam par gnon sa las langs te
32b
spyan sngar 'dug nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol zhing / bcom ldan 'das la bcom ldan 'das kyis lag pa lta bu'i pad+ma bskur ba lags na/ bcom ldan 'das kyis thugs brtse ba nye bar bzung ste/ byang chub sems dpa' don yod khyu mchog rnam par gnon las bzhes su gsol/ bcom ldan 'das kyis byang chub sems dpa' don yod khyu mchog rnam par gnon las lag pa lta bu'i pad+ma de bzhes te/ bzhes nas kyang byang chub sems dpa' sems dpa' chen po don yod khyu mchog rnam par gnon la bka' stsal pa| don yod khyu mchog rnam par gnon/ ci bcom ldan 'das de bzhin gshegs pa rin chen mtha' yas khyu mchog gnod pa chung ngam/ nyam nga ba nyung ngam/ 'gyur pa mi mnga' ma/ gsol pa/ bcom ldan 'das/ de bzhin gshegs pa rin chen mtha' yas khyu mchog de gnod
33a
@#/ /pa chung zhing stobs dang ldan la 'gyur ba mi mnga' ste/ sangs rgyas kyi zhing de na bde bar reg pa la gnas lags so/ / de nas bcom ldan 'das kyis byang chub sems dpa' sems dpa' chen po ma pham pa la lag pa lta bu'i pad+ma de byin no/ /de nas byang chub sems dpa' sems dpa' chen po ma pham pas lag pa lta bu'i pad+ma de blangs nas tshig gsol pa/ bcom ldan 'das/ dge ba'i rtsa ba 'dis rigs kyi bu dang / rigs kyi bu mo gang dag bla na med pa yang dag par rdzogs pa'i byang chub tu sems bskyed pa de dag gi sangs rgyas kyi zhing yongs su dag par gyur cig /sems can yongs su smin par gyur cig /de ci'i slad du zhe na/ bcom ldan 'das/ sems can yongs su ma smin pa rnams la chos bstan pa dang / sems can dge ba'i rtsa ba ma skyes pa rnams dang / dge ba'i rtsa ba chung du rnams dang / dman pa la mos pa rnams la chos bstan pa dka' ba'i slad du ste/ de ci'i slad du zhe na/ bcom ldan 'das/ lag pa lta bu'i pad+ma 'di las 'jig rten gyi khams ji snyed mthong bar 'tshal ba de snyed kyang mthong ba dang / lag
33b
pa lta bu'i pad+ma 'di nyid las bcom ldan 'das de bzhin gshegs pa rin chen mtha' yas khyu mchog de'i 'jig rten gyi khams rin po che'i phung po zhes bgyi ba gang lags pa de'ang mthong ba dang / 'jig rten gyi khams de na byang chub sems dpa' gang dag theg pa la yang dag par zhugs pa de dag kyang mthong ba dang / de ni gang nyan thos phun sum tshogs pa phal cher rig pa gsum dang ldan pa dang / rig pa drug dang ldan pa de dag kyang mthong bar 'gyur ba'i slad du'o/ /bcom ldan 'das/ de bzhin gshegs pa de'i sangs rgyas kyi zhing der pad+ma de dag las kyi rnam par smin pa chen pos mngon par grub pa lags te/ bcom ldan 'das/ de lta lags pas na/ dge ba'i rtsa ba de ni/ byang chub sems dpa' dag chos thams cad la sgrib pa ma mchis par bgyi ba'i slad du yongs su bsngo bar bgyi'o/ /bcom ldan 'das/ dge ba'i rtsa ba de ni/ byang chub sems dpa' gang dag bla na med pa yang dag par rdzogs pa'i byang chub tu sems mi bskyed pa de dag kyang byang chub tu sems bskyed pa'i slad du yongs su bsngo bar bgyi'o/ /dge ba'i rtsa ba de'ang ji ltar de bzhin gshegs pas chos thams cad kyi de bzhin nyid mngon par rdzogs par sangs rgyas pa dang / 'khrug pa ma mchis pa'i de bzhin nyid mngon par rdzogs par sangs rgyas bde ltar yongs su bsngo bar bgyi'o/ /de nas bcom ldan 'das kyis byang chub sems
34a
@#/ /dpa' bzang skyong la 'di skad ces bka' stsal to/ /bzang skyong / khyod kyis byams pas gang smras pa shes sam/ de bzhin gshegs pas mngon par rdzogs par sangs rgyas pa'i chos de dag gang yin/ gsol pa/ bcom ldan 'das/ gang dag de bzhin gshegs pas de bzhin nyid mngon par rdzogs par sangs rgyas shing / mi 'khrugs pa nyid mngon par rdzogs par sangs rgyas pa'i chos de dag gang yang ma mchis lags te/ bcom ldan 'das/ 'di ltar de bzhin gshegs pas chos de dag ni/ dmigs pa ma lags shing / de dag ni/ chos kyang ma lags/ chos ma mchis pa'ang ma lags pa'i slad du'o/ /bcom ldan 'das/ gal te chos shig dmigs par gyur na ni/ de bzhin gshegs pas chos kyi 'du shes dmigs pa kho nar 'gyur ba zhig na/ 'du shes ni/ mi dmigs lags so/ /de ci'i slad du zhe na/ bcom ldan 'das/ 'du shes thams cad ma mchis lags te/ re zhig de bzhin gshegs pas bdag nyid kyang ma dmigs lags na/ 'du shes rnams yang dag par dmigs par 'gyur ba lta smos kyang ci 'tshal/ chos rnams la chos kyi 'du shes yang dag par 'jug par 'gyur ba lta smos kyang ci 'tshal/ bcom ldan 'das/ chos de dag kyang 'du shes ji lta ba bzhin lags te/ de lta lags pas bcom ldan 'das kyis chos gang yang gzung bar ma
34b
gsungs/ nges par 'byung bar ma gsungs/ yang dag par 'da' bar ma gsungs/ 'thob par ma gsungs lags te/ de ci'i slad du zhe na/ bcom ldan 'das/ gal te de bzhin gshegs pas chos rnams btsal bar bgyi na/ de gang las btsal par bgyi lags/ chos de dag ni/ de bzhin nyid de/ de bzhin nyid la de bzhin gshegs pa ma mchis pa dang / de bzhin gshegs pa ni/ de bzhin te/ de bzhin nyid kyi rnam pas de bzhin gshegs pa lags pa dang / de bzhin gshegs pa ni/ mtshan ma mchis pa ste/ mtshan ma ma mchis pa'i rnam pas de bzhin gshegs pa lags pa dang / de bzhin gshegs pa ni/ mtshan ma dang bral ba ste/ mtshan ma dang bral ba'i rnam pas de bzhin gshegs pa lags pa dang / de bzhin gshegs pa ni/ bsam 'tshal ba ste/ bsam 'tshal ba'i rnam pas de bzhin gshegs pa lags pa dang / de bzhin gshegs pa ni/ 'khrug pa ma mchis pa ste/ 'khrug pa ma mchis pa'i rnam pas de bzhin gshegs pa lags pa dang / chos thams cad kyang de bzhin gshegs pa ji lta ba bzhin te/ ji lta ba bzhin gyi rnam pas de bzhin gshegs pa lags shing / bcom ldan 'das/ de ltar chos thams cad ni/ de bzhin gshegs pa lags te/ bcom ldan 'das/ des na de bzhin gshegs pa pad+ma dag la bzhugs pa lags shing / pad+ma dag la bzhugs pa ji lta ba bzhin du de bzhin gshegs pa
35a
@#/ /nyid dang / sangs rgyas nyid la bzhugs ba'ang de dang 'dra lags te/ gang la bzhugs pa de la'ang mi 'dzin cing mi dmigs pa de dag ni/ 'jig rten na sbyin gnas rnams zhes bgyi ba'i grangs su mchi ba'i slad du'o/ /de skad ces gsol ba dang / bcom ldan 'das kyis byang chub sems dpa' sems dpa' chen po bzang skyong la 'di skad ces bka' stsal to| |bzang skyong / khyod gang la gnas nas de skad ces ston /bzang skyong gis gsol pa/ bcom ldan 'das/ bdag ni/ 'jig rten gang la gnas pa de nyid la gnas nas de skad ces ston lags te/ ji ltar byis pa dag gis bzung ba bzhin du ni/ ma lags so/ /byis pa dag gis bzung ba gang zhe na/ 'khrug pa lags te/ gang gi slad du 'khrug pa bzung ba de'i slad du 'khrug cing rab tu 'khrug lags so/ /bcom ldan 'das/ 'jig rten ni/ mi gnas pa lags te/ ji ltar 'jig rten mi gnas pa lags she na/ sgyu ma'i gnas la 'jig rten mi gnas te/ byis pa rnams ni/ de la bdag gi gnas ni/ 'jig rten gyi gnas lags so/ /zhes rtsod do/ de ni/ byis ba rnams kyi 'gro ba ma lags pa'i slad du'o/ /smig rgyu'i gnas la 'jig rten mi gnas shing mi rtag pa'i gnas la 'jig rten mi gnas te/ byis pa rnams kyi skrag pa lags pa'i slad du'o/ /mig yor gyi gnas la 'jig rten mi gnas te/ 'phags pa rnams dang tha mi dad pa'i slad du'o//
35b
mi sdug pa'i gnas la 'jig rten mi gnas te/ byis pa rnams ni/ las kyis kun nas slong ba'i slad du'o/ /bcom ldan 'das/ 'jig rten gyi gnas 'di la 'jig rten gyi 'khrug pa'i skabs ma mchis lags te/ bcom ldan 'das/ de lta lags pas bdag gi gnas ni/ 'jig rten gyi gnas kho na lags so/ /de nas bcom ldan 'das kyis byang chub sems dpa' bzang skyong la bka' stsal pa| bzang skyong / ci khyod kyis chos yang dag par mthong bas de skad ces ston nam/ gsol pa/ bcom ldan 'das/ chos gang dag lags pa de dag ni/ bcom ldan 'das kyis kyang mngon par rdzogs par sangs ma rgyas pa kho na lags so/ /de skad ces gsol ba dang / bcom ldan 'das kyis byang chub sems dpa' sems dpa' chen po bzang skyong la 'di skad ces bka' stsal to| |bzang skyong / ci ngas chos rnams mngon par rdzogs par sangs ma rgyas sam/ gsol pa/ bcom ldan 'das/ ci chos rnams mngon par rdzogs par 'tshang rgya lags sam/ bcom ldan 'das kyis mngon par rdzogs par sangs rgyas pa gang dag lags pa de dag kyang ci chos rnams lags sam/ 'on te chos ma mchis pa rnams lags/ bcom ldan 'das kyis bka' stsal pa| bzang skyong / legs so/ /legs so/ /de bzhin gshegs pas chos rnams mngon par rdzogs par sangs rgyas pa gang dag yin pa de dag ni/ chos rnams kyang ma yin/ chos rnams med
36a
@#/ /pa'ang ma yin te/ bzang skyong / de la nga'i ye shes mi rgyu zhing mig mi 'jug la/ 'gro ba mi shes shing blo mi 'jug ste/ smad pa mi shes shing yongs su gcod pa mi shes la mi 'dzin te/ de dag ni/ kun nas nyon mongs pa'ang ma yin/ rnam par byang ba'ang ma yin pa'i phyir ro/ /bzang skyong / 'on kyang gal te gang mtshan nyid med pa'i spyod pa'i 'du shes dang / mtshan nyid med pa'i spyod pa'i chos de dag ngas bstan kyang bzang skyong / sems can rnams de la rmongs par 'gyur ro/ /bzang skyong / chos de la de bzhin gshegs pa dang / byang chub sems dpa' sems dpa' chen po srid pa tham pa ma gtogs par chog shes pa su'ang mi rnyed mi dmigs so/ /bzang skyong / byang chub sems dpa' sems dpa' chen po srid pa tha ma pa dang / skye ba gcig gis thogs pa gang dag yin pa de dag kyang chos de dag bstan pa thos na skrag par 'gyur na/ de dag las gzhan pa'i sems can tha chad rnams lta ci smos te/ de dag gis chos de dag rtogs par 'gyur ba 'di ni/ gnas med do/ /bzang skyong / dge slong dang / dge slong ma dang / dge bsnyen dang / dge bsnyen ma lus ma bsgoms pa dag dang / sems ma bsgoms pa dag dang / tshul khrims ma bsgoms pa dag dang / shes rab ma bsgoms pa dag 'byung bar 'gyur ba'i dus de lta bu 'byung bar 'gyur zhing / bzang skyong / tshod de lta bu
36b
'byung bar 'gyur te/ de dag gis rnam par mi rtog cing kun nas nyon mongs pa med la/ snang ba med pa'i byang chub la zhugs pa'i de bzhin gshegs pa rnams kyi de bzhin gshegs pas gter dang / chos kyi gter bstan pa'i chos kyi rnam grangs de thos nas skrag cing dngang la dngang bar 'gyur zhing g.yan sa chen por yang ltung bar 'gyur ro/ /de bzhin gshegs pas chos thams cad mngon par rdzogs par sangs rgyas so/ /zhes ji skad brjod de/ de la nga'i ye shes mi 'jug cing mig mi 'jug la/ blo mi 'jug go /zhes de skad ces kyang gsungs pa'i phyir ro/ /de'i phyir de lta bu'i mdo sde 'dzin pa'i dge slong de dag la gnod sems su gyur pa'i sems dang ldan pa dag dang / zhe 'gras par gyur pa'i sems dang ldan pa dag gsod pa'i 'du shes bskyed par 'gyur zhing / 'khrug long gi 'du shes bskyed par 'gyur ro/ /bzang skyong / nga la 'khrug long byed pa gang dag yin pa de dag yongs su 'dzin par 'gyur zhing / nga'i yang dag pa'i ye shes rab tu ston par byed pa de dag brnyas par 'gyur ba'i dus de lta bu ji tsam du phyin ci log tu 'gyur ba la ltos/ bzang skyong / de bzhin gshegs pa slob dpon mi mnga' zhing rang byung la da ltar 'khor gyi nang du seng+ge'i sgra yang dag par sgrog par mdzad na/ mi blun po de dag ni/ de bzhin gshegs pa mi shes shing / de bzhin gshegs pa'i chos nyid mi shes te/ de dag mi shes shing ma
37a
@#/ /mthong bas de'i tshe nga'i bsngags pa gang yin pa de la de dag bsngags pa ma yin pa'i 'du shes 'byung bar 'gyur zhing / gang nga'i bsngags pa ma yin pa de la ni| de dag bsngags pa'i 'du shes 'byung ba la ltos/ /bzang skyong / nga'i bsngags pa ma yin pa'ang gang zhe na/ bzang skyong / chos gang la la 'dzin pa'i chos 'di ni/ bzang skyong / nga'i bsngags pa ma yin pa ste/ de'i tshe de dag ni/ bsngags pa ma yin pa smra ba dag dang / 'khrug long byed pa dag dang / dge sbyong sun 'byin pa dag dang / dge sbyong gdol pa dag dang / dge sbyong myags pa dag dang / dge sbyong shing rul pa lta bu dag dang / mu stegs can gzhan gyi spyod yul gyi lta ba can dag dang / gnyis la spyod pa dag dang / rtag chad du smra ba dag dang / chos 'dzin pa chos kyi rlom sems nyid la gnas pa dang / spros pa dang bcas pa dag dang / mngon par 'du byed pa dang bcas pa dag dang / 'jig rten rgyang pan pa la dga' ba dag dang / 'khor ba na spyod pa dag dang / yang dag pa'i lta ba'i lam la phyir phyogs pa dag yin par ngas rab tu bstan pa yin no/ /de'i tshe de dag ni/ don dam pa'i 'du shes can dag dang / me'i sbyin sreg 'dzin pa dag dang / ral pa can ma yin pa dag dang / las smra ba dag dang / byed pa smra ba dag tu 'gyur te/ bzang skyong / gal te ting nge 'dzin de lta bu zhig yod par
37b
gyur na| de dag kyang byang chub mngon par rdzogs par sangs rgyas par 'gyur ro/ /bzang skyong / de dag ni nga yongs su mya ngan las 'das nas de la las dang byed pa dag gis skyon dag mthong ste/ ldog pa rjes su thob nas/ nga'i bstan pa la rab tu 'byung bar 'gyur zhing / chos de dag nub par byed par 'gyur te/ bzang skyong / de lta bas na/ nga yongs su mya ngan las 'das nas/ mi blun po de dang de dag me'i mchog sbyin pa ral pa can lta bu dang / rgan zhugs lta bu dang / rmun po lta bur yang 'gyur ro/ /bzang skyong / de dag ni/ dmigs pa dang / bcas pa dang / spros pa dang / bcas pa dang / mngon par 'du byed pa dang bcas pa dang / 'jig rten pa'i yang dag pa'i lta bas nga'i las dang byed pa la 'jug par byed cing / sangs rgyas kyi ye shes cung zad tsam rjod par byed pa gang dag yin pa de dang de dag ni/ nga'i bsngags pa ma yin pa smra ba dag ste/ de dag nges par 'byung ba ma yin par smra ba'o/ /zhes nga smra'o/ /de ci'i phyir zhe na/ bzang skyong / de dang de dag ni/ bskal pa grangs med pa bye bas yang dag par bsgrubs pa'i byang chub de spong ba'i me mdag phra mo dag gis sreg par byed pa yin te/ bzang skyong / de dag ni/ de bzhin gshegs pa'i bsngags pa ma yin pa smra ba dag dang / 'khrug long byed bdag yin no/ /bzang skyong / de bzhin gshegs pa'i bsngags pa smra ba dag dang / gsungs pa smra
38a
@#/ /ba de dag kyang gang zhe na/ bzang skyong / chos thams cad 'dzin pa med pa dag dang / spros pa med pa dag dang / mngon par 'du byed ba med pa dag dang / dus gsum rjes su tshol ba dag dang / yi ge med pa dag dang / 'dor ba med pa dag ste/ bzang skyong / de dang de dag ni/ de bzhin gshegs pa'i bsngags pa smra ba dag dang / gdags pa mi byed pa dag dang / sangs rgyas kyi sras dag dang / thugs kyi sras dag dang / chos las skyes pa dag yin no/ /bzang skyong / mdo sde 'di lta bu ston pa dang / mdo sde 'di lta bu yang dag par len pa gang dag yin pa de dang de dag ni/ bzang skyong / de bzhin gshegs pas gsungs pa smra ba dag dang / chos smra ba dag dang / de bzhin gshegs pa'i bstan pa la chos kyi rjes su mthun pa'i chos la zhugs pa dag dang / nga'i sras dag dang / thugs kyi sras dag dang / zhal nas skyes pa dag dang / ngas byin gyis brlabs pa dag dang / ngas bskos pa dag dang / ngas yang dag par dga' bar byas pa dag yin zhing de dag gis chos kyi mchod sdong btsugs pa yin/ de dag gis chos kyi rnga'ang brdungs pa yin zhing / de dag gis chos kyi dung yang bus pa yin| de dag gis chos kyi rgyal mtshan yang bsgreng ba yin zhing / sangs rgyas bcom ldan 'das rnams kyis de dag gis spyod pa bsags pa yin/ de dag gi yon tan gyi phreng ba
38b
'di'ang rjes su 'brang bar byed cing de dag gi srung ba bzhag pa'ang yin/ de dag ni/ phyir rgol ba rnams tshar gcod par yang 'gyur zhing / de dag na/ 'jig rten gyi me tog lta bu dag kyang yin/ de dag 'byung ba'ang mchog tu rnyed par dka' zhing de dag gi mthong ba'ang rnam par dag pa yin/ de dag ni/ byang chub kyi snod kyang yin zhing / de dag ni/ byang chub sems dpa' rnams kyis yang dag par dga' bar byas pa dag kyang yin/ de dag ni/ de bzhin gshegs pa rnams kyis yang dag par dga' bar byas pa dag kyang yin/ de dag gi chos kyi mig kyang phye ba yin zhing / de dag chos thams cad la sgrib pa med pa'ang yin/ de dag ni/ de bzhin gshegs pa mnyes par byed par 'os pa dag kyang yin zhing / de dag ni/ de bzhin gshegs pa rnams la byas pa gzo ba dag kyang yin/ de dag ni/ chos kyi rgyan gyis brgyan pa dag kyang yin zhing / ye shes kyis brlan pa dag kyang yin/ de dag ni/ chos kyi char 'bebs par byed pa dag kyang yin zhing / rgyal ba'i thugs kyi sras dag tshim par byed pa dag kyang yin/ de dag ni/ sangs rgyas kyi chos rnams kyis rnam par 'phel bar byed pa dag kyang yin zhing / de dag ni/ yon tan gyi lo ma rnams skyes pa dag kyang yin/ de dag ni/ byang chub kyi yan lag gi me tog rnams kyis me tog kun tu rgyas pa dag kyang yin zhing / de dag ni/ 'dod chags dang bral ba'i 'bras bu rnams rab tu 'byed pa
39a
@#/ /dag kyang yin/ de dag ni/ byang chub kyi snying po la 'dug pa dag kyang yin zhing / de dag gis bla na med pa yang dag par rdzogs pa'i byang chub thob pa'ang yin/ de dag ni| lam ston par byed pa dag kyang yin zhing / de dag ni/ chos kyi sbyin pas rlan par byed pa dag kyang yin no/ /bzang skyong / mdor na rigs kyi bu de dag gi yon tan rnams te/ bzang skyong / gal te de bzhin gshegs pas thams cad yang dag par bstan kyang de ni/ yid ches par dka' bar 'gyur ro/ /bzang skyong / de dang de dag ni/ nga'i bsngags pa smra ba dag dang / chos kyi rjes su mthun pa'i chos smra ba dag yin no/ /bzang skyong / 'di lta ste/ dper na/ mi zhig gis mtsho ma dros pa mthong bar gyur cing de'i bsngags pa'ang thos par gyur la/ de'i tshe des sngon ma mthong ba'i mtsho chen po gzhan zhig kyang mthong nas mtsho ma dros pa de ni/ 'di'i tshad kho na'o/ /zhes tshig smra bar byed cing de bdag gis ma dros pa'i bsngags pa brjod do| |zhes zer la/ bsngags pa ma yin pa nyid smra ba de bzhin du/ bzang skyong / de dag ni/ mi blun po dag yin zhing / de dag ni/ yon tan de lta bu dag dang / ye shes de lta bu dag dang bral ba dag ste| de dag ni/ bdag cag gis de bzhin gshegs pa'i bsngags pa brjod par bya'o/ /zhes zer la/ 'jig rten ba'i yang dag pa'i lta ba dang / mngon par 'du byed pa dang bcas shing
39b
zag pa dang bcas pa'i phung po thams cad kyi sbyor bas kun tu spyod par byed cing / de bzhin gshegs pa'i ye shes de ni/ thogs pa med pa'o/ /zhes tshig de skad ces kyang smra bar byed de /de dag ni| bdag cag gis bsngags pa brjod par bya'o/ /zhes zer la/ bsngags pa ma yin pa nyid smra bar 'gyur ro/ /bzang skyong / 'di lta ste/ dper na/ mi la la zhig gis gser ni/ kha dog ser po dang / gser ni/ kha dog ser por snang ba'o/ /zhes gser gyi ming thos par gyur la/ des dzam+bu'i chu bo'i gser gyi kha dog mthong zhing rin thang yang thos nas/ kye mi khyod ni/ brdzun du smra ba ste| khyod kyis smras pa de la gser gyi kha dog ser po de med do/ /zhes spong bar byed cing gshe bar byed pa de bzhin du/ bzang skyong / mi blun po mig med pa de dag gis de bzhin gshegs pa'i mtshan thos shing chos kyi ming thos kyang / chos kyi ming de'ang yang dag pa'i lta ba'o/ /zhes de skad thos shing / de bzhin gshegs pa'i mtshan de'ang mtshan phun sum tshogs pa dang / rigs phun sum tshogs pa dang / spyod yul phun sum tshogs pa dang / 'khor phun sum tshogs pa dang / cho ga dang spyod pa phun sum tshogs pa'o/ /zhes de skad thos la/ de bzhin gshegs pa'i ye shes kyi mtshan nyid gang gis de bzhin gshegs pa dgra bcom pa yang dag par rdzogs pa'i sangs rgyas zhes bya ba'i grangs su 'gro ba dang / chos kyi mtshan nyid gang gis de
40a
@#/ /bzhin gshegs pas chos thams cad gsungs pa'i de bzhin gshegs pa'i mtshan nyid kyi ye shes de ni/ thos par ma gyur te/ gang gi tshe de dag de bzhin gshegs pa'i ye shes kyi mtshan nyid de thos par gyur pa de'i tshe mi blun po de dag de ni/ de lta ma yin no/ /zhes de skad ces smra bar 'gyur ro/ /bzang skyong / 'di lta ste/ dper na/ mi la la zhig gis rgya mtsho chen po'i ming thos par gyur la/ rgya mtsho chen po'i yon tan rnams ni/ thos par ma gyur te/ gang gi tshe des rgya mtsho chen po ni/ 'phang du dpag tshad brgyad khri bzhi stong yod la/ thad kar ni/ dpag tshad tshad med pa dang / rin po che rnam pa sna tshogs kyis gang ba dang / ro gcig cing gang ba'ang med/ bri ba'ang med pa yin no/ /zhes rgya mtsho chen po'i yon tan bsgrags pa thos shing / yon tan bsgrags pa de des thos nas chu bo chen po dag kyang 'bab la/ gang bar yang mi 'gyur ba dang / de las rin po che de snyed 'byung bar yang 'gyur ba dang / de'ang rgyar ni/ dpag tu med pa yin no/ /zhes ji skad bya zhes yid mi ches shing / rgya mtsho chen po'i yon tan de lta bu de dag yin pa 'di ni/ gnas med do/ /zhes zer ba de bzhin du/ bzang skyong / mi blun po de dag gis de bzhin gshegs pa'i mtshan thos par gyur cing sangs rgyas kyi sgra thos par gyur kyang / de bzhin gshegs pa'i yon tan de dag des
40b
thos par ma gyur cing chos shes pa'i yon tan dag thos par ma gyur te/ gang gi tshe des thams cad mkhyen pa'i ye shes chos dkon mchog dpag tu med pas gang ba/ 'dod chags dang bral ba dang / rnam par grol ba chen po sgrub par byed pa dpag tu med pa/ sangs rgyas kyi spyan sgrib pa med pa/ zag pa med pa'i chos gang ba'ang med/ bri ba'ang med pa dang / gting dpag dka' ba dang / mi 'khrug pa dang / chos thams cad kyi ye shes kyi phyag rgya dang / ji ltar rgya mtsho chen po mi'i ro dang lhan cig tu mi gnas pa de bzhin du de bzhin gshegs pa lta ba thibs po thams cad kyis chud zos pa'i sems can rnams dang lhan cig mi gnas pa dang / ji ltar rgya mtsho chen po 'di lta ste/ lan tshwa'i ror ro gcig pa de bzhin du de bzhin gshegs pa'i rnam par grol bar ro gcig par 'gyur ba'i chos kyi rnam grangs de lta bu de thos shing / de dag de skad ces thos nas khong du chud par mi byed cing mngon par yid ches par mi byed la mos par mi byed de/ de lta ma yin no/ /zhes tshig smra par byed do/ /bzang skyong / mi blun po de dag bdag cag gis ci shes she'am/ bdag cag gis ji snyed bslab ces de ltar yang lta bar mi 'gyur ba la ltos/ re zhig bdag cag nyid kyi spyod pa'ang mi shes pa dang / bdag cag gi las spyad ces gnas mi shes pa dang / las mi shes pa dang / rnam par smin pa mi shes pa dang
41a
@#/ /bdag cag las gang gis 'dir skyes pa dang / bdag cag ga las 'dir skyes pa dang / bdag cag gi 'gro ba'ang gang yin pa dang / bdag cag rnam pa ji lta bu dang / sbyor ba ji lta bu dang / bdag cag shes pa dang ldan zhing las byed dam/ shes pa dang mi ldan zhing las byed ces de dag gis de skad ces bdag nyid brjod par bya'o/ /gal te chos de dag la mi blun po de dag chos kyi 'du shes dang / nga'i bsngags pa ma yin pa'i 'du shes bskyed na/ nga'i tshig gis mi blun po de dag mdo sde dag la mi rton par 'gyur ro// nga 'das nas de bzhin gshegs pa'i bsngags pa brjod pa dang / chos kyi bsngags pa brjod pa dang / dge 'dun gyi bsngags pa brjod pa na de la khyed cag gis mi gus par mi bya zhing yid mi ches par ma yin la/ sems gzhan du 'gyur ba dang / mngon par mi dga' bar mi bya'o/ /zhes kyang de bzhin gshegs pas gsungs so/ /gal te de la ngas gdams ngag bskyed par bya na/ 'di lta ste/ zhe 'gras pa'i sems dang ldan pa de ni/ dge sbyong gi chos ma yin zhing / dge sbyong ma yin pa dang thun mong pa 'di lta ste/ dge sbyong ma yin pa rnams dang / dge sbyong ma yin pa thun mong ba'i lam la zhugs pa'i gnas de ni/ skyon mang po'i shas che ba yin zhing / de bzhin gshegs pa rnams kyi byang chub gting
41b
dpag dka' ba yin te/ de'i phyir bdag gis dran pa nye bar gzhag pa rnams kho na bsten par bya'o/ /zhes gdams par bya'o/ /bzang skyong / de la chos thams cad ngo bo nyid kyis gnas pa dag ni| mi gnas pa dag nyid de/ chos thams cad de ltar gnas pa dag nyid rnam par mi rtog pa dag go /bzang skyong / 'di lta ste/ 'jug pa'i sgo dang / rtogs pa'i sgo dang / rnam par thar pa'i sgo de ni/ dran pa nye bar gzhag pa rnams kyi sgo yin no/ /bzang skyong / gnas dang gnas ma yin pa de ni/ gnyis yin no/ /bzang skyong / yang dag pa'i lta ba dang mtha' mi dmigs pa'i phyir mtha' rnam par spangs pa ni/ gnyis la ma chags pa yin no/ /bzang skyong / de bzhin gshegs pas mtha' ma brnyes pa'i phyir mtha' rnam par spangs pa ma yin mod kyi/ 'on kyang gang gi phyir mi dmigs pa de nyid kyi phyir de bzhin gshegs pas de rnam par spangs pa yin no/ /bzang skyong / de bzhin gshegs pas rnam par spangs pa'i chos de dag ji ltar byis pa dag gis bzung ba de bzhin du mkhas pa dag 'dzin par mi byed do/ /bzang skyong / ji ltar chos rnams kyi chos kyi mtshan nyid de ltar rnam par spangs pa ma yin zhing / yang dag par 'das pa ma yin la bor ba ma yin zhing rnyed pa ma yin no/ /bzang skyong / gang nga'i thad du phyin nas 'di skad ces smra ba'i lha de'i tshig lan ngas 'di skad ces btab ste/ dge sbyong / dgyes pa mdzad
42a
@#/ /dam| ngas smras pa/ lha/ ngas ci rnyed/ dge sbyong / thugs ngan mdzad dam/ ngas smras pa/ lha/ nga'i ci chud zos/ des gsol pa/ dge sbyong / dgyes pa'ang ma lags/ thugs ngan yang mi mdzad pa ni/ dge sbyong / legs so/ /lags so/ /bzang skyong / lha de 'khor 'di nyid du 'dus par gyur nas 'dug ste/ bzang skyong des chos thams cad rang bzhin gyis yongs su mya ngan las 'das pa dag kun tu shes so/ /lha des ni/ sngon sangs rgyas lnga brgya dag mnyes par byas te/ de dag mnyes par byas pas lha de de ltar mngon par shes pa myur bar gyur to/ /bzang skyong / sems can dge ba'i rtsa ba ma bskyed pa rnams dang / dge ba'i rtsa ba yongs su ma smin pa rnams chos de dag la 'dul ba'i phyir mos par nga mi smra'o/ /de bzhin du nyan thos rnams kyi mos pa ma mthong ngo / /bzang skyong / chos de dag gang la las thos nas thos pa'i mod la mos par 'gyur pa'am/ dad par 'gyur ba'am/ yid ches par 'gyur ba'i dge ba'i rtsa ba de ni/ nang gi chung dur 'gyur te/ de'i gong na shes rab kyi phung po'i ye shes shin tu rgyas pas ye shes la 'jug pa'i dge ba'i rtsa ba rnams ni/ rgya che bar blta bar bya'o/ /de nas bzang skyong la sogs pa byang chub sems dpa' lnga brgya tsam po da dag gis bcom ldan 'das la lag pa lta bu'i pad+ma des
42b
gtor cing mngon par gtor nas tshig 'di skad ces gsol to/ /bcom ldan 'das/ gang dag lag pa lta bu'i pad+ma'i chos kyi rnam grangs de la dmigs nas yongs su tshol bar bgyid pa'am/ nyan par bgyid pa de dag thams cad bla na med pa yang dag par rdzogs pa'i byang chub tu nges par 'gyur lags so/ /bcom ldan 'das/ phyogs bcu na sangs rgyas bcom ldan 'das gang dag bzhugs te 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag la'ang dmigs pa des 'di lta ste/ sems can rnams kyi byang chub kyi phyogs kyi chos yongs su smin par bgyi pa'i slad du chos bstan par gsol ba 'debs lags so/ /de nas bcom ldan 'das kyis mkhyen bzhin du byang chub sems dpa' sems dpa' chen po bzang skyong la 'di skad ces bka' stsal to/ /bzang skyong / khyod la sems can rnams kyis phan btags sam ci na gang gi phyir khyod sems can rnams kyi byang chub kyi phyogs kyi chos yongs su smin par bya ba'i phyir sems can rnams kyi don du go cha bgos shing / de bzhin gshegs pa dgra bcom pa yang dag par rdzogs pa'i sangs rgyas de dag la'ang chos bstan par gsol ba 'debs/ de skad ces bka' stsal pa dang / bcom ldan 'das la byang chub sems dpa' sems dpa' chen po bzang skyong gis 'di skad ces
43a
@#/ /gsol to/ /bcom ldan 'das/ bdag la sems can de dag gis sman btags pas bdag gis de dag kyang sangs rgyas kyi zhing dag tu dgod par bgyi ba'am/ de dag gis gnod pa bgyis pas de dag sangs rgyas kyi zhing dag tu dgod par mi bgyi'o/ /zhes gnod par bgyi ba'am/ phan gdags pa'i slad du sems can rnams kyi don du go cha de bgos pa ma lags te/ bcom ldan 'das/ byang chub sems dpa' rnams de lta bu'i go cha mi 'tshal ba'i slad du'o/ /bcom ldan 'das/ dper bgyi na/ yan lag thams cad las me tog kun tu rgyas pa'i shing yongs 'dus brtol gyis sum cu rtsa gsum pa'i lha rnams dga' bar 'gyur ba dang / yan lag thams cad las me tog kun tu rgyas pa'i shing yongs 'du sa brtol mthong nas/ de la'ang sum cu rtsa gsum pa'i lha rnams mi'i ma lags pa'i 'dod pa'i yon tan lnga po dag gis rtse zhing dga' la dga' mgur spyod par bgyid par gyur na/ bcom ldan 'das/ 'o na ci sum cu rtsa gsum pa'i lha rnams kyis yan lag thams cad las me tog kun tu rgyas pa'i shing yongs 'du sa brtol la gnod par bgyi'am/ sman gdags par bgyis lags sam/ gang gi slad du yongs 'du sa brtol mthong nas sum cu rtsa gsum pa'i lha rnams dga' bar 'gyur zhing / mi'i
43b
ma lags pa'i 'dod pa'i yon tan lnga po dag gis rtse zhing dga' la dga' mgur spyod par bgyid cing yan lag thams cad las me tog kun tu rgyas pa'i shing yongs 'du sa brtol du reg nas sum cu rtsa gsum pa'i lha rnams dga' bar 'gyur/ bcom ldan 'das/ sum cu rtsa gsum pa'i lha rnams kyis yongs 'du sa brtol la gnod par bgyi ba'am/ sman gdags pa ci'ang ma bgyis lags mod kyi/ 'on kyang sum cu rtsa gsum pa'i lha rnams kyis 'dod pa la longs spyod par bgyi ba'i slad du yan lag thams cad las me tog kun tu rgyas pa'i shing yongs 'du sa brtol gyi thad du mngon par mchi bar 'os pa lags pa de bzhin du/ bcom ldan 'das/ bdag la sems can rnams kyis gnod par bgyi ba'am/ sman gdags pa ma bgyis lags mod kyi/ 'on kyang ye shes sangs rgyas kyi ye shes de bsgrubs te yan lag thams cad las me tog kun tu rgyas pa'i shing yongs 'du sa brtol bzhin du ci nas kyang sems can grangs ma mchis dpag tu ma mchis pa de dag mngon par mchi ba'i 'os su bgyi ba'i slad du sems can rnams kyi don du de lta bu'i go cha 'tshal lags te/ de la'ang sems can rnams dga' ba ma mchis pa'i de bzhin gshegs pa'i dbang po lnga po dag gis sum cu rtsa gsum pa'i lha dag bzhin du rtse zhing dga' la dga' mgur spyod par bgyid lags so/ /bcom ldan 'das/
44a
@#/ /bdag cag gis go cha de'ang sems can las dben par bgyi ba'i slad du bgos lags kyi/ sems can dmigs par bgyi ba'i slad du ma lags/ bdag las dben par bgyi ba'i slad du bgos lags kyi/ bdag dmigs par bgyi ba'i slad du ma lags/ chos las dben par bgyi ba'i slad du bgos lags kyi/ chos dmigs par bgyi ba'i slad du ma lags/ phung po las dben par bgyi ba'i slad du bgos lags kyi/ phung po dmigs par bgyi ba'i slad du ma lags/ khams las dben par bgyi ba'i slad du bgos lags kyi/ khams dmigs par bgyi ba'i slad du ma lags/ skye mched las dben par bgyi ba'i slad du bgos lags kyi/ skye mched dmigs par bgyi ba'i slad du ma lags te/ 'di lta ste/ dben pa'i go cha de lta bu'i go cha de bgos lags so/ /bcom ldan 'das/ go cha de ni/ dben pa'i go cha lags te/ de la ni/ go cha ma mchis/ go cha'i 'bras bu ma mchis te| gang yang thob par bgyi ba'i slad du ma lags/ dor bar bgyi ba'i slad du ma lags pa de lta bu'i go cha de bgos lags so/ /bdag 'di ni/ go cha'o/ /zhes mos par mi bgyid cing g.yar gyis mi len pa dang / go cha 'di ni/ 'di lta bu'o/ /zhes g.yar gyis mi len pa dang / tshad de lta bu'o/ /zhes g.yar gyis mi len pa dang / go cha 'di ni/ 'di'i phyir ro/ /zhes
44b
g.yar gyis mi len pa de lta bu'i go cha de bgos lags so/ /bcom ldan 'das/ gal te g.yar gyis blangs na ni/ bdag nye bar blangs par 'gyur ba zhig na/ bcom ldan 'das/ bdag nye bar mi len lags te/ de nye bar mi len cing byang chub sems dpa' ni/ bdag gam bdag ma mchis pa la mi gnas pa'i slad du'o/ /bcom ldan 'das/ gal te bdag ma mchis pa la gnas na ni/ bdag kho na la gnas par 'gyur ba zhig na/ bcom ldan 'das/ chos thams cad mi gnas pa'i slad du'o/ /bcom ldan 'das/ 'jig rten du go cha de de ltar rab tu bsgoms pa lags te/ bcom ldan 'das/ ji ltar ci'ang ma bsgoms pa de ltar rab tu bsgoms pa lags pa'i slad du'o/ /gzhan yang bcom ldan 'das la byang chub sems dpa' sems dpa' chen po bzang skyong gis 'di skad ces gsol to/ /bcom ldan 'das/ bdag gis so so'i skye bo'i chos rnams thag ring zhes bgyi bar yang dag par rjes su ma mthong zhing / sangs rgyas kyi chos rnams thag nye zhes bgyi bar yang dag par rjes su ma mthong / slob pa'i chos rnams thag ring zhes bgyi bar yang dag par rjes su ma mthong zhing / sangs rgyas kyi chos rnams thag nye zhes bgyi bar yang dag par rjes su ma mthong / sangs rgyas kyi chos de dag ces de ltar yang yang dag par rjes su ma mthong zhing / sangs rgyas kyi chos de dag de bzhin zhes yang dag
45a
@#/ /par rjes su ma mthong lags te/ bcom ldan 'das/ bdag gis phan yon ci'ang yang dag par rjes su ma mthong zhing nyes dmigs ci'ang yang dag par rjes su ma mthong ba de lta bu'i go cha bgos lags te/ 'jig rten du go cha de de ltar rab tu bgos pa lags so/ /de nas bzang skyong la sogs pa byang chub sems dpa' lnga brgyas bcom ldan 'das la pad+ma gang dag gtor ba de dag phyogs bcu'i 'jig rten gyi khams dag tu dong nas sangs rgyas bcom ldan 'das rnams kyi steng du char bab cing sems can yongs su smin par yang byas so/ /bam po gsum pa/ yang de'i tshe shar phyogs su 'jig rten gyi khams grangs med dpag tu med pa dag 'das pa de'i pha rol gyi'ang ches pha rol na 'jig rten gyi khams mtshan gyi gzi brjid rgyal po zhes bya ba na de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ro zhes bya ba bzhugs te| 'tsho zhing gzhes la chos kyang ston te/ bcom ldan 'das des kyang byang chub sems dpa' sems dpa' chen po sems bskyed ma thag tu chos kyi 'khor lo bskor ba zhes bya ba 'di ni| nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes bla na med pa yang dag par rdzogs pa'i byang chub tu lung bstan
45b
to| |de nas byang chub sems dpa' sems dpa' chen po sems bskyed ma thag tu chos kyi 'khor lo bskor bas snang ba chen po de mthong zhing gsung bsal ba'i sgra de'ang thos te/ de thos nas kyang de bzhin gshegs pa mtshan ma med pa'i nga ro la 'di skad ces gsol to/ /bcom ldan 'das/ 'od gda' ba 'di dang / gsung bsal ba'i sgra grag pa 'di su'i lags/ de skad ces gsol pa dang / bcom ldan 'das kyis byang chub sems dpa' sems bskyed ma thag tu chos kyi 'khor lo bskor ba la 'di skad ces bka' stsal to/ /sems bskyed ma thag tu chos kyi 'khor lo bskor ba/ sangs rgyas kyi zhing 'di nas 'jig rten gyi khams grangs med dpag tu med pa dag 'das pa de'i pha rol gyi'ang ches pha rol na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la byang chub sems dpa'i sde snod sems can thams cad yang dag par tshim par byed pa/ sems can thams cad kyi the tshom gcod pa zhes bya ba'i chos kyi rnam grangs kyi chos kyang ston te/ 'od de dang / gsung bsal ba'i sgra grag pa de ni/ de'i yin no/ /sangs rgyas kyi zhing de na byang chub sems dpa' sems dpa' chen po bsam gyis mi khyab pa'i go cha bgos pa mtha' yas shing dpag tu med pa dag mtshams su lhags so/ /de nas bcom ldan 'das
46a
@#/ /de la byang chub sems dpa' des 'di skad ces gsol to/ /bcom ldan 'das/ bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi pa'i slad du 'jig rten gyi khams mi mjed der bdag mchi bar bgyi'o/ /byang chub sems dpa' de dag kyang blta bar bgyi'o/ /de ci'i slad du zhe na/ sems can de lta bu de dag thos par yang shin tu dka' lags na/ lta ba lta smos kyang ci 'tshal zhing bsnyen bkur bgyi ba lta smos kyang ci 'tshal ba'i slad du'o/ /de nas de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ros byang chub sems dpa' sems dpa' chen po sems bskyed ma thag tu chos kyi 'khor lo bskor ba la 'di skad ces bka' stsal to/ /rigs kyi bu/ de'i dus la bab par shes na song zhig /de bzhin gshegs pas skabs phye bas de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba stan las langs nas bcom ldan 'das de'i zhabs la mgo bos phyag btsal te bskor ba'ang byas nas song ste/ bcom ldan 'das kyis sems bskyed ma thag tu chos kyi 'khor lo bskor ba/ khyod kyis pad+ma 'di da'i tshig gis bcom ldan 'das de bzhin gshegs pa shAkya thub pa de la phul cig ces de'i lag tu pad+ma
46b
gcig byin no/ /de nas byang chub sems dpa' sems bskyed ma thag tu chos kyi 'khor lo bskor bas pad+ma de lag pas blangs nas 'jig rten gyi khams mi mjed du 'ongs so/ /pad+ma chen po de las kyang de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ro byang chub sems dpa'i spyad pa spyod pa na 'khor khyad par du 'phags pa gang dag byung bar gyur pa de dag thams cad kun tu snang ste/ sems can de dag gis longs spyad par bya ba'i phyir pad+ma chen po de lta bu dag gis kyang 'jig rten gyi khams de khyab bo/ /de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba pad+ma de thogs nas 'jig rten gyi khams mi mjed du son to/ /'jig rten gyi khams mi mjed 'dir de phyin nas de nas de ma thag tu de nyid kyi tshe 'jig rten gyi khams mi mjed 'di na shing ljon pa'i rnam pa'am/ 'bras bu'i rnam pa'am/ me tog gi rnam pa'am/ lo ma'i rnam pa ji snyed yod pa dang / tha na sor bzhi tsam pa de thams cad byang chub sems dpa' sems bskyed ma thag tu chos kyi 'khor lo bskor ba'i lag pa las kun tu snang ngo / /'jig rten gyi khams mi mjed 'di na sems can ji snyed yod pa de dag gis rang rang gi skad dag mngon par brjod de/ de dag mngon par brjod pa na mi rtag pa dang / sdug bsngal pa dang / bdag med pa'i sgra grag
47a
@#/ /cing / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa'i sgra dag kyang grag go /de nas bcom ldan 'das la tshe dang ldan pa shA radwa ti'i bus 'di skad ces gsol to/ /a la la de bzhin gshegs pa dgra bcom pa yang dag par rdzogs pa'i sangs rgyas kyi rdzu 'phrul mngon par 'du mdzad pa chen po 'di kun tu gda' lags so/ /de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ / shA radwa ti'i bu/ rdzu 'phrul mngon par 'du byed pa 'di ni/ de bzhin gshegs pa'i ma yin te/ shA radwa ti'i bu/ rdzu 'phrul mngon par 'du byed pa 'di ni/ byang chub sems dpa' sems dpa' chen po sems bskyed ma thag tu chos kyi 'khor lo bskor ba'i yin no/ shA radwa ti'i bu/ sangs rgyas kyi zhing 'di nas shar phyogs kyi phyogs char 'jig rten gyi khams grangs med dpag tu med pa dag 'das pa na 'jig rten gyi khams mtshan gyi gzi brjid kyi rgyal po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ro zhes bya ba bzhugs te/ 'tsho zhing gzhes pa'i 'jig rten gyi khams de nas byang chub sems dpa' sems dpa' chen po sems bskyed ma thag tu chos kyi 'khor
47b
lo bskor ba zhes bya ba 'jig rten gyi khams mi mjed 'dir 'ongs te/ byang chub sems dpa' de'i sngon gyi las kyi rnam par smin pas 'di snang ngo / /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ byang chub sems dpa' sems bskyed ma thag tu chos kyi 'khor lo bskor bas dge ba'i rtsa ba ji snyed cig bsags shing dge ba'i rtsa ba gang dag bsags pas byang chub sems dpa' sems bskyed ma thag tu chos kyi 'khor lo bskor ba'i rnam par smin pa yongs su sbyang ba de lta bu de dag kun tu gda' lags/ de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ khyod kyis de bzhin gshegs pa la don de dri bar sems pa ni/ legs so/ /legs so/ /shA radwa ti'i bu/ de bzhin gshegs pa'i mthu kho nas khyod kyi spobs pa de'ang skyes pa yin te/ shA radwa ti'i bu/ de'i phyir nyon cig dang ngas khyod la bshad do/ /byang chub sems dpa' sems dpa' chen po sems bskyed ma thag tu chos kyi 'khor lo bskor bas sangs rgyas bcom ldan 'das byang chub mngon par rdzogs par sangs rgyas te byang chub kyi snying po dam pa na bzhugs pa ji snyed byung ba la/ sngon thog mar chos bskul ba byas shing gsol ba byas te/ 'dis sngon bla na med pa yang dag par rdzogs pa'i
48a
@#/ /byang chub tu tshogs kyi dge ba'i rtsa ba dag bskyed de/ de dag gi thad du song nas kha cig la ni/ tshangs par gyur pas bskul ba byas shing gsol ba btab bo/ de dag gi thad du song nas kha cig la ni/ brgya byin du gyur pa dang / kha cig la ni/ 'khor los bsgyur bar gyur pa dang / kha cig la ni/ rgyal po drang srong du gyur pas bskul ba byas shing gsol ba btab bo/ /shA radwa ti'i bu/ 'di lta ste/ dper na/ nga thog mar mngon par rdzogs par sangs rgyas nas tshangs pa chen pos sems can las kyi sgrib pa chung ngu dang ldan pa dag mchis te/ chos ma thos pa dag las nyams shing bcom ldan 'das kyi bka' bzhin du bgyid par yang 'gyur na/ bcom ldan 'das/ chos bstan du gsol| bde bar gshegs pa/ chos bstan du gsol zhes chos kyi 'khor lo rab tu bskor ba'i phyir bskul zhing gsol ba btab pa de bzhin du/ shA radwa ti'i bu/ byang chub sems dpa' sems dpa' chen po sems bskyed ma thag tu chos kyi 'khor lo bskor bas sangs rgyas bcom ldan 'das ji snyed byung ba la bcom ldan 'das/ chos bstan du gsol/ bcom ldan 'das/ chos kyi 'khor lo bskor du gsol zhes bskul zhing gsol ba btab bo/ /'dis dge ba'i rtsa ba gang dag bsags pa de dag chos kyi 'khor lo bskor bar gsol ba gdab pa ma gtogs
48b
par gang du'ang yongs su ma bsngos te/ shA radwa ti'i bu/ de'i phyir don de rab tu grub par bya ba'i phyir spyod la dpe bya ste/ shA radwa ti'i bu/ stong gsum gyi stong chen po'i 'jig rten gyi khams de ni| gang na zla ba ther 'bum dang / nyi ma ther 'bum rgyu zhing gling chen po bzhi pa'i 'khor rgya mtsho chen po ther 'bum phrag bzhi dang / gling bzhi pa ther 'bum phrag bzhi dang / gling khrag khrig phrag bdun cu dang / 'khor ri'i rgyal po ri rab ther 'bum dang / nang gi 'khor yug ther 'bum yod pa ste/ shA radwa ti'i bu/ stong gsum gyi stong chen po'i 'jig rten gyi khams de ni/ yongs su brtag pa bzung nas 'di lta ste/ dper na/ rgya mtsho chen po dpag tshad brgyad khri bzhi stong dang ldan pa bzhin du 'phang du'ang de tsam du gyur la/ shA radwa ti'i bu/ de nas stong gsum gyi stong chen po'i 'jig rten gyi khams de yungs 'brus gang bar gyur te/ de la stobs dar ldan zhing mthu dang brtson 'grus thob pa'i mi la la zhig byung la/ des yungs 'bru'i phung po chen po de las sbar gang blangs nas phyogs bzhir gtor te/ de'ang rlung gis mngon par ded la/ gang yungs 'bru re re nas blangs te 'jig rten gyi khams re rer 'phangs na/ shA radwa ti'i bu/ 'di ji snyam du sems/ yungs kar gyi 'bru re res bzung ba'i 'jig rten gyi khams de dag ji snyed du 'gyur/ de skad ces bka' stsal pa dang / bcom ldan 'das la tshe dang ldan pa shA
49a
@#/ /radwa ti'i bus 'di skad ces gsol to/ /bcom ldan 'das/ dpag tu ma mchis lags so/ /bde bar gshegs pa/ dpag tu ma mchis lags so/ / bka' stsal pa/ shA radwa ti'i bu/ khyod mos par bya/ khong du chud par bya ste/ shA ra dwa ti'i bu/ yungs 'brus yongs su zin pa'i 'jig rten gyi khams ji snyed yod pa de dag thams cad grong khyer chen po gcig tu gyur la/ grong khyer chen po de'i chu zheng du ji tsam du gyur par 'phang du'ang de tsam du gyur te/ de'i ra ba sra zhing brtan te mi phyed la mi shigs pa dag kyang de tsam du gyur la/ shA radwa ti'i bu/ grong khyer chen po de'ang 'di lta ste/ dper na/ 'bru'i snod byur bur gyur pa bzhin du bye mas gang par gyur na/ shA radwa ti'i bu/ 'di ji snyam du sems/ bye ma'i phung po de dag ji tsam du 'gyur/ gsol pa/ bcom ldan 'das/ dpag tu ma mchis lags so/ /bde bar gshegs pa/ grangs ma mchis lags so/ / bcom ldan 'das kyis bka' stsal pa/ shA radwa ti'i bu/ khyod mos par bya/ khong du chud par bya ste/ rtsis mkhan nam/ rtsis mkhan chen po dag gis bye ma'i phung po de dag gi tshad gzung bar ni/ nus kyang srid kyi/ byang chub sems dpa' sems dpa' chen po sems bskyed ma thag tu chos kyi 'khor lo bskor bas thog ma mngon par rdzogs par sangs rgyas te
49b
byang chub kyi snying po dam pa na bzhugs pa gang dag mnyes par byas nas/ bcom ldan 'das kyis chos kyi 'khor lo bskor du gsol zhes bskul cing gsol ba btab pa'i de bzhin gshegs pa de dag gi tshad gzung bar ni/ mi nus so/ /de bas ches mang ba'i sangs rgyas bcom ldan 'das rnams la rin po che sna bdun las byas pa'i chos kyi 'khor lo dag byas te phul ba dang / de bas ches mang ba'i sangs rgyas bcom ldan 'das rnams la me tog gi 'khor lo dag dang / spos kyi 'khor lo dag phul ba'ang re zhig bla na med pa yang dag par rdzogs pa'i byang chub tu yongs su ma bsngos na/ sangs rgyas bcom ldan 'das dag la gser dngul dang / shing las byas pa rnam pa sna tshogs kyis shin tu brgyan pa'i 'khor lo thams cad gzhan dag phul ba lta ci smos te/ 'di lta ste/ sangs rgyas bcom ldan 'das dag la de dag dbul ba na chos kyi 'khor lo bskor bar bya ba'i phyir dang / yang dang yang du gsol ba gdab pa'i phyir yongs su bsngos so/ /de'i 'og tu de bzhin gshegs pa dgra bcom pa yang dag par rdzogs pa'i sangs rgyas rab kyi rtsal gyis rnam par gnon pa'i khyu mchog rgyal po zhes bya ba 'jig rten du byung ngo / /de'i tshe rgyal po rnam par bsgrags pa'i stobs kyis 'bar ba zhes bya ba zhig byung ste/ stong gsum gyi stong chen po'i 'jig rten gyi khams na mi'i skye rgu'i 'khor los bsgyur
50a
@#/ /bas dbang phyug la dbang byed do/ /de gang gi tshe btsun mo'i 'khor tam/ skyed mos tshal na 'dug par gyur kyang rung ste/ 'dod pa'i yon tan dag gis dga' bar 'dod dam/ rtse bar 'dod dam/ dga' mgur spyod par 'dod na/ de la btsun mo'i 'khor de glu gar dang / rol mo 'dod pa dang ldan pa dag byed cing / de'i tshe des mi rtag pa dang / sdug bsngal ba dang bdag med pa'i sgra thos so/ /de'i tshe de 'dod pa'i yon tan dag las yid byung bar gyur te/ ma chags pa'i yid dang / skrag pa'i yid dang / skyo ba'i yid dang ldan pas de bzhin gshegs pa rab kyi rtsal gyis rnam par gnon pa ga la bder song ste phyin nas bcom ldan 'das de'i zhabs la mgo bos phyag btsal te phyogs gcig tu 'dug pa dang / 'ongs pa de la bcom ldan 'das des sngon gyi dge ba'i rtsa ba gleng ba mdzad de/ des de thos nas 'di snyam du sems te/ de bzhin gshegs pa de ni/ 'di ltar sgrib pa mi mnga' ba'i ye shes gzigs pa dang ldan te/ bcom ldan 'das de ni/ dus de srid 'das kyang dge ba'i rtsa ba dag thugs su chud kyi/ bdag gis ni/ de las dge ba'i rtsa ba gcig kyang mi shes so/ /snyam mo/ /'di lta ste/ sangs rgyas bcom ldan 'das de snyed la 'dod pa'i yon tan gyi sbag pas sbags pa/ rgyal srid kyi sbag pas spags pa/ dbang phyug gis spags pa bdag gis dge ba'i rtsa ba dag byas shing byas nas kyang
50b
mngon par mi shes la/ byang chub tu'ang yongs su ma bsngos su zin kyang gang da ltar bdag dge ba'i rtsa ba gang nges par mngon par 'du byed pa de sems can thams cad kyi don du yongs su bsngo bar gyur cig /gang dang gang du so sor skye ba dang / gang dang gang du skye ba dang / sangs rgyas kyi zhing gang dang gang du 'gro bar gyur pa thams cad du sems can de dag la rang rang gi sgra mngon par brjod pas sgra 'byin par gyur cig /de thams cad kyang sems can rnams kyis mi rtag pa dang / sdug bsngal ba dang / bdag med pa'i sgra thos par gyur cig /'jig rten gyi khams de dag na rtswa dang / nags tshal gang dag yod pa dang / tha na sor bzhi tsam pa dag kyang rung ste/ thams cad las mi rtag pa dang / sdug bsngal ba dang / bdag med pa'i sgra 'byung bar gyur cig /sgra de'ang sems can thams cad kyis thos par gyur cig /tshogs kyi dge ba'i rtsa ba de thams cad kyang 'di lta ste/ de bzhin gshegs pa rab kyi rtsal gyis rnam par gnon pa'i khyu mchog gi ye shes ji 'dra ba de lta bu'i theg pa chen po thob par bya ba'i phyir sems can thams cad dang thun mong du bya'o/ /zhes rgyal po rnam par bsgrags pa'i stobs kyis 'bar bas de ltar rig nas stan langs te bcom ldan 'das de'i spyan sngar 'dug nas 'di skad ces gsol to/ /bcom ldan 'das/ gang du bdag dbang phyug la dbang bgyid pa'i rnam par rgyal
51a
@#/ /ba na bdag gi bdog pa gang ci'ang rung / de thams cad sangs rgyas la sogs pa 'phags pa'i dge 'dun gyis longs spyad ba'i slad du phul lags so/ /phul nas kyang 'khor los bsgyur ba'i rgyal po rnam par bsgrags pa'i stobs kyis 'bar ba khyim nas khyim med par rab tu byung ste/ de rab tu byung bar rig nas rgyal po de'i dpung gi tshogs yan lag bzhi pa'ang rjes su rab tu byung ngo / /rab tu byung bar rig nas rgyal po'i btsun mo'i 'khor las khrag khrig phrag bzhi bcu rab tu byung ngo / /de dag rab tu byung bar rig nas grong mi dang / yul mi dag kyang rjes su rab tu byung ngo / /shA radwa ti'i bu/ mdor na khrag khrig phrag brgyad cu rjes su rab tu byung ste/ de dag de ltar rab tu byung ma thag tu brtson 'grus brtsams pas gnas so/ /dge ba'i chos yongs su tshol ba la mngon par brtson pas de dag ring po ma thogs pa nyid du mngon par shes pa lnga skyes so/ /de dag rang gi mngon par shes pa dang / rdzu 'phrul gyi stobs dang / lus de nyid dang / skye ba de nyid kyis shar phyogs su sangs rgyas kyi zhing gang+gA'i klung gi bye ma snyed dag tu sangs rgyas bcom ldan 'das gang+gA'i klung gi bye ma snyed dag la bcom ldan 'das/ chos bstan du gsol/ bde bar gshegs pa/ chos bstan du gsol zhes chos kyi 'khor lo bskor bar bskul cing gsol ba btab bo/ /de
51b
bzhin du lho phyogs dang / nub phyogs dang / byang phyogs dang / steng gi phyogs dang / de bzhin du 'og gi phyogs dang / de bzhin du phyogs mtshams rnams su sangs rgyas kyi zhing gang+gA'i klung gi bye ma snyed dag tu sangs rgyas bcom ldan 'das gang+gA'i klung gi bye ma snyed dag la bcom ldan 'das/ chos bstan du gsol/ bde bar gshegs pa/ chos bstan du gsol zhes chos kyi 'khor lo bskor bar bskul cing gsol ba btab bo/ /de phyin chad byang chub sems dpa' sems dpa' chen po rnam par bsgrags pa'i stobs kyis 'bar ba de sangs rgyas kyi zhing yongs su ma dag par nam yang ma skyes shing mngal du skye ba nam yang yongs su ma bzung ngo / /sangs rgyas kyi zhing gang dang gang du song ba'i sangs rgyas kyi zhing de na yal ga'am/ 'dab ma'am/ lo ma'am/ shing ljon pa'am/ nags tshal gang dag yod pa de dag thams cad las mi rtag pa dang / sdug bsngal ba dang / stong pa dang / bdag med pa'i sgra dag grag go /'jig rten gyi khams de dag na sems can gang dag 'khor ba de dag kyang de'i tshe rang rang gi sgra rab tu brjod de/ phan tshun sgra thos shing mi rtag pa dang / sdug bsngal ba dang / bdag med pa'i sgra thos so/ / shA radwa ti'i bu/ de'i tshe de'i dus na de bzhin gshegs pa rab kyi rtsal gyis rnam par gnon pa'i khyu mchog rgyal po de las sngon gyi tshogs kyi dge ba'i rtsa ba thos nas khyim nas khyim med par
52a
@#/ /rab tu byung ste/ dge ba'i rtsa ba de'ang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngos shing lus thob pa des kyang mngon par shes pa rnams so sor thob la/ ting nge 'dzin gyi stobs bskyed pas kyang shar phyogs su 'jig rten gyi khams gang+gA'i klung gi bye ma snyed dag tu song nas/ sangs rgyas bcom ldan 'das byang chub kyi snying po dam pa na bzhugs pa gang+gA'i klung gi bye ma snyed dag la chos kyi 'khor lo bskor bar bskul cing gsol ba btab la/ de bzhin du phyogs bcu thams cad du song nas rgyas par byas pa'i 'khor los bsgyur ba'i rgyal po rnam par bsgrags pa'i stobs kyis 'bar ba zhes bya ba de gzhan zhig yin pa snyam du sems na/ shA radwa ti'i bu/ khyod kyis de ltar blta bar mi bya ste/ shA radwa ti'i bu/ de ni/ byang chub sems dpa' sems bskyed ma thag tu chos kyi 'khor lo bskor ba 'di yin no/ /de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba rgyal po'i khab kyi grong khyer chen po ga la ba dang / 'od ma'i tshal bya ka lan+ta ka gnas pa ga la ba dang / bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go /phyogs gcig tu 'dug nas kyang bcom
52b
ldan 'das la byang chub sems dpa' sems dpa' chen po sems bskyed ma thag tu chos kyi 'khor lo bskor bas 'di skad ces gsol to/ /bcom ldan 'das de bzhin gshegs pa mtshan ma med pa'i nga ro bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das des pad+ma chen po 'di'ang bskur ba lags na/ bcom ldan 'das bzhes su gsol/ bcom ldan 'das kyis byang chub sems dpa' sems dpa' chen po sems bskyed ma thag tu chos kyi 'khor lo bskor ba las pad+ma chen po de bzhes te/ bzhes nas kyang bcom ldan 'das kyis byang chub sems dpa' sems dpa' chen po sems bskyed ma thag tu chos kyi 'khor lo bskor ba la 'di skad ces bka' stsal to/ /rigs kyi bu/ ci sangs rgyas kyi zhing de na bcom ldan 'das de bzhin gshegs pa mtshan ma med pa'i nga ro de stobs dang ldan nam/ snyun mi mnga' 'am/ 'gyur ba mi mnga' 'am/ bde bar reg pa la gnas sam/ bcom ldan 'das/ de bzhin gshegs pa mtshan ma med pa'i nga ro de stobs dang ldan zhing snyun mi mnga' la 'gyur ba mi mnga' ste/ bde bar reg pa la gnas lags so/ /de ci'i slad du zhe na/ bcom ldan 'das sangs rgyas kyi zhing der ni/ 'di lta ste/ gsum yongs su dag pa dang ldan pa'i sems can yongs su dag pa
53a
@#/ /dag 'dus lags te/ gsum po gang zhe na/ bden par yongs su bsngo ba'i phyir dge ba'i rtsa ba yongs su dag pa dang / smon lam gyis tshul khrims tshad ma mchis pa yongs su dag pa dang / chos thams cad mi dmigs pa'i lhag mthong gis yongs su bsngo ba'i phyir lta ba tshad ma mchis pa yongs su dag pa'o/ /bcom ldan 'das /sangs rgyas kyi zhing de na tshul khrims nyams pa'am/ lta ba nyams pa'am/ cho ga nyams pa'i sems can gang yang ma mchis lags so/ /bcom ldan 'das/ sangs rgyas kyi zhing de na nyams pa gsum po dag gi ming yang mi gda' lags so/ /bcom ldan 'das/ 'jig rten gyi khams de las brtsams na mi mjed kyi 'jig rten gyi khams 'di ni/ dgu ma pa'i rib ma dang 'dra ste/ gcig la gcig 'gums par bgyid pa lags kyi/ bcom ldan 'das/ tshur gshegs/ 'jig rten gyi khams der gshegs so/ /de skad ces gsol pa dang / bcom ldan 'das kyis byang chub sems dpa' sems bskyed ma thag tu chos kyis 'khor lo bskor ba la 'di skad ces bka' stsal to/ /rigs kyi bu/ 'jig rten gyi khams der ci zhig bya ste/ 'jig rten gyi khams mi mjed 'di nyid du sems can rnams la chos bstan pas chog go /bcom ldan 'das la byang chub sems dpa' sems bskyed ma thag tu chos
53b
kyi 'khor lo bskor bas lan gnyis su'ang 'di skad ces gsol to/ /bcom ldan 'das/ tshur gshegs/ 'jig rten gyi khams der gshegs so/ /'jig rten gyi khams der gal te bcom ldan 'das mi gshegs na ni/ bdag gis rang gi rdzu 'phrul gyi stobs dang / sems kyi smon lam gyi mthus 'jig rten gyi khams 'di sug par bzhag ste/ nam mkha' las 'jig rten gyi khams der gzhag par bgyi'o/ /bcom ldan 'das kyis byang chub sems dpa' sems bskyed ma thag tu chos kyi 'khor lo bskor ba'i mthu yang dag par bstan pa'i phyir dang / sems can rnams kyi dge ba'i rtsa ba yang dag par bskyed pa'i phyir dang / yid dang bar bya ba'i phyir btang snyoms su mdzad do/ /de nas byang chub sems dpa' sems bskyed ma thag tu chos kyi 'khor lo bskor bas stong gsum gyi stong chen po'i 'jig rten gyi khams 'di lta ste/ dper na/ rdza mkhan nam/ rdza mkhan gyi slob ma mkhas pa zhig gis rdza mkhan gyi 'phang lo la dbyug gus btsugs pa 'khor bar byed cing / mig kyang sbrid par byed pa de bzhin du de'i tshe stong gsum gyi stong chen po'i 'jig rten gyi khams de yongs su bsgyur nas mngon par bteg go /de nas 'jig rten gyi khams de mngon par bteg cing kun tu 'khrugs pa dang / bcom ldan 'das la tshe dang ldan pa shA radwa ti'i bus 'di skad ces gsol to/ /bcom
54a
@#/ /ldan 'das/ 'jig rten gyi khams 'di khrid lags so/ /bde bar gshegs pa/ 'jig rten gyi khams 'di khrid lags so/ /de nas bcom ldan 'das kyi rnar snyan pa dang / snyan cing 'jebs pa dang / dga' bar byed pa dang / mnyan par 'os pa dang / yid du 'ong ba dang / pho brang 'khor skyong gi skad dang / skye bo mang po dga' ba dang / zab pa dang / ma tshang ba med pa dang / shin tu rnam par rig par byed pa ye shes kyi rjes su 'jug pa'i tshig gis tshe dang ldan pa shA radwa ti'i bu la bka' stsal pa/ shA radwa ti'i bu/ 'di la dbang med do/ /zhes de skad ces bka' stsal nas bcom ldan 'das kyis stong gsum gyi stong chen po'i 'jig rten gyi khams 'di go bar mdzad do/ /de ltar de'i tshe sems can gang dag 'jig tshogs la lta ba la kun tu chags pa dang / 'jig tshogs la lta ba la gnas pa dang / 'jig tshogs la brten pa de dag thams cad de'i tshe skyo bar gyur cing skyo ba thob bo/ /de ltar 'khor bzhi po dag gis ni/ de bzhin gshegs pa dgra bcom pa yang dag par rdzogs pa'i sangs rgyas byang chub sems dpas yongs su bskor cing chos ston pa 'khor los bsgyur ba'i rgyal po bzhin du chos kyi gdan la bzhugs shing chos ston pa/ mi mjed kyi bdag po tshangs pa bzhin du tshangs pas yongs su bskor te tshangs pa'i gdan la bzhugs shing chos ston
54b
pa mthong ngo / /de nas de'i tshe byang chub sems dpa' sems dpa' chen po sems bskyed ma thag tu chos kyi 'khor lo bskor bas sangs rgyas kyi zhing gzhan yang yang dag par bstan pa byas so// de nas bcom ldan 'das kyis ji lta bu'i rdzu 'phrul mngon par 'du bya ba mngon par 'du mdzad pas rlung gi dkyil 'khor chen po mngon par sprul ba mdzad pa de lta bu'i rdzu 'phrul mngon par 'du bya ba mngon par 'du mdzad do/ /ci nas sangs rgyas kyi zhing de dag phan tshun thug par mdzad do/ /'jig rten gyi khams de dag kyang khong stong du gyur cing bu ga byung bar gyur te/ so sor zhig cing rab tu rnam par zhig go /de ltar de'i tshe de bzhin gshegs pa'i cho 'phrul chen po de lta bu de yang dag par bstan pa na 'jig rten gyi khams 'di na gang dag lta ba'i 'du shes can| rtag pa dang ther zug gi 'du shes can tshangs pa'am/ tshangs pa chen po de dag ni/ rang rang gi tshangs pa'i gnas zhig cing / rab tu rnam par zhig la 'di lta ste/ dper na/ chu'i phung po chen pos dbu ba rdos pa chen po bskyed na mngon par 'jig pa dang / rlung gi phung po chen pos gtor na rdul du 'gyur zhing rab tu 'jig pa de bzhin du tshangs pa de dag rang rang gi gnas su dong nas rdul du 'gyur zhing 'jig pa dag mthong ngo / /mthong nas kyang shas cher skyo bar gyur te/ de dag skyo bar gyur nas bcom ldan 'das nyag gcig la phyag 'tshal zhing 'khod do/ /
55a
@#/ /de nas bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ ngas sngon yang bstan pa yin la/ da'ang bstan par bya ste/ shA radwa ti'i bu/ kye ma 'jig rten gnas pa 'di/ /yongs su sbab pas yongs su sbags pa'o/ /shA radwa ti'i bu/ kye ma 'jig rten gnas pa 'di ni/ snying po med pa nyid kyi phyir dang / sgyu ma lta bu'i phyir dbu ba rdos pa lta bur gzung du med pa'o/ /shA radwa ti'i bu/ kye ma 'jig rten gnas pa 'di ni/ phyin ci log tu kun brtags pa'i phyir sgyu ma lta bu'o// shA radwa ti'i bu/ kye ma 'jig rten gnas pa 'di ni/ nam mkha' la kun tu rgyug pa'i kun tu rtogs pas yongs su bcad pa'i phyir smig rgyu lta bu'o/ /shA radwa ti'i bu/ kye ma 'jig rten gnas pa 'di ni/ dngos por gzung du med pa'i phyir mig yor lta bu'o/ /shA radwa ti'i bu/ kyai ma 'jig rten gnas pa 'di ni/ nam mkha'i kun tu rtog pa'i las kyis kun nas bslad pa'i phyir brag ca lta bu'o/ /shA radwa ti'i bu/ 'jig rten gnas pa 'di ji lta ba bzhin du/ shA radwa ti'i bu/ 'jig rten gnas pa 'di phyin ci log tu de bzhin gshegs pas mngon par rdzogs par sangs rgyas so/ /shA radwa ti'i bu/ kyai ma 'jig rten gnas pa 'di ni/ gsog yin te/ kye ma 'jig rten gnas pa 'di ni/ chags pa med par de bzhin gshegs pas mngon par
55b
rdzogs par sangs rgyas so/ /shA radwa ti'i bu/ 'jig rten 'di ni/ ro myang pa med pa dang / /nyes dmigs dang / nges par 'byung ba med pa'i bar du yang dag pa ji lta ba bzhin du ngas mngon par mkhyen te/ de ltar ngas bla na med pa yang dag par rdzogs pa'i byang chub mngon par rdzogs par sangs rgyas par bdag nyid mngon par mkhyen to/ /shA radwa ti'i bu/ ngas 'jig rten 'di ji lta ba bzhin du mngon par mkhyen pa de bzhin du 'jig rten kun 'byung ba dang / 'jig rten 'gog par 'gyur ba'i lam yang mngon par mkhyen te/ shA radwa ti'i bu/ da ltar ngas bla na med pa yang dag par rdzogs pa'i byang chub mngon par rdzogs par sangs rgyas par bdag nyid mngon par mkhyen to/ /shA radwa ti'i bu/ de la 'jig rten gang zhe na/ shA radwa ti'i bu/ 'jig rten zhes bya ba ni/ phung po lnga dag go/ lnga gang zhe na/ gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po'o/ /shA radwa ti'i bu/ de la gzugs kyi phung po gang zhe na/ shA radwa ti'i bu/ gzugs kyi phung po ni/ de bzhin gshegs pas 'das pa dang / ma 'ongs pa dang / da ltar byung ba spangs pa ste/ de la ngas 'das pa dang / ma 'ongs pa dang / da ltar byung ba'i gzugs kyi phung po gang spangs pa de ni/ sems can rnams gang 'das pa dang / gang ma 'ongs pa dang / gang da ltar byung ba
56a
@#/ /de thams cad ni/ gzugs kyi phung po ma yin no/ /zhes de skad ces smra bar gyur na mi rung ste/ shA radwa ti'i bu/ de la de bzhin gshegs pa ni/ nang ngam/ phyi rol lam /chen po'am/ chung du'am/ bzang po'am/ ngan pa'am/ gang dag rgyang ring ba'am/ gang dag thag nye ba dus gsum du bsdus pa de dag thams cad ni/ gzugs kyi phung po ste| mtshan nyid med do/ /zhes bstan to/ /dper na/ nam mkha'i phung po ni/ rlung gi rnam pa dang / chu'i rnam pa dang / me'i rnam pa dang / sa'i rnam pa yin pa de bzhin du gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung por brjod par bya'o/ /shA radwa ti'i bu/ ci'i phyir 'di skad ces gzugs kyi phung po zhes bya zhe na/ shA radwa ti'i bu/ byis pa so so'i skye bo rnams ni/ mun par gyur pa ste/ de dag lus la gzugs kyi mtshan nyid ji lta ba bzhin dang / ji snyed pa rab tu mi shes pas bdag gzugs yin no/ /gzugs bdag gi yin no/ /zhes rnam par rtog par byed la/ bdag go /zhes kyang kun tu shes shing gnas par byed de/ de dag de ltar kun tu shes shing gnas par byed la/ rlom sems su byed pas dngos po de la yongs su sred pa skyed par byed de/ shA radwa ti'i bu/ dngos po'i tshul shes pa de
56b
ni| de lta ma yin no/ /de dag ni/ de ltar mig dang gzugs dngos po med do/ /zhes shes pa mi skyed de/ de ltar med pa'i chos rnams yongs su bzung nas byis pa rnam rtog pa skyed par byed do| |rtog pa skyes pa'i byis pa de dag ni/ dngos po de la 'jug par 'gyur zhing / de dag gi nyes pa'i khams dag kyang skye bar 'gyur ro/ /de ltar dngos po med pa'i spyod yul ba/ kha dog dang bral ba'i spyod yul ba/ kha dog med pa'i spyod yul ba de dag ni/ shas cher rmongs par 'gyur ro/ /rmongs pa de dag ni/ zhing las byed par 'gyur zhing / mtshon cha sna tshogs kyis 'debs pa lhur len par 'gyur ro/ /de dag gi mngon par 'du byed pa de ni/ rmongs pa yin no/ /de la de bzhin gshegs pas ni/ dngos po mnyam pa nyid kyis lta ba mnyam pa nyid rjes su sangs rgyas shing / de rjes su sangs rgyas pas yang dag pa'i lta ba 'dogs par mngon par mdzad de/ lta ba de ni/ mnyam pa yin pas des na/ yang dag pa'i lta ba zhes bya'o/ /yang dag par brtson pa rnams dang / yang dag par rnam par grol ba rnams kyi lta ba de ni/ yang dag par zhugs pa yin pas des na/ yang dag pa'i lta ba zhes bya'o/ /shA radwa ti'i bu/ ngas yang dag pa'i lta ba gang bshad pa de ni/ sgras bstan par mi nus te/ bstan par bzod pa dka' ba yin/ shA radwa ti'i bu/ de la sgrubs shig dang / bsgrubs na khyed cag kyang mun pa med par 'gyur ro/ /
57a
@#/ /shA radwa ti'i bu/ chos kyi phung po 'di ni/ 'khor chos kyi phung po brgyad khri bzhi stong dang ldan pa zhes bya'o/ /'di ni/ 'dus byas dang / 'dus ma byas kyi chos thams cad kyi sgo yin te/ chos kyi tshul yang de yin no/ /de bzhin gshegs pa dgra bcom pa yang dag par rdzogs pa'i sangs rgyas kyi chos kyi phung po bstan pa 'di bshad pa na khrag khrig phrag bdun cu rtsa bdun ni/ chos rnams la chos kyi mig rdul med cing dri ma dang bral ba rnam par dag go /'dod pa na spyod pa'i lha khrag khrig kyang chos rnams la chos kyi mig rdul med cing dri ma dang bral ba rnam par dag go /mi'i skye rgu'i sems can dpag tu med pa dag kyang chos rnams la chos kyi mig rdul med cing dri ma dang bral ba rnam par dag go / dzam+bu'i gling pa bye ba brgya phrag ji snyed yod pa dang / de dag gi nang na byang chub sems dpa' gang dag gnas pa de dag ni/ mi skye ba'i chos la bzod pa thob par gyur to/ /sems can dpag tu med pa dag gis ni/ bla na med pa yang dag par rdzogs pa'i byang chub tu sems bskyed do/ /de nas bcom ldan 'das kyis rdzu 'phrul mngon par 'du mdzad pa de phyir bsdu ba mdzad do/ /de nas 'khor bzhi po dang / tshangs pa'i 'khor de dang / 'dod pa na spyod pa'i lha'i 'khor dang / gzhan yang lha dang / klu dang / gnod sbyin dang / dri za dang / lha
57b
ma yin dang / nam mkha' lding dang / mi 'am ci dang / lto 'phye chen po dag gis kyang 'jig rten gyi khams ji ltar gnas pa bzhin du mthong ngo / /de nas de'i tshe tshe dang ldan pa maung+gal gyi bu chen po stan las langs te chos gos phrag pa gcig tu gzar nas pus mo g.yas pa'i lha ngas la btsugs te/ bcom ldan 'das ga la ba de legs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen po sems bskyed ma thag tu chos kyi 'khor lo bskor ba ji tsam du shin tu rdzu 'phrul chen po dang ldan pa ni/ ngo mtshar lags so/ /bcom ldan 'das/ 'jig rten gyi khams 'di dang / bcom ldan 'das kyang mngon par bteg nas 'jig rten gzhan du bzhag lags kyang / de'i tshe bdag gis mtshan ma'ang ma 'tshal cing / rdzu 'phrul gyi ming yang mi dran lags na/ rdzu 'phrul mngon par 'grub pa lta smos kyang ci 'tshal/ bcom ldan 'das/ bdag ni/ 'di snyam du sems lags te/ a la la byang chub sems dpa' de rdzu 'phrul chen po dang ldan pa ni/ ngo mtshar ro/ /snyam lags so/ /bcom ldan 'das bdag gis dus 'gyur ba'ang glo bar ma chud cing bdag cag yun ji srid nas drangs pa'am/ yun ji srid nas khrid pa'ang skad cig gcig dang / thang gcig gcig tsam yang glo bar ma tshud la/ yud tsam gcig
58a
@#/ /kyang rjes su mi dran lags kyang bdag ni/ 'di snyam du sems lags te/ re zhig byang chub sems dpa'i rdzu 'phrul de'ang de lta bu lags na/ de bzhin gshegs pas lta smos ci 'tshal snyam lags so/ /de skad ces gsol pa dang / bcom ldan 'das kyis tshe dang ldan pa maung+gal gyi bu la bka' stsal pa/ maung+gal gyi bu/ khyod 'jig rten gyi khams 'di drangs shing kun tu drangs pa'am/ de bzhin gshegs pa khrid cing kun tu khrid do/ /snyam du sems na/ maung+gal gyi bu/ khyod kyis de ltar blta bar mi bya'o/ /maung+gal gyi bu/ de bzhin gshegs pa'i chos gos kyi grwa tsam yang bskul ba'i bdag por gyur pa gzhan dge sbyong ngam/ bram ze'am/ nyan thos sam/ rang sangs rgyas sam/ lha nas lto 'phye chen po'i bar du'ang ngas yang dag par rjes su ma mthong na/ de bzhin gshegs pa mngon par 'degs par nus par 'gyur ba lta ci smos te/ de ni/ gnas med do/ /maung+gal gyi bu/ re zhig lha dang bcas pa'i 'jig rten lta zhog gi /maung+gal gyi bu yongs su brtag pa bzung ste/ stong gsum gyi stong chen po'i 'jig rten gyi khams na sems can gzugs can nam/ gzugs can ma yin pa'am/ 'du shes can nam/ 'du shes can ma yin pa'am/ 'du shes can yang ma yin/ 'du shes can ma yin pa'ang ma yin pa ji snyed yod pa sems can du gdags
58b
pas gdags pa ji snyed yod pa de dag thams cad mi'i lus thob par gyur te/ mi'i lus thob nas rab tu byung bar gyur la/ rab tu byung ba de dag thams cad kyis dgra bcom pa nyid rjes su thob par gyur cing mngon par shes pa drug mngon du byas par gyur la/ maung+gal gyi bu/ dper na/ de ltar khyod bzhin du rdzu 'phrul gyi stobs de lta bu dang yang ldan par gyur na/ maung+gal gyi bu/ 'di ji snyam du sems/ rdzu 'phrul dang ldan pa 'dus pa de mang ba yin nam/ gsol pa/ bcom ldan 'das/ de lta lags so/ maung+gal gyi bu/ nyan thos de dag gis stong gi 'jig rten gyi khams lag pa gcig gis blangs shing / stong gnyis pa dang / stong gsum gyi 'jig rten gyi khams kyang lag pa gcig gis blangs nas 'jig rten gyi khams gang+gA'i klung gi bye ma snyed du 'chag par gyur kyang / rdzu 'phrul dam pa thob pa de lta bu de dag gis kyang de bzhin gshegs pa'i chos gos nam mkha' la 'dug pa'i grwa gcig kyang bsgul bar mi nus so/ /maung+gal gyi bu/ khyod dang 'dra ba de snyed 'dus pa lta zhog gi /maung+gal gyi bu/ gal te 'dir sems can la la zhig skyes par gyur cing / 'di lta ste/ gang stong gsum gyi stong chen po'i 'jig rten gyi khams de bzhin gshegs pas byin gyis ma brlabs pa kha'i rlung gcig gis rnam par 'thor bar byed/ rdul du rlog par byed/ rnam par 'joms par byed pa'i rdzu 'phrul de lta bu
59a
@#/ /dang ldan par gyur la/ stong gsum gyi stong chen po'i 'jig rten gyi khams las byung ba'i rdul des kyang 'jig rten gyi khams gang+gA'i klung gi bye ma snyed kun tu nog nog por gyur cing / 'jig rten gyi khams gang+gA'i klung gi bye ma snyed las byung ba'i rdul de des phyir yang brtul nas stong gsum gyi stong chen po'i 'jig rten gyi khams su so sor bzhag par gyur na/ maung+gal gyi bu/ 'di snyam du sems/ 'o na sems can de rdzu 'phrul gyi pha rol tu phyin pa thob pa yin nam/ gsol ba/ bcom ldan 'das/ de lta lags so// bcom ldan 'das kyis bka' stsal pa/ maung+gal gyi bu/ stong gsum gyi stong chen po'i 'jig rten gyi khams 'di lta ste/ dper na/ bu ram shing gi tshal lam/ 'dam bu'i tshal lam| skam sa'i 'dam bu'i tshal lam/ 'bras kyi zhing dam/ til gyis zhing bzhin du sems can de lta bu dag gis gang bar gyur kyang maung+gal gyi bu/ sems can rdzu 'phrul dam pa'i pha rol tu son pa de lta bu de dag gis kyang de bzhin gshegs pa'i chos gos kyi grwa tsam yang bsgul bar mi nus na/ de bzhin gshegs pa mngon par gdegs par bya ba lta ci smos te/ de ni/ gnas med do/ /maung+gal gyi bu/ de bzhin gshegs pa gnas de nyid du gnas shing seng+ge'i gdan de nyid la bzhugs nas/ shar phyogs su 'jig rten gyi khams
59b
gang+gA'i klung gi bye ma snyed kyi 'jig rten gyi khams grangs med dpag tu med pa g.yo bar mdzad/ kun tu g.yo bar mdzad/ kun tu rab tu g.yo bar mdzad kyang sems can de dag 'di snyam du bdag cag 'jig rten gyi khams gzhan du khrid do/ /kun tu khrid do/ /snyam mam/ kye ma 'jig rten gyi khams 'di 'jig go /'chags so/ /snyam du mi sems so/ /de dag 'di snyam du kye ma 'jig rten gyi khams 'di 'thor ro/ /rnam par 'jig go /snyam du mi sems te/ sems can de dag la 'dul ba'i dbang gis kha cig la ni/ sangs rgyas kyi gzugs kyis mtshan ma med pa'i tshul dag gis chos ston te/ nyan thos dang / lha dang / mi dang / klu dang / khye'u dang / bu mo'i gzugs kyis kyang de bzhin no/ /maung+gal gyi bu/ sangs rgyas kyi stobs dang mi 'jigs pa dang / ma 'dres pa dang / rdzu 'phrul khyu mchog tu gyur pa ji snyed pa de snyed kyi chos kyi rnam grangs dag la khyod yid ches par gyis shig/ phyogs bcu thams cad du'ang de bzhin no| |maung+gal gyi bu/ gal te khyod kyis de bzhin gshegs pa'i spyod yul shes pa lta na/ de la'ang khyod spobs par mi 'gyur ro/ /maung+gal gyi bu/ ngas dge slong kun dga' bo la 'di lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi
60a
@#/ /sde dang / rtogs pa brjod pa'i sde dang / gtan la phab par bstan pa'i sde'i gzungs kyi sgo dag bstan kyang maung+gal gyi bu/ dge slong kun dga' bos ni| /de bzhin gshegs pa'i spyod yul kun shes par mi nus so/ /de ci'i phyir zhe na/ maung+gal gyi bu/ de bzhin gshegs pa'i yi ge gcig kyang nyan thos thams cad kyis bskal pa'am/ bskal pa brgya'am/ bskal pa stong ngam/ bskal pa 'bum du'ang kun shes pa'am/ bsam pa'am/ kun chub par mi nus pa'i phyir te/ de bzhin gshegs pa'i spyod yul lta ci smos/ maung+gal gyi bu/ de la de bzhin gshegs pa dmigs pa dang / spyod pa dang / spyod lam rnam pa sna tshogs kyis sems can rnams la 'doms par mdzad cing / sems can rnams la chos ston par mdzad kyang maung+gal gyi bu/ de bzhin gshegs pa'i chos gos gsol ba la sems can ji snyed kyi don mdzad pa dang / de las chos bstan pa ji lta bu 'byung ba'ang nyan thos thams cad kyi kun shes par mi nus te/ maung+gal gyi bu/ de la'ang khyod spobs par mi 'gyur na/ de bzhin gshegs pa'i spyod yul rab tu shes pa lta ci smos te/ de ni/ gnas med do/ /de nas bcom ldan 'das kyis de'i tshe pad+ma chen po de bzhes nas byang chub sems dpa' sems dpa' chen po bzang skyong la
60b
sogs pa byang chub sems dpa' sems dpa' chen po chos kyi grong khyer yongs su skyong bar byed pa de dag la bka' stsal pa/ rigs kyi bu dag /khyed kyis de bzhin gshegs pa'i chos kyi gter de bsrung ba'am/ spa ba'am/ de bzhin gshegs pa'i spyod yul kun shes pa'am/ brjod pa'am/ bstan pa'am/ yang dag par rab tu bstan par nus sam/ de dag gis gsol pa/ bcom ldan 'das/ rdo thogs lags so/ /bka' stsal pa/ rigs kyi bu dag /de'i phyir khyed kyi chos gang dang gang kho na ston pa de thams cad de bzhin gshegs pa'i gter/ de bzhin gshegs pa'i spyod yul la rnam par bltas nas bstan par bya'o/ /rigs kyi bu dag /gang sangs rgyas kyi ye shes yongs su rdzogs pa dang / sangs rgyas kyi byang chub yongs su rdzogs pa dang / sangs rgyas kyi ye shes grub pa dang / sangs rgyas kyi byang chub grub pa dang / yang dag par brjod pas brjod pa des ni/ rigs kyi bu dag| de bzhin gshegs pa'i spyod yul de yang dag par brjod pas brjod par bya'o/ /rigs kyi bu dag /gang du dmigs pa mthong ba der de bzhin gshegs pa'i spyod yul la rnam par bltas nas nges par bstan par bya'o/ /de bzhin gshegs pas chos bstan pa de ni/ /gang dus sems can gyi spyod pa mthong ba der de bzhin gshegs pa'i spyod yul la
61a
@#/ /rnam par bltas nas sems can de dag gi spyod pa de bzhin gshegs pas chos bstan pa'i spyod pas de dag rnam par bzlog par bya ba'i phyir bstan pa ma yin no| |gang dag de bzhin gshegs pas mkhyen pa'i dbang po stong phrag dgu bcu rtsa dgu ni/ 'dod chags spyod pa rnams kyi spyod pa de dag dang / zhe sdang spyod pa rnams dang / gti mug spyod pa rnams kyi spyod pa de dag dang / 'dod chags dang / zhe sdang dang / gti mug bcos ma spyod pa rnams kyi spyod pa de dag dang / 'dod chags dang / zhe sdang spyod pa rnams kyi spyod pa de dag dang / 'dod chags dang / zhe sdang bcos ma spyod pa rnams kyi spyod pa de dag dang / 'dod chags dang / gti mug spyod pa rnams kyi spyod pa de dag dang / 'dod chags dang / gti mug bcos ma spyod pa rnams kyi spyod pa de dag dang / zhe sdang dang / gti mug spyod pa rnams kyi spyod pa de dag dang / zhe sdang dang / gti mug bcos ma spyod pa rnams kyi spyod pa de dag dang / bsam pa yongs su sbyong bar byed pa'i dbang po de dag dang / dngos po sgrub pa'i yongs su sbyong bar byed pa'i dbang po de dag dang / srid pa sgrub pa yongs su sbyong bar byed pa'i dbang po de dag dang / sbyor ba las byung ba'i dbang po de dag dang / las byed pa sgrub pa yongs su sbyong bar byed pa'i dbang po de dag dang / nag po'i chos slong bar byed pa'i dbang po de dag dang / dkar
61b
po'i chos kun nas slong bar byed pa'i dbang po de dag dang / gnag cing dkar ba'i chos slong bar byed pa'i dbang po de dag dang / lam gyi rjes su mthun par byed pa'i dbang po de dag dang / zhi gnas kyi rjes su mthun pa'i dbang po de dag dang / lhag mthong gi rjes su mthun pa'i dbang po de dag dang / zad pa'i rjes su mthun pa'i dbang po de dag dang / skye ba'i rjes su mthun par byed pa'i dbang po de dag dang / bden pa'i rjes su mthun pa'i dbang po de dag go /maung+gal gyi bu/ de la sngon gyi spyod pa'i tshogs dang ldan pa'i dbang po stong phrag nyi shu ni/ gang gis kha dog nag po'am/ dkar sham mam/ ma dog bzang ba'am/ mdog mi sdug pa'am/ gyol po'am/ lag sor rdum po'am/ zha bo'am/ 'on pa'am/ zhar ba'am/ lce med pa sgrub par byed pa nag po'am/ gnag cing dkar ba'i las kun nas slong bar byed pa dag go /sngon gyi spyod pa'i tshogs dang ldan pa'i dbang po stong phrag nyi shu ni/ gang gis dbyibs ring po'am/ thung ngu'am/ skem po'am/ sbom po'am/ bar ma sgrub par byed pa'i las kun nas slong bar byed pa dag go /gang dag mig dang / rna ba dang / sna dang / lce dang / lus dang / yid kyi dbang po 'gyur ba rnams kyi sbyor ba la gnas shing sngon gyi las mngon par sgrub pa'i dbang po stong phrag nyi shu ni/ 'dod chags pa'am/ zhe sdang ba'am/ gti mug
62a
@#/ /pa'am/ 'dod chags dang bral ba'am/ zhe sdang dang bral ba'am/ gti mug dang bral ba yin no/ /skye ba'i 'bras bu mngon par grub pa'i dbang po steng phrag sum cu ni/ 'chi ba'i dus byed pa yin no/ /de dag ni/ 'gyur ba mngon par grub pa'am/ mtshan ma mngon par grub pa na snang bar gyur to/ yan lag rnams 'gro ldog pa dang / dbang po 'gyur ba dang / yan lag gi tshigs dag chad cing gnad dag 'jig pa na mdog mi sdug nyid du snang ba de dag ni/ mgul sgra ngar ngar pos 'gags pa yin par shes par bya ste/ de ni/ sems can dmyal ba'i skye gnas sam/ dud 'gro'i skye gnas sam/ gshin rje'i 'jig rten du 'dren par byed cing / sangs rgyas rnams mngon du bya ba'i phyir mi rnams kyi nang du'am/ lha rnams kyi nang du'am/ 'jig rten gyi khams gzhan du skye ba'am/ zag pa zad pa mngon du byed par 'dren par byed pa'o/ /de la dbang po stong phrag bdun cu rtsa bdun ni/ dge ba'i rtsa ba'i rnam pa la mos pa las blta bar bya'o/ /dbang po stong phrag nyi shu ni/ mi dge ba'i rtsa ba'i rnam pa yongs su 'dren par byed pa dag ste/ 'chi ba'i dus byed pa'i yin par shes par bya'o/ /de bzhin gshegs pa'i gter de ni/ de bzhin gshegs pa rnams kyi spyod yul yin te/ de bzhin gshegs pa dag de la gnas
62b
nas chos rnam par 'grel bar mdzad cing zad par yang mi 'gyur la ngoms par yang dag par rjes su ma mthong ngo / /rdzu 'phrul mngon par 'du mdzad pa'i che ba'i bdag nyid kyi bsngags pa brjod pa'i le'u zhes bya ste/ gnyis pa'o// //de'i tshe 'khor de nyid du brtan pa'i blo gros gzhon nur gyur ba zhes bya ba 'dus par gyur te 'dug go /de nas byang chub sems dpa' sems dpa' chen po brtan pa'i blo gros gzhon nur gyur pa stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te thal mo sbyar ba btud nas bcom ldan 'das la gsol pa/ bcom ldan 'das/ chos kyi sgo 'di dag las bdag gis rnyed pa rnyed lags te/ bcom ldan 'das/ de'i slad du ji tsam du chos de nyid yongs su grub par bgyi ba'i don du chos kyi sgo 'di la spyad par bgyi'o/ /de ci'i slad du zhe na/ bcom ldan 'das/ bdag gis deng slan chad 'di lta ste/ chos de dag yongs su btsal ba dang / yongs su thub par bgyi ba'i slad du de lta bu'i go cha bgos pa'i slad du ste/ slad kyis kyang slad ma'i tshe slad ma'i dus na de bzhin gshegs pa'i spyod yul chos kyi gter de thos kyi bar du brtson 'grus dor bar yang mi bgyi'o/ /de skad ces gsol pa dang / bcom ldan 'das kyis byang chub sems dpa' sems dpa' chen po brtan pa'i blo gros la 'di skad ces bka' stsal to/ /brtan pa'i blo gros/ khyod nga'i ye shes chen po bskal
63a
@#/ /pa bye ba grangs med pas yang dag par bsgrubs pa yongs su tshol pa la mngon par brtson zhing mngon par brtson par byed pa ni/ legs so/ /legs so/ /brtan pa'i blo gros/ khyod yang legs so/ /brtan pa'i blo gros/ yongs su brtag pa bzung ste/ gal te stong gsum gyi stong chen po'i 'jig rten gyi khams na sems can gzugs can nam/ gzugs can ma yin pa'am/ 'du shes can nam/ 'du shes can ma yin pa'am/ 'du shes can yang ma yin 'du shes can ma yin pa'ang ma yin pa ji snyed yod pa de dag thams cad skad cig gcig dang / thang gcig dang / yud tsam gcig la mi'i lus thob par gyur te/ de nas gang sems can de dag la bde ba'i yo byad thams cad nye bar sgrub par byed pa'i mi la la zhig byung bar gyur la de nas mi des sems can de dag lag pa ya gcig gis blangs nas bskal ba'am/ bskal pa las lhag par 'dzin par byed cing / de'i tshe sems can de dag gzugs rnams sam/ sgra rnams sam/ dri rnams sam/ ro rnams sam/ reg bya rnams la sems skyes par gyur na yang de nas mi des de dag thams cad nye bar sbyin par byed la/ sems can de dag gi bshang ba'am gci ba yang lag pa gcig shos kyis blangs nas 'jig rten gyi khams gzhan du 'dor bar byed de/ de ci'i phyir zhe na/ sems can de dag dri mi zhim par gyur na mi
63b
rung ngo / /snyam du sems na/ brtan pa'i blo gros/ 'di ji snyam du sems/ 'o na mi des sems can de dag la bde ba'i yo byad thams cad kyis rim gro byed par 'gyur ram/ gsol pa/ bcom ldan 'das/ mi das bde ba'i yo byad shin tu mang pos rim gro bgyi ba lags so/ /bka' stsal pa/ brtan pa'i blo gros/ mi des sems can de dag la bde ba'i yo byad thams cad kyis so sor rim gro byas la/ rigs kyi bu'am/ rigs kyi bu mo gang sems can thams cad kyi ngon du de bzhin gshegs pa bzhugs kyang rung / yongs su mya ngan las 'das kyang rung ste/ bla na med pa yang dag par rdzogs pa'i byang chub tu sems bskyed cing / byang chub sems dpa'i sde snod kyi chos kyi rnam grangs nyan pa la mos par gyur la/ sangs rgyas kyi ye shes ye shes chen po de yang dag par bsgrubs nas 'dod chags dang / zhe sdang dang / gti mug spang ba'i phyir dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal pa dang / yid mi bde ba dang / 'khrug pa las yang dag par 'da' bar bya ba'i phyir sems can rnams la de bzhin du chos bstan par bya'o/ /snyam ste/ byang chub sems dpa'i dge ba'i rtsa ba yongs su smin par byed pa dang ldan pas de yongs su tshol ba ni tshig bzhi pa'i tshigs su bcad pa gcig tsam zhig rnyed par gyur na/ brtan pa'i blo gros/ sems can la bde ba'i
64a
@#/ /rim gros so sor rim gro byas pa'i bsod nams kyi phung po 'di la bsod nams kyi phung po snga ma des brgya'i char yang nye bar mi 'gro ba nas/ stong gi cha'i bar du'ang mi bzod cing / grangs dang / cha dang / bgrang ba dang / rgyu dang / dpe'i char yang mi bzod do/ /bam po bzhi pa/ brtan pa'i blo gros/ byang chub sems dpa' sems dpa' chen pos ji ltar sems can rnams la bde ba'i yo byad ji lta bus so sor rim gro byas pa ni/ de bzhin gshegs pas so sor mkhyen to/ brtan pa'i blo gros/ gnas 'di la nga'i nyan thos bden pa mthong ba dang / byang chub sems dpa' sems dpa' chen po lhag pa'i bsam pa la yang dag par zhugs pa ma gtogs par su zhig mngon par yid ches par byed/ brtan pa'i blo gros/ byang chub sems dpa' sems dpa' chen po ni/ bdag cag gis sems can gnas med pa rnams kyi gnas su 'gyur bar bya/ skyabs med pa rnams kyi skyabs su 'gyur bar bya/ sems can gling med pa rnams kyi gling du 'gyur bar bya/ sems can dpung gnyen med pa rnams kyi dpung gnyen du 'gyur bar bya zhing / bdag cag gis theg pa chen po sangs rgyas kyi ye shes ye shes chen po de yang dag par bsgrub par bya/ sems can tshad med grangs med pa dag zag pa med pa'i chos rnams la yang dag par sbyar bar bya'o/ /snyam nas de lta bu'i go
64b
cha gyon par byed pa yin yang / gal te sems can de dag la snga dro'i dus su rin po che'i phung po ri rab dang mnyam pa dag nye bar sbyin dgos par gyur cing / de bzhin du nyi ma'i gung gi dus dang / phye ma red kyi dus dang / nyin mtshan du'ang rung ste/ rin po che'i phung po ri rab dang mnyam pa dag nye bar sbyin dgos par gyur la/ sems can de dag de lta bus tshim par yang mi 'gyur zhing / 'di ltar rkyen de dag gis log par ltung bar 'gro ba dag tu 'gyur ba'i gnas dag kyang yod na/ kye bdag cag gis sems can de dag 'di ltar re zhig stong gsum gyi stong chen po'i 'jig rten gyi khams rin po ches bkang ba 'di la mchil ma lta bu'i 'du shes skyed par 'gyur ba de lta bu'i chos yongs su btsal bar bya'o/ /snyam na/ rdzas bsags pa tha chad gzhan la lta ci smos/ byang chub sems dpa' sems dpa' chen po mkhas pa ni/ rin po che'i phung po de la 'di ni/ 'dod chags dang / zhe sdang dang / gti mug gi rtsa ba yin/ sems can dmyal ba'i sdug bsngal gyi rtsa ba yin/ dud 'gro'i skye gnas kyi sdug bsngal gyi rtsa ba yin/ gshin rje'i 'jig rten gyi sdug bsngal gyi rtsa ba yin zhing / las kyi kun nas slong ba rnam pa du ma'i rtsa ba yin no/ /zhes de lta bus rab tu rnam par gsog par byed de/ de las de mya ngan las 'das pa'i sems thob cing rin po che'i phung po de la mi lta bar 'gyur ro/ /mkhas pa ni/ rin po che'i phung po de la 'di ni/
65a
@#/ /rin po che'i phung po ma yin gyi/ 'di ni/ sems can dmyal ba'i phung po yin te/ de la lhag par zhen pa'i sems can rnams ni/ log par ltung bar 'gro bar 'gyur ro| |snyam du de lta bur so sor rtog par byed do/ /brtan pa'i blo gros/ stong gsum gyi stong chen po'i 'jig rten gyi khams na sems can ji snyed yod pa lta zhog gi /brtan pa'i blo gros/ yongs su brtag pa bzung ste/ shar phyogs su 'jig rten gyi khams gang+gA'i klung gi bye ma snyed ji snyed yod pa dang / de bzhin du phyogs bcu kun tu 'jig rten gyi khams ji snyed yod pa de dag na sems can gzugs can nam gzugs can ma yin pa'am/ 'du shes can nam 'du shes can ma yin pa'am/ 'du shes can yang ma yin 'du shes can ma yin pa'ang ma yin pa dag yod pa dang / sems can gyi khams su gdags pa ji snyed yod pa de dag thams cad snga phyi med par mi'i lus thob par gyur cing / sems can de dag la bde bar bya ba'i phyir gang sems bskyed ma thag tu sems can de dag la gzugs rnams sam/ sgra rnams sam/ dri rnams sam/ ro rnams sam/ reg bya rnams kyi bde ba'i yo byad nye bar sgrub par byed pa'i mi la la zhig byung bar gyur te/ sems can de dag thams cad kyang phrag ba'am/ mgo bos blangs nas bskal pa'am/ bskal pa las lhag par 'dzin par byed la/ sems can de dag spyod
65b
lam ji lta bus de la 'dug par 'dod pa de lta bus kyang 'dug par gyur cing / sems can de dag gi bshad gci'ang lag pa ya gcig gis blangs nas 'jig rten gyi khams gzhan du 'dor na| brtan pa'i blo gros/ 'di ji snyam du sems/ 'o na mi des sems can de dag la bde ba'i yo byad mang pos so sor rim gro byas par 'gyur ram/ gsol ba/ bcom ldan 'das/ mi des bde ba'i yo byad mang pos rim gro bgyis par 'gyur lags so/ /bcom ldan 'das kyis bka' stsal pa/ brtan pa'i blo gros/ khyod mos par bya/ khong du chud par bya ste/ mi des bde ba'i yo byad de lta bus rim gro byas la/ rigs kyi bu'am/ rigs kyi bu mo gang gis sems can thams cad bskyab pa dang ldan pa'i sems kyis bla na med pa yang dag par rdzogs pa'i byang chub tu sems bskyed nas/ 'di lta ste/ gang las bla na med pa yang dag par rdzogs pa'i byang chub tu byang chub sems dpa'i dge ba'i rtsa ba yongs su smin par 'gyur ba'i byang chub sems dpa'i sde snod kyi chos kyi rnam grangs mnyan par bya ba'i phyir tha na byang chub sems dpa'i chos yongs su tshol ba la mngon par brtson par gyur cing / byang chub sems dpa'i chos yongs su btsal ba'i phyir ram/ de la brtson par bya ba'i phyir gom pa 'dor ba gcig gis 'gro bar yang byed na/ brtan pa'i blo gros/ dge ba'i rtsa ba de ni/ bla na med pa yang dag par rdzogs pa'i byang chub mngon par rdzogs
66a
@#/ /par sangs rgyas kyi bar du bar mdor zad pa'am/ yongs su gtugs par nga mi smra'o/ /de ci'i phyir zhe na/ brtan pa'i blo gros/ bde ba'i yo byad 'di la bde ba'i yo byad snga ma des brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang mi 'gyur ba'i phyir ro| |de ci'i phyir zhe na/ brtan pa'i blo gros/ bde ba'i yo byad snga ma de thams cad ni/ rdzas las byung ba dang bcas pa yin te/ shin tu mthar thug par mi 'gyur zhing / shin tu yongs su byang bar mi 'gyur la/ brtan pa'i blo gros/ chos yongs su tshol ba la mngon par brtson pas ni/ tshul khrims rnam par 'phel bar 'gyur/ ting nge 'dzin rnam par 'phel bar 'gyur/ shes rab rnam par 'phel bar 'gyur/ sangs rgyas kyi chos yongs su smin par 'gyur/ thabs la mkhas pa bsam gyis mi khyab pa yongs su smin par 'gyur/ sangs rgyas kyi zhing yongs su dag par 'gyur pa'i phyir te/ de'i phyir de bzhin gshegs pas bla na med pa yang dag par rdzogs pa'i byang chub ni/ mang du thos pa la rag las par bstan pa yin no| |brtan pa'i blo gros/ gal te stong gsum gyi stong chen po'i 'jig rten gyi khams de 'di lta ste/ 'dam bu'i tshal lam/ 'bras kyi zhing ngam/ til gyi zhing ngam/ 'od ma'i tshal bzhin
66b
du de bzhin gshegs pa rnams kyis yongs su gang bar gyur la/ de bzhin gshegs pa dgra bcom pa yang dag par rdzogs pa'i sangs rgyas de dag la yang la la zhig gis ji srid 'tsho'i bar du bkur sti byas/ bla mar byas/ ri mor byas/ mchod pa byas shing / na bza' dang / bsod snyoms dang / gzims cha dang / gdan dang / snyun gyi gsos sman dang / yo byad dag gis bsnyen bkur byas la/ de bzhin gshegs pa de dag yongs su mya ngan las 'das nas kyang / so so so sor khor yug tu dpag tshad dang ldan pa'i mchod rten rin po che sna bdun las byas pa gdugs bsgrengs ba dang / stegs bus brgyan pa/ bskal par gnas pa'i snang ba kun tu 'bar/ rab tu 'bar ba'i mar me dang / mchod yon dag gis brgyan pa dag byas par gyur na/ brtan pa'i blo gros 'di ji snyam du sems/ 'o na rigs kyi bu'am/ rigs kyi bu mo des gzhi de las bsod nams mang du skyed dam/ gsol ba/ bcom ldan 'das/ rigs kyi bu'am/ rigs kyi bu mo des bsod nams kyi phung po grangs ma mchis/ dpag tu ma mchis pa skyed lags so/ /brtan pa'i blo gros/ khyod mos par bya/ khong du chud par bya ste/ gang mi des ji skad bshad pa'i bsod nams kyi phung po de lta bu gsog par byed la/ rigs kyi bu'am/ rigs kyi bu mos bla na med pa yang dag par rdzogs pa'i byang chub tu sems bskyed nas 'di lta ste/ gang las byang chub kyi phyogs kyi chos rnams
67a
@#/ /yongs su smin par gyur pa'i byang chub sems dpa'i sde snod kyi chos kyi rnam grangs kyi mdo sde de lta bu dag mnyan pa dang / bstan pa dang / bklag pa dang / kun chub par bya ba'i phyir yongs su btsal ba la brtson par byed na/ brtan pa'i blo gros/ bsod nams kyi phung po snga ma des brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha dang grangs dang / cha dang / bgrang ba dang / dpe dang / rgyur yang mi bzod do/ /brtan pa'i blo gros/ de lta bas na/ khyod phyi ma'i tshe phyi ma'i dus lnga brgya pa tha ma la mdo sde de lta bu de dag mnyan pa dang / gzung ba dang / bklag pa dang / kun chub par bya ba'i phyir go cha gyon par sems na/ brtan pa'i blo gros/ bsod nams kyi phung po de'i tsha dang nga mi smra'o/ /yongs su gtugs par yang mi smra/ yongs su zad par yang nga mi smra'o/ /brtan pa'i blo gros/ khyod sems bskyed pa'i bsod nams kyi phung po de'i dpe tsam thos pa'am/ phyogs tsam khong du chud par 'dod na/ de bzhin gshegs pa'i rdzu 'phrul yang thos pa'am/ yid ches par nus sam/ gsol pa/ bcom ldan 'das/ bcom ldan 'das kyi mthus rngo thogs lags so/ /bka' stsal pa/ brtan pa'i blo gros/ 'di ji snyam du sems/ stong gsum gyi stong chen po'i 'jig rten gyi khams de che ba yin nam/ gsol pa/ bcom ldan 'das/ de lta lags so/ /bcom ldan 'das kyis bka' stsal pa/ brtan pa'i
67b
blo gros| 'di ji snyam du sems/ gal te stong gsum gyi stong chen po'i 'jig rten gyi khams de yungs 'brus yongs su gang bar gyur cing / yungs 'bru de dag ji snyed pa yod pa de snyed kho na'i stong gsum gyi stong chen po'i 'jig rten gyi khams kyi tshad kyi bra bo dag yod par gyur la/ de dag kyang bye ma dag gis so sor gang bar gyur na/ brtan pa'i blo gros/ 'di ji snyam du sems/ bye ma'i phung po de mang ba yin nam/ gsol pa/ bcom ldan 'das/ mang lags so/ /bde bar gshegs pa mang lags so/ /bcom ldan 'das kyis bka' stsal pa/ brtan pa'i blo gros/ gal te bye ma'i phung po de lag pas blangs nas phyogs bzher 'dor bar byed pa'i mi la la zhig byung bar gyur la/ de 'phangs nas de ma thag tu gang dag bye ma'i phung po de las bye ma'i 'bru re re 'jig rten gyi khams re rer 'phen par byed pa'i rlung dag mngon par byung bar gyur na/ brtan pa'i blo gros/ 'di ji snyam du sems/ shar phyogs su 'jig rten gyi khams de dag ji snyed yod par 'gyur/ phyogs thams cad du'ang de bzhin no/ /gsol pa/ bcom ldan 'das/ dpag tu ma mchis lags so/ /bde bar gshegs pa/ dpag tu ma mchis lags so/ /bka' stsal pa/ brtan pa'i blo gros/ khyod mos par bya| brtan pa'i blo gros/ khyod khong du chud par bya ste/ brtan pa'i blo gros/ de bzhin gshegs pa dgra bcom pa yang dag par rdzogs pa'i sangs rgyas ni/ spyod lam gyis dpag tu med pa/
68a
@#/ /lam gyis dpag tu med pa/ tshul khrims kyi pha rol tu phyin pas dpag tu med pa/ rdzu 'phrul gyi pha rol tu phyin pas dpag tu med pa/ shes rab kyi pha rol tu phyin pas dpag tu med pa ste/ brtan pa'i blo gros/ de bzhin gshegs pa ni/ bzhed na 'jig rten gyi khams de dag tu gom pa gcig gis gshegs par mdzad kyang de bzhin gshegs pa'i spyod lam rnam par 'khrugs par yang mi 'gyur la/ de bzhin gshegs pas da dung rdzu 'phrul gyi pha rol tu phyin pa'i rnam pa thams cad kun tu bstan pa'ang ma yin no/ /se gol gtogs pa tsam gcig gis kyang phye ma'i phung po de dag ji snyed yod pa de snyed kho na'i 'jig rten gyi khams dag tu gom pas gshegs pa gcig gis gshegs par mdzad do/ /se gol gtogs pa tsam gyi tshul des kyang shar phyogs su gshegs pa nas phyogs bcur gshegs pa'i bar gyis zhag gcig gam/ zla ba phyed dam/ zla ba gcig nas lo gcig gi bar du'am/ lo brgyad nas lo stong ngam/ lo 'bum gyi bar du gshegs par mdzad cing / phyogs re rer yang lo bye ba phrag 'bum gyi bar du gshegs par mdzad do/ /brtan pa'i blo gros/ 'o na de ltar 'jig rten gyi khams de dag ji snyed yod par de bzhin gshegs pas byon pa'i 'jig rten gyi khams de dag mang ba yin nam/ gsol pa/ bcom ldan 'das/ mang lags so/ /bcom ldan 'das kyis bka' stsal pa/ brtan
68b
pa'i blo gros/ gal te bsod nams kyi phung po de gzugs can zhig tu gyur na ni/ re zhig 'jig rten gyi khams de snyed du'ang mi shong ste/ phal cher lhag par 'gyur ro/ /brtan pa'i blo gros/ de ltar de bzhin gshegs pa dgra bcom pa yang dag par rdzogs pa'i sangs rgyas kyis bsod nams kyi phung po grangs med pa de rab tu mkhyen te/ dpag tu med pa/ bgrang du med pa/ tshad med pa/ brjod du med pa/ bgrang ba las 'das pa rab tu mkhyen to/ /brtan pa'i blo gros/ gang gis bsod nams kyi phung po de shes par nus pa'i yi ge'i grangs sam/ yig 'bru'i grangs sam/ bgrang ba'i grangs de ngas rab tu mi shes te/ gzhan du na grangs med pa'i grangs kho na dang / dpag tu med pa'i grangs kho nar 'gyur bar zad do/ /byang chub tu sems bskyed pa dang dam pa'i chos yongs su tshol ba'i bsod nams kyi bsngags pa brjod pa'i le'u zhes bya ste/ gsum pa'o// //de'i tshe shar phyogs su 'jig rten gyi khams grangs med dpag tu med pa dag 'das pa de'i pha rol gyi 'ang ches pha rol na 'jig rten gyi khams rnam par bsgrags pa'i sgra zhes bya ba na de bzhin gshegs pa dgra bcom pa yang dag par rdzogs pa'i sangs rgyas lhun po'i phung po zhes bya ba da ltar bzhugs te 'tsho zhing gzhes la chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas lhun po'i phung po des kyang byang
69a
@#/ /chub sems dpa' 'od kyi dkyil 'khor gzi brjid phung po zhes bya ba nga'i 'og tu 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes bla na med pa yang dag par rdzogs pa'i byang chub tu lung bstan te/ /'khor de nyid du 'dus par gyur nas 'dug go /byang chub sems dpa' 'od kyi dkyil 'khor gzi brjid phung pos snang ba chen po de mthong ste gsung bsal ba'i sgra de'ang thos shing / sa g.yos pa chen po de'ang kun tu shes nas de bcom ldan 'das de bzhin gshegs pa lhun po'i phung po ga la ba der song ste phyin nas bcom ldan 'das de la 'di skad ces gsol to/ /bcom ldan 'das/ 'od de dang / gsung bsal ba'i sgra de dang / dog sa g.yos pa de su'i lags de skad ces gsol pa dang / bcom ldan 'das de bzhin gshegs pa lhun po'i phung pos byang chub sems dpa' sems dpa' chen po 'od kyi dkyil 'khor gzi brjid phung po la 'di skad ces bka' stsal to/ /rigs kyi bu/ 'jig rten gyi khams 'di nas nub phyogs kyi phyogs char 'jig rten gyi khams grangs med dpag tu med pa dag 'das pa de'i pha rol gyi'ang ches pha rol na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes
69b
la 'di lta ste/ byang chub sems dpa'i sde snod kyi chos kyi rnam grangs kyi chos kyang ston to/ /byang chub sems dpa' dpe med pa sems pa zhes bya ba dag yod de/ 'khor der 'dus par gyur nas 'khod do/ /rigs kyi bu/ phyogs bcur 'jig rten gyi khams gang+gA'i klung gi bye ma snyed go cha gang dag gis skyes bu dam pa de dag go cha bgos pa'i go cha de lta bu dag gis stong ste/ rigs kyi bu| skyes bu dam pa de lta bu dag thos pa'ang mchog tu rnyed par dka' na/ blta ba'am bsnyen bkur bya ba lta ci smos/ de nas bcom ldan 'das de la byang chub sems dpa' 'od kyi dkyil 'khor gzi brjid phung pos 'di skad ces gsol to/ /bcom ldan 'das/ bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po bsam gyis mi khyab pa'i go cha bgos pa de dag kyang blta ba'i slad du 'jig rten gyi khams mi mjed der bdag mchi bar bgyi'o/ / bcom ldan 'das des bka' stsal pa/ rigs kyi bu/ de'i dus la dbab par shes na/ song la bcom ldan 'das de la pad+ma bdun po 'di dag kyang phul te phul nas kyang bcom ldan 'das bcom ldan 'das la de bzhin gshegs pa lhun po'i phun po gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol lo/ /
70a
@#/ /zhes de skad ces gsol cig /de nas byang chub sems dpa' sems dpa' chen po 'od kyi dkyil 'khor gzi brjid phung pos bcom ldan 'das de bzhin gshegs pa lhun po'i phung po de la rnam par bltas te/ bcom ldan 'das de'i zhabs la mgo bos phyag btsal nas bcom ldan 'das de'i thad nas song ngo / /byang chub sems dpa'i 'od kyi dkyil 'khor gzi brjid phung po de 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ lag pa brkyang ba skum par byed pa'i skad cig des 'jig rten gyi khams rnam par bsgrags pa'i sgra nas mi snang bar gyur te/ 'jig rten gyi khams mi mjed 'dir 'dug go /de rgyal po'i khab 'od ma'i tshal bya ka lan+ta ka gnas pa ga la ba der song ste phyin nas bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la de bzhin gshegs pa lhun po'i phung po gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das/ bcom ldan 'das la bcom ldan 'das des pad+ma 'di dag kyang bskur ba lags so/ /bcom ldan 'das kyis
70b
pad+ma de dag pa zhes te bzhes nas kyang bka' stsal pa/ 'od kyi dkyil 'khor gzi brjid phung po/ /ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga'am/ bde bar reg pa la gnas sam/ gsol pa/ bcom ldan 'das/ de lta lags te/ sangs rgyas kyi zhing de na snyun mi mnga' zhing stobs dang ldan te 'gyur ba mi mnga' la/ bde bar reg pa la gnas lags so/ /de nas bcom ldan 'das kyis byang chub sems dpa' ma pham pa la ma pham pa/ khyod kyis byang chub kyi yan lag yongs su rdzogs par bya ba'i phyir pad+ma 'di dag gis dge ba'i rtsa ba dag skyed cig ces pad+ma de dag byin no/ /de nas byang chub sems dpa' ma pham pas pad+ma chen po bdun po de dag blangs nas bzang skyong la sogs pa byang chub sems dpa' dpe med pa sems pa dag la byin te| 'di lta ste/ dkon mchog 'byung gnas dang / ded dpon bzang po dang / yon tan sbas dang / 'dam bus byin dang / dbang pos byin dang / chu lha dang / stobs bzang dang / bla ma'i blo gros dang / khyad par blo gros dang / 'phel ba'i blo gros dang / mthong ba don yod dang / legs par yang dag zhugs dang / rab kyi rtsal gyis rnam par gnon dang / rtag tu brtson dang / brtson pa mi gtong dang / nyi ma'i snying po dang / 'gro ba 'dzin dang / sa 'dzin dang / legs par gnas pa'i blo gros dang / mtha' yas blo gros dang / 'jig rten gsum rnam par gnon dang / mtha' yas rnam par gnon dang /
71a
@#/ /dpag med rnam par gnon dang / dmigs pa thams cad ston pa'i khyu mchog dang / brtan pa'i blo gros dang / mtha' yas brtson 'grus dang / dpag yas rnam par gnon dang / don yod brtson 'grus dang / seng+ge'i brtson 'grus rtsal gyis 'gro dang / don yod gom pa'i rtsal gyis 'gro dang / dga' ba'i spobs pa dang / spobs pa rnon po dang / spobs pa zab pa dang / spobs pa mtha' yas dang / spobs pa dpag med dang / 'jam dpal gzhon nur gyur pa dang / pad+ma'i snying po dang / mtha' yas glang po che dang / spar 'chums ma yin dang / chos 'phags dang / lag na rin chen dang / rin chen lag pa dang / don yod dpal dang / mi g.yos rnam par gnon dang / mya ngan med pa dang / mya ngan bral dang / tha mi dad par spyod par yang dag zhugs dang / brtson 'grus spyo med dang / mngal 'gyur dang / bud med 'gyur dang / skyes pa 'gyur dang / sems can 'gyur dang / dra ba can gyi 'od dang / mtha' yas snying po dang / sangs rgyas phyag na pad+ma skyes dang / lag na pad+ma dang / spos kyi glang po che dang / don grub dang / seng+ge'i legs par brtags pa'i go cha dang / don yod go cha dang / ma smad pa'i go cha dang / kun 'gyur ba'i go cha dang / spyod pa zab pa'i go cha dang / 'gyur ba skyo ba med pa'i go cha dang / me tog rab gtor dang / me tog rin chen dang / don yod ming sgrol
71b
dang / don yod ming sgrog dang / dmigs pa kun gyi go cha bgos dang / 'gro ba kun 'gyur ba'i go cha bgos dang / spyod pa zab pa'i go cha bgos dang / 'gyur ba skyo ba med pa'i go cha bgos dang / rtag tu rab tu dga' ba'i go cha bgos dang / rtag tu gdung ba'i go cha bgos dang / mi lta ba'i go cha bgos dang / dpal ma nyam pa'i go cha bgos dang / drag shul 'chang dang / dga' ba'i sde dang / bzang po'i sde dang / dga' ba'i lha dang / dga' byed dang / byang chub yan lag rtogs dang / sangs rgyas dang ma bral ba'i go cha bgos dang / chos kyi 'khor lo bskor ba'i go cha bgos dang / 'khor lo thogs pa med pa'i go cha bgos dang / thams cad yongs su gtong ba'i go cha bgos dang / ma blangs pa'i go cha bgos dang / rnam par 'khrugs pa'i go cha bgos dang / sangs rgyas kyi gdung rgyun mi gcod pa'i go cha bgos dang / zla ba snang dang / yon tan dpal snang dang / de dpon dang / ded dpon chen po dang / mchog gi tshogs can dang / mchog gi bkod pa dang / rin po che'i bkod pa dang / don kun grub dang / don dpal dang / 'dren pa'i dpal dang / 'dren pa'i rgyal mtshan dang / nges par 'dren dang / zhi ba dang / rab tu zhi byed dang / sangs rgyas bzang po dang / shin tu dga' ba dang / rgyal dga' dang / dbang po thul dang / rgyal ba'i sde dang / gzhom thul dang / bdud 'joms dang / dgra bcom dang / dgra la zhe 'gras med dang / phyogs su rnam par bsgrags
72a
@#/ /dang / rnam par bsgrags pa'i rgyal po dang / nor 'phel dang / bshes gnyen dang / bshes gnyen lha dang / bshes gnyen 'phel dang / gdugs gcig pa dang / rin chen gdugs dang / rgyu skar bzang po dang / chos dang / chos lha dang / dri med dang / dpa' bo dri med dang / dpa' ba'i rtsal gyis 'gro dang / mtha' yas rtsal gyis 'gro dang / don yod rtsal gyis 'gro dang / gom pa med kyis rnam par gnon dang / shin tu rtsal gyis rnam par gnon dang / tha mi dad par spyod pa dang / de dag dang / byang chub sems dpa' gzhan yang bdun khri bdun stong la rgan rabs dag bcom ldan 'das kyi byang chub kyi phyogs kyi chos yongs su smin par mdzad pa'i phyir pad+ma bdun po 'di dag byin pa yin te/ rigs kyi bu dag /khyed cag gis pad+ma chen po 'di dag longs shig dang / thams cad gyur nas bcom ldan 'das la dngul bar bya/ thams cad gyur nas rang rang gi thabs la mkhas pa gsal bar bya'o/ /zhes pad+ma bdun po de dag byin no/ /de nas byang chub sems dpa' bdun khri bdun stong po de dag gis pad+ma de dag blangs nas rang rang gi thabs la mkhas pa gsal bar bya ba'i phyir bcom ldan 'das la phul lo| |bcom ldan 'das kyis byang chub sems dpa' sems dpa' chen po de dag la thugs brtse ba'i phyir pad+ma chen po bdun po de dag bzhes te/ bzhes nas kyang byang chub sems dpa'
72b
sems dpa' chen po ma pham pa la bka' stsal pa/ ma pham pa/ de bzhin gshegs pa ni/ de ltar khyed kyi dge ba'i rtsa ba bskyed pa'i phyir brtun par mdzad/ mchog tu brtun par mdzad de/ / ma pham pa/ de bzhin gshegs pa dgra bcom pa yang dag par rdzogs pa'i sangs rgyas ni/ shin tu rnyed par dka' zhing mchog tu rnyed par dka'o/ /ma pham pa/ byang chub sems dpa' rnams kyang shin tu mchog tu rnyed par dka'o/ /de ci'i phyir zhe na/ ma pham pa/ sangs rgyas kyi chos de dag ni/ byang chub sems dpa'i spyod pa las nges par byung ba'i phyir ro/ /ma pham pa/ gal te sngon ngas byang chub tu sems bskyed par ma gyur na/ ma pham pa/ 'o na da ltar de bzhin gshegs pa'i stobs bcu skye bar 'gyur ram/ gsol pa/ bcom ldan 'das/ de lta ma lags so/ /bcom ldan 'das kyis bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na| 'o na da ltar mi 'jigs pa bzhi skye bar 'gyur ram/ gsol pa/ bcom ldan 'das/ de ma lags so/ /bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i byams pa chen po 'byung bar 'gyur ram/ gsol pa/ bcom ldan
73a
@#/ /'das| de ma lags so/ /bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du snying rje chen po 'byung bar 'gyur ram/ de bzhin du 'jig rten du dga' ba chen po dang / btang snyoms chen po 'byung bar 'gyur ram/ gsol pa bcom ldan 'das/ de ma lags so/ /bka' stsal pa/ ma pham pa/ 'di ji snyam du sems/ gal te sngon byang chub sems dpa'i spyad pa spyod pa na ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du sangs rgyas kyi chos ma 'dres pa bco brgyad 'byung bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa/ 'di ji snyam du sems/ gal te sngon byang chub sems dpa'i spyad pa spyod pa na ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i don yod rnam par gnon pa 'byung bar 'gyur ram/ gsol pa/ bcom ldan 'das/ de ma lags so| |bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten
73b
du de bzhin gshegs pa'i seng+ge'i stabs su 'gro ba nyid 'byung bar 'gyur ram/ gsol pa/ bcom ldan 'das/ de ma lags so/ /bka' stsal pa/ ma pham pa/ 'di ji snyam du sems gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i glang po che'i lta stangs kyis lta ba nyid 'byung bar 'gyur ram/ gsol pa/ bcom ldan 'das/ de ma lags so/ /bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i seng+ge ltar bsgyings pa nyid 'byung bar 'gyur ram/ gsol pa/ bcom ldan 'das| de ma lags so/ /bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i spyi gtsug bltar mi mthong ba nyid 'byung bar 'gyur ram/ gsol pa/ bcom ldan 'das/ de ma lags so/ /bka' stsal pa/ ma pham pa| 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du skyes bu chen po'i mtshan
74a
@#/ /sum cu rtsa gnyis 'byung bar 'gyur ram/ gsol pa/ bcom ldan 'das/ de ma lags so/ /bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du chos kyi 'khor lo bskor ba 'byung bar 'gyur ram/ gsol pa/ bcom ldan 'das| de ma lags so/ /bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du chos kyi mur 'gram 'byung bar 'gyur ram/ gsol pa/ bcom ldan 'das/ de ma lags so/ /bka' stsal pa/ ma pham pa/ 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du nyan thos phun sum tshogs pa 'byung bar 'gyur ram/ gsol pa| bcom ldan 'das/ de ma lags so/ /bka' stsal pa/ ma pham pa/ de lta bas na/ gang dag sangs rgyas kyi chos rnams ji snyed yod pa de dag thams cad ni/ sems dang po bskyed pa la rag las pa yin no/ /ma pham pa/ de lta bas na/ byang chub sems dpa' rnyed par dka' ba'i phyir de bzhin gshegs pa rnyed par dka' ba yin no/ /ma pham pa/ 'di lta
74b
ste| dper na/ mar med pas mar gyi snying khu'i rgyun 'chad par 'gyur ba de bzhin du/ ma pham pa/ byang chub tu sems bskyed pa med par de bzhin gshegs pa mngon par 'grub par mi 'gyur ro/ /ma pham pa/ 'di lta ste/ dper na/ mar yod pas mar gyi snying khu'i rgyun mi 'chad par 'gyur ba de bzhin du/ ma pham pa/ 'jig rten na byang chub sems dpa' yod pas 'jig rten du de bzhin gshegs pa 'byung bar 'gyur ro/ /ma pham pa/ 'di lta ste/ dper na/ sa bon yod pas myu gu 'byung bar 'gyur ba de bzhin du/ ma pham pa/ byang chub sems dpa' yod pas de bzhin gshegs pa 'byung bar 'gyur ro/ /ma pham pa/ de lta bas na/ byang chub sems dpa' rnyed par dka' ba nyid kyi phyir de bzhin gshegs pa rnyed par dka' ba nyid do/ / ma pham pa/ 'di lta ste/ dper na/ rgya mtsho chen po na gang dag rin thang med par gyur ba'i nor bu rin po che de dag ni/ nyung gi/ gang dag rin thang yod par gyur pa de dag ni/ ches mang ba de bzhin du/ ma pham pa/ sems can gyi ris na gang dag byang chub kyi sems dang lhan cig gnas pa'i sems can de dag ni/ nyung du 'byung gi/ gang dag de las gzhan pa'i nyan thos dang / rang sangs rgyas kyi sems dang lhan cig gnas pa'i sems can de dag ni/ ches mang du 'byung bar 'gyur ro/ /ma pham pa/ de lta bas na/ sems bskyed pa de dag ni/
75a
@#/ /rnyed par dka' zhing mchog tu rnyed par dka'o/ /sems bskyed pa de dag ni/ rnyed par dka' zhing mchog tu rnyed par dka' ba'i phyir u dum wa ra'i me tog dang mtshungs so/ /sems bskyed pa de dag ni/ rin thang med pa'i phyir rin po che dang mtshungs so/ /sems bskyed pa de dag ni/ shin tu 'phags pa'i phyir ri rab dang mtshungs so/ /sems bskyed pa de dag ni/ rab tu g.yo ba med pa'i phyir nam mkha' dang mtshungs so/ /sems bskyed pa de dag ni/ gting dpag dka' ba'i phyir rgya mtsho lta bu'o/ / ma pham pa/ sems bskyed pa des ni/ rin po ches bkang ba'i stong gsum gyi stong chen po'i 'jig rten gyi khams bzod do/ /ma pham pa/ gal te sems bskyed pa de dag gzugs can du gyur na ni/ de dag phyag bya ba'i 'os yin te/ ma pham pa/ lha dang bcas pa'i 'jig rten 'bum phrag du mas bsrungs par 'gyur ro/ /ma pham pa/ de lta bas na/ byang chub kyi kyi sems de bskyed pa'i phyir rnal 'byor du bya/ spro bar bya/ mthu yod par bya/ brtsal bar bya/ spobs par bya/ mthun par bya/ 'dun par bya'o/ /ma pham pa/ sems bskyed pa de'ang gang zhe na/ byang chub tu sems bskyed pa ste/ de ni/ bgrang ba'am/ gzhal bar mi nus so/ /ma pham pa/ 'on kyang sems bskyed pa de khong du chud par bya ba'i phyir nye bar 'jal
75b
ba tsam dang / dpe tsam zhig brjod par bya'o/ /ma pham pa/ sngon byung ba 'das pa'i dus na bskal pa tshad med grangs med pa/ rgya chen po byung ba de'i tshe de'i dus na 'di ltar de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das bde ba'i rgyal po zhes bya ba 'jig rten du phyung bar gyur to/ /ma pham pa/ bcom ldan 'das de'i tshe tshad ni/ lo brgyad khri bzhi stong du gyur to/ / ma pham pa/ bcom ldan 'das de'i nyan thos 'dus pa gcig ni/ dgra bcom pa bye ba phrag bdun cu rtsa drug byung bar gyur/ 'dus pa gnyis pa ni/ bye ba phrag dgu bcu rtsa drug byung bar gyur/ 'dus pa gsum pa ni/ bye ba phrag brgyar tshang ba byung bar gyur te/ thams cad kyang dgra bcom pa/ zag pa zad pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba yongs su zad pa/ mnyam pa nyid kyi bar byung ba shes pas rnam par grol ba sha stag go /ma pham pa/ de'i dus na rgyal po'i pho brang shin tu mthong zhes bya bar rgyal po rgyal rigs spyi bo nas dbang bskur pa seng+ge'i dpal zhes bya ba byung bar gyur to/ /rgyal po seng+ge'i dpal de'i btsun mo dam pa mchog las bu gnyis mtshe mar byung bar gyur te/ gcig ni/ mya ngan
76a
@#/ /med ces bya/ gcig shos ni/ mya ngan bral zhes bya'o/ /ma pham pa/ de'i dus na khye'u de gnyis skyes nas lo bdun lon pa 'dra zhing gnyis ka khang bzang na 'dug par gyur te/ de gnyis kyis de bzhin gshegs pa bde ba'i rgyal po nyan thos kyi tshogs dang thabs cig tu rgyal po'i pho brang shin tu mthong bar gshegs pa mthong ngo / /de nas khye'u mya ngan med kyis phu bo mya ngan bral la smras pa/ mya ngan bral/ de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po thag ring po kho na nas tshur gshegs pa gzigs sam/ smras pa/ nu bo/ mthong ngo / /smras pa/ mya ngan bral/ bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po de ci 'dra ba de lta bu kho nar 'gyur bar bgyi'o/ /de nas khye'u mya ngan med kyis phu bo mya ngan bral de la tshigs su bcad pa dag gis smras pa/ mgon po chen po mi yi mchog /dge slong dge 'dun mdun bdar ba/ /bde ba'i rgyal po tshur gshegs la/ /mya ngan bral ba khyod gzigs shig /mi yi khyu mchog de 'dra bar/ /bdag ni 'gyur ba kho nar bgyi/ /bdag la byang chub sems skyes te/ /'jigs las 'gro ba thar bar bgyi/ /'gro 'di chags rgyags zhe sdang dang / /chags pas sdug bsngal las bgyid de/ /bgyis nas dmyal ba'i g.yang sar ltung /
76b
ngan 'gro dag las de thar bgyi/ /'jig rten 'dren pa 'jig rten na/ /u du ma wa ra'i me tog bzhin/ /rnyed dka' mchog tu rnyed dka' yi/ /khyod kyis 'dun pa bskyed par mdzod/ /de nas khye'u mya ngan bral gyis nu bo la tshigs su bcad pa dag gis slar smras pa/ mang po tshig tu smra byed kyang / /tshig gis grub pa yod ma yin/ /bdag ni sgrub la gnas pas na/ /ci yang rab tu smra mi bya/ / mang po rab tu smra byed kyang / /lus kyis byed pa yod ma yin/ /de yi 'bras bu mi snang bas/ /rdzun gyi tshig tu smra ba nyid/ /gal te tshig gis thob 'gyur na/ /bdag 'od rin chen dkris par 'gyur/ / yon tan nyams pa de kun kyang / /tshig gis rgyal ba rnams su 'gyur/ /da nas khye'u mya ngan med kyis khye'u mya ngan bral la tshigs su bcad pa dag gis slar smras pa/ /bdag nyid yin gyi gzhan min par| |gang phyir de 'dra smra byed cing / /de phyir ci yang mi smra ba/ /sems de ser sna can gyi lags/ /bdag gis sems can mgron du gnyer/ /bdag ni kun tu byed par bgyid/ /bdag la ser sna gzhar ma mchis/ /srog chags 'dren pa rnams su shog /mkhas pa byung bar gyur pa rnams/ /de dag tshig tu smra mi byed/ /tshig mang rab tu smras nas su/ /ji ltar don bzhin byed pa yin// de dag sngon chad nyid nas kyang / /ser sna'i sems dang ldan par gyur/ /des na 'byung bar 'gyur zhig gam/ /'on te mi 'byung tshig tu smra/ /de nas khye'u mya ngan bral gyis nu po mya ngan med la tshigs
77a
@#/ /su bcad pas slar smras pa/ gcig tu gyur nas song byas te/ /nu bo khyod dang kho bo yi/ /sems bskyed pa ni gang che zhes/ /mgon po de la zhu bar bya/ /de nas khye'u mya ngan bral khang bzang gi steng de nas babs te nor bu las byas pa'i mchil lham thogs shing gos bye ba ri ba'ang thogs nas de bzhin gshegs pa bde ba'i rgyal po ga la ba der song ste phyin nas/ bcom ldan 'das de'i zhabs la phyag btsal te phyogs gcig tu 'dug go /khye'u mya ngan med kyis ni/ khang bzang gi steng de nyid nas bdag nyid bor ro/ /de nas khye'u mya ngan med bcom ldan 'das de bzhin gshegs pa bde ba'i rgyal po de ga la ba der song ngo / /khye'u des kyang gos rin po che dang / gtsug gi nor bu'ang thogs par gyur te/ khye'u des gos de dang / gtsug gi nor bu de bcom ldan 'das de la phul ba dang / bcom ldan 'das des khye'u mya ngan med kyi lag pa nas bzhes so/ /khye'u mya ngan bral ni/ phyis bcom ldan 'das ga la ba der son gyi/ khye'u mya ngan med ni/ ches sngar son to/ /des khye'u mya ngan med de bzhin gshegs pa bde ba'i rgyal po'i spyan snga na 'dug pa mthong ngo / /mthong nas kyang smras pa/ mya ngan med / khyod lam gang nas ches sngar de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po'i thad du song / des smras pa/ phu bo/ khang bzang de nyid nas
77b
bcom ldan 'das ga la ba der bdag nyid bor te/ bdag ni/ lus ma snad ma smad pa kho nar bcom ldan 'das ga la ba der mchis so/ /de nas khye'u mya ngan bral gyis khye'u mya ngan med las lan thos nas/ bcom ldan 'das de la mchil lham de gnyis dang / gos rin po che de phul nas de'i tshe tshigs su bcad de gsol pa/ lam ngan nas ni 'gro ma gyur/ /'jig rten 'dren pa mthong gyur cig /sangs rgyas kyis ni gang bstan pa'i/ /lam la rtag tu bsten par shog /de nas khye'u mya ngan med kyis kyang phu bo la tshigs su bcad pa dag gis smras pa/ gang dag lus dang de bzhin du/ /srog gi dbang po srung byed pa/ /de dag rtag tu la ma tshol 'gyur/ /phu bo de ni khyod bzhin no/ /gang dag rtag tu bde ba don gnyer ba/ /de dag gzhan gyi ba de ba tshol mi byed/ lus srog dbang po bor nas gzhan du ni/ /sdug bsngal rnam pa sna tshogs 'byung bar 'gyur/ /mi rnams kyi ni rgya chen don kyang bya/ /sdug bsngal dra ba las ni yongs dgrol bya/ /lam 'di nyid de sangs rgyas mthong ba 'di/ /sangs rgyas mthong nas phyi nas lam ma tshal/ /bdag cag lam nas bde bar 'gro bya zhes/ /ma rtogs mi mkhas gzhan dag rlom sems 'gyur/ /de nas lam ngan lam der 'gro bar 'gyur/ /de dag gis ni yang dag lam mi shes/ /lam ngan 'gro ba don dam blo can rnams/ /lam la de ni lam ngan zhes 'jug pa/ /de ni rtag tu bdud kyi 'ching
78a
@#/ /bas zin/ /de 'dra de ni lam mchog 'di las ring / /rtag tu sangs rgyas dag dang phrad gyur cig /rtag par rgyun du dur smrig gyon par shog /rtag tu tshangs pa spyod pa thob gyur cig /skyes nas shin tu sems can don byed shog /dam chos spyod la rtag tu gnas gyur cig /rtag tu chos kyang kun tu 'dzin par shog /rtag tu rgyal ba rnams kyi chos bzung nas/ /rtag tu srog chags rnams la phan byed shog /rtag tu brtson 'grus brtan por rtsom gyur cig /thos pa'i chos rnams chud za ma gyur cig /dus rnams kun tu mnyam par 'jog gyur cig /yon tan rnams kyis rtag tu brgyan par shog /ma pham pa/ de nas khye'u mya ngan med dang / khye'u mya ngan bral gyis tshigs su bcad pa de dag smras nas| de bzhin gshegs pa bde ba'i rgyal po'i thad du khyim nas khyim med par mthun par rab tu byung ngo / /de ltar de dag rab tu byung ma thag tu gcig la gcig smras pa/ bdag ches thog mar de bzhin gshegs par 'gyur bar bya'o/ /de nas dge slong mya ngan med kyis dge slong mya ngan bral la smras pa/ mya ngan bral/ khyod kyis bdag ches thog mar bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /zhes de skad ces smras na/ khyod kyi sems ji lta bu zhig bskyed/ des
78b
smras pa| mya ngan med/ 'dir bdag gis ni/ gal te bla na med pa yang dag par rdzogs pa'i byang chub mngon par rdzogs par sangs ma rgyas kyi bar du sems can re re'i don gyi phyir sems can dmyal ba rnams su bskal pa 'bum du smin par gyur na'ang de'i tshe'ang byang chub kyi sems dor bar mi bya'o/ /snyam ste/ mya ngan med/ bdag gis sems de lta bu bskyed do/ /mya ngan med/ 'on kyang bdag gis gal te bdag gi mgo bor shar phyogs dang / de bzhin du phyogs thams cad nas la la zhig 'ongs te/ bshang ba'i chang bu'am/ me'i ril lu'am/ rdul gyi ril lu'am/ bshang ba'i bum pa'am/ me'i bum pa'am/ rdul gyi bum pa zhig bzhag kyang gzhi de las bdag gis gnod sems mi bya/ zhe sdang bskyed par mi bya/ sems khros pas mi de la rnam par blta bar mi bya/ sems khres pa dang ldan pas de la ngas gnod pa ci byas zhes de skad ces kyang smra bar mi bya ste/ phyir rgol ba su gang gis las de brtsams pa'i sems can de nyid kyi don gyi phyir bdag gis pha rol tu phyin pa dag la spyad par bya ste/ des gang byas pa'i las de ni/ sangs rgyas kyi ye shes rtsom pa yin/ las de ni/ sangs rgyas kyi chos rtsom pa yin te/ gal te bdag gis rkyen dag byung ba na sems mnyam par ma bzhag na/ bdag gis bzod pa'i pha rol tu phyin pa ji ltar yongs su rdzogs par byed par 'gyur/ bdag la gnod sems
79a
@#/ /kyi rkyen dag ma byung bar ni/ ya mtshan cir 'gyur te/ de lta bas na/ sems can de dag nyid yongs su smin par bya ba'i phyir dang / yongs su mya ngan las 'da' bar bya ba'i don gyi phyir go cha bgo bar bya'o/ /snyam nas bzod pa'i go cha de lta bu bgos so/ /gal te gnod sems su byed pa'i sems can de dag la'ang gnod sems su byas na| bdag la khyad par du 'phags pa ci zhig 'byung bar 'gyur te/ mya ngan med/ bdag gis de lta bu'i go cha bgos so/ /de nas dge slong mya ngan med kyis dge slong mya ngan bral la 'di skad ces smras so/ /phu bo/ khyod kyis gang gis go cha bgos pa'i sems de khyod kyis gzigs sam/ smras pa/ gal te sems med par gyur na ni/ go cha bgos pa de lta bu med par 'gyur la/ go cha de'ang med na ni/ rab tu bstan pa'ang med par 'gyur te/ mya ngan med/ gang gi phyir sems de yod pa de'i phyir go cha de rab tu bstan pa'ang yod do/ /de nas dge slong mya ngan med kyis dge slong mya ngan bral la 'di skad ces smras so/ /ji ltar sems de yod pa de bzhin du go cha'ang yod do/ /zhes de skad ces khyod ma gsungs shig/ de ci'i phyir zhe na/ mya ngan bral/ sems ni/ skye ba dang 'jig pa'i chos can pas sgyu ma lta bu yin pa'i phyir te/ skye ba dang 'jig pa'i chos can gyi sems sgyu ma lta bu la yod pa'am/ med
79b
pa'ang med do/ /mya ngan bral/ gang yod pa'am med pa de ni/ lta ba de yin te/ gang de lta bu'i lta ba de ni/ log par lta ba'o/ /gang log par lta ba de ni/ lam gol ba yin zhing lam ma yin la| de byang chub kyi lam ma yin pas de'i byang chub de thag ring ba yin zhing byang chub de thag nye ba ma yin la/ de'i byang chub bgrod par dka' ba yin te/ mya ngan bral/ de lta bas na/ de dag thams cad ni/ spros pa yin no/ /gang dag chos spros pa dang ldan pa dang / chos rlom sems dang ldan pa de dag ni/ byang chub sems dpas bsten par bya ba ma yin no/ /byang chub sems dpas bstan par bya ba'i chos kyang gang zhe na/ byang chub sems dpas chos gang yang bsten bar bya ba ma yin pa ste/ de ci'i phyir zhe na/ chos rnams bsten par gyur na ni/ chos ma yin pa rnams bstan par 'gyur ba'i phyir ro/ /de ltar byang chub sems dpas chos thams cad la mngon par zhen par mi bya ste/ de ci'i phyir zhe na/ byang chub ni/ gzhi med pa'i phyir ro| |gal te byang chub sems dpa' de ltar rlom sems su byed na/ de'ang chos ma yin pa ste/ de ci'i phyir zhe na/ byang chub ni/ rlom sems med pa'i phyir ro/ /gal te byang chub sems dpa' de ltar gnas par byed na/ de'ang chos ma yin pa ste/ de ci'i phyir zhe na/ byang chub ni/ gnas med pa'i phyir ro/ /gal te byang chub sems dpa' de ltar mos par byed na/ de'ang
80a
@#/ /chos ma yin pa ste/ de ci'i phyir zhe na/ byang chub ni/ mos pa med pa'i phyir ro/ /gal te byang chub sems dpa' de ltar rab tu shes par byed na/ de'ang chos ma yin pa ste/ de ci'i phyir zhe na/ byang chub ni/ mtshan nyid med pa'i phyir ro/ /gal te byang chub sems dpa' de ltar khong du chud par byed na/ de'ang chos ma yin pa ste/ de ci'i phyir zhe na| byang chub ni/ 'gyur ba med pa'i phyir ro/ /gal te byang chub sems dpas de ltar mngon du bya'o/ /snyam nas de ltar sgom par byed na/ de'ang chos ma yin pa ste/ de ci'i phyir zhe na| byang chub ni/ med pa'i phyir dang / byang chub de ni/ yi ge med pa'i phyir ro/ /de nas dge slong mya ngan bral gyis dge slong mya ngan med la 'di skad ces smras so/ /mya ngan med/ byang chub de med dam/ ci na de'i phyir de skad ston/ ci ste mya ngan bral yod cing bdag yod na ni/ byang chub kyang yod do/ /dge slong mya ngan med kyis smras pa/ phu bo/ khyod spros pa med pa'i byang chub la byang chub yod ce 'am/ med ces rnam par ma rtog cig/ de ci'i phyir zhe na/ ji tsam du spros pa de ni/ byang chub ma yin no/ /de ci'i phyir zhe na/ byang chub ni/ spros pa med ba'i phyir te/ 'di ni/ tshul yin no/ /yang na ji tsam du spros pa de tsam du byang chub po/ /mya ngan bral gyis smras pa/ nu bo/ ji tsam du spros pa de byang chub bo/ /zhes smras pa de'i don bdag
80b
gis mi shes so/ /de nas dge slong mya ngan med kyis phu bo la smras pa/ phu bo/ de'i phyir gnyis ka 'grogs nas/ bcom ldan 'das de bzhin gshegs pa bde ba'i rgyal po ga la bder 'dong ngo / /de nas de gnyis bcom ldan 'das de bzhin gshegs pa bde ba'i rgyal po de ga la ba der dong nas/ bcom ldan 'das de'i zhabs la phyag btsal te phyogs gcig tu 'khod do/ /de gnyis phyogs gcig tu 'khod nas kyang bcom ldan 'das de la gtam kun brjod pa de ji snyed byung ba de thams cad gsol to/ /de nas bcom ldan 'das des dge slong mya ngan med la mya ngan med/ legs so/ /legs so| |zhes bya ba byin te/ de la legs so/ /zhes bya ba byin nas kyang dge slong mya ngan bral la 'di skad ces bka' stsal to/ /mya ngan bral/ de de bzhin te/ ji tsam du spros pa de ni/ byang chub ste| de ci'i phyir zhe na/ spros pa thams cad ni/ dben pa yin pa'i phyir te/ byang chub de'ang dben pa yin no/ /dben pa nyid kyang gang zhe na/ spros pa gang yin pa'o/ /spros pa gang zhe na/ rtog pa ste| gzugs spros pa dang / tshor ba dang / 'du shes dang / 'du byed rnams dang / rnam par shes pa spros pa dang / tshul khrims spros pa dang / ting nge 'dzin spros pa dang / 'dod pa chung ba nyid spros pa dang / chog shes pan yid spros pa dang / dgang sla ba nyid spros pa dang / ma 'dres pa nyid spros pa'o/ /spros pa de'ang gang las byung zhe na/ kun tu rtog pa las byung ste/ gzugs
81a
@#/ /kyi kun tu rtog pa nas ting nge 'dzin gyi kun tu rtog pa'i bar du kun tu rtog pa ji snyed yod pa spros pa'ang de snyed do/ /de la kun tu rtog pa gang yin pa de ni/ gzugs can ma yin pa'i phyir kun tu rtog pa ni/ gzugs can ma yin pa'o/ /kun tu rtog pa gang yin pa de ni/ rtog pa med pa'o/ /kun tu rtog pa gang yin pa de ni/ tshul khrims ma yin pa nas chog shes pa nyid kyi bar du'ang ma yin no/ /byang chub ni/ gzugs stong pa nyid do/ /byang chub ni/ tshor ba dang / 'dus shes dang / 'du byed rnams dang / rnam par shes pa stong pa nyid do| |de bzhin du byang chub de ni/ tshul khrims dang / ting nge 'dzin dang / 'dod pa chung ba nyid dang / chog shes pa nyid dang / dgang sla ba nyid dang / gso sla ba nyid stong pa nyid do/ /stong pa nyid ni| gcig pa'ang ma yin/ tha dad pa'ang ma yin te/ byang chub de ni/ de yin no/ /de nas dge slong mya ngan bral gyis chos kyi rnam grangs de thos nas mi skye ba'i chos la bzod pa thob bo| |sems gang gis byang chub sems dpa' zhes brjod pa'i byang chub kyi sems de'ang rab tu shes so/ /de ltar dge slong mya ngan med dang / dge slong mya ngan bral de ltar chos rnams la lhag mthong dang / de ltar chos rnams rab tu shes pa dang / de ltar chos rnams la mos pas lo brgyad khri bzhi stong du nam yang rmugs pa dang / gnyid kyis ma non cing nam yang brtson 'grus
81b
ma btang ste/ gzhan du na rtag tu 'chag pa la mngon par brtson pa 'ba' zhig tu gyur pa ni/ ma gtogs so/ /nam yang 'dod chags kyi sems ma bskyed/ zhe sdang gi sems ma bskyed/ gti mug gi sems ma bskyed do/ /de gnyis de nas shi 'phos nas 'og gi 'jig rten gyi khams su de bzhin gshegs pa dpung mgo zlum pa zhes bya ba'i sangs rgyas kyi zhing stong gi rjes su mthun pa zhes bya bar skyes te/ der yang brtson 'grus brtsam pa yang dag par blangs nas gnas par gyur to/ /ma pham pa/ rnam grangs des byang chub sems dpa' de gnyis kyis sangs rgyas bye ba phrag drug cu rtsa brgyad mnyes par byas so/ /skye ba thams cad du'ang rab tu byung ste/ thams cad du'ang brtson 'grus brtsams pa dag gis gnas so/ /de'i 'og tu byang chub sems dpa' sems dpa' chen po mya ngan med bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas tshogs mchog bkod pa zhes bya ba 'jig rten du byung ngo / /de'i 'og tu byang chub sems dpa' mya ngan bral bla na med pa yang dag par rdzogs pa'i byang chub mong par rdzogs par sangs rgyas te/ de bzhin gshegs pa mchog gi tshogs can zhes bya ba byung bar gyur te/ ma pham pa/ de dag gi gsung rab de'ang rgya chen por gyur to/ /ma pham pa/ de bzhin gshegs pa de dag ni/ tshe'ang
82a
@#/ /dpag tu med par gyur to/ /ma pham pa/ byang chub sems dpa' sems gang yin pa de ni/ gang du'ang bskur pa ma yin/ gang nas kyang blangs pa ma yin/ bskyed pa ma yin/ bkag pa ma yin/ gnas pa ma yin/ rgyun chad pa ma yin/ song ba ma yin/ 'ongs pa ma yin no/ /ma pham pa/ sems de gang yin pa dang / byang chub sems dpa' gang yin pa de gnyis ka'ang mchog tu rnyed par dka'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /bskal pa bye ba rnams su yang / /'jig rten snang byed rnams ni dkon/ /u dum wa ra'i me tog bzhin/ /'jig rten du ni res 'ga' 'byung / /gang dag byang chub phyir zhugs pa'i/ /byang chub sems dpa'i sems de'ang dkon/ / dpa' bo yi ni sems de yang / /'jig rten du ni res 'ga' 'byung / /de lta bas na de 'dra ba'i/ /dag pa'i sems de bskyed nas su/ /sangs rgyas dag gi stobs rnams dang / /de bzhin mi 'jigs rnams kyang snang / /de las seng+ge'i sgra sgrog dang / /drang srong smra bar nga yis su/ /yang dag 'khor lo bskor ba bzhin/ /chos kyi 'khor lo'ang de bzhin no/ /nga yi ma 'dres bco brgyad chos/ /ma tshang med pa gang yin dang / /sangs rgyas rnams kyi mtshan gang yin/ /de dag kyang ni 'dir ltos shig /rmongs pa med pas gshegs pa dang / /glang po che yi gzigs
82b
stangs dang / /spyi gtsug bltar mi mthong ba yang / /sems de las ni rab tu ltos/ /tshul khrims pha rol phyin pa dang / /ting 'dzin pha rol phyin pa dang / /shes rab pha rol phyin pa dang / /byang chub sems de'ang 'di las ltos/ /sangs rgyas chos rnams rab bstan pa'i/ /chos gzhan gang dag yin pa yang / /de dag thams cad sems de dang / /dang po'i sems la gnas pa yin/ /nyan thos tshul khrims gang yin dang / /nyan thos ting 'dzin gang yin dang / /shes rab phung po rdzu 'phrul gang / /de dag thams cad 'dir ltos shig /sngon chad sems ni bskyed pa de/ /gal te 'jug pa ma yin na/ /bla na med pa'i ye shes kyang / /'jug par 'gyur ba ga la yin/ /sangs rgyas chos rnams mthong min na/ /thos par yang ni ga la 'gyur/ /'jig rten du ni nyan thos rnams| |'byung bar srid pa ma yin no/ /rdzogs pa'i rang sangs rgyas gang dag /gnas nas mya ngan 'das pa yi/ /dge ba'i go cha de yang ni/ /sems de nyid las blta bar byos/ /sems can bde ba gang ci'ang rung / /'jig rten pa'am 'jig rten 'das/ /thams cad kyang ni sems de dang / /dang po'i sems la gnas pa yin/ /sems de'i rnam par smin pa ni/ /rgya chen yin te de mthong na/ /bskal pa bye phrag stong du yang / /de ni zad par mi 'dod do/ /skye ba dang ni 'jig ldan la/ /rkyen rnams kyis ni bskyed gyur pa/ /sems kyis dngos po stong pa yi/ /rnam par smin pa
83a
@#/ /ci 'dra ltos/ /rkyen rnams kyis ni sems bskyed la/ /sems de'ang dngos po med pa ste/ /dngos po med dang ldan sems kyi/ /rnam par smin pa ci 'dra ltos/ /dmigs par bya ba de dag gis/ /sems ni nam yang mi skye ste/ /gang gi bsngags pa mi nyams pa'i/ /de yi rnam smin nyid la ltos/ /brtan pa'i blo can mi zhig gis/ /de 'dra'i sems ni rab shes nas/ /rtag tu theg pa dam pa la/ /gnas pa su zhig chud zar 'gyur/ /gang dag mig dang gzugs gnas shing / /tshor ba dang ni 'du shes gnas/ /'du byed la yang gnas nas su/ / bdag nyid rnam shes ma byas pa/ /blo gros ngan pas nam mkha' la/ /kun tu brtags pas bdag snyam pa/ /yun ring dag par ma gyur pas/ /srid par mi mkhas rnams su 'gyur/ /de phyir sems ni gsob dang gsog /yod pa min par rab shes nas/ /de la snying por mi gzung ste/ /de dag ngo bo nyid kyis stong / /brten nas sems ni bskyed gyur pa/ /nam yang chud zar mi 'gyur zhing / /gang dag de yi rkyen yin pa/ /de dag ngo bo nyid kyis stong / /ngo bo nyid kyis stong pa'i chos/ /de dag la ni sgrub pa med/ /chos rnams thams cad brtags pa ste/ /rang bzhin de ltar rab tu bstan/ /gang dag de ltar rab shes pa/ /de de byang chub lung bstan gyi/ /de dag gzugs kyis lung ma bstan/ /tshor bas kyang ni lung ma bstan/ /'du shes 'du byed rnams kyis min//
83b
rnam shes kyis kyang lung ma bstan/ /'di la chos rnams mi dmigs kyang / /de dag lung ma bstan pa'ang min/ /gang dag 'di la chos thams cad/ /mtshan med de 'dra'i shes ldan zhing / / shes pas rlom sems mi byed pa/ /de dag byang chub lung bstan to/ /bzod pa 'di 'dra de skyes pa/ /blo gros brtan pas bzod du zad/ /bong ba'i chad pas mtshon chad la/ /de dag mi mjed can du 'gyur/ /gang dag bzod pa de 'dra ba/ /legs par skyes par gyur pa dag /de dag rnyed dang bkur sti bzod/ /de ni rnyed pas rlom sems med/ /de 'dra ba yi bzod pa de/ /mkhas pa rnams kyis non pa yin/ /mtha' gnyis zil gyis mnan nas su/ /mkhas rnams dbu mas spyod par byed/ /de phyir bzod pa bsten par bya/ /ngo bo nyid kyis chos stong pa/ /de ni byang chub lam yin te/ /ngas kyang de ni bsten pa yin/ /byang chub tu sems bskyed pa bsngags pa'i le'u zhes bya ste/ bzhi pa'o// //bam po lnga pa/ de'i tshe shar phyogs kyi phyogs char 'jig rten gyi khams grangs med pa stong phrag drug cu rtsa brgyad 'das pa na 'jig rten gyi khams blo gros rab gnas zhes bya ba na de bzhin gshegs pa dgra bcom pa yang dag par rdzogs pa'i sangs rgyas nam mkha'i rigs zhes bya ba bzhugs te 'tsho zhing gzhes la chos kyang ston te/ bcom ldan 'das de bzhin gshegs pa dgra bcom pa yang dag par rdzogs
84a
@#/ /pa'i sangs rgyas nam mkha'i rigs des kyang byang chub sems dpa' sems dpa' chen po zla ba zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po zla bas snang ba de mthong ste/ /gsung bsal ba'i sgra de'ang thos so/ /de nas byang chub sems dpa' sems dpa' chen po zla bas de bzhin gshegs pa dgra bcom pa yang dag par rdzogs pa'i sangs rgyas nam mkha'i rigs la 'di skad ces gsol to/ /bcom ldan 'das/ /gsung bsal ba'i sgra grags pa de dang / 'od gda' ba de su'i lags/ de skad ces gsol pa dang / bcom ldan 'das de bzhin gshegs pa nam mkha'i rigs kyis byang chub sems dpa' sems dpa' chen po zla ba la 'di skad ces bka' stsal to| |rigs kyi bu/ sangs rgyas kyi zhing 'di nas 'jig rten gyi khams grangs med pa stong phrag drug cu rtsa brgyad 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to/ /gsung bsal ba'i sgra grags pa de dang / 'od snang ba de ni/ bcom ldan 'das de'i yin no/ /de nas bcom ldan 'das de la byang
84b
chub sems dpa' zla bas 'di skad ces gsol to/ /bcom ldan 'das/ /bcom ldan 'das shAkya thub pa de'i thad du 'jig rten gyi khams mi mjed der bdag mchi bar bgyi'o/ / bcom ldan 'das des bka' stsal pa/ rigs kyi bu/ khyod de'i dus la da bab par shes na song zhig /de nas bcom ldan 'das des skabs phye nas byang chub sems dpa' zla bas bcom ldan 'das de las rnam par bltas/ te bcom ldan 'das de'i zhabs la mgo bos phyag btsal nas 'gro bar chas so/ /de nas bcom ldan 'das de bzhin gshegs pa nam mkha'i rigs des byang chub sems dpa' zla ba'i lag par lag pa lta bu'i me tog ku mu da byin te/ 'di skad ces kyang bka' stsal to/ /rigs kyi bu/ khyod kyis lag pa lta bu'i me tog ku mu da 'di bcom ldan 'das de la phul la/ bcom ldan 'das/ bcom ldan 'das la de bzhin gshegs pa nam mkha'i rigs gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol lo/ /zhes de skad ces kyang gsol cig /de nas byang chub sems dpa' zla pas bcom ldan 'das de'i ltar mnyan te/ legs so/ /zhes gsol nas song ste/ de rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der 'di lta ste/ dper na/ skyes bu stobs dang ldan pa zhig gis lag pa
85a
@#/ /bskum pa rkyong bar byed pa'am/ lag pa brkyang ba skum par byed pa'i skad cig des song ngo / /de nas byang chub sems dpa' zla bas phyin te/ bcom ldan 'das kyis zhabs la mgo bos phyag btsal nas phyogs gcig tu 'dug go/ phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la de bzhin gshegs pa nam mkha'i rigs gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das des lag pa lta bu'i ku mu da 'di'ang bskur ba lags so/ /bcom ldan 'das kyis byang chub sems dpa' zla ba'i lag pa nas lag pa lta bu'i ku mu da de bzhes te/ bzhes nas kyang bka' stsal pa| zla ba/ ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga'am/ bde bar reg pa la gnas sam/ bcom ldan 'das/ de lta lags so/ /de'i tshe shar phyogs su 'jig rten gyi khams grangs med pa bzhi khri 'das pa na 'jig rten gyi khams sa'i snying po zhes bya ba yod de/ de na de bzhin gshegs pa dgra bcom yang dag par rdzogs pa'i sangs rgyas rnam par bsgrags pa'i stobs kyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
85b
dpa' sems dpa' chen po ye shes rnam par bsgrags pa zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po ye shes rnam par bsgrags pas snang ba chen po de mthong ste/ gsung bsal ba'i sgra de'ang thos so/ /de nas byang chub sems dpa' ye shes rnam par bsgrags pa/ bcom ldan 'das de bzhin gshegs pa rnam par bsgrags pa'i stobs kyi rgyal po ga la ba der song ste phyin nas/ bcom ldan 'das kyi zhabs la mgo bos phyag btsal te/ bcom ldan 'das de la 'di skad ces gsol to/ /bcom ldan 'das| 'od de dang / gsung bsal ba'i sgra de su'i lags/ de nas bcom ldan 'das des byang chub sems dpa' de la bka' stsal pa/ rigs kyi bu/ sangs rgyas kyi zhing 'di nas 'jig rten gyi khams grangs med pa bzhi khri 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa'i chos kyi rnam grangs kyi chos kyang ston to/ /de nas bcom ldan 'das de la byang chub sems dpa' des 'di skad ces gsol to/ /bcom ldan 'das/ bcom ldan 'das de la blta ba dang / phyag bgyi ba dang / bsnyen bkur bgyi ba dang / dpe
86a
@#/ /med pa sems pa'i byang chub sems dpa' de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa| rigs kyi bu/ de'i dus la dbab par shes na song zhig / de nas bcom ldan 'das des skabs phye nas byang chub sems dpa' ye shes rnam par bsgrags pas bcom ldan 'das de la phyag 'tshal te/ 'jig rten gyi khams mi mjed ga la ba der chas so/ /de nas de bzhin gshegs pa rnam par bsgrags pa'i rgyal po des tsan+dan dmar po'i thum po byin nas/ rigs kyi bu/ khyod kyis bcom ldan 'das de la 'di phul te/ phul nas kyang nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol cig /de nas byang chub sems dpa' ye shes rnam par bsgrags pas mnyan nas legs so/ /zhes gsol te/ 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ lag pa brkyang pa skum par byed pa'i skad cig dang / thang gcig dang / yud tsam des 'jig rten gyi khams 'dir 'ongs te/ de rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der song ste phyin nas bcom ldan 'das kyi zhabs la mgo bos phyag btsal te/ bcom ldan
86b
'das la 'di skad ces gsol to/ /bcom ldan 'das/ bcom ldan 'das la de bzhin gshegs pa rnam par bsgrags pa'i stobs kyi rgyal po gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das nges tsan+dan dmar po'i thum po 'di'ang bskur ba lags so/ /bcom ldan 'das kyis bzhes te/ bzhes nas kyang bka' stsal pa/ ye shes rnam par bsgrags pa/ ci bcom ldan 'das de snyun mi mnga'am/ stobs dang ldan nam/ 'gyur ba mi mnga'am/ gsol pa| bcom ldan 'das/ de lta lags so/ /de'i tshe shar phyogs su 'jig rten gyi khams grangs med pa sum khri dgu stong 'das pa na 'jig rten gyi khams zla ba 'phags pa'i 'od zer ces bya ba yod de| de na de bzhin gshegs pa dgra bcom pa yang dag par rdzogs pa'i sangs rgyas 'od zer rab tu btang ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' 'od kyi dkyil 'khor can zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' 'od kyi dkyil 'khor can gyis snang ba chen po de mthong ste/ gsung bsal ba'i sgra de'ang thos so/ /de nas bcom ldan 'das de la byang chub sems dpa' sems dpa' chen po 'od kyi dkyil 'khor can gyis 'di
87a
@#/ /skad ces gsol to/ /bcom ldan 'das/ 'od de dang / gsung bsal ba'i sgra grags pa de su'i lags/ de skad ces gsol ba dang / bcom ldan 'das kyis byang chub sems dpa' 'od kyi dkyil 'khor can la 'di skad ces bka' stsal to/ /'od kyi dkyil 'khor can/ nub phyogs su 'jig rten gyi khams grangs med pa sum khri dgu stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to/ /de nas bcom ldan 'das de la byang chub sems dpa' sems dpa' chen po 'od kyi dkyil 'khor can gyis 'di skad ces gsol to/ /bcom ldan 'das bcom ldan 'das shAkya thub pa la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po de dag kyang blta ba'i slad du 'jig rten gyi khams der bdag mchi bar bgyi'o/ /bka' stsal pa/ rigs kyi bu/ khyod de'i dus la da bab par shes na song zhig /de nas bcom ldan 'das de bzhin gshegs pa 'od zer rab tu btang bas byang chub sems dpa' 'od kyi dkyil 'khor can la pad+ma chen
87b
po gcig byin te/ rigs kyi bu/ khyod kyis bcom ldan 'das de la pad+ma chen po 'di phul la/ bcom ldan 'das la bcom ldan 'das 'od zer rab tu btang ba gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes gsol lo/ /zhes de skad ces gsol cig /de nas byang chub sems dpa' 'od kyi dkyil 'khor can bcom ldan 'das de'i zhabs la phyag btsal te bskor ba byas nas/ 'di lta ste/ dper na/ skyes bu stobs dang ldan pa zhig gis zhes bya ba nas rgyas par skad cig des 'jig rten gyi khams mi mjed 'dir phyin te/ de bcom ldan 'das de bzhin gshegs pa shAkya thub pa ga la ba der song ste phyin nas/ bcom ldan 'das kyi zhabs la phyag btsal te bcom ldan 'das la 'di skad ces gsol to/ /bcom ldan 'das/ bcom ldan 'das la de bzhin gshegs pa 'od zer rab tu btang ba gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das des pad+ma chen po 'di'ang bskur ba lags so/ /bcom ldan 'das kyis bzhes te/ bzhes nas kyang byang chub sems dpa' 'od kyi dkyil 'khor can la bka' stsal pa/ 'od kyi dkyil 'khor can/ ci bcom ldan 'das snyun mi mnga'am/ stobs dang ldan nam/ bde
88a
@#/ /ba dang ldan nam/ 'gyur ba mi mnga'am/ gsol pa/ bcom ldan 'das de lta lags so/ /de'i tshe shar phyogs su sangs rgyas kyi zhing grangs med pa sum khri brgyad stong 'das pa na 'jig rten kyi khams 'dren pa'i rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nges par 'dren pa'i rgyal mtshan zhes bya ba bzhugs te 'tsho zhing gzhes la chos kyang ston te/ bcom ldan 'das des kyang byang chub sems dpa' sems dpa' chen po rin po che'i go cha mtha' yas zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' rin po che'i go cha mtha' yas kyis snang ba chen po de dang / sa g.yo ba chen po de'ang mthong ste/ mthong nas kyang bcom ldan 'das de bzhin gshegs pa nges par 'dren pa'i rgyal mtshan ga la ba der song ste phyin nas/ bcom ldan 'das de'i zhabs la mgo bos phyag btsal te bcom ldan 'das de la 'di skad ces gsol to/ /bcom ldan 'das 'od kyi snang ba de dang / dogs g.yo ba de dang / gsung bsal ba'i sgra de su'i lags/ bcom ldan 'das kyis bka' stsal pa/ rin po che'i go cha mtha' yas sangs rgyas kyi zhing 'di nas sangs rgyas kyi zhing grangs med pa sum khri brgyad stong 'das pa na 'jig rten gyi khams mi mjed ces
88b
bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tshe zhing gzhes la 'di lta ste/ byang chub sems dpa' sde snod sems can thams cad kyi bsam pa yang dag par tshim par byed pa zhes bya ba'i chos kyi rnam grangs kyi chos kyang ston te/ 'od kyi snang ba de dang / gsung bsal ba'i sgra de ni de'i yin no| |de nas bcom ldan 'das de la byang chub sems dpa' rin po che'i go cha mtha' yas kyis 'di skad ces gsol to/ /bcom ldan 'das bcom ldan 'das de la blta ba dang / phyag bgyi ba dang / bsnyen bkur bgyi ba dang / byang chub sems dpa' de dag kyang blta ba'i slad du 'jig rten gyi khams der bdag mchi bar bgyi'o/ /de nas bcom ldan 'das des bka' stsal pa/ rigs kyi bu khyod de'i dus la da bab par shes na song zhig/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nges par 'dren pa'i rgyal mtshan gyis byang chub sems dpa' rin po che'i go cha mtha' yas kyi lag par ka shi ka'i gos gcig byin te/ khyod kyis bcom ldan 'das de la ka shi ka'i gos 'di phul la/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa gnas sam zhes snyun gsol cig /de nas byang chub sems dpa' sems dpa' chen po rin po che'i go cha mtha' yas bcom
89a
@#/ /ldan 'das de'i zhabs la mgo bos phyag btsal te song ngo / /de nas byang chub sems dpa' sems dpa' chen po rin po che'i go cha mtha' yas 'jig rten gyi khams 'dren pa'i rgyal mtshan nas mi snang bar gyur te 'jig rten gyi khams mi mjed du 'dug go /de bcom ldan 'das de bzhin gshegs pa shAkya thub pa ga la ba der stong ste phyin nas bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la byang chub sems dpa' rin po che'i go cha mtha' yas kyis 'di skad ces gsol to/ /bcom ldan 'das/ bcom ldan 'das la de bzhin gshegs pa nges par 'dren pa'i rgyal mtshan gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das des ka shi ka'i gos 'di'ang bskur ba lags so/ /bcom ldan 'das kyi ka shi ka'i gos de bzhes te/ bzhes nas byang chub sems dpa' sems dpa' chen po rin po che'i go cha mtha' yas la 'di skad ces bka' stsal to| |rin po che'i go cha mtha' yas/ ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga'am/ gsol pa/ bcom ldan
89b
'das/ de ltar lags so/ /de'i tshe shar phyogs su 'jig rten gyi khams grangs med pa sum khri bdun stong 'das pa na 'jig rten gyi khams me tog pad+ma zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das de bzhin gshegs pa des kyang byang chub sems dpa' brtson 'grus mtha' yas zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po brtson 'grus mtha' yas kyis snang ba chen po de mthong ste/ gsung bsal ba'i sgra de'ang thos so/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal la byang chub sems dpa' brtson 'grus mtha' yas kyis 'di skad ces gsol to/ /bcom ldan 'das/ mthu de su'i lags| bcom ldan 'das des bka' stsal pa/ rigs kyi bu/ nub phyogs su 'jig rten gyi khams grangs med pa sum khri bdun stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i
90a
@#/ /sde snod ces bya ba chos kyi rnam grangs kyi chos kyang ston te/ mthu de ni/ de'i yin no/ /de nas bcom ldan 'das de la byang chub sems dpa' sems dpa' chen po brtson 'grus mtha' yas kyis 'di skad ces gsol to/ /bcom ldan 'das/ bcom ldan 'das shAkya thub pa'i thad du 'jig rten gyi khams der bdag mchi bar bgyi'o/ /bcom ldan des bka' stsal pa/ rigs kyi bu/ de'i dus la da bab par shes na song zhig /de nas de bzhin gshegs pa sna tshogs me tog tshogs kyi dpal gyis byang chub sems dpa' sems dpa' chen po brtson 'grus mtha' yas kyi lag par pad+ma chen po zhig byin te/ rigs kyi bu/ khyod kyis bcom ldan 'das de la pad+ma chen po 'di phul la/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol cig /de nas byang chub sems dpa' sems dpa' chen po brtson 'grus mtha' yas de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal gyi zhabs la phyag btsal te bskor ba byas nas 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ lag pa brkyang ba skum par byed pa'i skad cig dang / thang gcig dang / yud tsam des song ste/ sangs
90b
rgyas kyi zhing de nas mi snang bar gyur nas 'jig rten gyi khams mi mjed du 'dug go /de nas byang chub sems dpa' sems dpa' chen po brtson 'grus mtha' yas rgyal po'i khab kyi grong khyer chen po ga la ba dang / 'od ma'i tshal bya ka lan+ta ka gnas pa ga la ba der song ste phyin nas bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la de bzhin gshegs pa sna tshogs me tog tshogs kyi dpal gnod pa chung ngam| nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das des pad+ma chen po 'di'ang bskur ba lags na/ bcom ldan 'das kyis pad+ma de bzhes su gsol/ bcom ldan 'das kyis pad+ma de bzhes te/ bzhes nas kyang 'di skad ces bka' stsal to/ /brtson 'grus mtha' yas| ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga'am/ gsol ba/ bcom ldan 'das/ de lta lags so/ /de'i tshe shar phyogs su 'jig rten gyi khams grangs med pa sum khri drug stong 'das pa na 'jig rten gyi khams gdugs gcig pa zhes bya ba yod de/ de na de bzhin gshegs pa dgra bcom pa
91a
@#/ /yang dag par rdzogs pa'i sangs rgyas 'jigs pa'i spu zing zhes byed pa dang bral ba zhes bya ba bzhugs te 'tsho zhing gzhes la chos kyang ston te/ de bzhin gshegs pa dgra bcom pa yang dag par rdzogs pa'i sangs rgyas 'jigs pa'i spu zing zhes byed pa dang bral ba des byang chub sems dpa' dra ba can gyi 'od ces bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po dra ba can gyi 'od kyis snang ba chen po de mthong ste/ gsung bsal ba'i sgra de'ang thos so/ /thos nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te bcom ldan 'das de la 'di skad ces gsol to/ /bcom ldan 'das / 'od de dang / gsung bsal ba'i sgra de su'i lags/ bcom ldan 'das des bka' stsal pa/ rigs kyi bu/ sangs rgyas kyi zhing 'di nas 'jig rten gyi khams grangs med pa sum khri drug stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ mthu de ni/ de'i yin no/ /de skad ces bka' stsal
91b
pa dang / bcom ldan 'das de la byang chub sems dpa' sems dpa' chen po dra ba can gyi 'od kyis 'di skad ces gsol to/ /bcom ldan 'das/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / bsam gyis mi khyab pa'i go cha bgos pa'i byang chub sems dpa' de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bka' stsal pa/ rigs kyi bu/ de'i dus la da bab par shes na song zhig /de nas bcom ldan 'das kyis byang chub sems dpa' dra ba can gyi 'od la me tog kha dog lnga pas khal bcu tshad bkang nas byin te/ rigs kyi bu/ khyod kyis bcom ldan 'das de la 'di phul la/ nga'i tshig gis bcom ldan 'das gnod pa chung ngam/ nyam nga ba nyung ngam/ snyun mi mnga'am/ stobs dang ldan nam/ bde bar reg pa la gnas sam zhes de skad ces snyun yang gsol cig /de nas byang chub sems dpa' sems dpa' chen po dra ba can gyi 'od bcom ldan 'das de'i zhabs la mgo bos phyag btsal nas 'di lta ste/ dper na/ skyes bu stobs dang ldan pa zhig gis zhes bya ba nas rgyas par skad cig dang / thang gcig dang / yud tsam des 'jig rten gyi khams mi mjed 'dir 'dug ste/ de rgyal po'i khab 'od ma'i
92a
@#/ /tshal bya ka lan+ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la byang chub sems dpa' sems dpa' chen po dra ba can gyi 'od kyis 'di skad ces gsol to/ /bcom ldan 'das| bcom ldan 'das la de bzhin gshegs pa 'jigs pa'i spu zing zhes byed pa dang bral ba gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das des me tog kha dog lnga pas gtams pa'i khal bcu tshad 'di'ang bskur ba lags na/ bcom ldan 'das kyis bzhes su gsol/ bcom ldan 'das kyis bzhes te bzhes nas kyang bka' stsal pa/ rigs kyi bu/ ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga'am/ gsol pa/ bcom ldan 'das/ de lta lags so/ /de'i tshe shar phyogs su 'jig rten gyi khams grangs med pa sum khri lnga stong 'das ba na 'jig rten gyi khams shin tu rnam par dag pa zhes bya ba na de bzhin gshegs pa dgra bcom pa yang dag par rdzogs pa'i sangs rgyas ye shes kyi
92b
dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes kyi stobs zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po ye shes kyi stobs kyis snang ba chen po de mthong ste/ gsung bsal ba'i sgra de'ang thos nas/ de bcom ldan 'das de bzhin gshegs pa ye shes kyi dpal ga la ba der song ste/ bcom ldan 'das de'i zhabs la phyag btsal nas bcom ldan 'das de la 'di skad ces gsol to/ /bcom ldan 'das| snang ba chen po de dang / gsung bsal ba'i sgra chen po de su'i lags/ bcom ldan 'das kyis bka' stsal pa/ rigs kyi bu/ sangs rgyas kyi zhing 'di nas 'jig rten gyi khams grangs med pa sum khri lnga stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ mthu de lta bu de ni/ de'i yin no/ /des gsol pa/ bcom ldan 'das/ bcom ldan 'das de la blta ba dang / phyag bgyi ba dang / bsnyen bkur bgyi ba dang / bsam gyis mi khyab pa'i ga cha bgos pa'i byang chub sems dpa'
93a
@#/ /sems dpa' chen po de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bka' stsal pa/ rigs kyi bu/ de'i dus la da bab par shes na song zhig /de nas de bzhin gshegs pa ye shes kyi dpal gyis byang chub sems dpa' sems dpa' chen po ye shes kyi stobs la lag pa lta bu'i ut+pal byin te| rigs kyi bu/ khyod kyis bcom ldan 'das de la 'di phul la/ phul nas kyang bcom ldan 'das/ bcom ldan 'das la de bzhin gshegs pa ye shes kyi dpal gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol lo/ /zhes de skad ces kyang gsol cig /de nas byang chub sems dpa' sems dpa' chen po ye shes kyi stobs bcom ldan 'das de'i zhabs la mgo bos phyag btsal te/ 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ lag pa brkyang ba skum par byed pa'i skad cig dang / thang gcig dang / yud cam des song ste/ 'jig rten gyi khams mi mjed 'dir 'dug go/ /de rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la der song ste phyin nas/ bcom ldan 'das kyi zhabs la mgo bos phyag btsal te/ phyogs gcig tu 'dug
93b
go /phyogs gcig tu 'dug nas kyang bcom ldan 'das la byang chub sems dpa' ye shes kyi stobs kyis 'di skad ces gsol to/ /bcom ldan 'das/ bcom ldan 'das la de bzhin gshegs pa ye shes kyi dpal gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol zhing / bcom ldan 'das la bcom ldan 'das des lag pa lta bu'i ut+pa la 'di'ang bskur ba lags na/ bcom ldan 'das kyis bzhes su gsol/ bcom ldan 'das kyis lag pa lta bu'i ut+pa la de bzhes te bzhes nas kyang bka' stsal pa/ rigs kyi bu/ ci bcom ldan 'das de snyun mi mnga'am/ bde bar gnas sam/ stobs dang ldan nam/ 'gyur ba mi mnga'am/ gsol pa bcom ldan 'das/ de lta lags so/ /de'i tshe shar phyogs su 'jig rten gyi khams grangs med pa sum khri bzhi stong 'das pa na 'jig rten gyi khams spos brtsegs zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas tsan+dan gyi bsu la zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sems dpa' chen po dri ma med ces bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po
94a
@#/ /dri ma med kyis snang ba chen po de mthong ste/ gsung bsal ba'i sgra de'ang thos so/ /de nas bcom ldan 'das de la byang chub sems dpa' sems dpa' chen po dri ma med kyis 'di skad ces gsol to/ /bcom ldan 'das/ snang ba de dang / gsung bsal ba'i sgra grags pa de su'i lags/ bcom ldan 'das des bka' stsal pa/ rigs kyi bu/ nub phyogs kyi phyogs char 'jig rten gyi khams grangs med pa su ma khri bzhi stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod sems can thams cad yang dag par tshim par byed pa zhes bya ba'i chos kyi rnam grangs kyi chos kyang ston to/ /gsol pa/ bcom ldan 'das/ bcom ldan 'das de'i thad du 'jig rten gyi khams der bdag mchi bar bgyi'o/ /bcom ldan 'das des bka' stsal pa/ rigs kyi bu/ de'i dus la da bab par shes na song zhig /de nas bcom ldan 'das kyis byang chub sems dpa' dri ma med kyi lag par tsan+dan gyi thum po byin te/ rigs kyi bu/ khyod kyis bcom ldan 'das de la tsan+dan gyi thum po 'di phul la/ nga'i tshig gis bcom ldan 'das/ bcom ldan 'das la de
94b
bzhin gshegs pa tsan+dan gyi bsung gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol lo/ /zhes kyang gsol cig/ de nas byang chub sems dpa' sems dpa' chen po dri ma med bcom ldan 'das de'i zhabs la mgo bos phyag btsal te bskor ba byas nas 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ brkyang ba skum par byed pa'i skad cig dang / thang gcig dang / yud tsam des 'jig rten gyi khams mi mjed 'dir 'dug go /de rgyal po'i khab 'od ma'i tshal bya ka lan+ta ka gnas pa ga la ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la de bzhin gshegs pa tsan+dan gyi bsung gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das des tsan+dan gyi thum po 'di'ang bskur ba lags na/ tsan+dan gyi thum po 'di bcom ldan 'das kyis bzhes su gsol/ bcom ldan 'das kyis bzhes te bzhes nas kyang bcom ldan 'das kyis byang chub sems dpa' dri ma med la bka' stsal
95a
@#/ /pa| rigs kyi bu/ ci bcom ldan 'das de snyun mi mnga'am/ stobs dang ldan nam/ 'gyur ba mi mnga'am/ bde par reg pa la gnas sam/ gsol pa/ bcom ldan 'das/ snyun mi mnga' zhing stobs dang ldan la/ 'gyur ba mi mnga' ste/ bde bar gnas lags so/ /de'i tshe shar phyogs su 'jig rten gyi khams grangs med pa sum khri sum stong 'das pa na 'jig rten gyi khams dri 'das zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mig btud ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' phan 'dod ces bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po phan 'dod kyis snang ba chen po de mthong ste/ gsung bsal ba'i sgra de'ang thos so/ /de nas byang chub sems dpa' sems dpa' chen po phan 'dod bcom ldan 'das de bzhin gshegs pa mig btud de ga la ba der song nas bcom ldan 'das de la 'di skad ces gsol to/ /bcom ldan 'das| 'od de dang / gsung bsal ba'i sgra de su'i lags/ de nas bcom ldan 'das kyis byang chub sems dpa' de la 'di skad ces bka' stsal to/ /rigs kyi bu/ sangs
95b
rgyas kyi zhing 'di nas sangs rgyas kyi zhing grangs med pa sum khri sum stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa zhes bya ba'i chos kyi rnam grangs kyi chos kyang ston to/ /des gsol pa/ bcom ldan 'das/ bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu/ de'i dus la da bab par shes na song zhig |de nas bcom ldan 'das de bzhin gshegs pa mig btud kyis byang chub sems dpa' phan 'dod kyi lag par pad+ma chen po'i rgyal po mngon par 'phags pa gcig byin te/ rigs kyi bu| khyod kyis bcom ldan 'das de la pad+ma'i rgyal po 'di phul la nga'i tshig gis bcom ldan 'das/ bcom ldan 'das la de bzhin gshegs pa mig btud gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes snyun gsol lo zhes de skad ces kyang gsol cig /de nas byang chub sems dpa' phan 'dod bcom
96a
@#/ /ldan 'das de'i zhabs la phyag btsal te/ 'di lta ste/ dper na/ skyes bu stobs dang ldan pa zhig gis lag ba bskum pa rkyong bar byed pa'am/ lag pa brkyang ba skum par byed pa'i skad cig dang / thang gcig dang / yud tsam des 'jig rten gyi khams de nas mi snang bar gyur te/ 'jig rten gyi khams mi mjed 'dir 'dug go /de rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der song ste phyin nas bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la byang chub sems dpa' phan 'dod kyis 'di skad ces gsol to/ /bcom ldan 'das bcom ldan 'das la de bzhin gshegs pa mig btud gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes snyun gsol zhing / bcom ldan 'das la bcom ldan 'das des pad+ma chen po'i rgyal po 'di'ang bskur ba lags so/ /bcom ldan 'das kyis bzhes te/ bzhes nas kyang byang chub sems dpa' phan 'dod la bka' stsal pa/ phan 'dod/ ci bcom ldan 'das de snyun mi mnga'am/ stobs dang ldan nam/ 'gyur ba mi mnga'am/ gsol pa/ bcom
96b
ldan 'das/ de lta lags so/ /de'i tshe shar phyogs su sangs rgyas kyi zhing grangs med pa sum khri nyis stong 'das pa na 'jig rten gyi khams rin po chen mtha' yas brtsegs pa zhes bya ba yod de| de na de bzhin gshegs pa dgra bcom pa yang dag par rdzogs pa'i sangs rgyas dkon mchog 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dkon mchog 'byung gnas des byang chub sems dpa' ye shes bla ma zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po ye shes bla mas snang ba chen po de mthong ste/ gsung bsal ba'i sgra chen po de'ang thos so| |de nas bcom ldan 'das de la byang chub sems dpa' ye shes bla mas 'di skad ces gsol to/ /bcom ldan 'das/ 'od de dang / gsung bsal ba'i sgra de su'i lags/ bcom ldan 'das des bka' stsal pa/ rigs kyi bu/ nub phyogs kyi phyogs char sangs rgyas zhing 'di nas sangs rgyas kyi zhing grangs med pa sum khri nyis stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la
97a
@#/ /'di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa zhes bya ba'i chos kyi rnam grangs kyi chos kyang ston to/ /de nas bcom ldan 'das de bzhin gshegs pa dkon mchog 'byung gnas de la byang chub sems dpa' sems dpa' chen po ye shes bla mas 'di skad ces gsol to/ /bcom ldan 'das/ bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / bsam gyis mi khyab pa'i go cha bgos pa'i byang chub sems dpa' sems dpa' chen po de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bka' stsal pa/ rigs kyi bu| de'i dus la da bab par shes na song zhig /de nas bcom ldan 'das des byang chub sems dpa' ye shes bla ma'i lag par me tog kha dog lnga pa snyim pa gang byin te/ rigs kyi bu| khyod kyis bcom ldan 'das de la me tog kha dog lnga pa snyim pa gang 'di phul la/ bcom ldan 'das/ bcom ldan 'das la de bzhin gshegs pa dkon mchog 'byung gnas gnod pa chung ngam/ nyam nga pa nyung ngam/ bskyod pa yang ngam/ stobs dang bde bar reg pa la gnas sam zhes snyun gsol lo/ /zhes de skad ces kyang gsol cig /de nas byang
97b
chub sems dpa' ye shes bla mas bcom ldan 'das de'i zhabs la mgo bos phyag btsal te/ 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ brkyang ba skum par byed pa'i skad cig dang / thang gcig dang / yud tsam des 'jig rten gyi khams de nas mi snang bar gyur te/ 'jig rten gyi khams mi mjed 'dir 'dug go /de bcom ldan 'das de bzhin gshegs pa shAkya thub pa ga la ba der song nas bcom ldan 'das kyi zhabs la phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la de bzhin gshegs pa dkon mchog 'byung gnas gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das des me tog kha dog lnga pa snyim pa gang 'di'ang bskur ba lags na/ bcom ldan 'das kyis bzhes su gsol/ bcom ldan 'das kyis bzhes te/ bzhes nas kyang bka' stsal pa/ ye shes bla ma/ ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga'am/ des gsol pa/ bcom ldan 'das/ de lta lags so/ /de'i tshe shar phyogs su 'jig rten gyi khams grangs med pa sum khri tshig stong 'das pa na 'jig rten gyi khams
98a
@#/ /spos kyis brgyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas spos kyi glang po che zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen glang po che zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po rin chen glang po ches snang ba chen po de mthong ste/ gsung bsal ba'i sgra de'ang thos so/ /de nas de bcom ldan 'das ga la ba der song ste phyin nas/ bcom ldan 'das de la zhus pa/ mthu de su'i lags/ de nas bcom ldan 'das des de la bka' stsal pa/ rigs kyi bu/ nub phyogs kyi phyogs char sangs rgyas kyi zhing 'di nas 'jig rten gyi khams grangs med pa sum khri chig stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to/ /zhes bya ba nas de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri 'das pa na 'jig rten gyi khams rdo rje'i
98b
snying po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes tshogs can zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri nyis stong 'das pa na 'jig rten gyi khams sna tshogs rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas lhun po'i phung po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' nges 'dren zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri nyis stong 'das pa na 'jig rten gyi khams pad+ma'i gdugs zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas gdugs gcig pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
99a
@#/ /dpa' rin po che'i mdzod gcig pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri 'das pa na 'jig rten gyi khams rtag tu snang zhes bya ba yod de| de na de bzhin gshegs pa dgra bcom pa yang dag par rdzogs pa'i sangs rgyas thogs pa med pa'i 'khor lo zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes khyu mchog ces bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams bzang po zhes bya ba yod de/ de na de bzhin gshegs pa tsan+dan gyi bsung zhes bya ba bzhugs te 'tsho zhing gzhes la chos kyang ston te/ de bzhin gshegs pa des byang chub sems dpa' ye shes lhur len pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin
99b
du sbyar ro/ /de'i tshe shar phyogs su sangs rgyas kyi zhing grangs med pa nyi khri dgu stong 'das pa na 'jig rten gyi khams bzang ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dpung mgo zlum pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' khyad par blo gros zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba'i bar dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams rin chen dpal zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dra ba can gyi 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes dpal zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams bde ba'i dpal zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas
100a
@#/ /ut+pa la dmar po'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' pad+ma mngon 'phags dpal zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams rab tu zhi ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ye shes me tog rin po che'i 'od kyi dpal zhes bya ba bzhugs te 'tsho zhing gzhes la chos kyang ston to/ /bcom ldan 'das des byang chub sems dpa' mchog gi bkod pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar to/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams bzang ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas zla ba 'phags pa'i 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das
100b
des byang chub sems dpa' rin po che'i 'od zer zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ / zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri 'das pa na 'jig rten gyi khams bzod pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'jigs pa dang bag tsha ba thams cad rnam par 'jig par mdzad pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' bag tsha ba med pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri 'das pa na 'jig rten gyi khams lhun po'i rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas lhun po'i phung po zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' phung po shin tu bshig pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs
101a
@#/ /te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri dgu stong 'das pa na 'jig rten gyi khams mya ngan dang gnod pa thams cad las rgal ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' tshangs pa'i dbyangs kyi nga ro zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri dgu stong 'das pa na 'jig rten gyi khams chos zhes bya ba yod de/ de na de bzhin gshegs pa chos kyi 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes 'byung gnas zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med
101b
pa nyi khri dgu stong 'das pa na 'jig rten gyi khams shin tu rab gnas zhes bya ba yod de/ de na de bzhin gshegs pa bcu las 'phros pa'i 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' bcu las 'phros pa'i 'od zer zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri brgyad stong 'das pa na 'jig rten gyi khams kun tu 'od ces bya ba yod de/ de na de bzhin gshegs pa rtag tu bla ma'i 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' kun tu snang ba zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri brgyad stong 'das pa na 'jig rten gyi khams kun tu spos zhes bya ba yod de/ de na de bzhin gshegs pa ye shes kyi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' mig bzang zhes bya ba bla na med pa yang
102a
@#/ /dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri bdun stong 'das pa na 'jig rten gyi khams spos kyi ngad ldang zhes bya ba yod de/ de na de bzhin gshegs pa rin chen mngon 'phags zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' snang ba mtha' yas zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri bdun stong 'das pa na 'jig rten gyi khams lam snang dpal zhes bya ba yod de/ de na de bzhin gshegs pa 'od zer mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sman gyi rgyal po zhes bya ba bla na med pa yang dag par rdzogs pa'i byang chub tu lung bstan to/ / zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri drug
102b
stong 'das pa na 'jig rten gyi khams bzang po mchog gi dpal zhes bya ba yod de/ de na de bzhin gshegs pa thogs pa med pa'i dbyangs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' tshangs pa'i dbyangs zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri lnga stong 'das pa na 'jig rten gyi khams chos bzang zhes bya ba yod de/ de na de bzhin gshegs pa dra ba can gyi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' khyu mchog ces bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri bzhi stong 'das pa na 'jig rten gyi khams pad+ma can zhes bya ba yod de/ de na de bzhin gshegs pa blo mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes kyi bsung zhes bya ba bla na med pa yang dag par rdzogs pa'i byang chub tu
103a
@#/ /lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /bam po drug pa/ de'i tshe shar phyogs su 'jig rten gyi khams grangs med pa nyi khri sum stong 'das pa na 'jig rten gyi khams shin tu rnam par dag pa zhes bya ba yod de/ de na de bzhin gshegs pa bkod pa mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das byang chub sems dpa' rin po che'i bkod pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri nyis stong 'das pa na 'jig rten gyi khams ut+pal zhes bya ba yod de/ de na de bzhin gshegs pa khyu mchog mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' chos 'phags zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri chig stong 'das pa na 'jig rten gyi
103b
khams byang chub kyi yan lag rab gnas zhes bya ba yod de/ de na de bzhin gshegs pa ut+pa la'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' pad+ma'i dpal zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri 'das pa na 'jig rten gyi khams pad+ma rab gnas zhes bya ba yod de/ de na de bzhin gshegs pa ye shes rab gnas zhes bya ba bzhugs tshe 'tsho zhing gzhes la chos kyang ston te/ bcom ldan 'das des byang chub sems dpa' rin chen rab rdzogs zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri dgu stong 'das pa na 'jig rten gyi khams ye shes kyi stobs zhes bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen thub pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta
104a
@#/ /lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri brgyad stong 'das pa na 'jig rten gyi khams phyogs su rnam par bsgrags pa zhes bya ba yod de/ de na de bzhin gshegs pa ye shes rnam par bsgrags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rnam par bsgrags pa mtha' yas zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri bdun stong 'das pa na 'jig rten gyi khams sgrog pa zhes bya ba yod de/ de na de bzhin gshegs pa sA la'i dbang po'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sA la'i rin po che zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas /de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri drug stong 'das pa na 'jig rten gyi khams zla ba zhes bya ba yod de/ de na de bzhin gshegs pa sA la rin po
104b
che zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' kun tu sbas zhes bya ba bla na med pa yang dag par rdzogs pa'i byang chub tu lung bstan to| |zhes bya ba nas| de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri lnga stong 'das pa na 'jig rten gyi khams mi mjed ces bya ba yod de/ de na de bzhin gshegs pa kha lo sgyur ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' shing rta bzang po can zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas|de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri bzhi stong 'das pa na 'jig rten gyi khams gdugs gcig pa zhes bya ba yod de/ de na de bzhin gshegs pa rin po che'i rta zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyu skar gyi rta zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas |de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med
105a
@#/ /pa khri sum stong 'das pa na 'jig rten gyi khams mya ngan thams cad dang bral ba zhes bya ba yod de/ de na de bzhin gshegs pa brjod pa don yod ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' don yod ming rgal ces bya ba bla na med pa yang dag par rdzogs pa'i byang chub tu lung bstan to/ / zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa khri nyis stong 'das pa na 'jig rten gyi khams mya ngan bral zhes bya ba yod de/ /de na de bzhin gshegs pa dpal 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' dpal mtha' yas gzi brjid ces bya ba bla na med pa yang dag par rdzogs pa'i byang chub tu lung bstan to/ /zhes bya ba nas /de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri chig stong 'das pa na 'jig rten gyi khams sdom pa zhes bya ba yod de| de na de bzhin gshegs pa rnam par bsgrags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' dpal
105b
byin zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa khri 'das pa na 'jig rten gyi khams mthong ba don yod ces bya ba yod de/ de na de bzhin gshegs pa don yod rnam par gnon zhes bya ba bzhugs te 'tsho zhing gzhes la chos kyang ston to/ bcom ldan 'das des byang chub sems dpa' don yod pa'i go cha bgos zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas|de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa dgu stong 'das pa na 'jig rten gyi khams spos can zhes bya ba yod de/ de na de bzhin gshegs pa spos snang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen snang zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa brgyad stong 'das pa na 'jig rten gyi khams tshangs pa'i dbyangs kyi nga ro zhes bya ba yod de/ de na de bzhin gshegs pa thogs pa med pa'i dbyangs kyi nga ro zhes bya
106a
@#/ /ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' tha mi dad pa'i go cha zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa brgyad stong kho na 'das pa na 'jig rten gyi khams zla ba'i dkyil 'khor gyi 'od zer zhes bya ba yod de/ de na de bzhin gshegs pa rnam par bsgrags pa'i stobs kyi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes rnam par bsgrags pa zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas /de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa brgyad stong kho na 'das pa na 'jig rten gyi khams kun tu 'od ces bya ba yod de/ de na de bzhin gshegs pa ri rab kyi rtse mo mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' ye shes kyi stobs zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de
106b
lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa brgyad stong kho na 'das pa na 'jig rten gyi khams rin po che'i dkyil 'khor zhes bya ba yod de/ de na de bzhin gshegs pa rin po che mngon par 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ded dpon chen po zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro| |de'i tshe shar phyogs su sangs rgyas kyi zhing grangs med pa brgyad stong kho na 'das pa na 'jig rten gyi khams chos zhes bya ba yod de/ de na de bzhin gshegs pa pad+ma'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ut+pa la'i dpal zhes bya ba bla na med pa yang dag par rdzogs pa'i byang chub tu lung bstan to/ / zhes bya ba nas de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa brgyad stong kho na 'das pa na 'jig rten gyi khams pad+ma mngon par 'phags pa zhes bya ba yod de/ de na de bzhin gshegs pa rin po che'i mngon par 'phags pa zhes bya ba bzhugs te 'tsho zhing gzhes la chos kyang ston te/ bcom
107a
@#/ /ldan 'das des byang chub sems dpa' grags sbyin zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa brgyad stong kho na 'das pa na 'jig rten gyi khams sa'i snying po zhes bya ba yod de/ de na de bzhin gshegs pa spos snang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sa'i dbang phyug gi rgyal po zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa brgyad stong kho na 'das pa na 'jig rten gyi khams gser 'od ces bya ba yod de/ de na de bzhin gshegs pa phyogs su rnam par bsgrags pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes rnam par bsgrags pa'i go cha zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su
107b
'jig rten gyi khams grangs med pa bdun stong 'das pa na 'jig rten gyi khams shes 'phags zhes bya ba yod de/ de na de bzhin gshegs pa kun tu sbas pa'i bdag po sprin gyi dbang phyug mar me zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyu skar gyi rgyal po zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa drug stong 'das pa na 'jig rten gyi khams rtag tu shin tu smras zhes bya ba yod de/ de na de bzhin gshegs pa snang ba mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' snang ba chen po zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas /de'ang 'ongs te zhes bya ba dang / de lta lags so| |zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa lnga stong 'das pa na 'jig rten gyi khams mar me byed ces bya ba yod de/ de na de bzhin gshegs pa 'od kyi dkyil 'khor ye shes mtha' yas 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
108a
@#/ /dpa' yon tan rgyal po snang zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de dang 'dab chags na 'jig rten gyi khams sgron ma byed ces bya ba yod de/ de na de bzhin gshegs pa rnam pa du ma rnam par 'phrul pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' thogs pa med pa'i go cha zhes bya ba bla na med pa yang dag par rdzogs pa'i byang chub tu lung bstan to/ /ci'i phyir 'jig rten gyi khams de sgron ma byed ces bya bar bstan ce na/ 'jig rten gyi khams de na ut+pa la dang / ku mu da dang / pad+ma dkar po dag gis khebs pa'i rdzing rgya che zhing yangs pa grangs med pa dpag tu med pa dag yod de/ pad+ma de dag kyang 'dab ma stong chu ba mngon par brtol nas gyen du dpag tshad brgyad cur 'phags pa ste| pad+ma re re las kyang 'od zer 'bum 'byung bar byed cing / gyen du dang thur du'ang 'od zer stong 'byung bar byed la/ de bzhin du phyogs thams cad du'ang 'od zer stong stong 'byung bar byed pa'i phyir ro/ /'jig rten gyi khams de'ang mig mang ris su bris pa/ rin po che'i phreng bas brgyan pa/ rin po che'i skud pas brgyan pa/ mig mang ris thams cad du'ang rin po
108b
che las byas pa'i shing ljon pa dag skyes par gyur pa/ gyen du dpag tshad bdun khri bdun stong mngon par 'phags pa/ thad kar ni/ dpag tshad brgyad khri bzhi stong du yal ga dang / 'dab ma dang / lo ma rab tu song ba'o/ /rin po che'i shing re re las kyang nor bu bye ba phrag brgyad cu zo ba tsam dag rab tu 'phyang ngo / /sangs rgyas kyi zhing de na shing ljon pa de dag kyang grangs med dpag tu med do/ /sangs rgyas kyi zhing de ni/ pad+ma'i 'dab ma de dag dang / nor bu de dag gi 'od kyis rtag tu snang bar byas pa ste/ 'od de'ang bcom ldan 'das de'i 'od kyis mog mog por byas pa'o| |byang chub sems dpa' thogs pa med pa'i go chas snang ba chen po de mthong ste/ gsung bsal ba'i sgra de'ang thos so/ /de nas bcom ldan 'das rnam pa du ma rnam par 'phrul pa de la byang chub sems dpa' thogs pa med pa go chas zhus pa/ bcom ldan 'das/ 'od de dang / gsung bsal ba'i sgra de'ang su'i lags/ de nas bcom ldan 'das des de la bka' stsal pa/ rigs kyi bu/ nub phyogs kyi phyogs char 'jig rten gyi khams grangs med pa stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/
109a
@#/ /mthu de lta bu de ni/ de'i yin no/ /gsol pa/ bcom ldan 'das/ bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ /de nas bcom ldan 'das des byang chub sems dpa' thogs pa med pa'i go cha'i lag par pad+ma chen po gcig byin te/ rigs kyi bu/ khyod kyis bcom ldan 'das de la 'di phul la/ nga'i tshig gis de bzhin du gsol cig /de nas byang chub sems dpa' de bcom ldan 'das kyis skabs phye nas bcom ldan 'das de'i zhabs la mgo bos phyag btsal te/ 'di lta ste/ skyes bu stobs dang ldan pa zhig gis lag pa bskum pa rkyong bar byed pa'am/ lag pa brkyang ba skum par byed pa'i skad cig dang / thad gcig dang / yud tsam des 'jig rten gyi khams de nas mi snang bar gyur te/ 'jig rten gyi khams mi mjed 'dir 'dug go /de bcom ldan 'das de bzhin gshegs pa shAkya thub pa ga la ba der song ste/ bcom ldan 'das kyi zhabs la mgo bos phyags btsal nas 'di skad ces gsol to/ /bcom ldan 'das/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa rnam pa du ma rnam par
109b
'phrul pa snyun gsol zhing / bcom ldan 'das la pad+ma chen po 'di'ang bcom ldan 'das des bskur ba lags na/ bcom ldan 'das kyis bdag cag la thugs brtse ba'i slad du bzhes su gsol| |bcom ldan 'das kyis bzhes te/ bzhes nas kyang bka' stsal pa/ rigs kyi bu/ ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga' ma/ gsol pa/ bcom ldan 'das/ de lta lags so/ /'jig rten gyi khams de'i 'dab chags na 'jig rten gyi khams sna tshogs rgyal mtshan zhes bya ba yod de/ de na de bzhin gshegs pa mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal mtshan sa ya na zhes bya ba chos kyi skyes byin nas btang ngo / /'jig rten gyi khams de'i 'dab chags na 'jig rten gyi khams phyogs su rnam pa bsgrags pa zhes bya ba yod de/ de na de bzhin gshegs pa sangs rgyas me tog tshogs kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don yod rnam par gnon ces bya ba btang ngo / /de'i yang 'dab chags na 'jig rten gyi khams rdo rje yang dag gnas zhes bya ba yod de/ de na de bzhin gshegs pa sangs rgyas me tog mngon par 'phags pa'i rgyal po zhes
110a
@#/ /bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen me zhes bya ba btang ngo / /de'i yang 'dab chags na 'jig rten gyi khams tsan+dan gyi phug ces bya ba yod de/ de na de bzhin gshegs pa rin po che'i lus zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab kun tu bltas pa'i nga ro zhes bya ba btang ngo / /de'i yang 'dab chags na 'jig rten gyi khams rtsi lta bu zhes bya ba yod de/ de na de bzhin gshegs pa don yod ming bsgrags dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don yod go cha bgos zhes bya ba btang ngo / /de'i yang 'dab chags na 'jig rten gyi khams sman 'phags zhes bya ba yod de/ de na de bzhin gshegs pa yon tan mtha' yas brtson 'grus go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yang dag par byin pa'i bslab pa blangs zhes bya ba btang ngo / /de'i yang 'dab chags na 'jig rten gyi khams kun nas brgyan ces bya ba yod de/ de na de bzhin gshegs pa sems bskyed ma thag tu sems can thams cad kyi sems kyi rgyan mdzad ces bya ba bzhugs te 'tsho
110b
zhing gzhes la chos kyang ston te/ bcom ldan 'das des byang chub sems dpa' rgyal tshab lag na pad+ma zhes bya ba btang ngo / /de'i yang 'dab chags na 'jig rten gyi khams gdugs gcig pa zhes bya ba yod de/ de na de bzhin gshegs pa zla ba'i phreng ba zhes bya ba bzhugs te 'tsho zhing gzhes la chos kyang ston to/ /bcom ldan 'das des byang chub sems dpa' rgyal tshab rin po che'i phreng ba zhes bya ba btang ngo / /de'i yang 'dab chags na 'jig rten gyi khams pad+ma'i 'od zer ces bya ba yod de/ de na de bzhin gshegs pa 'od kyi dkyil 'khor can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas zhes bya ba btang ngo / /de'i yang 'dab chags na 'jig rten gyi khams bde ba bkod pa zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan thams cad rab gnas zhes bya ba btang ngo / /de'i yang 'dab chags na 'jig rten gyi khams yon tan mtha' yas bkod pa zhes bya ba yod de/ de na de bzhin gshegs pa yon tan gyi pha rol tu phyin pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub
111a
@#/ /sems dpa' rgyal tshab yon tan mtha' yas bsgrags zhes bya ba btang ngo / /de'i yang 'dab chags na 'jig rten gyi khams phyogs su rab grags zhes bya ba yod de/ de na de bzhin gshegs pa mar me mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyod pa thams cad 'gyur ba zhes bya ba btang ngo / /de'i yang 'dab chags na 'jig rten gyi khams lhas brgyan pa zhes bya ba yod de/ de na de bzhin gshegs pa lha'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes 'byung gnas zhes bya ba btang ngo / /de'i yang 'dab chags na 'jig rten gyi khams shing thags bzang po can zhes bya ba yod de/ de na de bzhin gshegs pa 'od kyi 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan 'byung gnas zhes bya ba btang ngo / /de'i yang 'dab chags na 'jig rten gyi khams bzang ldan zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
111b
dpa' rgyal tshab srid pa sel ces bya ba btang ngo / /de'i yang 'dab chags na 'jig rten gyi khams bzang po zhes bya ba yod de/ de na de bzhin gshegs pa b+ha gi ra sa'i sras zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'jigs thob ces bya ba btang ngo / /de'i yang 'dab chags na 'jig rten gyi khams shin tu bzang po zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bag tsha ba med pa zhes bya ba btang ngo / /de'i yang 'dab chags na 'jig rten gyi khams pad+ma zhes bya ba yod de/ de na de bzhin gshegs pa pad+ma mchog gi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na ye shes zhes bya ba btang ngo / /de'i yang 'dab chags na 'jig rten gyi khams ut+pa la zhes bya ba yod de/ de na de bzhin gshegs pa ye shes ut+pa la'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yul na mi gnas pa zhes bya ba btang ngo / /de'i yang 'dab chags na 'jig rten gyi khams rin chen 'phags
112a
@#/ /zhes bya ba yod de/ de na de bzhin gshegs pa dkon mchog 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos kyi 'byung gnas zhes bya ba btang ngo / /de'i yang 'dab chags na 'jig rten gyi khams zla ba bzang po zhes bya ba yod de/ de na de bzhin gshegs pa smon lam mtha' yas go cha zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab me tog rab gtor ces bya ba btang ngo / /de'i yang 'dab chags na 'jig rten gyi khams shin tu rab gnas zhes bya ba yod de/ de na de bzhin gshegs pa yon tan mtha' yas rgyal po rab gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos 'phags zhes bya ba btang ngo / /de'i yang 'dab chags na 'jig rten gyi khams nags tshal rab gnas zhes bya ba yod de/ de na de bzhin gshegs pa rin po che'i phung po zhes bya ba bzhugs te 'tsho zhing gzhes la chos kyang
112b
ston te| bcom ldan 'das des byang chub sems dpa' rgyal tshab rtsi'i rgyal po zhes bya ba btang ngo / /de'i yang 'dab chags na 'jig rten gyi khams spos can zhes bya ba yod de/ de na de bzhin gshegs pa sA la'i dbang po'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyad par blo gros zhes bya ba btang ngo / /de'i yang 'dab chags na 'jig rten gyi khams pad+ma'i dpal zhes bya ba yod de/ de na de bzhin gshegs pa rin po che'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu mthong zhes bya ba btang ngo / /de'i yang 'dab chags na 'jig rten gyi khams lhun po brtsegs pa zhes bya ba yod de/ de na de bzhin gshegs pa dkon mchog brtsegs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mes byin zhes bya ba btang ngo / / de'i yang 'dab chags na 'jig rten gyi khams mya ngan bral zhes bya ba yod de/ de na de bzhin gshegs pa yon tan mtha' yas bkod pa zhes bya ba bzhugs te/
113a
@#/ /'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu yang dag brtags kyi go cha zhes bya ba btang ngo / /de'i yang 'dab chags na 'jig rten gyi khams yon tan thams cad rab gnas zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kun tu sbas zhes bya ba btang ngo / /de'i yang 'dab chags na 'jig rten gyi khams rin chen snang zhes bya ba yod de/ de na de bzhin gshegs pa ri rab 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas zhes bya ba btang ngo / /de'i yang 'dab chags na 'jig rten gyi khams yon tan kun gyis brgyan ces bya ba yod de/ de na de bzhin gshegs pa khyu mchog mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sman ces bya ba btang ngo / /de'i yang
113b
'dab chags na 'jig rten gyi khams byang chub yan lag brgyan ces bya ba yod de/ de na de bzhin gshegs pa mngon par 'phags pas 'gro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' legs par bsam pa sems pa khyad par blo gros zhes bya ba btang ngo / /de'i yang 'dab chags na 'jig rten gyi khams rdul dang bral ba'i blo gros zhes bya ba yod de/ de na de bzhin gshegs pa rin chen me tog 'byung ba'i dpal zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab khyad par byin zhes bya ba btang ngo / /de'i yang 'dab chags na 'jig rten gyi khams sprin ces bya ba yod de/ de na de bzhin gshegs pa mtha' yas rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dran pa rnyed ces bya ba btang ngo / /de'i yang 'dab chags na 'jig rten gyi khams me tog dra bas kun tu g.yogs zhes bya ba yod de/ de na de bzhin gshegs pa sems can thams cad mos pa'i go cha bgos zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' khyad par blo gros zhes bya ba btang ngo / /de'i yang 'dab
114a
@#/ /chags na 'jig rten gyi khams rgyu skar gyi phreng ba zhes bya ba yod de/ de na de bzhin gshegs pa rin po che'i gdugs mngon par 'phags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan med ces bya ba btang ngo / /de'i yang 'dab chags na 'jig rten gyi khams rin chen me tog ces bya ba yod de/ de na de bzhin gshegs pa mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyu mchog ces bya ba btang ngo / /de'i yang 'dab chags na 'jig rten gyi khams kun nas spos zhes bya ba yod de/ de na de bzhin gshegs pa bdud rtsi'i me tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos kyi glang po che zhes bya ba btang ngo / /de yang 'dab chags na 'jig rten gyi khams me tog ces bya ba yod de/ de na de bzhin gshegs pa rin chen khyu mchog ces bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab mya ngan bral zhes bya ba btang ngo / /de'i yang 'dab chags na 'jig rten gyi khams rin chen sna tshogs rgyal
114b
mtshan zhes bya ba yod de/ de na de bzhin gshegs pa zla ba 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mtha' yas sgyur zhes bya ba btang ngo / /de'i yang 'dab chags na 'jig rten gyi khams mngon du bgrod pa zhes bya ba yod de/ de na de bzhin gshegs pa sems bskyed ma thag tu chos kyi 'khor lo bskor ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyir mi ldog pa'i 'khor lo zhes bya ba btang ngo / /de'i yang 'dab chags na 'jig rten gyi khams bde ldan zhes bya ba yod de/ de na de bzhin gshegs pa phyogs su rnam par bsgrags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes rnam par bsgrags pa zhes bya ba btang ngo / /de'i yang 'dab chags na 'jig rten gyi khams rdo rje'i snying po zhes bya ba yod de/ de na de bzhin gshegs pa ka ling+ka'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyad par du 'gro ba zhes bya ba btang ngo / /de'i yang 'dab chags na 'jig rten gyi
115a
@#/ /khams bde ba zhes bya ba yod de/ de na de bzhin gshegs pa nyi ma'i dkyil 'khor sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab zla ba zhes bya ba btang ngo / /de'i yang 'dab chags na 'jig rten gyi khams bde ba zhes bya ba yod de/ de na de bzhin gshegs pa rin po che'i mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mes byin zhes bya ba btang ngo / /de'i yang 'dab chags na 'jig rten gyi khams 'byung gnas zhes bya ba yod de/ de na de bzhin gshegs pa ye shes 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes kyi dpal zhes bya ba btang ngo / /de'i yang 'dab chags na 'jig rten gyi khams gcig tu bde ba zhes bya ba yod de/ de na de bzhin gshegs pa yon tan gyi rgyal po rab tu gnas pa zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab mi 'jigs pa zhes bya ba btang ngo / /de'i yang 'dab chags na 'jig rten gyi khams gdugs kyi phreng
115b
ba me tog kun tu rgyas pa zhes bya ba yod de/ de na de bzhin gshegs pa thogs pa med pa'i spyan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig bzang zhes bya ba btang ngo / /de'i yang 'dab chags na 'jig rten gyi khams rdo rje'i snying po zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brag ces bya ba btang ngo / /de'i yang 'dab chags na 'jig rten gyi khams zla ba 'phags pa zhes bya ba yod de/ de na de bzhin gshegs pa ye shes kyi dpal zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab stobs brtan zhes bya ba btang ngo / /de'i yang 'dab chags na 'jig rten gyi khams kun tu 'od ces bya ba yod de/ de na de bzhin gshegs pa 'od kyi dkyil 'khor gzi brjid rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyod pa khyad par can zhes bya ba btang ngo / /de'i yang 'dab chags na 'jig rten gyi khams mtho ba'i rgyal mtshan zhes bya ba yod de/ de na de bzhin gshegs pa rgyu'i
116a
@#/ /blo gros zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyu dag pa zhes bya ba btang ngo / /de'i yang 'dab chags na 'jig rten gyi khams sgrog pa zhes bya ba yod de/ de na de bzhin gshegs pa sred med kyi bu zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kha lo sgyur ba zhes bya ba btang ngo / /de'i yang 'dab chags na 'jig rten gyi khams dri ma med pa zhes bya ba yod de/ de na de bzhin gshegs pa dri ma med pa'i me tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sa bon 'chang zhes bya ba btang ngo / /de'i yang 'dab chags na 'jig rten gyi khams bzang po zhes bya ba yod de/ de na de bzhin gshegs pa rdo rje bzhed ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri med rnam par 'thor ba zhas bya ba btang ngo // de'i yang 'dab chags na 'jig rten gyi khams bde ba thams cad ces bya ba yod de/ de na de bzhin gshegs pa rnam par dag pa'i blo gros zhes bya ba bzhugs te 'tsho
116b
zhing gzhes la chos kyang ston te/ bcom ldan 'das des byang chub sems dpa' rgyal tshab bkod pa du ma zhes bya ba btang ngo / /de'i yang 'dab chags na 'jig rten gyi khams mya ngan dang gnod pa thams cad yongs su spangs zhes bya ba yod de/ de na de bzhin gshegs pa phan bzhed ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab glang po che'i dpal zhes bya ba btang ngo / /de'i yang 'dab chags na 'jig rten gyi khams yon tan mtha' yas yongs rdzogs zhes bya ba yod de/ de na de bzhin gshegs pa shin tu yang dag brtags pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mchog gi bkod pa zhes bya ba btang ngo / /de'i yang 'dab chags na 'jig rten gyi khams mnyam pa zhes bya ba yod de/ de na de bzhin gshegs pa dgra rab tu 'joms pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa mad pa'i go cha zhes bya ba btang ngo / /de'i yang 'dab chags na 'jig rten gyi khams bzod pa zhes bya ba yod de/ de na de bzhin gshegs pa ut+pa la 'di dpal zhes bya ba bzhugs te 'tsho zhing gzhes la
117a
@#/ /chos kyang ston te/ bcom ldan 'das des byang chub sems dpa' rgyal tshab rtag tu brtson zhes bya ba btang ngo / /de'i yang 'dab chags na 'jig rten gyi khams phyogs kyi sgron ma zhes bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab zla ba'i rgyal po zhes bya ba bla na med pa yang dag par rdzogs pa'i byang chub tu lung bstan te btang ngo / / de'i yang 'dab chags na 'jig rten gyi khams rtag tu snang bar byas zhes bya ba yod de/ de na de bzhin gshegs pa 'od mtha' yas pa'i lhun po spos kyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na ye shes zhes bya ba btang ngo / /de'i yang 'dab chags na 'jig rten gyi khams rtag tu brgyan ces bya ba yod de/ de na de bzhin gshegs pa me tog sna tshogs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bdud rtsi'i dbyangs zhes bya ba btang ngo / /de'i yang 'dab chags na 'jig rten gyi
117b
khams gdugs dkar po zhes bya ba yod de/ de na de bzhin gshegs pa 'od mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brtson pa mi gtong zhes bya ba btang ngo / /de'i yang 'dab chags na 'jig rten gyi khams rtag tu brgyan ces bya ba yod de/ de na de bzhin gshegs pa skyes pa dang bud med 'gyur bar mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab nga ro mtha' yas zhes bya ba btang ngo / /de'i yang 'dab chags na 'jig rten gyi khams gcig pa zhes bya ba yod de/ de na de bzhin gshegs pa spos mchog dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na spos zhes bya ba btang ngo / /de'i yang 'dab chags na 'jig rten gyi khams tsan+dan gyi bsung zhes bya ba yod de/ de na de bzhin gshegs pa rin chen mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od zer du ma zhes bya ba btang ngo / /de'i yang 'dab chags na 'jig rten gyi khams kun tu
118a
@#/ /spos zhes bya ba yod de/ de na de bzhin gshegs pa rin chen mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab rin chen lhun po zhes bya ba btang ngo / /de'i yang 'dab chags na 'jig rten gyi khams kun nas mtshan zhes bya ba yod de/ de na de bzhin gshegs pa sems can kun gyi sems kyi mos pa'i ye shes mthong ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ded dpon chen po zhes bya ba btang ngo / /de'i yang 'dab chags na 'jig rten gyi khams mtshan ma med pa zhes bya ba yod de/ de na de bzhin gshegs pa mtshan ma med pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos thams cad dben par gnas pa zhes bya ba btang ngo / /de'i yang 'dab chags na 'jig rten gyi khams sangs rgyas me tog brgyan ces bya ba yod de/ de na de bzhin gshegs pa ye shes sbas pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye
118b
shes 'od zer zhes bya ba btang ngo / /de'i yang 'dab chags na 'jig rten gyi khams me tog rgyas pa zhes bya ba yod de/ de na de bzhin gshegs pa thogs pa med pa'i dbyangs kyi nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig bzang zhes bya ba btang ngo / /de'i yang 'dab chags na 'jig rten gyi khams brtan pa zhes bya ba yod de/ de na de bzhin gshegs pa mig g.yo rnam par gnon ces bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab legs pa'i blo zhes bya ba btang ngo / /de'i yang 'dab chags na 'jig rten gyi khams brtan pa zhes bya ba yod de/ de na de bzhin gshegs pa 'od srung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab skar ma'i sgron ma zhes bya ba btang ngo / /de'i yang 'dab chags na 'jig rten gyi khams pad+ma'i gdugs zhes bya ba yod de/ de na de bzhin gshegs pa dmigs pa kun gyi khyu mchog ston ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rna ba'i me tog ces bya ba btang ngo / /
119a
@#/ /de'i yang 'dab chags na 'jig rten gyi khams bden pa zhes bya ba yod de/ de na de bzhin gshegs pa don grub ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bden pa mthong ba zhes bya ba btang ngo / /de'i yang 'dab chags na 'jig rten gyi khams zla ba can zhes bya ba yod de/ de na de bzhin gshegs pa 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kun dga' bo zhes bya ba btang ngo / /de'i yang 'dab chags na 'jig rten gyi khams gnod pa med pa zhes bya ba yod de/ de na de bzhin gshegs pa snyan pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog dpal zhes bya ba btang ngo / /de'i yang 'dab chags na 'jig rten gyi khams mngon par dga' ba zhes bya ba yod de/ de na de bzhin gshegs pa thams cad yod pas rgyags pa yang dag bcom zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyal po'i khyu mchog ces bya ba
119b
btang ngo / /de'i yang 'dab chags na 'jig rten gyi khams rdul med ces bya ba yod de/ de na de bzhin gshegs pa ye shes kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog kun tu bltas zhes bya ba btang ngo / /de'i yang 'dab chags na 'jig rten gyi khams me tog sna tshogs zhes bya ba yod de/ de na de bzhin gshegs pa rgyu skar gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rnam par 'byed ces bya ba btang ngo / /de'i yang 'dab chags na 'jig rten gyi khams shin tu yangs pa zhes bya ba yod de/ de na de bzhin gshegs pa bdud rtsi'i tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen tog ces bya ba btang ngo / /de'i yang 'dab chags na 'jig rten gyi khams 'jigs med ces bya ba yod de/ de na de bzhin gshegs pa tsan+dan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bzang po'i dpal zhes bya ba btang ngo / /de'i yang 'dab chags na 'jig rten gyi khams dra ba can zhes bya ba yod de/ de na
120a
@#/ /de bzhin gshegs pa dra ba can gyi 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od gsal zhes bya ba btang ngo / /de'i yang 'dab chags na 'jig rten gyi khams 'od ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas tshangs pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs pa'i dbyangs zhes bya ba btang ngo / /'jig rten gyi khams de'i yang 'dab chags na 'jig rten gyi khams mngon par bgrod pa zhes bya ba yod de/ de na de bzhin gshegs pa bdud rtsi 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bdud rtsi'i dbyangs zhes bya ba btang ngo / /'jig rten gyi khams de'i yang 'dab chags na 'jig rten gyi khams dmigs pa med ces bya ba yod de/ de na de bzhin gshegs pa dmigs pa kun la dgyes par mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs
120b
pa med pa'i go cha zhes bya ba btang ngo / /'jig rten gyi khams de'i yang 'dab chags na 'jig rten gyi khams rtag tu bsgrags zhes bya ba yod de/ de na de bzhin gshegs pa sems can thams cad kyis mi shigs pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa med pa'i go cha zhes bya ba btang ngo / /'jig rten gyi khams de'i yang 'dab chags na 'jig rten gyi khams rtag tu bzod ldan zhes bya ba yod de/ de na de bzhin gshegs pa rnam par 'phrul pa mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spobs pa mi chod pa zhes bya ba btang ngo / /'jig rten gyi khams de'i yang 'dab chags na 'jig rten gyi khams kun tu mthong zhes bya ba yod de/ de na de bzhin gshegs pa chos thams cad gzigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mtshan ma med pa'i go cha zhes bya ba btang ngo / /'jig rten gyi khams de'i yang 'dab chags na 'jig rten gyi khams kun tu blta ba zhes bya ba yod de/ de na de bzhin gshegs pa chos thams cad gzigs zhes bya ba bzhugs
121a
@#/ /te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par dag pa'i mig ces bya ba btang ngo / /'jig rten gyi khams de'i yang 'dab chags na 'jig rten gyi khams yon tan thams cad 'byung zhes bya ba yod de/ de na de bzhin gshegs pa yon tan mtha' yas 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig rnam par dag pa zhes bya ba btang ngo / /'jig rten gyi khams de'i yang 'dab chags na 'jig rten gyi khams rdul dang bral ba zhes bya ba yod de/ de na de bzhin gshegs pa ye shes 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od kyi dkyil 'khor can zhes bya ba btang ngo / /de'i yang 'dab chags na 'jig rten gyi khams ut+pa las rab tu khebs pa zhes bya ba yod de/ de na de bzhin gshegs pa pad+ma'i mchog ces bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab ut+pa la dmar po'i dpal zhes bya ba btang ngo / /'jig rten gyi khams de'i yang 'dab chags na 'jig rten
121b
gyi khams pad+mas rab tu khebs pa zhes bya ba yod de/ de na de bzhin gshegs la phyogs su 'phags zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyogs kyi lhun po zhes bya ba btang ngo / /de'i yang 'dab chags na 'jig rten gyi khams me tog gis rab tu khebs pa zhes bya ba yod de| de na de bzhin gshegs pa me tog 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yid gnyis thams cad yang dag bcom zhes bya ba btang ngo / /de'i yang 'dab chags na 'jig rten gyi khams mar me zhes bya ba yod de/ de na de bzhin gshegs pa sems can gyi snying po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sred med kyi bu zhes bya ba btang ngo / /de'i yang 'dab chags na 'jig rten gyi khams 'od bzang po zhes bya ba yod de/ de na de bzhin gshegs pa ye shes kyi 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bde 'byung zhes bya ba btang ngo / /de'i yang 'dab chags na 'jig rten gyi khams bde ba'i dpal zhes bya ba yod de/ de
122a
@#/ /na de bzhin gshegs pa ye shes kyi me zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mchog gi nor bu can zhes bya ba btang ngo / /de'i yang 'dab chags na 'jig rten gyi khams bde ba can zhes bya ba yod de/ de na de bzhin gshegs pa mngal med ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos kyi dbang phyug ces bya ba btang ngo / /de'i yang 'dab chags na 'jig rten gyi khams nges 'dren zhes bya ba yod de/ de na de bzhin gshegs pa sman pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sman pa'i mchog ces bya ba btang ngo / /de'i yang 'dab chags na 'jig rten gyi khams kha dog med ces bya ba yod de| de na de bzhin gshegs pa tha dad pa med pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tha mi dad par spyod pa zhes bya ba btang ngo / /de'i yang 'dab chags na 'jig rten gyi khams kun tu kha dog ces bya ba yod de/ de na de bzhin gshegs
122b
pa ye shes mtha' yas grags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan mtha' yas 'byung zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ btang ngo| /zhes bya ba'i bar du snga ma bzhin du sbyar ro/ /de'i yang 'dab chags na 'jig rten gyi khams mtsho can zhes bya ba yod de/ de na de bzhin gshegs pa tsan+dan gyi bsung gi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes spos kyi dpal zhes bya ba btang ngo / /de'i yang 'dab chags na 'jig rten gyi khams dpe med dpal zhes bya ba yod de/ de na de bzhin gshegs pa sangs rgyas dpe med me tog 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yang dag 'phags zhes bya ba btang ngo / /de'i yang 'dab chags na 'jig rten gyi khams rin chen ldan zhes bya ba yod de/ de na de bzhin gshegs pa shin tu rab tu gnas pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sdom pa la rab tu gnas pa
123a
@#/ /zhes bya ba btang ngo / /de'i yang 'dab chags na 'jig rten gyi khams phyogs can zhes bya ba yod de/ de na de bzhin gshegs pa zla ba 'phags pa'i 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab zla ba zhes bya ba btang ngo / /bam po bdun pa/ de'i yang 'dab chags na 'jig rten gyi khams rgya mtsho zhes bya ba yod de/ de na de bzhin gshegs pa kha lo sgyur ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan med pa'i blo gros zhes bya ba btang ngo / /de'i yang 'dab chags na 'jig rten gyi khams mngon par dga' ba zhes bya ba yod de/ de na de bzhin gshegs pa lus mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brag ces bya ba btang ngo / /de'i yang 'dab chags na 'jig rten gyi khams dga' ba'i spos zhes bya ba yod de/ de na de bzhin gshegs pa skyo med 'gyur bar mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yongs bsgrags nyon
123b
mongs yang dag bcom zhes bya ba btang ngo / /de'i yang 'dab chags na 'jig rten gyi khams yon tan kun la rab tu gnas zhes bya ba yod de/ de na de bzhin gshegs pa snyan pa'i bshes gnyen zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyal ba'i bshes gnyen zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas btang ngo / /zhes bya ba'i bar du snga ma bzhin du sbyar ro/ /de'i yang 'dab chags na 'jig rten gyi khams phun sum tshogs pa kun la rab tu gnas zhes bya ba yod de/ de na de bzhin gshegs pa snyan pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos 'phags zhes bya ba btang ngo / /de'i yang 'dab chags na 'jig rten gyi khams mya ngan med pa'i blo gros zhes bya ba yod de| de na de bzhin gshegs pa mya ngan bral zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen me zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas btang ngo / /zhes bya ba'i bar du snga ma bzhin du sbyar ro/ /de'i yang 'dab chags
124a
@#/ /na 'jig rten gyi khams snyan pa zhes bya ba yod de/ de na de bzhin gshegs pa pad+ma mngon par 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog rgyal po zhes bya ba btang ngo / /de'i yang 'dab chags na 'jig rten gyi khams me tog kun tu bkram zhes bya ba yod de/ de na de bzhin gshegs pa me tog rab tu gtor ba'i tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos kyi dpal zhes bya ba btang ngo / /de'i yang 'dab chags na 'jig rten gyi khams rnam par bsgrags pa zhes bya ba yod de/ de na de bzhin gshegs pa kun nas spos kyi 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab nges 'byung zhes bya ba btang ngo / /'jig rten gyi khams de'i yang 'dab chags na 'jig rten gyi khams phyogs ldan zhes bya ba yod de/ de na de bzhin gshegs pa spyan btud ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab smon lam chen po zhes
124b
bya ba btang ngo / /de'i yang 'dab chags na 'jig rten gyi khams 'od 'phro can zhes bya ba yod de/ de na de bzhin gshegs pa 'od btang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sbyin sreg byas pa'i 'od ces bya ba btang ngo / /de'i yang 'dab chags na 'jig rten gyi khams 'od ces bya ba yod de/ de na de bzhin gshegs pa 'od lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ri rab lta bu zhes bya ba btang ngo / /de'i yang 'dab chags na 'jig rten gyi khams rin po che'i 'od ces bya ba yod de/ de na de bzhin gshegs pa rin chen snang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen byin zhes bya ba btang ngo / /de'i yang 'dab chags na 'jig rten gyi khams rtag tu bdug spos bdugs zhes bya ba yod de/ de na de bzhin gshegs pa mtshan gnyis gtsug tor can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' mtshan gnyis 'od ces bya ba bla na med pa yang dag par rdzogs pa'i byang chub tu lung bstan to/ /zhes bya ba
125a
@#/ /nas btang ngo / /zhes bya ba'i bar du snga ma bzhin du sbyar ro/ /de'i yang 'dab chags na 'jig rten gyi khams srid pa zhes bya ba yod de/ de na de bzhin gshegs pa 'jig rten gsum gyi khyu mchog rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab srid pa gsum zhes bya ba btang ngo / /de'i yang 'dab chags na 'jig rten gyi khams mngon par dga' ba zhes bya ba yod de/ de na de bzhin gshegs pa 'od kyi dkyil 'khor can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'jigs sbyin zhes bya ba btang ngo / / de'i yang 'dab chags na 'jig rten gyi khams rtag tu dmigs pa zhes bya ba yod de/ de na de bzhin gshegs pa nam mkha'i rigs kyi khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag pa can zhes bya ba btang ngo / /de'i yang 'dab chags na 'jig rten gyi khams bde ba'i rgyal po zhes bya ba yod de/ de na de bzhin gshegs pa zad mi shes pa'i khyu mchog ces bya ba bzhugs te 'tsho zhing gzhes la chos kyang ston
125b
te| bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des byang chub sems dpa' 'byung ba'i dpal zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas btang ngo / /zhes bya ba'i bar du snga ma bzhin du sbyar ro/ /de'i yang 'dab chags na 'jig rten gyi khams kun tu yongs su spangs zhes bya ba yod de/ de na de bzhin gshegs pa rnga sgra zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos rab gtong zhes bya ba btang ngo / /de'i yang 'dab chags na 'jig rten gyi khams bde ba zhes bya ba yod de/ de na de bzhin gshegs pa kun tu khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' yul la mi gnas pa zhes bya ba btang ngo / /de'i yang 'dab chags na 'jig rten gyi khams sgra rnam par bsgrags zhes bya ba yod de/ de na de bzhin gshegs pa ye shes rnam par bsgrags zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mchog gi tshogs can zhes bya ba btang ngo / /de'i yang 'dab chags na 'jig rten gyi khams sgron ma'i dkyil 'khor zhes bya ba yod de/ de na
126a
@#/ /de bzhin gshegs pa shin tu rab tu gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pa ra dza na zhes bya ba btang ngo / /de'i yang 'dab chags na 'jig rten gyi khams bkod pa gcig pa zhes bya ba yod de/ de na de bzhin gshegs pa sangs rgyas khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' blo gros dpe med ces bya ba btang ngo / /de'i yang 'dab chags na 'jig rten gyi khams rab tu dga' byed ces bya ba yod de/ de na de bzhin gshegs pa yon tan kun gyi 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mtshan ma med pa'i mtshan nyid go cha zhes bya ba btang ngo / /de'i yang 'dab chags na 'jig rten gyi khams dga' ba zhes bya ba yod de/ de na de bzhin gshegs pa yon tan mtha' yas rin chen ldan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu yang dag brtags kyi spyod pa zhes bya ba btang ngo / /de'i yang 'dab chags na 'jig rten gyi khams rgyu skar gyi phreng ba
126b
zhes bya ba yod de/ de na de bzhin gshegs pa ye shes 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sgrog pa zhes bya ba btang ngo / /de'i yang 'dab chags na 'jig rten gyi khams gdugs kyi phreng ba bkod pa zhes bya ba yod de/ de na de bzhin gshegs pa ye shes 'phags pa'i 'od kyi gzi brjid dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab legs byin zhes bya ba btang ngo / /de'i yang 'dab chags na 'jig rten gyi khams pad+ma zhes bya ba yod de/ de na de bzhin gshegs pa pad+ma 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sangs rgyas chos 'byung zhes bya ba btang ngo / /de'i yang 'dab chags na 'jig rten gyi khams me tog can zhes bya ba yod de/ de na de bzhin gshegs pa spos rab khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes dal ba 'gyur byed ces bya ba btang ngo / /de'i yang 'dab chags na 'jig rten gyi khams ku mu das rab tu khebs zhes bya ba yod de/
127a
@#/ /de na de bzhin gshegs pa zla ba tog gi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ri rab byin zhes bya ba btang ngo / /de'i yang 'dab chags na 'jig rten gyi khams yangs pa zhes bya ba yod de/ de na de bzhin gshegs pa spos kyi glang po che zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'khrugs pa zhes bya ba btang ngo / /de'i yang 'dab chags na 'jig rten gyi khams mchog ces bya ba yod de/ de na de bzhin gshegs pa bdud rtsi'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bdud rtsi'i sgra zhes bya ba btang ngo / /de'i yang 'dab chags na 'jig rten gyi khams spos ldan zhes bya ba yod de/ de na de bzhin gshegs pa pad+ma brtsegs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog ces bya ba btang ngo / /de'i yang 'dab chags na 'jig rten gyi khams me tog can zhes bya ba yod de/ de na de bzhin gshegs pa pad+ma 'byung ba'i dpal zhes bya ba bzhugs te 'tsho zhing
127b
gzhes la chos kyang ston te/ bcom ldan 'das des byang chub sems dpa' rgyal tshab spyi bos byin zhes bya ba btang ngo / /de'i yang 'dab chags na 'jig rten gyi khams tsam+pa ka dang ldan zhes bya ba yod de/ de na de bzhin gshegs pa tsan+dan dpal zhes bya ba bzhugs te 'tsho zhing gzhes la chos kyang ston te/ bcom ldan 'das 'das des byang chub sems dpa' rgyal tshab mig bzang zhes bya ba btang ngo / /de'i yang 'dab chags na 'jig rten gyi khams rin chen snying po zhes bya ba yod de/ de na de bzhin gshegs pa rin chen brtsegs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu mthong zhes bya ba btang ngo / /de'i yang 'dab chags na 'jig rten gyi khams mdzangs pa zhes bya ba yod de/ de na de bzhin gshegs pa mdzangs mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab sangs rgyas zhes bya ba btang ngo / /de'i yang 'dab chags na 'jig rten gyi khams bde mchog ces bya ba yod de/ de na de bzhin gshegs pa bde mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bde ba'i rgyal po zhes bya ba btang
128a
@#/ /ngo / /de'i yang 'dab chags na 'jig rten gyi khams rab gnas zhes bya ba yod de/ de na de bzhin gshegs pa yon tan mtha' yas 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas zhes bya ba btang ngo / /de'i yang 'dab chags na 'jig rten gyi khams 'od ces bya ba yod de/ de na de bzhin gshegs pa 'od kyi tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kun tu 'od ces bya ba btang ngo / /de'i yang 'dab chags na 'jig rten gyi khams dga' ba'i spos zhes bya ba yod de/ de na de bzhin gshegs pa yon tan mtha' yas 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan 'byung zhes bya ba btang ngo / /de'i yang 'dab chags na 'jig rten gyi khams blta na sdug ces bya ba yod de/ de na de bzhin gshegs pa yon tan thams cad 'byung ba'i dpal gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan ldan zhes bya ba btang ngo / /'jig rten gyi
128b
khams de'i yang 'dab chags na 'jig rten gyi khams pad+ma can zhes bya ba yod de/ de na de bzhin gshegs pa pad+ma 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sbyin mos zhes bya ba btang ngo / /'jig rten gyi khams de'i yang 'dab chags na 'jig rten gyi khams gser gyi dra bas kun tu khebs zhes bya ba yod de/ de na de bzhin gshegs pa sgron ma 'chang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spar 'chums ma yin zhes bya ba btang ngo / /de'i yang 'dab chags na 'jig rten gyi khams rin chen dra bas kun tu khebs zhes bya ba yod de/ de na de bzhin gshegs pa rin chen 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab grong khyer sgrog ces bya ba btang ngo / /de'i yang 'dab chags na 'jig rten gyi khams mngon par dga' ba zhes bya ba yod de/ de na de bzhin gshegs pa mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi khom thams cad 'gyur byed ces bya ba btang ngo / /de'i yang 'dab chags
129a
@#/ /na 'jig rten gyi khams gdugs gcig pa zhes bya ba yod de/ de na de bzhin gshegs pa rgyu skar gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyu skar gyi phreng ba zhes bya ba btang ngo / /de'i yang 'dab chags na 'jig rten gyi khams nam mkha'i rigs zhes bya ba yod de/ de na de bzhin gshegs pa lhun po mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen lhun po zhes bya ba btang ngo / /de'i yang 'dab chags na 'jig rten gyi khams mngon par dga' ba zhes bya ba yod de/ de na de bzhin gshegs pa nam mkha'i rna cha gdub kor rnam par dag pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bsam gyis mi khyab pa'i dpal zhes bya ba btang ngo / /de'i yang 'dab chags na 'jig rten gyi khams mngon du bgrod pa zhes bya ba yod de/ de na de bzhin gshegs pa bdud rtsi'i sgra zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya
129b
ngan med ces bya ba btang ngo / /de'i yang 'dab chags na 'jig rten gyi khams spos rigs btsun zhes bya ba yod de/ de na de bzhin gshegs pa bdud rtsi'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan med pa'i dpal zhes bya ba btang ngo / /de'i yang 'dab chags na 'jig rten gyi khams shin tu rnam par dag ces bya ba yod de/ de na de bzhin gshegs pa rin chen lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rigs btsun zhes bya ba btang ngo / /de'i yang 'dab chags na 'jig rten gyi khams rab snang zhes bya ba yod de/ de na de bzhin gshegs pa rin chen me tog sna tshogs me tog kun tu rgyas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab blo gros mtha' yas zhes bya ba btang ngo / /de'i yang 'dab chags na 'jig rten gyi khams mthu dpal zhes bya ba yod de/ de na de bzhin gshegs pa mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ba lang bdag ces bya ba btang ngo / /de'i yang 'dab chags na 'jig rten gyi khams rin
130a
@#/ /chen me tog ces bya ba yod de/ de na de bzhin gshegs pa rdul med rdul bral rnam par grol ba'i go cha zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab 'od byed ces bya ba btang ngo / /de'i yang 'dab chags na 'jig rten gyi khams gser du snang ba zhes bya ba yod de| de na de bzhin gshegs pa gser gyi me tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par snang byed ces bya ba btang ngo / /de'i yang 'dab chags na 'jig rten gyi khams gser du snang ba zhes bya ba yod de/ de na de bzhin gshegs pa rin chen khang pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas zhes bya ba btang ngo / /de'i yang 'dab chags na 'jig rten gyi khams snying po can zhes bya ba yod de/ de na de bzhin gshegs pa me tog sna tshogs 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpas byin zhes bya ba btang ngo / /de'i yang 'dab chags na 'jig rten gyi khams grol ba zhes bya ba
130b
yod de| de na de bzhin gshegs pa grol ba'i 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab byams pa zhes bya ba btang ngo / /de'i yang 'dab chags na 'jig rten gyi khams me tog rab gtor ces bya ba yod de/ de na de bzhin gshegs pa me tog 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog gi gdugs me tog kun tu rgyas pa zhes bya ba btang ngo / /de'i yang 'dab chags na 'jig rten gyi khams me tog can zhes bya ba yod de/ de na de bzhin gshegs pa me tog gdugs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab gser gdugs zhes bya ba btang ngo / /de'i yang 'dab chags na 'jig rten gyi khams pad+ma can zhes bya ba yod de/ de na de bzhin gshegs pa don yod go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab log pa'i go cha bgos zhes bya ba btang ngo / /de'i yang 'dab chags na 'jig rten gyi khams me tog can zhes bya ba yod de/ de na de bzhin gshegs pa rnam par bsgrags pa'i stobs kyi rgyal
131a
@#/ /po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab skyed byed ces bya ba btang ngo / /de'i yang 'dab chags na 'jig rten gyi khams tshangs pa'i dpal zhes bya ba yod de/ de na de bzhin gshegs pa tshangs pa'i dbyangs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'jam pa'i dbyangs kyi nga ro zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas btang ngo / /zhes bya ba'i bar du snga ma bzhin du sbyar ro/ /de'i yang 'dab chags na 'jig rten gyi khams tog gi rgyal mtshan zhes bya ba yod de/ de na de bzhin gshegs pa khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig rnam dag ces bya ba btang ngo / /de'i yang 'dab chags na 'jig rten gyi khams tog ces bya ba yod de/ de na de bzhin gshegs pa mtha' yas tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rigs mtha' yas zhes bya ba btang ngo / /de'i yang 'dab chags na 'jig
131b
rten gyi khams gser zhes bya ba yod de/ de na de bzhin gshegs pa kha lo sgyur ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sde zhes bya ba btang ngo / /de'i yang 'dab chags na 'jig rten gyi khams rab gnas zhes bya ba yod de/ de na de bzhin gshegs pa thogs pa med pa'i 'khor lo zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'das pa rnam par gnon ces bya ba btang ngo / /de'i yang 'dab chags na 'jig rten gyi khams srid pa med ces bya ba yod de/ de na de bzhin gshegs pa 'gro kun rnam par 'joms mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu yang dag brtags kyi go cha zhes bya ba btang ngo / /de'i yang 'dab chags na 'jig rten gyi khams yid gnyis can zhes bya ba yod de/ de na de bzhin gshegs pa yid gnyis yang dag 'joms par mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mthong ma thag tu nges pa'i go cha zhes bya ba btang ngo / /de'i yang 'dab chags na 'jig rten gyi khams ye shes mchog ces bya
132a
@#/ /ba yod de/ de na de bzhin gshegs pa mtshan ma med pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par bltas pa'i nga ro zhes bya ba btang ngo / /de'i yang 'dab chags na 'jig rten gyi khams yon tan rab gnas zhes bya ba yod de/ de na de bzhin gshegs pa yon tan mtha' yas ldan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab gom pa mtha' yas rnam par gnon ces bya ba btang ngo / /de'i yang 'dab chags na 'jig rten gyi khams rin chen rab gnas zhes bya ba yod de/ de na de bzhin gshegs pa rin chen 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rdo rje rnam par gnon ces bya ba btang ngo / /de'i yang 'dab chags na 'jig rten gyi khams sgrog pa zhes bya ba yod de/ de na de bzhin gshegs pa pad+ma mngon par 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen me tog ces bya ba btang ngo / /de'i yang 'dab
132b
chags na 'jig rten gyi khams 'od mi 'byung zhes bya ba yod de/ de na de bzhin gshegs pa rin chen mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs mchog ces bya ba btang ngo / /de'i yang 'dab chags na 'jig rten gyi khams legs 'byung zhes bya ba yod de/ de na de bzhin gshegs pa 'das pa dang / ma 'ongs pa dang / da ltar byung ba'i go cha thogs med ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rdul bral sde zhes bya ba btang ngo / /de'i yang 'dab chags na 'jig rten gyi khams 'od bzang po zhes bya ba yod de/ de na de bzhin gshegs pa 'od mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu gnon ces bya ba btang ngo / /de'i yang 'dab chags na 'jig rten gyi khams rnam dag ces bya ba yod de/ de na de bzhin gshegs pa rin chen lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lhun po chen po zhes bya ba btang ngo / /de'i yang 'dab chags na 'jig rten gyi khams zla ba sgron ma zhes bya ba yod
133a
@#/ /de| de na de bzhin gshegs pa nyi ma sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab nyi ma sgron ma mngon par 'phags pa'i dpal zhes bya ba btang ngo / /de'i yang 'dab chags na 'jig rten gyi khams tshon rtsi'i phung po zhes bya ba yod de/ de na de bzhin gshegs pa ye shes 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri med 'byung ba'i dpal zhes bya ba btang ngo / /de'i yang 'dab chags na 'jig rten gyi khams skar mda' zhes bya ba yod de/ de na de bzhin gshegs pa skar mda' sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'phel ba'i blo gros zhes bya ba btang ngo / /de'i yang 'dab chags na 'jig rten gyi khams ye shes 'byung gnas zhes bya ba yod de/ de na de bzhin gshegs pa gong na med pa'i 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan 'byung gnas zhes bya ba btang ngo / /de'i yang 'dab
133b
chags na 'jig rten gyi khams pad+ma'i gdugs zhes bya ba yod de/ de na de bzhin gshegs pa rgyal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnga sgra zhes bya ba btang ngo / /de'i yang 'dab chags na 'jig rten gyi khams gdugs gcig pa zhes bya ba yod de/ de na de bzhin gshegs pa spyan mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs pa'i nga ro zhes bya ba btang ngo / /de'i yang 'dab chags na 'jig rten gyi khams phyogs zhes bya ba yod de/ de na de bzhin gshegs pa phyogs kyi sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyogs snang zhes bya ba btang ngo / /de'i yang 'dab chags na 'jig rten gyi khams sA la zhes bya ba yod de/ de na de bzhin gshegs pa sa lha'i dbang po'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thu bo zhes bya ba btang ngo / /de'i yang 'dab chags na 'jig rten gyi khams rab gnas zhes bya ba yod de/ de na de bzhin gshegs pa seng+ge zhes bya ba
134a
@#/ /bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bag tsha ba med pa zhes bya ba btang ngo / / de'i yang 'dab chags na 'jig rten gyi khams tshogs zhes bya ba yod de/ de na de bzhin gshegs pa rin chen lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab grags pa zhes bya ba btang ngo / /de'i yang 'dab chags na 'jig rten gyi khams pad+ma zhes bya ba yod de/ de na de bzhin gshegs pa rnam par gzigs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sprin ces bya ba btang ngo / /de'i yang 'dab chags na 'jig rten gyi khams kun 'dzin ces bya ba yod de/ de na de bzhin gshegs pa sman pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtsi'i rgyal po zhes bya ba btang ngo / /de'i yang 'dab chags na 'jig rten gyi khams dpal bzang po zhes bya ba yod de/ de na de bzhin gshegs pa dpal bzang po zhes bya ba bzhugs te 'tsho zhing gzhes la chos
134b
kyang ston te/ bcom ldan 'das des byang chub sems dpa' rgyal tshab shin tu bzang po zhes bya ba btang ngo / /de'i yang 'dab chags na 'jig rten gyi khams shin tu rab gnas zhes bya ba yod de/ de na de bzhin gshegs pa mi g.yos pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phug spos zhes bya ba btang ngo / /de'i yang 'dab chags na 'jig rten gyi khams spos can zhes bya ba yod de/ de na de bzhin gshegs pa spos mchog dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos dpal zhes bya ba btang ngo / /de'i yang 'dab chags na 'jig rten gyi khams spos dpal zhes bya ba yod de/ de na de bzhin gshegs pa phyag na spos mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad+ma'i snying po zhes bya ba btang ngo / /de'i yang 'dab chags na 'jig rten gyi khams tsan+dan gyi bsung zhes bya ba yod de/ de na de bzhin gshegs pa tsan+dan khang pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpal sbas zhes bya ba btang ngo / /de'i
135a
@#/ /yang 'dab chags na 'jig rten gyi khams rin chen dra bas khebs zhes bya ba yod de/ de na de bzhin gshegs pa brtson 'grus mtha' yas zhes bya pa bzhugs te 'tsho zhing gnas la chos kyang ston te/ bcom ldan 'das des byang chub sems dpa' rgyal tshab blo gros mtha' yas zhes bya ba btang ngo / /de'i yang 'dab chags na 'jig rten gyi khams me tog can zhes bya ba yod de/ de na de bzhin gshegs pa pad+ma 'jigs byed me tog mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbyangs mtha' yas nga ro zhes bya ba btang ngo / /de'i yang 'dab chags na 'jig rten gyi khams rnam par snang byed ces bya ba yod de/ de na de bzhin gshegs pa rin chen dra ba can zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab dpas byin zhes bya ba btang ngo / /de'i yang 'dab chags na 'jig rten gyi khams zla ba sgron ma zhes bya ba yod de| de na de bzhin gshegs pa shin tu rab gnas rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
135b
rgyal tshab brjod med nga ro zhes bya ba btang ngo / /de'i yang 'dab chags na 'jig rten gyi khams tsan+dan gyi bsung zhes bya ba yod de/ de na de bzhin gshegs pa phyag na spos mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'byor pas byin zhes bya ba btang ngo / /de'i yang 'dab chags na 'jig rten gyi khams yid bral zhes bya ba yod de/ de na de bzhin gshegs pa bde ba thams cad nye bar sgrub mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phan 'dod ces bya ba btang ngo / /de ni yang 'dab chags na 'jig rten gyi khams spos sna tshogs zhes bya ba yod de/ de na de bzhin gshegs pa dmigs pa thams cad ston ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab smon lam mtha' yas zhes bya ba btang ngo / /de'i yang 'dab chags na 'jig rten gyi khams sna tshogs zhes bya ba yod de/ de na de bzhin gshegs pa yongs bsgrags don yod ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab go cha mtha' yas zhes bya ba btang ngo / /de'i yang 'dab chags na 'jig
136a
@#/ /rten gyi khams dri ma med pa zhes bya ba yod de/ de na de bzhin gshegs pa shin tu rab gnas zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab gtsug na nor bu zhes bya ba btang ngo / /de'i yang 'dab chags 'jig rten gyi khams bde ba can zhes bya ba yod de/ de na de bzhin gshegs pa yon tan mtha' yas bkod pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa med pa'i snying stobs go cha zhes bya ba btang ngo / /de'i yang 'dab chags na 'jig rten gyi khams pad+ma'i gdugs gcig pa zhes bya ba yod de/ de na de bzhin gshegs pa bde ba bkod pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen tog ces bya ba btang ngo / /de'i yang 'dab chags na 'jig rten gyi khams dri ma med pa zhes bya ba yod de/ de na de bzhin gshegs pa nam mkha'i tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab nam mkha' rnam dag spyod pa zhes
136b
bya ba btang ngo / /de'i yang 'dab chags na 'jig rten gyi khams bzang byed ces bya ba yod de/ de na de bzhin gshegs pa bzang po mchog dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bzang po dbyangs zhes bya ba btang ngo / /de'i yang 'dab chags na 'jig rten gyi khams mar me byed ces bya ba yod de/ de na de bzhin gshegs pa khyu mchog mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyu mchog ces bya ba btang ngo / /de'i yang 'dab chags na 'jig rten gyi khams me tog dri zhim zhes bya ba yod de/ de na de bzhin gshegs pa spyan rnam dag ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig bzang zhes bya ba btang ngo / /de'i yang 'dab chags na 'jig rten gyi khams shin tu rab gnas zhes bya ba yod de/ de na de bzhin gshegs pa kha lo sgyur ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgya mtsho zhes bya ba btang ngo / /de'i yang 'dab chags na 'jig rten gyi khams tshogs mtha' yas zhes
137a
@#/ /bya ba yod de/ de na de bzhin gshegs pa lhun po mngon par 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshad med blo gros zhes bya ba btang ngo / /de'i yang 'dab chags na 'jig rten gyi khams dga' 'byung zhes bya ba yod de/ de na de bzhin gshegs pa phas ma pham pa'i rgyal mtshan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phas ma pham pa zhes bya ba btang ngo / /de'i yang 'dab chags na 'jig rten gyi khams rdul ces bya ba yod de/ de na de bzhin gshegs pa mngon rtogs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'jigs pa zhes bya ba btang ngo / /de'i yang 'dab chags na 'jig rten gyi khams spos 'das zhes bya ba yod de/ de na de bzhin gshegs pa lhun po mtha' yas mu med spos zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos mchog dpal zhes bya ba btang ngo / /de'i yang 'dab chags na 'jig rten gyi khams
137b
grong khyer zhes bya ba yod de/ de na de bzhin gshegs pa zla ba'i dkyil 'khor rnam dag rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sgron ma 'chang zhes bya ba btang ngo / /de'i yang 'dab chags na 'jig rten gyi khams mchog ces bya ba yod de/ de na de bzhin gshegs pa lhun po mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas zhes bya ba btang ngo / /de'i yang 'dab chags na 'jig rten gyi khams dga' ba zhes bya ba yod de/ de na de bzhin gshegs pa dga' ba 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtul bas byin ces bya ba btang ngo / /de'i yang 'dab chags na 'jig rten gyi khams 'od ces bya ba yod de/ de na de bzhin gshegs pa lhun po rnam dag ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen lhun po zhes bya ba btang ngo / /de'i yang 'dab chags na 'jig rten gyi khams mdzes
138a
@#/ /pa zhes bya ba yod de/ de na de bzhin gshegs pa mdzes pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mdzes pa chen po'i dpal zhes bya ba btang ngo / /de'i yang 'dab chags na 'jig rten gyi khams dri zhim zhes bya ba yod de/ de na de bzhin gshegs pa tshangs pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs pa'i nga ro zhes bya ba btang ngo / /de'i yang 'dab chags na 'jig rten gyi khams dbang po'i rgyal mtshan zhes bya ba yod de/ de na de bzhin gshegs pa thogs pa med pa'i spyan zhes bya bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbang pos byin zhes bya ba btang ngo / /de'i yang 'dab chags na 'jig rten gyi khams chos kyi rgyal mtshan zhes bya ba yod de/ de na de bzhin gshegs pa yon tan mtha' yas 'byung gnas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tsha byon tan byin zhes bya ba btang ngo / /de'i yang 'dab
138b
chags na 'jig rten gyi khams bsam gyis mi khyab pa'i dpal zhes bya ba yod de/ de na de bzhin gshegs pa gzi brjid dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes bsags zhes bya ba btang ngo / /de'i yang 'dab chags na 'jig rten gyi khams sna tshogs zhes bya ba yod de/ de na de bzhin gshegs pa legs par bsam pa'i smon lam yongs su grub pa zhes bya ba bzhugs te 'tsho zhing gzhes la chos kyang ston te/ /bcom ldan 'das des byang chub sems dpa' rgyal tshab smon lam mtha' yas zhes bya ba btang ngo / /de'i yang 'dab chags na 'jig rten gyi khams grong khyer brgyan pa'i rgyal po zhes bya ba yod de| de na de bzhin gshegs pa rnam par dag pa'i dkyil 'khor rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lhun po rnam dag ces bya ba btang ngo / /de'i yang 'dab chags na 'jig rten gyi khams ye shes 'od ces bya ba yod de/ de na de bzhin gshegs pa ye shes spos zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes 'byung ba'i dpal zhes bya
139a
@#/ /ba btang ngo / /de'i yang 'dab chags na 'jig rten gyi khams khang pa zhes bya ba yod de/ de na de bzhin gshegs pa khang pa sde zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes rnam par sems zhes bya ba btang ngo / /de'i yang 'dab chags na 'jig rten gyi khams ye shes spos zhes bya ba yod de/ de na de bzhin gshegs pa ye shes brtsegs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes 'byung gnas zhes bya ba btang ngo / /de'i yang 'dab chags na 'jig rten gyi khams phyogs kyi lhun po zhes bya ba yod de/ de na de bzhin gshegs pa mar me mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyogs su rnam par grags pa zhes bya ba btang ngo / /de'i yang 'dab chags na 'jig rten gyi khams yon tan rab gnas zhes bya ba yod de/ de na de bzhin gshegs pa bde bdag ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos kyi
139b
sgron ma zhes bya ba btang ngo / /de'i yang 'dab chags na 'jig rten gyi khams grags dga' zhes bya ba yod de/ de na de bzhin gshegs pa rdul bral mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi mjed kyi bdag po zhes bya ba btang ngo / /de'i yang 'dab chags na 'jig rten gyi khams pad+ma mngon par 'phags pa'i rgyal po zhes bya ba yod de/ de na de bzhin gshegs pa mngon par 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri ma med pa zhes bya ba btang ngo / /de'i yang 'dab chags na 'jig rten gyi khams yon tan mtha' yas 'byung zhes bya ba yod de/ de na de bzhin gshegs pa sems can gyi bsam pa yang dag par ston pa'i khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshal chos kyi sgron ma zhes bya ba btang ngo / /de'i yang 'dab chags na 'jig rten gyi khams dga' ba zhes bya ba yod de/ de na de bzhin gshegs pa rin chen mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
140a
@#/ /dpa' rgyal tshab dpa' ba zhes bya ba btang ngo / /de'i yang 'dab chags na 'jig rten gyi khams so sor bag yangs zhes bya ba yod de/ de na de bzhin gshegs pa thams cad rtser 'jug rtsom pa'i khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtag tu brtsams pa'i go cha zhes bya ba btang ngo / /de'i yang 'dab chags na 'jig rten gyi khams shin tu so sor yang dag gnas zhes bya ba yod de/ de na de bzhin gshegs pa thogs pa med pa'i 'od zer pad+ma sangs rgyas mngon par 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sa'i nga ro zhes bya ba btang ngo / /de'i yang 'dab chags na 'jig rten gyi khams chu klung gang+gA'i bye ma snyed 'das pa na 'jig rten gyi khams yon tan kun dang ldan pa zhes bya ba yod de/ de na de bzhin gshegs pa bdud thams cad la sangs rgyas kyi sku yang dag par ston pa'i khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sems dpa' chen po kun tu bltas pa'i byang
140b
chub tu nges pa'i dge ba'i rtsa ba'i snying stobs kyi go cha bgos zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' des snang ba chen po de mthong ste/ gsung bsal ba'i sgra de'ang thos so/ /thos nas kyang bcom ldan 'das la 'di skad ces gsol to/ /bcom ldan 'das 'od de dang / gsung bsal ba'i sgra 'di su'i lags/ de nas bcom ldan 'das des bka' stsal pa/ rigs kyi bu/ nub phyogs kyi phyogs char 'jig rten gyi khams grangs med pa stong dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod kyi chos kyi rnam grangs kyi chos kyang ston te/ mthu de lta bu 'di ni/ de'i yin no/ /de nas bcom ldan 'das de la byang chub sems dpa' kun tu bltas pa'i byang chub tu nges pa'i dge ba'i rtsa ba'i snying stobs kyi go cha bgos kyis 'di skad ces gsol to/ /bcom ldan 'das de bzhin gshegs pa shAkya thub pa de la blta ba dang / phyag bgyi pa dang / bsnyen bkur bgyi ba dang / chos mnyan pa'i slad du 'jig rten gyi khams mi mjed der bdag mche bar bgyi'o/ /bcom ldan 'das des bka' stsal pa/ rigs kyi bu/
141a
@#/ /de'i dus la da bab par shes na song zhig /de nas byang chub sems dpa' kun tu bltas pa'i byang chub tu nges pa'i dge ba'i rtsa ba'i snying stobs kyi go cha bgos kyis pad+ma brgyad blangs nas 'jig rten gyi khams mi mjed ga la ba dang / bcom ldan 'das ga la ba de logs su gtor to/ /de nas pad+ma de dag 'jig rten gyi khams thams cad 'das te/ 'jig rten gyi bar dag las 'das nas rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der so sor yang dag par 'khod do/ /bcom ldan 'das de bzhin gshegs pa shAkya thub pa'i 'khor bzhi po'i 'khor gyi dkyil 'khor gyis de dag mthong nas kyang ngo mtshar du 'dzin par gyur to/ /de nas bcom ldan 'das la pad+ma de dag gis lan gsum bskor ba byas nas spyan sngar 'khod do/ /de nas bcom ldan 'das kyis phyag g.yas pas pad+ma de dag la reg par mdzad nas reg pa tsam gyis pad+ma de dag las kyang byang chub sems dpa'i lus dag mngon par byung ngo / /byung nas kyang bcom ldan 'das la tshigs su bcad pa 'di dag gis mngon par bstod nas mi snang bar gyur to/ /bam po brgyad pa/ mtha' yas mkhyen mnga'
141b
gang zag khyu mchog gtso/ /rang byung mtha' yas chos rnams thugs su chud/ /khyod kyi rdzu 'phrul mtha' yas rgya chen gda'/ /'jig rten khams rnams kun tu snang bar mdzad// de dag sangs rgyas kyi ni mtshan thos nas/ /zhu ba'i khyad par kun tu zhu ba dang / /sangs rgyas blta dang phyag kyang bgyi slad du/ /mkhas pa de dag rdzu 'phrul stobs kyis mchis/ / byang chub go bgos dpa' bo gang mchis dag /mi mjed 'jig rten khams su rab gnas pa/ /de dag skye ba gcig gis thogs pa ste/ /de dag ming dang gzugs dang grags pas 'phags/ /de dag go cha'i dngos pos mi 'jigs shing / /sems can smin pa'i slad du yang dag zhugs/ /byang chub mchog la ji ltar reg gyur pa/ /'jig rten rnam 'dren mchog la de dag zhu/ /ci slad mngon du chos tshol bgyid ce na/ /bdud rnams gzhom dang byang chub 'thob slad du/ /de nas zhu ba zhu ba'i sprul pa rnams/ /gang yin de la shAkya thub pas gsungs/ /'dren pas yang dag tshig gis de bstan nas/ /mi mchog de yi tshig rnams thos gyur te/ /dga' zhing mgu la rjes su yi rang nas/ /bde gshegs phyag 'tshal de dag 'khod par gyur/ /sprul pa de dag der ni mi snang nas/ /gang dag de bzhin gshegs la zhu zhu ba/ /de dag gang nas mchi zhing ming ci zhes/ /de tshe 'khor
142a
@#/ /kyang spu rnams zing zhes byed/ /'khor rnams bzhi po de dag gus pa yis/ /rgyal ba la ni zhu bar mi spro ste/ /de tshe 'jig rten mgon po'i sprul pa sprul/ /de tshe dge slong kun dga' bzang po byung / /mgon po zhu ba 'di zhu de dag gang / /zhus nas kyang ni mi gda' ma mthong gyur/ /de dag su lags de dag su yi lags/ /mgon po bshad cing the tshom bsal du gsol/ /smon lam dpa' bo ldan pa'i go cha ltos/ /de yis byin gyis brlabs nas 'dir lhags te/ /shar phyogs kyi ni 'jig rten khams kyi tshul| |grangs med dag nas de dag lhags pa yin/ /dpa' bo 'jig rten phan phyir gang lhags pa/ /rnam par bltas nas dong bar gyur pa ste/ /bsam pa dag pa byang chub phyir spyod pa/ /de yi smon lam de ni de 'dra'o/ /de dag dge bas nges par sangs rgyas mthong / /de dag 'dir ni de la sgyid mi lug /tshul khrims kyis kyang dman par mi 'gyur te/ /thos pa mang zhing pha rol phyin pas 'phags/ /de dag thabs shes pa la shin tu bslab/ /mngal gyi gnas su 'gro bar mi 'gyur te/ /'khor ba'i tshe na tshe rabs tshe rabs su/ /de dag chos kyi sems rgyud brjed mi 'gyur/ /rtag tu sangs rgyas rnams dang mngon du phrad/ /rtag tu 'phags pa rnams dang 'grogs par
142b
'gyur| |dpa' bo de yis sems can 'dir mthong rnams/ /rtag tu de la rab tu 'byung ba 'thob/ /mthong ma thag tu dge bas de 'dra ste/ /gang dag gzhan ma brjod pa de dag mang / dpa' bo de yi yon tan gang yod pa/ /mang du bsgrags kyang mthar thug 'gyur ba med/ /dpa' bo shin tu gnas pa de yi ming / /de tshe bud med gang gis thos gyur pa/ /de ni phyin chad bud med dngos mi 'gyur/ /sems can dam pa'i mchog tu de 'gyur ro/ /skyes pa bud med gang gis ming thos shing / /thos nas de la'ang dga' ba skyed byed la/ / sangs rgyas zhing der smon lam 'debs byed pa/ /lus zhig nas ni der yang skye bar 'gyur/ /zhing yang dag par skye bar 'gyur ba yin/ /skyes pa bud med 'on te gzhan yang rung / /gang gis ming thos nam zhig dad byed pa/ /thams cad byang chub ched las nyams mi 'gyur/ /gang dag gcer bu'i sems can ma gtogs par/ /thos nas su zhig dga' ba skye mi 'gyur/ /sangs rgyas kyis kyang de ni yongs ma gsungs/ /'on kyang de dag dge dang ldan par 'gyur/ /gang dag bsam pas ming yang thos pa ni/ /ji ltar rtsi yis skyon rnams sel byed bzhin/ /sems can de dag gis ni der mthong ba/ /byang chub don du nges 'gyur the tshom med/ /gang zhig pa la sha yi 'dab thogs shing / /de
143a
@#/ /dang der ni rtsi dag byed gyur na/ /de tshe kun nas sman gyi stobs kyis su/ /sus kyang der ni me la tshig mi 'gyur/ /gang tshe sprul gdug gzi brjid drag po yis| |dug gang de dag mi gdug byed 'gyur te/ /sa yi steng nas kun tu ston byed na/ /de 'dra'i sman brkos pas ni ci zhig bya/ /sprul gdug dri ni gang dag snom byed pa/ / sprul de thams cad 'chi ba'i dus byed 'gyur/ /de ltar rtsi sman 'dra ba'i mi de ni/ /ming gis sangs rgyas mdzad pa byed par 'gyur/ /de tshe phyogs bcu dag tu bsgrags pa na| |dpa' bo de yi ming ni sus thos pa/ /de yi ming gis las ni 'di byed de/ /bud med gang zag la ni reg mi 'gyur/ /gang gis mthong dang bsti stang byed cing smos/ /de ni rgyal bas dge slong gang sprul pa/ /kun dga' bzang po zhes ni bya ba des/ /rgyal bas de skad bsgrags pa de 'dra ba/ /byang chub zhugs pa su mchis de la zhus/ /kun dga' bzang po go cha dpa' bo'i ming / /'jig rten khams 'dir yod ces ngas thos na/ /zhum pa med pa'i yid kyis brjod par bya/ /de ltar bde bar gshegs pas zab bstan pa| |rgyal ba'i byang chub yid ches dka' ba yi/ /sems can dge ba chung dang ldan pa lhags/ /da ltar nga yi tshe ni cung zad gnas/ /kun dga' 'di na sems can mchog
143b
yod de| |de ring kho nar 'khor du lhags par gyur/ /'jig rten mgon po gang dag 'dir lhags pa'i/ /go cha bsngags pa phyogs bcur bzlog mi nus/ /kun dga' bzang skyong rin chen 'byung gnas dang / /dkon mchog 'byung gnas dang ni ded dpon bzang / /yon tan sbas pa mkhas dang de bzhin du/ /dpa' bo bzang stobs gang yin de la ltos| |chu zhes bya ba dang ni chu lha dang / /bzang skyong de bzhin dge slong ci 'dra rnams/ /ji ltar skyob 'gyur dge slong de dag ltos/ /de dag rnams kyi go cha de bsam yas/ /don yod ces ni yongs su bsgrags gyur pa/ /de dag gis ni don yod go cha bgos/ /de dag mthong ba'ang don yod 'gyur yin na/ /de dag bsnyen bkur byed pa smos ci dgos/ / kun dga' gang su dag gis de dag mthong / /gang dag su yis ming yang thos gyur pa/ /de dag nam yang byang chub dogs pa med/ /de dag nam du'ang log par ltung mi 'gyur/ de dag thams cad brtson pas tshogs pa yin/ /de dag thams cad shes pas tshogs par gyur/ /rtag tu tshul khrims phung pos de rtag gnas/ /thams cad theg pa mchog la de ltar 'dud/ /kun dga' sangs rgyas zhing 'dir phyogs bcu yi/ /'jig rten da ltar gang dag su gnas pa/ /dpa' bo de yi go cha 'dod gyur pa/ /de la rgyal ba kun gyis
144a
@#/ /bsngags pa brjod/ /gang gis bsngags brjod rgyal ba de dag kyang / /byang chub sems dpas de tshe der shes te/ /shAkya khyu mchog 'jig rten mgon po dang / /byang chub zhugs pa'i dpa' bo dag blta 'o/ /de thos nas kyang gsol ba btab gyur pa/ /mgon po mi mjed 'jig rten khams su mchi/ /rgyal ba rnams kyi sku la bskor byas nas/ /byang chub sems dpa' de dag thams cad lhags/ /dge slong de dag gi yang ming thos nas/ /de tshe byang chub mchog tu 'dun pa bskyed/ /gang dag ming dang 'dun pas byang chub zhugs/ /de dag rgyal bas byang chub der lung bstan/ /bskal ba grangs med dag tu las byas shing / /mi dge bsgrubs pa gang dag su yod pa/ / de phyir snyigs ma'i dus na de dag ni/ /nga dang lhan cig sangs rgyas zhing du lhags/ /nga yis byang chub mchog 'di thob gyur kyang / /de tshe sems can blta bar spro ba med/ / gang dag phyi dus dge slong rnams 'byung ba/ /rtsub dang gtum dang shin tu rtsub pa yin/ /de tshe kun tu 'jigs pa thos nas su/ /yang dang yang du brtson 'grus stobs bskyed cing / /mu ge'i dus su zan rjen sbyin pa byin/ /de dag rnams kyi sbyin pa rtsub pa yin/ /de dag 'di la gus pa che byas nas/ /phyi dus 'jigs pa chen po de yi
144b
tshe| |srog kyang btang nas don ni bya snyam ste/ /nga yi chos mchog spel zhing 'dzin par byed/ /dus de na ni mi dge'i las rnams kyi/ /smon lam gnas kyang 'jig rten dag na yod/ / 'di na las de dag ni byas pa na/ /de yi tshe na brnyas pa'i tshul du 'gyur/ /de dag der ni 'di 'dra'i chos thos nas/ /de tshe der ni chos min 'du shes 'gyur/ /chos 'di rgyal bas gsungs pa ma yin zhes/ /'jig rten phyin ci log la kun dga' ltos/ /de tshe dge slong slob pas 'du byed la/ /rtag pa cung zad med ces skyo thob pas/ /de tshe mgo la me 'bar bzhin du rtogs/ /'chi med thob par bya phyir ma lus brtsal/ /bstan 'di rab tu rnam par 'jig thos nas/ /der ni lha yang sdug bsngal dag tu gyur/ /de tshe 'jigs pa mthong na mi rung zhes/ /de lta'i dus su shi yang bla snyam sems/ /bag tsha med pa'i sgrog pa sgrog pa yi/ /drang srong che de de ring bdag cag mthong / /'dren pa mchog gi zhal du lha byed cing / /kye ma rgyal bas bshad ces yi rang ngo / /dge slong bsam gtan byed pa dag kyang mthong / /dbang thob rdzu 'phrul stobs kyis mkhas gyur pa/ /'di na ting 'dzin shes rab pha rol phyin/ /de dag phyi ma'i dus su ji ltar mthong / /sdig pa'i dge slong stobs dang ldan 'gyur zhing / /de'i tshe tshul ldan shin tu tshar bcad 'gyur/ /gnas
145a
@#/ /khang gnas pa tshegs kyis 'thob 'gyur zhing / /de tshe lha yid shin tu mi dga' 'gyur/ /kye ma kye ma bstan pa rab tu 'jig /gang gi don du de tshe dka' spyod pa| |de dag dge slong sdig pas tshar bcad 'gyur/ /bstan pa 'jig par 'gyur ba 'di la ltos/ /'dir ni phan tshun kun tu dga' bar 'gyur/ /nges pa rnams la de dag bsngags min brjod/ /sangs rgyas la ni 'khrug long byed pa dag /de dag khyim na gnas par 'dzin par 'gyur/ /dge bsnyen ma dang 'dre bar byed 'gyur zhing / /de na de dag lag pa gcig tu byed/ /rgyal ba'i bstan la ma gus gyur nas su/ /byang chub mchog kyang spong bar byed par 'gyur/ /dkon mchog gsum la mchog tu 'tshe 'gyur te/ /de dag rtag tu nges pa rnams kyis spongs/ /khyu mchog rwa chag ma gyur ma rungs pa/ /de bzhin tshul khrims ldan pas rnam par spongs/ /de tshe tshul khrims ldan pa dpyas 'gyur zhing / /de tshe dge slong sdig pas brnyes tshul 'gyur/ /'jigs chen phyin ci log gi dus su ni/ /skyo ba thob byos bag kyang yod par gyis/ /bde bar gshegs pa'i bstan la brtson 'grus skyed/ /de tshe 'jigs pa chen po 'byung bar 'gyur/ /sdig pa'i dge slong rnams dang phrad ma byed/ /de yi tshe na sdug bsngal
145b
gnas par 'gyur/ /de nas byang chub sems dpa' kun tu bltas pa'i byang chub tu nges pa'i dge ba'i rtsa ba'i snying stobs kyi go cha bgos 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ brkyang ba skum par byed pa'i skad cig des de nas mi snang bar gyur nas 'jig rten gyi khams mi mjed 'dir 'ongs te/ de bcom ldan 'das de bzhin gshegs pa shAkya thub pa ga la ba der song ste phyin nas/ bcom ldan 'das kyi zhabs la mgo bos phyag btsal te bcom ldan 'das la 'di skad ces gsol to/ /bcom ldan 'das/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa bdud thams cad la sku kun tu ston pa'i khyu mchog snyun gsol lags so/ /bcom ldan 'das kyis bka' stsal pa/ rigs kyi bu/ ci bcom ldan 'das de snyun mi mnga'am/ stobs dang ldan nam/ 'gyur ba mi mnga'am/ gsol pa/ bcom ldan 'das/ de lta lags so/ /'jig rten gyi khams de'i yang 'dab chags na 'jig rten gyi khams mtshan ldan zhes bya ba yod de/ de na de bzhin gshegs pa mtshan med nga ro zhes bya ba bzhugs te 'tsho zhing gzhes la chos kyang
146a
@#/ /ston te/ bcom ldan 'das des byang chub sems dpa' rgyal tshab tshangs dbyangs nga ro zhes bya ba btang ngo / /de'i yang 'dab chags na 'jig rten gyi khams 'dzin med ces bya ba yod de/ de na de bzhin gshegs pa mtshan ma med pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mtshan nyid gcig pas mchod ces bya ba btang ngo / /de'i yang 'dab chags na 'jig rten gyi khams mtshan nyid med pa'i phyag rgya zhes bya ba yod de| de na de bzhin gshegs pa pad+ma'i mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad+ma rab tu gtor ba'i char pa zhes bya ba btang ngo / /de'i yang 'dab chags na 'jig rten gyi khams zla ba'i rgyal mtshan zhes bya ba yod de/ de na de bzhin gshegs pa rin chen 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sna tshogs brtsegs zhes bya ba btang ngo / /de'i yang 'dab chags na 'jig rten gyi khams 'jam pa zhes bya ba yod de/ de na de bzhin gshegs pa rdul med blo gros zhes bya ba bzhugs te
146b
'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mu khyud 'dzin ces bya ba btang ngo / /de'i yang 'dab chags na 'jig rten gyi khams me tog ces bya ba yod de/ de na de bzhin gshegs pa ye shes me tog 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshabs 'dzin rab gnas zhes bya ba btang ngo / /de'i yang 'dab chags na 'jig rten gyi khams nam mkha' rnam par dag pa ces bya ba yod de/ de na de bzhin gshegs pa gzi brjid mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen gdugs zhes bya ba btang ngo / /de'i yang 'dab chags na 'jig rten gyi khams mtshan ma med pa zhes bya ba yod de/ de na de bzhin gshegs pa rab tu zhi ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ut+pa la zhes bya ba btang ngo / /de'i yang 'dab chags na 'jig rten gyi khams bde ba'i snying po zhes bya ba yod de/ de na de bzhin gshegs pa rdul med khyu mchog ces bya ba bzhugs te 'tsho zhing gzhes la chos
147a
@#/ /kyang ston te/ bcom ldan 'das des byang chub sems dpa' rgyal tshab sems pa med ces bya ba btang ngo / /de'i yang 'dab chags na 'jig rten gyi khams rdo rje'i snying po zhes bya ba yod de/ de na de bzhin gshegs pa 'gro ba thams cad so sor bag yangs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab zab mo 'gyur byed ces bya ba btang ngo / /de'i yang 'dab chags na 'jig rten gyi khams yon tan 'byung gnas zhes bya ba yod de/ de na de bzhin gshegs pa yon tan bsam gyis mi khyab pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'gro ba 'dzin ces bya ba btang ngo / /de'i yang 'dab chags na 'jig rten gyi khams bde ldan zhes bya ba yod de/ de na de bzhin gshegs pa dga' ba 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par rgyal pa'i sde zhes bya ba btang ngo / /de'i yang 'dab chags na 'jig rten gyi khams gnod med ces bya ba yod de/ de na de bzhin gshegs pa mi 'jigs
147b
par gshegs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpa' bo zhes bya ba btang ngo / /de'i yang 'dab chags na 'jig rten gyi khams ut+pa la dmar pos khebs pa zhes bya ba yod de/ de na de bzhin gshegs pa spos kyis rgyags mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos mchog lhun po zhes bya ba btang ngo / /de'i yang 'dab chags na 'jig rten gyi khams kha lo sgyur ba zhes bya ba yod de/ de na de bzhin gshegs pa kun nas gzigs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtul ba mtha' yas zhes bya ba btang ngo / /de'i yang 'dab chags na 'jig rten gyi khams tshogs chen zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par gnon ces bya ba btang ngo / /de'i yang 'dab chags na 'jig rten gyi khams 'jigs shing 'jigs su rung bas mi 'jigs pa zhes bya ba yod de/ de na de bzhin gshegs pa mi 'jigs pa brnyes pa zhes bya ba
148a
@#/ /bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyogs su rab grags zhes bya ba btang ngo / /de'i yang 'dab chags na 'jig rten gyi khams zla ba zhes bya ba yod de/ de na de bzhin gshegs pa zla ba sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mngon du 'gro zhes bya ba btang ngo / /de'i yang 'dab chags na 'jig rten gyi khams rab snang zhes bya ba yod de/ de na de bzhin gshegs pa me sgron zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me 'dzin ces bya ba btang ngo / /de'i yang 'dab chags na 'jig rten gyi khams 'od ces bya ba yod de/ de na de bzhin gshegs pa rab tu 'bar zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par bsgrags pa'i rgyal po zhes bya ba btang ngo / /de'i yang 'dab chags na 'jig rten gyi khams rab 'dren ces bya ba yod de/ de na de bzhin gshegs pa shin tu gyen du gshegs zhes bya ba bzhugs te 'tsho zhing gzhes la
148b
chos kyang ston te/ bcom ldan 'das des byang chub sems dpa' rgyal tshab shes rab mchog ces bya ba btang ngo / /de'i yang 'dab chags na 'jig rten gyi khams spos can zhes bya ba yod de/ de na de bzhin gshegs pa mchog gi nor bu zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rab kyi blo gros zhes bya ba btang ngo / /de'i yang 'dab chags na 'jig rten gyi khams rdo rje 'byung zhes bya ba yod de/ de na de bzhin gshegs pa rdo rje rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan 'byung gnas zhes bya ba btang ngo / /de'i yang 'dab chags na 'jig rten gyi khams nga ro can zhes bya ba yod de/ de na de bzhin gshegs pa ye shes dbang phyug rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sred med kyi bu zhes bya ba btang ngo / /de'i yang 'dab chags na 'jig rten gyi khams dga' 'byung zhes bya ba yod de/ de na de bzhin gshegs pa ye shes kyi stobs gyis rnam par bsgrags zhes bya ba bzhugs te 'tsho zhing gzhes la chos kyang ston te/ bcom ldan 'das des
149a
@#/ /byang chub sems dpa' rgyal tshab smon lam rnam par bsgrags zhes bya ba btang ngo / /de'i yang 'dab chags na 'jig rten gyi khams bde 'byung zhes bya ba yod de/ de na de bzhin gshegs pa bde mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab skar rgyal zhes bya ba btang ngo / /de'i yang 'dab chags na 'jig rten gyi khams skya rengs zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ded dpon zhes bya ba btang ngo / /de'i yang 'dab chags na 'jig rten gyi khams tog bzang po zhes bya ba yod de/ de na de bzhin gshegs pa dpal bzang po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par rgyal ba'i sde zhes bya ba btang ngo / /de'i yang 'dab chags na 'jig rten gyi khams tshangs pa'i dpal zhes bya ba yod de/ de na de bzhin gshegs pa tshangs dbyangs nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub
149b
sems dpa' rgyal tshab rin chen dpal zhes bya ba btang ngo / /de'i yang 'dab chags na 'jig rten gyi khams me tog can zhes bya ba yod de/ de na de bzhin gshegs pa rin chen me tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen dbang phyug ces bya ba btang ngo / /de'i yang 'dab chags na 'jig rten gyi khams pad+ma'i dpal zhes bya ba yod de/ de na de bzhin gshegs pa pad+ma 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad+ma dpal gyi snying po zhes bya ba btang ngo / /de'i yang 'dab chags na 'jig rten gyi khams 'byung ba'i dpal zhes bya ba yod de/ de na de bzhin gshegs pa me tog sna tshogs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes brtson 'grus zhes bya ba btang ngo / /de'i yang 'dab chags na 'jig rten gyi khams bde ba zhes bya ba yod de/ de na de bzhin gshegs pa bde ba'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bde byed ces bya ba btang
150a
@#/ /ngo / /de'i yang 'dab chags na 'jig rten gyi khams shi 'phos med ces bya ba yod de/ de na de bzhin gshegs pa pad+ma mngon 'phags dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog bzang zhes bya ba btang ngo / /de'i yang 'dab chags na 'jig rten gyi khams rab tu g.yo ba zhes bya ba yod de/ de na de bzhin gshegs pa rtag tu dpung mgo mtho ba zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab rtag tu spro ba zhes bya ba btang ngo / /de'i yang 'dab chags na 'jig rten gyi khams rtag tu kun tu 'khrugs zhes bya ba yod de/ de na de bzhin gshegs pa rtsi'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab snying rje chen po'i go cha zhes bya ba btang ngo / /de'i yang 'dab chags na 'jig rten gyi khams brtan pa zhes bya ba yod de/ de na de bzhin gshegs pa dmigs pa mtha' yas pas gnas pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab
150b
shin tu rab gnas zhes bya ba btang ngo / /de'i yang 'dab chags na 'jig rten gyi khams kun nas skabs kyi mtshan nyid ces bya ba yod de/ de na de bzhin gshegs pa khyu mchog mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshogs chen zhes bya ba btang ngo // de'i yang 'dab chags na 'jig rten gyi khams bai DUR+Ya'i 'od ces bya ba yod de/ de na de bzhin gshegs pa 'od zer mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sems tshad med pa'i go cha zhes bya ba btang ngo / /de'i yang 'dab chags na 'jig rten gyi khams gser 'od ces bya ba yod de/ de na de bzhin gshegs pa spyan mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig che zhes bya ba btang ngo / /de'i yang 'dab chags na 'jig rten gyi khams ma smad pa zhes bya ba yod de/ de na de bzhin gshegs pa dmigs pa kun gyi khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dga' bo zhes bya
151a
@#/ /ba btang ngo / /de'i yang 'dab chags na 'jig rten gyi khams gdugs kyis khebs pa zhes bya ba yod de/ de na de bzhin gshegs pa tshogs mchog mtha' yas khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyan ras gzigs nges pa'i go cha zhes bya ba btang ngo / /de'i yang 'dab chags na 'jig rten gyi khams rgyu skar gyi phreng ba can zhes bya ba yod de/ de na de bzhin gshegs pa rgyu skar gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad+ma'i dpal zhes bya ba btang ngo / /de'i yang 'dab chags na 'jig rten gyi khams rin chen dra bas khebs zhes bya ba yod de/ de na de bzhin gshegs pa rgyu skar rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad+ma'i dpal zhes bya ba btang ngo / /de'i yang 'dab chags na 'jig rten gyi khams me tog ces bya ba yod de/ de na de bzhin gshegs pa spos mchog dpal zhes bya ba bzhugs te 'tsho zhing gzhes la chos kyang ston te/ bcom ldan 'das
151b
des byang chub sems dpa' rgyal tshab lag na pad+ma zhes bya ba btang ngo / /de'i yang 'dab chags na 'jig rten gyi khams gser can zhes bya ba yod de/ de na de bzhin gshegs pa nam mkha'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig rnam par dag ces bya ba btang ngo / /de'i yang 'dab chags na 'jig rten gyi khams rnam par dag ces bya ba yod de/ de na de bzhin gshegs pa mngon par 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig ces bya ba btang ngo / /de'i yang 'dab chags na 'jig rten gyi khams mya ngan med ces bya ba yod de/ de na de bzhin gshegs pa gsung mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od byed ces bya ba btang ngo / /de'i yang 'dab chags na 'jig rten gyi khams rgyu skar zhes bya ba yod de/ de na de bzhin gshegs pa lhun po mngon du 'phags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas zhes bya ba btang ngo / /
152a
@#/ /de'i yang 'dab chags na 'jig rten gyi khams rgyal mtshan sna tshogs zhes bya ba yod de/ de na de bzhin gshegs pa thogs pa med pa'i spyan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sna tshogs sde zhes bya ba btang ngo / /de'i yang 'dab chags na 'jig rten gyi khams sbos kyi ngad la dang zhes bya ba yod de/ de na de bzhin gshegs pa rgya mtsho zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgya mtsho'i phyag rgya zhes bya ba btang ngo / /de'i yang 'dab chags na 'jig rten gyi khams spos can zhes bya ba yod de/ de na de bzhin gshegs pa skar mda' 'dzin ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yid gnyis rnam par 'joms zhes bya ba btang ngo / /de'i yang 'dab chags na 'jig rten gyi khams tsan+dan spos zhes bya ba yod de/ de na de bzhin gshegs pa mtshan nyid gnyis pa'i tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab grags pa'i sde zhes bya ba btang
152b
ngo / /de'i yang 'dab chags na 'jig rten gyi khams dga' ba bzang po zhes bya ba yod de/ de na de bzhin gshegs pa zla ba dri ma med pa'i gzi brjid rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dgra rab tu 'joms pa zhes bya ba btang ngo / /de'i yang 'dab chags na 'jig rten gyi khams dga' 'byung zhes bya ba yod de/ de na de bzhin gshegs pa ye shes dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don gyi blo gros zhes bya ba btang ngo / /de'i yang 'dab chags na 'jig rten gyi khams rnam par bsgrags zhes bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpa' bo zhes bya ba btang ngo / /de'i yang 'dab chags na 'jig rten gyi khams yon tan can zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don gyi blo gros zhes bya ba btang ngo / /de'i yang 'dab chags na 'jig
153a
@#/ /rten gyi khams shin tu rnam par bsgoms zhes bya ba yod de/ de na de bzhin gshegs pa rin chen me zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab dpas byin zhes bya ba btang ngo / /de'i yang 'dab chags na 'jig rten gyi khams yid gnyis mnan ces bya ba yod de/ de na de bzhin gshegs pa yid gnyis thams cad yang dag par 'joms 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'jigs pa zhes bya ba btang ngo / /de'i yang 'dab chags na 'jig rten gyi khams yon tan can zhes bya ba yod de/ de na de bzhin gshegs pa rim pa'i sras zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sgron ma 'dzin ces bya ba btang ngo / /de'i yang 'dab chags na 'jig rten gyi khams bzang ldan zhes bya ba yod de/ de na de bzhin gshegs pa tog gi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bshes gnyen zhes bya ba btang ngo / /de'i yang 'dab
153b
chags na 'jig rten gyi khams spos mchog ces bya ba yod de/ de na de bzhin gshegs pa pad+ma'i dpal 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes rab mchog ces bya ba btang ngo / /de'i yang 'dab chags na 'jig rten gyi khams tog bzang po zhes bya ba yod de| de na de bzhin gshegs pa 'od zer rab btang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thams cad bshes gnyen zhes bya ba btang ngo / /de'i yang 'dab chags na 'jig rten gyi khams sprin chen zhes bya ba yod de/ de na de bzhin gshegs pa byams pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab skar rgyal zhes bya ba btang ngo / /de'i yang 'dab chags na 'jig rten gyi khams snang ba can zhes bya ba yod de/ de na de bzhin gshegs pa pad+ma snang ba'i 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos 'phags zhes bya ba btang ngo / /de'i yang 'dab chags na 'jig rten gyi khams nyan pa zhes bya ba yod de/
154a
@#/ /de na de bzhin gshegs pa spyod pa khyad par can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mngon du 'phags zhes bya ba btang ngo / /de'i yang 'dab chags na 'jig rten gyi khams dbang po'i gnas zhes bya ba yod de/ de na de bzhin gshegs pa mtha' yas rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bshes gnyen grags ldan zhes bya ba btang ngo / /de'i yang 'dab chags na 'jig rten gyi khams pad+ma zhes bya ba yod de/ de na de bzhin gshegs pa rgya mtsho'i lhun po mngon du 'phags zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dkon mchog 'byung gnas zhes bya ba btang ngo / /de'i yang 'dab chags na 'jig rten gyi khams dga' ba zhes bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab dbang po zhes bya ba btang ngo / /de'i yang 'dab chags na 'jig rten gyi khams rtag tu brgyan ces bya
154b
bya ba yod de/ de na de bzhin gshegs pa mthong ba don yod ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpa' ba'i dpal zhes bya ba btang ngo / /de'i yang 'dab chags na 'jig rten gyi khams rnam par bsgrags zhes bya ba yod de/ de na de bzhin gshegs pa thogs med dbyangs kyi nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas zhes bya ba btang ngo // de'i 'dab chags na 'jig rten gyi khams rtag tu rab brjod ces bya ba yod de/ de na de bzhin gshegs pa yon tan dpag tu med pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sgrog byed ces bya ba btang ngo / /de'i yang 'dab chags na 'jig rten gyi khams zas kyi rgyal mtshan zhes bya ba yod de/ de na de bzhin gshegs pa tha dad pa med pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa med pa'i go cha zhes bya ba btang ngo / /de'i yang 'dab chags na 'jig rten gyi khams tsan+dan dri bsung zhes bya ba yod de/
155a
@#/ /de na de bzhin gshegs pa 'od der mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri ma med pa'i dpal zhes bya ba btang ngo / /de'i yang 'dab chags na 'jig rten gyi khams 'dren pa'i rgyal mtshan zhes bya ba yod de/ de na de bzhin gshegs pa spyan bzang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na rin chen zhes bya ba btang ngo / /byang chub sems dpa' de la sogs pa skye ba gcig gis thogs pa grangs med dpag tu med pa dag rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der dong ste lhags nas bcom ldan 'das kyi zhabs la phyag btsal te/ bcom ldan 'das 'ba' zhig la phyag 'tshal zhing phyogs gcig tu 'khod do/ /de'i tshe lho phyogs su 'jig rten gyi khams grangs med dpag tu med pa dag 'das pa na de bzhin gshegs pa rin po che'i mdzod gcig pa zhes bya ba bzhugs te 'tsho zhing gzhes la chos kyang ston te/ bcom ldan 'das des ba'i 'og tu 'di bla na med pa yang dag par rdzogs pa'i byang chub tu mngon par
155b
rdzogs par 'tshang rgya bar 'gyur ro zhes byang chub sems dpa' rgyu skar gyi phreng ba zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' sems dpa' chen po rgyu skar gyi phreng bas snang ba chen po de mthong ste/ gsung gsal ba'i sgra de'ang thos nas bcom ldan 'das de la zhus pa/ bcom ldan 'das/ gsung bsal ba'i sgra grags pa de su'i lags/ bcom ldan 'das des bka' stsal pa/ rgyu skar gyi phreng ba/ 'di nas byang phyogs su 'jig rten gyi khams grangs med dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod kyi chos kyi rnam grangs kyi chos kyang ston to/ /'khor der yang chos mnyam pa'i phyir byang chub sems dpa' sems dpa' chen po bsam gyis mi khyab pa'i go cha bgos pa dag 'dus te/ rgyu skar gyi phreng ba/ 'jig rten gyi khams gzhan na ni/ sems can rnams byang chub sems dpa' de dag ji lta bu'i go cha dag gis go cha bgos pa'i go cha de lta bu dag gis stongs so/ /de nas bcom ldan 'das de la byang chub sems dpa' sems dpa' chen po rgyu skar gyi phreng bas 'di skad ces gsol
156a
@#/ /to| |bcom ldan 'das/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po bsam gyis mi khyab pa'i go cha bgos pa de dag blta ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu/ de'i dus la da bab par shes na song zhig /nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol la/ rigs kyi bu/ khyod sangs rgyas kyi zhing der yang shes bzhin du spyod par gnas par byos shig /de ci'i phyir zhe na/ sangs rgyas kyi zhing de na byang chub sems dpa' de dag ni/ bsnyen par dka' ba'i phyir ro/ /de nas byang chub sems dpa' rgyu skar gyi phreng bas bcom ldan 'das de'i zhabs la phyag 'tshal te bskor ba'ang byas nas song ste/ de 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ lag pa brkyang ba skum par byed pa'i skad cig des 'jig rten gyi khams de nas mi snang bar gyur nas 'jig
156b
rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan+ta ka gnas pa ga la ba der song ste phyin nas/ bcom ldan 'das kyi zhabs la phyag btsal te/ bcom ldan 'das la 'di skad ces gsol to/ /bcom ldan 'das/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa rin po che'i mdzod gcig pa snyun gsol lags so/ /de nas bcom ldan 'das kyis byang chub sems dpa' rgyu skar gyi phreng ba la 'di skad ces bka' stsal to/ /rigs kyi bu/ ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga'am/ gsol pa/ bcom ldan 'das/ de lta lags so/ /byang chub sems dpa' sems dpa' chen po de la sogs pa skye ba gcig gis thogs pa grangs med dpag tu med pa dag lho phyogs nas sangs rgyas kyi zhing tha dad pa dag tu bcom ldan 'das ga la ba der dong ste phyin nas/ bcom ldan 'das kyi zhabs la phyag btsal te phyogs gcig tu 'khod do/ /de'i tshe nub phyogs nas byang chub sems dpa' sems dpa' chen po skye ba gcig gis thogs pa grangs med dpag tu med pa dag bcom ldan 'das ga la ba dar
157a
@#/ /dong ste lhags nas/ bcom ldan 'das kyi zhabs la phyag btsal te phyogs gcig tu 'khod do/ /bcom ldan 'das de bzhin gshegs pa ba rdul med rdul bral rnam grol 'das pa dang / ma 'ongs pa dang / da ltar byung ba la ma chags pa'i go cha'i sangs rgyas kyi zhing nas de dag gi dang po byang chub sems dpa' khyu mchog mtha' yas sangs rgyas kyi me tog kun tu ston pa'i go cha zhes bya ba byang chub sems dpa' sems dpa' chen po grangs med dpag tu med pa rnams dang lhan cig tu 'jig rten gyi khams mi mjed ga la ba dang / bcom ldan 'das de bzhin gshegs pa shAkya thub pa ga la ba der song ste/ bcom ldan 'das kyi zhabs la phyag btsal nas/ gnod pa chung ngam/ nyam nga ba nyung ngam zhes snyun gsol te phyogs gcig tu 'dug go /de nas bcom ldan 'das kyis byang chub sems dpa' de la 'di skad ces bka' stsal to/ /rigs kyi bu/ khyod kyis don gyi dbang ci mthong nas 'jig rten gyi khams mi mjed 'dir 'ongs/ gsol pa/ bcom ldan 'das/ de bzhin gshegs pa'i byin gyi rlabs kyis 'jig rten gyi khams 'dir mchis lags mod kyi/ 'on kyang bcom ldan 'das/ bdag ni/ 'jig rten gyi khams de nyid na
157b
mchis kyang 'jig rten gyi khams thams cad mthong zhing de bzhin gshegs pa thams cad dang / byang chub sems dpa' thams cad kyang mthong lags te/ byang chub sems dpa' rnams ni/ 'di snyam du bdag cag 'jig rten gyi khams gzhan du 'dong bar bya'o/ /de bzhin gshegs pa gzhan yang blta bar bya'o/ /snyam du mi sems lags so/ /de ci'i slad du zhe na/ byang chub sems dpa' de dag ni/ 'jig rten gyi khams de dag nyid na mchis kyang de bzhin gshegs pa thams cad mthong lags te/ bcom ldan 'das/ de'i slad du de bzhin gshegs pa'i thugs bskyed pa tsam gyis de bzhin gshegs pa'i mthus bdag 'jig rten gyi khams 'dir mchis lags so/ /byang chub sems dpa' gzhan gang dag mchi ba de dag kyang / de bzhin gshegs pa'i sngon gyi smon lam gyi dbang gis de bzhin gshegs pa'i mthus mchis lags so/ /de'i tshe nub phyogs nas de bzhin gshegs pa bdud rtsi'i me tog gi sangs rgyas kyi zhing dang / de bzhin du de bzhin gshegs pa bdud rtsi'i 'od dang / bkod pa dpag med dang / 'od zer dpag med dang / 'od dpag med dang / khyu mchog dpag med dang / rnam par gnon pa dpag med dang / rgyu skar gcig pa dang / rgyu skar gyi phreng ba dang / rin chen gdugs dang / rgyu skar
158a
@#/ /rgyal po dang / 'od kyi dkyil 'khor can dang / 'od kyi rgyal po dang / 'od zer mngon par 'phags pa'i dpal dang / 'od zer mtha' yas dang / khyu mchog dang / khyu mchog mtha' yas rnam par gnon dang / thogs pa med pa'i dbyangs dang / sprin chen 'od zer dang / dra ba can gyi 'od zer dang / sangs rgyas me tog 'od zer dang / pad+ma'i khyu mchog me tog dang / ri'i rgyal po dang / zla ba'i yon tan bdag po dang / 'od zer rab tu btang ba dang / dpung mgo shin tu zlum pa dang / mthong ba don yod dang / rtsa mo mngon par 'phags pa'i rgyal po dang / pad+ma'i rtse mo mngon par 'phags pa'i rgyal po dang / de bzhin gshegs pa de dag la sogs pa'i sangs rgyas kyi zhing dag nas byang chub sems dpa' skye ba gcig gis thogs pa grangs med dpag tu med pa dag 'jig rten gyi khams mi mjed 'dir lhags te/ lhags nas kyang rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der dong ste bcom ldan 'das kyi zhabs la mgo bos phyag btsal nas phyogs gcig tu 'khod do/ /de'i tshe byang phyogs su 'jig rten gyi khams grangs med dpag tu med pa dag 'das pa na 'jig rten gyi khams rgyu skar gyi phreng ba zhes bya
158b
ba yod de/ de na de bzhin gshegs pa don yod ming sgrog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sems bskyed ma thag tu phyir mi ldog pa'i 'khor lo bskor bar nges pa'i go cha zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' des snang ba chen po de mthong zhing gsung bsal ba'i sgra de'ang thos nas bcom ldan 'das de bzhin gshegs pa don yod ming sgrog de la des 'di skad ces gsol to/ /bcom ldan 'das/ 'od kun tu gda' ba dang / gsung bsal ba'i sgra grags pa de de bzhin gshegs pa gang gi lags/ de skad ces gsol pa dang / bcom ldan 'das des byang chub sems dpa' sems dpa' chen po sems bskyed ma thag tu phyir mi ldog pa'i 'khor lo bskor bar nges pa'i go cha la 'di skad ces bka' stsal to/ /rigs kyi bu/ sangs rgyas kyi zhing 'di nas lho phyogs su 'jig rten gyi khams grangs med dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs ba shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i ste snod ces bya ba'i chos kyi rnam grangs kyi chos kyang ston te/ snang ba de dang / gsung
159a
@#/ /bsal ba'i sgra grags pa de ni/ de'i yin no/ /sangs rgyas kyi zhing der ni/ byang chub sems dpa' bsam gyis mi khyab pa'i go cha ba gos pa dag skyes te/ de dag gi ming brjod pa tsam gyis phyogs bcu'i byang chub sems dpa' rnams bla na med pa yang dag par rdzogs pa'i byang chub tu nges par 'gyur ro/ /de skad ces bka' stsal pa dang / de bzhin gshegs pa don yod ming sgrog la byang chub sems dpa' sems bskyed ma thag tu phyir mi ldog pa'i 'khor lo bskor bar nges pa'i go chas 'di skad ces gsol to/ /bcom ldan 'das/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa sangs rgyas kyi zhing 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu/ de'i dus la da bab par shes na song zhig/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun yang gsol cig/ de nas byang chub sems dpa' de bcom ldan 'das de'i zhabs la phyag btsal te bskor ba'ang byas nas song ste/ de 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed
159b
pa'am| brkyang ba skum par byed pa'i skad cig dang / thang gcig dang / yud tsam des 'jig rten gyi khams de nas mi snang bar gyur nas 'jig rten gyi khams mi mjed 'dir 'dug ste/ de bcom ldan 'das de bzhin gshegs pa shAkya thub pa ga la ba der song ste phyin nas bcom ldan 'das de'i zhabs la phyag btsal te phyogs gcig tu 'dug go/ phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la gnod pa chung ngam/ nyam nga ba nyung ngam| bskyod pa yang ngam/ stobs dang bde bar reg pa la gnas sam zhes de bzhin gshegs pa don yod ming sgrog snyun gsol lags so/ /bcom ldan 'das kyis bka' stsal pa/ rigs kyi bu/ ci bcom ldan 'das de snyun mi mnga'am/ stobs dang ldan nam/ bde ba dang ldan nam/ 'gyur ba mi mnga'am/ gsol pa/ bcom ldan 'das| de lta lags so/ /de'i tshe byang phyogs nas bcom ldan 'das de bzhin gshegs pa don yod ming sgrog la sogs te bcom ldan 'das don yod rnam par gnon gyi sangs rgyas kyi zhing dang / de bzhin du don yod khyu mchog dang / don yod 'od zar dang / brtson 'grus mtha' yas dang / sA la'i dbang po'i rgyal po dang / brtson
160a
@#/ /pa mtha' yas dang / sA la rin po che dang / gdugs gcig pa dang / rgyu skar bkod pa dang / dkon mchog 'byung gnas dang / tsan+dan khang pa dang tsan+dan spos kyi 'od dang / 'od mtha' yas dang / 'od kyi dkyil 'khor can dang / lhun bo rnam dag dang / thogs pa med pa'i spya dang / spyan mtha' yas dang / rin chen 'byung dang / kun gyi dpal dang / sangs rgyas me tog 'byung ba'i dpal dang / blo gros rab gnas dang / mtha' yas rnam par gnon dang / don yod dpal dang / rin chen rnam par gnon dang / go cha mtha' yas dang / bkod pa mtha' yas dang / nam mkha'i dkyil 'khor 'od zer dang / mtshan ma med pa'i nga ro dang / rtsi'i rgyal po dang / bag tsha ba mi mnga' ba dang / spu zing zhes byed pa'i 'jigs bral dang / yon tan rgyal po'i 'od dang / spyan ras gzigs kyi blo sgrub me tog dang / nam mkha'i rigs dang / nam mkha'i nga ro dang / nam mkha' bkod pa'i nga ro dang / de bzhin gshegs pa de dag dang / gzhan dag gis sangs rgyas kyi zhing dag nas byang chub sems dpa' sems dpa' chen po skye ba gcig gis thogs pa dag 'jig rten gyi khams mi mjed ga la ba dang / bcom ldan 'das ga la ba der lhags te/ lhags nas kyang bcom
160b
ldan 'das kyi zhabs la phyag btsal te phyogs gcig tu 'khod do/ /de'i tshe 'og gi phyogs su 'jig rten gyi khams grangs med dpag tu med pa dag 'das pa na 'jig rten gyi khams nam mkha'i dkyil 'khor rnam par dag ces bya ba yod de/ de na de bzhin gshegs pa spyan chen po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rim pa'i bu zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' rim pa'i bus snang ba chen po de mthong ste/ gsung bsal ba'i sgra de'ang thos so/ /thos nas kyang bcom ldan 'das de la 'di skad ces gsol to/ /bcom ldan 'das/ 'od kyi snang ba kun tu gda' ba de dang / gsung bsal ba'i sgra grags pa de su'i lags/ bcom ldan 'das des bka' stsal pa/ rigs kyi bu/ steng gi phyogs su 'jig rten gyi khams grangs med dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la chos kyang ston te/ mthu de ni/ de'i yin no/ /de bzhin gshegs pa de ni/ da ltar byang chub sems dpa'i sde snod sems can thams cad yang dag par tshim
161a
@#/ /par byed pa/ sems can thams cad kyi the tshom gcod par byed pa zhes bya ba'i chos kyi rnam grangs yang dag par rab tu ston te/ mthu de lta bu de ni/ de'i yin no/ /'khor de na'ang byang chub sems dpa' sems dpa' chen po go cha chen po bgos pa dpe med pa sems pa dag chos bstan pa de nyan par byed de/ de dag gi ming brjod pa tsam gyis sems can rnams bla na med pa yang dag par rdzogs pa'i byang chub tu nges par 'gyur ro/ /de skad ces bka' stsal pa dang / bcom ldan 'das de la byang chub sems dpa' sems dpa' chen po rim pa'i bus 'di skad ces gsol to/ /bcom ldan 'das shAkya thub pa de la blta pa dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu/ de'i dus la da bab par shes na song zhig/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun yang gsol cig/ de nas byang chub sems dpa' sems dpa' chen po rim pa'i bu bcom ldan 'das de'i zhabs la phyag btsal te/ 'di lta ste/ dper na/ skyes bu stobs
161b
dang ldan pa zhig gis lag pa bskum pa rkyong bar byed pa'am/ brkyang ba skum par byed pa'i skad cig des 'jig rten gyi khams de nas mi snang bar gyur nas de 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das la 'di skad ces gsol to/ /bcom ldan 'das/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa spyan chen po snyun gsol lags so/ /de nas bcom ldan 'das kyis byang chub sems dpa' rim pa'i bu la 'di skad ces bka' stsal to| |rigs kyi bu/ ci sangs rgyas kyi zhing de na bcom ldan 'das de gnod pa chung ngam/ snyun mi mnga'am/ bde bar gnas sam/ gsol pa/ bcom ldan 'das/ de lta lags so/ /de ltar da bzhin gshegs pa spyan chen po la sogs te/ bcom ldan 'das de bzhin gshegs pa mchog gi dpal gyi sangs rgyas kyi zhing dang / de bzhin du de bzhin gshegs pa pad+ma'i dpal 'byung dang / sang+ge'i dpal dang / don grub dang / dpal sbas dang / seng+ge'i gram pa dang / shin tu rab tu gnas pa'i rgyal po dang / tshangs
162a
@#/ /pa lhun po dang / spyan rnam par dag pa dang / don yod pa'i gom pas rnam par gnon dang / spos kyi glang bo che dang / spos kyi dpal dang / spos kyi lhun po dang / spyan tshad med pa dang / spos brtsegs dang / rin chen lhun po dang / shin tu rab gnas dang / shin tu rab tu gnas pa'i rgyal po dang / sA la'i dbang po'i rgyal po dang / 'od kyi dkyil 'khor 'dzin dang / me sgron dang / skar mda' sgron ma dang / brtson 'grus don yod dang / shin tu yang dag brtags pa'i go cha dang / seng+ge dang / sems can gyi kha lo sgyur ba dang / rab mchog rab tu gnas pa'i rgyal po'i sangs rgyas kyi zhing dang / de bzhin gshegs pa dgra bcom pa yang dag par rdzogs pa'i sangs rgyas de la sogs pa grangs med dpag tu med pa dag gi sangs rgyas kyi zhing dag nas byang chub sems dpa' sems dpa' chen po skye ba gcig gis thogs pa grangs med dpag tu med pa dag 'jig rten gyi khams mi mjed ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la phyag btsal te phyogs gcig tu 'khod do/ /bam po dgu pa/ de'i tshe steng gi phyogs su 'jig rten gyi khams grangs med dpag tu med pa dag 'das pa na 'jig rten gyi khams tsan+dan spos kyi
162b
'od ces bya ba yod de/ de na de bzhin gshegs pa yul mtha' yas par mngon par 'phags pa'i rgyal po zhes bya ba bzhugs ta 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab nga ro dpag tu med ces bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' nga ro dpag tu med kyis snang ba chen po de mthong zhing gsung bsal ba'i sgra de'ang thos nas/ de bcom ldan 'das de bzhin gshegs pa yul mtha' yas par mngon du 'phags pa'i rgyal po ga la ba der song ste/ phyin nas bcom ldan 'das de'i zhabs la mgo bos phyag btsal te gsol pa/ bcom ldan 'das/ 'od gda' ba de dang / gsung bsal ba'i sgra grags pa de su'i lags/ bcom ldan 'das des bka' stsal pa/ rigs kyi bu/ 'og gi phyogs su 'jig rten gyi khams grangs med dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la chos kyang ston te/ 'khor der yang chos mnyan pa'i phyir byang chub sems dpa' sems dpa' chen po dpe med pa sems pa dag 'dus par gyur te 'khod do/ /gsol pa/ bcom ldan 'das/ bcom ldan 'das de bzhin gshegs
163a
@#/ /pa dgra bcom pa yang dag par rdzogs pa'i sangs rgyas shAkya thub pa de'i thad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu/ de'i dus la da bab par shes na song zhig/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun yang gsol cig /de nas byang chub sems dpa' nga ro dag tu med pa bcom ldan 'das de'i zhabs la phyag btsal te bcom ldan 'das de la bskor ba byas nas song ste/ 'di lta ste/ dper na/ skyes bu stobs dang ldan pa zhig gis lag pa bskum pa rkyong bar byed pa'am/ brkyang bskum par byed pa'i skad cig des sangs rgyas kyi zhing de nas mi snang bar gyur nas 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la gnod pa chung ngam/ nyam nga ba nyung ngam/ bskyod ba yang
163b
ngam| stobs dang bde bar reg pa la gnas sam zhes de bzhin gshegs pa yul mtha' yas par mngon du 'phags pa'i rgyal po snyun gsol lags so/ /de nas bcom ldan 'das kyis de la bka' stsal pa/ rigs kyi bu/ ci bcom ldan 'das de snyun mi mnga'am/ stobs dang ldan nam/ 'gyur ba mi mnga'am/ gsol pa/ bcom ldan 'das/ de lta lags so/ /de ltar de bzhin gshegs pa yul mtha' yas par mngon du 'phags pa'i rgyal po la sogs pa bcom ldan 'das de bzhin gshegs pa brtson 'grus mngon du 'phags pa'i rgyal bo'i sangs rgyas kyi zhing dang / de bzhin du de bzhin gshegs pa yid gnyis yang dag 'joms dang / rgyu skar bzang po'i rgyal po dang / nyin mdzad dang / 'od mdzad dang / lhun po 'od dang / 'od kyi dkyil 'khor dang / rnam par dag pa'i 'od dang / zas kyi gdugs dang / spos kyi gdugs dang / rin chen gdugs dang / tsan+dan gyi khang pa dang / dga' ba'i dpal dang / ri rab phung po dang / rin po che'i 'od dang / sA la'i dbang po'i rgyal po dang / tshangs pa'i dpal dang / rnam par dag pa'i spyan dang / bag tsha ba mi mnga' ba dang / spu zing zhes byed pa'i 'jigs pa dang / bral ba dang / rin chen go cha mtha' yas dang / bla na med pa'i 'od zer dang / de bzhin gshegs pa dra ba can gyi
164a
@#/ /'od kyi tog dang / de bzhin gshegs pa rgyu'i rgyal po'i sangs rgyas kyi zhing dang / sangs rgyas bcom ldan 'das de dag la sogs pa grangs med dpag tu med pa dag gi sangs rgyas kyi zhing dag nas byang chub sems dpa' sems dpa' chen po grangs med dpag tu med pa dag 'jig rten gyi khams mi mjed ga la ba dang / rgyal po'i khab 'od ma'i tshal bya ka lan+ta ka gnas pa ga la ba dang / bcom ldan 'das ga la ba der song ste phyin nas bcom ldan 'das kyi zhabs la phyag btsal te phyogs gcig tu 'khod do/ /de'i tshe shar lho'i phyogs mtshams su 'jig rten gyi khams grangs med dpag tu med pa dag 'das pa na 'jig rten gyi khams sangs rgyas pad+ma'i me tog 'byung ba'i dpal zhes bya ba yod de/ de na de bzhin gshegs pa sangs rgyas thams cad kyi sku kun tu ston pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan bral zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' mya ngan bral gyis snang ba chen po de mthong zhing gsung bsal ba'i sgra de'ang thos so/ /thos nas kyang bcom
164b
ldan 'das de bzhin gshegs pa sangs rgyas thams cad kyi sku kun tu ston pa'i dpal de ga la ba der song ste/ bcom ldan 'das de'i zhabs la phyag btsal nas bcom ldan 'das de la 'di skad ces gsol to/ /bcom ldan 'das/ 'od gda' ba de dang / gsung bsal ba'i sgra grags pa de su'i lags/ bcom ldan 'das des bka' stsal pa| rigs kyi bu/ nub byang gi phyogs mtshams su 'jig rten gyi khams grangs med dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la chos kyang ston te/ 'di lta ste/ byang chub sems dpa' sems dpa' chen po bsam gyis mi khyab cing dpe med pa'i go cha bgos pa rnams la byang chub sems dpa'i sde snod ces bya ba'i chos kyi rnam grangs yang dag par rab tu ston to/ /gsol pa/ bcom ldan 'das/ bcom ldan 'das shAkya thub pa de la blta ba dang / phyag bgyi pa dang / bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu/ de'i dus la da bab bar shes na song zhig /nga'i tshig gis gnod pa chung ngam/ nyam nga ba nyung ngam/ bskyod pa yang ngam/
165a
@#/ /stobs dang bde bar reg pa la gnas sam zhes snyun yang gsol cig /de nas byang chub sems dpa' mya ngan bral bcom ldan 'das de la phyag btsal nas song ste/ 'di lta ste/ dper na/ skyes bu stobs dang ldan pa zhig gis lag par bskum pa rkyong bar byed pa'am/ brkyang ba skum par byed pa'i skad cig des 'jig rten gyi khams mi mjed 'dir 'ongs te/ de bcom ldan 'das de bzhin gshegs pa shAkya thub pa ga la ba der song nas/ bcom ldan 'das kyi zhabs la phyag btsal te phyogs gcig tu 'dug go /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa sangs rgyas thams cad kyi sku kun tu ston pa'i dpal snyun gsol lags so/ /bcom ldan 'das kyis bka' stsal pa/ rigs kyi bu/ ci bcom ldan 'das de snyun mi mnga' ma/ stobs dang ldan nam/ 'gyur ba mi mnga' ma/ gsol pa| bcom ldan 'das/ de lta lags so/ /de ltar de bzhin gshegs pa sangs rgyas thams cad kyi sku kun tu ston pa la sogs pa bcom ldan 'das de bzhin gshegs pa
165b
dmigs pa mtha' yas pa'i sangs rgyas kyi sku kun tu ston pa'i sangs rgyas kyi zhing dang / de bzhin du de bzhin gshegs pa pad+ma bkod pa'i khyu mchog dang / dra ba can gyi 'od dang / 'od mtha' yas sangs rgyas me tog 'byung dang / rin chen sA la dang / rin chen zla ba'i khyu mchog dang / rtsi'i rgyal po dang / sman dang / ye shes mchog dang / mngon du 'phags pa'i go cha dang / lhun po gong na med pa dang / sems bskyed ma thag tu chos kyi 'khor lo bskor ba dang / me tog brtsegs dang / me tog rab gtor dang / rtag tu mdzes pa'i 'od zer dang / bla na med pa'i 'od zer dang / mi g.yos rnam par gnon dang / gom pas rnam par gnon dang / gom pa mtha' yas bas rnam par gnon dang / smon lam mtha' yas dang / spobs pa dpag med dang / khyu mchog mtha' yas dang / smon lam ma nges pa dang / mngal 'gyur mdzad dang / skyo med 'gyur mdzad smon lam dang / dmigs pa'i go cha dang / sangs rgyas nam mkha' dang / 'byung ba'i dpal gyi sangs rgyas kyi zhing dang / de bzhin gshegs pa de dag dang / gzhan dag gi sangs rgyas kyi zhing dag nas byang chub sems dpa' grangs med dpag tu med pa dag 'jig rten gyi khams mi mjed 'dir lhags nas bcom ldan 'das kyi zhabs la mgo bos phyag btsal
166a
@#/ /te phyogs gcig tu 'khod do/ /de'i tshe lho nub kyi phyogs mtshams su 'jig rten gyi khams grangs med dpag tu med pa dag 'das pa na 'jig rten gyi khams bkra shis bzang po zhes bya ba yod de/ de na de bzhin gshegs pa don grub ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don thams cad grub ces bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de ltar de la sogs pa bcom ldan 'das de bzhin gshegs pa grub pa'i go cha'i sangs rgyas kyi zhing dang / de bzhin du de bzhin gshegs pa gtsug tor can dang / shin tu rab gnas go cha dang / go cha mtha' yas dang / mtshan gyi go cha dang / go cha mtha' yas dang / kun nas go cha dang / mar me mdzad dang / 'od mdzad dang / mdzod gcig pa dang / sku mi mnga' ba dang / dra ba can gyi 'od zer dang / brtson 'grus mtha' yas dang| rtse mo dang / rtse mo mngon du 'phags dang / 'od kyi dkyil 'khor can dang / rnam par gzigs dang / don yod ming sgrog dang / 'jigs pa dang bag
166b
tsha ba thams cad rnam par 'joms mdzad dang / yon tan mtha' yas rgyal po'i 'od dang / phyir rgol pa thams cad nges par 'joms dang / bdud thams cad kyi yul las 'das pa dang / dpag med me tog dang / bdud rtsi 'dzin dang / dbyangs kyi nga ro dpag med dang / 'od zer brtsegs dang / snang ba'i dpal dang / gnyis med bral ba'i dkyil 'khor can dang / 'chi med rtogs pa'i me tog 'od zer dang / bdud rtsi'i dbyangs dang / lhun po'i 'od dang / shin tu mthong dang / spyan bzang dang / mchog gi tshogs can dang / rin chen me tog dang / rin chen 'byung dang / zla ba'i me to dang / sems can kun gyi go cha dang / snying po thams cad 'gyur mdzad dang / spobs pa mtha' yas dang / rtsod pa dang / bag tsha ba mi mnga' ba dang / dmigs pa thams cad spobs pas spyod pa dang / sangs rgyas bcom ldan 'das de dag dang / gzhan dag gi sangs rgyas kyi zhing dag nas byang chub sems dpa' sems dpa' chen po skye ba gcig gis thogs pa dag 'jig rten gyi khams mi mjed ga la ba dang / bcom ldan 'das ga la ba der lhags nas bcom ldan 'das shAkya thub pa'i zhabs la mgo bos phyag btsal te phyogs gcig tu 'khod do/ /de'i tshe nub byang gi phyogs mtshams su 'jig rten gyi khams
167a
@#/ /grangs med dpag tu med pa dag 'das pa na 'jig rten gyi khams tsan+dan spos zhes bya ba yod de/ de na de bzhin gshegs pa kun tu spos kyi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' kun tu bzang po zhes bya ba rgyal tshab tu dbang bskur to/ / zhes bya ba nas/ de'ang 'ongs te zhes bya ba dang / de ltar lags so/ /zhes bya ba'i bar du snga ma bzhin du sbyar ro/ /de ltar bcom ldan 'das de bzhin gshegs pa kun tu spos kyi 'od zer la sogs pa bcom ldan 'das de bzhin gshegs pa spos kyi glang po che dang / spos kyi khyu mchog dang / spos kyi khang pa dang / 'od kyi dkyil 'khor can dang / 'od zer gyi rgyal po dang / pad+ma mngon du 'phags pa'i rgyal po dang / sangs rgyas khyu mchog dang / khyu mchog mtha' yas dang / go cha bzang po dang / shin tu go cha bgos pa'i dpal dang / me tog rab gtor dang / me tog gdugs kyi phreng ba dang / me tog khang pa dang / gser gyi me tog dang / spos kyi me tog dang / lhun po'i rgyal po dang / sems can kun las mngon par 'phags pa'i go cha dang / sems can thams cad skyo med 'gyur mdzad dang / legs par spyad pa'i go cha dang / kun tu
167b
btang pa'i 'od zer rab btang dang / pad+ma rab gtor 'byung ba'i dpal dang / rin chen dra ba dang / mngon du 'phags pa'i rgyal po dang / sangs rgyas kyi zhing gdugs gcig pas khyab pa dang / rgyu skar gyi rgyal po dang / dpung mgo shin tu zlum pa dang / shin tu yang dag zhugs kyi rgyal po dang / spos ldan dang / ye shes mtha' yas khyu mchog dang / don yod go cha bgos dang / mthong ba don yod dang / thogs pa med pa'i spyan dang / sems dang po bskyed pa dang ldan pa'i mi 'khrugs pa dang / spyan mtha' yas dang / mar me'i bdag po dang / kun tu snang ba dang / snang ba'i 'od zer dang / sangs rgyas kyi zhing du sems can thams cad gcad du med pa'i spobs pa dang / rdul med rdul bral rnam par gnon dang / gom pa med kyis rnam par gnon dang / sangs rgyas bcom ldan 'das de dag la sogs pa'i sangs rgyas kyi zhing dag nas byang chub sems dpa' sems dpa' chen po skye ba gcig gis thogs pa grangs med dpag tu med pa dag 'jig rten gyi khams mi mjed ga la ba dang / bcom ldan 'das ga la ba der song ste lhags nas bcom ldan 'das kyi zhabs la phyag btsal te phyogs gcig tu 'khod do/ /de'i tshe byang shar gyi phyogs mtshams su 'jig rten gyi khams grangs med dpag tu med pa
168a
@#/ /dag 'das pa na 'jig rten gyi khams mngon du bgrod bya zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mya ngan thams cad sel ba mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don yod ming sgrol zhes bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de'ang bcom ldan 'das shAkya thub pa la chos mnyan pa'i phyir 'ongs te zhes bya ba dang / de lta lags so/ /zhes bya ba'i bar du snga ma bzhin du sbyar ro/ /de ltar bcom ldan 'das de bzhin gshegs pa mya ngan thams cad sel mdzad la sogs pa 'jig rten gyi khams mngon du bgrod bya de'i yang pha rol na 'jig rten gyi khams mya ngan med ces bya ba yod de/ de na de bzhin gshegs pa mya ngan bral zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od chen po zhes bya ba bcom ldan 'das kyis chos kyi skyes bskur te btang ngo / /de'i yang 'dab chags na 'jig rten gyi khams dga' ba zhes bya ba yod de/ de na de bzhin gshegs pa 'byung ba'i dpal zhes bya ba
168b
bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag pa mtha' yas zhes bya ba btang ngo / /de'i yang 'dar chags na 'jig rten gyi khams yon tan 'byung zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab phyang ba'i blo gros zhes bya ba btang ngo / /de'i yang 'dab chags na 'jig rten gyi khams gser gyi dra bas kun tu khebs zhes bya ba yod de/ de na de bzhin gshegs pa lhun po mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab seng+ge'i lhun po zhes bya ba btang ngo / /de'i yang 'dab chags na 'jig rten gyi khams spos kyi 'od ces bya ba yod de/ de na de bzhin gshegs pa spos kyis rgyags par mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbyangs kyis byin zhes bya ba btang ngo / /de'i yang 'dab chags na 'jig rten gyi khams rin chen brtsegs zhes bya ba yod de/ de na de bzhin gshegs pa kau di n+ya zhes bya ba bzhugs te 'tsho zhing gzhes
169a
@#/ /la chos kyang ston te/ bcom ldan 'das des byang chub sems dpa' rgyal tshab mtshan nyid gnyis pa'i dpal zhes bya ba btang ngo / /de'i yang 'dab chags na 'jig rten gyi khams brtan pa zhes bya ba yod de/ de na de bzhin gshegs pa mthu dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs pas byin zhes bya ba btang ngo / /de'i yang 'dab chags na 'jig rten gyi khams ut+pa la zhes bya ba yod de/ de na de bzhin gshegs pa ut+pa la dmar po'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad+ma 'byung zhes bya ba btang ngo / /de'i yang 'dab chags na 'jig rten gyi khams kun mu da zhes bya ba yod de/ de na de bzhin gshegs pa ku mu da 'byung ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'jig pa med ces bya ba btang ngo / /de'i yang 'dab chags na 'jig rten gyi khams rab sgrog ces bya ba yod de/ de na de bzhin gshegs pa spyan btud ces bya ba bzhugs te 'tsho zhing gzhes la chos
169b
kyang ston te/ bcom ldan 'das des byang chub sems dpa' rgyal tshab gong na med pa'i gzi brjid ces bya ba btang ngo / /de'i yang 'dab chags na 'jig rten gyi khams spos bkod pa zhes bya ba yod de/ de na de bzhin gshegs pa mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brtul zhugs bzang po zhes bya ba btang ngo / /de'i yang 'dab chags ni 'jig rten gyi khams snang ba zhes bya ba yod de/ de na de bzhin gshegs pa snang ba mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpal gyi snying po zhes bya ba btang ngo / /de'i yang 'dab chags na 'jig rten gyi khams tsan+dan spos zhes bya ba yod de/ de na de bzhin gshegs pa zla ba 'phags pa'i 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyogs kyi sgron ma zhes bya ba btang ngo / /de'i yang 'dab chags na 'jig rten gyi khams snang ba zhes bya ba yod de/ de na de bzhin gshegs pa phyogs su rnam par bsgrags zhes bya ba bzhugs te 'tsho zhing gzhes la chos kyang ston te/ bcom ldan 'das des
170a
@#/ /byang chub sems dpa' rgyal tshab rnam par bsgrags pa'i stobs kyi rgyal po zhes bya ba btang ngo / /de'i yang 'dab chags na 'jig rten gyi khams zla ba zhes bya ba yod de/ de na de bzhin gshegs pa skar ma'i rgyal po tshogs kyi bdag po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab grags pa'i sde zhes bya ba btang ngo / /de'i yang 'dab chags na 'jig rten gyi khams kun tu snang ba'i dpal zhes bya ba yod de/ de na de bzhin gshegs pa snang ba mtha' yas dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri ma med pa'i tog ces bya ba btang ngo / /de'i yang 'dab chags na 'jig rten gyi khams spos snang zhes bya ba yod de/ de na de bzhin gshegs pa spos med mchog gi lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par rgyal ba srung ba can zhes bya ba btang ngo / /de'i yang 'dab chags na 'jig rten gyi khams mi 'jigs pa zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho
170b
zhing gzhes la chos kyang ston te/ bcom ldan 'das des byang chub sems dpa' rgyal tshab skye bo'i dbang po zhes bya ba btang ngo / /de'i yang 'dab chags na 'jig rten gyi khams bde mchog ces bya ba yod de/ de na de bzhin gshegs pa bde 'byung dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yid gnyis zhes bya ba btang ngo / /de'i yang 'dab chags na 'jig rten gyi khams snang ba mtha' yas zhes bya ba yod de/ de na de bzhin gshegs pa yon tan mtha' yas spyod pa 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'gro ba'i dbang po zhes bya ba btang ngo / /de'i yang 'dab chags na 'jig rten gyi khams brgyan pa zhes bya ba yod de/ de na de bzhin gshegs pa yon tan kun gyis so sor brgyan ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dga' spyod ces bya ba btang ngo / /de'i yang 'dab chags na 'jig rten gyi khams pad+ma'i dra bas kun tu khebs zhes bya ba yod de/ de na de bzhin gshegs pa me tog rgyal po zhes bya ba bzhugs te 'tsho zhing gzhes
171a
@#/ /la chos kyang ston te/ bcom ldan 'das des byang chub sems dpa' rgyal chab me tog 'byung ba mngon du 'phags pa'i dpal zhes bya ba btang ngo / /de'i yang 'dab chags na 'jig rten gyi khams rgyal mtshan sna tshogs zhes bya ba yod de/ de na de bzhin gshegs pa phas ma pham pa'i rgyal mtshan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phas ma pham pa zhes bya ba btang ngo / /de'i yang 'dab chags na 'jig rten gyi khams brtan pa zhes bya ba yod de/ de na de bzhin gshegs pa dbang sbas 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kun nas sbas zhes bya ba btang ngo / /de'i yang 'dab chags na 'jig rten gyi khams dga' ba zhes bya ba yod de/ de na de bzhin gshegs pa pad+ma 'jigs byed mngon du 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tsha ba ye shes sman ces bya ba btang ngo / /de'i yang 'dab chags na 'jig rten gyi khams bde ba zhes bya ba yod de/ de na de bzhin gshegs pa spyod
171b
pa tha dad med 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyod pa tha dad med ces bya ba btang ngo // de'i yang 'dab chags na 'jig rten gyi khams dga' ba zhes bya ba yod de/ de na de bzhin gshegs pa nga ro bsdams zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab nga ro 'bar zhes bya ba btang ngo / /de'i yang 'dab chags na 'jig rten gyi khams bde ba'i dpal zhes bya ba yod de/ de na de bzhin gshegs pa nam mkha'i dkyil 'khor rnam par dag ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lhun po mchog ces bya ba btang ngo / /de'i yang 'dab chags na 'jig rten gyi khams mngon dga' zhes bya ba yod de/ de na de bzhin gshegs pa mtshan ma med pa'i nga ro nges pa'i dbyangs zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyan ras gzigs kyi nga ro zhes bya ba btang ngo / /de'i yang 'dab chags na 'jig rten gyi khams 'byung ba zhes bya ba yod de/ de na de bzhin gshegs pa mngon du 'phags pa'i dpal zhes bya ba bzhugs
172a
@#/ /te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ci 'jigs zhes bya ba btang ngo / /de'i yang 'dab chags na 'jig rten gyi khams tshangs ldan zhes bya ba yod de/ de na de bzhin gshegs pa tshangs pa'i dpal zhes bya ba bzhugs te 'tsho zhing gzhes la chos kyang ston te| bcom ldan 'das des byang chub sems dpa' rgyal tshab tshangs pas mchod ces bya ba btang ngo / /de'i yang 'dab chags na 'jig rten gyi khams spos can zhes bya ba yod de/ de na de bzhin gshegs pa thogs pa med pa'i spos kyi glang po che zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbang pos byin zhes bya ba btang ngo / /de'i yang 'dab chags na 'jig rten gyi khams pad+ma can zhes bya ba yod de/ de na de bzhin gshegs pa lhun po'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgya mtsho zhes bya ba btang ngo / /de'i yang 'dab chags na 'jig rten gyi khams mar me byed ces bya ba yod de/ de na de bzhin gshegs pa sgron ma mdzad ces bya ba bzhugs te
172b
'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sprin gyi 'od zer zhes bya ba btang ngo / /de'i yang 'dab chags na 'jig rten gyi khams snyan pa zhes bya ba yod de/ de na de bzhin gshegs pa pad+ma mchog gi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos kyi 'byung gnas zhes bya ba btang ngo / /de'i yang 'dab chags na 'jig rten gyi khams bde ba can zhes bya ba yod de/ de na de bzhin gshegs pa grags ldan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lhun pos byin zhes bya ba btang ngo / /de'i yang 'dab chags na 'jig rten gyi khams shin tu rab gnas zhes bya ba yod de/ de na de bzhin gshegs pa bshes gnyen grags po zhes bya ba bzhugs te 'tsho zhing gzhes la chos kyang ston te/ /bcom ldan 'das des byang chub sems dpa' rgyal tshab seng+ge ltar gnon ces bya ba btang ngo / /de'i yang 'dab chags na 'jig rten gyi khams sA la zhes bya ba yod de/ de na de bzhin gshegs pa sA la'i dbang po'i rgyal po zhes bya ba bzhugs te 'tsho zhing gzhes la chos kyang ston te/ bcom ldan
173a
@#/ /'das des byang chub sems dpa' rgyal tshab sA la'i dbang po'i tog ces bya ba btang ngo / /de'i yang 'dab chags na 'jig rten gyi khams snang ba zhes bya ba yod de/ de na de bzhin gshegs pa 'od zer mtha' yas zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don yod gom pas rnam par gnon ces bya ba btang ngo / /de ltar byang shar gyi phyogs mtshams nas byang chub sems dpa' skye ba gcig gis thogs pa grangs med dpag tu med pa dag lhags te/ lhags nas kyang bcom ldan 'das de bzhin gshegs pa shAkya thub pa'i zhabs la mgo bos phyag 'tshal cing bskor ba byas te rnam pa du mas mchod nas bcom ldan 'das 'ba' zhig la lta zhing phyogs gcig tu 'khod do/ /de'i tshe 'jig rten gyi khams de gang lha dang / klu dang / gnod sbyin dang| mi'am ci dang / lto 'phye chen po dang / byang chub sems dpa' sems dpa' chen po mthu che ba bsam gyis mi khyab cing dpe med pa'i go cha bgos pa dag gis ma khyab pa'i bar ni/ tha na 'khar ba gzhag sa tsam yang med do/ /de dag thams cad kyang gcig la gcig nyam nga ba med de/ chos mnyan pa'i sred pas bcom
173b
ldan 'das kyi zhal du lta ba lhur len cing 'khod do/ /byang chub sems dpa' 'dus pa'i le'u ste/ lnga pa'o// //de nas bcom ldan 'das shAkya thub pas byang chub sems dpa' 'dus pa chen po de mkhyen nas gdan de la bzhugs bzhin du dpa' bar 'gro ba zhes bya ba'i ting nge 'dzin la snyoms par zhugs so/ /de las bzhengs nas rdo rje'i snying po zhes bya ba'i ting nge 'dzin la snyoms par zhugs so/ /de las bzhengs nas nges pa'i tshig med pa'i gnas la gnas pa zhes bya ba'i ting nge 'dzin la snyoms par zhugs so/ /de las bzhengs nas bkod pa gcig pa zhes bya ba'i ting nge 'dzin la snyoms par zhugs so/ /de las bzhengs nas seng+ge'i gdugs zhes bya ba'i ting nge 'dzin la snyoms par zhugs so/ /de las bzhengs nas sgrub pa mtha' yas pa zhes bya ba'i ting nge 'dzin la snyoms par zhugs so/ /de las bzhengs nas seng+ge rnam par bsgyings pa zhes bya ba'i ting nge 'dzin la snyoms par zhugs so/ /de las bzhengs nas 'od zer rgyal po zhes bya ba'i ting nge 'dzin la snyoms par zhugs so/ /de las bzhengs nas sa'i snying po zhes bya ba'i ting nge 'dzin la snyoms par zhugs so/ /de las bzhengs nas mngon par ma dmigs pa zhes bya ba'i ting nge 'dzin la snyoms par
174a
@#/ /zhugs so/ /de las bzhengs nas seng+ge rnam par 'phrul ba zhes bya ba'i ting nge 'dzin la snyoms par zhugs so/ /de las bzhengs nas zla ba'i dkyil 'khor rgyal po zhes bya ba'i ting nge 'dzin la snyoms par zhugs so/ /de las bzhengs nas bkod pa gcig pa zhes bya ba'i ting nge 'dzin la snyoms par zhugs so// de las bzhengs nas 'od zer du ma zhes bya ba'i ting nge 'dzin la snyoms par zhugs so/ /de las bzhengs nas rgya mtsho zhes bya ba'i ting nge 'dzin la snyoms par zhugs so| |de las bzhengs nas phyag rgya thams cad sgrub pa chos kyi dbyings su nges pa zhes bya ba'i ting nge 'dzin la snyoms par zhugs so/ /de las bzhengs nas smon lam dang dmigs pa mtha' yas pa ston pa zhes bya ba'i ting nge 'dzin la snyoms par zhugs so/ /de las bzhengs nas chos thams cad khyu mchog tu gyur pa mtha' yas pa sgrub pa zhes bya ba'i ting nge 'dzin la snyoms par zhugs so/ /de las bzhengs nas dmigs pa gcig pa sgrub pa zhes bya ba'i ting nge 'dzin la snyoms par zhugs so| |de las bzhengs nas chos thams cad kyi gnas la gnas pa zhes bya ba'i ting nge 'dzin la snyoms par zhugs so/ /de las bzhengs nas 'od zer mtha' yas
174b
sangs rgyas pad+ma mngon du 'phags pa sgrub pa zhes bya ba'i ting nge 'dzin la snyoms par zhugs so/ /de las bzhengs nas chos thams cad shin tu byang ba dri ma med pa'i phyag rgya zhes bya ba'i ting nge 'dzin la snyoms par zhugs so/ /de las bzhengs nas chos thams cad kyi rgyal po'i phyag rgya zhes bya ba'i ting nge 'dzin la snyoms par zhugs so/ / de las bzhengs nas khyu mchog mtha' yas kun tu ston pa'i sangs rgyas rnam par 'phrul pa zhes bya ba'i ting nge 'dzin la snyoms par zhugs so/ /de las bzhengs nas sems can thams cad yongs su mya ngan las 'das pa'i go cha zhes bya ba'i ting nge 'dzin la snyoms par zhugs so/ /de las bzhengs nas chos thams cad de bzhin gshegs pa'i spyod yul zhes bya ba'i ting nge 'dzin la snyoms par zhugs so/ /de las bzhengs nas khyu mchog tu gyur pa mtha' yas pa kun tu ston pa'i sangs rgyas rnam par 'phrul pa zhes bya ba'i ting nge 'dzin la snyoms par zhugs so/ /de las bzhengs nas dmigs pa thams cad sangs rgyas pa'i sgrub pa zhes bya ba'i ting nge 'dzin la snyoms par zhugs so| |de las bzhengs nas 'das pa dang / ma 'ongs pa dang / da ltar byung ba la ma chags par chos thams cad nges pa zhes bya ba'i ting nge 'dzin la snyoms par zhugs so/ /
175a
@#/ /de las bzhengs nas chos thams cad kyi dbang phyug gis dbang sgyur ba'i sangs rgyas khyu mchog ces bya ba'i ting nge 'dzin la snyoms par zhugs so/ / de las bzhengs nas chos thams cad yang dag par 'du ba zhes bya ba'i ting nge 'dzin la snyoms par zhugs so/ /de las bzhengs nas brtan pa zhes bya ba'i ting nge 'dzin la snyoms par zhugs so/ /de las bzhengs nas rab tu 'phel ba zhes bya ba'i ting nge 'dzin la snyoms par zhugs so/ /de las bzhengs nas rab tu mi g.yos pa zhes bya ba'i ting nge 'dzin la snyoms par zhugs so/ /de las bzhengs nas mi 'khrugs pa zhes bya ba'i ting nge 'dzin la snyoms par zhugs so/ /de las bzhengs nas chos thams cad la lta ba dang rnam par lta ba zhes bya ba'i ting nge 'dzin la snyoms par zhugs so/ /de las bzhengs nas kun tu snang ba zhes bya ba'i ting nge 'dzin la snyoms par zhugs so/ /de las bzhengs nas ma sgrub par rnam par lta ba zhes bya ba'i ting nge 'dzin la snyoms par zhugs so/ /de las bzhengs nas lta ba dang rnam par lta ba zhes bya ba'i ting nge 'dzin la snyoms par zhugs so/ /de las bzhengs nas mi lta ba zhes bya ba'i ting nge 'dzin la snyoms par zhugs so/ /de las bzhengs nas chos
175b
thams cad thogs pa med pa dang len pa med pa zhes bya ba'i ting nge 'dzin la snyoms par zhugs so/ /de las bzhengs nas dbang po dang ldan pa zhes bya ba'i ting nge 'dzin la snyoms par zhugs so/ /de las bzhengs nas mi zad la zad mi shes par nges pa zhes bya ba'i ting nge 'dzin la snyoms par zhugs so/ /de las bzhengs nas dmigs pa mi zad pa zhes bya ba'i ting nge 'dzin la snyoms par zhugs so/ /de las bzhengs nas dmigs pa gcig pa zhes bya ba'i ting nge 'dzin la snyoms par zhugs so/ /de las bzhengs nas bkod pa chen po zhes bya ba'i ting nge 'dzin la snyoms par zhugs so/ /de las bzhengs nas bkod pa mtha' yas zhes bya ba'i ting nge 'dzin la snyoms par zhugs so/ /de las bzhengs nas bag tsha ba med pa zhes bya ba'i ting nge 'dzin la snyoms par zhugs so/ /de las bzhengs nas sems can thams cad kyi dge ba'i rtsa ba yang dag par skul ba zhes bya ba'i ting nge 'dzin la snyoms par zhugs so/ /de las bzhengs nas sems can thams cad kyi dge ba'i rtsa ba mngon du byed pa zhes bya ba'i ting nge 'dzin la snyoms par zhugs so/ / de las bzhengs nas chos thams cad yongs su tshol ba zhes bya ba'i ting nge 'dzin la snyoms par zhugs so/ /de las bzhengs nas snang bar byed pa zhes bya ba'i ting nge 'dzin la
176a
@#/ /snyoms par zhugs so/ /de las bzhengs nas chos thams cad rnam par dag pa'i spyod yul zhes bya ba'i ting nge 'dzin la snyoms par zhugs so/ /de las bzhengs nas chos thams cad ston pa zhes bya ba'i ting nge 'dzin la snyoms par zhugs so/ /de las bzhengs nas byang chub sems dpa' thams cad kyi snang ba rnam par dag pa zhes bya ba'i ting nge 'dzin la snyoms par zhugs so/ /de las bzhengs nas bcom ldan 'das nyan thos thams cad kyi sgrib pa med pa'i mig rnam par sbyong ba zhes bya ba'i ting nge 'dzin la snyoms par zhugs so/ /de las bzhengs nas 'khor thams cad kyi sgrib pa med par rnam par dag pa'i dge ba'i rtsa ba yang dag par bskyed pa zhes bya ba'i ting nge 'dzin la snyoms par zhugs so/ /de las bzhengs nas dud 'gro'i skye gnas dang / gshin rje'i 'jig rten gyi sdug bsngal rgyun gcod pa zhes bya ba'i ting nge 'dzin la snyoms par zhugs so/ /de las bzhengs nas sangs rgyas kyi zhing thams cad du byams pa chen po sgrub pas dge ba'i rtsa ba yang dag par bskyed pa zhes bya ba'i ting nge 'dzin la snyoms par zhugs so/ /de las bzhengs nas mi g.yo ba zhes bya ba'i ting nge 'dzin la snyoms par zhugs so/ /de ltar bcom ldan 'das mi g.yo ba'i
176b
ting nge 'dzin la snyoms par zhugs pa na gnas gtsang ma'i ris kyi lha rnams kyis tshigs su bcad pa dag gis mngon par bstod pa/ mi g.yo brnyes pas g.yo med mi g.yo ba/ / bsnyen dka' lhun po 'dra ba rnam par mdzes/ /phas kyi rgol ba thams cad zil mnan nas/ /stong gsum 'jig rten shin tu blangs te bzhugs/ /sangs rgyas thugs ni nam yang rten ma mchis/ /mi rten bsam gtan mdzad pa gang zag mchog /ming tsam bsam gtan pa ste gar mi gnas/ /sangs rgyas yon tan de 'dra bsam mi khyab/ /khyab pa khams gsum nges 'byung rigs gsum ldan/ /rtag tu mnyam gzhag som nyi mi mnga' brnyes/ /the tshom gcad cing som nyi bsal du gsol/ /srog chags rnams la sman slad chos bstan gsol/ /thub pa rab gnas som nyi mi mnga' brnyes/ /byang chub sems dpa' 'dus pa de dag ni/ /dpa' bo chos kyis 'phags shing chos la gnas// som nyi gcad cing the tshom bsal du gsol/ /sangs rgyas mig brten bsam gtan mdzad ma lags/ /sangs rgyas mig ma brten par sgom ma lags/ /rten dang rten min mig kyang mchis ma lags/ /bsam gtan de ni 'phags pas mngon par bsngags/ /thub pa gal te mig brten bsam gtan mdzad/ /rgyal bas 'dzem pa ma mchis
177a
@#/ /brnyes par 'gyur/ /'dir ni mig med bsam gtan mdzad pa na/ /sangs rgyas ma mchis brten nas sgom ma lags/ /sangs rgyas dbang po drug brten sgom ma lags/ /rgyal ba dbang po ma mchis brten ma lags/ /'di la mu stegs gzhan mang de dag 'khrul/ /lhar bcas 'jig rten 'gro ba rtogs ma lags/ / de nas bcom ldan 'das mi g.yo ba'i ting nge 'dzin las bzhengs nas byang chub sems dpa'i tshogs la rjes su rnam par gzigs te tshe dang ldan pa shA radwa ti'i bu la bka' stsal pa/ shA radwa ti'i bu/ chos bzhi po 'di dag ni/ theg pa chen po la yang dag par zhugs pa rnams kyi yongs su nyams par mi 'gyur ba dang / dge ba'i rtsa ba thams cad kyi bsod nams kyi tshogs dang / mngon par ma dmigs pa'i sangs rgyas kyi ye shes sgrub pa dang / sbyin pa'i stobs sgrub pa dang / tshul khrims kyi stobs sgrub pa dang / bzod pa'i stobs sgrub pa dang / byams pa'i stobs sgrub pa dang / snying rje'i stobs sgrub pa dang / ting nge 'dzin gyi stobs sgrub pa dang / shes rab kyi stobs sgrub pa dang / de bzhin gshegs pa'i stobs bcu thogs pa med pa sgrub pa dang / shes rab kyi rab tu dbye ba sgrub pa dang / thogs pa med pa'i spobs pa sgrub
177b
pa dang / gcad du med pa dang / dga' ba dang / rno ba dang / zab pa'i spobs pa mtha' yas pa sgrub pa dang / gzungs thob pa dang / sangs rgyas mthong ba thob pa dang / mngon par 'byung ba thob par 'gyur zhing / ji ltar 'tsham pa'i dge ba'i tshogs dang bral bar mi 'gyur/ longs spyod ma tshang ba med par 'gyur/ g.yog 'khor ma tshang pa med par 'gyur/ gzugs mtshang ba med par 'gyur/ yan lag dang nying lag ma tshang ba med par 'gyur/ mig dang / rna ba dang / sna dang / lce dang / lus ma tshang ba med par 'gyur/ sems ma tshang ba med par 'gyur/ lam ngan par zhugs pa ma yin par 'gyur/ sems 'khrugs pa ma yin par 'gyur/ dran pa rmongs pa ma yin par 'gyur/ dran pa dang ldan par yang 'gyur/ dran pa'i stobs mchog dang ldan par 'gyur/ ngo tsha shes pa dang ldan zhing khrel yod pa dang ldan par 'gyur/ sdig pa thams cad bya ba la 'dzem pa dang / 'gyod pa can du 'gyur/ dran pa mi chod par 'gyur/ skye ba rnam par log par 'gyur/ /dran pa dang ldan pa'ang yin te/ dran pa'i stobs mchog dang ldan pas sngon gyi smon lam yang mi gtong bar 'gyur| sangs rgyas bcom ldan 'das rnams la dge ba'i rtsa ba bskyed pa'i phyir bdag gi med pa dang / yongs su 'dzin pa med pa'i sems kyis tshogs kyi dge ba'i rtsa ba
178a
@#/ /dpag tu med pa'ang skyed par 'gyur/ sems can thams cad dang thun mong du byed par yang 'gyur/ sems can du dmigs pa las rnam par dben pa la'ang mkhas par 'gyur/ chos rnams rtogs par khong du chud par yang 'gyur zhing chos la brten pa ma yin par yang 'gyur ro/ /de brten pa ma yin pas bdud dam bdud kyi ris kyi lha rnams sam/ de las gzhan pa'i sems can lam ngan par zhugs pa rnams kyis thul bar mi nus te/ byang chub kyi snying po dpung gnyen du'ang 'gyur ro/ /rang gi stan la 'dug ste/ chos thams cad shin tu byang ba dri ma med pa'i phyag rgya'i ting nge 'dzin la gnas nas/ skad cig gcig dang ldan pa'i shes rab kyis gang cung zad shes par bya ba dang / blta bar bya ba dang / thob par bya ba dang / mngon du bya ba de thams cad kyang mngon par 'du byed par 'gyur zhing ma lus par mngon du byed la/ thams cad mngon par 'tshang rgya ba kho nar 'gyur/ thams cad mngon par rtogs pa kho nar 'gyur/ thams cad yongs su shes pa kho nar 'gyur zhing / bag chags kyi mtshams sbyor ba ma lus pa nyid rjes su 'thob par 'gyur ba ste/ bzhi gang zhe na/ shA radwa ti'i bu/ 'di la theg pa chen po la yang
178b
dag par zhugs pas go cha chen po gyon par byed pa yin/ sems can 'di dag thams cad ni/ 'dod chags dang / zhe sdang dang / gti mug dag gis yongs su gang ba/ sems can 'di dag thams cad ni/ mgon med pa'i 'chi ba nye bar gnas pa/ mthas zin pa'i 'chi ba thob pa/ g.yang sa chen por ltung bar 'gyur ba/ sems can 'di dag ni/ 'chi ba la gso ba rnyed dka' ba dang ldan pa'o/ /snyam ste/ lta ba chen pos sems can la lta ba'i go cha gyon par byed pa yin/ sems can de dag la bdag gis khams gsum pa las nges par 'byung ba'i theg pa chen po de yang dag par bsgrubs nas bstan par bya'o/ /sems can thams cad gso dgos pa'i phyir yongs su ma btsal cing gsol pa ma btab par bdag cag gis blta bar bya dgos so/ /ji ltar sems can rnams kyis gzugs kyi chos nyid mi g.yos pa rjes su thob par 'gyur ba dang / tshor ba dang / 'du shes dang / 'du byed dang / rnam par shes pa'i chos nyid mi g.yos pa rjes su thob par 'gyur ba dang / mya ngan las 'das par 'gro ba'i lam mi g.yos pa rjes su thob par 'gyur ba de lta bu'i gso bas bdag cag gis sbyor bar bya'o/ /snyam du de de ltar sems shing go cha bgos nas chos tshol ba la mngon par brtson pa yin
179a
@#/ /te| chos gang dag tshol bar byed ce na/ de dag ni/ byang chub kyi phyogs kyi chos yongs su smin par 'gyur ba dang / sangs rgyas kyi chos rnams yongs su smin par 'gyur ba ste/ 'di lta ste/ sems can thams cad kyi the tshom gcod par byed pa/ sems can thams cad yang dag par tshim par byed pa'i chos kyi rnam grangs gzung ba dang / dbang po shin tu rgyas par mngon par sgrub pa yang dag par bsgrub pa'i phyir chos de dag yongs su tshol bar byed de/ de ltar chos yongs su tshol ba la mngon par brtson par gnas pa yin te/ tha na sangs rgyas kyi mtshan dang ldan pa'i tshigs su bcad pa zab mo dang ldan pa/ thabs la mkhas pa dang / don zab mo dang ldan pa'i tshig bzhi pa'i tshigs su bcad pa gcig tsam lus la thogs te/ sems can gcig tsam la'ang yang dag par rab tu ston par byed pa yin| chos de'i don dang / tshigs su bcad pa de'i don gang yin pa de/ sems can de dang / sems can thams cad kyis kun shes par gyur cig /ces de lta bu'i smon lam 'debs par byed pa yin no/ /de dge ba'i rtsa ba des mchog /gtso bo/ rab mchog gya nom pa sangs rgyas kyis rjes su gnang zhing 'phags pas rjes su
179b
gnang la/ mkhas pas bstod cing mdzangs pas ma smad pa'i chos bzhi rjes su thob par 'gyur te/ bzhi gang zhe na/ dran pa gcad du med pa yin/ sangs rgyas kyi chos rnams la dran pa nges pa yin/ bdag nyid kyis kyang chos kyi snod du byed pa yin/ sangs rgyas bcom ldan 'das rnams kyi rten du gyur pa'ang yin te/ de la brten nas de bzhin gshegs pa dgra bcom pa yang dag par rdzogs pa'i sangs rgyas chos ston par mdzad do/ /chos gnyis pa 'di'ang rjes su thob par 'gyur te/ gzungs thob pa rjes su thob par 'gyur ba yin/ skye ba rnam par log nas kyang sangs rgyas kyi byang chub thams cad rjes su thob par 'gyur ba yin/ lta ba sdig pa can ma yin pa'i khyim dag tu'ang skye bar 'gyur ba yin/ sangs rgyas bcom ldan 'das rnams kyi bstan pa la'ang mngon par 'byung ba la yid gzhol ba yin/ 'dod pa'i yon tan lnga po dag kyang spong ba yin no/ /chos bzhi po 'di'ang rjes su thob par 'gyur te/ de dge ba'i rtsa ba des chos bcu rjes su thob par 'gyur ro/ /bcu gang zhe na/ 'di lta ste/ sems can thams cad kyi the tshom gcod par byed pa rjes su thob par 'gyur ba yin/ sems can thams cad kyi rten sgrub pa rjes su thob par 'gyur ba yin/ sangs rgyas kyi rnam par thar pa sgrib pa med pa'ang rjes su thob par 'gyur
180a
@#/ /ba yin| rnam par thar pa'i sgo des de bzhin gshegs pa rjes su thob nas spu'i khung bu re re las 'od zer bye ba khrag khrig phrag 'bum grangs med pa dpag tu med pa dag 'gyed pa yin/ 'od zer re res kyang sangs rgyas kyi zhing 'bum dag snang bar byed pa yin/ 'od zer de la'ang pad+ma 'bum dag mngon par sprul par byed pa yin/ pad+ma thams cad la'ang de bzhin gshegs pa'i sku sprul par byed pa yin/ de bzhin gshegs pa re res kyang chos bstan pa re res sems can bye ba khrag khrig phrag 'bum dag yongs su smin par byed de/ ji ltar gzugs kyi chos nyid mi g.yos pa rjes su thob par 'gyur ba de lta bus kyang yongs su smin par byed pa yin / sgrib pa med pa phun sum tshogs pa de dang ldan pa spu gseb re re las me'i phung po lhun po ji snyed 'bar bar byed pa yin/ spu'i cha de nyid las kyang chu'i rgyun gang+gA'i klung gi bye ma snyed rab tu 'bab par byed pa yin te/ sgrib pa med pa'i rnam par thar pa phun sum tshogs pa de dang ldan pas kyang / de bzhin gshegs pas stong gsum gyi stong chen po'i 'jig rten gyi khams spu gcig gi rtse mos phug/ ste 'jig rten gyi khams gang+gA'i klung gi bye ma snyed du 'phangs shing / de bas kyang lhag par 'phangs kyang
180b
sems can de dag 'di snyam du bdag cag 'jig rten gyi khams gzhan du khrid do/ /kun tu khrid do/ /snyam du mi sems so/ /shA radwa ti'i bu/ sgrib pa med pa'i rnam par thar pa phun sum tshogs pa de dang ldan pas/ de bzhin gshegs pas phyogs thams cad kyi nges pa'i tshig dag rab tu shes so/ /sems can thams cad kyi sems kyi rgyud lo bye ba phrag 'bum nas skyes pa dang / 'gags pa dag rab tu shes so/ /sems can lo bye ba phrag 'bum du skyes pa rnams kyis chos kyi the tshom dag so sor sel bar byed do// de bzhin gshegs pa 'byung bar mi 'gyur ba dang / chos gnas par mi 'gyur ba der yang rnam par thar pa phun sum tshogs pa de dang ldan pas/ sems can thams cad kyi sems tshar gcad pa'ang rab tu shes so/ /sems rab tu 'dzin pa'ang rab tu shes so/ /sems kyi mtshams sbyor ba dang / sems kyi rgyu ba'ang rab tu shes so/ / shA radwa ti'i bu/ de ltar sgrib pa med pa'i rnam par thar pa brnyes pa'i de bzhin gshegs pa ni/ chos thams cad la so sor sgrub pa'i gnas rab tu shes so/ /gcig tu mthar thug pa chad pa de dang / dngos po thams cad kyi stong pa dngos po med par shes pa de dang / yongs su 'dzin pa thams cad la bdag gi ba'i 'du shes mi skyed do/ /
181a
@#/ /chos gcig nges par bsam na mdza' bshes rab tu shes pa ma gtogs par mdza' bshes thams cad la bdag gi ba'i 'du shes can ma yin no/ / chos ma yin pa spyod pa la mdza' bshes ma yin par shes nas 'dus byas thams cad kyi gnas la yon tan gyi gnas gcig kyang ma mthong ngo / /'dus byas thams cad la yon tan med pa dang / skyon dang bcas par shes nas chos de 'dra ba de dag rjes su thob par 'gyur ro/ /gzhan yang chos bzhi rjes su thob par 'gyur te/ bzhi gang zhe na/ bag chags kyi mtshams sbyor ba rgyun chad pa rjes su thob pa yin/ lam du 'gro ba na'ang sems can gang dag gis de bzhin gshegs pa'i zhabs dag la reg pa de dag thams cad bde ba thams cad la yang dag par gtad par 'gyur ba yin/ de bzhin gshegs pas 'khor lo'i tshad tsam la gzigs na'ang de lho nub kyi phyogs mtshams nas dpag tshad drug cu rtsa gnyis su sa yongs su g.yos par 'gyur ro/ /shA radwa ti'i bu/ de bzhin gshegs pa la ni/ gang mnyam par ma bzhag par 'gyur ba'i thugs 'ga' yang mi mnga' ste/ shA radwa ti'i bu/ de bzhin gshegs pa ni/ rtag tu mnyam par bzhag pa yin no/ /shA radwa ti'i bu/ de bzhin gshegs
181b
pa la ni/ ting nge 'dzin las nyams pa'am/ ting nge 'dzin las g.yo ba mi mnga' ste/ shA ra dwa ti'i bu/ mdor na sangs rgyas kyi chos thams cad ni/ chos yongs su tshol ba la rag las pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang gi don du theg pa yis/ /sems can rnams la'ang snying rje nyid/ /chos la gus dang bcas pa yis/ /ye shes de yi pha rol 'gro/ /sems can rnams kyi sems shes dang / /'jig rten gsum du mi g.yos pa'i/ /rdzu 'phrul rtog par gang 'dod pas/ /chos la gus dang bcas par bya/ /chos la gus dang bcas byas na/ /rtag tu mchod 'os nyid du 'gyur/ /sangs rgyas chos rnams mtha' yas pa'i/ /chos mchog la yang reg par 'gyur/ /chos la gus par byas na ni/ /de yi dran pa nyams mi 'gyur/ /skye ba de dang de kun tu/ /de yi dran par rab tu 'phel/ / chos de la ni gus byas na/ /gzugs las nyams par mi 'gyur te/ /yan lag nying lag mdzes pa dang / /rtag tu tshul du shis par 'gyur/ /rtag par 'dren rnams mnyes byed cing / /mthong na de la dad byed la/ /sems kyi 'du byed dad pa yis/ /'jig rten 'dren rnams mchod byed pa/ /skye ba de dang de kun tu/ /de yi dad pa rab tu
182a
@#/ /'phel| /'dod pa ngan pa sten mi byed/ /spangs nas myur du rab tu 'byung / /rtag tu tshul khrims phung po la'ang / /mkhas pa rab tu gnas par 'gyur// tshul khrims kyis kyang rlom sems med/ /de la ting 'dzin tshol bar byed/ /rtag tu mnyam par bzhag par 'gyur/ /ting nge 'dzin la rlom sems med/ /'jig rten kun gyi mchog gang yin/ /shes rab la yang phyir zhing sten/ /rtag tu'ang ye shes ldan par 'gyur/ /ye shes kyis kyang rlom sems med/ /ye shes de yis mi rlom zhing / /de ni sangs rgyas chos rnams tshol/ /sangs rgyas kyis ni bsngags pa'i gzungs/ /chos kyi snang ba thob par 'gyur/ /chos kyi snod du mkhyen nas kyang / /ston pas de la byin rlob mdzad| /chos smra de ni byin brlabs 'gyur/ /srog chags phan phyir chos ston cing / /thogs med tshig dang spobs ldan te/ /so so rig thob mthu chen 'gyur/ /thog ma'i dus dang bar dus dang / /tha ma'i dus su chos 'dzin 'gyur/ /kun tu rtag par sangs rgyas bsngags/ /mi rnams kyi ni don chen byed/ /de bzhin lha rnams bsngags pa brjod/ /gnod sbyin klu yis de mchod 'gyur/ /sangs rgyas rnams kyis rtag bsngags 'gyur/ /phyogs bcur de yi grags pa 'byung / /chos
182b
la spyod pa ma smad pa/ /de yi snyan grags nyams mi 'gyur/ /chos min nam yang de mi 'dod/ /sangs rgyas chos rnams de dag sten/ /sems can rnams kyi som nyi gcod de ni chos kyi snang ba byed/ /rnal 'byor tshul du srog chags kyi/ /khams ni de yis rnam par sbyong / /de ni lam ngan ston mi byed/ /drang po'ang rab tu ston par byed/ /sangs rgyas chos la des pa yis/ /chos kyi mchog gis spyod par 'gyur/ /de ni sems la brten pa med/ /de yi gnas ni yod ma yin/ /rten pa med pa'i sems kyis su/ /byang chub spyad pa spyod par byed/ /yul 'khor grong du spyod byed kyang / /gnas ni yod pa ma yin te/ /rtag tu rten pa med par 'gyur/ /de yi gnas ni yod ma yin/ /'du byed rnams kyis 'dod pa min/ /yang dag ston pa'ang yod ma yin/ /byang chub sems dpa' ma smad pa/ /de dag mthong na su mi mchod/ /nam mkha' lta bur 'od gsal ba/ /sems de 'dra ba gang la yod/ /de de 'jig rten mi snang ste/ /de la gnas pa'ang yod ma yin/ /de bas chos de mnyan byos la/ /'di la 'brel gtam bslab par bya/ /srog chags rnams kyi don sgrub pas/ /sangs rgyas chos la bslab par bya/ /shA radwa ti'i bu/ gzhan yang byang chub sems dpa' ni/ chos yongs su tshol ba'i thos pa dang / thos pa
183a
@#/ /la mkhas pa tshol bar byed pa yin te/ shA radwa ti'i bu/ thos pa ni/ gang / thos pa la mkhas pa ni/ gang zhe na/ shA radwa ti'i bu/ thos pa ni/ gzhan gyis rnam par rig byed do/ /thos pa la mkhas pa ni/ rang gis tshul bzhin yid la byed pa gang yin pa ste/ so sor rtogs pa'o/ /shA radwa ti'i bu/ de la gzhan gyi sgra gang zhe na| rjes su mthun pa'i chos gang dag yin pa de dag yin te/ 'di lta ste/ mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la phab par bstan pa'i sde dang / rtogs pa brjod pa'i sde rnams te/ shA radwa ti'i bu/ de ni/ gzhan gyi sgra zhes bya'o/ /shA radwa ti'i bu/ de la thos pa la mkhas pa gang zhe na/ 'di lta ste/ so so rang gi tshul bzhin yid la byed pa'o/ /so so rang gi tshul bzhin yid la byed pa'ang gang zhe na/ 'di lta ste/ phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / chos dkar nag la mkhas pa dang /
183b
snang ba dang bcas pa dang / snang ba med pa dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / bsten par bya ba dang / bsten par bya ba ma yin pa'i chos rnams la gang shes pa dang / so sor rtogs pa dang / mkhas pa dang / so sor shes pa dang / rab tu rnam par 'byed pa dang / chos gnas pa nyid dang / chos skyon med pa nyid dang / rang bzhin rjes su rtogs pa ste/ shA radwa ti'i bu/ de ni/ so so rang gi tshul bzhin yid la byed pa zhes bya'o/ /bam po bcu pa shA radwa ti'i bu/ gang 'di de bzhin gshegs pas phung po la mkhas pa gsungs pa'i phung po la mkhas pa gang zhe na/ shA radwa ti'i bu/ de ni/ ci'ang ma gsungs pa'o/ / gang 'di de bzhin gshegs pas khams pa mkhas pa gsungs pa de ni/ ci'ang ma gsungs pa'o/ /gang 'di de bzhin gshegs pas skye mched la mkhas pa gsungs pa de ni/ ci'ang ma gsungs pa'o/ /gang 'di rten cing 'brel bar 'byung ba la mkhas pa gsungs pa de ni/ ci'ang ma gsungs pa'o/ /gang 'di rten cing 'brel par 'byung ba'i chos la mkhas pa gsungs pa de ni/ ci'ang ma gsungs pa'o/ /shA radwa ti'i bu/ don phyin ci ma log par yang dag par sdus shig/ gang gis yang dag par bsdu bar bya zhe na/ don
184a
@#/ /yang dag par bsdu bas yin gyi/ tshig 'bru yang dag par bsdu bas ni/ ma yin te/ shA radwa ti'i bu/ byis pa rnams ni/ tshig 'bru'i rjes su 'brang ba yin gyi| mkhas pa rnams ni/ don gyi rjes su 'brang ba yin no/ /shA radwa ti'i bu/ tshig 'bru'ang gang zhe na/ shA radwa ti'i bu/ yi ge'i gzhi dang / rnam par rig byed kyi gzhi dang / mngon par brjod pa'i gzhi 'jug pa'i tshig bla dwags ni/ tshig 'bru zhes bya ste/ shes bya'am/ rnam par shes bya'am/ yongs su shes pa bya gang ci'ang rung ste/ mngon par brjod pa dang / nges par brjod pa dang / gdags pa dang / rab tu bzhag pa dang / rjes su 'brang ba dang / mngon par brtag pa dang / kun tu brtag pa dang / so sor nye bar brtag pa dang / btsal ba dang / chos yongs su btsal ba dang / chos gang dag dang / gang la yod pa'i chos rnams dang / brda dang / kun tu rtog pa dang / nye bar rtog pa dang / sems kyi mngon par nges par brjod pa dang / som nyi dang / yid gnyis dang / rnam par 'gyod pa dang / 'jug pa dang / gang dag gzhan yang chos la nges par rtog pa rnams te/ shA radwa ti'i bu/ de ni/ tshig 'bru zhes bya'o/ /shA radwa ti'i bu/ de la don gang zhe na/ gang tshig 'bru de'i don khong du chud pa ste/ de ni/ don zhes bya'o/ /shA radwa
184b
ti'i bu/ brjod du med pa ni/ don zhes bya ste/ shA radwa ti'i bu/ gang 'di don zhes bya ba ji ltar byis pa rnams kyis bzung ba bzhin yin na ni/ tshig 'brur 'gyur gyi/ don ma yin par 'gyur ro/ /shA radwa ti'i bu/ de lta bas na/ don ni/ brjod du mi nus pa'o/ /shA radwa ti'i bu/ nga ni/ 'jig rten dang lhan cig tu smra bar mi byed kyi/ 'jig rten ni/ nga dang lhan cig tu smra bar byed do/ /zhes bya ba de ni/ ngas ldem por dgongs te gsungs pa'o/ /shA radwa ti'i bu/ gang de bzhin gshegs pas mkhas pa gsungs pa de ni/ de bzhin gshegs pas ci'ang ma gsungs pa'o/ /des na de bzhin gshegs pa ni/ 'di ltar phung po la mkhas pa/ khams la mkhas pa/ skye mched la mkhas pa ste/ de la mkhas pa gang yang med pas des na/ de bzhin gshegs pa ni/ de ltar mkhas pa zhes gsung ngo / /'di lta ste/ de bzhin gshegs pa ni/ chos rab tu rnam par 'byed pa ston pa ste/ shA radwa ti'i bu| chos ni/ gang / chos rab tu rnam par 'byed pa ni/ gang zhe na/ shA radwa ti'i bu/ mig ni/ chos zhes bya ste/ de bzhin du rna ba dang / sna dang / lce dang / lus dang / yid ni| chos zhes bya'o/ /shA radwa ti'i bu/ ji ltar na mig chos yin zhe na/ shA radwa ti'i bu/ 'das pa dang / ma 'ongs pa dang / da ltar byung ba ni/ mig ces bya ste/ de ni/ stong pa
185a
@#/ /nyid kyi phyir mi dmigs pa'o/ /de ci'i phyir zhe na/ de'i rang bzhin de yin pa'i phyir ro/ /mig gi ji lta ba bzhin du rna ba dang / sna dang / lce dang / lus dang / yid rnams kyi rang bzhin yang stong pa nyid do/ /de la mig rab tu rnam par 'byed pa gang zhe na/ mig yongs su tshol ba gang yin pa'o/ /ji ltar mig yongs su btsal zhe na/ mig la mig mi dmigs so/ /de ci'i phyir zhe na/ gal te mig la mig yod na ni/ mig gnyis yod cing nang na yod pa'i gang zag kyang yod par 'gyur te/ de ltar mig gi gdags pa gang yin pa de ni/ gdags pa dang / chos dang / mig yin no/ /de la byang chub sems dpa' tshul bzhin du mthong ba srung ba can ni/ 'di ltar so sor rtog par byed de/ mig dang / mig gi gdags pa dang / chos 'di las yang dag pa'i gzhir 'gyur ba gang yin zhes de de ltar so sor rtog par byed pa na| de thams cad ni/ sgra yin gyi/ 'di la yang dag pa'i gzhi'i rten ni/ med do/ /de ci'i phyir zhe na/ 'di ltar sgra'i rnam par shes pa gang yin pa dang / sgra'i rnam par rig byed gang yin pa de ni/ 'jig rten pa'o/ 'jig rten pa gang yin pa de ni/ 'jig rten las 'das pa ma yin no/ /'jig rten las 'das pa ma yin pa gang yin
185b
pa de ni| gcer bu pa'i gnas so/ /de ni/ gcer bu pa'i tshig go /gcer bu pa'i tshig gang yin pa de ni/ sangs rgyas kyi bka' ma yin te/ de bzhin gshegs pa ni/ 'jig rten las 'das pa gsungs pa'o/ /'jig rten las 'das pa ma yin pa gang yin pa des gsungs pa ma yin no/ /de bzhin gshegs pa smra ba las rnam par grub kyang de bzhin gshegs pa ni/ smra ba gcad pa'i phyir chos ston par mdzad kyi/ tshig kun tu sdud par ni mi mdzad do/ /snyam mo/ /yang 'di ltar so sor rtog par byed de/ dge ba gang gis mig mngon par 'grub ce na/ de 'di snyam du sems te/ dge ba nges pas so snyam mo/ /de ci'i phyir zhe na/ de ni/ srid pa'i yan lag yin pa'i phyir ro/ /ci'i phyir srid pa'i yan lag gces bya zhe na/ de ni/ srid pa'i yan lag ste/ rgyu des na/ srid pa'i yan lag ces bya'o/ /shA radwa ti'i bu/ ji ltar na srid pa zhes bya zhe na/ 'gro ba'i phyir srid par 'byung ba ste/ de ni/ 'dir mig tu gyur pa'o/ /de la mngon par dga' bas mngon par dga' ba la 'bras bu yod de/ 'di lta ste/ mig bdag yin/ mig bdag gi yin zhes mig gi rlom sems kyi 'bras bur 'gro bas slong ba ste/ des na de ni/ srid pa zhes bya'o/ /de la brten nas so sor 'dzin to/ /ci zhig yongs su
186a
@#/ /'dzin ce na/ sdug bsngal thams cad yongs su 'dzin to/ /sdug bsngal thams cad kyang gang zhe na/ 'di lta ste/ ngar 'dzin pa dang / nga yir 'dzin pa'o/ de gnyis ni/ 'dir yan lag ste/ des na/ srid pa'i yan lag ces bya'o/ /shA radwa ti'i bu/ 'di lta ste/ dper na/ rnga bo che las sgra byung na/ shA radwa ti'i bu/ 'di ji snyam du sems/ sgra de phyi'am/ nang gang nas byung ba yin/ gsol pa/ bcom ldan 'das/ sgra de ni/ tshogs pa dang ldan pa lags so/ /shA radwa ti'i bu/ khyod kyis phrad pa kun shes sam/ gsol pa/ bcom ldan 'das/ 'tshal te/ kun 'byed pa lags so/ /bcom ldan 'das kyis bka' stsal pa/ shA radwa ti'i bu/ srid pa ni/ de yin te/ shA radwa ti'i bu/ de bzhin du mig ni/ mig gis stong ngo / /mig la mig med do/ /de la byis pa rnams ni/ yang dag pa ma yin pa'i dngos po la chags so/ /de bzhin du rna ba dang / sna dang / lce dang / lus dang / yid rnams ni/ stong pa'o/ /shA radwa ti'i bu/ de tsam gyis na/ mig legs par yongs su btsal ba yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mig ni stong pa nyid du gsungs/ /mig de yod pa ma yin no/ /gal te mig yod ma yin na/ /mi
186b
rtag nyid de su yi yin/ /rna ba mi rtag pa nyid du gsungs/ /de ni dmigs pa ma yin no/ /gal te rna ba yod min na/ /mi rtag nyid de su yi yin/ /sna ni mi rtag nyid du gsungs// de ni dmigs pa ma yin no/ /gal te de dmigs ma yin na/ /mi rtag nyid de su yi gsungs/ /lce ni mi rtag nyid du gsungs/ /lce de yod pa ma yin no/ /gal te de dmigs ma yin na/ /mi rtag nyid de su yi yin/ /lus ni mi rtag nyid du gsungs/ /de ni dmigs pa ma yin no/ /gal te lus yod ma yin na/ /mi rtag pa nyid de su yi yin/ /yid ni mi rtag nyid du gsungs/ /de ni dmigs pa ma yin no/ /gal te de dmigs pa yin na/ /mi rtag pa nyid de su yi yin/ /skye mched bcu gnyis gsungs pa dag /de dag ming yang de snyed yod/ /gal te skye mched rnams med na/ /de snyed ming yod su yi yin/ /'byung ba chen po'ang bzhi yin te/ /de dag rten te gang zhig yin/ /khyi la bong ba 'phangs pa bzhin| |de dag ming gis rgyug par byed/ /gang dag ming gis mi rgyug cing / /bdag nyid rlom sems mi byed la/ /sems can med par zhugs pa ni/ /de dag mya ngan 'das par brjod/ /gang der mya ngan 'das gyur na/ /de la chos dmigs yongs med de/ /mya ngan 'das zhes de brjod kyang / /mya ngan 'das ni brjod du med/ /de la gang yang mi
187a
@#/ /'gro ste| |'gro ba yang ni yod ma yin/ /gang gis de ltar mthun rtogs pa/ /de dag mya ngan 'das pa shes/ /sbyor ba med cing rtsom pa'ang med/ /gos pa med cing yi ge'ang med/ /gang zag med cing srog kyang med/ /des na mya ngan 'das zhes gsungs/ /yod dang med par rnam rtog ste/ /rtog pa yang ni yod ma yin/ /'du shes de yang stong pa ste/ /mya ngan 'das par de bsam mo/ /thag ring ba yi chos ma mthong / /thag nye ba yang mthong ma yin/ /chos rnams rang bzhin gang yin pa/ /'chi 'pho'i tshe yang rab tu shes/ /chos de 'dra ba gang dag gis/ /thos nas tshul bzhin shes byed pa/ /de dag som nyi med 'gyur zhing / /mi shes pa yang med par 'gyur/ /bde mthong srung ba som nyi med/ /chos rnams kun la mi 'jigs pa/ /the tshom dag ni bsal nas su/ /de dag som nyi med par 'gyur/ /dogs med byang chub sems dpa' ni/ / sems can rnams la snying brtse'i phyir/ /the tshom chad pas rgyu byed cing / /chos kyi the tshom gcod par byed/ /chos rnams kun gyi phyag rgya de/ /smra ba kun las thar bya'i phyir| |mchog gsungs pa yis bstan pa yin/ /de la som nyi ma byed cig /rtsod pa rnam par 'jig ces gsungs/ /de yis ngan 'gror 'gro bar 'gyur/ /gang dag
187b
phug nas brten pa rnams/ /de dag gis ni lus ma shes/ /don 'grub par ni de gsungs te/ /don thob pa la gnas pa med/ /gang dag 'gro ba der 'gro ba/ /byang chub la ni nye bar 'gyur| |shA radwa ti'i bu/ gzhan yang byang chub sems dpa' ni/ gnas bzhi la 'dun pa brtan po yin te/ mngon par 'byung ba dang / dgon pa na gnas pa dang / de bzhin gshegs pa mthong ba dang / sdug bsngal ba'i sems can dag mthong na/ nam zhig bdag gis theg pa chen po'i theg pa de yang dag par bsgrubs nas| sems can de dag sdug bsngal thams cad las thar par bya ba'i phyir/ chos ston zhig gu snyam nas go cha gyon par byed pa'o/ /shA radwa ti'i bu/ ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu brtan po yin pa dang / byang chub sems dpa' sems dpa' chen po 'dun pa ji lta bus sangs rgyas kyi ye shes yang dag par sgrub par byed pa de legs par rab tu nyon la yid la zungs shig dang / ngas khyod la bshad do/ /shA radwa ti'i bu/ sngon byung ba 'das pa'i dus na/ bskal pa grangs med pa'i yang ches grangs med pa yangs pa tshad med pa byung bar gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs
188a
@#/ /su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha rnams dang mi rnams kyi ston pa/ sangs rgyas bcom ldan 'das bde ba'i rgyal po zhes bya ba 'jig rten du byung ste/ shA radwa ti'i bu/ de bzhin gshegs pa bde ba'i rgyal po'i tshe'i tshad ni/ lo bdun khri thub par gyur to/ / de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po de'i nyan thos 'dus pa gcig ni/ dgra bcom pa bye ba phrag nyi shur gyur to/ / gnyis pa ni/ dgra bcom pa bye ba phrag bzhi bcur gyur to/ /'dus pa gsum pa ni/ dgra bcom pa bye ba phrag drug khrir gyur to/ /de'i tshe dzam+bu'i gling de ni/ yangs shing rgya che bar gyur te/ dpag tshad 'bum phrag dgu bcu yod do/ /de'i tshe dzam+bu'i gling de na grong khyer brgyad khri bzhi stong byung bar gyur to/ thams cad kyang rin po che sna bdun gser dang / dngul dang / shel dang / bai DUR+Ya dang / spug dang / rdo'i snying po dang / bdun pa mu tig dmar po las byas pa/ bkra ba/ blta na sdug pa/ chu dang srid du ni/ dpag tshad bcu gnyis yod la/ zheng du ni/ dpag tshad bdun yod pa'o/ /thams cad kyang 'byor pa rgyas pa/ bde ba/ nyams dga' ba/ lo legs pa/ skye bo mang pos gang ba'o/ /grong
188b
khyer chen po de dag thams cad kyang khor yug tu ra ba rim bdun dang / 'obs rim bdun gyis yongs su bskor ba'o/ /'obs de dag thams cad kyang chus gang ba/ kun nas rjes su 'bab pa'i chu 'bab pa/ ut+pa la dang / pad+ma dang / ku mu da dang / pad+ma dkar po dag gis kun tu khebs shing / ngur pa dag gis sgra phyung ba/ bya rnam pa sna tshogs kyi tshogs ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u dag gis sgra yang dag par brjod pa'o/ /'obs kyi 'gram de dag thams cad kyang gser gyi shing ljon pa dag la yal ga dag ni/ dngul/ 'dab ma dag ni/ bai DUR+Ya las grub pa/ lo ma dag ni/ rdo'i snying po/ /me tog dag ni/ shel/ 'bras bu dag ni/ spug /sdong bu dag ni| mu tig dmar po dang / dngul gyi shing ljon pa dag la yal ga dag ni/ gser/ 'dab ma dag ni/ shel/ lo ma dag ni/ bai DUR+Ya las grub pa/ 'bras bu dag ni/ spug / me tog dag ni/ rdo'i snying po/ /sdong bu dag ni/ mu tig dmar po dang / shel gyi shing ljon pa dag la sdong po dag ni/ bai DUR+Ya las grub pa/ lo ma dag ni/ gser/ 'dab ma dag ni/ dngul| me tog dag ni/ spug /'bras bu dag ni/ rdo'i snying po/ /sdong bu dag ni/ mu tig dmar po dang / spug gi shing ljon pa dag la sdong po dag ni/ rdo'i snying po/ /lo ma dag ni/
189a
@#/ /mu tig dmar po/ /'dab ma dag ni/ dngul/ me tog dag ni/ gser/ 'bras bu dag ni/ shel/ rtsa ba dag ni/ bai DUR+Ya las grub pa dang / rdo'i snying po'i shing / ljon pa dag la sdong po dag ni/ mu tig dmar po/ /lo ma dag ni/ dngul/ 'dab ma dag ni/ gser/ me tog dag ni/ shel/ 'bras bu dag ni/ bai DUR+Ya las grub pa/ rtsa ba dag ni/ spug dang / mu tig dmar po'i shing ljon pa dag la sdong po dag ni/ gser las grub pa/ lo ma dag ni/ dngul/ 'dab ma dag ni/ shel/ me tog dag ni/ bai DUR+Ya las grub pa| 'bras bu dag ni/ spug las grub pa/ rtsa ba dag ni/ rdo'i snying po las grub pa/ rin po che sna bdun las grub pa'i shing ljon pa dag gis khyab par gyur pa'o/ /grong khyer chen po de dag na grong khyer chen po re re na'ang skyed mos tshal brgyad khri brgyad khri yod de/ thams cad kyang dpag tshad nyi shu pa'o/ /skyed mos tshal brgyad khri po de dag thams cad kyang kho ra yug tu 'obs dag dang / rta babs rim bdun dang / dril bu g.yer ka'i dra ba rim bdun dang / stegs bu rim bdun gyis bskor bar gyur te/ tshul snga ma kho nas gong ma bzhin du sbyar bar bya ste/ ji ltar grong khyer gyi 'obs dag la bkod pa dag bzhin du skyed mos tshal gyi 'obs dag la'ang bkod pa dag kun shes par
189b
bya'o| |skyed mos tshal de la'ang tsan+dan gyi lo ma dag dang / dus kyi rjes su 'brang ba'i shing ljon pa dag dang / rol mo'i sgra'i shing ljon pa dag dang / rgyan gyi shing ljon pa dag dang / me tog gi shing ljon pa dag dang / bza' ba'i shing ljon pa dag dang / btung ba'i shing ljon pa dag yod do/ /skyed mos tshal de la'ang gser dang / dngul dang / shel dang / bai DUR+Ya las grub pa dang / spug las grub pa dang / mu tig dmar po las grub pa'i shing ljon pa dag yod do/ /de dag la'ang me tog skyes pa me tog a ti muk+ta ka dang / tsam+pa ka dang / paR+sha ka dang / d+ha nu ska ri dang / mya ngan 'tshang dang / na ga dang / bal+la dang / ta ra Ni dang / gau ta ra Ni dang / man+dA ra ba dag dang / me tog kha dog lnga pa dag dang / tsan+d+ro ta ra ni dag dang / de dag dang / gzhan yang me tog skyes pa rnam pa sna tshogs dag yod do/ /skyed mos tshal de dag re re la'ang rdzing bu stong phrag bdun bdun byung bar gyur te/ thams cad kyang yan lag brgyad dang ldan pa'i chus gang ba/ tshad ni/ dpag tshad phyed pa/ rin po che sna bdun las grub pa/ gser gyi bye ma bdal ba/ them skas bzhi dang ldan pa'o/ /rdzing bu de dag thams cad kyang rin po che'i dra bas kun tu khebs pa/ ut+pa la dang / pad+ma dang / ku mud dang / pad+ma dkar po dag gis rab tu gang ba'o/ /de'i
190a
@#/ /tshe rgyal po dpas byin zhes bya ba zhig byung bar gyur te/ shA radwa ti'i bu/ rgyal po dpas byin de'i grong khyer brgyad khri bzhi stong dag tu khyim brgyad khri bzhi stong yod par gyur te/ khyim re rer yang btsun mo'i 'khor gyi bud med brgyad khri bzhi stong yod par gyur to/ /dzam+bu'i gling der grong khyer brgyad khri bzhi stong po de dag gi dbus su grong khyer chen po chur dpag tshad brgyad khri yod pa/ zheng du dpag tshad bzhi khri yod pa/ rin po che sna bdun las grub pa/ 'byor pa rgyas pa/ bde ba/ lo legs pa/ nyams dga' ba/ mi'i skye bo mang pos gang ba zhig yod par gyur te/ de ltar snga ma bzhin du sbyar bar bya'o/ /de'i tshe grong khyer chen po de'i dbus su rgyal po dpas byin gyi khyim rin po che sna bdun chu zheng du kun nas dpag tshad bcu yod pa zhig brtsigs par gyur te/ khyim de na'ang gser las byas pa'i pu shu dang / khang pa brtsegs pa sna tshogs pa dag yod do/ /khyim de'i dbus su'ang 'di lta ste/ dper na/ lha rnams kyi dbang po brgya byin gyi khang bzang rnam par rgyal byed lta bu'i khang bzang zhig brtsigs par gyur te/ khang bzang de'i ming ni/ chos zhes bya bar gyur/ rgyal po de'i kun dga' rab ni/ chos bzang zhes bya bar gyur te/ khyim de'i
190b
dbus su'ang skyed mos tshal zhig yod par gyur to/ /skyed mos tshal de'ang rin po che sna bdun las grub pa'i me tog gi shing ljon pa dang / spos kyi shing ljon pa dang / rol mo'i sgra 'byung ba'i shing ljon pa dang / rgyan gyi shing ljon pa dang / gos kyi shing ljon pa rnam pa sna tshogs dag gis kun nas so sor brgyan pa'o/ /skyed mos tshal de'ang mig mang ris su byas pa'o/ /khyim de'ang ngos bzhir rta babs btsugs pa stegs bu dang / kun tu blta ba'i sa dang / skar khung dag gis mdzes par byas pa/ rin po che sna bdun las byas pa'i khang pa brtsegs pa bkra ba/ blta na sdug pa dag gis kun nas so sor brgyan pa'o/ /de'i tshe rgyal po dpas byin gyi btsun mo dam pa gtso mo las byang chub sems dpa' sngon gyi rgyal ba la lhag par bya ba byas pa/ mdzes pa/ blta na sdug pa/ mthu che ba/ dbang che bar grags pa/ dpal dang gzi brjid kyis 'bar ba'i bu zhig btsas par gyur te/ de btsas ma thag tu rgyal po dpas byin gyis 'di ni/ de'i longs spyod du 'gyur pa yin no/ /zhes grong khyer chen po de byin par gyur to/ /de'i nyin mo bu mo sa ya phrag bzhi gang dag byung ba de dag thams cad kyang rgyal po dpas byin gyis gzhon nu'i longs spyod du bslangs so/ /rgyal po de dang / skye rgu'i bdag mo rin chen ma dang / grong
191a
@#/ /mi dang / yul gyi mi dag gis kyang bsod nams mchog ces bya bar ming btags par gyur to/ /de ci'i phyir zhe na/ shA radwa ti'i bu/ rgyal po'i gzhon nu bsod nams mchog btsas pa'i mod la steng gi bar snang la lha rnam kyis glu dbyangs rab tu blangs shing / lha'i tsan+dan gyi phye ma dag dang / lha'i me tog man+dA ra ba'i char pa dag phab par gyur cing / khye'u 'di btsas pa bsod nams mchog /khye'u 'di btsas pa bsod nams mchog ces lha'i dbyangs kyis kyang yang dag par brjod pa'i phyir ro/ / shA radwa ti'i bu/ de'i phyir na khye'u de'i ming bsod nams mchog ces bya ba kho nar btags par gyur to/ /shA radwa ti'i bu/ rgyal po'i bu bsod nams mchog de nar son nas btsun mo'i 'khor gyis mdun du bdar te skyed mos tshal gyi sar tsan+dan las byas pa'i grur zhugs nas skyes pa med pa'i 'dod pa'i yon tan lnga po dag gis rtse zhing dga' mgur spyod do| |de'i tshe'ang rgyal po'i gzhon nu bsod nams mchog tsan+dan gyi grur zhugs nas/ de bzhin gshegs pa'i sku me dang / gser dang / zla ba dang / dzam+bu'i chu bo'i gser gyi mdog gi 'od zer bye ba phrag 'bum rab tu 'gyed pa'i sku dang ldan pa/ sku skyes bu chen po'i mtshan sum cu rtsa gnyis kyis spras pa/ gser ltar 'bar ba/ rin po che'i
191b
bkod pa ltar brgyan pa/ nyan thos kyi dge 'dun gyi dbus na chos ston pa mthong ste/ mthong nas kyang rgyal po'i gzhon nu bsod nams mchog 'di snyam du sems par gyur te/ 'di ci 'dra ba de 'drar bdag kyang gyur cig snyam mo/ /de nas rgyal po'i gzhon nu bsod nams mchog rnam pa de lta bu'i sems skyes nas de ma thag tu de bzhin gshegs pa'i sku de mi snang bar gyur te/ de mi snang bar gyur nas de ma thag tu rgyal po'i gzhon nu bsod nams mchog sdug bsngal zhing yid mi bde bar gyur te/ bud med dag dang yang lhan cig rtse bar mi byed| dga' bar mi byed/ dga' mgur spyod par mi byed cing / bud med de dag la sten par mi byed do/ /gru de nas byung ste khang pa brtsegs par zhugs nas/ skyil mo krung bcas te nam zhig de bzhin gshegs pa de ci 'dra ba de 'dra ba nyid du bdag 'gyur zhig gu snyam ste sems pa la zhugs so/ /de nas rgyal po'i bu gzhon nu de'i thad du bud med gang dag 'ong ba de dag thams cad rgyang ring po kho na nas mthong nas rgyal po'i gzhon nus sgo dag bcad de/ kye ma sems can 'di dag ni/ 'dod chags kyis gang ba/ nad chen pos so sor gzir ba dag ste/ 'dod chags kyis gang zhing nad chen pos so sor gzir ba'i sems can de dag la bdag gis kun tu spyad pa byas na/ de dag ni/ rigs pa ma
192a
@#/ /yin la| bdag ni/ rigs pa yin pa'i phyir de ni/ bdag gi cha ma yin par 'gyur ro/ /sems can 'di dag ni/ zhe sdang gis gang ba/ nad chen po'i nad kyis kun tu gzir ba dag ste/ gal te zhe sdang gis so sor gang zhing nad chen po'i nad kyis rab tu gzir ba'i sems can de dag la yid du 'ong ba dang bcas par byas na/ de dag ni/ mi rigs pa yin la/ bdag ni/ rigs pa yin pa'i phyir de la bye brag ci yod par 'gyur te/ bdag ni/ sku de lta bu mngon par sgrub par brtson pa'o/ /kye ma bdag gis rang gi sems ni/ tshar gcad par bya/ sems can de dag la ni/ gnod sems mi bskyed par bya'o/ /kye ma sems can 'di dag ni/ gti mug gis gang ba/ nad chen po'i nad kyis kun tu gzir ba dag ste/ gal te nad chen po'i nad kyis kun tu gzir ba'i sems can de dag la rjes su 'jug par byas na/ de dag ni/ mi rigs pa yin la/ bdag ni/ rigs pa yin pas/ de la bye brag ci yod par 'gyur te/ bdag ni/ sku de lta bu mngon par sgrub par brtson pa'o/ /sems can 'di dag ni/ phrag dog dang / khro bas gang ba/ nad chen po'i nad kyis kun tu gzir ba dag ste/ gal te sems can de dag la bdag kun tu rjes su 'jug par byas na/ de dag ni/ mi rigs
192b
pa yin la/ bdag ni/ rigs pa yin pas/ de la bye brag ci yod par 'gyur te/ bdag ni/ sku de lta bu mngon par sgrub par brtson par bya'o/ /kye ma bdag gis phrag dog med par bya| ser sna can ma yin pa dang / rmongs pa med pa dang / 'dod chags dang bral ba dang / zhe sdang dang bral ba dang / gti mug dang bral bar bya zhing / sems can de dag nyid la'ang byams pa'i sems bskyed par bya/ snying rje bskyed par bya/ sems can de dag lam gang du zhugs na/ 'dod chags dang / zhe sdang dang / gti mug dang / phrag dog dang / khro ba dang / ser sna dang / sgyu dang / g.yo dang / tha ba dang / nga rgyal thams cad rgyun chad par 'gyur/ spong bar 'gyur/ mi sten par 'gyur/ mi sgom par 'gyur/ mang du mi byed par 'gyur ba'i lam btsal bar bya'o/ /snyam mo/ /shA radwa ti'i bu/ de ltar rgyal po'i gzhon nu bsod nams mchog yid mi dga' zhing skyo bas mngon par brtson te rtse bar mi byed/ dga' bar mi byed/ dga' mgur spyod par mi byed cing / su'i ngor yang lta bar mi byed do/ /shA radwa ti'i bu/ rgyal po dpas byin gyis rgyal po'i gzhon nu bsod nams mchog rtse bar mi byed/ dga' bar mi byed/ dga' mgur spyod par mi byed cing / bud med mthong na'ang sgo gcod par byed do/ /zhes thos te/ thos nas kyang
193a
@#/ /rgyal po dpas byin dang / skye rgu'i bdag mo rin chen ma 'di snyam du sems par gyur te/ rgyal po'i gzhon nu bsod nams mchog la gang gis kyang mi dga' ba'am/ yid du mi 'ong ba nye bar sgrub par gyur na mi rung ngo / /snyam nas gang gis rtse bar mi byed/ dga' bar mi byed/ dga' mgur spyod par mi byed cing / bud med mthong na'ang sgo gcod par byed ces de bdag gis gdon mi za bar dri bar bya'o/ /snyam mo/ /de nas rgyal po dpas byin dang / skye rgu'i bdag mo gtso mo rgyal po'i gzhon nu bsod nams mchog ga la ba der dong ste phyin nas rgyal po'i gzhon nu bsod nams mchog la tshigs su bcad pa dag gis smras pa/ khang bzang chos dang chos bzang byed du bcug /de bzhin lha yi bu mo 'dra bas gang / /shing ljon sna tshogs skyed mos tshal mdzes na/ /ci phyir gzhon nu khyim der dga' mi byed/ /khang bzang dang ni shing thags dam po btsugs/ /rgyal srid kun la grong khyer 'di byed bcug /'dir ni 'dzam gling 'di kun snang 'gyur na/ /ci phyir gzhon nur khyim der dga' mi byed/ / de ring khyod la su yis mi dga' smras/ /khyod la mi snyan de 'dra ga las byung / /tshong pa nor rnyed chen po chud zos bzhin/ /ci phyir 'di na khyod ni gcig pu sems/ /nga ni pha
193b
yin 'di yang ma yin gyi/ /gang de dris pa nged la smra bar gyis/ /'dzam gling dbang phyug da lta nga yin na/ /deng 'dir ni chad pa chen po su la gcad/ /shA radwa ti'i bu/ de nas rgyal po'i gzhon nu bsod nams mchog gis pha ma la tshigs su bcad pa dag gis slar smras pa/ bdag la sus kyang mi snyan smras ma mchis/ /tshig ma mchis pas ji ltar brjod par bgyi/ /su la'ang khyed kyis chad pa mi gcad gsol/ /rang gi sems la chad pa gcod par mdzod/ /chu yi nang 'dir bdag ni spyod pa na/ /bdag gis 'dren pa yi ni sku mthong ste| |'dzam gling gser gyi 'od zer bye stong ldan/ /phyogs nyid kun tu snang zhing rnam par mdzes/ /sa yi 'od dang de bzhin me yi 'od/ /zla ba'i 'od dang de bzhin nyi ma'i 'od// de yi gan na thams cad mi gda' ste/ /de 'dra'i sku de mthong bar gyur te yab/ /bdag sems ye shes gzugs kyis ji lta bur/ /sku de de 'drar bdag kyang gyur cig snyam/ / rga nad gzir ba'i sems can thar par bgyi/ /nyon mongs sems ldan bde dang ldan par bgyi/ /ye shes gzugs dang stobs dang mthu dang ni/ /bsam mi khyab pas sku de ji lta bar/ /mi rnams kyi ni rgya chen don bgyi zhing / /ngan 'gror gnas pa'i skye bo gdon par bgyi/ /bdag ni rtses pas 'tshal to dga' bas 'tshal/ /khyim dang bud med
194a
@#/ /dag gis 'tshal lags so/ /bdag gis kun spangs rab tu 'byung bar bgyi/ /sangs rgyas rnams kyis bslab nas sangs rgyas bgyi/ /ngur smrig gi ni gos kyang bgos nas su/ /rab tu byung nas bdag gis chos spyad do/ /yab cig khyod kyang 'dir ni rab byung nas/ /rgyal srid spangs te chos la spyod par mdzod/ /rtag tu bdag gis chos ni btsal bar bgyi/ /rtag tu bdag gis tshul bzhin chos spyad do/ /'dod pa bsten pas bde legs 'gyur ma lags/ /dkar po thams cad nyams par 'gyur ba lags/ /yab cig 'dod 'ching 'di ni dam po lags/ /de slad khyod ni bcings las thar mi 'gyur/ /'dod pa spang mdzod dgon par gnas par mdzod/ /de las sangs rgyas ye shes thob par 'gyur/ /sangs rgyas bstan pa 'di la mngon byung ba/ /bdag la de ring bar chad su bgyid pa/ /de la nam du'ang bde legs mi 'gyur yab| |bsod nams ma lags mang po thob par 'gyur/ /bdag cag khyod la sman slad bdag gis brjod/ /khyod la rgyal srid ci bgyi sras ci bgyi/ /rgyal srid mi rtag longs spyod rtag ma lags/ /khyod dang ring por mi thogs 'bral bar 'gyur/ /gang las chos dkar mang po da 'thob pa'i/ /chos ni gal te ma bgyis gyur na yab/ /
194b
'khor ba'i 'khor lo rjes su 'jug pa yis/ /yang dang yang du skye rga nye bar 'byung / /de na bu ni nam yang ma mchis te/ /chos rnams de dag thams cad stong pa'o yab/ /stong pa'i chos rnams de dag mi rtog pa/ /de dag ming dang gzugs la dam por gnas/ /bu la sred phyir sdig pa ma mdzad cig /sangs rgyas bstan 'dir yongs su rab tu 'byung / /dal ba phun tshogs bdag gis yun ring rnyed/ /yab cig khyod kyang myur du rab tu byung / /mi yi lus 'di rab tu rnyed par gyur/ /bde ba'i dbang phyug sangs rgyas 'byung bar gyur/ /bdag gis dad pa ring nas de ring rnyed/ /kye ma yab cig tshur spyon mngon par 'byung / /de ltar de skad ces smras nas rgyal po'i gzhon nu bsod nams mchog de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po ga la ba der song ste phyin nas bcom ldan 'das de'i zhabs la phyag btsal te lan gsum bskor ba byas nas spyan sngar 'dug ste/ thal mo sbyar nas tshigs su bcad de gsol pa/ bdag ni bdud kyi zhags par skyes lags te/ /bdag ni bdud kyi spyod yul 'phel lags so| |bdag ni bdud kyi zhags pa kun bcad de/ /mgon po khyod la rab tu 'byung bar gsol/ /mgon po bdag bcing ba yis bcings pa dam/ /'jigs pa chen pos
195a
@#/ /bcings na gzigs su gsol/ /'di la bde ba'i ro myang ma mchis te/ /'dod pa sdug bsngal kun gyi rtsa ba lags/ /bcing ba de dag bcad de 'dir bdag mchis/ /de tshe bdud kyi bcing ba kun spangs nas/ /sangs rgyas bstan 'dir rab tu 'byung bar 'tshal/ /rkang gnyis rnams kyi dam pa sangs rgyas bgyi/ /shA radwa ti'i bu| de nas de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal pos rgyal po'i gzhon nu bsod nams mchog rab tu byung ngo / / de rab tu byung bar rig nas rgyal po'i gzhon nu bsod nams mchog gi rjes su slob pa srog chags dkrigs phrag brgyad rjes su rab tu byung ngo / /de dag rab tu byung bar rig nas rgyal po'i gzhon nu bsod nams mchog gi slas kyang rjes su rab tu byung ngo / /de rab tu byung bar rig nas rgyal po'i gzhon nu bsod nams mchog gi grogs po bye ba phrag brgya rjes su rab tu byung ngo / /shA radwa ti'i bu/ de nas rgyal po dpas byin gyis bu de rab tu byung bar rig nas dpung gi tshogs yan lag bzhi pa dang lhan cig tu de bzhin gshegs pa bde ba'i rgyal po ga la ba der song ste phyin nas/ bcom ldan 'das de'i zhabs la phyag btsal te/ thal mo sbyar nas tshigs su bcad pa 'di dag
195b
gsol to/ /chos 'di gnod pa med cing rims nad med/ /rang bzhin rab zhi ther zug 'chi med zhi/ /rab byung bde ba kun gyi rtsa ba lags/ /skyabs mchis sangs rgyas bstan la rab tu 'byung / /bdag gis rgyal srid de bzhin longs spyod dang / /chung ma sdug dang longs spyod gnyen rnams btang / /'dod pa'i longs spyod dag la chog ma mchis/ / ngan pa'i chos la rtag pa'i dus ma mchis/ /bdag gis longs spyod sna tshogs yid mchi spyad/ /de ni byis pa blo chung spyod yul te/ /rgyal bas bsngags pa'i chos de spyad bgyis na| |sdug bsngal kun gyi mtha' mar bgyid par 'gyur/ /dge slong dag 'dun thabs cig longs spyad du/ /bdag gis rgyal ba'i thad du rgyal srid btang / /rab tu 'byung bar gsol zhing kun tu spyad/ /rkang gnyis rnams kyi dam pa sangs rgyas bgyi/ /mi rnams kyi ni rgya chen don bgyi zhing / /sdug bsngal mang pos gzir ba'i sems can dgrol/ / mi khom rgya chen rnam par spangs nas su/ /bdag gis khom dang mya ngan 'das zhi thob/ /de la bde ba'i rgyal pos ched brjod brjod/ /legs so rgyal po chen po rgyal chen sems// nam zhig sangs rgyas ye shes khyod 'dod na/ /myur du tshur shog legs 'ongs myur rab byung / /de tshe rgyal pos thos nas sems mgu ste/ /rgyal ba'i bstan la rab byung 'thob
196a
@#/ /bya zhing / /rkang gnyis gtso bo'i sangs rgyas 'gyur bar bya/ /de tshe bde ba'i rgyal pos bdag dbugs 'byin/ /rgyal ba de yis bstan la de rab byung / /de tshe yan lag bzhi pa'i dmag gis bskor/ /de tshe theg pa mchog la thams cad zhugs/ /rkang gnyis rnams kyi dam pa sangs rgyas 'gyur/ /de tshe sangs rgyas bstan la de rab byung / /chos spyad nas ni bzod pa'ang bskyed par gyur/ /tshe zad nas ni 'chi ba'i dus byas te/ /de dag thams cad mtho ris 'jig rten skyes/ /bde gshegs grags chen bye phrag nyi shu yi/ /'dren pa'i sangs rgyas de yi skabs su byung / /thams cad de dag kun gyis mnyes par byas/ /bstan pa kun la'ang chos ni spyad par gyur/ /rtag par rgyun du brtson 'grus brtsams par gyur/ /shes rab stobs dang ldan pas mi 'jigs pa/ /mi rnams kyi ni rgya chen don byas shing / /de dag gis ni srog chags bye stong bkrol/ /bde bar gshegs pas chos brjod bzung nas su/ /de dag 'dren pa'i rgyal ba rnams su byung / /de dag gis ni bstan pa rgyas par mdzad/ /lus rnams btang zhing de bzhin srog kyang btang / /theg pa mchog la su zhig 'jug mi byed/ /de yi rnam par smin pa bla med yin/ /ye shes bla na med pa mchog thob 'gyur/ /
196b
zhi ba mya ngan med pa'i byang chub rig /shA radwa ti'i bu/ de'i tshe de'i dus na rgyal po dpas byin zhes bya ba chos dang ldan pa chos kyi rgyal po gang gis bcom ldan 'das de bzhin gshegs pa bde ba'i rgyal po de la longs spyod du rgyal srid phul zhing khyim nas khyim med par rab tu byung ba de gzhan zhig yin pa snyam du khyod som nyi'am yid gnyis za bar gyur na| shA radwa ti'i bu/ khyod kyis de ltar blta bar mi bya'o/ /de ci'i phyir zhe na/ nga ni/ de'i tshe de'i dus na rgyal po dpas byin zhes bya ba der gyur to/ /shA radwa ti'i bu/ de'i tshe de'i dus na rgyal po'i gzhon nu bsod nams mchog ces bya ba rab tu byung bar gyur pa de gzhan zhig yin pa snyam du khyod som nyi'am yid gnyis za bar gyur na/ de ltar blta bar mi bya ste/ shA radwa ti'i bu/ de'i tshe de'i dus na byang chub sems dpa' sems dpa' chen po brtan pa'i blo gros 'di ni/ rgyal po'i gzhon nu bsod nams mchog ces bya bar gyur to/ /shA radwa ti'i bu/ byang chub sems dpa' sems dpa' chen po rnams kyi chos nyid ni/ sdug bsngal gyis gzir ba'i sems can dag mthong na snying rje chen po skyed par byed pa'o/ /shA radwa ti'i bu/ gzhan yang byang chub sems dpa' ni/ chos zab mo la mngon bar brtson pa yin/ chos zab mo kho na yongs su tshol ba yin/ chos
197a
@#/ /zab mo kho na yang dag par rab tu ston par byed pa yin no/ /shA radwa ti'i bu/ gang la brtan pa rnams 'gro ba'i chos zab mo de dag ni/ gang yin/ shA radwa ti'i bu/ brtan pa de dag ni/ gang yin zhe na/ shA radwa ti'i bu/ byang chub sems dpa' dag ni/ brtan bzhes bya ste/ de dag ni/ bla na med pa yang dag par rdzogs pa'i byang chub las skyo bar mi 'gyur zhing sgyid lug par mi 'gyur ro/ /shA radwa ti'i bu/ de dag ni/ brtan pa dag ces bya ste/ de dag ni/ chos rnams 'dzin pa'o/ /chos gang dag 'dzin ce na/ mig gis chos 'dzin par byed do/ /shA radwa ti'i bu/ de la gang mig 'dzin pa de ni/ chos ma yin te/ de ni/ gzung du med pa'o/ /shA radwa ti'i bu/ chos kyang gang zhe na/ rang bzhin gyis nang yang med/ phyi rol yang med/ bdag kyang med/ bdag gi'ang med/ kun nas nyon mongs pa'ang med/ rnam par byang ba'ang med pa'o rna ba dang / sna dang / lce dang / lus dang / yid kyi chos 'dzin te/ de la chos gang yin pa de ni/ yid ma yin no/ /shA radwa ti'i bu/ chos zhes bya ba ni/ gang bdag med pa dang / bdag gi med pa dang / phyi rol med pa dang / nang med pa dang / kun nas nyon mongs pa med pa dang / rnam par byang ba med pa dang / skye ba med pa dang / 'gag
197b
pa med pa'o/ /shA radwa ti'i bu/ de ci'i phyir zhe na/ rang bzhin de yin pa'i phyir te/ rang bzhin gang yin pa de ni/ byas pa med cing 'gyur ba med pas/ des na yid ni/ chos zhes bya'o/ /shA radwa ti'i bu/ ci'i phyir 'dzin pa zhes bya zhe na/ stong pa nyid 'dzin par byed/ mtshan ma med pa dang / smon pa med pa 'dzin par byed/ mi dmigs pa smon pa med par 'dzin par byed pa ste/ mi dmigs pa ni/ smon pa med pa'o/ /shA radwa ti'i bu/ gzhan yang chos gang dag yin pa de dag ni/ bsal ba'ang med/ gzhag pa'ang med pa'o// gang la bsal ba'ang med/ gzhag pa'ang med pa 'di ni/ chos rnams kyi 'dzin pa zhes bya ste/ des na/ byang chub sems dpa' zhes bya'o/ /shA radwa ti'i bu/ byang chub sems dpa' zhes bya ba ni/ shA radwa ti'i bu/ sangs rgyas rnams dang nye ba'i sems dpa' yin pas des na/ byang chub sems dpa' zhes bya'o/ /byang chub med pa'i phyir byang chub sems dpa' zhes bya'o/ /yang sems dpa' de sems can med pa nyid kyis byang chub la 'jug par byed pas des na/ byang chub sems dpa' zhes bya'o/ /shA radwa ti'i bu/ yang gal te byang chub sems dpa' bstan na ni/ de 'di ltar bstan pa byas par 'gyur te/ de ci'i phyir zhe na/ shA radwa ti'i bu/ bstan pa med pa ni/ byang chub sems dpa' yin pa'i
198a
@#/ /phyir ro| |gang gis bstan du med ce na/ gang gis kyang bstan du med pas des na/ bstan pa zhes bya'o/ /shA radwa ti'i bu/ dga' ba dang ldan pa de dag ni/ gnyis su med pa la mos pa ste/ de dag ni/ chos su smra ba'ang ma yin/ chos ma yin par smra ba'ang ma yin pas des na/ byang chub sems dpa' dag ces bya'o/ /shA radwa ti'i bu| gzhan yang byang chub ces bya ba ni/ stong pa nyid gang yin pa de ni/ byang chub bo/ /shA radwa ti'i bu/ stong pa nyid ces bya ba cis stong pa zhe na/ chos thams cad kyis stong ngo / /shA radwa ti'i bu/ chos su 'du shes na'ang 'du shes su 'dzin pa nyid du 'gyur/ bdag tu 'dzin pa nyid du 'gyur/ sems can du 'dzin pa dang / srog tu 'dzin pa dang / gang zag tu 'dzin pa dang / 'dzin pa thams cad kyi 'dzin par 'gyur ba des na/ 'du shes su 'dzin pa zhes bya'o/ /de la de med pas des na/ stong pa nyid ces bya ste| stong pa nyid gang yin pa de ni/ byang chub bo/ /shA radwa ti'i bu/ gzhan yang chos thams cad ni/ byang chub ste/ de bzhin du mngon par rdzogs par sangs rgyas pa yin gyi| mthun par byos la mi mthun par ma byed cig /de ci'i phyir zhe na/ byang chub ni/ zab pa'i phyir te/ gang la byis ba so so'i skye bo thams cad 'gro ba med pa de tsam
198b
du zab bo/ /shA radwa ti'i bu/ byis pa dag lta zhog gi /shA radwa ti'i bu/ dgra bcom pa dang / rang sangs rgyas rnams kyang zad pa shes pa la rnam par lta bar byed cing / mi skye ba shes pa la rnam par lta bar byed la/ mi skye ba shes pa mngon du byed kyang de la 'gro ba med do/ /gang zad par bya ba'i phyir zad pa shes pa zhes bya zhe na/ chos gang yang zad par bya ba'i phyir zad pa shes pa ma yin no/ /gzhan yang chos thams cad kyi zad pa nyid pas des na/ zad pa shes pa zhes bya'o/ /shes pa de 'phags pa rnams kyi yin pas des na| zad pa shes pa zhes bya'o/ /'di snyed zad do/ /zhes shes pa de lta bu med pa dang / de ltar zad do/ /zhes shes pa de lta bu med pa dang / 'di phan chad zad do/ /zhes shes pa de lta bu med pas des na/ zad pa shes pa zhes bya'o/ /des na nyan thos dang / rang sangs rgyas rnams kyang byang chub tu 'gro ba med ces bya'o/ /shA radwa ti'i bu/ mi skye ba zhes ci'i phyir bya zhe na/ shA radwa ti'i bu/ de la phra rab tsam yang skye ba med pas des na/ mi skye ba zhes bya'o/ /shA radwa ti'i bu/ de la shes pa gang yin pa 'di ni/ mi skye ba shes pa zhes bya'o/ /nyan thos rnams la 'di nas mi skye ba de'o zhes shes pa de med pa dang / nyan thos rnams la 'di phan chad mi skye'o zhes shes pa de med pas des
199a
@#/ /na| sangs rgyas rnams kyi ye shes mtha' yas pa zhes bya'o/ /ci'i phyir sangs rgyas kyi ye shes mtha' yas pa zhe na/ ye shes de mnyam pa med cing mtha' med pas des na/ sangs rgyas kyi ye shes de mtha' yas pa zhes bya'o/ /ye shes de yul med pa yin pas des na/ sangs rgyas kyi ye shes zhes bya'o/ /shA radwa ti'i bu| sangs rgyas kyi ye shes zhes bya ba ji skad du bstan pa yin zhe na/ ye shes de sangs rgyas pa yin pas des na/ sangs rgyas kyi ye shes zhes bya'o/ /ye shes de btsal ba yin pas des na/ sangs rgyas kyi ye shes zhes bya'o/ /shA radwa ti'i bu/ sangs rgyas zhes bya ba ji skad du bstan pa yin zhe na/ shA radwa ti'i bu/ sems can 'di dag ni/ 'gyur ba yin/ shA radwa ti'i bu/ sems can 'di dag ni/ gnas 'di nas kun tu rgyug pa yin/ khong du ma chud pa yin te/ shA radwa ti'i bu/ des ni| chos thams cad sangs rgyas pas des na/ sangs rgyas zhes bya'o/ /ji ltar chos thams cad sangs rgyas she na/ ji ltar chos de dag med pa dang / chos ma yin pa med pa dang / de dag kun nas nyon mongs pa med pa dang / rnam par byang ba med pa dang / de dag 'das pa med pa dang / ma 'ongs pa med pa dang / da ltar byung ba med pa
199b
de ltar sangs rgyas so/ /ji ltar gang yang skye ba'am/ 'jug pa'am/ zad pa'am/ 'ong ba'am/ 'gro ba'am/ kun nas nyon mongs pa'am/ rnam par byang ba'am/ 'gag pa med pa de ltar sangs rgyas so/ /shA radwa ti'i bu/ gzhan yang mtha' yas shing dpag tu med la gting dpag dka' zhing khong du chud par dka' bas sangs rgyas te/ shA radwa ti'i bu| 'di lta ste/ dper na/ rgya mtsho chen po ni/ ro gcig pa dang / bri ba dang / gang ba med pa dang / zab pa yin no/ /shA radwa ti'i bu/ de bzhin du de bzhin gshegs pa'i rgya mtsho'i 'di lta ste/ rnam par grol ba'i ro dang / skye ba med pa'i ro dang / zad pa med pa'i ror ro gcig cing / chos zab mo ston pa'i phyir rim gyis chos ston pa la gzhol ba dang / the tshom thams cad gcod pa'i phyir zhu ba'i chu thams cad len pa dang / chos thams cad mi brjed pa'i phyir bri ba med pa dang / chos gnas pa nyid kyi phyir gang ba med pa'o// shA radwa ti'i bu/ gzhan yang gal te sangs rgyas bstan par gyur na 'di la su zhig yid ches bar byed de/ shA radwa ti'i bu/ 'di lta ste/ dper na/ klu'i rgyal po chen po rgya mtsho ni| char 'bebs pa na 'di lta ste/ rgya chen por rang gi gnas kho nar char 'bebs par byed do/ /de ci'i phyir zhe na/ shA radwa ti'i bu/ gang klu'i rgyal po rgya mtsho'i chu'i rgyun bzod
200a
@#/ /par nus pa'i sa'i phyogs de gang yang med pa'i phyir te/ de bzhin gshegs pas byin gyis brlabs pa ni/ ma gtogs so/ /shA radwa ti'i bu/ de bzhin du gal te de bzhin gshegs pa de bzhin gshegs pa'i chos nyid ston cing / sangs rgyas kyi ye shes kyi mtshan nyid gsung yang / shA radwa ti'i bu/ byang chub sems dpa' theg pa chen po la yang dag par zhugs pa/ de bzhin gshegs pas byin gyis brlabs pa ma gtogs par gang kun shes par nus pa'i nyan thos sam/ rang sangs rgyas sam/ sems can 'ga' yang sems can gyi ris na ngas yang dag par rjes su ma mthong ngo / /shA radwa ti'i bu/ gnas bzhi po 'di dag ni/ rtogs par dka' zhing rnyed par dka' la shin tu mchog tu rnyed par dka' ba ste/ de dag de ring thob bo/ /bzhi po de dag gang zhe na/ shA radwa ti'i bu/ mi nyid shin tu mchog tu rnyed par dka' ba yin/ shA radwa ti'i bu| de bzhin gshegs pa 'byung ba shin tu mchog tu rnyed par dka' ba yin/ shA radwa ti'i bu/ de bzhin gshegs pa'i bstan pa la dad pa shin tu mchog tu rnyed par dka' ba yin/ shA radwa ti'i bu/ dad pa rnyed nas gnas dang gnas ma yin pa dri ba shin tu rnyed par dka' ba yin te/ shA radwa ti'i bu/ gnas bzhi po de dag ni/
200b
shin tu mchog tu rnyed par dka' zhing / rtogs par dka' ba ste/ de dag khyed cag gis thob bo/ /shA radwa ti'i bu/ khyed cag chos gang la the tshom yod pa nga la dris shig dang / shA radwa ti'i bu/ khyod lha dang bcas pa'i 'jig rten la skabs dbye'o/ /shA radwa ti'i bu/ ring po mi thogs par yongs su mya ngan las 'da' nas/ shA radwa ti'i bu/ phyis 'gyod par gyur na mi rung gi /nga la dris shig /de nas tshe dang ldan pa shA radwa ti'i bu stan las langs te| bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ ngas dri ba lan btab pa de dang de kho nas khyod kyi sems rangs par bya'i/ de bzhin gshegs pa dgra bcom pa yang dag par rdzogs pa'i sangs rgyas la gang dang gang 'dod pa dris shig/ de skad ces bka' stsal pa dang / bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ sems can spyod pa dang yon tan khyad
201a
@#/ /par can la rab tu gnas pa rnams kyi don du de bzhin gshegs pa la zhu lags so/ /de bzhin gshegs pa bdag gis zhu ba ni/ /gang dag spyod dang yon tan khyad 'phags gnas/ /yo byad bsnyungs pa'i tshul gyis 'phags gyur cing / /des dang bzod bsten smon lam ldan gyur ba/ /mkhas rnams sbyin pa de 'dra ci zhig stsol// sbyin pa stsal nas ji ltar dga' bar 'gyur/ /ji ltar sems ni yongs su bsngo bar bgyid/ /'jungs pa ma mchis par yang sbyin pa bgyid/ /ji ltar tshul khrims bsten par bgyid/ /de dag bzod pa'ang ci 'dra lags/ /de dag brtson 'grus ci lta bu/ /ji lta bu yi des par 'gyur/ /sems can sdug bsngal ldan mthong na/ /ji ltar bsam pa ston par bgyid/ /byang chub sems dpa' de dag gi/ bsam pa 'dren pa bshad du gsol/ /bskal pa bye ba brgya mang du/ /go cha 'tshal ba de dag gi /ji ltar sems ni nyon mi mongs/ /ji ltar de dag dga' ba bskyed/ /de dag ting 'dzin ji lta bu/ /de dag shes rab ci 'dra lags/ /mang du thos pa'ang ji lta bu/ /de dag thos pa'ang ci 'dra zhing // mnyan par bgyi ba'i chos gang lags/ /spang bar bgyi ba'i chos gang lags/ /byang chub slad zhugs gang dag lags/ /de dag gi ni spyod yul zhu/ /ji ltar dam chos
201b
tshol bar bgyid/ /de dag 'dun pa ci 'dra lags/ /ji ltar 'dod pa rnam par spong / /de dag mngon 'byung ji lta bu/ /ji ltar mngon par 'byung rnams kyi/ /dga' ba rgya chen skye bar 'gyur| |ji ltar rab tu byung nas su/ /yon tan rnams kyis 'phags nas mdzes/ /ji ltar sems ni nges par gzhol/ /de dag thabs ni ci 'dra lags/ /ji ltar tshe rabs dran par 'gyur/ /de dag dran pa ji lta bu/ /ji ltar mngal du zhugs rnams kyi/ /byang chub sems ni 'byung bar 'gyur/ /rdzogs pa'i sangs rgyas der mthong 'gyur/ /de dag mthong ba slu mi 'gyur/ /ji ltar 'dod chags chung bar 'gyur/ /zhe sdang chung zhing mi 'jigs 'gyur/ /ji ltar gti mug mi 'gyur zhing / /ma rmongs par ni 'gyur ba lags/ /ji ltar rgyal po'i rigs skyes pa/ /mkhas rnams rgyal srid bgyid du gsol/ /mi khom thams cad spangs nas su/ /rtag tu gus dang bcas par 'gyur/ /ji ltar rgyal srid rab bsngags na| |bzhin 'dzum khro bar mi bgyid lags/ /de dag gi ni rnam rgyal der/ /sangs rgyas mthong ba'ang rnyed par 'gyur/ /ji ltar gzugs dang ldan pa lags/ /rtag tu tshul du shis par 'gyur/ /'khor dang ldan par 'gyur ba lags/ /byang chub mchog la zhugs pa lags/ /ji ltar skyes pa tsam gyis kyang / /khyim la dga' bar mi 'gyur zhing / /mngon
202a
@#/ /par 'byung la gzhol bar 'gyur/ /de dag sred pa ma mchis 'gyur/ /ji ltar rab tu byung nas su/ /sangs rgyas byang chub 'dzin pa lags/ /de bzhin gshegs pa mya ngan 'das/ /ji ltar dam chos 'dzin par 'gyur/ /ji ltar 'jig rten 'khrugs pa na/ /'khrug par mi bgyid mi 'jigs 'gyur/ /'jig rten nyam thag 'tshal nas kyang // dbugs 'byin grags pa chen por 'gyur/ /ji ltar thos pa 'dzin par 'gyur/ /gzungs kyi sgo yang thob par 'gyur/ /spobs pa thogs pa ma mchis shing / /srog chags rnams la chos 'dzin stsol/ /ji ltar sems can gzhan rnams kyi/ /gzhan gyi sems dag 'tshal ba lags/ /ji lta dge ba ma lags pa'i/ /sems tshar gcod cing rtag tu dge/ byang chub sems dpa'i don slad du/ /zhu bar 'tshal na rkang gnyis mchog/ byang chub sems dpa'i spyod pa gang / /bdag gis zhu ba de bshad gsol/ /sangs rgyas chos kyi rgyu slad du/ /gang dag gis ni sems bskyed pa/ /de dag lung bstan thos gyur nas/ /dga' ba bzang po 'byung bar 'gyur/ /sangs rgyas ye shes thogs ma mchis// chos rnams kun la 'jug pa lags/ /phyogs gcig pa yi shes pa yis/ /'jig rten 'dren la zhu bar 'tshal/ /chos rnams gang dag ma zhus pa/ /de la bdag gis shes
202b
mi 'jug /byang chub sems dpa'i spyod pa gang / /ston pas de ni bstan du gsol/ /de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ legs so/ /legs so/ /shA radwa ti'i bu/ khyod kyis byang chub sems dpa' sems dpa' chen po rnams kyi don dang / lhag pa'i bsam pa la yang dag par zhugs pa/ yon tan gyi spyod pa la rab tu gnas pa/ bzod pa dang des pa la rab tu gnas pa rnams kyi don du de bzhin gshegs pa dgra bcom pa yang dag par rdzogs pa'i sangs rgyas la 'dri ba ni/ khyod yang legs so/ /shA radwa ti'i bu/ yon tan rnams kyi mtha' ni/ rtogs par mi nus so/ /shA radwa ti'i bu/ ci 'dra ba'i sems can de dag gi don du de bzhin gshegs pa la khyod 'dri ba ni/ sems can de dag ni/ de tsam du dka' ba byed pa yin te/ shA radwa ti'i bu/ 'di lta ste/ dper na/ mi la la zhig gis stong gsum gyi stong chen po'i 'jig rten gyi khams na sems can gang su dag ji snyed yod pa de dag yid la byed pa gcig par byas na/ shA radwa ti'i bu/ 'di ji snyam du sems/ 'on mi des dka' ba byas pa yin nam/ gsol pa/ bcom ldan 'das/ dga' ba bgyis pa lags so/ /dka' stsal pa/ shA radwa ti'i bu/ dka' ba 'di ni/ byang chub sems
203a
@#/ /dpa'i dka' ba snga ma la brgya'i char yang nye bar mi 'gro'o/ /stong gi cha dang / 'bum gyi char yang nye bar mi 'gro ba nas rgyu'i bar du'ang mi bzod do/ /shA radwa ti'i bu/ 'di lta ste/ dper na/ stong gsum gyi stong chen po'i 'jig rten gyi khams tsha ba/ 'bar ba/ rab tu 'bar ba/ kun tu rab tu 'bar ba/ kun tu me lcer gyur pa 'di ni| me'i phung po de mi la la zhig gis kha'i dbugs kyis zhi bar byas la/ kha'i dbugs gcig shos kyis khor yug dang khor yug chen po'i ri dag dang / ri'i rgyal po chen po ri rab dang / ri chen po gzhan dag kyang kun tu gnas par byas shing / rgya mtsho chen po dang / gling rnams dang / gzhal med khang dag dang / kun dga' ra ba nyams dga' ba dag dang / nags tshal nyams dga' ba dag dang / chu bo nyams dga' ba dag dang / rdzing nyams dga' ba dag dang / grong dag gam/ grong rdal dag gam| ljongs dag gam/ ljongs kyi phyogs dag kun tu gnas par byas/ so sor gnas par byas na/ shA radwa ti'i bu/ 'di ji snyam du sems/ mi des dka' ba byas pa yin nam/ gsol pa/ bcom ldan 'das/ dka' ba bgyis pa lags so/ /bka' stsal pa/ shA radwa ti'i bu/ dka' ba 'dis ni/ byang chub sems dpa'i dka' ba
203b
snga ma la brgya'i char yang nye bar mi 'gro'o/ /stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang mi bzod do/ /shA radwa ti'i bu/ 'di lta ste| dper na/ mi la la zhig gis stong gsum gyi stong chen po'i 'jig rten gyi khams 'di bshig cing rnam par gtor la rnam par bshig par gyur na/ shA radwa ti'i bu/ 'di ji snyam du sems/ mi de brtson 'grus dang ldan pa yin nam/ gsol pa/ bcom ldan 'das/ de lta lags te/ mi de ni/ brtson 'grus mchog dang ldan pa lags so/ /bka' stsal pa| shA radwa ti'i bu/ brtson 'grus 'dis ni/ byang chub sems dpa'i brtson 'grus snga ma la brgya'i char yang nye bar mi 'gro ba nas/ rgyu'i bar du'ang mi bzod do/ /shA radwa ti'i bu/ 'di lta ste/ dper na/ mi la la zhig gis stong gsum gyi stong chen po'i 'jig rten gyi khams 'di gang na chu'i phung po rab tu gnas pa'i chu'i phung po'i gnas kyi bar du de thams cad phrag pa la thogs te/ sbrang bu mchu ring gi rje dar gyi skas la tshangs pa'i 'jig rten gyi bar du 'dzeg la lhung bar yang ma gyur na/ shA radwa ti'i bu/ 'di ji snyam du sems/ mi des dka' ba byas pa yin nam/ gsol pa/ bcom ldan 'das/ dka' ba bgyis pa lags so/ /bde bar gshegs pa/ shin tu dka' ba bgyis
204a
@#/ /pa lags te/ mi de brtson 'grus dang / mthu chen po dang ldan pa lags so/ /bka' stsal pa/ shA radwa ti'i bu/ khyod mos par bya'o/ /shA radwa ti'i bu/ khyod khong du chud par bya ste/ stobs dang / brtson 'grus dang / thabs la mkhas pa 'dis ni/ byang chub sems dpa'i stobs dang / brtson 'grus dang / thabs mkhas pa snga ma la brgya'i char yang nye bar mi 'gro'o/ /stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang mi bzod do/ /bam po bcu gcig pa/ de ci'i phyir zhe na/ shA radwa ti'i bu/ skyes bu dam pa de dag ni/ sems kyi brtson 'grus dang / lus kyi brtson 'grus dang / lus kyi mthu de lta bu dang ldan pa/ thabs la mkhas pa dang ldan pa/ smon lam dag dang ldan pa/ mthu dang ldan pa yin/ shA radwa ti'i bu| de dag ni/ shes pa de lta bu la rab tu gnas pa/ theg pa chen po dang / mi 'jigs pa chen po la rab tu gnas pa/ mig chen po la rab tu gnas pa/ sangs rgyas kyi ye shes la rab tu gnas pa/ snying rje chen po la rab tu gnas pa yin/ de dag ni/ spyod lam dang / spyod pa de lta bu dang ldan pa/ yon tan gyi spyod pa dang / nges pa la gnas pa yin/ de dag ni/ sbyin pa mngon par sgrub pa dang /
204b
tshul khrims mngon par sgrub pa dang / bzod pa mngon par sgrub pa dang / brtson 'grus mngon par sgrub pa dang / ting nge 'dzin mngon par sgrub pa dang / shes rab mngon par sgrub pa de lta bu la rab tu gnas pa/ thabs mkhas pa mngon par sgrub pa la rab tu gnas pa/ mtshan mngon par sgrub pa la mngon du zhugs pa/ sangs rgyas kyi rnam par 'phrul pa mngon par sgrub pa la mngon du zhugs pa/ khyu mchog tu gyur pa mtha' yas pa mngon par sgrub pa la mngon du zhugs pa/ sangs rgyas kyi cho 'phrul mngon par sgrub pa la mngon du zhugs pa/ chos kyi sbyin pa mngon par sgrub pa la mngon du zhugs pa/ sems can gyi bsam pa mngon par sgrub pa mkhas pa la mngon du zhugs pa/ sems can rnams kyi spyod pa mngon par sgrub pa mkhas pa la mngon du zhugs pa/ sems can rnams kyi sems tshar gcod pa'i phyir mngon du zhugs pa/ sems can rnams kyi sems tshar gcad pa'i phyir rab tu gnas pa/ sems can rnams kyi sems kyi mtshams sbyor ba mngon par sgrub pa la mngon du zhugs pa/ sems can la dmigs pa mngon par sgrub pa la mngon du zhugs pa/ sems can rnams kyi tshul khrims mngon par sgrub pa la mngon du zhugs pa/ sems can rnams kyi ting nge 'dzin sgrub pa la mngon du zhugs
205a
@#/ /pa| sems can rnams kyi rnam par grol ba sgrub pa la mngon du zhugs pa/ sems can rnams kyi rnam par grol ba ye shes mthong ba sgrub pa la mngon du zhugs pa/ sems can rnams kyi zhi gnas sgrub pa la mngon du zhugs pa/ sems can rnams kyi lhag mthong sgrub pa la mngon du zhugs pa/ sems can rnams kyi lam mngon par sgrub pa la mngon du zhugs pa/ sems can rnams kyi 'bras bu mngon par sgrub pa la mngon du zhugs pa/ sems can rnams kyi bden pa mngon par sgrub pa la mngon du zhugs pa yin/ shA radwa ti'i bu/ de 'dra ba'i skyes bu dam pa de dag ni/ phyogs bcu'i nges pa'i tshig gis brda rab tu shes pa/ tha snyad kyis brda rab tu shes pa/ chos thams cad la'ang mngon par zhen pa med pa'i ye shes kyi gnas rjes su thob pa/ chos thams cad la'ang phan pa'i ye shes sgrub pa la mngon du zhugs pa| chos thams cad stong pa'i ye shes sgrub pa la mngon du zhugs pa yin pa'i phyir ro/ /shA radwa ti'i bu/ mdor na skyes bu dam pa de dag ni/ ye shes de lta bu la mngon du zhugs pa/ ye shes de lta bu la lhag par dmigs pa/ ye shes de lta bu la smon lam 'debs pa/ ye shes de lta bu la kun tu sgom pa yin/ skyes bu dam pa de dag ni/
205b
cho ga dang / spyod pa'i yon tan de lta bu la rab tu gnas pa yin/ de dag ni/ lam de dang yang ldan pa yin pa'i phyir te/ shA radwa ti'i bu/ ngas dpe de'ang cung zad dang / ngan don dang / gsog cig bstan pa yin no/ /shA radwa ti'i bu/ gzhan yang skyes bu dam pa de dag ni/ go cha de byas pa la dpe de lta bur so sor 'os pa yin te/ de bzhin gshegs pas ji ltar rab tu mkhyen pa bzhin no/ /gang de bzhin gshegs pa ji 'dra ba dang ldan pa'i ye shes de lta bu dang ldan pa des dpe de so sor shes par bya/ khong du chud par bya'o/ /shA radwa ti'i bu/ gnas de la nyan thos rnams kyis ni/ dad pas 'gro bar bya ste/ ji lta ba bzhin du khong du mi chud do/ /shA radwa ti'i bu/ gzhan yang khyod kyis sems can de lta bu dag gi don du de bzhin gshegs pa la dris te/ shA radwa ti'i bu/ khyod la 'jug pa tsam dang / cung zad tsam dang / dpe tsam dang / gsog tsam dang / grangs tsam 'ga' zhig bya'o/ / de ci'i phyir zhe na/ shA radwa ti'i bu/ de ni/ nyi ma'i las ma yin/ zla ba byed kyi las ma yin/ zla ba'i las ma yin/ lo'i las ma yin/ lo brgya'i las ma yin/ lo stong gi las ma yin| lo 'bum gyi las ma yin/ bskal pa'i las ma yin/ bskal pa brgya'i las ma yin/ bskal pa stong gi las ma yin/ bskal pa 'bum gyi las ma yin pa'i
206a
@#/ /phyir te| shA radwa ti'i bu/ 'on kyang de ni/ bskal pa grangs med pa dpag tu med pa'i las yin no/ /shA radwa ti'i bu/ re zhig sems dang po bskyed pa'i bsod nams kyi phung po gang yin pa de nyid kyi bsod nams kyi phung po ngan ngon tsam dang / gsog tsam dang / cung zad tsam gyi yon tan de dag kyang re zhig bskal pa brgya dang / bskal pa stong dang / bskal pa 'bum gyis kyang bgrod par mi nus na/ byang chub sems dpa' sems dpa' chen po rnams kyi sems bskyed pa'i tshang shes par 'gyur ba lta ci smos te/ de ni/ gnas med do/ /shA radwa ti'i bu/ byang chub sems dpa' rnams kyi spyod pa ni/ ye shes chen po don du gnyer ba nyid kyi phyir tshogs dpag tu med pa'o/ /shA radwa ti'i bu/ byang chub sems dpa' rnams kyi spyod pa ni/ sems can grangs med pa yongs su smin par 'gyur bas zad mi shes pa'o/ /shA radwa ti'i bu/ byang chub sems dpa' rnams kyi spyod pa ni/ chos zab mo mngon par rdzogs par byang chub ba nyid kyi phyir khong du chud par dka' pa'o/ /shA radwa ti'i bu/ byang chub sems dpa' rnams kyi spyod pa ni/ chos thams cad la rten pa med pa nyid kyi phyir zab pa'o/ /shA radwa ti'i bu/ byang chub sems dpa' rnams kyi spyod pa ni/ sangs rgyas kyi ye shes
206b
mtha' yas pa nyid kyi phyir mtha' yas pa mu med pa'o/ /shA radwa ti'i bu/ byang chub sems dpa' rnams kyi spyod pa ni/ tshad med pa'i phyir las mthar thug pa med pa'o/ /shA radwa ti'i bu| sems can de tsam yongs su mya ngan las 'da' bar bya/ sbyin pa de tsam sbyin par bya/ tshul khrims de tsam dang / bzod pa de tsam dang / brtson 'grus de tsam dang / bsam gtan de tsam dang / shes rab de tsam bsgom par bya/ dus de tsam gyis 'di phan chad bsgom par bya/ 'di phan chad bsgom par mi bya'o/ /snyam mod kyi| 'on kyang byang chub sems dpa' rnams kyi spyod pa ni/ mthar thug pa med pa kho na'o/ /shA radwa ti'i bu/ byang chub sems dpa' rnams kyis ni/ 'di lta ste/ byang chub kyi snying po'i mthar thug pa gcig pu kho na mthong ste/ de la chos thams cad shin tu byang ba dri ma med pa zhes bya ba'i ting nge 'dzin thob nas/ chos thams cad mngon par rdzogs par byang chub pa'i phyir ro/ /shA radwa ti'i bu/ de la byang chub sems dpa' sems dpa' chen po rnams kyi lhag pa'i bsam pa ni/ gnas gsum du blta bar bya ste/ lhag pa'i bsam pa dang po de ni/ dngos po thams cad yongs su gtong ba'i las nyid du shes par bya'o/ /byang chub sems dpa'i lhag pa'i bsam ba gnyis pa de ni/ chos yongs su tshol ba dang / chos len pa dang / chos kun tu
207a
@#/ /'dzin par ni/ byed la/ bdag tu lhag par zhen pa ni/ med pa nyid du shes par bya'o/ /shA radwa ti'i bu/ lhag pa'i bsam pa gsum pa de ni/ chos zab mo mi spong ba dang / sangs rgyas bcom ldan 'das rnams kyi byang chub la 'jug pa nyid du mos shing sgyid lug pa med pa ste/ shA radwa ti'i bu/ byang chub sems dpa'i lhag pa'i bsam pa ni/ gnas gsum po de dag tu rig par bya'o/ /shA radwa ti'i bu/ byang chub sems dpa' sems dpa' chen po rnams kyi lhag pa'i bsam pa ni/ gnas gzhan gsum du blta bar bya ste/ gsum gang zhe na/ byang chub sems dpa'i sde snod kyi chos kyi rnam grangs 'dod pa'i phyir/ chos yongs su tshol ba la rtag tu brtson 'grus brtsams pa nyid dang / bdag nyid kyi dge ba'i rtsa ba spyad par bya ba'i phyir dang / sems can thams cad kyi dge ba'i rtsa ba spyad par bya ba'i phyir/ chos smra ba'i rjes su 'brang ba nyid dang / de la'ang nye bar spyod pa bla na med pa ston pa nyid kyis yang dang yang du nye bar spyod pa ston pa nyid dang / de la'ang bsnyen par dka' ba mthong ba na/ bdag gis las la ston pa nyid kyis gang gi phyir bdag gis ma thos pa ni/ bdag nyid kyi las de yin gyi/ 'di'i le lan ni/ ma yin pas/ de'i phyir ci nas bdag gis 'di la
207b
nye bar spyad pas las kyi sgrib pa thams cad byang bar 'gyur ba dang / yang dag par rgyun chad par 'gyur ba de ltar bya'o/ /snyam pa 'di ni/ byang chub sems dpa' rnams kyi lhag pa'i bsam pa gsum pa'o/ /shA radwa ti'i bu/ de lta bas na/ rnam grangs des na/ khyod kyis ci nas chos yongs su tshol ba la mngon par brtson zhing chos smra ba'i rjes su 'brang bas sangs rgyas kyi chos thams cad yongs su rdzogs par 'gyur ba de ltar blta bar bya'o/ /shA radwa ti'i bu/ sngon byung ba 'das pa'i dus na bskal pa yangs pa/ tshad med pa/ bsam gyis mi khyab pa/ grangs med par gyur pa de'i tshe de'i dus na ye shes mchog ces bya ba'i bskal pa la rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur bla na med pa/ lha dang mi rnams kyi ston pa/ de bzhin gshegs pa kun tu srung ba'i bdag po sprin gyi dbang phyug mar me zhes bya ba 'jig rten du byung ngo / /shA radwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas kun tu srung ba'i bdag po sprin gyi dbang phyug mar me de'i tshe'i tshad ni/ bskal pa phyed tshang bar thub par 'gyur ro/ /shA radwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas kun tu srung ba'i
208a
@#/ /bdag po sprin gyi dbang phyug mar me de'i nyan thos 'dus pa ni/ gang+ga'i klung gi bye ma snyed byung bar gyur te/ nyan thos 'dus pa re re'ang gnyis ka'i cha las rnam par grol ba/ shes rab phun sum tshogs pa/ lta ba phun sum tshogs pa/ lus kyis mngon du byed pa dag go /shA radwa ti'i bu/ de bzhin gshegs pa kun tu srung ba'i bdag po sprin gyi dbang phyug mar me de'i nyan thos 'dus pa de dag ji snyed byung ba de snyed du/ byang chub sems dpa' sems dpa' chen po 'dus ba dag kyang de snyed kho na byung bar gyur te/ phyir mi ldog pa dag kyang gang+gA'i klung gi bye ma snyed byung na/ byang chub sems dpa' sems dpa' chen po theg pa la gsar du zhugs pa dag lta ci smos/ shA radwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas kun tu srung ba'i bdag po sprin gyi dbang phyug mar me yongs su mya ngan las 'da' bar mdzad pa na/ dzam+bu'i gling bye ba phrag brgya thams cad du chos smra ba bye ba phrag brgya byin gyis brlabs so/ /shA radwa ti'i bu/ de bzhin gshegs pa kun tu srung ba'i bdag po sprin gyi dbang phyug mar me de'i dam pa'i chos ni/ lo bye ba khrag khrig 'bum phrag brgyad cur gnas so/ /shA radwa ti'i bu/ de'i dus na
208b
sems can de dag gi tshe'i tshad ni/ lo bye ba phrag brgyad cu thub par 'gyur te/ sems can gang yang bar mdor 'chi ba'i dus mi byed do/ /sems can de dag bya ba thams cad la shin tu mthar thug pa yin no/ /shA radwa ti'i bu/ de'i tshe de'i dus na dzam+bu'i gling der chos smra ba 'od grags pa zhes bya ba zhig byung ngo / /shA radwa ti'i bu/ bcom ldan 'das des byang chub sems dpa' chos smra ba 'od grags pa de dam pa'i chos ji srid du gnas pa de srid du byin gyis brlabs so/ /shA radwa ti'i bu/ chos smra ba 'od grags pa de ni/ phyir mi ldog pa bzod pa thob par gyur pa'o/ /shA radwa ti'i bu/ de'i dus na phyi ma'i tshe phyi ma dus dam pa'i chos nub pa'i dus kyi chen chos smra ba 'od grags pa de grong nas grong du| grong khyer nas grong khyer du/ ljongs nas ljongs su/ 'khor nas 'khor du de bzhin gshegs pa'i byang chub bskal pa bye ba grangs med pa yang dag par bsgrubs pa yang dag par rab tu bstan to/ /shA radwa ti'i bu/ de'i tshe de'i dus na dzam+bu'i gling der mtha' 'khob kyi grong khyer grong khyer brtan ldan zhes bya ba byung ngo / /grong khyer der yang khyim bdag brtan pa'i sde zhes bya ba byung ste/ khyim bdag brtan pa'i sde de ni/ gzhon nu dar la bab par gyur ba ste/ grong khyer gyi bya ba dag byed do/ /dus gzhan zhig na grong
209a
@#/ /khyer gyi bya ba la mngon par brtson pa de la sems skyes pa/ shes pa gang yang dag par bsgrubs nas sems can de dag la dam pa'i chos yang dag par rab tu ston cing / chos de'i don yang dag par rab tu ston la/ de'i don yang dag par rab tu bstan na/ sems can de dag bya ba thams cad la shin tu mthar thug par 'gyur ba'i shes pa de ci 'dra zhig gu snyam mo/ /khyim bdag brtan pa'i sde de gcig pu dben par song nas de snyam du sems pa na lha zhig 'ongs nas 'di skad ces smras so/ / khyim bdag/ de bzhin gshegs pa kun tu srung ba'i bdag po sprin gyi dbang phyug mar me zhes bya ba yod do/ /de nas khyim bdag brtan pa'i sde rangs pa skyes so/ /de nas lha des yang smras pa/ khyim bdag/ de ni/ yongs su mya ngan las 'das so/ /de nas khyim bdag brtan pa'i sde dus so/ /de nas lha des khyim bdag brtan pa'i sde de la 'di skad ces smras so/ /khyim bdag /khyod ci'i phyir rangs pa skyes nas phyis dus/ de skad ces smras pa dang / khyim bdag brtan pa'i sdes lha de la smras pa/ lha/ khyod kyis de bzhin gshegs pa yod do/ /zhes de skad ces smras pa de la bdag rangs ba skyes so/ /gang de bzhin gshegs pa med do/ /zhes de skad ces smras pa de la bdag
209b
dus te| lha/ 'di ltar de bzhin gshegs pa bdag gis ma mthong bas bdag 'tsho ba ni/ don med do/ /de nas lha des khyim bdag brtan pa'i sde la 'di skad ces smras so/ /khyim bdag/ de bzhin gshegs pa dgra bcom pa yang dag par rdzogs pa'i sangs rgyas kun tu srung ba'i bdag po sprin gyi dbang phyug mar me yongs su mya ngan 'da' ba na dge slong chos smra ba chos ston pa 'od grags pa zhes bya ba byin gyis brlabs pa yod de/ khyim bdag/ chos smra ba de ni/ bcom ldan 'das des ji snyed kyi chos bstan pa mdzad pa de thams cad kun 'dzin par byed kyi/ chud gzon par mi byed do/ /khyim bdag/ dge slong de ni/ bcom ldan 'das de'i chos kyi mdzod 'dzin pa'o/ /de nas khyim bdag brtan pa'i sdes lha de la 'di skad ces smras so/ /lha/ chos smra ba de da ltar gang na gnas/ lhas smras pa/ khyim bdag/ chos smra ba 'ong grags pa de ni/ da ltar ser skya'i grong khyer gyi rgyal po'i pho brang na gnas te/ rgyal po'i pho brang de ni/ 'di nas shar phyogs su dpag tshad drug stong sum brgya 'das pa na yod do/ /de nas khyim bdag brtan pa'i sngos de'i mtshan mo 'das nas/ 'gron bu bye ba phrag brgyad cu thogs shing gser srang bye ba phrag brgyad cu thogs nas/ g.yog 'khor mang po dang ser skya'i rgyal po'i
210a
@#/ /pho brang ga la der song ste phyin nas/ chos smra ba 'od grags pa ga la ba der song ste rkang pa la mgo bos phyag btsal nas phyogs gcig tu 'dug go/ khyim bdag brtan pa'i sde phyogs gcig tu 'dug pa la'ang chos smra ba 'od grags pas 'di lta ste/ sems can thams cad kyi the tshom gcod par byed pa'i chos kyi rnam grangs/ sems can thams cad yang dag par tshim par byed pa'i chos kyi rnam grangs/ byang chub sems dpa'i dge ba'i rtsa ba yang dag par skul ba'i gtam bzang po byas so/ /de nas khyim bdag brtan pa'i sde chos smra ba 'od grags pa la sems dad nas legs par gsungs so/ /zhes smras te 'gron bu de dag dang / gser srang de dag phul lo/ /rim gro dang bsnyen bkur bya ba'i phyir bdag nyid kyang phul lo/ /shA radwa ti'i bu/ khyim bdag brtan pa'i sde de chos smra ba 'od grags pa la rim gro dang bsnyen bkur bya bar mngon par brtson zhing / chos yongs su tshol ba la mngon par brtson par gyur te/ 'di lta ste/ chos kyi rnam grangs de nyid gzung ba dang yi ger 'bri ba dang / bklag pa'i phyir lo bye ba phrag drug cur phyi bzhin du rjes su 'brangs so/ /lo bye ba phrag drug cu po der yang mnyan pa'am/ yi ger 'bri ba'am/ lung
210b
nod par chos kyi rnam grangs de ma thob bo/ /de lo bye ba phrag drug cur chos smra ba 'od grags pa la rim gro byed pa na/ nam du'ang rmugs pa dang / gnyid kyis ma non to/ /de lo bye ba phrag drug cur chos smra ba de la rim gro byed pa na nam du'ang chos dang ma bral lo/ /de lo bye ba phrag drug cur chos smra ba de la rim gro byed pa nam du'ang 'dod pa'i rnam par rtog pa la rnam par rtog par ma gyur/ gnod sems kyi rnam par rtog pa la ma yin/ rnam par 'tshe ba'i rnam par rtog pa la ma yin no/ /shA radwa ti'i bu/ chos smra ba de gnas gang na gnas pa'i gnas de'i sgor khyim bdag brtan pa'i sde mi nyal bar gyur to/ 'di lta ste/ kun bsrung ba'i phyir langs pa nyid kyis 'dug gi/ nyal bas ni/ ma yin no/ /shA radwa ti'i bu/ de'i dus na bdud rtag tu glags tshol ba la rjes su lta ba zhes bya ba zhig byung ngo / /de nas bdud rtag tu glags tshol ba la rjes su lta bas khyim bdag brtan pa'i sde la glags btsal bar bltas so/ /de nas bdud rtag tu glags tshol ba rjes su lta bas dge slong 'od grags pa ji 'dra ba de 'dra ba kho na'i dge slong bud med dang lhan cig tu phrad par byed pa zhig mngon par sprul to/ /de nas bdud rtag tu glags tshol ba la rjes su lta bas sprul pa de lta bu mngon par sprul nas khyim bdag brtan pa'i sde de la 'di skad
211a
@#/ /ces smras so/ /khyim bdag /khyed kyi ston pa nang gi mkhas pa/ grags pa/ shes rab dang ldan pa/ thos pa dang ldan pa/ thos pa rgya mtsho gang yin pa de'i log par rtog pa dang / de'i spyod yul ma yin pa la ltos/ ji ltar na gzhan la yo byad bsnyungs pa'i gtam yang byed la/ bdag nyid kyis tshul khrims 'chal pa nyid kyang yongs su 'dzin/ khyim bdag /bdag nyid kyis tshangs par spyod pa'o/ /zhes kyang khas 'che la/ mi tshangs par spyod pa'ang yang dag par blangs nas gnas pa la ltos/ /khyim bdag /ji ltar na/ zab mo spyod pa'ang yin zhing yo byad bsnyungs pa la rab tu gnas pa'ang yin la/ bya ba de lta bu dang / tshul de lta bu byed pa yin te/ de ni/ gnas med de de ni/ mi rigs so/ /khyim bdag /bsten cing bsnyen bkur byas pa des chog gi /khyod kyis dge slong de lta bu de thong zhig /khyim bdag /khyod ni/ tshul khrims dang ldan pa dang chog shes pa dang / rab tu dben pa dang / dran pa dang ldan pa dang / shes rab dang ldan pa yin la/ 'di lta bu de ni/ tshul khrims 'chal pa yin na/ ji ltar na khyod de la bsnyen bkur byed/ de nas khyim bdag brtan pa'i sde 'di snyam du sems te/ ji ltar kun tu srung ba'i bdag po sprin gyi dbang phyug mar me des chos smra ba chos kyi mdzod
211b
'dzin pa 'od grags pa zhes bya ba byin gyis brlabs te/ chos kyi gter yang 'dzin pa'i gtam de lta bu lta bu des bdag la byas te/ der song la bsnyen bkur byos shig /ces de skad ces kyang smras shing / bdag gis kyang de la spobs pa thos nas chos smra ba 'od grags pa ga la ba der song ste phyin nas/ bdag la chos smra ba 'od grags pas byang chub sems dpa'i sde snod the tshom thams cad gcod par byed pa/ sems can thams cad yang dag par tshim par byed pa yang dag par rab tu bstan cing / bdag gis kyang chos 'dod pas chos kyi phyir dbul ba phul te/ bdag nyid kyang rim gro dang bsnyen bkur bya ba'i phyir phul bas de ni/ bdag gis legs par byas pa yin na/ gang mi 'dis chos smra ba 'od grags pa'i spyod yul ma yin pa'i tshig smras pa de ni/ bdud kyi las yin no/ /de ci'i phyir zhe na/ de ni/ gnas med skabs med pa'i phyir te/ gang de bzhin gshegs pas byin gyis brlabs pa'i sems can rnams kyi spyod yul de dag yin no/ /zhes bya ba de ni/ gnas med de/ gdon mi za bar 'di ni/ bdud dam/ bdud kyi ris kyi lha'am// bdud kyis byin gyis brlabs pa'i mi zhig yin no/ /de ci'i phyir zhe na/ ji ltar bdag gis chos smra ba 'od grags pa las chos bstan pa bzung ba'i chos bstan pa de la ni/
212a
@#/ /mtshan nyid de dag med pa'i phyir te/ bdag gis ni/ bud med de la rnam par blta bar bya/ bud med kyi chos la rnam par blta bar bya/ skyes pa la'ang rnam par blta bar bya/ skyes pa'i chos la'ang rnam par blta bar bya ste/ gal te chos smra ba 'od grags pa de de bzhin gshegs pas byin gyis brlabs pa yin la/ bdag sprul pa yang dag pa ma yin pa de nyid kyi dbang gis song na ni/ de bzhin gshegs pa la bdag gis skur pa btab par 'gyur zhing / de bzhin gshegs pa'i chos nyid la'ang skur pa btab par 'gyur na/ bdag gis ni/ bsam pa bzang po'i smon lam gyi dbang dang / de bzhin gshegs pa de'i bden pa'i byin gyi rlabs kyis bden pa'i byin gyis brlabs bya'o/ /snyam mo/ /de nas khyim bdag brtan pa'i sdes de'i tshe| bden pa dang / bden pa'i tshig gang gis chos smra ba de bcom ldan 'das des chos bstan pa'i phyir byin gyis brlabs pa yin na/ bdag la chos yongs su btsal ba'i phyir lhag pa'i bsam pa yod pa'i bden pa dang / bden pa'i tshig des bud med de dang / skyes pa de mi snang bar gyur cig /ces bden pa'i byin gyis brlabs byas te/ shA radwa ti'i bu/ khyim bdag de'i bden pa'i byin gyi rlabs kyis bud med de dang / skyes pa
212b
de'ang mi snang bar gyur to/ /bdud kyi ris de dag mi snang bar gyur nas/ de nas khyim bdag brtan pa'i sde bsam pa 'di la zhugs te/ gang chos smra ba 'od grags pas bdag la sems can thams cad kyi bsam pa yang dag par tshim par byed pa'i chos kyi rnam grangs nyan du ma ster ba de'ang bdag gi bdud kyi las yin/ de ni/ bdud kyi byin gyis brlabs pa yin te/ 'di ltar bdag chos yongs su tshol ba la mngon par brtson zhing rtag par rgyun du de'i rjes su 'brangs na/ des kyang bdag la byang chub sems dpa'i sde snod kyi chos kyi rnam grangs nyan du ma bcug ste/ kye ma bdag gis 'di ltar bdag la bdud kyi las su mi 'gyur ba de ltar bya'o/ /snyam ste/ shA radwa ti'i bu/ khyim bdag brtan pa'i sde chos smra ba 'od grags pa'i rjes su 'brang ba kho nar byed kyi/ phyir ma log go /shA radwa ti'i bu/ khyim bdag brtan pa'i sde'i lhag pa'i bsam pa phun sum tshogs pa la ltos/ lo bye ba phrag drug cur des chos smra ba de'i rjes su 'brang zhing dga' ba dang / dad pas kyang yid yongs su mi skyo bar lo bye ba phrag drug cur rjes su 'brang du zin kyang chos kyi rnam grangs de lan gcig ma gtogs par nam yang ma thos so/ /bdud rtag tu glags tshol ba la rjes su lta bas kun tu rmongs pa'i gnas de lta bu kun tu bstan pa na'ang de'i sems gzhan du
213a
@#/ /ma gyur te/ chos smra ba de la dad pa thob pa nyid du'ang gyur to/ /khyim bdag brtan pa'i sde de lo bye ba phrag drug cu po de 'das nas 'jig rten gyi khams dkon mchog 'byung gnas su sangs rgyas kyi zhing stong gi rjes su mthun par skyes te/ 'jig rten gyi khams der yang de bzhin gshegs pa dpung mgo chen po zhes bya ba byung ngo| |shA radwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas dpung mgo chen po de'i 'dus pa gcig ste/ dgra bcom pa bye ba phrag drug cu byung ngo / /de'i dus na byang chub sems dpa' sems dpa' chen po brtan pa'i sde ni/ rgyal po'i khyim du skyes te/ de skyes nas de ma thag tu lhas tshig tu smras pa/ gzhon nu| khyod kyi 'bras bu de ni/ chos yongs su btsal ba'i yin no/ /de nas khye'u des lha de las tshig de thos nas sems 'di lta bu skyes te/ de'i phyir bdag gis ni/ bdag nyid kho nas chos rnams btsal bar bya ba de ltar bya'o/ /snyam nas de skyes nas lo bdun lon pa tsam dang / rab tu 'byung ba'i phyir mngon par byung ngo / /bcom ldan 'das des kyang de la chos bstan to/ /de sngon gyi smon lam dang / de bzhin gshegs pa'i byin gyi rlabs kyis dran pa'ang rnyed do/ /de bzhin gshegs pa dpung mgo chen po
213b
des chos kyi rnam grangs ji snyed yang dag par rab tu bstan pa de dag thams cad kyang kun bzung ngo / /des bcom ldan 'das de bzhin gshegs pa dpung mgo chen po de'i bstan pa la'ang tshangs par spyod pa spyad do/ /sems can grangs med dpag tu med pa dag kyang bla na med pa yang dag par rdzogs pa'i byang chub tu yongs su smin par byas so/ /de nas shi 'phos nas kyang de ma thag tu de bzhin gshegs pa gnyis pa ri rab kyi phung po zhes bya ba mnyes par byas so/ /de de bzhin gshegs pa de'i bstan pa la'ang skyes nas lo bdun tsam lon pa dang rab tu byung ngo / /de de ltar rab tu byung nas dran pa rnyed pa dang / sngon gyi smon lam dang / de bzhin gshegs pa'i byin gyi rlabs kyis bcom ldan 'das des mdo sde ji snyed yang dag par rab tu bstan pa de thams cad dran pas kun tu bzung ngo / /shA radwa ti'i bu/ rnam grangs des byang chub sems dpa' sems dpa' chen po brtan pa'i sdes sangs rgyas bye ba khrag khrig 'bum phrag drug cu rtsa brgyad mnyes par byas so/ /sangs rgyas bye ba khrag khrig 'bum phrag drug cu rtsa brgyad po de dag thams cad las kyang chos bstan pa kun bzung ngo / /shA radwa ti'i bu/ de nas byang chub sems dpa' sems dpa' chen po brtan pa'i sde ye shes rgya mtsho lta bu dang ldan par gyur to/ /mi g.yos pa nyid kyi
214a
@#/ /phyir ye shes mi 'khrugs pa nam mkha' dang mnyam pa lta bu dang ldan par gyur to/ /gting dpag dka' ba nyid kyi phyir ye shes zab pa lta bu dang ldan par gyur to| |shA radwa ti'i bu/ de'i tshe de'i dus na khyim bdag brtan pa'i sde zhes bya ba byung ba de gzhan zhig yin pa snyam du sems na/ khyod kyis de ltar blta bar mi bya ste/ gang gis lo bye ba phrag drug cur chos smra ba de la rjes su 'brangs kyang sems gzhan du gyur par ma byas pa'i khyim bdag tshong dpon de ni/ mar me mdzad yin no/ /shA radwa ti'i bu| khyod kyis byang chub sems dpa' sems dpa' chen po rnams kyi chos yongs su btsal ba lhag pa'i bsam pa ji tsam du don che ba la ltos/ shA radwa ti'i bu/ de lta bas na/ byang chub sems dpa' sems dpa' chen po lhag pa'i bsam pa dang ldan pa ni/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / shA radwa ti'i bu/ chos smra ba de ni/ da dung du sangs rgyas bcom ldan 'das rnams kyi dam pa'i chos yongs su tshol bar byed do/ /shA radwa ti'i bu/ chos smra ba 'od grags pa de ni/ 'khor 'di nyid na gnas shing 'dug go /byang chub sems dpa'i spyod pa dang / lhag pa'i bsam pa dang / dam pa'i chos yongs su tshol ba la mngon par brtson pa'i le'u ste
214b
drug pa'o// //de nas bcom ldan 'das kyis yang tshe dang ldan pa shA radwa ti'i bu la bka' stsal pa/ shA radwa ti'i bu/ byang chub sems dpa' rnams kyis bya ba gsum gyis bya ba dang mi bya ba thams cad yang dag par rjes su mthong ste/ gsum gang zhe na/ shA radwa ti'i bu/ 'di lta ste/ bya ba ma yin pa nyid kyi phyir dam pa'i chos yongs su btsal bar bya ba 'di ni/ bya ba dang po'o/ /shA radwa ti'i bu/ gzhan yang byang chub sems dpa' ni/ sangs rgyas kyi chos rnams tshad byas pa ma yin par yongs su tshol ba yin te/ sangs rgyas kyi chos zab mo dag thos na'ang mi skrag cing gting dpog par byed la lhag par mos shing spong bar mi byed de/ shA radwa ti'i bu/ de ji lta ji ltar chos zab mo dag thos pa de lta de ltar rgyas par lhag pa'i bsam pa phun sum tshogs pa las mi ldog pa 'di ni/ bya ba gnyis pa ste/ byang chub sems dpa' rnams kyi lhag pa'i bsam pa phun sum tshogs pa yin par blta bar bya'o/ /shA radwa ti'i bu/ gzhan yang gal te byang chub sems dpa' sems dpa' chen po'i thad du mi la la zhig 'ongs nas byang chub sems dpa' gang bla na med pa yang dag par rdzogs pa'i byang chub tu sems bskyed pa des ni/ bdog pa thams cad yongs su gtang bar bya dgos te/ gang byang chub sems dpas mi sbyin par bya
215a
@#/ /ba'i dngos po de ni/ med pa yin no/ /zhes de skad ces smras la/ gal te byang chub sems dpas de skad ces thos nas zhum par mi byed/ sgyid lug par mi byed la mi ldog pa 'di ni/ bya ba gsum pa ste/ 'di'ang byang chub sems dpa'i lhag pa'i bsam pa phun sum tshogs pa yin par blta bar bya'o/ /shA radwa ti'i bu/ gzhan yang byang chub sems dpa'i thad du mi la la zhig 'ongs nas| gang gis bla na med pa yang dag par rdzogs pa'i byang chub tu sems bskyed pa des ni/ sems can thams cad la bde ba'i yo byad thams cad nye bar bsgrub par bya ste/ de lta bas na/ bdag ni/ 'di ltar sdug bsngal zhing / bdag ni/ mchog tu sdug bsngal ba yin pas bdag kho na la khyod kyis bde ba'i yo byad nye bar sgrubs shig /phyis ni/ sems can gzhan dag la bde ba'i yo byad nye bar sgrubs shig /ces de skad ces smras la/ gal te byang chub sems dpas de skad ces thos nas zhum par mi byed cing bde ba de nye bar sgrub par nus pa yin la/ de'ang nye bar mi sgrub par bdag ni/ sems can 'di la bde ba'i yo byad nye bar sgrub par nus pa'ang ma yin na/ sems can thams cad la lta ci smos zhes zhum pa'i sems skyed par byed cing / kun tu zhum pa'i sems skyed par byed na/ gal
215b
te de lta na kun tu zhum par byed pa de ni/ lhag pa'i bsam pa ma yin par blta bar bya'o/ /shA radwa ti'i bu/ gal te sems can de la bde ba'i yo byad nye bar sgrub pa na/ de'ang byang chub sems dpa' de la gshe bar byed cing brgyad bkag byed la/ tshig rtsub po tshogs par dbyung bar 'os pa ma yin pa sdig pa can gyis kun tu spyod par byed na/ byang chub sems dpas ni/ de la khro ba bskyed par mi bya/ gnod sems bskyed par mi bya/ de la byams pa'i sems nyid dang / snying rje nyid bskyed par bya/ de la bde ba nyid nye bar bsgrub par bya zhing / sdug bsngal ni/ ma yin te/ shA radwa ti'i bu/ de ltar na/ byang chub sems dpa'i lhag pa'i bsam pa ni/ bla na med pa yang dag par rdzogs pa'i byang chub tu rig par bya'o/ /byang chub sems dpa' des ni/ dul ba dang zhi ba'i sems bskyed pa dang / bde ba'i yo byad kyi sems bskyed pa de dag gis 'khor ba dpag tu med pa dum bur chad par yang dag par rjes su mthong ngo / /sems can dpag tu med pa la bde ba'i yo byad nye bar bsgrubs par yang yang dag par rjes su mthong ngo / /bdag nyid kyi sangs rgyas kyi chos yongs su smin par yang yang dag par rjes su mthong ngo / /sems bskyed pa re re la'ang sangs rgyas kyi chos dpag tu med pa sgrub pa nyid du yang dag par rjes su mthong ste/ de ltar na/ byang chub sems
216a
@#/ /dpa' ni/ lhag pa'i bsam pa dang ldan zhing / thabs la mkhas par rig par bya'o/ /gang sems ma rmas shing sems ma nyams pas sems can de la bde ba'i yo byad nye bar bsgrubs la/ sems can de'ang gshe bar byed cing brgyad bkag byed la tshig tshogs par dbyung bar 'os pa ma yin pa sdig pa can gyis kun tu spyod par byed na/ byang chub sems dpa' ni/ de la bzod par byed cing / de la'ang byang chub sems dpa' sems dpa' chen po ni/ 'di snyam du sems te/ sems can 'di dag la sangs rgyas kyi chos rnams rab tu ston par byed de/ bdag gis de la gnod sems gang ci'ang rung ba bskyed par gyur na/ de tsam du bdag byang chub las nyams par 'gyur ro/ /snyam pa 'di ni/ byang chub sems dpa'i lhag pa'i bsam pa bla na med pa yang dag par rdzogs pa'i byang chub kyi thabs la mkhas pa yin par blta bar bya'o/ / shA radwa ti'i bu/ gzhan yang byang chub sems dpa'i thad du mi la la zhig 'ongs nas/ bla na med pa yang dag par rdzogs pa'i byang chub ni/ rnyed par dka' ste/ khyod kyis bla na med pa yang dag par rdzogs pa'i byang chub tu mngon par rdzogs par sangs rgyas par mi nus shing / khyod kyis sangs rgyas kyi chos rnams yang dag par sgrub par mi nus
216b
so| |zhes de skad ces smras la/ gal te thos nas yid gtong bar byed na/ lhag pa'i bsam pa ma yin par blta bar bya'o/ /gal te de la sangs rgyas kyi chos rnyed par dka' ba nyid la rnyed sla ba nyid skyes na/ de lta na lhag pa'i bsam pa ma yin par blta bar bya'o/ /shA radwa ti'i bu/ gzhan yang gal te byang chub sems dpa'i thad du mi la la zhig 'ongs nas rigs kyi bu/ gang bla na med pa yang dag par rdzogs pa'i byang chub tu sems bskyed pa de ni/ rang gi lus dang / rang gi srog la'ang dbang med pa yin na/ longs spyod rnams la dbang yod par 'gyur ba lta ci smos te/ kye ma rigs kyi bu/ khyod lus dang srog la'ang dbang med par gyur na mi rung gi /sems de thong zhig /ces de skad ces smras la/ de la'ang gal te byang chub sems dpa' sems dpa' chen po de 'di snyam du sems te/ sems can thams cad ni/ lus dang srog la dbang med de/ lus dang srog la dbang med par gyur pas kun tu bsrung ba'i phyir mngon par brtson no/ /kun tu bsrung ba'i phyir mngon par brtson pa de dag nyid kyi lus 'jig par 'gyur ba nyid yin zhing lus 'gag par 'gyur ba nyid yin la/ srog kyang 'gag par 'gyur ba nyid yin na/ bdag gi lta ci smos snyam na/ lhag pa'i bsam pa dang ldan pa ma yin par rig par bya zhing thabs la
217a
@#/ /mkhas pa ma yin par rig par bya'o/ /shA radwa ti'i bu/ gal te de 'di snyam du sems te/ sems can thams cad ni/ lus dang srog la kun tu bsrung ba'i phyir mngon par brtson pa dag ste/ de dag ni/ lus dang srog la dbang med pa yin no/ /dbang med par gyur pa de dag gi lus rab tu 'jig par 'gyur ba nyid yin zhing / lus 'gag par 'gyur ba nyid yin la/ skye ba dang / rga ba dang / na ba dang / 'chi ba la sogs pa'i gnod pa dag gis mngon par gsod pa nyid yin te/ de dag ni/ lus kun tu bsrung ba'i phyir mngon par brtson pa dag yin pas las rnam pa sna tshogs dag mngon par 'du byed de/ de dag gis lus kun tu bsrungs pa nyid yin zhing / srog kun tu bsrungs pa nyid yin yang / lus gzhan nyid du 'gro bar 'gyur zhing / srog gzhan nyid du 'gro bar 'gyur ro/ /snyam nas/ gal te bdag lus dang srog la lta ba dang bcas par gyur cing / kun tu bsrungs par gyur na/ de lta na bdag ni/ lus dang srog la lta ba dang bcas pa yin pas sdig pa can gyi las rnams byas nas 'gro ba lnga dang ldan pa'i 'khor bar sdug bsngal nyams su myong bar 'gyur bas kye ma bdag gis lus dang srog la ltar med par bya/ mi bsrung bar bya/ bdag gis ni/ lus dang
217b
srog kyang dor ba nyid du bya/ bdag gis ni/ sangs rgyas kyi ye shes la'ang lta ba dang bcas par bya zhing / lus dang srog la ni/ ma yin par bya/ sems can thams cad kyang thar pa la mngon par brtson par lta ba dang bcas par bya/ lus dang srog la'ang sred pa dang bral bar bya/ bdag gis ni/ sangs rgyas bcom ldan 'das thams cad la sred pa dang ldan par bya/ bdag gis ni/ skye ba med pa la mos par bya/ bdag gis ni/ chos bstan pa'i phyir skyo ba med par bya/ bdag gis ni/ ma bcings ma grol ba'i chos bstan par bya'o/ /snyam mo| |de la'ang byang chub sems dpa' 'di ltar so sor rtog par byed de/ bdag gis sems can de la kye mi/ gang lus dang srog la dbang med pa nyid 'di ni/ rtsol ba mchog yin| 'di ni/ go cha mchog yin no/ /zhes de skad ces brjod par bya'o/ /de ci'i phyir zhe na/ kye mi/ chos thams cad ni/ rang bzhin med pa'i phyir te/ kye mi/ chos thams cad ni| rten pa med pa'o/ /zhes gal te de skad ces smras na/ byang chub sems dpa' lhag pa'i bsam pa dang ldan pa yin par rig par bya'o/ /shA radwa ti'i bu/ gzhan yang gal te byang chub sems dpa'i thad du mi la la zhig 'ongs nas gang bla na med pa yang dag par rdzogs pa'i byang chub tu sems bskyed pa des ni/ sems can thams cad kyi slob mar
218a
@#/ /gyur par bya dgos te/ khyod kyis kyang da phyin chad nga'i slob mar gyur par bya dgos so/ /zhes de skad ces smra na/ de la byang chub sems dpas kye ma/ bdag ni/ khyod gcig pu kho na'i slob mar gyur pa ma yin gyi/ bdag ni/ sems can thams cad kyi slob mar gyur pa'o/ /de ci'i phyir zhe na/ 'di ltar bdag gis sems can gyi khur nye bar blangs pa'i phyir te/ khur de'ang nad med pa'i khur dang / mi ngal ba'i khur dang / bde ba'i khur dang / gtso bo 'byung bar 'gyur ba'i khur dang / de bzhin gshegs pa'i bstan pa'i khur dang / dam pa'i chos nyan pa'i khur dang / chos thos pa sgrub pa'i khur dang / thar par 'gyur ba'i khur dang / kye mi/ khur de ni/ de lta bu yin pas/ kye mi/ khur de ni/ lus dub par byed pa ma yin zhing / sems dub par byed pa ma yin la/ bdag las ma 'ongs pa/ gzhan las ma 'ongs pa/ bdag sdug bsngal bar mi byed pa/ gzhan sdug bsngal bar mi byed pa yin na/ kye mi/ khyod kyis khyod nga 'ba' zhig gi slob mar gyur par byos shig /ces de skad ces smras na/ kye mi| khyod la ci dgos zhes de skad ces brjod par bya'o/ /gal te lus dang srog dgos so/ /zhes de skad ces smras na/ des de la kye mi/ bdag gis ni/ lus yongs
218b
su gtong zhing / srog yongs su gtang gi /bdag gis khyod yongs su gtang ba ma yin zhes/ kye mi/ khyod bdag po med cing dbang phyug med pa'i chos rnams la dbang phyug tu 'du shes ma skyed cig/ dbang phyug gi 'du shes bskyed de/ sdig pa can gyi las rnams byas na/ khyod ni/ sdig pa can gyi las bdag gis sdig pa can gyi 'gro bar 'gyur te/ kye mi/ khyod la sdig pa can gyi 'gro bar 'gyur bas khyod sdig pa can gyi las bdag la sbyor bar mi spro'o/ /ci ste de ltar mi sems na ni/ ci 'dod pa bzhin du byos shig /ces de skad ces brjod par bya'o/ /shA radwa ti'i bu/ gal te byang chub sems dpa' lus dang srog la de ltar mi lta bar gnas na/ shA radwa ti'i bu/ lhag pa'i bsam pa de'ang bla na med pa yang dang par rdzogs pa'i byang chub tu blta bar bya ste/ bla na med pa yang dag par rdzogs pa'i byang chub dang nye bar gyur pa yin/ de'i bla na med pa yang dag par rdzogs pa'i byang chub rnam par ma nyams pa nyid yin/ 'khor ba'ang thag ring por byed pa yin/ thams cad mkhyen pa'i ye shes dang nye bar gyur pa yin/ de sems can yongs su smin par byed pa'ang yin| sangs rgyas kyi zhing yang yongs su sbyong ba yin/ bdag nyid kyi dge ba'i rtsa ba'ang yongs su byang ba yin no/ /shA radwa ti'i bu/ 'di lta ste/ dper na/ nor bu mkhan des ji
219a
@#/ /lta ji ltar nor bu rin po che rin thang med pa shin tu sbyangs pa yongs su byang bar byed pa de lta de ltar nor bu rin po che de ches 'od gsal ba yin zhing / ches yongs su dag pa yin la/ de lta de ltar bdag la rgyal pos mngon par gtod pa byin par 'gyur ro/ /snyam nas nor bu mkhan des bdag nyid kyi longs spyod phun sum tshogs pa mthong ste/ des rgyal po'am/ de las gzhan pa mkhas pa dag las bsti stang du bya ba dga' thob cing / nor bu rin po che de'i yon tan de dag kun tu ston par byed la/ nor bu rin po che de la'ang rgyal po dang / gzhon nu dang / blon po chen po dang / mkhas pa de dang nor bu rin po che'i yon tan dang la dga' ba skyed par byed cing / nor bu rin po che de mthong na yang dga' ba skyed par byed pa de bzhin du/ shA radwa ti'i bu/ byang chub sems dpa' sems dpa' chen po gang gi tshe de ltar mnyam pa nyid kyi so sor rtog pas lan mang du gnas par byed pa de lta de ltar rang gi dge ba'i rtsa ba sangs rgyas kyi ye shes yongs su byang bar byed pa yin/ mngon par gtod par yang nus pa yin| sangs rgyas bcom ldan 'das rnams dang yang phrad par 'gyur pa yin/ de la sangs rgyas bcom ldan 'das rnams kyang ston par mdzad pa yin/ sems can thams
219b
cad kyis kyang bgrod par bya ba yin no/ /shA radwa ti'i bu/ 'di lta ste/ dper na/ mi zhig gis sman gyi shing ljon pa bskyed la/ mi de ji lta ji ltar dus dus su 'obs kyang rko bar byed cing chu'ang ldugs par byed la/ ri dwags dang / bya dang / rlung gi skyo na bsal ba'i phyir yang kun tu srung bar byed pa de lta de ltar sman gyi shing ljon pa de rnam par 'phel bar 'gyur la/ rnam par 'phel nas kyang sems can grangs med dpag tu med pa'i nad sel bar byed cing / nad kun tu gcod par byed la/ sems can nad med pa rnams kyis bgrod par bya ba'ang yin pa de bzhin du/ shA radwa ti'i bu/ byang chub sems dpa' ji lta ji ltar bla na med pa yang dag par rdzogs pa'i byang chub tu sems skyed par byed pa dang / dge ba'i rtsa ba'ang skyed par byed pa dang / chos shes pa de'ang yongs su tshol bar byed pa dang / chos yongs su tshol ba la mngon par brtson pa yin pa dang / de bzhin du bdud kyi las dang / nyon mongs pa yongs su skyob par byed pa de lta de ltar byang chub sems dpa' ni/ sangs rgyas kyi chos rnam par 'phel bar byed pa yin te/ de rnam par 'phel bar byas nas kyang sems can grangs med dpag tu med pa'i nad nges par 'joms par byed pa yin/ ye shes kyi sman sbyor bar byed pa yin/ de bla na med pa yang dang par rdzogs pa'i byang chub mngon
220a
@#/ /par rdzogs par sangs rgyas nas kyang lha dang / mi dang / lha ma yin gyi 'jig rten du bcas pa'i sems can nyon mongs pa dang bcas pa dang / nyon mongs pa med pa rnams kyis bgrod par bya ba'ang yin no/ /shA radwa ti'i bu/ gzhan yang byang chub sems dpa' sems dpa' chen po'i thad du mi la la zhig 'ongs nas gang bla na med pa yang dag par rdzogs pa'i byang chub tu sems bskyed pa de ni/ sems can dmyal ba chen por skye bar 'gyur te/ de ci'i phyir zhe na/ rigs kyi bu/ byang chub sems dpa' ni| ji tsam du sems can thar par byed pa de tsam kho nar grangs med par sems can dmyal ba rnams su skye bar 'gyur te/ sems can de dag thams cad kyi sdug bsngal gang yin pa de gcig pus nyams su myong bar bya dgos shing / de bzhin du bdag gi sdug bsngal yang gcig pu 'ba' zhig gis nyams su myong bar bya dgos la| thams cad mkhyen pa'i ye shes la sems bskyed pa byas pa'i sdug bsngal de'ang khyod gcig pu 'ba' zhig gi nyams su myong bar bya dgos te/ sems can thams cad ni/ thar par gyur na/ khyod ni/ sdug bsngal nyams su myong bar 'gyur ro/ /gal te khyod kyis de ltar btang na/ de lta na khyod bla na med pa yang dag par rdzogs pa'i byang chub
220b
mngon par rdzogs par sangs rgyas par nus so/ /zhes de skad ces smras na/ gal te byang chub sems dpas de ltar mos pa bzlog pa nye bar bsgrubs pa'i tshig thos nas dang du len par byed de/ skrag cing dngangs la/ de mi nus so/ /snyam du mngon par bsam nas zhum par byed na/ lhag pa'i bsam pa ma yin par blta bar bya'o/ /gal te byang chub sems dpa' la sems 'di lta bu skyes te/ gal te bdag sems can dmyal bar skyes nas sems can de dag yongs su smin par gyur cing / rnam pa des bla na med pa yang dag par rdzogs pa'i byang chub tu nges par gyur la/ sems can dmyal ba chen po'i 'jigs pa dag las thar par gyur na/ sems can re re'i don gyi phyir yang bdag bskal pa grangs med dpag tu med par sems can dmyal ba chen por skye ba yongs su 'dzin par spro'o/ /de ci'i phyir zhe na/ sangs rgyas kyi ye shes de lta bu de dang / sangs rgyas kyi stobs de lta bu de dang / sangs rgyas kyi mi 'jigs pa de lta bu de dang / ji ltar de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas nas sems can chags pa rnams kyi 'dod chags rnam par gzhig pa'i phyir gtam mdzad pa dang / de bzhin du zhe sdang dang / gti mug rnam par gzhig pa'i phyir gtam
221a
@#/ /mdzad pa dang / gang gtam de mdzad pa dang / ji ltar sdug bsngal gyi phung po grangs med pa rgyun chad pa yin pa dang / thog ma med pa'i sems can de snyed rgyun chad par byas pa yin pa dang / bskal pa tshad med par yongs su bskyabs par byas pa yin pa dang / sems can rnams kyis 'dod chags dang bral ba'i bde ba nyid de lta bu rjes su thob pa yin pa'i phyir te/ rnam grangs des na/ bdag bskal pa grangs med dpag tu med par sems can dmyal ba chen por gnas par spro'o/ /snyam nas| de la'ang byang chub sems dpa' kun tu mi zhum pa yin/ de la'ang byang chub sems dpa' mi nur pa yin/ de la'ang byang chub sems dpa' ngan pa'i 'du shes mi skyed na/ shA radwa ti'i bu/ byang chub sems dpa' de ni/ le lo med cing lhag pa'i bsam pa dang ldan pa yin par shes par bya'o/ /shA radwa ti'i bu/ khyod byang chub sems dpa'i lhag pa'i bsam pa rgyas par nyan par 'dod dam/ gsol pa/ bcom ldan 'das/ 'tshal lags so/ /bcom ldan 'das/ de'i dus lags so/ /bde bar gshegs pa/ de ni/ dus la bab pa lags te/ bcom ldan 'das/ byang chub sems dpa' lhag pa'i bsam pa gang dang ldan na/ bla na med pa yang dag par rdzogs pa'i byang chub mngon par rdzogs par 'tshang rgya
221b
ba'i byang chub sems dpa' rnams kyi lhag pa'i bsam pa rnam par dbye bar gsol/ de nas bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ / shA radwa ti'i bu/ sngon byung ba 'das pa'i dus na bskal pa grangs med pa'i yang ches grangs med pa/ yangs pa/ tshad med pa/ bsam gyis mi khyab pa de'i pha rol gyi'ang ches pha rol tu gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa| skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yon tan rgyal po'i 'od ces bya ba 'jig rten du byung ngo / /bcom ldan 'das de'i nyan thos chen po 'dus pa ni/ nyan thos brgyad khri bzhi stong byung ngo / /byang chub sems dpa' 'dus pa'ang byang chub sems dpa' brgyad khri bzhi stong byung ngo / /nyan thos 'dus pa re re la'ang dgra bcom pa bye ba phrag brgyad cu rtsa bzhi byung ngo / /byang chub sems dpa' 'dus pa re re la 'ang byang chub sems dpa' bye ba stong phrag brgyad cu rtsa bzhi byung ngo / /bcom ldan 'das de'i slob ma dag ni/ nyan thos dgra bcom pa de dag ji snyed byung ba de'i nyis 'gyur du byung ngo / /shA radwa ti'i bu/ de'i tshe de'i dus na rgyal po'i gzhon
222a
@#/ /nu dran pa rnyed ces bya ba byung ngo / /de nas rgyal po'i gzhon nu dran pa rnyed dus gzhan zhig na bcom ldan 'das de bzhin gshegs pa yon tan rgyal po'i 'od de ga la ba der song ste phyin nas bcom ldan 'das de'i zhabs la phyag btsal te phyogs gcig tu 'dug go /rgyal po'i gzhon nu dran pa rnyed phyogs gcig tu 'dug pa de la'ang sems kyi yongs su rtog pa 'di lta bu skyes te ji tsam du de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od rgya chen po'i chos dang ldan pa ni/ ngo mtshar te/ gang de bzhin gshegs pa yon tan rgyal po'i 'od de'i ye shes ji 'dra ba de lta bu yang dag par bsgrub par bya ba'i rnam grangs de ni/ ji 'dra ba yin/ bdag gis ni/ de bzhin gshegs pa yon tan rgyal po'i 'od la tshigs su bcad pa'i dbyangs kyis zhu ba zhu'o/ /snyam nas de de'i tshe de bzhin gshegs pa yon tan rgyal po'i 'od la sems dad pa yang dag par ldan pa'i tshigs su bcad pa dag gis zhu ba zhus pa/ rkang gnyis dam pa sangs rgyas mthong nas su/ /bdag la 'dun skyes byang chub 'tshal bar gyur/ /gang las bgyis pa 'di 'dra mtha' yas gzigs/ /gang gis theg mchog bdud rtsi reg par 'gyur/ /rgyal ba dam pa skar ma'i tshogs nang
222b
zla 'dra gzugs kyi mchog /rgyal ba dam pa rtag tu chos ston de 'dra rdzu 'phrul mchog /de 'dra rtag tu lhag nas dbang po 'dra ba shes rab mchog /kun mkhyen yon tan rgyal po khyu mchog gtso bo khyod la zhu/ /ye shes thogs med dri bral rnam par sbyangs/ /dus gsum dag la thogs pa med par 'jug /sems can mchog gtso mchog rab drang srong che/ /chos rnams kun la khyod kyi dbang 'jug lags/ /khyod kyis sngon tshe sangs rgyas gzigs nas su/ /khyod kyis byang chub mchog gtso zhus pa dang / /de tshe byang chub slad du ye shes mchog / de la khyod zhus chos rgyal bshad du gsol/ /gang gis byang chub dam pa mchog reg cing / /sems can kun gyi skyabs su 'gyur ba dang / /'chi 'pho skye ba kun las grol 'gyur ba| |chags med gzigs pa bdag kyang zhu lags so/ /shA radwa ti'i bu/ de nas de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od kyis rgyal po'i gzhon nu dran pa rnyed la tshigs su bcad pa dag gis bka' stsal pa/ gzhon nu ji ltar de skad tshig smras pa/ /sems kyis las kun yang dag bsgrubs nas su/ / ji ltar gang+gA'i klung gi bye snyed kyi/ /sangs rgyas mang po sngon chad mthong ba yin/ /gzhon nu de yi skabs su sangs rgyas mthong / /de dag ming brjod ngas ni nus ma yin/ /ji ltar
223a
@#/ /gang+gA'i bye snyed bskal bzhugs pa/ /de dag ngas ni mthong zhing zhu ba byas/ /rkang gnyis dam pa sangs rgyas gyur cig ces/ /byang chub rgyu yi sems ni khyod la skyes/ /ngas bshad chos ni khyod kyis mnyan par gyis/ /chos de thos nas sgrub la gnas par byos/ /rtag tu sbyin pas ngo ma mi shes par gyis/ /rtag tu tshul khrims ngom ma shes par gyis/ /rtag tu bsam gtan ngom mi shes par gyis/ /gzhon nu shes rab rtag tu bsten par gyis/ /mdor bsdus tshigs bcad kyis ni gtams nas su/ /de las gzhan pa'i sems can smin bya'i phyir| |rjes su bstan par bya phyir gzhon nu gtams/ /mgu zhing gus dang bcas par shes nas 'dug /sbyin pas chog par ma byed cig /tshul khrims kyis kyang chog ma byed/ / dri bas chog par ma byed cig /de las ye shes 'byung bar 'gyur/ /ye shes de ni yul mi gnas/ /phyogs na gnas pa'ang yod ma yin/ /rdzogs sangs rgyas la yongs zhus pas| |ye shes thob par 'gyur ba yin/ /ye shes mig la brten ma yin/ /mig kyang ngo bo nyid kyis stong / /de phyir mig yod ma yin pas/ /sangs rgyas chos rnams bstan par byas| |rna ba sna yang de bzhin zhing| /lce dang lus yid de bzhin te/ /de dag thams cad rtag tu stong / /de la snying po yod ma yin/ /'byung ba chen po bzhi 'di dag /ma byung
223b
sems kyi gnas yin no/ /lus ni kun tu brtags las byung / /kun tu rtog pa'ang yod ma yin/ /lus la gnas pa med gyur cing / /srog la'ang gnas pa med par gyur/ /longs spyod gnas pa med gyur nas/ /byang chub de ni rtogs par nus/ /rtag tu nges 'byung brtsam par bya/ /rtag tu brtson 'grus bsten par bya/ /rtag tu 'dod rnams spang bar bya/ /khyod ni ngan 'gror ma 'gro zhig/ sems can kun gyi ched kyi phyir/ /sbyin pa de ni sbyin byed kyang / /des ni sems can rlom ma sems/ /sbyin pa la yang ma gnas shig /shA radwa ti'i bu/ de nas de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od la rgyal po'i gzhon nu dran pa rnyed kyis tshigs su bcad pa dag gis slar gsol pa/ 'khor ba'i lam las khyod ni shin tu bzhengs/ /som nyi gcad cing the tshom bsal du gsol/ /rgyal bas bdag la chos 'di 'dir bstan nas/ /bdag la chos mang 'du bar bgyis pa lags/ /ji ltar 'jig rten mgon pos 'dir chos bstan/ /de tshe bdud kyis bcing ba kun bcad nas/ /bdag gis byang chub mchog ni thob snyam bgyid/ /byang chub snying por bdag ni mchis snyam bgyid/ /'jig rten mgon pos chos de 'dir bstan pas/ /bdag gis cho 'phrul bstan par bgyi snyam bgyid/ /sa 'di dag kyang g.yo bar bgyi snyam bgyid/ /dge 'dun rgya chen dgang bar bgyi snyam
224a
@#/ /bgyid| |bdag gis de ring tshe ni btang snyam bgyid/ /bdag deng yongs su mya ngan 'das snyam bgyid/ /'di ltar chos rnams thams cad stong pa ste/ /'di la de ring zhi bar bdag mi sems/ /chos de thams cad zad par 'tshal lags te/ /gang du'ang chos rnams zad par dmigs ma lags/ /thams cad zad dang stong pa'i chos nyid gsungs/ /chos nyid thams cad zad pa'i chos nyid 'tshal/ /pha ma dag gi thad du mchis nas su/ /bzod pa gsol nas slar yang mchi bar bgyi/ /rtag tu sangs rgyas chos de tshol bgyid cing / /bdag ni bstan la rab tu 'byung bar bgyi/ /de bzhin gshegs pa'i zhabs la phyag btsal te/ /rgyal la lan gsum bskor ba byas nas su/ /pha ma'i thad du de ni song bar gyur/ /blo gros ngan bdud lam gyi 'gram du 'dug /gzhon nu de ni 'di la byang chub zhugs/ /rgyal ba'i thad du rab tu 'byung bar 'dod/ /'di ltar de ring nges par glags btsal zhing / /de ring kun rmongs sems ni bskyed bya snyam/ /lam du 'dug nas gzhon la smra byed pa/ /gzhon nu khyod ni gang nas 'ongs zhes dris/ /ci phyir khyod ni myur bar myur bar 'gro/ yud tsam sdod par byos shig dri bar bya| |mi de la ni gzhon nu smra byed pa/ /sangs rgyas bsnyen bkur byas nas 'ongs pa yin/ /des ni bdag la chos kyi mchog bstan te/ /sangs rgyas chos de bdag gis bsgom
224b
par bya| |'di la sangs rgyas chos rnams btsal ched du/ /gzhon nu brtson 'grus brtsams pa phul du byung / /ci nas khyod ni rab tu 'byung 'dod na/ /'dod rnams 'dir spyod phyi nas rab tu byung // khyod kyis longs spyod rgya chen rgyal srid rnyed/ /'dod bzang ci yang bdag gis ma bsten ces/ /rab tu byung nas 'gyod gyur mi rung gi /'dod rnams bsten te 'di la rab tu byung / /khyod kyi longs spyod che dang rgyal srid mchog /dal ba phun sum tshogs de rnyed par dka'/ /gal te 'dod ma bsten par rab byung na/ /gzhon nu khyod ni phyi nas 'gyod par 'gyur/ /de tshe rgyal po'i gzhon nus bdud la smras/ /'dod bsten bdag la bde legs 'gyur ma yin/ /'dod pa gsog gi bsngags pa brjod pas na/ 'du shes phyin ci log la khyod gnas so/ /gang tshe mi khom nyid la rnyed par dka'/ /da ltar de ring de ni nyams lon dka'/ /ngal ba rnyed nas bdag gis chos spyad cing / /bdag myur song la der ni rab tu byung / /bdag gis 'dod pa'i khams 'dri skyon mthong ste| |de bzhin gzugs khams skyon dang bcas par mthong / /gzugs med khams kyang skyon dang bcas par mthong / /bdag gis mya ngan 'das zhi skyon med mthong / /'dus ma byas chos yongs su btsal nas su/ /mi rnams kyi ni rgya chen don bya zhing / /rga nad gzir ba'i sems can thar bar bya/ /'gro bar rgyug pa dag ni bzlog par bya/ /bam po bcu gnyis pa/ shA radwa
225a
@#/ /ti'i bu| de nas bdud brjed ngas kyi rgyal po'i gzhon nu dran pa rnyed la smras pa/ gzhon nu/ khyod kyis sangs rgyas kyi chos rnams yongs su btsal bar bya'o/ /zhes de skad ces smras na/ gzhon nu/ kho bo ni/ khyod la don 'dod pa/ phan pa 'dod pa/ grub pa dang / bde ba 'dod pa yin pas gzhon nu kho bos khyod la rjes su bstan par bya ste/ gal te khyod kho bo'i rjes su 'jug na/ de khyod kyi don du 'gyur ro/ /shA radwa ti'i bu/ de nas rgyal po'i gzhon nu dran pa rnyed kyis bdud brjed ngas la smras pa/ kye mi/ bdag la rjes su ston cig dang thos nas rig par bya'o/ /de nas bdud brjed ngas kyi rgyal po'i gzhon nu dran pa rnyed la 'di skad ces smras so/ /rigs kyi bu/ gal te khyod rang gi dam bcas pa la gnas par byos shig dang de lta na kho bos khyod la phyis rjes su bstan par bya'o/ /rgyal po'i gzhon nus smras pa/ kye mi/ bdag la rjes su ston cig dang thos nas rig par bya'o/ /zhes kho bos khyod la ma smras sam/ de skad ces smras pa dang / bdud brjed ngas kyis rgyal po'i gzhon nu dran pa rnyed la smras pa/ gzhon nu/ khyod kyis thos nas rig par bya'o/ /zhes de skad ces brjod par mi bya ste/ gzhon nu/ khyod kyis ni/ mi bdag la rjes su ston cig dang bdag gis khyod kyi tshig bzhin du bya'o/ /zhes de skad ces brjod par bya'o/ /rgyal
225b
po'i gzhon nus smras pa/ kye mi/ khyod kyis nga'i tshig bzhin du mgo gcig tu rjes su zhugs shig /ces de skad brjod par mi bya'o/ /de ci'i phyir zhe na/ kye mi/ gal te khyod chos kyi 'du shes kyis chos ma yin pa ston tam/ chos ma yin pa'i 'du shes kyis chos ston na/ bdag gis yongs su dpyad de dor bar bya zhing / ci ste yang dag par ston na/ de gzung bar bya ba'i phyir ro| |kye mi/ de lta bas na/ gang 'di thos nas rig par bya'o/ /zhes bya ba de dag ni/ mkhas pa'i mtshan nyid yin/ de dag ni/ mjangs pa'i las yin/ de dag ni/ shin tu legs par brtags pa'i las yin no/ /kye mi/ khyod kyis nga'i tshig bzhin du mgo gcig tu rjes su zhugs shig /ces de skad smras na/ de dag ni/ mdzangs pa'i chos nyid ma yin zhing / mkhas pas bstod pa ma yin la/ de ni/ bdud kyi las yin zhing / de dag ni/ sangs rgyas kyi 'phrin las ma yin no/ /kye mi/ de lta bas na/ sngar dam bcas pa la da rjes su mi 'jug par smras so/ /zhes bdag la chos ma yin pa'i gdams ngag byin na mi rung bas kho bo ni/ mgo gcig tu tshig mi smra ste/ de lta bas na/ kho bos skyon de dag mthong nas rjes su 'jug go /zhe'am/ rjes su mi 'jug go /zhes mgo gcig tu tu tshig ma smras so/ /de nas bdud brjed ngas 'di snyam du sems te/ rgyal po'i gzhon nu 'di ltar rjes su 'jug par bya'o/ /zhe'am/ rjes su 'jug
226a
@#/ /par mi bya'o/ /zhes mgo gcig tu mi smra bas dpyod pa thob pa'o/ /snyam mo/ /de nas bdud brjed ngas kyis mig gis mi rtsol bar bya ba'i phyir rgyal po'i gzhon nu dran pa rnyed la legs so/ /zhes bya ba byin te/ gzhon nu/ de dag ni/ mkhas pa'i las yin te/ gzhon nu/ khyod rjes su 'jug par bya'o/ /zhes mgo gcig tu tshig mi smra ba ni/ legs so/ /legs so/ /gzhon nu/ gzhan yang kho bos khyed la rjes su bstan par bya'i/ de'ang khyod kyis rnam par rtogs shig /gzhon nu/ khyod gang la skyon ches mang du mthong ba de la sten par ma byed cig /gzhon nus smras pa/ kye mi/ de la de skad ces brjod par mi bya'o/ /de ci'i phyir zhe na/ gang la skyon ches mang ba de ni/ bsten par bya ba ma yin zhing gang la skyon ches nyung ba de'ang bstan par bya ba ma yin pa'i phyir te/ de ci'i phyir zhe na/ kye mi/ dug mang po'ang gsod par byed la/ nyung du'ang gsod par byed cing / gang yang 'khor los bsgyur ba'i zas dug dang 'dres pa de'ang gsod par byed la/ gang yang mi phal ba'i zas dug dang 'dres pa de'ang gsod par byed pa'i phyir de dag ni/ bzar mi rung / bsten par bya ba ma yin no/ /kye mi/ de bzhin du gang la skyon mang ba de la sten par ma byed cig /gang la ches nyung pa de la sten cig /ces de skad smras na/
226b
kye mi| de dag gnyis ka'ang bsten par bya ba ma yin no/ /kye mi/ mkhas pas bsten par bya ba'ang gang yin zhe na/ kye mi/ mkhas pas ni/ gang skyon med pa dang / ci'ang med pa dang / snyigs ma med pa dang / rims nad med pa dang / nad med pa dang / mi g.yo ba dang / bsil bar gyur pa dang / bde ba de bsten par bya'o/ /de nas bdud brjed ngas 'di snyam du sems te/ bdag gis gzhon nu dran pa rnyed rjes su bstan pa gang kho na la bzhag pa de dang de ni/ des skyon dang bcas par mthong zhing phyis kyang lan 'debs par byed do/ /snyam ste/ de ltar rjes su bsam nas yang smras pa/ gzhon nu/ 'di ltar gang rims nad med pa dang / skyon med pa dang / zhi ba de la mkhas pa rnams dga' ba skyed par byed do/ /zhes zer ba ni/ khyod kyis legs par smras na| gzhon nu/ byang chub sems dpa'i spyod pa de ni/ skyon mang ba'o/ /skyon de dag kyang gang zhe na/ 'di lta ste/ skye ba'i skyon dang / 'gro ba'i skyon dang / 'khor ba'i skyon dang / rjes su chags pa dang / khong khro ba'i skyon dang / dus ma yin par slong bar byed pa'i skyon dang / yid du 'ong ba'i dngos po yongs su gtong ba'i skyon 'di lta ste/ mig dang / rna ba dang / sna dang / lce dang / lus yongs su gtong ba'i skyon te/ de ltar byang chub sems dpa'i spyod pa la skyon ches mang ba yin no/ /gal te byang chub tu sems skyed par mi byed na ni/ nyung
227a
@#/ /ste| khyod mang po dag kyang bsten par bya ba ma yin zhing / nyung ngu dag kyang bsten par bya ba ma yin par sems pa de ni/ legs so/ /gzhon nu/ khyod ci de ltar mkhas shing mdzangs pa yin par kho bos ma shes so/ /kho bos khyod kyi lhag pa'i bsam pa shin tu bzang por mthong na/ kho bos kyang brjed nas smras so/ /de de bzhin te/ log par ltung ba'i mtshan nyid yin pa'i phyir mang po dag kyang bsten par bya ba ma yin zhing / nyung ngu dag kyang bsten par bya ba ma yin no/ /gzhon nu yang 'di la snying po ni/ 'di nyid yin te/ 'di lta ste/ phung po thams cad spangs pa mya ngan las 'das pa'o/ /gzhon nu/ gang la yang dang yang du 'chi ba yod pa'i 'khor ba'i 'gro ba skyon dang bcas pa yang dang yang nyams su myong bas ci zhig bya ste/ khyod kyis ni/ mya ngan las 'das pa la 'dun par bya'o/ /gzhon nu/ srog chags rnams mngal na gnas pa ni/ sdug bsngal ba'o/ /sdug pa dang bral ba dang / mi sdug pa dang phrad pa ni/ sdug bsngal ba'o/ /gzhon nu/ lus snying po med pa/ mi rtag pa/ yongs su 'dren pa ni/ sdug bsngal ba'o/ /srog mi rtag pa nyid ni/ sdug bsngal ba'o/ / longs spyod mi rtag ba nyid dang / longs spyod snying po med pa nyid ni/ sdug bsngal ba'o/ /gzhon nu/ yang dang yang du 'chi ba nyid ni/ sdug bsngal ba'o/ /gzhon nu/ de lta bas
227b
na| kho bo ni/ khyod la 'di skad du de bzhin gshegs pa 'byung ba dang / mi nyid rnyed pa dang / dal pa phun sum tshogs pa dang / de bzhin gshegs pa'i bstan pa la dad pa bla na med pa ni| rnyed dka'o/ /zhes smra ste/ gzhon nu/ de lta bas na gnas de dag thob nas ma spong zhig /gzhon nu/ kho bo ni/ gnas de dag nyid ston par 'dod pa nye bar brjod par 'dod pa yin na/ khyod ni/ lan 'debs par 'dod pas nyan no/ /gal te kho bos rjes su bstan pa la gnas na/ de ni/ khyod kyi rjes su bstan pa yin gyi/ nyon la rig par byos shig /de nas rgyal po'i gzhon nu dran pa rnyed kyis bdud brjed ngas la 'di skad ces smras so/ /kye mi/ khyod la rjes su yi rang ngo / /gang khyod 'di skad du skye ba dang / rga ba dang / na ba dang / 'chi ba ni/ sdug bsngal ba'o/ /yang dang yang du 'khor ba'i bar du'ang de bzhin no/ /zhes zer ba ni/ mngon par rjes su yi rang ngo / /kye mi/ yang khyod kyis myur du yongs su mya ngan las 'da' bar gyis shig |ces brjod de/ kye mi/ khyod kyi tshig de thos nas kho bo ni/ sems can rnams la snying rje shes cher skyes te/ sems can 'di dag ni/ yang dang yang skye ba dang / rga ba dang / na ba dang / 'chi bas gzir pa yin te/ bdag gis bla na med pa yang dag par rdzogs pa'i byang chub mngon par rdzogs par sangs rgyas nas sems can
228a
@#/ /de dag yang dag yang du skye ba dang / rga ba dang / na ba dang / 'chi ba'i dbang du gyur bar mi 'gyur bar skye ba dang / rga ba dang / na ba dang / 'chi ba'i 'jigs pa las yongs su thar par bya'o/ /snyam mo/ /kye mi/ khyod kho bo la 'di skad du mya ngan las 'das pa thob nas 'khor ba'i sdug bsngal dag rab tu ston pa ni/ ngo mtshar te/ kho bos de dag thos nas sems can rnams la snying rje chen po shas cher skyes so/ /gal te kho bo yongs su mya ngan las 'das na/ sems can de dag gi skyob par 'gyur ba dang / thar par byed par 'gyur ba su yin/ de nas bdud brjed ngas kyis rgyal po'i gzhon nu dran pa rnyed la 'di skad ces smras so/ /gzhon nu/ khyod kyis 'di skad du gang la skyon ches nyung ba de'ang bsten par bya ba ma yin no/ /zhes ma smras sam/ smras pa/ kye mi/ de de bzhin te/ gang la skyon ches nyung ba de'ang bsten par bya ba ma yin no/ /kye mi/ bla na med pa yang dag par rdzogs pa'i byang chub ni/ skyon med pa ste/ de lta bas na de ni/ bsten par bya ba yin no/ /de nas bdud brjed ngas kyis rgyal bo'i gzhon nu dran pa rnyed la 'di skad ces smras so| |gzhon nu/ bla na med pa yang dag par rdzogs pa'i byang chub ni/ skyon med pa yin mod kyi/ gzhon nu/ 'on kyang kho bos kyang ma thob na/ khyod kyis lta ga la thob/ gzhon nu/ kho
228b
bo'ang sngon 'di snyam du sems te/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /snyam mo/ /log pa'i sems de lta bu bskyed pa dang de ma thag tu slong mo pa 'di lta ste/ mgo slong ba dang / lag pa dang / rkang pa dang / mig dang / rna ba dang / bu dang / chung ma dang / longs spyod dang / bzhon pa dang / khyim dang / slas dang / skyed mos tshal dang| nor bu dang / mu tig dang / bai DUR+Ya dang / dung dang / man shel dang / byu ru dang / nor dang / 'bru dang / rgyal srid la sogs pa slong ba dag gis kun tu gdungs shing / rab tu gdungs te/ tshegs phyung nas kho bos bdog pa rnam par gtong ba byas pa ni'ang lus zhig pa las khrag gi chu klung byung ba dag gis kho bo'i sems gzir te/ des na kho bo'i sems bskyed pa de btang ngo| |gal te khyod yid mi ches na/ kho bo'i dka' ba de lta bar 'dod dam/ smras pa/ kye mi/ blta bar 'dod de/ de ni/ kho bo'i don du 'gyur ro/ /de nas bdud brjed ngas 'di snyam du sems te/ bdag gis byang chub sems dpa' dran pa rnyed kyi mos pa bzlog pa gang dang gang byas pa de dang de nyid la de yid ches par mi byed kyi/ phyir yang 'di skad du kho bo'i don du 'gyur ba ston cig /ces zer ro/ /snyam mo/ /de nas bdud des rgyal po'i gzhon nu de'i mdun du khrag gi chu klung bzhi mngon par sprul to/ /gser gyi phung po gangs lta
229a
@#/ /bu bzhi dang / mgo thod rnam par zos pa dag dang / rnam par dmar ba dag dang / rnam par rangs pa dag gi phung po ri rab lta bu'ang mngon par sprul to/ /rus pa dag gi phung po dung ltar dkar ba ri tsam gzhan dag kyang mngon par sprul to/ lag rdum dang / rkang rdum dang / rna rdum dang / yan lag dang / nying lag rdum po rnam pa sna tshogs dang / gzugs rnam pa sna tshogs 'di lta ste/ mi dang / dri za dang / gnod sbyin dang / seng+ge dang / stag dang / rta dang / ri bong dang / spre'u dang / dom dang / gzig dang / phag dang / ri dwags dang / dred dang / glang po che dang / ma he la sogs pa'i gzugs dang / de bzhin du nya dang / chu srin 'dzin khri dang / chu srin byis pa gsod dang / chu srin na kra'i gzugs dang / de bzhin du ngang pa dang / rma bya dang / khwa dang / khu byug dang / ka la ping+ka dang / shang shang te'u dang / bya ku Na la dang / chu skyar dang / ri skegs la sogs pa'i gzugs kyi ro dag mngon par sprul to/ /ro kha cig ni/ kha cig pa dag go/ kha kha cig ni/ kha gnyis pa dang / kha gsum pa dang / bzhi ba dang / lnga pa dang / drug pa dang / bdun pa dang / brgyad pa dang / dgu pa dang / bcu pa dang / nyi shu pa dang / sum cu pa dang / bzhi bcu pa dang / lnga bcu pa nas kha 'bum yod pa'i bar dag dang / lce gcig pa dang / lce gnyis pa dang /
229b
lce gsum pa dang / lce bzhi pa dang / lce lnga pa nas lce 'bum yod pa'i bar dag dang / mig gcig pa nas mig 'bum yod pa'i bar dag go/ ro dag kyang gcig la gcig mig 'gyur bar byed pa/ rna ba 'gyur bar byed pa/ so sgra tsig tsig byed pa/ rang gi mchu la sos 'debs pa/ gnod sbyin lag na mtshon cha mi mthun pa sna tshogs thogs shing langs nas 'khod par gyur pa dag go /'jigs pa chen po dang / 'jigs su rung ba'i rgyu de lta bu'ang mngon par sprul nas rgyal po'i gzhon nu dran pa rnyed la smras pa/ rgyal po'i gzhon nu/ 'di dag ni/ khrag gi chu klung 'bab pa dag go /'di dag ni/ rus pa'i ri chen po bzhi po dag go /smras pa/ kye mi/ mthong ngo / /smras pa/ gzhon nu/ de dag ni/ kho bo'i yan lag dang / nying lag bcad pa dag las khrag gi chu klung mngon par grub pa dag go /gzhon nu/ khyod kyis mgo thod kyi rus pa'i ri bzhi po ri rab tsam de dag mthong ngam/ smras pa| kye mi/ mthong ngo / /smras pa/ kye mi/ kho bo byang chub sems dpa'i spyad pa spyod pa na mgo thod bcad pa dag ni/ de snyed do/ /kye mi/ khyod kyis lag ba rdum po/ /rkang ba rdum po/ /mig phyung ba/ yan lag dang nyid lag rnam pa sna tshogs bcad pa'i ro dag gi ri bzhi po dag mthong ngam/ smras pa/ mthong ngo / /smras ba/ gzhon nu/ de dag ni/ kho bos
230a
@#/ /sngon byang chub sems dpa'i spyad pa spyad pa na/ yan lag dang nying lag dag btang ba'o/ /gzhon nu/ khyod kyis phyogs bzhi'i gnod sbyin gyi sde dag mthong ngam| smras pa/ kye mi/ mthong ngo / /smras pa/ gzhon nu/ 'jigs pa chen po dang / 'jigs su rung ba de dag ni/ gang byang chub tu sems skyed par byed pa de'i gzi byin 'phrog par byed pa dag go /de dag ni/ gang byang chub tu sems skyed par byed pa de'i mgo slong bar byed pa yin pa nas yan lag dang / nying lag dag gi bar du slong bar byed pa dag go/ gzhon nu/ gang gi tshe sngon kho bos byang chub tu sems bskyed pa de'i tshe de dag ni/ mgo blangs shing bcad pa dag yin pa nas yan lag dang / nying lag dag gi bar du bcad pa dag go /de nas bdud brjed ngas kyis yang srin po'i sde mang po mngon par sprul nas yang smras pa/ gzhon nu khyod kyis srin po'i sde mang po de mthong ngam/ smras pa/ kye mi/ mthong ngo / / smras pa| gzhon nu/ de dag ni/ gang dag byang chub tu sems skyed par byed pa mngal na gnas pa de dag gi gzi byin 'phrog par byed pa dag go /mngal na gnas pa na'ang byang chub sems dpa' srog dang bral bar byed pa dag go /gzhon nu/ gang dang gang gi tshe kho bos byang chub tu sems bskyed pa de tsam du sdug bsngal de dag las yongs su grol
230b
bar ma gyur te/ de tsam du de dag kho bo'i phyi bzhin 'brang bar byed do/ /gzhon nu/ da lta bas na/ kho bos sdug bsngal de dag ma bzod de/ bla na med pa yang dag par rdzogs pa'i byang chub las sems phyir log go /gang gi tshe kho bo'i sems byang chub las phyir log pa de'i tshe/ kho bo sdug bsngal de dag las yongs su grol zhing gnod pa'ang med par gyur to/ / gzhon nu/ de lta bas na/ kho bo ni/ khyod la don 'dod pa/ phan pa 'dod pa/ grub pa dang bde ba 'dod pa yin pas gzhon nu/ 'di skad du khyod bla na med pa yang dag par rdzogs pa'i byang chub tu sems ma skyed cig /gzhon nu/ khyod sdug bsngal de lta bu thob par ma byed cig /ces smra'o/ /de nas rgyal po'i gzhon nu dran pa rnyed 'di snyam du sems te/ de bzhin gshegs pa yon tan rgyal po'i 'od kyi thad du bdag gis bla na med pa yang dag par rdzogs pa'i byang chub tu sems bskyed pa yin la/ mi 'di'ang bla na med pa yang dag par rdzogs pa'i byang chub las bdag gi mos pa zlog par byed pa yin te/ mi'i cha byad kyis 'di bdud yin par gyur tam/ 'di bdud kyi sbyin gyis brlabs par gyur na'ang mi rung / yang na mi 'di byang chub sems dpa' yin par gyur la/ de nas des le lo thob nas byang chub kyi sems phyir bzlog pa yin zhing / gang gi phyir mi 'di sdug bsngal de lta bu dang phrad na/ yan lag dang
231a
@#/ /nying lag slong bar byed pa dag nas srog dang bral bar byed pa'i bar dag gi slong mo ba de snyed 'ong ba las na/ sngon 'dis ni/ sdig pa can gyi las rnams byas par gyur pa yin te/ slong mo pa de dag ni/ bdag gi bla na med pa yang dag par rdzogs pa'i byang chub la phan 'dogs par gyur pa yin no/ /de ci'i phyir zhe na/ sems can de dag ni| mi shes pa dang ldan zhing yongs su mi shes pa srung ba can yin te/ 'dod chags kyi dbang dang / zhe sdang gi dbang dang / gti mug gi dbang dang / phrag dog gi dbang dang / nga rgyal gyi dbang gis byang chub sems dpa' sems dpa' chen po rnams la dus las yol bar slong zhing slong bar byed pa dag ste/ gal te sems can de dag la bdag gis 'jig rten pa'i yang dag par tshim par ni/ bya na/ ji ltar na/ bdag gis 'jig rten las 'das pa'i yang dag par tshim par bya/ mi 'di'ang 'dun pa med pas le lo dang / brtson 'grus zhan pa dang / lhag pa'i bsam pa ma yin pas bla na med pa yang dag par rdzogs pa'i byang chub las phyir log pa yin no/ /kye ma/ bdag gis je cher yang dag pa'i lta ba can du bya'o/ /je cher brtson 'grus yang dag par blangs te gnas par bya'o/ /gal te bdag gi dbugs rngub pa dang / 'byung ba re re la srog dang bral bar gyur kyang bdag
231b
gis bla na med pa yang dag par rdzogs pa'i byang chub las sems phyir ldog par mi bya'o/ /bdag gis srog dang bral ba de snyed kyang bzod par bya'o/ /sangs rgyas kyi chos rnams ni/ yongs su gtang bar mi bya'o/ /de ci'i phyir zhe na/ sems can gang dag bdag srog dang bral bar byed pa de la bdag gis sems can 'di dag ni/ nyon mongs pa'i dbang gis bdag la gnod par bya ba'i phyir sdig pa can gyi las rnams mngon par 'du byed pa yin pas de dag la bdag gis bla na med pa yang dag par rdzogs pa'i byang chub yang dag par bsgrub pa'i ched du nyon mongs pa spang ba'i phyir chos bstan par bya ba de lta bu'i go cha bgo'o/ /snyam pa'i phyir ro/ /de nas byang chub sems dpa' dran pa rnyed kyis bdud brjed ngas la smras pa| kye mi/ khyod kho bo la 'di lta ste/ don 'dod pa yin/ 'di lta ste/ phan pa 'dod pa yin/ kye mi/ khyod kho bo la 'di lta ste/ grub pa dang bde bar 'dod pa yin te/ khyod kyis gnas de lta bu de dag kun tu bstan pa ni/ ngo mtshar to/ /de ci'i phyir zhe na/ kye mi/ kho bos de mthong nas shas cher ches stobs dang ldan pa'i go cha bgos shing / bla na med pa yang dag par rdzogs pa'i byang chub tu lhag pa'i bsam pa bskyed pa'i phyir ro/ /de nas bdud brjed ngas 'di snyam du sems te/ bdag gis ji lta ji ltar 'jigs pa dang / 'jigs su rung ba'i
232a
@#/ /gzugs dag bstan pa de lta de ltar de je cher brtan pa'i go cha gyon par byed do/ /snyam mo/ /de nas bdud brjed ngas kyis rgyal po'i gzhon nu dran pa rnyed la smras pa/ kye skyes bu/ gal te khyod kho bo'i tshig bzhin du mi byed na rang nyid kyis shes par gyur te/ 'di ltar kho bo ni/ sa phyogs 'di nas 'gro bar bya'o/ /bdud brjed ngas kyi tshig de smras pa'i 'og tu de nas de nyid kyi tshe bdud kyis sprul pa'i gnod sbyin de dag gis tshig smras pa/ skyes bu rgyal po'i gzhon nu dran pa rnyed 'di khyod kyis bsgo ba bzhin du mi byed na| khyod sa phyogs 'di nas song zhig dang kho bo cag bkres pa'ang yin/ skom pa'ang yin pas rgyal po'i gzhon nu 'di'i gzi brjid 'phrog par bya'o/ /gzhan dag gis kyang smras pa/ kye skyes bu/ khyod song zhig dang kho bo cag gis rgyal po'i gzhon nu 'di skad cig tu thal bar brlag par bya'o/ /gzhan dag gis kyang smras pa/ kho bo cag gis rgyal po'i gzhon nu 'di'i mgo bslang bar bya'o/ /gzhan dag gis kyang smras pa/ kye skyes bu/ khyod song zhig dang 'di ni/ yun ring du gnas pa ma yin te/ 'di'i srog gzhan ci'ang med par 'gyur ba 'dis don 'dod pa/ phan pa 'dod pa khyod kyi tshig bzhin du byas sam dad pas ci zhig bya/ gang 'di khyod kyis bsgo ba bzhin du mi byed pas 'di mngal du zhugs na'ang
232b
gzi byin dor bar bya'o/ /sha bza' bar bya'o/ /khrag kyang btung bar bya'o/ /gzhan dag gis kyang tshig 'di skad ces smras so/ /rgyal po'i gzhon nu dran pa rnyed 'di rtsa 'jings ma rnyed pa yin gyi/ rgyal po'i gzhon nu dran pa rnyed rdegs shig /rdegs shig /rgyal po'i gzhon nu dran pa rnyed chod cig /tshod cig/ sod cig /de nas bdud brjed ngas kyis de dag la smras pa| de ltar ma byed par yang khyed cag sdod cig dang / kho pos rgyal po'i gzhon nu dran pa rnyed sdig pa can gyi lta ba 'di las bzlog pa dang 'di kho bo'i tshig bzhin du byed par 'gyur ro| |kho bo ni/ yun ring po nas de'i mdza' bshes su gyur pa yin/ lhan cig skyes par gyur pa yin te/ ji srid du rgyal po'i gzhon nu dran pa rnyed kyi lhag pa'i bsam pa rnam par shes par gyur pa de srid du yud tsam zhig bshol bar gyis shig /kho bo la'ang byas pa gzo ba nyid rjes su srungs shig /gal te rgyal po'i gzhon nu dran pa rnyed sdig pa can gyi lta ba de mi 'dor ba lta na/ de'i 'og tu khyed cag gis ci dgar bya ba yin no/ /gal te sdig pa can gyi lta ba de las bzlog par nus pa lta na/ de'i phyir khyed cag gis byas pa gzo ba nyid gzung bar bya ste/ gzhon nu 'di'ang byas pa gzo ba nyid 'dzin par 'gyur ro/ /shA radwa ti'i bu/ bdud brjed ngas kyis rgyal po'i gzhon nu dran pa rnyed la lan gnyis su'ang 'di
233a
@#/ /skad ces smras so/ /kye gzhon nu/ snying brtse bar byed pa/ phan par byed pa kho bo'i tshig bzhin du byos shig dang ji srid 'tsho'i bar khyod kyi mdza' bshes su 'gyur ro/ /gzhon nu sdig pa can gyi lta bar gyur pa 'dis khyod la ci zhig bya/ gzhon nu/ khyod kyis lta ba de thong zhig /gzhon nu/ bla na med pa yang dag par rdzogs pa'i byang chub ni| rnyed par dka' ba'o/ /gzhon nu/ bla na med pa yang dag par rdzogs pa'i byang chub ni/ mchog tu rnyed par dka' ba'o/ /gzhon nu/ yang khyod byang chub sems dpa' rnams 'gro ba gang du skye bar 'gyur ba'i gnas gzhan dag kyang lta bar 'dod dam/ smras pa/ kye mi/ lta bar 'dod do/ /de nas bdud brjed ngas kyis sa phyogs der sems can dmyal ba chen po dag mngon par sprul te/ sprul nas kyang rgyal po'i gzhon nu dran pa rnyed la smras pa/ gzhon nu/ khyod kyis sems can dmyal ba chen po de dag na gnod pa rnam pa du ma nyams su myong ba/ tshor ba rnam pa du ma nyams su myong ba'i sems can de dag mthong ngam/ smras pa/ kye mi/ mthong ngo / /smras pa/ gzhon nu/ de dag gis ni/ sngon byang chub tu sems bskyed par gyur te/ de dag ni/ slong mo pa rnams kyis gnod par gyur nas ser sna'i sems su byas/ gnod sems kyi sems su byas pas sems can dmyal
233b
ba chen po dag tu skyes pa yin no/ /gzhon nu/ de ltar lhag par slong ba dag la sbyin par byed pa dag gi 'gro ba ni/ 'di yin te/ gnod sems skye'o/ /de dag gnod sems la rab tu gnas pas 'gro ba de lta bu de dag tu skyes so/ /gzhon nu/ gang yang khyod sbyin pa'i sems kyi gnod sems su mi byed na/ de'i tshe skye ba phyir log ste/ mngal na gnas pa'i tshe'ang gnod sbyin 'di dag gis gzi byin 'phrog par byed do/ /btsas nas kyang yan lag dang / nying lag dag bcad nas khyer te 'dong bar byed do/ /gzhon nu/ gal te yid mi ches na dris shig /de nas rgyal po'i gzhon nu dran pa rnyed kyis sems can dmyal ba de dag la smras pa/ rigs kyi bu dag /ci'i phyir khyod cag sems can dmyal ba chen po 'di dag tu skyes| de dag gis 'di skad ces smras so/ /gzhon nu/ bdag cag gis sngon bla na med pa yang dag par rdzogs pa'i byang chub tu sems bskyed de/ bdag cag ni/ slong mo pa rnams kyis bslangs pa na kun tu gdungs shing rab tu gdungs nas ser sna can dag tu gyur te/ bdag cag ni/ sems can dmyal ba chen po 'di dag tu skyes so/ /gzhan dag gis kyang 'di skad ces smras so/ /gzhon nu/ bdag cag ni/ sngon byang chub tu sems bskyed par gyur te/ des na bdag cag slong mo ba rnams kyis yan lag dang / nying lag dag bslangs
234a
@#/ /pa na zhe sdang gi sems bskyed pas sems can dmyal ba de dag tu skyes so/ /gzhon nu/ de lta bas na/ mi 'dis khyod la bsgo ba bzhin du de gyis shig/ 'dir skyes nas phyis 'gyod par gyur na ni/ mi rung ngo / /de nas rgyal po'i gzhon nu dran pa rnyed kyis bdud brjed nges de la smras pa/ kye mi/ 'di lta ste/ khyod kho bo la don 'dod pa dang / phan pa 'dod pa dang / grub pa dang / bde bar 'dod pa dang / khyod kyis kho bo la sems can dmyal ba chen po dag bstan pa dang / byang chub sems dpa'i theg pa la yang dag par zhugs pa'i sems can de dag kun tu bstan pa ni/ ngo mtshar to/ /kye mi/ des na kho bos 'di phyin chad sems can slong mo pa gang zhig dngos po gang la mngon par brtson pa la 'khrug par mi bya'o/ /kho bos dngos po thams cad sbyin pa kho nar bya'o/ /khro ba'i sems bskyed par mi bya'o/ /gnod sems su mi bya'o/ /de ci'i phyir zhe na/ 'di lta ste/ sems can dmyal ba chen por skye ba 'di ni/ sbyin pa'i 'bras bu ma yin zhing / 'di ni/ ser sna'i 'bras bu yin pa'i phyir ro/ /kye mi/ yang tshur shog gnyis ka 'grogs te de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od ga la ba der 'dong bar bya'o/ /de bzhin gshegs pa dgra
234b
bcom pa yang dag par rdzogs pa'i sangs rgyas de la'ang bsnyen bkur bya/ yongs su zhu bar bya ste/ des ji skad gsungs pa de bzhin du gzung bar bya'o/ /de nas bdud brjed ngas kyis rgyal po'i gzhon nu dran pa rnyed la 'di skad ces smras so/ /rigs kyi bu/ bcom ldan 'das de'i thad du song bas khyod la ci zhig bya/ gzhon nu/ khyod song zhig /kho bo mi 'gro'o// de ci'i phyir zhe na/ der kho bo song nas bla na med pa yang dag par rdzogs pa'i byang chub tu sems bskyed na mi rung ba'i phyir ro/ /de nas rgyal po'i gzhon nu dran pa rnyed kyis bdud brjed ngas la smras pa/ kye mi/ gal te khyod kho bo la phan par 'dod pa dang / grub pa dang bde bar 'dod pa yin na/ /de'i phyir tshur shog bcom ldan 'das de'i thad du 'dod bar bya'o/ /'di lta ste| bcom ldan 'das des gsungs pa de bzhin du gzung bar bya'o/ /lan gnyis lan gsum du'ang smras so/ /bdud kyis smras pa/ gzhon nu/ chog go /des bsgo ba mang po zhig kho bos rdzogs par byas te/ de kho na'i rgyus kho bo sdug bsngal chen po thob par gyur pas des sgo ba bzhin kho bo mi byed do/ /de nas rgyal po'i gzhon nu des bdud brjed ngas kyi lag pa nas bzung nas tshur drangs te tshur shog bcom ldan 'das de ga la ba der 'dong bar bya'o/ /des smras pa/ gzhon nu/ khyod gdul bya ma yin gyi/ song zhig /sdug bsngal gyi
235a
@#/ /phung po de dag ni/ khyod kyis nyams su myong bar bya ba yin no/ /de nas rgyal po'i gzhon nu dran pa rnyed bcom ldan 'das de ga la ba der song ste phyin nas bcom ldan 'das de la bskor ba byas te phyogs gcig tu 'dug go /phyogs gcig tu 'dug nas kyang lam gar bdud de dang gtam ji snyed byas pa de thams cad bcom ldan 'das la gsol to/ /de skad ces gsol pa dang / bcom ldan 'das de bzhin gshegs pa yon tan rgyal po'i 'od des rgyal po'i gzhon nu dran pa rnyed la 'di skad ces bka' stsal to| |gzhon nu/ legs so/ /legs so/ /bdud brjed ngas zhes bya ba de khyod kyi mig gis mi rtsol bar bya ba'i phyir dang / mos pa bzlog par bya ba'i phyir 'ongs pa yin no| |de nas rgyal po'i gzhon nu de bdud de ga la ba der song nas smras pa/ bdud khyod tshur shog /bcom ldan 'das la skyabs su song zhig /chos la skyabs su song zhig /dge 'dun la skyabs su song zhig /de nas bdud brjed pas kyis rgyal po'i gzhon nu dran pa rnyed la smras pa/ gzhon nu/ chog go /kho bo sangs rgyas la skyabs su mi 'gro'o| |chos la skyabs su mi 'gro'o/ /dge 'dun la skyabs su mi 'gro'o/ /zhes de skad smras nas cang mi smra bar gyur to/ /de nas rgyal po'i gzhon nu dran pa rnyed kyis bdud
235b
brjed ngas la bden pa'i byin gyis brlabs kyis rnam par bltas so/ /rnam par bltas nas de ma thag tu de nas yang bdud brjed ngas kyis bdag nyid kyi skra zhag bdun du bregs pa dang / bdag nyid gos dur smrig phra zhing 'jam pa gyon pa mthong zhing / 'khar gsil dang / lhung bzed thogs par mthong ngo / /de nas bdud brjed ngas kyis bdag nyid rab tu byung zhing chos gos dang / lhung bzed dang / 'khar gsil thogs par rig nas de bzhin gshegs pa yon tan rgyal po'i 'od la 'di skad ces gsol to/ /bcom ldan 'das/ su sangs rgyas la skyabs su mi mchi/ chos la skyabs su mi mchi/ dge 'dun la skyabs su mi mchi ba des chos nyid de kun tu 'tshal lags so/ /bcom ldan 'das des bka' stsal pa| brjed ngas/ sus khyod kyi skra dag bregs/ gos dur smrig dag byin/ lhung bzed dang 'khar gsil dag byin/ de 'di snyam du sems te/ bdag 'ongs nas sus kyang mgo bregs pa med do/ /gos ngur smrig dag dang / lhung bzed dang 'khar gsil dag byin pa'ang med do/ /bdag gis phyogs gcig tu bor te 'gro bar bya'o/ /snyam nas der dor bar 'dod na'ang ma nus so/ /de 'di snyam du sems te/ ji srid du bdag 'khor der 'dug pa de srid du 'khor de bdag la 'phya bar 'gyur zhing bdag kyang ngo tsha bar 'gyur te/ bdag 'di nas/
236a
@#/ /mi snang bar bya zhing rang gi gnas su 'gro bar bya'o/ /snyam nas/ de nas bdud brjed ngas 'khor de nas mi snang bar gyur cing rang gi gnas su'ang song ngo| |de nas bdud kyi ris kyi lha mo de dag gis rab tu byung ba de mthong nas 'bros shing smras pa/ mgo bregs shing chos gos 'chang ba 'di lta bu 'di su yin/ sngon ma byung ba'i mtshan ma 'di lta bu snang bas bdag cag mi rtag pa nyid du gyur na mi rung ngo / /des rang gi 'khor na 'dug pa'i slas de la smras pa/ bzod ldan dag /kho bo dge slong ma yin te| kho bo ni/ bdud brjed ngas yin no/ /mig gis mi rtsol bar bya ba'i phyir de bzhin gshegs pa yon tan rgyal po'i 'od de'i thad du song nas bcom ldan 'das des kho bo 'di ltar mi sdug par bsgyur to/ /shA radwa ti'i bu/ de nas bdud kyi ris kyi lha mo de dag gis smras pa/ gos ngur smrig gyon pa ni/ blun po yin na/ khyod ci'i phyir 'di skad du mi mthun par smra/ khyod ni/ bdud kyi gnas 'di las nyams so/ /'dir ni/ bdud gzhan zhig skyes so/ /shA radwa ti'i bu/ de nas bdud brjed ngas kyis tshig de thos nas sdug bsngal zhing yid mi bde bar gyur te/ 'gyod pa dang bcas pas nyam thag pa'i skad phyung ngo / /de'ang de bzhin gshegs pa yon tan rgyal po'i 'od ga la ba der song nas bcom
236b
ldan 'das kyi spyan sngar 'dug par gyur to/ /de nas bcom ldan 'das de bzhin gshegs pa yon tan rgyal po'i 'od kyis ji lta bu'i rdzu 'phrul mngon par 'du bya ba mngon par 'du mdzad pas sems can dmyal ba chen po mnar med pa kun tu ston pa de lta bu'i rdzu 'phrul mngon par 'du bya ba mngon par 'du mdzad do/ /de nas de na yod pa'i sems can dmyal ba'i srung ma rnams kun tu 'bar ba/ rab tu 'bar ba/ kun tu rab tu mched cing 'bar ba/ kun nas 'bar bar gyur pa ri rab tsam gyi lcags kyi thu lum dag thogs shing 'khar ba'i thu lum dag thogs nas rgyug cing rjes su dong ngo / /'di skad ces kyang smras so/ /bdud brjed ngas da gar song / /sems can dmyal ba'i srung ma gzhan dag gis kyang smras pa/ des ci zhig bya/ de dag gis smras pa/ de'i khar lcags kyi thu lum kun tu 'bar ba/ rab tu 'bar ba/ kun tu rab tu mched cing 'bar ba/ kun nas 'bar bar gyur pa de dag gzhug par bya'o/ /gzhan dag gis kyang smras pa/ grogs po dag /de ni/ rab tu byung ba yin/ de ni/ sems can dmyal ba chen po dag las grol ba yin gyi/ ma byed cig/ de na yod pa'i sems can dmyal ba'i srung ma gzhan dag ni/ kun tu 'bar ba/ rab tu 'bar ba/ kun tu rab tu mched cing 'bar ba/ kun nas rab tu 'bar bar gyur pa'i ri dag thogs nas
237a
@#/ /rgyug cing dong ngo / /'di skad ces kyang smras so/ /bdud brjed ngas da gar song / de nas gzhan dag gis kyang smras pa/ des ci zhig bya/ de dag gis smras pa/ me'i ri chen po de dag gis thal bar brlag par bya'o/ /der gzhan dag gis smras pa/ grogs po dag /de ni/ rab tu byung ba yin/ de ni/ sems can dmyal ba chen po'i 'jigs pa dag las grol ba yin gyi/ ma byed cig /de nas gzhan dag kyang spu gri'i so lta bu'i gri dag thogs nas rjes su rgyug cing dong ngo / /'di skad ces kyang smras so/ /bdud brjed ngas da gar song / de nas gzhan dag gis smras pa/ des ci zhig bya/ de dag gis smras pa/ 'di dag gis de'i lus sha med par bya'o/ /de nas gzhan dag gis smras pa/ grogs po dag/ de ni/ rab tu byung ba yin/ zhi ba yin/ dul ba yin te/ de ni/ sems can dmyal ba'i 'jigs pa dag las grol bar gyur to/ /de nas gzhan dag kyang zangs bskol ba'i bum pa dag phrag par thogs nas phyogs bzhir rgyug cing dong ngo / /'di skad ces kyang smras so/ /bdud brjed ngas da gar song / /de nas gzhan zhig gis smras pa/ de ci zhig bya| de dag gis smras pa/ 'di la kha'i sgor zangs kun tu bskol ba'i bum pa dag blug par bya ste/ de dag gis 'di'i mchu dag tshig par byed do/ /rkan tshig par
237b
byed do| |snying tshig par byed do/ /rgyu ma dag dang / mnye ma dag dang / sto tsheg par byed do/ gzhang tsheg par byed do/ de'i 'og gi char yang 'byung bar byed do/ /de dag gis smras pa| grogs po dag /de ni/ bcom ldan 'das kyi bstan pa la rab tu byung ba yin/ de ni/ sems can dmyal ba'i sdug bsngal dag las grol ba yin no/ /de nas sems can dmyal ba'i srung ma gzhan dag kyang lag na mtshon cha mi mthun pa rnam pa sna tshogs thogs pa dag kun tu rgyug ste/ 'di lta ste/ lag na mdung thung dang / mda' po che dang / mtshon cha rtse gcig pa dang / lcags mda' dang / ste'u kha nya rnga dang / gtun dang / ral gri dang / dgra sta dang / mdung dang / dbyug pa thogs pa dag rjes su rgyug cing dong la 'di skad ces kyang 'dzer te/ hi hi dang / ha ha dgod pa dang / shugs 'byin pa dang / cho nges 'debs pa dang / rnga pa Ta ha'i sgra dang / rnam par skrag par byed pa la mkhas pa/ so dag gis 'og tu 'debs par byed/ lag pa dag sgyur bar byed/ /mgo dag gcod par byed/ smin gnyer gyis bzhin 'phul bar byed cing 'di skad ces kyang 'dzer te/ zungs shig zungs shig/ rgyob cig rgyob cig /chod cig chod cig /sod cig sod cig /yang smras pa/ bdud brjed ngas da gar song / de nas gzhan dag gis smras pa/ des ci zhig bya/ de dag gis smras pa/
238a
@#/ /dgra'i khrag gis gcig tu bskus pa'i mtshon cha dag gis de'i lus gcad par bya'o/ /rnam par gzhig par bya'o/ /dum bur brlag par bya'o/ /thal bar brlag par bya'o/ /kho bo cag ni/ de'i gshin rje'i pho nya yin no/ /de nas gzhan dag gis smras pa/ grogs po dag /de ni/ rab tu byung ba yin/ de ni/ sems can dmyal ba'i 'jigs pa dag las grol ba yin gyi/ 'thab mo ma byed cig /bdud brjed ngas kyis bdag nyid la mtho 'tsham pa de thos te/ bdag gnas de las nyams pa 'di ni/ bden no| |bdag gis kyang rab tu byung ba blangs te/ rab tu byung ba de'ang don chen po dang ldan pa yin no/ /sems can dmyal ba'i srung ma rnams bdag gi rjes su 'brang yang bdag la du ma bur brlag par ma nus so/ /gal te de bzhin gshegs pa yon tan rgyal po'i 'od kyis bdag rab tu phyung na/ bdag lhag pa'i bsam pas rab tu 'byung bar bya'o| |sems can dmyal ba chen po de dag las kyang yongs su grol bar bya'o/ /snyam ste/ de rgyal po'i gzhon nu dran pa rnyed ga la ba der song nas don te smras te/ gzhon nu/ bcom ldan 'das kyi bstan pa la kho bo lhag pa'i bsam pas rab tu 'byung bar 'dod do/ /shA radwa ti'i bu/ de nas rgyal po'i gzhon nu dran pa rnyed kyis bdud brjed ngas la 'di
238b
skad ces smras so/ /su zhig khyod la rab tu byung ba sbyin par byed/ brjed ngas khyod tshur shog /bla na med pa yang dag par rdzogs pa'i byang chub tu sems skyed cig /brjed ngas/ gos ngur smrig bcangs pas ni/ bstan pa 'di la rab tu byung ba zhes bya ba ma yin no/ /yang lam gang gis rab tu byung ba zhes bya ba'i chos de dag yang dag par bsgrubs shig /brjed ngas| lam de la ni/ sems can dmyal ba dag dmigs pa'am/ sems can dmyal ba'i 'jigs pa dag dmigs par mi 'gyur ro/ /de nas bdud brjed ngas lhag pa'i bsam pas bla na med pa yang dag par rdzogs pa'i byang chub tu sems bskyed par gyur to/ /de chos la so sor rtog pa'i mngon par brtson pa de lta bu dang / chos la mkhas pa de lta bus lhag pa'i bsam pas mi skye ba'i chos la'ang bzod pa thob bo/ /shA radwa ti'i bu/ rgyal po'i gzhon nu dran pa rnyed kyis ni/ bdud brjed ngas bla na med pa yang dag par rdzogs pa'i byang chub tu sems bskyed par byas so/ /mi skye ba'i chos la'ang bzod pa thob par byas so/ /de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od des kyang bla na med pa yang dag par rdzogs pa'i byang chub tu lung bstan to/ /shA radwa ti'i bu/ 'di ni/ byang chub sems dpa' rnams kyi lhag pa'i
239a
@#/ /bsam pa yin par rig par bya ste/ de ltar lhag pa'i bsam pa phun sum tshogs pa ni/ bla na med pa yang dag par rdzogs pa'i byang chub yang dag par sgrub par byed do/ /shA radwa ti'i bu/ de'i tshe de'i dus na rgyal po'i gzhon nu dran pa rnyed ces bya ba byung bar gyur pa de gzhan zhig yin pa snyam du khyod som nyi'am yid gnyis za bar gyur na/ khyod kyis de ltar blta bar mi bya'o/ /de ci'i phyir zhe na/ byang chub sems dpa' brtan pa'i blo gros 'di nyid de'i tshe de'i dus na rgyal po'i gzhon nu dran pa rnyed ces bya bar gyur to/ /shA radwa ti'i bu/ de nas byang chub sems dpa' dran pa rnyed de rang gi pha ma dag ga la ba der song ste phyin nas/ rkang pa la mgo bos phyag btsal te phyogs gcig tu 'dug go /phyogs gcig tu 'dug nas kyang smras pa/ yab yum/ bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od de'i thad du rab tu 'byung bar 'tshal lo/ /de skad ces smras nas rang gi pha ma la tshigs su bcad pa dag gis smras pa/ 'dod pa de ni rgyal bas mi rtag gsungs/ /rgyal ba'i thad du rab tu 'byung bar bgyi/ /de las bde ba de dag thams cad 'byung / /khyed ni bdag la bar chad ma mdzad cig /rgyal srid dang ni bde ba don gnyer dang //
239b
longs spyod dag dang mtho ris don gnyer dang / /yon tan ye shes kyang ni don gnyer te/ /'jig rten mkhas pa'i bstan la rab byung zhig /der ni sbyin dang tshul khrims rnam par smin| |de dang der ni bsngags shing skye ba lags/ /der ni bstan pa'i rtsa ba der bab kyi/ /de slad bdag ni chos kyi rgyal por 'gyur/ /'di ni sngon chad sug las bgyis pa dang / /sbyin pa stsal dang dul ba'i 'bras bu lags/ /de yi 'bras bu da ltar spyod do yab/ /lhag ma mchis par mdzod la rab byung mdzod/ /lhag ma med bgyis ngan 'gro ngan song gsum/ /de ni mi khom rnams su mchi bar 'gyur/ /sdig pa'i las rnams kun tu spyad pas ni/ /sangs rgyas rnams dang phrad bar 'gyur ma lags/ /lhag mar bcas bgyis gang dag rab byung ba/ / der yang chos la rab tu spyod par 'gyur/ /mi khom brgyad po thams cad rnam spangs pas/ /sangs rgyas bstan la dal ba 'di 'thob bo/ /de yis sangs rgyas mthong nas myur dad cing // sems dad nas kyang gus par bgyid pa dang / /gus bcas chos la kun tu spyod bgyid pa/ /chos rjes mthun spyod byang chub rnyed mi dka'/ /gang zhig mi khom thams cad spong 'tshal zhing / /sdig pa'i grogs po rnam par spong bgyid pa/ /des ni de ring bdag gi rjes bslab nas/ /dge ba'i rtsa ba rab byung blang bar bgyi/ /lha dang gnod sbyin mi'am ci ma mchis/ /dri za klu
240a
@#/ /yi bgyi ba mchis ma lags/ /rab tu ma byung khyim 'dir gnas byos zhes/ /gang zhig de ring bdag la bar chad bgyid/ /gzhan du sdig pa'i las rnams 'dir slong ste/ /bdag ni bzlog par nus pa ma lags so/ /dper na glang pos bcings pa dam bcad nas/ /ji ltar 'dod rgur 'dod bzhin de mchi ltar/ /de bzhin 'dod pa'i 'ching ba dam rnams dang / /sred pa'i lcug ma rten pa'i 'ching ba dag /de dag de ring bcad nas 'dir rab 'byung / /bdag ni stobs kyis bzlog pa yod mi 'gyur/ /de tshe de smras myur bar pha ma yi/ /rkang la phyag 'tshal kun tu dga' ba skyes/ /gus dang bcas pas bzlog par mi nus te/ /rgyal ba'i bstan la rab tu 'byung song zhig /rgyal ba de yi thad du de rab byung / /der ni srog chags bye ba mang pos thos/ /de la ya mtshan gyur nas dad bskyed de/ /rjes su slob cing mang po rab tu byung / /der yang de yi grogs po gang dag byung / /skal ba mnyam pa tshong dpon bu gzhon dag /a la sangs rgyas bstan de rgya che zhes/ /srog chags stong phrag mang po rab tu byung / /de tshe rgyal po de yang rab tu byung / /de tshe rgyal srid 'dod pa'i longs spyod spangs/ /de tshe bye ba khrag khrig brgyad cu bdun/ /mthong ba'i rjes 'brang de dag rab tu byung / /de tshe rgyal po rab tu byung rig nas/ /
240b
de tshe rgyal po'i btsun mo'ang rab tu byung / /de tshe bud med stong phrag brgyad cu dag /rgyal po mchog dang de dag rab tu byung / /dpa' bo dran pa rnyed kyi rjes slob cing / /de dag kun kyang theg pa mchog la zhugs/ /gang gi yon tan bsngags phreng 'di 'dra ba/ /dpa' bo de la su zhig slob mi byed/ /shA radwa ti'i bu/ khyod de'i tshe de'i dus na rgyal po lhag par bya ba byas pa zhes bya ba byung ba de gzhan zhig yin pa snyam du sems na/ shA radwa ti'i bu/ khyod kyis de ltar blta bar mi bya'o/ /de ci'i phyir zhe na/ de'i tshe de'i dus na nga ni/ rgyal po lhag par bya ba byas pa zhes bya ba der gyur to/ /rgyal po'i gzhon nu dran pa rnyed de ni/ nga'i bur gyur to/ /de tshe lo ni nyi khri chig stong du/ /bud med gzhon nu grong mi dag dang bcas/ /rgyal pos de tshe tshangs par spyod pa spyad/ /tshe zad nas ni de tshe 'chi dus byas/ /de tshe ston pas dge slong dge 'dun gsungs/ /rkang gnyis rnams kyi dam pa 'dzum pa mdzad/ /der ni smon lam rgyal po gang byung ba/ /sangs rgyas yon tan rgyal pos lung bstan to/ /rgyal po de ni tshangs par spyod pa spyad/ /theg mchog dam pa la ni yang dag zhugs/ /phyir zhing 'di ni mi khom 'gro mi 'gyur/ /de tshe dal ba phun sum tshogs par 'dzin/ /de tshe bskal pa mang por spyad byas shing / /sangs rgyas grangs med rnams la mchod byas te/ /shAkya btsun pa'i rgyal po
241a
@#/ /rkang gnyis mchog /rgyal ba de tshe bskal pa bzang por 'byung / /rgyal po'i gzhon nu dge slong dran pa rnyed/ /de yi 'khor ni de tshe gang byung ba/ /shAkya btsun pa'i rgyal po nam sangs rgyas/ /de tshe de yi dus su rab tu byung / /de tshe de yi tshangs par spyod pa spyad/ /phyi nas der ni 'chi ba'i dus byas shing / /de tshe mi yi dngos po'ang thob nas su/ /de tshe mya ngan yongs 'das ring bsrel rgyas/ /de tshe tha ma'i dus la gnas pa na/ /tshul 'di nyid kyi chos ni nyan byed cing / /gang dag nga yis da ltar mdo bshad pa/ /nga yi bstan pa 'dir ni rgyas byas te| |thogs med sangs rgyas ye shes rnam par dag /de tshe theg mchog can de tshig smra ba/ /de bzhin 'gyur gyi gzhan du 'gyur ma yin/ /phyi ma'i dus na de ni de ltar 'gyur/ / gang gis chos 'di 'dra ba de thos na/ /mchog tu dga' ba dang ni dad 'gyur ba/ /lung ston sangs rgyas bdag gis 'dir mthong bar/ /de dag rnams kyis dogs par gzhar mi bya| |chos kyi rgyal po dam pa bdag gis mthong / /'di ni chos ston pa yang thos bar gyur/ /gang dag 'jigs pa chen po phyi dus na/ /chos zab bzod pa mngon par thob par 'gyur| |dge slong dge slong ma dang dge bsnyen dang / /dge bsnyen ma dang gang dag shes rab rno/ /gang dag chos 'di 'dra ba de 'dod pa/ /de dag theg pa mchog tu ngas lung bstan/ /
241b
chos 'di rab tu bstan pa'i tshe na ni/ /bye ba khrag khrig phrag ni bdun cu yis/ /mig mchog dam pa de dag thob par gyur/ /rgyal bas sras 'khod pa dag lung bstan to/ /lhag pa'i bsam pa yang dag par bstan pa'i le'u ste/ bdun pa'o// //shA radwa ti'i bu/ de ltar byang chub sems dpa' lhag pa'i bsam pa dang ldan pas mnyam pa nyid kyi yang dag pa'i lta ba la mngon par brtson par bya dgos te/ yang dag pa'i lta ba zhes bya ba ni/ mi mnyam pa med pa'o/ /shA radwa ti'i bu/ yang yang dag pa nyid mthong bas na/ yang dag pa'i lta ba zhes bya'o/ /shA radwa ti'i bu/ yang mnyam pa nyid kyis yang dag pa'i lta ba zhes bya'o/ /ci'i phyir mnyam pa nyid kyis yang dag pa'i lta ba zhes bya zhe na/ shA radwa ti'i bu/ mig ni| mya ngan las 'das pa ste/ mig las mya ngan las 'das ba gzhan ma yin no/ /de ltar mig dang mya ngan las 'das pa 'di ni/ gnyis su med de gnyis su dbyer med do/ /'di ni| mtshungs pa ste/ mtshungs pa gang gis mtshungs zhe na/ mig mtshungs pa dang / mya ngan las 'das pa mtshungs pas mtshungs so/ /mig la mig med do/ /mya ngan las 'das pa la mya ngan las 'das pa med do/ /mig la mya ngan las 'das pa med do/ /mya ngan las 'das pa la mig med do/ /de ltar mig dang mya ngan las 'das pa de dag gnyis ka'ang brtag
242a
@#/ /tu med pa nyid kyis mnyam mo/ /de bzhin du rna ba dang / sna dang / lce dang / lus dang / yid dag la'ang sbyar bar bya'o/ /de ltar yid dang mya ngan las 'das pa 'di ni/ mtshungs pa ste/ cis mtshungs she na/ yid mtshungs pas mtshungs so/ /mya ngan las 'das pa mtshungs pas mtshungs so/ /yid la yid med do/ /mya ngan las 'das pa la mya ngan las 'das pa med do/ /yid la mya ngan las 'das pa med do/ /mya ngan las 'das pa la yid med do/ /yang yid dang mya ngan las 'das pa 'di ni/ gnyis su med de gnyis su dbyer med do/ /brtag tu med pa nyid kyis rtog pa med pa'o/ /stong pa nyid kyis stong pa ste/ shA radwa ti'i bu/ 'di ni/ yang dag pa'i lta ba zhes bya'o/ /lta ba de mnyam pas na| de'i phyir yang dag pa'i lta ba zhes bya'o/ /de dag mnyam par phyin pas na/ de'i phyir yang dag pa'i lta ba zhes bya'o/ /de'i sgrub pa gang zhe na/ gang sgrub pa med pa'o/ /shA radwa ti'i bu/ yang log par sgrub pa zhes bya ba ni/ gang chos de dag 'gro bar mi byed pa nyid dang / spong ba dang / gting mi dpag pa nyid de/ shA radwa ti'i bu/ 'di ni/ log par sgrub pa zhes bya'o/ /shA radwa ti'i bu yang 'di la log par sgrub pa'i mchog de ni/ gang chos de lta bu de dag gis rlom sems su byed pa'o/ /de ci'i phyir zhe na/ shA radwa ti'i bu/
242b
yang dag pa'i lta ba ni/ rlom sems med pa'i phyir te/ shA radwa ti'i bu/ de bzhin gshegs pas 'phags pa nyan thos pa dang ldan pa ni/ sa la rlom sems su mi byed do/ /sas rlom sems su mi byed do/ /sa nga'i zhes rlom sems su mi byed do/ /sa'i nga zhes rlom sems su mi byed do/ /de bzhin du chu dang / me dang / rlung gi khams dag la'ang sbyar bar bya'o/ / mya ngan las 'das pa'i bar la rlom sems su mi byed do/ /mya ngan las 'das pas rlom sems su mi byed do/ /mya ngan las 'das pa nga'i zhes rlom sems su mi byed do/ / mya ngan las 'das pa'i ba zhes rlom sems su mi byed/ mngon par zhen par mi byed do/ /zhes kyang gsungs so/ /shA radwa ti'i bu/ yang yag dag pa'i lta ba zhes bya ba ni/ gang la lta ba med pa'o/ /shA radwa ti'i bu/ lta ba thams cad ni/ log par lta ba'o/ /shA radwa ti'i bu/ lta ba med pa ni/ yang dag pa'i lta ba ste/ shA radwa ti'i bu/ 'di ni/ yang dag pa'i lta ba zhes bya'o/ /shA radwa ti'i bu/ yang yang dag pa'i lta ba ni/ tshig gis bstan par mi nus so/ /de ci'i phyir zhe na/ shA radwa ti'i bu/ ngag gi las thams cad ni/ tshig tsam du zad de| de la yang dag pa'i lta ba med pa'i phyir ro/ /shA radwa ti'i bu/ yang yang dag pa'i lta ba ni/ ji ltar de bzhin gshegs pas rab tu mkhyen pa bzhin te/ de la log
243a
@#/ /par lta ba ni/ 'ga' yang med do/ /de ci'i phyir zhe na/ shA radwa ti'i bu/ ngag gi de bzhin nyid thams cad ni/ ngag gi de bzhin nyid de/ ngag de ni/ ji ltar de bzhin nyid bzhin pa'i phyir ro/ /shA radwa ti'i bu/ ngag de ni/ brjod du med pa'o/ /ngag de ni/ tha mi dad pa'o/ /chos nyid ji lta ba bzhin te/ ngag de ni/ de bzhin no/ / shA radwa ti'i bu/ lus de ni/ de bzhin nyid kyi lus so/ /shA radwa ti'i bu/ de bzhin nyid kyi lus zhes bya ba ni/ lus de phyin ci ma log pa de bzhin zhing / lus de tha mi dang pa ste| lus de ji lta bar ngag de ni/ de bzhin no/ /shA radwa ti'i bu/ lus de ni/ de bzhin nyid kyi las so/ /shA radwa ti'i bu/ de bzhin nyid kyi las zhes bya ba ni/ las de phyin ci log pa de bzhin zhing / las de gzhan ma yin pa de bzhin la las de tha mi dad pa ste/ shA radwa ti'i bu/ las de ni/ de bzhin nyid kyi 'bras bu'o/ /de bzhin du 'bras bu de ni| las ji lta ba bzhin no/ /des na de bzhin gshegs pa bden pa gsung ba/ yang dag pa gsung ba ni/ 'di skad du las yod na/ rnam par smin pa 'byung ngo / /de ltar las ji lta ji lta ba de lta de ltar rnam par smin pa'o/ /zhes gsung ngo / /shA radwa ti'i bu/ de bzhin du ye shes kyi 'gro ba ni/ ye shes yin gyi/ shA radwa ti'i bu/ 'di ni/ ye shes
243b
med pa ni/ ma yin no/ /shA radwa ti'i bu/ de las byang chub sems dpa' ni/ de skad bstan pa na mi skrag /mi dngang / dngang bar mi 'gyur te/ mi rmongs/ kun tu mi rmongs so/ / shA radwa ti'i bu/ chos bzhi po 'di dag ni/ slu bar 'gyur ba ste/ bzhi gang zhe na/ shA radwa ti'i bu/ gcer bu pa'i smra ba dang / 'jig rten rgyang pan pa kun tu bsten cing bsgoms la lan mang du byas pa slu bar 'gyur ba yin/ shA radwa ti'i bu/ log par lta ba kun tu bsten cing bsgoms la lan mang du byas pa slu bar 'gyur ba yin/ shA radwa ti'i bu/ rtsod pa dang phrad pa yongs su 'dzin pa kun tu bsten cing bsgoms la lan mang du byas pa slu bar 'gyur ba yin/ mdo sde zab mo zab pa'i gtam dang ldan pa/ stong pa nyid dang ldan pa 'di lta bu dag lam dad cing mi mkhas la bsnyen bkur mi byed cing / nges par mi sems pa slu bar 'gyur ba yin te/ shA radwa ti'i bu/ bzhi po de dag ni/ slu bar byed pa'i chos dag yin gyi/ slu bar mi byed pa dag ni/ ma yin no/ /shA radwa ti'i bu/ slu bar byed pa'i chos bzhi po de dag kyang spang ba'i phyir slu bar mi byed pa'i chos bzhi po dag bsgom par bya| bsten par bya'o/ /bzhi gang zhe na/ log par lta ba spang ba'i phyir yang dag pa'i lta ba bsgom par bya ba yin/ shA radwa ti'i bu/ gang la 'jig rten rgyang pan pa dang ldan pa'i
244a
@#/ /gtam yod pa de la dge slong ngo tsha shes pa des gnas par mi bya zhing myur ba kho nar 'gro bar bya ba 'di ni/ slu ba spong par 'gyur pa'i chos gnyis pa yin no/ /shA radwa ti'i bu/ gzhan yang gnas gang du rtsod pa dang phrad par 'gyur ba der dge slong gis 'gro bar mi bya zhing gzhan du na rtsod pa de nye bar zhi bar bya ba'i phyir der song bas kyang chos ma yin pa smra ba rnams tshar gcad pa dang / chos smra ba rnams bsdu ba'i phyir chos nyid smra bar bya'i/ /chos ma yin pa ni/ ma yin te/ shA radwa ti'i bu/ dge 'dun mthun par yang byas par 'gyur ba 'di ni/ slu ba spong bar 'gyur gyi mi slu bar byed pa'i chos gsum pa yin no/ /shA radwa ti'i bu/ gzhan yang chos kyi rnam grangs 'di lta bu de dag dge slong gis legs par rab tu bzung zhing / bzung nas sgrub pa la gnas te/ lung nod pa dang / kha ton la mngon par brtson pa yin/ tshul bzhin yid la bya ba'i phyir yang mngon par brtson pa yin te/ shA radwa ti'i bu/ slu bar mi byed pa'i chos bzhi po de dag ni/ slu pa spong bar 'gyur ba yin no/ /shA radwa ti'i bu/ byang chub sems dpa' ngo tsha shes pas ni/ las mngon par 'du mi byed pa la mngon par brtson bar bya'o/ /shA radwa ti'i bu/ byang chub sems dpas ni/ legs par go cha bgos
244b
pa nyid kyis mi 'jigs par bya'o/ /shA radwa ti'i bu/ byang chub sems dpas ni/ brtson 'grus chen po mi 'dor ba nyid kyis mi dor bar bya'o/ /shA radwa ti'i bu/ gang gi tshe byang chub sems dpa' dam pa'i chos yongs su 'dzin pa dang / don yongs su 'dzin pa dang / spyod pa yongs su 'dzin pa dang / ye shes yongs su 'dzin pa la mngon par brtson pa yin zhing / nga'i nyan thos dag yongs su 'dri bar byed pa de'i tshe/ shA radwa ti'i bu/ de bzhin gshegs pa bde bar gyur cing bde ba'i mchog dang ldan no/ /de ci'i phyir zhe na/ shA radwa ti'i bu/ sangs rgyas kyi rigs de rgyun mi 'chad par 'gyur ba'i phyir ro/ /shA radwa ti'i bu/ nyan thos rnams kyis ni/ byang chub sems dpa' sems dpa' chen po dag rangs par bya ba yin no/ /shA radwa ti'i bu/ nyan thos dge slong ngam/ dge slong ma'am/ dge bsnyen nam/ dge bsnyen ma gang la las de bzhin gshegs pa'am/ de bzhin gshegs pa'i chos nyid rjes su dran par bya zhing / thog ma med pa'i dus can gyi sdug bsngal gyi phung po de'ang rjes su dran par byas te/ byang chub sems dpa' sems dpa' chen po tha na tshig bzhi pa'i tshigs su bcad pa gcig la rangs par byed la/ rangs par byas shing yang dag par 'dzin du bcug la/ yang dag par gzengs bstod pa'i rigs kyi bu des kyang rang gi dge ba'i rtsa ba
245a
@#/ /yongs su smin par byas te/ sangs rgyas kyi ye shes yang dag par bsgrubs nas sangs rgyas su 'gyur zhing / sangs rgyas su gyur nas sdug bsngal gyi phung po grangs med dpag tu med pa bsal bar bya ba'i phyir chos ston par 'gyur ro/ /snyam du sems na/ shA radwa ti'i bu/ bsod nams kyi phung po dpag tu med par 'gyur ro| |tshigs su bcad pa gcig kho na yang dag par 'dzin du bcug pa'i byang chub sems dpa' yang bsod nams kyi phung po de snyed skyed do/ /shA radwa ti'i bu/ gal te bsod nams kyi phung po de gzugs can du gyur na/ shA radwa ti'i bu/ gling bzhi pa'i 'jig rten gyi khams na gling bzhi pa'i sems can ji snyed yod pa de dag thams cad snga phyi rim gyis mi'i lus thob par gyur cing / de dag gis mi'i lus thob nas bsod nams kyi phung po de las ri rab tsam gyi snod dag gis blangs te dong bar gyur la/ shA radwa ti'i bu/ rnam grangs nges sems can de dag re res kyang snod des bsod nams kyi phung po de blangs te dong bar gyur cing / de ltar ri rab can gyis byed na'ang bsod nams kyi phung po de zad pa'am/ yongs su gtugs par nga mi smra'o/ /shA radwa ti'i bu/ gling chen po bzhi ba'i 'jig rten gyi khams lta zhog gi/ shA radwa ti'i bu/ stong gsum gyi stong chen po'i 'jig
245b
rten gyi khams na sems can gzugs can nam/ gzugs can ma yin pa'am/ 'du shes can nam/ 'du shes can ma yin pa'am/ 'du shes med 'du shes med min yang rung ste| ji snyed yod pa de dag thams cad kyis snga phyi rim gyis mi'i lus thob nas ri rab tsam gyi snod dag gis bsod nams kyi phung po de blangs te dong bar gyur cing rnam grangs des na/ sems can re res kyang ri rab tsam gyi snod dag gis bsod nams kyi phung po de blangs te song yang bsod nams kyi phung po de da dung zad pa'am/ yongs su gtugs par nga mi smra'o/ / shA radwa ti'i bu/ de ltar gang nga'i nyan thos dge slong ngam/ dge slong ma'am/ dge bsnyen nam/ dge bsnyen ma'ang rung ste/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par yang dag par zhugs pa rangs par byed cing yang dag par 'dzin du 'jug la/ yang dag par gzengs bstod cing tha na tshig bzhi pa'i tshigs su bcad pa tsam yang dag par rab tu ston pa de ni/ bsod nams kyi phung po dpag tu med pa dang ldan pa yin no/ /shA radwa ti'i bu/ gal te byang chub sems dpa' sems dpa' chen pos ming 'di zhes bya ba byang chub kyi phyogs kyi chos yongs su smin par bya ba'i phyir chos kyi sbyin pas rangs par byas shing / sangs rgyas kyi chos de snyed nye bar
246a
@#/ /ston par byed pa de lta bur shes par byed na/ shA radwa ti'i bu/ des ji tsam du sangs rgyas kyi ye shes nye bar ston par byed pa'i byang chub sems dpa' de nye bar bsgrub pa thams cad kyis mgos 'dzin tam/ phrag pas 'dzin cing rnam grangs nges byang chub sems dpa' gang gi nub mo bla na med pa yang dag par rdzogs pa'i byang chub mngon par rdzogs par 'tshang rgya zhing / sems can de yongs su smin par byed na sems can de la chos bstan cing de la bzhag na'ang re zhig byang chub sems dpa' sems dpa' chen pos de ltar byas pas lan du bya ba byas par mi 'gyur te/ byang chub sems dpa' sems dpa' chen po de ni/ sangs rgyas kyi chos dpag tu med pa de snyed dang ldan pa yin no/ /shA radwa ti'i bu/ de lta bas na/ rnam grangs des khyod kyis ji ltar byang chub sems dpa' des sems can de la lan du bya ba byas pa ma yin pa de ltar rig par bya'o/ /bam po bcu gsum pa/ shA radwa ti'i bu/ sngon byung ba 'das pa'i dus na bskal ba grangs med pa'i yang ches grangs med pa/ yangs pa/ tshad med pa/ bsam gyis mi khyab pa/ dpag tu med par gyur pa byung ba de'i tshe de'i dus na de bzhin gshegs pa kun nas sbas zhes bya ba byung ste/ bcom ldan 'das de'i tshe tshad ni/ lo
246b
bdun khri thub par gyur to/ /de'i nyan thos 'dus pa ni/ gsum byung ste/ gcig ni/ dge slong khrag khrig brgyad cu byung ngo / /gnyis pa ni/ dge slong khrag khrig phrag drug cu byung ngo // nyan thos 'dus pa gsum pa ni/ dge slong khrag khrig phrag bzhi bcu byung ngo / /shA radwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas kun nas sbas yongs su mya ngan las 'das nas dam pa'i chos ni/ lo bzhi khri gnas par gyur to/ /bcom ldan 'das de yongs su mya ngan las 'das nas lnga brgya pa tha ma la dam pa'i chos nub pa'i dus kyi tshe na dge slong ye shes mchog ces bya ba mang du thos pa/ yid gzhungs pa/ gsal ba/ dul ba zhig byung ngo / /shA radwa ti'i bu/ de'i tshe dzam+bu'i gling 'dir rgyal po mtha' yas zhes bya ba byung ste/ rgyal po de'i pho brang 'khor ni/ grong khyer mtha' yas zhes bya ba chu zhing du dpag tshad bcu gnyis yod pa/ 'byor pa/ rgyas pa/ bde ba/ lo legs pa/ nyams dga' ba/ skye bo dang mi mang pos gang ba zhig byung ngo / /de'i tshe yang grong khyer mtha' yas su khyim bdag khro ba med ces bya ba byung ste/ shA radwa ti'i bu/ khyim bdag khro ba med de'i bu ni/ don gyi blo gros zhes bya ba zhig byung ngo / /de nas tshong dpon gyi bu don gyi blo gros dge slong ye shes mchog ga la ba der song ste phyin nas dge slong ye
247a
@#/ /shes mchog gis byang chub sems dpa' dang ldan pa'i gtam byas so/ /de nas tshong dpon gyi bu don gyi blo gros kyis dge slong ye shes mchog las gtam thos nas yid rangs te so so yang dag par rig par gyur to/ /des de'i tshe chos gos rin thang bye ba ri bas dge slong ye shes mchog la mngon par bkab po/ /mngon par bkab nas dge slong ye shes mchog la smras pa/ 'phags pa/ khyod kyis legs par smras pa legs so/ /legs so/ /bdag gi khyim du yang dang yang spyon cig /byon nas kyang chos kyi gtam de lta bu mdzod cig dang / bdag la'ang phan par 'gyur/ tshe dang ldan pa'i chos kyi sbyin pa'ang 'bras bu chen por 'gyur ro/ /deng phyin chad ji srid 'tsho'i bar du chos gos dang / bsod snyoms dang / gzims cha dang / snyun gyi gsos sman dang / yo byad dag dang / yo byad gzhan dang gzhan dag la spyan 'dren to/ /dge slong gang dag tshe dang ldan pa'i rjes su 'brang ba de dag kyang mgron du gnyer ro/ /de nas dge slong ye shes mchog gis tshong dpon gyi bu don gyi blo gros la 'di skad ces smras so/ /khyim bdag/ khyod kyis smras pa de dge'o/ /de nas tshong dpon gyi bu don gyi blo gros dge slong ye shes mchog gi rkang pa la phyag btsal te bskor ba byas nas/ dge slong ye shes mchog
247b
gi thad nas song ngo / /shA radwa ti'i bu/ de'i 'og tu dge slong ye shes mchog tshong dpon gyi bu gzhon nu don gyi blo gros kyi khyim du song ngo / /shA radwa ti'i bu/ de nas dge slong ye shes mchog gis tshong dpon gyi bu gzhon nu don gyi blo gros kyi pha ma dag dang / bu dang / chung ma dang / bran pho dang / bran mo dang / las byed pa dang / zho shas 'tsho ba dag bla na med pa yang dag par rdzogs pa'i byang chub la bkod do/ /shA radwa ti'i bu/ de'ang dge ba'i rtsa ba des bskal pa grangs med par nam yang sangs rgyas dang bral bar ma gyur/ chos dang bral bar ma gyur| dge 'dun dang bral bar ma gyur/ dge ba'i bshes gnyen dang bral bar ma gyur to/ /shA radwa ti'i bu/ de'i tshe de'i dus na tshong dpon gyi bu don gyi blo gros zhes bya ba byung ba de gzhan zhig yin pa snyam du khyod sems na/ de ltar blta bar mi bya'o/ /de ci'i phyir zhe na/ de'i tshe de'i dus na nga ni/ tshang dpon gyi bu don gyi blo gros zhes bya bar gyur to/ / shA radwa ti'i bu/ de'i tshe de'i dus na tshong dpon gyi bu gzhon nu de'i pha byung ba de gzhan zhig yin pa snyam du khyod som nyi'am/ yid gnyis za bar gyur na/ de ltar blta bar mi bya'o| |de ci'i phyir zhe na/ de'i tshe de'i dus na de bzhin gshegs pa 'od srung de ni/ nga'i bar gyur to/ /shA radwa ti'i bu/ de'i tshe de'i dus na srog chags bye ba khrag khrig byung ba
248a
@#/ /de gzhan zhig yin pa snyam du sems na/ shA radwa ti'i bu/ khyod kyis de ltar blta bar mi bya'o/ /de ci'i phyir zhe na/ de dag thams cad ni/ bla na med pa yang dag par rdzogs pa'i byang chub tu nges pa sha stag go/ shA radwa ti'i bu/ de dag ni/ 'khor 'di nyid du yang dag par 'dus par gyur te/ de dag kyang ngas bla na med pa yang dag par rdzogs pa'i byang chub tu lung bstan to/ /shA radwa ti'i bu/ dge slong ye shes mchog ni/ de nyid kyi tshe len pa'i lhag ma med pa'i mya ngan las 'das pa'i dbyings su yongs su mya ngan las 'das so/ /shA radwa ti'i bu/ gal te dge slong ye shes mchog nyan thos kyi theg pas yongs su mya ngan las 'das par ma gyur na/ des tshong dpon gyi bu don gyi blo gros la chos bstan pas bsod nams kyi phung po ji snyed yod pa de nyid kyis de bla na med pa yang dag par rdzogs pa'i byang chub mngon par rdzogs par sangs rgyas par 'gyur te/ gang de'i pha ma dag dang / g.yog 'khor thams cad la chos bstan par byas pa lta ci smos/ shA radwa ti'i bu/ gal te dge slong ye shes mchog yongs su mya ngan las 'das par ma gyur na/ shA radwa ti'i bu/ ngas dge slong de la lan du bya ba byed mi nus par 'gyur ro/ /shA radwa ti'i bu/ rjed pa'am/ mchod pa byas kyang nga la chos bstan pa
248b
ngas don ji lta bu byas pa de'i lan du bya ba byed mi nus par 'gyur ro/ /shA radwa ti'i bu/ de lta bas na/ gang gis byang chub sems dpa' chos dang ldan pa'i gtam gyis rangs par byas shing yang dag par 'dzin du bcug la/ yang dag par gzengs bstod pa de ni/ bsod nams kyi phung po dpag tu med pa dang ldan pa yin no/ /shA radwa ti'i bu/ byang chub sems dpa' de ni/ bya ba dpag tu med pas sems de skyed par byed cing sems bskyed pa mngon par sgrub par byed la/ sems bskyed pa de rab tu gnas par byed do/ /shA radwa ti'i bu/ 'di lta ste| dper na/ rgya mtsho chen po rab tu gnas pa na nor bu rin po che de dag ni/ rin thang gdab tu yod pa'am/ rin thang gdab tu med pa yin pa de lta bur shes par bya ba yin zhing / de dag thams cad kyang rgya mtsho chen po na rab tu gnas par rig par bya ba yin la/ de dag thams cad rgya mtsho chen po nas re bar bya ba yin no/ /shA radwa ti'i bu/ de bzhin du bla na med pa yang dag par rdzogs pa'i byang chub tu byang chub sems dpa'i sems bskyed pa rab tu gnas pa na 'jig rten pa dang / 'jig rten las 'das pa dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / 'dus byas dang / 'dus ma byas kyi ye shes ji snyed yod pa thams cad kyi snod de yin par
249a
@#/ /'gyur ba dang / ye shes yongs su gnas par byed par 'gyur ba dang / der ye shes thams cad rab tu dbye ba thob par 'gyur ba dang / ye shes thams cad kyang de las rab tu skye bar 'gyur ro/ /snyam du shes par bya ba yin no/ /shA radwa ti'i bu/ 'di lta ste/ dper na/ rgya mtsho chen po de nyid rab tu gnas pa na/ shA radwa ti'i bu/ gang du lus chen po rgyas par 'gyur ba de ni/ 'byung ba chen po rnams kyi gnas su 'gyur ba de lta bur rig par bya ba yin no/ /shA radwa ti'i bu/ de bzhin du byang chub kyi sems rab tu gnas pa na/ shA radwa ti'i bu/ bla na med pa yang dag par rdzogs pa'i byang chub gang du ye shes kyi lus chen po rgyas par 'gyur ba dang / dge ba'i rtsa ba'i tshogs chen po mngon par 'phel bar 'gyur ba de ni/ 'byung po chen po mang po grangs med pa'i gnas su 'gyur ba de lta bur rig par bya ba yin no/ /shA radwa ti'i bu/ 'di lta ste/ dper na/ rgya mtsho chen po de nyid rab tu gnas pa na/ shA radwa ti'i bu/ gang du klu'i rgyal po chen po gnas pa de dag bya'i rgyal po nam mkha' lding dag gis thul par dka' bar 'gyur ba dang / de dag rgya mtsho chen po nas byung nas kyang gling bzhi pa'i 'jig rten gyi khams char pa'i rgyun chen pos tshim par byed pa de ni/ klu chen po dag gi gnas su 'gyur ba de lta bur rig
249b
par bya ba yin no/ /shA radwa ti'i bu/ de bzhin du byang chub sems dpa'i sems bskyed pa yongs su gnas pa na de las gzhan ba'i byang chub sems dpa' sems dpa' chen po rnams kyis de sangs rgyas su gyur nas sems can dpag tu med pa'i gnas chen por gyur par 'gyur ba dang / chos de dag gi gnas kyang byed par 'gyur ba dang / sangs rgyas kyi yul de'i gnas kyang byed par 'gyur ba dang / de las bdud sdig can dag gis phyir mi bsgyur bar 'gyur ba dang / thul bar dka' bar 'gyur ba dang / mi non par 'gyur ba dang / gal te bdud rnams kyis bdud kyi las bya'o/ /snyam nas gnod pa'i sems bskyed par gyur na/ de dag gis sems bskyed ma thag kho nar bdud kyis bcings pa thams cad thal bar rlog par byed par 'gyur ba dang / bdud kyi sems thams cad thal bar rlog par byed par 'gyur bar rig par bya ba yin no/ /'di lta ste/ dper na/ klu chen po de dag ni/ rgya mtsho chen po las phyir bsgyur bar dka' ba yin zhing / de dag rgya mtsho chen po nas mngon du byung nas gling bzhi pa'i 'jig rten gyi khams char ba'i rgyun chen pos kun tu tshim par byed cing / der sman dang nags tshal dag 'phel ba dang / rgyas pa dang / yangs pa nyid du 'gyur ba dang / rkang gnyis pa dang / rkang bzhi pa dag skom pa rgyun gcod par 'gyur ba dang / de'i 'og tu'ang
250a
@#/ /rgya mtsho chen por 'bab par 'gyur ba yin no/ /shA radwa ti'i bu/ de bzhin du byang chub sems dpa'i sems bskyed pa de rab tu gnas pa na/ shA radwa ti'i bu/ de ni| byang chub sems dpa' sems dpa' chen po klu chan po rnams kyi gnas yin par 'gyur ba dang / de nas mngon du byung nas kyang stong gsum gyi stong chen po'i 'jig rten gyi khams kyi grong dang / grong khyer dang / grol rdal dang / ljongs dang / yul 'khor dang / rgyal po'i pho brang 'khor dag tu 'dod chags dang bral ba'i mtha' las byung ba'i chos kyi char pa mngon du 'bebs par byed pa dang / chos kyi char pa chen po 'bebs par 'gyur ba dang / sems can grangs med dpag tu med pa'i sred pa/ 'dod pa'i sred pa dang / gzugs kyi sred pa dang / gzugs med pa'i sred pa rab tu zhi bar byed par 'gyur ba de lta bur rig par bya ba yin no/ /shA radwa ti'i bu/ 'di lta ste/ dper na/ rgya mtsho chen po de nyid yongs su gnas pa na/ gling bzhi pa na chu klung chen po gang dag ji snyed yod pa de dag thams cad 'dir 'bab par 'gyur ba dang / rgya mtsho chen po ni/ rim gyis gzhol ba'i phyir rgya mtsho chen po ma gtogs par de dag gi gnas gzhan med de/ de dag thams cad rgya mtsho chen po ga la ba der 'bab kyang rgya mtsho chen po gang ba'am/ bri bar yang mi 'gyur ba dang /
250b
rgya mtsho chen po'i chos nyid gnas pa nyid ni/ 'di yin te/ 'di lta ste/ rgya mtsho chen po'i chu ni/ chu tha dad pa 'bab pa'ang yin la/ chu gcig pa yin par yang 'gyur ba dang / 'di lta ste| lan tshwa'i ror ro gcig par 'gyur bar rig par bya ba yi no/ /shA radwa ti'i bu/ de bzhin du byang chub sems dpa'i sems bskyed pa rab tu gnas pa na de sangs rgyas nyid dang / de bzhin gshegs pa nyid dang / mngon par rdzogs par sangs rgyas nas sangs rgyas kyi chos rnams yongs su rdzogs pa dang / sems can thams cad kyi shes rab rgyun mi 'chad pa'i snod du gyur par 'gyur ba dang / sems can gang dag chos kyi the tshom sna tshogs skyes pa de dag gis kyang de mthong ma thag kho nar the tshom dang bral bar 'gyur ba dang / ming snga ma de dag kyang 'di lta ste/ de bzhin gshegs pa'i nyan thos zhes bya bar ming gcig par 'gyur ba de lta bur rig par bya ba yin no/ /shA radwa ti'i bu/ 'di lta ste/ dper na/ rgya mtsho chen po ni| lan tshwa'i ror ro gcig pa yin no/ /de bzhin du de'i nyan thos legs pa kho nar rnam par grol pas rnam par grol ba de dag thams cad ni/ 'di lta ste/ rnam par grol ba'i ror ro gcig par 'gyur ba yin no/ /shA radwa ti'i bu/ 'di lta ste/ dper na/ rgya mtsho chen po de nyid rab tu gnas pa na gzod ma nyid nas rim gyis gzhol par gnas so/ /shA radwa ti'i bu/
251a
@#/ /gal te rgya mtsho chen po gzod ma nyid nas bya skyibs su chags par gyur na/ rin po che 'dod pa'i mi rnams 'jug par mi 'gyur ro/ /shA radwa ti'i bu/ rgya mtsho chen po ni/ zab pa nyid dang / chu mtha' yas par rab tu gnas so/ /shA radwa ti'i bu/ de bzhin du byang chub sems dpa'i sems bskyed pa gnas pa na/ gzod ma nyid nas rim gyis gzhol bar rab tu gnas shing / mtha' yas pa nyid kyis rim gyis 'bab pa dang / rim gyis bab par kun nas gnas la zab pa nyid du rab tu gnas so/ /shA radwa ti'i bu/ de la rim gyis gzhol ba nyid ni/ 'di yin te/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa mngon par sgrub pa'o/ /shA radwa ti'i bu/ de la byang chub sems dpa'i shes rab kyi pha rol tu phyin pa ni/ zab pa nyid du rig par bya'o/ /shA radwa ti'i bu/ de la byang chub sems dpa'i sangs rgyas kyi chos kyi thabs la mkhas pa mngon par sgrub pa ni/ mtha' yas pa nyid du blta bar bya ste/ gzod ma nyid nas yang dag pa'i mtha' mngon du byas pas mi gnon par gyur pa dang / sems can grangs med dpag tu med pa mi 'jug par gyur pa
251b
dang / chos dkon mchog 'dod pa rnams mi 'jug par 'gyur na mi rung ngo / /snyam nas rim gyis gzhol zhing bab par 'jug pa de nyid kyis kyang dmigs pa thams cad sgyur bar byed do/ / shA radwa ti'i bu/ 'di lta ste/ dper na/ rgya mtsho chen po de nyid rab tu gnas pa na gzod ma nyid nas 'gro ba thams cad kyi rgya nyid du rab tu gnas so/ /shA radwa ti'i bu/ de bzhin du byang chub gyi sems bskyed pa rab tu gnas pa na gzod ma nyid nas 'gro ba thams cad kyi rgya nyid du rab tu gnas so/ /shA radwa ti'i bu/ 'di lta ste/ dper na/ rgya mtsho chen po de nyid rab tu gnas pa na gzod ma nyid nas rin po che'i gling rgyun mi 'chad pa nyid du rab tu gnas so/ /shA radwa ti'i bu/ de bzhin du byang chub sems dpa'i sems bskyed pa rab tu gnas pa na gzod ma nyid nas dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rin po che dag rab tu gnas par byed do/ /de nas bcom ldan 'das la tshe dang ldan pa shA radwa ti'i bus 'di skad ces gsol to| |bcom ldan 'das/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas kyis rgya mtsho chen po'i dpe rab tu bzhag pa dang / spobs pa dpag
252a
@#/ /tu ma mchis pa mngon par sgrub pa'i tshul gyis byang chub sems dpa' rnams kyi byang chub kyi sems rab tu bzhag pa ni/ ngo mtshar lags so/ /de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ 'di ni/ de bzhin gshegs pas dpe tsam zhig mdzad pa'o/ /shA radwa ti'i bu/ byang chub sems dpa' rnams kyi sems bskyed pa ni/ rgya mtsho chen po'i dpe'i tshad ma yin no/ /shA radwa ti'i bu/ byang chub sems dpa'i sems bskyed pa ni/ dmigs pa'i spobs pa dpag tu med pa'o/ /shA radwa ti'i bu/ de bzhin gshegs pa ni/ dmigs pa'i spobs pa gcig pa ma yin gyi/ dmigs pa'i spobs ba dpag tu med pa'o| |de ci'i phyir zhe na/ byang chub sems dpa' sems dpa' chen po rnams kyi sems bskyed pa ni/ ngas spobs pa dpag tu med pa nyid kyis stong gsum gyi stong chen po'i 'jig rten gyi khams yongs su gnas pa'i dmigs pas yongs su bzhag pa'i phyir ro/ /de ci'i phyir zhe na/ shA radwa ti'i bu/ byang chub kyi sems bskyed pa yongs su gnas pa de de dang 'dra ba'i phyir te/ 'di ltar de las brtsams nas de bzhin gshegs pa dgra bcom pa yang dag par rdzogs pa'i sangs rgyas kyis bskal pa'am/ bskal pa las
252b
lhag pa'am/ de bas kyang lhag par bstan kyang byang chub sems dpa'i sems bskyed pa de ni/ zad pa'am/ yongs su nyams par mi 'gyur ro/ /de ci'i phyir zhe na/ shA radwa ti'i bu/ byang chub sems dpa'i sems bskyed pa de ni/ thul bar dka' ba'i bya ba dang / bsnyen par dka' ba'i bya ba dang / mngon du 'phags pa'i bya ba dang / sems can bde bar byed pa'i bya ba dang / nyams dga' bar byed pa'i bya ba dang / dga' ba'i bya ba dang / khams gsum 'gyur ba'i bya ba dang / ye shes chen po 'gyur ba'i bya ba dang / gting dpag dka' ba'i bya ba dang / ma chags pa'i bya ba dang / snang ba chen po'i bya ba de 'dra ba'i bya bas yongs su gnas pa'i phyir te/ shA radwa ti'i bu/ mdor na/ byang chub sems dpa'i sems bskyed pa ni/ bya ba de 'dra bas bgrang ba'i mtha' bya bar mi nus so/ /shA radwa ti'i bu/ 'di lta ste/ dper na/ stong gsum gyi stong chen po'i 'jig rten gyi khams yongs su gnas pa na 'jig rten gyi khams de ni/ stong gsum gyi stong chen po'i 'jig rten gyi khams na sems can ji snyed yod pa de dag gis nye bar spyad par bya ba'i phyir rab tu gnas pa yin no/ /shA radwa ti'i bu/ de bzhin du byang chub sems dpa'i sems bskyed pa rab tu gnas pa na de ni/ sems can grangs med pa dpag tu med pa'i ye shes nye bar spyod pa'i gnas su gyur pa yin par gnas pa
253a
@#/ /de lta bur rig par bya ba yin no/ /shA radwa ti'i bu/ 'di lta ste/ dper na/ ri'i rgyal po ri rab rab tu gnas pa na shA radwa ti'i bu/ lha'i bu stong phrag mang po'i gnas yin par 'gyur ba dang / de la gnas nas sum cu rtsa gsum pa'i lha rnams kyis lha ma yin gyi dmag mang po pham par byed par 'gyur ba rig par bya ba yin no/ /shA radwa ti'i bu/ de bzhin du byang chub sems dpa'i sems bskyed pa rab tu gnas pa na de ni/ nyan thos grangs med dpag tu med pa'i gnas yin par 'gyur ro/ /de la gnas nas lha rnams kyis lha ma yin gyi dmag dag pham par byed par 'gyur ba ji lta ba de bzhin du/ shA radwa ti'i bu/ de la gnas nas sems can dpag tu med pa gzhan dag gis kyang blo gros sbyang dka' ba'i bdud kyi dpung dag kyang pham par byed par 'gyur ba yin no/ /shA radwa ti'i bu/ 'di lta ste/ dper na/ ri'i rgyal po khor yug chen po dag rab tu gnas pa na/ sems can gang dag khongs su gtogs pa de dag thams cad ni/ thogs pa med par 'gro ba'i rlung gi dkyil 'khor dag gis thul bar dka' bar 'gyur ba yin par rig par bya ba yin no/ /shA radwa ti'i bu| de bzhin du bla na med pa yang dag par rdzogs pa'i byang chub tu byang chub sems dpa'i sems bskyed par rab tu gnas pa na gnas kyi 'du shes can sems can gang dag byang chub
253b
sems dpa'i khongs su gtogs pa de lta bur rig par bya ba yin no/ /shA radwa ti'i bu/ de dag ni/ nyon mongs pa'i rlung gi dkyil 'khor thams cad kyis thul bar dka' ba yin no/ /shA radwa ti'i bu/ 'di lta ste/ dper na/ ri'i rgyal po gangs ri rab tu gnas pa na de ni/ sman thams cad kyi gnas su gyur par rab tu gnas pa de lta bur rig par bya ba yin no/ /shA radwa ti'i bu/ de bzhin du byang chub sems dpa'i sems bskyed pa rab tu gnas pa na/ shA radwa ti'i bu/ sems can grangs med dpag tu med pa'i nyon mongs pa'i nad yang dag par gzhom par bya ba'i phyir ye shes chen po'i sman de rab tu gnas pa de lta bur rig par bya ba yin no/ /shA radwa ti'i bu/ 'di lta ste/ dper na/ rin po che'i 'byung gnas chen po rab tu gnas pa ma de ni/ sems can 'bum phrag mang po la phan 'dogs par gyur pa yin par 'gyur ba dang / kun bged pa yin par 'gyur ba dang / 'du ba yin par 'gyur ba de lta bur rig par bya ba yin no/ /shA radwa ti'i bu/ de bzhin du byang chub sems dpa'i sems bskyed pa rab tu gnas pa na de ni/ sems can grangs med dpag tu med pa la phan 'dogs pa yin par 'gyur ba dang / de ni/ 'di lta ste/ chos dkon mchog gi rjes su spyod pa nyid kyis kun bged pa yin par 'gyur ba de lta bur rig par bya ba yin no/ /shA radwa ti'i bu/ 'di lta ste/ dper na/ nyi ma'i gzhal med
254a
@#/ /khang dang / de la lha'i bu nyi ma gnas par byed pa rab tu gnas pa na/ shA radwa ti'i bu/ de ni/ gling bzhi pa thams cad du snang ba yin par 'gyur ba dang / 'od du gyur pa yin pa dang / tsha ba yin par 'gyur ba de lta bur rig par bya ba yin no/ /shA radwa ti'i bu/ de bzhin du byang chub sems dpa'i sems bskyed pa dang / byang chub sems dpa'i ye shes chen po'i gnas theg pa chen po la mngon par zhen cing gnas par byed pa rab tu gnas pa na de ni/ stong gsum gyi stong chen po'i 'jig rten gyi khams na snang ba byed pa yin par rig par bya ba yin no/ /shA radwa ti'i bu/ 'di lta ste/ dper na/ klu'i rgyal po ma dros pa'i gnas rab tu gnas pa na/ shA radwa ti'i bu/ klu'i rgyal po chen po de der gnas par byed par 'gyur ba dang / phyogs bzhir chu klung chen po bzhi'ang gtong bar 'gyur ba dang / de dag gis rkang gnyis pa dang / rkang bzhi pa dag gi skom pa 'joms pa'i don byed par 'gyur ba dang / 'bru dang / sman dang / shing ljon pa dang / nags tshal dag mngon par skyed par 'gyur ba dang / rin po che'i 'byung gnas rgya mtsho chen po'ang kun tu tshim par byed par 'gyur ba de lta bur rig par bya ba yin no/ /shA radwa ti'i bu/ de bzhin du byang chub sems dpa'i sems bskyed pa de rab tu gnas pa na byang chub sems dpa' de de la gnas pa
254b
na bla na med pa yang dag par rdzogs pa'i byang chub mngon par rdzogs par sangs rgyas te/ chos kyi chu klung rnam pa bzhi po 'di lta ste/ don so so yang dag par rig pa'i chu klung dang / chos so so yang dag par rig pa'i chu klung dang / nges pa'i tshig so so yang dag par rig pa'i chu klung dang / spobs pa so so yang dag par rig pa'i chu klung dag gtong bar byed par 'gyur ba dang / stong pa nyid dang / mtshan ma med pa dang / smon pa med pa dang / 'phags pa'i lam yan lag brgyad pa'i sgra dbyangs kyi nga ro can gyi chos dkon mchog gi chu de dang / dbang po lnga dang / stobs lnga dang / byang chub kyi yan lag bdun gyi chus sems can grangs med dpag tu med pa du ma'i nyon mongs pa'i sred pa rgyun bcad nas/ rgya mtsho chen po'i chu klung chen po bzhin du 'dod chags dang bral ba'i mtha'i rgya mtsho chen po tshim par byed par 'gyur ba de lta bur rig par bya ba yin no/ /shA radwa ti'i bu/ byang chub sems dpa'i sems bskyed pa de ji srid du rab tu gnas pa ni/ chen po'i bya ba dang / bsnyen par dka' ba'i bya ba dang / mi mnyam pa dang mnyam pa'i bya bas rab tu gnas te/ shA radwa ti'i bu/ de ni/ de bzhin gshegs pas kyang tshig gis bstan par mi spyod do/ /shA radwa ti'i bu/ de lta bas na/ gang sems can de lta bu'i chos dang ldan pa'i gtam gyis rangs par byed cing yang dag par 'dzin du 'jug la/ yang
255a
@#/ /dag par gzengs bstod pa'i rigs kyi bu'am/ rigs kyi bu mo de ni/ shA radwa ti'i bu/ bsod nams kyi phung po chen po dpag tu med pa bskyed pa yin no/ /shA radwa ti'i bu/ bsod nams kyi phung po de'i bsod nams kyi mtha' ni/ yongs su mya ngan las ma 'das kyi bar du de bzhin gshegs pas kyang bstan par mi spyod de/ theg pa gang dang gang du yongs su bsngos pa de dang der yang 'grub par 'gyur ro/ /shA radwa ti'i bu/ 'di lta ste/ dper na/ de bzhin gshegs pa la phul ba'i sbyin pa dang / de bzhin gshegs pa la bskyed pa'i dge ba'i rtsa ba dag ni/ yongs su mya ngan las ma 'das kyi bar du bar ma dor yongs su zad par yang dag par rjes su ma mthong ngo / /shA radwa ti'i bu/ de bzhin du chos dang ldan pa'i gtam gyis byang chub sems dpa' rangs par byas shing yang dag par 'dzin du bcug pas yongs su mya ngan las 'das pa chen po ma yin gyi bar du bar ma dor yongs su zad pa'am/ yongs su gtugs par yang dag par rjes su ma mthong ste/ shA radwa ti'i bu/ rnam grangs des na/ de lta bur rig par bya ba yin no/ /shA radwa ti'i bu| sngon byung ba 'das pa'i dus na gang byung ba de'i tshe de'i dus na byang chub sems dpa' rgyal po'i gzhon nu chos yongs su tshol 'dod pa zhes bya ba byung bar gyur to/ /shA radwa
255b
ti'i bu| byang chub sems dpa' sems dpa' chen po chos yongs su tshol 'dod pa des legs par smras pa ji snyed thos pa de dag thams cad bris shing blangs la brjed de thams cad kun tu bzung ngo / /des kyang de'i tshe byang chub sems dpa' chos yongs su tshol 'dod pa/ chos yongs su tshol ba la mngon par brtson pas grong nas grong dang / grong khyer nas grong khyer dang / grong rdal nas grong rdal dang / ljongs nas ljongs su chos yongs su tshol ba la mngon par brtson zhing yongs su btsal to/ /de'i tshe mi gcig cig ri'i bya skyibs na 'dug par gyur te/ des byang chub sems dpa' chos yongs su tshol 'dod pa la smras pa/ gzhon nu tshur shog dang / kho bos khyod la de bzhin gshegs pa'i mtshan dang ldan pa'i gtam bya'o| |de nas chos yongs su tshol 'dod pas ri'i bya skyibs na 'dug pa'i mi ga la ba der song ste phyin nas smras pa/ de bzhin gshegs pa'i mtshan dang ldan pa'i gtam rab tu ston cig /des smras pa/ gzhon nu/ tshigs su bcad pa de ni/ rin med par kho bo yang dag par rab tu mi ston to/ /shA radwa ti'i bu/ de'i tshe rgyal po'i gzhon nu des gos rin thang bye ba phrag nyi shu ri ba lus la gyon par gyur cing / nor bu rin po che rin thang bye ba phrag bzhi bcu ri ba yang lus la btags par gyur to/ /de nas 'dod pas zil gyis non pa'i mi brkam
256a
@#/ /chags pa de 'di snyam du sems te/ gal te bdag la rgyal po'i gzhon nu des gos de dang / nor bu rin po che de byin par gyur na/ de lta na bdag gis de la tshigs su bcad pa de yang dag par rab tu bstan par bya'o/ /snyam mo/ /de nas chos yongs su tshol 'dod pas mi de la smras pa/ kye mi/ khyod la ci dgos de smros shig dang / kho bos khyod la sbyin par bya'o/ /khyod kyis kyang kho bo la sangs rgyas dang ldan pa'i tshigs su bcad pa de yang dag par rab tu ston cig /de nas mi des smras pa/ gzhon nu / gal te khyod kyis ji ltar bgos pa'i gos dang nor bu rin po che de byin zhing / byin nas kyang bya skyibs 'di nas bdag nyid bor na/ de lta na kho bos khyod la tshigs su bcad pa de yang dag par rab tu bstan par bya'o/ /shA radwa ti'i bu/ de nas byang chub sems dpa' sems dpa' chen po chos yongs su tshol 'dod pas mi de la smras pa/ kye mi/ khyod la don du 'gyur na/ bdag gis ri'i bya skyibs 'di nas bdag nyid dor bar bya'o/ /des smras pa/ gzhon nu/ bdag la don du gang yang mi 'gyur mod kyi/ 'on kyang gang gi tshe khyod kyis kho bo la gos de dang nor bu rin po che de byin par gyur la/ de'i tshe khyod kyis tshigs su bcad pa de thos nas 'gyod par gyur te/ dbang gis kyang 'phrog par 'gyur ro/ /de
256b
nas byang chub sems dpa' chos yongs su tshol 'dod pas mi de la smras pa/ kye mi/ khyod tshigs su bcad pa de kho bo la ston cig dang / kho bos khyod la byin nas 'gyod par mi bya'o| |mi des smras pa/ gzhon nu/ khyod dam bcas pa la mi gnas pa de nyid kyi tshe khyod 'gyod par byed pa yin no/ /de nas byang chub sems dpa' sems dpa' chen po chos yongs su tshol 'dod pas mi de la smras pa/ kye mi/ de'i phyir gal te khyod de ltar sems na/ de yongs su rdzogs par bya'i/ sangs rgyas dang ldan pa'i tshigs su bcad pa de kho bo la ston cig dang / kho bos khyod la gos rin po che de dang nor bu rin po che de sbyin par bya'o/ /tshigs su bcad pa de thos nas kyang ri'i bya skyibs 'di nas bdag nyid dor bar bya'o/ /shA radwa ti'i bu/ mi des byang chub sems dpa' de la sangs rgyas kyi mtshan dang ldan pa'i tshigs su bcad pa de bstan to/ /shA radwa ti'i bu/ thos ma thag tu'ang gzhon nu chos yongs su tshol 'dod pas mi de la gos de dang nor bu rin po che de byin te/ bden pa dang bden pa'i tshig gang gis 'gyod pa med cing gdung ba med par gos rin po che de dang nor bu rin po che de byin pa'i bden pa dang bden pa'i tshig des ma snad pa nyid dang / ma rmas pa nyid du sa la 'dug par gyur cig /ces bden pa'i byin gyi rlabs kyang byas so/ /des bden pa'i byin gyi rlabs de lta bu de byas nas bya
257a
@#/ /skyibs de nas bdag nyid bor ro/ /des lus de bor ma thag tu de nas de nyid kyi tshe rgyal po chen po bzhis yongs su bzung ste/ bde bar myur ba kho nar sa la bzhag go / de nas byang chub sems dpa' chos yongs su tshol 'dod pas mi de la smras pa/ kye mi/ de tsam du legs par smras pa'i tshig de dang / de tsam du don bzang po dang / tshig 'bru bzang po ni/ ngo mtshar to/ /shA radwa ti'i bu/ de nas mi de myur ba myur bar bya skyibs de nas babs nas byang chub sems dpa' chos yongs su tshol 'dod pa de ga la ba der song nas 'di skad ces smras so/ /rgyal po'i gzhon nu/ khyod kyis ji tsam du gya tshom du byas pa ni/ ngo mtshar to/ /rgyal po'i gzhon nu/ khyod chos ji lta bu zhig 'dod/ des smras pa/ kye mi/ kho bos ni/ sems can ma bsgral ba rnams bsgral bar bya zhing ma grol ba rnams dgrol bar bya/ yongs su mya ngan las ma 'das pa rnams yongs su mya ngan las bzla bar bya'o| |shA radwa ti'i bu/ mi de byang chub sems dpa'i tshig de la mngon par yid ches nas de dga' ste/ byang chub sems dpa' dam pa'i chos yongs su tshol 'dod pa la smras pa/ gzhon nu/ de'i phyir kho bos khyod la gos rin po che de dang nor bu rin po che de phyir sbyin par bya'o/ /de ci'i phyir zhe na/ gzhon nu/ gos de dang nor bu rin po che de ni/ khyod dang 'tsham
257b
pa'i phyir ro/ /des smras pa/ kye mi| byin nas phyir len pa de ni/ kho bo'i cha ma yin no/ /mi des smras pa/ rgyal po'i gzhon nu/ khyod de'i phyir de'i tshe khyod kho bo'i skyabs byed par 'gyur ro/ /shA radwa ti'i bu/ de'i tshe de'i dus na byang chub sems dpa' chos yongs su tshol 'dod pa de gzhan zhig yin pa snyam du som nyi'am yid gnyis za bar gyur na/ khyod kyis de ltar blta bar mi bya'o/ /de ci'i phyir zhe na/ shA radwa ti'i bu/ de'i tshe de'i dus na nga ni/ rgyal po'i gzhon nu chos yongs su tshol 'dod pa zhes bya bar gyur to/ /shA radwa ti'i bu/ de'i tshe de'i dus na mi zhig byung ba de gzhan zhig yin pa snyam du sems na/ khyod kyis de ltar blta bar mi bya'o/ /de ci'i phyir zhe na/ shA radwa ti'i bu/ de'i tshe de'i dus na de nga las dad pa rnyed cing 'di skad du skyabs byed par 'gyur ro/ /zhes tshig smra ba'i mi byung ba de ni/ bag ka li yin no/ /shA radwa ti'i bu/ dge slong bag ka li ni/ da ltar yang nga dge slong gi dge 'dun dang thabs cig tu nam mkha' las 'gro ba'i lam nas gshegs pa na ri'i bya skyibs na 'chag par gyur te/ ngas kyang bag ka li tshur shog ces brjod pa dang / des ting nge 'dzin gyi grol ba bskyed de/ bya skyibs de nas bdag nyid bor nas nam mkha' la 'dug bzhin du mngon par shes pa drug mngon du byas so/ /shA radwa ti'i bu/ bsod nams kyi phung po de
258a
@#/ /yun ji srid nas rjes su 'brangs shing nga la tshig bzhi pa'i tshigs su bcad pa gcig yang dag par bstan pa'i dge ba'i rtsa ba de dang / las kyi rnam par smin pa des nga las dad pa rnyed cing nga la mos pas myur ba de lta bur rnam par grol la/ nga nyid kyis de'i skyabs byas pa la ltos/ shA radwa ti'i bu/ mi de'i 'dod pa sngon du 'gro ba'i sems kyis dge ba'i rtsa ba de mngon par 'dus byas shing / 'bras bu de snyed mngon par 'grub par bya ba'i phyir byung ba la ltos/ gang dag ting nge 'dzin gyi grol ba bskyed cing nges par brtags nas sangs rgyas kyi ye shes de gting dpog par byed pa dang / byang chub sems dpa' sems dpa' chen po rnams rangs par byed cing yang dag par 'dzin du 'jug la/ yang dag par gzengs bstod pa dang / tha na tshig bzhi pa'i tshigs su bcad pa tsam ston pa lta ci smos/ shA radwa ti'i bu/ bsod nams kyi phung po de ni/ mya ngan las 'das pa chen po ma gtogs par bar ma dor zad pa'am/ yongs su gtugs par nga mi smra'o/ /de nas bcom ldan 'das la tshe dang ldan pa shA radwa ti'i bus 'di skad ces gsol to| |bcom ldan 'das/ gang chos dang ldan pa'i gtam gyis byang chub sems dpa' sems dpa' chen po rangs par bgyid cing / yang dag par 'dzin du stsol la yang dag par
258b
gzengs bstod pa'i rigs kyi bu'am/ rigs kyi bu mo de bcom ldan 'das bsod nams kyi phung po de lta bu skyed lags na/ bcom ldan 'das/ gang zhig byang chub sems dpa' sems dpa' chen po byang chub kyi sems dang ldan pa/ sangs rgyas kyi chos kyi grong khyer du rjes su 'jug par 'tshal ba mos pa zlog par bgyid cing rnam par g.yeng bar bgyid la bar chad bgyid na/ bcom ldan 'das/ de ji lta bur 'gyur lags/ bcom ldan 'das kyis gnas de bstan du gsol/ de ci'i slad du zhe na/ bcom ldan 'das/ sems can gang dag byang chub sems dpa' rnams la bar chad bgyi ba'i slad du zhugs pa de dag gis thos nas nongs pa la nongs par 'chags par 'gyur ba dang / gang dag 'jug pa de dag thams cad kyis thos nas bcom ldan 'das las nongs pa nod pa'i slad du'o/ /de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to| |shA radwa ti'i bu/ gang byang chub sems dpa' la bar chad bya ba'i phyir 'jug cing mos pa zlog par byed rnam par g.yeng bar byed la/ bar chad byed pa de ni/ bsod nams ma yin pa'i phung po dang ldan par 'gyur ro/ /shA radwa ti'i bu/ 'di lta ste/ dper na/ gang rin thang med pa'i nor bu rin po che chen po la bar chad byed pa de ni/ nor gyi phung po chen po la
259a
@#/ /bar chad byed pa yin no/ /shA radwa ti'i bu/ de bzhin du gang byang chub sems dpa'i byang chub kyi sems bskyed pa gcig gi bar chad byed pa de ni/ chos dkon mchog gi phung po 'bum phrag mang po dpag tu med grangs med pa dag gi bar chad byed pa yin no/ /shA radwa ti'i bu/ 'di lta ste/ dper na/ gang sman gyi shing ljon pa bskyed pa la bar chad byed cing chud gzon par bya ba'i phyir 'jug pa de ni/ shA radwa ti'i bu/ sems can nad kyis gzir ba mang po dpag tu med pa la bar chad byed pa yin te/ de ni/ sems can de dag nad chen po de las ma thar bar 'chi ba'i dus byed par 'gyur ba yin no/ /shA radwa ti'i bu/ de bzhin du gang byang chub kyi sems bskyed pa/ mnyam pa med pa'i sems bskyed pa/ phan pa dang bde ba'i sems bskyed pa/ sems can gyi nyon mongs pa'i nad thams cad sel ba'i sems bskyed pa'i sman la bar chad byed pa de ni/ shA radwa ti'i bu/ sems can grangs med dpag tu med pa/ 'dod chags dang / zhe sdang dang / gti mug gi nad kyis yongs su gzir ba/ phrag dog dang / ser sna dang / khro ba dang / g.yo dang / sgyu dang / rtsod pa dang / khrel med pa dang / khengs pa dang / nyes rtsom dang / rgyags pa dang / bag med pa dang / nga rgyal dang / lhag pa'i nga rgyal gyi nad chen pos gang ba rnams mya ngan las
259b
'das pa chen po dang / nye bar zhi ba dang / nad med pa dang / bsil bar gyur par nye bar 'gro ba nad chen po rab tu zhi bar byed pa de la bar chad byed pa yin no/ /shA radwa ti'i bu/ 'di lta ste/ dper na/ gang ma dros pa'i gnas la bar chad bya ba'i phyir 'jug cing klu'i rgyal po chen po de la'ang bar chad bya ba'i phyir 'jug pa de ni/ shA radwa ti'i bu/ rkang gnyis pa dang / rkang bzhi pa mang po'i sred pa'i gdung ba nye bar zhi bar byed pa yan lag brgyad dang ldan pa'i chu la bar chad bya ba'i phyir zhugs pa yin par rig par bya'o/ /shA radwa ti'i bu/ de bzhin du gang la la byang chub sems dpa'i byang chub kyi sems bskyed pa la bar chad byed pa de ni/ shA radwa ti'i bu/ sems can grangs med dpag tu med pa'i srid pa thams cad rab tu gcod par byed pa| yan lag brgyad dang ldan pa'i chos kyi rgyun la bar chad byed pa yin par rig par bya'o/ /shwa radwa ti'i bu/ 'di lta ste/ dper na/ gang nyi ma'i dkyil 'khor la bar chad bya ba'i phyir 'jug pa de ni/ shA radwa ti'i bu/ sems can gang dag gling bzhin gnas pa de dag gi snang ba chen po mi snang bar bya ba'i phyir 'jug pa de lta bur rig par bya ba yin no/ /shA radwa ti'i bu/ de bzhin du gang byang chub kyi sems bskyed pa chos kyi snang ba nye bar gnas pa la bar chad byed cing mos pa zlog pa dang / mi zlog par byed pa'i sems can de ni/ shA radwa
260a
@#/ /ti'i bu| stong gsum gyi stong chen po'i 'jig rten gyi khams na sems can gang dag yod pa de dag gi chos kyi snang ba chen po dang / chos kyi gsal ba chen po la bar chad byed pa de lta bur rig par bya ba yin no/ /shA radwa ti'i bu/ 'di lta ste/ dper na/ mi la las rin po che thams cad kyi 'byung gnas chud gzon par byed na/ shA radwa ti'i bu| de ni/ sems can grangs med dpag tu med pas rin po che rnyed pa chud gzon par bya ba'i phyir nye bar gnas pa de lta bur rig par bya ba yin no/ /shA radwa ti'i bu/ de bzhin du gang byang chub sems dpa'i sems bskyed pa sems bskyed pa chen po sangs rgyas kyi ye shes kyi sems bskyed pa nub par bya ba'i phyir 'jug pa de ni/ shA radwa ti'i bu/ sems can grangs med dpag tu med pa'i chos dkon mchog 'du ba chud gzon par bya ba'i phyir zhugs pa de lta bur rig par bya ba yin no/ /shA radwa ti'i bu/ 'di lta ste/ dper na/ rin po che thams cad kyi 'byung gnas de nas ni/ rin po che de dag thams cad rab tu 'byung ba yin no/ /shA radwa ti'i bu/ de bzhin du byang chub sems dpa'i sems bskyed pa rin po che thams cad kyi 'byung gnas de ni/ de las sangs rgyas kyi chos dkon mchog de lta bu de dag 'byung ba yin no/ /shA radwa ti'i bu/ de lta bas na/ gang byang chub sems dpa'i sems
260b
bskyed pa nub par bya ba'i phyir 'jug pa de ni/ bsod nams ma yin pa'i phung po chen po dang ldan pa yin no/ /shA radwa ti'i bu/ 'di lta ste/ dper na/ gang de ltar nga la ngan sems kyis khrag dbyung ba'i sems skyed par byed pa dang / gang la la byang chub sems dpa' byang chub kyi sems las mos pa zlog par byed cing bar chad byed pa 'di ni/ mtshungs pa yin no/ / shA radwa ti'i bu/ yang nga la khrag dbyung ba'i sems bskyed pa lta zhog gi/ shA radwa ti'i bu/ ngas mtshams med pa lnga po shin tu bzod dka' ba/ thar pa dka' pa/ nges par 'byung bar dka' ba bshad pa de bas kyang rigs kyi bu'am/ rigs kyi bu mo de bsod nams ma yin pa'i phung po ches mang du bskyed do/ /de ci'i phyir zhe na/ shA radwa ti'i bu/ mtshams med pa lnga byas pas ni/ sangs rgyas kyi chos 'ga' la'ang bar chad byas pa ma yin la/ byang chub sems dpa'i sems bskyed pa chud gzon pas ni/ sangs rgyas kyi chos thams cad chud gzon par byas pa yin pa'i phyir ro/ /shA radwa ti'i bu/ 'di lta ste/ dper na/ ba bsad pas ni/ 'o ma med par 'gyur ba yin no/ /shA radwa ti'i bu/ de bzhin du byang chub kyi sems dang ba med par byas shing chud gzon pas ni/ sangs rgyas kyi chos thams cad chud gzon pa yin no/ /shA radwa ti'i bu/ de lta bas na/ mtshams med pa lnga las ni/ 'di lta ste/ byang
261a
@#/ /chub kyi sems chud gzon pa 'di nyid ches ma rungs pa yin no/ /shA radwa ti'i bu/ mtshams med pa lnga po lta zhog gi/ shA radwa ti'i bu/ gling bzhi pa chen po'i 'jig rten gyi khams ji snyed yod pa de thams cad dgra bcom pa rnams kyis gang bar gyur la/ de nas mi la la zhig gis dgra bcom pa'i tshogs de thams cad srog dang phral bar gyur na/ shA radwa ti'i bu/ 'di ji snyam du sems/ 'o na mi de gzhi de las bsod nams ma yin pa mang du bskyed par 'gyur ba yin nam/ gsol pa/ bcom ldan 'das/ mang lags so/ /bcom ldan 'das/ mi des bsod nams ma lags pa'i phung po shin tu chen po bskyed par 'gyur lags so/ /bka' stsal pa/ shA radwa ti'i bu/ khyod mos par bya| khong du chud par bya ste/ shA radwa ti'i bu/ mi des dgra bcom pa'i tshogs de snyed srog dang bral bar gyur la/ gang byang chub sems dpa' sems dpa' chen po thams cad mkhyen pa'i theg pas 'gro ba/ rdzogs pa'i sangs rgyas kyi chos kyi grong khyer chen por 'jug par 'dod pa/ byang chub kyi sems de las mos pa zlog par byed cing / byang chub kyis sems de'ang rkyen des mos pa zlog par dmigs nas byang chub kyi sems 'dor bar byed na/ shA radwa ti'i bu/ bsod nams ma yin pa'i phung po snga ma des ni/ bsod nams
261b
ma yin pa'i phung po de la brgya'i char yang nye bar mi 'gro ba nas rgyu'i bar du'ang mi bzod do/ /de ci'i phyir zhe na/ shA radwa ti'i bu/ dgra bcom pa'i tshogs de snyed rab tu rnam par bshig bas ni| de bzhin gshegs pa'i stobs bcu nyams par byas pa ma yin/ de bzhin gshegs pa'i mi 'jigs pa bzhi nyams par byas pa ma yin/ sangs rgyas kyi chos ma 'dres pa bco brgyad nyams par byas pa ma yin/ byams pa chen po nyams par byas pa yin/ snying rje chen po nyams par byas pa ma yin/ de bzhin gshegs pa'i glang po che'i gzigs stangs nyams par byas pa ma yin/ de bzhin gshegs pa'i seng+ge ltar bsgyings pa nyams par byas pa ma yin/ spyi gtsug bltar mi mthong ba nyams par byas pa ma yin/ chos kyi mur 'gram 'bum phrag du mas kun nas yongs su gang ba nyams par byas pa ma yin/ chos kyi 'khor lo bskor ba bla na med pa nyams par byas pa ma yin/ de bzhin gshegs pa'i khyu mchog tu gyur pa nyams par gyis pa ma yin/ sems can gyi dbang po mchog dang mchog ma yin pa mkhyen pa nyams par byas pa ma yin/ mos pa sna tshogs mkhyen pa nyams par byas pa ma yin pa'i phyir te/ shA radwa ti'i bu/ byang chub sems dpa'i mos pa zlog pas ni/ chos de dag thams cad nyams par byas pa yin pa'i phyir ro/ /shA radwa ti'i bu/
262a
@#/ /gling chen po bzhi pa'i 'jig rten gyi khams lta zhog gi/ shA radwa ti'i bu/ 'di lta ste/ dper na/ stong gsum gyi stong chen po'i 'jig rten gyi khams 'di dgra bcom pa rnams kyis gang bar gyur la/ la la zhig gis dgra bcom pa yang dag par de dag srog dang bral bar byas shing / shA radwa ti'i bu/ gang dgra bcom pa de snyed srog dang bral bas bsod nams ma yin pa'i phung po dang / gang byang chub sems dpa' byang chub kyi sems las mos pa bzlog na/ shA radwa ti'i bu/ de ni/ bsod nams ma yin pa'i phung po ches che bar nga smra'o| |de ci'i phyir zhe na/ shA radwa ti'i bu/ byang chub kyi sems bskyed pa de dang rnam par phral bas ni/ sangs rgyas kyi chos thams cad yongs su nyams par 'gyur ba'i phyir te/ de ci'i phyir zhe na/ shA radwa ti'i bu/ gal te sems bskyed pa de med par gyur na ni/ da ltar sangs rgyas kyi ye shes 'byung bar mi 'gyur ba'i phyir dang / shA radwa ti'i bu/ gal te sems bskyed pa de med par gyur na ni/ de ltar 'jig rten du sangs rgyas khyu mchog tu gyur pa de lta bur 'byung ba mi 'gyur ba'i phyir dang / shA radwa ti'i bu/ gal te sems bskyed pa de med par gyur na ni/ da ltar sangs rgyas bcom ldan 'das rnams 'byung bar mi 'gyur ba'i phyir ro/ /gsol pa/ bcom ldan 'das/ de lta lags so/ /bcom ldan
262b
'das kyis bka' stsal pa/ shA radwa ti'i bu/ de lta bas na/ rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang su dag la sems bskyed pa yod pa de dag ni/ lha dang bcas pa'i 'jig rten gyi phyag bya bar 'os pa yin no/ /de ci'i phyir zhe na/ shA radwa ti'i bu/ gang dag la lhag pa'i bsam pa'i sems bskyed pa yod pa de dag la ni/ shA radwa ti'i bu/ de dag de bzhin gshegs pa dgra bcom pa yang dag par rdzogs pa'i sangs rgyas su 'gyur bas mthar thug pa yin par khong du chud par bya ba yin pa'i phyir ro/ /shA radwa ti'i bu/ 'di ji snyam du sems/ gang de bzhin gshegs pas byang chub sems dpa'i sems bskyed pa de lta bu yang dag par rab tu bstan na/ 'on de bzhin gshegs pas sems bskyed pa de lta bu de la rgyal rigs shing sA la chen po lta bu dag yongs su bstan pa'am/ bram ze'i rigs shing sA la chen po lta bu dag yongs su bstan pa'am/ khyim bdag gi rigs shing sA la chen po lta bu dag yongs su bstan pa'am/ 'khor los bsgyur ba'i rgyal po yongs su bstan pa'am/ rgyal chen bzhi'i ris kyi lha rnams yongs su bstan pa'am/ rgyal po chen po bzhi yongs su bstan pa'am/
263a
@#/ /lha rnams kyi dbang po brgya byin nam/ sum cu rtsa gsum pa'i ris kyi lha rnams yongs su bstan pa'am/ de bzhin du 'thab bral dang / dga' ldan dang / 'phrul dga' dang / gzhan 'phrul dbang byed kyi ris lha rnams yongs su bstan nam/ 'og min gyi lha'i bar du yongs su bstan pa yin nam/ gsol pa/ bcom ldan 'das/ de ma lags so/ /de ci'i slad du zhe na/ bcom ldan 'das kyis sems bskyed pa dag pa nyid dang / bcom ldan 'das kyis sems bskyed pa chen po nyid yang dag par rab tu bstan pa'i slad du'o/ /bcom ldan 'das kyis bka' stsal pa/ shA radwa ti'i bu/ 'di ji snyam du sems/ de bzhin gshegs pas byang chub kyi sems bskyed pa mngon par yang dag par rab tu bstan pas 'di lta ste/ tshan po che'i stobs sam/ tshan po che chen po'i stobs sam/ sred med kyi bu'i stobs phyed yang dag par rab tu bstan pa'i stobs po che dang ldan par yang dag par rab tu bstan pa'am/ dman pa'am/ dbul ba'am/ rgya chen po yang dag par rab tu bstan pa yin nam/ gsol pa/ bcom ldan 'das/ de ma lags so/ / bka' stsal pa/ shA radwa ti'i bu/ de lta bas na/ khyed cag gis stobs dang ldan pa'am/ stobs chung ba'am/ dman pa'am/ rgya chen po gang la sems bskyed pa de mthong na/
263b
shA radwa ti'i bu/ khyed cag gis sems bskyed pa bsrung bar bya'o/ /shA radwa ti'i bu/ khyed cag gis byang chub sems dpa' de yang dag par 'dzin du gzhug par bya/ rangs par bya/ yang dag par gzengs bstod par bya'o/ /shA radwa ti'i bu/ gang byang chub sems dpa' yang dag par 'dzin du 'jug cing / rangs par byed la/ yang dag par gzengs bstod pa 'di ni/ nyan thos kyi bsnyen bkur mchog yin no/ /shA radwa ti'i bu/ de lta bas na/ nga la bsnyen bkur mchog byed par 'dod pa'i nyan thos kyis ni/ ci nas byang chub sems dpa' spyod pa rnam par 'phel bar 'gyur bar byang chub sems dpa' yang dag par 'dzin du 'jug par bya/ yang dag par gzengs bstod par bya/ rangs par bya'o/ /shA radwa ti'i bu/ ngas nyan thos rnams la byang chub sems dpa' sems dpa' chen po rnams ci nas rnam par 'phel bar 'gyur ba dang / yongs su nyams pa rim 'gyur bar yongs su gtad do/ /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ sems bskyed pa dang / gsum po 'di dag lags te/ gsum gang zhe na/ 'di lta ste/ dang po sems bskyed pa dang / mi ldog pa'i sems bskyed pa dang / sgrub pa'i sems bskyed pa lags na/ bcom ldan 'das kyis sems bskyed pa gang gi yon tan gyi khyad par de dag bstan pa
264a
@#/ /lags| bcom ldan 'das kyis bka' stsal pa/ shA radwa ti'i bu/ ji skad smras pa de de bzhin te/ sems bskyed pa gsum po de dag ni/ 'di lta ste/ dang po sems bskyed pa dang / mi ldog pa dang / sgrub pa'i sems bskyed pa'o/ /shA radwa ti'i bu/ de la gang dang po sems bskyed pa de ni/ de las byang chub sems dpa' ldog cing log nas kyang nyan thos kyi theg par ltung ba'am/ rang sangs rgyas kyi theg par ltung ba yin te/ shA radwa ti'i bu/ sems bskyed pa de la de bzhin gshegs pas rangs par mdzad cing yang dag par 'dzin du 'jug par mdzad la yang dag par gzengs bstod par mdzad do/ /de ci'i phyir zhe na/ ci nas byang chub sems dpa' bla na med pa yang dag par rdzogs pa'i byang chub gnas par 'gyur zhing / nyan thos dang rang sangs rgyas kyi sems las kyang ldog par 'gyur la theg pa gnyis po de dag la dmigs par ni/ mi 'gyur zhing / mi dmigs pas sangs rgyas kyi chos rnams la gnas par 'gyur zhing / sangs rgyas kyi yul la nges par 'byung bar 'gyur zhig gu snyam pa'i phyir ro/ /shA radwa ti'i bu/ byang chub sems dpa' sems dpa' chen pos ni/ bla na med pa yang dag par rdzogs pa'i byang chub tu sems bskyed pa mngon par bsgrub pa'i phyir rnal 'byor du bya'o/ /shA radwa ti'i bu/ sems
264b
stong pa nyid du rnam par blta bar bya'o/ /shA radwa ti'i bu ni/ sems stong pa nyid ni/ gang yin/ ji ltar na/ sems stong pa nyid du rnam par blta bar bya ba yin zhe na/ shA radwa ti'i bu/ sems zhes bya ba ni/ sems dang / yid kyi rnam par shes pa dang / yid dang / yid kyi lus dang / yid kyi dbang po dang / yid kyi khams te/ 'di ni/ sems zhes bya'o/ /de'i stong pa nyid gang zhe na| shA radwa ti'i bu/ sems ni/ sems kyis stong ste/ de la byed po gang yang med do/ /gal te de'i byed pa po 'ga' zhig yod na ni/ des byas na gzhan gyis myong ba de lta bur 'gyur ro| |sems kyis kyang sems mngon par 'du mi byed do/ /gal te sems kyis sems mngon par 'du byed na ni/ de nyid byed pa po yin zhing / de nyid myong ba po yin par 'gyur ro/ /gal te sems gzhan gyis sems mngon par 'du byed na ni/ gang gis byas pa de ni/ de'i yin par 'gyur la/ gzhan gyis byas na'ang gzhan gyis myong bar 'gyur ro/ /shA radwa ti'i bu/ de lta bas na/ sems ni/ sems kyis stong ste/ de la byed pa po gang yang med do/ /gang la byed pa po med pa des ni/ cung zad kyang byas pa med do/ /gang gis cung cad kyang byas pa med pa de la ni/ byed pa dmigs su med do/ /gang la byed pa po mi dmigs pa de la ni/ rtsod pa'i gnas med do/ /gang dag de la rtsod par byed pa de dag ni/ med pa la rtsod par
265a
@#/ /byed pa'o/ /gang dag med pa la rtsod par byed pa de dag ni/ stong pa la rtsod par byed pa'o/ /mtshan ma med pa dang / smon pa med pa la rtsod par byed pa'o/ /gang dag stong pa rtsod par byed pa de dag ni/ gsob dang / gsog la rtsod par byed pa'o/ /gang dag gsob dang / gsog la rtsod par byed pa de dag ni/ de bzhin gshegs pa dang / lhan cig tu rtsod par byed pa'o/ /gang dag de bzhin gshegs pa dang lhan cig tu rtsod par byed pa de dag ni/ g.yang sa chen por ltung bar byed pa yin no/ /shA radwa ti'i bu/ g.yang sa chen po'ang gang zhe na/ 'di lta ste/ sems can dmyal ba dang / dud 'gro'i skye gnas dang / gshin rje'i 'jig rten no/ /shA radwa ti'i bu/ g.yang sa'i phul ni/ 'di yin te/ 'di lta ste/ dmigs par lta ba dang / phung por lta ba dang / khams su lta ba dang / skye mched du lta ba dang / srog tu lta ba dang / 'byung bar lta ba dang / 'jig par lta ba dang / sems can du lta ba dang / gang zag tu lta ba'o/ /shA radwa ti'i bu/ mdor na mya ngan las 'das par lta ba'ang dmigs pa yin/ sangs rgyas su lta ba dang / chos su lta ba dang / dge 'dun du lta ba'ang dmigs pa yin te/ lta ba de dag la chags pa'i byis pa so so'i skye bo rnams ni/ g.yang sa chen por ltung bar 'gyur te/ g.yang sa chen po ni/ 'di lta ste/
265b
'khor ba de yin par zad do/ /byang chub kyi sems yang dag par 'dzin du gzhug pa dang / rnam par brjod pa dang / bskyed pa bslab pa'i le'u ste/ brgyad pa'o// //de'i tshe slong mo rnam par rgyal ba srung zhes bya ba 'dus te 'dug par gyur to/ /de nas slong mo pa rnam par rgyal ba srung ba stan las langs nas bla gos phrag pa gcig tu gzar te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag ni/ g.yang sar ltung bar 'tshal ba ma lags shing / bdag ni/ de bzhin gshegs pa dang lhan cig tu rtsod par 'tshal ba'ang ma lags te/ bcom ldan 'das/ bdag ni/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba lags na/ bcom ldan 'das/ bdag ni/ 'di snyam du sems lags te/ ji ltar na/ bdag dbul zhing mchog tu dbul la spyod pa ngan pas tshegs kyis khyim gyi phun sum tshogs pa sgrub cing / gzhan gyi nor gyis 'tsho bas byang chub mngon par rdzogs par 'tshang rgya ste/ rgyal rigs shing sA la chen po lta bu dang / bram ze dang / khyim bdag gi rigs shing sA la chen po lta bus ni/ byang chub yang dag par sgrub bo snyam bgyid lags so/ /bcom ldan 'das kyis de la 'di skad ces bka'
266a
@#/ /stsal to| |nga ni/ bram ze dang / rgyal rigs dang / khyim bdag gi rigs shing sA la chen po lta bu dag yongs su mi ston cing rgya chen po dang / 'byor ba dang / lha dang klu dang / gnod sbyin dang / dri za dang / mi ma yin pa dang / nam mkha' lding dang / mi 'am ci dang / lto 'phye chen po dag yongs su mi ston gyi/ gang gis sems bskyed pa de bskyed na| de ni/ lha dang bcas pa'i 'jig rten gyis phyag bya bar 'os pa yin no/ /gsol pa/ bcom ldan 'das/ bdag deng slan chad bla na med pa yang dag par rdzogs pa'i byang chub tu sems bskyed lags so/ /de skad ces gsol pa dang / bcom ldan 'das kyis slong mo pa rnam par rgyal ba srung ba la 'di skad ces bka' stsal to/ /rnam par rgyal ba srung ba| khyod de bzhin gshegs pa'i rjes su slob pa ni/ legs so/ /legs so/ /bam po bcu bzhi pa/ de nas bcom ldan 'das la slong mo pa rnam par rgyal ba srung bas tshigs su bcad pa dag gis gsol pa/ legs so zhes bgyi mi 'tshal te/ /tshong dpon gyis bkur bdag mi 'tshal/ /sangs rgyas ye shes bla na med/ /ye shes dam pa 'tshal lags so/ /khyod ni 'jig rten bla na med/ /khyod ni rtag tu 'jig rten mchog /khyod ni gang dag sdug bsngal gzir/ /sems can rnams kyi gling skyabs gcig /mig ldan
266b
zag pa med pa'i chos/ /khyod kyis mngon du mdzad nas su/ /'khor ba las ni rab 'byin cing / /sman pa'i slad du chos ston lags/ /khyod kyi rdzu 'phrul mtha' yas te/ /khyod kyi 'od dang mtha' yas lags/ /khyod kyi shes rab mchog lags te/ /yon tan kun gyis mngon du 'phags/ /'di 'dra bar ni bdag gyur ces/ /de la bdag ni 'dun gyur na/ /dbul la su zhig sbyin snyam du| |de la bdag sems zhum par gyur/ /rgyal po khyim bdag bram ze dang / /lha dang mi 'am ci dag dang / /rdzu 'phrul ldan dang gzi chen mchis/ /de yi skyes bu khyu mchog 'di/ /dbul gyur gzhan gyi nor gyis su/ /nye bar 'tsho ba dag la ni/ /gang du 'jig rten mi 'jug pa'i/ /byang chub ga la su zhig ste/ /bdag gi sems ni mkhyen nas su/ /shA ri'i bu la bka' stsal pa| |sems bskyed pa ni nga yis bstan/ /rgyal rigs de dag bstan ma yin/ /bram ze dang ni rje'u dang dmangs kyang min/ /dman pa dang ni mchog dang lha dang klu/ /gnod sbyin mi 'am ci ni ngas ma bstan/ /gzhan du sems dag pa ni ngas bstan to/ /de ltar de bzhin gshegs pa'i de thos nas/ /stobs dang ldan par gyur te tshig 'di smras/ /'jig rten mgon po mchog tu bdag gyur te/ /'di ltar byang chub don du bdag sems skyes/ /nam mkha' ltung 'gyur sa ni 'jig 'gyur la/ /ri yi rgyal po ri rab rnam 'jig 'gyur/ /nam mkha'i khams ni gzhan
267a
@#/ /du 'gyur srid kyi/ /bdag gi sems ni gzhan du 'gyur mi srid/ /sems can 'di dag thams cad bdud gyur la/ /sems de rnam par bzlog par bgyi slad du| |de kun bdag la bar chad bgyid gyur na'ang / /bdag gis sems ni rnam par bzlog mi bgyi/ /gal te 'dir ni sems can 'ga' mchis shing / /'di yi mdun du mchis nas tshig smra na/ /sangs rgyas ye shes dam pa 'di mchog dkon/ /dbul la byang chub su zhig sbyin par byed/ /de skad de smras nas ni bdag gis brjod/ /nga bas khyod dbul nga ni dbul ma yin| |khyod la dad pa nam yang yod ma yin/ /nga la dad pa yod pas bdag 'tshang rgya/ /sangs rgyas rigs ni gang yang yod ma yin/ /'bras bu'am srog ni 'ga' yang yod ma yin| |gzhan du gang dag sems ni 'dud byed pa/ /de tshe theg pa bla med 'di la 'dud/ /drang srong mchog gi sems 'di rigs yin te/ /'di ni sa bon 'di ni 'bras bu yin/ / theg mchog dam pa la ni zhugs nas su/ /sangs rgyas rnams kyis bslab nas 'tshang rgyar 'gyur/ /bdag gis lus dang de bzhin srog dang ni/ /'jig rten rtsed mo dga' ba gang ci'ang btang / /gzhan du bdag gis sangs rgyas ye shes mchog /rdzogs par sangs rgyas sems can bdag gis dgrol/ /sangs rgyas chos rje bdag mdun bzhugs pa la/ /
267b
bdag 'dir seng+ge'i sgra ni sgrog bgyid pa/ /gal te bdag la nongs pa 'ga' mchis na/ /byams la gnas pas rgyal bas bskul lags grang / /de nas bcom ldan 'das kyis de'i tshe slong mo pa rnam par rgyal ba srung ba la tshigs su bcad pa dag gis phyir bka' stsal pa/ 'di ni sangs rgyas la ni skyon ci'ang med/ /sems 'di bla na yod pa ma yin pa'i/ /sems de de ring 'dir ni khyod 'dor te/ /khyod kyang rgyal ba chos kyi rjer 'gyur ro/ /de bzhin gshegs pa'i bka' ni thos nas su/ /gzhal du med pa'i dga' bas dga' mgu ste/ /de la rnam par rgyal srung sems dang zhing / /nam mkha' la ni ta la bdun srid 'phags/ /de tshe sems can mchog gis 'dzum pa bstan/ /sngon po ser po yid dga' sna tshogs pa/ /kha dog de dag rgyal ba'i zhal las byung / /de dag rgyal ba'i gtsug tu nub par gyur/ /de tshe phrag pa gcig gzar thal sbyar te/ /kun dga' bo yis rkang gnyis mchog la zhus/ /mgon po rgyu gang bde gshegs rkyen ci lags/ /ye shes thogs med rgyal la bdag zhu'o/ /mgon po rnam par rgyal srung zil gnon tshul/ /mgon gyi khyim du slong mo ba zhig byung / /de ring de ni ta la bdun srid gnas/ / mkha' la gnas nas rgyal la phyag 'tshal lags/ /lha dang klu dang lto 'phye chen po dang / /gnod sbyin de la mi min mi 'am ci/ /mir gyur pa yis thal mo sbyar bgyis te/ /mgon po
268a
@#/ /rgyal ba srung la phyag 'tshal lo/ /'jig rten mgon la de yis don zhu lags/ /thub pa'i 'dzum pa bstan 'di su yi don/ /byang chub dam pa mchog tu gang zhugs pa'i| |lung bstan de ni su yi lags par 'gyur/ /sangs rgyas ye shes la ni su dam gnas/ /bla med sems de gnas pa su yi lags/ /su zhig ye shes mchog dam reg par 'gyur| |'khor ba'i sems can rnams kyang 'byin par 'gyur/ /de tshe byang chub snying por da su mchis/ /bdud sde dpung dang bcas pa 'joms par 'gyur/ /bdud dpung bcas pa bcom nas nyon mongs spong / /'khor lo dam pa zhi ba bskor bar 'gyur/ /ye shes mnyam med de ni su yir 'gyur/ /don rgya chen po de ni su yir 'gyur/ /de tshe phyir zhing 'khor lo bskor bar 'gyur/ /kun nas ye shes chags pa med par 'gyur/ /khyu mchog tshig de 'dir ni 'byin par 'gyur/ /de tshe tshig bden de ni su yir 'gyur/ /ye shes bden pa'i the tshom nyid gyur pa'i/ /sems can da ltar de ring 'byung mi 'gyur/ /rtag tu mnyam gzhag sems de su yir 'gyur/ /byang chub zhi ba la ni reg gyur cing / /'di la dus gsum sems can sems mkhyen nas/ /chos mchog gya nom pa ni bshad du gsol/ /de tshe su yi chos de bstan pas na/ /lha dang bcas pa'i 'jig rten de tshim 'gyur/ /ma rmongs rnam
268b
par gnon pa su yir 'gyur/ /glang chen lta stangs lta bar 'gyur ba lags/ /dge 'dun phal chen de ni su yir 'gyur/ /su yis zhing 'di rnam par sbyangs pa lags/ /su yis mi khom thams cad spangs nas su/ /khom ldan mya ngan 'da' zhing 'tshal bar 'gyur/ /mthu chen don de dag ni zhu lags na/ /'jig rten mgon pos de tshe 'dzum bstan cing / /'jig rten 'dren pa bdag la de lung ston/ /thos na skye rgu dga' bar 'gyur ba lags/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ 'dzum pa 'di bstan pa na slong mo ba rnam par rgyal ba srung ba dang / de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po bye ba khrag khrig phrag brgyad cus bla na med pa yang dag par rdzogs pa'i byang chub tu sems bskyed de/ ngas de dag thams cad bla na med pa yang dag par rdzogs pa'i byang chub tu lung bstan to/ /de nas bcom ldan 'das kyis de'i tshe tshigs su bcad pa 'di dag bka' stsal to/ /dmigs par bya ba 'di ni bshad pa na/ /gang dag theg pa mchog la rab zhugs pa/ /bye pa khrag khrig phrag ni brgyad cur tshang / /de dag rnams kyang mi mchog rgyal bar 'gyur/ /slong ba rnam par rgyal ba srung 'di yang / /nga yi mdun du 'dug nas mchod par byed/ /mchog tu
269a
@#/ /dga' ba skyes shing bar snang gnas/ /bdag kyang 'di 'drar nga la phyag 'tshal lo/ /des ni las 'di byas par gyur pa na/ /phyin chad nam yang log par ltung mi 'gro |de dang der ni rtag tu dal ba thob/ /sangs rgyas kyang ni de yis rtag par mthong / /de dag sems can dam pa mchog mthong nas/ /byang chub rgyu yi phyir ni mchod pa byed/ /de tshe me tog spos dang byug pa dang / /gdugs dang rgyal mtshan dag gis mchod pa byed/ /de bzhin na bza' bsod snyoms mchog rnams dang / /gzims cha dag dang de tshe rkyen rnams kyis| |rgyal ba rnams la de ni mchod pa byed/ /mthar gyis der ni spyad pa spyod byed cing / /byams pa sems can mchog la mnyes byas nas/ /der ni rgyal ba rnams la mchod byed cing / /nor bu bye ba khrag khrig phrag bdun cu/ /bla med byams pa la ni 'bul bar byed/ /de tshe nor bu dag gi 'od nyid 'byung / /de yis dpag tshad brgyad cu kho na khyab/ /de tshe nor bu rnams kyi 'od 'byung ba/ /nor bu dag gi 'od du khyab par 'gyur/ /de tshe rim gro ba dag bye ba 'bum/ /de snyed kyi ni khri yang 'bul bar byed/ /de snyed kyi ni khri'u yang 'bul bar 'gyur/ /gtsug lag khang yang de snyed byed par 'gyur/ /rin chen sna bdun gyi ni bkra ba brtsigs/ /gtsug lag khang re rgyang grags tshad dang ldan/ /rtag tu byams
269b
pa nyan thos bcas pa la/ /rgyan gyis brgyan te nges par 'bul bar byed/ /zla gsum der ni rgyal ba bsnyen bkur byed/ /dgag dbye byas nas lo brgyar 'gyur ba yin/ /de yang de tshe rab tu byung ba'i tshe/ /tshangs par spyod pa dam pa spyod par 'gyur/ /dga' ba dang ni gus pa de yis su/ /der min rgyal ba rnams la mchod pa byed/ /mthar gyis byang chub spyad pa spyod pa na| |dus bzang ba yi rgyal ba thams cad mthong / /ji ltar gang+gA'i klung gi bye ma snyed/ /de bas lhag pa'i sangs rgyas de yis mthong / /sangs rgyas de dag mthong nas dad pa byed/ /'phag pa'i ye shes de ni su mi 'dod/ /sems de'i dad pa de ni de 'dra ba/ /phyogs tsam nga yis da lta bstan pa yin/ /de tshe de yi yon tan ci 'dra ba/ /nga yis dpe bstan par ni nus ma yin/ /ji ltar gang+gA'i klung gi bye ma snyed/ /bskal pa mang por de tshe 'khor nas su/ /phyin chad de yis theg pa mchog reg cing / /snying po'i tshogs zhes bya ba'i rgyal bar 'gyur/ /de tshe tshe ni bskal pa stong thub 'gyur/ /de tshe de yi zhing gi bkod 'byung ba/ /dper na lha gnas ri rab rtse mo bzhin/ /dzam+bu'i gling de yang ni de 'drar 'gyur/ /rgyal ba'i snying po'i tshogs ni de snyed kyi/ /nyan thos de tshe 'dus pa gang yin pa/ /ji ltar gang+gA'i klung gi bye ma snyed/ /bye ba khrag khrig phrag ni mang po 'byung / /de bzhin de tshe 'dus pa 'byung 'gyur ba/ /ji ltar gang+gA'i klung gi bye ma
270a
@#/ /snyed| |dgra bcom zag pa zad cing nyon mongs med/ /de tshe dbang gyur rdzu 'phrul pha rol phyin/ /shes rab 'byung gnas shA ri'i bu ji bzhin/ /dri ba gtan la 'bebs par ye shes 'phags/ /chos mngon mdo sde 'dul ba rnams la mkhas/ /nga yis nyan thos mchog ni lung bstan bzhin/ /de bzhin gshegs pa snying po'i tshogs nyid kyi| |'dus pa de tshe nyis 'gyur 'byung bar 'gyur/ /de dag byang chub dam pa mchog la zhugs/ /ma pham zhes bya'i byams pa ji bzhin no/ /de dag skye ba gcig gis thogs pa'ang yin/ /bla med byang chub tu ni de tshe 'gyur/ /de nas shi 'phos shi ba'i dus byas nas/ /zhing gzhan gzhan du de dag byang chub rtogs/ /dpa' ba dpa' bo blo gros brtan rnams kyi| |'dus pa de bas kyang ni lhag par 'gyur/ /de tshe theg mchog bla na med par ni/ /snying po'i tshogs kyi sangs rgyas lung ston 'gyur/ /de bzhin gshegs pa mya ngan 'das nas kyang / /de tshe chos tshul bskal par gnas par 'gyur/ /de yi sku gdung rgyas par 'gyur ba ni/ /nga yi mya ngan 'das pa'i ji bzhin te/ /de bzhin gshegs pa snying po'i tshogs nyid kyi| |ring bsrel de dag de ltar 'gyur ba yin/ /ji ltar sems can mos par 'gyur ba bzhin/ /de lta de ltar sangs rgyas ring bsrel gnas/ /de la rin chen zhes bya'i mchod
270b
rten dang / /rgyal mtshan ka ba dag dang stegs bu dang / /dril bu dri ma med pas brgyan rnams kyis/ /dzam+bu'i gling ni brgyan par 'gyur ba yin/ /sems can gang dag mchod rten der 'gro ba| |de dag mchod rten la ni me tog 'thor/ /nam mkha' la ni me tog gdugs su 'gyur/ /de tshe rdzu 'phrul de 'dra 'byung bar 'gyur/ /der ni ji ltar mos pa'i mi rnams la/ /de tshe sangs rgyas sku yis 'dzum mdzad 'gyur/ /mchod rten nang nas ston par mdzad 'gyur zhing / /'dzum pa bstan nas nub par mdzad par 'gyur/ /gang dag spyi gtsug 'od ni nub gyur na| |bdag cag byang chub phyir ni lung bstan shes/ /gang dag rgyal ba'i zhal du zhus gyur na/ /bdag cag rang rgyal bar ni lung bstan shes/ /mchod rten gyi ni nang gi 'dren pa yi/ / lte bar gang tshe 'od ni zhugs gyur na/ /lung bstan de dag nyid kyis mya ngan 'das/ /rdzu 'phrul de 'drar 'gyur bar bdag gis shes/ /rgyal ba'i byin gyi rlabs ni bskal par 'byung / / de yi 'od tu thams cad rgyun chad 'gyur/ /'khor bar gtogs la rtag pa yod ma yin/ /sangs rgyas bstan pa 'di la mi rtag stong / /de skad ces bka' stsal pa dang / /bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ slong mo pa rnam par rgyal ba srung ba brnyas pa'i tshul du'ang gda' la/ brnyas pa ma lags
271a
@#/ /pa'i chos dang ldan pa ni/ ngo mtshar lags so/ /bcom ldan 'das/ de lta bu'i sems can la su zhig brnyas par 'gyur/ de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ shA radwa ti'i bu/ de de bzhin te/ byis pa so so'i skye bo thos pa dang mi ldan pa ma gtogs par sems can de lta bu su zhig brnyas par 'gyur/ shA radwa ti'i bu/ ngas kyang de la dgongs nas de bzhin gshegs pa ma gtogs par gang zag gis gang zag gi tshad gzung bar mi nus so/ /zhes bya ba'i tshig gsungs pa yin no/ /shA radwa ti'i bu/ 'di ji snyam du sems/ 'o na slong mo pa rnam par rgyal ba srung ba lha rnams dang / klu rnams dang / gnod sbyin rnams dang / dri za rnams dang / mi 'am ci rnams dang / lto 'phye chen po rnams dang / mi rnams dang / mi ma yin pa rnams kyis phyag bya ba'i 'os su gyur pa yin nam/ gsol pa/ bcom ldan 'das/ de ma lags so/ /de ci'i slad du zhe na/ bcom ldan 'das/ re zhig gang gi tshe slong mo pa rnam par rgyal ba srung bas bla na med pa yang dag par rdzogs pa'i byang chub tu sems bskyed pa de'i tshe de phyag bgyi ba'i 'os dang / mchod pa bgyi ba'i 'os dang / gdung bar bgyi ba'i 'os su gyur pa'i slad du ste/ bcom ldan 'das/ da ltar ni/ lha dang
271b
bcas pa'i 'jig rten gyis phyag bgyi ba'i 'os su gyur pa lags so/ /de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to| |shA radwa ti'i bu/ de bzhin gshegs pa'i thogs pa med pa'i ye shes de ni/ nyan thos dang / rang sangs rgyas rnams dang thun mong ma yin pa'o/ /shA radwa ti'i bu/ de lta bas na/ nga'i nyan thos de lta bu'i rjes su bstan pa gus par nyan 'dod pa/ sems can rnams la chos ston pa rnams kyis ni/ thog ma nyid du nga'i ye shes kyi yon tan nyid yongs su bsgrag par bya'o| |de ci'i phyir zhe na/ ci nas kyang sems can de dag de bzhin gshegs pa'i ye shes kyi yon tan yongs su bsgrags pa thos nas sangs rgyas kyi ye shes de nyid la sems gtod par byed de/ de ltar na sangs rgyas kyi tshul rgyun mi 'chad par 'gyur ba'i phyir ro/ /shA radwa ti'i bu/ sems can gang dag gzhan la phan pa'i phyir zhugs pa de dag nyung ngo / /shA radwa ti'i bu| sems can gang dag gzhan la phan pa dang / bdag la phan pa'i phyir zhugs pa de dag ni/ rab tu dkon no/ /mchog tu rab tu dkon no/ /shA radwa ti'i bu/ yang gang dag gzhan la phan pa'i phyir dang / bdag la phan pa'i phyir zhugs pa dag lta zhog gi /shA radwa ti'i bu/ sems can gang dag bdag dang gzhan la phan pa'i phyir zhugs pa de dag ni/
272a
@#/ /dkon no/ /mchog tu rab tu dkon no/ /shA radwa ti'i bu/ byis pa log par 'dzin pa dag ni/ bdag la phan par bya'o/ /snyam na'ang mi phan pa kho na sten par byed do/ /de ci'i phyir zhe na/ shA radwa ti'i bu/ gang gzhan la mi phan pa'am/ nyes dmigs sam/ rnam par mtho 'tsham pa byas shing / rnam par 'tshe ba'ang byas pas ni| de la phan pa dang nyes dmigs med pa dang / rnam par mi 'tshe ba dang / rnam par mtho mi 'tsham par 'gyur ba ngas ma mthong ma thos pa'i phyir te/ de ni/ gnas med do| |shA radwa ti'i bu/ de lta bas na/ gang dag bdag la phan pa'i phyir zhugs pa'i sems can de dag ni/ dkon no/ /sems can de dag ni/ mchog tu rab tu dkon no/ /gang dag bdag la phan pa'i phyir dang / gzhan la phan pa'i phyir zhugs pa'i sems can de dag kyang mchog tu dkon no/ /shA radwa ti'i bu/ de lta bas na / sems can gang la las bsting ba byas shing gshung ba byed na/ shA radwa ti'i bu/ sems can de lta bu de dag ni/ bdag la phan pa dang / gzhan la phan pa'i phyir zhugs pa ma yin te/ shA radwa ti'i bu/ gang zag de lta bu de dag ni/ mi rigs pa yin no/ /shA radwa ti'i bu/ yang mi blun po de dag ni/ lam ngan par zhugs pa yin gyi/ de dag
272b
bdag la phan pa'i phyir dang / gzhan la phan pa'i phyir zhugs pa ni/ ma yin no/ /mi rigs pa dang ldan pa de lta bu de dag ni/ rab tu rnam par 'jig pa brgyad rjes su 'thob ste/ brgyad gang zhe na/ nye du rab tu rnam par 'jig pa dang / yul rab tu rnam par 'jig pa dang / longs spyod rab tu rnam par 'jig pa dang / me'i rab tu rnam par 'jig pa dang / rgyal po'i rab tu rnam par 'jig pa dang / skye mched kyi rab tu rnam par 'jig pa dang / sems can dmyal ba'i rab tu rnam par 'jig pa rjes su 'thob pa dang / sems can dmyal ba'i srung ma'i rab tu rnam par 'jig pa rjes su 'thob pa ste/ rab tu rnam par 'jig pa chen po brgyad po de dag rjes su 'thob bo/ /yang mi bde ba chen po brgyad rjes su 'thob ste/ brgyad gang zhe na/ sems can dmyal bar skye ba'i mi bde ba nyid rjes su 'thob pa yin/ dud 'gro'i skye gnas kyi mi bde ba nyid rjes su 'thob pa yin/ gshin rje'i 'jig rten du skye ba'i mi bde ba nyid rjes su 'thob pa yin/ gal te mi rnams kyi nang du skyes na'ang de dag yul mtha' 'khob tu skye ba yongs su 'dzin cing der yang long ba dang / 'on pa dang / zhar ba dang / lag sor rdum po dang / gzhogs phyed nyams par 'gyur zhing nad kyi rnam pa drag po gang yang rung ba dag gis btab par 'gyur te/ mi bde ba de rjes su 'thob pa yin/ gal te 'tsham pa'i
273a
@#/ /yul du skye bar mi rnams dang skal pa mnyam par skyes na'ang de dag mi yon po dang / mi sun 'byin pa dang / mi dmu rgod dang / bud med dang gnas pa dang / gcer bu pa'i spyod yul ba dang / mu stegs can gzhan gyi smra ba dang 'dres pa dang / log par lta ba dang / sdig pa kun tu spyod pa dang / mi gtsang ba'i lus kyi las dang ldan pa dang / mi gtsang ba'i ngag gi las dang / mi gtsang ba'i yid kyi las dang ldan pa dag tu 'gyur zhing / 'phags pa rnams kyi phyir bsgyur du mi rung bar 'gyur te/ mi bde ba de'ang rjes su 'thob pa yin/ gal te mi rnams kyi nang du skyes na'ang der de bzhin gshegs pa 'byung bar mi 'gyur zhing / gang gi nub mo de bzhin gshegs pa 'byung ba de nyid kyi nub mo de 'chi ba'i dus byed cing mngon sum du gnas pa mi 'thob ste/ mi bde ba chen po de'ang rjes su 'thob pa yin te/ mi bde ba chen po brgyad po de dag rjes su 'thob bo/ /gal te sems can dmyal ba chen po dag tu skyes na der de dag lus chen po dang / lus rgya chen por 'gyur te/ der gnod pa chen po dag nyams su myong bar 'gyur ba yin/ gal te dud 'gro dag tu skyes na'ang de dag lus chen po dang / lus rgya chen po dang / kham chen po dang / gso dka' bar 'gyur te/ gang du skyes pa der yang sdig pa'i las ches mang po
273b
dag mngon par 'du byed par 'gyur ba yin/ der skyes pa dag kyang nya'am/ chu srin nam/ sram mam/ chu srin byis pa gsod dam/ nya mid kyi nya zhes bya bar 'gyur te/ sems can rnams kyis de dag mchil bas bzung la mngon du bteg nas lus kyi srog gcod par byed la/ bcad cing brdungs te rnam par gtse bar byed kyang de tsam gyis kyang 'chi ba'i dus ni/ mi byed la/ de dag gi lus 'phel bar 'gyur zhing sdug bsngal gyi tshor ba rnam pa sna tshogs du ma nyams su myong yang de tsam gyis kyang 'chi ba'i dus mi byed pa yin/ de las gzhan pa'i skye gnas su skyes na'ang der de dag rnga mo'am/ glang ngam/ bong bu'am/ bya gag gam/ phag tu 'gyur te/ gal te de dag rnga mo'am/ glang du gyur na/ de dag sna phug nas khal gyis gzir cing dbyug pa brgyas brgyab nas lam du khrid par 'gyur la/ de dag 'khang zhing shin tu skyo bas khal de khyer bar byed de/ de dag la skyabs gang yang med do/ /gang gi tshe khal gyis gzir cing lus nyam chung bar gyur pa de'i tshe'ang srog dang bral bar byed cing / srog dang phral nas kyang de nyid kyi sha za zhing 'di skad du lus rgya chen po dang / le lo can dang / gso dka' ba dang / kham chen po dang / bya ba mi nus pa yin no/ /zhes zer ro/ /shA radwa ti'i bu/ sdig pa'i las byas shing bsags pa'i 'bras bu mi 'dod cing yid du mi 'ong ba ji snyed cig mngon par
274a
@#/ /'grub par 'gyur ba la ltos/ shA radwa ti'i bu/ de bzhin gshegs pas mi dge ba las de'i rnam par smin pa ni/ bskal pa'am/ bskal pa las lhag pas gsungs kyang zad par ni/ mi 'gyur ro/ /shA radwa ti'i bu/ mdor na gang byang chub sems dpa'i sems bskyed pa la bar chad bya ba'i phyir 'jug pa de la ni/ shA radwa ti'i bu/ mya ngan las 'das par 'gro ba med cing dal ba phun sum tshogs pa med do/ /shA radwa ti'i bu/ de lta bas na/ khyed cag gis bdag nyid skyabs shing dal ba phun sum tshogs pa thob bo/ /shA radwa ti'i bu/ bzhi po 'di dag ni/ skyabs yin te/ bzhi gang zhe na/ shA radwa ti'i bu/ de bzhin gshegs pa ni/ sems can 'jigs pas gzir ba rnams kyi skyabs yin/ shA radwa ti'i bu/ 'phags pa'i lam ni/ sems can lam ngan par zhugs pa rnams kyi skyabs yin/ shA radwa ti'i bu/ dran pa nye bar gzhag pa rnams ni| sdig pa'i las mngon par 'du mi bya ba'i skyabs yin/ shA radwa ti'i bu/ byang chub kyi sems ni/ mi khom pa thams cad rnam par spong ba nyid kyi skyabs yin te/ shA radwa ti'i bu/ bzhi po de dag ni/ skyabs yin no/ /shA radwa ti'i bu/ bzhi po 'di dag ni/ bde ba yin te/ bzhi gang zhe na/ de bzhin gshegs pa mthong ba yin/ dal ba
274b
phun sum tshogs pa yin/ de bzhin gshegs pas rab tu bstan pa'i chos 'dul ba la dad pa rnyed pa yin/ lta ba drang po dang phun sum tshogs pa yin te/ shA radwa ti'i bu/ bzhi po de dag ni/ bde ba chen po yin no/ /shA radwa ti'i bu/ bzhi po 'di dag ni/ nad med pa yin te/ bzhi gang zhe na/ 'byung ba chen po rnams kyi khams snyoms pa nyid nad med pa yin/ yang dag pa'i lta bar sems drang po nyid nad med pa yin/ de bzhin gshegs pa'i bstan pa la dad pa rnyed cing phun sum tshogs pa'i bde ba thams cad rnyed pa nyid nad med pa yin/ sems can grangs med dpag tu med pas bla na med pa yang dag par rdzogs pa'i byang chub tu sems bskyed pa rnyed cing nyon mongs pa rnam par 'joms pa nyid nad med pa chen po yin te| shA radwa ti'i bu/ bzhi po de dag ni/ nad med pa yin no/ /shA radwa ti'i bu/ bzhi po 'di dag ni/ re ba yin te/ bzhi gang zhe na/ nad pa 'tsho bar re ba dang / bkres pa zas re ba dang / sdug bsngal zhing sdug bsngal gyis gzir ba bde ba la mngon par dga' ba'i re ba dang / dgon pa chen po'i lam du zhugs pa bde bar re ba yin te/ shA radwa ti'i bu/ bzhi po de dag ni| re ba yin no/ /shA radwa ti'i bu/ bzhi po 'di dag ni/ gang la lhag par zhen pa'i sems can rnams ngan song du 'gro bar 'gyur ba'i lhag par zhen pa yin te/ bzhi gang zhe na/
275a
@#/ /lus la lhag par zhen pa dang / srog la lhag par zhen pa dang / longs spyod la lhag par zhen pa dang / 'dod pa la lhag par zhen pa yin te/ shA radwa ti'i bu| bzhi po de dag ni/ gang la lhag par zhen pa'i sems can rnams ngan song 'gro bar 'gyur ba lhag par zhen pa yin no/ /shA radwa ti'i bu/ bdun po 'di dag ni/ gnas yin te| bdun gang zhe na/ ma zhu ba'i gnas dang / zhu ba'i gnas dang / bad kan gyi gnas dang / mkhris pa'i gnas dang / rlung gi gnas dang / lta ba'i gnas dang / shA radwa ti'i bu/ 'di lta ste/ 'dod pa la lhag par zhen pa 'di'ang gnas chen po yin te/ shA radwa ti'i bu/ gang 'dod pa la lhag par zhen pa de ni/ mkhris pa dang / bad kan dang / snabs dang / rnag khrag dang / gcin dang / phyis dang / sha dang / rgyus pa dang / rus pa dang / khrag dang / gzhungs pa la rten pa yin no/ /yang de'i tshe khyim bdag rnam par rgyal ba srung ba zhes bya ba 'khor de nyid du 'dus par gyur te 'dug go /de'i skye rgu'i bdag mo ni/ gzugs dang ldan ma zhes bya ste/ gzugs bzang ba/ yangs pa/ blta na sdug pa/ kha dog bzang po rgyas pa mchog dang ldan pa'o/ /de nas khyim bdag rnam par rgyal ba srung ba de la yid lhag par chags nas bcom ldan 'das la 'di skad ces gsol to/ /bcom
275b
ldan 'das/ 'dod pa'i gnas gang lags pa de ni/ bshang gci'i gnas so/ /zhes de skad bka' mi stsal du gsol/ de ci'i slad du zhe na/ bcom ldan 'das/ bdag gi skye rgu'i bdag mo ni/ gzugs ldan ma zhes bgyi ste/ bcom ldan 'das/ de la ni/ bshang ba'ang ma mchis/ gci ba'ang ma mchis pa'i slad du'o/ /de nas bcom ldan 'das kyis khyim bdag de'i lhag pa'i bsam pa thugs su chud nas khyim bdag de'i chung ma bud med gzugs ldan ma ci 'dra ba de 'dra ba zhig mngon par sprul to/ /khyim bdag /des mthong ste mthong nas kyang de 'di snyam du sems te/ bdag gi chung ma bya ba ci la 'dir phyin cig gu snyam nas de rang gi skye rgu'i bdag mo ga la ba der song ste phyin nas rang gi skye rgu'i bdag mo la 'di skad ces smras so/ /khyod ci'i phyir 'khor 'dir 'ongs/ des smras pa/ khyim bdag /bdag de bzhin gshegs pa la chos nyan du 'ongs so/ /de nas khyim bdag rnam par rgyal ba srung bas rang gi chung ma'i lag pa nas bzung nas rang gi gos kyi grwar 'dug tu bcug ste/ khyim bdag rnam par rgyal ba srung ba dang / chung ma gzugs ldan ma gnyis ka 'dug go /de nas bcom ldan 'das kyis rdzu 'phrul ji lta bu mngon par 'du bya ba mngon par 'du mdzad pas gos kyi grwa de la bud med des bshang ba byas pa de lta bu'i rdzu 'phrul mngon
276a
@#/ /par 'du bya ba mngon par 'du mdzad do/ /de nas khyim bdag rnam par rgyal ba srung ba bshang ba'i dri de mi bzod nas sor mo dag gis sna bkag ste kha phyir phyogs shing rnam par bltas so/ /de'i tshe khyim bdag rnam par rgyal ba srung ba'i g.yas logs na shAkya'i bu dga' bo zhes bya ba 'dug par gyur to/ /de nas shAkya'i bu dga' pos khyim bdag rnam par rgyal ba srung ba la 'di skad ces smras so/ /khyim bdag /khyod ci'i phyir sna bkag nas kha phyir phyogs te 'dug /de nas khyim bdag rnam par rgyal ba srung bas shAkya'i bu dga' bo la 'di skad ces smras so/ /btsun pa/ gnas 'di na bshang ba'i dri chen po yod de/ khyod kyang thag mi ring ba na gnas na ma mthong ngam/ de nas bcom ldan 'das kyis rdzu 'phrul ji lta bu mngon par 'du bya ba mngon par 'du mdzad na/ ci nas shAkya'i bu dga' bo dang 'khor bzhi pos skye rgu'i bdag mo gzugs ldan pas gos kyi gra de la bshang ba byas pa mthong ba de lta bu'i rdzu 'phrul mngon par 'du bya ba mngon par 'du mdzad do/ /de nas shAkya'i bu dga' bos khyim bdag rnam par rgyal ba srung ba la 'di skad ces smras so/ /khyim bdag /khyod nyid kyi skye rgu'i bdag mos gos kyi gra la bshang ba byas pa la ltos/ de nas khyim bdag rnam par rgyal ba srung bas shAkya'i bu
276b
nag pa sbyin la 'di skad ces smras so/ /nags sbyin/ gang kho bo'i chung mas bshang ba'am/ gci ba byas pa de snyam du sems pa de ni/ the tshom zos nas rnam par lta bar byed kyi/ kho bo ni| de snyam du mi sems na/ de ji ltar kho bos rnam par blta bar bya/ btsun pa/ bdag sems pa ltar na/ khyod kyis bshang ba khyer te 'ongs pa snyam byed do/ /de nas shAkya'i bu dga' bo shas cher khros 'khrugs rngam ste/ stan las langs nas khyim bdag rnam par rgyal ba srung ba la 'di skad ces smras so/ /khyim bdag /khyod ni/ lhag par chags pa yin te/ khyod kyi ming khyim bdag bshang ba zhes bya bar gdags so/ /khyim bdag /khyod kyis rang gi chung ma la lag pa gnyis kas bzung nas rang gi gos kyi grwa la 'dug tu ma bcug gam/ khyim bdag/ de nyid kyis da ltar gnas skabs de byas par ma gyur tam/ dri 'byung ba 'di khyod kyis mngon sum du gyis shig /de lta bas na/ khyim bdag /khyod ni/ lhag par chags pa yin| lhag par kha drag pa yin te/ khyod kyi ming khyim bdag bshang ba zhes bya bar gdags so/ /gang khyod bshang ba'i nang na gnas shing / gzhan dag la skur ba 'debs par byed pa ni| rnam par rgyal ba srung ba ma yin no/ /khyim bdag /'khor 'di nas song zhig /khyim bdag /slar song zhig /khyim bdag /'khor 'di nas mi snang bar gyis shig /khyim bdag rnam
277a
@#/ /par mi snang bar gyis shig /de nas khyim bdag des chung ma de la lag pa nas bzung nas 'di skad ces smras so/ /g.yo sbed ma/ khyod ji ltar na nga'i gos kyi grwar bshang ba bya bar sems/ des smras pa/ khyim bdag /gang gis bshang ba'i snod blangs nas rang gi gos kyi grwa la 'dug tu bcug pa de ni/ de ltar 'gyur ro/ /de nas khyim bdag rnam par rgyal ba srung ba skyo bar gyur nas bshang ba'i gong bu de sa la dor bar bya'o/ /snyam na'ang ma nus la/ phyir zhing yan lag dang nying lag dag bskus par yang gyur te| des shAkya'i gzhon nu nags sbyin la smras pa/ btsun pa/ gang gis bdag bshang ba'i dri 'di las yongs su thar par 'gyur ba'i rigs pa 'di na ci yod/ nags sbyin gyis smras pa/ khyim bdag /khyod 'di dang / gzhan las kyang yongs su thar par 'gyur mod kyi/ 'on kyang gang khyod gnas 'di nas phyir song na/ 'di na 'dir rigs pa'i mchog tu 'gyur ro/ /de ci'i phyir zhe na/ khyim bdag /khyod chung ma dang lhan cig tu bshang ba'i dri des 'chi bar 'gyur ba'i phyir ro/ /de nas khyim bdag rnam par rgyal ba srung bas shAkya'i bu nags sbyin la 'di skad ces smras so/ /btsun pa/ dge sbyong dag ni/ snying rje can zhes bya ba yin/ dge sbyong dag ni/ snying brtse ba can zhes bya ba yin/ shAkya'i bu zhes bya ba yin na/
277b
ji tsam du khyod lhag pa'i skyes bu yin pa ni/ ngo mtshar to/ /de nas shAkya'i bu nags sbyin gyis khyim bdag rnam par rgyal ba srung ba la 'di skad ces smras so/ /khyim bdag /kho bos khyod la ji ltar snying rjer bya/ ji ltar yang snying brtse bar bya/ de bzhin gshegs pa chos ston pa na khyod kyis bdag gi skye rgu'i bdag mo la bshang ba'am/ gci ba ma mchis so/ / zhes smras na/ khyod bcom ldan 'das dang mi mthun par byed cing / kho bo la'ang skur ba 'debs par byed dam/ khyim bdag /khyod kyi skye rgu'i bdag mo la bshang ba'am/ gci ba yod dam med khyod mngon sum gyis ltos shig /de nas khyim bdag rnam par rgyal ba srung bas skye rgu'i bdag mo la smras pa/ skye rgu'i bdag mo/ /khyod rang gi khyim du song zhig /de nas khyim bdag rnam par rgyal ba srung bas rang gi chung ma btang nas shAkya'i gzhon nu nags sbyin la smras pa/ btsun pa/ kho bos ni/ bud med rnams kyi skyon dang / bud med rnams kyi sgyu dag mthong ste/ nags sbyin/ kho bo khyim nas khyim med par rab tu 'byung bar 'dod do/ /de skad ces smras pa dang / shAkya'i bu nags sbyin gyis khyim bdag rnam par rgyal ba srung ba la 'di skad ces smras so/ /khyim bdag /khyod gal te lo brgyar lus spos thams cad kyis bdugs shing bsgos shig dang / khyim bdag /khyod de ltar na bcom ldan 'das las
278a
@#/ /rab tu 'byung ba phyis 'thob bo/ /de ci'i phyir zhe na/ khyim bdag /khyod kyi lus de ni/ bshang ba'i dri des dri mi zhim par gyur pa'i phyir ro/ /de nas khyim bdag rnam par rgyal ba srung bas shAkya'i bu nags sbyin la 'di skad ces smras so/ /btsun pa/ gal te kho bo sa lo gcig gam/ lo brgyar bdugs na/ de nyid du brel bas bdag 'chi ba'i dus byed par 'gyur zhing / bcom ldan 'das kyang yongs su mya ngan las 'das pa chen por mi 'gyur ram sus shes/ btsun pa/ yang gal te kho bo bcom ldan 'das las rab tu byung ba thob na/ kho bos grong dang / grong khyer dang / yul 'khor dang / rgyal po'i pho brang dag tu mi 'jug cing / dgon pa dang / bsod snyoms dang / chos gos ngan pa 'chang bar bya'o/ /de'i phyir bdag de lta bu'i ngan pa dgon pa pa la su zhig dri mi zhim pa mnom par 'gyur/ de nas bcom ldan 'das kyis khyim bdag de la 'di skad ces bka' stsal to/ /khyim bdag /khyod khyim nas khyim med par rab tu 'byung bar 'dod dam/ gsol pa/ bcom ldan 'das/ 'tshal lags so/ /bcom ldan 'das kyis bka' stsal pa/ dge slong tshur shog tshangs par spyad pa spyod cig /de nas de tsam gyis khyim bdag de rab tu byung nas zhag bdun lon pa bzhin du gos ngur smrig dang /
278b
ldan zhing mgo bregs te/ lag mthil na lhung bzed thogs par gyur to/ /de nas bcom ldan 'das kyis de la chos bstan te/ sdug bsngal 'phags pa'i bden pa yang dag par rab tu bstan cing / de bzhin du kun 'byung ba dang / 'gog pa dang / lam 'phags pa'i bden pa yang dag par rab tu bstan to/ /de nas dge slong de de nyid kyi tshe chos rnams la chos kyi mig rdul med cing dri ma dang bral ba rnam par dag go/ de nas de bya ba thob ste/ de'i mtshan mo 'das nas snga dro'i tshe chos gos bgos/ lhung bzed thogs nas rgyal po'i khab kyi grong khyer chen por bsod snyoms kyi phyir zhugs so/ /de rgyal po'i khab kyi grong khyer chen por bsod snyoms kyi phyir mthar chags su rgyu bas rang gi khyim ga la ba der song ste phyin nas/ phyogs gcig tu cang mi smra bar bsod snyoms kyi phyir 'dug go/ bud med gzugs ldan mas khyim bdag rgyal ba srung ba rab tu byung ste/ chos gos bgos/ lhung bzed thogs shing bsod snyoms kyi phyir 'ongs ba mthongs te/ mthong nas kyang smras pa/ khyim bdag /khyod kyis ni/ mi 'tsham par byas so/ /de nas dge slong rnam par rgyal ba srung bas de la smras pa/ su khyod kyis kho bo'i gos kyi grwar bshang gci byas shing des kyang kho bo'i lus thams cad dri mi zhim par byas na khyod khong du chud dam/ des smras pa/ khyim bdag/ khyod kho mo
279a
@#/ /la skur pa gdab par sems pa 'di ni/ khyod kyi cha ma yin te/ khyim bdag /'di ltar kho mo phas rang gi khyim nas rang gi khyim du rjes su 'jug tu bcug nas sgo gang gi phyi rol tu bzhin nye bar bstan par yang mi dran na/ 'od ma'i tshal bya ka lan+ta ka gnas par bcom ldan 'das kyi thad du song ba lta ci smos/ rnam par rgyal ba srung bas smras pa| su kho bo la dbang po bcom ldan 'das dang / shAkya'i bu nags sbyin dang / 'khor bzhi po yod de/ 'di ltar kho bo dang khyod shAkya'i bu nags sbyin gyis bzung nas 'khor de nas bskrad pa'ang khyod mi dran nam/ de nas bdud sdig can khyim bdag rnam par rgyal ba srung ba'i rgyab tu 'dug nas smras pa/ khyim bdag /gang gi phyir 'khyam du bcug cing bskrad pa de ni/ 'di ma yin te/ de ni/ sprul pa yin par gyur to/ /dge slong khyod 'dod pa'i yon tan lnga po dag gis mngon par dga' bar gyis shig /khyim bdag/ khyod ni/ dge sbyong gau ta mas bslus te/ des ni/ dge slong mang du de lta bur 'khyam du bcug nas rab tu phyung ngo / /dge slong rnam par rgyal ba srung bas smras pa/ skyes bu gang gi phyir kho bo dri mi zhim par byas pa de ni/ sbrul pa yin par gyur to/ /smras pa/ de bzhin no/ /smras pa/ de'i phyir khyod kyang sprul pa yin/ kho bo'ang sprul pa yin/ bcom ldan 'das kyis
279b
chos bstan pa thams cad kyang sprul pa lta bu yin no/ /de nas bud med de chos rnams la chos kyi mig rdul med cing dri ma dang bral ba rnam par dag go/ de nas de dad pa rnyed cing yid ches pa thob nas smras pa/ dge slong / mngon par dga' bar gyis shig /tshangs par spyad pa spyod cig /kho mo'ang bcom ldan 'das kyi bstan pa la de bzhin du rab tu 'byung ngo / /de nas bcom ldan 'das kyis chos rnams kyi don gyi dbang de nyid la brten nas/ /tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ bzhin po 'di dag ni/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas yongs su spang bar bya ba yin te/ bzhi gang zhe na/ shA radwa ti'i bu| byang chub sems dpa' sems dpa' chen pos sdig pa'i grogs po yongs su spang bar bya ba yin/ shA radwa ti'i bu/ byang chub sems dpa' sems dpa' chen pos bud med dang 'dre ba yongs su spang bar bya ba yin/ byang chub sems dpa' sems dpa' chen pos gcer bu ba'i smra ba dang / 'jig rten rgyang pan pa'i gsang tshig yongs su spang bar bya ba yin/ shA radwa ti'i bu/ byang chub sems dpa' sems dpa' chen pos log par lta ba'i rgud pa yongs su spang par bya ba yin te/ shA radwa ti'i bu/ chos bzhi po de dag ni/
280a
@#/ /byang chub sems dpa' sems dpa' chen pos yongs su spang bar bya ba yin no/ /shA radwa ti'i bu/ chos bzhi po de dag ji lta ba bzhin du de ltar bar chad byed pa'i chos gzhan no/ /ngas yang dag par rjes su mthong ngo / /shA radwa ti'i bu/ de lta bas na/ theg pa chen po la yang dag par zhugs pas chos bzhi po de dag yongs su spang bar bya zhing yongs su spangs nas kyang gang bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas chos bzhi kun tu bstan par bya| bsgom par bya/ lan mang du bya ba yin te/ bzhi gang zhe na/ shA radwa ti'i bu/ sangs rgyas sam/ byang chub sems dpa'am/ nyan thos gang byang chub sems dpa'i sde snod kyi chos kyi rnam grangs 'doms par byed/ rjes su ston par byed pa'i dge ba'i bshes gnyen kun tu bsten par bya zhing bsgom par bya la/ lan mang du bya ba yin/ shA radwa ti'i bu/ gzhan yang byang chub sems dpas bud med dang 'dra ba rnam par bzlog pa'i phyir mngon par 'byung ba dang / rab tu 'byung ba dang / dgon par gnas pa kun tu bsten par bya zhing bsnyen par bya la/ bsnyen bkur bya ba yin/ shA radwa ti'i bu/ gzhan yang byang chub sems dpas gcer bu'i smra ba dang / 'jig rten rgyang
280b
pan pa bzlog pa'i phyir chos de dag gzung ba dang / kun chub pa dang / mi brjed par bya bar rnal 'byor du bya ba yin/ shA radwa ti'i bu/ gzhan yang byang chub sems dpas log par lta ba rnam par bzlog pa'i phyir chen po stong pa nyid kyi yang dag pa'i lta ba kun tu bsten par bya zhing bsnyen par bya ba yin no/ /bcom ldan 'das kyis de skad ces bka' stsal te|/ bde bar gshegs pas de skad gsungs nas/ de nas ston pas gzhan yang bka' stsal pa/ bud med 'dre ba rnam par spangs/ /sdig pa'i grogs po'ang spang bar bya/ / log par lta ba bzlog pa'i phyir/ /'jig rten rgyang pan rnam par spang / /gang zhig bud med sten byed cing / /de bzhin sdig pa'i grogs po dang / /de bzhin 'jig rten rgyang pan dang / /log par lta ba sten byed pa/ /lta ngan la sogs bsten pas na/ /mi khom dag tu myur bar 'gro /sangs rgyas dad pa phun tshogs dang / /dal ba shin tu rnyed dka' yin/ / gang zhig sdig pa bsten 'dod pa/ /de ni sdig pa'i spyod yul 'gyur/ /sdig pa'i spyod yul spyod pa ni/ /sdig pa can gyi 'gro bar 'gro /gang zhig byang chub zhugs gyur pa/ /de phyir bud med bsten mi bya/ /mi gtsang bskus pa'i phag bzhin du/ /rgyang bsring rnam par spang bar bya/ /chos ma yin pa gang ston pa'i/ /sdig pa'i grogs po bsten mi bya/ /chos ma yin
281a
@#/ /pa'i spyod bsten na/ /sems gral mun par 'gyur ba yin/ /gcer bu rnams kyi gang 'dzin pa/ /'jig rten rgyang pa na bsten mi bya/ /kun tu 'jam po ji bstan kyang / /de tshe dmigs pa 'thob pa yin/ /de dag thams cad rnam spangs nas/ /log par lta ba rnam par spang / /'khor ba'i rtsa ba de yin par/ /'dir ni nga yis bstan pa yin| |chos ngan pa dag rnam spangs nas/ /byang chub spyad pa spyod pa na/ /nga yis sngon chad gang bstan pa'i/ /chos mchog dag ni kun tu spyad/ /lam der gang zhig sbyor byed pa'i| |mngon par 'byung dang tshangs spyod dang / /dge ba'i bshes gnyen bzang po dang / /sangs rgyas dang ni nyan thos so/ /de la stong pa bsten par bya/ /chen po stong pa'i stong pa med| |stong pa'i chos la dmigs pa ni/ /kun tu spyad par bya ba yin/ /chos dang de bzhin dmigs pa ni/ /stong la dmigs par mi 'gyur ro/ /gang la 'jig rten mi 'jug pa| |de ni stong pa de yin gsungs/ /byang chub spyad pa spyod pa na/ /gang la nga yis sngon bslab pa/ /de la byis pa blo can gyis/ /shes pa cis kyang 'gro mi 'gyur/ /byang chub spyad pa spyod pa na/ /gang dag nga yis chos thos pa/ /de la byang chub spyad pa ni/ /gzhan gyi dring phyir song ma yin/ /de dag nga yis rang gis rtogs/ /chos kyi dam pa bstan pa yin/ /
281b
gang du stong nyid chags med pa/ /de ni drang po'i lam yin no/ /byang chub snying por 'dug nas su/ /blo gros ngan pa'i bdud bcom nas/ /bsam mi khyab par ngas gang rtogs/ /de ni chos nyid de yin gsungs/ /de ni nga yis mngon sangs rgyas/ /de nyid nga yis bstan pa yin/ /gang phyir 'khor lo bskor ba yis/ /mtha' mchog nga yid sangs rgyas so/ /gang zhig blo ngan bdud bcom nas/ /byang chub 'tshang rgyar 'gyur ba dang / /byang chub snying por 'dug 'dod pa/ /de yis stong nyid de bsten bya/ /gang zhig 'khor lo bla med pa'i/ /chos kyi 'khor lo bskor ba dang / /de la dge 'dun gdams 'dod pa/ /de yis stong nyid de bsten bya/ /gang zhig stobs rnams bcu po yis/ /gnas par gyur nas 'jigs med par/ /seng+ge'i sgra ni sgrog 'dod pa/ /de yis stong nyid de bsten bya/ /rtag par 'jig rten thams cad du/ /gang gi snyan dang grags 'byung ba'i/ /stong nyid de ni bsten pa yis/ /nga ni pha rol phyin pa yin// nga yi rjes su slob pa na/ /byang chub sems dpa' rab mkhas pas/ /ye shes bla na med pa de/ /byang chub dam pa 'tshang rgyar bya/ /gang zhig nga yi rjes slob pa/ /dge slong 'on te dge slong mas/ /ji ltar da ltar ngas thob bzhin/ /byang chub dam pa 'thob par 'gyur/ /'di la dge slong dge slong ma/ /'ba' zhig gis ni bsten bya min/ /sems can kun gyis bslab
282a
@#/ /na yang / /de dag byang chub rnyed par sla/ /dam pa de la bsten pa na/ /nga ni chags pa med par byung / /ma 'dres pa yi chos rnams kyis/ /chags med byang chub sangs rgyas so/ /chos de dag ni sten byed na/ /ye shes chags med dman ma yin/ /byang chub phyir ni lam de yin/ /rtag par stong nyid bstan par bya/ /de phyir byang chub sems dpa' yis/ /srog chags rnams la phan pa'i phyir/ /chos rnams thams cad stong ba yi/ /chos de dag la bslab par bya/ /thabs la 'jug pa dang / dam pa'i chos spong ba dang / byang chub sems dpa' yang dag par 'dzin du gzhug pa'i le'u ste/ dgu pa'o// //shA radwa ti'i bu/ byang chub sems dpa' sems dpa' chen po chos bzhi dang ldan na/ ji lta ba bzhin rnam par gtan la dbab pa la mkhas pa yin/ chos thams cad la spobs pa thogs pa med pa yin/ spobs pa rno ba dang / spobs pa mtha' yas pa dang / spobs pa zab pa yin te/ de'i tshe de bzhin gshegs pas ji lta ba bzhin rnam par gtan la dbab pa la mkhas pa dang / spobs pa rno ba dang / spobs pa rangs par thugs su chud nas phyi ma'i chos kyi grong khyer srung bar byin gyis rlob par mdzad do/ /shA radwa ti'i bu/ bzhi gang zhe na/ 'di la byang chub sems dpa' rgyun mi chad par rab tu 'byung ba bsten
282b
pa'i sems dang ldan pas mngon par dga' ste/ mngon par 'byung ba la gzhol ba yin zhing / chos yongs su tshol bas chog mi shes pa yin/ chos de thos shing yongs su btsal nas kyang sems can rnams la kun bged pa yin/ chos bstan pa'i phyir snyoms las med pa yin zhing / chos thams cad rnam par 'jig pa'i blos mi gnas pa'i bsam gtan pa'ang yin la/ sems can thams cad las bla na med pa'i sems kyis byang chub kyi phyir sangs rgyas rjes su dran pa'ang sgom par byed pa yin/ chos gang la'ang lus kyi dmigs pas mtshan mar mi 'dzin pa yin te/ shA radwa ti'i bu/ byang chub sems dpa' sems dpa' chen po chos bzhi po de dag dang ldan na/ chos thams cad spobs pa chags pa med pa yin zhing / phyi ma'i dus phyi ma'i tshe na de de bzhin gshegs pas chos kyi grong khyer srung bar byin gyis rlob par mdzad do/ /shA radwa ti'i bu/ gzhan yang byang chub sems dpa' sems dpa' chen po chos bzhi dang ldan na/ tshe brjes kyang dran pa brjed par mi 'gyur ro/ /bzhi gang zhe na/ chos yongs su tshol ba dang / chos kyi sbyin pas chog mi shes pa yin te/ shA radwa ti'i bu/ rigs kyi bu'am/ rigs kyi bu mo chos dang po de dang ldan pa ni/ tshe brjes na'ang dran pa brjod par mi 'gyur ro/ /shA radwa ti'i bu/ gzhan yang byang chub sems dpa'
283a
@#/ /sems can mang po gzhan dag kyang bla na med pa yang dag par rdzogs pa'i byang chub yang dag par 'dzin du 'jug cing / yang dang yang du de bzhin gshegs pa'i yon tan yongs su sgrog par yang byed pa yin te/ shA radwa ti'i bu/ byang chub sems dpa' chos gnyis pa de dang ldan pa ni/ tshe brjes na'ang dran pa brjed par mi 'gyur ro/ /shA radwa ti'i bu/ gzhan yang byang chub sems dpa' zab mo la bzod pa yin te/ shA radwa ti'i bu/ byang chub sems dpa' chos gsum pa de dang ldan pa ni/ tshe brjes na'ang dran pa brjed par mi 'gyur ro/ /shA radwa ti'i bu/ gzhan yang byang chub sems dpa' sems dpa' chen po de bzhin gshegs pa mnyes par bya ba'i phyir yid rnam par mi g.yeng ba yin zhing / de bzhin gshegs pa'i chos yid la bya ba'i phyir shes bzhin dang dran pa can yin la/ zab mo la bzod cing 'chi ba'i dus byed pa yin te/ shA radwa ti'i bu/ byang chub sems dpa' chos bzhi pa de dang ldan pa ni/ tshe brjed na'ang dran pa brjed par mi 'gyur ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang bka' stsal pa/ de dag chos ni yongs su tshol/ /chos kyi sbyin pa'ang sbyin par byed/ /de phyir nam yang nam du yang / /chos dran brjed par mi
283b
'gyur ro/ /byang chub yang dag 'dzin du 'jug /sems can mang po 'god par byed/ /de phyir de yis tshe rabs su/ /de yi dran pa nyams mi 'gyur/ /sangs rgyas bstan pa'i stong nyid dang // zab mo'i chos rnams sten par byed/ /ma skyes pa yi chos rnams las/ /de yi bzod pa nyams mi 'gyur/ /skye ba yang ni skye ba med/ /gang dag skyes pa'ang de de bzhin/ /de 'dra ba yi bzod pa yis/ /de yi dran pa nyams mi 'gyur/ /rnam par g.yeng pa'i sems kyis ni/ /mkhas pa 'chi ba'i dus mi byed/ /rtag par sangs rgyas chos rnams la/ /de yi bka' dang sangs rgyas dmigs/ /mkhas pa 'chi ba'i dus byed na/ /de yi sems ni zhum pa med/ /de phyir de ni tshe rabs su/ /dran pa nyams par mi 'gyur ro/ /gang zhig ye shes mchog 'dod pa| |byang chub dam pa khyad par 'phags/ /byang chub de ni tshol ba na/ /chos bzhi po dag sten par byed/ /sangs rgyas rnams kyis rtag tu bsngags/ /de dag mchog dang gtso bo yin// de phyir khyod la ngas bstan gyi/ /chos de dag ni bsten par byos/ /gang phyir nga la'ang phan byed pa/ /khyod la phan phyir bstan par bya/ /rdzogs pa'i sangs rgyas 'dir phan bzhed/ / gang la'ang chad pa gcod mi mdzad/ /des pa gang zhig byang chub phyir/ /'di la ye shes 'dod byed pas/ /de phyir lam la bsten par byos/ /de las byang chub 'thob pa yin/ /le
284a
@#/ /lo'i sems dang ldan pa dang / /zhum pa'i sems dang ldan pa yis/ /byang chub mchog reg nus ma yin/ /de phyir de ni rnam par spangs/ /bdag tu 'du shes byed pa dang / /sems can 'du shes byed pa'am/ /dngos 'du shes pas sangs rgyas kyi/ /byang chub 'tshang rgyar nus ma yin/ /de phyir de ni rnam spangs nas/ /rtag par stong pa nyid la bsten/ /dngos po thams cad 'dir bshig pas/ /de las ye shes rnam dag 'gyur/ /khyed cag gnas par ma byed cig /gnas las kyang ni bskyod par byos/ / 'ong ba dang ni 'gro ba las/ /bskyod pa dag pa dga' bar gyis/ /shA radwa ti'i bu/ chos bzhi po 'di dag ni/ theg pa chen po la yang dag par zhugs pa rnams kyis thams cad kyi mchog sgrub par 'gyur ba yin te/ bzhi gang zhe na/ shA radwa ti'i bu/ 'di la byang chub sems dpa' sangs rgyas kyi byang chub rnam par 'jig cing dam pa'i chos nub par 'gyur ba na dam pa'i chos yongs su tshol ba la mngon par brtson pa yin/ de bzhin gshegs pa'i mchod rten rnam par 'jig pa na phyir 'chos par byed cing lus dang srog yongs su gtong bar byed kyang / chos ni yongs su gtong bar mi byed pa yin/ sems can sdug bsngal ba dag mthong na'ang snying rje skyed par byed pa yin/ de snying rje
284b
thob nas je cher brtson 'grus rtsom par byed cing / nam zhig na bdag gis sangs rgyas kyi ye shes yang dag par bsgrubs nas sems can de dag gi sdug bsngal thams cad rnam par zhi bar bya ba'i phyir chos bstan par bya zhes de snyam sems pa yin no/ /shA radwa ti'i bu/ byang chub sems dpa' ni/ chos yongs su btsal ba'i phyir chog mi shes pa yin no/ /shA radwa ti'i bu/ byang chub sems dpa' sems dpa' chen po rnams ni/ chos yongs su btsal ba'i phyir chos la 'dun pa che ba yin no/ /shA radwa ti'i bu/ byang chub sems dpa' sems dpa' chen po rnams ni/ theg pa chen po la lhag par dmigs pa nyid kyi phyir bsnyen par dka' ba yin no/ /shA radwa ti'i bu/ byang chub sems dpa' sems dpa' chen po rnams ni/ sems can rnams la phan par 'dod pa nyid kyi phyir de dag la skyob pa gzhan gang yang med de/ gzhan du na bdag 'ba' zhig tu zad do/ /snyam pas byams pa'i sems dang ldan pa yin no| |shA radwa ti'i bu/ byang chub sems dpa' sems dpa' chen po rnams ni/ snying rje chen po bsten pa'i sems dang ldan pas khro ba med pa yin no/ /shA radwa ti'i bu/ byang chub sems dpa' rnams ni/ sems can thams cad la ye shes nye bar sgrub pa nyid kyi phyir phrag dog med pa yin no/ /shA radwa ti'i bu/ byang chub sems dpa' rnams ni/ chos kyi sbyin pas sems
285a
@#/ /can rnams la phan 'dogs pa nyid kyi phyir ser sna med pa yin no/ /shA radwa ti'i bu/ byang chub sems dpa' rnams ni/ lhag pa'i bsam pa nye bar ston pa nyid kyi phyir bdog pa thams cad yongs su gtong ba yin no/ /shA radwa ti'i bu/ byang chub sems dpa' rnams ni/ chos thams cad la yongs su 'dzin pa med pa yin no/ /shA radwa ti'i bu/ byang chub sems dpa' rnams ni/ tshur shog legs par 'ongs so/ /zhes smra ba yin zhing / khro gnyer med par bzhin 'dzum pa yin no/ /shA radwa ti'i bu/ byang chub sems dpa' rnams ni/ rgod pa med la/ sems can sdug bsngal ba dag mthong na snying blas su byed cing brtson 'grus brtan por rtsom par byed pa yin no/ /shA radwa ti'i bu/ byang chub sems dpa' rnams ni/ sangs rgyas kyi chos rnams la dga' ba yin no/ /shA radwa ti'i bu/ byang chub sems dpa' rnams ni/ seng+ge'i sgra mngon par sgrog pa nyid kyi phyir mi 'jigs pa yin no| |shA radwa ti'i bu/ byang chub sems dpa' sems dpa' chen po rnams ni/ sangs rgyas kyi chos rnams la legs par gnas pas bag tsha ba med pa yin no/ /shA radwa ti'i bu| byang chub sems dpa' rnams ni/ sangs rgyas kyi chos yongs su btsal ba'i phyir brtson pa yin no/ /shA radwa ti'i bu/ byang chub sems dpa' rnams ni/ rtag tu brtson pa
285b
yin zhing chos bstan pa'i phyir stong gsum gyi stong chen por rgyu ba yin no/ /shA radwa ti'i bu/ byang chub sems dpa' rnams ni/ chos rnams la rtogs par khong du chud pas rnam par rgyal ba srung ba yin no/ /shA radwa ti'i bu/ byang chub sems dpa' sems dpa' chen po rnams ni/ chos thams cad yang dag pa ji lta ba bzhin so sor rtog pa nyid kyi phyir snying po 'dzin pa yin no/ /shA radwa ti'i bu/ byang chub sems dpa' rnams ni/ chos thams cad la rang gis mngon par rdzogs par byang chub pa nyid kyi phyir snying po blangs pa yin no/ /shA radwa ti'i bu/ byang chub sems dpa' rnams ni/ dus dang dus ma yin par yongs su smin par byed pa nyid kyi phyir skul bar byed pa yin no/ /shA radwa ti'i bu/ byang chub sems dpa' rnams ni/ chos dang mthun pas pha rol smra ba rnams tshar gcod pa yin no/ /shA radwa ti'i bu/ byang chub sems dpa' sems dpa' chen po rnams ni/ chos thams cad kyi don rnam par nges pa yin no/ / shA radwa ti'i bu/ byang chub sems dpa' sems dpa' chen po rnams ni/ sangs rgyas kyi chos rnams kyi rigs yin no/ /shA radwa ti'i bu/ byang chub sems dpa' rnams ni/ chos dkon mchog chen po'i gter chen po yin no/ /shA radwa ti'i bu/ byang chub sems dpa' sems dpa' chen po rnams ni/ chos thams cad kyi phyag rgya rjes su rtogs par rnam par 'grel
286a
@#/ /ba'i chos rgya mtsho yin no/ /shA radwa ti'i bu/ byang chub sems dpa' sems dpa' chen po rnams ni/ 'khrug pa chen po grangs med dpag tu med pa phyir bzlog pa nyid kyi phyir khor yug dang khor yug chen po lta bu yin no/ /shA radwa ti'i bu/ byang chub sems dpa' sems dpa' chen po rnams ni/ chos mi zad pa yang dag par rab tu ston pas yongs su ma gtugs pa yin no/ /shA radwa ti'i bu/ byang chub sems dpa' sems dpa' chen po rnams ni/ sems nam mkha' dang mnyam pa nyid kyi phyir rnyog pa med pa yin no/ /shA radwa ti'i bu/ byang chub sems dpa' sems dpa' chen po rnams ni/ nam mkha' mi zad pa nyid kyi phyir zad mi shes pa yin no/ /shA radwa ti'i bu/ byang chub sems dpa' sems dpa' chen po rnams ni/ dge ba'i chos kyis mngon du 'phags pa nyid kyi phyir lhun po lta bu yin no/ /shA radwa ti'i bu/ byang chub sems dpa' sems dpa' chen po rnams ni/ 'dod pa dang mi 'dod pa dang bral bas sa lta bu yin no/ /shA radwa ti'i bu/ byang chub sems dpa' sems dpa' chen po rnams ni/ dag ba'i rtsa ba chud mi gzon pa nyid kyi phyir zhing lta bu yin no/ /shA radwa ti'i bu/ byang chub sems dpa' sems dpa' chen po rnams ni/ chos kyi snang ba kun tu ston pas nyi ma lta bu yin no/ /shA radwa ti'i bu/ byang chub sems
286b
dpa' sems dpa' chen po rnams ni/ mun nag rnam par sel ba nyid kyi phyir zla ba lta bu yin no/ /shA radwa ti'i bu/ byang chub sems dpa' sems dpa' chen po rnams ni/ 'dod chags dang / zhe sdang dang / gti mug gi gdung ba rab tu zhi bar byed pa nyid kyi phyir gdugs lta bu yin no/ /shA radwa ti'i bu/ byang chub sems dpa' sems dpa' chen po rnams ni/ sems can rnams kyi gnas dang / skyabs dang / ston par gyur pas shing ljon pa chen po'i grib ma lta bu yin no/ /shA radwa ti'i bu/ byang chub sems dpa' sems dpa' chen po rnams ni/ bzo'i gnas thams cad rtogs par khong du chud pas slob dpon lta bu yin no/ /shA radwa ti'i bu/ byang chub sems dpa' sems dpa' chen po rnams ni/ sems can thams cad kyi bsam pa yongs su skong bas nye bar bya ba yin no/ /shA radwa ti'i bu/ byang chub sems dpa' sems dpa' chen po rnams ni/ sems can thams cad kyi ston par gyur pa yin no/ /shA radwa ti'i bu| byang chub sems dpa' sems dpa' chen po rnams ni/ sems can thams cad kyi rten du gyur pa yin no/ /bam po bco lnga pa/ shA radwa ti'i bu/ gal te ngas ji ltar mkhyen pa bzhin du sems can thams cad kyis byang chub sems dpa' ni/ bdag cag la bya ba de lta bus nye bar gnas pa yin no/ /zhes de ltar shes par gyur na/ shA radwa ti'i bu/ sems can
287a
@#/ /thams cad kyis byang chub sems dpa' dang po sems bskyed pa nas byang chub kyi snying po la 'dug pa de'i bar srid du phrag pa'am mgo bos khyer bar 'gyur zhing / gang sems can rnams kyi bde ba dang / rtse ba dang / dga' ba thams cad kyang byang chub sems dpa' la sbyin par byed par gyur la/ byang chub kyi snying por song na'ang sa las brtsams nas srid pa'i rtse mo'i bar du gos rin po che gcig pa'i gding ba 'ding bar byed par gyur cing / byang chub sems dpa'i lus gdung bar gyur na mi rung ngo / /snyam nas steng du'ang lha rdzas kyi gdugs dag ba ba kun tu 'dzin par byed par gyur la/ me tog dang / spos dang / phreng ba dang / byug pa thams cad kyis kyang mchod pa byed cing / rim gro dang / bsnyen bkur byed par gyur te/ shA radwa ti'i bu/ byang chub sems dpa' sems dpa' chen po la de ltar mngon par 'du byas shing gus par byas/ brjed pa byas/ mchod pa byas kyang lan bya bar mi nus so/ /de ci'i phyir zhe na/ shA radwa ti'i bu/ byang chub sems dpa' sems can rnams kyi don du yongs su gdung ba med pa'i bde ba'i yo byad mngon par 'du byed pa ji lta bus nye bar gnas pa'i yo byad de la ni/ bde ba'i yo byad mngon par 'du byed pa 'dis brgya'i char yang nye bar mi 'gro ba nas rgyu'i bar du'ang mi bzod pa'i phyir ro/ /de ci'i phyir zhe
287b
na| shA radwa ti'i bu/ nye bar sgrub pa de thams cad ni/ mi rtag pa yin/ 'jig rten pa yin/ phung po dang bcas pa yin/ zag pa dang bcas pa yin/ yongs su 'gyur ba'i chos can yin zhing / shA radwa ti'i bu/ byang chub sems dpa' bde ba nye bar sgrub pa ni/ zag pa med pa dang / 'jig rten las 'das pa dang / nges par byed pa dang ldan pa dang / ngo bo nyid med pa dang / stong pa nyid yin pa'i phyir te/ shA radwa ti'i bu/ de lta bas na/ byang chub sems dpa' la sems can thams cad kyis bde ba'i yo byad phun sum tshogs pa thams cad kyi phan gdags par bya ba mi nus so/ /de ci'i phyir zhe na/ shA radwa ti'i bu/ byang chub sems dpa' ni/ sems can gnyid log pa thams cad kyi mi nyal bar byed pa yin/ bag med pa rnams kyi bag yod pa yin/ smyon pa rnams kyi ma smyos pa yin zhing / shA radwa ti'i bu/ byang chub sems dpa' ni/ sems can dmus long rnams kyi mig tu gyur pa yin/ yongs su 'dren pa yin la/ shA radwa ti'i bu/ byang chub sems dpa' sems dpa' chen po ni/ sems can nad kyis thebs pa rnams kyi sman du gyur pa yin/ lam ngan par zhugs pa rnams kyi lam ston pa yin| lam gol ba la gnas pa rnams kyi yang dag pa'i lam ston par byed pa yin zhing / byang chub sems dpa' ni/ dge ba'i rtsa ba ma skyes pa rnams skyed par byed pa yin/ byang chub
288a
@#/ /sems dpa' ni/ chos dkar po rnams kyis rnam par ma bskyed pa rnams rnam par skyed par byed pa yin pa'i phyir te/ shA radwa ti'i bu/ mdor na/ de bzhin gshegs pa dang / byang chub sems dpa' ma gtogs par sems can rnams la skyob pa dang / skyabs dang / dpung gnyen gzhan med de/ shA radwa ti'i bu/ sangs rgyas de'ang byang chub sems dpa' las byung ba yin no/ /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ byang chub sems dpa' sems dpa' chen po rnams kyi theg pa de de lta bu dang / theg pa de rmad du byung ba lags kyang bdag nyid kyang mdzes par bgyid cing / gzhan dag kyang mdzes par bgyid pa ni/ ngo mtshar lags so/ /bcom ldan 'das/ dper bgyi na/ zhugs shing yongs 'du sa brtol yan lag thams cad me tog yongs su rgyas pa ni/ bdag nyid kyang mdzes par bgyid la/ gzhan dag kyang mdzes par bgyid lags so/ /bcom ldan 'das/ de bzhin du byang chub sems dpa' sangs rgyas kyi chos rnams yongs su rdzogs pa ni| bdag nyid kyang mdzes par bgyid cing / sems can dpag tu ma mchis pa'ang mdzes par bgyid lags so/ /bcom ldan 'das/ dper bgyi na/ zhugs shing yongs 'du
288b
sa brtol ni/ sum cu rtsa gsum pa'i lha rnams gar bgyid du stsol cing / rtse bar bgyid/ dga' mgur spyod par bgyid lags so/ /bcom ldan 'das/ de bzhin du byang chub sems dpa' sems dpa' chen po ni/ bla na med pa yang dag par rdzogs pa'i byang chub mngon par rdzogs par sangs rgyas nas sangs rgyas kyi chos yongs su rdzogs shing bdag nyid kyis mdzes la| sems can grangs ma mchis/ dpag tu ma mchis pas kyang mngon du bgrod par bgyid pa lags te/ der sems can phyin pa rnams kyang dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyis rtse bar bgyid/ dga' bkur spyod par bgyid/ dga' bar bgyid pa lags na/ bcom ldan 'das/ bdag cag lta bu le lo can gzhan gyi dring la 'jog pa dag ma gtogs par theg pa de la su zhig gnas par mi bgyid/ mngon par 'tshal bar mi bgyid lags/ bcom ldan 'das/ bdag cag ni/ chos gzhan gyis stsal cing / gzhan gyis bstan pas dbugs phyin pa dang / bde bar gyur pa lags te/ bcom ldan 'das/ slad kyis ni/ bcom ldan 'das las thos nas re zhig gang gis sems can 'ga' yang bgyid pa de la 'jog pa'i mthu bdag cag la ma mchis so/ /bcom ldan 'das/ bdag cag
289a
@#/ /gis ni| deng slan chad gang la lar chos bstan na/ chos thog mar byang chub sems dpa'i theg pa las brtsams nas bstan par bgyi zhing / nyan thos kyi theg pa ni/ slad kyis bstan par bgyi'o/ /de ci'i slad du zhe na/ bcom ldan 'das/ gang gis myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de ltar bgyis pas sems can 'ga' zhig byang chub tu bzhag na'ang de bzhin gshegs pa la bdag cag gis bgyis pa gzo ba lags pa'i slad du'o/ / de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ khyod byang chub sems dpa' sems dpa' chen po rnams dga' bar bya ba'i phyir go cha chen po gyon pa ni/ legs so/ /legs so/ /de ci'i phyir zhe na/ shA radwa ti'i bu/ theg pa de lta bu de'i ming yang mi 'byung ba'i dus de dang / tshod de 'byung bar 'gyur zhing / shA radwa ti'i bu/ theg pa de lta bu de la 'phya bar byed par 'gyur/ bsting bar byed par 'gyur la/ mdo sde de lta bu de dag len pa po ma yin pa dang / spong bar byed pa 'byung bar 'gyur ba'i phyir ro/ /shA radwa ti'i bu/ de la rigs kyi bu'am/ rigs kyi bu mo don 'dod pas ni/ don la rton pa dang / chos la rton par bya'i/
289b
'du 'dzi'i gnas su ni/ gnas par mi bya'o/ /de ci'i phyir zhe na/ shA radwa ti'i bu/ de'i tshe 'dus pa ni/ mi rigs par 'gyur te/ shA radwa ti'i bu/ nga'i nyan thos rigs pa dang ldan pa ni| mdo sde de lta bu de dag la spong ba'am/ bsting ba'am/ rnam par g.yeng bar mi byed do/ /de ci'i phyir zhe na/ shA radwa ti'i bu/ las de dag ni/ rigs pa ma yin zhing / shA radwa ti'i bu| byis pa'i las de dag ni/ rigs pa'i las ma yin/ mkhas pa'i las ma yin la/ shA radwa ti'i bu/ nga ni/ mkhas pa'i las byed kyi/ byis pa'i las mi byed pa'i phyir ro/ / shA radwa ti'i bu/ nga'i nyan thos kyis ni/ 'di ltar bslab par bya ste/ shA radwa ti'i bu/ de la phyi ma'i dus phyi ma'i tshe na dad pa can dang / mang du thos pa dang / brtson 'grus brtsams pa dang / dran pa dang ldan pa dang / khrel yod pa dang / dge ba ci yin zhes tshol ba dang / chos don du gnyer ba dang / chos yongs su tshol ba la mngon par brtson pa gang dag 'byung bar 'gyur ba de dag kyang de'i tshe 'phya bar byed par 'gyur ba yin zhing / brnyas par 'gyur ba yin/ de dag ni/ le lo can yin/ de dag ni/ 'bras bu thob par mi nus pa yin/ de dag ni| 'dod pa la sten pa yin/ 'dod pa bsten par 'dod pa yin/ de dag ni/ byang chub sems dpa' zhes bya bas dad pas sbyin par bya ba longs spyod par byed pa yin la/ theg
290a
@#/ /pa de kun tu rjod par byed kyang de dag de bzhin gshegs pas rig pa dang / grol bar gsungs pa ni/ ma yin no/ /shA radwa ti'i bu/ nga la mi blun po de dag tshig phra mo ji snyed kyis skur pa 'debs par 'gyur ba dang / gang dag de bzhin gshegs pas mchog tu rig par gsungs shing / mchog tu grol bar gsungs pa de dag la 'di skad du de dag ni/ rig pa ma yin zhing / de dag ni/ grol ba ma yin no/ /zhes zer bar 'gyur ba dang / shA radwa ti'i bu/ de la gang dag khyim na gnas pa 'byung bar 'gyur ba de dag kyang kun tu gdungs nas mi blun po de dag la dad par bya ba yin par sems par 'gyur zhing / de dag gis byang chub sems dpa' sems dpa' chen po mdo sde de lta bu 'dzin pa mthong na'ang brnyas pa skyed par 'gyur ba la ltos/ shA radwa ti'i bu/ 'di ltar de bzhin gshegs pas ni/ gang la'ang yang dag pa'am/ yang dag pa ma yin pas gnod par mi bya zhing / rnam par gtse bar mi bya la skur pa gdab par mi bya'o/ /zhes gsungs na/ de dag ni/ gzhan dag la'ang smra bar byed cing / bdag nyid kyis kyang kun tu spyod par byed par 'gyur ba'i mi blun po de dag gis tshul khrims kyi phung po ci 'dra bar 'gyur ba la ltos/ shA radwa ti'i bu/ chos la chos ma yin par 'du shes pa dang / chos ma yin pa
290b
la chos su 'du shes par 'gyur bar gyur cing / 'dul ba ma yin pa la 'dul bar 'du shes pa dang / 'dul ba la 'dul ba ma yin par 'du shes par 'gyur ba dang / rig pa la rig pa ma yin par 'du shes pa dang / rig pa ma yin pa la rig par 'du shes pa dang / grol ba la grol ba ma yin par 'du shes pa dang / grol ba ma yin pa la grol bar 'du shes par 'gyur bar gyur nas kyang / shA radwa ti'i bu/ de dag 'dul ba'ang mi shes shing / ston pa'i bstan pa'ang gting mi dpog pa'i dus de ji srid du phyin ci log tu 'gyur ba la ltos/ shA radwa ti'i bu/ sems can de dag ni/ khro ba dang / zhe sdang dang / phrag dog gis zil gyis non pa yin zhing / nga rgyal gyis zil gyis non pa yin/ bdag la bstod pa yin/ gzhan la smod pa yin| phrag dog dang ser sna yongs su rdzogs pa yin/ mi dge ba'i chos kyis gang ba yin/ dge ba'i chos thams cad las yongs su nyams pa yin te/ gsor mi rung ba yin no| |shA radwa ti'i bu/ sems can de dag yongs su spang bar bya ba yin no/ /shA radwa ti'i bu/ nga ni/ ngo tsha shes pa rnams kyi ston pa yin gyi/ ngo tsha mi shes pa rnams kyi ni/ ma yin no| |shA radwa ti'i bu/ nga ni/ dran pa dang ldan pa rnams kyi ston pa yin gyi/ brjed ngas pa rnams kyi ni/ ma yin no/ /shA radwa ti'i bu/ nga ni/ shes rab dang ldan pa rnams kyi ston pa
291a
@#/ /yin gyi/ shes rab 'chal pa rnams kyi ni/ ma yin no/ /shA radwa ti'i bu/ gang dag la de bzhin gshegs pas yun ring po nas bslab pa dang / gang la de bzhin gshegs pas bslab pas bdag nyid chen po'i chos nyid de rjes su thob pa dang / ci nas kyang byang chub sems dpa' sems dpa' chen po rnams chos nyid de yang dag par bsgrubs nas bla na med pa yang dag par rdzogs pa'i byang chub mngon par rdzogs par sangs rgyas te/ 'gro ba dpag tu med pa nyon mongs pa'i dra ba las thar bar byed par 'gyur ba'i byang chub sems dpa' la 'doms par mdzad pa'i ye shes de lta bu de dang de dag kyang chos gang la de bzhin gshegs pa gus pa dang bcas pa'i chos nyid de la 'gal bar byed par 'gyur zhing / gnod par byed par 'gyur ba de dag ni/ nga'i nyan thos kyang ma yin la/ nga'ang de dag gi ston pa ma yin te/ shA radwa ti'i bu/ ma legs so/ /ma legs so// shA radwa ti'i bu/ ngas ni/ de tsam zhig brjod par nus so/ /shA radwa ti'i bu/ de lta bas na/ chos gling yin par gnas par byos shig /gzhan gling du ni/ ma byed cig/ bdag skyabs su gnas par byos shig /gzhan skyabs su ni/ ma byed cig/ chos skyabs su gnas par byos shig /gzhan skyabs su ni/ ma yin te/ khyed cag la rjes su bstan pa ni/ de yin
291b
no| |shA radwa ti'i bu/ ji ltar na/ dge slong chos gling yin par gnas shing / gzhan gling ma yin/ bdag skyabs yin gyi/ gzhan skyabs ma yin/ bdag gling yin gyi/ gzhan gling ma yin zhe na/ shA radwa ti'i bu/ 'di la dge slong dran pa nye bar gzhag pa rnams sgom par byed pa yin zhing / 'dod chags dang bral ba la gnas pa yin/ rnam par spong bas yongs su bsgyur ba yin no/ /shA radwa ti'i bu/ dran pa nye bar gzhag pa'ang gang zhe na/ 'di lta ste/ dngos po med pa dang / rang bzhin med pa dang / mtshan nyid med pa'i dran pa nye bar gzhag pa chos ji lta ba bzhin du mthong ba ste/ shA radwa ti'i bu/ de ltar na/ dngos po med pa dang / rang bzhin med pa'i sgo nas dran pa nye bar gzhag pa yin no/ /shA radwa ti'i bu/ 'di la gang mi slu ba 'di ni/ chos gling yin pa dang / chos skyabs dang / bdag gling dang / bdag skyabs zhes bya'o/ /shA radwa ti'i bu/ gang dag dran pa nye bar gzhag pa de lta bu sgom par byed pa de dag ni| dgra bcom pa mngon par brjod pa thams cad spangs pa zhes bya'o/ /zag pa zad pa zhes bya'o/ /nyon mongs pa med pa zhes bya'o/ /sbyin pa'i gnas zhes bya'o/ /zhi ba zhes bya'o// dul ba zhes bya'o/ /skyon bsal ba zhes bya'o/ /bram ze tshangs par spyod pa pha rol tu son pa/ skam la son pa zhes bya'o/ /shA radwa ti'i bu/ ci'i phyir dgra bcom pa zhes bya zhe na/ shA radwa
292a
@#/ /ti'i bu/ de dag ni/ dge ba thams cad la 'os pa yin/ dge ba'i las dag gis 'du byed pa thams cad dang bral ba yin te/ de dag ni/ 'du byed pa thams cad rgyun bcad pa yin/ 'du byed pa thams cad spangs pa yin te/ shA radwa ti'i bu/ gang dgra bcom pa zag pa zad pas bsod nams 'du bya ba'ang mngon par 'du byed pa'i gnas med cing / skabs med pa yin na/ bsod nams ma yin pa lta ci smos/ de ci'i phyir zhe na/ shA radwa ti'i bu/ dgra bcom pa zag pa zad pa ni/ sred pa rgyun bcad pa yin/ shA radwa ti'i bu/ dgra bcom pa zag pa zad pa ni/ kun tu sbyor ba rnams las phyir log pa yin/ chos thams cad dang bral ba yin/ chos thams cad kyis ma gos pa yin/ yid chags pa med pa yin/ 'dod pa'i khams la chags par mi byed pa yin/ gzugs kyi khams la chags par mi byed pa yin/ gzugs med pa'i khams la chags par mi byed pa yin/ 'dun pa dang bral ba yin/ sred pa dang bral ba yin/ khong khro ba dang bral ba yin pa'i phyir ro/ /ci'i phyir dgra bcom pa zag pa zad pa zhes bya zhe na/ shA radwa ti'i bu| de'i zag pa rnams zad cing / chos thams cad la zad pa nyid thob la/ zad pa nye bar thob pas de'i phyir zag pa zad pa zhes bya'o/ /ci'i phyir nyon mongs pa med pa zhes bya
292b
zhe na| dngos po thams cad stong pa nyid kyi phyir kun nas nyon mongs par yang mi 'gyur/ rnam par byang bar yang mi 'gyur te/ rnam par dag pa yin zhig/ 'dod pa'am/ mi 'dod pa'am| yid du 'ong ba'am/ yid du mi 'ong ba'am/ 'dus byas sam/ 'dus ma byas gang gis kyang nye bar ma gos pas nye bar gos pa med pa yin la/ shA radwa ti'i bu/ dgra bcom pa zag pa zad pa ni/ spros pa thams cad spangs pas de'i phyir nyon mongs pa med pa zhes bya'o/ /ci'i phyir dgra bcom pa zag pa zad pa zhes bya zhe na/ gdung ba spangs pa yin zhing / yongs su gdung ba spangs pa yin/ gdung ba nye bar zhi ba yin la/ de ni/ zang zing med pa chos kyi mchog sbyin pa'i sbyin pa po yin pas de'i phyir sbyin gnas zhes bya'o/ /ci'i phyir dbang du gyur pa dag ces bya zhe na/ shA radwa ti'i bu/ de dag gis chos thams cad ya ma brlar mthong zhing mngon du byas pa yin/ rnam par bsgoms pa yin/ ya ma brla'i chos de dag thams cad la'ang dam pa'i pha rol tu son pa yin la/ de dag gis yang dag pa ma yin pa'i smra ba rnams bsal ba yin pas/ de'i phyir dbang du gyur pa dag ces bya'o/ /ci'i phyir bram ze dag ces bya zhe na/ chos thams cad bsal ba yin zhing bor ba yin/ phyung ba yin la/ nye bar ma gos pa yin pas sdig pa bsal ba'i phyir ro/ /ci'i phyir zhi bar byed
293a
@#/ /pa dag ces bya zhe na/ shA radwa ti'i bu/ sdig pa thams cad dang / sdig pa'i chos thams cad las byung ba'i phyir ro/ /ci'i phyir tshor ba po dag ces bya zhe na/ shA radwa ti'i bu/ de dag gis 'dod pa'i khams dang / gzugs kyi khams dang / gzugs med pa'i khams dang / rnam par smin pa dang / yang dag pa ma yin pa dang / bden pa ma yin pa thul cing / las dang / rnam par smin pa'ang thul la/ shA radwa ti'i bu/ de dag kun tu rtog pa med pa nyid kyi phyir kun tu rtog pa las byung ba'i chos thams cad thul cing rnam par grol ba yin pas de'i phyir tshor ba po dag ces bya'o/ /ci'i phyir pha rol tu son pa dag ces bya zhe na/ shA radwa ti'i bu/ de dag gis bdud pham par byas shing bdud kyi phyogs kyi nyon mongs pa thams cad pham par byas la/ chos thams cad kyi pha rol tu son cing rgal la skam la son pas/ de'i phyir pha rol tu son pa dag ces bya'o/ /shA radwa ti'i bu/ ngas dgra bcom pa zag pa zad pa'i yon tan dag ji tsam zhig brjod kyang / shA radwa ti'i bu/ de la bri bar yang mi 'gyur ro/ /shA radwa ti'i bu/ dgra bcom pa zag pa zad pa ni/ shin tu yongs su sbyangs pa/ rdo ba dang / tsher ma med pa/ shin tu rnam par dag pa'i zhing chen po yin no/ /shA radwa ti'i bu/ dgra bcom pa zag pa zad pa la ni/ gshe bar byed cing brgyad
293b
bkag byed kyang / 'di snyam du bdag la 'di gshe bar byed cing brgyad bkag byed do/ /snyam du'ang mi sems la/ bsngags pa'am/ bsngags pa ma yin pa brjod pa na'ang 'di snyam du bdag la 'di bsngags pa'am/ bsngags pa ma yin pa brjod do/ /snyam du mi sems so/ /shA radwa ti'i bu/ dgra bcom pa zag pa zad pa ni/ rlom sems thams cad rgyun bcad pa yin no| |shA radwa ti'i bu/ dgra bcom pa zag pa zad pa ni/ bsrung ba med pa yin no/ /shA radwa ti'i bu/ dgra bcom pa zag pa zad pa la ni/ chos gang yang bsrung ba med de/ dbang po shin tu bsrungs pa yin zhing / nges pa'i sa thob pa yin/ chos kyi sgron ma yin/ chos kyi skyabs yin/ bdag gi sgron ma yin/ bdag gi skyabs yin pa'i phyir ro/ /shA radwa ti'i bu/ de lta bas na/ dge slong de ltar gnas pas ni/ 'di ltar gal te de bzhin gshegs pa'i byang chub spong bar mi byed cing mi rigs pa'i las kyang mi byed la/ tshangs pa mtshungs par spyod pa mkhas pa rnams kyi kha na ma tho ba dang bcas pa'ang ma yin zhing / phyis kyang byang chub kun tu bsrung ba dang / rnam par mi gtse ba dang / mi spang ba'i phyir dang / yun ring du gnas par bya ba'i don du zhugs par 'gyur ba de ni/ dgra bcom pa yin par shes par bya'o/ /shA radwa ti'i bu/ dgra bcom pa zag pa zad pa la ni/ chos rnams la chos kyi the tshom med do//
294a
@#/ /shA radwa ti'i bu/ dgra bcom pa zag pa zad pa ni/ som nyi med pa yin zhing yid gnyis dang bral ba yin no/ /shA radwa ti'i bu/ dgra bcom pa zag pa zad pa ni| rgal ba yin zhing lam kha brag las nges par brgal ba yin/ drang po'i gnas na gnas pa yin/ drang po yin/ drang por gyur pa yin/ lam drang po nas 'ongs pa yin no/ / de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ dgra bcom pa zag pa zad pa ni/ chos spong ba ma lags par 'tshal bar bgyi ba lags so/ /de ci'i slad du zhe na/ bcom ldan 'das/ de dag ni/ byis pa'i las lags kyi/ de dag ni/ dgra bcom pa'i las ma lags te/ 'di lta ste| chos spong ba lags pa'i slad du'o/ /de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ de de bzhin no/ /de de bzhin te/ shA radwa ti'i bu/ de dag ni/ byis pa'i las yin gyi/ dgra bcom pa'i las ma yin mod kyi/ 'on kyang / shA radwa ti'i bu/ phyi ma'i tshe phyi ma'i dus na mi 'jigs pas zil gyis non pa'i dge slong dag 'byung bar 'gyur te/ de dag ni/ bsam gtan tsam dang / nges par gnas pa tsam dang / dgon pa na gnas pa tsam gyis
294b
bdag nyid nyon mongs pa med pa'o/ /snyam du kun tu shes par 'gyur zhing bdag nyid la rlom sems skyed par byed par 'gyur te/ de'i phyir de'i tshe bram ze dang / khyim bdag dad pa can mos pa mang ba dang / nges par rtog pa mang ba dag gis dgra bcom pa 'di ni/ sbyin pa'i gnas so/ /zag pa zad pa'o/ /snyam du kun tu shes par 'gyur la/ de la'ang lhag par byed pa bya bar sems par 'gyur zhing / mi blun po de dag kyang bsnyen bkur gyis zil gyis non cing / rnyed bas zil gyis non la/ bsngags pa dang / grags pa dang / snyan pas zil gyis non nas bdag cag ni/ chos de dag la gnas so/ /bdag cag ni/ chos de dag dang ldan no/ /bdag cag ni/ 'di na zag pa dad pa'o/ /bdag cag ni/ 'di na nyon mongs pa med pa'o/ /snyam nas bdag nyid la ye shes can du kun tu shes par 'gyur ba yin zhing / de dag ni/ byis par 'gyur ba yin/ brtags pa'i spyod lam can du 'gyur ba yin/ grong na 'khod ba de dag gi spyod lam yang gzhan du 'gyur ba yin/ gtsug lag khang na 'khod pa'i spyod lam yang gzhan du 'gyur ba yin/ dgon pa na 'khod pa rnams kyi'ang gzhan du la/ 'khor gyi nang na 'khod pa rnams kyi'ang gzhan du yin/ lus kyi las dang / ngag gi las kun tu spyod pa dag kyang ma bsrungs par 'gyur ba yin/ 'khor na spyod par yang 'gyur ba yin/
295a
@#/ /bdag nyid kyi nyon mongs pa med pa'i 'du shes kyang skyed par 'gyur ba yin/ de ltar gang dag nyan thos rnams kyis bshad pa'i chos kyi rnam grangs zab mo dang ldan pa/ dben pa dang ldan pa/ stong pa nyid dang ldan pa de lta bu de dag thos nas kyang / chos de la zhe sa dang bcas shing gus pa dang bcas pas gus par nyan cing / rna gtod par byed la/ sems gzhan du ma yin par nye bar 'jog par byed pa yin te/ de'i tshe mi blun po de lta bu'i spyod yul pa de dag kyang bsting bar byed par 'gyur zhing / 'phya bar byed par yang 'gyur la/ gshe bar byed par yang 'gyur zhing / 'di skad du 'di ni/ sangs rgyas kyi bka' ma yin/ ston pa'i bstan pa ma yin no/ /zhes gcig la gcig 'doms par byed par yang 'gyur ro/ /de ci'i phyir zhe na/ 'di ni/ chos dang chos su/ 'dul ba dang 'dul bar mtshungs par mi 'gyur zhing / chos ma yin pa sems par byed pa de dag ni/ chos la chos ma yin no/ /zhes smra bar 'gyur ba yin/ chos ma yin pa la chos so/ /zhes smra bar 'gyur ba yin/ 'dul ba ma yin pa la 'dul ba'o/ / zhes smra bar 'gyur ba yin pa'i phyir te/ shA radwa ti'i bu/ de ltar na/ de dag chos gang 'thob par 'gyur ba de nyid kyi bsngags pa ma yin pa smra bar 'gyur ba yin la/ de dag ni /
295b
bdag la bstod cing gzhan la smod par 'gyur ba yin/ tshul khrims tsam dang / dgon pa na gnas pa tsam dang / bsam gtan tsam dang / nges par gnas pa tsam dang / thos pa tsam dang / mang du thos pa tsam dang / 'khor tsam dang / bsngags pa tsam dang / tshigs su bcad pa tsam dang / rnyed pa dang bkur sti tsam dang / grags pa dang snyan pa tsam gyi nga rgyal gyi dbang gis nga'o snyam pa'i nga rgyal gyis bcom pa yin te/ yang dag pa ji lta ba bzhin du gleng ba po de dag gis yang dag par glengs pa na ji lta ji ltar chos kyi rnam grangs de dag nyan pa de lta de ltar las ches dam pa dag mngon par 'du byed par 'gyur ba yin gyi/ mi blun po de dag ni/ 'di snyam du mi dge ba'i las yang dag pa de dag bdag cag la kun tu yod do/ / snyam du mi sems te/ de dag ni/ shas cher nga rgyal gyis brtan cing / mi shes pas brtan nas chos kyi rnam grangs de dag spangs te/ las ches dam po byas nas/ mnar med par 'gro bar 'gyur ba yin/ ngan 'gror 'gro bar 'gyur ba yin no/ /shA radwa ti'i bu/ da ltar nga khyed cag gi the tshom gcod par byed pa dang / de'i tshe chos smra ba chos yongs su 'dzin pa/ chos ston pa| don du gnyer ba/ mdo sde de lta bu 'dzin pa gang dag 'byung bar 'gyur ba de dag la'ang de'i tshe nga chos kyi the tshom de lta bu gcod par byed pa de la ltos shig /shA radwa ti'i bu/ de
296a
@#/ /bzhin gshegs pa ni/ thams cad mkhyen pa yin zhing / thams cad shes pa can yin/ thams cad gzigs pa yin/ thams cad ston pa yin no/ /shA radwa ti'i bu/ gang de bzhin gshegs pas ma mkhyen ma gzigs ma gsan pa'i chos de ni/ med do/ /shA radwa ti'i bu/ de bzhin gshegs pa ni/ dus gsum la ma thogs pa'i ye shes brnyes pa yin zhing / ma chags pa dang grol ba yin/ dbang du gyur pa dang / nyon mongs pa med pa yin/ rang byung yin/ slob dpon mi mnga' ba yin/ bde blag tu seng+ge'i sgra sgrog pa yin no/ /shA radwa ti'i bu/ yang mi blun po de dag gi spyod pa dang / spyod yul dang / lam gyis ni/ mchog go/ de dag ni/ ma bslab pa yin/ mi blun po de dag ni| lam ngan par zhugs par 'gyur ba yin no/ /shA radwa ti'i bu/ de lta bas na/ rigs kyi bu'am/ rigs kyi bu mo bla na med pa yang dag par rdzogs pa'i byang chub la mngon par yang dag par zhugs pas ni/ bdag sangs rgyas bcom ldan 'das rnams kyi byang chub la mngon par ma dad cing / nyes par ma brtags la mngon par rdzogs par sangs ma rgyas na mi rung ngo / /snyam nas chos de lta bu de dag la 'dun par bya/ rnal 'byor du bya/ spro bar bya'o/ /shA radwa ti'i bu/ rigs kyi bu'am/ rigs kyi bu mo chos bzhi dang ldan
296b
na| sangs rgyas kyi byang chub spong bar byed pa yin te/ bzhi gang zhe na/ shA radwa ti'i bu/ 'di la rigs kyi bu'am/ rigs kyi bu mo sdig pa'i grogs po'i lag tu song ba yin zhing dge ba'i bshes gnyen gyi lag tu song ba ma yin la/ sdig pa'i grogs po de dag la'ang sten par byed/ snyen par byed/ bsnyen bkur byed de/ de sdig pa'i grogs po de dag la bsten cing bsnyen la bsnyen bkur byas pas de dag nyid kyi rjes su bslab nas spong bar byed pa yin no/ /shA radwa ti'i bu/ gzhan yang byang chub sems dpa' bdag tu mngon par zhen pas dmigs pa can yin te/ de chos kyi rnam grangs zab mo de lta bu de dag thos nas/ skrag cing dngang la dngang bar 'gyur zhing g.yang sa chen por yang rab tu ltung ba yin te/ shA radwa ti'i bu/ rigs kyi bu'am| rigs kyi bu mo chos gnyis po de dag dang ldan na/ byang chub spong bar byed pa yin no/ /shA radwa ti'i bu/ gzhan yang rigs kyi bu gcer bu pa'i smra ba la zhugs pa yin zhing / 'jig rten rgyang pan pa'i gsang tshig yongs su tshol ba la mngon par brtson pa dang / skye bo mang pos bkur ba yin te/ de'i chos de dag mi sems par spong bar byed pa yin no/ /shA radwa ti'i bu| gzhan yang byang chub sems dpa' tshul khrims 'chal pa dang / tshul khrims rgud pa yin zhing / ji ltar bslab pa bcas pa la'ang mi slob pa yin te/ de yo byad bsnyungs
297a
@#/ /pa'i gtam dang ldan pa de lta bu de dag spong bar byed pa yin zhing / gshe bar byed la mos par mi byed de/ shA radwa ti'i bu/ rigs kyi bu'am/ rigs kyi bu mo chos bzhi po de dang ldan na/ byang chub spong bar byed pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sdig pa'i grogs rnams sten byed cing / /de dag gi ni rjes phyogs 'gyur/ /de phyir chos ni spong byed cing / /sangs rgyas byang chub 'dod mi byed/ /gcer bu'i smra dang 'dres pa dang / /'jig rten rgyang pa na sems pa yin/ /bstan pa 'di ni brjod byas te/ /blo ngan dus ni drang po yin/ /byis pa mkhas pa'i nga rgyal can/ /kye ma mkhas par rlom sems byed/ /de phyir de ni chos spangs shing / /sangs rgyas byang chub 'tshang mi rgya/ /bdag tu smra ba gang yin pa/ /dmigs pa la ni gnas nas su/ /zab mo'i chos rnams thos gyur nas/ /blo ngan chos ni spong bar byed/ /mtha' 'das stong nyid ji bzhin dang / /don ni de yis mi shes te/ /de phyir byang chub spong bar byed/ /de yi gting ni shes ma yin/ /tshul khrims 'chal dang sdig chos can/ /mi gtsang kun rtog spyod yul ba/ /ji ltar bslab pa bcas pa la/ /blo ngan de dag slob mi byed/ /dmu rgod bka' blo mi bde ba/ /rma 'bebs po dang lce ngan
297b
po| |de lta'i chos can de la ni/ /sdig pa mi byed ci yang med/ /de phyir ni rnam par spang / /rtag par sangs rgyas rnams kyis smad/ /gang dag nga yis rtag bsngags pa'i/ /chos la'ang rtag tu bsten par bya/ /gang zhig sangs rgyas mthong 'dod dang / /de 'dra'i chos ni nyan 'dod des/ /tshul khrims phung po legs par brtag /de la chos ni 'thob par 'gyur/ /tshul khrims phung por gang dag gnas/ /de la 'jug par 'dod pa dang / /de la kun tu rtog 'dod pas/ /de phyir tshul khrims bsten par bya/ /ye shes de 'dra 'jug 'dod na/ /yid gzhungs pa yis tshul khrims bstan/ /byang chub rnams kyi phul dang mchog /des ni rnyed par dka' ma yin/ /shA radwa ti'i bu/ theg pa chen po la yang dag par zhugs pa chos bzhi dang ldan na| byang chub kun tu bsrung ba'i phyir zhugs pa yin te/ bzhi gang zhe na/ shA radwa ti'i bu/ 'di la theg pa chen po la yang dag par zhugs pa ni/ bdag nyid kyang tshul khrims phun sum tshogs pa yin/ dge ba'i chos can dang / tshul khrims kyi phung po la legs par rab tu gnas pa dang mang du thos pa yin/ don dam pa la mkhas shing 'jig rten rgyang pa na pa dang yang ma 'dres pa yin/ sangs rgyas kyi byang chub dag pa yongs su 'thob cing dben pa la gzhol bas dgon pa dang / rab tu dgon pa la mngon par dga' ba yin te/
298a
@#/ /shA radwa ti'i bu/ theg pa chen po la yang dag par zhugs pa chos bzhi po de dag dang ldan pa ni/ byang chub kun tu bsrung ba'i phyir zhugs pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /tshul khrims phung por de gnas kyang / /tshul khrims kyis ni rlom sems med/ /nges pa'i don dang zab mo yi| |chos ni phyis kyang tshol bar byed/ /sangs rgyas byang chub dag pa dang / /rnam dag yongs su dag pa'ang tshol/ /gcer bu rnams kyi gang 'dzin pa'i/ /gsang tshig dag ni de mi tshol/ /'thab med gsang tshig de 'dod pas/ /'jig rten rgyang pan 'dres ma yin/ /sangs rgyas chos la nges yin zhing / /rtag tu bstan pa srung bar byed/ /gang dag gis ni sems 'khrug pa'i/ /bud med rnams ni der mi 'gro/ /dben pa zhi ba stong pa yi/ /bas mtha'i dgon pa rnams sten byed/ /nga yis mchog dang phul bsngags pa'i/ /chos bzhi po ni de dag dang / /byang chub rnams kyi don gang bstan/ /chos de dag la bsten par byos/ /de dang der ni de bzhin du/ /sngon chad de dag bsten pa yin/ /ye shes kun tu srung bar byed/ /des ni nga yi ye shes bsgrubs/ /chos ni kun tu bsrungs byas pas/ /'gro ba ngan par 'gro mi 'gyur/ /rtag par de zhi kun tu dag /gzugs kyis kyang ni 'phags
298b
par 'gyur/ /longs spyod ldan par de rtag 'gyur/ /thob nas kyang ni bag yod 'gyur/ /de la snying po ston par 'gyur/ /longs spyod rnams ni mi rtag ces/ /gang byin de ni nga yi yin/ / gang ma byin de nga yi min/ /nga dang longs spyod phung po'ang rung / /thams cad spangs nas song ba yin/ /g.yog 'khor bzang por 'gyur ba yin/ /de yi bshes gnyen bzang por 'gyur| |sangs rgyas kyis ni bsngags chos la/ /ma yang nges par sbyor bar 'gyur/ /bdag nyid kyis kyang 'dun pa yin/ /gzhan yang de la nges sbyor byed/ /de phyir de ni dga' ba 'thob| |dam pa'i chos kyang spyod par 'gyur/ /gang dag 'jig rten mchog bkur ba'i/ /rigs mtho bar yang rtag par skye/ /de ni bag med mi byed cing / /rtag tu chos la sten par byed| |rdzogs sangs rgyas la mnyes byed 'gyur/ /mthong nas kyang ni dad par byed/ /sems dad cing ni yid dga' nas/ /mchod pa dam pa byed par 'gyur/ /lus dang srog dang longs spyod ni| |de dag thams cad snying po med/ /skyes bu dam pa mthong nas kyang / /myur du snying po ston par 'gyur/ /de yi lus dang longs spyod la'ang / /snying po'i 'du shes 'jug mi 'gyur| |sangs rgyas rnams ni 'byung ba dkon/ /dal ba de 'dra'ang snyed par dka'/ /der ni dal ba'ang 'thob 'gyur zhing / /thob nas kyang ni yid mi 'byung / /gang las ye shes 'thob
299a
@#/ /'gyur ba'i/ /mngon 'byung de la sten par byed/ /rangs dang mchog tu dga' bskyed nas/ /ye shes dam pa tshol bar byed/ /gang las byang chub 'thob 'gyur ba'i| |chos la'ang rtag par gnas par byed/ /shA radwa ti'i bu/ theg pa chen po la yang dag par zhugs pa chos bzhi dang ldan pa/ bdag nyid kyis bdag nyid dbugs 'byin cing mchog tu dga' ba skyes nas kyang gnas par byed do/ /bzhi gang zhe na/ shA radwa ti'i bu/ 'di la theg pa chen po la yang dag par zhugs nas longs spyod kyi phung po'i bdog pa thams cad yongs su gtong ba yin/ tshul khrims kyi phung po'i yon tan thams cad la rab tu gnas pa yin/ chos zab mo rnams kyi ye shes thams cad mngon du 'phags pa yin zhing mngon du 'phags nas lus dang srog gtong bar byed kyang chos gtong bar mi byed pa yin/ dge slong chos smra ba dam pa'i chos yongs su 'dzin pa mdo sde de lta bu 'dzin pa rnams la'ang bde ba'i yo byad thams cad kyis spro bar bya ba la zhugs pa yin te/ shA radwa ti'i bu/ theg pa chen po la yang dag par zhugs pa chos bzhi po de dag dang ldan na/ bdag nyid kyis bdag nyid lung ston pa dang / dbugs 'byin pa mang ba yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /longs
299b
spyod rnams ni kun bged byed/ /tshul khrims phung por shin tu gnas/ /chos rnams la ni mngon du 'phags/ /stong pa'i chos la the tshom med/ /gang dag chos ni ston pa yis/ /chos de yang ni yongs su 'dzin/ /gang dag chos ni ston pa la'ang / /bde bar sgrub pas zhugs pa yin/ /de phyir de ni dga' ba 'thob/ /mchog tu dga' ba'ang de yis 'thob/ /mi mchog sangs rgyas 'gyur bar ni/ /bdag nyid la yang lung ston to/ /de la sangs rgyas lung ston mdzad/ /gang dag 'das dang ma byon dang / /gang dag byung ba'i rdzogs sangs rgyas/ /de dag rgyal bar lung yang ston/ /sangs rgyas theg pa bla na med kyi/ /byang chub lam la de gnas shing / /sangs rgyas rnams kyis gang bsten pa'i/ /chos de dag la'ang sten par byed/ /sangs rgyas rnams kyis de dag bsngags/ /byang chub sems dpa' rnams kyis bsten/ /sangs rgyas lam ni bla med kyi/ /lam de la ni de gnas 'gyur/ /ji ltar nam mkha'i lam du ni| |snod cig bor bar gyur pa dang / /ji ltar chags par blta bya dang / /de yi gnas pa yin min bzhin/ /de ltar byang chub sems dpa' sems/ /gang bslab byang chub lam la yang / /byang chub ma thob par du ni/ /de yi ldog pa yod ma yin/ /ji ltar kun tu 'dres pa der/ /gdams pa skyed par byed pa yang / /de yi rgyun chad yod ma yin/ /myur du de ni 'dzud
300a
@#/ /par byed| |de bzhin byang chub sems dpa' gang / /rtag tu chos rnams sten byed kyang / /byang chub sangs rgyas kyi bar/ /brtson 'grus spong bar byed ma yin/ / ji ltar ljon shing rtsa ba yang / /mi yis rtag par sbed byed cing / /dus su bkri bar byed pa yi/ /shing ni 'phel bar 'gyur ba yin/ /rlung dang nyi ma dag gis ni/ /dus su grang dang dro gyur bar/ /mthar gyis sba ba byas nas su/ /me tog 'bras bu de des 'byin/ /sems can mang la bde byed pa/ /shing gi grib ma yid dga' 'byung / /bde ba'i bde dang ldan pa dag /me tog 'bras bu longs kyang spyod/ /de bzhin byang chub sems dpa' yang / /byang chub phyir ni sems bskyed nas/ /dus su chos rnams sten byed cing / /dus su yongs su 'dri bar byed/ /dus dang dus min sten byed cing / /dus dang dus min 'dri bar byed/ /dus su brtson 'grus rtsom byed cing / /des pas dus su sbyin pa sbyin/ /dus su byang chub snying po yi| |shing gi drung du 'dug nas su/ /blo gros ngan pa'i bdud bcom ste/ /dus su byang chub 'tshang yang rgya/ /'jig rten du ni ma bskor ba'i/ /'khor lo dus su bskor bar byed// dus su sems can 'dul byed cing / /'brel ba'i gtam yang yongs su 'dren/ /byang chub zhugs pa'i mkhas rnams ni/ /mthu dang ldan sems de lta bus/ /byang chub dam pa
300b
'tshang rgya zhing / de na nam yang ldog mi 'gyur/ /de lta bas na dus dus su/ /yang dang yang du chos sten byed/ /dus su byang chub 'tshang rgya zhing / /dus su 'khor lo'ang bskor bar 'gyur// shA radwa ti'i bu/ byang chub sems dpa' chos bzhi dang ldan na/ bla na med pa yang dag par rdzogs pa'i byang chub las nyams par mi 'gyur zhing / yongs su nyams par mi 'gyur la/ tshe brjed nas kyang 'khor los bsgyur ba'i rgyal srid byed cing / ji ltar smon pas kyang dge ba'i rtsa ba thams cad rjes su 'jug par byed pa yin/ stobs che ba dang lus che ba yin/ sred med kyi bu ltar mkhregs ba'i lus dang ldan pa yin/ de 'khor los bsgyur ba'i rgyal srid thob nas kyang myur du gling bzhi spangs nas khyim nas khyim med par rab tu 'byung ba yin/ rab tu byung nas kyang de tshangs pa'i gnas pa bzhi thob pa dang / skyon med pa thob pa dang / rtse ba med pa thob pa dang / tshogs med pa thob pa yin/ de nas shi 'phos nas kyang tshangs pa'i 'jig rten du skal ba mnyam par skye bar 'gyur ba yin/ skyes nas kyang tshangs pa'i dbang po nyid 'thob pa yin te/ bzhi gang zhe na/ shA radwa ti'i bu/ 'di la byang chub sems dpa' de bzhin gshegs pa'i mchod rten zhig pa mthong nas bcos pa'i phyir spro bar byed cing tha na 'jim pa'i gong bu gcig tsam yang rtsig par byed pa yin/ shA radwa ti'i bu/ gzhan
301a
@#/ /yang ma brtsigs pa'i sa phyogs lam po che'i bzhi mod skye bo mang po 'du ba'i sar mchod rten dang khang pa brtsegs pa'am/ rdo ba'i ka ba'am/ de bzhin gshegs pa'i sku'am/ de bzhin gshegs pa'i yon tan rjes su dran pa gang yang rung ba byed de/ 'di lta ste/ dper na/ chos kyi 'khor lo bskor ba'am/ mngon par 'byung ba'am/ byang chub kyi shing drung du bdud 'joms pa'am/ de bzhin gshegs pa'i cho 'phrul chen po'am/ de bzhin gshegs pa'i yongs su mya ngan las 'das pa chen po yang dag par bstan pa'am/ lha las babs pa'am/ lha yul du mngon par 'dzeg par byed pa'i de bzhin gshegs pa'i mchod rten rtsig par byed pa yin/ shA radwa ti'i bu/ byang chub sems dpa' sems dpa' chen po de bzhin gshegs pa'i nyan thos kyi dge 'dun bye zhing 'thab pa dang / rtsod pa byung ba mthong nas mi 'bye ba dang mthun par bsdum pa'i phyir brtson pa yin/ shA radwa ti'i bu/ gzhan yang byang chub sems dpa' sems dpa' chen po de bzhin gshegs pa'i bstan pa rab tu 'jig cing / chos rab tu rnam par 'jig par 'gyur ba na tha na tshigs su bcad pa gcig bsrung ba dang mi nyams par bya ba'i phyir brtson pa yin/ chos sam chos smra ba yongs su 'dzin par byed cing lus dang srog gtong bar
301b
byed kyi| chos gtong bar mi byed pa yin te/ shA radwa ti'i bu/ byang chub sems dpa' theg pa chen po la yang dag par zhugs pa chos bzhi po de dag dang ldan pa yon tan gyi bye brag sngar bstan pa de dag rjes su 'thob bo/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas mchod rten mthong nas su/ /zhig pa phyir ni bcos par bya/ /de phyir stobs ni che ba dang / /lus che ba dang mi 'jigs 'gyur/ /gang du dad pa skye 'gyur ba'i/ /lam chen bzhi mdo phyogs su ni/ /ring bsrel gyi ni sku byed cing / /sangs rgyas yon tan rnams ston pa/ /bsod nams mang po skyed par byed/ /gang zhig lam gyi bzhi mdor ni/ 'jig rten mchod pa'i mchod rten byed/ /de yi grags pa 'phel bar 'gyur// phan tshun du ni rtsod pa yi/ /nyan thos bye ba rnams mthong nas/ /gcig la gcig ni bzod gsol te/ /de dag rnams ni mthun byed pa/ /dge ba'i rtsa ba de yis su/ /mi 'jigs dpa' bor 'gyur ba yin/ /sred med bu ltar mkhregs pa yi/ /lus ni mngon par 'grub pa yin/ /bstan pa rab tu rnam 'jig pa'i/ /chos la mi bde nyer gnas tshe/ /gus par byas te chos srung zhing / /lus dang srog dag bor gyur pa/ /de bzhin chos ni 'dzin byed pa/ /de dag srung bar byed pa dag /lha rnams kyis ni srung bar 'gyur/ /sangs rgyas rnams kyis byin
302a
@#/ /gyis brlabs/ /chos ni kun tu bsrungs byas pas/ /de dag 'khor los bsgyur bar 'gyur/ /gling bzhi po dag rnam bskor cing / /chos kyis kyang ni rgyal srid byed/ /bskor cing rab tu bstan pas na/ /bag med par ni 'gyur ma yin/ /bag yod par ni rtag par 'gyur/ /rgyal srid bor nas rab tu 'byung / /drang srong rgyal po rdzu 'phrul can/ /bsam gtan bzhi po sgom par byed/ /tshangs pa'i gnas pa rnams bsgoms nas/ /rtag par yon tan gnas pa yin/ /shi 'phos tshangs pa'i 'jig rten du'ang / /de ni skye ba sgrub par byed/ /der yang chen por 'gyur ba yin/ /de ni tshangs pa'i dbang phyug yin/ /chos kyi mchog ni bzhi po dag /'jig rten gyi ni mgon pos bsngags// byang chub spyad pa spyod pa na/ /sngon chad ngas kyang bsten pa yin/ /chos gang la ni ngas bslab cing / /ji ltar sngon chad spyad pa bzhin/ /de la pha rol phyin gyur nas/ /bla med byang chub sangs rgyas yin/ /ji ltar sngon chad ngas bsten pa'i/ /chos de dag la gang sten pa/ /thams cad du ni chen por 'gyur/ /bsnyen dka' rigs pa can du 'gyur/ /mi yi bdag por 'gyur ba yin/ /sum cu rtsa gsum dbang phyug 'gyur/ /'dod pa'i khams ni thams cad du'ang / /dbang phyug dam par 'gyur ba yin/ /gzugs kyi khams su song nas kyang / /
302b
der ni dbang phyug 'gyur ba yin/ /thams cad du yang mchog tu 'gyur/ /yon tan dag la su mi slob/ /tshul khrims spyod pa phun sum tshogs/ /ngo tsha ldan zhing khrel yod 'phags/ /de yi mngon 'byung phun sum tshogs/ /kun tu phun sum tshogs pa 'thob/ /brtson 'grus kyis ni phun tshogs 'gyur/ /bzod pa ting 'dzin phun sum tshogs/ /de yi shes rab bla na med/ /chos rnams kun la mkhas pa yin/ /nam zhig rtag par don bsam pa/ /bye ba phrag ni stong po dag /der ni thams cad rab tu shes/ /don bsam pa la mkhas pa yin/ /skad cig gcig gis sgrub pa de'i/ /tshig rab dbye bshes par 'gyur/ /gang dag chen por 'gyur ba yi/ /mang thos rnams kyi slob dpon che/ /ji ltar mdzangs pa shes rab dang / /spobs pa yis ni 'phags pa bzhin/ /rtag par byang chub phyir nges shing / /phyi rol shes pa 'dor bar 'gyur/ /rtag par de yi lta ba drang / /yang dag lta ba shin tu bsgoms/ /rdzogs sangs rgyas kyang mnyes par byed/ /rtag tu mi khom spong bar 'gyur/ /a la theg pa theg chen po/ /sangs rgyas dag ni kun gyis bsgrags/ /de la dman pa'i chos rnams ni/ /gang yang sgrog par byed pa med| |de la long ba sgrog pa med/ /'on pa dag kyang sgrog pa med/ /zhar dang lag rdum 'phye bo dang / /mdog mi sdug dag sgrog pa med/ /dbul po dag ni bsgrag mi bya/ /dman pa'i
303a
@#/ /yon tan sgrog pa med/ /gang gis sdig can 'gro 'gyur ba'i/ /sdig pa'i chos can bsgrag mi bya/ /'di la ye shes de 'dra dang / /bsngags pa da 'dra thos nas su| |spyod yul gang min ma gtogs par/ /ye shes de 'dra su mi tshol/ /de phyir ye shes gang tshol ba/ /sangs rgyas ye shes rmongs pas tshol/ /ye shes de la bslab pas na/ / chos rnams kyi ni pha rol 'gro /nga yis rigs rnams bzhag ma yin/ /skye ba'ang gleng pa ma yin zhing / /de yi kha dog phye ba'ang min/ /gzugs kyi sku la dman pa med/ /nga ni le lo can ma yin/ /brtson 'grus kyis ni rtag tu 'phags/ /rtag tu'ang tshul khrims phun sum tshogs/ /shes rab ldan zhing rab mnyam bzhag /'di ltar nga yis sngon chad chos| |mchog dang phul dag bsten pa yin/ /de yi 'bras bu'ang longs spyod kyis/ /rnam par smin pa ji 'dra ltos/ /'jig rten khams ni stong dag dang / /bye ba khrag khrig dag dang ni/ /de bas lhag pa'i zhing rnams su/ /de la nga yi ye shes 'jug /sems can gang dag der skyes pa/ /de dag gi ni sems kyang shes/ /de dag rnams kyi spyod pa'ang shes| |bsam pa yang ni rnam par shes/ /mi snyan smra ba gang 'byung ba/ /de dag gi ni de yang shes/ /chad pas bcad pa'ang shes pa yin/ /rab tu bzung ba'ang de bzhin no/ /sangs
303b
rgyas spyan gyis ngas de dag /thams cad la ni rnam bltas te/ /sems can yongs su smin shes nas/ /srid pa'i bcings las dgrol bar bya/ /dus su song nas bskul bar bya/ /dus su yang ni gdams par bya/ /gang gis de dag skye 'gyur ba'i/ /cho 'phrul rnams ni bstan par bya/ /gang dag gzugs la chags 'gyur dang / /longs spyod la yang gnas 'gyur ba/ /de dag la ni nyes dmigs bstan/ /de phyir de ni mya ngan 'da'/ /srid pa'i 'dod chags 'ching bas bcings/ /lta ba la ni gnas 'gyur ba/ /de dag rnams la nyes dmigs bstan/ /de phyir de ni mya ngan 'da'/ /srid pa'i 'dod chags 'ching bas bcings/ /lta ba la ni gnas 'gyur ba/ /de dag rnams la nyes dmigs bstan/ /srid lta de 'dra gang du 'byung / /gang la de dag gnas 'gyur dang / /de dag gis ni gang mchog bkur/ /de 'dra'i lus su bsgyur nas su/ /drang po'i lam ni bstan par bya/ /de dag gis kyang chos shes nas/ /gang 'dir nges par bdag cag gis/ /byang chub dam pa 'tshang rgya zhes/ /de tshe nga la phyag 'tshal lo/ /de dag gi ni rtsa rtogs nas/ /de dag la ni chos kyang bstan/ /sdug bsngal kun las phyung ba yin| |nga ni rgyal ba zug rngu 'byin/ /mya ngan 'das zhi thob bya'i phyir/ /de dag la ni ngas chos bstan/ /de dag nga las chos thos nas/ /mya ngan 'das pa rjes su 'thob/ /nga yi shes
304a
@#/ /pa de ltar la/ /chos rnams kun la 'jug pa ltar/ /'das pa'i dus dang gang dag yang / /ma 'ongs chos rnams de bzhin no/ /nga yi lus ni mngon du 'phags// de yi tshad ni dmigs ma yin/ /rgyal ba'i spyi gtsug blta bar ni/ /rdzu 'phrul can gyis nus ma yin/ /sangs rgyas lag pa mtha' yas te/ /nga yi lag pa dpag tu med/ /ji ltar gang+gA'i bye snyed kyi/ /'jig rten khams dag khyab pa yin/ /kha dog bcas pa ci 'dra bas/ /sangs rgyas sku ni 'byung 'gyur zhes/ /sangs rgyas sku yi kha dog dang / /dbyibs ni shes par nus ma yin/ /kha dog dbyibs ni ci 'dra zhes/ /nga yi thad lhags gang dag lta/ /kha dog sna tshogs lta byed kyang / /mtshan ma shes pa ma yin no/ /sangs rgyas kyi ni mdog mthong nas/ /kun brjod pa yi cho 'phrul gyis/ /sems can de dag rab dga' zhing / /nga yi lus la'ang bstod par byed/ /sems can dag ni thams cad kyis/ / sangs rgyas sku ni blta mi nus/ /lha yi mig can gang la yang / /snang bar 'gyur ba ma yin no/ /'di ltar sangs rgyas byin rlabs de/ /khyed cag gis ni 'dir ltos shig / sku de bsam mi khyab yin par/ /sangs rgyas sku ni shes par byos/ /spu yi khung bu gcig nas su/ /cho 'phrul dag ni de 'dra dang / /'jig rten khams su sems can gyi/ /
304b
don de 'dra ba byed par 'gyur/ /'od zer bye ba mang po ni/ /spu yi khung nas phyung nas su/ /zhing rnams mang po snang bar byed/ /sangs rgyas zhing yang de snyed do/ /stan 'di la ni 'dug nas su/ /ji ltar sems can nga shes ltar/ /de tshe phyogs bcu'i 'jig rten gyi/ /sems can de dag nyid kyis shes/ /sangs rgyas kyi ni ye shes mtha'/ /nga yis gzhag pa nus ma yin/ /kun mkhyen ye shes ngas kyang ni/ /nyan thos rnams kyis 'dir ci smos/ /sangs rgyas thams cad bsam mi khyab/ /sangs rgyas chos rnams bsam mi khyab/ /bsam mi khyab la dad byas pas// de dag bsam mi khyab tu'ang 'gyur/ /byang chub sems dpa'i spyod pa'i le'u ste/ bcu pa'o// //de'i tshe 'khor de nyid du skyes nas lo bdun lon pa lta bu'i khye'u rnam par rgyal ba srung ba zhes bya ba 'dus par gyur te 'dug go /de nas khye'u rnam par rgyal ba srung ba stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa dag gis gsol pa/ sangs rgyas chos rnams de thos te/ /de nas go cha 'tshal snyam nas/ /bdag la kun tu 'dun skyes pas/ /bdag kyang de 'drar 'gyur snyam bgyid/ /spyan ldan chos kyi sbyin pa yis/ /sems can thams cad mgron du gnyer/ /khyu mchog gi ni tshig tu smra/ /gzhan du ma lags de bzhin bgyi/ /'dren pa
305a
@#/ /slad kyis sdum par ni/ /bdag gi 'dun par 'jug ma lags/ /'jig rten mgon po'i bstan pa de/ /'di nyid la ni rab tu 'byung / /mngon par 'byung dang brtson 'grus dang / /yon tan rnams dang bsam gtan dang / ting 'dzin shes rab 'bras de lags/ /de nyid bdag gis bsten par bgyi/ /spyan ldan dag la 'dun pa skyes/ / myur du bdag ni rab tu phyung / /ngur smrig gos ni 'tshal nas su/ /chos kyi dam pa spyad par bgyi/ /me long ye shes lta bus kyang / /'jig rten de la rnam sems shing / /'jig rten mchog tu 'gyur bar bgyi/ /legs par rab tu 'byung du gsol/ /thams cad kyang ni ma mchis pas/ /sems can 'du shes mi gnas shing / /bdag mngon rdzogs par sangs rgyas nas/ /'dren pa chos de bstan par bgyi/ /bdud dpung bcas pa bcom nas su/ /mu stegs gzhan rnams skrag bgyis te/ /lta ba'i dra ba rab bcom nas/ /srog chags rnams kyi don bgyi 'o/ /mya ngan 'das bde 'thob slad du/ /bdag gis lam ni bstan par bgyi/ /de la skye ba ma mchis pas/ /lam de bsam mi khyab pa lags/ /bdag gis dra ba rnam phye nas| |bdag gis chos kyi snang bar bgyi/ /rang bzhin de dang mtshan nyid de'i/ /chos ni ji lta bzhin du bstan/ /rdzu 'phrul stobs kyis rnam 'phrul bgyi/ /cho 'phrul dag ni
305b
bstan par bgyi/ /de la gang dag bdag la lta/ /kun gyi the tshom 'chad par 'gyur/ /de nas bcom ldan 'das kyis khye'u rnam par rgyal ba srung ba la 'di skad ces bka' stsal to/ / khye'u| nga'i bstan pa 'di la khyim nas khyim med par rab tu 'byung bar 'dod dam/ des gsol pa/ bcom ldan 'das/ de lta lags so/ /bcom ldan 'das kyis bka' stsal pa/ gang zhig dur smrig mi 'dzin cing / /gang dag snyigs ma med gyur pa/ /nga yi bstan la rab 'byung bar/ /bya ba'i chos ni de yin no/ /gang gi skra dag ma bregs shing / /'ching ba thams cad bcad gyur la/ /ma bcings pa dang ma grol ba/ /'di la rab tu byung ba de'o/ /gang dag bslab la mi slob pa/ /bslab pa'ang 'bogs par byed ma yin/ /bslab pa kun la bslab pa ni| |'di la rab tu byung ba de'o/ /gang zhig dam chos mi 'dzin cing / /chos rnams thams cad rnam bsgoms la/ /chos kyi 'du shes bsal gyur ba/ /de ni 'di la rab tu byung / /gang zhig bdag ces mi sems shing / /gang zhig sems can zhes mi sems/ /de la zhum pa nyid mi 'byung / /de la byang chub phyir zhugs pa'o/ /gang gis sems ni bskyed gyur la/ /chos gzhan yang ni mi dmigs shing / /sems la 'dzin par mi byed pa/ /de ni nga la rab tu byung / /bam po bcu drug pa/ de nas tshe dang ldan pa shA radwa ti'i bu 'di snyam du sems te/
306a
@#/ /gang bcom ldan 'das kyis gnas zab mo dag bstan pa'i khye'u des yun ji srid cig spyad par 'gyur snyam mo/ /de nas bcom ldan 'das la tshe dang ldan pa shA radwa ti'i bus tshigs su bcad pa dag gis gsol pa/ bcom ldan zab mo'i chos thos nas/ /mi skrag zhum par mi 'gyur ba'i/ /khye'u ni rnam par rgyal srung gi /spyod pa de 'dra de ci lags/ /gang gis zab mo'i gnas thos nas/ /de la skrag pa mi 'byung ba/ /sngon chad skye ba gzhan dag tu/ /rdzogs pa'i sangs rgyas ji snyed mthong / /gang gis sgyid lug mi 'gyur ba/ /gnas rnams kyang ni zab mo dag /sngon gyi sangs rgyas rkang gnyis mchog /ji snyed cig la zhus pa lags/ /de nas bcom ldan 'das kyis tshe dang ldan pa shA radwa ti'i bu la tshigs su bcad pa dag gis slar bka' stsal pa/ 'das pa'i dus na ngas shes pa/ /sa yi phyogs ni 'di nyid du/ /sangs rgyas stong phrag mang po la/ /rnam par rgyal ba srung gis zhus/ /ang+ga ma ga d+ha der ni/ /byang chub spyad pa spyod pa na/ /gang dag la ni sngon zhus pa/ /sangs rgyas ji snyed pa yang shes/ /chos rnams dang ni khams rnams dang / /skye mched dag dang stong pa dang / /tshad med de dang rnam thar gyi/ /gnas dang gnas min rab tu mkhas/ /ji ltar ang+ga ma ga d+har/ /e ma sangs rgyas shes pa bzhin/ /de
306b
ltar ka shi'i khyim rnams su/ /mkhas pas de snyed shes pa yin/ /rnam par rgyal srung khye'u de ni/ /shes rab pha rol phyin pa thob/ /dkar chos rnams kyis byung ba yin/ /de phyir de shes de 'dra ba/ /'dir ni chos la reg par byed/ /yi ge ji bzhin phyag rgya grangs/ /bzo rnams sna tshogs gzhan yang shes/ /de las gzhan yang brjed pa med/ /chos rnams thams cad stong pa nyid/ /'jig rten 'das pa'i shes las gzhan/ /'jig rten pa yi shes mi smra/ /de la mchog tu 'dzin mi byed/ /gang gis ye shes de 'dra dang / /chos rnams thams cad stong pa nyid/ /de la bskal pa brgya dag tu'ang / /rmongs pa yod pa ma yin no/ /ye shes de ni ye shes che/ /nyon mongs zad byed rang bzhin can/ /gang zhig stong pa mi 'dod pa/ /de ni chos la 'jug mi 'gyur/ /de nas tshe dang ldan pa shA radwa ti'i bus khye'u rnam par rgyal ba srung ba la 'di skad ces smras so/ /gzhon nu/ khyod bcom ldan 'das kyi bstan pa la rab tu 'byung ngam| de skad ces smras pa dang / tshe dang ldan pa shA radwa ti'i bu la khye'u rnam par rgyal ba srung bas 'di skad ces smras so/ /btsun pa shA radwa ti'i bu/ bdag ni/ rab tu byung zin pas bdag rab tu mi 'byung ngo / /de nas tshe dang ldan pa shA radwa ti'i bus khye'u rnam par rgyal ba srung ba la tshigs su bcad pa dag gis smras pa/ khyod kyis gos dag gang bgos pa/ /ngur
307a
@#/ /smrig khyod la gnang ma yin/ /khyod kyi skra yang bregs ma yin/ /'di la ji ltar rab tu byung / /khyod kyis bslab la bslab ma yin/ /khyod la slob dpon yod ma yin/ /mkhan po yang ni yod ma yin/ /khyod ni ji ltar rab tu byung / /khyod ni lhung bzed thogs ma yin/ /khyod ni mtshams su byung ba yin/ /'di la gang gis rab byung ba/ / khyod ni ji ltar bsdams pa yin/ /gang du tshogs kyis rdzogs par byas/ /khyod kyis de snyed su yis byas/ /khyod ni ji ltar rab tu byung / /bdag gis dris pa de smros shig /de skad ces smras pa dang / tshe dang ldan pa shA radwa ti'i bu la khye'u rnam par rgyal ba srung bas tshigs su bcad pa dag gis slar smras pa/ gang zhig ngur smrig 'dzin byed pa/ /snyigs ma med pa 'dzin mi byed/ /ma skyes pa yang 'dzin pa med/ /ngur smrig gyon pa de yin no/ /ye shes gos ni bdag gis bzung / /de ni nam yang gos pa med/ /rtag tu'ang dri med rnam dag pa'i| |ngur smrig bdag gis gyon pa yin/ /bdag gis nyon mongs thams cad spangs/ /bdag gis skra dag bregs par byas/ /ye shes kyis ni bdag gis bregs/ /de dag phyin chad skye mi 'gyur/ /lhung bzed bsam mi khyab las byung / /chos rnams kun gyi snod yin te/ /gang ba med cing bri med de/ /chos rnams kun gyi snod yin no/ /bdag ni gzhan
307b
gyi man ngag la/ /nam yang gnas shing gnas 'gyur med/ /thams cad mkhyen cing rang byung 'gyur/ /bdag gi phun sum tshogs de yin/ /chos kun mnyam mdzad sangs rgyas kyis/ / bdag la gsol ba mdzad zin te/ /'dren rnams gang nas gshegs pa yi/ /sangs rgyas lam nas 'gro bar bya/ /bdag gi rang byung de 'dra ste/ /bdag gi bslab pa de 'dra yin/ /mya ngan 'das pa'ang de 'dra ste/ /gsol ba'i las ni de 'dra yin/ /spyod pa la ni de ring bslab/ /nam zhig 'jig rten mgon thad du/ /zhing nas zhing du 'gro ba dge /bdag gis kyang ni spyad par bya/ /byang chub snying por 'dug nas su/ /sbyin pa bsam mi khyab pa sbyin/ /gcig pus spyad par mi bya ste/ /bdag gis srog chags bye ba sbyin/ /de nas bcom ldan 'das kyis khye'u rnam par rgyal ba srung ba la rnam par gzigs te/ bcom ldan 'das kyis rnam par gzigs ma thag tu'ang de nas de nyid kyi tshe gos ngur smrig gyon zhing 'dug par gyur te| skra bregs nas zhag bdun lon pa lta bur yang gyur to/ /skad cig de nyid la mngon par shes pa lnga'ang thob bo/ /de nas gzhon nu rnam par rgyal ba srung bas phyogs de nyid du 'dug nas mi snang bar gyur te/ de mi snang bar gyur ma thag tu sa chen po'ang g.yos shing spu zing zhes byed pa dang bcas pa'i skrag par yang gyur/ lha dag kyang steng gi bar snang
308a
@#/ /las rnga brdung zhing lha'i glu dbyangs len par yang gyur/ 'jig rten du snang ba chen po byung bar gyur to/ /de nas bcom ldan 'das kyis de'i tshe 'dzum pa mdzad do| |de nas bcom ldan 'das kyi zhal gyi sgo nas 'od zer kha dog du ma kha dog sna tshogs su byung ste/ byung nas kyang thams cad dang ldan pa'i sangs rgyas kyi zhing la lan gsum bskor ba byas nas spyi gtsug gi mtshams su nub bo/ /de nas tshe dang ldan pa kun dga' bo stan las langs nas bla gos phrag pa gcig tu gzar te phus mo g.yas pa'i lha nga sa la btsugs nas bcom ldan 'das la tshigs su bcad pa dag gis zhus pa/ mi 'dul kha lo sgyur ba sems can mchog /spyod pa yon tan khyad par 'phags la gnas// rgyal ba ye shes ma chags pha rol gshegs/ /kun mkhyen rgyal ba bla na med la zhu/ /zhal nas 'od zer mang po byung nas su/ /'od kyis sangs rgyas zhing ni thams cad khyab/ / sangs rgyas zhing de la ni bskor bgyis nas/ /de dag slar log nas kyang spyi gtsug nub/ /rgyu ma mchis par sangs rgyas 'dzum mi ston/ /de ring su yi don slad 'dzum de bstan/ / lung bstan de ni su yi lags par 'gyur/ /'jig rten mgon po bdag gi the tshom chod/ /gang gis 'dzum pa de 'dra bstan gyur cing / /sangs rgyas zhing de thams cad snang bgyis
308b
pa'i| |yangs pa'i don de su yi lags par 'gyur/ /ye shes mchog gis 'dir ni su lung ston/ /sangs rgyas zhing brgyan pa ni mdzes pa lags/ /sems can kun kyang bde bar gyur pa lags| |'di la bag ma mchis par sems mi 'jug /cho 'phrul de lta bu ni gda' lags so/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to| |kun dga' bo/ khyod kyis sa phyogs 'di nyid na khye'u rnam par rgyal ba srung ba gos ngur smrig gyon pa mthong ngam/ gsol pa/ bcom ldan 'das/ mthong lags so/ /bcom ldan 'das kyis bka' stsal pa/ kun dga' bo/ /khye'u rnam par rgyal ba srung ba de ni/ de bzhin gshegs pa mi 'khrugs pa'i sangs rgyas kyi zhing du 'jig rten gyi khams mngon par dga' bar lus de nyid kyis 'dug go /de'i tshe ji srid par sangs rgyas kyi zhing der tshangs par spyod pa spyad nas lus de nyid kyis rgyal srid thob ste/ 'di lta ste/ dper na/ lha rnams kyi dbang bo brgya byin gyis da ltar rgyal srid thob pa bzhin no/ /sangs rgyas kyi zhing de nas shi 'phos nas kyang lus de nyid kyis sangs rgyas kyi zhing nas sangs rgyas kyi zhing du 'gro bar 'gyur zhing nam du'ang sangs rgyas dang 'bral bar mi 'gyur la/ thams cad du lus thob pa des kyang rgyal srid thob par 'gyur ro/ /de phyis kyang bskal pa grangs med pa na bla na med pa yang dag par
309a
@#/ /rdzogs pa'i byang chub tu mngon par rdzogs par 'tshang rgya bar 'gyur te/ 'jig rten gyi khams rtag tu snang bar de bzhin gshegs pa dgra bcom pa yang dag par rdzogs pa'i sangs rgyas ye shes mtha' yas rnam par bsags zhes bya bar 'gyur ro/ /kun dga' bo/ de bzhin gshegs pa ye shes chen po rnam par bsags pa'i tshe'i tshad ni/ dpag tu med par 'gyur te/ bskal pa 'di snyed do/ /zhes dpag pa'am/ bgrang ba'am/ bsam par mi nus so/ /de bzhin gshegs pa de'i sangs rgyas kyi zhing de na gnas pa'i sems can de dag ni/ mngal du skye bar mi 'gyur te/ sems can de dag brdzus te skye bar 'gyur zhing / pad+ma dag gi steng du skyil mo krung gis 'byung bar 'gyur ro/ /kun dga' bo/ sangs rgyas kyi zhing de ni/ yon tan khyad par can dpag tu med pa gzhan dag gis kyang legs par brgyan par 'gyur ro/ /kun dga' bo/ byang chub sems dpa' chos bzhi dang ldan na/ tshe brjes nas dge slong tshur shog ces bya ba'i rab tu 'byung ba 'thob ste/ bzhi gang zhe na/ kun dga' bo/ 'di la byang chub sems dpa' bdag nyid kyang rab tu 'byung ba la mngon par chags pa yin zhing / gzhan dag kyang rab tu 'byung ba yang dag par 'dzin du 'jug par byed la/ rnam pa thams cad kyis
309b
kyang rab tu 'byung ba rton par byed de/ rab tu byung nas kyang chos dang ldan pa'i gtam gyis rangs par byed cing / yang dag par 'dzin du 'jug la yang dag par gzengs bstod pa yin te| kun dga' bo/ byang chub sems dpa' chos dang po de dang ldan na/ tshe brjes nas dge slong tshur shog ces bya ba'i rab tu 'byung ba 'thob pa yin no/ /kun dga' bo/ gzhan yang byang chub sems dpa' sangs rgyas kyi chos yongs su btsal ba'i phyir bdag nyid kyis kyang brtson 'grus brtsams pa yin zhing / sangs rgyas kyi chos yongs su btsal ba'i phyir gzhan dag kyang brtson 'grus rtsom pa yang dag par 'dzin du 'jug pa yin te/ kun dga' bo/ byang chub sems dpa' chos gnyis pa de dang ldan na/ tshe brjes nas dge slong tshur shog ces bya ba'i rab tu 'byung ba 'thob pa yin no/ /kun dga' bo/ gzhan yang byang chub sems dpa' bdag nyid kyang bzod pa dang des pa dang ldan pa yin zhing / gzhan dag kyang bzod pa dang des pa phun sum tshogs pa la 'god par byed pa yin la/ bdag nyid kyang yo byad bsnyungs pa'i yon tan la gnas pa yin zhing / gzhan dag kyang yo byad bsnyungs pa'i yon tan phun sum tshogs pa la 'jog par byed pa yin la/ de bdag nyid kyang shes rab dang ldan pa yin zhing / gzhan dag kyang shes rab phun sum tshogs pa la 'jog par byed
310a
@#/ /pa yin te| kun dga' bo/ byang chub sems dpa' chos gsum pa de dang ldan na/ tshe brjes nas dge slong tshur shog ces bya ba'i rab tu 'byung ba 'thob pa yin no| |kun dga' bo/ gzhan yang byang chub sems dpa' bdag nyid kyang thabs la mkhas shing smon lam gyi stobs dang ldan pa yin la/ gzhan dag kyang thabs la mkhas pa yang dag par 'dzin du 'jug cing smon lam gyi stobs kyis 'jog par byed pa yin te/ kun dga' bo/ byang chub sems dpa' chos bzhi po de dang ldan na/ tshe brjes nas dge slong tshur shog ces bya ba'i rab tu 'byung ba 'thob cing / sangs rgyas kyi zhing nas sangs rgyas kyi zhing du 'gro la/ thams cad du'ang lus de nyid kyis rgyal srid 'thob cing der yang bag yod pa yin no/ /kun dga' bo/ byang chub sems dpa' chos bzhi dang ldan na/ bla na med pa yang dag par rdzogs pa'i byang chub las mi nyams shing yongs su mi nyams pa yin te/ bzhi gang zhe na/ kun dga' bo/ 'di la byang chub sems dpa' lhag pa'i bsam pas bla na med pa yang dag par rdzogs pa'i byang chub tu sems bskyed par byed pa yin/ de bzhin gshegs pa'i bstan pa la'ang mngon par dga' ba yin/ chos rnams nyan pas kyang ngoms mi shes pa yin/ mi slu bas bden pa smra ba yin te/ kun
310b
dga' bo/ byang chub sems dpa' chos bzhi po de dag dang ldan na/ bla na med pa yang dag par rdzogs pa'i byang chub las mi nyams shing yongs su mi nyams pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /lhag pa'i bsam pas phun tshogs nas/ /sangs rgyas mthong ba tshol bar byed/ /chos rnams kyis ni chog mi shes| |bden pa'i tshig la rab tu gnas/ /sems can sdug bsngal rnams mthong nas/ /lhag pa'i bsam pa skyed par byed/ /lhag pa'i bsam pa shes nas su/ /sems can rnams la chos ston 'gyur/ /de 'dra'i chos dag thos pa na/ /chos rnams kyis ni ngom pa med/ /gang gis de yi shes 'phel ba/ /de la brtson 'grus rtsom par byed/ /rtag par bden tshig smra bar 'gyur/ /bden pa'i tshig la rab tu gnas/ /ji ltar de ni tshig smra ba/ /de bzhin yin te gzhan du min/ /chos bzhi po ni de dag la/ /dus dus su ni sten par byed/ / byang chub dam pa 'thob par 'gyur/ /mig gi dam pa 'phel bar byed/ /gang gi rnam smin dpag med cing / /bsam mi khyab par bshad pa yi/ /chos de 'dra ba thos nas su/ /chos rnams la ni su mi gnas/ /kun dga' bo/ theg pa chen po la yang dag par zhugs pa chos bzhi dang ldan na/ dran pa nyams par mi 'gyur zhing lhas bskul ba'ang thob la/ sbyin gnas dang
311a
@#/ /bral bar yang mi 'gyur zhing / gal te sbyin gnas med par gyur na bdag nyid kyang sbyin gnas su byed pa yin te/ bzhi gang zhe na/ kun dga' bo/ 'di la byang chub sems dpa' sems dpa' chen po bla na med pa yang dag par rdzogs pa'i byang chub la sems can yang dag par 'dzin du 'jug par spro ba dang ldan pa yin/ de bzhin gshegs pa la bsti stang bya ba spro ba dang ldan pa yin/ chos yongs su btsal bar spro ba dang ldan pa yin/ chos smra ba rnams la'ang bde ba'i yo byad kyis nye bar gnas pa yin zhing / sems can sdug bsngal ba dag mthong na yang mi 'jigs pas dbugs 'byin par byed pa yin te/ kun dga' bo/ byang chub sems dpa' theg pa chen po la yang dag par zhugs pa chos bzhi po de dag dang ldan na/ tshe brjes nas brjed mi ngas pa yin zhing sbyin gnas dang yang mi 'bral ba yin/ gal te sbyin gnas ma rnyed na'ang bdag nyid sbyin gnas su byed pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /rdzogs sangs rgyas la bsti stang byed/ /chos la'ang gus dang bcas pa yin/ /chos smra ba yi dge slong la'ang / /gus dang bcas bas bsti stang byed/ /sems can 'jigs pas gzir ba dang / /'dren med sdug bsngal rnams mthong na/ /
311b
de dag la ni 'jigs med sbyin/ /'jigs gzir de dag skyob par byed/ /dge ba'i rtsa ba de yis ni/ /sangs rgyas mthong ba thob par 'gyur/ /khyod longs brtson 'grus rtsoms zhes ni| |lha rnams dag kyang skul bar byed/ /gal te sangs rgyas ma mthong zhing / /nyan thos kyang ni ma mthong la/ /'jig rten 'di yi sbyin pa'i gnas/ /rang sangs rgyas de ma mthong na/ /rang nyid mngon par byung nas su/ /khyim med par ni rab tu byung / /dgon pa zhi ba sten par byed/ /mngon shes lnga po myur du 'thob/ /mngon shes lnga po thob nas kyang / /sa 'di kun tu rnam par rgyu/ / grong dang yul 'khor rnams song nas/ /sems can rnams ni chos 'dzin 'jug /de las chos ni thos nas su/ /'gro ba sdig pa spong bar byed/ /phyi nas sdig pa'i las can min/ /sems can gus dang bcas par 'gyur/ /de ni mya ngan 'das pa 'thob/ /chos kyi mchog gis de mchog ltar/ /de bzhin 'di la bdag bya snyam/ /de yi thad du rab tu 'byung / /rang gis chos ni spyod pa na/ /gzhan dag dang ni bdag nyid kyi/ /de 'dra ba yi yon tan 'byung / /su zhig rtag tu chos mi spyod/ /de bas byang chub yongs tshol bas/ /chos de dag ni kun tu spyad/ /sangs rgyas ye shes bsam mi khyab/ /de ni nyams par 'gyur ma yin/ /ngas kyang sngon chad de dag bsten/ /de phyir nga ni mchog tu 'phags/ /chos de la ni mngon bslab nas/ /sangs rgyas
312a
@#/ /byang chub rnyed mi dka'/ /nga ni 'jig rten rdzogs sangs rgyas/ /nga ni 'jig rten bla na med/ /ye shes bla na med pa yi/ /chos ston byed pa a la la/ /kun dga' bo/ de lta bas na/ rnam grangs des na ci nas byang chub sems dpa' sems dpa' chen po chos de dag la gnas shing 'di lta ste/ chos rnams kyis don byed pa yin pa de lta bur rig par bya'o/ /kun dga' bo/ sngon byung ba 'das pa'i dus na bskal pa grangs med par gyur pa de'i tshe de'i dus na nam mkha' yongs su zin pa 'dir rgyal po phyogs rab sgrog ces bya ba zhig byung ste/ kun dga' bo/ rgyal po phyogs rab sgrog gi chung ma dam pa gtso mo las bu zhig btsas par gyur to/ /kun dga' bo/ gzhon nu de btsas ma thag tu 'jig rten du sems can chos spyod pa zhig byung ngo / /zhes lha rnams kyis sgra skad mthun par bsgrags so/ /kun dga' bo/ de nas rgyal po'i gzhon nu des sgra de thos nas ci 'di chos shig yin nam/ 'on te chos ma yin snyam nas kun tu spangs par gyur to/ /kun dga' bo/ rgyal po'i gzhon nu skyes nas lo bdun lon pa lta bu de rgyal po phyogs rab sgrog de ga la ba der song ste phyin nas/ rgyal po'i rkang pa la phyag btsal te phyogs gcig tu 'dug go /phyogs gcig tu 'dug nas kyang rgyal po phyogs rab sgrog
312b
la smras pa/ yab/ 'di ci chos shig lags sam/ 'on te chos ma lags/ de nas rgyal po des gzhon nu la tshigs su bcad pas smras pa/ srog gcod pa yi sdig pa spangs nas su| |sbyin pa dul ba tshangs spyod yang dag sdom/ /des dang tshul khrims yon tan rab gnas pa/ /chos de 'phags pa rnams kyis bstod pa yin/ /kun dga' bo/ /de nas rgyal po'i gzhon nu des pha de la tshigs su bcad pas smras pa/ yab cig bdag la chos gang gsungs pa de/ /rgyal srid 'dzam gling de ni rab ston pa/ /khyim pas chos de bsten par nus lags sam/ /bdag gis zhus pa de ni lung bstan gsol/ /gal te de nus lags na bdag la gsungs/ /gal te bdag gis nus na khyod kyis gsungs/ /bden pa smra ba sems can dmyal mi mchi/ /de dag ngan 'gro'ang kun tu sten mi 'gyur/ /mi bden smra ba ngan 'gror mchi bar 'gyur/ /mnar med phyin cing sdug bsngal myong bar 'gyur/ /de phyir mi bden pa dag spangs nas su/ /bden tshig bden pa bdag la gsung du gsol/ /kun dga' bo/ /de nas rgyal po phyogs rab sgrog gis rgyal po'i gzhon nu de la tshigs su bcad pa dag gis smras pa/ rgyal srid 'dzam gling de ni rab ston pa/ /chos rnams mtha' dag bsten par nus ma yin/ /dbyug pa mtshon gyis sa ni rab bstan na/ /gzhon nu gang du de la chos
313a
@#/ /'byung 'gyur/ /srog chags rnams la nga yis gnod spyo bya/ /nga yis bsgo ba myur du mi byed pa/ /de ni longs spyod 'phrog cing chad pas gcad/ /phyis kyang btson rar rab tu gzhug par bya/ /sa bzang blta ba'i phyir ni mngon par 'byung / /de tshe grong rdal pa dag skrag par 'gyur/ /rgyal po 'ong zhes skrag pa 'byung 'gyur zhing / /de dag phyogs phyogs su ni 'gro bar 'gyur/ /gang tshe nga ni chos la 'dug gyur tshe/ /lha 'di nongs pa 'byung ba'i mi lags na/ /ji ltar lhas mkhyen chad pas chod cig ces/ /nga la 'bul zhing nges par 'bul bar byed/ /nga yis nyes pa byung ba de ma shes/ /gzhan gyi don gyi phyir ni sdig pa byas/ /ci nas phyin chad nga yi bstan pa la/ /de dag sdig mi byed par rdegs chings sod/ /de la bslab nas gzhan dag byed gyur na/ /de ltar nga yi yul 'khor sdug bsngal 'gyur/ /tshar bcad nas ni de la chad pas bcad/ /de las grong rdal pa dag 'jigs par 'gyur/ /rgyal po gtum zhing mi rnams drag po yin/ /de yis 'phral du srog chags 'jigs par byed/ /gnod pa byed tshe de la snying rje skye/ /rnam par rgyal la ma chags ston par 'gyur/ /de tshe gzhon nus tshig ni thos nas su/ /phyogs rab sgrog la tshigs bcad 'di dag smras/ /skyo ba thob cing sdug bsngal gyur pa lags/ /yab
313b
cig bdag ni chos la sten par 'tshal/ /yab cig bdag 'dir rgyal srid don mi gnyer/ /gzhan gyi don gyi phyir ni sdig bgyid 'gyur/ /yab yum dang ni rgyal srid spangs nas su| |yab cig bdag ni chos yongs btsal bar 'tshal/ /yab cig gal te bdag gtong mi mdzad na/ /deng nyid bdag ni 'chi ba'i dus bgyi'o yab/ /dug btung ri las g.yang du dor bar bgyi| |mtshon gyis 'chi ba'i dus kyang bgyi 'o yab/ /rgyal pos tshig de thos nas mi dgar gyur/ /bu khyod nga tshig 'di 'dra 'di nyon cig /gzhon nu khyod kyis rtag par 'dod pa spyod/ / nga yis rgyal srid de ni bsten par bya/ /bu khyod khyim nas mngon par ma 'byung zhig /bu gcig skyed mos tshal du rtse dga' byos/ /longs spyod yangs shing mang po khyod la sbyin/ /bu khyod rab tu 'byung bas ci 'gyur snyam/ /'dod pa mdzes pa rim gyis spyad par byos/ /longs spyod zad par gyur nas rab tu byung / /'di la ji srid skyon nyung shes nas su/ /tshe thung nyid na mya ngan 'das pa bskyed/ /'dod pa bsten pas ngoms par 'gyur ma lags/ /skyon dang tha ba'i las ni skyed par bgyid/ /skyon med mngon 'byung chos ni spyad par bgyi/ /srog chags rnams la phan phyir byams pa bsten/ /dgon pa'i gnas su gcig pu gnas par bgyi/ /de las bde ba chen po 'byung bar 'gyur/ /tshul khrims gnas pas tshangs spyod zhi bar
314a
@#/ /'gyur| |de phyir dgon pa brgya ni bsten par bgyi/ /bdag gi slad bzhin yab khyod rab tu byung / /khyod la yul 'khor grong rdal ci zhig bgyi/ /gzhan gyi don du sdig pa bgyis pas ni/ /ngan song gnas shing sdug bsngal myong bar 'gyur/ /de yi tshe na 'jigs pa chen po yi/ /lcags kyi thu lum chen po gsol cig yab/ /sdig bgyis mi mnyam pa ni spyad pas na/ /sems can dmyal ba rnams su skye bar 'gyur/ /lus la lcags kyi phur bus btab nas su/ /de tshe lcags kyi sgo glegs steng nas 'joms/ /gang dag de lus kun nas 'joms pa yi/ /lcags kyi gshol dag der ni kun nas 'byung / /rab drag las can ser skya ljang gu skras/ /khas bub bum pa'i nang du rab tu 'jug/ lcags kyi gtun dag gis kyang skrag par 'gyur/ /lo grangs mang por tshor ba bzod par bgyid/ /der ni de yang 'chi dus bgyid mi 'gyur/ /sdig pa'i las kyis 'dzin par bgyid pa lags/ /las bas nas ni thar pa 'thob lags te/ /sdig pa'i las kyi 'bras bu de 'dra lags/ /gang tshe lus der 'chi ba 'byung ba'i tshe/ /me 'obs rab tu 'jigs par de dag 'jug /de dag gis ni lus de rab tu 'bar/ /de tshe rab 'jigs me yis zil gyis non/ /gang tshe me yi 'obs las thar gyur tshe/ /rab 'jigs kun 'bar kun tu
314b
rab 'bar ba'i/ /brag ri che mtho la ni 'dzeg par 'gyur/ /de tshe de dag mi gtsang 'dam du 'jug /rab 'jigs kun 'bar kun tu rab 'bar zhing / /de tshe khab 'dra'i kha yis za ba yis// de tshe lo ni bye bar zhugs nas su/ /brgya la de las 'byung bar 'gyur ba lags/ /de tshe de na'ang 'jigs pa'i mda' tshal mchis/ /der ni shin tu mchog tu sdug bsngal ltung / /ral gri'i so 'dra'i lo ma rab 'jigs pa/ /kun 'bar kun tu rab 'bar dag gis gcod/ /tshal der rab tu zhugs pa tsam gyis kyang / /phyogs bzhi dag nas rlung gi phung po 'byung / /gang phyir rlung bskyod ral gri 'khrugs nas su/ /de yis lus ni kun nas rab tu 'dral/ /gang tshe tshal de nas ni mngon byung tshe/ /der ni 'jigs pa chen po'i tshal du 'jug /de tshe ral gri'i so 'dra'i lo mas 'gums/ /spu gri'i so 'dra dag gis 'byin par 'gyur/ /ral gri'i tshal rab 'jigs par zhugs tsam gyis/ /phyogs bzhi dag nas 'jigs pa'i rlung ldang 'gyur/ /rlung bskyod de dag ral gri la mas chod/ /de tshe lus ni dum bu dum bur 'chad/ /de tshe de dag lus la gcod pa na/ /rlung gis 'phangs pa'i ral gri lhung 'gyur zhing / /lus la ral gri'i 'dab ma zhugs par 'gyur/ /de dag de na sdug bsngal tshor ba myong / /lo ni mang por sdug bsngal myong nas su/ /de dag 'gyur byed chu klung rab tshar 'jug /lo ni mang por sdug bsngal
315a
@#/ /myong nas su/ /'gyur byed chu klung tsha myur 'bab par 'jug /zab mo klong stong 'bab par bgyid pa yi/ /zangs dang lcags bskol ba ni 'bab pa der/ /mi ni gzhol bas 'bab cing 'chi bar 'gyur/ /rba klong shugs kyis 'bab pas 'chi bar 'gyur/ /rba klong chen po'i shugs kyis rab 'bab cing / /de ni 'jigs pa'i chu klung der 'jug 'gyur| |gting ma sleb par 'bab pas 'chi bar 'gyur/ /sdug bsngal de ni lta bar su zhig 'tshal/ /gang tshe rgal bar gyur pa de yi tshe/ /'gram na gnas pa'i srin po drag 'jigs pa/ /so gtsigs ljang gu dmar ser skra can gyis/ /brgyugs nas 'bros par byed pa 'dzin par 'gyur/ /bzung nas grogs po ci za bstan par gyis/ /khyod ni ci 'dod ces kyang 'dri bar bgyid/ /bdag ni zas zhig bza' bar 'tshal lags te/ /bdag ni bkres zhes tshig tu smra bar 'gyur/ /mchog rab 'jigs de dag gis myur bzung nas/ /lcags kyi sa steng du ni bor nas su/ /gang dag lus bshig nas ni sar ltung ba'i/ /lcags kyi thu lum de dag dar sbyin 'gyur/ /khong du 'bar zhing phyi rol rab 'bar bas/ /bsreg cing btso 'o zhes ni tshig tu smra/ /der ni 'gyur byed chu klung sdug bsngal ltung / /chu 'di chu grang snyam du sems par bgyid/ /phyis kyang mi gtsang 'dam du 'jug par 'gyur/ /ri dang spu gri'i so
315b
'dra de de bzhin/ /rab tu 'jigs pa'i me 'obs de de bzhin/ /yang dang yang du tshor ba de myong 'gyur/ /khyod kyi rgyal srid 'di rtag ma lags yab/ /dbang phyug yun ring rjes su 'jug ma lags| |srog dang rgyal srid de bzhin 'dod pa dang / /thams cad mi rtag ces ni rgyal bas gsungs/ /de slad bdag gi tshig bzhin mdzod cig yab/ /thams cad spangs nas mngon par 'byung bar mdzod/ /'di nas shi 'phos bde 'gro rnams su dgyes/ /sdug bsngal kun las thar par 'gyur ro yab/ /tshul khrims bsam gtan gnas shing sems rab byams/ /rab dben dgon pa zhi bar gnas par 'gyur/ /bdag dang mtshungs par su yang ma dgongs shig /der khyod tshangs pa lta bur 'gyur ba lags/ /de la de ltar rjes bstan gzhon nu ni/ /rgyal srid kun spangs yang dag rab tu byung / /phyogs rab sgrog dang ma yang de bzhin te/ /de la bar chad su yang byed pa med/ /bsam gtan bde ba rjes su spyod byed cing / /de rab byung nas chos ni yongs su btsal| |mngon par shes thob drang srong rgyal por gyur/ /'jig rten phan phyir chos ni rab tu ston/ /bdag med chos rnams rab tu bstan pas na/ /de yi sems zhi yid kyang rab tu zhi/ /de la bdag med bdag gi'ang yod ma yin/ /bdag ces chos ni nam yang dmigs ma yin/ /chos de drang srong rgyal pos bstan pas na/ /chos de thams cad ma bcings ma grol ba/ /gang
316a
@#/ /la sems can med cing bdag gi med/ /de la soms shig tshul bzhin so sor rtogs/ /drang srong rgyal po'i chos ni thos nas su/ /der ni brgya stong mang po dong bar gyur/ /de tshe rgyal po phyogs rab sgrog rab byung / /de yi bstan la ma yang rab tu byung / /drang srong thad du de dag rab byung nas/ /gang dag chos de 'dra ba byung ba dang / / chos gang de la drang srong zhugs gyur pa/ /de nyid bdag gis kyang ni thob bya snyam/ /drang srong gis ni ji ltar bstan slob cing / /'di la de kun byang chub mchog tu zhugs/ /de dag kun kyang sangs rgyas nges par gyur/ /de tshe byang chub sangs rgyas thams cad zhi/ /de tshe rgyal bu de ni gzhan zhig snyam/ /gang gis chos de rjes su bstan nas su/ /chos kun tshol zhing rab tu byung ba de'ang / /kun dga' 'di la khyod ni the tshom na/ /kun dga' khyod ni the tshom ma za zhig /de tshe de ni rgyal bu der gyur to/ /nga yis mi rnams kyi ni don chen byas| |nga yis de dag theg pa mchog la 'ang bkod/ /de tshe chos kyi 'khor lo rab bskor nas/ /nga ni nam yang brtson 'grus nyams ma gyur/ /ngas ni nam yang 'dun pa btang ma gyur| |nga yis rtag par brtan par rjes su bsgoms/ /nga yis chos de dag ni rtag par bsten/ /nga yis nam yang le lo byas ma gyur/ /nga yis byang chub thob par mi nus zhes//
316b
nga ni nam yang zhi la som nyi med/ /nga yi byang chub 'dun pa rtag par byung / /nga yis brtson 'grus dam pa rtag par bsten/ /nga yis legs bshad chos ni rtag par btsal/ /des na nga yi dga' ba bla med gyur/ /de phyir gang zhig byang chub 'dod byed pa/ /ji ltar ngas bslab de bzhin slob byed na/ /slob pa byang chub las ni nyams mi 'gyur/ /chos kyi 'khor lo dam pa bskor bar 'gyur/ /mngon par 'byung ba yang dag par brjod pa'i le'u ste/ bcu gcig pa'o// //kun dga' bo/ byang chub sems dpa' chos bzhi dang ldan na dran pa dang ldan pa yin/ rtogs pa dang ldan pa yin/ blo dang ldan pa yin/ cho ga dang spyod yul dang ldan pa yin te/ bzhi gang zhe na/ kun dga' bo/ /'di la byang chub sems dpa' chos de lta bu de dag yongs su btsal ba'i phyir brtson 'grus rtsom pa yin/ rnyed nas kyang chos de dag la sgrub pa yin/ bdag nyid kyang chos la gnas nas de nyid la skye bo mang po yang dag par 'dzin du 'jug pa yin/ yang dag par 'dzin du bcug nas kyang chos dang ldan pa'i gtam gyis rangs par byed cing yang dag par gzengs bstod pa yin no| |de nas bcom ldan 'das kyis de'i tshe tshigs su bcad pa 'di dag bka' stsal to/ /gang dag de yi bde 'dren pa'i/ /chos de dag ni yongs su tshol/ /de 'dra'i chos dag ma rnyed
317a
@#/ /par| |de ni brtson 'grus 'dor mi bya/ /de 'dra'i chos dag thos nas mang du thos pas 'jal/ /rtag tu chos la gnas shing ji skad bshad la slob/ /bdag de ji ltar gnas bzhin gzhan dag chos la dgod/ /gang dag chos 'dir gnas la ci yang 'doms mi byed/ /kun dga' bo/ gzhan yang byang chub sems dpa' ni/ bdag gis chos de dag thos nas nub par gyur na mi rung zhing / bdag gis chos kha cig chud gzan par gyur na mi rung ngo / /snyam nas chos de lta bu de dag gi don gyi phyir rtag tu chos smra ba'i rjes su 'brang ba yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang dag dge slong rtag bsnyen pa/ /de dag mang du thos par 'gyur| |chos kyi rgyal pos bkur ba yin/ /de dag 'di na nga yi rjes su 'brang / /nga la chos rnams ma thos don rnam ma shes par/ /nub par 'gyur zhing phyi nas gzhan las thos mi 'thob/ /de tshe brtson 'grus brtan por shes nas las kun 'dor/ /gang gis shes pa rnam 'phel nges pa'i chos rnams tshol/ /dge slong mkhas pa shes rab can/ / rgyal bas bkur rnams sten par byed/ /mang du thos nas yid gzhungs pa/ /de 'dra'i mdo sde tshol bar byed/ /kun dga' bo/ gzhan yang byang chub sems dpa' sems dpa'
317b
chen po ni/ ji ltar thos pa dang / ji ltar kun chub par byas pa'i chos rnams gzhan la ston par byed kyang chos las nyams pa ma yin no/ /kun dga' bo/ ji ltar na/ byang chub sems dpa' chos las nyams pa yin zhe na/ 'di lta ste/ zab mo stong pa nyid dang ldan pa'i chos de dag bstan kyang chos gos dang / bsod snyoms dang / mal cha dang / stan dang / na ba'i gsos sman dang / yo byad la gnas nas ston par byed pa yin/ zang zing sngon du btang ste ston par byed pa yin/ ci nas gzhan dag la chos de dag bstan kyang de bzhin nyid du zhugs pa ma yin te/ kun dga' bo/ de ltar na/ byang chub sems dpa' ni/ chos las nyams pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ / de 'dra'i tshe dag thos nas su/ /skye bo mang la rgyas byed kyang / /bdag nyid nyams par mi 'gyur bar/ /srog don gnyer bas ston par byed/ /de phyir legs zhes bya ba yang / /nam yang btsal bar bya ma yin/ /gzhan du snying rje don gnyar bas/ /chos kyi dam pa ston par byed/ /sems can rnams la brtse byas shing / /skye bo mang la snying rje nas/ /de 'dra'i chos ni ston par byed/ /srog chags rnams la snying brtser byed/ /gang zhig rnyed pa yongs tshol bas/ /de 'dra'i chos ni ston byed dang / /gang zhig de yis chos tshol bas/ /de ni chos las nyams
318a
@#/ /pa yin| |ji ltar bshad pa'i chos la ni/ /mkhas pa de bzhin gnas par byed/ /de ni rnyed pas nyams mi 'gyur/ /rtag tu chos ni rab tu 'dzin/ /legs par chos ni ston byed cing / /chos la yang ni rab gnas pa/ /'jig rten khams kyi sangs rgyas des/ /de la legs zhes bya ba sbyin/ /kun dga' bo/ gzhan yang byang chub sems dpa' sems dpa' chen po ni/ chos yongs su tshol bar byed pa yin te/ de ni/ chos smra ba de'i snyigs ma 'dzin pa ma yin/ nyes par gzung ba 'dzin pa ma yin/ chos kyi tshul yongs su btsal ba la rab tu gnas pa yin/ de ni/ chos la 'jug pa'i sems kyis chos yongs su tshol bar byed pa yin no/ /kun dga' bo/ ji ltar na/ byang chub sems dpa' chos kyi tshul yongs su btsal ba la gnas pa yin zhe na/ gang gi tshe mkhan po dang / slob dpon dag gi bsgo ba'i tshul la rab tu gnas pa yin/ des byas pa'ang byed pa yin/ chos gos dang / bsod snyoms dang / mal cha dang / stan dang / na ba'i gsos sman dang / yo byad rnams la spro bar spyod pa yin te/ kun dga' bo/ de ltar na/ byang chub sems dpa' chos yongs su tshol ba la gnas pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /de ni de na chos rnams tshol/ /
318b
de ni klan ka tshol mi byed/ /gzhan la ji ltar bstan pa bzhin/ /de bzhin de ni rab gnas 'gyur/ /de na chos ni yongs tshol bas/ /ji ltar bshad bzhin gnas par byed/ /dpa' bo de ni chos gnas nas/ /rtag tu chos la'ang sten par byed/ /de phyir chos ni yongs tshol bas/ /ji ltar bshad bzhin gnas par byed/ /gang zhig chos la rab gnas pa/ /de ni chos kyi dang po yin/ /ji ltar nga yis reg bzhin du/ /de nas chos la reg par 'gyur/ /chos de dag la brten nas kyang / /bla na med pa'i byang chub thob/ /nga yis gang las thos pa la/ / ston par 'du shes kun shes nas/ /rtag tu chos ni yongs tshol bas/ /chos rnams la ni gus par byas/ /gang gis nga ni lam gnas pa/ /de ni nga yi slob dpon yin/ /de ni nga yi bde 'dren pa/ /de ni nga yi mig sbyong ba'o/ /de ni nga yi ston yin pas/ /nga ni rtag par gus par gnas/ /nga ni de la brten nas su/ /'jig rten tha mar bde ba yin/ /bskal pa dag ni grangs med pa/ /bsam gyis mi khyab yangs pa na/ /sngon gyi dus su de bzhin gshegs/ /lhun po'i rgyal po byung bar 'gyur/ /lhun rgyal mya ngan 'das nas su/ /nyan thos mdzangs pa byung bar gyur/ /mkhas pa'ang yin zhing shes rab che/ /chos mang lung ni 'bog par byed/ /zab mo'i don la nges pa'ang yin/ /phung po khams la rnam par mkhas/ /'dul ba yi ni
319a
@#/ /pha rol son/ /chos mngon pa la'ang mkhas pa yin/ /bslab pa gsum po rnams la bslab/ /sangs rgyas byang chub 'dzin par byed/ /sangs rgyas lhun po'i rgyal po yis/ /de ni byin rlabs de byung gyur/ /sangs rgyas theg pa de la zhugs/ /zab mo la yang mkhas pa yin/ /mdzangs pa'i yon tan rnams kyi mtha'/ /nye bar bstan par nus ma yin/ /rgyal khyim me tog can du ni/ /tshong dpon nor chen byung bar gyur/ /longs spyod phung pos yangs pa yin/ /bsod nams gzi yis gzi brjid byas/ /mang pos mchod 'os zhes bya ba/ /de ni de na byung bar gyur/ /khrims ldan yon tan phun sum tshogs/ /bzang ldan rnam par grags pa byung / /de tshe tshong dpon bzang ldan yang / / mdzangs pa'i thad du nye bar song / /shes rab chen po thos mang des/ /de la chos ni bstan pa byas/ /grags dang ldan pa mdzangs pa las/ /de yis dam chos de thos nas/ /longs spyod phung po mtha' yas dang / /chos de thams cad gsog par byed/ /gang khyod gtong ba de 'dra ni/ /tshong dpon khyod kyis dad pa legs/ /gang thos nas ni rnam shes pa/ /de ni chos kyi gter yin no/ /de tshe tshong dpon bzang ldan yang / /mdzangs pa yi ni phyi bzhin gnas/ /lo ni mang po mi nyung bar/ /de ni de na rjes su 'brang / /chos smra ba la tshong dpon
319b
de'ang / /lo ni nyi shur rjes 'brang bas/ /de las chos rnams nyan byed pas/ /de ni nyan pas ngom pa med/ /skye bo mang po bsnyen bkur gyis/ /rtag tu spro bar zhugs gyur kyang / /de yi sems la nam yang ni/ /yongs su gdung ba byung ma gyur/ /dus tshod gcig tu mdzangs pa la/ /gser ni bye ba phrag nyi shu/ /tshang bar 'bul bar byed par gyur/ /de tshe mdzangs pa spyod par byed/ /de 'dra ba yi dus tshod du/ /de la nor gyi phung po 'gro /de 'dra'i bsnyen bkur byas pas na/ /de yi phyir yang dga' bar gyur/ /phyi nas dus tshod stong du ni/ /dge slong re re'i thad du 'gro /mdzangs pa yis ni chos smras pa/ /de dag de yi rjes su 'brang / /dus tshod der ni zhugs nas su/ /rtag tu nyi khri ri ba yi/ /chos gos gsum ni spyin par byed// 'gro ba kun tu'ang de 'dra 'o/ /dge slong re re re re yi/ /don gyi phyir ni gus byas nas/ /gnas khang gzhan dang gzhan dag ni/ /bzang ldan de ni byed du 'jug /gnas khang re re re re re yang / /bye ba nyi shu tshang ba yi/ /gser ni 'jug par byed pa yin/ /rta babs sna tshogs btsugs par gyur/ /de na dus su mdzangs pa yis/ /chos kyi dam pa bstan nas su// srog chags rnams kyi don byas te/ /der ni lus kyang bor bar gyur/ /bzang ldan yang ni spro gyur te/ /der ni lus kyang bsregs nas su/ /kun nas dpag tshad brgyad pa yi/ /
320a
@#/ /mchod rten yangs pa byas par gyur/ /mchod rten de yang rin chen byas/ /mchod rten rab gnas byas nas su/ /me tog spos dang byug rnams kyis/ /nyin dang mtshan du mchod pa byed/ /de ni tshong dpon nor chen po/ /de yang 'chi ba'i dus byas nas/ /sangs rgyas mang po mnyes par byed/ /nam yang ngan 'gror song ma yin/ /de ni dge ba'i rtsa ba des/ / bskal pa bye phrag brgyad cur ni/ /rtag tu de ni tshangs par 'gyur/ /rtag par rgyun du sangs rgyas mthong / /bskal pa bye phrag brgyad cur ni/ /rtag tu sum cu rtsa gsum gyi/ /lha yi rgyal po byas par 'gyur/ /de ni rtag tu sangs rgyas mthong / /bskal pa bye phrag brgyad cur ni/ /rtag tu 'khor los bsgyur bar gyur/ /sangs rgyas kyang ni rtag par mthong / /de mthong nas kyang bsti stang byed/ /sangs rgyas bye ba phrag mang dang / /bye ba khrag khrig phrag brgyad cu/ /de tshe tshong dpon bzang ldan zhes/ /rnam par grags pas mnyes par byed/ /der ni rgyal ba mnyes byas nas/ /mchod pa mtha' yas byas nas su/ /de tshe chos ni zhus nas kyang / /chung ma'i thad song ston par byed/ /rgyal khyim me tog can du ni/ /de tshe bzang ldan rnam par grags| |khyim bdag byung de gzhan yin snyam/ /kun dga' khyod ni sems gyur na/ /de ni de ltar blta mi bya/ /dge slong mdzangs pa chos smra ba/ /de la mchod byed gang yin pa/ /
320b
bzang ldan de ni nga yin no/ /chos ni yongs su gzung don phyir/ /nga yis de 'dra'i mchod pa byas/ /dge ba'i rtsa ba de nyid kyis/ /'dir ni byang chub de thob yin/ /mdzangs pa chos ni smra ba la| |gang dag bsod nams che byas pa'i/ /bsod nams phung po'i zad pa ni/ /nga la da dung yod ma yin/ /bsod nams grangs yod ma yin pa/ /dpag tu med pas thob pa yin/ /nga yis sangs rgyas rtag par mthong / /de dag la ni chos kyang zhus/ /nga ltar ji ltar bstan pa ltar/ /kun kyang nga la de skad ston/ /byang chub lam ni de yin gyi/ /de phyi de la bsten par byos/ / de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ /de bzhin gshegs pa dgra bcom pa yang dag par rdzogs pa'i sangs rgyas ni| 'di ltar bsod nams 'byung ba shin tu yongs su brnyes pa lags na/ bcom ldan 'das kyi sngon gyi sku rnams kyang thams cad du khyad par can du gyur pa ni/ ngo mtshar lags so/ / bcom ldan 'das/ dge slong mdzangs pa zhes bgyi ba byung bar 'gyur pa de/ bcom ldan 'das/ /yongs su mya ngan las 'das lags sam/ bcom ldan 'das kyis bka' stsal pa/ kun dga' bo/ /dge slong de ni/ da dung yongs su mya ngan las ma 'das te/ kun dga' bo/ dge slong de ni/ nga'i bstan pa 'di la byang chub sems dpa'i spyad pa spyod do/ /de nas bcom
321a
@#/ /ldan 'das la tshe dang ldan pa kun dga' bos 'di skad ces gsol to/ /bcom ldan 'das/ tshong dpon bzang ldan chos smra ba mdzangs pa la rim gro dang bsnyen bkur bgyis nas dge ba'i rtsa ba'i tshogs des de la brten nas bla na med pa yang dag par rdzogs pa'i byang chub mngon par rdzogs par sangs rgyas lags kyang / dge slong mdzangs pa da dung bla na med pa yang dag par rdzogs pa'i byang chub mngon par rdzogs par sangs ma rgyas pa ni/ ngo mtshar lags so/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ dge slong mdzangs pa ni/ ji ltar nga yang dag par zhugs pa de ltar yang dag par zhugs pa ma yin te| kun dga' bo/ dge slong mdzangs pa ni/ bde ba'i theg pas yang dag par zhugs kyi/ sdug bsngal gyi theg pas yang dag par zhugs pa ma yin la/ kun dga' bo/ 'di la nga ni| yun ring po nas sdug bsngal gyi theg pas nges par byung ba yin no/ /kun dga' bo/ nga sngon byang chub sems dpa'i spyad pa spyod pa na'ang 'di snyam du sems te/ gang gi tshe sems can rnams sdug bsngal bar gyur cing gang phal cher ngan song la gzhol/ ngan song la 'bab/ /ngan song la bab par gyur pa na/ nga de'i tshe de'i dus na bla na med pa yang dag par
321b
rdzogs pa'i byang chub tu sangs rgyas nas sems can de dag sdug bsngal rnams las yongs su thar par bya'o/ /snyam ste/ kun dga' bo/ nga ni/ yun ring po nas smon lam de skad btab bo| |kun dga' bo/ dge slong mdzangs pas ji ltar yang dag par blang ba brtsams pa dang / yang dag par blangs pa dang / don du gnyer ba dang / smon pa dang / kun dga' bo/ dge slong mdzangs pa ji tsam du yang dag par blang ba chen po de 'dra bas bla na med pa yang dag par rdzogs pa'i byang chub tu yang dag par zhugs pa ni/ dpes bstan par mi nus te/ dge slong mdzangs pa ni/ de ltar bla na med pa yang dag par rdzogs pa'i byang chub tu yang dag par zhugs la/ des ni/ ci nas bdag byang chub sems dpa'i spyad pa spyod pa na/ sems can gang dag gis mthong ba de dag thams cad theg pa chen po'am/ nyan thos dang rang sangs rgyas kyi theg pa dag gis nges par gyur cig /snyam nas dge ba'i rtsa ba bsags par byas shing byed pa'ang yin no/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ gang de'i tshe byung bar gyur pa'i dge slong mdzangs pa de 'khor 'di na mchis lags sam| bcom ldan 'das kyis bka' stsal pa/ kun dga' bo/ gang de'i tshe mdzangs pa zhes bya ba byung bar gyur pa'i dge slong ni/ 'di nyid na 'dug ste/ nga'i mdun na 'dug pa 'di yin
322a
@#/ /no| |de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ ji tsam du sems can dag pa'i 'dus pa 'di ni/ bcom ldan 'das/ ngo mtshar lags so/ /bcom ldan 'das kyis bka' stsal pa/ kun dga' bo/ de de bzhin no/ /de de bzhin te/ kun dga' bo| sems can chen po sems can dag pa rnams kyi 'khor 'dus pa de ni/ 'di lta ste/ byang chub sems dpa'i 'dus pa yin/ seng+ge'i 'dus pa yin/ bag tsha ba med pa'i 'dus pa yin/ glang po chen po'i 'dus pa yin no/ /kun dga' bos gsol pa/ bcom ldan 'das/ ci'i slad du 'di skad du 'dus pa chen po dang / seng+ge'i 'dus pa zhes bgyi lags| kun dga' bo/ ma rig pa'i mun pa chen po 'joms pa nyid kyi phyir sems can grangs med dpag tu med pa'i go cha bgos pas de'i phyir 'dus pa chen po dang / seng+ge'i 'dus pa zhes bya'o/ /kun dga' bo/ 'di lta ste/ dper na/ ri dwags kyi rgyal po seng+ge gang du gnas 'cha' bar byed pa dang / gang du gnas par byed pa'i sa phyogs de ni/ mi non pa yin te| de las gzhan pa'i ri dwags phra mo dag gis dri'ang mi bzod pas yongs su spong bar byed la/ gang gi tshe sa phyogs de gnon pa de'i tshe/ dri de la bsnams nas sa la khas
322b
bub tu bub par 'gyur ro/ /kun dga' bo/ de bzhin du gang na seng+ge chen po'i 'dus pa gnas pa'i sa phyogs de ni/ kun dga' bo/ bdud dang bdud kyi ris kyi lha rnams dang / de las gzhan pa'i sems can bdud kyis byin gyis brlabs pa rnams kyis mi non pa yin no/ /gal te gnon du zin kyang 'on kyang sdug bsngal zhing yid mi bde bas 'khor de nas phyir 'dong zhing de nyid du'ang mi snang bar 'gyur la/ bag tsha ba med pa seng+ge chen po de dag nyid kyi gzi brjid mi bzod pas de nyid nas phyir 'dong ba yin no/ /kun dga' bo/ 'di lta ste/ dper na/ ri dwags kyi rgyal po seng+ge ral pa can gzi brjid dang ldan pa de nyid lan gsum du seng+ge'i sgra sgrog pa na dpag tshad khor yug tu sgra 'byin par byed la/ de nas phyis kyang phyogs thams cad du bar de na seng+ge phal ba gang dag yod pa de dag kyang de'i tshe skrag par 'gyur na/ de las gzhan pa'i ri dwags kyi rigs kho re cung ba rnams lta ci smos shing / spos kyi glang po che gang dag yod pa de dag kyang sgra thos pas gcin rtug gtor cing 'gyes par yang 'gyur la/ gcig la gcig kyang shin tu 'bod par byed par 'gyur ro/ /kun dga' bo/ de bzhin du seng+ge chen po'i 'dus pa/ rigs btsun pa'i 'dus pa/ bag tsha ba med pa'i 'dus pa'i 'dus pa de na byang chub sems dpa' dmu rgod gang dag yod pa ni/ ming gcig bar gtogs pa yin no/ /
323a
@#/ /'di lta ste/ dper na/ seng+ge phal pa de dag ni/ seng+ge'i sgra'ang nyan par byed la/ sgra de thos nas kyang ri sul du 'jug par byed do/ /kun dga' bo/ de bzhin du byang chub sems dpa'i 'dus pa'i 'dus pa de na/ byang chub sems dpa' dmu rgod spyod lam ngan pa/ grags pa dang / sgra dang / tshigs su bcad pa lhur len pa/ bdag gi ming dang / dbyangs dang / sgra lhur len pa gang dag yod pa de dag ni/ skrag cing dngang la 'bros par 'gyur zhing / g.yang sa chen por yang ltung bar 'gyur ro/ /de ci'i phyir zhe na/ kun dga' bo/ / stong pa'i sgra dang / mtshan ma med pa'i sgra dang / smon pa med pa'i sgra ni/ de las gzhan pa'i byang chub sems dpa' dmigs pa la spyod pa/ bdag la mngon par zhen pa/ phung po la mngon par zhen pa/ khams la mngon par zhen pa/ skye mched la mngon par zhen pa/ tshul khrims la mngon par zhen pa/ ting nge 'dzin la mngon par zhen pa/ lam dang / mya ngan las 'das pa dang / 'bras bu la mngon par zhen pa/ sangs rgyas kyi byang chub kyi mya ngan las 'das pa chen po la mngon par zhen pa dag gis bzod par bya ba ma yin pa'i phyir te/ kun dga' bo/ 'di lta ste/ stong pa nyid dang / mtshan ma med pa dang / smon pa med pa'i sgra de ni/ sgra chen po yin no/ /kun dga' bo/ de ltar na/ de bzhin gshegs pas chos thams cad
323b
stong pa'o/ /zhes chos bstan kyang gang yang stong pa med do/ /gang gi'ang stong pa med do/ /gang gis kyang ston pa med do/ /gang la'ang stong pa med do/ /kun dga' bo/ /de ltar na/ de bzhin gshegs pas chos rnams mtshan ma med pa'o/ /zhes bstan kyang de dag ni/ gang yang mtshan ma med pa med do/ /gang gi'ang mtshan ma med pa med do/ /gang gis kyang mtshan ma med pa med do/ /gang la'ang mtshan ma med pa med do/ /kun dga' bo/ de ltar na/ de bzhin gshegs pas chos thams cad smon pa med pa'o/ /zhes bstan kyang gang yang thob par bya ba med do/ /gang gi'ang thob par bya ba med do/ /gang gis kyang thob par bya ba med do/ /gang la'ang thob par bya ba med do/ /kun dga' bo/ de ltar na/ de bzhin gshegs pas chos mngon du bya'o/ /zhes bstan kyang gang yang mngon du bya ba med do/ /gang gi'ang mngon du bya ba med do/ /gang gis kyang mngon du bya ba med do/ /gang la'ang mngon du bya ba med do/ /kun dga' bo/ de ltar na/ de bzhin gshegs pas chos bsgom par bya'o/ /zhes bstan kyang gang yang bsgom par bya ba med do/ /gang gi'ang bsgom par bya ba med do/ /gang gis kyang bsgom par bya ba med do/ /gang la'ang bsgom par bya ba med do/ /kun dga' bo/ de ltar na/ de bzhin gshegs pas chos rnam par bsgoms so/ /zhes bstan kyang gang yang rnam par bsgoms pa med do/ /gang gi'ang
324a
@#/ /rnam par bsgoms pa med do/ /gang gis kyang rnam par bsgoms pa med do/ /gang la'ang rnam par bsgom pa med do/ /kun dga' bo/ de ltar na/ de bzhin gshegs pas chos 'dus byas so/ /zhes bstan kyang gang yang 'dus byas med do/ /gang gi'ang 'dus byas med do/ /gang gis kyang 'dus byas med do/ /gang la'ang 'dus byas med do| /kun dga' bo/ de ltar na/ de bzhin gshegs pas chos 'dus ma byas so/ /zhes bstan kyang gang yang 'dus ma byas med do/ /gang gi'ang 'dus ma byas med do/ /gang gis kyang 'dus ma byas med do/ /gang la'ang 'dus ma byas med do/ /kun dga' bo/ de ltar na/ de bzhin gshegs pas chos rnams kun nas nyon mongs pa can no/ /zhes bstan kyang gang yang kun nas nyon mongs pa can med do/ /gang gi'ang kun nas nyon mongs pa can med do/ /gang gis kyang kun nas nyon mongs pa can med do/ /gang la'ang kun nas nyon mongs pa can med do/ /kun dga' bo/ de ltar na/ de bzhin gshegs pas chos rnams rnam par byang ba'o/ /zhes bstan kyang gang yang rnam par byang ba med do/ /gang gi'ang rnam par byang ba med do/ /gang gis kyang rnam par byang ba med do/ /gang la'ang rnam par byang ba med do/ /kun dga' bo/ chos kyi phyag rgya de ni/ chos thams cad kyi phyag rgya ste/ phyag rgya med pa
324b
yin no| |ma byas pa'i phyag rgya yin no/ /dbyer med pa'i phyag rgya yin no/ /kun dga' bo/ gang dag phyag rgya des btab pa de dang de dag ni/ byang chub sems dpa' sems dpa' chen po yin| rigs btsun pa yin/ mi'i seng+ge yin/ spyod pa gcig pa yin/ bag tsha ba med pa yin/ sgra sgrog pa yin/ gzhan mu stegs can dag skrag par byed pa yin/ bdud kyi sde 'dul bar byed pa yin/ gzhan mu stegs can dag ri sul gyi phug tu 'jug par byed pa yin/ dmigs pa can dag skrag par byed pa yin/ lhag pa'i nga rgyal can dag 'bigs par byed pa yin/ rdeg par byed pa yin/ sangs rgyas kyi sras bdud sun 'byin pa dag mngon par dga' bar byed pa yin/ chos nyid kyang rnam par 'byin pa yin/ phyogs bcur chos kyi rgyal mtshan yang sgreng bar byed pa yin/ de dag ni/ chos kyi rnga rdung bar byed pa yin/ chos kyi bcud 'thung bar byed pa yin/ legs par bshad pa'i rgyal ba'i thugs kyi sras dag tshim par byed pa yin no/ /bam po bcu bdun pa/ kun dga' bo/ 'di lta ste/ dper na/ ri dwags kyi rgyal po seng+ge ni/ rang gi gnas nas mngon par 'byung zhing lan gsum du seng+ge'i sgra sgrog pa na/ de na seng+ge'i phrug gu rigs btsun pa gang dag yod pa de dag sgra de thos nas rang gi lus mngon par ston pa yin/ bag tsha ba med pa yin/ skrag pa
325a
@#/ /med pa yin/ dga' ba yin /tshim pa yin/ phyogs bzhir rnam par lta bar byed pa yin no/ /kun dga' bo/ de bzhin du seng+ge'i 'dus pa/ bag tsha ba med pa'i 'dus pa/ ral pa chen po can 'dus pa de na/ byang chub sems dpa' sems dpa' chen po lhag pa'i bsam pa la yang dag par zhugs pa/ dge ba'i rtsa ba yongs su ma smin pa/ dbang po yongs su ma smin pa gang dag yod pa de dag ni/ sgra de thos nas kun dga' bo/ 'dus pa chen po'i 'dus pa de na dga' ba skyed par byed pa yin/ mgu ba skyed par byed pa yin no/ /kun dga' bo/ 'di lta ste/ dper na/ ri dwags kyi rgyal po seng+ge ni/ gang dang gang du 'gro'ang thams cad du gcig pu kho nar 'gro ba yin/ grogs med pa kho nar 'gro ba yin no/ /kun dga' bo/ de bzhin du byang chub sems dpa'i 'dus pa/ bag tsha ba med pa ral pa can gyi 'dus pa'i 'dus pa de na/ byang chub sems dpa'i seng+ge gang dag yod pa de dag ni/ gang dang gang du go cha gyon par byed kyang thams cad du grogs med pa kho nar go cha gyon par byed pa yin/ bdag nyid kyis sangs rgyas kyi chos rnams mngon par rdzogs par 'tshang rgya bar bya zhing / grogs med par sangs rgyas kyi chos rnams mngon du bya'o/ /snyam nas zla med pa kho nar go cha gyon par byed pa yin no/ /kun dga' bo/ 'di
325b
lta ste/ dper na/ ri dwags kyi rgyal po de nyid gang gi mngal na gnas pa yin pa de ni/ mngal gcig shos 'dzin par mi byed cing / ri dwags kyi rgyal po seng+ge lan gcig kho na de'i mngal na gnas pa yin no/ /kun dga' bo/ de bzhin du byang chub sems dpa' de dag ni/ skye ba gcig gis thogs pa/ theg pa chen po'i mngal lan gnas pa yin te/ de dag ni/ nyan thos kyi theg pa'am/ rang sangs rgyas kyi theg pas gzung bar mi nus so/ /kun dga' bo/ de ltar na/ 'dus pa de ni/ seng+ge'i 'dus pa yin/ bag tsha ba med pa'i 'dus pa yin/ ral pa can gyi 'dus pa yin no/ /kun dga' bo/ 'di lta ste/ dper na/ ri dwags kyi rgyal po seng+ge ni/ stobs dang ldan pa'am/ stobs chung du'ang rung ste/ srog chags kyi rigs gang la snun par byed kyang thams cad du bsgrims te snun pa 'byed kyi/ ma bsgrims pas ni/ ma yin no/ /kun dga' bo/ de bzhin du seng+ge'i 'dus pa'i 'dus pa de na byang chub sems dpa' ral pa can yod pa de dag ni/ chos kyi gtam ga pa dang gang byed kyang lus pa kho nar byas nas ston par byed pa yin/ 'dzin du 'jug pa yin/ rab tu rjod par byed pa yin/ gzhan dag kyang yang dag par 'dzin du 'jug pa yin te/ kun dga' bo/ /de ltar na/ de ni/ seng+ge'i 'dus ba yin/ bag tsha ba med ba'i 'dus pa yin no/ /'khor dag pa'i le'u ste/ bcu gnyis
326a
@#/ /pa'o|| //de'i tshe byang chub sems dpa' brtan pa'i blo gros 'dus par gyur te 'dug pa de stan las langs te rang gi bla gos thogs nas bcom ldan 'das la 'di skad ces gsol to/ /bcom ldan 'das/ chos kyi rnam grangs 'di legs par bshad pa'i don gyi slad du sangs rgyas bcom ldan 'das 'das pa dang / ma byon pa dang / da ltar byung ba rnams la mchod pa bgyi ba dang / byang chub sems dpa' sems dpa' chen po gang dag byang chub sems dpa'i spyod pa la yang dag par zhugs pa de dag gi sangs rgyas kyi chos yongs su rdzogs par bgyi ba'i slad du bcom ldan 'das la gos 'di tshos kyi dgab par 'bul lo/ /de nas bcom ldan 'das la byang chub sems dpa' brtan pa'i blo gros kyis bla gos de phul te bla gos gcig shos thogs nas gsol pa/ bcom ldan 'das/ slad ma'i tshe chos smra ba gang las chos kyi rnam grangs de nyan pa de la'ang de bzhin gshegs pa la gsol ba gdab pa'i slad du gos 'di 'bul lo/ /de nas byang chub sems dpa' brtan pa'i blo gros byang chub sems dpa' phug sbas kyi thad du song nas 'di skad ces smras so| |phu nu bo/ de'i phyir de bzhin gshegs pa la gsol ba gdab pa'i ched du de bzhin gshegs pa la bla gros de 'bul bar bya'o/ /de nas bcom ldan 'das la byang chub
326b
sems dpa' brtan pa'i blo gros dang / byang chub sems dpa' phug sbas gnyis ka gyur nas bla gos de phul te/ bla gos de las kyang cho 'phul rnam pa du ma snang ngo / /tshe dang ldan pa kun dga' bo dang / 'khor bzhi pos kyang cho 'phrul de dag mthong ste/ mthong nas kyang bcom ldan 'das la tshe dang ldan pa kun dga' bo sa 'di skad ces gsol to/ /bcom ldan 'das de ni/ ngo mtshar lags so/ /bde bar gshegs pa/ de ni/ rmad du byung ba lags so/ /de nas bcom ldan 'das kyis mkhyen bzhin du tshe dang ldan pa kun dga' bo la 'di skad ces bka' stsal to/ /de la ngo mtshar rmad du byung ba ci zhig khong du chud/ de nas tshe dang ldan pa kun dga' bos tshigs su bcad pa'i dbyangs kyis zhus pa/ byang chub gang zhugs dpa' bo dpa' rnams kyi/ /bsngags brjod rdzu 'phrul gyis ni mchi bgyid pa/ /sprul pa stong phrag mang po chos gos las/ /'byung ba dag ni bdag gis 'dir mthong lags/ /'jig rten mgon po de tshe chos gos las/ /chos gos stong phrag mang po bye phrag stong / /de las lhag pa byang chub sems dpa' rnams/ /thogs shing mchi bar bgyid pa bdag gis mthong 'dir mchis nas ni 'dren pa rnams la 'bul/ /rgyal ba gang dag phyogs bcu'i 'jig rten gnas/ /de dag thad du de dag cho 'phrul ston/ /de ring chos gos las ni de 'dra mthong / /
327a
@#/ /de las gang dag rgyal la chos gos 'bul/ /der ni rim gyis spyad pa spyod pa yis/ /de 'tshang rgya zhes 'jig rten mgon de dag /de tshe byang chub mchog tu lung ston mdzad/ /sems can dag pa gang dag der mchis nas/ /de tshe spyi bor rnam dag gdugs 'byung 'gyur/ /sems can de dag byang chub phyir spyod pas/ /'dir ni sangs rgyas 'byung snyam sems can sems/ /de na stong phrag mang po bye ba phrag /khrag khrig mchog tu sgra 'byin mchis lags te/ /de las chos kyi tshig rnams byung bar 'gyur/ /nam mkha' las ni sangs rgyas sgra thos lags/ /'dzam gling sangs rgyas rnams kyis khyab par mthong / /stong gsum rgyal ba rnams kyis khyab par mthong / /'dren pa de ring bdag la 'du shes byung / /slan chad bdag lus nyan thos rlom mi bgyid/ /slob dpon dpa' bo khyod kyi 'phrul 'di 'dra/ /de ring bdag gi mig rmongs dran pa rmongs/ /'phags pa'i ye shes bdag gis rnam par blta/ /khams gsum po dag thams cad stong par blta/ /stong par shes la bdag gi dran mi rmongs/ /gang gis ye shes thob pa mig mi 'tshal// bcom ldan gzhan du de la mngon bgyis pas/ /bskyed pa'i dran pa rmongs pa de ma gtogs/ /dpa' bo 'khor kyang mchog tu dga' ba skyes/ /bar snang nam mkha' la ni 'phags
327b
par gyur/ /pad+ma 'dab stong pa yis gnas pa lags/ /mkha' la pad+ma gnas pa gdugs ji bzhin/ /chos gos de la phyogs bcu'i 'jig rten na/ /gang dag ci mchis kun kyang gda' ba lags/ /'jig rten drang srong 'dren pa rgyal ba mchog /de dag rnams kyi dge 'dun rgya chen gda'/ /de la sems can dpa' bo de rab byung / /sbyin pa bsam gyis mi khyab rgya chen stsol/ /de dag byang chub don du 'dren pa bsten/ /sems can don spyod bgyid cing rab tu byung / /de tshe phyogs bcu rnams su chos ston pas/ /dpa' bo de dag der ni sprul par byung / / 'jig rten mgon po gang dag gos las mthong / /bgrang ba'ang mtha' ni gang yang mchis ma lags/ /'jig rten khams gsum gang dag gos las mthong / /sems dga' mgu zhing gus dang bcas pa lags/ /ji ltar tshangs pa dbang sgyur dbang phyug bzhin/ /rang 'od ldan zhing rdzu 'phrul stobs la mkhas/ /spobs dang ldan zhing mang du thos pa'ang lags/ / de tshe gzungs kyi sgo ni kun gyis thob/ /rgyal ba'i tshul dang mthun par 'khor lo bskor/ /zhing de dag kyang chos gos rnams kyis khyab/ /sna tshogs rin chen las byung do shal sdug / la la'i zhing du kha dog gda' ma lags/ /gang du dpa' bo mchis shing rkang bzhag nas/ /'jig rten khams 'dir rdzu 'phrul kun nas gnas/ /me tog rnams dang spos dang byug pa
328a
@#/ /dang / /rgyal mtshan ba dang rnams kyis kun nas brgyan/ /gang du dpa' bo mchis nas rkang bzhag pa'i/ /zhing de dag ni mgon po bdag gis mthong / /sa yi snying por sangs rgyas bzhugs pa dang / /de tshe chos kyi 'khor lo bskor ba mthong / /rgyal ba de dang cho 'phrul mthong nas su/ /'di na gos las rdzu 'phrul de 'dra gda'/ /'jig rten 'di na gang su lus mchis pa/ /thams cad 'dir ni lus su sprul nas su/ /srog chags rnams la sman phyir chos ston cing / /der ni byang chub slad du nges pa lags/ /de ring 'di na ngo mtshar tshul bzhin gda'/ /des kyang mthong ba de ni yid ches dga'/ /rgyal ba mkhas pas sangs rgyas 'phrul de gzigs/ /bcom ldan cho 'phrul de 'dra gda' ba lags/ / bcom ldan mi rnams kyi ni zhing rgya che/ /glo bur rnams kyi ston pa dam pa lags/ /bcom ldan skye rgu'i srid chags bde sdug bsngal/ /'bras bu chen po bskyed par 'gyur ba lags| |gal te bdag gis snyan pa bskal brjod kyang / /bskal pa stong du'ang zad bgyid rdo mi thogs/ /gang dag gos las rdzu 'phrul bsgrubs gda' ba/ /thub bas bstan 'di su yi don bgyid 'gyur/ /de ni su yi rgya chen zhing du 'gyur/ /de la su zhig byang chub spyad spyod na/ /'di ltar 'di na rdzu 'phrul dpag med gda'/ /'dren pa de ring bdag lung bstan
328b
gsol| |shing rta'i phang lo tsam gyi pad+ma brtsegs/ /ji ltar sna tshogs mdzes pa bgyis pa lags/ /ji ltar byang chub sems dpa' mang po mchis/ /phyogs bcur sangs rgyas la ni phyag 'tshal mchi/ /sangs rgyas phyag 'tshal slar yang zhing du mchi/ /de nyid nas ni slar mchis byang chub 'thob/ /rgya chen zhing de rnam par dag par 'gyur/ /rdzu 'phrul bsam gyis mi khyab gda' ba lags/ /byang chub spyad pa spyod pa dag kyang mthong / /sangs rgyas zhing 'di na ni dpa' bo gcig /gang zhig chos gos thogs nas gnas pa lags/ /ma bslab pa yis 'di la ji ltar bslab/ /gang gis sems can thams cad bde myong ba'i/ /snyoms par sbyin pa'i longs spyod mthun 'tshal ba/ /sems can kun la phan par gyur cig ces/ /sngon chad bdag gis sbyin stsal bsngos pa lags/ /mgon po don de bdag la gsung bar gsol/ /'jig rten mgon po bdag gi the tshom chod/ /smon lam 'di 'dra brtan pa'i blo gros kyi'am| |dge slong phug sbas kyi 'am su yi lags/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ byang chub sems dpa' brtan pa'i blo gros dri ba 'dri bar 'dod kyi/ dri ba lan gdab pa la khyod re zhig sdod cig dang / de'i 'og tu khyod kyi dri ba lan gdab par bya'o/ /de
329a
@#/ /nas bcom ldan 'das la byang chub sems dpa' brtan pa'i blo gros kyis 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das/ bdag phyogs 'ga' zhig zhu lags so/ /de skad ces gsol pa dang / bcom ldan 'das kyis byang chub sems dpa' brtan pa'i blo gros la 'di skad ces bka' stsal to/ /brtan pa'i blo gros/ khyod ci dang ci 'dod pa dris shig dang / ngas de dang de nyid kyi dri ba lan btab pas khyod kyi sems rangs par bya'o/ /de nas bcom ldan 'das la byang chub sems dpa' brtan pa'i blo gros kyis 'di skad ces gsol to/ /bcom ldan 'das/ sgor 'jug pa zhes bgyi na/ bcom ldan 'das/ sgor 'jug pa zhes bgyi ba de gang lags/ bcom ldan 'das/ de bzhin gshegs pas de'ang bshad par gsol/ gang dag sgo'i tshig dag la zhugs pa'i byang chub sems dpa' de dag kyang bshad par gsol/ chos de dag gi 'jug pa de'ang bshad par gsol/ chos mchog de dag gang zhig lags/ de dag 'jug pa ji lta bu/ /de dag sgo yang ci 'dra lags/ /'dren pa de bzhin bshad par gsol/ /chos la zhugs nas ji lta bur/ /byang chub 'byung bar 'gyur ba lags/ /
329b
ji ltar chos ni bstan pa nas/ /spobs pa chad par mi 'gyur lags/ /chos de dag ni ga las mchis/ /de dag gang du gnas pa lags/ /de dag ji ltar mi rmongs shing / /chos rnams la ni dran pa 'jug /ci nas de dag zhugs 'gyur ba'i/ /'jug pa'i mtshan nyid bshad du gsol/ /zhugs pa rnams kyi chos gang dag /mngon du 'gyur ba bshad par gsol/ /de dag ji ltar mi rmongs shing / /chos la dran 'byung 'dren pa po/ /bskal pa grangs ni ma mchis par/ /spobs pa chad par mi 'gyur lags/ /de dag dmigs pa ci 'dra zhig /rten kyang ci 'dra ba zhig lags/ /gang gis smra ba de dag gi /mthar 'gyur ma mchis 'dren pa po/ /ji ltar sngon chad de dag gis/ /sbyin pa stsal nas zhi bar bsngos/ /gang gis gzi brjid ldan rnams kyi/ /spobs pa skye dang 'jal bar 'gyur/ /ji lta bur ni tshul khrims bsrungs/ /ji lta bur ni tshul khrims bsten/ /ji lta bur ni tshul khrims bsngos/ /gang de khrims kyis ma song lags/ /ji lta bur ni bzod pa bsgoms/ /ji lta bur ni bzod pa bsten/ /gang gis de dag ma skyes mtha'/ /bla na ma mchis rjes su thob/ /ji lta bur ni brtson 'grus brtsams/ / ji lta bur ni brtson 'grus bsten/ /gang gis sangs rgyas byang chub dang / /bral bar ma gyur 'dren pa po/ /ji lta bur ni bsam gtan bskyed/ /ji lta bur ni bsam gtan bsten/ /
330a
@#/ /chos gang la ni bsam gtan bgyid/ /gang gis spobs pa bskyed pa lags/ /ji ltar de dag shes rab bsgoms/ /ji lta bur ni shes rab bsten/ /ji ltar de dag ye shes 'jug /ji ltar spobs pa chad mi 'gyur/ /bla med tshul la gnas pa lags/ /yang dag chos rnams ston pa lags/ /zab cing zhi ba stong pa yi/ /byang chub de dang su zhig nye/ /ji ltar mdo sde sna tshogs gzung / /sna tshogs don la rnam nges lags/ /yang dang yang du'ang ston bgyid lags/ /zhu ba de ni lan stsal gsol| |sems can rnams kyi the tshom gcod/ /de ni bdag gis ston la zhu/ /ma mchis pa yi dus na ni/ /chos smra ba ni 'byung bar 'gyur/ /ji ltar de la'ang gnas par bgyi| |'dren pa ji ltar gnas nas su/ /ji ltar chos ni bzung nas su/ /ji ltar chos ni yongs su 'dzin/ /'jig rten mgon po mi mchog gis/ /zhus pa de ni bdag la ston/ / phyi ma'i dus na ji lta bur/ /srog chags rnams kyi the tshom gcad/ /de skad ces gsol pa dang / bcom ldan 'das kyis byang chub sems dpa' sems dpa' chen po brtan pa'i blo gros la 'di skad ces bka' stsal to/ /brtan pa'i blo gros/ khyod de bzhin gshegs pa la don de yongs su 'dri bar sems pa ni/ legs so/ /legs so/ /'di ltar
330b
khyod kyis ni/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba byas so/ /de bzhin gshegs pa de dag la'ang yongs su zhus so| |brtan pa'i blo gros/ ngas ni/ 'das pa'i dus bskal pa grangs med pa na nam mkhas yongs su zin pa'i sa phyogs 'di nyid du sangs rgyas stong phrag drug cu rtsa brgyad la khyod kyis zhu ba gang zhus pa dang / de bzhin gshegs pa dgra bcom pa yang dag par rdzogs pa'i sangs rgyas rnams la khyod kyi zhu ba de zhu ba na'ang sems can mang po dpag tu med pa'i don du gyur par mngon par shes so/ /brtan pa'i blo gros/ de lta bas na/ rnam grangs nges khyod kyis 'di ltar rig par bya ste/ brtan pa'i blo gros/ sngon byung ba 'das pa'i dus bskal pa grangs med bar gyur pa na/ de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer ces bya ba 'jig rten du byung ste| de bzhin gshegs pa de'i tshe'i tshad ni/ bskal pa phyed thub par gyur to/ /bcom ldan 'das de gang dag dang thabs cig tu ljongs rgyu ba mdzad pa dang / gang dag dang thabs cig tu dbyar gnas par dam bca' bar mdzad pa de'i dgra bcom pa zag pa zad pa dag ni/ bye ba phrag bdun cu tshang bar byung bar gyur to/ /brtan pa'i blo gros/ de'i dus na dzam+bu'i
331a
@#/ /gling de ni/ yangs shing rgya che ste/ dpag tshad khrag khrig 'bum phrag bdun cu par gyur ro/ /de'i dus na rgyal po rgyal rigs spyi bo nas dbang bskur ba/ mtha' bzhir rnam par rgyal ba srung ba/ chos dang ldan pa/ chos kyi rgyal po gling bzhi pa'i 'jig rten gyi khams kyi dbang phyug 'khor los bsgyur ba ma smad pa'i bsod nams dbang phyug ces bya ba byung bar gyur to| |de'i dus na dzam+bu'i gling der grong khyer che zhing rgya che ste/ chur ni/ dpag tshad bzhi bcu pa/ zheng du ni/ dpag tshad sum cu pa/ 'byor pa rgyas pa/ bde ba/ lo legs pa/ nyams dga' ba/ skye bo dang mi mang pos gang ba bye ba phrag brgyad cu byung bar gyur to/ /brtan pa'i blo gros/ rgyal po ma smad pa'i bsod nams dbang phyug de'i dzam+bu'i gling gi dbus su gang du rgyal po ma smad pa'i bsod nams dbang phyug gnas 'cha' bar byed pa'i rgyal po'i pho brang 'khor chen po khor khor yug tu dpag tshad brgyad cu yod pa gru bzhi lham pa/ rgyar dpag tshad phyed phyed kyang mig mang ris su bris pa zhig byung bar gyur to/ /brtan pa'i blo gros/ rgyal po'i pho brang 'khor de'i ming ni/ bde ba can zhes bya bar gyur to/ /rgyal po'i pho brang 'khor der sems can de dag gis longs spyod pa'i phyir bdag gi med cing yongs su 'dzin pa med pa'i skyed mos tshal khor yug tu stong phrag bdun cu byung bar gyur to/ /brtan pa'i blo gros/ rgyal po
331b
ma smad pa'i bsod nams dbang phyug de'i rgyal po'i pho brang 'khor dpag tshad brgyad cu pa de ji tsam du che bar skyed mos tshal chen po zhig byung bar gyur te/ skyed mos chal chen po de ni/ shing ta la'i phreng ba rim pa bdun gyis bskor bar gyur cing dril bu g.yer ka'i dra ba rim bdun dang / rta babs rim bdun dang / ra ba rim bdun dang / 'obs rim bdun gyis khor yug tu bskor bar gyur ro| |brtan pa'i blo gros/ de'i tshe de'i dus na de bzhin gshegs pa rin po che mngon du 'phags pa'i 'od zer de dgra bcom pa bye ba phrag bdun cu'i dge slong gi dge 'dun chen po dang thabs cig tu rim gyis yul rgyu bas rgyu zhing rgyal po'i pho brang 'khor du byon par gyur te/ brtan pa'i blo gros/ de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer dge slong bye ba phrag bdun cu dang thabs cig tu rim gyis yul rgyu ba rgyu zhing rgyal po'i pho brang 'khor du byon nas de rgyal po'i pho brang 'khor de'i skyed mos tshal zhig na bzhugs so/ /zhes rgyal po ma smad pa'i bsod nams dbang phyug gis thos so/ /brtan pa'i blo gros/ de nas rgyal po ma smad pa'i bsod nams dbang phyug de de bzhin gshegs pa rin po che mngon du 'phags pa'i 'od zer ga la ba der song ste phyin nas/ bcom ldan 'das de'i zhabs la phyag btsal te phyogs
332a
@#/ /gcig tu 'dug go /brtan pa'i blo gros/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer gyis rgyal po de'i bsam pa thugs su chud nas byang chub sems dpa'i sde snod kyi chos kyi rnam grangs sems can thams cad kyi the tshom gcod pa de yang dag par rab tu bstan to/ /des de thos nas yid rangs shing rab tu dga' bar gyur te/ dga' ba dang yid bde ba skyes par gyur to/ /de nas de 'di snyam du sems te/ de bzhin gshegs pa rin po che mngon du 'phags pa nges longs spyad pa'i phyir rang gi skyed mos tshal de shin tu legs par brgyan la bdag gis legs par dbul gor ma chag go /snyam nas brtan pa'i blo gros| longs spyad par bya ba'i phyir rgyal po des skyed mos tshal de phul lo/ /gtsug lag khang bye ba phrag brgyad cu dang / 'chags bye ba phrag bdun cu'ang byed du bcug go /khri'u bye ba phrag bdun cu'ang byed du bcug go /kun dga' ra ba bye ba phrag bdun cu'ang rim gro ba dag dang bcas par phul te/ phul nas kyang bcom ldan 'das de ga la ba der song ste phyin nas/ de bzhin gshegs pa de la 'di skad ces gsol to/ /bcom ldan 'das kyis bdag la thugs brtse ba'i slad du dge slong gi dge 'dun dang thabs cig tu sang
332b
gdugs tshod la gshegs par gnang bar mdzad du gsol/ brtan pa'i blo gros/ de nas rgyal po des bcom ldan 'das de cang mi gsung bar gyur pas gnang bar rig nas zhabs la phyag btsal te song nas de'i mtshan mo 'khor los bsgyur ba'i zas lta bu mang ba dang / bsod pa g.yos byed du bcug nas/ de'i mtshan mo 'das pa dang bcom ldan 'das de'i thad du song nas gdugs tshod la bab pa gsol to/ /brtan pa'i blo gros/ de nas de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer de snga dro'i dus kyi tshe sham thabs dang chos gos mnabs/ lhung bzed bsnams te dge slong gi dge 'dun gyis mdun du bdar nas rgyal po ma smad pa'i bsod nams dbang phyug gi khyim ga la ba der gshegs te byon nas gdan bshams pa la bzhugs so/ /dge slong de dag kyang stan ji ltar bshams pa la 'khod do/ /brtan pa'i blo gros/ de nas rgyal po ma smad pa'i bsod nams dbang phyug gis bcom ldan 'das de bzhugs pa dang / dge slong gi dge 'dun 'khod par rig nas rang gi lag gis gus par byas te/ mang zhing bsod pa'i zas ji ltar bsdogs pas tshim par byed cing bstabs so/ /des bcom ldan 'das de la rang gi lag gis gus par byas te tshim par byas shing bstabs nas/ gsol zin cing sde 'gyu phyag bcabs par rig nas/ bcom ldan 'das dang / dge slong gi dge 'dun
333a
@#/ /la so sor chos gos gsum gsum sku lus la gsol to/ /bcom ldan 'das dang / dge slong gi dge 'dun de la sku lus la gsol te/ gser gyi ril ba b+h+ring+ga ra thogs nas bcom ldan 'das de ga la ba der song ste phyin nas/ bcom ldan 'das kyi phyag tu chu phul te gsol pa/ bcom ldan 'das/ bcom ldan 'das la skyed mos tshal 'di dang / gtsug lag khang 'di dag dang / 'chag sa 'di dag dang / gzims cha 'di dag dang / khri'u 'di dag dang / kun dga' ra ba 'di dag 'bul lags so/ /rim gro dang / bsnyen bkur bgyi ba'i slad du bdag nyid kyang 'bul lags so/ /brtan pa'i blo gros/ de nas rgyal po des de'i rjes la de bzhin gshegs pa de la rim gro dang / bsnyen bkur byas shing chos mnyan pa'i phyir yang nyin gcig bzhin du gus par byas nas song ngo / /brtan pa'i blo gros/ de nas rgyal po ma smad pa'i bsod nams dbang phyug des bcom ldan 'das de la bskal pa phyed du rim gro byas shing / de bzhin gshegs pa de la gnas dang gnas ma yin pa dag kyang yongs su dris so/ /de'ang yongs su 'dri zhing / bcom ldan 'das de'ang lan ldon pa na sems can grangs med dpag tu med pa'i don byas so/ /brtan pa'i blo gros/ de'i tshe de'i dus na rgyal po ma smad pa'i bsod nams dbang phyug ces bya ba byung ba de gzhan zhig yin pa snyam du khyod som nyi'am yid gnyis za bar
333b
gyur na| khyod kyis de ltar blta bar mi bya'o/ /de ci'i phyir zhe na/ brtan pa'i blo gros/ rgyal po ma smad pa'i bsod nams dbang phyug ces bya ba byung ba de khyod nyid yin pa'i phyir ro/ /brtan pa'i blo gros/ ngas ni| 'das pa'i dus na chos kyi rnam grangs de nyid yongs su dri ba'i phyir gang la khyod kyis bla na med pa'i rim gro dang bsnyen bkur byas pa'i sangs rgyas stong tshang ba byung bar mngon par shes so// brtan pa'i blo gros/ yang gang khyod kyis chos kyi sgo sgrub pa smras pa de dang / ji ltar chos kyi sgo mngon par sgrub pa khyod la bstan par bya'o/ /brtan pa'i blo gros/ de la chos kyi sgo zhes bya ba ni/ gnas dang / gzhi rnams yin te/ de dag ni/ sems pa med pa/ mtshan ma med pa/ rtsol ba med pa/ dag pa/ rnam par dag pa/ yongs su dag pa/ brjod du med pa/ yi ge med pa/ yi ge las rnam par log pa/ bstan du med pa dag yin no/ /brtan pa'i blo gros/ yang chos ni/ snang bar mi 'gyur zhing / chos ni/ shes pas rnam par rig par bya ba ma yin no/ /brtan pa'i blo gros/ yang chos kyi sgo zhes bya ba ni/ de bzhin gshegs pas mdzad pa gang gis mya ngan las 'das pa rab tu mkhyen pa ste/ ji ltar rab tu mkhyen pa dang / gang gis rab tu mkhyen pa de ni/ ngas rnam par rig par bya mi nus so/ /brtan pa'i blo gros/ chos de dag ni/ rnam par rig par bya ba ma yin zhing gdags pa ma yin pa dag go /brtan pa'i blo gros/ yang gang la lar gdags pa'i lam de ni/
334a
@#/ /chos kyi sgo yin no/ /brtan pa'i blo gros/ chos thams cad ni/ ro gcig pa'i phyir rgya mtsho'i rgyas btab pa yin no/ /brtan pa'i blo gros/ chos thams cad ni/ mi zad pa'i mu can yin zhing mi zad pa'i mtha' can yin pa'i phyir zad mi shes pa yin no/ /brtan pa'i blo gros/ chos thams cad ni/ gang ba dang bri ba med pas mi zad pa nyid du gyur ba ste/ des na de bzhin gshegs pa ni/ zad mi shes pa'i sgo sgrub pa'ang 'dogs par mdzad do/ /ston par mdzad/ rab tu 'jog par mdzad do/ /chos thams cad ni/ a zhes bya ba'i sgo can te/ a zhes bya ba la 'jug pa ni/ rnam pa med pa'i sgo gdags pa'i bshad pa'i gnas so/ /de mngon par sgrub pa ni/ mtshams sbyor bar byed pa'o/ /de la mtshams sbyor ba'i yi ge dag gis a zhes bya ba ma byas te/ de'i phyir chos ni/ a zhes bya ba zhes bya'o/ /de ni/ a zhes bya bas rnam par rig par byed cing / rnam par rig pa de'ang de'i mtshams sbyor ba'i tshig dang yi ge dag dang ldan par yongs su rdzogs par byed do/ /des na de bzhin gshegs pas 'di skad du chos thams cad ni/ a zhes bya ba'i sgo can no/ /zhes gsungs so/ /sgo de gang dag gi yin pa'i chos de dag kyang gang zhe na/ brtan pa'i blo gros/ chos de dag ni/ ma byas pa'o/ /ma byas pa ni/ rnam par rig pa ma yin pas ma btags pa/ rnam par rig pa ma yin par rnam par rig pa/ brjod du med
334b
par brjod pa/ mngon par brjod du med par mngon par brjod pa/ zad mi shes par zad pa dag go /brtan pa'i blo gros/ de ltar na/ a zhes bya ba ni/ chos thams cad kyi las byed pa yin no/ /rigs kyi bu'am rigs kyi bu mo sgo gang la zhugs pas ye shes zad mi shes shing / spobs pa zad mi shes par 'gyur ba'i sgo de ni/ a zhes bya ba'i sgo'o/ /brtan pa'i blo gros/ mi zad pa ni/ zad pa las 'das pa'o/ /brtan pa'i blo gros/ gang la gdags pa med/ rnam par rig pa med pa ni/ zad pa yin te/ gang dag rnam par rig pa ma yin par rnam par rig par byas pa de dag ni/ rnam par rig par byas pa ma yin zhing / gang dag btags pa de dag ni/ ma btags pa ste/ brtan pa'i blo gros/ des na sgo de ni/ zad pa zhes bya'o/ /sgo de gang gi yin zhe na/ chos de dag gi sgo'o/ /gang dag gi zhe na/ gang dag de bzhin gshegs pas ma brnyes ma dmigs pa'o/ /brtan pa'i blo gros/ sgo zhes bya ba ni/ phyir mi ldog pa ste/ 'jug pa de ni/ chos thams cad kyi yin no/ /mngon par brjod pa thams cad kyang mngon par brjod du med pa yin/ dag thams cad kyang mi zad pa'i ngag yin/ dag thams cad kyang de bzhin gyi ngag yin/ gzhan ma yin pa'i ngag yin/ rnam par rig pa thams cad kyang rnam par rig pa ma yin pa yin te/ brtan pa'i blo gros/ 'di ni/ rdo rje'i tshig go /ci'i phyir rdo rje'i tshig ces bya zhe na/ gang la'ang nam yang dbyer med cing gang la'ang dbyer med pa de la byed pa po gang yang med la
335a
@#/ /gang la byed pa po gang yang med pas des na rdo rje'i tshig ces bya'o/ /chos thams cad ni/ las med pa ste/ gang las med pa nyid de la ni/ rnam par smin pa gang yang med la/ gang la rnam par smin pa gang yang med pas des na/ chos thams cad ni/ las med pa/ rnam par smin pa med pa zhes bya'o/ /chos kyi phyag rgya de ni/ gang la lar de bzhin gshegs pas las kyi rnam par smin pa bstan pa de'i tshe na chos kyi phyag rgya des bstan pa'o/ /phyag rgya de ni/ ma byas pa dang / dbyer med par khong du chud par bya'o/ /brtan pa'i blo gros/ rigs kyi bu'am/ rigs kyi bu mo las kyi rnam par smin pa la 'jug par 'dod pas ni/ de ltar 'jug par bya'o/ /brtan pa'i blo gros/ chos thams cad ni/ nam mkha' la 'jug pas 'ong ba med pa/ 'gro ba med pa yin no/ /brtan pa'i blo gros/ de bzhin gshegs pas ni/ sgo de la brten nas sems can rnams kyi 'chi 'pho dang skye ba rab tu mkhyen to/ /brtan pa'i blo gros/ rigs kyi bu'am/ rigs kyi bu mo 'chi 'pho dang skye ba la 'jug par 'dod pas ni/ phyag rgya de la 'jug par bya'o/ /brtan pa'i blo gros/ 'di ni/ chos rnams kyi yi ge med pa'i phyag rgya yin no/ /gdags pa med pa'i phyag rgya yin no/ /brtan pa'i blo gros/ de bzhin gshegs pa dgra bcom pa yang dag par rdzogs pa'i sangs rgyas kyis ji tsam du mngon par brjod pa thams cad ni/ phyag rgya des mngon par brjod par mdzad cing phyag rgya de nyid mngon par brjod par mdzad do/ /brtan pa'i
335b
blo gros| lus thams cad ni/ de bzhin gshegs pa'i sku'o/ /de ci'i phyir zhe na/ 'di ltar sku de ni/ lus kyi sku yin zhing / de bzhin gshegs pa ni/ phyag rgya des sems cad rnams kyi lus mngon par sgrub pa ston par mdzad pa'i phyir ro/ /brtan pa'i blo gros/ phyag rgya gang gis btab pa'i lus kyi phyag rgya de ni/ lus thams cad kyi gdags pa'o/ /brtan pa'i blo gros/ gang la lar lus mngon par sgrub pa de thams cad ni/ phyag rgya des btab pa yin zhing / de bzhin gshegs pa ni/ phyag rgya de nyid mngon par sgrub par mdzad do/ /brtan pa'i blo gros/ chos thams cad ni/ 'jug pa med pa'i phyir sgo med pa yin no/ /brtan pa'i blo gros/ chos thams cad ni/ 'gro ba med pa'i phyir 'jug pa med pa yin no/ /brtan pa'i blo gros/ chos thams cad ni/ 'jug pa med pa nyid kyi phyir 'gro ba med pa yin no/ /brtan pa'i blo gros/ de bzhin gshegs pa ni/ gang dang gang nas chos ston pa de dang de nas chags pa med pa'i mu dang ldan pa kho na dag ston par mdzad cing sems can thams cad kyi mu de nyid kyang rab tu mkhyen te/ mu de ni/ de lta bu yin no/ /brtan pa'i blo gros| chags pa med pa'i mu zhes bya ba ni/ mtha' yas pa'i mu ste/ sems can thams cad ni/ ya ma brla'i mur bstan pas de lta bu'i mu can yin no/ /brtan pa'i blo gros/ gang du chos thams cad kyi sgo mu'i sgo des mu'i sgo yin pa de thams cad ni/ chos kyi phung po yin la chos kyi phung po'ang phung po med pa ste/ de ltar phung po de dag ni/ phung po med pa yin zhing / phung po de dag ni/ chos kyi phung po'ang yin no/ /brtan pa'i
336a
@#/ /blo gros/ de bzhin gshegs pa ni/ gang dang gang nas phung po dag ston pa de dang de nas chos kyi phung po'i sgo mu des ston par mdzad do/ /gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ste/ phung po rnams ni/ phung po med pa yin no/ /'di ni/ phung po rnams kyi rnam pa'i sgo bstan pa'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po brtan pa'i blo gros kyis 'di skad ces gsol to/ /bcom ldan 'das /chos rnams kyi 'jug pa de ni| zab lags so/ /bcom ldan 'das kyis bka' stsal pa/ brtan pa'i blo gros/ de bzhin gshegs pa ni/ 'di snyam du 'di ni/ zab pa'o/ /'di ni/ gsal ba'o/ /snyam du mi dgongs te/ brtan pa'i blo gros/ de bzhin gshegs pa ni/ cung zad cig ston par mdzad do/ /gsol pa/ ji ltar byis pa rnams kyis bzung ba de ltar ni/ ston par mi mdzad kyi/ ji ltar mkhas pa rnams kyis kun 'tshal ba de ltar gsungs te/ de bzhin gshegs pa ni/ de ltar chos ston par mdzad lags so/ /brtan pa'i blo gros/ de bzhin gshegs pa ni/ ji ltar rab tu shes pa de ltar ston par mi byed| 'dogs par mi byed/ rab tu 'jog par mi byed do/ /de ci'i phyir zhe na/ brtan pa'i blo gros/ chos thams cad ni/ de ltar mkhas pa rnams kyis kun shes pa yin zhing / ji ltar byis pa rnams
336b
kyis bzung ba de ltar ni/ yi ge'i rnam par rig pa yin la/ yi ge de dag kyang yi ge med pa yin pas bstan pa med pa'i phyir ro/ /gzhan yang bcom ldan 'das kyis brtan pa'i blo gros la bka' stsal pa| brtan pa'i blo gros/ chos thams cad ni/ nyi ma'i dkyil 'khor gyi snang ba yin no/ /brtan pa'i blo gros/ gang dang gang nas chos la tshul bzhin du so sor rtog pa de dang de nas mtha' yas pa'i mu can kho nar snang ste/ de ltar de dag ni/ chos kyi snang ba yin no/ /brtan pa'i blo gros/ chos thams cad ni/ kun nas snang ba dang sgrib pa med pa'i phyir 'od gsal ba yin no/ /brtan pa'i blo gros/ chos thams cad ni/ gang gis kyang ma bsgribs pa'i phyir sgrib pa med pa yin no/ /brtan pa'i blo gros/ chos thams cad ni/ bla gab med pa dang mtshungs pa'i phyir ma bsgribs pa yin no/ /brtan pa'i blo gros| gang na gnyis gdags pa dang / gnyis 'dzin sa de la de bzhin gshegs pa'i spyan sgrib pa med pa 'jug go /brtan pa'i blo gros/ de bzhin gshegs pas mig gis chos thams cad rab tu shes shing ji ltar rab tu shes pa de ltar sgrib pa med par rab tu shes pa 'di ni/ mig gi chos yin no/ /brtan pa'i blo gros/ rigs kyi bus gang la brten nas don la nges par rtog pas brjod pa 'byung ba dang / zab mo bstan pa'i brjod pa 'byung ba dang / ma chags pa'i brjod pa 'byung ba'i chos thams cad kyi sgo de ni/ sgrib pa med pa'i sgo yin no/ /gzhan yang bcom ldan 'das kyis byang chub sems dpa'
337a
@#/ /brtan pa'i blo gros la bka' stsal pa/ brtan pa'i blo gros/ chos thams cad ni/ chags pa med cing chags pa dang bral ba'i phyir rdul dang bral ba yin no/ /brtan pa'i blo gros/ chos thams cad ni/ phan 'dogs pa med pa'i tshul gyis yongs su ma bzung ba yin no/ /brtan pa'i blo gros/ chos thams cad ni/ dngos po dmigs su med pas mtha' yas mu med pa yin no/ /brtan pa'i blo gros| gang dang gang du yi ge'i bstan pa ston pa de dang der ni/ chos thams cad yi ge med pa kho nar ston pa yin no/ /brtan pa'i blo gros/ chos de dag gi mthar thug pa med pa dang / mthar thug pa med pa bstan pas ji ltar su zhig yi ge med pa'i sgo de la 'jug ste/ 'di ni/ de'i 'jug pa yin no/ /'jug pa de ni/ chos gang gi yang 'jug pa ma yin no/ /brtan pa'i blo gros/ de bzhin gshegs pas ni| ting nge 'dzin gyi sgo sgrub pa gsungs te/ ting nge 'dzin gyi sgrub pa'ang gang zhe na/ brtan pa'i blo gros/ chos thams cad bkod pa tshul gcig pa zhes bya ba'i ting nge 'dzin yod do/ /bkod pa du ma zhes bya ba'i ting nge 'dzin yod do/ /de la bkod pa gcig pa zhes bya ba'i ting nge 'dzin gang zhe na/ brtan pa'i blo gros/ 'di la byang chub sems dpa' sems dpa' chen pos 'jig rten gyi khams ga ge mo zhes bya ba na de bzhin gshegs pa che ge mo zhes bya ba chos ston to/ /zhes de bzhin gshegs pa gcig gi mtshan thos par byed do/ /de de bzhin gshegs pa de'i mtshan thos nas mtshan ma'i
337b
sgo nas legs par 'dzin par byed/ mtshan ma'i rnam pa mdun du byed/ mngon du byed do/ /de de bzhin gshegs pa byang chub kyi snying po mchog na bzhugs pa'am/ bla na med pa yang dag par rdzogs pa'i byang chub mngon par rdzogs par sangs rgyas pa'am/ chos kyi 'khor lo bskor ba'am/ nyan thos kyi tshogs kyis yongs su bskor ba'am/ chos ston pa 'ba' zhig dran pa rnam par mi g.yeng ba dang / dbang po mi rgod pa dag dang / yid phyi rol tu ma song bas yid la byed do/ /de de bzhin gshegs pa de'i mtshan ma rjes su dran pas 'jig rten gyi khams la dmigs pa mdun du byed do/ /de de bzhin gshegs pa la dmigs pa dang / 'jig rten gyi khams la dmigs pa'ang 'di lta ste/ dmigs pa med pa nyid kyis dmigs pa gcig pa nyid du rtogs par byed do/ /de de ltar gnas shing sbyor ba de rjes su mi gtong bas de bzhin gshegs pa'i sku mngon du 'gyur ro/ /de chos ston pa yid la byed pas zab pa dang / gsal ba dang / don dang tshig 'bru'i sgo nas ji lta ji ltar mos pa de lta de ltar yang mdun du byed do| |de ting nge 'dzin de la gnas nas dngos po thams cad rnam par 'jig pa nyid kyis de bzhin gshegs pa'i chos bstan pa nyan par byed do/ /de chos bstan pa de dag kun len par byed cing 'dzin par byed do| |blangs shing bzung nas kyang ting nge 'dzin de las langs nas 'khor bzhi po dag la chos ston te/ 'jug pa de dang / dmigs pa de ni/ 'di lta ste/ bkod pa gcig pa'i ting nge 'dzin mngon
338a
@#/ /par sgrub pa yin no/ /brtan pa'i blo gros/ gzhan yang byang chub sems dpa' ni/ yang dmigs pa de nyid rnam par 'jig par byed cing / bdag nyid kyi lus kyang rnam par 'jig par byed do/ /de dngos po thams cad rnam par 'jig pa nyid kyis bkod pa gcig pa'i ting nge 'dzin la 'jug par byed do/ /de de las langs nas kyang yang 'khor bzhi po dag la chos ston par byed de/ brtan pa'i blo gros/ 'di'ang bkod pa gcig pa'i ting nge 'dzin mngon par sgrub pa yin no/ /brtan pa'i blo gros/ gzhan yang byang chub sems dpa' ni/ de bzhin gshegs pa'i sku la dmigs pa de nyid la 'di ltar so sor rtog par byed do/ /de bzhin gshegs pa'i sku de ga las 'ongs/ bdag kyang gang du song zhig gu snyam nas/ de de bzhin gshegs pa'ang ma 'ongs par rab tu shes shing / bdag nyid kyang ma song bar rab tu shes so/ /de 'di snyam du sems te/ chos thams cad ni/ 'ong ba med pa'o/ /'gro ba med pa'i snyam mo/ /de de ltar gnas shing de ltar brtson pas ring po mi thogs par chos kyi mig sgrib pa med pa thob bo/ /chos kyi mig sgrib pa med pa de thob nas de bzhin gshegs pa yin te/ chos kyi sgo gang gis ma chags pa'i spobs pa nyid 'thob pa'i chos kyi sgo mngon du byed do/ /de chos kyang ston par byed la chos de dag
338b
kyang yang dag par rjes su mi mthong ngo / /brtan pa'i blo gros/ 'di lta ste/ dper na/ 'das pa'i dus la de bzhin gshegs pa'i ye shes ma chags pa 'jug kyang lus rnams la de bzhin gshegs pa'i ye shes thogs pa'ang med do/ /'das pa'i dus la dmigs pa'i sgo nas de bzhin gshegs pa'i ye shes kyang mi 'jug cing 'das pa'i dus la de bzhin gshegs pa'i ye shes mi 'jug kyang / 'das pa'i dus la de bzhin gshegs pa ni/ ye shes mnga' ba nyid de/ 'das pa'i dus la de bzhin gshegs pa'i dmigs pa'i lus rjes su 'jug pa'ang ma yin no/ /ma 'ongs pa dang / da ltar byung ba la'ang de dang 'dra'o/ /brtan pa'i blo gros/ de bzhin du byang chub sems dpa' de ni/ bkod pa gcig pa'i ting nge 'dzin de la gnas nas chos kyang ston par byed la/ chos de dag kyang yang dag par rjes su mi mthong ngo / /de shin tu bsgoms pas ting nge 'dzin de la gnas nas 'jig rten gyi khams gang na bzhugs par 'gyur zhing / byang chub kyi snying po na bzhugs pa'am/ bla na med pa yang dag par rdzogs pa'i byang chub mngon par 'tshang rgya ba'am/ chos kyi 'khor lo bskor ba'am/ chos ston pa'i de bzhin gshegs pa gnyis pa yid la byed/ dmigs par byed/ mngon du byed do/ /de de bzhin gshegs pa'i chos bstan pa de'ang kun len par byed/ 'dzin par byed do/ /de de bzhin
339a
@#/ /gshegs pa la dmigs pa snga ma de'ang dmigs par byed cing / de bzhin gshegs pa la dmigs pa 'di'ang gtong bar mi byed do/ /de chos ston pa'i de bzhin gshegs pa de gnyis ka dmigs par byed/ mngon du byed de/ brtan pa'i blo gros/ 'di'ang bkod pa gcig pa'i ting nge 'dzin mngon par sgrub pa yin no/ /brtan pa'i blo gros| gzhan yang byang chub sems dpa' ni/ de bzhin gshegs pa la dmigs pa gcig legs par kun tu bzung zhing / legs par brtags la/ legs par byang bar byas nas de bzhin gshegs pa ji snyed 'dod pa de snyed yid la byed do/ /brtan pa'i blo gros/ 'di lta ste/ dper na/ lus kyi skyed mched dag la dge slong dbang du gyur pa de dmigs pa sngon po yid la byed do/ /de thams cad kyang gang ci'ang rung ba thams cad dmigs pa sngon po kho nar mos par byed de/ sngon po kho na yin pa ma gtogs par de la dmigs pa ci'ang mngon du mi 'gyur ro/ /de 'gro ba thams cad sngon po kho nar mos par byed cing byin gyis rlob par byed la/ sngon po kho nar mngon du byed do/ /nang dang phyi'i chos rnams la de'i shes pa sngon po'o/ /snyam du 'jug cing / de la de ni/ dbang du gyur pa'ang yin no/ /brtan pa'i blo gros/ de bzhin du byang chub sems dpa' de ni/ 'jig
339b
rten gyi khams gang dang gang na de bzhin gshegs pa ji snyed bzhugs pa thos par gyur pa'i 'jig rten gyi khams rnams dang / de bzhin gshegs pa de dag kyang yid la byed do/ / de de bzhin gshegs pa la dmigs pa'i yid la byed pa shin tu legs par brtags pa/ shin tu nges par bya ba des 'gro ba thams cad ni/ de bzhin gshegs pa'o/ /sangs rgyas so| |rang byung ngo / /zhes byin gyis rlob par byed do/ /de de bzhin gshegs pa la dmigs pa'i yid la byed pa de shin tu yid la byed pas dmigs pa thams cad ni/ 'di lta ste/ de bzhin gshegs pa mngon du 'gyur ba'i dmigs pa gcig tu byin gyis rlob par byed do/ /de bzhin gshegs pa las dmigs pa'i dngos po gzhan ci'ang yang dag par rjes su mi mthong ngo| |gzhan du na sangs rgyas nyag gcig ma gtogs te/ brtan pa'i blo gros/ 'di'ang bkod pa gcig pa'i ting nge 'dzin mngon par sgrub pa yin no/ /gsol pa/ bcom ldan 'das/ ting nge 'dzin de'i mngon par sgrub pa de gang lags/ bka' stsal pa/ 'di lta ste/ de bzhin gshegs pa thams cad la dmigs pa'i sems rtse gcig pa nyid mi gtong ba ste/ brtan pa'i blo gros/ 'di ni/ bkod pa gcig pa'i ting nge 'dzin mngon par sgrub pa yin no/ /brtan pa'i blo gros/ yang gang dmigs pa gcig gis chos thams cad rtogs pa
340a
@#/ /ni| thams cad kyi chos nyid kyang yin te/ brtan pa'i blo gros/ 'di ni/ bkod pa gcig pa'i ting nge 'dzin ces bya'o/ /byang chub sems dpa' ni/ ting nge 'dzin de la gnas nas ngag thams cad ni/ de bzhin gshegs pa'i ngag go /lus thams cad ni/ de bzhin gshegs pa'i sku'o/ /snyam du de ltar 'jug par byed cing / de ltar mos par byed do/ /brtan pa'i blo gros/ gzhan yang byang chub sems dpa' ni/ de bzhin gshegs pa gnyis dang / gsum dang / bzhi dang / lnga dang / bcu dang / brgya'i bar dang / 'bum gyi bar gyi mtshan ngag nyan par byed cing / de dag thams cad dus gcig tu mngon du byed/ yid la byed do/ /de bzhin gshegs pa de dag gi sangs rgyas kyi zhing gi bkod pa dang / nyan thos kyi bkod pa de dag thams cad kyang mngon du byed/ yid la byed do/ /de bzhin gshegs pa de dag gi gzugs phun sum tshogs pa dang / mtshan phun sum tshogs pa dang / mdog phun sum tshogs pa dang / sku phun sum tshogs pa dang / chu zheng phun sum tshogs pa'ang mngon du byed/ yid la byed| mdun du byed do/ /skyes bu chen po'i mtshan re re'i mtshan ma'ang 'dzin par byed do/ /ma rmongs par rnam par gshegs pa'i mtshan ma dang / seng+ge'i rnam par bsgyings
340b
pa'i mtshan ma dang / spyi gtsug bltar mi mthong ba'i mtshan ma dang / 'od 'dom gang gi mtshan ma'ang 'dzin par byed do/ /'od 'dom gang po'ang 'od mtha' yas pa nyid du mos par byed de byin gyis rlob par byed do/ /'od mtha' yas pa nyid kyang kun tu shes so/ /sangs rgyas kyi zhing mtha' yas pa nyid kyang 'dzin par byed do/ /sangs rgyas kyi zhing gi bkod pa dpag tu med pa'ang byin gyis rlob par byed/ mos par byed cing kun tu shes so/ /nyan thos kyi bkod pa mtha' yas pa'ang kun tu shes shing mos pas byed/ byin gyis rlob par byed do// de'ang 'di ltar so sor rtog par byed de/ de bzhin gshegs pa de dag ga las 'ongs/ bdag kyang gang du song zhig gu snyam nas/ de de bzhin gshegs pa dang bdag nyid kyi ma 'ongs pa nyid dang / ma song ba nyid la 'jug par byed cing kun tu shes la mos par byed do/ /de 'di snyam du sems te/ 'di la de bzhin gshegs pa zhes bya ba'i chos gang yang med do/ /bdag ces bya ba'i chos kyang gang yang med do/ /snyam mo/ /de 'di ltar so sor rtog par byed de/ chos thams cad kyang de bzhin du 'gyur ro/ /snyam mo/ /de de ltar so sor rtog pas chos thams cad mtshan nyid gcig go /snyam du mos par byed/ 'jug par byed do/ /de de ltar mngon par 'du byed pa med pa'i mtshan nyid kyis mtshan nyid dag ni/ chos rnams so/ /snyam du 'jug
341a
@#/ /par byed/ mos par byed cing kun tu shes la/ byin gyis rlob par byed do/ /de chos thams cad mtshan nyid med pa nyid kyis mtshan nyid gcig par 'jug par byed do/ /brtan pa'i blo gros/ ji tsam du sangs rgyas du ma mngon par sgrub pa ni/ sems rtse gcig pa nyid kyang yin te/ brtan pa'i blo gros/ 'di ni/ bkod pa gcig pa'i ting nge 'dzin mngon par sgrub pa yin no/ /gang sangs rgyas su mtshan nyid gcig pa dang / mtshan nyid med par mngon par sgrub pa 'di ni/ bkod pa gcig pa'i ting nge 'dzin ces bya'o| |ting nge 'dzin de la gnas nas de bzhin gshegs pa ma yin pa'o/ /snyam du gang ci'ang kun tu mi shes so/ /chos ma yin pa'o/ /snyam du gang ci'ang kun tu mi shes so/ / nyan thos ma yin pa'o/ /snyam du gang ci'ang kun tu mi shes so/ /nyan thos so/ /snyam du'ang mi dmigs so/ /chos bstan pa ma yin pa'o/ /snyam du gang ci'ang kun tu mi shes so| |chos bstan pa'ang mi dmigs so/ /dmigs pa ma yin pa'o/ /snyam du gang ci'ang kun tu mi shes so/ /dmigs pa'ang mi dmigs so/ /sangs rgyas kyi zhing ma yin pa'o| |snyam du gang ci'ang kun tu mi shes so/ /sangs rgyas kyi zhing yang mi dmigs so/ /'khor ma yin pa'o/ /snyam du gang ci'ang kun tu mi shes so/ /'khor kyang mi dmigs
341b
so| |spobs pa ma yin pa'o/ /snyam du gang ci'ang kun tu mi shes so/ /spobs pa'ang mi dmigs so/ /rab tu brjod pa ma yin pa'o/ /snyam du gang ci'ang kun tu mi shes so/ /rab tu brjod pa'ang mi dmigs so/ /byin gyis rlob pa ma yin pa gang ci'ang kun tu mi shes so/ /byin gyis brlabs kyang mi dmigs so/ /mos par mi byed pa gang ci'ang med do/ /mos pa'ang mi dmigs so/ /rlom sems mi byed pa gang ci'ang med do/ /rlom sems kyang mi dmigs so/ /sgom par mi byed pa gang ci'ang med do/ /sgom pa'ang mi dmigs so/ /rnam par mi 'byed pa gang ci'ang med do/ /rnam par 'byed pa'ang mi dmigs so/ /gsal bar mi byed pa gang ci'ang med do/ /gsal ba'ang mi dmigs so/ /rab tu ston par mi byed pa gang ci'ang med do/ /rab tu ston pa'ang mi dmigs te/ brtan pa'i blo gros/ 'di ni/ gang byang chub sems dpa' rnams kyi ye shes sgrib pa med pa mthong bar 'gyur ba'i chos thams cad kyi ting nge 'dzin mngon par sgrub pa zhes bya'o/ /'di la gang mig gi chags pa med pa nyid 'di ni/ ma chags pa nyid ces bya'o/ /gang chos de lta bu dag la 'jug pa 'di ni/ chos kyi mig ces bya'o/ /byang chub sems dpa' gang gis spobs pa mtha' yas pa nyid rjes su 'thob par 'gyur pa de ni/ ting nge 'dzin yin no/ /bam po bco brgyad pa ste/ tha ma/ de nas
342a
@#/ /bcom ldan 'das la byang chub sems dpa' sems dpa' chen po brtan pa'i blo gros kyis 'di skad ces gsol to/ /bcom ldan 'das/ slad ma'i tshe slad ma'i dus na gang dag ting nge 'dzin de la snyoms par 'jug cing ting nge 'dzin des nges par 'byung la/ spobs pa mtha' yas pa'ang thob par 'gyur ba'i byang chub sems dpa' sems dpa' chen po ji snyed cig 'byung bar 'gyur lags/ bka' stsal pa/ brtan pa'i blo gros/ phyi ma'i tshe phyi ma'i dus lnga brgya pa tha ma la bab pa na/ gang las ting nge 'dzin de thob pa'i byang chub sems dpa' de ni/ ting nge 'dzin des nges par 'byung ba yin zhing / dge slong de'i spobs pa mtha' yas pa yin par de'i mtha' khong du chud par bya'o/ / brtan pa'i blo gros/ gang khyod 'di skad du sems can gang dag ting nge 'dzin des nges par 'byung bar 'gyur ba de dag ji snyed cig 'byung bar 'gyur zhes zer ba ni/ brtan pa'i blo gros/ gang dag ting nge 'dzin de la sgom par byed cing / yid gzhan du mi sems la/ lan mang du byed pa de dag ni/ ting nge 'dzin des nges par 'byung bar 'gyur zhing / spobs pa mtha' yas pa'ang 'thob par 'gyur la/ de bzhin gshegs pa mi 'khrugs pa las spobs pa mtha' yas pa nyid du bya ba'i phyir chos kyi sgo stong brgyad brgya
342b
'thob par 'gyur te/ brtan pa'i blo gros/ 'di ni/ sgo gcig tu mtshams sbyor ba'i tshig yin no/ /brtan pa'i blo gros/ chos kyi sgo de dag thams cad po 'di ni/ rim par byed ba'i tshig yin no/ /brtan pa'i blo gros/ de lta bas na/ sgo ni/ ci nas khong du chud par bya ba yin/ ci nas 'jug par bya ba yin/ ci nas bsgom par bya ba yin no/ /de mtshan mar byas nas de yongs su 'chad pa ni/ rtag tu bsgom par bya'o/ /de bzhin du dmigs pa dag kyang bsgom par bya ba yin te/ las gcig po 'di ni/ sangs rgyas kyi sku yin no/ / sangs rgyas byang chub de ni sems kyis brtags/ /sems kyang gzugs med rang bzhin rnam par dag /dmigs pa rnams kyis rgya cher gang gnas pa/ /dmigs pa gzhan dang gzhan la 'jug par 'gyur/ /sems kyi yongs gcod so sor shes nas su/ /de bzhin dmigs la'ang chos 'di thams cad ni/ /rnam par rtog las byung ba yin par shes/ / gang du rtog mi skye ba de sgo yin/ /sems kyi 'gyur ba'i rang bzhin shes par 'gyur/ /de bzhin dmigs pa nyid kyang shes par 'gyur/ /'gro ba 'di kun gsob tu rab tu shes/ / rab tu shes pas dran pa rmongs mi 'gyur/ /de ltar chos de rab tu shes pas na/ /de ni sangs rgyas sku mang sprul par byed/ /de ni sku la'ang cung zad chags mi 'gyur/ /de bzhin
343a
@#/ /de ni 'gro ba stong par shes/ /dmigs pa yi ni mtshan ma bzung nas su/ /sems dang lus kyi 'gyur ba thob par 'gyur/ /de phyir ting nge 'dzin de ni myur bsgoms pas/ /de yi shes pa de ltar chos la zhugs/ /chos brtan pa yis rnam par 'phrul par 'gyur/ /chos bstan tshe na nam yang rmongs mi 'gyur/ /mi rnams kyi ni dge ba bskyed par 'gyur/ /ring po mi thogs chos de'ang 'thob par 'gyur/ /sgo'i tshig mngon par sgrub pa'i le'u ste/ bcu gsum pa'o// //brtan pa'i blo gros/ chos bzhi dang ldan na| ting nge 'dzin de sgrub pa dang / gzhan dag la bstan par nus te/ bzhi gang zhe na/ ting nge 'dzin de thob par bya ba'i phyir brtson 'grus brtsams pa yin zhing brtson pa mi gtong ba'ang yin/ nyin mtshan nyid du 'char ba lhur len pas 'dug pa na byang chub kyi snying po mchog na bzhugs pa'am/ chos kyi 'khor lo bskor ba'i de bzhin gshegs pa de dag mngon du byed cing chos la ser sna'ang med pa yin/ chos kyi sbyin pa'ang sbyin par byed cing bdag nyid dang chos nyan pa de dag de bzhin gshegs pa'i sku dag tu byin gyis rlob par byed la rang gi lus rnam par 'jig par byed/ kyang gang la'ang mi gnas pa yin zhing mi gnas pa bzhin chos ston par byed pa yin/ de gnas pa de lta bu dang / spyod
343b
yul de lta bu dang / byin gyi rlobs de lta bur byas nas stan de la 'dug par byed cing / 'dug nas kyang chos kyi sbyin pa sbyin par byed pa yin te/ ting nge 'dzin de thob par 'gyur ro/ /brtan pa'i blo gros/ kha cig gis ni/ chos kyi sbyin pa sbyin par byed pa na thob par 'gyur ro/ /kha cig gis ni/ phyis so/ /kha cig gis ni/ rtsom pa'i tshe'o/ /brtan pa'i blo gros/ chos gzhan bzhi dang ldan pas ting nge 'dzin de la sbyor bar bya ste/ brtan pa'i blo gros/ bzhi gang zhe na/ 'di la byang chub sems dpa' khyim gyi gnas nas mngon par byung ba yin/ bas mtha'i gnas mal na gnas shing dgon pa dang / rab tu dgon pa la mngon par dga' ba yin/ de sems can gyi spyod pa la 'jug pa dag la rjes su rnam par bltas nas yul ji lta ba bzhin du gdams ngag dang / rjes su bstan pa ston par byed pa yin/ byang chub sems dpa' mos pa ji lta ba rnams kyi spyod pa yang dag par rab tu shes pa yin no/ /brtan pa'i blo gros/ chos gzhan bzhi dang ldan pa ni/ dge ba'i bshes gnyen du rig par bya ste/ bzhi gang zhe na/ tshar gcod pa'i tshig dang ldan pa nyid yin/ chos zab mo la sbyor bar byed pa nyid yin/ dus dus su gdam ngag gi tshig dang ldan pa nyid yin/ dus dus su yal bar 'jog pa nyid yin te/ chos gzhan bzhi po de dag dang ldan pa ni/ dge ba'i bshes gnyen du rig par bya'o/ /de la 'di
344a
@#/ /skad ces bya ste/ sa dang phyogs ni rab shes shing / /gang zag kyang ni rab tu shes/ /gang gis de dag myur 'byung ba'i/ /gdams ngag de la sbyin par byed/ / de la tshar bcad smra byed cing / /zab mo la yang sbyor bar byed/ /de la dus su 'doms byed cing / /dus su yal bar 'jog par byed/ /'byor pa ci zhig smras kyang rung / /lhag par gleng bar byed kyang rung / /de la gzung ba yong ma yin/ /de bas dus su yal bar 'jog /brtan pa'i blo gros/ chos bzhi dang ldan pa ni/ dge ba'i bshes gnyen du rig par bya ste| bzhi gang zhe na/ brtan pa'i blo gros/ 'di la dge ba'i bshes gnyen ni/ mngon par 'byung ba la sbyor du 'jug pa yin/ don zab mo nges par sems pa la sbyor du 'jug pa yin| bsam gtan gyi dmigs pa thams cad la ma chags pa nyid la sbyor du 'jug pa yin/ mtshan ma med pa'i dmigs pa nyid la sbyor du 'jug pa yin te/ bzhi po de dag go /de la 'di skad ces bya ste/ rnam par dben ba'i dgon gnas dang / /mngon par 'byung la sbyor gzhug bya/ /de yi bsngags pa kun tu smra/ /dge ba'i bshes gnyen de 'dra 'o| |zab mo nges pa'i chos rnams ni/ /dam pa'i don du sbyor bar bya/ /de ni bsam gtan rnams mi stong / /de dag bshes gnyen rab bzang yin/ /brtan pa'i blo gros/ chos
344b
bzhi dang ldan na/ ting nge 'dzin de sgom par nus te/ bzhi gang zhe na/ rang gi blo bor nas slob dpon gyi blos 'gro bar bya ba yin/ brtson 'grus yongs su chad pas mi brtsam par bya ba yin| brtson pa mi gtong ba dang / dgon pa dang / rab tu dgon pa la mngon par dga' bar bya ba yin/ bre mo'i gtam thams cad yongs su spang bar bya ba yin te/ brtan pa'i blo gros| chos bzhi po de dag dang ldan pa'i byang chub sems dpas ni/ ting nge 'dzin de thob par nus so/ /brtan pa'i blo gros/ gzhan yang chos bzhi dang ldan na/ ting nge 'dzin de thob par nus te/ bzhi gang zhe na/ legs par bzung ba'i de bzhin gshegs pa la dmigs pas tha na rmi lam du rmi ba la gnas kyang de bzhin gshegs pa mi spong ba yin/ legs par bzung ba'i chos bstan pa la dmigs pas tha na rmi lam du rmi ba la gnas kyang chos bstan pa la dmigs pa mi spong pa yin zhing chos bstan pa la snyom las med pa'ang yin / dngos po thams cad rnam par 'jig pa nyid kyis chos zab mo la bzod pa thob pa'ang yin/ dben pa la gzhol ba nyid kyis mi gnas pa'i bsam gtan pa'ang yin te/ brtan pa'i blo gros/ chos bzhi po de dag dang ldan pa'i byang chub sems dpas ni/ ting nge 'dzin de thob par nus so/ /de la 'di skad ces bya ste/ gal te dge ba'i bshes gnyen gyis/ /
345a
@#/ /'di ltar rjes su mthun 'doms byed/ /sangs rgyas rnams kyis bgrod bya ba/ /de mi spong bar nga smra'o/ /brtan pa'i blo gros/ chos bzhi dang ldan pa ni/ dge ba'i bshes gnyen du rig par bya ste/ bzhi gang zhe na/ dge ba la sbyor bar byed pa nyid yin/ sdig pa las zlog par byed pa nyid yin/ chos la'ang rab tu gzhog par byed pa yin| rjes su mthun pa'i rjes su bstan pa'ang sbyin par byed pa yin te/ bzhi po de dag go /de la 'di skad ces bya ste/ dge ba'i bshes gnyen rtag tu bsten par bya/ / gang dag sdig pa'i chos rnams zlog byed cing / /rgyal bas gnang ba'i chos ni ston byed pa/ /skyes mchog de 'dra de dag bsten par bya/ /gang las chos ni 'byung bar 'gyur ba yi/ /dpa' bo dag ni rjes mthun gdams ngag sbyin/ /ji ltar bstan pa bzhin du chos la gnas/ /chos la gnas nas kyang ni khyad par 'gro /gang dag bsten par bya ba'i chos rnams sten/ /gang dag bstan par bya ba'i chos rnams shes/ /rnam par spang bar bya ba'ang rnam spangs nas/ /rgyal bas gnang ba'i chos rnams sten par byed/ /rang gi shes pas rab tu bstan pa'i phyir/ /byang chub sems dpa' gang zhig spobs 'dod pas/ /ting 'dzin de ni myur du bsgom par bya/ /dge ba'i bshes
345b
nyen rjes su'ang 'brang bar bya/ /ji ltar bstan pa bzhin du yongs su spang / /chos ni gang yang rnam par spang mi bya/ /chos gang kho na thob par 'gyur ba yi/ /de nyid phan pa'i don du bstan par bya/ /bsam pa thams cad kyis ni bsgrub par bya/ /de yis g.yo ni nges par bstan mi bya/ /dge ba'i bshes gnyen rtag tu bstan pa yis/ /de 'dra'i chos de don du gnyer bar bya/ /de phyir dge ba'i bshes gnyen bsten par bya/ /sdig pa'i grogs po yongs su spang bar bya/ /dge ba'i bshes gnyen las ni thos pa 'byung / /de las ting 'dzin de yang myur du 'thob/ /brtan pa'i blo gros/ gzhan yang chos bzhi dang ldan pa'i dge ba'i bshes gnyen ni/ bsten par bya ba yin te/ bzhi gang zhe na/ gdams ngag kyang rab tu shes pa yin/ sgom pa'ang rab tu shes pa yin/ gdams ngag gi skyon yang rab tu shes pa yin/ sgom pa'i skyon yang rab tu shes pa yin te/ bzhi po de dag go / de la 'di skad ces bya ste/ gdams ngag dang ni de bzhin sgom pa'ang shes/ /de la de bzhin sgom pa'i skyon dang ni/ /gdams ngag skyon yang rab tu shes nas su/ /skyon med chos kyis sbyor bar byed pa yin/ /brtan pa'i blo gros/ chos gzhan bzhi dang ldan pa ni/ dge ba'i bshes gnyen du rig par bya ste/ bzhi gang zhe na/ 'di lta ste/ sa'ang rab tu shes
346a
@#/ /pa yin| yul yang rab tu shes pa yin/ gang zag kyang rab tu shes pa yin no/ /spyod pa'ang rab tu shes pa yin no/ /ji ltar sa rab tu shes pa yin zhe na| gang zag dang 'tsham pas sa ji lta ba bzhin du rab tu shes pa'o/ /ji ltar gang zag rab tu shes pa yin zhe na/ spyad pas gang zag tu 'gyur ba ji lta ba de bzhin du rab tu shes pa'o/ /ji ltar spyod pa rab tu shes pa yin zhe na/ 'dod chags dang / zhe sdang dang / gti mug gi spyod pa dang rjes su mthun pa'i chos bstan pa la 'jug pa nges par bstan pas ni/ chags pa rnam par spong ba nyid kyi phyir chos gos gsum lhur len pa yin/ rab tu byung ba dang / khyim bdag dang lhan cig ma 'dres pa yin zhing / rtsod pa rnam par spong ba dang / zab mo la bzod pa dang / stong pa nyid kyi spyod yul ba yin te/ brtan pa'i blo gros/ chos bzhi po de dag dang ldan pa ni/ ting nge 'dzin de thob par 'gyur ba'i dge ba'i bshes gnyen du rig par bya'o/ /brtan pa'i blo gros/ byang chub sems dpa' khyim pa chos bzhi dang ldan na/ ting nge 'dzin de thob par bya ba dang / ting nge 'dzin de la mngon par brtson par nus te/ bzhi gang zhe na/ brtan pa'i blo gros/ 'di la byang chub sems dpa' khyim pas ni/ bslab pa'i gzhi lnga gzung bar bya ba yin/ zas gcig pa
346b
lhur len pas gtsug lag khang du gnas par yang bya ba yin/ mang du thos par yang bya ba yin/ don rnam par nges pa la mkhas pa dang / gang dag ting nge 'dzin de la gnas nas 'doms par byed pa'i dge ba'i bshes gnyen la bsten par bya ba yin te/ brtan pa'i blo gros/ byang chub sems dpa' khyim pa chos bzhi po de dag dang ldan na/ ting nge 'dzin de thob par bya ba'i phyir sbyor bar bya'o/ /brtan pa'i blo gros/ chos gzhan bzhi dang ldan pas sbyor bar bya ste/ bzhi gang zhe na/ chos thams cad la mi gnas pas ting nge 'dzin de thob par bya ba'i phyir tshul khrims kyi phung po yongs su dag pa dang / 'tsho ba yongs su dag pa dang / 'gyod pa med par gyur nas lus dang srog la'ang mi blta bar bya ba yin/ chos nyan du 'jug pa la'ang ston pa'i 'du shes su bya ba yin/ de bzhin gshegs pa'i sku'ang mngon du bya ba yin/ ser sna med par bya ba yin no/ /brtan pa'i blo gros/ chos bzhi po 'di dag ni/ ting nge 'dzin de thob par bya ba'i phyir theg pa chen po la yang dag par zhugs pa rnams la phan 'dogs par gyur pa yin te/ bzhi gang zhe na/ lus la lus kyi rjes su blta bar bya'i/ lus dang ldan pa'i rtog pas brtag par mi bya ba yin/ tshor ba rnams la tshor ba'i rjes su blta bar gnas par bya'i/ tshor ba dang ldan pa'i rtog pas brtag par mi bya ba yin/
347a
@#/ /sems la sems kyi rjes su blta bar gnas par bya'i/ sems dang ldan pa'i rtog pas brtag par mi bya ba yin/ chos la chos kyi rjes su blta bar bya'i| chos dang ldan pa'i rtog pas brtag par mi bya ba yin te/ brtan pa'i blo gros/ chos bzhi po de dag ni/ ting nge 'dzin de thob par bya ba'i phyir theg pa chen po la yang dag par zhugs pa rnams la phan 'dogs par gyur pa yin no/ /de la 'di skad ces bya ste/ gang dag nga yis rtag bsngags pa/ /dran pa nyer gzhag rnam sgom byed/ /dge slong gi ni spyod yul te/ /ting 'dzin de ltar thob par 'gyur/ /lus ni mi rtag sgom par byed/ /lus la yang ni gnas pa min/ /mi gnas pa yi sems kyis su/ /ting 'dzin de ltar thob par 'gyur/ /rdzu 'phrul rkang bzhi so so rig pa bzhi/ /chos de btsal bas chos kyi ser sna med/ /tshul khrims phung por gnas nas bshes bzang bsten/ /ting 'dzin de btsal ston pa'i 'du shes sgom/ /de ni dkar po mang po'i rigs/ /de ni thos pa'i 'byung gnas yin/ /de bzhin bdud ni sel bar byed/ /de la rab tu sbyor bar bya/ /de ni de yi mig gi mchog /chos kyi mig ni bla na med/ /chos bstan pas ni su la yang / /de la sgrib par 'gyur ma yin/ /de ni mdo sde'i lung yin zhing / /mang du thos pa'i lung yang
347b
yin/ /de las nga yi byang chub byung / /de phyir de la bstan par bya/ /gang dag nga yis stobs bcu dang / /so so yang dag rig bzhi bshad/ /kun kyang 'di las nges par byung / /de phyir de la bsten par bya/ /gang gis thob cing cir 'gyur ba'i/ /ting nge 'dzin ni sangs rgyas bstan/ /spobs pa de ni bshad pa yis/ /zad par 'gyur ba ma yin no/ /de la bri ba nyid med cing / /gang ba nyid kyang yod ma yin/ /kun nas so sor rtogs pas na/ /rgya mtsho bzhin du mi 'khrugs 'gyur/ /gang gis de ni thob 'gyur ba'i/ /ting 'dzin nga yis bshad pas na| |phyi nas 'chad pa su yi yang / /bzhin la de ni lta mi 'gyur/ /lha dang klu dang mi'am ci/ /mi dang mi ma yin rnams kyang / /bshad pas de yi gdong du lta/ /mang por rnam par lta bar 'gyur/ /gang dag de yis rab bstan pa/ /de dag de yis gang nas thob/ /de la des ni ji ltar bslab/ /ji ltar chos kyis khyad par 'phags/ /mdo sde de ni rab bshad pas/ /de dag bsam pa shes par 'gyur/ /ting 'dzin de la bslab pas ni/ /sems can rnams kyi spyod pa shes/ /mdo sde 'di la blo brtan byos/ /gang dag nga yis sangs rgyas bstan/ /kun gyi mtshan ni shes par 'gyur/ /de dag gi ni chos kyang shes/ /'jig rten khams su mdo sde dag /gang dag ji snyed bshad pa rnams/ /de dag nga la
348a
@#/ /dmigs byas nas/ /de dag thams cad rab tu shes/ /'jig rten mgon po de dag gi /nyan thos bkur ba gang byung gyur/ /ting 'dzin de la gnas nas su| |de dag thams cad rab tu shes/ /de dag bkod pa ci 'dra ba'i/ /sangs rgyas zhing ni rab tu shes/ /gang gis ting 'dzin rnam bsgoms pas/ /de dag gi ni sku tshe'ang shes| |nyi ma gang dag byung gyur dang / /zla ba byed dang zla ba dang / /lo ni khyud khor rangs pa dang / /bskal pa de yang rab tu shes/ /gang dag phyogs bcu'i 'jig rten na/ /rdzogs pa'i sangs rgyas rkang gnyis mchog /de dag de yis rab tu shes/ /de yis zhing kun shes par 'gyur/ /gang dag ston pas 'jig rten mgon/ /de dag gi ni mtshan rnams kyang / / gang gis ting 'dzin bsgoms pa yis/ /de dag thams cad rab tu shes/ /gang dag skyob pas bshad pa yi/ /mdo sde de dag rab tu shes/ /nyan thos phun sum tshogs pa dang / / 'jig rten mgon po de snyed shes/ /gang gis ting 'dzin 'di thob pa/ /blo gros brtan por 'gyur ba yin/ /sangs rgyas rnams kyi spyod yul gang / /de yang de yis 'dir shes so/ / bskal pa bye bar 'byung 'gyur ba'i/ /sangs rgyas gang dag ma byon dang / /mtshan gang gdung rus gang yin pa/ /thams cad de yis rab tu shes/ /de dag rnams kyi tshe tshad shes/ /
348b
nyan thos rnams kyang rab tu shes/ /gang dag skyob pas 'chad 'gyur ba/ /de dag rnams kyi mdo sde'ang shes/ /de yi sangs rgyas zhing ci 'dra/ /de dag gi ni bkod ci 'dra/ /sangs rgyas mya ngan 'das rnams kyi/ /chos kyi ji srid gnas 'gyur ba/ /ting nge 'dzin la gnas nas su/ /de dag thams cad de yis shes/ /de lta bas na su gang zhig /mang thos 'dod pas de bsten bya/ /ting 'dzin de ni bsten pa yis/ /de yi don kyang shes par 'gyur/ /sangs rgyas ye shes 'jug pa ni/ /sgo de yin zhing blo gros brtan/ /de las don ni 'byung bar 'gyur/ /sangs rgyas ye shes 'byung bar 'gyur| |gang gi mtha' ni yod min pa'i/ /bsod nams de las thob par 'gyur/ /de tshe sangs rgyas gang 'byung ba/ /'jig rten mgon po mi yi mchog /rdzogs pa'i sangs rgyas ji snyed pa/ / de snyed de yis rab tu shes/ /mi gang byang chub rab zhugs nas/ /sangs rgyas re re re re'i yang / /nyan thos dag ni de snyed pa/ /de dag rnams la mchod pa byed/ /sangs rgyas re re re re la'ang // mchod pa'i don phyir nor bsags pa/ /stong gsum las ni mi nyung ba'i/ /'jig rten khams ni yongs su bkang / /rjes su dpag pa de yis su/ /nyan thos dang ni rgyal bar bcas/ /de la bskal pa rdzogs tshang bar/ /sangs rgyas kun la rim gro byed/ /'jig rten mgon po grags chen po/ /gang dag ma byon sangs rgyas rnams/ /de dag la yang 'du byed 'gyur/ /de 'dra
349a
@#/ /pa yi mchod pa'ang byed/ /bsod nams phung po ji snyed pa'ang / /blo gros brtan pa de 'dzin byed/ /sangs rgyas ye shes bsam mi khyab/ /ye shes dam pa tshol bar byed/ /gang dag byang chub don gnyer bas/ /ting nge 'dzin 'di bsgom par bya/ /gang gis ting 'dzin 'di bsgoms pas/ /de ni thos pas 'phags par gyur/ /gang gis ting 'dzin 'di bsgoms dang / /gang dag sgom par 'gyur rnams kyi/ /bsod nams phung po de la ni/ /tshad yod do zhes nga mi smra/ /ting nge 'dzin 'di bsgoms pa yi/ /bsod nams 'di ni rab tu mang / /shes pa de ni rnam par 'phel/ /sangs rgyas mchod pas de lta min/ /me tog spos dang phreng ba dang / /bza' ba dag dang btung ba dang / /yo byad rnams kyis bsnyen bkur ba/ /de ni sangs rgyas bsnyen bkur min/ /brtan pa'i blo gros nga yis su/ /byang chub snying por chos gang rtogs/ /chos der gang dag sbyong byed pa| |de yis sangs rgyas bsti stang byas/ /gang yang chos de tshol byed cing / /sangs rgyas mthong bar 'dod byed pa/ /de yis myur bar 'di 'dra'i chos/ /ting nge 'dzin 'di btsal bar bya/ /gang dag ting 'dzin de thos nas/ /dga' ba bzang po skyed byed pa/ /sangs rgyas stong phrag mang po dag /de dag gis ni sngon chad shes/ /ting nge 'dzin gyi las
349b
kyi le'u ste/ bcu bzhi pa'o// //brtan pa'i blo gros/ gzhan yang mngon par shes pa myur ba nyid du bya ba'i phyir de bzhin gshegs pa'i mchod rten mchod pa dang / phyir bcos pa dang / byi dor bya ba lhur blang bar bya ste/ brtan pa'i blo gros/ de la rigs kyi bu'am/ rigs kyi bu mo gang zhig de bzhin gshegs pa'i mchod rten byi dor byed pa de ni/ smon lam gyi mchog rnam par dag pa bzhi rjes su 'thob bo/ /bzhi gang zhe na/ gzugs kyi smon lam gyi mchog rnam par dag pa dang / dal ba phun sum tshogs pa'i smon lam gyi mchog rnam par dag pa dang / yang dag par blang ba brtan pa'i smon lam gyi mchog rnam par dag pa dang / de bzhin gshegs pa blta ba'i smon lam gyi mchog rnam par dag pa'o| |smon lam dge bas bskyed pa yi/ /mngon grub de bzhin gshegs rnams 'byung / /dmigs pa'i rab tu dbye ba yis/ /ji ltar sprul pa 'byung ba bzhin/ /zhabs mthil zhabs sor 'og 'khor lo/ /dpe byad las ni 'byung bar 'gyur/ /dpe byad bzang 'byor 'di 'dra ba/ /de ni bshad byas de nyon cig /de bzhin nga yi dpe byad rab tu gsal/ /nga yi sor mo dag la mthun par gnas/ /yang dag 'phags shing rjes su mthun par gnas/ /de yi yangs bar gnas pa yang dag 'phags/ /de yi 'od zer gnas pa mngon
350a
@#/ /du 'phags/ /'od zer bye ba ji bzhin rab tu snang / /lhun po bzhin du 'od kyis yang dag 'byung / /de yi steng na 'od zer dra ba can/ /snying po bsags ba'i dpe byad de dag la/ /de tshe 'od zer gnas pa bye phrag bcu/ /de tshe kun gyi ming ni gzhan dang gzhan/ /de tshe 'od dang mdog kyang gzhan dang gzhan/ /nga yi 'od zer gcig las 'od stong 'byung / /de tshe thams cad kha dog du mar gnas/ /stong gsum gyi ni sa de bshig nas su/ /'og tu de dag sangs rgyas mdzad pa byed/ /nga ni sangs rgyas 'od kyis byung ba yin| |nga ni las kyi 'bras bus 'ongs ma yin/ /de bzhin gshegs pa'i 'od de mthong nas su/ /skyes ba bud med dag ni myos par 'gyur/ /bskal pa bye ba mang por mngon par sprul/ /yang na sangs rgyas zhing bkod gzhan dang gzhan/ /gang du sangs rgyas mdzad pa ngas byas pa/ /de bzhin rgyal ba dag ni cho 'phrul sprul/ /nga yi ting nge 'dzin ni kun nas snang / /sangs rgyas zhing ni kun nas snang bar byed/ /lhun po'i rgyal mtshan 'od zer zhes bya 'phags/ /dpa' bar 'gro ba zhes bya'i ting nge 'dzin 'phags/ /chos rnams kun gyis khyab par mthong ldan pa/ /rnam dag kha cig sangs rgyas sprul 'dir mthong / /kha cig lhums zhugs mthong zhing btsas pa dang / /'jigs med mi skrag gom bdun
350b
'dor 'dir mthong / /de ni rgyal ba byang chub 'tshang rgya snyam/ /sa yi snying por byang chub bzhugs par mthong / /chos kyi 'khor lo bskor bar 'gyur snyam byed/ /kha cig byang chub phyir ni spyod snyam byed/ /ting 'dzin gang la gnas nas rnam 'phrul ba'i/ /ting 'dzin gzi brjid de ni ci 'dra ltos/ /kha cig nga yi sku tshe bskal par sems/ /kha cig kyang ni bskal pa phyed du sems/ /de tshe kha cig bar gyi bskal bar sems/ /gnyis gsum bzhi dang de las lhag par yang / /de tshe kha cig lo ni bye bar sems/ /kha cig gi ni mang nyung rab tu mthong / / dzam+bu'i gling 'dir nga yi sku tshe ni/ /lo grangs brgyad cu yin par mi rnams shes/ /kha cig der ni sku tshe nyin mtshan shes/ /kha cig gis ni sku tshe ring por shes/ /stong gsum 'jig rten du ni lha rnams kyi/ /nyin mtshan ci 'dra de bzhin gzhan du sems/ /de dag ji ltar mos pa de bzhin shes/ /de bzhin du ni de la gdams ngag mdzad/ /ji ltar mos la de bzhin byin gyis rlob/ /ye shes de bzhin de yi de ltar bstan/ /de dag bstan pas mos pa skye bar 'gyur/ /'di ni de yi rmad byung cho 'phrul yin/ /gal te rang gi gnas pa bstan gyur na/ /mkhas pa ma yin mi rnams myos par 'gyur/ /nga yi spyod yul gang dang gnas pa gang / /de mthong dga' ba su zhig skyed mi byed/ /de dag nga yi spyod yul shes nas su/ /de dag chos kyi 'khor lo
351a
@#/ /bskor bar 'gyur/ /de tshe mos pa sna tshogs chos smra rnams/ /de dag nga yi spyod yul kun mi shes/ /gang gis kun mkhyen spyod yul mi shes pa/ /de dag chos kyi tshig nyung ston par byed/ /de dag gi ni dmigs pa gang yang med/ /mthong nas de dag yid la gnod par 'gyur/ /gang dag rgyal ba'i chos nyid de shes pa/ /de dag yid la nam yang gnod pa med/ /'di ltar chos mnyam nyid kyi spyod yul la/ /de dag thams cad rab tu gnas pa yin/ /gang dag nga yi mdun na thal sbyar cing / /'khod pa'i dge slong brgyad 'di ma gtogs pa/ /blo gros brtan pa phyi ma'i dus na 'dir/ /mdo sde 'di 'dzin su yang 'byung mi 'gyur/ /blo gros brtan pa 'di dag rtag tu yang / /'das pa'i sangs rgyas mtshungs med spyod yul yin/ /de dag rtag par sngon du 'gro bar gyur/ /de dag chos kyi snod du gyur pa yin/ /de tshe byang chub sems ni yang dag len/ /sangs rgyas rnams kyis rtag par bsngags pa'ang yin/ /ji ltar de dag nga yi mdun 'khod pa/ /de bzhin 'das pa'i dus na'ang ngas shes te/ /de dag gang+gA'i klung gi bye snyed kyi/ /rgyal ba de dag rnams kyi spyan sngar 'khod/ /de yi 'og tu lnga brgya 'khod pa yin/ /byang chub mchog de ngas kyang gzung bar bya/ /phyi dus rgyal ba'i ye shes de dag yin/ /brtan pa'i blo gros khyod kyang de la dpa'/ /gang dag
351b
chos kun gzung phyir zhugs pa ni/ /gzhan yang dpa' po dung phyur phrag brgyad do/ /ngas kyang der ni chos mnyan bya ba yin/ /thos par gyur nas kyang ni chos de la/ /gnas par bya ste spyod pa mi zhan pa/ /de yi tshe na bstan par bya ba yin/ /de tshe ston pas byang chub mchog lung bstan/ /rang rang lung bstan pa ni thos nas su/ /dung phyur phrag brgyad dga' bas khyab gyur nas| |ta la bdun srid mngon par 'phags par gyur/ /'jig rten mgon pos kun dga' bka' stsal pa/ /phyi ma'i dus tshe sdig pa can der ni/ /chos 'di 'dzin par spro zhing nus gyur tam/ /mi spro zhes ni bcom ldan 'das la gsol/ /mkhyen bzhin rgyal ba 'od srung bka' stsal pa/ /'od srung chos 'di 'dzin par byed 'gyur ram/ /yongs su mya ngan 'das nas chos zungs shig /mi spro lags so zhes te 'od srung song / /stong gsum 'jig rten khams 'di skye bo dang / /rgya mtsho ri dang nags tshal bcas bzung zhing / /khur gzhan mang po bskur bar spro lags kyi/ /khur 'di bskur bar bdag ni mi spro lags/ /slad ma'i dus na su zhig chos 'dzin lags/ /nga nyid dge slong shin tu dbang bgyi dka'/ /rjes su bstan pa 'di la gnas mi bgyid/ /'jig rten 'dren pa mya ngan 'das ci smos/ /'od srung khyod ni rgas 'khogs gyur to zhes/ /slad dus bdag gi tshig bzhin yong mi bgyid/ /bdag gi
352a
@#/ /rjes su bstan la gnas mi 'gyur/ /bdag cag 'di ni mkhas shing don sems snyam/ /snyan dngags 'jig rten rgyang phan sems pa lags/ /de bzhin 'jig rten sgra yis gnas pa lags/ /bsam gtan de bzhin ting nge 'dzin spangs nas/ /de dag 'jig rten pa la spyod par 'gyur/ /rgyas pa che dang grags pa chen po lags/ / rtag tu 'jig rten gyis kyang mthong bar 'gyur/ /de dag bdag gis nam yang brtag mi nus/ /skyon rnams dam po dag ni mthong lags so/ /bdag ni gcig pur mgon par gnas pa na/ /lha zhig mchis nas bdag la 'di skad brjod/ /chos de 'dra bar rgyal ba rnams kyis bstan/ /'phags pa'i chos la sems can mang po btul/ /dge slong bsam gtan ting nge 'dzin la mkhas/ /rnam thar rdzu 'phrul stobs kyi pha rol phyin/ /thos nas brgya byin dga' bar 'gyur ba lags/ /de ring de la ngo mtshar ci mchis smra/ /phyi dus bdag gi thad du de mchis nas/ /de tshe yid mi bde bas du zhing ston/ /'od srung deng ni bstan pa 'jig par 'gyur/ /de thos bdag ni yid mi bde bar 'gyur/ /mang du 'chad par yang ni spro ma lags/ /mdo sde de ni 'dzin par spro ma lags/ /der ni de dag zhum par 'gyur ba lags/ /dge slong mchog tu dka' blo mi bde 'gyur/ /de tshe der ni lha tshogs
352b
'du bar 'gyur/ /bcom ldan 'das kyis 'od srung bka' stsal pa/ /chos kyi tshul ni 'dzin par mi nus par/ /'od srung de ni nga yis snga nas shes/ /mdo sde de 'dra de ni gang 'dzin pa| |nga yi nyan thos gang yang 'di na med/ /gang dag mdo sde de 'dra de 'dzin pa/ /nga yis gang dag byin brlabs der ma gtogs/ /gang dag phyi nas the tshom med 'gyur ba/ /de dag the tshom de ni nga yis bcad/ /gzhan dag las ni mthu che gang yin pa/ /mdo sde de la ci phyir sngon ma spyad/ /de dag 'dzin pa'i dge slong gsar bu gzhon/ /mdo sde de dag rgyas pa chen po yin| |gang dag chos de 'dra ba de mi 'dzin/ /'di la ji ltar pha rol phyin par 'gyur/ /brtan pa'i blo gros nga yis bstan pa na/ /gang dag gis ni de ring nga mthong 'gyur/ /de dag phyi dus 'jigs pa chen po'i tshe/ /chos de thos nas dga' ba thob par 'gyur/ /nga ni dmigs pa 'ba' zhig 'chad pa yin/ /'jigs med nga yi tshig der dad par byos/ /gang gi 'di na ston pa mthong gyur pa/ /de dag chos de 'dzin par spro bar 'gyur/ /ye shes de 'dra de ni tshol byed cing / /de tshe 'dren pa rnams la mchod par byed/ /ring bsrel mchod dang de bzhin mchod rten mchod| |'jigs med de dag der ni byed par 'gyur/ /yongs su gtad pa phan yon gyi le'u ste/ bco lnga pa'o// //de nas tshe dang ldan pa kun dga' bo stan las langs nas
353a
@#/ /bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das la 'di skad ces gsol to/ /bcom ldan 'das/ chos kyi rnam grangs 'di'i ming ci lags/ de ji ltar gzung bar bgyi/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to| |kun dga' bo/ /de'i phyir chos kyi rnam grangs 'di ni/ dge ba'i rtsa ba yongs su 'dzin pa zhes bya bar zungs shig /bsod nams kyi tshogs gnas zhes bya bar yang zungs shig /byang chub sems dpa' 'grogs pa zhes bya bar yang zungs shig /byang chub sems dpas zhus pa zhes bya bar yang zungs shig /the tshom thams cad gcod pa'i le'u zhes bya bar yang zungs shig /bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' brtan pa'i blo gros dang / byang chub sems dpa' de dag dang / nyan thos chen po de dag dang / lha dang / mi dang / lha ma yin pa dang / dri zar bcas pa'i 'jig rten yi rang / ste bcom ldan 'das kyis gsungs pa la mngon par bstod do/ /'phags pa dge ba'i rtsa ba yongs su 'dzin pa zhes bya ba theg pa chen po'i mdo rdzogs so// //rgya gar gyi mkhan po pra dz+nyA warma dang / lo tsA ba ban+d+he
353b
legs kyi sdes bsgyur/ rgya gar gyi mkhan po pra dz+nyA warma dang / dz+nyA na gar+b+ha dang / zhu chen gyi lo tsA ba ban+d+he ye shes sdes zhus te gtan la phab pa/