H118

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H118</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H118&coll=lhasa">see text in Tibetan script</a></table>307b<br><font size=+1>


//rgya gar skad du/ AR+Ya su kha ba ti byU ha nA ma ma hA yA na sU tra/ bod skad du/ 'phags pa bde ba can gyi bkod pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan </font><hr>308a<br><font size=+1>


@#/ /yod na/ rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po gnas brtan nyan thos chen po dgra bcom pa sha stag la 'di lta ste/ gnas brtan shA ri'i bu dang / maung+gal gyi bu chen po dang / 'od srung chen po dang / kA t+yA'i bu chen po dang / ka pi na chen po dang / gsus po che dang / nam gru dang / lam phran bstan dang / dga' bo dang / kun dga' bo dang / sgra gcan zin dang / ba lang bdag dang / b+ha ra b+h+wa dza dang / 'char byed nag po dang / ba ku la dang / ma 'gags pa dang / de dag dang nyan thos chen po gzhan dag dang / byang chub sems dpa' sems dpa' chen po mang po la 'di lta ste/ 'jam dpal gzhon nur gyur pa dang / byang chub sems dpa' sems dpa' chen po mi pham pa dang / byang chub sems dpa' sems dpa' chen po spos kyi glang po dang / byang chub sems dpa' sems dpa' chen po rtag tu brtson dang / byang chub sems dpa' sems dpa' chen po brtson pa mi 'dor ba dang / de dag dang byang chub sems dpa' sems dpa' chen po gzhan mang po dag dang / lha'i dbang po brgya byin dang / mi mjed kyi bdag po tshangs pa dang / de dag dang lha bye ba khrag </font><hr>308b<br><font size=+1>


khrig 'bum phrag mang po gzhan dag dang yang thabs gcig tu bzhugs te/ de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ sangs rgyas kyi zhing 'di nas nub phyogs logs su sangs rgyas kyi zhing bye ba khrag khrig 'bum 'das pa na 'jig rten gyi khams bde ba can zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas tshe dpag med ces bya ba bzhugs te 'tsho zhing gzhes la chos kyang ston to/ /shA ri'i bu/ 'di ji snyam du sems/ 'jig rten gyi khams de ci'i phyir bde ba can zhes bya zhe na/ shA ri'i bu/ 'jig rten gyi khams bde ba can de na sems can rnams kyi lus la sdug bsngal med/ sems la sdug bsngal med cing bde ba'i rgyu chad med par yod de/ de'i phyir 'jig rten gyi khams bde ba can zhes bya'o/ /shA ri'i bu/ gzhan yang 'jig rten gyi khams bde ba can ni kha khyer rim pa bdun dang / shing ta la'i phreng ba rim pa bdun dang / dril bu g.yer ka'i dra ba rnams kyis kun nas yongs su bskor ba/ bkra ba blta na sdug pa'o/ /shA ri'i bu/ sangs rgyas kyi zhing de ni rin po che sna bzhi la 'di lta ste/ gser dang / dngul dang / baiDUR+Ya dang / shel dang rnam pa de lta bu'i sangs rgyas kyi zhing gi yon tan bkod pa dag </font><hr>309a<br><font size=+1>


@#/ /gis legs par brgyan pa'o/ /shA ri'i bu/ gzhan yang 'jig rten gyi khams bde ba can na rin po che sna bdun gyi rdzing yan lag brgyad dang ldan pa'i chus yongs su gang ba/ rin po che'i pad+mas khebs pa/ bya rog gis btung du rung bar kha da chad du gyur pa gser gyi bye ma bdal ba dag yod de/ rdzing de dag gi phyogs bzhi kun na them skas bkra ba/ blta na sdug pa/ gser dang / dngul dang / bai DUR+Ya dang / shel dang / rin po che sna bzhi las byas pa bzhi bzhi yod do/ /rdzing de dag gi 'gram na rin po che'i shing ljon pa rin po che sna bdun la 'di lta ste/ gser dang / dngul dang / bai DUR+Ya dang / shel dang / mu tig dmar po dang / rdo'i snying po dang / spug gi shing bkra ba/ blta na sdug pa dag skyes so/ /rdzing de dag kun nas pad+ma skyes pa 'di lta ste/ gser gyi kha dog /gser gyi 'od 'byung ba/ gser lta bur ston pa/ sngon po kha dog sngon po/ 'od sngon po 'byung ba/ sngon po lta bur ston pa/ ser po kha dog ser po/ 'od ser po 'byung ba/ ser po lta bur ston pa/ dmar po kha dog dmar po/ 'od dmar po 'byung ba/ dmar po lta bur ston pa/ dkar po/ kha dog dkar po/ 'od dkar po 'byung ba/ dkar po lta bur ston pa/ bkra ba/ kha dog bkra ba/ 'od bkra ba 'byung </font><hr>309b<br><font size=+1>


pa| bkra ba lta bur ston pa shing rta'i 'phang lo tsam dag skyes so/ /shA ri'i bu/ sangs rgyas kyi zhing de na sangs rgyas kyi zhing gi yon tan bkod pa rnam pa de lta bu dag gis legs par brgyan pa'o/ /shA ri'i bu/ gzhan yang 'jig rten gyi khams bde ba can na lha'i sil snyan gyi sgra rtag tu 'byung ngo / /sa chen po ni gser gyi kha dog lta bu ste nyams dga' ba'o/ /shA ri'i bu| sangs rgyas kyi zhing de ni sangs rgyas kyi zhing gi yon tan bkod pa rnam pa de lta bu dag gis legs par brgyan pa'o/ /shA ri'i bu/ gzhan yang sangs rgyas kyi zhing de na nyin lan gsum/ mtshan lan gsum du lha'i me tog man+dA ra ba'i lha'i me tog gi char 'bab bo/ /der sems can gang dag skyes pa de dag kyang snga dro gcig bzhin du sangs rgyas kyi zhing gzhan dang gzhan du dong ste/ sangs rgyas bye ba phrag 'bum la phyag 'tshal zhing / de bzhin gshegs pa re re la'ang me tog skon bu bye ba phrag 'bum mngon par 'thor te/ gtor nas nyin mo gnas pa'i phyir slar 'jig rten gyi khams de nyid du 'dong ngo / /shA ri'i bu/ sangs rgyas kyi zhing de ni sangs rgyas kyi zhing gi yon tan bkod pa rnam pa de lta bu de dag gis legs par brgyan pa'o/ /shA ri'i bu/ gzhan yang 'jig rten gyi khams bde ba can na ngang pa dang / khrung khrung dang / rma bya dag yod pa de dag kyang nyin lan gsum/ mtshan lan gsum 'dus nas yang dag </font><hr>310a<br><font size=+1>


@#/ /par bgro bar byed de/ rang rang gi skad dag gis smra'o/ /de dag smra ba na dbang po dang / stobs dang / byang chub kyi yan lag gi sgra dag 'byung ngo / / sems can gang dag der skyes pa de dag gis sgra de thos nas sangs rgyas yid la byed pa skye/ chos yid la byed pa skye/ dge 'dun yid la byed par skye'o/ /shA ri'i bu/ 'di ji snyam du sems/ sems can de dag dud 'gro'i skye gnas su gyur pa yin snyam du sems pa lta na de ltar mi blta'o/ /de ci'i phyir zhe na/ shA ri'i bu/ sangs rgyas kyi zhing de na sems can dmyal ba dang / dud 'gro'i skye gnas dang / gshin rje'i 'jig rten du skye ba'i ming yang med do/ /bya'i tshogs de dag ni de bzhin gshegs pa tshe dpag med de nyid kyis chos kyi sgra dbyung ba'i phyir sprul pa dag go/ shA ri'i bu/ sangs rgyas kyi zhing de ni sangs rgyas kyi zhing gi yon tan bkod pa rnam pa de lta bu dag gis legs par brgyan pa'o// shA ri'i bu/ gzhan yang sangs rgyas kyi zhing de'i ta la'i phreng ba de dag dang / dril bu g.yer ka'i dra ba de dag la rlung gis phog cing rlung gis bskyod na sgra snyan pa yid du 'ong ba nyams dga' ba 'byung ste/ 'di lta ste/ dper na/ rol mo mkhan gyis yan lag bye ba 'bum dang ldan pa'i lha'i sil snyan blangs pa bzhin no/ /der mi de dag gis sgra de </font><hr>310b<br><font size=+1>


thos nas sangs rgyas rjes su dran pa dang / chos rjes su dran pa dang / dge 'dun rjes su dran pa lus la gnas so/ /shA ri'i bu/ sangs rgyas kyi zhing de ni sangs rgyas kyi zhing gi yon tan bkod pa'i rgyan rnam pa de lta bu dag gis legs par brgyan pa'o/ /shA ri'i bu/ 'di ji snyam du sems/ ci'i phyir de bzhin gshegs pa tshe dpag tu med ces bya zhe na/ shA ri'i bu/ de bzhin gshegs pa tshe dpag med de'i tshe'i tshad dpag tu med de/ de'i phyir de bzhin gshegs pa tshe dpag med ces bya'o/ /shA ri'i bu/ gzhan yang ci'i phyir de bzhin gshegs pa de 'od dpag med ces bya zhe na/ shA ri'i bu/ de bzhin gshegs pa 'od dpag med de'i 'od sangs rgyas kyi zhing thams cad du thogs pa med de/ de'i phyir de bzhin gshegs pa de 'od dpag med ces bya'o/ /bcom ldan 'das de bzhin gshegs pa 'od dpag med de bla na med pa yang dag par rdzogs pa'i byang chub tu mngon par rdzogs par sangs rgyas nas bskal pa bcu lon no/ /shA ri'i bu/ gzhan yang bcom ldan 'das de'i nyan thos kyi dge 'dun dag pa dgra bcom pa sha stag tshad med de/ de dag gi tshad brjod par sla ba ma yin no| |shA ri'i bu/ gzhan yang sangs rgyas kyi zhing der skyes pa'i sems can dag ni phyir mi ldog pa/ skye ba gcig gis thogs pa'i byang chub sems dpa' dag pa sha stag go / </font><hr>311a<br><font size=+1>


@#/ /shA ri'i bu/ byang chub sems dpa' de dag gi tshad ni brjod par sla ba ma yin te/ gzhan du na tshad med grangs med ces bya ba'i grangs su 'gro'o/ /shA ri'i bu| sangs rgyas kyi zhing de ni sangs rgyas kyi zhing gi yon tan bkod pa rnam pa de lta bu dag gis legs par brgyan pa'o/ /shA ri'i bu/ de lta bas na rigs kyi bu'am rigs kyi bu mos sangs rgyas kyi zhing der skye bar bya ba'i phyir dge ba'i rtsa ba rnams gus par yongs su bsngo bar bya'o/ /de ci'i phyir zhe na/ 'di ltar skyes bu dam pa de lta bu dag dang phrad par 'gyur ba'i phyir ro/ /shA ri'i bu/ dge ba'i rtsa ba ngan ngon tsam gyis ni bcom ldan 'das de bzhin gshegs pa tshe dpag med de'i zhing du skye bar mi 'gyur ro/ /shA ri'i bu/ rigs kyi bu'am rigs kyi bu mo gang gis bcom ldan 'das de bzhin gshegs pa tshe dpag med de'i mtshan thos la thos nas kyang yid la byed cing nub gcig gam/ nub gnyis sam/ nub gsum mam/ nub bzhi'am/ nub lnga'am/ nub drug gam/ nub bdun du g.yeng ba med pa'i sems kyis yid la byed na/ rigs kyi bu'am/ rigs kyi bu mo de 'chi ba'i dus kyi tshe phyin ci log med pa'i sems kyis 'chi ba'i dus byas nas 'chi ba'i dus byas pa de de bzhin gshegs pa 'od dpag med nyan thos kyi dge 'dun gyis </font><hr>311b<br><font size=+1>


yongs su bskor cing byang chub sems dpa'i tshogs kyis mdun gyis bltas pa'i mdun na bzhugs pa'i mdun na zhugs pa bcom ldan 'das de bzhin gshegs pa 'od dpag med de'i sangs rgyas kyi zhing 'jig rten gyi khams bde ba can du skye bar 'gyur ro/ /shA ri'i bu/ de lta bas na don gyi dbang de mthong nas rigs kyi bu'am rigs kyi bu mos sangs rgyas kyi zhing der gus par smon lam gdab par bya'o zhes de skad ces brjod do/ /shA ri'i bu/ ji ltar de bzhin gshegs pa ngas da ltar yongs su brjod pa de bzhin du/ shA ri'i bu/ shar phyogs na bcom ldan 'das de bzhin gshegs pa mi 'khrugs pa zhes bya ba dang / de bzhin gshegs pa lhun po'i rgyal mtshan zhes bya ba dang / de bzhin gshegs pa lhun po zhes bya ba dang / de bzhin gshegs pa lhun po chen po zhes bya ba dang / de bzhin gshegs pa lhun po chen po snang ba zhes bya ba dang / de bzhin gshegs pa 'jam sgra zhes bya ba dang / de bzhin gshegs pa 'jam dbyangs zhes bya ba dang / de dag la sogs pa shar phyogs kyi sangs rgyas bcom ldan 'das gang+gA'i klung gi bye ma snyed dag rang rang gi sangs rgyas kyi zhing rnams ljags kyi dbang pos khebs par mdzad do/ /khyed cag yon tan bsam gyis mi khyab pa yongs su brjod pa sangs rgyas thams cad kyis yongs su bzung ba'i chos kyi rnam grangs 'di la yid ches </font><hr>312a<br><font size=+1>


@#/ /par gyis shig ces gsung ba mdzad do/ /de bzhin du lho phyogs na de bzhin gshegs pa nyi zla'i sgron ma zhes bya ba dang / de bzhin gshegs pa grags pa zhes bya ba dang / de bzhin gshegs pa grags pa'i 'od ces bya ba dang / de bzhin gshegs pa 'od 'phro phung po zhes bya ba dang / de bzhin gshegs pa lhun po'i sgron ma zhes bya ba dang / de bzhin gshegs pa brtson 'grus mtha' yas zhes bya ba dang / de dag la sogs pa lho phyogs kyi sangs rgyas bcom ldan 'das gang+gA'i klung gi bye ma snyed dag rang rang gi sangs rgyas kyi zhing rnams ljags kyi dbang pos khebs par mdzad de/ khyed cag yon tan bsam gyis mi khyab pa yongs su brjod pa sangs rgyas thams cad kyis yongs su bzung ba'i chos kyi rnam grangs 'di la yid ches par gyis shig ces gsung ba mdzad do/ /de bzhin du nub phyogs na de bzhin gshegs pa tshe dpag med ces bya ba dang / de bzhin gshegs pa phung po dpag med ces bya ba dang / de bzhin gshegs pa rgyal mtshan dpag med ces bya ba dang / de bzhin gshegs pa 'od chen zhes bya ba dang / de bzhin gshegs pa 'od zer snang ba zhes bya ba dang / de bzhin gshegs pa rin po che'i tog ces bya ba dang / de bzhin gshegs pa 'od zer dag pa zhes bya ba dang / de dag </font><hr>312b<br><font size=+1>


la sogs pa nub phyogs kyi sangs rgyas bcom ldan 'das gang+gA'i klung gi bye ma snyed dag rang rang gi sangs rgyas kyi zhing rnams ljags kyi dbang pos khebs par mdzad de/ khyed cag yon tan bsam gyis mi khyab pa yongs su brjod pa sangs rgyas thams cad kyis yongs su bzung pa'i chos kyi rnam grangs 'di la yid ches par gyis shig ces gsung ba mdzad do/ / de bzhin du byang phyogs na de bzhin gshegs pa 'od 'phro'i phung po chen po zhes bya ba dang / de bzhin gshegs pa thams cad sgrol ba'i dbyangs zhes bya ba dang / de bzhin gshegs pa rab tu thul dka' zhes bya ba dang / de bzhin gshegs pa nyi ma 'byung zhes bya ba dang / de bzhin gshegs pa dra ba can gyi 'od ces bya ba dang / de bzhin gshegs pa 'od kyi 'byung gnas zhes bya ba dang / de dag la sogs pa byang phyogs kyi sangs rgyas bcom ldan 'das gang+gA'i klung gi bye ma snyed dag rang rang gi sangs rgyas kyi zhing rnams ljags kyi dbang pos khebs par mdzad de/ /khyed cag yon tan bsam gyis mi khyab pa yongs su brjod pa sangs rgyas thams cad kyis yongs su bzung ba'i chos kyi rnam grangs 'di la yid ches par gyis shig ces gsung ba mdzad do/ /de bzhin du 'og gi phyogs na de bzhin gshegs pa seng ge zhes bya ba dang / de bzhin gshegs pa grags </font><hr>313a<br><font size=+1>


@#/ /pa zhes bya ba dang / de bzhin gshegs pa grags 'od ces bya ba dang / de bzhin gshegs pa chos zhes bya ba dang / de bzhin gshegs pa chos 'dzin ces bya ba dang / de bzhin gshegs pa chos kyi rgyal mtshan zhes bya ba dang / de dag la sogs pa 'og gi phyogs kyi sangs rgyas bcom ldan 'das gang+gA'i klung gi bye ma snyed dag rang rang gi sangs rgyas kyi zhing rnams ljags kyi dbang pos khebs par mdzad de/ khyed cag yon tan bsam gyis mi khyab pa yongs su brjod pa sangs rgyas thams cad kyis yongs su bzung ba'i chos kyi rnam grangs 'di la yid ches par gyis shig ces gsung pa mdzad do/ /de bzhin du steng gi phyogs na de bzhin gshegs pa tshangs pa'i dbyangs zhes bya ba dang / de bzhin gshegs pa skar ma'i rgyal po zhes bya ba dang / de bzhin gshegs pa spos mchog ces bya ba dang / de bzhin gshegs pa spos 'od ces bya ba dang / de bzhin gshegs pa spos kyi phung po zhes bya ba dang / de bzhin gshegs pa rin chen me tog shin tu rgyas pa'i rigs zhes bya ba dang / de bzhin gshegs pa sA la'i dbang po'i rgyal po zhes bya ba dang / de bzhin gshegs pa rin chen ut+pa la'i dpal zhes bya ba dang / de bzhin gshegs pa mthong ba don yod ces bya ba dang / de </font><hr>313b<br><font size=+1>


bzhin gshegs pa ri rab lta bu zhes bya ba dang / de dag la sogs pa steng gi phyogs kyi sangs rgyas bcom ldan 'das gang+gA'i klung gi bye ma snyed dag rang rang gi sangs rgyas kyi zhing rnams ljags kyi dbang pos khebs par mdzad de/ khyed cag yon tan bsam gyis mi khyab pa yongs su brjod pa sangs rgyas thams cad kyis yongs su bzung ba'i chos kyi rnam grangs 'di la yid ches par gyis shig ces gsung ba mdzad do/ /shA ri'i bu/ 'di ji snyam du sems/ ci'i phyir chos kyi rnam grangs 'di sangs rgyas thams cad kyis yongs su bzung ba zhes bya zhe na/ shA ri'i bu/ rigs kyi bu'am rigs kyi bu mo gang dag chos kyi rnam grangs 'di dang / sangs rgyas bcom ldan 'das de dag gi mtshan thos par gyur pa dang / thos pa dang thos par 'gyur ba de dag thams cad sangs rgyas bcom ldan 'das rnams kyis yongs su bzung bar 'gyur ro/ /shA ri'i bu/ sems can gang dag bcom ldan 'das de bzhin gshegs pa 'od dpag med de'i sangs rgyas kyi zhing 'jig rten gyi khams bde ba can du sems kyis smon par byed pa'am/ byas pa'am/ byed pa'am/ byed par 'gyur ba de dag thams cad bla na med pa yang dag par rdzogs pa'i byang chub las phyir mi ldog go/ /phyir ma log go /phyir mi ldog par 'gyur ro/ /shA ri'i bu/ </font><hr>314a<br><font size=+1>


@#/ /ji ltar da ltar nga sangs rgyas bcom ldan 'das de dag gi yon tan bsam gyis mi khyab pa yongs su brjod pa de bzhin du/ shA ri'i bu/ sangs rgyas bcom ldan 'das de dag kyang nga'i yon tan bsam gyis mi khyab pa yongs su brjod do/ shA ri'i bus gsol pa/ bcom ldan 'das shAkya thub pa/ shAkya'i rgyal pos bskal pa'i snyigs ma dang / nyon mongs pa'i snyigs ma dang / sems can gyi snyigs ma dang / lta ba'i snyigs ma dang / tshe'i snyigs ma'i tshe 'jig rten gyi khams mi mjed du bla na med pa yang dag par rdzogs pa'i byang chub mngon par rdzogs par sangs rgyas te/ 'jig rten thams cad dang mi mthun pa'i chos bstan pa ni ngo mtshar lags so| |bcom ldan 'das kyis bka' stsal pa/ shA ri'i bu/ snyigs ma lnga'i tshe 'jig rten du ngas gang 'jig rten gyi khams mi mjed du bla na med pa yang dag par rdzogs pa'i byang chub mngon par rdzogs par sangs rgyas te/ 'jig rten thams cad dang mi mthun pa'i chos bstan pa de ni mchog tu dka' ba byed pa'o/ /bcom ldan 'das kyis de skad ces bka' stsal nas tshe dang ldan pa shA ri'i bu dang / nyan thos chen po de dag dang / byang chub sems dpa' de dag dang / lha dang / mi dang / lha ma yin dang / dri </font><hr>314b<br><font size=+1>


zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa bde ba can gyi bkod pa zhes bya ba theg pa chen po'i mdo rdzogs so// //rgya gar gyi mkhan po dA na shI la dang / zhus chen gyi lo tsA ba ban de ye shes sde la sogs pas bsgyur cing gtan la phab pa// </font><hr>

</table>