H133

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H133</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H133&coll=lhasa">see text in Tibetan script</a></table>367a<br><font size=+1>


//rgya gar skad du/ AR+Ya ta thA ga ta dz+nyA na mu drA sa mA d+hi nA ma ma hA yA na sU tra/ bod skad du/ 'phags pa de bzhin gshegs pa'i ye shes kyi phyag rgya'i ting nge 'dzin ces bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka lan+ta ka'i gnas na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' bye ba phrag sum cu thams cad kyang gzungs thob pa/ spobs pa thogs pa med pa/ ting nge 'dzin thob pa/ stong pa nyid kyi ting nge 'dzin la gnas pa/ mtshan ma med pa'i spyod yul ba/ smon lam bcos ma ma yin pa/ smon pa med pa la gnas pa/ spyod lam bcos pa med pa/ sgo mtha' yas pa sgrub pa'i gzungs thob pa/ mnyam pa nyid du bzod pa thob pa/ mnyam pa nyid thob pa/ thogs pa med pa'i gzungs thob pa/ sems can thams cad kyi dbang po mchog dang / mchog ma yin pa shes pa dang / bsam pa dang / </font><hr>367b<br><font size=+1>


spyod pa'i tshul shin tu shes pa sha stag dang thabs gcig tu bzhugs te/ de nas de'i tshe bcom ldan 'das de bzhin gshegs pa'i byin gyi rlabs sangs rgyas thams cad kyi yul la 'jug pa'i ting nge 'dzin gzugs med pa/ bstan du med pa/ gzung ba med pa/ thogs pa med pa/ snang ba med pa/ rnam par rig pa med pa/ rnam par rig par bya ba ma yin pa/ sems dang / yid dang / rnam par shes pa dang bral pa/ rtsa ba med pa/ rten pa med pa/ dmigs su med pa/ mi mnyam pa dang / mnyam pa med pa/ zla med pa/ nga yi ba med pa/ yongs su 'dzin pa med pa/ mi bya ba/ ma byas pa/ ma song ba/ ma 'ongs pa/ 'gro ba med pa/ mi gnas pa/ rgyun chad pa med pa/ gnas med pa/ mtshan ma med pa/ mtshan ma thams cad dang bral ba/ blang ba med pa/ dor ba med pa/ 'dus ma byas pa/ mngon par 'du mi byed pa/ 'du ba med pa/ bral ba med pa/ sems med pa/ sems dang bral ba/ kun tu 'byung ba med pa/ rtsom pa med pa/ yong su grub pa med pa/ ma byung ba/ kun tu ma byung ba/ rab tu rgyu ba med pa/ yang dag par rgyu ba med pa/ shin tu stong pa/ 'dre ba med pa/ chos thams cad la sgro btags pa med pa/ 'di lta ste/ sangs rgyas thams cad kyi yul la 'jug pa'i gzungs kyi sgo de bzhin gshegs pa'i ye shes kyi phyag rgya zhes bya ba'i ting nge 'dzin la snyoms par zhugs so/ /ting nge 'dzin de la snyoms par zhugs ma thag tu bcom ldan 'das kyi sku'ang mi snang / sku'i mtshan </font><hr>368a<br><font size=+1>


@#/ /ma'ang mi snang / sems dang / sems kyi mtshan ma'ang mi snang / na bza' dang / na bza'i mtshan ma'ang mi snang / gdan dang / gdan gyi mtshan ma'ang mi snang / gzims pa dang / gzims pa'i mtshan ma'ang mi snang / 'chag pa dang / 'chag pa'i mtshan ma'ang mi snang / bzhengs pa dang / bzhengs pa'i mtshan ma'ang mi snang / gnas pa dang / gnas pa'i mtshan ma'ang mi snang / grib ma'i dbyibs dang / grib ma'i dbyibs kyi mtshan ma'ang mi snang / bzhugs pa dang / bzhugs pa'i mtshan ma'ang mi snang zhing / sgra dang / sgra'i mtshan ma'ang mi grag go /de nas ting nge 'dzin de'i mthu dang / sangs rgyas kyi byin gyi rlabs kyis stong gsum gyi stong chen po'i 'jig rten gyi khams 'di snang ba chen pos khyab par gyur nas/ 'di lta bu'i 'od kyis snang bar byas te/ 'od des stong gsum gyi stong chen po'i 'jig rten gyi khams 'di na zla ba'i 'od kyang mi snang / nyi ma dang / skar ma dang / me dang / nor bu dang / glog gi 'od rnams kyang mi snang| dri za rnams dang / mi 'am ci rnams dang / 'dod pa na spyad pa dang / gzugs na spyod pa'i lha rnams dang / skar ma rnams dang / lha'i gzhal med khang gi 'od kyang mi snang / brgya byin dang / tshangs pa dang / 'jig rten skyong ba rnams kyi 'od kyang mi snang ngo / /sangs rgyas kyi byin gyi rlabs dang / ting nge 'dzin de'i mthus gang lha kha cig kyang lha'i dri mi tshor te/ stong </font><hr>368b<br><font size=+1>


gsum gyi stong chen po'i 'jig rten gyi khams 'di thams cad lha'i dri las shin tu 'das pa'i dris dri rab tu zhim par byas so/ /'jig rten gyi bar thams cad kyang snang bar gyur khor yug gi ri dang / khor yug gi ri chen po'ang snang bar byas/ ri rab dang / de ma yin pa ri'i rgyal po gzhan dag dang / ri nag po dag kyang snang bar gyur te/ phyis ni sems can gang gi mig gi dbang po la'ang snang bar ma gyur to/ /stong gsum gyi stong chen po'i 'jig rten gyi khams 'di thams cad kyang rin po che'i dra bas kun tu bskor bar gyur to/ /sangs rgyas kyi zhing mi mjed 'di thams cad du'ang dar gyi lda ldi bres shing pog snod nas spos kyis bdugs la me tog sna tshogs bkram par gyur to/ /sangs rgyas kyi mthus 'od ma'i tshal bya ka lan+ta ka'i gnas kyang bya rgod kyi phung po'i ri dang bcas te/ de dag thams cad lag mthil bzhin du mnyam par gyur cing / shing rta'i 'phang lo tsam gyi rin po che sna tshogs kyi pad+ma chen po 'dab ma brgya stong yod pa/ dri rab tu zhim zhing yid du 'ong bas kun gang bar gyur to/ /steng gi bar snang las kyang rin po che'i dra ba'i gdugs kyis g.yogs shing brgyan to/ /yul ma ga d+hA thams cad kyang gos ka tsa lin+di ka ltar reg na bde bar gyur to/ /de nas shar phyogs su sangs rgyas kyi zhing gang+gA'i klung gi bye ma snyed dag na byang chub sems dpa' sems dpa' chen po bla na med pa yang dag par rdzogs pa'i byang chub </font><hr>369a<br><font size=+1>


@#/ /tu skye ba gcig gis thogs pa/ tshad med pa/ grangs med/ dpag tu med pa brgya stong rnams kyang so so'i sangs rgyas bcom ldan 'das de dag gis bskul te/ rigs kyi bu dag/ 'jig rten gyi khams mi mjed du dengs shig /de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes la chos kyang ston pa de/ sangs rgyas thams cad kyi yul la 'jug pa'i gzungs kyi sgo de bzhin gshegs pa'i ye shes kyi phyag rgya zhes bya ba'i ting nge 'dzin la snyoms par zhugs so/ /rigs kyi bu dag /ting nge 'dzin de thos pa tsam gyis kyang byang chub sems dpa' rnams kyis gces spras byed par 'gyur te/ thabs mkhas pa med par bskal pa brgya stong du pha rol tu phyin pa drug la spyad pa ni de lta ma yin gyi/ ting nge 'dzin de nyan du dengs shig /de nas byang chub sems dpa' sems dpa' chen po de dag so so'i de bzhin gshegs pa rnams kyi ltar mnyan nas/ bcom ldan 'das de dag la phyag btsal te/ skad cig thang cig yud tsam cig la sangs rgyas kyi zhing de dag nas mi snang bar gyur nas rang rang gi mngon par shes pa'i rdzu 'phrul gyi stobs bskyed pas mi mjed kyi 'jig rten gyi khams 'di ga la ba dang / dbus kyi gling bzhi pa ga la ba dang / dzam+bu'i gling ga la ba dang / rgyal po'i khab kyi grong khyer chen po </font><hr>369b<br><font size=+1>


ga la ba dang / 'od ma'i tshal bya ka lan+ta ka'i gnas ga la ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der 'ongs te lhags nas| bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag btsal te/ bcom ldan 'das la lan gsum bskor ba byas nas| phyogs gcig tu 'khod de/ bcom ldan 'das kyis gnas nas de dag thams cad rin po che sna tshogs kyi pad+ma chen po la skyil mo krung bcas te 'khod do/ /de bzhin du sbyor te/ lho phyogs dang / nub phyogs dang / byang phyogs dang / 'og gi phyogs dang / steng gi phyogs dang / de bzhin du phyogs dang / phyogs mtshams dang / phyogs mtshams dang nye ba dang / phyogs bcu kun tu sangs rgyas kyi zhing gang+gA'i klung gi bye ma snyed dag na/ byang chub sems dpa' sems dpa' chen po bla na med pa yang dag par rdzogs pa'i byang chub tu skye ba gcig gis thogs pa/ tshad med/ grangs med/ dpag tu med ba brgya stong de dag so so'i de bzhin gshegs pa de dag gis bkye ste/ rigs kyi bu dag /khyed 'jig rten gyi khams mi mjed du dengs shig /de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes la chos kyang ston pa de/ sangs rgyas thams cad kyi yul la 'jug pa'i gzungs kyi sgo de bzhin </font><hr>370a<br><font size=+1>


@#/ /gshegs pa'i ye shes kyi phyag rgya zhes bya ba'i ting nge 'dzin la snyoms par zhugs so/ /rigs kyi bu dag /ting nge 'dzin de'i ming thos pa tsam gyis kyang / byang chub sems dpa' rnams kyis gces spras byed par gyur te/ thabs mkhas pa med par bskal pa brgya stong du pha rol tu phyin pa drug la spyad pa ni de lta ma yin gyi/ ting nge 'dzin de nyan du dengs shig de nas byang chub sems dpa' sems dpa' chen po de dag so so'i de bzhin gshegs pa dag gi ltar mnyan nas bcom ldan 'das de dag la phyag 'tshal te/ skad cig thang cig yud tsam zhig la sangs rgyas kyi zhing de dag nas mi snang bar gyur nas rang rang gi mngon par shes pa'i rdzu 'phrul gyi stobs bskyed pas mi mjed kyi 'jig rten gyi khams 'di ga la ba dang / dbus kyi gling bzhi pa ga la ba dang / dzam+bu'i gling ga la ba dang / rgyal po'i khab kyi grong khyer chen po ga la ba dang / 'od ma'i tshal bya ka lan+ta ka'i gnas ga la ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der 'ongs te lhags nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag btsal nas phyogs gcig tu 'khod de/ bcom ldan 'das kyis gnang nas de dag thams cad rin po che sna tshogs </font><hr>370b<br><font size=+1>


kyi pad+ma chen po la skyil mo krung bcas te 'khod do/ /stong gsum gyi stong chen po'i 'jig rten gyi khams 'di na dge slong gang dag nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa la gnas pa yul so sor rgyu zhing dong ba de dag thams cad kyang sangs rgyas kyi mthu dang / sangs rgyas kyi byin gyi rlabs kyis bya rgod kyi phung po'i ri ga la ba dang / bcom ldan 'das ga la ba der 'ongs te lhags nas/ bcom ldan 'das gang du'ang ma mthong ngo / /ma mthong nas thal mo sbyar te phyag btsal lo/ /'di ltar de bzhin gshegs pa'i ye shes kyi phyag rgya'i ting nge 'dzin 'di'i gzi brjid kyi mthus skad cig thang cig yud tsam de nyid la 'od ma'i tshal bya ka lan+ta ka'i gnas su bcom ldan 'das kyi 'khor gyi dkyil 'khor du byang chub sems dpa' bye ba phrag brgyad cu 'dus par gyur te 'khod do/ /nyan thos 'bum phrag gsum yang 'dus par gyur te 'khod do/ /stong gsum gyi stong chen po'i 'jig rten gyi khams 'di'i brgya byin dang / tshangs pa dang / 'jig rten skyong pa dang / dbang phyug chen po dang / gnas gtsang ma'i ris kyi lha'i bu rnams dang / lha thams cad dang / lha'i dbang po rnams dang / klu thams cad dang / klu'i dbang po rnams dang| gnod sbyin thams cad dang / gnod sbyin gyi dbang po rnams dang / dri za thams cad dang / dri za'i dbang po rnams dang / lha ma yin thams cad dang / lha ma yin gyi dbang po rnams </font><hr>371a<br><font size=+1>


@#/ /dang| nam mkha' lding thams cad dang / nam mkha' lding gi dbang po rnams dang / mi'am ci thams cad dang / mi'am ci'i dbang po rnams dang / lto 'phye chen po thams cad dang / lto 'phye chen po'i dbang po rnams dang / 'dab bzang thams cad dang / 'dab bzang gi dbang po rnams dang / de dag thams cad so so'i g.yog srog chags bye ba khrag khrig brgya stong mang po dang / 'od ma'i tshal bya ka lan+ta ka'i gnas ga la ba dang / bcom ldan 'das ga la ba der 'ongs te lhags nas/ bcom ldan 'das gang du'ang ma mthong ngo / /ma mthong nas thal mo sbyar te phyag btsal lo/ /de'i tshe dbang che ba dbang che bar grags pa'i byang chub sems dpa' sems dpa' chen po dang / nyan thos chen po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang / dge slong dang / dge slong ma dang / dge bsnyen dang / dge snyen ma dag gis stong gsum gyi stong chen po'i 'jig rten gyi khams 'di steng du srid pa'i rtse mo man chad sa phyogs gang yang ma gang ba med de/ tha na skra'i rtse mo'i cha bzhag pa tsam yang dag pa med par gyur to/ /de nas gnas brtan shA radwa ti'i bu dang / maung+gal gyi bu chen po dang / gnas brtan gsus po che dang / kA t+ya'i bu chen po dang / 'od srung chen po dang / </font><hr>371b<br><font size=+1>


tshe dang ldan pa byams pa'i bu gang po dang / gnas brtan rab 'byor dang / nyan thos chen po de dag thams cad 'jam dpal gzhon nur gyur pa ga la ba der dong ste phyin nas/ 'jam dpal gzhon nur gyur pa la 'di skad ces smras so/ /'jam dpal/ de bzhin gshegs pa da ltar gang na bzhugs/ de bzhin gshegs pa'i sku'i tshul 'di ci 'dra/ de bzhin gshegs pa'i bzhugs pa de ci 'dra/ de skad ces smras pa dang / 'jam dpal gzhon nur gyur pas nyan thos chen po de dag la 'di skad ces smras so/ /tshe dang ldan pa dag /khyed cag thams cad kyang nyan thos chen po shes rab dang ldan pa/ rdzu 'phrul chen po dang ldan pa/ mthu che ba/ dbang che ba/ mkhas pa chen po'i ting nge 'dzin la dbang thob pa/ yun ring po nas tshangs par spyod pa spyad pa yin na/ tshe dang ldan pa dag /so so nas ting nge 'dzin la snyoms par zhugs la/ de bzhin gshegs pa'i sku dang / de bzhin gshegs pa bzhugs pa yongs su tshol cig / de bzhin gshegs pa'i sku de ga la yod pa dang / de bzhin gshegs pa'i sku de ci 'dra ba dang / de bzhin gshegs pa'i bzhugs pa ci 'dra ba yongs su tshol cig /de nas nyan thos chen po de dag rang rang gi ting nge 'dzin la snyoms par zhugs nas stong gsum gyi stong chen po'i 'jig rten gyi khams thams cad du brtags te/ brtags nas kyang de bzhin gshegs </font><hr>372a<br><font size=+1>


@#/ /pa'i sku'ang ma mthong / de bzhin gshegs pa'i bzhugs pa'ang ma mthong ngo / /de nas nyan thos chen po de dag gis de ltar stong gsum gyi stong chen po'i 'jig rten gyi khams 'di thams cad du brtags na de bzhin gshegs pa'i sku'ang ma mthong / de bzhin gshegs pa'i bzhugs pa'ang ma mthong nas rang rang gi ting nge 'dzin las langs te yang 'jam dpal gzhon nur gyur pa la 'di skad ces smras so/ /'jam dpal/ kho bo cag gis ni de bzhin gshegs pa'i sku dang / de bzhin gshegs pa'i bzhugs pa'ang ma mthong ngo / /de skad ces smras pa dang / 'jam dpal gzhon nur gyur pas nyan thos chen po de dag la 'di skad ces smras so/ /de'i phyir tshe dang ldan pa nyan thos chen po khyed cang ma smra bar thal mo sbyar la sems rtse gcig tu de bzhin gshegs pa yid la gyis te skad cig sdod cig dang / de bzhin gshegs pa'i sku dang / de bzhin gshegs pa'i bzhugs pa'ang mthong bar 'gyur ro/ /de nas bcom ldan 'das dran pa dang ldan zhing mkhyen bzhin du ting nge 'dzin de las bzhengs so/ /bcom ldan 'das ting nge 'dzin de las bzhengs ma thag tu stong gsum gyi stong chen po'i 'jig rten gyi khams 'di rnam pa drug dang / ltas bco brgyad du g.yos/ rab tu g.yos so/ kun tu rab tu g.yos so/ /'gul/ rab tu 'gul/ kun tu rab tu 'gul lo/ /ldeg /rab tu ldeg /kun tu rab tu ldeg go / </font><hr>372b<br><font size=+1>


'khrugs/ rab tu 'khrugs/ kun tu rab tu 'khrugs so/ /'ur 'ur/ rab tu 'ur 'ur/ kun tu rab tu 'ur 'ur ro/ /chem chem/ rab tu chem chem/ kun tu rab tu chem chem mo/ /shin tu lam me/ shin tu thal le/ shin tu lhang nge'o/ /bcom ldan 'das la mchod pa'i phyir lha'i me tog gi char mngon par bab cing / lha'i sil snyan dang / glu dbyangs kyang len to/ /de nas tshe dang ldan pa shA radwa ti'i bu stan las langs te/ bla gos phrag pa gcig tu gzar nas pus mo g.yas pa'i lha ngas la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ ting nge 'dzin gang la bzhugs pas de bzhin gshegs pa'i sku snyan thos chen po rnams kyi shes rab kyi mig gis mi mthong ba'i ting nge 'dzin 'di ci 'dra/ bcom ldan 'das/ de bzhin gshegs pa'i bzhugs pa de ci 'dra/ de skad ces gsol ba dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ ting nge 'dzin 'di ni nyan thos dang / rang sangs rgyas thams cad kyi sa ma yin gyi/ shA radwa ti'i bu/ 'di ni de bzhin gshegs pa'i sa te/ sangs rgyas kyi rnam par 'phrul pa dang / cho 'phrul chen po 'di ni bsam gyis mi khyab bo/ /'on kyang / shA radwa ti'i bu/ legs par rab tu nyon la yid la zungs shig dang / de bzhin gshegs pa'i sku'i phyogs tsam zhig ngas khyod la bshad de bstan to/ /bcom ldan </font><hr>373a<br><font size=+1>


@#/ /'das/ legs so zhes gsol te/ tshe dang ldan pa shA radwa ti'i bu bcom ldan 'das kyi ltar mnyan pa dang / de la bcom ldan 'das kyis 'di skad ces bka' stsal to/ / shA radwa ti'i bu/ de bzhin gshegs pa'i sku yang dag pa nyid de ni mig thams cad kyi lam las yang dag par 'das pa nam mkha' dang mtshungs pa ste/ de ni lus med pa/ ma byas pa/ ma skyes pa/ ma 'gags pa/ ma byung ba/ yang dag par ma byung ba/ rab tu ma byung ba/ thob pa med pa/ gdags pa med pa/ ma zhugs pa/ mngon par ma grub pa/ mtha' med pa/ mu med pa/ zhi ba/ rab tu zhi ba/ nye bar zhi ba/ gnas med pa/ skye ba med pa/ tshig gi lam ma yin pa/ rnam par rig pa med pa/ kun tu 'byung ba med pa/ rgyu ba med pa/ rab tu rgyu ba med pa/ rgyu ba dang bral ba/ shin tu rnam par dag pa/ ci'ang ma yin pa/ ci'ang med pa/ len pa med pa/ blang ba med pa/ g.yo ba med pa/ spyod pa med pa/ rten pa med pa/ ma skyes pa/ ma byung ba/ las med pa/ rnam par smin pa med pa/ ma mthong ba/ ma thos pa/ rnam par ma shes pa/ ma chags pa/ ma bcings pa/ ma grol ba/ yod pa ma yin pa/ dran pa ma yin pa/ ma bsnams pa| ma myong ba/ ma mthong ba/ rnam par rig pa med pa/ rnam par rig par bya ba ma yin pa/ rnam par rig pa med pa'i mtshan nyid sems med pa/ bsam gyis mi khyab pa/ bsam </font><hr>373b<br><font size=+1>


par bya ba ma yin pa/ sems ma yin pa/ sems pa dang bral ba/ sems mnyam pa nyid dang ldan pa/ mnyam pa med pa/ sems kyi 'jug pas mi chud pa/ 'gro bar ma song ba/ 'gro ba med pa| 'gro ba dang bral ba/ 'gro ba thams cad chad pa/ mi chod pa/ dpags pa med pa/ gcad du med pa/ phrag med pa/ bltar med pa/ rmad du byung ba/ rjes med pa/ rdzas ma yin pa/ dngos po med pa| tha dad pa ma yin pa/ tha dad pa med pa/ ma byung ba/ yang dag par ma byung ba/ mi 'khrugs pa/ mi rtog pa/ rnam par mi rtog pa/ rtsom pa med pa/ ma grub pa/ kun tu ma grub pa/ ma bsgrubs pa/ khyab pa med pa/ mi g.yo ba/ mi gsal ba/ ma rig pa/ 'dod par bya ba ma yin pa/ 'od med pa/ mi snang ba/ gzung ba med pa/ snang ba med pa/ mun pa med pa/ mun pa ma yin pa| mun pa dang bral ba/ gsal ba ma yin pa/ gnas med pa/ gnas dang bral ba/ ma zhi ba/ rab tu ma zhi ba/ zhi ba med pa/ zhi ba dang bral ba/ zhi ba mnyam pa/ dag pa/ rnam par dag pa / yongs su dag pa/ ci'ang med pa/ len pa med pa/ nye bar len pa med pa/ mdza' ba med pa/ 'thab pa med pa/ 'thab pa dang bral ba/ mi gnas pa'i tshul gyis gnas pa/ mdud pa med pa/ mdud pa dang bral ba/ dang ba/ rnyog pa med pa/ shi 'pho med pa/ shi 'phor 'gyur ba med pa/ chos med pa/ chos ma yin pa med pa/ zhing med pa/ zhing ma yin pa med pa/ mi zad pa/ zad par bya ba ma yin pa/ zad pa </font><hr>374a<br><font size=+1>


@#/ /dang bral ba/ rdul med pa/ skad cig pa/ mi 'khrugs pa/ yi ge yongs su spangs pa/ sgra yongs su spangs pa/ dbyangs yongs su spangs pa/ bshad pa yongs su spangs pa/ bsgom pa yongs su spangs pa/ sems pa yongs su spangs pa/ sems yongs su spangs pa/ rigs pa med pa/ rigs pa med pa ma yin pa/ rigs pa dang bral ba ma yin pa/ ldan pa ma yin pa/ ldan pa med pa ma yin pa/ zad pa med pa/ zad pa med pa ma yin pa/ 'chi ba med pa/ 'chi ba med pa ma yin pa/ zhi bar bya ba ma yin pa/ mtshan ma med pa/ mtshan ma med pa ma yin pa/ dpag tu med pa/ dpag tu med pa ma yin pa/ dpag par bya ba ma yin pa/ ma song ba/ ma 'ongs pa/ gnyis su med pa/ gnyis su med pa ma yin pa/ dmigs pa med pa/ tshu rol ma yin pa/ pha rol ma yin pa/ gzhi med pa/ gnas med pa/ mi 'byung ba/ mi 'jig pa/ ma 'phos pa/ mnyan du med pa/ pha rol gnon pa med pa/ len pa med pa/ 'dor ba med pa/ mtshan nyid med pa/ mtshan nyid dang bral ba/ mtshan nyid ma yin pa/ mtshan nyid yongs su spangs pa/ las med pa/ las med pa ma yin pa/ mtshan med pa/ mtshan med pa ma yin pa/ mtshan gyis brgyan pa| sgo med pa/ mi chags pa/ chags pa dang bral ba/ dad par byed pa/ sbyar ba med pa/ sbyar ba dang bral ba/ bde bar byed pa/ mchog tu bde bar byed pa/ skye mched drug las </font><hr>374b<br><font size=+1>


grol ba/ mi snang ba/ de bzhin nyid kyis rab tu phye ba de kho na nyid/ de bzhin nyid sems can rnams mi sgrol ba'i tshul gyis sgrol ba/ sems can rnams mi 'grol ba'i tshul gyis 'grol ba| sems can rnams yongs su mi sbyong ba'i tshul gyis sbyong ba/ sems can rnams la mi skyob pa'i tshul gyis skyob pa/ gnyis su med pa'i tshul gyis sems can rnams la chos ston pa/ / mnyam pa med pa/ mi mnyam pa dang mnyam pa/ 'dra ba med pa/ zla med pa/ mi 'chi ba dang mnyam pa/ nam mkha' dang mnyam pa/ gnas med pa dang mnyam pa/ shin tu mnyam pa/ / ma skyes pa/ skye ba med pa dang mnyam pa/ mi dmigs pa/ dmigs pa med pa dang mnyam pa/ ma zhi ba/ zhi ba dang bral ba/ zhi ba nyams pa/ zhi ba rab tu zhi ba/ nye bar zhi ba/ 'jam pa/ mnyen pa| shin tu dri ma med pa/ shin tu dul ba/ rtag pa ma yin pa/ chad pa ma yin pa/ spyod pa las ldog pa/ ldog pa med pa/ nges pa/ 'jigs pa las ldog pa/ phyir mi ldog pa/ 'dzin pa thams cad gcod pa/ mdud pa thams cad gcod pa/ gsal ba/ tha dad pa med pa/ gnyis su med pa/ gnyis dang bral ba/ gnyis su med par yongs su bstan pa/ ma byas pa'i ngo bo nyid/ rang bzhin gyis 'od gsal gshin tu kun tu 'byung ba med pa/ rnam par grol ba'i tshul gyis spyod pa las rnam par grol ba/ 'du ba med pa/ bral ba med pa/ ring po ma yin </font><hr>375a<br><font size=+1>


@#/ /pa| thung du ma yin pa/ zlum po ma yin pa/ gru bzhi ma yin pa/ kun tu dkyil 'khor ma yin pa/ sbo ma po ma yin pa/ phung pos rab tu phye ba ma yin pa/ khams kyis rab tu phye ba ma yin pa/ skye mched kyis rab tu phye pa ma yin pa/ 'dus byas su rnam pa brtag pa ma yin pa/ 'dus ma byas las byung ba ma yin pa/ 'phel ba med pa/ 'bri ba med pa/ gsog pa med pa/ ma skyes pa/ sus kyang ma mthong ba/ ma thos pa/ rnam pa ma shes pa/ yang dag pa ma yin pa/ yang dag pa ma yin pa'ang ma yin pa/ ma skyes pa| 'chi 'pho ma yin pa/ 'jig rten dang lhan cig pa ma yin pa/ lhan cig pa ma yin pa'ang ma yin pa ste/ lus de ni g.yo ba med pa/ 'khrul pa med pa/ rgod pa med pa/ rgyu ba med pa/ rnam par rgyu ba med pa/ bsgom pa med pa/ bsgom pa dang bral ba ma yin pa/ 'byung ba ma yin pa/ 'jig pa ma yin pa/ ngo bo nyid ma yin pa/ ngo bo nyid med pa'ang ma yin pa/ sems pa med pa/ ston pa med pa/ sbyor ba med pa/ mi sbyor ba/ mi sbyor ba'ang ma yin pa/ 'dod pa la 'dod chags pa ma yin pa/ 'dod pa la 'dod chags med pa ma yin pa/ med pa/ med pa ma yin pa/ mtshan nyid med pa/ mtshan nyid med pa ma yin pa/ mya ngan las 'da' ba med pa/ yongs su mya ngan las ma 'das pa/ gnas pa med pa/ gnas pa med pa ma </font><hr>375b<br><font size=+1>


yin pa ste/ shA ratwa ti'i bu/ de bzhin gshegs pa'i sku gnas pa de lta bu ni mtshan ma la gnas pa'i sems can lta ba gnyis su lhung ba gang gis kyang shes par nus sam/ shA radwa'i bus gsol pa/ bcom ldan 'das/ de ni gnas ma lags te/ skabs ma mchis so/ /de ci'i slad du zhe na/ bcom ldan 'das/ de bzhin gshegs pa'i sku ni mtshan ma dang / mtshan ma thams cad dang bral ba lags so/ /bcom ldan 'das kyis bka' stsal pa/ shA radwa ti'i bu/ de de bzhin no/ /de de bzhin te/ de bzhin gshegs pa'i sku ni mtshan ma dang / mtshan ma thams cad dang bral ba'o/ /de nas bcom ldan 'das kyis de bzhin gshegs pa'i ye shes kyi phyag rgya'i ting nge 'dzin 'di rgyas par bstan pa dang / shin tu rgyas pa'ang rgya cher yongs su rdzogs par bya ba'i phyir de'i tshe tshigs su bcad pa 'di dag bka' stsal to/ /lus de lus ma yin zhing lus las yongs su grol/ /sus kyang ma byas ma bshig rnyed par gyur pa'ang med/ /chos rnams gang na'ang kun tu ldan med mi ldan med/ /bde bar gshegs pa rnams kyi sku de de ltar bstan/ /'du med 'bral ba med cing gnas med rdzas kyang med/ / ma bzung ma grol mnyam pa med cing ring ba med/ /rtsom pa med cing thogs med ci la'ang gnas pa med/ /bde bar gshegs pa rnams kyi sku ni de 'drar bstan/ /gzang ba med cing </font><hr>376a<br><font size=+1>


@#/ /ma byas ngas med ci yang med/ /gzugs med sems med gnyis ma yin zhing gcig kyang min/ /dngos med dngos med ma yin ma byung med pa ste/ /yang dag nyid du rgyal ba'i sku de 'di 'dra'o/ /snying po de med nyam chung ma yin bcad pa'ang med/ /ma bcad ma byung kun tu ma byung zhig pa'ang med/ /thob pa med cing rdul tsam dag kyang bshig med de/ /rdul med rnams kyi sku de de 'drar shes par bya/ /ma mthong ma thos ma bsnams reg par gyur pa med/ /rnam par rig med ma brtags mig yor 'dra ba ste/ /srog chags mthong nas rang gi 'dzin pas sems kyang rangs/ /'di ni sangs rgyas dag gi sku 'grub bstan pa'o/ /phung po ma yin khams min mi rdzun mi bden te/ /dag med rnam par dag med dbang pos mi reg pa/ /rtog pa med cing rnam par mi rtog chu zla 'dra/ /bde bar gshegs pa'i sku 'di lta bar su 'dod pa/ /sku ni rgyu dang rkyen las gyur te rang bzhin med/ /ma skyes ma 'gags song ba med cing 'phos pa'ang med/ /brtags na 'jig rten gsum ni sgyu ma bzhin du snang / /rgyal ba rnams kyi sku ni mi rtog de 'drar ltos/ / zhi med rab zhi ma yin zhi bral sbyor ba'ang med/ /chags med rigs med 'di na chad pa stong pa bzhin/ /yang na ngo bo nyid kyis nam mkha' lta bu ste/ /de ltar mthong na nyin mtshan </font><hr>376b<br><font size=+1>


sangs rgyas mchod pa yin/ /zhing rnams bye ba stong phrag ji tsam phyogs rnams su/ /srid pa'i rtse mo bar du rin chen gang ba dag /sangs rgyas rnams la bskal mang phye ba'i mthar 'bul ba// sbyin pa de ni mdo sde 'di bris char mi phod/ /gang+gA'i bye ma snyed pas mang ba'i bskal par yang / /'gro la snyoms pa'i sems kyis byams pa bsgoms pa bas/ /gang zhig ye shes phyag rgya ting 'dzin mchog mos pa/ /tshul khrims de ni bzod pa 'di yi char mi phod/ /ji tsam sngon gyi 'khor ba dag ni mtha' yas pa/ /de srid bskal par srog chags kun la rtag bzod pa/ /rgyal ba'i phyag rgya 'di la dad pa gcig bskyed na/ /'dir dad bsod nams dang ni ri rab yungs 'bru bzhin/ /ji tsam 'jig rten gsum gyi sems can rnam mang skyes/ /de dag mi gang bskal pa mang por mgor thogs shing / /lus kyang mi ngal nam du'ang g.yo ba mi skyed pa/ /brtson 'grus de ni bzod pa 'di yi char mi phyod/ /zhing brgya'i bye ma ji snyed de bas lhag pa yi/ / bskal pa mang por gang rnams bsam gtan byed pas/ /mdo sde 'di la nyin zhag gcig tsam spyod pa yang / /bsod nams de ni bzod pa 'di yi dper mi rung / /rdul khams ji snyed pa yi bskal pa grangs med par/ /shes rab mtha' gnyis spangs la mngon par brtson pa bas/ /gang gis ji skad bshad pa'i ye shes 'di rtogs pa/ /bsod nams de yang rgya </font><hr>377a<br><font size=+1>


@#/ /mtsho dang ni chu thigs bzhin/ /rgyal ba la ni gzugs dang mtshan mar ma lta shig /byis pa lta bus bde bar gshegs la sems ma ltar/ /gang gis rab 'byor lta bur nga ni mthong gyur pa/ /des ni stong gsum kun gyi sbyon pa thams cad sbyangs/ /de nas bcom ldan 'das kyis tshigs su bcad pa de dag gsungs nas/ yang gnas brtan shA radwa ti'i bu la 'di skad ces bka' stsal to/ /shA radwa ti'i bu/ de bzhin gshegs pa'i ye shes kyi phyag rgya'i ting nge 'dzin 'di ni phyogs bcu'i 'jig rten gyi khams kyi byang chub sems dpa' thams cad kyi sgrib pa med pa'i ye shes mthong ba yongs su rdzogs par 'gyur ba'o/ /shA radwa ti'i bu/ gang zhig sangs rgyas bcom ldan 'das rnams mthong bar 'dod na lhag pa'i bsam pas ting nge 'dzin 'di la rab tu sbyar bar bya'o/ /byang chub sems dpa' lhag pa'i bsam pas sbyor ba ni nyin zhag gcig kho nas de bzhin gshegs pa mthong bar 'gyur ro/ /shA radwa ti'i bu/ gzhan yang byang chub sems dpa' phyogs bcu'i sangs rgyas kyi zhing thams cad kyi sangs rgyas bcom ldan 'das rnams mthong bar 'dod pa des ting nge 'dzin 'di la nyin mtshan du sbyar bar bya ste/ lhag pa'i bsam pas 'jug pa'i byang chub sems dpa' ni phyogs bcu'i sangs </font><hr>377b<br><font size=+1>


rgyas kyi zhing thams cad kyi sangs rgyas bcom ldan 'das rnams mthong bar 'gyur ro/ /shA radwa ti'i bu/ de bzhin gshegs pa'i ye shes kyi phyag rgya'i ting nge 'dzin 'di ni byang chub sems dpa' rnams kyi sgo mtha' yas bsgrub pa'i gzungs kyi chos kyi tshul sgrub par 'gyur ba'o/ /'di ni gzungs kyi sgo rnams kyi gnas so/ /'di las gzungs kyi sgo rnams 'byung ngo / /ting nge 'dzin 'di ni byang chub sems dpa' rnams kyi skyes bu chen po'i mtshan sum cu rtsa gnyis yongs su 'grub par 'gyur ba dang / dpe byad bzang po brgyad cu yongs su rdzogs par 'gyur ba'o/ /byang chub sems dpa'i ting nge 'dzin 'di la rab tu sbyor ba ni las kyi sgrib pa thams cad yongs su dag pa thob bo/ /bdud kyi las thams cad las kyang yang dag par 'da'o/ /'gro ba dang bcas par de bzhin gshegs pa la bsnyen bkur byed pa ma yin/ spyod pa ma yin/ byang chub sems dpa'i ting nge 'dzin 'di la sbyor ba ni gang ci smra ba de dag thams cad 'khrul ba med do/ /de'i lus kyi las gang ci yin pa de thams cad kyang skyon med do/ /ngag gi las gang ci yin pa de dag thams cad kyang kun tu 'byung ba med do/ /yid kyi las gang ci yin pa de dag thams cad kyang kun nas nyon mongs pa med do/ /shA radwa ti'i bu/ byang chub sems dpa' de bzhin gshegs pa rnams kyi ldem po dag khong du chud par 'dod pas ting </font><hr>378a<br><font size=+1>


@#/ /de 'dzin 'di la sbyar bar bya'o/ /chos bstan pa khong du chud par 'dod pas ting nge 'dzin 'di la sbyar bar bya'o/ /chos kyi mtshams sbyar ba ston par 'dod pas ting nge 'dzin 'di la sbyar bar bya'o/ /bden pa'i tshul khong du chud par 'dod pas ting nge 'dzin 'di la sbyar bar bya'o/ /yang dag pa'i mtha' mngon du bya bar 'dod pas ting nge 'dzin 'di la sbyar bar bya'o/ /rten cing 'brel par 'gyur ba khong du chud par 'dod pas ting nge 'dzin 'di la sbyar bar bya'o/ /sems can gyi mos pa ji lta ba bzhin du shes par 'dod pas ting nge 'dzin 'di la sbyar bar bya'o/ /bsam pa ji ltar ba bzhin du sangs rgyas kyi zhing gi yon tan bkod pa phun sum tshogs pa yongs su gzung bar 'dod pas ting nge 'dzin 'di la sbyar bar bya'o/ /'od phun sum tshogs pa sgrub par 'dod pas ting nge 'dzin 'di la sbyar bar bya'o/ /'khor phun sum tshogs pa yongs su rdzogs par 'dod pas ting nge 'dzin 'di la sbyar bar bya'o/ /tshe phun sum tshogs pa yongs su rdzogs par 'dod pas ting nge 'dzin 'di la sbyar bar bya'o/ /bkod pa phun sum tshogs pa yongs su rdzogs par 'dod pa ting nge 'dzin 'di la sbyar bar bya'o/ /bstan pa phun sum tshogs pa yongs su rdzogs par 'dod pas ting nge 'dzin 'di la sbyar bar bya'o/ /byang chub sems dpa' sems dpa' chen po </font><hr>378b<br><font size=+1>


bdag dang / gzhan gyi bsam pa thams cad yongs su rdzogs par 'dod pas ting nge 'dzin 'di la sbyar bar bya'o/ /yongs su 'tshol ba dang / mos pa dang / yi ger 'dri ba dang / klog pa dang / 'dzin pa dang / 'chang ba dang / bsgom pa'i phyir ting nge 'dzin 'di la sbyar bar bya'o/ /de ci'i phyir zhe na/ de dag thams cad de la dka' bar mi 'gyur ba'i phyir ro| |shA radwa ti'i bu/ 'di lta ste/ dper na/ yid bzhin gyi nor bu rin po che chen po 'dod pa thams cad sbyin pa zhes bya ba'am/ 'dod pa thams cad sbyin pa'i shing gis sems can rnams kyi bsam pa thams cad yongs su rdzogs par byed do/ /shA radwa ti'i bu/ de bzhin du ting nge 'dzin 'di'ang byang chub sems dpa' sems dpa' chen po rnams kyi bsam pa thams cad rnam pa thams cad du yongs su rdzogs par byed do/ /de nas bcom ldan 'das kyis de'i tshe tshigs su bcad pa 'di dag bka' stsal pa/ ye shes mtha' yas phyag rgya mdo sde 'di/ /ye shes phung po ye shes khyad 'phags mchog /ye shes 'od dang ye shes 'byor pa'i mdzod/ /ye shes 'byung gnas ye shes sgor 'jug pa/ /shes dbang shes rab 'byung gnas shes rabs/ /shes rab sgron ma shes rab 'od mun sel/ /shes rab mi zad shes rab tshul rab bshad/ /nyi ma bzhin du 'jig rten gsum na lhan/ /mnyam pa 'byor pa mnyam pa nyid la </font><hr>379a<br><font size=+1>


@#/ /gnas| |'dzin pa thams cad gcod dang bden pa'i tshul/ /ting 'dzin kun sgo ye shes phyag rgya ni/ /sangs rgyas so so yang dag rig pa'i rig /gzad mi shes pa'i nor mdzod pha rol 'gro /shes rab rdzu 'phrul shes rab 'byung gnas gter/ /bsam pa ji bzhin dga' bde'i rtsa ba ste/ /ting 'dzin phyag rgya 'di ni bde gshegs nor| |rin chen ldan pa'i yul 'khor rgyal pos bsten/ /rin chen dam pa rin chen mchog 'byung gnas/ /'dod chags rdul dang zhe sdang dri ma sel/ /mdo bshad 'di ni rin chen rtsa pa'o/ /zhi zhing zhi la yid ni zhi byed pa/ /mdzes pa byed dang bdag tu lta ba sbyong / /sangs rgyas gzungs kyi phyag rgya 'di rnyed pas/ /dpa' bo'i mtshon gyis bdud ni rab tu 'joms/ /shes bya'i srog chags ye shes shes byed pa/ /ye shes 'byung gnas ye shes 'byor shes rab/ /ye shes snang ba pha rol mtha' yas te/ /mdo sde 'di ni ye shes sgo 'byung gnas/ /dul ba dul ba mdud pa gnyis gcod pa/ /lta byas drug cu gnyis kyi lta ba sbyong / /rgyal ba'i sgo ste bdud rtsi 'thob par 'gyur/ /'di ni sum cu rtsa gnyis mtshan 'byung gnas/ /byang chub shin tu byang chub rang bzhin mthun/ /mu stegs shes byed byang chub rgyu shes byed/ /byang chub 'di ni gnyid log sad byed pa/ /byang </font><hr>379b<br><font size=+1>


chub tshul 'dir mtha' yas zad mi shes/ /chos kyi tshul dang rigs pa rnam par sgom/ /mtha' yas pa yi gzungs rnams rab tu sgrub/ /stobs bcu rnams kyi chos la 'jug pa ste/ / gzungs 'di nyid ni rgya mtsho lta bu'o/ /'di ni sbyin pa'i pha rol phyin pa sgrub/ /'di ni tshul khrims pha rol phyin dang bzod/ /brtson 'grus bsam gtan shes rab mi zad de/ /'dir gnas pha rol phyin pa phun sum tshogs/ /las dang nyon mongs pa la 'jigs ma byed/ /blo gros ngan pa'i bdud kyis ma 'jigs shig /'di la sbyor la rab tu mchod med de/ /ji ltar bsam bzhin byang chub sde 'tshang rgya/ /mdo sde 'di ni yongs su gzung ba'i phyir/ /phyogs bcu gang lhags byang chub mi byed snod/ /sras rnams dag ni bskal pa bzang 'di la/ /'dug pa de dag dpang du gyur pa yin/ /'di ni 'das pa'i sangs rgyas rnams kyi yum/ /mdo sde 'di ni ma byon rnams kyi yum/ /da ltar byung ba thams cad 'di las byung / /de phyir rgyal ba'i spun rnams 'dir sbyor cig /gang dag mdo 'di tshul la rab gnas pa/ /de dag de bzhin gshegs pa'i nor 'thob cing / /las kyang rnam dag spyod pa rdzogs par 'gyur/ / mi ldog sa 'thob 'dam las brgal bar 'gyur/ /bcom ldan 'das kyis chos kyi rnam grangs 'di bshad pa na/ byang chub sems dpa' khrag khrig gang+gA'i klung sum cu'i bye ma snyed kyis ting nge </font><hr>380a<br><font size=+1>


@#/ /'dzin 'di thob bo/ /byang chub sems dpa' khrag khrig phrag drug cu rtsa brgyad ni bskal pa brgya stong nas bsags pa'i las kyi sgrib pa rnam par dag nas| bla na med pa yang dag par rdzogs pa'i byang chub las phyir mi ldog par gyur te/ /de dag thams cad kyis skad cig mi zad pa bsgrubs pa zhes bya ba'i gzungs thob bo/ /lha dang mi'i skye dgu dkrigs pa phrag drug cu po gang dag sngon bla na med pa yang dag par rdzogs pa'i byang chub tu sems ma bskyed pa de dag thams cad ni bla na med pa yang dag par rdzogs pa'i byang chub sems bskyed nas/ thams cad ting nge 'dzin 'di la rjes su yi rang ngo / /de dag ting nge 'dzin 'di la rjes su yi rang ba dang ldan pa'i dge ba'i rtsa ba des bla na med pa yang dag par rdzogs pa'i byang chub las phyir mi ldog par gyur nas/ /de dag thams cad bcom ldan 'das kyis bskal pa 'bum phrag sum cu na 'jigs pa med pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /zhes lung bstan to/ /de dag las kha cig yun ring po nas smon lam btab pa dang ldan pa dag ni bzod pa thob bo/ /kha cig smon lam myur du 'debs pa de dag ni sangs rgyas kyi zhing sna tshogs su bla na med pa yang dag par rdzogs pa'i byang chub mngon </font><hr>380b<br><font size=+1>


par rdzogs par 'tshang rgya ste/ thams cad kyang 'di lta ste/ 'jigs pa med pa zhes bya bar ming mthun par 'gyur ro/ /de nas bcom ldan 'das kyis thams cad dang ldan pa'i 'khor la rnam par gzigs nas/ 'jam dpal gzhon nur gyur pa la bka' stsal pa/ 'jam dpal/ de lta bas na khyod mi dmigs pa'i tshul du gnas shing spros pa med pa la dga' bas mi gnas par spyad par bya'o/ /chos thams cad la mi gnas par bla na med pa yang dag par rdzogs pa'i byang chub bskal pa grangs med pa bye ba khrag khrig brgya stong du bsgrubs pa 'di kun tu bsrung bar bya'o/ /gzung ba dang / bcang ba dang / gzhan dag la'ang rgya cher yang dag par rab tu bstan par bya'o/ /spros pa med pa la dga' bar bya'o/ /gnas med par spyod pa dang / chos thams cad la mi gnas pa dang / phrag dog med par bya'o/ /de nas 'jam dpal gzhon nur gyur pa stan las langs te/ gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ chos thams cad gzung du ma mchis pa'i slad du bdag bla na med pa yang dag par rdzogs pa'i byang chub 'di kun tu bsrung zhing rab tu bsrung </font><hr>381a<br><font size=+1>


@#/ /bar spro'o/ /bcom ldan 'das/ byang chub gang lags pa de ni gang gi'ang ma lags/ gang nas kyang ma lags/ gang na'ang ma lags/ gang gis kyang ma lags/ ci'ang ma lags te/ mi snang ba/ gzung du ma mchis pa/ thob pa ma lags pa/ chud zos pa ma lags pa'o/ /de nas 'khor de las byang chub sems dpa' bye ba brgya phrag sum cu stan las langs nas/ thal mo sbyar te bcom ldan 'das la 'di skad ces gsol to/ /bcom ldan 'das/ bdag cag kyang de bzhin gshegs pa'i bla na med yang dag par rdzogs pa'i byang chub bskal pa grangs ma mchis pa/ bye ba khrag khrig brgya stong du bsgrubs pa 'di bsrung ba dang / gzung ba dang / bstan pa dang / gzhan dag la'ang rgya cher yang dag par rab tu bstan par spro'o zhes gsol nas/ byang chub sems dpa' de dag thams cad kyis rang rang gi gos bcom ldan 'das kyi sku la mngon par gsol te/ smon lam yang btab bo/ /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa/ phyi ma'i tshe phyi ma'i dus lnga brgya pa tha ma la dam pa'i chos yongs su gzung ba'i bsam pas soms shig /'di khyod kyi las yin no/ /de nas byang chub sems dpa' sems dpa' chen po byams pa stan las langs </font><hr>381b<br><font size=+1>


nas bla gos phrag pa gcig tu gzar te/ pus mo g.yas pa'i lhangs la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das/ dam pa'i chos yongs su bzung ba'i bsam pas bsams lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa/ byang chub sems dpa' bye ba brgya phrag sum cu po 'di dag ni nang na brgyad stong ni dam pa'i chos 'dzin pa/ dam pa'i chos yongs su 'dzin par gnas par 'gyur ro/ /byang chub sems dpa' lhag ma ni dmu rgod dmigs par 'dzin pa la mngon par zhen pa/ dam pa'i chos 'dzin pa ma yin par 'gyur te/ de dag phyi ma'i tshe phyi ma'i dus lnga brgya pa tha ma'i tshe/ nga yi bla na med pa yang dag par rdzogs pa'i byang chub bskal pa grangs med pa bye ba khrag khrig brgya stong du bsgrubs pa 'di spong bar 'gyur/ 'gal bar byed par 'gyur/ mi ston par 'gyur/ mi 'dzin par 'gyur te/ rab tu 'dzin par mi 'gyur ro/ /de ci'i phyir zhe na/ byams pa/ rnam pa bdun gyis byang chub sems dpa' byang chub tu sems bskyed do/ /bdun gang zhe na/ 'di lta ste/ sangs rgyas bcom ldan 'das </font><hr>382a<br><font size=+1>


@#/ /rnams kyis byang chub sems dpa' byang chub tu sems bskyed pa dang / dam pa'i chos rnam par 'jig pa'i dus na dam pa'i chos yongs su bsrung ba'i phyir byang chub sems dpa' byang chub tu sems bskyed pa dang / sdug bsngal sna tshogs kyis yongs su gzir ba'i sems can gyi khams mthong nas snying rje chen po skyes te byang chub sems dpa' byang chub tu sems bskyed pa dang / byang chub sems dpas byang chub sems dpa' byang chub tu sems bskyed pa dang / bsti stang du byas te sbyin pa bzang po yid du 'ong ba byin nas/ byang chub sems dpa' bdag nyid byang chub tu sems bskyed pa dang / gzhan yang / byang chub tu sems bskyed pa mthong nas byang chub sems dpa' byang chub tu sems bskyed pa dang / de bzhin gshegs pa'i sku'i mtshan dang / dpe byad bzang po'i rgyan sna tshogs kyi yon tan bsngags pa yongs su rdzogs pa thos nas byang chub sems dpa' byang chub tu sems bskyed pa ste/ byams pa/ rnam pa bdun po de dag gis byang chub sems dpa' byang chub tu sems bskyed do/ /byams pa/ de la gang byang chub sems dpa' sangs rgyas bcom ldan 'das rnams kyis byang chub tu sems bskyed pa gang yin pa dang / gang dam pa'i chos rnam par 'jig pa'i dus na dam pa'i </font><hr>382b<br><font size=+1>


chos yongs su bsrung bar bya ba'i phyir byang chub sems dpa' byang chub tu sems bskyed pa gang yin pa dang / gang sdug bsngal sna tshogs kyis yongs su gzir ba'i sems can gyi khams mthong nas sems can thams cad la snying rje chen po skyes te/ byang chub sems dpa' byang chub tu sems bskyed pa gang yin pa dang / byams pa/ sems bskyed pa 'di gsum ni/ sangs rgyas bcom ldan 'das rnams kyi byang chub bsrung ba yin te/ myur du bla na med pa yang dag par rdzogs pa'i byang chub las phyir mi ldog par 'gyur ro/ /byams pa| sems bskyed pa de dag las lhag ma bzhi ni/ byang chub sems dpa' dmu rgod dam pa'i chos 'dzin pa ma yin par 'gyur ba'o/ /byams pa/ byang chub sems dpa' chos lnga dang ldan na phyir mi ldog pa'i chos su rig par bya'o/ /lnga gang zhe na/ 'di lta ste/ sems can thams cad la sems mnyam pa yin/ pha rol gyi rnyed pa dang / bkur sti la phrag dog med pa yin| srog gi phyir yang dam pa'i chos 'dzin pa'i dge slong rnams kyi bsngags pa ma yin pa mi smra ba yin/ shes kyi khe dang / rnyed pa dang / bkur sti dang / tshigs su bcad pa la mi chags pa yin/ chos zab mo la mos pa yin te/ 'jig rten gyi bya ba sna tshogs la mos pa ma yin gyi/ chos thams cad la chos zab mo dang ldan pa yin te/ byams pa/ byang chub </font><hr>383a<br><font size=+1>


@#/ /sems dpa' chos lnga po 'di dag dang ldan na/ phyir mi ldog pa'i chos su rig par bya'o/ /byams pa/ byang chub sems dpa' chos lnga dang ldan na byang chub sems dpa' dmu rgod du rig par bya'o/ /lnga gang zhe na/ 'di lta ste/ gzi brjid chung zhing bka' blo mi bde ba yin/ /dman pa la mos shing thams cad la dman pa'i chos ston pa yin/ shes kyi khe dang / rnyed pa dang / bkur sti la chags shing slong ba ster ba'i khyim la ser sna byed pa yin/ sgyu dang ldan zhing g.yo byed pa yin/ stong pa nyid la ngag gi las lhur len pas mi drang ba yin te/ byams pa/ byang chub sems dpa' chos lnga po de dag dang ldan na dmu rgod du rig par bya'o/ /byams pa/ byang chub sems dpa' chos lnga dang ldan na phyir mi ldog pa'i chos su rig par bya'o /lnga gang zhe na/ 'di lta ste/ bdag mi dmigs shing bdag la mi bstod pa dang / sems can mi dmigs pa dang / chos kyi dbyings rnam par rtog pas mi ston pa dang / byang chub mi dmigs pa dang / de bzhin gshegs pa'i sku la gzugs kyi mtshan ma mi lta ba ste/ byams pa/ byang chub sems dpa' chos lnga po de dag dang ldan na bla na med pa yang dag par rdzogs pa'i byang chub las phyir mi ldog pa'i chos su rig par bya'o/ /de nas bcom ldan 'das kyis </font><hr>383b<br><font size=+1>


de'i tshe tshigs su bcad pa 'di dag bka' stsal to/ /phrag dog can dang shes kyi khe 'dod dang / /gnod pa byed dang 'chos dang zur za dang / /smra ba tsam dang dman pa'i tshul can gyis| |bde gshegs byang chub 'di ni bsrung mi nus/ /bas mthar dga' zhing dgon dben spyod yul ba/ /tshig tsam ma yin zab mo bzod pa dang / /bse lta bu dang shes khe bde bsrings pa/ /de ni byang chub 'jig par 'gyur ba srung / /tshogs las bsrings shing rab tu zhi la mos/ /ri dwags lta bur 'jigs shing gnas med rgyu/ /nam mkha' rlung bzhin rnyed la mi chags pa/ /de 'dra de ni rgyal ba'i chos 'dzin yin/ /lus la mi lta srog don mi gnyer na/ /shes kyi khe 'dod par lta ga la 'gyur/ /brtson brtsams bdag gi ma yin ci yang min/ /de ni ma 'ongs dus na byang chub snod/ /phyi ma'i dus na sems can 'byung ba ni/ /bdag cag byang chub la ni spyod ces 'dzer/ /de dag sems rgod tshul 'chos nyon mongs bcas/ /de dag rnams kyis chos 'di bsrung mi nus/ /'dren pa mar me mdzad kyi pha rol gyi/ /bskal pa dag ni stong phrag bye ba na/ /sangs rgyas zla ba'i tog ces bya ba byung / /'gro ba rnams la ting 'dzin 'di bshad dran/ /rgyal ba de yi 'dus pa dang po ni/ /phyir mi ldog pa khrag khrig brgyad cu ste/ /'dus pa gnyis pa khrag </font><hr>384a<br><font size=+1>


@#/ /khrig bdun cu yin/ /'dus pa gsum pa bdun cu rtsa gsum mo/ /rgyal ba'i tshe ni bskal pa bye ba mang / /'od kyang dpag tshang drug cu rtsa gsum pa| |dge 'dun bye ba dgu bcu rtsa dgu ste/ /thams cad dgra bcom dbang ldan gyur pa'o/ /de yi tshe na rgyal po byung ba ni/ /'khor los bsgyur ba bsod nams 'phags zhes bya/ /dzam+bu'i gling gi tshad du gyur pa ni/ /mtshungs par dpag tshad stong phrag nyi shu'o/ /gling bzhi rnams kyi tshad kyang de bzhin no/ /rgyal po'i sras ni bye ba drug cu tham| |bu ni stong tham pa ste nyung ma yin/ /rgyal po'i pho brang dga' ba'i 'od ces bya/ /grong khyer dag ni bye ba brgyad cur gyur/ /thams cad skyed mos tshal rgyas mdzes par gnas/ /thams cad lo legs bde zhing dga' ba ste/ /sum cu rtsa gsum rnam rgyal khang gnas 'dra/ /rgyal pos rmi lam du ni zla ba'i tog /sangs rgyas byung ngo zhes ni thos gyur nas/ /g.yog 'khor bye ba brgya phrag drug cu dang / /rgyal ba de yi drung du nyer song nas/ /des ni ting 'dzin zab mo rgyal ba'i sku/ /mdo sde bshad pa 'di ni thos nas su/ /ston pa ji ltar bzhed bzhin spyad gsol zhes/ /rgyal srid thams cad sangs rgyas de la phul/ /grong khyer kun tu de bzhin gshegs pa yis/ /gtsug lag khang </font><hr>384b<br><font size=+1>


ni tsan+dan rgyus bsgrubs byas/ /des ni thams cad rtse rgod bcas par phul/ /'chag pa'i sa ni gser gyi gyim bag g.yogs/ /lo ni stong phrag brgyad cur tshang bar yang / /rgyal po las gzhan mi byed mchod pa byed/ /rgyal po nam du'ang rmugs dang gnyid mi bskyed/ /'dod la mi 'dun rgyal srid sred ma yin/ /ting nge 'dzin 'di rab tu 'dod pa'i phyir/ / de bzhin gshegs pa nyi ma re re zhing / /bkod pa gang dag phul bar gyur pa ni/ /thams cad tshig gis bshad par mi nus so/ /lkog tu song nas rtog pa skyed gyur pa/ /ting 'dzin 'di ni mchog tu zab pa ste/ /zang zing 'dzin pas ye shes phyag rgya yi/ /ting 'dzin 'di ni bsgrub par mi nus snyam/ /de ni rab byung rgyal srid thams cad spangs/ /sha na ka yi ras gyon bsod snyoms spyod/ /lo ni stong phrag brgyad cu tshang bar yang / /gnyid kyis ma non ting nge 'dzin sgom mo/ /skabs der sangs rgyas kyis ni ji tsam gang / /rab tu bshad pa'i chos rnams des bzung nas/ /bde gshegs yongs su mya ngan 'das 'og des/ /mchod rten bye ba drug cu rtsa bzhi byas/ /rin chen bdun gyis spras shing mdzes byas pa'i/ /gdugs ni lnga brgya kun la rab tu phul/ /kun la sil snyan khrol ba brgya rnams dang / /mar me stong phrag brgya yang rab tu phul/ /yo byad bsnyungs pa'i tshul la gnas nas su/ /lo ni </font><hr>385a<br><font size=+1>


@#/ /bye ba stong phrag bdun cu gsum/ /zang zing med pa'i sems kyis gnas nas ni/ /ting nge 'dzin 'di 'khor la rab tu bshad/ /legs zhes bya ba'ang 'dod pa ma yin na/ /shes kyi khe 'dod par lta ga la 'gyur/ /de'i tshe chos bsrung ba yi bsam pa yis/ /mgron du bos pa thams cad rnam par spangs/ /de bzhin gshegs pa bye ba brgyad cu dang / /khrag khrig bdun cu des ni mnyes par byas/ /de dag kun la de 'dra'i bkod pa byas/ /thams cad las kyang ting 'dzin 'di thob bo/ /gang dag byang chub 'di ni bsrung 'dod pa/ /de dag 'dod pa med cing mos pa dang / /g.yo med lhag pa'i bsam pas sgom pa yis/ /rgyal po de 'dra bar ni bslab par gyis/ /chos 'dod ma yin rnyed pa don gnyer la/ /bsdams pa min dag byang chub slob bo zhes/ /smra 'gyur kha cig phyi ma'i dus 'byung ste/ /smra la dga' zhing thams cad stong zhes smra/ /stong nyid ji bzhin stong pa mi shes te/ /'tsho chags tha bar bcas shing nyon mongs bcas/ /tshig gis 'di dag stong nyid 'dzin 'jug cing / /bdag ni byang chub the tshom med ces smra/ /de tshe rgyal mchog tshe ni dpag med gyur/ /bu stong dag ni bskal pa bzang 'di pa/ /mdun na 'dug pa'i 'khor rnams ji snyed pa/ /de dag thams cad de tshe rab </font><hr>385b<br><font size=+1>


tu byung / /rgyal ba bye ba khrag khrig rnams dran te/ /de las rab tu byung ste de dag gis/ /gang ci bshad pa ngas kun sgra tsam bshad/ /ngas ni gnas pas stong pa nyid kyang bsgoms/ / da lta'i thabs kyis bskal pa mtha' yas par/ /ngas ni gnas pas sangs rgyas gang dag mchod/ /nga ni de yi byang chub ma thob kyi/ /gzhan du 'di la gnas te bsgrubs pas na| |mar me mdzad pa mthong ma thag tu ni/ /som nyi spangs nas mnyam pa nyid mthong bas/ /de nas khyod ni shAkya seng ge yi/ /sangs rgyas 'gyur zhes 'dren pas bdag lung bstan// //'phags pa de bzhin gshegs pa'i ye shes kyi phyag rgya'i ting nge 'dzin ces bya ba theg pa chen po'i mdo/ bam po gnyis pa ste tha ma/ de nas rgyal po gzugs can snying po'i btsun mo dam pa ma skyes dgra'i ma dpal bzang zhes bya ba dang / rgyal po gzugs can snying po'i btsun mo dam pa bye ba ldan gyi bu mo gser mchog snang ba zhes bya ba'ang 'khor de nyid du 'dus par gyur te 'khod do/ /de nas rgyal po'i btsun mo dpal bzang dang / gser mchog snang gnyis stan las langs nas/ bcom ldan 'das ga la ba der nye bar song ste phyin pa dang / bla gos phrag pa gcig tu gzar te/ pus mo g.yas pa'i lhangs la btsugs nas/ bcom ldan 'das ga la ba de logs </font><hr>386a<br><font size=+1>


@#/ /su thal mo sbyar ba btud de/ gus pa dang bcas/ zhes dang bcas par so so nas ras bcos ma brgya stong ri ba phrugs res bcom ldan 'das kyi sku la mngon par gsol to/ /rin po che sna bdun gyi me tog gi skon bu lnga brgyas kyang bcom ldan 'das la mngon par gtor nas 'di skad ces gsol to/ /bcom ldan 'das/ bdag cag gnyis slad ma'i tshe slad ma'i dus lnga brgya tha ma la ting nge 'dzin dkon mchog 'di la mos par bgyi/ yid ches par bgyi/ gzung bar bgyi/ bcang bar bgyi/ bklag par bgyi/ kun chub par bgyi/ gzhan dag la'ang rgya cher yang dag par rab tu bstan par bgyi'o/ /chos smra ba mdo sde 'di lta bu 'dzin pa'i gang zag de dag la'ang bdag cag gis gos dang / zas dang / mal cha dang / na ba'i gsos sman dang / yo byad rnams kyis bsnyen bkur dang / rim gro bgyi bar spro'o/ /sems can rnams kyang bla na med pa yang dag par rdzogs pa'i byang chub la yongs su smin par bgyi'o/ /stong pa nyid spangs par mi bgyi'o/ /tshig lhur blangs bar mi bgyi yi/ nan tan gyis bsgrub par bgyi'o/ /bcom ldan 'das/ lus dang / srog la'ang blta bar mi bgyi na/ slad rol gyi dngos po rnams la lta smos kyang ci 'tshal/ btsun mo dam pa de gnyis 'di lta bur rjes su slob pa na/ rgyal po gzugs can snying po'i btsun mo'i 'khor bud </font><hr>386b<br><font size=+1>


med brgya stong stan las langs nas thal mo sbyar te/ gang dag bla na med pa yang dag par rdzogs pa'i byang chub tu yang dag par zhugs pa de dag ni ting nge 'dzin 'di la rjes su yi rang ngo / / rjes su yi rangs nas kyang tshig 'di skad ces smras so/ /bcom ldan 'das/ bdag cag kyang slad ma'i tshe slad ma'i dus lnga brgya tha ma la dam pa'i chos yongs su gzung bar spro'o/ /yul ma gang+gA'i dge bsnyen ma yul ma ga d+hA na 'khod pa drug khri las gang dag bla na med pa yang dag par rdzogs pa'i byang chub tu'ang yang dag par zhugs pa de dag ni ting nge 'dzin 'di la rjes su yi rang ngo / /rjes su yi rangs nas kyang tshig 'di skad ces slad ma'i tshe slad ma'i dus lnga brgya tha ma la dam pa'i chos gzung bar spro'o zhes gsol to/ /de nas de'i tshe bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od 'phro ba kha dog du ma/ kha dog tha dad pa/ kha dog brgya stong dang ldan pa 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu byung ngo / /de dag zhal gyi sgo nas byung nas kyang 'jig rten gyi khams mtha' yas mu med pa snang bar byas te/ bdud kyi gnas thams </font><hr>387a<br><font size=+1>


@#/ /cad pa bkod nas tshangs pa'i 'jig rten gyi bar du mngon par 'phags te/ nyi ma dang / zla ba'i 'od zil du brlag par byas nas/ sems can dmyal ba dang / dud 'gro'i skye gnas dang / gshin rje'i 'jig rten du skyes pa de dag thams cad kyi sdug bsngal kyi tshor ba thams cad zhi bar byas te/ slar log nas bcom ldan 'das la lan brgya stong du mar bskor ba byas te/ bcom ldan 'das kyi dbu'i gtsug tu nub par gyur to/ /de nas dpal bzang dang / bye ba ldan pa'i bu mo gser mchog snang ba gnyis stan las langs te/ gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas| tshigs su bcad pa'i dbyangs kyis bcom ldan 'das la mngon par bstod de 'dzum pa mdzad pa'i don zhus pa/ mi mchog yon tan mnga' ba srid pa gsum na mtshungs ma mchis/ /nam mkha' zla ba 'dra ba yon tan brgya rnams shin tu rgyas/ /rab tu bzhad pa legs par mdzes pa mchog tu snyan pa'i gsung / /stobs bcu ji slad 'dzum pa mdzad pa 'di ni bka' stsal gsol/ /sems can dam pa zla ba 'dra ba'i zhal ni rab 'dzum 'jig rten mig sbyin pa/ /shin tu mdzes shing mchog tu dri med tshangs pa'i </font><hr>387b<br><font size=+1>


dbyangs dang 'jam pa'i sgra dang dbyangs/ /sems la snum zhing lus la sim pa bde bas sems ni rab tu tshim mdzad pa/ /mi yi dam pa seng ge'i 'dzum mdzad de yi rgyu ni 'dren pa lung bstan gsol/ /'khrugs pa mi mnga' ba dang ma rnyogs ma tshang mi mnga' gsung / /shin tu ldan zhing rab tu mnyam la mchog tu mdzes par snyan/ /pha rol spyod pa'i tshul ni khrag khrig brgya dag rnam par 'byed/ /ci yi slad du yon tan mnga' ba 'dzum mdzad bka' stsal gsol/ /gsung ni brgyad dang ldan zhing yan lag drug cu rnams dang ldan/ /skad ni bdun brgya dag dang yi ge bye ba drug cu ldan/ /sangs rgyas gsung gi rigs pa bye ba khrag khrig bcu dang brgyad cu ste/ /'dzum mdzad don gyi gling bzhi dpag tu ma mchis bka' stsal gsol/ / ri bo mchog dang mtshungs 'dra pha rol tshogs kyis mi g.yos pa/ /tshul brgya rnam par 'byed cing yid gnyis rnam par 'thor mdzad pa/ /srid pa'i sdug bsngal zhi bar mdzad pa 'gro la bde sbyin pa/ /'di ltar sdug pa 'dzum mdzad spyod pa ji bzhin dbye bar gsol/ /gser gyi ri ltar dga' zhing rin chen mchod sdong 'dra ba'i sku/ /zhal ras pad+ma 'dab ma brgya pa rgyas 'dra blta ba'i ngos/ /ri dwags dbang po'i sgra sgrog seng ge'i rnam gnon stobs ldan pa/ /rab tu bzhad pa bzhad pa'i don gyi rigs pa lung bstan gsol/ /srid pa gsum na </font><hr>388a<br><font size=+1>


@#/ /mtshungs pa ma mchis dri gsum dri mi mnga'/ /mdzes par spyod pas srid pa brgya dag nye bar zhi mdzad dgyes/ /khyod kyi 'dzum pa mdzad pa phyogs bcu dag tu rgya cher gsal/ /bdud rtsi mun bsel ba rnam par dbye ba myur du gsungs/ /pi wang rdza rnga rgyud gcig rgyud gsum dung dang gling bu dang / /mi'am ci dang ka la ping+ka dag dang khu byug dang / /ngang pa khrung khrung dag dang rnga dang rdza rnga pheg rdob rnams/ /dus gcig sbyar ba gyis kyang sangs rgyas gsung gi brgya char mi 'gyur ro/ /phyogs bcu dag nas lhags par gyur pa'i 'khor yongs 'di dag ni/ /mang 'dzin blo gros mang zhing blo gros ngan par lhung ba ste/ /ci nas 'bras bcas brtul zhugs grub nas phyogs phyogs mchi 'gyur bar/ /ji ltar 'di dag sred pa'i 'khri shing btsal ba de 'dra gsungs/ /bye ba'i zhing nas lhags pa 'khor gyi dam pa mtha' yas pa/ /phyogs bcu'i mi mchog dag gis chos 'dod pa dag rab bkye pa/ /de dag ci nas dngos grub thob nas rta ste 'chi 'gyur bar/ /de dag la ni 'dzum pa'i gleng gzhi chos char dbab tu gsol/ /de nas bcom ldan 'das kyis rgyal po'i btsun mo dpal bzang dang / gser mchog snang la slar tshigs su bcad de dka' stsal pa/ dran pa bskal pa dpag tu </font><hr>388b<br><font size=+1>


med pa gang+gA'i bye snyed na/ /gang tshe bsod nams 'od zer zhes bya 'jig rten 'dren pa byung / /ston pa de yi tshe lo bye ba phrag ni bdun cu ste/ /chos kyi rgyal po de yi nyan thos dge 'dun mtha' yas gyur/ /'khor los bsgyur ba'i rgyal po shes rab kha lo sgyur ba byung / /de yi chung ma tog gi rgyal po dang yang gnyis pa ni/ /'od 'phro zhes bya dngos po kun la ma chags mngon par byung| |chos 'dod rab tu byung nas lo ni bye bar chos tshul bsrungs/ /des ni 'dren pa bye ba drug cu dag dang gzhan yang ni/ /dkrigs phrag sum chu'i chos tshul mthun par mtha' dus der bsrungs te/ /ma 'ongs 'jig rten mgon po gangA sum cu'i bye snyed kyi/ /chos tshul nyams par 'gyur tshe mthun par der ni srung bar 'gyur/ /tshe rabs de dang der ni khyed mthun sems can dag gyur pa/ /rgyal po 'khrugs med shes rab kha lo sgyur ba'i chung mar 'gyur/ /chos bsrungs pas na phyi ma'i dus na bud med dngos spangs te/ /bde ba can gyi de bzhin gshegs pa mtha' yas 'od mthong 'gyur/ /phyi bzhin 'brang ba gzhan yang ji snyed de dag mthun par ni/ /zad 'gyur dus na byang chub bsrung bar bsam pa thag pas zhugs/ / bde ba can du pad+ma 'dab ma rgyas par 'dug pa yi/ /rgyal ba'i sras po mtshan rnams sum cu dag gis brgyan par 'gyur/ /de dag der dong nas ni gus par ston pa mchod </font><hr>389a<br><font size=+1>


@#/ /byas nas/ /bskal pa bkod pa'i rgyal po zhes bya dgra rnams med pa la/ /de dag thams cad der ni byang chub dam pa 'tshang rgyar 'gyur/ /lha mi'i skye dgu dag kyang chos sgrub phyir ni gnas par 'gyur/ /zhing de na ni bdud kyi las rnams thams cad yongs med cing / /de yi dus na nyan thos rnams kyang grag par mi 'gyur te/ /las skyon med cing ngan song med la srog chags mngal gnas med/ /der ni rtag tu byang chub sems dpa' mtha' yas 'du bar 'gyur/ /gang zhig rgyal ba rnams kyi byang chub bsrung phyir lus bor te/ /shes kyi khe 'dod med cing srog la'ang lta bar mi 'gyur ba/ /de ni myur du byang chub dam pa 'tshang rgya 'dir gnas nas/ /bsam pa ji bzhin 'dod par sangs rgyas zhing rnams kun tu 'gro /de lta bas na 'thab mo chen po'i tshe yang phan tshun du/ /mthun byos sangs rgyas dga' skyed gus bcas phrag dog med par ni/ /nga yi byang chub srungs shig dbye 'gyur phyi ma'i dus na yang / /gang dag rnyed la brkam pa de dag rjes su ma slobs shig /gang don sangs rgyas chos 'tshol ba na bskal pa bye bar ni/ /nga yis chung ma bu pho bu mo rgyal srid mgo mig btang / /nga yi chos de rigs pa mi ldan de dag rnyed rgyus 'jig /shes kyi khe dang rnyed phyir phan tshun zhes dang byed par 'gyur/ /zang 'gyur dus </font><hr>389b<br><font size=+1>


na bsam pa thag pas byang chub bsrung ba'i phyir/ /srog chags bye ba brgyad cu mchi ma'i shugs kyis zhugs par gyur/ /stong gsum g.yos nas lha yis me tog char yang rab tu phab/ /gang dag mdo 'dir dga' ba de dag rnyed pa legs par rnyed/ /phyogs bcu'i 'dren pa ji snyed pa la'ang dga' bar gyur pa yin/ /lha rnams kyis kyang de dag bsngags phreng dam pa brjod par 'gyur/ /gang dag phyi dus ye shes phyag rgya'i mdo thos sgom byed pa/ /de dag rnams la lha yang mchod byed gnod sbyin srung bar byed/ /gang zhig sangs rgyas zhing ni gang+gA'i bye ma snyed kyi rnams/ /gser bkang bskal pa gang+gA'i bye snyed 'dren pa phul ba ni/ /gang zhig ye shes phyag rgya'i mdo sde 'di la bzod gyur na/ /'di la gang sbyor byed pa'i bsod nams de yi grangs mi 'gro /mi 'dod pa la nan gyis byang chub su la'ang sbyin mi bya/ /sangs rgyas kyi ni rmad byung thos nas byang chub sems bskyed cing / /ji ltar mdo sde dam pa 'di las rjes su bstan bshad pa/ /de ltar sbyor ba ring por mi thogs 'jig rten mgon por 'gyur/ /gang zhig sangs rgyas byang chub dam pa rgya chen reg 'dod pa/ /dgon par gnas nas gus dang bcas par so sor thar bsdams te/ /sdom pa gsum gyis sems can kun la ma bur 'du shes nas/ /yang dag dga' ba mdun byas dpa' dang ston pa'i 'du shes bskyed/ </font><hr>390a<br><font size=+1>


@#/ /gang zhig ye shes phyag rgya'i ting 'dzin 'di ni yi ger bris/ /'chang zhing ston la klog cing gang zhig gzhan la rab 'chad pa/ /de yi bsod nams phung po dpag tu med cing bsam mi lang / /rgyal ba'i sras po bde ba can gyi 'jig rten khams su 'gro /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /btsun pa bcom ldan 'das/ sems can gang dag slad ma'i tshe slad ma'i dus lnga brgya tha ma la/ de bzhin gshegs pa'i ye shes kyi phyag rgya'i ting nge 'dzin 'di yongs su 'dzin par 'gyur ba dang / len par 'gyur ba de dag ji snyed cig 'byung bar 'gyur/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa/ phyi ma'i tshe phyi ma'i dus na sdug bsngal ba/ mchog tu sdug bsngal ba/ gzu lums can/ mchog tu gzu lums can/ bzod par dka' ba/ mos par dka' ba/ dge ba'i rtsa ba rnam par 'jig par byed pa 'byung bar 'gyur ro/ / byams pa/ gal te ma 'ongs pa'i dus na byang chub sems dpa' rnams kyi rnam par 'jig par 'gyur ba ci 'dra ba 'byung ba/ de thams cad khyod la bstan kyang de dag /byams </font><hr>390b<br><font size=+1>


pa| khyod la snang bar mi 'gyur ro/ /de skad ces bka' stsal pa dang / bcom ldan 'das la byang chub sems dpa' sems dpa' chen po byams pas 'di skad ces gsol to/ /bdag cag thams cad la thugs brtse bar dgongs te/ bcom ldan 'das/ bshad du gsol/ bde bar gshegs pa/ bshad du gsol/ bcom ldan 'das/ byang chub sems dpa' gang dag yang dag par slob par 'tshal bar 'gyur ba de dag ni thos nas de bzhin nyid du slob par 'gyur zhing de bzhin nyid du bslabs nas kyang de bzhin nyid du sgrub par 'gyur te/ ji nas bla na med pa yang dag par rdzogs pa'i byang chub las yongs su nyams par mi 'gyur ba de ltar sgrub par 'gyur ro/ /de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa/ sems can gang dag sngon sangs rgyas brgya la byang chub tu sems bskyed cing dge ba'i rtsa ba bskyed par gyur pa de dag ni phyi ma'i tshe phyi ma'i dus na byang chub kyi sems nyams par 'gyur te/ shin tu rgyas pa la'ang mi mos shing spong bar 'gyur ro/ /byams pa/ sems can gang dag sngon gyi sangs rgyas stong la byang chub tu sems bskyed cing dge ba'i rtsa ba'ang bskyed par gyur pa de dag ni phyi ma'i tshe phyi ma'i dus na byang chub kyi sems skye yang shin tu rgyas pa spong bar 'gyur </font><hr>391a<br><font size=+1>


@#/ /gyi| mos par mi 'gyur/ /yi ger 'dri bar mi 'gyur/ 'dzin par mi 'gyur/ 'chang bar mi 'gyur/ lung nod par mi 'gyur/ dad par mi 'gyur ro/ /byams pa| sems can gang dag sangs rgyas 'bum la byang chub tu sems bskyed cing / dge ba'i rtsa ba'ang bskyed par gyur pa de dag ni phyi ma'i tshe phyi ma'i dus na byang chub kyi sems skye bar 'gyur/ shin tu rgyas pa la'ang mos par 'gyur zhing mi spong yang lung nod par mi 'gyur/ don go bar mi 'gyur ro/ /byams pa/ sems can gang dag sangs rgyas bye ba la byang chub tu sems bskyed cing / dge ba'i rtsa ba'ang bskyed par gyur pa de dag ni phyi ma'i tshe phyi ma'i dus na byang chub kyi sems skye bar 'gyur/ shin tu rgyas pa'ang thos par 'gyur/ yi ger 'dri bar 'gyur/ 'chang bar 'gyur/ mos par 'gyur/ lung nod par 'gyur/ don go bar 'gyur yang byang chub la bzod par mi 'gyur ro/ /ting nge 'dzin 'di thob par mi 'gyur/ spobs par mi 'gyur ro/ /byams pa/ sems can gang dag sangs rgyas bye ba phrag bcu la byang chub tu sems bskyed cing dge ba'i rtsa ba'ang bskyed par gyur pa de dag ni phyi ma'i tshe phyi ma'i dus na byang chub kyi sems skye bar 'gyur/ shin tu rgyas pa'ang thob par 'gyur/ mos par 'gyur la/ yi ger 'dri bar 'gyur </font><hr>391b<br><font size=+1>


'dzin par 'gyur/ lung nod par 'gyur/ bzod par 'gyur yang ting nge 'dzin 'di thob par mi 'gyur/ spobs par mi 'gyur ro/ /byams pa/ sems can gang dag sangs rgyas bye ba phrag sum cu la byang chub tu sems bskyed cing dge ba'i rtsa ba'ang bskyed par gyur pa de dag ni phyi ma'i tshe phyi ma'i dus na byang chub kyi sems skye bar 'gyur/ shin tu rgyas pa'ang thos par 'gyur/ mos par 'gyur zhing spong bar mi 'gyur la/ yid ches par 'gyur/ 'don par 'gyur/ yi ger 'dri bar 'gyur/ klog par 'gyur/ kha ton byed par 'gyur/ kun chub par byed par 'gyur/ 'dzin par 'gyur/ kun 'dzin par 'gyur/ don yang rtogs par 'gyur/ gzhan dag la'ang rgya cher yang dag par rab tu ston par 'gyur/ bsgom par 'gyur/ byang chub la bzod pa'ang thob par 'gyur yang de bzhin gshegs pa'i ye shes kyi phyag rgya'i ting nge 'dzin 'di thob par mi 'gyur/ spobs par mi 'gyur ro/ / byams pa/ sems can gang dag sangs rgyas bye ba phrag brgyad cu la byang chub tu sems bskyed cing dge ba'i rtsa ba'ang bskyed par gyur pa de dag dang / sangs rgyas bye ba phrag brgyad cu las de bzhin gshegs pa'i ye shes kyi phyag rgya'i ting nge 'dzin 'di thos par gyur/ bzung / kun tu bzung bar gyur pa de dag ni phyi ma'i tshe phyi ma'i dus na byang chub tu </font><hr>392a<br><font size=+1>


@#/ /sems bskyed par 'gyur/ shin tu rgyas pa'ang thos par 'gyur/ mos par 'gyur/ yid ches par 'gyur zhing spong bar mi 'gyur la/ 'don par 'gyur/ dad par 'gyur/ kha ton byed par 'gyur/ yi ger 'dri bar 'gyur/ klog par 'gyur/ kun chub par byed par 'gyur/ 'dzin par 'gyur/ kun 'dzin par 'gyur/ don kyang rtogs par 'gyur/ gzhan dag la'ang rgya cher yang dag par rab tu ston par 'gyur/ sgom par 'gyur/ byang chub la bzod pa'ang thob par 'gyur/ de bzhin gshegs pa'i ye shes kyi phyag rgya'i ting nge 'dzin 'di'ang thob par 'gyur/ chos thams cad dbyer med cing dmigs su med pas sangs rgyas kyi byang chub ston par 'gyur/ bdud kyi las kyis mi 'phrogs par 'gyur/ chos kyi sgrib pas mi 'phrogs par 'gyur ro/ /de dag gis bskal pa grangs med par gang sdig pa'i las mngon par 'dus byas par gyur pa de dag gi de'ang phyi ma'i tshe phyi ma'i dus na klad pa na ba tsam gyis thams cad byang bar 'gyur/ sems nyam nga ba tsam gyis thams cad byang bar 'gyur/ skur pa btab pa tsam gyis thams cad byang bar 'gyur/ brnyas pa tsam gyis thams cad byang bar 'gyur/ thing slad byas pa tsam gyis thams cad byang bar 'gyur/ co dris byas pa </font><hr>392b<br><font size=+1>


tsam gyis thams cad byang bar 'gyur/ rnyed pa chung bas thams cad byang bar 'gyur/ skye ba gcig kho nas thams cad byang bar 'gyur ro/ /byams pa/ gang dag phyi ma'i tshe phyi ma'i dus na byang chub kyi sems la sgyid lug par mi 'gyur zhing yang dag par blangs pa bstan la/ bsam pa thag pa nas byang chub la zhugs pa'i byang chub sems dpa' de dag ni sangs rgyas grangs med pa mang po la bsnyen bkur byas pa yin no/ /byams pa/ byang chub sems dpa' de dag gis ngan song myong bar 'gyur ba'i las gang 'dus byas pa de dag gi de'ang phyi ma'i tshe phyi ma'i dus na mdog ngan par gyur pa tsam gyis byang bar 'gyur/ gdul dka' ba tsam gyis byang bar 'gyur/ nad mang ba tsam gyis byang bar 'gyur/ gzi brjid chung bas byang bar 'gyur/ dma' ba'i rigs su skyes pas byang bar 'gyur/ ma grags pa'i rigs su skyes pas byang bar 'gyur/ khyad du bsad pa'i rigs su skyes pas byang bar 'gyur/ dbul po'i rigs su skyes pas byang par 'gyur/ mtha' 'khob kyi skye bo'i rigs su skyes pas byang bar 'gyur/ ngan pa'i rigs su skyes pas byang bar 'gyur/ phongs pa'i rigs su skyes pas byang bar 'gyur/ log par lta ba'i rigs su skyes pas byang bar 'gyur/ bran pho dang / bran mo dang / kla klo'i rigs su skyes pas byang bar 'gyur/ </font><hr>393a<br><font size=+1>


@#/ /sems can skal ba mi mnyam pa dang phrad pas byang bar 'gyur/ 'phags pa ma yin pa'i sems can dang phrad pas byang bar 'gyur/ sems la mya ngan mang bas byang bar 'gyur/ rgyal srid 'khrugs pa dang / yul 'khrugs pa dang / ljongs 'khrugs pa dang / grong dang / grong khyer dang / grong rdal dang / yul 'khor dang / rgyal po'i pho brang 'khor 'khrugs pa dang / khyim 'khrugs pa dang / sdug pa dang bral bas 'khrugs pa dang / mu ges 'khrugs pa dang / dge ba'i bshes gnyen mi mthong pa dang / rgyun du chos mnyan pa mi thob pa dang / gos dang / zas dang / mal cha dang / na ba'i gsos sman dang / yo byad rnams yun ring pos rnyed pa dang / ngan pa rnyed pa dang / chung ngu rnyed pa dang / skye bo phal pa dga' ba dang / skye bo ya rabs la ma mos pa dang / dge ba'i rtsa ba la brtson pa'i bar chad 'byung ba dang / rtog pa chung ba dang / bsam gtan la sems g.yeng ba dang / sems kyi gnas ma rnyed pa dang / byang chub kyi yan lag rnams ma rnyed pa dang / chos kyi mtshams sbyar ba khong du ma chud pas kyang las kyi sgrib pa de byang bar 'gyur ro/ /tha na rmi lam na sdig pa mthong ba rmis pas kyang las kyi sgrib pa de byang bar 'gyur ro/ /las kyi sgrib pa des nyen par </font><hr>393b<br><font size=+1>


gyur na ni bdud sdig can gyi zil gyis non par 'gyur ro/ /de dag bdud sdig can gyis zil gyis non par gyur na ni bdud kyi skyon rtogs par mi 'gyur ro/ /de dag bdud kyi skyon khong du ma chud pas de la gang dag rnyed pa dang ldan pa de dag ni ma rnyed pa dag la brnyas so/ /gang dag mdzes par gyur pa de dag ni mdzes pa ma yin pa dag la brnyas so/ /gang dag blta na sdug par gyur pa de dag ni blta na mi sdug pa dag la brnyas so/ /gang dag mthong na dga' bar gyur pa de dag ni mthong na dga' ba ma yin pa dag la brnyas so/ /gang dag mang du thos par gyur pa de dag ni mang du thos pa ma yin pa dag la brnyas so/ /gang dag spobs pa dang ldan par gyur pa de dag ni spobs pa dang mi ldan pa dag la brnyas so/ /gang dag gtong pa la mos par gyur pa de dag ni ser sna can dag la brnyas so/ /gang dag tshul khrims dang ldan par gyur pa de dag ni dang tshul ngan pa can dag la brnyas so/ /gang dag bzod pa tsam rnyad par gyur pa de dag ni gnod sems can dag la brnyas so/ /gang dag brtson 'grus dang ldan par gyur pa de dag ni le lo can dag la brnyas so/ /gang dag bsam gtan la bsam gtan byed par gyur pa de dag ni sems rnam par g.yengs pa dag la brnyas so/ /gang dag shes rab dang ldan par gyur pa de dag ni 'chal ba'i shes rab can </font><hr>394a<br><font size=+1>


@#/ /dag la brnyas so/ /gang dag thabs la mkhas par gyur pa de dag ni thabs la mi mkhas pa dag la brnyas so/ /de dag chos yid du 'ong ba gang dang gang rnyed par gyur pa de'ang de dag nyid kyis gzhan la brnyas so/ /byams pa/ gang dag mthun par gyur nas lan gcig ste/ dbyer med pas sngon sangs rgyas brgya la dge ba'i rtsa ba bskyed par gyur pa de dag kyang phyi ma'i tshe phyi ma'i dus na dbye bar 'gyur na/ de las gzhan pa'i sems can bsam pa ma nges pa/ dge ba'i rtsa ba ma bskyed pa/ blo rgod pa rnams lta smos kyang ci dgos/ byams pa/ de ltar phyis 'jig rten mi bzad pa dag 'byung bar 'gyur ro/ /byams pa/ de lta bas na byang chub sems dpa' khyod kyis go cha chen po sra ba shin tu bgo bar bya/ lhag pa'i bsam pas bsgrub pa dang / bzod pa'i stobs dang ldan par bya/ chos zab mo la 'jug pa'i ye shes la mkhas par bya/ dmigs pa med pa'i lta ba can du 'gyur bar bya/ sems brtan par bya/ brtson 'grus brtan par bya/ rtul ba brtan pa dang / sbyor ba brtan par bya/ phyi ma'i tshe phyi ma'i dus na dam pa'i chos yongs su blang ba dang / dam pa'i chos gzung ba dang / dam pa'i chos kun tu bsrung ba dang / dam pa'i chos ring du gnas par bya ba la spro bar bya/ brtson 'grus brtsam </font><hr>394b<br><font size=+1>


par bya/ brtson par bya/ gzhan yang gzud par bya'o/ /de nas mchog tu dga' ba'i rgyal po dang / 'jam dpal la sogs pa sems dpa' dpe med pa drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po rnams kyis bcom ldan 'das kyis dam pa'i chos yongs su gzung ba bstan pa 'di thos nas/ phyi ma'i tshe phyi ma'i dus de na dam pa'i chos yongs su gzung bar spro bar 'gyur te/ de dag gis bcom ldan 'das la 'di skad ces gsol to/ /bcom ldan 'das/ bdag cag lhan cig tu mthun par g.yo dang / sgyu thams cad spangs shing / nga rgyal dang / rgyags pa dang / dregs pa thams cad spangs la dga' ba dang / mi dga' ba dang / srid pa thams cad bsal te/ zab mo mi dmigs pa la mos shing de bzhin gshegs pa'i sangs rgyas kyi byang chub bskal pa grangs ma mchis pa bye ba khrag khrig brgya stong du bsgrubs pa 'di kun tu bsrung bar bgyi/ gzung bar bgyi/ yongs su gzung bar bgyi/ gzhan dag la'ang rgya cher yang dag par rab tu bstan par bgyi zhing / bdag cag lus dang srog la mi blta bar sangs rgyas kyi byang chub 'di kun tu bsrung bar bgyi'o/ /de nas bcom ldan 'das kyis mchog tu dga' ba'i rgyal po dang / 'jam dpal la </font><hr>395a<br><font size=+1>


@#/ /sogs pa sems dpa' dpe med pa drug cu dang / byams pa dang / seng ger bsnang la sogs pa bskal pa bzang po'i byang chub sems dpa' sems dpa' chen po de dag la rjes su bstan pa'i phyir chigs su bcad pa 'di dag bka' stsal to/ /g.yo med sgyu med nga med tha ba med/ /dran ldan blo gros ldan zhing gnas med gnas/ /zab mo bzod la mi g.yeng legs gnas te/ /stobs bcu nor 'di rab tu bsrung bar gyis/ /sgyu med gcam med 'dod med nga med dang / /gzung med dga' dang rnam par 'dzin bral dang / /nam mkha'i lam ltar mnyam nyid rab ldan par/ /de ltar sbyor ba'i ting 'dzin 'di 'thob bo/ /rtag tu byang chub 'dun pa brtan par gyis/ / zab mo rgyal ba dag gi tshul yang bsgoms/ /dga' ba kun la 'dris la mi lta na/ /des ni ting 'dzin dkon mchog 'di 'thob bo/ /rtag tu dga' dang mi dga' sems snyoms shing / /skyes bu mchog la ston pa lta bu yi/ /'du shes skyed cing dga' bya rtag dga' ba/ /des ni myur du ting 'dzin 'di rtogs so/ /snang ba zad mi shes pa mchog gi gter/ /spobs pa phyag rgya tshul ni bye nga brgyas/ /nyi ma'i 'od zer rab rib sel lta bu/ /ye shes 'jug pa'i tshul ni 'dir brjod do/ /nyi ma zla </font><hr>395b<br><font size=+1>


ba dang ni skar ma dang / /ji ltar sa dang gangs kyi ri bo dang / /gling bzhi'i bdag po brgya byin tshangs pa dang / /sman pa lta bu'i mdo sde 'di zungs shig /'di ni sems dag 'di ni las zad byed/ /'di ni bdud rtsi 'di ni 'dud bdul ba/ /'di ni pha rol sems spyod rdzu 'phrul mig /'di ni sems can thams cad rtogs byed sgra/ /'di ni bskal pa khrag khrig dran par byed/ /'di ni dri ba thams cad ma lus zad/ /sangs rgyas phyag rgya 'di ni bde gshegs bstod/ /'di dang ldan pa'i lag tu byang chub gnas/ /ji ltar stong nyid rang bzhin 'dir gnas pa/ /de ltar de yis stong nyid 'di rtogs te/ /rtog dang rnam par rtog pa'i spros pa 'di/ /gnyi ga yongs su spangs na chos 'dzin yin| |nga ni mya ngan 'das phyi la la zhig /chos 'di rmi lam lta bur blta zhes 'dzer/ /gang chos ma byung sus kyang byas ma yin/ /rang gi shes pas de dag de la rtog /stong nyid ma skyes sus kyang byas ma yin/ /ma mthong 'ongs pa ma yin 'pho min na/ /dmigs gnas bdag cag stong nyid legs bslabs zhes/ /'dzer ba de dag chos kyi rkun po yin/ /gang dag las ni chos 'di thos nas su/ /mchi ma 'byung zhing ba spu rab g.yos nas/ /de ni byang chub phyir mi ldog ces 'dzer/ /phyi nas bsngags pa ma yin brgya </font><hr>396a<br><font size=+1>


@#/ /dag smra/ /ma rangs khyim du nor mang zad nas ni/ /bde ba'i ched du de dag rab 'byung ste/ /bstan pa 'di la bde ba kun rnyed nas/ /nga yi sras rnams la ni spang bar byed/ /byang chub don gnyer kha cig 'dir rab 'byung / /byang chub smra ste byang chub gnas ma yin/ /rgya mtsho chu mtha' phyi mtha' ring ba ltar/ /'dir yang ma bsdams byang chub de bzhin no/ /rnyed dang mdza' bo'i khyim la bsten pa'i phyir/ /bdag cag yang dag rab tu byung ba ste/ /spyod lam dang ni dgon pas rnam dag cing / /mkhan po dang ni mdza' bos dag ces 'dzer/ /gang dag nga yi bstan 'dir rab byung nas/ /pad+ma chu ltar 'jig rten chos gnas te/ /tshul 'di ji bzhin mdo sde 'dir brtson pa/ /de dag nga yi byang chub yang dag srung / /mchog tu dga' ba'i rgyal po khyod bstan gyi/ /blo ngan de dag lta bur bslab mi bya/ /nan tan gyis ni sangs rgyas yon tan thob/ /de phyir rtog pa med par rab tu sbyor/ /khrag khrig zhing gi mi rnams ji snyed pas/ /gang+gA'i bye snyed blangs nas btab pa dang /de la bye snyed sa bon ji tsam par/ /'bras bu re re byung bar gyur pa yi/ /de lta'i thabs kyis bye ma rgya che ba/ /stong 'gyur du ni yongs su bsgyur byas nas/ /ji snyed zhing rnams mtha' yas rab 'das shing / /gcig ces bya bar mtshan ma </font><hr>396b<br><font size=+1>


bzhag gyur la/ /de lta'i tshul gyis snga na yod pa yi/ /bye ma dag ni thams cad zad gyur pa/ /de tsam tshad kyi phyogs bcu ji snyed pa/ /zhing rnams rgyal ba rnams kyis yongs gang la| |sangs rgyas re re'ang de snyed dbur gyur te/ /dbu kun la yang de snyed ljags gyur la/ /de dag bskal pa gang+gA'i bye snyed du/ /mdo sde 'dir gnas de yi bsngags brjod kyang| |ri rab yungs 'bru nam mkha' rtswa tsam dang / /rgya mtsho las ni thigs cig blangs pa bzhin/ /de ltar de yi yon tan brjod gyur pa/ /de phyir rtog med tshul du rab tu sbyor/ /de nas mchog tu dga' ba'i rgyal po dang / 'jam dpal gzhon nur gyur pa la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po de dag gis bcom ldan 'das la 'di skad ces gsol to/ /bcom ldan 'das/ chos chos zhes bgyi ba'i chos de chos gang gi tshig bla dwags lags/ de skad ces gsol pa dang / bcom ldan 'das kyis mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po de dag la 'di skad ces bka' stsal to/ /rigs kyi bu </font><hr>397a<br><font size=+1>


@#/ /dag |chos chos zhes bya ba'i chos de ni 'gyur ba med cing rnam par rtog pa med pa'i tshig bla dwags so/ /gsol pa/ bcom ldan 'das/ 'gyur ba ma mchis shing / rnam par rtog pa ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /'gyur ba med cing rnam par rtog pa med pa zhes bya ba de ni dmigs pa med pa'i tshig bla dwags so/ /gsol pa/ bcom ldan 'das/ dmigs pa ma mchis pa de yang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /dmigs pa med pa zhes bya ba ni mi zad pa'i tshig bla dwags so/ /gsol pa/ bcom ldan 'das/ mi zad pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /mi zad pa zhes bya ba de ni mi skye ba'i tshig bla dwags so/ /gsol pa/ bcom ldan 'das/ mi skye ba de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /mi skye ba zhes bya ba de ni mi 'gog pa'i tshig bla dwags so| |gsol pa/ bcom ldan 'das mi 'gog pa de'ang gang gi tshig bla dwags/ bcom ldan 'das kyis bka' stsal pa/ rigs kyi bu dag /mi 'gog pa zhes bya ba de ni </font><hr>397b<br><font size=+1>


sdud pa med pa'i tshig bla dwags so/ /gsol pa/ bcom ldan 'das/ sdud pa ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /sdud pa med pa zhes bya ba de ni yongs su gzung ba med pa'i tshig bla dwags so/ /gsol pa/ bcom ldan 'das/ yongs su gzung ba ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /yongs su gzung ba med pa zhes bya ba de ni gnas med pa'i tshig bla dwags so/ /gsol ba/ bcom ldan 'das/ gnas ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /gnas med pa zhes bya ba de ni 'gyur ba med pa'i tshig bla dwags so/ /gsol pa/ bcom ldan 'das/ 'gyur ba ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /'gyur ba med pa zhes bya ba de ni 'dus ma byas kyi tshig bla dwags so/ /gsol pa/ bcom ldan 'das/ 'dus ma bgyis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /'dus ma byas zhes bya ba de ni grangs dang bral ba'i tshig bla dwags so/ /gsol pa/ bcom ldan 'das/ grangs dang </font><hr>398a<br><font size=+1>


@#/ /bral bde'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag/ grangs dang bral ba zhes bya ba de ni sems med pa'i tshig bla dwags so/ /gsol pa/ bcom ldan 'das sems ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag |sems med pa zhes bya ba de ni rnam par rig pa med pa'i tshig bla dwags so/ /gsol pa/ bcom ldan 'das/ rnam par rig pa ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /rnam par rig pa med pa zhes bya ba de ni 'du ba med pa'i tshig bla dwags so/ /gsol pa/ bcom ldan 'das/ 'du ba ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /'du ba med pa zhes bya ba de ni bral ba med pa'i tshig bla dwags so/ /gsol pa/ bcom ldan 'das/ bral ba ma mchis pa de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /bral ba med pa zhes bya ba de ni mnyam pa nyid kyi tshig bla dwags so/ /gsol pa/ bcom ldan 'das/ mnyam pa nyid de'ang gang gi tshig bla dwags lags / </font><hr>398b<br><font size=+1>


bcom ldan 'das kyis bka' stsal pa/ rigs kyi bu dag /mnyam pa nyid ces bya ba de ni mi mnyam pa med pa'i tshig bla dwags so/ /gsol pa/ bcom ldan 'das/ mi mnyam pa ma mchis zhes bgyi ba de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /mi mnyam pa med pa zhes bya ba de ni gnas pa med pa'i tshig bla dwags so| |gsol pa/ bcom ldan 'das/ gnas pa ma mchis pa zhes bgyi ba de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /gnas pa med pa zhes bya ba de ni dngos po med pa'i tshig bla dwags so/ /gsol pa/ bcom ldan 'das/ dngos po ma mchis pa zhes bgyi ba de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /dngos po med pa zhes bya ba de ni ngo bo nyid med pa'i tshig bla dwags so/ /gsol pa/ bcom ldan 'das/ ngo bo nyid ma mchis zhes bgyi ba de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag/ ngo bo nyid med pa zhes bya ba de ni kun gzhi med pa'i tshig bla dwags so/ /gsol pa/ bcom ldan 'das kun gzhi ma mchis zhes bgyi ba de'ang gang gi tshig bla dwags lags/ bcom ldan 'das kyis bka' stsal pa/ rigs kyi bu dag /kun gzhi med pa zhes bya ba de ni mya ngan las </font><hr>399a<br><font size=+1>


@#/ /'das pa'i tshig bla dwags so/ /de nas mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po de dag gis bcom ldan 'das la 'di skad ces gsol to/ /bcom ldan 'das/ gal te chos de dag mtshan nyid de lta bu lags na/ bcom ldan 'das/ 'di la chos nub par gyur pa ni gang lags/ bdag gis ni gang bsrung bar bgyi/ de skad ces gsol pa dang / bcom ldan 'das kyis mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po de dag la 'di skad ces bka' stsal to/ /rigs kyi bu dag /byis pa so so'i skye bo rnams ni chos chos su 'du shes shing chos su rtog ste/ chos spros par byed do/ /de dag chos su brtags/ chos su spros pas gnyis su ston to/ /gang dag gnyis su ston pa de dag chos dang 'gal bar zhugs pa yin mod kyi/ rigs kyi bu/ gang don dam par na 'di la chos sam/ chos dang 'gal ba gang yang mi dmigs so/ /de nas bcom ldan </font><hr>399b<br><font size=+1>


'das kyis don de dag bka' stsal nas/ de'i tshe tshigs su bcad pa 'di dag gsungs so/ /kha cig byas pa de nyid 'dus byas te/ /gzhan ni 'dus ma byas 'dzer kha cig gzhan/ /chos la dmigs pas gnyi ga'ang rnam rtog ste/ /spros pa de ni dag pa ma yin smra/ /chos ni gang gis ma byas bshig pa med/ /ma mthong ma shes su dang nye ba'ang min| |yongs rtog spyod yul mi rigs ldan de dag /de dag thams cad stong zhes tshig tu smra/ /gang zhig stong sems de ni rigs min te/ /'di ltar de yis skye med brtags phyir ro| |rnam rtog thams cad bdud kyi zhags pa ste/ /'gyur med chos kyi phyag rgya zhes bya'o/ /med pa'i chos la yongs su rtog pas na/ /byis pa gang yin g.yo ba de yis bcings/ / rnam par rtog pa thams cad brag ca 'dra/ /byis pa de dag gnyis su 'dzin pas rtog /shes ldan rnams kyis shes pa gzhar mi rnyed/ /shes ldan las kyang shes pa byung ba med| |kun rdzob dag la brten nas 'di bstan te/ /'di la shes dang shes ldan mi dmigs so/ /gal te chos kyi ngo bo 'ga' yod na/ /de ni 'jig phyir chad pa mya ngan 'da'/ /gal te chos rnams gnas par gyur na ni/ /de tshe mya ngan 'das kun rtag par 'gyur/ /byis pa dag gis spangs dang de bzhin thob/ /byis pas mya ngan 'da' byas </font><hr>400a<br><font size=+1>


@#/ /mtshan nyid med/ /bdag tu dmigs pa dag ni 'dus byas thob/ /mkhas pa yod dang med par 'du shes med/ /rig dang ma rig gnyi ga gnyis su med/ /tha snyad tsam ste de la snying po med/ /spros pa mtshan ma spyod yul de dag ni/ /dngos po gzhig phyir mya ngan 'das pa smra/ /sems kyis sems kyi ngo bo nyid mi shes// ngo bo nyid kyis sems kyang mi shes te/ /chos rnams thams cad rmi lam ngo bo nyid/ /de ni gnyis su bden zhes kha cig smra/ /skye ba'i chos de bden pa ma yin te/ /'gog pa yang ni cung zad bden ma yin/ /sangs rgyas thams cad skye ba'i chos min te/ /de lta'i thabs kyis bden par 'gyur ba yin/ /sangs rgyas ye shes cung zad ma rnyed de/ / bstan pa'i chos kyang cung zad bstan pa med/ /sus kyang sems can gang yang bkrol ba med/ /de ltar sangs rgyas mi skye sangs rgyas so/ /gal te 'di ni rang bzhin mya ngan 'das/ /rgyal ba nyan thos bcas pa de nyid 'gro/ /ther zug chos ni mya ngan 'da' ma yin/ /spros pa med pa nam yang mkhas mi 'gyur/ /gang gis sems can sems can don mi mthong / /de ltar 'jig rten kun rdzob sems can bstan/ /sems can yang dag ngo bo nyid mthong na/ /de ni mya ngan 'da' ba gzhi med gnas/ /gang dag 'di la phung </font><hr>400b<br><font size=+1>


po bden smra dang / /kha cig srid 'gog lam ni bden zhes 'dzer/ /skye ba med pa bden pa gcig yin na/ /de la kha cig bden pa bzhi zhes 'dzer/ /byang chub snying por 'dug nas bden gcig kyang / /grub par ma mthong bzhi lta ga la zhig /de ltar blo gros ngan mang rab byung nas/ /nga yi bstan pa rnam par 'jig par byed/ /dge sbyong yon tan 'tshol bar 'dod pa dag /ting 'dzin 'di la rab tu sbyar ba'i phyir/ /ma bsdams rnams dang 'dris pa med byas te/ /bse ru lta bur dgon par gnas par bya/ /rkang gnyis dam pa bye ba brgyad cu yis/ /'di la rab tu sbyor la dgongs pa mdzad/ /gang dag bden pa mthong ba'i lha mang po/ /de dag nyin dang mtshan du de la srung / /gang dag ting 'dzin blta dka' 'di sgom la/ /sangs rgyas kyis ni de yi rmi lam du/ /snang ba gsal ba mtha' yas mi zad pa/ /bsgrub pa 'jug pa'i sgor 'jug sbyin par 'gyur/ /de nas bcom ldan 'das kyis 'jam dpal gzhon nur gyur pa la bka' stsal pa/ /'jam dpal/ byang chub sems dpa' sems dpa' chen po sangs rgyas kyi byang chub mngon par rdzogs par 'tshang rgya bar 'dod pas ting nge 'dzin 'di la brtson par bya'o/ /byang chub sems dpa' mtshan dang dpe byad bzang po yongs su sgrub par 'dod pas ting nge 'dzin 'di la brtson par </font><hr>401a<br><font size=+1>


@#/ /bya'o/ /byang chub sems dpa' sangs rgyas kyi chos ma 'dres pa bco brgyad thob par 'dod pas ting nge 'dzin 'di la brtson par bya'o/ /byang chub sems dpa' stobs dang / mi 'jigs pa dang / byams pa chen po dang / snying rje chen po thob par 'dod pas ting nge 'dzin 'di la brtson par bya'o/ /byang chub sems dpa' sangs rgyas kyi spyan dang / rang byung nyid dang / sangs rgyas kyi zhing phun sum tshogs pa dang / tshe phun sum tshogs pa dang / bkod pa phun sum tshogs pa thob par 'dod pas ting nge 'dzin 'di la brtson par bya'o/ /byang chub sems dpa' 'khor phun sum tshogs pa dang / gzugs phun sum tshogs pa dang / byang chub sems dpa' mtshan phun sum tshogs pa dang / nyan thos phun sum tshogs pa thob par 'dod pas ting nge 'dzin 'di la brtson par bya'o/ /byang chub sems dpa' snang ba dang / ye shes dang / gzungs dang / sems can gyi skad kyi brda dang / rigs pa dang / tshul dang / sgo thob par 'dod pas ting nge 'dzin 'di la brtson par bya'o/ /byang chub sems dpa' lam la 'jug pa dang / 'od phun sum tshogs pa dang / so so yang dag par rig pa'i stobs bskyed pa dang / rnam par gdon mi za ba'i stobs bskyed pa la mkhas pa thob par 'dod pas ting nge 'dzin 'di la brtson par bya'o/ /byang chub sems </font><hr>401b<br><font size=+1>


dpa' spobs pa phun sum tshogs pa dang / lta ba phyin ci ma log pa dang / mnyam pa nyid rtogs par khong du chud par 'dod pas ting nge 'dzin 'di la brtson par bya'o/ /de ci'i phyir zhe na/ 'di ltar byang chub sems dpa' ting nge 'dzin 'di la brtson pa ni yon tan gyi phan yon 'di thams cad 'thob bo/ /de ltar byang chub sems dpa' yon tan gyi phan yon dang ldan pa ni sangs rgyas zhes bya'o/ /'dren pa zhes bya'o/ /rnam par 'dren pa zhes bya'o/ /yongs su 'dren pa zhes bya'o/ /ston pa zhes bya'o/ /thams cad mkhyen pa zhes bya'o/ /rgyal ba zhes bya'o/ /'jig rten gyi mgon po zhes bya'o/ /rang byung zhes bya'o/ /de bzhin gshegs pa zhes bya'o/ /ji ltar smra ba de bzhin byed pa zhes bya'o/ /mnyam pa med pa dang / mi mnyam pa dang mnyam pa dang / mtshungs pa med pa zhes bya'o/ /mchog tu smra ba/ yang dag par smra ba/ bde ba smra ba/ dus su smra ba zhes bya'o/ /'dul ba smra ba zhes bya'o/ /bla na med pa zhes bya'o/ /mi'i dam pa zhes bya'o/ /de ci'i phyir zhe na/ 'jam dpal/ nges ting nge 'dzin 'di la gnas nas bcom ldan 'das mar me mdzad de bzhin gshegs pa mthong ma thag tu byang chub thob bo/ /'jam dpal gyis gsol pa/ gal te bcom ldan 'das de bzhin gshegs pa mar me mdzad gzigs ma thag tu byang chub brnyes nas/ bcom ldan </font><hr>402a<br><font size=+1>


@#/ /'das/ ci'i slad du slar bskal pa grangs ma mchis par 'khor ba na 'khor/ bcom ldan 'das kyis bka' stsal pa/ 'jam dpal/ sangs rgyas kyi bya ba byed cing sems can yongs su smin par bya ba dang / sngon gyi smon lam phun sum tshogs pa thob par bya ba'i phyir bskal pa grangs med par 'khor ba na 'khor mod kyi/ 'on kyang / 'jam dpal/ der ngas byang chub dang / de nyid du yongs su mya ngan las 'das pa bzung ngo / /de nas bcom ldan 'das kyis don 'di nyid rgya cher bstan pa'i phyir de'i tshe tshigs su bcad pa 'di dag bka' stsal to/ /'di dang ldan pa 'dren par 'gyur te blo gros mtha' yas blo gros mchog /phyogs bcu'i sangs rgyas bye ba phrag brgya mang po dag gis dgongs par 'gyur/ /mdo sde brgya yi tshul dag shin tu rab 'byed bsam yas dpag med de/ /mdo sde 'di la rab tu sbyor ba mi zad gzungs 'thob rnyed par 'gyur// 'di ni ye shes ting 'dzin rnam par gdon mi za ba skad kun sgo/ /rab tu rtogs dang rnam par grol dang chags med 'dzin pa thams cad zhi/ /mi skye ba dang 'gog dang gzhi med mya ngan 'das dang rims nad med/ /stobs dang mtshan dang dpe byad bzang dang rgyal ba'i yon tan kun sgrub pa/ /dbyangs kyi yan lag kun dang sna tshogs </font><hr>402b<br><font size=+1>


mtha' yas skad rnams yongs su sbyong / /rjes su rtogs dang tshim pa dang ni sbyong dang 'dzin pa thams cad bral/ /shin tu rnam par shes dang gdon mi za mchog nyon mongs thams cad zad/ /mdo sde 'di la rab tu sbyor ba byang chub drung du song ba yin/ /rtse gcig yid kyis mngon sum du na 'di la tshul bzhin rab sbyar la/ /gnyid dang le lo ma byed shes kyi khe bde mngon par dga' ma byed/ /rtag tu tshul khrims gnyen dang phrag dog med dang byams pa'i yid du byos/ /dga' ba'i ngang tshul gus dang bcas pas ting 'dzin mchog 'di rnyed par 'gyur/ /mnyam sems shin tu bsdams pa drang po rtag tu rnam par dga' ba dang / /gnas med 'dris med shes kyi khe dang bde la pad+ma chu bzhin byos/ /ji ltar bya bzhin nga med mos pa brtan zhing sred dang g.yo med pa/ /de ni phyi ma'i dus na gzungs mchog rgyal po 'di ni 'thob par 'gyur/ /stong gsum dag ni rab tu g.yos nas lha brgya sil snyan dkrol bar byed/ /nam mkha' las ni byug pa gos dang phye ma dag dang rgyal mtshan brgya/ /mdzes phreng mgul rgyan rna cha zla gam dung dang rkang gdub do shal brgya/ /nor bu mu tig dpung rgyan gtsug rgyan sor gdub sna tshogs 'thob bar byed/ /lha dang lha yi bu mo klu dang dri za 'dab bzang tshogs mang po/ /nam mkha' </font><hr>403a<br><font size=+1>


@#/ /lding dang lha min dbang po dge bsnyen dge slong brgya mang dang / /de bzhin dge slong ma dang dge bsnyen ma ni mang po dga' 'gyur langs/ /rang gi gos dag dang ni rgyan rnams phul nas byang chub sems bskyed do/ /chos 'di shin tu bstan tshe sems can mang po byang chub zhugs pa dang / /kha cig phyir mi ldog par gyur pa bstan cing tshad gzung nus ma yin/ /dgra bcom nyid du btul bar gyur ba mtha' yas gang+gA'i bye ma snyed/ /'dren pa blta phyir zhing ni brgya nas lhags pa de dag dga' nas dong // bcom ldan 'das kyis chos kyi rnam grangs 'di bshad pa na/ sems can grangs med pa bla na med pa yang dag par rdzogs pa'i byang chub tu yang dag par zhugs so/ /byang chub sems dpa' khrag khrig phrag brgyad cu ni bla na med pa yang dag par rdzogs pa'i byang chub las phyir mi ldog par gyur to/ /byang chub sems dpa' bye ba phrag drug cu dang / 'bum phrag gsum ni de bzhin gshegs pa'i ye shes kyi phyag rgya'i ting nge 'dzin 'di thob bo/ /dge slong dang / dge slong ma dang / dge bsnyen dang / dge bsnyen ma dpag tu med pa dang / sems can tshad med pa dag gis ni dgra bcom pa nyid thob bo/ /phyogs bcu'i 'jig rten gyi khams nas 'dus pa'i byang chub sems dpa' </font><hr>403b<br><font size=+1>


de dag thams cad kyis ni de bzhin gshegs pa'i ye shes kyi phyag rgya'i ting nge 'dzin 'di thob bo/ /bcom ldan 'das kyis de skad ces bka' stsal nas/ nyan thos chen po de dag dang| mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang dang / snang byed la thug pa'i bar la sogs pa bskal pa bzang po'i byang chub sems dpa' sems dpa' chen po thams cad dang / phyogs bcu'i 'jig rten gyi khams nas 'dus pa'i byang chub sems dpa' sems dpa' chen po dang / rgyal po'i btsun mo dpal bzang dang / gser mchog snang dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa de bzhin gshegs pa'i ye shes kyi phyag rgya'i ting nge 'dzin ces bya ba theg pa chen po'i mdo rdzogs so// //rgya gar gyi mkhan po dzin mi tra dang / mu ni warma dang / dA na shI la dang / zhus chen gyi lo tsA ba ban+de ye shes sdes bsgyur cing zhus te skad gsar bcad kyis kyang bcos nas gtan la phab pa|| </font><hr>

</table>