H134

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H134</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H134&coll=lhasa">see text in Tibetan script</a></table>403b<br><font size=+1>


||rgya gar skad du AR+Ya shU rang ga ma sa mA d+hi nA ma ma hA yA na sU tra/ bod skad du/ 'phags pa dpa' bar 'gro ba'i ting nge 'dzin ces bya ba theg pa chen po'i mdo/ bam po dang po/ sangs rgyas dang byang </font><hr>404a<br><font size=+1>


@#/ /chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong sum khri nyis stong gi dge slong gi dge 'dun chen po mngon par shes pas mngon par shes pa sha stag dang thabs gcig tu bzhugs so/ / byang chub sems dpa' bdun khri nyis stong dang yang thabs gcig ste/ thams cad kyang mngon par shes pa'i ye shes thob pa/ gzungs kyis mi brjed pa'i chos dang ldan pa/ spobs pa mi zad pa'i chos dang ldan pa/ ting nge 'dzin la shin tu gnas pas mi g.yo ba/ shes rab kyi mig sgrub pa shes pa la mkhas pa/ bzod pa thob pa/ gzungs kyi tshul thob pa/ chos zab mo'i tshul la zhugs pa/ bskal pa grangs med pa bye ba tshar phyin pa/ smon lam phun sum tshogs pa/ bdud dang / phyir rgol ba bcom pa/ sangs rgyas kyi zhing bkod pa chen po dang ldan pa yongs su bzung ba/ byams pa chen po'i go cha bgos pa/ snying rje chen po yongs su bzung ba/ brtson 'grus chen pos rtul ba/ tshig thams cad kyi nges pa'i tshig ston pa shes pa la mkhas pa/ spyod pa yongs su dag pa/ rnam par thar pa'i sgo gsum la gnas pa/ ye shes dus gsum la ma chags pa thob </font><hr>404b<br><font size=+1>


pa| khams gsum las mngon par byung ba/ sangs rgyas dang / chos la mos pa mang ba/ chos kyi 'khor lo skor ba/ sgra thogs pa med pa/ sgra yid du 'ong bas go bar byed pa/ spyod lam thams cad yongs su brtags pa ma yin pa/ dkris pa dang bral ba/ mtshan gyis legs par brgyan pa/ sems can thams cad yongs su mi gtong ba'i go cha ba gos pa/ dran pa dang / blo gros dang / rtogs pa dang ldan pa/ ngo tsha shes pa dang / brtan pa dang ldan pa sha stag la/ 'di lta ste/ byang chub sems dpa' sems dpa' chen po thogs pa med par chos kyi 'khor lo skor ba dang / byang chub sems dpa' sems dpa' chen po sems bskyed ma thag tu chos kyi 'khor lo skor ba dang / byang chub sems dpa' sems dpa' chen po sgrib pa med pa'i chos kyi 'khor lo bskor ba dang / byang chub sems dpa' sems dpa' chen po mig gtsang zhing dri ma med par yongs su sbyong ba dang / byang chub sems dpa' sems dpa' chen po kun nas ldang ba thams cad rnam par sel ba dang / byang chub sems dpa' sems dpa' chen po dga' ba dang / dad pa'i spyod lam ston pa dang / byang chub sems dpa' sems dpa' chen po mtshan dam pa bkod pa'i rgyal po'i blo gros dang / byang chub sems dpa' sems dpa' chen po sems can thams cad mi slu ba'i blo dang ldan </font><hr>405a<br><font size=+1>


@#/ /pa dang / byang chub sems dpa' sems dpa' chen po yon tan rgya mtsho mtha' yas pa'i blo gros dang / byang chub sems dpa' sems dpa' chen po 'du shes ldog pa shes pa la mkhas pa dang / byang chub sems dpa' sems dpa' chen po brtson 'grus brtan zhing rtul ba rtag tu legs par brtsams pa dang / byang chub sems dpa' sems dpa' chen po rtag tu mnyam par gzhag cing dbang po mi g.yeng ba dang / byang chub sems dpa' sems dpa' chen po rab tu dga' ba'i sgra 'byin pa'i dbyangs dang / byang chub sems dpa' sems dpa' chen po lha thams cad kyis bstod pa dang / byang chub sems dpa' sems dpa' chen po gzungs kyi dbang phyug gi rgyal po dang / byang chub sems dpa' sems dpa' chen po spobs pa'i rgyal po dang / byang chub sems dpa' sems dpa' chen po spobs pa'i rgyan bkod pa'i rgyal po dang / byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' sems dpa' chen po byams pa dang / byang chub sems dpa' sems dpa' chen po lhun po'i rtse 'dzin brtsegs pa'i rgyal po dang / byang chub sems dpa' sems dpa' chen po yon tan rin po che bkod pa rgya mtsho'i blo gros dang / byang chub sems dpa' sems </font><hr>405b<br><font size=+1>


dpa' chen po brtson 'grus chen po dang / byang chub sems dpa' sems dpa' chen po bkod pa chen po'i blo gros dang / byang chub sems dpa' sems dpa' chen po rin po che chen po'i tog dang / byang chub sems dpa' sems dpa' chen po 'od kyi tog dang / byang chub sems dpa' sems dpa' chen po 'od dpal dang / byang chub sems dpa' sems dpa' chen po 'od bkod dang / byang chub sems dpa' sems dpa' chen po dad ldan dang / byang chub sems dpa' sems dpa' chen po mchog tu dga' ba'i rgyal po dang / byang chub sems dpa' sems dpa' chen po mthu brtan dang / byang chub sems dpa' sems dpa' chen po blo gros brtan pa dang / de dag la sogs pa byang chub sems dpa' sum khri nyis stong dang thabs gcig go /gang yang stong gsum gyi stong chen po'i 'jig rten gyi khams 'di na gnas pa'i brgya byin dang / tshangs pa dang / 'jig rten skyong ba dang / de ma yin pa gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa/ gzi brjid che ba/ gzi brjid che ba che zhing che ba 'ongs shing lhags pa/ dge ba'i rtsa ba bskyed pa/ rgya chen po la mos pa de dag thams cad kyang 'khor der tshogs shing 'khod </font><hr>406a<br><font size=+1>


@#/ /par gyur to/ /de nas byang chub sems dpa' sems dpa' chen po blo gros brtan pa 'khor de nyid du 'dus par gyur te 'dug pa de 'di snyam du sems te| gang bdag gis de bzhin gshegs pa dgra bcom pa yang dag par rdzogs pa'i sangs rgyas la ji lta bu'i zhu ba zhus pas sangs rgyas kyi rigs kyang yongs su 'dzin par 'gyur ba dang / chos kyi rigs kyang yongs su bsrung bar 'gyur ba dang / dge 'dun gyi rigs kyang shin tu yongs su 'dzin par 'gyur ba dang / bdud kyi gnas thams cad kyang mog mog por byas par 'gyur ba dang / gang zag lhag pa'i nga rgyal can rnams kyang shin tu tshar chod par 'gyur ba dang / sems can dge ba'i rtsa ba ma bskyed pa rnams kyang dge ba'i rtsa ba bskyed par 'gyur ba dang / sems can dge ba'i rtsa ba bskyed pa rnams kyang dge ba'i rtsa ba rgyas par 'phel bar 'gyur ba dang / sems can gang dag byang chub tu sems ma bskyed pa de dag kyang byang chub tu sems bskyed par 'gyur ba dang / sems can gang dag byang chub tu sems bskyed pa de dag kyang phyir mi ldog par 'gyur ba dang / gang dag phyir mi ldog pa de dag kyang myur du bla na med yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can dmigs pa can thams cad dang / bdag </font><hr>406b<br><font size=+1>


tu mngon par zhen pa rnams kyang lta ba de dag las bskyod par 'gyur ba dang / sems can dman pa la mos pa rnams kyang sangs rgyas kyi chos rgya chen po la mos par 'gyur ba dang| sems can rgya chen po la mos pa rnams kyang mgu zhing mchog tu dga' bar 'gyur ba de lta bu'i zhu ba kun zhu bar bya'o snyam mo/ /de nas byang chub sems dpa' sems dpa' chen po blo gros brtan pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' blo gros brtan pa la 'di skad ces bka' stsal to/ /blo gros brtan pa/ dris pa lung bstan pa'i phyir khyod la de bzhin gshegs pas rtag tu skabs phye yi/ blo gros brtan pa/ khyod ci dang ci 'dod pa de bzhin gshegs pa la zhus shig dang / zhu ba zhus pa de dang de'i lung bstan pas ngas khyod kyi sems rangs par bya'o/ /de skad ces bka' </font><hr>407a<br><font size=+1>


@#/ /stsal pa dang / bcom ldan 'das la byang chub sems dpa' sems dpa' chen po blo gros brtan pas 'di skad ces gsol to/ /bcom ldan 'das/ byang chub sems dpa' sems dpa' chen po ting nge 'dzin gang la gnas na myur du bla na med pa yang dag par rdzogs pa'i byang chub mngon par rdzogs 'tshang rgya bar 'gyur ba dang| sangs rgyas bcom ldan 'das rnams dang mi 'bral bar 'gyur ba dang / phyogs bcur snang ba'i phyir snang ba chen po thob par 'gyur ba dang / bdud thams cad tshar gcad pa'i phyir shes rab rgya chen po grags pas rnam par 'phrul bar 'gyur ba dang / rang byung gi chos thob pa'i phyir ye shes la dbang du 'gyur ba dang / ma bstan pa'i ye shes dang ldan pa'i phyir gzhan gyi dring la 'jog par mi 'gyur ba dang / phyi ma'i mtha'i bskal pa bye bar ston pa'i phyir spobs pa rgyun mi 'chad par 'gyur ba dang / tshe bskal ba dpag tu med par 'dzin pa'i byir rdzu 'phrul gyi rkang pa thob par 'gyur ba dang / sems can nyan thos kyi theg pa'i chos la mos pa rnams la nyan thos kyi theg pa ston par 'gyur ba dang / sems can rang sangs rgyas kyi theg pa'i chos la mos pa rnams la rang sangs rgyas kyi theg pa bston par 'gyur ba dang / sems can theg pa chen po'i chos la mos pa rnams la sangs </font><hr>407b<br><font size=+1>


rgyas kyi theg pa ston par 'gyur ba dang / nyan thos kyi chos rnams kyang 'tshal cing 'chad la nyan thos kyi nges par gyur pa la'ang mi 'jug pa dang / rang sangs rgyas kyi chos rnams kyang 'tshal cing 'chad la rang sangs rgyas kyi nges par 'gyur pa la'ang mi 'jug pa dang / sangs rgyas kyi chos rnams kyang 'tshal cing 'chad la shin tu yongs su mya ngan las 'das pa'ang thob par mi bgyid pa dang / nyan thos kyi kha dog dang / gzugs dang / rtags dang / cha byad rnams kyang ston la byang chub kyi sems dang yang mi 'bral ba dang / rang sangs rgyas kyi kha dog dang / gzugs dang / rtags dang / cha byad rnams kyang ston la sangs rgyas kyi thugs rje chen po dang yang mi 'bral ba dang / sa bcu'i stobs bskyed pa dang ldan pa'i phyir sgyu ma lta bu'i ting nge 'dzin gyis nges par byung bas de bzhin gshegs pa'i gzugs dang / kha dog dang / cha byad kyang ston pa dang / srid pa tha ma dang ldan pas dga' ldan gyi gnas rab na gnas par yang gda' ba dang / dge ba'i rtsa ba'i stobs bskyed pa'i phyir mngal du 'jug pa dang / btsas pa dang / mngon par 'byung ba dang / dka' ba spyod pa dang / bdud 'dul ba dang / byang chub kyi snying po'ang ston pa dang / shes rab kyi stobs bskyed pa'i phyir byang chub kyang rnam par 'tshang rgya ba dang / gsol ba gdab pa dang / chos kyi </font><hr>408a<br><font size=+1>


@#/ /'khor lo bskor ba'ang ston pa nas ye shes kyi stobs bskyed pa'i phyir sangs rgyas kyi yongs su mya ngan las 'da' ba'i bar du'ang yongs su ston pa dang / ting nge 'dzin gyi stobs bskyed pa'i phyir lus 'jig par yang ston pa dang / smon lam gyi stobs bskyed pa'i phyir dam pa'i chos rab tu 'jig par 'gyur ba'ang ston pa'i ting nge 'dzin de gang yang mchis sam/ bcom ldan 'das/ byang chub sems dpa' sems dpa' chen po ting nge 'dzin gang la gnas na sangs rgyas kyi zhing thams cad kyi yon tan bkod pa rnam par sprul pa'ang ston cing gzugs su mthong ba thams cad kyang ston la/ shin tu yongs su mya ngan las 'das pas yongs su mya ngan las 'da' bar yang mi 'gyur ba'i ting nge 'dzin de gang lags/ de skad ces gsol ba dang / bcom ldan 'das kyis byang chub sems dpa' blo gros brtan pa la 'di skad ces bka' stsal to/ /blo gros brtan pa/ legs so/ /legs so/ /yang blo gros brtan pa/ khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang / bde ba dang / da ltar dang / ma 'ongs pa'i byang chub sems dpa' rnams yongs su gzung ba'i phyir zhugs te/ blo gros </font><hr>408b<br><font size=+1>


brtan pa/ khyod de bzhin gshegs pa la don de zhu bar sems pa legs so/ /legs so/ /'di ltar/ blo gros brtan pa/ khyod ni sngon gyi rgyal ba la bya ba byas pa/ dge ba'i rtsa ba bskyed pa| sangs rgyas bye ba khrag khrig brgya stong mang po la bsnyen bkur byas pa/ theg pa chen po 'di la yongs su sbyang ba byas pa/ theg pa thams cad kyi nges par 'byung ba'i lam rnams su nges par byung ba/ bdud dang / nyon mongs pa dang / phyir rgol ba bcom pa/ chos la phan gdags pa'i phyir sangs rgyas kyi chos la rang dbang yod pa'i ye shes dang ldan pa/ byang chub sems dpa'i ye shes yang dag par 'dzin du 'jug pa/ byang chub sems dpa' yongs su sdud pa/ sangs rgyas thams cad kyi chos kyi mdzod 'dzin pa'o/ /'di ltar/ blo gros brtan pa/ khyod ni sangs rgyas bcom ldan 'das gang+gA'i klung gi bye ma snyed la zhu ba zhus pa'i lung bstan pa tshar phyin pa'o/ /blo gros brtan pa/ ngas ni skyes bu dam pa khyod lta bu theg pa chen po la yang dag par zhugs pa go cha chen po bgos pa ma gtogs par 'khor 'di na/ lha'am/ klu'am/ gnod sbyin nam/ dri za'am/ lha ma yin nam/ nam mkha' lding ngam/ mi'am ci'am/ lto 'phye chen po'am/ mi'am/ mi ma yin pa'am/ nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'ang rung ste/ gang </font><hr>409a<br><font size=+1>


@#/ /de bzhin gshegs pa la don 'di 'dri nus pa de ma mthong ngo / /blo gros brtan pa/ /de'i phyir legs par rab tu nyon la yid la zungs shig dang / byang chub sems dpa' sems dpa' chen po ting nge 'dzin gang dang ldan na yon tan gyi bye brag de dag dang / de bas kyang shin tu ches khyad par du 'phags pa gzhan dag kyang thob par 'gyur ba'i ting nge 'dzin de ngas khyod la bstan to/ /bcom ldan 'das/ legs so zhes gsol nas/ byang chub sems dpa' blo gros brtan pa bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /blo gros brtan pa/ dpa' bar 'gro ba'i ting nge 'dzin ces bya ba yod de/ byang chub sems dpa' sems dpa' chen po dag ting nge 'dzin de la gnas na/ sangs rgyas kyi zhing thams cad kyi yon tan bkod pa rnam par sprul pa'ang ston la shin tu yongs su mya ngan las 'da' bar yang mi 'gyur/ gzugs su ston pa thams cad kyang ston la gzugs kyi de bzhin nyid las chos rnams 'khrugs par yang mi byed/ sangs rgyas kyi zhing thams cad du'ang 'gro la sangs rgyas kyi zhing sna tshogs su 'du shes pa'ang med/ sangs rgyas thams cad dang phrad par yang 'gyur la chos kyi dbyings tha dad par yang mi byed/ spyod </font><hr>409b<br><font size=+1>


pa thams cad du'ang snang la de dag la spyod pa yongs su dag pa'ang shes/ lha dang / mi thams cad kyi bdag po'ang yongs su 'dzin la de dag rgyags shing bag med par 'gyur ba'ang mi skyed/ bdud kyi yul thams cad kyang ston la bdud kyi las la gnas pa'ang ma yin/ khams gsum thams cad du'ang spyod la chos kyi dbyings kyi rang bzhin shes pa las kyang mi g.yo/ 'chi bar yang mi 'gyur/ skye bar yang mi 'gyur/ 'gro ba thams cad du'ang skye la 'gro ba sna tshogs su 'du shes pa'ang ma yin/ chos kyi tshig rab tu dbye ba thams cad kyang ston la yi ge mnyam pa nyid dang / chos kyi tshul rtogs pa las kyang mi g.yo/ gcig tu mnyam par yang bzhag la sems can yongs su smin par byed par spyod par yang snang la mi zad pa dang / mi skye ba la bzod pa dang yang ldan pa chos rnams kyi skye ba dang / 'gog pa'ang rnam par 'jog /thams cad du ma zhum pa'i phyir seng ge'i rtsal gyis kyang 'gro zhing 'jig rten pa dang / 'jig rten las 'das pa'i bya ba thams cad na'ang snang la pad+ma bzhin du mi chags pa'i phyir rtag tu chos kyi kun dga' mchog la dga' zhing mos par yang 'gyur ro/ /de nas nyan thos chen po de dag dang / brgya byin dang / tshangs pa dag dang / 'jig rten skyong ba dag dang / lha'i bu dag dang / thams </font><hr>410a<br><font size=+1>


@#/ /cad dang ldan pa'i 'khor de 'di snyam du sems te/ bdag cag gis dpa' bar 'gro ba'i ting nge 'dzin gyi ming tsam yang sngon ma thos na/ rgya cher rnam par phye zhing bshad pa lta ci smos te/ gang bdag cag gis dpa' bar 'gro ba'i ting nge 'dzin gyi ming thos pas na bdag cag gis rnyed pa legs par rnyed do/ /bdag cag 'khor 'dir legs par 'ongs so/ /bdag cag gis de bzhin gshegs pa legs par mthong ngo / /byang chub sems dpa'i theg pa pa'i rigs kyi bu'am/ rigs kyi bu mo gang dag dpa' bar 'gro ba'i ting nge 'dzin rnam par phye ste bshad pa 'di thos nas mos shing yid ches la dad pa de dag the tshom med par bla na med pa yang dag par rdzogs pa'i byang chub las phyir mi ldog par 'gyur na/ gang dag thos nas len pa dang / 'dzin pa dang / klog pa dang / kun chub par byed pa dang / gzhan dag la'ang rgya cher ston pa dang / de bzhin nyid du nan tan byed pa lta ci smos snyam mo/ /de nas brgya byin dag dang / tshangs pa dag dang / 'jig rten skyong ba dag dang / lha'i bu de dag 'di snyam du sems te/ gang bdag cag gis de bzhin gshegs pa la mchod pa bya ba'i phyir khri gang la bzhugs nas/ de bzhin gshegs pa dpa' bar 'gro ba'i ting nge 'dzin 'di ston pa'i chos kyi khri/ skyes </font><hr>410b<br><font size=+1>


bu dam pa'i khri/ bkod pa chen po'i khri/ chos kyi 'khor lo chen po bskor ba'i khri'i seng ge'i khri nges par bsham par bya'o snyam mo/ /khri de la de bzhin gshegs pa bzhugs nas dpa' par 'gro ba'i ting nge 'dzin 'di 'chad par 'gyur ro snyam mo/ /de nas lha'i bu re re zhing yang bdag ni de bzhin gshegs pa'i seng ge'i khri shom gyi gzhan ni ma yin no snyam mo/ /de nas lha'i bu dag dang / brgya byin dang / tshangs pa dang / 'jig rten skyong ba de dag gis de bzhin gshegs pa la mchod pa bya ba'i phyir rang rang gis seng ge'i khri sna tshogs pa/ blta na sdug pa/ 'phang mtho ba/ rgya che ba/ yangs pa/ ras bcos bu rgya stong du ma bting ba/ steng gi bar snang las rin po che'i gdugs dang / rgyal mtshan dang / dra bas g.yogs pa| khor khor yug tu rin po che'i stegs bus bskor ba/ g.yas g.yon du rin po che'i shing ljon pa du mas brgyan pa/ dar gyi lnga ldi bres pa/ mu tig gi phreng ba dbyangs pa/ gdugs dang / rgyal mtshan dang / ba dan sgreng ba/ bla bre bres pa/ gser gyi dril bu g.yer kha'i dra bas g.yogs pa/ me tog sna tshogs bkram pa/ gser dang / dngul dang / mu tig dang / nor bus brgyan pa/ rnam pa thams cad kyi mchog dang ldan pa'i rgyan gyi bkod pas legs par brgyan pa/ gser phye bkram pa/ lha'i tsan+dan dang / spos dang </font><hr>411a<br><font size=+1>


@#/ /phreng ba dang / phye ma dang / byug pa dang / spos thams cad kyis bsgos pa/ me tog sna tshogs gtor ba/ snying po dam pa dang ldan pa'i phog por nas bdug pa bshams par gyur te/ de ltar de'i skad cig than cig yud tsam la de bzhin gshegs pa la mchod pa'i las bya ba'i phyir seng ge'i khri bye ba khrag khrig brgya stong phrag brgyad cu rtsa bzhi bshams par gyur kyang 'khor dang sa chen po la sgrib par yang mi byed/ lha'i bu gcig gis lha'i bu gcig shos kyi khri bshams pa'ang ma mthong ste/ lha'i bu re re zhing yang bdag gis bcom ldan 'das kyi seng ge'i khri bshams pas bdag gi seng ge'i khri la de bzhin gshegs pa bzhugs te/ dpa' bar 'gro ba'i ting nge 'dzin 'di 'chad par shes so/ /de nas brgya byin dang / tshangs pa dang / 'jig rten skyong ba dag dang / de ma yin pa'i lha'i bu gzhan dag gis kyang bcom ldan 'das kyi seng ge'i khri bshams nas/ bcom ldan 'das la 'di skad ces gsol to/ /bcom ldan 'das/ bdag gi seng ge'i khri 'di la bzhugs te/ dpa' bar 'gro ba'i ting nge 'dzin 'di bshad du gsol/ /de nas bcom ldan 'das kyis de'i tshe ji lta bu'i rdzu 'phrul mngon par 'du bya ba mngon par mdzad pas/ seng ge'i khri bye ba khrag khrig brgya stong phrag brgyad </font><hr>411b<br><font size=+1>


cu rtsa bzhi po de la sangs rgyas bye ba khrag khrig brgya stong phrag brgyad cu rtsa bzhi mngon par sprul nas/ seng ge'i khri de dag thams cad la de bzhin gshegs pa dag bzhugs par snang ba de 'dra ba'i rdzu 'phrul mngon par 'du bya ba mngon par mdzad nas/ de na lha'i bu re re zhing bdag bdag gi seng ge'i khri de nyid la de bzhin gshegs pa bzhugs par mthong gi phan tshun du gcig gis gcig gi khri ni ma mthong ste/ de na brgya byin re re zhing brgya byin gnyis pa la/ kye grogs po/ de bzhin gshegs pa kho bo'i seng ge'i khri la bzhugs kyi ltos shig ces ston to/ /gnyis pa'ang gsum pa la/ kye grogs po/ de bzhin gshegs pa kho bo'i seng ge'i khri la bzhugs kyi ltos shig ces smra'o/ /de bzhin du brgya byin dang / tshangs pa dang / 'jig rten skyong ba de dag thams cad dang / lha de dag thams cad kyang phan tshun gcig la gcig /kye grogs po dag /de bzhin gshegs pa kho bo'i seng ge'i khri la bzhugs kyi ltos shig ces ston to/ /de na re re zhing yang re re dag la de bzhin gshegs pa dpa' bar 'gro ba'i ting nge 'dzin 'chad pa kho bo'i seng ge'i khri la bzhugs kyi khyod kyi la ni ma yin no zhes de skad ces smra'o/ /de nas bcom ldan 'das kyis brgya byin dang / tshangs pa dang / 'jig rten skyong ba de dag dang / lha'i bu de dag gdul ba'i dbang dang / dpa' </font><hr>412a<br><font size=+1>


@#/ /bar 'gro ba'i ting nge 'dzin 'di'ang brtsam pa tsam bstan pa dang / theg pa chen po yongs su bsdu ba'ang bstan pa'i phyir de'i tshe ci nas kyang brgya byin dang| tshangs pa dang / 'jig rten skyong ba thams cad dang / lha'i bu de dag gis seng ge'i khri bye ba khrag khrig brgya stong phrag brgyad cu rtsa bzhi po de dag la sangs rgyas bye ba khrag khrig brgya stong phrag brgyad cu rtsa bzhi bzhugs par mthong ba de lta bu'i ltas bstan to/ /de na 'khor de dag thams cad ngo mtshar du gyur nas bdag bdag gi stan de dag las langs te/ thams cad kyis thal mo sbyar nas de bzhin gshegs pa la phyag btsal te/ tshig 'di skad ces legs so/ /legs so/ /'di ltar de bzhin gshegs pas lha'i bu 'di dag gi bsam pa yongs su rdzogs par mdzad pa ni ngo mtshar te/ sangs rgyas bcom ldan 'das rnams kyi yul bsam gyis mi khyab bo zhes smras so/ /de ltar lha'i bu ji snyed kyis sangs rgyas kyi seng ge'i khri bshams pa de dag thams cad kyis de bzhin gshegs pa'i rnam par 'phrul pa'i cho 'phrul 'di lta bu 'di mthong nas/ thams cad kyis bla na med pa yang dag par rdzogs pa'i byang chub tu sems bskyed nas tshig 'di skad ces/ bcom ldan 'das/ bdag cag ni de bzhin gshegs pa la mchod pa bgyi </font><hr>412b<br><font size=+1>


pa dang / sems can thams cad kyi sdug bsngal zhi bar bgyi ba dang / dam pa'i chos yongs su gzung ba dang / sangs rgyas kyi tshul rgyun mi 'chad par bgyi ba'i slad du bla na med pa yang dag par rdzogs pa'i byang chub tu sems bskyed do/ /bcom ldan 'das/ ji ltar da ltar na/ de bzhin gshegs pa dgra bcom pa yang dag par rdzogs pa'i sangs rgyas rnam par 'phrul pa de bzhin du bdag cag kyang ma 'ongs pa'i dus na sangs rgyas kyi yul la gnas te/ rnam par 'phrul bar bgyi'o/ /de nas bcom ldan 'das kyis lha'i bu de dag la legs so zhes bya ba byin te/ legs so/ /legs so/ /lha'i bu dag /de de bzhin no/ /lha'i bu dag /ji skad smras pa de bzhin te/ gang sems can thams cad kyi sdug bsngal zhi bar bya ba dang / dam pa'i chos yongs su gzung ba dang / sangs rgyas kyi tshul rgyun mi 'chad par bya ba'i phyir bla na med pa yang dag par rdzogs pa'i byang chub tu sems bskyed pa de ni de bzhin gshegs pa la mchod pa'i dam pa yin no/ /de nas tshangs pa'i 'khor de'i nang nas tshangs pa mnyam pa nyid la gnas pa zhes bya bas bcom ldan 'das la 'di skad ces gsol to/ /de bzhin gshegs pa yang dag pa gang bdag gi seng ge'i khri la bzhugs pa lags sam/ gang gzhan gyi seng ge'i khri la bzhugs pa </font><hr>413a<br><font size=+1>


@#/ /lags/ de skad ces gsol pa dang / bcom ldan 'das kyis tshangs pa mnyam pa nyid la gnas pa la 'di skad ces bka' stsal to/ /tshangs pa/ chos thams cad ni bdag po med pa'i phyir sgyu ma lta bur byung ba/ rnam par sgrub pas nye bar gnas pa'i mtshan nyid byed pa med pa/ yongs su rtog pa las byung ba ste/ de dag ni ji lta ji ltar 'dod pa de lta de ltar rnam par sgrub bo/ /tshangs pa/ de bzhin gshegs pa 'di dag thams cad ni yang dag pa ma yin no/ /tshangs pa/ ji ltar na de bzhin gshegs pa 'di dag thams cad yang dag pa ma yin zhe na/ 'di dag ni bden pa ma yin te/ 'di dag ni mi bden bas na de'i phyir 'di dag ni yang dag pa ma yin no/ /byung ba ma yin/ 'byung bar 'gyur ba'ang ma yin pas na/ de'i phyir 'di dag ni yang dag pa ma yin no/ /de dag ni 'byung ba chen pos ma bsdus pas na/ de'i phyir 'di dag ni yang dag pa ma yin no/ /'di dag ni phung pos ma bsdus/ khams kyis ma bsdus/ skye mched kyis ma bsdus pas na/ de'i phyir 'di dag ni yang dag pa ma yin no/ /'di dag ni yang dag pa ma yin/ skyes pa ma yin/ byung ba ma yin pas na/ de'i phyir 'di dag ni yang dag pa ma yin no/ /'di dag ni yang dag pa ma yin te/ </font><hr>413b<br><font size=+1>


thog ma ji lta bar tha mtshar yang de bzhin/ bar du'ang de bzhin pas na de'i phyir 'di dag ni yang dag pa ma yin no/ /tshangs pa/ de bzhin gshegs pa 'di dag thams cad ni mnyam pa ste khyad par med do/ /gsol pa/ bcom ldan 'das/ ci'i slad dun de bzhin gshegs pa 'di dag thams cad mnyam ste khyad par ma mchis pa lags/ bcom ldan 'das kyis bka' stsal pa/ tshangs pa/ de bzhin gshegs pa 'di dag ni gzugs kyi de bzhin nyid kyis mnyam/ tshor ba dang / 'du shes dang / 'du byed dang / rnam par shes pa'i de bzhin nyid kyis mnyam pas na de'i phyir 'di dag ni mnyam mo/ /tshangs pa/ de bzhin gshegs pa 'di dag thams cad ni thog ma'i mtha'i de bzhin nyid kyis mnyam/ tha ma'i mtha'i de bzhin nyid kyis mnyam/ da ltar byung ba'i de bzhin nyid kyis mnyam mo/ /tshangs pa/ de bzhin gshegs pa 'di dag ni sgyu ma'i chos kyi de bzhin nyid kyis mnyam/ mig yor gyi chos kyi de bzhin nyid kyis mnyam pas na/ de'i phyir 'di dag ni mnyam mo/ /tshangs pa/ de bzhin gshegs pa 'di dag ni ma 'ongs pa'i de bzhin nyid kyis mnyam/ da ltar byung ba'i de bzhin nyid kyis mnyam /ma chags pa'i de bzhin nyid kyis mnyam pas na de'i phyir 'di dag ni mnyam pa zhes </font><hr>414a<br><font size=+1>


@#/ /bya'o/ /chos thams cad gang dang mnyam pa 'di dag kyang de dang mnyam/ sems can thams cad gang dang mnyam pa 'di dag kyang de dang mnyam / sangs rgyas thams cad gang dang mnyam pa 'di dag kyang de dang mnyam/ sangs rgyas kyi zhing thams cad gang dang mnyam pa 'di dag kyang de dang mnyam pas na/ tshangs pa / de bzhin gshegs pa 'di dag ni mnyam pa nyid las mi 'da' ste/ de'i phyir 'di dag ni mnyam mo/ /tshangs pa/ de bas na de bzhin gshegs pa 'di dag ni mnyam pa nyid las ma 'das te/ de'i phyir 'di dag ni mnyam mo/ /tshangs pa/ de lta bas na de ltar de bzhin gshegs pas chos thams cad mnyam par mngon par rdzogs par sangs rgyas te/ de'i phyir de bzhin gshegs pa chos thams cad kyi mnyam pa nyid la gnas pa zhes bya'o/ /de nas bcom ldan 'das la tshangs pa mnyam pa nyid la gnas pas 'di skad ces gsol to/ /bcom ldan 'das/ de bzhin gshegs pa ni de ltar chos thams cad kyi mnyam pa nyid mngon par rdzogs par sangs rgyas la/ gzugs kyi sku yongs su grub pa'ang sems can rnams la ston pa ngo mtshar to/ /bcom ldan 'das kyis bka' stsal pa/ tshangs pa/ de ni sngon dpa' bar 'gro ba'i ting nge 'dzin sbyangs </font><hr>414b<br><font size=+1>


pa'i khyad par yin te/ de'i phyir de bzhin gshegs pa de ltar chos thams cad kyi mnyam pa nyid mngon par rdzogs par sangs rgyas nas/ gzugs kyi sku yongs su grub pa'ang sems can rnams la ston to/ /de bzhin gshegs pa la blta ba bstan pa 'di bshad pa na/ tshangs pa mnyam pa nyid la gnas pas chos la rjes su mthun pa'i bzod pa thob bo/ /lha'i bu khris kyang chos la rjes su mthun pa'i bzod pa thob par gyur to/ /de nas bcom ldan 'das kyis de 'dra ba'i rdzu 'phrul bsdus nas/ de bzhin gshegs pa'i sku de dag thams cad mi snang bar byas pa dang / 'khor de dag thams cad kyis de bzhin gshegs pa gcig pu mthong ngo / /de nas bcom ldan 'das kyis byang chub sems dpa' blo gros brtan pa la bka' stsal pa/ blo gros brtan pa/ dpa' bar 'gro ba'i ting nge 'dzin ni byang chub sems dpa' sa dang po la gnas pas mi 'thob/ sa gnyis pa la gnas pas ma yin/ sa gsum pa la gnas pas ma yin/ sa bzhi pa la gnas pas ma yin/ sa lnga pa la gnas pa ma yin/ sa drug pa la gnas pas ma yin/ sa bdun pa la gnas pas ma yin/ sa brgyad pa la gnas pas ma yin/ byang chub sems dpa' sa dgu pa la gnas pas mi 'thob kyi/ blo gros brtan pa/ dpa' bar 'gro ba'i ting </font><hr>415a<br><font size=+1>


@#/ /nge 'dzin ni byang chub sems dpa' sa bcu pa la gnas pas 'thob bo/ /blo gros brtan pa/ de la dpa' bar 'gro ba'i ting nge 'dzin de gang zhe na/ 'di lta ste/ nam mkha'i khams bzhin du sems bskyed pa shin tu yongs su sbyang ba byas pa dang / sems can thams cad kyi sems la rtog pa mngon sum du gyur pa dang / sems can thams cad kyi dbang po mchog dang / mchog ma yin pa shes pa dang / gnas dang / gnas ma yin pa la rnam par lta ba mngon sum du gyur pa dang / las rnam par 'byed pa thams cad la las kyi rnam par smin pa la 'jug pa shes pa dang / mos pa sna tshogs la 'jug pa mi brjed pa dang / khams sna tshogs dang / khams du ma dag mngon sum du gyur pa dang / tshangs pa'i dbyangs dang / ting nge 'dzin gyis rnam par rtse ba dang / rdo rje lta bu'i ting nge 'dzin mthong zhing shes pa dang / ting nge 'dzin dang / snyoms par 'jug pa thams cad gcig tu gyur pa dang / thams cad du 'gro ba'i shes pas rnam par lta ba dang / sngon gyi gnas rjes su dran pa'i shes pa la sgrib pa med pa dang / lha'i mig thogs pa med pas mthong ba dang / zag pa zad par bya ba dang / spang bar bya ba'i phyir dus gcig tu 'thob pa shes pa dang / gzugs dang / /gzugs med pa'i mnyam </font><hr>415b<br><font size=+1>


pa nyid la 'jug pa shes pa dang / gzugs thams cad ston cing rnam par 'phrul pas rnam par rtse ba dang / sgra skad thams cad brag ca'i sgra dang mnyam pa dang / dbyangs kyi yan lag rnam par dag pa dang / gzungs la 'jug pa shes pa dang / sems can thams cad legs par bshad pas tshim par byed pa dang / so so ci rigs par chos 'chad pa dang / dus dang dus ma yin pa la rnam par lta ba dang / dbang po 'gyur ba shes pa dang / chos 'chad pa don med pa ma yin pa dang / yang dag pa'i mtha' la 'jug pa shes pa dang / sems can thams cad rab tu gzung ba dang / tshar gcad pa la mkhas pa shes pa dang / pha rol tu phyin pa thams cad yongs su rdzogs pa dang / spyod lam ma brtags pa dang| rtog pa dang / rnam par rtog pa dang / yongs su rtog pa thams cad yang dag par bcom pa dang / chos kyi dbyings tha mi dad pa mnyam pa'i ngos la 'jug pa shes pa dang| de bzhin gshegs pa thams cad kyi zhabs kyi drung du skad cig gis lus ston pa dang / de bzhin gshegs pa thams cad kyis chos bshad pa 'dzin cing mi brjed pa dang| mig yor lta bu'i lus 'jig rten gyi khams thams cad du rnam par 'phrul ba dang / theg pa thams cad kyi nges par 'byung ba ston pa la mkhas pa dang / theg pa </font><hr>416a<br><font size=+1>


@#/ /chen po las mi nyams pa dang / dkon mchog gsum gyi rigs 'dzin pa dang / phyi ma'i mtha'i mur thug pa'i bskal por go cha sra zhing yongs su mi skyo ba dang / skye ba'i gnas thams cad du ci rigs par byed pa ston pa dang / sems can thams cad yongs su smin par bya ba shes pa la mkhas pa dang / nyan thos dang| rang sangs rgyas thams cad kyi ye shes kyis gting dpag dka' ba dang / dbyangs kyi yan lag thams cad mngon par sgrub pa bstan pa shes pa dang / chos thams cad las mngon par 'phags pa'i gnas shes pa dang / bskal pa gcig tu bskal pa grangs med pa 'jug pa dang / bskal pa grangs med pa la bskal pa gcig 'jug pa dang / zhing thams cad du zhing gcig yang dag par 'du zhing 'jug pa dang / zhing gcig la zhing thams cad ston pa shes pa dang / skra'i khyon gcig la sangs rgyas kyi zhing bsam gyis mi khyab pa'i 'du shes su gyur pa 'jug pa shes pa dang / sems can gcig gi lus la sems can thams cad kyi lus yang dag par 'du zhing 'jug pa shes pa dang / sangs rgyas kyi zhing thams cad nam mkha' dang mnyam pa nyid du rtogs pa dang / rang gi lus la sangs rgyas kyi zhing ma lus pa thams cad rgyas par 'gengs </font><hr>416b<br><font size=+1>


pa dang / rang gi lus lus thams cad kyi rjes su 'jug pa dang / chos thams cad mtshan nyid med par rtogs pa la mkhas pa dang / thabs thams cad la mkhas pa dang / thabs thams cad la mkhas pa'i bya ba shes pa dang / sgra skad gcig byung bas chos kyi dbyings thams cad du grags pa dang / tshig gcig la brtsams nas bskal pa grangs med par 'chad pa dang / chos thams cad sangs rgyas kyi chos su rtogs pa dang / chos kyi tshig rab tu dbye ba thams cad bstan pa la mkhas pa shes pa dang / 'gre ba dang / 'gre pa ma yin pa la mkhas pa shes pas rnam par dpyod pa dang / zung gi rim pa dang / snrel zhi'i rgyud bstan pa shes pa dang / bdud kyi lam thams cad las yang dag par 'da' ba shes pa dang / thabs chen po la mkhas pas shes rab dang / ye shes kyi 'od zer gtong ba dang / lus dang / ngag dang / yid kyi las ye shes sngon du 'gro ba dang| mngon par 'du mi byed pa'i rdzu 'phrul mngon du gyur cing thob pa dang / so so yang dag par rig pa bzhis sems can gyi khams thams cad tshim par byed pa dang / chos kyi dbyings thams cad kyis kras par rnam par 'phrul pa ston pa dang / bsdu ba'i dngos po bzhis sems can thams cad yongs su 'dzin pa dang / 'jig rten gyi khams </font><hr>417a<br><font size=+1>


@#/ /thams cad du sems can gyi tha snyad thams cad rtogs pa dang / sgyu ma lta bu'i chos sgrub pa la the tshom med pa dang / skye ba thams cad la dbang thob pa yongs su rdzogs pa dang / yo byad la dbang thob pa dang / sems can thams cad bsam pa bzhin du tshim par byed pa dang / tshul khrims 'chal pa dang / tshul khrims dang ldan pa la sbyin gnas su sems mnyam pa dang / byang chub sems dpa'i gsang ba thams cad thob pa dang / 'jig rten gyi khams thams cad du 'ong zer gtong ba dang| thams cad mkhyan pa'i rgya mtsho dug can pa gting dpag dka' ba shes pa dang / sems dang / chu dang / me dang / rlung dang mnyam pa dang / tshig bstan pa thams cad la chos kyi 'khor lo skor ba dang / de bzhin gshegs pa'i sa la 'jug pa dang / ma bstan par rang gis bzod pa dang / ye shes thob pa dang / rin po che lta bu'i sems bskyed bas kun nas nyon mongs pa thams cad kyi dri mas mi gos pa dang / spu gcig gi khung bur chu'i phung po thams cad chud par byed la/ chu na gnas pa'i sems can la'ang gnod par mi 'gyur ba dang / dge ba'i rtsa ba tshad med pa'i bsod nams gsog pa'i snying po yongs su bsngo ba la mkhas pa'i bya ba shes pa dang / </font><hr>417b<br><font size=+1>


sems can thams cad kyi spyod pa dang / 'phrul pa la ye shes thogs pa med pa dang / sangs rgyas kyi chos thams cad mngon par rdzogs par byang chub pa la dbugs 'byin pa thob pa dang / rang gi lus kyi smon lam gyis sems can 'dzin pa'i spyod pa'i gnas rgyun ma bcad pa kun tu ston pa dang / sangs rgyas thams cad kyi spyod yul la 'jug pa dang / de bzhin gshegs pa'i ye shes la rnam par lta ba mngon sum du gyur pa dang / de bzhin gshegs pa'i gsang ba la 'jug pa dang / rtse ba dang / dga' ba dang / longs spyod thams cad kun tu ston pa dang / sems zhi zhing rab tu zhil nye bar zhi ba dang / thos pa tshad med pa 'dzin pa rdzogs pa dang / thos pa thams cad kyi nan tan rgyun mi gcod pa dang / 'jig rten gyi bya ba rnam pa sna tshogs kyi rjes su 'jug pa dang / 'jig rten gyi chos thams cad kyis mi gos pa dang / bskal pa grangs med pa snga dro gcig tu byin gyis rlob cing chos 'chad pa dang / spyod lam thams cad du lkug pa dang / grum po dang / rna ba mi gsang ba dang / glen pa dang / 'on pa dang / long ba ston cing sems can yongs su smin par byed pa dang / lce'i dbang pos sangs rgyas kyi zhing ma lus pa thams cad khebs bar byed pa dang / sangs rgyas med pa'i 'jig rten gyi khams su sangs rgyas 'byung ba ston pa dang / lag na rdo rje 'bum rtag tu phyi bzhin du </font><hr>418a<br><font size=+1>


@#/ /'brang ba dang / sangs rgyas thams cad kyi byang chub rang byung gi ye shes la rnam par lta ba mngon sum du gyur pa dang / rtag par 'du shes pa'i sems can rnams la sreg pa'i bskal pa ston pa dang / tshe'i tshad bskal pa tshad med pa bye ba khrag khrig pa rgya stong du byin gyis rlob pa dang / sems kyi skad cig thang cig yud tsam la sangs rgyas kyi zhing thams cad ston cing 'gro ba shes pa dang / nyan thos dang / rang sangs rgyas thams cad kyi spyod la ma ston pa dang / byang chub sems dpa'i spyod pa thams cad rgyun mi gcod pa dang / zhi zhing rab tu zhi la nye bar zhi ba dang / mtshan ma med pa la gnas pa dang / sil snyan dang / pheg rdob pa dang / rol mo'i sgra dbyangs 'byin pa dang / de bya bzhin gshegs pa thams cad la blta ba dang / bsnyen bkur bya ba dang / mchod par bya ba rgyun mi gcod pa dang / thos pa dang / mthong ba dang / phyag bya ba dang / 'dod pa dang / 'gro ba dang / bstan pa dang / rjes su dran par byas te/ sems can mtha' yas pa/ tshad med pa/ yongs su smin par byed pa dang / sems kyi skad cig sems kyi skad cig la 'dul ba'i sems can ji ltar yongs su smin pa la mngon par rdzogs par byang chub pa dang / rnam par grol pa ston pa dang / byang chub sems dpa' </font><hr>418b<br><font size=+1>


dag mngal du 'jug pa dang / btsas pa dang / mngon par 'byung ba dang / dka' ba spyod pa dang / byang chub kyi snying por 'gro ba dang / bdud 'dul ba dang / byang chub mngon par rdzogs par 'tshang rgya ba dang / chos kyi 'khor lo bskor ba dang / mya ngan las 'da' ba chen po dang / lus 'jig pa'ang ston la byang chub sems dpa'i chos nyid de'ang mi gtong zhing shin tu phung po med par yang mya ngan las mi 'da' ba 'di ni/ blo gros brtan pa/ dpa' bar 'gor ba'i ting nge 'dzin ces bya ste/ 'di ni dpa' bar 'gro ba'i ting nge 'dzin gyi yul lo/ / gzhan yang dpag tu med pa dag yod do/ /de la 'di skad ces bya ste/ ji ltar nam mkha' dag gyur cing / /rdul gyis gos par mi 'gyur bzhin/ /dpa' 'gro ting 'dzin gnas pa yang / yid ni de ltar sgom par byed/ /gang phyir lus can thams cad kyi/ /rnam par bcas pa'i sems shes pa/ /des na 'di ni bdag nyid che/ /de yi mtshan mar rab tu shes/ /dpa' 'gro rtogs par khong chud pas/ /sems can dag gi dbang po rnams/ /rno ba dag dang rtul ba dang / /gnas dang gnas ma yin pa shes/ /lus kun rnam par phye ba dang / /rnam par smin pa sna tshogs dang / /sems can rnams kyi mos pa yang / /bde gshegs sras des shes par 'gyur/ /sems can khams ni mkhas pa la/ /de ni chags par 'gyur </font><hr>419a<br><font size=+1>


@#/ /ba med/ /gang phyir de yis mi rmongs pas/ /tshangs dbyangs ting 'dzin shes par 'gyur/ /rdo rje snying po'i ting nge 'dzin/ /sra ba des ni shes gyur nas// ting nge 'dzin la mnyam gzhan ste/ /lag na 'dug bzhin mthong bar 'gyur/ /chos rnams kun gyis lam gyur pa/ /thams cad du ni gang 'gro ba'i/ /dam pa thub pas bshad pa ste/ /de dag 'dis ni rtogs par 'gyur/ /de nas de yi sngon gyi gnas/ /shes pa la ni 'jug par 'gyur/ /lha mig dri ma med pa yis/ /'gro ba dag ni mthong bar 'gyur/ /zag pa dag ni zad byas kyang / /mkhas de mya ngan 'da' mi byed/ /gzugs yod pa dang gzugs med pa'i/ /mtshan nyid gcig pa mnyam pa shes/ /ji ltar sgyu ma'i mkhan po dag /sna tshogs rnam par rtse ba ltar/ /dpa' bo des ni gzugs kun kyang / /ting nge 'dzin gyis rim gyis ston/ /sgra kun gyi ni mnyam pa nyid/ /brag ca lta bu rnam dag dang / /sems can kun gyi skad rnams kyang / /skad cig tsam gyis des shes so/ /gzungs dang ye shes ldan pas na/ /skad kyi byed la myur du 'jug sgra dbyangs kyi ni thog ma'i mtha'/ /ji lta bzhin du rtogs par 'gyur/ /rdul med dran dang blo gros kyis/ /thub pa gshegs par myur du 'jug /legs bshad pas </font><hr>419b<br><font size=+1>


ni sems can la/ /sdig pa med pa yid dga' byed/ /sems can rnams la ci rigs par/ /dgra bcom pa ni chos 'chad de/ /mi yi dus dang dus ma yin/ /blos ni rnam par rtog par byed/ /ji ltar dbang po rnams 'byung ba/ /de lta nyid du phyi phyir zhing / /cho ga bzhin du shes gyur nas/ /brtan pa dam pa don yod ston/ /yang dag mtha' ni phra ba nyid/ /nad dang gral bas rtogs par 'gyur/ /sems can bsdus dang char bcad la/ /dus rnams kun tu mkhas par 'gyur/ /rtog dang rnam par rtog kun bcom/ /kun tu rtog pas ma bsgribs pa| |pha rol phyin pa'i pha rol thob/ /spyod lam la ni mi rtog go /chos dbyings 'dres pa med pa yang / /ye shes kyis ni rtogs par 'gyur/ /sangs rgyas gang dag phyogs bzhugs pa/ /skad cig tu yang kun tu snang / /de bzhin gshegs pa thams cad kyi/ /chos bstan gang dang ci yod pa/ /de kun shes rab ldan pas len/ /rmongs pa dag tu 'gyur pa med/ /mi g.yor lta bu'i lus rnams kyis/ /zhing kun du yang snang bar 'gyur/ /nad med theg pa thams cad pa/ /blo ldan na sangs rgyas bzhin du 'chad/ /brtul zhugs brtan par gyur pa de/ /theg chen de las mi nyams te/ /dkon mchog gsum rigs gnas bya'i phyir/ /de ltar rnam pa gsum du 'chad/ /phyi ma'i mthar ni go bgos </font><hr>420a<br><font size=+1>


@#/ /kyang / /de ni skyo bar mi 'gyur te/ /snying rje las ni byung ba ste/ /sems can ris ni kun na snang / /shin tu blo dang ldan pa yis/ /skye ba'i mtshan nyid kun bstan te/ /mkhas pas sems can thams cad ni/ /myur du yongs su smin par byed/ /sems can kun gyi bsam pa dang / /sems kyi spyod yul shes pas na/ /de bas de ni nyan thos dang / /lus can kun gyis rtogs par dka'/ /gang du gnyis ni med pa der/ /dbyangs kyi yan lag kun bsgrub sgrub/ /chos rnams kun las 'phags zhib/ /gzhal yas chos ni ston par byed/ /rnam grol shes pa bskal gcig tu/ /bskal ba du ma ston par byed/ /bskal pa rnam pa du ma dag /bskal pa gcig tu ston par byed/ /zhing ni rnam pa du ma dag /zhing gcig tu ni ston par byed/ /zhing gcig rnam pa du ma yi/ /zhing rnams su ni ston par byed/ /skra yi rtse mo gcig tu yang| |zhing rnams thams cad ston par byed/ /de bzhin du ni lus gcig la/ /sdig med lus kun ston par byed/ /zhing kun dper na nam mkha' bzhin/ /dag pa nyid du rtogs par 'gyur/ /de ni bdag gi lus kyis kyang / /zhing rnams thams cad khyab par byed/ /bdag gi lus dang chos kyi dbyings/ /de gnyis mnyam par </font><hr>420b<br><font size=+1>


rab tu shes/ /chos kyi dbyings ni mtshan ma med/ /snang ba med pa nyid du rtogs/ /sna tshogs kyi ni thabs la mkhas/ /sgra bsam mi khyab nam mkha' bzhin/ /don rig tshig gcig brtsams byas nas/ /bskal ba'i bar du 'chad par byed/ /sems can chen po chos kun la/ /sangs rgyas kyis ni chos su rtogs/ /tshig gi rab tu dbye bstan la/ /de yi mkhas pa 'jug par 'gyur/ /rgyud kyi rnam pa sna tshogs pa/ /zung dang sgrel zhi sgrub par byed/ /bdud kyi lam ni mnan 'gyur nas/ /lus las 'od zer gtong bar byed/ /de yi lus dang dag yid kyi/ /las ni ye shes sngon du 'gro/ /de ni tshe rabs tshe rabs su/ /rdzu 'phrul mngon par thob bar 'gyur/ /so sor rig pa'i stobs bskyed pas/ /dbang ldan chos kyi dbyings su ni/ /rnam par 'phrul pa du ma byed/ /g.yo ba med pa'i gnas 'chad do/ /bsdu ba rnam pa bzhi po yis/ /sems can bu gcig bzhin du sdud/ /de dag gi ni smra ba dang / sgra dang skad kyang shes par 'gyur/ / des ni sgyu ma 'dra ba'i chos/ /byin gyis brlabs nas rnam par 'phrul/ /sems can thams cad skye bar gnas/ /nam mkha' lta bur snang bar 'gyur/ /rnam thos bu ni ji bzhin du| |yo byad kun ldan phyug thob nas/ /sems can rnams kyi 'dod pa yi/ /bsam pa thams cad rdzogs par byed/ /tshul khrims 'chal dang khrims ldan la/ /de yi </font><hr>421a<br><font size=+1>


@#/ /sems ni de tshe mnyam/ /sangs rgyas rnams kyi gsang ba yang / /gang zag dam pas shes par 'gyur/ /'od zer dra ba byas nas kyang / /'jig rten khams rnams khyab byed de/ /shes rab ldan pas gting dpag dka'/ /rgya mtsho chen po chu ldan bzhin/ /sa chu me dang mtshungs pa dang / /rlung dang nam mkha' 'dra ba'i yid| |de ni rtag par sems can la/ /snying brtse pa yi phyir 'jug go /srid pa sel ba de yis ni/ /mi skye dam pa'i bzod thob nas/ /nor bu rin chen dag pa ltar/ /de bzhin nyon mongs mi gos so/ /spu yi khung bu gcig tu ni/ /chu yi phung po kun 'jug cing / /bskal pa chen po rnam par rtse/ /dge ba phun sum tshogs par byed/ /yongs su bsngo bar bya ba la/ /de yi shes pa mi rmongs te/ /sems can rnams kyi spyod shes nas/ /'phrul ba chen po byed par 'gyur/ /chos kun rtogs par bya ba'i phyir/ /de yi sems ni rtag par 'jug /lus ni sbyangs shing rdul med de/ /mya ngan bral pa ser sna med/ /sems can rnams ni gang las skye/ /de ni smad pa med pas shes/ / sangs rgyas rnams kyi spyod yul yang / /smra ba'i mchog gis rab tu shes/ /de bzhin gshegs pas gang mkhyen pa/ /de kun la ni rtog par byed/ /sangs rgyas </font><hr>421b<br><font size=+1>


rnams kyi gsang ba kun/ /des ni rjes su rtogs par 'gyur/ /gang yang rtse dang dga' ba dang / /de dag thams cad nges ston te/ /thos pa dag ni tshad med pas/ /thos pa rgya mtsho thob par 'gyur/ /thos pa 'tshol bas ngoms pa med/ /'jig rten chos dang mthun 'jug pa/ /'jig rten gyis ni mi gos te/ /mtshe'u'i pad ma ji bzhin no/ /de ni snga dro gcig tu yang / /bskal pa mang po ston par byed/ /bdag ni glen pa lkugs pa yi/ /dbyibs dag tu ni ston par byed/ /lag na rdo rje stong dag dang / /'grogs shing sems can smin par byed/ /rang byung ba ni rtag tu shes/ /de nyid la ni rtog par byed/ /bskal pa bsam gyis mi khyab pa'i/ /tshe ni skad cig gcig la ston/ /de ni nyan thos rang rgyal gyi/ /byed pa dag kyang ston par byed/ / byang chub sems dpa'i spyod pa la/ /rtag pa kho nar rjes su 'jug /sems kyis rtag tu zhi ba dang / /nye bar zhi zhing phung po med/ /sems can dga' bar byed pa yi/ /sil snyan dkrol pa kun kyang shes/ /sangs rgyas rnams la phyag 'tshal dang / /bsnyen bkur bya ba gtong mi byed/ /mthong ba dang ni thos pa yis/ /sems can mang po smin par byed/ /skad cig tu ni sna tshogs pa'i/ /sems can dag ni ston par byed/ /dpa' bo la lar btsas pa dang / /mngon par 'byung dang 'chi bston/ /la lar yongs su mya ngan 'da'/ /la </font><hr>422a<br><font size=+1>


@#/ /lar 'khor lo bskor ba'o/ /la lar bdud rnams rab tu 'joms/ /la lar dka' ba spyod byed kyang / /sems can thar bar bya ba'i phyir/ /shin tu mya ngan mi 'da'o/ /dpa' bar 'gro ba'i ting 'dzin gyi/ /yul ni 'di 'dra 'di yin te/ /gang gis ting 'dzin de thob pa/ /dri med de ltar rnam par rtse/ /blo gros brtan pa/ de ni dpa' bar 'gro ba'i ting nge 'dzin ces bya ste/ nge'ang dpa' bar 'gor ba'i ting nge 'dzin gyi yul yin no/ /gzhan dag kyang dpag tu med pa yod do/ /blo gros brtan pa/ de ltar na dpa' bar 'gro ba'i ting nge 'dzin ni tshad med pa bstan pa'o/ /sangs rgyas thams cad kyi spyod yul dang / /yul bkod pa ston pa'o/ /sems can thams cad nye bar 'tsho ba'o/ /'gro ba thams cad la phan 'dogs pa'o/ /blo gros brtan pa/ dpa' bar 'gro ba'i ting nge 'dzin ni bshad pa gcig tu mi blta/ /spyod yul gcig tu ma yin/ rnam pa gcig tu ma yin/ dmigs ba gcig tu ma yin/ don gcig las byung bar mi blta'o/ /de ci'i phyir zhe na/ blo gros brtan pa/ ting nge 'dzin thams cad dang / snyoms par 'jug pa thams cad dang / rnam par thar pa thams cad dang / rdzu 'phrul dang / mngon par shes pa dang / so so yang dag par rig pa'i shes pa de dag thams </font><hr>422b<br><font size=+1>


cad ni dpa' bar 'gor ba'i ting nge 'dzin gyi nang du 'dus shing chud par blta'o/ /blo gros brtan pa/ /'di lta ste/ dper na/ chu mig dang / mtshe'u dang / rdzing dang / lteng ka dang / chu phran dang / 'bab chu dang / 'bab chu chen po gang ji snyed pa de dag ni rgya mtsho chen por 'dus par blta'o/ /blo gros brtan pa/ /de bzhin du byang chub sems dpa'i ting nge 'dzin dang / snyoms par 'jug pa dang / rnam par thar pa gang ji snyed pa dag dang / rdzu 'phrul thams cad dang / mngon par shes pa dang / so so yang dag par rig pa'i shes pa de dag thams cad ni dpa' bar 'gro ba'i ting nge 'dzin gyi nang du 'dus par blta'o/ /blo gros brtan pa/ 'di lta ste/ dper na/ rgyal po'i dpung gi tshogs yan lag bzhi pa thams cad ni dpa' bo g.yul du 'jug pa'i lag tu song zhing dbang du gyur yin te/ dpa' bo g.yul du 'jug pa gang dang gang du 'gro ba de dang der dbung gi tshogs yan lag bzhi pa'ang 'gro'o/ /blo gros brtan pa/ de bzhin tu ting nge 'dzin gyi sgo'am/ snyoms par 'jug pa'i sgo'am/ chos la gnas pa'i sgo'am/ rnam par thar pa'i sgo'am/ gzungs kyi sgo'am/ mngon par shes pa dang / rig pa dang / rnam par grol ba'i sgo gang ji snyed pa chos la gnas pa'i sgo de dag thams cad ni dpa' bar 'gro ba'i ting nge 'dzin gyi lag tu song ba yin/ /dbang du gyur pa yin/ mngon du gyur pa yin te/ blo </font><hr>423a<br><font size=+1>


@#/ /gros brtan pa/ byang chub sems dpa'i dpa' bar 'gro ba'i ting nge 'dzin gang dang gang du 'gro ba de dang de nyid du chos la gnas pa'i sgo thams cad 'gro'o/ /blo gros brtan pa/ 'di lta ste/ dper na/ 'khor los bsgyur ba'i rgyal po gar 'gro ba der rin po che sna bdun yang 'gro'o/ /blo gros brtan pa/ de bzhin du dpa' bar 'gro ba'i ting nge 'dzin gar 'gro ba der byang chub kyi phyogs kyi chos thams cad kyang 'gro zhing rjes su 'brang ste/ de bas na dpa' bar 'gro ba'i ting nge 'dzin ces bya'o// // bam po gnyis pa/ blo gros brtan pa/ dpa' bar 'gro ba'i ting nge 'dzin la gnas pa'i byang chub sems dpa' ni longs spyod btsal te/ sbyin pa byed par byed par mi blta yi blo gros brtan pa/ stong gsum gyi stong chen po'i 'jig rten gyi khams na rin po che gang ji snyed pa rgya mtsho chen po na yod pa'am/ lha'i gnas na yod pa'am/ klu'i gnas na yod pa'am/ sa chen po'i steng na yod pa'am/ gnod sbyin gyi lag na yod pa'am/ mi'i 'jig rten na yod pa'i rin po che'ang rung / zas dang / skom dang / gos dang / bzhon pa'ang rung ste/ de dag thams cad la de dbang phyug tu gyur pa yin/ dbang du gyur pa yin no/ /gang la sbyin par 'dod pa de la sbyin par byed de/ de'ang sngon gyi bsod </font><hr>423b<br><font size=+1>


rnams kyis thob pa yin na/ yid kyis rdzu 'phrul sgrub pa lta ji smos te/ blo gros brtan pa/ de ni dpa' bar 'gro ba'i ting nge 'dzin la gnas pa'i byang chub sems dpa'i sbyin pa'i pha rol tu phyin pa yongs su sbyang ba byed pa'i bye brag tu blta'o/ /blo gros brtan pa/ gzhan yang dpa' bar 'gro ba'i ting nge 'dzin la gnas pa'i byang chub sems dpa' ni tshul khrims len par mi byed de/ de ni tshul khrims kyi chos nyid las kyang mi g.yo la sems can gzhan gdul ba'i phyir tshul khrims kyang len par byed/ bslab pa'ang yongs su 'dzin par byed/ cho ga dang spyod pa'ang ston la ltung ba las byung bar yang shes/ 'thol ba dang / 'chags par yang byed la de thams cad du ltung ba med pa'i chos dang yang ldan pa yin/ de sems can yongs su smin par bya ba'i phyir 'dod pa'i khams su skyes te/ 'khor los bsgyur ba'i rgyal por gyur nas/ bud med kyi tshogs kyis mdun du bdar cing / btsun mo'i 'khor gyi nang du gnas te/ 'dod pa la longs spyod par yang snang zhing / bu pho dang / bu mo dang / chung mas gzir ba'i khyim na'ang gnas la/ de'ang 'dod chags dang bral ba/ ting nge 'dzin gyi chos nyid la gnas pa/ tshul khrims yongs su dag pa/ legs par mthong bas srid pa la skyon du lta ba yin te/ blo gros brtan pa/ de ni dpa' bar 'gro ba'i ting nge </font><hr>424a<br><font size=+1>


@#/ /'dzin la gnas pa'i byang chub sems dpa'i tshul khrims kyi pha rol phyin pa yongs su sbyang ba byed pa'i bye brag tu blta'o/ /blo gros brtan pa/ gzhan yang dpa' bar 'gro ba'i ting nge 'dzin la gnas pa'i byang chub sems dpa' ni shin tu skad cig pas bzod pa la gnas pa yin/ sems can thams cad ma skyes pas bzod pa sgom par byed/ chos thams cad ma byung bas bzod pa sgom par byed/ sems la gzugs med pas bzod pa sgom par byed/ bdag kun nas mi slong bas bzod pa sgom par byed/ gzhan mi dmigs pas bzod pa sgom par byed/ 'khor ba la rlom sems med pas bzod pa sgom par byed/ mya ngan las 'das pa'i rang bzhin gyis bzod pa sgom par byed/ rang bzhin gyis dbyer med pas bzod pa sgom par byed de/ de bzod pa'ang sgom la chos gang la'ang sgom par mi byed/ sgom pa dang bral bar yang mi byed do/ /de de ltar bzod pa la gnas nas sems can yongs su smin par bya ba'i phyir 'dod pa'i khams su skye ste/ gshe ba'i dbang por yang snang la chos nyid kyis gshe bar yang mi byed/ gnod sems dang ldan pa'i dbang por yang snang la ngo bo nyid bsgoms pas gnod sems su'ang mi byed/ bsnyen par dka' bar yang snang la </font><hr>424b<br><font size=+1>


chos gang yang nye ba'am/ ring bar yang mi gnas/ sems can yongs su smin par bya ba'i phyir spyod lam thams cad rnam par 'khrugs par yang byed la/ chos kyi dbyings 'khrugs par yang yang dag par rjes su mi mthong ngo / /de ni bzod pa smra ba'ang rjod la rtag pa dang / brtan pa dang / ther zug dang / mi 'gyur ba'i chos gang yang mi bzod do/ /de de ltar bzod pa dang ldan pas gnod sems dang / thab dang / zhe sdang dang / khro ba mang ba'i sems can rnams la gnod sems dang / thab dang / zhe sdang dang / khro ba spang ba'i phyir bzod pa'i bsngags pa'ang rjod la gnod sems dang / bzod pa'ang mi dmigs shing / de dus thams cad du ma snang / ma nyams so/ /blo gros brtan pa/ de ni dpa' bar 'gro ba'i ting nge 'dzin la gnas pa'i byang chub sems dpa'i bzod pa yongs su sbyong bar byed pa'i bye brag tu blta'o/ /blo gros brtan pa/ gzhan yang dpa' bar 'gro ba'i ting nge 'dzin la gnas pa'i byang chub sems dpa' ni dge ba'i chos thams cad btsal ba'i phyir brtson 'grus kyang rtsom la lus kyis rtul ba'ang ma yin/ ngag dang / sems kyis rtul ba'ang ma yin te/ brtson 'grus rtsom pa de'ang ji ltar na bdag la bltas te de bzhin nyid du slob cing de bzhin du nan tan byed par 'gyur snyam nas/ sems can le lo can rnams kyi </font><hr>425a<br><font size=+1>


@#/ /phyir ston to/ /de brtson 'grus kyang rtsom la thams cad du rtsom pa'ang med do/ /de ci'i phyir zhe na/ de ltar byang chub sems dpa' des chos kyi dbyings gnas pa nyid ma 'ongs ma song ba rtogs pa'i phyir ro/ /de de ltar gnas pas lus dang / ngag dang / sems dang bral ba'i brtson 'grus kyang ston la chos gang yang yongs su grub par yang mi mthong ngo / /de brtson 'grus brtsams par yang snang la de phyi'am nang gi lus rtul ba'ang med do/ /sangs rgyas kyi zhing grangs med par 'gro zhing 'ong yang lus kyi chos nyid las kyang mi g.yo'o/ /de dge ba thams cad rtsom par yang ston la des dge ba'am/ mi dge ba'i chos gang yang mi dmigs so/ /thos pa yongs su 'tshol bar yang snang la de sangs rgyas thams cad kyi byang chub la gzhan gyi dring la mi 'jog pa'ang yin no/ /mkhan po dang / slob dpon yang 'tshol la lha dang bcas pa'i 'jig rten gyi slob dpon yang yin no/ /thal mo sbyar te chos kun chub par byed par yang snang la de thogs pa med pa'i spongs pa'ang thob bo/ /gus par byed par yang snang la de la lha dang bcas pa'i 'jig rten yang gus par byed do| |de mngal na nyal bar yang ston la de mngal gyi dri ma thams cad kyis kyang mi gos so/ /de btsas par yang ston la des chos gang yang skye ba'am/ 'gags par yang mi mthong </font><hr>425b<br><font size=+1>


ngo| |khye'u yi gzugs su'ang ston la de dbang po thams cad kyang yongs su rdzogs so/ /bzo'i gnas dang / las kyi gnas dang / rig pa dang / sngags kyi gnas dang / rtsi dang / sman dang| yi ge dang / lag rtsis dang / grangs dang / rtsis slob par yang snang la de bzo thams cad kyang rtogs par khong du chud do/ /na bar yang ston la de nyon mongs pa'i nang thams cad dang yang bral lo/ /rga bar yang ston la de dbang po thams cad nyams pa'ang med do/ /'chi ba'ang ston la de skye ba'ang ma yin/ 'chi ba'ang ma yin/ 'chi 'pho ba'ang ma yin/ 'byung pa'ang ma yin no/ /blo gros brtan pa/ de ltar na dpa' bar 'gro ba'i ting nge 'dzin 'di la gnas pa'i byang chub sems dpa' ni de 'dra ba'i brtson 'grus spyod pa dang ldan pa yin no// blo gros brtan pa/ gzhan yang dpa' bar 'gro ba'i ting nge 'dzin 'di la gnas pa'i byang chub sems dpa' ni chos thams cad rang bzhin gyis snyoms par zhugs par yang shes la ting nge 'dzin dang / bsam gtan gyi spyod pa rnam par 'byed pa'ang ston to/ /de sems can sems rnam par g.yengs pa rnams ting nge 'dzin la gzung ba'i phyir/ bdag bsam gtan la gnas par yang ston la chos kyi dbyings la rnam par g.yengs pa'i chos gang yang mi mthong ngo / /chos kyi dbyings gang dang mnyam pa chos thams cad kyang de dang mnyam par </font><hr>426a<br><font size=+1>


@#/ /yid la nges par sems shing gnas la de ting nge 'dzin dang / sems rtse gcig pa las kyang mi g.yo'o/ /mnyam par yang 'jog la 'ong ba dang / 'gro ba dang / 'dug pa dang / 'greng ba dang / 'chag pa dang / nyal bar yang byed do/ /de spyod lam thams cad kyang ston la gcig tu snyoms par zhugs pa'ang yin no/ /de smra bar yang snang la ting nge 'dzin gyi chos nyid de'ang mi gtong ngo / /blo gros brtan pa/ de ltar na byang chub sems dpa' gang gi tshe na sems can gzhan rnams dang / gang zag gzhan dag la phan gdags pa'i phyir/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor du 'gro zhing 'jug pa de'i tshe'ang mnyam par gzhag pa nyid yin no/ /gang gi tshe na sems can gzhan rnams dang / gang zag gzhan dag la snying brtse ba'i phyir zas za ba de'i tshe'ang mnyam par bzhag bzhin du zas za'o/ /de zas za bar yang snang la byang chub sems dpa' de'i lus gcig tu mkhregs pa/ sra ba/ snying por gyur pa/ rdo rje lta bu/ khong stong ma yin pa| mi phyed pa'ang yin no/ /byang chub sems dpa' de'i khong na long ka dang pho ba'ang med/ bshad pa dang gci ba'ang med/ snabs dang mchil ma'ang med/ mi gtsang ba'ang med/ / </font><hr>426b<br><font size=+1>


dri mi zhim pa'ang med do/ /de za bar yang mi byed la mid par yang mi byed/ za ba'ang med do/ /sems can la snying brtse ba'i phyir de za bar yang snang la de thams cad du kha na ma tho ba'ang med pa yin te/ blo gros brtan pa/ de ltar na dpa' bar 'gro ba'i ting nge 'dzin 'di la gnas pa'i byang chub sems dpa' ni byis pa so so'i skye bo'i spyad pa thams cad spyod par yang snang la gang du'ang spyod pa'ang med/ rab tu spyod par yang med/ kun spyod pa'ang med de/ spyod pa thams cad las kyang log pa yin no/ /blo gros brtan pa/ de ni dpa' bar 'gro ba'i ting nge 'dzin 'di la gnas pa'i byang chub sems dpa'i bsam gtan gyi pha rol tu phyin pa'i nges par 'byung ba'i lam yongs su sbyong ba byed pa'i bye brag tu blta'o/ /blo gros brtan pa/ gzhan yang dpa' bar 'gro ba'i ting nge 'dzin 'di la ngas pa'i byang chub sems dpa' ni dgon pa na gnas par yang snang la de la dgon pa ji lta bar de la grong yang de bzhin no/ /de gos dkar po gyon zhing khyim gyi gnas na gnas par yang snang la de la khyim ji lta bar rab tu byung ba'ang de bzhin no/ /blo gros brtan pa/ byang chub sems dpa' ni khyim gyi chos kyis kyang mi gos la rab tu byung ba'i chos kyis kyang rlom sems med do/ /de ni sems can yongs su smin par bya ba'i phyir ya mtshan can thams cad kyi nang du </font><hr>427a<br><font size=+1>


@#/ /rab tu byung bar yang snang la de gang du'ang ya mtshan can gyi lta bar 'gyur ba'ang med/ des dag par yid ches pa'ang med do/ /de ya mtshan can thams cad kyi kha dog dang / gzugs dang / rtags kyang ston la de la zhugs pa'ang ma yin/ de la gzhol ba'ang ma yin/ de la 'bab pa'ang ma yin/ de la bab pa'ang ma yin no/ /blo gros brtan pa/ 'di lta ste/ dper na/ mgron po phal po che'i lam la mtshon pa yongs su 'dren pa de ni lam yang ston la lam de nyid du'ang 'gro zhing / slar yang log nas mgron po phal po che gzhan dag kyang sgrol lo/ /blo gros brtan pa/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' yang ji lta bu'i theg pa'i lam la gnas pa'i sems can dpag tu med pa dag la lam ston te/ nyan thos kyi theg pa'i lam la gnas pa'i sems can dag la ni nyan thos kyi theg pa'i lam ston/ rang sangs rgyas kyi theg pa'i lam la gnas pa'i sems can dag la ni rang sangs rgyas kyi theg pa'i lam ston/ sangs rgyas kyi theg pa'i lam la gnas pa'i sems can dag la ni theg pa chen po'i lam ston te/ nges par 'byung ba de dag la so so ci rigs par lam bstan nas slar log ste/ sems can gzhan dag kyang sgrol </font><hr>427b<br><font size=+1>


par byed pas de'i phyir skyes bu dam pa de ni lam mtshon pa lta bu zhes bya'o/ /blo gros brtan pa/ 'di lta ste/ dper na/ gru legs par sbyar ba byas pa ni sems can tshad med pa bsgral ba'i phyir/ tshu rol gyi 'gram nas pha rol gyi 'gram du 'gro zhing bsgral nas/ sems can gzhan bsgral ba'i phyir slar yang pha rol gyi 'gram nas tshu rol gyi 'gram du 'ong ngo| |blo gros brtan pa/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' yang 'khor ba'i rgyun la gnas pa'i chu bo bzhis ded pa'i sems can dag mthong nas de dag 'khor ba'i rgyun las bsgral ba'i phyir sems can de dag ji ltar mos pa bzhin du mya ngan las 'da' ba ston par byed de/ dpa' bar 'gro ba'i ting nge 'dzin la gnas pa'i byang chub sems dpa' de gal te nyan thos kyi theg pas 'dul ba'i sems can dag mthong na/ de dag yongs su mya ngan las 'da' ba'i phyir de'ang de dag dang lhan cig tu yongs su mya ngan las kyang 'da' la/ de dpa' bar 'gro ba'i ting nge 'dzin 'di nyid kyi stobs bskyed pas slar skye bar yang ston to/ /de gal te rang sangs rgyas kyi theg pas 'dul ba'i sems can dag mthong na/ de dag yongs su mya ngan las 'da' ba'i phyir de'ang de dag dang lhan cig tu yongs su mya ngan las kyang 'da' la/ de dpa' </font><hr>428a<br><font size=+1>


@#/ /bar 'gro ba'i ting nge 'dzin 'di nyid kyi stobs bskyed pas slar yang skye bar ston to/ /de 'khor ba las mya ngan las 'das par yang 'gro la sems can gzhan bsgral ba'i phyir slar yang 'khor ba na'ang snang ste/ skyes bu de dag ni mnyan pa lta bu zhes bya'o/ /blo gros brtan pa/ 'di lta ste/ dper na/ sgyu ma mkhan ni skye bo phal po che tshogs pa'i mdun du bdag shi bar ston te/ bdag tshig pa'am/ zos pa'am/ rnyis pa'am/ skams pa'am/ rnam par 'thor pa bstan nas des sems can de dag las nor blangs te/ slar 'dug par byed do/ /blo gros brtan pa/ de bzhin du dpa' bar 'gro ba'i ting nge 'dzin la gnas pa'i byang chub sems dpa' yang sems can yongs su smin par bya ba'i phyir skye ba dang / rga ba dang / na ba dang / 'chi ba'ang ston la/ de skye ba'ang med/ rga ba'ang med/ na ba'ang med/ 'chi ba'ang med do/ /blo gros brtan pa/ de'ang dpa' bar 'gro ba'i ting nge 'dzin la gnas pa'i byang chub sems dpa'i ting nge 'dzin yongs su sbyang ba byed pa'i bye brag tu blta'o// blo gros brtan pa/ gzhan yang dpa' bar 'gro ba'i ting nge 'dzin la gnas pa'i byang chub sems dpa' ni shes rab dang ldan pa yin te/ shes rab rno bas de sems can </font><hr>428b<br><font size=+1>


gyi rang bzhin yang mi dmigs la sems can yongs su smin par bya ba'i phyir sems can sems can zhes tha snyad kyang 'dogs so/ /srog dang / gang zag gi rang bzhin yang mi dmigs la srog dang / gang zag du tha snyad gdags pa'ang tha snyad du 'dogs so/ /las dang / rnam par smin pa'i rang bzhin yang mi dmigs la las dang / rnam par smin pa'ang ston to/ /'khor ba'i nyon mongs pa'i rang bzhin yang mi dmigs la 'khor ba'i nyon mongs pa'i yongs su shes pa'ang ston to/ /mya ngan las 'da' bar 'gro ba'ang mi gtong la mya ngan las 'da' bar 'gro bar bya ba'i phyir chos kyang ston to/ /chos gdags pa'ang mi dmigs la dge ba dang / mi dge ba'i chos rnam par gzhag pa'ang ston to/ /de shes rab thogs pa med pa'i dam pa'i pha rol tu phyin pas 'dod pa'i khams la'ang mi chags la de na'ang snang ngo / /gzugs kyi khams la'ang mi chags la de na'ang snang ngo / /de gzugs kyi khams kyi bsam gtan la snyoms par zhugs par yang snang la 'dod pa'i khams su'ang skye'o/ /gzugs med pa'i khams kyi snyoms par 'jug pa la snyoms par zhugs par yang snang la gzugs kyi khams su'ang skye'o/ /de ni 'dod pa'i khams na spyod par yang snang la 'du shes med 'du shes med min skye mched kyi snyoms par 'jug pa la'ang snyoms </font><hr>429a<br><font size=+1>


@#/ /par 'jug cing 'dod pa'i khams su'ang skye'o/ /de bsam gtan dang / bsam gtan gyi yan lag rnams kyang shes shing mnyam par 'jog pa dang ldang bar yang byed la sems can yongs su smin par bya ba'i phyir du gang dang gang du 'dong ba de dang der skye bar yang byed do/ /de thabs dang / shes rab kyi yongs su bzung bas spyod pa thams cad las ldog pa la'ang gnas la sems can yongs su smin par bya ba'i phyir yang spyod do/ /chos gang la'ang nye bar mi spyod la spyod pa thams cad las kyang ma log pa yin no/ /de ni ngar 'dzin pa dang / nga yir 'dzin pa dag dang yang bral ba yin la len pa dang / gtong bar yang snang ngo / /de shes rab dang / ye shes dang ldan pas ye shes kyis byas pa'i chos thams cad byed kyi/ nga rgyal gyis byed pa'ang ma yin la las dang / rnam par smin par brjod pa'ang ma yin no/ /sems can yongs su smin par bya ba'i phyir| de lug ltar lkug pa dang / blun pa dang / glen pa dang / 'on par yang ston la de tshangs pa'i sgra dang / skad dang / dbyangs kyi sgra 'byin pa dang ldan pa'ang yin no| |de bzo thams cad kyi pha rol tu phyin cing shes rab kyi pha rol tu phyin pas ci zhig bshad ces mi rtog /ci zhig smra zhes mi sems/ ji ltar bstan par bya zhes </font><hr>429b<br><font size=+1>


'tshal bar yang mi byed la/ /'khor gang dang gang du 'gro ba de dang de dag tu lhun gyis grub cing / dpa' bar 'gro ba'i ting nge 'dzin gyi mthus 'khor thams cad kyi dbang po mchog dang mchog ma yin pa shes pa'i phyir chos la spobs par byed de/ de'i ye shes bri ba'am/ gang bar yang mi 'gyur zhing / 'khor thams cad kyang legs par bshad pas tshim par byed do/ /blo gros brtan pa/ 'di lta ste/ dper na/ bud med dam/ skyes pa'am/ khye'u'am/ bu mos snod chung du'ang rung / chen po'ang rung ste/ ji tsam pa de khyer nas/ chu mig gam/ mtshe'u'am/ rdzing ngam/ lteng ka'am/ 'bab chu'am/ rgya mtsho chen por stong ste/ snod de dag thams cad yongs su bkang nas song yang chu mig gam| mtshe'u'am/ rdzing ngam/ lteng ka'am/ 'bab chu'am/ rgya mtsho chen po de'ang cung zad kyang bri ba'ang med la sems can de dag kyang tshim par byed do/ /blo gros brtan pa/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' yang 'khor gang dang gang du 'gro'ang rung ste/ gal te rgyal rigs kyi 'khor ram/ gal te bram ze'i 'khor ram/ gal te khyim bdag gi 'khor ram/ gal te dge sbyong gi 'khor ram/ gal te brgya byin gyi 'khor ram/ gal te tshangs pa'i 'khor du 'gro na'ang / </font><hr>430a<br><font size=+1>


@#/ /de dag thams cad la lhun gyis grub cing legs par bshad pas tshim par byed de/ ji lta bur rigs pa dang / dbang po dang / mos pa ji lta ba bzhin du chos 'chad pa 'byung yang / byang chub sems dpa' de'i shes rab dang / ye shes dang / spobs pa dang / ston pa yongs su bri ba'ang med la 'khor thams cad kyang legs par bshad pas tshim par byed do/ /blo gros brtan pa/ dpa' bar 'gro ba'i ting nge 'dzin 'di la gnas pa'i byang chub sems dpa' ni mthong ma thag tu'ang sems can rnams 'dul bar byed do| |thos pa dang / spyod lam dang / bshad pa dang / mi smra bar 'dug pas kyang sems can dag 'dul bar byed do/ /blo gros brtan pa/ 'di lta ste/ dper na/ sman gyi rgyal po chen po blta na sdug pa zhes bya ba ni mthong ma thag tu sems can dag gi nad sel bar byed do/ /blo gros brtan pa/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' yang mthong ma thag tu sems can de dag gi nad 'di lta ste/ /'dod chags dang / zhe sdang dang / gti mug gi nad rnams sel bar byed do| |blo gros brtan pa/ 'di lta ste/ dper na/ sman gyi rgyal po chen po 'bral ba zhes bya ba des bskus pa'i rnga chen po g.yul gyi ngogs su brdungs na/ rnga'i sgra de thos ma </font><hr>430b<br><font size=+1>


thag tu sems can rnams zug rdu rnams ltung bar 'gyur/ dug thams cad kyang mi gdug par 'gyur ro/ /blo gros brtan pa/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpa'i ming thos ma thag tu sems can rnams kyi 'dod chags dang / zhe sdang dang / gti mug gi nyon mongs pa'i zug rdu rnams ltung bar 'gyur/ /lta bar gyur pa'i dug thams cad kyang mi gdug par 'gyur ro/ /blo gros brtan pa/ 'di lta ste/ dper na/ sman gyi shing ljon pa ni rtsa ba nas byung yang sems can rnams kyi nad sel bar byed do/ /sdong po'am/ yal ga'am/ 'dab ma'am/ me tog gam/ 'bras bu'am/ shun pa'am/ gsog gam/ snying po las blangs kyang sems can rnams kyi nad sel bar byed do/ /bsgreng ngam/ 'gyel tam/ dum bu dum bur bcad pa las blangs kyang sems can rnams kyi nad sel bar byed do/ /blo gros brtan pa/ de ltar na sman gyi shing ljon pa ni sems can rnams kyi nad zhi bar bya ba'i 'tsho bar nam yang mi 'gyur ba ma yin no/ /blo gros brtan pa/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' yang sems can rnams kyi nyon mongs pa'i nad zhi bar bya ba'i 'tsho bar nam yang mi 'gyur ba ma yin te/ gang dag de la phan pa </font><hr>431a<br><font size=+1>


@#/ /dang| gnod par byed pa de dag gi nye bar 'tsho bar yang 'gyur/ gang de la bkur sti byed pa dang / bkur sti mi byed pa de dag gi nye bar 'tsho bar yang 'gyur ro/ /de shi zhing shi ba'i dus byas par gyur pa'i sha la gang dag za ba dud 'gro'i skye gnas su song ba rkang gnyis pa dang / rkang bzhi ba dang / ri dwags dang / bya'i tshogs de dag kyang byang chub sems dpa' de'i sngon gyi smon lam dang / tshul khrims kyi stobs bskyed pas de'i 'chi ba'i dus byas te/ shi 'phos ma thag tu bde 'gro mtho ris kyi 'jig rten lha'i nang du skye bar 'gyur te/ de dag ngan song dang / nad rnams dang bral bar 'gyur ro/ /blo gros brtan pa/ de ltar na sman gyi shing ljon pa zhes bya ba de ni dpa' bar 'gro ba'i ting nge 'dzin la gnas pa'i byang chub sems dpa'i tshig bla dwags so/ /blo gros brtan pa/ dpa' bar 'gro ba'i ting nge 'dzin la gnas pa'i byang chub sems dpa' de la ni pha rol tu phyin pa drug po 'di dag ma bstan par tshe rabs thams cad tu rtag tu 'jug par 'gyur ro/ /gom pa 'dor ba thams cad la'ang pha rol tu phyin pa drug po 'di dag 'jug par 'gyur ro/ /dbugs rdub pa dang / 'byung ba thams cad la'ang pha rol tu phyin pa drug po 'di dag 'jug par 'gyur ro/ /sems </font><hr>431b<br><font size=+1>


bskyed cing sems bskyed pa thams cad la'ang pha rol tu phyin pa drug po 'di dag 'jug par 'gyur ro/ /de ci'i phyir zhe na/ 'di ltar/ blo gros brtan pa/ byang chub sems dpa' de'i lus ni chos kyi yang rang bzhin no/ /gnas pa ni chos kyi rang bzhin no/ /blo gros brtan pa/ 'di lta ste/ dper na/ rgyal po'am/ blon pos yan lag gi tshogs 'bum dang ldan pa'i spos kyi phye ma btags pa rdul lta bu zhib mor byas pa sbyar ba las mi la la zhig 'ongs te/ kye lha/ spos kyi phyi ma'i tshogs sbyar ba 'di las spos gzhan dang ma 'bags pa| spos gzhan dang ma 'dres pa'i yan lag gcig cig blang bar 'tshal lo zhes de skad zer na/ blo gros brtan pa/ de ji snyam du sems/ spos kyi phye ma sbyar ba de las spos gzhan dang ma 'bags pa/ spos gzhan dang ma 'dres pa'i yan lag gcig blang bar nus sam/ gsol pa/ bcom ldan 'das/ de ni mi nus so/ /bcom ldan 'das kyis bka' stsal pa/ blo gros brtan pa/ de bzhin du byang chub sems dpa' de'i lus yun ring po nas pha rol tu phyin pa thams cad kyis bsgos pa dang / pha rol tu phyin pa thams cad kyis bsgos pa'i sems dang / sems las byung ba thams cad 'byung bar 'gyur te/ de'i sems bskyed cing sems bskyed pa thams cad la pha rol tu phyin pa drug </font><hr>432a<br><font size=+1>


@#/ /po dag 'byung bar 'gyur ro/ /blo gros brtan pa/ ji ltar na byang chub sems dpa' de'i sems bskyed pa thams cad la pha rol tu phyin pa drug po dag 'byung bar 'gyur zhe na/ blo gros brtan pa/ 'di ltar gang sems kyis btang ba dang / spangs pa dang / mngon par ma zhen pa de ni de'i sbyin pa'i pha rol tu phyin pa'o/ /gang sems zhi ba dang / rab tu zhi ba dang / nye bar zhi ba dang / shin tu zhi gnas su gyur pa de ni de'i tshul khrims kyi pha rol tu phyin pa'o/ /gang sems kyi mi zad pa'i chos nyid dang / /yul thams cad kyis smras par mi 'gyur ba de ni de'i bzod pa'i pha rol tu phyin pa'o/ /gang sems kyi rnam par sgrub pa dang / dbye ba dang / dben pa dang / rnam par shes pa de ni de'i brtson 'grus gyi pha rol tu phyin pa'o/ /gang sems kyi nges par sems pa dang / nye bar rtog pa dang / gang yang de'i shin tu sems pa de ni bsam gtan gyi pha rol tu phyin pa'o/ /gang sems rab tu shes pa dang| so sor rtog pa dang / rab tu zhi ba dang / nye bar zhi ba dang / mngon sum du shes pa de ni de'i shes rab kyi pha rol tu phyin pa'o/ /blo gros brtan pa/ de ltar na dpa' bar 'gro ba'i ting nge 'dzin 'di la gnas pa'i byang chub sems dpa' la ni 'jug pa 'dis sems bskyed pa thams cad la pha rol tu phyin pa drug 'jug go /de nas bcom ldan 'das la byang chub </font><hr>432b<br><font size=+1>


sems dpa' sems dpa' chen po blo gros brtan pas 'di skad ces gsol to/ /bcom ldan 'das/ ji tsam du byang chub sems dpa' gang dpa' bar 'gro ba'i ting nge 'dzin 'di shin tu yongs su grub pa de'i gnas pa ni bsam gyis mi khyab ste ngo mtshar to/ /bcom ldan 'das/ byang chub sems dpa' de bzhin gshegs pa'i gnas pas gnas par 'tshal bas dpa' bar 'gro ba'i ting nge 'dzin 'di la brtson par bgyi'o/ /de ci'i slad du zhe na/ de ltar de ni byis pa so so'i skye bo thams cad kyi gnas pa rnams na'ang gda' la| gang la'ang chags par mi 'gyur/ zhe sdang bar mi 'gyur/ gti mug par mi 'gyur ro/ /de nas bcom ldan 'das la tshangs pa byams par mchog ces bya ba des 'di skad ces gsol to/ /bcom ldan 'das/ byang chub sems dpa' byis pa so so'i skye bo thams cad kyis gnas pas gnas par 'tshal bas dpa' bar 'gro ba'i ting nge 'dzin 'di la bslab par bgyi'o/ /de ci'i slad du zhe na/ de ltar de ni byis pa so so'i skye bo thams cad kyi gnas pa rnams na'ang gda' la/ gang la'ang mi chags/ mi 'ching / chags par mi 'gyur/ zhe sdang bar mi 'gyur/ gti mug par mi 'gyur ro/ /de nas bcom ldan 'das kyis tshangs pa byams pa mchog la legs so zhes bya ba byin te/ legs so// </font><hr>433a<br><font size=+1>


@#/ /legs so/ /tshangs pa/ de de bzhin no/ /ji skad smras pa bzhin te/ byang chub sems dpa' byis pa so so'i skye bo thams cad kyi gnas pas gnas bar 'dod pas bslab pa thams cad la rlom sems med par dpa' bar 'gro ba'i ting nge 'dzin 'di la bslab par bya'o/ /de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ ji ltar slob na byang chub sems dpa' bslab pa thams cad la rlom sems ma mchis par dpa' bar 'gro ba'i ting nge 'dzin 'di la slob pa lags/ de skad ces gsol ba dang / bcom ldan 'das kyis byang chub sems dpa' sems dpa' chen po blo gros brtan pa la 'di skad ces bka' stsal to/ /blo gros brtan pa/ 'di lta ste/ dper na/ 'phong gi slob dpon nam/ 'phong gi slob ma ni thog mar ba lang gi ko ba la phog par byed do| |gang gi tshe na ba lang gi ko ba la lobs pa de'i tshe shing leb la phog par byed do/ /gang gi tshe shing leb la lobs pa de'i tshe 'ben la phog par byed do/ /gang gi tshe 'ben la lobs pa de'i tshe dbyug gu la phog par byed do/ /gang gi tshe dbyug gu la lobs pa de'i tshe skra brgya la phog par byed do/ /gang gi tshe skra brgya la lobs pa </font><hr>433b<br><font size=+1>


de'i tshe skra bcu la phog par byed do/ /gang gi tshe skra bcu la lobs pa de'i tshe skra gcig la phog par byed do/ /gang gi tshe skra gcig la lobs pa de'i tshe sgras mtshon pa la phog pa la slob par byed do/ /gang gi tshe sgras mtshon pa la lobs pa de'i tshe mi 'chor bar phog par 'gyur ro/ /gang gi tshe mi 'chor bar phog pa de'i tshe 'phong slob pa tshar phyin pa yin te/ de 'dod na nub mo mun pa mun nag gi nang na'ang mi dang mi ma yin pa gang dang gang dag gi sgra sgrag pa de dag der lhun gyis grub cing mi 'chor ba nyid du mda' 'gro'o/ /blo gros brtan pa/ de bzhin du byang chub sems dpa' dpa' bar 'gro ba'i ting nge 'dzin 'di la slob pa na thog ma nyid du bsam pa la slob bo/ /gang gi tshe bsam pa la lobs par gyur pa de'i tshe sbyor ba la 'jug go /gang gi tshe sbyor ba la bslabs par gyur pa de'i tshe lhag pa'i bsam pa la 'jug go /gang gi tshe lhag pa'i bsam pa la bslabs par gyur pa de'i tshe byams pa chen po la 'jug go /gang gi tshe byams pa chen po la bslabs par gyur pa de'i tshe snying rje chen po la 'jug go /gang gi tshe snying rje chen po la bslabs par gyur pa de'i tshe dga' ba chen po la 'jug go /gang gi tshe dga' ba chen po la bslabs par gyur pa de'i tshe btang snyoms chen po la 'jug go /gang gi tshe btang snyoms chen po la bslabs par gyur pa de'i tshe </font><hr>434a<br><font size=+1>


@#/ /byang chub sems dpa' 'phags pa'i gnas pa bzhi la bslab pa yin te/ bzhi gang zhe na/ byams pa chen po dang / snying rje chen po dang / dga' ba chen po dang| btang snyoms chen po'o/ /gang gi tshe byang chub sems dpa'i 'phags pa'i gnas pa 'di bzhi la bslabs par gyur pa de'i tshe rjes su mthun pa'i mngon par shes pa lnga po mi nyams pa dag la slob bo/ /gang gi tshe rjes su mthun pa'i mngon par shes pa lnga po mi nyams pa dag la bslabs par gyur pa de'i tshe pha rol tu phyin pa drug tshar phyin pa yin no/ / gang gi tshe pha rol tu phyin pa drug tshar phyin par gyur pa de'i tshe thabs mkhas pa rtogs par khong du chud pa yin no/ /gang gi tshe thabs mkhas pa rtogs par khong du chud pa de'i tshe rjes su mthun pa'i bzod pa gnyis pa la gnas pa yin no/ /gang gi tshe rjes su mthun pa'i bzod pa gnyis pa la gnas pa de'i tshe mi skye ba'i chos la bzod pa 'thob bo/ /gang gi tshe mi skye ba'i chos la bzod pa dang ldan pa de'i tshe sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung bstan par 'gyur ro| |gang gi tshe sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung bstan pa de'i tshe sa brgyad pa la 'jug par 'gyur ro/ /gang </font><hr>434b<br><font size=+1>


gi tshe sa brgyad pa la zhugs par gyur pa de'i tshe byang chub sems dpa'i ting nge 'dzin da ltar gyi sangs rgyas mngon sum du bzhugs pa 'thob ste/ de ting nge 'dzin de dang ldan pas sangs rgyas mthong ba dang mi 'bral bar 'gyur ro/ /gang gi tshe sangs rgyas mthong ba dang mi 'bral ba de'i tshe sangs rgyas kyi chos thams cad yongs su rdzogs shing yongs su grub pa thos par 'gyur ro/ /des sangs rgyas kyi chos thams cad yongs su rdzogs shing yongs su grub pa la gnas nas sangs rgyas kyi zhing bkod pa phun sum tshogs pa mngon par sgrub bo/ /de sangs rgyas kyi zhing bkod pa yongs su bzung nas skye ba dang / rigs dang / rus phun sum tshogs pa dang / mngal du 'jug pa dang / mngon par 'byung ba phun sum tshogs pa yongs su rdzogs par byed do/ /de skye ba dang / rigs dang / rus phun sum tshogs pa dang / mngal du 'jug pa dang / mngon par 'byung ba phun sum tshogs par gyur nas sa bcu yongs su rdzogs par byed do/ /de sa bcu la gnas nas sangs rgyas thams cad kyis dbang bskur ba 'thob bo/ /de sangs rgyas thams cad kyis dbang bskur ba thob nas byang chub sems dpa'i ting nge 'dzin thams cad thob par 'gyur ro/ /de byang chub sems dpa'i ting nge 'dzin thams cad thob nas phyis dpa' bar 'gro ba'i ting nge 'dzin 'di thob par 'gyur </font><hr>435a<br><font size=+1>


@#/ /ro| |dpa' bar 'gro ba'i ting nge 'dzin thob pa'i byang chub sems dpa' de ni sems can rnams la sangs rgyas kyi mdzad pas nye bar gnas par 'gyur te| byang chub sems dpa'i chos nyid de'ang mi gtong ngo / /blo gros brtan pa/ de ltar na byang chub sems dpa' gang chos de lta bu dag la bslabs par gyur pa de ni dpa' bar 'gro ba'i ting nge 'dzin 'di thob par 'gyur ro/ /blo gros brtan pa/ dpa' bar 'gro ba'i ting nge 'dzin 'di la gnas pa'i byang chub sems dpas ni gang du'ang bslab par mi bya'o| |de ci'i phyir zhe na/ sngon legs par bslabs pa'i phyir te/ sangs rgyas kyi chos thams cad de la mngon du 'gyur ro/ /blo gros brtan pa/ 'di lta ste/ dper na/ 'phong gi slob dpon nam/ 'phong gi slob ma ni sgras mtshon pa la phog par byed par gnas pas phyis gang du'ang mi slob bo/ /de ci'i phyir zhe na/ sngon legs par ba slabs pa'i phyir te/ phog par bya ba thams cad de la mngon du 'gyur ro/ /blo gros brtan pa/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpas kyang chos gang la'ang bslab par mi bya'o/ /de ci'i phyir zhe na/ de sngon legs par bslabs pa'i phyir te/ ting nge 'dzin thams cad dang / snyoms par </font><hr>435b<br><font size=+1>


'jug pa thams cad dang / rnam par thar pa thams cad dang / byang chub sems dpa'i yon tan gyi chos thams cad de la mngon du 'gyur ro/ /de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ bdag spobs so/ /bde bar gshegs pa/ bdag spobs so/ /bcom ldan 'das kyis bka' stsal pa/ blo gros brtan pa/ de'i dus la da bab par shes na khyod spobs par gyis shig /blo gros brtan pas gsol pa/ bcom ldan 'das/ 'di lta ste/ dper na/ stong gsum gyi stong chen po la dbang ba'i tshangs pa chen po ni stong gsum gyi stong chen po'i 'jig rten gyi khams 'di la tshegs chung dus rnam par lta bar bgyid do/ /bcom ldan 'das/ de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' yang tshegs chung dus byang chub sems dpa'i chos thams cad la rnam par blta zhing sems can thams cad kyi sems dang / spyod pa rnams kyang 'tshal to/ /bcom ldan 'das kyis bka' stsal pa/ blo gros brtan pa/ de de bzhin no/ /ji skad smras pa bzhin te| byang chub sems dpa' gang dag dpa' bar 'gro ba'i ting nge 'dzin 'di la gnas pa de dag ni kun tu rnam par bltas par blta bar byas te/ sangs rgyas kyi chos thams </font><hr>436a<br><font size=+1>


@#/ /cad mngon sum du gyur pa dag go /de nas bcom ldan 'das la brgya byin lhun po'i rtse 'dzin ces bya ba stong gsum gyi stong chen po'i 'jig rten gyi khams 'di'i mtha'i gling na gnas pas 'di skad ces gsol to/ /bcom ldan 'das/ 'di lta ste/ dper na/ ri rab kyi rtse mo la gnas na tshegs chung dus bang rim thams cad blta'o/ /bcom ldan 'das /de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' yang tshegs chung dus nyan thos kyi spyod pa thams cad la rnam par blta zhing rang sangs rgyas kyi spyod pa thams cad dang / byang chub sems dpa'i spyod pa thams cad dang / sems can thams cad kyi spyod pa la'ang rnam par blta'o// de nas byang chub sems dpa' blo gros brtan pas brgya byin lhun po'i rtse 'dzin la 'di skad ces smras so/ /kye grogs po/ khyod gling bzhi pa'i 'jig rten gyi khams gang nas 'ongs/ ri rab gang gi rtse mo la gnas/ de skad ces smras pa dang / byang chub sems dpa' blo gros brtan pa la brgya byin lhun po'i rtse 'dzin gyis 'di skad ces smras so| |rigs kyi bu/ byang chub sems dpa' gang dpa' bar 'gro ba'i ting nge 'dzin 'di thob pa de la khyod gang na gnas zhes gnas mi 'dri'o/ /de ci'i phyir zhe na/ de ni </font><hr>436b<br><font size=+1>


sangs rgyas kyi zhing thams cad na gnas so/ /de ni gang du'ang mngon par zhen pas mi gnas so/ /de ni dmigs pas mi gnas so/ /de ni lta bar gyur pas mi gnas so/ /de nas byang chub sems dpa' blo gros brtan pas brgya byin lhun po'i rtse 'dzin la 'di skad ces smras so/ /kye grogs po/ ci khyod kyis dpa' bar 'gro ba'i ting nge 'dzin 'di thob bam/ brgya byin lhun po'i rtse 'dzin gyis smras pa/ rigs kyi bu /ci ting nge 'dzin 'di thob pa'am/ mthob pas nye bar gnas sam/ smras pa/ de ma yin no/ /smras pa/ rigs kyi bu/ de lta bas na byang chub sems dpa' gang ting nge 'dzin 'dis gnas pa de ni chos gang yang mi 'thob cing thob pa med do/ /byang chub sems dpa' blo gros brtan pas smras pa/ kye grogs po/ khyod kyi spobs pa bas na khyod ni dpa' bar 'gro ba'i ting nge 'dzin 'di la gnas so/ /smras pa/ rigs kyi bu/ chos thams cad gnas med pa'i phyir kho bos ni dpa' bar 'gro ba'i ting nge 'dzin 'di gang la gnas pa'i chos de ma mthong ngo / /de ci'i phyir zhe na/ byang chub sems dpa' ting nge 'dzin 'di la gnas pa ni chos gang la'ang mi gnas so/ /gang la'ang mi gnas pa de la ni len pa med do/ /gang la len pa med ba de la chos bstan pa gang yang med do/ /de nas bcom ldan 'das kyis byang chub sems dpa' blo gros brtan pa la 'di </font><hr>437a<br><font size=+1>


@#/ /skad ces bka' stsal to/ /blo gros brtan pa/ khyod kyis brgya byin lhun po'i rtse 'dzin mthong ngam/ gsol pa/ bcom ldan 'das/ mthong ngo / / bcom ldan 'das kyis bka' stsal pa/ blo gros brtan pa/ brgya byin lhun po'i rtse 'dzin 'di ni dpa' bar 'gro ba'i ting nge 'dzin 'di thob pa'o/ /nges par gyur pa thob pa'o| |tshegs med pa thob pa'o/ /'di ni dpa' bar 'gro ba'i ting nge 'dzin la gnas nas stong gsum gyi stong chen po'i 'jig rten gyi khams 'di na brgya byin gyi gnas ji snyed yod pa de thams cad du 'di ston par byed do/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ gal te brgya byin lhun po'i rtse 'dzin 'di/ brgya byin gyi gnas thams cad du gda' ba lags na/ bdag gis ni 'di brgya byin gyi gnas ri rab kyi rtse mor sngan chad ma mthong ngo| |de nas brgya byin lhun po'i rtse 'dzin gyis lha'i dbang po brgya byin la 'di skad ces smras so/ /kau shi ka /gal te khyed lta bu la kho bo lta bu'i gzugs kyi lus yongs su grub pa bstan du zin na/ de'i phyir brgya byin gyi gnas thams cad du khyed dga' bar mi 'gyur te/ kau shi ka /kho bo ni khyod kyi brgya byin gyi gnas su rgyu mod kyi kho bo </font><hr>437b<br><font size=+1>


khyod kyis mi mthong ngo / /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ bdag cag ni skyes bu dam pa 'di'i gzugs kyi lus yongs su grub pa mthong bar 'tshal lo/ /bcom ldan 'das kyis bka' stsal pa/ ci kau shi ka /skyes bu dam pa 'di'i gzugs kyi lus yongs su grub pa mthong bar 'dod dam| gsol pa/ bcom ldan 'das/ mthong bar 'tshal lo/ /de nas bcom ldan 'das kyis brgya byin lhun po'i rtse 'dzin la bka' stsal pa/ skyes bu dam pa/ khyod kyis lha'i dbang po brgya byin 'di la rang gi gzugs kyi lus yongs su grub pa ston cig /de nas brgya byin lhun po'i rtse 'dzin gyis bdag gi gzugs kyi lus yongs su grub pa bstan to/ /gzugs kyi lus yongs su grub pa bstan ma thag tu de nas 'khor de na brgya byin nam/ tshangs pa'am/ 'jig rten skyong ba'am/ gnas gtsang ma'i ris kyi lha'am/ nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa'am/ de ma yin pa sems can gzhan yang rung ste/ gang dag gis dpa' bar 'gro ba'i ting nge 'dzin 'di ma thob pa de dag thams cad kyi lus ni 'di lta ste/ dper na/ snag tsha'i phung po bzhin du snang ngo \?\brgya byin de'i lus ni ri rab bzhin du mngon par </font><hr>438a<br><font size=+1>


@#/ /'phags shing lam me lhan ne lhang nger snang ngo / /de bzhin gshegs pa'i sku ni de'i nyis 'gyur du bzhugs par snang ngo / /de nas bcom bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ sems can chen po 'di'i gzugs kyi lus yongs su grub pa ngo mtshar te / bcom ldan 'das/ brgya byin dang / tshangs pa dang / 'jig rten skyong ba 'di dag gi lus ni snag tsha'i phung po bzhin du mchis par gda'o/ /bcom ldan 'das/ bdag ri rab kyi rtse mo 'di la mchis shing gang gi tshen bdag chos bzang lha'i mdun sar mchis pa de'i tshe/ bcom ldan 'das/ bdag gi mgul du brgya byin thogs pa zhes bgyi ba'i nor bu rin po che chen po thogs pas de'i 'od kyis lha'i 'khor thams cad mog mog por gyur te/ lam mer ma mchis/ lhang nger ma mchis/ lhan ner ma mchis na/ bcom ldan 'das| skyes bu dam pa de'i 'od kyis bdag mog mog por bgyis lags te/ bdag gi brgya byin thogs pa'i nor bu rin po che chen po de'ang lam mer ma mchis/ lhan ner ma mchis/ lhang nger ma mchis so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka /gal </font><hr>438b<br><font size=+1>


te stong gsum gyi stong chen po'i 'jig rten gyi khams 'di brgya byin thogs pa'i nor bu rin po che chen pos yongs su gang du zin kyang lha thams cad snang ba zhes bya ba'i nor bu rin po che yod de/ de'i 'od kyis brgya byin thogs pa'i nor bu rin po che de dag thams cad mog mog por 'gyur ro/ /kau shi ka /gal te stong gsum gyi stong chen po'i 'jig rten gyi khams 'di'i lha thams cad snang ba'i nor bu rin po ches yongs su gang du zin kyang rdo rje snang ba zhes bya ba'i nor bu rin po che yod de/ de'i 'od kyis lha thams cad snang ba'i nor bu rin po che de dag thams cad mog mog por 'gyur ro/ /kau shi ka /gal te stong gsum gyi stong chen po'i 'jig rten gyi khams 'di rdo rje snang ba'i nor bu rin po ches yongs su gang du zin kyang snang ba thams cad bsdus pa zhes bya ba'i nor bu rin po che yod de/ des rdo rje snang ba'i nor bu rin po che thams cad mog mog por byed do/ /kau shi ka /brgya byin 'di'i mgul du snang ba thams cad bsdus pa zhes bya ba'i nor bu rin po che chen po thogs pa mthong ngam/ bcom ldan 'das/ gang gi tshe bdag gis brtags pa de'i tshen mig zi zi bor gyur lags te/ de'i 'od ni de lta bu lags so/ /bka' stsal pa/ kau shi ka /byang chub sems dpa' gang dpa' bar 'gro ba'i ting nge 'dzin 'di thob par gyur pa de/ gang gi tshe na lha'i dbang po </font><hr>439a<br><font size=+1>


@#/ /brgya byin du gyur pa de'i tshe/ de'i mgul du nor bu rin po che de lta bu thogs par 'gyur ro/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ gang dag gis bla na med pa yang dag par rdzogs pa'i byang chub tu sems ma bskyed pa'i sems can de dag ni gzugs kyi lus yongs su grub pa 'di lta bu las yongs su nyams so/ /bcom ldan 'das/ sems can de dag ni dpa' bar 'gro ba'i ting nge 'dzin 'di las yongs su nyams so| |de nas lha'i dbang po brgya byin gyis bshad pa de lha'i bu sbed pas thos nas lha'i dbang po brgya byin la 'di skad ces smras so/ /kye yab/ nyan thos kyi nges par gyur pa la zhugs pa'i sems can brgya phrag mang po dag sangs rgyas kyi chos la 'dod pa'i sems bskyed kyang ci zhig byar yod de/ de dag ni 'khor ba'i rgyun gyi mtshams bcad pa'o| |kye yab/ gang dag gis byang chub tu sems bskyed pa dang / gang dag byang chub tu sems bskyed pa dang / gang dag byang chub tu sems bskyed par 'gyur ba de dag gis ni sangs rgyas kyi chos 'di dag la 'dod pa'i sems bskyed par bya ste/ de dag ni gzugs kyi lus yongs su grub pa 'di lta bu thob par 'gyur ro/ /kye yab/ 'di </font><hr>439b<br><font size=+1>


lta ste/ dper na/ nyi ma dang zla ba'i bsngags pa ji tsam mang du brjod cing bsngags pa bshad pa la mi dmus long gis 'dod pa'i sems bskyed kyang nges de dag mi mthong ste// myong bar mi 'gyur ro/ /kye yab/ de bzhin du nyan thos kyi nges par gyur pa la zhugs pa ni sangs rgyas kyi chos rnams kyi bsngags pa brjod bsngags pa bstan pa la 'dod pa'i sems ji tsam mang du bskyed kyang des sangs rgyas kyi chos dang yon tan rnams mi shes ma mthong mi myong ngo / /kye yab /de bas na gzugs 'dod pas bla na med pa yang dag par rdzogs pa'i byang chub tu sems bskyed par bgyi ste/ de'i gzugs kyi lus kha dog yongs su grub pa 'di lta bur 'gyur ro/ /lha'i bu sped pas bstan pa 'di bshad pa'i tshe lha'i bu khri nyis stong gis bla na med pa yang dag par rdzogs pa'i byang chub tu sems bskyed do/ /de nas byang chub sems dpa' blo gros brtan pas lha'i bu sbed pa la 'di skad ces smras so/ /lha'i bu/ khyod kyis dge ba'i rtsa ba ji tsam gyis bud med kyi lus las bsgyur /smras pa/ rigs kyi bu/ theg pa chen po la gnas pas nam bud med dam/ skyes par gnas kyang nyes par mi 'gyur ro/ /de ci'i phyir zhe na/ thams cad mkhyen pa'i sems ni khams gsum dang lhan cig mi gnas pa'i phyir te/ bud med dang skyes pa ni sems </font><hr>440a<br><font size=+1>


@#/ /gyis rab tu phye ba yin no/ /yang rigs kyi bu/ khyod kyis dge ba'i rtsa ba ji tsam gyis bud med kyi lus las bsgyur ces gang de skad smras pa ni/ ji tsam du khyim thab la g.yo med cing phangs par sems pas rim gro byas pas so/ /smras pa/ khyod kyis ji ltar khyim thab la rim gro byas/ smras pa/ ston pa tsam du phangs par bsams pas so/ /smras pa/ ji ltar khyod kyis g.yo med par byas/ smras pa/ lus kyi las ji lta ba dang / ngag gi las ji lta ba de bzhin du yid kyi las bgyis te/ rigs kyi bu/ de ni bud med kyi g.yo med pa'o/ /smras pa/ khyod kyis bud med kyi lus las ji ltar bsgyur/ smras pa/ ji ltar bsgrubs pa bzhin du'o/ /smras pa/ khyod kyis ji ltar bsgrubs/ smras pa/ ji ltar bsgyur ba bzhin du'o/ /smras pa/ lha'i bu bshad pa de'i don gang yin/ smras pa/ rigs kyi bu/ chos thams cad ni chos kyi dbyings su ro gcig pas ni/ rigs kyi bu/ chos thams cad ni mi 'grub mi ldog go /yang rigs kyi bu/ ji srid du bdag smon par gyur pa de srid du bdag la bud med kyi mtshan byung ngo| |rigs kyi bu/ gang gi tshe na bdag la skyes pa'i mtshan byung bar gyur ba de'i tshe'ang bdag gis bud med kyi rang bzhin gyi chos nyid de ma spangs so/ /rigs kyi bu/ </font><hr>440b<br><font size=+1>


de bas na 'di lta ste/ bud med dam/ skyes bar 'dzin pa ni phyin ci log tu 'dzin pa'o/ /rigs kyi bu/ gang yang phyin ci log dang / phyin ci ma log pa de gnyi ga gnyis su med pa gnyis su dbyer med pa'o/ /de ci'i phyir zhe na/ rigs kyi bu /chos thams cad ni shin tu gnyis dang bral ba'o/ /de nas byang chub sems dpa' blo gros brtan pas lha'i bu sbed pa la 'di skad ces smras so/ /ci lha'i bu/ khyod kyis dpa' bar 'gro ba'i ting nge 'dzin 'di'i phyogs 'ga' yang mngon sum du gyur ram/ smras pa/ rigs kyi bu/ gzhan gyis bstan pas bdag la mngon sum du gyur gyi/ bdag gi ye shes kyis mngon sum du gyur pa ni ma lags so/ /rigs kyi bu/ bdag gis mngon par shes pa gang gi tshe na bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas rgyal po zas gtsang ma'i khab na byang chub sems dpar gyur cing bdag gi mal dus las kyi nang na bzhugs pa de'i tshe/ mtshan mo mi nyal tsam na shar phyogs nas tshangs pa gang+gA'i klung gi bye ma snyed lhags te/ de nas byang chub sems dpa' la/ 'di lta ste/ byang chub sems dpa'i lam dang / nyan thos kyi lam yongs su zhus pa dang / byang chub sems dpas de dag la ji ltar zhu ba zhus pa bzhin du lan glan te/ de na byang chub sems </font><hr>441a<br><font size=+1>


@#/ /dpa' la tshangs pa gcig gis 'di skad ces smras so/ /skyes bu dam pa/ chos shes pa thob pa dang / thogs pa med pa'i shes rab dang / spobs pa 'di lta bu'ang yod la/ 'dod pa'i longs spyod dang / rgyal srid la chags par yang byed pa 'di ni mi rigs so/ /de nas tshangs pa gzhan byang chub sems dpa'i thabs shes pa'i yon tan gyi chos la mngon sum du gyur pa de dag gis 'di skad ces smras so/ /rigs kyi bu/ 'di ni 'dod pa'i longs spyod dang / rgyal srid kyi phyir khyim na gnas pa ma yin gyi| 'di ni sems can yongs su smin par bya ba'i phyir khyim na gnas te/ 'di ni 'jig rten gyi khams gzhan du'ang chos kyi 'khor lo skor la/ 'dir yang byang chub sems dpar gyur par snang ngo / /de'i tshe tshangs pa des 'di skad ces smras so/ /byang chub sems dpa' ting nge 'dzin gang la gnas na 'di 'dra bar rnam par 'phrul par 'gyur/ de dag gis smras pa/ tshangs pa/ 'di ni dpa' bar 'gro ba'i ting nge 'dzin gyi yul lo/ /rigs kyi bu/ de'i tshe bdag 'di snyam du sems te/ rigs kyi bu/ 'di ltar 'dod pa la yongs su spyod cing rgyal srid kyang yongs su sdud la ting nge 'dzin kyang thob pa ni byang chub sems dpa' rnams kyi ting nge 'dzin gyi rtsal ngo mtshar to snyam mo/ /rigs kyi bu/ </font><hr>441b<br><font size=+1>


bdag gis de thos nas byang chub sems dpa' la shin tu ston par 'du shes mngon par bzhag go |bdag gis dad pa'ang rnyed nas bdag gis lhag pa'i bsam pas bla na med pa yang dag par rdzogs pa'i byang chub tu sems bskyed de/ bdag kyang ye shes dang / yon tan gyi chos 'di lta bu dang ldan par gyur cig ces bgyis so/ /rigs kyi bu/ 'di la ni bdag phyogs tsam zhig mngon du gyur gyi/ dpa' bar 'gro ba'i ting nge 'dzin 'di'i yon tan gyi bye brag gi bsam gyis mi khyab bo/ /de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ lha'i bu sped pa'i lhag pa'i bsam pa bstan pa ni ngo mtshar te/ de ni dge ba'i bshes gnyen bcom ldan 'das kyis yongs su zin pas/ 'di lta ste/ dper na/ da ltar de bzhin gshegs pa dgra bcom pa yang dag par rdzogs pa'i sangs rgyas rnam par 'phrul pa bzhin du bcom ldan 'das lha'i bu sped pa 'di'ang ring po mi thogs par dpa' bar 'gro ba'i ting nge 'dzin 'di la gnas te rnam par 'phrul par 'gyur ro/ /bcom ldan 'das kyis bka' stsal pa/ rigs kyi bu/ de de bzhin no/ /de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ 'khor 'di na byang chub </font><hr>442a<br><font size=+1>


@#/ /sems dpa' dpa' bar 'gro ba'i ting nge 'dzin 'di thob pa gang la la dag 'dus pa mchis sam/ de nas 'khor de na lha'i bu sangs rgyas blo gros mngon sum zhes bya ba 'dus par gyur te/ 'dug pa des byang chub sems dpa' blo gros brtan pa la 'di skad ces smras so/ /blo gros brtan pa/ khyod de bzhin gshegs pa ye shes rgya mtsho chen po'i spyan sngar 'dug ste/ byang chub sems dpa' sems dpa' chen po yon tan gyi chos rin po che mtha' yas pa dang ldan pa go cha chen po bgos pa rnams kyi nang du phyin nas/ bcom ldan 'das/ byang chub sems dpa' dpa' bar 'gro ba'i ting nge 'dzin 'di thob pa gang la la dag 'khor 'dir 'dus pa chen po mchis sam zhes de skad zer ba'i khyod kyi zhu ba ni kho bos bsams na/ 'di lta ste/ dper na/ mgron pa byis pa'i rang bzhin can la la zhig rgya mtsho chen por zhugs nas/ rgya mtsho chen po 'di na gang dag blangs te/ 'gro bar bya ba'i rin po che dag yod dam zhes de skad zer ba dang mtshungs pa snyam byed do/ /blo gros brtan pa/ 'khor 'di na ni byang chub sems dpa' gang dag dpa' bar 'gro ba'i ting nge 'dzin 'di thob pa brgya byin gyi kha dog dang / gzugs dang ldan pa dag kyang yod do/ /byang chub sems dpa' gang dag dpa' </font><hr>442b<br><font size=+1>


bar 'gro ba'i ting nge 'dzin 'di thob pa tshangs pa'i kha dog dang / gzugs dang ldan pa dag kyang yod do/ /byang chub sems dpa' gang dag dpa' bar 'gro ba'i ting nge 'dzin 'di thob pa'i lha'i kha dog dang / gzugs dang ldan pa dag kyang yod do/ /byang chub sems dpa' 'khor los bsgyur ba'i kha dog dang / gzugs dang ldan pa dag kyang yod do/ / byang chub sems dpa' dge slong gi kha dog dang / gzugs dang ldan pa dag kyang yod do/ /byang chub sems dpa' dge slong ma'i kha dog dang / gzugs dang ldan pa dag kyang yod do/ /byang chub sems dpa' dge bsnyen gyi kha dog dang / gzugs dang ldan pa dag kyang yod do/ /dge bsnyen ma'i kha dog dang / gzugs dang ldan pa dag kyang yod do/ /mtshan gyis legs par brgyan pa dag kyang yod do/ /byang chub sems dpa' gang dpa' bar 'gro ba'i ting nge 'dzin 'di thob pa dag sems can gdul ba'i phyir lus dang / kha dog dman pa dang ldan pa dag kyang yod do/ /blo gros brtan pa/ 'khor 'di na byang chub sems dpa' nyan thos kyi kha dog dang / gzugs dang / spyod lam dang ldan pa dag kyang yod do/ /byang chub sems dpa' gang dpa' bar 'gro ba'i ting nge 'dzin 'di thob pa dag rang sangs rgyas kyi kha dog dang / gzugs dang / spyod lam </font><hr>443a<br><font size=+1>


@#/ /dang ldan pa dag kyang yod do/ /blo gros brtan pa/ gang gi tshe na de ltar de bzhin gshegs pa dgra bcom pa yang dag par rdzogs pa'i sangs rgyas gal te rgyal rigs kyi 'khor ram/ gal te bram ze'i 'khor ram/ gal te khyim bdag gi 'khor ram/ gal te dge sbyong gi 'khor ram/ gal te lha'i 'khor ram/ gal te brgya byin gyi 'khor ram/ gal te tshangs pa'i 'khor ram/ gal te 'jig rten skyong gi 'khor ram/ 'khor gang dang gang du gshegs par de bzhin gshegs pa sems can de dag ji ltar mos pa de lta bu'i kha dog dang / gzugs dang / gzugs dang / spyod lam du snang zhing de dag gis kyang de'i kha dog de 'dra ba nyid du mthong ste/ blo gros brtan pa| de'ang dpa' bar 'gro ba'i ting nge 'dzin la sngon bsam pa sbyangs ba'i bye brag tu blta'o/ /blo gros brtan pa/ de ltar na khyod kyis gang dang gang na de bzhin gshegs pa dgra bcom pa yang dag par rdzogs pa'i sangs rgyas chos ston pa mthong ba de dang der/ khyod kyis 'di na byang chub sems dpa' sems dpa' chen po go cha chen po bgos pa/ chos thams cad kyi dbang phyug dang ldan par gnas pa/ chos kyi 'khor lo skor ba dpag tu med pa dag yod par shes par gyis shig /de nas bcom </font><hr>443b<br><font size=+1>


ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ 'di'i spobs pa ji lta ba dang / de'i ye shes thogs pa ma mchis par 'chad pa ji lta ba dang / 'di'i spyod pa rnam par 'byed pa 'chad pa ji lta ba las na/ bdag ni lha'i bu sangs rgyas blo gros mngon sum 'dis dpa' bar 'gro ba'i ting nge 'dzin 'di thob po snyam bgyid do/ /de skad ces gsol pa dang / bcom ldan 'das kyis byang chub sems dpa' blo gros brtan pa la 'di skad ces bka' stsal to/ /blo gros brtan pa/ de de bzhin no/ / ji skad smras pa de bzhin te/ lha'i bu 'di ni dpa' bar 'gro ba'i ting nge 'dzin la gnas te/ ting nge 'dzin 'di mngon du byas nas 'chad do/ /de nas bcom ldan 'das kyis lha'i bu sangs rgyas blo gros mngon sum la bka' stsal pa/ lha'i bu/ khyod kyis dpa' bar 'gro ba'i ting nge 'dzin 'di sbyangs pa'i bye brag gi phyogs 'ga' zhig ston cig /de nas byang chub sems dpa' blo gros brtan pa la lha'i bu sangs rgyas blo gros mngon sum gyis 'di skad ces smras so/ /blo gros brtan pa/ khyod dpa' bar 'gro ba'i ting nge 'dzin 'di'i phyogs tsam gyi khyu mchog tu gyur pa lta bar 'dod dam/ smras pa/ lha'i bu/ lta bar 'dod do/ /de nas lha'i bu sangs rgyas blo gros mngon sum gyis dpa' bar 'gro ba'i ting nge 'dzin 'di thob pa'i phyir de'i tshe thams </font><hr>444a<br><font size=+1>


@#/ /cad dang ldan pa'i 'khor 'di 'khor los bsgyur ba'i rgyal po'i kha dog dang / gzugs su gnas pa dang / mtshan gyis legs par brgyan pa dang 'khor dang bcas pa dpung gi mthu dang ldan pa dang / rin po che sna bdun dang ldan par 'du shes pa de 'dra ba'i rdzu 'phrul mngon par 'du byed pa'i las bstan nas/ smras pa/ blo gros brtan pa/ ci mthong / smras pa/ lha'i bu/ kho bos ni thams cad dang ldan pa'i 'khor 'di 'khor los bsgyur ba'i kha dog dang / dbyibs dang / gzugs su gnas pa dang / mtshan gyis legs par brgyan pa dang / 'khor dang bcas pa dpung gi mthu dang ldan pa dang / rin po che sna bdun dang ldan par mthong ngo / /de nas lha'i bu sangs rgyas blo gros mngon sum gyis thams cad dang ldan pa'i 'khor lha'i dbang po brgya byin gyi kha dog dang / dbyibs dang / gzugs su gnas pa dang / sum cu rtsa gsum gnas kyi khang pa na gnas shing lha'i bu mo brgya stong gis yongs su bskor te/ sil snyan dang / pheg rdob pa dang / rol mo'i sgra dbyangs byed par 'du shes pa de 'dra ba'i rdzu 'phrul mngon par 'du byed pa byin gyis brlabs nas/ smras pa/ blo gros brtan pa/ ci mthong / smras pa/ lha'i bu/ kho bos ni thams cad dang ldan pa'i 'khor 'di lha'i dbang </font><hr>444b<br><font size=+1>


bo brgya byin gyi kha dog dang / dbyibs dang / gzugs su gnas pa dang / sum cu rtsa gsum gyi lha'i khang pa na gnas shing lha'i bu mo brgya stong gis yongs su bskor te/ sil snyan dang| pheg rdob pa dang / rol mo'i sgra dbyangs byed par mthong ngo / /de nas lha'i bu sangs rgyas blo gros mngon sum gyis yang gang thams cad dang ldan pa'i 'khor de tshangs pa'i kha dog dang / dbyibs dang / gzugs su gnas pa dang / spyod lam shin tu zhi ba dang / tshangs pa'i gnas kyi gzhal med khang na gnas pa dang / tshad med pa bzhi'i bsam gtan la bsam gtan du byed par 'du shes pa de lta bu'i byin gyi rlabs pa byin gyis brlabs nas/ smras pa/ blo gros brtan pa/ ci mthong / smras pa/ lha'i bu/ kho bos ni thams cad dang ldan pa'i 'khor 'di tshangs pa'i kha dog dang / dbyibs dang / gzugs su gnas pa dang / spyod lam rab tu zhi ba dang / tshangs pa'i gnas kyi gzhal med khang na gnas pa dang / tshad med pa bzhi'i bsam gtan la bsam gtan du byed par mthong ngo / /de nas lha'i bu sangs rgyas blo gros mngon sum gyis yang 'khor de dag gnas brtan 'od srung chen po'i kha dog dang / gzugs dang / dbyibs dang / chos gos snam sbyar dang / thang ba dang / lhung bzed thogs pa'i spyod lam 'dzin pa dang / rnam par thar pa brgyad kyi bsam gtan la bsam gtan </font><hr>445a<br><font size=+1>


@#/ /byed pa ci 'dra ba de 'dra bar snang la/ sna tshogs su med cing kha dog gcig tu gyur pa de lta bu'i byin gyi rlabs pa byin gyis brlabs nas/ smras pa/ blo gros brtan pa/ ci mthong / smras pa/ lha'i bu/ kho bos ni thams cad dang ldan pa'i 'khor 'di gnas brtan 'od srung chen po'i kha dog dang / gzugs dang / dbyibs dang| chos gos snam sbyar dang / thang ba dang / lhung bzed thogs pa'i spyod lam 'dzin pa dang / rnam par thar pa brgyad kyi bsam gtan la bsam gtan byed pa ci 'dra ba de 'dra bar snang la/ sna tshos su med cing kha dog gcig tu gyur pa de lta bur mthong ngo / /de nas lha'i bu sangs rgyas blo gros mngon sum gyis dpa' bar 'gro ba'i ting nge 'dzin 'di nyid kyi khyu mchog tu gyur pa bstan pa'i phyir thams cad dang ldan pa'i 'khor bcom ldan 'das shAkya thub pa'i kha dog dang / gzugs dang / dbyibs dang / spyod lam dang| mtshan bkod pas brgyan pa dang / zhabs 'bring pa dge slong gi dge 'dun ci 'dra bar de 'dra bar de bzhin gshegs pa mang po thams cad so so na dge slong gi dge 'dun dang bcas par snang ba de lta bu'i mtshan ma bstan nas/ smras pa/ blo gros brtan pa/ ci mthong / smras pa/ lha'i bu/ kho bos ni thams cad dang ldan pa'i 'khor </font><hr>445b<br><font size=+1>


'di de bzhin gshegs pa'i kha dog dang / gzugs dang / dbyibs dang / spyod lam dang / mtshan bkod pas brgyan pa dang / zhabs 'bring pa dge slong gi dge 'dun gyis yongs su bskor ba ci 'dra ba de 'dra bar so so na dge slong gi dge 'dun dang bcas par mthong ngo / /smras pa/ blo gros brtan pa/ 'di ni dpa' bar 'gro ba'i ting nge 'dzin gyi khyu mchog tu gyur pa ste| blo gros brtan pa/ byang chub sems dpa' ting nge 'dzin de dang ldan pa ni 'dod na stong gsum gyi stong chen po'i 'jig rten gyi khams 'di yungs 'bru gcig tu byin gyis rlob bo/ /yang na yungs 'bru gcig gi nang du chud par kun tu ston cing gling bzhi pa'i 'jig rten gyi khams thams cad kyang snang bar 'gyur/ nyi ma dang zla ba thams cad kyang snang bar gyur te/ sems can dag la gnod par yang mi 'gyur ro/ /blo gros brtan pa/ de ltar na ting nge 'dzin 'di bsam gyis mi khyab bo// //bam po gsum pa |de nas nyan thos chen po de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dag dang / brgya byin dang / tshangs pa dang / 'jig rten skyong ba de dag dang / byang chub sems dpa' de dag gis mgrin gcig tu tshig smras pa/ bcom </font><hr>446a<br><font size=+1>


@#/ /ldan 'das/ gang dag gis dpa' bar 'gro ba'i ting nge 'dzin 'di thob pa'am/ thob par gyur pa'i byang chub sems dpa' de dag ni bsam gyis mi khyab par blta ba lags so/ /bcom ldan 'das/ sems can de dag ni de bzhin gshegs pa'i 'gros su mchi ba lags so/ /mngon par shes pa'i ye shes dang / rig pa dang ldan pa lags te/ bcom ldan 'das/ de ltar bdag cag stan gcig la mchis pa las 'di 'dra ba'i kha dog dang / gzugs su gda' bar gyur nas/ bdag cag gcig la gcig kha dog dang / gzugs dang / spyod lam de ltar bur mthong ste/ bcom ldan 'das/ bdag cag ni gang dag dpa' bar 'gro ba'i ting nge 'dzin rnar mi grag pa'i sems can de dag bdud kyis byin gyis brlabs pa'o/ /bcom ldan 'das/ tha na gang dag dpa' bar 'gro ba'i ting nge 'dzin 'di thos pa'i sems can de dag kyang sangs rgyas thams cad kyis yongs su bzung ba lags na 'don par bgyid pa lta ci smos/ thos nas nan tan bgyid pa lta ci smos/ gang dag gis dpa' bar 'gro ba'i ting nge 'dzin 'di thos pa lta ci smos snyam bgyid do/ /bcom ldan 'das/ chos thams cad kyi pha rol tu mchi bar 'tshal bas dpa' bar 'gro ba'i ting nge 'dzin mnyan par </font><hr>446b<br><font size=+1>


bgyi'o| |gzung bar bgyi'o/ /bklag par bgyi'o/ /kun chub par bgyi'o/ /gzugs dang / kha dog thams cad ston par 'tshal ba dang / sems can thams cad kyi spyod pa dang| spyod lam ji lta ba bzhin du ston par 'tshal ba dang / de dag gi sems rab tu rtogs par 'tshal ba dang / de dag gi nad ji lta ba bzhin du sman gyis gso bar 'tshal bas dpa' bar 'gro ba'i ting nge 'dzin na 'di nyid mnyan par bgyi'o/ /bklag par bgyi'o/ /bsgom par bgyi'o/ /gang dag gis dpa' bar 'gro ba'i ting nge 'dzin 'di thob pa'i skyes bu dam pa de dag ni sangs rgyas thams cad kyi yul du mchis pa lags so/ /rang byung gi ye shes la dbang bgyid pa lags so/ /de skad ces gsol pa dang / bcom ldan 'das kyis nyan thos chen po de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po de dag dang / brgya byin dang / tshangs pa dang / 'jig rten skyong ba de dag dang / byang chub sems dpa' de dag la 'di skad ces bka' stsal to/ /rigs kyi bu dang / de de bzhin no/ /ji skad smras pa de bzhin te/ dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni byang chub sems dpa' zhes nga mi smra'o/ /dpa' bar 'gro ba'i ting nge 'dzin </font><hr>447a<br><font size=+1>


@#/ /'di ma thob pa'i phyir byang chub sems dpa' de la ni mngon par shes pa thob pa zhes nga mi smra'o/ /dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni sbyang ba byas pa'o zhes nga mi smra'o/ /dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni sbyin pa dang tshul khrims dang / bzod pa dang / brtson 'grus dang / bsam gtan dang / shes rab dang / thabs dang ldan pa'o zhes nga mi smra'o/ /dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni mang du thos pa'o zhes nga mi smra'o/ /dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni spobs pa dang ldan pa'o zhes nga mi smra'o/ /rigs kyi bu dag /de bas na nges par 'byung ba'i lam thams cad du nges par 'byung bar 'dod pa'i byang chub sems dpa' rlom sems thams cad med pa'i phyir dpa' bar 'gro ba'i ting nge 'dzin 'di bslab par bya'o/ /de nas byang chub sems dpa' blo gros brtan pas lha'i bu sangs rgyas blo gros mngon sum la 'di skad ces smras so/ /lha'i bu/ byang chub sems dpa' ting nge 'dzin 'di thob par 'dod pas gang la brtson par bya/ smras pa/ rigs kyi bu/ byang chub sems dpa' ting nge 'dzin </font><hr>447b<br><font size=+1>


'di thob par 'dod pas so so'i skye bo'i chos rnams la brtson par bya'o/ /smras pa/ lha'i bu/ ji ltar na byang chub sems dpas so so'i skye bo'i chos rnams la brtson par bya/ smras pa| ci nas kyang so so'i skye bo'i chos rnams sangs rgyas kyi chos rnams dang ldan pa'ang ma yin/ mi ldan pa'ang ma yin par mthong ba de lta bur/ rigs kyi bu/ byang chub sems dpas so so'i skye bo'i chos la brtson par bya'o/ /smras pa/ lha'i bu/ ci sangs rgyas kyi chos rnams ldan pa'am/ mi ldan par nye bar gnas sam/ smras pa/ rigs kyi bu/ so so'i skye bo'i chos rnams kyang sbyar ba'am/ dbral bar mi nus te/ gang yang / rigs kyi bu/ sangs rgyas kyi chos rnams dang / so so'i skye bo'i chos rnams gnyis su med cing gnyis su dbyer med de/ tshul gcig pas de'i phyir brtson pa zhes bya'o/ rigs kyi bu/ 'di la sbyar ba'am/ dbral bar bya ba'i chos ni gang yang med do/ /de ci'i phyir zhe na| rigs kyi bu/ chos thams cad ni mi skye ba'i de bzhin nyid dang ldan no/ /chos thams cad ni mi 'gog pa'i de bzhin nyid dang ldan no/ /chos thams cad ni mi 'khrugs pa'i de bzhin nyid dang ldan no/ /chos thams cad ni 'du ba med pa'i de bzhin nyid dang ldan no/ /chos thams cad ni 'bral ba med pa'i de bzhin nyid dang ldan no/ /chos thams cad </font><hr>448a<br><font size=+1>


@#/ /ni nam mkha' bzhin du dben pa dang ldan no/ /chos thams cad ni stong pa nyid kyi mnyam pa nyid dang ldan no/ /chos thams cad ni ma skyes pa'i chos nyid dang ldan te shi 'pho med do/ /smras pa/ lha'i bu/ dpa' bar 'gro ba'i ting nge 'dzin gang du 'gro ba yin/ smras pa/ rigs kyi bu/ dpa' bar 'gro ba'i ting nge 'dzin ni sems can thams cad kyi sems dang spyod pa la 'gro ba'ang yin la/ sems dang / lta ba dang / dmigs par 'du shes pa la 'gro ba ni ma yin no/ /srid par 'gro ba'i 'chi 'pho dang / skye ba thams cad du 'gro ba'ang yin la/ srid par 'gro ba'i nyon mongs par 'gro ba ni ma yin no/ /rigs kyi bu/ dpa' bar 'gro ba'i ting nge 'dzin ni ting nge 'dzin thams cad ston par 'gro ba'ang yin la mnyam pa nyid 'khrugs par 'gro ba ni ma yin no/ /sangs rgyas kyi zhing thams cad du 'jug par 'gro ba'ang yin la zhing sna tshogs su 'du shes par 'gro ba ni ma yin no/ /sangs rgyas thams cad ston par 'gro ba'ang yin la sangs rgyas kyi gzugs dang / mtshan la rnam par rtog cing ston par 'gro ba ni ma yin no| |sgra dang / skad thams cad ston par 'gro ba'ang yin la yi ge'i 'du shes yongs su rtog par 'gro ba ni ma yin no/ /rigs kyi bu/ dpa' bar 'gro ba'i ting nge 'dzin ni </font><hr>448b<br><font size=+1>


sangs rgyas thams cad mthong bar 'gro ba'ang yin la shin tu mthong bar 'gro ba ni ma yin no/ /rigs kyi bu/ de lta bas na dpa' bar 'gro ba'i ting nge 'dzin ji lta bur 'gro ba yin zhes gang de skad smras pa ni/ de bzhin gshegs pa'i 'gro ba gang yin pa ting nge 'dzin 'di'i 'gro ba'ang de yin no/ /smras pa/ lha'i bu/ de bzhin gshegs pa ji lta bur gshegs/ smras pa/ de bzhin gshegs pa ni de bzhin nyid kyi phyir mi 'gro bar gshegs so/ /smras pa/ lha'i bu/ de bzhin gshegs pa yongs su mya ngan 'da' bar mi gshegs sam/ smras pa/ rigs kyi bu/ chos thams cad yongs su mya ngan las 'da' bar 'gro ba yin te/ de bas na de bzhin gshegs pa yongs su mya ngan las 'da' bar gshegs pa ma yin no/ /de ci'i phyir zhe na/ mya ngan las 'da' ba'i 'gro ba ni yongs su mya ngan las mi 'da'o/ /smras pa/ lha'i bu/ sangs rgyas bcom ldan 'das gang+gA'i klung gi bye ma snyed yongs su mya ngan las ma 'das sam/ smras pa/ ci rigs kyi bu/ sangs rgyas bcom ldan 'das gang+gA'i klung gi bye ma snyed skyes sam/ smras pa/ lha'i bu| de ni de bzhin gshegs pas sangs rgyas bcom ldan 'das gang+gA'i klung gi bye ma snyed skyes la mya ngan las kyang 'das so zhes bka' stsal to/ /smras pa/ rigs kyi bu/ </font><hr>449a<br><font size=+1>


@#/ /gang yang de bzhin gshegs pas lha dang / mi'i skye bo mang po la phan pa'i phyir/ skye bo mang po la bde ba'i phyir/ 'jig rten la snying brtse ba'i phyir/ skye bo phal po che dang / lha dang / mi rnams kyi don gyi phyir/ phan pa'i phyir/ bde ba'i phyir/ gang zag gcig 'jig rten du 'byung ste/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas so zhes de skad ces bka' stsal pa/ ci de bzhin gshegs pas gang skye ba'am/ 'gag par 'gyur ba'i gang zag de rnyed dam/ smras pa/ lha'i bu/ de bzhin gshegs pas gang skye ba'am/ 'gag par 'gyur ba'i chos gang yang ma rnyed do/ /smras pa/ rigs kyi bu/ de bzhin te/ de bzhin gshegs pa ni sangs rgyas 'byung bar yang 'chad mod kyi/ de bzhin gshegs pa'i chos nyid ni 'byung ba'am/ 'gag pa med do/ /de bzhin gshegs pa ni sangs rgyas yongs su mya ngan las 'da' bar yang 'chad mod kyi/ de bzhin gshegs pa'i de bzhin nyid ni yongs su mya ngan las kyang mi 'da'o/ /smras pa/ lha'i bu/ de bzhin gshegs pa dpag tu med pa da ltar mngon par rdzogs par sangs ma rgyas sam/ smras pa/ rigs kyi bu/ mi skye ba'i chos nyid ji lta ba dang / mi 'gag pa'i chos nyid ji lta ba de </font><hr>449b<br><font size=+1>


bzhin du de bzhin gshegs pa skyes shing mngon par rdzogs par sangs rgyas te/ rigs kyi bu/ bdag ni de bzhin gshegs pa mngon par rdzogs par sangs rgyas pa dang / yongs su mya ngan las 'das pa tha dad par mi 'dod do/ /smras pa/ ci'i phyir/ smras pa/ rigs kyi bu/ de bzhin gshegs pas ni chos thams cad shin tu yongs su mya ngan las 'das par mngon par rdzogs par sangs rgyas so/ /smras pa/ lha'i bu/ chos gang shin tu yongs su mya ngan las 'das pa de mngon par rdzogs par sangs rgyas par bya nus sam/ smras pa| rigs kyi bu/ ji ltar yongs su mya ngan las 'das pa de bzhin du des mngon par rdzogs par sangs rgyas mod kyi mya ngan las 'das pa'i de bzhin nyid de las kyang mi 'da'o/ /rigs kyi bu| de bzhin gshegs pas ni skye bas kyang byang chub mngon par rdzogs par sangs rgyas pa ma yin/ 'gag pas kyang ma yin/ chos gang la'ang gnas pas kyang byang chub mngon par rdzogs par sangs rgyas pa ma yin te/ rigs kyi bu gang na mi skye ba/ mi 'gag pa/ mi gnas pa de ni yongs su mya ngan las 'das pa'o/ /smras pa/ lha'i bu/ khyod dpa' bar 'gro ba'i ting nge 'dzin 'di la gnas te de ltar 'chad dam/ smras pa/ rigs kyi bu/ bdag ni chos gang la'ang gnas te 'chad pa med do/ /smras pa/ lha'i bu/ khyod ji ltar gnas </font><hr>450a<br><font size=+1>


@#/ /med la gnas te 'chad par byed/ smras pa/ rigs kyi bu/ de ji snyam du sems/ gang de bzhin gshegs pas sprul pas sprul par 'chad pa de gang du gnas te 'chad/ smras pa/ de bzhin gshegs pas sprul pa de ni de bzhin gshegs pa'i byin gyi rlabs kyis 'chad do/ /smras pa/ rigs kyi bu/ yang de bzhin gshegs pas byin gyis brlab pa gang zhig byin gyis brlabs te/ sprul pa la byin gyis rlob par mdzad/ ci bdag byin gyis brlabs pa'am/ smras pa/ de ma yin no/ /smras pa/ gzhan byin gyis brlabs pa'am/ smras pa/ de ma yin no/ /smras pa/ chos bstan pa byin gyis brlab pa'am/ smras pa/ de ma yin no/ /smras pa/ de bzhin gshegs pa gang du gnas te byin gyis rlob/ smras pa/ lha'i bu/ de bzhin gshegs pa ni gnas med pa la gnas te sprul pa sprul par mdzad do/ /smras pa/ rigs kyi bu/ ji ltar de bzhin gshegs pa gnas med pa la gnas te sprul pa sprul par mdzad pa bzhin du sprul pa de dag kyang gnas med pa la gnas bzhin du 'chad do/ /rigs kyi bu/ de bzhin du chos thams cad ni gnas med pa la gnas pa yin te/ bdag kyang gnas med pa la gnas nas ting nge 'dzin 'di 'chad do/ /smras pa/ lha'i bu/ gnas </font><hr>450b<br><font size=+1>


med pa la gnas na khyod ji ltar na spobs par 'gyur/ smras pa/ ji ltar gnas med pa de bzhin du spobs so/ /smras pa/ lha'i bu/ ji ltar na byang chub sems dpa' spobs pa phun sum tshogs pa yin/ smras pa/ rigs kyi bu/ gang gi tshe byang chub sems dpa' bdag tu 'du shes pas mi 'chad/ gang zag tu 'du shes pa dang / sems can du 'du shes pa dang / chos su 'du shes pas mi 'chad pa de lta bu ni/ rigs kyi bu/ byang chub sems dpa' spobs pa phun sum tshogs pa yin te/ chos 'chad pa na ji ltar yi ge mi zad cing zad par mi 'gyur ba de bzhin du chos mi zad cing zad par mi 'gyur la/ yi ge rnam pa sna tshogs su'ang mi 'chad/ chos rnam pa sna tshogs su'ang mi 'chad de/ rigs kyi bu/ de ltar na byang chub sems dpa' spobs pa phun sum tshogs pa yin no/ /rigs kyi bu/ gzhan yang / gang gi tshe byang chub sems dpa' sems kyi sgyu ma'i chos nyid kyang mi 'dor/ 'dod chags dang bral ba'i chos nyid kyang mi 'dor/ brag ca'i sgra lta bu'i chos nyid kyang mi 'dor na/ rigs kyi bu/ de lta bu ni byang chub sems dpa' spobs pa phun sum tshogs pa yin no/ /ji ltar yi ge de dag yul na mi gnas/ phyogs na mi gnas/ nang na ma yin/ phyi rol na ma yin/ gnyis ka med par yang ma yin zhing gang na'ang mi gnas </font><hr>451a<br><font size=+1>


@#/ /te| tshogs pa las byung ba de bzhin du/ rigs kyi bu/ chos thams cad kyang yul na mi gnas/ phyogs na mi gnas/ nang na ma yin/ phyi rol na ma yin// gnyi ga med par yang ma yin/ 'das pa ma yin/ ma 'ongs pa ma yin/ da ltar byung ba ma yin te/ yi ge gang dag gis de dag bshad pa de dag kyang de ltar yi ge mi zad pa mngon sum du gyur pas 'chad pas na de'i phyir spobs pa phun sum tshogs pa zhes bya'o/ /smras pa/ lha'i bu/ khyod ji ltar 'chad pa de bzhin du spobs sam/ smras pa/ rigs kyi bu| bdag de bzhin du spobs te/ brag ca'i sgra byung ba'i rang bzhin ji lta ba dag gi lam gyi sgras bshad pa thams cad kyang de bzhin du rtogs par bya'o/ /smras pa/ lha'i bu| rtogs pa zhes bya ba ci/ smras pa/ rigs kyi bu/ rtogs pa zhes bya ba de ni nam mkha' rtogs pa'i tshigs bla drags so/ /rigs kyi bu/ 'di lta ste/ dper na/ nam mkha' ni dpe med pa yin no/ /rigs kyi bu/ de bzhin du chos thams cad kyang dpe med pas na de'i phyir rtogs pa zhes bya'o/ /gang du de 'gro ba'i chos de dag gi dpe'ang bya bar sla ba ma yin pas na de'i phyir rtogs pa zhes bya'o/ /ye shes de ni dpe med pa/ 'dra ba med pa/ dngos po thams cad bral ba de rtogs par byed pas na de'i phyir </font><hr>451b<br><font size=+1>


rtogs pa zhes bya'o/ /de nas bcom ldan 'das kyis lha'i bu sangs rgyas blo gros mngon sum la legs so zhes bya ba byin nas/ lha'i bu/ legs so/ /legs so/ /khyod kyi tshig 'di ni legs par smras pa'o/ /gal te bshad par bya na de ltar bshad do/ /byang chub sems dpas bshad pa de thos nas/ skrag par mi bya/ dngang bar mi bya/ dngang bar 'gyur bar mi bya'o/ /de ci'i phyir zhe na/ rtogs par bya ba de ma rtogs bar bla na med pa yang dag par rdzogs pa'i byang chub mngon par rdzogs par 'tshang rgya bar mi nus pa'i phyir ro/ /de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ lha'i bu/ sangs rgyas blo gros mngon sum 'di sangs rgyas kyi zhing gang nas mi mjed kyi 'jig rten gyi khams 'dir mchis/ lha'i bu/ sangs rgyas blo gros mngon sum gyis smras pa/ rigs kyi bu/ ci zhig bya/ smras pa/ lha'i bu/ gang na skyes bu dam pa 'di lta bu dag gi gtsug lag khang ngam/ gnas khang ngam/ gnas sam/ 'chags yod pa'i phyogs der phyag 'tshal lo/ /phyag bya'o/ /lha'i bus smras pa/ blo gros brtan pa| dpa' bar 'gro ba'i ting nge 'dzin bshad pa 'di nyid glegs bam du bris nas gang dag gi lags song bar gyur pa'i sems can de dag kyang lha dang bcas 'jig rten </font><hr>452a<br><font size=+1>


@#/ /gyis phyag bya ba yin no/ /de nas bcom ldan 'das kyis byang chub sems dpa' blo gros brtan pa la 'di skad ces bka' stsal to/ /blo gros brtan pa/ lha'i bu sangs rgyas blo gros mngon sum 'di ni de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon dga' nas dpa' bar 'gro ba'i ting nge 'dzin 'di nyan cing 'chad du mi mjed kyi 'jig rten gyi khams 'dir 'ongs so/ /gsol pa/ bcom ldan 'das/ de bzhin gshegs pa mi 'khrugs pa de byang chub sems dpa' de dag la dpa' bar 'gro ba'i ting nge 'dzin 'di mi 'chad dam/ ci lags na/ lha'i bu sangs rgyas blo gros mngon sum 'di 'jig rten gyi khams mngon dga' de nas mi mjed kyi 'jig rten gyi khams 'dir mchis/ bka' stsal pa/ blo gros brtan pa/ gang ting nge 'dzin 'di mi 'chad pa'i de bzhin gshegs pa de ni shin tu dkon mod kyi/ blo gros brtan pa/ lha'i bu sangs rgyas blo gros mngon sum 'di mi mjed kyi 'jig rten gyi khams 'dir byang chub mngon par rdzogs par 'tshang rgya bar 'gyur te/ lha'i bu 'di ni mi mjed kyi 'jig rten gyi khams 'dir gang snyigs ma lnga'i nyes pa gang yin pa de dag spang ba dang / sangs rgyas kyi zhing gi yon </font><hr>452b<br><font size=+1>


tan bkod pa dag kyang yongs su gzung ba dang / sems can rnams kyang yongs su smin par bya ba dang / dpa' bar 'gro ba'i ting nge 'dzin 'di'ang shin tu bsgom pa yongs su rdzogs par bya ba'i phyir lha'i bu sangs rgyas blo gros mngon sum 'di 'jig rten gyi khams mngon dga' de nas mi mjed kyi 'jig rten gyi khams 'dir 'ongs so/ /gsol pa/ bcom ldan 'das/ lha'i bu sangs rgyas blo gros mngon sum 'di ji srid na mi mjed kyi 'jig rten gyi khams 'dir bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di byang chub thob nas ming ci zhes bya bar 'gyur/ bcom ldan 'das/ de'i tshe de'i dus na 'jig rten gyi khams 'di ming ji skad ces bgyi bar 'gyur/ bcom ldan 'das kyis bka' stsal pa/ blo gros brtan pa/ bskal pa bzang po 'di 'das shing sangs rgyas stong yongs su mya ngan las 'das nas bskal pa drug cu rtsa gnyis na sangs rgyas 'byung bar 'gyur te/ de na rang sangs rgyas kyang bye ba khrag khrig brgya phrag stong 'byung bar 'gyur ro/ /blo gros brtan pa/ bskal pa drug cu rtsa gnyis po de dag 'das nas lha'i bu 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas 'od dri ma </font><hr>453a<br><font size=+1>


@#/ /med par grags pa'i rgyal po zhes bya bar 'gyur ro/ /blo gros brtan pa/ de'i tshe de'i dus na mi mjed kyi 'jig rten gyi khams 'di ni mthong na dad pa zhes bya ba'i 'jig rten gyi khams su 'gyur te/ blo gros brtan pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi zhing mthong na dad pa zhes bya ba'i 'jig rten gyi khams de na sems can de dag thams cad dad pa rnyed pas mdzes par 'gyur te/ de na sems can gang yang 'dod chags kyis sems kun tu dkris shing 'dug par mi 'gyur/ zhe sdang gis sems kun tu dkris shing 'dug par mi 'gyur/ gti mug gis sems kun tu dkris shing 'dug par mi 'gyur te/ sems can de dag thams cad chos spyod pa dang ldan zhing chos la dad pa rnyed par 'gyur ro/ /blo gros brtan pa/ de bzhin gshegs pa 'od dri ma med par grags pa'i rgyal po'i tshe'i tshad ni bskal pa bar ma bcu'i tshad du 'gyur ro/ /sems can rnams ni theg pa gsum gyis nges par 'byung bar 'gyur ro/ /de na byang chub sems dpa' dpa' bar 'gro ba'i ting nge 'dzin thob pa dang / chos thams cad la rnam par 'phrul ba dang ldan pa ni tshad med par 'gyur ro/ /blo gros brtan pa/ de'i tshe de'i </font><hr>453b<br><font size=+1>


dus na gang bdud dang / bdud kyi ris kyi lha 'byung ba de dag thams cad kyang theg pa chen po la yang dag par zhugs par 'gyur/ sems can thams cad la snying rjes gnas par 'gyur ro/ /sangs rgyas kyi zhing de'ang ngan song gsum yongs su spangs par 'gyur/ mi khom pa brgyad las 'das pa dang / rtag tu brgyan pa'i sangs rgyas kyi zhing du 'gyur te| byang gi sgra mi snyan gyi gling dang 'dra bar 'gyur ro/ /sangs rgyas kyi zhing de ni bdud dang / phyir rgol ba bcom pa dang / lta ba thams cad dang bral bar 'gyur ro/ /bcom ldan 'das de bzhin gshegs pa 'od dri ma med par grags pa'i rgyal po yongs su mya ngan las 'das nas bde bar gshegs pas gsungs pa'i dam pa'i chos ni lo bye ba phrag 'bum du gnas par 'gyur ro/ /blo gros brtan pa/ lha'i bu 'di ni bkod pa 'di lta bus mi mjed kyi 'jig rten gyi khams 'dir bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas byang chub sems dpa' blo gros brtan pas lha'i bu sangs rgyas blo gros mngon sum la 'di skad ces smras so/ /lha'i bu/ khyod ni de bzhin gshegs pas bla na med pa yang dag par rdzogs pa'i byang chub tu lung bstan pas rnyed pa shin tu rnyed do/ /lha'i bus smras pa/ rigs kyi bu/ gang chos thams cad kyi ma rnyed pa </font><hr>454a<br><font size=+1>


@#/ /de ni chos kyi rnyed pa'o/ /gang chos 'ga' zhig dmigs pa de la ni chos kyi rnyed pa ci'ang med do/ /rigs kyi bu/ de lta bas na gang chos thams cad kyi ma rnyed pa/ so sor ma rnyed pa/ mi dmigs pa de ni chos kyi rnyed pa yin te/ rigs kyi bu/ bdag kyang rnyed pa legs par rnyed do/ /lha'i bu de la 'di bshad cing lung bstan pa'i tshe srog chags sngon dge ba'i rtsa ba bskyed pa nyi khri lnga stong gis ni bla na med pa yang dag par rdzogs pa'i byang chub tu sems bskyed do/ /byang chub sems dpa' khris ni mi skye ba'i chos la bzod pa thob par gyur to/ /de nas bcom ldan 'das la tshe dang ldan pa shA ri'i bus 'di skad ces gsol to/ /dpa' bar 'gro ba'i ting nge 'dzin 'di 'chad pa'i tshe/ bdud sdig can mig gis mi rtsol bar bgyi ba'i slad du mi mchi ba bcom ldan 'das/ ngo mtshar to/ /bde bar gshegs pa/ ngo mtshar to/ /bcom ldan 'das kyis bka' stsal pa/ sha ri'i bu/ khyod bdud sdig can skabs su mthong bar 'dod dam/ gsol pa/ bcom ldan 'das/ mthong bar 'tshal lo/ /de nas de'i tshe bcom ldan 'das kyis smin \?\ mtshams kyi mdzod spu nas bdud sdig can zhags pa lnga'i 'ching bas bcings la/ bcings pa de gcod pa'am/ de las thar bar </font><hr>454b<br><font size=+1>


byed mi nus par gang thams cad dang na \?\ pa'i 'khor gyis mthong bar 'gyur ba de lta bu'i 'od phyung nas/ bcom ldan 'das kyis bka' stsal pa/ shA ri'i bu/ khyod kyis bdud sdig can zhags pa lnga'i 'ching bas bcings pa mthong ngam/ gsol pa/ bcom ldan 'das/ mthong ngo / /bde bar gshegs pa/ mthong ngo / /bcom ldan 'das kyis bka' stsal pa/ shA ri'i bu/ de ni dpa' bar 'gro ba'i ting nge 'dzin 'di'i khyu mchog tu gyur pa yin no/ /shA ri'i bu/ sangs rgyas kyi zhing gang dag na \?\ dpa' bar 'gro ba'i ting nge 'dzin 'di 'chad dam/ ston pa'i sangs rgyas kyi zhing de dag na bdud dam/ bdud kyi ris kyi lha gang dag yid rab tu zhe sdang zhing chos la \?\ bya ba'i phyir nye bar gnas pa de dag thams cad dpa' bar 'gro ba'i ting nge 'dzin gyi gzi brjid dang / sangs rgyas bcom ldan 'das de dag gi byin gyi rlabs kyis bdag zhags pa lnga'i 'ching bas bcings par shes par 'gyur ro/ /shA ri'i bu/ da ltar yang rung / nga yongs su mya ngan las 'das pa'i tshe'ang rung ste/ dpa' bar 'gro ba'i ting nge 'dzin 'di gang na 'chad dam/ ston tam/ yi ger 'dri'am/ glegs bam du byed par 'gyur ba der bdud sdig can nam/ bdud kyi ris kyi lha'am/ de ma yin pa gzhan yang yid kyi rtog par rab tu zhe sdang ba ji snyed </font><hr>455a<br><font size=+1>


@#/ /pa de dag thams cad dpa' bar 'gro ba'i ting nge 'dzin gyi gzi brjid dang / sangs rgyas bcom ldan 'das de dag gi byin gyi rlabs kyis bdag zhags pa lnga'i 'ching bas bcings par shes par 'gyur ro/ /de nas 'khor der 'dus pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa de dag thams cad kyis/ bcom ldan 'das la 'di skad ces gsol to/ /bcom ldan 'das/ bdag cag ni dpa' bar 'gro ba'i ting nge 'dzin 'di la the tshom mi 'tshal lo/ /nem nur ma mchis so/ /bar chad kyang mi bgyid do/ /bdag cag bcing mi 'tshal te/ bcom ldan 'das/ bdag cag ni ting nge 'dzin 'di yongs su gzung ba'i slad du chos smra ba de'ang bsrung bar bgyid do/ /dpa' bar 'gro ba'i ting nge 'dzin 'di la'ang ston par 'du shes bskyed par bgyi'o/ /de skad ces gsol pa dang / bcom ldan 'das kyis lha dang / klu dang / gnod sbyin dang / dri za dang / lha ma yin dang| nam mkha' lding dang / mi'am ci dang / lto 'phye chen po dang / mi dang / mi yin pa de dag la 'di skad ces bka' stsal to/ /kye grogs po dag de'i phyir khyed lta </font><hr>455b<br><font size=+1>


bar gyur pa'i 'ching ba bcu gnyis las yongs su thar bar gyis shig /bcu gnyis gang zhe na/ 'di lta ste/ bdag tu lta ba'i 'ching ba dang / sems can du lta ba'i 'ching ba dang| srog tu lta ba'i 'ching ba dang / gang zag tu lta ba'i 'ching ba dang / chad par lta ba'i 'ching ba dang / rtag par lta ba'i 'ching ba dang / ngar 'dzin par lta ba'i 'ching ba dang / nga yir 'dzin par lta ba'i 'ching ba dang / 'byung bar lta ba'i 'ching ba dang / 'jig par lta ba'i 'ching ba dang / 'jig tshogs la lta ba'i 'ching ba dang / chos thams cad la mngon par zhen par lta ba'i 'ching ba las so/ /kye grogs po dag /de bzhin gshegs pa'am/ de bzhin gshegs pas gsungs pa'i chos 'dul ba la gang la la dag gshe ba'am/ spong ba'am/ zlog par byed pa de dag thams cad ni bcing ba 'di bcu gnyis kyis bcings nas/ zlog par byed/ spong bar byed/ gshe bar byed do/ /kye grogs po dag /gang dag de bzhin gshegs pas gsungs pa'i chos 'dul ba 'di thos nas mos par byed/ yid ches par byed de/ spong bar mi byed pa de dag thams cad ni lta bar gyur pa'i 'ching ba bcu gnyis kyi bcing ba 'di dag las yongs su grol bar 'gyur ro/ /de nas bcom ldan 'das la gnas brtan shA ri'i </font><hr>456a<br><font size=+1>


@#/ /bus 'di skad ces gsol to/ /ci bcom ldan 'das/ bdud sdig can gyis dpa' bar 'gro ba'i ting nge 'dzin 'di'i ming thos lags sam / bcom ldan 'das kyis bka' stsal pa/ shA ri'i bu/ thos mod kyi 'ong ba dang / bdag bcing ba de las thar bar byed mi nus so/ /gsol pa/ bcom ldan 'das/ gang de bzhin gshegs pas dpa' bar 'gro ba'i ting nge 'dzin 'di'i ming byin gyis brlabs na thos par gyur pa bcom ldan 'das/ ngo mtshar to/ /bde bar gshegs pa / ngo mtshar to/ /bka' stsal pa/ shA ri'i bu chog gi khyod de skad ma zer cig shA ri'i bu/ sangs rgyas kyi zhing gang+gA'i klung gi bye ma snyed mes yongs su gang ba'ang 'bogs te/ dpa' bar 'gro ba'i ting nge 'dzin 'di'i ming nyan du 'gro bar bya'o/ /de ci'i phyir zhe na/ shA ri'i bu/ dpa' bar 'gro ba'i ting nge 'dzin 'di ni thos nas kyang gces spras byed pa yin gyi/ bsam gtan bzhi la gnas shing tshangs pa'i 'jig rten du skye ba ni de lta ma yin no zhes ngas bshad do/ /shA ri'i bu/ bdud sdig can gyis dpa' bar 'gro ba'i ting nge 'dzin 'di'i ming thos pa de nyid de'i bdud kyi las thams cad rab tu zhi bar 'gyur ba'i rgyur 'gyur ro/ /gang yang 'ching </font><hr>456b<br><font size=+1>


bas bcings bzhin du thos pa de nyid de'i lta bar gyur pa'i 'ching ba bcu gnyis las rab tu thar bar 'gyur ba'i rgyur 'gyur ro/ /shA ri'i bu/ de bas na lta bar gyur pa'i bdud kyi zhags pas bcings par gnas pas kyang dpa' bar 'gro ba'i ting nge 'dzin 'di mnyan par bya na dga' ba dang / dad pa dang / mchog tu dga' ba thob pas mnyan pa lta ci smros/ de nas 'khor der byang chub sems dpa' bdud kyi spyod pa'i yul gyis mi gos pa zhes bya ba zhig 'dus par gyur te 'dug go /de nas bcom ldan 'das la byang chub sems dpa' bdud kyi spyod pa'i yul gyis mi gos pas 'di skad ces gsol to/ /bcom ldan 'das/ bdud sdig can 'khor 'dir mchi bar mdzad du gsol/ bcom ldan 'das/ bdag gis de la bdud kyi spyod pa'i yul thams cad bstan par bgyi'o/ /dpa' bar 'gro ba'i ting nge 'dzin 'di la'ang 'jug par bgyi'o/ /bcom ldan 'das kyis bka' stsal pa/ da de'i dus la bab par sems na'o/ /de nas byang chub sems dpa' bdud kyi spyod pa'i yul gyis mi gos pa 'khor der mi snang bar gyur nas/ bdud kyi gnas su 'dug par gyur to/ /de nas byang chub sems dpa' bdud kyi spyod pa'i yul gyis mi gos pas bdud sdig can la 'di skad ces smras so/ /sdig can/ de bzhin gshegs </font><hr>457a<br><font size=+1>


@#/ /pa dgra bcom pa yang dag par rdzogs pa'i sangs rgyas dpa' bar 'gro ba'i ting nge 'dzin 'chad na khyod mi nyan nam/ de na sems can dpag tu med pa dag byang chub kyi phyir go cha gyon par byed de/ de dag khyod kyi yul las 'da' bar 'gyur ro/ /gzhan yang / sems shin tu dpag tu med pa dag khyod kyi yul las 'da' bar 'gyur ro/ /de skad ces smras pa dang / byang chub sems dpa' bdud kyi spyod pa'i yul gyis mi gos pa la bdud sdig can gyis 'di skad ces smras so/ /rigs kyi bu/ bdag ni dpa' bar 'gro ba'i ting nge 'dzin nyan na mchi bar mi nus so/ /de ci'i slad du zhe na/ bdag ni zhags pa'i 'ching ba lngas bcings te/ lag pa gnyis dang / rkang pa gnyis dang / mgul bar bcings pas der mchi mi nus so/ /smras pa/ sdig can khyod sus bcings/ smras pa/ ting nge 'dzin 'di la bar chad bgyid du mchi zhing sems can gang dag 'di la mos pa de dbral bar bgyi'o snyam du bsams pa dang / de'i tshe zhags pa'i 'ching ba lngas bcings par 'tshal bar gyur to/ /gang gi tshe na bdag de bzhin gshegs pa ni mnyes par dka' ba/ byang chub sems dpa' theg pa chen po la yang dag par zhugs pa'ang mnyes par dka' ba lags kyi/ der mi </font><hr>457b<br><font size=+1>


mchi bar 'di nyid du bdag gi gnas na gnas so snyam du bsams na de'i tshe bdag grol bar gyur bar 'tshal lo/ /byang chub sems dpa' bdud kyis spyod pa'i yul gyis ma gos pas smras pa/ sdig can/ de lta bas na byis pa so so'i skye bo thams cad ni rang gi yongs su rtogs pa'i phyin ci log gis bcings so/ /'du shes 'dzin pas bcings so/ / g.yo ba dang / rlom sems dang / spros pas bcings so/ /mthong ba dang / thos pa dang / bye brag phyed pa dang / rnam par shes pa'i rnam par rtog pas bcings pa yin te/ sdig can| 'di la chos gang yang bcings pa'ang med/ grol ba'ang med do/ /de ci'i phyir zhe na/ sdig can/ chos thams cad ni rang bzhin gyis rnam par grol bas chos thams cad grol ba ste/ sdig can/ chos thams cad ni rang bzhin gyis ma bcings ma grol ba'o/ /sdig can/ 'di ni ma bcings/ ma grol ba'i sgo zhes bya ba'i chos kyi sgo yin te/ de bzhin gshegs pa ni sgo des chos ston to/ /gang dag gis chos ston pa 'di shes pa de dag ni bcings pa las thar bar yang mi rtsol ba gang las thar bar 'gyur ba'i bcings pa'ang mi dmigs so/ /de nas 'khor de'i nang nas lha'i bu mo bdun brgyas lha'i me tog dang / bdug pa dang / phye ma dang / spos dang / phreng ba dang / byug pa </font><hr>458a<br><font size=+1>


@#/ /dag gis byang chub sems dpa' bdud kyi spyod pa'i yul gyis mi gos pa'i lus la gtor nas/ rigs kyi bu/ gang gi tshe na bdud kyi bcing pa 'di las thar bar 'gyur/ rigs kyi bu des de dag la 'di skad ces smras so/ /gang bdud kyi bcing ba 'khrugs par mi byed pa de ni bdud kyi bcing ba las thar bar 'gyur ro| |bdud kyi bcing ba de gang zhe na/ 'di lta ste/ lta bar gyur pa drug cu rtsa gnyis yin te/ gang lta ba drug cu rtsa gnyis 'khrugs par mi byed pa de bdud kyi bcing ba las thar bar 'gyur ro/ /lha'i bu mo de dag gis smras pa/ rigs kyi bu/ ji ltar na lta bar gyur pa mi 'khrugs pa lags/ des smras pa/ lta bar gyur pa de dag ni chos gang gi nang du'ang song ba'ang ma yin/ ma song ba'ang ma yin te/ de ltar gang du'ang mi 'gro /gang nas kyang mi 'ong ba 'di ni bdud kyi bcing ba las thar ba yin no/ /lta bar gyur pa de dag ni med pa yin te/ yod pa ma yin no/ /gang yod pa dang / med par rnam par mi rtog pa de ni bdud kyi bcing ba las thar ba'o/ /lta bar gyur pa de dag thams cad ni yongs su grub pa ma yin te/ gang chos thams cad kyi yongs su ma grub pa de ni bdud kyi bcing ba las thar ba'o/ /lta bar gyur ba de dag ni nang na'ang med/ phyi rol </font><hr>458b<br><font size=+1>


na'ang med/ gnyi ga med par yang mi dmigs/ ring ba'ang ma yin/ nye ba'ang ma yin te/ gang de ltar shes shing rlom sems med pa de ni bdud kyi bcing ba las thar ba'o/ / lta ba de ni chos gang gi lta ba'ang ma yin no/ /gang chos gang gi'ang lta ba ma yin pa de ni yang dag pa'i lta ba zhes bya ba ste/ yang dag pa'i lta ba gang yin pa de la ni mnyam pa'am mi mnyam pa med do/ /chos thams cad mi byed pa'i phyir gang na chos gang yang mnyam pa'am/ mi mnyam par byed pa'ang med/ mi byed pa'ang med pa de ni bdud kyi bcing ba las thar ba'o/ /de nas lha'i bu mo bdun brgyas bshad pa de thos nas mthun pa'i chos la bzod pa thob ste/ rigs kyi bu/ bdag cag kyang bdud kyi bcing ba'i yul gyis mi gos par gyur nas/ bdud kyi yul gyi 'ching bas bcings pa'i sems can thams cad bdud kyi yul gyi bcings pa las yongs su thar bar bgyi'o zhes tshig de skad kyang smras so/ /de nas byang chub sems dpa' bdud kyi spyod pa'i yul gyis mi gos pas bdud sdig can la 'di skad ces smras so/ /'di la sdig can/ /khyod kyi g.yog lha'i bu mo 'di dag ni byang chub tu yang dag par zhugs na da khyod kyis ji ltar bya/ bdud kyis smras pa/ da ji ltar bgyi/ bdag ni 'ching ba lngas bcings na/ /de ji ltar bgyi </font><hr>459a<br><font size=+1>


@#/ /ma 'tshal te/ /smras pa/ sdig can/ /khyod bla na med pa yang dag par rdzogs pa'i byang chub tu sems skyed cig dang / bcings pa las yongs bas bar 'gyur ro/ /lha'i bu mo de dag gis kyang sdig can la snying rje ba bskyed nas 'di skad ces smras so/ /bdag cag gsol ba 'debs kyi/ sdig can/ /khyod bla na med pa yang dag par rdzogs pa'i byang chub tu sems skyed cig /bde ba la 'jigs par 'du shes ma skyed cig /bde ba la sdug bsngal du 'du shes ma skyed cig /thar pa la 'ching bar 'du shes ma skyed cig /de nas bdud sdig can gyis sgyus byang chub tu sems bskyed nas/ gal te khyod byang chub kyi sems bskyed pa 'di slar gtong na/ nga byang chub tu sems skyed do zhes de skad kyi tshig kyang smras so/ /de nas bzod pa thob pa'i lha'i bu mo bdun brgya po de dag gis thabs mkhas pas bdud sdig can thar bar bya ba'i phyir/ gang byang chub sems dpa' gcig gi thams cad mkhyen pa'i sems bskyed pa ni byang chub sems dpa' thams cad kyi sems bskyed pa'ang de yin te/ sems de la ni mi mnyam pa med de/ sems de ni sems can thams cad mnyam pa'i sems so/ /de bas na sems de ni mnyam pa'o snyam nas/ bdag cag gis byang chub tu sems bskyed pa de gtang gi/ sdig can/ /khyod </font><hr>459b<br><font size=+1>


byang chub tu sems skyed cig ces de skad kyi tshig smras so/ /de nas byang chub sems dpa' bdud kyi spyod pa'i yul gyis mi gos pa la bdud kyis 'di skad ces smras so/ /rigs kyi bu/ bdag byang chub tu sems bskyed kyi/ bcings pa 'di las thar par gyur cig ces bdud sdig can gyis tshig de smras ma thag tu/ de nas bdud sdig can bdag thar par shes par gyur to/ /de nas byang chub sems dpa' bdud kyi spyod pa'i yul gyis mi gos pas de'i tshe gang du bdud kyi gnas thams cad snang bar gyur pa dang / bdud sdig can 'di lta ste/ dper na/ snag tsha'i phung po bzhin du bdag la mog mog por mthong bar 'gyur ba de lta bu'i 'od kyang lus las phyung / de lta bu'i bdag gi lus yongs su grub pa'ang bstan to/ /de nas bdud kyi ris kyi lha de dag gi nang nas lha mo 'dod chags la spyod cing chags pa nyis brgyas byang chub sems dpa' de'i lus kyi gzugs phun sum tshogs pa mthong nas chags par gyur to/ /chags nas de dag 'di snyam du sems te/ gal te rigs kyi bu 'di bdag cag dang dga' bar byed/ rtse bar byed/ dga' mgur spyod par byed na/ bdag cag ni 'di'i sems kyi dbang du 'gyur ro snyam mo/ /de nas byang chub sems dpa' bdud kyi spyod pa'i yul gyis mi gos pas lha'i bu mo nyis brgya </font><hr>460a<br><font size=+1>


@#/ /gdul pa'i dbang gi phyir bdag gi lus kyi gzugs phun sum tshogs pa dang 'dra ba'i lha'i bu nyis brgya'ang mngon par sprul/ khang pa brtsegs pa bdud kyi gzhal med khang gi dbyibs las lhag pa nyis brgya'ang mngon par sprul pa dang / lha'i bu mo de dag bdag cag de'i nang du zhugs so snyam du shes par gyur te/ re re zhing yang bdag 'di dang lhan cig tu rtse'o/ /dga'o/ /dga' mgur spyod do snyam du sems par gyur nas/ 'dod pa la 'dod chags rgyun bcad pa/ bsam pa thams cad yongs su rdzogs pa/ lhag pa'i bsam pas sems kyis mos par gyur pa de dag la skyes bu dam pa des bla na med pa yang dag par rdzogs pa'i byang chub tu sems bskyed par 'gyur ba de lta de ltar chos bshad do/ /de nas byang chub sems dpa' bdud kyi spyod pa'i yul gyis mi gos pas bdud sdig can la 'di skad ces smras so/ /sdig can/ khyod de bzhin gshegs pa'i drung du song zhig /de nas bdud sdig can 'di snyam du sems te/ bdag ni bcing ba de las thar kyi/ bdag par chad byed du 'gro'o snyam mo/ /de nas bdud sdig can gnyen 'dab dang / g.yog dang / bkod pa chen po dang / bcom ldan 'das ga la ba der song nas bcom ldan 'das la 'di skad ces gsol to/ /bcom </font><hr>460b<br><font size=+1>


ldan 'das/ slan chad dpa' bar 'gro ba'i ting nge 'dzin 'di ma 'chad cig /de ci'i slad du zhe na/ bcom ldan 'das/ gang gi tshe na bdag dpa' bar 'gro ba'i ting nge 'dzin 'di'i ming thos pa de'i tshe bdag zhags pa'i 'ching ba lngas bcings par 'tshal to/ /bcom ldan 'das/ de bas na bka' mchid gzhan dag gsungs na legs so/ /slan chad dpa' bar 'gro ba'i ting nge 'dzin 'di ma 'chad cig /de nas byang chub sems dpa' blo gros brtan pas bdud sdig can la 'di skad ces smras so/ /sdig can/ khyod bcings pa de las sus bkrol/ smras pa/ byang chub sems dpa' bdud kyi spyod pa'i yul gyis mi gos pas bcings pa de las bkrol lo/ /smras pa/ sdig can/ khyod kyis de la ji lta bu zhig gis lan du phan btags/ smras pa/ bla na med pa yang dag par rdzogs pa'i byang chub tu sems bskyed do/ /de nas bcom ldan 'das kyis byang chub sems dpa' blo gros brtan pa la bka' stsal pa/ blo gros brtan pa| 'di lta ste/ dper na/ bdud sdig can gyis bcings pa las thar par bya ba'i phyir byang chub tu sems bskyed kyi/ lhag pa'i bsam pas ni ma yin pa de bzhin du/ blo gros brtan pa nga yongs su mya ngan las 'das nas phyi ma'i dus phyi ma'i tshe lnga brgya pa tha mal gang dge slong dang / dge slong ma mang po dag rnyed pa dang / bkur sti dang / tshigs su bcad pa 'dod pa'i </font><hr>461a<br><font size=+1>


@#/ /phyir byang chub tu sems bskyed par 'gyur gyi/ lhag pa'i bsam pas ni ma yin no/ /blo gros brtan pa/ dpa' bar 'gro ba'i ting nge 'dzin 'di'i bye brag dang / de bzhin gshegs pas gsungs pa'i chos 'dul ba'i che ba nyid la ltos/ blo gros brtan pa/ dge slong dang / dge slong ma dang / dge bsnyen dang / dge snyen ma dag co 'dri ba'i phyir ram/ bsting ba'i phyir ram/ rim gro bya ba'i phyir ram/ gzhan gyi rjes su 'jug pa'i phyir ram/ rnyed pa dang / bkur sti dang / tshigs su bcad pa'i phyir dpa' bar 'gro ba'i ting nge 'dzin 'di thos te/ bla na med pa yang dag par rdzogs pa'i byang chub tu sems bskyed par 'gyur ba de nyid kyang / blo gros brtan pa/ de dag gi bla na med pa yang dag par rdzogs pa'i byang chub kyi rgyur 'gyur na/ gang dag dba' bar 'gro ba'i ting nge 'dzin 'di thos te/ lhag pa'i bsam pas byang chub tu sems bskyed pa lta ci smos te/ de dag ni sangs rgyas kyi chos la nges par rig par bya'o/ /de nas bcom ldan 'das la byang chub sems dpa' blo gros brtan pas 'dri skad ces gsol to/ /bcom ldan 'das/ gang gi slad du dpa' bar 'gro ba'i ting nge 'dzin 'dri thos nas bcing ba las thar bar 'gyur </font><hr>461b<br><font size=+1>


ba'i slad du bdud sdig can gyis bla na med pa yang dag par rdzogs pa'i byang chub tu sems bskyed pa sangs rgyas kyi chos yongs su rdzogs pa'i rgyur 'gyur lags sam/ bcom ldan 'das kyis la'ang stsol pa/ de bzhin no/ /blo gros brtan pa/ bdud sdig can gyis dpa' bar 'gro ba'i ting nge 'dzin 'di thos pa'i dge ba'i rtsa ba dang / byang chub tu sems bskyed pa 'di'i dge ba'i rtsa bas bdud rtsi las thams cad dang / bdud kyi skyod pa thams cad dang / bdud kyi g.yo thams cad dang / bdud kyi sgyu thams cad dang / klu rgyu thams cad byang bar byas te spang shing yongs su btang ste bor nas rim gyis dpa' bar 'gro ba'i ting nge 'dzin 'di thob par 'gyur zhing bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i dus dang gnas de yod do/ /de nas byang chub sems dpa' blo gros brtan pas bdud sdig can la 'di skad ces smras so/ /de bzhin gshegs pas khyod bla na med pa yang dag par rdzogs pa'i byang chub tu lung bstan to/ /smras pa/ rigs kyi bu/ bdag gis lhag pa'i bsam pas ni bla na med pa yang dag par rdzogs pa'i byang chub du sems ma bskyed na/ ji ltar na de bzhin gshegs pas bdag la lung ston par mdzad/ rigs kyi bu/ de bzhin gshegs pas kyang sems las ni las/ las las ni rnam </font><hr>462a<br><font size=+1>


@#/ /par smin par 'gyur ro zhes bka' stsal te/ rigs kyi bu/ de ltar bdag mi smon na/ ji ltar na de bzhin gshegs pa bdag bla na med pa yang dag par rdzogs pa'i byang chub tu lung ston par mdzad/ de nas bcom ldan 'das kyis 'khor thams cad kyi the tshom gcad pa'i phyir byang chub sems dpa' blo gros brtan pa la bka' stsal pa/ blo gros brtan pa/ bzhi po 'di dag ni byang chub sems dpa' rnams kyi lung bstan pa'o/ /bzhi gang zhe na/ 'di lta ste/ blo gros brtan pa/ byang chub tu sems ma bskyed par lung bstan pa'ang yod do/ /sems bskyed ma thag tu lung bstan pa'ang yod do/ /gsang ste lung bstan pa'ang yod do/ /bzod pa thob nas mngon sum du lung bstan pa'ang yod de/ blo gros brtan pa/ lung bstan pa bzhi po ni de dag yin te/ de dag ni de bzhin gshegs pas rab tu mkhyen gyi/ de ni nyan thos dang / rang sangs rgyas kyis ma yin no/ /blo gros brtan pa/ de la byang chub tu sems ma bskyed par lung bstan pa gang zhe na/ blo gros brtan pa/ 'di la gang zag la la zhig yang na sems can dmyal ba'am| yang na dud 'gro'i skye gnas sam/ yang na gshin rje'i 'jig rten nam/ yang na lha'am/ yang na mi'i nang du 'gro ba </font><hr>462b<br><font size=+1>


lnga'i 'khor bar skyes par gyur la/ gang zag de'ang dbang po rno ba rgya chen po la mos pa yin na/ de la de bzhin gshegs pas rab tu mkhyen te/ skyes bu gang zag 'di ni bskal pa 'di snyed/ bskal pa brgya phrag 'di snyed/ bskal pa stong phrag 'di snyed/ bskal pa brgya stong phrag 'di snyed/ bskal pa bye ba khrag khrig brgya stong phrag 'di snyed na /de bzhin gshegs pa che ge mo zhig gi drung du byang chub tu sems bskyed par 'gyur te/ de'ang lhag pa'i bsam pas bla na med pa yang dag par rdzogs pa'i byang chub tu sems bskyed par 'gyur ro/ /de ni bskal pa bye ba khrag khrig brgya stong phrag 'di snyed cig tu byang chub sems dpa'i spyod pa spyad nas/ sangs rgyas bye ba khrag khrig brgya stong phrag 'di snyed cig mthong bar 'gyur ro/ /sems can bye ba khrag khrig brgya stong phrag 'di snyed cig yongs su smin par byed par 'gyur ro/ /grangs med pa brgya stong phrag 'di snyed cig na byang chub tu mngon par rdzogs par 'tshang rgya bar 'gyur te/ de byang chub thob nas ming 'di zhes bya bar 'gyur ro/ /de'i sangs rgyas kyi zhing ni 'di lta bur 'gyur ro/ /de'i nyan thos kyi dge 'dun ni 'di snyed du 'gyur ro/ /de'i byang chub sems dpa'i dge 'dun ni 'di snyed du 'gyur ro/ /de'i tshe'i tshad ni 'di tsam du 'gyur ro/ /yongs su mya ngan las 'das </font><hr>463a<br><font size=+1>


@#/ /nas de'i dam pa'i chos ni 'di srid du gnas so zhes/ blo gros brtan pa/ de bzhin gshegs pa ni 'di'ang de bas kyang lhag pa dag rab tu mkhyen te| blo gros brtan pa/ de ni byang chub tu sems ma bskyed par lung bstan pa zhes bya'o/ /de nas bcom ldan 'das la tshe dang ldan pa 'od srung chen pos 'di skad ces gsol to// bcom ldan 'das/ bdag cag gis ni de ring slan chad sems can thams cad la ston par 'du shes bskyed par bgyi'o/ /de ci'i slad du zhe na/ sems can gang dag la byang chub tu yongs su smin pa'i dbang po mchis/ gang dag la mchis zhes bdag cag la ye shes de mi 'jug pas/ bcom ldan 'das/ de dag ma 'tshal nas/ de lta bu'i sems can dag la dman pa'i 'du shes bskyed pas/ de'i slad du bdag cag ni nyams pa lags so/ /bcom ldan 'das kyis bka' stsal pa/ legs so/ / legs so/ /'od srung / tshig de ni legs par smras so/ /'od srung / ngas kyang don de'i dbang mthong nas khyed la/ dge slong dag /gang zag la tshod ma 'dzin cig / dge slong dag /gang zag gis gang zag la tshod bzung na nyams par 'gyur te/ dge slong dag /nga'am/ gang gzhan yang nga dang 'dra ba dag gis tshod gzung ngo zhes de </font><hr>463b<br><font size=+1>


skad du chos bshad de/ 'od srung / bstan pa des na byang chub sems dpa' 'am/ nyan thos kyis sems can thams cad la ston par 'du shes bskyed par bya'o/ /'di la byang chub sems dpa'i theg pa pa'i gang zag la la dag tu gyur ta re/ des na der bdag bsrung bar bya'o/ /blo gros brtan pa/ gzhan yang sems can la la dge ba'i rtsa ba yongs su smin pa/ sa bon btab pa/ sbyang ba byas pa/ dbang po rno ba/ rgya chen po la mos pa/ snying rje chen po dang ldan pa/ sems can thams cad rab tu thar bar bya ba'i phyir zhugs pa/ sems bskyed ma thag tu phyir mi ldog pa/ byang chub sems dpa'i nges par gyur pa la zhugs pa/ log par ltung ba'i chos can ma yin pa/ mi dal ba brgyad las 'das pa dag yod de/ de dag ni sems bskyed ma thag tu zhing yongs su dag pa dang / ming brjod pa dang / tshe'i mtha' brjod pa'i phyir bla na med pa yang dag par rdzogs pa'i byang chub tu lung bstan te/ blo gros brtan pa/ de bzhin gshegs pas kyang gang zag de 'dra ba de dag gi bsam pa mkhyen nas bla na med pa yang dag par rdzogs pa'i byang chub tu lung ston pa de ni/ blo gros brtan pa/ sems bskyed ma thag tu lung bstan pa zhes bya'o/ /blo gros brtan pa/ de la gsang ste lung bstan pa gang zhe na/ blo gros brtan pa/ 'di la byang chub sems dpa' </font><hr>464a<br><font size=+1>


@#/ /le lo can kha cig ji lta ji ltar lung ma bstan pa de lta de ltar bla na med pa yang dag par rdzogs pa'i byang chub tu brtson 'grus rtsom la/ byang chub sems dpa' de'ang bdog pa thams cad yongs su gtong ba'i phyir sbyin pa sna tshogs la mos pa yin/ tshul khrims kyi phung po yongs su mi gtong ba'i phyir yid dam la brtan par gnas pa yin/ sems can thams cad la sems snyoms pas bzod pa'i stobs kyi go cha bgos pa yin/ mgo dang / gos la me 'bar bltar dge ba'i chos thams cad yongs su 'tshol bas brtson 'grus brtsams pa yin/ bsam gtan la bsam gtan pa yin pas dran pa dang / shes bzhin la mkhas pa yin/ byang chub sems dpa'i spyod pa la zhugs pas shes rab kyis rnam par dpyad pa'i blo dang ldan pa yin la/ de pha rol tu phyin pa drug po 'di dag la spyod par byed cing de'ang mtshan ma dang bcas pa/ byed pa dang bcas pa yin la/ de la byang chub sems dpa' gzhan dag dang / lha dang / klu dang / gnod sbyin dang / dri za dang / lha ma yin dang / nam mkha' lding dag 'di snyam du sems te/ 'di ltar byang chub sems dpa' 'di ni brtson 'grus brtsams pa ngo mtshar na ji srid cig na bla na med pa yang dag par rdzogs </font><hr>464b<br><font size=+1>


ba'i byang chub mngon bar rdzogs par 'tshang rgya bar 'gyur/ 'di byang chub thob nas ming cir 'gyur/ sangs rgyas kyi zhing ni ji lta bur 'gyur/ nyan thos kyi dge 'dun ni ji lta bur 'gyur| byang chub sems dpa'i dge 'dun ni ji lta bur 'gyur snyam pa dang / de bzhin gshegs pas sems can de dag gi the tshom gcad pa'i phyir byang chub sems dpa' de bla na med pa yang dag par rdzogs pa'i byang chub tu lung ston te/ ci nas kyang thams cad dang ldan pa'i 'khor gyis thos pa dang / shes pa dang / rtogs par 'gyur la/ 'di lta ste| de bzhin gshegs pa'i byin gyi rlabs kyis byang chub sems dpa' des mi shes mi mthong / mi thos shing 'khor de dag thams cad kyis byang chub sems dpa' de byang chub thob nas ming 'di zhes bya bar 'gyur ro/ /sangs rgyas kyi zhing ni 'di lta bur 'gyur ro/ /nyan thos kyi dge 'dun ni 'di lta bur 'gyur ro/ /byang chub sems dpa'i dge 'dun ni 'di lta bur 'gyur ro/ /tshe'i tshad ni 'di tsam du 'gyur ro zhes thos par 'gyur/ mthong bar 'gyur/ shes par 'gyur zhing / de thos nas nem nur med pa dang / som nyi med pa dang / the tshom med par 'gyur te/ byang chub sems dpa' de la ston pa'i 'du shes dang / de bzhin gshegs pa'i 'du shes dang / 'dren pa'i 'du shes bskyed par 'gyur la/ </font><hr>465a<br><font size=+1>


@#/ /byang chub sems dpa' des ni bdag de bzhin gshegs pas lung bstan par mi shes/ mi mthong / mi rtogs pa de ni byang chub sems dpa'i gsang ste lung bstan pa yin te/ de bzhin gshegs pa'i khyu mchog tu gyur pa'i byin gyi rlabs kyis byang chub sems dpa' la lung bstan pa thams cad dang ldan pa'i 'khor gyis thos la byang chub sems dpa' des mi thos so/ /de la bzod pa thob nas mngon sum du lung bstan pa gang zhe na/ blo gros brtan pa/ 'di la byang chub sems dpa' dge ba'i rtsa ba bsdus pa yin/ yun ring po nas tshangs par spyod pa mi dmigs par spyad pa dang / bdag med pa'i chos la bzod pa dang / mi skye ba'i chos la bzod pa thob pa yin te/ de la de bzhin gshegs pa dag mi skye ba'i chos la bzod pa thob par mkhyen nas lha dang bcas pa'i 'jig rten gyi mdun dang / bdud dang bcas pa dang / tshangs pa dang bcas pa dang / dge sbyong dang / bram zer bcas pa'i 'khor gyi mdun du/ rigs kyi bu/ khyod tshur shog /bskal ba brgya stong 'di snyed kyis bla na med pa yang dag par rdzogs pa'i byang chub mngon bar rdzogs par 'tshang rgya bar 'gyur ro/ /khyod byang chub thob nas ming 'dri zhes bya bar 'gyur ro/ /sangs rgyas kyi zhing ni 'di lta bur 'gyur ro/ /nyan thos kyi </font><hr>465b<br><font size=+1>


dge 'dun ni 'di lta bur 'gyur ro/ /byang chub sems dpa'i dge 'dun ni 'di lta bur 'gyur ro/ /tshe'i tshad ni 'di tsam du 'gyur ro zhes bzod pa thob pa la bla na med pa yang dag par rdzogs pa'i byang chub tu mngon sum du lung bstan pas lung ston te/ de'i rjes su bslabs nas sems can tshad med pa dag kyang byang chub tu sems bskyed par 'gyur ro/ /byang chub sems dpa' de'ang mngon sum du lung bstan pa thos nas nam mkha' la shing ta la bdun tsam du mngon par 'phags par 'gyur te/ blo gros brtan pa/ de ni byang chub sems dpa'i lung bstan pa bzhi pa zhes bya'o// //bam po bzhi pa/ de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ 'khor 'di na byang chub sems dpa' tshogs shing mchis pa las gang dag lung bstan pa 'di bzhis lung bstan pa dag mchis sam/ bcom ldan 'das kyis bka' stsal pa/ blo gros brtan pa/ yod do/ gsol pa/ de dag gang lags/ bcom ldan 'das kyis bka' stsal pa/ blo gros brtan pa/ byang chub sems dpa' seng ge'i sgra bsgrags 'di dang / khyim bdag dga' 'dod kyi bu 'di ni byang chub kyis sems ma bskyed par lung bstan to/ /de ma yin pa'i 'jig rten gyi khams gzhan dag </font><hr>466a<br><font size=+1>


@#/ /na'ang byang chub sems dpa' gang byang chub tu sems ma bskyed par lung bstan pas lung bstan pa tshad med pa dag yod do/ /blo gros brtan pa / byang chub sems dpa' zhi ba ldan 'di dang / 'jam dpal gzhon nur gyur pa 'di dang / de ma yin pa'i 'jig rten gyi khams gzhan dag na'ang byang chub sems dpa' gang dag sems bskyed ma thag tu phyir mi ldog par lung bstan pas lung bstan pa tshad med pa dag yod do/ /blo gros brtan pa/ byang chub sems dpa' ye shes dpa' bo 'di dang / byang chub sems dpa' khyad par blo gros 'di dang / de ma yin pa'i 'jig rten gyi khams gzhan dag na'ang byang chub sems dpa' gang gsang ste lung bstan pas lung bstan pa tshad med pa dag yod do/ /blo gros brtan pa/ nga dang / byang chub sems dpa' byams pa 'di dang / gang bskal pa bzang po 'di la byang chub sems dpa' 'byung ba de dag thams cad bzod pa thob ste/ mngon sum du lung bstan pas lung bstan pa yin no/ /byang chub sems dpa' blo gros brtan pas gsol pa/ bcom ldan 'das/ 'di ltar byang chub sems dpa' rnams kyi spyod pa bsam gyis mi khyab pa nas lung bstan pa'i bar du bsam gyis mi khyab pa ngo mtshar to/ /de ni nyan thos dang / rang sangs rgyas thams cad </font><hr>466b<br><font size=+1>


kyi sa yang ma lags na/ sems can gzhan gyi lta ci smos/ bcom ldan 'das kyis bka' stsal pa/ blo gros brtan pa/ de de bzhin no/ /ji skad smras pa bzhin te/ blo gros brtan pa| byang chub sems dpa' rnams kyi spyod pa thams cad rtul pa ni bsam gyis mi khyab bo/ /de nas byang chub sems dpa' bdud kyi spyod pa'i yul gyis mi gos pas bdud kyi ris kyi lha'i bu mo bla na med pa yang dag par rdzogs pa'i byang chub tu smin par byas pa de dag gis me tog dang / phreng ba dang / spos dang / phye ma dang / byug pa dag gis bcom ldan 'das la gtor nas 'di skad ces gsol to/ /bcom ldan 'das/ bdag cag ni gsang ste lung bstan pa sa lung bstan par mi 'gyur bar/ bcom ldan 'das/ bdag cag ni bzod pa thob nas mngon sum du lung bstan pas lung bstan par gyur cig /bcom ldan 'das/ de bzhin gshegs pas bdag cag bzod pa thob nas bla na med pa yang dag par rdzogs pa'i byang chub mngon sum du lung bstan pas lung bstan par mdzad na legs so/ /de nas bcom ldan 'das kyis de'i tshe 'dzum pa mdzad do/ /sangs rgyas bcom ldan 'das rnams gang gi tshe 'dzum pa mdzad pa'i chos nyid ni 'di yin te/ de nas kha dog du ma/ kha dog sna tshogs/ kha dog brgya stong du ma/ 'di lta ste/ sngon po dang / ser po dang / dmar po </font><hr>467a<br><font size=+1>


@#/ /po dang / dkar po dang / le brgan dang / shel gyi kha dog dang / dngul gyi kha dog de dag zhal gyi sgo nas byung nas/ 'jig rten gyi khams mtha' yas mu med pa snang bas khyab par byas te/ steng du tshangs pa'i 'jig rten gyi khams su mngon par 'phags nas/ gzi brjid kyis nyi ma dang zla ba'i gzi brjid zil gyis mnan te/ slar log nas bcom ldan 'das la lan brgya stong du mar bskor te/ bcom ldan 'das kyi dbu'i gtsug tu nub bo/ /de nas tshe dang ldan pa kun dga' bo stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo/ khyod kyis lha'i bu mo dgu brgya thal mo sbyar te/ de bzhin gshegs pa la phyag 'tshal ba 'di dag mthong ngam/ gsol pa/ bcom ldan 'das/ mthong ngo / /bde bar gshegs pa/ mthong ngo / /bcom ldan 'das kyis bka' stsal pa/ kun dga' bo/ lha'i bu mo dgu brgya po 'di dag gis sangs rgyas lnga brgya la dge ba'i rtsa ba bskyed de/ </font><hr>467b<br><font size=+1>


phyis de bzhin gshegs pa grangs las 'das pa la bkur sti byed par 'gyur/ rim gro byed par 'gyur/ bsti stang byed par 'gyur/ mchod pa byed par 'gyur te/ bskal pa grangs med pa bdun brgya na de bzhin gshegs pa dgra bcom pa yang dag par rdzogs pa'i sangs rgyas chos bkod pa'i rgyal po zhes bya bar 'gyur te/ kun dga' bo/ lha'i bu mo de dag ni 'di nas shi 'phos te/ 'chi ba'i dus byas ma thag tu bud med kyi lus las bsgyur te/ dga' ldan gyi gnas na byang chub sems dpa' byams pa dang lhan cig 'grogs shing mnyes par byed par 'gyur la/ rim gyis bskal pa bzang po'i de bzhin gshegs pa thams cad mnyes par byed do/ /mnyes par byas nas mi mnyes par mi byed de/ rim gro byed/ bkur sti byed/ bsti stang byed/ mchod pa byed par 'gyur ro/ /de nas bdud sdig can gyis lha'i bu mo de dag lung bstan par rigs nas bcom ldan 'das la 'di skad ces gsol to/ /bcom ldan 'das/ bdag gi g.yog 'khor gang gis dpa' bar 'gro ba'i ting nge 'dzin 'di thos pa de dag bdag gi dbang du mi 'gyur na/ de dag bdag gi slad bzhin du 'brang ba lta ci smos/ dpa' bar 'gro ba'i ting nge 'dzin 'di thos pa ni/ bcom ldan 'das/ sangs rgyas kyi chos la nges par rig par bgyi'o/ /de nas lha'i bu mo de dag sems zhum par </font><hr>468a<br><font size=+1>


@#/ /ma gyur nas bdud sdig can la 'di skad ces smras so/ /sdig can/ de skad ma zer/ yid chad par ma byed cig /bdag cag ni khyod kyi yul las mi 'da' zhing mi ldog go /de ci'i phyir zhe na/ bdud kyi yul du 'gro ba'i de bzhin nyid gang yin pa de ni sangs rgyas kyi yul du 'gro ba'i de bzhin nyid yin te/ de ltar na bdud kyi yul du 'gro ba'i de bzhin nyid dang / sangs rgyas kyi yul du 'gro ba'i de bzhin nyid de ni gnyis su med de gnyis su dbyer med do/ /sdig can/ de lta bas na bdag cag ni de bzhin nyid las mi 'da'o/ /bdud kyi yul gyi chos nyid gang yin pa sangs rgyas kyi yul gyi chos nyid kyang de yin te/ de ltar na bdud kyi yul gyi chos nyid dang / sangs rgyas kyi yul gyi chos nyid de ni gnyis su med de gnyis su dbyer med do/ /de bas na/ sdig can/ bdag cag ni chos nyid las mi 'da'o/ /bdud kyi yul yang chos gang yang rnam par rig par mi byed/ sangs rgyas kyi yul yang chos gang yang rnam par rig par mi byed de/ de ltar na bdud kyi yul dang / sangs rgyas kyi yul de ni rnam par rig par byed pa ma yin no/ /sdig can/ de bas na chos thams cad ni yul rnam par rig par byed pa ma yin te/ sdig can/ de bas na gang gi g.yog kyang ma yin/ g.yog </font><hr>468b<br><font size=+1>


ma yin pa'ang ma yin no/ /de nas bdud sdig can sdug bsngal zhing yid mi bde la/ mi dga' bar gyur nas 'gro 'dod pa dang / byang chub sems dpa' bdud kyi spyod pa'i yul gyis mi gos pas bdud sdig can la 'di skad ces smras so/ /sdig can/ khyod gang du 'gro /smras pa/ rigs kyi bu/ bdag ni gnas su mchi'o/ /smras pa/ de bas na sdig can khyod 'khor 'di nas kyang ma g.yo la/ bdag gi gnas su'ang 'dug par gyis shig /de nas bdud sdig can bdag nyid rang gi gnas su phyin pa snyam du shes so/ /de la byang chub sems dpa' bdud kyi spyod pa'i yul gyis mi gos pas 'di skad ces smras so/ /sdig can/ khyod kyis ci mthong / bdud kyis smras pa/ bdag nyid rang gi gnas su phyin par mthong ste/ rigs kyi bu/ kun dga' rab nyams dga' ba 'di dag dang / nags tshal nyams dga' ba 'di dag dang / rdzing bu nyams dga' ba 'di dag dang / chu bo nyams dga' ba 'di dag ni bdud kyi gnas so/ /de nas byang chub sems dpa' bdud kyi spyod pa'i yul gyis mi gos pas bdud sdig can la 'di skad ces smras so/ /sdig can/ khyod kyis gnas 'di de bzhin gshegs pa la spyad pa'i phyir phul cig /smras pa/ phul lo/ /des bdag gi gnas na de bzhin gshegs pa 'khor dang bcas pa bzhugs </font><hr>469a<br><font size=+1>


@#/ /shing dpa' bar 'gro ba'i ting nge 'dzin 'di 'chad par mdzad/ ston par mdzad pa mthong ngo / /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ gang gi gtsug lag khang na de bzhin gshegs pa bzhugs shing dpa' bar 'gro ba'i ting nge 'dzin 'di 'chad par mdzad/ ston par mdzad pa dang / gang gis bshos gsol te/ dpa' bar 'gro ba'i ting nge 'dzin 'di 'chad par mdzad pa'i sbyin pa po sbyin bdag gtsug lag khang gi bdag po'i bsod nams ji tsam du 'gyur/ bcom ldan 'das kyis bka' stsal pa/ kun dga' bo/ de bzhin gshegs pas bshos gang gsol te byang chub thob pa dang / bshos gang gsol te chos kyi 'khor lo bskor ba dang / bshos gang gsol te dpa' bar 'gro ba'i ting nge 'dzin 'di bshad pa'i bshos de dag la tha dad pa cung zad kyang med do/ /kun dga' bo/ sa'i phyogs gang du byang chub thob pa'i sa'i phyogs rdo rje lta bu de ni 'das pa dang / ma byon pa dang / da ltar gyi bcom ldan 'das kyis yongs su spyad pa yin te/ kun dga' bo/ byang chub kyi snying po de ji lta ba de bzhin du sa'i phyogs gang du dpa' bar 'gro ba'i ting nge 'dzin 'di bstan pa'am/ bshad pa'am/ yi ger bris pa'am/ lung phog pa la'ang blta bar bya ste/ kun dga' </font><hr>469b<br><font size=+1>


bo| de bzhin gshegs pa bshos gang gsol te chos kyi 'khor lo bskor ba dang / chos smra bas sbyin pa po sbyin bdag gang gi zan zos te/ dpa' bar 'gro ba'i ting nge 'dzin 'di 'chad dam/ ston tam/ lung 'bog par byed dam/ klog par byed pa zas de dag la tha dad pa cung zad kyang med do/ /kun dga' bo/ de bzhin gshegs pa gtsug lag khang gang na bzhugs shing cho 'phrul chen po bco brgyad kyis sems can gdul bar mdzad pa dang / gtsug lag khang ngam/ gnas khang ngam/ 'chag sa'i sa phyogs gang dang gang du dpa' bar 'gro ba'i ting nge 'dzin 'di 'chad dam| ston tam/ klog gam/ yi ger 'dri'am rjod na/ kun dga' bo/ gtsug lag khang de dag la tha dad pa cung zad kyang med do/ /de nas tshe dang ldan pa kun dga' bos bdud sdig can la 'di skad ces smras so/ sdig can/ khyod kyis gnas khang de bzhin gshegs pa la spyad pa'i phyir phul ba rnyed pa legs par rnyed do/ /bdud kyis smras pa/ kun dga' bo/ 'di ni byang chub sems dpa' bdud kyi spyod pa'i yul gyis mi gos pa'i byin gyi rlabs yin te/ byang chub sems dpa' bdud kyi spyod pa'i yul gyis mi gos pa ni rnam par 'phrul pa 'di dag gis rnam par 'phrul lo/ /de nas bcom ldan 'das la byang chub sems dpa' blo gros brtan pas 'di skad ces gsol to/ /byang chub sems dpa' bdud kyi spyod pa'i yul gyis mi gos pa </font><hr>470a<br><font size=+1>


@#/ /ni dpa' bar 'gro ba'i ting nge 'dzin 'di la gnas te/ rnam par 'phrul pa 'di dag gis rnam par 'phrul par bgyid do/ /bcom ldan 'das kyis bka' stsal pa| blo gros brten pa/ de de bzhin te/ byang chub sems dpa' bdud kyi spyod pa'i yul gyis mi gos pa dpa' bar 'gro ba'i ting nge 'dzin 'di la gnas nas rnam par 'phrul pa 'di dag gis rnam par 'phrul par byed do/ /bdud kyi spyod pa'i yul gyis kyang mi gos la bdud kyi yul gyis spyod pa thams cad kyang ston to/ /'khrig pa'i dga' ba'ang mi spyod la gnyis kyis gnyis sbyor bar yang snang ngo / /rigs kyi bu/ de ting nge 'dzin 'di la gnas nas bdud rang gi gnas na gnas pa'ang ston la de bzhin gshegs pa'i 'khor nas kyang mi g.yo'o/ /blo gros brtan pa/ byang chub sems dpa' ni ting nge 'dzin 'di la gnas nas bdud rnams la bdud kyi yul yang ston/ sangs rgyas kyi chos la yang yongs su smin par byed do/ /de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ de bzhin gshegs pa ni sngon byang chub sems dpar gyur pa'i tshe/ dpa' bar 'gro ba'i ting nge 'dzin 'di la gnas nas rnam par 'phrul pa'i bkod pa ji lta bu bstan pa/ bcom ldan 'das kyis spyad pa de'i phyogs tsam </font><hr>470b<br><font size=+1>


zhig bka' stsal na legs so/ /de skad ces gsol pa dang / bcom ldan 'das kyis byang chub sems dpa' blo gros brtan pa la 'di skad ces bka' stsal to/ /blo gros brtan pa/ ngas ni dpa' bar 'gro ba'i ting nge 'dzin 'di la gnas te/ stong gsum gyi stong chen po'i 'jig rten gyi khams 'dir gling bzhi pa'i 'jig rten gyi khams bye ba brgya dang / nyi ma dang / zla ba bye ba brgya dang / rgyal chen bzhi'i lha'i ris bya ba brgya dang / sum cu rtsa gsum gyi lha bye ba brgya dang / 'thab bral gyi lha bye ba brgya dang / dga' ldan gyi lha bye ba brgya dang / 'phrul dga'i lha bye ba brgya dang / gzhan 'phrul dbang byed kyi lha bye ba brgya dang / bdud kyi gnas bye ba brgya dang / tshangs pa'i gnas bye ba brgya nas/ de bzhin du 'og min gyi bar du bye ba phrag brgya brgya dang| ri'i rgyal po ri rab bye ba phrag brgya dang / rgya mtsho chen po bye ba phrag brgya dang / de rnams la stong gsum gyi stong chen po'i 'jig rten gyi khams zhes bya ste/ blo gros brtan pa/ de ltar byang chub sems dpa' sems dpa' chen po dpa' bar 'gro ba'i ting nge 'dzin la gnas te/ stong gsum gyi stong chen po'i 'jig rten gyi khams 'dir dzam+bu'i gling la lar ni sbyin pa'i pha rol tu phyin pa spyod do/ /dzam+bu'i gling la lar ni tshul khrims kyi pha rol tu phyin pa spyod/ dzam+bu'i gling la lar ni bzod pa'i pha rol tu phyin pa spyod/ dzam+bu'i gling la lar ni </font><hr>471a<br><font size=+1>


@#/ /brtson 'grus kyi pha rol tu phyin pa spyod/ dzam+bu'i gling la lar ni bsam gtan gyi pha rol tu phyin pa spyod/ dzam+bu'i gling la lar ni shes rab kyi pha rol tu phyin pa spyod do/ /dzam+bu'i gling la lar ni mngon par shes pa lnga dang ldan par snang / dzam+bu'i gling la lar ni khyim na gnas par snang / dzam+bu'i gling la lar ni rab tu byung bar snang / dzam+bu'i gling la lar ni dga' ldan gyi gnas na gnas par snang / dzam+bu'i gling la lar ni khyim bdag tshong dpon du shes/ dzam+bu'i gling la lar ni ded dpon du shes/ dzam+bu'i gling la lar ni khams kyi rgyal por shes/ dzam+bu'i gling la lar ni blon por shes/ dzam+bu'i gling la lar ni 'khor los bsgyur ba'i rgyal por shes/ dzam+bu'i gling la lar ni stobs kyis 'khor los bsgyur ba'i rgyal por shes/ dzam+bu'i gling la lar ni sa'i rgyal por shes/ dzam+bu'i gling la lar ni lha'i dbang po brgya byin du shes/ dzam+bu'i gling la lar ni tshangs par shes/ la lar ni rgyal chen bzhi'i lha'i ris kyi dbang por shes/ la lar ni sum cu rtsa gsum gyi lha rnams kyi dbang por shes/ la lar ni 'thab bral gyi lha rnams kyi dbang por shes/ la lar ni dga' ldan gyi lha rnams kyi dbang por shes/ la lar ni 'phrul dga'i lha rnams kyi dbang por shes/ la lar ni gzhan 'phrul dbang byed kyi lha rnams kyi </font><hr>471b<br><font size=+1>


dbang por shes/ la lar ni bdud du shes/ dzam+bu'i gling la lar ni tshong dpon du shes/ dzam+bu'i gling la lar ni khyim bdag tu shes/ dzam+bu'i gling la lar ni khams kyi rgyal por shes/ dzam+bu'i gling la lar ni gzhon nur shes/ dzam+bu'i gling la lar ni blon por shes/ dzam+bu'i gling la lar ni ded dpon du shes/ dzam+bu'i gling la lar ni dga' ldan nas 'chi 'pho bar shes/ dzam+bu'i gling la lar ni ma'i mngal du 'jug par shes/ dzam+bu'i gling la lar ni ma'i mngal na gnas par shes/ dzam+bu'i gling la lar ni btsa' bar shes/ dzam+bu'i gling la lar ni gom pa bdun 'dor bar shes/ dzam+bu'i gling la lar ni phyogs bzhir lta zhing 'jig rten nang gtso'o/ /'jig rten nang mchog go zhes seng ge'i sgra sgrog par shes/ dzam+bu'i gling la lar ni btsun mo'i 'khor gyi nang na gnas par shes/ dzam+bu'i gling la lar ni mngon par 'byung bar shes/ dzam+bu'i gling la lar ni dka' ba spyod par shes/ dzam+bu'i gling la lar ni zas za bar shes/ dzam+bu'i gling la lar ni rtswa len par shes/ dzam+bu'i gling la lar ni byang chub kyi snying por 'gro bar shes/ dzam+bu'i gling la lar ni byang chub kyi snying por 'dug par shes/ dzam+bu'i gling la lar ni bdud 'dul bar shes/ dzam+bu'i gling la lar ni byang chub thob par shes/ dzam+bu'i gling la lar ni byang chub thob ste 'dug par shes/ dzam+bu'i gling la lar ni byang chub thob nas bsam </font><hr>472a<br><font size=+1>


@#/ /gtan byed par shes/ dzam+bu'i gling la lar ni brgya byin dang / tshangs pa dag gsol ba 'debs par shes/ dzam+bu'i gling la lar ni chos kyi 'khor lo skor bar shes/ dzam+bu'i gling la lar ni sangs rgyas kyi mdzad pa sna tshogs mdzad par shes/ dzam+bu'i gling la lar ni tshe'i 'du byed 'dor bar shes/ la lar ni yongs su mya ngan las 'da' bar shes/ la lar ni yongs su mya ngan las 'das par shes/ la lar ni sreg par shes/ la lar ni bsregs par shes/ dzam+bu'i gling la lar ni lus gcig tu mkhregs par shes/ la lar ni ring bsrel 'ged par shes/ la lar ni chos nub par 'gyur bar shes/ la lar ni chos nub par shes/ la lar ni tshe dpag tu med par shes/ la lar ni tshe thung bar shes/ la lar ni ngan song du skye ba'i sgra yod par shes/ la lar ni ngan song du skye ba'i sgra'ang med par shes/ la lar ni dzam+bu'i gling lha'i longs spyod dang 'dra bar shes/ la lar ni sems can dag nga dang bdag gir mi 'dzin pas dzam+bu'i gling byang gi sgar mi snyan dang 'dra bar shes/ la lar ni rin po che'i gling du shes/ la lar ni sa'i gling du shes/ la lar ni rab/ la lar ni 'bring / la lar ni tha mar shes pa de ni/ blo gros brtan pa/ dpa' bar 'gro ba'i ting nge 'dzin gyi khyu mchog tu gyur pa yin te/ de'i phyir byang chub sems dpa' dag </font><hr>472b<br><font size=+1>


shin tu yongs su mya ngan las 'da' bar yongs su mya ngan las mi 'da' zhing stong gsum gyi stong chen po'i 'jig rten gyi khams 'di \?\ 'di \?\ 'dra ba'i bkod pas rnam par rtsen pa ston par mdzad pa la ltos/ blo gros brtan pa/ dzam+bu'i gling 'dir yang da lta na'ang chos kyi 'khor lo skor la/ dzam+bu'i gling gzhan dag tu'ang da dung mngon par rdzogs par sangs ma rgyas par yang shes| la lar ni yongs su mya ngan las 'das par shes/ dzam+bu'i gling la lar ni dang po sems bskyed par shes te/ blo gros brtan pa/ de ni dpa' bar 'gro ba'i ting nge 'dzin gyi khyu mchog tu gyur pa'o/ /de nas 'khor de na byang chub sems dpa' kha cig dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa de dag dang / nyan thos chen po de dag 'di snyam du sems te/ stong gsum gyi stong chen po'i 'jig rten gyi khams 'di nyid du rnam par rol pa'i bkod pa 'di lta bu bstan par gyur tam/ 'on te stong gsum gyi stong chen po'i 'jig rten gyi khams gzhan dag tu'ang la la zhig tu bcom ldan 'das shAkya thub pa sangs rgyas kyi yul la la 'jug snyam pa dang / de nas 'jam dpal gzhon nur gyur pas 'khor de dag gi the tshom gcad pa'i phyir bcom ldan 'das la 'di skad ces gsol to/ /bcom ldan 'das/ </font><hr>473a<br><font size=+1>


@#/ /'di la bdag sangs rgyas kyi yul du spyad pa spyod cing / sangs rgyas kyi zhing 'di nas sangs rgyas kyi zhing gang+gA'i klung bye ma snyed drug cu 'das nas steng gi phyogs su mchis pa dang / 'jig rten gyi khams sgron ma gcig ces bgyi ba de na de bzhin gshegs pa zhig chos ston te/ bcom ldan 'das/ bdag de bzhin gshegs pa de'i drung du mchis nas de bzhin gshegs pa'i zhabs la mgo bos phyag 'tshal te/ 'di skad ces gsol to/ /bcom ldan 'das khyod mtshan ci/ ji ltar gzung bar bgyi/ de bzhin gshegs pa des bdag la bka' stsal pa/ 'jam dpal/ khyod song la de bzhin gshegs pa shAkya thub pa de nyid la zhus shig dang / de nyid khyod la lan 'debs par mdzad de/ bcom ldan 'das/ de'i sangs rgyas kyi zhing gi yon tan bkod pa de ni bskal par yang bsngags pa mthar phyin par bya ba dang / bde ba'i rgyu rnams bshad mi nus te/ sangs rgyas kyi zhing de'i yon tan bkod pa ni de 'dra'o/ /nyan thos dang / rang sangs rgyas rnams kyi ming yang mi grag go /byang chub sems dpa' phyir mi ldog pa'i chos kyi 'khor lo ston pa shin tu yongs su dag pa'i dge 'dun lags te/ bcom ldan 'das/ 'jig rten gyi khams sgron ma gcig pa na/ da ltar de bzhin gshegs pa chos ston pa de'i mtshan de bzhin gshegs pas legs par bka' </font><hr>473b<br><font size=+1>


stsal du gsol/ de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ de'i phyir legs par rab tu nyon la yid la zungs shig dang ngas khyod la bshad do/ /thos nas kyang khyed kyis skrag par mi bya/ dngang bar mi bya/ dngang bar 'gyur bar mi bya/ the tshom du mi bya/ nem nur du mi bya'o/ /de ci'i phyir zhe na/ sangs rgyas bcom ldan 'das rnams kyi sangs rgyas kyi gnas pa'ang bsam gyis mi khyab/ dpa' bar 'gro ba'i ting nge 'dzin gyi spyod pa'i yul la 'jug pa'ang bsam gyis mi khyab ste| 'jam dpal/ 'jig rten gyi khams sgron ma gcig pa na de bzhin gshegs pa dgra bcom pa yang dag par rdzogs pa'i sangs rgyas yon tan gyi chos thams cad ston par snang ba rnam par 'phrul ba'i rgyal po de bzhin gshegs pa chos ston pa ni 'jam dpal nga nyid yin na/ 'jig rten gyi khams sgron ma gcig pa zhes bya ba de na yon tan gyi chos thams cad ston par snang ba rnam par 'phrul ba'i rgyal po zhes bya bar shes te/ nga nyid kyi sangs rgyas kyi yul du 'jug go /'jam dpal/ nga nyid de na phyir mi ldog pa'i chos kyi 'khor lo skor ro/ /sangs rgyas kyi zhing de ni nga nyid kyis sngon yongs su sbyangs pa'o/ /'jam dpal/ de ltar na sangs rgyas kyi zhing bye ba khrag khrig brgya stong du nga'i yul 'jug go /der ni nyan thos dang / rang sangs rgyas thams </font><hr>474a<br><font size=+1>


@#/ /cad kyi mi chud do/ /gang gi phyir byang chub sems dpa' sangs rgyas kyi zhing tshad med par sems can rnams la chos ston par 'ang byed pa/ ting nge 'dzin 'di dang / chos kyi dbyings las kyang mi g.yo ba 'di ni/ 'jam dpal/ dpa' bar 'gro ba'i ting nge 'dzin gyi yul yin no/ /'jam dpal/ 'di lta ste/ dper na/ nyi ma'i dkyil 'khor ram/ zla ba'i dkyil 'khor ni gzhal med khang las kyang mi g.yo la/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang du ston par byed kyang sems can dmus long dag gis ni mi shes mi mthong gi /snod ji lta ba bzhin du snang zhing shes pa'i phyir sems can mig gi las ji ltar yongs su dag pa rnams la gzhal med khang de snang bar 'gyur ba de bzhin du/ 'jam dpal/ sangs rgyas bcom ldan 'das dang / byang chub sems dpa' rnams dpa' bar 'gro ba'i ting nge 'dzin 'di la gnas nas/ ting nge 'dzin gyi dkyil 'khor 'di las kyang mi g.yo zhing chos kyi dbyings kyi dkyil 'khor las kyang mi g.yo la/ sangs rgyas kyi zhing tshad med pa rnams su'ang sems can rnams la ston par byed cing / sems can ji ltar mos pa dag la de bzhin du chos ston te/ sems can snod du ma gyur pa dag ji ltar dmus long gi sems kyis ma shes ma mthong ba bzhin </font><hr>474b<br><font size=+1>


no| |de nas thams cad dang ldan pa'i 'khor de ngo mtshar du gyur nas/ dga' ba dang / dad pa dang / mchog tu dga' ba la gnas so/ /gang lha dang / klu dang / gnod sbyin dang / dri za dang / lham yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa de dag gis de bzhin gshegs pa la me tog sil mas gtor to/ /sil snyan yang dkrol to/ /me tog dang / bdug pa dang / spos dang / phreng ba dang / byug pa dag kyang gtor to/ /nyan thos chen po de dag gis kyang bdag bdag gi bla gos de bzhin gshegs pa'i sku la gsol to/ /byang chub sems dpa' de dag gis kyang me tog gi skon bu ri rab dang mnyam pa dang / tsan+dan dang / spos dang / phreng ba dang / phye ma dang / byug pa dag gis de bzhin gshegs pa la gtor te tshig 'di skad du/ bcom ldan 'das/ gang na dpa' bar 'gro ba'i ting nge 'dzin 'di rab tu spyod pa'i sa'i phyogs de ni rdo rje lta bu lags so/ /bcom ldan 'das/ gang dpa' bar 'gro ba'i ting nge 'dzin 'di bshad pa thos nas mos par bgyid/ yid ches par bgyid/ mi skrag /mi dngang / dngang bar mi 'gyur gyi/ len par bgyid/ 'dzin par bgyid/ klog par bgyid/ kun chub par bgyid/ 'chad par bgyid pa'i sems can de dag kyang rdo rje lta bur 'gyur te/ bzod pa mi byed pa/ dad pa la gnas pa/ de bzhin gshegs </font><hr>475a<br><font size=+1>


@#/ /pas yongs su zin pa/ dge ba'i rtsa ba shin tu bgyis pa/ rnyed pa legs par rnyed pa/ bdud dang phyir rgol ba bcom pa/ ltung ba bcad pa/ dge ba'i bshes gnyen gyis shin tu zin pa dag lags so/ /bcom ldan 'das kyis ji ltar bka' stsal ba'i don bdag gis 'tshal ba ltar na/ gang dpa' bar 'gro ba'i ting nge 'dzin 'di thos ma thag tu mos pa'i sems can de dag ni sangs rgyas kyi chos la nges par 'gyur ro/ /bcom ldan 'das kyis bka' stsal pa/ rigs kyi bu/ de de bzhin no/ /ji skad smras pa de bzhin te/ dge ba'i rtsa ba ma bskyed pa'i sems can dag gis ni bstan pa 'di thos nas yid ches par mi nus te/ rigs kyi bu/ gang dpa' bar 'gro ba'i ting nge 'dzin 'di la mos par 'gyur ba'i sems can de dag ni nyung ngo / /gang dag spong zhing mos par mi 'gyur ba dag ni mang ngo / /rigs kyi bu/ byang chub sems dpa' chos bzhi dang ldan na ting nge 'dzin 'di la mos par nus so/ /bzhi gang zhe na/ des sngon gyi yang dag par rdzogs pa'i sangs rgyas rnams las ting nge 'dzin 'di sngon chad thos pa yin/ dge ba'i bshes gnyen gyis yongs su zin cing lhag pa'i bsam pa la gnas pa yin/ dge ba'i rtsa ba bsags pa dang / rgya chen po la mos pa yin/ theg pa chen po 'di la lus mngon du byas pa yin te/ rigs kyi bu dag /chos </font><hr>475b<br><font size=+1>


bzhi po de dag dang ldan na ting nge 'dzin 'di la mos pa'am/ yid ches par sla'o/ /dgra bcom pa brnag pa yongs su rdzogs pa 'am/ lta ba phun sum tshogs pa'am/ rgyun du zhugs pa'am/ dad pas rjes su 'brang ba gang yin pa de dag kyang de bzhin gshegs pa la dad pas mos pa yin gyi/ de dag 'di la mngon sum du gyur pa ni ma yin no/ /rigs kyi bu dag /nyan thos dang / rang sangs rgyas thams cad kyis kyang rtogs par khong du chud par mi nus na/ sems can gzhan dag gis lta ci smos/ de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das/ 'di lta ste/ dper na/ mi dmus long la la zhig gnyid log pa'i rmi lam na mig rnyed de gzugs kyi rnam pa dag kyang mthong bar gyur nas/ de'i rmi lam na tshim zhing mgu la yi rangs te/ rab tu dga' zhing dga' ba dang / yid bde ba skyes nas sems can mig dang ldan pa gzhan dag dang / 'greng ba'am/ mchis pa'am/ 'chag pa'am/ smra bar bgyid pa las/ bcom ldan 'das/ mi dmus long de sad pa dang / mi de dmus long nyid lags te/ gzugs dag mi mthong ngo / /bcom ldan 'das/ de bzhin du gang gi tshe bdag cag gis dpa' bar 'gro ba'i ting nge 'dzin 'di ma thos pa de'i tshe/ bdag cag yi rangs te/ dga' ba dang / yid bde ba skyes par gyur la/ bdag cag ni lha'i mig dang </font><hr>476a<br><font size=+1>


@#/ /ldan pa'o snyam du 'tshal cing / byang chub sems dpa' dag dang smra bar bgyid pa zhig na gang gi slad du da ltar bcom ldan 'das las dpa' bar 'gro ba'i ting nge 'dzin 'di thos pa de'i slad du bdag cag dmus long du gyur te/ dpa' bar 'gro ba'i ting nge 'dzin 'di la de bzhin gshegs pa ji ltar gnas pa dang / byang chub sems dpa' dag ji ltar spyod pa ma 'tshal mi mthong ngo / /bcom ldan 'das/ sangs rgyas kyi yul la spyod pa ma 'tshal ba'i slad du/ bdag ni de ring slan chad bdag nyid la dmus long lta bur 'tshal to/ /gang dag shes pa la bzod pa 'di thob pa'i byang chub sems dpa' rnams la ni lha'i mig dang ldan par 'dzin te/ phyag 'tshal bar bgyi'o/ /bcom ldan 'das/ thams cad mkhyen pa'i sems ma mchis par su zhig bdag la ye shes dang ldan pa'am/ sbyin gnas so zhes khas 'che bar 'gyur/ byang chub sems dpa' rnams ni ye shes de rtogs par 'gyur ro/ /bcom ldan 'das kyis bka' stsal pa/ 'od srung / legs so/ /legs so/ /de de bzhin te/ ji skad smras pa bzhin no/ /'di la ni nyan thos rnams kyi ye shes kyis rtogs pa 'jug par mi 'gyur te/ ye shes kyis rtogs pa de ni byang chub sems dpa' rnams kyis khong du chud par 'gyur ro/ /gnas brtan 'od srung chen pos </font><hr>476b<br><font size=+1>


bstan pa 'di bshad pa'i tshe lha dang mi'i srog chags brgya stong bla na med pa yang dag par rdzogs pa'i byang chub tu sems skyes so/ /de nas byang chub sems dpa' blo gros brtan pas 'jam dpal gzhon nur gyur pa la 'di skad ces smras so/ /'jam dpal/ sbyin pa'i gnas/ sbyin pa'i gnas zhes bgyi pa/ 'jam dpal/ ji tsam gyis na sbyin pa'i gnas zhes bgyi/ 'jam dpal gyis smras pa/ rigs kyi bu/ sbyin pa'i gnas/ sbyin pa'i gnas zhes bya ba ni/ gang chos bcu dang ldan pa yin no/ /bcu gang zhe na/ 'di lta ste/ stong pa nyid dang / mtshan ma med pa dang| smon pa med pa'i rnam par thar pa'i sgo gsum la gnas pa'ang yin la/ nges par gyur pa la'ang mi 'jug pa dang / bden pa bzhi yongs su shes pa'ang yin la/ 'bras bu thob par yang mi byed pa dang / rnam par thar pa brgyad kyi bsam gtan la bsam gtan pa'ang yin la/ byang chub sems dpa'i spyod pa'ang mi gtong ba dang / rig pa gsum dang ldan pa'ang yin la/ khams gsum na'ang spyod pa dang / nyan thos kyi kha dog dang / rtags dang / dbyibs su gnas pa'ang yin la/ sgra'i rjes su song zhing pha rol las thos pa 'tshol bar yang mi byed pa dang / rang sangs rgyas kyi kha dog dang / rtags dang / dbyibs su gnas pa'ang yin la/ spobs pa thogs pa med pas chos kyang ston pa dang / gcig pu mnyam par </font><hr>477a<br><font size=+1>


@#/ /gzhag pa'ang yin la/ sems can thams cad smin par bya ba'i spyod pa rnams na'ang snang ba dang / lam las kyang ma 'das la/ lam ngan pa na'ang snang pa dang / shin tu kun tu chags par yang snang la/ nyon mongs pa thams cad dang bral bas 'dod chags dang bral bar yang gyur pa dang / shin tu yongs su mya ngan las 'das pa'ang yin la/ 'khor ba'i spyod pa 'khrugs par mi byed/ gtong bar yang mi byed pa ste/ rigs kyi bu/ chos bcu po de dag dang ldan na sbyin pa'i gnas zhes bya'o/ /de nas byang chub sems dpa' blo gros brtan pas gnas brtan rab 'byor la 'di skad ces smras so/ /gnas brtan rab 'byor ni bcom ldan 'das kyis sbyin pa'i gnas kyi nang na mchog tu bka' stsal na/ 'jam dpal gzhon nur gyur pas gang chos bcu po 'di dag bshad pa'i chos de dag gi nang na gnas brtan rab 'byor snang ngam/ de skad ces smras pa dang / gnas brtan rab 'byor gyis byang chub sems dpa' blo gros brtan pa la 'di skad ces smras so/ /rigs kyi bu/ de las chos gcig kyang kho bo la med na bcu lta ci smos/ smras pa/ 'o na da ji ltar na gnas brtan rab 'byor sbyin pa'i gnas kyi nang na mchog ces bya/ rab 'byor gyis smras pa/ rigs kyi bu/ kho bo ni byang chub sems dpa' dang bsgrun tam/ de bzhin gshegs pa dang / rang sangs </font><hr>477b<br><font size=+1>


rgyas dang bsgrun te/ sbyin pa'i gnas kyi nang na mchog go zhes ni bcom ldan 'das kyis bka' ma stsal kyi/ rigs kyi bu/ kho bo ni nyan thos rnams dang bsgrun te/ sbyin pa'i gnas kyi nang na mchog go zhes bcom ldan 'das kyis bka' stsal to/ /blo gros brtan pa 'di lta ste/ dper na/ mtha' 'khob kyi gling na gnas pa la ni khams kyi rgyal po zhes bshad mod kyi/ gang gi tshe na 'khor los bsgyur ba'i rgyal po mtha' 'khob kyi gling du song ba na de la khams kyi rgyal po zhes mi brjod kyi/ de ni 'khor los bsgyur ba'i rgyal po yin pas na 'khor los sgyur ba'i rgyal pos khams kyi rgyal po de zil gyis gnon to/ /blo gros brtan pa/ de bzhin du grong dang / grong khyer dang / grong rdal gang dag na byang chub sems dpa' mi gnas pa de dag na bdag sbyin pa'i gnas so zhes bya ba'i grangs su 'gro mod kyi/ gang gi tshe der de bzhin gshegs pa bzhugs sam/ theg pa chen po la yang dag par zhugs pa la la zhig gnas par gyur na de'i tshe kho bo sbyin pa'i gnas zhes bya ba'i grangs su mi 'gro ste/ kho bo byang chub sems dpas thams cad mkhyen pa'i sems kyis zil gyis mnan to/ /de nas bcom ldan 'das kyis gnas brtan rab 'byor la legs so zhes bya ba byin te/ rab 'byor/ 'di ltar nyan thos chen po mngon pa'i nga rgyal med pa 'di bstan pa legs so/ /legs so/ /de nas byang chub sems dpa' blo gros brtan pas </font><hr>478a<br><font size=+1>


@#/ /'jam dpal gzhon nur gyur pa la 'di skad ces smras so/ /'jam dpal/ mang du thos pa/ mang du thos pa zhes bya ba/ 'jam dpal/ ji tsam gyis na mang du thos pa yin/ 'jam dpal gyis smras pa/ rigs kyi bu/ mang du thos pa/ mang du thos pa zhes bya ba ni/ rigs kyi bu/ gang gi tshe thos ma thag tu chos kyi sgo'i tshig gcig gi dris pa'i lan rnam par phye ba bye ba khrag khrig 'bum 'gyur du bskal pa'am/ bskal pa brgyar ston kyang chos kyi sgo de'i tshig dang spobs pa yongs su bri bar yang mi 'gyur bas na de'i phyir mang du thos pa zhes bya ste/ blo gros brtan pa/ de tsam gyis na mang du thos pa/ mang du thos pa zhes bya'o/ /blo gros brtan pa/ gzhan yang / phyogs bcu'i sangs rgyas bcom ldan 'das dpag tu med pa/ grangs med pas bshad pa kun 'dzin kyang de la tshig gcig kyang sngon ma thos pa'i rnar grags par mi 'gyur gyi/ gang ci thos kyang de thams cad mngon thos pa nyid thos pa yin gyi/ ma thos pa las thos pa ma yin pa dang / mi brjed pa'i chos can du gyur pa'i phyir ji ltar thos pa kun 'dzin pa dang / sems can med pa'i phyir sems can la de ltar chos 'chad cing bdag gam/ sems can nam/ chos la kun tu rtog pa rnam pa sna tshogs pa'i 'du shes su'ang mi byed pa yin te/ blo gros brtan pa/ de tsam gyis na mang du thos pa zhes bya'o/ / </font><hr>478b<br><font size=+1>


de nas lha'i bu zla ba dri ma med pa'i snying po zhes bya ba 'khor de nyid du 'dus par gyur te/ 'dug pa des tshe dang ldan pa kun dga' bo la 'di skad ces smras so/ /gnas brtan kun dga' bo ni mang du thos pa rnams kyi mchog go zhes bcom ldan 'das kyis bka' stsal na/ ci gnas brtan kun dga' bo/ ji ltar na 'jam dpal gzhon nur gyur pas bshad pa de 'dra ba'i mang du thos pa de 'dra ba dang ldan nam/ kun dga' bos smras pa/ lha'i bu de ni mi ldan te/ kho bo ni ji ltar 'jam dpal gzhon nur gyur pas bshad pa de 'dra ba'i mang du thos pa dang ldan pa ma yin no/ /smras pa/ 'o na ji ltar na/ gnas brtan kun dga' bo mang du thos pa rnams kyi mchog go zhes bcom ldan 'das kyis bka' stsal/ smras pa/ lha'i bu/ bcom ldan 'das kyi nyan thos pha rol gyi sgra'i rjes su song zhing pha rol gyi sgra la mos pas rnam par grol ba la gtod pa gang su dag yod pa de dag tshad mar byas nas/ kho bo mang du thos pa rnams kyi mchog go zhes bcom ldan 'das kyis bka' stsal gyi/ lha'i bu/ kho bo ni byang chub sems dpa' ye shes kyi rgya mtsho thogs pa med cing tshad med la shes rab dang spobs pa zad mi shes pa dag gi nang na mang du thos pa'i mchog go zhes ni bka' ma stsal to/ /lha'i bu/ 'di lta ste/ dper na/ dzam+bu'i gling gi mi dag ni nyi ma dang / zla ba'i 'od kyis ni snang </font><hr>479a<br><font size=+1>


@#/ /ba rnams kyi las dag kyang byed/ gzugs rnams kyang mthong ngo / /lha'i bu/ de bzhin du shes rab kyi snang ba 'di ni de bzhin gshegs pa'i yin te/ de'i phyir kho bo bcom ldan 'das kyis chos ji ltar gsungs pa bzhin du 'dzin gyi/ lha'i bu/ de la kho bo skyes bu'i mthur ni mi blta ste/ sangs rgyas kyi skyes bu'i mthu nyid du blta'o/ /de nas bcom ldan 'das kyis gnas brtan kun dga' bo la legs so zhes bya ba byin te/ legs so/ /legs so/ /kun dga' bo/ de de bzhin no/ /ji skad smras pa bzhin te/ khyod ni sangs rgyas kyi mthus kun chub par byed do/ /de nas bcom ldan 'das kyis lha'i bu zla ba dri ma med pa'i snying po la bka' stsal pa/ lha'i bu/ dge slong kun dga' bos chos kun chub par byas pa ni nyung gi /gang dag kun chub par ma byas pa ni dpag tu med do/ /lha'i bu/ de bzhin gshegs pas chos ji snyed mngon par rdzogs par sangs rgyas pa'i chos 'dul ba de las bye ba'i cha 'am/ bye ba stong gi cha'am/ bye ba brgya stong gi cha'i cha shas kyang ngas ma bshad do/ /ngas gang bshad pa de las bye ba brgya stong gi cha shas kyang dge slong kun dga' bos ma bzung ngo / /lha'i bu/ nga ni phyogs bcu'i 'jig rten gyi khams nas lhags pa'i brgya byin dang / tshangs pa dang / 'jig rten skyong ba dang / lha dang / klu </font><hr>479b<br><font size=+1>


dang / gnod sbyin dang / dri za dag dang / byang chub sems dpa' dag dang / nyin zhag gcig cig chos kyi 'bel ba'i gtam bshad pa dang / dris pa rnam par phye ba bshad pa dang // mda' sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / rtogs pa brjod pa'i sde dang / gleng gzhi'i sde dang| de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la dbab par bstan pa'i sde rnams bshad pa dang / sems can gyi spyod pa 'jug pa bshad pa dang / pha rol tu phyin pa yongs su rdzogs pa bshad pa dang / nyan thos dang / rang sangs rgyas kyi theg pa bshad pa dang / 'khor ba smad pa bshad pa dang / mya ngan las 'da' ba'i yon tan gyi phan yon bshad pa 'chad par byed na/ lha'i bu/ chos bshad pa de las rgya cher rnam par dbye ba ni dzam+bu'i gling gi rdul phra rab kyi rdul dang mnyam pa'i sems can mang du thos pa dge slong kun dga' bo dang 'dra ba dag gis kyang bskal pa brgya phrag stong du'ang thams cad chub par sla ba ma yin no/ /lha'i bu/ rnam grangs des kyang 'di ltar rig par bya ste/ de ltar de bzhin gshegs pa'i chos bshad pa ni dpag tu med do/ /de la dge slong kun dga' bos ni nyung zad cig kun chub par byas su zad kyi/ </font><hr>480a<br><font size=+1>


@#/ /gang dag kun chub par ma byas pa dag ni dpag tu med do/ /de nas lha'i bu zla ba dri ma med pa'i snying pos rin po che sna bdun las byas pa'i gdugs 'bum bcom ldan 'das la phul nas/ gdugs de dag gis bar snang yog par snang ste/ sems can gdugs de dag gis ji snyed yog pa de dag thams cad kyi lus kyang gser gyi kha dog tu snang bar gyur to/ /de nas lha'i bu des gdugs de dag bcom ldan 'das la phul nas 'di skad kyi tshig smras so/ /bcom ldan 'das/ bdag gi dge ba'i rtsa ba 'dis sems can thams cad ji ltar de bzhin gshegs pa'i chos bshad pa dang / ji ltar 'jam dpal gzhon nur gyur pa'i dran pas chos 'dzin pa de lta bu de 'dra ba'i spobs pa dang / chos 'chad pa dang ldan par gyur cig/ de nas bcom ldan 'das kyis lha'i bu de'i lhag pa'i bsam pa mkhyen nas/ blo gros brtan pa/ lha'i bu 'di ni bskal pa bzhi khri bzhi stong na sangs rgyas kyi zhing rin po che thams cad kyis spras pa zhes bya bar de bzhin gshegs pa dgra bcom pa yang dag par rdzogs pa'i sangs rgyas rin po che'i gdugs gcig pa zhes bya bar 'gyur ro zhes lha'i bu de bla na med pa yang dag par rdzogs pa'i byang chub tu lung bstan to/ /gtam 'di brjod pa'i tshe 'khor de nas byang chub sems dpa'i </font><hr>480b<br><font size=+1>


theg pa pa'i srog chags nyis brgya sems zhum par gyur nas/ sangs rgyas kyi chos dag kyang de lta bu yin/ 'di ltar thams cad mkhyen pa nyid du'ang 'gyur bar dka' ba yin te/ bdag cag gis ni gnas de yongs su rdzogs par byed mi nus kyi/ bdag cag ni rang sangs rgyas kyi theg pas yongs su mya ngan las 'da' bar bya gor ma chag go /de ci'i phyir zhe na/ byang chub sems dpa' gang phyir ldog pa de ni rang byang chub 'thob bo zhes de bzhin gshegs pas gsungs so snyam mo/ /de nas 'jam dpal gzhon nur gyur pas byang chub sems dpa' sems zhum pa nyis brgya po de dag gi sems rab tu 'dzin pa la brten nas/ kye ma 'di dag ni bla na med pa yang dag par rdzogs pa'i byang chub mngon par rdzogs par 'tshang rgya ba'i skal pa yod do zhes de dag gdul ba'i dbang gi phyir bcom ldan 'das la 'di skad ces gsol to/ /bcom ldan 'das/ bdag gis mngon par 'tshal ba 'das pa'i dus na bskal pa rnam par snang ba zhes bgyi ba zhig byung ste/ bcom ldan 'das/ bdag bskal pa rnam par snang ba de la lan bye ba khrag khrig brgya stong phrag sum cu rtsa drug tu rang sangs rgyas kyi theg pas yongs su mya ngan las 'das so/ /de nas thams cad dang ldan pa'i 'khor de the tshom du gyur nas/ 'di ji lta bu zhig/ 'di ci gang gi tshe yongs su mya ngan las 'das </font><hr>481a<br><font size=+1>


@#/ /pa la nying mtshams sbyor ba med na/ ji ltar na 'jam dpal gzhon nur gyur pa 'di ni/ bcom ldan 'das/ bdag gis mngon par 'tshal ba/ bskal pa rnam par snang ba la lan bye ba khrag khrig brgya stong phrag sum cu rtsa drug tu rang sangs rgyas kyi theg pas yongs su mya ngan las 'das so zhes de skad smra snyam mo/ /de nas sangs rgyas kyi mthus tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das/ gang gi tshe yongs su mya ngan las 'das pa la nying mtshams sbyor ba ma mchis na/ ji ltar na 'jam dpal gzhon nur gyur pa 'di mya ngan las 'das nas nying mtshams sbyor bar bgyid/ bcom ldan 'das kyis bka' stsal pa/ shA ri'i bu/ khyod kyis 'jam dpal gzhon nur gyur pa 'di nyid la dris shig dang / de nyid khyod la lan ldon par 'gyur ro/ /de nas tshe dang ldan pa shA ri'i bus 'jam dpal gzhon nur gyur pa la 'di skad ces smras so/ /'jam dpal/ gang gi tshe yongs su mya ngan las 'das pa la 'gro ba med cing nying mtshams sbyor ba med na/ 'jam dpal khyod ji ltar na 'di skad du/ bcom ldan 'das/ bdag gis mngon par 'tshal ba bskal pa rnam par snang ba la lan bye ba khrag khrig brgya stong phrag sum cu rtsa drug tu rang sangs rgyas kyi theg pas yongs su mya ngan las </font><hr>481b<br><font size=+1>


'das zhes smra/ khyod kyis smras pa'i don ji ltar blta bar bya/ de skad ces smras pa dang / 'jam dpal gzhon nur gyur pas tshe dang ldan pa shA ri'i bu la 'di skad ces smras so/ /btsun pa shA ri'i bu/ de bzhin gshegs pa ni thams cad mkhyen pa/ thams cad gzigs pa/ bden par gsung ba/ yang dag par gsung ba/ slu bar mi mdzad pa yin no/ /de ni lha dang bcas pa'i 'jig rten gyis bslu bar mi nus te/ de ni 'dir kho bo'i dbang yin te/ gal te kho bo gzhan du smra bar gyur na/ kho bos de bzhin gshegs pa bslus par 'gyur ro/ /de ltar na/ btsun pa shA ri'i bu/ de'i tshe de'i dus na bskal pa rnam par snang ba la de bzhin gshegs pa dgra bcom pa yang dag par rdzogs pa'i sangs rgyas rgyal ba zhes bya ba zhig byung ste| des lha dang bcas pa'i 'jig rten gyi don mdzad nas yongs su mya ngan las 'das so/ /de yongs su mya ngan 'das nas dam pa'i chos lo 'bum du gnas par gyur to/ /de ltar/ btsun pa shA ri'i bu/ dam pa'i chos de nub nas sems can de dag rkyen gyi stobs can du gyur te/ rang sangs rgyas kyi spyod lam gyis gdul nus par 'gyur ba ma gtogs par gal te de dag la sangs rgyas brgya stong gis chos bshad du zin kyang de dag chos bshad pa la mos par mi 'gyur te/ sems can de dag rang sangs rgyas kyi theg pa la mos pa sha stag go /btsun pa </font><hr>482a<br><font size=+1>


@#/ /shA ri'i bu/ de'i tshe de'i dus na gang la sems can de dag gis yon dbul bar bya ba'i rang sangs rgyas 'ga' yang ma byung nas/ shA ri'i bu/ kho bo ni sems can de dag yongs su smin par bya ba'i phyir bdag nyid rang sangs rgyas su khas 'ches te/ grong dang / grong khyer dang / grong rdal dang / yul 'khor dang / pho brang 'khor gang dang gang du gnas pa de dang der rang sangs rgyas su 'du shes so/ /rang sangs rgyas kyi spyod lam yang bstan cing rang sangs rgyas kyi cha byad kyang bstan pas kho bo la sems can de dag gus pa dang bcas shing rim gro bskyed nas bsod snyoms sbyin par byed do/ /kho bos bsod snyoms de dag blangs nas sems can snod du gyur pa ji snyed pa'i sems can de dag la chos bshad do/ /bshad nas kyang kho bo ngang pa'i rgyal po bzhin du bar snang la 'phags te/ de na sems can de dag bdag la dad par gyur pas phyag 'tshal zhing / bdag cag gis kyang chos de dag thob par gyur cig ces de skad kyi tshig kyang smras so/ /btsun pa shA ri'i bu/ rnam grangs des na sems can mang po dag dge ba'i rtsa ba la yongs su smin par byas so/ /gang gi tshe na kye ma'o sems can 'di dag ni bsod nams kyis skye'o snyam du shes pa de'i tshes kye grogs po dag/ bdag ni yongs su mya ngan las 'da' ba'i </font><hr>482b<br><font size=+1>


dus la bab kyi/ bdag ni yongs su mya ngan las 'da'o zhes sgra phyung ste/ de na'ang sems can brgya stong mang po dag me tog dang / bdug pa dang / spos dang / phreng ba dang / byug pa dag thogs nas 'ong ngo / /kho bo ni 'du shes dang / tshor ba 'gog pa'i snyoms par 'jug pa la snyoms par 'jug cing smon lam gyi dbang gis yongs su mya ngan las 'das so/ /sems can de dag gis kyang kho bo yongs su mya ngan las 'das par shes nas lus bsregs so/ /bsregs nas kyang mchod rten byed cing de dag mchod rten de la mchod pa'i las byed de/ de ltar/ btsun pa shA ri'i bu/ kho bo la der yongs su mya ngan las 'das par 'du shes so/ /yang gnyis su na kho bo rgyal po'i pho brang gzhan zhig tu song nas kho bo rang sangs rgyas su khas 'ches so| |sems can de dag kyang kho bo la rang sangs rgyas su 'du shes nas bsod snyoms sbyin par byed de/ de dag gi nang du'ang kho bo yongs su mya ngan las 'das par bstan cing de dag kyang kho bo yongs su mya ngan las 'das pa la mchod pa byed do/ /btsun pa shA ri'i bu/ rnam grangs des kyang rnam par snang ba'i bskal pa bar ma de la kho bo lan bye ba khrag khrig brgya stong phrag sum cu rtsa drug tu rang sangs rgyas kyi theg par yongs su mya ngan las 'das te/ rgyal po'i pho brang thams cad du'ang kho bos srog chags bye ba phrag sum cu rtsa drug rang </font><hr>483a<br><font size=+1>


@#/ /sangs rgyas kyi theg pa la rab tu btul lo/ /btsun pa shA ri'i bu/ de ni rang sangs rgyas kyi theg pas yongs su mya ngan las 'da' ba yin mod kyi/ shin tu yongs su mya ngan las kyang mi 'da'o/ /'jam dpal gzhon nur gyur pas bshad pa 'di'i lan btab ma thag tu stong gsum gyi stong chen po'i 'jig rten gyi khams 'di rnam pa drug tu g.yos so/ /snang ba chen pos kyang khyab par gyur to/ /lha brgya stong dag kyang 'jam dpal gzhon nur gyur pa la mchod pa'i las bya ba'i phyir me tog gi char yang 'bebs so| |ngo mtshar rmad du byung ba'i chos kyi sgra'ang 'byin to/ /bcom ldan 'das/ bdag cag gis de bzhin gshegs pa dang / 'jam dpal gzhon nur gyur pa'ang mthong / dpa' bar 'gro ba'i ting nge 'dzin 'di'ang thos te/ rnyed pa legs par rnyed do zhes ched du brjod pa ched du brjod do/ /bcom ldan 'das/ 'jam dpal gzhon nur gyur pa 'di bsam gyis mi khyab pa'i chos dang ldan pa ngo mtshar na/ bcom ldan 'das/ 'jam dpal gzhon nur gyur pa ting nge 'dzin gang la gnas te/ bsam gyis mi khyab pa'i chos nyid 'di lta bu 'di ston par bgyid/ bcom ldan 'das kyis bka' stsal pa/ lha'i bu dag/ 'di la 'jam dpal gzhon nur gyur pa dpa' bar 'gro ba'i ting </font><hr>483b<br><font size=+1>


nge 'dzin la gnas nas bsam gyis mi khyab pa'i chos nyid 'di lta bu 'di ston te/ byang chub sems dpa'i ting nge 'dzin de la gnas na dad pas rjes su 'brang ba'ang yin la gzhan gyi dad pas 'gro ba'ang ma yin/ chos kyi rjes su 'brang ba'ang yin la chos nyid dang / chos kyi 'khor lo bskor ba las nyams pa'ang ma yin/ brgyad pa'ang yin la log pa brgyad du lhung ba'i sems can rnams kyi phyir bskal pa grangs med par spyod pa'ang yin/ rgyun du zhugs pa'ang yin la sems can rgyun phyogs su ded pa rnams kyi phyir nyan thos rnams kyi skyon med par yang mi ltung / lan gcig phyir 'ong ba'ang yin la 'jig rten gyi khams thams cad du snang ba'ang yin/ phyir mi 'ong ba'ang yin la sems can yongs su smin par bya ba'i don du'ang 'ong / dgra bcom pa'ang yin la sangs rgyas kyi chos yongs su btsal ba'i phyir brtson 'grus brtsams pa'ang yin/ nyan thos kyang yin la spobs pa rgyun mi chad pa'i phyir sems can thams cad la chos 'chad pa'ang yin/ rang sangs rgyas kyang yin la sems can rkyen gyi stobs can rnams kyi ched du bskal pa grangs med par spyod par yang byed/ sems can rkyen gyi mthu che ba rnams kyi phyir yongs su mya ngan las 'da' bar yang ston la ting nge 'dzin gyi stobs kyis kyang skye ba yin te/ lha'i bu dag/ </font><hr>484a<br><font size=+1>


@#/ /de ltar byang chub sems dpa' dpa' bar 'gro ba'i ting nge 'dzin 'di la gnas pa ni 'phags pa'i tha snyad thams cad kyis kyang tha snyad 'dogs shing / sems can ji lta bu'i sa la gnas pa de dag la'ang chos ston la sa de la gnas par yang mi byed do// //bam po lnga pa ste tha ma/ de nas lha'i bu de dag gis bshad pa de thos nas rab tu dga' ste tshig smras pa/ bcom ldan 'das/ gang dag nyan thos kyi skyon med pa la zhugs pa dang / gang dag rang sangs rgyas kyi skyon med pa la zhugs pa'i sems can de dag gis ni mdud par bgyi ste/ bcom ldan 'das/ sems can de dag ni dpa' bar 'gro ba'i ting nge 'dzin 'di las nyams pa lags so/ /bcom ldan 'das/ mtshams ma mchis pa lnga dang ldan pas dpa' bar 'gro ba'i ting nge 'dzin 'di thos pa ni legs kyi/ dgra bcom pa zag pa zad pa ni de lta ma lags so/ /de ci'i slad du zhe na/ bcom ldan 'das/ mtshams ma mchis pa lnga dang ldan pas ni dpa' bar 'gro ba'i ting nge 'dzin 'di thos nas bla na med pa yang dag par rdzogs pa'i byang chub tu sems kyang bskyed la/ des sngon sdig pa'i las bgyis pas ni sems can dmyal bar yang mchi mod kyi/ 'on kyang dpa' </font><hr>484b<br><font size=+1>


bar 'gro ba'i ting nge 'dzin gyi nang du'ang chud par mchi'o/ /dgra bcom pa zag pa zad pa/ shin tu bslabs pa/ snod du ma gyur pas dpa' bar 'gro ba'i ting nge 'dzin la ci zhig bgyir mchis te| bcom ldan 'das/ 'di lta ste/ dper na/ sbrang rtsi 'am/ mar ram/ 'bru mar gyi sbyin pa chen po bgyid pa'i tshe/ mi mang po snod thogs te mchis pa las/ de na mi zhig dran pa nyams pas snod chag par gyur na/ de sbrang rtsi dang / mar dang / 'bru mar gyi sbyin gtong bgyid pa der mchis su lags kyang / snod chag pa'i slad du ci bgyir yang ma mchis te/ de bdag ci yog pa zhig 'tshal nas mchi bar bas kyi/ sems can gzhan dag la 'drangs par bgyi zhing bstabs pa'i slad du blangs te mchi ni mi nus so/ /bcom ldan 'das/ mi gang dag snod dang ldan pa ni bdag kyang ci yog tu 'tshal la/ snod kyang yongs su bkang nas blangs te mchis pas sems can gzhan dag gi'ang nye bar 'tsho ba lags so/ bcom ldan 'das/ sbrang rtsi dang / mar dang / 'bru mar gyi sbyin gtong gi mchod sbyin zhes bgyi ba de ni de bzhin gshegs pas gsungs pa'i chos 'dul ba'i tshig bla dwags so/ / snod chags pa'i mis ci yog par 'tshal te mchi bar bas kyi blangs te mchi mi nus so zhes bgyi ba de ni nyan thos dang / rang sangs rgyas rnams kyi tshig bla dwags so/ /bcom ldan 'das </font><hr>485a<br><font size=+1>


@#/ /snod dang ldan pa'i mi zhes bgyi ba de ni bdag la phan pa dang / gzhan la phan pa'i slad du zhugs pa byang chub sems dpa' rnams kyi tshig bla dwags so/ /de nas byang chub sems dpa' sems zhum pa rang gi rang bzhin la slar 'jug 'dod par gyur pa nyis brgya po de dag gis lha'i bu dag gi bshad pa 'di dang / 'jam dpal/ gzhon nur gyur pa'i bsod nams bsam gyis mi khyab pa thos nas/ lhag pa'i bsam pas bla na med pa yang dag par rdzogs pa'i byang chub tu sems bskyed de/ yang sems bskyed pa de byang chub dang 'brel bar gyur to/ /'di skad kyi tshig kyang smras so/ /bcom ldan 'das/ bdag cag ni srog yongs su gtong bar yang spro yi/ sems can yongs su gtong ba ni ma lags so/ /bcom ldan 'das/ bdag cag ni dpa' bar 'gro ba'i ting nge 'dzin 'di thos pa'i stobs bskyed pa'i dge ba'i rtsa bas byang chub sems dpa'i stobs bcu thob par gyur cig/ bcu gang zhe na/ 'di lta ste/ byang chub kyi sems lhag pa'i bsam pa'i stobs dang / sangs rgyas kyi chos la dad pa'i stobs dang / mang du thos pa mi brjed pa'i stobs dang / 'khor bas yongs su mi skyo ba'i stobs dang / sems can rnams la snying rje chen po brtan pa'i stobs dang / gtong ba spel ba'i </font><hr>485b<br><font size=+1>


sems kyi stobs dang / tshul khrims yang dag par blangs pa mi nyams pa'i stobs dang / bzod cing dang du len pa'i stobs dang / bdud 'dul ba'i shes rab kyi stobs dang / chos zab mo la mos pa'i stobs te/ bcom ldan 'das/ bdag cag gis byang chub sems dpa'i stobs bcu po de dag thob par gyur cig /de nas bcom ldan 'das kyis byang chub sems dpa' blo gros brtan pa la bka' stsal pa/ blo gros brtan pa/ da ltar ram/ nga 'das nas kyang rung ste/ gang la la zhig gis dpa' bar 'gro ba'i ting nge 'dzin 'di mnyan te thos nas mos bar byed na/ de dag thams cad ni byang chub sems dpa'i stobs bcu po 'di dag dang ldan par 'gyur ro/ /yang de'i tshe na 'khor der byang chub sems dpa' sems dpa' chen po rgyal ba'i blo gros zhes bya ba 'dus par gyur te 'dug go /de nas byang chub sems dpa' sems dpa' chen po rgyal ba'i blo gros stan las langs te bla gos phrag pa gcig tu gzang nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ rigs kyi bu'am/ rigs kyi bu mo bsod nams 'tshal bas de bzhin gshegs pa la mchod par bgyi'o/ /shes rab 'tshal bas thos pa la </font><hr>486a<br><font size=+1>


@#/ /brtson par bgyi'o/ /mtho ris 'tshal bas tshul khrims bsrung bar bgyi'o/ /longs spyod 'tshal bas sbyin pa spel bar bgyi'o/ /gzugs 'tshal bas bzod pa bsgom par bgyi'o/ /spobs pa 'tshal bas bla ma la gus par bgyi'o/ /gzungs 'tshal bas nga rgyal ma mchis par bgyi'o/ /ye shes 'tshal bas tshul bzhin yid la bgyid pa dang ldan par bgyi'o/ /bde ba 'tshal bas sdig pa thams cad mi bgyi'o/ /sems can gyi don bgyid par 'tshal bas byang chub tu sems bskyed par bgyi'o/ / sgra snyan par 'tshal bas bden pa smra bar bgyi'o/ /yon tan 'tshal bas rab tu dben pa la dga' bar bgyi'o/ /chos 'tshal bas dge ba'i bshes gnyen la bsten par bgyi'o/ zhi gnas 'tshal bas 'du 'dzi mang po ma mchis par bgyi'o/ /lhag mthong 'tshal bas chos la stong par so sor brtag pa mang bar bgyi'o/ /tshangs pa'i 'jig rten 'tshal bas tshad med pa bzhi la bsgom par bgyi'o/ /lha dang / mi'i phun sum tshogs pa 'tshal bas dge ba bcu'i las kyi lam yang dag par blangs te gnas par bgyi'o/ /mya ngan las 'da' bar 'tshal bas chos la stong par mos par bgyi'o/ /bcom ldan 'das/ de ltar bsod nams 'tshal ba dang / shes rab 'tshal ba dang / mtho ris 'tshal ba </font><hr>486b<br><font size=+1>


dang| longs spyod 'tshal ba dang / gzugs 'tshal ba dang / spobs pa 'tshal ba dang / gzungs 'tshal ba dang / ye shes 'tshal ba dang / bde ba 'tshal ba dang / sems can gyi don 'tshal ba dang / sgra snyan pa 'tshal ba dang / yon tan 'tshal ba dang / chos 'tshal ba dang / zhi gnas 'tshal ba dang / lhag mthong 'tshal ba dang / tshangs pa'i 'jig rten 'tshal ba dang / lha dang / mi'i phun sum tshogs pa 'tshal ba dang / mya ngan las 'da' bar 'tshal ba dang / bcom ldan 'das/ don thams cad rtogs par 'tshal ba'i rigs kyi bu dang / rigs kyi bu mo dpa' bar 'gro ba'i ting nge 'dzin 'di nyid mnyan par bgyi/ blang bar bgyi/ gzung bar bgyi/ bklag par bgyi/ bshad par bgyi/ bsgom par bgyi'o// yang bcom ldan 'das dpa' bar 'gro ba'i ting nge 'dzin 'di la ji ltar nan tan bgyi/ bcom ldan 'das kyis bka' stsal pa/ rgyal ba'i blo gros/ gang gi tshe na byang chub sems dpa' chos thams cad ma zhugs par mthong ba de'i tshe/ dpa' bar 'gro ba'i ting nge 'dzin 'di la zhugs pa yin no/ /rgyal ba'i blo gros/ gang gi tshe na byang chub sems dpa' chos thams cad thogs pa med pa dang / skad cig pa dang / ya ma bral dang / rjes su chags pa dang / khong khro ba dang bral bar mthong ba de'i tshe/ dpa' </font><hr>487a<br><font size=+1>


@#/ /bar 'gro ba'i ting nge 'dzin 'di la zhugs pa yin no/ /rgyal ba'i blo gros/ 'on kyang dpa' bar 'gro ba'i ting nge 'dzin 'di la ni nan tan gcig tu ma zad kyi/ rgyal ba'i blo gros/ dpa' bar 'gro ba'i ting nge 'dzin 'di la nan tan byed pa'i rgyu ni sems can thams cad kyi sems dang spyod pa'i rgyu ba ji snyed pa de snyed yod do/ /dpa' bar 'gro ba'i ting nge 'dzin 'di la ni sems can thams cad kyi sems dang spyod pa 'jug pa ji snyed pa de snyed kyi nan tan 'jug pa yod do/ /dpa' bar 'gro ba'i ting nge 'dzin 'di la ni sems can thams cad kyi dbang po'i rgyu ba ji snyed pa de snyed kyi nan tan 'jug pa yod do/ /sems can thams cad kyi ming dang gzugs ji snyed pa byang chub sems dpa' des de snyed kyi ming dang gzugs bstan par bya'o/ /rgyal ba'i blo gros/ gang de ltar ston pa de ni dpa' bar 'gro ba'i ting nge 'dzin 'di la nan tan byed pa'o/ /sangs rgyas thams cad kyi ming dang gzugs dang / mtshan mthong ba ji snyed pa byang chub sems dpa' des ming dang gzugs dang / mtshan mthong ba de snyed bstan par bya ste/ rgyal ba'i blo gros/ gang de ltar ston pa de ni dpa' bar 'gro ba'i ting nge 'dzin 'di la nan tan byed pa'o/ /sangs rgyas thams cad kyi sangs rgyas kyi </font><hr>487b<br><font size=+1>


zhing gi yon tan bkod pa ji snyed mthong ba byang chub sems dpa' des sangs rgyas kyi zhing gi yon tan bkod pa mthong ba de snyed bstan par bya'o/ /rgyal ba'i blo gros/ gang de ltar ston pa de ni dpa' bar 'gro ba'i ting nge 'dzin 'di la nan tan byed pa yin no/ /de nas bcom ldan 'das la byang chub sems dpa' rgyal ba'i blo gros kyis 'di skad ces gsol to/ / bcom ldan 'das/ dpa' bar 'gro ba'i ting nge 'dzin 'di la nan tan bgyi ba de ni shin tu bsgrub dka' ba lags so/ /bcom ldan 'das kyis bka' stsal pa/ rgyal ba'i blo gros| de'i phyir byang chub sems dpa' gang dpa' bar 'gro ba'i ting nge 'dzin 'di la gnas pa ni nyung gi/ gang ting nge 'dzin ngan pa gzhan la spyod pa dag ni mang ngo / /rgyal ba'i blo gros kyis gsol pa/ bcom ldan 'das/ byang chub sems dpa' byams pa 'di ni bla na med pa yang dag par rdzogs pa'i byang chub tu skye ba gcig gis thogs pa lags te/ de bzhin gshegs pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur na/ bcom ldan 'das/ byang chub sems dpa' byams pa 'dis dpa' bar 'gro ba'i ting nge 'dzin 'di thob pa lags sam/ bcom ldan 'das kyis bka' stsal pa/ rgyal ba'i blo gros/ byang chub sems dpa' sa bcu la gnas pa/ skye </font><hr>488a<br><font size=+1>


@#/ /ba gcig gis thogs pa/ dbang bskur ba thob pa ji snyed pa de dag thams cad kyis dpa' bar 'gro ba'i ting nge 'dzin 'di thob bo/ /de nas bcom ldan 'das kyis byang chub sems dpa' byams pa la bka' stsal pa/ byams pa/ khyod kyis byang chub sems dpa' rgyal ba'i blo gros la dpa' bar 'gro ba'i ting nge 'dzin gyi yul ston cig / de nas byang chub sems dpa' byams pas de'i tshe de lta bu'i rdzu 'phrul mngon par 'du bya ba bstan pa dang / byang chub sems dpa' rgyal ba'i blo gros dang / thams cad dang ldan pa'i 'khor des de mthong ste/ stong gsum gyi stong chen po'i 'jig rten gyi khams 'di na dzam+bu'i gling ji snyed pa de dag thams cad na byang chub sems dpa' byams pa snang ste/ la la na ni lha'i 'jig rten na gnas/ la la na ni mi'i 'jig rten na gnas/ la la na ni rab tu byung bar gyur/ la la na ni khyim na gnas par gyur/ la la na ni kun dga' bo bzhin du de bzhin gshegs pa'i g.yog byed/ la la na ni shA ri'i bu bzhin du shes rab che/ la la na ni maung+gal gyi bu chen po bzhin du rdzu 'phrul che/ la la na ni 'od srung chen po bzhin du sbyangs pa smra/ la la na ni gang po bzhin du chos smra ba por gyur/ la la na ni sgra gcan zin bzhin du bslab pa 'dod par gyur/ la la na ni nye bar </font><hr>488b<br><font size=+1>


'khor bzhin du 'dul ba 'dzin/ la la na ni ma 'gags pa bzhin du lha'i mig dang ldan/ la la na ni nam gru bzhin du bsam gtan par gyur/ la la na ni rab 'byor bzhin du nyon mongs pa med par gnas pa'i mchog tu gyur to/ /de ltar byang chub sems dpa' sems dpa' chen po byams pa ni stong gsum gyi stong chen po'i 'jig rten gyi khams thams cad na nyan thos mchog bzhin du 'du shes te/ grong dang grong khyer la la na ni bsod snyoms spyod/ la la na ni chos 'chad par byed/ la la na ni nang du yang dag par 'jog par snang ste/ byang chub sems dpa' rgyal ba'i blo gros dang / thams cad dang ldan pa'i 'khor des byang chub sems dpa' byams pa'i dpa' bar 'gro ba'i ting nge 'dzin gyi yul la 'jug pa mthong ngo / /mthong nas dga' mgu yi rangs te bcom ldan 'das la 'di skad ces gsol to/ /bcom ldan 'das/ 'di lta ste/ dper na/ gser 'khar ba dang / mching bu dang / lcags kyi dri ma dang bral ba/ rdul ma mchis pa ni gang dang gang du bdar ba de dang der gser gyi rigs bzang po mi 'dor ro/ /bcom ldan 'das/ de bzhin du skyes bu dam pa bsam gyis mi khyab pa'i chos dang ldan pa 'di dag ni ji lta ji ltar brtags pa de lta de ltar bsam gyis mi khyab pa'i chos ston par bgyid do/ /de nas bcom ldan 'das la byang chub sems dpa' </font><hr>489a<br><font size=+1>


@#/ /rgyal ba'i blo gros kyis 'di skad ces gsol to/ /bcom ldan 'das/ bdag ji ltar sems pa ltar na/ gang dpa' bar 'gro ba'i ting nge 'dzin 'di'i tshar phyin pa de ni nyan thos kyi theg pa tshar phyin/ de ni rang sangs rgyas kyi theg pa tshar phyin/ de ni theg pa chen po tshar phyin pa lags pa snyam bgyid ngo / /bcom ldan 'das kyis bka' stsal pa/ rigs kyi bu/ de de bzhin te/ gang dpa' bar 'gro ba'i ting nge 'dzin 'di tshar phyin pa de ni 'byung ba'i lam thams cad tshar phyin to/ /de nas gnas brtan 'od srung chen po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das kyis ji ltar bka' stsal ba'i don bdag gis 'tshal zhing bdag sems ba ltar na/ 'jam dpal gzhon nur gyur pas ni sngon sangs rgyas kyi mdzad pa bgyis/ sngon byang chub kyi snying po bstan pa/ sngon chos kyi 'khor lo bskor/ sngon yongs su mya ngan las 'das pa bstan pa snyam bgyid do/ /de skad ces gsol pa dang / bcom ldan 'das kyis 'od srung chen po la 'di skad ces bka' stsal to/ /'od srung / de de bzhin no/ /ji skad smras pa </font><hr>489b<br><font size=+1>


bzhin te/ 'jam dpal gzhon nur gyur pas ni sngon sangs rgyas kyi bya ba byas/ sngon byang chub kyi snying po bstan/ sngon chos kyi 'khor lo bskor/ sngon yongs su mya ngan las 'da' bar bstan to/ /'od srung / sngon byung ba 'das pa'i dus bskal pa grangs med pa'i yang ches grangs med pa/ yangs pa/ tshad med pa/ bsam gyis mi khyab pa de'i pha rol gyi'ang ches pha rol tu phyin pa de'i tshe de'i dus na/ lho phyogs su sangs rgyas kyi zhing 'di nas sangs rgyas kyi zhing sum stong 'das pa na 'jig rten gyi khams mnyam pa zhes bya ba ri dang / rdo med pa/ bong ba dang / gyo mo dang / gseg ma med pa/ lag mthil ltar mnyam par gyur pa/ ka tsa lin+di ka ltar reg na bde ba'i rtswa 'jam po skyes par gyur te/ der de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das klu'i rigs mchog ces bya ba 'jig rten du byung bar gyur to/ /der de bzhin gshegs pa klu'i rigs mchog de bzhugs te/ byang chub thob bo/ /yang / 'od srung / de bzhin gshegs pa dgra bcom pa yang dag par rdzogs pa'i sangs rgyas klu'i rigs mchog des byang chub sems dpa'i theg pa la ni bye ba phrag </font><hr>490a<br><font size=+1>


@#/ /bdun cu yongs su smin par byas/ nyan thos kyi theg pa la ni bye ba phrag brgyad cu yongs su smin par byas/ rang sangs rgyas kyi theg pa la ni bye ba brgya stong phrag dgu bcu rtsa drug yongs su smin par byas nas phyis bcom ldan 'das de bzhin gshegs pa klu'i rigs mchog de'i nyan thos kyi dge 'dun dpag tu med par gyur to/ /yang / 'od srung / de bzhin gshegs pa klu'i rigs mchog de'i tshe'i tshad ni lo bzhi khrir gyur te/ des lha dang bcas pa'i 'jig rten gyi don byas nas yongs su mya ngan las 'das te/ de'i sku gdung dag kyang rgyas par gyur to/ /de'i mchog rten ni bye ba phrag sum cu rtsa drug tu gyur te/ de dag la sems can de dag gis mchod pa byas par gyur to/ /'od srung / bcom ldan 'das klu'i rigs mchog de yongs su mya ngan las 'das nas dam pa'i chos ni lo 'bum du gnas par gyur to/ /'od srung / yang de bzhin gshegs pa dgra bcom pa yang dag par rdzogs pa'i sangs rgyas klu'i rigs mchog des/ nga 'das pa'i 'og tu byang chub sems dpa' ye shes 'od ces bya ba 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mtshan kyang de bzhin gshegs pa dgra bcom pa yang dag par rdzogs pa'i sangs rgyas ye shes 'od </font><hr>490b<br><font size=+1>


ces bya ba nyid du 'gyur ro zhes byang chub sems dpa' ye shes 'od ces bya ba lung bstan nas yongs su mya ngan las 'das so/ /'od srung / de ji snyam du sems/ de'i tshe de'i dus na 'jig rten gyi khams mnyam pa zhes bya ba der de bzhin gshegs pa klu'i rigs mchog ces bya ba byung ba de gzhan zhig yin no snyam na 'od srung khyod kyis de ltar mi blta'o/ /de ci'i phyir zhe na/ 'od srung / 'jam dpal gzhon nur gyur pa 'di nyid de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas klu'i rigs mchog ces bya bar gyur to/ /'od srung / dpa' bar 'gro ba'i ting nge 'dzin gyi yul la ltos/ 'di ltar mngal du 'jug pa dang / btsas pa dang / mngon par 'byung ba dang / dka' ba spyod pa dang / byang chub kyi snying por 'gro ba dang / bdud 'dul ba dang / byang chub mngon par rdzogs par 'tshang rgya ba dang / chos kyi 'khor lo skor ba dang / yongs su mya ngan las 'das pa chen po dang / ring bsrel 'ged par yang ston la/ byang chub sems dpa'i chos nyid de'ang mi 'dor/ shin tu yongs su mya ngan las 'da' bas kyang yongs su mya ngan las mi 'da'o/ /de nas gnas brtan 'od srung chen pos 'jam dpal gzhon nur gyur pa la 'di skad ces smras so/ /'jam dpal/ gang khyod 'di lta bur bsam gyis mi khyab pa'i gnas dag ston pa ni khyod dga' ba </font><hr>491a<br><font size=+1>


@#/ /byed pa'o/ /'jam dpal gyis smras pa/ btsun pa 'od srung / de ji snyam du sems/ bya rgod kyi phung po'i ri 'di gang nas byung / 'jig rten gyi khams 'di gang nas byung / smras pa/ 'jam dpal/ 'jig rten gyi khams thams cad ni dbu ba ltar byung ste/ sems can rnams kyi las kyi rnam par smin pa bsam gyis mi khyab pas mngon par grub bo/ /'jam dpal gyis smras pa/ btsun pa 'od srung chen po/ de bzhin te/ chos thams cad kyang las kyi rnam par smin pa bsam gyis mi khyab pa las byung ngo / /de bas na 'dir kho bo la bya dka' ba med do/ /de ci'i phyir zhe na/ chos thams cad ni bcos ma/ rgyu la rag las pa/ bem po ste/ de dag ni bdag po med pa'i phyir ji ltar 'dod pa de bzhin du rnam par grub bo/ /gang gis tshul de rtogs pa de la ni bya dka' ba ci'ang med do/ /btsun pa 'od srung chen po/ gang dag bden pa ma mthong ba de dag ni tshul 'di la mos par shin tu bya dka' ba yin gyi/ bden pa mthong ba de dag gi chos la gnas pa'i rnam par 'phrul ba de ni de lta ma yin te/ de dag ni ngo mtshar mi che'o/ /de nas de'i tshe bcom ldan 'das steng gi bar snang la shing rta la bdun tsam du 'phags nas skyil mo krung du bzhugs shing sku las kyang 'od gang gis phyogs bcu thams cad du sangs rgyas kyi zhing dpag tu med grangs </font><hr>491b<br><font size=+1>


med pa snang bar 'gyur ba de lta bu'i 'od btang ba dang / thams cad dang ldan pa'i 'khor des phyogs bcu na sangs rgyas bcom ldan 'das dpag tu med grangs med pa dag dpa' bar 'gro ba'i ting nge 'dzin 'di 'chad par mthong ngo / /chos 'chad pa de'ang chad pa med cing lhag pa med par 'di nas thos so/ /sangs rgyas bcom ldan 'das de dag thams cad kyang steng gi bar snang la shing ta la bdun tsam du 'phags nas skyil mo krung bcas shing bzhugs par snang ngo / /de dag thams cad kyis kyang sku las 'od btang bar snang ngo / /sangs rgyas bcom ldan 'das de dag gi 'khor gang yin pa des kyang de bzhin gshegs pa shAkya thub pa steng gi bar snang la skyil mo krung bcas te bzhugs par mthong ngo / /de nas thams cad dang ldan pa'i 'khor des de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der/ me tog dang / phreng ba dang / spos dang / byug pa dag kyang 'thor bar snang ngo / / me tog de dag kyang song ste/ bcom ldan 'das kyi dbu'i gtsug gi steng gi drang thad na me tog gi gdugs su 'dug par snang ngo / /sangs rgyas kyi zhing 'di dag kyang byang chub sems dpa' de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag sangs rgyas bcom ldan 'das de dag ga la </font><hr>492a<br><font size=+1>


@#/ /ba der me tog dag 'thor ro/ /me tog de dag thams cad kyang sangs rgyas bcom ldan 'das de dag gi dbu'i gtsug gi steng gi drang thad na me tog gi gdugs su 'dug par snang ngo / /de nas bcom ldan 'das kyis rdzu 'phrul de dag bsdus te/ gdan ji ltar bshams pa nyid la bzhugs nas byang chub sems dpa' blo gros brtan pa la bka' stsal pa/ blo gros brtan pa| sems can rnams kyi dge ba'i rtsa ba spel ba'i phyir de bzhin gshegs pa rnams mthong ba'i cho 'phrul de bzhin gshegs pas bstan to/ /blo gros brtan pa/ de bzhin gshegs pa rnams mthong ba'i cho 'phrul 'dis lha dang mi brgyad stong gis bla na med pa yang dag par rdzogs pa'i byang chub tu sems bskyed do/ /yang dpa' bar 'gro ba'i ting nge 'dzin 'di'i mthar phyin pa dang / mur thug pa bstan pa bshad pa'i tshe byang chub sems dpa' blo gros brtan pas dpa' bar 'gro ba'i ting nge 'dzin 'di thob par gyur to/ /byang chub sems dpa' gzhan lnga brgyas kyang dpa' bar 'gro ba'i ting nge 'dzin 'di thob ma thag tu phyogs bcur sangs rgyas thams cad kyi rnam par 'phrul ba'ang mthong bar gyur to/ /chos thams cad kyi tshul la 'jug pa la'ang snang ba thob par gyur to/ /sa bcu pa'ang thob cing sangs rgyas kyi chos thams cad la dbang bskur ba'ang thob bo/ /stong gsum gyi stong </font><hr>492b<br><font size=+1>


chen po'i 'jig rten gyi khams 'di'ang rnam pa drug tu g.yos so/ /snang ba chen pos kyang khyab par gyur to/ /steng gi bar snang la lha'i sil snyan brgya stong dag kyang dkrol bar gyur to/ / me tog gi char yang bab bo/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis dpa' bar 'gro ba'i ting nge 'dzin longs shig/ zungs shig/ lhogs shig /kun chub par gyis shig /gzhan dag la'ang rgya cher shod cig /de nas bcom ldan 'das la brgya byin ri rab lhun po rtse mo 'dzin gyis 'di skad ces gsol to/ /bcom ldan 'das/ ci lags/ gnas brtan kun dga' bo dran pa'i ye shes phyogs gcig pa dang ldan pa/ pha rol gyi sgra'i rjes su mchis pa la dpa' bar 'gro ba'i ting nge 'dzin dkon mchog 'di gtad par mdzad dam/ bcom ldan 'das/ bdag gi bden pa'i tshig gi bden pa gang gis dpa' bar 'gro ba'i ting nge 'dzin 'di da ltar dang / phyi ma'i tshe lnga brgya pa tha ma la rgyas par bgyid pa'i bden pa'i tshig gi bden pa des bya rgod kyi phung po'i ri'i kho ra khor yug na shing gang dag mchis pa de dag thams cad bcom ldan 'das kyi byang chub kyi snying po'i shing ji lta ba de bzhin du gyur cig /de dag thams cad na byang chub sems dpa' gnas par gda' bar gyur cig /brgya byin lhun po'i rtse mo 'dzin gyis tshig de smras ma thag tu de </font><hr>493a<br><font size=+1>


@#/ /nas de'i tshe shing de dag thams cad byang chub kyi snying po'i shing 'dra bar gyur to/ /byang chub kyi snying po'i shing de dag thams cad kyi drung na byang chub sems dpa' rnams gnas par yang snang ngo / /byang chub kyi snying po'i shing de dag las brgya byin lhun po'i rtse mo 'dzin khyod kyis ji skad smras pa de bzhin te/ da ltar dang / phyi ma'i tshe la khyod dpa' bar 'gro ba'i ting nge 'dzin dkon mchog 'di rgyas par byed par 'gyur ro zhes sgra byung ngo / /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyis mgrin gcig tu tshig smras pa/ gal te de bzhin gshegs pa'i sku tshe bskal par gnas par gyur la/ nyan thos kyi theg pa las brtsams te chos bshad nas chos bshad pa re re zhing yang de bzhin gshegs pas chos kyi 'khor lo bskor bas sems can ji snyed btul ba de snyed kyi sems can dul bar gyur ba bas/ gang yang dpa' bar 'gro ba'i ting nge 'dzin 'di bshad pa'i tshe sems can rnams kyi don bgyis pa ni de bas 'di ches mchog lags so/ /de ci'i slad du zhe na| bcom ldan 'das/ sems can de dag thams cad ni nyan thos kyi theg par btul ba lags te/ byang chub sems dpa'i 'dul ba'i brgya'i char yang nye bar mi mchi ba nas/ </font><hr>493b<br><font size=+1>


rgyu'i bar du'ang nye bar mi mchi ste/ gang du byang chub sems dpa' dag nges par byung ba dang / nges par 'byung ba dang / nges par 'byung bar 'gyur ba dpa' bar 'gro ba'i ting nge 'dzin de ni de tsam du tshad ma mchis so/ /bcom ldan 'das/ de lta bas na byang chub sems dpa' nges par 'byung ba'i lam thams cad kyis nges par 'byung bar 'tshal bas dpa' bar 'gro ba'i ting nge 'dzin 'di la brtson par bgyi'o/ /de nas bcom ldan 'das la byang chub sems dpa' blo gros brtan pas 'di skad ces gsol to/ /bcom ldan 'das/ de bzhin gshegs pa'i sku tshe'i tshad ji tsam lags/ ji srid na de bzhin gshegs pa shin tu yongs su mya ngan las 'da' bas yongs su mya ngan las 'da' bar 'gyur/ bcom ldan 'das kyis bka' stsal pa/ blo gros brtan pa/ shar phyogs su sangs rgyas kyi zhing 'di nas/ sangs rgyas kyi zhing sum khri nyis stong 'das pa na 'jig rten gyi khams rnam par spud pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'od zer gyis brgyan pa rnam par 'phrul ba'i rgyal po zhes bya ba da ltar bzhugs shing 'tshol gzhes shing chos kyang ston te/ blo gros brtan pa/ bcom ldan 'das de bzhin gshegs pa rnam par snang mdzad 'od zer gyis brgyan pa rnam par 'phrul ba'i </font><hr>494a<br><font size=+1>


@#/ /rgyal po de'i tshe'i tshad ji tsam pa nga'i tshe'i tshad kyang de tsam mo/ /blo gros brtan pas gsol pa/ bcom ldan 'das de bzhin gshegs pa rnam par snang mdzad 'od zer gyis brgyan pa rnam par 'phrul pa'i rgyal po de'i sku tshe'i tshad ji tsam lags/ bcom ldan 'das kyis bka' stsal pa/ blo gros brtan pa/ khyod song la de bzhin gshegs pa rnam par snang mdzad 'od zer gyis brgyan pa rnam par 'phrul ba'i rgyal po de nyid la zhus shig dang / de nyid khyod la lan 'debs par 'gyur ro/ /de nas byang chub sems dpa' blo gros brtan pa sangs rgyas kyi mthu dang / ting nge 'dzin gyi mthu dang / bdag gi dge ba'i rtsa ba'i stobs bskyed pas skad cig thang cig yud tsam de nyid la 'jig rten gyi khams rnam par spud pa zhes bya bar song ste/ bcom ldan 'das de bzhin gshegs pa rnam par snang mdzad 'od zer gyis brgyan pa rnam par 'phrul ba'i rgyal po'i zhabs la mgo bos phyag 'tshal nas bcom ldan 'das la lan gsum bskor te/ phyogs gcig tu 'dug nas/ bcom ldan 'das de la 'di skad ces gsol to/ /bcom ldan 'das kyi sku tshe'i tshad ji tsam lags/ ji srid na shin tu yongs su mya ngan las 'da' bas yongs su mya ngan las 'da' bar 'gyur/ bcom ldan 'das des bka' stsal pa/ blo gros brtan pa/ bcom ldan 'das shAkya </font><hr>494b<br><font size=+1>


thub pa'i sku tshe'i tshad ji tsam pa bzhin te/ blo gros brtan pa/ tshe'i tshad ni bskal pa grangs med pa bdun brgya'o/ /nga'i tshe'i tshad ji tsam pa bcom ldan 'das shAkya thub pa'i sku tshe'i tshad kyang de tsam mo/ /de nas byang chub sems dpa' blo gros brtan pa ngo mtshar du gyur nas/ yang bcom ldan 'das de bzhin gshegs pa rnam par snang mdzad 'od zer gyis brgyan pa rnam par 'phrul ba'i rgyal po'i zhabs la mgo bos phyag btsal nas lan gsum bskor te/ skad cig thang cig yud tsam de nyid la mi mjed kyi 'jig rten gyi khams su 'ongs nas bcom ldan 'das la 'di skad ces gsol to/ /bcom ldan 'das/ bcom ldan 'das de bzhin gshegs pa rnam par snang mdzad 'od zer gyis brgyan pa rnam par 'phrul ba'i rgyal po de'i sku tshe'i tshad ni bskal pa grangs ma mchis pa bdun brgya lags te/ nga'i tshe'i tshad ji tsam pa bcom ldan 'das shAkya thub pa'i sku tshe'i tshad kyang de tsam mo zhes bka' stsal to/ / de nas sangs rgyas kyi mthus tshe dang ldan pa kun dga' bo stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ ji ltar bcom ldan 'das kyis bshad pa'i don bdag gis 'tshal </font><hr>495a<br><font size=+1>


@#/ /pa dang / bdag ji ltar sems pa ltar na/ bcom ldan 'das nyid 'jig rten gyi khams rnam par spud pa de'i de bzhin gshegs pa rnam par snang mdzad 'od zer gyis brgyan pa rnam par 'phrul pa'i rgyal po zhes bgyi ba de lags te/ mtshan de nyid kyis sems can rnams la sman pa dang / bde ba'i slad du chos 'chad do snyam bgyid do/ /de nas bcom ldan 'das kyis tshe dang ldan pa kun dga' bo la legs so zhes bya ba byin nas/ legs so/ /legs so/ /kun dga' bo/ khyod sangs rgyas kyi mthus rab tu shes so/ /nga nyid de yin te/ 'jig rten gyi khams rnam par spud pa zhes bya ba de na sems can rnams la phan pa dang / bde ba'i phyir ming de nyid kyis chos 'chad do| |kun dga' bo/ de'ang dpa' bar 'gro ba'i ting nge 'dzin gyi rnam par 'phrul pa yin no/ /de nas bcom ldan 'das kyis byang chub sems dpa' blo gros brtan pa la bka' stsal pa/ blo gros brtan pa/ de ltar na nga'i tshe'i tshad ni bskal pa grangs med pa bdun brgya ste/ de'i 'og tu shin tu yongs su mya ngan las 'da' bas yongs su mya ngan las 'da'/ /thams cad dang ldan pa'i 'khor des sangs rgyas kyi sku tshe'i tshad 'di thos nas mgrin gcig tu tshig 'di skad ces ngo mtshar to/ /sangs rgyas bcom ldan 'das che ba'i </font><hr>495b<br><font size=+1>


bdag nyid rnams kyi bzhugs pa dang / sangs rgyas kyi rnam par 'phrul pa'i cho 'phrul dang yon tan gyi khyad par bsam gyis mi khyab pa thugs su chud pa dang / spyod pa'i khyu mchog tu gyur pa thams cad ngo mtshar te/ de ltar bcom ldan 'das shAkya thub pa'i sku tshe'i tshad bskal pa grangs med pa bdun brgya lags na/ mi mjed kyi 'jig rten gyi khams 'dir ni sku tshe thung bar gda'o/ /sems can thams cad kyis tshe'i tshad 'di dang / dpa' bar 'gro ba'i ting nge 'dzin 'di thob par shog cig /ces smras so/ /de nas bcom ldan 'das kyis yang byang chub sems dpa' blo gros brtan pa la bka' stsal pa/ blo gros brtan pa/ dpa' bar 'gro ba'i ting nge 'dzin bshad pa 'di grong ngam/ grong khyer ram/ yul lam/ ljongs sam/ gtsug lag khang ngam/ dgon pa'ang rung ste/ gang du spyod par 'gyur pa der bdud dam/ bdud kyi ris kyi lha glags lta zhing klan ka 'tshol ba dag gis glags rnyed par mi 'gyur ro/ /blo gros brtan pa/ chos smra pa de'ang dpa' bar 'gro ba'i ting nge 'dzin 'di yi ger 'di'am/ klog gam/ lung nod dam/ kha ton byed dam/ 'chang na/ mi'am/ mi ma yin pa las 'jigs par mi 'gyur bar re bar bya ba'i steng du/ de yon tan gyi bye brag bsam gyis mi khyab pa nyi shu thob par re bar bya'o/ /nyi shu gang zhe na/ 'di lta ste/ bsod nams bsam gyis mi khyab pa dang / </font><hr>496a<br><font size=+1>


@#/ /shes rab bsam gyis mi khyab pa dang / thabs bsam gyis mi khyab pa dang / spobs pa bsam gyis mi khyab pa dang / chos snang ba bsam gyis mi khyab pa dang| gzungs kyi sgo la 'jug pa bsam gyis mi khyab pa dang / chos kyi sgor 'jug pa bsam gyis mi khyab pa dang / dran pa dang / blo gros dang / rtogs pa'i snod bsam gyis mi khyab pa dang / mngon par shes pa sgrub pa bsam gyis mi khyab pa dang / sems can thams cad kyi skad la 'jug pa bsam gyis mi khyab pa dang / sems can gyi spyod pa dang / bsam pa la 'jug pa bsam gyis mi khyab pa dang / sangs rgyas mthong ba bsam gyis mi khyab pa dang / chos thos pa bsam gyis mi khyab pa dang / sems can yongs su smin par byed pa bsam gyis mi khyab pa dang / ting nge 'dzin gyi rnam par 'phrul pa bsam gyis mi khyab pa dang / zhing gi yon tan bkod pa'i yon tan bsgrub pa bsam gyis mi khyab pa dang| gzugs dang / mtshan mdzes pa bsam gyis mi khyab pa dang / bsngags pa dang / yon tan dang / snyan pa dang / brjod pa bsam gyis mi khyab pa dang / pha rol tu phyin pa sbyangs pa bsam gyis mi khyab pa dang / chos rtogs pa bsam gyis mi khyab pa ste/ blo gros brtan pa/ chos smra ba dpa' bar 'gro ba'i ting nge 'dzin 'di la brtson pa </font><hr>496b<br><font size=+1>


yi ger 'dri'am/ klog gam/ lung nod dam/ kha ton byed dam/ ston na yon tan gyi bye brag bsam gyis mi khyab pa nyi shu po de dag yongs su 'dzin to/ /blo gros brtan pa/ de lta bas na rigs kyi bu'am/ rigs kyi bu mo tshe 'di 'am tshe rabs gzhan la yon tan yongs su 'dzin par 'dod pas dpa' bar 'gro ba'i ting nge 'dzin 'di yi ger bri ba dang / bklag pa dang / / lung nod pa dang / kha ton bya ba dang / bshad pa la brtson par bya'o/ /blo gros brtan pa/ yang rigs kyi bu'am/ rigs kyi bu mo byang chub 'dod pas bskal pa brgya phrag stong du pha rol tu phyin pa drug spyod pa bas/ gang gis dpa' bar 'gro ba'i ting nge 'dzin 'di thos ma thag tu sems ma zhum la/ mi skrag/ mi dngang / dngang bar mi 'gyur zhing mos par byed na/ de ni ches myur du bla na med pa yang dag par rdzogs pa'i byang chub tu nges par 'byung bar 'gyur na gang gis thos nas lung 'bog pa'am/ gzhan la 'chad par 'gyur ba lta ci smos/ de bzhin gshegs pa'i bsam gyis mi khyab pa thob nas mi 'jigs par 'dod pas dpa' bar 'gro ba'i ting nge 'dzin dkon mchog 'di mnyan par bya'o/ /ma thos pa'i chos rnams thos nas mi spong bar 'dod pa dang / ldem po dag rtogs par 'dod pa dang / ye shes mngon sum du gyur pa rtogs par 'dod pas dpa' bar 'gro ba'i ting nge 'dzin 'di la mos par bya'o/ / </font><hr>497a<br><font size=+1>


@#/ /dpa' bar 'gro ba'i ting nge 'dzin 'di bshad pa'i tshe sems can grangs med tshad med pa bla na med pa yang dag par rdzogs pa'i byang chub la yang dag par zhugs so/ /gang byang chub sems dpa'i sa la gnas pa ni de bas kyang shin tu tshad med do/ gang dag bzod pa thob par gyur pa ni de bas kyang shin tu tshad med do/ /skye ba gcig gis thogs pa'ang tshad med par gyur to/ /byang chub sems dpa' khri brgyad stong gis ni dpa' bar 'gro ba'i ting nge 'dzin 'di thob bo/ /srog chags brgyad khri drug stong gis ni bla na med pa yang dag par rdzogs pa'i byang chub tu sems bskyed do/ /dge slong dang / dge slong ma nyi khri brgyad stong ni len pa med par zag pa las sems rnam par grol lo/ / dge bsnyen dang / dge bsnyen ma brgyad khri drug stong ni chos la chos kyi mig rdul med cing dri ma dang bral ba rnam par dag go /lha khrag khrig phrag sum cu rtsa drug gis ni chos mngon par rtogs par gyur to/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ don las skyes pa'i tshig ji lta bu dag gis ma 'ongs pa'i byang chub sems dpa' rnams kyis byang chub sems dpa' sems dpa' chen po 'das pa rnams kyi bslab pa slob cing lobs nas spobs pa rgyun mi 'chad </font><hr>497b<br><font size=+1>


pa 'thob par 'gyur ba de lta bu'i don las skyes pa'i tshig bdag la bshad du gsol/ don las skyes pa'i tshig ji lta bus gzungs thob par 'gyur ba'i don las skyes pa'i tshig de dag bcom ldan 'das kyis bshad du gsol/ de ni skye bo mang po la sman pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang / mi rnams kyi don dang| sman pa dang / bde ba dang / gang ma 'ongs pa'i byang chub sems dpa' sems dpa' chen po dag phyi ma'i tshe phyi ma'i dus la/ de bzhin gshegs pas bskal pa bye ba du mar yang dag par bsgrubs pa'i bla na med pa yang dag par rdzogs pa'i byang chub 'dzin par 'gyur ba dang / dam pa'i chos nub nas slar yang de dag chos kyi sgron ma 'bar bar bgyid pa dang / dam pa'i chos yongs su 'dzin pa'i slad du 'jug par 'gyur ba dang / chos thams cad kyi yang dag pa'i mtha' dang / de bzhin nyid mthong ba dang / lhag pa'i nga rgyal can rnams tshar gcad par 'gyur ba dang / mu stegs can gzhan spyod pa can dang / kun tu rgyu dag tshar gcod cing 'joms par 'gyur ba dang / 'di lta ste/ chos thams cad mi dmigs pa'i 'khor lo dang / ma g.yos pa'i 'khor lo dang / mi gnas pa'i 'khor lo dang / ma 'dres pa'i 'khor lo dang / ma brnyas pa'i 'khor lo dang / stong pa nyid kyi 'khor lo </font><hr>498a<br><font size=+1>


@#/ /dang| mtshan ma med pa'i 'khor lo dang / smon pa med pa'i 'khor lo dang / mtshan nyid med pa'i 'khor lo dang / chos thams cad kyi 'khor lo dang / tshig dang yi ge'i don yang dag par bstan pa'i 'khor lo dang / mngon par 'du byed pa'i 'khor lo dang / brjod du med pa'i 'khor lo dang / phye ste brtags pa ma yin pa'i 'khor lo dang / chos thams cad mnyam pa nyid kyi 'khor lo dang / don mnyam par bstan pa'i 'khor lo dang / chos rnams smos pa'i 'khor lo dang / sgrib pa med pa'i 'khor lo dang / chos thams cad la mi chags pa'i 'khor lo dag gi chos kyi 'khor lo skor ba'i rjes su bskor bar 'gyur la/ 'khor lo de bskor ma thag tu lha dang mir bcas pa'i 'jig rten 'jigs shing dngangs par 'gyur ba dang / bcom ldan 'das/ gang mngon pa'i nga rgyal can thams cad dang / mu stegs can gzhan spyod pa can dang / kun tu rgyu phas kyi rgol ba thams cad kyis ma lags pa'i don las skyes pa'i tshig rgya cher bshad du gsol/ de ni lha dang / mi dang / lha ma yin du bcas pa'i 'jig rten gyi snang bar 'gyur ro/ /de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ khyod de bzhin gshegs pa la </font><hr>498b<br><font size=+1>


don de zhu bar sems pa legs so/ /legs so/ /khyod ni skye bo mang po la phan pa dang / /skye bo mang po la bde ba dang / 'jig rten la snying brtse ba dang / skye bo phal po che dang / lha dang / mi rnams kyi don dang / phan pa dang / bde ba dang / da ltar dang / ma 'ongs pa'i byang chub sems dpa' rnams kyi don gyi phyir zhugs pa yin no/ /'jam dpal/ khyod gsol ba 'debs pa'i tshig 'di ni de bzhin gshegs pa'i mthus skyes so/ /'jam dpal/ de'i phyir legs par rab tu nyon la yid la zungs shig dang bshad do/ /bcom ldan 'das/ legs so zhes gsol te/ 'jam dpal gzhon nur gyur pa bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /'jam dpal/ chos thams cad ni rgyu ba med pa'i phyir mi gnas pa'o/ /'jam dpal/ chos thams cad ni 'dod chags dang / zhe sdang / gti mug med pa'i phyir yongs su 'dzin pa med pa'o/ /'jam dpal/ chos thams cad ni rnam par rtog pa med pa'i phyir mi dmigs pa'o/ /'jam dpal/ chos thams cad ni mi 'khrugs pa'i phyir kun nas slong ba med pa'o/ /'jam dpal/ chos thams cad ni 'bral ba med pa'i phyir ma 'khrugs pa'o/ /'jam dpal/ chos thams cad ni dngos po med pa'i phyir dbyer med pa'o/ /'jam dpal/ chos thams cad ni 'di lta ste/ mtshan </font><hr>499a<br><font size=+1>


@#/ /nyid med pa'i phyir 'du shes med pa'o/ /'jam dpal/ chos thams cad ni med pa'i phyir mtshan nyid med pa'o/ /'jam dpal/ chos thams cad ni/ 'di lta ste/ 'du byed mi dmigs pa'i phyir ya ma brla'o/ /'jam dpal/ chos thams cad ni/ 'di lta ste/ sems can mi dmigs pa'i phyir mngon par 'dus ma byas pa'o| |'jam dpal/ chos thams cad ni byed pa po mi dmigs pa'i phyir 'dus ma byas pa'o/ /'jam dpal/ chos thams cad ni mig mi dmigs pa'i phyir mthong ba po med pa'o/ /'jam dpal/ chos thams cad ni sems mi dmigs pa'i phyir rnam par shes pa dang bral ba'o/ /'jam dpal/ chos thams cad ni tshad med pa'i phyir mtha' yas pa'i mu'o/ /'jam dpal/ chos thams cad ni/ 'di lta ste/ sems can tshad med pa'i phyir tshad med pa'o/ /'jam dpal/ chos thams cad ni/ 'di lta ste/ gnyen po mi dmigs pa'i phyir sgrib pa med pa'o/ /'jam dpal/ chos thams cad ni/ 'di lta ste/ mnyam pa nyid kyi phyir gnyen po med pa'o/ /'jam dpal/ chos thams cad ni/ 'di lta ste/ sna tshogs mi dmigs pa'i phyir mnyam pa'o/ /'jam dpal/ chos thams cad ni/ 'di lta ste/ tha ma dang / mchog dang / mtshungs pa mi dmigs pa'i phyir sna </font><hr>499b<br><font size=+1>


tshogs med pa'o/ /'jam dpal/ chos thams cad ni/ 'di lta ste/ mi 'ong ba'i phyir mi 'pho ba'o/ /'jam dpal/ chos thams cad ni/ 'di lta ste/ 'byung ba med pa'i phyir ma 'ongs pa'o| |'jam dpal/ chos thams cad ni/ 'di lta ste/ dus gsum mnyam pa'i phyir ltos pa med pa'o/ /'jam dpal/ chos thams cad ni/ 'di lta ste/ 'das pa dang / ma 'ongs pa dang / da ltar byung ba mi dmigs pa'i phyir dus gsum las 'das pa'o/ /'jam dpal/ chos thams cad ni/ 'di lta ste/ dbye ba mi dmigs pa'i phyir rdo rje lta bu'o/ /'jam dpal/ chos thams cad ni/ 'di lta ste/ rnam par 'jig pa med pa'i phyir g.yo ba med pa'o/ /'jam dpal/ chos thams cad ni/ 'di lta ste/ yang dag pa'i mtha' rnam par mi rig pa'i phyir ma zhig pa'o/ /'jam dpal/ chos thams cad ni/ 'di lta ste/ mi dmigs pa'i phyir mya ngan las 'das pa dang mnyam pa yin te/ 'jam dpal/ ma chags pa'i tshig de dag ni mtshan ma med pa'i tshig go /ma spros pa'i tshig go /rnyog pa med pa'i tshig go /ma nor ba'i tshig go /ma g.yos pa'i tshig go /mi 'phrogs pa'i tshig go /phas kyi rgol ba thams cad kyis zil gyis mi non pa'o/ /nga rgyal can thams cad kyis zil gyis mi non pa'o/ /'di ni mu stegs can dang / phas kyi rgol ba rnams kyis ma yin no/ /dmigs par lta ba dang / </font><hr>500a<br><font size=+1>


@#/ /gang zag tu lta ba dang / sems can du lta ba dang / mtshan mar lta ba rnams kyis ma yin no/ /sems can 'du byed spyod pa thams cad kyis ma yin no/ /'jam dpal/ de dag ni don las skyes pa'i tshig rnams yin te/ byang chub sems dpa' sems dpa' chen po dag ni de shes rab kyi stobs bskyed pa thob cing / chos thams cad kyang rtogs par khong du chud pa yin no/ /'jam dpal/ byang chub sems dpa' sems dpa' chen po de ltar gnas pa de ltar zhugs pa dag la ni sangs rgyas bcom ldan 'das rnams spobs pa nye bar sgrub bo/ /'jam dpal/ 'di lta ste/ dper na/ ri dwags kyi rgyal po seng ge ral pa can rigs btsun pa ni/ wa dang / rkang pa bzhi pa 'ongs pa thams cad la ni/ mi 'jigs/ mi dang / skrag par mi 'gyur te/ tha na de spu zing zhes byed pa tsam du'ang mi 'gyur ro/ /'jam dpal/ de bzhin du byang chub sems dpa' sems dpa' chen po mi dmigs pa 'di lta bu dag la bslabs par gyur pa ni phas kyi rgol ba dang / kun tu rgyu dmigs par lta ba can thams cad nas/ mngon par 'du byed pa can dag gi bar la mi 'jigs mi d+nang skrag bar mi 'gyur ro/ /de ci'i phyir zhe na/ de ltar seng ge'i sgra chen po sgrags pa'i phyir ro/ /'jam dpal/ de ltar byang chub sems dpa' rnams kyang </font><hr>500b<br><font size=+1>


chos thams cad la mi gnas pa'i phyir yon tan gyi bye brag de 'dra bar 'gyur na/ bla na med pa yang dag par rdzogs pa'i byang chub mngon par rdzogs par sangs rgyas pa rnams lta ci smos/ bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad gsungs so/ /chos rnams thams cad mi gnas te/ rang bzhin gyis ni dpen pa'i phyir/ /de dag gi ni gnas med de/ /de phyir gnas pa med ces bya/ /chos rnams rang bzhin 'od gsal bas/ /de dag dngos po yod ma yin/ /gang na dngos po med gyur pa/ /de ni chos kyi rnam dag yin/ /dngos po yod pa ma yin pas/ /de na chags pa med pa yin/ /gang na chags pa med gyur ba/ /de yi phyir ni gzungs zhes bya/ /chos rnams thams cad de 'dra ste/ /de ni tshig ni yod ma yin/ /chos rnams mang po'i rgya mtsho ni/ /de ni gzungs zhes gsungs pa yin/ /gang na dngos po med gyur pa/ /de na de'ang mi rtogs te/ /gang na bdag tu mi rtogs pa/ /gzungs nyid yin par shes par gyis/ /chos kun nye bar zhi ba ste/ /rang bzhin gyis ni mtshan nyid med/ /gang zhig ye shes der 'jug pa| |de yang gzungs ni myur du 'thob/ /chos rnams thams cad g.yo ba med/ /de na 'jig rten med pa ste/ /gang na 'jig rten yod min pa/ /de ni gzungs zhes bya ba yin/ / </font><hr>501a<br><font size=+1>


@#/ /chos kun grub pa med pa ste/ /gang na dngos po med pa dang / /gang na ci yang grub med pa/ /de ni gzungs zhes bya ba yin/ /chos rnams thams cad gzung du med/ /de la thog ma yod ma yin/ /gang la thog ma med gyur pa/ /de'i phyir gzungs su shes par gyis/ /chos rnams thams cad ma skyes te/ /rtogs pa las ni kun tu byung| |gang na rtog pa med gyur ba/ /de phyir gzungs su shes par gyis/ /chos rnams thams cad med par gnas/ /mi rtog par ni bstan pa ste/ /'di la bstan pa cung zad med/ / des na bstan ces bya ba yin/ /chos rnams thams cad ma 'dres te/ /'di la ngo bo nyid kyang med/ /gang na chos su dmigs med pa/ /de ni de na tha dad med/ /chos rnams thams cad ma chags te/ /de ni nam mkha' mtshungs shing 'dra/ /chos kyi rang bzhin de yin te/ /gzungs zhes pa yang de yin no/ /chos rnams thams cad mtshan nyid gcig /'di na gcig kyang med pa ste/ /'di na rang bzhin tha dad med/ /de bas de dag mtshan nyid gcig /chos rnams thams cad mtshan nyid med/ /de na dngos po med pa ste/ /gang na dngos po med gyur pa/ /de phyir gzungs zhes bya ba yin/ /chos rnams thams cad dben pas na/ /de na ngo bo nyid med de/ /gang na dngos po mi dmigs pa/ /de ni gzungs su </font><hr>501b<br><font size=+1>


shes par gyis/ /chos rnams thams cad mi gnas te/ /ldang ba byed pa'ang med pa yin/ /gang na ldang ba med gyur pa/ /de ni mya ngan 'das zhes bya/ /chos kun mngon par 'dus ma byas| |sems can dag kyang de na med/ /sems can rang bzhin gang yin pa/ /de ni gzungs zhes bya ba yin/ /chos rnams thams cad ma byas te/ /byed pa po yang de na med/ /gang dag las kyi bya ba med/ /de ni gzungs zhes bya ba yin/ /mig ni yod pa ma yin pas/ /chos rnams thams cad mthong ba med/ /gang na mig ni mi dmigs pa/ /de na med ces bya ba yin/ /sems ni yod pa ma yin pas/ /chos rnams rnam par shes dang bral/ /sems dang shes pa med pas na/ /rnam par shes pa med pa yin/ /gang na shes dang de bzhin du/ /mi shes pa yang med pa dang / /gang na sems ni yod ma yin/ /de tsam gyis ni ye shes so/ /ji tsam du ni rnam rtog pa/ /ye shes dang ni mi shes 'gyur/ /rtog dang sgrub pa med gyur na/ /de la ye shes zhes kyang bya/ /chos rnams thams cad dngos po med/ /ming tsam du yang bshad pa ste/ /ye shes dang ni mi shes pa/ /de yang de bzhin shes par gyis/ /chos rnams thams cad med pa ste/ /'di na ci yang yod ma yin/ /gang na chos rnams yod min pa/ /de ni chos kyi mchog yin no/ /chos rnams thams cad rang bzhin gyis/ /tshad med par ni bstan pa ste// </font><hr>502a<br><font size=+1>


@#/ /sems can rang bzhin gang yin pa/ /de ni gzungs zhes bya ba yin/ /chos rnams thams cad gsog yin te/ /de la snying po yod ma yin/ /gang na snying po yod min pa/ /de ni gzungs kyi mtshan nyid yin/ /chos rnams thams cad gnyen po med/ /de ltar mtshan nyid gcig pa ste/ /mtshan nyid med pa'i chos rnams kyi/ / gnyen po yod pa ma yin no/ /chos kun bye brag med pa ste/ /dam pa dang ni tha ma med/ /'di la 'dra ba gang yang med/ /de yi phyir ni gzungs zhes bya/ /mtshungs shing mnyams par zhugs pas na/ /chos kun la ni sna tshogs med/ /gang na sna tshogs yod min pa/ /de ni gzungs zhes bya ba yin/ /chos rnams thams cad med pas na/ /'dir ni 'ong ba yod ma yin/ /'dir ni gzhan yang 'pho ba med/ /de ni chos kyi chos nyid yin/ /chos rnams thams cad ma 'ongs pas/ /'dir ni 'du bar 'gyur ba med/ /gang na 'du ba yod min pa/ /de ni gzungs zhes bya ba yin/ /chos kun bsam gyis mi khyab ste/ /de na yod dang med pa med/ /de na 'dzin pa yod ma yin/ /de ni gzungs kyi mtshan nyid do/ /rang bzhin gyis ni bdag med pas/ /chos rnams thams cad ltos pa med/ /gang yang bdag ni med bshad pa/ /de phyir dngos med shes par gyis/ /khams </font><hr>502b<br><font size=+1>


gsum las ni 'das gyur par/ /gzungs la rab tu shes par gyis/ /chos rnams thob pa med pas ni/ /de ni gzungs zhes brjod pa yin/ /chos rnams thams cad rdo rje bzhin/ de dag la ni tha dad med/ /de ltar dngos po stong pa ste/ /de yi phyir ni dngos po med/ /chos kun g.yo ba med pa ste/ /de dag la ni bshig pa med/ /de dag la ni skye ba med/ /de yi phyir ni bshig pa med/ /chos rnams thams cad 'jig med na/ /yang dag rjes su mthong ba ste/ /gang dag gi ni byang chub mchog /de ni cung zad rtogs pa med/ /phra rab chos kyang ma dmigs pas/ /sangs rgyas kyi ni byang chub bshad/ /chos rnams thams cad gzung du med/ /de ni byang chub mtshan nyid do/ /gzugs nyid rang bzhin med pa'i phyir/ /gzungs la gzugs ni med par bshad/ /gzhan du gzugs ni ma gtogs par/ /gzungs su dmigs par mi 'gyur ro/ /gzugs la ngo bo nyid med kyang / /ngo bo nyid ces bya ba yin/ /de bzhin ngo bo nyid shes na| |gzungs ni nye bar 'byung ba yin/ /gzungs 'di bri bar bya ba ni/ /ming tsam la yang gnas pa ste/ /gzungs zhes nges par brjod pa yi/ /chos de yod pa ma yin no/ /mig la gzungs su shes par gyis/ /de ni 'khor los bstan pa ste/ /chos rnams kyi ni ma chags pa/ /de la gzungs zhes bshad pa yin/ /de bzhin du sbyar te/ yid ni gzungs su shes par </font><hr>503a<br><font size=+1>


@#/ /gyis| |de ni 'khor los bstan pa ste/ /chos rnams kyi ni ma chags pa/ /gzungs so zhes ni bshad pa yin/ /'dir ni bshad pa mtha' yas pa/ /chos rnams de ltar shes gyur na/ /ji tsam cung zad dmigs med pa/ /thams cad du ni gzungs zhes bshad/ /dmigs pa mang po mi mthong bar/ /mi gnas par ni 'chad byed de/ /chos rnams thams cad dngos po med/ /mtshan ma med cing mtshan nyid med/ /gzungs 'dod gang zhig 'gro byed pa/ /chos rnams de ltar shes gyur cing / /chags pa med par rab 'chad na| |gzungs ni bzhag par gyur pa yin/ /'jam dpal/ sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das chos ta la la'i sgron ma zhes bya ba zhig byung bar gyur to/ /de'i sangs rgyas kyi zhing ni rdul dang bral ba zhes bya bar gyur te/ mnyam pa/ nyams dga' ba/ mdzes pa/ blta na sdug pa/ dag ba| 'byor ba/ rgyas pa/ mi dang / skye bo mang pos gang bar gyur to/ /'jam dpal/ 'jig rten gyi khams de ni baiDUR+Ya las grub cing gser skud mig mang ris su bris te/ mig mang </font><hr>503b<br><font size=+1>


ris thams cad na'ang rin po che'i shing ljon pa me tog dang / 'bras bur ldan par gyur to/ /sa chen po de'ang ka tsa lin+di ka ltar reg na bde bar gyur to/ /'jam dpal/ sangs rgyas kyi zhing de na dud 'gro dang / yi dwags dang / lha ma yin thams cad med par gyur to/ /'jam dpal/ sangs rgyas kyi zhing de na sems can gang dag skyes pa de dag kyang dge ba bcu'i las kyi lam dang ldan par gyur to/ /sangs rgyas kyi zhing de'ang shin tu yongs su dag par gyur te/ rnam pa thams cad phun sum tshogs shing rnam pa thams cad yongs su rdzogs so/ /grong khyer de ni 'byung ba med ces bya bar gyur to/ /'jam dpal/ de'i tshe na mi rnams kyi tshe'i tshad ni lo 'bum tshang bar gyur te/ mtshang bar 'ga' yang 'chi ba'i dus byed pa med do/ /'jam dpal/ grong khyer 'byung ba med ces bya ba der rgyal po rnam par rgyal ba zhes bya ba zhig byung ste/ 'jam dpal/ rgyal po rnam par rgyal ba zhes bya ba de la bu stong yod par gyur to/ /yang / 'jam dpal/ rgyal po rnam par rgyal ba zhes bya ba bu stong dang lhan cig tu bcom ldan 'das de bzhin gshegs pa chos ta la la'i sgron mnyan thos kyi dge 'dun dang bcas pa la na bza' dang / bshos dang / mal stan dang / na ba'i gsos sman dang / yo byad rnams kyis bsnyen bkur byas par gyur to/ /bde ba'i yo byad thams cad kyis kyang bkur sti byas par gyur/ bla mar byas par gyur/ bsti </font><hr>504a<br><font size=+1>


@#/ /stong byas par gyur/ rim gro byas par gyur/ mchod pa byas pa gyur to/ /'jam dpal/ de nas rgyal po rnam par rgyal ba bu stong dang lhan cig tu bcom ldan 'das de bzhin gshegs pa chos ta la la'i sgron ma la chos kyi rnam grangs 'di kun zhus par gyur to/ /de bzhin gshegs pa des kyang de'i lhag pa'i bsam pa mkhyen nas chos kyi rnam grangs 'di bshad par gyur te/ thos ma thag tu rgyal po rnam par rgyal ba de bu stong dang lhan cig tu chos shes par gyur to/ /chos kyi rnam grangs 'di thos nas spobs pa rgyun mi 'chad pa thob par gyur to/ /'jam dpal/ de lta bas na da ltar ram/ de bzhin gshegs pa 'das kyang rung ste/ rigs kyi bu'am/ rigs kyi bu mo gang la la spobs pa rgyun mi 'chad cing spobs pa thogs pa med pa 'di 'dod pa des/ zab pa/ chags pa med pa/ 'di 'dra ba'i gnas kyi chos la brtson par bya/ bslab par bya/ chos kyi tshig zab mo 'di lta bu gzung bar bya'o| /kun chub par bya'o/ /kha ton du bya'o/ /chos zab mo'i rnam grangs 'di lta bu kun chub par byas nas gzhan la'ang bstan par bya'o/ /chos thams cad la ser sna med par bya'o/ /de skad ces bka' stsal pa dang / 'jam dpal gzhon nur gyur pas bcom ldan 'das la 'di skad ces gsol to/ /ma 'ongs pa'i dus kyi sems can rnams kyi don </font><hr>504b<br><font size=+1>


gyi slad du ci nas kyang ma 'ongs pa'i dus na phyi ma'i dus phyi ma'i tshe la chos kyi rnam grangs 'di slar yang spyod par 'gyur bar bcom ldan 'das kyis byin gyis brlab tu gsol/ de nas bcom ldan 'das kyis 'jam dpal gzhon nur gyur pa'i gsol pa btab pa mkhyen nas chos kyi rnam grangs 'di byin gyis brlabs so/ /de bzhin gshegs pa dgra bcom pa yang dag par rdzogs pa'i sangs rgyas kyis chos kyi rnam grangs 'di byin gyis brlabs pa dang / chos la bzod pas 'dul ba dag bzod pa thob par gyur to/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / 'jam dpal gzhon nur gyur pa dang / byang chub sems dpa' blo gros brtan pa dang / byang chub sems dpa' byams pa dang / de ma yin pa'i byang chub sems dpa' sems dpa' chen po gzhan dag dang / nyan thos chen po de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dpa' bar 'gro ba'i ting nge 'dzin ces bya ba theg pa chen po'i mdo rdzogs so// //rgya gar gyi mkhan </font><hr>505a<br><font size=+1>


@#/ /po shAkya pra b+ha dang / zhus chen gyi lo tsA ba ban+de rat+na rak+Shi tas bsgyur cing zhus te gtan la phab pa/ skad gsar bcad kyis kyang bcos lags so// dge'o mang+ga lam // </font><hr>

</table>