H140

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H140</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H140&coll=lhasa">see text in Tibetan script</a></table>289b<br><font size=+1>


rgya gar skad du/ AR+Ya ma hA san ni pA ta rat+na ke tu d+hA ra NI nA ma ma hA yA na sU tra/ bod skad du/ 'phags pa 'dus pa chen po rin po che tog gi gzungs zhes bya ba theg pa chen po'i mdo mdo| bam po dang po/ de bzhin gshegs pa 'od zhi spos snang dpal la phyag 'tshal lo/ /tshangs pa chen po dbyangs can la phyag 'tshal lo/ /de la phyag btsas te bdud kyi 'khor gyis mi tshugs pa zhes bya ba'i zungs 'di sbyor bar bgyi'i/ bdag gis rig sngags 'di grub par gyur cig/ 'di lta ste/ a bA me a bA me/ aM ba re/ aM ba re/ pa ru kun dza na Ta na Ta pu ska ra ba ha dza lu kha/ kha ma kha ya/ i li mi li/ ki li mi li/ kirti ba ra/ mu dre mu dra mu khe swAhA/ 'di skad bdag gis thos pa dus gcig na/ bcom ldan 'das rgyal po'i khab kyi grong khyer chen po 'od ma'i tshal bya ka lan+ta ka gnas pa na dge slong stong du tshang ba'i dge slong gi dge 'dun chen po thams cad kyang dgra bcom pa/ zag pa </font><hr>290a<br><font size=+1>


@#/ /zad pa| nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po| |bya ba byas pa/ byed pa byas pa/ khur bor ba/ bdag gi don rab tu thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba| sems kyi dbang thams cad kyi dam pa'i pha rol tu son pa sha stag dang thabs cig tu bzhugs so/ /byang chub sems dpa' khri'i byang chub sems dpa'i dge 'dun chen po la 'di lta ste/ lhun po'i rtse 'dzin gzhon nur gyur pa dang / chu lha'i blo gros gzhon nur gyur pa dang / bzang po'i blo gros gzhon nur gyur pa dang / rgyal ba'i blo gros gzhon nur gyur pa dang / 'od kyi blo gros gzhon nur gyur pa dang / nam mkha'i blo gros gzhon nur gyur pa dang / glog gi blo gros gzhon nur gyur pa dang / 'jam dpal gzhon nur gyur pa dang / thub dka' gzhon nur gyur pa dang / chu lha gzhon nur gyur pa dang / dri med gzhon nur gyur pa dang / byang chub sems dpa' sems dpa' chen po byams pa dang / de dag la sogs pa byang chub sems dpa' khri thams cad kyang bzod pa dang / gzungs dang / ting nge 'dzin thob bo/ /chos thams cad la sgrib pa med pa'i ye </font><hr>290b<br><font size=+1>


shes can/ sems can thams cad la sems mnyam pa/ bdud kyi yul thams cad las yang dag par 'das pa/ de bzhin gshegs pa thams cad kyi yul la 'jug pa/ shes pa la mkhas pa/ byams pa chen po dang / snying rje chen po dang ldan pa/ thabs shes pa la mkhas pa sha stag dang mang thabs cig go/ de'i tshe rgyal po'i khab kyi grong khyer chen po na kun tu rgyu mkhas pa/ gsal ba/ yid gzhungs pa/ rig pa'i gnas bco brgyad kyi pha rol tu phyin pa/ g.yog lnga brgyad dang / gcig gi ming ni/ nye rgyal/ gcig gi ming ni/ pang nas skyes zhes bya ba gnyis shig 'khod do/ /tshogs kyi gtso bo/ /g.yog gi tshogs can de gnyis phan tshun 'di ltar bdag cag las gang gis thog mar bdud rtsi thob pa des gcig la gcig spran to/ /zhes dam tshig byas so/ /de nas tshe dang ldan pa rta thul snga dro'i dus kyi tshe sham thabs dang chos gos bgos/ lhung bzed thogs nas rgyal po'i khab kyi grong khyer chen por bsod snyoms kyi phyir zhugs pa dang / kun tu rgyu nye rgyal gyis tshe dang ldan pa rta thul spyod yul du zhugs nas rgyal po'i khab kyi grong khyer chen por bsod snyoms kyi phyir song ba mthong ngo / /mthong nas de 'di snyam du sems te/ ji ltar dge slong 'di spyod lam mdzes pa de lta bu ni/ bdag gis sngon chad dge sbyong ngam/ bram ze'am/ mir gyur pa gzhan su la'ang gang la'ang sngon ma mthong </font><hr>291a<br><font size=+1>


@#/ /na| bdag de'i gan du song ste tshe dang ldan pa khyod kyi ston pa gang yin/ gang las rab tu byung / gang gi chos la dga' zhes 'dri'o/ /snyam nas kun tu rgyu nye rgyal tshe dang ldan pa rta thul ga la ba der song ste phyin nas tshe dang ldan pa rta thul dang lhan cig mngon du yang dag par dga' bar bya ba dang / yang dag par mgu bar bya ba'i gtam sna tshogs byas te phyogs gcig tu 'dug go /phyogs gcig tu 'dug nas kun tu rgyu nye rgyal gyis tshe dang ldan pa rta thul la 'di skad ces smras so/ /tshe dang ldan pa/ khyod kyi ston pa gang / gang las rab tu byung / gang gi chos la dga'/ de nas tshe dang ldan pa rta thul gyis kun tu rgyu nye rgyal la 'di skad ces smras so/ /shAkya'i sras po brtul zhugs dka' thub chen po kun gyi dam pa dbang dang ldan/ /'khor ba'i rgya mtsho'i pha rol phyin cing grol la de bzhin 'gro ba sgrol mdzad pa/ /sangs rgyas zhes bya sad mdzad mi mnyam sdug bsngal mtsho skem da ltar 'di na yod/ /dri ma med pa de yi skyabs su rtag par nga song de yi chos la dga'/ /nye rgyal gyis smras pa/ khyod kyi ston pa ji skad smra/ ji skad ston/ tshe dang ldan pa rta thul gyis smras pa/ de'i phyir tshe dang ldan pa legs par rab tu nyon la yid la zungs shig dang ngas bshad do/ /ji ltar 'jig rten las </font><hr>291b<br><font size=+1>


dang nyon mongs rgyur bcas byed rgyu ldan 'byung dang / /las dang nyon mongs pa dag ldog rgyu de'ang 'dren pas rab tu gsungs/ /gang na skye dang rga dang rgud pa'i sdug bsngal nges par mi gnas pa/ /thar pa mchog de smra ba'i khyu mchog de yis rang gis mkhyen te gsungs/ /de nas kun tu rgyu nye rgyal gyis chos kyi rnam grangs 'di thos nas chos rnams la chos kyi mig rdul med cing dri ma dang bral la nyon mongs pa med pa skyes te/ des na rgyun du zhugs pa'i 'bras bu thob nas de'i tshe tshigs su bcad pa 'di skad ces smras so/ /sangs rgyas kyis ni shin tu rnyed dka' thos rnyed bdud rtsi'i chos bshad pa/ /'di ni rtag tu skye ba'i 'bab chu skem par bden pa khong du chud/ /de ni 'gro ba rnams kyi sdug bsngal rab tu zhi bar 'gyur ba ste/ /lam 'di dam pa shes rab chos rnams sgom pa mi nyams byed pa yin/ /de nas kun tu rgyu nye rgyal gyis tshe dang ldan pa rta thul la 'di skad ces smras so/ /tshe dang ldan pa| de bzhin gshegs pa dgra bcom pa yang dag par rdzogs pa'i sangs rgyas de da lta ga la bzhugs/ tshe dang ldan pa rta thul gyis smras pa/ tshe dang ldan pa/ bcom ldan 'das ni/ rgyal po'i khab 'od ma'i tshal bya ka lan+ta ka gnas pa na 'di lta ste/ ral pa can stong rab tu byung ba'i dge slong gi dge 'dun chen po dang thabs cig tu bzhugs </font><hr>292a<br><font size=+1>


@#/ /so| |nye rgyal gyis smras pa/ bdag gi grogs po'i mchog dang / slob ma'i 'khor la bltas te bcom ldan 'das kyi thad du rab tu 'byung ngo / /de nas kun tu rgyu nye rgyal gyis tshe dang ldan pa rta thul gyi rkang pa la mgo bos phyag btsal nas lan gsum du bskor ba byas te slar song nas kun tu rgyu pang nas skyes ga la ba der song ba dang / kun tu rgyu pang nas skyes kyis kun tu rgyu nye rgyal rgyang ring po nas 'ong ba mthong ste/ mthong nas kun tu rgyu nye rgyal la 'di skad ces smras so/ /tshe dang ldan pa/ khyod kyi dbang po rnams ni/ dwangs/ bzhin gyi mdangs ni/ yongs su dag /pags pa'i mdog ni/ kun tu dkar ba las ni/ tshe dang ldan pa/ khyod kyis bdud rtsi rnyed do/ /nye rgyal gyis smras pa/ tshe dang ldan pa/ de de bzhin te/ kho bos bdud rtsi rnyed kyi/ tshe dang ldan pa/ de'i phyir legs par rab tu nyon la yid la zungs shig dang / kho bos ci rnyed pa khyod la bshad do/ / de nas kun tu rgyu pang nas skyes stan las langs nas bla gos phrag pa gcig tu gzar te pus mo g.yas pa'i lha nga sa la btsugs te kun tu rgyu nye rgyal ga la ba de logs su thal mo sbyar ba btud de 'di skad ces smras so/ /gang gis srid gsum rgya mtsho myur rgal zhing / /phung po dgra chen rnam par gzhig bya ba/ /mya ngan med zhi lam de shod cig </font><hr>292b<br><font size=+1>


dang| |yang 'byung med pa'i lam du 'jug par bya/ /de nas kun tu rgyu nye rgyal gyis 'di skad ces smras so/ /ji ltar 'jig rten las dang nyon mongs rgyur bcas byed rgyu ldan 'byung dang // las dang nyon mongs pa dag ldog rgyu de'ang 'dren pas rab tu gsungs/ /gang na skye dang rga dang rgud pa'i sdug bsngal nges par mi gnas pa/ /thar pa mchog de smra ba'i khyu mchog de yis rang gis mkhyen te gsungs/ /pang nas skyes kyis smras pa/ sdug bsngal rab tu zhi bar bya phyir dri ma med pa zhi ba'i chos/ /nyon mongs lta ngan nyes pa thams cad zhi byed mi shes gcod pa dang / /'di ni 'dus byas gsog gsob de phyir stong pa slu bar thub pas gsungs/ /de thos zhi ba reg 'gyur dri ma med pa'i tshig de zlos te gsungs/ /nye rgyal gyis smras pa/ ji ltar 'jig rten las dang nyon mongs rgyur bcas byed rgyu ldan 'byung dang / /las dang nyon mongs pa dag ldog rgyu de'ang 'dren pas rab tu gsungs/ /gang na skye dang rga dang rgud pa'i sdug bsngal nges par mi gnas pa/ /thar pa mchog de smra ba'i khyu mchog de yis rang gis mkhyen te gsungs/ /de nas kun tu rgyu pang nas skyes kyis de nyid du chos rnams la chos kyi mig rdul med cing dri ma dang bral la/ nyon mongs pa med pa rnam par sbyangs te/ de nas rgyun du zhugs pa'i 'bras bu thob nas 'di skad ces smras so/ /yang dag spyod pa 'di ni chu </font><hr>293a<br><font size=+1>


@#/ /bo sgrol ba zhi ba mgyogs pa'i gzings/ /ye shes mchog 'di sdug bsngal gsum po zhi byed 'khor lo'i pha rol 'gro/ /'di ni yongs su shes na nyon mongs phung po 'joms zhing bdud 'dul 'gyur/ /thar pa 'di ni dgra dang 'thab mo bsal cing sdug bsngal rgya mtsho skem/ /pang nas skyes kyis smras pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de da lta ga la bzhugs/ /nye rgyal gyis smras pa/ tshe dang ldan pa bdag gis bcom ldan 'das rgyal po'i khab kyi grong khyer chen po 'od ma'i tshal bya ka lan+ta ka gnas pa na dge slong gi dge 'dun chen po dang / byang chub sems dpa'i dge 'dun chen po dang thabs cig tu bzhugs zhes thos na/ bdag cag gnyis bcom ldan 'das kyi thad du rab tu 'byung ngam/ pang nas skyes kyis smras pa/ tshe dang ldan pa/ de de bzhin te/ bdag cag gi 'khor la bltas te rab tu 'byung ngo / /de nas kun tu rgyu nye rgyal dang / pang nas skyes rang gi 'khor ga la ba der dong ngo / /de nas skad cig thang gcig yud tsam de la bdud sdig can gyis yul ang+ga ma ga d+ha na mkhas shing snyan pa dang / brjod pa dang / grags par ldan pa skyes bu dam pa nye rgyal dang / pang nas skyes g.yog dang bcas te dge sbyong gau ta ma'i bstan pa la rab tu </font><hr>293b<br><font size=+1>


'byung bar 'dod do/ /zhes thos nas de 'di snyam du sems so/ /kyi hud de gnyis gal te dge sbyong gau ta ma'i slob mar gyur na/ bdag gi bdud kyi yul stongs par byed par 'gyur gyi/ bdag der song ste skyes bu dam pa de gnyis rab tu 'byung ba las bzlog la/ sdig pa can gyi lta ba 'dzin du 'jug go /snyam ste/ de nas skad cig thang gcig yud tsam de la bdud sdig can myur du bdag gi khang pa nas mi snang bar byas te tshe dang ldan pa rta thul gyi cha byad dang / rtags dang / spyod lam du bsgyur nas skyes bu dam pa de gnyis kyi mdun na lam gar 'dug ste 'di skad ces smras so/ /kho bos sngar smras rgyu dang byed rgyu lta bu de ni log pa ste/ /khyed gnyis yid kyi spyod pa ci la nges pa bgam par bya ba'i phyir/ /smras pa de dag thams cad don yod ma yin 'di la rgyu yang med/ /dge dang mi dge'i las de'i 'bras bu thob pa 'di na ga la yod/ /myur du khyed gnyis 'dod pa'i yon tan rnams la rab spyod rtsed mo byos/ /skye rga na 'chi med cing sdug bsngal med de 'jig rten pha rol med/ /bsod nams bsod nams ma yin las bskyed 'bras med rgyu dang byed pa med/ /rnyed phyir 'dir ni shAkya'i bu yis smras kyi dad pas ma 'gro zhig /de nas nye rgyal dang / pang nas skyes gnyis ka 'di snyam du sems te/ kye ma bdud sdig can bdag cag rab tu byung ba las bzlog </font><hr>294a<br><font size=+1>


@#/ /pa'i phyir 'ongs so/ /snyam nas de nas nye rgyal rgyab kyis phyogs te 'dug nas rang gi 'khor la bos te 'di skad ces smras so/ /bram ze'i khye'u khyod nyon cig 'khor ba'i skyon/ /dran par gyis la 'jig rten rga ba yis/ /gzir zhing 'chi bdag gis ni rab bskor ba/ /de gnyis spang phyir rab byung legs par gzung / /de nas pang nas skyes kyis bdud la slar smras pa/ mkhas pa'i blo 'chang sdug bsngal gsum mthar phyin mchog chos rnams kun shes kyi/ /rnam pa kun tu bdag cag blo gros 'di las bskyod nus su yang med/ /sred pa rab zhi bya phyir bdag cag brtan pa'i yid kyis rtag tu 'bad/ /seng+ge'i gzugs can wa yi tshig gis nged kyi blo gros ma sgyur cig/ bden pa mthong ba'i lha gang dag nam mkha' la 'dug pa de dag gis skyes bu dam pa de gnyis la legs so/ /zhes bya ba byin te/ skyes bu dam pa khyed gnyis legs so| |legs so/ /'di lta ste/ rab tu 'byung ba dang / mngon par 'byung ba 'di ni/ 'jig rten thams cad las khyad par du 'phags pa'i lam yin te/ lam 'di ni/ sdug bsngal thams cad zhi ba'o/ /lam 'di ni/ de bzhin gshegs pa thams cad kyi spyod yul la 'jug pa'o/ /'di lta ste/ rab tu 'byung ba dang / mngon par 'byung ba 'di ni/ </font><hr>294b<br><font size=+1>


sangs rgyas bcom ldan 'das de dag thams cad kyis rab tu bsngags shing bstod pa'i lam mo/ /de nas yang bdud sdig can sdug bsngal zhing yid mi bde ste yid la gcags nas de nyid du mi snang bar song ngo / /de nas kun du rgyu nye rgyal dang / pang nas skyes gnyis kyis rang gi 'khor la bltas te 'di skad ces smras so/ /bram ze'i khye'u dag /nged ni/ rga ba dang / na ba dang / 'chi ba'i rgya mtsho'i pha rol tu 'gro bar bya ba'i phyir de bzhin gshegs pa la rab tu 'byung bar yang dag par chas kyi/ khyed kyis shes par gyis shig / khyed rnams las gang bcom ldan 'das kyi bstan pa la rab tu 'byung mi 'dod pa de ni/ 'di nas phyir log gcig/ de nas bram ze'i khye'u lnga brgya po de dag thams cad kyis 'di skad ces smras so/ /bdag cag cung zad shes pa de kun kyang khyed kyi mthun/ khyed rgya chen po'i gnas su rab tu 'byung na/ khyed gang las rab tu 'byung ba de las bdag cag kyang rab tu 'byung ngo / /de nas kun tu rgyu nye rgyal dang / pang nas skyes g.yog lnga brgya dang bcas pa bcom ldan 'das las rab tu 'byung bar chas par bdud sdig can gyis rig nas ci nas de gnyis dge sbyong gau ta ma'i gan du 'gro mi nus par bya ba'i phyir rgyal po'i khab kyi grong khyer chen po'i phyi logs su g.yang sa chen po zabs su dpag tshad </font><hr>295a<br><font size=+1>


@#/ /brgya pa zhig sprul to/ /de nas bcom ldan 'das kyis kyang 'di 'dra ba'i rdzu 'phrul mngon par 'du bya ba mngon par 'du mdzad de/ ci nas kun du rgyu nye rgyal dang / pang nas skyes gnyis g.yang sa chen po de mi mthong zhing lam drang por 'gro bar mdzad do/ /yang bdud sdig can gyis de gnyis kyi mdun du ri chen po brtan pa/ sra ba ma bsnyil ba/ sul med pa/ gcig tu stug por gyur pa/ mkhregs pa/ 'phang du dpag tshad stong yod pa zhig mngon par sprul te/ seng+ge khro zhing gdug la gtum pa/ sgra chen po 'byin pa stong yang mngon par sprul na/ bcom ldan 'das kyis gzi brjid dang rdzu 'phrul gyi mthus skyes bu dam pa de gnyis kyis ri de'ang ma mthong / seng+ge'ang ma mthong| seng+ge'i skad kyang ma thos te lam drang por bcom ldan 'das ga la ba de logs su song ngo / /bcom ldan 'das ni/ 'khor brgya stong du mas yongs su bskor cing mdun gyis bltas nas chos ston te/ de nas bcom ldan 'das kyis dge slong rnams la bka' stsal pa/ dge slong dag /khyed skyes bu dam pa/ tshogs kyi gtso bo/ g.yog gi tshogs can 'di gnyis la ltos/ de dag gis gsol pa/ bcom ldan 'das/ mthong lags so/ /bcom ldan 'das kyis bka' stsal pa/ skyes bu dam pa 'di gnyis </font><hr>295b<br><font size=+1>


g.yog dang bcas pa nga'i thad du rab tu byung nas gcig ni/ nga'i nyan thos thams cad kyi nang na shes rab can gyi mchog tu 'gyur ro/ /gcig ni/ rdzu 'phrul can gyi mchog tu 'gyur ro| |de nas dge slong zhig gis de'i tshe tshigs su bcad pa 'di smras so/ /skyes bu mkhas pa g.yog ldan 'di gnyis ni/ /rdzu 'phrul ldan dang shes rab 'jigs med par/ /mi mchog phan pa mdzad pas lung bstan te/ /bdag gis de gnyis bsti stang bskyed nas bsu/ /de nas dge slong de stan las langs nas dge slong mang po dang / /khyim na gnas pa dang / rab tu byung ba mang po dang lhan cig tu skyes bu dam pa de gnyis bsus nas bsnyen bkur byas so/ /de nas skyes bu dam pa de gnyis bcom ldan 'das ga la ba der song ste phyin nas bcom ldan 'das kyi zhabs la mgo bos phyag btsal te lan gsum bskor ba byas nas bcom ldan 'das kyi spyan sngar 'dug ste bcom ldan 'das la 'di skad ces gsol to/ /bcom ldan 'das/ rab tu 'byung ba dang / bsnyen par rdzogs pa dge slong gi dngos po bdag cag gnyis la stsal du gsol/ bdag cag bcom ldan 'das kyi thang du tshangs par spyad pa spyod do| |bcom ldan 'das kyis bka' stsal pa/ rigs kyi bu/ khyed gnyis kyi ming ci/ nye rgyal gyis gsol pa/ bdag ni/ bram ze rgyal gyi bu lags te/ nye rgyal zhes bgyi/ bdag gi </font><hr>296a<br><font size=+1>


@#/ /ma'i ming ni/ shA ri ka ste/ bdag de las skyes pas na/ de'i slad du bdag gi ming ni/ shA ri'i bu zhes btags so/ /bdag rab tu 'byung bar yang pha mas gnang lags so/ /pang nas skyes kyis gsol pa/ bdag gi pha'i ming ni/ kauN+Di n+ya zhes bgyi/ bdag gi ma'i ming ni/ maung+gal zhes bgyi ste/ bdag de las skyes pas na/ de'i slad du bdag gi ming ni/ maung+gal gyi bu zhes btags so/ /bdag rab tu 'byung bar yang pha mas gnang lags so/ /bcom ldan 'das kyis shA ri'i bu dang / maung+gal gyi bu nga'i thad du g.yog dang bcas te tshangs par spyad pa spyod cig ces bka' stsal pa dang / de nyid kyis de gnyis rab tu byung ba dang / bsnyen par rdzogs shing dge slong gi dngos por gyur to/ / shA ri'i bu dang / maung+gal gyi bu g.yog dang bcas pa rab tu byung nas ring po ma lon par bdud sdig can dbang phyug chen po'i gzugs su bcom ldan 'das kyi spyan sngar 'dug nas 'di skad ces smras so/ /gang dag bstan bcos don spyod mkhas pa rig pa'i pha rol song / /de kun nga yi rkang la phyag 'tshal de dag 'dren pa nga / /gau ta ma slob ma 'khor bcas nga la deng myur skyabs tshol cig/ mya ngan 'das 'gro rgyas pa gsal ba'i lam ni khyed la bshad/ /bcom ldan 'das kyis bka' stsal pa/ khyod lam 'gro ba 'di dag ngan 'gror </font><hr>296b<br><font size=+1>


'dren cing sdug bsngal rgya mtsho rnyed par byed/ /nga yi lam ni rgyu dang mi rgyu 'gro ba'i sdug bsngal rgya mtsho skem byed pa/ /'chal ba 'dzem pa med cing mu cor smra ba wa skad de yang ci zhig zer| |khyod ni bcom zin bdud kyi las kyis nga la da yang 'dir ni byed mi nus/ /de nas bdud sdig can gyis dbang phyug chen po'i gzugs mi snang bar byas nas tshangs pa'i cha lugs su bcom ldan 'das kyi spyan sngar 'dug ste 'di skad ces smras so/ /khyod kyi shes rab kyis ni las dang nyon mongs sred pa'i myu gu rab tu bsal/ /de yi sman chad thub pa ji snyed sems can don 'dir 'di ltar sdug bsngal spro/ /gtso bo 'gro ba 'di na khyod kyi snod 'gyur skye bo gang na'ang ma mchis te/ /dus 'di lags na skyon dang bral khyod ci yi slad du mya ngan myur mi 'da'| |bcom ldan 'das kyis bka' stsal pa/ ngas 'dul gang 'khod sems can mtshungs med gang+gA'i bye ma snyed/ /ngas mthong de dag nga yi snying rjes thar par bya ba yin/ /'gro ba rab 'bring ngan par gyur pa thar te mthar thug na/ /de nas mya ngan 'da' yi blo gros ngan pa g.yos ci bskul/ /de nas yang bdud sdig can sdug bsngal zhing yid mi bde nas yid la bcags te de nyid du mi snang bar gyur nas rang gi gnas su song ste mya ngan gyi khang par zhugs nas 'dug pa dang / de'i mod la bdud kyi gnas na 'khod pa'i sems can kun phan </font><hr>297a<br><font size=+1>


@#/ /tshun 'di skad du ci'i rgyus bdag cag gi rgyal po chen po 'di mya ngan gyi khang bar zhugs te 'dug pa su'ang mi shes so/ /zhes 'dri'o/ /de nas bdud kyi bu mo lnga brgya tsam rab tu dga' bar byed pa'i me tog dang / bdug pa dang / spos dang / breng ba dang / byug pa thogs te rab tu yid du 'ong ba'i gos dang / lha ba lhub dag gis bdag cag brgyan nas rab tu yid du 'ong zhing mos par byed pa'i lha'i sil snyan byas te/ rab tu yid du 'ong ba'i dbyangs gyis glu len/ gar pa byed cing yan lag la dang ldan pa'i lha'i sil snyan dag byas nas dga' ba'i rtsed mo dang ldan par bdud sdig can gyi mdun du 'khod pa dang / bdud sdig can des lag pa gnyis bsgrengs nas pos te sgra ma byed/ sgra ma byed ces smras pa dang / yud tsam zhig lha'i bu mo dag cang mi zer bar 'khod do/ /yang glu rab tu blangs shing sil snyan byas pa dang / bdud sdig can gyis lag pa gnyis g.yabs te bos so/ /lha'i bu mo de dag gis dga' ba dang ldan pa'i glu dang / gang dang / sil snyan lan bdun gyi bar du byas pa dang / yang de bzhin du bdud sdig can de lag pa bsgrengs nas 'bod cing sgra ma byed/ sgra ma byed ces zer ro/ /de skad ces smras pa dang / lha'i bu mo de dag cang mi zer bar 'khod do/ /de nas lha'i bu mo dbyangs snyan glog ces bya bas </font><hr>297b<br><font size=+1>


bdud sdig can ga la ba de logs su thal mo sbyar ba btud nas 'di skad ces smras so/ /gtso bo khyod kyis deng 'dir 'chi 'pho'i ltas shig gzigs sam ci/ /'on tam ci zhig de ring 'gro ba zhugs kyis 'khrugs gyur tam/ /'on te 'di ni khyod dgra stobs chen 'ga' zhig mchis lags sam/ /ci yi slad du khyed ni dgyes par mi bzhugs thugs ngan mdzad/ /bdud kyis smras pa/ nga la dgra yod pa ni stobs ldan sems thul pa/ /sa steng shAkya'i bu pho sgyu ma bslabs pa'i blo/ /de ni ci nas gal te brlags par ma gyur na/ /de yis nga yi 'dod khams 'di ni stong par byed/ /lha'i bu mos smras pa/ gtso bo srid gsum bcings sred rgya mtsho mtha' ring la/ /zad bgyid nus pa'i stobs dang ldan pa su zhig mchis/ /bdag po thabs stobs brtson 'grus rtsal rnams gang gis kyang / /de la de ring ma lus bgyid par nus ma mchis/ /bdud kyis smras pa/ sbyin dang brtul zhugs bsam pa smon lam snying rje'i zhags pa can| |stong pa mtshan ma med pa'i mtshon cha mchog dang gzhu thogs te/ /'khor ba las byung rab tu zhi ba'i lam dang mthun gyur nas/ /srid pa ma lus zlog pa nye bar bstan par byed pa po| |de yi slob ma bsam gtan la ni mngon par brtson yid kyis/ /dpen par rgyu zhing nyes pa zad par bya phyir khor zug tu/ /cho ga bzhin du zhugs nas grong dang grong khyer stong </font><hr>298a<br><font size=+1>


@#/ /pa dang / /nags kyi nang dag dang ni ri yi sman ljongs rnams na gnas/ /rdzu 'phrul dang ni stobs dang nying rje'i grogs dang ldan pa yi/ /dam pa nye rgyal bang nas skyes gnyis thub pas btul par 'gyur/ /rab du la chos can 'jig rten gsum kun cho ga bzhin du btul/ /des ni nga yi 'dod khams 'di dag stong bar byed par 'gyur/ / de nas bdud kyi bu mo lnga brgya po de dag gis bdud sdig can las bcom ldan 'das kyi yon tan gyi bsngags pa thos nas thams cad kyis byang chub sems dpa'i ting nge 'dzin rnam pa dang bral ba'i glog ces bya ba thob bo/ /de nas bdud kyi bu mo lnga brgya po de dag gis bcom ldan 'das la mchod pa bya ba'i phyir lha'i sil snyan dang / lha'i me tog dang / bdug pa dang / spos dang / phreng ba dang / byug pa dang / lhab lhub dang / spud pa dang / rgyan de dag bcom ldan 'das ga la ba de logs su gtor ba dang / lha'i me tog dang / sil snyan nas rgyan gyi bar du de dag bcom ldan 'das kyi rdzu 'phrul gyi mthus 'od ma'i tshal du bab par gyur te/ /bdud kyi bu mo de dag kyang g.yog dang bcas pas so so nas bcom ldan 'das mthong ngo / /de dag gis mthong nas kyang rab tu dga' ba dang / rangs pa skyes par gyur to/ /gang gi phyir 'od ma'i tshal du 'di lta bu'i me tog gi char rab tu ba bces </font><hr>298b<br><font size=+1>


dge slong de dag theg tshom skyes nas bcom ldan 'das la gsol pa/ bcom ldan 'das/ shA ri'i bu dang / maung+gal gyi bu g.yog dang bcas pa 'di gnyis la ngo mtshar dang / rmad du byung ba chen po sngon ma mthong ma thos pa'i me tog gi char chen po rab tu bab pa lags sam/ bcom ldan 'das/ 'di'i rgyu ci lags/ rkyen gang lags/ bcom ldan 'das kyis bka' stsal pa/ rigs kyi bu 'di gnyis kyi mthu ma yin te/ bdud sdig can gyi g.yog mo lnga brgya tsam gyis bdud kyi khang pa de nas nga la mchod pa bya ba'i phyir 'di lta bu'i me tog gi char chen po nas rgyan gyi bar gyi char phab bo/ /de dag ring por mi thogs par 'dir 'ongs te/ nga las bla na med pa yang dag par rdzogs pa'i byang chub tu lung bstan pa 'thob bo/ /de nas bdud kyi bu mo lnga brgya tsam po de dag so so nas bcom ldan 'das kyi gsung dang / brjod pa'i dbyangs thos nas bcom ldan 'das la de bas kyang rab tu dga' ba skyes te/ de dag dga' ba dang / rangs pa des byang chub kyi sems brjed pa med pa zhes bya ba'i ting nge 'dzin thob bo/ /de nas yang bdud kyi bu mo de dag bdud kyi khang pa der gos phrag pa gcig tu bgos te bus mo g.yas pa'i lha nga sa la btsugs nas thal mo sbyar te bcom ldan 'das phyogs gang na bzhugs pa'i phyogs der bltas nas 'di skad ces gsol to/ /sred chu </font><hr>299a<br><font size=+1>


@#/ /ma lus skyem pa 'gro ba'i mig gcig pu/ /mig ma mchis pa'i 'jig rten kun la gzigs nas ni/ /khyod deng lha dang mir bcas pa yi 'gro ba sgrol/ /thub pa bdag cag ji ltar myur du sangs rgyas 'gyur/ /lha dang mis mchod don dam gsung ba bcom ldan 'das/ /bdag cag mthun par bud med smad pa nyid spangs nas/ /blo mchog khyod kyi 'phrul gyi drung du myur bar ni/ /mchis nas 'di bzhin thub pa'i dbang po'i gsung mnyan to/ /bdag med gsung ba don dam gzigs pa bcom ldan 'das/ /byang chub yan lag rin chen dri med nor gsung sgron/ /mtshungs med bdud kyi stobs btul khyod kyis bdag cag la/ /da ltar myur du lhan cig byang chub lung bstan gsol/ /de nas bdud kyi bu mo de dag stan las langs nas mgrin gcig tu bdud sdig can la 'di skad ces smras so/ /nyes byas blo gros can khyod snying po med g.yo ba'i/ /dpal rnyed ci phyir bcom ldan 'das la sdang bar sems/ /dregs pas gos nas skye ba la sogs sdug bsngal gyis/ /lus kun gtses te mi bzad gnas su nye bar song / /de ltar khro ba sdangs te rgyal la dad par gyis/ /'khor ba'i nyes pa dregs pa'i 'dam las thar pa'i bdag/ 'di ni nyid kyis 'gro ba kun gyi ngo bo mkhyen/ /thugs rje can gyi skyabs su 'dong gi myur du bzhud/ / </font><hr>299b<br><font size=+1>


de nas bdud sdig can shin tu gdug pa'i yid dang ldan pa 'di snyam du sems te/ bdag gis 'di 'dra ba'i bdud kyi stobs kyi yul drag po dran par byas la/ gang g.yog mo lnga brgya tsam 'di dag bdag nyid bcing ba lngas bcings par mthong bar byas te 'di nas bzlog la 'gro mi nus par bya'o/ /snyam pa dang / bdud des de dag bcing bar ma nus so| |de ci'i phyir zhe na/ 'di ltar g.yog mo lnga brgya tsam po de dag de bzhin gshegs pas byin gyis brlabs pa'i phyir ro/ /de nas g.yog mo lnga brgya tsam de dag bdud sdig can gyi drung nas dong pa dang / de nas bdud sdig can rab tu khros te de 'di snyam du sems so/ /bdag gis yang 'di 'dra ba'i bdud kyi stobs kyi yul drag po dran par byas te| ci nas bdag gis g.yog mo de dag phyogs dang phyogs mtshams thams cad 'khrul nas dge sbyong gau ta ma mi mthong zhing slar yang bdag gi gnas su 'ong bar nam mkha' 'di dag thams cad du rnam par 'thor rlung dang / rlung nag po chen pos kun tu khyab par bya'o/ /snyam na'ang sangs rgyas kyi byin gyi rlabs kyi stobs kyis rlung cung zad kyang langs par byed ma nus so/ /tha na skra'i rtse mo gcig tsam yang bskyod ma nus na/ mang du lta ci smos/ de nas yang bdud sdig can rab tu khros shing sdug bsngal te yid </font><hr>300a<br><font size=+1>


@#/ /mi bde zhing yid la gcags nas du zhing skad chen pos rang gi bu dang / tshogs kyi 'khor la bos te bdud kyi gnas thams cad sgras gang bar byas so/ /sdug ba'i bu dang tshogs kyi 'khor rnams tshur shog cig / nga ni bdag yul rang gi rdzu 'phrul stobs las nyams/ /shAkya'i bu 'di sgyu ldan g.yo can ngag 'jam la/ /khong nas rang bzhin dug sdong 'dra ba 'dir skyes so/ /de nas sgra des bdud kyi g.yog mo dang / bdud kyi bu mo de dag thams cad dang / bdud kyi bu tshogs kyi 'khor dang bcas pa thams cad rings pa'i gzugs kyis myur du lhags nas bdud sdig can gyi mdun du 'khod pa dang / 'khor de'i nang nas bdud kyi bu rgyal ba'i blo gros zhes bya ba des thal mo sbyar te 'di skad ces smras so/ /ci slad thugs khros rab tu 'khrugs shing thugs mi dgyes/ /sreg bskal deng 'dir ma byung 'di nas khyod ma 'phos/ /'di na khyod lhag dgra ni su yang ma mchis na/ /khyod ci rmongs par gyur tam ci slad gzhan du dgongs/ /bdud kyis smras pa/ shAkya'i bu pho dmangs phal shing gi grib ma 'dug pa ma mthong ngam/ /ci phyir 'di na khyod kyi mdun na stobs dang ldan pa'i dgra med smras/ /stobs gcig ldan pa g.yo can de yis thams </font><hr>300b<br><font size=+1>


cad rnams ba du mar bslus/ /bdag cag bu dang sder bcas me lce 'bar dang bcas pa'i me yis bsregs/ /'jig rten 'di na skyes bu gtso bo dpal dang brjod pa rnam grags pa| |mkhas pa bstan bcos snyan dang gas mang po byed brtson mthun par myur bar yang / /chos kyi kyo ba btang gis drangs te shAkya'i bu 'di'i skyabs deng song / /lus mdzes g.yo can blo gros ldan 'di nga yi dgrar ni rab tu gnad/ /rab tu sdug pa'i g.yog mo de dag snying rje med pas nga bor te/ /nga la dpang btsugs nas ni de ring dge sbyong de yi skyabs su dong / /gal te bdag cag myur bsgrims stobs chen 'di deng thal bar ma byas na/ /g.yo dang sgyu srid pa gsum po de dag ma lus stong par byed/ /de nas bdud kyi bu tshogs kyi 'khor dang bcas pa de dag thams cad kyis thal mo sbyar te 'di skad ces smras so/ /de ltar bgyi'o/ /bdag cag gis rdzu 'phrul dang / stobs kyi yul gyi mthu dang / rnam par sprul pa de dag thams cad bstan te shAkya'i bu 'di gal te thal bar bgyid nus pa de lta na ni/ legs/ de ltar ma nus na ni/ de la skyabs su mchi'o// yab nyid kyi mngon sum du gyur pa lags te/ gang bdag cag sde chen pos yongs su bskor ba lags te/ sngar shAkya'i bu gcig pu gnyis su med pa 'dis rdzu 'phrul gyi </font><hr>301a<br><font size=+1>


@#/ /stobs kyis rab tu pham par bgyis na/ da g.yog mang por gyur pa lta ci smos/ bdud sdig can gyis smras pa/ bzhin bzang dag /dengs la gal te dge sbyong gau ta ma 'di gsod nus na/ slar shog cig/ ci ste ma nus na'ang bdag cag gi gnas kyang bsrung gi /slar shog cig/ de nas bdud kyi 'khor dkrigs phrag bcu gnyis pho de dag de nas 'phags te/ 'di nas steng du dpag tshad brgyad khri bzhi stong gi bar du bkang nas de 'dra ba'i bdud kyi stobs kyi yul gyi rdzu 'phrul drag po bsten te/ gang gling bzhi pa'i nam mkha' thams cad sprin nag po chen po dang / rlung nag po chen po dang / skar mdas bkang nas ri'i rgyal po ri rab la'ang lag gis brdabs te gling bzhi ba thams cad rab tu g.yos par byas nas shin tu 'jigs pa'i sgra rnams kyang 'byin te/ /de dag gis klu dang / klu chen po dang / gnod sbyin dang| gnod sbyin chen po dag gis sa chen po brag dang rir bcas pa thams cad dang ldan pa dang / ri'i rgyal po ri rab kyang g.yos par rig /mtsho dang / mtsho chen po dang| 'bab chu dang / chu bran dang / 'bab chu chen po dang / rgya mtsho chen po rnams kyang 'khrugs par rig nas nam mkha'i dkyil na 'khod do/ /bdud kyi 'khor de </font><hr>301b<br><font size=+1>


dag ni| ri rab kyi zom la 'khod nas dpag tshad tsam gyi rdo'i char mngon par sprul te nam mkha' las kun tu 'bebs so/ /ral gri dang / gtun shing dang / rdo ba dang / mtshon rtse gnyis dang / ste'u ka ma dang / lcags mda' dang / sprul gri dang / spu gri lta bu dang / dgra sta dang / ste'u so lta bu dang / ste'u so dang / kha rad rdo can dang / shin tu rad rod can dang| sra ba/ drag pa/ rtsub pa/ rno ba'i char rab tu sprul te kun tu phab bo/ /zhes de'i tshe bcom ldan 'das bdud kyi 'khor rnam par 'jig pa zhes bya ba'i ting nge 'dzin la snyoms par zhugs te/ gang rdo dang / mtshon cha de dag thams cad ni/ lha'i me tog ut+pa la dang / pad+ma dang / ku mu da dang / pad+ma dkar po dang / man+dA ra ba dang / man+dA ra ba chen po'i me tog gi char chen por byin gyis brlabs/ yul ang+ga ma ga d+har skar mda' ltung ba ni/ spos kyi char chen por byin gyis brlabs/ sgra de ni/ rol mo'i sgra sna tshogs su byin gyis brlabs te/ 'di ltar sangs rgyas kyi sgra dang / chos kyi sgra dang / dge 'dun gyi sgra dang / pha rol tu phyin pa'i sgra dang / mngon par shes pa'i sgra dang / phyir mi ldog pa'i sgra dang| dbang bskur ba'i sgra dang / bdud bzhi pham par bya ba'i sgra dang / byang chub kyi snying por 'gro ba'i sgra dang / len pa dang bcas pa dang / len pa med pa'i bar gyi sgrar </font><hr>302a<br><font size=+1>


@#/ /byin gyis brlabs so/ /rdul dang / mun nag dang / rlung thams cad kyang rab tu zhi'o/ /gang gling bzhi pa 'di na rtswa dang / shing gel pa dang / sman dang| nags tshal dang / sa dang / brag dang / ri ci yod pa de dag thams cad ni/ rin po che sna bdun du byin gyis brlabs so/ /bcom ldan 'das gtsug tor bltar mi mthong ba dang ldan pa ni/ tshangs pa'i 'jig rten gyi bar du skus dbang mdzad do/ /bcom ldan 'das kyi mtshan re re las kyang 'di 'dra ba'i 'od byung ste/ 'od des stong gsum gyi stong chen po'i 'jig rten gyi khams snang ba chen pos khyab par gyur to/ /stong gsum gyi stong chen po'i 'jig rten gyi khams 'di'i lha dang / klu dang / gnod sbyin dang / dri za dang / lha ma yin dang / nam mkha'i lding dang / mi'am ci dang / lto 'phye chen po dang / yi dwags dang / sha za dang / grul bum dang / mi dang / mi ma yin pa dang / sems can dmyal ba dang / dud 'gro'i skye gnas pa dang / gshin rje'i 'jig rten pa de dag thams cad kyis bcom ldan 'das mthong ba nas lha dang / klu dang / gnod sbyin dang / dri za dang / lha ma yin dang / nam mkha'i lding dang / mi'am ci dang / lto 'phye chen po dang / mi dang / mi ma yin pa dang / nam mkha' la </font><hr>302b<br><font size=+1>


'khod pa brgya stong mang pos ni/ me tog gtor cing bstod nas bskor ba byas so/ /sems can dmyal ba pa dang / dud 'gro'i skye gnas pa dang / gshin rje'i 'jig rten pa mi 'khrugs pa bye ba khrag khrig brgya stong mang po ni/ dran pa rnyed de/ dge ba'i rtsa bsngon bskyed pa dran nas sangs rgyas la phyag 'tshal lo/ /zhes byas te ngan song de dag nas shi 'phos nas lhar skyes so/ /bdud kyi sde de'i nang nas bdud kyi bu nyi khri'i tshogs kyi 'khor dang bcas pas bcom ldan 'das kyi cho 'phrul chen po 'di lta bu mthong nas bcom ldan 'das la rab tu dga' bar gyur te bcom ldan 'das ga la ba der dong nas phyin pa dang / bdud kyi bu mo lnga brgya dang lhan cig tu bcom ldan 'das kyi zhabs la mgo bos phyag 'tshal te thal mo sbyar nas tshigs su bcad pa 'di dag smras so/ /rnam dag sku mnga' mchog tu gzugs bzang pa/ /ye shes rgya mtsho gser gyi lhun po 'dra/ /grags pa 'jig rten bkram nas lha ma me ba/ /mngon po khyod nyid la ni skyabs su mchi/ /rab tu lam stor rnam par mig zum la/ /khyod ni 'jig rten sgron ma nyi ma 'dra/ / gzhan gyis mi thub srog chags rtsa lag gcig /ded dpon khyod la skyabs su rab tu mchi/ /shin tu tshogs bsags ye shes 'byor ba'i mdzod/ /nam mkha'i rang </font><hr>303a<br><font size=+1>


@#/ /bzhin gzod nas rnam grol thugs/ /thugs rje bsam pa yid 'ong 'jam pa'i gsung / /don kun grub pa khyod la skyabs su mchi/ /'khor ba'i dgon pa las ni khyod thar mdzad/ /tshogs pa las kyang rgyu dang 'bras bu ston/ /byams la gnas shing mchog gi cho ga mkhyen/ /thugs rje gnas pa'i skyabs su rab tu mchi| |sgyu ma smig rgyu chu zla 'dra ba yi/ /sred pa la ni yul gyi gnas kyis chags/ /mi shes nad sel 'jig rten rnams kyi mgon/ /sman pa'i rgyal po khyod la skyabs su mchi/ /chu bo bzhi dbus zam par gyur pa khyod/ /nor bdun 'phags pa'i tshul gyis rab sgrol ba/ /yang dag lam ston 'jig rten rtsa lag po/ /thugs rje ldan pa khyod la 'dir mchod do/ /blo mchog khyod la bdag cag bzod par gsol/ /khyod la bdag cag yid kyis gnod bsam pa/ /mgon po dpa' bos nongs pa bzod par gsol/ /khyod ni 'gro ba'i rtsa lag gcig pu gtso/ /bdag cag bdud kyi phyogs rnams rab spangs te/ /byang chub mchog gi sems ni bskyed par bgyi| |sems can ma lus thams cad mgron du gnyer/ /bdag cag gis ni byang chub mchog thob bgyi/ /ci nas bdag cag pha rol phyin spyod par/ /bdag cag </font><hr>303b<br><font size=+1>


rnams la spyod pa rgya cher ston/ /gzhan ma yin gsung chos ni du rnams dag/ ldan na byang chub rab tu thob par 'gyur/ /me tog gang gis khyod la mngon gtor ba/ /phyogs kun du yang de dag gdugs gyur te/ /dus kun bde ba'i 'byung gnas zhing du ni/ /rkang gnyis mchog gi spyi bor 'dug gyur cig /de nas bdud kyi bu mo de dag dang / bdud kyi bu tshogs kyi 'khor dang bcas pa de dag thams cad kyis bcom ldan 'das la me tog sil ma gtor ba dang / me tog sil ma de dag bcom ldan 'das kyi rdzu 'phrul gyi mthus gang+gA'i klung bye ba khrag khrig brgya stong gi bye ma las 'das pa'i me tog gi gdugs kun tu 'dug par gyur te/ me tog gi gdugs de dag kyang phyogs bcu'i sangs rgyas bcom ldan 'das bzhugs shing 'tsho la gzhes pa thams cad kyi dbu'i gtsug gi drang thad kyi steng gi bar snang la 'dug go/ bdud kyi bu mo de dag dang / bdud kyi bu tshogs kyi 'khor dang bcas pa de dag gis kyang so so nas phyogs bcu'i sangs rgyas kyi zhing grangs med dpag tu med pa thams cad na sangs rgyas bcom ldan 'das bzhugs shing 'tsho la gzhes te chos kyang 'chad pa 'khor gyis yongs su bskor te lham me/ lha na ne/ lhang nger bzhugs pa'i dbu'i gtsug gi drang thad kyi steng gi bar </font><hr>304a<br><font size=+1>


@#/ /snang la me tog gi gdugs de dag 'dug par gyur pa mthong zhing / sangs rgyas bcom ldan 'das de dag kyang kha dog mtshungs pa/ rtags mtshungs pa/ gzugs 'dra ba mtshungs par snang ba sha stag la/ sangs rgyas bcom ldan 'das de dag seng+ge'i khri tha dad cing 'khor tha dad la/ sangs rgyas kyi zhing gi yon tan bkod pa'i nyi tshe tha dad par mthong ste/ sangs rgyas bcom ldan 'das de dag gi dbyangs kyi dkyil 'khor gyi gsung brjod pa ni/ ma thos so/ / bdud kyi 'khor de dag bcom ldan 'das kyi mthus 'di lta bu'i cho 'phrul mthong nas mchog tu dga' ba dang / mos pa skyes te bcom ldan 'das kyi zhabs la mgo bos phyag btsal nas chos mnyan pa'i phyir spyan sngar 'khod do/ /de nas bdud kyi bu tshogs kyi 'khor dang bcas pa de dag las dkrigs phrag bcu phyir log nas bdud kyi gnas su de lta bu'i ngo mtshar bdud sdig can la rgya cher bzlas te/ dge sbyong gau ta ma de'i ba spu'i khung bu gcig kyang bdag cag gis gzhig par ma nus na/ gsad par lta ci smos/ de'i steng du bdud nyi khri de'i skyabs su dong ste chos mnyan pa'i phyir de'i mdun na 'khod do/ /de nas </font><hr>304b<br><font size=+1>


bdud sdig can rab tu khros te sdug bsngal zhing yid mi bde nas yid la gcags te des 'di skad ces smras so/ /shAkya'i bu ni ji srid brlags par ma byas pa/ /de srid bar du nga yi dpal song slar mi 'ong / /shAkya'i bu 'di ji ltar de ring gsad snyam ste/ /bdag cag gzhan la yid mi rtog cing mi smra 'dug /de nas bdud sdig can yid mi bde zhing mya ngan gyi khang pa na 'dug go /'dus pa chen po rin po che tog gi gzungs las/ bdud spa bkong ba'i le'u ste dang po'o// //bam po gnyis pa| de nas bdud kyi bu mo dang / bdud kyi bu tshogs kyi 'khor dang bcas pa de dag gis bcom ldan 'das la 'di skad ces gsol to/ /bcom ldan 'das/ bdag cag ni| 'di lta bu'i theg pa dang / ye shes dang / rdzu 'phrul dang / snying rje dang / thabs dang / spobs pa 'tshal lo/ /bcom ldan 'das/ de bzhin gshegs pa thabs dang / ye shes kyi bar du ldan pa ngo mtshar to/ /bcom ldan 'das/ chos du dang ldan na/ skyes bu gang zag sdig pa'i grogs po'i lag tu mi mchi zhing myur du bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das kyis bka' stsal pa/ rigs kyi bu dag/ chos bzhi dang ldan na/ 'di </font><hr>305a<br><font size=+1>


@#/ /las skyes bu gang zag la la sdig pa'i grogs po'i lag tu mi 'gro zhing myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /bzhi gang zhe na/ bzhin bzang dag/ 'di la rigs kyi bu chos thams cad la mchog tu mi 'dzin cing / chos gang yang mi 'dzin/ mi gtong / khas mi len /mi gnas| nye bar mi le na/ mi rtog/ rnam par mi rtog go /'di lta ste/ sbyin pa'i pha rol tu phyin pa la spyod pa na sbyin pa'i 'bras bu'ang mi gtong mi 'dzin/ khas mi len/ nye bar mi len| mi gnas/ mi rtog/ rnam par mi rtog ste/ shes rab kyi pha rol tu phyin pa'i bar du spyod pa na mi rtog/ rnam par mi rtog pa'i bar du'o/ /bzhin bzang dag /gzhan yang rigs kyi bu de sems can du smra ba ma yin/ srog tu smra ba ma yin/ gso bar smra ba ma yin/ gang zag tu smra ba ma yin zhing / sems can dang / sems can gyi khams la yid kyis mchog tu mi 'dzin pa nas mi rtog/ rnam par mi rtog pa'i bar du'o/ /bzhin bzang dag /gzhan yang rigs kyi bu'am/ rigs kyi bu mo de gzugs dang / sgra dang / dri dang / ro dang / reg bya la mchog tu mi 'dzin pa nas mi rtog/ rnam par mi rtog pa'i bar du'o/ /bzhin bzang dag/ gzhan yang rigs kyi bu de khams gsum dang / </font><hr>305b<br><font size=+1>


dus gsum dang / phung po dang / khams dang / skye mched rnams kyi rgyu dang / rkye na dang / dmigs pa dang / 'bras bu rnam par smin pa 'byung ba dang / gnas pa dang / skye ba thams cad la mchog tu mi 'dzin pa nas mi rtog /rnam par mi rtog pa'i bar du'o/ /de ci'i phyir zhe na/ thams cad mkhyen pa'i ye shes ni/ spyod pa'i gnas kyi yul thams cad la rtog pa dang / rnam par rtog pa dang bral ba ste/ mi dmigs pa'i tshul gyis spyad par bya'o/ /bzhin bzang dag /chos thams cad dang / thams cad mkhyen pa nyid ni/ dngos po med pa yin te| sgra med pa/ mtshan ma med pa/ yi ge med pa/ smon pa med pa/ skye ba med pa/ 'gag pa med pa/ mtshan nyid med pa/ chags pa med pa/ dmigs pa med pa/ bstan du med pa| dben pa/ bdag med pa/ mtshan nyid dang bral ba/ skad cig pa/ nye bar zhi ba/ mun pa med pa/ snang ba med pa/ gnas med pa/ yul med pa/ dbang po med pa/ phyogs med pa/ gnyen po med pa/ bsam du med pa/ spang du med pa/ mi 'phrog pa/ ser sna med pa/ spros pa med pa/ rdul med pa/ rdul dang bral ba/ cha shas med pa/ ci'ang med pa/ byed pa po med pa/ tshor ba po med pa/ rten med pa/ gzung ba med pa/ rnam par rig pa med pa/ so sor snang ba med pa/ skad cig ma yin pa'i bar du'o/ /bzhin bzang dag /thams </font><hr>306a<br><font size=+1>


@#/ /cad mkhyen pa nyid ni/ nam mkha' dang mtshungs te/ stong pa nyid pas dmigs su med pa'i tshul dang / mi gnas pa'i tshul dang / mchog tu 'dzin pa med pa'i tshul dang / mi rtog /rnam par mi rtog pa'i tshul gyis spyad par bya'o/ /bzhin bzang dag /chos bzhi po de dag dang ldan na/ skyes bu gang zag sdig pa'i grogs po'i lag tu mi 'gro zhing myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /bzhin bzang dag /gang la la yul thams cad la chags pa'i yul gyi mtshan nyid kyi gnas la rnam par spyod pas thams cad mkhyen pa'i ye shes tshol na/ de gnyis la chags pa yin te/ de gnyis la chags pa'i yid kyis brnag pa ni/ thams cad mkhyen pa nyid slu bar byed do/ /de la gnyis gang zhe na/ gang phung po dang / khams dang / skye mched rnams la mtshan nyid du rnam par spyod pas gnas pa dang / mchog tu 'dzin pa de ni/ gnyis te/ thams cad mkhyen pa nyid slu ba'o/ /spyod pa'i gnas dang / 'bras bu la rtog pa 'di ni/ gnyis so/ /skye ba dang / sred pa dang / len pa dang / sems can gyi gnas la rtog pa 'di ni/ gnyis so/ /bshad pa dang / rab tu bstan pa dang / gdams pa dang / tshig gi lam dang / sgra dang / skad </font><hr>306b<br><font size=+1>


kyi gnas la rtog pa 'di ni/ gnyis so/ /rtag pa dang / chad pa la rnam par lta ba'i shes pa dang / shes bya'i gnas la rtog pa 'di ni/ gnyis so/ /sems can dang / srog dang / gso ba dang / skyes bu dang / gang zag dang / byed pa po dang / byed du 'jug pa'i 'du shes kyi gnas la rtog pa 'di ni/ gnyis so/ /gang pha rol dang / tshu rol dang / rtog pa dang / sel ba la gnas shing rtog pa 'di ni/ gnyis so/ /bzhin bzang dag /skyes bu gang zag su la la thams cad mkhyen pa'i ye shes tshol ba de dus gsum du ngar 'dzin pa dang / nga yir 'dzin pa dang / kun 'byung ba dang / 'gog par rnam par spyod pa la gnas shing kun tu rtog ste/ mchog tu 'dzin pa 'di ni/ thams cad mkhyen pa'i ye shes la de'i gnyis so| |'di lta ste/ dper na/ skyes bu la la zhig me 'dod pa la sa'i ngos la nyug pa dang / skom 'dod pa la me dang / zan 'dod pa la rdo dang / me tog 'dod pa la gos dang / spos 'dod pa la mi ro bam pa dang / gos 'dod pa la dur khrod dang / byug pa 'dod pa la nam mkha' la nyug pa de bzhin du bzhin bzang dag /gang spyod pa'i gnas la chags shing rnam par spyod pa'i lus gnyis kyi gnas kyis thams cad mkhyen pa'i ye shes tshol na/ de'i 'bad pa 'bras bu med pa yin no/ /de nas byang chub sems dpa' sems dpa' </font><hr>307a<br><font size=+1>


@#/ /chen po gzungs kyi blo gros zhes bya ba 'khor der 'dus par gyur nas 'dug pa des bcom ldan 'das ga la ba de logs su thal mo sbyar ba btud de 'di skad ces gsol to/ /bcom ldan 'das/ gang brjod du ma mchis pa de mngon par rdzogs par 'tshang rgya bar nus lags sam/ bcom ldan 'das kyis bka' stsal pa| gang brjod du med par shes pa de nyid mngon par rdzogs par 'tshang rgya ba'o/ /de'i phyir rigs kyi bu khyod nyid la dri'i/ khyod kyis ji ltar bzad pa de bzhin du lan thob cig /gang thams cad mkhyen pa'i ming thob par 'gyur ba'i rdzas kyi mtshan nyid kyi dngos po gang yang yod dam/ gsol pa/ gal te mchis zhes bgyis na ni/ rtag par 'gyur/ ci ste ma mchis zhes ba gyis na ni/ chad par 'gyur/ dbu ma'i lam ni/ dmigs su ma mchis te/ de ni/ mchis pa'ang ma lags/ ma mchis pa'ang ma lags so/ /gang ma chags/ mi skye/ mi 'gog /tshad ma mchis/ grangs ma mchis/ dpe ma mchis/ snang ba ma mchis pa de la 'tshal ba 'di ni/ mngon par rdzogs par 'tshang rgya'o/ /byang chub sems dpa' glog gi blo gros kyis gsol pa/ bcom ldan 'das/ gang la 'gro ba'ang ma mchis/ 'ong ba'ang ma mchis pa de lta bu shes pa </font><hr>307b<br><font size=+1>


la 'jug par mkhas pa 'di ni/ mngon par rdzogs par 'tshang rgya ba'o/ /byang chub sems dpa' rnam par snang byed kyis gsol pa/ bcom ldan 'das/ gang na thob pa'i mtshan nyid kyang ma mchis/ ma thob pa'i mtshan nyid kyang ma mchis/ mngon par rtogs pa'ang ma mchis/ mngon du bgyi ba'ang ma mchis/ zhi ba'ang ma mchis/ rab tu zhi ba'ang ma mchis/ dus gsum yang ma mchis/ theg pa gsum yang ma mchis/ smon lam dang yang mnyam pa'i rlom sems kyang ma mchis pa 'di ni/ mngon par rdzogs par 'tshang rgya ba'o/ /byang chub sems dpa' gzungs kyi blo gros kyis gsol pa/ bcom ldan 'das/ gang khams gsum yang ma mchis/ kun tu sbyor ba gsum yang ma mchis/ rig pa gsum yang ma mchis/ theg pa gsum yang ma mchis/ phung po dang / khams dang / skye mched la rtog pa'ang ma mchis/ rnam par rtog pa'ang ma mchis| bri bar yang ma mchis/ 'phel bar yang ma mchis la/ nyams par yang mi bgyid pa 'di ni/ mngon par rdzogs par 'tshang rgya ba'o/ /byang chub sems dpa' rdo rje blo gros kyis gsol pa/ gang so so'i skye bo'i chos dang / 'phags pa'i chos dang / slob pa'i chos dang / mi slob pa'i chos dang / nyan thos kyi chos dang / rang sangs </font><hr>308a<br><font size=+1>


@#/ /rgyas kyi chos rnams la mi rtog /rnam par mi rtog ste/ mnyam par yang mi bgyid pa 'di ni/ mngon par rdzogs par 'tshang rgya ba'o| |byang chub sems dpa' sra ba'i blo gros kyis gsol pa/ gang dben pa'i tshul gyis de bzhin nyid la rnam par spyod cing mngon par mi zhen pa 'di ni/ mngon par rdzogs par 'tshang rgya ba'o/ /byang chub sems dpa' lag na rin po ches gsol pa/ gang chos thams cad mi skye ba'i mtshan nyid thob par bgyid pa dang / mngon par rtogs par bgyi ba'i slad du mi rtog pa 'di ni/ mngon par rdzogs par 'tshang rgya ba'o/ /byang chub sems dpa' blo gros bsam gyis mi khyab pas gsol pa| gang khams gsum la rnam par spyod cing sems nyid sems la 'jug par bgyid de/ sems gnyi ga la sems kyis rnam par dpyad nas mi dmigs pa 'di ni/ mngon par rdzogs par 'tshang rgya ba'o/ /byang chub sems dpa' dgra las rnam par rgyal gyis gsol pa/ gang chos thams cad la mi chags/ rjes su mi chags/ btang snyoms su mi bgyid/ khong khro bar mi bgyid/ 'dod par mi bgyid/ mi rmongs/ mi 'dzin/ mi gtong ba 'di ni/ mngon par rdzogs </font><hr>308b<br><font size=+1>


par 'tshang rgya ba'o/ /byang chub sems dpa' pad+ma'i snying pos gsol pa/ gang bsod nams dang sdig pa la mi chags shing / zab mo la bzod pa'i tshul la 'jug pas ngar 'dzin pa dang / nga yir 'dzin pa la mi rtog pa 'di ni/ mngon par rdzogs par 'tshang rgya ba'o/ /zla 'od gzhon nur gyur pas gsol pa/ gang chos thams cad chu zla dang mtshungs par rab tu 'tshal cing chos rnams kyi ngo bo nyid gsog pa dang / 'bri bar yang mi mthong ba 'di ni/ mngon par rdzogs par 'tshang rgya ba'o/ /byang chub sems dpa' rnam mkha'i blo gros gzhon nur gyur pas gsol pa/ gang gi sems dang sems las byung ba la mun pa dang / snang ba dang / skye ba dang / 'jig pa dang / 'phel ba dang / 'bri ba thams cad mi 'byung ba 'di ni/ mngon par rdzogs par 'tshang rgya ba'o/ /byang chub sems dpa' byams pas gsol pa| gang gnas pa la gnas pa na khams gsum pa la gnas pa'i tshangs pa la mi dmigs/ mnyam par mi bgyid pa 'di ni/ mngon par rdzogs par 'tshang rgya ba'o| |byang chub sems dpa' blo gros mi zad pas gsol pa/ gang 'khor gsum yongs su dag pas pha rol tu phyin pa rnams la mi dmigs pa'i tshul gyis ra </font><hr>309a<br><font size=+1>


@#/ /tu goms par bgyid cing / mi chags mi skyo ba 'di ni/ mngon par rdzogs par 'tshang rgya ba'o/ /'jam dpal gzhon nur gyur pas gsol pa/ bcom ldan 'das/ gang chos thams cad la mi chags mi skyo zhing chos zab mo'i tshul yang rab tu 'tshal te/ gang rab tu 'tshal ba de'ang mi len mi 'dor/ sdud par mi bgyid/ bral bar mi bgyid cing / chos gang la'ang gsog pa'am/ 'bri ba'am/ rig pa'am/ rnam par grol ba'am/ 'jig pa'am/ bri'am/ 'phel ba'ang mi bskyed la/ dngos po dag la rnam par mi rtog pas kun nas nyon mongs par mi 'gyur ba 'di ni/ mngon par rdzogs par 'tshang rgya ba ste/ tshul gcig po 'dis thams cad mkhyen pa'i ye shes mngon par rdzogs par 'tshang rgya'o/ /de nas byang chub sems dpa' ltad mo can gyis smras pa/ 'jam dpal/ de bzhin nyid la 'jug pa'i tshul 'di ltar zab mo stong pa nyid sgom pa'i tshul 'di gcig gis thams cad mkhyen pa'i ye shes mngon par rdzogs par 'tshang rgya na/ kun tu sbyor ba dang / rab tu sbyor ba ci dgos/ 'jam dpal gyis smras pa/ lta ba mi bzad pa dang bral zhing yang dag </font><hr>309b<br><font size=+1>


pa'i lta bar sgro 'dogs pa'ang med pa dang / g.yo med cing drang por sgro 'dogs pa'ang med pa dang / sdig pa dang bral zhing bla ma la rim gro bya bar sgro 'dogs pa med pa dang / bka' blo bde bar sgro 'dogs pa'ang med pa dang / yang dag pa'i 'tsho bar sgro 'dogs pa'ang med pa dang / kun tu sbyor ba thams cad dang bral bar sgro 'dogs pa'ang med pa dang / sems can thams cad la khro ba dang snying rje bar sgro 'dogs pa'ang med pa dang / sdom pa gsum du sgro 'dogs pa'ang med pa dang / mi slu ba'i dge ba'i chos su sgro 'dogs pa'ang med pa dang / rnam par ma zhi bar sgro 'dogs pa'ang med pa dang / dam pa'i chos srung bar sgro 'dogs pa'ang med pa dang / sems can thams cad yongs su mi gtong bar sgro 'dogs pa'ang med pa dang / dngos po thams cad yongs su gtong bar sgro 'dogs pa'ang med pa dang / sems can nyam chung ba stobs la rab tu dgod par sgro 'dogs pa'ang med pa dang / 'jigs pa'i skyabs mi 'jigs par sgro 'dogs pa'ang med pa dang / lam ngan par zhugs pa rnams nan tan la gzud par sgro 'dogs pa'ang med pa dang / bzod pa dang des par sgro 'dogs pa'ang med pa dang / 'dzin pa thams cad la chags pa'i mtshan nyid du </font><hr>310a<br><font size=+1>


@#/ /sgro 'dogs pa'ang med pa dang / rdul dang mun pa'i phung po thams cad spong bar sgro 'dogs pa'ang med pa dang / bsngo ba'i 'bras bu rnam par smin pa thams cad rnam par spong bar sgro 'dogs pa'ang med pa 'di dag ni/ rigs kyi bu/ thams cad mkhyen pa'i ye shes kyi sbyor ba nyid shu ste/ yi ge dang / skad dang / sgra dang / smra ba dang / brjod pa'i tshig rab tu dbye ba thams cad kyi de bzhin nyid shes pa la 'jug pas thams cad mkhyen pa'i ye shes kyi sbyor ba'o/ / gzhan mu stegs can gyi tshig gi de bzhin nyid la 'jug pa dang / spyod pa thams cad kyi de bzhin nyid la 'jug pa dang / bsod nams thams cad dang / shes rab kyi pha rol tu phyin pa la sbyor ba'i de bzhin nyid la 'jug pa dang / len pa dang / skye ba dang / 'jig pa thams cad kyi de bzhin nyid la 'jug pa dang / rnam par thar ba gsum dang / gnas dang / rgyu dang / las dang / chos thams cad kyi de bzhin nyid la 'jug pas de bzhin gshegs pa'i bka' thams cad shes nas thams cad mkhyen pa'i ye shes kyi sbyor ba khong du chud par 'gyur ro/ /byang chub sems dpa' ltad mo can gyis smras pa/ 'jam dpal/ de de bzhin te/ nam </font><hr>310b<br><font size=+1>


chos zab mo'i tshul 'di rtogs pa de'i tshe chos gang ston pa dang / gang la ston pa dang / don dang / tshig dang / yi ge gang dag gis ston pa dang / rab tu ston pa'i chos gang yang mi mthong ste/ gang rab tu spong ba dang / gang sgom pa dang / gang kun shes par 'gyur ba'i chos de dag thams cad brjod du med pa'i tshul gyis de bzhin nyid la 'jug ste| des thams cad mkhyen pa'i ye shes khong du chud par 'gyur ro/ /bcom ldan 'das kyis bka' stsal pa/ legs so/ /legs so/ /rigs kyi bu/ tshul gcig gis thams cad mkhyen pa'i ye shes thob pa de khyod kyis legs par smras so/ /de ci'i phyir zhe na/ thams cad la chags pa med pa'i dngos po yin pas chos thams cad ni/ sgro btags pa med pa dang / ma skyes pa dang / mi 'jig pa'i mtha' can dang / ma rig pa dang / mya ngan las 'das pa mi skye ba'i yang dag pa'i mtha' can dang / nam mkha' dang / mya ngan las 'das pa mi skye ba'i yang dag pa'i mtha' can dang / chos thams cad ni/ brjod du med pa'i mtha' can dang / sems can thams cad kyang de lta bu yin pa dang| chos thams cad ni/ rdzas med pa'i mtha' can dang / dus gsum dang / khams gsum dang / phung po thams cad ni/ ci'ang med pa'i mtha' can dang / 'du byed gsum </font><hr>311a<br><font size=+1>


@#/ /ni| stong pa nyid kyi mtha' can dang / chos kyi phung po dang / rnam par smin pa'i phung po dang / gsog pa dang / 'bri ba'i phung po ni/ rdzas med pa'i mtha' can du yongs su brjod do/ /stong pa nyid dang / yang dag pa'i mtha' dang / brjod du med pa'i don dang / chos thams cad kyi don gyi chos thams cad dang ldan pa'i byang chub sems dpa' sems dpa' chen po ni/ thams cad mkhyen pa'i ye shes la 'jug go/ thams cad mkhyen pa'i ye shes thob pa lung bstan pa 'di bshad pa'i tshe bdud kyi bu mo dang / bdud kyi bu tshogs kyi 'khor nyi khris mi skye ba'i chos la bzod pa thob ste lus rags pa spangs nas yid kyi lus rnyed do/ /gzhan nyi khri brgyad stong gis ni| mi skye ba'i chos la bzod pa thob par gyur to/ /lha dang mi dkrigs phrag dgu bcu rtsa gnyis ni/ byang chub sems dpa'i bzod pa dang / ting nge 'dzin dang / gzungs sna tshogs thob par gyur to/ /de nas byang chub sems dpa' sems dpa' chen po mi skye ba'i chos la bzod pa thob pa nyi khri po de dag gis bcom ldan 'das la lha'i me tog gis gtor/ rab tu gtor nas bcom ldan 'das kyi zhabs la mgo bos phyag 'tshal te 'di skad ces gsol to/ /bcom ldan 'das/ 'di ltar mi dge ba'i </font><hr>311b<br><font size=+1>


grogs po dang 'grogs pa'i dbang gis sems can rnams bsod nams thams cad gsog pa'i dge ba'i rtsa ba yid la mi bgyid pa la gzigs su gsol/ bcom ldan 'das kyis bka' stsal pa/ 'di ni/ las kyi rkyen yin par blta'o/ /de nas bcom ldan 'das kyis ngo mtshar du 'gyur ba'i sems can rnams the tshom gcad pa'i phyir sngon byung ba 'di gsungs so/ /rigs kyi bu/ sngon byung ba 'das pa'i dus na bskal pa chen po dpag tu med pa 'das pa de'i tshe de'i dus na gling bzhi pa'i 'jig rten gyi khams 'di nyid du snang ba 'chang ba zhes bya ba'i bskal pa chen po la skye rgu'i tshe lo drug khri brgyad stong thub ste/ de'i tshe de'i dus na de bzhin gshegs pa 'od zhi spos snang dpal zhes bya ba rig pa dang zhabs su lan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das byung ste/ nyon mongs pa can snyigs ma lnga'i dus su gyur pa na 'khor bzhi la theg pa gsum dang ldan pa'i chos ston to/ /yang de'i tshe gling bzhi la dbang ba'i 'khor los bsgyur ba'i rgyal po ut+pa la'i gdong zhes bya ba byung ste/ de nas dus gzhan zhig gi tshe rgyal po ut+pa la'i gdong btsun mo'i 'khor dang / g.yog dang / dpung gi tshogs dang </font><hr>312a<br><font size=+1>


@#/ /bcas te de bzhin gshegs pa 'od zhi spos snang dpal gang na ba der song nas phyin pa dang / bcom ldan 'das kyi zhabs la mgo bos phyag 'tshal te bcom ldan 'das la me tog sna tshogs kyis gtor cing sil snyan sna tshogs dang / bdug pa sna tshogs dang / spos sna tshogs kyis mchod pa byas nas lan gsum bskor te bcom ldan 'das dge slong gi dge 'dun dang bcas pa'i zhabs la mgo bos phyag btsal nas tshigs su bcad pa 'di dag gis mngon par bstod do/ /lha dang klu la sogs pa'i yon tan gyis| |mngon par rab bstod nyes pa mang sel ba/ /nor bdun gyis ni 'gro la phan mdzad pa/ /gang gis blo gros zhi dang ldan gyur gsungs/ /'gro ba'i mun sel zhi ba'i sgron me mdzad/ /'chi 'pho na rga skye ba mya ngan 'joms/ /'gro ba ngan song lam las rab zlog pa/ /gang gis bdud kyi lam las thar par gsungs/ /rigs kyi bu/ de nas de bzhin gshegs pa 'od zhi spos snang dpal des rgyal po ut+pa la'i gdong la 'di skad ces bka' stsal to/ /skyes bu dam pa chos gsum dang ldan na/ byang chub sems dpa' blo gros zhi ba yin te/ gsum gang zhe na/ 'di lta ste/ lhag pa'i bsam pas sems can thams cad la snying brtse ba dang / ma lta bur sems can thams cad kyi </font><hr>312b<br><font size=+1>


sdug bsngal rab tu zhi bar bya ba la brtson pa dang / chos thams cad la srog med pa dang / gso ba med pa dang / gang zag med pa dang / tha dad du dbyer med cing mnyam par yongs su rtog pa ste/ skyes bu dam pa chos gsum po de dag dang ldan na/ byang chub sems dpa' blo gros zhi ba yin no/ /rgyal po chen po/ gzhan yang chos gsum dang ldan na/ skyes bu dam pa bdud kyi zhags pas mi zin cing bdud kyi lam las thar te/ gsum gang zhe na/ 'di lta ste/ sems can thams cad la mi khro zhing klan ka mi tshol ba yin/ sems can thams cad la mtshungs par sbyin gnas su 'du shes pa dang / chos thams cad la tshul gcig tu yongs su rtog ste/ 'di ltar chos thams cad la nam mkha' dang mtshungs shing bcos su med pa/ tha dad pa ma yin pa/ ma skyes pa/ ma byung ba/ ma 'gag pa ste/ chos thams cad nam mkha' lta bur rdzas kyi mtshan nyid dang bral bar mi dmigs pa'i tshul gyis rab tu rtog pa'o/ /rgyal po chen po/ chos gsum po de dag dang ldan na/ skyes bu dam pa bdud kyi zhags pas mi zin cing bdud kyi lam las thar pa yin no/ /de nas de'i tshe rgyal po ut+pal la'i gdong gi btsun mo dam pa lha mdzes zhes bya ba bud med brgyad khri bzhi stong gis yongs su bskor zhing mdun du bdar nas de bzhin gshegs pa 'od zhi spos </font><hr>313a<br><font size=+1>


@#/ /snang dpal ga la ba der song ste phyin nas bcom ldan 'das de bzhin gshegs pa 'od zhi spos snang dpal de la me tog sna tshogs kyis gtor te tshigs su bcad pa 'di dag gsol to/ /mi mnyam yon tan 'dzin pa rab rib med mdzad pa/ /ji ltar bud med las ni ngan song spangs pa yi/ /skyes par 'dir 'gyur 'chi 'pho sel ba bka' stsol cig /rab mchog phan pa mdzad pa myur du yid kyang thul/ /dam pa'i 'gros bzhud bde gshegs rab zhi dga' mdzad pa/ /bcom ldan ji lta bur na bud med k+s+yes par 'gyur/ /'dul mchog gzhan la phan mdzad myur du bshad par gsol/ /bdag gi blo gros thibs po 'dir ni bsal bar gsol/ /'jig rten 'di na mi mnyam mnyam pa dge sbyong mchog /rab grags yon tan mang po dran dang 'dul ba 'dzin/ /ci nas 'di nyid du ni skyes par bdag gyur par/ /rab rib mi mnga' bde 'gro 'chi med lam myur gsungs/ /rigs kyi bu dag /de skad ces gsol ba dang / de bzhin gshegs pa 'od zhis pos snang dpal des btsun mo dam pa lha mdzes la 'di skad ces bka' stsal to/ /che zhe/ rnam grangs gang gis bud med dag bud med kyi dngos po myur du brjes te sngon 'phangs pa'i bud med kyi dngos bo myur du ma lus par zad </font><hr>313b<br><font size=+1>


bar 'gyur zhing / bla na med pa'i mya ngan las 'das pa chen po'i bar du rang gi smon lam ma gtogs par bud med du skye ba 'dzin par mi 'gyur ba'i rnam grangs yongs do/ /che zhe/ de la rnam grangs gang gis bud med myur du skyes par 'gyur zhing / sngon 'phangs pa'i bud med kyi dngos po myur du ma lus par zad par 'gyur ba'i rnam grangs de gang zhe na/ tshe zhe/ de la rin po che tog ces bya ba'i gzungs/ rdzu 'phrul chen mo/ phan yon chen mo/ mthu chen mo 'di lta ste/ bud med kyi dngos po thams cad zad bar byed cing lus dang / ngag dang| sems kyi gnas ngan len gyi sdug bsngal rnam par smin pa ma lus par zad par byed do/ /rin po che'i tog gi gzungs 'di thos ma thag tu bud med rnams kyi bud med kyi dngos po ma lus par 'gyur te bud med kyi dbang po mi snang zhing skyes pa'i dbang po skye bar 'gyur/ skyes pa gzugs bzang po yan lag thams cad tshang bar 'gyur/ drang zhing zhib pa shes pa la mkhas par 'gyur/ lus dang / ngag dang / yid kyis legs par byas pa'i las kyi mtha' dang ldan zhing legs par spyad pa spyod pa dang / dgra thams cad thul bar 'gyur ro/ /gang gi tshe 'di dang tshe rabs phyi ma la lus dang / ngag dang / yid kyi sdug bsngal myong bar 'gyur ba nyes par byas pa'i las kyi 'bras bu rnam par </font><hr>314a<br><font size=+1>


@#/ /smin pa de yongs su zad par 'gyur te/ mtshams med pa byed pa dang / dam pa'i chos spong ba dang / 'phags pa la skur pa 'debs pa dag ma gtogs par de dag gi bud med kyi dngos po'i lhag ma lus de nyid la yongs su zad par 'gyur ro/ /lus dang / ngag dang / yid kyi gnas ngan len gyi rnam par smin pa tshe gzhan la bud med kyi dngos po 'grub par byed pa'i sa bon sdug bsngal rnam par smin pa myong bar 'gyur ba'i las kyi sgrib pa'i sa bon gyi rgyu mthun pa ri rab tsam yang ma lus par yongs su zad par 'gyur ro/ /de ci'i phyir zhe na/ 'di lta ste/ sems can rnams sdug bsngal rnam par smin pa'i las yongs su zad par bya ba dang / dge ba'i rtsa ba rnam par spel ba'i phyir 'das pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyis kyang rin po che tog gi gzungs 'di bshad de byin gyis brlabs so/ /gcig la gcig dgyes so/ /mngon par bstod do/ /bsngags so/ /rab tu bsngags so/ /de ltar phyogs bcu na da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te 'tsho zhing gzhes pa'i sangs rgyas bcom ldan 'das de dag thams cad kyang </font><hr>314b<br><font size=+1>


rang rang gi sangs rgyas kyi zhing de dag na sems can rnams kyi nyes par byas pa'i las yongs su zad par bya ba dang / dge ba'i rtsa ba rnam par 'phel bar bya ba'i phyir rin po che tog gi gzungs 'di 'chad de/ rab tu bsngags pa'i bar du mdzad do/ /gang dag ma 'ongs pa'i dus na phyogs bcu'i sangs rgyas kyi zhing so sor 'byung ba'i de bzhin gshegs pa dgra bcom pa yang dag par rdzogs pa'i sangs rgyas de dag kyang sems can rnams kyi sdug bsngal rnam par smin pa las yongs su zad par bya ba dang / dge ba'i rtsa ba rnams spel ba dang / rin po che tog gi gzungs 'di 'chad par 'gyur te/ rab tu bsngags pa'i bar du mdzad par 'gyur ro/ /da ltar nga'ang rin po che tog gi gzungs 'di 'chad de/ phyogs bcu na da ltar byung ba'i de bzhin gshegs pa rin po che tog gi gzungs 'chad pa rnams la'ang rjes su yi rang ngo / /bsngags so/ /rab tu bstod do/ /che zhe/ rgyal po rgyal rigs spyi bo nas dbang bskur ba skye bo'i nang na mthu dang / dbang thob pa gang la las rin po che tog gi gzungs 'di glegs bam du bris te 'chang na/ rgyal po rgyal rigs spyi bo nas dbang bskur ba de'i snyan pa dang / sgra dang / tshigs su bcad pa phyogs bcur rgya cher grags par 'gyur te/ gzugs kyi khams thams cad kyi bar du sgra dang / snyan pa rgya chen pos </font><hr>315a<br><font size=+1>


@#/ /gang bar 'gyur ro/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po bye ba khrag khrig brgya stong du ma rgyal po rgyal rigs spyi bo nas dbang bskur ba de bsrung ba dang / bskyab pa dang / spa ba'i phyir phyi bzhin 'brang zhing gnas so/ /de'i yul thams cad du 'thab mo dang / rtsod pa dang / mu ge dang / nad dang / pha rol gyi dmag tshogs dang / dus ma yin pa'i rlung dang / char pa dang / grang ba dang / tsha ba'i nyes pa rab tu zhi bar 'gyur ro/ /gnod sbyin dang / srin po dang / seng+ge dang / ma he dang / glang po che dang / spyang ki ma rungs pa thams cad kyang gnod par mi 'gyur/ dug dang / kha ba dang / tsha ba dang / snum med pa dang / ro med pa dang / rtsub pa'i sdug bsngal ba reg na mi bde bar 'gyur ba'i nyes pa thams cad kyang rab tu zhi bar 'gyur ro/ /nor dang / 'bru dang / sman dang / 'bras bu dang / 'dab ma dang / me tog thams cad kyang rab tu skye zhing rnam par 'phel te/ snum pa dang / ro zhim por 'gyur ro/ /gal te rgyal po rgyal rigs spyi bo nas dbang bskur ba yul du nye bar gnas pa'i tshe rin po che tog gi gzungs 'di'i glegs bam rgyal </font><hr>315b<br><font size=+1>


mtshan gyi rtse mo la btags na/ rgyal po rgyal rigs spyi bo nas dbang bskur ba des pha rol gyi dmag tshogs thub par 'gyur ro/ /de ste rgyal po rgyal rigs spyi bo nas dbang bskur ba g.yul du zhugs pa gnyi ga rin po che tog gi gzungs 'di'i glegs bam rgyal mtshan gyi rtse mo la thogs na/ de gnyis gcig la gcig dga' zhing mthun par byed par 'gyur ro/ /de ltar rin po che tog gi gzungs 'di yon tan dang / phan yon mang ngo / /grong ngam/ grong khyer ram/ grong rdal la lar mi'am rkang bzhi pa dag na'am/ dus ma yin par 'chi ba'am/ gnod pa zhig der byung na/ der rin po che tog gi gzungs 'di glegs bam la byas te mchod pa'i yo byad cher sbyar te bzhag la/ shin tu khrus byas shing lus rab tu byugs te gos gsar pa bgos nas tshangs par spyad de seng+ge'i khri me tog sna tshogs kyis gtor ba/ dri sna tshogs kyis bdugs pa/ ro bro ba sna tshogs kyis bskor ba la 'dug pa la der rin po che tog gi gzungs 'di'i glegs bam bklags na/ der nad dang / dus ma yin par 'chi ba thams cad rab tu zhi bar 'gyur ro/ /der 'jigs shing spu zing zhes byed pa dang / ltas ngan pa thams cad med par 'gyur ro/ /bud med gang la la bu 'dod na/ des khrus byas te gos gsar pa bgos la tshangs par spyad de </font><hr>316a<br><font size=+1>


@#/ /me tog dang / phreng ba dang / spos dang / byugs pas glegs bam de mchod la/ bdag nyid kyang stan me tog sna tshogs kyis gtor ba/ dri sna tshogs kyis bdugs pa/ ro bro ba sna tshogs kyis bskor ba la 'dug nas rin po che tog gi gzungs 'di bklags na/ des bu rnyed par 'gyur ro/ /de bla na med pa'i yongs su mya ngan las 'das pa'i bar du sems can yongs su smin par bya ba'i phyir rang gi smon lam ma gtogs par de nyid de'i bud med du gyur pa'i tha ma yin no/ /che zhe/ rin po che'i tog gi gzungs 'di las tha na tshigs su bcad pa gcig tsam gang la la'i rna lam du grags pa na tha na ri dwags dang / bya'ang rung ste/ de dag thams cad bla na med pa yang dag par rdzogs pa'i byang chub las phyir mi ldog par 'gyur ro/ /rigs kyi bu dag /de'i tshe de bzhin gshegs pa 'od zhi spos snang dpal gyi zhabs g.yas pa'i mthe bos sa la reg par mdzad de/ de bzhin gshegs pa shAkya thub pas kyang de'i tshe sangs rgyas kyi zhing 'dir sa chen po rnam pa drug tu g.yos par byin gyis brlabs nas phyogs bcu dag gi lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / yi dwags dang / sha za dang / grul bum dang / mi dang / mi ma </font><hr>316b<br><font size=+1>


yin ba grangs med dpag tu med pa rnams shin tu skrag pa skyes par gyur te/ sangs rgyas kyi zhing mi mjed 'di thams cad kyang snang bas rgya cher khyab par gyur te/ lag mthil lta bur mnyam par 'dug cing / de'i tshe na ri dang / shing dang / rtsig pa dang / ri rab dang / khor yug dang / khor yug chen po'ang mi snang bar gyur to/ /lha dang / klu dang / gnod sbyin de dag kyang sa g.yos pa dang / snang ba nges skrag pa skyes par gyur te/ bcom ldan 'das kyi mthus phyogs bzhir bltas pa dang / de dag thams cad kyi mnga' rgyang gang tsam na de bzhin gshegs pa shAkya thub pa mthong nas de dag ngo mtshar du gyur te thal mo sbyar nas de bzhin gshegs pa shAkya thub pa de la lta'o/ /de nas bcom ldan 'das de bzhin gshegs pa shAkya thub pa des 'di skad ces bka' stsal to/ /rigs kyi bu/ gang gi tshe de bzhin gshegs pa 'od zhi spos snang dpal gyi zhabs g.yas pa'i ma the bo sa la reg pa na'ang 'di bzhin du de'i tshe sa g.yos par gyur/ de'i tshe 'di bzhin du sangs rgyas kyi zhing 'di'ang lag mthil bzhin du mnyam par 'dug /'di bzhin du snang ba dang / sa g.yo bas skrag pa skyes te lha dang / mi dang / lha ma yin thams cad phyogs bzhir lta zhing mda' rgyang gang tsam na de bzhin gshegs pa 'od zhi spos snang dpal de mthong nas thal mo sbyar te/ rigs kyi bu dag/ de'i tshe de bzhin </font><hr>317a<br><font size=+1>


@#/ /gshegs pa 'od zhi spos snang dpal des rin po che tog gi gzungs 'di gsungs so/ /'di lta ste/ dza lo ke/ dza lo ke/ mo ke/ dza li/ dza la/ dzi li ni/ dza la pra te| dza hi li/ ba ra pu ru Sha lak+Sha Na sa mA ru h+ya/ a ma me/ a ma me/ ba ma me/ ba ma me/ na ba me/ ma hA me/ dza ha me/ dza ha me/ dza ha me/ ba ra me/ ba ra me/ ba ba be/ ba ba be/ ba ha be/ bang+ga be| ba dza be/ bA ra bA ra she/ dza la me kha/ pa ra kha/ a la dza hi li/ dzan+tu le/ dzan+tu mu khe/ ba ha ra/ ba ha ra/ sid+d+ha pra te/ nan+ti lA/ nan+ti na dA lA/ sUR+Ya bi ha kha/ tsan+d+ra bi ha kha| tsak+Shur dz+yo ti sha bi ha kha/ sarba k+Sha ya/ s+t+rI dwA su ra bi ha kha/ dza kha ga/ dza kha ga/ su ra kha ga/ bi ha ma/ a mr-i kha/ a mr-i kha/ a mr-i kha/ a mr-i kha/ a mr-i kha/ a mr-i kha/ a mr-i kha/ a mr-i kha/ mr-i kha/ mr-i kha/ mr-i kha/ bya ba ts+tshe da karma/ du ne du ne/ ud pA da bya ba ts+tshe da dz+nyA na kr-i ta/ a nu da pA da/ kha ga ne ru ka/ ang+gu le/ b+hang+gu le/ bi b+hang+gu le/ ku la ha/ in+d+ra pa ri b+hi bA ha/ bya ba ts+tshe da ga ra b+ha/ tsa pra ti/ tsa pra ti/ a mo ha/ dar sha ne/ ba ri brta b+ha Sh+ya/ kha sa ma/ kr-i ta/ dz+yo ti kha ga /dza hi/ dza hi/ dz+yo ti/ ni sh+ka b+hI ra sa/ b+hI ra sa/ b+hI ra sa/ b+hI ra dzo/ ma ti kra ma b+hA ba kri ba/ mahA kri ba/ hi le/ hi hi la/ a ru na pra te/ sa ma ya ni Sh+ke/ da ma/ dA na/ d+h+ya na a pa rA mr-i She/ pha la kun+Da la la khe/ ni brta/ iSh+Ta b+ha ba karmA k+Sha ya/ pra dur b+ha ba/ pu </font><hr>317b<br><font size=+1>


Sha tA ma/ a sa ma sa ma/ sa ma ya/ bi b+hi da di dz+nyA ta thA ga ta swAhA/ de bzhin gshegs pa shAkya thub pas rin po che tog gi gzungs 'di bshad ma thag tu'ang sa chen po g.yos so/ /bdud kyi bu mo lnga brgya tsam po de dag kyang rin po che tog gi gzungs 'di thos ma thag tu mo mtshan mi snang bar gyur te pho mtshan skyes so/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / yi dwags dang / sha za dang / grul bum de dag gi bu mo grangs med dpag tu med pa rnams kyang rin po che tog gi gzungs 'di thos ma thag tu mo mtshan mi snang bar gyur te pho mtshan skyes nas de dag thams cad kyang bla na med pa yang dag par rdzogs pa'i byang chub las phyir mi ldog par gyur te/ thams cad kyang ma 'ongs pa na bud med kyi dngos po thob par 'gyur ba'i las kyi sgrib pa ma lus par byang nas bud med de dag thams cad kyis thal mo sbyar te de bzhin gshegs pa shAkya thub pa de la phyag 'tshal zhing skad chen pos 'di skad ces gsol to/ /de bzhin gshegs pa dgra bcom pa yang dag par rdzogs pa'i sangs rgyas shAkya thub pa ngo mtshar mdzad pa la phyag 'tshal lo/ /phyag 'tshal lo/ / thugs rje chen po gang gis bdag cag da ltar bud med kyi dngos po mi gda' bar gyur cig /rnam pa thams cad rdzogs pa'i skyes pa'i dngos por gyur pa'i sngon byung ba 'di rgya cher bshad du </font><hr>318a<br><font size=+1>


@#/ /gsol| de lta bu'i ngo mtshar dang / cho 'phrul dang / skyobs bdag cag bla na med pa yang dag par rdzogs pa'i byang chub tu sems bskyed par bgyi'o/ / bcom ldan 'das/ sngon byung ba 'di lha dang / mi dpag tu ma mchis pa rnams dbang du 'gyur bar bshad du gsol/ de nas bcom ldan 'das de bzhin gshegs pa shAkya thub pas sngon byung ba 'di bshad pa na/ bzhin bzang dag/ gang gi tshe de bzhin gshegs pa 'od zhi spos snang dpal de'i thad nas rgyal po ut+pa la'i gdong gi btsun mo dam pa lha mdzes bud med brgyad khri bzhi stong dang bcas pas rin po che tog gi gzungs 'di thos te/ thos ma thag tu btsun mo dam pa lha mdzes dang / bud med brgyad khri bzhi stong de dag mo mtshan mi snang bar gyur te pho mtshan skyes pa de'i tshe de bzhin du lha'i bu mo nas mi'i bu mo'i bar du grangs med/ dpag tu med pa dag rin po che tog gi gzungs 'di thos ma thag tu bud med kyi dbang po mi snang bar gyur nas skyes pa'i dbang po skyes te/ bud med de dag thams cad ma 'ongs pa na bud med kyi dngos po thob par 'gyur ba'i las kyi sgrib pa ma lus par byang ngo / /gang gi tshe rgyal po ut+pa la'i gdong gi btsun mo dam pa lha mdzes btsun mo'i 'khor dang / g.yog tu bcas pa phor gyur pa de'i tshe rgyal po ut+pa la'i gdong des bu thu bo gling bzhi la dbang ba'i 'khor los </font><hr>318b<br><font size=+1>


bsgyur ba'i rgyal po'i dbang bskur bas dbang bskur te bu stong du gcig gis ma tshang ba dang / skyes bu chen po lha mdzes dang bcas/ lha mdzes kyang skyes bu chen po brgyad khri bzhi stong dang bcas| gzhan yang srog chags dgu khri nyis stong dang bcas te khyim nas byung ste/ de bzhin gshegs pa 'od zhi spos snang dpal de'i thad du skra dang / kha spu bregs/ gos dur smrig bgos te yang dag par khyim nas khyim med par rab tu byung ngo / /rab tu byung nas kha ton la dga' zhing tshul bzhin yid la byed pa la brtson par gyur to/ /de nas de na srog chags bye ba mang po 'di snyam du sems te/ ci'i phyir 'khor los bsgyur ba'i rgyal po rab tu byung snyam nas de dag phan tshun 'di skad ces smra'o/ /dge sbyong 'di ni/ bdud kyi las la rtsom pa ste/ g.yo can sgyu ma bdud kyi las dang ldan pas chos 'di ston cing la la ni/ pho mtshan med par byas/ la la ni/ mo mtshan med par byas/ la la ni/ skra dang kha spu bregs/ la la ni/ gos tshon can bskon/ la la ni/ gos dkar po bskon/ la la ni/ lhar skye bar ston/ la la ni/ mir skye bar/ la la ni/ dud 'gro'i skye gnas su skye bar/ la la ni/ yi dwags su skye bar/ la la ni/ sems can dmyal bar skye bar/ la la ni/ 'chi 'pho dang / skye ba med par bya ba'i chos ston te/ bdud kyi las kyi lam la brtson zhing bud med bsgyur ba'i sgyu dang ldan pa dge sbyong 'od zhi spos snang dpal </font><hr>319a<br><font size=+1>


@#/ /de dge sbyong gi gzugs kyis rab tu slu ba yin gyi/ bdag cag 'di nas dong ste de'i gzugs dang / rtags 'dzin pa'ang mi mthong ba dang / de'i tshig kyang cung zad kyang mi thos par 'dod do/ /de nas de nyid na shor ba gzhon nu'i tshul zhes bya ba zhig yod pa des tshig 'di skad ces smras so/ /kho bo'i chung ma dang / g.yog mo dang / bu mo gang yin pa de dag thams cad kyang dge sbyong ma rungs pa 'dis mo mtshan med par byas te skyes pa'i dbang po sprul nas thams cad kyi mgo bregs te gos tshon can bskon nas kho bo gcig pu mya ngan gyis non te/ thar na bdag cag thams cad 'dus la gang du dge sbyong ma rungs pa/ dge sbyong sgyu ma bdud kyi zhags pa la brtson pa 'di'i sgra dang / skad kyang mi thos na mthong ba lta smos kyang ci dgos pa'i ri khrod nyam nga bar 'dong gi tshur shog ces byas pa dang / de dag thams cad dga' ste de bzhin no/ /zhes zer ro/ /de nas shor pa gzhon nu'i tshul dang / the tshom du gyur pa'i srog chags bye ba khrag khrig brgya stong mang po dang lhan cig tu de nas dong ste/ yul mtha' 'khob kyi ri khrod nyam nga bar drang srong gi cha byad kyis spyad pa spyod cing sems can de dag la 'di skad ces chos ston to/ /'khor ba las thar pa'ang med/ legs par byas pa dang / nyes par byas pa'i las kyi 'bras bu </font><hr>319b<br><font size=+1>


rnam par smin pa'ang med na/ deng chos par smra ba'i dge sbyong bdud kyi las la brtson pa zhig byung gi/ gang dag de la blta ba'i phyir 'gro ba dang / gang dag gus par smra ba dang / gang dag de'i chos nyan pa de dag sems g.yengs pa yin te/ de dag mgo bregs/ khyim nas phyung / gos tshon can bskon/ dur khrod du spyad pa spyod du bcug/ slong mo pa'i spyod pa la 'dzud/ zan za gcig par byed/ lta ba mi bzad pa'i yid dang ldan pa dang / rtag tu yid 'byung bar byed/ dben par gnas pa la dga' ba dang / gnas khang du bcug /'dong pa la dga' ba'i glu gar dang / phreng ba dang / dri dang / byug pa dang / rgyan dang / lhab lhub dang / 'khrig pa'i chos dang / chang ra ro bar 'gyur ba'i btung ba spangs shing smra ba nyung bar byed de/ de lta bu'i dge sbyong gi gzugs kyis chad par smra ba/ bdud kyi las la brtson na/ de sems can rnams kyi dgrar gyur pa zhig byung ste/ dge sbyong gau ta ma de'i byed pa ni/ sngon ma thos ma mthong ba yin par kho bos rtogs so/ /zhes des srog chags bye ba khrag khrig brgya stong mang po de lta bu'i sdig pa can gyi lta ba 'dzin du bcug go /de nas dus gzhan zhig na dge sbyong chen po ut+pa la'i gdong gis thos pa/ gshed kyi ri khrod na kha cig bdag nyid kyang lam ngan par zhugs shing gzhan yang lta ba mi bzad pa 'dzin du bcug ste/ dkon mchog gsum </font><hr>320a<br><font size=+1>


@#/ /la mi snyan pa sgrog go /zhes thos nas de 'di snyam du sems so/ /bdag gis sems can 'di dag sdig pa'i lta bar song ba las yongs su thar par ma byas shing yang dag pa'i lta ba la ma bkod na/ bdag dge sbyong du gyur pa don med do/ /ma 'ongs pa'i dus na ldongs par gyur pa'i 'jig rten du bdag ji ltar bla na med pa yang dag par rdzogs pa'i byang chub tu mngon par rdzogs par 'tshang rgya bar bya/ ji ltar rab tu nyams thag par gyur pa'i bdud bzhi'i zhags pas bcing pas bcings pa'i sems can rnams yongs su dgrol bar nus snyam ste| de nas dge sbyong chen po ut+pa la'i gdong rtul ba che zhing brtan pa/ snying rje chen po dang ldan pas de bzhin gshegs pa 'ong zhi spos snang dpal la zhus te srog chags brgya stong du mas bskor cing mdun du bdar nas mtha' 'khob kyi grong dang / grong khyer dang / grong rdal dang / ri dang / ri brag nyam nga ba'i gnas de dang de dag na spyad pa spyod cing de dang de dag tu sems can de dag la ci nas sems can de dag sdig pa'i lta bar song ba las bzlog ste yang dag pa'i lta ba la btsud nas bla na med pa yang dag par rdzogs pa'i byang chub tu bkod/ gzhan la la ni/ rang sangs rgyas kyi theg par smon pa la/ la la ni/ nyan thos kyi theg pa la/ la la ni/ 'bras bu la bkod/ la </font><hr>320b<br><font size=+1>


la ni/ rab tu phyung / la la ni/ dge bsnyen gyi sdom pa la/ la la ni/ za gcig pa la/ la la ni/ dus khrims pa la/ la la ni/ skyabs gsum du 'gro ba la bkod pa de lta bur chos bstan to| |bud med dag la ni/ rin po che tog gi gzungs 'di bshad de bud med kyi dngos po las bsgyur nas skyes pa la bkod do/ /srog chags mang po gang de bzhin gshegs pa la the tshom du gyur pa de dag thams cad kyang sdig pa'i lta bar song ba de las bzlog ste nyes pa 'chags su bcug nas bla na med pa yang dag par rdzogs pa'i byang chub la bkod de/ de bzhin gshegs pa 'od zhi spos snang dpal de nyid la phul nas rab tu phyung ngo / /shor ba gzhon nu'i tshul ni/ ma gtogs te/ des 'di ltar ut+pa la'i gdong 'dis bdag gi 'khor rnams bslus te khrid kyi| bdag gis kyang 'di bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing der bdud byas te/ 'di ltar mngal na 'dug pa tshun chad 'di la rnam par 'tshe'o/ /de nas phyis gtses nas kyang gzhon nu rtsed mo byed pa dang / bzo'i las kyi mtha' dang / klog cing 'dug pa dang / dga' ba'i rtsed mo'i phyir btsun mo'i 'khor gyi nang du song ba nas byang chub kyi shing drung du byang chub kyi snying po la 'dug gi bar du skrag par bya'o/ /bgegs bya'o/ /byang chub thob nas kyang bstan pa gshig par bya'o/ /zhes smon </font><hr>321a<br><font size=+1>


@#/ /lam btab bo/ /de nas dge sbyong ut+pa la'i gdong gis sher ba gzhon nu'i tshul gyis smon lam de ltar brtul te btab pa la mthu chen po dang / 'bad pa drag pos dang par byas te sdig pa'i lta ba thibs po da las bzlog nas nyes pa 'chags su bcug ste bla na med pa yang dag par rdzogs pa'i byang chub tu sems bskyed du bcug go /de nas shor ba gzhon nu'i tshul rab tu dul zhing dad pa skyes nas 'di skad du snying rje chen po dang ldan pa khyod gang gi tshe bla na med pa yang dag par rdzogs pa'i byang chub tu mngon par rdzogs par sangs rgyas pa de'i tshe byang chub thob nas bdag bla na med pa yang dag par rdzogs pa'i byang chub tu lung bstan du gsol zhes smon lam btab po/ /bzhin bzad dag /de'i tshe de'i dus na gang gis de bzhin gshegs pa 'od zhi spos snang dpal de 'khor dang bcas pa la mchod pa dang / rim gro rnam pa du ma byas nas srog chags bye ba khrag khrig brgya stong du ma dang bcas te khyim nas byung nas rab tu byung zhing / srog chags bye ba khrag khrig brgya stong du ma ni/ sdig pa'i lta bar song ba las bzlog ste theg pa gsum la bkod/ sems can dpag tu med pa ni/ 'bras bul bkod/ bud med bye ba khrag khrig brgya stong tshad med ba ni/ skyes pa thob par byas pa'i rgyal po ut+pa la'i gdod zhes bya bar gyur pa de gzhan yin pa snyam du </font><hr>321b<br><font size=+1>


khyod the tshom mam/ yid gnyis sam/ som nyi za bar gyur na/ de ltar mi blta'o/ /de ci'i phyir zhe na/ nga de'i tshe de'i dus na gling bzhi la dbang ba'i 'khor los ba sgyur ba'i rgyal po ut+pa la'i gdod zhes bya bar gyur te/ ngas de lta bu'i skyes bu'i mthu byas so/ /bzhin bzang dag /de'i tshe de'i dus na btsun mo dam pa lha mdzes zhes bya ba gang gis dge sbyong thob par gyur pa de gzhan yin snyam du the tshom mam/ yid gnyis sam/ som nya zi bar gyur na/ de ltar mi blta'o/ /de ci'i phyir zhe na/ byang chub sems dpa' sems dpa' chen po byams pa de'i tshe de'i dus na btsun mo dam pa lha mdzes zhes bya bar gyur to/ /bzhin bzang dag /de'i tshe de'i dus na the tshom du gyur pa'i srog chags bye ba mang po dang bcas te sangs rgyas la mi snyan pa'i bar du zer ba shor ba gzhon nu'i tshul zhes bya ba de gzhan yin snyam du khyed the tshom mam/ yid gnyis sam/ som nyi za bar gyur na/ de ltar mi blta'o/ /de ci'i phyir zhe na/ bdud sdig can 'di nyid de'i tshe de'i dus na shor ba gzhon nu'i tshul zhes bya bar gyur te/ gang de'i tshe ngas de'i 'khor rab tu phyung nas de'i phyir nga la sems rab tu khro ba bskyed nas phyis smon lam btab ste/ khyod nam bla na med pa yang dag par rdzogs pa'i byang chub mngon par rdzogs par sangs rgyas pa de'i tshe khyod kyis bdag bla na med pa yang dag par rdzogs pa'i byang chub tu lung ston cig ces byas so/ /rigs kyi bu dag /khyed kyis </font><hr>322a<br><font size=+1>


@#/ /kyang bcom ldan 'das de bzhin gshegs pa 'od zhi spos snang dpal de lam dad cing ma bsngams pa'i tshig smras te sdig pa'i lta bar song ba bzung nas ngas khyed sdig pa'i lta bar song ba de las kun thar par byas te rab tu phyung nas de tshun chad khyed kyis sangs rgyas stong phrag mang po la bsnyen bkur byas te/ de dag la mchod pa dang rim gro byas/ de dag las chos nyan te smon lam btab nas pha rol tu phyin pa drug sbyad de/ khyed lus dang / ngag dang / yid kyi nyes par spyad pa'i las des sngon bskal pa du mar ngan song gsum du sdug bsngal myong ngo / /las kyi sgrib pa de nyid kyis da ltar bdud sdig can gyi gnas su skyes so/ /rin po che tog gi gzungs 'di sngon byung ba'i le'u 'di bcom ldan 'das de bzhin gshegs pa shAkya thub pas gshad pa na bdud kyi bu mo lnga brgya tsam de dag bud med kyi dngos po mi snang bar gyur nas skyes pa'i dngos por gyur te mi skye pa'i chos la bzod pa thob bo/ /lha dang / mi dang / lha ma yin du bcas pa'i skye rgu'i sems can bye ba khrag khrig brgya stong grangs med dpag tu med pa dag gis bla na med pa yang dag par rdzogs pa'i byang chub tu sems bskyed de bla na med pa yang dag par rdzogs pa'i byang chub las phyir mi ldog par gyur to/ /de bzhin du sems can bye ba khrag khrig </font><hr>322b<br><font size=+1>


brgya stong grangs med dpag tu med pa dag ni/ nyan thos dang / rang sangs rgyas kyi theg pa las phyir mi ldog par gyur to/ /lha dang / mi'i bu mo grangs med dpag tu med pa dag ni/ bud med kyi dngos po las gyur te skyes pa'i dngos po rnyed do/ /'dus pa rin po che tog gi gzungs las/ sngon byung ba'i le'u zhes bya ste gnyis pa'o// //bam po gsum pa/ de nas rin po che tog gi gzungs 'di de bzhin gshegs pa shAkya thub pas bshad pa de'i tshe thams cad dang ldan pa'i 'jig rten gyi khams mi mjed 'di rgya cher snang bas khyab par gyur te/ sangs rgyas kyi zhing 'di na gling bzhi pa bye ba phrag brgya gang dag yod pa de dag na 'dod pa'i dbang phyug bdud bye ba phrag brgya gang dag bdud byed pa de dag sangs rgyas kyi mthus dogs pa skyes te/ snang ba chen po 'di gang nas byung zhes gling bzhi pa'i 'jig rten gyi khams 'di la blta zhing bdud sdig can zhes bya ba gang gling bzhi pa'i 'jig rten gyi khams de na gnas ba de bdag cag pas stobs che zhing dbang che ba mthu che na/ 'di de'i mthu'am snyam nas de nas bdud de dag gis bltas na/ bdud sdig can de mya ngan gyi khang pa na 'dug cing yid rab tu mi dga' ba de mthong ngo / /de nas bdud bye ba phrag brgya po de dag gling bzhi pa'i 'jig rten gyi khams 'di ga la ba dang / bdud sdig can gyi khang pa ga la ba der song ste phyin nas bdud sdig can la 'di skad ces smras so/ /kye 'dod pa'i </font><hr>323a<br><font size=+1>


@#/ /dbang phyug /ci'i phyir thams cad dang ldan pa'i gling bzhi pa'i 'jig rten gyi khams 'di snang bar byas nas khyod mya ngan gyi khang par zhugs te 'dug /de nas 'dod pa'i dbang phyug gis bdud bye pa phrag brgya po de dag la rgyas par smras pa/ kye grogs po dag shes par gyis shig/ shAkya'i rigs las shin tu g.yo dang sgyur ldan pa'i dge sbyong zhig 'dir skyes te/ de skyes ma thag tu thams cad dang ldan pa'i 'jig rten gyi khams 'di snang par byas/ rab tu g.yos par byas/ 'khrugs par byas te dngangs par byas so/ /'jig rten gyi khams ma lus pa 'di na mkhas pa gang su tshangs pa'i dbang po'am/ klu'i dbang po'am/ gnod sbyin gyi dbang po'am/ lha ma yin gyi dbang po'am/ lto 'phye chen po'i dbang po'am/ nam mkha' lding gi dbang po'am/ mi'am ci'i dbang po nas gzhan yang mi dang / mi ma yin pa'i bar du mkhas pa su'ang rung / de dag thams cad de la mchod pa'i phyir 'dong ngo / /lo drug gi bar du gcig pu gnyis su med par 'dug ste mtshan nyid med pa'i sgyu ma bsgrubs pas kho bos kyang rang gi stobs kun bstan par 'dod nas sde dang / g.yog bye ba phrag sum cu rtsa drug dang de'i drung du dong ste kun tu bskor nas bdud kyi stobs dang / rnam par </font><hr>323b<br><font size=+1>


'phrul ba dang / rdzu 'phrul dang / brtson 'grus dang / pha rol gnon pa thams cad bstan kyang de'i spu'i khung bu gcig kyang dngangs shing 'jigs phar bya ma nus na/ stan de las bskyod pa lta ci smos/ bgegs gzhan bya bar lta ga la nus te/ dmangs des de lta bu'i sgyu shin tu bstan cing sa g.yo bar byas pas kho bo sde dang bcas te pham nas shing bcad pa bzhin du sa'i steng du lhung ngo / /de de ra 'dug ste de 'dra ba'i mtshan nyid med pa'i sgyu ma bsgrubs nas 'di ltar bdud kyi yul thams cad zil gyis mnan te/ rig pa bsgrubs nas stan de las langs te sems can rnams la rab tu bstan nas gling bzhi pa'i 'jig rten gyi khams 'di na sems can su mkhas shing shes pa de dag kyang de lta bu'i sgyus 'dun par byas te/ de dag gi sems dang / 'gro ba drug tu skye ba dang / 'gro ba'ang kho bos mi shes so/ /gang dag de la skyabs su dong ba de dag gi spu'i khung bu gcig tsam yang dngangs pa dang / 'khrugs par byed ma nus na/ de la slu ba'am bskyod par lta ga la nus te/ deng kho bo'i g.yog mo lnga brgya dang / bu nyi khri dang / tshogs kyi 'khor dang bcas te dge sbyong gau ta ma dmangs de la skyabs su dong nas chos mnyan pa'i phyir de'i mdun na 'khod de/ kho bos de dag de dang phral bar ma nus so/ /de'i phyir stobs dang ldan pa/ bsod nams dang ldan pa/ shes pa dang ldan pa </font><hr>324a<br><font size=+1>


@#/ /dbang phyug dang ldan pa khyod kho bo'i grogs gyis dang / shAkya'i bu dmangs de srog dang dbral lo/ /de la sems can gang dag skyabs su song ba de dag thams cad kyang rnam par gzhig par bya'o/ /dge sbyong g.yo sgyu can nag po'i phyogs pham par byas te bdud kyi phyogs dkar po snang bar byas la/ de phyin chad bde ba la reg par gnas par bya'o| |de nas bdud me 'od ces bya bas dzam+bu'i gling 'di gang na de bzhin gshegs pa bzhugs shing chos 'chad pa la bltas pa dang / de nas bdud me 'od kyis bcom ldan 'das kyi sku mthong / sgra dbyangs dang ldan pa'i chos ston pa thos so/ /mthong nas de spu zing zhes byed cing dngangs par gyur te/ de nas des bdud sdig can de la 'di skad ces smras so| |ma lus zhing na 'di ni gzugs bzang mchog /bsod nams shes pas ring nas gnas gtsang ste/ /nyon mongs rnam grol lam ldan yun ring lon/ /srid pa kun zad mya ngan rnams las thar/ /khyod kyang mi rigs khro bo'i dbang ma 'gro/ /gtso mchog 'di ni srid pa gsum na skyabs/ /'di la zhe sdang cung zad su skyed pa/ /de ni rmongs shing bde ba nyams par g+'+g+yur| |de nas gzhan yang bdud mu khyud bzang po zhes bya bas bdud sdig can la 'di skad ces smras so/ /de ni 'phrul chen bsod nams rab kyi mtshan/ /mi gnas 'gro ba </font><hr>324b<br><font size=+1>


kun las rab tu thar/ /sdug bsngal ma lus zad pas lam ston pa/ /bdud brgya kun gyis gtses par bya mi nus/ /sdig can gyis smras pa/ nga yi skye bo dag la dbang byas te/ /khyod kyi skye bo 'di yang de dbang 'gro| |de yis rang par mi thogs yul stong byed/ /'u bu cag kyang gang du 'gro bar 'gyur/ /de nas bdud nags kyi rgyal po zhes bya ba des 'di skad ces smras so/ / khyod ni rab tu 'byor par gyur pa'i tshe/ /de na khyod kyis rang gi dpa' ba bstan/ /da ni rab tu dpung nyams re chad na/ /de ring ci phyir thams cad mkhyen la bsngo/ /bdud ral gri zla ba zhes bya ba des 'di skad ces smras so/ /de ni su la'ang yid kyi khro ba med/ /mi gnas de ni bsam pa nyid kyis gtsang / /khams gsum dag las thar zhing 'gro ba rgyu/ /de la gzhan gyis gsad par mi nus so/ /sdig can gyis smras pa/ 'dod khams 'di na sems can gang 'khod pa/ /'dod la chags shing nga rgyal dregs pas myos/ /de dag nga phyir rtag 'brang phyag brnyan te/ /de dag tshogs pas ci phyir de mi sod/ /de nas bdud sa chu zhes bya ba des 'di skad ces smras so/ /snying po med cing sgyu ma smig rgyu 'drar/ /dngos po kun shes srid pa rnam par brtul/ /srid par ma chags nam mkha'i ngo bo nyid/ /de la bgegs byed nus par ga la 'gyur/ /sdig can gyis smras pa/ mi yi 'jig rten 'di na de dbang yod/ /bza' btung </font><hr>325a<br><font size=+1>


@#/ /zhim po sman dang gos rnyed cing / /tshong ba gsum yang de yi sems la yod/ /ci phyir de la brlag par bya mi nus/ /bdud sred spod zhes bya ba des 'di skad ces smras so/ /sdig can lto 'phye chen po rnams kyis ni/ /rdzu 'phrul bdag cag yul ni ci yod pa/ /don grub 'brul la cha shes mi reg na/ /de la ji ltar brlag par bya bar nus/ / sdig can gyis smras pa/ ngas ni de la zan bcad byas/ /de la rdo ba dag kyang 'phangs/ /de bzhin mi snyan tshig smras nas/ /gnas dag nas kyang rab tu bskyod/ /bdud shes mig ces bya ba des 'di skad ces smras so/ /khyod kyis gang tshe de la bgegs byas tshe/ /de ni khros bas cung zad 'tshig pa'am/ /khyod la khro gnyer bzhin yang bstan byas sam/ /de las khyod kyis tshig ngan mngon thos sam/ /sdig can gyis smras pa/ de ni so sor brtags pas rtag tu bzod/ /'dod chags spangs shing zhe sdang gti mug bral/ /de ni sems can kun la byams sems ldan/ /'dre bar spyod pa la yang de rtog go /bdud thub dka' zhes bya ba des 'di skad ces smras so/ /kun sbyor gsum gyi gzhags pas gang bcings pa/ / de la bdag cag nan tan bgegs bya mod/ /des ni skyon dang gti mug zhags pa spangs/ /de la ji ltar brlag par bya bar nus/ /sdig can gyis smras pa/ stobs thob khyed cag nga </font><hr>325b<br><font size=+1>


yi grogs yin te/ /khyed rnams bag yod byos la de'u re chos/ /thams cad phyogs su yi phreng ba dang / /sa 'di ma lus byin gyis chur brlab bo/ /mkha' las mi bzad stug pa'i brag char dang // lcags kyi phye ma'i phung po rab tu dbab/ /lcags mda' mdud thung spu gri mda' bo che/ /de lus phye mar brlag phyir dbab par bya/ /kun nas rab tu rno ba'i rdo rje dang / /mdud thung ral gri tho ba rnams phab la/ /'bar ba mngon 'phangs sbyor ba de dag gis/ /shAkya'i bu de thal bar brlag par bya/ /de bzhin du bdud bye ba'i bar du thams cad kyis tshigs su bcad pa smras so/ /de nas bdud de dag thams cad kyis mgrin gcig tu 'di skad ces smras so/ /de bzhin du 'dod bar bgyi'o/ /rang rang gi gnas nas go bgos la sde dang / g.yog tu bcas te 'dod do/ /bdag cag gi rdzu 'phrul dang / stobs kyi yul de dag thams cad bstan par ni/ bya na/ dge sbyong gau ta ma de rtsal ci 'dra ba de'i mod la rab tu ston te/ khyod rang gis rig par 'gyur ro/ /de nas bdud bye ba rang rang gi gnas nas go bgos te bdud bye ba re re zhing yang g.yog stong stong ya lad rnam pa mang po gyon pa/ lag cha sna tshogs thogs pa/ go cha rnam pa sna tshogs bgos pa dag dang chas te/ de'i nub mo 'das nas dzam+bu'i gling 'dir phyin te yul ang+ga ma ga d+ha'i drang thad kyi nam mkha' la 'khod nas gling bzhi pa'i 'jig rten gyi khams 'din lha dang / klu </font><hr>326a<br><font size=+1>


@#/ /dang / gnod sbyin dang / dri za dang / lha ma yin dang / nam mkha'i lding dang / mi'am ci dang / lto 'phye chen po dang / yi dwangs dang / sha za dang / grul bu ma gang dag bcom ldan 'das la sems ma dad cing gus par bya ba yid la byed pa med par gyur la/ chos dang / dge 'dun la'ang sems ma dad pa yod pa de dag thams cad bdud sdig can gyis bcom ldan 'das bgrongs su bcug nas de dag kyang lag cha dang / go cha sna tshogs dang chas te de nyid na 'khod do/ /bdud sdig can ni/ dbang phyug chen po'i gzugs su bsgyur nas drang srong skar ma la dga' ba zhes bya ba dbang phyug chen po la dad pa/ rig pa'i gnas bco brgyad kyi pha rol tu phyin pa/ rdzu 'phrul gyi yul gyi pha rol tu son pa/ g.yog lnga brgya yod pa| gangs kyi ri'i ngos la gnas pa de'i mdun du 'dug ste 'di skad ces smras so/ /gau ta ma yi rigs las skyes pa'i drang srong mchog /mkhas shing mngon par shes pa dag la gnas// ang+ga ma ga d+ha na der 'dug de ring ni/ /rgyal po'i khab tu nges par bsod snyoms spyod/ /brtan por sna tshogs gsal ba'i gtam rnams kyis/ /de dang khyod du lhan cig smra bar byos/ / der khyod mngon shes dbang po lnga po yang / /gdon mi za bar rab tu thob par 'gyur/ /de nas bdud sdig can gyis tshigs su bcad pa 'di smras te/ de nyid du mi snang bar gyur nas rang gi gnas </font><hr>326b<br><font size=+1>


su song ste rang gi 'khor gyi bdud rnams la bsgo ba/ /ngas deng mi mtshungs blos bsam ci 'dra nga las khyod nyon cig /bdag yul bdud kyi dregs chen 'joms pa'i sgyu de mi ston par/ /rdzu 'phrul mthu dang ldan de shAkya'i bu la rang dgar smra/ /de rtag tshig 'jam slob ma dag la bu la ma byams bzhin/ /de yi slob ma rgyags spangs gdon mi za bar snga dro ni/ /grong khyer dag tu g.yeng ba med par mthar gyis rgyu pa na/ /de dag glu gar snyan mchog tshul gyis rang dgar myur du gzungs/ /de thos shAkya khyu mchog ci nas yid spro med par bya/ /bdud gzhan zhig gis smras pa| glang chen rnga mo seng+ge ma he stag gtum sgra drag dbyar dus kyi/ /'brug sgra 'byin pa lta bu du ma grong de'i phyi rol myur sprul te/ /bdag cag lag cha mtshon thogs 'dug pa ngo mtshar mngon sum de mthong na/ /bslad cing mi dran rdzu 'phrul stor te de nas tha dad phyogs su 'gro/ /bdud gzhan zhig gis smras pa/ lam srang bzhi mdo rta babs dag na mi sdug gdod mang 'khod/ /sna tshogs mtshon rnon mda' chen mda' zhags brla dgas ral gri thogs/ /nam mkha' las kyang mtshon cha'i sgra grag sprin las lce yang 'bebs/ /de nas sa g.yos 'jigs pas dbang med myur du ma rungs 'gyur/ /bdud de dag gis bdud kyi yul gyi stobs dang / rnam par sprul pa ji lta ba de bzhin du thams cad rgya cher byas so/ /bcom ldan </font><hr>327a<br><font size=+1>


@#/ /'das kyis kyang thams cad dang ldan pa'i stong gsum gyi stong chen po'i 'jig rten gyi khams 'di rdo rjer byin gyis brlabs nas bdud kyi sgra'ang mi 'byin/ phyogs bzhin me dang ri'ang med/ sprin nag po'ang med/ dus ma yin pa'i rlung yang med de/ sangs rgyas kyi stobs dang / byin gyi rlabs kyis klu gang yang tha na char pa thigs pa gcig tsam yang mi 'bebs so/ /yang de'i tshe nyan thos chen po bzhi snga dro chos gos dang shams thabs bgos/ lhung bzed thogs nas rgyal po'i khab kyi grong khyer chen por bsod snyoms kyi phyir zhugs te/ de nas tshe dang ldan pa shA ri'i bu grong khyer gyi lho phyogs kyi sgo nas rgyal po'i khab kyi grong khyer chen por bsod nams kyi phyir zhugs pa dang / grong khyer gyi sgo de na bdud gzhon nu shin tu dar la bab pa/ byad bzhin bzang ba/ btsun pa'i cha byad dang 'dra ba lnga bcu glu len gar byed cing kun tu rgyu ste/ de dag gis lag pa gnyis kyis tshe dang ldan pa shA ri'i bu la bzung nas srang du rgyug cing glu len gar byed de shA ri'i bu la 'di skad ces smras so/ /dge sbyong / glu longs shig /dge sbyong / gar byos shig /shA ri'i bus smras pa/ grogs po dag / khyed kyis sngon ma thos pa'i glu thos par bya yi/ nyon cig /bdud gzhon nu de dag thams cad kyis gcom bskyungs pa dang / tshe dang ldan pa shA ri'i bu rgyug cing glu'i dbyangs kyis 'di skad </font><hr>327b<br><font size=+1>


ces smras so/ /skye mchod dag gis shin tu chog /skye mched dag gis bdag cag bslus/ /skye mched dag ni gsod pa ste/ /skye mched bdag gis mthar dbyung ngo / /phung po byas pas shin tu chog /phung po byas pas bdag cag bslus/ /phung po byas pas gsod pa ste/ /phung po byas pa ngas mthar dbyung / /'di lta ste/ ba ha ra/ ba ha ra/ b+ha ra ba ha/ ma ri 
 ba ha/ sat+ya ba ha/ A ma ba ha swAhA/ gnas brtan shA ri'i bu rgyug cing glu'i dbyangs kyis tshigs su bcad pa 'di dag dang / gsang sngags kyi tshig 'di dag smras pa dang / de nas bdud gzhon nu lnga bcu po de dag shin tu dga' ste yid rab tu dad nas 'di skad ces smras so/ /mgon po bdag cag de ring bzod par gsol/ /'gro ba'i gnyen gcig ston pa'i mchog khyod de/ / phung po khyod kyis ji ltar 'jigs bcas bshed/ /bdag cag de ltar rtag tu de mngon sum/ /bdud gzhon nu lnga bcu po de dag thams cad kyis srang gi dbus der tshe dang ldan pa shA ri'i bu'i rkang pa la mgo bos phyag btsal te chos mnyan pa'i phyir de'i mdun du 'dug go /de nas maung+gal gyi bu grong khyer gyi shar phyogs kyi sgo nas rgyal po'i khab kyi grong khyer chen por bsod snyoms kyi phyir zhugs pa dang / de nas yang bdud gzhon nu lnga bcu nas glu'i dbyangs kyi bar du ste 'di skad ces smras so/ /khams nyid dag gis shin tu chog /khams nyid dag gis bdag cag </font><hr>328a<br><font size=+1>


@#/ /bslus/ /khams nyid dag ni gsod pa ste/ /khams nyid bdag gis mthar dbyung ngo / /tshor ba dag gis shin tu chog /tshor ba bdag gis bdag cag bslus/ / tshor ba dag ni gsod pa ste/ /tshor ba bdag gis mthar dbyung ngo / /sems pa dag gis shin tu chog/ sems pa dag gis bdag cag bslus/ /sems pa dag ni gsod pa ste/ / sems pa bdag gis mthar dbyung ngo / /'du shes byas pas shin tu chog /'du shes byas pas bdag cag bslus/ /'du shes byas pa gsod pa ste/ /'du shes byas pa ngas mthar dbyung / /'khor ba dag gis shin tu chog /'khor ba dag gis bdag cag bslus/ /'khor ba dag ni gsod pa ste/ /'khor ba bdag gis mthar dbyung ngo / /'di lta ste/ A ma ba/ A ma ba| A ma ba/ a ra dza/ na ra dza ha/ sha ma mya tha/ sha ma mya tha/ ga ga na ba swAhA/ tshe dang ldan pa maung+gal gyi bu chen po rgyug cing glu'i dbyangs kyis tshigs su bcad pa 'di dag dang / gsang sngags kyi tshig 'di dag smras pa dang / de nas bdud gzhon nu lnga bcu po de dag shin tu dga' ste yid rab tu dad nas 'di skad ces smras so/ /'phrul ldan spas pa 'phags lam thub dbang sras/ /'khor ba'i nyes la mnyam blta chos kyi sgron/ /sdig spangs bdag cag ri mo gus pa skyes/ /sangs rgyas chos mchog dge 'dun deng skyabs song / /bdud </font><hr>328b<br><font size=+1>


gzhon nu lnga bcu po de dag thams cad kyis srang gi dbus der tshe dang ldan pa maung+gal gyi bu chen po'i rkang pa la mgo bos phyag 'tshal te/ chos mnyan pa'i phyir de'i mdun du 'dug go /de nas tshe dang ldan pa byams ma'i bu gang po grong khyer gyi byang phyogs kyi sgo nas rgyal po'i khab kyi grong khyer chen por bsod snyoms kyi phyir zhugs pa dang / de nas yang bdud gzhon nu lnga bcu nas glu'i dbyangs kyi bar du ste 'di skad ces smras so/ /reg pa byas pas shin tu chog /reg pa byas pas bdag cag bslus/ /reg pa byas pa gsod pa ste/ /reg pa bdag gis mthar dbyung ngo / / bdag po dag gis shin tu chog /bdag po dag gis bdag cag bslus/ /bdag po dag ni gsod pa ste/ /bdag po bdag gis mthar dbyung ngo / /'khor ba bdag gis shin tu chog / 'khor ba bdag gis bdag cag bslus/ /'khor ba dag ni gsod pa ste/ /'khor ba bdag gis mthar dbyung ngo / /srid ba kun gyis shin tu chog /srid pa kun gyis bdag cag bslus/ / srid pa kun ni gsod pa ste/ /srid pa kun ni ngas mthar dbyung / /'dod pa'i dga' bas shin tu chog /'dod pa'i dga' bas bdag cag bslus/ /'dod pa'i dga' ba gsod pa ste/ / 'dod pa'i dga' ba ngas mthar dbyung / /grogs dag tshe 'di myur 'gro ste/ /ri gzar chu drag mgyogs 'dra na/ /byis pa'i skye bos mi shes te/ /mi mkhas gzugs kyi dregs pas myos/ / </font><hr>329a<br><font size=+1>


@#/ /de bzhin du sbyar te/ mi mkhas sgra yi dregs pas myos/ /mi mkhas dri yi dregs pas myos/ /mi mkhas ro yi dregs pas myos/ /mi mkhas reg gi dregs pas myos/ /grogs dag tshe 'di myur 'gro ste/ /ri gzar chu drag mgyogs 'dra na/ /byis pa'i skye bos mi shes te/ /mi mkhas chos kyi dregs pas myos/ /mi mkhas phung po'i dregs pas myos/ /mi mkhas khams kyi dregs pas myos/ /mi mkhas longs spyod dregs pas myos/ /mi mkhas bde ba'i dregs pas myos/ /mi mkhas rigs kyi dregs pas myos| |mi mkhas 'dod pa'i dregs pas myos/ /grogs dag tshe 'di myur 'gro ste/ /ri gzar chu drag mgyogs 'dra na/ /byis pa'i skye bos mi shes te/ /mi mkhas kun gyi dregs pas myos/ /'di lta ste/ kha rga ba/ kha rga ba/ kha rga ba/ mun nyi ni/ a brta/ bi brta/ kha brte/ bra ma ar+tha/ dz+yo ti ra brta swAhA/ /tshe dang ldan pa byams ma'i bu gang po rgyug cing glu'i dbyangs kyis bdud kyi bu rnams la tshigs su bcad pa 'di dang / gsang sngags kyi tshig 'di dag smras pa dang / de nas bdud gzhon nu lnga bcu po de dag shin tu dga' ste yid rab tu dga' nas 'di skad ces smras so/ /khams rnams sgyu ma smig rgyu 'dra ba dang / /'tsho ba'i 'jig rten rtog pas bskyod pa dang / /zhi ba'i lam yang khyod kyis nye bar bstan/ / </font><hr>329b<br><font size=+1>


mchog sbyin dkon mchog gsum la skyabs su mchi/ /bdud gzhon nu lnga bcu po de dag thams cad kyis srang gi dbus der tshe dang ldan pa byams ma'i bu gang po'i rkang pa la mgo bos phyag 'tshal te chos mnyan pa'i phyir de'i mdun du 'dug go /yang de'i tshe tshe dang ldan pa rab 'byor nub phyogs kyi sgo nas rgyal po'i khab kyi grong khyer chen por bsod snyoms kyi phyir zhugs pa dang / grong khyer gyi sgo de na bdud gzhon nu shin tu dar la bab pa/ byang bzhin bzang ba/ btsun pa'i cha byad 'chang ba lnga bcu glu len gar byed cing kun tu rgyu ba de dag gis lag pa gnyis kyis tshe dang ldan pa rab 'byor la bzung nas srang du rgyug cing glu len gar byed de rab 'byor la 'di skad ces smras so/ /dge sbyong / glu longs shig /dge sbyong / gar byos shig /rab 'byor gyis smras pa/ grogs po dag/ khyed kyis sngon ma thos pa'i glu thos par bya yi/ nyon cig /de dag gis gcom bskyungs pa dang / tshe dang ldan pa rab 'byor rgyug cing glu'i dbyangs kyis 'di skad ces smras so/ /dngos po thams cad mi rtag sgyu ma chu bur bzhin/ /'dus byas g.yo ba'i rang bzhin gang la'ang rtag pa med/ /smig rgyu mthong nas zhig bzhin de la ther zug med/ /chos kun myur du 'jig par blo dang ldan pas shes/ /sdug bsngal chos gzir byas pa thams cad gar chags pa/ /reg kun sdug bsngal khur yin tshor ba dag kyang med/ / </font><hr>330a<br><font size=+1>


@#/ /ji ltar dad pa byang chub lam sgom sten byed pa/ /de ltar sdug bsngal kun thar byed grogs gang yang med/ /chos kun mtshan nyid gcig ste 'du shes spangs pa dge /bdag med ldan las spyod kun rdzas kyi mtshan nyid bdag /srog dang gso ba gang zag dang ni byed pa med/ /bdud kyi g.yo dag mthong la sems ni byang chub bsngos/ /nam mkha'i glog bzhin dbang po dag la rnam shes 'byung / /reg dang tshor dang sems pa thams cad bdag med de/ /tshul bzhin brtags na rdzas ni ci yang yod ma yin/ /byis pa'i sde rnams bslus pas 'khrul 'khor bzhin du 'jug /phung por thams cad tshul bzhin brtags na byed pa med/ /yang dag mtha' ni stong zhing mtha' rnams kun dang bral/ /byang chub lam spyod der ni 'dren pas byang chub brnyes/ /rmongs med chos nyid 'di ni chos su skyob pas gsungs/ /'di lta ste/ su mun de/ bi mun de/ sun da dza ti/ si li si li si li/ a ba si li/ a ba ha si li| ta thA tA si li/ b+hu ta ko Ti si li swAhA/ tshe dang ldan pa rab 'byor rgyug cing glu'i dbyangs kyis tshigs su bcad pa 'di dag dang / gsang sngags kyi tshig 'di dag smras pa dang / de nas bdud gzhon nu lnga bcu po de dag shin tu dga' ste yid rab tu dad nas 'di skad ces smras so/ /sdig pa'i grogs kyi dbang song 'di 'dra'i chos ma thos/ /gti mug mi shes dngos </font><hr>330b<br><font size=+1>


pos sdig las ci bgyis pa/ /rgyal ba'i sras la bdag cag mngon sum deng bshags nas/ /'gro la phan phyir sangs rgyas nyid du smon dge 'debs/ /bdud gzhon nu lnga bcu po de dag thams cad kyis srang gi dbus der tshe dang ldan pa rab 'byor gyi rkang pa la mgo bos phyag 'tshal te chos mnyan pa'i phyir de'i mdun du 'dug go /yang de'i tshe na sangs rgyas kyi mthus srang gi dbus der dpag tshad brgya tsam du go skabs yangs par snang ste/ srang de'i dbus na gnas brtan shA ri'i bu ni/ byang phyogs su bltas te 'dug /maung+gal gyi bu chen po ni/ nub phyogs su bltas te 'dug /gang po ni/ lho phyogs su bltas te 'dug /rab 'byor ni/ shar phyogs su bltas te 'dug nas gcig nas gcig tu dpag tshad phyed phyed tsam na 'khod do/ /nyan thos chen po bzhi po de dag gi dbus kyi sa'i phyogs na khyu lnga bcus 'khor ba'i pad+ma chu ba ni/ dzam+bu'i chu po'i gser/ /'dab ma ni/ baiDUR+Ya sngon po/ /ze ba ni/ dpal gyi snying po/ /snying po ni/ mu tig /dri ni/ lha'i spos pas lhag pa/ 'jig rten las 'das pa'i dge ba'i rtsa ba las skyes pa zhig byung ste/ pad+mo de las snang ba byung ngo / /snang ba des stong gsum gyi stong chen po'i 'jig rten gyi khams snang bar gyur te/ srang de na pad+ma de 'phang du mi gsum gyi khrun tsam du snang ngo / /rgyal chen bzhi'i ris kyi lha'i bar du ni/ pad+ma de'i 'phang du lha'i dpag tshad lnga bcu par snang ngo / /sum cu rtsa gsum pa'i </font><hr>331a<br><font size=+1>


@#/ /lha'i nang du ni/ pad+ma de'i 'phang du ni/ dpag tshad brgya bar snang ngo / /'og min gyi lha'i bar du ni/ pad+ma de'i 'phang dpag tshad phyed par snang ngo / /pad+ma de'i 'dab ma dag las tshig dang / don dang / tshigs su bcad pa sna tshogs byung ste/ sems can gang dag sa 'di la ngas pa de dag gis tshigs su bcad pa de dag thos so/ /sangs rgyas zhing 'dir gang zag sdig pa med pa gcig skyes pa/ /gcig pus bdud kyi sde ni dpung dang bzhon par bcas pa bcom/ /sangs rgyas dpa' bo gcig gis chos kyi 'khor lo rab tu bskor| |nyag cig 'gro ba dag la phan phyir byon pa the tshom med/ /mkhas pa bstan bcos tshul mang rig pa chos don mthar 'dod pa/ /tshul shes pang nas skyes dang nye rgyal mchog 'dir ston pas btul/ /'gro ba kun la phan don rig mkhas dam chos gsung ba che/ /thub pa smra mchog 'jig rten kun gyis mchod pa de ring gshegs/ /dus gsum gshegs pa ston pa dge sbyong rgyal po bslab gsum 'chang / /tshad med chos don rig pa mi dang lhar bcas 'gro ba skyob/ /'jig rten don dang phan spyod mkhas pa ye shes chen po'i sgron/ /dam chos gsung ba dri ma gsum spangs de ring 'dir kun ston/ /sdug bsngal phongs pa'i 'gro ba thams cad rnam grol zhing / /'jig rten don slad mi bsnyel blo gros mnga' bas sbyang / /ma rig </font><hr>331b<br><font size=+1>


pa yis bsgribs pa'i mig can dag la yang / /dam pa'i chos kyi mig ni ji bzhin rab tu sbyin/ /thams cad ldan pa'i 'khor 'di 'dir ni tshogs 'gyur gyi/ /don gyi dam pa gzigs pa gzugs bzang mchog mnga' la/ /stobs dang ldan zhing mchog dang mchog ma yin mkhyen pa/ /smra ba'i seng+ge ring po mi thogs 'dir gshegs so/ /'gro ba sdug bsngal rgya mtshor gnas pa gzigs nas ni/ /dbang po drug gi sdom pa'i mchog la rab gnas shing / /mngon par shes pa drug mkhyen drug gi rjes 'brang ba/ /de ni chos kyi rnga chen brdung du yang dag gshegs/ /dbang po drug gi grong khyer gnas rnams rab 'joms pa/ /don mchog dran pa drug gi kha lo sgyur dbang po/ /pha rol chos drug mchog rnams rab tu bshad pa'i phyir/ / drug gi sa bon smra ba'i seng+ge 'dir gshegs so/ /'dod pa na spyod pa'i lha'i ris drug gi bar du pad+ma de las tshigs su bcad pa 'di dag byung ngo / /khyed cag tshogs te de ring dga' ba spyod// bag med sems pa sred dang rgyags pas bsgribs/ /rtag tu rmongs shing dga' ba'i skom gyis myos/ /bag med gyur pas bde gshegs mchod mi byed/ /'dod pas mi rtag chu yi zla ba bzhin| |skye rgu'i 'khor ba'i zhags pa shin tu sra/ /dga' ba dag la bag med ma thar pa/ /nam yang mya ngan 'da' bar mi 'gyur ro/ /rtag tu bag med zhi ba'i phyir mi 'jug /dge dang </font><hr>332a<br><font size=+1>


@#/ /mi dge sngon byas ma mthong ngam/ /rga dang na 'chi'i 'jigs pas kun zin cing / /khyed cag ngan song sa la rab tu zhugs/ /sbyin dang dul dang kun sdom bag yod la| |sten cig sngon gyi legs byas rnams kyang srungs/ /'dod pa mi gtsang mtha' med kun spongs la/ /bde bar gshegs pa'i skyabs su nye bar dong / /song ste de yi bka' la rab tu nyon/ /legs bshad de ni khyod kyi don chen te/ /shes rab rnam grol rab tu zhi ba'i rgyu/ /dam pa'i chos ldan mnyan pa don chen ni/ /lha'i ris bcu drug gi bar du pad+ma de'i 'dab ma las tshigs su bcad pa 'di lta bu 'di dag byung ngo / /mnyam gzhag bsam gtan dga' ba nyon mongs med/ /rab tu bsgrims te chos la rnam par bsgoms/ /ma 'khrul sems dang rnam par thar 'dod pas/ /zhe sdang rab tu spangs pa'i blo gyis shig /rnam pa bcu gsum mtshan ma bstan pa yi/ /bzod pa mchog la rnam par sgom par gyis/ /des ni na dang rga las thar pa yi/ /shin tu rnam thar myur du thos par 'gyur/ /gang rnams gzugs kyi rnam rtog srog la chags/ /ther zug rtag pa bdag brtan dngos por lta/ /de dag gi ni skye ba'i rgyun mi 'chad/ /de rnams ngan song sa la shin tu bab/ /rtag tu khams gsum bdag med rdzas med cing / /byed med rang dbang med par rnam bltas nas/ /rjes su </font><hr>332b<br><font size=+1>


mthun pa'i bzod pa gang sgom pa/ /de dag 'gro ba kun las thar par 'gyur/ /skye dang 'jig grol chos 'di thams cad la/ /nam mkha' 'dra bar gang rnams sgom byed pa/ /de dag 'chi med rga med na ba'ang med/ /ngan 'gro med cing mi sdug phrad pa'ang med/ /gang rnams dbang po dag la yid mi chags/ /lam de mchog ste shin tu dag pa yin/ /da ltar shAkya seng+ge 'di bzhin du/ / bdud rnams bzhi po rnam par 'joms par 'gyur/ /gang dag g.yo ba btul nas gnyis spang phyir/ /ci yang med cing mtshan ma kun spangs pa/ /tshul gcig rnam par sgom par byed pa rnams| |de dag la ni lam mchog 'di bshad do/ /bdag po med cing byed pa med gyur par/ /chos 'di thams cad stong par bsgoms nas su/ /smon pa spangs ni bla na med pa yi/ /byang chub nam mkha'i rang bzhin reg par 'gyur/ /de lta bu'i don gyi tshig gis chos kyi sgra de dag byung bas 'jig rten gyi khams 'dir mi dang / mi ma yin pa de dag tshogs te srang gi dbus na pad+ma de 'khor bar 'dug go /'og min gyi lha grangs med dpag tu med pa'i bar du 'og min nas babs nas chos mnyan pa'i phyir pad+ma de'i khor khor yug tu 'khod do/ /bdud sdig can gyis tshigs su bcad pa de dag thos nas kun tu bltas te rgyal po'i khab kyi grong khyer chen po'i srang ga dbus na pad+ma de las 'di lta bu'i tshigs su bcad ba dag byung ste chos mnyan pa'i phyir mi bye ba khrag </font><hr>333a<br><font size=+1>


@#/ /khrig brgya stong grangs med dpag tu med ba dag gis pad+ma de 'khor bar 'khor par mthong ngo / /de nas bdud sdig can gyis steng du bltas na/ 'dod pa na spyod pa'i lha drug gi gnas thams cad na'ang chos mnyan pa'i phyir lha bye ba khrag khrig brgya stong grangs med dpag tu med pa dag gis pad+ma de 'khor bar 'khod pa mthong ngo / /de nas bdud sdig can rab tu sdug bsngal zhing yid mi bde nas yid la gcags te spu bring zhes byed par gyur cing / lus rdul te lus 'dar nas nam mkha' la rgyug cing skad chen pos bos te bdud gzhan la 'di skad ces smras so/ /mi 'gyur yid kyis nga yi tshig nyon la/ /nga la stobs med bdag yul 'dir dbang med/ /mthu stobs yon tan shin tu dri med de/ /skye bo brtan phyir 'jig rten 'dir 'dug go /lha mi dga' ba'i dam pa 'dir byung ste/ /'gro mchog ma lus nges par nye bar dong / /bde gshags tshig la skom zhing rab tu dga'/ /yon tan rab mchog zhi ba'i lam du 'gro /'di ni 'jig rten gsum po slu ba dge sbyong sgyu yin te/ /lha mi mang po thams cad yid gcig pad+ma 'khor bar 'dug /da ni 'jigs pa'i skad phyung myur du ri yi char phab ste| |ci nas bdud kyi sde btsan mtshon gyis deng bcom 'dir brlag gi/ /de nas bdud gzhan zhig gis bdud sdig can la 'di skad ces smras so/ /bdag gi phan byed tshig 'di nyon cig </font><hr>333b<br><font size=+1>


khyod kyi chos rig na/ /bdag sde brlag pa mthong yang zhi bar ci yi phyir mi 'gro /bde gshegs gzi brjid sku dang dpal 'chang gzugs mthong bdag cag myos/ /sangs rgyas 'dren pa ma gtogs 'di na skyabs rab mchog gzhan med/ /de nas bdud gzhan zhig rab tu du zhing gdong mchog tu khro bas non pas bdud sdig can la 'di skad ces smras so/ /log pa'i lam du zhugs shing lam dman pa/ /bdag gi stobs mthu med pa'ang mi shes sam/ /'dren pa la yang gang phyir khyod bsngo ba/ /ngo mi tsha'am 'dzem par mi bya 'am/ /bdag cag ste bas ni shin tu brlag par 'gyur/ / sangs rgyas mthu yis 'gro ba ma lus pa/ /pad+ma'i drung du nye bar der 'dong ste/ /chos thos tshim pas lus kyang shin tu dag /bdag cag rnam par 'jigs shing skrag gyur te/ /lus ni dri nga stobs dang brtson 'grus stor/ /ji tsam skad cig brlag par ma gyur pa/ /de yi bar du thub dbang skyabs su 'dong / /de nas bdud gzhan zhig gis thal mo sbyar te 'di skad ces smras so/ / sdig can khyod ni chos kyi spyod pa spangs shing sdig byed dga'/ /sangs rgyas mgon 'di 'gro ba'i phan don mkhas shing dge ba'i mchog /grong khyer 'dir byon bdag cag myur du dga' zhing dad pas blta/ /'jig rten gsum mchod srog chags kun gyi sman la skyabs su 'dod/ /de nas nam mkha' de nyid nas bdud dbyangs kyi blo gros zhes bya ba des sgra chen pos 'di skad ces smras </font><hr>334a<br><font size=+1>


@#/ /so| |khyed kun tshogs pas gus shing dga' ldan nga yi tshig nyon cig /sdig pa'i lta ba kun bzlog lus btud ngag yid mthun spyod de/ /khro spangs rab dga' thub pa'i gsung mchog la yang dga' dad skyed/ /sangs rgyas mngon sum rnyed dka' skyabs dong de ring gus par mchod/ /de nas skad cig de nyid la bdud thams cad nam mkha' las babs nas rgyal po'i khab kyi grong khyer gyi sgo rin po che sna bdun las byas te bdud la la ni/ 'khor los bsgyur ba'i rgyal po'i cha byad du bdag nyid mngon par sprul nas bcom ldan 'das la mchod pa'i phyir 'bad cing 'khod do/ /la la ni/ tshangs pa'i cha byad du/ la la ni/ dbang byed kyi cha byad du/ la la ni/ dbang phyug chen po'i cha byad du/ la la ni/ sred med kyi bu'i cha byad du/ la la ni/ dga' ldan pa'i cha byad du/ la la ni/ 'thab bral ba'i cha byad du/ la la ni/ brgya byin gyi cha byad du/ la la ni/ sum cu rtsa gsum pa'i cha byad du/ la la ni/ gzhon nu'i cha byad du/ la la ni/ rnam thos kyi bu'i cha byad du/ la la ni/ 'phags skyes po'i cha byad du/ la la ni/ mig mi bzang gi cha byad du/ la la ni/ yul 'khor srung gi cha byad du/ la la ni/ rgyal chen bzhi pa phal pa'i cha byad du/ la la ni/ nyi ma'i cha byad du/ la la ni/ zla ba'i cha byad du/ la la ni/ skar ma'i cha byad du/ la la ni/ lha ma yin gyi cha </font><hr>334b<br><font size=+1>


byad du| la la ni/ nam mkha' lding gi cha byad du/ la la ni/ mi'am ci'i cha byad du/ la la ni/ lto 'phye chen po'i cha byad du/ /la la ni/ rin po che'i cha byad du/ la la ni/ gser gyi rgyan gyi cha byad du| la la ni/ nor bu rin po che'i cha bya byad du/ la la ni/ rin po che'i shing ljon pa chen po'i cha byad du/ la la ni/ rgyal rigs kyi cha byad du/ la la ni/ gzhan mu stegs can gyi cha byad du/ la la ni| 'khor lo rin po che'i cha byad du/ la la ni/ nor bu rin po che'i cha byad du/ la la ni/ glang po rin po ches srung gi cha byad du/ la la ni/ rta'i rgyal po sprin gyi shugs can gyi cha byad du| la la ni/ bud med rin po che'i che byad du/ la la ni/ tshong dpon btsun pa'i cha byad du/ la la ni/ blon po rin po che'i cha byad du bdag nyid mngon par sprul te bcom ldan 'das la mchod pa bya ba'i phyir 'khod do/ /la la ni/ sngo zhing kha dog sngo la 'phyang 'phrul dang / rgyan dkar pos brgyan par bdag nyid mngon par sprul te bcom ldan 'das la mchod pa bya ba'i phyir gdugs dang / rgyal mtshan dang / ba dan dmar po dang / mu tig gi phreng ba thogs shing 'phang du ta la'i srid tsam gyi nam mkha'i dkyil na 'khod do/ /la la ni/ dkar zhing kha dog dkar la 'phyang 'phrul dang / spud pa kha dog le brgan te/ gdugs dang / rgyal mtshan dang / ba dang ser bo dang / mu tig gi phreng ba thogs shing 'khod do/ /la la ni/ le brgan kha </font><hr>335a<br><font size=+1>


@#/ /dog le brgan la gser gyi gos dang / 'phyang 'phrul dang / lhab lhub ste/ gdugs dang / rgyal mtshan dang / ba dan mthing ga thogs shing 'khod do/ /la la ni| dmar zhing kha dog dmar la mu tig dkar po'i char 'phebs so/ /la la ni/ dkar zhing kha dog dkar la mu tig dmar bo'i char 'bebs so/ /la la ni/ lha'i drang srong gi kha dog tu bdag nyid mngon par sprul nas nam mkha' las me tog gi char mngon par 'bebs so/ /la la ni/ bcom ldan 'das kyi nyan thos kyi gzugs su mngon par sprul nas nam mkha' las lha'i spros sna tshogs kyi char 'bebs so/ /la la ni/ dri za'i kha dog gis lha'i sil snyan sna tshogs rdung ngo / /la la ni/ lha'i bu mo'i kha dog gis rin po che sna tshogs kyi snod du spos chu thogs te sa la chag chag 'debs so/ /la la ni/ mching bu nag po lta bu'i kha dog ste/ spos sna tshogs kyis rab tu bdug par byed do/ /la la ni/ lha'i bu'i cha byad kyis gar byed cing glu'i dbyangs 'byin to/ /la la ni/ kha dog sna tshogs kyis bcom ldan 'das ga la ba de logs su thal mo sbyar te bcom ldan 'das la bstod do/ /bdud dang / bdud kyi 'khor la la ni/ bcom ldan 'das phyogs ga la bzhugs pa de logs su mngon par phyogs te bcom ldan 'das la mchod pa bya ba'i phyir rin po che rnam pa sna tshogs </font><hr>335b<br><font size=+1>


thogs so/ /la la ni/ srang dang / khang pa dang / khyim dang / skar khung dang / rta babs dang / bsil khang dang / lam gyi bzhi mdo dang / sum mdo dang / khang pa brtsegs pa dang / sgo dang / shing dang / gzhal med khang rnams na 'dug cing thal mo sbyar te bcom ldan 'das la mchod pa bya ba'i phyir 'khod do/ /de nas bdud sdig can gyis gang gi tshe bdud de dag thams cad g.yog dang bcas te dge sbyong gau ta ma la skyabs su dong bar mthong ba de'i tshe rab tu 'khrugs te skrag cing myos nas rab tu du zhing 'di skad ces smras so/ /bdag la phyin chad grogs med de/ /bdag gi dpal ded thams cad stor/ /bdag ni bdud kyi yul nas 'khyams/ /brtson 'grus tha ma brtsam par bya/ /bdag gis pad+ma rtsa ba bcad/ /pad+ma bcad dang kun 'khrugs te/ /des na sems can phyogs phyogs 'gro/ /de ni tha ma'i stobs yin no/ /bdud sdig can gyis de ltar bsam nas rlung lta bur nam mkha'i las babs te srang gi pad+ma ga la ba der phyin nas pad+ma de'i sdong po yan chad dbyung bar 'dod na/ reg par yang ma nus/ pad+ma'i 'dab ma gcang par 'dod na/ de dag kyang ma mthong / pad+ma'i snying po lag pas brdab par 'dod na/ de'ang ma dmigs te/ dper na/ grog snang yang mi dmigs pa bzhin no/ /'di lta ste/ dper na/ grib ma snang yang mi dmigs pa de bzhin du pad+mo de'ang snang mod kyi mi dmigs </font><hr>336a<br><font size=+1>


@#/ /so| |gang gi tshe bdud sdig can gyis pad+ma de mthong yang mi dmigs shing reg par mi rung ba de'i tshe 'khor thams cad rab tu dngangs par bya ba'i phyir skad drag cing che la 'jigs pa'i sgra dbyung bar 'dod na/ de'ang ma nus so/ /yang stobs chen po'i drag shul gyis lag pa gnyis sa chen po la brdabs te rab tu bskyod par 'dod na/ reg par yang ma nus te mi dmigs so/ /'di lta ste/ dper na/ la la zhig nam mkha' la rdob par 'dod na mi dmigs pa de bzhin du bdud sdig can gyis mthong yang reg par mi rung zhing mi dmigs nas de 'di snyam du sems te/ ci nas sems can 'dud pa rnams brtags te sems rnam par 'khrug par bya'o/ /snyam na/ sems can de dag mthong yang mi dmigs shing reg par yang ma nus so/ /de nas bdud sdig can rab tu du zhing sangs rgyas kyi mthus de'i lus shing ljon pa bzhin du 'dar te gdong mchi ma can gyi sa phyogs bzhir blta zhing 'di skad ces smras so/ /dge sbyong gis ni 'gro kun bsdu phyir de ring sgyu 'di byas/ /'di ltar bdag ni mdun 'dir bslad bzhin skad cig myos par song / /yul dang rang gi stobs las nyams shing bdag gi srog kyang zad/ /des bskrad brlags par ma gyur bar du bdag gnas myur du 'gro /bdag gi gnas su 'gro bar 'dod na der yang 'gro bar ma nus te/ /rab tu skrag </font><hr>336b<br><font size=+1>


cing dus nas 'di snyam du sems so/ /bdag gi rdzu 'phrul gyi stobs zad de bdag dge sbyong gau ta ma 'di'i dbang du song du 'ong / dgra 'di'i mdun du bdag gi srog zad par 'gyur du 'ong gi / 'dir mi snang bar byas te/ ci nas sangs rgyas kyi zhing na gnas pa'i sems can gcig gis kyang bdag 'chi ba'i dus byed pa mi mthong bar sangs rgyas kyi zhing mi mdzed kyi pha rol tu 'chi pa'i dus bya'o/ /snyam na/ 'on kyang mi snang bar bya ba'am/ phyogs dang phyogs mtshams su 'bros kyang ma nus te/ de nyid du mgul ba bcing ba lngas bcings par bdag gis mthong nas rab tu khros shing skrag ste skad chen por du zhing 'di skad ces smras so/ /kyi hud bu dang gnyen bshes sdug pa khyed rnams phyis mi mthong ngo / /zhes zer ro/ /de nas bdud dbyangs dang ldan pa zhes bya ba 'khor los bsgyur ba'i cha byad du 'dug par gyur te/ des bdud sdig can la 'di skad ces smras so/ /ci phyir khyed deng mya ngan yid kyis du gdong sgra chen 'bod/ /'gro ba kun gtso thub mchog skyabs su ma 'jigs myur du song / /'jig rten rnams kyi mgon skyabs dpung gnyen sdug bsngal gsum sel ba/ /'di la bsnyen bkur zhi 'gro bde ba thob par 'gyur yang dag /de nas bdud sdig can 'di snyam du bdag gi tshig snyan pas dge sbyong gau ta ma la skyabs su song la/ bcings pa 'di las bdag grol par bya'o/ /snyam du bsam ste/ de nas </font><hr>337a<br><font size=+1>


@#/ /bdud sdig can gyis phyogs gang na bcom ldan 'das bzhugs ba de logs su thal mo sbyar ba btung nas 'di skad ces gsol to/ /gang zag gi mchog skye ba dang rga ba dang / na ba dang / 'chi ba las rab tu thar par mdzad pa de la phyag 'tshal lo/ /sangs rgyas bcom ldan 'das de la bdag skyabs su mchi'o/ /'di skad ces kyang gsol to/ /thub mchog myur du 'jigs chen mi bzad bcing ba 'di las khrol/ /de ring slan chad bde gshegs gtso bo mchog skyabs bdag mchis te/ /gti mug gis ni bdag ldongs khyod la khros shing nongs chen gyis/ /mngon sum khyod bzhag spyan sngar de dag so sor bshags par bgyi/ /gang gi tshe bdud sdig can gyis tshig snyan pas sangs rgyas bcom ldan 'das la skyabs su song ba de'i tshen bdag grol ba snyam du shes so/ /yang gang gi tshe 'khor 'di nas bdag 'gro'o/ /snyam du bsam pa de'i tshe'ang mgul ba bcing ba lngas bcings par bdag gis shes te/ gang gi tshe gang du'ang 'gro bar ma nus pa de'i tshe bcom ldan 'das la mgon dang / skyabs su sems bskyed nas yang bdag nyid grol bar shes so/ /lan bdun gyi bar du bdag bcings pa dang grol bar shes te de nyid du 'dug go /'dus pa rin po che tog gi gzungs las/ bdud btul ba'i le'u zhes bya ste gsum pa'o// //bam po </font><hr>337b<br><font size=+1>


bzhi pa| gong du smos pa'i bar du ste/ nyan thos chen po bzhi po de dag rgyal po'i khab kyi grong khyer chen por bsod snyoms kyi phyir sod ba bdud gzhon nu de dag gis dge sbyong / glu long na shig /dge sbyong / gar byos shig ces sbyod pa ma yin pa byed du bcug nas nyan thos chen po de dag kyang srang gi dbus na rgyug cing mya ngan las 'das pa'i lam gyi tshig dang ldan pa'i glu'i dbyangs kyis gang gi tshe tshigs su bcad pa smras pa de'i tshe sa chen po 'di rab tu g.yos so/ /skad cig de nyid la lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po brgya stong mang po bcom ldan 'das kyi bstan pa la dad pa rnams gdong mchi ma can gyis 'di skad ces smras so/ /chos kyi kha lo sgyur mchog mya ngan med bzhugs kyang / /rgyal ba'i bstan pa 'di lta bu yi gnas gyur te/ /nyan thos de dag la ni kyal ka deng byas pa/ /'gro ba rnams kyis mthong na dad par ga la 'gyur/ /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / srin po bye ba khrag khrig mang po gdong mchi ma can gyis bcom ldan 'das ga la ba der lhags te bcom ldan 'das kyi spyan sngar 'khod nas 'di skad ces gsol to/ /da ltar bstan pa 'di yi gnas/ /bcom ldan 'das kyis kun gzigs te/ /bstan pa'i </font><hr>338a<br><font size=+1>


@#/ /cho ga bsrung slad du/ /kun mkhyen btang snyoms ma mdzad cig bcom ldan 'das kyis bka' stsal ba/ 'di ltar nga nyid der song ste/ /bzhon dpung bcas pa'i bdud btul la/ /skye bo mang po thams cad kyang / /mya ngan 'das grong 'gro bar bya/ /de nas bdud de dag thams cad kyis mgrin gcig tu 'di skad ces gsol to/ /bcom ldan 'das| ma gshegs cig /sangs rgyas bcom ldan 'das rnams kyi sangs rgyas kyi yul bsam gyis mi khyab/ bdud kyi yul bsam gyis mi khyab/ klu'i yul bsam gyis mi khyab| las rnams kyi las kyi yul bsam gyis mi khyab bo/ /zhes bcom ldan 'das kyis bka' ma stsal tam/ yul thams cad kyi nang na ni/ sangs rgyas kyi yul khyad par du 'phags pa'i mchog lags te/ bcom ldan 'das kyis gdan 'di la bzhugs bzhin du bdud bya ba khrag khrig rab tu pham par mdzad pa dang / chos kyi phung po bye ba khrag khrig rab tu bstan pa dang / nyon mongs pa'i rgya mtsho skam pa dang / lta ba'i rgya mo dral ba dang / sems can bye ba khrag khrig ye shes kyi rgya mtsho la gzud par spyod mod kyi/ 'on gyis kyang bcom ldan 'das deng gi dus la gshegs pa'i mi rigs so/ /bcom ldan 'das kyis bka' stsal pa/ sems can gyi khams na sems can ji snyed pa de dag </font><hr>338b<br><font size=+1>


thams cad bdud du gyur la/ de dag re re'i bdud kyi stobs dang / byin gyi rlabs kyang sa'i rdul phra rab kyi rdul ji snyed pa de tsam du gyur te/ de dag thams cad nga la gsad par shom yang spu'i khung bu gcig tsam la'ang gnod par mi nus so/ /ngas ni/ 'di na 'dug bzhin du bdud bye ba khrag khrig rnams rab tu pa ma par bya ba dang / gdul bar nus te/ bdud g.yog dang bcas pa 'di ni/ ma gtogs so/ /yang nga la mchod pa bya ba'i phyir bdud 'di dag gis rgyal po'i khab kyi grong khyer chen po thams cad bdud kyi stobs dang / rdzu 'phrul dang / rnam par 'phrul pa'i byin gyi rlabs kyi bkod pas brgyan pas/ de dag la snying brtse ba'i phyir 'gro bar bya ste/ yongs su spyod do/ /de nas bdud de dag rab tu dga' zhing dad pa skyes nas bla na med pa yang dag par rdzogs pa'i byang chub tu dge ba'i rtsa ba'i sa bon bskyed par 'gyur ro/ /ji tsam na gdan las bzhengs par bzhed pa dang / de nas 'od ma'i tshal srung ba'i lha mo mthu mdzes zhes bya ba des bcom ldan 'das kyi spyan sngar gdong mchi ma can du 'dug nas 'di skad ces gsol to/ /bcom ldan de ring gshegs pa'i dus ma lags/ /grong khyer 'di dag kun nas bdud kyis gtams/ /re re la yang shin tu ma rungs pa/ /bye bas smra ba'i seng+ge bskor cing mchis/ /zhe sdang rab 'bar rno ba'i mtshon thogs te/ /khyod dkrongs slad du 'khrugs </font><hr>339a<br><font size=+1>


@#/ /pa'i sems kyis gnas/ /mgon po rnam pa kun tu deng ma gshegs/ /'jig rten rtsa lag brlags par ma bzhud cig /gang gi tshe bcom ldan 'das gdan las bzhengs pa de'i tshe gtsug lag khang gi lha mo snang ba'i blo gros zhes bya ba des bcom ldan 'das kyi zhabs la mgo bos phyag 'tshal nas 'di skad ces gsol to/ /sdig can dag ni lnga stong po/ /mtshon char bcas pa mchis pa ni/ /bsam med de dag khyod la bsngo/ /thub chen de ring ma gshegs shig /gang gi tshe bcom ldan 'das gtsug lag khang nas byung ba de'i che sman gyi lha mo grub pa'i blo gros zhes bya ba des bcom ldan 'das kyi zhabs la mgo bos phyag 'tshal nas 'di skad ces gsol to/ /'jig rten sgron ma brlags gyur na/ / kyi hud chos kyi lam stor cing / /chos kyi tshul ni rab tu 'jig / chos kyi gru yang 'jig par 'gyur/ /'jig rten kun na rgya chen chos kyi ro ni nyams par 'gyur/ /'gro ba 'dir ni nyon mongs g.yo can gdug pas shin tu gtams/ /sa 'di bde gshegs thub pa'i mchog ni ma rungs 'gyur ba las/ /ji ltar shin tu 'byung ba'i mthu ni bdag la ci ma mchis/ /khyod brlag bgyi slad 'di na rab tu mi bzad mang po dag /sdig pa'i chos can ral gri sta re mtshon rnon thogs shing mchis/ /bde bar gshegs pa 'jig rten bsrung slad bdag gi tshig </font><hr>339b<br><font size=+1>


gsan te/ /stobs bcu grub par bzhud de de ring grong khyer ma gshegs shig /de nas bcom ldan 'das gtsug lag khang gi dang ra nas bzhud pa dang / de na shing gi lha mo 'od 'chang zhes bya ba de snying rje snying brtse bar du zhing bcom ldan 'das kyi zhabs la mgo bos phyag btsal nas 'di skad ces gsol to/ /thams cad don grub thub pa yid bzhin rdzogs khyod ma rungs gyur na ni| |mgon po khams gsum 'di dag de'u re mig ni stor bar 'gyur/ /nam mkha' 'di la sbrul gyi rked chings rno ba'i mda' dang mtshon thogs shing / /khyod dkrongs slad du kha nas me 'bar rgyu yid ni der ma gshegs/ /de nas sgo khang gi lha mo 'od zer chu'i lha zhes bya ba de sgra cher du zhing bcom ldan 'das kyi zhabs la mgo bos phyag btsal nas 'di skad ces gsol to/ / grong khyer bzang po 'di na bram zer ming btags stong phrag nyi shu po/ /mda' dang spu gri mtshon cha 'bar ba thogs te snying rje med par blta/ /gcig pas gcig mi bzad pa snying rje med pa stong phrag nyi shu rnams/ /khyod dkrongs slad du 'di na mchis kyi gtsang ma'i zhal ni ma gshegs shig /de nas bcom ldan 'das sgo khang du byon pa dang / der rgyal po'i khab kyi grong khyer srung ba'i lha mo ta ma la'i snying po zhes bya ba de nam mkha' las sgra cher du zhing / bcom ldan 'das kyi thad du rings par song ste phyin nas bcom ldan 'das kyi zhabs la mgo bos phyag btsal te 'di </font><hr>340a<br><font size=+1>


@#/ /skad ces gsol to/ /bcom ldan shul 'di seng+ge rnga mo glang chen smyon pas bsgor/ /dge slong rnams la gtse slad bdud kyis rnam mang gnod pa bgyid/ /sa 'dir ston pa khyod dkrongs slad du mu stegs gzhan yang brtson/ /sprin dbyangs 'od 'bar lha klu thugs brtse'i slad du ma gshegs shig /bcom ldan bdud btul khyod kyis bstan pa rnam zhig dang / /sgyu ma bgyis pa mi mthun gdong can bdud mthong nas/ /lha mi klu dang mi 'am ci yi dbang po rnams/ /kun 'dus mi dga' skrag nas shin tu rnam par 'khrugs/ /dam chos cher zhig pa dang 'jig rten 'khrugs gyur dang / /nam mkha' skar ma'i 'od stong nyi zla gyur mthong nas/ /'gro mchog kye ma mi bzad klad pa deng drag rdob/ /bde gshegs ma rungs 'gyur bar kun dogs kyi hud mchi/ /mthong ba'i nyi ma 'di nyams shing / /chos kyi sgron ma zad par 'gyur/ /rdzogs pa'i sangs rgyas grongs pas brlag /chos kyi chu yang skam par 'gyur/ /dam chos spyod pa 'jig rten du/ /ma rungs 'gyur ba nyer gnas tshe/ /mi dge ba yi bdud rnams kyang / /'di dag tu ni 'byung bar 'gyur/ /de nas lha mo des bcom ldan 'das phyir ldog par ma mthong nas gdong mchi ma can gyis yang 'di skad ces gsol to/ /thub pa 'jig rten kun la gzigs su gsol/ /smra mchog de ring brlag par ma bzhud cig /bdag gi grong du ma </font><hr>340b<br><font size=+1>


rungs khyod gyur na| /'jig rten gsum gyis rtag smad 'gyur du mchi/ /'dren pa bdag gi tshig gson sems can mchog /bdag gi grong du brlag par deng ma bzhud/ /sems can thugs brtse'i slad du 'dir gzhes te/ /sems can skye bas gtses pa 'jigs thar mdzod/ /dam pa brnyes nas sgrol bar rab 'gyur bar/ /sngon gyi dam bcas de bzhin gshegs pas dgongs/ /sems can mang po sdug bsngal du mas gdungs/ /srog chags rnams kyi gtso bo dbugs phyung zhig /sku mchog bskal pa bye ba mang por bzhugs/ /kye ma 'dod la chags pa'i byis pa'i sde/ /de rnams zhi bgyid slad du chos lam shod/ /skye mchod dbang po don ni rang bzhin stong / /de nas bcom ldan 'das sgo khang du gshegs pa dang / de nas sa'i lha mo gzi brjid che ba gzi brjid che ba'i lha mo khri dang lhan cig skra bshig cing gdong mchi ma can gyis bcom ldan 'das kyi spyan sngar thal mo sbyar te 'dug nas 'di skad ces gsol to/ /rab tu sbyin la dgongs shing khyod kyis ni/ /rgya mtsho bzhin gtams pa yi khrag stsal cing / /dbu dang rus pa khor yug ri rab tsam/ /spyan yang gang+gA'i bye ma rnyed stsal to/ /sngon ni rin chen rnam pa sna tshogs dang / /sras dang btsun mo glang chen de bzhin rta/ /gnas dang gos dang mal cha zas skom dang / /de bzhin nad pa dag la 'dod sman stsal/ /rang byung mchog rab la ni mchod pa </font><hr>341a<br><font size=+1>


@#/ /mdzad| |khyod kyis bag yod par yang tshul khrims bsrungs/ /bzod pa dang ni thos pa rtag tu bsnyen/ /phar 'dzin mar 'dzin pa yang de bzhin no/ /bya ba dka' pa dag kyang mtha' yas spyad/ /sems can du ma nyon mongs thar bar mdzad/ /gang sngon khyod kyis smon lam btab pa ni/ /lam mchog ston pa sangs rgyas nyid gyur cig /chu po chen po las ni 'gro ba bsgral/ /'jig rten la yang shin tu chos bstan te/ /sdug bsngal ma lus par ni bsal par bya/ /sems can mang po 'jig med grong khyer gzud/ / sems can de dag dgos pa yongs rdzogs shing / /byang chub dam pa la ni shin tu khod/ /'di na lam bor sdig pa spyod pa rnams/ /tshul khrims thos bshig mgon pos bzod par mdzod/ /'di dag sgrol tshig dam bcas dgongs su gsol/ /bskal pa bye ba mang por chos bstan te/ /mgon po chu bo dag las 'jig rten sgrol/ /'di dag yan lag brgyad kyi chu yis khrus/ /mgon po mchog rab khyod dang 'dra ba ni/ /'jig rten gsum po 'di na 'ga' ma mchis/ /bdag grol 'jig rten 'di dag grol bar mdzad/ /srid gsum rgya mtsho las kyang 'gro ba sgrol/ /khyod ni sangs rgyas 'gro ba'i rtsa lag gcig /rtag tu bzhugs shing chos ni bshad du gsol/ /de nas bcom ldan 'das sgo khang nas gshegs pa dang / </font><hr>341b<br><font size=+1>


skad cig de nyid la lha dang / klu dang / gnod sbyin dang / srin po bye ba khrag khrig brgya stong mang po nam mkha' la rgyu zhing gdong mchi ma can gyis 'di skad ces gsol to/ /bdag cag rnams kyis bde gshegs sngon mthong ba/ /zhi ba'i dus la shin tu slob ma dul/ /chos rnams rgya cher ston pa mdzad pa na/ /de la de lta bu yi bgegs ma byung / /ston pa 'di ni shin tu dus ngan la| |rgya chen blo yis rang byung nyid brnyes te/ /thub dbang 'gro ba yongs smin mdzad slad du/ /'jig rten nyon mongs bsgribs la chos ston cing / smra ba'i seng+ge 'di na bzhugs bzhin du/ /sdig can dag ni bye ba stong mang po/ /de ltar chos rnams rab tu 'jig par bgyid/ /sangs rgyas dpa' bo grong du deng ma gshegs/ /de nas lha mo gzhan zhig gis 'di skad ces gsol to/ /sngon gyi rgyal ba 'jig rten phan brtson pa/ /de dag yul gcig 'khor lo bskor gyur pa/ /'di ni gang du gshegs pa der yang bskor/ /de ring ma rungs bar ni gyur ta re/ /de nas yang lha mo gzhan zhig gis 'di skad ces gsol to/ /ded dpon 'dir ni thugs rje'i slad/ /shin tu sems can don mdzad spyad/ /de ni de ring grong khyer 'dir/ /brlag par 'gyur snyam bdag rtog go /yang de'i tshe lha dang / klu dang / gnod sbyin dang / srin po dang / nam mkha' lding dang / mi'am ci dang / lto 'phye chen po dang / </font><hr>342a<br><font size=+1>


@#/ /khrag khrig brgya stong gdong la mchi ma zag cing ngom zung nag pa dag nam mkha'i ngos kyi lam las babs te bcom ldan 'das kyi spyan sngar 'khod nas bdag nyid la rnam pa mang po byed de/ la la ni/ skra 'bal/ la la ni/ rgyan 'gro la/ la la ni/ gdugs dang / rgyal mtshan dang / ba dan snyol/ la la ni/ bdag nyid kyi lus sa la rdob/ la la ni| bcom ldan 'das kyi zhabs la 'dzin/ /la la ni/ shin tu nyon mongs par du/ la la ni/ lag pas brang rdung / la la ni/ bcom ldan 'das kyi zhabs drung na 'dug cing so bya bzhin du 'gro ldog /la la ni/ bcom ldan 'das kyi spyan sngar thal mo sbyar te bstod cing phyag 'tshal bar byed/ la la ni/ bcom ldan 'das la me tog dang / bdug pa dang / spos dang / phreng ba dang / gos dang / 'phyang 'phrul dang / gser gyi skud pa dang / mu tig gi phreng ba dang / ras bcos bu dag mngon par 'thor ro/ /de nas lha gzhan bye ba mang pos mgrin gcig tu skad mthon por 'di skad ces gsol to/ /'jig rten don slad 'di bas mang ba yi/ /bya bar dka' ba khyod kyis rab tu spyad/ /zad pa'i dus deng 'dir ni khyod skyes kyi| |btang snyoms mdzod la mi gshegs bzhugs su gsol/ /sdig med khyod kyis sangs rgyas mdzad pa nyung du mdzad/ /lha dang mi rnams dbang du mdzad pa shin tu nyung / /shin </font><hr>342b<br><font size=+1>


tu yun ring chos rnams ston cing khyod bzhugs pa/ /srid pa gsum gyi rgya mtsho 'di las 'gro ba sgrol/ /dge ba'i las rnams bgyid cing sa bon yongs smin te/ /bdud rtsi'i snod du gyur ba'i sems can du ma la/ /khyod kyi thugs rje bskyed de so sor rab ston la/ /chu bo las ni 'jig rten nyam thag bsgral bar mdzod/ /'gro ba dgon pa'i dbus song 'khyams gyur cing / /'khor ba'i dgon par shin tu lam stor ba/ /de dag la ni lam mchog so sor ston/ /'phags pa'i chos mchog tshig gis thar bar mdzod/ /chos kyi 'khor lo dam pa gang bskor ba/ /de ni khyod kyi thugs rje ngo mtshar rmad/ /rlabs chen thugs mnga' ring du bzhugs su gsol/ /'gro ba rnams ni mgon med ma gyur cig /de nas lha mo gzhan zhig gis 'di skad ces gsol to/ /rnam 'dren brgya lam rungs gyur na ni/ /'jig rten 'di ltar ma lus ldongs par 'gyur/ /yan lag brgyad lam rnam thar gsum gyi rgyu/ /'dir ni yong ye thams cad ma mchis 'gyur/ /bdag lus sems las skyes dge sa bon dag /bdag cag bag yod gyur pas 'dir btab ste/ /de slad bdag cag bde ba kun dang ldan/ /bsod nams 'byung gnas 'dir brlag ma gyur cig / yang de'i tshe gnas gtsang ma'i lha bye ba khrag khrig brgya stong mang po dag de nyid du 'dus par gyur te/ de dag la 'di skad ces smras so/ /sa 'dir bye ba'i bdud rnams nyer lhags kyang / /thub </font><hr>343a<br><font size=+1>


@#/ /pa rlabs chen thugs mnga' nam yang ni/ /ma rungs mi 'gyur khyed cag ma 'jigs shig /dge ba 'di la bdag cag mngon sum gyur/ /dpag tshad sum cu drug tu mgyogs shing drag shul ldan pas kun tu bskor/ /sna bgrang ral gri mtshon rnon rtsub pa'i sgra mang 'jigs pa bdud kyi sde/ /byang chub snying por lhags de de dag 'jigs shing brlags gyur na/ /da ltar don brnyes grags pas khyab pa de la ga la bgegs shig byed/ /de nas lha mo gzhan zhig du zhing 'di skad ces smras so/ /sngon byung ba ni bdud kyi sde gcig yin te de dag dpung mi che/ /'di ni bye ba khrag khrig bdud kyi sde ste shin tu dpung che bas/ /'jig rten rnam par 'dren pa 'di ni brlag par 'gyur du rab tu dogs/ /de brlags na ni 'jig rten 'di dag shin tu snang med 'khyams par 'ong / /de nas brgya byin dang / tshangs pa dang / 'jig rten skyong ba de dag gis bcom ldan 'das kyi zhabs gnyis la 'jus nas 'di skad ces gsol to/ /blo zhan bdag cag gi ni tshig gsan te/ /dge ba bzhugs shing gtso bo thugs rje can/ /lha mang bye ba mya ngan chen pos gdungs/ /de la chos kyi bcud kyis da gtor cig /de nas bcom ldan 'das kyis thams cad dang ldan pa'i 'khor de la byams pa yangs pa'i spyan gyis gzigs nas de dag shin tu dbugs dbyung ba'i phyir tshangs pa'i dbyangs kyis </font><hr>343b<br><font size=+1>


'di skad ces bka' stsal to/ /deng khyod ma 'jigs khyed ni ma skrag cig /bdud rnams thams cad bzhon bcas gcig car du/ /tshogs kyang spu gcig skrag par mi nus na/ /nga yi lus kun la ni smos ci dgos/ /deng ni 'jig rten thams cad dbugs phyung ste/ /nga yis rtag tu sa 'dir chos bshad do/ /lam rnams stor ba la ni nga nyid kyis/ /dri ma med pa yang dag lam bstan bya| |ngas sngon bya ba dka' ba mang po byas/ /zas dang skom yang shin tu rgya cher byin/ /gnas dang sman yang mi nyung sbyin byin pas/ /nga la deng su gnod par byed par nus/ /ngas ni rta dang glang chen shing rta dang / /lhab lhub 'phyang 'phrul dag gi rgyan rnams dang / /bran pho bran mo grong rdal yul 'khor btang / /nga la su zhig gnod par byed par nus/ /chung ma bu pho bu mo bran mang dang / /yid 'ong dbang phyug sa steng rgyal po'i rigs/ /sems can rnams la phan phyir ngas byin rlob/ /nga lus de ring ci phyir 'jig par 'gyur/ /mgo dang sna dang rna ba mig gnyis dang / /lus dang pags pa khrag dang rkang lag bcas/ /nga yi srog kyang lus can rnams la btang / /su zhig nga la 'tshe bar byed par nus/ /ngas ni sangs rgyas bye ba rab mang la/ / gus ldan bdag gi lag nas shin tu mchod/ /rtag tu tshul khrims thos dang bzod la dga'/ /nga la su zhig rlag par byed par nus/ /ngas sngon shin tu bya dka' mang po rnams/ /mnyam </font><hr>344a<br><font size=+1>


@#/ /par bzhag pas rab tu nga yis byas/ /lus kun bcad kyang nga la 'khrug med na/ /nga la rnam par 'tshe ba su zhig nus/ /nyon mongs ngas brtul nges par nga sangs rgyas/ /sems can thams cad la ni byams sems ldan/ /khro med kha dog tha ba nga la med/ /nga yi mdun na de ring su zhig nus/ /ngas ni bdud kyi dpung rnams tshogs pa btul/ /ngas ni bdud mang bye ba pham par byas/ /khyed kun rnam par thar par nges par bya/ /grong du ci phyir mi 'gro ma 'jigs shig /sems can don phyir phyogs bcu 'di dag na| |sangs rgyas la la gang dag bzhugs pa rnams/ /sangs rgyas kun dang byang chub sems dpa' yang / /rdzu 'phrul chen po rnams ni kun na bsags/ /zhing rnams mtha' dag rab tu gang bar bya/ /bsod nams ye shes dag gis gnas par bya/ /sangs rgyas de dag tshul bcas kun gnas pas/ /sangs rgyas dag gi dgongs pa'i mdzad pa bya| |yang de'i tshe lha dang / klu dang / gnod sbyin dang / srin po dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa bye ba khrag khrig brgya stong grangs med dpag tu med pa dag gis bcom ldan 'das la legs so/ /zhes bya ba gsol nas 'di skad ces smras so/ /ngo mtshar rmad du byung ba'i grangs med pa'i </font><hr>344b<br><font size=+1>


brtson 'grus dang ldan pa la phyag 'tshal lo/ /ngo mtshar chen po rmad du byung ba grangs med pa'i brtson 'grus dang ldan pa'i sangs rgyas bcom ldan 'das la phyag 'tshal lo/ /phyag 'tshal lo| |bcom ldan 'das kyis lha dang bcas pa'i 'jig rten dbugs phyung ngo / /bcom ldan 'das kyis bdud kyi phyogs pham par mdzad do/ /sems can rnams kyi mtshams sbyor ba'i nyon mongs pa'i rnyog pa bsal to/ /sems can rnams kyi nga rgyal gyi ri rab tu bsnyil to/ /skye ba'i shing ljon pa bcad do/ /'chi bdag gi nyi ma phye mar brlags so/ /ma rig pa'i mun pa bsal to/ /gzhan mu stegs can rab tu dad par bsgyur to/ /chu bo bzhi bskams so/ /chos kyi sgron ma rab tu 'bar bar mdzad do/ /byang chub kyi lam ston to/ /bzod pa dang des pa la btsud do/ /bsam gtan gyi bde ba la rtser stsal to/ /'phags pa'i bden pa bzhi khong du chud par mdzad do/ /ston pa bcom ldan 'das thugs rje chen po mnga' bas lha dang bcas pa'i 'jig rten skye ba'i rgya mtsho las bsgral to/ /sems can rnams 'jigs pa ma mchis pa'i grong khyer du rab tu btsud do/ /de nas lha dang / mi de dag gis bdug pa dang / me tog dang / spos dang / phreng ba dang / byug pa dang / lhab lhub dang / rgyan sna tshogs kyis bcom ldan 'das la mngon par mchod nas bcom ldan 'das kyi phyir lam de phyag dar byas so/ /lha'i </font><hr>345a<br><font size=+1>


@#/ /gos dang / me tog dang / lha'i ras bcos bus kun tu g.yogs so/ /lha'i me tog man+dA ra ba dang / man+dA ra ba chen po dang / pa ru sha ka dang / pa ru sha ka chen po dang / many+dzu sha ka dang / many+dzu sha ka chen po dang / mdog mdzes dang / mdog mdzes chen po dang / ro tsa na dang / ro tsa na chen po dang / ut+pa la dang / ku mu da dang / pad+mas kun tu g.yogs so/ /gang du bcom ldan 'das kyi zhabs gnyis 'dor ba'i lam de'i ngos gnyis su lha'i rin po che sna bdun gyi shing ljon pa mngon par sprul te lha'i ras bcos bu dang / mu tig gi phreng ba dang / lag rgyan dang / rna rgyan dang / mgo'i rgyan gyis rab tu brgyan to/ /shing de dag gi bar bar du lha'i rdzing bu grang zhing zhim pa'i chu dwangs shing rnyog pa med la yan lag brgyad dang ldan pa'i chus kun tu gang pa kho ra khor yug tu rin po che sna bdun gyis brgyan pa dag sprul te/ bar snang la'ang rin po che sna bdun gyi gdugs dang / rgyal mtshan dang / ba dan dang / gser gyi skud pa dang / mu tig gi phreng ba bzung zhing gser gyi phye ma dag gi char yang phab bo/ /dngul dang bai DUR+Ya'i phye ma dang / a ga ru dang / rgya spos dang / dus kyi rjes su 'brang ba dang / ta ma la'i 'dab ma'i char yang rab tu phab bo/ /go shiR+sha dang / tsan+dan sbrul gyi snying po'i phye ma'i char yang lam der phab bo/ /lha'i rgyan sna tshogs </font><hr>345b<br><font size=+1>


gser gyi skud pa dang / mu tig gi phreng ba dang / nor bu dang / mu tig dag gis kyang nam mkha'i dkyil thams cad brgyan to/ /grong ngam/ grong khyer gyi phyi rol na'ang lha dang mi rnams bcom ldan 'das la mchod pa'i phyir lam mdzes par byed do/ /grong khyer gyi nang na bdud dam bdud kyi 'khor rnams kyis kyang bcom ldan 'das la mchod pa bya ba'i phyir bkod pa dag bkod pa byas so/ /de nas de'i tshe bcom ldan 'das dpa' bar 'gro ba zhes bya ba'i ting nge 'dzin la snyoms par zhugs nas ting nge 'dzin de la snyoms par zhugs bzhin du lam du gshegs so/ /yang de'i tshe bcom ldan 'das sku'i gzugs dang / rtags dang / spyod lam rnam pa sna tshogs kyis lam der zhugs te/ de na sems can gang dag tshangs pa la dad cing tshangs pas 'dul ba de dag gis ni/ bcom ldan 'das tshangs pa'i gzugs su lam nas gshegs par mthong ba nas gang dag brgya byin gyis 'dul ba'i bar dang / gang dag sred med kyi bus 'dul ba dang / gang dag dbang phyug chen pos 'dul ba dang / gang dag rgyal chen bzhi'i ris kyis 'dul ba dang / gang dag 'khor los bsgyur bas 'dul ba dang / gang dag khams kyi rgyal phran gyis 'dul ba dang / gang dag rdzu 'phrul chen pos 'dul ba dang / gang dag dge sbyong gis 'dul ba dang / gang dag gzhon nus 'dul ba dang / gang dag bud med </font><hr>346a<br><font size=+1>


@#/ /kyis 'dul ba dang / gang dag seng+ges 'dul ba dang / gang dag glang po ches 'dul ba dang / gang dag lhas 'dul ba dang / gang dag klus 'dul ba dang / gang dag lha ma yin gyis 'dul ba nas gang dag ri bong la dad cing ri bong gis 'dul ba'i bar de dag gis bcom ldan 'das ri bong gi gzugs dang / rtags dang / spyod lam gyis lam nas gshegs par mthong ngo / /sems can gang dag sangs rgyas kyis 'dul ba de dag gis ni/ bcom ldan 'das sangs rgyas kyi gzugs dang / rtags dang / spyod lam gyis lam nas gshegs par mthong ste/ sems can de dag thams cad kyang thal mo sbyar nas mngon par bstod cing phyag btsal te zhabs 'bring du 'brang zhing dong ngo / /yang de'i tshe gangs kyi ri dang nye ba na gnas pa drang srong skar ma la dga' ba zhes bya ba bdud sdig can gyis btang nas de g.yog lnga brgya dang rgyal po'i khab kyi grong khyer chen po'i sgo'i drung na sdod pas bcom ldan 'das drang srong gi gzugs dang / rtags dang / kha dog dang / dbyibs dang / spyod lam dang / bkod pa de lta bus lam nas gshegs shing lha bye ba khrag khrig brgya stong mang po mchod pa byed par brtson par mthong ste/ mthong nas kyang de 'di snyam du sems so/ /bden par 'di ni/ drang srong chen po mthu che zhing mchod par 'os pa ste/ lha dang / mis mchod par </font><hr>346b<br><font size=+1>


snang ngo / /'di'i lus thams cad kyang bsod nams kyi mtshan gyis brgyan te/ mkhas shing slob dpon yin par shes so/ /bdag cag gnyis gang rgan/ gang mkhas pa de la ngas ji ltar brtag snyam ste/ de nas yang 'di ltar bdag gis mdun bsu la/ 'di la rigs dang / rus dang / gnas dang / brtul zhugs kun dri'o/ /snyam du sems so/ /de nas drang srong skar ma la dga' bas bdag gi 'khor la bltas nas 'di skad ces smras so/ /thos ldan yid 'thad brtul zhugs che 'dzin mchod pa'i rigs par snang / /ye shes chos don ldan zhing thub mchog bzod 'di lam rab mkhyen/ /khyed cag thams cad 'di la gus par mchod chen yang dag sbyor/ /yon tan ldan pa 'di las 'khor mthar 'gro ba'i legs bshad mnyan/ /de nas bram ze'i khye'u de dag thams cad kyis mgrin gcig tu mkhan po/ de bzhin du bgyi'o/ /zhes smras so/ /de nas drang srong skar ma la dga' ba g.yog dang bcas pas bcom ldan 'das ga la ba der song ste phyin nas bcom ldan 'das kyi spyan sngar thal mo sbyar te 'dug nas 'di skad ces gsol to/ /khyed su zhig /bcom ldan 'das kyis bka' stsal pa/ nga ni/ bram ze'o/ /gsol pa/ gdung rus ci/ bka' stsal pa/ nga'i rus ni/ gau ta ma'o/ /gsol pa/ khyod kyi brtul zhugs ci/ bka' stsal pa/ </font><hr>347a<br><font size=+1>


@#/ /nga'i brtul zhugs ni/ rnam par thar pa gsum mo/ /gsol pa/ khyod kyi spyod pa ci/ bka' stsal pa/ nga ni/ yang dag pa'i mtha' de bzhin nyid la spyod do/ / gsol pa/ khyod rab tu byung nas ji srid lon/ bka' stsal pa/ ma rig pa byung nas ji srid lon pa nga rab tu byung nas kyang de srid lon no/ /gsol pa/ drang srong chen po/ /skar ma'i bshad pa lung bstan pa'i rig pa gsung ngam/ bcom ldan 'das kyis bka' stsal pa/ sgro btags pa med par mnyam pa nyid du'o/ /'di ni/ 'jig rten gyi shes pa ste/ de la snying po ci zhig yod/ drang srong gis gsol pa/ mkhas pa rnams dga' bar bgyid pa'o/ /bcom ldan 'das kyis bka' stsal pa/ skar ma'i gnas gang yin/ drang srong gis gsol pa/ gang zla ba dang / nyi ma brten cing rjes su rgyu ba'i rgyu skar nyi shu rtsa brgyad brjod pa 'di dag go/ de la mdzub ni/ sor brgyad kyi tshad de/ mdzub de'i tshad kyis lus la srid du mdzub bcu gnyis par rig par bgyi'o/ /klad pa'i spyi bo la mdzub gang dang / rkang pa'i mthil la mdzub gang ste/ mdzub bcu bzhi ni/ skar ma rnams kyi gnas so/ /gang de dag na gda' ba ni/ rnam pa gzhan du mi 'gyur te/ skar ma gang dang gang la bcas pa de dang / de dag na gda'o/ /yang gang zhe na/ de bshad par bgyi </font><hr>347b<br><font size=+1>


yi thub pa chen po gson cig /smin drug la ni su btsas pa/ /de yi gdong gi sor bzhi na/ /g.yas phyogs na ni sme ba mchis/ /spu can nag la mdog kyang dmar/ /longs spyod bdog cing grags dang ldan/ /mkhas shing rab tu dpal 'bar te/ /smin drug la ni skyes pa yi/ /mtshan ma nyid ni de lags so/ /gang zhig la ni sor bzhi na/ /sme ba 'di nyid gda' ba de/ /snar ma la ni skyes pa ste/ /shes shing rtag tu chos la dga'/ /mkhas la longs spyod phun sum tshogs/ /rnam pa kun tu mdzes dang ldan/ /dpa' zhing rgyal ba phun sum tshogs/ /dgra rnams rtag par rab tu 'joms/ /mgul ba yi ni mdzub phyed na/ /gang la tshig pa 'dra gda' ba/ /de ni mgo la skyes pa ste/ /dpa' zhing longs spyod ldan pa'o/ /mdzub kyi phyed po gnyis pa la| |g.yon pa skye ba gang mchis pa/ /lag la skyes pa khro ba ste/ /de ni blun zhing longs spyod bdog /mtshan khung g.yon na sme nag mchis/ /nabs so la ni skyes pa ste/ /nor dang 'bru rnams 'byor bar 'gyur/ /de ni shes pa'i rgyu yang chung / /ji ltar khyod ni rgyal la skyes/ /mtshan mchog dag ni rab tu gda'/ /phyag gi mthil na 'khor lo ni/ /nyi ma lta bur rab tu mdzes| |dbu skra dag ni thams cad kyang / /gyen du g.yas 'khyil legs par mchis/ /sku ni chu zheng gab pa ste/ /'dren pa khyed kyis nyon mongs thul/ /tshig 'dra gang gi snying ga mchis// </font><hr>348a<br><font size=+1>


@#/ /skag la skyes te 'thab mo sred/ /tshul khrims 'chal zhing 'grogs mi bde/ /de ni g.yem la dga' ba'o/ /'og gam brang ngam rgya ba cig na/ /gang la byi sran 'dra ba gda'/ /mchu las skyes te nor dang ldan/ /btsun zhing chos dang ldan pa'i mi/ /lte ba g.yas g.yon gnyis ka na/ /gang la rme 'dra gda' ba ni/ /de ni gre la skyes pa ste/ /ser sna che zhing tshe yang thung / /lte ba man chad sor bzhin/ /gang la sme ba rab gda' ba/ /sbo la de skyes longs spyod can/ /khrims ldan shi 'phos mtho ris mchi/ /me bzhi la ni skyes pa dag /sme ba dmar po chu sor gda'/ /rku zhing g.yo can sgyu ma ste/ /bsod nams chung zhing shes pa zhan/ /gang gi mtshan la sme ba ni/ /gda' bar gyur pa nges par yang / /nag pa la ni skyes pa ste/ / 'dod chags glu gar dag tu dga'/ /mtshan gyi 'og gam steng na ni/ /sme ba dmar po rab tu gda'/ /sa ri la ni de skyes te/ /mi mkhas brkam zhing mang po sdang / /brla gnyis kyi ni mdzub gang na/ /sme ba dmar po de bzhin te/ /sa ga la ste shor ba mchog /skyes pa bud med rnams kyis bskor/ /mkhas shing dpa' la dgra yang thul/ /rtag tu bde la gnas pa ste| |ngo tsha shes shing brtan dang ldan/ /shi 'phos nas ni mtho ris skye/ /brla gnyis kyi ni mdzub do na/ /gang la byi sran 'dra ba gda'/ /lha mtshams la ste tshul khrims can/ /chos </font><hr>348b<br><font size=+1>


dang longs spyod ldan ba'o/ /gang gi brla 'og gnyis na ni/ /sme ba gda' ba snon la skyes/ /mi sdug tshe thung tshul khrims 'chal/ /dbul zhing snying rje ma mchis so/ /pus mo gnyis ka'i gong na ni| |gang la rma chung gda' ba de/ /snubs la skyes te dbang thang can/ /myur du bdag khyim zhig par bgyid/ /chu stod la ni skyes pa dag /sme ba pus mo'i lhang na/ /sbyin pa bgyid cing chos lam 'tshal/ /shi 'phos nas ni mtho ris mchi/ /chu smad la ni su skyes pa/ /gru do la ni sme ba mchis/ /de ltar gda' ba shes dang ldan/ /longs spyod ldan zhing sems can byams// sme ba gnyis po gda' ba ni/ /gro bzhin la ste longs spyod rtag /de bzhin nad med sems can byams/ /shi 'phos nas ni mtho ris mchi/ /sme ba nag po rje ngar la/ /gda' ba mon grur skyes pa ste/ /de ni khro zhing 'dod chags chung / /longs spyod ma mchis shes rab ldan/ /rje ngar la ni mdzub do na/ /sme ba nag po rab tu gda'/ /mon gre la skyes blun po ste/ /de ni chu yis 'chi bar 'gyur/ /rje ngar 'og gi mdzub gang na/ /rma 'dra mchis pa khrums stod la/ /blun zhing gzhan la gnod pa bgyid/ /de ni dbul zhing rkun po bgyid/ /gang la sme ba mdzub gong na/ / khrums smad la ni skyes pa ste/ /sbyin dang tshul khrims dran pa dang / /shes rab 'jigs med snying rjer ldan/ /gang gi rkang pa gnyi ga la/ /sme ba phra mo gda' ba ni/ /nam grur skyes pa ma rabs te/ / </font><hr>349a<br><font size=+1>


@#/ /'breg mkhan du yang 'gyur ba lags/ /gang gi mthe bo'i phrag na yang / /sme ba sdon po gda' ba ni/ /rtag tu stobs ldan nad ma mchis/ /tha skar la ni de skyes so| |rkang mthil sme ba mchis pa ni/ /bra nye la ste snying brtse med/ /gsod pa'i gshed ma'i ngang tshul can/ /shi 'phos nas ni dmyal bar mchi/ /gang gis spyod pa 'tshal ba yi// skar ma'i gnas ni 'di dag lags/ /'jig rten na ni rnam shes 'dis/ /sems can rnams ni pha rol 'dren/ /bcom ldan 'das kyis bka' stsal pa/ kun tu rtog pa'i spyod yul can/ /byis pa gang la chags 'dug pa/ /de ni byis pa rmongs pa ste/ /sems la gnas shing rims nad bcas/ /khyi dang sbrul dang rus spal dang / /srog chags gzhan yang rnam mang po/ /skar ma rgyal la gang skyes pa/ /de dag bde la brten pa yin/ /ji ltar bsam gtan rdzu 'phrul dang / /thar pa khyod kyis rnyed pa bzhin/ /nga yang thams cad gzigs pa na| |ci phyir nga la khyod mi 'dri/ /de nas drang srong skar ma la dga' bas bcom ldan 'das la me tog gis gtor nas yid rab tu dga' ste 'di skad ces gsol to/ /drang srong mi yi gzugs su ni/ /mtshan mchog rnams kyang shin tu gda'/ /khyod kyi gdung rus ma 'tshal na/ /lha'am 'on te khyod mi lags/ /gsung dang dbyangs dag 'byin pa ni/ /tshangs </font><hr>349b<br><font size=+1>


pa chen po bzhin du gda'/ /spyod pa'i gnas kyang tshul gyis ni/ /sngon gyi drang srong rnams dang 'dra/ /thub pa ci 'dra phun sum tshogs/ /'di sngon ma mthong ma thos na/ /khyod kyi ston gang de ci smra// khyod kyi gdung rus ci lags gsungs/ /bcom ldan 'das kyis bka' stsal pa/ /pha rol tshu rol mi shes shing / /mtshan ma la ni gang gnas pa/ /de dag sdug bsngal kun gyis bcings// de ni thar pa'i snod ma yin/ /pha rol phyin drug nga yi rus/ /bram ze mngon shes drug dang ldan/ /yang dag dga' bya drug smra zhing / /dbang po drug ni rnam par bshig /chos gsum rtogs pa'i shes dang ldan/ /nga yi spyod pa rnam thar gsum/ /byang chub sems ni nam skyes pa/ /de tshe nga ni rab tu byung / /mtshan ma rnams ni ngas ma dmigs/ /mtshan ma med pa rab tu bsgoms// sems can med cing srog med pa/ /bdag med stong par mngon sangs rgyas/ /tshor ba gsum dang 'du byed gsum/ /stong pa nyid du rnam par bsgoms/ /nga ni ye shes pha rol song / /nga yi tshigs 'di gsungs pa med/ /gang dag mkha' bzhin ma chags par/ /byang chub phyir ni sems bskyed pa/ /de dag bzod stobs phun sum tshogs/ /ye shes 'di 'dra thob par 'gyur/ / chos rnams la ni mi 'jug cing / /rnam par smin pa 'dod med la/ /de bzhin nyid las 'gal mi byed/ /de dag byang chub rnyed mi dka'/ /chos rnams la ni mi gnas shing / /pha rol tshu rol </font><hr>350a<br><font size=+1>


@#/ /mi brten par/ /yang dag mthar ni 'dir bsgoms na/ /de bzhin gshegs pa nyid du 'gyur/ /mtshan nyid med cing mtshan ma'ang med/ /dmigs pa de ni rnam par spangs/ /chos rnams kun dang ma 'dres na/ /de bzhin gshegs pa nyid du 'gyur/ /rang gi mtshan nyid 'dir 'ong la/ /rang gi sems la the tshom spongs/ /nam mkha' 'dra bar shes nas su/ /nga 'dra sangs rgyas khyod 'gyur byos/ /sangs rgyas bcom ldan 'das kyis tshigs su bcad pa de dag gsungs ma thag tu de nas drang srong skar ma la dga' ba g.yog dang bcas pas bcom ldan 'das sangs rgyas kyi gzugs dang / rtags dang / spyod lam du zhugs par mthong nas sngon gyi dge ba'i rtsa ba rnams mngon sum du gyur to/ /de nas drang srong skar ma la dga' bas ting nge 'dzin gang thob na/ byang chub sems dpa' rgyal mtshan gyi rtse mo bzhin du 'dug nas ting nge 'dzin thams cad la lta zhing gzhan la rag las pa med de/ ting nge 'dzin thams cad kyis mi 'phrog par 'gyur ba/ byang chub sems dpa'i ting nge 'dzin rin po che tog ces bya ba thob bo/ /de nas drang srong skar ma la dga' bas bcom ldan 'das kyi spyan sngar thal mo sbyar nas lag pa gnyis na me tog thogs te bcom ldan 'das la tshigs su bcad pa 'di dag gis mngon par bstod do/ /yon tan mtha' </font><hr>350b<br><font size=+1>


yas 'jig rten mgon po bden pa gsung ba legs bzhugs pa/ /khyed kyi ye shes spyan gyi 'od zer gyis ni 'jig rten kun snang mdzad/ /rtag tu sems can kun gyi slad du dpa' bo byams pas mngon 'phags pa/ /sems can snying po chags pa zad pa 'dren pa khyod la deng phyag 'tshal/ /gser gyi kha dog gser dang 'dra ba'i 'od zer rnams kyis bsil gyur ba'i \?\/ /yon tan dag gis sems can thams cad byang chub rgyur 'gyur rab tu bskul/ /khyod kyis chos kyi 'khor lo rab bskor nyon mongs ri rnams bcom par 'gyur/ /tha ma'i spyod pa byang chub shes pa'i rgyu ni de ring mthar phyin to/ /sman pa chen po sems can snying po mtshan rnams kyis ni rab brgyan pa/ /sems can snying po sangs rgyas 'gyur ba 'dren pa de ring bshad du gsol| |bdag gis lta ba'i rgya mtsho bcad cing grol nas 'gro ba bsgral bar bgyi/ /ji srid kyis ni sangs rgyas 'gyur ba mi yi dam pa lung bstan gsol/ /sdug bsngal chu bo 'das pa'i sems can srid pa'i mtsho las bsgral bar bgyi/ /mya ngan 'das pa'i bde ba zag pa med pa'i lam la dgod par bgyi/ /phyogs bcu dag na sangs rgyas gang rnams yon tan rgya mtsho lta bu dag /de dag bdag gis dpang du gsol te byang chub tu ni sems gzhol bgyi/ /drag cing mi bzad rtsub pa'i sdug bsngal dag gis reg pa'i sems can kun/ /dus </font><hr>351a<br><font size=+1>


@#/ /gsum gyi ni bdag gi lus dang ngag dang yid kyi bsod nams des/ /sems can thams cad sdug bsngal de ring zhi bar gyur cig sems can kun/ /sangs rgyas kyi ni bde dang ldan zhing rtag tu mya ngan 'das par shog /sems can thams cad nang zhir gyur cig nyon mongs chu yang skam par shog /ngo bo nyid kyi ye shes dbang po'i snying po ldan pa thob gyur cig /sems can gang dag bsad par chad cing sdug bsngal dag gis gtses pa rnams/ /de dag bdag gi bsod nams gzi brjid dag gis myur du thar par shog /sems can re res kyang ni yon tan rgya mtsho thams cad thob gyur cig /shes rab bsod nams tshad med pa dang bde ba kun gyis tshim par shog /de dag sdig pa'i rnam spangs lta ba mnyam nyid myur du bsten gyur cig /sems can thams cad skye ba dran cing chos la spyod pa nyid du shog /sems can de kun chos grus srid pa'i rgya mtsho pha rol rgal gyur cig /thams cad chos kyi pha rol phyin pa sangs rgyas su yang grub par shog /bskal pa dpag tu med par chos kyi char ba 'bebs shing 'dug gyur cig /sems can thams cad chos kyi sprin gyi char chus legs par 'khru bar shog / bdag gi lus dang ngag dang yid kyis nongs ba cung zad ci bgyis pa/ /sangs rgyas thams cad dpang du gsol </font><hr>351b<br><font size=+1>


te gus par bgyis nas so sor bshags/ /bdag kyang phyin chad sdig la lta ba'i las rnams spyod par ma gyur cig /rtag tu mdun na bsam gyis mi khyab gang zag mtshog bzhugs mthong bar shog /bdag gi bsod nams cung zad ci mchis deng de byang chub bsngo bar bgyi/ /sems can ched du spyod pa kun dang sdug bsngal thams cad spro bar bgyi/ /sems can thams cad byang chub mchog gi lam du rab tu gzung bar bgyi/ /bskal bar zhing dang ye shes sems can rgya mtsho rnam par spyad par bgyi/ /gang du byang chub reg par 'gyur zhing rnam par dag pa thob par bgyi/ /'khor kun rnam par dag cing bzod pa'i sa la rab tu gnas par shog /smra ba'i seng+ge nges par mngon par shes pa lnga rnams thob par shog /'dren pa chags med ye shes ldan zhing thams cad gzigs pa lung bstan gsol/ /'jig rten du yang sangs rgyas chos kun kha lo sgyur bar 'gyur zhe na/ me tog sil ma gtor ba nam mkha' la ni gdugs su gnas par shog /lha dang klu dang gnod sbyin mi rnams lhag pa kun kyang dbang gyis shig /sa rnams g.yo bar byed cing khyod kyi zhabs la mgo bos phyag 'tshal shog /de nas drang srong skar ma la dga' bas me tog de dag bcom ldan 'das ga la ba de'i steng logs su gtor ba dang / me tog </font><hr>352a<br><font size=+1>


@#/ /de dag thams cad bcom ldan 'das kyi dbu'i gtsug gi steng du gdugs gcig tu gyur nas 'dug ste/ drang srong skar ma la dga' bas de mthong nas rab tu zang zing med cing mchog tu dga' ba dang / yid bde bas tshim par byed par gyur te/ de nas pus mo'i lha nga gnyis sa la btsugs te bcom ldan 'das kyi zhabs gnyis la gtugs so/ /drang srong chen po skar ma la dga' bas bcom ldan 'das kyi zhabs gnyis la gtugs ma thag tu de nas thams cad dang ldan pa'i stong gsum gyi stong chen po'i 'jig rten gyi khams 'di rnam pa drug tu g.yos so/ /sems can bye ba khrag khrig brgya stong grangs med dpag tu med pa gang dag der lhags pa de dag thams cad kyang yid skyo zhing ltad mor gyur to/ /gang dag glang po ches 'dul ba'i sems can de dag gis ni/ bde bar gshegs pa glang po che'i gzugs su mthong nas yid dga' bar gyur cing drang srong chen pos me tog gtor ba de dag steng gi bar snang la gdugs su gyur te gnas pa dang / sa g.yos pa de'ang mthong nas rab tu ngo mtshar du gyur te bcom ldan 'das kyi zhabs gnyis la gtugs so/ /gang dag yang sangs rgyas kyis 'dul ba'i sems can de dag thams cad kyis ni/ bcom ldan 'das sangs rgyas kyi cha byad </font><hr>352b<br><font size=+1>


du mthong nas ngo mtshar du gyur to/ /de nas bcom ldan 'das dpa' bar 'gro ba'i ting nge 'dzin las bzhengs pa dang / sangs rgyas kyis 'dul ba'i sems can de dag gis ting nge 'dzin de las bzhengs par mthong nas zang zing med cing mchog tu dga' ba dang / mgu ba skyes te bcom ldan 'das la me tog dang / spos dang / phreng ba dang / byug pa dang / na bza' dang / 'phyang 'phrul dang / rgyan ji snyed pa dag gis gtor to/ /de nas bcom ldan 'das kyis de'i tshe tshigs su bcad pa 'di dag bka' stsal to/ /drang srong chen po myur du longs la nyon| |byang chub lung bstan zhes ni 'dren pa gsung / /mnyam pa med pa'i mthus ni sa g.yos shing / /nam mkha' la yang me tog gdugs gcig 'dug /khyod ni 'jig rten phan phyir ston dbang po/ /rkang gnyis bdag gi gtso bo sangs rgyas su/ /bsod nams mtha' yas nam mkha' tshad mnyam pa/ /khams gsum snying po 'gro ba'i sgron mar 'gyur/ /de nas byang chub sems dpa' sems dpa' chen po skar ma la dga' bas bcom ldan 'das la 'di skad ces gsol to/ /gang du bdag chos kyi 'khor lo bskor bar 'gyur ba'i sangs rgyas kyi zhing de ci 'dra bar 'gyur/ bcom ldan 'das kyis bka' stsal pa/ khyod ni bskal pa grangs med dpag tu med pa na byang phyogs su sangs </font><hr>353a<br><font size=+1>


@#/ /rgyas kyi zhing me tog rgyas pa'i dri zhes bya ba 'byung ste/ sangs rgyas kyi zhing de ni/ ji ltar da ltar gyi 'jig rten gyi khams bde ba can bzhin du bkod pa de lta bu dang ldan par 'gyur ro/ /sangs rgyas kyi zhing der skyes bu dam pa khyod bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rdul med spos snang skar ma'i dpal zhes bya bar 'gyur te/ khyod kyi tshe'i tshad ni/ bar gyi bskal pa bcu thub par 'gyur ro/ /sangs rgyas kyi zhing de na nyan thos dang rang sangs rgyas med cing / byang chub sems dpa' sems dpa' chen po 'ba' zhig gi gnas su 'gyur te/ khyod kyang de na theg pa chen po'i gtam 'ba' zhig ston par 'gyur ro/ /'khor ji snyed lhags pa rnams kyis byang chub sems dpa' sems dpa' chen po skar ma la dga' ba'i lung bstan pa de thos nas bcom ldan 'das la mchod pa bya ba'i las la mngon par brtson par gyur to/ /bram ze'i khye'u lnga brgya po de dag dang / srog chags </font><hr>353b<br><font size=+1>


bye ba khrag khrig brgya stong phrag dgu bcu rtsa gnyis kyis bla na med pa yang dag par rdzogs pa'i byang chub tu sems bskyed par gyur te/ de dag thams cad kyis byang chub sems dpa'i ting nge 'dzin byang chub kyi sems mi brjed pa zhes bya ba thob bo/ /'dus pa chen po rin po che tog gi gzungs las/ drang srong skar ma la dga' ba'i le'u ste bzhi pa'o// // bam po lnga pa/ de nas bdud bye ba dag 'di snyam du sems te/ ji ltar grong khyer 'di'i phyi rol lha dang / klu dang / gnod sbyin dag gis brgyan pa de bzhin du bdag cag gis kyang bcom ldan 'das grong khyer 'di'i sgo gang dang / gang nas gshegs pa de'i sgo de dang / de'i sa phyogs bkod pa'i rgyan dam pa khyad par du 'phags pas brgyan to snyam pa dang / de nas bcom ldan 'das kyi thugs kyis bdud bye ba de dag gi sems kyi kun tu rtog pa mkhyen nas 'di 'dra ba'i rdzu 'phrul mngon par 'du bya ba mngon par mdzad de/ 'di lta bu'i rdzu 'phrul mngon par 'du bya ba mngon par mdzad pas grong khyer gyi sgo bcu gnyis su sangs rgyas bcom ldan 'das bcu gnyis grong khyer gyi sgo re re nas rgyal po'i khab kyi grong khyer chen por gshegs so/ /bdud bye ba de dag kyang nam mkha' la gnas bzhin du bdud kyi yul gyi rnam par 'phrul pa'i rgyan shin tu khyad par du 'phags pa'i rdzu 'phrul grangs med pa </font><hr>354a<br><font size=+1>


@#/ /dang ldan pa bkod pa'i mchog rnams dang / bkod pa mdzes pa rnams kyi grong khyer gyi sgo de dag dang / sa'i phyogs de dag dang / rtsig pa de dag dang / shing de dag dang / sa'i ngos de dag brgyan to/ /bdud bye ba de dag dang / bdud kyi 'khor de dag la la ni/ tshangs pa'i cha byad lta bu nas drang srong chen po'i cha byad lta bu'i bar du bsgyur te nam mkha' la gnas bzhin du khang pa brtsegs pa de dag gi skar khung dang / rta babs dang / ba gam dang / skyed shing gi nang du me tog dang / bdug pa dang / spos dang / phreng ba dang / gser dang / dngul dang / nor bu dang / mu tig sna tshogs kyis spras pa dang / gos dang / ras dang / ras bcos bu sna tshogs dang / lhab lhub kyi rgyan rnams kyi char ni/ rab tu phab/ sil snyan dang / dkrol ba sna tshogs ni/ dkrol nas bstod pa dang / yon tan bsngags pa sna tshogs kyi dbyangs kyis bcom ldan 'das la mchod pa byed do/ /bcom ldan 'das de ltar ngo mtshar rmad du byung ba chen po sngon ma thos pa'i bkod pa mchog tu rgya che ba/ khyad par du 'phags pas rgyal po'i khab kyi grong khyer chen po'i sgo nas zhugs te zhabs g.yas pa'i mthe bo'i sgo'i them pa la reg par mdzad do/ /bcom ldan 'das kyis sgo'i them pa la reg ma thag tu de nas de'i mod la thams cad dang ldan pa'i stong gsum gyi stong </font><hr>354b<br><font size=+1>


chen po'i 'jig rten gyi khams 'di rab tu g.yos so/ /gang stong gsum gyi stong chen po'i 'jig rten gyi khams 'di'i brgya byin dang / tshangs pa dang / nyi ma dang / zla ba dang / 'jig rten skyong ba dang / dbang phyug chen po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i dbang po dag dang / sa dang / chu dang / rgya mtsho chen po dang / grong khyer dang / yul 'khor gyi lha dang / skyes pa dang / bud med dang / khye'u dang / bu mo dang / lha'i drang srong chen po'i 'khor dang / 'og min gyi bar nas bzung ste sems can gzi brjid che ba gzi brjid che ba de dag thams cad sa g.yos par snang ba des bskul ma thag tu rgyal po'i khab kyi grong khyer chen po khor khor yug tu bsgor nas sa dang nam mkha' la gnas shing me tog dang / spos dang / dus kyi rjes su 'brang ba'i phye ma'i bar gyis bcom ldan 'das la gtor to/ /de nas bcom ldan 'das kyis me tog dang / phye ma'i bar de dag phyogs bcu'i phyogs kyi cha re re na'ang sangs rgyas kyi zhing rdul phra rab kyi rdul snyed kyi sangs rgyas kyi zhing yongs su dag pa dang / yongs su ma dag pa dang / stong pa dang / mi stong pa rnams su sangs rgyas la mchod cing bsti stang bya ba'i phyir nam mkha' la gtor ba dang / sangs rgyas kyi zhing de dag tu me tog dang / phye ma dang /rgyan </font><hr>355a<br><font size=+1>


@#/ /de dag las tshigs su bcad pa 'di dag byung ngo / /myur du sad par gyis la 'di dag ltos/ /byang chub phyir ni bag yod spyad pa spyod/ /khyod kyi 'khor ba'i gcong rong 'khyams pa yi/ /'jig rten thams cad dag ni bsgral bar byos/ /yongs su smin dang ldan pa'i dus bab kyi/ /g.yeng bar gyur pa rab tu myur thong la/ /'dir ni sngon gyi dam bcas yid la byos/ /byang chub lung bstan rab tu thob par 'gyur/ /thub dbang drang srong chen po mya ngan med/ /'gro la phan phyir de ring grong khyer gshegs/ /bdud stong bye ba rang gis pham mdzad de/ /de ni chos kyi 'khor lo myur du bskor/ /grogs po zhi ba 'di la 'gro dga' mdzad/ /dpa' mchog dngos po yang dag ston par mdzad/ /'gro ba sdug bsngal dag las thar mdzad nas/ /byang chub tu ni de ring lung yang ston/ /rang byung mya ngan med pa grong khyer gshegs/ /de phyir zhing der rab tu myur gshegs la/ /de ltar mdzes pa de dag rab bltas te/ /rim gyis byang chub tu yang 'gyur bar byos/ /yang de'i tshe 'od ma'i chal na byang chub sems dpa' sems dpa' chen po dang / nyan thos dang / nyan thos chen po gang dag nang du yang dag par 'jog la gnas pa de dag gis ston pa de la bltas pa dang / bcom ldan 'das rgyal po'i khab kyi grong khyer chen po'i sgo na 'dul ba la </font><hr>355b<br><font size=+1>


gzhes shing bzhugs pa mthong ngo / /de nas byang chub sems dpa' sems dpa' chen po dang / nyan thos chen po de dag thams cad bcom ldan 'das kyi snam logs su 'khod pa dang / bkod pa chen po de dag kyang mthong ngo / /de nas me tog dang / phye ma'i rgyan de dag las tshigs su bcad pa'i sgra gang byung ba de dag gis phyogs bcu'i sangs rgyas kyi zhing yongs su dag pa dang / yongs su ma dag pa dang / stong pa dang / mi stong pa'i sangs rgyas kyi zhing rdul phra rab kyi rdul snyed thams cad du gang bar gyur to/ /sangs rgyas kyi zhing de dag na byang chub sems dpa' sems dpa' chen po dang / nyan thos gang dag gnas pa de dag gis sgra de thos nas 'di snyam du sems te/ yid du 'ong ba 'di lta bu/ ro myang bar 'os pa 'di lta bu/ dga' bar bya bar 'os pa 'di lta bu/ tshim par byed par 'os pa 'di lta bu/ spro bar byed pa 'di lta bu'i yon tan chen po brjod par 'os pa 'di lta bu'i sgra 'di dag dang / me tog dang / phye ma'i char 'di dag gi \?\ las 'ongs snyam mo/ /de nas byang chub sems dpa' sems dpa' chen po de dag dang / nyan thos chen po de dag rang gi dge ba'i phyogs btang ste ngo mtshar cher 'dzin par gyur to/ /de nas bcom ldan 'das de bzhin gshegs pa shAkya thub pa sangs rgyas kyi rgyan dang / lhab lhub kyi rgyu mthun </font><hr>356a<br><font size=+1>


@#/ /pa zhes bya ba'i ting nge 'dzin la snyoms par zhugs so/ /bcom ldan 'das sangs rgyas kyi rgyan dang / lhab lhub kyi rgyu mthun pa zhes bya ba'i ting nge 'dzin la snyoms par zhugs ma thag tu de nas thams cad dang ldan pa'i 'jig rten gyi khams mi mjed 'di dang / phyogs bcu'i sangs rgyas kyi zhing thams cad du bkod pa chen po 'di lta bu dag snang ste/ 'di lta ste/ ma 'ongs pa'i dus na de bzhin gshegs pa kun tu gzigs zhes bya ba'i 'jig rten gyi khams rnam par dag cing rdul bsags pa med ces bya ba'ang sangs rgyas kyi zhing gi yon tan bkod pa 'di 'dra ba dang ldan par 'gyur/ rtsig pa med la legs par brgyan pa'i phyogs bcu'i 'jig rten gyi khams sangs rgyas kyi zhing rdul phra rab kyi rdul snyed thams cad du'ang bcom ldan 'das de bzhin gshegs pa shAkya thub pa rgyal po'i khab kyi grong khyer chen po'i sgo na shin tu lham me/ lhan ne| lhang nger bzhugs par snang ba ni/ ma gtogs so/ /sangs rgyas kyi zhing de dag tu'ang byang chub sems dpa' de dag dang / nyan thos chen po de dag sgra thos pa des bskul ba dang / phyogs bzhir blta zhing 'khod de/ de dag thams cad kyis 'jig rten gyi khams mi mjed 'di ha cang yang mi ring ba na 'dug par mthong ngo / /sangs </font><hr>356b<br><font size=+1>


rgyas kyi yul gyis lha'i rnam par 'phrul ba'i rgyan de dag thams cad kyang mthong ngo / /de nas byang chub sems dpa' sems dpa' chen po de dag dang / nyan thos chen po de dag 'di snyam du sems te/ bdag cag kyang 'dus pa chen po'i bkod pa de dag dang / sangs rgyas kyi zhing gi yon tan bkod pa de dag blta ba dang / brtag pa dang / de bzhin gshegs pa shAkya thub pa de la'ang blta ba dang / phyag bya ba dang / bsnyen bkur bya ba'i phyir der 'dong ngo / /der ni/ bdag cag bla na med pa yang dag par rdzogs pa'i byang chub tu lung bstan pa'ang thob par 'gyur gor ma chag snyam mo/ /de nas phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed thams cad kyi byang chub sems dpa' sems dpa' chen po thams cad dang / nyan thos chen po de dag de bzhin gshegs pa shAkya thub pa'i rdzu 'phrul gyi mthus rang rang gi sangs rgyas kyi zhing nas mi snang bar gyur te skad cig thang gcig yud tsam de nyid la 'jig rten gyi khams mi mjed 'dir phyin to/ /de'i tshe phyogs bcu'i phyogs re re nas kyang byang chub sems dpa' sems dpa' chen po grangs med dpag tu med pa sangs rgyas kyi zhing gi rdul phra rab kyi rdul snyed rnams kyang 'dir lhags nas sangs rgyas kyi zhing 'di thams cad sa dang / nam mkha'i bar ma lus par </font><hr>357a<br><font size=+1>


@#/ /gang bar gyur to/ /byang chub sems dpa' sems dpa' chen po de dag byang chub sems dpa'i dge ba'i rtsa ba sna tshogs kyi rgyu mthun pa'i rnam par 'phrul pa'i byin gyi rlabs kyis de bzhin gshegs pa shAkya thub pa la mchod pa bya ba'i phyir brtson par gyur to/ /de nas byang chub sems dpa' sems dpa' chen po la la dag gis ni/ bcom ldan 'das la mchod pa bya ba'i phyir sangs rgyas kyi zhing 'di thams cad me tog sna tshogs kyi char gyis khebs par byas so/ /la la dag gis ni| mu tig gi char phab pa nas de bzhin du sbyar te/ bcom ldan 'das la mchod pa bya ba'i phyir la la dag gis ni/ gser dang / dngul dang / bai DUR+Ya dang / shel dang / rdo'i snying po dang / spug dang / go shiR+Sha dang / tsan+dan sbrul gyi snying po dang / shing ta ma la'i lo ma'i phye ma'i char gyis nam mkha' khebs par byas so/ / bcom ldan 'das la mchod pa bya ba'i phyir la la dag gis ni/ lhab lhub dang / 'phyang 'phrul dang / rgyan dang / ras dang / ras bcos bu sna tshogs kyi char rab tu phab bo/ / bcom ldan 'das la mchod pa bya ba'i phyir la la dag gis ni/ rin po che'i gdugs dang / rgyal mtshan dang / ba dan sna tshogs bsgreng ngo / /bcom ldan 'das la mchod pa </font><hr>357b<br><font size=+1>


bya ba'i phyir la la dag gis ni/ spos sna tshogs kyis bdugs so/ /la la dag gis ni/ rin po che'i phreng ba sna tshogs gtor to/ /la la dag gis ni/ sil snyan dang / dkrol ba sna tshogs dkrol to/ /la la dag gis ni/ glu dang / gar dang / rol mo'i sgra rab tu bstan to/ /la la dag gis ni/ sa phyogs der spos chu sna tshogs kyi char gyis chag chag btab bo| |la la dag gis ni/ rin po che sna tshogs kyi snod rnams rin po che sna tshogs kyis bkang ste bcom ldan 'das kyi spyan sngar thogs so/ /la la dag gis ni/ rin po che'i snod sna tshogs rnams spos chus bkang ste me tog dang / 'bras bu dang / lo mas brgyan nas bcom ldan 'das kyi spyan snga na thogs so/ /la la dag gis ni/ rin po che'i shing ljon pa sna tshogs lha'i gos dang / rgyan dang / me tog dang / 'bras bu sna tshogs kyis brgyan nas 'phang stong de thogs so/ /la la dag gis ni/ bdag nyid tshangs pa chen po'i cha byad du mngon par sprul te thal mo sbyar nas bcom ldan 'das la phyag byas te 'khod pa nas rgya cher ji ltar gong du smos pa bzhin no/ /la la dag ni/ seng+ge'i cha byad du mngon par sprul te bcom ldan 'das la phyag btsal nas 'khod do/ /bcom ldan 'das kyi rdzu 'phrul gyi mthu dang / rang gi dge ba'i rtsa ba'i stobs bskyed pas sems can de dag phan tshun mig gi dbang </font><hr>358a<br><font size=+1>


@#/ /pos gzugs snang ba rnams la thags thogs med do/ /sangs rgyas bcom ldan 'das kyang de lta bu'i bdud kyi yul chen po lha'i rnam par 'phrul pa'i byin gyi rlabs rnams dang / rang gi dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / sangs rgyas kyi chos ma 'dres pa bco brgyad kyi yul gyi rnam par 'phrul pa'i byin gyi rlabs kyis bcom ldan 'das rgyal po'i khab kyi grong khyer chen por gshegs nas srang gi dbus na pad+ma yod pa ga la ba der gshegs te byon nas phyag g.yas pa'i mthil gyis pad+ma'i snying po la reg par mdzad de drangs nas bzhugs so/ / pad+ma de drangs te g.yos pas sangs rgyas kyi zhing 'di'i ri khor yug dang / ri khor yug chen po dang / ri'i rgyal po ri rab dang / rgya mtsho chen po dang / bdud kyi gnas thams cad kyang g.yos so/ /bdud kyi gnas thams cad na gzhal med khang dang / gnas dang / mal cha dang / stan rnams kyang rab tu g.yos so/ /de na gang bdud kyi bu rnams dang / bdud kyi bu mo rnams dang / bdud kyi tshogs kyi 'khor gnas pa de dag kyang 'jigs skrag cing skyo ba skyas nas phan tshun 'di skad 'dzer to/ /rgyu med rkyen med par </font><hr>358b<br><font size=+1>


ni| gzhal med khang 'di dag g.yo bar mi 'gyur na/ bdag cag gi rgyal po bdud de rang gi yul nas 'phos par ma gyur grang / bdag cag kyang khang pa 'di nas 'chi 'pho ba'i chos 'byung bar mi 'gyur grang / bdag cag gis blta gor ma chag go snyam ste/ de nas de dag gis mthong nas 'di snyam du sems te/ sangs rgyas kyi zhing 'di ni/ snyigs ma lnga can du gyur na/ 'di sus legs par brgyan cing shin tu nyams dga' bar byas snyam mo/ /de nas rang gi yul la gnas pa'i bdud g.yog dang bcas pa de dag de na 'khod bzhin du'ang de bzhin gshegs pa shAkya thub pa de skyes bu chen po'i mtshan sum cu rtsa gnyis kyis legs par brgyan cing shin tu lham me/ lhan ne/ lhang der bzhugs pa mthong ngo / /thams cad dang ldan pa'i stong gsum gyi stong chen po'i 'jig rten gyi khams 'di dang / sangs rgyas kyi zhing 'di thams cad kyang sems can gzugs dang / kha dog dang / rtags dang / dbyibs sna tshogs su gnas pa sha stag gis yongs su gang nas sems can gcig kyang ngo mi shes te/ sems can de dag thams cad kyang bcom ldan 'das la mchod pa bya ba'i phyir brtson par mthong ngo / /de nas de dag yang 'di snyam du sems te/ bdag cag kyang de bzhin gshegs pa shAkya thub pa de la blta ba dang / phyag bya </font><hr>359a<br><font size=+1>


@#/ /ba dang / da ltar bdag cag gi jo bo dang / g.yog tu bcas pa gang dor ba'ang dri ba'i phyir der 'dong gor ma chag snyam mo/ /de nas yang de'i tshe sangs rgyas rgyas kyi zhing 'di'i bdud bye ba phrag brgya po de dag thams cad g.yog dang bcas par bcom ldan 'das de bzhin gshegs pa shAkya thub pa ga la ba der dong ste lhags nas spyan sngar 'khod do/ /de nas bdud sdig can gyis bcom ldan 'das ga la ba de logs su thal mo sbyar ba btud nas 'di skad ces gsol to/ /rab tu rnam par dad sems kyis/ /bcom ldan bdag ni skyabs su mchi/ /bdag khrol 'di nas myur du thong / /chos ni yang dag spyad par bgyi/ /bcom ldan 'das kyis bka' stsal pa/ 'gro ba dang ni 'ong ba yang / /ngas ni su la'ang bzlog pa med/ /gal te lam ni rab shes na/ /gang du dga' bar 'gro bar byos/ /bdud sdig can gyis 'di skad ces gsol to/ /rang gi spyod yul gar dga' bar/ /gang tshe bdag ni mchi 'tshal te/ /bdag ni bcing pa lnga dag gis/ /bcings par mthong ngo gau ta ma/ /bcom ldan 'das kyis bka' stsal pa/ nga ni rtog pa kun spangs te/ /grol nas 'gro ba grol byed pa/ /ngas ni 'tshe ba rnam spangs nas/ /sems can bcings pa thar par bya/ /de nas bcom ldan 'das kyis sangs rgyas kyi </font><hr>359b<br><font size=+1>


spyan gyis sangs rgyas kyi zhing 'di thams cad sa dang nam mkha' la gnas pa'i sems can rnams kyis yongs su gang ba la gzigs nas tshigs su bcad pa 'di dag bka' stsal to| |'dir lhags pa dag thams cad kyang / /the tshom thams cad rab spongs la/ /skad cig ci yang ma smra bar/ /khyod cag rnams ni da nyon cig /rdzogs pa'i sangs rgyas 'jig rten dkon/ /chos dang dge 'dun shin tu dkon/ /dad cing mos pa 'byor pa dang / /byang chub spyod pa shin tu dkon/ /'jig rten mgon po'i mngon sum du/ /chos nyan pa yang shin tu dkon/ /gang du bzod pa ston byed pa/ /de yi dus ni rnyed par dka'/ /gang du 'jig rten sdig pa yi/ /rtog pa thams cad rab spong ba/ /stong pa nyid ni sgom pa dang / /sems ni dul bar byed pa dkon/ /ji ltar ngas ni sngon spyad pa'i/ /byang chub spyod pa rnyed par dka'/ /de las me tog tsham tshod 'di/ /khyed cag rnams la bshad par bya/ /gang gis byang chub 'byor byed pa/ /srid pa'i bcings las rab grol zhing / /mun pa'i phung po sel ba yi/ /lam gyi mchog ni bstan par bya/ /dri ma ngan pa gsum spongs la/ /ston pas gsungs pa 'dir nyon cig /chu bo rnams kyi pha rol rgol/ /rgya mtsho can gyi sred pa spongs/ /rnam thar gsum la rab gnas shing / /sdom pa gsum la yang dag gnas/ / </font><hr>360a<br><font size=+1>


@#/ /khams gsum kun gyi nyon mongs gang / /de dag ma lus rnam par chom/ /dkon mchog gsum gyi rigs mchog dang / /chos kyi don du khyed cag rnams/ / sangs rgyas lha dang bdud gsum gyi/ /byin rlabs sprul pas lhags pa rnams/ /dus gsum ma rig bsgribs pa'i sems/ /bye phrag tu ni rab tu spongs/ /khams gsum pa las grol ba yi/ /zhi byed bzod pa thob par byos/ /phyin ci log ni rnam bzhi yis/ /so so'i skye bo bslad pa rnams/ /dngos po med la rtog byed pa| |de dag bzod pa'i snod ma yin/ /mig ni gzugs la chags pa yis/ /lus dang ngag dang sems bsgribs nas/ /bsam gtan bzhi dang bral ba rnams/ / 'khor ba shin tu bsten par 'gyur/ /'jig rten na ni gang mkhas gsal/ /bsam gtan sgom par byed pa rnams/ /de dag phyin ci log bzhi las/ /de ring rnam par grol bar 'gyur/ /dbang phyug de dag sems can rnams/ /chu bo bzhi las thar par byed/ /'chi 'pho skye ba rab shes pa/ /des pa rnams ni pha rol 'gro// byang chub sems dpa' 'jigs med pa/ /rkang pa bzhi dang ldan pa dag /sems can sred pas bcings pa rnams/ /yang dag shes pas gcod par byed/ /phung po lnga rnams </font><hr>360b<br><font size=+1>


yongs shes pas/ /zhags pa las grol zag pa med/ /yang dag yang du mi skye ste/ /srid pa'i rgya mtsho'i pha rol phyin/ /sangs rgyas rnams kyi spyan sngar byed/ /sdig pa dag ni myur du shogs/ /sdig pa ma lus rab spongs la/ /'jigs pa med par pha rol song / /srid par yang dag yang skyes pas/ /sdig pa'i grogs kyi dbang song bas/ / 'khor ba'i sdug bsngal de dag ni/ /'dus byas la yang myong bar 'gyur/ /sdig pa'i grogs po rab spangs te/ /sdig pa'i lta ba rnams bor nas/ /'khor ba'i sdug bsngal dran byas te/ /dam pa'i chos la rab sbyor cig /btung ba'i dam pa 'thung bar byos/ /stong pa nyid kyang rab sgoms shig /dam pa'i don la dngos po med/ / rdzas kyang med cing mtshan nyid med/ /'di ltar dbang po drug stong ste/ /byed pa po ni 'di la med/ /de bzhin mtshan mar rtog pa yang / /dngos po tsam ste g.yo ba med/ /tshor ba drug dang sred pa drug /reg pa drug las byung ba yin/ /de bzhin reg pa'i skye mched drug /stong pa yin par shes par byos/ /rang bzhin gyis ni dngos med par/ /dngos po nyid la brtag par byos/ /skye ba med cing 'gag med pas/ /'di na rdzas kyang med par ltos/ /gang gis chos kun tshul gcig ste/ /dus gsum du yang dngos med par// </font><hr>361a<br><font size=+1>


@#/ /shes pa de dag nad med de/ /de ni bla na med pa'i lam/ /rnam pa bcu gsum nges grol la/ /sems can 'du shes rnam 'jig cing / /tshu rol pha rol rnam grol ba/ /de ni bzod pa sgom pa yin/ /de nas gang gi tshe bcom ldan 'das kyi bsod nams kyi stobs rnams dang / mi 'jigs pa'i shugs dang / dge ba'i rtsa ba'i rgyu mthun pa'i byin gyi rlabs kyi dbyangs kyi dkyil 'khor gyi sgra thogs pa med pas tshigs su bcad pa de dag gsungs pa de'i mod la phyogs bcu'i 'jig rten gyi khams stong pa dang / mi stong pa'i snyigs ma lnga can gang+gA'i klung dpag tu med pa mi 'khrugs pa'i bye ma snyed rnams su dbyings kyi dkyil 'khor gyi tshig brjod pa 'di dag grags par gyur nas de'i mod la sangs rgyas kyi zhing re re nas kyang sems can bye ba khrag khrig brgya stong grangs med dpag tu med pa dag ni/ shin tu zang zing med pa'i dga' ba dang / dad pa rnyed de bla na med pa yang dag par rdzogs pa'i byang chub las phyir mi ldog par gyur to/ /la la dag gis ni/ ting nge 'dzin dang / bzod pa dang / gzungs sna tshogs thob bo/ /sangs rgyas kyi zhing 'dir 'dus pa'i sems can grangs med dpag tu med pa rnams kyis ni/ don dang / tshig dang / yi ge 'di dag </font><hr>361b<br><font size=+1>


thos nas phyir mi ldog pa'i sa thob par gyur to/ /sems can grangs med dpag tu med pa dag ni/ theg pa gsum po dag gis nges par 'byung ba thob par gyur to/ /de nas byang chub sems dpa' sems dpa' chen po skar ma la dga' bas pad+ma'i khri la 'dzeg par bya ba'i phyir rang gi rdzu 'phrul gyi mthus rin po che sna bdun gyi them skas me tog gis kun tu g.yogs pa mngon par sprul te bcom ldan 'das ga la ba de logs su thal mo sbyar ba btud nas 'di skad ces gsol to/ /thams cad mkhyen pa rga shi mya ngan gyi/ / 'dam du bying ba'i 'jig rten thams cad la/ /rab tu gzigs te mi rgyu rgyur bcas te/ /'jig rten du ni chos kyi zam pa thogs/ /thal mo sbyar ba'i sems can rgya chen brgyas/ / rab tu gtams pa'i zhing la gzigs nas su/ /chos kyi mchod sbyin rab tu bgo bar gsol/ /rang gi mthu rtsal rab tu bstan du gsol/ /mtshungs pa med pa'i pad+ma mngon 'dzegs te/ /mgon po shes rab dang ni thabs rnams kyis/ /chos chu sprin gyis char pa rab phob la/ /nyon mongs gzir ba'i mi la bstan du gsol/ /phyogs bcu dag gi sangs rgyas thams cad dang / /drang srong chen po shes rab ldan pa gzhan/ /khyod kyi dpang du de dag kun bzhugs kyi/ /thub pa'i dbang po bdud rnams pham par </font><hr>362a<br><font size=+1>


@#/ /mdzod| |chos rnams stong pa nam mkha' lta bu dang / /ngo bo nyid kyis ya ma brlar mkhyen nas/ /sngon gyi dam bcas rnams ni dgongs mdzod la/ /bla med 'khor lo dam pa bskor du gsol/ /chu bo bzhi dbus 'khor ba'i sems can rnams/ /mi yi seng+ge de ring bsgral du gsol/ /khyod kyis chos rnams shin tu thugs su chud/ /srid gsum mtsho las 'jig rten bsgral du gsol/ /shin tu rlabs chen thugs mnga' bcom ldan 'das/ /bde bar gshegs kyi lam ni bde ba la/ /'gro ba gzud 'dod mtshungs med chos kyang ston/ /'jig rten nyes pa'i dri ma bsal du gsol/ /de nas bcom ldan 'das kyis ji lta bur sprul pa'i them skad de las pad+ma'i khri la mngon par 'dzegs te pad+ma'i snying po la bzhugs so/ /de nas bcom ldan 'das kyis phyogs bcu thams cad du rnam par gzigs nas bdud sdig can la bka' stsal pa/ bdud sdig can/ ji ltar khyod kyi rkyen gyis deng 'dir 'dus pa chen po'i chos kyi rnam grangs bshad pas sems can grangs med dpag tu med pa dag mngal na gnas pa dang / rga shis gtses pa rnams las rnam par grol bar 'gyur/ rnam par thar par 'gyur/ chu bo bzhi las yang dag par brgal bar 'gyur/ zhi ba'i lam la gnas par 'gyur/ nam mkha' dang mtshungs pa'i ye shes khong du chud par 'gyur te/ 'di la sdig can khyod ni/ sems </font><hr>362b<br><font size=+1>


can rnams kyi dge ba'i rtsa ba rnam par 'phel ba'i thog mar 'gro ba yin gyi/ khyod dga' bar gyis shig /sdig can khyod kyis nga la chos bshad par gsol cig dang ngas deng bdud kyi dkyil 'khor mthon po'i yul gyi chu bo'i pha rol tu 'gro bar bya ba'i phyir chos bstan to/ /de nas bdud sdig can gyis de'i tshe tshigs su bcad pa 'di smras so/ /ci ste sdig med khyod la thab zhe sdang rgyags med na/ /ci phyir deng 'dir kun tu skrag par bya phyir chos kyang ston/ /de ste khyod la tha ba rgyags dang nga rgyal yod na ni/ /thub dbang khyod kyi thar pa ci 'dra ba dag la 'di shod cig/ bcom ldan 'das kyis bka' stsal pa/ /nga ni sa la mngal gyi gnas na zla ba bcur gnas pa/ /de na yang ni bdud khyod nga la gsang bar rab tu sbyar/ /de tshe nga la 'khon dang tha ba cung zad tsam yang med/ /nga ni bzod dang ldan te tha ba ma lus med pa yin/ /nga ni btsas ma thag 'dir khyod kyis sa yang g.yo bar byas/ /nga gsad phyir ni rdo ba'i char pa rab tu dbab par byas/ /de nas khyod kyis nga yi ma yi nu zho myur bskams byas/ /khyod kyis nga la gnod pa rnam pa du ma ci ma byas/ /nga ni bsam gtan zhugs na khyod kyis bud med khrid de 'ongs/ /nga ni bsod snyoms rnam par spyod tshe zas kyang bcad par byas/ /khyod kyis rtag tu nga la rgyal srid mngon par rab tu bstabs/ /nga ni 'byung ba'i nub mo 'dir yang mun pa byas par gyur/ /de tshe khyod dang skyes bu rnams kyis </font><hr>363a<br><font size=+1>


@#/ /grong khyer kun tu bskor/ /rdzu 'phrul gyis ni song tshe rdzi char drag po rab tu phab/ /sa ni 'dom do 'phang tsam rdo ba dag gis gang bar byas/ /zhi ba'i gnas na gnas pa'i tshe yang sgra ni rab tu phyung / /nga ni shin tu dka' ba spyod tshe grang ba'i rlung dang ni/ /'bab chu 'gram na gnas tshe khyod kyis chu bo rab tu btang / /nga ni gsad par bya phyir khyod kyis seng+ge rab tu btang / /de tshe khyod kyis nga yi zas la drang po'i dug kyang btab/ /nga ni byang chub shing drung nye bar yang dag song ba na/ /rdo rje dang ni gnam lcags spu gri mda' char khyod kyis phab/ /'gro la phan phyir rdo rje'i gdan la mngon par gnas pa na/ /khyod kyis dur smrig gos kyang 'jim rdzab dag gis rab tu bskus/ /de na yang ni nga gan khyod kyis bu mo rnams bkye ste/ /nga gsad phyir ni khyod nyid mthu dang bcas te 'ongs mod kyi/ /'on kyang khyod kyis nga yi yid la gnod byas cung zad med/ /ngas ni khyod btul nas su byang chub mtshungs pa med pa thob/ /'on kyang ngo tsha bor te 'dir 'ongs nas ni yang smra 'am/ /sdig pa'i tshul gyis 'od srung mchog la sogs pa bzlog byas te/ /khyod kyis sems can bye ba dum ma rungs byas nas kyang / /snying rje bor te 'dir yang nga la rgol zhing sgyu byed dam/ /nga yis zas ma zos pa de yi tshe yang khyod kyis su/ /nga gsad phyir ni glang chen myos pa drag shul can yang btang / /sa steng nga la lhas byin gyis ni </font><hr>363b<br><font size=+1>


rdo ba 'phangs pa dang / /kye ma ngas ni zla ba gsum du rta chas zos pa dang / /phyar ka gtang phyir bu mo mdzes ldan rab tu gang btang dang / /me mdag 'bar ba mi bzad pas ni 'obs rnams bkang ba dang / /kha zas dag ni myur du gdug pa'i dug dang sbyar ba yi/ /de la sdig pa'i las can khyod ni rtsa bar nges pa yin/ /khyod nyid dpung bcas bu dang lhan cig sder bcas 'ongs nas su/ /nga gsad phyir ni mda' bo che dang ral gri mda' mang thogs/ /'on kyang 'dir ni khyod kyis nga yi spu gcig ma g.yos na/ /ci phyir khyod ni rgyags par gyur nas da dung 'dug /ji snyed bdud ni stong phrag bye ba rgol du yang btsud kyang / /sems can bye ba khrag khrig dag ni 'dir yang lhags nas su/ /zhing kun rab tu gang bar 'dug pa nga yi dbang yin te/ /nga ni khyod phyir mchog tu byams pa'i yid kyis gnas par bya/ /nga ni snying rje'i gnas te 'gro ba rjes su 'dzin byed pa/ /khyod ni shin tu gtum po nga la rtag tu bgegs byed de/ /thub pa'i dbang po khyu mchog 'di dag nga yi dbang yin da ltar tha ma'i dus la nga ni sangs rgyas mdzad pa bya/ /rnam thar sems kyis sems can rnams kyi don yang spyad par bya/ /smras par gyur kyang bzod pa yongs su btang bar mi bya'o/ /nga la phrag dog byed ba rab tu khro ba'i yid med de/ /khyed ni rjes su gzung phyir nga nyid rtag tu mngon par brtson/ /nga la gsol dang khyod yid zhi phyir 'jig rten gsum dag tu/ /mchog tu zhi bar byed pa'i chos kyi bdud </font><hr>364a<br><font size=+1>


@#/ /rtsi bshad par bya/ /de phyir khyod kyi sdig pa'i las rnams med par rab 'gyur gyi/ /'jig rten mgon po nga la yid ni myur du dad par byos/ /khyod ni rtag tu 'di na gnod pa bya bar rab sems kyang / /khyod dgrol phyir ni nga snying rtag tu byams par rab tu dang / /sdig pa'i blo gros por la dad bcas yid la byos shig dang / /ring por mi thogs khyod ni byang chub tu yang lung bstan to/ /de nas bdud sdig can bcom ldan 'das la rab tu khros te 'khrugs shing rngam nas de nas slar 'gro bar 'dod pa dang / bdag gi mgul pa bcing ba lngas bcings pa snyam du shes te/ 'jigs skrag pa'i sgra dbyung bar 'dod kyang de ma nus nas bcom ldan 'das bgrongs pa'i phyir rang khros pa'i mthus shin tu tsha ba'i dbugs btang ba dang / bcom ldan 'das kyis dbugs de shin tu yid du 'ong ba'i me tog tu mngon par sprul to/ /phyogs bcu'i sangs rgyas kyi zhing thams cad na sangs rgyas bcom ldan 'das bzhugs shing 'tsho la gzhes te chos kyang ston pa de thams cad kyi dbu'i gtsug gi drang thad kyi steng gi bar snang la shin tu yid du 'ong ba'i gdugs su byin gyis brlabs so/ /sangs rgyas kyi zhing de dag na byang chub sems dpa' sems dpa' chen po gang dag 'khod pa de dag gis sangs rgyas bcom ldan 'das de dag la gsol pa/ me tog gi gdugs 'di dag ga las mchis/ </font><hr>364b<br><font size=+1>


su'i rdzu 'phrul gyi cho 'phrul lags/ bcom ldan 'das de dag gis byang chub sems dpa' de dag la 'di skad ces bka' stsal to/ /rigs kyi bu dag /'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba de rab tu nyon mongs pa can snyigs ma lnga dang ldan pa'i sangs rgyas kyi zhing du sngon gyi smon lam gyis bla na med pa yang dag par rdzogs pa'i byang chub mngon par rdzogs par sangs rgyas nas chos ston te/ de bzhin gshegs pa de da ltar bdud kyi yul gyi stobs thams cad rab tu 'joms par byed pa/ stobs dang / mi 'jigs pa dang / sangs rgyas kyi yul thams cad mthon por byed pa/ sangs rgyas kyi bstan pa'i rgyud thams cad dang / dkon mchog gsum gyi sgron ma yun ring du gnas par byed pa dang / dge ba'i rtsa ba thams cad rnam par 'phel ba'i brtson 'grus kyi byin gyi rlabs kyi stobs byed pa/ dgra dang phas kyis rgol ba thams cad shin tu tshar gcod par byed pa/ ngo mi mtshar dang / bkra mi shis pa dang / rtsod pa dang / rmi lam ngan pa dang / ltas ngan pa dang / mu ge dang / 'jigs pa'i tshogs dang / 'thab pa dang / 'gyed pa dang / 'ching ba dang / 'thab mo dang / rtsod pa dang / char mi 'bab pa dang / dus ma yin par gang zhing tsha ba dang / rlung dang / tsho ba dang / nad dang / sgra mi snyan pa thams cad </font><hr>365a<br><font size=+1>


@#/ /rab tu zhi bar byed pa/ lha dang / klu dang / gnod sbyin dang / mi dang / mi ma yin pa thams cad 'dun par byed pa/ rgyal rigs thams cad 'dun par byed cing 'gugs pa/ rigs bzhi thams cad chos kyi don la 'dzud pa/ shes rab kyi sgron ma rab tu 'bar bar byed pa/ lam drang po rab tu ston pa/ khyim dang / grong dang / grong khyer dang / grong rdal dang / ljongs dang / yul dang / pho brang 'khor dang / yul 'khor thams cad 'dun par byed pa/ gza' dang / rgyu skar dang / nyin bar dang / mtshan mo dang / zla ba gcig dang / zla ba phyed dang / dus dang / lo thams cad mthun par byed pa/ lo tog dang / me tog dang / 'bras bu dang / 'bru dang / sman thams cad grub par byed pa/ bzo dang / las kyi mtha' dang / gnas dang / byin gyis brlabs dang / dgos pa thams cad grub par byed pa/ lus dang / ngag dang / yid kyi nyes pa thams cad rab tu zhi bar byed pa/ rig pa dang / dran pa dang / blo gros dang / mos pa dang / dpa' ba dang / brtan pa dang / bzod pa dang / spobs pa rnam par 'phel bar byed pa/ chos thams cad la sgrib pa med pa'i snang bas rab tu sad par byed pa/ 'phags pa'i rigs bzhis chos kyi tshul byin gyis rlob pa/ theg pa chen po ston par byed pa/ byang chub sems dpa' rnam par 'phel bar byed pa/ sems can chen po rnams dbugs 'byin pa </font><hr>365b<br><font size=+1>


phyir mi ldog pa'i sa la rdo rje lta bu'i sems byin gyis rlob pa/ sa bcu la yang dag par 'jug par byed pa/ mi skye ba'i chos la bzod pa khong du chud par byed pa/ dbang bskur ba'i chos dang byang chub la gzhol bar byed pa/ gdul ba'i sems can rnams rjes su 'dzin pa/ chos kyi 'khor lo rab tu bskor ba/ sems can thams cad la snying rje chen pos khyab par byed pa/ pha rol tu phyin pa la 'dzud pa/ bla na med pa'i lam la yang dag par 'jog par byed pa/ chos kyi char rab tu 'bebs pa/ chos kyi ros sems can rnams tshim par byed pa/ sangs rgyas kyi dgongs pa mtha' dag yongs su rdzogs par byed pa/ bdud bzhi'i yul las rab tu thar par byed pa/ phung po'i lhag ma med pa'i mya ngan las 'das pa'i dbyings su 'jog par byed pa/ chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa 'chad par bzhed do/ /'das pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyis kyang chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa gsungs so/ /byin gyis brlabs so/ /gcig la gcig dgyes so/ /da ltar phyogs bcu na sangs rgyas bcom ldan 'das </font><hr>366a<br><font size=+1>


@#/ /gang dag bzhugs te 'tsho zhing gzhes la chos kyang ston pa'i sangs rgyas bcom ldan 'das de dag thams cad kyang chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa gsung ngo / /byin gyis rlob bo/ /gcig la gcig dgyes par mdzad do/ /ma 'ongs pa'i dus na phyogs bcu'i 'jig rten gyi khams gzhan dang gzhan dag tu de bzhin gshegs pa dgra bcom pa yang dag par rdzogs pa'i sangs rgyas gang dag 'byung ba de dag kyang chos mnyam pa nyid rdo rje lta bu brten pa'i chos kyi snying pos lus yongs su 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa gsung bar 'gyur ro/ /byin gyis rlob par 'gyur ro/ /gcig la gcig dgyes par mdzad par 'gyur ro/ /de nas sangs rgyas kyi zhing de dag na byang chub sems dpa' sems dpa' chen po gang dag yod pa de dag so so'i sangs rgyas bcom ldan 'das dag la yongs su zhus pa/ bcom ldan 'das/ bdag cag gis sngon ma thos pa'i chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa gang 'di ltar yon tan mang po bgyid pa/ 'di ltar yon tan bsam </font><hr>366b<br><font size=+1>


gyis mi khyab pa dang ldan pa/ chos thams cad la sgrib pa ma mchis pa'i snang ba bgyid pa nas zhi ba'i bar du bgyid pa de gang lags/ chos mnyam pa nyid rdo rje lta bu brten pa'i chos kyi snying pos lus 'joms pa zhes bgyi ba'i gzungs phyag rgya dang / tshig rab tu dbye ba la 'jug pa lung bstan pa/ bdud kyi stobs kyi yul thams cad rab tu 'joms par bgyid pa nas phung po'i lhag ma mchis pa'i yongs su mya ngan las 'das pa'i dbyings su mya ngan las 'das pa'i bar du bgyid pa de skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang bde ba'i slad du bcom ldan 'das kyis bshad du gsol/ de nas sangs rgyas bcom ldan 'das de dag gis byang chub sems dpa' de dag la 'di skad ces bka' stsal to/ /rigs kyi bu dag /nged kyang 'jig rten gyi khams mi mjed du de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la bzhugs pa der 'dong ngo / /da ltar phyogs bcu'i 'jig rten gyi khams gzhan dag na sangs rgyas bcom ldan 'das gang dag bzhugs shing 'tsho la gzhes pa de dag thams cad kyang byang chub sems dpa'i tshogs kyis bskor cing / nyan thos kyi dge 'dun dang bcas pas mdun du bdar nas 'jig rten gyi khams mi mjed du de bzhin </font><hr>367a<br><font size=+1>


@#/ /gshegs pa dgra bcom pa yang dag par rdzogs pa'i sangs rgyas shAkya thub pa ga la bzhugs pa der gshegs te/ de bzhin gshegs pa shAkya thub pa de dang lhan cig sems can thams cad la phan pa dang / ngan pa spyod pa las bzlog pa dang / bzang po'i spyod pa yongs su rdzogs par bya ba dang / bla na med pa'i ye shes yongs su rdzogs par bya ba'i phyir chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa 'di 'chad par 'gyur/ byin gyis rlob par 'gyur/ gcig la gcig rjes su dgyes par mdzad par 'gyur ro/ /sangs rgyas bcom ldan 'das de dag thams cad 'jig rten gyi khams mi mjed du 'dus nas byang chub sems dpa'i tshogs kyis bskor cing nyan thos kyi dge 'dun gyis bltas te chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa 'di 'chad par 'gyur gyi/ khyed cag las gang chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa mnyan pa dang / sangs rgyas bcom ldan 'das tshad med grangs med pa </font><hr>367b<br><font size=+1>


gang+gA'i klung gi bye ma snyed dus gcig tu sangs rgyas kyi zhing gcig na bzhugs pa de dag la mchod pa bya ba dang / chos de yang nyan pa dang / sangs rgyas dang / byang chub sems dpa' thams cad dang / lha'i yul dang / bdud kyi yul thams cad dang / sangs rgyas kyi zhing gi brgyan bkod pa de dag la blta ba dang / sangs rgyas mang po 'dus pa sngon ma mthong ma thos pa blta bar 'dod pa de dag dang / da nged lhan cig tu 'jig rten gyi khams mi mjed du de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der 'dong ngo / / de nas sangs rgyas bcom ldan 'das de dag la byang chub sems dpa' sems dpa' chen po de dag gis 'di skad ces gsol to/ /btsun pa bcom ldan 'das/ sangs rgyas kyi zhing der gzungs 'di 'chad pa na/ gal te bdag cag gis gnas rnyed cing sangs rgyas bcom ldan 'das de dag dang / byang chub sems dpa' sems dpa' chen po ji ltar tshogs pa de dag la'ang phyag bgyi ba dang / bsnyen bkur bgyi ba dang / mchod pa dang / chos nyan par rdo thogs pa lta na/ de bzhin du bdag cag kyang de bzhin gshegs pa dang thabs cig tu de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs </font><hr>368a<br><font size=+1>


@#/ /phyag rgya dang / tshig rab tu dbye ba la 'jug pa lung bstan pa mnyan pa'i slad du mchis te/ der bdag cag gis dus gcig tu sangs rgyas kyi zhing gcig na sangs rgyas bcom ldan 'das tshad med grangs med pa zhig bzhugs shing 'tsho la gzhes pa rnams la mchod pa bgyi'o/ /de dag las chos kyang mnyan par bgyi'o/ /der bdag cag gis rdzu 'phrul gyis yul bkod pa bzhis 'jig rten gyi khams mi mjed legs par brgyan pa de'ang blta bar bgyi/ 'dus pa chen po bkod pa de dag kyang blta bar bgyi'o/ /de nas sangs rgyas bcom ldan 'das de dag gis sangs rgyas kyi zhing so so nas rang rang gi byang chub sems dpa' sems dpa' chen po de dag dang / nyan thos chen po de dag la 'di skad ces bka' stsal to// rigs kyi bu dag /khyed cag 'jig rten gyi khams der 'jug pa'i gnas dang / go skabs kyi phyir de ltar the tshom ma za zhig /de ltar nem nur ma byed cig /de ci'i phyir zhe na/ sangs rgyas bcom ldan 'das rnams kyi sangs rgyas kyi zhing du 'jug pa mnyam pa nyid kyi ye shes la mkhas pas sems can yongs su smin par mdzad pa ni/ mtha' yas so/ /rigs kyi bu dag /de bzhin gshegs pa shAkya thub pa de thabs mkhas pa chen po dang ldan pas go skabs yongs so/ /rigs kyi bu dag/ yongs su brtag par bzung ste sems can gang la la sems can gyi </font><hr>368b<br><font size=+1>


khams su bsdu bar bsdus pa khams dang skye mched las gnas pa'i sems can de dag gal te re re'i lus kyang ri rab tsam du gyur tu zin kyang de bzhin gshegs pa shAkya thub pa des sems can lus de lta bur gyur pa de dag thams cad yungs 'bru gcig gi nang du chud par nus so/ /sems can re re zhing yang yul dang gnas kyi go skabs yangs te/ sems can de dag phan tshun du mig rgyang gis kyang mi sleb bo/ /yungs 'bru gcig tu sems can thams cad kyi lus bcug kyang bri ba dang / gang bar mi mngon te/ rigs kyi bu dag /de bzhin gshegs pa shAkya thub pa de ni| thabs mkhas pa de lta bu dang ldan no/ /rigs kyi bu dag /gzhan yang sra ba nyid ji snyed pa de dag thams cad ni/ sa'i khams te/ de bzhin gshegs pa shAkya thub pa des sa'i khams thams cad rdul gcig gi steng du 'jog nus la/ rdul de gcig gi steng du sa'i khams thams cad bzhag kyang bri ba'am/ gang bar mi mngon te/ de bzhin gshegs pa shAkya thub pa de ni/ thabs mkhas pa de lta bu dang ldan no/ /rigs kyi bu dag /gzhan yang gang cung zad gsher bar snang ba de thams cad ni/ chu'i khams te/ de bzhin gshegs pa shAkya thub pa des chu'i khams de thams cad skra'i rtse mo gcig tu chud par nus la skra'i rtse mo de gcig tu chu'i khams de thams cad bcug kyang bri ba'am/ gang bar mi mngon no/ /rigs kyi bu dag /gzhan yang ji tsam du dro bar </font><hr>369a<br><font size=+1>


@#/ /snang ba de thams cad ni/ me'i khams te/ me'i khams gang sngon byung ba dang / 'byung ba dang / 'byung bar 'gyur ba de thams cad rdul phra rab gcig tu chud par nus la/ me'i khams de thams cad rdul phra rab de gcig tu bcug kyang gnas shin tu yangs te/ rang gi yul bzhin du rgyu'o/ /rigs kyi bu dag /gzhan yang gang cung zad rlung gi khams su snang ba'i rlung gi khams de thams cad de bzhin gshegs pa shAkya thub pa des ba spu'i khung bu gcig tu 'jug nus la/ rlung gi khams de thams cad ba spu'i khung bu de gcig tu bcug kyang gnas shin tu yangs te rang gi yul bzhin du rgyu'o/ /rigs kyi bu dag /gzhan yang de bzhin gshegs pa shAkya thub pa des ni/ gang phyogs bcu'i sangs rgyas kyi zhing de dag thams cad kyi sems can thams cad 'byung ba chen po bzhi po de dag thams cad dang lhan cig tu rdul gcig gi steng du 'jog par nus te/ rdul gcig la sems can de dag thams cad 'byung ba chen po de dag dang bcas par rang gi yul gyi las kyi mtha' rnams spyod kyang gnas shin tu yangs par rgyu ste/ phan tshun gnod pa'ang med la rdul gcig gi rtse mo de yang bri ba'am| gang bar yang mi mngon te/ de bzhin gshegs pa shAkya thub pa de ni/ thabs mkhas pa de lta bu dang ldan no/ /rigs kyi bu dag /gzhan yang dus gsum du gtogs pa'i sems </font><hr>369b<br><font size=+1>


can rnams kyi skye mched drug dang / spyod pa dang / nye bar len pa dang / smon lam dang / byin gyi rlabs dang / tshig gi lam gyi sgra dang / yi ge dang / tshig brjod pa dang / 'du byed gsum gyi las kyi mtha'i bya ba dang / phung po dang / spyod pa dang / bsags pa'i bya ba tha dad pa ji snyed pa dang / gang yang sems can thams cad kyi sngon gyi mtha'i mu nas bzung ste dus gsum du gtogs pa'i 'gro ba drug tu 'khor ba na srid pa 'grub pa dang / 'chi 'pho dang / skye ba 'byung ba dang / sa'i khams kyi rdul phra rab ji snyed pa dang / sems can thams cad kyi dus gsum du gtogs pa'i skad cig thang gcig yud tsam 'das pa ji snyed pa dang / sems can thams cad kyi dus gsum du gtogs pa'i spu'i khung bu ji snyed pa dang / sems can thams cad kyi dus gsum du gtogs pa'i sems can thams cad kyi longs spyod pa dang / kun tu spyod pa dang / bde ba dang / sdug bsngal myong bar 'gyur ba ji snyed pa de dag thams cad de bzhin gshegs pa shAkya thub pa des skad cig gcig la rab tu mkhyen te/ de bzhin gshegs pa shAkya thub pa de ni/ mtshan nyid kyi rnam par 'phrul pa dang / mngon par shes pa'i ye shes 'di lta bu dang ldan pas mi rtog rnam par mi rtog cing lhun gyis grub pa dus gsum gyi mtha' yongs su mkhyen to/ /rigs kyi bu dag /de bzhin gshegs pa shAkya thub pa de sangs rgyas kyi yul la 'jug pa'i </font><hr>370a<br><font size=+1>


@#/ /ye shes la mkhas pas mnyam pa nyid kyis sems can yongs su smin par byed pa'i thabs tshad med pa 'di lta bu dang ldan no/ /mtshan nyid bshad pa 'di lung bstan pa na phyogs tha dad pa dag na de bzhin gshegs pa de dag gi so so'i 'khor byang chub sems dpa' brgya stong grangs med dpag tu med pa dag smon lam gyi yul la 'jug pa'i ye shes kyi pha rol tu phyin par gyur to/ /'dus pa chen po rin po che tog gi gzungs las/ mtshan nyid kyi le'u ste lnga pa'o// //bam po drug pa/ yang de'i tshe shar phyogs logs su 'jig rten gyi khams mngon par dga' ba na de bzhin gshegs pa mi 'khrugs pa zhes bya ba byang chub sems dpa' sems dpa' chen po grangs med dpag tu med pa rnams dang thabs cig tu sangs rgyas kyi yul la rnam par 'phrul pa'i byin gyi rlabs kyi stobs kyis gshegs par chas nas skad cig gcig tsam la sangs rgyas kyi zhing 'dir dbus kyi gling bzhi pa'i 'jig rten gyi khams su byon te/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la bzhugs pa der gshegs nas pad+ma'i gdan ji lta bu byung ba la bzhugs so/ /byang chub sems dpa' sems dpa' chen po de dag kyang rang gi rdzu 'phrul gyi stobs bskyed pas pad+ma'i gdan ji lta bu byung ba de dag la </font><hr>370b<br><font size=+1>


'khod do/ /de dag la sogs pa sangs rgyas bcom ldan 'das bzhugs shing 'tsho la gzhes pa/ sangs rgyas kyi zhing grangs med dpag tu med pa'i rdul phra rab kyi rdul snyed kyang skad cig thang gcig yud tsam de nyid la sangs rgyas kyi zhing 'dir dbus kyi gling bzhi pa'i 'jig rten gyi khams su byon to/ /de bzhin gshegs pa re re'ang byang chub sems dpa' sems dpa' chen po grangs med dpag tu med pa dang / nyan thos bye ba khrag khrig brgya stong dang thabs cig tu de bzhin gshegs pa dgra bcom pa yang dag par rdzogs pa'i sangs rgyas shAkya thub pa de ga la bzhugs par byon to/ /byon nas kyang pad+ma'i gdan ji lta bu byung ba rnams la bzhugs so/ /yang de'i tshe na lho phyogs logs nas de bzhin gshegs pa rin po che tog ces bya ba byon nas pad+ma'i snying po la bzhugs pa'i bar du rgyas par bya'o| |de bzhin du byang phyogs logs nas de bzhin gshegs pa rnga sgra zhes bya ba byon nas pad+ma'i snying po la bzhugs so/ /yang de'i tshe nub phyogs logs nas de bzhin gshegs pa tshe dpag med ces bya ba byon nas pad+ma'i snying po la bzhugs pa'i bar du'o/ /'og gi phyogs logs nas de bzhin gshegs pa rnam par snang mdzad ces bya ba byon nas pad+ma'i snying po la bzhugs pa'i bar du'o/ /steng gi logs nas de bzhin gshegs pa ye shes kyi 'od zer zhes bya ba byon nas byang chub sems dpa' sems dpa' chen po bye ba khrag khrig brgya stong grangs med dpag tu med pa gang+gA'i klung gi bye </font><hr>371a<br><font size=+1>


@#/ /ma snyed kyi sangs rgyas kyi zhing gi rdul phra rab kyi rdul snyed dang thabs cig tu sangs rgyas kyi yul thams cad rnam par 'phrul pa'i byin gyi rlabs kyis de nas gshegs par chas pa dang / sems kyi skad cig gcig la sangs rgyas kyi zhing 'dir dbus kyi gling bzhi pa'i 'jig rten gyi khams su de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la bzhugs pa der gshegs nas pad+ma'i gdan ji lta bu byung ba la bzhugs so/ /byang chub sems dpa' sems dpa' chen po de dag kyang ji ltar rang gi bsod nams dang / rdzu 'phrul gyi stobs kyi byin gyi rlabs kyis pad+ma'i gdan sprul pa rnams la 'khod do/ /byang chub sems dpa' sems dpa' chen po phyogs bcu nas 'dus pa de dag sangs rgyas bcom ldan 'das rnams la mchod pa bya ba'i phyir la la dag gis ni/ dzam+bu chu bo'i gser gyi char phab bo/ /gong du smos pa bzhin sbyar te/ la la dag gis ni/ sangs rgyas kyi zhing ma lus par bskor bar byas so/ /la la dag gis ni/ chos nyan pas bskor nas sangs rgyas bcom ldan 'das rnams kyi spyan sngar thal mo sbyar te 'khod do/ /la la dag gis ni/ rang gi dge ba'i phyogs yid la byed cing gnas so/ /yang de'i tshe na zla 'od gzhon nur gyur pas thal mo sbyar te rang gi rdzu 'phrul gyi mthu dang / sangs rgyas bcom ldan 'das rnams kyi stobs bskyed pas </font><hr>371b<br><font size=+1>


sangs rgyas kyi zhing 'di ma lus par dbyangs kyis bkang ste 'di skad ces smras so/ /the tshom thams cad gcod mdzad pa/ /thub pa zla ba kun nas gshegs/ /sngon chad ma mthong ma thos pa'i/ / dge 'dun phun sum tshogs 'di snang / /byang chub sems dpa' brtul zhugs mchog /sangs rgyas kun gyis rab gang bas/ /zhing 'di mchod rten gyur ba ste/ /zhing rnams kun gyis phyag byas so| |gang na sems can smad pa yi/ /zhing ni snyigs ma lnga ldan 'dir/ /thub pa snang mdzad rgyu med par/ /rdzogs pa'i sangs rgyas deng mi gshegs/ /de ring bdud ngan tshar bcad cing / /nag po'i phyogs ni rab gzhom dang / /spyod pa dge ba bsdu ba'i phyir/ /de yi don du kun nas gshegs/ /yid ni rab tu dad byos la/ /bdud sde rab tu 'joms pa yi/ /chos nyid zhi ba rab nyon la/ / rdzogs pa'i sangs rgyas 'gyur bar byos/ /theg pa chen po spyod pa'i lam/ /bzod pa'i go bgos shes par byos/ /nyon mongs thams cad zad bya'i phyir/ /gzungs 'di de ring mnyan par byos/ / gdan rnams la ni bzhugs nas ni/ /srung ba 'di ni bshad gsol phyir/ /de phyir thams cad mgrin gcig tu/ /'dren pa rnams ni spyan drongs shig /dam chos yun ring gnas bya'i phyir/ /sgrib pa thams cad zhi byed pa/ /chos rnams thams cad sdud pa yi/ /gzungs 'di gzhan gyis mi thub bo/ /de nas byang chub sems dpa' sems dpa' chen po bzod pa thob pa grangs med dpag tu </font><hr>372a<br><font size=+1>


@#/ /med pa de snyed kyis mgrin gcig tu 'di skad ces gsol to/ /sangs rgyas bcom ldan 'das rnams pad+ma'i gdan 'di dag la bzhugs te deng thugs rje chen po dang ldan pa rnams kyis byams pa chen po'i mchog dang / bzod pa yongs su bsgoms pa mi 'jigs pa'i rgyu mthun pa bshad pa/ chos thams cad sdud pa/ 'jigs pa dang bral ba la 'jug pa/ bdud kyi yul thams cad las yang dag par 'das par bgyid pa/ bdud kyi rgyal mtshan rab tu snyol la chos kyi rgyal mtshan sgreng bar bgyid pa/ nyon mongs pa thams cad 'joms pa/ dgra thams cad tshar gcod pa/ the tshom thams cad gcod pa/ thams cad mkhyen pa'i ye shes la 'dzud pa/ 'jigs pa thams cad las rnam par thar par bgyid pa/ thams cad srung ba bla na med pa/ byang chub sems dpa' thams cad kyi chos thams cad dran pa dang / blo gros dang / rtogs pa dang / mos pa mi brjed pa/ spyod pa thams cad kyi thabs dang ye shes la mkhas pa kun ston pa/ bde ba phun sum tshogs pa thams cad kyi skye mched dang / byin gyi rlabs dang / ting nge 'dzin dang / gzungs dang / bzod pa la 'jug pa/ snang ba'i ye shes mkhas pa la 'jug pa nas byang chub kyi phyogs kyi chos sum cu rtsa bdun gyi snying po 'dzin pa'i bar gyi gzungs 'di sems can rnams kyi gzi brjid dang / kha dog dang / longs spyod dang / </font><hr>372b<br><font size=+1>


stobs dang / grags pa dang / bde ba la reg par gnas pa dang / spobs pa dang / dran pa rnam par 'phel ba dang / thos pa 'dzin pa mi brjed pa dang / dgra thams cad pham par bgyid pa dang / lo tog mngon par 'grub pa dang / bslab pa 'dzin pa dang / dran pa'i snod du 'gyur ba dang / spyod pa mngon par 'grub par 'gyur ba dang / byang chub yang dag par thob par bgyi ba'i slad du sangs rgyas bcom ldan 'das rnams kyis gzugs 'di da 'dir bdag cag la bshad du gsol/ chos kyi tshul rjes su gzung ba dang / yun ring du gnas pa dang / dkon mchog gsum gyi rigs chud mi 'dza' ba dang / bla na med pa'i byang chub kyi lam mtha' dag bstan pa dang / yang dag pa'i mtha' dang / nam mkha' dang / de bzhin nyid dbyer ma mchis pa dang / mun pa dang / snang ba dang / dmigs pa dang / mi dmigs pa dang / tshu rol dang / pha rol dang / rtogs pa dang / rnam par rtog pa dang / sems can dang / srog dang / gso ba dang / skyes bu dang / gang zag thams cad dbyer ma mchis pa dang / chos thams cad mi skye ba dang / mi 'byung ba dang / mi 'gag pa mnyam pa nyid kyi mtshan nyid dngos po ma mchis shing yang dag pa'i mtha' dbyer ma mchis pa dang / sa dang / chu dang / me dang / rlung dang / rnam mkha' dang / rnam par shes pa'i khams dbyer ma mchis pa'i slad du sangs rgyas bcom ldan 'das thams cad kyis 'dir bdag cag la chos thams cad kyi tshul gyi </font><hr>373a<br><font size=+1>


@#/ /dkyil 'khor dam pa'i gzungs bshad du gsol/ gang 'dir thos ma thag tu sems can bye ba khrag khrig brgya stong dpag tu med pa dag la dkon mchog gsum mngon sum du gyur cig /sems can rnams phan tshun du dge ba'i bshes gnyen bgyid cing phan par bgyid par gyur cig /sems can grangs med dpag tu med pa dag bla na med pa yang dag par rdzogs pa'i byang chub tu sems bskyed pa dang / phyir mi ldog par 'gyur ba dang / lung bstan pa thob par gyur cig /sangs rgyas bcom ldan 'das de dag thams cad kyis kyang chos bstan pa'i phyir cang mi gsung bar gyur pas gnang nas pad+ma'i snying po de dag la bzhugs so/ /ji ltar sangs rgyas kyi zhing thams cad du gtogs pa'i sems can thams cad kyi sdug bsngal thams cad zhi bar 'gyur ba dang / dge ba'i rtsa ba thams cad bsags pa'i phyir dran pa dang / dad pa dang / dang ba dang / mos pa rnyed par 'gyur ba dang / sangs rgyas bcom ldan 'das rnams mthong ma thag tu sangs rgyas kyi zhing 'dir gtogs pa'i sems can rnams kyi sems dang / sems las byung ba rnams la 'dod chags dang / zhe sdang dang / gti mug dang / lta ba ngan pa dang / nga rgyal dang / rgyags pa dang / dregs pa dang / 'jig tshogs la lta ba dang / the tshom dang / nye bar len pa dang / srid pa'i sred pa kun gzhi'i nyes pa dag rab tu zhi bar </font><hr>373b<br><font size=+1>


'gyur ba dang / sems can so so nas 'di snyam du bdag gcig pu de bzhin gshegs pa'i spyan sngar chos mnyan pa'i phyir 'dug gi /'di na gzhan su'ang med do/ /bdag gcig pu la de bzhin gshegs pa'i thugs thams cad kyis dgongs te nad thams cad rab tu zhi bar bya ba'i phyir chos ston par bzhed do/ /'di na gzhan sus kyang de bzhin gshegs pa la chos mnyan pa'i phyir gsol ba ma btab bo/ /snyam du shes par 'gyur ba de lta bu'i sangs rgyas kyi yul gyi smon lam mnyam pa nyid la 'jug pa'i ting nge 'dzin la snyoms par zhugs so/ /yang de'i tshe gang sangs rgyas kyi zhing ma lus pa 'dir gtogs pa'i sems can rnams dbang po thams cad bsten te thal mo sbyar nas de dag gis mgrin gcig tu 'di skad ces gsol to/ /sangs rgyas bcom ldan 'das rnams kyis bdag cag la chos bshad du gsol/ btsun pa/ bcom ldan 'das bde bar gshegs pa rnams kyis bdag cag la chos bshad du gsol/ bdag cag gis sangs rgyas bcom ldan 'das rnams kyi chos nan tan gyis bsdu bar bgyi'o/ /de nas yang de'i tshe de bzhin gshegs pa shAkya thub pa des sangs rgyas bcom ldan 'das gzhan rnams la mchod pa'i phyir spos bkod pa las shin tu lhag pa'i spos gong du mchog tu khyad par du gyur pa rgya chen pos sangs rgyas kyi zhing 'di thams cad khyab par byin gyis brlabs so/ /sangs rgyas bcom ldan 'das lhag ma rnams mchod pa'i </font><hr>374a<br><font size=+1>


@#/ /phyir sangs rgyas kyi zhing thams cad du gtogs pa'i sems can thams cad kyi lag pa rin po che dang / me tog dang / phreng ba dang / spos dang / byug pa sna tshogs dang / gdugs dang / rgyal mtshan dang / ba dan dang / rgyan dang / lhab lhub sna tshogs dag gis gang bar byin gyis brlabs nas 'di skad ces gsungs so/ /da ltar sangs rgyas bcom ldan 'das gang ji snyed phyogs bcu'i 'jig rten gyi khams gzhan dang gzhan dag nas bdag gi sangs rgyas kyi zhing du dri ba'i phyir byon pa rnams dgongs su gsol/ bdag sngon gyi smon lam gyis 'di 'dra bar rab tu nyon mongs pa can snyigs ma lnga dang ldan pa'i 'jig rten du bla na med pa yang dag par rdzogs pa'i byang chub tu mngon par rdzogs par sangs rgyas te/ sems can bsam pa nyams pa/ lam rab tu stor ba/ ma rig pa'i mun pa dang rab rib kyi ling tog gis nyon mongs pa'i mun par bcug pa/ ngan song gsum du zhugs pa/ mi dge ba dang 'grogs pa| dge ba thams cad dang bral ba/ mkhas pa thams cad kyis yongs su spangs pa/ mtshams med pa byed pa dang / dam pa'i chos spong ba/ 'phags pa la skur pa 'debs pa/ snying rje med pa'i bsam pa can gyi sems can rnams la snying rje ba'i slad du snying brtse ba dang / brtson 'grus kyi stobs kyi brtson pa chen pos grang ba dang / dro ba dang / rlung dang / tsha ba dang / </font><hr>374b<br><font size=+1>


ngal ba dang / chad pa dang du blang bar bgyi'o/ /grong dang / grong khyer dang / grong rdal dang / ljongs dang / yul dang / yul 'khor du rkang gis 'gro bar bya'o/ /sems can la phan par bgyi ba'i slad du rtsub pa dang / nyung ba dang / ro med pa/ shin tu smad pa/ mi mthun pa'i zas bza' bar bgyi'o/ /de dag gi dge ba'i rtsa ba bskyed pa'i slad du sbom pa/ rtsub pa/ reg na mi bde ba/ sha na dang / shing bal dang / gso ma'i ras dang / phyag dar khrod kyi gos bgo bar bgyi'o/ /ri dang / ri sul dang / nags stug po dang / grong stong dang / dur khrod du gnas par bgyi ba nas rtswa'i mal cha dang / gso ma dang / shing gi 'dab ma rtsub pa/ dri mi zhim pa/ reg na mi bde ba'i mal cha spyad par bgyi'o/ /bdag gis thabs mkhas pa n+dang / snying rje chen po dang / brtson 'grus kyi go cha bgos nas sems can rnams la gtam rnam pa sna tshogs bgyi ste/ rgyal rigs rnams la ni/ rgyal srid dang / dbang phyug gi gtam bgyi'o/ /bram ze rnams la ni/ rig byed dang / skar ma'i gtam dang / blon po rnams la ni/ yul dang las kyi mtha'i gtam dang / sman pa rnams la ni/ khams dang / sman dang / sgrub pa'i gtam dang / tshong pa rnams la ni/ nyo tshong gi gtam dang / dmangs rnams la ni/ las kyi mtha' la mngon par zhen pa'i gtam dang / bud med rnams la ni/ kha dog dang / rgyan dang / bu dang / phyug pa dang / 'gran zla med pa'i gtam dang / dge sbyong rnams la bzod pa dang / </font><hr>375a<br><font size=+1>


@#/ /des pa dang / las gsum la brtson pa'i gtam bgyi'o/ /sems can yongs su smin par bgyi ba'i slad du ma thob pa thob par bgyi ba dang / mngon du ma bgyis pa mngon du bgyi bar gzud do/ /ma thar pa rnams rab tu thar par bgyi ba'i slad du sdug bsngal rnam pa sna tshogs la spro bar bgyi'o/ /sems can yongs su smin par bgyi ba'i slad du yul thams cad du rgyu bar bgyi'o/ /de lta mod kyi sems can 'di dag ni/ de na bdag la gshe'o/ /mi snyan pa zer ro/ /phrag dog gi chos kyi rgyus bdag la 'khrig pa'i chos kyis med pa la skur pa 'debs so/ /kha gsag dang / tshul 'chos pa dang / sgyu dang / g.yo dang / rdzun smra ba dang / zhe gcod pa dang / bud med kyi tshig dag gis skur pa 'debs so/ /bdag la sas 'thor ro/ / bdag la gsad pa'i phyir mtshon dang / dug dang / me dang / 'khor lo dang / mda' bo che dang / mda' dang / ral gri dang / mdung dang / dgra sta dang / rdo dang / mtshon cha'i char 'bebs so/ / bdag gsad pa'i phyir glang po che dang / sbrul sdug pa dang / seng+ge dang / stag dang / glang dang / ma he dang / spyang ki dang / phag rgod dang / tshan po che rnams kyang 'gyed do/ /bdag gi gnas dang / gnas khang dang / gtsug lag khang yang mi gtsang ba dang / dri nga bas 'gengs so/ /bdag gi nyan thos grong khyer du bzhugs pa rnams la phan 'dogs pa ma yin pa'i sems can rnams </font><hr>375b<br><font size=+1>


kyis glu dang gar tshul ma yin pa byed du 'dzud do/ /thabs brgya stong du mas bdag gsad pa'i phyir brtson no/ /bdag gi bstan pa nub par bya ba dang / chos kyi tshul gyi sgron ma gsad pa dang / chos kyi grub shig pa dang / chos kyi rgyal mtshan bsnyal ba dang / bdag gi chos kyi mchod sbyin rnam par gtor ba'i phyir brtson no/ /da sangs rgyas bcom ldan 'das rnams kyis sangs rgyas bcom ldan 'das de dag gi chos kyi tshul la gzigs te/ ji ltar sangs rgyas bcom ldan 'das de dag gis sangs rgyas kyi zhing nyon mongs pa can snyigs ma lnga dang ldan pa 'dir 'dus pa chen po mdzad nas dam pa'i chos kyi tshul yun ring du gnas par bgyi ba dang / bdud kyi stobs kyi yul thams cad rab tu gzhom pa dang / dkon mchog gsum gyi rigs gnas pa rgyun mi chad par bgyi ba dang / sems can rnams kyi dge ba'i rtsa ba 'phel bar bgyi ba dang / dgra dang phas kyi rgol ba thams cad chos dang mthun pas tshar gcad pa dang / sems can rnams kyi 'thab pa dang / rtsod pa dang / mu ge dang / nad dang / pha rol gyi dmag tshogs dang / 'ching ba dang / 'gyed pa dang / rgol ba dang / dus ma yin par grang ba dang / tsha ba dang / char ba dang / rlung dang / lus dang / ngag dang / yid kyi nyes pa dang / lta ba ngan pa ya nga ba rab tu zhi bar bgyi ba dang / lha dang / klu dang / gnod sbyin dang / lha ma yin dang / mi dang / mi ma yin pa thams cad 'dun par bgyi ba dang / khyim dang / grong dang / grong khyer dang / </font><hr>376a<br><font size=+1>


@#/ /grong rdal dang / yul 'khor thams cad bsrung ba dang / g.yo dang / dug dang / byad dang / rmongs byed dang / rmi lam ngan pa dang / ltas ngan pa thams cad gzhil ba dang / 'bru dang / sman dang / me tog dang / 'bras bu dang / bcud thams cad kyis sems can nye bar 'tsho bar bgyi ba dang / rgyal rigs dang / bram ze dang / dmangs rigs dang / rje'u rigs rnams dge ba spyod pa la gzud pa dang / byang chub kyi sems rab tu bskyed pa dang / pha rol tu phyin pa rnams la gzud pa dang / byang chub sems dpa' sems dpa' chen po rnams thabs shes pa la mkhas pa dang / dran pa dang / blo gros dang / rtog pa dang / mos pa dang / dpa' ba dang / brtan pa dang / spobs pa rnam par 'phel bar bgyi ba dang / dbang bskur ba'i sar dbugs dbyung ba la 'dzud cing ye shes kyi pha rol tu 'gro bar bgyi ba'i slad du sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis chos mnyam pa nyid rdo rje lta bu brten pa'i chos kyi snying pos lus 'joms pa zhes bgyi ba'i gzungs phyag rgya dang / tshig rab tu dbye ba la 'jug pa lung bstan pa'i chos kyi rnam grangs 'di bshad cing byin gyis brlabs te gcig la gcig dgyes pa de 'di ltar sangs rgyas bcom ldan 'das da ltar phyogs bcu na bzhugs shing 'tsho la gzhes pa dag sangs rgyas kyi zhing snyigs ma lnga dang ldan pa 'dir </font><hr>376b<br><font size=+1>


dri ba'i phyir gshegs te bzhugs pa de dag thams cad kyis sangs rgyas kyi zhing bsrung ba'i slad du chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa'i chos kyi rnam grangs 'di dam pa'i chos kyi tshul yun ring du gnas par bgyi ba dang / bdud kyi yul gyi stobs thams cad rab tu gzhom pa dang / ji ltar gong du rgyas par brjod pa bzhin du sgrib pa med pa'i ye shes kyi pha rol tu 'gro bar bgyi ba'i slad du bdag gis gsol ba btab pa la thugs brtse bar mdzad de/ sangs rgyas kyi zhing 'dir dam pa'i chos kyi tshul yun ring du gnas shing phas kyi rgol ba thams cad kyis mi tshugs pa dang / mi 'jigs pa'i chos can du 'gyur ba dang / dkon mchog gsum gyi rigs rgyun mi 'chad pa dang / chos kyi bcud kyis sems can thams cad nye bar 'tsho bar bgyi ba'i slad du legs par bshad du gsol/ byin gyis brlab tu gsol/ bshad nas kyang phan tshun rjes su dgyes par mdzad du gsol/ de nas sangs rgyas bcom ldan 'das de dag gis 'di skad ces gsungs so/ /de bzhin du bdag cag gis sangs rgyas kyi zhing 'dir sangs rgyas kyi mdzad pa lags kyang bgyi ste/ chos kyi tshul yun ring du gnas par bgyi ba dang / bdud kyi yul gyi stobs thams cad rab tu gzhom pa nas sgrib pa med pa'i ye shes kyi pha rol tu 'gro bar bgyi ba'i bar gyi slad du byin gyis </font><hr>377a<br><font size=+1>


@#/ /brlab cing chos mnyam pa nyid rdo rje lta bu brten pa'i chos kyi snying pos lus 'joms pa zhes bya'i gzungs phyag rgya dang / tshig rab tu dbye ba la 'jug pa lung bstan pa'i chos kyi rnam grangs 'di bshad kyi/ gang su dag sangs rgyas kyi zhing 'dir gtogs pa'i sems can thams cad nyon cig /'di lta ste/ aM ka ra/ aM ka ra/ b+haM ka ra/ pra b+haM ka ra/ b+ha ya mi ha| mi tra ma b+ha se/ a khe/ a kha/ aM ba re/ do me/ do mad te/ ke bad Te/ ke yU re/ sa ma bA ha ne/ sa man+ta b+ha dre/ d+harme/ d+harme/ d+harma ke /dza pha le/ mi tra a nu pA le/ pha la ba te/ ga Ne/ ga Ne| pa rAn te/ hi li hi li/ hi li hi li ke /dzam+b+ha ba te/ Ta ka Te/ Ta ka ba rA na te/ hi rin te/ shi rin te/ bin du ba te/ go b+ha he/ dzu re mi tra/ dzu re/ dzu she /a gre /a ba me/ sa s+ya ta thA tA na/ hu lu hi le/ tsan+d+re/ sa mA d+hi/ me d+harma/ ku tsu ru/ mu tsu ru/ a tsit+ta/ tsi li tsi li/ li tsa ba ha/ tsu lu tsu lu/ mi tra ba ha/ ku lu ku lu/ sa ra sa ra/ ku Tu ku Tu/ ma hA sa ra sa ra/ tu Tu tu Tu| ma hA sad+ya/ hri da ya/ puSh+pe/ su puSh+pe/ d+hu ma pa ri ha re/ a b+ha ye/ ru tsi ne ka ra k+She/ a ya mastu/ bi ba ha/ ti ti la/ ma ma le/ pA sha ka /shi shi ra shi shi ra/ lo ka bi nA ya ka badzre badzre d+ha re badzre ba te/ badzre ma te/ badzre da de/ tsakra badzre/ tsa kre tsa ba te/ d+ha re d+ha re/ b+ha re b+ha re/ pU re ta re/ hu hu re/ b+haM ga baM ba re shwa ra sha tsa tsi li tsu ru pU re/ man+t+ra Ne/ man+t+ra Ne/ ga ga ra Ne/ mu dra ne/ </font><hr>377b<br><font size=+1>


sarba mU ha Ne/ d+hi d+hi ra ya ni/ ma kha shwa ra la ya ni/ r-i Sha ni dza ni/ d+ha ba ba tsi/ tsaN+Da la sa me/ sarba sa s+ya a d+hiSh+ThA na a d+hiSh+Thi te/ sid+d+h+yan+tu ma hA nAM/ ni ni pA la ra ti/ oM rdzo gre/ pi tsi ni/ bA na ha ra/ bu pu re/ gu ru gu ru/ mu ru mu ru/ hi li hi li/ ha la ha la/ ka ka nA da ba ha/ hi hi ta ma/ a yur ha na kaN+Da dz+wa la/ b+ha se ga da ne/ a ta ha ni/ mArga a b+hi ro ha ni/ pha la sa t+ye/ a ro Sha ba ti/ hi li hi li/ ya tha badzra ya swA gra ya tha/ pa ra Na tsa hri da yA bA ha sat+ya pa ri b+hA ba/ mArga a b+hi ro ha ne/ a tsa la bud+d+hi da da pra tsa la pa tsa ya/ piN+Da hri da ya/ tsan+d+ra tsa ra te/ a tsa le sho d+ha ni/ pra kr-i ti mArge/ i li i li le| pra b+he sa ra pra te/ sarba tra thA ta/ sat+ya a nu ga te/ a na ba ra Na pra te/ a la tha/ aM gu re/ sha mi ni mi bra h+mA ba yo ha/ a hi ta/ a b+ha hi/ ni ba ra ya ba/ a tsi ra mArga/ la na largu sa re/ tI ran+na bang she /d+harma kA ya/ dza la ts+tshan+d+re/ sa mu dra ba ti/ ma hA da b+hu ta bya ya/ su mu dra be gA ba d+ha ra Ni/ mu dre Na/ mu khi mu dra/ su ra pra ti sam bi d+ha/ sa mu dra/ A brta ni/ saM mo haska ra/ bid+yu ta ra se na k+Shi ti/ mu dri to si| ye ke tsid pra ti b+hi bA ha/ ba ha ba ha ba ha/ ki Ta ka pa Ta/ she la pra tI t+ya hri da ye na mu dri tA d+ha ra Ni na/ d+ha ra d+ha ra d+ha ra/ dA na ti la hu k+Sha sarba hri da ya/ mu dri to si dzud do dza bad ta/ dza kha ba ta/ su ma ti pa ti/ ma hA ad b+hU ta mu dri ta/ yi ge cid/ Sha Da ya ta na ni shri tA b+hu ta/ i na mi ne/ sa tsa ne/ go Sha sa tsa ne/ mu dri tA/ AR+Ya a d+hiSh+ThA na b+ha pa thA nA/ n+ya thA ma hA pu N+ye sa mu ts+tsha ya/ a ba tA ra </font><hr>378a<br><font size=+1>


@#/ /ma hA kA ru Na ya/ mu dri ta sarba saM mya ga pra ti bad tsi rA d+ha tran dz+wa la tu d+harma ne/ tri sarbe mu ni b+hi Sha b+ha/ ma hA kA ru Na/ sa mA d+hi/ dz+nyA na la b+ha ba len/ mai tri t+ya ga /a b+hi bI R+Ya ba le na a d+hiSh+Thi te/ sarba b+hU ta u pa tsa yA ya swAhA/ de nas de'i tshe sangs rgyas kyi zhing thams cad du gtogs pa'i sems can thams cad kyis 'di skad ces sangs rgyas dang / byang chub sems dpa' thams cad la phyag 'tshal lo/ /phyag 'tshal lo/ /sangs rgyas thams cad la phyag 'tshal lo/ /zhes lan gsum smras nas 'di skad ces kyang smras so/ /kye ma'o thub pa 'dus pa ngo mtshar che'o/ /kye ma'o byang chub sems dpa' sems dpa' chen po rnams dang / nyan thos chen po rnams 'dus pa ngo mtshar che'o/ /kye ma'o chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa'i chos kyi rnam grangs ston pa'i bstan pa thams cad kyi tshul gyi dkon mchog gsum gyi rigs kyi byin gyi rlabs ston pa/ bdud kyi yul gyi stobs rnam par 'joms pa/ bdud kyi zhags pa kun gcod pa/ dgra thams cad tshar gcod pa/ chos kyi rgyal mtshan sgreng ba/ chos kyi phyogs srung ba 'di ni/ ngo mtshar rmad du byung ba sngon ma thos pa ste/ sangs rgyas kyi yul mtha' dag yongs su rdzogs par bya ba dang / sems can thams cad kyis </font><hr>378b<br><font size=+1>


snying po dang / phyag rgya dang / 'byung ba chen po thams cad dang / 'du byed dang / skye mched drug yongs su sbyang bar bya ba nas sems can thams cad bla na med pa'i mya ngan las 'das pa thob par bya ba'i bar gyi phyir de ltar sangs rgyas bcom ldan 'das thams cad kyis phyag rgya dang / tshig rab tu dbye ba la 'jug pa lung bstan pa'i gzungs kyi chos kyi rnam grangs 'di bshad do/ /gzungs lung bstan pa 'di bshad pa na byang chub sems dpa' sems dpa' chen po gang+gA'i klung sum cu rtsa drug gi bye ma snyed dag gzungs mngon par sgrub pa'i ting nge 'dzin dang / bzod pa thob par gyur to| |yang de'i tshe zla 'od gzhon nur gyur pa stan las langs nas thal mo sbyar te kun tu rnam par bltas nas sangs rgyas kyi byin gyi rlabs dang / rang gi rdzu 'phrul gyi stobs kyi mthus sangs rgyas kyi zhing 'dir thams cad dbyangs kyis bkang ste 'di skad ces smras so/ /rgyal ba zla ba rnams kyi 'khor/ /'di 'dra ba ni rnyed par dka'/ /byang chub sems dpa' brtul zhugs che/ /mkhas pa 'di ni rnyed par dka'/ /gang 'di thugs rje ldan pa yi/ /mgon pos chos tshul byin brlabs pa/ /phyag rgya 'di 'dra thos pa yang / /mchog tu rnyed par dka' ba'o/ /bdud kyi phyogs rnams thams cad dang / /dgra rnams kyang ni pham byed pa/ /dkon mchog gsum rgyun mi chad pa/ /rdzogs sangs rgyas kyis byin gyis brlabs/ /sgrib pa thams cad bsal ba'i phyir/ /bzod dang des pa rab </font><hr>379a<br><font size=+1>


@#/ /'phel ba/ /sems can rnams kyang 'dun byed pa/ /rgyal po dang ni yul 'khor skyong / /'di na ngan byas zlog byed pa/ /lta ba ngan pa rab 'gog pa/ /byang chub sems dpa' dbugs 'byin pa/ /byang chub lam yang rab ston pa/ /pha rol phyin pa 'phel byed pa/ /bzang por spyod pa rdzogs byed pa/ /thabs dang ye shes spobs pa rnams/ /'phel bar bya phyir byin gyis brlabs/ /dkar po'i phyogs ni sdud byed pa/ /gzungs 'di gzhan gyis mi thub pa/ /byang chub lam las mi g.yob/ /chos kyi dbang rnams 'bar byed pa'i/ /gzungs la yid gnyis thams cad ni/ /bsal nas lhag par mos par byos/ /gang gis byang chub 'grub 'gyur ba/ /'di ni rdzogs pa'i lam yin no/ /chos smra rnams ni bsrung ba dang / /nyan pa mngon par 'phel bya'i phyir/ /gzhan gyis mi thub pa yi gzungs/ /bdag gis de yang bshad par bya/ /sgrib pa med pa 'grub pa dang / /sems can rnams kyi phan 'phel phyir/ /byang chub sems dpa' grags chen po/ su dag 'di la dad pa 'bul/ /yang de'i tshe byang chub sems dpa' sems dpa' chen po gzhon nur gyur pa gang+gA'i klung gi bye ma snyed kyis mgrin gcig tu 'di skad ces smras so/ /bdag cag kyang gzungs 'di la dad pa 'bul lo/ /byin gyis rlob bo/ /rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge </font><hr>379b<br><font size=+1>


bsnyen ma gang la la zhig gis khrus byas te gos gtsang ma bgos la me tog sna tshogs bkram pa/ spos sna tshogs kyis rab tu bdugs pa/ ro bro ba sna tshogs kyis yongs su bskor ba/ ras dang / rgyan dang / ras bcos bu sna tshogs bting ba/ gdugs dang / rgyal mtshan dang / ba dan bsgrengs pas shin tu brgyan pa'i 'khor gyi khyams su seng+ge'i khri reg na 'jam pa la 'dug ste gzungs 'di yang dag par bshad na/ su'ang de'i sems 'khrug pa'am/ khams 'khrug pa'am/ lus 'khrug pa'am/ yid 'khrug par mi byed do/ /de'i lus la su'ang dbugs mi gtong ngo / / klad pa na bar byed mi nus so/ /mig na ba dang / rna ba na ba dang / sna na ba dang / lce na ba dang / so na ba dang / rus pa na ba dang / mgul ba na ba dang / dbung pa na ba dang / rgya ba na ba dang / rgyu ma na ba dang / lton pa dang / chu so na ba dang / brla na ba dang / byin pa na bar byed sus kyang mi nus te/ de ni/ gnas med do/ /de'i skad 'gag par yang mi 'gyur ro/ /chos smra ba de sngon gyi mi dge ba'i las kyis khams 'khrug pa'am \?\/ skad 'gag par gyur na'ang des gzung 'di bklags na thams cad ma lus par zhi bar 'gyur te/ las yongs su byang nas bde bar 'gyur ro/ /chos nyan pa gang dag der 'du bar 'gyur ba de dag la yang su'ang khams 'khrug pa'am/ skad 'gag par byed par mi 'gyur ro/ /gang dag de na gzungs 'di nyan pa de dag kyang mi dge ba'i las kyis yun ring por na ba dang / </font><hr>380a<br><font size=+1>


@#/ /khams 'khrug pa dang / skad 'gag pa de thams cad yongs su byang bar 'gyur ro/ /de nas zla 'od gzhon nur gyur pas sangs rgyas bcom ldan 'das byang chub sems dpa'i 'khor can gang+gA'i klung gi bye ma snyad de dag ga la ba de logs su thal mo sbyar ba btud nas 'di skad ces gsol to/ /sangs rgyas bcom ldan 'das rnams bdag la dgongs su gsol/ gzungs 'di la dad pa stsal du gsol/ 'di lta ste/ kha shAn+te/ a sa mA ro pa/ mai tri sau ma ba te/ e hi/ na ba kun dza be/ na ba kun dza be/ mU la sho d+ha ne/ ba ha kha/ ba ha kha/ mA ra ba ta thA tA/ pa ri tshe da ba ha sa/ ba ha sa/ a mU la/ a tsa le/ tsa tsa la/ pra tsa lA/ d+hi d+hi le/ e ka nA ya sa pa ri ts+tshe de/ tsa N+Di Na ba ra sa tri ne/ kha ga su ra tri Ne/ sta ba su ra tri Ne| b+hu tA ko Ti pa ri ts+tshe de/ dz+wa la kha/ dz+wa la kha ba ye/ dz+wa la kha nA ma kha sha kha ka ka kha ha hA ha hA hu hu spa ra Sha be da na pa ri ts+tshe da na/ a ma mA n+yu ma ma khya ma ma sa mu dra/ mu drwa ba kha/ saM skA ra Na ya pa ri ts+tshe da Na/ bo d+hi satwA k+ShA ti bi ma ma hA ba mi b+hu tA ko Ti A ka sha shA sa pa ri ts+tshe da swAhA/ yang de'i tshe sangs rgyas kyi zhing de dag thams cad du gtogs pa'i byang chub sems dpa' sems dpa' chen po de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin </font><hr>380b<br><font size=+1>


dang / nam mkha' lding dang / mi 'am ci dang / lto 'phye chen po'i dbang po de dag dang / sems can gzi brjid che ba gzi brjid che ba de dag thams cad kyang legs so/ /zhes bya ba byin no/ / sangs rgyas bcom ldan 'das de dag gis kyang 'di skad du/ kye ma gzungs 'di ni/ stobs che ba drag shul dang ldan pa ste/ dgra thams cad zlog pa dang / 'jigs pa dang / nad dang / mri lam ngan pa dang / ltas ngan pa thams cad las yongs su thar par byed pa nas sgrib pa med pa'i ye shes dang / bsod nams dang / ye shes chen po bsags pa/ bla na med pa'i ye shes kyi rgyu mthun pa'i bar gyi gzungs 'di bshad do/ /zhes bka' stsal to/ /yang de'i tshe tshangs pa phun sum tshogs pa'i dbang phyug ces bya ba kha dog bzang po rgyas pa mchog dang ldan pa/ lha las 'das pa'i gos dang / spud pa dang / rgyan dang / me tog dang / spos dang / phreng ba dang / byug pa dang / rgyan chen po mchog rnams kyis lus brgyan nas bud med kyi gzugs su bsgyur te tshangs pa chen po'i stobs kyi yul bkod pa'i byin gyi rlabs kyis bcom ldan 'das de bzhin gshegs pa tshe dpag med kyi spyan snga na 'dug go /de nas tshangs pa chen po phun sum tshogs pa'i dbang phyug stan las langs nas thal mo sbyar te phyag btsal nas 'di skad ces gsol to/ /sangs rgyas bcom ldan 'das rnams kyis gang bdag gis sangs rgyas kyi zhing ma lus pa 'dir dbyangs kyis go bar bgyi ba la der bdag la bgegs cung </font><hr>381a<br><font size=+1>


@#/ /zad kyang mi 'byung bar dbyangs kyi dkyil 'khor gyi tshig brjod pa rnam par gdon mi 'tshal ba bstan par bdag la byin gyis brlab tu gsol/ bdag gis da ltar chos smra ba rnams dang / chos nyan pa rnams kyi slad du 'di 'dra ba'i gsang sngags kyi tshig srung ba bshad par bgyi ste/ ci nas slad ma'i dus na bdud dam/ bdud kyi 'khor ram/ lha'am/ lha mo'am/ klu'am/ klu mo'am/ klu rgan po'am/ klu rgan mo'am/ klu'i 'khor ram/ klu'i 'khor mo'am/ klu'i bu pho'am/ klu'i bu mo'am/ de bzhin du rgyas par bgyi ste/ sha za'am/ sha za mo'am/ sha za rgan po'am/ sha za rgan mo'am/ sha za'i 'khor ram/ sha za'i 'khor mo'am/ sha za'i bu'am/ sha za'i bu mo'am/ mi'am/ mi ma lags pa'i bar gang la la chos smra ba rnams dang / chos nyan pa rnams la glags lta ba'am/ skabs tshol ba'i dgra phyir rgol ba zhig mchis te/ tha na chos smra ba'am/ chos nyan pa rnams kyi spu'i khung bu gcig tsam la'ang 'tshe ba'am/ gnod par bgyid dam/ 'jig par bgyid dam/ mdangs 'phrog gam/ lus la dbugs chen po gtong ngam/ tha na skad cig gcig tsam yang sdang ba'i sems kyis blta na/ bdag gis bdud nas mi dang mi ma lags pa'i bar de dag bzlog pa dang / chad pas gcad pa dang / tshar gcad pa dang / rmugs pa dang / rengs pa dang / rmongs par bgyi/ bri stsal bar </font><hr>381b<br><font size=+1>


bgyi na| sangs rgyas bcom ldan 'das rnams kyis gang bdag gis sangs rgyas kyi zhing ma lus pa 'di dbyangs kyis gang bar bgyi bar dbyangs kyi dkyil 'khor gyi tshig brjod pa byin gyis brlab tu gsol/ 'di la su zhig bdag gi grogs su 'gyur/ de nas sangs rgyas bcom ldan 'das de dag gis cang mi gsung bar gyur pas gnang bar mdzad do/ /de nas brgya byin gtsug phud 'dzin ces bya ba dzam+bu chu bo'i gser gyi rgyan gyi 'od kyis lus brgyan nas ha cang yang mi ring ba zhig tu 'dug go /de nas brgya byin gtsug phud 'dzin gyis tshangs pa phun sum tshogs pa'i dbang phyug la 'di skad ces smras so/ /che zhe/ de bzhin gshegs pa tshe dpag med kyi spyan sngar ma 'dug cig /che zhe/ 'dir bag med par ma byed cig /bcom ldan 'das la ma 'tshe zhig /de ci'i phyir zhe na/ byis pa rnams ni spros la dga'/ /de bzhin gshegs la spros mi mnga'/ /de dag skye 'jig mtshan nyid kyi/ /'dus byas dag kyang ston pa mdzad/ /de bzhin gshegs pa ni/ gzungs dang / yi ge dang / tshig rab tu dbye ba thams cad kyi de bzhin nyid kyi tshul brnyes pa ste/ che zhe/ de bzhin gshegs pa ni/ 'di lta ste/ nam mkha' dang mnyam pa nyid du gcig pas de bzhin nyid la 'gal bar mi mdzad de/ nam mkha' la ni/ 'du byed gsum gyi 'jig pa'i mtshan nyid sgro btags pa med do/ /ji ltar 'du byed gsum la nam mkha' mi rtog cing rnam par mi rtog pa de bzhin </font><hr>382a<br><font size=+1>


@#/ /du de bzhin gshegs pa'ang 'dod pa'i yon tan la spro bar mi mdzad/ mi rtog /rnam par mi rtog /mi gnas/ mngon par mi zhen te/ de bzhin du srog la ma yin| skye ba po la ma yin/ gso ba la ma yin/ skyes bu la ma yin/ gang zag la ma yin/ phung po dang / khams dang / skye mched rnams la'ang spro bar mi mdzad/ mngon par mi zhen na/ che zhe| khyod kyis ji ltar na/ de bzhin gshegs pa'i sku la spro bar byed/ de bzhin gshegs pa tshe dpag med kyis bka' stsal pa/ lha'i dbang po/ rtog rtogs te tshig smros shig / khyod la des mi sdug pa'i 'bras bur gyur ta re/ \?\ skyes bu dam pa chen po 'di ni/ sangs rgyas mang po la lhag par bya ba byas shing / sangs rgyas bcom ldan 'das rnams la dge ba'i rtsa ba bskyed pa'o/ /skyes bu dam pa 'di ni/ de bzhin gshegs pa la mchod pa bya ba'i phyir legs par brgyan nas bud med kyi lus su mngon par sprul pa yin gyi/ 'di la bud med ces tshig tu ma rjod cig /de nas brgya byin gtsug phud 'dzin gyis tshangs pa phun sum tshogs pa'i dbang phyug la 'di skad ces smras so/ /rigs kyi bu/ bdag la thugs brtse bar dgongs te bzod par gsol/ 'di skad smras pas bdag 'bras bu mi sdug pa thob par ma gyur cig /de nas byang chub sems dpa' ltad mo can gyis gsol pa/ bcom ldan 'das/ gal te brgya </font><hr>382b<br><font size=+1>


byin gyis tshig de slar ma bshags na/ de'i 'bras bu rnam par smin pa ji tsam zhig tu 'gyur/ de bzhin gshegs pa tshe dpag med kyis bka' stsal pa/ rigs kyi bu/ gal te des ma gshegs su zin na/ tshe rabs brgyad khri bzhi stong du 'dod pa'i mngal smad pa bud med kyi dngos po yongs su blangs par 'gyur ro/ /de bas na rigs kyi bu/ ci nas kyang ngag gi las bsrung bar bya'o// rigs kyi bu/ de bzhin gshegs pa rnams kyis khyod kyi dbyangs kyi dkyil 'khor gyi tshig brjod pa byin gyis brlabs kyi/ khyod spobs par gyis shig /de nas tshangs pa phun sum tshogs pa'i dbang phyug sangs rgyas kyi byin gyi rlabs kyis thal mo sbyar te phyogs bcur rnam par bltas nas 'di skad ces smras so/ /sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos chen po rnams dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams bdag la dgongs su gsol/ bdag gi bsam pa la chos kyi tshul 'di yun ring du gnas par 'gyur ba dang / chos smra ba rnams dang / chos nyan pa rnams dang / nan tan dang ldan pa rnams la 'tshe bar mi 'gyur bar 'dir dad pa stsal du gsol/ gang slad ma'i dus na bdud nas mi dang mi ma lags pa'i bar gyis de dag la 'tshe bar mi bgyid par dad pa stsal du gsol/ de nas </font><hr>383a<br><font size=+1>


@#/ /tshangs pa phun sum tshogs pa'i dbang phyug gis de dag gi sdang ba'i sems bzlog pa dang / mnas bsgag pa'i phyir dbyangs kyi sgra phyung nas sgra des 'jig rten gyi khams 'di thams cad gang bar byas so/ /yang de'i tshe tshangs pa'i dbang po de dag thams cad kyis mgrin gcig tu 'di skad ces smras so/ /bdag cag kyang gzungs 'di la dang pa 'bul lo| |bdag cag nyid kyis kyang phyi ma'i dus na gzungs 'di gzung bar bgyi'o/ /rab tu bstan par bgyi'o/ /dam pa'i chos kyang bsrung bar bgyi'o/ /chos smra ba dang / nyan pa de dag dang / nan tan dang ldan pa de dag kyang bsrung bar bgyi'o/ /bdag cag gis sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos chen po rnams kyi spyan sngar gzungs 'di la dad pa 'bul gyi/ skyes bu dam pa gsungs shig /de nas tshangs pa phun sum tshogs pa'i dbang phyug gis 'di skad ces smras so/ /sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos chen po rnams kyis bdag la byin gyis brlab tu gsol/ 'di lta ste/ a ma le/ bi ma le/ ga Na ShaN+De/ ha re tsaN+De/ ma hA tsaN+De/ tsa me ha/ tsa me/ sau mye/ s+tha me/ A ba ha/ bi ba he/ aM ga dzan+te tra/ kha kha/ mU la pa ri ts+tshe de/ yak+Sha tsaN+De/ pi shA tsa tsaN+De/ a brta ni/ sam brta ni/ saM ka ri Ni/ dzam+b+ha ni/ </font><hr>383b<br><font size=+1>


stam+b+ha ni/ mo ha ni/ uts+tsha Ta ni/ ha ma hA/ ha ma hA/ ma hA saM ku tsa ne/ kha ga sha ba/ a ma le/ a mU la pa ri brte/ a sA ra kha ba swAhA/ gsang sngags 'di las gang 'da' zhing / /mang po tshogs par mi spyod na/ /mig mi mthong zhing mgo yang 'gas/ /yan lag tha dad 'jig par 'gyur/ /'di lta ste/ a ca ca a ba ha/ tsa tsa tsu/ khra kha sha tsa Ta Ta kha tsa tsa na/ khra ga ca tsa tsa tsa tsa tsa na tsa ha/ mU la tsa tsa tsa/ mU la tsa tsa/ ha mU mu la tsa tsa/ ha mU ha mu/ ba u ba ha swAhA/ de nas tshangs pa'i dbang po thams cad nas sha za'i dbang po'i bar gyis legs so/ /zhes bya ba byin te/ 'di skad ces kyang smras so| |stobs chen stobs kyis shugs shin tu 'joms pa'i gsang sngags kyi tshig 'di bshad de/ phan pa ma yin par sems pa'i 'byung po thams cad la zhags pa 'dis btab na/ de dag 'tsho bar ga la 'gyur/ tshangs pa phun sum tshogs pa'i dbang phyug gis 'di skad ces smras so/ /'byung po gang dag sdang ba'i bsam pa can/ snying rje med pa/ byas pa mi gzo ba/ sems can la 'tshe ba rnams sam/ bdud dam/ bdud kyi 'khor glags lta zhing skabs tshol ba rnams sangs rgyas kyi bstan pa la mngon par dad pa'i rgyal po rgyal rigs spyi bo nas dbang bskur ba rnams la skabs tshol du nye bar 'ong ba dang / btsun mo dam pa dang / bu dang / bu mo dang / btsun mo'i 'khor rnams dang / blon po dang / shor ba dang / dpung dam pa dang / 'khor rnams dang / gzhan </font><hr>384a<br><font size=+1>


@#/ /yang sangs rgyas kyi bstan pa la dad pa skyes pa dang / bud med dang / khye'u dang / bu mo rnams dang / dge bsnyen dang / dge bsnyen ma dang / chos smra ba dang / chos nyan rnams dang / dge slong dang / dge slong ma bsam gtan dang / kha ton la 'grus pa rnams dang / zhal ta byed pa la brtson pa rnams la skabs tshol du 'ong zhing tha na sems kyi skad cig / gcig la spu'i khung bu gcig tsam la 'tshe'am/ gnod par byed dam/ 'jigs par byed dam/ mdangs 'phrog gam/ lus la dbugs gtong ngam/ sdang ba'i sems kyis blta na/ bdud nas mi dang mi ma yin par lus dri nga ba de dag gi mgo tshal ba bdun du 'gas so/ /de dag gi mig kyang long bar 'gyur ro/ /snying yang skam par 'gyur ro/ /sha bkra can du 'gyur/ lus rul cing dri nga ba dang / rdzu 'phrul yang yongs su bri bar 'gyur/ de dag sa gas par ltung bar 'gyur/ rlung gis kyang de dag phyogs bzhir gtor bar 'gyur/ rdul gyis kyang yog nas de nyid du sems 'khrugs te 'thom par 'gyur ro/ /gang dag sa la rgyu ba de dag ni/ sa'i khung bur 'jug par 'gyur te/ sa'i 'og tu dpag tshad brgyad khri bzhi stong du de dag gi tshe yongs su zad par 'gyur ro/ /gang dag chu na rgyu ba'i 'byung po sdang ba'i sems dang ldan pa/ sangs rgyas kyi bstan pa la mngon par ma dad pa de dag sangs rgyas kyi bstan pa la mngon par </font><hr>384b<br><font size=+1>


dad pa'i rgyal rigs nas zhal ta byed pa la brtson pa'i dge slong gi bar la 'tshe'am/ gsang sngags kyi tshig 'di dag las 'da' na/ de dag kyang de bzhin du mgo tshal ba bdun du 'gas pa nas de nyid du de dag gi tshe yongs su zad pa'i bar du 'gyur ro/ /yang yul gang du bdud kyi tshogs kyis mi thub pa'i gzungs kyi phyag rgya'i chos kyi rnam grangs 'di 'byung ba der bdag gis bsrung ba dang / bskyab pa dang / sba ba'i slad du spro bar bgyi'o/ /der chos 'dod pa'i sems can thams cad yongs su smin par bgyi'o/ /sdang ba'i gnod sbyin nas sdang ba'i lus srul po'i bar thams cad de nas bskrad par bgyi'o/ /yul de na 'thab pa dang / rtsod pa dang / mu ge dang / pha rol gyi dmag tshogs dang / dus ma lags pa'i char dang / rlung dang / grang ba dang / tsha ba dang / nad thams cad slar bzlog par bgyi'o/ /bde ba dang / 'dum pa dang / lo legs pa dang / dge ba'i rtsa ba dang mthun pa rnams bsgrub par bgyi'o/ /chos smra ba rnams dang / chos nyan pa rnams la nad ma mchis pa dang / grags pa dang / rnyed pa dang / bsti stang chen po nye bar bsgrub par bgyi'o/ /yang de'i tshe tshangs pa chen po dbyangs dang ldan pa zhes bya ba byang chub sems dpa' sems dpa' chen po sa bcu la gnas pa/ tshangs pa'i nang du ni/ tshangs pa kun gyis bkur/ bdud kyi nang du ni/ bdud kun gyis bkur/ brgya byin gyi nang du ni/ brgya byin kun gyis bkur ba nas de bzhin du sbyar te/ </font><hr>385a<br><font size=+1>


@#/ /rnam thos kyi bu dang / 'phags skyes po dang / mig mi bzang dang / yul 'khor srung dang / dbang phyug chen po dang / sred med kyi bu dang / lha ma yin dang / lha'i dbang po'i nang du ni/ de dag kun gyis bkur pa/ kha dog bzang po rgyas pa mchog dang ldan pa/ rgyan dam pas legs par brgyan pa/ bud med kyi gzugs dang / rtags dang / spyod lam gyis de bzhin gshegs pa shAkya thub pa'i spyan sngar 'dug ste sangs rgyas bcom ldan 'das rnams la mchod pa bya ba'i phyir lag pa gnyis na yid bzhin gyi nor bu rin po che thogs so/ /de nas byang chub sems dpa' sems dpa' chen po dbyangs dang ldan pas de bzhin gshegs pa shAkya thub pa de la mig mi 'dzum par bltas te/ gzhan ma yin pa'i dngos po brjod du med pa ci'ang ma yin par bltas so/ /de nas de bzhin gshegs pa shAkya thub pa des tshangs pa dbyangs dang ldan pa la 'di skad ces bka' stsal to/ /kye khyod mig mi 'dzum par ci'ang ma yin pa'i bar du nga la ci zhig blta/ ci 'di la sangs rgyas zhes bya ba dang / ci'ang ma yin zhes bya ba'i chos de gang yang yod dam/ de bzhin du 'dod chags dang / zhe sdang dang / gti mug gi nyon mongs pa rnams yod do/ /zhes bya ba'i ming gi dngos po ni/ rkyen gyi mtshan nyid do/ /mtshan nyid kyi rkyen ni/ ma rig pa'o/ /ma rig pa'i rkyen gyis 'du byed rnams nas </font><hr>385b<br><font size=+1>


'gog pa'i bar du rgyas par bya'o/ /gsol pa/ bcom ldan 'das/ 'di ltar ma mchis pas na/ de'i slad du ma rig pa zhes gsungs na/ bcom ldan 'das/ gal te ma rig pa ma mchis na| srid pa'i yan lag bcu gnyis de dag ga las skye bar 'gyur/ ci nam mkha' las skye zhes bgyir ni/ nam mkha' nyid kyang ma mchis pa'o/ /bcom ldan 'das kyis bka' stsal pa/ rigs kyi bu| de de bzhin te/ sangs rgyas kyi chos thams cad ni/ nam mkha' lta bu'o/ /ji ltar nam mkha' rdzas ma yin/ mtshan nyid ma yin/ mun pa ma yin/ snang ba ma yin/ rtog pa ma yin/ rnam par rtog pa ma yin/ grub pa ma yin/ brjod pa ma yin/ ci'ang ma yin pa/ cha shas med pa/ dngos po thams cad spangs pa de bzhin du rigs kyi bu/ sangs rgyas kyi chos rnams de bzhin nyid kyi phyir sangs rgyas kyi chos rnams ni/ yang dag pa'i mtha' yongs su bcad pa'o/ /bri ba med pa dang / gang ba med pa'i phyir sangs rgyas kyi chos rnams ni/ pha rol dang / tshu rol la reg pa med pa'o/ /cha shas med pa'i phyir sangs rgyas kyi chos rnams ni/ brjod du med pa'o/ /mi g.yo zhing rnam par bzhag pa med pa'i phyir sangs rgyas kyi chos rnams ni/ rdzas dang / dngos po dang| mtshan nyid thams cad med pa'o/ /tshig gi lam dang bral ba'i phyir sangs rgyas kyi chos thams cad ni/ sgro btags pa med pa ste/ yang dag pa ma yin pa/ kun tu rtog pa las srid </font><hr>386a<br><font size=+1>


@#/ /pa'i yan lag rnams skyes so/ /bstan pa 'di bshad pa'i tshe srog chags brgyad khri bzhi stong gis bla na med pa yang dag par rdzogs pa'i byang chub tu sems bskyed do/ /de nas bdud sdig can gyis gsol pa/ gal te sangs rgyas kyi chos nam mkha' lta bur dngos po ma mchis shing brjod du ma mchis pa lags na/ de ci'i slad du ye shes dang / brtson 'grus dang / thabs dang / pha rol gnon pas khyod 'di ltar bdag la 'tshe/ bdag gi bdud kyi yul 'joms/ bdag gi bdud kyi yul nas sems can kha 'dren/ 'gro ba med pa dang / 'ong ba med pa dang / ci'ang ma yin pa'i sgyu ma la slob tu 'dzud/ gang gi tshe sems can 'di dag khyod kyis bslab pa la slob pa na de dag la nyon mongs pa skye ba'i spyod pa yang dag par rjes su ma mthong ngo / /gang gi slad du khyod kyis bdag gi slad du grangs med dpag tu med pa'i sangs rgyas bcom ldan 'das dang / byang chub sems dpa' sems dpa' chen po rnams dang / nyan thos chen po rnams dang / tshangs pa chen po rnams dang / brgya byin dang / 'jig rten skyong ba bzhi dang / dbang phyug chen po rnams dang / rdzu 'phrul che zhing mthu che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams bsdus nas sangs rgyas kyi zhing ma lus pa 'di dag gang </font><hr>386b<br><font size=+1>


bar bgyis/ snying rje med pa 'dis kyang gang dag thos ma thag tu bdag klad pa'i nad mi zad pas btab ste sdug bsngal gyi tshor ba myong zhing / lus kyang rul la dri nga bar gyur pa de 'dra ba'i gsang sngags kyi tshig rnams bshad/ yang de'i tshe bdud drug khri brgyad stong dang / bdud kyi 'khor grangs med dpag tu med pa dang / de bzhin du sdang ba'i gnod sbyin dang / srin po dang / grul bum dang| sha za de dag thams cad kyis kyang mgrin gcig tu 'di skad ces smras so/ /bdag cag kyang thos ma thag tu klad pa na bar gyur te/ lus kyang rul zhing dri nga bar gyur nas shin tu sdug bsngal ba'i tshor ba myong ngo / /de bzhin gshegs pa shAkya thub pas 'di skad ces bka' stsal to/ /sdig can/ khyod kyis 'das pa de ngan par byos shig /nga byang chub kyi snying po la 'dug pa'i tshe khyod kyis nga gsad pa'i phyir dpag tshad bcu tshun chad kyi sa dang / nam mkha' bdud kyi sdes bkang ste 'ongs pa nas da ltar bdud bye ba 'khor dang bcas te nga gsad pa'i bar du bkye bas/ de bas na khyod yongs su gdul ba dang / zhi bar bya ba dang / yongs su mya ngan las bzla ba dang / de bzhin du bdud gzhan rnams nas mi dang / mi ma yin pa'i bar du gdul ba dang / zhi bar bya ba dang / sdug bsngal thams cad nye bar zhi bar bya ba dang / 'ong ba dang 'gro ba med pa/ ci'ang ma yin pa'i sgyu ma la bslab par bya ba dang / 'gro ba thams cad du 'chi 'pho dang / skye ba'i 'khor ba'i chu kun bskam pa </font><hr>387a<br><font size=+1>


@#/ /dang / phung po'i lhag ma med pa'i mya ngan las 'das pa'i dbyings su yongs su mya ngan las bzla ba'i phyir sangs rgyas bcom ldan 'das rnams dang / byang chub sems dpa' grangs med dpag tu med pa nas mi dang / mi ma yin pa'i bar rnams bsags kyi/ sdig can/ khyod da bla na med pa yang dag par rdzogs pa'i byang chub tu sems skyed cig /de ltar na/ khyod klad pa na ba'i sdug bsngal mi zad pa'i tshor ba 'di las thar par 'gyur te/ mthar gyis sangs rgyas kyi chos nam mkha'i rang bzhin lta bu mngon du 'gyur/ bdud kyi yul las ches khyad par du 'phags pa'i sangs rgyas kyi yul rnams kyang thob par 'gyur ro/ /yang de'i tshe bdud drug khri bzhi stong dang / bdud kyi 'khor grangs med dpag tu med pa dang / sdang ba'i gnod sbyin nas lus srul po sdang ba'i bar gyis mgrin gcig tu 'di skad ces gsol to/ /bdag cag gis kyang bla na med pa yang dag par rdzogs pa'i byang chub tu sems bskyed par bgyi na/ ji ltar bdag cag sangs rgyas kyi chos nam mkha'i rang bzhin lta bu de dag mngon du 'gyur/ thams cad las khyad par du 'phags pa'i sangs rgyas kyi yul 'di'ang thob par 'gyur/ de nas bdud sdig can gyis 'di skad ces smras so/ /gal te bdag phyi ma'i mtha'i mu'i bar du klad pa na bar gyur kyang bdag 'di 'dra ba'i g.yo rgyus byang chub tu sems mi bskyed do/ /de nas </font><hr>387b<br><font size=+1>


tshangs pa chen po dbyangs dang ldan pas 'di skad ces gsol to/ /bdag kyang sangs rgyas kyi zhing 'dir sangs rgyas bcom ldan 'das thams cad kyi spyan sngar bstan pa'i chos kun gzung bar spro'o/ /sangs rgyas kyi zhing snyigs ma lnga can 'dir de bzhin gshegs pa shAkya thub pa 'di'i bstan pa la gtso bos gtad pa gzung bar bgyi ste/ nga yang shAkya thub pa'i nyi nub kyi bar du bdag gis bstan pa 'di la chos kyi tshul 'bar bar bgyi'o/ /yul gang na bdud kyi tshogs kyis mi thub pa'i gzungs kyi chos kyi rnam grangs 'di ma byung ba der bdag gis 'byung bar bgyi'o/ /gang du byung ba der ni/ shin tu lhag par 'byung bar bgyi'o/ /grong dang / grong khyer dang / grong rdal dang / yul de dag na rigs kyi bu dang / rigs kyi bu mo gang dag mchis pa de dag kyang bsrung bar bgyi/ yongs su bskyang bar bgyi/ gnod pa las bzlog par bgyi/ don dang dge ba la gzud par bgyi'o/ /gang dag bdud kyi tshogs kyis mi thub pa'i gzungs kyi chos kyi rnam grangs 'di tha na bris nas 'chang ba rnams dang / gang na chos smra ba'i seng+ge'i khri la mchis te/ chos kyi rnam grangs 'di yang dag par rab tu 'chad par 'tshal ba/ de dag gis der thog mar gsang sngags kyi tshig 'di dag brjod par bgyi'o/ /gsang sngags kyi tshig 'di dag gis bdag 'gug par 'gyur te/ bdag nyid 'khor dang bcas pa phyogs der </font><hr>388a<br><font size=+1>


@#/ /mchis nas chos smra ba de dag dang / chos nyan pa de dag bsrung ba dang / sba bar bgyi'o/ /'di lta ste/ a ba me/ a ba me/ a ma ba re/ a ma ba re/ pa ri ku nyadza/ nA Da nA Da| push+ka ra ma hA/ dza lu kha/ ma kha ya/ i li i li/ ki li mi li/ kI rti tsa ra mu dre/ mu dra mu khe swA hA/ bcom ldan 'das/ gang dang gang na chos smra ba de dag gis thog mar gsang sngags kyi tshig 'di dag dran par bgyis la/ bdag gis kyang lha'i rna ba'i khams shin tu yongs su dag pas thos te der ma mchis na/ 'das pa dang / ma byon pa dang / da ltar byung ba'i de bzhin gshegs pa rnams la bslus par 'gyur zhing / bdag bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur bas/ bcom ldan 'das/ bdag der mchis la chos smra ba'i rkang pa'i drung du spyi bos blang bar bgyi'o/ /chos smra ba de'i spobs pa rigs pas nye bar bsgrub par bgyi'o/ /chos smra ba dang / chos nyan pa de dag gi nad thams cad bsal bar bgyi/ lta ba ngan pa dang / bya ba ngan pa dang / the tshom thams cad bsal bar bgyi/ bcom ldan 'das/ phyogs gang na chos kyi rnam grangs 'di 'chang ba dang / 'dzin pa dang / kun chub par bgyid pa der bdag 'khor dang bcas te mchis nas 'thab pa dang / rtsod pa dang / mu ge dang / nad dang / 'jigs pa dang / </font><hr>388b<br><font size=+1>


pha rol gyi dmag tshogs dang / char mi 'bab pa dang / dus ma legs pa'i rlung dang / tsha ba dang / lta ba ngan pa dang / bya ba ngan pa de dag thams cad dang / mi dang / mi ma lags pa dang / dur khrod rnams kyi 'jigs pa thams cad zhi bar bgyi'o/ /de nas bkra mi shis pa dang / rmi lam ngan pa dang / ltas ngan pa dang / sdang ba dang / brlang ba dang / zhe gcod pa dang / ro bro ba ma mchis pa dang / kha ba dang / tsha ba dang / dri nga ba dang / reg na mi bde ba'i dug de dag thams cad bsal bar bgyi'o/ /der tsha ba dang mu ge'i gnod pa rnams bsal bar bgyi'o/ /glang po che dang / seng+ge dang / stag dang / ma he dang / spyang ki dang / sprul gdug pa dang / rkun po dang / g.yon can dang / mi dang / mi ma lags pa'i 'jigs pa thams cad bsal bar bgyi'o/ /der sems can thams cad kyi longs spyod dang / kun spyod pa'i slad du nor dang / 'bru dang / sman dang / me tog dang / 'bras bu dang / ro dang / zas dang / skom dang / gos dang / mal cha sna tshogs nye bar bsgrub par bgyi'o/ /yul gang na chos kyi rnam grangs 'di 'chang ba dang / 'dzin pa dang / klog pa dang / kun chub par bgyid pa dang / 'chad pa der bdag cag gis sems can rnams kyi gnod pa thams cad so sor bsal bar bgyi'o/ /sems can rnams kyi longs spyod dang / kun spyod pa'i slad du phan pa dang / bde ba dang / yid bde ba thams cad bsgrub par bgyi'o/ /sems </font><hr>389a<br><font size=+1>


@#/ /can de dag kyang chos 'dod pa dang / dge ba spyod pa la gzud par bgyi ste/ 'di ni/ bdag gis sangs rgyas bcom ldan 'das thams cad kyi spyan sngar smon lam btab pa'o/ /sangs rgyas bcom ldan 'das thams cad bdag la thugs brtse bar mdzad du gsol/ skyes bu'i mthu 'di nyams 'og tu chud par bgyi ba'i slad du sangs rgyas bcom ldan 'das rnams kyis bdag la yid bzhin du bsam pa yongs su rdzogs pa'i las kyi dngos grub stsal du gsol/ de nas de'i tshe de'i mod la shAkya thub pa la sogs pa sangs rgyas bcom ldan 'das thams cad kyis tshangs pa dbyangs dang ldan pa de la thugs brtse bar dgongs te 'di skad ces bka' stsal to/ /tshangs pa dbyangs dang ldan pa 'dis gang gi phyir brgya byin dang / tshangs pa dang / 'jig rten skyong ba thams cad dang / gzhan yang sangs rgyas kyi chos la mngon par dga' ba'i lha dang / klu dang / gnod sbyin dang / dri za dang / lha ma yin rnams bkug ste skyes bu'i mthu chen po 'di lta bu byed par 'gyur gyi/ nged kyis gsang sngags kyi tshig 'di dag tshangs pa dbyangs dang ldan pa 'di la sbyin par bya'o/ /de nas sangs rgyas bcom ldan 'das de dag thams cad kyis 'di skad ces bka' stsal to/ /tshangs pa dbyangs dang ldan pa la grub par gyur cig /'di lta ste/ tsa muN+De/ muN+Da pa ri ts+tshe de/ ha mU ha/ ha mU ha/ saM rak+Sha </font><hr>389b<br><font size=+1>


ba la| kr-iSh+Na mi kha/ ba ri ba ha/ tsa ma ra ya tha tsa/ su bi kha/ a mu hu la pa ri ts+tshe de/ sarba bud+d+ha a d+hiSh+Thi te swAhA/ de bzhin gshegs pa shAkya thub pas 'di skad ces bka' stsal to/ /rigs kyi bu| bdud dang / brgya byin dang / tshangs pa dang / 'jig rten skyong ba thams cad dang / gzhan yang lha dang / klu dang / gnod sbyin dang / dri za dang / lha ma yin rnams dang / gzi brjid che ba gzi brjid che ba'i mi dang / mi ma yin pa rnams 'gug cing 'dun par byed pa'i gzungs 'di sangs rgyas thams cad kyis yongs su bzung zhing byin gyis brlabs kyi/ khyod 'di skyes bu'i mthu chen po 'di lta bu byed nus par 'gyur ro/ /dbyangs dang ldan pas gsol pa/ bcom ldan 'das/ bdag bud med kyi cha byad 'di lta bus chos bsrung bar bgyi'o/ /bud med rnams kyang yongs su bskyang bar bgyi'o/ /bcom ldan 'das/ bud med la la zhig bu 'tshal te/ chos kyi rnam grangs 'di 'dzin tam/ klog gam/ kun chub par bgyid dam/ bris te 'chang na/ bdag gis bud med de'i bsam pa yongs su rdzogs par bgyi'o/ /yang bud med gang 'di lta bus sems can yongs su skyong bar 'gyur te/ chos kyi rnam grangs 'di 'chang zhing klog pa nas nyan pa'i bar du bgyid na/ de 'dod pa na spyod kyang de mngal du mi chags so/ /yang bud med gang brnyas shing smad par gyur pa'i longs spyod dang / kun spyod pa dang bral ba des </font><hr>390a<br><font size=+1>


@#/ /chos kyi rnam grangs 'di 'chang zhing bklags na/ bsam pa thams cad 'grub cing / bde ba thams cad kyang phun sum tshogs par 'gyur ro/ /chos kyi rnam grangs 'di bsrung ba dang / thams cad kyi bsam pa yongs su rdzogs par bgyi ba'i slad du bdag gis nor bu rin po che 'di gnyis sangs rgyas bcom ldan 'das thams cad la dbul lo/ / bcom ldan 'das kyis bka' stsal pa/ rigs kyi bu/ de de bzhin du srung ba dang / yongs su rdzogs par byed par 'gyur ro/ /'dus pa chen po rin po che tog gi gzungs las gzungs kyi le'u ste drug pa'o// //bam po bdun pa/ yang de'i tshe byang chub sems dpa' sems dpa' chen po shin tu rnam par phye ba'i blo gros zhes bya ba zhig /bcom ldan 'das de bzhin gshegs pa shAkya thub pa dang ha cang yang mi ring ba zhig na/ bcom ldan 'das de bzhin gshegs pa nor bu 'od 'bar ba dpal gyi spyan sngar 'dug nas de yud tsam gyis tshangs pa'i cha byad dang / skad cig gis bdud kyi gzugs su snang ngo / /de bzhin du sbyar te/ brgya byin gyi gzugs dang / gzhan 'phrul dbang byed kyi lha'i dbang po'i gzugs dang / 'phrul dga' dang / dga' ldan dang / 'thab bral dang / rgyal chen bzhi dang / dbang phyug chen po dang / gnod sbyin dang / lha ma yin dang / nam mkha' lding dang / mi 'am ci </font><hr>390b<br><font size=+1>


dang / lto 'phye chen po dang / srin po dang / yi dwags dang / sha za dang / grul bum dang / rgyal rigs dang / bram ze'i rigs dang / rje'u rigs dang / dmangs rigs dang / seng+ge dang / stag dang / glang po che dang / ma he nas dud 'gro'i skye gnas kyi bar gyi gzugs rnam pa sna tshogs su snang ngo / /skad cig gis bya dang / shing dang / ri dang / 'bras bu dang / gos dang / mal cha dang / snam bu dang / snod dang / 'phyang 'phrul dang / rgyan dang / sman rnam pa sna tshogs dang / rin po che'i gzugs dang / yud tsam gyis dge slong dang / dge slong ma'i gzugs dang / skad cig gis sangs rgyas kyi gzugs su snang ngo / /skad cig gis kha dog dang / rtags dang / dbyibs dang / gzugs brgyad cu rtsa bzhir snang ngo / /de nas de bzhin gshegs pa shAkya thub pa de la tshe dang ldan pa byams ma'i bu gang pos gsol pa/ bcom ldan 'das/ rigs kyi bu 'di kha dog dang / rtags dang / dbyibs dang / gzugs brgyad cu rtsa bzhir gda' ba'i rgyu gang lags/ rkyen gang lags/ bcom ldan 'das kyis bka' stsal pa/ tshe dang ldan pa gang po/ rigs kyi bu 'di rab tu mthu che ste/ byang chub sems dpa' shin tu rnam par phye ba'i blo gros dam bcas pa'i stobs kyi yul gang la gnas nas sems can rnams yongs su smin par byed cing / shes rab kyi mig sgrib pa med pas phyogs bcu'i sangs rgyas kyi zhing yongs su dag pa dang / yongs </font><hr>391a<br><font size=+1>


@#/ /su ma dag pa grangs med dpag tu med pa dag na bsam pa dang / sems pa ji lta bu dang / spyod pa ji lta bu dang / ci 'dra ba'i nad kyis btab pa dang / gang la gang skyabs su song ba'i sems can ji 'dra ba dag mthong ba de 'dra ba'i ting nge 'dzin la snyoms par zhugs nas 'dul ba ji lta ba bzhin du byang chub sems dpa' sangs rgyas kyi bar gyi gzugs dang / kha dog dang / rtags dang / spyod lam dang / dbyibs dang / gzugs de lta bu dag gis sems can rnams theg pa gsum las phyir mi ldog pa la 'god pa dang / sems can gang dag 'dod pa'i zil gyis non te ye byad dang / longs spyod rnam pa sna tshogs pa 'dod pa de dag gi chags pa spangs pa'i phyir yo byad rnams byin nas phyir mi ldog pa la 'god pa dang / nad kyis btab nas sman 'dod pa rnams la sman byin te phyir mi ldog pa la 'god pa dang / byang chub sems dpa' shin tu rnam par phye ba'i blo gros 'dis nyin gcig la gang+gA'i klung gi bye ma snyed kyi sems can rnams sdug bsngal las yongs su thar par byas te theg pa gsum las phyir mi ldog par 'god pa'i dam bcas pa'i stobs kyi yul 'di ni/ nyan thos dang / rang sangs rgyas thams cad kyi sa ma yin/ bgrod pa ma yin no/ /gang pos gsol pa/ bcom ldan 'das/ rigs kyi bu 'dis sems can yongs su smin par bgyi ba'i slad du skyes bu chen po'i mthu </font><hr>391b<br><font size=+1>


chen po brtsams nas ji srid cig lags/ bcom ldan 'das kyis bka' stsal pa/ rigs kyi bu 'dis bskal pa gang+gA'i klung gi bye ma snyed kyi pha rol tu bla na med pa yang dag par rdzogs pa'i byang chub tu sems bskyed pa'i bskal pa ni/ grangs med de/ sangs rgyas kyi zhing gi rdul phra rab kyi rdul snyed do/ /byang chub sems dpa' shin tu rnam par phye ba'i blo gros 'dis bskal pa gang dag la ting nge 'dzin gyi mthus skyes bu'i mthu 'di lta bu brtsams nas bskal pa grangs med pa drug cu rtsa bzhi 'das so/ /gang pos gsol pa/ 'di ji srid cig na sangs rgyas kyi zhing gang du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ bskal pa chen po brgya stong phrag nyi shu rtsa drug 'das pa'i 'og tu bskal pa chen po sgrol ba zhes bya ba la sangs rgyas kyi zhing nor bu'i snying po zhes bya ba 'byung bar 'gyur te/ skye rgu'i tshe lo stong phrag bzhi bcu thub pa na mtshams med pa byed pa nas mi dge ba bcu'i chos kyi bar dang ldan pa'i sems can rnams kyi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas me tog rgyas pa mtha' yas pa'i 'od zer zhes bya bar 'gyur ro/ /des lo bzhi khrir sangs rgyas kyi bya ba ma lus par byed par 'gyur ro/ /yongs </font><hr>392a<br><font size=+1>


@#/ /su mya ngan las bzla ba'i phyir theg pa gsum po dag las sems can rnams yongs su smin par byed par 'gyur ro/ /de'i 'og tu phung po'i lhag ma med pa'i mya ngan las 'das pa'i dbyings su mya ngan las 'da' bar 'gyur ro/ /gang pos gsol pa/ bcom ldan 'das/ skyes bu dam pa 'dis sngon sems can gang dag yongs su smin par bgyis pa de dag gang du 'byung bar 'gyur/ bcom ldan 'das kyis bka' stsal pa/ skyes bu chen po de'i smon lam ris su cha pa med de/ des smon lam 'di skad du nam phyogs bcu'i phyogs re rer yang sangs rgyas kyi zhing gi rdul phra rab rdul snyed kyi sangs rgyas kyi zhing rnams su sangs rgyas bcom ldan 'das de dag bar chad med par mthong bar ma gyur tam/ bdag gis sngon byang chub kyi spyad pa spyod pa na sems can gang dag thog mar bla na med pa yang dag par rdzogs pa'i byang chub la btsud pa dang / yang dag par 'dzin du bcug pa dang| pha rol tu phyin pa drug la bkod pa de dag phyogs bcur so sor sangs rgyas kyi zhing du bla na med pa yang dag par rdzogs pa'i byang chub mngon par rdzogs par sangs rgyas par ma mthong ba de srid du bdag bla na med pa yang dag par rdzogs pa'i byang chub mngon par rdzogs par 'tshang rgya bar mi bya'o/ /ting nge 'dzin bkod pa'i mthu 'di 'dra bas phyogs bcu'i phyogs </font><hr>392b<br><font size=+1>


re rer yang sangs rgyas kyi zhing gi rdul phra rab kyi rdul snyed kyi sangs rgyas kyi zhing rnams su sangs rgyas kyi zhing de dag dang / gzhan dag na'ang sems can gang dag mtshams med pa byed pa dang / the tshom can nas mi dge ba'i chos kyi bar dang ldan par gyur pa de rnams de dag nas shi 'phos nas bdag gi sangs rgyas kyi zhing du skyes la/ bdag byang chub sems dpar 'gyur bzhin du de dag thams cad kyi dge ba'i rtsa ba bskyed par bya ste/ phyir mi ldog pa la sos sor bkod nas de nas gdod bdag bla na med pa yang dag par rdzogs pa'i byang chub tu mngon par rdzogs par 'tshang rgya bar skyes bu'i mthu chen po 'di lta bu rgyun du bya'o/ /zhes smon lam btab bo/ /de nas phyogs bcu'i sangs rgyas kyi zhing nas 'dus pa'i byang chub sems dpa' rnams kyis 'di skad ces gsol to/ / gang dag da ltar sangs rgyas kyi zhing 'dir lhags pa rnams ston pa 'di lta bu dag kyang mnyes par bgyis/ byang chub sems dpa' snying rje chen po dang ldan pa 'dus pa chen po 'di lta bu'ang mthong 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos mnyam pa nyid rdo rje lta bu brten pa'i chos kyi snying pos lus 'joms pa zhes bgyi ba'i gzungs phyag rgya dang / tshig rab tu dbye ba la 'jug pa lung bstan pa'i chos kyi tshul gyi byin gyi rlabs sngon ma thos pa 'di'ang mnyan pa'i slad du rnyed pa ni/ bdag cag gis legs par rnyed do/ /'dus </font><hr>393a<br><font size=+1>


@#/ /pa chen po rin po che tog gi gzungs las/ dam pa'i chos yongs su gzung ba'i le'u ste bdun pa'o// //yang de'i tshe de bzhin gshegs pa mi 'khrugs pas thams cad dang ldan pa'i 'khor la bos te 'di skad ces bka' stsal to/ /rigs kyi bu dag /brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i dbang po nas mi dang / mi ma yin pa'i bar du gang dag sangs rgyas kyi bstan pa la dang pa 'dir lhags pa khyed cag thams cad ngas spro bar bya'o/ /sangs rgyas bcom ldan 'das rnams 'dus pa 'di lta bu 'di dang / byang chub sems dpa' sems dpa' chen po rnams 'dus pa 'di dang / brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / mi dang / mi ma yin pa 'dus pa 'di lta bu ni/ dkon no/ /de bas na/ da khyod kyis 'di mthong nas sangs rgyas kyi zhing 'dir ma 'ongs pa'i dus na dam pa'i chos 'di dang / chos kyi tshul 'di yongs su bskyang ba dang / dkon mchog gsum gyi rigs 'di 'bar bar byed par spro ba dag gis da de bzhin gshegs pa rnams kyi spyan sngar khyed so so nas rang rang gi smon lam thob cig /yang de'i tshe bdud dge sbyong me tog ces bya bas me tog dang / 'bras bu dang / myu </font><hr>393b<br><font size=+1>


gu sna tshogs kyis rin po che sna bdun gyi bra bo byur bur bkang ste bud med kyi gzugs kha dog bzang po rgyas pa mchog dang ldan par bsgyur nas bud med kyi gos dang / rgyan mchog gis brgyan te 'di skad ces gsol to/ /sangs rgyas bcom ldan 'das gang su dag sangs rgyas kyi zhing 'dir byon te bzhugs pa thams cad dang / gang gzhan yang su dag 'dir 'dus pa thams cad bdag la dgongs su gsol/ bdag gis sangs rgyas bcom ldan 'das thams cad la me tog dang / 'bras bu dang / lo tog dang / myu gu thams cad kyis byur bur yongs su gtams shing rgyas pa'i bre bo 'di 'bul na/ sems can thams cad la thugs brtse bar dgongs te sangs rgyas bcom ldan 'das thams cad kyis bdag gi bre bo me tog dang / 'bras bu dang / lo tog dang / myu gu thams cad kyis yongs su gtams pa 'di bzhes su gsol/ 'di ltar bdag bskal pa bzang po mtha' dag la sangs rgyas kyi zhing ma lus pa 'dir bud med kyi gzugs kyis sems can rnams la zas dang / skom dang / 'bras bu dang / me tog sbyin pa'i bdag por 'gyur bar bgyi/ de dag kyang yongs su smin par bgyi/ bsod nams kyi rnam par smin pa des bdag pha rol tu phyin pa drug yongs su rdzogs nas bla na med pa yang dag par rdzogs pa'i byang chub mngon par rdzogs par 'tshang rgya bar bgyi/ sems can gang dag bdag gis 'dul ba de dag kyang yo byad </font><hr>394a<br><font size=+1>


@#/ /kyis mi brel bar bdag gis rim gro bgyi na/ bdag gi bsam pa rnams yongs su rdzogs par dngos grub stsal du gsol/ de nas sangs rgyas bcom ldan 'das de dag thams cad kyis 'di skad ces bka' stsal to/ /skyes bu dam pa khyod 'di ltar sems mngon par dad pas sbyin pa che zhing mtho ba byas pa dang / sangs rgyas thams cad la khyod kyis mchod pa byas pa legs so/ /legs so/ /khyod kyi bre bo me tog dang / 'bras bus yongs su gang ba 'di'ang bzhes so/ /khyod kyang me tog dang / 'bras bu dang / 'bru dang / lo tog la sogs pa ji ltar 'dod pa dang / gang gi phyir 'dod pa rnyed par gyur cig /khyod kyi re ba yid kyi brnag pa yongs su rdzogs par gyur cig /me tog dang / 'bras bu dang / 'bru phun sum tshogs pa grub par gyur cig /'byor pa'ang phun sum tshogs par gyur cig /de nas bdud dge sbyong me tog gis yang gsol pa/ grong dang / grong khyer dang / grong rdal dang / ljongs dang / ri brag gang dag na bdud kyi tshogs kyis mi thub pa'i gzungs 'di 'chang ngam/ ston tam/ 'chad dam/ glegs bam la bris te bsti stang bgyi ba'i grong dang / grong khyer dang / grong rdal dang / ljongs dang / ri brag de dag tu bdag gnas par bgyi'o/ /de dang de dag tu shing ljon pa rnams kyi me tog dang / 'bras bu nas 'bru dang / lo tog gi bar du bsgrub par bgyi'o/ /de dag thams cad </font><hr>394b<br><font size=+1>


na me tog dang / 'bras bu 'tshal ba'i sems can rnams kyang tshim par bgyi'o/ /bcom ldan 'das/ de bas na/ tshe bas pa ma gtogs par gal te de na sems can me tog dang / 'bras bu'i zas 'tshal ba 'ga' zhig me tog dang / 'bras bu'i zas ma 'tshal ba'i slad du 'gum pa'i dus bgyid par gyur na/ dus gsum du gshegs pa'i sangs rgyas bcom ldan 'das thams cad dang / 'dus pa chen po ma lus pa 'di bdag gis bslus par gyur gyi/ bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /gang yang de na sems can rnams me tog dang / 'bras bu 'tshal ba de ni/ bdag gi sbyin pa'i pha rol tu phyin pa yongs su rdzogs pa'i rgyur 'gyur ro/ /bcom ldan 'das/ de na me tog dang / 'bras bu de dag 'tshal nas gang sems can de dag gcig la gcig phan pa dang / mnyen pa dang / snying rje'i sems su 'gyur ba de ni/ bdag gi tshul khrims kyi pha rol tu phyin pa dang / bzod pa'i pha rol tu phyin pa yongs su rdzogs pa'i rgyur 'gyur ro/ /gang me tog dang / 'bras bu 'tshal nas brtson 'grus dang ldan par 'gyur ba de ni/ bdag gi brtson 'grus kyi pha rol tu phyin pa yongs su rdzogs pa'i rgyur 'gyur ro/ /gang sems dang sems las byung ba dag la mi rtag pa'i 'du shes 'jug pa de ni/ bdag gi bsam gtan gyi pha rol tu phyin pa yongs su rdzogs pa'i rgyur 'gyur ro/ /gang me </font><hr>395a<br><font size=+1>


@#/ /tog dang / 'bras bu 'tshal nas tha na bya dang / ri dwags kyang chos 'tshal bar gyur cing stong pa nyid la gnas na/ de ni/ bdag gi shes rab kyi pha rol tu phyin pa yongs su rdzogs pa'i rgyur 'gyur ro/ /gzhan yang chos kyi rnam grangs 'di gang du byung ba der sems can rnams kyi 'bras dang / gro dang / nas dang / til dang / mon sran sde'u dang / mon sran gre'u dang / rgya sran dang / sran chung dang / sran ma dang / gang dag lo tog tu gyur pa de dag 'tshal ba'i slad du bdag gis nan tan cher bgyi'o/ /'bru dang / lo tog mang po dag gis kyang mdzod dang / bang ba thams cad yongs su gtams par bgyi'o/ /de na sems can gang tha na bya dang / ri dwags dag gis kyang 'tshal bar gyur na/ de ni/ bdag gi shes rab kyi pha rol tu phyin pa yongs su rdzogs pa'i rgyur 'gyur ro/ /der bdag gi bu ram shing dang / rgun 'bru dang / bal bo se'u'i khu shugs shin tu mang po bsgrub par bgyi'o/ /der bdag gis sems can rnams kyi rdza ma dang / bum pa dang / bya skyogs rnams yongs su gtams par bgyi'o/ /gang de la tha na bya dang / ri dwags la sogs pas 'tshal na'ang de ni/ bdag gi shes rab kyi pha rol tu phyin pa'i bar du yongs su rdzogs pa'i rgyur 'gyur te/ de ltar bdag gis pha rol tu phyin pa drug po de dag yongs su rdzogs nas bla na med pa yang dag par rdzogs pa'i byang chub </font><hr>395b<br><font size=+1>


mngon par rdzogs par 'tshang rgya bar bgyi'i/ sangs rgyas bcom ldan 'das rnams dang / byang chub sems dpa' sems dpa' chen po thams cad kyis bdag gi byang chub sems dpa'i spyod pa 'di lta bu 'di la rjes su dgyes par mdzad du gsol/ de nas sangs rgyas bcom ldan 'das de dag thams cad kyis cang mi gsung bar gyur pas gnang ba mdzad do/ /de nas de bzhin gshegs pa ye shes tog ces bya bas 'di skad ces bka' stsal to/ /skyes bu dam pa/ khyod 'di lta bu'i mthu chen po byed nus kyi/ skyes bu dam pa/ khyod kyi stobs dang / brtson 'grus dang / spro ba dang / rtul ba de lta bus sems can thams cad gnyer bar gyis shig /de nas bdud dge sbyong me tog gis de bzhin gshegs pa ye shes rtog de las dbugs 'byin pa de thos nas 'di skad ces gsol to/ /sangs rgyas bcom ldan 'das rnams bdag la dgongs su gsol/ gang la la zhig na chos kyi rnam grangs 'di mi spyod pa der bdag mi gnas kyi/ gang la lar chos kyi rnam grangs 'di spyod pa der bdag gnas te/ sa phyogs de na 'bru dang / sman dang / 'bras bu dang / me tog gang dag 'byung ba de dag sems can rnams kyi longs spyod dang / kun spyod pa'i slad du rab tu snum bag can dang / shin tu che ba dang / shin tu mang ba dang / shin tu ro bda' ba dang / shin tu yongs su kha dog dang ldan par bsgrub par bgyi/ sems can de dag </font><hr>396a<br><font size=+1>


@#/ /kyang bza' ba dang / btung bas tshim par bgyi/ sems can rnams kyi mdzod dang / bang ba dang / bum pa dang / rdza ma dang / bya skyogs rnams shin tu yongs su gtams par bgyi/ tha na gang bya dang / ri dwags kyis de la 'tshal kyang de ni/ bdag gi shes rab kyi pha rol tu phyin pa yongs su rdzogs pa'i rgyur 'gyur ba dang / bdag gis sangs rgyas kyi zhing 'dir bskal pa stong thams cad du sems can rnams la zas dang skom gyi longs spyod 'di lta bu dag gis tshim par bgyi/ de bzhin du sangs rgyas kyi zhing kun nas nyon mongs pa can du gyur pa snyigs ma lnga dang ldan par gyur pa grangs ma mchis dpag tu ma mchis pa gang+gA'i klung gi bye ma snyed rnams su bskal pa stong re re la'ang skyes bu'i mthu chen po 'di lta bu bgyi zhing / de nas gdod bdag bla na med pa yang dag par rdzogs pa'i byang chub mngon par rdzogs par 'tshang rgya bar bgyi na/ bdag gi las yongs su rdzogs par 'gyur bar dngos grub stsal du gsol/ bcom ldan 'das/ 'di dag ni/ rang gi smon lam gyis 'gugs pa'i gsang sngags kyi tshig lags so/ /'di lta ste/ tsa me kha/ tsa me kha| tsam me kha/ bi bri ta ha te/ ba ha ba ha ba ha/ sma ra asma ra kA na/ sa ra Te/ bi ba ba sa be/ sa ra sa ra/ in+d+re/ sa ra ma hIn+d+re/ sa ra badzren+d+re/ ta ra badzren+d+re/ ta ra ba ya asma kan/ hu hu hu/ </font><hr>396b<br><font size=+1>


hu hu hu/ a sang+ka dza be/ ha kha kha ba yu ba he/ u pa na ya/ san+ta ra pa ya/ bi dza pha la puSh+pa/ o Sha d+hi/ d+ha na d+ha n+ye na tsan+d+ra ak+Sha ye/ dza la ba la ha ne/ sma ra asma ra ka na/ saM mya ga pra ti ban+na pa ya sa Ta ta kA li/ ya ma me/ ma mi ma ma de tsa ba ra swA hA/ bcom ldan 'das/ yongs su smin par bgyi ba dang / byang chub kyi spyod pa yongs su rdzogs par bgyi ba'i slad du gang dang gang na chos kyi rnam grangs 'di dang / gsang sngags kyi tshig 'di dag bshad pa de dang de dag tu bdag gnas par bgyi'o/ /de nas yang de'i tshe sangs rgyas bcom ldan 'das de dag thams cad kyis de la legs so/ /zhes bya ba byin no/ /byang chub sems dpa' sems dpa' chen po thams cad dang / bdud kyi 'khor dang bcas pa de dag thams cad dang / brgya byin dang / tshangs pa dang / 'jig rten skyong ba thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / grul bum dang / sha za dang / mi dang / mi ma yin pa de dag thams cad dang / sangs rgyas kyi zhing 'dir gtogs pa'i sems can thams cad kyis mgrin gcig tu legs so/ /zhes bya ba byin te/ skyes bu dam pa| khyod bud med kyi gzugs kyis sems can yongs su smin par byed pa dang / pha rol tu phyin pa drug spyod pa legs so/ /legs so/ /kho bo cag gi bsod nams dang / brtson </font><hr>397a<br><font size=+1>


@#/ /'grus dang / stob sdang / pha rol gnon pas skyes bu'i mthu 'di lta bu mngon par grub par 'gyur ro/ /de nas de bzhin gshegs pa shAkya thub pas 'di skad ces bka' stsal to/ /skyes bu dam pa 'di'i grogs byed par snying brtse ba can du spro'o/ /de nas bdud dge sbyong me tog gi 'khor gang yin pa des mgrin gcig tu 'di skad ces gsol to/ /bdag cag 'di'i slad bzhin du 'brang zhing mdza' ba dang / rjes su mthun pa'i grogs bgyi'o/ /skyes bu dam pa/ khyod nam bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe khyod kyis bdag cag bla na med pa yang dag par rdzogs pa'i byang chub tu lung ston cig /bdud dge sbyong me tog gis smras pa/ bzhin bzang dag |de bzhin du gyur cig /sems can gang dag gis sa la sa bon rnams btab ste me tog dang / 'bras bu dang / dri kun tu spyod par gyur pa de'ang bdag cag la phan pa dang / bde bar gyur cig /de nas de bzhin gshegs pa shAkya thub pa de la bdud dge sbyong me tog gis 'di skad ces gsol to/ /bdag ni/ khyod kyi bstan pa 'dzin pa chos kyi tshul 'bar bar bgyid pa lags te/ 'di nyid du thog mar mu ge'i dgon pa rab tu zhi ba bgyi ba'i slad du nan tan cher bgyi'i/ bcom ldan 'das/ bdag lba na med pa yang dag par rdzogs pa'i byang chub </font><hr>397b<br><font size=+1>


tu lung bstan du gsol/ de nas bdud dge sbyong me tog gis de bzhin gshegs pa shAkya thub pa de la yan lag lngas phyag btsal te phyogs gcig tu 'dug go/ /de nas de bzhin gshegs pa shAkya thub pas bdud dge sbyong me tog la 'di skad ces bka' stsal to/ /bde gshegs sras po dpa' bo pad+ma'i gdong longs shig /khyod kyis de ring byang chub mchog tu smon lam snying po btab| |rtsa lag gcig pu snying rje skyes te bkres pa'i sdug bsngal gyis/ /gzir ba'i 'gro ba 'di bkrol nas ni sangs rgyas 'grub par 'gyur/ /chos rnams rang bzhin dri med dag la nam mkha' 'dra ba dang / /stong nyid mtshan ma rnams dang smon pa'i yul las rab grol bar/ /rtogs nas zhing 'dir ring por mi thogs dpal ldan zhes bya ba'i/ /sangs rgyas dgra thul blo gros shin tu bstan pa nyid du 'gyur/ /de nas bdud dge sbyong me tog mchog tu dga' zhing yid bde ba skyes nas bcom ldan 'das de dag la me tog sna tshogs kyis gtor to/ /yang de'i tshe byang chub sems dpa' sems dpa' chen po grub pa'i blo gros zhes bya ba stan las langs te thal mo sbyar nas sangs rgyas kyi zhing 'dir gtogs pa'i sangs rgyas bcom ldan 'das la dbyangs kyis go bar byas nas 'di skad ces gsol to/ /sangs rgyas bcom ldan 'das rnams bdag la dgongs su gsol/ bskal pa bzang po byung nas bdag gis de bzhin gshegs </font><hr>398a<br><font size=+1>


@#/ /pa 'khor ba 'jig gi spyan sngar sems can yongs su smin par bya ba'i slad du smon lam btab ste/ sems can rnams kyi nad brgya rtsa bzhi rab tu zhi bar bgyi ba'i slad du bud med kyi gzugs kyis sa'i bcud las byin blangs te rtswa dang / rtswa ba sna tshogs kyi nang du stsal to/ /sems can rnams longs spyod du bgyi ba dang / nad rab tu zhi bar bgyi ba'i slad du sman bcud kyis len brgya rtsa bzhi sbyar te/ rtsa ba'i sman brgya rtsa bzhi dang / 'bras bu'i sman brgya rtsa bzhi dang / mar las bsgral ba brgya rtsa bzhi dang / 'bru mar las bsgral ba brgya rtsa bzhi dang / bkru sman brgya rtsa bzhi dang / sman nad med ces bya ba brgya rtsa bzhin nas bska ba'i phye ma dang / ril bu dang / snar stsal ba'i bar du stong rtsa bzhi bstan to/ /sems can yongs su smin par bgyi ba dang / nad zhi bar bgyi ba dang / sems can la phan par bgyi ba'i slad du bdag gis de bzhin gshegs pa 'khor ba 'jig zhabs 'bring ba dang bcas pa la kun spyad pa sna tshogs kyis bsnyen bkur bgyis nas der bdag byang chub tu lung bstan par 'tshal ba dang / de nas de bzhin gshegs pa 'khor ba 'jig rten gis bdag la 'di skad ces bka' stsal to| |ma 'ongs pa'i dus na skye rgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas zhes bya ba nas sangs rgyas bcom ldan 'das </font><hr>398b<br><font size=+1>


zhes bya ba'i bar dang ldan pa shAkya thub pa zhes bya ba 'byung ngo / /de bzhin gshegs pa de'i sngon gyi smon lam gyis sangs rgyas 'dus pa chen po dang / byang chub sems dpa' 'dus pa chen po 'byung ste/ der khyod bla na med pa yang dag par rdzogs pa'i byang chub tu lung bstan pa thob par 'gyur ro/ /de'i 'og tu de bzhin gshegs pa gser thub kyis kyang de skad ces bka' stsal to| |de'i 'og tu 'od srung gis kyang bdag la de skad ces bka' stsal nas de'i tshe bdag gis sems can nad pa rnams kyi slad du bskal pa chen po gang+gA'i klung gi bye ma snyed kyi bar du sangs rgyas kyi zhing 'dir sman chen po bcud kyis len gyis lhar gyur cig /der yang bdag gis sems can kun spyad pa dang / nad rab tu zhi bar bgyi ba'i slad du sa'i bcud rgya chen po blangs nas rtswa dang| rtsa ba dang / lo ma dang / 'dab ma dang / me tog dang / 'bras bu sna tshogs kyi nang du stsal to/ /de na sems can gang dag gis yang dag par sbyar te 'tshal nas sems can de dag sems dang sems las byung ba dag la mi rtag pa dang / sdug bsngal ba dang / stong pa dang / bdag med par so sor rtog par gang 'jug pa de'ang bdag gi shes rab kyi pha rol tu phyin pa yongs su rdzogs pa'i rgyur 'gyur ba dang / ji ltar bdag sangs rgyas kyi zhing 'dir skyes pa'i mthu chen po bgyid pa de bzhin du/ phyogs bcu'i 'jig rten gyi khams gang+gA'i klung gi bye ma snyed kyi </font><hr>399a<br><font size=+1>


@#/ /'jig rten gyi khams re rer yang bskal pa gang+gA'i klung gi bye ma snyed du bdag gis bud med kyi gzugs kyis spro ba chen po dang / stobs dang / brtson 'grus dang / rtul ba 'di lta bu dang / sems can nad pa yongs su smin par bgyi ba dang / bsnyen bkur bgyi ba 'di lta bus bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /ces smon lam btab bo/ /de ltar yang bdag sangs rgyas bcom ldan 'das rnams kyi spyan sngar smon lam 'phel bar bgyid do/ /skal pa chen po dang ldan pa/ pha rol gnon pa/ brtan pa/ dge sbyong me tog 'di'i grogs su yang gyur cig /bdag cag gnyis kas kha dog gcig tu bud med kyi gzugs kyis sems can rnams yongs su smin par bgyi'o/ /bud med rnams yongs su smin par bgyi'o/ /bcom ldan 'das/ yang bdag cag gnyis kyis nad pa rnams dang / rgan po rnams kyi nad rab tu zhi bar bgyi ba'i slad du sa'i bcud las byin blangs la zas dang / skom dang / kha dog dang / dri dang / ro dang ldan pa sbyar bar bgyi ste/ bdag gi shes rab kyi pha rol tu phyin pa'i bar du yongs su rdzogs pa'i rgyur gyur cig /bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhe na/ sangs rgyas bcom ldan 'das rnams kyis </font><hr>399b<br><font size=+1>


bdag la legs so/ /zhes bgyi ba stsal du gsol/ sangs rgyas bcom ldan 'das rnams kyis bdag bla na med pa yang dag par rdzogs pa'i byang chub tu lung bstan du gsol/ de nas sangs rgyas bcom ldan 'das de dag gis skyes bu dam pa/ khyod legs so/ /legs so/ /zhes de la legs so/ /zhes bya ba byin no/ /de nas de bzhin gshegs pa shAkya thub pas 'di skad ces bka' stsal to/ /khyed ni 'jig rten nad pa'i sman pa gcig /de bzhin dbang po rnams la bde byed pa/ /pad+ma ldan pa zhing gtsang pad+ma der/ /rnam par snang mdzad ces bya rgyal bar 'gyur/ /de bzhin du byang chub sems dpa' sems dpa' chen po sa 'dzin ces bya ba lung bstan pa thob par 'dod nas bud med kyi smon lam btab pa dang / de bzhin gshegs pa shAkya thub pas de la'ang 'di skad ces bka' stsal to/ /khyod ni ri dang sa 'dzin gcig pu ste/ /khyod kyi re ba myur du rdzogs par 'gyur/ /rgyal ldan zhing mchog phun sum tshogs par ni/ /ye shes dbang phyug ces bya rgyal bar 'gyur/ / de bzhin du byang chub sems dpa' ye shes bla ma zhes bya ba lung bstan pa thob par 'dod nas bud med kyi gzugs su spyod pas smon lam btab pa dang / de nas yang bcom ldan 'das kyis de la'ang 'di skad ces bka' stsal to/ /khyod kyis 'dir ni thabs dang shes rab kyis/ /me tog 'bras bus sems can tshim byas nas/ /zhing mchog rnam par dag pa sgo ldan du/ /nyi ma mchog gi bde bar </font><hr>400a<br><font size=+1>


@#/ /gshegs par 'gyur/ /de bzhin du byang chub sems dpa' thal ba ston zhes bya bas lung bstan pa thob par 'dod nas bud med kyi gzugs kyis me la yongs su spyod pas sems can yongs su smin par bya ba'i phyir smon lam btab pa dang / de nas bcom ldan 'das kyis de la'ang 'di skad ces bka' stsal to/ /'gro ba mi rtag 'du shes byas nas ni/ / skye bo byang chub yongs su smin byas nas/ /skye bo rdul can zhing mchog rab bsngags par/ /me yi sgron ma bde bar gshegs par 'gyur/ /de bzhin du byang chub sems dpa' sems can la g.yo zhing rdul dang bral ba lung bstan pa thob par 'dod nas bud med kyi gzugs kyis rlung la yongs su spyod pas sems can yongs su smin par bya ba'i phyir smon lam btab pa dang / de nas bcom ldan 'das kyis de la'ang 'di skad ces bka' stsal to/ /g.yo bas sems can rnams la dga' sbyar te/ khyod ni nyon mongs rab tu zhi byed cing / /rnam dag zhing du mnyam nyid don mthor ba/ /zla ba'i 'od ces bya ba'i rgyal bar 'gyur/ /de bzhin du byang chub sems dpa' sgrib pa med pa'i sgron ma lung bstan pa thob par 'dod nas bud med kyi gzugs kyis nam mkha' la yongs su spyod pas sems can yongs su smin par bya ba'i phyir smon lam btab pa dang / bcom ldan 'das kyis de'i bar du de la'ang 'di skad ces bka' stsal to/ /mi gnas ye shes </font><hr>400b<br><font size=+1>


ston pa mya ngan med/ /yang dag byang chub lam mchog don smra ba/ /sgrib pa bsal cing chags pa med zhing du/ /ye shes mchog ces bya ba'i rgyal bar 'gyur/ /de bzhin du byang chub sems dpa' spos mchog smra ba lung bstan pa thob par 'dod nas bud med kyi gzugs dang ldan pa me tog la yongs su spyod pas sems can yongs su smin par bya ba'i phyir smon lam btab pa dang / de nas bcom ldan 'das kyis de la'ang 'di skad ces bka' stsal to/ /sangs rgyas lam mchog ston pa rnams la ni/ /me tog spos mchog dag gis mchod byas nas/ /me tog 'byung gnas zhing mchog rnam dag tu/ /kun nas spos kyi bde bar gshegs par 'gyur/ /de bzhin du byang chub sems dpa' kha dog ngur smrig lung bstan pa thob par 'dod nas bud med kyi gzugs dang ldan pas tshon sna tshogs la yongs su spyod pas sems can yongs su smin par bya ba'i phyir smon lam btab pa dang / de nas bcom ldan 'das kyis de la'ang 'di skad ces bka' stsal to/ / 'jig rten ngur smrig gos la btsud nas su/ /dkon mchog gsum rigs dga' bar ldan byas nas/ /sngon por snang ba'i sangs rgyas zhing mchog tu/ /rin chen snang ba'i bde bar gshegs par 'gyur/ /de bzhin du sa bon dang / nags tshal dang / 'bras bu'i lha du ma nas byang chub sems dpa' bye ba khrag khrig brgya stong phrag drug cu rtsa bdun gyi bar dag lung bstan pa thob par </font><hr>401a<br><font size=+1>


@#/ /'dod nas bud med kyi gzugs kyis sems can yongs su smin par bya ba dang / bud med shin tu yongs su smin par bya ba'i phyir bla na med pa yang dag par rdzogs pa'i byang chub tu smon lam btab pa dang / de dag tshigs su bcad pa re res lung bstan pa thob par gyur to/ /de ci'i phyir zhe na/ pho mtshan gyur te mo mtshan thob pa ni/ shin tu rnyed par sla la| mo mtshan gyur te pho mtshan thob pa ni/ shin tu rnyed par dka' ba'i phyir ro/ /de'i tshe na lha dang klu chen po bye ba phrag brgya lung bstan pa thob par 'dod nas byang chub tu smon lam btab pa dang / tshigs su bcad pa re res so sor lung bstan pa thob bo/ /de bzhin du lha ma yin dkrigs phrag drug cu rtsa bzhi dang / bye ba phrag brgyad cu dang / lha dang mi'i bu mo mi 'khrugs bye ba khrag khrig brgya stong phrag bdun cu dang / bdud dang bdud kyi 'khor dkrigs phrag bye ba khrag khrig brgya stong phrag dgu bcu rtsa dgu nas mi dang / mi ma yin pa'i bar dang| bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo gang+gA'i klung gi bye ma snyed kyi bar dag bla na med pa yang dag par rdzogs pa'i byang chub tu lung bstan pa thob par 'dod pa dang / tshigs su bcad pa re res so sor lung bstan pa thob bo/ /mi dang / mi ma yin pa dang / de bzhin du lha dang / klu </font><hr>401b<br><font size=+1>


dang| gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / yi dwags dang / sha za bgrang ba las 'das pa sngon bla na med pa yang dag par rdzogs pa'i byang chub tu sems ma bskyed pa dag ni/ sems bskyed par gyur to/ /sems can bgrang ba las 'das pa dag ni/ phyir mi ldog pa'i sa la gnas par gyur to/ /sems can bgrang ba las 'das pa dag ni/ byang chub sems dpa'i ting nge 'dzin dang / bzod pa dang / gzungs sna tshogs thob par gyur to/ /sems can bgrang ba las 'das pa dag ni/ 'bras bu thob nas 'dod chags dang bral te zag pa zad par gyur to/ /sems can bgrang ba las 'das pa dag ni/ nyan thos dang / rang sangs rgyas kyi theg pa las sems bskyed nas sangs rgyas nyid du phyir mi ldog pa'i sa la gnas par gyur te/ de dag thams cad kyis mgrin gcig tu 'di skad ces gsol to/ /bdag cag thams cad sangs rgyas bcom ldan 'das kyis bka' stsal pa bzhin du dam pa'i chos 'di yongs su gzung bar bgyi'o/ /gang dag chos kyi rnam grangs 'di 'dzin pa dang / yi ger 'bri ba nas 'chang bar bgyid pa'i bar gyi gang zag de dag kyang rig pas yongs su bskyang bar bgyi'o/ /'dus pa chen po rin po che tog gi gzungs las/ lung bstan pa'i le'u ste brgyad pa'o// //de nas bcom ldan 'das de bzhin </font><hr>402a<br><font size=+1>


@#/ /gshegs pa shAkya thub pas yang 'di skad ces bka' stsal to/ /sangs rgyas bcom ldan 'das gang dag thugs brtse bas dri ba'i slad du sangs rgyas kyi zhing 'dir gshegs pa thams cad rigs kyi bu 'di dag gis gos dang / zas dang / skom dang / sman dang / yo byad kyis sems can rnams shin tu tshim par bgyis te bud med kyi gzugs kyis sems can rnams bla na med pa yang dag par rdzogs pa'i byang chub tu yongs su smin par bgyi ba dang / ci nas 'di dag sems can yongs su smin par bgyi ba'i slad du sems bskyed ma thag tu ci 'tshal ba dang / gang gi slad du 'tshal ba dang / ji lta bu 'tshal ba'i gos dang / zas dang / skom dang / sman dang / yo byad rnams sprul pa'am/ bsham pa 'byor par 'gyur ba'i yid la re ba yongs su rdzogs par 'gyur ba dang / ci nas skyes bu dam pa 'di dag skyes bu chen po mthu 'di lta bu bgyid pa dang / sems can rnams la longs spyod dang / yongs su spyod pas rim gro bgyid nus par 'di dag la dgongs su gsol/ de nas sangs rgyas bcom ldan 'das de dag gis thugs rje chen po dang / bsod nams dang / ye shes dang / bsam gtan gyis brgyan pa'i rgyu mthun pa yid la mdzad pas skyes bu dam pa de dag la 'di skad ces bka' stsal to/ /khyed kyi bsam pa dang / yid la re ba yongs </font><hr>402b<br><font size=+1>


su rdzogs par bya ba'i phyir dus gsum du gshegs pa'i sangs rgyas bcom ldan 'das thams cad kyis byin gyis brlabs ba/ dge ba'i rtsa ba thams cad kyi rgyu mthun pa'i gsang sngags kyi tshig 'di dag byin no/ /'di lta ste/ dz+yo to ba ba/ d+h+ri ti ba ba/ mu ni ba ba/ sa t+ya ba ba/ sU n+ya/ a lang+kar \?\ ba ba/ d+h+yA na ras ba ba/ ma hA kA ru Na ba ba/ ma hA pra ti ba ba/ a mo ha ba ba/ ru ti ba ba/ k+Shi ti ba ba/ sa li la ba ba/ kha ga ba ba/ ba yu ba ba/ brta ba ba/ a d+hiSh+ThA na ba ba/ a ma ba ba/ a ha na na ba ba/ ta thA ba ba/ b+hU ta ko Ti ba ba/ ni ra bri ti ba ba/ tri ya la na ba ba/ trai d+hA tu ka ba ba/ tri bi mo k+Sha ba ba/ tri shU kla ba ba/ raSh+Ti a d+hiSh+ThA na ba ba/ ba ba ba ba ba ba/ sa ma tra ya na n+ya sa ma tA/ Ta Ta Ta Ta/ Ta Ta TaSh+Ta/ sid+d+hi sarba ku la sha la mu la/ a d+hiSh+ThA na ya swAhA/ skyes bu dam pa/ khyed kyis chos thams cad mnyam pa nyid kyi gsang sngags kyi tshig bsam pa thams cad yongs su rdzogs par byed pa 'di dag sems can rnams kyi longs spyod dang / kun spyod pa dang / yongs su smin par bya ba dang / khyed kyi byang chub kyi spyod pa yongs su rdzogs par bya ba'i phyir zungs shig /yang de'i tshe dge sbyong me tog dang / dpal gyi lha mo dang / rtsi'i lha mo grub pa'i blo gros dang / lha mo sa 'dzin la sogs te/ byang chub sems dpa' khri thams cad bud med kyi gzugs kyis sems can rnams kyi longs spyod dang / kun spyod pa dang / yongs su smin par bya ba'i phyir brtson par gyur nas de dag thams cad mgrin </font><hr>403a<br><font size=+1>


@#/ /gcig tu 'di skad ces gsol to/ /bdag cag gi yid la re ba yongs su rdzogs par bgyi ba'i slad du sangs rgyas bcom ldan 'das 'di rnams kyis gsang sngags kyi tshig 'di dag gsungs pas na/ byin gyi rlabs 'dis bdag cag sems can thams cad la rim gro bgyid nus so/ /bdag cag bla na med pa'i ye shes de sgrub par nus so/ /bdag cag gis sems can thams cad yongs su smin par bgyi ba'i slad du gsang sngags kyi tshig 'di dag gzung bar bgyi zhing brtson pa drag pos spro bar bgyi'o/ /yang sems can thams cad la snying brtse ba'i slad du da de bzhin gshegs pa rnams kyi spyan sngar rang gi dam bcas pa la gnas par bgyi'o/ /lha'am klu nas mi'i bar gang la la zhig de bzhin gshegs pas byin gyis brlabs pa'i dam pa'i chos kyi tshul 'di ma mchis par bgyid dam/ zhig par bgyid dam/ rnam par ma rungs par bgyid la/ bdag cag gis dam pa'i chos yun ring du gnas par bgyi ba'i slad du gal te de ma bzlog gam/ nan tan ma bgyis na/ bdag cag gis dus gsum du gshegs pa'i sangs rgyas bcom ldan 'das thams cad bslus par gyur cig /bdag cag bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur cig /kye grogs po dag /lha nas mi'i bar gang la la zhig dge slong ngam/ dge slong </font><hr>403b<br><font size=+1>


ma'am| dge bsnyen nam/ dge bsnyen ma la 'tshe la/ gal te bdag cag gis de dag la bzlog gam/ bdag cag gis de dag gi 'khrug ba zhi bar bgyi ba'i slad du nan tan ma bgyis na/ bdag cag gis dus gsum du gshegs pa'i sangs rgyas bcom ldan 'das de dag thams cad bslus par gyur cig /bdag cag bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /bcom ldan 'das/ byang chub don du gnyer ba'i rigs kyi bu'am rigs kyi bu mo gang la la zhig zhugs dang / chab dang / dug dang / mtshon dang / byad dang / rims zhag gcig pa dang / zhag gnyis pa dang / zhag gsum pa dang / zhag bzhi pas 'jigs pa nas lha dang / klu dang / gnod sbyin dang / lus srul po dang / rgyal rigs dang / bram ze'i rigs dang / rje'u rigs dang / dmangs rigs dang / seng+ge dang / stag dang / nad dang / bkres pa dang / skom pa dang / 'tshe ba gang yang rung ba'i bar dag gis 'jigs shing skrag par gyur pa las/ sangs rgyas thams cad kyis byin gyis brlabs pa/ bsam pa thams cad yongs su rdzogs par bgyi ba'i gzungs kyi gsang sngags kyi tshig 'di dag dran na/ sngon gyi las kyi sgrib pa ni| ma gtogs te/ bdag cag gis de dag gnod pa rnams las yongs su thar \?\ par ma bgyis na/ dus gsum du gshegs pa'i sangs rgyas thams cad bdag cag gis bslus par gyur </font><hr>404a<br><font size=+1>


@#/ /cig /bdag cag bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur cig /de'i tshe gang dag sangs rgyas kyi zhing 'dir gtogs pa'i sangs rgyas bcom ldan 'das de dag thams cad kyis de dag la legs so/ /zhes bya ba byin te/ skyes bu dam pa/ khyed kyis legs par dam bcas pa legs so/ / legs so/ /khyed kyis skyes bu dam pa'i mthu chen po 'di lta bu byed nus so/ /de nas de bzhin gshegs pa shAkya thub pas bdud sdig to can la 'di skad ces bka' stsal to/ /thub pa gshegs pa 'di dag la ni dad cing dga' ba'i mchog bskyed de/ /de ring gzhan gyi don phyir dga' bar myur du byang chub sems gzhel byos/ /sdig can khyod ni rang gi yul nas rab tu grogs med mthu med kyi/ /thub pa la ni khyod kyis bsdo zhing snyog par byed pa gtang bar byos/ /de nas bdud sdig can gyis gsol pa/ khyod kyi tshig gis byang chub dri med dad pa'i sems gcig bdag mi bskyed/ /thub pa ma gsung bzhugs shig bdag la rjes su 'gro ba rnams kyang mchis/ /de dag lhan cig bdag gi yul na dpung dang bzhon par gnas par bgyi| |phun sum mchog 'dzin bdag mthus ji srid 'tsho ba khyod kyi dbang mi mchi/ /'dus pa chen po rin po che tog gi gzungs las/ snying brtse ba'i le'u ste dgu ba'o// // </font><hr>404b<br><font size=+1>


bam po brgyad pa ste tha ma/ yang de'i tshe de bzhin gshegs pa me tog man+dA ra ba'i dri mos kyis de bzhin gshegs pa shAkya thub pa la 'di skad ces gsungs so/ /ji ltar 'das pa'i de bzhin gshegs pa rnams sangs rgyas kyi zhing tha dad pa dag nas byon te nyon mongs pa can snyigs ma lnga dang ldan pa'i sangs rgyas kyi zhing du 'dus nas dam pa'i chos kyi tshul 'di ni/ legs par byin gyis brlabs/ bdud bye ba ni/ pham par mdzad/ byams pa chen po dang / snying rje chen po'i spyan gyis sems can rnams la ni/ gzigs/ sdig pa'i lta ba las ni/ rab tu thar par mdzad/ shes rab kyi sgron ma ni/ 'bar bar mdzad/ zhi ba'i lam la ni/ bkod de/ chos mnyam pa nyid rdo rje lta bu brten pa'i chos kyi snying pos lus 'joms pa zhes bgyi ba'i gzungs phyag rgya dang / tshig rab tu dbye ba la 'jug pa lung bstan pa chos kyi rnam grangs 'di ni/ bshad/ nag po'i phyogs ni/ pham par mdzad/ chos kyi rgyal mtshan ni/ btsugs pa de bzhin du/ da ltar phyogs bcu dag na bzhugs shing gzhes pa'i sangs rgyas bcom ldan 'das bdag cag rnams kyis kyang sems can la thugs brtse ba'i slad du nyon mongs pa can snyigs ma lnga dang ldan pa'i sangs rgyas kyi zhing du 'du ba chen po mdzad de/ chos kyi tshul 'di legs par byin gyis brlabs pa nas chos kyi rgyal mtshan btsugs pa'i bar du mdzad na/ shAkya thub pa khyod ni/ nyi ma nub nas sangs </font><hr>405a<br><font size=+1>


@#/ /rgyas kyi zhing 'dir su zhig mchog tu 'gyur/ dam pa'i chos 'di 'dzin par 'gyur/ dam pa'i chos kyi tshul 'di 'bar bar bgyid par 'gyur/ sems can rnams yongs su smin par bgyid par 'gyur/ 'dus pa chen po 'dir yang bgrang bar chud par 'gyur/ bdag gis su'i lag tu chos kyi rnam grangs 'di yongs su gtad par bgyi/ de nas bcom ldan 'das de bzhin gshegs pa shAkya thub pas de bzhin gshegs pa me tog man+d+rA ra ba'i dri mos la 'di skad ces gsungs so/ /sangs rgyas kyi zhing 'di na gnas pa'i byang chub sems dpa' bzod pa thob la rnams sam/ brgya byin nam/ tshangs pa'am/ 'jig rten skyong ba'am/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i dbang po'am/ gang su'ang rung ste/ chos kyi tshul 'di la mngon par brtson pa rnams dang / gang dag dbus kyi gling bzhi po 'di dag na gnas pa/ chos kyi tshul 'di la mngon par dad pa'i brgya byin dang / tshangs pa dang / 'jig rten skyong ba gnas lto 'phye chen po'i dbang po'i bar de dag gi lag tu gzungs kyi phyag rgya'i chos kyi rnam grangs 'di yongs su gtad par mdzod cig /de nas de bzhin gshegs pa me tog man+dA ra ba'i dri mos kyis dbyangs kyi dkyil 'khor gyi tshig brjod pa thogs pa med pas sangs rgyas kyi zhing mtha' </font><hr>405b<br><font size=+1>


dag khyab par mdzad nas 'di skad ces bka' stsal to/ /grogs po dag /gang su dag sangs rgyas kyi zhing 'dir 'dus pa thams cad nyon cig /de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba ni/ shin tu dkon no/ /sangs rgyas bcom ldan 'das thams cad gcig tu sangs rgyas kyi zhing gcig tu 'dus pa 'di shin tu dkon te/ khyod la thugs brtse ba dang / sems can thams cad rjes su gzung ba dang / dam pa'i chos kyi tshul byin gyis brlab pa dang / bla na med pa'i lam la dgod pa'i phyir sangs rgyas 'di dag thams cad 'dus te dam pa'i chos kyi tshul yun ring du gnas par bya ba dang / dkon mchog gsum gyi rigs rgyun mi 'chad par bya ba dang / sems can thams cad yongs su smin par bya ba nas 'khor ba'i pha rol tu 'gro bar bya ba'i bar gyi phyir da ltar sangs rgyas bcom ldan 'das thams cad kyis dus gsum du gtogs pa'i sa'i khams thams cad byin gyis brlabs so| |chu'i khams thams cad dang / me'i khams thams cad dang / rlung gi khams thams cad dang / nam mkha'i khams thams cad byin gyis brlabs so/ /de nas sangs rgyas bcom ldan 'das de dag thams cad kyis gang dag sangs rgyas kyi zhing 'di na gnas pa'i byang chub sems dpa' sems dpa' chen po rnams dang / brgya byin dang / tshangs pa dang / 'jig rten </font><hr>406a<br><font size=+1>


@#/ /skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto phye chen po'i dbang po dag dang / gang dag gzi brjid che ba gzi brjid che ba'i sems can rnams dang / gang dag yang gling bzhi pa'i 'jig rten gyi khams na gnas pa de dag thams cad la bos te 'di skad ces bka' stsal to/ /kye grogs po dag /sems can thams cad yongs su smin par bya ba'i phyir chos kyi tshul 'di byin gyis brlabs te khyod kyi lag tu shin tu gtad kyi/ ci nas 'dir dam pa'i chos 'di myur du mi 'jig pa dang / nub par mi 'gyur ba de ltar khyed kyis dam pa'i chos 'di yid la gyis shig /'bar bar gyis shig /rigs kyi bu'am rigs kyi bu mo dad pa gang dag 'dus pa chen po'i chos kyi rnam grangs 'di 'dzin pa nas yi ger bris te 'chang ba'i bar du byed pa dang / dge slong ngam/ dge slong ma'am/ dge bsnyen nam/ dge bsnyen ma'am/ dam pa'i chos 'dzin pa'i gang zag de dag thams cad yongs su bsrung zhing bskyang ba'i phyir rigs kyi bu khyod kyi lag tu gtad kyi/ chos smra ba dang / chos la dga' ba dang / bsam gtan la mngon par dga' ba dang / chos nyan pa dang / dam pa'i chos 'dzin pa'i gang zag rnams khyed kyis bsrung par bya ba nas yongs su bskyang ba'i bar du gyis </font><hr>406b<br><font size=+1>


shig /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa'i de bzhin gshegs pa de dag thams cad kyang nyon mongs pa can snyigs ma lnga dang ldan pa'i sangs rgyas kyi zhing du 'dus nas chos kyi tshul 'di bsrung ba dang / mi nub par bya ba dang / dam pa'i chos 'dzin pa'i gang zag kun tu bsrung ba nas sems can thams cad yongs su smin par bya ba'i bar gyi phyir brgya byin dang / tshangs pa dang / 'jig rten skyong ba thams cad kyi lag tu gtad do/ /de bzhin du ma 'ongs pa'i dus na phyogs bcur sangs rgyas bcom ldan 'das 'byung ba de dag thams cad kyang nyon mongs pa can snyigs ma lnga dang ldan pa'i sangs rgyas kyi zhing du skad cig gis 'dus te sems can la phan pa'i phyir gzungs kyi gsang sngags kyi tshig 'di dag kyang 'chad par gyur/ chos kyi tshul 'di'ang byin gyis brlab par 'gyur zhing / chos kyi tshul 'di bsrung ba dang / yongs su bskyang ba'i phyir brgya byin dang / tshangs pa dang / 'jig rten skyong ba thams cad kyi lag tu gtad par 'gyur ro/ /de bzhin du ded kyis kyang da ltar kun tu bsrung ba dang / sems can yongs su smin par bya ba'i phyir sangs rgyas kyi zhing 'di na gnas pa rnams dang / gling bzhi pa 'di na gnas pa'i brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / </font><hr>407a<br><font size=+1>


@#/ /nam mkha' lding dang / mi'am ci dang / lto 'phye chen po'i dbang po rnams kyi lag tu 'di shin tu gtad kyi/ ci nas myur du mi 'jig cing nub par mi 'gyur ba de ltar khyed kyis dam pa'i chos kyi tshul 'di yid la gyis shig /rab tu 'bar bar gyis shig /srung bar gyis shig /rigs kyi bu'am rigs kyi bu mo dad pa gang dag dang / dam pa'i chos 'dzin pa'i gang zag dge slong dang / dge slong ma dang / dge bsnyen dang / dge bsnyen ma rnams gang 'dus pa chen po'i chos kyi rnam grangs 'di 'dzin pa nas glegs bam la bris te 'chang bar byed pa'i bar dang / chos smra ba dang / chos nyan pa dang / bsam gtan la mngon par brtson pa rnams dang / dam pa'i chos 'dzin pa de dag la khyed kyis bsrung bar bya'o/ / ri mor bya'o/ /mchod par bya'o/ /de ci'i phyir zhe na/ chos kyi rnam grangs 'di sangs rgyas thams cad kyis byin gyis brlabs pa ste/ grong ngam/ grong khyer ram/ grong rdal lam/ ljongs sam| ri brag gam/ pho brang 'khor dang / dgon pa'i gnas nas dmangs kyi khyim gyi bar du gang na chos kyi rnam grangs 'di rab tu spyod de 'chad dam/ lung 'bog gam/ kun chub par byed dam/ tha na glegs bam la bris te 'chang na/ chos kyi bcud des sa'i bcud dang / sems can gyi mdangs 'phel bar 'gyur te/ khyed des mdangs dang ldan zhing / gzi brjid </font><hr>407b<br><font size=+1>


dang / stobs dang / brtson 'grus dang / pha rol gnon pa dang ldan par 'gyur/ /khyod kyi g.yog 'khor dang / gzhal med khang yang 'phel bar 'gyur/ mi'i rgyal po rnams kyang srung bar 'gyur te/ de dag gis rgyal srid dang / dbang phyug kyang 'phel bar 'gyur te/ de dag gi yul 'khor thams cad kyang srung bar 'gyur ro/ /dzam+bu'i gling gi rgyal po rnams kyang mngon par chos kyi bcud des tshim nas gcig la gcig phan pa'i sems dang ldan par 'gyur ro/ /rgyal po de dag las kyi rnam par smin pa la'ang mngon par yid ches par 'gyur/ dge ba'i sems su 'gyur/ ser sna med pa'i sems dang / phan pa'i dngos po'i sems dang / sems can thams cad la snying rje ba'i sems nas yang dag pa'i lta ba'i bar du 'gyur ro/ /so so bdag gi yul la'ang mngon par dga' bar 'gyur ro/ /dzam+bu'i gling 'di'ang skye bo rigs pas gang bar 'gyur/ shin tu lo legs pa dang / shin tu nyams dga' bar 'gyur/ mi'i skye bo mang pos gang zhing sa'ang mdangs dang ldan par 'gyur/ 'bras bu shin tu mdog bzang ba dang / shin tu zhim pa dang / lo ma'i sman dang / lo tog ge sman dang / nor dang / 'bru rnams shin tu 'byor pa dang / nad med pa dang / bde ba la reg par gnas pa bskyed par 'gyur ro/ /'thab pa dang / rtsod pa dang / mu ge dang / nad dang / pha rol gyi dmag tshogs dang / dug dang / sha sbrang dang / sbrang bu dang / </font><hr>408a<br><font size=+1>


@#/ /phye ma leb dang / sbrul gdug pa dang / gnod sbyin dang / srin po ma rungs pa dang / ri dwags dang / bya dang / spyang ki dang / dus ma yin pa'i rlung dang / char rnams rab tu zhi bar 'gyur/ skar ma dang / nyin mo dang / mtshan mo dang / zla ba dang / zla ba phyed pa dang / lo dang / dus rnams kyang legs par 'byung bar 'gyur/ sems can rnams kyang phal cher dge ba bcu'i las kyi lam la spyod par 'gyur/ 'di nas shin 'phos nas kyang bde 'gro mtho ris kyi 'jig rten du lha rnams kyi nang du skye bar 'gyur te/ de dag kyang khyed kyi g.yog tu 'gyur ro/ /de ltar gzungs kyi phyag rgya'i chos kyi rnam grangs 'di'i yon tan mang zhing phan yon che ste/ sems can rnams 'khor ba'i pha rol tu 'gro bar bya ba'i phyir sangs rgyas thams cad kyis 'dus pa chen pos byin gyis brlabs te/ grags pa 'phel zhing yongs su rdzogs par 'gyur/ bud med kyi dngos po skyes nas myong bar 'gyur ba dang / lan grangs gzhan la myong bar 'gyur ba ma lus par yongs su zad par 'gyur ro/ /mdor na tshe 'di la bud med kyi dngos po myong bar 'gyur bar 'phangs pa thams cad byang bar 'gyur te/ mtshams med pa byed pa dang / dam pa'i chos spong ba dang / 'phags pa la skur pa 'debs pa ma gtogs par gang gzhan lus dang / ngag dang / yid kyi </font><hr>408b<br><font size=+1>


'bras bu rnam par smin pa'i gnas ngan len de thams cad yongs su byang bar 'gyur ro/ /gang chos kyi rnam grangs 'di tha na glegs bam la bris te 'chang na'ang 'dus pa chen po sangs rgyas thams cad kyis byin gyis brlabs pa'i gzungs kyi chos kyi rnam grangs 'di'i mthus de'i las dang / nyon mongs pa'i sgrib pa ri rab tsam yang byang bar 'gyur/ dge ba'i rtsa ba thams cad la dmigs pa 'phel zhing yongs su rdzogs par 'gyur/ yan lag thams cad yongs su rdzogs pa dang / bsam pa thams cad phun sum tshogs pa dang / lus dang / ngag dang / yid kyi legs par spyod pa thams cad 'phel bar 'gyur/ lta ba ngan pa thams cad spong ba dang / dgra thams cad chos dang mthun par tshar gcod pa dang / zhi zhing phra ba'i las thams cad la 'jug par 'gyur ro/ /yul gang du gzungs kyi chos kyi rnam grangs 'di spyod par 'gyur ba der sangs rgyas thams cad kyis byin gyis brlabs pa 'dus pa chen po'i gzungs kyi chos kyi rnam grangs 'di'i mthus sa phyogs de shin tu snum par 'gyur/ 'bras bu mdangs dang ldan pa dang / shin tu zhim pa dang / ro dang ldan par 'gyur/ kha ba dang / tsha ba dang / rtsub pa dang / ro med pa spong bar 'gyur/ me tog dang / 'bras bu shin tu 'byor pa dang / nor dang / 'bru dang / bang ba dang / mdzod dang / rdza phru dang / bya skyogs rnams rnam par 'phel bar 'gyur/ gos </font><hr>409a<br><font size=+1>


@#/ /dang / zas dang / skom dang / sman dang / yo byad rnams shin tu mchog tu 'gyur te/ de na sems can gang dag zas dang / skom gyis 'tsho ba de dag ni/ shin tu nad med pa dang / nor dang ldan pa dang / kha dog dang / ldan pa dang / stobs dang ldan pa dang / dran pa dang ldan pa dang / chos 'dod pa dang / dge ba tshol ba la mngon par brtson pa dang / sdig pa'i lta ba yongs su spong bar 'gyur te/ de dag 'di nas shi 'phos nas khyed dang skal ba mnyam par skye bar 'gyur te/ de dag khyed g.yog 'phel nas stobs dang ldan zhing thogs pa med pa'i tshogs su 'gyur gyi/ chos kyi stobs kyis rigs bzhi'i skye bo'i tshogs yongs su bskyang bar gyis shig /sems can rnams chos kyi don la tshud cig /de ltar na khyod kyis dus gsum du gshegs pa'i sangs rgyas bcom ldan 'das thams cad la mchod pa byas par 'gyur ro/ /de nas de bzhin gshegs pa me tog man+dA ra ba'i dri mos kyis 'dus pa chen po'i mdo'i chos kyi tshul 'di gzung ba dang / bshad pa dang / bsrung ba'i phyir sangs rgyas kyi yul gyi ye shes kyi sgra dbyangs rnam par dag pas don dang / tshig brjod pa'i tshul gyis sangs rgyas kyi zhing ma lus pa 'di kun bkang nas byang chub sems dpa' sems dpa' chen po rnams dang / brgya byin gyi dbang po </font><hr>409b<br><font size=+1>


nas tshangs pa'i dbang po dang / lto 'phye chen po thams cad kyi bar du gang dag sangs rgyas kyi zhing 'di na gnas pa phal cher gling bzhi pa 'di na gnas pa rnams la sangs rgyas bcom ldan 'das kyi bkas spro ba mdzad do/ /yang de'i tshe byang chub sems dpa' sems dpa' chen po byams pa la sogs pa gang dag bzod pa thob pa bye ba stong phrag dgu bcu rtsa bdun sangs rgyas kyi zhing 'di na gnas pa 'di dag thams cad kyis mgrin gcig tu 'di skad ces gsol to/ /sangs rgyas bcom ldan 'das/ bdag cag gis kyang dus gsum du gshegs pa thams cad la mchod pa'i slad du chos kyi rnam grangs 'di rigs pas ston par bkur zhing gus pa chen pos gzung bar bgyi'o/ /snying rjes sems can yongs su smin par bgyi ba nas bla na med pa'i lam gyi bar la dgod pa'i slad du bdag cag gis chos kyi rnam grangs 'di grong dang / grong khyer dang / grong rdal dang / ljongs dang / yul 'khor dang / pho brang 'khor dang / dgon pa'i gnas rnams su rgyas par bstan par bgyi'o/ /dam pa'i chos yun ring du gnas bar bgyi ba'i slad du sems can rnams kyang yongs su smin par bgyi'o/ /yang de'i tshe sangs rgyas kyi zhing 'dir gtogs pa'i sangs rgyas bcom ldan 'das de dag thams cad kyis legs so/ /zhes bya ba byin te/ skyes bu dam pa dag /legs so/ /legs so/ /khyod kyis de bzhin du </font><hr>410a<br><font size=+1>


@#/ /gyis shig /de nas brgya byin dang / tshangs pa nas lto 'phye chen po'i dbang po'i bar thams cad dang / gang dag gzhan yang sangs rgyas kyi zhing 'dir 'dus pa/ sems can gzi brjid che ba/ gzi brjid che ba bye ba khrag khrig phrag drug cu rtsa bzhi de dag thams cad kyis mgrin gcig tu 'di skad ces gsol to/ /bdag cag gis kyang dam pa'i chos yun ring du gnas par bgyi ba'i slad du 'dus pa chen po'i chos kyi rnam grangs 'di gzung bar bgyi ba nas rgyas par rab tu bshad pa'i bar du bgyi'o/ /yang dag par bstan par bgyi'o/ /sems can rnams yongs su smin par bgyi'o/ /chos 'tshal ba dang / chos nyan pa'i gang zag rnams kyang bsrung bar bgyi'o/ /yongs su bskyang bar bgyi'o/ /gang du chos kyi rnam grangs 'di spyod par 'gyur ba der sangs rgyas bcom ldan 'das thams cad kyi bkas bdag cag gis kyang 'thab pa dang / rtsod pa dang / 'thab mo dang / 'gyed pa dang / mu ge dang / pha rol gyi dmag tshogs dang / dus ma yin pa'i rlung dang / char pa dang / grang ba dang / tsha ba dang / gdug pa dang / rtsub pa dang / ro ma mchis pa dang / sra ba dang / kha ba dang / tsha ba'i dngos po rnams rab tu zhi bar bgyi'o/ /bde ba dang / nyams dga' ba dang / lo legs pa dang / 'dum pa bsgrub par bgyi'o/ /chos kyi tshul yun ring du gnas par bgyi ba'i slad du </font><hr>410b<br><font size=+1>


nan tan cher bgyi'o/ /chos nyan pa'i rgyal po de dag kyang shin tu yongs su bskyang bar bgyi'o/ /bsam gtan la mngon par dga' ba'i sems can rnams kyang bsrung bar bgyi'o/ /de nas sangs rgyas bcom ldan 'das de dag thams cad kyis legs so/ /zhes bya ba byin te/ bzhin bzang dag /legs so/ /legs so/ /khyed kyis de bzhin du gyis shig /bdag dang / gzhan dang / gnyi ga'i phyir nan tan gyis shig /de ltar na khyed kyis dus gsum du gshegs pa'i sangs rgyas bcom ldan 'das thams cad la mchod pa byas par 'gyur ro/ /'di ltar khyed kyis sems can yongs su smin par bya ba dang / dam pa'i chos kyi tshul 'bar bar bya ba dang / dam pa'i chos yun ring du gnas par bya ba'i phyir brtson na/ khyed ring por mi thogs par myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de nas dbus kyi gling bzhi pa 'di na gnas pa'i brgya byin dang / tshangs pa dang / 'jig rten skyong ba dang / lha'i dbang po nas lto 'phye chen po'i dbang po'i bar dang / gang dag yang sems can gzi brjid che ba/ gzi brjid che ba de dag thams cad stan las langs te thal mo sbyar nas 'dus te 'di skad ces gsol to/ /sangs rgyas bcom ldan 'das thams cad kyi bkas bdag cag gis kyang chos kyi tshul 'di bstan par bgyi/ bsrung bar bgyi/ yongs su bskyang bar bgyi'o/ /'dus pa </font><hr>411a<br><font size=+1>


@#/ /chen po sangs rgyas thams cad kyis byin gyis brlabs pa'i gzungs kyi phyag rgya'i chos kyi rnam grangs 'di'ang rigs pas blang bar bgyi ba nas grong dang / grong khyer dang / grong rdal dang / ljongs dang / yul dang / pho brang 'khor dang / dgon pa'i gnas rnams su rgyas par bshad par bgyi'o/ /dam pa'i chos 'dzin pa'i gang zag rnams kyang bsrung bar bgyi'o/ /yongs su bskyang bar bgyi'o/ /gang dag yang chos srung bar gnas pa'am/ chos smra ba'am/ chos nyan pa'i dge slong dang / dge slong ma dang / dge bsnyen dang / dge bsnyen ma dang / dad pa'i rigs kyi bu'am rigs kyi bu mo rnams chos kyi rnam grangs 'di 'dzin pa nas glegs bam la bris te 'chang ba'i bar du bgyid pa dang / bsam gtan la brtson pa de dag bdag cag gis bsrung bar bgyi/ yongs su bskyang bar bgyi/ bsti stang du bgyi/ bla mar bgyi/ ri mor bgyi/ mchod par bgyi/ gos dang / gdugs dang / ba dan dang / rgyal mtshan dang / byug pa nas sman dang / yo byad thams cad kyi bar gyis bsti stang du bgyi'o/ /chos kyi rnam grangs 'di 'chad pa'am/ klog pa'am/ ston pa'i drung du bdag cag nyid mnyan pa'i slad du nye bar mchi bar bgyi'o/ /bdag cag gis chos kyi rnam grangs 'di la ston par 'du shes pas gdugs dang / rgyal mtshan dang / ba dang gyis bsti stang du bgyi/ bla mar </font><hr>411b<br><font size=+1>


bgyi| ri mor bgyi/ mchod par bgyi'o/ /de ci'i slad du zhe na/ sangs rgyas thams cad kyis byin gyis brlabs pa'i gzungs kyi phyag rgya'i chos kyi rnam grangs 'di 'chad pa'i tshe chos kyi bcud kyis bdag cag mdangs dang ldan par 'gyur/ stobs dang ldan/ brtson 'grus dang ldan/ mthu dang ldan/ dran pa dang ldan/ ye shes dang ldan/ phyogs dang g.yog tu ldan zhing / chos dang mthu thogs pa ma mchis par 'gyur ro/ /de ltar bdag cag gis yul thams cad du 'thab pa dang / rtsod pa dang / 'thab mo dang / 'gyed pa dang / mu ge dang / nad dang / pha rol gyi dmag tshogs dang / dus ma lags pa'i rlung dang / char dang / grang ba dang / tsha ba dang / char mi 'bab pa dang / rmi lam ngan pa dang / ltas ngan pa dang / sdang ba dang / rtsub pa dang / brlang ba dang / kha ba dang / tsha ba dang / ro ma mchis pa dang / mi dge ba'i phyogs bgyid pa'i dngos po rnams rab tu zhi bar bgyi'o/ /shin tu bde ba dang / lo legs pa dang / nyams dga' ba dang / nad ma mchis pa dang / 'dum pa bsgrub par bgyi'o/ /rlung dang / char dang / grang ba dang / tsha ba rnams dus gsum du 'byung bar bgyi'o/ /mtshan mo dang / nyin mo dang / zla ba dang / zla ba phyed pa dang / lo dang / dus rnams kyang legs par 'byung bar bgyi'o/ /gza' dang / rgyu skar dang / nyi ma dang / zla ba rnams kyang legs par rgyu bar bgyi'o/ /'bab chu dang / chu mig </font><hr>412a<br><font size=+1>


@#/ /dang / rdzing dang / lteng ka'ang shin tu gtams par bgyi'o/ /gang du sems can rnams chu'i glang gis gnod par gyur pa'ang bdag cag gis bsal bar bgyi'o// grong dang / grong khyer dang / grong rdal dang / ljongs de dag tu'ang sems can la sman par bgyi ba'i slad du bdag cag gis 'dab ma dang / yal ga dang / me tog dang / 'bras bu dang / sdong bu dang / 'bru dang / sman dang / ro dang / lo tog rnams shin tu snum pa dang / 'dab ma dang / kha dog dang / ro che zhing mang bar bsgrub par bgyi'o/ /sems can rnams la nor dang / 'bru dang / sman dang / gos dang / lhab lhub kyis mi brel bar bsgrub par bgyi'o/ /sems can de dag kyang dge ba tshol ba'i sems dang / sdig pa yongs su spong ba dang / dpal dang / bsod nams 'byung ba tshe ring por bsgrub par bgyi'o/ /grong dang / grong khyer dang / grong rdal dang / ljongs dang / yul 'khor dang / pho brang 'khor gang dag tu sangs rgyas thams cad kyis byin gyis brlabs pa'i gzungs kyi phyag rgya'i chos kyi rnam grangs 'di 'chang ngam/ tha na glegs bam la bris te 'chang ngam/ klog gam/ mchod dam/ bsti stang bgyid cing 'chang ba de dag tu rgyal po rgyal rigs spyin bo nas dbang bskur ba 'byung ba de dag kyang bdag cag gis bsrung bar bgyi'o/ /yongs su bskyang bar bgyi/ de dag la </font><hr>412b<br><font size=+1>


gnod pa bsal bar bgyi/ phan pa bsgrub par bgyi/ ltad mo dang / bkra mi shis pa dang / ltas ngan pa dang / byed pa ngan pa dang / byin rlabs ngan pa dang / smon lam ngan pa dang / skyabs ngan pa dang / tshul 'chos pa dang / kha gsag dang / g.yo dang / sgyu dang / rdzun du smra ba dang / phrag dog dang / khro ba dang / ser sna thams cad rab tu zhi bar bgyi'o/ /yang dag pa'i lta ba'i lam drang po dang / dad pa dang / dul ba dang / kun sdom pa dang / ngo tsha shes pa dang / khrel yod pa la gzud par bgyi'o/ /de bzhin du btsun mo dam pa rnams dang / btsun mo'i 'khor rnams dang / blon po dang / rtsis pa chen po dang / grong rdal pa dang / zho shas 'tsho ba dang / ljongs kyi mi rnams dang / rigs bzhi rnams dang / bud med dang / skyes pa dang / khye'u dang / bu mo rnams kyang bsrung zhing bskyang bar bgyi ba nas ngo tsha shes pa dang / khrel yod pa'i bar la gzud par bgyi'o/ /tha na yul de dag tu rkang bzhi pa rnams kyang bsrung bar bgyi'o/ /gang na chos kyi rnam grangs 'di 'chad par 'gyur ba nas glegs bam la bris te bzhag pa'i bar du bgyid na/ sems can de dag la bdag cag gis de 'dra ba'i nan tan chen po dang / rtul ba chen pos yongs su bskyang bar bgyi'o/ /chos kyi tshul yang dag par bstan pa'i slad du bskal pa mtha' yas par nan tan cher bgyi'o/ /de nas sangs rgyas bcom ldan 'das de </font><hr>413a<br><font size=+1>


@#/ /dag thams cad kyis skyes bu dam pa de dag la legs so/ /zhes bya ba byin te/ bzhin bzang dag /legs so/ /legs so/ /khyod kyis de bzhin du gyis shig /khyed kyis chos kyi tshul dang / dkon mchog gsum mi nub par nan tan byas na/ de ltar khyed kyis dus gsum du gshegs pa'i sangs rgyas bcom ldan 'das thams cad la mchod pa byas par 'gyur ro/ /'dus pa chen po rin po che rtog gi gzungs las/ kun tu srung ba'i le'u ste bcu pa'o// //de nas bcom ldan 'das de bzhin gshegs pa shAkya thub pas brgya byin dang / tshangs pa dang / 'phags skyes po dang / mig mi bzang dang / yul 'khor srung dang / lus ngan po rnams la bka' stsal pa/ bzhin bzang dag /nga sems can la snying rje'i smon lam gyis nyon mos pa can snyigs ma lnga dang ldan pa chos kyi mu ge byung ba'i sangs rgyas kyi zhing 'dir bla na med pa yang dag par rdzogs pa'i byang chub mngon par rdzogs par sangs rgyas te/ sems can ma rig pa'i mun par zhugs pa/ nyon mongs pa'i chom rkun dang / g.yon can gyis gtses pa rnams kyi nyon mongs pa rab tu zhi bar bya ba'i phyir ngas bdud kyi phyogs ni/ pham par byas/ dam pa'i chos kyi rgyal mtshan ni/ bsgrengs/ sems can tshad med pa dag ni/ sdug bsngal rnams las yongs su thar </font><hr>413b<br><font size=+1>


par byas/ dam pa'i chos kyi char ni/ phab/ ngas bdud bye ba ni/ pham par byas so/ /bzhin bzang / des gang gi phyir da ltar sangs rgyas bcom ldan 'das dang / phyogs bcu'i 'jig rten gyi khams nas 'dus pa'i byang chub sems dpa' sems dpa' chen po bgrang ba las 'das pa dpag tu med pa rnams kyis sangs rgyas kyi zhing gi sa'i bcud dang / sems can gyi gnas kyi nyes pa rnams rab tu zhi bar bya ba dang / sems can yongs su smin par bya ba dang / mi dge ba'i las thams cad ma lus par zad par bya ba dang / dkon mchog gsum gyi rigs yun ring du gnas par bya ba nas sangs rgyas kyi dgongs pa mtha' dag yongs su grub par bya ba'i phyir chos mnyam pa nyid rdo rje lta bu brten pa'i chos kyi snying pos lus 'joms pa zhes bya ba'i gzungs phyag rgya dang / tshig rab tu dbye ba la 'jug pa lung bstan pa'i chos kyi rnam grangs 'di byin gyis brlabs kyi/ de bzhin du khyed kyis kyang byin gyis rlobs la srungs shig /gang nga'i dam pa'i chos kyi tshul yang dag par srung ba'i dge ba'i rtsa bas bsod nams mngon par 'du byed pa'i tshogs dang / gang lung 'bog pa dang / kha ton byed pa dang / dran pa dang / brjod pa dang / bshad pa dang / dkon mchog gsum gyi skyabs su 'gro ba dang / dge bsnyen gyi sdom pa dang / tshangs par spyod pa la gnas pa'i dge ba'i rtsa bas bsod nams mngon par 'du byed pa'i tshogs dang / </font><hr>414a<br><font size=+1>


@#/ /gang bsam gtan dang po sgom pa nas 'du shes dang tshor ba 'gog pa sgom pa'i bar dang / gang rgyun du zhugs pa'i 'bras bu mngon du bya ba nas sangs rgyas kyi byang chub mngon par 'du bya ba'i bar gyi bsod nams kyi tshogs dang / gang yang de 'dra ba'i bsod nams kyi tshogs kyi dge ba'i rtsa ba mngon par 'du bya ba da ltar byed pa dang / ma 'ongs pa'i dus na byed par 'gyur ba nas nga'i dam pa'i chos kyi sgron ma 'di 'bar bar 'gyur ba'i bar du bsod nams mngon par 'du bya ba'i tshogs de dag thams cad khyed kyi lag tu gtad do| |gang de bzhin gshegs pas thugs su chud pa'i chos kyi tshul yang dag par 'bar bar byed par brtson pa de dag gis bsod nams kyi tshogs kyang khyed kyi lag tu gtad do/ /ma 'ongs pa'i dus na gang dag chos kyi rnam grangs 'di 'dzin pa nas tha na glegs bam la bris te 'chang ba'i bar du byed pa de dag kyang chos kyi rnam grangs 'dis las thams cad byang bar 'gyur ro/ /grogs po dag /grong ngam dmangs kyi khyim gyi bar du gang dang gang na chos smra ba shin tu khrus byas te gos gsar pa bgos nas me tog bkram pa'i 'khor gyi khyams su spos sna tshogs kyis bdugs pa/ ras chos bu dang / ras sna tshogs bting ba'i seng+ge'i khri la 'dug ste chos kyi rnam grangs 'di lce'i rtse mos 'chad dam/ tha na glegs bam la </font><hr>414b<br><font size=+1>


bris te klog pa der gal te khyod chos nyan pa dang / chos smra ba bsrung ba'am/ chos nyan pa rnams yongs su bskyab ba'am/ bdag dang / gzhan dang / gnyi ga mi dge ba'i las yongs su zad par bya ba'i phyir der ma dong na/ de'i phyir khyed kyis bslus pa dang / lam bskyed pa la rmongs par bya par 'gyur ro/ /de nas bcom ldan 'das la mi med kyi bdag po tshangs pas 'di skad ces gsol to/ /bcom ldan 'das/ da ltar dang / ma mchis pa'i dus na dam pa'i chos kyi tshul gyi bar du nub par gyur pa na grong ngam/ grong khyer ram/ grong rdal lam/ ljongs sam/ ri brag gam/ pho brang 'khor ram/ gtsug lag khang ngam/ dgon ba'i gnas sam/ rgyal po'i pho brang ngam/ bram ze'i khyim mam/ tshong dpon gyi khyim mam/ dmangs kyi khyim gang dang gang du dge slong ngam/ dge slong ma'am/ dge bsnyen nam/ dge bsnyen ma chos smra ba dang / gzhan yang dad pa'i rigs kyi bu'am rigs kyi bu mo shin tu khrus bgyis te yan lag shin tu byugs nas gos gsar pa 'tshal te me tog bkram pa'i 'khor gyi khyams su spos sna tshogs kyis bdugs pa/ ras bcos bu dang ras sna tshogs bting ba/ ro bro ba sna tshogs kyis bskor ba'i seng+ge'i khri la 'dug ste lce'i rtse mos gzungs kyi phyag rgya 'di gzhan dag la rgya cher yang dag par rab tu bris te klog pa der chos nyan pa'am/ chos smra ba de </font><hr>415a<br><font size=+1>


@#/ /bsrung ba'ang / chos nyin pa de dag dang / bdag dang / gzhan dang / gnyi ga'i nyon mongs pa'i las yongs su sbyang ba'am| dge ba'i chos yongs su smin par bgyi ba'am/ chos kyi tshul chen po yang dag par 'bar bar bgyi ba'am/ ye shes snang ba chen po mchog ge lam la 'jug pa'i slad du bdag 'khor brgya stong du mas bskor te/ der ma mchis sam/ grong nas dmangs kyi khyim gyi bar de dag yongs su bskyang ba dang / sems can de dag gi nor dang / 'bru dang / mdzod dang / bang ba mang por rab tu dgang ba'i slad du der ma mchis na/ sangs rgyas bcom ldan 'das thams cad kyi spyan sngar bdag gis sngon ma thos pa'i bro bor pa'i dam bcas pa dang 'gal bar 'gyur ro/ /'di lta ste/ aM gu ha/ aM gu ha/ D+hang+ga pa ra ha na/ ya mi kha kha kha kha/ kha ba kha ba kha ba/ klin na kha ba swAhA/ bcom ldan 'das| 'di dag ni/ gal te bdag chos nyan pa'am/ chos smra ba bsrung ba nas nor dang / 'bru dang / mdzod dang / bang ba mang po rnams par 'phel bas tshim par bgyi pa'i bar gyi slad du der ma mchis na/ yi dam las 'gal bar 'gyur ba lags so/ /de nas sangs rgyas bcom ldan 'das de dag thams cad dang / byang chub sems dpa' sems dpa' </font><hr>415b<br><font size=+1>


chen po thams cad dang / lha dang / mi dang / lha ma yin thams cad kyis mi mjed kyi bdag po tshangs pa de la legs so/ /zhes bya ba rab tu byin no/ /de nas kau shi kas 'di skad ces \?\ gsol to/ /bcom ldan 'das/ da ltar dang / ma mchis pa'i dus na grong ngam/ gror khyer gang dang gang du zhes bya ba nas 'di ni/ sangs rgyas bcom ldan 'das thams cad kyi spyan sngar bdag gis sngon ma thos pa'i bro bor ba'i dam bcas pa dang 'gal bar 'gyur zhes bya ba'i bar du'o/ /'di lta ste/ kha ba mr-i kha/ kha ba mr-i kha/ na la g+ha/ a mud nyan/ a mu ba ha a ka Ta Ta| a kha a sha kha/ dzi na bra khe swAhA/ bcom ldan 'das/ bdag gis ngam bcas pa bzhin du ma bgyis na/ 'di ni/ bdag gi bro bor ba'i dam bcas pa dang 'gal bar 'gyur ba nas mi dang / mi ma yin pa dag gis lha'i dbang po brgya byin la legs so/ /zhes bya ba byin pa'i bar du'o/ /de nas 'phags skyes pos kyang gsol pa/ bcom ldan 'das/ da ltar dang / ma 'ongs pa'i dus na grong gi bar du gnang dang gang du chos kyi rnam grangs 'di srung bar ma bgyis na/ bcom ldan 'das/ 'di ni/ bdag gis bro bor ba'i dam bcas pa dang 'gal bar 'gyur lags so/ /'di lta ste/ u kha na ba na ba sa ba na/ sa mu dra sad did dz+nyA/ ta tha ts+yud ta/ wa ru Na ba bA rA dzA swAhA/ mi dang / mi ma yin pa'i bar gyis rgyal po chen po 'phags skyes po/ </font><hr>416a<br><font size=+1>


@#/ /la legs so/ /zhes bya ba rab tu byin no/ /de nas mig mi bzang gis kyang 'di skad ces gsol to/ /bcom ldan 'das/ da ltar dang / ma 'ongs pa'i dus na grong gi bar du gang dang gang du chos kyi rnam grangs 'di srung bar ma bgyis na/ bcom ldan 'das/ 'di ni/ sangs rgyas bcom ldan 'das rnams kyi spyan sngar bdag gis bro bor ba'i dam bcas pa dang 'gal bar 'gyur ba lags so/ /'di lta ste/ da lau g+ha/ a to g+ha/ a ma ma/ mo g+ha/ a ma sa rA dza na tsaR+Ya ya mu dza swAhA/ de nas mi dang / mi ma yin pa'i bar gyis rgyal po chen po mig mi bzang la legs so/ /zhes bya ba rab tu byin no/ /de nas yul 'khor srung gis kyang 'di skad ces gsol to/ /bcom ldan 'das/ da ltar dang / ma 'ongs pa'i dus na grong gi bar du gang dang gang du chos kyi rnam grangs 'di srung bar ma bgyis na/ bcom ldan 'das/ 'di ni/ bdag gis bro bor ba'i dam bcas pa dang 'gal bar 'gyur ba lags so/ /'di lta ste/ bin+du dza bi kha ba/ dza ba ra mu kha/ k+ShA sA ra/ pu ka ba ha/ a mArga ba Ta swAhA/ mi dang / mi ma yin pa'i bar gyis rgyal po chen po yul 'khor srung la legs so/ /zhes bya ba rab tu byin no/ /de nas lus ngan pos kyang 'di skad ces gsol to/ /bcom ldan 'das/ da ltar dang / ma 'ongs pa'i dus na grong gi bang du gang dang </font><hr>416b<br><font size=+1>


gang du chos kyi rnam grangs 'di srung bar ma bgyis na/ bcom ldan 'das/ 'di ni/ bdag gis sangs rgyas bcom ldan 'das kyi spyan sngar bro bor ba'i dam bcas pa dang 'gal bar 'gyur ba lags so/ /'di lta ste/ k+Shu tre k+Shu k+Shu k+Shu tre/ kha k+Shu tre/ a ti k+Shu tre/ a na ya na k+Shu tre/ hri da k+Shu tre/ sa ga ra hr-i da k+Shu tre/ saM ku su k+Shu tre/ d+harma k+Sha ya mu tre swAhA/ mi dang / mi ma yin pa'i bar gyis rgyal po chen po lus ngan po la lags so/ /zhes bya ba rab tu byin no/ /yang de'i tshe gling bzhi pa'i 'jig rten gyi khams 'di na gnas pa'i gnod sbyin gyi sde dpon chen po 'di na yongs su skyong pa stong nyis brgya dang / gzhan yang gling bzhi pa gzhan na gnas pa bzhi khri dang / gzhan yang lha dang / klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po rdzu 'phrul che ba/ rdzu 'phrul che ba de dag thams cad kyis mgrin gcig tu 'di skad ces gsol to/ /bcom ldan 'das/ da ltar dang / ma 'ongs pa'i dus na dam pa'i chos kyi sgron ma'i bar du nub par 'gyur ba'i tshe grong ngam/ grong khyer ram/ grong rdal lam/ ljongs sam/ ri brag gam/ pho brang 'khor ram/ dgon pa'i gangs sam/ rgyal po'i pho brang ngam| bram ze'i khyim mam/ tshong dpon gyi khyim mam/ bdag nyid chen po'i khyim mam/ dmangs kyi khyim gang dang gang du dge slong ngam/ dge slong ma'am/ dag bsnyen nam/ dge bsnyen ma chos </font><hr>417a<br><font size=+1>


@#/ /smra ba dang / gzhan yang dad pa'i rigs kyi bu'am rigs kyi bu mo shin tu khrus bgyis te yan lag shin tu byugs nas gos gsar pa bgos te me tog bkram pa'i 'khor gyi khyams su ras bcos bu sna tshogs bting ba/ spos sna tshogs kyis bdugs pa/ ro bro ba sna tshogs kyis gtams pas brgyan pa'i seng+ge'i khri la mchis te gzungs kyi phyag rgya'i chos kyi rnam grangs 'di lce'i rtse mos gzhan la rgya cher yang dag par bshad dam/ glegs bam la bris te klog par gal te bdag cag re re zhing yang 'khor brgya stong du mas bskor nas ma mchis sam/ der chos nyan pa'am/ chos smra ba bsrung ba dang / rang gi 'khor bsrung ba dang / sems can gzhan yang bsrung ba dang / sems can yongs su smin par bgyi ba'i slad du grong ngam/ grong rdal nas dmangs kyi khyim gyi bar de dag tu ma mchis sam/ 'khor dang bcas pas bka' ma mnos sam/ yongs su ma bskyangs sam/ der sems can rnams kyi nor dang / 'bru dang / mdzod dang / bang ba mang po rab tu ma gtams sam/ der ma mchis sam/ der sems can rnams kyi 'thab pa dang / rtsod pa dang / mu ge dang / nad dang / pha rol gyi dmag tshogs dang / dus ma lags pa'i char pa dang / rlung dang / shin tu grang ba dang / tsha ba rnams ma bzlog na/ bdag cag gis 'das pa dang / </font><hr>417b<br><font size=+1>


ma byon pa dang / da ltar byung ba'i sangs rgyas bcom ldan 'das thams cad la bslus pa dang / 'khus pa dang / mnyes par ma bgyis par 'gyur te/ lus la sha bkras btab pa dang / lta ba yongs su nyams pa dang / lus rul par 'gyur ro/ /bdag cag g.yog dang bcas pas da ltar dang / ma 'ongs pa'i dus na'ang gling bzhi pa'i 'jig rten gyi khams 'dir bcom ldan 'das de bzhin gshegs pa shAkya thub pa'i chos kyi tshul 'di 'bar bar bgyi'o/ /chos kyi rnam grangs 'di la dad pa'i gang zag rnams bsrung bar bgyi'o/ /yongs su bskyang bar bgyi'o// yongs su smin par bgyi/ ngan par bgyis pa'i las yongs su sbyang ba'i slad du chos kyi rnam grangs 'di bstan pa'i chos smra ba'i gang zag de la bskul bar bgyi'o/ /chos smra ba dang / chos nyan pa de dag gi nor dang / 'bru dang / longs spyod dang / kun spyod pa rnam par 'phel ba bsgrub par bgyi'o/ /rgyal ba'i bstan pa mi 'jig pa'i chos su gzung bar bgyi'o/ /de nas sangs rgyas bcom ldan 'das de dag thams cad kyis mi dang / mi ma yin pa de dag thams cad la legs so/ /zhes bya ba byin no/ khyod de bzhin gshegs pa shAkya thub pa de la byang chub sems dpa' sems dpa' chen po ltad mo can gyis zhus pa/ bcom ldan 'das/ 'di ci lags/ gang bdud bye ba phrag brgya po 'dir 'dus pa thams cad 'khor dang bcas pa lags sam/ bcom ldan 'das kyis </font><hr>418a<br><font size=+1>


@#/ /bka' stsal pa/ thams cad 'khor dang bcas pa'o/ /byang chub sems dpa' ltad mo can gyis gsol pa/ ci 'khor dang bcas pa thams cad kyis dkon mchog gsum la dad pa thob pa lags sam/ bcom ldan 'das kyis bka' stsal pa/ rigs kyi bu/ da ni/ ma yin no/ /bdud sdig can g.yog stong yod pa 'di dad pa ma thob ste/ 'khrugs shing yid mi dga' nas da ltar dang / ma 'ongs dus na'ang dam pa'i chos kyi tshul ji srid 'bar ba de srid du 'di glags lta zhing skabs tshol te/ dam pa'i chos kyi tshul gzhig pa dang / nub par bya ba'i phyir brtson par byed do/ /de bzhin du g.yog khri sum stong yod pa'i bdud bco brgyad dang / g.yog nyi shu rtsa gcig yod pa nyis brgya po 'di dag kyang g.yog dang bcas pa dkon mchog gsum la dad pa ma thob ste/ 'khrugs shing yid mi dga' bas 'di dag da ltar dang / ma 'ongs pa'i dus na'ang ji srid du dam pa'i chos kyi tshul rab tu rgyas pa de srid du 'di dag nga'i bstan pa la glags lta zhing skabs tshol te/ dam pa'i chos kyi tshul gzhig pa dang / nub par bya ba'i phyir brtson par byed do/ /de ci'i phyir zhe na/ sngon chang 'khon du bzung ba dang / dge ba'i rtsa ba ma skyed pa dang / mi dge ba'i grogs pos yongs su zin pa dang / dge bas skyo zhing mya ngan las 'das pa'i bde ba mi 'dod pa dang / smon lam ma btab pa'i phyir sems dang / </font><hr>418b<br><font size=+1>


sems mtshams mi sbyor/ dad par mi byed/ gnas par mi byed/ rab tu gtong bar mi byed do/ /sangs rgyas 'dus pa chen po 'di lta bu mthong ba dang / gzungs zab mo 'di lta bu thos pas rgyu de nyid kyis phyin chad bla na med pa yang dag par rdzogs pa'i byang chub la dad pa rab tu rnyed par 'gyur ro/ /byang chub sems dpa' ltar mo can gyis gsol pa/ bcom ldan 'das/ 'di ltar chos kyi rnam grangs 'di gal te sems can dge ba'i rtsa ba ma bskrun pa rnams kyi rna lam du grag par gyur pa na'ang de nyid de dag gi bla na med pa yang dag par rdzogs pa'i byang chub kyi rgyur 'gyur ba ni/ bcom ldan 'das/ shin tu ngo mtshar to/ /bde bar gshegs pa/ ngo mtshar to/ /yang de'i tshe bdud ri byi zhes bya ba sngon gyi rgyal ba la lhag par bya ba byas pa/ dge ba'i rtsa ba bskyed pa/ dkon mchog gsum la dad pa mi nyams pa rnyed par gyur pa/ bla na med pa yang dag par rdzogs pa'i byang chub tu lung bstan pa thob pa de/ drang srong chen po'i cha byad du de bzhin gshegs pa shAkya thub pa'i spyan sngar 'dug par gyur nas de stan las langs te kun tu bltas nas thal mo sbyar te sangs rgyas bcom ldan 'das rnams kyis stobs bskyed pas sangs rgyas kyi zhing ma lus pa 'di dbyangs kyis gang bar byas te 'di skad ces smras so/ /sangs rgyas bcom ldan 'das dang / byang chub sems dpa' sems dpa' chen po </font><hr>419a<br><font size=+1>


@#/ /thams cad bdag la dgongs su gsol/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / bdud g.yog dang bcas pa rnams kyang bdag gi tshig 'di la gson cig /bcom ldan 'das shAkya thub pa thugs rje chen po mnga' ba/ sangs rgyas kyi zhing snyigs ma lnga can thams cad rnam par gcod pa/ yon tan bkod pa thams cad yongs su rdzogs par mdzad pa'i ston pa 'di sngon gyi smon lam gyis sangs rgyas kyi zhing rab tu nyon mongs pa can/ snyigs ma lnga dang ldan pa 'di lta bur bla na med pa yang dag par rdzogs pa'i byang chub mngon par rdzogs par sangs rgyas nas sems can mtshams ma mchis pa bgyid pa/ dam pa'i chos spong ba/ 'phags pa la skur pa 'debs pa/ mi dge ba'i rtsa ba dang ldan pa/ ngan par spyod pa dang ldan pa'i sems can rnams kyi sems kyi rgyud yongs su smin par mdzad pa dang / ngan song gsum las shin tu bzla ba dang / theg pa gsum la yongs su smin par mdzad pa dang / ting nge 'dzin dang / gzungs dang / bzod pa la dgod pa dang / sangs rgyas kyi zhing rnam par dag par byed pa dang / dkon mchog gsum gyi gdung mi 'chad par mdzad pa'i slad du zhugs kyi/ de la khyed kyis kyang </font><hr>419b<br><font size=+1>


ci nas ston pa'i bstan pa yun ring du gnas pa dang / sangs rgyas kyi tshul 'di'ang rnam par mi 'jig pa'i chos can du 'gyur ba dang / sgrub pa dang mi ldan pa ma gtogs par da ltar dang / ma 'ongs pa'i dus na'ang bdud dam/ bdud kyi 'khor sus kyang de bzhin gshegs pas rab tu gsungs pa rgyal ba'i bstan pa 'di la sems can 'ga' yang 'tshe ba'am/ rnam par 'jig pa'am/ nub par bgyid par mi 'gyur ba dang / gang dag yang dam pa'i chos 'di 'dzin pa dang / chos la nan tan bgyid pa dang / chos smra ba dang / chos nyan pa'i dge slong ngam/ dge slong ma'am/ dge bsnyen nam/ dge bsnyen ma'am/ gzhan yang dad pa'i rigs kyi bu'am rigs kyi bu mo las gsum la mngon par brtson pa/ bsod nams bya ba'i dngos po la dga' ba/ dkon mchog gsum la mchod pa'i las la mngon par brtson pa/ khams gsum na spyod pa'i nyon mongs pa spong ba la mngon par brtson pa/ sems can thams cad sdug bsngal las yongs su thar par bgyid par gyur pa/ de dag la'ang bdud dam/ bdud kyi bu mo'am/ bdud kyi 'khor ram/ bdud kyi 'khor mo'am/ bdud kyi pho nyas gtse ba'i bsam pas glags lta ba'am/ skabs tshol du mchi zhing g.yeng ba dang / dge ba'i bar chad kyi las bgyid par mi 'gyur ba de ltar mdzod cig /da ltar gyi sangs rgyas bcom ldan 'das </font><hr>420a<br><font size=+1>


@#/ /thams cad la gsol lo/ /bdag la las kyi dngos grub stsal du gsol/ byang chub sems dpa' sems dpa' chen po dang / bdud kyi 'khor thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa thams cad kyang bdag la thugs brtse bar mdzod cig /gang su dag da ltar sangs rgyas kyi zhing 'dir gtogs pa'i sa la gnas pa de dag kyang sems can thams cad la phan pa dang / sangs rgyas kyi bstan pa dam pa'i chos yun ring du gnas par bgyi ba'i slad du bdag la thugs brtse bar mdzod cig /bdag la gsang sngags kyi dngos grub stsol cig /bdag gis bdud dang / bdud kyi 'khor de nan tur gyis tshar gcad pa dang / sems 'khrugs pa dang / lus la gnod pa dang / lus spa bkong ba dang / rdzu 'phrul nyams par bgyi ba'i sngags bshad par bgyi ste/ des bdud dang / bdud kyi bu dang / bdud kyi bu mo dang / bdud kyi 'khor dang / bdud kyi 'khor mo dang / bdud kyi pho nya gang bcom ldan 'das kyi bstan pa la sems ma dad pa gcig tsam bskyed dam/ dge slong la 'tshe ba'am/ tha na skad cig gcig tsam yang sems 'khrug par bgyid pa nas dge ba'i phyogs yongs su 'dri bar bgyid pa'i bar du </font><hr>420b<br><font size=+1>


nan tan bgyid pa dang / grong dang / grong khyer dang / grong rdal dang / ljongs dang / pho brang 'khor dang / ri brag de rnams ma rungs par bgyid par sems bskyed pa dang / gang du chos kyi rnam grangs 'di 'chad par 'gyur pa de dag tu than skad cig gcig tsam 'thab pa dang / rtsod pa dang / mu ge dang / nad dang / pha rol gyi dmag tshogs dang / dus ma lags pa'i rlung dang / char dang / grang ba dang / tsha ba dang / chu bo dang / sa g.yo ba dang / sa 'gas pa dang / skar mda' ltung bar bgyid pa dang / lo ma dang / me tog dang / 'bras bu dang / 'bru dang / sman dang / ro skye bar mi bgyid dam/ ma rungs par bgyid par 'tshal na/ bdud des de ltar sems bskyed ma thag tu bdud nas bdud kyi pho nya'i bar de dag rims nad kyis tsha bar 'gyur/ lus lci ba dang / rdul ba dang / lus rul ba dang / dri mi zhim pa dang / las su mi rung ba dang / ldang mi nus par 'gyur/ bcing ba lngas bcings par mthong ba nas de'i yan lag thams cad 'khums pa'i bar du 'gyur zhing / slar brkyang mi nus pa dang / de'i phyogs thams cad mun par gyur nas nyi ma snang ba'i gzugs kyang mi mthong ba dang / de'i rdzu 'phrul bri nas sems 'khrug par 'gyur/ de'i dbang po drug kyang spyod yul la 'jug mi nus par 'gyur ro/ /'di lta ste/ a ma le/ a ha ma ma le/ a dza pa ba/ mU ra sa le/ bya kha sa le/ dza </font><hr>421a<br><font size=+1>


@#/ /ma sa le/ hA hA/ hA hA/ hA hA/ go ra sa Da ta/ dza na kha ga /dz+nye ya kha ga /bi da dz+nye ba sa kha ga /a mU k+Sha ra/ k+Sha k+Sha k+Sha/ k+Sha k+Sha k+Sha/ mU la ba nya kha ga spa/ khad nya spa| ba ri brta mU ra/ a da dz+nyA dz+nyA/ ba yu dz+nyA da dz+nyA/ tsan+d+ra sU ro dz+nyA dz+nyA/ na ba hA dz+nyA da dz+nyA/ khu rak+Sha dz+nyA da dz+nyA/ ba pa dz+nyA da dz+nyA/ b+hU ta ko Ti/ ta thA tA dz+nyA da dz+nyA/ sarba de dz+nye gi a d+hiSh+Thi ta dz+nyA da dz+nyA/ ba kra ma| tri ga Na tA k+Sha pa k+Sha ma ma k+Sha ma dz+nyA k+Sha bi ta ma ra bi shA ya swAhA/ thams cad mkhyen pa rnams kyi byin gyi rlabs kyis skad cig tu bdud kyi yul thams cad med par byas te 'bras bu med par gyur to/ /gang su'ang rung gnod par 'dod pa dag kyang de bzhin no/ /de nas de'i tshe sangs rgyas bcom ldan 'das rnams kyis legs so/ /zhes bya ba byin no/ / byang chub sems dpa' sems dpa' chen po dang / mi dang / mi ma yin pa dang / lha thams cad kyis kyang legs so/ /zhes bya ba rab tu byin no/ /de nas de'i tshe sa ni/ g.yos/ sprin ni| 'khrugs/ ri'i rgyal po rnams ni/ rab tu g.yos te gang sangs rgyas kyi bstan pa la mngon par dad pa dang / byang chub sems dpa' bzod pa thob pa rnams ma gtogs par bdud 'khor dang bcas pa dang / de bzhin du 'byung po ma rungs pa rnams kyang 'khrugs so/ /de nas bdud sdig can gyis byang chub sems dpa' sra ba'i blo gros la smras </font><hr>421b<br><font size=+1>


pa| rigs kyi bu/ bdud ri byi 'di'i stobs ga las 'ongs/ mthu ga las 'ongs na/ gang snying rje med pa 'dis rang gi phyogs thams cad dang / nga'i stobs kyi yul dang / pha rol gnon pa thams cad ma lus par bcom ste nag po'i rtsa lag ni/ pham par byas/ mi mthun pa chad par smra ba dang / dge sbyong gau ta ma'i phyogs ni/ mtho bar byas pa bdag kyang gzungs 'di thos ma thag tu lus dri mi zhim pa dang / lus rul ba dang / las su mi rung bar gyur/ bdag gi phyogs thams cad kyang mun par gyur te snang zhing mtho bar med par byas nas yongs su gdung ba chen pos kyang bdag gdungs so/ /byang chub sems dpa' sra ba'i blo gros kyis smras pa/ sdig can/ sangs rgyas bcom ldan 'das thams cad kyi byin gyi rlabs dang / mi dang / mi ma yin pa thams cad kyi stobs bskyed pas bdud ri byis bdud kyi stobs kyi yul dang / pha rol gnod pa 'dir thams cad rnam par 'joms shing / des gzhan gyis mi tshugs pa'i gsang sngags kyi tshig 'di dag kyang bshad kyi/ sdig can/ khyod de bzhin gshegs pa rnams par dad par gyis shig /ci nas khyod lus dang / ngag dang / yid kyi sdug bsngal 'di dag las yongs su grol bar 'gyur bar bla na med pa yang dag par rdzogs pa'i byang chub tu rang sems bskyed cig /bdud sdig can </font><hr>422a<br><font size=+1>


@#/ /gyis smras pa/ bdag ni/ phyi ma'i mtha'i mu grangs med par 'di bas kyang ches sdig pa'i lus dang / ngag dang / yid kyi sdug bsngal rnams la spro'i/ bla na med pa yang dag par rdzogs pa'i byang chub tu ni/ sems mi bskyed do/ /'dus pa chen po rin po che tog gi gzungs las/ dam pa'i chos kyi tshul srung ba'i le'u ste bcu gcig pa'o// //de nas yang gnod sbyin gyi sde dpon chen po 'brog gnas ni/ gnod sbyin 'jigs 'jigs lta bu'i gzugs su/ yang dag shes ni/ ri dwags kyi gzugs su/ shes pa'i sgron ma ni/ spre'u'i gzugs su/ sred spong ni/ ra'i gzugs su/ rgyun bcad pa ni/ glang po che'i gzugs su/ sems can chen po lnga po de dag de bzhin gshegs pa shAkya thub pa'i drung nas ha cang yang mi ring ba zhig na de bzhin gshegs pa kauN+Di n+ya 'od 'phro ba'i spyan sngar 'khod nas de dag gi lus thams cad las rnam par dag cing dri zhim pa'i 'od phyung ngo / /de nas sems can chen po lnga po de dag gis bcom ldan 'das la mchod pa bya ba'i phyir nor bu rin po che chen po me'i 'od ces bya ba lag pa gnyis na thogs so/ /de nas byang chub sems dpa' sems dpa' chen po ltad mo can gyis de dag gi bsam pa tshul bzhin rnam par dag pa la bltas te 'di dag ni/ </font><hr>422b<br><font size=+1>


byang chub sems dpa' sems dpa' chen po'i snyam nas gnod sbyin gyi sde dpon chen po 'brog gnas de la bos te 'di skad ces smras so/ /kye skyes bu dam pa/ don gyi dbang gang mthong na| khyed 'di lta bu'i spyod lam gyis sangs rgyas bcom ldan 'das rnams la mchod par bya ba'i phyir brtson par byed/ 'brog gnas kyis smras pa/ rigs kyi bu/ sngon byung ba 'das pa'i dus bskal pa dgu bcu rtsa gcig na sangs rgyas kyi zhing 'dir de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya ba byung ngo // de'i tshe bdag cag lnga spun drung du gyur te/ de na bdag cag gis bla na med pa yang dag par rdzogs pa'i byang chub tu sems bskyed nas sems can yongs su smin par bya ba'i phyir nan tan byas so/ /de'i 'og tu de bzhin gshegs pa gtsug tor can dang / thams cad skyob dang / bskal pa chen po bzang po 'di byung ma thag tu de bzhin gshegs pa 'khor ba 'jig 'jig rten du byung gi bar du de na'ang de bzhin du bdag cag sngon gyi smon lam gyis spun drung du gyur te/ de bzhin gshegs pa de la bdag cag gis mchod pa dang / bsnyen bkur rnam pa mang po byas so/ /de nas yang der sems can chen po dge bsnyen yang dag shes bsam gtan la mngon par dga' bas der 'di 'dra ba'i smon lam btab </font><hr>423a<br><font size=+1>


@#/ /ste| bdag bskal pa chen po bzang po 'di la gnod sbyin gyi sde dpon chen por gyur la/ de na 'brog dgon pa na gnas pa/ ma rungs pa/ sems can rnams la snying rje dang| snying brtse ba med par zhugs pa/ byad gzugs tha dad pa'i gnod sbyin dag nas lus srul po'i bar du de dag la bdag gis 'di 'dra ba'i chos bshad par bgyi ste| 'di ltar dad pa thob par byas nas bslab pa 'dzin du btsud la zhi ba'i lam la bkod pa nas de na dud 'gro'i skye gnas su song ba'i ri dwags dang / spyang ki dang / rgo ba dang / phag la sogs pa la'ang chos bshad pa nas gnod sbyin ma rungs pa gang+gA'i klung gi bye ma snyed kyi bar dang / dud 'gro'i skye gnas su song ba dge ba'i rtsa ba ma bskyed pa'i bar la chos bshad pas yongs su smin par byas nas theg pa gsum po dag la so sor bkod de/ de nas gdod bdag bla na med pa yang dag par rdzogs pa'i byang chub tu lung bstan pa thob par shog cig /ces byas so/ /de bzhin du gnod sbyin shes pa'i sgron mas spre'u'i gzugs kyis yongs su smin par bya ba'i phyir smon lam btab bo/ /sred spong ra'i gzugs kyis mi khom pas nyam nga bar gyur pa'i sems can rnams yongs su smin par bya ba'i phyir smon lam btab bo/ /rgyun bcad glang po che'i gzugs kyis glang </font><hr>423b<br><font size=+1>


po che yongs su smin par bya ba'i phyir smon lam btab ste/ de bzhin du gnod sbyin rdzu 'phrul chen po gling bzhi pa na gnas pa khri nyis stong gis bla na med pa yang dag par rdzogs pa'i byang chub tshol zhing sems can yongs su smin par bya ba'i phyir smon lam rnam pa sna tshogs btab par gyur nas bdag gis kyang de bzhin gshegs pa 'khor ba 'jig de'i spyan sngar bla na med pa yang dag par rdzogs pa'i byang chub tshol zhing bskal pa bzang po 'di thams cad du gnod sbyin ma rungs pa yongs su smin par bya ba'i phyir smon lam btab bo/ /'di na gnod sbyin ma rungs pa/ snying rje med pa/ mi gzo ba/ yang ba spyod pa/ sdig pa 'dod pa/ snying rje dang mi ldan pa nas lus srul po sems can la 'tshe ba/ mdangs 'phrog pa/ sems 'khrug par byed pa/ mi dge ba'i sems su byed pa/ srog gcod pa nas log par lta ba'i bar dang ldan pa/ rgyal rigs dang / bram ze'i rigs dang / rje'u rigs dang / dmangs rigs kyi sems 'khrug par byed pa/ yul 'khor dang / grong dang / grong khyer dang / grong rdal dang / ljongs 'khrug par byed pa/ gza' dang / rgyu skar dang / nyi ma dang / zla ba dang / nyin par dang / mtshan mo dang / zla ba dang / zla ba phyed pa dang / dus dang / lo 'khrug par byed pa/ 'thab pa dang / rtsod pa dang / mu ge dang / nad dang / pha rol gyi dmag tshogs dang / </font><hr>424a<br><font size=+1>


@#/ /dus ma yin pa'i rlung dang / char dang / rab tu grang ba dang / tsha bar byed pa/ sa bon dang / sman dang / lo ma dang / me tog dang / 'bras bu dang / ro ma rung par byed pa| sems can gyi bde ba dang / yid bde ba dang / nad med pa dang / 'dum pa dang / dge ba'i chos la mos pa dang / sa'i bcud dang / mdangs dang / don dang / chos kyi ro dang / rnam par grol ba'i ro nub par byed pa rnams bslab pa 'dzin du btsud de/ phyir mi ldog pa la bkod nas gang tshun chad bdag bla na med pa yang dag par rdzogs pa'i byang chub tu lung bstan pa thob pa de tshun chad bdag rtag tu gnod sbyin gyi sde dpon gyi nang du skyes te/ gnod sbyin sdig can nas lus srul po'i bar dag theg pa gsum po dag la yongs su smin par byas nas phyir mi ldog pa la bkod cing / de tshun chad sems can rab dang / 'bring dang / tha ma mthong yang brnyas par mi dran gyi/ sems can ci 'dra ma mthong ba de nyid kyi tshul gyis de dag la smras/ yang dag par gzengs bstod/ yang dag par rab tu dga' bar byas/ sdig pa las bzlog/ byams pa dang / snying rje'i sems la bzhag ste bsam pa ji lta ba bzhin du theg pa gsum po dag la phyir mi ldog par so sor bkod do/ /bdag gnod sbyin gyi 'khor gang dang gang dag tu phyin pa de dang der de dag gnod sbyin </font><hr>424b<br><font size=+1>


'brog gnas bde bar 'ongs sam zhes tshig tu 'bod do/ /de bas na/ bdag gi ming 'brog gnas zhes bya bar gyur to/ /gang dag da ltar chos rnying pa dang bral zhing sdom pa la mi gnas te gcig tu las nag po spyod pa'i mi de dag ni/ shi ba'i dus byas nas ngan song gsum du skye ste/ mi'i nang du ni/ nyung zad cig skye'o/ /gang dag las 'dren mar spyod cing / dkon mchog gsum la dad pa ma thob pa de dag ni/ shi ba'i dus byas nas phal cher gnod sbyin sdig can dang / gnod sbyin lus srul po'i nang du skye'o/ /de bas na/ da ltar 'jig rten na gnod sbyin sdig can nas gnod sbyin lus srul po'i bar du shin tu phal cher rnam par 'phel te/ de dag thams cad kyang dkar po'i phyogs nub par bya ba'i phyir brtson pa sha stag go /de lta bas na/ da ltar shin tu dus ngan pa la bab pas bdag gis 'jam pos ni/ dus thams cad du gnod sbyin ma rungs pa nas lus srul po ma rungs pa'i bar dag chos dmar po la dgod mi nus/ bdag gis rgyal rigs dang / bram ze'i rigs dang / rje'u rigs dang / dmangs rigs dang / dge sbyong dang / skyes pa dang / bud med dang / khye'u dang / bu mo 'khrugs pa rnams kyang slar zhi bar bya mi nus/ grong dang / grong khyer dang / grong rdal dang / ljongs dang / yul 'khor dang / pho brang 'khor 'khrugs pa'ang zhi bar bya mi nus/ </font><hr>425a<br><font size=+1>


@#/ /bdag gis 'byung po rnams kyi sems dang sems las byung ba'ang phyir zhing rnam par thar ba'i ro la dgod par yang mi nus te/ rigs kyi bu/ gnod sbyin dang / lus srul po thams cad kyi snying la g.yo sbyor ba mi drang ba'i shes pa'ang bdag gis sangs rgyas thams cad kyi gzi brjid kyis shes so/ /rigs kyi bu/ 'byung po rnams kyi snying po rdo rje nam mkha' rtog 'jug ces bya ba'i rig pa'i gsang sngags kyi gzungs kyi tshig drag pa mi bzad pa chen mo yod do/ /gsang sngags kyi tshig de dag gis btab na| gnod sbyin nam/ gnod sbyin mo'am/ gnod sbyin rgan po'am/ gnod sbyin rgan mo'am/ gnod sbyin gyi bu'am/ gnod sbyin gyi bu mo'am/ gnod sbyin gyi 'khor po'am gnod sbyin gyi 'khor mo'am/ srin po'am/ srin mo'am/ klu dang / klu mo dang / grul bum pho dang / grul bum mo dang / brjed byed dang / brjed byed mo'i bar dang / nyin gcig pa dang / nyin bzhi pa nas srul po'am/ srul mo'am/ lus srul po'am/ lus srul mo'am/ lus srul rgad po'am/ lus srul rgan mo'am/ lus srul gyi bu'am/ lus srul gyi bu mo'am/ lus srul gyi 'khor pho'am/ lus srul gyi 'khor mo dag gis phyi phyir zhing rgyal rigs dkrug pa nas ljongs kyi bar du dkrug par byed mi nus so/ / </font><hr>425b<br><font size=+1>


rigs kyi bu/ grong ngam/ grong khyer ram/ grong rdal nas dmangs kyi khyim gyi bar du gang na rdo rje nam mkha' rtog 'jug ces bya ba/ 'byung po thams cad kyi snying po drag pa mi bzang ba chen mo rig pa'i gsang sngags kyi tshig 'di dag bshad par gyur pa der gnod sbyin dang / lus srul po ma rungs pa de dag gis sngon 'khon du bzung zhing mi dge ba'i las byed pa de dag thams cad btang nas byams pa dang / snying rje dang / sems 'jam pa dang / 'byung po thams cad dang / snying rje dang ldan pa dang / ban pa'i sems su 'gyur ro/ /yul 'khor dang / dmangs dang / lha dang / klu dang / gnod sbyin dang / lus srul po'i 'khrug pa thams cad dang / nyi ma dang / zla ba dang / gza' dang / rgyu skar dang / chad pa dang / dug dang / mtshon dang / byad dang / 'khrug pa thams cad dang / lus kyi rlung dang / mkhris pa dang / bad kan dang / 'dus pa dang / nyin gcig pa dang / nyin gnyis pa dang / nyin gsum pa dang / nyin bzhi pa'i rims dang / mdze dang / rkong pa dang / g.yan pa dang / lud pa dang / 'brum bu dang / lto na ba dang / yan lag na ba dang / nying lag gi nad dang / 'khrug pa dag zhi bar byed de/ de na mi dang / mi ma yin pa dang / ri dwags dang / bya la sogs pa lus dkar po'i mtha' la mngon par brtson pa/ 'jigs pa thams cad </font><hr>426a<br><font size=+1>


@#/ /spangs pa/ bde ba dang / yid bde ba thams cad dang ldan pas nyin mtshan 'da' bar byed pa dang / dge ba dang / sbyin pa dang / dul ba dang / yang dag par dga' ba la mngon par dga' ba dang / lus dang / sems mi ngal bar byang chub kyi lam tshol ba la brtson par byed do/ /yang 'di skad ces kyang smras te/ rigs kyi bu/ ci ste sangs rgyas bcom ldan 'das thams cad kyis bdag gi las kyi dngos grub 'di stsal zhing / byin gyis rlob par mdzad de/ rjes su yi rang bar mdzad nas bdag gis 'khrug pa thams cad rab tu zhi bar bgyid pa/ ma rungs pa thams cad dad par bgyid pa/ mi dge ba'i phyogs thams cad zlog par bgyid pa/ dge ba'i phyogs thams cad 'phel bar bgyid pa/ 'byung po thams cad kyi snying po rdo rje nam mkha' rtog 'jug ces bgyi ba'i gsang sngags kyi tshig bshad kyi/ de bzhin gshegs pa shAkya thub pas bdag gi dbyangs kyi dkyil 'khor gyi tshig brjod pa byin gyis brlab tu gsol/ 'di ltar bdag gis sangs rgyas kyi zhing 'di ma lus par dbyangs kyi dkyil 'khor gyi tshig brjod pa'i yi ge dang sgras gang par bgyis la/ de bzhin du ci nas kyang 'dir lhags pa'i 'khor rnams dbyangs kyi dkyil 'khor gyi tshig brjod pa'i don tshig dang yi ges tshim par </font><hr>426b<br><font size=+1>


bgyi'o| |de nas bcom ldan 'das de bzhin gshegs pa shAkya thub pas gnod sbyin gyi sde dpon chen po 'brog gnas la bos te 'di skad ces bka' stsal te/ /rigs kyi bu/ nag po'i phyogs ni/ skrag par bya ba dang / dkar po'i phyogs 'bar bar bya ba'i phyir sangs rgyas bcom ldan 'das 'di dag gis khyod kyi rdo rje nam mkha' rtog 'jug ces bya ba'i 'byung po thams cad kyi snying po'i gsang sngags kyi gzungs 'di'i dbyangs kyi dkyil 'khor gyi tshig brjod pa byin gyis brlabs kyi/ skyes bu dam pa khyod spro bar gyis la 'khrug pa thams cad rab tu zhi bar byed pa/ 'byung po thams cad kyi snying po'i gsang sngags kyi gzungs ma rungs pa thams cad zlog par byed pa rdo rje nam mkha' rtog 'jug ces bya ba'i gsang sngags kyi tshig de dag smros shig /de nas gnod sbyin gyi sde dpon chen po 'brog gnas stan las langs te/ de bzhin gshegs pa shAkya thub pa de ga la bde logs su thal mo sbyar ba btud nas sangs rgyas kyi zhing 'di ma lus par dbyangs kyis go bar byed pa/ gsang sngags kyi tshig 'di dag smras so/ /'di lta ste/ d+hu ma d+hu ma/ d+ha ma d+ha ma/ d+hU ma d+hU ma/ ni li na na la/ no la nI la| ku Ta ni/ ma hA ku Ta ni/ Ta Ta Ta To/ ma hA ta Ta/ a bA sa/ a b+hi/ a b+hi/ ri Ni ri Ni/ ma hA ri Ni ri Ni/ ri mi ri mi ri mi/ da ri mi/ r-i Shi ma hA ri Shi/ shu lu shu lu/ ma hA shu </font><hr>427a<br><font size=+1>


@#/ /lu shu lu| shu lu d+hu/ ma hA shu lu shu lu/ u gu ma/ ku ma gu ma na/ ri mi ri mi/ hi ri hi ri/ hi ri hi ri/ hi ri hi ri/ hi ri hi ri/ hi ri hi ri/ hi ri hi ri/ ni mi ni mi| hi ni hi ni/ mu ni mu ni/ bud+d+hi li/ pra ba ra sriSh+Tha/ lo kA tsaR+Ya/ dzi ni dzi ni/ dzi na ri Sha b+he/ dzi na dzi na dzi na ri Sha b+ha swAhA/ bcom ldan 'das/ grong ngam/ grong khyer ram/ grong rdal lam/ ljongs nas dmangs kyi khyim gyi bar du gang dang gang na 'byung po thams cad kyi snying po rdo rje nam mkha' rtog 'jug ces bgyi ba/ gsang sngags kyi tshig rig pa chen mo 'di bshad pa'i tshe de na gnod sbyin ma rungs pa nas lus srul po ma rungs pa'i bar du gang dag sems ma dad pa dang / lus dang / ngag dang / yid kyis bslab pa'i sngom pa yongs su mi len pa dang / sems can de dag la byams pa'i sems nye bar mi gzhog pa de dag gi don du bdag gis yang shin tu mi bzad pa'i gsang sngags kyi tshig 'di dag bshad do/ /'di lta ste/ ad tse/ ad tse/ mu ne/ mu ne/ a ga ne/ hu hu/ mu ne mu ne/ ma hA r-i Shi b+ha/ hu hu/ a gra daN+De/ a ta a ta/ a b+hi b+hu ta/ hi ni hi ni/ hi ri hi ri/ ti ri hi ri/ hi ri hi ri hi ri/ dri gu ma/ gu ma gu ma gu ma hi/ hi li/ ni li ni li/ ma hA ni li/ sa mu dra/ me kha/ ha Ta ha Ta ha Ta/ d+ha ra Na me/ d+ha ra Na me/ khak+Sha pa/ kha k+Sha ba/ </font><hr>427b<br><font size=+1>


pr-i thi bi/ a ba te dzo ba ra yu a k+Sha sha /tha tha tha/ gu ma b+he b+ha/ gu ma b+he/ a ga shi gu ma b+he/ dzi dwa gu ma b+he/ sa rba da ga gu ma b+he/ rA dzA gu ma b+he/ sa ma ta gu ma b+he swAhA/ gnod sbyin gyi sde dpon chen po 'brog gnas kyis gsang sngags kyi tshig 'di dag smras ma thag tu de nas de'i mod la lha dang / klu dang / gnod sbyin dang / lus srul po thams cad 'khrugs te skrag nas sangs rgyas kyi zhing 'di na sa dang nam mkha' la gnas pa thams cad 'dar ro/ /de nas skad cig de la sangs rgyas bcom ldan 'das thams cad kyi spyan sngar thal mo sbyar te lan gsum du 'di skad ces sangs rgyas thams cad la phyag 'tshal lo/ /phyag 'tshal lo/ /sangs rgyas thams cad la phyag 'tshal lo/ /gnod sbyin gyi sde dpon chen po 'brog gnas gyis shin tu mi bzad pa 'byung po thams cad kyi snying la gnon pa'i gsang sngags kyi tshig rnams smras so/ /zhes brjod do/ /'dus pa chen po rin po che tog gi gzungs las/ 'brog gnas kyi le'u ste bcu gnyis pa'o// //de nas sangs rgyas bcom ldan 'das de dag bzhengs pa'i brda dang / rang rang gi sangs rgyas kyi zhing du gshegs pa'i brda bstan to/ /de nas de'i mod la thams cad dang ldan pa'i 'khor dang / sa dang nam mkha' la gnas pa'i sems can rnams kyang rab tu 'dar/ thams cad dang ldan pa'i sa 'di yang </font><hr>428a<br><font size=+1>


@#/ /g.yos| nam mkha' las kyang me tog gi char bab/ bar snang las kyang sil snyan bye ba'i sgra byung / spos dang / bdug pa thams cad kyang shin tu byung / sangs rgyas kyi zhing thams cad kyang snang bas khyab par byas nas 'khor thams cad thal mo sbyar te 'khod do/ /de nas de bzhin gshegs pa tsan+dan gyi dri chen po la mi mjed kyi bdag po tshangs pas gsol pa/ bcom ldan 'das/ ma 'ongs pa'i dus na gang dag chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher yang dag par rab tu bstan pa dang / yi ger 'bri ba dang / bris nas 'chad par bgyid pa'i sems can de dag dge ba'i rtsa ba ji tsam dang ldan par 'gyur| sems can de dag sangs rgyas bcom ldan 'das rnams kyis chos du zhig gis byin gyis brlabs par 'gyur/ de skad ces gsol pa dang / bcom ldan 'das de bzhin gshegs pa tsan+dan gyi dri chen pos mi mjed kyi bdag po tshangs pa la 'di skad ces bka' stsal to/ /tshangs pa/ ci nas bdud kyi phyogs tshar gcad pa dang / 'thab pa'i rnyog pa thams cad zhi bar bgyid pa dang / sems can yongs su smin par bya ba dang / dam pa'i chos yun ring du gnas par bya ba dang / lam rnam par dag par bya ba'i phyir sangs </font><hr>428b<br><font size=+1>


rgyas thams cad kyi khams drug byin gyis brlabs so/ /de bzhin du gang ma 'ongs pa'i dus na chos kyi rnam grangs 'di 'dzin pa nas bris te 'chang ba'i bar gyi sems can de dag sangs rgyas dang byang chub sems dpa' thams cad kyis chos bcus byin gyis brlab bo/ /bcu gang zhe na/ tshangs pa/ 'di lta ste/ sangs rgyas dang / byang chub sems dpa' thams cad kyis lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / grul bum de dag la khyod kyis sems can de dag rtag tu srungs shig /gnod pa las zlog cig /lus dang / ngag dang / yid kyi las dge ba la tshud cig /zas dang / skom dang / longs spyod dang / kun spyod pa mang po dang / nad med pa la mkhas pas bdag gi srog dang yang bsngos la/ sems can de dag bzung bar gyis shig /ces rig pas gtad nas de dag gi dran pa dang / blo gros dang| rtogs pa dang / spobs pa la mkhas pas skyon med par 'gyur ro/ /de dag gi yid kyi brnag pa 'dod pa'i yon tan dang ldan pas gnas par mi 'gyur te/ de dag stong pa nyid la gnas par 'gyur ro/ /de dag sems dang mtshungs shing zab mo bzod pa dang ldan pa la bsdu ba'i dngos po la'ang brtson par 'gyur ro/ /dge ba'i chos la gnas nas sems </font><hr>429a<br><font size=+1>


@#/ /can gyi 'khor gyi lus la snying po blangs te dngos po gsum yongs su dag pa'i byang chub kyi spyod pa nyams 'og tu chud par 'gyur ro/ /ting nge 'dzin rin po che'i rgyal mtshan yang thob par 'gyur te/ ting nge 'dzin des ting nge 'dzin thams cad la rnam par spyod pa'i shes pa la'ang mkhas par 'gyur ro/ /'chi ba'i dus kyi tshe'ang sems can de dag gi mdun du sangs rgyas bcom ldan 'das dge slong gi tshogs kyis yongs su bskor zhing / byang chub sems dpa'i tshogs kyis mdun du bdar ba 'tsho zhing gzhes la chos kyang ston cing bzhugs pa grangs med dpag tu med pa dag kyang mthong bar 'gyur ro/ /sangs rgyas bcom ldan 'das de dag las don dang / tshig dang / yi ger ldan pa'i chos bshad pa de lta bu'ang thos par 'gyur ro/ /thams cad las khyad par 'phags pa zang zing med pa'i dga' ba dang / mchog tu dga' ba'i bar du thob nas las kyi sgrib pa mi dge ba de dag thams cad rnam par shes pa tha ma la chos dang ldan pas mgo mnyam du 'gag par 'gyur ro/ /ji ltar bsam pa bzhin du sangs rgyas kyi zhing yongs su dag par brdzus te skye bar 'gyur zhing / sangs rgyas kyi zhing gang na sangs rgyas bcom ldan 'das dag 'tsho zhing gzhes la bzhugs te theg pa chen po'i gtam 'ba' zhig 'chad pa'i sangs rgyas kyi zhing der </font><hr>429b<br><font size=+1>


sems can de dag theg pa chen po la gnas shing sgrib pa med pa'i ye shes dang ldan pa'i sems nam mkha' dang mtshungs pa'i sems can de dag dang 'grogs par 'gyur te/ ring po mi thogs par yon tan de dag dang ldan par 'gyur ro/ /sems can de dag rang gi smon lam ma gtogs par phyin chad nyon mongs pa can snyigs ma lnga dang ldan pa'i sangs rgyas kyi zhing rnams su skye bar mi 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /tshangs pa/ da ltar dang / ma 'ongs pa'i dus na dam pa'i chos kyi tshul 'di 'bar bar byed cing / gzungs kyi phyag rgya'i chos kyi rnam grangs 'di 'dzin pa nas glegs bam la bris te 'chang ba'i bar gyi sems can de dag thams cad sangs rgyas bcom ldan 'das rnams kyis chos bcu po de dag gis byin gyis brlabs par 'gyur ro/ /de dag ni/ sangs rgyas dang / byang chub sems dpa' thams cad kyis byin gyis brlabs pa ste/ nye ba'i nyon mongs pa thams cad las rnam par grol ba'i byang chub sems dpa' sems dpa' chen por 'gyur ro/ /de nas bcom ldan 'das de bzhin gshegs pa shAkya thub pas brgya byin dang / tshangs pa dang / 'jig rten skyong ba rnams la bka' stsal pa/ kye grogs po dag /sangs rgyas bcom ldan 'das gang su dag phyogs bcu nas 'dir </font><hr>430a<br><font size=+1>


@#/ /byon pa de dag thams cad kyis khyed la thugs brtse ba dang / 'jig rten gyi khams 'dir phyi rol gyi dngos po rnam par sbyang pa dang / sems can thams cad yongs su smin par bya ba dang / byang chub kyi spyod pa rab tu bstan pa dang / bdud kyi phyogs pham par bya ba dang / chos kyi rgyal mtshan bsgreng ba dang / sangs rgyas kyi bya ba ma lus par bstan pa dang / dkon mchog gsum gyi rigs rgyun mi 'chad par bya ba dang / nad thams cad rab tu zhi bar bya ba dang / nye bar 'tshe ba thams cad rab tu zhi bar bya ba dang / ma rungs pa thams cad bzlog pa dang / 'jigs pa thams cad las bsrung ba dang / lta ba ngan pa thams cad spang ba dang / byang chub kyi lam la gzung ba dang / de bzhin gshegs pa'i stobs bcu yongs su rdzogs par bya ba dang / las dang nyon mongs pa thams cad zad par bya ba'i phyir ngo mtshar zhing rmad du byung ba sngon ma thos pa gzungs kyi tshig zab mo rab tu dbye ba la 'jug pa'i chos kyi rnam grangs 'di lta bu 'di bshad de/ de ma chags pa med pa'i gzungs la spobs pa dang / ye shes nam mkha' dang mtshungs pa la gzud pa dang / tshul gcig pa'i thams cad mkhyen pa'i ye shes thob par bya ba'i phyir khyim dang / grong dang / grong khyer dang / yul srung ba nas gling bzhi srung ba dang / lha dang / klu dang / mi dang </font><hr>430b<br><font size=+1>


mi ma yin pa srung ba dang / 'bru dang / sman dang / lo ma dang / me tog dang / 'bras bu dang / lo tog rnams srung ba dang / chos smra ba dang / chos nyan pa'i bar dag srung bar 'gyur ro/ / grogs po dag /sangs rgyas kyi zhing 'dir sangs rgyas bcom ldan 'das rnams kyis chos kyi rnam grangs 'di las dngos po re re'ang snying rje chen po la 'jug pa'i ye shes kyi rgyu mthun pa rnam pa bcus byin gyis brlabs so/ /grogs po dag /dge ba'i chos thams cad byin gyis brlabs pa'i phyir sangs rgyas dang / byang chub sems dpa' thams cad kyis sangs rgyas kyi zhing ma lus pa yongs su spyod do/ /sangs rgyas kyi zhing 'di ni/ sangs rgyas kyi zhing du skyes pa thams cad kyi mchod rten du gyur pa/ bla ma'i gnas ston par kun gyis bkur ba/ phyag bya ba'i gnas su gyur pa ste/ 'di ltar mtshams med pa lnga byed pa/ mi dge ba'i rtsa ba dang ldan pa dag kyang las kyi sgrib pa yid du mi 'ong ba'i 'bras bu de dag ma lus par yongs su byang bar 'gyur ro/ /de dag thams cad las kyi sgrib pa spangs nas dge ba'i chos rnams la gnas par 'gyur te/ grogs po dang / de lta bu ni/ sangs rgyas bcom ldan 'das rnams kyi skyes bu'i mthu chen po'o/ /grogs po dag /khyed kyis sangs rgyas kyi zhing 'dir bsti stang du byas te dam pa'i chos 'di gzung bar bya/ bsrung bar bya'o/ /dam pa'i chos 'dzin pa'i gang </font><hr>431a<br><font size=+1>


@#/ /zag khyim na gnas pa dang / rab tu byung ba dang / chos la nan tan byed pa rnams kyang bsrung bar bya'o/ /de ltar na khyed la phan pa dang / bde bar 'gyur ro/ /de nas bcom ldan 'das de bzhin gshegs pa me tog gi rgyal mtshan gyis de'i tshe chos kyi rnam grangs 'di'i yon tan dang / phan yon rab tu rdzogs par bya ba'i phyir 'di skad ces bka' stsal to/ /gang gis zhing kun gser gyis rab tu bkang nas ni/ /skyob pa mgon po dag la mchod pa phul ba bas/ /gang zhig dam pa mchog gi mdo 'di 'dzin byed na/ / 'jigs med des ni bsod nams dpag tu med pa thob/ /de nas de bzhin gshegs pa rin chen gdugs kyi dpal gyis kyang 'di skad ces bka' stsal to/ /brgya tshang pa yi gser rnams las| |gang+gA'i rlung gi bye ma snyed/ /khyu mchog thub la phul bas ni/ /mdo 'di'i bsod nams mtshungs mi thob/ /de nas de bzhin gshegs pa ri bo brtsegs kyis kyang 'di skad ces bka' stsal to/ /me tog tshogs kyi gdugs mchog sprin rnams kyis ni nam mkha' khebs byas te/ /gang gis mchod phyir dga' mgu'i yid kyis sangs rgyas rnams la phul ba bas/ /gang zhig phyin chad zad 'gyur 'jigs ldan dus na mdo 'di 'dzin byed na/ /de yi bsod nams tshad dag sems can kun gyis brjod par mi nus so/ /de nas bcom </font><hr>431b<br><font size=+1>


ldan 'das de bzhin gshegs pa shAkya thub pas kyang 'di skad ces bka' stsal to/ /thub pa'i spyan sngar mar me'i snying po dri zhim til gyis byugs pa ri rab tsam/ /mar me bus pa 'dzum pa'i bzhin gyis gus par bskal pa bye bar bzung ba bas/ /gang gzhan la las bsod nams 'dod pa bsgribs pa srab par smon pa de dag gis/ /zad pa'i dus tshe 'khor du mdo sde'i gtam byas pa ni bsod nams khyad par 'phags/ /de nas de bzhin gshegs pa mi 'khrugs pas kyang 'di skad ces bka' stsal to/ /blo gros 'chang ba gang gis bzod pa sgom zhing rtag tu brtson 'grus rtsom/ /rtag tu bsam gtan gzhol zhing mnyam bzhag lus kyis shes rab spel ba bas/ /zad pa'i dus ngan tshen gang zhig dam chos phyag rgya 'di 'dzin pa/ /de yi bzod dang brtson 'grus 'di ni mtshungs med shes rab gzhal du med/ /de nas de bzhin gshegs pa ting nge 'dzin rdul dang bral ba'i stobs kyis rnam par gnon pas kyang 'di skad ces bka' stsal to/ /gang gis mdo 'di bshad nas bzung dang mngon par bris pa dang / /gzhan dag 'dzin bcug gus par rtag tu klog pa dang / /bdug pa me tog phreng ba gos mchog rnams kyis mchod/ /bsod nams gang thob de ni brjod par mi nus so/ /de nas sangs rgyas bcom ldan 'das tshad med grangs med pa de dag gis mdo sde </font><hr>432a<br><font size=+1>


@#/ /'di'i bsngags pa dang / yon tan dang / phan yon dpag tu med par brjod nas brgya byin dang / tshangs pa dang / 'jig rten skyong ba de dag la bos te 'di skad ces bka' stsal to/ /kye grogs po dag/ las kyi sgrib pa dang / nyon mongs pa thams cad byang bar byed pa/ phyi ma'i dus na gang thos pa tsam gyis kyang sems can rnams kyi las kyi sgrib pa dang / nyon mongs pa thams cad zad par 'gyur ba'i chos kyi rnam grangs 'di zungs shig/ bcom ldan 'das kyis de skad ces bka' stsal nas thams cad dang ldan pa'i 'khor dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'dus pa chen po rin po che tog gi gzungs las/ mthar phyin pa'i le'u ste bcu gsum pa'o// //'phags pa 'dus pa chen po rin po che tog gi gzungs zhes bya ba theg pa chen po'i mdo rdzogs so// //rgya gar gyi mkhan po shI len+d+ra bo d+hi dang / zhu chen gyi lo tsA ba ban+d+he ye shes sdes zhus te skad gsar bcad kyis kyang bcos nas gtan la phab pa/ </font><hr>

</table>