H142

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H142</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H142&coll=lhasa">see text in Tibetan script</a></table>450a<br><font size=+1>


rgya gar skad du/ AR+Ya a nun+ta mu kha sA d+ha ka nA ma d+hA ra NI bod skad du/ 'phags pa sgo mtha' yas pa sgrub pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul yangs pa can tshal chen po'i khang pa brtsegs pa'i khang bzang na dge slong brgyad stong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe zla ba gsum po 'di dag 'das nas de bzhin gshegs pa yongs su mya ngan las 'da'o/ /zhes bcom ldan 'das kyis dran pa dang ldan zhing mkhyen bzhin du tshe'i 'du byed dag btang bar gyur to/ /de nas bcom ldan 'das kyis tshe dang ldan pa maung+gal gyi bu chen po la bka' stsal pa/ maung+gal gyi bu chen po/ /khyod song la stong gi </font><hr>450b<br><font size=+1>


'jig rten gyi khams na dge slong ji snyed gnas pa de dag thams cad tshal chen po'i khang pa brtsegs pa'i khang bzang 'dir sdus shig /tshe dang ldan pa maung+gal gyi bu chen pos bcom ldan 'das| de bzhin no/ /zhes gsol nas bcom ldan 'das kyi ltar mnyan nas skad cig de nyid la rang gi rdzu 'phrul gyi stobs kyis ri rab kyi rtse mo la 'dug ste stong gi 'jig rten gyi khams skad kyis go bar byas pa/ bde gshegs slob ma sems can gang su dag /'jig rten khams 'dir gnas pa kun nyon cig /deng 'dir ston pa chos kyi char 'bebs kyi/ /gang dag nyan par 'dod pa 'dir shog cig /de'i tshe tshal chen po'i khang pa brtsegs pa'i khang bzang du dge slong bzhi khri 'dus par gyur te/ de dag lhags nas bcom ldan 'das mthong ba dang / bcom ldan 'das kyi zhabs la mgo bos phyag btsal te bcom ldan 'das la lan gsum bskor ba byas nas phyogs gcig tu 'khod do/ /de nas tshe dang ldan pa shA ri'i bu sangs rgyas kyi mthus skad cig de nyid la 'di snyam du sems te/ bdag gis rdzu 'phrul mngon par 'du bya ba gang mngon par 'du bya bas/ stong gsum gyi stong chen po'i 'jig rten gyi khams na nyan thos kyi theg pa can nam/ rang sangs rgyas kyi theg pa can nam/ theg pa chen po can yang rung ste/ dge slong ji snyed gnas pa de dag thams cad tshal chen po'i khang pa brtsegs pa'i </font><hr>451a<br><font size=+1>


@#/ /khang bzang du 'du bar 'gyur ba de 'dra ba'i rdzu 'phrul mngon par 'du bya ba mngon par 'du bya gor ma chag snyam mo/ /de nas tshe dang ldan pa shA ri'i bus rdzu 'phrul mngon par 'du bya ba de lta bu mngon par 'dus byas te/ rdzu 'phrul mngon par 'du bya ba de mngon par 'dus byas pas/ stong gsum gyi stong chen po'i 'jig rten gyi khams na nyan thos kyi theg pa can nam/ rang sangs rgyas kyi theg pa can nam/ theg pa chen po can yang rung ste/ dge slong ji snyed gnas pa de dag thams cad tshal chen po'i khang pa brtsegs pa'i khang bzang du 'dus par gyur te/ de dag lhags nas bcom ldan 'das mthong ba dang / bcom ldan 'das kyi zhabs la mgo bos phyag btsal te bcom ldan 'das la lan gsum bskor ba byas nas phyogs gcig tu 'khod do/ /de nas bcom ldan 'das kyis skad cig de nyid la byang chub sems dpa' sems dpa' chen po rnams la bka' stsal pa la 'di lta ste/ byang chub sems dpa' sems dpa' chen po mthong ba don yod ces bya ba dang / 'jam dpal gzhon nur gyur pa dang / byang chub sems dpa' sems dpa' chen po ngan song thams cad spong ba dang / byang chub sems dpa' sems dpa' chen po mya ngan thams cad kyi mun pa nges par 'joms pa dang / byang chub sems dpa' </font><hr>451b<br><font size=+1>


sems dpa' chen po sgrib pa thams cad rnam par sel ba dang / byang chub sems dpa' sems dpa' chen po dra ba can gyi 'od dang / byang chub sems dpa' sems dpa' chen po yul thams cad kyi mun pa nges par 'joms pa'i blo gros dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob dang / byang chub sems dpa' sems dpa' chen po yid yongs su mi skyo ba dang / byang chub sems dpa' sems dpa' chen po spos kyi glang po che dang / byang chub sems dpa' sems dpa' chen po dpa' bo dang / byang chub sems dpa' sems dpa' chen po nam mkha'i mdzod dang / byang chub sems dpa' sems dpa' chen po 'od dpag med dang / byang chub sems dpa' sems dpa' chen po blo gros dang / byang chub sems dpa' sems dpa' chen po ye shes tog dang / byang chub sems dpa' sems dpa' chen po bzang skyong dang / byang chub sems dpa' sems dpa' chen po blo gros rgya mtsho dang / byang chub sems dpa' sems dpa' chen po blo gros mi zad pa dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po nam mkha'i snying po dang / byang chub sems dpa' sems dpa' chen po lag na rdo rje </font><hr>452a<br><font size=+1>


@#/ /dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po spobs pa brtsegs pa dang / byang chub sems dpa' sems dpa' chen po byams pa la bka' stsal pa/ rigs kyi bu dag /khyed deng la phyogs bcu thams cad kyi sangs rgyas kyi zhing gang+gA'i klung gi bye ma snyed dag na byang chub sems dpa' srid pa tha ma pa'am/ skye ba gcig gis thogs pa'am/ phyir mi ldog pa'am/ mi skye ba'i chos la bzod pa thob pa'am/ dad pas mos pa ji snyed gnas pa de dag thams cad tshal chen po'i khang pa brtsegs pa'i khang bzang 'dir sdus shig /de nas byang chub sems dpa' sems dpa' chen po de dag gis bcom ldan 'das kyi ltar mnyan te bcom ldan 'das/ legs so/ /legs so/ /zhes gsol nas skad cig de nyid la ltas de lta bu byas te/ ltas de byas pas tshal chen po'i khang brtsegs pa'i khang bzang du byang chub sems dpa' srid pa tha ma pa bye ba khrag khrig brgya stong brjod du med pa dag lhags par gyur to/ /byang chub sems dpa' skye ba gcig gis thogs pa bye ba khrag khrig brgya stong phrag dgu bcu dang / byang chub sems dpa' phyir mi ldog pa bye ba khrag khrig brgya stong phrag brgyad cu dang / byang chub sems dpa' sems dpa' chen po mi skye ba'i chos la bzod pa thob pa bye ba khrag </font><hr>452b<br><font size=+1>


khrig brgya stong phrag sum cu dang / byang chub sems dpa' sems dpa' chen po dad pas mos pa bye ba khrag khrig brgya stong phrag brgyad lhags par gyur to/ /de dag thams cad lhags te bcom ldan 'das mthong nas bcom ldan 'das kyi zhabs la mgo bos phyag btsal te bcom ldan 'das la lan gsum bskor ba byas nas phyogs gcig tu 'khod do/ /de nas tshe dang ldan pa shA ri'i bus byang chub sems dpa' 'dus pa chen po de mthong nas skad cig de nyid la 'di snyam du sems te/ zhus pa lung bstan pa ji lta bus byang chub sems dpa' sems dpa' chen po 'di dag gis som nyi thams cad spong bar 'gyur ba dang / sgrib pa med pa'i ye shes dang spobs pa myur du thob par 'gyur ba dang / sangs rgyas kyi zhing gang+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas thams cad las chos bstan pa thos par 'gyur ba dang / thos nas kyang 'dzin par 'gyur zhing / bla na med pa yang dag par rdzogs pa'i byang chub mngon par rdzogs par sangs rgyas kyi bar du brjed par mi 'gyur ba dang / byang chub sems dpa' sems dpa' chen po rnams kyi spyod pa yongs su dag pa gang yin pa bzhi po de dag rjes su thob par 'gyur ba ste/ bzhi gang zhe na/ 'di lta ste/ sems can yongs su dag pa dang / chos yongs su dag pa dang / smon lam yongs su dag pa </font><hr>453a<br><font size=+1>


@#/ /dang / sangs rgyas kyi zhing yongs su dag pa ste/ de dag rjes su thob bar 'gyur ba dang / gya nom pa yid du 'ong bar byed pa'i chos bzhi rjes su thob par 'gyur ba ste/ bzhi gang zhe na/ 'di lta ste/ lus yid du 'ong ba dang / ngag yid du 'ong ba dang / sems yid du 'ong ba dang / skye ba yid du 'ong ba rjes su thob par 'gyur ba dang / gzungs kyi sgor 'jug pa bzhi rjes su thob par 'gyur te/ bzhi gang zhe na/ 'di lta ste/ sgo mi zad pas bsgrub pa'i gzungs kyi sgor 'jug pa dang / sems can rnams kyi dbang po la mkhas pa'i gzungs kyi sgor 'jug pa dang / las dang rnam par smin pa la mkhas pa 'dus ma byas kyi gzungs kyi sgor 'jug pa dang / chos zab mo la bzod pa'i gzungs kyi sgor 'jug pa rjes su thob par 'gyur ba de lta bu'i zhu ba de bzhin gshegs pa dgra bcom pa yang dag par rdzogs pa'i sangs rgyas la bdag gis zhu gor ma chag snyam mo/ /de nas tshe dang ldan pa sha ri'i bus zhu \?\ ba \?\ ji skad smos pa/ ji ltar yid la bzung ba/ ji ltar yid la byas pa/ ji ltar kun chub par byas pa de dag bcom ldan 'das la rgya cher gsol to/ / 'di skad ces kyang gsol te/ bcom ldan 'das la zhu ba ji skad smos pa/ ji ltar bzung ba/ ji ltar yid la bgyis pa/ ji ltar kun chub par bgyis pa 'di dag gis byang chub </font><hr>453b<br><font size=+1>


sems dpa' sems dpa' chen po 'di dag gi spyod pa ji ltar yongs su dag bar 'gyur ba de ltar bcom ldan 'das kyis bshad du gsol/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ legs so/ /legs so/ /shA ri'i bu/ khyod de bzhin gshegs pa la don 'di zhu bar sems pa khyod yang legs so/ /shA ri'i bu/ de'i phyir khyod legs par rab tu nyon la yid la zungs shig dang ngas khyod la bshad do/ /tshe dang ldan pa shA ri'i bus bcom ldan 'das/ de bzhin no/ /zhes gsol te bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /shA ri'i bu/ 'di la byang chub sems dpa' sems dpa' chen po gang chos thams cad khas mi len cing len par mi byed pa des gzungs kyi gsang sngags kyi tshig 'di dag gzung bar bya'o/ /tad+ya thA/ oM ma Ne ma hA ra Ne/ a khe/ mu khe/ mu khe/ sa man+ta mu khe/ sau me sa| sau R+Ya ra me/ sau ti yu ga me/ ni ru ga ti pra b+he hi le hi le/ ka la pe ke la pa/ si sa le/ sa ra ba ti/ hi le hi le/ hi le hi le/ hi li hi li/ ma hA hi le le/ tsan+Da tsa pa ne/ tsa ra tsa ra Ni/ a tsa le| ma tsa le/ a naM te/ a naM ta mu khe/ a naM ta ga te a ra Ne nir ma la de/ nir ba la ne/ nir ba d+ha na te/ d+harma d+ha re/ nir ha re/ gi mi le shrI ma bi sho d+ha ni/ pra kr-i ti d+hi pa ne/ b+ha ba be b+ha </font><hr>454a<br><font size=+1>


@#/ /ba ne| a saM ge a saM ge/ /bi ha re/ da me sa me/ bi ma le/ bi ma la pra b+he/ sAM kaR+Sha Ni/ d+hi re d+hi d+hi ri ma hA d+hi d+hi re/ ye She ya Sho pa ti/ tsa le a tsa le/ ma tsa le/ sa ma tsa le/ Ta d+hi Tu d+ha san+d+hi s+thi ra/ a saM ge a saM ge /bi ha re/ a saM ga ni ra ha re/ ni ra ha ra/ bi ma le/ nir ha Ta sho ta ni Ta d+hi so me/ s+thi re s+thi me/ s+tha ma ba ti/ ma hA pra b+he/ sa man+ta pra b+he| bi pu la pra b+he/ bi pu la rasmi saM b+ha be/ sa man+ta mu khe/ sarba tra ya bu ga te/ tshe d+ya ya na ta tshe d+ya pra ti b+ha ne/ b+ha re Ne/ Ni De na/ d+harma ni d+ha na go tra/ sa man+ta b+ha drai/ sarba ta thA ga ta hri da ya a d+hiSh+ThA na a d+hiSh+Thi te swAhA/ shA ri'i bu/ byang chub sems dpa' sems dpa' chen po gzungs 'di dag 'dzin pa ni/ 'dus byas dang / 'dus ma byas kyi chos rnams la rlom sems su mi byed/ dmigs par mi byed/ smon par mi byed/ btang snyoms su mi byed/ len par mi byed/ brtson par mi byed de/ de dag thob par bya ba dang / spang bar bya ba dang / bsgom par bya ba dang / rnam par 'phel bar bya ba'i phyir mi byed/ 'gyur bar mi byed/ mngon par 'du mi byed/ mtshungs par ldan pa'i chos rnams kyang mi mthong / ldan pa ma yin pa rnams kyang mi mthong ngo / /chos rnams kyi skye ba'ang mi mthong / 'gag pa'ang mi mthong / 'das pa'i chos rnams kyang mi mthong / ma 'ongs pa'i chos rnams kyang mi mthong / da ltar byung ba'i </font><hr>454b<br><font size=+1>


chos rnams kyang mi mthong / chos rnams kyi 'phel ba dang 'bri ba'ang mi mthong / chos gang yang gsog par yang mi byed/ 'grib par yang mi byed/ 'dogs par yang mi byed/ rnam par rig par yang mi byed par sangs rgyas rjes su dran pa 'ba' zhig sgom ste/ de bsgom pa na gzugs su ma yin/ gzugs med par ma yin/ mtshan du ma yin/ mtshan ma med par ma yin/ dpe byad bzang por ma yin/ dpe byad bzang po med par ma yin/ rnam par shes par ma yin/ rnam par shes pa med par ma yin/ nyon mongs par ma yin/ nyon mongs pa med par ma yin/ tshul khrims su ma yin/ tshul khrims med par ma yin/ ting nge 'dzin du ma yin/ ting nge 'dzin med par ma yin/ shes rab tu ma yin/ shes rab med par ma yin/ rnam par grol bar ma yin| rnam par grol ba med par ma yin/ rnam par grol ba'i ye shes mthong bar ma yin/ rnam par grol ba'i ye shes mthong ba med par ma yin/ skye bar ma yin/ skye ba med par ma yin| rigs su ma yin/ rigs med par ma yin/ rus su ma yin/ rus med par ma yin/ 'khor du ma yin/ 'khor med par ma yin/ gnas par ma yin/ gnas med par ma yin| thob par ma yin/ thob pa med par ma yin/ mngon par rtogs par ma yin/ mngon par rtogs pa med par ma yin/ nyon mongs pa zad par ma yin/ nyon mongs pa ma zad par </font><hr>455a<br><font size=+1>


@#/ /ma yin| phung po dang / khams dang / skye mched du ma yin/ phung po dang / khams dang / skye mched med par ma yin/ shes par ma yin/ shes pa med par ma yin/ chos ston par ma yin/ chos mi ston par ma yin/ bdag rnam par dag par bya bar ma yin/ gzhan rnam par dag par bya bar ma yin/ sems can rnam par dag par bya bar ma yin/ sems can med pa rnam par dag par bya bar ma yin/ bdag gi don du ma yin/ gzhan gyi don du ma yin/ chos su ma yin/ 'dul bar ma yin lus rnam par dag par ma yin/ ngag rnam par dag par ma yin/ yid rnam par dag par ma yin/ spyod pa rnam par dag par ma yin/ sngon gyi mtha'i spyod pa rnam par dag par ma yin| phyi ma'i mtha'i spyod pa rnam par dag par ma yin/ da ltar byung ba'i spyod pa rnam par dag par ma yin/ bdag gi rnam par dag par ma yin/ gzhan gyi rnam par dag par ma yin pa 'di ni/ shA ri'i bu/ byang chub sems dpa' sems dpa' chen po'i chos thams cad mi 'dzin pa la 'jug pa zhes bya ba'i sangs rgyas rjes su dran pa zhes bya'o/ /don dam pa sgrub par chos thams cad yang dag par 'du ba la mi 'jigs pa thob pa zhes bya ba'i gzungs so/ /gcig tu nges pa thob pas bsam pa thams cad yongs su rdzogs par byed pa </font><hr>455b<br><font size=+1>


zhes bya ba'i ting nge 'dzin to/ /dge ba'i rtsa ba thams cad la gzhan la rag ma lus pa'i ye shes sgrub pas chos kyi gter mtshan dang dpe byad bzang po'i rigs zil gyis mi non par gnas pa zhes bya ba'i gzungs so/ /dam pa yongs su tshol ba la mkhas pas bdud kyi las thams cad las yang dag par 'da' ba zhes bya ba'i gzungs so/ /shA ri'i bu/ byang chub sems dpa' gang dag sgo mtha' yas pa sgrub pa'i gzungs 'di'i don thob par 'gyur ba de dag ni/ phyir mi ldog cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de ci'i phyir zhe na/ shA ri'i bu/ 'dir sangs rgyas thams cad ni/ chos dang yon tan gyi gter nges pa'i phyir ro/ /dmigs pa med pa'i spyod pa dang ldan pa'i gzungs 'di nyid las byang chub sems dpa'i spyod pa thams cad rab tu dbye bar 'gyur ba'i phyir ro/ /de nas bcom ldan 'das kyis de'i tshe tshigs su bcad pa 'di dag bka' stsal to// chos rnams stong par dogs med cing / /byang chub ched du spros med byed/ /chos dbyings 'khrug par mi byed na/ /de phyir gzungs 'di thob par 'gyur/ /mdo sde 'di ni mnyan par bya/ /'di la gzungs ni zad pa med/ /ye shes 'byor 'di 'di la ste/ /de nas byang chub thob par 'gyur/ /byang chub sems dpa' 'jigs med pa/ /gzungs 'dir rab tu bzung byas na/ /phyogs bcu dag gi </font><hr>456a<br><font size=+1>


@#/ /sangs rgyas kyi/ /chos bstan pa ni thos par 'gyur/ /don dang tshig 'bru bskyod kun gyi/ /mchog gi chos ni rnam par shes/ /nyi ma'i 'od zer ji snyed pa/ / de snyed tshig rnams shes par 'gyur/ /gang dag chos kyi mchog 'gyur ba/ /rlabs chen gzungs kyi sgo rnams te/ /gang zhig mdo 'di 'dzin de la/ /thams cad rtag tu mngon du 'gyur| |gal te sems can thams cad kyis/ /de la bskal par dogs dris te/ /the tshom thams cad chad gyur kyang / /de yi ye shes mi zad do/ /mdo sde 'di la gang dga' ba/ /de ni chos kyi rgyal po'i sras/ /byang chub mchog la nye bar te/ /yid brtan gyur dang chos 'dzin pa'o/ /gzungs 'di 'dzin par su byed pa/ /de la sems can thams cad dga'/ / sangs rgyas rnams kyang de la dgyes/ /grags pa 'jig rten 'byung bar 'gyur/ /su zhig mdo sde 'di 'dzin pa/ /de ni 'chi ba'i dus byed tshe/ /sangs rgyas bye ba brgyad cu mthong / / lag pa de la nye bar 'jog /gzungs 'di 'dzin par byed pa ni/ /bskal pa bye ba stong rnams su/ /sngon chad sdig pa gang byas pa/ /zla ba gcig gis byang bar 'gyur/ /byang chub sems dpa'i bsod nams gang / /bskal pa bye bar bsgrubs pa kun/ /gzungs 'di 'dzin par byed pa yis/ /zla ba gcig gis zil gnon 'gyur/ /khams gsum sems </font><hr>456b<br><font size=+1>


can ji snyed pa/ /gal te thams cad bdud gyur kyang / /mdo sde 'di ni gang 'dzin pa/ /de la bar chad byed mi nus/ /byang chub 'tshang rgya bar du ste/ /dran dang blo gros rtogs ldan 'gyur| |gzungs kyi dam pa gang yin pa/ /de yi lce yi rtse mor gnas/ /ji ltar mdo sde 'dzin de la/ /gzungs 'di so sor nges pa bzhin/ /'di las thams cad mkhyen pa bstan// 'di las byang chub thob par 'gyur/ /gzungs 'di bshad ma thag tu yang / /mar me zhes byas pa lung bstan/ /skad cig de la sangs rgyas ni/ /gang+gA'i klung gi bye snyed mthong / /gang zhig sangs rgyas thams cad kyis/ /bstan pa 'dir ni rtogs 'dod cing / /mdo sde 'di la bstan pa des/ /thams cad myur du thob par 'gyur/ /sangs rgyas zhing ni rnam dag dang / / nyan thos phun sum tshogs pa dang / /'od dang mtshan kyang rnam dag pa/ /mdo sde 'dis ni byed par 'gyur/ /de bas brag ni yod gyur na/ /zhag bdun bar du 'di sems pa/ /sangs rgyas bye ba brgyad cu yis/ /de yi 'og tu gzungs sbyin 'gyur/ /bsam bya bsam par mi bsam ste/ /bsam bya min pa'ang mi bsam mo/ /soms shig 'gal bar ma sems shig/ / de yi 'og tu gzungs thob 'gyur/ /dper na rgya mtshor phyin pa'i mi/ /nor la som nyi med pa ltar/ /de bzhin gzungs 'di thob gyur nas/ /bde ba la yang som nyi med/ /'di las rdzogs </font><hr>457a<br><font size=+1>


@#/ /pa'i byang chub nye/ /de bas 'di la sbyor bar gyis/ /zhi ba'i gnas ni thob gyur nas/ /rdzogs pa'i byang chub thob par 'gyur/ /bcom ldan 'das kyis yang tshe dang ldan pa shA ri'i bu la bka' stsal pa/ shA ri'i bu/ byang chub sems dpa' sems dpa' chen po chos bzhi dang ldan na/ gzungs 'di thob par 'gyur ro/ /bzhi gang zhe na/ 'di lta ste/ 'dod pa rnams la lhag par chags pa med pa yin/ sems can thams cad la phrag dog med pa yin/ bdog pa thams cad yongs su gtong zhing 'gyod pa med par sbyin pa'i tshul can yin/ nyin mtshan du chos la dga' zhing chos 'dod pa yin te/ shA ri'i bu/ byang chub sems dpa' sems dpa' chen po chos bzhi po de dag dang ldan na/ gzungs 'di thob par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /ngan cing bdud kyi spyod yul ba/ /'dod pa dri nga spang bar byos/ /de dag sems can dmyal ba'i rkyen/ /ngan song rnams kyi rgyu yang yin/ /shes kyi khe dang rnyed dang grags pa'i phyir/ /pha rol dag la phrag dog mi bya ste| |dga' ba'i mig gis sems can blta byas na/ /mthu che ba dang gzugs kyang mdzes par gyur/ /sems can gang dag kha cig rtsod 'gyur ba/ /de yi gzhi rtsa yongs </font><hr>457b<br><font size=+1>


su 'dzin pa ste/ /de ltar gang la sred par 'gyur ba spongs/ /sred pa spang ba byas na gzungs su 'gyur/ /gal te byang chub 'dod na gzhan ma sems/ /nyin dang mtshan du chos ni btsal bar byos/ /chos tshig 'di 'dra 'di dag rten byed na/ /de la gzungs ni mngon du 'gyur bar 'ong / /shA ri'i bu/ gzhan yang byang chub sems dpa' sems dpa' chen po chos bzhi dang ldan na/ gzungs 'di thob par 'gyur ro/ /bzhi gang zhe na/ 'di lta ste/ dgon pa dang dben pa la gnas pa dang / chos zab mo la bzod pa'i stobs bskyed pa dang / rnyed pa dang / bkur sti dang / tshigs su bcad pa dag la lhag par chags pa med pa dang / sdug pa'i dngos po thams cad la mi lta zhing tha na lus dang srog kyang yongs su gtong ba ste| shA ri'i bu/ byang chub sems dpa' sems dpa' chen po chos bzhi po de dag dang ldan na/ gzungs 'di thob par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /rgyal pas bsngags pa'i dgon par gnas par gyis/ /de la gnas pa gzhan la brnyas pa med/ /zab mo'i bzod pa 'dun pa bskyed nas su/ /bag yod mgo la 'bar zhing gnas par gyis/ /'di ltar tshul 'chos byed kyi gzhir gyur pa/ /shes khe rnyed pa rnams la gnas ma byed/ /bya dang 'dra bar ngan don dag gis chog byas te// </font><hr>458a<br><font size=+1>


@#/ /mir gyur pa yi 'bras bu yod par byos/ /kye ma sangs rgyas bstan pa legs par rnyed/ /sdug bsngal mang po'i rtsa ba khyim yang spongs/ /lus dang ngag dang yid kyang yongs dag pas/ /sangs rgyas dang ni chos la gus par gyis/ /rnyed 'dod dran pa ma yin shes rab min/ /dad dang tshul khrims ma yin chos sems min/ / de ni byang chub ring ste gnam sa bzhin/ /de ltas rnyed pa yongs su spang bar bya/ /shA ri'i bu/ gzhan yang byang chub sems dpa' sems dpa' chen po chos bzhi dang ldan na/ gzungs 'di thob par 'gyur ro/ /bzhi gang zhe na/ 'di lta ste/ yi ge 'bru brgyad kyi don khong du chud par bya'o/ /brgyad po de dag gang zhe na/ 'di lta ste/ pa zhes bya ba don dam par chos thams cad la bdag med pa la 'jug pa khong du chud pa dang / la zhes bya ba mtshan dang dpe byad bzang po dang / mtshan dang dpe byad bzang po med par de bzhin gshegs pa'i chos kyi sku la 'jug pa khong du chud pa dang / ba zhes bya ba byis pa'i chos rnams dang / mkhas pa'i chos rnams ji lta ba bzhin du gnyis su med pa la 'jug pa khong du chud pa dang / dza zhes bya ba skye ba dang / rga ba dang / 'chi ba dang / skye ba dang / rga ba dang / 'chi ba med pa'i 'gro ba'i mi skye mi 'gag pa la 'jug pa khong du chud pa dang / ka zhes </font><hr>458b<br><font size=+1>


bya ba las kyi rnam par smin pa dang / las kyi rnam par smin pa med pa la 'jug pa khong du chud pa dang / d+ha zhes bya ba gzungs kyi chos kyi rnam grangs stong pa nyid dang / mtshan ma med pa dang / smon pa med pa dang / chos kyi dbyings la 'jug pa khong du chud pa dang / sha zhes bya ba zhi gnas dang lhag mthong dang / zhi gnas dang lhag mthong med par chos thams cad kyi de bzhin nyid la 'jug pa khong du chud pa dang / k+Sha zhes bya ba chos thams cad skad cig pa ste/ gzod ma nas zhi ba'i phyir zad pa med pa dang / 'jig pa med pa dang / rgyu ba med pa dang / chos thams cad mya ngan las 'das par 'jug pa khong du chud pa ste/ de ltar yi ge 'bru brgyad po de dag gi don khong du chud par rtogs par bya ba 'di ni/ don khong du chud pa dang po'o/ /gzungs kyi chos kyi rnam grangs 'di legs par bris te gzung bar bya ba 'di ni/ don khong du chud pa gnyis pa'o/ /zla ba phyed phyed cing gzungs kyi chos kyi rnam grangs 'di rtag tu klog pa dang / rjes su dran par bya ba'i phyir brtson par bya ba 'di ni/ don khong du chud pa gsum pa'o/ /gzungs kyi chos kyi rnam grangs 'di la mngon par brtson pa'i byang chub sems dpa' sems dpa' chen pos sems can thams cad yang dag par dga' bar bya ba dang / yang dag par 'dzin du gzhug </font><hr>459a<br><font size=+1>


@#/ /pa dang / yang dag par gzengs bstod pa la gzud pa'i phyir brtson par bya ba 'di ni/ don khong du chud pa bzhi pa ste/ shA ri'i bu/ byang chub sems dpa' sems dpa' chen po chos bzhi po de dag dang ldan na/ gzungs 'di thob par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /yi ge 'bru brgyad 'di dag bsam par bya/ /mdo sde 'di ni bris nas bcang bar bya/ /zla ba phyed cing rtag tu bklag par bya/ /sems can rnams kyang 'di 'dzin gzhug par bya/ /shes rab rgya chen byang chub nye ba ste/ /phyogs bcu rnams na sangs rgyas gang su dag /bzhugs pa thams cad des ni mdun du mthong / /de'i phyir 'dun pa bskyed de 'di la bslab/ /shA ri'i bu/ bzhi po 'di dag ni/ gzungs 'di la mngon par brtson pa'i byang chub sems dpa' sems dpa' chen po'i phan yon yin te/ bzhi gang zhe na/ 'di lta ste/ phyogs bcu'i sangs rgyas bcom ldan 'das thams cad de la dgongs pa dang / de la bdud kyi las mi 'byung ba dang / de'i las kyi sgrib pa myur du byang ba dang / spobs pa rgyun mi 'chad pa myur du thob pa ste/ shA ri'i bu/ bzhi po de dag ni/ gzungs 'di la mngon par brtson pa'i byang chub sems dpa' sems dpa' </font><hr>459b<br><font size=+1>


chen po'i phan yon yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas kun gyis de ni yid la mdzad/ /de la bdud kyis glags ni rnyed mi 'gyur/ /de yi las kyi sgrib pa myur du 'byang / /spobs pa mtha' yas rnams kyang thob par 'gyur/ /shA ri'i bu/ sngon byung ba 'das pa'i dus na bskal pa grangs med pa'i yang ches grangs med pa/ yangs pa/ rgya cher gyur pa/ dpag tu med pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa| lha dang mi rnams kyi ston pa sangs rgyas bcom ldan 'das 'jig rten du byung ste/ shA ri'i bu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu de yongs su mya ngan las 'da' ba'i dus kyi tshe 'khor los bsgyur ba'i rgyal po snang ba 'jin zhes bya ba mi'i dbang po rin po che sna bdun dang ldan pa zhig byung ngo / /de'i bu yon tan rin po che bsam gyis mi khyab pa'i dpal zhes bya ba zhig yod de/ de skyes nas lo bcu drug lon pa dang / des sgo </font><hr>460a<br><font size=+1>


@#/ /mtha' yas pa sgrub pa'i gzungs kyi chos kyi rnam grangs 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu de las thos te/ des gzungs 'di thos ma thag tu thob par bya ba'i phyir brtson par gyur to/ /de lo bdun khrir rmugs pa dang / gnyid kyis non par ma gyur to/ /lan 'ga' yang rgyal srid la dga' ba'am/ nor la dga' ba'am/ bdag la dga' bar ma gyur to/ / de lo bdun khrir lan 'ga' yang sa la glos ma phab ste/ gcig tu nges par nang du yang dag 'jog la gnas so/ /sangs rgyas bye ba phrag dgu bcu las chos bstan pa thos te/ thos nas kyang thams cad bzung ngo / /bzung nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu de nyid las rab tu byung ngo / /de rab tu byung nas de lo dgu khri 'das pa dang / des sgo mtha' yas pa sgrub pa'i gzungs 'di bsgrubs te/ bsgrubs nas kyang sems can rnams la rgya cher yang dag par bshad do/ /des tshe gcig po de nyid la sems can bye ba khrag khrig brgya stong phrag brgyad </font><hr>460b<br><font size=+1>


cu bla na med pa yang dag par rdzogs pa'i byang chub yang dag par 'dzin du btsud cing phyir mi ldog pa'i sa la bkod par gyur to/ /shA ri'i bu/ 'khor de na tshong dpon gyi bu zla ba'i tog ces bya ba zhig yod de/ des sgo mtha' yas pa sgrub pa'i gzungs kyi chos kyi rnam grangs 'di chos smra ba'i dge slong de las thos so/ /thos nas kyang rjes su yi rang bar gyur te/ de rjes su yi rang ba'i mod la skyes pa'i dge ba'i rtsa ba des sangs rgyas bye ba phrag dgu bcu las chos bstan pa thos so/ /thos nas kyang thams cad bzung ngo / / thams cad du'ang gzungs thob pa rnams kyi mchog dang / tshig btsun pa rnams kyi mchog dang / byang chub sems dpa' sems dpa' chen po spobs pa rgyun mi 'chad pa rnams kyi mchog tu gyur to/ /des bskal pa gsum du de bzhin gshegs pa dgra bcom pa yang dag par rdzogs pa'i sangs rgyas de dag mnyes par byas so/ /mnyes par byas nas kyang bskal pa gsum 'das pa dang / bla na med pa yang dag par rdzogs pa'i byang chub tu mngon par rdzogs par sangs rgyas so/ /shA ri'i bu/ de'i tshe de'i dus na tshong dpon gyi bu zla ba'i tog ces bya bar gyur pa de gzhan zhig yin snyam du khyod som nyi'am/ yid gnyis sam/ the tshom za bar gyur na/ shA ri'i bu/ khyod kyis de ltar </font><hr>461a<br><font size=+1>


@#/ /mi blta'o/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas mar me mdzad de'i tshe de'i dus na tshong dpon gyi bu zla ba'i tog ces bya bar gyur to/ /shA ri'i bu/ de'i tshe de'i dus na yon tan rin po che bsam gyis mi khyab pa'i dpal zhes bya ba'i chos smra bar gyur pa de gzhan zhig yin pa snyam du som nyid dang / yid gnyis sam/ the tshom za bar gyur na/ shA ri'i bu/ khyod kyis de ltar mi blta'o/ /de ci'i phyir zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med de/ de'i tshe de'i dus na dge slong chos smra ba yon tan rin po che bsam gyis mi khyab pa'i dpal zhes bya bar gyur to/ /shA ri'i bu/ nga dang bskal pa bzang po'i byang chub sems dpa' sems dpa' chen po rnams kyis kyang de'i tshe gzungs kyi chos kyi rnam grangs 'di thos so/ /thos nas kyang rjes su yi rang ste/ rjes su yi rang ba'i mod la skyes pa'i dge ba'i rtsa ba des ngas bskal pa bye ba 'bum phrag bzhi khrir 'khor ba phyir bsnyil to/ /sangs rgyas bye ba phrag dgu bcu las chos bstan pa'ang thos te/ thams cad du'ang gzungs thob pa rnams kyi mchog dang / tshig btsun pa </font><hr>461b<br><font size=+1>


rnams kyi mchog dang / byang chub sems dpa' sems dpa' chen po spobs pa rgyun mi 'chad pa rnams kyi mchog tu gyur to/ /shA ri'i bu/ de lta bas na/ byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ tha na gzungs kyi chos kyi rnam grangs 'di la rjes su yi rang bar yang brtson par bya'o/ /de ci'i phyir zhe na/ de nyid byang chub sems dpa' sems dpa' chen po de'i bla na med pa yang dag par rdzogs pa'i byang chub kyi ched du phyir mi ldog pa'i sa dang / chos smra ba dag mgu bar byed pa'i rgyur 'gyur na/ gang yi ger 'bri ba dang / lung 'bog pa dang / 'dzin pa dang / klog pa dang / kun chub par byed pa dang / tshul bzhin du yid la byed pa dang / gzhan dag la rgya cher yang dag par ston pa lta ci smos te/ bsod nams kyi phung po de'i tshad ni/ de bzhin gshegs pa ma gtogs par sems can thams cad kyis kyang shes pa'am/ bsam par mi nus so/ /de nas bcom ldan 'das kyis de'i tshe tshigs su bcad pa 'di dag bka' stsal to// mdo sde thos nas rjes su yi rang dang / /yi ger bris dang bzung dang bklags pa yis/ /bsod nams chu bo ji tsam bskyed pa ni/ /sems can kun gyis shes par yong mi nus// </font><hr>462a<br><font size=+1>


@#/ /de ni tshe rabs kun tu rgyal ba mthong / /de dag las kyang dad pa bsam yas rnyed/ /mdo sde zab mo'i tshul yang shes par 'gyur/ /de ni myur du byang chub mngon 'tshang rgya/ /bla med byang chub ma reg bar du yang / /de ni ting nge 'dzin dang mngon shes dang / /gzungs rnams dang ni gzugs dang longs spyod dang / /sangs rgyas mthong las nyams par yong mi 'gyur/ /rjes su dran pa sngon gyi tshe rabs na/ /tshong dpon bus ni gzungs 'di thob gyur nas/ /sangs rgyas gang+gA'i bye snyed mthong gyur te| |des ni 'dod bzhin byang chub rnam sangs rgyas/ /mar me mdzad pa de tshe tshong dpon bu/ /sngon tshe tshe rabs 'od zer mtha' yas gyur/ /de tshe chos smra sangs rgyas tshe dpag med/ /nga ni bskal pa bzang dang bcas yi rang / /byang chub myur du reg par su 'dod dang / /bdud rnams myur du gzhom par su 'dod dang / /bsod nams brgya yi mtshan bzang su 'dod pa/ /'di la brtson na rnyed par dka' mi 'gyur/ /gang+gA'i klung gi bye snyed 'jig rten khams/ /gang gis rin chen bkang ste sbyin byin kyang / /bris dang bzung ba'i bsod nams gang yin pa/ /de la sbyin pas dper yang mi 'gyur ro/ /de ltas thos na rtse gcig bag yod par/ /byang chub sems dpa' mkhas pas 'di </font><hr>462b<br><font size=+1>


bzung ngam/ /gzungs 'di bris shing sems dpa' de dag ni/ /byang chub rnyed pa dka' ba med par bshad/ /de nas bcom ldan 'das kyis tshe dang ldan pa shA ri'i bu la bka' stsal pa| shA ri'i bu/ sgo mtha' yas pa sgrub pa'i gzungs 'di la mngon par brtson pa'i byang chub sems dpa' sems dpa' chen po'i lus la gangs la gnas pa'i gnod sbyin brgyad po gzi mdangs 'jug cing nyin mtshan du srung ba dang / skyob pa dang / sbed par byed do/ /brgyad gang zhe na/ 'di lta ste/ gnod sbyin dpa' bo zhes bya ba dang brtan po dang / bdag po dang / sred med kyi bu'i stobs dang / spyod pa'i blo gros dang / thub dka' dang / 'jigs su rung ba dang / gnod sbyin lag bzang zhes bya ba dag ste/ gnod sbyin rgyal po brgyad po de dag 'ong bar bya ba'i phyir shin tu khrus bya ba dang / gos shin tu gtsang ma bgos pa dang / 'chag sar 'gro ba dang / sems can thams cad la zhe 'gras pa med pa'i sems su bya/ gzungs kyi chos kyi rnam grangs 'di'ang yid la bya ste/ de ltar yid la byas na/ de la gnod sbyin brgyad po de dag myur du bzhin ston par 'gyur ro/ /byang chub sems dpa' sems dpa' chen po 'dod pa na spyod pa'i lha rnams kyi nang du skyes pa brgyang po 'di dag kyang de la sems par 'gyur te/ brgyad gang </font><hr>463a<br><font size=+1>


@#/ /zhe na/ 'di lta ste/ byang chub sems dpa' sems dpa' chen po rnam par snang byed ces bya ba dang / snang byed dang / shes rab 'od dang / nyi ma'i 'od dang / yang dag skul byed dang / bsam pa thams cad yongs su rdzogs byed dang / skar ma'i rgyal po zhes bya ba dang / byang chub sems dpa' sems dpa' chen po spyod pa'i blo gros zhes bya ba ste/ byang chub sems dpa' sems dpa' chen po brgyad po de dag des gzungs thob par bya ba'i phyir mngon par brtson par 'gyur ro/ / gzungs 'di la brtson pa'i byang chub sems dpa' sems dpa' chen pos kyang bden pa'i dam bca' bar bya'o/ /byas pa gzo ba dang / byas pa tshor ba can dang / chos 'dod pa dang / chos la dga' ba dang / zab mo'i chos la bzod pa la mngon par brtson par bya'o/ /byang chub sems dpa' sems dpa' chen po gzungs la brtson pas kun 'gyed pa'i ngang tshul can du byas te/ de la ji ltar chung ba dang / ji ltar nyung ba las kyang sbyin pa byin par bya na/ mang po las lta smos kyang ci dgos/ bcom ldan 'das kyis gzungs kyi chos kyi rnam grangs 'di bshad pa na/ byang chub sems dpa' bye ba khrag khrig brgya stong phrag gang+gA'i klung gi bye ma snyed sum cus ni/ sgo mtha' yas </font><hr>463b<br><font size=+1>


ba sgrub pa'i gzungs 'di thob ste bla na med pa yang dag par rdzogs pa'i byang chub las kyang phyir mi ldog par gyur to/ /lha dang / mi dang / lha ma yin gyi skye rgu sngon sems ma bskyed pa dkrigs pa bye ba khrag khrig brgya stong phrag drug cus ni/ bla na med pa yang dag par rdzogs pa'i byang chub tu sems bskyed do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal ba/ shA ri'i bu/ de'i phyir khyod kyis chos kyi rnam grangs 'di sgo mtha' yas pa sgrub pa'i gzungs zhes bya bar yang zungs shig /byang chub sems dpa' gcig tu nges par mngon par 'phags par byed pa zhes bya bar yang zungs shig /bdud thams cad rnam par 'jig par byed pa zhes bya bar yang zungs shig /gcig tu nges par rnam pa thams cad mkhyen pa nyid shin tu thob par byed pa zhes bya bar yang zungs shig /bcom ldan 'das kyis de skad ces bka' stsal nas tshe dang ldan pa shA ri'i bu dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa </font><hr>464a<br><font size=+1>


@#/ /la mngon par bstod do/ /'phags pa sgo mtha' yas pa sgrub pa zhes bya ba'i gzungs rdzogs so// </font><hr>

</table>