H147

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H147</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H147&coll=lhasa">see text in Tibetan script</a></table>57a<br><font size=+1>


rgya gar skad du/ AR+Ya bo d+hi satwa go tsa ra u pA ya bi Sha ya bi kurba Na nir de sha nA ma ma hA yA na sU tra/ bod skad du/ 'phags pa byang chub sems dpa'i spyod yul gyi thabs kyi yul la rnam par 'phrul pa bstan pa zhes bya ba theg pa chen po'i mdo/ /sangs rgyas dang / byang chub sems thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul 'phags rgyal na rgyal po gtum po rab snang gi skyed mos tshal shing sA la dang / ta la dang / ta ma la dang / dong ka'i shing dang / n+ya gro d+ha dang / blag+Shu dang / su du ma wa ra dang / baR+shi shi ka dang / d+ha nu ka ri dang / a ti mug+ta ka dang / tsam+ba ka dang / mya ngan 'tshang dang / skya snar gyis legs par brgyan pa/ 'bab chu'i dngo dang / mtsho dang / mtsho bran dang / mtshe'u dang / rdzing dang / lum mang pos mdzes/ </font><hr>57b<br><font size=+1>


par byas pa/ me tog ut+pa la dang / pad+ma dang / ku mu da dang / pad+ma dkar pos mngon par gang pa/ ngang pa dang / khrung khrung dang / rma bya dang / khu byug dang / ku na la dang / 'dab skyob dang / ne tso dang / ri skegs dang / shang shang te'u dag sgra mngon par sgrog pa dang ldan pa/ bung ba mang pos gang b+ba/ sa gzhi ne'u sing sngo ba dang ldan pa'i nags tshal chen po mchog na dge slong khri nyis stong gi dge slong gi dge 'dun chen bo dang thabs cig tu bzhugs te/ 'di lta ste/ tshe dang ldan pa shA ri'i bu dang / maung+gal gyi bu chen po dang / 'od srung chen po dang / ma 'gags pa dang / rab 'byor dang / kA t+ya'i bu chen po dang / ka pi na chen bo dang / nag po dang / dga' bo dang / lteng rgyas 'od srung dang / chu klung 'od srung dang / ga ya 'od srung dang / byams ma'i bu gang po dang / ba lang bdag dang / ba ku la dang / lam bstan dang / lam phran bstan dang / gyad bu nor dang / seng ldeng nags dang / skul byed dang / gsus po che dang / sgra gcan zin dang / tshe dang ldan pa kun dga' bo dang / de dag la sogs pa dge slong khri nyis stong dang thabs cig ste| thams cad kyang chos kyi dbyings tshul gcig pa'i spyod yul la gnas pa/ ngo bo nyid kyi chos kyi tshul la zhugs pa/ nam mkha' gnas med pa'i spyod yul ba/ mi rten par </font><hr>58a<br><font size=+1>


@#/ /gnas dang / nyon mongs pa dang / sgrib pa dang / chod pa dang / kun nas dkris pa thams cad dang bral ba/ de bzhin gshegs pa'i chos kyi dbyings snang ba'i tshul la zhugs pa/ chos thams cad tshul gcig pa la yang dag par gzhol ba/ thams cad mkhyen pa nyid la mngon par phyogs pa/ lam gyi rgyun ma chad pa/ thams cad mkhyen pa nyid la mos pa mi ldog pa'i yid dang ldan pa/ shes rab dang ye shes rnam par mthong ba'i dam pa'i pha rol tu phyin pa/ thabs kyi yul dang spyod yul la nges par 'byung ba sha stag go /dge slong ma skye rgu'i bdag mo chen mo dang / grags 'dzin la sogs pa dge slong ma brgyad 'bum dang yang thabs cig ste| chos dkar po shin tu yongs su bsdus pa/ thams cad mkhyen pa nyid kyi lam rab tu rtogs pa/ thams cad mkhyen pa'i ye shes dang nye bar gyur pa/ dngos po med pa'i chos kyi tshul shin tu rtogs pa/ mtshan nyid med pa'i chos kyi tshul la rtogs pa/ chos thams cad yang dag pa'i mthas mtha' med par shin tu mos pa/ sgrib pa med pa'i rnam par thar pa thob pa/ gdul ba'i 'gro ba ji lta ba de bzhin du gzugs kun tu ston pa la mkhas pa sha stag go /byang chub sems dpa' sa ya phrag </font><hr>58b<br><font size=+1>


bdun dang nyis 'bum gyi byang chub sems dpa'i dge 'dun chen po dang yang thabs cig ste/ 'di lta ste/ byang chub sems dpa' sems dpa' chen po shugs chen po dang / shugs chen 'dzin dang / rnam par 'phrul pa chen po dang / rnam par 'phrul pa chen po'i rgyal po dang / brtson 'grus chen pos rnam par gnon pa dang / rtsal chen dpa' po dang / cher bsgyings dang / cher bsgyings stobs ldan dang / tshogs chen dbang po dang / glang po chen po spos kyi glang po dang / zla ba chen po dang / zla ba bzang po dang / yon tan zla ba dang / rin chen zla ba dang / kun tu snang ba'i zla ba dang / chos dri ma med pa'i zla ba dang / rnam par snang byed zla ba dang / rnam par grags pa'i zla ba dang / 'od zer rab tu 'gyed pa'i zla ba dang / rgyas pa'i zla ba dang / tshangs pa'i dbyangs dang / tshangs pa'i dbang po ltar sgrog pa'i dbyangs dang / sa la nges par sgrog pa'i dbyangs dang / chos kyi dbyings nges par sgrog pa'i dbyangs dang / bdud kyi dkyil 'khor thams cad sma 'bebs pa'i dbyangs dang / chos kyi sgra nges par sgrog pa'i dbyangs dang / thams cad du go bar byed pa'i dbyangs dang / rnam par mi rtog pas rnam par ma brtags pa'i dbyangs dang / sa steng nges par sgrog pa'i dbyangs dang / dbyangs </font><hr>59a<br><font size=+1>


@#/ /kyi yan lag thams cad zil gyis gnon pa'i dbyangs dang / kun nas snying po dang / yon tan snying po dang / chos dri ma med pa'i snying po dang / rnam par snang byed snying po dang / rin chen snying po dang / zla ba'i snying po dang / nyi ma'i snying po dang / snang ba'i snying po dang / pad+ma'i snying po dang / pad+ma'i dpal gyi snying po dang / bsod nams dpal gyi snying po dang / ye shes dpal gyi snying po dang / blo gros chen po dang / khyad par blo gros dang / rnam grangs blo gros dang / rlabs chen blo gros dang / bla ma'i blo gros dang / rin chen blo gros dang / 'phel ba'i blo gros dang / mtha' yas blo gros dang / rgya chen blo gros dang / sangs rgyas blo gros dang / blo gros mi zad pa dang / blo gros rgya mtsho dang / lhun po'i sgron ma dang / sgron ma chen po dang / chos ta la la'i sgron ma dang / phyogs thams cad rgyas par 'gengs pa'i sgron ma dang / kun tu sgron ma dang / mun pa thams cad sel ba'i sgron ma dang / 'gro ba thams cad snang bar byed pa'i sgron ma dang / shin tu snang ba'i sgron ma dang / zla ba'i sgron ma dang / nyi ma'i sgron ma dang / ngan song sel ba dang / bdud pa ma byed dang / bdud chen pham byed dang / mngon par 'byung dka' dang / thub </font><hr>59b<br><font size=+1>


dka' dang / gting dpag dka' ba dang / blo rtogs dka' ba dang / ngan 'gro skem dang / mthu chen thob dang / spyan ras gzigs dbang phyug dang / byams pa dang / byang chub sems dpa' sems dpa' chen po 'jam dpal gzhon nur gyur pa dang / de dag la sogs pa byang chub sems dpa' sa ya phrag bdun dang 'bum phrag gnyis dang thabs cig ste| thams cad kyang skye ba gcig gis thogs pa/ gzungs thob pa/ ting nge 'dzin thob pa/ spobs pa mtha' yas pa thob pa/ thogs pa med pa'i mi 'jigs pa thob pa| rdzu 'phrul la dbang ba dam pa'i pha rol tu phyin pa/ sangs rgyas kyi zhing mtha' yas par 'gro ba'i mngon par shes pas rnam par rtse ba/ lus dang sems rnam par grol ba/ chags pa med cing sgrib pa med pa'i ye shes mthong ba dang ldan pa/ sangs rgyas mi bzhugs pa'i 'jig rten gyi khams su sangs rgyas 'byung ba kun tu ston pa| chos kyi 'khor lo khyad par thob par byed pa la mkhas pa/ sems can thams cad la so so ci rigs par chos yang dag par ston pa/ phyir mi ldog pa'i chos ston pa| blang ba med pa dang / dor ba med pa'i chos kyi ngo bo nyid kyi tshul la zhugs pa| stong pa nyid brjod pa/ seng+ge'i sgra chen po sgrog pa/ phas kyi rgol ba thams cad </font><hr>60a<br><font size=+1>


@#/ /sma 'bebs pa/ bdud phyir rgol ba thams cad bcom pa/ byang chub sems dpa'i spyod pa dang / rdzu 'phrul thams cad thob pa/ rjes su chags pa dang / khong khro ba med pa/ chu dang / me dang / rlung dang / sa lta bu'i sems dang ldan pa/ de bzhin gshegs pa thams cad kyi gsang ba'i gnas su chud pa| sems can thams cad la sangs rgyas kyi mdzad pas nye bar gnas pa/ de bzhin gshegs pa thams cad kyis bstod bsngags snyan par brjod brjod cing bkur ba/ phyi ma'i mtha'i bskal bar byin gyi rlabs kyis byin gyis brlabs pa/ de bzhin gshegs pa thams cad kyi chos kyi tshul yang dag par 'dzin pa/ chos rin po che'i 'od zer dang ldan pa/ yon tan gyi bsngags pa thams cad mthar phyin pa dang ldan pa/ 'jig rten gyi dbang por gyur pa/ sngon gyi smon lam phun sum tshogs pa| de bzhin gshegs pa la mos pa'i spyod yul nges par byung ba/ sngon theg pa chen po la spyod pa legs par spyad pa/ sangs rgyas kyi ye shes kyi tshul gyis dri ma med cing yongs su dag pa rtag tu rgyun mi chad par de bzhin gshegs pa la mchod cing rim gro byed pa la brtson pa/ phyir mi ldog pa'i go cha bgos pa/ snying rje chen </font><hr>60b<br><font size=+1>


po mngon du gyur pa/ rang bzhin gyis rgya chen po la mos pa'i sems dang ldan pa/ nem nur dang / the tshom dang / yid gnyis thams cad las yang dag par 'das pa/ de bzhin gshegs pa'i byin gyi rlabs kyis byin gyis brlabs pa sha stag go /dge bsnyen dang / dge bsnyen ma du ma dang yang thabs cig go /stong gsum gyi stong chen po'i 'jig rten gyi khams 'di na lha'am/ lha'i dbang po'am/ klu'am/ klu'i dbang po'am/ gnod sbyin nam/ gnod sbyin gyi dbang po'am/ dri za'am/ dri za'i dbang po'am/ lha ma yin nam/ lha ma yin gyi dbang po'am/ nam mkha' lding ngam/ nam mkha' lding gi dbang po'am/ mi'am ci'am/ mi 'am ci'i dbang po'am| lto 'phye chen po'am/ lto 'phye chen po'i dbang po'am/ mi 'am/ mi'i dbang po gzi brjid che ba gzi brjid che ba/ rgya che ba rgya che ba/ g.yog 'khor 'bum phrag du ma dang ldan pa gang dag gnas pa de dag thams cad kyang 'khor de nyid du 'dus te 'khod par gyur to/ /de'i tshe bcom ldan 'das 'khor 'bum phrag du mas yongs su bskor zhing mdun gyis bltas nas dpal gyi snying po'i seng+ge'i khri la bzhugs ste sku mdog dang / gzi brjid dang / sku'i 'od kyis 'khor thams cad zil gyis mnan nas lam </font><hr>61a<br><font size=+1>


@#/ /me| lhan ne/ lhang nge'o/ /'di lta ste/ dper na/ ri'i rgyal po ri rab rgya mtsho'i nang nas mngon par 'phags shing / ri nag po gzhan zil gyis mnan nas lam me/ lhan ne/ lhang nge ba de bzhin du/ bcom ldan 'das gdan seng+ge'i khri la bzhugs pa'ang lha dang mir bcas pa'i 'jig rten zil gyis mnan cing lam me/ lhan ne/ lhang nge'o/ /'di lta ste/ dper na/ zla ba yar gyi ngo'i zla ba nya la bab ste zla ba'i dkyil 'khor rgyas pa ni/ rgyu skar dang / skar ma'i tshogs thams cad zil gyis mnan te mog mog bor byas nas lam me/ lhan ne/ lhang nge'o/ /de bzhin du bcom ldan 'das gdan seng+ge'i khri la bzhugs pa'ang lha dang bcas pa'i 'jig rten zil gyis mnan te mog mog por mdzad nas lam me/ lhan ne/ lhang nge'o/ /'di lta ste/ dper na/ dag cing dri ma med pa'i nam mkha' sprin med pa la nyi ma'i dkyil 'khor 'od zer gyi dra bar rab tu 'phro bar 'dug pa ni/ srin bu me khyer thams cad zil gyis mnan te mog mog por byas nas shin tu lam me/ lhan ne/ lhang nge'o/ /de bzhin du bcom ldan 'das gdan seng+ge'i khri la bzhugs pa'ang brgya byin dang / tshangs pa dang / 'jig rten skyong ba rnams </font><hr>61b<br><font size=+1>


kyi 'od zil gyis mnan te mog mog por mdzad nas lam me/ lhan ne/ lhang nge'o/ /'di lta ste/ dper na/ mtshan mo ri chen po'i spo la me chen po 'bar ba ni/ lam me/ lhan ne| lhang nge'o/ /de bzhin du bcom ldan 'das gdan seng+ge'i khri la bzhugs pa yang lam me/ lhan nge / lhang nge'o/ /'di lta ste/ dper na/ nor bu rin po che bai DUR+Ya yan lag brgyad dang ldan zhing dri ma med pa 'od zer rab tu 'phro ba ni/ lam me/ lhan ne/ lhang nge'o/ /de bzhin du bcom ldan 'das gdan seng+ge'i khri la bzhugs shing phyogs bcu thams cad snang bar mdzad pa'ang lam me/ /lhan ne/ lhang nge'o/ /'di lta ste/ dper na/ 'khor los bsgyur ba'i rgyal po ni/ gling bzhi'i sems can thams cad zil gyis mnan cing lam me/ lhan ne/ lhang nge'o/ /de bzhin du bcom ldan 'das gdan seng+ge'i khri la bzhugs pa'ang lam me/ lhan ne/ lhang nge'o/ /'di lta ste/ dper na| lha'i dbang po brgya byin thogs pa'i nor bu rin po che thogs shing lha'i 'dun sa chos bzang na gnas pa ni/ lha thams cad zil gyis mnan cing lam me/ lhan ne/ lhang nge'o/ /de bzhin du bcom ldan 'das gdan seng+ge'i khri la bzhugs pa'ang lha dang bcas pa'i 'jig rten zil gyis mnan cing lam me/ lhan ne/ lhang nge'o/ /de nas </font><hr>62a<br><font size=+1>


@#/ /'jam dpal gzhon nur gyur pas de lta bu'i 'khor chen po 'dus par yang rig cing de bzhin gshegs pa'i sku bsnyen par dka' ba de'ang mthong nas 'di snyam du sems te/ 'di ltar bcom ldan 'das gdan seng+ge'i khri la bzhugs pa'ang shin tu lam me/ lhan ne/ lhang nge'o/ /'khor chen po 'di'ang 'dus par gyur na/ 'di ko ci'i snga ltas shig tu 'gyur/ bdag gis de'i don de bzhin gshegs pa la zhu bar bya'o snyam nas de'i tshe 'jam dpal gzhon nur gyur pa stan las langs nas bla gos phrag pa gcig la gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de bcom ldan 'das la tshigs su bcad pa 'di dag gis mngon par bstod do/ /stobs bcu mnga' bas lhar bcas 'jig rten 'di/ /zil gyis mnan nas khyod ni lhan ner bzhugs/ srid pa gsum na khyod 'dra ma mchis na/ /lhag pa'i sems can mchis par ga la 'gyur/ /dper na lha gnas gyur pa lhun po ni/ /ri bo kun gyi nang nas mngon 'phags te// ri bo gzhan dag zil gyis mnan nas su/ /phyogs rnams kun nas lhan ner rnam par mdzes/ /de bzhin thub pa yon tan mnga' ba po/ /ye shes ri bo'i dbang po 'jig rten </font><hr>62b<br><font size=+1>


las| |mngon par 'phags shing 'khor kun zil mnan te/ /rtag tu lhan nor bzhugs shing rnam par mdzes/ /dper na mkha' la gnas pa'i dgung zla ni/ /mar gyi ngo la mdzes pa ma lags kyi/ /dpal ldan dgung zla nya ba rgyas pa ni/ /skar ma'i tshogs rnams thams cad zil gyis gnon/ /de bzhin stobs bcu mnga' ba thub pa khyod/ /rang gi slob ma skar tshogs zhabs 'bring mnga'/ /'jig rten thams cad zil gyis mnan mdzad cing / /ye shes 'od rnams kyis kyang sim par mdzad/ /drang srong dper na gdugs kyi dkyil 'khor ni/ /'jig rten thams cad zil mnan rab tu lhan/ /mi yi nyi ma khyod kyang de bzhin te/ /blo gros 'od kyis 'jig rten kun zil gnon/ /dper na ri mchog mchis pa'i zhugs kyi tshogs/ /gzi brjid kyis ni phyogs bcu rnam par mdzes/ /de bzhin ye shes ri bzhugs thub pa yang / /phyogs bcu dag tu rnam par mdzes pa lags/ /dper na/ ri dwags rgyal pos ri dwags phran/ /zil gyis mnan cing der gnas mngon par mdzes/ /mu stegs can gzhan kun gyi nang gnas shing / /thub pa khyod kyang de bzhin rnam par mdzes| |dper na 'di na mi bdag 'khor los bsgyur/ /'gro ba zil gyis mnan cing rnam par mdzes/ /mgon po chos mchog 'khor los bsgyur ba yang / /'gro ba'i nang na </font><hr>63a<br><font size=+1>


@#/ /de bzhin rnam par mdzes/ /dper na sum cu gsum dbang brgya byin ni/ /lha rnams zil gyis mnan nas mngon par mdzes/ /mtshungs ba ma mchis de bzhin tshogs pa rnams/ /thams cad zil gyis mnan nas rnam par mdzes/ /de nas 'jam dpal gzhon nur gyur pas bcom ldan 'das la tshigs su bcad pa de dag gis mngon par bstod nas thal mo sbyar te bcom ldan 'das la 'di skad ces gsol to/ /bcom ldan 'das/ gang thos pas rgya chen po la mos pa'i sems can rnams bla na med pa yang dag par rdzogs pa'i byang chub tu sems bskyed par 'gyur ba dang / dman pa la mos pa'i sems can rnams kyang rgya chen po la 'jug pa la gnas par 'gyur ba dang / byang chub tu sems bskyed pa'i sems can rnams kyang byang chub la dmigs pa rnam par 'phel bar 'gyur ba dang / dman pa la sbyor ba'i sems can rnams kyang brtsam pa chen po rtsom par 'gyur ba dang / lam las nyams pa'i sems can rnams kyang byang chub kyi lam du 'jug par 'gyur ba dang / byang chub kyi lam du zhugs pa'i sems can rnams kyang de bzhin gshegs pa'i ye shes kyis rnam par bsgrubs pa'i dgongs pa'i tshul la 'jug par 'gyur ba/ byang </font><hr>63b<br><font size=+1>


chub sems dpa'i spyod yul gyi thabs kyi yul la rnam par 'phrul pa bstan pa zhes bgyi ba'i chos kyi rnam grangs de 'khor 'dir bstan du gsol/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ de bzhin gshegs pa dgra bcom pa yang dag par rdzogs pa'i sangs rgyas rnams kyis ldem po dag dgongs te bstan pa ni/ lha dang bcas pa'i 'jig rten gyis mos par dka' ba/ shes par dka' ba/ rtogs par dka' ba/ rnam par shes par dka' ba/ 'jug par dka' ba/ yongs su rtogs par dka' ba yin pas cho ga nyams pa'am/ lta ba nyams pa'am/ tshul khrims nyams pas yongs su shes pa'am/ rnam par shes par mi nus so/ /dman pa la mos pa rnams kyi smos par mi nus so/ /bsam pa nyams pa rnams kyis yid ches par mi nus so/ /sdig pa'i grogs pos yongs su zin pa rnams kyis 'jug par mi nus so/ /dge ba'i bshes gnyen gyis yongs su ma zin pa rnams kyis rtogs par ma nus so/ /chos de lta bu ni/ yang dag par rdzogs pa'i sangs rgyas kyis byin gyis ma brlabs par mnyan par yang mi nus na/ mos par ltag la nus te/ de bzhin gshegs pa'i </font><hr>64a<br><font size=+1>


@#/ /byin gyi rlabs ma gtogs par de ni/ gnas med do/ /de nas bcom ldan 'das kyis de'i tshe tshigs su bcad pa 'di dag bka' stsal to/ / yid 'ong snyan pa'i dbyangs dang ldan khyod kyis/ /nga la gang dris don de ngas bstan nyon/ /sems can dman pa mun pas bsgribs pa yin/ /chos tshul dam pa khong du chud mi nus/ /gang dag sngon sangs rgyas la spyod spyad cing / /'jig rten mgon po rnams kyis byin brlabs pa/ /de dag chos tshul dam pa 'di thos na/ /mi rtog shin tu gya nom 'byung bar 'gyur/ /gang dag sdig grogs sprul gyis sems zin cing / /dge ba'i bshes kyi dug sman rnam spangs pa/ /de dag dam chos dkon mchog 'di thos na/ / kye ma bag med g.yangs che las ltung / /gang dag sems chung dman zhing zhum gyur dang / /gang dag lhag pa'i bsam pa che med pa/ /yid ches med pa mos pa nyams pas na| |thos kyang de dag dga' bar mi 'gyur ro/ /chos mchog 'di la dad par ma gyur pa/ /de dag yun ring sdug bsngal ltung 'gyur te/ /kye ma sdug bsngal rnams la gnod 'gyur zhes/ /de la snying rje mngon byas de ma bstan/ /de skad ces bka' stsal pa dang / 'jam dpal gzhon nur gyur pas bcom ldan 'das la 'di </font><hr>64b<br><font size=+1>


skad ces gsol to/ /bcom ldan 'das/ 'khor 'dus pa 'di ni/ dag pa lags te/ sbyad pa rnams legs par spyad pa/ sangs rgyas 'byung ba rnams legs par bsnyen bkur bgyis pa/ dge ba'i bshes gnyen rnams kyis legs par yongs su bzung ba/ dad pa'i mig legs par yongs su dag pa/ mos pa'i spyod yul la nges par byung ba/ bsam pa dang lhag pa'i bsam pa legs par yongs su dag pa/ rnam pa bzang po rtog par 'gyur ba sha stag ste/ 'khor 'dus pa 'di ni/ de lta bu lags pas de dag gis chos kyi tshul 'di 'tshal bar 'gyur zhing / rnam par 'tshal bar 'gyur na/ sems can rnams la thugs brtse ba'i slad du bcom ldan 'das kyis legs par yang dag par bshad du gsol/ de'i tshe tshigs su bcad pa 'di dag kyang gsol to/ /drang srong chen po gang dag chos 'di 'tshal 'gyur ba'i/ /sems can dpal yon ldan pa 'di na mang du mchis/ /gang dag sngon sangs rgyas la spyad pa legs spyad pa/ /de dag rnams la thub dbang de ring chos bstan gsol/ /de dag gus dang bcas shing thal mo sbyar mchis nas| |mi yi lha yi zhal du lta zhing mchis lags na/ /drang srong chen po de slad thugs rje bskyed mdzad cing / /dam chos char pa dgyes pa bzhin du dbab tu gsol/ /chos rgyal </font><hr>65a<br><font size=+1>


@#/ /khyod la bdag ni gsol ba 'debs lags na/ /chos kyi dam pa gya nom rab tu bstan du gsol/ /rdzogs pa'i byang chub sems dpa' khyu mchog bsdu slad du/ /mgon po dam chos phyag mdzod dbye ba mdzad du gsol/ /de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ legs so/ /legs so/ /'jam dpal/ khyod de bzhin gshegs pa dgra bcom pa yang dag par rdzogs pa'i sangs rgyas la don 'di 'dri bar sems pa legs so/ /legs so/ /'di ltar 'jam dpal/ khyod ni/ chos 'di dag la mngon sum du gnas pa/ chos thams cad la the tshom med cing shes rab kyi pha rol tu phyin pa dang thabs la mkhas pas nges par byung ba ste/ 'jam dpal/ khyod ni/ skye bo mang po la phan pa'i phyir zhugs pa'o/ /'jam dpal/ khyod ni| ma 'ongs pa'i byang chub sems dpa' rnams la snang ba bya bar 'dod pa'o/ /'jam dpal/ de'i phyir legs par rab tu nyon la yid la zungs shig dang / byang chub sems dpa'i spyod yul gyi thabs kyi yul la rnam par 'phrul ba bstan pa zhes bya ba'i chos kyi rnam grangs ngas khyod la bshad do/ /bcom ldan 'das/ de bzhin </font><hr>65b<br><font size=+1>


'tshal lo/ /zhes 'jam dpal gzhon nur gyur pa dang / byang chub sems dpa' de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal pa/ rigs kyi bu/ chos bcu gnyis dang ldan pa'i rigs kyi bu'am rigs kyi bu mo bla na med pa yang dag par rdzogs pa'i byang chub tu sems skye bar 'gyur ro/ /bcu gnyis gang zhe na/ 'di lta ste/ rang bzhin gyis rgya chen po la mos shing dman pa la mos pa med pa yin/ rang bzhin gyis snying rje'i spyod yul dang ldan zhing dkar po'i rang bzhin can yin/ bcos ma ma yin pa'i lhag pa'i bsam pa'i spyod yul dang ldan zhing yi dam la brtan pa yin/ tshogs shin tu bsags shing spyad pa legs par spyad pa yin/ sangs rgyas 'byung ba legs par bsnyen bkur zhing dkar po'i chos legs par yongs su bsdus pa yin/ lus dang ngag dang yid kyi las kyi mtha' kha na ma tho ba med pa dang ldan zhing sdig pa'i las thams cad bor ba yin/ sdig pa'i grogs po thams cad yongs su spangs shing dge ba'i bshes gnyen la brten pa yin/ ji ltar smras pa de bzhin du byed cing slu ba med pa yin/ bged ba'i ngang tshul can yin zhing ro bro ba rnams la ma zhen ma </font><hr>66a<br><font size=+1>


@#/ /chags pa mang ba yin/ de bzhin gshegs pa'i byin gyi rlabs kyis byin gyis brlabs shing bdud kyi byin gyi rlabs dang bral ba yin/ sems can thams cad la yang dang yang snying rje chen po yang dag par 'jug pa yin/ bdog pa thams cad yongs su gtong zhing ma chags pa'i sems dang ldan pa yin te/ rigs kyi bu/ yon tan gyi chos bcu gnyis po de dag dang ldan pa'i rigs kyi bu'am rigs kyi bu mo bla na med pa yang dag par rdzogs pa'i byang chub tu sems skye ste/ 'di lta ste/ sems can thams cad bde bar bya ba'i phyir phan pa'i sems so/ /sdig pa thams cad mi byed pa'i phyir snying rje'i sems so/ /sems can thams cad kyi khur bkur ba'i phyir snying rje chen po'i sems so/ /ngan 'gro thams cad rab tu sim par byed pa'i phyir byams pa chen po'i sems so/ /theg pa gzhan mi 'dod pa'i phyir dag pa'i sems so/ /nyon mongs pa'i rnyog pa sel ba'i phyir nyon mongs pa med pa'i sems so/ /rang bzhin gyis 'od gsal ba'i phyir 'od gsal ba'i sems so/ /rdzas med pa'i phyir sgyu ma lta bu'i sems so/ /dngos po dang bral ba'i phyir dngos po med pa'i sems so/ /mi sgul ba'i phyir brtan pa'i sems so/ /chos </font><hr>66b<br><font size=+1>


thams cad nges par rtog pa'i phyir mi ldog pa'i sems so/ /ji skad smras pa de bzhin du byed pa'i phyir sems can thams cad sgrol ba'i sems so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /rgyal sras gang dag spyod pa legs spyod cing / /dkar po'i chos kyis bsam pa yongs dag la/ /dgra la'ang byams shing snying rjes sems brlan pas/ /de dag byang chub don du sems kyang skye/ /gang dag sdig grogs dgra bo rnams spangs shing / /byang chub ston pa'i dge bshes bsten gyur te| |byang chub theg par smon lam spyod byed pa/ /de dag byang chub don du sems kyang skye/ /gang dag sngon mthar spyad pa spyod pa na/ /nam yang skyo ba'i sems ni mi skye la/ /rdo rje lta bur mi ldog sems ldan pa/ /de dag byang chub don du sems kyang skye/ /gang dag skye bo kun la byams sems ldan/ /sems can thams cad bde la sbyor 'dod cing / /sdig pa thams cad spang ba'i bsam pa can/ /de dag byang chub don du sems kyang skye/ /theg pa gzhan gyi yon tan mi 'dod cing / /byang chub rgya chen yon tan mchog sems shing / / rnam dag nyon mongs med pa'i sems ldan pa/ /de dag byang chub don du sems kyang skye/ /srid pa zhi ba gang la yang dag tu/ /skad cig tsam yang yod med rtog med cing / /me long </font><hr>67a<br><font size=+1>


@#/ /gdong ltar 'gro ba kun lta ba/ /'di ni yang dag tu ni byang chub sems/ /nyon mongs skyon gyi rdul rnams rnam spangs shing / /dri med nam mkha' lta bur rnam mdzes la/ /tshig lam nges tshig thams cad mthong dga' ba/ /'di ni bzang po'i byang chub sems zhes bya/ /gzungs dang so sor rig dang spyod mchog gi /rtsa ba 'di yin mtshan gyi 'byung gnas te/ /dpe byad bzang po 'bar ba lus kyi rgyu/ /sangs rgyas yon tan kun gyi rigs su gnas/ /gleng gzhi'i le'u ste/ dang po'o// //'jam dpal| yon tan gyi chos de lta bu la gnas pa'i byang chub sems dpa' yon tan gyi phan yon bcu gnyis yang dag par mthong ba des sbyin pa'i pha rol tu phyin pa la sbyar bar bya'o/ /bcu gnyis po dag gang zhe na/ 'di lta ste/ byang chub kyi sems kyi lam ston par yang dag par mthong bas sbyin pa'i pha rol tu phyin pa la sbyar bar bya ba dang / longs spyod chen po yongs su sgrub pa'i lam yin par yang dag par mthong bas sbyin pa'i pha rol tu phyin pa la sbyar bar bya ba dang / 'dod pa'i rigs su skye bar 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / ser sna tshar gcod par 'gyur bar yang dag par mthong bas sbyin pa'i </font><hr>67b<br><font size=+1>


pha rol tu phyin pa la sbyar bar bya ba dang / gtong ba'i rgyun 'phel bar 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / yi dwags kyi grong khyer gyi sgo gcod par byed par 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / skye bo mang po dang thun mong gi longs spyod rnams las snying po len par 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / yo byad yongs su rdzogs par 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / bdog pa thams cad yongs su gtong ba la goms par byas par 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / dngos po thams cad la 'dzin pa'i sems bdag la med par 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / bdag gi sbyin pa'i pha rol tu phyin pa yongs su rdzogs par 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / de bzhin gshegs pa'i rjes su bstan pa la mthun par zhugs par 'gyur bar yang dag par mthong bas sbyin pa'i pha rol tu phyin pa la sbyar bar bya ba ste/ rigs kyi bu/ yon </font><hr>68a<br><font size=+1>


@#/ /tan gyi phan yon bcu gnyis po de dag yang dag par mthong ba'i byang chub sems dpa' sems dpa' chen pos sbyin pa'i pha rol tu phyin pa la sbyar bar bya ste/ sbyin pa de'ang bla na med pa yang dag par rdzogs pa'i byang chub tu yongs su bsngo bar bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sbyin pa rgya chen mtshungs med phyin pas de dag byang chub 'grub 'gyur zhes/ /rkang lag mgo dang dri med mig dang rkang dang de bzhin rus pa dang / /phyi dang nang gi dngos po thams cad ser sna med pa'i blos kyang gtong / /phyir zhing phan yon mthong ba rgya chen sems ldan gang du'ang lta ba med/ /bdag ni longs spyod bzang po rdzogs 'gyur rigs kyi mchog tu skye bar 'gyur/ /sangs rgyas dri med lam 'phel yon tan ser sna yongs su spangs par 'gyur/ /dbang dang pha rol phyin la sogs pa rdzogs 'gyur sbyin 'di rgyal bas bsngags/ /mkhas pa de ltar du mar rtog cing don kun gtong la dga' bar byed/ /rigs kyi bu/ yon tan gyi chos bcu gnyis po 'di dag mthong ba'i byang chub sems dpas tshul khrims kyi pha rol tu phyin pa la brtson par bya'o/ /bcu gnyis po dag gang zhe na/ 'di lta ste/ bdag gis </font><hr>68b<br><font size=+1>


byin gyi rlabs phun sum tshogs pa yongs su zin par 'gyur bar mthong bas tshul khrims kyi pha rol tu phyin pa la brtson par bya ba dang / byang chub sems dpa'i lam du zhugs par 'gyur bar mthong bas tshul khrims kyi pha rol tu phyin pa la brtson par bya ba dang / bdag gi nyon mongs pa'i 'ching ba rnams lhod par 'gyur bar mthong bas tshul khrims kyi pha rol tu phyin pa la brtson par bya ba dang / bdag ngan 'gro thams cad las yang dag par 'da' bar 'gyur bar mthong bas tshul khrims kyi pha rol tu phyin pa la brtson par bya ba dang / bdag gis ngan 'gro'i lam thams cad rnam par sbyangs par 'gyur bar mthong bas tshul khrims kyi pha rol tu phyin pa la brtson par bya ba dang / bdag gi lus dang / ngag dang / yid kyi las kha na ma tho ba med par 'gyur bar mthong bas tshul khrims kyi pha rol tu phyin pa la brtson par bya ba dang / mkhas pa'i skye bo rnams kyis smad pa med par 'gyur bar mthong bas tshul khrims kyi pha rol tu phyin pa la brtson par bya ba dang / bdag bag yod pa'i chos la brten par 'gyur bar mthong bas tshul khrims kyi pha rol tu phyin pa la brtson par bya ba dang / bdag gis sems can thams cad la mi 'jigs pa'i sbyin pa byin par 'gyur bar </font><hr>69a<br><font size=+1>


@#/ /mthong bas tshul khrims kyi pha rol tu phyin pa la brtson par bya ba dang / lus dang / ngag dang / yid kyi las sdom pa thob par 'gyur bar mthong bas tshul khrims kyi pha rol tu phyin pa la brtson par bya ba dang / bdag gis sangs rgyas kyi chos thams cad sgrub par 'gyur bar mthong bas tshul khrims kyi pha rol tu phyin pa la brtson par bya ba dang / bdag gis de bzhin gshegs pa'i tshul khrims kyi pha rol tu phyin pa bla na med pa yongs su sbyangs par 'gyur bar mthong bas tshul khrims kyi pha rol tu phyin pa la brtson par bya ba ste/ rigs kyi bu/ yon tan gyi phan yon bcu gnyis po de dag yang dag par mthong ba'i byang chub sems dpa' sems dpa' chen pos tshul khrims kyi pha rol tu phyin pa la brtson par bya ste/ tshul khrims de'ang thams cad mkhyen pa nyid du yongs su bsngo bar bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /bdag gi nyon mongs 'ching ba lhod 'gyur zhing / /bdag ni ngan 'gro'i sgo bcad 'gyur ro zhes| |mkhas pas phan yon yongs su bsam byas la/ /tshul khrims g.yag rnga bzhin du bsrung bar bya/ /sangs rgyas rjes bstan rjes su bdag 'brang zhing / /bde bar </font><hr>69b<br><font size=+1>


gshegs pas rtag tu bsngags 'gyur la/ /bdag gis byin brlabs don med mi 'gyur ba/ /tshul khrims gnas las 'gyur zhes tshul khrims srung / /lus dang ngag la kha na ma tho med/ /sems la skyon med chos la spyod par 'gyur/ /lus kyis bsrungs la ngag gis bsrungs gyur cing / /sems kyis sdig pa rnam par sems mi 'gyur/ /bag yod bde bar gshegs pas bsngags pa ste/ /dge ba'i las kyi rtsa bar gang gyur pa/ /de la rtag tu bag yod bdag gnas bya/ /bag med thams cad rtag par yongs su spang / / tshul khrims pha rol phyin pa'i mchog gnas na/ /sangs rgyas chos rnams bdag gis thob par 'gyur/ /sangs rgyas tshul khrims rab tu sbyang bar bya/ /de ni tshul khrims mchog ces 'phags pas gsungs/ /yon tan de dag thob par gang 'dod cing / /byang chub sems dpa' byang chub mchog 'dod pa/ /des na tshul khrims g.yag rnga bzhin bsrung na/ /yon tan thams cad mkhas pas myur du thob/ /rigs kyi bu/ gzhan yang chos de lta bu dang ldan pa'i byang chub sems dpa' sems dpa' chen pos rnam pa bcu gnyis kyis bzod pa bsgom par bya'o/ /bcu gnyis po dag gang zhe na/ 'di lta ste/ 'du byed thams cad skad cig pa'o/ /zhes bzod pa bsgom par bya ba dang / bdag </font><hr>70a<br><font size=+1>


@#/ /mi dmigs par bya ba'i phyir bzod pa bsgom par bya ba dang / bdag dang gzhan yongs su bsrung ba'i phyir bzod pa bsgom par bya ba dang / 'khrug pa gtan med par bya ba'i phyir bzod pa bsgom par bya ba dang / bag la nyal dang kun nas dkris pa rnam par bsal ba'i phyir bzod pa bsgom par bya ba dang / rjes su chags pa dang khong khro ba spang ba'i phyir bzod pa bsgom par bya ba dang / mtshan dang dpe byad bzang po yongs su bsgrub pa'i phyir bzod pa bsgom par bya ba dang / tshangs pa'i 'jig rten du skye bo thob par bya ba'i phyir bzod pa bsgom par bya ba dang / gzhan gyi gnod pa thams cad las yang dag par 'da' bar bya ba'i phyir bzod pa bsgom par bya ba dang / zad pa shes pa dang mi skye ba shes pa thob par bya ba'i phyir bzod pa bsgom par bya ba dang / bdud kyi yul thams cad las yang dag par 'da' bar bya ba'i phyir bzod par bsgom par bya ba dang / de bzhin gshegs pa'i sku tshad med pa yang dag par mthong bas bzod pa bsgom par bya ba ste/ rigs kyi bu/ byang chub sems dpa' sems dpa' chen pos rnam pa bcu gnyis po de dag gis bzod pa bsgom par bya ste/ bzod pa de'ang thams cad mkhyen pa nyid du yongs su bsngo bar bya'o/ /de </font><hr>70b<br><font size=+1>


nas bcom ldan 'das kyis de'i tshe tshigs su bcad pa 'di dag bka' stsal to/ /kye mchog rnams skad cig ya ma brla/ /de la nam yang sems can rnyed par 'gyur/ /yon tan chos rnams rab tu rtogs gyur na/ /'phags pa sangs rgyas yon tan gnas par 'gyur/ /mtha' gnyis rnam par spang ba byas pas na/ /bdag dang gzhan la rtag tu gnod med par/ /bzod pa phun sum tshogs pa myur bsgom zhes/ /thugs rje chen po'i dbang po de skad gsung / /rtag tu rnam rtog med par bya ba la/ /de ni brtan pa'i yid kyis bzod pa bsten| |zad pa shes pa bdag gis thob bya zhes/ /nyon mongs zhi bar bya phyir bzod pa bsten/ /mtshan gzugs dpe byad bzang po dag bya dang / /tshangs pa'i gnas su 'gro bar su 'dod pa/ /brtson 'grus brtan pa de yis bzod stobs bsten/ /bzod la mos na thams cad 'byor bar 'gyur/ /bdud kyi stobs ni stobs med bya ba la/ /bzod pa 'dra ba stobs zla gang yang med/ /de ni yon tan kun gyi 'byung gnas te/ /de phyir bzod pa'i yon tan de bstan bya/ /rigs kyi bu/ gzhan yang byang chub sems dpas rtul ba bcu gnyis kyis brtson 'grus brtsam par bya'o/ /bcu gnyis po dag gang zhe na/ 'di lta ste/ chos thams cad mngon par rdzogs par byang chub par bya ba'i rtul bas brtson 'grus brtsam </font><hr>71a<br><font size=+1>


@#/ /par bya ba dang / de bzhin gshegs pa thams cad kyi drung du 'gro ba'i rtul bas brtson 'grus brtsam par bya ba dang / de bzhin gshegs pa thams cad mchod cing rim gro bya ba'i rtul bas brtson 'grus brtsam par bya ba dang / de bzhin gshegs pa thams cad mnyes par bya ba'i rtul bas brtson 'grus brtsam par bya ba dang / sems can thams cad yongs su smin par bya ba'i rtul bas brtson 'grus brtsam par bya ba dang / sems can thams cad sangs rgyas kyi chos la dgod pa'i rtul bas brtson 'grus brtsam par bya ba dang / sems can thams cad kyi mi shes pa bsal ba'i rtul bas brtson 'grus brtsam par bya ba dang / sems can thams cad la sangs rgyas kyi ye shes nye bar sgrub pa'i rtul bas brtson 'grus brtsam par bya ba dang / sangs rgyas kyi zhing thams cad yongs su spyod pa'i rtul bas brtson 'grus brtsam par bya ba dang / phyi ma'i mtha'i mur thug pa'i bskal par sems can gyi don du spyod pa spyad pas yongs su mi skyo ba'i rtul bas brtson 'grus brtsam par bya ba dang / skad cig gcig gis 'jig rten gyi khams thams cad du 'gro ba'i rtul bas brtson 'grus brtsam par bya ba dang / sangs rgyas kyi zhing thams cad du bla na med </font><hr>71b<br><font size=+1>


pa yang dag par rdzogs pa'i byang chub mngon par rdzogs par 'tshang rgya zhing chos kyi 'khor lo bskor ba'i rtul bas brtson 'grus brtsam par bya ba ste/ rigs kyi bu/ rtul ba bcu gnyis po de dag gis byang chub sems dpa' sems dpa' chen pos brtson 'grus brtsam par bya ste/ brtson 'grus de'ang thams cad mkhyen pa nyid du yongs su bsngo bar bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /drang srong sras po gang dag byang chub mchog 'dod pa/ /khyu mchog de dag rnams kyi brtson 'grus ma zhum mchog /de dag sangs rgyas zhing ni brgyar yang 'gro bar byed/ /de dag yun ring spyod pa spyad kyang skyo ba med/ /sems can yongs su smin par bya phyir brtson 'grus can/ /de dag bskal pa brgya phrag mang por sdug bsngal bzod/ /skye bo sdug bsngal dpag med zhi bde sbyin 'dod pa/ /le lo med pa de dag brtson 'grus mi nyams 'dod/ /zhing kun rnam par sbyong bar bdag ni smon lam 'debs/ /chos rnams 'di dag thams cad rnam pa kun rtogs bya/ /zhing brgya kun tu chos kyi 'khor lo bskor bar bya| |theg pa mchog la bdag gis sems can bye ba gdul/ /shin tu rgya chen zhing rnams sprul pa byas nas su/ /sems kyi skad cig gcig la byang chub mchog 'tshang </font><hr>72a<br><font size=+1>


@#/ /rgya| |rgyal ba'i sras po brtson 'grus pha rol dong pa dag /sems can don du rnam par 'phrul pa 'di na ston/ /rigs kyi bu/ byang chub sems dpas rnam pa bcu gnyis kyis bsam gtan rnams bsgom par bya'o/ /bcu gnyis po de dag gang zhe na/ 'di lta ste/ shin tu mi 'khrugs pa'i phyir nyon mongs pa zhi bar bya ba'i rnam pa dang / yul rnams la mi rgyug pa'i phyir sems gnas pa'i rnam pa dang / 'dod pa dang gzugs dang gzugs med pa'i khams las yang dag par 'da' ba'i phyir mi ngas pa'i rnam pa dang / 'jig rten pa'i snyoms par 'jug pa zil gyis gnon pa'i phyir 'jig rten las 'das pa'i rnam pa dang / de la ma chags pa'i phyir khyad par gyi rnam pa dang / bsam gtan zlog pa'i phyir 'dod rgyal gyi rnam pa dang / dngos po'i 'du shes dang bral ba'i phyir ngo bo nyid kyi rnam pa dang / tshad yod pa'i ting nge 'dzin la smod pa'i phyir tshad med pa'i rnam pa dang / shin tu zhi ba'i phyir zhi gnas kyi rnam pa dang / cang shes pa'i phyir sems dul ba'i rnam pa dang / dbang po nges par bsdams pa'i phyir nges par sems pa'i rnam pa dang / byang chub kyi bsam pa ma bor ba'i phyir thabs mkhas pa'i rnam pas </font><hr>72b<br><font size=+1>


byang chub sems dpa' rnams bsam gtan sgom gyi/ nga rgyal dang / lta ba dang / sred pa shes che ba'i bsam gtan pa ni/ ma yin te/ de'i phyir byang chub sems dpa' rnams snyoms par 'jug pa thams cad zil gyis gnon to/ /rigs kyi bu/ rnam pa bcu gnyis po de dag gis byang chub sems dpa' bsam gtan rnams bsgom par bya ste/ bsam gtan de'ang thams cad mkhyen pa nyid du yongs su bsngo bar bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to| |byang chub sems dpa' gzi ldan pa/ /de nyid de dag bsam gtan ni/ /nyon mongs thams cad zhi phyir dang / shin tu 'khrug med don phyir yin/ /zhi ba'i zhi gnas nges par sems/ /yul la rtag par dga' ba med/ /sems 'khrul gyur pa gnas rnams su/ /rtag par yang dag rab tu sbyor/ /mi gnas de dag bsam gtan byed/ /'dod dang gzugs dang gzugs med pa/ /gang la'ang de dag mi gnas te/ /de dag mi gnas bsam gtan byed/ /byang chub sems dpa' ye shes can/ / bsam gtan 'jig rten 'das par brjod/ /de bas ting nge 'dzin rnams kyis/ /nyan thos rnams dang 'jig rten 'phags/ /de dag bsam gtan las su rung / /ji ltar </font><hr>73a<br><font size=+1>


@#/ /'dod bzhin dbang yang 'gyur/ /'dod pa'i khams su skye mi 'dod/ /de dag bsam gtan zlog par byed/ /bdag nyid chen po de dag gi /bsam gtan rnams ni rnam pas 'phags/ /de dag der chags med pa zhes/ /de phyir rgyal bas bka' stsal to/ /sems can med chos dri med de/ /de dag bsam gtan tshad med do/ /phyogs gcig bsam gtan byed pa dag /zil gyis mnan cing bsam gtan byed/ /shes rab thabs dang ldan pa po/ /ma smad bsam gtan bsam tan byed/ /de dag lta ba'i rnam pa spangs/ /shin tu dge ba'i spyod yul can/ /dngos la mi gnas shes rab ldan/ /dngos po med la'ang mi gnas te/ /dngos dang dngos med 'du shes spangs/ /de dag bsam gtan bsam gtan byed/ /gzi ldan de dag 'dra ba yi/ /rnam pas mnyam med bsam gtan byed/ /de la dgra bcom rang sangs rgyas/ /blo ni shin tu rmongs par 'gyur/ /rigs kyi bu/ rnam pa bcu gnyis kyis byang chub sems dpas shes rab kyi pha rol tu phyin pa rtogs par bya'o| |bcu gnyis po dag gang zhe na/ 'di lta ste/ gti mug gi mun pa mun nag med pa'i phyir snang ba'i rnam pa dang / nyon mongs pa'i thibs po snang bar byed pa'i phyir </font><hr>73b<br><font size=+1>


sgron ma'i rnam pa dang / mi shes pa dang bral ba'i phyir ye shes kyi 'od zer rab tu 'gyed pa'i rnam pa dang / ma rig pa drungs nas 'byin pa'i phyir thong gshol gyi rnam pa dang / sred pa'i rgya mo rnam par 'jig par byed pa'i phyir lcags kyu'i rnam pa dang / nyon mongs pa rdul du rlog pa'i phyir rdo rje'i rnam pa dang / nyon mongs pa'i 'dam rdzab skem pa'i phyir nyi ma'i dkyil 'khor gyi rnam pa dang / skye ba'i shing sreg pa'i phyir me'i rnam pa dang / rmongs pa med par byed pa'i phyir nor bu lta bu'i rnam pa dang / rdzas med pa'i phyir stong pa nyid kyi rnam pa dang / mtshan nyid med pa'i phyir mtshan ma med pa'i rnam pa dang / khams gsum las yang dag par 'da' ba'i phyir smon pa med pa'i rnam pa ste/ rigs kyi bu/ rnam pa bcu gnyis po de dag gis byang chub sems dpas shes rab kyi pha rol tu phyin pa rtogs par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /shes rab 'phags pa 'di ni snang lta bur/ /rtag tu skye rgu rnams kyi mun pa sel/ /de ni sgron ma lta bur snang phyir byung / /nyon mongs tshogs la 'di ni snang bar byed/ /sred dang rmongs pa'i rtsa rnams bsal ba'i phyir/ /dge ba'i yid ni thong gshol 'dra ba yin/ /nyon mongs ri rnams rdul du rlog pa ste/ /lha </font><hr>74a<br><font size=+1>


@#/ /min ldang la dbang po'i rdo rje bzhin/ /rang gi snang bas shes rab mun bral bas/ /dam pa rnams kyis mar me 'dra zhes bstan/ /de ni nyon mongs 'dam rdzab ngan skem phyir/ /dpyid nyi 'dra zhes dam pa rnams kyis brjod/ /de ni nyon mongs chu bor nub pa la/ /gru bzhin 'jig rten yang dag sgrol bar byed/ /de ni gti mug shing chen gcod pas ni/ /dag cing mi rtog ral gri rno dang mtshungs/ /rmongs pa med gyur nor bu rin chen 'dra/ /dngos med chos kyi mtshan nyid rtogs par byed/ /stong pa rang dbang byed cing rtog med pas/ /de ni srid dang zhi la mi gnas so/ /nem nur the tshom la sogs 'jig byed de/ /dris pa lan gdab pa la'ang de mkhas so/ /'khor ba'i nyes pa'ang de nyid sel byed de/ /mya ngan 'das lam mtshon la des sgron yin/ /de la mig ces thub pa zla ba gsung / /mngon sum byed pa rtogs pa'i mtshan nyid de/ / de grogs byang chub sems dpa' dri med rnams/ /sgrol ma'i yid ltar byang chub spyad pa spyod/ /pha rol tu phyin pa bstan pa'i le'u ste/ gnyis pa'o// //rigs kyi bu| byang chub sems dpa'i thabs ni/ yul bcu gnyis la blta bar bya ste/ bcu gnyis po dag gang zhe na/ rigs kyi bu/ 'di la ni/ byang chub sems dpa' ni/ mya </font><hr>74b<br><font size=+1>


ngan las 'das pa'i yul la gnas pa'ang yin la/ thabs kyis 'khor ba'i yul la'ang gnas par snang ba dang / dben pa'i yul la gnas pa'ang yin la/ thabs kyis 'du 'dzi'i yul la gnas par yang snang ba dang / bsam gtan gyi yul la gnas pa'ang yin la/ thabs kyis btsun mo'i 'khor gyi nang na gnas par yang snang ba dang / mngon par 'du mi byed pa'i yul la gnas pa'ang yin la/ thabs kyis mngon par 'du byed pa thams cad kyi yul la gnas par yang snang ba dang / skye ba med pa'i yul la gnas pa'ang yin la/ thabs kyis skye ba dang / shi 'pho'i yul la gnas par yang snang ba dang / bdud bzhi'i yul las yang dag par 'das pa'ang yin la/ thabs kyis bdud 'dul ba'ang ston pa dang / 'phags pa'i skye bo'i yul la gnas pa'ang yin la/ thabs kyis 'phags pa ma yin pa'i yul la gnas par yang snang ba dang / 'jig rten gyi yul las yang dag par 'das pa'ang yin la/ thabs kyis 'jig rten gyi yul la gnas par yang snang ba dang / ye shes kyi yul rnyed pa'ang yin la/ thabs kyis mi shes pa'i mtha'i yul la gnas par yang snang ba dang / yang dag pa'i mtha'i yul mngon sum du gyur pa'ang yin la/ thabs kyis nyan thos dang rang sangs rgyas kyi </font><hr>75a<br><font size=+1>


@#/ /yul du'ang mi ltung ba dang / mtshan nyid med pa'i chos khong du chud pa'ang yin la/ thabs kyis mtshan dang / dpe byad bzang pos legs par brgyan cing spud pa'i lus kyis sems can thams cad yongs su smin par byed pa'i yul la gnas par yang snang ba dang / sangs rgyas kyi yul la yang dag par zhugs pa'ang yin la/ thabs kyis bdud kyi yul thams cad la gnas par yang snang ba ste/ rigs kyi bu/ byang chub sems dpa' rnams kyi thabs ni/ yul bcu gnyis po de dag la blta bar bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /byang chub sems dpa' dag rnams kyi/ /thabs kyi yul ni 'di yin te/ /yul rnams gang la gnas gyur kyang / /yul rnams kun la'ang snang ba yin/ /mya ngan 'das pa'i mtshor bkrus kyang / /thabs kyis 'khor ba'i chu na snang / /thabs gyi bsam pa thob pas na/ /gnyi ga'i skyon gyis gos pa med/ /'gro phan thams cad lus yid kyis/ /dben pa dam pa thob gyur nas/ /me tog nags kyi bung ba bzhin/ /'du 'dzi dag dang 'dres pa med/ /gdu bu 'khrol ba'i sgra chen 'byung ba yi/ /btsun mo'i 'khor na de dag sgeg par snang / /sems can </font><hr>75b<br><font size=+1>


dmyal la sogs pa'i gnod pa yis/ /sems can sdug bsngal sems shing rtag mi g.yo/ /de dag rtag tu zhi zhing mnyam bzhag kyang / /rnam par g.yang pa'i yul du'ang snang ba yin| |rnam par g.yeng pa'i gzhi ni bsal ba ste/ /de dag thabs mkhas tshul ni de yin no/ /de dag mi rtog mngon par 'du byed med/ /rnam par rtog pa'i me yang yod min kyang / /thabs kyis spros pa dang ni 'du byed dang / /rtog dang ldan pa de dag snang ba yin/ /chos rnams 'chi 'pho skye ba med ldan zhing / /yang dag nyid du skye med ldan mthong yang / /mkhas pa rnams ni thabs kyi ye shes kyis/ /skye ba dang ni 'chi 'pho ston par byed/ /bdud kyi yul las yongs 'das shing / /brtan rnams sangs rgyas yul gnas kyang / /brtan pa rnams kyi thabs kyis su/ /bdud kyi yul la rgyu bar snang / /'phags pa'i tshogs kyi sbyir gnas kyang / /thabs kyis byis pa nyid du ston/ /ye shes stobs can rnam 'phrul kyang / /sems can dag pa snying rjes zin/ /chos rnams stong pa nyid kyi mchog /chos nyid de dag rtog yin zhing / /shin tu mya ngan las 'das pa'i/ /thabs la'ang de dag spyod par byed/ /chos kun rang bzhin med pa dang / /stong zhi mtshan nyid med rtogs kyang / /thabs kyis mtshan gyis brgyan pa yi/ /lus kyis sems can don kyang </font><hr>76a<br><font size=+1>


@#/ /spyod| |shes rab nyams shing brtse med pa/ /snying rje med blo 'tsho ba min/ /shes rab 'phags dang snying rje ni/ /dag pas de phyir thabs su 'dod// byang chub sems dpa' che rnams kyi/ /mthu ldan thabs ni 'di yin te/ /'phags pa de dag der gnas shing / /rnam par 'phrul pa brgya dag ston/ /rigs kyi bu/ 'di ltar yang de bzhin gshegs pa rnams kyi thabs su blta bar bya ste/ gang 'di ltar yon tan gyi snying po rnam pa bcu gnyis kyis mngon par 'phags pa'i sangs rgyas kyi zhing du bla na med pa yang dag par rdzogs pa'i byang chub mngon par rdzogs par sangs rgyas kyang bskal pa'i snyigs ma ston pa dang / dus kyi snyigs ma ston pa dang / sems can gyi snyigs ma ston pa dang / nyon mongs pa'i snyigs ma ston pa dang / tshe'i snyigs ma ston pa dang / theg pa tha dad pa ston pa dang / kun nas nyon mongs pa can gyi sangs rgyas kyi zhing ston pa dang / sems can rmu rgod ston pa dang / chos bstan pa la bye brag ston pa dang / gzhan mu stegs can gyi 'khrug pa yod par ston pa dang| bdud rnams dang / bdud kyi yul dang / las rnams kyang ston la/ nyes ba de dag kyang yod pa ma yin pa thams cad ni/ de bzhin gshegs pa'i thabs su </font><hr>76b<br><font size=+1>


blta bar bya'o/ /de skad ces bka' stsal pa dang / 'jam dpal gzhon nur gyur pas bcom ldan 'das la 'di skad ces gsol to/ /yon tan gyi snying po gang dang ldan na| gang du sangs rgyas bcom ldan 'das rnams byang chub mngon par rdzogs par 'tshang rgya ba'i sangs rgyas kyi zhing de lta bur 'gyur ba'i yon tan gyi snying po bcu gnyis po de dag bcom ldan 'das kyis bstan du gsol/ bcom ldan 'das kyis bka' stsal pa/ 'jam dpal/ 'di la gang du sangs rgyas bcom ldan 'das rnams byang chub mngon par rdzogs par 'tshang rgya ba'i sangs rgyas kyi zhing de ni/ yon tan gyi snying pos bsgrubs pa'i phyir bskal pa'i snying po dang ldan pa yin/ sangs rgyas kyi zhing de ni/ chos spyad pa'i dus las mi 'da' ba'i phyir dus kyi snying po dang ldan pa yin/ sangs rgyas kyi zhing de ni/ chos shes par 'byung ba dang ldan pa'i phyir sems can gyi snying po dang ldan pa yin/ sangs rgyas kyi zhing de ni/ legs par yongs su dag pa'i phyir nyon mongs pa can ma yin pa'i zhing gi snying po dang ldan pa yin/ sangs rgyas kyi zhing de ni/ sems can dmu rgod med pa'i phyir sems can cang shes kyi snying po dang ldan pa yin/ sangs rgyas kyi zhing de ni/ theg pa gcig gis nges par 'byung ba'i </font><hr>77a<br><font size=+1>


@#/ /phyir theg pa'i snying bo dang ldan pa yin/ sangs rgyas kyi zhing de ni/ rdzas kyi lhag ma yod pa'i phyir sa'i snying po dang ldan pa yin/ sangs rgyas kyi zhing de ni/ gzhan mu stegs can thams cad kyi bstan pa mi spyod pa'i phyir bstan pa'i snying po dang ldan pa yin/ sangs rgyas kyi zhing de ni/ g.yo med pa'i phyir yon tan gyi snying po dang ldan pa yin/ sangs rgyas kyi zhing de ni/ sems can rang bzhin gyis dkar ba'i gnas su gyur pa'i phyir bsam pa dang / lhag pa'i bsam pa'i snying po dang ldan pa yin/ sangs rgyas kyi zhing de ni/ sbyin pa'i gnas dang mi 'bral ba'i phyir 'phags pa'i snying po dang ldan pa yin/ sangs rgyas kyi zhing de ni| sngon gyi de bzhin gshegs pa rnams bzhud cing rjes su bzhud pa'i phyir byang chub kyi snying po dang ldan pa yin te/ 'jam dpal/ gang du sangs rgyas bcom ldan 'das byang chub mngon par rdzogs par 'tshang rgya ba'i sangs rgyas kyi zhing de ni/ yon tan gyi snying po de dag dang ldan pa yin no/ /thabs la mkhas pa'i le'u ste/ gsum pa'o// //'jam dpal/ de ltar rnam grangs des kyang 'di ltar nga la nyan thos dang rang sangs rgyas kyi theg pa rnam par bkod pa med par </font><hr>77b<br><font size=+1>


khyod kyis rig par bya'o/ /de ci'i phyir zhe na/ de bzhin gshegs pa la 'du shes tha dad pa med pa'i phyir ro/ /'jam dpal/ gal te de bzhin gshegs pa sems can kha cig la ni| theg pa chen po ston/ kha cig la ni/ rang sangs rgyas kyi theg pa ston/ kha cig la ni/ nyan thos kyi theg pa ston na/ de ni/ de bzhin gshegs pa'i sems yongs su ma dag par 'gyur ro/ /sems ma snyoms pa nyid du'ang 'gyur ro/ /mngon par zhen pa'i skyon du'ang 'gyur ro/ /snying rje chen po phyogs gcig par yang 'gyur ro/ /'du shes tha dad pa'i skyon du'ang 'gyur ro/ /ngas chos la slob dpon gyi dpe ma khyud byas par yang 'gyur ro/ /'jam dpal/ ngas sems can rnams la chos gang dang gang bstan pa de dag thams cad ni/ 'di lta ste/ thams cad mkhyen pa'i ye shes thob par bya ba'i phyir byang chub la gzhol ba/ theg pa chen po la 'bab pa/ thams cad mkhyen pa nyid sgrub pa| yul gcig tu yang dag par phyin par byed pa ste/ de bas na/ nga la theg pa tha dad par rnam par dgod pa med do/ /'jam dpal gyis gsol pa/ bcom ldan 'das| gal te theg pa rnam par dgod pa ma mchis na/ ci'i slad du de bzhin gshegs pas 'di ni/ nyan thos kyi theg pa'o/ /'di ni/ rang sangs rgyas kyi theg pa'o/ / </font><hr>78a<br><font size=+1>


@#/ /'di ni| theg pa chen po'o/ /zhes theg pa gsum las brtsams te sems can rnams la chos bstan pa mdzad lags/ bcom ldan 'das kyis bka' stsal pa/ 'jam dpal/ theg pa rnam par dgod pa zhes bya ba de ni/ de bzhin gshegs pas sa rnam par dgod pa mdzad pa yin gyi/ theg pa rnam par bkod pa ma yin no/ /de ni/ de bzhin gshegs pas chos kyi mtshan nyid rnam par dgod pa mdzad pa yin/ de ni/ de bzhin gshegs pas gang zag rnam par dgod pa mdzad pa yin/ de ni/ de bzhin gshegs pas tshogs chung ba dang / tshogs tshad med pa rnam par dgod pa mdzad pa yin te/ chos kyi dbyings la tha dad pa med pa'i phyir 'di la theg pa tha dad par 'gyur ba gang yang med do/ /'jam dpal/ de ni/ de bzhin gshegs pas 'jug pa'i sgo bstan pa ste/ bzo slob pa rim gyis slob pa la 'jug pa ltar blta bar bya'o/ /'jam dpal/ 'di lta ste/ dper na/ 'phong gi slob dpon 'phong dpyad kyi pha rol tu phyin pa'i mchog thob pa ni/ slob ma rnams la thabs sna tshogs dang / rtsol ba sna tshogs kyis 'phong dpyad ston te/ 'phong shes par bya ba ni/ gcig tu zad do/ /'jam dpal/ de bzhin du de bzhin gshegs </font><hr>78b<br><font size=+1>


pa chos kyi 'phong gi slob dpon mkhas pa'ang thams cad mkhyen pa'i ye shes gcig po de nyid rnam pa gsum du ston pa mdzad do/ /'jam dpal/ 'di lta ste/ dper na/ me lce chung du de nyid mched na/ sreg pa'i bskal pa'i bar du 'tshig pa'i mthu yod par 'gyur ro/ /'jam dpal/ de bzhin du ye shes snang ba gcig po de'ang rim gyis rnam par 'phel na/ nyon mongs pa thams cad sreg pa'i phyir de bzhin gshegs pa'i ye shes kyi snang ba chen po'i bar du sbyin par byed do/ /'jam dpal/ 'di lta ste/ dper na/ ri'i rgyal po ri rab ni/ rnam par rtog pa med de/ de'i drung du sems can gang dag kha cig phyin pa de thams cad 'di lta ste/ gser gyi mdog tu kha dog gcig par 'gyur ro/ / 'jam dpal/ de bzhin du de bzhin gshegs pa'i ye shes kyi ri rab chen po bla na med pa'ang rnam par mi rtog ste/ der sems can gang dag kha cig de bzhin gshegs pa'i chos nyid la rnam par lta ba de dag thams cad 'di lta ste/ thams cad mkhyen pa nyid kyi mdog tu kha dog gcig par 'gyur ro/ /'jam dpal/ 'di lta ste/ dper na/ nor bu rin po che chen po and rnyil ni/ phyogs gang na 'dug pa der rin po che chen po de'i yul du ji tsam du gyur pa tshun chad na kha dog tha dad pa gzugs </font><hr>79a<br><font size=+1>


@#/ /kha dog sna tshogs snang ba gang dag ji snyed cig yod pa de dag nor bu rin po che de'i gzi brjid kyis 'di lta ste/ sngo ba'i mdog tu kha do gcig par 'gyur ro/ /'jam dpal/ de bzhin du de bzhin gshegs pa bla na med pa'i nor bu rin po che and rnyil chen po'i chos snang ba dang 'od kyis sems can gang la bab pa de thams cad 'di lta ste/ thams cad mkhyen pa nyid kyi mdog tu kha dog gcig par 'gyur ro/ /'jam dpal/ 'di lta ste/ dper na/ rgya mtsho chen por sgo tha dad pa nas chu mang po 'bab ste/ der babs nas thams cad kyang 'di lta ste/ lan tshwa'i ror ro gcig par rtag tu gnas par 'gyur ro/ /'jam dpal/ de la rgya mtsho chen po zhes bya ba de ni/ de bzhin gshegs pa'i tshig bla dwags so/ /sgo tha dad pa nas chu mang po 'bab ces bya ba de ni/ nyan thos dang / rang sangs rgyas dang / byang chub sems dpa' rnams kyi tshig bla dwags so/ /der babs nas de thams cad ro gcig tu 'gyur zhes bya ba de ni/ rnam par mi rtog pa'i phyir theg pa gcig gi tshig bla dwags te/ 'jam dpal/ rnam grangs des kyang 'di ltar de bzhin gshegs pas de ni/ yongs su sbyang ba bya ba'i sar rnam par bkod pa/ de ni/ de </font><hr>79b<br><font size=+1>


bzhin gshegs pas 'jug pa'i tshul du gsungs pa/ de ni/ de bzhin gshegs pas chos rnam par dgod pa mdzad pa/ de ni/ de bzhin gshegs pas bstan pa la rim gyis 'jug par bstan pa ste/ tshogs chung ngu dang / tshogs chen po'i gang zag rnams rnam par dgod pa thabs mkhas pa'i rnam par 'phrul pa ste/ de bzhin gshegs pa'i so so yang dag par rig pa sna tshogs dang / kun rdzob la 'jug pa bstan pa yin par de ltar rig par bya ste/ don dam par ni/ theg pa gcig ste/ gnyis su med do/ /'jam dpal/ sangs rgyas kyi zhing 'di na gzhan mu stegs can spyod pa pa dang kun tu rgyu dag snang ba 'di'ang de bzhin gshegs pa'i thabs yin par blta bar bya ste/ de bzhin gshegs pa'i byin gyi rlabs kyi mnga' dbang yin par rig par bya'o/ /de ci'i phyir zhe na/ 'jam dpal/ de bzhin gshegs pas ni| gnyen po thams cad shin tu bsal ba'i phyir phyir rgol ba thams cad kyi thams cad med de/ 'jam dpal/ 'khor los bsgyur ba'i rgyal po dge ba'i rtsa ba 'jig pa'i tshul can dang ldan pa/ 'dod chags dang bcas pa/ zhe sdang dang bcas pa/ gti mug dang bcas pa/ nye bar len pa dang bcas pa/ bag la nyal dang bcas pa/ </font><hr>80a<br><font size=+1>


@#/ /nyon mongs pa dang bcas pa la'ang phyir rgol pa thams cad kyi thams cad med cing bsdo ba'i dmag tshogs med do/ /de ci'i phyir zhe na/ 'jam dpal/ 'khor los bsgyur ba'i rgyal po la 'tshe ba med pa'i phyir te/ 'jam dpal/ 'khor los bsgyur ba'i rgyal po'ang de lta na/ de bzhin gshegs pa chos kyi 'khor los bsgyur ba'i rgyal po chen po bsod nams dang / ye shes kyi tshogs tshad med pa bsags pa/ snying rje chen po rgyun mi chad pa brnyes pa/ zag pa med pa'i chos kyi nam mkha' la rgyu ba/ byang chub kyi yan lag bdun gyi rin po che dang ldan pa/ bsnyel ba mi mnga' ba'i chos can/ chos kyi 'khor los bsgyur ba'i rgyal po'i chos kyi rgyal srid la 'tshe ba yod pa'am/ bsngo ba'i dmag tshogs kyi 'jigs par 'gyur ba lta ga la yod de/ de ni/ gnas med do/ /'jam dpal/ yang sangs rgyas kyi zhing 'di na gzhan mu stegs can spyod pa pa dang / kun tu rgyu gang dag snang ba 'di'ang de bzhin gshegs pa'i byin gyi rlabs yin par blta bar bya ste/ rigs kyi bu/ de dag kun kyang mu stegs can gcig la gnas pa yin par rig par bya'o/ /'jam dpal/ 'di lta ste/ dper na/ ri dwags kyi rgyal po seng+ge'i mdun du ni/ ri dwags phra </font><hr>80b<br><font size=+1>


mo thams cad gnas par mi nus so/ /'jam dpal/ de bzhin du gzhan mu stegs can spyod pa pa dang / kun tu rgyu thams cad kyis de bzhin gshegs pa'i yul mnan par bya ba'am| de bzhin gshegs pa skyes bu seng+ge chen po stobs bcu mnga' ba mi 'jigs pa bzhi brnyes pa'i mdun du gnas par bya ba'am/ brtsad par bya bar de bzhin gshegs pa'i byin gyi rlabs ma gtogs par mi nus te/ de ni/ gnas med do/ /'jam dpal/ 'di lta ste/ dper na/ nyi ma'i dkyil 'khor shar zhing 'od zer mang po bkye ba'i tshe srin bu me khyer thams cad kyang 'od med par 'gyur zhing / me dang / nor bu dang / skar ma thams cad kyi 'od zer rnams kyang mi snang ngo / /'jam dpal/ de bzhin du de bzhin gshegs pa nyi ma'i dkyil 'khor chen po shar zhing ye shes kyi 'od zer mang po bkye ba'i tshe gzhan mu stegs can spyod pa pa dang / kun tu rgyu thams cad zil gyis non cing mi snang po/ /'jam dpal/ 'di lta ste/ dper na/ lcags kyi rgyal po khab long sa'i phyogs gang du byung ba der khab long mi 'dre ba'i mtshan nyid kyi phyir lcags thams cad mi gnas so| |'jam dpal/ de bzhin du sangs rgyas kyi zhing gang du sangs rgyas byung bar gyur pa der ni/ gzhan mu stegs can spyod pa pa dang / kun tu rgyu thams cad rgyu ba med par rig par </font><hr>81a<br><font size=+1>


@#/ /bya'o| |de ci'i phyir zhe na/ de ni/ sangs rgyas byung ba'i mi 'dre ba'i chos kyi mtshan nyid kyi phyir ro/ /'jam dpal/ 'di lta ste/ dper na/ rin po che'i rgyal po yid bzhin gyi nor bu gang du byung ba der ni/ mching bu rnams mi 'byung ngo / /'jam dpal/ de bzhin du de bzhin gshegs pa ye shes rin po che chen po gang du byung ba der ni/ gzhan mu stegs can spyod pa pa dang / kun tu rgyu thams cad mi 'byung bar rig par bya'o/ /'jam dpal/ 'di lta ste/ dper na/ rin po che'i 'byung khungs gang nas dzam+bu'i chu bo'i gser byung ba de nas lcags 'gyes kyi phung po mi 'byung ngo / /'jam dpal/ de bzhin du 'jig rten gyi khams gang du de bzhin gshegs pa byung ba der gzhan mu stegs can spyod pa pa dang / kun tu rgyu thams cad mi 'byung ngo / /'jam dpal/ rnam grangs des kyang 'di ltar de bzhin gshegs pa gang du byung ba der gzhan mu stegs can spyod pa pa dang / kun tu rgyu thams cad mi 'byung par rig par bya'o/ /'jam dpal/ yang sangs rgyas kyi zhing 'di na gzhan mu stegs can spyod pa pa dang / kun tu rgyu gang dag snang ba 'di'ang de bzhin gshegs pa'i byin gyi rlabs dang / thabs la mkhas pa'i yul bsam gyis mi khyab pa yin par </font><hr>81b<br><font size=+1>


rig par bya'o/ /de ci'i phyir zhe na/ 'di ltar mu stegs can gzhan gyi sgo 'di dag thams cad ni/ rnam par thar pa bsam gyis mi khyab pa'i sgo la gnas pa dag ste/ shes rab kyi pha rol tu phyin pa las nges par byung ba dag go /thabs la mkhas pas rnam par rtse ba dag go /sangs rgyas dang / chos dang / dge 'dun yid la bya ba ma btang ba dag go /sems can yongs su smin par bya ba rnams la dam pa'i pha rol tu song pa dag go /sems can yongs su smin par bya ba'i phyir de bzhin gshegs pa'i byin gyi rlabs kyis byin gyis brlabs pa dag go /bstan pa 'di bshad pa na lha'i bu nyan thos kyi theg pa la gnas pa brgyad stong gis theg pa gcig ces thos nas bla na med pa yang dag par rdzogs pa'i byang chub tu sems bskyed par gyur to/ /dge slong lnga brgyas theg pa gcig tu yang dag par 'du ba'i sgron ma'i ting nge 'dzin thob par gyur to/ /byang chub sems dpa' stong nyis brgyas mi skye ba'i chos la bzod pa thob par gyur to/ /stong gsum gyi stong chen po'i 'jig rten gyi khams 'di'ang rnam pa drug tu rab tu g.yos par gyur to/ /steng gi bar snang las kyang lha'i me tog ut+pa la dang / pad+ma dang / ku mu da dang / pad+ma dkar po'i char mngon par pang bo/ /lha'i tshan+dan gyi phye ma'i char dag kyang de bzhin gshegs pa'i zhabs kyi drung du </font><hr>82a<br><font size=+1>


@#/ /bab par gyur to/ /lha'i bu 'bum dag kyang steng gi bar snang la 'dug nas ca co dang / ga zha'i sgra brgya stong du ma byung bar gyur te lha'i gos dag kyang g.yab mo thabs su g.yob bo/ /lha'i rnga dag kyang brdungs par gyur to/ /ched du brjod pa 'di skad kyang ched du brjod de/ kye ma sngon ma thos pa'i chos kyi rnam grangs 'jig rten du byung ngo / /bcom ldan 'das/ chos kyi rnam grangs 'di yun ring por dzam+bu'i gling na gnas par gyur cig /ces pa rjod do/ /dge slong ma brgyad brgyas kyang rang rang gi bla gos de bzhin gshegs pa'i sku la gsol par gyur to/ /de nas bcom ldan 'das kyis de'i tshe don 'di nyid rgya cher bstan pa'i phyir tshigs su bcad pa 'di dag bka' stsal to/ /nga yi thabs yul bsam gyis mi khyab 'di/ /'jam dpal khyod kyis de ltar shes par gyis/ /bcud kyi dus la byang chub sangs rgyas kyang / /'di 'dra'i dus ni nga ni ston pa mdzad/ /nga la dus kyi nyes pa mi mnga' ste/ /chos kyi dus ni rtag tu nye bar gnas/ /nga las sems can chos thos 'jug par byed/ /sems can skyon ni nam yang yod ma yin/ /yon tan rdzas kyi khyad kyis bskal pa'i bcud/ /dri med yongs su dag pa zhing gi bcud/ /dus kyi bcud la byang chub ngas brnyes te/ /de bas nga la rnyog </font><hr>82b<br><font size=+1>


ma yong med do/ /ngas ni bskal pa bye ba ji snyed kyis/ /sangs rgyas ye shes mtshungs med bsgrubs byas pa/ /byang chub brnyes nas de srid nga yi tshe/ /bar ma dor na mya ngan 'da' ba med| |'on kyang mya ngan 'da' ba ngas bstan te/ /rtag pa'i 'du shes can rnams mi rtag bstan/ /lhag ma lus pa ltar yang ngas bstan te/ /nga yi tshe ni phyi ma'i mthar brtags so| |nga yi mya ngan 'da' gcig theg pa gcig /nga yi theg pa tha dad med pa ste/ /yang dag tu ni theg pa gcig tu bstan/ /de ni thabs kyi yul du shes par gyis/ /rgyud zhan bsam pa chung ba'i skye bo dag /'phral du thos pas 'jigs par 'gyur srid ces/ /de dag rnams la theg pa gsum bstan gyi/ /theg pa gcig ste theg pa gnyis su med| |ngas bstan 'di sa ni chos la mos pa dang / /bstan pa'i lam la de bzhin 'jug 'gyur zhes/ /theg pa gcig po rnam pa gsum du bstan/ /theg pa tha dad nam yang yod pa min| |dper na 'phong shes pha rol phyin gyur pa/ /shes pa de nyid rnam pa gsum du ston/ /de bzhin ston pa chos la mkhas pa'i mchog /theg pa gcig po rnam pa gsum du ston/ /'dren pa sems can kun la mnyam pa'i sems/ /nga la tha dad 'du shes nam yang med/ /theg pa dman pa gzhan la ngas bstan na/ /de ni nga la ser sna'i </font><hr>83a<br><font size=+1>


@#/ /skyon du 'gyur/ /dper na rin chen dam pa and rnyil/ /gang dang gang gi gnas su bzhag gyur pa/ /phyogs de thams cad mdog gcig sgyur byed de/ /kha dog sngon por gyur kyang rtog pa med/ /'jig rten 'dren pa ye shes rin chen yang / /de bzhin 'od 'gyed zhing kun rgyas mdzad cing / /srog chags thams cad kha dog gcig sgyur te/ /byang chub mchog sgyur rnam rtog sems mi mnga'/ /dper na me stag chung du 'phel gyur na/ /me lce chen po 'bar zhing mched pa ltar| |nyan thos ye shes me yi me stag kyang / /de nyid sangs rgyas yon tan me lce skyed/ /dper na gang dag ri rgyal lhun po'i drung / /phyin pa de dag de mthus mdog gcig 'gyur/ /de bzhin stobs bcu dag na gang 'ongs pa/ /mkhas pa de dag byang chub mchog tu 'gyur/ /dper na sbrang ma dag gi mchu yis ni/ /bzang dang mi bzang sna tshogs gang blangs pa/ /de dag thams cad gcig tu bsags byas shing / /sbrang rtsi nyid du sgyur bar byed pa ltar/ /de bzhin mkhas pa 'jig rten grags pa yang / /theg pa gsum po nye bar bstan mdzad cing / /dkar po thams cad yongs su bsdus mdzad de/ /mtshan nyid med pa'i byang chub mtshan du sgyur/ /rgyal po 'khor </font><hr>83b<br><font size=+1>


los bsgyur la 'tshe med de/ /de la bsngo ba'i dmag tshogs yod ma yin/ /chos kyi rgyal srid chen po ngas bzung na/ /de la mu stegs can gyi yul med do/ /dper na nyi ma'i dkyil 'khor shar gyur na/ /srin bu me khyer kun 'od zil gyis gnon/ /de bzhin ye shes dkyil 'khor shar gyur na/ /mu stegs can rnams thams cad 'od med 'gyur/ /yul ni gang na khab long gnas gyur pa/ /de na lcags kyi rnam pa gzhan med de/ /zhing mchog gang na de bzhin gshegs bzhugs pa/ /der ni mu stegs can rnams 'byung ba med/ / gser gyi rgyal po yul gang byung gyur pa/ /de nas 'gyes pa'i phung po'i lcags mi 'byung / /gang du 'dren pas byang chub brnyes gyur pa/ /zhing der mu stegs can gyi tshogs mi 'byung / /yid bzhin nor bu mching bu phrad 'gyur ba/ /bden pa'i tshul du nam yang 'byung ba med/ /de bzhin sangs rgyas rin chen mu stegs can/ /zhing gcig tu ni nam yang 'byung mi 'gyur/ /mu stegs can sgo 'di kun bsam gtan dang / /mngon shes dbang sgyur mkhas yin shes par gyis/ /shes rab thabs kyi spyod pas blo ldan rnams| |rnam par 'phrul pa sna tshogs ston par byed/ /thabs kyi yul de thos par gyur pa'i tshe/ /rgyal ba'i sras rnams thams cad dgar gyur te/ /dga' skyes nyams </font><hr>84a<br><font size=+1>


@#/ /bde mtshungs pa med thob nas/ /rnam par 'dren la me tog mang pos gtor/ /sa chen 'di yang rnam pa drug tu g.yos/ /lha yi rnga yang bar snang mkha' las rdung / /lha mang bye ba mkha' las thal sbyor zhing / /'dren pa de la legs so legs zhes gsol/ /theg pa gcig tu bstan pa'i le'u ste/ bzhi pa'o|| //de'i tshe lho phyogs kyi rgyud chen po nas gcer bu pa'i bu bden smra zhes bya ba gcer bu pa 'bum phrag brgyad cu dang lhan cig tu yul rgyu ba spyod cing rim gyis grong khyer chen po 'phags rgyal du phyin to/ /de de ltar skye bo'i tshogs mang po dang 'grogs shing ca co dang / ga zha 'bum dag byed pa phyi bzhin 'brang zhing gcer bu pa'i bu bden smra lho phyogs kyi rgyud nas gcer bu pa 'bum phrag brgyad cu dang lhan cig tu grong khyer 'phags rgyal du phyin nas skye bo'i tshogs chen po du mas yongs su bskor cing mdun du bdar ba zhig yod do/ /zhes rgyal po gtum po rab snang gis thos te/ thos nas kyang rgyal po gtum po rab snang gcer bu pa'i bu bden smra la sems dang bar gyur to/ /de sems dang bar gyur nas blon po chen po dang / zhabs 'bring pa dang / chab sgo ba dang / 'khor ba dang / grong khyer ba dang / yul gyi mi dang / yul 'khor </font><hr>84b<br><font size=+1>


ba dang / mdun na 'don dang / rgyal bu rnams dang lhan cig tu yan lag bzhi pa'i dpung gi tshogs dang bcas te glang po chen po dang / rta pa dang / shing rta dang / dpung bu chung dag rjes su 'brang zhing rgyal po'i mthu chen po dang / rgyal po'i phun sum tshogs pa chen po dang chas te bum pa gang ba 'bum dag gis ni/ mdun du drangs/ rol mo sil snyan 'bum dag ni| brdungs shing dkrol/ dung 'bum dag ni/ bus/ gdugs dang / rgyal mtshan dang / ba dan dang / 'phan ring 'bum dag ni/ bsgrengs/ me tog ut+pal dang / pad+ma dang / ku mu da dang / pad+ma dkar po dang / mya ngan 'tshang dang / ba ku la dang / ti la ka dang / a ti mug+ta ka dag gis ni/ lam chal par bkang ste gcer bu pa'i bu bden smra bsu ba'i phyir dong ngo / /de nas gcer bu pa'i bu bden smras rgyal po gtum po rab snang mngon du 'ong ba mthong nas lam nas bzur te shing drung zhig tu stan bting nas 'dug go / de nas rgyal po gtum po rab snang gis gcer bu pa'i bu bden smra shing drung du 'dug par shes nas glang po che las babs te rkang pas song nas legs par brjod de/ bdag gi khri rin po che'i rtsa ba can la 'dug go /de nas gcer bu pa'i bu bden smras rgyal po gtum po rab snang la yang dag par dga' ba'i gtam byas pa/ rgyal po chen po/ byon pa legs so/ / </font><hr>85a<br><font size=+1>


@#/ /'di ltar khyod phun sum tshogs pa rgya chen pos dang nges pa ma nyams par dge sbyong dang / bram ze'i gan du byon pa legs so/ /rgyal po chen po/ / khyod kyi rgyal srid la 'tshe ba ma mchis sam/ gnod par bgyid pa ma mchis sam/ ma nyams ma dmas sam/ khyod kyi khams na ma rungs pa dang / bkrabs pa dang / rol mo mkhan dang / rkun po dang / yang rgod dang / la gcan pa dang / ram pa dang / phyi ba pa dag gis rgyal srid la gnod par ma gyur tam/ rgyal po chen po/ khyod kyi khams na dge slong dang / bram ze dag gnas dang / kha zas dang / gos dang / chos sgrub pa'i yo byad kyis nyon mi mongs shing bde bar gnas sam/ rgyal po chen po/ khyod kyi khams na rngon pa dang / nya pa dang / khyi ra ba dang / phag tshong dang / shan pa dang / sprul 'dzin pa dang / bya ba dag gis dud 'gro'i skye gnas su gtogs pa'i srog chags rnams gtses par ma gyur tam/ rgyal po chen po/ khyod kyang de tsam mi rigs par rgyal srid la mnga' mi mdzad dam/ rkang gnyis pa dang / rkang bzhi pa dang / rkang med pa dang / rkang mang gi srog chags rnams la gtse ba'i blo ma skyes lags grang / de ci'i slad du zhe na/ rgyal po chen po/ sems can thams cad la ni/ </font><hr>85b<br><font size=+1>


srog phangs kyi/ rgyal po chen po/ de'i slad du khyod kyis srog gcod pa spong zhing chad pa spang ba dang / mtho 'tsham pa ma mchis par mdzad cing ma byin par len pa spang zhing bdag gi longs spyod kyis chog mkhyen pa dang / gzhan gyi longs spyod la gnod pa ma mchis par mdzod cig /'dod pa la log par g.yem pa spang zhing bdag gi btsun mo la dgyes pa dang / gzhan gyi mchis brang la bzhed pa ma mchis par mdzod cig /brdzun du smra ba spang zhing med par gsung ba dang / chos dang ldan par brjod par mdzod cig /phra ma'i tshig spang zhing dbyen gyi tshig ma mchis pa dang / 'dum par bgyi bar mdzod cig /ngag rtsub po spang zhing snyan pa dang / 'jam pa'i tshig tu brjod par mdzod cig /tshig bkyal pa spang zhing ji ltar gsungs pa bzhin du bgyi ba dang / nges par brjod par mdzod cig /rgyal po chen po/ khyod kyis gzhan gyi longs spyod rnams dang / gzhan gyi nor rnams la brnab sems su mi bgyi ste/ de'i gong du rjes su dgyes pa'i thugs bskyed par mdzod cig /rgyal po chen po/ khyod kyis gnod sems ma mchis shing byams pa dang ldan pa dang / yid kyi las kyi mtha' yongs su dag par mdzod cig /log par lta ba spang zhing rang gi las kyi 'bras bu gzigs pa dang / 'phags pa rnams kyi yang dag par lta ba'i rjes snyigs </font><hr>86a<br><font size=+1>


@#/ /par mdzod cig /de ci'i slad du zhe na/ rgyal po chen po/ srog gcod pas ni/ sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes na'ang rnam par smin pa gnyis mngon par 'grub ste/ tshe thung ba dang / nad mang ba'o/ /ma byin par len pas ni/ sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro| |de nas gal te mi'i nang du skyes na'ang rnam par smin pa gnyis mngon par 'grub ste/ longs spyod chung ba nyid dang / longs spyod thun mong can nyid do/ /'dod pa la log par g.yem pas ni/ sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes na'ang rnam par smin pa gnyis mngon par 'grub ste/ g.yog 'khor mi srun pa dang / 'gran zla dang bcas pa'i chung ma can du 'gyur ro/ /brdzun du smra bas ni| sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes </font><hr>86b<br><font size=+1>


na'ang rnam par smin pa gnyis mngon par 'grub ste/ skur pa mang ba nyid dang / gzhan gyis slu ba nyid do/ /phra ma'i tshig gis ni/ sems can dmyal na khrid par 'gyur ro/ / dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes na'ang rnam par smin pa gnyis mngon par 'grub ste/ g.yog 'khor mi 'dum pa nyid dang / g.yog 'khor ngan pa nyid do/ /ngag rtsub pos ni/ sems can dmyal bar khrid par 'gyur ro/ /dud 'gro'i skye gnas su khrid par 'gyur ro| |gshin rje'i 'jig rten du khrid par 'gyur ro/ /de nas gal te mi'i nang du skyes na'ang rnam par smin pa gnyis mngon par 'grub ste/ yid du mi 'ong ba'i tshig thos pa nyid dang / 'thab mo'i tshig nyid do/ /tshig 'khyal pas ni/ sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes na'ang rnam par smin pa gnyis mngon par 'grub ste/ tshig mi btsun pa nyid dang / ma nges pa'i spobs pa nyid do/ /brnab sems kyis ni| sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes </font><hr>87a<br><font size=+1>


@#/ /na'ang rnam par smin pa gnyis mngon par 'grub ste/ chog mi shes pa nyid dang / 'dod pa che ba nyid dang / /gnod sems kyis ni/ sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes na'ang rnam par smin pa gnyis mngon par 'grub ste/ mi phan pa tshol ba nyid dang / gzhan la gnod pa byed pa nyid do/ /log par lta bas ni/ sems can dmyal bar khrid par 'gyur ro/ /dud 'gro'i skye gnas su khrid par 'gyur ro/ /gshin rje'i 'jig rten du khrid par 'gyur ro/ /de nas gal te mi'i nang du skyes na'ang rnam par smin pa gnyis mngon par 'grub ste/ lta ba ngan par ltung bar 'gyur ba dang / g.yo sgyu can du 'gyur ba'o/ /rgyal po chen po/ de ltar na/ mi dge ba bcu'i las kyi lam 'di dag gis ni/ sdug bsngal gyi phung po che zhing tshad ma mchis par yang dag par 'du bar 'gyur ro/ /rgyal po chen po/ de'i slad du bag mchis pa dang / mi rtag par so sor brtag pa mang bar mdzod cig /rgyal po chen po/ 'tsho ba'i yun ni/ thung ngo / /tshe'i tshad ni/ ring por mi thub bo/ /pha rol tu ni/ bzhud 'tshal lo/ /tshe'i 'du byed </font><hr>87b<br><font size=+1>


ni| ri'i 'bab chu ltar mi brtan zhing g.yo ste/ skad cig kyang mi gnas kyi/ de'i slad du rgyal po chen po/ las kyi rnam par smin pa'i drungs mi 'byung zhing 'jig rten pha rol gyi 'jigs pa gzigs par mdzod cig /de nas gcer bu pa'i bu bden smras don 'di nyid rgya cher bstan pa'i phyir de'i tshe tshigs su bcad pa 'di dag smras so/ /sa yi bdag po rtag tu bag yod mdzod/ /bag med sems can dmyal ba'i g.yang sar bor/ /bag med spyod pa sems can dmyal bar mchi/ /bag mchis gang lags de ni mtho ris mchi/ / rgyal po khyod ni srog gcod ma mdzad cig /skye bo kun la srog ni rab tu phangs/ /de bas yun ring tshe srung su 'dod pas/ /yid kyi dgu la'ang srog gcod mi bsam mo/ /'jig rten skyong ba rku ba rtag tu spongs/ /des ni longs spyod 'byor pa brtan pa thob/ /srog chen nyon mongs thun khol bsags bsags pa/ /gzhan nor blangs pas dbul po nyid du 'gyur| |gzhan gyi chung ma rtag tu spong mdzad cing / /sa yi bdag po btsun mos 'tshal bar mdzod/ /des na rang gi btsun mo sdug par 'gyur/ /btsun mo dgra zla ma mchis thob par mchi/ /brdzun gyi tshig ni nam yang brjod ma mdzad/ /rgyal po dbang po dam bcas med par mdzod/ /bden par smra ba dbang po'i gnas su mchi/ /brdzun du gang smra gshin rje' </font><hr>88a<br><font size=+1>


@#/ /'jig rten mchi/ /phra ma'i skyon ldan tshig ni yongs spangs nas/ /skye bo bye ba 'dum par sdums bgyid na/ /mi phyed g.yog 'khor 'phags pa thob par 'gyur/ /'di nas shi 'phos mtho ris rab tu mchi/ /sa yi bdag po ngag rtsub spang bar mdzod/ /gzhan gyi rnar snyan bde ba bka' stsol cig /de rgyus 'jig rten pha rol lha dag gi/ sna tshogs yid 'ong mtho ris tshig gsan 'gyur/ /bkyal ba'i tshig rnams rnam par spang mdzad de/ /shin tu nges shing brtan pa'i tshig kyang gsungs/ /pha rol lha yi dbang phyug 'jig rten du/ /sems can rnams la btsun pa'i tshig ldan 'gyur/ /gzhan gyi phun sum tshogs pa mthong gyur na/ / skye rgu'i bdag po phan 'tshal chags mi bgyi/ /gzhan gyi longs spyod dag la chags bgyis na/ /longs spyod thun mong can du nges 'gyur ro/ /sa yi bdag po gnod sems ma mdzad cig /sems can rnams la byams pa rtag tu mdzod/ /gnod sems ldan pa'i mi rnams shi 'phos nas/ /dge ba bgyis kyang mnar med dmyal bar mchi/ /mi yi bdag po log par lta spong mdzod/ /yang dag gzigs pas bdag nyid brtan par mdzod/ /dge chos 'di dag yang dag blangs bgyis </font><hr>88b<br><font size=+1>


na| |lha yi gzhal med khang du dgyes par 'gyur/ /dge slong bram ze tshul khrims ldan pa dang / /yab dang yum la mchod pa gus bgyis na/ /ngan song sa chen khyod kyis spangs 'gyur zhing / mtho ris dgyes pa'i brnyes pas dgyes par 'gyur/ /de nas gcer du ba'i bu bden smras rgyal po gtum po rab snang la bag yod pa dang ldan pa'i gtam de lta bu byas nas cang mi smra bar 'dug go /rgyal po'i drung du phyin pa'i le'u ste/ lnga pa'o// //de nas rgyal po gtum po rab snang gis gcer bu ba'i bu bden smra'i tshig de la mngon par dga' ste yang dag par dga' bar 'gyur ba dang / yang dag par chags par 'gyur ba'i gtam sna tshogs byas nas gnod pa chung ba dang / nyam nga pa nyung ba'i gtam dris te 'di skad ces smras so/ /bram ze/ gal te bdag gis dris pa la dris pa lan gdab par khyod kyis skabs dbye na/ phyogs 'ga' zhig dri'o/ /de skad ces smras pa dang / gcer bu pa'i bu bden smras rgyal po gtum po rab snang la 'di skad ces smras so/ /rgyal po chen po/ ci dang ci bzhed pa smras gsol/ smras pa de dang de nyid kyi lan gsol pas bdag gis khyod kyi thugs rangs par bgyi'o/ /skabs phye bas de nas rgyal po gtum po rab snang gis gcer bu pa'i </font><hr>89a<br><font size=+1>


@#/ /bu bden smras la 'di skad ces smras so/ /bram ze/ skye rgu skye rgu zhes bya na/ de ltar skye rgu zhes bya ba de chos gang gi tshig bla dgas yin/ smras pa| rgyal po chen po/ de ltar skye rgu zhes bgyi ba ni/ nye bar len pa'i phung po lnga'i tshig bla dwags te/ lnga po gang zhe na/ gzugs nye bar len pa'i phung po dang / tshor ba dang / 'du shes dang / 'du byed rnams dang / rnam par shes pa nye bar len pa'i phung po'o/ /rgyal po chen po/ yang nye bar len pa'i phung po lnga po de dag nyid nye bar bzung ste sems can gyi 'jig rten dang / snod kyi 'jig rten gdags pa lags so/ /de la sems can gyi 'jig rten gdags pa ni/ skye gnas bzhis zin pa ste / mngal nas skye ba dang / sgo nga las skye ba dang / drod gsher las skye ba dang / brdzus te skye ba'o/ /snod kyi 'jig rten gdags pa ni/ sa dang / chu dang / me dang / rlung dang / nam mkha'i khams kyis zin pa'o/ /smras pa/ bram ze/ skye rgu skyong ba gang yin/ smras pa/ rgyal po chen po/ /rang gi las kyi dbang dang / bdag po'o/ /smras pa| bram ze/ rnam pa gang gis ji ltar rang gi las kyi dbang gis skye rgu skyong bar byed/ smras pa/ rgyal po chen po/ /sems can gang dag rang gi las kyi dbang gis </font><hr>89b<br><font size=+1>


rnam pa de lta bu'i gnas su skyes shing bdag gir bgyi ba ma mchis pa dang / yongs su bzung ba ma mchis pa dang / ma rmongs ma btab pa'i yo byad rnams la spyod cing nad dang / dgra dang / sdug bsngal chen po rnam par spangs pas gcig la gcig mi 'khu zhing ji srid 'tsho'i bar du 'byor ba dang / mdo pa'i yul du bde ba la reg par gnas shing dus la bab ste lus zhig nas bde 'gro mtho ris kyi 'jig rten du lha'i nang du skye bar 'gyur ba dag mchis te/ 'di lta ste/ dper na/ byang gi sgra mi snyan gyi sems can lta bu dag lags so/ /sems can gang dag rang gi las kyi dbang gis rnam pa de lta bu'i dus su skye zhing 'od rang las 'byung ba/ nam mkha' la mchi ba/ dga' ba'i kha zas dang ldan pa| mngal nas ma skyes pa/ tshe ring ba yun ring por 'tsho ba dag mchis te/ 'di lta ste/ dper na/ bskal pa dang po ba'i sems can lta bu dag lags so/ /sems can gang dag rang gi las kyi dbang gis sngon gyi bsod nams kyi rgyu'i stobs bskyed pa dang ldan zhing tshe 'di la phar shes pa/ mar shes pa/ dge sbyong du 'dzin pa/ bram zer 'dzin pa| don bgyid pa/ dgos pa bgyid pa/ rigs kyi gtso bo la rim gro byed pa/ kha na ma thobs 'jigs par lta ba/ sbyin pa dag sbyin pa/ bsod nams dag bgyid pa/ nye bar gnas </font><hr>90a<br><font size=+1>


@#/ /pas nye bar gnas pa/ tshul khrims yang dag par bzung zhing gnas pa dag mchis te/ 'di lta ste/ dper na/ dus bzang po'i sems can lta bu dag lags te/ de dag la rgyal por gdags pa ma mchis so/ /rgyal po chen po/ de ltar na/ bdag gi las kyi dbang ni/ skye rgu skyong zhes bgyi'o/ /smras pa/ bram ze| ji ltar na/ skye rgu'i bdag pos skyong zhes bya/ smras pa/ rgyal po chen po/ rgyal po rnams ni/ skye rgu rnams kyi dbang po zhes bgyi ste/ de dag kyang chos dang ldan zhing tshul khrims dang / tshul yang dag par spyod pa skye rgu rnams dga' bar sbyor bas mdzes pas na/ de'i slad du rgyal po zhes bgyi'o/ /de dag kyang rnam pa bzhi ste/ 'di lta ste| 'khor los bsgyur ba rnams dang / rgyal po chen po rnams dang / khams kyi rgyal po rnams dang / rgyal phran rnams lags so/ /de la 'khor los bsgyur ba zhes bgyi ba ni/ 'di na la la rgyal po 'khor los bsgyur ba rgyal rigs spyi bo nas dbang bskur ba/ mtha' bzhir rgyal pa/ chos dang ldan pa/ chos kyi rgyal po rin po che sna bdun dang ldan pa lags so/ /de'i rin po che sna bdun ni/ 'di dag lags te/ 'di lta ste/ 'khor lo rin po che dang / glang po rin po che dang / rta rin po che </font><hr>90b<br><font size=+1>


dang| bud med rin po che dang / nor bu rin po che dang / khyim bdag rin po che dang / blon po rin po che dag go /des chen po ma lus pa gnod par bsdo ba ma mchis shing 'tshe ba ma mchis la/ chad pa ma mchis shing mtshon gyis bda' ba ma mchis pa 'di nyid chos dang mthun par snyoms pas legs par phab ste gnas lags so/ /smras pa/ rnam pa gang gis ji ltar mtha' bzhir rgyal bar 'gyur/ smras pa/ gling bzhi la dbang bsgyur ba'i slad du'o/ /smras pa/ ji ltar na/ rnam par rgyal ba yin/ smras pa/ bka' las 'gal bar bgyid pa ma mchis pa'i slad du'o/ /smras pa/ ji ltar na/ chos dang ldan pa yin/ smras pa/ bdag nyid dge ba bcu'i las kyi lam yang dag par blangs shing gnas pa'i slad du'o/ /smras pa/ ji ltar na/ chos kyi rgyal po yin/ smras pa/ gzhan dag dge ba bcu'i las kyi lam yang dag par blangs shing gnas su stsal pa'i slad du'o/ /smras pa/ ci'i phyir 'khor lo rin po che dang ldan par 'gyur/ /smras pa/ tshogs chung dus rnam par rgyal zhing bge ba thob pa'i slad du'o/ /smras pa/ ci'i phyir glang po rin po che dang / rta rin po che dang ldan par 'gyur/ smras pa/ bzhon pa'i mchog ngo mtshar gyi bde ba thob pa'i slad du'o/ /smras pa/ ci'i phyir bud med rin po che dang ldan </font><hr>91a<br><font size=+1>


@#/ /par 'gyur/ smras pa/ dga' ba'i mchog gis rtse ba dang / dga' ba'i bde ba thob pa'i slad du'o/ /smras pa/ ci'i phyir nor bu rin po che dang ldan par 'gyur/ smras pa/ snang ba dam pa'i yo byad kyi bde ba thob pa'i slad du'o/ /smras pa/ ci'i phyir khyim bdag rin po che dang ldan par 'gyur/ smras pa/ longs spyod kyi dbang phyug mchog gi bde ba thob pa'i slad du'o/ /smras pa/ ci'i phyir blon po rin po che dang ldan par 'gyur/ smras pa/ bshul du zhugs na nyon mi mongs shing skyo bar mi 'gyur ba'i bde ba thob pa'i slad du'o/ /smras pa/ ji ltar na/ sa 'di ma lus pa dag la gnas par 'gyur/ /smras pa/ mtha' dag la gnas pa'i slad du'o/ /smras pa/ ji ltar na/ gnod par bsdo ba med pa yin/ smras pa/ phyir gol ba ma chis pa'i slad du'o/ /smras pa/ ji ltar na/ 'tshe ba med pa yin/ smras pa/ nan gyis bgyi ba ma mchis pa'i sled du'o/ /smras pa/ ji ltar na/ chad pa med pa dang / mtshon gyis bda' ba med pa yin/ smras ba| chad pa dang / mtshon chas gnod par bgyi ba ma mchis pa'i slad du'o/ /smras pa/ ji ltar na/ chos dang mthun pa yin/ smras pa/ mi rigs pa'i chags </font><hr>91b<br><font size=+1>


pa dang / zhe sdang dang / gti mgu rnam par spangs pa'i slad du'o/ /smras pa/ ji ltar na/ snyoms pa yin/ /smras pa/ phyogs su ma lhung par yongs su skyong ba'i slad du'o/ /smras pa/ ji ltar na/ legs par phab ste gnas par 'gyur/ smras pa/ gzhan dag rang rang gi ris nas ma skyes pa'i slad du'o/ /de ci'i slad du zhe na/ rgyal po chen po/ 'di ltar 'khor los bsgyur ba'i rgyal po gang gi tshe gling las rnam par rgyal bar bgyid pa de'i tshe de na rgyal phran ji snyed cig gnas pa de dag lhags nas 'khor los bsgyur ba'i rgyal pho la 'di skad ces mchi'o/ /lha'i rnam par rgyal ba 'di dag ni/ 'byor pa rgyas pa/ bde ba/ lo legs pa/ skye bo mang po dang mis gtams pa lags te/ de dag lhas bskyang ba mdzad du gsol/ bdag cag kyang lha'i zhabs 'bring 'tshal lo/ /zhes mchi'o/ /de dag la 'khor los bsgyur ba'i rgyal po 'di skad bsgo ste/ de'i phyir yul gyi bdag po dag rang rang gi rnam par rgyal ba legs par skyongs shig /de'ang chos dang mthun pas bskyang gi/ chos dang mi mthun pas ma yin no/ /snyoms pas bskyang gi /mi snyoms pas ma yin no/ /khyed kyis chos dang mi mthun par spyad pa'am mi rigs par spyad pas </font><hr>92a<br><font size=+1>


@#/ /yul 'khor na 'khod par dga' bar ma byed cig /de ltar na/ khyod kyang nga'i rjes su 'brang ba yin no/ /zhes rnam pa de lta bu'i 'khor los bsgyur ba'i rgyal po ni/ skye rgu de ltar skyong ste/ rgyal po chen po dang / khams kyi rgyal po dang / rgyal phran de dag ni/ de'i rjes su 'brang ba lags te/ rgyal po chen po| de ltar na/ bdag pos skye rgu skyong ba lags pa'i slad du'o/ /smras pa/ bram ze/ chos dang ldan pa'i rgyal po ci la gnas shing skye rgu skyong bar byed/ smras pa/ rgyal po chen po/ 'khor los bsgyur ba'i rgyal po ma gtogs par gzhan ni/ bstan bcos la gnas shing skye rgu skyong lags so/ /de ci'i slad du zhe na/ 'khor los bsgyur ba'i rgyal pos skye rgu skyong ba de'i tshe na chos ma lags pa'i 'dod pa la dga' ba la chags pa'am/ mi rigs pa'i 'dod chen gyis zil gyis non pa'am/ log pa'i chos kyi 'khor ba de lta bu'i sems can ma mchis te/ de'i tshe 'khor los bsgyur ba'i rgyal po de rang gi chos kyi dbang gis rgyal po'i bgyi ba de dang de dag la mi ldog pa'i rtogs pa dang ldan pas de'i don thams cad tshegs chung dus 'grub cing kun kyang mthun par gnas pas de'i slad du de la bstan bcos mi 'tshal lo/ /gang gi tshe sems </font><hr>92b<br><font size=+1>


can chos ma lags pa'i 'dod pa la chags shing mi rigs pa'i 'dod chen gyis zil gyis non pa dang / log pa'i chos gyis 'khor bar gyur pa'i tshe rgyal po rnams rang rang gi spobs pa la 'bri bar 'gyur te/ de la chos kyi skye rgu yongs su bskyang ba'i slad du drang srong chen po rnams bstan bcos dag bgyid do/ /smras pa/ bram ze/ chos ma yin pa'i 'dod pa la chags pa gang yin/ smras pa/ rgyal po chen po/ gang mi dge ba bcu'i las kyi lam la mngon par dga' ba lags so/ /smras pa/ mi rigs pa'i 'dod chen gang yin/ smras pa/ gang rang gi lag mthus bsgrubs pa/ dus la gtogs pa/ chos dang ldan par chos kyis thob pa'i longs spyod rnams kyis chog ma 'tshal ba lags so/ /smras pa/ log pa'i chos kyis 'khor zhes bya ba gang yin/ smras pa/ don gyi bstan bcos su ming btags pa/ gnod par 'gyur ba dang ldan pa| dam pa'i chos lhar bcos pa/ rtsod pa'i dus na skyes bu dam pa ma lags pa'i bgyis pa la mos pas yongs su bsgos pa'i lta bas yon tan du lta ba lags so/ / smras pa| bram ze/ bstan bcos gang la chos dang ldan pa'i rgyal pos brten cing skye rgu skyong bar byed pa'i bstan bcos gang yin/ smras pa/ rgyal po chen po/ de ni/ bstan </font><hr>93a<br><font size=+1>


@#/ /bcos gang las mi rigs pa'i chags pa dang / mi rigs pa'i zhe sdang dang / mi rigs pa'i gti mug gi gnyen po rang bzhin nam/ rab tu dbye ba'am/ phan yon gyi sgo nas bstan pa ste/ de la gnyen po'i rang bzhin ni/ 'di lags te/ 'di lta ste/ de'i gnyen por 'gyur ba ma chags pa dge ba'i rtsa ba dang / zhe sdang ma mchis pa dge ba'i rtsa ba dang / gti mug ma mchis pa dge ba'i rtsa ba lags so/ /de la gnyen po kun nas slong ba ni/ 'di lags te/ 'di lta ste/ bag mchis pa dang / snying rje lags so/ /rgyal po chen po/ de la chos dang ldan pa'i rgyal po'i longs spyod rnams dang / bdag nyid kyang mi rtag par rtogs shing dran pa nye bar bzhag pa ste/ nyes dmigs su lta zhing nges par 'byung ba 'tshal bas longs spyod cing rgyal po'i dbang phyug gi dbang bgyid pa 'di ni/ de'i bag mchis pa lags so/ /gang la gnas te ma thob pa'i longs spyod kyi 'bras bu la nye bar mi 'tsho ba dang / thob pa'ang dus ma yin par nye bar mi 'tsho ba dang / dus la bab kyang dbul po rnams la gnod pa bgyis shing nye bar mi 'tsho ba dang / mu ge'i gnod pa zhig byung na skye rgu rnams kyi skyabs bgyid pa dang / chom rkun gyi gnod pa dang / pha rol gyi dmag tshogs kyi gnod pa dang / gcig </font><hr>93b<br><font size=+1>


la gcig gnod par gyur pa zhig byung na yang dag par phan 'dogs par bgyid pa dang / dbul po rnams la nor sbyin pa dang / mi srun pa rnams la yang dag par chad pas gcad pa 'di ni/ de'i snying rje zhes bgyi ste/ rgyal po chen po/ chos gnyis po de dag dang ldan na/ chos dang ldan pa'i rgyal po skye rgu yang dag par skyong bar bgyid ces bgyi ba lags te| bag mchis pa dang / snying rje gnyis lags so/ /smras pa/ bram ze/ rnam pa gang gis na/ ji ltar chos dang ldan pa'i rgyal po snying rje can mi srun pa chad pas gcod pa yin| smras pa/ rgyal po chen po/ chos kyi rgyal po chos dang ldan pa snying rje can ni/ gnas lnga la dran pa nye bar bzhag cing mi srun pa chad pas gcod pa lags so/ /de'ang yang dag pas lags kyi/ log pas ma lags shing / dus su lags kyi/ dus ma lags pas ma lags so/ /don dang ldan par lags kyi/ don dang mi ldan par ma lags so| |'jam par lags kyi/ brlang bar ma lags so/ /byams pas lags kyi/ zhe sdang gis ma lags so/ /smras pa/ rnam pa gang gis ji ltar na/ yang dag pas yin gyi| log pas ma yin zhes bya/ smras pa/ gal te g.yon la mi gnas pa ma lags kyi/ yang dag par g.yon la gnas par gyur pa'o/ /smras pa/ ji ltar na/ dus su </font><hr>94a<br><font size=+1>


@#/ /yin gyi| dus ma yin par ma yin zhes bya/ smras pa/ gal te rgyal pos mi srun pa chad pas gcad pa'i mthu mchis na lags kyi/ mthu ma mchis na ma lags pa'o/ /smras pa/ ji ltar na/ don dang ldan par yin gyi/ don dang mi ldan par ma yin zhes bya/ smras pa/ gal te khas blangs pa la gnas par bgyis pa lags kyi/ gnas par ma bgyis pa ma lags so/ /smras pa/ ji ltar na/ 'jam par yin gyi/ brlang bar ma yin zhes bya/ smras pa/ gal te skyon brjod pa tsam gyis 'grub par rtogs pa zhig na'ang bcing ba dang bsad pa la sogs pas gnod par mi bgyi bar yang dag par skyon brjod pa lags kyi/ skyon ma brjod par ma lags so/ /smras pa/ ji ltar na/ byams pas yin gyi/ zhe sdang gis ma yin zhes bya/ smras pa/ gal te skyon brjod pa tsam gyis mi 'grub par rtogs pa zhig na 'gum pa dang / dbang po nyams par bgyid pa dang / yan lag gtubs pa ma gtogs par byams pa'i sems dang / snying rje'i sems nye bar bzhag ste bcing ba dang / go rar stsal ba dang / brdeg pa dang / bsdigs pa dang / gnod par bgyi ba dang / spyo ba dang / brgyad bkag pa dang / gnas nas bkar ba dang / </font><hr>94b<br><font size=+1>


longs spyod 'phrog pa la sogs pa brlang ba'i rnam pa rnams kyis brlang bar bgyi ba ste/ de las 'das par brlang bar bgyi ba mi legs so/ /smras pa/ bram ze/ ji ltar na| chos dang ldan pa'i rgyal po brlang ba'i rnam pa de dag gis sems can mi srun pa dag la byams pa'i sems dang / snying rje'i sems nye bar bzhag cing brlang bar spyod pa yin| de skad ces smras pa dang / gcer bu pa'i bu bden smras rgyal po gtum po rab snang la 'di skad ces smras so/ /rgyal po chen po/ de'i slad du don 'di rab tu bsgrub pa'i slad du dpe gsan du gsol/ rgyal po chen po/ 'di lta ste/ dper bgyi na/ phas bu mi srun pa zhig bcos par 'tshal na/ byams pa'i sems dang / snying rje'i sems nye bar bzhag ste dgum pa dang / dbang po nyams par bgyi ba dang / yan lag gtubs pa ma gtogs par gnod pa'i rnam pa gzhan gyis brlang bar bgyid de/ 'on kyang de la gtang ba'i sems sam/ gnod par bgyi ba'i sems mi 'byung ste/ gzhan du na nyes pa bzlog pa nyid kyi ched du bgyis te/ nyes pa ma byung ba rnams mi 'byung bar bya'o snyam ste brlang bar bgyid do/ /de bzhin du rgyal po chos dang ldan pa'ang skye rgu rnams la bu'i 'du shes nye bar bzhag ste sems can mi srun pa rnams 'chos na/ srog gcad </font><hr>95a<br><font size=+1>


@#/ /pa dang / dbang po nyams par bgyi ba dang / yan lag gtubs pa ma gtogs par byams pa'i sems dang / snying rje'i sems su bgyis te bcing ba dang / go rar stsal ba dang / brdeg pa dang / bsdigs pa dang / spyo ba dang / brgyad bkag pa dang / gnas nas bkar ba dang / longs spyod 'phrog ba la sogs pa brlang ba'i rnam pa rnams kyis brlang bar bgyid kyang de sems can de dag la gtang ba'i sems sam/ gnod par bgyi ba'i sems mi 'byung ste/ gzhan du na nyes pa bzlog pa nyid kyi ched du bgyis te/ de ma lags pa gzhan rjes su bslab pa dang / nyes pa ma byung ba rnams mi 'byung bar bya'o snyam ste brlang bar bgyid do| |smras pa/ bram ze/ mi srun pa de dag ji lta bu yin par shes par bya/ smras pa/ rgyal po chen po/ mdor na mi srun pa ni/ rnam pa lngar mkhyen par bgyi ste/ rgyal po la gnod pa bgyid pa dang / gcig la gcig gnod par bgyid pa dang / bka' mi nyan pa dang / log pas 'tsho ba dang / log par zhugs pa lags so| |de la rgyal po la gnod pa bgyid pa ni/ 'gums pa dang / 'gums su stsol ba dang / dug stsol ba dang / phyag mdzod rku ba dang / don ma rung bar bgyid pa dang / </font><hr>95b<br><font size=+1>


btsun mo 'drid pa dang / bka' ltar mi bgyid pa dang / gsang mi thub pa dang / khams kyi dkrugs ma bgyid pa dang / kha rgod mtshal dang / kha phyar gtong ba dang / de lta bu la sogs pa dag ni/ rgyal po chen po/ rgyal po la gnod pa bgyid pa lags par mkhyen par bgyi'o/ /de la gcig la gcig gnod par bgyid pa ni/ sems can 'di dag gcig la gcig srog la rgol ba'am/ longs spyod 'phrog pa'am/ mchis brang la byi ba bgyid pa'am/ sgyu'i dbang gis pha rol slu ba'am/ mdza' ba 'byed pa'am/ ngag mi snyan pas 'thab pa'am/ las dang / srang dang / tshad sgyu mas gzhan 'drid pa'am/ gcig la gcig mi snyan par brjod pa'am/ rgyal po chen po/ de lta bu la sogs pa dag ni/ gcig la gcig gnod pa bgyid pa lags par mkhyen par bgyi'o/ /de la bka' mi nyan pa ni/ rgyal po chen po la brten pa'i khams kyi rgyal phran dang / rgyal po'i bka' ltar mi bgyid pa ste/ rgyal po chen po/ de lta bu la sogs pa dag ni/ bka' mi nyan pa lags par mkhyen par bgyi'o/ /de la log pas 'tsho ba ni/ sems can gang dag sdom pa ma mchis pa ste/ de dag kyang shan pa dang / bya ba dang / phag tshong dang / de lta bu la sogs pa dag lags par mkhyen par bgyi'o/ /de la log par zhugs pa ni/ </font><hr>96a<br><font size=+1>


@#/ /sems can gang dag longs spyod pas phyir log ste mtshan ma can du gyur pa rnams tshul khrims nyams pa dang / lta ba nyams pa dang / cho ga nyams pa dang / 'tsho ba nyams par gyur cing rang rang gi chos yongs su bzung ba rnams la mi gnas pa lags te/ de dag ni/ rgyal po chen po/ log par zhugs pa lags par mkhyen par bgyi'o/ /smras pa/ bram ze/ rnam pa gang gis ji ltar na/ chos dang ldan pa'i rgyal pos rgyal po la gnod pa byed pa'i mi srun pa rnams chad pas gcad par bya/ smras pa/ rgyal po chen po/ de ni/ skyon brjod pas dgag pa'am/ longs spyod dbrog pas dgag pa'am/ bcing ba dang / bskrad pa dang / smad pas dgag par bgyi'o/ /smras pa/ gcig la gnod par byed pa la ji ltar nan tan du bya/ smras pa/ rgyal po chen po/ bsdigs pa dang / gnod par bgyi ba dang / brdeg pa dang / go rar stsal ba dang / spyo ba dang / chad pas bcad pas bzlog par bgyi'o/ /smras pa/ bka' ma nyan pa rnams la ji ltar nan tan du bya/ smras pa / zil gyis mnan te dbang du bsgyur ba la rang rang gi ris nas bskyod par mi bgyi bas bzlog par bgyi'o/ /de ci'i slad du zhe na/ rgyal po chen po/ 'di ltar de dag rang rang </font><hr>96b<br><font size=+1>


gi ris nas bskyod par ma bgyis na/ rgyal po'i bka' drin gzo zhing 'jigs pas bka' nyan par 'gyur te/ gzhan bka' mi nyan pa'i skabs kyang yongs su chad par 'gyur zhing phyag mi 'tshal ba rnams kyang phyag 'tshal bar 'gyur/ byogs dang phyogs mtshams rnams su'ang snyan par grags pa'i sgra dang / tshigs su bcad pa 'byung bar 'gyur zhing gzhi de las bsod nams kyang mang du 'phel ba'i slad du'o/ /smras pa/ log par 'tsho ba rnams la ji ltar nan tan du bya/ smras pa/ rgyal po chen po/ bsdigs shing da phan chad gal te de ltar byed na/ chad pa 'di dang 'dis gcad do/ /zhes 'jigs pa bstan pas dgag par bgyi'o/ /smras pa/ log par zhugs pa rnams la ji ltar nan tan du bya/ smras pa/ rgyal po chen po/ yang dag pa'i gnyen po'i phyogs la bzung bas bzlog par bgyi'o/ /rgyal po chen po/ gal te gang zag tshul khrims nyams pa'am/ lta ba nyams pa'am/ cho ga nyams pa'am/ 'tsho ba nyams pa zhig dge 'dun mthun pas sbyangs te brtags nas bskrad par bgyis pa'am/ rang gis khas blangs pa las dge 'dun gyis bskrad par mi nus na/ de la chos dang ldan pa'i rgyal pos yang dag pa la yang dag par rtogs par bgyis te btsun pa'i phyogs kyi grong </font><hr>97a<br><font size=+1>


@#/ /bgyi'o| |gal te dge 'dun gnyis mi mthun pa'i rtsod par gyur te tshul khrims nyams pa'am/ cho ga nyams pa'am/ lta ba nyams pa'am| 'tsho ba nyams pa las brtsams nas yus rtod cing rtsod pa zhig tu gyur na/ de la chos dang ldan pa'i rgyal pos bdag nyid chos kyi don la mkhas sam / mi mkhas kyang rung ste/ ris de na ya rabs su tu ba'i dge sbyong ngam/ bram ze chos kyi don la mkhas pa mchis pa de dag bsdus te rtsod pa de sbyang bar bgyi'o/ /de ltar sbyangs nas de la gang rigs par smra ba de'i phyogs kyi grogs bgyi zhing bskrad pa'am/ log pa la brtson pa bzlog pa'i slad du bstang bar bgyi'o/ /smras pa/ bram ze| rgyal po nyid mi srun pa zhig tu gyur na/ de la sus chad pas gcad par nan tan du bya/ smras pa/ rgyal po chen po/ rgyal po de nyid kyis so/ /gal te rgyal po bag ma mchis par gyur tam snying rje ma mchis par gyur na/ de'i slad du des shes rab kyi stobs la brten te mi snyan par 'gyur ba'i 'jigs pa'am ngan song gi 'jigs pa dang / chos gnyis po 'di dag gis bag ma mchis pa dang / snying rje ma mchis pa las bdag nyid bzlog par bgyi'o/ /rgyal po chen po/ chos dang ldan pa'i rgyal </font><hr>97b<br><font size=+1>


pos ni| rang gi ris na ya rabs su btu ba'i dge sbyong dang bram ze mkhas pa/ gsal ba/ rig pa dang ldan pa de dag gi drung du mchi zhing dus dus su dge ba ni/ gang / mi dge ba ni/ gang / ci byas na legs par 'gyur/ ci byas na sdig par 'gyur zhes dri bar bgyi zhing de dag chos ston par 'gyur ba'i skabs dbye bar bgyi'o/ /de dag gis kyang de la rgyal po'i tshul rnying dag bstan par bgyi ste/ skabs phye na tshig gi tshul 'jam pos skyon brjod par bgyi ste/ de ltar na des 'di lta ste/ nang gi stobs sam/ phyi rol gyi stobs la brten cing bdag nyid mi srun pa las legs par chad pas bcad par 'gyur ro/ /smras pa/ bram ze/ snod kyi 'jig rten gyis yongs su zin pa'i skye rgu chos dang ldan pa'i rgyal pos ji ltar bsrung bar bya/ smras pa/ rgyal po chen po/ mi bsreg mi gzhig pa la sogs pas bgyis te/ 'di ltar rgyal po khro ba'i gnas la khros kyang grong bsreg pa'am/ grong khyer bsreg pa'am/ rdzing dral ba'am/ gnas gzhig pa'am/ bza' shing gcad pa'am/ lo gzhom pa'am/ gang ci'ang rung ste legs par bshams pa| legs par bsgrubs pa/ legs par bres pa'i sa'i phyogs nyams dga' ba de dang de dag gzhig par bgyi bar mi rigs so/ /de ci'i slad du zhe na/ </font><hr>98a<br><font size=+1>


@#/ /'di ltar dngos po de dag ni/ de ma lags pa'i sems can gzhan dag dang thun mong gi nye bar 'tsho ba lags te/ de dag gis nongs par ma bgyis pa'i slad du'o/ /rgyal po chen po/ 'di ltar dngos po de dag la khyim dang / gtsug lag khang dang / mchod rten dang / bza' shing gi ra ba la sogs pa so so'i lha gnas pa de dag kyang de bshig na mi dga' bar 'gyur lags so/ /rgyal po chen po/ 'di ltar dngos po de dag la dud 'gro'i skye gnas su gtogs pa'i srog chags sna tshogs dag kyang gnas te/ de dag gis kyang nongs pa ma bgyis na/ gnod pa mi bgyid pa kun kyang chud gzan par 'gyur ro/ /de lta lags pas na/ chos dang ldan pa'i rgyal pos snod kyi 'jig rten gyis yongs su zin pa'i skye rgu rnams phung bar mi bgyi'o/ /de ltar phung bar ma bgyis na/ yongs su bskyangs pa lags te/ de yongs su bskyangs pas sems can rnams la'ang sman par bgyis par 'gyur ro/ /smras pa/ bram ze/ rgyal po'i khams na lha gang dag gnas pa de dag chos dang ldan pa'i rgyal pos ji ltar bskyang bar bya/ smras pa/ rgyal po chen po/ yang dag ba'i gtor ma bshams te stsal bar bgyi'o/ /de ltar na/ chos dang ldan pa'i rgyal pos skye rgu thams </font><hr>98b<br><font size=+1>


cad bskyang bar 'gyur ro/ /mi srun pa thams cad kyang chad pas bcad par 'gyur ro/ /kha na ma tho ba'ang ma mchis par 'gyur ro/ /gzhi de las tshe slad ma pa'i bsod nams kyang mang du 'phel lags so/ /smras pa/ bram ze/ rgyal po chos dang ldan pa'i khams na pha dang ma rgas pa la ma gus shing phar mi shes pa/ mar mi shes pa dang / bu dang chung ma dang / bran dang / bram mo dang / las byed pa'am zho shas 'tsho ba dag la legs par bgo bsha' mi byed cing / las chen po dang las ngan pas shin tu nyon mongs par byed pa de dag mi srun pa'i phyogs gang gi nang du bgrang bar bya/ smras pa/ rgyal po chen po/ log par 'tsho ba'i phyogs mi srun pa'i nang du'o/ /de ci'i slad du zhe na| 'di lta ste/ phan 'dogs pa'i sems can rnams la sbyin par bgyi ba'i chos bgo bsha' bgyi bar 'os pa dag la bgo bsha' mi bgyid cing gcig pu spyod pa 'di ni| log pas 'tsho ba chen po lags pa'i slad du'o/ /smras pa/ bram ze/ slong ba'i dge slong dang / bram ze 'ong zhing 'dub dag gi mdun nas mi rigs shing brlad ba'i tshig gis mi snyan par brjod pa dang / gshe ba dang / brgyad bkag pa dang / ched du bos shing zan gcod pa'am/ chos nyid dang 'gal ba'i kha zas stob pa'am/ dbyug pa'am </font><hr>99a<br><font size=+1>


@#/ /rdos 'tshog pa'am/ lag pas brdeg pa'am/ mtshon gyis brdeg pa de dag mi srun pa'i phyogs gang gi nang du bgrang bar bya/ smras pa/ rgyal po chen po/ log par zhugs pa'i mi srun pa'i phyogs su'o/ /de ci'i slad du zhe na/ rim gro bgyi ba'i 'os rnams la rim gro mi bgyid pa ni/ log par zhugs pa chen po lags pa'i slad du ste/ rgyal po chen po/ log par zhugs ba de lta bus ni/ lha rnams kyang dus su char gyi rgyun legs par mi 'bebs te/ des mu ge'i dgon pa nyam nga bar 'gyur zhing mi ma lags pa rnams yams kyi nad dang / gnod pa dang / 'go ba'i nad gtong bar 'gyur te/ des sems can rnams yams kyi nad can/ gnod pa can/ nad 'go ba can du 'gyur zhing tshe'ang yongs su 'bri/ longs spyod kyang yongs su 'bri/ nad med pa'ang yongs su 'bri bar 'gyur ro// smras pa| bram ze/ rgyal po nyon mongs pa can gyi sems dang ldan pas ci'i phyir dbang po dang yan lag gtubs shing nyams par bya ba dang / sems can gsad par \?\ bya ba yin/ smras pa/ rgyal po chen po| rgyal po nyon mongs pa can gyi sems dang ldan pa'ang g.yon la gnas pa srog gcad pa'am/ dbang po dang / yan </font><hr>99b<br><font size=+1>


lag dang / nyid lag dang dbral bar mi sems te/ de ci'i slad du zhe na/ 'di ltar des rang gi las kyi dbang gis 'chi na'ang khong khro ba'i sems bskyed de dus bgyis na/ ngan song rnams su skye bar 'gyur ba dang / yun ring por rjes su 'brang ba sha 'khon du 'gyur ba mthong bas de'i slad du sems can dgum par ma brjod de/ dbang po dang / yan lag dang / nyid lag rnams kyang phyir glan du mi rung bas de'i slad du de dag gtubs shing nyams par bgyi ba rung bar ma brjod pa lags so/ /rgyal po chen po/ bcing ba dang / go rar stsal ba la sogs pa ni/ bcos su rung bas nas/ de'i slad du rung bar brjod do/ /rgyal po ni/ skye rgu thams cad yongs su skyong ba lags na/ de ltar bgyis na de nyid ma bskyangs par 'gyur bas/ de'i slad du rgyal pos skye rgu yongs su bskyang ba'ang rdzogs par ma bgyis par 'gyur te/ rgyal po chen po/ 'di lta ste/ dgum pa dang / dbang po dang / yan lag dang / nying lag gtubs shing nyams par bgyi ba ni/ skye rgum mos par 'gyur ba'i gnas lags te/ de ni/ chos dang ldan pa'i rgyal pos bgyi ba ma lags so/ /smras pa/ bram ze/ rgyal po'i khams na longs spyod kyi 'bras bu 'du ba yod pa de dag rgyal po rang gi yin zhes bya'am/ gzhan gyi yin zhes bya/ smras </font><hr>100a<br><font size=+1>


@#/ /pa| rgyal po chen po/ de ni/ rang gi'ang ma lags/ gzhan gyi'ang ma lags so/ /de ci'i slad du zhe na/ gzhan dag gis ni/ rang gi lag mthus bsgrubs pas na/ rang gi ma lags so/ /rgyal pos yongs su bsrungs shing de dag gis kyang de mnga' bar btags pas gzhan gyi ma lags so/ /smras pa/ bram ze| gal te skye rgu la longs spyod yod bzhin du longs spyod gyi rgyu dpya dbul ba'i rigs pa rgyal po la 'bul du mi btub na/ des de dag gi ma byin par len par 'gyur zhes bya'am mi bya/ smras pa/ rgyal po chen po/ de ni/ mi 'gyur te/ gal te longs spyod mchis bzhin mi ster na/ ser sna las byung ba'i kha na ma tho ba dang / bsod nams ma lags pa ni/ cher 'phel lo/ /smras pa/ bram ze/ gal te longs spyod yod bzhin du longs spyod kyi rgyu dpya dbul ba'i rigs pa 'bul du mi btub pa la rgyal pos nan gyis mnan te 'bul du bcug na/ des de'i ma byin par len pa zhes bya'am mi bya/ smras pa/ rgyal po chen po/ de ni/ gla rdan sgrub pa'i dpe'i tshul gyis ma byin par len pa zhes mi bgyi'o/ /smras pa/ bram ze/ gal te rgyal pos dbul po zhi gnan gyis mnan te longs spyod kyi rgyu dpya dbul ba'i </font><hr>100b<br><font size=+1>


rigs pa dbul du bcug na/ de kha na ma tho ba zhes bya ba'am mi bya/ smras pa/ rgyal po chen po/ de la lar ni/ kha na ma tho bar 'gyur/ de la lar ni/ kha na ma tho bar mi 'gyur lags so/ /rgyal po chen po/ /de la gal te mi des longs spyod de dag smad tshong la zhugs pa'am/ rgyan po la zhugs pa'am/ chud gsan pa'am/ log par spyad pa spyod pa zhig tu gyur la/ de la rgyal pos de lta bu'i sems kyis slad kyis shas slar stsal ba'i shags mchis par bgyis la nan gyis 'bul du stsal bas/ gal te phyin chad tshul ma lags pas longs spyod chud mi gson na/ rgyal pos gnyis ka'i don bgyis par 'gyur te/ bdag gi dkor 'phel ba'i don dang / gzhan rgud par 'gyur ba las gzung ba'i don bgyis par 'gyur ro/ /gal te mi de'i longs spyod de dag zhugs kyis dral tam/ chab kyis 'tshal tam/ bgo skal la spyod pa mi mdza' ba dag gis 'phrog gam/ rkun pos brkus sam/ sbas pa las rul tam/ lo tog ser bas khyer ram/ bye ba dang / ne tso dang / byi bas 'tshal tam/ char ma bab ste ma 'khrungs sam| de dag la sogs pa'i rnam pas de'i longs spyod dag chab 'tshal bar gyur na/ chos dang ldan pa'i rgyal pos longs spyod kyi rgyu dbya 'phul ba'i rigs pa yangs par </font><hr>101a<br><font size=+1>


@#/ /gzhag pa'i rigs te/ de ltar ma bgyis na/ de ma bskyangs pa'i slad du kha na ma tho bar 'gyur lags so/ /rgyal po chen po/ 'di lta ste| dper bgyi na/ skyes bu la la zhig gis slong ba'i dge sbyong dang / bram ze dag cig zas la bos pa las de nas de'i dus la bab pa dang / zas spyar sbyar ba de chab 'tshal bar gyur te mi gtsang ba'i nang du lhung ba dang / zhugs kyis bral tam/ gseg ma dang / rdul dang / char pas chab 'tshal bar gyur tam/ rkun pos 'tshal ba zhig tu gyur te/ des de'i slad du de'i dus su mchis pa'i dge sbyong dang / bram ze dag la zas ma stsal na/ de ni/ de ltar bzar mi rung ba'am/ bzar ma mchis par gyur te dge sbyong dang / bram ze la dbul bar dga' yang cha ma lags par 'gyur bas/ de ltar ma stsal ba'i slad du kha na ma tho ba dang bcas par mi 'gyur te/ rgyal po chen po/ de'ang tshul 'di 'dra bar gzigs par bgyi'o/ /smras pa/ bram ze/ de ltar bag yod cing snying rje dang ldan pa'i chos kyi rgyal po de lta bu yan lag du zhig gis rnam pa thams cad yongs su rdzogs pa'i rgyal po'i chos dang ldan par 'gyur/ smras pa/ rgyal po chen po/ rnam pa bcus te / </font><hr>101b<br><font size=+1>


gnam gyis bskos pa phun sum tshogs pa dang / 'khor srun pa dang / shes rab phun sum tshogs pa dang / brtson pa dang / chos la gus pa dang / mkhas pa dang / des pa dang / 'jig rten gyi kun spyod rab tu rig par spyod pa dang / mi bde ba bzod pa dang / chos la phyin ci ma log par 'dzin pa'o/ /de la gnas gyis bskos pa phun sum tshogs pa'i rgyal po ni/ blon po dang / bkrabs pa dang / mda' bar mchog dang / grong rdal gyi mi dang / yul gyi mi rnams la dben cing gnod ba chung ba dang / nad ma mchis pa'i rang bzhin can no/ /'khor srun pa dang ldan pa'i rgyal po ni/ rgyal po'i bgyi ba'i las tshegs chung dur rtag tu bde bar gnas la/ rgyal po'i tshul las mi nyams pa'o/ /shes rab phun sum tshogs pa'i rgyal po ni/ chos kyis skye rgu bskyang ba la thabs mkhas shing bgyi ba rnams la gzhan gyi dring mi 'jog pa'o/ / brtson pa'i rgyal po ni/ dgra ma mchis pas dga' bar gnas shing mdzod 'phel bar bgyid pa'o/ /chos la gus pa'i rgyal po ni/ bsod nams kyi bgyi ba'ang mi gtong la mi srun pa rnams tshar gcod pa'o/ /mkhas pa'i rgyal po ni/ bsam pa myur du rdzogs shing mtha' mi ring bas bgyi ba dag las mi nyams pa'o/ /des pa'i rgyal </font><hr>102a<br><font size=+1>


@#/ /po ni| skye bo thams cad 'khor zhing grong rdal gyi mi dang / yul gyi mi thams cad kyis yid brtan du rung ba'o/ /'jig rten gyi kun spyod rab tu rig par spyod pa'i rgyal po ni/ srun pa dang mi srun pa'i bye brag kyang yang dag par ji lta ba bzhin du rtogs la longs spyod 'du ba'i sgo'ang chad par mi bgyid pa'o/ /mi bde ba bzod pa'i rgyal po ni/ rgyal po'i bgyi ba'ang rdzogs par sgrub la sdug bsngal gyis kyang mi 'jigs pa'o/ /chos la phyin ci ma log par 'dzin pa ni/ khyad par du 'gro ba'i lam yang sgrub la dge ba'i bshes gnyen dag dang yang ma bral ba'o/ /rgyal po chen po/ yan lag bcu po de dag dang ldan pa'i chos kyi rgyal po ni/ rnam pa thams cad yongs su rdzogs pa'i rgyal po chos dang ldan pa lags so/ /smras pa/ bram ze/ rgyal po'i chos de ltar yongs su rdzogs pa dang ldan pa'i chos kyi rgyal pos 'thab mo'i g.yul zhig nye bar gnas na/ ji ltar nan tan du bya/ smras pa/ rgyal po chen po/ dus gsum du thabs la mkhas pa'i rnam pa gsum gyis nan tan du bgyi'o/ /de la dus gsum ni/ thog ma'i dus dang / bar gyi dus dang / tha ma'i dus so/ /de la thog ma'i dus kyi thabs mkhas pa ni/ gal te rgyal </font><hr>102b<br><font size=+1>


bo'am/ blon po mdza' bar bgyi bas 'grub par gda' na'ang mdza' bar bgyi bas nye bar bzung ste 'thab mo de zhi bar bgyi'o/ /gal te phan gdags pa zhig gis 'grub pa gda' na'ang phan gdags pas nye bar bzung ste 'thab mo de zhi bar bgyi'o/ /gal te phyogs mang po yongs su bzung ba dang / de bas lhag pa'i dgrar 'gyur ba'i 'jigs pa la sogs pa bstan pas 'grub par gda' na'ang de gnyis bstan pas nye bar bzung ste 'thab mo de zhi bar bgyi ste/ de ltar dus dang po la thabs mkhas pa sbyar bar bgyi'o| |gal te de dag mdza' bar bgyi ba dang / phan gdags pa dang / 'jigs pa bstan pa gang gis kyang bsgo ste ma btub na/ chos dang ldan pa'i rgyal pos sems gsum nye bar bzhag ste 'thab mo bgyi'o/ /gsum gang zhe na/ bdag chos dang ldan pa'i rgyal po yin na/ bdag gis skye rgu rnams phung bar byas par mi 'gyur grang / /phung bar 'gyur ba las ma bzlog pa lta'ang med dam zhes dang por skye rgu yongs su bskyang ba la sems nye bar gzhag par bgyi'o/ /gnyis pa ni/ phas kyi dgra las rgyal bar bgyi ba'i sems so/ /gsum pa ni/ srog gzung ba'i sems te/ sems gsum po 'di dag nye bar bzhag la dpung gi tshogs yan lag bzhi ba la bka' stsal bar bgyi ste/ de </font><hr>103a<br><font size=+1>


@#/ /ltar dus bar ma la thabs mkhas pa sbyar bar bgyi'o/ /dus tha ma la ni/ dpung gi tshogs yan lag bzhi pa de dag dpa' ba tha ma dang / dpa' ba 'bring dang / dpa' ba rab kyi tshul du g.yul bsham par bgyi'o/ /de la dpa' ba tha ma rnams ni/ thog mar bsham mo/ /dpa' ba 'bring rnams ni/ de'i rgyab tu bsham mo| |rta pa'i tshogs ni/ de gnyis ka'i rgyab rgyab nas dgye'o/ /rgyal po bdag ni/ de dag bag dro zhing bde bar rgal ba dang / rkang thang ba rnams yongs su bsrung ba'i phyir dpa' ba'i rab rnams dang / de'i phyi bzhin bsdad par bgyi'o/ /de ltar bgyis na/ de dag chu gang dang / 'jigs pa dang / spyan mnyes par bgyi ba dang / rgyab rnams rnam par dag pa dang / byas pa gzo bar bgyi ba'i slad du rdo ci thogs kyis rgal zhing slar mi ldog ste/ de ltar tha ma'i dus la thabs mkhas pa la sbyar bar bya'o/ /de ltar thabs mkhas shing g.yul legs par shom pa'i rgyal pos ni/ pha rol gyi dpung bkum mam/ rma phyung yang des rgyal po la kha na ma tho ba chung zhing bsod nams ma lags pa chung ba dang / 'bras bu myong ba'ang ma mchis par 'gyur ro/ /de ci'i slad du zhe na/ 'di ltar des snying rje ba dang / yongs su mi gtang ba'i sems kyis las de </font><hr>103b<br><font size=+1>


mngon par 'du bgyis pa'i slad du'o/ /gang des skye rgu yongs su bskyang ba dang / bu dang / chung ma dang / rigs kyi don du bdag dang / longs spyod yongs su btang ste las de bgyis pas/ gzhi de las bsod nams tshad ma mchis pa'ang rab tu 'phel lo/ /rgyal po chen po/ 'thab mo'i g.yul zhig nye bar gnas na/ chos dang ldan pa'i rgyal pos de ltar nan tan bgyi'o/ /smras pa/ bram ze/ de ltar skye rgu yongs su bskyang ba la brtson pa'i chos kyi rgyal pos 'du shes kyis gnas pa rnam pa du zhig gis gnas par bya/ smras pa| rgyal po chen po/ brgyad kyis te/ skye rgu'i ris su gtogs pa'i sems can rnams la bu'i 'du shes dang / mi srun pa rnams la nad pa'i 'du shes dang / sdug bsngal ba rnams la snying rje'i 'du shes dang / bde ba rnams la dga' ba'i 'du shes dang / dgra rnams la de'i rgyus nyes pa'i 'du shes dang / mdza' bshes rnams la rjes su srung ba'i 'du shes dang / longs spyod rnams la sman gyi 'du shes dang / bdag la bdag med pa'i 'du shes so/ /de la skye rgu'i ris su gtogs pa'i sems can rnams la bu'i 'du shes kyis gnas pa ni/ rgyal po de phas bu bcos pa ltar mi srun pa tshar gcad pa la 'jug kyang snying rje'i bsam pa mi gtong ba'o/ /mi srun pa rnams la nad pa'i 'du shes </font><hr>104a<br><font size=+1>


@#/ /kyis gnas pa ni/ sman pa ltar gnod pa la mi khro zhing skyon rab tu bsal ba'i slad du sbyor ba'o/ /sdug bsngal ba rnams la snying rje'i 'du shes kyis gnas pa ni/ gnod pa thams cad kyang yongs su spong bar bgyid pa dang / phan pa bsgrub pa'i slad du 'jug pa'o/ /bde ba rnams la dga' ba'i 'du shes kyis gnas pa ni/ gzhan gyi nor dang / gzhan gyi yo byad la brnab sems dang / phrag dog gi sems mi skyed pa'o/ /dgra rnams la de'i rgyus nyes pa'i 'du shes kyis gnas pa ni/ de'i rgyu yongs su spong zhing skye bo gzhan lta ci smos kyi/ dgra rnams dang yang mdza' bar bgyid pa'o/ /mdza' bshes rnams la rjes su srung ba'i 'du shes kyis gnas pa ni/ mdza' ba brtan pa dang / thams cad dang mdza' ba'o/ /longs spyod rnams la sman gyi 'du shes kyis gnas pa ni/ 'dod pa la log par g.yem pas yongs su mi spyod cing longs spyod rnams la ma chags par yongs su spyod pa'o/ /bdag la bdag med pa'i 'du shes kyis gnas pa ni/ chos don du gnyer zhing dge sbyong dang bram ze rnams kyi drung du mchis te rjes su mthun pa'i chos la nan tan du bgyi ba la 'jug pa ste/ rgyal po chen po/ 'du shes </font><hr>104b<br><font size=+1>


kyis gnas pa brgyad po de dag gis gnas pa chos dang ldan pa'i rgyal po ni/ skyes phul ba tsam gyis kyang phyag mdzod mngon par 'phel bar 'gyur gyi/ chos dang mi ldan pas ni| sgyu'i sbyor ba dang / g.yo'i rnam pa thams cad kyis bsgrubs kyang de ltar 'phel bar mi 'gyur lags so/ /'du shes kyis gnas pa brgyad po de dag gis gnas na / tshes grangs dang / skar ma dang / bkra shis kyi las brtsams pa thams cad mthun par 'gyur te/ des na/ de la mi'am/ mi ma lags pa glags tshol ba rnams kyis kyang glags mi rnyed par 'gyur lags so/ /'du shes kyis gnas pa brgyad po de dag gis gnas na/ char yang dus dus su 'bab par 'gyur te/ des de'i khams su lo legs par 'gyur te/ mu ge'i dgon ba 'byung bar mi 'gyur lags so/ /lo tog chab 'tshal bar 'gyur ba'i rkyen ser ba dang / bye ba dang / ne tso dang / byi ba la sogs pa'i 'jigs pa mi 'byung ba lags so/ /gcan gzan mi srun pa rnams kyang nyung du 'gyur/ tshegs chung dus kyang de la gnod par sems pa'i dgra rnams rang rang gi las rnam par smin pa'i nyes pas phung zhing bas pa dang / ma mchis par 'gyur lags so/ /rgyal po chen po/ chos dang ldan pa'i chos kyi rgyal po de ltar skye rgu skyong ba ni/ 'jig </font><hr>105a<br><font size=+1>


@#/ /rten na des pa rnams la nongs pa ma mchis pa lags te/ lus zhig nas gum pa'i 'og tu'ang bde 'gro mtho ris kyi 'jig rten du lha'i nang du skye bar 'gyur lags so/ /de la 'di skad ces bya ste/ chos la gus shing bag mchis dang / /skye rgu phan spyod yul 'khor ldan/ /gzhan gyi spyod pa rab rtog shing / /gtsang la ma chags rgyal po rgyal/ /dpa' brtan brtson 'grus ldan gyur cing / /'jig rten bstan bcos bzo rtsal mkhas/ /brtson zhing mthar phyin sgrub pa yi/ /rgyal po bde bar skye rgu skyong / /phan zhing brtson la nges smra ste/ /snying rje ldan zhing gzhan phan btson/ /skyon nam yon tan ldan rtogs na/ /skye rgu phan pa'i rgyal po dga'/ /'bangs kyi tshogs rnams kun dga' zhing / /sbyin bgyid don spyod gzhan la snyoms/ /dpung dang bzhon pa legs skyong ba'i/ /rgyal po rgyal srid yun ring skyong / /srog gcod spangs dang ma byin len/ /gzhan gyi mchis brang log smra dang / /phra ma dang ni ngag rtsub dang / /bkyal pa'i skyon dang chang spangs te/ /'tsho dag mi yi rgyal srid rnams/ /spangs nas lha yi rgyal srid la/ /rgyal po gnas 'gyur de slad du/ /rgyal po tshul khrims bzang por mdzod/ /rgyal po'i </font><hr>105b<br><font size=+1>


tshul gyi le'u ste/ drug pa'o// //de nas rgyal po gtum po rab snang gcer bu ba'i bu bden smras dres pa'i lan btab pas mgu nas gcer bu pa'i bu bden smra la 'di skad ces smras so/ /bram ze/ tshur shog /nga'i pho brang du 'dong / de ci'i phyir zhe na/ bram ze 'khor dang bcas pa ngas zan la 'bod do/ /de skad ces smras pa dang / gcer bu pa'i bu bden smras rgyal po gtum po rab snang la 'di skad ces smras so/ /rgyal po chen po/ legs so legs so/ /dus la bab par gsungs so/ /de ci'i slad du zhe na/ rgyal po chen po/ bdag cag ni/ bshul na dub cing bkres pa lags so/ /rgyal po chen po/ khyod kyis ji skad bka' stsal pa de bzhin du bgyi'o/ /de nas rgyal po gtum po rab snang gis gcer bu pa'i bu bden smra 'khor dang bcas te mdun du bkye nas pho brang bkod pa chen por phyin to/ /der phyin pa dang / gcer bu pa'i bu bden smra rgyal po'i stan la bzhag go / gcer bu pa'i lhag ma gzhan yang rkyen rkyen gyi stan la bkod de rim gro byas/ bla mar byas nas gus pa dang bcas shing zhes dang bcas par rang gis lag dar te gcer bu pa'i bu bden smra 'khor dang bcas pa la kha zas ro brgya dang ldan pas bdar te tshim par byas so/ /de ltar bdar bas tshim par byas te zan zos par shes nas brgya phrag stong ri ba'i gos </font><hr>106a<br><font size=+1>


@#/ /phrugs su bshams te bskon no/ /gos bskon nas phyogs gcig tu 'dug go /de nas gcer bu pa'i bu bden smra zas kyi bya ba byas nas sle'u gyu ste lag pa bsnyal te rgyal po gtum po rab snang la 'di skad ces smras so/ /rgyal po chen po/ sbyin pa 'di mdzad pas khyod kyis thog ma nyid du ser sna bcom ste gtong ba'i phyag mngon par brkyang bas med par lta ba ni/ bsal/ yang dag par lta ba ni/ mngon par phyung / skyes bu dam pa rnams kyi rjes ni/ bsnyags/ skyes bu ngan pa rnams ni/ yongs su spangs/ mtho ris dang thar pa'i sgo rnams ni/ phye/ ngan song gi sgo rnams ni/ bcad/ dge ba'i rtsa ba ni/ bskyed/ mi dge ba'i rtsa ba ni/ phyung / nyon mongs pa ni/ bsrabs/ dge ba'i rtsal ni| spel/ tshul khrims dang ldan pa rnams ni/ tshim par bgyis/ bdag la sman pa dang / gzhan la sman pa ni/ mdzad par gyur to/ /de ci'i slad du zhe na/ rgyal po chen po/ sbyin pas ni/ longs spyod chen por 'gyur/ kha dog phun sum tshogs pas ni/ kha dog dang ldan par 'gyur/ dri phun sum tshogs pas ni/ grags pa dang ldan par 'gyur/ ro phun sum tshogs pas ni/ yo byad dam pa thob par 'gyur/ reg phun sum tshogs pas ni/ rkang lag 'jam zhing gzhon sha chags par 'gyur/ </font><hr>106b<br><font size=+1>


rim gror bgyis te stsal bas ni/ gnyen la sogs pas rim gror bgyi bar 'gyur/ lag dar te stsal bas ni/ rim gro ba thob par 'gyur/ dus su stsal bas ni/ don rnams dus su 'grub par 'gyur/ mthun pa yid du 'ong ba stsal bas ni/ yid du 'ong ba'i longs spyod rnams la sems 'jug par 'gyur/ gzhan la mi gnod par stsal bas ni/ longs spyod brtan pa dag thob par 'gyur/ mi bde ba bzod pas stsal bas ni/ 'khor snying nye bar 'gyur/ kha zas stsal bas ni/ nyams stobs dang ldan par 'gyur/ gos stsal bas ni/ mdog dang ldan par 'gyur/ mar me stsal bas ni/ mig dang ldan par 'gyur/ sil snyan stsal bas ni/ ma nyams pa'i rna ba dang ldan par 'gyur/ bzhon pa stsal bas ni/ bde bar 'gyur/ sman stsal bas ni/ nad nyung bar 'gyur/ gnas stsal bas ni/ thams cad stsal bar 'gyur/ chos stsal bas ni/ bdud rtsi stsal bar 'gyur/ srog gcod pa spangs pas ni/ tshe ring bar 'gyur/ ma byin par len pa spangs pas ni/ longs spyod chen por 'gyur/ 'dod pa la log par g.yem pa spangs pas ni/ 'gran zla ma mchis pa'i chung ma dang ldan par 'gyur/ brdzun du smra ba spangs pas ni/ skur ba </font><hr>107a<br><font size=+1>


@#/ /nyung bar 'gyur/ phra ma spangs pas ni/ 'khor mi phyed pa dang ldan par 'gyur/ ngag rtsub po spangs pas ni/ yid du 'ong ba'i sgra thos par 'gyur/ tshig bkyal ba spangs pas ni/ tshig btsun par 'gyur/ brnab sems spangs pas ni/ mi zad pa'i 'dod chags ma mchis par 'gyur/ gnod sems spangs pas ni/ mi zad pa'i zhe sdang ma mchis par 'gyur/ log par lta ba spangs pas ni/ mi zad pa'i gti mug ma mchis par 'gyur/ nga rgyal spangs pas ni/ rigs mthon por skye bar 'gyur/ khong khro ba spangs pas ni/ mdzes par 'gyur/ phrag dog spangs pas ni/ gzi byin che bar 'gyur/ ser sna spangs pas ni/ phyug par 'gyur/ yan lag ma tshang ba med par stsal bas ni/ yan lag thams cad dang ldan pa'i skyes bur 'gyur ba'i slad du ste/ de ltar zas stsal bas ni| srog stsal bar 'gyur/ kha dog dang / stobs dang / bde ba dang / spobs pa stsal bar 'gyur te/ de ltar na/ sbyin pa bgyid pa ni/ skye bo mang po la bsnyen pa lags so/ /dam pa rnams kyis bsnyen pa lags so/ /de'i grags pa'ang thams cad du grags par 'gyur/ 'khor du mchi na'ang 'jigs pa ma mchis </font><hr>107b<br><font size=+1>


par 'gyur/ lus zhig nas bde 'gro mtho ris kyi 'jig rten du lha'i nang du skye bar 'gyur/ tha mar yang phyir skye ba ma mchis pa thob par 'gyur lags so/ /de la 'di skad ces bya ste/ gang zhig yang dag sdom rnams la/ /gus par dus su zas stsol ba/ /sems dang de ni phyi tshe la/ /gnas bdun yang dag thob par 'gyur/ /stobs dang tshe dang kha dog dang / /bde ba dang ni spobs pa dang / /rtag tu bde 'gror skye bar 'gyur/ /tha mar yang srid ma mchis thob/ /gang gi slad du sbyin stsal ba/ /de yi don du de 'gyur te/ /bde ba'i slad du sbyin stsal na/ /de ni bde ba nyid du 'gyur/ /bsod nams rnam smin bde ba la/ /ji ltar bsam pa de bzhin 'grub/ /mi dang lhar ni skye ba'am/ /gzugs dang gzugs med rnams su skye/ /gal te sbyin dang gang ldan zhig /shes rab kyis ni rtsol bgyid pa/ /sdug bsngal tha mar dbyung ba la/ /de yi ye shes chen po skye/ /bdud kyi ris kyi lha rnams dang / /sdig pa spyod pa can rnams kyis/ /bsod nams legs par bgyis pa la/ /bar chad bgyi bar yong mi nus/ /bde 'gro dang ni nor rnyed dang / /yang srid ma mchis gsum pa ste/ /gsum po de dag don gnyer zhing / /de slad sbyin pa stsal bar bgyi/ /bden smra mgron du bos pa'i le'u ste/ bdun pa'o// //de </font><hr>108a<br><font size=+1>


@#/ /nas rgyal po gtum po rab snang gis 'di snyam bsam ste 'di ltar gcer bu pa'i bu bden smra'i chos bstan pa de kun kyang de bzhin gshegs pa'i bka' dang mthun pa sha stag na/ bdag gis gcer bu pa'i bu bden smra 'di de bzhin gshegs pa la dad pa yod dam med brtag par bya'o snyam mo/ / de nas rgyal po gtum po rab snang gis de snyam bsam ste stan shin tu dma' ba zhig bting nas gcer bu pa'i bu bden smra'i mdun du 'dug ste 'di skad ces smras so| |bram ze/ gal te dris nas dris pa lan gdab pa'i phyir skabs phye na/ ngas dri ba gcig cig khyod la dri'o/ /de skad ces smras pa dang / gcer bu pa'i bu bden smras rgyal po gtum po rab snang la 'di skad ces smras so/ /rgyal po chen po/ ci dang ci bzhed pa de smrar gsol/ smras pa/ de dang de'i lan gsol pas bdag gis khyod kyi thugs rangs bar bgyi'o/ /skabs phye bas de nas rgyal po gtum po rab snang gis gcer bu pa'i bu bden smra la 'di skad ces smras so/ /kye bram ze| sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs pa yin la/ de'ang skyon dang bcas par </font><hr>108b<br><font size=+1>


gyur pa de lta bu yod dam/ smras pa/ rgyal po chen po/ mchis so/ /smras pa/ bram ze/ de gang / smras pa/ rgyal po chen po/ bram ze dbyar byed 'di ni/ mdzangs shing mkhas la brtags shing yid gzhungs pa lags te/ skar ma'i rigs la mkhas pa/ mchod sbyin gyi rgyud la mkhas pa/ sbyin sreg dang / bzlas brjod dang / sreg pa'i cho ga la shin tu bslab pa/ zla ba dang nyi ma spyang kis 'dzin pa dang / skar ma ltung ba dang / lce 'bab pa dang / sa g.yo ba'i rgyus tshar phyin pa/ lo legs pa dang / mu ge dang / 'jig rten 'jig pa dang / lo khyud khor gyi rgyus rnams rtogs par khong du chud pa lags na/ de ni/ skyon dang bcas pa lags so/ /smras pa/ bram ze / bram ze dbyar byed kyi skyon gang / smras pa/ rgyal po chen po/ bram ze dbyar byed ni/ byi ba la dga' ba ste/ rgyal po chen po/ mkhas pas ni/ gzhan gyi mchis brang dang bsten par mi bgyi'o/ /de ci'i slad du zhe na/ rgyal po chen po/ gzhan gyi mchis brang bsten pas ni/ tshe 'di dang / tshe phyi ma la sdug bsngal ches mang po thob par 'gyur te/ lha dang mir bcas pa'i 'jig rten gyis kyang smad par 'gyur ba'i slad du'o/ /de la 'di skad ces bgyi ste/ byi ba bgyid pa'i ngang tshul can/ /ma bsngags mi </font><hr>109a<br><font size=+1>


@#/ /srun yul la brkam/ /bdag gi chung mas mi chog ste/ /'jig rten dag na smad 'os lags/ /'di dang pha rol sdug bsngal 'gyur/ /bsad bcing chad pa drag po myong / /sems can dmyal ba rnams su skye/ /bde ba chung zhing sems la gnod/ smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur pa gzhan yang yod dam/ smras pa| rgyal po chen po/ mchis so/ /smras pa/ bram ze/ de gang / smras pa/ rgyal po chen po/ bram ze b+ha ra d+h+wa dza 'di ni/ mdzangs shing mkhas la brtags shing yid gzhungs pa ste/ tshul dang 'dul ba la mkhas pa lags na/ de'ang skyon dang bcas pa lags so/ /smras pa/ bram ze/ bram ze b+ha ra dz+wa dza'i skyon gang / smras pa| rgyal po chen po/ bram ze b+ha ra d+h+wa dza 'di ni/ rmugs pa dang / yur ba mang ba dang / ha cang gnyid che ba lags te/ rgyal po chen po/ mkhas pas ni/ rmugs pa dang / yur ba dang / gnyid che bar mi bgyi'o/ /de ci'i slad du zhe na/ rgyal po chen po/ rmugs pa dang / gnyid 'di ni/ 'jig rten pa dang / 'jig rten las </font><hr>109b<br><font size=+1>


'das pa'i chos rnams 'grib par bgyid pa'i chos te/ ye shes dang / spong ba'i bar chad du'ang 'gyur ba'i slad du'o/ /de la 'di skad ces bya ste/ gang zhig rmugs yur gnyid che ba/ /skye bo de ni le los non/ /ma thob pa dag des mi thob/ /thob par 'gyur pa'ang 'grib par 'gyur/ /de ltar khyad par thob 'tshal bas/ /snyom las dang ni le lo dang / /rmugs pa dang ni yur dang gnyid/ /bag med lhan cig spang bar bgyi/ /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs pa yin la/ de'ang skyon dang bcas par gyur pa gzhan yang yod dam/ smras pa/ rgyal po chen po/ mchis so/ / smras pa| bram ze/ de gang / smras pa/ rgyal po chen po/ rgyal bu gzhon nu nag po 'di ni/ mdzangs shing mkhas la brtags shing yid gzhungs pa ste/ mos pa chen po dang ldan pa lags na/ de'ang skyon dang bcas pa lags so/ /smras pa/ bram ze/ rgyal bu gzhon nu nag po'i skyon ni/ gang / smras pa/ rgyal po chen po/ rgyal bu gzhon nu nag po ni| shin tu ser sna can lags te/ rgyal po chen po/ mkhas pas ni/ ser sna can du mi bgyi'o/ /de ci'i slad du zhe na/ rgyal po chen po/ longs spyod phun sum tshogs </font><hr>110a<br><font size=+1>


@#/ /pa thob la ser sna la gnas pa ni/ des longs spyod rnams las snying po ma blangs te/ de lag pa stong par 'gum pa'i dus bgyis nas gshin rje'i yul du mchi ste/ der bkres pa dang / skom pa la sogs pa'i sdug bsngal myong ba'i slad du'o/ /de la 'di skad ces bgyi ste/ /gang zhig longs spyod phun ldan la| |ser snas zil non mi de ni/ /lag stong gshin rje'i yul du mchi/ /bkres pas nyen pa myong bar 'gyur/ /der ni bkres skom gdungs pa dang / /mya ngan grang sogs sdug bsngal myong / /de bas mkhas pas rang gi blos/ /'jungs pa'i dri mas gos mi bgyi/ /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur pa gzhan yang yod dam/ smras pa| rgyal po chen po/ mchis so/ /smras pa/ bram ze/ de gang / smras pa/ rgyal po chen po/ rgyal bu gzhon nu rgyal sde 'di ni/ mdzangs shing mkhas la brtags shing yid gzhungs pa ste/ mos pa che zhing 'jigs pa ma mchis la/ gtong ba dang ldan zhing snying stobs phun sum chos pa lags na/ de'ang skyon dang bcas pa lags so/ / </font><hr>110b<br><font size=+1>


smras pa| bram ze/ rgyal bu gzhon nu rgyal sde'i skyon ni/ gang / smras pa/ rgyal po chen po/ rgyal bu gzhon nu rgyal sde ni/ srog gcod pa ste/ rgyal po chen po/ mkhas pas ni| srog gcod par mi bgyi'o/ /de ci'i slad du zhe na/ rgyal po chen po/ skyes bu gang zag srog gcod pa ni/ tshe thung bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten du mchi bar 'gyur ba'i slad du'o/ /de la 'di skad ces bgyi ste/ srog gcod bgyid pa'i gang zag ni/ /tshe thung nad kyang rab tu mang / /gang na mi bde che ba yi/ /sems can dmyal bar skye bar 'gyur/ /de bas sdug bsngal mi 'tshal zhing / /tshe 'dir bde 'tshal mkhas pa yis/ / gzhan gyi srog gcod mi bgyi ste/ /srog chags rnams ni bdag bzhin bsrung / /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur pa gzhan yang yod dam/ smras pa/ rgyal po chen po/ mchis so/ /smras pa/ bram ze/ de gang / smras pa/ rgyal po chen po/ rgyal bu gzhon nu 'jigs med 'di ni/ mdzangs shing mkhas la brtags shing yid gzhungs </font><hr>111a<br><font size=+1>


@#/ /pa lags na/ de'ang skyon dang bcas pa lags so/ /smras pa/ bram ze/ rgyal bu gzhon nu 'jigs med kyi skyon gang / smras pa/ rgyal po chen po/ /rgyal bu 'jigs med ni/ ha cang snying rje can lags te/ rgyal po chen po/ mkhas pas ni/ ha cang snying rje can du mi bgyi'o/ /de ci'i slad du zhe na/ rgyal po chen po/ gang rgyal po dbang phyug chen po dang ldan la/ ha cang snying rje ches na/ de'i rgyal srid la chad pa ma mchis pas ma rungs \?\ mang pos 'khrug par 'gyur zhing chom rkun gyi gnod pa mang po'ang mi zlog par 'gyur ba'i slad du'o/ /de la 'di skad ces bgyi ste/ rgyal po ha cang snying rje na/ /ma \?\ rungs \?\ pa dang bkrabs pa dang / / rkun pos rgyal srid 'khrug cing skyo/ /rgyal pos rtag tu shes gus brtson/ /de bas sa yi bdag po yis/ /skyon de mthong nas spang bgyi ste/ /ha cang snying rjer mi bgyi'o// nyam thag srog chags snying rje'ang bgyid/ /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de la skyon dang bcas par gyur pa gzhan yang yod dam/ smras pa/ rgyal po chen po/ mchis so/ /smras pa/ bram ze/ de gang / smras </font><hr>111b<br><font size=+1>


pa| rgyal po chen po/ rgyal bu gzhon nu stobs lha 'di pa lags na/ de'ang skyon dang bcas pa lags so/ /smras pa/ pa lags na/ de'ang skyon dang bcas pa lags so/ /smras pa/ bram ze/ rgyal bu gzhon nu stobs lha'i skyon gang / smras pa/ rgyal po chen po/ rgyal bu gzhon nu stobs lha ni/ shin tu chang la chags pa ste| rgyal po chen po/ mkhas pas ni/ shin tu chang la chags par mi bgyi'o/ /de ci'i slad du zhe na/ rgyal po chen po/ chang gi btung ba ni/ dran pa yongs su nyams par 'gyur ba'i rgyu ste/ yan lag dam pa'i bgegs su 'gyur zhing 'jig rten pa dang / 'jig rten las 'das pa'i don chen po rnams 'grib par 'gyur ba'i slad du'o/ / de la 'di skad ces bgyi ste/ /chang dga' dgos pa thams cad la/ /rtag tu bag med spyod par 'gyur/ /mkhas pa rnams kyis smad 'gyur zhing / /'di dang gzhan du rnam par rmongs/ /de bas skyes bu mkhas pa yis/ /chang la dga' ba spang bar bgyi/ /de ni yon tan 'grib par bgyid/ /gzhan du'ang smyon par \?\ pa lags/ /smras pa/ bram ze| sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur </font><hr>112a<br><font size=+1>


@#/ /pa gzhan yang yod dam/ smras pa/ rgyal po chen po/ mchis so/ /smras pa/ bram ze/ de gang / smras pa/ rgyal po chen po/ rgyal bu gzhon nu nor lha 'di ni/ mdzangs shing mkhas la brtags shing yid gzhungs pa ste/ mos pa che zhing 'jigs pa ma mchis la/ gtong ba dang ldan zhing snying stobs phun sum tshogs pa lags na/ de'ang skyon dang bcas pa lags so/ /smras pa/ bram ze/ rgyal bu gzhon nu nor lha'i skyon gang / smras pa/ rgyal po chen po/ rgyal bu gzhon nu nor lha ni/ shin tu mtha' ring ba ste/ rgyal po chen po/ mkhas pas ni/ shin tu mtha' ring bar mi bgyi'o/ /de ci'i slad du zhe na/ rgyal po chen po/ ha cang mtha' ring ste lus na/ don nyams par 'gyur te/ skyon rnams kyang brtan par gyur pas zhi bar mi 'gyur ba'i slad du'o/ /rgyal po chen po/ de lta lags pas mkhas pas shin tu mtha' ring bar mi bgyi'o/ /de la 'di skad ces bgyi ste/ shin tu mtha' ring shed bu yi/ /don rnams thams cad 'jig par 'gyur/ /ma thob pa ni thob mi 'gyur/ /thob pa rnams kyang nyams par 'gyur/ /de bas mtha' ring spang bgyis la/ /mkhas pas shin tu bsgrim par bgyi/ /dus kyi 'bras bu </font><hr>112b<br><font size=+1>


bkong bar 'gyur/ /des na de ni 'grib pa thob/ /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur pa gzhan yang yod dam/ smras pa/ rgyal po chen po/ mchis so/ /smras pa/ bram ze/ de gang / smras pa| rgyal po chen po/ rgyal bu gzhon nu sde chen 'di ni/ mdzangs shing mkhas la brtags shing yid gzhungs pa mos pa che ba lags na/ de'ang skyon dang bcas pa lags so/ /smras pa/ bram ze/ rgyal bu gzhon nu sde chen gyi skyon gang / smras pa/ rgyal po chen po/ rgyal bu gzhon nu sde chen ni/ ha cang brkam chags can te/ mi rigs pa'i 'dod chen gyi zil gyis non cing gzhan gyi nor 'phrog pa ste/ rgyal po chen po/ mkhas pas ni/ ha cang 'dod chen che bar mi bgyi'o/ /de ci'i slad du zhe na/ rgyal po chen po/ 'dod chen che ba ni/ tshe 'di nyid la'ang sems can rnams kyis yid brtan du mi rung ba lags la/ lus zhig nas kyang ngan song rnams su skye bar 'gyur ba'i slad du'o/ /de la 'di skad ces bgyi ste/ gang zhig gsog la brtson gyur cing / /longs spyod thob kyang dgar mi tshor/ /gzhan gyi longs spyod 'phrog bgyid cing / /mi rigs </font><hr>113a<br><font size=+1>


@#/ /'dod ldan sems can gang / /de ni gum nas ngan song mchi/ /tshe 'dir srog chags yid mi mchi/ /de bas skyes bu mkhas pa yis/ /mi rigs 'dod chen yongs su spang / /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur pa gzhan yang yod dam/ smras pa/ rgyal po chen po/ mchis so/ /smras pa/ bram ze/ de gang / smras pa/ rgyal po chen po/ rgyal bu gzhon nu lha chen po 'di ni/ mdzangs shing mkhas la brtags shing yid gzhungs pa lags na/ de'ang skyon dang bcas pa lags so/ / smras pa| bram za/ rgyal bu gzhon nu lha chen po'i skyon gang / smras pa/ rgyal po chen po/ rgyal bu gzhon nu lha chen po ni/ rgod cing ca co can ma zhi ba ste/ rgyal po chen po| mkhas pas ni/ rgod par mi bgyi'o/ /de ci'i slad du zhe na/ rgyal po chen po/ rgod pa ni/ zhi gnas dang / lhag mthong gi bgegs su 'gyur ba'i chos lags pa dang / ngan song du mchi ba'i rgyur gyur pa'i slad du'o/ /de bas na/ mkhas pas rgod par mi bgyi'o/ /de la 'di skad ces bgyi ste/ rgod pa'i dri mar bcas pa'i sems/ / </font><hr>113b<br><font size=+1>


mkhas pas bsngags pa ma lags te/ /sdug bsngal mthar phyin ting nge 'dzin/ /bsgrims kyang mi thob ga la thar/ /yon tan grags pa 'jig bgyid pa'i/ /rgod pa de slad spang bar bgyi| |skyes bu don chen 'tshal ba la/ /'di dang gzhan du'ang de gnod 'gyur/ /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur pa gzhan yang yod dam/ smras pa/ rgyal po chen po/ mchis so/ /smras pa/ bram ze/ de gang / smras pa/ rgyal po chen po/ yul ko sa la'i rgyal po gsal rgyal 'di ni/ mdzangs shing mkhas la brtags shing yid gzhungs par gyur pa lags na/ de'ang skyon dang bcas pa lags so/ /smras pa/ bram ze/ yul ko sa la'i rgyal po gsal rgyal gyi skyon gang / smras pa/ rgyal po chen po/ yul ko sa la'i rgyal po gsal rgyal ni/ shin tu mang du za ba ste/ rgyal po chen po/ mkhas pas ni/ shin tu mang du za bar mi bgyi'o/ /de ci'i slad du zhe na/ rgyal po chen po/ shin tu mang du za ba ni/ le lo can du 'gyur/ lus lci bar 'gyur/ de'i kha zas bde bar 'ju bar mi 'gyur/ tshe 'di dang pha rol gyi don rnams kyang yongs su 'grib par 'gyur ba'i slad du'o/ /de la 'di skad ces bgyi ste/ /skyes bu </font><hr>114a<br><font size=+1>


@#/ /gang zhig mang za ba/ /de ni lus lci le lo can/ /'di dang pha rol che yi don/ /nges par rab tu 'grib par 'gyur/ /de ni sad na'ang sdug bsngal te| |nyal na'ang sdug bsngal gzhan gnod bgyid/ /de bas phan dang ran par bza'/ /zas kyi dus ni nges par bgyi/ /smras pa/ bram ze/ sems can gyi ris kyi 'jig rten 'di na sems can gang la la mdzangs shing mkhas la brtags shing yid gzhungs par gyur pa yin la/ de'ang skyon dang bcas par gyur pa gzhan yang yod dam/ smras pa| rgyal po chen po/ mchis so/ /smras pa/ bram ze/ de gang / smras pa/ rgyal po chen po/ khyod kyang mdzangs shing mkhas la brtags shing yid gzhungs la mos pa che zhing 'jigs pa ma mchis la gtong ba dang ldan zhing mthu stobs phun sum tshogs pa lags na/ khyod kyang skyon dang bcas pa lags so/ /smras pa/ bram ze/ nga'i skyon gang yin/ smras pa/ rgyal po chen po/ khyod ni/ shin tu gtum mo/ /rgyal po chen po/ khyod ni/ shin tu khro'o/ /rgyal po chen po/ khyod ni/ shin tu brlang ngo / /rgyal po chen po| khyod ni/ shin tu rtsub bo/ /rgyal po chen po/ khyod ni/ shin tu gzu lums che'o/ /rgyal po chen po/ mkhas pas ni/ shin tu gtum par mi bgyi'o/ /de ci'i </font><hr>114b<br><font size=+1>


slad du zhe na/ rgyal po chen po/ rgyal po'am/ rgyal po'i blon po shin tu gtum pa gang lags pa de la ni/ skye bo mang po mi dga' bar 'gyur ba lags te/ bdag gi pha ma la'ang mi sdug pa lags na/ grong rdal gyi mi dang / yul gyi mi gzhan la lta ci smos pa'i slad du ste/ rgyal po chen po/ de lta lags pas mkhas pas shin tu gtum par mi bgyi'o/ rgyal po chen po/ mkhas pas ni/ phyi rjes ring du blta bar bgyi'o/ /de la 'di skad ces bgyi ste/ rgyal po gang zhig gtum gyur la/ /khro dbang dgos pa khyad gsod pa/ /de ni rang gi pha ma yang / /shin tu skyo bar bgyid pa lags/ /skye bo gzhan lta ci smos te/ /skad cig tsam yang ga la dga'/ /de bas mkhas pas nan tan du| |khro ba yongs su spang bar bgyi/ /de nas rgyal po gtum po rab snang gis mngon sum du bdag la mi snyan par brjod pa de lta bu thos nas khros 'khrugs te yid ma rangs shing tshig pa za bar gyur nas gcer bu pa'i bu bden smra la 'di skad ces smras so/ /bden smra/ khyod kyis 'khor 'di lta bu'i mdun du nga la de skad kyi mi snyan pa bya'am/ de bas na/ khyod ni/ gsad par 'os pa'o/ /zhes byas nas des khros pa'i sems kyis dge sbyong 'di ni/ rgyal po la ngan du smra ba yin gyi/ sod cig /ces tshig phyung bar </font><hr>115a<br><font size=+1>


@#/ /gyur to| |de nas gcer bu pa'i bu bden smra 'jigs shing skrag ste rgyal po gtum po rab snang la 'di skad ces smras so/ /rgyal po chen po/ de ltar gzu lums ma mdzad par rgyal po chen po bdag la mi 'jigs pa stsal du gsol/ gsol ba 'di'ang gsan du gsol/ smras pa/ bden smra/ mi 'jigs pa sbyin gyi/ ci gsol smros shig /smras pa/ rgyal po chen po/ bdag kyang skyon dang bcas pa lags so/ /smras pa/ khyod kyi skyon gang / smras pa/ rgyal po chen po| khyod de ltar gtum pa/ de ltar khro ba/ de ltar zhe sdang ba/ de ltar gzu lums can gyi spyan sngar bdag 'di ltar yang dag pa ji lta ba bzhin du smra ba ni/ bdag kyang ha cang ngor ro bar smra ba lags te/ bdag ni/ de kho na smra bar gyur to/ /rgyal po chen po/ mkhas pas ni/ dus thams cad du yang dag pa ji lta ba bzhin du smra bar mi bgyi'o/ /rgyal po chen po/ mkhas pas ni/ dus dang dus ma lags pa dang / yul dang yul ma lags pa 'tshal bar bgyi'o/ /de ci'i slad du zhe na / rgyal po chen po/ yang dag par smra ba ni/ 'jig rten yid mi bde zhing mi dga' bar 'gyur te/ des pa rnams kyis mi bsngags shing glen pa'i skye bo rnams zhe sdang bar </font><hr>115b<br><font size=+1>


'gyur ba'i slad du'o/ /de la 'di skad ces bgyi ste/ gang zhig yang dag smra bgyid cing / /smra dus dus min ma 'tshal ba/ /de ni mkhas pas smad 'gyur na/ /'jig rten gzhan lta ci zhig smos/ /de bas bden pa'i tshig lags kyang / /blo ldan kun tu smra mi bgyi/ /bdag kyang 'dir ni 'di lta bur/ /bden smras rang la gnod par gyur/ /yon tan dang skyon bstan pa'i le'u ste/ brgyad pa'o// //de nas rgyal po gtum po rab snang gcer bu pa'i bu bden smra'i legs par bshad pas mgu ste rjes su yi rang nas yang dri ba gzhan dag dris so/ /bram ze/ yang sems can gyi ris kyi 'jig rten 'di na sems can gang la la mkhas shing mdzangs la brtags shing yid gzhungs la/ tshul dang 'dul ba'i cho ga la mkhas pa'ang yin la/ de la skyon yang med pa de lta bu yod dam/ smras pa/ rgyal po chen po/ mchis so/ /smras pa/ bram ze/ de gang / smras pa| rgyal po chen po/ dge sbyong gau ta ma ni/ shAkya'i rgyal po chen po'i rigs las rab tu byung ba de ni/ bdag cag gi rig byed las 'byung ba bzhin du skyon ma mchis pa ste/ de ni/ rigs kyi che ba nyid kyis skyon gdags par mi nus te/ 'di ltar 'khor los bsgyur ba'i rigs su byung ba'o/ /de ni/ rgyud las smos nas skyon gdags </font><hr>116a<br><font size=+1>


@#/ /su mi nus te/ 'di ltar bu ram shing ba'i rigs kyi rgyud du byung ba'o/ /de ni/ lus kyi che ba nyid kyis kyang skyon gdags su mi nus te/ 'di ltar mtshan dang dpe byad bzang pos legs par brgyan pa'i lus dang ldan pa'o/ /de ni/ chos dang bcas par skyon gdags su mi nus te/ 'di ltar tshul khrims dang / stobs dang / mi 'jigs pa dang / sangs rgyas kyi chos ma 'dres pa dang ldan pas de'i slad du de ni/ skyon ma mchis pa lags so/ /rgyal po chen po/ gal te dge sbyong gau ta ma de khyim nas khyim ma mchis par rab tu ma byung na ni/ de rgyal po 'khor los bsgyur ba/ mtha' bzhir rnam par rgyal ba/ chos dang ldan pa/ chos kyi rgyal po rin po che sna bdun dang ldan par 'gyur du gdon mi 'tshal te/ de'i rin po che sna bdun ni/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che lags so/ /de la sras byang \?\ stong tham pa mnga' bar 'gyur du gdon mi 'tshal te/ dpa' ba/ rtul phod pa/ yan lag mchog gi gzugs dang ldan pa/ gzhan gyi sde rab tu 'joms pa/ 'khor los bsgyur ba'i mtshan dang ldan </font><hr>116b<br><font size=+1>


pa sha stag 'byung bar 'gyur du gor ma bkum mo/ /de ni/ gling bzhi pa'i 'jig rten gyi khams 'dir gcig pu spyod pa'i dbang sgyur bar 'gyur zhing gzhan gyi dring mi 'jog par 'gyur du gdon mi 'tshal te/ des sa chen po ma lus pa gnod par bsngo ba ma mchis shing 'tshe ba ma mchis pa 'di nyid chad pa ma mchis shing mtshon gyis bda' ba ma mchis la| chos dang mthun zhing snyoms pas legs par phab ste gnas par 'gyur du gdon mi 'tshal ba zhig na/ de khyim nas khyim ma mchis par rab tu byung nas brtul zhugs dang / dka' thub chen po brtsams te rgya shug gi 'bras bu'am/ til gyi 'brum bu'am/ 'bras kyi 'bru 'gas lo drug 'das par bgyis te byang chub kyi shing drung du bzhugs nas bdud kyi sde dpung dang bcas pa rab tu pham par bgyis te sems kyi skad cig gcig dang ldan pa'i shes rab kyis shes par bgyi ba dang / thob par bgyi ba dang / mthong bar bgyi ba dang / khong du chud par bgyi ba dang / mngon du bgyi ba gang ci'ang rung ba de thams cad rang gi mngon par shes pas mngon par rdzogs par sangs rgyas te/ de dang mnyam pa'i sems can yang 'jig rten na ma mchis na/ de'i gong du phyin pa lta ga la mchis te/ dge sbyong gau ta ma ni/ mi mnyam pa dang mnyam zhing zla gang yang ma mchis pa ste/ de'i </font><hr>117a<br><font size=+1>


@#/ /slad du de ni/ skyon ma mchis pa lags so/ /de ci'i slad du zhe na/ 'di ltar dge sbyong gau ta ma de ni/ rigs dang / rgyud kyis 'dra ba ma mchis pa dang / gzugs kyi che ba nyid kyis 'dra ba ma mchis pa dang / ye shes kyi che ba nyid kyis mtshungs pa ma mchis pa'i slad du ste/ de'i slad du de skyon ma mchis pa lags so/ /de la 'di skad ces bgyi ste/ rigs dang rgyud dang gzugs dang ldan/ /mtshan rnams kyis ni 'bar ba'i sku/ /dpe byad bzang po brgyad cus kyang / /thub pa'i zla ba mngon par brgyan/ /mu stegs tshogs rnams zil mnan te/ /lo drug yun ring dka' thub spyad/ /bdud kyang btul ba mdzad nas su/ /bde gshegs thams cad mkhyen nyid brnyes/ /sems can med cing srog med chos/ /'phags pa'i bden bzhi phun tshogs pa/ /drang srong lhung bar des bshad pas/ /de slad de la skyon ma mchis/ /de nas rgyal po gtum po rab snang gis gcer bu pa'i bu bden smra la 'di skad ces smras so/ /kye bram ze chen po/ dge sbyong gau ta ma de mtshan gang dag dang ldan na/ mtshan gyis legs par brgyan pa'i sku dang ldan pa zhes bya ba de bzhin gshegs pa skyes bu chen po seng+ge de'i mtshan sum cu rtsa gnyis po de dag gang yin/ de skad ces smras pa </font><hr>117b<br><font size=+1>


dang / gcer bu pa'i bu bden smras rgyal po gtum po rab snang la 'di skad ces smras so/ /rgyal po chen po/ de'i slad du gsan du gsol/ brjod par bgyi'o/ /rgyal po chen po/ 'di lta ste/ dge sbyong gau ta ma de ni/ zhabs shin tu gnas pa dang ldan pa'o/ /dge sbyong gau ta ma de ni/ phyag dang zhabs kyi mthil 'khor lo rtsibs stong dang ldan pa mnga' ba'o| |dge sbyong gau ta ma de ni/ phyag dang zhabs dra bar 'brel ba dang ldan pa'o/ /dge sbyong gau ta ma de ni/ phyag dang zhabs 'jam zhing gzhon sha chags pa dang ldan pa'o// dge sbyong gau ta ma de ni/ sor mo ring ba dang ldan pa'o/ /dge sbyong gau ta ma de ni/ bdun mtho ba dang ldan pa'o/ /dge sbyong gau ta ma de ni/ zhabs kyi rting pa yangs pa dang ldan pa'o| |dge sbyong gau ta ma de ni/ zhabs long mo'i tshigs mi mngon pa dang ldan pa'o/ /dge sbyong gau ta ma de ni/ byin pa ri dwags e na ya'i lta bu dang ldan pa'o/ /dge sbyong gau ta ma de ni/ brla zlum pa dang ldan pa'o/ /dge sbyong gau ta ma de ni/ bzhengs bzhin du ma btud par phyag pus mor sleb pa dang ldan pa'o/ /dge sbyong gau ta ma de ni/ mdoms kyi sba ba sbubs su nub pa dang ldan pa'o/ /dge sbyong gau ta ma de ni/ spu re re nas skye ba dang ldan pa'o/ /dge sbyong gau ta ma de ni/ dbu skra mthon mthing dang ldan pa'o/ /dge sbyong gau ta ma de ni/ </font><hr>118a<br><font size=+1>


@#/ /dbu skra g.yas phyogs su 'khyil ba dang ldan pa'o/ /dge sbyong gau ta ma de ni/ sku'i spu gyen du 'khyil ba dang ldan pa'o/ /dge sbyong gau ta ma de ni| pags pa 'jam pa dang ldan pa'o/ /dge sbyong gau ta ma de ni/ pags pa gser gyi kha dog lta bu dang ldan pa'o/ /dge sbyong gau ta ma de ni/ dpung mgo shin tu zlum pa dang ldan pa'o/ /dge sbyong gau ta ma de ni/ thal gong rgyas pa dang ldan pa'o/ /dge sbyong gau ta ma de ni/ sku che zhing drang ba dang ldan pa'o/ /dge sbyong gau ta ma de ni/ 'gram pa seng+ge'i 'dra ba dang ldan pa'o/ /dge sbyong gau ta ma de ni/ tshems bzhi bcu dang ldan pa'o/ /dge sbyong gau ta ma de ni/ tshems thags bzang ba dang ldan pa'o/ /dge sbyong gau ta ma de ni| tshems mnyam pa dang ldan pa'o/ /dge sbyong gau ta ma de ni/ tshems shin tu dkar ba dang ldan pa'o/ /dge sbyong gau ta ma de ni/ ro bro ba mchog dang ldan pa'o/ /dge sbyong gau ta ma de ni/ ljags shin tu ring zhing srab pa dang ldan pa'o/ /dge sbyong gau ta ma de ni/ tshangs pa'i dbyangs dang ldan pa'o/ /dge sbyong gau ta ma de ni/ spyan gyi rdzi ma ba'i lta bu dang ldan pa'o/ /dge sbyong gau ta ma de ni/ spyan mthon mthing dang ldan pa'o/ /dge sbyong gau ta ma de ni/ tshogs yongs su rdzogs pa'i mdzod spu dang ldan pa'o/ /rgyal po chen </font><hr>118b<br><font size=+1>


po| |'di dag ni/ dge sbyong gau ta ma'i skyes bu chen po'i mtshan sum cu rtsa gnyis po dag ste/ de dag dang ldan pas dge sbyong gau ta ma de mtshan gyis legs par brgyan pa'i sku dang ldan pa zhes bgyi ste/ de'i slad du de skyon ma mchis pa lags so/ /de la 'di skad ces bgyi ste/ spyi bo gtsug tor mdzes pas rnam par brgyan/ /dbu skra mthon mthing g.yas su 'khyil ba mnga'/ /rdzi ma ba'i 'dra ut+pal mchog gi spyan/ /de bas 'di na rgyal ba skyon ma mchis/ /tshangs pa ka la ping+ka mchog gi dbyangs/ /pad+ma'i 'dab ltar dri med yangs pa'i ljags/ /de yi ljags kyang zhal kun khebs pa ste/ /de bas de 'dra'i sems can 'ga' ma mchis/ /ro mchog gcig kyang thams cad ro ldan par/ /mtshan rab de yis rab tu myur 'gyur te/ /rgyal ba'i ljags ni de dang ldan pas na/ /de bas 'di na rgyal ba skyon ma mchis/ /tshems kyi yon tan mnyam med mnyam pa ste/ /de yi tshems ni bzhi bcu tham pa tshang / /des ni 'jig rten lhar bcas thams cad kyang / /bde gshegs de la dga' 'gyur ngo mtshar 'thob/ /seng+ge'i za 'gram sgros ni bim pa'i mchog / mtshungs med thal god shin tu rgyas dang ldan/ /dpung mgo shin tu zlum zhing mdzes par ldan/ /dpal ldan shing ltar chu zheng gab pa'i sku/ /dpe legs sku ni yangs shing rkyen du </font><hr>119a<br><font size=+1>


@#/ /'bab| |yid can kun la sdug pa'i sku yang mnga'/ /thub pa dpa' bo mtho ba bdun dang ldan/ /pags pa'i mdog ni gser mchog bcom 'dra| |shin tu 'jam sku spu ni gyen du 'khyil/ /sdug cing mi srab mthon mthing dri med dbu/ /spu 'jam g.yas su 'khyil dang ldan pa ste/ /de bas bde gshegs mnyam pa 'ga' ma mchis/ /bde bar gshegs ni ma btud bzhugs dang ldan/ /mdoms sba mi gda' glang po'i rgyal po bzhin/ /brla zlum byin pa e na ya yi 'dra/ /bde gshegs de la yid can su mi sten/ /phyag dang zhabs kyi sor mo dra bas 'brel/ /sen mo zangs mdog sor mo legs par zlum/ /dung ltar mtho ba'i zhabs ldan mnyam pa'i zhabs/ /rting pa yangs shing mnyam pa drang srong mchog /phyag dang zhabs la 'khor lo 'jam pa mnga'/ /drang srong chen po sor mo ring dang ldan/ /thub pa'i dbang po zhabs mthil shin tu gnas/ /des ni sa la mi g.yo'i skur bzhud de/ /'di ni drang srong chen po'i mtshan gyi tshogs/ /de yis brgyan sku shin tu mdzes par gda'| |mnyam med 'khor gyi nang na bzhugs pa'i tshe/ /skar tshogs mang dbus zla ba gnas pa bzhin/ /skyes bu chen po'i sku mchog gzugs de yang / /'gro ba kun tu de </font><hr>119b<br><font size=+1>


bzhin shin tu gda'/ /bde bar gshegs pa'i yon tan dri med chos/ /gang lags de kun thub pa nyid gsung grang / smras pa/ bram ze/ ci'i phyir na/ dge sbyong gau ta ma de bsod nams brgya pa'i mtshan dang ldan zhes bya/ smras pa/ rgyal po chen po/ de'i slad du don 'di nyid rab tu bsgrub pa'i slad du dpe gsol bar 'tshal lo/ /rgyal po chen po/ gal te stong gsum gyi stong chen po'i 'jig rten gyi khams na sems can skye gnas bzhis yongs su zin pa gang ji snyed cig mchis pa de dag thams cad yongs su brtags pa nye bar bzung ste mi'i lus thob par gyur la/ mi'i lus thob pa de dag re re zhing 'khor los bsgyur ba'i bsod nams dang ldan par gyur la/ 'khor los bsgyur ba'i bsod nams dang ldan pa'i sems can de dag thams cad kyi bsod nams kyi phung po gang lags pa brgya 'gyur du bsgyur ba'i bsod nams kyi phung po des dge sbyong gau ta ma'i sku la spu'i khung bu gcig mngon par 'grub ste/ de bzhin du spu'i khung bu re re yongs su grub bo/ /spu'i khung bu thams cad du gtogs pa'i bsod nams kyi phung po ji snyed pa brgya 'gyur du bsgyur ba'i bsod nams kyi phung po des dge sbyong gau ta ma'i sku la dpe byad bzang po gcig mngon par 'grub ste/ de bzhin du dpe byad bzang po re re yongs su 'grub bo/ /dpe byad </font><hr>120a<br><font size=+1>


@#/ /bzang po thams cad du gtogs pa'i bsod nams kyi phung po ji snyed pa brgya gyur du bsgyur ba'i bsod nams kyi phung po des dge sbyong gau ta ma'i sku la skyes bu chen po'i mtshan gcig mngon par 'grub ste/ de bzhin du mtshan sum cu re re nas yongs su 'grub bo/ /mtshan sum cur gtogs pa'i bsod nams kyi phung po ji snyed pa brgya 'gyur du bsgyur ba'i bsod nams kyi phung po des dge sbyong gau ta ma'i sku la skyes bu chen po'i mtshan dbu gtsug tor dang ldan pa mngon par 'grub bo/ /dbu gtsug tor du gtogs pa'i bsod nams kyi phung po de las bye ba phrag 'bum du bsgyur ba'i bsod nams kyi phung pos dge sbyong gau ta ma'i chos kyi dung mngon par 'grub ste/ chos kyi dung de dang ldan pas dge sbyong gau ta ma de bzhed na/ 'jig rten gyi khams mtha' yas mu med pa dag na sems can du bsdus pa'i sems can gang dag gnas pa de dag thams cad kyis gal te rnam pa sna tshogs su smras pa dge sbyong gau ta ma la dus gcig tu dri ba dris te/ gcig gis gang dris pa de gnyis pas mi 'dri bar so so nas dris kyang de dag thams cad dge sbyong gau ta ma des sems kyi skad cig gcig dang ldan pa'i shes rab kyis bzung zhing gsung gcig gis sems can de dag gis ji </font><hr>120b<br><font size=+1>


skad du dris pa'i dri ba de dag gi lan glon zhing sems can de dag gis kyang rang rang gi skad du 'tshal bar 'gyur te/ rgyal po chen po/ de'i slad du dge sbyong gau ta ma de ni/ bsod nams brgya pa'i mtshan dang ldan pa dang / tshangs pa'i sgra dbyangs kyi gsung dang ldan pa zhes bgyi'o/ /de la 'di skad ces bgyi ste/ bsod nams brgya pa'i mtshan dang ldan pas na// lhar bcas 'jig rten nang na bsod nams gter/ /mthong dang thos dang bzhad pa mdzad pas kyang / /sems can kun la phan pa mdzad pa lags/ /'di ltar sems can kun gyis nges pa'i tshig /mang po dag gis dus gcig zhu zhus na/ /sems kyi skad cig gcig la thugs chud nas/ /gsung dbyangs gcig gis so sor lan yang 'debs/ /de lta bas na 'dren pa 'jig rten na/ /tshangs pa'i sgra dbyangs gsung sgrog mkhyen par mdzod/ /de ni lha mi sdug bsngal mthar 'byin pa'i/ /chos kyi 'khor lo rab tu bskor ba mdzad/ / de nas rgyal po gtum po rab snang gis gcer bu pa'i bu bde na smra la tshigs su bcad de dris pa/ gang rnams khyod kyis sngar bshad de/ /dpe byad bzang po yod smras pa/ /thub pa'i dpe bya bzang po gang / /bram ze chen po brjod par gyis/ /de skad ces smras pa dang / gcer pu pa'i bu bden smras rgyal po gtum po rab snang la tshigs su bcad de slar smras </font><hr>121a<br><font size=+1>


@#/ /pa| gang dag gis na thub pa de yi sku/ /dpe byad bzang po brgyad cu ldan brjod pa/ /bde gshegs dpe byad bzang po brgyad cu rnams/ /bshad par 'tshal gyi rgyal po gsan du gsol/ /sen mo mtho zhing sen mo zangs mdog 'dra/ /sen mo snum zhing phyag gi sor mo mnyam/ /sor mo zlum zhing sor mo rgyas pa ste/ /sor mo rnams ni byin gyis phra ba lags/ /rtsa rnams mi mngon sgros ni bim pa 'dra/ /zhabs gnyis mnyam zhing long bu mi mngon lags/ /phyag gi ri mo byin gyis phra ba ste/ /ri mo rnams ni zab cing shin tu gsal/ /ljags ni zangs mdog shin tu mnyen zhing 'jam/ /tshig rnams mi mngon phyag ni shin tu ring / /glang pos sgra bsgrags lta bu'i gsung dad ldan/ /'brug sgra 'dra bar snyan pa'i 'jam dbyangs can/ /sku ni snyoms shing gsal la shin tu mkhregs/ /shin tu legs sku phyag gi sor mo snum/ /sku yi dngos po shin tu gtsang dang ldan/ /rgyal ba'i zla ba sku yis shin tu btsun/ /sku ni shin tu mnyam par bzhag pa ste/ /yan lag rab 'byes nag nog ma mchis sku/ /sku yi ro stod rgyas yangs shin tu mkhregs/ /dpe byad bzang po rnams ni yongs su rdzogs/ /sku ni rim gyis rgyas shing shin tu mdzes/ /spyod pa gtsang ldan shin tu 'jam pa'i sku/ /lte ba'i khung bu </font><hr>121b<br><font size=+1>


nag nog ma mchis la/ /yongs su rdzogs shing shin tu zab dang ldan/ /'od ni nag nog ma mchis yongs su dag /sku ni kun nas bzang zhing shin tu mkhregs/ /de ni kun nas bzang dang shin tu ldan/ /mgon po'i sku ni blta bas chog mi myong / /bal glang 'dra bar brjid pa'i 'gros su gshegs/ /khyu mchog 'gros dang seng+ge ngang pa'i 'gros/ /gsung ni ha cang mtho ba ma lags la/ /bzang ba'i sku mnga' 'jam zhing snum pa'i sku/ /phyal ni shin tu zlum zhing 'jam la mdzes/ /g.yas nas gshegs shing gshegs thabs mdzes la bzang / /shin tu phyang nger gnas pa'i phyal dang ldan/ /'dod dang 'jigs med nag nog med pa'i sku/ /smin ma nag cing shin tu gzangs ring mdzes/ /phyal ni ma zhom spyan gyi dkyus kyang ring / /zhal ni rab legs gtsang ma'i spyan dang ldan/ /dri med spyan mnga' spyan ni shin tu yangs/ /tshems kyi mche ba byin gyis gyen du 'phags/ /smin tshugs 'ja' khugs 'dra zhing shangs dbyibs mtho/ /ut+pal sngon po'i 'dab 'dra'i spyan dang ldan/ /smin ma stug cing tshems kyi mche ba zlum/ /smin ma mnyam zhing 'dab chags 'brel dang ldan| |snyan gnyis mnyam zhing tshems kyi mche ba rno/ /zhal gyi mkhur tshos skyon dang bral ba mnga'/ /rgyal ba'i spyod pa skyon bag yong ma mchis/ /dpral ba'i dbyes la gnyer ma </font><hr>122a<br><font size=+1>


@#/ /mi mnga' zhing / /mgur ni dung 'dra mkhregs pa'i sku mnga' la/ /tshigs rnams sred med bu yi stobs dang ldan/ /yan lag dam pa dbu ni gdugs dbyibs 'dra/ /dbu yi stod rnams lcang lo 'khyil dang ldan/ /dbu nag stug cing spos zhim dri dang ldan/ /rgyal ba'i dbu skra gshor ba ma lags te/ /dbu skra ma 'dzings shin tu mdzes pa'i sku/ /dbu skra stug cing legs par rim gyis gnas/ /dbu dang ba spu 'jam zhing phra la nag /dbu skra bung ba'i lto ltar nag dang ldan/ /mnyam zhing khod snyoms dbu mchog chu rlabs 'dra/ /seng+ge khri dang nya dang rgyal mtshan dang / /rdo rje lcags kyu bum pa g.yung drung 'khyil/ /dpal gyi be'u dang dung dang pad+ma dang / /bkra shis ldan rnams phyag zhabs mthil la mnga'/ /rgyal po chen po bzang mdzes 'di dag ni/ /bde bar gshegs pa'i dpe byad bzang po'i mchog /dpe legs smos pa 'di dag thams cad ni/ /mu stegs can mi gzhan la yong ma mchis/ /rgyal po chen po/ 'di ni/ re zhig dge sbyong gau ta ma de'i gzugs kyi che ba nyid de/ de ni/ sems can thams cad la ma mchis pas de'i slad du de la skyon ma mchis lags so/ /rgyal po chen po/ dge sbyong gau ta ma de ni/ byams pa chen po'i stobs dang ldan pa ste/ sems </font><hr>122b<br><font size=+1>


can thams cad la khong khro ba ma mchis pa'i thugs dang ldan pa'o/ /de'i byams pa de'ang ma chags la sgrib pa ma mchis shing rtag tu 'byung ste/ lhun gyis grub par rgyas par 'gengs pa/ 'jig rten gyi khams thams cad du khyab pa/ sems can thams cad kyi bsam pa'i rjes su zhugs pa ste/ rgyal po chen po/ 'di lta ste/ dper bgyi na/ nor bu rin po che chu 'dang ni/ rang bzhin gyis dag cing chab kyi rnyog pa thams cad dang bar bgyid do/ /rgyal po chen po/ de bzhin du dge sbyong gau ta ma de'ang nang yongs su dag cing sems can thams cad kyi nyon mongs pa'i rnyog pa dang bar mdzad pa ste/ de'i slad du de la skyon ma mchis lags so/ /de la 'di skad ces bgyi ste/ dus rnams kun dang zhing kun dang / /'jig rten byams pas khyab par mdzad/ /'gro ba kun gyi bsam pa yang / /khyab mdzad kun mkhyen byams dang ldan/ /zla med thub pa'i byams pa yis/ /ma khyab phyogs 'ga' ma mchis te/ /khams dang bsam pa rnams kyang khyab/ /de bas kun mkhyen skyon ma mchis/ /dper na nor bu chu 'dang ba/ /shin tu rnam dag chab dang bgyid/ /de bzhin drang srong thugs dag pa/ /skye bo'i rnyog pa dang bar mdzad/ /rgyal po chen po/ dge sbyong gau ta ma de ni/ rnam pa sum cu rtsa gnyis dang ldan pa'i thugs rje chen po dang ldan pa lags te/ </font><hr>123a<br><font size=+1>


@#/ /rnam pa sum cu rtsa gnyis po de dag gang zhe na/ 'di lta ste/ gti mug gi mun par zhugs pa'i 'jig rten gnas pa gzigs na sems can rnams la dge sbyong gau ta ma'i thugs rje chen po 'jug pa dang / ma rig pa chen po sgo nga'i sbubs su chud pa'i 'jig rten gnas pa gzigs na sems can rnams la dge sbyong gau ta ma'i thugs rje chen po 'jug pa dang / 'khor ba chen por lhung ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / rtag tu g.yen spyo zhing ma zhi ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / nyon mongs ba'i chu bo chen pos khyer ba'i sems can rgyun gyi rjes su 'gro ba dag gzigs na sems can rnams la dge sbyong gau ta ma'i thugs rje chen po 'jug pa dang / g.yang sa chen po nas lhung zhing sdug bsngal chen po myong ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / lam ngan par zhugs pa'i sems can 'phags pa'i lam dang bral ba dag gzigs na sems can rnams la dge sbyong gau ta ma'i thugs rje chen po 'jug pa dang / nyon mongs pa </font><hr>123b<br><font size=+1>


chen po'i bcing bas bcings pa/ rtag tu dkri bas dkris pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / yun ring por yul gyis dgang dka' zhing ngoms mi shes pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang /sred pas 'khol cing rtag tu gzhan gyi dbang du gyur pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / rga shis yongs su mnar zhing shin tu nyon mongs pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / nad sna tshogs mang pos yongs su mnar zhing rtag tu nad par gyur pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / mi gsum rab tu 'bar zhing rtag tu sreg pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / dman zhing yongs sum dag la 'khor ba rnam par 'phel ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / rtag tu skrag cing rtag tu yid skrag pa'i sems can dag gzigs </font><hr>124a<br><font size=+1>


@#/ /na sems can rnams la dge sbyong gau ta ma'i thugs rje chen po 'jug pa dang / ro bro ba chung ba la chags shing nyes dmigs ma mthong ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / dregs pa sna tshogs mang pos smyos shing yun ring por gnyid kyis log pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / dgon pa chen po'i lam du zhugs shing gsod pa rtag tu phyi bzhin 'brang ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / rtag tu gnod par gyur cing dus thams cad du 'jug pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / ma rig pas long bar gyur cing rtag tu rab rib kyis bsgribs pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / thags 'khrugs pa lta bur gyur cing dru bu 'dzings pa lta bur gyur la rtswa mun dza dang bal ba dza lta bur gyur pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / gnod pa </font><hr>124b<br><font size=+1>


dang ldan zhing gnod pa ma mchis pa dang bral ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / mi khom pa dang ldan par gyur cing dal ba dang bral ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / the tshom can du gyur cing log par lta bar zhugs pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / shing pa la gyi 'da' ba ltar gyur cing lta ba sna tshogs la brten pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / 'du shes dang sems phyin ci log tu gyur cing mi rtag pa la rtag par 'du shes pa dang / sdug bsngal la bde bar 'du shes pa dang / mi sdug pa la sdug par 'du shes pa dang / dngos po ma mchis pa la dngos po mchis par 'du shes pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / khur gyis gzir cing yun ring po nas dub ste sdug bsngal ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / mthu chung ba la brten </font><hr>125a<br><font size=+1>


@#/ /cing snying po ma mchis pa snying por 'du shes pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / rtag tu nye bar nyon mongs pa dang ldan par gyur cing dri mas gos pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / srid pa'i 'dod chags kyis brlags shing yid zhum pa'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / rnyed pa dang bkur sti'i zil gyis non cing rtag tu rnyed pa tshol ba'i sems can dag gzigs na sems can rnams la dge sbyong gau ta ma'i thugs rje chen po 'jug pa dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam pa mang pos gzir ba'i sems can dag gzigs na sems can rnams la dge sbyong gau ta ma'i thugs rje chen po skye ba ste/ dge sbyong gau ta ma de ni/ rnam pa sum cu rtsa gnyis po de dang ldan pa'i thugs rje chen po dang ldan pa ste/ de'i slad du de la skyon ma mchis lags so/ /de la 'di skad ces bgyi ste/ gti mug mun pa mun nag gis rtag tu/ /sems ni bsgribs par gyur pa'i skye rgu dang / /'khor ba'i </font><hr>125b<br><font size=+1>


btson rar chud pa rnam gzigs na/ /drang srong dam pa de ni thugs rje bskyed/ /rtag tu g.yon sbyor gyur dang rtag tu yang / /chu bo bzhi po dag gis khyer gyur cing / /'khor ba'i rgyun la gnas pa'i sems can rnams/ /gzigs na stobs bcu mnga' ba thugs rje skye/ /g.yang chen por lhung bar gyur pa'am/ /lam ngan zhugs pa'i sems can rnams gzigs na| |thub pa thugs rjes zhi ba'i gnas dang ni/ /'phags pa'i rgyal po'i lam la 'god pa mdzad/ /bcings par gyur dang sred pas 'khol ba dang / /rtag tu yul la chags dang rga ba dang / /'chi ba'i gting lhung sems can rnams gzigs na/ /stobs bcu mnga' ba'i thugs rje rab tu skye/ /sdug bsngal rnam pa mang pos mnar ba dang / /me gsum 'bar ba'i skye rgu 'di dag dang / /ngan song sas 'jigs pa rnams gzigs gyur na/ /stobs bcu mnga' ba'i thugs rje rab tu skye/ /ro la brkam pa'i sems dang ldan pa dang / /bag med rtag tu yul la chags pa dang / /srid pa'i dgon par nyon mongs sems can rnams/ /gzigs par gyur na rnam par grol bar mdzad/ /ma rig ljongs shing rab rib khebs pa dang / /bal ba dza dang mun dza 'drar gyur dang / /zhe 'gras gyur ba'i sems can rnams gzigs na/ /stobs bcu mnga' ba'i thugs rje rab tu skye/ / </font><hr>126a<br><font size=+1>


@#/ /'khor bar bcings pa'i sems dang ldan pa dang / /mi khom skyes pa'i skye rgu 'di dag dang / /log par lta bar lhung ba rnams gzigs na/ /stobs bcu mnga' ba'i thugs rje rab tu skye/ /sdug bsngal bde dang mi sdug bsngal shes dang / /mi rtag rtag dang bdag ma mchis pa la/ /bdag du 'du shes 'khrul pa rnams gzigs na| |stobs bcu mnga' ba'i thugs rje rab tu skye/ /khur gyis non cing gzir bar gyur rnams dang / /de bzhin mthu chung brten pa'i byis pa dang / /rtag tu nyon mongs nyon mongs rnams gzigs na/ /stobs bcu mnga' ba'i thugs rje rab tu skye/ /'dod pa'i zil gyis non pa'i yid ldan dang / /sred pa che zhing rtag tu yul brkam dang / / srid pa'i 'dod chags rgya mtshor lhung ba rnams/ /gzigs nas rgyal ba'i thugs rje chen po skye/ /nad dang mya ngan rnams pa mang dag gis/ /shin tu gtses pa'i skye rgu nyon mongs rnams/ /gzigs nas sdug bsngal ma lus bsal slad du/ /stobs bcu mnga' ba'i thugs rje rab tu skye/ /thub pa'i thugs rje chen po rtag byung ste/ /de mi 'byung ba nam yang srid mi 'gyur/ /'gro ba kun gyi bsam par gnas pa ste/ /de bas sangs rgyas de la skyon mi mnga'/ /rgyal po chen po/ mdor na/ dge sbyong gau ta ma de ni/ </font><hr>126b<br><font size=+1>


dran pa nye bar gzhag pa bzhi dang ldan pa'o/ /rgyal po chen po/ dge sbyong gau ta ma de ni/ yang dag pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang ldan pa ste/ de'i slad du de la skyon ma mchis lags so/ /de la 'di skad ces bgyi ste/ dran pa nye bar gzhag pa bzhi po mkhyen/ /yang dag spong bzhi mkhyen te zla ma mchis/ /ting 'dzin bsam gtan spyod la de mnga' che/ /de ltar sems can rlabs chen skyon ma mchis/ /'jig rten mgon gcig rdzu 'phrul rkang mnyam pas/ /so so yang dag rig pa'i pha rol byon/ /drang srong chen po rig dang rnam grol mkhas thub pa rnam dag sems can thabs mkhyen ldan/ /byams dang snying rje dga' dang btang snyoms dang / /tshangs pa'i gnas pa bzhi la de dbang bsgyur/ /lhag mthong zhi gnas gnyis la rnal 'byor pa/ /de bas de la nam yang skyon ma mchis/ /byang chub yan lag rin chen rgyan mchog ldan/ /yan lag brgyad ldan lam chu dri med bkrus/ /bde zhing mi g.yo 'jigs dang gang bral ba'i/ /lam de nyid la 'gro ba sbyor bar mdzad/ /thub pa khyu mchog de dang gang 'dra ba'i/ /sems can 'jig rten 'di na 'ga' ma mchis// </font><hr>127a<br><font size=+1>


@#/ /thams cad zil gnon yon tan kun dang ldan/ /yon tan dbang phyug de la smad ma mchis/ /rgyal po chen po/ /dge sbyong gau ta ma de ni/ stobs bcu dang ldan pa'o/ /smras pa/ bram ze chen po/ de bzhin gshegs pa'i stobs bcu po de dag gang / smras pa/ rgyal po chen po/ 'di lta ste/ 'di na de bzhin gshegs pa ni| gnas la'ang gnas su yang dag pa ji lta ba bzhin du rab tu mkhyen/ gnas ma lags pa la'ang gnas ma lags par yang dag pa ji lta ba bzhin du rab tu mkhyen te/ rgyal po chen po/ 'di ni/ dge sbyong gau ta ma de'i de bzhin gshegs pa'i stobs dang po'o/ /de bzhin gshegs pa de ni/ 'das pa dang / ma 'ongs pa dang / da ltar byung ba'i las yang dag par blangs pa rnams gnas dang / rigs dang / rnam par smin pa las yang dag pa ji lta ba bzhin du rab tu mkhyen to/ /'jig rten gyi khams du ma pa dang / khams sna tshogs pa rnams yang dag pa ji lta ba bzhin du rab tu mkhyen to/ /sems can gzhan dag dang / gang zag gzhan rnams kyi mos pa du ma dang / mos pa sna tshogs pa yang dag pa ji lta ba bzhin du rab tu mkhyen to/ /sems can gzhan dag dang / gang zag gzhan rnams kyi dbang po mchog dang / mchog ma yin pa mkhyen </font><hr>127b<br><font size=+1>


pa yang dag pa ji lta ba bzhin du rab tu mkhyen to/ /thams cad du 'gro ba'i lam yang dag pa ji lta ba bzhin du rab tu mkhyen to/ /sems can gzhan dag dang / gang zag gzhan rnams kyi dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyi kun nas nyon mongs pa dang rnam par byang ba dang ldan pa dang / rnam par dag pa yang dag pa ji lta ba bzhin du rab tu mkhyen to/ /sngon gyi gnas rnam pa du ma rjes su dran te/ tshe rabs gcig kyang rjes su dran zhing tshe rabs bye ba khrag khrig 'bum phrag du ma'i bar dag kyang rnam pa dang bcas pa dang / sa phyogs dang bcas pa dang / rgyu mtshan dang bcas par sngon gyi gnas rnam pa du ma rjes su dran no| |de lha'i spyan rnam par dag pa mi'i las 'das pas sems can 'chi 'pho ba dang / skye ba las bde 'gro dang / ngan 'gror skye ba rnams gzigs so/ /zag pa zad pas zag pa med pa sems rnam par grol ba dang / shes rab rnam par grol ba yang dag pa ji lta ba bzhin du rab tu mkhyen te/ 'di ni/ dge sbyong gau ta ma'i de bzhin gshegs pa'i stobs bcu pa'o/ /rgyal po chen po/ de dag ni/ de bzhin gshegs pa'i stobs bcu po dag ste/ stobs de dag dang ldan pas de bzhin gshegs pa de stobs bcu mnga' zhes bgyi </font><hr>128a<br><font size=+1>


@#/ /ste| de'i slad du de la skyon ma mchis lags so/ /de la 'di skad ces bgyi ste/ gnas dang de bzhin gnas ma lags/ /yang dag ji bzhin de mkhyen te/ /dpa' bo chen po yang dag gsung / /de la skyon ni ma mchis so/ /de ni 'das pa'i dus la yang / /ma chags pa yi ye shes 'jug /da ltar byung dang ma 'ongs la/ /de yi ye shes rmongs ma mchis/ /las dang las kyi rnam smin dang / /rgyu yi shes pa gang lags pa/ /de dag thams cad ma lus par/ /'jig rten rnam par 'dren pas mkhyen/ /du ma'i khams can 'jig rten dang / /sna tshogs khams can des mkhyen to/ /khams mkhyen tshul la mkhas pa ste/ /'jig rten gang zag zla ma mchis/ /mos pa sna tshogs ldan pa dang / /de bzhin mos pa du ma can/ /'jig rten sgron ma des mkhyen te/ /yang dag ji bzhin gzhan du min/ /dbang po rtul ba'ang rab tu mkhyen/ /de bzhin dbang po 'bring yang mkhyen/ /yongs smin dbang po des mkhyen te/ /dbang po tshogs la dbang phyug go /thams cad du ni 'gro ba'i lam/ /yang dag ji bzhin des mkhyen te/ /mngon shes dbang po bsam gtan stobs/ /byang chub yan lag rnam thar mkhyen/ /kun nas nyon mongs rnam byang dag / </font><hr>128b<br><font size=+1>


rnam par dgod pa'ang des mkhyen to/ /thogs med ye shes gzigs mnga' bas/ /de la thogs pa yong ma mchis/ /sngon tshe dpag tu med pa dag /rnam pa du mar des gzigs te// bdag dang gzhan gyi ma lus par/ /yang dag ji bzhin gzhan du min/ /de spyan dri ma ma mchis shing / /mi'i las shin tu 'das pa ste/ /sems can shi 'pho skye ba yang / /des ni 'dren pas rab tu gzigs/ /zag pa zad pa mkhyen pa ste/ /rnam par grol ba'ang rab tu mkhyen/ /zag med khams ni gang lags pa/ /de ni 'dren pas rab tu mkhyen/ /sangs rgyas mnga' chen sgyur ba yi/ /stobs bcu 'di dag mtshungs ma mchis/ /sems gcig la ni kun gnas kyang / /sems la rtog pa mi mnga' ste/ /blang med dor ba med tshul du| |lhun gyis grub par de dag 'byung / /sngar bskor 'khor lo'i shugs bzhin du/ /rtog pa mi mngar 'byung ba ste/ /sems can kun gyis rnam bsam pa/ /sems gcig gis ni rab tu mkhyen/ /'on kyang sems dang sems can la/ /gnyis kyi blo ni mi 'byung ngo / /de bas sangs rgyas dbang sgyur la/ /skyon ni gang yang mi mnga' ste/ /chos rnams kun la mkhas pa de/ /yon tan dpal ni kun las 'phags/ /rgyal po chen po/ dge sbyong gau ta ma de ni/ mi 'jigs pa bzhi dang ldan pa'o/ /smras pa/ bram ze chen po// </font><hr>129a<br><font size=+1>


@#/ /dge sbyong gau ta ma de mi 'jigs pa gang dag dang ldan pas mi 'jigs pa bzhi dang ldan pa zhes bya ba'i de bzhin gshegs pa'i mi 'jigs pa bzhi po de dag gang yin/ smras pa/ rgyal po chen po/ 'di la dge sbyong gau ta ma de ni/ nga yang dag par rdzogs pa'i sangs rgyas so/ /zhes bdag nyid dam bcas na/ chos 'di rnams khyod kyis mngon par rdzogs par sangs ma rgyas so/ /zhes lha dang bcas pa/ bdud dang bcas pa/ tshangs pa dang bcas pa dang / dge sbyong dang bram ze'i skye rgu dang bcas pa'i 'jig rten na chos dang mthun par 'ga' zhig bdag la rgol ba'i rgyu de yang dag par rjes su mi gzigs te/ rgyu de yang dag par rjes su ma gzigs pas bde ba brnyes shing mi 'jigs pa brnyes nas gnas te/ khyu mchog gi gnas su dam 'cha' zhing 'khor gyi nang du seng+ge'i sgra yang dag par sgrog la/ tshangs pa'i 'khor lo dge sbyong ngam/ bram ze'am/ gzhan su'ang rung bas chos dang mthun par 'jig rten du ma bskor ba bskor bar mdzad pa dang / nam de zag pa zad pa ste/ nga ni| zag pa zad do/ /zhes bdag nyid dam bcas na/ de la khyod kyis zag pa de dag ma zad do/ /zhes lha dang bcas pa/ bdud dang bcas pa/ tshangs pa dang bcas </font><hr>129b<br><font size=+1>


pa| dge sbyong dang bram ze'i skye rgu dang bcas pa'i 'jig rten na chos dang mthun par 'ga' zhig bdag la rgol ba'i rgyu de yang dag par rjes su mi gzigs/ rgyu de yang dag par rjes su ma gzigs pas bde ba brnyes shing mi 'jigs pa brnyes nas gnas te/ khyu mchog gi gnas su dam 'cha' zhing 'khor gyi nang du seng+ge'i sgra yang dag par sgrog la| tshangs pa'i 'khor lo dge sbyong ngam/ bram ze'am/ gzhan su'ang rung bas chos dang mthun par 'jig rten du ma bskor ba bskor bar mdzad pa dang / de bzhin gshegs pas gang dag par du gcod pa'i chos su gsungs pa de dag bsten kyang bar du gcod par mi 'gyur ro/ /zhes lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye rgu dang bcas pa'i 'jig rten na chos dang mthun par 'ga' zhig bdag la rgol ba'i rgyu de yang dag par rjes su mi gzigs te/ rgyu de yang dag par rjes su ma gzigs pas bde ba brnyes shing mi 'jigs pa brnyes nas gnas te/ khyu mchog gi gnas su dam 'cha' zhing 'khor gyi nang du seng+ge'i sgra yang dag par sgrog la| tshangs pa'i 'khor lo dge sbyong ngam/ bram ze'am/ gzhan su'ang rung bas chos dang mthun par 'jig rten du ma bskor ba bskor bar mdzad pa dang / de bzhin gshegs </font><hr>130a<br><font size=+1>


@#/ /pas 'phags pa nges par 'byin pa'i lam gang gsungs pa de bsten kyang yang dag par sdug bsngal zad pa'i rgyur mi 'gyur ro/ /zhes lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye rgu dang bcas pa'i 'jig rten na chos dang mthun par 'ga' zhig bdag la rgol ba'i rgyu de yang dag par rjes su mi gzigs te/ rgyu de yang dag par rjes su ma gzigs pas bde ba brnyes shing mi 'jigs pa brnyes nas gnas te/ khyu mchog gi gnas su dam 'cha' zhing 'khor gyi nang du seng+ge'i sgra yang dag par sgrog la/ tshangs pa'i 'khor lo dge sbyong ngam/ bram ze'am/ gzhan su'ang rung bas chos dang mthun par 'jig rten du ma bskor ba bskor bar mdzad pa ste/ rgyal po chen po/ 'di dag ni/ de bzhin gshegs pa'i mi 'jigs pa bzhi ste/ de dag dang ldan pa'i de bzhin gshegs pa ni/ 'khor gyi nang du seng+ge'i sgra yang dag par sgrog ste/ de'i slad du de la skyon ma mchis lags so/ /de la 'di skad ces bgyi ste/ nga dang mtshungs pa'i sems can ni/ /'ga' med lhag pa ga la zhes/ /mi yi 'dren pa 'khor nang du/ /seng+ge'i sgra ni sgrog par mdzad/ /nga yi chos rnams sangs rgyas pa/ /de dag yang dag </font><hr>130b<br><font size=+1>


gzhan du min/ /de gzigs rdzogs pa'i sangs rgyas de/ /bsnyengs ba ma mnga' seng+ge bzhin/ /la la de la rgol 'gyur ba'i/ /rgyu ni yang dag mi gzigs te/ /rgyu yang gzigs par ma gyur pas/ /'dren pa bsnyengs pa mi mnga' sgrog /zag pa thams cad zad gyur te/ /nga yi sku la zag pa med/ /de phyir lhar bcas 'jig rten na/ /nga dang mtshungs pa gang yang med/ /bar du gcod pa'i chos gang dag /skye bo rnams la ngas bstan pa/ /de kun yang dag nyid du smras/ /gzhan du 'gyur ba yod ma yin/ /nges par 'byin pa'i chos gang dag /ngas sangs rgyas nas rab bstan pa/ /chos rnams de dag bsten byas nas/ /bar du gcod par 'gyur ba med/ /de 'dra dpa' bo chen pos mkhyen/ /de bzhin gshegs pas bde brnyes pas/ /'jigs med bde ba brnyes gyur te/ /thub pa bsnyengs pa mi mngar bzhugs/ /sus kyang bskor bar ma gyur ba'i/ /tshangs pa'i 'khor lo rab tu bskor/ /rkang gnyis dam pa ma gtogs par/ /'jig rten dag na bskor mi nus/ /rgyal po chen po/ yang dge sbyong gau ta ma de ni/ sangs rgyas kyi chos ma 'dres pa bco brgyad po 'di dag dang ldan pa'o/ /smras pa/ bram ze chen po/ dge sbyong gau ta ma'i sangs rgyas kyi chos ma 'dres pa bco brgyad po de dag gang yin/ smras pa/ rgyal po </font><hr>131a<br><font size=+1>


@#/ /chen po| de la sangs rgyas kyi chos ma 'dres pa bco brgyad ni/ de bzhin gshegs pa la 'khrul pa mi mnga' ba dang / ca cau mi mnga' ba dang / bsnyel ba mi mnga' ba dang / sems mnyam par ma bzhag pa mi mnga' ba dang / tha dad pa'i 'du shes mi mnga' ba dang / so sor ma brtags pa'i btang snyoms mi mnga' ba dang / 'dun pa nyams pa mi mnga' ba dang / brtson 'grus nyams pa mi mnga' ba dang / dran pa nyams pa mi mnga' ba dang / ting nge 'dzin nyams pa mi mnga' ba dang / shes rab nyams pa mi mnga' ba dang / rnam par grol ba nyams pa mi mnga' ba dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar gyi dus la ma chags ma thogs pa'i ye shes mthong ba 'jug pa ste/ bco brgyad po de dag ni/ dge sbyong gau ta ma de'i </font><hr>131b<br><font size=+1>


sangs rgyas kyi chos ma 'dres pa rnams te/ rgyal po chen po/ de bzhin gshegs pa ni/ sangs rgyas kyi chos ma 'dres pa bco brgyad po de dag dang ldan pas de'i slad du de la skyon ma mchis lags so/ /de la 'di skad ces bgyi ste/ sangs rgyas la ni 'khrul mi mnga'/ /ca co de bzhin mi mnga' ste/ /de yi dgongs pa nyams mi mnga'/ /de phyir kun mkhyen skyon mi mnga'/ /tha dad 'du shes mi mnga' ste/ /rnam par g.yeng ba'i thugs mi mnga'/ /so sor brtags pa'i btang snyoms te/ /'dun pa nyams pa mi mnga' 'o/ /de yi brtson 'grus rtag tu 'bar/ /bsnyel ba mnga' ba ma lags te/ /shes rab dang ni rnam grol dang / /dbang po gzigs pa nyams mi mnga'/ /ye shes kyis kyang de mi 'khrugs/ /de yi lus dang ngag yid las/ /ye shes sngon du 'gro ba ste/ /ye shes kyi ni rjes su 'brang / /ye shes 'bral ba ma mchis te/ /'das pa'i dus la thogs ma mchis/ /ma 'ongs dus dang da ltar la'ang / /de yi ye shes thogs ma mchis/ /dge sbyong bdag nyid che ba yis/ /de yi yon tan 'di 'dra bas/ /'di las gzhan yang tshad med pa/ /bdag gis bgrang bar rngo mi thogs/ /de nas rgyal po gtum po rab snang de bzhin gshegs pa'i yon tan dang / che ba bsam gyis mi khyab pa rnam pa </font><hr>132a<br><font size=+1>


@#/ /de lta bu dag thos nas tshim zhing mgu la yid rangs te rab tu dga' nas dga' ba dang / yid bde ba skyes te/ gcer bu pa'i bu bden smra la dad pa tshad med cing bsam gyis mi khyab pa skyes par gyur te ston pa'i 'du shes rnyed nas dge ba'i bshes gnyen gyi 'du shes dang / byang chub ston pa'i 'du shes dang / thams cad mkhyen par sgrol ba'i 'du shes dang / yang dag par skul ba'i 'du shes dang / rjes su dran par byed pa'i 'du shes dang / byang chub sems dpa'i rnam par thar pa bsam gyis mi khyab pa la gnas pa'i 'du shes kyang thob par gyur to/ /des 'du shes yid la bya ba de lta bu dang ldan pa'i sems kyis mu tig gi phreng ba 'bum ri ba dang / rin thar med pa'i ras bcos bu phrugs su sbyar bas gcer bu pa'i bu bden smra la chos kyi dgab ba'i phyir bskon no/ /'di skad kyi tshig tu brjod pa'ang ched du brjod de/ bden smra| khyod kyis chos kyi tshul la mkhas pa rnam pa 'di lta bu 'di legs par smras pa legs so legs so/ /bden smra/ khyod kyis chos bstan pa 'di ni/ thams cad mkhyen pa'i ye shes dang mthun pa'i phyir rjes su mthun pa'o/ /khyod kyis chos bstan pa 'di ni/ thams cad mkhyen pa nyid thob par byed pa'o/ /khyod kyis chos bstan pa 'di ni/ </font><hr>132b<br><font size=+1>


'khor ba nas 'byung bar byed pa'o/ /khyod kyis chos bstan pa 'di ni/ nyon mongs pa'i dri ma rnams dag par byed pa'o/ /khyod kyis chos bstan pa 'di ni/ ser sna'i sgo glegs rnams 'joms pa'o/ /khyod kyis chos bstan pa 'di ni/ gtong ba'i rnga rnams rdung bar byed pa'o/ /khyod kyis chos bstan pa 'di ni/ nga rgyal gyi ri rnams snyil bar byed pa'o/ /khyod kyis chos bstan pa 'di ni/ sred pa'i rgya mtsho skem par byed pa'o/ /khyod kyis chos bstan pa 'di ni/ mi shes pa'i thibs po snang bar byed pa'o/ /khyod kyis chos bstan pa 'di ni/ sems can yongs su smin par byed pa'i dus dang tshod las mi 'da' ba'o/ /de skad ces smras pa dang / gcer bu pa'i bu bden smras rgyal po gtum po rab snang la 'di skad cas smras so| |rgyal po chen po/ de de bzhin te/ byang chub sems dpa' rnams kyi spyod lam ni/ gang yang rung sems can 'dul bar mi 'gyur ba de gang yang ma mchis so/ /chos bstan pa gang yang rung theg pa chen po dang mi mthun pa de gang yang ma mchis so/ /thams cad mkhyen pa'i ye shes yang dag par mi sgrub pa de lta bu ma mchis so/ /nyon mongs pa thams cad zad par mi bgyid pa de lta bu ma mchis so/ /'khor ba'i nyes pa mi ston pa de lta bu ma mchis so/ /mya ngan las 'das pa mi sgrub pa de lta bu ma mchis so/ / </font><hr>133a<br><font size=+1>


@#/ /byang chub sems dpa'i spyod pa dang mi mthun pa de lta bu ma mchis so/ /rgyal po chen po/ byang chub sems dpa'i rtsol ba thams cad ni/ bdag gi don dang / gzhan gyi don dang / gnyis ka'i don yongs su grub par bgyid pa'o/ /gcer bu pa'i bu bden smras bstan pa 'di ni/ bshad pa'i tshe rgyal po gtum po rab snang gis phyir mi ldog pa'i dad pa thob par gyur to/ /rgyal bu gzhon nu bcu drug gi dga' ba'i shugs kyi yul zhes bya ba'i dad pa thob par gyur to/ / lha'i bu khri brgyad stong gis sangs rgyas kyi rgyan bkod pa zhes bya ba'i ting nge 'dzin thob par gyur to/ /rgyal po'i pho brang de'i mi dang / gcer bu pa'i bu'i 'khor de'i nang nas mi khri sum stong bla na med pa yang dag par rdzogs pa'i byang chub tu sems skyes par gyur te/ de dag thams cad kyis rang rang gi gos gcer bu pa'i bu bden smra la chos kyi dag pa pa'i phyir bskon te 'di skad kyi tshig kyang brjod par gyur te/ bdag cag gis 'di ltar rigs kyi bu bden smra mthong zhing rjes su mthun pa'i chos bstan pa 'di thos pa ni/ /bdag cag gis rnyed pa legs par rnyed do/ /zhes brjod nas 'di skad kyi tshig kyang smras te/ /bden smra tshur spyon/ da bcom ldan 'das de </font><hr>133b<br><font size=+1>


blta pa dang / de la phyag bya ba dang / bsnyen bkur bya ba'i phyir bzhud do/ /de bzhin gshegs pa de ni/ bdag cag nyid kyi skyed mos tshal na bzhugs so/ /bden smras smras pa / kun kyang tshur shog /rgyal po dang bcas/ dpung dang bcas/ blon po dang bcas/ grong rdal gyi mi dang bcas/ yul gyi mi dang bcas/ 'khor gyi mi dang bcas par lhan cig mthun par bgyis te bkod pa chen pos 'dong ngo / /de nas rgyal po gtum po rab snang gis grong khyer thams cad du dril gyi sgra bsgrags te/ de bzhin gshegs pa'i gan du su mi 'gro ba de'i chad pa ni/ gsad pa'o/ /zhes bsgo'o/ /de nas grong gi mi skyes pa dang / bud med dang / khye'u dang / bu mo thams cad kyis rgyal po gtum po rab snang gi bka' de thos nas me tog dang / spos dang / me tog phreng dang / byug pa dang / sil snyan dang / pheg rnams thogs te/ grong khyer chen po 'phags rgyal nas phyi rol tu thon te skyed mos tshal du 'dong bar chas nas rgyal po gtum po rab snang la sdod cing 'khod par gyur to/ /de nas rgyal po gtum po rab snang gcer bu pa'i bu bden smra dang lhan cig /blon po'i tshogs dang lhan cig /rgyal bu gzhon nu dang dpung gi tshogs dang lhan cig /btsun mo'i 'khor dang lhan cig /grong rdal ba'i mi dang yul gyi mi rnams dang lhan cig / </font><hr>134a<br><font size=+1>


@#/ /'khor gyi mi dang chab sgo ba rnams dang lhan cig tu thams cad kyis yongs su bskor cing dpung gi bkod pa chen pos mdun du bdar nas gdugs dang / rgyal mtshan dang / ba dan dag ni/ bsgrengs/ sil snyan bye ba 'bum dag ni/ bun long du byas/ gar dang / glu dang / rol mo'i sgra dbyangs ni/ bsgrags/ rol mo'i spyad kim pa la dang / na ku la dang / khar dkrol dang / pheg gi sgra ni/ bsgrags/ rta dang glang po che rnams sgra ni/ 'byin/ bkra shis kyi bum pa gser thag gis btags pa 'bum dag thogs pa rnams ni/ mdun du bkye/ glang po che'i shing rta pa rnams dang / rta'i shing rta pa rnams dang / srog chags 'bum phrag dgu bcu rtsa brgyad dang lhan cig tu rgyal po'i mthu chen po dang / rgyal po'i 'byor pa chen po dang / rgyal po'i rnam par 'phrul pa chen po dang / rgyal po'i rnam par rtse ba chen pos rang gi skyed mos tshal ga la ba dang / bcom ldan 'das ga la ba der song ste phyin nas bcom ldan 'das kyi zhabs la mgo bos phyag btsal te lan gsum bskor ba byas nas phyogs gcig tu 'dug go /gcer bu pa'i bu bden smra'ang 'khor dang bcas te bcom ldan 'das kyi zhabs la mgo bos phyag btsal </font><hr>134b<br><font size=+1>


nas lan 'bum phrag du mar bskor ba byas te thal mo sbyar nas mig mi 'dzum par bcom ldan 'das la blta zhing 'dug go /de nas tshe dang ldan pa shA ri'i bus gcer bu pa'i bu bden smra bcom ldan 'das kyi spyan snga na mig mi 'dzum par bcom ldan 'das la blta zhing 'dug pa mthong ngo / /mthong nas kyang 'di snyam du sems te/ kye ma gcer bu pa'i bu bden smra 'di ci zhig 'dod de 'dir 'ongs snyam nas de ltar rnam par brtags te gcer bu pa'i bu bden smra la 'di skad ces smras so/ /bden smra/ khyod ci zhig 'dod de de bzhin gshegs pa'i thad du 'ongs/ ci bcom ldan 'das blta bar 'dod dam/ chos nyan par 'dod/ de skad ces smras pa dang / gcer bu pa'i bu bden smras tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ kho bo ni/ bcom ldan 'das blta bar 'dod pa ma yin/ chos nyan par 'dod pa'ang ma yin te/ btsun pa shA radwa ti'i bu| kho bo ni/ chos thams cad mi 'dod pa'i phyir bcom ldan 'das kyi thad du 'ongs so/ /de ci'i phyir zhe na/ btsun pa shA radwa ti'i bu/ gzugs mthong ba ni| de bzhin gshegs pa mthong ba ma yin/ tshor ba dang / 'du shes dang / 'du byed rnams dang / rnam par shes pa mthong ba ni/ de bzhin gshegs pa mthong ba ma yin/ </font><hr>135a<br><font size=+1>


@#/ /sa'i khams mthong ba ni/ de bzhin gshegs pa mthong ba ma yin/ chu'i khams dang / me'i khams dang / rlung gi khams mthong ba ni/ de bzhin gshegs pa mthong ba ma yin/ bdag mthong ba ni/ de bzhin gshegs pa mthong ba ma yin/ sems can dang / srog mthong ba ni/ de bzhin gshegs pa mthong ba ma yin/ gang zag mthong ba ni/ de bzhin gshegs pa mthong ba ma yin/ ngar 'dzin pa mthong ba ni/ de bzhin gshegs pa mthong ba ma yin/ nga yir 'dzin pa mthong ba ni/ de bzhin gshegs pa mthong ba ma yin/ mtshan ma mthong ba ni/ de bzhin gshegs pa mthong ba ma yin pa'i phyir te/ btsun pa shA radwa ti'i bu/ mtshan ma thams cad ma mthong ba de ni/ de bzhin gshegs pa mthong ba'o/ /mngon par zhen pa med pa mthong ba ni/ de bzhin gshegs pa mthong ba'o/ /dngos po med pa mthong ba ni/ de bzhin gshegs pa mthong ba'o/ /ngo bo nyid med pa mthong ba ni/ de bzhin gshegs pa mthong ba'o/ /yang dag pa'i mtha' med par mthong ba de ni/ de bzhin gshegs pa mthong ba'o/ /mig gzugs la 'dod chags dang bral bar mthong ba ni/ de bzhin gshegs pa mthong ba'o/ /rna ba sgra la rnam par rig pa med par mthong ba ni/ de bzhin gshegs </font><hr>135b<br><font size=+1>


pa mthong ba'o/ /sna dri la 'pho ba med par mthong ba ni/ de bzhin gshegs pa mthong ba'o/ /lce ro la rnam par shes par mi mthong ba ni/ de bzhin gshegs pa mthong ba'o/ / lus reg bya la reg par mi mthong ba ni/ de bzhin gshegs pa mthong ba'o/ /yid chos la rnam par ma brtags par mthong ba ni/ de bzhin gshegs pa mthong ba'o/ / shA radwa ti'i bus smras pa/ bden smra/ de ltar mthong bas gal te de bzhin gshegs pa mthong ba yin na/ 'o na de bzhin gshegs pa ji ltar blta bar bya/ bden smras smras pa/ btsun pa shA radwa ti'i bu/ de bzhin gshegs pa ni/ rigs su mi blta'o/ /rus su mi blta'o/ /mtshan nyid du mi blta'o/ /mtshan nyid med par mi blta'o/ /chos su mi blta'o/ /chos ma yin par mi blta'o/ /yang dag par mi blta'o/ /yang dag pa ma yin par mi blta'o/ /dmigs par mi blta'o/ /dmigs pa med par mi blta'o/ /yid la bya bar mi blta'o/ / yid la bya ba med par mi blta'o/ /rtog par mi blta'o/ /mi rtog par mi blta'o/ /'dus byas su mi blta'o/ /'dus ma byas su mi blta'o/ /dngos po yod par mi blta'o// dngos po med par mi blta'o/ /gong bur mi blta'o/ /rdzas su mi blta'o/ /gzugs su mi blta'o/ /tshor bar mi blta'o/ /'du shes su mi blta'o/ /'du byed rnams su mi </font><hr>136a<br><font size=+1>


@#/ /blta'o| |rnam par shes par mi blta'o/ /nye bar len par mi blta'o/ /nye bar len pa med par mi blta'o/ /de bzhin gshegs pa ni/ skye bar mi blta'o| |skye ba med par mi blta'o/ /de skad ces smras pa dang / tshe dang ldan pa shA radwa ti'i bus gcer bu pa'i bu bden smra la 'di skad ces smras so/ /bden smra/ gal te de bzhin gshegs pa de ltar mi lta na/ skyes bu dam pa khyod de bzhin gshegs pa la ji ltar blta/ smras pa/ btsun pa shA radwa ti'i bu/ kho bo ni/ de bzhin gshegs pa gzugs su mi blta'o/ /de bzhin gshegs pa gzugs las gzhan du'ang mi blta'o/ /de bzhin gshegs pa gzugs gzhig pa'i phyir mi blta'o/ /btsun pa shA radwa ti'i bu/ kho bo ni/ de bzhin gshegs pa tshor ba dang / 'du shes dang / 'du byed rnams dang / rnam par shes par mi blta'o/ /de bzhin gshegs pa rnam par shes pa las gzhan du'ang mi blta'o/ /de bzhin gshegs pa rnam par shes pa gzhig pa'i phyir yang mi blta'o/ /de bzhin gshegs pa 'jig rten du gtogs par mi blta'o/ /de bzhin gshegs pa 'jig rten las rgal bar mi blta'o/ /de bzhin gshegs pa phung pos rab tu phye bar mi blta'o/ /de bzhin gshegs </font><hr>136b<br><font size=+1>


pa khams kyis rab tu phye bar mi blta'o/ /de bzhin gshegs pa skye mched kyis rab tu phye bar mi blta ste/ de bzhin gshegs pa tshig gi lam thams cad kyis brjod du med par blta zhing ci nas kyang mi mthong ba dang / rnam par mi mthong ba dang / mi dmigs pa dang / mi rtog pa dang / rnam par mi rtog pa dang / yongs su mi rtog pa dang / rnam par mtho 'tsham pa med pa dang / kun nas slong ba med pa dang / len pa med pa dang / 'dor ba med pa dang / spros pa med pa dang / mtshan mar bya ba med pa dang / mtshan mar bya ba med pa ma yin pa dang / bya ba med pa dang / rnam par bya ba med pa dang / yod par bya ba med pa dang / med par bya ba med pa dang / blang ba med pa dang / dor ba med pa dang / bsam pa med pa dang / lhun gyis grub pa med pa dang / dmigs su med pa'ang ma yin pa de ltar de bzhin gshegs pa blta ste| brjod du med pa dang / brjod du med pa'ang ma yin pa de ltar de bzhin gshegs pa blta'o/ /tshig gi lam dang / dbyangs su brjod pa'ang ma yin pa de ltar de bzhin gshegs pa blta ste/ de bzhin gshegs pa blta'o/ /btsun pa shA radwa ti'i bu/ byang chub sems dpa' rnams kyang de bzhin gshegs pa la de ltar blta ste/ kho bo'ang </font><hr>137a<br><font size=+1>


@#/ /de bzhin du blta'o/ /shA radwa ti'i bus smras pa/ de bzhin gshegs pa la gal te de ltar blta na/ de'i chos bstan pa'ang ji ltar nyan/ smras pa| btsun pa shA radwa ti'i bu/ gal te kho bo la chos kyi 'du shes skye ba zhig yod dam/ chos ma yin pa'i 'du shes skye ba zhig yod na ni/ kho bo'ang bcom ldan 'das kyi chos bstan pa nyan to/ /de ci'i phyir zhe na/ btsun pa shA radwa ti'i bu/ brjod pa thams cad las byang chub sems dpa'i chos kyi tshig 'byung ba med de/ de la mngon par zhen pa'ang med la chos kyi 'du shes kyang mi skyed pa'i phyir ro/ /de ci'i phyir zhe na/ 'du shes thams cad dang bral ba'i phyir ro/ /shA radwa ti'i bus smras pa| bden smra/ khyod chos don du gnyer ba'i phyir de bzhin gshegs pa'i thad du ma 'ongs sam/ smras pa/ btsun pa shA radwa ti'i bu/ kho bo ni/ chos don du gnyer ba'ang ma yin/ chos ma yin pa don du gnyer ba'ang ma yin par de bzhin gshegs pa'i thad du 'ongs so/ /de ci'i phyir zhe na/ btsun pa shA radwa ti'i bu| chos don du gnyer ba zhes bya ba de ni/ chos thams cad la don du gnyer ba med pa'i tshig bla dwags te/ btsun pa shA radwa ti'i bu/ gang chos don du </font><hr>137b<br><font size=+1>


gnyer ba de ni/ sangs rgyas la mngon par zhen par 'dod pa ma yin/ chos la sgro gdags par 'dod pa ma yin/ dge 'dun bskyed par 'dod pa ma yin/ sdug bsngal yongs su shes par bya bar 'dod pa ma yin/ kun 'byung ba spang bar 'dod pa ma yin/ lam bsgom par 'dod pa ma yin/ 'gog pa mngon du bya bar 'dod pa ma yin/ 'dod pa'i khams las yang dag par 'da' bar 'dod pa ma yin/ gzugs kyi khams dang / gzugs med pa'i khams las yang dag par 'da' bar 'dod pa ma yin/ mya ngan las 'da' bar 'dod pa ma yin pa'i phyir te/ btsun pa shA radwa ti'i bu/ rnam grangs des na/ 'di ltar kho bo ni/ chos thams cad la don du gnyer ba med par de bzhin gshegs pa'i spyan sngar phyin par rig par bgyi'o/ /de skad ces smras pa dang / tshe dang ldan pa shA radwa ti'i bus gcer bu pa'i bu bden smra la 'di skad ces smras so/ / bden smra/ ci las bsam ste de skad ces smra/ smras pa/ btsun pa shA radwa ti'i bu/ kho bo ni/ bsam pa med par chos thams cad de ltar ston to/ /btsun pa shA radwa ti'i bu| chos kyi dbyings la ni/ gnyis mi dmigs pa'i phyir bsam pa'ang mi dmigs/ ma bsam pa'ang mi dmigs so/ /smras pa/ bden smra/ khyod 'gro ba de </font><hr>138a<br><font size=+1>


@#/ /dag mi sbyor ram/ smras pa/ btsun pa shA radwa ti'i bu/ gal te kho bos 'gro ba zhig dmigs na ni/ sbyor ba'ang yod/ gal te kho bo la skye ba zhig yod na ni/ skye bar yang 'gyur/ gal te kho bo la 'pho ba zhig yod na ni/ 'pho bar yang 'gyur na/ btsun pa shA radwa ti'i bu/ chos thams cad ni| 'pho ba med pa ste/ 'gro ba med cing shi 'pho dang / skye ba med pa'o/ /smras pa/ bden smra/ de bzhin gshegs pas dge slong khyod ni/ skye'o/ /rga'o/ / 'chi 'o| |'pho'o/ /'byung ngo / /zhes 'di ma gsungs sam/ smras pa/ btsun pa shA radwa ti'i bu/ 'gro ba la brten cing lhag pa'i nga rgyal yod pa'i sems can rnams kyi rten pa bsal ba'i phyir de bzhin gshegs pa de skad ces ston te/ bstan pa'i chos nyid ji lta ba bzhin du bya na/ 'di la 'gro ba med/ shi 'pho med / skye ba med do/ /shA radwa ti'i bus smras pa/ bden smra/ legs so legs so/ /'di ltar theg pa chen po 'di bstan pa'i don rnam par nges pa la mkhas pa legs so legs so/ /bde na smras smras pa/ btsun pa shA radwa ti'i bu/ khyod kyis don ni/ gang / rnam par nges pa ni/ gang yin pa mkhyen tam/ shA radwa ti'i bus smras pa/ </font><hr>138b<br><font size=+1>


rigs kyi bu/ kho bo ni/ ston par 'dod pa ma yin gyi/ nyan par 'dod pa yin pas/ rigs kyi bu/ don ni/ gang / rnam par nges pa ni/ gang / khyod kyis ston cig /de skad ces smras pa dang / gcer bu pa'i bu bden smras tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ don zhes bya ba ni/ brjod du med pa'o| |de brjod pa gang yin pa de ni/ rnam par nges pa zhes bya'o/ /don zhes bya ba ni/ smrar med pa'o/ /de smra ba de ni/ rnam par nges pa zhes bya'o/ /don zhes bya ba ni| smos su med pa'o/ /de smos pa gang yin pa de ni/ rnam par nges pa zhes bya'o/ /don zhes bya ba ni/ g.yo ba med pa/ bsam pa med pa/ spros pa med pa / brtags pa med pa/ rnam par bsgrubs pa med pa/ dngos po med pa/ rdzas med pa/ ngar 'dzin pa med pa/ dba' rlabs med pa/ gzung ba med pa/ gnas med pa| gnas kyi tshig gi lam thams cad las yang dag par 'das pa'o/ /rnam par nges pa zhes bya ba ni/ bsam pa dang / gzhal ba dang / bgrang ba dang / brtag pa dang / gzhan gyi sems kyi rgyud la go bar byed pa'o/ /don zhes bya ba ni/ don so so yang dag par rig pa'o/ /rnam par nges pa zhes bya ba ni/ chos dang / nges pa'i tshig </font><hr>139a<br><font size=+1>


@#/ /dang / spobs pa so so yang dag bar rig pa ste/ btsun pa shA radwa ti'i bu/ 'di ni/ mdor na don to/ /'di ni/ rnam par nges pa'o/ /de nas bcom ldan 'das kyis rigs kyi bu bden smra la legs so/ /zhes bya ba byin te/ rigs kyi bu/ legs so legs so/ /ji ltar khyod ston pa de ltar gzhan gyis kyang bstan par bya'o/ /khyod kyis bstan pa 'di bshad pas lha'i bu stong phrag gsum mi skye ba'i chos la bzod pa skyes par gyur to/ /srog chags nyi khris khyod kyi spobs pa'i che ba phun sum tshogs pa 'di thos nas bla na med pa yang dag par rdzogs pa'i byang chub tu sems skyes par gyur to/ /de nas bcom ldan 'das la tshe dang ldan pa maung+gal gyi bu chen pos 'di skad ces gsol to/ /bcom ldan 'das/ rigs kyi bu bden smras mu stegs can gyi cha byad 'dis sems can ji snyed cig yongs su smin par bgyis lags/ de skad ces gsol pa dang / bcom ldan 'das kyis tshe dang ldan pa maung+gal gyi bu chen po la 'di skad ces bka' stsal to/ /maung+gal gyi bu chen po| gnas 'di thos na/ byang chub sems dpa' sems dpa' chen po rnams ma gtogs par lha dang bcas pa'i 'jig rten rmongs par 'gyur ro/ /maung+gal gyi bu </font><hr>139b<br><font size=+1>


chen po| 'on kyang mgo tsam zhig bstan gyi/ rigs kyi bu bden smra 'dis kha dog dang / gzugs dang / spyod lam sna tshogs kyis sems can ji snyed yongs su smin par byas pa nyon cig /maung+gal gyi bu chen po/ rigs kyi bu bden smra 'dis mu stigs can gyi gzugs su gnas te sems can ri rab kyi rdul phra rab kyi rdul snyed bla na med pa yang dag par rdzogs pa'i byang chub tu yongs su smin par byas so/ /spyod pa'i gzugs kyis sems can gling bzhi pa'i rdul phra rab kyi rdul snyed bla na med pa yang dag par rdzogs pa'i byang chub tu yongs su smin par byas so/ /kun tu rgyu'i gzugs kyis sems can gang+gA'i klung brgyad cu rtsa bzhi'i bye ma snyed bla na med pa yang dag par rdzogs pa'i byang chub tu yongs su smin par byas so/ /nyan thos kyi gzugs kyis sems can gang+gA'i klung bcu'i bye ma snyed nyan thos kyi byang chub tu nges par 'byung ba bstan nas phyis bla na med pa yang dag par rdzogs pa'i byang chub tu yongs su smin par byas so/ /de bas kyang ches mang ba'i sems can rnams rang sangs rgyas kyi gzugs kyis yongs su smin par byas so| |byang chub sems dpa'i gzugs kyis sems can bgrang ba las 'das pa yongs su smin par byas so/ /gzhan dag brgya byin gyi gzugs kyis/ gzhan dag tshangs </font><hr>140a<br><font size=+1>


@#/ /pa'i gzugs kyis/ gzhan dag 'khor los bsgyur ba'i gzugs kyis/ gzhan dag 'jig rten skyong ba'i gzugs kyis/ gzhan dag mi'am ci'i gzugs kyis/ gzhan dag lha ma yin gyi gzugs kyis/ gzhan dag nam mkha' lding gi gzugs kyis/ gzhan dag lto 'phye chen po'i gzugs kyis| gzhan dag skyes pa'i gzugs kyis/ gzhan bdag bud med kyi gzugs kyis/ gzhan dag khye'u'i gzugs kyis/ gzhan dag bu mo'i gzugs kyis / gzhan dag sa'i lha'i gzigs kyis/ gzhan dag lhan cig skyes pa'i lha'i gzugs kyis/ gzhan dag drag srong gi gzugs kyis/ gzhan dag bram ze'i khye'u'i gzugs kyis/ gzhan dag dge slong gi gzugs kyis/ gzhan dag dge slong ma'i gzugs kyis/ gzhan dag dge bsnyen gyi gzugs kyis/ gzhan dag dge bsnyen ma'i gzugs kyis bla na med pa yang dag par rdzogs pa'i byang chub tu yongs su smin par byas te/ maung+gal gyi bu/ rigs kyi bu bdan smra 'dis de ltar sems can mang po bla na med pa yang dag par rdzogs pa'i byang chub tu yongs su smin par byas so/ /gsol pa/ 'dis de bzhin gshegs pa ji snyed cig mnyes par </font><hr>140b<br><font size=+1>


bgyis lags/ bka' stsal pa/ maung+gal gyi bu/ sa'i khams dang / chu'i khams dang / me'i khams dang / rlung gi khams dang / nam mkha'i khams dang / sems can gyi khams kyi mtha' ni/ rtogs par nus srid kyi/ rigs kyi bu bden smra 'dis de bzhin gshegs pa ji snyed cig gzugs sna tshogs kyis mnyes par byas pa'i sangs rgyas byung ba de dag gi mtha' ni/ rtogs par mi nus so/ /de nas gnas brtan 'od srung chen pos rigs kyi bu bden smra la 'di skad ces smras so| |rigs kyi bu/ khyod kyis de bzhin gshegs pa mang po mnyes par byas na/ de ltar bsam pa yongs su rdzogs pa ci'i phyir bla na med pa yang dag par rdzogs pa'i byang chub tu mngon par rdzogs par 'tshang mi rgya/ bden smras smras pa/ btsun pa 'od srung / gal te kho bo'i byang chub bam/ mngon par rdzogs par 'tshang rgya bar byed pa zhig dmigs na ni/ kho bo yang bla na med pa yang dag par rdzogs pa'i byang chub tu mngon par rdzogs par 'tshang rgya'o/ /smras pa/ bden smra/ byang chub sems dpa' gang+gA'i klung gi bye ma snyed dag bla na med pa yang dag par rdzogs pa'i byang chub tu smon lam btab cing bla na med pa yang dag par rdzogs pa'i byang chub mngon </font><hr>141a<br><font size=+1>


@#/ /par sangs ma rgyas sam/ mngon par rdzogs par 'tshang mi rgya'am/ mngon par rdzogs par 'tshang rgya bar mi 'gyur ram/ smras pa/ btsun pa 'od srung / de ni/ sems can mngon pa'i nga rgyal can rnams la grangs su byas pa yin te/ 'di la don dam par na byang chub dmigs su med do/ /byang chub sems dpa' yang dmigs su med do/ /de ci'i phyir zhe na/ btsun pa 'od srung / 'di ltar byang chub ni/ 'dus ma byas pa ste/ grangs thams cad dang bral ba/ gzugs med pa| bstan du med pa ste/ sngon po ma yin/ ser po ma yin/ dkar po ma yin/ btsod ka ma yin/ shel gyi mdog ma yin/ kha dog med pa/ dbyibs med pa| rtags med pa/ mtshan ma med pa/ mtshan ma thams cad las yang dag par 'das pa/ gnas med pa/ gnas thams cad yang dag par bcom pa / dngos po med pa/ dngos po thams cad dang bral ba/ mtshan nyid med pa/ mtshan nyid thams cad dang bral ba/ brjod du med pa/ tshig gi lam thams cad kyis rtogs par mi nus pa/ bltar med pa/ ril po ma yin pa/ rdzas med pa/ mun pa med pa/ snang ba med pa/ rtags med pa/ dbyibs med pa/ smrar med pa/ smos </font><hr>141b<br><font size=+1>


su med pa/ reg par byar med pa/ rnam par shes par mi rung ba/ thos par mi rung ba/ dbyangs med pa/ tshig gi lam med pa/ thogs pa med pa/ ma bcings pa / ma grol ba/ 'dod chags med pa/ zhe sdang med pa/ gti mug med pa/ rgyu thams cad kyis gdags su med pa/ gdags par bya ba ma yin pa ste/ btsun pa 'od srung / byang chub ni/ de lta bu'i rang bzhin yin pas de ni/ lus kyis mngon par rdzogs par 'tshang rgya bar mi nus so/ /sems kyis kyang mi nus so/ /de ci'i phyir zhe na/ btsun pa 'od srung / lus ni/ sems med pa/ g.yo ba med pa/ rtswa dang / shing dang / rtsig pa dang / bong ba snang ba lta bu ste/ des byang chub mngon par rdzogs par 'tshang rgya bar mi nus so/ /sems kyang de lta bu'i rang bzhin yin zhing bltar med pa/ des kyang byang chub mngon par rdzogs par 'tshang rgya bar bya bar mi nus so/ /gang gis mngon par rdzogs par 'tshang rgya bar bya ba'i sems can de dag kyang mi dmigs te/ btsun pa 'od srung / chos thams cad de lta bu'i rang bzhin yin na/ de la ci'i phyir khyod bla na med pa yang dag par rdzogs pa'i byang chub mngon par rdzogs par 'tshang mi rgya zhes ci ste de ltar sems par gyur/ de nas byang chub sems dpa' de dag dang / dge slong dang / dge slong ma </font><hr>142a<br><font size=+1>


@#/ /dang| dge bsnyen dang / dge bsnyen ma de dag dang / brgya byin dang / tshangs pa dang / 'jig rten skyong ba de dag 'di snyam du sems te| bcom ldan 'das kyis sems can bdag cag gi bsam pa dang / mos pa bzhin du the tshom dang / nem nur dang / yid gnyis bsal ba'i phyir rigs kyi bu bden smra 'di ji srid cig na bla na med pa yang dag par rdzogs pa'i byang chub mngon par rdzogs par 'tshang rgya ba dang / 'jig rten gyi khams gang du mngon par rdzogs par 'tshang rgya ba dang / 'di byang chub thob nas mtshan ci zhes bya bar 'gyur ba dang / tshe'i tshad ji tsam du 'gyur ba dang / byang chub thob nas de'i 'khor 'dus pa ji snyed cig tu 'gyur ba lung bstan kyang ci ma rung snyam pa dang / de nas bcom ldan 'das kyis byang chub sems dpa' de dag dang / dge slong dang / dge slong ma dang / dge bsnyen dang / dge bsnyen ma de dag dang / brgya byin dang / tshangs pa dang / 'jig rten skyong ba de dag gi sems kyi yongs su rtog pa thugs kyis thugs su chud nas 'jam dpal gzhon nur gyur pa la bka' stsal pa/ 'jam dpal/ rigs kyi bu bden smra 'di ni/ bskal pa bzang po 'di 'das pa'i 'og tu bskal pa bgrang ba las yang dag </font><hr>142b<br><font size=+1>


par 'das pa snyed cig na bskal pa gnod par bsdo ba'i dgra med pa zhes bya ba la 'jig rten gyi khams shin tu rnam par bltas pa'i grags pa can zhes bya bar de bzhin gshegs pa dgra bcom pa yang dag par rdzogs pa'i sangs rgyas bden pa'i blo gros kyi tog gi rgyal po zhes bya bar 'gyur ro/ /'jam dpal/ 'jig rten gyi khams shin tu rnam par bltas pa'i grags pa can zhes bya ba de ni/ bzang zhing mdzes la blta na sdug pa/ rin po che sna bdun gyis rab tu brgyan pa/ rin po che'i ra ba 'bum phrag bdun gyis bskor ba/ spos chu'i 'obs 'bum phrag bdun gyis rjes su bskor ba/ nor bu rin po che bai DUR+Ya chen po 'bum phrag bdun gyi shing thags btsugs pa dzam+bu chu bo'i gser gyi dra ba sa ya dag gis steng nas yongs su bkab pa/ nor bu rin po che sa ya dag gis brgyan pa'i rta babs dang ldan pa/ nor bu rin po che seng+ge yid du 'ong ba sa ya dag gis spras pa'i pu shu dang / skar khung dag gis mdzes par byas pa/ nor bu rin po che seng+ge'i rgyal mtshan sa ya dag gis spras pa'i mkha' rten rnams kyis mdzes par byas pa/ nor bu rin po che snang ba'i rgyal mtshan sa ya dag gis gcig tu 'bar bar snang bar byas pa/ dril bu g.yer ka'i dra ba sa ya dag gis kun nas </font><hr>143a<br><font size=+1>


@#/ /sgra phyung ba'i sgra yid du 'ong ba dang ldan pa/ gser gyi lda ldi sa ya dag kun nas mngon par bres pa dang ldan pa/ nor bu rin po che tog gi rgyal mtshan gyi lha'i ba dan dang / rgyal mtshan sa ya bsgreng ba dang ldan par 'gyur te/ 'jam dpal/ 'jig rten gyi khams shin tu rnam par bltas pa'i grags pa can de ni/ lag mthil ltar mnyam zhing rin po che'i shing ljon pa dag gis kun tu gang bar 'gyur te/ de na rtswa skye ba dag 'jam zhing g.yung drung 'khyil ba ltar g.yas su 'khyil la/ rma bya'i mgrin pa 'dra zhing ka tsa lin+di ka'i gos ltar 'jam pa sha stag gis 'jig rten gyi khams shin tu rnam par bltas pa'i grags pa can de kun nas g.yogs par 'gyur/ skyed mos tshal sa ya dag gis brgyan par 'gyur/ skyed mos tshal re re'ang rdzing bu sa ya dag gis legs par brgyan cing kun nas mdzes par 'gyur/ rdzing bu re re'ang stegs brgyad dang bcas pa nor bu rin po che yan lag brgyad dang ldan pas spras pa/ dzam+bu chu bo'i gser gyi bye ma bdal ba/ yan lag brgyad dang ldan pa'i chus yongs su gang ba/ rin po che'i pad+mas kun nas yog pa/ ngang pa dang / ngur ba dang / khrung khrung sgra skad 'byin pa dang ldan par 'gyur te| 'jam dpal/ de ltar 'jig rten gyi khams shin tu rnam par bltas pa'i grags pa can de ni/ grong dang / grong khyer dang / grong rdal dang / yul 'khor dang / rgyal po'i pho brang 'khor sa ya dag </font><hr>143b<br><font size=+1>


gis kun nas brgyan par 'gyur/ grong khyer chen po re re'ang grong khyer sa ya sa ya dag gis legs par brgyan par 'gyur zhing de bzhin du grong dang / grong khyer dang / grong rdal dang / yul 'khor dang / rgyal po'i pho brang 'khor thams cad kyang de snyed du 'gyur te/ grong dang / grong khyer dang / grong rdal dang / yul 'khor sa ya sa ya thams cad kyang skyes pa dang / bud med dang / khye'u dang / bu mo du ma dag gis gang bar 'gyur ro/ /'jam dpal/ 'jig rten gyi khams shin tu rnam par bltas pa'i grags pa can der gling bzhi pa'i 'jig rten gyi khams par ma blta na yid du 'ong ba zhes bya ba/ shin tu blta na sdug pa/ shin tu mdzes pa/ shin tu 'byor pa/ shin tu rgyas pa/ skyes pa dang / bud med shin tu mang bas gang ba 'byung bar 'gyur te/ de ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bden pa'i blo gros kyi tog gi rgyal po de'i skye ba'i grong khyer du 'gyur ro/ /'jam dpal/ de bzhin gshegs pa bden pa'i blo gros kyi tog gi rgyal po de ni/ bram ze'i rigs las mngon par 'byung bar 'gyur ro/ /de'i yum ni/ shugs ldan zhes bya bar 'gyur te/ da ltar nga'i yum lha mo sgyu 'phrul lta bur 'gyur ro/ /de'i yab ni| tshangs pa'i dbyig ces bya bar 'gyur te/ da ltar nga'i yab rgyal po zas gtsang ma lta bur 'gyur ro/ /de'i sras ni/ sgra rnam par grags pa zhes bya bar 'gyur te/ da ltar nga'i gzhon nu sgra </font><hr>144a<br><font size=+1>


@#/ /gcan 'dzin lta bur 'gyur ro/ /de'i btsun mo dam pa ni/ blo gros chen po zhes bya bar 'gyur te/ da ltar nga'i shAkya'i bu mo sa 'tsho ma lta bur 'gyur ro/ /de'i ma ma ni| grags pa chen po zhes bya bar 'gyur te/ da ltar nga'i skye rgu'i bdag mo chen mo gau ta mI lta bur 'gyur ro/ /bcom ldan 'das de'i rim gro ba ni/ rtag tu rjes su 'brang ba zhes bya bar 'gyur te| da ltar nga'i rim gro ba 'dun pa lta bur 'gyur ro/ /de bzhin gshegs pa bden pa'i blo gros kyi tog gi rgyal po de gang la bcibs te mngon par 'byung bar 'gyur ba'i rta'i rgyal po de ni/ shugs chen ldan zhes bya bar 'gyur te/ da ltar nga'i rta'i rgyal po bsngags ldan lta bur 'gyur ro/ /bcom ldan 'das de'i byang chub kyi snying po ni/ chos kyis 'phags pa zhes bya bar 'gyur te/ der de bzhin gshegs pa de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /byang chub gyi snying po de ni/ byang chub kyi shing 'bum phrag brgyad cus yongs su bskor bar 'gyur ro/ /'jam dpal/ de'i tshe de'i dus na bdud dam bdud kyi ris kyi lha rnams 'byung bar mi 'gyur te/ 'jam dpal/ gang gi tshe de bzhin gshegs pa bden pa'i blo gros kyi tog gi rgyal po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe 'jig rten gyi khams de na sems </font><hr>144b<br><font size=+1>


can gyi ris gang ji snyed cig yod pa de dag thams cad me tog dang / phreng ba dang / spos dang / phye ma dang / byug pa dang / sil snyan dang / pheg thogs shing byang chub kyi snying po chos kyis 'phags pa ga la der dong ste glu dang / rol mo sna tshogs byed par 'gyur ro/ /'og min ris kyi mthar thug pa'i lha'i tshogs thams cad kyang der 'du bar 'gyur ro/ /gnod sbyin dang / dri za dang / lha ma yin dang / mi 'am ci dang / lto 'phye chen po'i tshogs phal po che'ang der 'du bar 'gyur ro/ /shar phyogs dang / lho phyogs dang / nub phyogs dag nas kyang byang chub sems dpa'i tshogs shin tu mang ba 'du bar 'gyur ro/ /'jam dpal/ de bzhin gshegs pa bden pa'i blo gros kyi tog gi rgyal po de thog ma mngon par rdzogs par sangs rgyas nas 'dus pa'i 'khor du byang chub sems dpa'i spyod yul gyi thabs kyi yul la rnam par 'phrul ba bstan pa'i chos kyi rnam grangs chen po mdo sde bye ba 'bum phrag du ma'i 'khor dang ldan pa ston par 'gyur te/ 'jam dpal/ de bzhin gshegs pa bden pa'i blo gros kyi tog gi rgyal po des chos kyi rnam grangs de bstan pa'i tshe sems can gang+gA'i klung gi bye ma snyed bla na med pa yang dag par rdzogs pa'i byang chub las phyir mi ldog par 'gyur te / 'jam dpal/ de bzhin gshegs pa bden pa'i blo gros kyi tog gi rgyal po de chos ston pa ni/ theg pa gsum rnam par dgod pas mi ston te/ sangs rgyas kyi zhing der nyan thos kyi theg pa pa'am/ </font><hr>145a<br><font size=+1>


@#/ /rang sangs rgyas kyi theg pa pa dag 'byung bar mi 'gyur ro/ /sems can thams cad kyang theg pa gcig la mos pa/ rgya chen po la mos pa sha stag sangs rgyas kyi zhing der skye bar 'gyur te/ 'jam dpal/ de ltar de bzhin gshegs pa bden pa'i blo gros kyi tog gi rgyal po de'i 'dus pa dang po ni/ byang chub sems dpa' sems dpa' chen po phyir mi ldog pa gang+gA'i klung gi bye ma snyed du 'gyur ro/ /'dus pa gnyis pa ni/ byang chub sems dpa' skye ba gcig gis thogs pa khrag khrig phrag brgyad cur 'gyur ro/ /'dus pa gsum pa ni/ byang chub sems dpa' dkrigs phrag drug cur 'gyur te/ de phyin chad sems can grangs dang bgrang ba las 'das pa dag bla na med pa yang dag par rdzogs pa'i byang chub las phyir mi ldog pa la 'god par 'gyur ro| |'jam dpal/ de bzhin gshegs pa bden pa'i blo gros kyi tog gi rgyal po de byang chub thob pa'i tshe'i tshad ni/ bar gyi bskal ba drug cur 'gyur ro/ /de yongs su mya ngan las 'das nas kyang lo bye ba khrag khrig 'bum phrag brgyad cur dam pa'i chos gnas par 'gyur ro/ /dam pa'i chos rgyas pas sems can de snyed 'dul bar 'gyur ro/ /'jam dpal/ de bzhin gshegs pa de gang gi tshe yongs su mya ngan las 'da' bar 'gyur ba de'i tshe byang chub sems dpa' tog chen po zhes bya ba 'di nga'i 'og tu bla na med pa yang dag par rdzogs pa'i byang chub mngon par </font><hr>145b<br><font size=+1>


rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas de bkod pa chen po zhes bya bar 'gyur ro/ /zhes byang chub sems dpa' tog chen po zhes bya ba lung bstan nas yongs su mya ngan las 'da' bar 'gyur ro/ /de nas de'i tshe thams cad dang ldan pa'i 'khor de de'i tshe de'i dus na byang chub sems dpa' tog chen po zhes bya ba 'byung zhing / bcom ldan 'das de bzhin gshegs pa bden pa'i blo gros kyi tog gi rgyal po de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas bkod pa chen po zhes bya bar 'gyur ba de gang zhig yin snyam du ya mtshan du 'dzin par gyur to/ /de nas bcom ldan 'das kyis thams cad dang ldan pa'i 'khor de'i sems kyi rnam par rtog pa thugs kyis thugs su chud nas 'jam dpal gzhon nur gyur pa la bka' stsal pa/ 'jam dpal/ rigs kyi bu bden smra 'di'i mdun du bram ze'i khye'u bden dga' zhes bya ba 'dug pa bram ze'i byis pa thams cad kyi nang na mchog tu bya ba 'di de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas bkod pa chen po zhes bya bar 'gyur te/ de'i sangs rgyas kyi zhing gi bkod pa de dag ni/ de bzhin gshegs pa bden pa'i blo gros kyi tog gi rgyal po'i sangs rgyas kyi zhing gi bkod </font><hr>146a<br><font size=+1>


@#/ /pa bzhin du 'gyur ro/ /sangs rgyas kyi zhing gi yon tan bkod pa'i che ba de thos nas 'khor gyi dkyil 'khor de las byang chub sems dpa' bye ba khrag khrig 'bum phrag drug cus sangs rgyas kyi zhing der skye bar smon lam btab ste/ gang gi tshe bcom ldan 'das de bzhin gshegs pa bden pa'i blo gros kyi tog gi rgyal po de bla na med pa yang dag par rdzogs pa'i byang chub mngon par rdzogs par sangs rgyas par gyur pa de'i tshe bdag cag kyang 'jig rten gyi khams der skye bar shog cig /ces smon lam btab par gyur to/ /de nas bcom ldan 'das kyis de dag thams cad kyang sangs rgyas kyi zhing der skye bar lung bstan to/ /de nas gcer bu pa 'bum phrag brgyad cu po de dag gis kyang tshig mthun par smras pa/ bcom ldan 'das/ bdag cag kyang sangs rgyas kyi zhing der skye bar gyur cig /ces smon lam btab bo/ /de nas bcom ldan 'das kyis de dag kyang sangs rgyas kyi zhing der skye bar lung bstan to/ /de nas steng gi bar snang las kyang lha'i bu bye ba khrag khrig 'bum phrag dgu bcus 'di skad kyi tshig brjod de/ bcom ldan 'das/ bdag cag kyang bcom ldan 'das de bzhin gshegs pa bden pa'i blo gros kyi tog gi rgyal po de byang chub brnyes pa'i sangs rgyas kyi zhing 'jig rten gyi khams shin tu rnam par bltas pa'i grags pa can der skye bar gyur cig /yon tan bkod pa bsam gyis </font><hr>146b<br><font size=+1>


mi khyab pa de'ang mthong bar shog cig /ces smon lam btab bo/ /bcom ldan 'das kyis bka' stsal pa/ lha'i bu dag /khyed cag kyang 'jig rten gyi khams shin tu rnam par bltas pa'i grags pa can der skye bar 'gyur te/ de bzhin gshegs pa de'ang mnyes par byed par 'gyur ro/ /lha'i bu/ khyed kyang 'jig rten gyi khams shin tu rnam par bltas pa'i grags pa can de nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ming tha dad pa'i de bzhin gshegs par 'gyur la/ tshe'i tshad ni/ mthun par 'gyur ro/ /de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos te sa'i 'og nas pad+ma dzam+bu chu bo'i gser gyi 'dab ma can nor bu rin po che chen po and la rnyil gyi ze ba'i tshogs can/ spug gi snying po dang ldan pa/ nor bu rin po che bai DUR+Ya'i chu ba can/ bye ba khrag khrig 'bum phrag du ma dag gis sa gzhi brtol nas mngon par 'phags te/ pad+ma de dag thams cad la byang chub sems dpa'i gzugs skyil mo krung du 'khod pa mtshan dang / dpe byad bzang pos legs par brgyan pa'i lus kyis bcom ldan 'das la 'dud cing phyag 'tshal ba snang bar gyur te/ de dag gis rin po che sna tshogs kyi sprin gyi dra ba dag gis bcom ldan 'das la mngon par bkab nas 'di skad kyi tshig brjod do/ /bcom ldan 'das/ bdag cag ni/ </font><hr>147a<br><font size=+1>


@#/ /'jig rten gzhan dang / gzhan gyi khams nas de bzhin gshegs pas byang chub sems dpa'i yon tan bsam gyis mi khyab pa bka' stsal pa 'di'ang nyan| bcom ldan 'das la'ang blta ba dang / phyag bgyi ba dang / bsnyen bkur bgyi ba dang / rigs kyi bu bden smra 'di dang / 'khor 'dus pa 'di'ang blta ba'i slad du 'dir mchis te| bcom ldan 'das/ chos kyi rnam grangs 'di thos pas sangs rgyas kyi zhing bsam gyis mi khyab pa dag tu byang chub sems dpa' bgrang ba las 'das pa bla na med pa yang dag par rdzogs pa'i byang chub las phyir mi ldog par gyur to/ /de nas bcom ldan 'das kyis de'i tshe don 'di nyid shin tu gsal bar bstan pa'i phyir tshigs su bcad pa 'di dag bka' stsal to| |rtse gcig sems su dbang po mnyam bzhag ste/ /de ring ngas smras 'di don mnyan par gyis/ /de bzhin gshegs la rdzun gyi tshig mi mnga'/ /bde gshegs rang byung tshig ni gzhan du min/ /skye bo de dga' bden smra 'di nyid ni/ /dag cing dri med gnod med bskal pa la/ /bskal pa grangs med mang pos 'jig rten du/ /'tshang rgya bden pa'i blo gros tog gi rgyal| |nyon mongs gnod pa de la mi 'byung ste/ /de phyir bskal pa de ni gnod med pa/ /'jig rten ming yang rnam par bltas pa ste/ /bskal pa de ni dpal gyi phung por 'gyur/ /rnam </font><hr>147b<br><font size=+1>


par 'dren pa de yi bskal pa de/ /lha mi rnams kyis blta ba'i 'os 'gyur te/ /rin chen tshogs kyi 'obs dang rta babs rnams/ /nyams dga' kun nas shin tu mdzes par 'gyur/ /dzam+bu'i klung gi gser gyi dra bas g.yogs/ /chos kyi sgra dbyangs yid du 'ong ba bsgrags/ /seng+ge'i rgyal mtshan rab rnams rtag tu bsgrengs/ /rin chen tshogs kyi lda ldi brgya dag dbyangs/ /rtsig pa'i rgyud ni rin chen dri med de/ /de ni lha yi khyim dang 'dra bar 'gyur/ /mtshe'u dang lu ma pad+ma'i mtsho dag gis/ /de ni rtag tu legs par brgyan par 'gyur/ /de yi chu dang pad+ma ut+pal dang / /pad+ma dkar po dag gis kun khebs 'gyur/ /gling bzhi pa yi 'jig rten bar ma de/ /ming ni blta na sdug cing yid 'ong ste/ /de ni bde gshegs de yi skye ba yis/ /rang byung de ni bram ze'i rigs las 'byung // thub pa'i yum ni shugs dang ldan zhes bya/ /yab ni tshangs pa'i dbyig ces bya bar 'gyur/ /de yi bu ni rnam grags sgra zhes bya/ /dper na nga'i bu sgra gcan zin 'di 'dra/ /bde gshegs de yi btsun mo dam pa ni/ /blo gros chen mo nga yi sa 'tsho bzhin/ /de yi ma ma ming ni grags chen te/ /nga yi skye rgu'i bdag mo chen mo bzhin/ /thub pa'i rim gro byed pa'i sems can 'phags/ /rtag tu rjes su 'brang zhes bya ba ste/ /nga yi rim gro 'dun pa gus ldan bzhin/ /de ni 'dren pa de la rim gro byed/ /thub pa de yi rta mchog 'gyur ba yi/ /shugs can </font><hr>148a<br><font size=+1>


@#/ /zhes bya'i ming dang ldan 'gyur te/ /bde gshegs mngon par 'byung tshe bcings par 'gyur/ /nga yi rta mchog bsngags ldan gyur pa bzhin/ /bde gshegs de yi rdzogs pa'i byang chub shing / /chos kyis 'phags zhes bya ba de tshe 'byung / /shing mchog brgya phrag stong du 'gyur ba yin/ /phrag ni brgyad cu dag gis de bskor 'gyur| |shing mchog de drung kye ma chos kyi rgyal/ /rang byung zla med bden zhes bya bzhugs nas/ /bla na med pa'i byang chub rab zhi ba/ /mya ngan med pa mngon par 'tshang rgyar 'gyur// de na bdud med bdud kyi phyogs kyang med/ /bdud kyi las kyang der 'byung mi 'gyur ro/ /rgyal ba thub pa gang zag zla med pa'i/ /sangs rgyas zhing ni gnod bsngo med par 'gyur// mi dang lha tshogs mang po 'du 'gyur te/ /rnam dag shin tu sbyangs pa de tshe 'byung / /de kun me tog phreng ba gos dang glu/ /rol mo sgra yis bde gshegs drung 'dong 'gyur/ / rgyal bas de dag bsam mkhyen mdo sde 'di/ /mdo gzhan lhan cig drang srong gsung bar 'gyur/ /rgyal ba des ni rab tu gsungs pa yi/ /mdo sde khyad par 'phags pa 'di thos nas/ /sems can dpag yas gang+gA'i bye ma snyed/ /thub dbang byang chub mchog tu mi ldog 'gyur/ /theg pa dman pa der 'byung mi 'gyur te/ /rang rgyal theg </font><hr>148b<br><font size=+1>


ba'ang zhing der 'byung mi 'gyur/ /rgyal ba de yi sangs rgyas zhing mchog der/ /byang chub sems dpa' 'byung kun dpa' zhing mdzangs/ /rkang gnyis mchog de'i 'dus pa dang por ni| |rgyal sras grags pa'i 'od ldan gang 'byung ba/ /rdzogs pa'i byang chub sems dpa' phyir mi ldog /rnam dag gang+gA'i rdul bas mang ba 'byung / /blo bzang ldan pa'i 'dus pa gnyis pa ni/ /skye ba gcig gnas khrag khrig brgyad cu 'byung / /'dus pa gsum pa byang chub sems dpa' mchog /dkrigs phrag drug cu dag ni 'byung bar 'gyur/ /bde bar gshegs de'i tshe yi tshad 'gyur ba/ /bskal pa bar ma drug cu tshang ba ste/ /rgyal ba de ni mya ngan 'das gyur nas/ /mi yi 'dren pa'i chos kyi sgron ma yang / /lo grangs bye ba khrag khrig stong phrag ni/ /brgyad cu tham par gnas par 'gyur ba yin/ /rang gi sku gdung ring bsrel rgyas mdzad cing / /de ni gdul ba rab mang 'dul bar 'gyur/ /drang srong che de byang chub sems dpa' ni/ /tog chen lung bstan mdzad nas mya ngan 'da'/ /'di ni bkod chen zhes bya'i thub dbang 'gyur/ / rgyal ba dgra las rgyal bar 'di 'gyur ro/ /rgyal ba de yi zhing bkod 'di 'dra ste/ /'jig rten phan par mdzad pa 'di bzhin no/ /rgyal ba'i byang chub mnyam med dri med </font><hr>149a<br><font size=+1>


@#/ /pa| |rab zhi rdzogs pa'i sangs rgyas mgon por 'gyur/ /nga yi mkhyen pa de 'dra nam mkha'i tshad/ /bskal pa 'byung ba mang po rab tu shes/ / 'das pa'i los shes da ltar ci zhig sems/ /ye shes kun tu thogs pa med pa mnga'/ /nga yi tshig ni dag cing rdzun med de/ /rdzun du mi smra don dam bden pa la/ /nga gnas nas ni nam yang mi smra'o/ /ji skad gsungs pa 'di la yid ches gyis/ /drang srong chen po'i gsung 'di thos gyur nas/ /'khor rnams kun kyang dga' ba'i sems gyur te/ / de tshe khams der skye bar shog cig ces/ /zhing mchog der skyes dad pas smon lam btab/ /'jig rten khams mchog der ni skye 'gyur te/ /'jig rten 'dren pas de dag lung bstan te/ /der ni khyed kyis bde gshegs thob gyur nas/ /kun kyang sems can don mang byed par 'gyur/ /mdo sde rgyal po 'di bstan de yi tshe/ /sa chen 'di yang rnam pa drug tu g.yos/ /byang chub sems dpa' pad+mar gnas pa dag /de tshe thal sbyar thub la 'di skad gsol/ /khyod kyis chos tshul dam pa 'di gsungs pa/ /thub pa zla med rang bzhin shin tu legs/ /chos kyi tshul rab dam pa mnyan pa dang / /rgyal ba'i chos 'tshal bdag cag 'dir mchis lags/ /de nas thams cad dang ldan </font><hr>149b<br><font size=+1>


pa'i 'khor de tshim zhing mgu ste yid rangs la rab tu dga' ste/ dga' ba dang / yid bde ba skyes nas gos re re bzhag ste gos gzhan dag bcom ldan 'das kyi sku la gsol nas tshig 'di skad kyang smras te/ kye ma 'jig rten du chos kyi 'khor lo bskor ba gnyis pa byung bar gyur te/ dang po ni/ grong khyer wA ra NA sir bskor to/ /chos kyi 'khor lo gnyis pa ni/ bcom ldan 'das kyis de ring 'dir bskor ro/ /bcom ldan 'das/ bdag cag kyang rtag tu rgyun mi chad par chos rin po che 'di dang mi 'bral zhing skyes bu dam pa 'di dang mi 'bral bar shog cig ces smon lam btab bo/ /steng gi bar snang las kyang lha'i rnga chen po dag sgra mngon par 'byin par gyur to| |lha'i me tog ut+pa la dang / pad+ma dang / ku mu da dang / pad+ma dkar po'i char chen po'ang bcom ldan 'das kyi zhabs kyi drung du mngon par bab par gyur to/ /steng gi bar snang la'ang lha rnams gyis lha'i gos dag g.yab mo thabs su bskor te tshig 'di skad kyang brjod par gyur to/ /skyes bu dam pa gang dag chos kyi rnam grangs 'di 'dzin pa dang / klog pa dang / kun chub par byed pa de dag ni/ yon tan bsam gyis mi khyab ba dang ldan pa'o/ /de skad ces smras pa dang / 'jam dpal </font><hr>150a<br><font size=+1>


@#/ /gzhon nur gyur pas bcom ldan 'das la 'di skad ces gsol to/ /bcom ldan 'das/ rigs kyi bu'am/ rigs kyi bu mo gang chos kyi rnam grangs 'di 'dzin pa dang / klog pa dang / kun chub par bgyid pa dang / gzhan dag la'ang rgya cher rab tu ston pa dang / glegs bam du bgyis shing 'chang ba na bsod nams kyi phung po ji snyed cig 'phel bar 'gyur lags/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ gal te rigs kyi bu'am/ rigs kyi bu mo la la zhig gis stong gsum gyi stong chen po'i 'jig rten gyi khams 'di na sems can gzugs can nam/ gzugs can ma yin pa'am/ 'du shes can nam/ 'du shes can ma yin pa ji snyed pa dang / sems can gyi khams na sems can ji snyed cig yod pa sangs rgyas kyi ye shes kyis mkhyen pa de dag thams cad snga phyi med par mi'i lus thob ste bla na med pa yang dag par rdzogs pa'i byang chub mngon par rdzogs par sangs rgyas par gyur la de dag thams cad la rigs kyi bu'am/ rigs kyi bu mo la la zhig gis bskal par gnas pa'i tshe bde ba'i yo byad thams cad kyis rim gro </font><hr>150b<br><font size=+1>


byas| bla mar byas/ bsti stang du byas/ mchod pa byas na/ 'jam dpal/ 'di ji snyam du sems/ rigs kyi bu'am/ rigs kyi bu mo de bsod nams mang du skyed dam/ gsol pa| bcom ldan 'das/ mang lags so/ /bde bar gshegs pa/ mang lags te/ 'di ltar bgrang ba'am/ brtsi bar yang sla ba ma lags so/ /bcom ldan 'das kyis bka' stsal pa| 'jam dpal/ de bas kyang gang gis chos kyi rnam grangs 'di 'dzin tam/ klog gam/ gzhan dag la'ang rgya cher yang dag par ston tam/ glegs bam du bris te 'chang ngam/ gzhan dag la'ang rgya cher yang dag par bstan na/ chos kyi rnam grangs 'di lung 'bog pa de bsod nams mang du skyed do/ /de skad ces bka' stsal pa dang / 'jam dpal gzhon nur gyur pas bcom ldan 'das la 'di skad ces gsol to/ /bcom ldan 'das/ de bzhin gshegs pas 'jig rten thams cad la sman pa'i slad du chos kyi rnam grangs 'di bstan pa ngo mtshar lags so/ /bcom ldan 'das/ chos kyi rnam grangs 'di yun ring po ji srid cig tu dzam+bu'i gling na mchis par 'gyur lags/ bcom ldan 'das kyis bka' stsal pa/ 'jam dpal/ nga mya ngan las 'das nas gang gi tshe rgyal po brgyad kyis nga'i ring bsrel rgya cher bya ba'i phyir brgyad du bgos nas </font><hr>151a<br><font size=+1>


@#/ /za ma tog brgyad du bcug ste rang rang gi yul du mchod rten gyi khang pa yangs par 'jog par 'gyur te/ rgyal po ma skyes dgras ni/ nga'i ring bsrel rnams las brgyad cha blangs nas rin po che'i za ma tog tu bcug ste rgyal po'i khab kyi grong khyer chen po'i phyi rol tu sa brkos nas ring bsrel la pog snod kha gab bcad nas spos kyis ni/ bdugs/ gdugs dang rgyal mtshan ni/ btsugs/ rin po che'i me tog ni/ gtor/ lo brgyar byin gyis brlabs pa'i mar me me lce gcig tu 'bar ba ni/ bus shing / ring bsrel gyi za ma tog 'jog par 'gyur/ rgyal po mya ngan med pa 'byung bar 'gyur ba bsdad pa'i phyir mdo'i rgyal po 'di gser gyi glegs bam la bris nas ring bsrel gyi za ma tog de nyid du 'jug par 'gyur ro/ /'jam dpal/ 'di lta ste/ rgyal po mya ngan med pa de ni/ nga mya ngan las 'das nas lo brgya lon pa na 'byung bar 'gyur te/ de ni/ mo'u rgya'i rigs su skyes pa/ dzam+bu'i gling la dbang ba/ mthu dang brtson pa thob pa/ stobs kyi 'khor los bsgyur bar 'gyur te/ de nga'i rnam pa las rjes su dran par byed par 'gyur ro/ /nga'i bstan pa la yang dag pa thob par 'gyur ro/ /de'i tshe de'i dus na dge slong dbang </font><hr>151b<br><font size=+1>


po bde ba zhes bya ba rdzu 'phrul che ba/ mthu che ba/ dam pa'i chos yongs su 'dzin pa/ shin tu rgyas pa'i mdo sde 'dzin pa/ rgyal po'i rigs las rab tu byung ba/ rgyal po mya ngan med pas bkur ba grong du 'jug pa 'byung bar 'gyur ro/ /'jam dpal/ de ltar rgyal po mya ngan med pa des nga'i ring bsrel rgya cher bya ba'i phyir skye bo mang pos yongs su bskor cing bkod pa chen po dang / rgyal po'i mthu chen pos me tog phreng ba dang / spos dang / phye ma dang / byug pa dang / sil snyan dang / pheg thogs te rgyal po'i khab kyi grong khyer chen por song nas mchod pa'i cho ga mngon par 'du bya ba chen po byas te sa'i phyogs de nas ring bsrel gyi za ma tog de phyung nas nyi ma bdun gyi bar du spos thams cad dang / me tog thams cad dang / me tog phreng thams cad dang / phye ma thams cad dang / byug pa thams cad dang / sil snyan thams cad dang / pheg rdob pa dang / glu dbyangs thams cad kyis mchod pa rnam pa du ma byas te skar ma dang / sbyor ba dang ldan pa gcig la yul sna tshogs su chos kyi rgyal pos byas pa'i mchod rten brgyad khri bzhi stong byed par 'gyur ro/ /de'i tshe chos smra ba dbang po bde bas chos kyi rnam grangs 'di ring bsrel gyi za ma tog nas phyung nas </font><hr>152a<br><font size=+1>


@#/ /byang phyogs kyi rgyud kyi yul chen por 'jog par 'gyur te/ skye bo mang pos shes par mi 'gyur/ skye bo mang pos rig par mi 'gyur/ skye bo mang pos yongs su bzung bar mi 'gyur la/ chos kyi rnam grangs 'dzin pa nyung ba dang / klog pa nyung bar 'gyur te/ 'jam dpal/ chos kyi rnam grangs 'di ni/ rtag tu sgrom du bcug pa dang / snod du bcug par 'gyur ro/ /de ci'i phyir zhe na/ 'di ltar chos tshol ba med cing snod ma yin pa'i phyir ro/ /'jam dpal/ chos kyi rnam grangs 'di ni| mos par dka' zhing yid ches par dka' la rtogs par dka' ba ste/ mun sprul du mngon par yid ches pa'am/ 'jug par mi nus so/ /'jam dpal/ phyi ma'i dus phyi ma'i tshe lnga brgya pa tha ma la bab pa'i tshe chos kyi rnam grangs 'di gang la la dag gis thos te yid ches par gyur tam/ tshol lam rtog na/ de dag ni| 'jam dpal/ khyod kyis sangs rgyas mang po la bsnyen bkur byas pa/ legs par spyod pa spyad pa/ theg pa chen po 'di'i snod du gyur par nges par rig par bya ste| rigs kyi bu'am/ rigs kyi bu mo gang dag chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / glegs bam/ </font><hr>152b<br><font size=+1>


du byas shing 'chang ba de dag thams cad kyis kyang bdag cag gis ni/ sngon de bzhin gshegs pa gang+gA'i klung gi bye ma snyed dag mthong bar gyur to/ /mnyes par byas so// bsnyen bkur byas so/ /zhes bya ba dang / de dag gis ni/ nga'ang skyed mos tshal 'di na chos kyi rnam grangs 'di bstan pa dang / 'khor 'dus pa 'di'ang mthong ngo / /zhes de ltar shes par bya'o/ /de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis chos kyi rnam grangs 'di longs shig /zungs shig /kun chub par gyis shig /dbang po rnon po rnams ma gtogs par gar bab bab kyi mdun du ma ston cig /de ci'i phyir zhe na/ kun dga' bo/ 'di ni/ de bzhin gshegs pa'i gsang ba yin pa dang / 'di ni/ de bzhin gshegs pa'i gsang chen yin pa dang / 'di ni/ de bzhin gshegs pa'i bar med pa'i chos bstan pa yin pa dang / 'di ni/ de bzhin gshegs pa'i phyag rgya yin pa dang / 'di ni/ de bzhin gshegs pa'i srung ba sgom pa yin pa dang / 'di ni/ de bzhin gshegs pa'i gter gyi mchog yin pa'i phyir te/ kun dga' bo/ de bas na/ nga'i bu thu bo chos kyi mdzod 'dzin pa/ chos kyi mdzod srung ba de dag la sbyin par bya ba ma gtogs </font><hr>153a<br><font size=+1>


@#/ /par 'di ni/ shin tu sba bar bya zhing su la'ang sbyin par mi bya'o/ /kun dga' bos gsol pa/ bcom ldan 'das/ bdag gis chos kyi rnam grangs 'di bzung lags na/ bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir khyod kyis chos kyi rnam grangs 'di byang chub sems dpa'i spyod yul gyi thabs kyi yul la rnam par 'phrul pa bstan pa zhes bya bar zungs shig /de bzhin gshegs pa'i gsang ba'i gnas zhes bya ba dang / de bzhin gshegs pa'i bar chad med pa'i chos bstan pa zhes bya ba dang / de bzhin gshegs pa'i yul zhes bya ba dang / theg pa gcig tu bstan pa zhes bya ba dang / 'jam dpal gyis yongs su dris pa zhes bya ba dang / bden smra lung bstan pa zhes bya ba dang / bden smra'i le'u zhes bya bar yang zungs shig /chos kyi rnam grangs 'di bstan pa'i tshe srog chags khrag khrig phrag sum cu sngon bla na med pa yang dag par rdzogs pa'i byang chub tu sems ma skyes pa las sems skyes par gyur to/ /byang chub sems dpa' dgu khris ni/ mi skye ba'i chos la bzod pa thob par gyur to/ /sems can tshad </font><hr>153b<br><font size=+1>


med pa dag ni/ bla na med pa yang dag par rdzogs pa'i byang chub tu nges par gyur to/ /bcom ldan 'das kyis de skad ces bka' stsal nas tshe dang ldan pa kun dga' bo dang 'jam dpal gzhon nur gyur pa dang / byang chub sems dpa' de dag thams cad dang / thams cad dang ldan pa'i 'khor dge slong dang / dge slong ma dang / dge bsnyen dang / dge bsnyen ma rnams dang / brgya byin dang / tshangs pa dang / 'jig rten skyong pa rnams dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /lung bstan pa'i le'u ste/ bcu pa'o// //'phags pa byang chub sems dpa'i spyod yul gyi thabs kyi yul la rnam par 'phrul pa bstan pa zhes bya ba theg pa chen po'i mdo rdzogs so// //rgya gar gyi mkhan po pra dz+nyA wa rma dang / zhu chen gyi lo tsa ba ban+d+he ye shes sde la sogs pas bsgyur cing zhus te gtan la phab pa/ </font><hr>

</table>