H148

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H148</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H148&coll=lhasa">see text in Tibetan script</a></table>153b<br><font size=+1>


rgya gar skad du/ AR+Ya ta thA ga ta ma hA ka ru Na nir de sha nA ma mahA yA na sU tra| bod skad du/ 'phags pa de bzhin gshegs pa'i snying rje chen po nges par bstan pa zhes bya ba theg pa chen po'i mdo/ bam po dang po/ sangs rgyas dang / </font><hr>154a<br><font size=+1>


@#/ /byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ rgyal po'i khab na bya rgod kyi phung po'i ri sngon rgyal ba bzhugs bzhugs pa'i mchod rten chen po de bzhin gshegs pa'i byin gyi rlabs kyis brlabs pa/ sa'i snying po byang chub sems dpas mngon par bstod pa/ chos kyi gdan/ lha dang / klu dang / gnod sbyin dang / dri za dang / lha ma yin gyis phyag byas pa'i sa phyogs/ dge ba'i rtsa ba yang dag par skul ba/ de bzhin gshegs pa 'byung ba/ chos kyi sgo mngon par brjod pa/ byang chub sems dpa' 'byung ba/ yon tan tshad med pa las yang dag par byung ba/ de bzhin gshegs pa'i spyod yul na bcom ldan 'das chos thams cad kyi mnyam pa nyid ni/ mngon par rdzogs par sangs rgyas/ chos kyi 'khor lo ni/ shin tu bskor/ slob ma shin tu dul ba mtha' yas pa'i tshogs ni/ mnga'/ chos thams cad la mnga' dbang ni/ brnyes/ sems can thams cad kyi bsam pa sgrub pa ni/ legs par mkhyen/ dbang po dam pa'i pha rol tu phyin pa ni/ brnyes/ sems can thams cad kyi bag chags kyi mtshams sbyor ba legs par 'joms pa la ni/ mkhas/ sangs rgyas kyi mdzad pa lhun gyis grub pa </font><hr>154b<br><font size=+1>


ni| rgyun mi chad cing dge slong stong phrag drug cu'i dge slong gi dge 'dun chen po dang thabs gcig tu bzhugs te/ thams cad kyang cang shes pa/ glang po chen po/ /bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ shes rab shin tu rnam par grol ba/ nyon mongs pa'i bag chags kyi mtshams sbyor ba thams cad legs par bcom pa/ de bzhin gshegs pa chos kyi rgyal po'i sras/ chos zab mo la gnas par mkhas pa/ dmigs pa med pa'i chos kyis nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs pa'i bka' la shin tu zhugs pa sha stag go /byang chub sems dpa'i dge 'dun dpag tu med pa dang yang thabs cig ste/ byang chub sems dpa' sems dpa' chen po thams cad mkhyen pa chags pa med pa'i spyod yul gyis nges par byung ba/ byams pa chen po dang / snying rje chen po'i chos kyi sprin las lhag mthong dang / rig pa dang / rnam par grol ba'i glog phyung zhing bdud rtsi'i chu'i rgyun gyi char 'bebs pas 'gro ba thams cad tshim par byed pa/ sems can thams cad la sems </font><hr>155a<br><font size=+1>


@#/ /sa dang mnyam pa/ rjes su chags pa dang khong khro ba dang bral ba/ byang chub kyi phyogs kyi chos sna tshogs kyi lo thog yang dag par 'phel bar byed pa/ nyi ma'i dkyil 'khor bas lhag pa'i shes rab kyi 'od zer rab tu gtong bas gti mug gi mun pa sel ba'i lam gyi snang ba thob pa kun tu ston pa dang / sems can gyi pad+ma kha 'byed pa dang / dge ba'i rtsa ba yongs su smin par byed pa dang / sred pa'i chu skem pa dang / shes pa'i las kyi mtha' la rab tu 'jog pa la mngon par shes pa chen po dang / zhi gnas kyis rgyu ba/ zla ba lta bur 'gro ba thams cad la sems mnyam pas mngon par zhi bar bya ba'i bsam pa tshim par bya ba'i thabs la mkhas pas 'grib pa dang 'phel ba kun tu ston pa/ ri rab lta bu'i lhag pa'i bsam bas tshangs pa'i gnas pa'i rin po che shin tu brtan te/ ngos bzhi nas yul gyi rlung thams cad kyis mi sgul cing 'jig rten gyi chos las mngon par 'phags pa'i sangs rgyas kyi zhing thams cad kun tu bstan pa snang bar gyur pa/ rgya mtsho chen po ltar gzungs dang dran pa'i snod rgya chen po chos kyi chus yongs su gang ba dang / byang chub sems dpa'i spyod pa rin po/ </font><hr>155b<br><font size=+1>


ches 'gro ba thams cad nye bar 'tsho ba/ ri dwags kyi rgyal po ltar bden pa'i rkang pa dang / byams pa rab tu 'phel ba'i mjug ma dang / zhi gnas dang / lhag mthong gi mig dang ldan zhing chos zab mo la skrag pa med pas pha rol rgol ba thams cad 'joms pa/ bskal pa brgya stong phrag dpag tu med cing mtha' yas thug pa med par byang chub sems dpa'i spyod pa rgyun ma bcad pas yon tan thams cad dang ldan pa sha stag dang thabs cig pa la 'di lta ste/ byang chub sems dpa' sems dpa' chen po kun nas snang zhing sgrib pa med par lta ba zhes bya ba dang / byang chub sems dpa' sems dpa' chen po zhing thams cad kyi rgyan bkod pa kun tu ston pa zhes bya ba dang / byang chub sems dpa' sems dpa' chen po de bzhin gshegs pa'i rigs las byung ba'i spyod pa'i blo gros zhes bya ba dang / byang chub sems dpa' sems dpa' chen po spyod lam thams cad kyis 'dul ba mi 'khrugs pa kun tu ston pa zhes bya ba dang / byang chub sems dpa' sems dpa' chen po spobs pa mtha' yas pa'i tog gi rgyal mtshan rnam par sprul pa'i dbyangs zhes bya ba dang / byang chub sems dpa'i sems dpa' chen po gser bzang po bsags pa'i </font><hr>156a<br><font size=+1>


@#/ /'od kyi gzi brjid kyi 'od zer zhes bya ba dang / byang chub sems dpa' sems dpa' chen po shes rab kyis rnam par nges pa'i tshig la spobs pa zhes bya ba dang / byang chub sems dpa' sems dpa' chen po bsod nams dang / ye shes kyi tshogs dpag tu med pas brtan pas bsags pa zhes bya ba dang / de la sogs pa byang chub sems dpa' sems dpa' chen po grangs med dpag tu med pa dag dang thabs cig go /de nas bcom ldan 'das byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs yang dag par rab tu ston to/ /de nas bcom ldan 'das mngon par rdzogs par sangs rgyas nas lo bcu drug bzhes te/ tshangs par spyod pa rgyas par gyur par mkhyen/ byang chub sems dpa' 'dus pa chen po de'ang gzigs shing mkhyen te/ kye ma byang chub sems dpa' 'dus pa 'di dag ni/ de bzhin gshegs pa'i chos kyi mdzod 'dzin par mkhyen nas 'di snyam du gang gi phyir ngas byang chub sems dpa' rgya cher rjes su yongs su gzung ba dang / 'di lta ste/ byang chub sems dpa' sems dpa' chen </font><hr>156b<br><font size=+1>


po rnams de bzhin gshegs pa'i yul la gzud pa'i phyir de bzhin gshegs pa'i rnam par 'phrul pa chen po dang / de bzhin gshegs pa'i cho 'phrul chen pos byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs yang dag par bstan par bya'o snyam du dgongs so| |de nas de'i tshe bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par ston pa zhes bya ba la snyoms par zhugs so/ /bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par ston pa zhes bya ba de la snyoms par zhugs ma thag tu de nas de'i tshe sangs rgyas kyi mthus steng gi bar snang la 'dod pa'i khams dang / gzugs kyi khams kyi bar du 'khor gyi khyams/ sangs rgyas kyi gnas/ de bzhin gshegs pa'i dge ba'i rtsa bas mngon par grub pa/ byang chub sems dpa'i bsam pa yongs su sbyong ba/ phyogs bcu'i 'jig rten gyi khams snang bar byed pa/ sems can tshad med pa'i bsam pa tshim par byed pa/ lha'i gzhal med khang thams cad zil gyis gnon </font><hr>157a<br><font size=+1>


@#/ /pa/ phyogs bcu'i byang chub sems dpa' yang dag par skul ba/ gzhi bai DUR+Ya dkar po'i dbyibs dang / dzam+bu'i gling gi gser gyi khang pa dag dang / dpal gyi snying po'i rta babs dag dang / rin po che rdo'i snying po'i sgo khang dag dang / nor bu rin po che snying po'i kha khyer dag dang / rin po che dri ma med pa'i 'od kyi stegs bu dag dang / rin po che kun nas 'od kyi khang pa brtsegs pa dag dang / rin po che thams cad kyis dgab pa dang / mu tig gi rgyan phreng rab tu dpyangs pa dang / gdugs dang / rgyal mtshan dang / ba dan sgreng ba dang / lha'i dar gyi lda ldi mngon par dbyangs pas bsngags pa bstan pa dpag tu med cing thug pa med pa stong gsum gyi stong chen po'i 'jig rten gyi khams kyi tshad tsam zhig byung ste/ 'khor gyi khyams de'ang tsan+dan sprul gyi snying pos bskus pa/ tsan+dan dus kyi rjes su 'brang ba'i dri yid du 'ong ba dang ldan pa/ dri'i mchog a ga ru dam pa'i snying pos bdugs pa/ klu'i mu tig dang rin po che'i me tog gis rnam par spras pa/ me tog sil ma bkram pa/ rin po che'i shing dang / rin po che'i mkha' rten gyis mdzes par byas pa ste/ phyogs bcu'i 'jig </font><hr>157b<br><font size=+1>


rten gyi khams thams cad na rgyan mdzes pa bgod pa ji snyed ba de dag thams cad 'khor gyi khyams de nyid na kun tu snang ngo / /der gdan seng+ge'i khri bye ba khrag khrig brgya stong phrag mang po dpag tu med pa/ grangs med pa/ sna tshogs pa/ blta na sdug pa/ mtho ba/ rab tu bzang ba/ yangs pa/ rgya che ba/ yid du 'ong ba/ yid dga' bar byed pa dag byung bar gyur to/ /gling bzhi pa'i 'jig rten gyi khams 'dir them skas kha khyer mi bdun gyi 'phang tsam gyis bskor ba/ rgyar dpag tshad phyed kyis yongs su bzung ba/ rin po che and rnyil dang / mthon kha chen pos snying por gyur pa/ brgya byin thogs pa'i nor bu rin po che chen po'i gdugs can / tshangs pa'i ne tso'am ci dang / rin po che ser pos spras pa/ rin po che'i dril bu g.yer kha'i dra ba kun tu bskyod pas sgra 'byung ba/ sa'i steng nas 'khor gyi khyams la thug gi bar du gyen du mngon par 'phags pa/ drang pa/ ma yo ba bzhi stong byung bar gyur to/ /gling bzhi pa'i 'jig rten gyi khams 'dir ji lta ba bzhin du stong gsum gyi stong chen po'i 'jig rten gyi khams thams cad kyi gling bzhi pa'i 'jig rten gyi khams thams cad du'ang de lta bu'i them skas chen po dag byung bar gyur to// </font><hr>158a<br><font size=+1>


@#/ /de nas bcom ldan 'das dgongs shing mkhyen bzhin du ting nge 'dzin de las bzhengs par gyur to/ /bcom ldan 'das ting nge 'dzin de las bzhengs ma thag tu stong gsum gyi stong chen po'i 'jig rten gyi khams 'di rnam pa drug tu g.yos te snang ba chen po'ang byung bar gyur to/ /de nas bcom ldan 'das byang chub sems dpa'i tshogs dang thabs cig /nyan thos kyi tshigs dang thabs cig tu byang chub sems dpa'i tshogs kyis yongs su bskor zhing nyan thos kyi tshogs kyis mdun du bdar te lha dang / klus mngon par bstod cing me tog gi char chen po ni/ 'bebs/ na bza'i char chen pos ni/ mngon par 'gebs/ phye ma dang / spos dang / byug pa'i char chen po ni/ 'thor/ sil snyan dang / sgra dbyangs chen po ni/ rab tu sgrog /'jig rten gyi khams dpag tu med pa ni/ rab tu g.yo bar mdzad/ 'jig rten gyi khams grangs med pa ni/ snang bar mdzad cing sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi cho 'phrul chen po dang / sangs rgyas kyi khyu mchog tu gyur pa chen po dang / sangs rgyas kyi byin gyi rlabs chen po dang / sangs rgyas kyi gzi brjid chen po dang / sangs rgyas kyi byin chen po dang / sangs rgyas </font><hr>158b<br><font size=+1>


kyi rnam par 'phrul pa chen pos bya rgod kyi phung po'i ri las mi snang bar gyur te lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po bye ba phrag du ma zhabs 'bring du 'brang zhing nor bu rin po che sna tshogs kyi them skas kyi dbus nas 'khor gyi khyams bkod pa ga la ba der gshegs so/ /de nas rgyal po chen po bzhi la sogs pa rgyal chen bzhi'i ris kyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i me tog gi sprin gyi char rab tu phab ste thal mo sbyar nas bcom ldan 'das la mngon par bstod pa/ nyi ma me dang nor bu'i 'od dang lha yul pa yi lha 'od shin tu dri med pa/ /thub pas 'od kyis thams cad zil gyis mnan nas ngan song gsum po dag kyang zhi bar mdzad/ /ri bo lhun po dang ni khor khor yug rtse mo bsnyil te zhing rnams gsal bar gyur pas na/ /dga' zhing yid rnams mgu nas don rnams thams cad grub pa'i rgyal ba la ni skyabs su mchi/ /de nas rgyal chen bzhi'i ris kyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das gshegs pa'i zhabs 'bring du 'brang ngo / /de nas lha'i </font><hr>159a<br><font size=+1>


@#/ /dbang po brgya byin la sogs pa sum cu rtsa gsum gyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i spos kyi sprin gyi char rab tu phab ste thal mo sbyar nas bcom ldan 'das la mngon par bstod pa/ rdzu 'phrul dam pa brnyes shing rab tu mtshungs pa med pa rnam par 'phrul pa shin tu ston/ /rgyal ba nyi ma ji bzhin 'phags te zhing rnams bye ba brgya dag tu yang rab tu gda'/ /rgyal bas rang gi yon tan kun gyis zhing rnams thams cad brgyan te shin tu mdzes mdzad pa/ /gang zhig shin tu mnyam med mtshungs pa med cing rdzu 'phrul dbang du gyur la phyag 'tshal lo/ /de nas sum cu rtsa gsum gyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das kyi zhabs 'bring du 'brang ngo / /de nas lha'i rgyal po rab 'thab bral la sogs pa 'thab bral gyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i na bza'i sprin gyi char rab tu phab ste thal mo sbyar nas bcom ldan 'das la mngon par bstod pa/ bde gshegs khyod kyi mkhyen pa mtha' yas </font><hr>159b<br><font size=+1>


yangs pas sems can bsam pa mkhyen/ /mkha' 'dra'i lam gyi chos gsum dag la chags med thams cad mkhyen pa nyid/ /sems kyi 'jug pa gcig gis 'gro ba'i sems kyi spyod pa thams cad mkhyen/ /des na srid pa gsum po dag na lus can rnams kyis mchod par 'os/ /de nas 'thab bral gyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das kyi zhabs 'bring du 'brang bar gyur to/ /de nas lha'i rgyal po rab dga' ldan la sogs pa dga' ldan gyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i rin po che'i sprin gyi char rab tu phab ste thal mo sbyar nas bcom ldan 'das la mngon par bstod pa/ gang gi slad du sgra dang yi ge ma mchis gang du'ang rgyu ba ma mchis pas/ /khyod kyis chos rnams mi g.yo ya ma brla dang sgyu ma smig rgyu 'drar mkhyen nas/ /bcom ldan 'das kyis thugs rjes sems can rnams la ched du chos mchog gsungs pas na/ /chos kyi dngos po'i rang bzhin mkhas pa bdag med gsung ba'i rgyal la phyag 'tshal lo/ /de nas dga' ldan gyi ris kyi lha rnams kyis bcom ldan 'das la tshigs su bcad </font><hr>160a<br><font size=+1>


@#/ /pa 'dis mngon par bstod nas bcom ldan 'das kyi zhabs 'bring du 'brang ngo / /de nas lha'i rgyal po rab 'phrul dga' la sogs pa 'phrul dga'i lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i rgyan gyi sprin gyi char rab tu phab ste thal mo sbyar nas bcom ldan 'das la tshigs su bcad pa 'dis mngon par bstod do/ /chos kyi zong gis rang gi stobs bcu mkha' 'dra 'od zer ldan pa dang / /thugs rje brnyes nas byams pa'i dgongs pas sems can rnams la gzugs ston pa/ /gru tshul chos la gnyis su med par zhugs kyang rgyal ba mtshungs par mkhyen/ /chos kyi khyad par sems lhag don kun grub pa'i rgyal la phyag 'tshal lo/ /de nas 'phrul dga'i lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das kyi zhabs 'bring du 'brang bar gyur to/ /de nas lha'i rgyal po dbang sgyur la sogs pa gzhan 'phrul dbang byed kyi lha rnams kyis bcom ldan 'das them skas su zhugs pa dang 'khor gyi khyams su mngon par phyogs par rig nas bcom ldan 'das la mchod pa'i las kyi phyir mu tig gi do shal gyi </font><hr>160b<br><font size=+1>


sprin gyi char rab tu phab ste/ thal mo sbyar nas bcom ldan 'das la tshigs su bcad pa 'di dag gis mngon par bstod do/ /tshul khrims dri ma mi mnga' rnam dag rnam par nges pa dam pa ting nge 'dzin mchog mi g.yos pa/ /mnyam med blo ldan rgya mtsho 'dra bar gnas shing srid las rnam grol dbang sgyur zhabs la phyag 'tshal lo/ / rim gyis byams dang ldan pa'i thugs rje yis ni bden pa'i lam gyi rnam pa rab tu gnas mdzad pa/ /rnam thar gsum gyi lam gyi khyim na gnas pa'i bde gshegs seng ge khyod la bdag cag phyag 'tshal lo/ /snying rje'i chu bo ting nge 'dzin gyis rnam 'phel ba/ /zhi gnas 'dab ma rnam par grol ba'i me tog rgyas/ /slob ma'i tshogs kyi bung bas nges par bsnyen gyur pa/ /bde gshegs pad+ma la ni spyi bos phyag 'tshal lo/ /mnga' bdag g.yo ba ma mchis tshul khrims sar gnas pas/ /brtson 'grus mtshungs pa ma mchis stobs kyis yang dag 'phags/ /yul gyi rlung rnams langs pa chen pos mi g.yos pa/ /sangs rgyas ri bo dam pa khyod la phyag 'tshal lo| |mnga' bdag thugs rjes dbyangs kyi dkyil 'khor rnam dag pa/ /blo gter blo mchog gis ni rab tu 'joms mdzad pa/ /sems can brgya dag gis ni mang </font><hr>161a<br><font size=+1>


@#/ /pos mchod gyur pa/ /bde gshegs zla ba khyod la bdag cag phyag 'tshal lo/ /mkha' ltar zhi ba'i rnam par thar pa'i lam gshegs pa| |shes rab 'od kyis phyogs bcu dag ni rgyas 'gengs shing / /skye bo mang po mtshungs med pad+ma kha 'byed pa/ /sangs rgyas nyi ma dam pa khyod la phyag 'tshal lo/ / mnga' bdag phyogs bcu'i 'jig rten gsum po dag na yang / /'dren pa khyod dang mnyam pa dmigs par ma gyur te/ /khyod ni yon tan kun gyis yang dag grub pa lags/ /bdag cag khyod la bstod pas ngoms par 'gyur ma lags/ /lha dbang klu dang lha ma yin gyis phyag bgyis pa/ /lha mchog brgya dag gis kyang yang dag mngon bstod pa/ /bsngags pa brgya phrag mang pos yang dag mngon bstod pa/ /bde bar gshegs pa bstod 'os khyod la phyag 'tshal lo/ /de nas gzhan 'phrul dbang byed kyi lha rnams kyis bcom ldan 'das la tshigs su bcad pa 'di dag gis mngon par bstod nas bcom ldan 'das kyi zhabs 'bring du 'brang ngo / /de nas bcom ldan 'das de ltar sangs rgyas kyi yul rnam par sprul pa tshad med pa lha 'bum gyis mngon par bstod nas 'khor gyi khyams rin po che bkod par gshegs </font><hr>161b<br><font size=+1>


te| ji ltar bcom ldan 'das gling bzhi pa'i 'jig rten gyi khams mi mjed 'dir them skas nas 'khor gyi khyams rin po che bkod par gshegs pa shes pa de bzhin du/ stong gsum gyi 'jig rten gyi khams thams cad kyi gling bzhi pa'i 'jig rten gyi khams thams cad na'ang gshegs par shes so/ /de nas bcom ldan 'das 'khor gyi khyams stong gsum gyis yongs su bzung ba rin po che bkod par gdan seng+ge'i khri ji ltar bshams pa la bzhugs so/ /byang chub sems dpa' dang / nyan thos chen po dag kyang stan ci rigs pa la 'khod par gyur to/ /de nas bcom ldan 'das de'i tshe sangs rgyas kyi ting nge 'dzin rnam par thar pa sgrib pa med pa la sangs rgyas rnam par rol pa zhes bya ba la snyoms par zhugs so/ /bcom ldan 'das sangs rgyas kyi ting nge 'dzin rnam par thar pa sgrib pa med pa la sangs rgyas rnam par rol pa zhes bya ba la snyoms par zhugs ma thag tu de nas bcom ldan 'das kyi sku'i spu'i khung bu thams cad kyi spu'i khung bu re re nas kyang 'od zer gang+gA'i klung gi bye ma snyed byung ste/ byung nas kyang shar phyogs kyi 'jig rten gyi khams thams cad snang bar byas so/ /de bzhin du lho dang / nub dang / byang gi phyogs </font><hr>162a<br><font size=+1>


@#/ /rnams dang / 'og dang / steng dang / phyogs mtshams rnams kyi 'jig rten gyi khams thams cad snang bar byas so/ /'jig rten gyi khams rnams snang bar byas ma thag tu de nas sems can dmyal ba pa'i sems can thams cad kyi sems can dmyal ba'i sdug bsngal gyi tshor ba rgyun chad do/ /dud 'gro'i skye gnas pa'i sems can rnams dang / gshin rje'i 'jig rten pa'i sems can rnams kyi sdug bsngal gyi tshor ba'ang rgyun chad do/ /sems can thams cad kyang skad cig de la 'dod chags kyis gnod par ma gyur cing / zhe sdang gis ma yin/ gti mug gis ma yin te/ nyon mongs pa gzhan gyis kyang gnod par ma gyur to| |de'i tshe sems can thams cad kyang byams pa'i sems dang / pha ma lta bu'i 'du shes su gyur to/ /byang chub sems dpa' yang dag par bskul ba'i phyir sangs rgyas kyi mthus de bzhin gshegs pa'i 'od de las tshigs su bcad pa 'di byung ngo / /gang gis brtson 'grus stobs ni mtha' yas yangs pa brtan pa brtsams gyur te/ /gang gis brtson 'grus chen po'i stobs kyis bskal pa dag las phyir phyogs spangs/ /gang gi yon tan dag ni phyogs bcu rnams na mthu ldan </font><hr>162b<br><font size=+1>


rab brjod pa/ /shAkya thub pa'i 'od yangs 'gro ba thams cad snang bar byed pa mdzes/ /gang chos rgya chen bla med mnyan slad de yi zhabs la phyag 'tshal te/ /mkhas pa blo gros brtan pa dag ni bskal pa grangs med rtag tu nyan/ /blo rgyas gang zhig rdzogs pa'i byang chub sems dpa'i bsam pa tshim skyed pa/ /thub pa des ni gang phyir sems can bde bar bzhed pas 'od 'di phyung / /mnga' bdag gang zhig brtson 'grus kyis ni bdud stobs mu stegs tshogs bcas pha ma mdzad nas/ /pad+ma byung ba bzhin du 'phags shing phyogs bcu dag tu lhun po ji bzhin mdzes/ /gang zhig nyi ma bzhin du sku yi 'od kyis 'gro ba ma lus snang mdzad pa/ /de yi chos kyi 'khor lo gzhag pa don chen gsan du rgyal ba gshegs su gsol/ /rab tu bskor bar ma gyur mtshungs pa med cing rgyal ba kun gyis bskor gyur pa/ /'khor lo dam pa stobs bcu sems can thugs brtse phyir ni de ring bskor bar mdzad/ /srog chags rnams kyis bsten par rnyed dka' legs pa rgya chen de ring 'byung bar 'gyur/ /gang dag dad pa dang ba che yangs don du gnyer ba de dag de ring ltos/ /de nas 'od zer de dag gis sangs rgyas kyi zhing thams cad tshigs su bcad pa 'di dag gis go bar byas/ byang chub sems dpa' </font><hr>163a<br><font size=+1>


@#/ /thams cad yang dag par bskul/ 'jig rten gyi khams thams cad rab tu g.yo bar byas/ sems can thams cad bde bar byas/ nyon mongs pa'i khams thams cad rnam par sbyangs/ mun pa mun nag thams cad bsal/ bdud kyi khyim thams cad mog mog por byas nas byang chub sems dpa'i 'khor dpag tu med pa dag dang / 'jig rten gyi khams mi mjed du slar 'ongs te bcom ldan 'das kyi dbu'i gcug tu mi snang bar gyur to/ /de nas shar phyogs na de bzhin gshegs pa dri med rnam dag rin chen 'od byang chub kyi yan lag dang ldan pa'i chos rgyun mi chad pa'i 'od zer bkod pa'i rgyal po'i sangs rgyas kyi zhing 'jig rten gyi khams yon tan mtha' yas pa'i rin po che'i bsod nams bkod pas rgya che ba dang ldan pa na byang chub sems dpa' me tog dpal gyi snying po chos thams cad la dbang sgyur ba zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin </font><hr>163b<br><font size=+1>


po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te lan khri bskor ba byas nas bcom ldan 'das la mchod pa'i las kyi phyir lha'i nor bu bai DUR+Ya'i dra pa'i char rab tu phab ste bcom ldan 'das la tshigs su bcad pa 'di dag gis mngon par bstod do/ /bcom ldan rab tu mtshungs med yon tan pha rol phyin/ /khyed kyi yon tan bsngags phreng phyogs bcu kun na brjod/ /khyod kyi yon tan tshogs mchis zhing gang yon tan gter/ /der ni chos don gnyer ba bdag cag rab tu mchi/ /chos dbyings mnyam nyid rnam rtog ma mchis ji bzhin du/ /bcom ldan dri med 'od kyis mnyam pa nyid mkhyen kyang / / shin tu bslab pa'i sgyu ma mkhan ltar chos kyi rgyal/ /sems can rnam par dgrol slad tha dad bstan pa mdzad/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas shar phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas lho phyogs na de bzhin gshegs pa yon tan mtha' yas rin chen spobs pa'i sangs rgyas kyi zhing 'jig rten gyi khams </font><hr>164a<br><font size=+1>


@#/ /sangs rgyas kyi spobs pa na byang chub sems dpa' rin chen srog shing zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag bcal te lan khri bskor ba byas nas bcom ldan la mchod pa'i las byed cing gser gyi dra bas bcom ldan la mngon par bkab ste tshigs su bcad pa 'di dag gis bcom ldan 'das la mngon par bstod do/ /bcom ldan thugs rje'i sprin gyis 'jig rten rgyas bkang nas/ /'od kyi glog phyung stong pa bdag med sgra bsgrags te| |yan lag brgyad pa'i lam gyi chu yis zhi mdzad cing / /dkar po'i stobs dbang nags tshal gel pa 'phel bar mdzad/ /bde gshegs shes rab 'od kyis gti mug mun bsal nas/ /ring nas srid mtshor gnyid log sems can sad mdzad de/ /lam yang bstan cing sred pa dag kyang skam par mdzad/ /thar pa'i grong gnas </font><hr>164b<br><font size=+1>


rnams kyi mig kyang rnam par sbyong / /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas lho phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas nub phyogs na de bzhin gshegs pa kun nas snang ba'i sangs rgyas kyi zhing 'jig rten gyi khams snang ba dang ldan pa na byang chub sems dpa' sgra bsgrags pa'i stobs kyi rgyal po zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thad gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing nor bu mu tig gi do shal gyi phreng ba'i dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /khyod kyi sku yi 'phrin las </font><hr>165a<br><font size=+1>


@#/ /nam mkha'i khams 'dra zhing / /smon lam dge bas dag pa bye ba phrag mang ldan/ /dri med rnam par dag cing zag pa med pa des/ /phyogs bcu'i sangs rgyas zhing rnams bsam gyis mi khyab gsal/ /khyod kyi tshig ni rgyun chags gsal zhing mtshungs pa ste/ /'gro ba bsam dag bsam pa mnyam nyid yongs tshim bgyid/ /sems kyi rgyu dang rnam rtog gang yang mi mnga' yang / /sems can bsam pa rnams la rgyal ba dag gi 'byung / /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas nub phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas byang phyogs na de bzhin gshegs pa yon tan mtha' yas rin chen spobs pa'i sangs rgyas kyi zhing 'jig rten gyi khams rin po che thams cad kyis spras pa na byang chub sems dpa' blo mchog rgya mtsho zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud </font><hr>165b<br><font size=+1>


tsam de la 'jig rten gyi khams ma mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor bar byas nas bcom ldan 'das la mchod pa'i las byed cing nor bu'i do shal dang / rin po che'i dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /dzam+bu'i chu gser bco ma lta bur ser ba'i sku/ / kun nas spyan mnga' phyogs bcu dag tu rnam par mdzes/ /mtshungs med sku la sems can gang dag nges rtog pa/ /de dag skyon med bde zhing dga' ba thob par 'gyur// gang gis lhun po brtsegs pa lta bu'i khrun cam du/ /'jig rten mkhyen pa mtshungs med rgyal ba bltas kyang ni/ /de yi rdzu 'phrul kun gyi stobs dang brtson 'grus kyi/ / rnam par sprul pas rgyal ba'i spyi gtsug mthong mi nus/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas byang phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas shar dang </font><hr>166a<br><font size=+1>


@#/ /lho'i mtshams phyogs na de bzhin gshegs pa mya ngan thams cad bcom pa'i sangs rgyas kyi zhing 'jig rten gyi khams mya ngan med pa na byang chub sems dpa'i kun nas snang ba zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing rin po che'i dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /spu yi mtha' dpung ma mchis pa yi zhing 'dzin kyang / /sems can rnams la mi gnod zhing la mi gnod pas/ /mig med rnams kyis rgyal ba'i spyod yul 'tshal bar dka'/ /sangs rgyas sras ni rgyal ba'i byin gyis yang dag 'tshal/ /zhing gcig phyogs la zhing mang rab 'byams ston mdzad </font><hr>166b<br><font size=+1>


de| |kun tu bstan kyang rnam par 'phel dang 'grib ma mchis/ /bsam pa chen po dag ldan ci 'drar gyur de la/ /dpag med rdzu 'phrul rnam par sprul pas de ston to/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas shar dang lho'i phyogs mtshams logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas lho dang nub kyi mtshams phyogs na de bzhin gshegs pa thugs rje chen pos sems can thams cad la gzigs pa'i sangs rgyas kyi zhing 'jig rten gyi khams mig bzang po na byang chub sems dpa' snying rje chen po sems pa zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan </font><hr>167a<br><font size=+1>


@#/ /'das la mchod pa'i las byed cing na bza'i dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /sems can dam pa g.yag rnga thogs pa ji bzhin du/ /tshul khrims dri med nor bu rin chen 'dra ba bsrungs/ /tshul khrims med gzigs mgon po shin tu thugs rje zhing / /bdag la bstod pa mi mdzad gzhan la smod mi mdzad/ /lhun po ji bzhin khyod brtan bla ma rgya chen bste| |chu gter zab mo bzhin du shin tu gting dpag dka'/ /srid pa thog mar bcings pa kun nas grol ba ste/ /sems can khrag khrig nyes pa chen pos bcings las grol/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas lho dang / nub kyi mtshams phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas nub dang byang gi mtshams phyogs na de bzhin gshegs pa 'od bkod pa'i rgyal po'i sangs rgyas kyi zhing 'jig rten gyi khams mun pa dang bral ba na byang chub sems </font><hr>167b<br><font size=+1>


dpa' 'od zer dra ba can zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing rgyan gyi dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /srid pa'i rang bzhin sgyu ma'i rang bzhin rtogs mdzad nas/ /byed pa sgyu ma lta bu dngos po med par ston/ /sgyu ma lta bu sems can khams ni 'dul mdzad kyang / /'di na sems can rang bzhin ma mchis khams ma mchis/ /dper na mi zhig gnyid kyis log pa'i rmi lam na/ /gzugs mthong yang dag 'du shes de bzhin mthong ma lags/ /'dus byas dngos po ma mchis rmi lam 'dra bar gsung / /chos rnams snang yang 'di na chos la chags ma mchis/ /de nas byang chub sems dpa' de dag gis byang chub sems dpa'i bstod pa tshad med pa </font><hr>168a<br><font size=+1>


@#/ /dag gis bcom ldan 'das la mngon par bstod nas nub dang / byang gi mtshams phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas byang dang / shar gyi mtshams phyogs na de bzhin gshegs pa nam mkha'i dkyil dri ma med pa rnam par sems pa'i sangs rgyas kyi zhing 'jig rten gyi khams yongs su dag pa dri ma med par rab tu gnas pa na byang chub sems dpa' blo mtha' yas dri med ces bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas de bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing rtag tu sgra 'byung ba'i sil snyan gyi dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do// </font><hr>168b<br><font size=+1>


zab mo'i chos la mkhas shing rab tu zhi la mos/ /khyod kyis chos kun stong zhing mtshan ma med par mkhyen/ /khyod kyi thugs kyi dgongs pa 'jig rten kun ma 'tshal/ /mtha' yas blo mnga' sems kyi bsam pa cho ga mkhyen/ /sems can gcig gi spyod bzhin sems can kun gyi spyod/ /gang dag dus gsum ldan pa de dag khyod kyis mkhyen/ / sems can 'du shes mi 'jug sems kyi 'du shes min/ /'du shes yongs shes mkhas shing mnyam pa nyid dang ldan/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas byang dang / shar gyi phyogs mtshams logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas 'og gi phyogs na de bzhin gshegs pa rin chen ut+pa la dmar po'i dpal gyi sangs rgyas kyi zhing 'jig rten gyi khams rnam par snang byed du snang ba na byang chub sems dpa' spobs pa'i rgyan bkod pa zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun dub dar te lhan cig tu sangs rgyas kyi zhing de nas mi snang bar gyur nas skad cig thang gcig yud </font><hr>168a<br><font size=+1>


\?\ @#/ /de dag gis byang chub sems dpa' byang chub kyi snying po la 'dug pa de mthong ngo / /mthong nas kyang byang chub sems dpa' de la ba de logs su me tog dag gtor to/ /gtor ba dang / sangs rgyas kyi mthus 'ongs nas byang chub sems dpa' de'i lus la bab bo/ /me tog de dag gis 'jig rten gyi khams shin tu sprul pa der mi bdun gyi 'phang tsam gyi me tog bkram pa gcig pu gnas par gyur to/ /'jig rten gyi khams de na dbang che ba dbang che bar grags pa'i lha gang dag dang / byang chub sems dpa' gang dag 'khod pa de dag gis 'od de mthong nas gang 'di lta bu rnam par dag pa'i 'od byung ba las na/ kye ma 'di ni/ de bzhin gshegs pa'i 'od zer snang ba mtha' yas su 'gyur ro/ /zhes ched du brjod pa ched du brjod de/ de ltar de bzhin gshegs pa de'i mtshan 'od zer snang ba mtha' yas/ 'od zer snang ba mtha' yas zhes bya bar gyur to| |ci'i phyir 'jig rten gyi khams de shin tu sprul pa zhes bya zhe na/ 'jig rten gyi khams de na 'khod pa'i mi de dag gi longs spyod dang / yongs su spyad pa ni/ gzhan 'phrul dbang byed kyi lha'i bu rnams kyi longs spyod dang / yongs su spyad pa ci 'dra ba de 'dra bar gyur bas de'i phyir 'jig rten gyi khams de shin tu sprul pa zhes bya'o/ /ci'i phyir bskal </font><hr>168b<br><font size=+1>


\?\ pa de skar mdog ces bya zhe na/ blo gros rgya mtsho/ bskal pa khri 'das nas bskal pa de la sangs rgyas byung bar gyur te/ bde bzhin gshegs pa skar ma la dga' ba zhes bya ba byung ngo / /gang gi 'og tu bcom ldan 'das de bzhin gshegs pa 'od zer snang ba mtha' yas des byang chub thob pa'i de bzhin gshegs pa de'i mtshan gyis bskal pa de skar mdog ces bya'o/ /blo gros rgya mtsho/ bskal pa de la de bzhin gshegs pa bye ba phrag bcu bzhi byung ngo / /blo gros rgya mtsho/ 'jig rten gyi khams shin tu sprul pa de ni/ 'byor pa rgyas pa| zhi ba/ lo legs pa/ lha dang mis gang ba/ yangs shing tha gru chen bar gyur te/ gling bye ba brgya stong phrag dgu bcu rtsa drug yod do/ /gling re re'i tshad kyang dpag tshad brgya stong phrag brgyad cu rtsa bzhi yod do/ /dpag tshad brgya stong phrag brgyad cu rtsa bzhi re re la'ang grong khyer brgyad khri bzhi stong bzhi stong yong par gyur to/ /grong khyer re re'ang grong dang / tshong 'dus dang / ri 'or gyi grong brgyad khri bzhi stong bzhi stong gis kun nas bskor bar gyur to/ /grong khyer de dag thams cad na'ang srog chags bye ba khrag khrig brgya stong phrag bcu bcu yod par gyur to/ /grong dang / tshong 'dus dang / ri 'or gyi grong de dag thams cad na'ang mi'i skye rgu'i srog chags bye ba phrag brgyad brgyad gnas par gyur to/ /dbang che ba dbang che </font><hr>169a<br><font size=+1>


@#/ /tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing nor bu rin po che'i gling gi phreng gi dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /gal te khrag khrig zhing na ji snyed rdul mchis pa/ /de snyed bde gshegs sras po rgyal ba'i drung lhags te/ /bskal pa bye ba stong mang zhu ba zhus pa dag /de dag thams cad tshig gcig dus kyis go bar mdzad/ /blo la mkhas par ba rdzogs shes rab shin tu rdzogs/ /gzungs dang ting 'dzin rab rdzogs bsod nams mtha' yas te/ /bskal pa mang po mtha' yas bsngags pa rab brjod kyang / /skra rtses rgya mtsho ji bzhin zad par mi nus so/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas 'og gi phyogs logs su gnas te rang gi rdzu 'phrul gyi stobs kyis sprul pa'i rang rang gi stan </font><hr>169b<br><font size=+1>


dag la 'khod do/ /de nas steng gi phyogs na de bzhin gshegs pa sgra bsgrags mchog gi rgyal po'i sangs rgyas kyi zhing 'jig rten gyi khams rgyan gyis brgyan pa na byang chub sems dpa' chos thams cad rnam par 'phrul ba'i rgyal po zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing rgyan thams cad bkod pa dang / rin po che'i dril bu g.yer kha'i dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /bde gshegs sku yi 'phrin las mtha' dang dbus ma mchis/ / bla med rnams kyi gsung thugs spyod yul mtha' yas pa/ /de ni sangs rgyas mkhyen gyi sems can gzhan gyis min/ /dper na nam mkha'i mtha' ma skye bos mi rnyed </font><hr>170a<br><font size=+1>


@#/ /bzhin/ /mtshungs med spyod pa mtha' dbus med pa ji bzhin du/ /byang chub 'khor lo de bzhin 'on te mya ngan 'das/ /sa bon ji bzhin de ltar 'bras bu 'byung ba ltar/ /de bzhin phyogs bcur rgyal ba'i gnas kyang tshad ma mchis/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas steng gi bar snang la dong ste rang gi rdzu 'phrul gyi stobs kyis sprul pa'i rang rang gi stan dag la 'khod do| |de ltar phyogs bcu dag nas byang chub sems dpa' bcu 'dus pa la sogs pa byang chub sems dpa' tshad med pa dag 'od des bskul ma thag tu skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'khod do/ /de nas bcom ldan 'das dran pa dang ldan zhing mkhyen bzhin du ting nge 'dzin de las bzhengs te gsung bsal ba'i sgra mdzad nas gsung bsal ba'i sgra des stong gsum gyi stong chen po'i 'jig rten gyi khams dbyangs kyis go bar gyur te/ stong gsum gyi stong chen po'i 'jig rten gyi khams 'di na gang dag dad pa dang ldan zhing snod du gyur </font><hr>170b<br><font size=+1>


pa'i dge slong dang / dge slong ma dang / dge bsnyen dang / dge bsnyen ma dang / mi dang / mi ma yin pa de dag gis bcom ldan 'das kyis gsung bsal ba'i sgra de thos nas lus dang / sems tshim par gyur te sangs rgyas kyi mthus ji ltar byung ba'i them skas dag nas skad cig thang gcig yud tsam de la 'khor gyi khyams rin po che bkod par phyin te| de dag gis bcom ldan 'das kyi zhabs la mgo bos phyag btsal nas phyogs gcig tu ji ltar mthun pa'i stan dag la 'khod do/ /gsung bsal ba'i sgra de nyid kyis tshangs pa'i lha rnams dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang / mi che ba dang / mi gdung ba dang / gya nom snang dang / shin tu mthong ba dang / 'og min gyi lha rnams kyang bskul nas skad cig thang gcig yud tsam de la 'khor gyi khyams rin po che bkod par phyin te/ de dag gis bcom ldan 'das kyi zhabs la mgo bos phyag btsal nas stan rab tu brtan pa dag la 'khod do/ /de nas </font><hr>171a<br><font size=+1>


@#/ /bcom ldan 'das kyis 'khor 'dus pa chen po de mkhyen nas smin mtshams kyi mdzod spu nas byang chub sems dpa'i stobs nye bar ston pa zhes bya ba'i 'od zer phyung ste/ des thams cad dang ldan pa'i byang chub sems dpa'i tshogs la lan bdun bskor ba byas nas byang chub sems dpa'i tshogs de nyid kyi spyi bor mi snang bar gyur to/ /de nas byang chub sems dpa' me tog dpal gyi snying po chos thams cad la dbang sgyur ba 'od nges reg ma thag tu de'i tshe sangs rgyas kyi mthus byang chub sems dpa'i ting nge 'dzin rgyan thams cad bkod pa zhes bya ba la snyoms par zhugs so/ /byang chub sems dpa' me tog dpal gyi snying pos chos thams cad la dbang sgyur ba byang chub sems dpa'i ting nge 'dzin rgyan thams cad bkod pa la snyoms par zhugs ma thag tu de nas de'i tshe 'khor gyi khyams rin po che bkod pa'i dbus nas bcom ldan 'das kyi gdan seng+ge'i khri 'phang du shin ta la bye ba khrag khrig brgya stong phrag brgyad cu tsam du mtho ba/ rin po che thams cad kyis spras pa/ kha khyer rgyan thams cad las byas pa/ ras bkod pa thams cad bting ba/ me tog sil ma sna tshogs thams cad bkram pa/ bla re yid du 'ong </font><hr>171b<br><font size=+1>


ba thams cad bres pa/ byang chub sems dpa'i lus thams cad kyis yang dag par bzung ba/ 'khor thams cad kyi mig gis bltas pa/ sems can thams cad kyi bsam pa ji lta ba bzhin du ston pa/ bsam pa tshim par byed pa zhig byung bar gyur to/ /de nas byang chub sems dpa' me tog dpal gyi snying po chos thams cad la dbang sgyur bas de bzhi gshegs pa'i gdan seng+ge'i khri chen po bskul bar bsngags pa mtha' yas zhes bya ba mngon par sprul nas dran pa dang ldan zhing shes bzhin du ting nge 'dzin de las langs te gus pa dang bcas shing zhes dang bcas par thal mo sbyar nas bcom ldan 'das la tshigs su bcad de gsol pa/ nyi ma'i 'od kyis 'gro ba'i dgos pa rab tu bgyid/ /lha dbang gzi brjid yon tan sum cu rtsa gsum dga'/ /tshangs pa'i dbyangs kyis tshangs pa'i 'jig rten rnam par mdzes/ /sangs rgyas mthu yi yul gyis rnam par 'phrul pa 'di| |chos rnams mi g.yo nam mkha'i rang bzhin ya ma bral/ /sgyu ma smig rgyu lta bu chu yi zla 'dra zhing / /rje med byed pa po dang tshor ba po med par/ /mkhyen nas mgon po 'dir ni rnam par sgrub pa ston/ /bkod pa'i sems kyi dbang 'gro sems ni gzugs can min/ rnam sgrub thams cad sems kyi rang bzhin dbang du 'gro/ /bkod pa thams cad 'dir </font><hr>172a<br><font size=+1>


@#/ /ni sgyu ma'i rang bzhin 'dra/ /rnam sgrub bdag gis ma mchis gang na'ang gnas ma mchis/ /gang gis sems rgyun ma mchis rang bzhin dag 'tshal ba/ /de la glo bur gnas pa'i nyon mongs ma mchis so/ /rtog dang kun rtog yongs su rtog las sems grol ba/ /de ni sgyu ma'i rnam bar sprul pa sna tshogs ston/ / sa steng rdul tsam mngon par 'phags pa ma mchis kyang / /sa steng nor bu rin chen sna tshogs kun tu bstan/ /gdan gang bzhugs nas sems can bye ba 'dul 'gyur ba/ / khyod kyi seng+ge'i khri gdan rab mdzes bdag gis bgyis/ /gdus dang rgyal mtshan mchog dan dar gyi phreng ba bsgrengs/ /de ni gang du'ang 'gro ba ma mchis 'ong ma mchis/ /khyod kyis gang nas chos rnams 'du ba mkhyen nas kyang / /sems can dam pa rnam par 'phrul ba sna tshogs ston/ /tshangs pa'i dbyangs ldan legs shing shin tu bsrungs pa'i gsung / /'jig rten sgron ma mdzad pa bsod nams gzi brjid mang / /bdag la thugs brtse'i slad du 'dzegs te gdan la bzhugs/ /rga dang 'chi dang na ba gcod ba'i chos bshad gsol/ /khyod la bsnyen bkur bgyi dang chos ni mnyan slad du/ /rnam dag sems can 'di rnams phyogs bcu dag nas lhags/ /gang gi don du lhags </font><hr>172b<br><font size=+1>


pa'i don de stsal du gsol/ /seng+ge'i khri la bzhugs te chos kyang bshad du gsol/ /de nas bcom ldan 'das kyis byang chub sems dpa' me tog dpal gyi snying po chos thams cad la dbang sgyur ba'i lhag pa'i bsam pa mkhyen nas gdan seng+ge'i khri de la bzhugs so/ /de nas bcom ldan 'das sgrib pa med pa'i rnam par thar pa brnyes nas byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa dang / sangs rgyas kyi chos zab mo thams cad dang / stobs bcu dang / mi 'jigs pa yongs su sgrub pa dang / ye shes kyi 'byung gnas chos thams cad la dbang sgyur ba'i gzungs kyi phyag rgya'i skor 'jug pa/ so so yang dag par rig pa la rnam par gtan la dbab pa la gzhol ba'i sgor 'jug pa/ mngon par shes pa chen po'i ye she sla gzhol ba'i sgor 'jug pa/ phyir mi ldog pa'i 'khor la mi skye ba'i chos ston pa/ theg pa thams cad theg pa gcig tu mnyam pa nyid du yang dag par 'du ba/ chos kyi dbyings tshul gcig cing ma 'dres pa la 'jug pa/ sems can thams cad kyi bsam pa dang dbang po la 'jug pa ston pa/ snying po dang ldan pa/ chos rnam par gdon mi za ba/ bdu </font><hr>173a<br><font size=+1>


@#/ /kyi dkyil 'khor thams cad rnam par 'joms par byed pa/ tshul bzhin gyi chos kyi tshul la gzhol bar 'jug pa/ nyon mongs pa dang lta bar gyur pa thams cad 'dul ba/ chags pa med pa'i ye shes kyi rjes su 'jug pa/ thub pa med par yongs su bsngo ba la mkhas pa'i thabs dang ye shes ston pa/ sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyi rlabs kyi sgor 'jug pa/ chos thams cad ji lta ba bzhin du rnam par nges pa ston pa/ rtog pa med pa dang rnam par rtog pa med pa mnyam pa nyid du 'jug pa/ bsod nams dang ye shes kyi tshogs thams cad bsags pa'i phyir rten cing 'brel bar 'byung ba zab mo mnyam pa nyid rtogs par byed pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa/ dran pa dang / blo gros dang / rtogs pa dang / mos pa dang / shes rab zad mi shes pa mngon par sgrub pa/ nyan thos kyi theg pas 'dul ba'i phyir 'phags pa'i bden pa'i tshul la 'jug pa/ rang sangs rgyas kyi theg pas 'dul ba'i phyir lus dang / ngag dang / sems rab tu dben par shes pa/ theg pa chen pos 'dul ba'i phyir thams cad mkhyen </font><hr>173b<br><font size=+1>


pa'i ye shes kyi sang dbang bskur ba rab tu thob pa/ de bzhin gshegs pa'i yon tan thams cad brjod pa'i phyir chos thams cad la dbang sgyur ba'i tshul la 'jug pa 'di lta bu'i chos kyi rnam grangs yang dag par rab tu bstan pa dang / bsnyad pa dang / bshad pa dang / bklag pa dang / gzung ba dang / rnam par shes par bya ba dang / byang chub sems dpa'i tshogs thams cad kyi bsam pa yongs su bskang ba dang / de bzhin gshegs pa'i rnam par sprul pa yang dag par bstan pa dang / 'khor gyi the tshom thams cad gcad pa dang / bdud kyi dkyil 'khor thams cad tshar gcad pa dang / de bzhin gshegs pa'i bstan pa 'bar bar bya ba dang / sangs rgyas kyi mdzad pa chen po yongs su thob par bya ba'i phyir bcom ldan 'das gdan seng+ge'i khri de la bzhugs so/ /bam po gnyis pa/ de nas sangs rgyas kyi mthus byang chub sems dpa' rin chen srog shing zhes bya bas sangs rgyas kyi rgyan bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor sangs rgyas kyi rgyan gyis brgyan par byin gyis brlabs so/ /de nas sangs rgyas kyi mthus byang chub sems dpa' sgra bsgrags stobs kyi rgyal pos pad+ma bkod pa zhes bya ba'i </font><hr>174a<br><font size=+1>


@#/ /ting nge 'dzin la snyoms par zhugs nas thams cad dang ldan pa'i 'khor gyi lag pa rnams su me tog gi lda ldi dag dang / me tog gi skon bu rnams byin gyis brlabs te me tog gi lda ldi dang / me tog gi skon bu de dag gis bcom ldan 'das dang / byang chub sems dpa'i tshogs thams cad la mngon par 'thor ro/ /de nas sangs rgyas kyi mthus byang chub sems dpa' blo mchog rgya mtshos dri bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor gyi spu'i khung bu thams cad du tsan+dan sprul gyi snying po'i drir byin gyis brlabs so/ /de nas sangs rgyas kyi mthus byang chub sems dpa' 'od zer dra ba can gyis 'od bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor la lus kyi 'od mtha' yas pa byin gyis brlabs so/ / de nas sangs rgyas kyi mthus byang chub sems dpa' snying rje chen po sems pas mig mi 'dzum pa zhes bya ba'i ting nge 'dzin la snyoms par zhugs nas thams cad dang ldan pa'i 'khor de bzhin gshegs pa la mngon par phyogs shing mig mi 'dzum par byin gyis brlabs so/ /de nas sangs rgyas kyi mthus byang chub sems dpa' blo mtha' </font><hr>174b<br><font size=+1>


yas dri med kyis chos la mchog tu dga' ba zhes bya ba'i ting nge 'dzin la snyoms par zhugs nas thams cad dang ldan pa'i 'khor chos don du gnyer zhing chos la dga' ba dang / mos par byin gyis brlabs so/ /de nas sangs rgyas kyi mthus byang chub sems dpa' spobs pa'i rgyan bkod pas rab tu zhi ba dang ldan pa zhes bya ba'i ting nge 'dzin la snyoms par zhugs nas thams cad dang ldan pa'i 'khor sgrib pa lnga rnam par sel bar byin gyis brlabs so/ /de nas sangs rgyas kyi mthus byang chub sems dpa' chos thams cad rnam par 'phrul pa'i rgyal pos brjed pa med par spyod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor byang chub kyi sems dran zhing de bzhin gshegs pa la dmigs pa mi brjed par byin gyis brlabs so/ /de nas de'i tshe sangs rgyas kyi mthus byang chub sems dpa' sems dpa' chen po kun nas snang ba zhes bya bas zil gyis mi non pa zhes bya ba'i ting nge 'dzin la snyoms par zhugs nas thams cad dang ldan pa'i 'khor bdud dang / phyir rgol ba bcom par byin gyis brlabs so/ /de nas de'i tshe sangs rgyas kyi mthus byang chub sems dpa' bdud rab tu 'joms pas bdud kyi dkyil 'khor thams cad rnam </font><hr>175a<br><font size=+1>


@#/ /par 'joms pa zhes bya ba'i ting nge 'dzin la snyoms par zhugs te/ byang chub sems dpa'i bdud rab tu 'joms pa bdud kyi dkyil 'khor rnam par 'joms pa'i ting nge 'dzin de la snyoms par zhugs ma thag tu de nas de'i tshe stong gsum gyi stong chen po'i 'jig rten gyi khams na bdud bye ba phrag brgya ji snyed pa de dag thams cad dpung dang bcas/ g.yog 'khor dang bcas te myur ba myur ba ring thabs su rang rang gi bdud kyi gnas nas mi snang bar gyur te 'khor gyi khyams rin po che bkod par bcom ldan 'das kyi spyan sngar 'khod nas de dag gis bcom ldan 'das kyi zhabs la mgo bos phyag btsal te lha'i mchod pa rnam pa brgya stong phrag du mas bcom ldan 'das la mchod nas gus pa dang bcas shing zhe sa dang bcas par thal mo sbyar te bcom ldan 'das la gsol ba btab nas bcom ldan 'das/ bdag cag gsol ba 'tshal na/ bcom ldan 'das/ chos bshad du gsol/ bde bar gshegs pa/ chos bshad du gsol/ byang chub sems dpa' bdud rab tu 'joms pa'i byin gyi rlabs kyis bdag cag bdud kyi su ga las 'dor zhing slan chad sems can rnams la mig gis mi rtsol bar 'gyur ba'i </font><hr>175b<br><font size=+1>


las mi bgyid do/ /bcom ldan 'das/ bdag cag la dbugs dbyung ba stsol cig dang / bcom ldan 'das kyi thad du mchis te bdag cag chos nyan par bgyid do/ / de nas bcom ldan 'das kyis bdud de dag dbugs dbyung ba'i phyir 'di skad ces bka' stsal to/ /grogs po dag /legs so legs so/ /gang gi phyir khyed bdud kyi las kyang 'or la de bzhin gshegs pa la chos bshad par gsol ba'ang thob cig dang / de nyid khyed kyi bdud kyi lam thams cad las 'da' ba'i rgyur 'gyur ro/ / de ci'i phyir zhe na/ sangs rgyas la dge ba'i rtsa ba bskrun pa'i stobs bskyed pa'i phyir ro/ /grogs po dag /'di lta ste/ dper na/ mun pa mun nag lo du mar bsags pa ni| mar me gcig gis med par 'gyur ro/ /grogs po dag /de bzhin du nyon mongs pa'i mun pa mun nag bskal pa brgyar bsags pa'ang ye shes kyi stobs bskyed pa gcig gis med par 'gyur ro/ /grogs po dag /'di lta ste/ dper na/ zla ba'i dkyil 'khor gcig dang / nyi ma'i dkyil 'khor gcig dang / nor bu rin po che chen po gcig gis mun pa mun nag thams cad sel to/ /grogs po dag /de bzhin du dge ba'i sems lhag mthong dang ldan pa gcig gis mi shes pa'i mun </font><hr>176a<br><font size=+1>


@#/ /pa mun nag thams cad sel to/ /grogs po dag /de'i phyir khyed dge ba'i rtsa ba 'dis rim gyis mi shes pa'i mun pa mun nag thams cad bsal nas chos kyi snang ba chen po thob par 'gyur ro/ /de nas byang chub sems dpa'i chos kyi dbang phyug gi rgyal po zhes bya ba 'khor de nyid du 'dus par gyur te 'dug pa des bcom ldan 'das la 'di skad ces gsol to/ /bcom ldan 'das/ sangs rgyas kyi yul de bzhin gshegs pas byin gyis brlabs pa dang / kun tu bstan pa 'di ni| bsam gyis mi khyab bo/ /deng ni/ de bzhin gshegs pa byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bgyi ba 'dus pa chen po'i le'u'i chos kyi rnam grangs bshad par bzhed par the tshom ma mchis so/ /de ci'i slad du zhe na/ bcom ldan 'das/ e ma byang chub sems dpa' rnams kyi 'dus pa 'di ni/ che ste/ bcom ldan 'das/ 'di ni/ byang chub sems dpa' bsam gyis mi khyab pa'i go cha bgos pa/ mngon par shes pa'i ye shes chen pos rnam par rol pa/ phyogs bcur sgra bsgrags pa/ sems shin tu byang bar bgyis te dri ma mchis pa/ rig pa dang rnam par grol bas snang bar </font><hr>176b<br><font size=+1>


gyur pa| sangs rgyas thams cad kyis bstod cing bsngags pa/ chos thams cad la dbang phyug gis dbang sgyur pa/ pha rol tu phyin pa thams cad kyi pha rol tu son pa| thabs mkhas pa thams cad las nges par skyes pa/ bdud kyi las dang / rtsod pa dang / nyon mongs pa thams cad bsal ba/ phas kyi rgol ba dang / ngan pa'i tshogs can gyi tshogs thams cad rab tu 'dul ba/ tshig thams cad rab tu dbye ba bstan pa shes pa la mkhas pa/ shes rab kyi pha rol tu phyin pa chags pa ma mchis pa'i pha rol tu son pa/ dran pa dang / blo gros dang / rtogs pa dang / khrel yod pa dang / mos pa dang / gzungs dang / ye shes rab tu thob pa/ byin gyi rlabs thogs pa ma mchis shing spobs pa rgyun mi chad pa/ sems can thams cad kyi dbang po mchog dang / mchog ma lags pa shes pa la mkhas pa/ sems can thams cad kyi mos pa ji lta ba bzhin du chos ston pa/ 'khrul pa ma mchis par kha na ma tho ba ma mchis pa'i chos ston pa/ sems can thams cad kyi sgra dang / skad la mkhas pa| mi'am ci dang / bya ka la ping+ka dang / khrung khrung gi sgra dang / tshangs pa'i sgra dbyangs can/ shin tu bshes gnyen bgyis pas sems can thams cad yongs su </font><hr>177a<br><font size=+1>


@#/ /mya ngan las 'das pa la 'god pa/ byams pa chen po dang / snying rje chen po'i lhag pa'i bsam pa can/ brtan zhing shin tu gnas la mi g.yo zhing ji skad smras pa de bzhin du bgyid pa/ chos kyi rgyal mtshan yang dag par sgreng bar bgyid pa/ rdo rje ltar sra zhing mi shigs pa'i khor yug lta bu/ smon pa ma mchis pa'i smon lam dang ldan pa/ rten cing 'brel par 'byung ba zab mo blta dka' zhing rtogs par dka' ba la zhugs pa/ chad pa dang / rtag pa'i mtha' gnyi ga dang / lta bar gyur pa thams cad dang / bag chags kyi mtshams sbyor ba yang dag par bcad pa/ tshogs can chen po'i tshogs kyi rgyal po yongs su 'gugs pa/ ded dpon chen po bskal pa grangs med par chos dkon mchog gis bsod nams yang dag par bsgrubs pa/ sman pa'i rgyal po chen po sems can thams cad kyi nyon mongs pa gzugs can ma lags pa'i nad gso bar bgyid pa/ seng+ge'i sgra chen po sgrog pa/ snrel zhi'i rgyud dang / spyi'u tshugs kyi rgyud thams cad dang / de bzhin gshegs pa'i gsang ba la mi skrag pa/ mtshan dang dpe byad bzang pos lus legs par brgyan pa/ gtan pa med pa'i mchod sbyin bgyid pa thams cad la sems dpa' ba/ bdud bzhi dang / </font><hr>177b<br><font size=+1>


nyon mongs pa'i g.yul 'dul ba/ mnyan pa lta bur gyur pa/ dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin la snyoms par 'jug pa/ shin tu yongs su sbyang ba bgyis pa/ sems can thams cad rab tu sgrol ba la brtson pa/ ri lta bur gyur pa/ 'jig rten gyi chos brgyad po rnyed pa dang / ma rnyed pa dang / grags pa dang / ma grags pa dang / smad pa dang / bstod pa dang / bde ba dang / sdug bsngal las log pa/ dga' ba dang / dang ba dang / mchog tu dga' ba'i chos la sems zhugs pa/ chos dkon mchog gi 'od zer dang ldan pa/ shes rab kyis ngoms nas ngoms par bgyid pa/ pad+ma lta bu 'dus byas kyi chos thams cad kyis mi gos pa/ 'od kyi dkyil 'khor rnam par dag pa/ zla ba dang / nyi ma dang / brgya byin dang / tshangs pa'i 'od mog mog por bgyid pa/ rgya mtsho'i phyag rgya'i ting nge 'dzin thob pa/ chos dkon mchog thams cad la yang dag par gzhol ba/ dkon mchog gsum gyi gdung mi gcod pa/ sems can thams cad yongs su smin par bgyi ba dang / 'dul ba'i cho ga 'tshal ba/ sangs rgyas kyi chos dkon mchog thams cad kyi mdzod yang dag par 'dzin pa/ bsngags pa mtha' yas pa dang yang </font><hr>178a<br><font size=+1>


@#/ /dag par ldan pa/ bsod nams tshad ma mchis pa bsags pa/ rnam pa thams cad kyi mchog dang ldan pa'i thams cad mkhyen pa'i ye shes la nye bar gyur pa/ phyi ma'i mtha'i mu'i bskal par bsngags pa mthar mi phyin pa 'di lta bu rnams kyi 'dus pa lags so/ /bcom ldan 'das/ de la bdag 'di snyam du bcom ldan 'das ni/ byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bgyi ba 'dus pa chen po'i le'u'i chos kyi rnam grangs bshad par bzhed pa snyam bgyid do/ /bcom ldan 'das/ ji tsam du sangs rgyas 'byung ba ni/ phan 'dogs par 'gyur ba/ sems can thams cad tshim par 'gyur ba/ ma 'ongs pa'i byang chub sems dpa' rnams kyi dge ba'i rtsa ba yang dag par skyed pa/ sems dang po bskyed pa'i byang chub sems dpa' rnams kyi bsam pa yongs su sbyong ba/ spyod pa la zhugs pa'i byang chub sems dpa' rnams kyi tshul gcig la 'jug pa/ phyir mi ldog pa'i byang chub sems dpa' rnams sangs rgyas kyi chos la dbang bskur ba/ skye ba gcig gis thogs pa'i byang chub sems dpa' rnams kyi rgyu dang 'bras bu chud mi za ba/ nges </font><hr>178b<br><font size=+1>


pa'i sems can rnams la rkyen nye bar sgrub pa/ ma nges pa'i sems can rnams la snying rje chen po nye bar sgrub pa/ log pa nyid du nges pa'i sems can rnams 'dzud pa/ theg pa gsum la mos pa'i sems can rnams la rnam par dgod pa ston pa ste/ ngo mtshar to/ /bcom ldan 'das/ sangs rgyas 'byung ba ni/ lha dang / mi dang / lha ma yin du bcas pa'i 'jig rten gyi rgyan lags so/ /de ci'i slad du zhe na/ bcom ldan 'das/ sangs rgyas byung bar gyur na/ ngo mtshar rmad du byung ba'i chos 'di lta bu 'di dag 'jig rten du 'byung bar 'gyur ro/ /bcom ldan 'das/ skyes bu dam pa 'di dag gis 'khor gyi khyams 'dir sems bskyed pa gcig gis bkod pa gang byin gyis brlabs pa 'di ni/ nyan thos dang / rang sangs rgyas thams cad kyis bskal pa brgya phrag stong du'ang ston pa'i rngo mi thogs so/ /bcom ldan 'das/ de la bdag 'di snyam bgyid de/ e ma ji tsam du gang rdzu 'phrul gyis rnam par sprul pa'i cho 'phrul 'di lta bu 'di mthong yang nyan thos kyi theg pa'am/ rang sangs rgyas kyi theg pa la re ba skyed pa'i sems can shes rab 'chal pa can de dag ni/ ngo mtshar che ba snyam bgyid do/ /de ci'i slad du zhe na/ bcom ldan 'das/ byang chub sems dpa' </font><hr>179a<br><font size=+1>


@#/ /sems dang po bskyed pa nyid kyis nyan thos dang / rang sangs rgyas thams cad zil gyis non pa'i slad du'o/ /bcom ldan 'das/ 'di lta ste| dper na/ shes rab 'chal pa'i rang bzhin can gyi mi la la zhig nor bu rin po che bai DUR+Ya bor nas nor bu mching bu la dmigs pa snyam du sems pa dang / bcom ldan 'das/ gang dag theg pa chen po bor nas nyan thos dang / rang sangs rgyas kyi theg pa la dmigs par bgyi ba snyam du sems pa'i sems can dag ni/ 'dra ba nyid du bdag la gda'o/ /bcom ldan 'das/ rigs kyi bu'am/ rigs kyi bu mo gang dag lhag pa'i bsam pas bla na med pa yang dag par rdzogs pa'i byang chub tu sems bskyed pa dang / skyed par 'gyur ba de dag thams cad ni/ ring po mi thogs par chos 'di lta bu dang ldan par 'gyur ro/ /byang chub sems dpa' chos kyi dbang phyug gi rgyal pos bstan pa 'di bshad pa na lha dang mir bcas pa'i skye rgu'i 'khor de las srog chags bye ba khrag khrig brgya stong phrag gsum cus bla na med pa yang dag par rdzogs pa'i byang chub tu sems bskyed do/ /rgyan bkod pa zhes bya ba 'dus pa'i le'u'o// //de nas bcom ldan </font><hr>179b<br><font size=+1>


'das kyis byang chub sems dpa'i 'dus pa chen po de gzigs nas e ma byang chub sems dpa' 'dus pa 'di dag ni/ chos don du gnyer ba de bzhin gshegs pa'i chos kyi mdzod 'dzin par mkhyen nas byang chub sems dpa'i spyod pa la 'jug pas nges par 'byung ba sgrib pa med pa'i sgo'i le'u'i chos kyi rnam grangs rab tu bshad pa'i phyir mi 'jigs pas spobs pa zhes bya ba'i 'od zer skyes bu chen po'i mtshan spyi gtsug nas byung ngo / /bcom ldan 'das kyi 'od zer de phyung ma thag tu de nas thams cad dang ldan pa'i byang chub sems dpa'i tshogs la lan bdun bskor ba byas te byang chub sems dpa' gzungs kyi dbang phyug gi rgyal po'i lus la lan brgyar bskor ba byas nas byang chub sems dpa' gzungs kyi dbang phyug gi rgyal po'i spyi gtsug tu mi snang bar gyur to/ /'od des byang chub sems dpa' gzungs kyi dbang phyug gi rgyal po la reg ma thag tu de nas sangs rgyas kyi mthus byang chub sems dpa' gzungs kyi dbang phyug gi rgyal pos thams cad dang ldan pa'i byang chub sems dpa'i tshogs kyi 'od dang / seng+ge'i khri dang / lus brgya 'gyur du zil gyis mnan nas lam me/ lhang nge / lhan ne'o/ /de nas byang chub sems dpa' </font><hr>180a<br><font size=+1>


@#/ /gzungs kyi dbang phyug gi rgyal pos de bzhin gshegs pa'i byin gyi rlabs rig nas stan las langs te bla gos phrag pa gcig la gzar nas pus mo g.yas pa'i lha nga sa la btsugs te bcom ldan 'das ga la bde logs su thal mo sbyar ba btud nas bcom ldan 'das kyi dbu'i gtsug gi drang thad kyi steng gi bar snang la rin po che'i gdugs de bzhin gshegs pa'i rgyan ces bya ba yu ba ni/ bai DUR+Ya/ g.yogs ma ni| gser/ snying po ni/ rin po che ne tso'am ci/ rtsibs ni/ and rnyil las byas pa/ mu tig gi do shal rab tu dpyangs pa/ dar gyi lda ldis mdzes par byas pa/ dril bu g.yer ka'i dra ba 'khrol ba/ byang chub sems dpa'i lus kyis bzung ba/ rgyar stong gsum gyi stong chen po'i 'jig rten gyi khams kyi tshad tsam zhig byin gyis brlabs so/ /de bzhin gshegs pa la mchod pa'i las kyi phyir rin po che'i gdugs de lta bu byin gyis brlabs nas me tog gi char yang phab ste/ sil snyan dang / sgra dbyangs rtag tu rgyun mi chad par sgra 'byung bar byin gyis brlabs nas bcom ldan 'das la tshigs su bcad pa 'di dag gis mngon par bstod do/ /kun tu snang ba kun nas 'od zer can/ /don rnams ma </font><hr>180b<br><font size=+1>


lus ston pa kun nas spyan/ /rang byung chos kyi ngo bo nyid la mkhas/ /bsam gyis mi khyab yon tan kun dang ldan/ /skyes bu khyu mchog gis ni 'od zer phyung / /zhal yang rnam par spyod zhing 'od mdzad pa/ /'dren pa de ni bdag gi lus la yang / /lan brgyar bskor ba bgyis nas spyi bor zhi/ /mi yi 'dren pa'i 'od kyis reg pas na/ /gang dag bdag gis sngon thob dran pa dang / /blo gros spobs pa snang ba de bzhin gzungs/ /rnam pa stong du khyad par 'phags par 'gyur/ /bdag lus rab sim sems ni rnam par dag /bdag gi blo gros dga' mgu mnyam par gyur/ /gzhan yang sangs rgyas mkhyen pa mtha' yas dang / /spobs pa bdag gi lus la rab tu zhugs/ /sangs rgyas mthu chen bsnyen par dka' ba la/ /nyam chung dag gis mnyes par bgyid mi nus/ /sangs rgyas gnang nas 'gro kun phan slad du/ /sangs rgyas la ni zhu ba zhu bar 'tshal/ /rdzogs pa'i byang chub sems dpa'i spyod 'jug dang / / 'jig rten rnam 'dren dag gi 'byung ba dang / /snang dang nges 'byung rnam par sprul pa dang / /dbang bskur ye shes yongs su zhu bar 'tshal/ /theg mchog dam pa rtogs par khong chud cing / /mtha' yas rgya che ba yi 'khor lhags dang / /gang dag rgya chen chos don gnyer ba dag/ de dag phan slad sangs rgyas la yang zhu/ /bdud kyi dkyil 'khor shin tu tshar </font><hr>181a<br><font size=+1>


@#/ /gcad cing / /sangs rgyas bstan pa 'di ni shin tu gzung / /bcom ldan phung po ma mchis dam chos mdzod/ /lus can rnams la bshad pa'i dus 'di lags/ /skyes bu khyu mchog mkhyen pa mtha' yas pas/ /bcom ldan de la bdag gi blo mi chud/ /bde gshegs mkhyen pa shes pas mi dpog pas/ /mkhas pa yangs pa bdag ni zhu bar 'tshal/ /ji ltar bcom ldan 'das kyi mkhyen 'jug dang / /ji ltar yun ring nas ni bslab pa dang / /chos kyi dbang phyug rgyal po rab brlabs pa/ / 'dren pa rnams kyi spyod yul bshad du gsol/ /de nas byang chub sems dpa' gzungs kyi dbang phyug gi rgyal pos tshigs su bcad pa 'di dag gis bcom ldan 'das la mngon par bstod nas bcom ldan 'das la 'di skad ces gsol to/ /bcom ldan 'das/ de bzhin gshegs pa'i yul ni/ bsam gyis mi khyab/ byang chub sems dpa'i spyod yul ni/ tshad ma mchis te/ bcom ldan 'das/ bdag gis de bzhin gshegs pa ni/ yongs su mi skyo bar chos ston pa lags par rig cing / de bzhin gshegs pa ni/ sems can thams cad mi gtong ba'i thugs rje chen po la gnas par mthong nas don 'di zhu bar 'tshal lo/ /bcom ldan 'das/ byang chub sems </font><hr>181b<br><font size=+1>


dpa' rnams kyi rgyan dag ni/ gang lags/ bcom ldan 'das/ byang chub sems dpa' rgyan gang dag gis brgyan na/ byang chub sems dpa'i spyad pa spyod pa na mdzes pa lags/ bcom ldan 'das/ ji ltar na/ byang chub sems dpa' chos kyi snang ba bsam gyis mi khyab pa thos nas gti mug gi mun pa dang bral zhing the tshom ma mchis pa dang / chos kyi sgo chen po shin tu yongs su sbyangs pa rnams lags/ bcom ldan 'das/ ji ltar na/ byang chub sems dpa' sems can thams cad kyi mi gtong pa'i snying rje chen po dang / snying rje chen po la gnas pa mchog dang ldan zhing sems can thams cad yongs su mi gtong bar gnas pa rnams lags/ bcom ldan 'das/ ji ltar na/ byang chub sems dpa' ngag byang chub sems dpa'i las yang dag pa la zhugs pa dang / legs par bgyid pa'i las bgyid pa dang / las kyi mtha' gdung ba ma mchis pa rnams lags/ bcom ldan 'das/ ci nas kyang byang chub sems dpa' bdud dang / phyir rgol ba bcom zhing the tshom dang bral nas de bzhin gshegs pa'i yul la 'jug par 'gyur ba dang / byang chub sems dpa'i yul la mngon du 'phags par 'gyur ba dang / sems can thams cad kyi bsam pa la 'jug par 'gyur ba dang / sems can thams cad kyi </font><hr>182a<br><font size=+1>


@#/ /sems kyi spyod pa dag yongs su 'tshal bar 'gyur ba dang / sangs rgyas kyi zhing rnams rnam par sbyong bar 'gyur ba dang / bdud kyi dkyil 'khor tshar gcod par 'gyur ba dang / de bzhin gshegs pa'i bstan pa yang dag par 'dzin par 'gyur ba dang / myur du chos thams cad la dbang ba thob par 'gyur bar de bzhin gshegs pas blo shin tu rnam par nges pas byang chub sems dpa'i spyod pa la 'jug pas mngon par 'phags pa'i chos kyi sgo de legs par bshad du gsol/ de skad ces gsol pa dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /skyes bu dam pa| khyod legs so/ /legs so/ /khyod ji ltar de bzhin gshegs pa'i spyod yul tshad med pa la rnam par nges pa thob nas khyod blo rnam par nges pa 'di lta bus de bzhin gshegs pa la don 'di 'dri bar sems pa ni/ skyes bu dam pa/ khyod legs so/ /de'i phyir rigs kyi bu/ khyod shin tu legs par nyon la yid la zungs shig dang / byang chub sems dpa' sems dpa' chen pos ji ltar yon tan 'di dag dang / byang chub sems dpa'i yon tan tshad med pa gzhan dag kyang yongs </font><hr>182b<br><font size=+1>


su rdzogs par 'gyur ba dang / myur du chos thams cad la dbang sgyur ba thob par 'gyur ba ngas khyod la bshad do/ /byang chub sems dpa' gzungs kyi dbang phyug gi rgyal pos bcom ldan 'das/ legs so/ /zhes gsol te bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rigs kyi bu / byang chub sems dpa' rnams kyi rgyan ni/ bzhi po 'di dag ste/ bzhi gang zhe na/ 'di lta ste/ tshul khrims kyi rgyan dang / ting nge 'dzin gyi rgyan dang / shes rab kyi rgyan dang / gzungs kyi rgyan te/ rigs kyi bu/ byang chub sems dpa' rnams kyi rgyan ni/ bzhi po 'di dag go /rigs kyi bu/ de la byang chub sems dpa' rnams kyi tshul khrims kyi rgyan gang zhe na/ rigs kyi bu/ byang chub sems dpa' rnams kyi tshul khrims kyi rgyan ni/ gcig ste/ gcig gang zhe na/ 'di lta ste/ sems can thams cad la gnod pa mi byed pa ste/ byang chub sems dpa' zhe sdang ba'i sems med pa ni/ sems can thams cad kyi yid du 'ong zhing dga' ba ste/ rigs kyi bu/ 'di ni/ byang chub sems dpa' rnams kyi tshul khrims kyi rgyan gcig go /rigs kyi bu/ byang chub sems dpa' rnams kyi tshul khrims kyi rgyan ni/ gnyis po 'di dag ste/ gnyis gang zhe na/ 'di </font><hr>183a<br><font size=+1>


@#/ /lta ste/ ngan 'gro'i sgo gcod pa dang / bde 'gro'i sgo 'byed pa ste/ gnyis po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ gsum po 'di dag ste/ gsum gang zhe na/ 'di lta ste/ lus rnam par dag pa dang / ngag rnam par dag pa dang / yid rnam par dag pa ste/ gsum po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ bzhi po 'di dag ste/ bzhi gang zhe na/ 'di lta ste/ gang 'dod pa de 'byor pa dang / gang smon pa de yang dag par grub pa dang / gang 'dod pa de thob pa dang / gang rtsom pa de nyams 'og tu chud par byed pa ste/ bzhi po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ lnga po 'di dag ste/ lnga gang zhe na/ 'di lta ste/ tshul khrims dang ldan pa'i ting nge 'dzin sgyu med pa yin/ shes rab sgyu med pa yin/ rnam par grol ba sgyu med pa yin/ rnam par grol ba'i ye shes mthong ba sgyu med pa yin/ yongs su mya ngan las 'das pa chen po bla na med pa sgyu med pa yin te/ lnga po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ drug po 'di dag ste/ drug gang zhe na/ 'di lta ste/ yid la chags pa med pa'i tshul khrims </font><hr>183b<br><font size=+1>


kyi phyir skyon med pa'i tshul khrims dang / kha na ma tho ba med pa'i tshul khrims kyi phyir nyams pa med pa'i tshul khrims dang / 'dren ma ma yin pa'i tshul khrims kyi phyir 'dres pa ma yin pa'i tshul khrims dang / dge ba'i chos shin tu rnam par 'phel ba'i phyir sra sre ma yin pa'i tshul khrims dang / gang gis 'dod par 'gro ba'i tshul khrims kyi phyir rang dga'i tshul khrims dang / gzhan la rag ma lus pa'i shes pas rang gi dbang sgyur ba'i tshul khrims te/ drug po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ bdun po 'di dag ste/ bdun gang zhe na/ 'di lta ste/ tshul khrims dang ldan pa'i sbyin pa rnam par dag pa dang / bzod pa rnam par dag pa dang / brtson 'grus rnam par dag pa dang / bsam gtan rnam par dag pa dang / shes rab rnam par dag pa dang / thabs rnam par dag pa dang / bag yod pa rnam par dag pa ste/ bdun po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ brgyad po 'di dag ste/ brgyad gang zhe na/ 'di lta ste/ spobs pa phun sum tshogs pa dang / sa phun sum tshogs pa dang / rnam par 'phro ba med pa phun sum tshogs pa dang / lhod pa med pa phun sum tshogs pa dang / 'khyon du 'dzin pa med pa phun sum tshogs pa </font><hr>184a<br><font size=+1>


@#/ /dang / sangs rgyas 'byung ba mnyes par byed pa phun sum tshogs pa dang / dal ba phun sum tshogs pa dang / dge pa'i bshes gnyen mgu bar byed pa phun sum tshogs pa ste/ brgyad po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ dgu po 'di dag ste/ dgu gang zhe na/ 'di lta ste/ 'jigs pa med pa yin/ skrag pa med pa yin/ bsam pa nges pa yin/ nye bar zhi ba yin/ bsal ba yin/ bcings pa lhod pa yin/ sems las su rung ba yin/ sems cang shes pa yin/ dul ba'i sa rjes su thob pa yin te/ dgu po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ bcu po 'di dag ste/ bcu gang zhe na/ 'di lta ste/ mtshan dang dpe byad bzang po yongs su rdzogs pa'i phyir lus kyi rgyan dang / ji skad smras pa de bzhin byed pa'i phyir ngag gi rgyan dang / nyon mongs pa med pa'i phyir sems kyi rgyan dang / smon lam yongs su rdzogs pa'i phyir zhing gi rgyan dang / bsam pa yongs su sbyong ba'i phyir sems can yongs su smin par byed pa'i rgyan dang / sdig pa thams cad mi byed pa'i phyir skye ba'i rgyan dang / de bzhin </font><hr>184b<br><font size=+1>


gshegs pa'i spyod pa la rjes su slob pa'i phyir byang chub sems dpa'i spyod pa'i rgyan dang / nga rgyal med pa'i phyir shes pa'i rgyan dang / dge ba'i rtsa ba yongs su bsngo ba'i phyir byang chub kyi snying po'i rgyan dang / tshul khrims kyi rtsa ba la gnas pa mi 'dor ba'i phyir stobs dang / mi 'jigs pa dang / sangs rgyas kyi chos ma 'dres pa'i rgyan te/ rigs kyi bu/ bcu po 'di dag ni/ byang chub sems dpa' rnams kyi tshul khrims kyi rgyan no/ /rigs kyi bu/ de la byang chub sems dpa' rnams kyi ting nge 'dzin gyi rgyan gang zhe na/ rigs kyi bu/ byang chub sems dpa' rnams kyi ting nge 'dzin gyi rgyan ni/ gcig ste/ gcig gang zhe na/ 'di lta ste/ sems can thams cad la byams pa ste/ 'di ni/ gcig go /rigs kyi bu/ byang chub sems dpa' rnams kyi ting nge 'dzin gyi rgyan ni/ gnyis po 'di dag ste/ gnyis gang zhe na| 'di lta ste/ drang ba dang / mnyen pa ste/ gnyis po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ gsum po 'di dag ste| gsum gang zhe na/ 'di lta ste/ sgyu med pa dang / g.yo med pa dang / bcos ma med pa ste/ gsum po 'di dag go /rigs kyi bu/ byang chub sems dpa' rnams </font><hr>185a<br><font size=+1>


@#/ /kyi ting nge 'dzin gyi rgyan ni/ bzhi po 'di dag ste/ bzhi gang zhe na/ 'di lta ste/ 'dun pas 'gro ba ma yin par mi 'gro ba dang / zhe sdang gis 'gro ba ma yin par mi 'gro ba dang / gti mug gis 'gro ba ma yin par mi 'gro ba dang / 'jigs pas 'gro ba ma yin par mi 'gro ba ste/ bzhi po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ lnga po 'di dag ste/ lnga gang zhe na/ 'di lta ste/ sgrib pa lnga spong ba ste/ lnga po de dag gang zhe na/ 'dod pa la 'dun pa dang / gnod sems dang / rmugs pa dang gnyid dang / rgod pa dang 'gyod pa dang / the tshom ste/ sgrib pa lnga po 'di dag spong ba'o/ /rigs kyi bu/ byang chub sems dpa' rnams kyi ting nge 'dzin gyi rgyan ni/ drug po 'di dag ste/ drug gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa ste/ drug po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ bdun po 'di dag ste/ bdun gang zhe na/ 'di lta ste/ byang chub kyi sems </font><hr>185b<br><font size=+1>


mi brjed pa'i byang chub kyi yan lag bdun sgom pa ste/ dran pa yang dag byang chub kyi yan lag dang / chos rab tu 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ bdun po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ brgyad po 'di dag ste/ brgyad gang zhe na/ 'di lta ste/ 'phags pa'i lam yan lag brgyad pa sgom pa ste/ 'di ltar yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ brgyad po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ dgu po 'di dag ste/ dgu gang zhe na/ rigs kyi bu/ 'di la byang chub sems dpa' brjed pa med pa'i sems kyis snying rje chen po'i gnas la gnas te/ sems can thams cad yongs su mi gtong bar gnas </font><hr>186a<br><font size=+1>


@#/ /nas 'dod pa dag las dpen pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dpen pa las skyes pa'i dga' ba dang / bde ba can bsam gtan dang po rdzogs par byas te gnas so/ /de rtog pa dang / dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dpyod pa med pa'i ting nge 'dzin las skyes pa'i dga' ba dang / bde ba can bsam gtan gnyis pa rdzogs par byas te gnas so/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa/ bde ba la gnas pa btang snyoms pa'o/ /zhes brjod pa ste/ dga' ba med pa bsam gtan gsum pa rdzogs par byas te gnas so/ /de bde ba'ang spangs te/ snga nas sdug bsngal ba'ang spangs shing yid bde ba dang / yid mi bde ba'ang nub pas bde ba'ang ma yin/ sdug bsngal ba'ang ma yin pa/ btang snyoms dang dran pa yongs su dag pa bsam gtan bzhi ba rdzogs par byas te gnas so/ /de rnam pa thams cad du gzugs kyi 'du shes rnams </font><hr>186b<br><font size=+1>


las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so/ /snyam nas nam mkha' mtha' yas skye mtshed rdzogs par byas te gnas so/ /de rnam pa thams cad du nam mkha' mtha' yas skye mched las yang dag par 'das te rnam par shes pa mtha' yas so/ /snyam nas rnam shes mtha' yas skye mched rdzogs par byas te gnas so/ /de rnam pa thams cad du rnam shes mtha' yas skye mched las yang dag par 'das te ci'ang med do snyam nas ci'ang med pa'i skye mched rdzogs par byas te gnas so/ /de rnam pa thams cad du ci'ang med pa'i skye mched las yang dag par 'das nas 'du shes med 'du shes med min skye mched rdzogs par byas te gnas so/ /de rnam pa thams cad du 'du shes med 'du shes med min skye mched las yang dag par 'das te 'du shes dang tshor ba 'gog pa'i snyoms par 'jug pa la snyoms par 'jug kyang thabs mkhas pas yang dag pa'i mtha' mngon sum du'ang mi byed la sngon gyi byin gyi rlabs kyis yang dag par gnas/ sems can rnams kyang yongs su smin par byed pa ste/ ting nge 'dzin gyi rgyan ni/ dgu po 'di dag go /rigs kyi bu/ byang chub sems </font><hr>187a<br><font size=+1>


@#/ /dpa' rnams kyi ting nge 'dzin gyi rgyan ni/ bcu po 'di dag ste/ bcu gang zhe na/ 'di lta ste/ mi 'khrugs pas nges par sems pa dang / zhi gnas yongs su rdzogs par byed pa dang / mngon par brtson pa mi 'dor ba dang / nang du yang dag 'jog sbed pa dang / dge ba'i rtsa ba rnams chud mi za ba dang / sems dben pa dang / lus shin tu sbyangs pa dang / chos rnams la sems shing 'jal la so sor rtog pa dang / sems la dbang sgyur ba dang / 'phags pa'i rigs thob pa ste/ rigs kyi bu/ byang chub sems dpa' rnams kyi ting nge 'dzin gyi rgyan ni/ bcu po 'di dag go /rigs kyi bu/ de la byang chub sems dpa' rnams kyi shes rab kyi rgyan gang zhe na/ rigs kyi bu/ byang chub sems dpa' rnams kyi shes rab kyi rgyan ni/ gcig ste/ gcig gang zhe na/ 'di lta ste/ chos thams cad la the tshom med pa ste/ 'di ni/ gcig go /rigs kyi bu/ byang chub sems dpa' rnams kyi shes rab kyi rgyan ni/ gnyis po 'di dag ste/ gnyis gang zhe na/ 'di lta ste/ 'gyod pa dang bral ba dang / kun nas ldang ba dang bral ba ste/ gnyis po 'di dag go /rigs kyi bu/ byang chub sems dpa' rnams kyi shes rab kyi rgyan ni/ gsum po </font><hr>187b<br><font size=+1>


'di dag ste/ gsum gang zhe na/ 'di lta ste/ gti mug spong ba dang / ma rig pa'i sgo nga'i sbubs nges par gcog pa dang / mun pa mun nag sel ba ste/ gsum po 'di dag go /rigs kyi bu/ byang chub sems dpa' rnams kyi shes rab kyi rgyan ni/ bzhi po 'di dag ste/ bzhi gang zhe na/ 'di lta ste/ sdug bsngal yongs su shes par bya ba'i shes pa dang / kun 'byung ba spang ba'i snang ba dang / 'gog pa mngon sum du bya ba'i mngon gsal dang / lam bsgom pa'i byin gyi rlabs te/ bzhi po 'di dag go /rigs kyi bu| byang chub sems dpa' rnams kyi shes rab kyi rgyan ni/ lnga po 'di dag ste/ lnga gang zhe na/ 'di lta ste/ dmigs pa med pas tshul khrims kyi phung po yongs su dag pa dang / shes rab mchog gis bsam gtan pa yin pas ting nge 'dzin gyi phung po yongs su dag pa dang / gnyis dang bral bas rnam par grol ba'i phung po yongs su dag pa dang / dus gsum mnyam pa nyid pas rnam par grol ba'i ye shes mthong ba'i phung po yongs su dag pa dang / 'dod chags dang bral ba'i chos nyid pas chos kyi phung po yongs su dag pa ste/ lnga po 'di dag go /rigs kyi bu/ byang chub sems dpa' rnams kyi shes rab kyi rgyan ni/ drug po 'di dag ste/ drug gang zhe na/ 'di lta ste/ 'khor gsum </font><hr>188a<br><font size=+1>


@#/ /yongs su dag pa'i sbyin pa'i pha rol tu phyin pa ni/ sgyu ma dang mnyam pa nyid pas bdag gi 'khor yongs su dag pa dang / rmi lam dang mnyam pa nyid pas sems can gyi 'khor yongs su dag pa dang / rnam par smin pa la re ba med pas byang chub kyi 'khor yongs su dag pa'o/ /'khor gsum yongs su dag pa'i tshul khrims kyi pha rol tu phyin pa ni/ gzugs brnyan lta bu'i phyir lus kyi 'khor yongs su dag pa dang / brag ca lta bu'i shes pas ngag gi 'khor yongs su dag pa dang / sgyu ma dang mnyam pa nyid pas sems kyi 'khor yongs su dag pa'o/ /'khor gsum yongs su dag pa'i bzod pa'i pha rol tu phyin pa ni/ nyes par smras pa'i tshig rnams la khong khro ba spong ba yongs su dag pa dang / bstod pa dang / bsngags pa dang / rjes su chags pa spong ba yongs su dag pa dang / yan lag dang nying lag gcod pa dag la chos kyi sku la rab tu rtog pa yongs su dag pa'o/ /'khor gsum yongs su dag pa'i brtson 'grus kyi pha rol tu phyin pa ni/ 'khor ba rmi lam lta bur mos pas yongs su mi skyo ba yongs su dag pa dang / rdo rje lta bu'i bsam pas bstan pa yongs su dag pa dang / mtshan ma thams cad las sgrol bas blang ba med pa </font><hr>188b<br><font size=+1>


dang / dor ba med pa yongs su dag pa'o/ /'khor gsum yongs su dag pa'i bsam gtan gyi pha rol tu phyin pa ni/ 'gyur par shes pas de la ma chags pa yongs su dag pa dang / mngon par zhen pa med pas lhag mthong yongs su dag pa dang / mngon par shes pa skyed pas dmigs pa yongs su dag pa'o/ /'khor gsum yongs su dag pa'i thabs kyi pha rol tu phyin pa ni/ sems can yongs su smin par byed pas bsdu ba'i dngos po yongs su dag pa dang / dam pa'i chos yongs su 'dzin pas gzungs yongs su dag pa dang / sangs rgyas kyi zhing gi rgyan gyi phyir smon lam yongs su dag pa ste/ drug po 'di dag go /rigs kyi bu/ byang chub sems dpa' rnams kyi shes rab kyi rgyan ni/ bdun po 'di dag ste/ bdun gang zhe na/ 'di lta ste/ dran pa nye bar gzhag pa rnams la dran pa med cing yid la byed pa med pa dang / yang dag par spong ba rnams la skye ba med pa dang 'gag pa med par shes pa dang / rdzu 'phrul gyi rkang pa rnams kyis lus dang sems dben pa dang / dbang po rnams la dbang po yongs su shes pa dang / stobs rnams kyis bdud dang nyon mongs pa thams cad tshar gcod pa dang / byang chub kyi yan lag rnams kyis chos thams cad kyi ngo bo </font><hr>189a<br><font size=+1>


@#/ /nyid dang / lam rnams la 'ong ba med pa dang 'gro ba med par shes pa ste/ bdun po 'di dag go /rigs kyi bu/ byang chub sems dpa' rnams kyi shes rab kyi rgyan ni/ brgyad po 'di dag ste/ brgyad gang zhe na/ 'di lta ste/ shin tu zhi ba'i phyir zhi gnas shes pa dang / rab rib dang bral ba'i phyir lhag mthong shes pa dang / chos kyi phung po rjes su rtogs pa'i phyir phung po shes pa dang / nam mkha'i khams dang mnyam pa nyid kyi phyir khams shes pa dang / grong stong dang mnyam pa nyid kyi phyir skye mched shes pa dang / bdag med pa'i phyir rten cing 'brel bar 'byung bar shes pa dang / mi 'khrugs pa'i phyir bden pa shes pa dang / yang dag pa ji lta ba bzhin rab tu rtogs pas chos thams cad nges par rtogs pa shes pa ste/ brgyad po 'di dag go /rigs kyi bu/ byang chub sems dpa' rnams kyi shes rab kyi rgyan ni/ dgu po 'di dag ste/ dgu gang zhe na/ 'di lta ste/ sngon gyi mtha' dag pas 'das pa shes pa dang / phyi ma'i mtha' dag pas ma 'ongs pa shes pa dang / bar gyi mtha' dag pas da ltar byung ba shes pa dang / rgyu chud mi za bas nges pa rnams shes pa dang / rkyen nye bar sgrub pas ma nges pa rnams shes pa dang / yongs su smin par byed pas log pa </font><hr>189b<br><font size=+1>


nyid du nges pa rnams shes pa dang / chos kyi skus rab tu phye ba'i phyir sangs rgyas thams cad mnyam pa nyid du shes pa dang / 'dod chags dang bral ba'i chos kyi phyir chos thams cad mnyam pa nyid du shes pa dang / 'dus ma byas kyis rab tu phye ba'i phyir 'phags pa thams cad mnyam pa nyid du shes pa ste/ dgu po 'di dag go /rigs kyi bu/ byang chub sems dpa' rnams kyi shes rab kyi rgyan ni/ bcu po 'di dag ste/ bcu gang zhe na/ 'di lta ste/ rnam par sgrub pa'i mtshan nyid kyi phyir sgyu ma lta bur shes pa dang / yongs su rtog pa'i mtshan nyid kyi phyir rmi lam lta bur shes pa dang / rnam par 'khrul pa'i mtshan nyid kyi phyir smig rgyu lta bur shes pa dang / 'pho ba med pa'i mtshan nyid kyi phyir gzugs brnyan lta bur shes pa dang / 'du 'phrod kyi mtshan nyid kyi phyir mig yor lta bur shes pa dang / rkyen gyi mtshan nyid kyi phyir brag ca lta bur shes pa dang / chos kyi dbyings 'dres pa med pa'i mtshan nyid du shes pa dang / de bzhin nyid gnas med pa'i mtshan nyid du shes pa dang / yang dag pa'i mtha' mi 'khrugs pa'i mtshan nyid du shes pa dang / 'dus byas dag 'dus ma byas kyi mtshan nyid du shes pa ste/ rigs kyi bu/ byang chub sems dpa' rnams kyi shes rab kyi rgyan ni/ bcu po 'di dag go /rigs kyi bu/ /de la byang </font><hr>190a<br><font size=+1>


@#/ /chub sems dpa' rnams kyi rgyan ni/ gang zhe na/ rigs kyi bu/ byang chub sems dpa' rnams kyi gzungs kyi rgyan ni/ gcig ste/ gcig gang zhe na/ 'di lta ste/ dran pa brjed pa med pa ste/ 'di ni/ gcig go /rigs kyi bu/ byang chub sems dpa' rnams kyi gzungs kyi rgyan ni/ gnyis po 'di dag ste/ gnyis gang zhe na/ 'di lta ste/ kun tu 'dzin pa dang / 'dzin pa ste/ gnyis po 'di dag go /rigs kyi bu/ byang chub sems dpa' rnams kyi gzungs kyi rgyan ni/ gsum po 'di dag ste/ gsum gang zhe na/ 'di lta ste/ don la mkhas pa dang / tshig 'bru la mkhas pa dang / nges pa'i tshig la mkhas pa ste/ gsum po 'di dag go /rigs kyi bu/ byang chub sems dpa' rnams kyi gzungs kyi rgyan ni/ bzhi po 'di dag ste/ bzhi gang zhe na/ 'di lta ste/ chags pa med pa'i tshig dang / rtsub pa ma yin pa'i tshig dang / rab tu grol ba'i tshig dang / rdzun pa med pa'i tshig ste/ bzhi po 'di dag go /rigs kyi bu/ byang chub sems dpa' rnams kyi gzungs kyi rgyan ni/ lnga po 'di dag ste/ lnga gang zhe na/ 'di lta ste/ thos pa thams cad kyi nang nas don la rton pa dang / yi ge'i tshogs thams cad kyi nang nas ye </font><hr>190b<br><font size=+1>


shes la rton pa dang / mdo sde thams cad kyi nang nas nges pa'i don gyi mdo sde la rton pa dang / gang zag gi sgra thams cad las chos nyid la rton pa dang / 'jig rten thams cad las 'jig rten las 'das pa la rton pa ste/ lnga po 'di dag go /rigs kyi bu/ byang chub sems dpa' rnams kyi gzungs kyi rgyan ni/ drug po 'di dag ste/ drug gang zhe na/ 'di lta ste/ ji skad smras pa de bzhin du byed pa dang / bden pa'i rjes su mthun pa'i tshig rab tu thob pa dang / nga rgyal med pas gzung bar 'os pa'i tshig dang / g.yo med pas blang bar 'os pa'i tshig dang / snying rje chen po la sbyor bas 'bras bu yod pa'i chos ston pa dang / snod la mkhas pas phyed par chos ston pa dang / 'jig rten shes pas dus su chos ston pa ste/ drug po 'di dag go /rigs kyi bu/ byang chub sems dpa' rnams kyi gzungs kyi rgyan ni/ bdun po 'di dag ste/ bdun gang zhe na| 'di lta ste/ mgyogs pa'i spobs pa dang / shugs can gyi spobs pa dang / myur ba'i spobs pa dang / chags pa med pa'i spobs pa dang / rgyun chad pa med pa'i spobs pa dang / 'khrul pa med pa'i spobs pa dang / shin tu nges pa'i tshig gi spobs pa ste/ bdun po 'di dag go /rigs kyi bu/ byang chub sems dpa' rnams </font><hr>191a<br><font size=+1>


@#/ /kyi gzungs kyi rgyan ni/ brgyad po 'di dag ste/ brgyad gang zhe na/ 'di lta ste/ lha'i skad shes pa dang / klu'i skad shes pa dang / gnod sbyin gyi skad shes pa dang / dri za'i skad shes pa dang / lha ma yin gyi skad shes pa dang / nam mkha' lding gi skad shes pa dang / mi 'am ci'i skad shes pa dang / lto 'phye chen po'i skad shes pa nas sems can thams cad kyi bar gyi skad shes pa ste/ brgyad po 'di dag go /rigs kyi bu/ byang chub sems dpa' rnams kyi gzungs kyi rgyan ni/ dgu po 'di dag ste/ dgu gang zhe na/ 'di lta ste/ 'khor gyi nang du spa gong ba med pa dang / smra ba'i nang du zhum pa med pa dang / chos bshad pa'i nang du 'jigs pa med pa dang / 'dri ba rnams la nges par 'byung ba shes pa dang / mngon pa'i nga rgyal can rnams la snrel zhi bstan pa shes pa dang / yang dag par zhugs pa rnams la rjes su mthun pa bstan pa shes pa dang / khengs pa dag la lag na rdo rje ston pa dang / mngon par chags pa rnams la sreg pa'i bskal pa ston pa dang / yongs su smin pa rnams la theg pa'i rim pa ji lta ba bzhin du ston pa ste/ dgu po 'di dag go /rigs kyi bu/ byang chub sems dpa' </font><hr>191b<br><font size=+1>


rnams kyi gzungs kyi rgyan ni/ bcu po 'di dag ste/ bcu gang zhe na/ 'di lta ste/ dogs pa thams cad la the tshom med par ston pa shes pa dang / blo'i chos skye ba'i sgo dang / shes rab kyi snang ba gzhan la lhag ma ma lus pa dang / yi ge bstan pa mi zad pa dang / don bstan pa rgyun chad pa med pa dang / sangs rgyas kyi bsngags pa mtha' yas pa yang dag par rab tu brjod pa dang / kun nas nyon mongs pa'i skyon mu med par brjod pa dang / rnam par byang ba'i bsngags pa tshad med pa ston pa dang / dbang po thams cad la gzhol bar 'jug pa chags pa med pa dang / sangs rgyas kyis gnang ba'i so so yang dag par rig pa la 'jug pa shes pa ste/ rigs kyi bu/ byang chub sems dpa' rnams kyi gzungs kyi rgyan ni/ bcu po 'di dag go /de nas bcom ldan 'das kyis don de nyid rgya cher bstan pa'i phyir tshigs su bcad pa 'di dag gsungs so/ /gang gis theg mchog dam pa 'di mdzes pa/ /blo gros chen po rnams kyi rgyan bzhi ste/ /tshul khrims ting 'dzin de bzhin shes rab mchog /shin tu rnam des don dang de bzhin gzungs/ /de ni lus can kun gyi yid 'ong dga'/ /lus dang ngag rnams dang ni yid dag cing / /de yi rnam par ltung ba kun chad pa/ /'di ni tshul </font><hr>192a<br><font size=+1>


@#/ /khrims ldan pa'i rgyan yin no/ /lha mi rnams kyi nang du mkhas pa ste/ /de yi smon lam ji ltar 'dod bzhin 'grub/ /nan tan snying por byed dang yang dag ldan/ /'di ni tshul khrims dag pa'i rgyan yin no/ /de yi ting 'dzin sgyu ma ma yin te/ /shes rab rnam grol de bzhin ye shes mthong / /de yi mya ngan 'das pa sgyu ma min/ /'di ni tshul khrims rnam par dag pa'i rgyan/ /tshul khrims skyon med tshul khrims rnam par dag /tshul khrims sra sre ma yin 'dren ma med| |de yi rang dga' de bzhin rang dbang yin/ /'di ni gang dag tshul khrims dag pa'i rgyan/ /tshul khrims kyis ni sbyin pa dag par 'gyur/ /bzod pa dag cing de bzhin brtson 'grus dag /bsam gtan dag cing de bzhin shes rab dag /thabs dang de bzhin bag yod dag pa yin/ /g.yo ba med cing brtan la shin tu gnas/ /sa mchog thob cing rnal 'byor rnam 'phro med/ /lhod pa spangs shing dgad sla gso yang sla/ /'di ni gang dag tshul khrims dag pa'i rgyan/ /brtson 'grus 'bar zhing tshul khrims bsngags pa ste/ /de yi sems ni nam yang gdung mi 'gyur/ /de la yid la chags par 'gyur med de/ /'di ni gang dag tshul </font><hr>192b<br><font size=+1>


khrims dag pa'i rgyan/ /'jigs pa med cing mi skrag mi zhum ste/ /bsam pa nges shing zhi la yid rab zhi/ /'dir ni de yi bcings pa lhad par 'gyur/ /'di ni gang dag tshul khrims dag pa'i rgyan/ /grags chen sems ni las su rung ba yin/ /de ni dul zhing de bzhin cang shes yid/ /'dir ni rang lus mtshan gyis brgyan byed pa| |'di ni gang dag tshul khrims dag pa'i rgyan/ /de ni ji skad smras pa de bzhin byed/ /mkhas pa de ni dag gi rgyan thob ste/ /de ni nyon mongs med pas rtag sems brgyan| |'di ni gang dag tshul khrims dge pa'i rgyan/ /khyad par 'phags pa'i zhing ni legs par brgyan/ /theg pa mchog la sems can yongs smin byed/ /gang phyir sdig pa thams cad mi byed pas/ /rang gi skye ba legs par rgyan par byed/ /byang chub spyod pa rtag tu rgyan byed cing / /byang chub snying po dam pa rgyan par byed/ / stobs dang mi 'jigs pa dag rgyan byed cing / /nga rgyal med pas shes pa legs par brgyan/ /de ni byams pas sems can kun khyab byed/ /mkhas pa rtag tu drang dang mnyen pa yin/ /g.yo ni med cing sgyu med bcos pa med/ /gti mug 'dod sdang 'jigs pas 'gro ma yin/ /de ni sgrib pa lnga po rnam par sel/ /bag </font><hr>193a<br><font size=+1>


@#/ /yod gyur nas rjes su dran drug sgom/ /byang chub yan lag bdun dang lam sgom ste/ /mthar gyis dgu dang ting 'dzin bsam gtan byed| |rnal 'byor pa ni zhig nas nges sems sbyor/ /de ni tshul bzhin dge ba chud mi gson/ /dben dang shin tu sbyangs dang so sor rtog /'phags pa'i rigs la dbang ni sgyur ba yin/ /chos rnams la ni the tshom med par gyur/ /de la kun nas ldang dang 'gyod pa med/ /de la ma rig gti mug mun pa med/ /bden pa snang ba yongs su shes pa shes/ /tshul khrims dag pa dmigs pa med pa ste/ /shes rab dam pa bsam gtan ting 'dzin dag /gnyis bsal nas ni rnam par grol ba dag /lhag pa'i nga rgyal med cing shes pa dag /dus gsum dag la ye shes mthong mi chags/ /'dod chags bral ba'i shes pas chos kyang dag / dag nas 'dir ni de la rlom sems med/ /'di ni gang dag shes rab ldan pa'i rgyan/ /shes rab kyis ni sbyin pa brgyan gyur te/ /rmi lam sgyu ma tshol ba med pa'i phyir| |bdag dang byang chub de bzhin sems can rnams/ /'khor gsum po dag de dag rnam par sbyong / /shes rab kyis ni tshul khrims brgyan gyur te/ /gzugs </font><hr>193b<br><font size=+1>


brnyan sgyu ma brag ca 'dra ba'i phyir/ /lus dang ngag rnams dang ni de bzhin sems/ /'khor gsum po dag de ni rnam par sbyong / /shes rab kyis ni bzod pa brgyan gyur te| |mkhas dang mtho min dma' bar 'gyur min dang / /dam pa'i chos sku rtag tu rab rtog pa/ /'khor gsum po dag de ni rnam par sbyong / /shes rab kyis ni brtson 'grus brgyan gyur te/ /skyo ba med cing bsam pa brtan pa dang / /de ni blang ba med cing dor med pa/ /'khor gsum po dag de ni rnam par sbyong / /shes rab kyis ni bsam gtan brgyan gyur te/ /de la ma chags gyur dang lhag mthong dang / /mkhas pa mngon par shes pa skyed pa dang / /'khor gsum po dag de ni rnam par sbyod/ / shes rab kyis ni thabs kyang brgyan byed de/ /shin tu sdud dang gzungs dang yang dag smon/ /'khor gsum po dag de ni rnam sbyong zhing / /sems can chos dang de bzhin zhing rnams sbyong / /dran pa nye bar gzhag la dran mi 'jug /yang dag spong pa rnams la gnyis med de/ /rdzu 'phrul gyis ni lus dang sems kyang dben/ /sems can gyis ni dbang po kun mi shes/ /bdud dang nyon mongs rnams kyis zil mi non/ /chos kyi rang bzhin tshul bzhin rjes su rtogs/ /de bzhin lam la 'ong med 'gro </font><hr>194a<br><font size=+1>


@#/ /ba med| |'di ni gang dag shes rab ldan pa'i rgyan/ /de ni shin tu zhi bas zhi gnas shes/ /de yi lhag mthong spyod yul mtha' yas te| |chos kyi phung po ci zhig phung po shes/ /khams ni nam mkha' mtshungs shing 'dra bar shes/ /des ni stong pa lta bur skye mched shes/ /rten pas bsags pas chos rnams 'byung med de/ /don dam bden par 'khrugs pa med par shes/ /tshul bzhin gyis ni nges par rtogs par shes/ /dus gsum la ni chags med ye shes 'jug /rnam par bzhag phyir phung po gsum yang shes/ /dkon mchog gsum ni mtshan nyid gcig tu shes/ /'di ni gang dag shes rab ldan pa'i rgyan/ /rnam bsgrubs mtshan nyid sgyu ma lta bur shes/ /yongs brtags rtsa ba rmi lam ji bzhin no/ /rnam 'phrul mtshan nyid smig rgyu 'dra ba ste/ /'pho med chos rnams gzugs brnyan mtshan nyid do/ /'du 'phrod byung ba mig yor lta bu ste/ /rkyen rnams kyis ni brag ca ji bzhin no/ /chos kyi dbyings ni rtag tu ma 'dres shes/ /de bzhin nyid ni gnas med de rab shes/ /yang dag mtha' ni rtag tu mi g.yo chos/ /'dus ma byas dang 'dus byas gnyis su med/ /shes </font><hr>194b<br><font size=+1>


rab zab cing blo ni rab yangs par/ /brgyan nas sangs rgyas chos rnams tshol bar byed/ /de ni nam yang dran pa brjed pa med/ /chos rnams kun tu 'dzin cing 'dzin par byed/ / don dang tshig 'bru la ni rtag tu mkhas/ /nges tshig shes pa rtag par rtogs khong chud/ /chags med tshig dang rtsub pa ma yin dang / /rab tu grol ba'i tshig dang rdzun med tshig /thos pa kun don rtag tu rtog pa dang / /mkhas pa de ni ye shes rton par byed/ /nges don mdo sde rtogs par rab tu shes/ /gang zag med pa'i chos nyid rton byed cing / /'jig rten 'das pa'i chos nyid la yang rton/ /de ni gzungs kyis brgyan bar gyur pa yin/ /de yi tshig ni bden pa'i rjes su mthun/ /gzung bar 'os dang dus su 'os pa yin/ /de yi chos bstan de ni 'bras bu yod/ /phyed pa dang ni dus su rgyun chags 'jug /de yi spobs pa mgyogs pa skye ba ste/ /shugs can dang ni myur dang rtag mi chags/ /rgyun chad med dang 'khrul med nges pa'i tshig /legs par brgyus pa'i phreng bas legs brgyan bzhin/ /lha dang klu yi skad ni rab tu shes| |gnod sbyin dag dang dri za lha min dang / /mkha' lding mi 'am ci dang lto 'phye che/ /sems can kun gyi skad kyang rab tu shes/ /'khor lhags shes nas pa gong </font><hr>195a<br><font size=+1>


@#/ /med pa ste/ /smra ba mthong nas zhum par gyur ba'ang med/ /'jigs pa med par chos kyi gtam yang rjod/ /'dri ba rnams la nges 'byung rab tu shes/ /lhag pa'i nga rgyal can mthong snel zhi yi/ /gtam brjod rnal 'byor mthong nas rjes su mthun/ /nga rgyal can la lag na rdo rje ston/ /yul mngon chags la sreg pa'i bskal pa ste/ /theg pa gsum gyi rim pa'i gtam yang brjod/ /dogs pa kun gyi tha tshom gcod pa ste/ /blo yi chos rnams mngon sum 'gyur ba yin/ /de yi shes rab nam yang gzhan mi ltos/ /yi ge thams cad rtag tu zad mi shes/ /don rnams nges pa dag la rgyun chags te/ /'di ni sangs rgyas chos rnams mtha' yas brjod/ /de ni gzungs kyis brgyan par gyur pa yin/ /kun nas nyon mongs skyon ni mtha' yas shes/ /rnam pa byang ba'i phan yon thug pa med/ /de bzhin sems can dbang po thams cad shes/ /sangs rgyas gnang ba'i so so rig pa thob/ /de ni gzungs kyis brgyan par gyur pa ste/ / de yi yon tan 'di dang gzhan dag kyang / /bskal par rgyun chad med par rab brjod kyang / /yon tan mtha' ni rtogs par mi nus so/ /bam po </font><hr>195b<br><font size=+1>


gsum pa/ bcom ldan 'das kyis gzhan yang byang chub sems dpa' gzungs kyi dbang phyug gi rgyal po la bka' stsal pa/ rigs kyi bu/ snang ba gang dag gis snang bar gyur na byang chub sems dpa' mun pa mun nag dang bral shing byang chub sems dpa'i spyod pa yongs su dag pa spyod par 'gyur ba byang chub sems dpa' rnams gyi snang ba ni/ brgyad po 'di dag go /brgyad gang zhe na/ 'di lta ste/ dran pa'i snang ba dang / blo gros kyi snang ba dang / rtogs pa'i snang ba dang / chos kyi snang ba dang / shes pa'i snang ba dang / bden pa'i snang ba dang / mngon par shes pa'i snang ba dang / sgrub pa'i snang ba ste/ rigs kyi bu/ byang chub sems dpa' rnams kyi snang ba ni/ brgyad po 'di dag go /rigs kyi bu/ de la byang chub sems dpa' rnams kyi dran pa'i snang ba gang zhe na/ rigs kyi bu/ byang chub sems dpa' rnams kyi dran pa'i snang ba ni/ brgyad po 'di dag ste/ brgyad gang zhe na/ 'di lta ste/ sngon byas pa'i dge ba'i rtsa ba chud mi gzon pa dang / dge ba'i rtsa ba \?\ ma byas pa gsog pa dang / thos pa'i chos rnams mi brjed pa dang / don rnam par nges pa rjes su thob pa dang / yul drug gis mi 'phrog pa dang / mi dge ba'i </font><hr>196a<br><font size=+1>


@#/ /chos spang zhing dge ba'i chos yongs su rdzogs par bya ba'i phyir dran pa rgya chen po phun sum tshogs par gyur pa dang / de dran pa phun sum tshogs par rig nas sangs rgyas bcom ldan 'das rnams kyis chos kyi grong khyer srung bar 'jog pa dang / dran pa sngon du 'gro bas chos thams cad la snang ba thob pa yin te/ rigs kyi bu/ byang chub sems dpa' rnams kyi dran pa'i snang ba ni/ brgyad po 'di dag go /rigs kyi bu/ byang chub sems dpa' rnams kyi blo gros kyi snang ba ni/ brgyad po 'di dag ste/ brgyad gang zhe na/ 'di lta ste/ don gyi blo gros yin gyi tshig 'bru'i blo gros ma yin pa dang / ye shes kyi blo gros yin gyi rnam par shes pa'i blo gros ma yin pa dang / chos kyi blo gros yin gyi nyon mongs pa'i blo gros ma yin pa dang / rigs pa'i blo gros yin gyi 'gal ba'i blo gros ma yin pa dang / byang chub kyi sems kyi blo gros yin gyi nyan thos dang rang sangs rgyas kyi blo gros ma yin pa dang / rlabs po che'i blo gros yin gyi dman pa'i blo gros ma yin pa dang / sangs rgyas kyi blo gros yin gyi bdud kyi blo gros ma yin pa dang / snying rje chen po'i blo gros yin gyi sems can </font><hr>196b<br><font size=+1>


la rnam par 'tshe ba'i blo gros ma yin pa ste/ rigs kyi bu/ byang chub sems dpa' rnams kyi blo gros kyi snang ba ni/ brgyad po 'di dag go /rigs kyi bu/ byang chub sems dpa' rnams kyi rtogs pa'i snang ba ni/ brgyad po 'di dag ste/ brgyad gang zhe na/ 'di lta ste/ chos thams cad rtogs par khong du chud par 'gyur ba dang / dgongs te bstan pa rnams rtogs par khong du chud par 'gyur ba dang / sems can gyi bsam pa rnams rtogs par khong du chud par 'gyur ba dang / so so yang dag par rig pa'i shes pa rnams rtogs par khong du chud par 'gyur ba dang / rten cing 'brel par 'byung ba zab mo rtogs par khong du chud par 'gyur ba dang / snel zhi'i rgyud bstan pa rtogs par khong du chud par 'gyur ba dang / spyi'i tshugs kyi rgyud bstan pa rtogs par khong du chud par 'gyur ba dang / sangs rgyas kyi chos thams cad rtogs par khong du chud par 'gyur ba ste/ rigs kyi bu/ byang chub sems dpa' rnams kyi rtogs pa'i snang ba ni/ brgyad po 'di dag go /rigs kyi bu/ byang chub sems dpa' rnams kyi chos kyi snang ba ni/ brgyad po 'di dag ste/ brgyad gang zhe na/ 'di lta ste/ sems can rnams la las kyi bya ba la 'jug pa ston pas 'jig </font><hr>197a<br><font size=+1>


@#/ /rtan pa'i chos kyi snang ba dang / thar pa 'dod pa rnams la shes rab kyis ston pas 'jig rten las 'das pa'i chos kyi snang ba dang / lam shin tu bsgoms pa'i phyir sgrib pa med pa'i chos kyi snang ba dang / 'dod pa dang / srid pa dang / ma rig pa dang / lta ba'i zag pa mi slong ba'i phyir zag pa med pa'i chos kyi snang ba dang / 'phags pa rnams kyi nges par gyur pa mngon sum du byed pa'i phyir 'dus ma byas pa'i chos kyi snang ba dang / glo bur gyi nyon mongs pa la shin tu rtogs pa'i phyir kun nas nyon mongs pa'i chos kyi snang ba dang / sems rang bzhin gyis 'od gsal ba'i phyir rnam par byang ba'i chos kyi snang ba dang / chos rnams shin tu nye bar zhi ba'i phyir mya ngan las 'das pa'i chos kyi snang ba ste/ rigs kyi bu/ byang chub sems dpa' rnams kyi chos kyi snang ba ni/ brgyad po 'di dag go /rigs kyi bu/ byang chub sems dpa' rnams kyi shes pa'i snang ba ni/ brgyad po 'di dag ste/ brgyad gang zhe na/ 'di lta ste/ brgyad pa'i shes pa'i snang ba dang / rgyun du zhugs pa'i shes pa'i snang ba dang / lan gcig phyir 'ong ba'i shes pa'i snang ba </font><hr>197b<br><font size=+1>


dang / phyir mi 'ong ba'i shes pa'i snang ba dang / dgra bcom pa'i shes pa'i snang ba dang / rang sangs rgyas kyi shes pa'i snang ba dang / byang chub sems dpa'i shes pa'i snang ba dang / yang dag par rdzogs pa'i sangs rgyas kyi mkhyen pa'i snang ba ste/ rigs kyi bu/ byang chub sems dpa' rnams kyi shes pa'i snang ba ni/ brgyad po 'di dag go /rigs kyi bu/ byang chub sems dpa' rnams kyi bden pa'i snang ba ni/ brgyad po 'di dag ste/ brgyad gang zhe na/ 'di lta ste/ bden pa sgom pa gang gis nges par gyur pa la 'jug pa de la de'i snang ba dang / bden pa sgom pa gang gis 'bras bu dang po thob par 'gyur ba de la de'i snang ba dang / bden pa sgom pa gang gis 'bras bu gnyis pa thob par 'gyur ba de la de'i snang ba dang / bden pa sgom pa gang gis 'bras bu gsum pa thob par 'gyur ba de la de'i snang ba dang / bden pa sgom pa gang gis 'bras bu bzhi pa thob par 'gyur ba de la de'i snang ba dang / bden pa sgom pa gang gis rang sangs rgyas nyid thob par 'gyur ba de la de'i snang ba dang / bden pa sgom pa gang gis byang chub sems dpa'i bzod pa rab tu thob par 'gyur ba de la de'i snang ba dang / bden pa sgom pa gang gis sangs rgyas </font><hr>198a<br><font size=+1>


@#/ /kyi byang chub mngon par rdzogs pa 'tshang rgya bar 'gyur ba de la de'i snang ba ste/ rigs kyi bu/ byang chub sems dpa' rnams kyi bden pa'i snang ba ni/ brgyad po 'di dag go /rigs kyi bu/ byang chub sems dpa' rnams kyi mngon par shes pa'i snang ba ni/ brgyad po 'di dag ste/ brgyad gang zhe na| 'di lta ste/ lha'i mig gis gzugs thams cad yang dag par mthong ba'i phyir gsal ba'i snang ba dang / lha'i rna bas sgra thams cad thos pa'i phyir nges par rtog pa'i snang ba dang / sngon gyi gnas bskal ba grangs med pa rjes su dran pa'i phyir rjes su dran pa'i snang ba dang / sems can thams cad kyi sems la lta ba'i phyir rang bzhin gyis 'od gsal ba'i snang ba dang / sangs rgyas kyi zhing mtha' yas par rdzu 'phrul gyis 'gro ba'i phyir nam mkha' sgrib pa med pa'i snang ba dang / zag pa med pa'i shes pa yongs su rdzogs par byed pa'i phyir shes pa'i snang ba dang / sems can thams cad nye bar 'tsho ba'i phyir bsod nams kyi tshogs kyi snang ba dang / sems can thams cad kyi dogs pa gcod pa'i phyir ye shes kyi tshogs kyi snang ba ste/ rigs kyi bu/ byang chub sems dpa' rnams kyi </font><hr>198b<br><font size=+1>


mngon par shes pa'i snang ba ni/ brgyad po 'di dag go /rigs kyi bu/ byang chub sems dpa' rnams kyi sgrub pa'i snang ba ni/ dgu po 'di dag ste/ dgu gang zhe na| 'di lta ste/ sgrub pas ye shes kyi snang ba dang / sgrub pas shes rab kyi snang ba dang / sgrub pas blo'i snang ba dang / sgrub pas yang dag pa'i lta ba'i snang ba dang / sgrub pas zhi gnas kyi snang ba dang / sgrub pas lhag mthong gi snang ba dang / sgrub pas sems can gyi bsam pa'i snang ba dang / sgrub pas 'khrugs pa med par sems rnam par grol ba'i snang ba dang / sgrub pas shin tu mthar thug pa'i snang ba snang ba ste/ rigs kyi bu/ byang chub sems dpa' rnams kyi sgrub pa'i snang ba ni| dgu po 'di dag go /de nas bcom ldan 'das kyis de'i tshe tshigs su bcad pa 'di dag gsungs so/ /dran pa de dang yang dag 'dres pa ni/ /sngon chad las dge bsags pa chud mi gzon/ /phra bar bsngo ba phun sum tshogs pa ste/ /phyi phyir zhing ni yang dag sgrub par byed/ /thos pa'i chos rnams la ni brjed pa med/ /rnam par nges pa myur du thob par 'gyur/ /nye bar zhi bas yul rnams las ni sbas/ /dran dang ldan pa mi dge rnams dang bral/ /dran pa rgya bo che ni shin tu bsags/ /bya </font><hr>199a<br><font size=+1>


@#/ /ba bya ba dag ni rnam par 'byed/ /dran pa dag dang ldan par rig nas ni/ /rgyal ba rang byung dag gi byin gyis rlob/ /dam pa'i chos kyi grong khyer skyong byed pa/ /de ni 'gro ba rnams la chos ston nus/ /shes rab ldan pa mun pa rnam bral te/ /lha dang mi rnams kyi ni don kyang byed/ /blo gros bzang ldan snang ba thob gyur nas/ /dogs pa dang ni the tshom rnams kyang gcod/ /dran dang ldan pa rang byung ye shes kyis/ /byang chub myur du rjes su rtogs par byed/ / de ni don gyi blo gros can yin gyi/ /tshig 'bru'i rjes su mi rgyug sgra la'ang min/ /sems can dag pa ye shes blo gros can/ /rnam par shes pa'i blo gros 'dod ma yin| |chos kyi blo gros ldan par gyur pa de/ /nyon mongs blo gros sel cing gti mug bral/ /shes rab dang ni thabs kyi tshul shes pa/ /de ni rgyal ba'i byang chub 'gal mi byed/ /de ni sangs rgyas 'gyur ba'i blo gros ldan/ /nyan thos 'gyur min rang rgyal 'gyur ma yin/ /rtag tu rlabs chen blo gros can yin gyi/ / de ni blo gros chung du 'dod ma yin/ /sangs rgyas blo gros rtag tu ldan yin gyi/ /bdud kyi blo gros su ni 'gyur ma yin/ /blo gros ldan pa snying rje cher gzhol gyi/ / </font><hr>199b<br><font size=+1>


sems can gang la'ang rnam par 'tshe ba min/ /chos 'ga' bstan pa gang yin de la ni/ /the tshom med cing rtogs par khong du chud/ /de ni dgongs te gsungs la mkhas 'gyur zhing / /sems can spyod pa rnams la rtogs dang ldan/ /so so yang dag rig la rtogs ldan zhing / /de yi shes pa 'jug pa chags pa med/ /rkyen byung byed pa po dang rnam bral bar/ /rten pa'i chos rnams dag ni rab tu shes/ /de ni snrel zhi'i rgyu la mkhas gyur cing / /spyi'u tshugs tshul ni rtogs par khong du chud/ / sangs rgyas kyi ni chos rnams ji snyed pa/ /thams cad kyang ni rtogs par khong du chud/ /'jig rten pa yi chos kyi snang ba yis/ /lha mi rnams kyi las kyi bya ba shes/ / 'jig rten las ni 'das pa'i ye shes kyis/ /shes rab snang ba dang ni ldan pa yin/ /kha na ma thor bcas dang ma tho med/ /ye shes rab tu gsal ba chen po 'jug/ lam ni shin tu bsgoms par gyur pa'i phyir/ /rtag tu 'bras bu yod par chos ston to/ /zag par bcas dang zag pa med pa yi/ /chos la de yi snang ba rab tu 'jug/ de ni zag pa thams cad spong byed cing / /lha dang mi rnams kyi ni don kyang byed/ /'dus ma byas dang 'dus byas chos rnams la/ /de yi shes pa rtag tu rab tu 'jug / </font><hr>200a<br><font size=+1>


@#/ /de ni de yis dri bral rab rib med/ /skyon med thob nas spyad pa rnams kyang spyod/ /rnam par byang dang kun nas nyon mongs pa/ /de yi shes pa sgrib pa med pa 'jug /rang bzhin gyis ni sems 'od gsal ba dang / /kun nas nyon mongs pa yi tshul yang shes/ /ji ltar mya ngan 'das par gyur pa ni| |skye ba med cing 'byung ba med par shes/ /'di 'dra 'di ni theg pa chen po la/ /chos kyi snang ba mtha' yas gyur pa yin/ /de ni brgyad pa yi ni shes pa dang / / rgyun du zhugs la shes pa 'jug pa dang / /lan gcig phyir 'ong ba yi shes pa dang / /phyir mi 'ong la shes pa 'jug pa dang / /de ni dgra bcom pa dang rang rgyal dang / /'jig rten mgon po byang chub sems dpa' dag /kun la de yi shes dang sgrub pa rnams/ /lhag ma lus pa med par rab tu 'jug /gang gis 'bras bu thob par 'gyur ba dang / /'khrugs med don dam nges par 'byung 'gyur ba/ /de la rab bsgoms smra ba dpa' bo rnams/ /bden pa'i snang ba dag dang ldan pa yin/ /bden pa dag ni sgom pa byas pas na/ /skyon med 'jug dang 'bras bu dang po thob/ /gnyis dang gsum dang de bzhin bzhi pa dang / / </font><hr>200b<br><font size=+1>


rang rgyal rnams kyi 'bras bu thob par 'gyur/ /sgom pa gang gis su ni smra ba'i stag /de dag bzod pa dag ni thob 'gyur dang / /gang gis rgyal ba byang chub 'tshang rgya ba| |bden pa de dag lnga ni snang bar 'gyur/ /lha yi mig gis su ni de yis kyang / /gzugs kyi rnam pa dag ni thams cad mthong / /lha yi rna ba nges par rtogs pa yis| |phyogs bcu dag gi sgra rnams rtogs par 'gyur/ /sngon gyi gnas shes pa yi snang ba yis/ /bskal pa khrag khrig dag ni rjes su dran/ /'od gsal ba yi shes pa'i snang ba yis/ /gzhan gyi sems kyi spyod pa rnams la mkhas/ /rdzu 'phrul kyi ni shes pa'i snang ba yis/ /phyogs bcu'i zhing ni khrag khrig rnams su 'gro/ /zag pa med pa'i shes pa'i snang ba ni/ /nam mkha' dang ni mtshungs shing 'dra ba yin/ /bsod nams kyi ni snang ba mtha' yas pa'i/ /mngon shes thog ma 'gro ba nye bar 'gro/ /de yi shes pa chags pa med pa yis/ /'gro ba'i dogs pa dag ni gcod par byed/ /nan tan snying por byed pa'i rnal 'byor pa/ /dran dang blo gros rtogs dang chos shes snang / /bden pa yi ni snang ba mtha' yas te/ /mngon par shes pa'i snang bar gyur pa yin/ /sgrub pas ye shes dang ni shes rab dang / /rgya chen blo dang </font><hr>201a<br><font size=+1>


@#/ /spobs pa mtha' yas dang / /yang dag lta ba dang ni lhag mthong dang / /shin tu 'khrugs pa med pa mthar thug gyur/ /snang ba shin tu rnam par dag pa brgyad/ /'di dag mthu chen gang la yod pa ni/ /re zhig byang chub thob par ma gyur kyang / /de ni sangs rgyas mdzad pa byed par 'gyur/ /bcom ldan 'das kyis gzhan yang byang chub sems dpa' gzungs kyi dbang phyug gi rgyal po la bka' stsal pa/ /rigs kyi bu/ byang chub sems dpa' rnam pa bcu drug gis sems can rnams la byang chub sems dpa'i snying rje chen po skye'o/ /bcu drug gang zhe na/ rigs kyi bu/ 'di la byang chub sems dpa' 'di snyam du kyi ma sems can 'di dag ni/ 'jig tshogs la lta bas bcings pa/ lta ba sna tshogs dang 'dres pa dag ste/ lta ba thams cad spang pa'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ yod pa ma yin pa'i phyin ci log tu gyur nas mi rtag pa la rtag par 'du shes/ sdug bsngal ba la bde bar 'du shes/ bdag med pa la bdag tu 'du shes/ mi sdug pa la sdug </font><hr>201b<br><font size=+1>


par 'du shes pa dag ste/ phyin ci log thams cad spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ ngar 'dzin pa dang / nga yir 'dzin pa la gnas pa/ dngos po med pa la dngos por 'du shes pa dag ste/ ngar 'dzin pa dang / nga yir 'dzin pa spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ sgrib pa lngas bsgribs te 'dod pa'i zug rdus zug pa/ khong khro ba mang ba/ rmugs pa dang gnyid la chags pa/ dam pa ma yin pa la 'gyod pa kun nas langs pa/ zab mo'i chos la nges pa ma thob pa dag ste/ sgrib pa thams cad spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di ni/ skye mched drug gis chags pas chags te/ mig gis gzugs rnams mthong nas mtshan mar 'dzin cing mngon rtags su 'dzin pa yin/ rna bas sgra thos/ snas dri snams/ lces ro myangs/ lus kyis reg bya rnams la reg /yid </font><hr>202a<br><font size=+1>


@#/ /kyis chos rnams rnam par shes nas mtshan mar 'dzin cing mngon rtags su 'dzin pa dag yin te/ skye mched drug gis chags pa sdang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal dang / log pa'i nga rgyal gyis bcom pas chung du dag pas bdag cag che'o snyam du bdag la rlom sems su byed pa/ /mtshungs pa dag pas ni/ bdag cag che'o snyam du bdag la rlom sems su byed pa dang / ches che ba dag pas kyang bdag cag ches che'o snyam du bdag la rlom sems su byed pa/ gzugs la bdag tu khas len pa nas rnam par shes pa'i bar la bdag tu khas len pa/ ma thob par bdag la thob pa snyam du shes pa/ bdag cag ni/ 'phags pa'o snyam du bdag la sems pa/ log pa'i lta ba la yang dag pa'i lta bar mos pa dag ste/ nga rgyal gyi rnam pa thams cad spang pa'i phyir de dag la chos bstan par bya'o snyam du sems can rnams la </font><hr>202b<br><font size=+1>


byang chub sems dpa'i snying rje chen po skye ba dang / kye ma sems can 'di dag ni/ lam ngan par zhugs pa/ 'phags pa'i lam dang bral ba dang ste/ lam ngan pa spang zhing 'phags pa'i lam thob par bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ sred pa'i khol po chung ma dang / bu pho dang / bu mo la yongs su zhen pas spags pa/ rang dbang med pa/ bdag la mi dpon ba dag ste/ rang dbang yod cing bdag la dbog par bya ba dang / gar dga' bar 'gro bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ phan tshun mi 'phrod pa/ khro ba dang / zhe sdang dang / gnod sems mang ba dag ste/ khro ba dang / zhe sdang dang / gnod sems spang bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni| sdig pa'i grogs pos yongs su zin pa/ dge ba'i bshes gnyen dang bral ba/ sdig pa'i las byed pa dag ste/ dge ba'i bshes gnyen gyis yongs su </font><hr>203a<br><font size=+1>


@#/ /zin pa dang / sdig pa'i grogs po yongs su spang bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ brkam pa/ chags pas zil gyis non pa/ chog mi shes shing 'phags pa'i shes rab kyi gnas pa dang bral ba dang ste/ chags pa spangs pa dang / 'phags pa'i shes rab bskyed pa'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ las kyi rnam par smin pa med par lta zhing rtag pa dang chad pa la gnas pa dag ste/ rten cing 'brel bar 'byung ba zab mo dang / las dang / bya ba la gzud pa'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / skye ma sems can 'di dag ni/ ma rig pa dang gti mug gis ldongs pa/ bdag dang / sems can dang / srog dang / gso ba dang / skyes bu dang / gang zag la mngon par zhen pa dag ste/ 'phags pa'i shes rab kyi mig rnam par dag par bya ba dang / lta bar gyur pa </font><hr>203b<br><font size=+1>


thams cad spang bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni| 'khor ba la mngon par dga' ba/ phung po lnga'i gshed mas yongs su zin pa dag ste/ khams gsum thams cad las dbyung ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ bdud kyi zhags pa'i bcing bas bcings pa| g.yo ba dang| rlom sems la gnas pa dag ste/ bdud kyi zhags pas bcings pa thams cad las rnam par dgrol ba dang / g.yo dang / rlom sems spang ba'i phyir de dge la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ mya ngan las 'da' ba'i sgo bcad cing ngan 'gro'i sgo phye ba dag ste/ mya ngan las 'da' ba'i sgo dbye ba dang / ngan 'gro'i sgo gcad pa'i phyir de dag la chos bstan par bya'o snyam snyam du sems can rnams la byang chub sems dpa'i snying rje chen po skye ba ste/ rigs kyi bu/ rnam pa bcu drug po de dag gis sems can rnams la byang chub sems </font><hr>204a<br><font size=+1>


@#/ /dpa'i snying rje chen po skye'o/ /rigs kyi bu/ 'di dag ni/ byang chub sems dpa' rnams kyi las ma 'dres pa sum cu rtsa gnyis te/ de dag la brtson na/ byang chub sems dpa' rnams legs par byed pa'i las byed pa rnams yin no/ /sum cu rtsa gnyis gang zhe na/ 'di lta ste/ sems can dag gti mug gi gnyid kyis log pa dang / bdag shes rab kyis sad par mthong nas shes rab kyis sems can rnams sad par byed pa 'di ni/ byang chub sems dpa'i las ma 'dres pa dang po'o/ /sems can dag chung du la mos pa dang / bdag rgya chen po la mos par mthong nas theg pa chen po la sems can rnams yang dag par 'dzin du 'jug pa dang / sems can dag chos ma yin pa 'dod pa dang / bdag chos la gnas par mthong nas sems can rnams chos 'dod pa la rab tu 'god pa dang / sems can dag 'tsho ba yongs su ma dag pa dang / bdag 'tsho ba yongs su dag par mthong nas sems can rnams 'tsho ba yongs su dag par sbyor ba dang / sems can dag lta bar gyur par bying ba dang / bdag yang dag pa'i lta bar zhugs par mthong nas sems can rnams 'phags </font><hr>204b<br><font size=+1>


pa'i yang dag pa'i lta ba la rab tu 'god pa dang / sems can dag ma rig par gyur cing tshul bzhin ma yin pa yid la byed pa ba shags par mthong zhing bdag rig pa'i rjes su mthun pa'i tshul bzhin yid la byed pa la gnas par rig nas sems can rnams rig pa'i rjes su mthun pa'i tshul bzhin yid la byed pa la rab tu 'god pa dang / sems can dag log pa'i chos la gnas pa dang / bdag yang dag pa'i chos la zhugs par mthong nas yang dag pa'i chos bsgrub par bya ba'i phyir sems can rnams la chos ston pa dang / sems can dag ser sna can du gyur te kun tu 'dzin pa'i sems dang ldan pa dang / bdag bdog pa thams cad yongs su gtong bar mthong nas sems can rnams bdag pa thams cad yongs su gtong ba la sbyor ba dang / sems can dag ngang tshul ngan pa can du gyur te sdom pa la mi gnas pa dang / bdag tshul khrims yongs su dag par gnas nas sems can rnams tshul khrims kyi sdom pa la rab tu 'god pa dang / sems can dag gnod sems mang zhing khro ba shas che ba dang / bdag bzod pa'i stobs dang / byams pa la gnas par mthong nas sems can rnams bzod pa'i stobs dang / byams pa la gnas pa </font><hr>205a<br><font size=+1>


@#/ /yang dag par 'dzin du 'jug pa dang / sems can dag le lo can du gyur te brtson 'grus chug nab dang / bdag le lo med cing brtson 'grus brtsams par mthong nas sems can rnams brtson 'grus rtsom pa la sbyor ba dang / sems can dag sems g.yengs shing dran pa nyams pa dang / bdag mnyam par bzhag ste bsam gtan la bsam gtan byed par mthong nas sems can rnams sems mi g.yeng pa dang / dran pa dang / shes bzhin la rab tu 'god pa dang / sems can dag shes rab 'chal bar gyur te dman zhing gti mug dang ldan pa dang / bdag shes rab dang ldan zhing gti mug dang bral bar mthong nas sems can rnams shes rab chen po dang / gti mgu dang bral ba yang dag par shin tu 'jug pa dang / sems can dag rigs pa ma yin par lhung zhing yang ba'i byed pa brtsams pa dang / bdag thabs mkhas pa dang ldan zhing yang dag pa'i las brtsams par mthong nas sems can rnams thabs mkhas pa dang / yang dag pa'i las rtsom pa yang dag par 'dzin du 'jug pa dang / sems can dag nyon mongs pas bcom zhing kun tu rtog pa dang / rnam par rtog pa dang / </font><hr>205b<br><font size=+1>


yongs su rtog pa'i spyod yul par gyur pa dang / bdag nyon mos pa thams cad las log par mthong nas sems can rnams nyon mongs pa thams cad spong ba la rab tu 'god pa dang / sems can dag 'jig tshogs la lta ba'i bcing pas bcings shing dmigs pa la rab tu gnas pa dang / bdag 'jig tshogs la lta ba yongs su mos pa dang ldan zhing dmigs pas bcings pa las yongs su grol bar mthong nas sems can rnams 'jig tshogs la lta ba yongs su shes pa dang / dmigs pa dang bral pa la sbyor ba dang / sems can dag ma dul zhing ma sbas te byang ba ma yin pa dang / bdag dul zhing sbas te byang bar mthong nas sems can rnams dul ba dang / spas pa dang / byang ba la rab tu 'god pa dang / sems can dag byas pa mi gzo zhing byas pa mi shes te dge ba'i rtsa ba 'joms pa dang / bdag byas pa gzo zhing byas pa shes te dge ba'i rtsa ba srung bar gnas par mthong nas sems can rnams byas pa gzo ba dang / byas pa shes pa dang / dge ba'i rtsa ba chud mi gzon pa la rab tu 'god pa dang / sems can dag chu bor lhung zhing sdig pa 'dod pa'i dbang du song ba dang / bdag chu bo thams cad las yang dag </font><hr>206a<br><font size=+1>


@#/ /par 'das par mthong nas sems can rnams chu bo thams cad las yang dag par 'da' ba la spyor ba dang / sems can dag bka' blo mi bde zhing mthun par 'dzin pa ma yin pa dang / bdag bka' blo bde zhing mthun par 'dzin par mthong nas sems can rnams la bka' blo bde zhing mthun par 'dzin pa yang dag par 'dzin du 'jug pa dang / sems can dag phongs pa mang zhing dam pa ma yin pa la yongs su zhen pa dang / bdag ma phongs pa mang zhing dge ba bdud rtsi la gnas par mthong nas sems can rnams yongs su zhen pa dang bral zhing dge ba'i rtsa ba la gnas par sbyor ba dang / sems can dag dbul zhing 'phags pa'i nor dang bral ba dang / bdag 'phags pa'i nor dang ma bral zhing nor bdun dang ldan par mthong nas sems can rnams 'phags pa'i nor thob par bya ba la rab tu 'god pa dang / sems can dag rtag tu na zhing khams rnam pa bzhi po'i sbrul gdug pas zin pa dang / bdag nad med cing bde la 'gyur ba med par mthong nas sems can rnams nad thams cad spong ba yang dag par 'dzin du 'jug pa dang / sems can dag mi shes pa'i mun pas kun tu gtibs </font><hr>206b<br><font size=+1>


shing ye shes kyi snang ba dang bral ba dang / bdag ye shes kyi snang ba thob par mthong nas sems can rnams ye shes kyi snang ba chen po la rab tu 'god pa dang / sems can dag khams gsum la chags pas chags shing rgyud lnga'i 'gro ba'i 'khor ba'i 'khor lo'i rjes su 'jug pa mthong zhing / bdag khams gsum yongs su shes pa la mkhas par shes nas sems can rnams khams gsum yongs su shes pa la mkhas pa yang dag par 'dzin du 'jug pa dang / sems can dag g.yon phyogs kyi lam du zhugs shing g.yas phyogs kyi lam dang bral ba dang / bdag g.yos phyogs kyi lam la gnas par mthong nas sems can rnams g.yas phyogs kyi lam la rab tu 'god pa dang / sems can dag lus dang srog la chags shing nyes pa ma mthong ba dang / bdag lus dang srog la mi lta zhing nyes pa mthong ba yin par mthong nas sems can rnams lus dang srog la mi lta ba dang / nyes pa mthong ba la rab tu 'god pa dang / sems can dag sangs rgyas dang / chos dang / dge 'dun dang bral ba dang / bdag dkon mchog gsum gyi rigs rgyun mi gcod par gnas par mthong nas sems can rnams dkon mchog gsum gyi rigs rgyun mi </font><hr>207a<br><font size=+1>


@#/ /gcod pa la 'dzud pa dang / sems can rnams dam pa'i chos las nyams pa dang / bdag dam pa'i chos yongs su 'dzin par gnas par mthong nas sems can rnams dam pa'i chos yongs su 'dzin pa la rab tu 'god pa dang / sems can dag ston pa rin po che dang ring du gnas shing / rjes su dran pa drug dang bral ba dang / bdag rjes su dran pa drug ma btang bar mthong nas sems can rnams rjes su dran pa drug sgom pa la rab tu 'god pa dang / sems can dag las dang nyon mongs pa'i sgrib pas bsgribs pa dang / bdag las dang nyon mongs pa dang bral bar mthong nas sems can rnams las dang nyon mongs pa dang bral ba la rab tu 'god pa dang / sems can dag mi dge ba'i chos thams cad dang ldan zhing dge ba'i chos thams cad spangs pa dang / bdag mi dge ba'i chos thams cad spangs shing dge ba'i chos thams cad dang ldan par mthong nas sems can rnams mi dge ba'i chos thams cad spong ba dang / dge ba'i chos thams cad yongs su rdzogs par byed pa la rab tu 'god pa ste/ rigs kyi bu/ byang chub sems dpa'i las sum cu rtsa gnyis po 'di dag ni/ byang </font><hr>207b<br><font size=+1>


chub sems dpa' rnams kyi yang dag phul yin te/ de dag la gnas nas byang chub sems dpa' rnams legs par byed pa'i las byed pa rnams yin no/ /rigs kyi bu| yang byang chub sems dpa'i las ni/ tshad med do/ /de ci'i phyir zhe na/ rigs kyi bu/ sems can rnams kyi kun nas nyon mongs pa'i sgo ji snyed par byang chub sems dpas rnam par byang ba'i sgo yang dag par bsgrub par bya ba'ang de snyed do/ /rigs kyi bu/ gal te gang dag gang+gA'i klung gi bye ma snyed kyi 'jig rten gyi khams kyi sems can de dag thams cad nyan thos kyi theg pa'am/ rang sangs rgyas kyi theg pa la rab tu gnas par gyur kyang sems can de dag thams cad kyi las gang yin pa de sems dang po bskyed pa'i byang chub sems dpa'i las kyi brgya'i char yang nye bar mi 'gro'o/ /stong gi cha dang / brgya stong gi cha dang / bye ba'i cha dang / bye ba brgya phrag stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ nyan thos dang / rang sangs rgyas dang ni/ rang gi rgyud kyi nyon mongs pa spong bar nye bar gnas pa yin gyi/ byang chub sems dpa' dag ni/ sems can thams cad kyi nyon mongs pa spong bar nye bar gnas pa </font><hr>208a<br><font size=+1>


@#/ /yin no| |rigs kyi bu/ de ltar na/ sems can thams cad kyi las gang yin pa dang / nyan thos dang / rang sangs rgyas thams cad kyi las gang yin pa bas 'dir byang chub sems dpa'i las nyid mchog ces brjod do/ /de ci'i phyir zhe na/ byis pa so so'i skye bo rnams kyi las ni/ phyin ci log dang ldan pa/ nyan thos dang / rang sangs rgyas thams cad kyi las ni/ nyi tshe ba dang ldan pa yin gyi/ byang chub sems dpa'i las ni/ phyin ci log med cing tshad med pa'i rnam pa'i yon tan rtsom pa ste/ byang chub sems dpa' rgyu 'dis sems can thams cad dang / nyan thos dang / rang sangs rgyas thams cad zil gyis non to| |de nas byang chub sems dpa' gzungs kyi dbang phyug gi rgyal po tshim zhing mgu la yid rang sa shing rab tu dga' ste/ dga' ba dang / yid bde ba skyes nas bcom ldan 'das kyis gsungs pa la mngon par dga' ste rjes su yi rang nas yang bcom ldan 'das la 'di skad ces gsol to/ /bcom ldan 'das| ji tsam du de bzhin gshegs pas byang chub sems dpa'i rgyan dang / byang chub sems dpa'i snang pa dang / byang chub sems dpa'i snying rje chen po dang / </font><hr>208b<br><font size=+1>


byang chub sems dpa'i las legs par gsungs pa de dag ni/ ngo mtshar to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas kyis yang bshad du gsol/ bcom ldan 'das/ ji ltar sems can dag la sangs rgyas bcom ldan 'das rnams kyi thugs rje chen po/ 'jug /de bzhin gshegs pa'i thugs rje chen po ni/ ji tsam/ rnam pa ni/ gang lags/ rtags ni/ gang lags/ mtshan ma ni/ gang lags/ gnas ni| gang lags/ sangs rgyas bcom ldan 'das rnams 'phrin las ni/ ji ltar mdzad/ de bzhin gshegs pa'i 'phrin las ni/ ji tsam/ rnam pa ni/ gang lags| rtags ni/ gang lags/ mtshan ma ni/ gang lags/ gnas ni/ gang lags pa de bcom ldan 'das thams cad mkhyen pa/ thams cad gzigs pa/ de bzhin gshegs pa'i 'phrin las rnams mngon sum du gyur pas mngon sum du bdag cag la legs par yang dag par bshad du gsol/ de skad ces gsol pa dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /rigs kyi bu/ </font><hr>209a<br><font size=+1>


@#/ /khyod de'i phyir legs par nyon la yid la zungs shig dang / de bzhin gshegs pa'i snying rje chen po dang / de bzhin gshegs pa'i 'phrin las la 'jug pa tsam cung zad cig khyod la bshad par bya'o/ /rigs kyi bu/ sems can rnams la sangs rgyas bcom ldan 'das rnams kyi thugs rje chen po ni/ skye ba'ang med/ 'jug pa'ang med do/ /zhes brjod par bya'o/ /de ci'i phyir zhe na/ sangs rgyas bcom ldan 'das rnams kyi thugs rje chen po ni/ rtag tu 'jug pa'i phyir ro/ /de ni/ bskal pa grangs med par yongs su sbyang ba byas pas yang dag par bskyed pa ste/ 'jug pa'ang med/ log pa'ang med do| |sangs rgyas bcom ldan 'das rnams kyi thugs rje chen po ni/ ma btang ba/ sems can thams cad la gnas pa'o/ /de bzhin gshegs pa'i thugs rje chen po de ni/ ji tsam du las yongs su thob par bya bar sla ba ma yin pa de tsam du tshad med/ de tsam du bsam gyis mi khyab ste/ de tsam du mi zad cing / de tsam du ring du song ba'o/ /de ci'i phyir zhe na/ rigs kyi bu/ de bzhin gshegs pas ji ltar byang chub thob pa de ltar sems can rnams la thugs rje chen po 'jug go /byang </font><hr>209b<br><font size=+1>


chub ji 'dra ba thugs rje chen po'ang de 'dra'o/ /de bzhin gshegs pas byang chub ji ltar thob ce na/ de bzhin gshegs pas rtsa ba med pa dang / gnas med par byang chub thob bo/ /de la rtsa ba ni/ gang / gnas ni/ gang zhe na/ 'jig tshogs ni/ rtsa ba'o/ /yang dag pa ma yin pa kun rtog pa ni/ gnas so/ /de gnyis ni/ de bzhin gshegs pas byang chub dang mnyam pa nyid kyis mnyam par yongs su shes te/ de'i phyir de bzhin gshegs pas rtsa ba med pa dang / gnas med par byang chub mngon par rdzogs par sangs rgyas zhes bya'o/ /sems can 'di dag gis ni/ rtsa ba med pa dang / gnas med pa'i chos 'di dag khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ rigs kyi bu/ byang chub ni/ zhi ba dang / nye bar zhi ba'o| |de la zhi ba ni/ gang / nye bar zhi ba ni/ gang zhe na/ nang ni/ zhi ba'o/ /phyi ni/ nye bar zhi ba'o/ /de ci'i phyir zhe na/ mig ni/ bdag dang / bdag gis stong ste| de ni/ de'i rang bzhin no/ rna ba dang / sna dang / lce dang / lus dang / yid ni/ bdag dang / bdag gis stong ste/ de ni/ de'i rang bzhin no/ /mig stong par </font><hr>210a<br><font size=+1>


@#/ /yongs su shes nas gzugs rnams la mi rgyug ste/ de'i phyir nye bar zhi ba zhes bya'o/ /rna ba stong par yongs su shes nas sgra rnams la mi rgyug ste/ de'i phyir nye bar zhi ba zhes bya'o/ /sna stong par yongs su shes nas dri rnams la mi rgyug ste/ de'i phyir nye bar zhi ba zhes bya'o/ /lce stong par yongs su shes nas ro rnams la mi rgyug ste/ de'i phyir nye bar zhi ba zhes bya'o/ /lus stong par yongs su shes nas reg bya rnams la mi rgyug ste/ de'i phyir nye bar zhi ba zhes bya'o| |yid stong par yongs su shes nas chos rnams la mi rgyug ste/ de'i phyir nye bar zhi ba zhes bya'o/ /sems can 'di dag gis ni/ zhi ba dang / nye bar zhi ba khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ sems rang bzhin gyis 'od gsal ba'i phyir byang chub rang bzhin gyis 'od gsal ba'o/ /ci'i phyir rang bzhin 'od gsal ba zhes bya zhe na/ rang bzhin gang yin pa de ni/ kun nas nyon mongs pa med pa/ nam mkha' dang mtshungs pa/ nam mkha'i rang bzhin/ nam mkha' dang mnyam par gzhol ba/ nam mkha' dang mnyam pas mnyam </font><hr>210b<br><font size=+1>


pa ste| rang bzhin de ni/ shin tu 'od gsal ba nyid do/ /byis pa so so'i skye bo rnams kyis ni/ rang bzhin 'od gsal ba 'di khong du ma chud pas glo bur gyi nyon mongs pa rnams kyis kun nas nyon mongs te/ rang bzhin 'od gsal ba de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ blang ba med pa dang / dor ba med pa'o/ /de la blang ba med pa ni/ gang / dor ba med pa ni/ gang zhe na/ blang ba med pa zhes bya ba ni/ chos thams cad mi 'dzin pa'o/ /dor ba med pa zhes bya ba ni/ chos thams cad mi 'dor ba'o/ /de la de bzhin gshegs pa blang ba med pa dang / dor ba med par chu bor 'jug pa na/ ji ltar de bzhin nyid la pha rol med pa dang / pha rol med pa ma yin par yang dag par rjes su mthong ba de ltar rgal to/ /de ltar de bzhin gshegs pas chos thams cad pha rol med pa dang / pha rol dang bral bar mngon par rdzogs par sangs rgyas te/ de'i phyir de bzhin gshegs pa zhes bya'o| |byis pa so so'i skye bo dag gis ni/ blang ba med pa dang / dor ba med pa 'di khong du ma chud pas de dag gis khong du chud par bya'o snyam du sems can rnams </font><hr>211a<br><font size=+1>


@#/ /la de bzhin gshegs pa'i thugs rje chen po 'jug go /rigs kyi bu/ byang chub ni/ mtshan ma med pa dang / dmigs pa med pa'o/ / de la mtshan ma med pa ni/ gang / dmigs pa med pa ni/ gang zhe na/ mig gi rnam par shes pa dmigs su med pa ni/ mtshan ma med pa'o/ /gzugs yang dag par rjes su mi mthong ba ni/ dmigs pa med pa'o/ /rna ba'i rnam par shes pa dmigs su med pa ni/ mtshan ma med pa'o/ /sgra mnyan du med pa ni/ dmigs pa med pa'o/ /sna'i rnam par shes pa dmigs su med pa ni/ mtshan ma med pa'o// dri bsnam du med pa ni/ dmigs pa med pa'o/ /lce'i rnam par shes pa dmigs su med pa ni/ mtshan ma med pa'o/ /ro myang du med pa ni/ dmigs pa med pa'o/ /lus kyi rnam par shes pa dmigs su med pa ni/ mtshan ma med pa'o/ /reg bya reg par byar med pa ni/ dmigs pa med pa'o/ /yid kyi rnam par shes pa dmigs su med pa ni/ mtshan ma med pa'o/ /chos yang dag par rjes su mi mthong ba ni/ dmigs pa med pa'o/ /de ltar na/ mtshan ma med pa dang / dmigs pa med pa ni/ 'phags pa rnams kyi spyod yul lo/ / </font><hr>211b<br><font size=+1>


'phags pa rnams kyi spyod yul gang zhe na/ gang khams gsum pa'i spyod yul ma yin pa de ni/ 'phags pa rnams kyi spyod yul lo/ /de ltar na/ gang spyod yul ma yin pa de ni/ 'phags pa rnams kyi spyod yul te/ 'phags pa'i spyod yul 'di byis pa so so'i skye bo rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ 'das pa ma yin/ ma 'das pa ma yin/ da ltar byung ba ma yin te/ dus gsum mnyam pa 'khor gsum yongs su chad pa'o/ /de la 'khor gsum yongs su chad pa gang zhe na/ gang 'das pa la sems mi 'jug pa dang / ma 'ongs pa la rnam par shes pa mi rgyug pa dang / da ltar byung ba la yid la byed pa mi 'jug pa'o/ /de sems dang / yid dang / rnam par shes pa mi gnas pas 'das pa la rtog par mi byed/ ma 'ongs pa la mi sems/ da ltar byung ba spros par mi byed do/ /de ltar dus gsum mnyam pa nyid dang / 'khor gsum yongs su dag pa 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ </font><hr>212a<br><font size=+1>


@#/ /rigs kyi bu/ byang chub ni/ lus med cing 'dus ma byas pa'o/ /de la lus med pa ni/ gang mig gi rnam par shes pas rnam par shes par bya ba ma yin/ rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin pa'o/ /'dus ma byas zhes bya ba ni| gang la skye ba med pa dang / 'jig pa med pa dang / gnas med pa ste/ de ni/ mtshan nyid gsum dang bral ba'i 'dus ma byas zhes bya'o/ /'dus ma byas ji lta bar 'dus byas kyang de bzhin du khong du chud par bya'o/ /de ci'i phyir zhe na/ chos thams cad kyi rang bzhin gang yin pa de ni/ med pa'o/ /med pa gang yin pa de la ni| gnyis med do/ /lus med pa dang / 'dus ma byas 'di byis pa so so'i skye bo dag gis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ces bya ba de ni/ dbyer med pa dang / gnas so/ /de la gnas ni/ gang / dbyer med pa ni/ gang zhe na/ de bzhin nyid ni/ gnas so/ /gnas med pa ni/ dbyer med pa'o/ /chos kyi dbyings ni/ gnas so/ /tha dad pa ma yin pa </font><hr>212b<br><font size=+1>


ni| dbyer med pa'o/ /yang dag pa'i mtha' ni/ gnas so/ /g.yo ba med pa ni/ dbyer med pa'o/ /stong pa nyid ni/ gnas so/ /dmigs su med pa ni/ dbyer med pa'o// mtshan ma med pa ni/ gnas so/ /rnam par rtog pa med pa ni/ dbyer med pa'o/ /smon pa med pa ni/ gnas so/ /smon lam 'debs pa med pa ni/ dbyer med pa'o/ /sems can med pa nyid ni/ gnas so// sems can ngo bo nyid med pa ni/ dbyer med pa'o/ /nam mkha' ni/ gnas so/ /dmigs su med pa ni/ dbyer med pa'o/ /skye ba med pa ni/ gnas so/ /'gog pa med pa ni/ dbyer med pa'o/ /'dus ma byas ni/ gnas so/ /rgyu ba med pa ni/ dbyer med pa'o/ /byang chub ni/ gnas so/ /nye bar zhi ba ni| dbyer med pa'o/ /mya ngan las 'das pa ni/ gnas so/ /mngon par grub pa med pa ni/ dbyer med pa'o/ /de ltar dbyer med pa dang / gnas 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ lus kyis kyang mngon par rdzogs par 'tshang mi rgya/ sems kyis kyang ma yin no/ /de ci'i phyir zhe na/ lus ni/ bem po'o/ /sems ni/ sgyu ma lta bu'o/ </font><hr>213a<br><font size=+1>


@#/ /gang lus dang sems 'di lta bur khong du chud pa de ni/ tha snyad btags nas byang chub ces bya'o/ byang chub ni/ lus sam/ sems sam| chos sam/ chos ma yin pa'am/ yang dag pa'am/ yang dag pa ma yin pa'am/ bden pa'am/ rdzun pa gang gis kyang brjod par bya ba ma yin no/ /de ci'i phyir zhe na/ byang chub ni/ chos thams cad kyis brjod par bya ba ma yin no/ /byang chub ni/ gang gis tshig tu tha snyad gdags par 'gyur ba'i dbyibs ci'ang med de/ ji ltar nam mkha' dbyibs med cing brjod par bya ba ma yin pa de bzhin du byang chub kyang dbyibs med cing brjod par bya ba ma yin no/ /de ltar yang dag pa ji lta ba bzhin du yongs su btsal na/ chos thams cad ni/ brjod par bya ba ma yin pa ste/ chos la tshig med do/ /tshig la'ang chos med do/ /chos kyi tshul kyi rnam pa 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ gzung du med pa dang / gzhi med pa'o/ /de la gzung du med pa ni/ gang / gzhi med pa ni/ gang zhe na/ mig yongs </font><hr>213b<br><font size=+1>


su shes pa ni/ gzung du med pa'o/ /gzugs dmigs su med pa ni/ gzhi med pa'o/ /rna ba yongs su shes pa ni/ gzung du med pa'o/ /sgra dmigs su med pa ni/ gzhi med pa'o/ /sna yongs su shes pa ni/ gzung du med pa'o/ /dri dmigs su med pa ni/ gzhi med pa'o/ /lce yongs su shes pa ni/ gzung du med pa'o/ /ro dmigs su med pa ni/ gzhi med pa'o/ /lus yongs su shes pa ni/ gzung du med pa'o/ /reg bya dmigs su med pa ni/ /gzhi med pa'o/ /yid yongs su shes pa ni/ gzung du med pa'o/ /chos dmigs su med pa ni/ gzhi med pa'o/ /de ltar de bzhin gshegs pas byang chub gzung du med pa dang / gzhi med par mngon par rdzogs par sangs rgyas so/ /mngon par rdzogs par sangs rgyas nas kyang mig gzung du med/ gzugs gzhi ma yin/ rnam par shes pa gnas pa med do/ /rna ba gzung du med/ sgra gzhi ma yin/ rnam par shes pa gnas pa med do/ /sna gzung du med/ dri gzhi ma yin/ rnam par shes pa gnas pa med do/ /lce gzung du med/ ro gzhi ma yin/ rnam par shes pa gnas pa med do/ /lus gzung du med/ reg bya gzhi ma yin/ rnam par shes pa gnas pa med do/ /yid gzung du med/ chos gzhi ma yin/ </font><hr>214a<br><font size=+1>


@#/ /rnam par shes pa gnas pa med do/ /de rnam par shes pa gnas pa med pas sems can thams cad kyi sems kyi gnas rnams rab tu shes so| |sems can dag gi sems kyi gnas rnams gang zhe na/ sems can rnams kyi sems kyi gnas ni/ bzhi po 'di dag go /bzhi gang zhe na/ 'di lta ste/ gzugs sems can rnams kyi sems kyi gnas dang / tshor ba dang / 'du shes dang / 'du byed dag sems can rnams kyi sems kyi gnas te/ sems kyi gnas de dag kyang de bzhin gshegs pas gnas med par mkhyen to/ /gnas med pa'i mtha' 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ces bya ba 'di ni/ stong pa nyid kyi tshig bla dwags so/ /stong pa nyid gang gis byang chub stong pa'i stong pa nyid des chos thams cad stong ngo / /stong pa nyid ji lta ba bzhin du chos de dag thams cad de bzhin gshegs pas mngon par rdzogs par sangs rgyas te/ stong pa nyid kyis stong pa nyid mngon par rdzogs par sangs rgyas pa ma yin no/ /de ni/ 'di lta ste/ stong pa nyid dang / byang chub ces </font><hr>214b<br><font size=+1>


bya ba tshul gcig par shes pa ste/ de la gnyis gang gis stong pa nyid dang / byang chub gnyis su dbye ba'i gnyis cung zad kyang med do/ /de ci'i phyir zhe na/ chos thams cad ni| gnyis su med pa/ gnyis su dbyer med pa/ mtshan nyid med pa/ ming med pa/ mtshan ma med pa/ rgyu ba med pa/ rab tu rgyu ba med pa'o/ /kun tu 'byung ba med pa'o/ /gang stong pa zhes bya ba de ni/ mngon par zhen pa med cing 'dzin pa med pa'i tshig bla dwags so/ /'di la don dam par gang stong pa zhes bya ba'i chos gang yang dmigs su med kyang stong pa zhes kyang brjod do/ /ji ltar nam mkha' la nam mkha' zhes brjod kyang nam mkha' ni/ brjod par bya ba ma yin pa de bzhin du stong pa la stong pa zhes brjod kyang stong pa ni/ brjod par bya ba ma yin no/ /'di lta ste/ ming med pa la ming du tha snyad 'dogs pa de ni/ chos thams cad la 'jug pa'o/ /ming de yang yul na gnas pa ma yin/ phyogs na gnas pa ma yin no/ /ji ltar ming yul na gnas pa ma yin/ phyogs na gnas pa ma yin pa de bzhin du ming gang gis chos gang brjod pa'i chos de'ang yul na gnas pa ma yin/ phyogs na gnas pa ma yin no/ /de ltar de bzhin gshegs pas chos de dag thams cad mkhyen te/ gzod </font><hr>215a<br><font size=+1>


@#/ /ma nas ma skyes pa dang / ma 'gag pa dang / mtshan nyid med pa dang / sems dang / yid dang / rnam par shes pa dang bral ba dang / yi ge med pa dang / sgra med par shes so/ /ji ltar shes pa de bzhin du rnam par grol te/ bcings pa'ang med/ grol ba'ang med do/ /mnyam pa nyid 'di'ang byis pa so so'i skye bo dag gis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go / rigs kyi bu/ byang chub ni/ nam mkha' dang mnyam ste/ nam mkha' ni/ mnyam pa'ang ma yin/ mi mnyam pa'ang ma yin no/ /byang chub kyang mnyam pa'ang ma yin| mi mnyam pa'ang ma yin no/ /chos gang la yang dag par yongs su grub pa med pa de mnyam pa'am mi mnyam par brjod pa ma yin no/ /de ltar de bzhin gshegs pas chos thams cad mnyam pa'ang ma yin/ mi mnyam pa'ang ma yin par mngon par rdzogs par sangs rgyas te/ ji ltar chos cung zad tsam yin yang mnyam par yang mi byed/ mi mnyam par yang mi byed pa de ltar mngon par rdzogs par sangs rgyas so/ /chos 'di dag ji 'dra ba de 'dra bar yang dag pa'i </font><hr>215b<br><font size=+1>


ye shes kyis mkhyen to/ /yang dag pa'i ye shes kyang gang zhe na/ 'di lta ste/ chos thams cad ni/ rtsa ba med pa/ ma skyes pa/ ma 'gag ste/ de dag ni/ ma byung ba las 'byung ba/ byung nas kyang 'bral ba'o/ /de dag ni/ bdag po med par 'byung ba/ bdag po med par 'bral ba'o/ /de ltar 'byung ba dang / 'jig pa la brten nas 'jug kyang 'di la 'jug pa gang yang med de/ lam gcad pa'i phyir de bzhin gshegs pa chos ston to/ /zhes kyang brjod do/ /lam chad pa de'ang sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go / rigs kyi bu/ byang chub ces bya ba de ni/ ji lta ba bzhin gyi gnas so/ /de la ji lta ba bzhin gyi gnas gang zhe na/ byang chub ji lta bar gzugs kyang de bzhin te/ de bzhin nyid las mi 'da'o/ /byang chub ji lta bar tshor ba dang / 'du shes dang / 'du byed rnams dang / rnam par shes pa'ang de bzhin te/ de bzhin nyid las mi 'da'o/ /byang chub ji lta bar sa'i khams dang / chu'i khams dang / me'i khams dang / rlung gi khams kyang de bzhin te/ de bzhin nyid las mi 'da'o/ /byang </font><hr>216a<br><font size=+1>


@#/ /chub ji lta bar mig gi khams dang / gzugs kyi khams dang / mig gi rnam par shes pa'i khams kyang de bzhin te/ de bzhin nyid las mi 'da'o/ /byang chub ji lta bar rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin te/ de bzhin nyid las mi 'da'o/ /chos su btags pa ni/ 'di dag tu zad de/ 'di ltar phung po dang / khams dang / skye mched du btags pa'o/ /de dag ni/ de bzhin gshegs pas ji lta ba bzhin du mngon par rdzogs par sangs rgyas so/ /phyin ci ma log par mngon par rdzogs par sangs rgyas so/ /de dag ni/ sngon gyi ji lta bar phyis kyang de bzhin/ bar du'ang de bzhin te/ sngon gyi mthar yang ma skyes/ phyi ma'i mthar yang mi 'pho/ /bar du'ang dben pa dag go /de ltar na/ 'di ni/ ji lta ba bzhin </font><hr>216b<br><font size=+1>


gyi gnas yin no/ /gcig ji lta bar thams cad kyang de bzhin/ thams cad ji lta bar gcig kyang de bzhin te/ ji lta ba bzhin la ni/ gcig pa'am/ mang bar mi dmigs so/ /ji lta ba bzhin gyi gnas 'di'ang byis pa so so'i skye bo rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ rnam pa la 'jug pas rnam pa med pa la zhugs pa'o/ /de la rnam pa ni/ gang /rnam pa med pa ni/ gang zhe na/ rnam pa zhes bya ba ni/ dge ba'i chos thams cad rtsom pa'o/ /rnam pa med pa zhes bya ba ni/ chos thams cad mi dmigs pa'o/ /rnam pa zhes bya ba ni/ gnas pa med pa'i sems kyi gnas so/ /rnam pa med pa zhes bya ba ni/ mtshan ma med pa'i ting nge 'dzin gyi rnam par thar pa'i sgo'o/ /rnam pa zhes bya ba ni| chos rnams la sems pa dang / 'jal ba dang / bgrang ba dang / so sor rtog pa'o/ /rnam pa med pa zhes bya ba ni/ 'jal ba las shin tu 'das pa'o/ /'jal ba las shin tu 'das pa gang zhe na/ gang la rnam par shes pa'i las med pa'o/ /rnam pa zhes bya ba ni/ 'dus byas la so sor rtog pa'o/ /rnam pa med pa zhes bya </font><hr>217a<br><font size=+1>


@#/ /pa ni| 'dus ma byas la mngon sum du byed pa'o/ /rnam pa dang / rnam pa med pa la 'jug pa 'di'ang byis pa so so'i skye po rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni| zag pa med pa dang / nye bar len pa med pa'o/ /de la zag pa med pa'o/ gang / nye bar len pa med pa ni/ gang zhe na/ zag pa med pa zhes bya ba ni/ zag pa bzhi dang bral ba'i phyir te/ 'di lta ste/ 'dod pa'i zag pa dang bral ba dang / srid pa'i zag pa dang bral ba dang / ma rig pa'i zag pa dang bral ba dang / lta ba'i zag pa dang bral ba'i phyir ro/ /nye bar len pa med pa zhes bya ba ni/ nye bar len pa bzhi dang bral ba'i phyir te/ 'di ltar 'dod pa'i nye bar len pa dang / bral ba dang / lta ba'i nye bar len pa dang bral ba dang / bdag tu smra ba'i nye bar len pa dang bral ba dang / tshul khrims dang brtul zhugs mchog tu 'dzin pa'i nye bar len pa dang bral ba'i phyir ro/ /de la nye bar len pa bzhi po 'di dag thams cad kyang ma rig pas mun par byas shing sred pas bsnyen te bdag go </font><hr>217b<br><font size=+1>


snyam du mngon par zhen pas nye bar len pa dag go /de la de bzhin gshegs pas bdag nye bar len pa'i rtsa ba yongs su shes nas bdag rnams par dag pas sems can rnam par dag par rtogs so/ /bdag rnam par dag pa gang yin pa dang / sems can thams cad rnam par dag pa gang yin pa de gnyis su med cing gnyis su dbyer med do| |gnyis su med pa'i don gang yin pa de skye ba med do/ /skye ba dang 'gag pa med pas sems dang / yid dang / rnam par shes pa rnams mi 'jug go /gang la sems dang / yid dang / rnam par shes pa mi 'jug pa de la yongs su rtog pa gang gis tshul bzhin ma yin pa yid la byed par 'gyur ba'i yongs su rtog pa gang yang med do/ /der tshul bzhin yid la byed pa dang ldan pas ma rig pa kun nas mi slong ngo / /gang ma rig pa kun nas mi ldang ba de srid pa'i yan lag bcu gnyis kun nas mi ldang ngo / /gang srid pa'i yan lag bcu gnyis kun nas ni ldang ba de mi skye ba'o/ /gang mi skye ba de nges par gyur pa'o/ /gang nges par gyur pa de nges pa'i don to/ /nges pa'i don gang yin pa de don dam pa'o/ /don dam pa gang yin pa de gang zag med pa'i don to/ /gang zag med pa'i don gang yin pa de </font><hr>218a<br><font size=+1>


@#/ /brjod du med pa'i don to/ /brjod du med pa'i don gang yin pa de rten cing 'brel par 'byung ba'i don to/ /rten cing 'brel par 'byung ba'i don gang yin pa de chos kyi don to/ /chos kyi don gang yin pa de de bzhin nyid kyi don to/ /de bzhin nyid kyi don gang yin pa de de bzhin gshegs pa'i don to/ / des na sus rten cing 'brel par 'byung ba mthong ba des chos mthong ngo / /sus chos mthong ba des de bzhin gshegs pa mthong ngo / /zhes bya ste/ ji ltar de bzhin nyid kyis yongs su btsal na ci'ang mi mthong ba de ltar mthong ngo / /de la ci'ang zhes bya ba gang zhe na/ 'di lta ste/ mtshan ma dang / dmigs pa'o/ /des gang gi tshe sems med pa dang / dmigs pa med par mthong ba de'i tshe yang dag pa mthong ngo / /de ltar de bzhin gshegs pas chos de dag mnyam pa nyid kyis mnyam par mngon par rdzogs par sangs rgyas so/ /zag pa med pa dang / nye bar len pa med pa 'di'ang sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ dag pa dang / dri ma med pa dang / nyon mongs </font><hr>218b<br><font size=+1>


pa med pa'o/ /de la dag pa ni/ gang / dri ma med pa ni/ gang / nyon mongs pa med pa ni/ gang zhe na/ stong pa nyid ni/ dag pa'o/ /mtshan ma med pa ni/ dri ma med pa'o/ /smon pa med pa ni/ nyon mongs pa med pa'o/ /skye ba med pa ni/ dag pa'o/ /mngon par 'du byed pa med pa ni/ dri ma med pa'o/ /'byung ba med pa ni/ nyon mongs pa med pa'o/ / rang bzhin ni/ dag pa'o/ /yongs su dag pa ni/ dri ma med pa'o/ /'od gsal ba ni/ nyon mongs pa med pa'o/ /spros pa med pa ni/ dag pa'o/ /ma spros pa ni/ dri ma med pa'o| |spros pa nye bar zhi ba ni/ nyon mongs pa med pa'o/ /de bzhin nyid ni/ dag pa'o/ /chos kyi dbyings ni/ dri ma med pa'o/ /yang dag pa'i mtha' ni/ nyon mongs pa med pa'o/ /skabs 'byed pa ni/ dag pa'o/ /nam mkha' ni/ dri ma med pa'o/ /nam mkha' ni/ nyon mongs pa med pa'o/ /nang yongs su shes pa ni/ dag pa'o/ /phyi rol tu mi rgyu ba ni/ dri ma med pa'o/ /nad dang phyi mi dmigs pa ni/ nyon mongs pa med pa'o/ /phung po yongs su shes pa ni/ dag pa'o/ /khams kyi ngo bo nyid ni/ dri ma med pa'o/ skye mched 'dor ba ni/ nyon mongs pa med pa'o/ /'das pa la zad par shes pa ni/ dag pa'o/ /ma 'ongs pa la mi skye bar shes pa ni/ dri ma med pa'o/ /de </font><hr>219a<br><font size=+1>


@#/ /ltar byung ba la chos kyi dbyings gnas par shes pa ni/ nyon mongs pa med pa'o/ /de ltar na/ dag pa dang / dri ma med pa dang / nyon mongs pa med pa ni/ 'di lta ste/ zhi ba'i gnas kyi gnas gcig tu yang dag par 'du'o/ /zhi ba gang yin pa de rab tu zhi ba'o/ /rab tu zhi ba gang yin pa de nye bar zhi ba'o| |nye bar zhi ba gang yin pa de nye bar zhi bar byed pas mtshan ma med pa zhes bya'o/ /mtshan ma med pa gang yin pa de nye bar zhi ba'o/ /nye bar zhi ba gang yin pa de blo gros zhes bya'o/ /rigs kyi bu/ de ltar na/ nam mkha' ji lta bar byang chub kyang de bzhin no/ /byang chub ji lta bar chos thams cad kyang de bzhin no/ /chos rnams ji lta bar sems can rnams kyang de bzhin no/ /sems can rnams ji lta bar zhing rnams kyang de bzhin no/ /zhing rnams ji lta bar mya ngan las 'das pa'ang de bzhin no/ /des na/ chos thams cad ni/ mya ngan las 'das pa dang mnyam pa zhes bya ste/ mthar phyin cing mur thug pa'i phyir gnyen po med pa'o/ /gnyen po med pa'i phyir chos thams cad ni/ gzod ma nas dag pa/ gzod ma nas dri ma med pa/ gzod ma nas nyon mongs pa med pa'o/ /de la de bzhin gshegs </font><hr>219b<br><font size=+1>


pas de lta bu'i tshul dang mthun par chos thams cad mngon par rdzogs par sangs rgyas te ma dag pa dang / dri ma med pa ma yin pa dang / nyon mongs pa dang bcas pa'i sems can gyi khams la rnam par gzigs nas sems can thams cad la rnam par rol pa zhes bya ba'i thugs rje chen po 'jug go /de bzhin gshegs pa ni/ thabs mkhas pas tshangs pa la gzhes te gsol ba ma btab par chos kyi 'khor lo mi bskor ro/ /de nas tshangs pa gtsug phud can tshangs pa brgya stong phrag brgyad kyis yongs su bskor te mdun du bdar nas lhan cig tu tshangs pa'i 'jig rten nas mi snang bar gyur te de bzhin gshegs pa'i spyan sngar 'dug nas des de bzhin gshegs pa'i zhabs gnyis la gtugs te chos kyi 'khor lo bskor ba'i slad du bcom ldan 'das kyis chos bshad du gsol/ /bde bar gshegs pas chos bshad du gsol zhes de bzhin gshegs pa la gsol ba btab bo/ /de'i tshe tshangs pa gtsug phud can gyis de bzhin gshegs pa la tshigs su bcad pas kyang gsol to/ /khyod kyi chos ni zhi zhing rab zhi la/ /dag cing rnam dag dri med 'od gsal te/ /brjod med sgra med yi ge med 'phags par/ /sangs rgyas ye shes kyis ni thugs su chud/ /yun </font><hr>220a<br><font size=+1>


@#/ /ring gnyid log gti mug rgyags pas bsgribs/ /nor pa'i sems can sad par mdzad don du/ /de skad khyod kyis bskal pa bye bar ni/ / brtul zhugs dka' thub shin tu dka' ba spyad/ /gang dag sngon gyi rgyal ba'i rgyus lhags pa/ /de dag chos mchog 'di ni rtogs 'gyur te/ /'di na sems dge bsam pa mang mchis kyi/ /de bzhin gshegs pas chos rab 'khor lo bskor/ /khyod kyis bdud 'khor shin tu tshar bcad de/ /khyod kyis bdud rtsi'i sgo ni rab tu phye/ /ded dpon chen po lam log 'khyams pa yi/ /sems can dag ni 'phags pa'i lam du khrid/ /khyod kyi sangs rgyas thugs rje bla na med/ /'gro la phan par bsam gyis mi khyab 'jug /ston pa khyod la bdag ni gsol 'debs kyi/ /chos mchog 'khor lo rab tu bskor du gsol/ /ji ltar rgyal ba 'khor ba 'jig gis bskor/ /ji ltar gser thub rgyal bas bskor ba dang / /bde gshegs 'od srung gis kyang bskor ba ltar/ /bcom ldan 'das kyang chos kyi 'khor lo bskor/ /mi ltar sprin gyi chu yis tshim ba gyis te/ /de yis lo thog sman rnams bskyed pa ltar/ /thugs rje'i sprin gyis 'jig rten khyab mdzad de/ /de bzhin gshegs pa khyod </font><hr>220b<br><font size=+1>


kyis chos char phob/ /rnam par 'dren mchog gang zhig skyes ma thag /'gro ba thar par mdzad slad sgra phyung ba/ /de dus deng lags lha mi skom pa rnams/ /chos chen chu yis skom pa bsal du gsol/ /rigs kyi bu/ de ltar de bzhin gshegs pas tshangs pa gtsug phud can gyis gsol ba btab par mkhyen nas nyid kyis thugs rje chen po ma btang bas grong khyer wA ra NA si drang srong lhung ba ri dwags kyi nags su dge sbyong dang / bram ze'am/ lha'am/ bdud dam/ tshangs pa'am/ gang gis kyang 'jig rten du chos dang mthun par ma bskor ba'i chos kyi 'khor lo bla na med pa bskor te/ der mi rtag pa'i sgras stong gsum gyi stong chen po'i 'jig rten gyi khams go bar byas so/ /kau N+Di n+yas kyang thog mar chos kun tu shes so/ /de nas de'i tshe ched du brjod pa 'di ched du brjod do/ /brjod du med cing zab pa ste/ /yi ge med cing nges pa'i don/ /kau N+Di n+yas ni 'di shes pas/ /nga yi 'bad pa don med min/ /de bzhin gshegs pas chos kyi 'khor lo bskor bas sems can grangs med dpag tu med pa dag btul bar gyur to/ /de bzhin gshegs pa thugs rje chen pos rnam par rol par rig nas sems can tshad med/ /grangs med pa dag gis byang chub tu </font><hr>221a<br><font size=+1>


@#/ /sems bskyed par gyur to/ /rigs kyi bu/ sangs rgyas bcom ldan 'das kyi thugs rje chen po rnam pa bcu drug po 'di ni/ lhun gyis 'grub par rtag tu 'jug pa ste/ yang gtang bar bya ba ma yin no/ /thugs rje chen po de dang ldan pas de bzhin gshegs pa sems can re re'i ched du'ang bskal pa gang+gA'i klung gi bye ma snyed du sems can dmyal ba chen po rnams su gnas par spro ste/ gal te sems can de dag 'phags pa'i chos 'dul ba la 'dul bar 'gyur ba lta na/ de bzhin gshegs pa'ang yongs su mi skyo zhing / thugs rje chen po de'ang yongs su mi nyams so/ /de ltar sems can rnams la sangs rgyas bcom ldan 'das rnams kyi thugs rje chen po bsam gyis mi khyab pa 'jug go /nyan thos dang rang sangs rgyas rnams kyi snying rje ni/ pags pa'i rnam pa lta bu'o/ /byang chub sems dpa' rnams kyi snying rje ni/ sha'i rnam pa lta bu'o/ /sangs rgyas bcom ldan 'das rnams kyi thugs rje chen po ni/ rus pa dang / rkang gi rnam pa lta bu'o/ /nyan thos rnams kyi snying rje ni| sangs rgyas kyi ye shes la rjes su yi rang ba'o/ /byang chub sems dpa' rnams kyi snying rje ni/ byang chub kyi sems yang dag par 'dzin du 'jug pa'o/ /sangs </font><hr>221b<br><font size=+1>


rgyas bcom ldan 'das rnams kyi thugs rje chen po ni/ byang chub tu lung ston par byed pa'o/ /nyan thos rnams kyi snying rje ni/ byams pa la ltos pa'o/ /byang chub sems dpa' rnams kyi snying rje ni/ sems can yongs su smin pa la ltos pa'o/ /sangs rgyas bcom ldan 'das rnams kyi thugs rje chen po ni/ shin tu yongs su smin par bya ba la ltos ba'o| |nyan thos rnams kyi snying rje chen po ni/ rtsom pas yongs su skyo ba'o/ /byang chub sems dpa' rnams kyi snying rje ni/ rtsom pa nyams 'og tu tshud par byed ba'o/ / sangs rgyas bcom ldan 'das rnams kyi thugs rje chen po ni/ rtsom pa thams cad nyams 'og tu tshud par byed pa'o/ /rigs kyi bu/ de ltar na/ sangs rgyas bcom ldan 'das rnams kyi thugs rje chen po ni/ mchog yin te/ gang gi phyir sangs rgyas kyi 'dul ba'i ched du bskal ba'am/ bskal pa brgya'am/ bskal pa stong ngam/ bskal pa brgya phrag stong du gnas kyang de srid shin tu yongs su mya ngan las 'da' bas yongs su mya ngan las mi 'da'o/ /rigs kyi bu/ khyod kyis rnam grangs 'dis kyang 'di ltar rig par bya'o/ /rigs kyi bu/ sngon byung ba 'das pa'i dus na bskal ba grangs med pa pas kyang ches grangs med par gyur ba de'i tshe de'i dus na dri mchog gi </font><hr>222a<br><font size=+1>


@#/ /bskal ba la 'jig rten gyi khams dri ldan du de bzhin gshegs pa dgra bcom pa yang dag par rdzogs pa'i sangs rgyas tsan+dan khyim zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ngo / /bcom ldan 'das tsan+dan khyim de bzhin gshegs pa de'i tshe'i tshad ni/ lo brgyad khri bzhi stong phrag bcu drug thub par gyur to/ /de'i nyan thos kyi 'dus pa ni/ nyan thos brgyad cu rtsa bzhi phrag bcu drug go /bcom ldan 'das tsan+dan khyim de bzhin gshegs pa de'i spu'i khung bu gcig nas dri'i ngad byung ba gang yin pa des stong gsum gyi stong chen po'i 'jig rten gyi khams der dri zhim po'i dir byed do/ /'jig rten gyi khams de ni dring ba 'byung ba med do/ /yang 'jig rten gyi khams de na rtsig pa dang / shing dang / ri dang / gzugs su snang ba rnams de bzhin gshegs pa'i dri des yongs su bsgos par gyur te/ des na 'jig rten gyi khams de dri ldan zhes bya'o/ /sems can gang dag 'jig rten gyi khams der skyes par gyur pa de dag thams cad de bzhin </font><hr>222b<br><font size=+1>


gshegs pa'i dri des lus dang / ngag dang / yid kyi spyod pa kha na ma tho ba med par gyur to/ /sems can gang dag bcom ldan 'das de'i bstan pa la rab tu byung ba de dag kyang dri de snams pas bsam gtan bzhi dag bskyed par gyur to/ /'jig rten gyi khams der sangs rgyas stong phrag bcu gcig car byung bar gyur te/ thams cad kyang 'di ltar tsan+dan khyim zhes bya bar ming mthun par gyur to/ /des na bskal pa de dri mchog ces bya'o/ /bcom ldan 'das tsan+dan khyim de bzhin gshegs pa de sangs rgyas kyi mdzad pa mdzad nas yongs su mya ngan las 'das pa'i dus kyi tshe sems can sangs rgyas kyis 'dul ba gang zhig ngas gdul bar bya zhes sems can gyi khams la rnam par gzigs nas des lha'i spyan rnam par dag pa mi'i las 'das pas 'du shes med 'du shes med 'du shes med min gyi lha'i nang na sems can sngon dge ba'i rtsa ba bskyed pa rgya chen po la mos pa/ sangs rgyas kyis 'dul ba gcig cig der bskal pa stong phrag brgyad cu rtsa bzhir gnas nas de nas shi 'phos te mi rnams dang skal ba mnyam par skye zhing / gal te 'dod pa rnams la ma rtses par theg pa chen po'i bsngags pa thos pa lta na/ bla na med pa yang dag par rdzogs pa'i byang chub tu sems bskyed par </font><hr>223a<br><font size=+1>


@#/ /'gyur| bla na med pa yang dag par rdzogs pa'i byang chub las phyir mi ldog par 'gyur ba zhig gzigs so/ /de nas bcom ldan 'das tsan+dan khyim de bzhin gshegs pa de thabs mkhas pas thugs rje chen po mngon du mdzad nas dge slong rnams la bka' stsal pa/ dge slong dag /nga yongs su mya ngan las 'da' ba'i dus la bab kyi/ deng yongs su mya ngan las 'da' bar bya'o/ /de nas bcom ldan 'das tsan+dan khyim de bzhin gshegs pas thugs rje chen po la lta bas yongs su mi skyo ba zhes bya ba'i ting nge 'dzin la snyoms par zhugs nas yongs su mya ngan las 'da' ba bstan to/ /de yongs su mya ngan las 'das nas sku gdung ni/ rgyas par gyur to/ /de'i dam pa'i chos ni/ lo brgyad khri bzhi stong phrag brgyad du gnas par gyur to/ /de'i dam pa'i chos gnas pa'ang skye bo mang pos thob par gyur to/ /de'i dam pa'i chos ltar bcos pa gang yang med par gyur to/ /bcom ldan 'das ting nge 'dzin gyi stobs bskyed pa dang / rdzu 'phrul gyi byin gyi rlabs kyis bskal pa stong phrag brgyad cu rtsa bzhir sku mi snang bar gnas par gyur to/ /de ltar bskal pa stong phrag brgyad cu rtsa bzhi po de dag 'das nas sems </font><hr>223b<br><font size=+1>


can de 'du shes med 'du shes med min skye mched kyi lha rnams kyi nang nas shi 'phos te mi'i 'jig rten du tshong dpon zhig gi rigs su skyes par gyur to/ /khye'u de gang gi tshe lo brgyad lon par gyur pa de'i tshe bcom ldan 'das tsan+d+na khyim de bzhin gshegs pa de bskal pa stong phrag brgyad cu rtsa bzhi 'das nas ting nge 'dzin de las gzhengs te| khye'u de'i mdun du sangs rgyas kyi kha dog dang / gzugs kyis bzhugs nas khye'u de ma gtogs par gzhan gang gis kyang de ma mthong ste/ des ci nas kyang khye'u de sems thag pa nas bla na med pa yang dag par rdzogs pa'i byang chub tu sems bskyed de/ bla na med pa yang dag par rdzogs pa'i byang chub las phyir mi ldog par 'gyur ba de ltar theg pa chen po 'di las brtsams te khye'u de la chos bstan to/ /'dod pa'i nyes pa'i gtam yang yang dag par bshad do/ /bcom ldan 'das des de lhag pa'i bsam pa phun sum tshogs par rig nas lha'i bu dag khye'u 'di bskal pa grangs med pa brgya stong phrag bdun cu rtsa gnyis na bla na med pa yang dag par rdzogs pa'i byang chub tu mngon par rdzogs par 'tshang rgya ste/ de bzhin gshegs pa rin chen mchog ces bya bar 'jig rten du 'byung ngo / /zhes lung bstan to/ /de'i lung bstan </font><hr>224a<br><font size=+1>


@#/ /pa de ni/ khye'u de ma gtogs par mir gyur pa gang gis kyang ma thos so/ /lha'i bu snod du gyur pa stong phrag bcu gnyis kyis de'i lung bstan pa de thos nas bla na med pa yang dag par rdzogs pa'i byang chub tu sems bskyed par gyur te/ 'di skad du gang gi tshe bcom ldan 'das rin chen mchog de bzhin gshegs pa des byang chub brnyes par gyur pa de'i tshe bdag cag sangs rgyas kyi zhing der skye bar shog cig /ces smon lam yang btab bo/ /bcom ldan 'das de dag thams cad sangs rgyas kyi zhing der skye bar bya ba'i phyir de bzhin gshegs pa rin chen mchog de khyod la bla na med pa yang dag par rdzogs pa'i byang chub tu lung ston par 'gyur ro/ /zhes lung bstan to/ /de nas bcom ldan 'das tsan+dan khyim de bzhin gshegs pa des byang chub sems dpa' de dag lung bstan nas de'i 'og tu shin tu yongs su mya ngan las 'das pas yongs su mya ngan las 'das par gyur to/ /de'i sku gdung ni/ lha rnams kyis mchod par gyur to| |rigs kyi bu/ sangs rgyas bcom ldan 'das rnams ni/ gang na nyan thos dang / rang sangs rgyas thams cad kyis med pa de lta bu'i thugs rje chen po </font><hr>224b<br><font size=+1>


dang ldan no/ /rigs kyi bu/ de ltar sangs rgyas bcom ldan 'das rnams ji ltar sangs rgyas kyi rigs rgyun mi gcod pa de ltar gang dag sangs rgyas rnams la yon 'bul ba de dag gis dge ba'i rtsa ba de'ang yongs su mya ngan las ma 'das kyi bar du rgyun mi chad de/ rgyu chud mi za ba'i phyir ro/ /de bzhin gshegs pa'i thugs rje chen po bstan pa 'di bshad pa na 'khor de las sems can gang+ga'i'i klung gi bye ma'i sum cha snyed kyis ni/ bla na med pa yang dag par rdzogs pa'i byang chub tu sems bskyed par gyur to/ /byang chub sems dpa' gang+gA'i klung gi bye ma'i phyed snyed kyis ni/ rjes su mthun pa'i bzod pa thob par gyur to/ /byang chub sams dpa' gang+gA'i klung gi bye ma snyed kyis ni/ snying rje chen po rnam pa bcu drug thob par gyur to/ /sangs rgyas kyi chos thams cad dbang bskur ba dang ldan pa'i chos kyi bzod pa'ang thob par gyur to/ /de nas thams cad dang ldan pa'i 'khor de bstan pa 'di thos nas tshim zhing mgu la yid rangs shing rab tu dga' ste/ dga' ba dang / yid bde ba skyes nas bcom ldan 'das la legs so/ /zhes bya ba gsol te lha dang / mi'i mchod pas bcom ldan 'das la mchod do/ /bam po bzhi </font><hr>225a<br><font size=+1>


@#/ /pa| de nas bcom ldan 'das kyis yang byang chub sems dpa' gzungs kyi dbang phyug gi rgyal po la bka' stsal pa/ rigs kyi bu/ de la de bzhin gshegs pa'i las gang zhe na/ rigs kyi bu/ de bzhin gshegs pa'i las ni/ sum cu rtsa gnyis po 'di dag go /sum cu rtsa gnyis gang zhe na/ rigs kyi bu| 'di la de bzhin gshegs pas ye shes bla na med pas gnas la'ang gnas su yang dag pa ji lta ba bzhin du rab tu mkhyen to/ /gnas ma yin pa la'ang gnas ma yin par yang dag pa ji lta ba bzhin du rab tu mkhyen to/ /rigs kyi bu/ de la gnas ni/ gang / gnas ma yin pa ni/ gang zhe na/ rigs kyi bu/ 'di ni| gnas ma yin zhing go skabs med de/ gang lus kyis nyes par spyad pa dang / dag gis nyes par spyad pa dang / yid kyis nyes bar spyad pa'i rnam par smin pa 'dod pa dang / sdug pa dang / dga' ba dang / yid du 'ong bar 'gyur ba 'di ni/ gnas med do/ /'di ni/ gnas yin zhing go skabs yod pa ste/ gang lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam par smin pa 'dod pa dang / sdug pa dang / dga' </font><hr>225b<br><font size=+1>


ba dang / yid du 'ong bar 'gyur ba 'di ni/ gnas yin no/ /rigs kyi bu/ gnas ma yin zhing go skabs med de/ gang ser snas longs spyod chen po mngon par 'grub pa dang / 'chal pa'i tshul khrims kyis lha dang mir skye ba dang / gnod sems kyis mdzes par 'gyur ba dang / le los mngon par rtogs pa thob pa dang / sems rnam par g.yeng pas nges par gyur pa la 'jug pa dang / gang 'chal ba'i shes rab kyis bag chags kyi mtshams sbyor ba legs par 'joms par 'gyur ba ni/ gnas ma yin zhing go skabs med de/ de ni/ gnas ma yin no/ /'di ni/ gnas yin zhing go skabs yod pa ste/ gang sbyin pas longs spyod chen po mngon par 'grub pa dang / tshul khrims kyis lha dang mir skye ba dang / bzod pas mdzes par 'gyur ba dang / brtson 'grub kyis mngon par rtogs pa thob pa dang / bsam gtan gyis nges par gyur pa la 'jug pa dang / gang shes rab kyis bag chags kyi mtshams sbyor ba thams cad legs par 'joms pa 'di ni/ gnas yin zhing go skabs yod do/ /gnas ma yin zhing go skabs med de/ gang mtshams med pa byed pa sems gnas par 'gyur ba 'di ni/ gnas med do/ /gang tshul khrims rnam par </font><hr>226a<br><font size=+1>


@#/ /dag pa'i sems gnas par 'gyur ba 'di ni/ gnas yin zhing go skabs yod do/ /gnas ma yin zhing go skabs med do/ gang dmigs pa can gyis rjes su mthun pa'i bzod pa thob par 'gyur ba de ni/ gnas med do/ /gang stong pa nyid la mos pas bzod pa thob par 'gyur ba 'di ni/ gnas yin zhing go skabs yod do/ /gnas ma yin zhing go skabs med de/ gang 'gyod pa la rab tu gnas bas sems shin tu sbyangs par 'gyur ba 'di ni/ gnas med do/ /gang kun nas ldang ba med pa'i sems shin tu sbyangs par 'gyur ba 'di ni/ gnas yin zhing go skabs yod do/ /gnas ma yin zhing go skabs med de/ gang bud med lus de nyid kyis 'khor los bsgyur pa'i rgyal po'am/ brgya byin nam/ tshangs pa'am/ sangs rgyas su 'jig rten du 'byung ba 'di ni/ gnas med do/ /'di ni/ gnas yin zhing go skabs yod de/ gang bud med kyi lus brjes nas 'khor los bsgyur ba'i rgyal po'am/ brgya byin nam/ tshangs pa'am| sangs rgyas su 'jig rten du 'byung ba 'di ni/ gnas yin no/ /gnas ma yin zhing go skabs med de/ gang 'khor los bsgyur ba'i rgyal po mi mnyam </font><hr>226b<br><font size=+1>


pas rgyal srid byed pa 'di ni/ gnas med do/ /gang mnyam pas byed pa 'di ni/ gnas yin zhing go skabs yod do/ /gnas ma yin zhing go skabs med de/ gang byang gi sgra mi snyan gyi mi log par ltung bar 'gro ba 'di ni/ gnas med do/ /bde 'gror 'gro ba ni/ gnas yin zhing go skabs yod do/ /gnas ma yin zhing go skabs med de/ gang srog gcod pa'i skyes bu gang zag srog gcod pa'i rgyus tshe ring bar 'gyur ba nas log par lta ba dag log par lta ba can log pa'i las yang dag par blangs pa'i rgyas 'phags pa'i lam thob par 'gyur ba'i bar 'di ni/ gnas med do/ /'di ni/ gnas yin zhing go skabs yod de/ gang srog gcod pa spangs pa'i rgyus tshe ring par 'gyur ba nas yang dag par lta ba 'phags pa'i lam thob par 'gyur ba'i bar 'di ni/ gnas yin no/ /gnas ma yin zhing go skabs med de/ gang brgyad pa 'bras bu ma thob par ldang ba 'di ni/ gnas med do/ /gang 'bras bu thob nas ldang ba 'di ni/ gnas yin zhing go skabs yod do/ /gnas ma yin zhing go skabs med do/ gang rgyun du zhugs pa srid pa brgyad pa mngon par 'grub pa 'di ni/ gnas med do/ /gang re ltar thogs kyang srid pa bdun du 'gyur ba 'di ni/ gnas yin </font><hr>227a<br><font size=+1>


@#/ /no/ /gnas ma yin zhing go skabs med de/ gang lan gcig phyir 'od ba srid pa gnyis pa mngon par 'grub pa 'di ni/ gnas med do/ / gang lan gcig phyir 'ong ba 'jig rten 'dir 'ongs nas sdug bsngal mthar 'byin par byed pa 'di ni/ gnas yin zhing go skabs yod do/ /gnas ma yin zhing go skabs med de/ gang phyir mi 'ong ba 'jig rten 'dir 'ong ba 'di ni/ gnas med do/ /gang de nyid du yongs su mya ngan las 'da' ba 'di ni/ gnas yin zhing go skabs yod do/ /gnas ma yin zhing go skabs med de/ gang dgra bcom pa nyid mtshams sbyor bar 'gyur ba 'di ni/ gnas med do/ /gang dgra bcom pa la nyid mtshams sbyor ba med pa 'di ni/ gnas yin zhing go skabs yod do/ /gnas ma yin zhing go skabs med de/ gang 'phags pa'i gang zag ston pa gzhan gyi lung nod pa 'di ni/ gnas med do/ /gang lha gzhan med pa 'di ni/ gnas yin no/ /gnas ma yin zhing go skabs med de/ gang mi skye ba'i chos la bzod pa rab tu thob pa'i byang chub sems dpa' phyir ldog par 'gyur ba 'di ni/ gnas med do/ /gang byang chub mngon par rdzogs par 'tshang rgya ba 'di </font><hr>227b<br><font size=+1>


ni/ gnas yin no/ /gnas ma yin zhing go skabs med de/ gang byang chub sems dpa' byang chub kyi snying po la 'dug nas mngon par rdzogs par sangs ma rgyas par ldang ba 'di ni/ gnas med do/ /gang byang chub mngon par rdzogs par sangs rgyas nas ldang ba 'di ni/ gnas yin no/ /gnas ma yin zhing go skabs med de/ gang de bzhin gshegs pa la bag chags kyi mtshams sbyor ba snang ba 'di gnas med do/ /gang de bzhin gshegs pa bag chags kyi mtshams sbyor ba thams cad legs par bcom pa 'di ni/ gnas yin zhing go skabs yod do/ /gnas ma yin te/ gang de bzhin gshegs pa'i ye shes thogs par 'gyur ba 'di ni/ gnas med do/ /gang de bzhin gshegs pa'i ye shes thogs pa med pa 'di ni/ gnas yin no/ /gnas ma yin zhing go skabs med de/ gang de bzhin gshegs pa'i spyi gtsug mthong bar 'gyur ba 'di ni/ gnas med do/ /gang de bzhin gshegs pa'i spyi gtsug bltar mi mthong ba 'di ni/ gnas yin no/ /gnas ma yin zhing go skabs med de/ gang sangs rgyas kyi mthu ma gtogs par de bzhin gshegs pa'i sems kyi rgyu ba shes pa 'di ni/ gnas med do/ /gang mi shes pa 'di ni/ gnas yin no/ /gnas ma </font><hr>228a<br><font size=+1>


@#/ /yin te/ gang de bzhin gshegs pa la sems mnyam par ma bzhag pa dmigs pa 'di ni/ gnas med do/ /gang de bzhin gshegs pa rtag tu mnyam par bzhag pa 'di ni/ gnas yin no/ /'di ni/ gnas ma yin te/ gang de bzhin gshegs pa la log pa'i tshig 'byung ba 'di ni/ gnas med do| |gang bden pa'i tshig 'byung ba 'di ni/ gnas yin no/ /rigs kyi bu/ gnas ma yin zhing go skabs med de/ de bzhin gshegs pa la 'khrul pa dmigs pa 'di ni/ gnas med do/ /'di ni/ gnas yin zhing go skabs yod de/ gang de bzhin gshegs pa la 'khrul pa med pa 'di ni/ gnas yin no| |rigs kyi bu/ de ltar gang de bzhin gshegs pa'i gnas dang / gnas ma yin pa mkhyen pa'i stobs de yi ge rnams kyis tshad bstan du med de/ yang dag pa'o| |de kho na'o/ /gzhan ma yin pa nyid do/ /de la 'di skad ces bya'o/ /sa kun 'grum par 'gyur yang srid/ /nam mkha' g.yo bar 'gyur srid kyi/ /sangs rgyas gnas min bshad pa ni/ /gnas su 'gyur ba mi srid do/ /skyes bus kha dog lnga can du/ /nam mkha' gzugs su byed kyang srid/ /sangs rgyas gnas min bshad </font><hr>228b<br><font size=+1>


pa ni| gnas su 'gyur ba mi srid do/ /tha ma dang ni 'bring dang mchog /gang dag sangs rgyas gnas bshad pa/ /de kun de bzhin bshad pa ste/ /gzhan du 'gyur ba yod ma yin/ /tha ma dang ni 'bring dang mchog /gang dag gnas min bshad pa yang / /de kun de bzhin bshad pa ste/ /gzhan du 'gyur ba yod ma yin/ /gnas dang gnas min rab shes pa/ /sems can bsam pa ji bzhin du/ /des ni phyad par yang dag dang / /chos kyang srog chags rnams la bshad/ /dge sbyong dang ni bram ze gzhan| |gang du thams cad rgyug byed cing / /gnas dang gnas min ma shes pa/ /sangs rgyas la ni de med do/ /gnas gang dang ni ldan pas na/ /sems can thar byed dpung 'gyur ba/ /yon tan kun ldan sangs rgyas kyis/ /de ni yang dag rab tu bshad/ /sems can gang dag snod min gang / /de la sangs rgyas btang snyoms mdzad/ / gang gi dus na 'grol 'gyur ba/ /de yi dus la rab tu gzhes/ /gang gis sems can thar byed pa/ /kha na ma tho med pa'i las/ /sangs rgyas blo mchog ldan pa yin// 'phrin las dang po 'di yin no/ /gnas dang gnas min bshad pa ni/ /dpag tu med cing grangs med de/ /drang srong chen po'i stobs 'di ni/ /pha rol rgol pas thub par </font><hr>229a<br><font size=+1>


@#/ /dka'| |rigs kyi bu/ gzhan yang de bzhin gshegs pas 'das pa dang / ma 'ongs pa dang / da ltar byung ba'i las rnams dang / las len pa rnams gnas dang / rgyu dang / dngos po dang / rnam par smin pa la mkhas pa yang dag pa ji lta ba bzhin rab tu mkhyen to/ /ji ltar rab tu mkhyen ce na/ rigs kyi bu| 'di la 'das pa'i las len pa gang dge ba'i rgyu las byung ba/ mi dge ba dang bral ba gang ma 'ongs pa'i dus na dge ba'i rgyu las byung ba 'byin pa de de bzhin gshegs pas rab tu mkhyen to/ /las len pa gang mi dge ba'i rgyu las byung ba/ dge ba dang bral ba gang ma 'ongs pa'i dus na mi dge ba'i rgyu las byung ba 'byin pa de'ang de bzhin gshegs pas rab tu mkhyen to/ /las len pa gang ma 'ongs pa'i dus na dman pa la brten par 'gyur ba de'ang de bzhin gshegs pas yang dag pa ji lta ba bzhin du rab tu mkhyen to/ /las len pa gang ma 'ongs pa'i dus na khyad par la brten par 'gyur ba de'ang de bzhin gshegs pas rab tu mkhyen to// las len pa gang da ltar byung ba'i dus na dman pa la brten la ma 'ongs pa'i dus na khyad par la brten par 'gyur ba de'ang de bzhin gshegs pas rab tu mkhyen </font><hr>229b<br><font size=+1>


to| |las len pa gang da ltar byung ba'i dus na khyad par la brten la ma 'ongs pa'i dus na dman pa la brten par 'gyur ba de'ang de bzhin gshegs pas rab tu mkhyen to/ / las len pa gang da ltar byung ba'i dus na'ang dman pa la brten la ma 'ongs pa'i dus na'ang dman pa la brten par 'gyur ba de'ang de bzhin gshegs pas rab tu mkhyen to| |las len pa gang da ltar byung ba'i dus na'ang khyad par la brten la ma 'ongs pa'i dus na'ang khyad par la brten par 'gyur ba de'ang de bzhin gshegs pas rab tu mkhyen to/ /las len pa gang 'das pa na sbyor ba dman la de ma 'das pa'i dus na rgya che zhing sbyor ba rgya che bar 'gyur ba de'ang de bzhin gshegs pas rab tu mkhyen to/ / las len pa gang rtsom pa chud la khyad par chen por 'gyur ba dang / las len pa gang rtsom pa chen por gyur la khyad par chung dur 'gyur ba dang / las len pa gang nyan thos nyid kyi rgyu 'byin pa de'ang de bzhin gshegs pas rab tu mkhyen to/ /las len pa gang rang sangs rgyas nyid kyi rgyu 'byin pa de'ang de bzhin gshegs pas rab tu mkhyen to/ /las len pa gang sangs rgyas nyid kyi rgyu 'byin pa de'ang de bzhin gshegs pas rab tu mkhyen to/ /las len pa gang da ltar byung ba na sdug bsngal la </font><hr>230a<br><font size=+1>


@#/ /ma 'ongs pa na rnam par smin pa bde bar 'gyur ba dang / las len pa gang de ltar byung ba na bde la ma 'ongs pa na rnam par smin pa sdug bsngal par 'gyur ba dang / las len pa gang da ltar byung ba na sdug bsngal la ma 'ongs pa na'ang rnam par smin pa sdug bsngal bar 'gyur ba dang / las len pa gang da ltar byung ba na'ang bde la ma 'ongs pa na'ang rnam par smin pa bde bar 'gyur ba de'ang de bzhin gshegs pas rab tu mkhyen to/ /rigs kyi bu/ de ltar na| 'das pa dang / ma 'ongs pa dang / da ltar byung ba'i sems can rnams kyi las gang yin pa dang / rkyen gang yin pa dang / rnam par smin pa gang yin pa de de bzhin gshegs pas de kho na dang / gzhan ma yin pa la brten par yang dag pa ji lta ba bzhin du rab tu mkhyen to/ /mkhyen nas kyang de bzhin du chos ston te/ 'di ni/ de bzhin gshegs pa'i de bzhin gshegs pa'i 'phrin las gnyis pa'o/ /de la 'di skad ces bya'o/ /de bzhin gshegs pa rgyu la mkhas pa ste| |las kyi rnam smin tshul mkhyen spyan dang ldan/ /dus gsum dag la chags pa mi mnga' ste/ /sems can kun gyi spyod pa rab tu mkhyen/ /rgyu ni gang zhig bde </font><hr>230b<br><font size=+1>


bar 'gyur ba ste/ /lha dang mi yi rnam par smin ldan dang / /gang yang sdug bsngal dag tu 'gyur byed pa/ /de ni bde bar gshegs pas rab tu mkhyen/ /dge ba dang ni mi dge'i las rnams kyi/ /rgyu dang rnam par smin pa cir 'gyur ba/ /de ni bde bar gshegs pas rab mkhyen te/ /nor bu rin chen phyag tu bzhag pa bzhin/ /las gang chung du'i rgyu las byung gyur la/ /tshad med rgyu yang 'byin par 'gyur ba dang / /gang yang rgya che ba dang chung du yang / /de ni ji lta bzhin du sangs rgyas mkhyen/ /gang yang nyon thos kyi ni rgyu 'byin dang / /rkyen gyi theg pa de bzhin 'byin pa dang / /gang yang rgyal ba'i rgyu ni 'byin 'gyur ba/ /de kun bde bar gshegs pas rab tu mkhyen/ /rgyu ni gang zhig sdug bsngal 'gyur byed la/ /de yang bde ba dag tu 'gyur ba dang / /rgyu ni gang zhig bde bar 'gyur byed la/ /de yang sdug bsngal dag tu 'gyur ba dang / /rgyu ni bde la sdug bsngal gnas pa dang / /rgyu yang bde la bde bar gnas pa dang / /las kyi ngo bo nyid kyi chos nyid ni/ /rgyu dang mthun par bde gshegs rab tu mkhyen/ /dus gsum dag tu sems can thams cad kyi/ /rgyu gang las 'jug byed dang las kyang ni/ /gzhan ma yin par sangs rgyas ye shes kyis/ /de bzhin rgyal bas phyed par rab tu mkhyen/ /rigs kyi bu/ gzhan yang de bzhin gshegs </font><hr>231a<br><font size=+1>


@#/ /pas sems can gzhan rnams dang / gang zag gzhan dag gi mos pa du ma dang / mos pa sna tshogs yang dag pa ji lta ba bzhin du rab tu mkhyen to/ /rigs kyi bu/ de bzhin gshegs pas sems can gzhan dag dang / gang zag gzhan rnams kyi mos pa du ma dang / mos pa sna tshogs yang dag pa ji lta ba bzhin du ji ltar rab tu mkhyen ce na/ gang zag gang 'dod chags sa gnas shing zhe sdang la mos pa dang / gang zag gang zhe sdang la gnas shing 'dod chags la mos pa dang / gang zag gang gti mug la gnas shing 'dod chags dang / zhe sdang dang / gti mug la mos pa de'ang de bzhin gshegs pas rab tu mkhyen to/ /gang zag gang dge ba la gnas shing dge ba la mos pa de'ang de bzhin gshegs pas rab tu mkhyen to/ /gang zag gang dag sbyor ba dman zhing bsam pa rgya chen po la mos pa de dag kyang de bzhin gshegs pas rab tu mkhyen to/ /gang zag gang dag sbyor ba rgya chen zhing bsam pa dman pa la mos pa de dag kyang de bzhin gshegs pas rab tu mkhyen to/ /mos pa gang gis sbyor ba dman zhing khyad par la ngas par 'gyur ba dang / mos pa gang gis sbyor ba khyad </font><hr>231b<br><font size=+1>


par du 'phags shing dman pa la gnas par 'gyur ba dang / mos pa gang gis log pa nyid du nges la nges pa'i khams thob par 'gyur ba dang / mos pa gang gis ma nges la yang dag pa nyid du nges pa'i khams thob par 'gyur ba dang / mos pa gang gis yang dag pa nyid du nges la rnam par grol ba thob par 'gyur ba de'ang de bzhin gshegs pas yang dag pa ji lta ba bzhin du rab tu mkhyen to/ /mos pa gang gis 'dod pa'i khams las yang dag par 'da' bar 'gyur ba dang / mos pa gang gis gzugs kyi khams las yang dag par 'da' bar 'gyur ba dang / mos pa gang gis khams gsum pa las yang dag par 'da' bar 'gyur ba de'ang de bzhin gshegs pas rab tu mkhyen to/ /mos pa gang gis dman pa la brten cing khyad par gnon par 'gyur ba dang / mos pa gang gis khyad par du gyur nas kyang dman pa la gnas par 'gyur ba de'ang de bzhin gshegs pas rab tu mkhyen to/ /mos pa gang gis skye ba tha dad pa dang / kha dog tha dad pa dang / yongs su longs spyod pa tha dad pa yongs su 'dzin par 'gyur ba de'ang de bzhin gshegs pas rab tu mkhyen to/ /mos pa gang gis rtse mo las nyams par 'gyur ba dang / mos pa gang gis rnam par </font><hr>232a<br><font size=+1>


@#/ /grol ba thob par 'gyur ba de'ang de bzhin gshegs pas rab tu mkhyen to/ /mkhyen nas kyang de bzhin du chos ston te/ 'di ni/ de bzhin gshegs pa'i de bzhin gshegs pa'i 'phrin las gsum pa'o/ /de la 'di skad ces bya'o/ /'jig rten mos pa sna tshogs mos pa du mar blo gros tshad med pa/ /de yi mos pa de bzhin gshegs pas lhag ma ma lus mkhyen par gyur/ /'di na gang gis mos pa zhe sdang rgyus byung 'dod chags gnas pa dang / /zhe sdang gnas shing gti mug mos pa sangs rgyas kyis ni rab tu mkhyen/ /gti mug gnas pa'i sems ni dge dang 'dod chags la yang 'jug pa dang / /de 'og gang 'jug pa dang sems can sbyor ba dman la rgya chen mos/ /bsam pa rgya che ba dang gang dag sbyor ba rgya chen yod kyang ni/ /mos pa dman par gyur pa de yang bde bar gshegs pas rab tu mkhyen/ /mos pa gang gis sems can sbyor ba dman la rgya cher 'gyur ba dang / /sems can blo gros rgya chen 'gyur la dman par 'gyur ba de yang mkhyen/ /log pa nyid du gang nges pa yang yang dag nyid du nges 'gyur dang / /khams gsum pa las rnam par grol ba'i mos pa'ang sangs rgyas rab tu mkhyen/ /dus gsum thams cad dag gi sems can </font><hr>232b<br><font size=+1>


kun gyi skye dang kha dog dang / /de bzhin yongs spyod tha dad pa dang rtse mo las ni nyams 'gyur dang / /gang yang rnam par grol bar 'gyur ba'i mos pa rgyal bas thams cad mkhyen| |mkhyen nas chos ston mdzad pa 'di yong bde gshegs 'phrin las yin zhes gsungs/ /rigs kyi bu/ gzhan yang de bzhin gshegs pas khams du ma dang / khams sna tshogs can gyi 'jig rten yang dag pa ji lta ba bzhin du rab tu mkhyen to/ /ji ltar rab tu mkhyen ce na/ khams gang gis 'jig rten bsod nams kyi 'du byed gsog pa'i khams de'ang de bzhin gshegs pas yang dag pa ji lta ba bzhin du rab tu mkhyen to/ /khams gang gis bsod nams ma yin pa'i 'du byed gsog pa de'ang de bzhin gshegs pas rab tu mkhyen to/ /khams gang gis mi g.yo ba'i 'du byed gsog pa de'ang de bzhin gshegs pas rab tu mkhyen to/ /khams gang gis 'byung ba'i khams su'ang 'jog par 'gyur ba de'ang de bzhin gshegs pas rab tu mkhyen to/ /gzhan yang de bzhin gshegs pas mig gi khams dang / gzugs kyi khams dang / mig gi rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab </font><hr>233a<br><font size=+1>


@#/ /tu mkhyen to/ /rna ba'i khams dang / sgra'i khams dang / rna ba'i rnam par shes pa'i khams rab tu mkhyen to/ /ji ltar rab tu mkhyen ce na /nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /sna'i khams dang / dri'i khams dang / sna'i rnam par shes pa'i khams rab tu mkhyen to| |ji ltar rab tu mkhyen ce na/ snang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /lce'i khams dang / ro'i khams dang / lce'i rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /lus kyi khams dang / reg bya'i khams dang / lus kyi rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /yid kyi khams dang / chos kyi khams dang / yid kyi rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /sa'i khams dang / chu'i khams dang / me'i khams dang / rlung gi khams rab tu </font><hr>233b<br><font size=+1>


mkhyen to/ /ji ltar rab tu mkhyen ce na/ nam mkha'i khams ji lta ba de bzhin du rab tu mkhyen to/ /'dod pa'i khams dang / gzugs kyi khams dang / gzugs med pa'i khams rab tu mkhyen to/ /ji ltar rab tu mkhyen ce na/ kun tu rtog pa las byung bar rab tu mkhyen to/ /'dus byas kyi khams ni mngon par 'du byed pa'i mtshan nyid du rab tu mkhyen to/ / 'dus ma byas kyi khams ni mngon par 'du mi byed pa'i mtshan nyid du rab tu mkhyen to/ /kun nas nyon mongs pa'i khams ni glo bur gyi nyon mongs pa'i mtshan nyid du rab tu mkhyen to/ /rnam par byang ba'i khams ni rang bzhin gyis 'od gsal ba'i mtshan nyid du rab tu mkhyen to/ /'khor ba'i khams ni tshul bzhin ma yin pa ma rig pa'i mtshan nyid du rab tu mkhyen to/ /mya ngan las 'das pa'i dbyings ni tshul bzhin rig pa'i mtshan nyid du rab tu mkhyen to/ /de ltar na/ 'jig rten gnas pa'i khams gang yin pa dang / rab tu gnas pa'i khams gang yin pa dang / rjes su khrid pa'i khams gang yin pa dang / thogs pa'i khams gang yin pa dang / sbyor ba'i khams gang yin pa dang / bsam pa'i khams gang yin pa dang / nges par sems pa'i khams gang yin pa dang / rten pa'i khams gang yin pa de de bzhin gshegs pas rab </font><hr>234a<br><font size=+1>


@#/ /tu mkhyen te/ mkhyen nas kyang de bzhin du chos ston te/ 'di ni de bzhin gshegs pa'i de bzhin gshegs pa'i 'phrin las bzhi pa'o/ /de la 'di skad ces bya'o/ /mi yi seng+ge khams rnams kun gyi tshul la mkhas/ /gang du gang gi khams ni ji 'dra 'jug pa dang / /khams gang dge brgya chen kun tu 'byung byed pa/ /de kun bde bar gshegs pas ma lus rab mkhyen to/ /bsod nams bsod nams min dang mi g.yo rgyus byung myong / /gang gis 'byung ba thob par 'gyur bzhi pa'i khams/ /khams gang gnas nas khams las rnam par grol 'gyur ba/ /khams de shes rab chen po bde bar gshegs pas mkhyen/ /mig gi khams dang de bzhin gzugs dang yid kyi khams/ /rang bzhin stong par rgyal bas spyod pa'i bdag nyid mkhyen/ /de bzhin rna ba sna dang lce dang de bzhin lus/ /yid dang chos kyi khams kyang rtag tu stong par mkhyen/ /chu dang me dang sa dang rlung gi khams 'di dag /nam mkha' mnyam par mi yi seng+ges rab tu mkhyen/ /'dod pa dang ni gzugs dang gzugs med khams 'di dag /yongs su rtog las yang dag byung bar ma lus mkhyen/ /nyon mongs khams ni rgyal bas rang bzhin med par mkhyen/ /rnam byang rang bzhin 'dra bar </font><hr>234b<br><font size=+1>


bde bar gshegs pas mkhyen/ /mi mkhas dag gis 'khor ba rtag tu 'dus byas dang / /mya ngan 'das pa gang la mtshan nyid gsum med dang / /khams gang mi dge bas ni 'jug pa'i mtshan nyid dang / /gang yang dge bas 'jug pa thams cad gcod pa dang / /sna tshogs khams dang du ma'i khams can 'jig rten 'di/ /sangs rgyas mkhyen kyang ngas mkhyen snyam du rlom sems med/ /nam mkha' ji lta bzhin du mtha' yas phyogs rnams kyi/ /khams rnams de bzhin mi yi seng+ges rab tu mkhyen/ / rgyal ba'i ye shes dam pa de ni thug pa med/ /de yi mtha' ni 'gro ba rnams kyis shes mi nus/ /'di ni skyob pa rdul med rnams kyi 'phrin las bzhi/ /de yis sems can 'dul ba'i khams rnams cho ga mkhyen/ /gang dag las legs byas pas dul gyur de dag la/ /'khrul pa brgya lam na yang nam yang mi 'byung ngo / /rigs kyi bu/ gzhan yang de bzhin gshegs pas sems can gzhan dag dang / gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen to/ /rigs kyi bu/ de bzhin gshegs pas ji ltar sems can gzhan dag dang / gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen ce na/ rigs </font><hr>235a<br><font size=+1>


@#/ /kyi bu| 'di la de bzhin gshegs pas sems can dbang po rtul po rnams kyang sems can dbang po rtul por yang dag pa ji lta ba bzhin du rab tu mkhyen to/ /de bzhin du dbang po 'bring yang rab tu mkhyen to/ /dbang po rno ba'ang rab tu mkhyen to/ /dbang po khyad par du 'phags pa'ang rab tu mkhyen to/ / dbang po dman pa'ang rab tu mkhyen to/ /yongs su rtog pa'i dbang po ji lta bus mthar phyin pa'i 'dod chags skye ba dang / mthar phyin pa'i zhe sdang skye ba dang / mthar phyin pa'i gti mug skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus 'dod chags dang / zhe sdang dang / gti mug bcos ma skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus snrel zhi'i 'dod chags dang / zhe sdang dang / gti mug skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus tshar bcad cing 'dod chags dang / zhe sdang dang / gti mug skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus dbang po gang dag dge ba'i rgyu las byung ba dang / dbang po gang dag mi </font><hr>235b<br><font size=+1>


dge ba'i rgyu las byung ba dang / dbang po gang dag mi g.yo ba'i rgyu las byung ba dang / dbang po gang dag 'byung ba'i rgyu las byung ba de dag thams cad kyang de bzhin gshegs pas rab tu mkhyen to/ /rigs kyi bu/ gzhan yang de bzhin gshegs pas mig gi dbang po rab tu mkhyen to/ /rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / po'i dbang po dang / mo'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po rab tu mkhyen to/ /dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po rab tu mkhyen to/ /mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po rab tu mkhyen to/ /dbang po gang mig gi dbang po'i rgyu las byung la rna ba'i dbang po la gnas par gyur te sna dang / lce dang / lus kyi dbang po la ma yin pa de'ang de bzhin gshegs pas rab tu mkhyen to/ /dbang po gang rna ba'i dbang po'i rgyu las byung la sna'i dbang po la gnas par 'gyur ba dang / dbang po gang sna'i dbang po'i rgyu </font><hr>236a<br><font size=+1>


@#/ /las byung la lce'i dbang po la gnas par 'gyur ba dang / dbang po gang lce'i dbang po'i rgyu las byung la lus kyi dbang po la gnas par 'gyur ba dang / dbang po gang lus kyi dbang po'i rgyu las byung la mig gi dbang po la gnas par 'gyur ba de'ang de bzhin gshegs pas rab tu mkhyen to/ /sems can gang sbyin pa'i dbang po can yin la de'ang tshul khrims la sbyor ba de la de bzhin gshegs pas dbang po mchog dang mchog ma yin pa mkhyen pas sbyin pa'i gtam ston to/ /sems can gang tshul khrims kyi dbang po can yin la de'ang sbyin pa la sbyor ba de la de bzhin gshegs pas dbang po mchog dang mchog ma yin pa mkhyen pas tshul khrims kyi gtam ston to/ /sems can gang bzod pa'i dbang po can yin la de'ang brtson 'grus la sbyor ba de la de bzhin gshegs pas dbang po mchog dang mchog ma yin pa mkhyen pas bzod pa'i gtam ston to/ /sems can gang brtson 'grus kyi dbang po can yin la de'ang bzod pa la sbyor ba de la de bzhin gshegs pas dbang po mchog dang mchog ma yin pa mkhyen pas brtson 'grus kyi gtam ston to/ /sems can gang bsam gtan gyi dbang po can yin la de'ang shes rab la sbyor ba de la de bzhin gshegs pas </font><hr>236b<br><font size=+1>


dbang po mchog dang mchog ma yin pas mkhyen pas bsam gtan gyi gtam ston to/ /sems can gang shes rab kyi dbang po can yin la de'ang bsam gtan la sbyor ba de la de bzhin gshegs pas dbang po mchog dang mchog ma yin pa mkhyen pas shes rab kyi gtam ston to/ /de bzhin du byang chub kyi phyogs kyi chos thams cad la'ang rgyas par khong du chud par bya'o/ /sems can gang nyan thos kyi theg pa'i dbang po can yin la de'ang rang sangs rgyas kyi theg pa la sbyor ba de la de bzhin gshegs pas dbang po mchog dang mchog ma yin pa mkhyen pas nyan thos kyi theg pa'i gtam ston to/ /sems can gang rang sangs rgyas kyi theg pa'i dbang po can yin la de'ang nyan thos kyi theg pa la sbyor ba de la de bzhin gshegs pas dbang po mchog dang mchog ma yin pa mkhyen pas rang sangs rgyas kyi theg pa'i gtam ston to/ /sems can gang theg pa chen po'i dbang po can yin la de'ang nyan thos dang rang sangs rgyas kyi theg pa la sbyor ba de la de bzhin gshegs pas dbang po mchog dang mchog ma yin pas mkhyen pas theg pa chen po'i gtam ston to/ /sems can gang tha ma'i dbang po can yin la de'ang theg pa chen po la sbyor ba de la de bzhin gshegs pas dbang po mchog dang mchog ma yin pa mkhyen </font><hr>237a<br><font size=+1>


@#/ /pas tha ma'i gtam ston to/ /sems can skal pa med pa'i dbang po can skal pa med par snang ba de dag de bzhin gshegs pas snod ma yin par rig nas btang snyoms su 'jog go /sems can skal ba yod pa'i dbang po can skal pa yod par snang ba dag la de bzhin gshegs pas skal ba yod par rig nas ri mor byas shing chos ston te/ rigs kyi bu/ de ltar de bzhin gshegs pas sems can thams cad kyi dbang po yongs su smin pa rnams kyang rab tu mkhyen/ dbang po yongs su ma smin pa rnams kyang rab tu mkhyen/ 'byung ba ma yin pa'i dbang po rnams kyang rab tu mkhyen/ 'byung ba dang bcas pa'i dbang po rnams kyang rab tu mkhyen te/ sems can gyi dbang po'i rnam pa gang yin pa dang / sbyor ba gang yin pa dang / bsam pa gang yin pa dang / gang gi rgyu las byung ba dang / rkyen gang yin pa dang / dmigs pa gang yin pa dang / rgyu mthun pa gang yin pa dang / sems can gyi dbang po'i mtha' gang yin pa de dag thams cad de bzhin gshegs pas yang dag pa ji lta ba bzhin du rab tu mkhyen te/ 'di ni/ de bzhin gshegs pa'i de bzhin gshegs pa'i 'phrin las lnga ba'o/ /de la 'di skad ces bya'o/ /gang zhig dbang po shes pa'i pha ro son pa </font><hr>237b<br><font size=+1>


sems can bsam pa rnams la mkhas/ /gang gi dbang po'i spyod pa ji 'drar gyur pa thams cad rgyal bas rab tu mkhyen/ /rgyal ba dbang po khyad par can dang 'bring dang tha ma'i cho ga mkhyen gyur te/ /gang gis 'gro ba grol byed mtshungs pa med pa'i las 'di khyad par 'phags pa yin/ /gang gis mthar phyin pa yi nyon mongs gyur dang gang gis bcos par gyur ba dang / /dbang po gang gis gsog tu gyur pa dang ni gang gis snrel zhir gyur pa dang / /nyon mongs pa dag tshar gcod 'gyur dang dge ba'i dbang po dang ni mi g.yo dang // de bzhin mi dge ba dang gzhan yang grol bar 'gyur ba dag kyang rab tu mkhyen/ /gang gis mig dang yid dang pho mo srog gi dbang po dang ni bde ba dang / /sdug bsngal dang ni yid bde ba dang gang gis yid mi bde bar 'gyur ba dang / /gang gis btang snyoms dad dang brtson 'grus dran dang shes rab de bzhin rtse gcig 'gyur/ /kun shes byed dang kun shes dbang po'i cho ga dang ni grol ba'i dbang po gang yin mkhyen/ /mig gi rgyu las byung la rna bar gnas par byed kyi sna dang lce la min/ /lus kyi bar gyi rgyu las byung bar gyur la de yang mig la gnas pa dang / /sbyin pa'i dbang po yin la tshul khrims snang ba'i mi de la ni sbyin pa'i gtam/ /tshul khrims dbang po yin la sbyin par snang ba'i mi </font><hr>238a<br><font size=+1>


@#/ /de la ni tshul khrims gtam/ /bzod pa'i dbang po yin la brtson 'grus snang ba'i mi la bzod pa'i gtam ston to/ /brtson 'grus dbang po yin la bzod par snang ba'i mi de la ni brtson 'grus gtam/ /bsam gtan dbang po shes rab snang ba'i mi de la ni bsam gtan gtam ston to/ /shes rab dbang po yin la bsam gtan snang ba'i mi de la ni shes rab gtam ston to/ /gang dag nyan thos theg pa'i dbang po yin la rang rgyal sbyor bar byed pa'i mi/ /de dag la ni nyan thos gtam ston byed kyi rang rgyal gtam ni spong bar byed/ /gang gi dbang po rkyen gyi theg par nges la sgra la sbyor byed gnas byed pa/ /de dag la ni rkyen gyi theg pa bstan pa'i cho ga ngag dbang rab tu ston/ /gang dag dbang po theg pa chen por nges la sbyor ba dman pa'i mi rnams gang yin pa/ /de dag la ni thugs rje che la gnas pa'i rgyal ba'i pha rol phyin gtam ston/ /skal ba yod med mkhyen nas rgyal ba gsung zhing kha cig la ni btang snyoms 'jog /dbang po yongs su smin dang gang yang dbang po yongs ma smin pa stobs bcus mkhyen/ /mi yi dbang po'i spyod pa'i rnam pa gang dang gang gi sbyor ba ji lta dang / /bsam pa ji lta ba dang rkyen gang yin dang ji ltar rgyu gang </font><hr>238b<br><font size=+1>


yin pa'ang mkhyen/ /dmigs pa ji lta ba dang mthar thug ji 'drar gyur dang rgyu mthun de bzhin du/ /rang byung ye shes kyis mkhyen ston pa'i 'phrin las 'di na nor ba yod ma yin/ /rigs kyi bu| gzhan yang de bzhin gshegs pas thams cad du 'gro ba'i lam yang dag pa ji lta ba bzhin du rab tu mkhyen to/ /ji ltar rab tu mkhyen ce na/ yang dag pa nyid du nges pa'i sems can gyi khams kyang rab tu mkhyen to/ /ma nges pa'i sems can gyi khams kyang rab tu mkhyen to/ /log pa nyid du nges pa'i sems can gyi khams kyang rab tu mkhyen to/ /nges pa dang bcas pa'i sems can gyi khams kyang de bzhin du rab tu mkhyen to/ /sems can gang dag rgyu'i stobs can/ sngon gyi sbyor ba phun sum tshogs pa/ zur tsam gyis gob/ dbang po rno ba'i sems can de dag la de bzhin gshegs pas chos bstan kyang rung / ma bstan kyang rung ste rnam par grol ba'i skal ba yod pa de dag de bzhin gshegs pas sngon gyi rgyu'i stobs mkhyen nas ci nas de dag myur du rnam par grol bar 'gyur bar de lta de ltar chos ston to/ /ma nges pa'i sems can gyi khams kyang rab tu mkhyen te/ gang dag rkyen gyi stobs can yongs su smin par bya ba'i mtshan nyid kyi sems can de dag gal te mthun par 'doms shing rjes su ston pa dang phrad na rnam par grol bar 'gyur gyi/ ma phrad na rnam par grol bar </font><hr>239a<br><font size=+1>


@#/ /mi 'gyur ba de dag la'ang de bzhin gshegs pa da lta de ltar rgyu dang / rkyen dang ldan pa'i gtam yang dag par gsung ste/ 'di ltar de bzhin gshegs pa las de lta bu'i chos thos nas tshul bzhin rab tu sbyor bas 'bras bu thob par 'gyur ba de dag gi don du sangs rgyas bcom ldan 'das rnams 'byung ngo / /log pa nyid du nges pa'i sems can gyi khams kyang de bzhin du rab tu mkhyen te/ yongs su sbyor ba ma byas pa/ kho re chung ba/ blun pa/ snod du ma gyur pa'i sems can de dag la de bzhin gshegs pas chos bstan kyang rung / ma bstan kyang rung ste sems can de dag rnam par dgrol ba'i skal ba med pas de dag de bzhin gshegs pas snod ma yin par rig nas btang snyoms su 'jog ste/ de dag gi ched du byang chub sems dpa' rnams go cha gyon to/ /rigs kyi bu/ gzhan yang de bzhin gshegs pas 'dod chags kyi lam rnam gsum rab tu mkhyen te/ rnam gsum gang zhe na/ 'dod chags kyi lam sdug pa'i rnam pa las skye ba'ang yod/ 'dod chags kyi lam rjes su chags pa'i rnam pa las skye ba'ang yod/ 'dod chags kyi lam sngon gyi rgyu las skye ba'ang yod do/ /zhe sdang gi lam rnam pa gsum yang rab tu mkhyen te/ zhe sdang gi lam khong khro </font><hr>239b<br><font size=+1>


ba'i rgyu las skye ba'ang yod/ zhe sdang gi lam bsam pa yongs su ma rdzogs pa las skye ba'ang yod/ zhe sdang gi lam sngon gyi bag la nyal las skye ba'ang yod do/ /gti mug gi lam rnam pa gsum yang rab tu mkhyen te/ gti mug gi lam ma rig pa'i rgyu las skye ba'ang yod/ gti mug gi lam 'jig tshogs la lta ba'i rgyu las skye ba'ang yod| gti mug gi lam the tshom gyi rgyu las skye ba'ang yod de/ de dag kyang de bzhin gshegs pas rab tu mkhyen to/ /rigs kyi bu/ gzhan yang dbang po rno ba'i phyir mngon par shes pa myur la dka' ba'i lam yang de bzhin gshegs pas rab tu mkhyen to/ /dbang po rtul ba'i phyir mngon par shes pa bul la dka' ba'i lam yang rab tu mkhyen to/ /dbang po rno ba'i phyir mngon par shes pa myur la sla ba'i lam yang rab tu mkhyen to/ /dbang po rtul ba'i phyir mngon par shes pa myur la dka' ba'i lam yang rab tu mkhyen to/ /dmigs pa bor ba'i phyir mngon par shes pa bul la bul ba'i lam yang rab tu mkhyen to/ /lam gyi rgyun ma bcad pa'i phyir mngon par shes pa myur la bul ba'i lam yang rab tu mkhyen to/ /yongs su thug pa med par dbugs 'byin pa'i phyir mngon par shes pa bul la myur ba'i lam yang rab tu mkhyen to/ /de </font><hr>240a<br><font size=+1>


@#/ /la ma chags pa'i phyir mngon par shes pa myur la bul ba'i lam yang rab tu mkhyen to/ /so sor rtog pa'i stobs yongs su rdzogs par byed kyi sgom pa'i stobs la ma yin pa'i lam yang yod de/ de'ang de bzhin gshegs pas rab tu mkhyen to/ /sgom pa'i stobs yongs su rdzogs par byed kyi so sor rtog pa'i stobs la ma yin pa'i lam yang yod de/ de'ang de bzhin gshegs pas rab tu mkhyen to/ /so sor rtog pa'i stobs kyang yongs su rdzogs par mi byed la sgom pa'i stobs la'ang ma yin pa'i lam yang yod de/ de'ang de bzhin gshegs pas rab tu mkhyen to/ /so sor rtog pa'i stobs dang / sgom pa'i stobs kyang yongs su rdzogs par byed pa'i lam yod de| de'ang de bzhin gshegs pas rab tu mkhyen to/ /bsam pa phun sum tshogs la sbyor ba phun sum tshogs pa ma yin pa'i lam yang yod de/ de'ang de bzhin gshegs pas rab tu mkhyen to/ /sbyor ba phun sum tshogs la bsam pa phun sum tshogs pa ma yin pa'i lam yang yod de/ de'ang de bzhin gshegs pas rab tu mkhyen to/ /bsam pa'ang phun sum tshogs pa ma yin la sbyor ba'ang phun sum tshogs pa ma yin pa'i lam yang yod/ bsam pa'ang phun sum tshogs la sbyor ba'ang phun sum tshogs pa'i lam </font><hr>240b<br><font size=+1>


yang yod de/ de'ang de bzhin gshegs pas rab tu mkhyen to/ /lus sbyong gi /ngag lam yin/ sems la ma yin pa'i lam yang yod/ ngag sbyong gi /lus la ma yin /sems la ma yin pa'i lam yang yod/ lus dang / ngag dang / sems kyang sbyong ba'i lam yang yod/ lus la ma yin/ ngag la'ang ma yin la/ sems kyang mi sbyong ba'i lam yod yod de| de ltar sems can thams cad kyi 'jug pa'i rgyu las byung ba dang / log pa'i rgyu las byung ba'i lam gang ji snyed pa de dag thams cad du de bzhin gshegs pa'i ye shes mthong ba thogs pa med pa 'jug ste/ 'di ni/ de bzhin gshegs pa'i de bzhin gshegs pa'i 'phrin las drug pa'o/ /de la 'di skad ces bya'o/ /bde bar gshegs pas lam kun rab tu mkhyen cing nges dang rgyu dang bcas pa'i sems can khams kyang mkhyen/ /ma nges yongs su smin par bya ba'i mtshan nyid dang ni de bzhin snod min log par lta ldan dang / /'dod chags rnam gsum lam ldan dag dang zhe sdang rnam pa gsum dang de bzhin gti mug ldan pa dang / /nyon mongs khams kyi rnam pa mtha' yas pa dang lam gyi rgyu dang rkyen kyang ston pas rab tu mkhyen/ /rno bar gyur la dka' ba'i lam dang de bzhin dbang po rnams ni zhan phyir bul bar gyur pa dang / /rno bar 'gyur la sla ba'i lam </font><hr>241a<br><font size=+1>


@#/ /dang de bzhin bul ba 'jig rten gyi ni mgon pos rab tu mkhyen/ /bul ba'i lam la de yi blo yang bul zhing de bzhin bul bar gyur la rno zhing dag pa'ang yod/ /bul bar gyur la myur ba'i lam dang de bzhin de la ma chags phyir ni shin tu myur ba dang / /so sor rtog pa skyed par byed kyi sgom pa'i lam ni skyed par mi byed pa yi lam yang yod/ /sgom pa skyed par byed dang khyad par can gyi sbyor dang ldan pas gnyi ga skyed par byed pa'ang yod/ /bsam pa rnam par sbyong bar byed kyi sbyong ba dag par byed pa ma yin pa yi lam yang yod/ /gnyi ga sbyong bar byed pa'ang yod de de yang sangs rgyas bdag nyid chen po thams cad gzigs pas mkhyen/ /lus ni rnam par sbyong bar byed kyi ngag la ma yin pa dang sems kyang sbyong bar mi byed yod/ /tshig dang de bzhin lus kyang sbyong bar byed kyi nam yang sems ni rnam par sbyong bar mi byed dang / /sems ni rnam par sbyong bar byed kyi nam yang ngag ni rnam par sbyong bar mi byed pa'ang yod/ /ngag dang de bzhin sems kyang sbyong bar byed kyi nam yang lus ni rnam par sbyong bar mi byed dang / /lus dang de bzhin sems kyang sbyong bar byed pa'i lam dang ji ltar 'jug par 'gyur dang ldog pa yang / /ye shes dang ni </font><hr>241b<br><font size=+1>


sems gzigs pas mkhyen 'di yang bde gshegs 'phrin las khyad par 'phags pa drug /rigs kyi bu/ gzhan yang de bzhin gshegs pas bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba thams cad yang dag pa ji lta ba bzhin du rab tu mkhyen to/ /ji ltar rab tu mkhyen ce na/ sems can rnams kyi kun nas nyon mongs pa skye ba'i rgyu gang yin pa dang / rkyen gang yin pa de'ang de bzhin gshegs pas rab tu mkhyen to/ /sems can rnams rnam par dag par 'gyur ba'i rgyu gang yin pa dang / rkyen gang yin pa de'ang de bzhin gshegs pas rab tu mkhyen to/ /de la rgyu ni| gang / rkyen ni/ gang zhe na/ sems can rnams kyi kun nas nyon mongs pa'i rgyu ni/ tshul bzhin ma yin pa yid la byed pa'o/ /sems can rnams kyi kun nas nyon mongs pa'i rkyen ni/ ma rig pa'o/ /ma rig pa ni/ rgyu'o/ /'du byed rnams ni/ rkyen to/ /'du byed ni/ rgyu'o/ /rnam par shes pa ni/ rkyen to/ /rnam par shes pa ni/ rgyu'o/ /ming dang gzugs ni/ rkyen to/ /ming dang gzugs ni/ rgyu'o/ /skye mched drug ni/ rkyen to/ /skye mched drug ni/ rgyu'o/ /reg pa ni/ rkyen to/ /reg pa ni/ rgyu'o/ /tshor ba ni/ rkyen </font><hr>242a<br><font size=+1>


@#/ /to| |tshor ba ni/ rgyu'o/ /sred pa ni/ rkyen to/ /sred pa ni/ rgyu'o/ /nye bar len pa ni/ rkyen to/ /nye bar len pa ni/ rgyu'o/ /srid pa ni/ rkyen to/ / srid pa ni/ rgyu'o/ /skye ba ni/ rkyen to/ /skye ba ni/ rgyu'o/ /rga shi ni/ rkyen to/ /rga shi ni/ rgyu'o/ /nyon mongs pa rnams ni/ rkyen to/ /nyon mongs pa rnams ni/ rgyu'o/ /las rnams ni/ rkyen to/ /lta ba ni/ rgyu'o/ /sred pa ni/ rkyen to/ /bag la nyal ni/ rgyu'o/ /kun nas ldang ba ni/ rkyen to/ /'di ni/ sems can rnams kyi kun nas nyon mongs pa'i rgyu'o/ /'di ni/ rkyen to/ /de la sems can rnams kyi rnam par dag par 'gyur ba'i rgyu ni/ gang / rkyen ni/ gang zhe na/ sems can rnams kyi rnam par dag pa'i rgyu gnyis dang / rkyen gnyis so/ /gnyis gang zhe na/ gzhan las rjes su mthun pa'i sgra dang / so so bdag nyid tshul bzhin yid la byed pa ste/ gnyis po 'di dag go /gzhan yang sems can rnams kyi rnam par dag pa'i rgyu gnyis dang / rkyen gnyis te/ zhi gnas la rtse gcig pa dang / lhag mthong la mkhas pa'o/ /gzhan yang rgyu gnyis dang / rkyen gnyis te/ 'ong ba med par shes pa dang / 'gro ba med par shes pa'o/ /gzhan yang rgyu gnyis dang / rkyen gnyis te/ skye ba med par </font><hr>242b<br><font size=+1>


rab tu rtog pa dang / nges par gyur pa la reg pa byed pa'o/ /gzhan yang rgyu gnyis dang / rkyen gnyis te/ rkang par ldan pa dang / rig pas rnam par grol ba mngon sum du byed pa'o/ /gzhan yang rgyu gnyis dang / rkyen gnyis te/ rnam par thar pa'i sgo la sgom pa dang / rang bzhin gyis rnam par grol bar shes pa'o/ /gzhan yang rgyu gnyis dang / rkyen gnyis te/ zad pa shes pa dang / mi skye ba shes pa'o/ /gzhan yang rgyu gnyis dang / rkyen gnyis te/ bde ba rjes su rtogs pa dang / bden pa rjes su thob pa ste| 'di ni/ sems can rnams kyi rnam par dag pa'i rgyu'o/ /'di ni/ rkyen te/ de'ang de bzhin gshegs pas rab tu mkhyen to/ /rigs kyi bu/ gzhan yang kun nas nyon mongs pa la dmigs pa tshad med/ rnam par dag pa la dmigs pa'ang tshad med de/ yang dag pa ji lta ba bzhin du so sor rtog pas kun nas nyon mongs pa la dmigs pa rnam par byang ba la dmigs par 'jog pa'ang yod/ lhag pa'i nga rgyal gyis 'dzin pas rnam par dag pa la dmigs pa kun nas nyon mongs pa la dmigs par 'jog pa'ang yod de/ de la snrel zhi'i rnam grangs kyis de bzhin gshegs pa'i ye shes 'jug go /rigs kyi bu/ de bzhin gshegs pa ni/ ye </font><hr>243a<br><font size=+1>


@#/ /shes 'di lta bu dang ldan pas 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can/ bsam gtan dang po la snyoms par zhugs te 'gog pa las ldang ngo / /'gog pa las snyoms par zhugs te bsam gtan dang po las ldang ngo / /rnam par thar pa brgyad la rjes su mthun par snyoms par 'jug go /mi mthun par yang snyoms par 'jug go /thod rgal du'ang snyoms par 'jug go /ting nge 'dzin ni/ snyoms par 'jug par ston/ snyoms par 'jug pa ni/ ting nge 'dzin du ston kyang de bzhin gshegs pa'i ting nge 'dzin la 'dres pa gang yang med cing de bzhin gshegs pa la ni/ dmigs pas ting nge 'dzin la snyoms par 'jug par bya ba med do/ /de bzhin gshegs ba'i ting nge 'dzin gcig gis ting nge 'dzin thams cad mngon par 'grub ste/ de bzhin gshegs pa ni/ ting nge 'dzin gcig las ma bzhengs par ting nge 'dzin thams cad la snyoms par 'jug kyang de bzhin gshegs pa la sems gcig nas gcig tu 'jug pa med do/ /de bzhin gshegs pa la sems mnyam par ma bzhag </font><hr>243b<br><font size=+1>


pa mi dmigs so/ /de bzhin gshegs pa'i ting nge 'dzin ni/ sus kyang blta bar mi nus te/ nyan thos kyi ting nge 'dzin ni/ rang sangs rgyas kyi ting nge 'dzin gyis zil gyis non to| |rang sangs rgyas kyi ting nge 'dzin ni/ byang chub sems dpa'i ting nge 'dzin gyis zil gyis non to/ /byang chub sems dpa'i ting nge 'dzin ni/ de bzhin gshegs pa'i ting nge 'dzin gyis zil gyis non te/ /de bzhin gshegs pa'i ting nge 'dzin ni/ zil gyis mi non pa ste/ 'di la de bzhin gshegs pa'i ye shes ni/ zil gyis mi non par 'jug go /gdams pa gang dang / rjes su bstan pa gang gis nyan thos rnams ting nge 'dzin skyed pa de'ang de bzhin gshegs pas rab tu mkhyen to/ /de bzhin du rang sangs rgyas dang| de bzhin du byang chub sems dpa' rnams kyi de dag kyang de bzhin gshegs pas rab tu mkhyen to/ /mkhyen nas kyang de bzhin du 'doms shing de bzhin du rjes su ston te/ 'di ni/ de bzhin gshegs pa'i de bzhin gshegs pa'i 'phrin las bdun pa'o/ /de la 'di skad ces bya'o/ /'dir ni 'gro ba'i kun nas nyon mongs rgyu dang rkyen/ /rgyal ba rang byung ye shes ldan pas de kun mkhyen/ /de bzhin mngon par brtson rgyus rnam dag 'gyur ba yi/ /rgyu dang rkyen de chos kyi rjes ni rab tu mkhyen/ /tshul/ </font><hr>244a<br><font size=+1>


@#/ /bzhin ma yin rgyu ste rkyen ni ma rig pa/ /rgyu ni ma rig pa ste rkyen ni 'du byed yin/ /rnam par shes dang ming dang gzugs dang dbang po drug / thams cad srid pa'i yan lag 'gro ba'i rgyu dang rkyen/ /nyon mongs rnams ni rgyu ste de bzhin las rnams rkyen/ /lta ba rgyu ste de bzhin sred pa rkyen du gsungs/ /kun tu sbyor dang bag la nyal 'di 'dir rgyu ste/ /mi gang rgyu las kun tu byung ba de 'dir rkyen/ /'gro ba rnam dag 'gyur ba'i rgyu dang rkyen gnyis te/ /gzhan las mthun pa'i sgra thos pa dang thos nas kyang / /chos rnams stong par nang du tshul bzhin rtog byed pa/ /de ni srid pa'i mtsho la rnam par sgrol bar 'gyur/ /zhi gnas lhag mthong gnyi ga zung du 'brel ldan pa/ /sgom pa gang du'ang 'gro ba med cing 'ong ba med/ /de la skye med 'chi 'pho dang ni rtog med de/ /de ni skyon med reg cing rnam par dag par 'gyur// rkang par ldan nas rig pa gsum ni rjes su nyal/ /bag yod gyur nas rnam thar gsum gyi sgo la sgom/ /zad pa dang ni mi skye shes dang bden pa thob/ /'di ni rnam dag lam du 'dren pa'i rgyu dang rkyen/ /rgyal ba bsam gtan gcig la yang dag snyoms zhugs nas/ /'gog par reg ste de bzhin dran dang ldan par bzhengs/ /rjes </font><hr>244b<br><font size=+1>


su mthun dang mi mthun pa dang thod rgal du/ /chos kyi rgyal po rnam thar brgyad la snyoms par 'jug /mtshungs pa med pa mnyam pa nyid la gnas nas ni/ /ting 'dzin gcig las ting 'dzin bye ba mtha' yas ston/ /sems la 'dres pa med cing chos la rnam rtog med/ /de phyir rgyal ba mnyam par ma bzhag sems kyang med/ /gang dag nyan thos de bzhin rang rgyal ting nge 'dzin/ /byang chub sems dpa'i ting 'dzin rnam pa bye ba dag /de kun bde gshegs ting nge 'dzin gyis zil gyis non/ /gdams pa shes la mkhas pa bde gshegs 'phrin las so/ /rigs kyi bu/ gzhan yang de bzhin gshegs pas bdag dang sems can gzhan rnams dang / gang zag gzhan dag gi sngon gyi gnas rnam pa du ma rjes su dran no/ /'di lta ste/ skye ba gcig rjes su dran no/ /gnyis sam/ gsum mam/ bzhi'am/ lnga'am/ bcu'am/ nyi shu'am/ sum cu'am/ bzhi bcu'am/ lnga bcu'am/ skye ba brgya'am/ skye ba stong ngam/ skye ba brgya phrag stong ngam/ skye ba bye ba brgya phrag stong ngam/ 'jig pa'i bskal pa'am/ 'chags pa'i bskal pa'am| 'jig pa dang 'chags pa'i bskal pa'am/ 'jig pa'i bskal pa du ma'am/ 'chags pa'i bskal pa du ma'am/ 'jig pa dang 'chags pa'i bskal pa du </font><hr>245a<br><font size=+1>


@#/ /ma rjes su dran no/ /sems can de dag ming 'di zhes bya bar gyur to/ /nga der byung ste ming 'di zhes bya/ rus ni/ 'di zhes bya/ rigs ni/ 'di zhes bya/ khas zas ni/ 'di lta bu zhig za za/ kha dog ni/ 'di lta bu/ dbyibs ni/ 'di lta bu/ yun ni/ 'di srid cig tu gnas gnas/ bde ba dang sdug bsngal ni| 'di lta bu zhig myong ste/ bdag de nas shi 'phos nas che ge mo zhig tu skyes so/ /de nas shi 'phos nas 'dir skyes par rnam pa dang bcas/ yul phyogs dang bcas/ gzhi ci las gyur pa dang bcas par bdag dang / sems can gzhan dag gi sngon gyi gnas rnam pa du ma rjes su dran no/ /de sems can de'i sngon gyi gnas rjes su dran no| |sngon gyi rgyu ji lta bu dang / rgyu gang gis sems can gang kun tu byung ba de'i sngon gyi rgyu de bzhin gshegs pas rab tu mkhyen te/ mkhyen nas kyang de bzhin du chos ston to| |'das pa'i sems can thams cad kyi sems kyi rgyu ba'ang de bzhin gshegs pas rab tu mkhyen to/ /sems kyi dmigs pa gang gi 'og tu gang la dmigs pa'i sems skye ba dang / dmigs pa gang gis skyes pa dang / dmigs pa gang mtshang bas 'gags pa de'ang de bzhin gshegs pas rab tu mkhyen to/ /de ltar ji tsam du </font><hr>245b<br><font size=+1>


sems can gcig gi sems gcig nas gcig tu brgyud de 'jug pa sems de lta bu zhig gi 'og tu sems 'di lta bu zhig byung ba de bskal pa gang+gA'i klung gi bye ma snyed du'ang tshig tu bstan pas bstan par dka'o/ /de bzhin du sems can thams cad kyi'ang de lta bur so so'i sems gcig nas gcig tu brgyud pa de bzhin gshegs pas rab tu mkhyen to/ /yongs su brtag pa nye bar bzung ste/ de bzhin gshegs pas phyi ma'i mtha'i mur thug par bstan kyang de'i ye shes mthar thug par mi 'gyur ro/ /de bzhin gshegs pa'i sngon gyi gnas rjes su dran pa'i mkhyen pa 'di ni/ bsam gyis mi khyab cing mtshungs pa med la tshad med de/ de'i mtha'i gnas ni/ bstan par sla ba ma yin no| |sangs rgyas kyi khyu mchog tu gyur pas de bzhin gshegs pa sems can de dag la kye sems can dag /dge ba'i rtsa ba sangs rgyas la bskyed pa'am/ nyan thos la bskyed pa'am/ rang sangs rgyas la bskyed pa de lta bu de dran par gyis shig /dran par gyis shig /ces dran par mdzad do/ /'di lta ste/ sangs rgyas kyi mthus de dag gis kyang dran par 'gyur ro/ /de bzhin gshegs pas de dag la de dge ba'i rtsa ba la dmigs pa des gang gi phyir ci nas kyang theg pas rnam par grol ba las phyir mi </font><hr>246a<br><font size=+1>


@#/ /ldog par 'gyur ba de ltar de ltar chos ston te/ 'di ni/ de bzhin gshegs pa'i de bzhin gshegs pa'i 'phrin las brgyad pa'o/ /de la 'di skad ces bya'o/ /de ni bdag dang de bzhin gzhan dag gi /sngon gyi mtha' ni bye ba khrag khrig dang / /thug pa med par 'jig rten sgron mas dran/ /skyu ru ra lnga phyag mthil bzhag pa bzhin/ /ming rus de bzhin kha dog rnam rtog dang / /tshe gnas 'chi 'pho dang ni 'gro ba dang / /rgyu gang gis ni sems can gang 'ongs pa/ /de la dus mkhyen nas ni chos kyang ston/ /'gro ba'i sems dang sems las byung ba'i chos/ /gang dag 'das pa mtha' yas thug med dang / /gang gi 'og tu sems ni gang 'byung ba/ /ye shes tshe ldan rgyal bas thams cad mkhyen/ /sems can gcig gi sems ni snga ma gang / /'das pa gang yin bde bar gshegs pas mkhyen/ /bskal pa gang+gA'i klung gi bye snyed du/ |de ni bstan kyang de la thug pa med/ /gang yang sngon gyi spyod pa bye ba dag /mtha' yas thug pa med pa bstan kyang ni||mtshungs pa med pa'i ye shes mi zad de// bde gshegs ye shes rgya mtsho de 'dra 'o/ /sems can gang dag bsam pa dge gyur dang / /gang gis sngon chad rgyal ba bsti stang byas/ /sangs rgyas rdzu 'phrul stobs </font><hr>246b<br><font size=+1>


kyi shugs gnas te/ /sngon chad dkar po byas pa dran par byed/ /sngon chad dkar po des byas ci 'dra ba/ /sangs rgyas mthus ni de dag dran par 'gyur/ /de dran nas kyang theg pa gsum gnas te/ /de dag thar lam dge las phyir mi ldog /bde gshegs rnams kyi sngon byung mtha' yas pa/ /sems can kun gyis bsam par mi nus te/ /gang gis sems can thug pa med btul pa/ /skyes bu chen po rnams kyi 'phrin las brgyad/ /rigs kyi bu/ gzhan yang de bzhin gshegs pas lha'i mig rnam par dag pa mi las shin tu 'das pas sems can rnams 'chi 'pho dang / skye ba dang / bzang po dang / ngan pa dang / kha dog mdzes pa dang / kha dog mi sdug pa dang / bde 'gror 'gro ba dang / ngan 'gror 'gro ba rnams gzigs so/ /kye ma sems can 'di dag ni/ lus kyis nyes par spyod pa dang ldan pa/ ngag gis nyes par spyod pa dang ldan pa/ yid kyi nyes par spyod pa dang ldan pa/ 'phags pa rnams la skur pa 'debs pa/ log par lta ba dag ste/ log par lta ba'i las yang dag par blangs pa'i rgyus lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /sems can 'di dag ni/ lus kyis legs par spyod pa dang ldan pa/ ngag gis legs </font><hr>247a<br><font size=+1>


@#/ /par spyod pa dang ldan pa/ yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag par lta ba dag ste| yang dag par lta ba yang dag par blangs ba'i rgyus lus zhig ste shi ba'i 'og tu bde 'gro mthi ris kyi 'jig rten du lha rnams kyi nang du skye bar 'gyur ro/ /zhes ji ltar las kyis nye bar 'gro ba'i sems can dag rab tu mkhyen to/ /de la de bzhin gshegs pa'i lha'i mig ni/ 'di yin te/ mig des phyogs bcu'i 'jig rten chos kyi dbyings kyis klas pa/ nam mkha'i mthas gtugs pa/ tshad med pa/ grangs med pa/ bgrang ba las shin tu 'das pa'i sangs rgyas kyi zhing dag na zhing gang dag kha cig snang ba de dag thams cad ni/ 'jig pa dang / 'chags par gzigs so/ /sems can gang dag kha cig snang ba de dag thams cad ni/ 'chi 'pho ba dang / skye bar gzigs so/ /byang chub sems dpa' gang dag kha cig snang ba de dag thams cad ni/ 'chi 'pho ba dang / mngal du 'jug pa dang / btsa' bar gzigs so/ / sangs rgyas gang dag kha cig snang ba de dag thams cad ni/ mngon par rdzogs par 'tshang rgya ba dang / chos kyi 'khor lo bskor ba dang / tshe'i 'du byed 'dor ba dang / </font><hr>247b<br><font size=+1>


yongs su mya ngan las 'da' bar gzigs so/ /nyan thos gang dag kha cig snang ba de dag thams cad ni/ rnam par grol ba yongs su mya ngan las 'da' bar gzigs so/ / rang sangs rgyas gang dag kha cig snang ba de dag thams cad ni/ rdzu 'phrul ston cing yon sbyong bar gzigs so/ /sems can gang dag snang bar ma gyur pa dag dang / gang dag phyi rol gyi mngon par shes pa lnga dang ldan pa rnams kyi mig gi lam du ma gyur pa dang / nyan thos rnams kyi ma yin pa dang / rang sangs rgyas rnams kyi ma yin pa dang / byang chub sems dpa' dag gi ma yin pa de dag kyang de bzhin gshegs pa'i lha'i mig la snang bar 'gyur ro/ /yang shing rta'i phang lo tsam gyis phyogs na snang bar ma gyur pa'i sems can gang dag de bzhin gshegs pa la snang bar gyur pa de dag ni/ ches mang gi /stong gsum gyi stong chen po'i 'jig rten gyi khams kyi lha dang / mi rnams ni/ de lta ma yin te| de ltar snang bar ma gyur pa'i sems can gyi khams ni/ tshad med do/ /de ltar sangs rgyas kyis 'dul ba'i sems can gang yin zhes de bzhin gshegs pa'i lha'i mig gis sangs rgyas kyi zhing thams cad du sems can gyi khams la rnam par gzigs te/ sangs rgyas kyis 'dul ba'i sems can gyi ris ji snyed pa de dag gi mdun na de snyed kyi de </font><hr>248a<br><font size=+1>


@#/ /bzhin gshegs pa bzhugs shing sems can de dag 'dul yang de dag ma yin pa'i sems can gzhan gyis mi shes te/ 'di ni/ de bzhin gshegs pa'i de bzhin gshegs pa'i 'phrin las dgu pa'o/ /de la 'di skad ces bya'o/ /de bzhin gshegs pa'i lha yi mig ni dri med 'od gsal te/ /mig ni rnam sbyangs mtha' yas bsod nams gzi brjid gzi brjid gyur/ /phyogs bcu dag gi zhing rnams kun tu mtshan nyid rnam gzigs te/ /gang dag byung dang gang dag 'byung bar 'gyur dang gang dag byung / /de na sems can gzugs can gzugs med gang dag yod pa dang / /bde 'gro ngan 'gro dag na rab 'bring tha ma gang mchi dang / /sdig pa byed pa gang dag ngan 'gro rnams su 'gro ba dang / /gang yang mtho ris bsod nams las can de dag rgyal bas gzigs/ /byang chub sems dpa' gang dag zhing rnams kun tu spyad spyod dang / /mngal du 'jug dang 'byung dang byang chub shing drung 'gro ba dang / /gang dag la la byang chub shing drung gnas nas bdud 'dul ba/ /de kun sangs rgyas thams cad gzigs pas lha yi mig gis gzigs/ /sangs rgyas chos kyi rgyal po gang dag byang chub mchog sangs rgyas/ /gang dag chos kyi 'khor lo </font><hr>248b<br><font size=+1>


bskor zhing lha dang mi rnams 'grol/ /sangs rgyas mdzad pa mchog mdzad nas ni rgyal ba tshe 'dor dang / /gang yang mya ngan 'das pa ston pa de dag rgyal bas gzigs/ / gang dag 'dren pa'i chos thos nas ni tshul bzhin rab sbyor ba/ /dam pa bsil bar gyur pa rims med zhi ba'i gnas la reg /gang yang bdag kyang chos thos nas ni srid pa'i rgya mtsho las/ /brgal te bde bar pha rol phyin pa de dag rgyal bas gzigs/ /gsang ba pa dang nyan thos rang rgyal byang chub sems dpa' yi/ /lha mig lam du ma gyur sems can khams ni mtha' yas gang / /de bzhin gshegs pa'i lha mig rnam dag dri ma med pa yis/ /sems can kun gyi lus phra shin tu gnas pa rnams kyang gzigs/ /gang yang phang lo tsam la sems can khams phra rgyal bas gzigs/ /de ni ches mang stong gsum lha mi skye rgu de lta min/ /'gro ba yangs pa dag na sems can khams 'khor mtha' yas pa/ /rab tu shes kyang thams cad gzigs la sems can 'du shes med/ /de bzhin gshegs pas 'dul ba'i sems can dbang po rno ba gang / / de yi mdun na 'jig rten mgon po chos mchog gsung yang ni/ /sems can tshogs gzhan gang gis kyang ni de bzhin gshegs mi mthong / /'di ni 'dren pa'i lha yi mig </font><hr>249a<br><font size=+1>


@#/ /gi stobs kyi 'phrin las yin/ /rigs kyi bu/ gzhan yang de bzhin gshegs pa zag pa thams cad zad pas bdag skye ba ni/ zad/ tshangs par spyod pa ni/ bsten/ bya ba ni/ byas te/ 'di las srid pa gzhan mi shes so/ /zhes zag pa med pa/ sems rnam par grol ba/ rang gi mngon par shes pa mngon sum du byas nas rdzogs par byas te gnas so/ /de la de bzhin gshegs pa'i zag pa zad pa mkhyen pa de ni/ dag pa/ dri ma med pa/ yongs su dag pa/ 'od gsal ba/ bag chags kyis mtshams sbyor ba thams cad legs par bcom pa'o/ /nyan thos rnams kyi zag pa zad pa ni/ tshad yod pa'i bag chags legs par bcom pa'o/ /rang sangs rgyas rnams kyi zag pa zad pa ni/ tshad yod pa/ snying rje chen po dang bral ba/ spobs pa dang bral ba'o/ /de bzhin gshegs pa'i zag pa zad pa ni/ rnam pa thams cad kyi mchog dang ldan pa dang / bag chags kyis mtshams sbyor ba thams cad legs par bcom pa/ snying rje chen pos kun tu bzung ba/ mi 'jigs pa dang / spobs pa dang ma bral ba/ 'jig rten thams cad kyis zil gyis mi non pa ste/ sems kyi skad cig gcig dang ldan pa'o/ /de ci'i phyir zhe na/ de bzhin gshegs pa la las kyi bag </font><hr>249b<br><font size=+1>


chags med/ nyon mongs pa'i bag chags med/ spyod lam 'khrul ba'i bag chags med do/ /'di lta ste/ dper na/ nam mkha' rang bzhin gyis yongs su dag pas rdul dang / du ba dang lhan cig mi gnas pa de bzhin gshegs pa'i zag pa zad pa mkhyen pa de'ang las dang / nyon mongs pa'i bag chags thams cad dang lhan cig mi gnas so| |de zag pa zad pa mkhyen pa de 'di lta bu la rab tu gnas ma thag tu zag pa dang bcas pa/ len pa dang bcas pa'i sems can rnams la zag pa zad par bya ba dang / len pa spang ba'i phyir chos ston to/ /kye ma sems can yang dag pa ma yin pa kun tu rtog pa las kun tu byung ba dag /khyed zag pa dang / len pa de dag la yang dag pa ji lta ba bzhin du so sor rtogs shig /ces de dag la de bzhin gshegs pas ci nas kyang zag pa rnams yang dag pa ma yin par yang dag pa ji lta ba bzhin rab tu shes par 'gyur ba dang / rab tu shes nas kyang chos gang yang mi len te/ de dag mi len pas yongs su mya ngan las 'da' bar 'gyur ba de lta de ltar dpe nye bar bkod pa'i dpe rnams kyis chos ston te/ rigs kyi bu/ 'di ni/ de bzhin gshegs pa'i de bzhin gshegs pa'i 'phrin las bcu pa'o/ /de la 'di skad ces bya'o/ /'dren pa'i </font><hr>250a<br><font size=+1>


@#/ /zag pa zad pa mkhyen pa ni/ /shin tu rgya che ma bsgribs tshad med ldan/ /stobs bcu stobs ni de yis byang chub mchog /zhi ba 'di ni rtogs shing rab tu phye/ /nyan thos rnams kyi zag zad shes pa ni/ /bag chags ma bcom tshad dang ldan pa yin/ /mi yi mchog gi rab mchog 'dren pa yi/ /bag chags bcom zhing tshad dang ldan ma yin/ /de bzhin gang dag rang rgyal byang chub reg /de la snying rje che dang spobs pa med/ /zag pa dag ni yongs su zad gyur nas/ /snying rje che dang spobs pa tshad kyang med/ /sangs rgyas zag zad mkhyen la gnas nas ni/ /'gro ba'i zag pa yang dag ma yin mkhyen/ /rigs pa'i gnas kyi tshul 'di ma shes pas// sems can 'di dag thams cad log par sbyor/ /de la rgyal bas snying rje mi zad bskyed/ /mi rtag stong pa bdag med chos kyang ston/ /chos 'di dngos med sgyu ma lta bur ni| |rtogs la zhi mchog yang dag thob par gyis/ /'di ni srog dang gang zag shes skyes dang / /shed bu de bzhin byed pa po med kyang / /sems can 'di kun log par zhen pas na/ /snying rje bskyed pa ston pa thar pa 'chang / /bde bar gshegs la yongs su skyo med cing / /yang dag shes la nam yang nyes pa med/ /des ni rgyal ba </font><hr>250b<br><font size=+1>


rtag tu rnal 'byor brtson/ /'gro la phan phyir chos kyang rab tu ston/ /'di ni pha rol rgol ba rab 'dul ba/ /stobs bcu ldan gyi rgyal dang mthun pa'i las/ /stobs bcu mnga' ba stobs der gnas nas ni/ /mtshungs med 'khor lo dam pa rab tu bskor/ /bam po lnga pa/ rigs kyi bu/ gzhan yang de bzhin gshegs pa ni/ de bzhin gshegs pa'i mi 'jigs pa bzhi po dag la rab tu gnas te 'phrin las mdzad cing yang dag par rdzogs pa'i sangs rgyas so/ /zhes bdag nyid zhal gyis 'che ba de la lha dang bcas pa'i 'jig rten gang gis kyang khyod kyis chos 'di dag mngon par rdzogs par sangs ma rgyas so/ /zhes chos dang mthun pas de bzhin gshegs pa la rgol mi nus so| |ci'i phyir de bzhin gshegs pa yang dag par rdzogs pa'i sangs rgyas zhes bya zhe na/ de bzhin gshegs pas chos thams cad mi mnyam pa med par yang dag par mngon par rdzogs par sangs rgyas te/ so so'i skye bo'i chos rnams gang yin pa dang / slob pa'i chos rnams gang yin pa dang / mi slob pa'i chos rnams gang yin pa dang / rang sangs rgyas kyi chos rnams gang yin pa dang / byang chub sems dpa'i chos rnams gang yin pa dang / sangs rgyas kyi chos rnams gang yin pa de dag thams </font><hr>251a<br><font size=+1>


@#/ /cad de bzhin gshegs pas mnyam pa nyid du yang dag par mngon par rdzogs par sangs rgyas so/ /'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas kyi chos gang yin pa de dag thams cad kyang de bzhin gshegs pas mnyam pa nyid du yang dag par mngon par rdzogs par sangs rgyas so/ /de la mnyam pa nyid gang zhe na/ lta ba'i ngo bo nyid kyis stong pa nyid du mnyam pa nyid do/ /mtshan ma'i ngo bo nyid kyis mtshan ma med par mnyam pa nyid do/ /khams gsum pa'i ngo bo nyid kyis smon pa med par mnyam pa nyid do/ /skye ba'i ngo bo nyid kyis mi skye bar mnyam pa nyid do/ /mngon par 'du byed pa'i ngo bo nyid kyis mngon par 'du byed pa med par mnyam pa nyid do/ /'byung ba'i ngo bo nyid kyis 'byung ba med par mnyam pa nyid do/ /kun gzhi'i ngo bo nyid kyis kun gzhi med par mnyam pa nyid do/ /dus gsum gyi ngo bo nyid kyis ji lta ba bzhin du mnyam pa nyid do/ /ma rig pa dang / srid pa dang / srid pa'i ngo bo nyid kyis rig pa dang / rnam par grol bar mnyam pa nyid do/ /'khor ba'i ngo bo </font><hr>251b<br><font size=+1>


nyid kyis mya ngan las 'das par mnyam pa nyid de/ de ltar de bzhin gshegs pas chos thams cad mnyam pa nyid du mngon par rdzogs par sangs rgyas pas de'i phyir yang dag par rdzogs pa'i sangs rgyas zhes bya'o/ /de bzhin gshegs pas ji ltar chos de dag mngon par rdzogs par sangs rgyas pa de bzhin du thugs rje chen po la gnas te bstan pa sna tshogs dang / rnam grangs sna tshogs dang / rkyen sna tshogs rnams kyis sems can gzhan dag dang / gang zag gzhan rnams la yang dag par rab tu ston te| de'i chos de'ang de byed pa'i sdug bsngal yang dag par zad par bya ba'i phyir nges par 'byung ngo / /gang dag ston pa ma yin par ston pa'o/ /zhes khas 'che ba dang / yang dag par rdzogs pa'i sangs rgyas ma yin par yang dag par rdzogs pa'i sangs rgyas so/ /zhes khas 'che ba de dag de bzhin gshegs pa'i mi 'jigs pa 'dis zil gyis non par 'gyur zhing med par yang 'gro bar 'gyur te/ 'di ni de bzhin gshegs pa'i de bzhin gshegs pa'i 'phrin las bcu gcig pa'o/ / de la 'di skad ces bya'o/ /rang byung gis ni chos rnams kun/ /mnyam pa nyid du rjes rtogs pas/ /des ni yang dag rdzogs sangs rgyas/ /de bzhin gshegs pas mnyam </font><hr>252a<br><font size=+1>


@#/ /par gzigs/ /so so'i skye bo'i chos rnams dang / /slob dang mi slob chos rnams dang / /rang rgyal chos rnams gang yin pa/ /de dag sangs rgyas chos dang mnyam/ /'jig rten pa dang de bzhin du/ /'jig rten las ni 'das pa dang / /dge dang mi dge gang yin pa/ /mya ngan 'das dang mtshungs shing 'dra/ /stong pa mtshan ma med pa dang / /smon pa rnam par spangs pa dang / /skye med mngon par 'du mi byed/ /thams cad mnyam pa nyid du gzigs/ /de dag rtogs nas thugs rje yis| |sems can rnams la rab ston to/ /des ni sems can rnam par 'grol/ /'di ni thub pa'i las kyi mchog /rigs kyi bu/ gzhan yang de bzhin gshegs pas nga zag pa zad do/ /zhes bdag nyid zhal gyis 'che ba de la lha dang bcas pa'i 'jig rten gang gis kyang khyod zag pa 'di dag ma zad do/ /zhes chos dang mthun pas de bzhin gshegs pa la rgol mi nus so/ /de la de bzhin gshegs pa'i zag pa zad pa ni/ 'di yin te/ 'dod pa'i zag pa rnams las de bzhin gshegs pa'i sems rnam par grol bas 'dod chags la spyod pa'i bag chags thams cad legs par bcom mo/ /srid pa'i zag pa rnams las de bzhin gshegs pa'i </font><hr>252b<br><font size=+1>


sems rnam par grol bas zhe sdang la spyod pa'i bag chags thams cad legs par bcom mo/ /ma rig pa'i zag pa rnams las de bzhin gshegs pa'i sems rnam par grol bas gti mug la spyod pa'i bag chags thams cad legs par bcom mo/ /lta ba'i zag pa rnams las de bzhin gshegs pa'i sems rnam par grol bas nyon mongs pa la spyod pa'i bag chags thams cad legs par bcom ste/ de'i phyir 'jig rten gyi kun rdzob nye bar bzung nas de bzhin gshegs pa zag pa zad pa zhes bya'o/ /don dam par ni/ 'phags pa'i shes rab dang / ye shes kyi mdun na gang yongs su shes par bya ba'am/ spang bar bya ba'am/ bsgom par bya ba'am/ mngon sum du bya bar 'gyur ba'i chos gang yang mi gnas so/ /de ci'i phyir zhe na/ gang zad pa zhes bya ba de ni/ nam du'ang mi zad pa yin no/ /de ni/ shin tu zad pa nyid yin gyi/ gnyen pos zad pa zhes ni/ mi bya ste/ de ni/ ji lta ba bzhin du zad pa'o/ /ji lta ba bzhin du zad pa gang yin pa de la zad pa gang yang med do/ /gang la zad pa gang yang med pa de 'dus ma byas pa'o/ /'dus ma byas pa gang yin pa de la skye ba med/ 'jig pa med/ gnas pa med de/ de'i phyir de bzhin gshegs pa rnams byung yang rung /ma byung yang </font><hr>253a<br><font size=+1>


@#/ /rung ste| chos nyid dang / chos kyi dbyings de ni/ gnas pa nyid do/ /chos kyi dbyings de ji ltar gnas pa de bzhin du de la ye shes zhugs te| ji ltar 'jug pa med pa dang / ldog pa med pa de ltar zhugs so/ /de lta bu'i chos kyi tshul gyis zag pa dang / zag pa spong ba mi dmigs te/ de bzhin gshegs pa ni| thugs rje chen po la gnas nas sems can rnams kyi zag pa spang ba'i phyir sems can rnams la chos ston te/ 'di ni/ de bzhin gshegs pa'i de bzhin gshegs pa'i 'phrin las bcu gnyis pa'o/ /de la 'di skad ces bya'o/ /rgyal bas 'dod pa'i zag pa spangs pas na/ /'dod chags bag chags phyis ni yod ma yin// mi dbang srid pa kun las rnam grol bas/ /de yi nyes pa ma lus yang dag chad/ /bde gshegs rig pa kun la gnas pas na/ /de yi gti mug lhag ma ma lus bral// mi yi seng+ge lta ba kun dang bral/ /des ni nyon mongs spyod pa'i bag chags med/ /kun gyis zag pa zad pa thob 'gyur bar/ /rgyal ba kun rdzob tu ni chos ston to/ /gang zhig 'phel ba dang ni zad 'gyur ba/ /chos de dam pa'i don du yod ma yin/ /zad pa gnyen pos zad pa ma yin te/ /sngon nas zad pas de phyir zad ces bstan/ /zad </font><hr>253b<br><font size=+1>


pa gang yin de ni 'dus ma byas/ de la mtshan nyid gsum ni yod ma yin/ /dbyings de gnas pa yin te 'gyur ba med/ /dbang gi pha rol son pas chos rnams mkhyen/ / de dag shes nas de bzhin chos ston te/ /'di ni rgyal ba'i 'phrin las bcu gnyis pa/ /rigs kyi bu/ gzhan yang de bzhin gshegs pas bar du gcod pa'i chos rnams mtshungs par rab tu gcod par yang dag pa ji lta ba bzhin du rab tu mkhyen pa de la lha dang bcas pa'i 'jig rten gang gis kyang chos 'di dag bar du gcod par mi 'gyur ro| |zhes chos dang mthun pas de bzhin gshegs pa la rgol mi nus so/ /de la bar du gcod pa'i chos rnams gang zhe na/ bar du gcod par 'gyur ba'i chos gcig ste/ gcig gang zhe na/ 'di lta ste/ dang ba med pa'i sems so/ /bar du gcod pa'i chos gnyis te/ gnyis gang zhe na/ 'di lta ste/ ngo tsha mi shes pa dang / khrel med pa'o/ /bar du gcod par 'gyur ba'i chos gsum ste/ gsum gang zhe na/ 'di lta ste/ lus kyis nyes par spyod pa dang / ngag gis nyes par spyad pa dang / yid kyis nyes par spyad pa ste/ gsum po 'di dag go /bar du gcod par 'gyur ba'i chos bzhi ste/ bzhi gang zhe na/ 'di lta ste/ 'gro ba ma yin par 'gro ba bzhi ste/ 'dun pas </font><hr>254a<br><font size=+1>


@#/ /'gro ba ma yin par 'gro ba dang / zhe sdang gis 'gro ba ma yin par 'gro ba dang / gti mug gis 'gro ba ma yin par 'gro ba dang / 'jigs pas 'gro ba ma yin par 'gro ba ste/ bzhi po 'di dag go /bar du gcod par 'gyur ba'i chos lnga ste| lnga gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / chang 'thung ba ste/ lnga po 'di dag go /bar du gcod par 'gyur ba'i chos drug ste/ drug gang zhe na/ 'di lta ste/ sangs rgyas la ma gus pa yin/ chos la ma gus pa yin/ dge 'dun la ma gus pa yin/ bslab pa la ma gus pa yin/ ting nge 'dzin la ma gus pa yin/ gding ba la ma gus pa yin te/ drug po 'di dag go /bar du gcod par 'gyur ba'i chos bdun te/ bdun gang zhe na/ 'di lta ste/ nga rgyal dang / che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal dang / log pa'i nga rgyal te/ bdun po 'di dag go /bar du gcod par 'gyur ba'i chos brgyad de/ brgyad gang zhe na/ 'di lta ste/ log pa'i lta ba dang / log pa'i </font><hr>254b<br><font size=+1>


rtog pa dang / log pa'i ngag dang / log pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting nge 'dzin te/ brgyad po 'di dag go /bar du gcod par 'gyur ba'i chos dgu ste/ dgu gang zhe na/ 'di lta ste/ bdag la gnod pa byas so/ /byed do/ /byed par 'gyur ro/ /zhes kun nas mnar sems kyi sems skyed pa dang / bdag gi mdza' bo gang yin pa de la gnod pa byas so/ /byed do/ /byed par 'gyur ro/ /zhes kun nas mnar sems kyi sems skyed pa dang / bdag dang mi mdza' ba gang yin pa de'i don byas so/ /byed do/ /byed par 'gyur ro/ /zhes kun nas mnar sems kyi sems skyed pa ste/ dgu po 'di dag go /bar du gcod par 'gyur ba'i chos bcu ste/ bcu gang zhe na/ 'di lta ste/ mi dge ba bcu'i las kyi lam rnams yin no/ /bcu gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig kyal pa dang / brnab sems dang / gnod sems dang / log par lta ba ste/ tshul bzhin ma yin pa yid la byed pa dang ldan pa'i kun tu sbyor bar 'gyur ba'i chos rnams ro myang ba la rjes su lta zhing gnas pa dang / phyin ci log </font><hr>255a<br><font size=+1>


@#/ /log dang ldan pa dang / sgrib pas kun nas dkris pa dang / sred pa dang lta ba la mngon par zhen pa'i zang zing dang bcas pa dang / phung po dang bcas pa'i lus kyi las dang / ngag gi las dang / yid kyi las ji snyed pa de dag thams cad bar du gcod pa'i chos su de bzhin gshegs pas mkhyen cing bar du gcod par 'gyur ro/ /zhes de bzhin gshegs pa de bzhin du yang dag pa ji lta ba bzhin du ston te/ 'di dag ni/ bar du gcod par 'gyur ba'i chos rnams so| |bar du gcod par 'gyur ba'i chos de dag zhi bar bya ba dang / nye bar zhi bar bya ba dang / spang bar bya ba'i phyir de bzhin gshegs pas chos ston te/ 'di ni/ de bzhin gshegs pa'i de bzhin gshegs pa'i 'phrin las bcu gsum pa'o/ /de la 'di skad ces bya'o/ /rgyal ba yis ni chos gang rjes rtogs pa/ /de dag bsten na rnam par grol mi thob/ /gang la dad pa spang ba yod pa dang / /gang la ngo tsha khrel ltas cung zad med/ /de bzhin lus dang ngag dang sems sdom pa/ /gang dag la ni nam yang med pa dang / /'dun pa dang ni zhe sdang gti mug nas/ /srog gcod gzhan gyi longs spyod 'jig pa'i bdag /gzhan gyi chung ma rdzun smra de bzhin chang / /ma </font><hr>255b<br><font size=+1>


gus drug po dag dang nga rgyal bdun/ /log pa brgyad ni gang yin de dag kyang / /thams cad rnam par grol ba'i lam gyi gegs/ /kun nas mnar sems dngos po dgur gsungs dang / /mi dge bcu po'i las kyi lam rnams dang / /gang yang tshul bzhin mi ldan de dag la/ /mngon par shes dang thar pa nam yang med/ /de dag phyin ci log dang ldan pa dang / /mthar zhen yang dag ma yin chags rig nas/ /chos rnams 'di dag rnam par spang ba'i phyir/ /rgyal ba dbang po byams pas 'chad pa mdzad/ /rigs kyi bu| gzhan yang de bzhin gshegs pas 'phags pa'i nges par 'byung ba'i lam ni/ de byed pa'i sdug bsngal yang dag par zad par 'gyur ba'i 'phags pa'i nges bar 'byung ba'i lam du yang dag pa ji lta ba bzhin du rab tu mkhyen te/ de la brten na sems can rnams nges par 'byung ba de la lha dang bcas pa'i 'jig rten gang gis kyang 'di nges par 'byung ba'i lam ma yin no/ /zhes chos dang mthun pas de bzhin gshegs pa la rgol mi nus so/ /nges par 'byung ba'i lam gang zhe na/ 'di lta ste/ sems can rnams rnam par dag par 'gyur ba'i bgrod pa gcig pu'i lam mo/ /nges par 'byung ba'i lam gyi chos gnyis te/ gnyis gang zhe na/ 'di lta ste/ zhi gnas dang / </font><hr>256a<br><font size=+1>


@#/ /lhag mthong ngo / /nges par 'byung ba'i lam gyi chos gsum ste/ gsum gang zhe na/ 'di lta ste/ stong pa nyid dang / mtshan ma med pa dang / smon pa med pa ste/ gsum po 'di dag go /nges par 'byung ba'i lam gyi chos bzhi ste/ bzhi gang zhe na/ 'di lta ste/ lus su gtogs pa'i dran pa dang / tshor bar gtogs pa dang / sems su gtogs pa dang / chos su gtogs pa'i dran pa ste/ de la nang gi lus la lus kyi rjes su lta ba'i dran pa nye bar gzhag pa dang / phyi'i lus la lus kyi rjes su lta ba'i dran pa nye bar bzhag pa dang / nang dang phyi'i lus la lus kyi rjes su lta ba'i dran pa nye bar gzhag pa dang / nang gi tshor ba dang / phyi'i tshor ba dang / nang dang phyi'i tshor ba la tshor ba'i rjes su lta ba'i dran pa nye bar gzhag pa dang / nang gi sems dang / phyi'i sems dang / nang dang phyi'i sems la sems kyi rjes su lta ba'i dran pa nye bar gzhag pa dang / nang gi chos dang / phyi'i chos dang / nang dang phyi'i chos rnams la chos kyi rjes su lta ba'i dran pa nye bar gzhag pa ste/ bzhi po 'di dag go /nges par 'byung ba'i lam gyi chos lnga ste/ lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang </font><hr>256b<br><font size=+1>


po dang / ting nge 'dzin gyi dbang po dang / shes rab kyi dbang po ste/ lnga po 'di dag go /nges par 'byung ba'i lam gyi chos drug ste/ drug gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa ste/ drug po 'di dag go /nges par 'byung ba'i lam gyi chos bdun te/ bdun gang zhe na/ 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ bdun po 'di dag go /nges par 'byung ba'i lam gyi chos brgyad de/ brgyad gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ brgyad po 'di dag go /nges par 'byung </font><hr>257a<br><font size=+1>


@#/ /ba'i lam gyi chos dgu ste/ dgu gang zhe na/ 'di lta ste/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci'ang med pa'i skye mched kyi snyoms par 'jug pa dang / 'du shes med 'du shes med min skye mched la snyoms par 'jug pa dang / 'du shes dang tshor ba 'gog pa'i snyoms par 'jug pa ste/ dgu po 'di dag go /nges par 'byung ba'i lam gyi chos bcu ste/ bcu gang zhe na/ 'di lta ste/ dge ba bcu'i las kyi lam rnams so/ /de dag kyang gang zhe na/ 'di lta ste/ srog gcod pa spong ba dang / ma byin par len pa spong ba dang / 'dod pas log par g.yem pa spong ba dang / brdzun du smra ba spong ba dang / phra ma spong ba dang / ngag rtsub po spong ba dang / tshig kyal pa spong ba dang / brnab sems spong ba dang / gnod sems spong ba dang / log par lta ba spong ba ste/ nges par 'byung ba'i lam gyi chos bcu po 'di dag go /de ltar ji tsam byang chub kyi phyogs kyi chos dge ba tshul khrims kyi phung po dang ldan pa'am/ ting nge 'dzin gyi phung po dang ldan pa'am/ shes rab kyi phung po dang ldan pa'am/ rnam par grol </font><hr>257b<br><font size=+1>


ba'i phung po dang ldan pa'am/ rnam par grol ba'i ye shes mthong pa'i phung po dang ldan pa'am/ 'phags pa'i bden pa dang ldan pa de'ang nges par 'byung ba'i lam zhes bya'o/ / gzhan yang nges par 'byung ba'i lam zhes bya ba ni/ gang yang yang dag par sgrub pa'o/ /yang dag par sgrub pa gang yin pa de la ni gsog pa'am/ mi gsog pa'am/ blang pa'am/ dor ba'am/ gzung ba'am/ spong ba'i chos gang yang med do/ /de ci'i phyir zhe na/ yang dag par zhugs pa ni gnyis la blo mi 'jug ste/ chos thams cad gnyis su med par yang dag pa ji lta ba bzhin du ye shes kyis mthong ba ni nges par 'byung ba'i lam ste/ de bzhin gshegs pa nges par 'byung ba'i lam de sems can rnams la yang dag par ston to/ /de la brten na/ de byed pa'i sdug bsngal yang dag par zad par 'gyur ba'i phyir sems can rnams nges par 'byung ste/ 'di ni de bzhin gshegs pa'i de bzhin gshegs pa'i 'phrin las bcu bzhi pa'o/ /de la 'di skad ces bya'o/ /gang sbyangs bde ba tshad med 'gyur ba dang / /gang brten pas na mis ni zhi rig pa/ /thams cad rgyal bas mkhyen te rang thos shing / /mkhyen nas 'chi med 'gro ba'i chos ston to/ /rgyal bas bsngags pa dge ba byang chub phyogs/ /dge chos mang po ji snyed yod pa dag / </font><hr>258a<br><font size=+1>


@#/ /blo gros can gyis bsten na mi 'grol ba'i/ /gnas med ces ni bde bar gshegs pas bshad/ /yang dag chos la mkhas dang yang dag ldan| |tshul bzhin gyis ni nyon mongs rgya chen zhi/ /chos min ma zhen chos la'ang ma yin pa/ /de ni rnam grol nad med zhi la reg /rten la mkhas pa gang zhig chos rnams la| |gsob gsog ya ma brla dang mkha' 'dra dang / /sgyu ma'i gzugs mtshungs rmi lam 'drar rtog pa/ /de ni srid pa'i mtsho las thar par 'gyur/ /'di ni drang srong rgyal po thub pa'i las/ /snying rje bskyed nas skye bo myos pa dang / /gang phyir srid pa'i 'khor lo las 'grol ba/ /de phyir de dag 'dra ba med pa yin/ /rigs kyi bu/ gzhan yang gang gi phyir de'i lus 'khrul pas byis pa'am/ mkhas pas kyang rung ste/ chos dang mthun pas rgol bar 'gyur ba'i 'khrul pa de bzhin gshegs pa la med do/ /de ci'i phyir zhe na/ sangs rgyas bcom ldan 'das rnams ni/ sku'i 'phrin las 'khrul pa med pa dang ldan pa ste/ kun tu gzigs pa dang / rnam par gzigs pa dang / bskum pa dang / rmyang ba dang / chos gos snam sbyar dang / than ba dang / lhung bzed dang / chos gos thogs pas spyod lam mdzes par bzhud pa dang / byon pa dang / 'chag </font><hr>258b<br><font size=+1>


pa dang / bzhengs pa dang / bzhugs pa dang / gzims pa dang / grong dang / grong khyer dang / grong rdal du 'jug pa dang / 'byung ba na zhabs kyi mthil sa la mi reg ste| 'khor lo rtsibs stong pas las 'byung zhing dri yid du 'ong ba'i pad+ma mngon par 'byung ste/ de la de bzhin gshegs pa'i zhabs 'jog go /de la gang dud 'gro'i skye gnas su song ba'i sems can gang dag de bzhin gshegs pa'i zhabs la reg pa de dag zhag bdun rab tu bde ba dang ldan par 'gyur ro/ /shi 'phos na'ang bde 'gro mtho ris kyi 'jig rten du skye bar 'gyur ro/ /de bzhin gshegs pa'i sku la chos gos sor bzhin tsam gyis mi reg mod kyi/ rnam par 'thor rlung gi rlung gis kyang bzlog bar mi nus so/ /sku'i 'od kyis mnar med pa'i bar gyi sems can bde bar byed de/ de'i phyir de bzhin gshegs pa'i sku la 'khrul pa med ces bya'o/ /rigs kyi bu/ yang gang gi phyir de'i gsung gi 'khrul pas byis pa'am/ mkhas pas kyang rung ste/ chos dang mthun pas rgol bar 'gyur ba'i gsung gi 'khrul pa de bzhin gshegs pa la med do| |de ci'i phyir zhe na/ rigs kyi bu/ de bzhin gshegs pa ni/ dus su gsung ba/ tshigs su gsung ba/ yang dag par gsung ba/ bden par gsung ba/ ji </font><hr>259a<br><font size=+1>


@#/ /skad gsungs pa de bzhin du mdzad pa'o/ /shin tu nges pa'i tshig dang ldan pa'o/ /sems can thams cad tshim par byed pa'i tshig dang ldan pa'o/ / mi zlos pa'i tshig dang ldan pa'o/ /don dang tshig 'brus ba rgyan pa'i tshig dang ldan pa'o/ /skad cig brjod pas sems can thams cad kyi bsam pa tshim par brnyed pa ste/ de'i phyir de bzhin gshegs pa'i gsung 'khrul pa med ces bya'o/ /rigs kyi bu/ yang gang gi phyir de'i thugs 'khrul pas byis pa'am/ mkhas pas kyang rung ste/ chos dang mthun pas rtsod par 'gyur ba'i sems kyi 'khrul pa de bzhin gshegs pa la med do/ /de ci'i phyir zhe na/ 'di ltar de bzhin gshegs pa ni/ mnyam par bzhag pa'i gnas mi 'dor zhing sangs rgyas kyi mdzad pa thams cad mdzad kyang sems der mi gtong zhing chos thams cad la chags pa med pa'i ye shes kyi mthong ba 'jug ste/ de'i phyir de bzhin gshegs pa'i sems 'khrul pa med ces bya'o/ /ji ltar de'i sems 'khrul pa med pa de bzhin du 'khrul pa thams cad sel ba'i phyir sems can rnams la chos ston te/ 'di ni/ de bzhin gshegs pa'i de bzhin gshegs pa'i 'phrin las bco lnga pa'o/ /de la 'di skad ces bya'o/ /sku dang gsung dang thugs kyi 'khrul </font><hr>259b<br><font size=+1>


pa dag /rnam par 'dren la cung zad yod ma yin/ /'jig rten mgon po kha na ma tho med/ /'khrul med 'gro la phan byed kun nas gzigs/ /ji ltar rgyal ba cung zad 'khrul med pa| |de ltar chos mchog zhi ba 'gro la ston/ /'khrul pa 'di dag thams cad rnam spangs pa/ /'di ni rgyal ba'i 'phrin las bco lnga pa/ /rigs kyi bu/ gzhan yang de'i ca co gang las bdud dam/ bdud kyi ris kyi lha'am/ gzhan mu stegs can dag gis glags rnyed par 'gyur ba'i ca co de bzhin gshegs pa la med do/ /de ci'i phyir zhe na| de bzhin gshegs pa la ca co'am/ rjes su ca co med do/ /de ci'i phyir zhe na/ de bzhin gshegs pa ni/ rjes su chags pa dang / khong khro ba dang bral ba ste/ sems can thams cad kyis bkrus ti byas kyang mtho bar mi sems/ sems can thams cad kyis bkur sti ma byas kyang sro shi bar mi 'gyur ro/ /gang gi phyir de 'gyod pas rjes su ca co 'byung bar 'gyur ba bya dka' ba'i bya ba'am/ mthar ma phyin pa cung zad kyang de bzhin gshegs pa la med do/ /de bzhin gshegs pa ni/ 'jig rten gang dang yang rtsod pa ma yin te/ de'i phyir de bzhin gshegs pa la ca co med do/ /de bzhin gshegs pa ni/ nyon mongs pa med pa la gnas pa ste/ nga yi ba med pa/ yongs su 'dzin pa </font><hr>260a<br><font size=+1>


@#/ /med pa| len pa med pa/ mdud pa thams cad dang bral ba ste/ de'i phyir de bzhin gshegs pa la ca co med do/ /ji ltar de la ca co med pa de bzhin du sems can thams cad kyis ca co thams cad spang pa'i phyir chos ston to/ 'di ni/ de bzhin gshegs pa'i de bzhin gshegs pa'i 'phrin las bcu drug pa'o| |de la 'di skad ces bya'o/ /bsngags pa thos kyang mtho bar sems pa med/ /mi bsngags thos kyang sro shir mi 'gyur te/ /rjes su chags dang khrong khror 'gyur ba med| |sngon spyod legs par spyad pa smad pa min/ /rgyal bas nyon mongs med pa rtag tu bsgoms/ /de la nga yi med cing 'dzin mdud med/ /ji ltar gnas pa de ltar chos ston te/ /'di ni bden pa mthong ba'i lam gyi mchog /rigs kyi bu/ gzhan yang bsnyel ba gang gis chos gang la'ang rmongs par 'gyur ba'i bsnyel ba de bzhin gshegs pa la med do/ /de ci'i phyir zhe na/ de bzhin gshegs pa ni/ bsam gtan dang / rnam par thar pa dang / ting nge 'dzin dang / snyoms par 'jug pa thams cad la bsnyel ba med do/ /de bzhin gshegs pa ni/ sems can thams cad kyi sems kyi spyod pa dang / g.yo ba la rnam par lta zhing so so ci rigs par chos ston </font><hr>260b<br><font size=+1>


pa la bsnyel ba med do/ /de bzhin gshegs pa ni/ don dang / chos dang / nges pa'i tshig dang / spobs pa so so yang dag par rig pa rnams la bsnyel ba med do/ /de bzhin gshegs pa ni/ 'das pa dang / ma 'ongs pa dang / da ltar byung ba la chags pa med pa'i ye shes mthong ba la bsnyel ba med do/ /de bzhin gshegs pa ji ltar bdag bsnyel ba med pa de ltar sems can thams cad brjod par mi 'gyur bar chos ston te/ 'di ni/ de bzhin gshegs pa'i de bzhin gshegs pa'i 'phrin las bcu bdun pa'o/ /de la 'di skad ces bya'o/ /chos dang ye shes rnam thar spyod yul la/ /rnam par 'dren pa bsnyel ba med pa ste/ /bsam pa ji bzhin chos rnams bstan pa'i phyir/ /sems can bsam pa rnams la spyod mtha' yas/ /so so yang dag rig la bsnyel ba med/ /dus gsum la ni ye shes bsgribs pa med/ /ji ltar mi bsnyel de ltar chos ston te/ 'di ni skyes mchog rnams kyi 'phrin las yin/ /rigs kyi bu/ gzhan yang de bzhin gshegs pa la sems mnyam par ma bzhag pa med do/ /de bzhin gshegs pa ni / 'chag gam/ bzhengs sam/ bzhugs sam/ gzigs sam/ bshos gsol lam/ gsung ngam/ cang mi gsung yang rung ste/ rtag tu mnyam par bzhag pa/ </font><hr>261a<br><font size=+1>


@#/ /ting nge 'dzin zab mo'i mchog thob pa/ sgrib pa med pa'i bsam gtan la bsam gtan byed pa ste/ de bzhin gshegs pa'i byin gyis rlabs ma gtogs par sems can gyi ris na sems can gang mnyam par bzhag kyang rung / mnyam par ma bzhag kyang rung ste/ su yang de bzhin gshegs pa'i sems la lta bar nus pa med do/ /de bzhin gshegs pa ji ltar rtag tu mnyam par bzhag pa de ltar de bzhin gshegs pa sems can rnams ting nge 'dzin las mi g.yeng bar bya ba'i phyir chos ston to/ /'di ni/ de bzhin gshegs pa'i de bzhin gshegs pa'i 'phrin las bco brgyad pa'o/ /de la 'di skad ces bya'o/ /bzhengs sam bzhugs sam gzims sam 'chag pa rnams su yang / /sangs rgyas sems ni mnyam par ma bzhag nam yang med/ /mi gsung bzhugs dang gsung pa dang ni bshos gsol dang / /rgyal ba mnyam par bzhag la g.yeng ba mi dmigs so/ /gang zhig bde gshegs mnyam par bzhag pa'i sems shes pa/ /gang zag de ni phyogs bcu dag na'ang yod ma yin/ /de ni ji ltar mnyam bzhag de ltar 'gro ba la/ /rtag tu chos rnams ston te 'di ni rgyal ba'i las/ /rigs kyi bu/ gzhan yang tha dad pa'i 'du </font><hr>261b<br><font size=+1>


shes gang gis sems mi mnyam par gnas par 'gyur ba'i tha dad pa'i 'du shes de bzhin gshegs pa la med do/ /de ci'i phyir zhe na/ nam mkha' bzhin du zhing mi zad pa'i phyir de bzhin gshegs pa zhing rnams la tha dad pa'i 'du shes med do/ /rang bzhin gyis bdag med pa'i phyir de bzhin gshegs pa sems can rnams la tha dad pa'i 'du shes med do| |chos kyi dbyings 'dres pa med cing mnyam pa nyid du shes pa'i phyir de bzhin gshegs pa sangs rgyas kyi zhing rnams la tha dad pa'i 'du shes med do/ /'dod chags dang bral ba'i chos nyid kyi phyir de bzhin gshegs pa chos rnams la tha dad pa'i 'du shes med do/ /de bzhin gshegs pa ni/ tshul khrims dang ldan pa rnams la'ang rjes su chags pa med/ tshul khrims 'chal pa rnams la'ang khong khro ba med/ phan btags pa rnams la'ang lan du phan 'dogs pa med/ gnod pa byas pa rnams la'ang lan du gnod pa byed pa med/ 'dul bar 'os pa rnams la'ang mnyam pa nyid du ma yin/ log par nges pa rnams la'ang smod pa ma yin gyi/ de bzhin gshegs pa ni| chos thams cad la mnyam pa nyid du gnas pa ste/ de'i phyir de bzhin gshegs pa la tha dad pa'i 'du shes med ces bya'o/ /ji ltar de bzhin gshegs pa la tha </font><hr>262a<br><font size=+1>


@#/ /dad pa'i 'du shes med pa de ltar sems can thams cad kyi tha dad pa'i 'du shes spang ba'i phyir chos ston te/ 'di ni/ de bzhin gshegs pa'i de bzhin gshegs pa'i 'phrin las bcu dgu pa'o/ /de la 'di skad ces bya'o/ /zhing dang sems can de bzhin chos rnams la/ /tha dad 'du shes bde bar gshegs pa med| /mnyam nyid gnas shing grags pa che rnams la/ /tha dad 'du shes nam yang yod ma yin/ /khrims ldan kha na ma tho med pa'i khrims/ /sems can 'dul ba'i 'os dang gdul dka' ba/ /de la rkang gnyis dam pa sems mnyam ste/ /sems can tha dad 'dzin pa thar par byed/ /rigs kyi bu/ gzhan yang de bzhin gshegs pa la so sor ma brtags pa'i btang snyoms med do/ /de ci'i phyir zhe na/ de bzhin gshegs pa'i btang snyoms ni/ lam bsgoms pa yin gyi/ lam ma bsgoms pa ma yin te/ lus bsgoms pa/ sems bsgoms pa/ tshul khrims bsgoms pa'o/ /de bzhin gshegs pa'i btang snyoms ni/ shes rab bsgoms pa yin gyi| ma bsgoms pa ma yin no/ /de bzhin gshegs pa'i btang snyoms ni/ ye shes dang ldan pa yin gyi/ gti mug dang ldan pa ma yin no/ /de bzhin gshegs </font><hr>262b<br><font size=+1>


pa'i btang snyoms ni/ 'jig rten las 'das pa yin gyi/ 'jig rten par ltung ba ma yin no/ /de bzhin gshegs pa'i btang snyoms ni/ 'phags pa nges par 'byung ba yin gyi| 'phags pa ma yin pa nges par mi 'byung ba ma yin no/ /de bzhin gshegs pa'i btang snyoms ni/ chos kyi 'khor lo bskor ba ste/ sems can la snying rje chen po dang bral ba ma yin no/ /de bzhin gshegs pa'i btang snyoms de ni/ rang gi tshul gyis sgrub pa ste/ gnyen po'i rjes su song ba ma yin/ mtho bar sems pa ma yin/ dma' bar sems pa ma yin te/ gnas pa mi g.yo bar gyur pa/ dmigs pa dang bral ba/ rtog pa dang sel ba las shin tu 'das pa/ dus la lta ba/ dus las ma yol ba| mi g.yo ba/ mi sems pa/ mi rtog pa/ rnam par mi rtog pa/ rnam par ma bsgrubs pa/ bstan du med pa/ yang dag pa/ de kho na/ de bzhin nyid/ gzhan ma yin pa de bzhin nyid de/ de bzhin gshegs pa ni/ btang snyoms chen po de lta bu phun sum tshogs pas sems can thams cad la btang snyoms de lta bu yongs su rdzogs par bya ba'i phyir chos ston te/ 'di ni/ de bzhin gshegs pa'i de bzhin gshegs pa'i 'phrin las nyi shu ba'o/ /de la 'di skad ces bya'o/ /legs spyad lam mchog </font><hr>263a<br><font size=+1>


@#/ /shin tu bsgoms pa'i phyir/ /so sor ma brtags btang snyoms yod ma yin/ /gang zag mchog ni lus dang de bzhin sems/ /tshul khrims shes rab bden pa shin tu bsgoms/ /rgyal ba rjes su chags dang khong khro med/ /rtog dang rnam par rtog dang rnam bsgrubs med/ /btang snyoms yang dag de bzhin gzhan ma yin/ /de ltar yin yang 'gro ba kun la 'chad/ /rigs kyi bu/ gzhan yang de bzhin gshegs pa'i 'dun pa nyams pa med do/ /de la 'dun pa gang zhe na/ 'di lta ste/ dge ba'i chos la 'dun pa'o/ /de'ang gang zhe na/ byams pa chen po la de bzhin gshegs pa'i 'dun pa nyams pa med do/ /snying rje chen po la de bzhin gshegs pa'i 'dun pa nyams pa med do/ /chos ston pa la 'dun pa nyams pa med do/ /sems can 'dul ba la 'dun pa nyams pa med do/ /sems can yongs su smin par bya ba la 'dun pa nyams pa med do/ /rab tu dben pa la 'dun pa nyams pa med do/ /sems can byang chub yang dag par 'dzin du 'jug pa la 'dun pa nyams pa med do/ /dkon mchog gsum gyi rigs rgyun mi gcod pa la 'dun pa nyams pa med do/ /de bzhin gshegs pa ni/ 'dun pas 'gro ba ma yin gyi/ de </font><hr>263b<br><font size=+1>


bzhin gshegs pa'i 'dun pa ni/ ye shes sngon du 'gro ba nyid de/ de'i phyir de bzhin gshegs pa'i 'dun pa nyams pa med ces bya'o/ /sems can thams cad la bla na med pa'i 'dun pa yongs su rdzogs par bya ba'i phyir chos kyang ston te/ 'di ni/ de bzhin gshegs pa'i de bzhin gshegs pa'i 'phrin las nyi shu rtsa gcig pa'o/ |de la 'di skad ces bya'o/ /rgyal ba'i 'dun pa rtag tu dge ba'i chos kyi tshul la 'dod cing dga'/ /sems can rab tu thar par bya phyir byams dang snying rje chos kyang sbyin| |sems can yongs smin bya dang nags tshal dga' la mos pa nyams pa med/ /rab tu mang po byang chub 'dzin 'jug dkon mchog gsum gyi rgyun mi gcod/ /'dod dang zhe sdang dang ni 'jigs dang gti mug gis ni 'gro ma yin/ /khyad par gyur nas mkhas de shes pas byas pa'i chos kun rtogs par 'gyur/ /rgyal ba sems can 'dun bral le lo can dag mthong nas 'dun la sbyor/ /gang gis 'gro ba 'dun pa'i las ni mtshungs pa med pa'i shes pas rig /rigs kyi bu/ gzhan yang de bzhin gshegs pa'i brtson 'grus nyams pa med do/ /de la de bzhin gshegs pa'i brtson 'grus ni/ 'di yin te/ 'di lta ste/ 'dul ba'i sems can </font><hr>264a<br><font size=+1>


@#/ /rnams yal bar mi 'dor ba'i brtson 'grus dang / chos nyan pa dag la brnyas pa med pa'i brtson 'grus so/ /gal te de bzhin gshegs pas chos kyi snod chos nyan pa gang bskal par yang chos nyan pas skyo bar mi 'gyur ba rnyed na/ de bzhin gshegs pa'ang chos ston/ kha zas dang bral ba'i rgyud du gyur kyang bskal par yang mi ldang ngo / /de bzhin gshegs pa ni/ sems can la lta bas tha na gang na sangs rgyas kyis 'dul ba'i sems can gcig gi phyir yang sangs rgyas kyi zhing gang+gA'i klung gi bye ma snyed 'da' zhing bzhud de/ de bzhin gshegs pa la sku mnyel ba'am/ gsung mnyel ba'am/ thugs mnyel ba med do/ /de bzhin gshegs pa ni/ sems shin tu sbyangs pa/ brtson 'grus brtsams pa/ brtson 'grus kyi bsngags pa smra ba ste/ yang dag par sbyor ba'i brtson 'grus gang gis sems can rnams kyis 'phags pa'i rnam par grol ba thob par 'gyur ba'i brtson 'grus de sems can rnams la bsngags par byed de/ 'di ni/ de bzhin gshegs pa'i de bzhin gshegs pa'i 'phrin las nyi shu rtsa gnyis pa'o/ /de la 'di skad ces bya'o/ /brtson 'grus gang gis mi yi seng+ge 'phags 'gyur ba/ /brtson 'grus </font><hr>264b<br><font size=+1>


stobs de'i bsngags pa rtag tu rjod par byed/ /brtson 'grus stobs ni gang du'ang nyams pa yod min te/ /snod du gyur ba rnyed nas chos kyang ston par byed/ /bde bar gshegs kyi brtson 'grus gnas pa yod min te/ /lus dang ngag dang sems ni gang du'ang skyo ba med/ /ji ltar rang byung brtson 'grus kun tu sdig med pa/ /de ltar blo sbyangs sems can yang dag 'dzin du 'jug /rigs kyi bu/ gzhan yang de bzhin gshegs pa'i dran pa ni/ thams cad kyi thams cad rnam pa thams cad kyi thams cad du nyams pa med do| |de ci'i phyir zhe na/ de bzhin gshegs pa la bsnyel ba med do/ /rigs kyi bu/ de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas ma thag tu 'das pa dang / ma 'ongs pa dang / da ltar byung ba'i sems can rnams kyi sems kyi rgyud la rnam par gzigs kyang de la de bzhin gshegs pa bsnyel ba shin tu med do/ /sems can gyi spyod pa ji lta ba bzhin du mkhyen kyang de la de bzhin gshegs pas ye shes kyang gtong ba med do// de bzhin gshegs pa ni/ phung po gsum du rnam par dgod pa dang / sems can gyi dbang po la 'jug pa dang / sems can gyi bsam pa la 'jug pa dang sems </font><hr>265a<br><font size=+1>


@#/ /can gyi spyod pa la rnam par gzigs pas dran pa nyams pa med pa nyid de/ de bzhin gshegs pa ni/ dran par byas sam/ bsam mam| rnam par brtags te sems can rnams la chos ston pa med do/ /ston kyang nyams pa med do/ /de ci'i phyir zhe na/ de bzhin gshegs pa'i dran pa ni/ ji ltar nyams pa med do/ /de ji ltar bdag dran zhing bsnyel ba med pa de ltar sems can rnams la chos ston te/ 'di ni/ de bzhin gshegs pa'i de bzhin gshegs pa'i 'phrin las nyi shu rtsa gsum pa'o/ /de la 'di skad ces bya'o/ /ston pa'i dran pa gang yang nyams med de/ /rgyal ba'i dran pas dran par bya ba med/ /rgyal bas gang tshe byang chub sangs rgyas nas/ /'gro ba'i sems ni ma lus rnam par mkhyen/ /bsam pa dbang po sems can spyod pa dag /phyis kyang rnam par shes par bya ba med| |lhun gyis grub pa'i bya bar gnas nas ni/ /rgyal ba'i dbang po 'gro la chos ston to/ /rigs kyi bu/ gzhan yang de bzhin gshegs pa'i ting nge 'dzin nyams pa med do| |de bzhin gshegs pa'i ting nge 'dzin gang yin pa de ni/ chos thams cad mnyam pa nyid dang / chos thams cad mi mnyam pa ma yin pa dang / chos </font><hr>265b<br><font size=+1>


thams cad ji lta ba bzhin no/ /ci'i phyir de bzhin gshegs pa'i ting nge 'dzin nyams par mi 'gyur zhe na/ de bzhin nyid gang dang mnyam pa de dang ting nge 'dzin mnyam mo/ / ting nge 'dzin gang dang mnyam pa de dang de bzhin gshegs pa mnyam ste/ de'i phyir mnyam par bzhag pa zhes bya'o/ /'dod chags kyi mtha' gang dang mnyam pa 'dod chags dang bral ba'i mtha' yang de dang mnyam mo/ /zhe sdang gi mtha' gang dang mnyam pa zhe sdang dang bral ba'i mtha' yang de dang mnyam mo/ /gti mug gi mtha' gang dang mnyam pa gti mug dang bral ba'i mtha' yang de dang mnyam mo/ /'dus byas kyi mtha' gang dang mnyam pa 'dus ma byas kyi mtha' yang de dang mnyam mo/ /'khor ba'i mtha' gang dang mnyam pa mya ngan las 'das pa'i mtha' yang de dang mnyam ste/ mnyam pa nyid de dag la snyoms par zhugs pas de'i phyir mnyam par bzhag pa zhes bya'o/ /de'i phyir de bzhin gshegs pa'i ting nge 'dzin nyams pa med ces bya'o/ /de ci'i phyir zhe na/ mnyam pa nyid de la nyams pa med/ yongs su nyams pa med do/ /de bzhin gshegs pa'i ting nge 'dzin de'ang mig dang ldan pa ma yin/ rna ba dang / sna dang / lce dang / lus dang / yid dang ldan pa ma yin mod kyi/ /de bzhin gshegs pa dbang po ma tshang </font><hr>266a<br><font size=+1>


@#/ /ba'ang ma yin no/ /de bzhin gshegs pa'i ting nge 'dzin ni/ sa'i khams la mi gnas so/ /chu'i khams la ma yin/ me'i khams la ma yin te| rlung gi khams la'ang mi gnas so/ /'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas/ 'jig rten 'di la mi gnas/ 'jig rten pha rol la mi gnas so/ /mi gnas pa'i phyir nyams pa med de/ de'i phyir de bzhin gshegs pa'i ting nge 'dzin nyams pa med ces bya'o| |de bzhin gshegs pa sems can thams cad kyang ting nge 'dzin thob par bya ba'i phyir chos ston te/ 'di ni/ de bzhin gshegs pa'i de bzhin gshegs pa'i 'phrin las nyi shu rtsa bzhi pa'o/ /de la 'di skad ces bya'o/ /sangs rgyas rtag tu mnyam par bzhag /de yi ting 'dzin nyams pa med/ /chos rnams kun dang mnyam par ldan/ /sangs rgyas mnyam nyid mnyam par bzhag /sa chu me la ma yin te/ /rlung dang 'dod gzugs gzugs med la/ /rgyal ba gnas te bsam gtan min// des 'di ting 'dzin nyams pa med/ /rigs kyi bu/ gzhan yang de bzhin gshegs pa'i shes rab nyams pa med do/ /shes rab gang zhe na/ gang chos thams </font><hr>266b<br><font size=+1>


cad rab tu shes pa ste/ gzhan gyi dring mi 'jog pa'i shes pa'o/ /sems can gzhan dag dang / gang zag gzhan rnams la chos yang dag par ston pa'i shes pa'o/ /so so yang dag par rig pa la \?\ mkhas pas tshig rab tu dbye ba shes pa'o/ /tshig gcig la 'jug pas bskal pa brgya stong du gnas shing ston pa shes pa'o/ /ji ltar dris pa bzhin du the tshom gcod pa'i shes pa'o/ /thams cad du chags pa med pa shes pa'o/ /theg pa gsum rnam par dgod pa bstan pa shes pa'o/ /sems can gyi sems kyi spyod pa brgyad khri bzhi stong yongs su shes pa'i shes pa'o/ /chos kyi phung po brgyad khri bzhi stong so so ci rigs par chos ston pa shes pa'o/ /'di ni/ de bzhin gshegs pa'i shes rab mtha' yas pa/ thug pa med pa/ zad pa med pa/ tshad med pa bstan pa'o/ /ji ltar de bzhin gshegs pa la nyams pa med cing yongs su nyams pa med pa de ltar sems can thams cad kyang shes rab mi zad par bya ba'i phyir chos ston te/ 'di ni/ de bzhin gshegs pa'i de bzhin gshegs pa'i 'phrin las nyi shu rtsa lnga pa'o/ /de la 'di skad ces bya'o/ /shes rab kyis ni tshul rnams mngon sum ste/ /so so yang dag rig dbang pha rol son/ /bsam bzhin rang byung sems can chos ston te/ / </font><hr>267a<br><font size=+1>


@#/ /'bru gcig tshig la mtha' yas tshig rnams 'jug /'gro ba'i spyod pa thug med rab shes nas/ /de bzhin brgyad khri bzhi stong chos ston kyang // nam yang bde gshegs shes rab nyams med de/ /stobs bcu'i las 'di 'gro las khyad par 'phags/ /rigs kyi bu/ gzhan yang de bzhin gshegs pa'i rnam par grol ba nyams pa med do/ /de bzhin gshegs pa'i rnam par grol ba gang zhe na/ nyan thos rnams kyi rnam par grol ba ni/ sgra'i rjes su 'gro ba'o/ /rang sangs rgyas rnams kyi rnam par grol ba ni/ rkyen khong du chud pa'o/ /sangs rgyas rnams kyi rnam par grol ba ni/ chags pa dang / 'dzin pa thams cad dang bral bas rnam par grol ba zhes bya ste/ sngon gyi mthar yang ma bcings/ phyi ma'i mthar yang mi 'pho/ da ltar byung ba la'ang mi gnas so/ /mig dang gzugs la gnyis su 'dzin pa las rnam par grol ba'o/ /rna ba dang sgra dang / sna dang dri dang / lce dang ro dang / lus dang reg bya dang / yid dang chos la gnyis su 'dzin pa las rnam par grol ba ste/ 'dzin par mngon par zhen pa'i gnas las rnam par grol ba'o/ /sems rang bzhin 'od gsal ba de bzhin du shes pa ste/ de'i phyir sems kyi skad cig gcig dang ldan </font><hr>267b<br><font size=+1>


pa'i shes rab kyis bla na med pa yang dag par rdzogs pa'i byang chub mngon par rdzogs par sangs rgyas zhes bya'o/ /ji ltar de bzhin gshegs pas mngon par rdzogs par sangs rgyas pa de ltar de bzhin gshegs pa sems can gzhan dag dang / gang zag gzhan rnams la chos ston to/ /'di ni/ de bzhin gshegs pa'i de bzhin gshegs pa'i 'phrin las nyi shu rtsa drug pa'o/ /de la 'di skad ces bya'o/ /nyan thos rnams kyi rnam grol sgra rjes 'gro /rang sangs rgyas kyi brten nas skyes pa'o/ /sangs rgyas ma smad rnams kyi rnam grol ni/ /chags las rab 'das dri med nam mkha' 'dra/ /sems ni sngon nas bcings par ma gyur te/ /sems rgyun 'di dag rang bzhin rnam par grol| |ji ltar rnam grol de ltar yang dag shes/ /shes nas rnam grol nyams pa gang yang med/ /rigs kyi bu/ gzhan yang de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ba'o/ /de bzhin gshegs pa lus kyi las de dang ldan pas lta bas kyang sems can rnams 'dul/ smra bas kyang sems can rnams 'dul/ cang mi smra bas kyang sems can rnams 'dul/ za bas kyang sems can rnams 'dul/ spyod lam gyis kyang sems can rnams </font><hr>268a<br><font size=+1>


@#/ /'dul| mtshan dag gis kyang sems can rnams 'dul/ dpe byad bzang po dag gis kyang sems can rnams 'dul/ spyi gtsug bltar mi snang bas kyang sems can rnams 'dul/ bltas pa tsam gyis kyang sems can rnams 'dul/ 'od gtong bas kyang sems can rnams 'dul/ gom pa 'dor bas kyang sems can rnams 'dul/ grong khyer du 'jug pa dang 'byung bas kyang sems can rnams 'dul te/ sangs rgyas bcom ldan 'das rnams kyi spyod lam gang sems can 'dul bar mi 'gyur ba de gang yang med do/ /de'i phyir de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ba zhes bya'o/ / 'di ni| de bzhin gshegs pa'i de bzhin gshegs pa'i 'phrin las nyi shu rtsa bdun pa'o/ /de la 'di skad ces bya'o/ /'dren pa rnams kyi spyod lam ston pa dang / / 'gro dang 'jug dang de bzhin 'byung ba dang / /dpe byad bzang dang mtshan dang spyi gtsug gis/ /sangs rgyas dag ni sems can 'dul bar sbyor/ /rnam par 'dren pa gang tshe 'od gtong ba/ /de tshe skye bo du ma bde bar gyur/ /'od kyis reg nas 'dul bar rab tu 'gro /'di ni rkang gnyis dam pa rnams kyi las/ /rigs kyi bu/ gzhan </font><hr>268b<br><font size=+1>


yang de bzhin gshegs pa'i dag gi las thams cad ye shes sngon du 'gro zhing ye shes kyi rjes su 'brang ba'o/ /de ci'i phyir zhe na/ de bzhin gshegs pa ni/ 'bras bu yod pa'i chos ston pa'o/ /phyad par lung ston pa'o/ /shin tu nges pa'i tshig smra ba'o/ /de bzhin gshegs pa'i ngag de'ang kun shes par byed pa'o/ /rnam par shes par byed pa'o/ / mi mtho ba'o/ /mi dma' ba'o/ /ma yo ba'o/ /ldab ldib can ma yin pa'o/ /gya gyu ma yin pa'o/ /mi brlang ba'o/ /mi rtsub pa'o/ /ma 'chal pa'o/ /'jam pa'o/ /mnyen pa'o/ /las su rung ba'o/ /ra ra po ma yin pa'o/ /byung rgyal ma yin pa'o/ /brtabs pa ma yin pa'o/ /rnam par myur ba ma yin pa'o/ /rab tu myur ba ma yin pa'o/ /shin tu rnam par phye ba'o// shin tu nges pa'i tshig go /shin tu dga' ba skyed pa'o/ /shin tu snyan pa'o/ /shin tu gdangs snyan pa'o/ /shin tu gsal pa'o/ /thags thogs med pa'o/ /rdzogs pa'o| |snyan pa'o/ /'brel pa'o/ /bsgrags pa'o/ /mchod par gyur pa'o/ /mdzes pa'o/ /rdul med pa'o/ /rdul dang bral ba'o/ /tha ba med pa'o/ /dri ma med pa'o/ /dri ma dang bral ba'o/ /rmongs pa med pa'o/ /shin tu zur phyin pa'o/ /chags pa med pa'o/ /rab tu grol ba'o/ /'od gsal ba'o/ /drang ba'o/ /mi dman pa'o/ /mi 'dzings </font><hr>269a<br><font size=+1>


@#/ /pa'o| |dib dib po ma yin pa'o/ /bde ba skyed pa'o/ /lus tshim par byed pa'o/ /sems dga' ba skyed pa'o/ /'dod chags zhi bar byed pa'o/ /zhe sdang 'dul ba'o/ /gti mug sel ba'o/ /bdud 'joms pa'o/ /sdig pa sel ba'o/ /rgol ba 'dul ba'o/ /rnam par shes par byed pa'o/ /rnga'i sgra'o/ / mkhas pa dga' bar byed pa'o/ /ka la ping+ka'i sgra dbyangs so/ /brgya byin gyi sgra'o/ /tshangs pa'i sgra'o/ /rgya mtsho'i rlabs kyi sgra'o/ /sprin gyi sgra'o/ /sa'i sgra dbyangs so/ / khrung khrung gi sgra'o/ /rma bya'i sgra skad do/ /khu byug gi sgra'o/ /shang shang te'u'i sgra'o/ /ngang pa'i rgyal po'i sgra'o/ /ri dwags kyi rgyal po'i sgra'o/ /pi wang dang / pi wang rgyud gsum pa dang / khar rnga dang / gling bu dang / dung dang / sil snyan gyi sgra'o/ /kun shes par bya ba'o/ /rnam par shes par bya ba'o/ /yid du 'ong ba'o/ /mnyan par 'os pa'o/ /zab pa'o/ /rdzun pa ma yin pa'o/ /rna ba bde bar byed pa'o/ /dge ba'i rtsa ba skyed pa'o/ /tshig dang yi ge nyams pa med pa'o/ /tshig dang yi ge shin tu nges pa'i tshig go /don dang ldan pa'o/ /chos dang ldan pa'o/ /dus dang ldan pa'o/ /dus tshigs thams cad dang ldan pa'o/ /dus las mi g.yo ba'o/ /dbang po mchog </font><hr>269b<br><font size=+1>


dang mchog ma yin pa shes pa ston pa'o/ /sbyin pas brgyan pa'o/ /tshul khrims kyis rnam par dag pa'o/ /bzod pas yang dag par bsgrubs pa'o/ /brtson 'grus kyis shin tu sbyangs pa'o/ /bsam gtan gyis las su rung bar byas pa'o/ /shes rab kyis nges par brtags pa'o/ /byams pas shin tu brtsams pa'o/ /snying rjes skyo ba med pa'o/ /rab tu dga' ba'o/ /'od gsal ba'o/ /btang snyoms kyis nges par brtags pa'o/ /theg pa gsum rnam par 'jog pa'o/ /dkon mchog gsum gyi rigs rgyun mi gcod pa'o| |phung po gsum rnam par 'byed pa'o/ /rnam par thar pa'i sgo gsum gyis rnam par sbyangs pa'o/ /bden pas yongs su bsgos pa'o/ /ye shes kyis yongs su bsgos pa'o| |mkhas pas ma smad pa'o/ /'phags pas bsngags pa'o/ /nam mkha'i tshad kyi rjes su 'gro ba'o/ /rnam pa thams cad kyi mchog dang ldan pa'o/ /rigs kyi bu/ de bzhin gshegs pa'i ngag ni/ de lta bu ste/ de'i phyir de bzhin gshegs pa'i ngag gi las thams cad ye shes sngon du 'gro zhing ye shes kyi rjes su 'brang ba zhes bya'o// 'di ni| de bzhin gshegs pa'i de bzhin gshegs pa'i 'phrin las nyi shu rtsa brgyad pa'o/ /de la 'di skad ces bya'o/ /mtshungs pa med pa'i ngag ni gsal zhing dri </font><hr>270a<br><font size=+1>


@#/ /med yon tan kun gyis 'phags/ /zhing stong rgyas par 'gengs shing skad cig las kyang skad rnams kun grag ste/ /sems can kha cig nyan thos theg dang de bzhin rang rgyal theg pa thos/ /thos nas sangs rgyas bdag nyid chen pos de bzhin byang chub 'dir yid 'jud/ /yi ge rnams ni mtshams sbyor ma yin phan tshun 'gal bar 'gyur ba'ang min/ /de ltar chos rab ston kyang sems ni rnam par rtog par 'gyur ba med/ /ji ltar brag ca g.yo ba med cing byed pa med par sgra sgrog pa/ /de ltar mi yi dam pa sgra rnams sgrog cing sems can tshim par byed/ /rigs kyi bu/ gzhan yang de bzhin gshegs pa'i yid kyi las thams cad ye shes sngon du 'gro zhing ye shes kyi rjes su 'brang ba'o/ /de ci'i phyir zhe na/ de bzhin gshegs pa ni/ sems kyis brjod par bya ba ma yin/ yid kyis ma yin/ rnam par shes pas ma yin gyi/ de bzhin gshegs pa ni/ ye shes kyis rab tu phye ba ste/ ye shes kyi bdag por gyur pa'o/ /de bzhin gshegs pa'i ye shes de ni/ sems can thams cad kyi sems kyi rjes su song ba'o/ /sems can thams cad kyi yid kyi rjes su zhugs pa'o/ /sems can thams cad kyi shes </font><hr>270b<br><font size=+1>


pa rig pa'o/ /chos thams cad nges par bsam pa'o/ /ting nge 'dzin thams cad la gzhan gyi dring mi 'jog pa'o/ /dmigs pa las shin tu 'das pa'o/ /rkyen las skye ba dang bral ba'o/ /srid pa gsum bsal ba'o/ /nga rgyal gyi rim pa thams cad las shin tu 'das pa'o/ /bdud kyi las thams cad las rnam par grol ba'o/ /sgyu dang g.yo thams cad dang bral ba'o/ /ngar 'dzin pa dang nga yir 'dzin pa spangs pa'o/ /ma rig pa dang gti mug gi mun pa dang rab rib kyi ling tog dang bral ba'o/ /lam gyi yan lag shin tu yongs su bsgoms pa'o/ /nam mkha' ltar rnam par mi rtog pa'o/ /chos kyi dbyings dang dbyer med pa ste/ de bzhin gshegs pa'i yid kyi las ye shes sngon du 'gro ba ni/ de lta bu'o/ /'di ni/ de bzhin gshegs pa'i de bzhin gshegs pa'i 'phrin las nyi shu rtsa dgu pa'o/ /de la 'di skad ces bya'o/ /rgyal ba rkang gnyis dbang po sems dang yid kyis gzhal ma yin/ /ye shes rnam par dag gis 'dren pa kun gyi las rnam dag /bde gshegs ye shes de ni sems can kun gyi bsam pa la/ / mnyam pa nyid du rjes su zhugs shing chos dbyings rang bzhin no/ /bsam gtan dang ni de bzhin ting 'dzin kun dang rab tu ldan/ /sems dang yid kyi rnam par rtog pa kun </font><hr>271a<br><font size=+1>


@#/ /tu rgyu ba med/ /bdud kyi yul las grol zhing bdud kyi las las shin tu 'das/ /nam mkha'i rang bzhin mtshungs shing dri med rnam par 'gyur ba med| |rigs kyi bu/ gzhan yang 'das pa'i dus la de bzhin gshegs pa'i ye shes mthong ba chags pa med cing thogs pa med par 'jug go /ji ltar 'jug ce na/ 'das pa'i dus kyi sangs rgyas kyi zhing byung ba dang / zhig pa ji snyed pa de dag thams cad bgrang ba'i tshul gyis rab tu mkhyen to/ /sangs rgyas kyi zhing de dag na rtswa dang / shing gel pa dang / sman dang / nags tshal du gyur pa de dag thams cad kyang rab tu mkhyen to/ /sangs rgyas kyi zhing de dag na sems can gyi tshogs sems can du btags par gyur pa ji snyed pa de dag thams cad kyang rab tu mkhyen to/ /sems can de dag gi spyod pa sna tshogs su gyur pa ji snyed pa de dag thams cad kyang rab tu mkhyen to/ / sangs rgyas kyi zhing de dag tu sangs rgyas byung ba ji snyed pa de dag thams cad kyang rab tu mkhyen to/ /sangs rgyas re res chos bstan cing brjod pa ji snyed pa de dag thams cad kyang rab tu mkhyen to/ /sems can ji snyed cig nyan thos kyi theg par btul ba de dag thams cad kyang rab tu mkhyen to/ /sems can ji snyed cig rang sangs rgyas kyi </font><hr>271b<br><font size=+1>


theg par btul ba de dag thams cad kyang rab tu mkhyen to/ /sems can ji snyed cig theg pa chen por btul ba de dag thams cad kyang rab tu mkhyen to/ /sangs rgyas kyi zhing rnam par phye ba thams cad kyang rab tu mkhyen to/ /dge slong gi dge 'dun rnam par phye ba'ang rab tu mkhyen to/ /tshe'i tshad rnam par phye ba'ang rab tu mkhyen to/ /chos gnas pa rnam par phye ba'ang rab tu mkhyen to/ /dbugs 'byung ba dang rdub pa'ang rab tu mkhyen to/ /zas kyi mchog gi longs spyod kyang rab tu mkhyen to/ /sems can thams cad kyi 'das pa'i rnam pa dang / 'chi 'pho dang / 'gro bar skye ba rnams kyang de bzhin gshegs pas rab tu mkhyen to/ /dbang po sna tshogs dang / spyod pa sna tshogs dang / bsam pa sna tshogs rnams kyang rab tu mkhyen to/ /sems kyi rgyud kyang rab tu mkhyen to/ /sems gang gi 'og tu sems gang byung ba de dag thams cad kyang de bzhin gshegs pas mngon sum gyi shes pa dang / rjes su rtogs pa'i shes pas bgrang ba'i tshul gyis rab tu mkhyen to/ /de dang de bzhin gshegs pa'i sems kyi rgyud 'das pa btang ba rnams kyang dmigs so/ /de bzhin gshegs pa ni/ ye shes de lta bu dang ldan pas sems can rnams la bsam pa ji lta ba bzhin du phyad par chos ston te/ 'di ni/ </font><hr>272a<br><font size=+1>


@#/ /de bzhin gshegs pa'i de bzhin gshegs pa'i 'phrin las sum cu pa'o/ /de la 'di skad ces bya'o/ /zhing dang sems can dang ni chos smra la| |sangs rgyas ye shes chags med tshad kyang med/ /'dren pas sems can gang dag thar byas dang / /zhing du dge slong dge 'dun gyur grangs dang / /sems can bsam pa dbang po gang yin dang / /dbyibs dang sgra yi rim pa gang dang sems/ /ming dang sbyor ba gang dag 'das pa kun/ /rdzogs pa'i sangs rgyas yang dag gzigs pas rtogs/ /rigs kyi bu/ gzhan yang ma 'ongs pa'i dus la de bzhin gshegs pa'i ye shes mthong ba chags pa med cing thogs pa med pa 'jug go /ji ltar 'jug zhe na| sems can nam/ chos sam/ zhing gang dag kha cig ma 'ongs pa'i dus na 'byung ba'am/ 'gag pa'am/ 'byung bar 'gyur ba'am/ 'jig par 'gyur ba de dag thams cad de bzhin gshegs pas rab tu mkhyen to/ /bskal pa'i mes tshig par 'gyur ba ji snyed pa dang / chus 'jig par 'gyur ba ji snyed pa dang / sangs rgyas kyi zhing gnas par 'gyur ba ji snyed pa dang / sangs rgyas kyi zhing de dag na sa'i khams su 'gyur ba ji snyed pa dang / rdul phra rab kyi rdul du 'gyur ba ji snyed pa dang / rtswa dang / </font><hr>272b<br><font size=+1>


shing gel pa dang / sman dang / nags tshal du 'gyur ba ji snyed pa dang / skar ma'i gzugs su 'gyur ba ji snyed pa dang / zhing rab 'byams re rer sangs rgyas 'byung bar 'gyur ba ji snyed pa dang / nyan thos 'byung bar 'gyur ba ji snyed pa dang / rang sangs rgyas 'byung bar 'gyur ba ji snyed pa dang / byang chub sems dpa' 'byung bar 'gyur ba ji snyed pa dang / zas kyi mchog gi longs spyod dang / dbugs 'byung ba dang / rdub pa dang / 'chag pa dang / 'dug pa dang / spyod lam du 'gyur ba ji snyed pa dang / de bzhin gshegs pa rab 'byams re res nyan thos kyi theg pa dang / rang sangs rgyas kyi theg pa dang / theg pa chen pos sems can thar bar byed par 'gyur ba ji snyed pa de dag thams cad de bzhin gshegs pas rab tu mkhyen to/ /zhing rab 'byams re re na sems can rnams kyi skye ba'i gnas ji snyed pa dang / sems dang sems las byung ba ji snyed cig 'byung bar 'gyur ba de dag thams cad de bzhin gshegs pas rab tu mkhyen kyang de bzhin gshegs pa'i ma 'ongs pa'i sems kyi rgyun bskal par 'gyur ba ma yin par ma 'ongs pa la lta bas sems can rnams la chos ston te/ 'di ni/ de bzhin gshegs pa'i de bzhin gshegs pa'i 'phrin las sum cu rtsa gcig pa'o/ /de la </font><hr>273a<br><font size=+1>


@#/ /'di skad ces bya'o/ /dri med mig gis ma 'ongs dus na ni/ /cung zad 'byung bar 'gyur dang 'jig 'gyur dang / /sangs rgyas zhing rnams kun na rgyal ba dang / /de dag thams cad ma lus sangs rgyas mkhyen/ /ma 'ongs pa yi dmigs par gtong ba na/ /de yi sems ni nam yang g.yeng ba med/ /sems can rnams la de bzhin chos ston te/ /'di ni rkang gnyis mchog gi 'phrin las yin/ /rigs kyi bu/ gzhan yang da ltar byung ba'i dus de bzhin gshegs pa'i ye shes mthong ba chags pa med cing thogs pa med pa 'jug go /ji ltar 'jug ce na/ 'di la de bzhin gshegs pas phyogs bcu dag na da ltar byung ba'i sangs rgyas kyi zhing thams cad bgrang ba rnam pa gsum gyi tshul gyis rab tu mkhyen to/ /da ltar byung ba'i sangs rgyas thams cad rab tu mkhyen to/ /da ltar byung ba'i byang chub sems dpa' thams cad rab tu mkhyen to/ /da ltar byung ba'i nyan thos thams cad rab tu mkhyen to/ /da ltar byung ba'i rang sangs rgyas thams cad rab tu mkhyen to/ /da ltar byung ba'i skar ma'i gzugs thams cad rab tu mkhyen to/ /da ltar byung ba'i rtswa dang / shing gel pa dang / sman dang / nags tshal rnams rab tu mkhyen to/ /phyogs bcu dag </font><hr>273b<br><font size=+1>


na da ltar byung ba'i sa'i khams rdul phra rab kyi rdul gyi char brlags pa thams cad bgrang ba'i tshul gyis rab tu mkhyen to/ /phyogs bcu'i chu'i khams skra'i rtse mo'i blangs pa'i thigs pa thams cad kyang bgrang ba'i tshul gyis rab tu mkhyen to/ /phyogs bcu'i me'i khams kyi skye ba dang / 'gag pa thams cad kyang bgrang ba'i tshul gyis rab tu mkhyen to/ /phyogs bcu'i rlung gi khams thams cad kyang gzugs su gyur pa la bab pa'i tshul gyis rab tu mkhyen to/ /phyogs bcu'i nam mkha'i khams thams cad kyang skra'i rtse mos rgyas par dgang ba'i tshul gyis rab tu mkhyen to/ /da ltar byung ba'i sems can gyi khams rnam pa gsum yang rab tu mkhyen to/ /da ltar byung ba'i sems can dmyal ba pa'i sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung ba'i dud 'gro'i skye gnas su song ba'i sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung ba'i gshin rje'i 'jig rten pa'i sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung ba'i mir gyur pa'i sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung </font><hr>274a<br><font size=+1>


@#/ /ba'i lha'i sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung ba'i sems can rnams kyi sems kyi rgyun kyang rab tu mkhyen to/ /de dag nyon mongs pa dang bcas pa dang / nyon mongs pa dang bral ba'ang rab tu mkhyen to/ /da ltar byung ba'i sems can gdul bar 'os pa rnams kyi dbang po rnams kyang rab tu mkhyen to/ /gdul bar 'os pa ma yin pa dag gi dbang po rnams kyang rab tu mkhyen to/ /de bzhin gshegs pas de ltar rab tu mkhyen kyang de bzhin gshegs pa la gnyis kyi rjes su 'brang ba'i rnam par shes pa med cing gnyis su med pa la gzung ba'i phyir sems can rnams la chos kyang ston te/ 'di ni/ de bzhin gshegs pa'i de bzhin gshegs pa'i 'phrin las sum cu rtsa gnyis pa'o/ /de la 'di skad ces bya'o/ /rgyal ba rnams kyi spyod yul thug pa med/ /tshad med gzhal du med cing bsam mi khyab/ /nam mkha' mtshungs shing dpe yang med pa ste/ /'gro ba kun gyis shes par mi nus so/ /phyogs bcu dag na da ltar byung ba yi/ /'gro ba'i bya bar byur pa ji snyed pa/ /de dag thams cad rgyal bas rjes su mkhyen/ /'di ni rang byung rnams kyi las kyi mchog /rigs kyi bu/ de bzhin </font><hr>274b<br><font size=+1>


gshegs pa'i 'phrin las ni/ sum cu rtsa gnyis po 'di dag ste/ de bzhin gshegs pa'i 'phrin las de dag dang ldan pas sems can gyi khams 'dul lo/ /de bzhin gshegs pa'i 'phrin las ni/ tshad med mod kyi/ sems can rnams gzud pa'i phyir mdo tsam du tshad kyis bstan to/ /bam po drug pa/ rigs kyi bu/ gzhan yang de bzhin gshegs pa'i de bzhin gshegs pa'i 'phrin las gang yin pa de ni/ tshad med pa'o/ /bsam gyis mi khyab pa'o/ /'jig rten thams cad kyis rnam par shes par bya ba ma yin pa'o/ /yi ge rnams kyis brjod par bya ba ma yin pa'o/ /gzhan dag gis thob par dka' ba'o/ /sangs rgyas kyi zhing thams cad du rgyun chad pa med pa'o/ /sangs rgyas thams cad dang mnyam pa nyid du rjes su song ba'o/ /'bad pa'i bya ba thams cad las shin tu 'das pa'o/ /rnam mkha' dang mnyam pa nyid pas rnam par mi rtog pa'o/ /chos kyi dbyings kyi bya ba ma yin pas sna tshogs su byar med pa'o/ /de ci'i phyir zhe na/ rigs kyi bu/ sangs rgyas bcom ldan 'das rnams ni/ gtam sna tshogs kyi ched du 'byung ba ma yin te/ sems can sna tshogs kyi gtam gyi phyir ma yin/ zhing sna tshogs kyi gtam gyi phyir ma yin/ bstan pa sna tshogs kyi gtam gyi phyir ma yin/ bsam pa sna tshogs </font><hr>275a<br><font size=+1>


@#/ /kyi gtam gyi phyir ma yin/ rnam par grel ba sna tshogs kyi gtam gyi phyir ma yin/ yongs su mya ngan las 'das pa sna tshogs kyi gtam gyi phyir ma yin gyi/ de bzhin gshegs pa ni/ chos kyi dbyings ro gcig pa/ sgrib pa med pa/ sems can thams cad la go skabs 'byed pa/ mngon par rdzogs par sangs rgyas nas sems can rnams chos khong du chud par bya ba'i phyir sgrib pa med pa'i chos kyi 'khor lo 'di lta ste/ phyir mi ldog pa'i 'khor lo rab tu bskor ro/ /rigs kyi bu/ 'di lta ste/ dper na/ nor bu mkhan mkhas pa nor bu sbyong ba'i cho ga shin tu shes pa des nor bu'i rigs las sbyang ba ma byas pa'i nor bu rin po che blangs nas bul thog gi chu rnon pos bkrus te skra nag po'i la bas byi dor bya bas byi dor byed kyang de tsam gyis brtson 'grus rgyun mi gcod kyi/ de'i 'og tu dngul chu rnon po dang bcas pas bkrus te shing dang snam bus byi dor bya bas byi dor byed do/ /de tsam gyis kyang brtson 'grus rgyun mi gcod de/ de'i 'og tu'ang sman chen po'i khu bas bkrus te ras phra mos byi dor bya bas byi dor byed do/ /byi dor byas te nor bu mching bu'i rigs dang bral nas bai DUR+Ya zhes bya'o/ /rigs kyi bu/ de bzhin du de bzhin gshegs pas yongs su ma dag pa'i sems can gyi khams rig nas </font><hr>275b<br><font size=+1>


mi rtag pa dang / sdug bsngal ba dang / bdag med pa dang / mi sdug pa yid 'byung bar 'gyur ba'i gtam gyis 'khor ba la mngon par dga' ba'i sems can rnams yid 'byung bar byed/ 'phags pa'i chos 'dul ba la 'jug par byed do/ /de tsam gyis de bzhin gshegs pa brtson 'grus rgyun mi gcod cing / de'i 'og tu stong pa nyid dang / mtshan ma med pa dang / smon pa med pa'i gtam gyis de bzhin gshegs pa'i tshul khong du chud par byed do/ /de tsam gyis kyang de bzhin gshegs pa brtson 'grus rgyun mi gcod kyi/ de'i 'og tu phyir mi ldog pa'i 'khor lo'i gtam dang / 'khor gsum yongs su dag pa'i gtam gyis sems can de dag de bzhin gshegs pa'i yul la 'dzud do/ /sems can rgyu dang rang bzhin sna tshogs pa de dag mnyam du zhugs nas de bzhin gshegs pa'i chos nyid khong du chud pas sbyin gnas bla na med pa rnams zhes bya'o/ /de'i phyir rigs kyi bu| khyod kyis ji ltar de bzhin gshegs pa'i 'phrin las bsam gyis mi khyab pa dang / kun gyi rjes su song ba dang / thams cad du kha na ma tho ba med pa dang / dus gsum gyi rjes su song ba dang / dkon mchog gsum gyi rigs rgyun mi gcod pa rnam grangs 'dis kyang 'di ltar rig par bya ste/ de bzhin gshegs pa ni de bzhin gshegs pa'i </font><hr>276a<br><font size=+1>


@#/ /'phrin las bsam gyis mi khyab pa de la'ang gnas so/ /nam mkha'i rang bzhin gyi lus kyang mi 'dor ro/ /sangs rgyas kyi zhing thams cad du'ang ston to/ /brjod du med pa'i chos ston pa'i tshig kyang mi 'dor ro/ /sgra ji bzhin gyi rnam par rig byed kyis sems can rnams la chos kyang ston to/ /sems can thams cad kyi sems dmigs pa dang bral ba dang / sems can thams cad kyi sems kyi bsam pa'ang rab tu mkhyen to/ /sangs rgyas bcom ldan 'das ni/ byang chub sems dpa'i bsam pa rnam par dag par bya ba'i phyir 'byung ngo / /rigs kyi bu/ gang rgyun chad pa med pa/ rgyun chags pa/ rgyun mi gcod pa/ byang chub sems dpa' lung bstan pa'i gtam rgyun mi gcod pa 'di ni/ de bzhin gshegs pa rnams kyi de bzhin gshegs pa'i 'phrin las yang dag pa'o/ /de bzhin gshegs pa'i 'phrin las bstan pa 'di bshad pa na phyogs bcu'i sangs rgyas kyi zhing dpag tu med pa/ grangs med pa/ bgrang ba las shin tu 'das pa dag rnam pa drug tu g.yos par gyur to/ /snang ba chen pos kyang gsal bar gyur to/ /me tog gi sil mas kyang gtor bar gyur to/ /'khor gyi khyams rin po che bkod par gzi brjid </font><hr>276b<br><font size=+1>


che ba gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / dge slong dang / dge slong ma dang / dge bsnyen dang / dge bsnyen ma ji snyed 'dus pa de dag thams cad kyis de bzhin gshegs pa'i 'phrin las bstan pa'i chos kyi rnam grangs 'di thos nas tshim zhing mgu ste yid rangs nas de bzhin gshegs pa la mchod pa'i las kyi phyir me tog dang / bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan rnam pa sna tshogs dang / sil snyan dang / pheg rdob pa dang / glu dbyangs byed pas bcom ldan 'das rnams mchod do/ /dbu'i gtsug tu me tog rnams kyis kyang gtor to/ /thig le lta bu'i rgyan dang / rna cha dang / dpung rgyan dang / nor bu'i rgyan phreng dang / mu tig gi rgyan phreng dang / rgyan zla gam dang / spen tog rgyan dang / rgyan ne'u le can dang / sor gdub rgyan dang / gdu bu rgyan ta la 'dab dang / rgyan lcam khris can dang / se ral phreng dang / rkang gdub dang / do shal dang / mgo rgyan dang / lag rgyan dang / rna rgyan dang / rkang rgyan rnams kyis kyang gtor to/ /rin </font><hr>277a<br><font size=+1>


@#/ /po che bai DUR+Ya dag kyang gtor to/ /dzam+bu'i chu ba'i gser rin po che rnams dang / rin po che rdo'i snying po rnams dang / rin po che dpal gyi snying po rnams dang / rin po cha and rnyil rnams dang / rin po che me mdog rnams dang / rin po che skar 'od rnams dang / rin po che kha dog mtha' yas rnams kyis kyang gtor to/ /gser phye dang / dngul phye dang / a ga ru'i phye ma dang / rgya spos kyi phye ma dang / tsan+dan gyi phye ma dang / tsan+dan dus kyi rjes su 'brang ba'i phye ma dang / tsan+dan dmar po'i phye ma dang / ke sa ra'i phye ma rnams kyis kyang mngon par gtor to/ /lha'i me tog rnams kyang mngon par gtor ba la 'di lta ste/ me tog mnad ra pa dang mnad ra ba chen pa dang / yongs 'du dang / many+dzu sha ka dang / many+dzu sha ka chen po dang / mdog mdzes dang / mdog mdzes chen po dang / s+tha la dang / s+tha la chen po dang / me tog 'khor lo dang / 'khor lo dri med dang / 'dab brgya dang / 'dab stong dang / 'dab 'bum dang / kun nas 'od dang / kun tu srung dang / kun tu cher snang mig tu sdug dang / skar 'od dang / 'od byed dang / kha dog mtha' yas dang / me tog de lta bu dag kyang mngon par gtor to/ /chu nas skyes pa'i me tog ut+pa </font><hr>277b<br><font size=+1>


la dang / pad+ma dang / ku mud dang / pad+ma dkar po rnams kyang gtor to/ /thang las skyes pa sna ma'i me tog dang / paR+shi ka dang / a ti mug+ta ka dang / tsam+pa ka dang / mya ngan 'tshang dang / d+ha nu ka ri dang / skya snar dang / me tog btang gzung dag kyang gtor to/ /sil snyan dang / pheg rdob pa dag kyang kun tu yang dag par sbyar ba la 'di lta ste/ pheg rdob pa dang / gling bu dang / rnga bo che dang / dung dang / rdza rnga dang / 'khar rnga dang / sil snyan dang / glu dbyangs rnam pa sna tshogs kyang byas so/ /spos kyi char dang / phye ma'i char dang / rin po che'i char dang / rgyan gyi char dang / mu tig gi rgyan phreng gi char dang / gos kyi char dang / sil snyan dang / rol mo'i sgra'i char yang mngon par phab bo// byang chub sems dpa' gang dag phyogs bcu 'jig rten gyi khams sna tshogs nas 'dus pa de dag steng gi bar snang la mngon par 'phags te bcom ldan 'das la mchod pa'i las kyi phyir rang rang gi lus bor ro/ /byang chub sems dpa' de dag gis lus bor ma thag tu de nas steng gi bar snang la thams cad dang ldan pa'i 'khor gyi khyams rin po che bkod pa khebs par byas te/ rin po che'i dra ba mu tig gi rgyan phreng du ma dpyangs pa/ kun nas mig mang ris su bris pa/ shin tu yongs su las su byas </font><hr>278a<br><font size=+1>


@#/ /pa| dril bu g.yer ka'i dra bas mdzes par byas pa/ rin po che'i pad+mas spras pa byung bar gyur to/ /mu thig gi rgyan phreng de dag gi mu tig gi 'bru re re las kyang byang chub sems dpa'i lus dpag tu med cing grangs med pa dag byung bar kun tu snang ngo / /de dag byung nas bcom ldan 'das la lan bdun bskor ba byas te rin po che bkod pa'i pad+ma'i seng+ge'i khri de dag la 'khod do/ /phyogs bcu'i sangs rgyas kyi zhing tshad med pa nas sangs rgyas bcom ldan 'das tshad med pa dag gis chos kyi rnam grangs 'di la mchod pa'i las kyi phyir de bzhin gshegs pa re res kyang bskal par brjod pa yongs su thug pa med pa zhes bya ba'i mchod pa bkod pa bsgrubs te 'jig rten gyi khams mi mjed 'dir btang ba dang / sangs rgyas kyi mthus bkod pa de dag 'jig rten gyi khams mi mjed 'dir phyin te/ de dag gis 'khor gyi khyams rin po che bkod pa la rgyan gyi mchog gis brgyan par gyur to/ /'khor 'di las sems can tshad med pa yang dag par rdzogs pa'i byang chub tu sems bskyed do/ /byang chub sems dpa' tshad med pa dag mi skye ba'i chos la bzod pa thob par gyur to/ /de nas bcom ldan 'das kyis thams cad dang ldan </font><hr>278b<br><font size=+1>


pa'i byang chub sems dpa'i tshogs la glang po che'i lta stangs kyis gzigs nas 'di skad ces bka' stsal to/ /skyes bu dam pa khyed rnams las rgyan bkod pa bsam gyis mi khyab ba| byang chub sems dpa'i ting nge 'dzin gyis byin gyis brlabs pa/ de bzhin gshegs pas btang ba/ rnam par brtags pa ma yin pa/ ma 'khrugs pa/ ma rnying pa| ma nyams pa 'di ni/ de bzhin gshegs pa byams pa mngon par rdzogs par sangs rgyas nas lo bcu drug lon te/ 'khor gyi khyams rin po che bkod par 'dug nas byang chub sems dpa'i spyod pa la 'jug pas nges par 'byung ba sgrib pa med pa'i sgo 'dus pa chen po'i le'u'i chos kyi rnam grangs 'di rgya cher yang dag par rab tu ston pa na bstan pa dang / thams cad dang ldan pa'i byang chub sems dpa'i tshogs 'dun par bya ba dang / mchod pa 'dis de bzhin gshegs pa byams pa dang / bskal ba bzang po'i de bzhin gshegs pa thams cad la mchod par su spro/ de nas byang chub sems dpa'i chos thams cad rnam par 'phrul pa'i rgyal po zhes bya ba 'khor de nyid du 'dus par gyur nas 'dug pa de pad+ma'i stan las langs te pus mo g.yas pa'i lha nga pad+ma'i snying po la btsugs nas bcom ldan 'das ga la ba de logs su thal mo sbyar ba btud de bcom </font><hr>279a<br><font size=+1>


@#/ /ldan 'das la 'di skad ces gsol to/ /bcom ldan 'das/ bdag rgyan bkod pa/ rnam par ma brtags pa/ ma 'khrugs pa/ ma rnying ba/ ma nyams pa 'dis de bzhin gshegs pa byams pa dang / da ma lags pa bskal pa bzang po'i de bzhin gshegs pa dgra bcom pa yang dag par rdzogs pa'i sangs rgyas gzhan thams cad la'ang mchod pa bgyid par spro'o/ /de'i tshe bdud rnam par 'phrul pa zhes bya ba shin tu gnas pa'i gling bzhi pa na gnas pa 'khor de nyid du 'dug nas byang chub sems dpa' chos thams cad rnam par 'phrul pa'i rgyal po la 'di skad ces smras so/ /rigs kyi bu/ snod gang gis bkod pa 'di rnying par gyur gyi bar du 'dzin pa'i khyod kyi snod de ji tsam zhig /de skad ces smras pa dang / byang chub sems dpa' chos thams cad rnam par 'phrul pa'i rgyal pos bdud rnam par 'phrul pa la 'di skad ces smras so/ /rigs kyi bu/ snod ji snyed pa de dag thams cad ni/ 'chags par 'gyur ba/ bar du gcod pa dang bcas pa dag go /nam mkha' ni/ mi shigs pa bar du gcod pa med pa ste/ snod de thams cad kyi mchog yin no/ /grogs po/ mig ma 'dzum par nga'i lus la ltos shig dang / snod chen po mthong bar 'gyur ro/ /de nas bdud rnam par 'phrul bas byang </font><hr>279b<br><font size=+1>


chub sems dpa' chos thams cad rnam par 'phrul pa'i lus la mig mi 'dzum par bltas pa dang / des byang chub sems dpa' chos thams cad rnam par 'phrul pa'i lus kyi dkyil lta ba'i dkyil 'khor na chu'i rgyal por snang ba zhes bya ba'i 'jig rten gyi khams mthong ngo / /ci'i phyir chu'i rgyal por snang ba zhes bya zhe na/ 'jig rten gyi khams de chus rab tu gang ste rgya mtsho gcig pa ltar snang ngo / /de na de bzhin gshegs pa rin chen ut+pa la'i dpal zhes bya ba bzhugs so/ /'tsho'o/ /gzhes so/ /byang chub sems dpa' nyi tshe la chos kyang ston to/ /chu'i phung po de las rin po che bkod pa'i pad+ma mngon par 'phags te/ de la bcom ldan 'das de dang / byang chub sems dpa' de dag bzhugs so/ /de nas bdud rnam par 'phrul pas thal mo sbyar te byang chub sems dpa' chos thams cad rnam par 'phrul ba'i rgyal po la phyag btsal to/ /de nas byang chub sems dpa' chos thams cad rnam par 'phrul ba'i rgyal pos bdud rnam par 'phrul ba la 'di skad ces smras so/ /grogs po/ khyod kyis byang chub sems dpa' rnams kyi snod mthong ngam/ smras pa/ mthong ngo / /skyes bu dam pa/ khyod kyis snod 'di lta bu 'dis bskal pa bye ba khrag khrig brgya stong du rin po che bkod pa chen po ma bskams pa/ ma rnying pa 'di 'dzin par nus sam / </font><hr>280a<br><font size=+1>


@#/ /de nas bdud rnam par 'phrul pas bcom ldan 'das la phyag btsal te tshig 'di skad ces smras so/ /bcom ldan 'das/ bdag gis sngon chad skyes bu dam pa 'di'ang ma mthong ngo / /chos kyi rnam grangs 'di'ang ma thos pas ci bdag nyan thos kyi theg pas myur du yongs su mya ngan las 'das par bgyi'am snyam pa las| deng bdag gis chos kyi rnam grangs 'di'ang thos/ byang chub sems dpa' chos thams cad rnam par 'phrul pa'i rnam par sprul pa'i byin gyis brlabs pa 'di'ang mthong bas lhag pa'i bsam pas bla na med pa yang dag par rdzogs pa'i byang chub tu sems bskyed par bgyi'o/ /bcom ldan 'das/ gal te bskal pa gang+gA'i klung gi bye ma snyed du sems can dmyal ba chen por bsregs la/ de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur du lags kyang bla na med pa yang dag par rdzogs pa'i byang chub 'di lta bu yongs su mi gtong ngo / /de nas bcom ldan 'das kyis bdud rnam par 'phrul pa la legs so// zhes bya ba gnang ste/ skyes bu dam pa/ khyod kyis bla na med pa yang dag par rdzogs pa'i byang chub tu go cha bgos pa dang / rnam par sprul pa'i byin gyi rlabs 'di lta bu dang </font><hr>280b<br><font size=+1>


ldan par 'gyur ba legs so/ /legs so/ /de nas byang chub sems dpa' seng+ge'i tog ces bya ba 'khor de nyid du 'dus par gyur te 'dug pa des byang chub sems dpa' gzungs kyi dbang phyug gi rgyal po la 'di skad ces smras so/ /rigs kyi bu/ byang chub sems dpa' dag gzungs gang la rab tu gnas na/ sangs rgyas thams cad kyis gsungs pa kun tu 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par byed par 'gyur ba byang chub sems dpa' rnams kyi gzungs gang yin/ de skad ces smras pa dang / byang chub sems dpa' gzungs kyi dbang phyug gi rgyal pos byang chub sems dpa' seng+ge'i tog la 'di skad ces smras so/ / rigs kyi bu/ byang chub sems dpa' rnams gzungs gang dag la rab tu gnas na/ sangs rgyas bcom ldan 'das rnams kyis gsungs pa kun tu 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par byed par 'gyur ba byang chub sems dpa' rnams kyi gzungs ni/ brgyad po 'di dag go /brgyad gang zhe na/ 'di lta ste/ sgra dbyangs rnam par dag pa zhes bya ba'i gzungs dang / mi zad pa'i za ma tog ces bya ba'i gzungs dang / 'khyil ba mtha' yas zhes bya ba'i </font><hr>281a<br><font size=+1>


@#/ /gzungs dang / rgya mtsho'i phyag rgya zhes bya ba'i gzungs dang / pad+ma bkod pa zhes bya ba'i gzungs dang / chags pa med pa'i sgor 'jug pa zhes bya ba'i gzungs dang / so so yang dag par rig pa rnam par nges pa la 'jug pa zhes bya ba'i gzungs dang / sangs rgyas kyi rgyan byin gyis brlabs pa zhes bya ba'i gzungs te/ rigs kyi bu/ byang chub sems dpa' rnams kyi gzungs ni/ brgyad po 'di dag ste/ byang chub sems dpa' rnams gzungs 'di dag la rab tu gnas na| sangs rgyas thams cad kyi gzungs kun tu 'dzin to/ /chos bstan pa na zad par mi 'gyur ro/ /legs par bshad pas sems can thams cad tshim par byed par 'gyur ro/ /de nas byang chub sems dpa' seng+ge'i tog gis byang chub sems dpa' gzungs kyi dbang phyug gi rgyal po la 'di skad ces smras so/ /rigs kyi bu/ khyod byang chub sems dpas gang thos pas gzungs 'di dag thob par bya ba'i phyir brtson par 'gyur ba'i gzungs 'di dag rgya cher rnam par dbye ba la 'jug pa bstan pa la spobs par gyis shig /byang chub sems dpa' gzungs kyi dbang phyug gi rgyal pos smras pa/ de'i phyir rigs kyi bu/ khyod kyis shin tu legs par nyon la yid la zungs shig </font><hr>281b<br><font size=+1>


dang / gzungs 'di dag rgya cher rnam par dbye ba la 'jug pa kho bos khyod la bshad par bya'o/ /rigs kyi bu/ de la sgra dbyangs rnam par dag pa'i gzungs gang zhe na/ rigs kyi bu| 'di la byang chub sems dpa' gzungs 'di la rab tu gnas pa na chags pa med pa la 'jug pa'i sgo shin tu rnam par dag pas snying po dang ldan pa'i blos shin tu gnas te chos bstan pa'i byin gyi rlabs nges par byas nas chos ston pa na sangs rgyas kyi zhing gcig dbyangs kyis go bar byed do/ /gnyis sam/ gsum mam/ bzhi'am/ lnga'am/ bcu'am/ nyi shu'am/ sum cu'am/ bzhi bcu'am/ lnga bcu'am/ brgya'ang dbyangs kyis go bar byed do/ /sangs rgyas kyi zhing stong dbyangs kyis go bar byed pa nas sangs rgyas kyi zhing stong phrag bcu'am/ nyi shu'am/ sum cu'am/ bzhi bcu'am/ lnga bcu'am/ brgya'i bar du dbyangs kyis go bar byed do/ /sangs rgyas kyi zhing bye ba khrag khrig brgya stong phrag mtha' yas mu med pa'i bar dag dbyangs kyis go bar byed do/ /des rgyad grags kyi tshad tsam gyi seng+ge'i khri byin gyis brlabs te/ de la 'dug nas chos ston to/ /ji ltar mos pa'i sems can rnams mos pa de lta bus tshim par bya ba'i phyir pa \?\ ga tshad phyed kyi tshad tsam mam/ dpag tshad kyi tshad tsam mam/ ri rab kyi tshad tsam mam/ tshangs pa'i 'jig rten gyi tshad </font><hr>282a<br><font size=+1>


@#/ /tsam gyi seng+ge'i khri byin gyis brlabs te/ de la 'dug nas chos ston to/ /de ltar seng+ge'i khri de la 'dug pa na phyogs bcu'i sangs rgyas thams cad snang bar gyur to/ /sangs rgyas bcom ldan 'das de dag gis chos gang bshad pa de thams cad kyang thos so/ /thos nas kyang gzungs kyi stobs kyis kun tu 'dzin to/ /mi brjed do/ /chos des ches kyi don so sor myong bar byed do/ /de chos gzhan nyan pas chos ston pa la sgrib par mi byed do/ /chos ston pas chos nyan pa la sgrib par mi byed do| |yi ge'i sgra gcig la 'jug pas yi ge'i sgra thams cad la 'jug pa ston to/ /yi ge'i dang po a zhes bya ba brjod pa'i tshul gyis chos kyi sgo mtha' yas pa brjod de| 'di lta ste/ 'od ba med pa'i mtshan nyid kyi tshul gyis chos thams cad ni/ 'ong ba med pa'o/ /'pho ba med pa'i tshul gyis chos thams cad ni/ song ba med pa'o/ / gnas med pa'i tshul gyis chos thams cad ni/ gnas pa med pa'o/ /gzod ma nas rnam par dag pa'i phyir chos thams cad ni/ ngo bo nyid med pa'o/ /gzod ma nas ma skyes pa'i phyir chos thams cad ni/ rtsa ba med pa'o/ /gzod ma nas byung ba med pa'i phyir chos thams cad ni/ mtha' ma med pa'o/ /rnam par 'gro ba med pa'i tshul gyis chos </font><hr>282b<br><font size=+1>


thams cad ni/ zad pa med pa'o/ /mngon par 'du ba med pa'i tshul gyis chos thams cad ni/ ma skyes pa'o/ /byed pa po med pa'i tshul gyis chos thams cad ni/ skye ba med pa'o/ /rgyu ba med pa'i tshul gyis chos thams cad ni/ 'byung ba med pa'o/ /phan tshun yang dag par 'du ba'i tshul gyis chos thams cad ni/ mi mthun pa med pa'o/ /bdag po med pa'i tshul gyis chos thams cad ni/ ma 'gags pa'o/ /smon pa med pa'i phyir chos thams cad ni/ rgyu ba med pa'o/ /mi rtog cing rnam par mi rtog pa'i tshul gyis chos thams cad ni/ spros pa med pa'o| |shin tu sgra la zhugs pa'i phyir chos thams cad ni/ brjod pa med pa'o/ /sgra med pa'i phyir chos thams cad ni/ smra ba med pa'o/ /rnam par gnas pa med pa'i phyir chos thams cad ni| bstan du med pa'o/ /rtog pa med pa'i phyir chos thams cad ni/ rnam par brtags pa ma yin pa'o/ /rnam par bsgrubs pa ma yin pa'i phyir chos thams cad ni/ rlom sems med pa'o/ /rlom sems med pa'i phyir chos thams cad ni/ g.yo ba med pa'o/ /nam mkha' dang mnyam pa'i phyir chos thams cad ni/ rnam par shes pa med pa'o/ /tshig gi lam med pa'i phyir chos thams cad ni/ tha snyad med pa'o/ /yul na mi gnas pa'i phyir chos thams cad ni/ gnas med pa'o/ /phyogs na mi gnas pa'i phyir chos thams cad ni/ skye ba </font><hr>283a<br><font size=+1>


@#/ /med pa'o/ /nyon mongs pa med pa'i phyir chos thams cad ni/ gzod ma nas rnam par dag pa'o/ /bdag gi rang bzhin med pa'i phyir chos thams cad ni| bdag med pa'o/ /gzod ma nas rnam par dag pa'i phyir chos thams cad ni/ sems can med pa'o/ /dbang po med pa'i phyir chos thams cad ni/ srog med pa'o| |don dang bral ba'i phyir chos thams cad ni/ gang zag med pa'o/ /nang nye bar zhi ba'i phyir chos thams cad ni/ gzod ma nas stong pa'o/ /mtha' med par gyur pa'i phyir chos thams cad ni/ mtshan ma med pa'o/ /nye bar len pa med pa'i phyir chos thams cad ni/ smon pa med pa'o/ /'dus byas ma yin pa'i phyir chos thams cad ni| mngon par 'du byed pa med pa'o/ /gnas med pa dang / gnas las shin tu 'das pa'i phyir chos thams cad ni/ 'dus ma byas pa'o/ /gzhan gyi dring mi 'jog pa'i phyir chos thams cad ni/ thun mong ma yin pa'o/ /len pa med pa'i phyir chos thams cad ni/ blang ba med pa'o/ /'dor ba med pa'i phyir chos thams cad ni/ dor ba med pa'o/ /lus med pa'i phyir chos thams cad ni/ ngo bo nyid med pa'o/ /rnam par dag pa'i phyir chos thams cad ni/ rnam pa med pa'o/ /byed pa po med pa'i </font><hr>283b<br><font size=+1>


phyir chos thams cad ni/ las med pa'o/ /'pho ba med pa'i phyir chos thams cad ni/ rnam par smin pa med pa'o/ /sa bon med pa'i phyir chos thams cad ni/ gdung ba med pa'o// 'dzin pa med pa'i phyir chos thams cad ni/ mtshan ma med pa'o/ /mdud pa med pa'i phyir chos thams cad ni/ log pa'i las med pa'o/ /rnam par bsgrubs pa ma yin pa'i phyir chos thams cad ni/ mdud pa med pa'o/ /byas pa ma yin pa'i phyir chos thams cad ni/ rnam par bsgrubs pa ma yin pa'o/ /zag pa mi slong ba'i phyir chos thams cad ni| zag pa med pa'o/ /gzod ma nas byung ba med pa'i phyir chos thams cad ni/ ma byung ba'o/ /gnyen po med pa'i phyir chos thams cad ni/ gsal ba'o/ /rnam pa sna tshogs med pa'i phyir chos thams cad ni/ gnyen po med pa'o/ /'byung ba chen po las ma byung ba'i phyir chos thams cad ni/ gzugs can ma yin pa'o/ /tshor ba med pa'i phyir chos thams cad ni/ tshor ba med pa'o/ /'du shes kyi lam las shin tu 'das pa'i phyir chos thams cad ni/ 'du shes med pa'o/ /sred pa dang bral ba'i phyir chos thams cad ni/ 'du byed pa med pa'o/ /so sor rnam par rig pa med pa'i phyir chos thams cad ni/ rnam par shes pa med pa'o/ /khams nam mkha' dang mtshungs pa'i phyir </font><hr>284a<br><font size=+1>


@#/ /chos thams cad ni/ khams med pa'o/ /yul gyi lam las shin tu 'das pa'i phyir chos thams cad ni/ 'dren pa med pa'o/ /rgyu ba med pa'i phyir chos thams cad ni/ yul med pa'o/ /kun brtags pa ma yin pa'i phyir chos thams cad ni/ 'dod pa med pa'o/ /'jug pa med pa'i phyir chos thams cad ni/ gzugs med pa'o/ /nges par sems pa med pa'i phyir chos thams cad ni/ gzugs med pa ma yin pa'o/ /'khrugs pa spangs pa'i phyir chos thams cad ni/ 'khrugs pa med pa'o/ / gzung ba ma yin pa'i phyir chos thams cad ni/ bsam gyis mi khyab pa'o/ /gnyis su dbyer med pa'i phyir chos thams cad ni/ yid med pa'o/ /yul gyi lam las shin tu 'das pa'i phyir chos thams cad ni/ gzung ba ma yin pa'o/ /rtag pa med pa'i phyir chos thams cad ni/ kun gzhi med pa'o/ /rten pa dang mi mthun pa med pa'i phyir chos thams cad ni| ther zug ma yin pa'o/ /mtshan ma med pa'i phyir chos thams cad ni/ ming med pa'o/ /phan tshun gcig nas gcig tu brgyud pa med pa'i phyir chos thams cad ni| 'dres pa med pa'o/ /gnas med pa'i phyir chos thams cad ni/ gnas med pa'o/ /'gyod pa med pa'i phyir chos thams cad ni/ brjod pa med pa'o/ /sdig pa dang </font><hr>284b<br><font size=+1>


bral ba'i phyir chos thams cad ni/ 'gyod pa med pa'o/ /dri ma med pa'i phyir chos thams cad ni/ bag chags med pa'o/ /gzod ma nas rnam par dag pa'i phyir chos thams cad ni| dri ma med pa'o/ /nyon mongs pa med pa'i phyir chos thams cad ni/ gzod ma nas rnam par dag pa'o/ /rten pa med pa'i phyir chos thams cad ni/ nyon mongs pa med pa'o| |g.yos pa med pa'i phyir chos thams cad ni/ rten pa med pa'o/ /chags pa med par 'jug pa'i phyir chos thams cad ni/ g.yo ba med pa'o/ /sgrib pa med pa'i phyir chos thams cad ni/ chags pa med par 'jug pa'o/ /nam mkha' dang mtshungs pa'i phyir chos thams cad ni/ sgrib pa med pa'o/ /rnam par rtog pa med pa'i phyir chos thams cad ni/ nam mkha' dang mtshungs pa'o/ /rgyu ba med pa'i phyir chos thams cad ni/ gzugs can ma yin pa'o/ /snang ba med pa'i phyir chos thams cad ni/ bstan du med pa'o/ /snang ba dang bral ba'i phyir chos thams cad ni/ snang ba med pa'o/ /mi mnyam pa med pa'i phyir chos thams cad ni/ mnyam pa med pa'o/ /nam mkha' dang mtshungs pa'i phyir chos thams cad ni/ mi mnyam pa med pa'o/ /gsal ba med pa'i phyir chos thams cad ni/ mun pa med pa'o/ /gnyen po med pa'i phyir chos thams cad ni/ snang ba </font><hr>285a<br><font size=+1>


@#/ /med pa'o/ /ltung ba dang bral ba'i phyir chos thams cad ni/ kha na ma tho ba med pa'o/ /las byas pa med pa'i phyir chos thams cad ni/ kha na ma tho ba med pa'o/ /rdzun pa slu ba'i chos yin pa'i phyir chos thams cad ni/ ji lta ba bzhin du ma yin pa'o/ /gzod ma nas gnas pa'i phyir chos thams cad ni/ phye ba med pa'o/ / gzugs can ma yin pa'i phyir chos thams cad ni/ lta ba po med pa'o/ /sgra med pa'i phyir chos thams cad ni/ nyan pa po med pa'o/ /dri med pa'i phyir chos thams cad ni / snom pa po med pa'o/ /ro med pa'i phyir chos thams cad ni/ myang ba po med pa'o/ /reg bya med pa'i phyir chos thams cad ni/ reg pa po med pa'o/ /chos med pa'i phyir chos thams cad ni/ rnam par shes pa po med pa'o/ /sems dang / yid dang / rnam par shes pa dang bral ba'i phyir chos thams cad ni/ dmigs pa med pa'o/ /byang chub dang mtshungs shing 'dra ba'i phyir chos thams cad ni/ bsam gyis mi khyab pa'o/ /gzod ma nas ma skyes pa'i phyir chos thams cad ni/ gzod ma nas yongs su mya ngan las 'das pa'o/ /rigs kyi bu/ de ltar sgra dbyangs rnam par dag pa'i gzungs rab tu thob pa'i byang chub sems dpa' yi ge dang po a zhes bya ba yongs su brjod pa na bskal </font><hr>285b<br><font size=+1>


ba'am| bskal pa las lhag par chos ston kyang yi ge a zhes bya ba'i sgra mi 'dor bar ston to/ /de bzhin du sbyar te/ yi ge thams cad kyi nang nas yi ge gang dang gang gis chos ston par rtsom pa'i yi ge de dang de zad par mi 'gyur ro/ /rgyun chad pa med par chos kyi tshul don dang tshig 'bru dang ldan pa ston to/ /gzungs 'di la rab tu gnas pa'i byang chub sems dpa' ni/ spyod lam gyis lus rnam par dag pa yin no/ /spobs pas ngag rnam par dag pa yin no/ /byams pa sgom pas sems rnam par dag pa yin no/ /chos dang zang zing sbyin pa la ser sna med pas sbyin pa rnam par dag pa yin no/ /tshul khrims nyams pa med pas tshul khrims rnam par dag pa yin no/ /zhe 'gras pa'i sems med pas bzod pa rnam par dag pa yin no/ /legs par byed pa'i las byed pas brtson 'grus rnam par dag pa yin no/ /de la ma chags pas bsam gtan rnam par dag pa yin no/ /ye shes kyi snang ba rab rib med pas shes rab rnam par dag pa yin no/ /kha na ma tho ba med pas las rnam par dag pa yin no/ /lha'i mig yongs su dag pas mig rnam par dag pa yin no/ /lha'i snang ba thob pa dang / de bzhin gshegs pa thams cad kyis chos bstan pa nyan pas rna ba rnam par dag pa yin no/ /de bzhin gshegs pa'i tshul khrims kyi dri la </font><hr>286a<br><font size=+1>


@#/ /snom pa'i phyir sna rnam par dag pa yin no/ /ro zhim po la brkam pa med pa'i phyir lce rnam par dag pa yin no/ /brdzus te skye bas mngal gyi dri mas mi gos pa'i phyir lus rnam par dag pa yin no/ /chos rab tu 'byed pa la mkhas pas sems rnam par dag pa yin no/ /mtshan gyis legs par brgyan pas gzugs rnam par dag pa yin no/ /yid du 'ong ba'i sgra brjod pas sgra rnam par dag pa yin no/ /tshul khrims dang / thos pa dang / gtong ba'i dris yongs su bsgos pas dri rnam par dag pa yin no| |skyes bu chen po'i mtshan ro bro ba'i mchog thob pas ro rnam par dag pa yin no/ /'jam zhing mnyen pa'i rkang lag thob pas reg pa rnam par dag pa yin no/ /chos la snang ba thob pas chos rnam par dag pa yin no/ /ji ltar thos pa'i chos rnams ma brjed pas dran pa rnam par dag pa yin no/ /bdud kyi lam las shin tu 'das pas blo gros rnam par dag pa yin no/ /chos zab mo rtogs par khong du chud pas rtogs pa rnam par dag pa yin no/ /gzungs 'di la rab tu gnas pa'i byang chub sems dpa' ni/ sangs rgyas kyi zhing ji snyed sgras go bar byed pa de snyed 'od kyis rgyas par 'gengs so/ /'di lta ste/ gzungs 'di nyid kyi ma 'dres pa'i khyad par rab tu thob pas 'od des phyogs bcu'i </font><hr>286b<br><font size=+1>


sangs rgyas thams cad kyis gsungs pa'i chos kyi tshul 'byung bar byed do/ /rigs kyi bu/ sgra dbyangs rnam par dag pa'i gzungs 'di ni/ gang cung zad gzhol bar 'jug pa ste/ sgra dbyangs rnam par dag pa'i gzungs 'di bstan pa ni/ tshad med de/ yi ge rnam par phye bas bsam gyis mi khyab pa'o/ /nges par bstan pas mtha' yas pa'o/ /rnam par gdon mi za bas tshad med pa'o/ /bshad pas thug pa med pa'o/ /gzhol bar 'jug pas chags pa med pa'o/ /rigs kyi bu/ de la mi zad pa'i za ma tog gi gzungs gang zhe na/ 'di lta ste| gzungs kyi bstan pa mi zad pa ste/ gzugs mi rtag go /zhes mi rtag par bstan pa mi zad pa dang / gzugs sdug bsngal lo/ /zhes sdug bsngal bar bstan pa mi zad pa dang / gzugs bdag med pa'o/ /zhes bdag med par bstan pa mi zad pa dang / gzugs zhi ba'o/ /zhes zhi bar bstan pa mi zad pa dang / gzugs dben pa'o/ /zhes dben par bstan pa mi zad pa dang / gzugs dbu ba rdos pa lta bu'o/ /zhes dbu ba rdos pa lta bur bstan pa mi zad pa dang / gzugs sgyu ma lta bu'o/ /zhes sgyu ma lta bur bstan pa mi zad pa dang / gzugs smig rgyu lta bu'o/ /zhes smig rgyu lta bur bstan pa mi zad pa dang / gzugs chu'i zla ba lta bu'o/ /zhes chu'i zla ba lta bur bstan pa mi zad pa dang / </font><hr>287a<br><font size=+1>


@#/ /gzugs rmi lam lta bu'o/ /zhes rmi lam lta bur bstan pa mi zad pa dang / gzugs brag ca lta bu'o/ /zhes brag ca lta bur bstan pa mi zad pa dang / gzugs mig yor lta bu'o/ /zhes mig yor lta bur bstan pa mi zad pa dang / gzugs gzugs brnyan lta bu'o/ /zhes gzugs brnyan lta bur bstan pa mi zad pa dang / gzugs ngo bo nyid med pa'o/ /zhes ngo bo nyid med par bstan pa mi zad pa dang / gzugs dngos po med pa'o/ /zhes dngos po med par bstan pa mi zad pa dang / gzugs gnas med pa'o/ /zhes gnas med par bstan pa mi zad pa dang / gzugs stong pa'o/ /zhes stong par bstan pa mi zad pa dang / gzugs mtshan ma med pa'o/ /zhes mtshan ma med par bstan pa mi zad pa dang / gzugs smon pa med pa'o/ /zhes smon pa med par bstan pa mi zad pa dang / gzugs mngon par 'du byed pa med pa'o/ /zhes mngon par 'du byed pa med par bstan pa mi zad pa dang / gzugs ma skyes pa'o/ /zhes ma skyes par bstan pa mi zad pa dang / gzugs skye ba med pa'o/ / zhes skye ba med par bstan pa mi zad pa dang / gzugs sngon gyi mthar ngo bo nyid med pa'o/ /zhes sngon gyi mthar ngo bo nyid med par bstan pa mi zad pa dang / gzugs phyi ma'i </font><hr>287b<br><font size=+1>


mthar ngo bo nyid med pa'o/ /zhes phyi ma'i mthar ngo bo nyid med par bstan pa mi zad pa dang / gzugs par du ngo bo nyid med pa'o/ /zhes par du ngo bo nyid med par bstan pa mi zad pa dang / gzugs rab tu zhi ba'o/ /zhes rab tu zhi bar bstan pa mi zad pa dang / gzugs nye bar zhi ba'o/ /zhes nye bar zhi bar bstan pa mi r+zad pa dang / gzugs rgyu ba med pa'o/ /zhes rgyu ba med par bstan pa mi zad pa dang / gzugs spros pa med pa'o/ /zhes spros pa med par bstan pa mi zad pa dang / gzugs bsam gyis mi khyab pa'o/ /zhes bsam gyis mi khyab par bstan pa mi zad pa dang / gzugs mtshungs pa med pa'o/ /zhes mtshungs pa med par bstan pa mi zad pa dang / gzugs bdag med pa'o/ /zhes bdag med par bstan pa mi zad pa dang / gzugs sems can med pa'o/ /zhes sems can med par bstan pa mi zad pa dang / gzugs srog med pa'o/ /zhes srog med par bstan pa mi zad pa dang / gzugs gso ba med pa'o/ /zhes gso ba med par bstan pa mi zad pa dang / gzugs gang zag med pa'o/ /zhes gang zag med par bstan pa mi zad pa dang / gzugs bem po'o/ /zhes bem por bstan pa mi zad pa dang / gzugs g.yo ba med pa'o/ /zhes g.yo ba med par bstan pa mi zad pa dang / gzugs byed pa med pa'o/ /zhes byed pa med par bstan pa mi </font><hr>288a<br><font size=+1>


@#/ /zad pa dang / gzugs rtswa dang / rtsig pa dang / shing dang / bong ba dang / mig yor lta bu'o/ /zhes rtswa dang / rtsig pa dang / shing dang / bong ba dang / mig yor lta bur bstan pa mi zad pa dang / gzugs rnam par bsgrubs pa'i mtshan nyid do/ /zhes rnam par bsgrubs pa'i mtshan nyid du bstan pa mi zad pa dang / gzugs 'byung ba chen po bzhi las gyur pa'o/ /zhes 'byung ba chen po bzhi las gyur par bstan pa mi zad pa dang / gzugs sgra med pa'o/ /zhes sgra med par bstan pa mi zad pa dang / gzugs rnam par rig pa ma yin pa'o/ /zhes rnam par rig pa ma yin par bstan pa mi zad pa dang / gzugs brjod du med pa'o/ /zhes brjod du med par bstan pa mi zad pa dang / gzugs rang gi ngang gis yongs su dag pa'o/ /zhes rang gi ngang gis yongs su dag par bstan pa mi zad pa dang / gzugs rten cing 'brel par 'byung ba'o/ /zhes rten cing 'brel bar 'byung ba bstan pa mi zad pa dang / gzugs chad pa med pa'o/ /zhes chad pa med par bstan pa mi zad pa dang / gzugs rtag pa med pa'o/ / zhes rtag pa med par bstan pa mi zad pa dang / gzugs byed pa po med pa'o/ /zhes byed pa po med par bstan pa mi zad pa dang / gzugs tshor ba po med pa'o// </font><hr>288b<br><font size=+1>


zhes tshor ba po med par bstan pa mi zad pa dang / gzugs las kyi rnam par smin pas grub pa'o/ /zhes las kyi rnam par smin pas grub par bstan pa mi zad pa dang / gzugs chos kyi dbyings dang mnyam pa'o/ /zhes chos kyi dbyings dang mnyam par bstan pa mi zad pa dang / gzugs de bzhin nyid la rab tu gnas pa'o/ /zhes de bzhin nyid la rab tu gnas par bstan pa mi zad pa dang / gzugs yang dag pa'i mtha' la rab tu gnas pa'o/ /zhes yang dag pa'i mtha' la rab tu gnas par bstan pa mi zad pa dang / gzugs nga yi ba med pa'o/ /zhes nga yi ba med par bstan pa mi zad pa dang / gzugs yongs su 'dzin pa med pa'o/ /zhes yongs su 'dzin pa med par bstan pa mi zad pa dang / gzugs zin pa med pa'o/ zhes zin pa med par bstan pa mi zad pa dang / gzugs bsam gyis mi khyab pa'o/ /zhes bsam gyis mi khyab par bstan pa mi zad pa dang / gzugs mtshungs pa med pa'o/ /zhes mtshungs pa med par bstan pa mi zad pa dang / gzugs tshad med pa'o/ /zhes tshad med par bstan pa mi zad pa dang / gzugs thug pa med pa'o/ /zhes thug pa med par bstan pa mi zad pa dang / gzugs byang chub kyi rang bzhin no/ /zhes byang chub kyi rang bzhin du </font><hr>289a<br><font size=+1>


@#/ /bstan pa mi zad pa dang / gzugs nam mkha' dang mnyam pa'o/ /zhes nam mkha' dang mnyam par bstan pa mi zad pa dang / gzugs mya ngan las 'das pa'i rang bzhin no/ /zhes mya ngan las 'das pa'i rang bzhin du bstan pa mi zad pa'o/ /de bzhin du phung po rnams dang / khams rnams dang / skye mched rnams dang / ming gi tshogs dang / tshig gi tshogs dang / yi ge'i tshogs thams cad dang / chos thams cad kyi bar du 'ang sgra gcig brjod pa la 'jug pas bstan pa mi zad pa shes par thams cad la rgyas par sbyar ro/ /'byung ba chen po bzhi las gyur pa lus kyi za ma tog 'di'i mi zad pa yongs su brjod pa shes pa dang / rin po che'i za ma tog chos kyi rnam grangs mi zad pa la 'jug pa shes pa dang / bstan pa shes pa mi zad pa 'di ni/ mi zad pa'i za ma tog gi gzungs zhes bya ste/ gang cung zad 'jug pa tsam zhig bstan gyi/ bskal pa'am de las lhag par yang mi zad pa'i za ma tog ces brjod du yod do/ /rigs kyi bu/ de la 'khyil ba mtha' yas kyi gzungs gang zhe na/ mtha' zhes bya ba chad pa dang / rtag pa'o/ /'khyil ba zhes bya ba ni/ rten cing 'brel bar 'byung ba yan lag bcu gnyis pa ste/ 'di lta ste/ ma </font><hr>289b<br><font size=+1>


rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis rag pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' zhig 'byung bar 'gyur ro/ /de la sngags kyi dgongs pa mtha' yas pa dang / sngags bstan pa'i sgo mtha' yas pa dang / gzhol bar 'jug pa mtha' yas pa 'di ni/ 'khyil ba mtha' yas pa'i gzungs zhes bya'o/ /mtha' zhes bya ba ni/ len pa dang / 'dor ba'o/ / 'khyil ba zhes bya ba ni/ mi len mi 'dor ba'o/ /mtha' zhes bya ba ni/ skye ba dang / 'gags pa'o/ /'khyil ba zhes bya ba ni/ skye ba med pa dang / 'gags pa med pa'o| |mtha' zhes bya ba ni/ kun nas nyon mongs pa dang / rnam par byang ba'o/ /'khyil ba zhes bya ba ni/ rang bzhin gyis rnam par dag pa'o/ /mtha' zhes bya ba ni/ mtshan </font><hr>290a<br><font size=+1>


@#/ /ma dang / spros pa'o/ /'khyil ba zhes bya pa ni/ kun tu 'byung ba med pa'o/ /mtha' zhes bya ba ni/ rtog pa dang / rnam par rtog pa'o| |'khyil ba zhes bya ba ni/ rtog pa med pa dang / rnam par rtog pa med pa'o/ /mtha' zhes bya ba ni/ rgyu dang / lta ba'o/ /'khyil ba zhes bya ba ni/ rgyu dang / lta ba yongs su shes pa'o/ /mtha' zhes bya ba ni/ ming dang / gzugs so/ /'khyil ba zhes bya ba ni/ rnam par rig byed ma yin pa'o/ /mtha' zhes bya ba ni/ 'dus byas dang / 'dus ma byas pa'o/ /'khyil ba zhes bya ba ni/ 'khor gsum yongs su dag pa'o/ /mtha' zhes bya ba ni/ nang dang / phyi'o/ /'khyil ba zhes bya ba ni/ rnam par shes pa mi gnas pa'o/ /mtha' zhes bya ba ni/ las dang / rnam par smin pa'o/ /'khyil ba zhes bya ba ni/ las med pa dang / rnam par smin pa med pa'o/ /mtha' zhes bya ba ni/ dge ba dang / mi dge ba'o/ /'khyil ba zhes bya ba ni/ mngon par 'du byed pa med pa'o/ /mtha' zhes bya ba ni/ kha na ma tho pa dang bcas pa dang / kha na ma tho ba med pa'o/ /'khyil ba zhes bya ba ni/ gnyis su med pa'o/ /mtha' zhes bya ba ni/ las dang / nyon mongs pa </font><hr>290b<br><font size=+1>


rnams so/ /'khyil ba zhes bya ba ni/ rang bzhin gyis 'od gsal ba'o/ /mtha' zhes bya ba ni/ bdag dang / bdag med pa'o/ /'khyil ba zhes bya ba ni/ shin tu rnam par dag pa'o/ /mtha' zhes bya ba ni/ 'khor ba dang / mya ngan las 'das pa'o/ /'khyil ba zhes bya ba ni/ chos thams cad rang bzhin gyis yongs su mya ngan las 'das pa'o/ /rigs kyi bu/ de ltar mtha' yas pa bstan pa tshad med do/ /'khyil ba stan pa tshad med do/ /'khyil ba mtha' yas pa'i gzungs 'di la rab tu gnas pa'i byang chub sems dpa' ni/ mtha' yas pa'i rjes su song / /chos 'khyil ba'i rjes su song bas bskal pa brgya stong phrag mtha' yas par chos ston kyang don dang tshig 'brus gzungs kyi ye shes 'di'i mthar mi phyin to/ /'di ni/ 'khyil ba mtha' yas pa'i gzungs la gzhol bar 'jug pa dang / rjes su 'gro bar bstan pa dang / ye shes kyi snang ba rjes su rtogs pa dang / rnam par dag pa'i sgo la rab rib med pa'i ye shes kyi rjes su 'gro ba rjes su rtogs pa'o/ /rigs kyi bu/ de la rgya mtsho'i phyag rgya'i gzungs gang zhe na/ rigs kyi bu/ 'di lta ste/ dper na/ gling bzhi pa chen po'i 'jig rten gyi khams na gang dag gzugs su snang ba dang / </font><hr>291a<br><font size=+1>


@#/ /sems can gyi gzugs su snang ba'am/ ri'i gzugs su snang ba'am/ shing gi gzugs su snang ba'am/ rtswa dang / shing gel pa dang / sman dang / nags tshal dang / lo tog gi gzugs su snang ba'am/ zla ba dang / nyi ma dang / skar ma dang / nor bu dang / sprin dang / me dang / glog gi gzugs su snang ba'am/ grong dang / grong khyer dang / grong rdal gyi dbyibs kyi gzugs su snang ba'am/ gzhal med khang dang / longs spyod kyi gzugs su snang ba'am skyed mos tshal dang / chu mig dang / mtshe'u dang / lteng ga dang / 'bab chu'i gzugs su snang ba'am/ nye bar spyod pa'am/ yongs su spyod pa thams cad kyi gzugs su snang ba ngan pa dang / 'bring dang / rab dang / gzugs su snang ba de dag thams cad rgya mtsho chen po la rgya dang bcas par mi nyung / mi mang / lhag pa med pas de'i phyir rgya mtsho chen po zhes bya'o/ /rigs kyi bu/ de bzhin du rgya mtsho'i phyag rgya'i gzungs la rab tu gnas pa'i byang chub sems dpa' yang sems can thams cad la lus rgya dang mtshungs pa yin no/ /sems can thams cad la ngag rgya dang mtshungs pa yin no/ /sems can thams </font><hr>291b<br><font size=+1>


cad la sems rgya dang mtshungs pa yin no/ /phyogs bcu dag na sangs rgyas bcom ldan 'das chos ston pa'i gsungs gi 'phrin las ji snyed 'jug pa de dag byang chub sems dpa' de'i kha'i sgo nas phyag rgyas btab pa dang mtshungs par 'byung ngo / /byang chub sems dpa' de bzhin gshegs pa'i phyag rgyas btab ste gang ci brjod pa de thams cad de bzhin gshegs pa'i phyag rgyas rnam par mi rtog par phyag rgya thams cad ston pa la gzhan gyi dring mi 'jog par 'gyur ro/ /de la phyag rgya bstan pa ni/ 'di yin te/ 'di lta ste/ a zhes bya ba ni/ mngon par 'du byed med pa'i phyag rgya'o/ /ra zhes bya ba ni/ chos thams cad la 'dod chags dang bral ba thob pa'i phyag rgya'o/ /pa zhes bya ba ni/ don dam pa bstan pa'i phyag rgya'o/ /tsa zhes bya ba ni/ mig rnam par dag pa'i phyag rgya'o/ /na zhes bya ba ni/ ming dang gzugs thams cad yongs su shes pa'i phyag rgya'o/ /la zhes bya ba ni/ sred pa'i 'khri shing dang bral ba'i phyag rgya'o/ /da zhes bya ba ni/ stobs bcu yongs su dag pa'i phyag rgya'o/ /ba zhes bya ba ni/ stobs dang byang chub kyi yan lag yongs su dag pa'i phyag rgya'o/ /Da zhes bya ba ni/ khrag khrug dang bral ba dang / gdung </font><hr>292a<br><font size=+1>


@#/ /bas gdungs pa dang bral ba'i phyag rgya'o/ /Sha zhes bya ba ni/ mngon par shes pa drug thob pa'i phyag rgya'o/ /ba zhes bya ba ni/ g.yon phyogs kyi lam rnam par spangs pa'i phyag rgya'o/ /ta zhes bya ba ni/ de kho na bstan pa'i phyag rgya'o/ /ya zhes bya ba ni/ ji lta ba bzhin gyi phyag rgya'o/ /sta zhes bya ba ni/ khengs pa'i tha ba dang bral ba'i phyag rgya'o/ /ka zhes bya ba ni/ the tshom dang bral ba'i phyag rgya'o/ /sa zhes bya ba ni/ bden pa bstan pa'i phyag rgya'o// ma zhes bya ba ni/ lam rnam par dag pa'i phyag rgya'o/ /ga zhes bya ba ni/ zab mo la 'jug pa'i phyag rgya'o/ /s+tha zhes bya ba ni/ mthu dang stobs kun tu bstan pa'i phyag rgya'o/ /dza zhes bya ba ni/ rga shi las shin tu 'da' ba'i phyag rgya'o/ /shwa zhes bya ba ni/ gcan gzan gyi nyes pa rnam par spangs pa'i phyag rgya'o/ / d+ha zhes bya ba ni/ chos kyi dbyings 'dres pa med pa'i phyag rgya'o/ /sha zhes bya ba ni/ zhi gnas yongs su rdzogs pa'i phyag rgya'o/ /kha zhes bya ba ni/ nam mkha' mi zad pa'i chos nyid kyi phyag rgya'o/ /kaSha zhes bya ba ni/ zad pa shes pa dang / mi skye ba shes pa'i phyag rgya'o/ /su zhes bya ba ni/ rmugs pa'i sgrib pa </font><hr>292b<br><font size=+1>


rnam par spangs pa'i phyag rgya'o/ /sa zhes bya ba ni/ sems can thams cad kun tu shes par byed pa'i phyag rgya'o/ /ha zhes bya ba ni/ nyams pa la rten pa'i chos rnam par spangs pa'i phyag rgya'o/ /b+ha zhes bya ba ni/ dngos po dang / dngos po med pa rjes su rtogs par byed pa'i phyag rgya'o/ /tsha zhes bya ba ni/ 'dod pa dang / zhe sdang dang / 'jig pa dang / gti mug rnam par spong ba'i phyag rgya'o/ /sma zhes bya ba ni/ bran pa dang / shes bzhin dang / brjod pa med pa'i phyag rgya'o/ /ha zhes bya ba ni/ bod pa'i phyag rgya'o/ /sa zhes bya ba ni/ nyon mongs pa thams cad dor ba'i \?\ phyag rgya'o/ /g+ha zhes bya ba ni/ thibs po dang / ling tog dang / ma rig pa sel ba'i phyag rgya'o/ /Tha zhes bya ba ni/ mthar thug par 'gro ba'i phyag rgya'o/ /Na zhes bya ba ni/ gya nom pa'i chos rjes su rtogs par byed pa'i phyag rgya'o/ /pha zhes bya ba ni/ 'bras bu thob par byed pa'i phyag rgya'o/ /ska zhes bya ba ni/ phung po yongs su shes par bya ba'i phyag rgya'o/ /dz+wa zhes bya ba ni rims nad sel ba'i phyag rgya'o/ /sh+tsa zhes bya ba ni/ ngo mtshar rmad du byung ba'i chos mngon par rdzogs par byang chub par bya ba'i phyag rgya'o/ /ba zhes bya ba ni/ </font><hr>293a<br><font size=+1>


@#/ /lam gyi rgyun gcod cing mya ngan las 'das pa rjes su thob par byed pa'i phyag rgya'o/ /la zhes bya ba ni/ yi ge'i mtha' thug pa med pa'i phyag rgya'o/ /rigs kyi bu/ de ltar byang chub sems dpa' rnam pa ji snyed kyis chos ston pa'i yi ge de dag thams cad kyi phyag rgya bstan pa rab tu shes te| rigs kyi bu/ 'di ni/ rgya mtsho'i phyag rgya'i gzungs kyi sgor 'jug pa'o/ /rigs kyi bu/ de la pad+ma bkod pa zhes bya ba'i gzungs de gang zhe na/ rigs kyi bu/ 'di la byang chub sems dpa' gzungs 'di la rab tu gnas pa ni/ 'khor gyi dkyil 'khor gang dang gang du chos bstan pa de dang / der de'i pad+ma'i stan sna tshogs pa blta na sdug pa 'byung ste/ de pad+ma'i stan de la 'dug ma thag tu steng gi bar snang las pad+ma'i char 'bab bo/ /pad+ma de dag las kyang chos bstan pa rnam pa sna tshogs 'byung ste/ 'di lta ste/ zab mo bstan pa dang / sna tshogs bstan pa dang / dpe brjod pa bstan pa dang / mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa'i sde dang / de </font><hr>293b<br><font size=+1>


lta bu byung ba dang / skyes pa'i rabs dang / rmad du byung ba'i sde dang / shin tu rgyas pa dang / chos gtan la dbab pa bstan pa dag ston par 'gyur ro/ /pad+ma las chos brjod pa byung ba de'ang de med pa'i sdug bsngal yang dag par zad par 'gyur ro/ /byang chub sems dpa' de'ang btang snyoms su byed cing mi smra ba dang / mnyam par bzhag pa'i gnas kyang mi 'dor ro/ /pad+ma 'byung ba las nges par byung ba de'ang de byed pa'i sdug bsngal yang dag par zad par 'gyur te/ sangs rgyas kyi mdzad pa'ang byed do/ /byang chub sems dpa' de'i lus kyi spu'i khung bu thams cad nas 'od zer dag 'byung ngo / /'od zer de dag las kyang pad+ma dag 'byung ngo / / pad+ma dag las kyang byang chub sems dpa'i gzugs rnams 'byung ste/ de dag phyogs bcu 'jig rten gyi khams mtha' yas mu med pa dag tu dong nas sangs rgyas kyi mdzad pa byed de/ 'di ni/ pad+ma bkod pa'i gzungs kyi sgor 'jug pa'o/ /rigs kyi bu/ de la chags pa med pa'i sgor 'jug pa zhes bya ba'i gzungs gang zhe na/ / 'di lta ste/ bstan pa gcig la mi chags so/ /bstan pa gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / </font><hr>294a<br><font size=+1>


@#/ /bcu dag la mi chags so/ /bstan pa nyi shu dang / sum cu dang / bzhi bcu dang / lnga bcu dang / drug cu dang / bdun cu dang / brgyad cu dang / dgu bcu dang / brgya dag la mi chags so/ /bstan pa stong la mi chags so/ /bstan pa bye ba brgya phrag stong la mi chags so/ /bstan pa ther 'bum dang / khrag khrig dang / gtams dang / dkrigs dang / mi 'khrugs pa dang / tshad med pa dang / grangs med pa dang / mtshungs pa med pa dang / gzhal du med pa dang / dpag tu med pa la mi chags so/ /bstan pa gang+gA'i klung gi bye ma'i rdul phra rab kyi rdul snyed la mi chags so/ /bstan pa dzam+bu'i gling gi rdul phra rab kyi rdul snyed la mi chags so/ /bstan pa gling bzhi pa'i rdul phra rab kyi rdul snyed la mi chags so/ /bstan pa stong gsum gyi stong chen po nyi shu dang / sum cu dang / bzhi bcu dang / lnga bcu dang / sangs rgyas kyi zhing gi rdul phra rab kyi rdul snyed la mi chags so/ /bstan pa sangs rgyas kyi zhing gang+gA'i klung gi bye ma snyed kyi rdul phra rab kyi rdul snyed la mi chags pa nas bstan pa sangs rgyas kyi zhing thams cad kyi rdul phra rab kyi rdul snyed la mi chags so/ /rigs kyi bu/ de ltar chos kyi sgo gang dang gang </font><hr>294b<br><font size=+1>


brtsams pa'i chos kyi sgo de dang de'i bstan pa sangs rgyas kyi zhing thams cad kyi rdul phra rab kyi rdul snyed dag bstan pa gcig gis ston to/ /gnyis dang / gsum dang / bzhi dang / lnga dang / drug dang / bcu dang / nyi shu dang / sum cu dang / bzhi bcu dang / lnga bcu dang / brgya dang / stong dang / tshad med pa'i bstan pas ston te/ ldan pa dang / 'byor pa dang / shin tu nges pa'i tshig dang / don dang / tshig 'bru dang ldan par ston kyang chags pa med cing rgyun chad pa med de/ 'di ni/ chags pa med pa'i sgor 'jug pa zhes bya ba'i gzungs so/ /rigs kyi bu/ de la so so yang dag par nges pa la 'jug pa'i gzungs gang zhe na/ gang don so so yang dag par rig pa bstan pa mi zad pa shes pa dang / chos so so yang dag par rig pa bstan pa mi zad pa shes pa dang / nges pa'i tshig so so yang dag par rig pa bstan pa mi zad pa shes pa dang / spobs pa so so yang dag par rig pa bstan pa mi zad pa shes pa ste/ shes pa 'di lta bu rab tu thob pa de la shar phyogs kyi sems can ji snyed pa de dag thams cad gcig tu 'dus te rang rang gi skad kyis don la mkhas pa yongs su dris/ gang dag lho phyogs kyi sems can de dag gis ni/ chos la mkhas pa </font><hr>295a<br><font size=+1>


@#/ /yongs su dris/ gang dag nub phyogs kyi sems can de dag gis ni/ nges pa'i tshig la mkhas pa yongs su dris/ gang dag byang phyogs kyi sems can de dag gis ni/ spobs pa la mkhas pa yongs su dris na/ de la byang chub sems dpa'i ngag gi las kyang de snyed du tshad med de/ dus gcig tu brjod cing skad sna tshogs la 'jug pa la brjed par mi 'gyur/ sems g.yeng bar mi 'gyur ro/ /skad la 'jug pa shes pas skad thams cad kyi rjes su zhugs te| skad cig brjod pas sems can thams cad kyi sems kyi rnam par rig pa tshim par byed de/ 'di ni/ so so yang dag par rig pa rnam par nges pa la 'jug pa zhes bya ba'i gzungs so/ /rigs kyi bu/ de la sangs rgyas kyi rgyan byin gyis brlabs pa zhes bya ba'i gzungs gang zhe na/ rigs kyi bu/ 'di la byang chub sems dpa' gzungs 'di lta bu rab tu thob pa/ chos kyi stan chen po la 'dug pa/ 'khor gyi dkyil 'khor chen po'i dbus na 'dug pa'i spyi gtsug gi drang thad kyi steng na de bzhin gshegs pa'i sku gser gyi mdog can/ mtshan dang dpe byad kyis legs par brgyan pa'i lus dang ldan pa'i gzugs 'byung ste/ de bzhin </font><hr>295b<br><font size=+1>


gshegs pa'i gzugs des phyag g.yas pa de'i spyi gtsug tu 'jog go /phyag bzhag ma thag tu byang chub sems dpa' de sangs rgyas kyi rgyan gyis brgyan pa'i lus kyi las dang ldan par 'gyur ro/ /sangs rgyas kyi rgyan gyis brgyan pa'i ngag gi las dang ldan par 'gyur ro/ /sangs rgyas kyi rgyan gyis brgyan pa'i dran pa'i las dang ldan par 'gyur ro/ /de chos de lta bu dang ldan te/ 'khor thams cad kyi sems kyi bsam pa la 'jug pas so so ci rigs par chos ston to/ /zhag gcig gam| zhag gnyis sam/ zhag gsum mam/ zhag bzhi'am/ zhag bdun nam/ zla ba phyed dam/ zla ba gcig gam/ dus sam/ lo khyud kor ram/ lo brgya'am/ stong ngam/ lo brgya phrag stong ngam/ ji tsam du 'dod pa de tsam du kha zas dang bral ba'i rgyud kyis chos ston kyang de bzhin gshegs pa'i byin gyi rlabs kyis shin tu yongs su bzung ba'i phyir de'i chos kyi sgo yongs su zad par mi 'gyur/ lus dang sems ngal bar mi 'gyur ro/ /shes pa chen po bzhi dang ldan par 'gyur te/ bzhi gang zhe na/ sems can gyi bsam pa dang / tshig rab tu dbye ba shes pa dang / so so yang dag par rig pa mi zad pa shes pa dang / theg pa ji ltar rnam par dgod pa </font><hr>296a<br><font size=+1>


@#/ /shes pa dang / so so ci rigs par bstan pa shes pa dang ldan par 'gyur te/ rigs kyi bu/ 'di ni/ sangs rgyas kyi rgyan byin gyis brlabs pa'i gzungs kyi gang cung zad gzhol ba'i sgor 'jug pa zhes bya'o/ /gzungs 'di ni/ mi zad pa/ thug pa med pa'i rjes su song ba/ de bzhin gshegs pa'i mtshams dang bcas pa dang / bstan pa tshad med pa'o/ /rigs kyi bu/ byang chub sems dpa' rnams kyi gzungs ni/ brgyad po 'di dag ste/ gzungs de dag la rab tu gnas pa'i byang chub sems dpa' rnams ni/ sangs rgyas thams cad kyis gsungs pa kun tu 'dzin to/ /chos ston pa ni/ mi zad par 'gyur ro/ /legs par bshad pas sems can thams cad tshim par byed par 'gyur ro/ /de nas de'i tshe byang chub sems dpa' gzungs kyi dbang phyug gi rgyal pos tshigs su bcad pa 'di dag smras so/ /bde gshegs rnams kyis rab tu gsungs pa'i gsung brgyad po/ /theg pa 'dir ni de dag rnam par nges thob pa| |mdo sde bye ba stong phrag thug pa med 'chad kyang / /de ni don dang tshig 'bru gang la'ang chags pa med/ /yid 'ong shin tu snyan cing chags par 'gyur </font><hr>296b<br><font size=+1>


ba'i dbyangs/ /bye ba stong phrag tshad med zhing du go byed pa/ /sems can rnams kyis de thos mya ngan 'das par 'gro /sgra dbyangs rnam par dag pa'i gzungs 'di thug pa med| |yi ge thams cad shes pa mkhas pa blo gros ldan/ /bskal pa mang por 'chad kyang chos la zad pa med/ /rtsa ba'i tshig gcig brjod pa'ang zad par mi 'gyur te/ /mi zad chos kyi za ma tog 'di dran pa yi/ /gang gis gzungs thob mtha' mar thug par yongs bcad pa/ /mnyam nyid tshul bzhin chos la sems pa blo gros ldan/ /mthar 'dzin thams cad rnam par spangs te yongs dag pas/ /khyu mchog gyur pa de ni dbus la gnas mi 'gyur/ /gang gis mtsho chen phyag rgya'i gzungs ni rab thob pa/ /de yi kha nas phyag rgya bsam yas brjod pa na/ /gang dag gling bzhi gzugs kyi rnam pa ji snyed pa/ /de dag kun dang rgya mtsho mtsho chen bcas mi rtog /'khor du gal te bdag nyid chen po de chos ston/ /nam mkha' las ni pad+ma dag gi char chen 'bab/ /pad+ma dag las chos mang bye ba rab tu 'byung / /'di ni pad+ma bkod pa'i gzungs te yongs su dag /chags pa med pa'i gzungs ni gal te thob gyur na/ /tshig gcig brjod pa rab tu smra dang gnyis </font><hr>297a<br><font size=+1>


@#/ /dag dang / /gsum dang bzhi dang lnga dang bye ba dag dang ni/ /khrag khrig thug pa med par smra la chags pa med/ /gang gis rnam par gdon mi za pa'i gzungs thob pa/ /don dang chos dang nges tshig spobs pa ji snyed pa/ /phyogs bcu'i sems can ji snyed mang pos yongs dris na/ /de dag the tshom kun bcad dogs pa med par 'gyur/ /gang gis sangs rgyas rnam par 'phrul pa'i gzungs thob pa/ /gzi brjed chen po de ni stan la 'dug pa na/ / sangs rgyas phyag g.yas de yi spyi bor 'jog mdzad de/ /de yang rgyal ba'i spobs pa ci 'dra bzhin du 'gyur/ /gang gis gzungs rnams 'di dag rab tu thob gyur pa/ /de yi yon tan bsam yas thug pa med 'gyur te/ /gang+gA'i snyed kyi bskal pa bye ba stong brjod kyang / /khyu mchog gyur pa'i bsngags pa brjod pas zad pa med/ /gang gis gzungs kyi mchog rnams rab tu thob gyur pa/ /de yi shes pa srid pa gsum la mnyam 'jug ste/ /pad+ma bzhin du srid pa gsum las 'phags 'gyur zhing / /ri rab bzhin du yul rnams kyis ni mi bskyod 'gyur/ /gang gis gzungs kyi mchog rnams rab tu thob gyur pa/ /de ni srid kun rnam </font><hr>297b<br><font size=+1>


par spangs pa'i spyad spyod de/ /mu stegs can gyi tshogs kun 'joms pa sgrog pa na/ /seng+ge bzhin du 'khor du 'jigs pa med par 'gyur/ /sa ltar dge ba rnams ni rnam par skyed par 'gyur/ /chu ltar dri ma rnams ni rab tu ded par 'gyur/ /me ltar rlom sems med cing rnam rtog med par 'gyur/ /rlung ltar yul rnams la ni chags pa med par 'gyur/ /gang gis gzungs kyi mchog rnams rab tu thob gyur pa/ /de ni smra tshe shes dang dbang po 'khrug pa med/ /de ni sman pa bzhin du 'gro ba thar byed 'gyur/ /phan par 'dod pas chos kyi bkru sman sbyin par byed/ /gang gis gzungs kyi mchog rnams rab tu thob gyur pa/ /skye ba'i tshogs rnams de la lta bas mi ngoms te/ /zla ba bzhin du dge ba dag ni rnam sbyor 'gyur/ /sems snyoms gzi brjid chen po 'od zer mnyam par gtong / /gang gis gzungs kyi mchog rnams rab tu thob gyur pa/ /de ni 'gro ba'i srid pa ma lus skem par byed/ /nyi ma bzhin du 'od byed mun pa sel bar 'gyur/ /gnyid log sems can srid pa gsum las sad par byed/ /gang gis gzungs kyi mchog rnams rab tu thob gyur pa/ /de ni kun la cung zad tsam yang 'dzin pa med/ / </font><hr>298a<br><font size=+1>


@#/ /de ni rgyal po bzhin du 'jig rten dbang phyug che/ /rnam thos bu bzhin nor ldan chos rnams ston par byed/ /gang gis gzungs kyi mchog rnams rab tu thob gyur pa/ /rdzu 'phrul chen po dran ldan klu dang 'drar 'gyur te/ /sprin gyi bya ba med cing mkha' las glog phyung nas/ /zhi bar bya phyir de ni chos kyi char pa 'bebs/ /gang gis gzungs kyi mchog rnams rab tu thob gyur pa/ /'khor rnams thams cad khyu mchog gyur pa'i gdong du blta/ /brgya byin bzhin du dman pa ma yin gzugs mchog ldan/ /blo chen 'gro ba rnams la chos dang don rnams sems/ /gang gis gzungs kyi mchog rnams rab tu thob gyur pa| |de ni tshangs pa'i gnas pa yongs dag bsam gtan byed/ /tshangs pa bzhin du mnyam bzhag snying rje ldan par 'gyur/ /'jig rten 'di kun zil gyis mnan nas bsam gtan byed/ /gang gis gzungs kyi mchog rnams rab tu thob gyur pa/ /de ni phyogs bcu'i sangs rgyas mang la mchod pa byed/ /de ni rtag tu mngon shes lnga las nyams mi 'gyur/ /zhing brgya bsam gyis mi khyab dag tu mkha' nas 'gro /gang gis gzungs kyi mchog rnams rab tu thob gyur pa/ / </font><hr>298b<br><font size=+1>


de ni ring por mi thogs sangs rgyas yon tan thob/ /phyogs na rgyal ba rnams ni de yi bsngags brjod de/ /bu gcig pa zhig yon tan ldan pa bzhin du bstod/ /gang gis gzungs kyi mchog rnams rab tu thob gyur pa/ /de ni spobs pa phreng ba legs brgyus ji bzhin te/ /mdo sde zab mo sna tshogs mang po 'chad pa na/ /spobs pa rgya che yangs shing zad pa med par 'gyur/ /gang gis gzungs kyi mchog rnams rab tu thob gyur pa/ /de la rgyags pa med cing g.yo med nga rgyal med/ /dran ldan blo gros ldan zhing blo ldan rtogs dang ldan/ /ye shes mtha' yas spyod yul nam mkha' bzhin du 'gyur/ /gang gis gzungs kyi mchog rnams rab tu thob gyur pa/ /de yi 'dus byas nyes pa thams cad rab tu chad/ /shes rab ye shes thabs dang zung du 'brel par 'gyur/ /byams dang snying rje dag kyang zung du 'brel par 'gyur/ / gang gis gzungs kyi mchog rnams rab tu thob gyur pa/ /de ni smra tshe 'khrul ba cung zad mi dmigs te/ /bdag nyid che de sems can rnams kyi sgra skad shes/ /spyod dang dbang po dang ni mos pa thams cad shes/ /gang gis gzungs kyi mchog rnams rab tu thob gyur pa/ /des ni chos la lhag mthong dge dang dran pa dang / /rdzu 'phrul dang </font><hr>299a<br><font size=+1>


@#/ /ni spong dang dbang po stobs lnga dang / /byang chub yan lag de bzhin lam mchog zhi gnas thob/ /gang gis gzungs kyi mchog rnams rab tu thob gyur pa/ /de ni bde gshegs rnams kyi spyod yul rang gis rtogs/ /pha rol phyin pa dag ni kun gyi pha rol son/ /bsdu ba'i dngos po kun la mkhas shing blo gros ldan/ /gang gis gzungs kyi mchog rnams rab tu thob gyur pa/ /de la nam yang 'khrul ba cung zad mi dmigs te/ /des pa de ni zhi zhing nyer zhi myos pa med/ /de ni spyod la rab tu gnas gyur shin tu dul/ /gang gis gzungs kyi mchog rnams rab tu thob gyur pa/ /de ni bde gshegs spyan sngar pad+ma'i steng na 'dug /de yi lus ni chos kyi rgyus byung rdul dang bral/ /de yi lus la mngal gyi dri mas gos mi 'gyur/ /gang gis gzungs kyi mchog rnams rab tu thob gyur pa/ /de ni rgyal ba kun gyis byin brlabs chos smra ste/ /de ni lus dang ngag yid las rnams gang byed pa/ /thams cad shes pas byas te skye bo phan par byed| |gang gis gzungs kyi mchog rnams rab tu thob gyur pa/ /de ni smra tshe bsngags pa zad par mi 'gyur te/ /sems can thams cad 'bren pa shes rab cher </font><hr>299b<br><font size=+1>


gyur kyang / /de yi bsngags pa bskal pa mang por bsam mi khyab/ /bam po bdun pa ste/ tha ma/ de nas bcom ldan 'das kyis byang chub sems dpa' sems dpa' chen po gzungs kyi dbang phyug gi rgyal po la legs so zhes bya ba gnang ste/ gzungs kyi dbang phyug gi rgyal po/ khyod kyis gzungs rnam par nges par bstan pa 'di legs par bshad pa dang / ji ltar yang khyod chos 'di dag la gzhan gyi dring mi 'jog pa dang / ji ltar yang khyod sngon gyi de bzhin gshegs pa rnams la gzungs kyi sgo'i tshig zab mo rnams yongs su 'dri ba'i rang bzhin can du gyur pa legs so legs so/ /de'i phyir gzungs kyi dbang phyug gi rgyal po/ khyod kyis rnam grangs 'dis kyang 'di ltar rig par bya'o/ /gzungs kyi dbang phyug gi rgyal po/ sngon byung ba 'das pa'i dus na bskal pa grangs med pa'i yang ches grangs med pa/ rgyas pa| tshad med pa/ bsam gyis mi khyab par gyur pa de'i tshe de'i dus na rnam par snang byed kyi bskal pa la 'jig rten gyi khams dri ma med par de bzhin gshegs pa dri ma med par snang ba zhes bya ba sangs rgyas bcom ldan 'das zhes bya ba'i bar du gyur pa 'jig rten du byung ngo / /'jig rten gyi khams dri ma med pa de'ang bai DUR+Ya </font><hr>300a<br><font size=+1>


@#/ /ltar dag par gyur te/ me long lta bur shin tu byi dor byas pa/ lag mthil ltar mnyam pa'o/ /'jig rten gyi khams der rin po che sna bdun gyi shing ljon pa rin po che'i yal ga dang / lo ma dang / me tog dang / 'bras bur ldan pa dag byung bar gyur to/ /dzam+bu'i chu bo'i gser gyi pad+ma tshad shing rta'i phang lo tsam du gyur pa sna tshogs pa/ blta na sdug pa dag kyang byung bar gyur to/ /lha dang mi de dag kyang rin po che'i khang pa brtsegs pa la yongs su longs spyod par gyur to/ /zas dang skom yang bsam pa tsam gyis 'byor te/ 'di lta ste/ dper na/ gzhan 'phrul dbang byed kyi lha rnams kyi longs spyod dag yongs su spyod pa ltar lha dang mi de dag gi longs spyod dang / yongs su spyod pa'ang de 'dra bar gyur to/ /lha dang mi de dag kyang 'dod chags chung ba/ zhe sdang chung ba/ gti mug chung ba/ rnam pa bzang ba/ shin tu rnam par rig par byed par gyur to/ /'jigs rten gyi khams de ni/ nyi ma dang / zla bar btags pa rnams med par gyur te/ bcom ldan 'das de bzhin gshegs pa dri ma med par snang ba de ni/ lus kyi 'od kyis thams cad dang ldan pa'i sangs rgyas zhing gsal </font><hr>300b<br><font size=+1>


bar gyur to/ /'jig rten gyi khams de na pad+ma kha zum pas mtshan mo zhes bya ba dang / pad+ma kha bye bas nyin mor bgrang ba ma gtogs par nyin mtshan du gdags pa med do/ /bcom ldan 'das de bzhin gshegs pa dri ma med par snang ba de'i byang chub sems dpa'i dge 'dun ni/ byang chub sems dpa' rab tu byung ba snyoms par zhugs pa'i byang chub sems dpa' bye ba brgya phrag drug cur gyur to/ /khyim pa tshad med pa dag ni/ bla na med pa yang dag par rdzogs pa'i byang chub la yang dag par zhugs par gyur to/ /de ni/ theg pa chen po ma gtogs par theg pa rnam par dgod pa gzhan med par gyur to/ /bcom ldan 'das/ de ni/ phyir mi ldog pa dag pa'i gtam yang dag par ston to/ /bcom ldan 'das de'i sku tshe'i tshad ni/ bskal pa phyed du gyur to/ /mi rnams kyang bar ma dor 'chi ba'i dus byed pa med par gyur to/ /sangs rgyas kyi zhing de na gang dag sa la gnas pa'i khang pa brtsegs pa rnams na gnas pa de dag ni/ mi zhes bya ba'i grangs su 'gro /gang dag nam mkha' la gnas pa'i khang pa brtsegs pa rnams na gnas pa de dag ni/ lha zhes bya ba'i grangs su 'gro ba ma gtogs par lha dang mi rnams kyi kha dog dang / </font><hr>301a<br><font size=+1>


@#/ /yongs su spyod pa tha dad du bya ba med par gyur to/ /'jig rten gyi khams de na bcom ldan 'das chos kyi rgyal po bla na med pa de ma gtogs par rgyal po gzhan gang yang med do/ /lha dang mi de dag thams cad kyang de bzhin gshegs pa la mchod pa'i las byed pa dang / chos nyan pa la 'dun par gyur pa ma gtogs par lha gzhan med/ ston pa gzhan med/ gzhan la phyag mi 'tshal/ las gzhan mi byed/ gzhan yid la mi byed par gyur to/ /'jig rten gyi khams de ni bud med du gdags pa med do| |sems can de dag bslab pa gsum po dag la slob pa ma gtogs par ltung bar gdags pa med do/ /bslab pa las 'da' bar gdags pa med do/ /bslab pa gsum gang zhe na/ 'di lta ste/ lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa'o/ /de la lhag pa'i tshul khrims kyi bslab pa gang zhe na/ gang thams cad mkhyen pa'i sems mi gtong ba dang / mngon par 'du byed pa thams cad rnam par spong ba'o/ /de la lhag pa'i sems kyi bslab pa gang zhe na/ gang ting nge 'dzin la rab tu gnas nas lhag pa'i shes rab thob pa'o/ /de la lhag pa'i shes rab kyi bslab pa gang zhe na/ gang shes rab kyi pha rol tu phyin pa la rab tu gnas nas so so yang dag par rig pa thob pa'o/ /byang chub sems </font><hr>301b<br><font size=+1>


dpa' de dag ni lung phog pa med par bslab pa 'di lta bu dag la slob pa dag go /'jig rten gyi khams de ni de lta bur yongs su dag par gyur to/ /bcom ldan 'das/ de'i chos bstan pa'ang de lta bur yongs su dag par gyur to/ /de'i tshe byang chub sems dpa' 'od dpal zhes bya ba 'khor de nyid du 'dus te 'dug par gyur pa de stan las langs te bcom ldan 'das de bzhin gshegs pa dri ma med par snang ba de la 'di skad ces gsol to/ /bcom ldan 'das/ gzungs gzungs zhes bgyi na/ bcom ldan 'das/ byang chub sems dpa' dag gzungs gang la rab tu gnas nas sangs rgyas bcom ldan 'das thams cad kyis gsungs pa kun tu 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par bgyi ba'i gzungs de gang lags/ de skad ces gsol pa dang / bcom ldan 'das de bzhin gshegs pa dri ma med par snang ba des byang chub sems dpa' 'od dpal la 'di skad ces bka' stsal to/ /rigs kyi bu/ khyod gang gi phyir/ de bzhin gshegs pa la don de yongs su dri bar sems pa legs so legs so/ /rigs kyi bu/ rin chen sgron ma zhes bya ba'i gzungs yod de/ byang chub sems dpa' dag gzungs de la rab tu gnas nas/ sangs rgyas thams cad kyis gsungs pa kun tu 'dzin to/ /legs par bshad pas sems can thams cad tshim par byed do/ /de skad ces </font><hr>302a<br><font size=+1>


@#/ /bka' stsal pa dang / de bzhin gshegs pa dri ma med par snang ba la/ byang chub sems dpa' 'od dpal gyis 'di skad ces gsol to/ /bcom ldan 'das/ gang thos pas bdag cag de bzhin du sgrub cing gzungs 'di thob par 'gyur bar de bzhin gshegs pas rin chen sgron ma'i gzungs gang cung zad 'jug pa tsam zhig legs par bshad du gsol/ de nas de bzhin gshegs pa dri ma med par snang bas byang chub sems dpa' 'od dpal la tshigs su bcad de bka' stsal pa/ nyon mongs rnams kyi rdul dang bral gyur te/ /dri ma med cing dri ma kun tu spangs/ /sems ni rtag tu dag cing dri med pa/ /'di ni rin chen sgron ma'i gzungs yin no/ /lus kyi ngag rnams dag cing yid kyis ni/ /zla ba lta bur dri bral dri med 'od/ /byams pa'i sems dang yid kyang snyoms gyur pa/ /'di ni rin chen sgron ma'i gzungs yin no/ /gnyis su lta ba dag las rnam grol zhing / /rtog dang rnam par rtog dang kun tu bral/ /'du shes rnams ni yongs su shes gyur pa/ /'di ni rin chen sgron ma'i gzungs yin no/ /dran dang blo gros rtog la 'jug pa 'grub// shes rab che ldan yon tan rnams dang ldan/ /nam mkha'i dkyil ltar dri ma med cing dag /'di ni rin chen sgron ma'i gzungs yin no/ /dkon mchog gsum </font><hr>302b<br><font size=+1>


po rgyun mi chad pa dang / /dri gsum rnam spangs srid pa gsum las grol/ /gnyis la yid gnyis za ba mthar 'byin pa/ /rin chen sgron ma'i gzungs ni dag pa yin| |'dod chags dang ni zhe sdang gti mug bcom/ /dus ngan rnyog spangs yon tan kun dang ldan/ /nyon mongs mun pa rab rib sel byed pa/ /rin chen sgron ma gzungs kyi mchog yin no/ /'jig rten dag na sgra skad tha ma dang / /'bring dang mchog ni ji snyed yod pa dag /sgra rnams kun la shin tu zhugs gyur pa/ /rin chen sgron ma'i gzungs ni rdul dang bral/ /zab mo'i chos rnams dang ni ldan gyur cing / /tshig dang yig 'bru sna tshogs mtha' yas mang / /bdag dang sems can dag tu lhung ba med/ /gnyis med ldan pa 'di ni gzungs yin no/ /so so yang dag rig pa thob gyur cing / /rkang pa snying po bzhi la rab gnas te/ /bsam gtan bzhi dang yang dag rab ldan pa/ /'di ni rin chen sgron ma'i gzungs yin no/ /dam pa'i don gyi chos kyi tshul gyur cing / /tshangs pa'i gnas pa bzhi dang bsdu dang ldan/ /mngon par shes pa lnga la 'gro byed pa/ /'di ni rin chen sgron ma'i gzungs yin no/ /dran pa nye bar gzhag pa rnams la gnas/ /yang dag spong ba rnams dang rtag tu mthun/ /rdzu 'phrul rkang pa bzhi la spyod byed pa/ /'di ni rin chen </font><hr>303a<br><font size=+1>


@#/ /sgron ma'i gzungs yin no/ /dbang po lnga po dag dang ldan gyur cing / /stobs lnga dag la gnas pa mi g.yo'i shugs/ /byang chub yan lag rnams dang rab ldan pa| |'di ni rin chen sgron ma'i gzungs yin no/ /yan lag brgyad pa'i lam gyis 'gro byed cing / /zhi gnas mchog dang lhag mthong zung du 'brel/ /rig dang rnam par grol bas 'gro byed pa/ /'di ni rin chen sgron ma'i gzungs yin no/ /sa rnams gnon pa dag ni rab ldan zhing / /mtshams sbyor grol ba'i lam dang rjes su mthun/ /nyes pa rnams ni kun tu spangs gyur pa/ /'di ni rin chen sgron ma'i gzungs yin no/ /'jig rten thams cad na ni snang byed cing / /nyi dang zla yi 'od kyi dkyil 'khor ltar/ /rnam par dag cing mig ni 'byed byed pa/ /'di ni rin chen sgron ma'i gzungs yin no/ /'dir ni lha mig dag ste rab rib med/ /shes rab mchog gi mig kyang rnam dag pa/ /'dir ni chos kyi mig kyang dag gyur te/ /rgyal ba dam pa'i spyan ni rnam par dag /'dir ni nyon mongs bdud kyang dag par gyur/ /phung po lnga yi nyes pa 'dir yongs dag /'dir ni 'chi bdag bdud kyang dag gyur cing / /'dir ni sde dang bcas pa'i bdud kyang bcom/ /'dir ni gzungs la rab tu gnas nas su/ /bye ba khrag khrig dag gi zhing du 'gro / </font><hr>303b<br><font size=+1>


sangs rgyas khrag khrig dag kyang mthong 'gyur zhing / /bla na med pa'i chos kyang nyan par byed/ /rgya chen chos ni thos par gyur nas kyang / /gzungs kyi dran pa'i stobs kyis 'dzin par byed| |don dang tshig 'bru dag kyang gzungs ldan par/ /sems can thams cad la ni ston par byed/ /rgyu dang rkyen gyis rnam par phye bas na/ /sems ni skad cig 'jig par shes gyur te| |chos rnams rab tu dbye ba shes thob pa/ /gzungs 'di la ni gnas par gyur pa yin/ /spobs pa thob cing gsum rig chags pa med/ /mig gsum rnam par dag pa'ang rab tu thob/ /rnam par thar pa gsum gyi don kyang thob/ /'dir ni gzungs rnams thob par gyur dang ldan/ /gang dag gzungs rnams mang po gzhal yas shing / /tshad med pa dag nges par bstan pa yang / /gzungs kyi dam pa 'di ni thob gyur na/ /de dag thams cad rab tu thob par 'gyur/ /bsam gtan gang dang rnam thar gang dag dang / /snyoms 'jug ting 'dzin gang dag mtha' yas dang / /mngon par shes pas rnam par rol dang gzungs/ /mtha' yas de dag la ni rab tu 'jug/ ji ltar rgya mtsho dpag tu med pa la/ / mtha' yas sgo nas klung mtsho mtshe'u 'jug pa/ /de ltar gzungs 'di 'dzin par byed pa yang / /mtha' yas chos rnams kyi ni sgo mor 'jug /zad pa med pa'i sgra la 'jug pa </font><hr>304a<br><font size=+1>


@#/ /yang / /zad pa med pa'i shes pas khong du chud/ /gzungs 'di smra bar byed pa de yis ni/ /bsod nams thams cad zad par mi 'gyur ro/ /gzungs 'di rab tu thob par gyur pa ni/ /rin chen dam pa dri med lag tu 'gyur/ /gzugs dang mtshan rnams dang ni rigs dang yang / /rus dang skye ba dag ni rnam par dag /zab mo'i tshul dag la ni 'jug pa dang / mi skye ba la bzod dang ma skyes dang / /phyir mi ldog pa'i shes pa'i sa dag kyang / /gzungs 'di yin par nges par bstan pa yin/ /byang chub bla med mchog 'di tshol byed pa'i/ /byang chub sems dpa' mang po gang dag gis/ /gzungs 'di rab tu thob par gyur na ni/ /byang chub bla na med pa rnyed mi dka'/ /gang dag phyogs bcu rnams na bde bar gshegs/ /'gro la phan dang bde phyir chos ston pa/ /gzungs kyi dam pa 'di ni thob gyur na/ /de dag spobs pa rgyun chad mi 'gyur ro/ /gzungs 'di rab tu thob par gyur pa dag /dga' dang mos dang bsam pa shes nas ni/ /de dag 'bras bu yod pa ston pas na/ /sems can khrag khrig dag ni tshim par byed/ /gzungs 'di la ni gnas pa'i dpa' bo dag /'khor lo dam pa rab tu bskor byed cing / /sems can sdug bsngal sna tshogs rnams las 'grol/ /theg pa dam pa la yang 'jog </font><hr>304b<br><font size=+1>


par byed/ /bskal pa bye ba khrag khrig mang por ni/ /bsngags dang yon tan legs pa brjod byas kyang / /drang srong chen pos de yi yon tan gyi/ /mtha' ma brjod du nus par mi 'gyur ro/ / rigs kyi bu/ de ltar bcom ldan 'das de bzhin gshegs pa dri ma med par snang pa des gzungs bstan pa 'di bshad pa na byang chub sems dpa'i 'khor chen po de las byang chub sems dpa' stong phrag sum cu rtsa gnyis kyis gzungs thob par gyur to/ /byang chub sems dpa' sems dpa' chen po 'od dpal gyis ni/ rin chen sgron ma'i gzungs 'di thob par gyur to// gzungs kyi dbang phyug gi rgyal po/ /khyod de'i tshe de'i dus na byang chub sems dpa' 'od dpal zhes bya bar gyur pa de gzhan zhig yin pa snyam du dogs shing yid gnyis gyur tam/ the tshom za ba lta na/ khyod kyis de ltar mi blta'o/ /de ci'i phyir zhe na/ khyod nyid de'i tshe de'i dus na byang chub sems dpa' 'od dpal zhes bya bar gyur te/ gzungs kyi dbang phyug gi rgyal po| khyod kyis de tshun chad bgrang ba las 'das pa'i de bzhin gshegs pa dag la gzungs rnam par nges pa 'di yongs su dris so/ /yongs su dri ba byas so/ /des na khyod da ltar yang de bzhin gshegs pa la yongs su 'dri ba de ltar 'jigs pa med cing / gzungs kyi rnam par nges pa 'di'ang ston to/ /khyod kun tu lta ba'i blos chos 'di mngon sum du gyur </font><hr>305a<br><font size=+1>


@#/ /pas rnam grangs 'dis na/ ngas khyod byang chub sems dpa' gzungs thob pa dang / byang chub sems dpa' dran pa dang ldan pa rnams kyi mchog tu bstan to| |de nas byang chub sems dpa' shes rab brtsegs zhes bya ba 'khor de nyid du 'dug par gyur pa des bcom ldan 'das la 'di skad ces gsol to/ /bcom ldan 'das/ ji ltar na/ byang chub sems dpa' rin chen sgron ma'i gzungs 'di rab tu thob cing / thob nas kyang chab 'tshal bar mi bgyid pa dang / 'di lta ste/ gzungs kyi stobs bskyed pas sems can thams cad nye bar 'tsho ba lags/ de skad ces gsol ba dang / bcom ldan 'das kyis byang chub sems dpa' shes rab brtsegs la 'di skad ces bka' stsal to/ / rigs kyi bu/ gang gi tshe byang chub sems dpa' shes rab kyi rtsa ba la gnas par gyur ba dang / shes rab kyi las byed par gyur pa de'i tshe gzungs 'di rab tu thob bo/ /chud za bar mi byed do/ /sems can thams cad kyi nye bar 'tsho bar yang 'gyur ro/ /de skad ces bka' stsal pa dang / bcom ldan 'das la byang chub sems dpa' shes rab brtsegs kyis 'di skad ces gsol to/ /bcom ldan 'das/ shes rab kyi rtsa ba ni/ gang lags/ shes rab kyi las ni/ gang lags/ de bzhin gshegs pas legs par bshad </font><hr>305b<br><font size=+1>


du gsol/ bcom ldan 'das kyis bka' stsal pa/ de'i phyir rigs kyi bu/ khyod shin tu legs par nyon la yid la zungs shig dang / ngas khyod la bshad par bya'o/ /rigs kyi bu/ byang chub sems dpa' ma thos pa'i chos nyan pa gang yin pa 'di ni/ shes rab kyi rtsa ba'o/ /ji ltar thos pa'i chos gzhan dag la rgya cher yang dag par ston pa gang yin pa 'di ni/ shes rab kyi las so/ /dpyod pa ni/ shes rab kyi rtsa ba'o/ /gang dpyad pa gzhan dag la nye bar ston pa 'di ni/ shes rab kyi las so/ /tshul bzhin so sor rtog pa ni/ shes rab kyi rtsa ba'o/ / sems can rnams tshul bzhin la rab tu dgod pa 'di ni/ shes rab kyi las so/ /yang dag par sbyor ba ni/ shes rab kyi rtsa ba'o/ /yang dag par sgrub pa ni/ shes rab kyi las so/ /sems la nges par sems pa ni/ shes rab kyi rtsa ba'o/ /sems la nges par sems pa yang dag par ston pa ni/ shes rab kyi las so/ /rab tu dben par gnas pa ni/ shes rab kyi rtsa ba'o// lus dang sems dben par shes pa ni/ shes rab kyi las so/ /gcig pur dga' ba ni/ shes rab kyi rtsa ba'o/ /gcig pur bgrod pa'i lam sgrub pa ni/ shes rab kyi las so/ / zhi gnas dang lhag mthong sgom pa ni/ shes rab kyi rtsa ba'o/ /rig pa dang rnam par grol ba thob pa ni/ shes rab kyi las so/ /rnam par thar pa gsum sgom pa ni/ shes rab kyi rtsa </font><hr>306a<br><font size=+1>


@#/ /ba'o| |rig pa gsum mngon sum du byed pa ni/ shes rab kyi las so/ /dran pa nye bar gzhag pa sgom pa ni/ shes rab kyi rtsa ba'o/ /dran pa med cing yid la byed pa med pa ni/ shes rab kyi las so/ /yang dag par spong ba sgom pa ni/ shes rab kyi rtsa ba'o/ /chos thams cad rang bzhin gyis spangs par rab tu shes pa ni/ shes rab kyi las so/ /rdzu 'phrul gyi rkang pa sgom pa ni/ shes rab kyi rtsa ba'o/ /mngon par 'du bya ba med pa rdzu 'phrul thob pa ni/ shes rab kyi las so/ /dad pas mos te yid ches pa ni| shes rab kyi rtsa ba'o/ /chags pa thams cad las yang dag par 'da' ba ni/ shes rab kyi las so/ /sems mi 'jug pa ni/ shes rab kyi rtsa ba'o/ /lus dang sems shin tu sbyangs pa ni/ shes rab kyi las so/ /dran pa dang shes bzhin ni/ shes rab kyi rtsa ba'o/ /dran par bya ba rjes su dran pa ni/ shes rab kyi las so/ /ting nge 'dzin rim gyis rjes su rtogs par byed pa ni/ shes rab kyi rtsa ba'o/ /rtag tu mnyam par bzhag par gnas pa thob pa ni/ shes rab kyi las so/ /shes rab kyi dbang po la brten pa ni/ shes rab kyi rtsa ba'o/ /dbang po mchog dang mchog ma yin pa shes pa ni/ shes rab kyi las so/ /stobs lnga'i gnas shes pa ni/ shes rab kyi rtsa ba'o/ / </font><hr>306b<br><font size=+1>


bdud dang nyon mongs pas mi rdzi ba ni/ shes rab kyi las so/ /byang chub kyi yan lag rjes su mthun pa'i bzod pa ni/ shes rab kyi rtsa ba'o/ /chos thams cad kyi rang bzhin rjes su rtogs pa ni/ shes rab kyi las so/ /lam gyi yan lag yang dag par sgrub pa ni/ shes rab kyi rtsa ba'o/ /chos thams cad gzings lta bur shes nas chos dang chos ma yin pa la mi gnas pa ni/ shes rab kyi las so/ /sdug bsngal dang / kun 'byung ba dang / 'gog pa dang / lam sgom pa ni/ shes rab kyi rtsa ba'o/ /'gog pa mngon sum du byed pa ni/ shes rab kyi las so/ /drang ba'i don gyi mdo sde kun chub par byed pa ni/ shes rab kyi rtsa ba'o/ /nges pa'i don gyi mdo sde la rton pa ni/ shes rab kyi las so/ /thos pa thams cad 'dzin pa ni| shes rab kyi rtsa ba'o/ /don la rton pa ni/ shes rab kyi las so/ /rnam par shes pa la so sor rtog pa ni/ shes rab kyi rtsa ba'o/ /ye shes la rton pa ni/ shes rab kyi las so/ / gang zag gi sgra la mngon par zhen pa med pa ni/ shes rab kyi rtsa ba'o/ /chos nyid la rton pa ni/ shes rab kyi las so/ /'du byed thams cad mi rtag par so sor rtog pa ni/ shes rab kyi rtsa ba'o/ /gdod ma nas ma skyes pa rab tu shes pa ni/ shes rab kyi las so/ /'du byed thams cad sdug bsngal bar so sor rtog pa ni/ shes rab kyi rtsa ba'o/ /chos thams cad mngon par </font><hr>307a<br><font size=+1>


@#/ /'du bya ba med par shes pa ni/ shes rab kyi las so/ /chos thams cad la bdag med par so sor rtog pa ni/ shes rab kyi rtsa ba'o/ /sems can gzod ma nas rnam par dag pa shes pa ni/ shes rab kyi las so/ /mya ngan las 'das pa la zhi bar so sor rtog pa ni/ shes rab kyi rtsa ba'o/ /chos thams cad rang bzhin gyis yongs su mya ngan las 'das par shes pa ni/ shes rab kyi las so/ /don thos nas skrag pa med pa ni/ shes rab kyi rtsa ba'o/ /don so so yang dag par rig pa ni/ shes rab kyi las so/ /yang dag pa'i chos nyid thos nas skrag pa med pa ni/ shes rab kyi rtsa ba'o/ /chos so so yang dag par rig pa ni/ shes rab kyi las so/ /nges pa'i tshig thams cad la skrag pa med pa ni/ shes rab kyi rtsa ba'o/ /nges pa'i tshig so so yang dag par rig pa ni/ shes rab kyi las so/ /sangs rgyas kyi spobs pa thob nas skrag pa med pa ni/ shes rab kyi rtsa ba'o/ /spobs pa so so yang dag par rig pa ni| shes rab kyi las so/ /sems can la dmigs pa dang / chos la dmigs pa'i byams pa ni/ shes rab kyi rtsa ba'o/ /dmigs pa med pa'i byams pa ni/ shes rab kyi las so/ / bdag la byed pa dang / gzhan la byed pa la snying rje ba ni/ shes rab kyi rtsa ba'o/ /mtha' gnyi ga bsal ba'i snying rje chen po ni/ shes rab kyi las so/ /chos la </font><hr>307b<br><font size=+1>


sems pa la mchog tu dga' bar byed pa'i dga' ba ni/ shes rab kyi rtsa ba'o/ /blang ba med pa dang / dor ba med pa ni/ shes rab kyi las so/ /rjes su chags pa dang / khong khro ba ba dang bral ba'i btang snyoms ni/ shes rab kyi rtsa ba'o/ /gnyis dang bral ba ni/ shes rab kyi las so/ /sangs rgyas rjes su dran pa ni/ shes rab kyi rtsa ba'o/ /chos kyi sku rab tu shes pa ni/ shes rab kyi las so/ /chos rjes su dran pa ni/ shes rab kyi rtsa ba'o/ /'dod chags dang bral ba'i chos nyid shes pa ni/ shes rab kyi las so/ /dge 'dun rjes su dran pa ni/ shes rab kyi rtsa ba'o/ /'dus ma byas su so sor rtog pa ni/ shes rab kyi las so/ /gtong ba rjes su dran pa ni/ shes rab kyi rtsa ba'o/ /nyon mongs pa thams cad yongs su gtong ba ni/ shes rab kyi las so/ /tshul khrims rjes su dran pa ni/ shes rab kyi rtsa ba'o/ /tshul khrims mngon par 'du bya ba med par shes pa ni/ shes rab kyi las so/ /lha rjes su dran pa ni/ shes rab kyi rtsa ba'o/ /rnam par dag pa'i chos nyid ni/ shes rab kyi las so/ /thos pa la rtog pa ni/ shes rab kyi rtsa ba'o/ /'jig rten thams cad la rtog pa ni/ shes rab kyi las so/ /ma byas pa'i las byed pa ni/ shes rab kyi rtsa ba'o/ /las kyi rnam par smin pa med par shes pa ni/ shes rab kyi las </font><hr>308a<br><font size=+1>


@#/ /so| |nga rgyal med pa ni/ shes rab kyi rtsa ba'o/ /ye shes chen po thob pa ni/ shes rab kyi las so/ /bdag gi don ni/ shes rab kyi rtsa ba'o/ /gnyi ga'i don ni/ shes rab kyi las so/ /chos kyi phung po brgyad khri bzhi stong kun tu 'dzin pa ni/ shes rab kyi rtsa ba'o/ /chos kyi phung po brgyad khri bzhi stong yongs su shes pa ni/ shes rab kyi las so| |chos bstan pa shes pa ni/ shes rab kyi rtsa ba'o/ /'bras bu yod pa'i chos ston pa ni/ shes rab kyi las so/ /sems can rnams byang chub yang dag par 'dzin du 'jug pa ni| shes rab kyi rtsa ba'o/ /shes rab kyi pha rol tu phyin pa dang thabs mkhas pas sems can rnams phyir mi ldog pa'i sa la rab tu dgod pa 'di ni/ shes rab kyi las so/ / srid par 'gro bar skye ba thams cad kyis skrag pa ni/ shes rab kyi rtsa ba'o/ /bsam bzhin du skye ba ni/ shes rab kyi las so/ /sgra'i rjes su 'gro ba'i bzod pa ni/ shes rab kyi rtsa ba'o/ /bsgoms pa las byung ba'i bzod pa ni/ shes rab kyi las so/ /zad pa shes pa ni/ shes rab kyi rtsa ba'o/ /mi skye ba shes pa ni shes rab kyi las so/ /rjes su mthun pa'i bzod pa ni/ shes rab kyi rtsa ba'o/ /mi skye ba'i chos la bzod pa ni/ shes rab kyi las so/ /phyir mi ldog pa'i sa ni/ shes rab kyi rtsa ba'o/ /dbang bskur ba'i sa ni/ shes </font><hr>308b<br><font size=+1>


rab kyi las so/ /byang chub kyi snying po la 'dug pa ni/ shes rab kyi rtsa ba'o/ /gang ci shes par bya ba dang / thos par bya ba dang / rtogs par bya ba dang / mngon par rdzogs par 'tshang rgya bar bya ba de thams cad sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya ba 'di ni/ shes rab kyi las so| |shes rab kyi rtsa ba dang / las bstan pa 'di bshad pa na phyogs bcu'i sangs rgyas kyi zhing grangs med dpag tu med pa dag rnam pa drug tu g.yos par gyur to/ /'khor gyi khyams rin po che bkod pa'ang rnam pa drug tu g.yos so/ /de nas bcom ldan 'das la byang chub sems dpa' shes rab brtsegs kyis 'di skad ces gsol to/ /bcom ldan 'das/ gang gis phyogs bcu'i sangs rgyas kyi zhing grangs ma mchis dpag tu ma mchis pa 'di dag rab tu g.yos par gyur pa dang / nam mkha' la gnas pa'i 'khor gyi khyams 'di'ang rnam pa drug tu g.yos par gyur ba'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu/ shes rab kyi rtsa ba dang / las bstan pa'i chos kyi rnam grangs 'di 'das pa'i de bzhin gshegs pa rnams kyis sngon bshad pa na rigs kyi bu/ khyod nyid kyis nam mkha' yongs su 'dzin pa 'di nyid du de bzhin gshegs pa de dag la </font><hr>309a<br><font size=+1>


@#/ /yongs su dris shing yongs su dri ba byas te/ sa chen po g.yos pa 'jig rten du byung ba'i rgyu ni 'di yin no/ /rkyen ni 'di yin no/ /de nas bcom ldan 'das la byang chub kyi sems dpa' so so yang dag par rig pa la spobs pa zhes bya bas 'di skad ces gsol to/ /bcom ldan 'das/ ci'i slad du byang chub sems dpa' shes rab brtsegs la shes rab brtsegs zhes bgyi/ bcom ldan 'das kyis bka' stsal pa/ rigs kyi bu/ sngon byung ba 'das pa'i dus na dri ma med pa'i bskal pa la 'jig rten gyi khams 'byung ba bzang po na de bzhin gshegs pa dpal spas zhes bya ba'i sangs rgyas bcom ldan 'das zhes bya ba'i bar gyur pa 'jig rten du byung ngo / /'jig rten gyi khams 'byung ba bzang po de'i sems can rnams ni bde bas tshim pas gnas par gyur to/ /de bzhin gshegs pa dpal spas de'i byang chub sems dpa'i dge 'dun ni byang chub sems dpa' stong phrag bzhi bcu rtsa gnyis su gyur to/ /de'i nyan thos kyi dge 'dun ni nyan thos stong phrag brgyad cu rtsa bzhir gyur to/ /rigs kyi bu/ de ltar bcom ldan 'das de bzhin gshegs pa dpal spas des byang chub sems dpa' de dag gi spobs pa rgya chen po nye bar bzung ste dri ba bye ba phrag brgya ched du mdzad nas byang chub sems dpa' de dag la bka' </font><hr>309b<br><font size=+1>


stsal pa| skyes bu dam pa khyod kyi nang nas su dus ji srid cig na dri ba bye ba phrag brgya po 'di dri ba re re la bstan pa bye ba phrag brgya brgyas lan 'debs par spro/ de'i nang nas byang chub sems dpa' kha cig gis gsol pa/ mtshan mo 'di bas te lan gdab par bgyi'o/ /kha cig gis gsol pa/ dgung bdun na'o/ /kha cig gis gsol pa/ dgung zla phyed na'o| |kha cig gis gsol pa/ bcom ldan 'das/ dris pa 'di dag bdag cag gis dgung zla gcig na lan gdab par bgyi'o/ /de'i tshe byang chub sems dpa' dran pa'i blo zhes bya ba 'khor de nyid du 'dus te 'dug par gyur pa des bcom ldan 'das de bzhin gshegs pa dpal spas de la 'di skad ces gsol to/ /bcom ldan 'das/ bdag stan las mi ldang zhing spyod lam 'khrug pa ma mchis par de bzhin gshegs pa dbang du bgyis te dri ba 'di bas par lan gdab par bgyi'o/ /skyes bu dam pa des seng+ge'i sgra bsgrags ma thag tu de nas stong gsum gyi stong chen po'i 'jig rten gyi khams 'di rnam pa drug tu g.yos so/ /snang ba chen po'ang 'jig rten du byung bar gyur te/ /snang ba des bskul nas sa bla'i lha nas bzung ste gnas gtsang ma'i ris kyi bar gyi lha rnams 'dus so/ /dge slong dang / dge slong ma dang / dge bsnyen dang / dge bsnyen ma stong phrag mang po'ang 'dir 'dus par </font><hr>310a<br><font size=+1>


@#/ /gyur to| |de ltar skad cig thang gcig yud tsam de la dpag tshad stong phrag bcur 'khor gyi dkyil 'khor gcig tu gnas par gyur to/ /de nas byang chub sems dpa' dran pa'i glos 'khor 'dus pa chen po de mthong nas rang gi bsod nams kyi stobs dang / ye shes kyi stobs dang / dran pa'i stobs dang / gzungs kyi stobs dang / spobs pa'i stobs dang / mi 'jigs pa'i stobs dang / sangs rgyas kyi byin gyi rlabs dang stobs kyis dri ba ched du mdzad pa bye ba phrag brgya po de kun tu bzung nas bcom ldan 'das de'i spyan sngar thams cad dang ldan pa'i 'khor de'i mdun du dri ba bye ba phrag brgya po re re la bstan pa bye ba phrag brgyas lan btab ste/ phyed pa dang / rgyun chad pa med pa dang / rjes su 'brel pa dang / tshig dang yig 'bru ldan pa dang / shin tu nges pa'i tshig rnams kyis de'i lan btab pa dang / 'khor de las srog chags stong phrag drug cus bla na med pa yang dag par rdzogs pa'i byang chub tu sems bskyed do/ /byang chub sems dpa' stong phrag bzhi bcu ni/ mi skye ba'i chos la bzod pa thob par gyur to/ /bcom ldan 'das de bzhin gshegs pa dpal spas des de la legs so/ /zhes bya ba byin te/ legs so/ /zhes bya ba'i sgra des stong gsum gyi stong chen </font><hr>310b<br><font size=+1>


po'i 'jig rten gyi khams dbyangs kyis go bar gyur to/ /sa bla'i lha nas bzung ste gnas gtsang ma'i ris kyi bar kyi lha rnams kyis kye ma gang shes rab dang / spobs pa dang / bstan pa 'di 'dra ba 'di ni/ byang chub sems dpa' shes rab brtsegs su 'gyur ro/ /zhes sgra byung ste sgra bsgrags so/ /de ltar na/ de shes rab brtsegs shes rab brtsegs zhes ming du btags so/ /rigs kyi bu/ de'i tshe de'i dus na byang chub sems dpa' dran pa'i blo zhes bya bar gyur pa de gzhan yin pa snyam du dogs shing yid gnyis su gyur tam/ the tshom za ba lta na| khyod kyis de ltar mi blta'o/ /de ci'i phyir zhe na/ byang chub sems dpa' shes rab brtsegs pa 'di nyid de'i tshe de'i dus na byang chub sems dpa' dran pa'i blo zhes bya bar gyur to/ /de nas bcom ldan 'das kyis don 'di rgya cher brjod pa'i phyir de'i tshe tshigs su bcad pa 'di dag gsungs so/ /ma mos gyur nas ma thos chos rnams rtag nyan pa| |shes rab rtsa ba sems can dag pas thob nas ni/ /'dzin cing byams pas 'gro ba dag la ston byed pa/ /shes rab las te byang chub sems dpa' rtag tu byed/ /dpyod pa'i dran pa chen po 'di ni shes rab rtsa/ /dpyad nas 'gro la brtag tu ston pa shes rab las/ /gal te tshul bzhin rab sreg 'di ni shes rab rtsa/ /de la sbyar nas ston pa shes rab </font><hr>311a<br><font size=+1>


@#/ /las zhes bya/ /yang dag sbyor la gal te sbyor ba shes rab rtsa/ /sgrub cing ston par byed pa de ni shes rab las/ /sems la nges par sems rnyed 'di ni shes rab rtsa| |nges par sems pa spyod pa 'di ni shes rab las/ /gcig pu dben par spyod pa 'di ni shes rab rtsa/ /lus dang sems la nga'i med 'di ni shes rab las/ /gang tshe 'du 'dzis 'jigs gyur de ni shes rab rtsa/ /gcig pu bgrod pa'i lam la rig byed shes rab las/ /zhi gnas lhag mthong dga' ba 'di ni shes rab rtsa/ /rig dang rnam par grol la reg 'di shes rab las/ /rnam thar gsum la mngon par brtson pa shes rab rtsa/ /rig gsum mngon du byed pa shes rab las zhes bya/ /gal te dran ba nyer gzhag sgom pa shes rab rtsa/ /dran med yid la byed med de ni shes rab las/ /sdig pa spangs te dge ba spyod pa shes rab rtsa/ /chos 'di rang bzhin spangs pa de ni shes rab las/ /gal te rdzu 'phrul rkang pa bzhi sgom shes rab rtsa/ /lhun grub rdzu 'phrul thob pa 'di ni shes rab las/ /dad pas mos nas yid ches pa ni shes rab rtsa// chags pa thams cad gang bral de ni shes rab las/ /zhum med rtag tu brtson pa de ni shes rab rtsa/ /lus dang yid sems rab sbyangs de ni shes rab las/ /dran dang shes </font><hr>311b<br><font size=+1>


bzhin mkhas pa 'di ni shes rab rtsa/ /gnas rnams kun la mi gnas 'di ni shes rab las/ /rang gis ting 'dzin rtogs pa de ni shes rab rtsa/ /rang bzhin mnyam par bzhag la spyod 'di shes rab las/ /gal te shes rab dbang por rab gnas shes rab rtsa/ /'gro ba'i dbang po thams cad thos pa shes rab las/ /stobs lnga po dag rjes su sgom pa shes rab rtsa/ /bcom nas ye shes thob pa de ni shes rab las/ /byang chub yan lag rjes mthun bzod pa shes rab rtsa/ /chos kun rjes su gang rtogs de ni shes rab las/ /lam gyi yan lag skye gnas sgrub pa shes rab rtsa/ /chos dang chos min spon ba 'di ni shes rab las/ /sdug bsngal rang bzhin mkhas pa 'di ni shes rab rtsa/ /gal te 'gog pa mngon sum byed 'di shes rab las/ drang ba'i don gyi mdo sde tshig 'dzin shes rab rtsa/ /nges pa'i don la rton pa 'di ni shes rab las/ /thams cad thos pas mi ngoms 'di ni shes rab rtsa/ /don la rab tu rton pa 'di ni shes rab las/ /rnam par shes la tshul bzhin tshol pa shes rab rtsa/ /ye shes la ni rab tu rton 'di shes rab las/ /gang zag gang la'ang ma zhen 'di ni shes rab rtsa/ /gal te chos nyid rton pa 'di ni shes rab las/ /'du byed mi rtag yongs su tshol ba shes rab rtsa/ /gal te gzod nas ma skyes shes pa shes rab las/ /'du byed sdug bsngal mos par </font><hr>312a<br><font size=+1>


@#/ /byed pa shes rab rtsa/ /chos rnams 'dus ma byas su mos pa shes rab las/ /chos rnams bdag med the tshom med pa shes rab rtsa/ /sems can 'di dag gdod nas dag de shes rab las/ /mya ngan 'das la zhi bar mos pa shes rab rtsa/ /'gro ba shin tu mya ngan 'das 'di shes rab las/ /don gyi rjes su rtogs pa 'di ni shes rab rtsa/ /don rtogs so so yang dag rig pa shes rab las/ /gal te chos nyid mos par byed pa shes rab rtsa/ /chos la so so yang dag rig pa shes rab las/ /sgra rnams kun la skrag pa med 'di shes rab rtsa/ /nges tshig so so yang dag rig 'di shes rab las/ /skrag med blo yis spobs pa de ni shes rab rtsa/ /spobs pa so so yang dag rig pa shes rab las/ /gal te sems can gnas pa'i byams de shes rab rtsa/ /dmigs pa med pa'i byams thob de ni shes rab las/ /bdag dang gzhan la snying rje 'di ni shes rab rtsa/ / gang gis gnyi gar mi rtog de ni shes rab las/ /mchog tu dga' la dga' ba thob 'di shes rab rtsa/ /dga' med gdung ba med pa 'di ni shes rab las/ /byams dang gnod par mi byed de ni shes rab rtsa/ /gnyis las sems grol thob pa de ni shes rab las/ /blo gros ldan pa sangs rgyas dran 'di shes rab rtsa/ /gang tshe chos sku rjes su rtogs pa shes </font><hr>312b<br><font size=+1>


rab las/ /chos kyang rtag tu dran pa 'di ni shes rab rtsa/ /chos rnams 'dod chags bral bar rtogs pa shes rab las/ /yon tan las ni dge 'dun dran de shes rab rtsa/ /de yang 'dus ma byas su rtogs pa shes rab las/ /blo ldan gtong ba dran pa de ni shes rab rtsa/ /gang phyir nyon mongs kun 'dor 'di ni shes rab las/ /tshul khrims shin tu dag pa dran 'di shes rab rtsa| |tshul khrims zag pa med la gnas ni shes rab las/ /che ba'i bdag nyid lha dran 'di ni shes rab rtsa/ /dge nas dag pa dran pa 'di ni shes rab las/ /gang phyir bsgrims te thos pa tshol ba shes rab rtsa/ /gzhan dag las ni phyis mi tshol ba shes rab las/ /legs par byed pa'i las byed 'di ni shes rab rtsa/ /las phyis mngon par 'du mi byed pa shes rab las/ /nga rgyal med cing 'dud par byed pa shes rab rtsa/ /ye shes che ba'i bdag nyid thob 'di shes rab las/ /bdag gi don la brtson 'gyur 'di ni shes rab rtsa/ /sems can rnams kyi don byed 'di ni shes rab las/ /gal te chos kyi phung po 'dzin byed shes rab rtsa/ /sems can spyod pa rjes su rtogs byed shes rab las/ /gzhan gyi blo la yang dag thob byed shes rab rtsa/ /sems can theg gsum nges 'byung byed pa shes rab las/ /blo gros ldan pa sbyin dang snyan par smra ba dang / don byed sems can yongs su smin byed </font><hr>313a<br><font size=+1>


@#/ /shes rab rtsa/ /gal te don mthun pa yis sangs rgyas yon tan 'god/ /'di ni skyes bu dam pa rnams kyi shes rab las/ /srid pa kun tu 'bar zhes skrag pa shes rab rtsa/ /mi skye bzod pa thob pa de ni shes rab las/ /phyir mi ldog pa'i sa 'di shes rab rtsa ba ste/ /dbang bskur de yis thob de ni shes rab las/ /gal te byang chub shing drung 'dug pa shes rab rtsa/ /kun mkhyen ye shes rig pa 'di ni shes rab las/ /byang chub sems 'di shes rab rtsa ba zhes kyang bya/ /sems ni gnas su gang byed de ni shes rab las/ gang dag byang chub sems la rtag gnas mi g.yo ba/ /de dag shes rab kyis ni rtag tu las bya byed/ /rtsa ba 'di 'dra byang chub spyod pa mchog gi sems/ / sangs rgyas stobs dang de bzhin so so yang dag rig/ de yi bsngags pa bskal pa bye ba mang brjod kyang / /sangs rgyas yon tan mtha' mar thug par 'gyur ba med/ /gang dag 'das pa'i bde gshegs de bzhin da ltar byung / /gang dag ma 'ongs pa dang phyogs bcu'i thub dbang po/ /tshad med pa la bsnyen bkur tshad med byed 'dod gang / /de ni ma myos byang chub sems la dga' ba yin/ /de nas bcom ldan 'das la byang chub sems dpa' gzungs kyi dbang phyug gi rgyal pos 'di skad ces gsol to/ /bcom ldan 'das/ </font><hr>313b<br><font size=+1>


kye ma ji tsam du sangs rgyas bcom ldan 'das rnams kyi bla na med pa yang dag par rdzogs pa'i byang chub 'di shin tu rnam par nges shing yi ge rnams kyis bstan pa mtha' yas pa/ don gyis 'jug pa mtha' yas pa/ mi brtson pa rnams kyis 'jug par dka' ba/ rten cing 'brel par 'byung ba rjes su rtogs pas zab pa/ gnyis la spyod pa rnams kyis 'tshal bar dka' ba| skye mched drug la brten pa rnams kyis mthong bar dka' ba/ theg pa dman pa la mos pa rnams kyis yid ches par dka' ba/ nyan thos dang rang sangs rgyas rnams kyi ma lags pa| byang chub sems dpa' rnams kyi spyod yul/ chos thams cad kyi phyag rgya/ chos kyi dbyings mnyam pa nyid pas phye ba ma mchis pa/ nam mkha'i mtshan nyid kyi slad du 'gyur ba ma mchis pa/ shin tu 'das pas kun gzhi ma mchis pa/ sems can thams cad kyi spyod pa rab tu shes pa/ rgyu thams cad yongs su shes pa/ shes rab kyi pha rol tu phyin pa'i snang ba| nges par 'byung ba rnams kyi 'byung ba/ dge ba'i rtsa ba rnams kyi thabs/ so so yang dag par rig pa thob pa rnams kyis rnam par dbye bar bgyi ba/ mngon par shes pa thob pa rnams kyis rnam par dgrol bar bgyi ba/ tshul gcig la gnas pa rnams kyis mnyam pa nyid du rtogs par bgyi ba/ sna tshogs ma mchis par spyod pa rnams la khyad par ma </font><hr>314a<br><font size=+1>


@#/ /mchis pa/ nam mkha' dang mnyam pa nyid pas mnyam pa/ gnyen po ma mchis pas mnyam pa ma mchis pa/ sangs rgyas thams cad dang mnyam pa nyid pas mi mnyam pa dang mnyam pa/ 'gog pas rab tu phye bas gnyis dang bral ba/ yi ge rnams kyis dpyad du ma mchis pa/ don gyi yang dag par bzhag pa/ sgras rnam par rig par bgyi ba/ don dam par brjod du ma mchis pa/ kun rdzob tu mchis pa/ dkon mchog gsum gyi mthu dang ldan pa/ theg pa gsum la rnam par rtog pa/ rnam par thar pa'i sgo gsum po dag rab tu ston pa/ khams gsum pa las shin tu 'das pa/ rig pa gsum po dag khong du chud par bgyid pa/ rdo rje lta bur ting nge 'dzin bskyed pa/ chos thams cad kyi gnas| sangs rgyas kyi ye shes las byung ba/ sems can thams cad kyi nye bar 'tsho ba sangs rgyas thams cad kyis gsal bar mdzad pa ni/ ngo mtshar to/ /bcom ldan 'das/ rigs kyi bu'am/ rigs kyi bu mo gang dag sangs rgyas bcom ldan 'das rnams kyi byang chub bstan pa tshad ma mchis pa 'di la mos par bgyid pa dang / bla na med pa yang dag par rdzogs pa'i byang chub tu yang sems skyed par bgyid pa dang / dam pa'i chos yongs su gzung ba'i slad du mdo sde 'di lta bu 'di mnyan par bgyid pa dang / mos par bgyid pa dang / </font><hr>314b<br><font size=+1>


'dzin pa dang / 'chang ba dang / klog pa dang / kun chub par bgyid pa dang / gzhan dag la'ang rgyas par yang dag par ston par bgyid pa de dag ni/ bcom ldan 'das/ bsod nams mang du skyed pa lags so/ /de bzhin gshegs pa rnams la'ang byas pa gzo ba dang / byas pa 'tshal ba lags so/ /bcom ldan 'das kyis bka' stsal pa/ rigs kyi bu/ de de bzhin no// ji skad smras pa bzhin te/ de dag bsod nams mang du skyed par 'gyur ro/ /rigs kyi bu/ gang gis de bzhin gshegs pa'i spyan gyis gzigs pa'i sangs rgyas kyi zhing thams cad rin po che thams cad kyis rab tu bkang ste de bzhin gshegs pa rnams la sbyin pa byin pa bas gang gis dam pa'i chos yongs su bzung ba dang / dkon mchog gsum rgyun mi chad par bya ba'i phyir mdo sde 'di lta bu 'di nyan tam/ mos sam/ 'dzin tam/ 'chang ngam/ klog gam/ kun chub par byed dam/ ston tam/ gzhan dag la'ang rgyas par yang dag par ston tam| sgom pa'i rnal 'byor la brtson par gnas na/ 'di ni/ de bas bsod nams ches mang du skyed do/ /de nas bcom ldan 'das kyis de'i tshe tshigs su bcad pa 'di dag bka' stsal to| |sangs rgyas spyan gyis zhing gang ngas mthong ba/ /rin chen bkang ste de bzhin gshegs phyin yang / /'di lta bu yi chos 'di ma thos na/ /de ni bsod nams chung zhes nga smra'o/ /gang gis </font><hr>315a<br><font size=+1>


@#/ /dam pa'i don ldan phra zad pa/ /mdo sde bzang bo 'di ni thos gyur na/ /kun tu 'dzin cing bzung nas klog byed pa/ /'di ni de bas bsod nams mchog tu 'phags/ / 'di ltar rgyal ba'i chos kyis nyer gnas shing / /chos kyis nges par 'byung gi zang zing min/ /de pas gang zhig bde gshegs chos 'dzin pa/ /de ni sangs rgyas kun la byas pa gzo/ /de nas bcom ldan 'das kyis byang chub sems dpa'i tshogs chen po de la bka' stsal pa/ skyes bu dam pa dag/ khyed kyi nang nas nga yongs su mya ngan las 'das pa'i phyin dam pa'i chos yun ring du gnas par bya ba'i phyir chos kyi rnam grangs 'di rgyas par bya ba dang / sangs rgyas bcom ldan 'das rnams kyi byang chub 'di yongs su srung bar su spro/ /de nas byang chub sems dpa'i 'khor de'i nang nas byang chub sems dpa' bye ba phrag drug cus mgrin gcig tu tshig smras pa/ bcom ldan 'das/ bdag cag rnams de bzhin gshegs pa'i byang chub bskal pa grangs ma mchis par bsgrubs pa 'di 'dzin pa dang / slad ma'i tshe slad ma'i dus de na'ang rgyas par bgyid par spro'o/ /bcom ldan 'das/ 'on gyis kyang ci nas de'i dus na skye bo mang po gnas par 'gyur ba/ dge ba'i rtsa ba bskrun pa'i sems can de dag gi rna bar grags par 'gyur bar de bzhin gshegs pas chos kyi rnam grangs 'di byin </font><hr>315b<br><font size=+1>


gyis brlab tu gsol/ de nas bcom ldan 'das kyis de'i tshe tshigs su bcad pa 'di dag bka' stsal to/ /rdzogs pa'i sangs rgyas bden pa gsung / /bden pa'i chos la rab tu gnas/ /byin gyi rlabs kyis de dag la/ /mdo sde 'di ni byin gyis brlabs/ /snying rje chen po'i go cha bgos/ /byams pa chen po rab tu gnas/ /kun la byams pa nyid kyi phyir/ /mdo sde 'di ni byin gyis brlabs bsod nams tshogs ni phun sum tshogs/ /ye shes tshogs kyis byung gyur pa/ /tshogs rnams kun dang ldan pa yis/ /mdo sde 'di ni byin gyis brlabs/ /bdud rnams thams cad nges 'joms la| |smra ba thams cad rab 'dul zhing / /lta ba thams cad rgyun gcod pa/ /mdo sde 'di ni byin gyis brlabs/ /'jig rten skyong dang brgya byin dang / /de bzhin lha ma yin rnams dang / /lha dang dri za klu dag kyang / /ngas ni byin gyis brlabs pa byas/ /sa dang de bzhin bar snang la/ /lha rnams mang po gang 'khod pa/ /sangs rgyas rnams kyi byin rlabs kyis/ /tshul 'di rab tu 'dzin par 'gyur| |'khor 'di bsrung bar bya ba'i phyir/ /tshangs pa'i gnas pa rnams ldan zhing / /bden pa bzhi yis brgyan gyur pa/ /mdo sde 'di ni byin gyis brlabs/ /nam mkha' gzugs can byed kyang srid/ /gzugs ni gzugs med byed srid kyi/ /sangs rgyas rnams kyi byin rlabs ni/ /rnam par dkrug par mi nus so/ /de nas bcom ldan 'das la rgyal po chen po bzhi po dag </font><hr>316a<br><font size=+1>


@#/ /gis mgrin gcig tu tshigs su bcad pa 'di gnyis gsol to/ /de bzhin gshegs pa bdag cag rnams/ /mdo 'di kun tu bsrung slad du/ /rtsa lag dang ni bcas rnams kyis/ /srung ba bzang po bgyi bar 'tshal/ /mkhas pa byang chub blo gros kyis/ /gang dag 'dzin par bgyid pa dang /de dag la ni phyogs bzhi nas/ /rtag par kun tu srung ba bgyi/ /de nas bcom ldan 'das la lha'i dbang po brgya byin gyis tshigs su bcad pa 'di gnyis gsol to/ /bdag ni bcom ldan mdzad pa gzo/ /'dren pa chos kyi dbang bdag lags/ /mgon po mdo sde mchog 'di las/ /sangs rgyas 'byung ba rab tu bstan/ /sangs rgyas rnams ni thams cad kyi/ /mdzad pa gzo ba srung bgyid cing / /'di 'dra'i mdo dang de bzhin du/ /mdo sde 'dzin par srung bar 'tshal/ /de nas bcom ldan 'das la mi mjed kyi bdag po tshangs pas tshigs su bcad pa 'di gnyis gsol to/ / bsam gtan gang dang tshad med dang / /theg pa kun gyis 'byung ba gang / /de dag don ldan zab mo yi/ /mdo sde 'di las nges par 'byung / /bdag ni tshangs pa'i bde bor te/ / gang na tshul 'di 'chad par ni/ /mnyan pa'i slad dang de bzhin du/ /bsrung ba'i slad du mchi bar bgyi/ /de nas bcom ldan 'das la lha'i bu rab dga' ldan gyis tshigs su </font><hr>316b<br><font size=+1>


bcad pa 'di gnyis gsol to/ /gang zhig sangs rgyas gsung ba yi/ /mdo sde 'di ni 'dzin 'gyur ba/ /skye ba gcig gis rab gnas nas/ dga' ldan rnams su gnas par 'gyur// mgon po bdag ni lha yul ba'i/ /phun sum tshogs pa por nas su/ /tshul 'di rab tu ston bgyid cing / /dzam+bu gling du gnas par spro/ /de nas bcom ldan 'das la bdud kyi bu nged dpon gyis tshigs su bcad pa 'di gnyis gsol to/ /gang zhig don dang ldan pa yi/ /mdo sde 'di ni 'dzin 'gyur ba/ /de dag bdud las 'di sbyangs pas/ /bdud kyi dbang du mi mchi'o| |de bzhin gshegs pa bdag kyang ni/ /mdo 'di kun tu bsrung slad du/ /ci nas kyang ni rgyas 'gyur par/ /brtson par bgyid cing 'dun par bgyid/ /de nas bcom ldan 'das la bdud sdig can gyis tshigs su bcad pa 'di gnyis gsol to/ /rnam par 'dren pa gang zhig ni/ /nyon mongs thams cad tshar gcod pa/ /'di 'dzin bgyid pa de dag la/ /bdag ni sgrib par mi bgyid do/ /mdo sde mchog ni 'byung ba der/ /bdud kyi go skabs ma mchis so/ /mgon pos gsungs pa dran bgyid pa/ /de la srung ba bgyid par 'tshal/ de nas bcom ldan 'das la lha'i bu mtshams rab kyis tshigs su bcad pa 'di gnyis gsol to/ /sangs rgyas kun gyi byang chub ni/ /mdo sde 'di las rab bshad pas/ /gang zhig mdo sde </font><hr>317a<br><font size=+1>


@#/ /'di 'dzin pa/ /des ni sangs rgyas kun la mchod/ /mgon po bdag ni mdo sde 'di/ /lha ni bye ba rnams la bshad/ /gang dag gus par nyan pa dag/ byang chub yang dag 'dzin du stsal/ /de nas bcom ldan 'das la byang chub sems dpa' byams pas tshigs su bcad pa 'di gnyis gsol to/ /mi gang byang chub rab zhugs te/ / dam chos yongs su bsrung slad du/ /bdag kyang stong bgyid de dag ni/ /gsol ba ma btab bshes gnyen lags/ /bdag ni dga' ldan mchis nas su/ /sangs rgyas kyi ni byin rlabs kyis/ /'di lta bu yi mdo sde 'di/ /shin tu rgyas par bgyid par 'tshal/ /de nas bcom ldan 'das la tshe dang ldan pa 'od srung chen pos tshigs su bcad pa 'di gnyis gsol to/ /ston pa las ni bdag gis su/ /mdo sde stong phrag mang thos kyang / /bdag gis mdo sde 'di lta bu/ /sngon chad nam yang ma thos so/ /mngon sum du ni mdo sde 'di/ /blangs shing kun tu bzung lags te/ /byang chub sems dpa'i ched du ni/ /shin tu rgyas par bgyi bar 'tshal/ /de nas bcom ldan 'das kyis brgya byin dang| tshangs pa dang / 'jig rten skyong ba de dag dang / lha'i bu de dag dang / byang chub sems dpa' de dag dang / nyan thos chen po de dag la legs so// </font><hr>317b<br><font size=+1>


zhes bya ba gnang ste/ skyes bu dam pa dag/ khyed kyis dam pa'i chos yongs su gzung ba'i phyir 'di lta bu'i seng+ge'i sgra bsgrags pa legs so legs so/ /skyes bu dam pa dag /khyed la bsgo'o/ /khyed kyis khong du chud par bya'o/ /sems can gang dag theg pa chen po la zhugs pa bzod pa ma thob pa de dag sangs rgyas bcom ldan 'das rnams kyi byin gyi rlabs kyis chos kyi rnam grangs 'di kun tu bzung ste/ bzung nas kyang kun chub par byas nas bla na med pa yang dag par rdzogs pa'i byang chub tu lung bstan pa ma thob kyi bar du de bzhin gshegs pa bdun pa las 'da' bar mi 'gyur ro/ /gang dag nyan thos kyi theg pa par 'gyur ba de dag ni/ de bzhin gshegs pa byams pa'i nyan thos 'dus pa dang po'i grangs su chud par 'gyur ro/ /rang sangs rgyas kyi theg pa pa gang dag chos kyi rnam grangs 'di 'dzin par 'gyur ba de dag ni/ nga yongs su mya ngan las 'das pa'i 'og tu gzhan las ma thos par rang byang chub thob par 'gyur ro/ /gzungs kyi dbang phyug gi rgyal pos yongs su zhus pa bstan pa'i chos kyi rnam grangs 'di bcom ldan 'das kyis bstan pa na sems can dpag tu med pa dag byang chub tu sems bskyed do/ /byang chub sems dpa' grangs med pa dag ni / </font><hr>318a<br><font size=+1>


@#/ /phyir mi ldog pa la rab tu gnas so/ /'jig rten gyi khams grangs med pa dag ni/ rnam pa drug tu g.yos so/ /snang ba chen pos kyang gsal bar gyur to/ /me tog sil mas kyang gtor bar gyur to/ /phyogs bcu'i 'jig rten gyi khams nas 'dus pa'i byang chub sems dpa' de dag gis bcom ldan 'das dang / chos kyi rnam grangs 'di la mchod pa'i las kyi phyir thams cad dang ldan pa'i 'khor gyi khyams rin po che bkod pa rin po che sna bdun gyi me tog gis rnam par bkra bar byas te ched du brjod pa 'di ched du brjod do/ /bcom ldan 'das/ bdag cag gis rnyed par bgyi ba legs par rnyed do/ /gang gi slad du bdag cag gis rnam par nges pa'i chos kyi rnam grangs 'di lta bu thos pas bdag cag 'dir mchis pa don ma mchis pa ma lags so/ /kye ma bcom ldan 'das shAkya thub pa'i sku tshe yongs su bskyang du gsol/ /dzam+bu'i gling gi mi rnams la chos kyi rnam grangs 'di yun ring du gnas par gyur cig /dge slong dang / dge slong ma dang / dge bsnyen dang / dge snyen ma gang dag mdo sde 'di lta bu 'dzin pa de dag kyang dus ring por yun du tshe yongs su skyong bar gyur cig /sems can thams cad la'ang </font><hr>318b<br><font size=+1>


phan pa byed par gyur cig /de nas bcom ldan 'das la byang chub sems dpa' gzungs kyi dbang phyug gi rgyal pos 'di skad ces gsol to/ /kye ma bcom ldan 'das ji tsam du rnam par nges pa'i chos kyi rnam grangs 'di don bzang ba dang / tshig 'bru bzang ba dang / legs par brgyan pa dang / byang chub sems dpa' thams cad mchog tu dga' ba skyed pa dang / bdud dang pha rol rgol ba thams cad 'joms pa dang / chos thams cad la mkhas par 'dzin pa dang / sems can thams cad kyi bsam pa tshim par bgyid pa dang / theg pa thams cad kyi nges par 'byung ba'i phyir 'byung ba dang / de bzhin gshegs pa thams cad kyi yon tan la 'jug pa'i rjes su song ba dang / thams cad kyis brtson par bgyi ba las gti mug ma mchis par ston par ngo mtshar to/ /bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol ba dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /de'i phyir gzungs kyi dbang phyug gi rgyal po/ khyod kyis chos kyi rnam grangs 'di de bzhin gshegs pa'i snying rje chen po bstan pa zhes bya bar zungs shig /de bzhin gshegs </font><hr>319a<br><font size=+1>


@#/ /pa'i las don yod pa nyan pa lung bstan pa zhes bya bar yang zungs shig /bcom ldan 'das kyis de skad ces bka' stsal nas byang chub sems dpa' gzungs kyi dbang phyug gi rgyal po dang / byang chub sems dpa'i tshogs dang / nyan thos kyi tshogs de dag thams cad dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa de bzhin gshegs pa'i snying rje chen po bstan pa zhes bya ba theg pa chen po'i mdo rdzogs so// //rgya gar gyi mkhan po shI len+d+ra po d+hi dang / zhu chen gyi lots+tsha ba ban+d+he ye shes sdes bsgyur cing zhus te skad gsar bcad kyis kyang bcos nas gtan la phab pa/ </font><hr>

</table>