H172

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H172</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H172&coll=lhasa">see text in Tibetan script</a></table>495a<br><font size=+1>


rgya gar skad du/ AR+Ya ma hA la li kA pa ri pr-its+tshA nA ma mahA yA na sUtra/ bod skad du/ 'phags pa bgres mos zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul bri dzin yul rgyu ba rgyu zhing dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu grong khyer chen po yangs pa can ga la ba der gshegs </font><hr>495b<br><font size=+1>


dang / de'i tshe grong gi bud med /na mo gtugs pa/ 'khogs pa/ na tshod las 'das par gyur pa/ skyes nas lo brgya nyi shu lon pa zhig dgon pa na rtswa sdud cing 'dug ste/ bud med des bcom ldan 'das mdzes pa/ dang bar byed pa/ dbang po dul ba/ thugs dul ba/ dul ba dang / zhi gnas mchog brnyes pa/ sbas pa/ skyon med pa/ dbang po dul ba/ mtsho ltar dang zhing gsal la rnyogs pa med pa/ gser gyi mchod sdong ltar mngon par 'phags pa/ dpal gyis lha ma me/ lhan ne/ lhang nge ba/ skyes bu chen po'i mtshan sum cu rtsa gnyis kyis legs par brgyan pa thag ring po nas byon pa mthong ngo / /mthong nas kyang sems dang bar gyur nas dad pa'i sems kyis bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te/ bcom ldan 'das la lan gsum bskor ba byas nas phyogs gcig tu 'dug ste/ bud med des bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ skye ba gang nas mchis/ rga ba gang nas mchis/ gang du mchi/ bcom ldan 'das na ba gang nas mchis/ 'chi ba gang nas mchis/ gang du mchi/ bcom ldan 'das/ gzugs gang nas mchis/ tshor ba dang / 'du shes dang / 'du byed rnams dang / rnam </font><hr>496a<br><font size=+1>


@#/ /par shes pa gang nas mchis/ gang du mchi/ bcom ldan 'das/ sa'i khams gang nas mchis/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams gang nas mchis/ gang du mchi/ bcom ldan 'das/ mig gang nas mchis/ rna ba dang / sna dang / lce dang / lus dang / yid gang nas mchis/ gang du mchi/ bcom ldan 'das kyis bka' stsal pa/ sring mo/ skye ba gang nas kyang mi 'ong / rga ba gang nas kyang mi 'ong / gang du'ang mi 'gro'o// sring mo| na ba gang nas kyang mi 'ong / /'chi ba gang nas kyang mi 'ong / /gang du'ang mi 'gro'o/ /sring mo/ gzugs gang nas kyang mi 'ong / tshor ba dang / 'du shes dang / 'du byed rnams dang / rnam par shes pa gang nas kyang mi 'ong / gang du'ang mi 'gro'o/ /sring mo/ sa'i khams gang nas kyang mi 'ong / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams gang nas kyang mi 'ong / gang du'ang mi 'gro'o/ /sring mo/ /mig gang nas kyang mi 'ong / /rna ba dang / sna dang / lce dang / lus dang / yid gang nas kyang mi 'ong / gang du'ang mi 'gro'o/ /sring mo/ /'di lta ste/ dper na/ gtsub shing dang / gtsub bstan la'ang brten la/ de bskyed pa'i mi'i rtsol ba </font><hr>496b<br><font size=+1>


la'ang brten nas me 'byung ste/ me de'ang rtswa dang / shing de bsregs nas rgyu med pa dang / shi bar 'gyur ro/ /sring mo/ 'di ci snyam du sems/ me de gang nas 'ong / gang du song / gsol pa| bcom ldan 'das zhugs de ni tshogs pa'i dbang gis byung /tshogs pa dang bral bas 'gags te/ 'gum mo/ /bka' stsal pa/ sring mo/ /de bzhin du chos thams cad kyang tshogs pa'i dbang gis 'byung / tshogs dang bral bas 'gags te/ 'di la chos gang yang gang nas kyang 'ong ba'am/ gang du'ang 'gro ba med do/ /sring mo/ /'di lta ste/ ming dang / gzugs la brten nas/ mig gi rnam par shes pa 'byung yang mig gi rnam par shes pa la skyed par byed pa'ang med/ 'gag par byed pa'ang med/ gang du'ang gsog pa med/ phung po gang las kyang 'ong ba'am/ 'gro ba'ang med la/ gang gi rnam par shes pa'i rkyen gyis las mngon par 'dus byas nas khams gsum du 'bras bu rnam pa gsum gyis 'bras bu nye bar ston te/ 'bras bu de'ang stong pa/ 'ong ba med pa/ 'gro ba med pa/ sus kyang ma skyes pa/ sus kyang ma bkag pa ste/ sring mo/ chos thams cad ni rang bzhin gyis 'gags pa'o/ /de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos rnams la rten nas yid kyi rnam par shes pa </font><hr>497a<br><font size=+1>


@#/ /byung yang yid kyi rnam par shes pa de la skyed par byed pa'ang med/ 'gag par byed pa'ang med/ gang yang gsog pa'ang med/ phung po gang las kyang 'ong ba'am/ 'gro ba'ang med la yid kyi rnam par shes pa'i rkyen gyis las mngon par 'du byas nas khams gsum du 'bras bu rnam pa gsum gyis 'bras bu nye bar ston te/ 'bras bu de'ang stong pa/ 'ong ba med pa/ 'gro ba med pa/ sus kyang ma bskyed pa/ sus kyang ma bkag pa ste/ sring mo/ chos thams cad ni rang bzhin gyis 'gags pa'o/ /sring mo/ 'di lta ste/ dper na| shing dang / pags pa dang / dbyug gu la'ang brten/ de skyed pa'i mi'i rtsol ba la'ang brten nas rnga'i sgra 'byung ste/ rnga'i sgra de 'das pa'ang ston/ ma 'ongs pa'ang ston| da ltar byung ba'ang ston ste/ sgra ni shing la'ang mi gnas/ pags pa la'ang mi gnas/ dbyug gu la'ang mi gnas/ mi'i lag pa la'ang mi gnas mod kyi/ 'on kyang de'i rkyen gyis sgra 'dogs te/ gang sgra de 'dogs pa'ang stong pa/ 'ong ba med pa/ 'gro ba med pa/ sus kyang ma bskyed pa/ sus kyang ma bkag pa ste/ sring mo/ chos thams cad ni rang bzhin gyis 'gags pa'o/ /sring mo/ de bzhin du chos thams cad ni rkyen gyis kha na las pa ste/ 'di ltar ma rig pa dang / sred pa dang / las dang / rnam par shes </font><hr>497b<br><font size=+1>


pa'o| |chos de dag yod na 'chi 'pho dang / skye ba 'dogs te/ gang 'chi 'pho dang / skye ba 'dogs pa de'ang stong pa/ 'ong ba med pa/ 'gro ba med pa/ sus kyang ma skyes pa/ sus kyang ma bkag pa ste/ sring mo/ chos thams cad ni rang bzhin gyis 'gags pa'o/ /sring mo/ de ltar sus rnga sgra'i tshul rab tu shes pa des stong pa nyid rab tu shes so/ /sus stong pa nyid rab tu shes pa des mya ngan las 'das pa rab tu shes so/ /sus mya ngan las 'das pa rab tu shes pa de/ tha snyad rnam pa sna tshogs kyis tha snyad 'dogs kyang dngos po gang la'ang mngon par zhen pa med de/ bdag gi 'di dang / de ni bdag go zhe 'am/ sems can no zhe 'am/ srog go zhe 'am/ gso ba'o zhe 'am/ skyes bu'o zhe 'am/ gang zag go zhe 'am/ shed las skyes so zhe 'am/ shed bu'o zhe 'am/ byed pa po zhe 'am/ byed du 'jug pa po zhe 'am/ len pa po zhe 'am/ 'dor ba po zhes de mngon par zhen pa med par chos ston/ chos rab tu ston/ yang dag pa'i mtha' ston/ yang dag pa'i mtha' rab tu ston to/ /sring mo/ 'di lta ste/ dper na/ ri mo mkhan gyi slob ma zhig gis ras bcos ma shin tu phyi ba dar byas pa'am/ shing leb bam/ rtsig ngos shin tu phyi bdar byas ba zhig la tshon sna tshogs 'gyed cing gzugs kyi rnam pa gang dang / gang 'dod pa/ 'di lta ste/ skyes pa'i gzugs gyi rnam </font><hr>498a<br><font size=+1>


@#/ /pa'am| bud med kyi gzugs kyi rnam pa'am/ glang po che'i gzugs kyi rnam pa'am/ rta'i gzugs kyi rnam pa'am/ bong bu'i gzugs kyi rnam pa dang / de dag yan lag dang / nying lag dang / dbang po thams cad ma tshang ba med pa dang / tshegs chung dus mngon bar sgrub cing 'dri ste/ mngon par sgrub par byed kyang / de la chos gang yang ri mo mkhan gyi lag pa 'am/ sems las gzugs su 'phos pa med mod kyi/ 'on kyang de'i rkyen gyis gzugs 'dogs te/ gang gzugs de 'dogs pa de'ang stong pa/ 'ong ba med pa| 'gro ba med pa/ sus kyang ma bskyed pa/ sus kyang ma bkag pa ste/ sring mo/ /chos thams cad ni rang bzhin gyi 'gags pa'o/ /sring mo/ /de bzhin du bsod nams su nye bar 'gro ba'i mngon par 'du byed pa rnams yod na/ 'di lta ste/ lha'am/ mi'i nang du bsod nams su nye bar 'gro ba'i lus mngon par grub kyang / de la gang 'jig rten 'di nas 'jig rten pha rol tu 'pho ba ni rdul tsam yang med mod kyi/ 'on kyang mngon par 'du byed pa'i rkyen gyis skye ba sna tshogs yod de/ skye mched yod pa'i las su rnam par rig go /de bzhin du bsod nams ma yin par nye bar 'gro ba'i 'du byed rnams yod na/ 'di lta ste/ sems can dmyal ba 'am/ dud 'gro'i skye gnas sam/ gshin rje'i 'jig rten nam / </font><hr>498b<br><font size=+1>


lha ma yin rnams su bsod nams ma yin pa'i lus mngon par 'grub kyang de la gang 'jig rten 'di nas 'jig rten pha rol tu 'gro ba ni rdul tsam yang med mod kyi/ 'on kyang mngon par 'du byed pa'i rkyen gyis skye ba sna tshogs yod de/ skye mched yod pas lus su rnam par rig go /sring mo/ 'di lta ste/ dper na/ klu rnams kyi klu'i mthus sprin gyi tshogs rgya chen po 'byung ste/ sprin gyi dra bas de dag gis sa khebs par byas nas char chen po rgya cher 'bebs te/ char chen po rgya cher phab nas kyang sgang dang / gshongs ngoms par byed de/ sgang dang gshongs ngoms par byas nas/ slar 'gro'ang de dag klu'i lus sam/ sems las byung ba'ang med mod kyi/ klu rnams kyis klu'i mthu nyid kyis sprin gyi tshogs rgya chen po 'byung ngo / / sring mo| |de bzhin du bsod nams su 'gro ba'i mngon par 'du byed pa yod na/ 'di lta ste/ lha'am/ mi'i nang du bsod nams su nye bar 'gro ba'i lus rnams mngon par 'grub bo/ de bzhin du bsod nams ma yin par nye bar 'gro ba'i mngon par 'du byed pa rnams yod na/ 'di lta ste/ sems can dmyal ba'am/ dud 'gro'i skye gnas sam/ gshin rje'i 'jig rten nam/ lha ma yin rnams su bsod nams ma yin par nye bar 'gro ba'i lus mngon par 'grub kyang de la mngon par 'du bya ba'ang stong pa/ mngon par 'du byed pa </font><hr>499a<br><font size=+1>


@#/ /po'ang stong pa/ mngon par 'du byed pa'i 'bras bu'ang stong pa'o/ /sring mo/ /mi g.yo bar 'gro ba'i mngon par 'du byed pa rnams yod na gzugs med pa rnams su rnam par shes pa mtshams sbyor te/ gang gis rnam par shes pa de gzugs med pa rnams su mtshams sbyor ba de'ang stong pa/ gang rnam par shes pa de gzugs med pa rnams su mtshams sbyor ba de'ang stong pa'o/ /de ci'i phyir zhe na/ sring mo/ /chos thams cad ni ngo bo nyid kyis stong pa'i phyir te/ 'on kyang chos rnams 'dogs so/ / mkhas pa rnams ni de la mngon par mi zhen te/ mngon par zhen pa med pas mi rtsod do/ /rtsod pa med pa ni dge sbyong gi chos kyi mchog go /gsol pa/ 'di ltar bcom ldan 'das kyis chos zab mo bka' stsal pas/ bcom ldan 'das/ bdag kyang chos 'di dag la shes rab kyi mig 'jug ste/ slar zhing yid gnyis ma mchis/ the tshom ma mchis so/ /bcom ldan 'das/ bdag sngon ni chos 'di dag ma thos pas the tshom mchis so/ /de ni bdag rgas/ bdag 'khogs/ bdag sdug bsngal/ bdag dbul/ bdag mgon ma mchis te/ bdag mi 'tsho zhing 'gum mi mnga'o/ /bcom ldan 'das/ bdag gis chos 'di thos pas 'di na rgas pa'am/ dbul ba'am/ bde pa'am/ </font><hr>499b<br><font size=+1>


nad ma mchis pa'am/ na ba'am/ phyug pa'am/ dbul ba gang yang ma mchis so zhes bdag tu 'du shes dang bral bar gyur to/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ gang gi slad du bcom ldan 'das kyis chos kyi rnam grangs zab mo 'di lta bu bka' stsal la/ des kyang 'di ltar rab tu btsal bas bud med 'di ni bsod nams dang ldan pa/ mkhas pa/ shes rab can gyi rang bzhin can lags pa snyam bdag bgyid do/ /bcom ldan 'das kyis bka' stsal pa/ kun dga' bo de de bzhin no/ /kun dga' bo/ ji skad smras pa de de bzhin te/ bud med 'di ni bsod nams dang ldan pa/ mkhas pa/ shes rab kyi rang bzhin can no| |kun dga' bo/ /bud med 'di tshe rabs lnga brgya'i bar du nga'i mar gyur te/ kun dga' bo/ ngas tshe rabs de dag de dag tu'ang bud med 'di bla na med pa yang dag par rdzogs pa'i byang chub tu dge ba'i rtsa ba bskyed do/ /kun dga' bo/ nga bud med 'di la shin tu yangs par bya ba dang / dad pa dang / gus par gyur to/ /'di'ang bdag gi bu spyad pa gang la spyod pa'i spyad pa de la bdag gis kyang spyad de/ theg pa bde ba'i bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam mo/ /gsol pa/ </font><hr>500a<br><font size=+1>


@#/ /bcom ldan 'das/ 'di ci'i slad du 'di ltar dbul bar 'gyur/ bcom ldan 'das kyis bka' stsal pa/ kun dga' bo/ byang chub sems dpa' spyad pa spyod pa na gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig gi bstan pa la rab tu byung bar gyur pa de'i tshe/ kun dga' bo/ bud med 'di nga'i mar gyur te/ des 'dod pas nga ma btang nas de'i phyir nga za ma gcig zan bcad pa dang / de'i 'og tu 'dis 'dod pas nga btang bar gyur te/ kun dga' bo/ /'di las de'i rnam par smin pas de ltar dbul bar gyur to/ /kun dga' bo/ 'di ni/ 'di'i dbul ba'i tha ma yin te| kun dga' bo/ bud med 'di/ 'di nas shi 'phos nas bcom ldan 'das yang dag par rdzogs pa'i sangs rgyas 'od dpag med kyi sangs rgyas kyi zhing 'jig rten gyi khams bde ba can du bud med kyi dbang po la 'dod chags dang bral nas skyes pa'i dbang po thob par gyur te/ der skyes nas sangs rgyas bcom ldan 'das grangs med dpag tu med cing bsam gyis mi khyab pa la mchod pa byed par 'gyur/ sems can grangs med dpag tu med cing bsam gyis mi khyab pa dag byang chub la </font><hr>500b<br><font size=+1>


par 'gyur/ sems can grangs med dpag tu med cing bsam gyis mi khyab pa dag byang chub la yongs su smin par byed par 'gyur/ sems can grangs med dpag tu med cing bsam gyis mi khyab pa dag byang chub la 'god par 'gyur/ sems can grangs med dpag tu med cing bsam gyis mi khyab pa dag byang chub la bkod nas/ da ste bskal pa brgya stong phrag drug cu rtsa brgyad na stong gsum gyi stong chen po'i 'jig rten gyi khams 'di nyid du/ de bzhin gshegs pa dgra bcom pa yang dag par rdzogs pa'i sangs rgyas byang chub kyi yan lag gi me tog byed ces bya bar 'gyur te/ kun dga' bo/ sum cu rtsa gsum pa'i lha rnams kyi longs spyod dang / yongs su spyod pa ji lta ba bzhin du sangs rgyas kyi zhing de'i sems can rnams kyi longs spyod pa dang / kun spyod pa de'ang de 'dra bar 'gyur ro/ /bcom ldan 'das kyis de skad ces bka' stsal te| bde bar gshegs pas de skad gsungs nas/ ston pas gzhan yang 'di skad bka' stsal to/ /nga'i mdun na thal sbyar gang 'dug pa// rgan mo 'di la kun dga' khyod ltos shig /'di nas mi yi dam pa sangs rgyas 'gyur/ /byang chub yan lag me tog byed ces bya/ /'di ni bud med dngos po 'di spangs nas/ /bde ba can gyi 'jig </font><hr>501a<br><font size=+1>


@#/ /rten khams su 'gro /rgyal ba tshe dpag med de bsnyen bkur nas/ /khams gsum rgyal ba mtshungs med sangs rgyas 'gyur/ /'jig rten khams gzhan dag na gang bzhugs pa/ /drang srong chen po 'jig rten don mdzad pa/ /rnam 'dren de dag la yang bsnyen bkur nas/ /'di nas mtshungs med mi mchog sangs rgyas 'gyur/ /de dag kun las chos kyang thos gyur nas/ /bsam pa dag pas de bzhin 'grub par 'gyur/ /byang chub sems mchog mi bskyod gnas nas ni/ /sems can dpag med chos la spyod par byed/ /de yi tshe na gang dag dman pa dang / /sna tshogs lus dang kha dog ngan pa dang / /rmongs dang 'theng po de bzhin zhar ba dang / /lag rdum mdze can de dag 'byung mi 'gyur/ /nyi zla me dang glog dang nor bu rnams/ /de dag 'di ni de tshe 'byung mi 'gyur/ rnam 'dren byang chub yan lag me tog gi /thub pa'i 'od kyis kun tu gsal bar khyab/ /sum cu rtsa gsum lha mchog rnams kyi ni/ /chu zheng rtags dang kha dog ci 'dra ba/ /de 'dra'i rang bzhin can gyi skye bo yis/ /de tshe ma smad zhing ni gang bar 'gyur/ /de na bdud med bdud kyi ris kyang med/ /bdud kyi </font><hr>501b<br><font size=+1>


bud med bdud kyi phyag brnyan med/ /bde bar gshegs pa de na chos ston tshe/ /de na mu stegs can gyi ming mi grags/ /bde bar gshegs pa de na chos ston tshe/ /de dus yi dwags dud 'gro'i skye gnas dang / /sems dmyal ngan song rnams kyi ming mi grags/ /de na bud med ming yang grags mi 'gyur/ /'di na nyan thos rkyen gyi theg pa ltar| |de tshe theg pa rnam par bzhag pa med/ /kun kyang rdzogs pa'i byang chub sems dang ldan/ /de dag byams la gnas shing snying rje can/ /zhing der mi rnams thams cad rtag par yang / /rdzus shing skyes te mngal las rnam par thar/ /skye bran blo mchog ldan zhing mkhas pa ste/ /legs par gsungs pa thos nas thos pa 'dzin/ /zhing gi bkod tshul ci 'dra 'byung 'gyur ba/ /yon tan bskal par 'dir ni brjod byas kyang / /rgya mtsho las ni chu thig gcig lta bur/ /dpe tsam du yang brjod par mi 'gyur ro/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / rgan mo de dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la </font><hr>502a<br><font size=+1>


@#/ /mngon par bstod do/ /'phags pa bgres mos zhus pa zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na shI la dang / zhus chen gyi lots+tsha ba ban+de ye shes sdes bsgyur cing zhus te gtan la phab pa/// </font><hr>

</table>