H183

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H183</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H183&coll=lhasa">see text in Tibetan script</a></table>122b<br><font size=+1>


//rgya gar skad du/ AR+Ya dA na pA ra mi tA nA ma mahA yA na sU tra/ bod skad du/ 'phags pa sbyin pa'i pha rol tu </font><hr>123a<br><font size=+1>


@#/ /phyin pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na| bcom ldan 'das nyid kyi rtsa lag dang / yul gyi mi rnams la phan gdags pa'i phyir ser skya'i gnas kyi grong khyer chen po na rgyal po zas gtsang gi kun dga' ra ba shing sA la dang / ta la dang / ta ma la dang / dong ka'i shing dang / rgya shug dang / star ga shing dang / 'bru go dang / shing ba Ta dang / ka ta m+pa dang / a mra dang / nyo ti dang / sgyu ru ra'i shing dang / bilba dang bal po se'u dang / ka bid tha dang / chu shing dang / n+ya gro d+ha dang / u dum+ba ra dang / ba ru ra'i shing dang / a shwad tha dang / baR+shi ka dang / sna ma dang / d+ha nu ska ri dang / a ti mug+ta dang / tsa m+pa ka dang / mya ngan 'tshang dang / ta ra ni dang / skya snar dang / shi ri sha dang / ardzun dang / shing ljon pa brgya stong du mas brgyan pa/ phu chu dang / 'bab chu'i dong dang / mtshe'u dang / lteng ka dang / rdzing bu dang / khron pa dri zhim po dang ldan pa dag gis mdzes par byas pa/ me tog ut+pa la dang / pad+ma dang / ku mu da dang / pad+ma dkar po dag gis gang ba/ ngang pa dang / rma bya dang / khrung khrung dang / ngur pa dang / khu byug dang / chun lag dang / ne tso dang / ri skegs dang / shang shang te'u dang / tsa ko ra dang / 'jon mo dang / ka rand pa rnams skad </font><hr>123b<br><font size=+1>


'byin pa/ bung ba brgya stong dag gis mdzes par byas pa/ chu yan lag brgyad dang ldan pa gsal zhing dri zhim la shin tu bsil ba dang / rnyog pa med cing rnam par dang bas yongs su gang ba/ gsing ma sngo zhing 'jam la gzhon pa/ dar dang / bal dang / srin bal dang / mon dar dang / ka tsa lin+di ka dang / zar ma'i ges ltar reg na bde ba/ yid du 'od zhing gtsang la rdo dang / gseg ma dang / gyo mo dang / bkra mi shis pa dang / 'jam rdzab dang / snyag snyig med pa'i sa phyogs bzang po/ ri dwags sna tshogs ldang sko ska dang / sha bkra dang / spre'u dang / byi la dang / sre mo dang / ri bong dang / dom dang / dred dang / bya'i tshogs kyis bsten pa/ mtshan mo'i lha dang / lha'i bu mo dang / 'jig rten skyong dang / chu lha dang / zhi ba dang / gshin rje dang / 'phags skyes po dang / lus ngan po dang / brgya byin dang / mig mi bzang dang / yul 'khor srung dang / lha ma yin dang / nam mkha' lding dang / dri za dang / mi'am ci dang / lti 'phye chen po 'bum dag gnas pa na brten cing bzhugs te dge slong gi dge 'dun chen po dge slong bdun khri bdun stong la/ 'di lta ste/ tshe dang ldan pa shA radwa ti'i bu dang / tshe dang ldan pa maung+gal gyi bu chen po dang / tshe dang ldan pa rab 'byor dang / tshe dang ldan pa ka pa ni dang / tshe dang ldan pa ba lang bdag dang / tshe dang ldan pa gsus po che dang / tshe dang ldan pa b+ha ra d+h+wa dza dang / tshe dang ldan pa </font><hr>124a<br><font size=+1>


@#/ /kun shes kau N+Di n+ya dang / tshe dang ldan pa bzang ldan dang / tshe dang ldan pa gang po dang / tshe dang ldan pa rab tu bzang po dang / tshe dang ldan pa lam phran dang / tshe dang ldan pa bku la dang / tshe dang ldan pa sgra gcan zin dang / tshe dang ldan pa nye dga' bo dang / tshe dang ldan pa dga' bo dang / tshe dang ldan pa kun dga' bo dang / de dag la sogs pa dge slong bdun khri bdun stong la/ 'di lta ste/ tshe dang ldan pa kun dga' bo gang zag gcig ma gtogs par thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyi dbang dam pa'i pha rol tu son pa sha stag dang thabs gcig go /byang chub sems dpa'i tshogs chen po byang chub sems dpa' bye ba 'bum phrag du ma la /'di lta ste/ byang chub sems dpa' sems dpa' chen po byams pa dang / 'jam dpal gzhon nur gyur pa dang / spyan ras gzigs dbang phyug dang / mthu chen thob dang / kun tu bzang po dang / nam mkha'i </font><hr>124b<br><font size=+1>


snying po dang / lha'i cod pa na dang / rin chen cod pan dang / lag na rin chen dang / rin chen 'od dang / rin chen snying po dang / rin chen gtsug phud dang / rin chen seng ge dang / rin chen dra ba can dang / dra ba can gyi 'od dang / nyi 'od dang / zla 'od dang / mthu brtan dang / blo gros brtan dang / brtson 'grus brtan dang / mthu rtsal brtan dang / spro ba brtan dang / spro ba che ba dang / mchog tu dga' ba'i rgyal po dang / sman gyi rgyal po dang / sman yang dag 'phags dang / dge ba dri med pa rnam dag rin chen zla 'od rgyal po dang / pad+ma'i 'dab ma ltar dri ma med pa rgyu skar rgyal po mngon par shes pa'i me tog shin tu rgyas pa dang / bung ba dang / snag sa dang / rma bya dang / 'jol mo dang / mugs gsal ral ba'i thor tshugs can dang / pad+ma dang / zla ba ltar bzhin 'dzum zhing brjid la mdangs gsal ba dang / rin po che mthon ka ltar mig shin tu mdzes pa yon tan rin po che'i tog dang / so mnyam zhing thags bzang la dkar ba dngul dang / dung dang / zla ba dang / ku mud dang / 'om ltar dkar ba dang / lce chu shing gi lo ma dang / ta la'i 'dab ma ltar yangs shing zangs kye glegs ma lta bu dang / khu byug dang| ne tso dang / ri sgegs dang / kun la dang / ka la ping+ka'i skad 'byin pa lta bur yid du 'ong ba'i nga ro'i gdangs nges par sgrogs pa dang / lus zla ba dang / nyi ma 'char ka dang / dong </font><hr>125a<br><font size=+1>


@#/ /ka'i shing dang / sa ha ka ra dang / me tog 'byung ba'i ka tam pa lta bu dang / byang chub sems dpa' sems dpa' chen po rkang lag phra zhing mnyen pa gzhon sha chags shing srab la 'jam zhing / me tog ltar shin tu gzhon la rkang lag gi sen mo zangs kyi mdog 'dra ba dang / de dag la sogs pa byang chub sems dpa' dgu khrid gu stong thams cad kyang phyir mi ldog pa/ phyir mi ldog pa'i chos kyi 'khor lo skor ba/ bdud dang / phyir rgol ba nges par bcom pa/ bdud kyi las thams cad las yang dag par 'das pa| de bzhin gshegs pa thams cad kyi yul la 'jug pa shes pa la mkhas pa/ mngon par shes pas mngon par shes pa/ dpa' bar 'gro ba'i ting nge 'dzin gyi mtha'i sgo bsgrub pa'i gzungs thob pa/ pha rol tu phyin pa thams cad la thabs mkhas pa rtogs par khong du chud pa/ 'jig rten gyi khams tha dad pa ston pa/ go cha chen po bgos pa/ sangs rgyas kyi yon tan la the tshom med pa/ nyon mongs pa dang / nye ba'i nyon mongs pa'i bag chags thams cad la sems pas bag chags dang / mtshams sbyor ba dang bcas par mngon pa'i nga rgyal yang dag par bcom nas dul ba dang / des pa dang ldan pa/ dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang / </font><hr>125b<br><font size=+1>


stobs dang / byang chub kyi yan lag dang / lam la zhugs pa/ byams pa dang / snying rje dang / dga' ba dang / btang snyoms dang / bzod pa dang / bsam pa dang / bag la nyal phun sum tshogs pa/ nga rgyal dang / rgyags pa dang / dregs pa dang / nyes rtsom dang / khengs pa dang / ser sna dang / ngar 'dzin pa dang / ngar 'dzin dang / nga yir 'dzin pa dang / lhag par zhen pa dang / chags pa dang / zhen pa dang / brgyal ba dang / sred pa dang / mngon par zhen pa dang / bral ba bskal pa bye ba khrag khrig 'bum phrag grangs med par bdag la phan pa dang / gzhan la phan pa dang / bde bar sbyor ba la brtson la/ dge ba'i rtsa ba shin tu bsags shing tshogs rdzogs par byas pa'i rgyud can sgyu dang / g.yo dang / rdzun dang / phra ma dang / dag rtsub po dang| gsod pa dang / gnod par byed pa dang / 'ching ba dang / lta ba ngan pas gzings pa dang / bsdigs pa dang / rtsod pa dang / 'thab pa dang / 'breg pa dang / 'khrug long dang| 'gyed pa dang / nye ba'i nyon mongs pa dang bral ba sha stag dang / 'jig rten skying bzhi po/ 'di lta ste/ rgyal po chen po rnam thos kyi bu dang / rgyal po chen po yul 'khor srung dang| rgyal po chen po 'phags skyes po dang / rgyal po chen po mig mi bzang rang rang gi g.yog 'khor gyis bskor ba rnams dang / gnod sbyin gyi sde dpon chen po lngas </font><hr>126a<br><font size=+1>


@#/ /rtsen rang gi bu'i 'khor dang bcas pa dang / gnod sbyin gyi sde dpon chen po lag na rdo rje rang gi gnod sbyin gyi 'khor dang bcas pa dang / 'byung po chen po'i ma phrog ma rang gi gnod sbyin mo'i 'khor dang bcas pa dang / dung can ma dang / mdung thogs ma dang / ser mo dang / dka' bzlog ma dang / dpal gyi lha mo chen mo dang / dbyangs can ma dang / 'jigs byed ma dang / zla ba dang / lha'i dbang po brgya byin dang / lha'i bu dbang phyug chen po dang / mi mjed kyi bdag po tshangs pa rang gi lha'i bu'i 'khor dang bcas pa dag dang| klu'i rgyal po ma dros pa dang / klu'i rgyal po rgya mtsho rang rang gi klu'i 'khor dang bcas pa dag dang / nam mkha' lding gi dbang po gzi chen dang / nam mkha' lding gi dbang po lus chen rang rang gi nam mkha' lding gi 'khor dang bcas pa dag dang / lha ma yin gyi dbang po stobs can dang / lha ma yin gyi dbang po sgra gcan rang rang gi tshogs kyi 'khor dang bcas pa dag dang / mi 'am ci'i rgyal po ljon pa rang gi mi 'am ci'i 'khor dang bcas pa dang / dri za'i bu zur phud lnga pa rang gi 'khor dang bcas pa dang / de las gzhan pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa gzi brjid che ba gzi brjid che ba dpag tu </font><hr>126b<br><font size=+1>


med/ grangs med pa dag dang yang thabs gcig ste/ rigs bzhi po bram ze dang / rgyal rigs dang / rje'u rigs dang / dmangs rigs rnams dang / 'khor bzhi po dge slong dang / dge slong ma dang| dge bsnyen dang / dge bsnyen ma rnams dang / shAkya bye ba khrag khrig phrag 'bum dag dang / rgyal po rnams dang / blon po chen po rnams dang / grong rdal gyi mi rnams dang / yul gyi mi rnams dang / khyim bdag dang / blon po dang / pho brang 'khor gyi mi dang / sgo dpon gyi 'khor rnams kyis bskor cing mdun gyis bltas nas bkur sti byas/ bla mar byas/ ri mo byas/ mchod pa byas te/ bcom ldan 'das kyis na bza' dang / zhal zas dang / gzims cha dang / gdan dang / snyun gyi gsos sman dang / yo byad mang po gya nom pa dag brnyes shing phyogs bcu'i 'jig rten gyi khams rab 'byams dpag tu med/ grangs med pa dag tu'ang bcom ldan 'das kyis grags pa dang / sgra dang / tshigs su bcad pa rgya cher mngon par grags so/ /rdo rje'i snying po'i sa phyogs mnyam zhing yid du 'ong la rgya che zhing yangs pa/ chag chag legs par btab pa/ phyag dar legs par byas pa/ legs par rnam par phye ba/ bog snod nas bdugs pa| me tog ut+pal dang / pad+ma dang / ku mud dang / pad+ma dkar po dang / a ti mug+ta ka dang / ka tam+pa dang / paR+shi ka dang / ta ra ni dang / skya snar dang / mya ngan 'tshang dang / ko ran da ka </font><hr>127a<br><font size=+1>


@#/ /dang / sna ma dang / yu thi ka'i me tog dag bkram pa/ rin po che me tog sna tshogs kyi shing ljon pas mdzes par byas pa na seng ge'i khri rin po che'i snying po dang| rin po che'i ras bcos bu 'bum dag bting ba/ rin po che'i bla re dres pa/ rin po che'i dril bu g.yer ka'i dra ba bres pa/ rin po che'i lda ldi dbyangs pa/ rin po che sna tshogs kyis spras pa/ nor bu dang / gser dang / rdo rje dang / bai DUR+Ya dang / mu tig dang / dung dang / man shel dang / byu ru dang / and rnyil dang / rdo'i snying po dang / ma rgad dang / spug dang / shel dang / rin po che bye ba khrag khrig phrag 'bum dag gis brgyan pa la bzhugs te/ dbang po zhi ba/ thugs zhi ba/ dul ba dang zhi gnas dam pa brnyes pa/ dul ba dang zhi gnas mchog brnyes pa/ bsrungs pa/ gtso bor gyur pa| dbang po thul ba/ mtsho ltar dwang zhing gsal la rnyog pa med pa/ rin po che'i mchod sdong ltar mngon par 'phags pa/ dpal 'bar zhing lam me lhan ner bzhugs pa/ sku skyes bu chen po'i mtshan sum cu rtsa gnyis kyis legs par brgyan pa/ sku dpe byad bzang po brgyad cus mdzes par byas pa/ rgya mtsho chen po ltar dam pa'i chos kyi chus yongs su gang ba/ ri rab ltar mi bskyod pa/ sa ltar sems can thams cad kyi nye bar 'tsho ba/ chu ltar dge ba'i rtsa ba rab tu skyed pa/ tha snyad ltar thugs mnyam pa/ nam mkha' ltar gos pa med pa/ </font><hr>127b<br><font size=+1>


nyi ma ltar mi shes pa'i mun pa sel ba/ zla ba ltar dkar po'i chos yongs su rdzogs pa/ yid bzhin gyi nor bu ltar bsam pa thams cad yongs su rdzogs par mdzad pa/ nyi ma ltar shar ba/ nyi ma ltar gzi brjid kyis lam me ba/ zla ba ltar bsil zhing sim par mdzad pa/ rgya mtsho ltar rin po che'i 'byung gnas su gyur pa/ rgya mtsho ltar bab pa/ me'i phung po ltar snang ba/ lus mi bskyod pa| sems mi g.yo ba/ zhi zhing rab tu zhi ba/ dbang po 'khrul pa mi mnga' ba/ ma khengs shing mi rgod pa/ dran pa legs par nye bar gzhag pa/ spyod lam mdzes pa/ legs par mnyam par bzhag pa/ rtag tu mnyam par bzhag pa/ phyi ma'i mtha'i bskal pa bye ba phrag 'bum du dge ba'i rtsa ba thams cad yang dag par bsgrubs pa/ bsod nams kyi tshogs thams cad bsags pa| pha rol tu phyin pa thams cad la thabs mkhas pa/ rtogs par thugs su chud pa/ sangs rgyas dang / byang chub sems dpa'i sa thams cad la rnam par rol pa/ byang chub sems dpa'i spyod pa thams cad thugs kyis spyad pa/ sems can thams cad kyis phan pa dang / bde ba 'thob par bya ba'i phyir brtson pa de chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ dri ma med pa/ 'od gsal ba/ yid </font><hr>128a<br><font size=+1>


@#/ /du 'ong ba/ yid du 'thad pa/ yid sims par byed pa/ yid shin tu dga' bar byed pa/ yid skul bar byed pa/ yid mgu zhing rgyas par byed pa/ rnam par dag pa/ 'jigs pa med pa/ mi rtsub pa/ brtan pa/ zab pa/ mi g.yo ba/ mi 'gyur ba/ brtag tu med pa/ rtog ge'i spyod yul ma yin pa/ bsam gyis mi khyab pa/ rmad du byung ba/ brjod du med pa'i yang brjod du med pa/ ston cing 'chad de rnam par 'byed la 'grel cing gsal bar mdzad do/ /de'i tshe byang chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing nga ro rnam par sgrogs pa lta bu'i mi'i dbang po'i gtsug gi nor bu zhes bya ba/ gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ sngon gyi rgyal ba rnams la lhag par bya ba byas pa/ dge ba'i rtsa ba bskyed pa/ sangs rgyas bye ba khrag khrig 'bum phrag mang po la bsnyen bkur byas pa/ dkon mchog gsum gyi gdung 'tshob pa/ snying rje can/ spobs pa thogs pa med pa/ skye dgu la mnyes gshin pa/ dad pa bzang ba/ bsam pa dge ba/ brtan pa/ zab pa/ snying brtse ba can/ snying rje dang ldan pa/ des pa/ 'grogs na bde ba/ mkhas pa/ mdzangs pa/ gsal ba/ yid gzhungs pa/ shes </font><hr>128b<br><font size=+1>


nyen dang ldan pa/ le lo med pa/ shin tu dul ba/ dge des che ba/ sgyu can ma yin pa/ g.yo med pa/ mi rtsub pa/ mi brlang ba/ drang ba/ nga rgyal dang / rgyags pa dang / dregs pa dang / tha ba dang / khro ba dang / phrag dog dang / ser sna dang / ngar 'dzin pa dang / nga yir 'dzin pa dang / lhag par zhen pa dang / sdug bsngal ba dang / yid mi bde ba dang / ma rig pa dang bral ba dang / bsod nams dang ldan pa zhig 'khor de nyid du 'dus par gyur te 'dug go /de nas byang chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing nga ro rnam par sgrogs pa lta bu'i mi'i dbang po'i gtsug gi nor bu stan las langs te/ bla gos phrag pa gcig tu gzar nas/ pus mo g.yas pa'i lha nga pad+ma'i snying po la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /gal te bdag gis zhus nas zhu ba lan gdab pa'i slad du/ bcom ldan 'das kyis skabs phye na/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu bar 'tshal lo/ /de skad ces gsol pa dang / bcom ldan 'das kyis byang chub sems dpa' sems dpa' chen po'i ri'i phug dang / zom dang / ri'i sul dang </font><hr>129a<br><font size=+1>


@#/ /gseb dang / sman ljongs na seng ge'i mchog rnam par bsgyings shing nga ro rnam par sgrogs pa lta bu'i mi'i dbang po'i gtsug gi nor bu la 'di skad ces bka' stsal to/ /rigs kyi bu/ khyod la sangs rgyas dang / byang chub sems dpa' thams cad rtag tu skabs 'byed kyi/ rigs kyi bu/ khyod kyi de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / ngas dris pa de dang de'i lan btab pas khyod kyi sems rangs par bya'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po ri'i phug dang / zom dang / ri'i sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bus 'di skad ces gsol to/ /bcom ldan 'das/ rigs kyi bu 'am rigs kyi bu mo dang po sems bskyed pas gang la mngon par brtson par bgyi lags/ de skad ces gsol ba dang / bcom ldan 'das kyis byang chub sems dpa' sems dpa' chen po ri'i phug dang / zom dang / ri'i sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bu la legs so zhes bya </font><hr>129b<br><font size=+1>


ba byin te/ rigs kyi bu/ legs so/ /legs so/ /rigs kyi bu/ khyod de bzhin gshegs pa la don 'di yongs su dri bar sems pa ni khyod yang legs so/ /de'i phyir rigs kyi bu khyod legs par rab tu nyon la yid la zungs shig ngas bshad do/ /byang chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing nga ro rnam par sgrogs pa lta bu'i mi'i dbang po'i gtsug gi nor bus/ bcom ldan 'das la legs so zhes gsol nas/ bcom ldan 'das kyis ltar nyan pa dang / bcom ldan 'das kyis de la bka' stsal pa/ rigs kyi bu/ byang chub sems dpa' sems dpa' chen po dang po sems bskyed pas dge ba bcu'i las kyi lam dag la mngon par brtson par bya'o/ /rigs kyi bu/ de la byang chub sems dpa' sems dpa' chen po dge ba bcu'i las kyi lam dag la ji ltar mngon par brtson par byed ce na/ rigs kyi bu/ 'di la byang chub sems dpa' sems dpa' chen po ni srog gcod pa spangs pa yin/ log par lta ba'i bar dag spangs pa yin no/ /rigs kyi bu/ de la byang chub sems dpa' sems dpa' chen po srog gcod pa spangs pa ji lta bu yin zhe na/ rigs kyi bu/ 'di la byang chub sems dpa' de 'di snyam du sems te/ srog ces bya ba ni tha na srog chags grog sbur yan chad </font><hr>130a<br><font size=+1>


@#/ /la'ang sdug cing phangs la dga' zhing yid du 'ong ba yin te/ bdag la'ang srog 'di sdug cing phangs la dga' zhing yid du 'ong ba yin gyi/ su'ang bdag la gsod pa 'am/ gsod du 'jug pa 'am/ bsad pa la rjes su yi rang bar ma gyur cig bdag gis kyang su la'ang gsad par mi bya/ gsod du gzhug par mi bya/ gsod pa la rjes su yi rang bar mi bya'o snyam mo/ /rigs kyi bu/ de ltar na byang chub sems dpa' sems dpa' chen po srog gcod pa spangs pa yin no/ /de la 'di skad ces bya ste/ mngal na gnas pa yan chad kyang / /kun la srog ni sdug pa'i phyir/ /bdag gi srog phangs gang yin pa/ /de ni srog chags gsod mi byed/ /de la ma byin par len pa spangs pa ji lta bu yin zhe na/ rigs kyi bu/ 'di la byang chub sems dpa' de 'di snyam du sems te/ nor zhes bya ba ni tha na rigs ngan dang / g.yung po yan chad la'ang sdug cing phangs la dga' zhing yid du 'ong ba yin te/ bdag la'ang nor 'di sdug cing phangs la dga' zhing yid du 'ong ba yin gyi/ su'ang bdag la 'phrog pa 'am/ 'phrog tu 'jug pa'am/ 'phrog pa la rjes su yi rang bar ma gyur cig /bdag gis kyang su la'ang dbrog par mi bya/ phrog tu gzhugs par mi bya/ phrogs pa la rjes su yi rang bar mi bya'o snyam mo/ /rigs kyi bu/ </font><hr>130b<br><font size=+1>


de ltar na byang chub sems dpa' sems dpa' chen po ma byin par len pa spangs pa yin no/ /de la 'di skad ces bya ste/ shing dang bong ba yan chad la/ /gzhan gyis bor bar gyur pa yang // gang la phan pa'i nor sdug pa/ /de ni nor la 'phrog mi byed/ /de la 'dod pas log par g.yem pa spangs pa ji lta bu yin zhe na/ rigs kyi bu/ 'di la byang chub sems dpa' de 'di snyam du sems te/ chung ma zhes bya ba ni tha na dud 'gro'i skye gnas su gyur pa rnams la'ang / sdug cing phangs la dga' zhing yid du 'ong ba yin te/ bdag la'ang chung ma sdug cing phangs la dga' zhing yid du 'ong ba yin gyi/ su'ang bdag la 'phrog pa 'am/ 'phrog tu 'jug pa 'am/ phrogs pa la rjes su yi rang ba 'am/ nan gyis mnan te/ dga' mgur yongs su longs spyod par ma gyur cig /bdag gis kyang su la'ang dbrog par mi bya/ 'phrog tu bzhug par mi bya/ phrogs pa la rjes su yi rang bar mi bya/ nan gyis mnan te/ dga' mgur longs spyod par mi bya'o snyam mo/ /rigs kyi bu/ de ltar na byang chub sems dpa' sems dpa' chen po 'dod pa la log par g.yem pa spangs pa yin no/ /de la 'di skad ces bya ste/ bran mor gyur pa yan chad kyang / /gzhan gyis bzhag par gyur pa la/ /gang la rang gi chung ma sdug /de ni chung ma 'phrog mi byed/ /de la brdzun du smra ba spangs pa ji lta bu yin zhe na/ </font><hr>131a<br><font size=+1>


@#/ /rigs kyi bu/ 'di la byang chub sems dpa' de 'di snyam du sems te/ bden pa zhes bya ba de ni tha na gnod sbyin dang / 'byung po dang / sha za rnams la'ang sdug cing phangs la dga' zhing yid du 'ong ba yin te/ bdag la'ang bden pa 'di sdug cing phangs la/ dga' zhing yid du 'ong ba yin gyi/ su'ang bdag la brdzun du smra bas su na 'byin pa 'am/ sun 'byin du 'jug pa 'am/ sun phyung ba la rjes su yi rang bar ma gyur cig /bdag gis kyang su la'ang brdzun du smra bas sun dbyung bar mi bya/ sun 'byin du gzhug par mi bya| sun phyung ba la rjes su yi rang bar mi bya'o snyam mo/ /rigs kyi bu/ de ltar na byang chub sems dpa' sems dpa' chen po brdzun du smra ba spangs pa yin no/ /de la 'di skad ces bya ste| gnod sbyin 'byung po yan chad kyang / /gang la bden par smra ba sdug /shes rab can de brdzun tshig gis/ /lus can rnams la sun mi 'byin/ /de la phra ma'i tshig spangs pa ji lta bu yin zhe na/ rigs kyi bu/ 'di la byang chub sems dpa' de 'di snyam du sems te/ phra ma'i tshig ces bya ba ni/ tha na gang zag phra ma can rnams la'ang yid mi sdug cing mi 'dod la| mi dga' zhing yid du mi 'ong ba yin te/ bdag la'ang phra ma'i tshig 'di mi sdug cing mi 'dod la mi dga' zhing yid du mi 'ong ba yin gyi/ su'ang bdag la phra ma zer bas gleng ba </font><hr>131b<br><font size=+1>


'am| gleng du 'jug pa 'am/ glengs pa la rjes su yi rang bar ma gyur cig /bdag gis kyang su la'ang phra ma zer bas gleng bar mi bya/ gleng du gzhug par mi bya/ glengs pa la rjes su yi rang bar mi bya'o snyam mo/ /rigs kyi bu/ de ltar na byang chub sems dpa' sems dpa' chen po phra ma'i tshig spangs pa yin no/ /de la ngag rtsub po smra ba spangs pa ji lta bu yin zhe na/ rigs kyi bu| 'di la byang chub sems dpa' de 'di snyam du sems te/ ngag rtsub po zhes bya ba ni tha na gang zag ngag rtsub po dang ldan pa rnams la'ang mi sdug cing mi 'dod la mi dga' zhing yid du mi 'ong ba yin te/ bdag la'ang ngag rtsub po 'di mi sdug cing mi 'dod la mi dga' zhing yid du mi 'ong ba yin gyi/ su'ang bdag la ngag rtsub po smra ba dang / gtum pa'i tshig dang / brlang ba'i tshig dang / mi bden pa'i tshig gis mtho 'tsham pa 'am/ mtho 'tsham du 'jug pa 'am/ mtho brtsams pa la rjes su yi rang bar ma gyur cig /bdag gis kyang su la'ang ngag rtsub po smra ba dang / gtum pa'i tshig dang / brlang ba'i tshig dang / mi bden pa'i tshig gis mtho 'tsham par mi bya/ mtho 'tsham du gzhug par mi bya/ mtho brtsams pa la rjes su yi rang bar mi bya'o snyam mo/ /rigs kyi bu/ de ltar na byang chub sems dpa' sems dpa' chen po ngag rtsub po spangs pa yin no/ /de la 'di skad ces bya ste/ gang dag su yang rung ba la/ phra ma </font><hr>132a<br><font size=+1>


@#/ /ngag rtsub mi sdug pa/ /de ni phra ma mi zer te/ /rtsub pa'i tshig kyang srung bar byed/ /de la tshig kyal pa spangs pa ji lta bu yin zhe na/ rigs kyi bu/ 'di la byang chub sems dpa' sems dpa' chen po de 'di snyam du sems te/ tshig kyal pa zhes bya ba ni tha na gang zag tshig kyal ba can dag la'ang mi sdug cing mi 'dod la mi dga' zhing yid du mi 'ong ba yin te/ bdag la'ang tshig kyal pa 'di mi sdug cing mi 'dod la/ mi dga' zhing yid du mi 'ong ba yin gyi/ su'ang bdag la tshig kyal ba smra bas dran par byed pa 'am/ dran par byed du 'jug pa 'am/ dran par byas pa la rjes su yi rang bar ma gyur cig /bdag gis kyang su la'ang tshig kyal ba smra bas dran par mi bya/ dran par byed du mi gzhug /dran par byas pa la rjes su yi rang bar mi bya'o snyam mo/ /rigs kyi bu/ de ltar na byang chub sems dpa' sems dpa' chen po tshig kyal pa spangs pa yin no/ /de la byang chub sems dpa' sems dpa' chen po brnab sems spangs pa ji lta bu yin zhe na/ rigs kyi bu/ 'di la byang chub sems dpa' de 'di snyam du sems te/ brnab sems zhes bya ba ni tha na gang zag brnab sems can rnams la'ang mi sdug cing mi 'dod la mi dga' zhing yid du mi 'ong ba yin te/ bdag la'ang brnab sems 'di mi sdug cing mi 'dod la mi dga' zhing yid </font><hr>132b<br><font size=+1>


du mi 'ong ba yin gyi/ su la'ang bdag la brnab sems kyi tshig gis brjod pa 'am/ brjod du 'jug pa'am/ brjod pa la rjes su yi rang bar ma gyur cig /bdag gis kyang su la'ang brnab sems kyi tshig gis brjod par mi bya/ brjod du gzhug par mi bya/ brjod pa la rjes su mi rang bar mi bya'o snyam mo/ /rigs kyi bu/ de ltar na byang chub sems dpa' sems dpa' chen po brnab sems spangs pa yin no/ /de la 'di skad ces bya ste/ kyal ba'i tshig dang brnab sems gnyis/ /gang zhig bdag nyid mi 'dod pa/ /de ni kyal pa'i tshig mi smra/ /brnab sems kyang ni srung bar byed| |de la gnod sems spangs pa ji lta bu yin zhe na/ rigs kyi bu/ 'di la byang chub sems dpa' de 'di snyam du sems te/ gnod sems zhes bya ba ni tha na gang zag gnod sems su gyur ba'i sems dang ldan ba rnams la'ang / /mi sdug cing mi 'dod la mi dga' zhing yid du mi 'ong ba yin te/ bdag la'ang gnod sems 'di mi sdug cing mi 'dod la mi dga' zhing yid du mi 'ong ba yin gyi/ su'ang bdag la gnod sems kyi tshig gis 'chad pa'am/ 'chad du 'jug pa'am/ bshad pa la rjes su yi rang bar ma gyur cig /bdag gis kyang su la'ang gnod sems kyi tshig gis bshad par mi bya/ 'chad du gzhug par mi bya/ bshad pa la rjes su yi rang bar mi bya'o snyam mo/ /rigs kyi bu/ de ltar na byang chub sems dpa' </font><hr>133a<br><font size=+1>


@#/ /sems dpa' chen po gnod sems spangs pa yin no/ /de la log par lta ba spangs pa ji lta bu yin zhe na/ rigs kyi bu/ 'di la byang chub sems dpa' de 'di snyam du sems te/ log par lta ba zhes bya ba ni tha na gang zag log par zhugs pa rnams la'ang mi sdug cing mi 'dod la mi dga' zhing yid du mi 'ong ba yin te/ bdag la'ang log par lta ba 'di mi sdug cing mi 'dod la mi dga' zhing yid du mi 'ong ba yin gyi/ su'ang bdag la log par lta ba'i tshig gis ston pa 'am/ ston du 'jug pa 'am/ bstan pa la rjes su yi rang bar ma gyur cig /bdag gis kyang su la'ang log par lta ba'i tshig gis bstan par mi bya/ ston du gzhug par mi bya/ bstan pa la rjes su yi rang bar mi bya'o snyam mo/ /rigs kyi bu/ de ltar na byang chub sems dpa' sems dpa' chen po log par lta ba spangs pa yin no/ /de la 'di skad ces bya ste/ gnod sems log par lta ba gnyis// yong gis mi 'dod gang yin pa/ /de ni gnod sems mi byed de/ /gang la'ang log par mi 'jug go /rigs kyi bu/ de ltar na byang chub sems dpa' sems dpa' chen po ni dge ba bcu'i las kyi lam 'di dag la mngon par brtson par byed do/ /dge ba bcu'i las kyi lam bstan pa 'di bshad pa na sems can dpag tu med grangs med pa dag </font><hr>133b<br><font size=+1>


bla na med pa yang dag par rdzogs pa'i byang chub tu sems skyes so/ /sangs rgyas kyi chos thams cad kyi rgyan dang / spud pa dang / lhab lhub bkod pa zhes bya ba theg pa chen po'i mdo las/ le'u dang po 'o// //rigs kyi bu/ gzhan yang / byang chub sems dpa' sems dpa' chen po dang po sems bskyed pas ni pha rol tu phyin pa bcu la mngon par brtson par bya'o/ /bcu gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs dang / smon lam dang / stobs dang / ye shes kyi pha rol tu phyin pa'o| |rigs kyi bu/ de la byang chub sems dpa' sems dpa' chen po pha rol tu phyin pa bcu po de dag la ji ltar mngon par brtson par byed ce na/ rigs kyi bu/ 'di la byang chub sems dpa' sems dpa' chen po ni sbyin pa byin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la bsam gtan du byed/ shes rab 'bar bar byed/ thabs la mkhas par byed/ smon lam 'debs par byed/ stobs la 'jug par byed/ ye shes la 'jug par byed do/ /rigs kyi bu/ </font><hr>134a<br><font size=+1>


@#/ /de la byang chub sems dpa' sems dpa' chen po sbyin pa'i pha rol tu phyin pa la ji ltar mngon par brtson par byed ce na/ rigs kyi bu/ 'di la byang chub sems dpa' sems dpa' chen po zas dang / skom dang / bzhon pa dang / gos dang / rgyan sbyin pa la mngon par brtson par byed pa nas rkang sbyin pa'i bar dag la mngon par brtson par byed do/ /rigs kyi bu/ de la byang chub sems dpa' zas sbyin pa dag la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ zas sbyin pa zhes bya ba de ni tshe dang / kha dog dang / stobs dang / bde ba 'grub par 'gyur ba'i tshig bla dwags yin no/ /de lta bas na bdag gis zas sbyin pa la mngon par brtson par bya dgos te/ bdag gis zas kyi sbyin pa byin par bya gor ma chag snyam mo/ /des zas kyi sbyin pa de byin pas tshe byin pa dang / bde ba byin par 'gyur ro/ /de nas de'i tshe bcom ldan 'das kyis tshigs su bcad pa 'di dag bka' stsal to/ /kha zas sbyin pa byin na na ni/ /des na tshe dang kha dog dang / /stobs dang bde ba lnga pa spobs/ /shes rab can gyis byin pa yin// kha zas byin pas dga' ba dang / /tshe ring stobs ldan bde skyid 'gyur/ /skyid cing brten pa de dag ni/ /thogs med spobs dang ldan par 'gyur/ /phyug cing nor mang dpal dang ldan// </font><hr>134b<br><font size=+1>


mi ni des shing blo ldan la/ /bsod nams ldan zhing mkhas la zhi/ /kha zas byin pas de ltar 'gyur/ /de la skom sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ skom sbyin pa zhes bya ba de ni nyon mongs pa'i sred pa thams cad sel bar 'gyur ba'i tshig bla dwags yin te/ de lta bas na bdag gis skom gyi sbyin pa byin par bya gor ma chag snyam mo/ /de skom gyi sbyin pa de byin pa na/ sangs rgyas kyis bsngags pa'i smon lam bzhin du skom gyi sbyin pa 'dis na/ bdag sems can thams cad kyi nyon mongs pa'i sred pa'i rgya mtsho thams cad skems par byad par gyur cig /rnam par grol ba'i ro'i skom gyis kyang tshim par byed par gyur cig ces smon lam 'debs so/ /'di la tshig phyi ma'ang yod de/ rga shi'i chu srin gyis dkrugs pa'i/ /nyon mongs sred pa'i mtsho bskams nas/ /rnam grol ro yi skom gyis ni/ /mi rnams bdag gis tshim par bya/ /skom byin pas ni mkhas pa de/ /kun tu 'bar zhing rab 'bar ba'i/ /yi dwags nyam ngar mi skye zhing / /skom pa'i gnod pa 'byung mi 'gyur/ /de la bzhon pa'i sbyin pa la ji ltar mngon par brtson bar byed ce na/ rigs kyi bu/ 'di la byang chub sems dpa' de 'di snyam du sems te/ bzhon pa'i sbyin pa zhes bya ba de ni bde ba dang / rdzu 'phrul gyi gzhi thams cad sdud pa'i tshig bla dwags </font><hr>135a<br><font size=+1>


@#/ /yin gyi/ bdag gis bzhon pa'i sbyin pa byin par bya ste/ bzhon pa shing rta'am/ bzhon pa khyogs sam/ bzhon pa rta'am/ bzhon pa glang po che 'am/ lham sbyin par bya gor ma chag snyam mo/ /de bzhon pa'i sbyin pa de dag byin pa na/ sangs rgyas kyis bsngags pa'i smon lam bzhin du bzhon pa'i sbyin pa 'dis na bdag sems can thams cad kyi bde ba dang / rdzu 'phrul gyi gzhi thams cad sdud par gyur cig ces smon lam 'debs so/ /de la 'di skad ces bya ste/ bzhon pa shing rta byin pa yis/ /rtag tu sems can thams cad kyis/ /theg pa chen po thob gyur cig /rdzu 'phrul rkang pa thob par shog /bzhon pa sbyin pas drang srong che/ /sangs rgyas zhing nas zhing dag tu/ /blo ldan bya yi shugs 'dra bar/ /rdzu 'phrul gyis ni mkha' la 'gro /de la gos sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ gos sbyin pa zhes bya ba de ni ngo tsha shes pa dang / khrel yod pa dang / mdog yongs su dag par byed pa'i tshig bla dwags yin gyi/ bdag gis gos kyi sbyin pa byin par bya gor ma chag snyam mo/ /de gos kyi sbyin pa de byin pa na/ sangs rgyas kyis gnang ba'i smon lam bzhin du gos kyi sbyin pa 'dis na bdag sems can thams cad kyi ngo tsha shes pa dang / khrel yod pa dang / mdog yongs su dag </font><hr>135b<br><font size=+1>


par byed par gyur cig ces smon lam 'debs so/ /'di la tshig phyi ma'ang yod de/ gos kyi sbyin pa 'dis na bdag/ sems can kun gyi ngo tsha shes/ /khrel yod pa ni spyod pa dang / /mdog kyang dag par byed gyur cig /gos sbyin shin tu dpal dang ldan/ /rtag tu rigs ldan gzugs bzang zhing / /mi de ngo tsha shes par 'gyur/ /mi ni grags ldan skal dang ldan/ /de la rgyan sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ rgyan byin pa zhes bya ba de ni skyes bu chen po'i mtshan sum cu rtsa gnyis dang / dpe byad bzang po brgyad cu yongs su rdzogs par 'gyur ba'i tshigs bla dwags yin gyi/ bdag gis rgyan gyi sbyin pa gser gyi rgyan nam/ nor bu'am/ mu tig gam/ bai DUR+Ya 'am/ dung ngam/ man shel lam/ byu ru'i rgyan sbyin par bya gor ma chag snyam mo/ /de rgyan gyi sbyin pa de byin pa na/ sangs rgyas kyis gsungs pa'i smon lam bzhin du/ rgyan gyi sbyin pa 'dis na bdag gis sems can thams cad kyi lus mtshan dang / dpe byad bzang po dag gis brgyan pa mthong bar gyur cig ces smon lam 'debs so/ /de la tshig phyi ma'ang yod de/ gser gyi rgyan ni byin pa yis/ /mtshan rnams kyis ni brgyan pa yi/ /sems can thams cad mthong gyur cig /bdag kyang byang chub tshol bar shog /nor bu mu tig byin pas ni/ /gang dang gang du de skye ba/ /skye </font><hr>136a<br><font size=+1>


@#/ /gnas de dang de dag tu/ /rin chen char ni 'bab par 'gyur/ /de la mar me sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ mar me sbyin pa zhes bya ba de ni lha'i mig yongs su dag par 'gyur ba'i tshig bla dwags yin gyi/ bdag gis mar me sbyin pa byin par bya gor ma chag snyam mo/ /de mar me sbyin pa byin pa na sangs rgyas kyis bstan pa'i smon lam bzhin du mar me byin pa 'dis ni/ bdag sems can thams cad kyi lha'i mig yongs su dag par 'gyur ba'i don byed par gyur cig ces smon lam 'debs so/ /de la tshig phyi ma'ang yod de/ kun mkhyen ye shes 'gyur ba yi/ /mar me sbyin pa des na bdag /sems can kun gyi lha yi mig |rnam par dag par byed gyur cig /mi de mar me sbyin pa yis/ /'jig rten dag na dus kun tu/ /sangs rgyas rnams kyi spyan snga dang / /rim gyis su ni ldan par 'gyur/ /de la rol mo'i sgra sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ rol mo'i sgra'i sbyin pa zhes bya ba de ni lha'i rna ba yongs su rdzogs par 'gyur ba'i tshig bla dwags yin gyi/ bdag gis rol mo'i sgra'i sbyin pa byin par bya gor ma chag snyam mo/ /de rol mo'i sgra'i sbyin pa de byin pa na/ sangs rgyas rnam par rol pa'i smon </font><hr>136b<br><font size=+1>


lam bzhin du/ rol mo'i sgra'i sbyin pa 'dis na bdag sems can thams cad kyi lha'i rna ba yongs su rdzogs par byed par gyur cig ces smon lam 'debs so/ /de la tshig phyi ma'ang yod de/ rol mo'i sgra byin des na bdag /sems can kun la lha rna dang / /sangs rgyas byang chub 'gro phan pa/ /rab tu rdzogs par byed gyur cig /rol mo sgra ni byin pas na/ /rdzogs pa'i sangs rgyas grags ldan pa/ /dpa' bo rnams kyi lha yi snyan/ /gang du skyes pa de yis thob/ /de la spos dang / phye ma dang / byug pa sbyin pa byin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ spos dang / phye ma dang / byug pa sbyin pa zhes bya ba de ni tshul khrims dang / thos pa dang / ting nge 'dzin gyi spos dang / phye ma dang / byug par 'gyur ba'i tshig bla dwags yin gyi/ bdag gis spos dang / phye ma dang / byug pa sbyin par bya gor ma chag snyam mo/ /de spos dang / phye ma dang / byug pa'i sbyin pa byin pa na/ sangs rgyas kyis dgongs pa'i smon lam bzhin du spos dang / phye ma dang / byug pa'i sbyin pa 'dis na bdag gis sems can thams cad tshul khrims dang / thos pa dang / ting nge 'dzin gyi spos kyis byug par gyur cig ces smon lam 'debs so/ /de la 'di skad ces bya ste/ spos dang phye ma byin pa dang / /byug pa dag ni byin pa yis/ /tshul khrims thos dang ting nge 'dzin/ / </font><hr>137a<br><font size=+1>


@#/ /lus can rnams kyis thob gyur cig /spos dang phye ma byin pa dang / /byug pa byin pas skyob rnams kyi/ /lha yi shangs dang lha yi sku/ /skyon med de yis thob par 'gyur/ /de la me tog sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ me tog dang / me tog phreng gi sbyin pa zhes bya ba de ni gzungs dang / spobs pa dang / byang chub kyi yan lag rin po che'i me tog thob par 'gyur ba'i tshig bla dwags yin gyi/ bdag gis me tog dang / me tog phreng gi sbyin pa byin par bya gor ma chag snyam mo/ /de me tog dang / me tog phreng gi sbyin pa de byin pa na/ sangs rgyas kyis gsungs pa'i smon lam bzhin du me tog dang / me tog phreng gi sbyin pa 'dis na/ bdag gis sems can thams cad kyi lus gzungs dang / spobs pa dang / byang chub kyi yan lag rin po che'i me tog gis brgyan par byed par gyur cig ces smon lam 'debs so/ /de la tshig phyi ma'ang yod de/ me tog me tog phreng byin pas/ /myur bar rnam pa thams cad du/ /byang chub yan lag me tog gis/ /lus can kun la brgyan par shog /me tog me tog phreng byin pas/ /gang dang gang du skyes pa der/ /rgyal po blon po zhang blon gyis/ /rtag tu mchod cing rim gro byed/ /de la ro bro ba'i </font><hr>137b<br><font size=+1>


sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ ro bro ba sbyin pa zhes bya ba de ni ro bro ba'i mchog tu 'gyur ba'i skyes bu chen po'i mtshan du 'gyur ba'i tshig bla dwags yin gyi/ bdag gis ro bro ba'i sbyin pa rgun 'brum gyi ro 'am/ bu ram gyi ro 'am/ sbrang rtsi'i ro 'am/ mar gyi ro 'am/ 'bru mar gyi ro 'am| lan tshwa'i ro'i sbyin pa byin par bya gor ma chag snyam mo/ /de ro bro ba'i sbyin pa de byin pa na/ sangs rgyas kyis bsngags pa'i smon lam bzhin du/ ro'i sbyin pa 'dis na bdag gis sems can thams cad la ro bro ba'i mchog tu 'gyur ba'i skyes bu chen po'i mtshan yongs su rdzogs par byed par gyur cig ces smon lam 'debs so/ /de la 'di skad ces bya ste/ ro yi sbyin pas sems can kun/ /kun mkhyen ro yi snying po yis/ /rdzogs pa'i sangs rgyas byang chub kyi/ /spyod pa yongs su rdzogs gyur cig /ro yi sbyin pas yid gzhungs shing / /dran ldan blo gros rgya mtsho bzhin/ /des na ro yi rnam grangs thob/ /lhun gyis grub par longs spyod ldan/ /de la gnas sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ gnas sbyin pa zhes bya ba de ni sems can thams cad kyi gnas dang / skyob pa dang / gling dang / skyabs dang / dpung gnyen du 'gyur </font><hr>138a<br><font size=+1>


@#/ /pa'i tshig bla dwags yin gyi/ bdag gis gnas kyi sbyin pa byin par bya gor ma chag snyam mo/ /de gnas kyi sbyin pa de byin pa na/ sangs rgyas kyis dmigs pa'i smon lam bzhin du gnas kyi sbyin pa 'dis na bdag sems can thams cad kyi gnas dang / skyob pa dang / gling dang / skyabs dang / dpung gnyen du gyur cig ces smon lam 'debs so| |de la 'di skad ces bya ste/ gzhal med khang gnas sbyin pa yis/ /bdag ni dzam+bu'i gling dag tu/ /lus can rnams kyi skyob dang gling / /skyabs dang dpung gnyen gyur par shog / gzhal med khang gnas sbyin pa yis/ /gang dang gang du skyes pa na/ /khyim dang gnas dang yul 'khor gyi/ /bdag po dang ni gtso bor 'gyur/ /de la mal dang sngas sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ mal cha dang / sngas sbyin pa zhes bya ba de ni sgrib pa thams cad gtan spong ba'i 'phags pa dang / lha'i tshangs pa'i gnas de bzhin gshegs pa'i gzims mal dang / 'phangs pa'i sbyin pa'i tshig bla dwags yin gyi/ bdag gis mal dang / sngas kyi sbyin pa byin par bya gor ma chag snyam mo/ /de mal dang / sngas kyi sbyin pa de byin pa na/ sangs rgyas kyis bstan pa'i smon lam bzhin du mal dang / sngas kyi sbyin pa 'dis na bdag sems can </font><hr>138b<br><font size=+1>


thams cad kyi sgrib pa thams cad gtan spong ba'i 'phags pa dang / lha'i tshang pa'i gnas de bzhin gshegs pa'i gzims mal dang / 'phangs pa sbyin par gyur cig ces smon lam 'debs so/ /de la tshig phyi ma'ang yod de/ mal dang sngas rnams byin pas bdag la ni/ /bsod nams tshogs ni cung zad ci yod pa/ /des na bdag gis skye bo'i sgrib pa dag /sdig pa'i blo gros ngan pa 'joms par shog /lus can rnams kyi lta ba ngan pa yi/ /dra ba shes rab mtshon gyis gcod par shog /bde bar gshegs pa rnams la 'os pa yi/ /mal mchog tshangs gnas bsten pa sbyin par shog /mal dang sngas rnams sbyin par byed pa'i mi/ /bstan bcos dag la mkhas par skye bar 'gyur/ /zhi gnas thob cing rgya cher sbyin pa dang / /pad+ma las byung gzi can gzhon nur 'gyur/ /de la stan sbyin pa la ji ltar mngon par brtson par byed ce na/ /rigs kyi bu/ 'di la byang chub sems dpa' de 'di snyam du sems te/ stan sbyin pa zhes bya ba de ni stong gsum gyi stong chen po'i 'jig rten gyi khams thams cad kyi sa gzhi la/ byang chub kyi snying po rdo rje'i gdan thob par 'gyur ba'i tshig bla dwags yin gyi/ bdag gis stan gyi sbyin pa byin par bya gor ma chag snyam mo/ /de stan gyi sbyin pa de byin pa na/ de bzhin gshegs pa dang mthun pa'i smon lam bzhin du/ stan gyi sbyin pa 'dis na bdag gis sems </font><hr>139a<br><font size=+1>


@#/ /can thams cad kyis stong gsum gyi stong chen po'i 'jig rten gyi khams thams cad kyi sa gzhi la byang chub kyi snying po rdo rje'i gdan thob par byed par gyur cig ces smon lam 'debs so/ /de la 'di skad ces bya ste/ stan gyi sbyin pa 'di yis na/ /byang chub snying po'i rdo rje'i gdan/ /bzang zhing sra la brtan pa dang / lus can rnams la 'byung bar shog /sna tshogs rin chen bdun las byas/ /'phang du dpag tshad gnyis yod la/ /kho ra khor yug dpag tshad gcig /ri rab bzhin du spa ba dang / /rin chen ljon shing brgyas bskor zhing / /gzhal med khang gis legs par brgyan/ /dril bu g.yer ka'i dra bas bkab/ /nor bu rin chen spras gsal ba/ /tshangs pa mtshungs par spyod rnams la/ /khri'u dang stan dang stegs byin pas/ /'khor ba dag na 'khor ba'i tshe/ /de 'dra'i stan ni thob par 'gyur/ /de la yo byad kyi sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ yo byad sbyin pa zhes bya ba de ni byang chub kyi yo byad yongs su rdzogs par 'gyur ba'i tshig bla dwags yin gyi/ bdag gis yo byad kyi sbyin pa byin par bya gor ma chag snyam mo/ /de yo byad kyi sbyin pa de sbyin pa na/ de bzhin gshegs pa la mos pa'i smon </font><hr>139b<br><font size=+1>


lam bzhin du yo byad byin pa 'dis na bdag sems can thams cad kyi byang chub kyi yo byad yongs su rdzogs par byed par gyur cig ces smon lam 'debs so/ /de la tshig phyi ma'ang yod de/ yo byad yongs su btang ba des/ /bdag gis kyang ni lus can gyi/ /byang chub yo byad btsal ba dag /yongs su rdzogs par byed gyur cig /yo byad rab tu byin pa yis/ /gang dang gang du skyes pa der/ /rnam pa kun gyi mchog ldan pa'i/ /yan lag thams cad rdzogs par 'gyur/ /de la sman sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ sman gyi sbyin pa zhes bya ba de ni sems can thams cad kyi rga ba dang / 'chi ba med pa'i bdud rtsi'i bde ba yongs su rdzogs par 'gyur ba'i tshigs bla dwags yin gyi/ bdag gis sman gyi sbyin pa byin par bya gor ma chag snyam mo/ /de sman gyi sbyin pa de byin pa na/ de bzhin gshegs pas byin gyis brlabs pa'i smon lam bzhin du sman byin pa 'dis na bdag sems can thams cad kyi dga' ba dang / 'chi ba med pa'i bdud rtsi'i bde ba yongs su rdzogs par byed par gyur cig ces smon lam 'debs so/ /de la 'di skad ces bya ste/ rtsi dang sman gyi sbyin pa yi/ /sems can thams cad tshe dpag med/ /thams </font><hr>140a<br><font size=+1>


@#/ /cad mkhyen pa'i bdud rtsi yang / /myur ba nyid du thob gyur cig /rtsi dang sman gyi sbyin pa yis/ zla ba nye ltar nad med cing / /gnod chung skyid cing bde bar gnas/ /mi rnams tshe ni ring bar 'gyur/ /de la bran dang / bran mo dang / las byed pa dang / zho shas 'tsho ba yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te bran dang / bran mo dang / las byed pa dang / zho sha 'tsho ba yongs su gtong ba'i sbyin pa zhes bya de ni byang chub sems dpa' rnams kyi rang dga' dang / rang dbang dang / rang byung gi ye shes yongs su rdzogs par 'gyur ba'i tshig bla dwags yin gyi/ bdag gis bran dang / bran mo dang / las byed pa dang / zho shas 'tsho ba yongs su gtong ba'i sbyin pa byin par bya gor ma chag snyam mo/ /de bran dang / bran mo dang / las byed pa dang| zho shas 'tsho ba yongs su gtong ba'i sbyin pa de byin pa na/ de bzhin gshegs pas gsungs shing bstan pa'i smon lam bzhin du bran dang / bran mo dang / las byed pa dang / zho shas 'tsho ba yongs su gtong ba'i sbyin pa 'dis na/ bdag sems can thams cad kyi rang dga' dang / rang dbang dang / rang byung gis ye shes </font><hr>140b<br><font size=+1>


yongs su rdzogs par byed par gyur cig ces smon lam 'debs so/ /de la 'di skad ces bya ste/ bran dang bran mo btang ba yis/ /mdor na lus can thams cad kyi/ /rang byung gi ni ye shes kyi/ /snying po yongs su rdzogs gyur cig /bran dang bran mo btang ba yis/ /mi ni bran du mi skye zhing / /brtan po rang dbang yod pas 'tsho/ /zhum pa med cing 'jigs pa med/ /de la gser dang / dngul dang / nor bu dang / mu tig dang / bai DUR+Ya dang / dung dang / man shel dang / byu ru dang / rin po che thams cad yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ gser dang / dngul dang / nor bu dang / mu tig dang / bai DUR+Ya dang / dung dang / man shel dang| byu ru dang / rin po che thams cad yongs su gtong ba zhes bya ba de ni/ byang chub sems dpa' rnams kyi sangs rgyas kyi zhing bye ba khrag khrig 'bum phrag mtha' yas mu med pa dag tu 'od zer sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu snang bar 'gyur ba'i tshig bla dwags yin gyi /bdag gis gser dang / dngul dang / nor bu dang / mu tig dang / bai DUR+Ya dang / dung dang / man shel dang / byu ru dang / rin po che thams cad yongs su gtong ba'i sbyin pa byin par bya gor ma </font><hr>141a<br><font size=+1>


@#/ /chag snyam mo/ /de gser dang / dngul dang / nor bu dang / mu tig dang / bai DUR+Ya dang / dung dang / man shel dang / byu ru dang / rin po che thams cad yongs su gtong ba'i sbyin pa de byin pa na/ de bzhin gshegs pas ji ltar mkhyen cing bshad de gsal bar mdzad pa'i smon lam bzhin du gser dang / /dngul dang / nor bu dang| mu tig dang / bai DUR+Ya dang / dung dang / man shel dang / byu ru dang / rin po che thams cad byin pa des na bdag sangs rgyas kyi zhing bye ba khrag khrig phrag 'bum mtha' yas mu med pa dag tu 'od zer sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bus snang bar byed par gyur cig ces smon lam 'debs so/ /de la tshig phyi ma'ang yod de/ rin chen byin pa des ni bdag /'od zer sna tshogs snang ba yis/ /sangs rgyas drang srong che rnams kyi/ /zhing rnams thams cad snang byed shog /rin chen sna tshogs byin pa yis/ /nges pa gang dang gar skyes pa/ /'jig rten mtshams med yan chad du/ /des ni 'od zer snang bar byed/ /de la rta dang / glang po che dang / shing rta'i bzhon pa yongs su gtong pa'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ </font><hr>141b<br><font size=+1>


rta dang / glang po che dang / shing rta'i bzhon pa yongs su gtong ba'i sbyin pa zhes bya ba de ni byang chub sems dpa' rnams kyi theg pa chen po dang / theg pa mchog dang / theg pa mi mnyam pa dang mnyam pa dang / sangs rgyas kyi theg pa bla na med pa/ gtso bo/ dam pa/ rab mchog/ sdud pa'i tshig bla dwags yin gyi/ bdag gis rta dang / glang po che dang / shing rta'i bzhon pa yongs su gtong ba'i sbyin pa byin par bya gor ma chag snyam mo/ /de rta dang / glang po che dang / shing rta'i bzhon pa yongs su gtong ba'i sbyin pa byin pa na de bzhin gshegs pas gsungs shing bsgoms pa'i smon lam bzhin du rta dang / glang po che dang / shing rta'i bzhon pa yongs su gtong ba'i sbyin pa 'dis na bdag gis sems can thams cad theg pa chen po dang / theg pa mchog dang / theg pa mi mnyam pa dang mnyam pa dang / sangs rgyas kyi theg pa bla na med pa/ gtso bo dam pa/ rab mchog gis sdud par byed par gyur cig ces smon lam 'debs so/ /de la tshig phyi ma'ang yod de/ bdag gis glang chen byin pa yis/ /sangs rgyas theg pa theg pa che/ /theg pa mchog gis lus can rnams/ /myur du sdud par byed par shog /glang chen byin zhing rta byin pas/ /gsal zhing mkhas la shes nyen can/ /theg pa che la mos pa dang / /mi de skal pa can du 'gyur/ / </font><hr>142a<br><font size=+1>


@#/ /de la skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa zhes bya ba de ni byang chub sems dpa' rnams kyi bsam gtan gyi yan lag yongs su rdzogs par byed par 'gyur ba'i tshig bla dwags yin gyi/ bdag gis skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa byin par bya gor ma chag snyam mo/ /de skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa byin pa na/ sangs rgyas kyis bstod cing bsngags pa'i smon lam bzhin du skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa 'dis na bdag sems can thams cad kyi bsam gtan gyi yan lag yongs su rdzogs par byed par gyur cig ces smon lam 'debs so/ /de la tshig phyi ma'ang yod de| lha gang skyed mos tshal byin pas/ /bdag gis sems can thams cad kyi/ /bsam gtan yan lag rim bzhin du/ /yongs su rdzogs par byed par shog / </font><hr>142b<br><font size=+1>


lha gang skyed mos tshal byin pas/ /rnal 'byor can gyi mi de ni/ /bsam gtan yan lag yongs rdzogs shing / /rnal 'byor spyod pa dka' thub che/ /de la chung ma dang / bu dang / bu mo yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te chung ma dang / bu dang / bu mo yongs su gtong ba'i sbyin pa zhes bya ba de ni byang chub sems dpa' rnams kyi bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i tshig bla dwags yin gyi bdag gis chung ma dang / bu dang / bu mo yongs su gtong ba'i sbyin pa byin par bya gor ma chag snyam mo/ /de chung ma dang / bu dang / bu mo yongs su gtong ba'i sbyin pa de byin pa na/ de bzhin gshegs pas bsnyen bkur mdzad mdzad pa'i smon lam bzhin du chung ma dang / bu dang / bu mo yongs su gtong ba'i sbyin pa 'dis na bdag sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar byed par gyur cig ces smon lam 'debs so/ /de la tshig phyi ma'ang yod de/ bu yi sbyin pa des ni myur bar yang / /sems can rnams ni re re'i don gyi phyir/ /sems can thams cad bla na med pa yi/ /byang chub dam pa 'tshang rgya byed par shog /chung ma bu dang bu mo </font><hr>143a<br><font size=+1>


@#/ /gtong byed pa/ /de la byang chub zag med dka' ba med/ /brtson 'grus ldan pa'i mi ni gang la yang / /dka' ba ci yang med par blta bar bya/ /de la nor dang / 'bru dang / bang mdzod yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ nor dang / 'bru dang| bang mdzod yongs su gtong ba'i sbyin pa zhes bya ba de ni/ /byang chub sems dpa' rnams kyi dam pa'i chos kyi mdzod yongs su rdzogs par 'gyur ba'i tshig bla dwags yin gyi/ bdag gis nor dang / 'bru dang / bang mdzod yongs su gtong ba'i sbyin pa byin par bya gor ma chag snyam mo/ /de nor dang / 'bru dang / bang mdzod yongs su gtong ba'i sbyin pa de byin pa na/ de bzhin gshegs pas gsungs pa'i smon lam bzhin du nor dang / 'bru dang / bang mdzod yongs su gtong ba'i sbyin pa 'dis na/ bdag sems can thams cad kyi dam pa'i chos kyi mdzod yongs su rdzogs par byed par gyur cig ces smon lam 'debs so/ /de la 'di skad ces bya ste/ nor dang dbyig rnams gtong ba'i bsod nams ni/ /mkha' las lhag pa bdag la ci yod pas/ /mi rnams rgyud ni dam pa'i chos mdzod kyi/ /rgyal po'i mdzod ltar myur du rgyas gyur cig /nor dang 'bru </font><hr>143b<br><font size=+1>


dang bang mdzod bud med rnams/ /gtong ba'i bsod nams bdag la ci yod pa/ /des na bdag gis byang chub myur thob cing / /dam pa'i chos kyi mdzod ni thob par shog /de la gling bzhi dang / dzam+bu'i gling dang / rgyal srid dbang phyug thams cad yongs su gtong ba'i sbyin pa la ji ltar mngon par brtson par byed ce na/ /rigs kyi bu/ 'di la byang chub sems dpa' de 'di snyam du sems te/ gling bzhi dang / dzam+bu'i gling gi rgyal srid dbang phyug thams cad yongs su gtong ba'i sbyin pa zhes bya ba de ni/ byang chub sems dpa' rnams kyi dam pa'i chos kyi rgyal srid kyi dbang phyug 'thob par 'gyur ba'i tshig bla dwags yin gyi/ bdag gis gling bzhi dang / dzam+bu'i gling dang / rgyal srid kyi dbang phyug thams cad yongs su gtong ba'i sbyin pa byin par bya gor mchag snyam mo/ /de gling bzhi dang / dzam+bu'i gling dang / rgyal srid kyi dbang phyug thams cad yongs su gtong ba'i sbyin pa de byin pa na/ de bzhin gshegs pas bstan pa'i smon lam bzhin du gling bzhi dang / dzam+bu'i gling dang / rgyal srid kyi dbang phyug thams cad yongs su gtong ba'i sbyin pa 'dis na/ bdag sems can thams cad dam pa'i chos kyi rgyal srid kyi dbang phyug 'thob pa thob par gyur cig ces smon lam 'debs so/ /de la 'di skad ces bya ste/ gling bzhi ril gyis btang ba 'di dag las// </font><hr>144a<br><font size=+1>


@#/ /bdag gis bsod nams cung zad ci bsgrubs pa/ /des na mi rnams 'di dag dam chos kyi/ /rgyal srid 'thob pa'i mtha' ni thob gyur cig /dzam+bu gling ni byin pa yis/ /rin chen sna bdun ldan pa yi/ /rgyal po gling bzhi dbang byed pa/ /dbang phyug rnam par rgyal bar 'gyur/ /de la gtsug gi nor bu dang / cod pan yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ gtsug gi nor bu dang / cod pan yongs su gtong ba'i sbyin pa zhes bya ba de ni/ /byang chub sems dpa' rnams kyi spyi gtsug bltar mi mthong bar 'gyur ba'i bla dwags yin gyi/ bdag gis gtsug gi nor bu dang / cod pan yongs su gtong ba'i sbyin pa byin par bya gor ma chag snyam mo/ /de gtsug gi nor bu dang / cod pan yongs su gtong ba'i sbyin pa de byin pa na/ de bzhin gshegs pas gsungs pa'i smon lam bzhin du gtsug gi nor bu dang / cod pan yongs su gtong ba'i sbyin pa 'dis na bdag sems can thams cad kyi spyi gtsug bltar mi mthong ba thob par byed par gyur cig ces smon lam 'debs so/ /de la 'di skad ces bya ste/ mgo bo'i nor bu cod pan byin pa yi/ /bsod nams tshogs ni bdag la ci yod pa/ / </font><hr>144b<br><font size=+1>


des na 'dir ni sems can thams cad kyis/ /spyi gtsug bltar med rtag tu thob gyur cig /gtsug gi nor bu byin des bdag /n+ya gro d+ha ltar chu zheng gab/ /gser dang nor bu byin pa yis| |gtsug tor phun sum tshogs par shog /de la rkang pa sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te| rkang pa sbyin pa zhes bya ba de ni byang chub sems dpa' rnams kyi chos kyi rkang pa byang chub kyi snying por 'gro ba'i tshig bla dwags yin gyi/ bdag gis rkang pa sbyin pa byin par bya gor ma chag snyam mo/ /de la rkang pa sbyin pa de byin pa na/ de bzhin gshegs pas brnyes pa'i smon lam bzhin du rkang pa byin 'dis na/ mi rnams dang / sems can thams cad rtag tu myur bar khyim nas mngon par byung nas skye ba dang / rga ba dang / na ba dang / 'chi ba'i gnod pa zhi bar bya ba'i don gyi phyir 'dod bzhin du bag brkyang nas rab tu dga' zhing dbang po zhi la skyabs su 'os pa zla ba'i 'od ltar gzugs zhi ba snang byed nyi ma sna tshogs kyi gzi brjid ltar snying rje las byung ba'i 'od zer 'phro bas mtshams med pa yan chad mun par zhugs pas nyam thag pa'i mi rnams kyi mun pa snang bar byas nas lus rab tu tsha ba'i sdug bsngal rnams sel cing pad+ma'i rkang pa 'khor lo rtsibs stong dang ldan pa'i mtshan </font><hr>145a<br><font size=+1>


@#/ /gyis spras la/ mnyam zhing 'jam pa dang / sor mo ring zhing ngang pa'i rkang pa ltar dra bas 'brel ba dang / sen mo me long bzang po dag par phyis pa lta bus brgyan te/ me tog kund ltar 'dug pa dang / long bu mi mngon pa dang / rje ngar smyig ma dang / ri dwags e na ya'i byin pa 'dra ba'i ya mtshan gyi stabs kyis dal bus dal nas byang chub kyi snying po'i gdan rdo rje'i stegs bu'i gdan/ chos kyi seng ge'i khri la bdud rnam par gzhom pa'i phyir shin tu gnon par gyur cig ces smon lam 'debs so/ /de la tshig phyi ma'ang yod de/ rkang pa byin pa 'di yis na/ /rkang mthil 'khor lo'i mtshan can gyis/ /byang chub snying po'i gdan bzang la/ /brtan pos shin tu gnon par shog /rkang pa byin pa 'dis na bdag /byang chub snying po'i gdan mchog la/ /'dug nas bdud rnams sde dang dpung / /bzhon dang bcas par 'dul bar shog/ de la lag mthil sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ lag mthil sbyin pa zhes bya ba de ni byang chub sems dpa' rnams kyi sems can thams cad la chos kyi lag pa sbyin pa'i tshig bla dwags yin gyi/ bdag gis lag mthil sbyin pa byin par bya gor ma chag </font><hr>145b<br><font size=+1>


snyam mo/ /de la lag mthil gyi sbyin pa de byin pa na/ de bzhin gshegs pas rnam par mkhyen pa'i smon lam bzhin du lag mthil sbyin pa 'dis na bdag sems can dman pa dang| long ba dang / bkren pa dang / mgon med pa dang / sdug bsngal ba dang / dbul po dang / gnas med pa dang / skyabs med pa dang / dpung gnyen med pa rnams dang / sems can dmyal ba dang / dud 'gro'i skye gnas dang / gshin rje'i 'jig rten dang / ngan song ngan 'gro log par ltung ba dang / mi khom par skyes pa rnams la chos kyi lag pa sbyin par byed par gyur cig ces smon lam 'debs so/ /de la tshig phyi ma'ang yod de/ lag mthil byin pas myur du bdag /rnam 'dren lag na rin chen dang / /lag pa ring zhing gser mdog ldan| |'jig rten mchod gnas gyur par shog /snying rjes non par gyur nas ni/ /chos kyi lag pa bstod byas la/ /ngan song kun las lus can rnams/ /bdag gis rtag tu 'byin par shog /de la rna ba dang / sna yongs su gtong ba'i sbyin pa la ji ltar mngon par brtson par byed ce na/ /rigs kyi bu/ 'di la byang chub sems dpa' de 'di snyam du sems te| rna ba dang / sna yongs su gtong ba'i sbyin pa zhes bya ba de ni byang chub sems dpa' rnams kyi dbang po tshang ba yongs su rdzogs par 'gyur ba'i tshig bla dwags yin gyi/ bdag gis </font><hr>146a<br><font size=+1>


@#/ /rna ba dang / sna yongs su gtong ba'i sbyin pa byin par bya gor ma chag snyam mo/ /de rna ba dang / sna yongs su gtong ba'i sbyin pa de byin pa na/ de bzhin gshegs pas rnam par gzhag pa'i smon lam bzhin du rna ba dang / sna yongs su gtong ba'i sbyin pa 'dis na/ bdag sems can thams cad dbang po thams cad dang ldan par byed par gyur cig ces smon lam 'debs so/ /de la 'di skad ces bya ste/ rna ba dang ni sna btang bas/ /srog chags rnams ni thams cad kyang / /dbang po kun dang ldan gyur te/ / yan lag thams cad rdzogs par shog /rna ba dang ni sna btang bas/ /gang dang gang du skyes pa der/ /blta na sdug cing gzugs bzang la/ /mi ni de bzhin mdzes par 'gyur// de la mig gi sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ mig sbyin pa zhes bya ba de ni/ byang chub sems dpa' rnams kyi chos kyi mig sgrib pa med pa yongs su dag pa'i tshig bla dwags yin gyi/ bdag gis mig gi sbyin pa byin par bya gor ma chag snyam mo| |de mig gi sbyin pa de byin pa na/ de bzhin gshegs pas yang dag par mdzad pa'i smon lam bzhin du mig gi sbyin pa 'dis na/ bdag sems can thams cad kyi </font><hr>146b<br><font size=+1>


chos kyi mig sgrib pa med pa yongs su dag par byed par gyur cig ces smon lam 'debs so/ /de la tshig phyi ma'ang yod de/ mig gi sbyin pa 'dis na bdag /bla med byang chub sangs rgyas nas/ /sems can kun gyi chos kyi mig /rnam par dag par byed gyur cig /mig byin brtul zhugs bzang po des/ /dri ma med cing skyon med la/ /dag cing yangs la mdzes bzang dang / /zhi ba'i mig ni thob par 'gyur/ /at+pal sngon po'i 'dab 'dra dang / /byi'u kun la'i mig 'dra zhing / /mig gi rdzim ba yi 'dra/ /de 'dra'i mig ni de yis 'thob/ / de la mgo yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ mgo bo yongs su gtong ba'i sbyin pa zhes bya ba de ni/ byang chub sems dpa' rnams kyi khams gsum thams cad las khyad par du 'phags pa'i mchog thams cad mkhyen pa'i ye shes 'thob pa'i tshig bla dwags yin gyi/ bdag gis mgo yongs su gtong ba'i sbyin pa byin par bya gor ma chag snyam mo/ /de mgo yongs su gtong ba'i sbyin pa de byin pa na/ de bzhin gshegs pa'i rkyen du bab pa'i smon lam bzhin du mgo yongs su gtong ba'i sbyin pa 'dis na/ bdag sems can thams cad 'jig rten gsum las khyad par du 'phags pa'i mchog thams cad mkhyen </font><hr>147a<br><font size=+1>


@#/ /pa'i ye shes thob par byed par gyur cig ces smon lam 'debs so/ /de la tshig phyi ma'ang yod de/ mgo bo yongs su gtong ba yis/ /bsod nams bdag la ci yod pa/ /de na sems can kun mkhyen gyi/ /go 'phang mi g.yo thob gyur cig /de la pags shun yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ pags shun yongs su gtong pa'i sbyin pa zhes bya ba de ni/ byang chub sems dpa' rnams kyi pags pa 'jam zhing srab la gser gyi kha dog lta bu yongs su rdzogs par 'gyur ba'i tshig bla dwags yin gyi/ bdag gis pags shun yongs su gtong ba'i sbyin pa byin par bya gor ma chag snyam mo/ /de pags shun yongs su gtong ba'i sbyin pa de byin pa na/ de bzhin gshegs pa'i smon lam bzhin du pags shun yongs su gtong ba'i sbyin pa 'dis na/ bdag sems can thams cad kyi pags pa 'jam zhing srab la/ gser gyi kha dog lta bu yongs su rdzogs par byed par gyur cig ces smon lam 'debs so/ /de la tshig phyi ma'ang yod de/ pags shun yongs su btang ba yis/ /bdag gis su ni lus can rnams/ /pags shun lus las skyes pa dag /'jam srab gser gyi mdog sgyur </font><hr>147b<br><font size=+1>


shog |de la sha dang / khrag yongs su gtong ba'i sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ sha dang khrag yongs su gtong ba'i sbyin pa zhes bya ba de ni/ byang chub sems dpa' rnams kyi snying po med pa thams cad las snying po blang ba'i tshig bla dwags yin gyi/ bdag gis sha dang / khrag yongs su gtong ba'i sbyin pa byin par bya gor ma chag snyam mo/ /de sha dang / khrag yongs su gtong ba'i sbyin pa de byin pa na/ de bzhin gshegs pas bskyed pa'i smon lam bzhin du sha dang / khrag yongs su gtong ba'i sbyin pa 'dis na bdag gis sems can thams cad snying po med pa thams cad las snying po len du 'jug par byed par gyur cig ces smon 'debs so/ /de la tshig phyi ma'ang yod de/ sha dang khrag gi sbyin pa yi/ /rnam smin bdag la ci yod des/ /snying po med pa ma lus la/ /'gro kun snying por thob gyur cig / de la rkang sbyin pa la ji ltar mngon par brtson par byed ce na/ rigs kyi bu/ 'di la byang chub sems dpa' de 'di snyam du sems te/ rkang sbyin pa zhes bya ba de ni byang chub sems dpa' rnams kyi lus rdo rje ltar mi shigs pa yongs su rdzogs par 'gyur ba'i tshig bla dwags yin gyi/ bdag gis rkang gi sbyin pa byin par bya gor ma chag snyam mo/ /de rkang gi </font><hr>148a<br><font size=+1>


@#/ /sbyin pa de byin pa na/ de bzhin gshegs pas bskyed pa'i smon lam bzhin du rkang gi sbyin pa 'dis na/ bdag sems can thams cad kyi lus rdo rje ltar mi shigs pa yongs su rdzogs par byed par gyur cig ces smon lam 'debs so/ /de la tshig phyi ma'ang yod de/ /rkang gi sbyin pa 'di yis na/ /bdag gis sems can thams cad kyi/ /rnag gi lus kyi za ma tog /rdo rje mi shigs rdzogs byed shog /gzhan yang / byang chub sems dpa' de 'di snyam du sems te/ kha dog phun sum tshogs pa byin pas ni kha dog dang ldan par 'gyur gyi/ bdag gis kha dog phun sum tshogs pa sbyin par bya gor ma chag snyam sems shing dri phun sum tshogs pa byin pas ni grags pa'i dri dang ldan par 'gyur/ ro bro ba phun sum tshogs pa byin pas ni yo byad gya nom pa rnams thob par 'gyur/ reg pa phun sum tshogs pa byin pas ni rkang lag 'jam zhing gzhon sha chags par 'gyur/ rang gi lag nas byin pas ni bsnyen bkur byed pa thob par 'gyur/ gus par byas te byin pas ni gnyen la sogs pa'i nang du gzhan gyis bkur sti bya bar 'gyur/ dus su byin pas ni de'i nor rnams dus su 'grub cing rgyas par 'gyur/ mthun pa dang / yid du 'ong ba byin pas ni mal dang / gos la sogs pa longs spyod yid du 'ong ba rnams la sems </font><hr>148b<br><font size=+1>


'jug par 'gyur/ gzhan la mi gnod par byin pas ni longs spyod brtan pa dag thob par 'gyur/ mi dga' ba dang du len pa'i byin pas ni 'khor snying nye bar 'gyur/ zas byin pas ni stobs dang ldan par 'gyur/ skom byin pas ni skom pa med par 'gyur/ /gos byin pas ni kha dog dang ldan par 'gyur/ mar me byin pas ni mig dang ldan par 'gyur/ rol mo'i sgra byin pas ni rna ba nyams pa med par 'gyur/ bzhon pa byin pas ni bde ba dang ldan par 'gyur/ sman byin pas ni nad nyung bar 'gyur/ me tog byin pas ni gzhan gyis mchod par 'gyur/ me tog phreng byin pas ni gzhan gyis rim gro bya bar 'gyur/ bstod pa byin pas ni tshangs pa'i dbyangs dang ldan par 'gyur/ stan byin pas ni bla ma'i gnas thob par 'gyur/ bzhon pa byin pas ni rdzu 'phrul dang ldan par 'gyur/ byug pa byin pas ni rma med par 'gyur/ phyag dar bya ba byin pas ni rdul dang bral bar 'gyur/ dril bu byin pas ni tshe rabs dran par 'gyur/ gnas byin pas ni thams cad byin par 'gyur/ chos byin pas ni bdud rtsi byin par 'gyur gyi/ bdag gis chos kyi sbyin pa byin par bya gor ma chag snyam mo| |de sbyin pa de lta bu byin pa na chags pas sbyin par mi byed/ sdang bas sbyin par mi byed/ rmongs pas sbyin par mi byed/ tshig pa za zhing sbyin par mi byed/ brnyas bzhin du sbyin par mi </font><hr>149a<br><font size=+1>


@#/ /byed/ rdeg cing sbyin par mi byed de/ tshar bcad de sbyin par mi byed/ khyad du gsod cing sbyin par mi byed/ smad de sbyin par mi byed/ nga rgyal gyis khengs bzhin du sbyin par mi byed/ 'gying bzhin du sbyin par mi byed/ lhag mar gyur pa sbyin par mi byed/ rul cing myags pa sbyin par mi byed kyi/ sbyin pa gang dang / gang sbyin pa de gus par byas te sbyin par byed/ bla mar byas/ ri mor byas/ mchod pa byas shing brjod nas sbyin par byed/ mang du sbyin par byed/ bzang po sbyin par byed/ rab tu dga' bas sbyin par byed/ dga' zhing mgu bas sbyin par byed/ gtsang ba dang / rgya cher sbyin par byed/ rang gi lag nas sbyin par byed/ gus pa dang bcas pa dang / zhe sar bcas pas sbyin par byed/ bsam pa dag cing bzang la dge bas sbyin par byed/ ser sna med par sbyin par byed/ brkam pa med par sbyin par byed/ zhum pa med par sbyin par byed/ 'jigs pa med par sbyin par byed/ rgya che zhing yangs par sbyin par byed do/ /de sbyin pa de lta bu de sbyin pa na 'di snyam du 'di ni tshul khrims dang ldan pa yin gyi bdag gis sbyin par bya'o// 'di ni tshul khrims 'chal ba yin no/ /'di ni dge ba'i chos dang ldan pa yin no/ /'di ni dge ba'i chos ma yin pa dang ldan pa yin no/ /'di la byin na ni 'bras bu che ba dang / / </font><hr>149b<br><font size=+1>


phan yon che ba dang / mthu che bar 'gyur ro/ /'di la byin na ni 'bras bu mi che ba dang / phan yon mi che ba dang / mthu mi che bar 'gyur ro snyam du mi sems so/ /gzhan yang / yang dag pa'i blo dang ldan gyi yang dag pa ma yin pa'i phyir de sbyin pa de byin pa na/ 'di snyam du sbyin pa 'di dang / dge ba'i rtsa ba dang / chos kyi phyir sbyin pa yongs su gtong ba 'dis na bdag rgyal por gyur cig ce'am/ rgyal po gzhan nam/ blon po chen po 'am/ lha'am/ klu 'am/ lha'i bu'am/ lha gzhan gang yang rung ba zhig tu gyur cig ces sems skyed par mi byed do| |'o na gang du zhe na/ gzhan du na blan med pa yang dag par rdzogs pa'i byang chub tu yongs su bsngo bar byed de/ dge ba'i rtsa ba 'di dang / chos kyi phyir yongs su gtong ba 'dis na / bdag sems can ma brgal ba rnams sgrol ba dang / ma grol ba rnams grol bar byed pa dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo bar byed pa dang / 'jig rten long ba 'dren pa med pa dang / skyob pa med pa dang / skyabs med pa dang / gnas med pa dang / gling med pa dang / dpung gnyen med pa rnams kyi 'dren pa dang / yongs su 'dren pa dang / sgrol ba dang / skyabs dang / gnas dang / gling dang / dpung gnyen du gyur cig ces yongs su bsngo bar byed do/ /de la 'di skad </font><hr>150a<br><font size=+1>


@#/ /ces bya ste/ chos phyir sbyin pa 'dis na bdag /'khor ba yi ni rgya mtsho las/ /gzhan min theg pa chen po yis/ /sems can rnams ni sgrol gyur cig /skye bo thams cad nyon mongs pa'i/ /'ching ba dag las grol bar shog /dbugs ma phyin pa dbugs 'byin cing / /mya ngan 'das lam ston gyur cig /'jig rten long ba 'dren med pa'i// yongs su 'dren par bdag gyur cig /lus can rnams la skyobs pa dang / /dpung gnyen gling dang skyabs gyur cig /rigs kyi bu/ de ltar na byang chub sems dpa' sems dpa' chen po sbyin pa'i pha rol tu phyin pa la mngon par brtson par byed pa yin no/ /de nas byang chub sems dpa' sems dpa' chen po ri'i phug dang / zom dang / ri'i sul dang / gseb dang| sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bus/ bcom ldan 'das las sbyin pa'i pha rol tu phyin pa'i rnam par dbye ba bshad pa thos nas tshim zhing mgu la yi rangs te/ rab tu dga' zhing bde ba dang / yid bde ba skyes nas stan las langs te/ bla gos phrag pa gcig tu gzar nas pus mo g.yas pa'i lha nga pad+ma'i snying po la btsugs te/ bcom ldan 'das ga la ba de logs su thal mo sbyar ba btung nas/ bcom ldan 'das la tshigs su bcad pa'i </font><hr>150b<br><font size=+1>


dbyangs kyis legs so zhes bya ba gsol to/ /sbyin mdzad legs so rtag tu yab 'dra khyod legs so/ /sbyin mdzad legs so gsung mdzad bde gshegs khyod legs so/ /gnyen gyur legs so mdza' bo ston par gyur ba legs/ /gcig po 'di ni dmyal ba skyob pa khyod legs so/ /thu bo legs so lha mi rnams nang bgres pa legs/ /mchod gnas legs so mi rnams nang na dpa' bo legs/ /gsungs pa legs so bdag nyid chen por rab dul legs/ /mi rnams nyon mongs nad sel sman pa'i rgyal po legs/ /grol ba legs so srid pa gsum las rnam grol legs/ /sman pa legs so phan bzhed dam pa sbyin mdzad legs/ /dpal yon can legs bkra shis snyoms pa'i thugs mnga' legs/ /skal ldan zla ba nya 'dra dri med zhal mnga' legs/ /blo ldan mthon mthing spyan yangs ring ba legs/ /dpal ldan shangs 'tsham cha byad rmad du byung ba legs/ /smra mkhas snyan shal gser gyi 'phyang thag 'dra ba legs/ /mche ba kha ba dung 'dra legs la phyag 'tshal lo/ /gtso bo bgres pa mgon po khyod kyis de ring du/ /mi rnams sbyin pa dbye ba legs par gsungs pa legs/ / slar zhing tshul khrims bzod pa stobs dang ye shes dang / /thabs dang bsam gtan rdzu 'phrul smon lam mnyan par 'tshal/ /bcom ldan 'das kyis de skad ces bka' stsal nas/ </font><hr>151a<br><font size=+1>


@#/ /byang chub sems dpa' 'jam dpal gzhon nur gyur pa dang / byang chub sems dpa' spyan ras gzigs dbang phyug dang / ri'i phug dang / zom dang| ri'i sul dang / gseb dang / sman ljongs na seng ge'i mchog rnam par bsgyings shing nga ro rnam par sgrogs pa lta bu'i mi'i dbang po'i gtsug gi nor bu la sogs pa byang chub sems dpa' de dag dang / lha'i bu de dag dang / rgyal po chen po bzhi po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa sbyin pa'i pha rol tu phyin pa zhes bya ba theg pa chen po'i mdo rdzogs so// //rgya gar gyi mkhan po pradz+nyA b+harma dang / zhus chen gyi lo tsA ba ban+de ye shes sde la sogs pas bsgyur cing zhus te gtan la phab pa// </font><hr>

</table>