H189

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H189</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H189&coll=lhasa">see text in Tibetan script</a></table>300b<br><font size=+1>


//rgya gar skad du/ AR+Ya dI paM ka ra byA ka ra Na nA ma mahA yA na sU tra/ bod skad du/ 'phags pa mar me mdzad kyis lung bstan pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis </font><hr>301a<br><font size=+1>


@#/ /thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs so/ /de'i tshe bcom ldan 'das 'khor brgya stong mang pos yongs su bskor zhing mdun gyis bltas te chos ston to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ de'i phyir khyod kyi dge ba'i rtsa ba la so sor brtag pa nyid kyis bsam pa shin tu yongs su dag par bya'o/ /de ci'i phyir zhe na/ kun dga' bo/ ngas sangs rgyas brgya stong mang po la zhes dang bcas pas bsnyen bkur byas kyang sangs rgyas bcom ldan 'das rnams kyis nga sngar bla na med pa yang dag par rdzogs pa'i byang chub tu lung ma bstan gyi/ gang gi tshe ngas de bzhin gshegs pa mar me mdzad mthong nas ut+pa la lnga phul ba de'i 'og tu nga chos bdag med pa nyid la mos par gyur cing mi skye pa'i chos la bzod pa thob pa'i phyir ro/ /kun dga' bo/ de bas na khyod dge ba'i rtsa bas chog shes par mi bya'o/ /de ci'i phyir zhe na/ kun dga' bo/ sngon byung ba 'das pa'i dus bskal pa grangs med pa'i yang ches grangs med pa/ yangs pa/ tshad med pa/ bsam </font><hr>301b<br><font size=+1>


gyis mi khyab pa 'das pa de'i tshe de'i dus na dzam+bu'i gling 'dir rgyal po ma skyes dgra zhes bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig byung ste/ kun dga' bo/ rgyal po ma skyes dgra de la grong khyer brgyad khri bzhi stong yod de/ thams cad kyang bkra ba/ blta na sdug pa/ skyed mos tshal phun sum tshogs pa/ rdzing bu phun sum tshogs pa/ me tog phun sum tshogs pa/ 'bras bu phun sum tshogs pa/ bde ba/ lo legs pa/ nyams dga' ba/ 'byor pa/ rgyas pa/ skye bo dang / mi mang pos gang ba sha stag go /kun dga' bo/ ma skyes dgra de la rgyal po'i pho brang pad+ma can zhe bya ba zhig yod de/ rgyal po ma skyes dgra de de na gnas so/ /de nas rgyal po ma skyes dgra'i mdun na 'don bram ze gling ldan zhes bya ba snying du sdug cing mthong na mi mthun pa med pa dang ldan pa zhig yod do/ /kun dga' bo/ de nas rgyal po ma skyes dgras rigs bzhi'i mi thams cad bsdus nas bram ze gling ldan bkug ste/ cod pan bcings nas rgyal srid phyed byin te 'di skad ces kyang smras so/ /bram ze/ khyod rang gi yul du song ste/ rgyal po'i pho brang byos la ming yang pad+ma can du thogs shig /kun dga' bo/ de nas rgyal po gling ldan gyi rang gi yul du rgyal po'i pho brang byas te/ ming yang pad+ma can du btags so/ /kun dga' bo/ de </font><hr>302a<br><font size=+1>


@#/ /ltar de'i tshe de'i dus na dzam+bu'i gling 'di na rgyal po gnyis rgyal srid byed de/ gcig ni ma skyes dgra'o/ /gcig shos ni gling ldan no/ /kun dga' bo/ de nas rgyal po gling ldan gyi btsun mo dam pa khang bzang gi yang thog na bde bar nyal zhing 'dug go /de nas byang chub sems dpa' mar me mdzad dga' ldan gyi gnas nas shi 'phos nas glang po che'i phrug gu thal kar du bsgyur te/ 'od zer rab tu 'gyed cing ma'i glo g.yas par zhugs par gyur to/ /de nas de'i tshe btsun mo dam pa des rgyal po gling ldan la skabs 'di smras so/ /kun dga' bo/ de nas rgyal po gling ldan gyis bram ze mtshan mkhan dang / ltas mkhan dang / mchod sbyin mkhan rnams bsdus te rmi lam gyi skabs 'di bsnyad pa dang / bram ze mtshan mkhan rnams kyis smras pa/ rgyal po chen po/ khyod kyis rnyed pa legs par rnyed de/ khyod kyi sras sems can rin po che zhig bltam par 'gyur ro/ /kun dga' bo/ de nas rgyal po gling ldan rmi lam bstan pa 'di thos nas dga' zhing mgu la yi rangs te rab tu dga' nas dga' ba dang / yid bde ba skyes te/ rgyal po gling ldan de'i rgyal khams su gtogs pa thams cad la sbyin pa byin te/ 'di lta ste/ zas 'dod pa rnams la ni zas/ skom 'dod pa rnams la ni skom/ </font><hr>302b<br><font size=+1>


bzhon pa 'dod pa rnams la ni bzhon pa/ spos dang / phreng ba rgyu dang / byug pa dang / gnas mal rung ba kha na ma tho ba med pa dang / gang ci dang / ci 'dod pa thams cad byin no/ /kun dga' bo/ de nas zla ba bcu 'das pa dang / rgyal po gling ldan gyi bu gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig btsas te/ btsas ma thag tu lus las 'di lta bu'i 'od byung ste/ 'od des rgyal po gling ldan gyi rgyal po'i pho brang thams cad snang bas khyab par gyur to/ /de nas de'i tshe lha'i dbang po brgya byin rang gi gnas nas mi snang bar gyur nas gzhon nu gang na ba der stong ste phyin nas gzhon nu de la shis par brjod pa byas te/ 'di skad ces kyang smras so/ /'di btsas ma thag tu lus las 'di lta bu'i 'od byung ste/ 'od des rgyal po gling ldan gyi rgyal po'i pho brang thams cad snang bas khyab par gyur pas gzhon nu'i ming mar me mdzad du btags so/ /de nas gzhon nu'i ming mar me mdzad mar me mdzad ces bya bar gyur to/ /kun dga' bo/ de nas rgyal po gling ldan dga' zhing mgu la yi rangs te rab tu dga' nas/ dga' ba dang / yid bde ba skyes te| yang de'i rgyal khams su gtogs pa thams cad la sbyin pa byin te/ 'di lta ste/ zas 'dod pa rnams las ni zas/ skom 'dod pa rnams la ni skom/ bzhon pa 'dod pa rnams </font><hr>303a<br><font size=+1>


@#/ /la ni bzhon pa/ spos dang / phreng ba rgyu dang / byug pa dang / gnas mal rung ba kha na ma tho ba med pa dang / gang ci dang / ci 'dod pa thams cad byin no/ /kun dga' bo/ de nas rgyal po gling ldan gyis rgyal bu gzhon nu mar me mdzad bkug ste/ cod pan bcings nas rgyal srid phyed byin te 'di skad ces kyang smras so/ /gzhon nu/ khyod song la gtsun mo'i 'khor gyi nang 'dug cing rtses shig /dga' bar gyis shig /dga' dgur spyod cig /kun dga' bo/ de nas re zhig na rgyal bu gzhon nu mar me mdzad btsun mo'i 'khor gyi nang du song nas bzhon pa chen po la zhon te/ bud med kyi tshogs kyis yongs su bskor nas skyed mos tshal gyi gnas su song ba dang / gnas gtsang ma'i ris kyi lha'i bu dag gcig gis bdag cag nyid rgas shing 'khogs pa dang / nad kyis btab pa dang / shi ba'ang bstan te dge sbyong zhig kyang der bzhag pa dang / rgyal bu gzhon nu mar me mdzad kyis mthong nas kha lo sgyur ba la 'di skad ces smras so/ /kye kha lo sgyur ba/ rnam pa sna tshogs snang ba 'di dag ci yin/ kha lo sgyur pas smras pa/ gzhon nu/ 'di dag ni rgas pa zhes bgyi ba dang / na ba zhes bgyi ba dang / shib zhes bgyi ba lags te/ gzhon nu/ ji srid du </font><hr>303b<br><font size=+1>


chos nyid gdags pa mchis pa de srid du rga ba dang / na ba dang / 'chi ba'i chos rnams mchis te/ gzhon nu khyod dang / 'o skol yang de lta bu lags te/ 'khor ba na gnas pa kho na lags so/ /gzhon nus smras pa/ kha lo sgyur ba/ mgro bregs te ngur smrig gyon la zhi zhing nye bar zhi ba gnya' shing gang tsam du blta ba 'di su zhig /kha lo sgyur bas smras pa/ gzhon nu| 'di ni dge slong ste/ sdig pa thams cad spangs pa thar pa la mngon par dga' ba'i 'du shes skyes nas khyim nas khyim med par rab tu byung ba lags so/ /gzhon nus smras pa/ kha lo sgyur ba/ legs so/ /legs so/ /dge slong 'di'i lam 'di ni 'dod pa yin no zhes smras nas phyir log ste khyim du song ngo / /kun dga' bo/ de nas re zhig na rgyal bu gzhon nu mar me mdzad yang skyed mos tshal gyi gnas su song ngo / /de skyed mos tshal gyi gnas su phyin pa dang / de na sangs rgyas brgya stong mang pos bsten pa'i byang chub kyi snying po mthong ngo| |kun dga' bo/ de nas byang chub sems dpa' mar me mdzad kyis byang chub kyi snying po de mthong nas skyes pa dang / bud med kyi tshogs thams cad ha cang thag mi ring bar bor nas byang chub kyi snying po ga la ba der song ste phyin nas/ des byang chub kyi snying po mthong ba dang / lan gsum bskor ba byas nas byang chub kyi snying po der skyil mo krung bcas </font><hr>304a<br><font size=+1>


@#/ /te 'dug go/ byang chub sems dpa' mar me mdzad 'dug ma thag tu de nas de'i tshe de nyid kyi mtshan mo'i skya rengs dang bo shar ba'i dus na de bla na med pa yang dag par rdzogs pa'i byang chub mngon par rdzogs par sangs rgyas so/ /kun dga' bo/ de bzhin gshegs pa mar me mdzad bla na med pa yang dag par rdzogs pa'i byang chub mngon par rdzogs par sangs rgyas ma thag tu de'i tshe sku las 'di lta bu'i 'od byung ste/ 'od des stong gsum gyi stong chen po'i 'jig rten gyi khams thams cad snang bas khyab par gyur to/ /de nas de'i tshe lha'i dbang po brgya byin rang gi gnas nas mi snang bar gyur te/ de bzhin gshegs pa dgra bcom pa yang dag par rdzogs pa'i sangs rgyas mar me mdzad ga la ba der song ste phyin nas/ bcom ldan 'das kyi zhabs la mgo bos phyag btsal te/ bcom ldan 'das la mchod pa byas nas sgra 'di skad ces kyang bsgrags so| |kye ma'o/ /de bzhin gshegs pa mar me mdzad 'di 'jig rten du byung ste/ 'di ltar de'i 'od kyis 'jig rten gyi khams thams cad snang bas khyab par mdzad do/ /de bzhin gshegs pa mar me mdzad lo lnga bcu'i bar du byang chub kyi snying po de na bzhugs kyang tha na sems can gcig tsam yang blta ba dang / phyag bya ba dang / bsnyen bkur </font><hr>304b<br><font size=+1>


bya ba'i phyir nye bar mi 'gro'o/ /de ci'i phyir zhe na/ rgyal po gling ldan gyi rgyal po'i pho brang 'khor gyi mi rnams bde ba dang ldan pa'i phyir blta ba dang / phyag bya ba dang / bsnyen bkur bya ba'i phyir nye bar mi 'gro'o/ /kun dga' bo/ de nas de bzhin gshegs pa mar me mdzad 'di snyam du dgongs te/ rgyal po gling ldan gyi rgyal po'i pho brang 'khor ba'i mi rnams bde ba dang ldan pas ha cang bag med par gyur gyi/ ngas de rnams cung zhig yid byung bar bya gor ma chag snyam mo/ /de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis de'i tshe 'di lta bu'i rdzu 'phrul mngon par 'du mdzad pa mngon par 'du mdzad de/ rdzu 'phrul ji lta bu mngon par 'du mdzad pa mngon par 'du mdzad pas rgyal po gling ldan gyi rgyal po'i pho brang 'khor ba'i mi rnams kyi nang du bai DUR+Ya las byas pa'i grong khyer chen po/ blta na sdug pa/ skye bo dang / mi mang pos gang la/ mi de dag kyang lhag par mdzes pa/ lhag par blta na sdug pa/ rgyan thams cad kyis brgyan pa dag cig mngon par sprul to/ /de nas rgyal po gling ldan gyi rgyal po'i pho brang 'khor ba'i mi rnams bai DUR+Ya las byas pa'i grong khyer na gnas pa'i mi rnams kyis spa gong bar ni gyur na gang yang skyo bar ni ma gyur to/ /de nas bcom ldan 'das de bzhin gshegs </font><hr>305a<br><font size=+1>


@#/ /pa dgra bcom pa yang dag par rdzogs pa'i sangs rgyas mar me mdzad 'di snyam du dgongs te/ rgyal po gling ldan gyi rgyal po'i pho brang 'khor ba'i mi rnams ha cang bag med pa dang ldan par gyur pa ngas yang cung zhig skyo ba bskyed par bya gor ma chag snyam mo/ /de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis yang 'di lta bu'i rdzu 'phrul mngon par 'du mdzad pa mngon par 'du mdzad de/ rdzu 'phrul ji lta bu mngon par 'du mdzad pa mngon par 'du mdzad pas bai DUR+Ya las byas pa'i grong khyer chen po de la me chen po 'bar bar byin gyis brlabs so/ /byin gyis brlabs ma thag tu de la me 'bar bar gyur to/ /de nas de'i tshe sems can de dag dang / grong khyer chen po de yongs su zad cing mthar thug pa dang / zhig par gyur nas sems can de dag kyang tshul ma yin pa mthong bas sdug bsngal bar gyur to/ /kun dga' bo/ de nas rgyal po gling ldan gyi rgyal po'i pho brang 'khor ba'i mi rnams kyis bai D+'+y+r+ya las byas pa'i grong khyer chen po rgud par mthong nas dngas skrag par gyur cing skyo bar gyur nas spu zing zhes byed de/ de dag 'di snyam du sems par gyur to/ /gang gi phyir grong khyer de yongs su zad cing mthar thug pa dang / zhig par gyur pa la na ring po mi thogs par bdag </font><hr>305b<br><font size=+1>


cag kyang de lta bu'i mi rtag pa'i gnas skabs su 'gyur na su zhig bdag cag gi skyabs su 'gyur snyam mo/ /de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad 'di snyam du dgongs te/ rgyal po gling ldan gyi rgyal po'i pho brang 'khor ba'i mi 'di rnams yongs su smin pas ngas chos bstan pa kun shes par nus shing skal ba dang ldan pa dang / mthu yod par gyur to snyam mo/ /de nas de bzhin gshegs pa mar me mdzad kyis mi de rnams kyi bsam pa thugs su chud nas de'i tshe dran pa dang / shes bzhin gyis byang chub kyi snying po de nas bzhengs te/ phyi bzhin 'brang ba'i dge sbyong lha'i dbang po brgya byin dang thabs gcig tu rgyal po gling ldan gyi rgyal po'i brang ga la ba der gshegs so| |kun dga' bo/ de bzhin gshegs pa mar me mdzad byon ma thag tu de nas de'i tshe de bzhin gshegs pa mar me mdzad kyis chos bstan pa dang po'i tshe srog chags nyi khri rab tu phyung ste/ de dag thams cad len pa med par zag pa rnams las sems rnam par grol lo/ /chos bstan pa gnyis pa'i tshe srog chags su ma khri rab tu phyung ste/ de dag thams cad kyang len pa med par zag pa rnams las sems rnam par grol lo/ /chos bstan pa gsum pa'i tshe srog chag bzhin khri rab tu phyung ste/ de dag thams cad kyang chos rnams </font><hr>306a<br><font size=+1>


@#/ /la chos kyi mig rdul med cing dri ma dang bral ba rnam par dag go /chos bstan pa bzhi pa'i tshe srog chags lnga khri rab tu phyung ste/ de dag thams cad kyang len pa med pa zag pa rnams las sems rnam par grol lo/ /kun dga' bo/ de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad dge slong gi dge 'dun mang pos yongs su bskor zhing mdun gyis bltas te chos ston to/ /kun dga' bo/ de nas rgyal po ma skyes dgras rgyal po gling ldan gyi bu zhig skyes nas de bla na med pa yang dag par rdzogs pa'i byang chub mngon par rdzogs par sangs rgyas so zhes thos nas de la pho nya btang ste/ 'di ltar bdag kyang mchod par 'tshal na bdag gi thad du gshegs par gsol zhes spring ngo / /de nas pho nya des rgyal po ma skyes dgra las mnyan nas rgyal po gling ldan gyi rgyal po'i pho brang gal ba dang / rgyal po gling ldan ga la ba der song ste phyin nas phrin de skad smras so/ /de nas rgyal po gling ldan de bzhin gshegs pa dgra bcom pa yang dag par rdzogs pa'i sangs rgyas mar me mdzad ga la ba der song ste phyin nas bcom ldan 'das kyi zhabs la mgo bos phyag btsal te phyogs gcig tu 'dug nas skabs de gsol pa dang / bcom ldan 'das kyis </font><hr>306b<br><font size=+1>


bka' stsal pa/ rgyal po chen po/ khyod snying las chung ngur gyis la slar song zhig /nga ni rgyal po'i pho brang pad+ma can du gshegs so/ /de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad dge slong gi dge 'dun dang / byang chub sems dpa'i tshogs dang / lha dang / klu dang / gnod sbyin dang / dri za dang / lha ma yin dang nam mkha' lding dang / mi'am ci dang / lto 'phye chen po dang / mi dang / mi ma yin pa rnams kyis yongs su bskor cing / rgyal po gling ldan yang rgyal po'i mthu chen po dang / rgyal po'i tshogs mang po dang / rgyal po'i rnam par 'phrul pa chen po dang / rgyal po'i bdog pa chen po dang / rgyal po'i 'byor pa chen po dang / rgyal po'i rnam par rtse ba chen po dang chas te yongs su bskor cing mdun gyis bltas te thabs gcig tu gshegs so/ /kun dga' bo/ de nas de bzhin gshegs pa mar me mdzad de rim gyis rgyal po'i pha brang pad+ma can ga la ba der gshegs so/ /de'i tshe na ri'i rgyal po gangs ri la bram ze rin po che zhes bya ba zhig 'dug ste/ bram ze'i khye'u lnga brgya tsam la bstan bcos dang / rig byed dang / gsang sngags thams cad slob tu 'jug go /de na bram ze'i khye'u lnga brgya tsam po de dag gi nang na bram ze'i khye'u sprin ces bya ba gzhon nu dar la bab pa/ gzugs bzang ba/ mdzes pa/ blta na </font><hr>307a<br><font size=+1>


@#/ /sdug pa/ kha dog bzang po rgyas pa mchog dang ldan pa/ gsang sngags dang / bstan bcos dang / cho ga shes pa ji snyed pa thams cad la mkhas pa zhig yod do/ /kun dga' bo/ de nas bram ze'i khye'u sprin ces bya bas mkhan po'i rkang pa la mgo bos phyag btsal nas 'di skad ces smras so/ /kye mkhan po/ bdag grong dang / grong khyer dang / ljongs dang / yul 'khor dang / rgyal po'i pho brang 'khor rnams su mchi'o/ /mkhan pos smras pa/ kye bram ze'i khye'u/ bdag cag bram ze rnams kyi chos nyid ni 'di yin te/ gang gis bstan bcos dang / rig byed dang / gsang sngags thams cad lobs pa des mkhan po la zod lnga brgya dang / ras zung gcig dang / 'khar ba dang / ril ba rnams sbyin dgos so/ /bram ze'i khye'u sprin gyis smras pa/ mkhan po bdag la pags pa dang / 'khar ba dang / ril pa ma gtogs par ci'ang ma mchis pas mchi'o/ /lan gsum gyi bar du gsol nas de bzhin gyis shig ces smras so/ /de nas bram ze'i khye'u sprin rim gyis ri'i rgyal po gangs las babs nas grong dang / grong khyer dang / ljongs dang / yul 'khor dang / rgyal po'i pho brang 'khor du zhugs so/ /de'i tshe na grong khyer chen po bde bar pha rol tu 'gro ba na bram ze sa ga bzang po zhes bya </font><hr>307b<br><font size=+1>


ba zhig gnas te de la bu mo bzang len ldan zhes bya ba gzugs bzang ba/ mdzes pa/ blta na sdug pa kha dog bzang po rgyas pa mchog dang ldan pa zhig yod pa de'i phyir nyi ma re re zhing bram ze bzhi khri la zan sbyin par byed cing / de rnams kyi nang na thams cad las khyad par du 'phags pa gang yin pa de la bdag gi bu mo sbyin no snyam pa dang / gnas gtsang ma'i ris kyi lha'i bu zhig gis bram ze'i khye'u sprin la grong khyer chen po bde bar pha rol tu 'gro ba'i lam bstan no/ /de nas bram ze'i khye'u sprin mchod sbyin gyi gnas ga la ba der song ste phyin to/ /bram ze'i khye'u sprin mchod sbyin gyi gnas der phyin ma thag tu de'i tshe bu mo des rang gi pha ma la 'di skad ces smras so/ /yab/ bram ze'i khye'u 'di'i mtshan ma ji ltar gda' pa las na 'di bdag gi khyim thab tu 'gyur ro/ /de nas bram ze'i khye'u sprin bram ze de dag thams cad dang lhan cig kun tu smra bar byed cing / de na bram ze sprin nyid bstan bcos dang| gsang sngags dag gis khyad par du 'phags so/ /de'i tshe na mchod sbyin gyi gnas der bram ze dum bu byin zhes bya ba zhig rgan gral du 'dug ste mchod sbyin byed do/ /de nas bram ze'i khye'u sprin bram ze dum bu byin ga la ba der song ste phyin nas/ bram ze dum bu byin dang lhan cig tu rig byed dang / gsang sngags dag smra bar byed cing de na/ 'di lta ste/ sprin </font><hr>308a<br><font size=+1>


@#/ /nyid rig byed dang / gsang sngags dang / bstan bcos dag gis khyad par du 'phags so/ /de nas bram ze'i khye'u sprin gyis bram ze dum bu byin la 'di skad ces smras so/ /kye bram ze/ bdag cag bram ze rnams kyi chos nyid ni gang gis bstan bcos thams cad rtogs shing khong du chud pa de stan mchog la 'dug pa yin no/ / de nas yang bram ze'i khye'u sprin gyis bram ze dum bu byin la 'di skad ces smras so/ /bram ze chen po/ 'dir kho bo 'dug gi stan 'di las longs shig /de nas bram ze dum bu yin gyis 'di skad ces smras so/ /bram ze'i khye'u/ nga stan 'di las ma bslang zhig dang / kho bos zong lnga brgya thob pa khyod la byin no/ /smras pa/ kho bo la mi dgos so/ /de ma langs pa dang / de'i mgrin pa nas bzung ste bslang ngo / /de nas bram ze dum bu byin gyis bram ze'i khye'u sprin la smras pa/ bram ze'i khye'u/ khyod kyis kho bo stan 'di las bslangs nas mtho btsams shing dngangs par byas pas khyod gang dang / gang du skyes pa'i skye ba thams cad du sbyin pa'i bar chad bya'o zhes dam bcas so/ /de nas bram ze'i khye'u sprin seng ge'i khri de la 'dug go /de nas bram ze sa ga bzang pos bu mo bzang len ldan lag pa g.yas pas bzung ste/ gser gyi 'khar pa dang / ril ba dang / ras zung gcig </font><hr>308b<br><font size=+1>


dang| zong lnga brgya khyer nas bram ze'i khye'u sprin ga la ba der song ste phyin nas/ bram ze'i khye'u'i sprin la 'di skad ces smras so/ /rigs kyi bu/ 'di dag long zhig /de nas bram ze'i khye'u sprin gyis zong lnga brgya dang / ras zung gcig dang / 'khar ba dang / ril pa rnams blangs te bu mo de ma blangs so/ /'di skad ces kyang smras so/ /bud med 'dis ci zhig bya/ bud med ni spre'u dang 'dra ste/ rgod pa/ 'phyar ba/ dge ba'i bar chad byed pa yin la/ kho bo ni dgon pa dang / rab tu dben pa rnams na gnas pas 'di kho bo la mi dgos so| |rigs kyi bu/ bdag la snying brtse ba'i phyir long zhig /des ma blangs so/ /de nas bram ze'i khye'u sprin mchod sbyin gyi gnas de nas song ste/ ri'i rgyal po gangs ga la ba der song ngo| |de nas bram ze sa ga bzang pos bu mo bzang len ldan la smras pa/ bu mo/ khyod khyim thabs kyi phyi bzhin ci'i phyir mi 'gro /des de'i tshig mnyan te mnyan nas ri'i rgyal po gangs ga la ba der longs su 'phags so/ /de'i tshe na gnas gtsang ma'i ris kyi lha'i bu zhig gis ri'i rgyal po gangs su 'gro ba'i lam mi snang bar byas nas rgyal po'i pho brang pad+ma can du gang nas 'gro ba'i lam bstan cing / gang du bram ze'i khye'u sprin dro 'debs pa der bu mo bzang len ldan yang dgongs 'debs so/ /de nas bram ze'i khye'u des </font><hr>309a<br><font size=+1>


@#/ /rgyal po'i pho brang pad+ma can dar gi lda ldi bres pa/ me tog bkram pa/ bdug spos 'thul ba'i snod dang ra ba mthong nas des dris pa/ grong khyer chen po 'di ci'i rgyus mngon par brgyan par gyur/ de nas rgyal po'i pho brang pad+ma can gyi rgyal po'i pho brang 'khor ba'i mi rnams kyis bram ze'i khye'u sprin la 'di skad ces smras so/ /bram ze'i khye'u/ khyod kyis ma thos sam/ 'di ltar de bzhin gshegs pa dgra bcom pa yang dag par rdzogs pa'i sangs rgyas mar me mdzad ces bya ba 'jig rten du byung ste/ de rgyal po ma skyes dgras spyan drangs nas de 'dir byon pa'i phyir grong khyer chen po mngon par brgyan to/ /de nas bram ze'i khye'u sprin 'di snyam du sems te/ bdag cag bram ze rnams kyi nang na gang bstan bcos thams cad la spyod pa gsal zhing mkhas pa'ang dkon na/ sems can rin po che 'di ltar 'jig rten du byung ba lta smos kyang ci dogs kyi/ bdag gis zong lnga brgya po 'dis me tog nyos la de bzhin gshegs pa la mchod par bya gor ma chag snyam nas des phan tshun me tog btsal na gang nas kyang ma rnyed pa dang / rgyal po'i pho brang pad+ma can gyi rgyal po'i pho brang 'khor ba'i mi rnams na re/ bram ze'i khye'u/ khyod kyis ma thos sam/ rgyal po ma skyes dgras bka' stsal </font><hr>309b<br><font size=+1>


te| me tog thams cad de bzhin gshegs pa mar me mdzad la mchod pa bya dgos kyi/ 'di ltar su'ang me tog nyor yang mi gnang / 'tshong du'ang mi gnang ngo / /gang zhig gis nyos sam/ bcongs na ngas de chad pa chen pos bcad do zhe'o/ /de me tog tshol ba na bu mo bzang len ldan mdun du 'dug ste 'di skad ces smras so/ /bram ze'i khye'u/ ci tshol bram ze'i khye'u sprin gyis smras pa/ bu mo/ me tog 'tshol lo/ /de nas bu mo bzang len ldan me tog phreng brgyud mkhan zhig gi khyim ga la ba der stong ste phyin nas me tog phreng brgyud mkhan de la 'di skad ces smras so/ /rigs kyi bu/ kho mo la me tog byin cig /kho mo'i khyim thab la dgos so/ /me tog phreng brgyud mkhan gyis smras pa/ bu mo/ khyod kyis ma thos sam| 'di ltar rgyal po ma skyes dgras 'di skad ces bka' stsal te/ me tog thams cad de bzhin gshegs pa mar me mdzad la mchod pa bya dgos kyi/ 'di ltar su'ang me tog 'tshong du'ang mi gnang / nyor yang mi gnang ngo / /gang zhig gis nyos sam/ btsongs na ngas de chad pa chen po bcad do zhe'o/ /lan gsum gyi bar du bslangs pa dang / de bzhin bya'o zhes zer ro/ /de nas bu mo bzang len ldan gyis bum pa bslangs nas ut+pa la bdun bcug ste/ grong khyer du song nas bram ze'i khye'u sprin mthong ba dang mdun du 'dug ste/ </font><hr>310a<br><font size=+1>


@#/ /'di skad ces smras so/ /bram ze'i khye'u/ ci tshol/ bu mo/ me tog tshol lo/ /smras pa/ bram ze'i khye'u ci bya/ smras pa/ bu mo/ bskyed par bya'o/ / bu mos smras pa/ ut+pa la btogs zin pa gang dag yang skye bar 'gyur ba ni kho mos nam yang ma thos ma mthong ngo / /smras pa/ bu mo/ gang la bskyed pa tsam gyis skye ba'i bsod nams kyi zhing de lta bu la bskyed do/ /des smras pa/ gal te kho mo gang dang / gang du skyes pa'i skye ba thams cad du khyod kho mo'i khyim thab tu 'gyur bar dam 'cha' na de'i phyir ut+pa la sbyin no/ /de nas bram ze'i khye'u sprin 'di snyam du sems te/ bdag ni dgon pa dang / rab tu dben pa na gnas pa yin la/ bud med ni rgod pa/ 'phyar ba/ dge ba'i rtsa ba'i par chad byed pa yin pas bud med 'dis ci zhig bya snyam mo/ /lan bdun gyi bar du smras pa dang / de bzhin du gyur cig ces smras so/ /de nas de'i tshe bcom ldan 'das kyis tshigs su bcad pa 'di dag bka' stsal to/ /'di skad ngas thos sngon srid na/ /sangs rgyas mar me 'jig rten byung / /'khor ni mang po bdun stong dang // pad+ma can du de phyin to/ /de yi phyir ni rgyal mtshan bsgrengs/ /rnga ni brgya khrag de phyir brdungs/ /grong khyer thams cad kun sbyangs shing / /lam srang bzhi ni de phyir brgyan/ /grong khyer </font><hr>310b<br><font size=+1>


brgyan pa de mthong nas/ /bram ze'i khye'us dris pa ni/ /gang gi phyir ni rgyal mtshan sgrengs/ /gang phyir rnga ni brgya phrag brdungs/ /grong khyer thams cad kun sbyangs shing / /gang phyir lam srang bzhi brgyan pa'i/ /bsam pa de ni lung ston cig /rig byed shes khyod ma thos sam/ /sangs rgyas mar me 'jig rten byung / /'khor ni mang po bdun stong dang / /pad+ma can du de byon te/ / de yi phyir ni rgyal mtshan bsgrengs/ /de phyir rnga ni brgya phrag rdung / /grong khyer thams cad kun sbyangs shing / /de phyir lam srang bzhi brgyan to/ /sangs rgyas kyi ni sgra thos nas/ /sangs rgyas yon tan gyis mgu ste/ /rings par myur du song ba dang / /rgyang nas bram ze'i bu mo mthong / /pad+ma ut+pal g.yo ba'i mig /chu skyes thogs shing sgo na 'dug /de yis bram ze'i khye'u mthong nas/ /snyan par smra bar bya ba'i phyir/ /ka la ping+ka rma bya'i sgra/ /yid 'ong ngang mo khu byug sgras/ /sgra chen spangs nas tshangs pa'i sgras/ /bram ze'i khye'u la bu mos smras/ /khye'u ci nags kyi nang na de/ /sbyin sreg byed cing rig 'don la/ /rgyal po'i dmag gis ma gtses sam/ /'khrugs shing lam srang dag tu rgyu/ /bu mo nga khyim gnyen 'dun med/ /yongs su bzung ba'ang nga la med/ /'dod pa'i yon tan nga mi 'dod/ /bu mo rgyal dmag nga mi gnod/ /nga de dag las zan mi za/ /chos gsos gos kyang mi len te/ /shes bzhin rdzun ni </font><hr>311a<br><font size=+1>


@#/ /mi smra na/ /bu mo rgyal dmag nga mi gnod/ /'bras bu rtsa bas nags na gnas/ /bu mo rgyal dmag nga mi gnod/ /seng phrug dag gis ma gtses sam/ /'bras rtsa nags na med dam ci/ /ci'i phyir khyod ni brtan par 'ongs/ /seng ge'i phrug gus ma gtses te/ /nags na 'bras bu rtsa ba yod/ /bzang mo ut+pal dgos pa'i phyir/ /de phyir nga 'di grong khyer 'ongs/ /gal te shed bu lang tsho yis/ /dregs lus brgyan phyir bram ze'i khye'u/ /bdag gi ut+pal 'tsham pa yin/ /bdag gi phreng phyir mi nyo la/ /ut+pal bsnams phyir 'dod pa min/ /brtse ldan mar me mdzad kyi phyir/ /bzang mo bdag ni ut+pal slong / /bde bar pha rol 'gro ba na/ /gang du pha las zan zos tshe/ /bslang ba'i tshig smras mi dran nas/ /'dzem med ci phyir me tog slong / /bzang mo ut+pal rin du dbyig /lnga brgya 'di byin dge mas gnang / /sangs rgyas yon tan tshol ba la/ /bzang mo bgegs ni ma byed cig /bzang mo bdag gi gzhi byas nas/ /slong ba rnams kyi bgegs su 'gyur/ /gzhan lta zhog gi bram ze'i khye'u/ /gal te slong la bdag byin na/ /bdag ni khyod kyi bgegs mi byed/ /bdag smon 'dir gyur gzhan du min/ /de gnyis smon lam btab nas ni/ /bram ze'i khye'us ut+pal blangs/ /de dag ut+pal thogs nas kyang / / </font><hr>311b<br><font size=+1>


rgyal ba'i zhabs la phyag btsal nas/ /gal te bdag lus skams gyur cing / /bdag gi rus pa skams gyur kyang / /byang chub lung ma bstan par du/ /bdag ni de ring mi ldang ngo / / bdag smon der gyur gzhan du min/ /de nas bu mo bzang len ldan gyis ut+pa la lnga blangs te bram ze'i khye'u sprin la byin nas/ bram ze'i khye'u/ ut+pa la 'di dag long la rang gi ming gis skrun cig /bram ze'i khye'u/ ut+pal 'di gnyis kyang kho mo'i ming gis skrun cig /de nas bram ze'i khye'u sprin ut+pa la de dag khyer nas/ grong khyer gyi phyi rol tu byung ba dang / de bzhin gshegs pa dgra bcom pa yang dag par rdzogs pa'i sangs rgyas mar me mdzad mdzes pa/ dad par bya ba/ dbang po dul ba/ thugs dul ba/ mchog tu dul ba/ dang zhing zhi ba'i pha rol tu phyin pa/ dul ba dang / zhi ba'i dam pa'i pha rol tu phyin pa/ glang po chen po dbang po bsrung zhing thul ba/ mtsho ltar dang zhing rnam par dang la rnyog pa med pa/ gser gyi mchod sdong ltar mngon par 'phags pa/ dpal gyis brjid pa/ gzi brjid kyis 'bar ba mthong ngo / /sems can bye ba brgya stong phrag du ma dang / khye'u dang / bu mo brgya phrag du ma dang / lha dang / lha ma yin dang / klu dang / gnod sbyin dang / dri za dang / nam mkha' lding dang / mi'am ci dang / lto 'phye chen po mang po dang / rgyal po ma skyes dgra'ang </font><hr>312a<br><font size=+1>


@#/ /btsun mo'i 'khor dang lhan cig tu me tog dang / me tog phreng ba dang / spos dang / byug pa thogs te bcom ldan 'das la mchod pa'i phyir 'ong ba'ang mthong nas/ yang 'di snyam du sems par gyur to/ /de bzhin gshegs pa dgra bcom pa yang dag par rdzogs pa'i sangs rgyas mar me mdzad ni skyes bu chen po'i mtshan sum cu rtsa gnyis kyis de bzhin gshegs pa dgra bcom pa yang dag par rdzogs pa'i sangs rgyas yin par bdag gis thos na/ de bzhin gshegs pa 'di la ni mtshan sum cu zhig snang ste/ mtshan gnyis ni mi snang bar mtshan sum cu rtsa gnyis dang ldan pa ma yin no snyam mo/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis bram ze'i khye'u sprin gyi sems kyi kun tu rtog pa thugs su chud nas/ rdzu 'phrul ji lta bu mngon par 'du mdzad pa mngon par 'du mdzad pas skyes bu chen po'i mtshan sum cu rtsa gnyis po de dag snang bar 'gyur ba de lta bu'i rdzu 'phrul mngon par 'du mdzad pa mngon par 'du mdzad de/ bram ze'i khye'u sprin gyis de mthong nas yang bram ze'i khye'u sprin dga' zhing mgu la yi rangs te/ rab tu dga' ba dang / yid bde ba skyes nas pags pa de bting ba dang / de nas rgyal po'i </font><hr>312b<br><font size=+1>


pho brang pad+ma can gyi rgyal po'i pho brang 'khor ba'i mi de dag gis pags pa de blangs nas/ phan tshun du bor te bram ze'i khye'u sprin la 'di skad ces smras so/ /bram ze'i khye'u/ ma smyos sam| gang du rgyal po'i na bza' gding ba der khyod kyis pags pa btsog pa 'di gding bar byed/ de nas bram ze'i khye'u sprin gyis pags pa blangs nas lam las bzur te / lam gol bar 'dug nas bden pa'i tshig 'di byas so/ /bden pa dang / bden tshig gang gis 'di ltar de bzhin gshegs pa thams cad mkhyen pa/ thams cad gzigs pa/ 'jig rten la thugs brtse ba yin na/ shul las bzur te bdag gi ral pa la zhabs 'jog par gyur cig /de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad zhal phyir gzigs nas dge slong rnams la bka' stsal pa/ dge slong dag /gang du nga'i zhabs gnyis 'jog pa der khyod kyis gzhag par mi bya'o| |de ci'i phyir zhe na/ de ni sangs rgyas bye ba khrag khrig brgya stong mang po la bsnyen bkur byas pa'i ral pa yin pa'i phyir ro/ /de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad shul las bzur nas bram ze'i khye'u sprin gang na bar gshegs te byon pa dang / zhabs gnyis ral ba'i steng der bzhag </font><hr>313a<br><font size=+1>


@#/ /go |de nas bram ze'i khye'u sprin sa'i steng de nas langs nas de bzhin gshegs pa dgra bcom pa yang dag par rdzogs pa'i sangs rgyas mar me mdzad la ut+pa la de dag gtor to/ /gtor ma thag tu de'i tshe de bzhin gshegs pa'i dbu'i gtsug gi steng gi drang thad du ut+pa la'i khang pa brtsegs pa grwa bzhir ka pa bzhi zug pa/ cha mnyam pa/ shin tu rnam par phye ba/ nyams dga' ba/ yid du 'ong ba zhig gnas par gyur te/ khang pa brtsegs pa de na'ang de bzhin gshegs pa'i sku snang ngo / /de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis bram ze'i khye'u sprin la 'di skad ces bka' stsal to| |bram ze'i khye'u/ khyod dge ba'i rtsa ba 'dis ma 'ongs pa'i dus bskal pa grangs med pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das su 'gyur ro/ /de nas bram ze'i khye'u sprin bdag nyid lung bstan pa thos nas dga' zhing mgu la yi rangs te/ rab tu </font><hr>313b<br><font size=+1>


dga' ba dang / yid bde ba skyes nas de'i tshe mi skye ba'i chos la bzod pa rab tu thob bo/ /de bzod pa thob nas steng gi nam mkha' bar snang la ta la bdun srid du 'phags nas ting nge 'dzin drug stong mngon du gyur cing / de bzhin gshegs pa gang+gA'i klung gi bye ma snyed dag kyang mngon du gyur to/ /de nas bram ze'i khye'u sprin par snang las babs te/ bcom ldan 'das kyi zhabs la phyag btsal nas/ bcom ldan 'das las rab tu byung ba dang / dge slong gi dngos po gsol to/ /kun dga' bo/ de'i tshe de'i dus na bram ze'i khye'u sprin ces bya bar gyur pa de gzhan zhig yin pa snyam du som nyi 'am/ yid gnyis sam/ the tshom za na kun dga' bo de de ltar mi lta'o/ /de ci'i phyir zhe na/ nga nyid de'i tshe de'i dus na bram ze'i khye'u sprin ces bya bar der gyur to/ /kun dga' bo/ de'i tshe de'i dus na bram ze'i bu mo bzang len ldan zhes bya bar gyur pa de gzhan zhig yin pa snyam du som nyi'am/ yid gnyis sam/ the tshom za na/ kun dga' bo/ de de ltar mi lta'o/ /de ci'i phyir zhe na/ shAkya'i bu mo sa 'tsho ma de'i tshe de'i dus na bu mo bzang len ldan zhes bya bar gyur to| |kun dga' bo/ de'i tshe de'i dus na bram ze dum bu byin zhes bya bar gyur pa gang rgan gral du 'dug ste sbyin sreg byed pa de gzhan zhig yin snyam du som nyi 'am/ yid </font><hr>314a<br><font size=+1>


@#/ /gnyis sam/ the tshom za na/ kun dga' bo/ de de ltar mi lta'o/ /de ci'i phyir zhe na/ mi gti mug can lhas byin de'i tshe de'i dus na bram ze dum bu byin du gyur to/ /kun dga' bo/ de lta bas na de'i phyir dge ba'i rtsa bas chog shes par mi bya'o/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do/ /'phags pa mar me mdzad kyis lung bstan pa zhes bya ba theg pa chen po'i mdo rdzogs so// //rgya gar gyi mkhan po bi shud+d+ha sid+ha dang| lo tsA ba pan+de dge ba dpal gyis bsgyur/ rgya gar gyi mkhan po dz+nyA na gar+b+ha dang / zhus chen gyi lo tsA ba ban+de klu'i rgyal mtshan gyis zhus chen bgyis te gtan la phab pa// </font><hr>

</table>