H191

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H191</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H191&coll=lhasa">see text in Tibetan script</a></table>316b<br><font size=+1>


//rgya gar skad du/ AR+Ya s+t+rI bi brtA byA ka ra Na nA ma mahA yA na sU tra/ bod skad du/ 'phags pa bud med 'gyur ba lung bstan pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong lnga stong gi dge 'dun chen po dang / byang chub sems dpa' brgyad stong mngon par grags pa/ </font><hr>317a<br><font size=+1>


@#/ /mngon par shes pa thob pa/ spobs pa thogs pa med pa/ mi 'jigs pa thob pa/ mi skye ba'i chos la bzod pa dang ldan pa/ sangs rgyas dpag tu med pa la dge ba'i rtsa ba bskyed pa/ theg pa chen po'i rjes su song ba sha stag la/ 'di lta ste/ byang chub sems dpa' sems dpa' chen po mu khyud 'dzin dang / sa 'dzin dang / bang rim 'dzin dang| mchod sbyin dus 'dzin dang / snang ba'i blo gros dang / rnam par dag pa'i blo gros dang / sbyangs pa'i blo gros dang / khyad par blo gros dang / mtha' yas blo gros dang / 'phel ba'i blo gros dang / mthong dga' dang / legs mthong dang / cher snang dang / byang chub sems dpa' sems dpa' chen po don kun mthong la sogs pa dang thabs gcig tu bzhugs so/ /byams pa la sogs pa bskal pa bzang po'i byang chub sems dpa' sems dpa' chen po thams cad kyang 'khor de nyid du 'dus par gyur te 'khod do/ /de nas bcom ldan 'das rgyal po'i khab kyi grong khyer chen po na brten cing bzhugs te/ rgyal po dang / rgyal po'i bu rnams dang / tshong dpon rnams dang / khyim bdag rnams dang / blon po rnams dang / 'khor rnams dang / grang rdal ba dang / yul gyi mi rnams kyis bkur sti byas/ bla mar byas/ ri mo byas/ mchod pa byas so/ /de nas tshe dang ldan pa rab </font><hr>317b<br><font size=+1>


'byor snga dro'i dus kyi tshe smad g.yogs dang / chos gos bgos/ lhung bzed thogs nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das / mdang sum bdag gi rmi lam na de bzhin gshegs pa byang chub kyi snying po la bzhugs pa zhig mthong ste/ des phyag g.yas pa gser gyi mdog can brkyang nas bdag gi spyi bor bzhag ste/ rab 'byor/ sang khyod kyi sngon ma thos pa'i chos ston pa thob par 'gyur ro zhes de skad ces bka' stsal na/ bcom ldan 'das/ de gang gi snga ltas lags/ bcom ldan 'das/ kyis bka' stsal pa/ rab 'byor/ de ni rigs kyi bu'am/ rigs kyi bu mo chos 'dod pa rnams kyi sngon ma thos pa'i chos thos par 'gyur ba'i snga ltas yin no/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das/ bdag rgyal po'i khab kyi grong khyer chen por bsod snyoms la mchi'o/ /bcom ldan 'das kyis bka' stsal pa/ rab 'byor/ de'i dus la da bab par shes na song zhig /de nas tshe dang ldan pa rab 'byor bcom ldan 'das kyis gnang nas/ bcom ldan 'das </font><hr>318a<br><font size=+1>


@#/ /kyi zhabs la mgo bos phyag btsal te rgyal po'i khab kyi grong khyer chen por bsod snyoms la zhugs so/ /de nas tshe dang ldan pa rab 'byor rgyal po'i khab kyi grong khyer chen por mthar chags su bsod snyoms la rgyu zhing song ba las/ khyim bdag gcig gi gnas ga la ba der song ste phyin nas sgo khang gi nang logs su cang mi smra bar sdod do/ /de nas khyim de'i nang nas bud med mchog gi gzugs dang ldan pa/ blta na sdug pa/ rgyan gyis legs par klu bas te/ nor bu dang / mu tig dang / byu ru dang| gser gyi rgyan gyis brgyan pa/ dpal shin tu 'bar ba/ kha dog rgyas shing mdzes pa dang ldan pa zhig byung ngo / /de nas bud med des tshe dang ldan pa rab 'byor gyi rkang pa la mgo bos phyag btsal nas tshe dang ldan pa rab 'byor la 'di skad ces smras so/ /btsun pa rab 'byor/ khyod ci zhig bzhed pa'i slad du sgo khang 'di na gzhes/ rab 'byor gyis smras pa/ che zhe/ bdag ni bsod snyoms 'dod pa'i phyir sgo gang 'di na sdod do/ /bud med des smras pa/ btsun pa rab 'byor/ khyod la da dung yang bsod snyoms kyi 'du shes 'byung lags sam/ btsun pa rab 'byor/ khyod la da dung yang bsod snyoms kyi 'du shes thugs su ma chud dam/ rab 'byor gyis smras pa/ che zhe/ bdag gis bsod snyoms kyi 'du </font><hr>318b<br><font size=+1>


shes ni khong du chud mod kyi 'on kyang pha ma las skyes pa'i lus 'bras chan dang / zan dron gyis bskyed pa 'di zas med kyi bar du 'tsho bar mi nus so/ /bud med des smras pa/ btsun pa rab 'byor gyis ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang / gzugs 'gag /ming dang / gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas srid pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa 'gag pa mngon sum du ma mdzad dam/ rab 'byor gyis smras pa/ che zhe/ bdag gis 'gog pa mngon sum du byas so/ /smras pa/ btsun pa rab 'byor/ ci zhig ni 'gog par 'gyur/ chos gang ni rab tu bsgom par bgyi/ smras pa/ che zhe/ 'gog pa ni chos gang gi rab tu bsgom par bya ba'ang ma yin no/ /smras pa / btsun pa rab 'byor/ gal te 'gog pa chos gang gi rab tu bsgom pa'ang ma lags na/ btsun pa rab 'byor gyi lus bsod snyoms gyis ji ltar 'tsho bar 'gyur/ smras pa/ che zhe/ </font><hr>319a<br><font size=+1>


@#/ /'gog pa la snyoms par zhugs te tshor ba thams cad bkag pa las langs pa'i lus 'tsho bar byed do/ /smras pa/ btsun pa rab 'byor/ gal te gtan du mya ngan las 'das na khyod kyi lus ji ltar 'tsho ba la 'jug par 'gyur/ smras pa/ che zhe/ bcom ldan 'das kyi nyan thos rnams ni lus 'tsho bar bya ba'i phyir bsod snyoms la rgyu'o/ /smras pa/ de nas bcom ldan 'das kyis btsun pa rab 'byor nyon mongs pa med par gnas pa rnams kyi mchog tu ma bstan tam/ smras pa/ che zhe/ de yin no// smras pa/ ci nyon mongs pa med pa de rgyu ba'am rab tu rgyu ba lags sam/ smras pa/ che zhe/ ma yin no/ smras pa/ 'o na ci'i slad du btsun pa rab 'byor bsod snyoms la rgyu ba mdzad| smras pa/ che zhe/ bdag ni lus che ba'i phyir bsod snyoms la rgyu ba ma yin gyi/ srog gi phyir tsher ba dgag pa'i don du bsod snyoms la rgyu'o/ /smras pa/ btsun pa rab 'byor| da dung yang tshor bas 'phrogs sam/ smras pa/ che zhe/ bdag ni tshor bas mi 'phrogs mod kyi tshor ba dgag pa'i phyir bsod snyoms la rgyu'o/ /smras pa/ btsun pa rab 'byor| nyon mongs pa med pa ni mtshungs pa med pa ste/ de ci'i slad du zhe na/ nyon mongs pa med par gnas pa ni lus dang / sems kyi tshor ba myong ba ma mchis so/ /nyon mongs </font><hr>319b<br><font size=+1>


pa med pa ni lus dang / sems dang / mtshungs par ldan pa ma lags so/ /nyon mongs pa med pa ni dga' ba'am/ mi dga' ba skyed ba mi bgyid do/ /nyon mongs pa med pa ni su la'ang nyon mongs pas nye bar gnas pa ma mchis so/ /gzhan yang / gang gi slad du bcom ldan 'das kyis btsun pa rab 'byor nyon mongs pa med par gnas pa rnams kyi mchog tu bstan na/ ci'i slad du ni nyon mongs pa med pa nyon mongs pa med pa zhes bgyi/ rab 'byor gyis smras pa/ che zhe/ dmigs pa med pa'i nyon mongs pa med pa ni 'dod chags kyi rdul dang bral ba yin no| |smras pa/ btsun pa rab 'byor/ nyon mongs pa med pa'i phyir 'dod chags dang bral bar 'gyur ram/ smras pa/ che zhe/ ma yin no/ /smras pa/ btsun pa rab 'byor/ 'o na nyon mongs pa med pa de ji ltar 'dod chags kyi rdul dang bral bar gyur/ smras pa/ che zhe/ nyon mongs pa med par bstan pa 'di ni bshad pa tsam du zad do/ /smras pa/ btsun pa rab 'byor ci| nyon mongs pa med pa la bshad pa mchis sam/ smras pa/ che zhe/ med do/ smras pa/ btsun ba rab 'byor/ gal te nyon mongs pa med pa la bshad pa ma mchis na ci zhig chad cing bzhugs/ smras pa/ che zhe/ bcom ldan 'das kyi nyan thos rnams ni tha snyad tsam gyis tha snyad du 'dogs par zad do/ /smras pa/ btsun pa rab 'byor/ ji tsam du brjod pa mchis </font><hr>320a<br><font size=+1>


@#/ /pa de tsam du tha snyad 'dogs so/ /ji tsam du tha snyad 'dogs pa de tsam du phyin ci log go /ji tsam du phyin ci log pa de tsam du rtsod par 'gyur ro/ /ji tsam du rtsod pa de tsam du dge sbyong gi chos ma lags so/ /smras pa/ che zhe/ 'o na dag sbyong gi chos gang yin/ smras pa/ btsun pa rab 'byor/ dge sbyong gi chos ni tha snyad ma mchis pa/ phyin ci ma log pa/ rtsod pa ma mchis pa'o/ /dge sbyong gi chos ni chos dang / chos ma lags pa dang bral ba'o/ /dge sbyong gi chos ni chags pa dang / ma chags pa dang bral ba'o/ /dge sbyong gi chos ni yul ma mchis pa dang / yul ma lags pa'o/ /dge sbyong gi chos ni chags pa ma mchis pa dang / ma bcings/ ma grol ba'o/ /dge sbyong gi chos ni sems ma mchis pa ste| sems dang / yid dang / rnam par shes pa dang bral ba'o/ /dge sbyong gi chos ni chog shes pa'o/ /dge sbyong gi chos ni phrag dog dang / chags pa spangs pa'o/ /dge sbyong gi chos ni 'dod pa chung zhing chog shes pa'o/ /dge sbyong gi chos ni 'dod pa thams cad dang bral ba'o/ /dge sbyong gi chos ni yul thams cad las yang dag par 'das pa dang / zhen pa ma mchis pa'o/ /dge sbyong gi chos ni phung po'i bdud las nges par grol ba'o/ /dge sbyong gi chos ni nyon mongs pa ma mchis pa ste/ </font><hr>320b<br><font size=+1>


nyon mongs pa'i bdud las yang dag par 'das pa'o/ /dge sbyong gi chos ni ma skyes pa'o/ /dge sbyong gi chos ni 'chi bdag gi bdud dang bral ba'o/ /dge sbyong gi chos ni g.yo ba ma mchis pa dang / rlom sems ma mchis pa dang / rtogs pa ma mchis pa dang / rnam par ma sgribs pa dang / spyad pa ma lags pa'o/ /dge sbyong gi chos ni bdud kyi yul las yang dag par 'das pa'o| |dge sbyong gi chos ni blang ba ma mchis pa dang / dor ba ma mchis pa'o/ /dge sbyong gi chos ni skye ba dang / 'jig pa dang bral ba'o/ /dge sbyong gi chos ni lha'i bu'i bdud dang ma 'bags pa'o/ /dge sbyong gi chos ni yid la byed pa ma mchis pa dang / thams cad du gos pa ma mchis pa'o/ /dge sbyong gi chos ni mngon par zhen pa ma mchis pa dang / mtshan ma ma mchis pa dang / mtshan ma thams cad dang bral pa'o/ /dge sbyong gi chos ni khams dang / khams ma lags pa'i tshul thams cad kyis bcos pa ma lags pa dang / bgrang ba dang / bral ba dang / gnas ma mchis pa dang / nam mkha' dang mnyam pa'o/ /dge sbyong gi chos bstan pa 'di bshad pa na sgo khang der lha'i bu gang dag chos mnyan pa'i phyir 'dus pa de dag las lha'i bu bzhi stong chos rnams la chos kyi mig rdul med cing dri ma dang bral ba rnam par dag go /rgya chen po la mos pa'i lha'i bu lnga brgya ni bud med de'i spobs pa thos nas bla na med pa yang dag </font><hr>321a<br><font size=+1>


@#/ /par rdzogs pa'i byang chub tu sems skyes so/ /de nas tshe dang ldan pa rab 'byor 'di snyam du sems te/ che zhe 'di 'di ltar spobs pa phun sum tshogs pa dang ldan pa de ni ngo mtshar te/ che zhe 'di'i spobs pa 'di 'dra ba las na 'di ni de bzhin gshegs pa'i sprul pa yin par the tshom med do snyam mo/ /de nas bud med de'i sems kyis tshe dang ldan pa rab 'byor gyi sems shes nas gnas brtan rab 'byor la 'di skad ces smras so/ /btsun pa rab 'byor/ 'di ltar 'di ni de bzhin gshegs pa'i sprul pa yin par the tshom med do snyam du dgongs pa de ni ji ltar dgongs pa de bzhin te/ de ci'i slad du zhe na/ ji ltar de bzhin gshegs pas de bzhin nyid thugs su chud ba de bzhin du bdag gis kyang de bzhin nyid khong du chud de/ des na bdag ni de bzhin gshegs pa'i sprul pa'o/ /de bzhin gshegs pa'i gzugs kyi de bzhin nyid dang / tshor ba dang| 'du shes dang / 'du byed rnams dang / rnam par shes pa'i de bzhin nyid gang lags pa de bdag gi de bzhin nyid kyang de nyid de/ des na bdag ni de bzhin gshegs pa'i sprul pa'o/ /de bzhin gshegs pa'i de bzhin nyid gang lags pa de ni nam yang de bzhin nyid ma lags par mi 'gyur ro/ /bdag gi de bzhin nyid gang lags pa </font><hr>321b<br><font size=+1>


dang / sems can thams cad kyi de bzhin nyid gang lags pa de ni nam yang de bzhin nyid ma lags par mi 'gyur te/ des na bdag ni de bzhin gshegs pa'i sprul ba'o| |de bzhin gshegs pa'i de bzhin nyid gang lags pa de ni res 'ga' de bzhin nyid du 'gyur ba ma lags la bdag gi de bzhin nyid gang lags pa de'ang res 'ga' de bzhin nyid du 'gyur ba ma lags kyi/ rtag tu de bzhin nyid de kho na lags so/ /des na bdag ni de bzhin gshegs pa'i sprul pa'o/ /bdag gi de bzhin nyid gang lags pa dang / sems can thams cad kyi de bzhin nyid gang lags pa dang / chos thams cad kyi de bzhin nyid gang lags pa de ni yang dag pa ji lta ba dang / gzhan ma yin pa de bzhin nyid de/ des na bdag ni de bzhin gshegs pa'i sprul pa'o/ /de nas tshe dang ldan pa rab 'byor gyis bud med de la 'di skad ces smras so/ /che zhe/ ci khyod kyis de bzhin gshegs pa'i mthus bdag gi sems shes sam/ 'on te rang gi shes pas shes/ smras pa/ btsun pa rab 'byor/ nyan thos rnams sam/ rang sangs rgyas rnams sam| byang chub sems dpa' rnams sam/ drang srong mngon par shes pa lnga dang ldan pa gang yang rung ste/ sems can gzhan gyi sems shes pa de dag thams cad ni sangs rgyas kyi </font><hr>322a<br><font size=+1>


@#/ /mthus gzhan gyi sems shes pa lags so/ /de ltar gnas brtan rab 'byor gzhan gyi sems mkhyen pa gang lags pa de'ang sangs rgyas kyi mthus mkhyen pa lags so/ /btsun pa rab 'byor/ dper na/ zla ba dang / nyi ma dang / me dang / nor bu dang / mar me dang / skar ma la brten nas skyes bu mig dang ldan pa rnams kyis gzugs rnams mthong ba de bzhin du/ btsun pa rab 'byor/ ma rig pa'i mun pa ni 'jig rten gnas pa las gang su dag pha rol gyi sems shes pa de dag thams cad ni de bzhin gshegs pa la brten nas shes pa lags so/ /de nas tshe dang ldan pa rab 'byor gyis bud med de la 'di skad ces smras so/ /che zhe/ khyod 'di lta bu'i spobs pa dang ldan pa khyod su yin pa dang / ga las 'ongs pa bdag la ston cig /bud med des smras pa/ btsun pa rab 'byor/ gang zhig de bzhin gshegs pa'i sprul pa la 'dri ste/ rigs kyi bu/ khyod su yin pa dang / ga las 'ongs pa bdag la ston cig ces de skad ces smras na ji skad du lan 'debs par 'gyur/ smras pa/ che zhe/ cung zad kyang lan gdab tu med do/ / smras pa/ btsun pa rab 'byor/ de bzhin du chos thams cad sprul pa'i ngo bo nyid kyi mtshan nyid du shes na bdag gis ci zhig shes su mchis/ gzhan yang / gang zhig btsun pa rab </font><hr>322b<br><font size=+1>


'byor la 'dri ste/ ci khyod so so'i skye bo yin nam/ 'on te slob pa'am/ dgra bcom pa yin zhes de skad smras na lan ji skad gdab/ de nas tshe dang ldan pa rab 'byor sems pa la zhugs te/ che zhe/ 'di'i lan ji skad gdab par bya snyam mo/ /de nas bar snang las btsun pa rab 'byor khyod kyi cung zad ci thob pa'am/ rtogs pa'am/ mngon sum du byas pa'am/ mngon par rtogs pa gang gis dgra bcom pa yin par shes pa de che zhe 'di la ston cig ces sgra byung ngo / /de nas tshe dang ldan pa rab 'byor gyis bar snang de las sgra byung ba thos nas bud med de la 'di skad ces smras so/ /che zhe/ bdag ni so so'i skye bo'ang ma yin/ slob pa'ang ma yin/ dgra bcom pa'ang ma yin no/ /smras pa/ btsun pa rab 'byor/ de bdag gis ji ltar gzung bar bgyi/ smras pa/ che zhe/ de bzhin gshegs pa'i sprul pa'i gdags pa ji lta ba de bzhin du bdag la zungs shig /smras pa/ btsun pa rab 'byor ni dgra bcom pa/ zag pa zad pa| nyon mongs pa med par gnas pa rnams kyi mchog dang / yon gnas zhes bgyi ba lags so/ /smras pa/ che zhe/ bdag ni dgra bcom pa/ zag pa zad pa/ nyon mongs pa med par gnas pa rnams mchog dang / yon gnas ma yin no/ /smras pa/ btsun pa rab 'byor/ de ltar na shes bzhin gyi rdzun gsung bar mi 'gyur ram/ smras pa/ che zhe/ gal te bdag zag pa zad pa/ nyon </font><hr>323a<br><font size=+1>


@#/ /mongs pa med par gnas pa rnams kyi mchog dang / yon gnas yin par 'dzin par gyur na ni de ltar na bdag rdzun smra bar 'gyur na gang gi phyir bdag de ltar mi 'dzin pa de'i phyir bdag ni yang dag par smra ba yin gyi rdzun du smra ba zhes mi bya'o/ /smras pa/ btsun pa rab 'byor/ sgo khang 'dir lha bden pa mthong ba chos mnyan pa'i phyir 'dus pa rnams la slu bar mi 'gyur ram/ smras pa/ che zhe/ bden pa mthong ba gang dag yin pa de dag ni slu bar mi nus so/ /smras pa/ btsun pa| rab 'byor gyis bden pa rnams gzigs sam/ smras pa/ mthong ngo / /smras pa/ gal te bden pa rnams mthong du rung na ni de dag bden pa ma lags par 'gyur ro| |de ci'i slad du zhen/ bden pa rnams ni sus kyang mthong bar mi nus pa'i slad du'o/ /rab 'byor gyis smras pa/ che zhe/ bden pa mthong zhes bya ba de gang gi tshig bla dwags yin/ smras pa/ btsun pa rab 'byor/ bden pa mthong ba zhes bgyi ba de ni chos thams cad mnyam pa nyid du yang dag par mthong ba'i tshig bla dwags so/ / bden pa mthong zhes bgyi ba de ni phyin ci log yang dag par mthong ba'i tshig bla dwags so/ /smras pa/ che zhe/ khyod kyis gang las bsams te de skad smras/ smras pa/ </font><hr>323b<br><font size=+1>


btsun pa rab 'byor/ phyin ci log gis nyon mongs pa kun nas bslang ba gang lags pa de ni bden pa mthong bas skye bar 'gyur te/ des na phyin ci log yang dag par mthong bas bden ba mthong zhes bgyi'o/ /de nas sgo khang der chos mnyan pa'i phyir lha 'dus pa de dag gis gnas brtan rab 'byor la rags pa'i lus bstan nas 'di skad ces smras so/ /btsun pa rab 'byor/ khyod kyis che zhe 'di'i spobs pa thos pa de ni khyod kyis rnyed pa legs par rnyed do/ /sems can gang dag gis bstan pa 'di thos na mos pa de dag kyang rnyed pa legs par rnyed pa yin no/ /gang dag mos pa de dag ni gang las kyang rnam par grol ba med do/ /de ci'i phyir zhe na/ mos pa mang ba rnams ni gang las kyang rnam par grol ba med do| |mos pa mang ba la ni 'ching ba med pas na de ni gang las kyang rnam par grol ba med do/ /de nas bud med des yang tshe dang ldan pa rab 'byor la 'di skad ces smras so/ / btsun pa rab 'byor/ bsod snyoms la rgyur mi bzhud ngam/ bshos bcad de ci bgyi/ smras pa/ che zhe/ bdag gi zas ni 'di yin te chos mnyan pa 'di lta bus chog go / che zhe/ gang chos gos dang / bsod snyoms kyi phyir yid mi bde ba skye ba de ni chos 'dod pa ma yin no/ /gang rnyed pa dang / bkur sti dang / tshigs su bcad pa 'dod pa de ni chos </font><hr>324a<br><font size=+1>


@#/ /'dod pa ma yin no/ /gang lus dang / srog dang / bsod snyoms 'dod pa de ni chos 'dod pa ma yin no/ /gang tha na legs so zhes bya ba 'dod pa de chos 'dod pa ma yin no/ /smras pa/ che zhe/ rigs kyi bu'am/ rigs kyi bu mo dag chos 'dod pa ji lta bu yin/ smras pa/ btsun pa rab 'byor/ gang 'dod pa la mi sred pa de ni chos 'dod pa'o/ /gang mig dang / gzugs mi 'dod pa dang / rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos mi 'dod pa de ni chos 'dod pa'o/ /gang chos ci la'ang mi brten pa de ni chos 'dod pa'o/ /btsun pa rab 'byor/ gzhan yang / gang dag phung po dang / khams dang / skye mched mi 'dod pa de ni chos 'dod pa'o/ /gang 'dod pa dang / gzugs dang / gzugs med pa mi 'dod pa de ni chos 'dod pa'o/ /gang dmigs pa'i mtshan ma la dmigs pa mi 'dod pa de ni chos 'dod pa'o/ /de nas tshe dang ldan pa rab 'byor gyis bud med de la 'di skad ces smras so/ /che zhe/ bzod par gyis shig /bdag sgo khang 'di nas 'gro'o/ /bud med des smras pa/ btsun pa rab 'byor/ dper na/ sa'i khams la bzod pa gsol mi 'tshal ba de bzhin du/ btsun pa rab 'byor/ gang gi sems sa dang 'dra ba de la </font><hr>324b<br><font size=+1>


ni bzod pa gsol mi 'tshal lo/ /btsun pa rab 'byor/ chu la bzod pa gsol mi 'tshal pa de bzhin du gang gi sems chu dang 'dra ba de la ni bzod pa gsol mi 'tshal lo// btsun pa rab 'byor/ me dang / rlung dang / nam mkha' la bzod pa gsol mi 'tshal ba de bzhin du gang gi sems me dang / rlung dang / nam mkha' dang 'dra ba de la ni bzod pa gsol mi 'tshal lo/ /btsun pa rab 'byor/ gru dang / stegs dang / zam pa dang / lam po che la bzod pa gsol mi 'tshal ba de bzhin du/ btsun pa rab 'byor/ gang gi sems gru dang / stegs dang / zam pa dang / lam po che dang 'dra ba de la ni bzod pa gsol mi 'tshal lo/ /btsun pa rab 'byor/ byis pa rnams la bzod pa gsol ba 'tshal gyi 'phags pa rnams la ni bzod pa gsol mi 'tshal lo/ /btsun pa rab 'byor/ gang dag la gnod sems dang / khro ba dang / bag la nyal skye ba dag la ni bzod pa gsol 'tshal gyi/ gang dag la mi skye ba de dag la ni bzod pa gsol ma 'tshal lo/ /btsun pa rab 'byor/ dper na/ me 'bar ba ni zhi bar bgyi 'tshal gyi| me mi 'bar ba ni zhi bar bgyi mi 'tshal ba de bzhin du/ btsun pa rab 'byor/ gang dag gi nyon mongs pa 'bar ba de dag la ni bzod pa gsol 'tshal gyi/ gang </font><hr>325a<br><font size=+1>


@#/ /dag nyon mongs pa med pa de dag la ni bzod pa gsol mi 'tshal lo/ /de nas tshe dang ldan pa rab 'byor gyis bud med de la 'di skad ces smras so/ /che zhe/ khyod ci zhig 'dod na 'di ltar seng ge'i sgra sgrogs/ smras pa/ btsun pa rab 'byor/ gang 'dod pa mchis pa des ni seng+ge'i sgra sgrogs mi nus so| |gang dag ci'ang mi 'dod pa de dag ni seng+ge'i sgra sgrogs par bgyid do/ /de ci'i slad du zhe na/ dmigs pa mchis pa la ni 'dod pa mchis la/ gang la dmigs pa ma mchis pa de la ni seng+ge'i sgra ci'ang ma mchis so/ /'jig tshogs la lta ba mchis pa la ni 'dod pa mchis la/ gang la lta ba'i rnam pa ma mchis pa de la ni seng+ge'i sgra ci'ang ma mchis so/ /btsun pa rab 'byor/ gzhan yang / ci zhig bzhed pa las len pa med par zag pa rnams las sems rnam par grol bar gyur| smras pa/ che zhe/ 'dod pa yod pa la ni rnam par grol ba ci'ang med do/ /smras pa/ btsun pa rab 'byor/ gang bzhed pas len pa med par zag pa rnams las sems rnam par grol ba de bzhin du bdag kyang de lta bu'i 'jug pas zhugs so/ /bdag kyang de lta bu'i rnam par grol ba'i 'jug pas zhugs so/ / </font><hr>325b<br><font size=+1>


bdag kyang de lta bu'i chos kyi dbyings kyi 'jug pas zhugs so/ /de nas tshe dang ldan pa rab 'byor gyis bud med de la 'di skad ces smras so/ /che zhe/ theg pa'i rnam pa gang yin pa rnams dang / rtags gang yin pa rnams dang / mtshan ma gang dag yin pa 'di lta bu dag bdag la ston pa las na/ khyod ni theg pa chen po la yang dag par zhugs pa yin par the tshom med do/ /bud med des smras pa/ btsun pa rab 'byor/ theg pa chen po'i rnam pa rnams dang / rtags rnams dang / mtshan ma rnams mkhyen tam/ smras pa/ che zhe/ nyan thos kyis ni ma thos par theg pa chen po'i rnam pa rnams dang / rtags rnams dang / mtshan ma rnams shes par mi nus kyi/ che zhe| theg pa chen po'i rnam pa rnams dang / rtags rnams dang / mtshan ma rnams shod cig /smras pa/ btsun pa rab 'byor/ theg pa chen po zhes bgyi ba de ni chags pa ma mchis pa'i theg pa dang / sgrib pa ma mchis pa'i ye shes dang / tha dad pa ma mchis pa'i ye shes kyi tshig bla dwags so/ /btsun pa rab 'byor/ dper na/ las su 'gro ba'i lha'i bu rnams dang / zla ba dang / nyi ma'i gzhal med khang rnams ni sems can rnams la snang bar bgyi ba'i slad du chags pa ma mchis pa dang / sgrib </font><hr>326a<br><font size=+1>


@#/ /pa ma mchis pa dang / rgyun mi 'chad par nam mkha' la shugs kyis mchi ba de bzhin du/ btsun pa rab 'byor/ theg pa chen po la yang dag par zhugs pa'i skyes bu dam pa rnams ni sems can thams cad la chos kyi snang ba bgyi ba'i slad du chags pa ma mchis pa dang / sgrib pa ma mchis pa dang / rgyun mi 'chad par pha rol tu phyin pa drug po dag gi shugs kyis mchi'o/ /btsun pa rab 'byor/ dper na/ gling bzhi ni 'khor los bsgyur ba'i rgyal po'i lags te/ de gang dang / gang du mchi ba de dang / der gling bzhi pa'i mi rnams kyis bsten pa'i 'os su 'gyur ba lags la/ 'khor los bsgyur ba'i rgyal po'ang sems can de dag la bsam pa mi mnyam pa'i rnam pa ma mchis te byams par bgyid pa de bzhin du/ btsun pa rab 'byor/ theg pa chen po la yang dag par zhugs pa'i byang chub sems dpa' rnams ni grong dang / grong khyer dang / grong rdal dang / ljongs dang / yul 'khor dang / rgyal po'i pho brang thams cad du gang dang / gang du mchis pa de dang / der sems can thams cad kyis bsten pa'i 'os su gyur pa lags la/ sems can thams cad la sems snyoms shing tha dad du spyod pa ma mchis so/ / </font><hr>326b<br><font size=+1>


byang chub sems dpa' rnams ni bsdu ba rnam bzhis sdud pa na sems can rnams la byams pa tha dad pa ma mchis te/ des na theg pa chen po zhes bgyi'o/ /btsun pa rab 'byor/ theg pa chen po zhes bgyi ba ni theg pa de che ba lags la/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang / mi dang / mi ma yin pa rnams dang / brgya byin dang / tshangs pa dang / 'jig rten skyong ba rnams dang / mkhas pa rnams dang / skyes bu dam pa rnams dang / shes pa rnams dang / yang dag par song ba rnams dang / yang dag par zhugs pa rnams kyis mchod pa lags te/ des na theg pa chen po zhes bgyi'o/ /theg pa de ni ma skyes pa'i phyir mi zad pa'o/ /theg pa de ni sangs rgyas kyi rigs mi 'chad pa'o/ /theg pa de ni chos kyi rigs sdud pa'o/ /theg pa de ni dge 'dun gyi rigs yongs su 'dzin pa'o/ /theg pa de ni sems can thams cad la go skabs 'byed cing sgrib pa med pa'i phyir yangs pa'o/ /theg pa de ni phan ma mchis pa'i phyir 'dus ma byas pa'o/ /theg pa de ni pha rol tu phyin pa drug gis shin tu sbyang ba byas pa'o/ /theg pa de ni bsdu ba rnam bzhis legs par bsdus pa'o/ /theg pa de ni 'phags pa'i </font><hr>327a<br><font size=+1>


@#/ /lam yan lag brgyad pa'i rjes su 'brang ba'i phyir shin tu yang dag par song ba'o/ /theg pa de ni zhi gnas dang / lhag mthong bsgoms pas bzhon pa bzang po ldan pa'o/ /theg pa de ni dran pa nye bar gzhag pa dang / byang chub kyi sems mi brjed pa'i phyir kha lo sgyur ba bzang po'i gnas so/ /theg pa de ni snying rje chen pos shin tu brtan pa'o/ /theg pa de ni thams cad mkhyen pa nyid kyis legs par gnas pa'o/ /theg pa de ni bdud thams cad pham par byas pas 'jigs pa dang bral ba'o/ /theg pa de ni shes rab kyi snang ba yang dag par ston pa'i phyir mun pa dang bral ba'o/ /theg pa de ni dge ba'i rtsa ba thams cad sdud cing gsog pas shin tu 'byor ba'o/ /theg pa de ni lha dang bcas pa'i 'jig rten gyis phyag bgyis pa'o/ /theg pa de ni phas kyi rgol ba thams cad kyis mi rdzi ba'o/ /theg pa de ni nyan thos dang rang sangs rgyas thams cad kyis rtogs par dka' ba'o/ /theg pa de ni ma dad pa rnams dga' bar bgyid pa'o/ /theg pa de ni sdang ba rnams byams par bgyid pa'o/ /theg pa de ni ser sna can rnams kyi gtong ba bgyid pa'o/ /theg pa de ni tshul khrims 'chal ba rnams kyi tshul khrims bgyid pa'o/ /theg pa de ni gnod </font><hr>327b<br><font size=+1>


sems kyi sems dang ldan pa rnams kyi bzod pa bgyid pa'o/ /theg pa de ni le lo can rnams kyi brtson 'grus bgyid pa'o/ /theg pa de ni brjed ngas pa rnams dran par bgyid pa'o/ /theg pa de ni sems rnam par g.yengs pa rnams nye bar zhi bar bgyid pa'o/ /theg pa de ni shes rab 'chal ba rnams kyi shes rab bgyid pa'o/ /theg pa de ni dbul po rnams kyi nor bgyid pa'o/ /theg pa de ni sdug bsngal rnams bde bar bgyid pa'o/ /theg pa de ni mkhas pa rnams mchog tu dga' bar bgyid pa'o/ / theg pa de ni shes pa rnams dang bar bgyis pa ste/ des na theg pa chen po zhes bgyi'o/ /de nas tshe dang ldan pa rab 'byor gyis bud med de la 'di skad ces smras so/ / che zhe/ khyod kyis theg pa chen po'i rnam pa rnams dang / rtags rnams dang / mtshan ma rnams legs par smras so/ /bud med nges smras pa/ btsun pa rab 'byor/ theg pa chen po'i rnam pa rnams dang / rtags rnams dang / mtshan ma rnams ni bskal pa'am/ de bas ches lhag par bdag gis bshad du lags kyang mthar phyin par mi 'gyur ro/ /btsun pa rab 'byor/ theg pa chen po ji ltar tshad ma mchis pa de bzhin du rnam pa rnams dang / rtags rnams dang / mtshan ma rnams kyang tshad ma mchis </font><hr>328a<br><font size=+1>


@#/ /so| |tshe dang ldan pa rab 'byor gyis bud med de la gzhan yang 'di skad ces smras so/ /che zhe/ khyod kyis bdag la khyod ci zhig 'dod de bsod snyoms la rgyu bar byed ces glags btsal ba de ni de bzhin gshegs pa chos kyi mnga' bdag nyid kyang bsod snyoms la rgyu ba mdzad na khyod kyis de bzhin gshegs pa la'ang de'i glags btsal lam/ bud med des smras pa/ btsun pa rab 'byor/ gal te de bzhin gshegs pa thabs gang gis bsod snyoms la rgyu ba mdzad pa mkhyen pa lta na de spobs par mdzod cig /rab 'byor gyis smras pa/ che zhe/ de bzhin gshegs pa thabs ji lta bu zhig gis bsod snyoms la rgyu ba mdzad/ bud med des smras pa/ btsun pa rab 'byor/ de bzhin gshegs pa ni don gyi dbang nyi shu rtsa gcig gzigs nas bsod snyoms la rgyu ba mdzad de/ nyi shu rtsa gcig po gang zhe na/ gzugs kyi sku bzang po bstan pa'i phyir de bzhin gshegs pa bsod snyoms la rgyu ba mdzad de/ der sems can gang dag gis de bzhin gshegs pa'i sku skyes bu chen po'i mtshan sum cu rtsa gnyis kyis brgyan pa rnam pa thams cad kyi mchog dang ldan pa mthong ba de dag /de bzhin gshegs pa'i gzugs kyi </font><hr>328b<br><font size=+1>


sku'i mtshan thob par bgyi ba'i phyir bla na med pa yang dag par rdzogs pa'i byang chub tu sems skyed par bgyid do/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa grong dang / grong khyer du bsod snyoms la gshegs na sems can long ba rnams kyis ni gzugs rnams mthong bar 'gyur/ sems can 'on pa rnams kyis ni sgra thos par 'gyur/ sems can smyon pa rnams kyis ni dran pa rnyed par 'gyur/ sems can gcer bu rnams kyis ni gos rnyed par 'gyur/ sems can bkres pa rnams kyis ni zas rnyed par 'gyur/ sems can skom pa rnams kyis ni btung brnyed par 'gyur la/ sems can su la'ang 'dod chags sam/ zhe sdang ngam/ gti mug dang / phrag dog dang / ser sna dang / khro ba dang / rgyags pa dang / 'tshab pa dang / yongs su gdung ba'i gnod pa ma mchis so/ /sems can thams cad byams pa'i sems dang ldan te/ gcig la gcig pha ma'i 'du shes bskyed par 'gyur te/ der sems can mang pos de bzhin gshegs pa grong dang / grong khyer du gshegs pa'i yon tan phun sum tshogs pa de mthong nas </font><hr>329a<br><font size=+1>


@#/ /bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa ni grong dang / grong khyer dang / grong rdal du gshegs na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams mchod pa'i las bgyi ba'i slad du phyi bzhin du 'brang ste/ der sangs rgyas kyi mthus mi rnams kyis lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams bcom ldan 'das la mchod par bgyid pa mthong nas de dag de bzhin gshegs pa la 'dod pa skye ste/ de bzhin gshegs pa ni ngo mtshar che ba nas rmad du byung ba'i bar gyi chos dang ldan no snyam ste/ de dag gis de bzhin gshegs pa la 'dod pa bskyed nas bla na med pa yang dag par rdzogs pa'i </font><hr>329b<br><font size=+1>


byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa bsod snyoms la rgyu ba mthong nas sems can dpag tu med pa longs spyod dang / dbang phyug gi rgyags shing myos pa dang / gzugs dang / rigs dang / 'tsho ba dang / nad med pas rgyags shing myos pa 'di rnams 'di snyam du sems te/ 'di 'khor los bsgyur ba'i rgyal srid bor nas rab tu byung zhing bsod snyoms la rgyu zhes grag ste/ des kyang 'di ltar nga rgyal bcom na/ kye ma/ bdag cag gis kyang nga rgyal gzhom par bya'o snyam ste/ de dag gis de lta bu mthong nas bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa grong dang / grong khyer du bsod snyoms la rgyu ba na lha gzi byin che ba gzi byin che ba rnams kyis dgongs pa la bltas nas/ 'di skad du/ 'di la ni bkres pa dang / skom pa'i gnod pa'ang med la/ lus nyam chung ba'ang med </font><hr>330a<br><font size=+1>


@#/ /kyi| sems can rnams la snying brtse ba ched cher byas nas bsod snyoms la rgyu bar byed kyi/ bdag cag kyang de bzhin du sems can rnams la snying brtse ba ched cher bya ba'i sems kyis bsod snyoms la rgyu bar bya'o zhes smra zhing de dag gis de lta bu mthong nas bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / sems can le lo can snyoms las can de bzhin gshegs pa la blta ba dang / phyag 'tshal ba dang / bsnyen bkur bgyi ba'i slad du mi mchi ba de dag de bzhin gshegs pa grong dang / grong khyer du gshegs na 'bad mi 'tshal bar mthong bar 'gyur la/ mthong nas kyang dga' ba dang / mchog tu dga' ba chen po thob par 'gyur te/ dga' ba dang / mchog tu dga' ba thob nas kyang bla na med pa yang dag par rdzogs pa'i byang chub tu sems bskyed par bgyid de/ btsun par rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun </font><hr>330b<br><font size=+1>


pa rab 'byor/ gzhan yang / sangs rgyas bcom ldan 'das rnams ni mthong na don yod pa ste/ tha na sems can gang dag gis sems kyi skad cig gcig tsam la zhi ba'i mig gis de bzhin gshegs pa mthong na'ang de 'ba' zhig gis kyang de dag thams cad kyi yongs su mya ngan las 'da' bar 'gyur ba'i bar gyi rgyur 'gyur te/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa grong dang / grong khyer du gshegs na sems can bcing bas bcings pa rnams bcing ba las grol bar 'gyur la/ de dag gis de bzhin gshegs pa'i mthus bdag cag bcing ba 'di dag las grol bar gyur to zhes shes te/ de bzhin gshegs pa la byas pa gzo ba dang / byas pa tshor bar gyur nas bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs bas don gyi dbang de gzigs nas bsod snyoms la rgyu ba mdzad do| |btsun pa rab 'byor/ gzhan yang / rigs kyi bu'am/ rigs kyi pu mo de bzhin gshegs pa'i yon tan bsngags pa thos na/ kye ma ma la/ bdag cag gis de </font><hr>331a<br><font size=+1>


@#/ /bzhin gshegs pa la bsod snyoms dbul bar bya'o/ /chos gos dbul ba dang / mchod pa dang / bkur stir bya ba ci'ang rung bas mchod pa bya'o/ / snyam du sems pa de lta bu dag mchis la de dag las kyang mas bsrungs pa'am/ phas bsrungs pa'am/ ming pos bsrungs pa'am/ phu nu mos bsrungs pa'am/ khyim thabs kyis bsrungs pa'am/ mdza' bos bsrungs pa rnams de dang / de'i rkyen gyis de bzhin gshegs pa'i thad du mchi mi nus te/ de dag gis de bzhin gshegs pa grong dang| grong khyer du gshegs pa mthong na tshim zhing mgu la rab tu dga' zhing dga' ba dang / yid bde ba skyes nas de bzhin gshegs pa la bsod snyoms dbul bar bgyid do| |phul nas kyang bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa la rgyal chen bzhi'i ris kyi lha rnams kyis lhung bzed phul nas de bzhin gshegs pas bzhes pa mchis te/ der sems can longs spyod chung ba dang / chung du sbyin par 'tshal ba gang dag lags pa de dag gis ni de bzhin gshegs pa'i </font><hr>331b<br><font size=+1>


lhung bzed gang bar mthong ngo / /sems can longs spyod che zhing mang du sbyin par 'tshal ba gang dag lags pa de dag gis ni de bzhin gshegs pa'i lhur bzed ma gang bar mthong nas de dag gis ji tsam dgos pa phul te/ lhung bzed gang bar bgyis nas bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa'i lhung bzed kyi nang du bca' ba dang / bza' ba dang / myang bar bya ba ro brgya dang ldan pa blugs na/ bca' ba dang / bza' ba dang / myang bar bya ba de dag 'dre bar mi 'gyur te/ ji ltar snod tha dad pa'i nang na mchis pa de kho na bzhin du mchis te/ der lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po mang po dag gis de bzhin gshegs pa'i lhung bzed kyi cho 'phrul de lta bu mthong nas bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / </font><hr>332a<br><font size=+1>


@#/ /bzhin gshegs pa'i lhung bzed kyi nang du dge slong thams cad kyi zas blugs kyang des lhung bzed de ma gang pa'am/ gang bar yang mi 'gyur te/ der lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po mang po dag gis de bzhin gshegs pa'i lhung bzed kyi cho 'phrul de lta bu mthong ste ngo mtshar du gyur nas bla na med pa yang dag par rdzogs pa'i byang chub tu sems bskyed par bgyid de/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa'i sku ni gcig tu mkhregs shing khong stong ma lags la rdo rje ltar mkhregs pa ste/ de bzhin gshegs pa'i sku la pho pa'am/ long ka'ang mi mnga'/ phyi sa'ang mi mnga'/ gcin yang mi mnga' mod kyi/ 'on kyang bsod snyoms la rgyu ba dang / bshos gsol ba de ltar yang gda' la khong du chud pa'ang mi mnga' ste/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa </font><hr>332b<br><font size=+1>


mang po dag gis de mthong nas bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa grong dang / grong khyer du gshegs na sems can mang po dag gis bsod snyoms mang po'am/ nyung ngu'am/ bzang po'am/ ngan pa'ang rung ste dbul bar bgyid la/ sems can de dag gis kyang de bzhin gshegs pa la bskyed pa'i yon tan rnams mthar thug par bgyid mi nus te/ lha dang / mi rnams kyi phun sum tshogs pa mang po dag kyang nyams su myong bar 'gyur la/ yon tan de'ang yongs su mya ngan las 'da' bar 'gyur ba'i bar du bas par mi 'gyur te/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa ni rtag tu mnyam par bzhag pa ste ting nge 'dzin las nyams pa mi mnga' la/ der tshangs pa'am/ de ma yin pa'i gzugs na spyod pa'i lha gzi byin che ba gzi byin che ba rnams kyis de bzhin gshegs pa bsod snyoms la rgyu zhing ting nge 'dzin las kyang mi g.yo ba mthong na de dag 'di </font><hr>333a<br><font size=+1>


@#/ /snyam du sems te/ 'di ni sems can gyi don la brtson pa yin gyi/ zas 'dod pa ma yin par the tshom med do snyam nas/ de dag dga' ba thob nas bla na med pa yang dag par rdzogs pa'i byang chub tu sems bskyed par bgyid de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gal te de bzhin gshegs pa bsod snyoms la rgyu ba mi mdzad de/ zhal zas kyang mi gsol bar gyur na ni de lta na rigs kyi bu dang / rigs kyi bu mo legs par gsungs pa'i chos 'dul ba la khyim nas khyim med par rab tu byung ba de dag kyang zas mi bza' ba la zhugs te bdag cag kyang bsod snyoms la rgyu bar mi bya/ zas kyang bza' bar mi bya'o snyam nas de dag bkres shing nyam chung bar gyur pas khyad par thob par rtogs par mi nus te/ de dag gis ma 'ongs pa na khyad par thob pa'i bsam pa rdzogs par mdzad pa'i phyir yang de bzhin gshegs pa bsod snyoms la rgyu zhing gsol bar mdzad de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de </font><hr>333b<br><font size=+1>


bzhin gshegs pa ni 'phags pa'i rigs rnams yang dag par yongs su gzung ba'i phyir bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa ni skye bo phyi ma rnams la thugs brtse ba'i phyir bsod snyoms la rgyu ste/ phyi ma'i dus na bram ze dang / khyim bdag ma dad pa rnams/ 'di skad du/ gal te 'di dag gi ston pa nyid kyis kyang bsod snyoms la rgyu ba ma byas na 'di dag ci'i phyir bsod snyoms la rgyu bar byed ces de dag dge slong dang / dge slong ma rnams la shas cher mi dga' bar mi 'gyur bar bya ba'i phyir ro/ /de bas na de dag kyang 'di snyam du sems te/ 'di dag gi ston pas kyang bsod snyoms la rgyu bar byas na 'di dag ci'i phyir bsod snyoms la rgyu ba mi byed snyam ste/ de dag gis bsngags pa'ang brjod par bgyid la/ bsod snyoms kyang ster bar 'gyur te/ 'di skad du| bsod snyoms la rgyu ba 'di ni gtsug lag las 'byung ba'i bsod snyoms yin no/ /spyod pa 'di ni de bzhin gshegs pas bsngags pa yin no zhes kyang smra bar 'gyur te/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / rgyal po </font><hr>334a<br><font size=+1>


@#/ /dang / blon po dang / bram ze dang / khyim bdag dang / blon po'i bu rnams las legs par gsungs pa'i chos 'dul ba la dad pas khyim nas khyim med par rab tu byung ba de dag bdag cag ni 'di ltar rigs chen por skyes pa yin na zas kyi phyir khyim nas khyim du bsod snyoms la ci'i phyir rgyu bar bya snyam ste/ ngo tsha nas bsod snyoms la rgyu bar mi bgyid pa de dag de bzhin gshegs pa'i bsod snyoms dang / gzi byin dang ldan pa'i sku'i rjes su slob cing bsod snyoms la rgyu bar 'gyur te/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa rnams kyis ni 'jig rten dang mthun par mdzad 'tshal te/ ji lta ji ltar sems can rnams yongs su smin par 'gyur ba de lta de ltar mthun par mdzad de/ btsun pa rab 'byor/ de bzhin gshegs pas don gyi dbang de gzigs nas bsod snyoms la rgyu ba mdzad do/ /btsun pa rab 'byor/ gzhan yang / de bzhin gshegs pa la ni sgrib pa'am/ skyems pa'ang mi mnga'/ nyam chung ba'ang mi mnga'/ chags pa'ang mi mnga'/ chags par 'gyur ba'ang mi mnga'/ sdig </font><hr>334b<br><font size=+1>


pa bzhed pa'ang ma lags/ gsog pa'ang mi mnga' mod kyi 'on kyang de bzhin gshegs pa dgra bcom pa yang dag par rdzogs pa'i sangs rgyas ni 'jig rten dang mthun par mdzad pa dang / sems can yongs su smin par mdzad pa'i slad du bsod snyoms la rgyu ba mdzad de/ btsun pa rab 'byor/ de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang de gzigs nas bsod snyoms la rgyu ba mdzad na/ btsun pa rab 'byor/ de lta bu'i thabs dang / de lta bu'i snying rje chen po dang / de lta bu'i don yongs su dag pa su bsod snyoms la rgyu bar spyod dam/ smras pa/ che zhe/ bdag gis ni 'di mi nus te/ che zhe/ dper na/ khyi dang / byi la thams cad kyis ri'i rgyal po ri rab gzhig par mi nus pa dang / wa thams cad kyis ri dwags kyi rgyal po seng+ge la bskal pa'i bar du'ang mthu rtsal lam/ sgra bsgrags pa bstan par mi nus pa de bzhin du/ che zhe/ nyan thos dang / rang sangs rgyas thams cad kyis de bzhin gshegs pa la spyod pa'am/ thabs sam/ snying rje chen po bstan par mi nus so/ /de bzhin gshegs pa'i thabs la mkhas pa dang / bsod snyoms la rgyu ba'i gtam bstan pa 'di bshad pa na khyim bdag de'i nang mi de dag dang / khyim </font><hr>335a<br><font size=+1>


@#/ /gzhan dag nas chos mnyan du 'ongs pa rnams kyi nang nas mi nyis stong brgyad brgyas bla na med pa yang dag par rdzogs pa'i byang chub tu sems bskyed do/ /de nas tshe dang ldan pa rab 'byor gyis bud med de la 'di skad ces smras so/ /che zhe/ khyod kyi khyim thab da lta ga la 'dug /bud med des smras pa / btsun pa rab 'byor/ bdag gi khyim thab ni gcig pur ma bas so/ /de ci'i slad du zhe na/ btsun pa rab 'byor/ sems can ji snyed dga' ba bkod pa'i thabs la mkhas pas 'dul bar 'gyur ba de dag thams cad ni bdag gi khyim thab lags so/ /smras pa/ che zhe/ de bzhin gshegs pas ni su la'ang 'dod pa'i dga' ba gnang ba med do/ /smras pa/ btsun pa rab 'byor/ de bzhin gshegs pas ni dge slong gang rkyen dang 'tsham pa'i chos gos dang / bsod snyoms dang / mal cha dang / stan dang / na ba'i gso sman dang / sman zong dang / mdza' bshes kyi khyim dang / bsod snyoms ster ba'i khyim bstan cing bsnyen pa dang / grogs po dga' bar bya ba dang / mkhan po dang / slob dpon bsten pa dang / bsnyen pa dang / bsnyen bkur bya ba kun tu bsten par byed pa de la'ang dge ba'i chos 'phel bar </font><hr>335b<br><font size=+1>


'gyur ba dang / mi dge ba'i chos 'grib par 'gyur ba gsungs so/ /smras pa/ che zhe/ de ni khyod ji skad zer ba bzhin no/ /smras pa/ btsun pa rab 'byor/ de bas ni de bzhin gshegs pas ni thabs de lta bus sems can rnams la 'dod pa'i dga' ba thams cad gnang ngo / /smras pa/ che zhe/ khyod kyis dga' ba bkod pa'i thabs la mkhas pas sems can ji snyed btul/ smras pa/ btsun pa rab 'byor/ stong gsum gyi stong chen po'i 'jig rten gyi khams kyi skar ma'i gzugs rnams ni bgrang ba'i tshul gyis mtha' rtogs par nus kyi/ bdag gis dga' ba bkod pa'i thabs la mkhas pas sems can btul te/ btul nas kyang bla na med pa yang dag par rdzogs pa'i byang chub la bkod pa gang dag lags pa de dag la ni de ltar mi nus so/ /smras pa/ che zhe/ khyod sems can de dag la dga' ba ji lta bu dag stobs par byed/ bud med des smras pa/ btsun pa rab 'byor/ sems can tshangs pa'i dga' ba la mos pa dag kyang mchis te/ btsun pa rab 'byor/ de dag la ni bdag tshangs par 'gyur ba thob par bgyi ba'i slad du tshad med pa'i bsam gtan gyi dga' ba stobs par bgyid de/ bstabs nas kyang de'i 'og tu bla na med pa yang dag par rdzogs pa'i byang </font><hr>336a<br><font size=+1>


@#/ /chub la 'dzud par bgyid do/ /btsun pa rab 'byor/ sems can brgya byin gyi dga' ba la mos pa dag kyang mchis te/ de dag la ni bdag brgya byin gyi dga' ba stobs par bgyid do/ /bstabs nas kyang bla na med pa yang dag par rdzogs pa'i byang chub la 'dzud par bgyid do/ /btsun pa rab 'byor/ sems can lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i dga' ba la mos pa dag kyang mchis te/ de dag la ni bdag lto 'phye chen po'i bar gyi dga' ba stobs par bgyid de/ bstabs nas kyang bla na med pa yang dag par rdzogs pa'i byang chub la 'dzud par bgyid do| |btsun pa rab 'byor/ sems can 'khor los bsgyur ba'i rgyal srid kyi dga' ba la mos pa dag kyang mchis so/ /blon po dang / grong rdal gyi mi dang / yul gyi mi dang / bram ze dang / rgyal rigs dang / rje'u rigs dang / dmangs rigs kyi dga' ba la mos pa dag kyang mchis so/ /sems can gzugs dang / sgra dang / dri dang| ro dang / reg pa'i dga' ba la mos pa dag kyang mchis so/ /sems can me tog dang / bdug pa dang / spos dang / me tog phreng ba dang / byug pa dang / phye ma </font><hr>336b<br><font size=+1>


dang| gdugs dang / rgyal mtshan dang / ba dan dang / rnga yab kyi dga' ba la mos pa dag kyang mchis so/ /sems can gser dang / dngul dang / nor bu dang / mu tig dang / baiDU R+Ya dang / dung dang / man shel dang / shel dang / mu tig dmar po dang / byu ru dang / rdo'i snying po dang / spug dang / rin po che rnam pa sna tshogs kyi dga' ba la mos pa dag kyang mchis so/ /sems can rnga bo che dang / rdza rnga dang / dung dang / 'khar rnga dang / pi wang dang / gling bu dang / rol mo'i sgra rnam pa sna tshogs kyi dga' ba la mos pa dag kyang mchis te/ btsun pa rab 'byor/ sems can de dag la'ang bdag gis bsam pa thams cad dang / dga' ba dang / rtsed mo thams cad stobs par bgyid de/ bstabs nas kyang bla na med pa yang dag par rdzogs pa'i byang chub la 'dzud par bgyid do/ /rab 'byor gyis smras pa/ che zhe/ 'dod pa'i yon tan lnga ni 'phags pa'i lam gyi bar du gcod pa yin na/ ji ltar de dag bstabs pas 'dul bar 'gyur te gnas 'di phan tshun mi mthun pa yin no/ /che zhe/ byang chub sems dpa' sems dpa' chen po rnams 'phags pa'i lam la bar du gcod par byed pa'i chos gang kho na yin pa de dag nyid kyis sems can </font><hr>337a<br><font size=+1>


@#/ /rnams 'dul bar byed pa ni dka' bar byed pa ste ngo mtshar to// //bam po gnyis pa ste tha ma/ de nas bud med des dga' ba bkod pa'i thabs la mkhas pas bla na med pa yang dag par rdzogs pa'i byang chub tu yongs su smin par byas pa'i tshong dpon gyi bu gnyis chos mnyan pa'i phyir sgo khang der 'dus par gyur te/ de gnyis kyis tshe dang ldan pa rab 'byor la 'di skad ces smras so/ /btsun pa rab 'byor/ rang gi shes rab kyis byang chub sems dpa'i shes rab sad par ma mdzad cig /de ci'i slad du zhe na/ btsun pa rab 'byor/ 'di ji snyam du dgongs/ 'bru mar gyi mar me chung du gang lags pa de kha'i dbugs sam| lag pas g.yabs pa'am/ gos kyis g.yabs pa'i rlung gis zhi bar mdzad spyod dam/ smras pa/ rigs kyi bu dag/ 'bru mar gyi mar me chung du gang yin pa de ni kha'i dbugs sam/ lag pas g.yabs pa'am/ gos kyis g.yabs pa'i rlung gis zhi bar byed nus so/ /de gnyis kyis smras pa/ btsun pa rab 'byor/ de bzhin du nyan thos kyi theg pa pa'i rigs kyi bu'am/ rigs kyi bu mo'i shes rab kyi snang ba dang / bsod nams kyi snang ba chung du de ni 'dod pa'i rtogs pa gcig gis kyang ma </font><hr>337b<br><font size=+1>


mchis par bgyid do/ /btsun pa rab 'byor/ 'di ji snyam du dgongs/ sreg pa'i ba skal pa'i me'i phung po gang lags pa de gang+gA'i klung chus gang bas zhi bar mdzad spyod dam/ smras pa/ rigs kyi bu dag /de ni rgya mtsho 'bum gyis kyang zhi bar mi nus na gang+gA klung chus yongs su gang bas lta ci smos/ de gnyis kyis smras pa/ btsun pa rab 'byor/ de bzhin du byang chub sems dpa' sems dpa' chen po'i shes rab kyi snang ba dang / bsod nams kyi snang ba'ang de dang 'dra bar blta bar bgyi'o/ /btsun pa rab 'byor/ gal te byang chub sems dpa' sems dpa' chen po bskal pa gang+gA'i klung gi bye ma snyed du 'dod pa'i yon tan lngas rtse zhing dga' la dga' mgur spyod kyang / de dag gis byang chub sems dpa'i shes rab kyi snang ba dang / bsod nams kyi snang ba zad par mi nus so/ /btsun pa rab 'byor/ dper na/ mi dbul po nad pa gso zhing nad zhi bar bgyi ba'i slad du sman pas sman mngar ba dang / skyur ba dang / lan tshwa'i ro dang / tsha ba dang / kha ba dang / bska ba las mod pa dang / rin chung ba gang lags pa de dag stsol bar bgyid de| des kyang bdag bde ba nyams su myong bar bgyi ba'i slad du de dag bsten par bgyid do/ /de dag bsten pas nad chung ba'i slad du nad de las thar bar 'gyur ba de bzhin </font><hr>338a<br><font size=+1>


@#/ /du| btsun pa rab 'byor/ nyan thos kyi theg pa pa sbyangs pa'i yon tan dang / yo byad bsnyungs pa dang / 'dod pa nyung ba dang / dgon pa na gnas pa dang / chog shes pa dang / longs spyod chung ba dang / bya ba nyung bas sdug bsngal thams cad nyams su myong nas/ de'i 'og tu len pa med par yongs su mya ngan las 'da' bar 'gyur te/ btsun pa rab 'byor/ rnam grangs des kyang khyod kyis 'di ltar rig par bgyi ste/ ji ltar mi dbul po gso ba de bzhin du nyan thos kyi theg pa pa'i rnam par grol ba'ang de dang 'dra bar blta bar bgyi'o/ /btsun pa rab 'byor/ dper na/ rgyal rigs kyi rgyal po spyi bo nas dbang bskur ba nad pa gso ba'i phyir sman pas rgyal po la 'os pa'i sman kha dog phun sum tshogs pa dang / dri phun sum tshogs pa dang / ro phun sum tshogs pa dang / khar bcug na'ang zhim la ltor song na'ang bde ba de lta bu legs par sbyar nas sbyin par bgyid de rgyal po la 'os pa'i khu bcud do cog kyang de la sbyin par bgyid do/ /rgyal po de yid mi bde bar mi 'gyur bar bgyi ba'i slad du'ang me tog dang / bdug pa dang / spos dang / me tog phreng dang / byug pa rnams de la 'bul bar bgyid do/ /sil snyan </font><hr>338b<br><font size=+1>


dang| pheg rdob pa rnams kyang de dang mthun par sbyor zhing glu len par bgyid do/ /de ji tsam du dga' ba rnam pa sna tshogs de dag gis dga' bar gyur pa de tsam du nad de las thar bar 'gyur ba de bzhin du/ btsun pa rab 'byor/ byang chub sems dpa' kha cig dga' ba bkod pa'i thabs la mkhas pas dga' ba thams cad kyang myong ba/ bde ba thams cad dang ldan pa'i theg pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu dag kyang mchis te/ btsun pa rab 'byor/ rnam grangs des kyang khyod kyis 'di ltar rig par bgyi ste/ ji ltar rgyal po gso ba de bzhin du byang chub sems dpa'i ye shes mngon par rtogs pa'ang de dang 'dra bar lta bar bgyi'o/ /btsun pa rab 'byor/ gzhan yang / 'dod pa'i yon tan lnga'ang rtsa ba ma mchis pa dang / gnas ma mchis pa lags la/ thams cad mkhyen pa nyid kyang rtsa ba ma mchis pa dang / gnas ma mchis pa lags te/ de lta bur bzod pa gang lags pa des ni bdag gis bya ba ni gang yin/ mi bya ba ni gang yin snyam du rang gis 'tshal to/ /'dod pa'i yon tan lnga mi dmigs pa lags te/ gang gis de lta bur bzod pa des ni lam ni gang yin/ lam ngan pa ni </font><hr>339a<br><font size=+1>


@#/ /gang yin snyam du rang gis 'tshal to/ /'dod pa'i yon tan lnga'ang stong la thams cad mkhyen pa nyid kyang stong ste/ gang gis de lta bur bzod par ni 'dod pa rnams las bzlog mi 'tshal te/ de ni rang nyid kyis 'dod pa rnams la smod par bgyid de bsten par mi bgyid do/ /de nas tshe dang ldan pa rab 'byor gyis tshong dpon gyi bu de gnyis la 'di skad ces smras so/ /che zhe 'di rigs kyi bu khyed gnyis kyi cir 'ong / de nas tshong dpon gyi bu de gnyis kyis de'i tshe tshe dang ldan pa rab 'byor la thal mo sbyar nas tshigs su bcad pa 'di dag smras so/ /'di ni pha lags ma yang lags/ /'di ni mdza' bo grogs mchog 'di/ /'di ni khyo lags mkhas pa lags/ /'di ni ston pa bla na med/ /'di ni nyid kyi mthu stobs kyi/ /'di ni yongs su grol bar bgyis/ /'di ni de bzhin nyid ldan pas/ /sdug bsngal 'ching las bdag cag bkrol/ /'di ni chos kun ston pa ste/ /rigs pa kun gyis rnam par rtogs/ /bdag cag gnyis ni dga' byin nas/ /'chi ba med la legs par btsud/ / ji ltar nya ni shas g.yogs pa'i/ /mchil pa yis ni bzung ba ltar/ /'dis ni thabs kyis bdag cag gnyis/ /bsod nams brgyas ni bcus pas gyur/ / </font><hr>339b<br><font size=+1>


gdug pa'i sprul gyis zin pa yi/ /dug ni dug gis zhi bgyid ltar/ /de bzhin 'dis ni bdag cag gi /'dod chags dug ni dug gis bcom/ /ji ltar mi ni mes 'tshig pa| |me yis bsros na zhing ltar/ /de bzhin rang gi nyon mongs gdung / /nyon mongs rnams kyis yongs su bkrol/ /bdag cag gnyis kyis dam chos rtogs/ /'dod pa bdag cag gnyis mi 'tshal/ /byis pa gang dag 'dod pa 'tshal/ /de dag byang chub 'dod ma lags/ /'jig rten 'dod par gsungs pa rnams/ /de dag 'jigs chen gshed ma ste/ /de dag nyid ni yongs rtogs pa/ /mkhas pa rnams kyi grol ba lags/ /de nas tshe dang ldan pa rab 'byor gyis bud med de la 'di skad ces smras so/ /che zhe| ci khyod kyis rigs kyi bu rnams kho na dga' ba bkod pa'i thabs la mkhas pa 'dis 'dul bar byed dam/ 'on te rigs kyi bu mo dag kyang 'dul bar byed/ smras pa/ btsun pa rab 'byor/ bdag gis ni dga' ba bkod pa'i thabs la mkhas pas sems can thams cad gang yang 'dul bar mi bgyid pa ma mchis te/ btsun pa rab 'byor| bud med kyi sems ni lhag par yang dga' ba la sred pas na bdag gis ni bud med ches mang du dga' ba bkod pa'i thabs la mkhas pas btul gyi skyes </font><hr>340a<br><font size=+1>


@#/ /pa dag ni de lta ma lags so/ /smras pa/ che zhe/ khyod kyis ji ltar bud med kyi gzugs kyis bud med 'dul bar byed/ de nas bud med des de'i tshe skyes pa lo nyi shu rtsa gnyis lon pa/ gos gtsang ma srab mo bgos pa/ skyes pa'i rgyan gyis brgyan pa/ mdzes shing blta na sdug la kha dog rgyas pa mchog dang ldan pa ci 'dra ba de lta bur snang bar byas nas des smras pa/ btsun pa rab 'byor/ bud med ni gzugs kyi lus 'di lta bus 'dul bar 'gyur ro/ /de nas tshe dang ldan pa rab 'byor gyis rigs kyi bu de la 'di skad ces smras so/ /ci khyod bud med yin nam/ 'on te skyes pa yin/ des smras pa/ btsun pa rab 'byor/ ci khyod so so'i skye bo'am/ 'on te slob pa lags/ smras pa/ rigs kyi bu/ bdag ni so so'i skye bo'ang ma yin/ slob pa'ang ma yin no/ /smras pa/ btsun pa rab 'byor/ bdag kyang de bzhin te/ bud med kyang ma lags/ skyes pa'ang ma lags so/ /rab 'byor gyis smras pa/ gal te khyod skyes pa'ang ma yin/ bud med kyang ma yin na bdag gis khyod ji ltar gzung bar bya/ smras pa/ gal te btsun pa so so'i skye bo'ang ma lags/ slob pa'ang ma lags na bdag gis khyod ji ltar gzung bar </font><hr>340b<br><font size=+1>


bgyi/ de nas tshe dang ldan pa rab 'byor 'di snyam du sems te/ kye ma byang chub sems dpa' 'di ni shes rab zab mo dang ldan te/ gal te bdag gis brtsams na ni yang bdag la 'dri bar 'ong ngo snyam mo/ /de nas rigs kyi bu des tshe dang ldan pa rab 'byor gyi sems sems kyis brtags nas tshe dang ldan pa rab 'byor la 'di skad ces smras so/ /btsun pa rab 'byor/ khyod ni brtan po ma lags te 'dri bas skrag gis/ btsun pa rab 'byor/ 'dri bas skrag par ma mdzad cig /smras pa/ bdag ni dgra bcom pa zag pa zad pa'o/ /smras pa/ btsun pa rab 'byor/ zag pa zad pa de dag gang lags/ ci 'das pa rnams lags sam/ ma 'ongs pa rnams lags sam/ da ltar byung ba rnams lags/ 'das pa gang lags pa de dag zad ces bgyir ni 'das pa la zad pa ma mchis so/ /ma 'ongs pa gang lags pa de dag kyang da dung ma phyin pa ste/ de dag kyang zad par bgyir mi nus so/ /da ltar byung ba gang lags pa de dag ni mi gnas pa ste/ de dag kyang zad par bgyir mi nus so/ /rab 'byor gyis smras pa/ rigs kyi bu/ bdag gis ni 'dir thams cad kyi lan gdab par mi nus pa'i steng du bsod snyoms kyi dus la bab ste bdag gis dus yol du 'ong gi bsod </font><hr>341a<br><font size=+1>


@#/ /snyoms la 'gro'o/ /de nas de'i tshe rigs kyi bu de byang chub sems dpa'i ting nge 'dzin sangs rgyas kyi zhing thams cad kun tu ston pa zhes bya ba la snyoms par zhugs so/ /rigs kyi bu de snyoms par zhugs ma thag tu tshe dang ldan pa rab 'byor gyis sangs rgyas kyi zhing dpag tu med grangs med pa dag mthong ste/ la lar ni nyi ma 'char ka tsam/ la lar ni nyi ma bag dros tsam/ la lar ni dros bu chung tsam/ la lar ni snga dro phyed tsam/ la lar ni dro la bab tu nye ba'i dus tsam/ la lar ni gaN+Di brdung ba'i dus tsam/ la lar ni snga ma bkad pa tsam/ la lar ni bkad zin pa tsam/ la lar ni zan za zhing 'dug pa tsam/ la lar ni ldang ba tsam/ la lar ni lhung bzed 'khru ba tsam/ la lar ni phyed yol gyi dus tsam/ la lar ni phye ma red kyi dus tsam/ la lar ni srod tsam/ la lar ni nam phyed tsam/ la lar ni nam chung khor tsam/ la lar ni zla ba dang / nyi ma med de rang gi 'od dang ldan par mthong ngo / /de nas rigs kyi bu des gnas brtan rab 'byor la 'di skad ces smras so/ /btsun pa rab 'byor/ khyod dus tshod gang gi tshe bshos gsol/ dus tshod ni ji tsam du gda'/ rab 'byor gyis smras pa/ rigs </font><hr>341b<br><font size=+1>


kyi bu| bdag ni 'di nyid kyi dus tshod la zan za yi/ sangs rgyas kyi zhing gzhan gyi dus tshod la ma yin no/ /de nas rigs kyi bu des de'i tshe nyi ma'i dkyil 'khor nub phyogs su song ba de snga dro phyed tsam du bzhag ste/ ci nas snga dro phyed tsam du 'dzin par 'gyur ba de lta bu'i rdzu 'phrul mngon par 'du bya ba mngon par 'dus byas so/ /de nas rigs kyi bu des tshe dang ldan pa rab 'byor la 'di skad ces smras so/ /btsun pa rab 'byor/ dus tshod ji tsam la bab pa gzigs shig /de nas tshe dang ldan pa rab 'byor gyis mthong nas yid ches te mi ring bar gyur to/ /de nas tshe dang ldan pa rab 'byor gyis rigs kyi bu de la 'di skad ces smras so/ /rigs kyi bu/ khyod kyi ming ci yin pa bdag la ston cig /rigs kyi bu des smras pa/ btsun pa rab 'byor/ khyod la bdag gi ming gis ci zhig bgyi/ yang na de bzhin gshegs pa nyid la zhus shig dang de/ khyod la lan 'debs so/ /btsun pa rab 'byor/ gzhan yang / ming thams cad ni ming ma mchis pa'o/ /de ci'i slad du zhe na/ ming thams cad ni kun brtags pa dang / yang dag pa ma lags pa ste/ gang kun brtags pa dang / yang dag pa ma lags pa de la ming 'di zhes ji skad bgyi/ btsun pa rab 'byor gyis smras </font><hr>342a<br><font size=+1>


@#/ /pa| ci thams cad mkhyen pa nyid kyi ming gang yin pa de'ang kun brtags pa dang / yang dag pa ma yin nam/ smras pa/ btsun pa rab 'byor/ de ni de bzhin te/ de ci'i slad du zhe na/ 'di ltar thams cad mkhyen pa nyid kyang sangs rgyas kyi zhing gzhan dang / gzhan dag na ming phan tshun tha dad pa mchis pa'i slad du'o/ /smras pa/ rigs kyi bu/ thams cad mkhyen pa nyid kyi ming tha dad pa ji lta bu yin/ smras pa/ btsun pa rab 'byor/ thams cad mkhyen pa nyid la sangs rgyas kyi zhing la lar ni mthu zhes bgyi'o/ /la lar ni sdud pa zhes bgyi'o/ /la lar ni thams cad du snang ba zhes bgyi'o/ /la lar ni dri ma med pa zhes bgyi'o/ /la lar ni don thams cad ston pa zhes bgyi'o/ /la lar ni nyams pa med pa zhes bgyi'o/ /la lar ni mchod pa po zhes bgyi'o/ /la lar ni mngon sum pa zhes bgyi'o/ /la lar ni byu ru 'dzin ces bgyi'o/ /la lar ni rnam par rgyal ba chen po zhes bgyi'o/ /la lar ni sgra chen po zhes bgyi'o/ /la lar ni dpag tu ma mchis pa zhes bgyi ste/ btsun pa rab 'byor/ de ltar na thams cad mkhyen pa nyid kyang sangs rgyas kyi zhing gzhan dang / gzhan dag na ming tha dad </font><hr>342b<br><font size=+1>


pa dpag tu ma mchis so/ /de bzhin du gzugs dang / tshor ba dang / 'du shes dang / 'du byed rnams dang / rnam par shes pa'i ming tha dad pa'ang dpag tu ma mchis so// de bzhin du phung po rnams dang / khams rnams dang / skye mched rnams dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rnams kyang sangs rgyas kyi zhing gzhan dang / gzhan dag na ming tha dad pa dpag tu ma mchis te/ de bas na/ btsun pa rab 'byor/ rnam grangs des kyang ming thams cad ni ming ma mchis pa dang / kun brtags pa dang / yang dag pa ma lags pa de ltar rig par bgyi'o/ /de nas tshe dang ldan pa rab 'byor gyis rigs kyi bu de la 'di skad ces smras so/ /rgyal po'i khab kyi bram ze dang / khyim bdag rnams ni de na yon gnas 'di lta bu dag 'khod pa las na rnyed pa legs par rnyed pa yin no/ /rigs kyi bu des smras pa/ btsun pa rab 'byor/ 'jig rten na yon gnas gang lags pa mkhyen tam/ smras pa/ rigs kyi bu/ ji ltar bdag gis spobs pa de bzhin du bstan par bya ste/ tshul khrims dang ldan pa/ dge ba'i chos </font><hr>343a<br><font size=+1>


@#/ /la zhugs pa/ sems 'khrul ba med pa gang yin pa de dag ni 'jig rten na yon gnas yin no/ /smras pa/ btsun pa rab 'byor/ khyod kyis ji skad bstan pa de dag ni yon gnas yongs su rdzogs pa ma lags so/ /smras pa/ rigs kyi bu/ yon gnas yongs su rdzogs pa ji lta bu yin/ smras pa/ btsun pa rab 'byor sems can thams cad la byams pa chen po dang / snying rje chen po'ang skye la/ sems can gang yang mi dmigs pa gang dag lags pa de dag ni 'jig rten na yon gnas lags so/ /sangs rgyas dang / chos dang / dge 'dun gyi tshul mi gcod pa gang dag lags pa de dag ni 'jig rten na yon gnas lags so/ /sems can thams cad kyi nyon mongs pa spong ba la brtson pa gang dag lags pa de dag ni 'jig rten na yon gnas lags so/ /ye shes mi zad pa dang / shes rab kyi zad pa dang / bsod nams mi zad pa dang / spobs pa mi zad pa gang dag lags pa de dag ni 'jig rten na yon gnas lags so/ /so so skye bo'i grogs mi bgyid la 'phags pa'i grogs bgyid pa gang dag lags pa de dag ni 'jig rten na yon gnas lags so/ /gang dag mthong ba tsam gyis sems can rnams kyi ye shes mthong ba rnam par </font><hr>343b<br><font size=+1>


dag par 'gyur ba gang dag lags pa de dag ni 'jig rten na yon gnas lags so/ /de nas gnas brtan rab 'byor gyi phyi bzhin du rtag tu 'brang ba'i lha nges pa lam zhugs pa gang yin pa des yon gnas kyi bstan pa 'di thos nas bla na med pa yang dag par rdzogs pa'i byang chub tu sems bskyed de/ tshe dang ldan pa rab 'byor gyi rkang pa la phyag btsal nas/ tshe dang ldan pa rab 'byor la bzod pa gsol te/ btsun pa rab 'byor/ bdag khyod kyi slad bzhin du 'brang bar mi bgyid do zhes byas so/ /de nas rigs kyi bu des lha de la 'di skad ces smras so/ /lha| khyod ci'i phyir btsun pa rab 'byor la bzod pa gsol/ smras pa/ rigs kyi bu/ bdag lo bcu gnyis kyi bar du btsun pa rab 'byor gyi phyi bzhin du 'brangs kyang / bdag gis yon gnas kyis bstan pa 'di lta bu sngon chad ma thos te/ de bas na da ltar yon gnas kyis bstan pa 'di thos nas bdag lhag pa'i bsam pas bla na med pa yang dag par rdzogs pa'i byang chub tu sems bskyed nas bdag 'di snyam du sems te/ gang dang / gang na yon gnas kyi sa yongs su dag par byed pa'i byang chub sems dpa' sdud par byed pa'i chos 'di lta bu dag thos par 'gyur ba de dang / der 'gro'o snyam mo/ /de nas tshe dang ldan pa rab 'byor lha de'i sems bskyad pa de la rjes su </font><hr>344a<br><font size=+1>


@#/ /yi rang nas lha de la 'di skad ces smras so/ /lha|khyod kyi sems sangs rgyas kyi chos rgya chen po dag la btud pa de ni rnyed pa legs par rnyed do/ / lha| bdag ni thams cad mkhyen pa nyid la sems snang bar gyur te/ sangs rgyas kyi chos rnams kyi snod du ma gyur pas ci byar yang med do/ /lha| gal te bdag sems rnam par grol bar ma gyur na ni bdag gis kyang bla na med pa yang dag par rdzogs pa'i byang chub tu sems bskyed pa zhig mod/ lha|gzhan yang / khyod kyi ni sngon ma thos pa'i chos rnams thos par byed pa dang / thos pa rnams kyang chud mi za bar byed pa'i skyes bu dam pa 'di ci 'dra ba de lta bu'i dge ba'i bshes gnyen la rtag tu rgyun mi 'chad par bsten par bya'o/ /de nas rigs kyi bu des lha de la 'di skad ces smras so/ /lha| bla na med pa yang dag par rdzogs pa'i byang chub ni 'grub par dka' ste/ de ni go cha ngan don tsam gyis mngon par rdzogs par 'tshang rgya bar mi nus so/ /lhas smras pa/ skyes bu dam pa/ bla na med pa yang dag par rdzogs pa'i byang chub 'grub par dka' ba yin mod kyi/ 'on kyang ci nas bdag gis btsal ba don yod par 'gyur bar bdag gis bsgrub par bya'o/ /smras pa/ lha| khyod kyis ji ltar bsgrub par bya/ smras pa / </font><hr>344b<br><font size=+1>


sems can thams cad la sems snyoms par bya ba dang / sems can thams cad nyon mongs pa las rab tu grol bar bya ba dang / sems can thams cad kyi phung po'i khur khyer ba dang / sems can thams cad yongs su smin par bya ba dang / sdug bsngal thams cad rtogs par bya ba'i phyir de ltar bsgrub par bya'o/ /rigs kyi bu des smras pa / lha| sems can du 'du shes pa la ni sems can thams cad la sems snyoms pa med do/ /nyon mongs par 'du shes pa la ni sems can thams cad rab tu grol bar byed pa med do/ /phung por 'du shes pa la ni sems can thams cad kyi phung po'i khur khyer ba med do/ /kun brtags pa'i dge ba'i rtsa ba can la ni sems can yongs su smin par byed pa med do/ /bdag dang / gzhan du 'du shes pa la ni sdug bsngal thams cad rtogs par byed pa med do/ /de nas lha de gdams ngag 'di bstan pas mthun pa'i chos rnams la bzod pa thob bo/ /de nas lha des rigs kyi bu de la mchod pa'i las bya ba'i phyir sgo khang der lha'i me tog sil mas gtor to/ /de nas tshe dang ldan pa rab 'byor gyis lha de la 'di skad ces smras so/ /lha| bdag gis khyod kyi bsam pa ma shes nas nyan thos kyi chos rnams kyi gtam byas te dga' ba skyed pa </font><hr>345a<br><font size=+1>


@#/ /de khyod kyis kyang bzod pa gyis shig /de nas lha des 'di skad ces smras so/ /btsun pa rab 'byor/ khyod la bdag phyag 'tshal gyi/ sems can su'i tshod kyang ma 'dzin cig /sems can su la'ang rung ste bsam pa ma brtags par chos ma 'chad cig /de ci'i phyir zhe na/ btsun pa rab 'byor/ ma thos pa ni sla yi byang chub 'dod pas nyan thos kyi theg pa thos pa ni de lta ma yin no/ /btsun pa rab 'byor/ yun ring du bkres pa ni sla yi/ kha zas dug dang 'dres pa zos pa ni de lta ma yin no/ /btsun pa rab 'byor/ de bzhin du ma thos pa ni sla yi/ byang chub sems dpa'i theg pa pas nyan thos kyi theg pa thos pa ni de lta ma yin no/ /de nas rigs kyi bu des kyang bud med kyi gzugs dang / kha dog snga ma ji lta ba de bzhin du bstan nas tshe dang ldan pa rab 'byor la 'di skad ces smras so/ /btsun pa rab 'byor| bdag gis bsod snyoms ma phul gyi bar du re zhig gzhes shig /de nas bud med de rang gi khyim du song ste ro brgya dang ldan pa'i zas blangs nas phyir byung ste 'ongs nas tshe dang ldan pa rab 'byor la 'di skad ces smras so/ /btsun pa rab 'byor/ bsod snyoms 'di bzhes la 'dod chags dang bcas par yang ma mdzad </font><hr>345b<br><font size=+1>


cig /'dod chags dang bral bar yang ma mdzad cig /zhe sdang dang bcas par yang ma mdzad cig /zhe sdang dang bral bar yang ma mdzad cig /gti mug dang bcas par yang ma mdzad cig /gti mug dang bral bar yang ma mdzad cig /nyon mongs pa dang bcas par yang ma mdzad cig /nyon mongs pa dang bral bar yang ma mdzad cig /gal te btsun pa rab 'byor gyis sdug bsngal yongs su ma mkhyen/ kun 'byung ba ma spangs/ 'gog pa mngon sum du ma bgyis/ lam ma bsgoms na de lta na bsod snyoms 'di bzhes shig /gal te btsun pa rab 'byor gyis dran pa nye bar gzhag pa bzhi ma bsgoms/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ma bsgoms na de lta na bsod snyoms 'di gzhes shig/ / gal te btsun pa rab 'byor gyis 'jig tshogs kyang ma dkrugs la bgrod pa gcig pa'i lam yang thob na de lta na bsod snyoms 'di bzhes shig /gal te btsun pa rab 'byor gyis ma rig pa ma bshig par rig pas rnam par grol ba mngon sum du mdzad pa dang / 'du byed zad par ma mdzad par 'dus ma byas la mngon sum </font><hr>346a<br><font size=+1>


@#/ /du mdzad pa dang / rnam par shes pa'i rgyu la ma brten par rnam par grol bar gyur pa dang / ming dang / gzugs su sgro ma btags par khams gsum pa las yang dag par 'das pa dang / skye mched drug la ma brten par rnam par thar pa'i sgo stong pa nyid bsgoms pa dang / mig gi 'dus te reg pa la ma brten par rnam par thar pa'i sgo mtshan ma med pa bsgoms pa dang / tshor bar ma dmigs par rnam par thar pa'i sgo smon pa med pa mngon sum du mdzad pa dang / sred pa ma dmigs par de bzhin nyid yongs su mkhyen pa dang / len pa rlom sems su ma mdzad par len pa med pa kun mkhyen pa dang / srid pa mi 'byung ba'i tshul du yongs su mkhyen pa dang / skye ba mi skye bar yongs su mkhyen pa dang / rga shi brjod du med pa'i tshul du mkhyen pa de lta bur srid pa'i yan lag rnams kun mkhyen na de lta na bsod snyoms 'di bzhes shig /gal te btsun pa rab 'byor gyis sangs rgyas kyang ma gzigs/ chos kyang ma gsan/ dge 'dun la'ang mi rton na de lta na bsod snyoms 'di bzhes shig /gal te btsun pa rab 'byor gyis 'phags pa'i mnyam pa nyid kyis so so'i skye bo mnyam pa </font><hr>346b<br><font size=+1>


nyid du yongs su mkhyen na de lta na bsod snyoms 'di bzhes shig /gal te btsun pa rab 'byor nyid 'di nas kyang med par gyur la pha rol tu'ang mi skye na de lta na bsod snyoms 'di bzhes shig /gal te btsun pa rab 'byor gyis 'dod chags dang / zhe sdang dang / gti mug mnyam pa nyid kyis nyon mongs pa med pa mnyam pa nyid du yongs su mkhyen la/ nyon mongs pa med pa mnyam pa nyid kyis kyang 'dod chags dang / zhe sdang dang / gti mug mnyam pa nyid du yongs su mkhyen na de lta na bsod snyoms 'di bzhes shig /gal te btsun pa rab 'byor so so'i skye bo'i sa las kyang ma 'das la 'phags pa'i sa la'ang ma zhugs na de lta na bsod snyoms 'di bzhes shig /gal te btsun pa rab 'byor snang ba'ang ma lags/ snang bar 'gro ba'ang ma lags/ 'khor ba la'ang ma zhugs/ mya ngan las 'das pa'ang mi thob| brdzun du smra ba'ang ma lags/ bden par smra ba'ang ma lags na de lta na bsod snyoms 'di bzhes shig /gal te btsun pa rab 'byor gyis zag pa'ang zad par mi mdzad la mi zad pa'ang 'khrug par mi mdzod/ phung po dang / khams dang / skye mched rnams las kyang mi g.yo la rten pa ma mchis par yang nyon </font><hr>347a<br><font size=+1>


@#/ /mongs pa ma mchis pa bsam gtan du mdzad/ thams cad la'ang rtag tu smon pa mi mnga' la chos rnams kyang sems kyis shin tu thugs su chud na de lta na bsod snyoms 'di bzhes shig /btsun pa rab 'byor/ gal te khyod kyis gang gi phyir rab tu byung ba'i chos de ma rtogs na de lta na bsod snyoms 'di bzhes shig /btsun pa rab 'byor gyi nyon mongs pa med pa gang lags pa dang / sems can dmyal ba rnams kyi nyon mongs pa med pa gang lags pa/ btsun pa rab 'byor/ gal te nyon mongs pa med pa 'di gnyis la yon gnas ches lhag pa ma mchis na de lta na bsod snyoms 'di bzhes shig /'phags pa rab 'byor la yon gnas yin par 'du shes skyed pa gang lags pa de dag ni btsun pa rab 'byor la med pa dang / yang dag pa ma yin pas skur pa 'debs pa ste/ gal te btsun pa rab 'byor khyod chos de lta bu dang ldan na de lta na bsod snyoms 'di bzhes shig /de nas tshe dang ldan pa rab 'byor gyis sgo khang de g.yos par byas nas lag pa g.yas pa brkyang ste 'di skad ces smras so/ /che zhe/ gang dag yang dag par smra ba na 'di lta bu'i ches dang ldan par smra ba de </font><hr>347b<br><font size=+1>


dag ni bdag la yang dag par smra bas smra ba yin no/ /de skad ces smras nas bsod snyoms de blangs so/ /de nas bud med des tshe dang ldan pa rab 'byor la legs so zhes bya ba byin te 'di skad ces smras so/ /gang dag mnyam pa nyid kyis bsod snyoms len pa'i yon gnas de dag ni dkon no/ /smras pa/ mngon pa'i nga rgyal can rnams ni mnyam pa nyid 'di sun phyung ste smad nas phal cher sems can dmyal bar 'gro bar 'gyur ro/ /de nas lha des tshe dang ldan pa rab 'byor la 'di skad ces smras so/ /btsun pa rab 'byor/ khyod kyis ci las bsams te/ gang dag chos 'di su na phyung ste smad nas phal cher sems can dmyal bar 'gro bar 'gyur ro zhes de skad smra/ smras pa/ lha/ 'di ji snyam du sems/ sgyu ma'i chos 'ga' zhig la 'di ni rgyu dang bcas pa'o/ /'di ni rgyu med pa'o zhes sun 'byin ba'am/ smod par byed dam/ smras pa/ btsun pa rab 'byor/ de ni ma yin no/ /smras pa/ lha/ de bzhin du chos thams cad sgyu ma lta bur rtogs na bdag gis sun dbyung ba'am/ smad du ci zhig yod/ lha| gzhan yang / bdag ni sems can thams cad kyis yang dag pa'am/ yang dag pa ma yin pa brjod pa'i sgra de dag </font><hr>348a<br><font size=+1>


@#/ /thams cad dang mnyam mo/ /de ci'i phyir zhe na/ brjod pa thams cad ni sgyu ma'i ngo bo nyid kyis brjod du med do/ /bsod snyoms len pa bstan pa 'di bshad pa na lha'i bu brgya chos rnams la chos kyi mig rdul med cing dri ma dang bral ba rnam par dag go /de nas bud med des 'phags pa rab 'byor la bzod pa gsol nas 'di skad ces smras so/ /btsun pa rab 'byor/ bshos gsol nas bcom ldan 'das ga la ba der bzhud cig dang / bdag kyang chos mnyan pa'i slad du der mchi'o/ /de nas tshe dang ldan pa rab 'byor gyis bsod snyoms de blangs nas rgyal po'i khab kyi grong khyer nas byung nas de chos thos pa'i dga' ba dang / mchog tu dga' bas zas la sems mi 'jug par gyur nas de 'di snyam du sems te bdag gis bsod snyoms blangs na gang la log par ltung bar mi 'gyur ba su zhig la sbyin par bya snyam mo/ /de nas byang chub sems dpa' chos thams cad mi len pas tshe dang ldan pa rab 'byor gyi sems sems kyis shes nas/ tshe dang ldan pa rab 'byor ga la ba der song ste phyin nas tshe dang ldan pa rab 'byor gyi rkang pa la mgo bos phyag btsal nas tshe dang ldan pa rab 'byor la 'di </font><hr>348b<br><font size=+1>


skad ces smras so/ /btsun pa rab 'byor/ bsod snyoms 'di bdag la byin cig dang / bdag la byin na log par ltung bar mi 'gyur ro/ /smras pa/ rigs kyi bu/ ci khyod tshul khrims blangs pa'am/ tshul khrims la gnas pa ma yin nam/ smras pa/ btsun pa rab 'byor/ chos thams cad ni blang du med pa ste/ de la ni tshul khrims kyang med/ 'chal pa'i tshul khrims kyang med do/ /btsun pa rab 'byor /gzhan yang / bdag ni srog gcod par byed pa dang / ma byin par len pa byed pa dang / 'dod pa la log par g.yem pa byed pa dang / brdzun du smra ba byed pa dang / phra ma byed pa dang / tshig rtsub po smra ba dang / tshig 'khyal pa smra ba dang / brnab sems can dang / gnod sems kyi sems dang ldan pa dang / log par lta ba can yin no/ /de nas tshe dang ldan pa rab 'byor 'di snyam du sems te/ rigs kyi bu/ 'di'i bstan pa'i 'di 'dra ba las na 'di ni byang chub sems dpa' phyir mi ldog pa yin par the tshom med kyi ldem po ngag 'di bdag gis dri bar bya'o snyam mo/ /de nas tshe dang ldan pa rab 'byor gyis rigs kyi bu de la 'di skad ces smras so/ /rigs kyi bu/ khyod kyis ci las bsams te 'di skad du bdag ni srog gcod pa byed pa dang / ma byin par len pa </font><hr>349a<br><font size=+1>


@#/ /byed pa dang / 'dod pas log par g.yem pa byed pa dang / brdzun du smra ba byed pa dang / phra ma byed pa dang / tshig rtsub po smra ba dang / tshig 'khyal pa smra ba dang / brnab sems can dang / gnod sems kyi sems dang ldan pa dang / log par lta ba can yin no/ /zhes smra/ de nas byang chub sems dpa' chos thams cad mi len pas tshe dang ldan pa rab 'byor la tshigs su bcad de smras pa/ byang chub lam ni bla med pa'i/ /lam ni bdag gis rnam par sbyangs/ /srog chags bye ba phrag stong yang / /lam de la ni yongs su bkod/ /srog ni bdag gis shin tu gtugs/ /de phyir bdag ni de skad smra/ /gang dag lam ni rnam par sbyang / /de dag srog gcod pa zhes bya/ /lhas ni byang chub byin ma yin/ /brgya byin tshangs pas ma byin te/ /ma byin par ni bdag gis blangs/ /de phyir bdag ni ma byin len/ /srog chags kun la phan pa'i phyir/ /mthun pa'i theg pa blangs pas na/ /de phyir theg pa chen po 'di/ /ma byin blangs zhes bya ba yin/ /'dod pas log par yongs shes pa/ / chos 'dod yin zhes de dag shes/ /'dod pa 'di dag 'dod ma yin/ /de phyir log ces spyod par byed/ /sgrar ni ji snyed gdags pa rnams/ /de dag rdzun zhes </font><hr>349b<br><font size=+1>


yang dag gsungs/ /med pa'i phyir na de rdzun te/ /brdzun du smra ba zhes kyang bya/ /theg pa dman pa 'dod pa yi/ /sems can gang dag su yang rung / /sems can de dag dbye ba'i phyir/ /theg pa che la dgod par byed/ /phra ma'i tshig ni smra byed cing / /mu stegs can gzhan 'byed par byed/ /sems can lam ngan lhung ba rnams/ /yang dag lam la 'dzud par byed/ /rgol ba de dag tshar bcad de/ /de dag shin tu dga' ba med/ /rtsub pa'i tshig ni smras nas kyang / /bdud rnams thams cad pham par byas| |rtsub pa'i tshig ni smra mod kyi/ /'on kyang sems la khro ba med/ /sems can smin par bya ba la/ /dpa' bo rnams kyis thabs la ltos/ /gang las dgongs te gsungs pa yi/ /dgongs pa'i tshig ni rab tu shes/ /des na bsams te rab smra zhing / /sems can bye ba 'dul bar byed/ /kha cig la ni bsams te smras/ /kha cig de dag rdzun par shes/ /de phyir bsams te smra ba yin/ /chos kyi mngon sum rtogs par byed/ /sems can ji snyed yod pa rnams/ /re re la yang de dag ni/ /mi min lha yi bde ba dag /'jig rten na ni brnab sems byed/ /bde ba gang dag ldan gyur na/ /'jig rten mgon po phan byed 'gyur/ /bde ba de ni sems can kun/ /ldan par mkhas </font><hr>350a<br><font size=+1>


@#/ /rnams brnab sems byed/ /sems can thams cad rgyal gyur ces/ /rtag tu de dag brnab sems byed/ /brnab sems de 'dra yin pas na| |de phyir brnab sems can zhes smras/ /dam pa'i chos ni 'jig pa'i tshe/ /stobs chen rnams kyis tshar bcad de/ /de dag rang gi bde ba spong / /chos dang srog chags spong mi byed/ /'jig rten kun gyi rgol ba dang / /sems can kun dang mi mthun te/ /thams cad mthun par bya ba'i phyir/ /de dag gnod sems ston par byed| |de dag bskal par rtsod byed dam/ /bskal pa bye bar rtsod kyang rung / /dam pa'i chos ni spong mi byed/ /slar yang ldog par yongs mi byed/ /log par lta la dpa' ba rnams/ /de dag 'dus byas kun la snyoms/ /log par lta ba rab tu shes/ /yang dag lta ba'i rnam par rtog /gang dag de 'dra'i chos dang ldan/ /de dang de dag khrims la gnas/ /gnas med la ni gnas bcas nas/ /mkhas rnams byang chub rtogs par 'gyur/ /de nas tshe dang ldan pa rab 'byor gyis rigs kyi bu de la bsod snyoms de byin nas/ 'di skad du/ skyes bu dam pa 'di lta bu dag gis ni dad pas byin pa'i bsod snyoms log par ltung bar mi byed do zhes smras so/ /de nas tshe </font><hr>350b<br><font size=+1>


dang ldan pa rab 'byor zan ma zos te phye ma red kyi dus na nang du yang dag 'jog las langs nas/ bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag btsal te/ ji ltar gyur pa de dag thams cad bcom ldan 'das la gsol to/ /bcom ldan 'das kyis bka' stsal pa/ rab 'byor/ byang chub sems dpa' de su yin pa shes sam/ gsol pa/ bcom ldan 'das/ ma 'tshal lags so/ /bcom ldan 'das kyis bka' stsal pa/ rab 'byor/ byang chub sems dpa' sems dpa' chen po de ni bud med 'gyur ba zhes bya ba ste dga' ba bkod pa'i thabs la mkhas pas sems can rnams 'dul bar byed do/ /rab 'byor/ dper na/ yungs 'brus shing rta bkang ba la yul ma ga d+hA'i khal bcu tshad nyi shu yod pa las lo brgya zhing yungs 'bru re re bor ba ni bgrang ba de lta bu'i tshul gyis shing rta de'i yungs 'bru'i mtha' ches myur du rtogs par nus kyi/ byang chub sems dpa' bud med 'gyur bas dga' ba bkod pa'i thabs la mkhas pas mi mjed kyi 'jig rten gyi khams 'dir sems can bla na med pa yang dag par rdzogs pa'i byang chub tu yongs su smin par byed pa dang / sems can mang po lha dang / mir skye ba la bkod pa rnams ni de lta ma yin no/ /de </font><hr>351a<br><font size=+1>


@#/ /nas bud med de bud med lnga brgyas bskor zhing mdun du bdar te rgyal po'i khab kyi grong khyer chen po nas byung nas bya rgod kyi phung po'i ri ga la ba dang / bcom ldan 'das ga la ba der song ste phyin nas/ bcom ldan 'das kyis bud med de 'ong ba thag ring po nas gzigs te/ gzigs nas tshe dang ldan pa rab 'byor la bka' stsal pa/ rab 'byor/ bud med lnga brgya tsam 'ong ba 'di dag mthong ngam/ gsol pa/ bcom ldan 'das/ mthong lags so/ /bcom ldan 'das kyis bka' stsal pa/ 'di dag thams cad ni byang chub sems dpa' bud med 'gyur bas dga' ba bkod pa'i thabs la mkhas pas yongs su smin par byas nas/ bla na med pa yang dag par rdzogs pa'i byang chub la bkod pa sha stag go /de nas bud med de bud med lnga brgyas bskor zhing bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug go /de nas tshe dang ldan pa rab 'byor gyis bud med de bsu nas thal mo sbyar te phyag byas so/ /de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor/ 'phags pa </font><hr>351b<br><font size=+1>


chos ma thob pa dang / 'phags pa'i lus su mi gnas pa'i bud med la ci'i phyir phyag 'tshal/ bud med des smras pa/ gnas brtan shA ri'i bu/ gal te 'jig rten na 'phags pa ni gang dag lags/ 'phags pa ma lags pa ni gang dag lags pa mkhyen na khyod kyis spobs pa mdzod cig /gnas brtan shA ri'i bus smras pa| che zhe/ khyod kyis 'jig rten na 'phags pa gang dag yin pa dang / 'phags pa ma yin pa gang dag yin pa shes sam/ smras pa/ btsun pa shA ri'i bu/ bdag gis 'tshal to/ /smras pa/ de dag gang yin/ smras pa/ btsun pa shA ri'i bu/ 'phags pa'i rigs mi gcod pa gang dag lags pa de dag ni 'phags pa'o/ /sangs rgyas dang / chos dang / dge 'dun gyi rigs mi gcod pa/ gang dag lags pa de dag ni 'phags pa'o/ /'phags ba rnams la byams pa'i sems dang ldan pa dang / 'phags pa ma yin pa rnams la thar pa 'dod pa gang dag lags pa de dag ni 'phags pa'o/ /btsun pa shA ri'i bu/ gzhan yang / bud med rgyan gyis legs par brgyan pa/ gos gtsang ma srab mo gyon pa/ phye ma dang / spos dang / me tog phreng dang / byug pa rnams la bsten pa/ 'dod pa'i yon tan lnga dang ldan pa/ </font><hr>352a<br><font size=+1>


@#/ /thams cad mkhyen pa nyid kyi sems dang ma bral ba ni ches sla yi/ dgra bcom pa rnam par thar pa brgyad la bsam gtan pa dben pa na gnas pa ni de lta ma lags so/ /btsun pa shA ri'i bu/ gzhan yang / don 'di nyid brda sprad pa'i phyir khyod la dpe bstan par bgyi na/ btsun pa shA ri'i bu/ 'di ji snyam du dgongs/ mching bu'i nor bu bai DUR+Ya'i snod du bcug pa 'dam mam/ 'on te nor bu rin po che rin thang med pa 'dam rdzab tu bcug pa 'dam/ gnas brtan shA ri'i bus smras pa/ che zhe| nor bu rin po che rin thang med pa 'dam rdzab tu bcug pa 'dam gyi/ mching bu'i nor bu bai DUR+Ya'i snod du bcug pa ni de lta ma yin no/ /smras pa/ btsun pa shA ri'i bu| de bzhin du bud med 'dod pa'i yon tan lnga dang ldan pa/ thams cad mkhyen pa nyid kyi sems dang ma bral ba ni ches 'phags kyi/ dgra bcom pa rnam par thar pa brgyad la bsam gtan pa dben pa na gnas pa de ni de lta ma lags so/ /de nas tshe dang ldan pa shA ri'i bus smras pa/ che zhe/ khyod theg pa chen po la yang dag par zhugs pa yin nam/ smras pa/ btsun pa shA ri'i bu/ theg pa chen po ni gang la'ang mi gnas la ldog pa'ang ma mchis so/ /smras pa/ che zhe/ gal te khyod theg </font><hr>352b<br><font size=+1>


pa chen po gang la'ang mi gnas ldog pa'ang med na theg pa chen po la yang dag par zhugs pa gang dag yin pa de dag ci la zhugs/ smras pa/ btsun pa shA ri'i bu/ theg pa chen po pa rnams ni ci la'ang mi gnas te/ ma rig pa zad bar bgyi slad du de dag mi gnas pa nas/ rga shi'i bar du zad par bgyi ba'i slad du de dag mi gnas so| |de ci'i slad du zhe na/ btsun pa shA ri'i bu/ ma rig pa nas rga shi'i bar du mi zad pa'i slad du'o/ /des na de dag ni skye ba'i chos can yang ma lags/ 'gag pa'i chos can ma lags so/ /gal te skye bar gyur na ni de las zad par 'gyur na gang gi phyir mi skye ba de'i phyir mi zad do/ /de bas na zad pa'ang ma mchis/ skye ba'ang ma mchis so/ / dge sbyong gi chos ni mi skye ba'i chos can no/ /btsun pa shA ri'i bu/ de ltar na rten cing 'brel par 'byung ba ma skyes pa dang / ma 'gags pa lags so/ /de nas tshe dang ldan pa shA ri'i bus bud med de la 'di skad ces smras so/ /che zhe/ khyod ni lhar bcas pa'i 'jig rten dang / nyan thos dang / rang sangs rgyas dang bcas pas phyag bya ba'i 'os yin na tshe dang ldan pa rab 'byor gyis lta ci smos/ de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ gang zag </font><hr>353a<br><font size=+1>


@#/ /gis gang zag la tshod 'dzin pa su zhig mchis te/ che zhe 'di ni 'di ltar rgyan gyis legs par brgyan la 'di ltar spobs pa phun sum tshogs pa dang ldan pa lags so/ /bud med des smras pa/ btsun pa shA ri'i bu/ 'di ni rgyan gyi spobs pa ma lags so/ /smras pa/ 'o na gang gi spobs pa yin/ smras pa| btsun pa shA ri'i bu/ brgyad pa 'di dag ni byang chub sems dpa' rnams kyi rgyan lags te/ brgyad gang zhe na/ 'di lta ste/ byang chub kyi sems mi brjed pa'i rgyan dang / snying rje chen po'i lhag pa'i bsam pa la gnas pa'i rgyan dang / sems can thams cad la zhe 'gras pa med pa'i sems kyi rgyan dang / thos pa'i chos yongs su 'tshol ba la chog mi shes pa'i rgyan dang / ji ltar thos pa'i chos rnams dang / ji ltar kun chub par byas pa rnams la tshul bzhin du so sor rtog cing dpyod pa'i rgyan dang / sems can yongs su smin par byed kyang chos thams cad mi dmigs pa'i rgyan dang / chos zab mo rnam par nges pa dang / rten cing 'brel par 'byung ba dang / sems can gyi dbang po mchog dang / mchog ma yin pa shes pa'i ye shes kyi rgyan dang / rgyan de'ang sangs rgyas </font><hr>353b<br><font size=+1>


kyis byin gyi rlabs dang / thabs la mkhas pa'i rgyan te/ btsun pa shA ri'i bu/ brgyad po de dag ni rgyan dag lags te/ rgyan de dag gis brgyan pa'i byang chub sems dpa' ni thogs pa med pa'i spobs pa dang ldan no/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ che zhe 'di gang nas shi 'phos te 'dir skyes lags/ de nas bud med des bdag nyid kyi lus ci 'dra ba de kho na 'dra ba'i bud med dag gcig tshe dang ldan pa shA ri'i bu'i mdun du sprul to/ /sprul nas kyang tshe dang ldan pa shA ri'i bu la 'di skad ces smras so/ /btsun pa shA ri'i bu/ khyod kyis bud med 'di la ga las shi 'phos te 'dir skyes zhes dris shig /gnas brtan shA ri'i bus smras pa/ bud med 'di ni sprul pa yin te/ sprul pa la ni 'chi 'pho dang / skye ba med do/ /smras pa/ btsun pa shA ri'i bu/ de bzhin gshegs pa ni chos thams cad sprul pa'i ngo bo nyid kyi mtshan nyid du mngon par rdzogs par sangs rgyas so/ /chos thams cad sprul pa'i ngo bo nyid kyi mtshan nyid du shes pa gang yin pa de dag la ni 'chi 'pho'am/ skye ba 'dri bar mi bya'o/ /de nas bcom ldan 'das kyis tshe dang ldan pa shA ri'i bu la bka' stsal pa/ shA </font><hr>354a<br><font size=+1>


@#/ /ri'i bu/ 'di ni byang chub sems dpa' sems dpa' chen po bud med 'gyur ba zhes bya ba yin te/ de bzhin gshegs pa mi 'khrugs pa'i sangs rgyas kyi zhing mngon par dga' ba nas shi 'phos nas sems can yongs su smin par bya ba'i phyir 'dir 'ongs so/ /shA ri'i bu/ byang chub sems dpa' bud med 'gyur ba 'dis mi mjed kyi 'jig rten gyi khams 'dir sems can dpag tu med grangs med pa dag bla na med pa yang dag par rdzogs pa'i byang chub tu yongs su smin par byas so/ /de nas byang chub sems dpa' bud med 'gyur bas bud med kyi gzugs nyid kyis bcom ldan 'das kyi zhabs la mgo bos phyag btsal nas 'di skad ces gsol to/ /bdag bla na med pa yang dag par rdzogs pa'i byang chub tu lung ma bstan pa'i bar dang / bdag gi bud med kyi lus ma mchis par gyur te/ skyes pa'i lus su ma gyur gyi bar du bcom ldan 'das kyi zhabs las mi ldang lags so/ /bud med lnga brgya po de dag kyang bcom ldan 'das kyi zhabs la phyag btsal nas 'di skad ces gsol to/ /bcom ldan 'das/ bdag cag bud med kyi rang bzhin las gyur te skyes </font><hr>354b<br><font size=+1>


pa'i rab bzhin du ma gyur gyi bar dang / bla na med pa yang dag par rdzogs pa'i byang chub tu lung ma bstan gyi bar du bdag cag mi ldang lags so/ /de nas de'i tshe bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas de'i mod la bcom ldan 'das kyi zhal gyi sgo nas 'od zer du ma sna tshogs/ 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ste/ 'od zer de dag gis 'jig rten gyi khams mtha' yas mu med pa 'od kyis khyab par byas nas tshangs pa'i 'jig rten gyi bar du thug ste/ phyir log nas bcom ldan 'das kyi spyi bo'i gtsug tu mi snang bar gyur to/ /de nas tshe dang ldan pa kun dga' bo stan las langs te bla gos phrag pa gcig tu gzar nas/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das/ de bzhin gshegs pa rnams ni rgyu ma mchis rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu ni gang lags/ rkyen ni gang lags/ bcom ldan 'das </font><hr>355a<br><font size=+1>


@#/ /kyis bka' stsal pa/ kun dga' bo/ khyod kyis byang chub sems dpa' bud med 'gyur ba bud med lnga brgyas bskor ba de bzhin gshegs pa'i zhabs la gtugs pa mthong ngam/ gsol pa/ bcom ldan 'das/ mthong lags so/ /bcom ldan 'das kyis bka' stsal pa/ kun dga' bo/ byang chub sems dpa' bud med 'gyur ba 'di bskal pa bgrang ba las 'das pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te| 'jig rten du de bzhin gshegs pa dgra bcom pa yang dag par rdzogs pa'i sangs rgyas yon tan gyi rgyal po spobs pa can zhes bya bar 'gyur te/ des byang chub thob pa na bud med lnga brgya po 'di dag gzungs thob pa dang / thogs pa med pa'i spobs pa dang ldan pa dang / byang chub sems dpa' sems dpa' chen po bud med 'gyur ba 'dis yon tan gyi rgyan bstan pa gang ngag yin pa'i rgyan brgyad po de dag gis brgyan pa'i byang chub sems dpa' lnga brgyar 'gyur te/ byang chub sems dpa' de dag de bzhin gshegs pa yon tan gyi rgyal po spobs pa can des bla na med pa yang dag par rdzogs pa'i byang chub tu lung bstan par 'gyur ro/ / </font><hr>355b<br><font size=+1>


kun dga' bo/ de bzhin gshegs pa yon tan gyi rgyal po spobs pa can de'i sangs rgyas kyi zhing yang 'byor zhing rgyas la/ bde ba dang / lo legs pa dang / mi dang / skye bo ma 'phos gang bar 'gyur te/ dga' ldan gyi lha'i longs spyod dang mnyam par 'gyur ro/ /sangs rgyas kyi zhing de na bud med kyi ming tsam yang med par 'gyur te/ sems can de dag thams cad pad+ma'i snying po las rdzus te skyes nas skyil mo krung bcas te 'dug la gtsang zhing tshangs bar sbyod pa dang / rgyan brgyad po de dag gis brgyan par 'gyur ro/ /de nas byang chub sems dpa' bud med 'gyur ba de dang / bud med lnga brgya po de dag bcom ldan 'das kyis mngon sum du lung bstan pa thos nas dga' ba dang / mchog tu dga' ba de kho nas ta la bdun srid tsam gyi nam mkha' la 'phags nas/ de'i mod kho na la khye'u lo bcu drug lon pa tsam du snang bar gyur to/ /de dag bar snang de las babs te bcom ldan 'das la phyag '+tsal nas/ de bzhin gshegs pas de dag thams cad kyi spyi bor phyag gis byugs so/ /de nas de dag thams cad kyis de'i tshe gzungs dang / kun tu snang ba zhes bya ba'i ting nge 'dzin thob bo/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' </font><hr>356a<br><font size=+1>


@#/ /bo| chos kyi rnam grangs 'di gzung la gzhan dag la'ang rgyas par yang dag par ston cig/ gsol pa/ bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir chos kyi rnam grangs 'di khyod kyis spobs pa bkod pa'i rgyan ces bya bar zungs shig /bud med 'gyur ba lung bstan pa zhes bya bar yang zungs shig /bcom ldan 'das kyis de skad ces bka' stsal nas/ byang chub sems dpa' sems dpa' chen po bud med 'gyur ba 'khor dang bcas pa dang / tshe dang ldan pa kun dga' bo dang / nyan thos chen po de dag dang / byang chub sems dpa' de dag dang / lha dang / klu dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa bud med 'gyur ba lung bstan pa zhes bya ba theg pa chen po'i mdo rdzogs so// //rgya gar gyi mkhan po pra dz+nyA warma dang / shI len+d+ra po d+hi dang / zhus chen gyi lo tsA ba ban+de ye shes sde la sogs pas bsgyur cing zhus te gtan la phab pa// </font><hr>

</table>