@##/ /rgya gar skad du/ AR+Ya shrad+d+hA ba lA d+hA nA ba tA ra mu drA nA ma ma hA yA na sU tra| bod skad du/ 'phags pa dad pa'i stobs bskyed pa la 'jug pa'i phyag rgya zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 2a @##/ /'das de bzhin gshegs pa'i gnas na chos kyi bas mtha' dgon pa kun nas 'od kyi khang pa bsod nams chen po'i rgyan gyi tshogs bsags pa/ kun tu ma smad pa/ yon tan gyi tshogs dpag tu med pa/ rdo rje ltar sra bar brtsigs pa/ mi shigs pa'i sa'i phyogs nor bu rin po che thams cad kyis spras pa'i me tog gi rgyan dri ma med pa'i 'od 'bar ba'i nor bu rin po che'i dra ba'i rgyan gyis spras pa/ kha dog mtha' yas pa'i nor bu rin po che rgya mtsho yangs pa snang zhing rnam par bkra ba/ nor bu rin po che'i char 2b mi zad pa 'bab pa'i nor bu rin po che'i rgyal po las grub pa/ me tog sna tshogs 'khyil ba'i chu bo'i nor bu sdong po dang / yal gas brgyan pa| me tog dang / spos dang / rin po che thams cad kyi dra bas bres pa| bkod pa thams cad 'bar bar sangs rgyas kyi byin gyi rlabs kyis rnam par sprul pa yang dag par ston pa'i sa'i snying po nor bu rin po che thams cad yangs par 'byung bas phyogs kun tu sbyangs shing bkod pa'i byang chub kyi snying po nor bu rin po che bai DUR+Ya'i rigs kyis brgyan pas rgyas pa'i phung po nor bu rin po che'i rgyal po'i kha khyer gyis bskor ba/ nor bu mu tig rin po che'i chun pos mdzes par byas pa/ gdugs dang / rgyal mtshan dang / ba dan btsugs pa/ dril bu g.yer ka'i dra ba'i bla bre bres pa/ tsan+dan sbrul gyi snying pos byugs pa/ dbang gi rgyal po nor bu rin po 3a @#/ /che'i dra bas g.yogs pa/ rgya mtsho'i gnas rnam par dag pa bkod pa/ kun nas 'od zer gyi nor bu'i ka ba'i dra bas gtams pa/ seng ge'i ral pa'i nor bu rin po che'i spang leb kyis bkab pa/ seng ge'i rgyal mtshan mchog gi nor bu rin po che'i sgo khang dang / rta babs dang / skar khung gis brgyan pa/ dar gyi chun po bres pas mdzes par byas pa/ me tog man+dA ra ba dang / man+dA ra ba chen po dang / many+dzu Sha ka dang / many+dzu Sha ka chen po dang / mdog mdzes dang / mdog mdzes chen po dang / 'khor lo dang / 'khor lo chen po dang / sna ma'i me tog dang / par shi ka dang / ta ra ni dang / bal la ko ta ra ni dang / shin tu dri mchog dang / d+ha nu ska ri ka dang| lha'i me tog yid du 'ong ba ut+pa la dang / pad+ma dang / ku mu da dang / pad+ma dkar po dang / me tog chen pos gtor ba na bzhugs 3b te| chags pa med par bkod pa'i snying po'i seng ge'i khri la bcom ldan 'das blo shin tu rnam par dag pa/ kun tu spyod pa gnyis mi mnga' ba/ mtshan nyid med pa'i chos la shin tu gzhol ba/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa/ sgrib pa mi mnga' bas rtogs par thugs su chud pa/ phyir mi ldog pa'i chos dang ldan pa/ spyod yul mi 'phrogs pa/ rnam par gzhag pa bsam gyis mi khyab pa/ dus gsum mnyam pa nyid tshar phyin pa/ 'jig rten gyi khams thams cad khyab pa'i sku dang ldan pa/ chos thams cad la the tshom med pa'i ye shes mnga' ba/ spyod pa thams cad dang ldan pa'i blo mnga' ba/ sangs rgyas kyi ye shes la nem nur med pa/ rnam par mi rtog pa'i sku mnga' ba/ byang chub sems dpa' thams cad kyi ye shes yang dag par rdzogs pa/ sangs rgyas kyi gnas pa gnyis su med pa dam pa'i pha rol tu phyin pa/ de bzhin gshegs pa ma 'dres pa'i rnam par thar par mdzad pa'i ye shes kyi mthar phyin pa/ mtha' dang / dbus med pa'i sangs rgyas kyis mnyam pa nyid du thugs su chud pa/ chos kyi dbyings kyis klas pa/ nam mkha'i khams kyi mthas gtugs pa/ lhun gyis grub pa'i ye shes kyis sangs rgyas kyi mdzad pa thams cad rgyun mi 'chad 4a @#/ /pa| phyi ma'i mtha'i mu'i bskal pa grangs med pa thams cad du phyir mi ldog pa'i chos kyi 'khor lo bskor ba byin gyis rlob pa/ chags pa med pa'i bkod pa'i snying po yang dag par ston pa/ ma chags pa'i ye shes mnga' ba/ rnam pa thams cad kyi mchog dang ldan pa'i shes bya dbyer med cing mi gnas pa/ dus gcig tu phyogs bcu'i 'jig rten gyi khams rab 'byams thams cad du dga' ldan gyi gnas mchog na bzhugs pa dang / 'chi 'pho ba dang / skye ba dang / mngon par 'byung ba dang / dka' ba spyad pa'i sbyor ba dang / byang chub kyi snying por gshegs pa dang / bdud bcom pa dang / mngon par rdzogs par byang chub ba dang / chos kyi 'khor lo rab tu bskor ba dang / yongs su mya ngan las 'da' ba dang / chos gnas pa dang / chos nub pa ston pa la mkhas pa bzhugs te/ sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul phra rab snyed kyi byang chub sems dpa' sems dpa' chen po thams cad kyang dpa' bar 'gro ba'i ting nge 'dzin gyis rnam par rtsen pa/ lus kyi kha dog mtha' yas pa yongs su 'grub pa sgrub pa'i gzungs thob pa/ sangs rgyas med pa'i 'jig rten gyi khams su sangs 4b rgyas 'byung ba ston pa la mkhas pa/ kun nas nyon mongs pa can gyi 'jig rten gyi khams yongs su sbyong ba sha stag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa grangs med dpag tu med pa dag dang yang thabs gcig go /de nas 'jam dpal gzhon nur gyur pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /dbugs 'byin pa rnyed pa gang dag byang chub sems dpa' rnams kyis dang po yongs su sbyong bar 'gyur ba dag bcom ldan 'das kyis bstan du gsol/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ dbugs 'byin pa rnyed pa lnga po 'di dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni bsam pa la gnas kyi/ gzhan dag kyang bsam pa la 'god do zhes dbugs 'byin pa rnyed 5a @#/ /par 'gyur te/ de la bsam pa ni gang dge ba'i rtsa ba gzhan dang / gzhan brtsam pa'i bye brag la dad pa mi phyed pa'o/ /bdag ni lhag pa'i bsam pa la gnas kyi/ gzhan dag kyang lhag pa'i bsam pa la 'god do zhes dbugs 'byin pa rnyed par 'gyur te/ de la lhag pa'i bsam pa ni gang sangs rgyas kyi che ba nyid kyi khyad par du 'gro ba'i chos rnams la lhag par dmigs pa'o/ /bdag ni dad pa la gnas kyi/ gzhan dag kyang dad pa la dgod do zhes dbugs 'byin pa rnyed par 'gyur te/ de la dad pa ni shes rab kyi rtsa ba las byung ba'i las la gnas pa'o/ /bdag ni mchog tu dga' ba la gnas kyi/ gzhan dag kyang mchog tu dga' ba la dgod do zhes dbugs 'byin pa rnyed par 'gyur te/ de la mchog tu dga' ba ni lus dang / sems rab tu sbyangs pa gang yin pa'o/ /bdag ni bdud kyi las dang dbyer med pa'i sangs rgyas kyi las la gnas kyi/ gzhan dag kyang bdud kyi las dang dbyer med pa'i sangs rgyas kyi las la dgod do zhes dbugs 'byin pa rnyed par 'gyur te/ de la bdud kyi las ni gang phyin ci log gi kun nas ldang ba las byung ba'i lta ba dang / lta ba kun nas ldang ba las byung ba'i bdud kyi las te/ bdud kyi las 'di sangs rgyas 5b kyi las dang dbyer med do/ /de ci'i phyir zhe na/ bdud kyi las kyi rang bzhin las gzhan ma yin pa'i phyir te/ bdud kyi las kyi rang bzhin las sangs rgyas kyi las gzhan med pas bdud kyi las kyi rang bzhin nyid sangs rgyas kyi las te/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lta bar gyur pa dang dbyer med pa'i stong pa nyid shes pa la gnas kyi/ gzhan dag kyang lta bar gyur pa dang dbyer med pa'i stong pa nyid shes pa la dgod do zhes dbugs 'byin pa rnyed par 'gyur te/ de la lta bar gyur pa dang dbyer med pa'i stong pa nyid ni lta bar gyur pa'i rang bzhin gang yin pa'o/ /de ci'i phyir zhe na/ stong pa nyid ni lta bar gyur pa'i rang bzhin las gzhan ma yin pa'i phyir te/ lta bar gyur pa'i rang bzhin las stong pa nyid gzhan med pas lta bar gyur pa'i rang bzhin nyid stong pa nyid de/ lta bar gyur pa'i rang bzhin stong pa nyid shes pa des chos thams cad stong ngo / /bdag ni sgro 6a @#/ /'dogs pa dang / dbyer med pa sgro 'dogs pa med pa shes pa la gnas kyi/ gzhan dag kyang sgro 'dogs pa dang / dbyer med pa'i sgro 'dogs pa med pa shes pa la dgod do zhes dbugs 'byin pa rnyed par 'gyur te/ de la sgro 'dogs pa dang dbyer med pa'i sgro 'dogs pa med pa ni sgro 'dogs pa'i rang bzhin gang yin pa'o/ /de ci'i phyir zhe na/ sgro 'dogs pa med pa ni sgro 'dogs pa'i rang bzhin las gzhan ma yin pa'i phyir te/ sgro 'dogs pa'i rang bzhin las sgro 'dogs pa med pa gzhan med pas sgro 'dogs pa'i rang bzhin nyid sgro 'dogs pa med pa ste/ sgro 'dogs pa'i rang bzhin gyi sgro 'dogs pa med pa shes pa des chos thams cad sgro 'dogs pa med pa'o/ /bdag ni lhag par byed pa dang dbyer med pa lhag par byed pa med pa shes pa la gnas kyi/ gzhan dag kyang lhag par byed pa dang dbyer med pa lhag par byed pa med par shes pa la dgod do zhes dbugs 'byin pa rnyed par 'gyur te/ de la lhag par byed pa dang dbyer med pa lhag par byed pa med pa ni lhag par byed pa'i rang bzhin gang yin pa'o/ /de ci'i phyir zhe na/ lhag par byed pa med pa ni lhag par byed pa'i rang bzhin las gzhan ma yin pa'i phyir te/ lhag 6b bar byed pa'i rang bzhin las lhag par byed pa med pa gzhan med pas lhag par byed pa'i rang bzhin nyid lhag par byed pa med pa ste/ lhag par byed pa'i rang bzhin gyi lhag par byed pa med pa shes pa des chos thams cad lhag par byed pa med pa'o/ /bdag ni gdeg pa dang / bzhag pa dang dbyer med pa gdeg pa dang / bzhag pa med pa shes pa la gnas kyi/ gzhan dag kyang gdeg pa dang / bzhag pa dang dbyer med pa gdeg pa med cing bzhag pa med pa shes pa la dgod do zhes dbugs 'byin pa rnyed par 'gyur te/ de la gdeg pa dang / bzhag pa dang dbyer med pa gdeg pa med cing bzhag pa med pa ni gdeg pa dang / bzhag pa'i rang bzhin gang yin pa'o/ /de ci'i phyir zhe na/ gdeg pa med pa dang / bzhag pa med pa ni gdeg pa dang / bzhag pa'i rang bzhin las gzhan ma yin pa'i phyir te/ gdeg pa dang / bzhag pa'i rang bzhin las gdeg pa med cing bzhag pa med pa gzhan med pas gdeg pa dang bzhag pa'i rang bzhin nyid gdeg pa med cing bzhag pa med pa ste/ gdeg pa dang bzhag pa'i rang bzhin nyid kyi gdag pa dang / bzhag pa med pa shes pa des chos thams cad gdeg pa dang / bzhag pa med pa'o/ /bdag ni blang ba dang / dor ba dang dbyer med pa blang ba med cing dor ba med pa shes pa la gnas kyi/ gzhan dag blang ba dang / dor ba dang dbyer med 7a @#/ /pa blang ba med cing dor ba med pa shes pa la dgod do zhes dbugs 'byin pa rnyed par 'gyur te/ de la blang ba dang / dor ba dang dbyer med pa blang ba med cing dor ba med pa ni blang ba dang / dor ba'i rang bzhin gang yin pa'o/ /de ci'i phyir zhe na/ blang ba med cing dor ba med pa ni blang ba dang / dor ba'i rang bzhin las gzhan ma yin pa'i phyir te/ blang ba dang / dor ba'i rang bzhin las blang ba med cing dor ba med pa gzhan med pas blang ba dang / dor ba med pa'i rang bzhin nyid blang ba med pa dang / dor ba med pa'o| |blang ba dang / dor ba'i rang bzhin gyi blang ba med cing dor ba med pa shes pa nges chos thams cad blang ba med cing dor ba med pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni 'dus byas dang dbyer med pa 'dus ma byas shes pa la gnas kyi/ gzhan dag kyang 'dus byas dang dbyer med pa 'dus ma byas shes pa la dgod do zhes dbugs 'byin pa rnyed par 'gyur te/ de la 'dus byas dang dbyer med pa 'dus ma 7b byas ni 'dus byas kyi rang bzhin gang yin pa'o/ /de ci'i phyir zhe na/ 'dus ma byas ni 'dus byas kyi rang bzhin las gzhan ma yin pa'i phyir te/ 'dus byas kyi rang bzhin las 'dus ma byas gzhan med pas 'dus byas kyi rang bzhin nyid 'dus ma byas te/ 'dus byas kyi rang bzhin 'dus ma byas shes pa des chos thams cad 'dus ma byas so/ /bdag ni dngos po dang dbyer med pa dngos po med pa shes pa la gnas kyi/ gzhan dag kyang dngos po dang dbyer med pa dngos po med pa shes pa la dgod do zhes dbugs 'byin pa rnyed par 'gyur te/ de la dngos po dang dbyer med pa dngos po med pa ni dngos po'i rang bzhin gang yin pa'o/ /de ci'i phyir zhe na/ dngos po med pa ni dngos po'i rang bzhin las gzhan ma yin pa'i phyir te/ dngos po'i rang bzhin las dngos po med pa gzhan med pas dngos po'i rang bzhin nyid dngos po med pa ste/ dngos po'i rang bzhin nyid dngos po med pa shes pa des chos thams cad dngos po med pa'o/ /bdag ni gnas dang dbyer med pa gnas med pa shes pa la gnas kyi/ gzhan dag kyang gnas dang dbyer med pa gnas med pa shes pa la dgod do zhes dbugs 'byin pa rnyed par 'gyur te/ de la gnas dang dbyer med pa gnas med pa ni gnas kyi rang bzhin gang yin pa'o/ /de ci'i phyir zhe na/ gnas med 8a @#/ /pa ni gnas kyi rang bzhin las gzhan ma yin pa'i phyir te/ gnas kyi rang bzhin las gnas med pa gzhan med pas gnas kyi rang bzhin nyid gnas med pa ste/ gnas kyi rang bzhin gnas med pa shes pa des chos thams cad gnas med pa'o/ /bdag ni dmigs pa dang dbyer med pa dmigs pa med pa shes pa la gnas kyi| gzhan dag kyang dmigs pa dang dbyer med pa dmigs pa med pa shes pa la dgod do zhes dbugs 'byin pa rnyed par 'gyur te/ de la dmigs pa dang dbyer med pa dmigs pa med pa ni dmigs pa'i rang bzhin gang yin pa'o/ /de ci'i phyir zhe na/ dmigs pa med pa ni dmigs pa'i rang bzhin las gzhan ma yin pa'i phyir te/ dmigs pa'i rang bzhin las dmigs pa med pa gzhan med pas dmigs pa'i rang bzhin nyid dmigs pa med pa ste/ dmigs pa'i rang bzhin gyis dmigs pa med pa shes pa des chos thams cad dmigs pa med pa'o/ /bdag ni phyogs dang dbyer med pa phyogs med pa shes pa la gnas kyi/ gzhan dag kyang phyogs dang dbyer med pa phyogs med pa shes pa la dgod do zhes dbugs 'byin pa rnyed par 'gyur te/ de la phyogs dang dbyer med pa phyogs med pa ni phyogs kyi rang bzhin gang yin pa'o/ /de ci'i phyir zhe na/ 8b phyogs med pa ni phyogs kyi rang bzhin las gzhan ma yin pa'i phyir te/ phyogs kyi rang bzhin las phyogs med pa gzhan med pas phyogs kyi rang bzhin nyid phyogs med pa'o/ /phyogs kyi rang bzhin gyi phyogs med pa shes pa des chos thams cad phyogs med pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na| 'di lta ste/ bdag ni mtshan nyid dang dbyer med par mtshan nyid med pa shes pa la gnas kyi/ gzhan dag kyang mtshan nyid dang dbyer med pa mtshan nyid med pa shes pa la dgod do zhes dbugs 'byin pa rnyed par 'gyur te/ de la mtshan nyid dang dbyer med pa mtshan nyid med pa ni mtshan nyid kyi rang bzhin gang yin pa'o/ /de ci'i phyir zhe na/ mtshan nyid med pa ni mtshan nyid kyi rang bzhin las gzhan ma yin pa'i phyir te/ mtshan nyid kyi rang bzhin las mtshan nyid med pa gzhan med pa mtshan nyid kyi rang bzhin nyid mtshan nyid med pa ste/ mtshan nyid kyi rang bzhin gyis mtshan nyid med pa shes pa des chos thams cad mtshan nyid med pa'o/ /bdag ni dngos po dang dbyer med pa dngos po med pa shes 9a @#/ /pa la gnas kyi/ gzhan dag kyang dngos po dang dbyer med pa dngos po med pa shes pa la dgod do zhes dbugs 'byin pa rnyed par 'gyur te/ de la dngos po dang dbyer med pa dngos po med pa ni dngos po'i rang bzhin gang yin pa'o/ /de ci'i phyir zhe na/ dngos po med pa ni dngos po'i rang bzhin las gzhan ma yin pa'i phyir te| dngos po'i rang bzhin las dngos po med pa gzhan med pas dngos po'i rang bzhin nyid dngos po med pa ste/ dngos po'i rang bzhin dngos po med par shes pa des chos thams cad dngos po med pa'o/ /bdag ni gnyis dang dbyer med pa gnyis su med pa shes pa la gnas kyi/ gzhan dag kyang gnyis dang dbyer med pa gnyis su med pa shes pa la dgod do zhes dbugs 'byin pa rnyed par 'gyur te/ de la gnyis dang dbyer med pa gnyis su med pa ni gnyis kyi rang bzhin gang yin pa'o/ /de ci'i phyir zhe na/ gnyis su med pa ni gnyis kyi rang bzhin las gzhan ma yin pa'i phyir te/ gnyis kyi rang bzhin las gnyis su med pa gzhan med pas gnyis kyi rang bzhin nyid gnyis su med pa ste| gnyis kyi rang bzhin gyi gnyis su med pa shes pa des chos thams cad gnyis su med pa'o/ /bdag ni gzugs dang dbyer med pa gzugs med pa la gnas kyi/ 9b gzhan dag kyang gzugs dang dbyer med pa gzugs med pa shes pa la dgod do zhes dbugs 'byin pa rnyed par 'gyur te/ de la gzugs dang dbyer med pa gzugs med pa ni gzugs kyi rang bzhin gang yin pa'o/ /de ci'i phyir zhe na/ gzugs med pa ni gzugs kyi rang bzhin las gzhan ma yin pa'i phyir te/ gzugs kyi rang bzhin las gzugs med pa gzhan med pas gzugs kyi rang bzhin nyid gzugs med pa ste/ gzugs kyi rang bzhin gyi gzugs med pa shes pa des chos thams cad gzugs med pa'o/ /bdag ni 'khor ba dang dbyer med pa mya ngan 'das pa shes pa la gnas kyi/ gzhan dag kyang 'khor ba dang dbyer med pa mya ngan 'das pa shes pa la dgod do zhes dbugs 'byin pa rnyed par 'gyur te/ de la 'khor ba dang dbyer med pa mya ngan 'das pa ni 'khor ba'i rang bzhin gang yin pa'o/ /de ci'i phyir zhe na/ mya ngan las 'das pa ni 'khor ba'i rang bzhin las gzhan ma yin pa'i phyir te 'khor ba'i rang bzhin las mya ngan 'das pa gzhan med pas 'khor ba'i rang bzhin nyid mya ngan las 'das pa'o/ /'khor ba'i rang bzhin gyis mya ngan las 'das pa shes pa des chos thams cad mya ngan las 'das pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 10a @#/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste| bdag ni chags pa dang dbyer med pa chags pa med pa shes pa la gnas kyi/ gzhan dag kyang chags pa dang dbyer med pa chags pa med pa shes pa la dgod do zhes dbugs 'byin pa rnyed par 'gyur te/ de la chags pa dang dbyer med pa chags pa med pa ni chags pa'i rang bzhin gang yin pa'o/ /de ci'i phyir zhe na/ chags pa med pa ni chags pa'i rang bzhin las gzhan ma yin pa'i phyir te/ chags pa'i rang bzhin las chags pa med pa gzhan med pas chags pa'i rang bzhin nyid chags pa med pa ste/ chags pa'i rang bzhin gyi chags pa med pa shes pa des chos thams cad chags pa med pa'o/ /bdag ni rlom sems dang dbyer med pa rlom sems med pa shes pa la gnas kyi/ gzhan dag kyang rlom sems dang dbyer med pa rlom sems med pa shes pa la dgod do zhes dbugs 'byin pa rnyed par 'gyur te/ de la rlom sems dang dbyer med pa rlom sems med pa ni rlom sems kyi rang bzhin gang yin pa'o/ /de ci'i phyir zhe na/ rlom sems med pa ni rlom sems kyi rang bzhin las gzhan ma yin pa'i phyir te/ rlom 10b sems kyi rang bzhin las rlom sems med pa gzhan med pas rlom sems kyi rang bzhin nyid rlom sems med pa ste/ rlom sems kyi rang bzhin gyi rlom sems med pa shes pa des chos thams cad rlom sems med pa'o/ /bdag ni mi shes pa dang dbyer med pa'i shes pa la gnas kyi/ gzhan dag kyang mi shes pa dang dbyer med pa'i shes pa la dgod do zhes dbugs 'byin pa rnyed par 'gyur te/ de la mi shes pa dang dbyer med pa'i shes pa ni mi shes pa'i rang bzhin gang yin pa'o/ /de ci'i phyir zhe na/ shes pa ni mi shes pa'i rang bzhin las gzhan ma yin pa'i phyir te/ mi shes pa'i rang bzhin las shes pa gzhan med pas mi shes pa'i rang bzhin nyid shes pa ste/ mi shes pa'i rang bzhin gyi shes pa des chos thams cad shes pa'o/ /bdag ni yod pa dang dbyer med pa shes pa la gnas kyi/ gzhan dag kyang yod pa dang dbyer med pa'i med pa shes pa la dgod do zhes dbugs 'byin pa rnyed par 'gyur te/ de la yod pa dang dbyer med pa'i med pa ni yod pa'i rang bzhin gang yin pa'o/ /de ci'i phyir zhe na/ med pa'i rang bzhin yod pa'i rang bzhin las gzhan ma yin pa'i phyir te/ yod pa'i rang bzhin las med pa gzhan med pas yod pa'i rang bzhin nyid med pa ste/ yod pa'i rang bzhin gyi med pa shes pa des chos thams cad med pa'o/ /bdag 11a @#/ /ni rnam par rig pa dang dbyer med pa rnam par rig pa med pa shes pa la gnas kyi/ gzhan dag kyang rnam par rig pa dang dbyer med pa rnam par rig pa med pa shes pa la dgod do zhes dbugs 'byin pa rnyed par 'gyur te/ de la rnam par rig pa dang dbyer med pa rnam par rig pa med pa ni rnam par rig pa'i rang bzhin gang yin pa'o| |de ci'i phyir zhe na/ rnam par rig pa med pa ni rnam par rig pa'i rang bzhin las gzhan ma yin pa'i phyir te/ rnam par rig pa'i rang bzhin las rnam par rig pa med pa gzhan med pas rnam par rig pa'i rang bzhin nyid rnam par rig pa med pa'o/ /rnam par rig pa'i rang bzhin gyi rnam par rig pa med pa shes pa des chos thams cad rnam par rig pa med pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnam kyi sa dang po yongs su sbyong bar 'gyur pa'o/ /'jam dpal gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni ming dang dbyer med pa ming med pa shes pa la gnas kyi/ gzhan dag kyang ming dang dbyer med pa ming med pa shes pa la dgod do zhes dbugs 'byin pa rnyed par 'gyur te/ de la ming dang 11b dbyer med pa ming med pa ni ming gi rang bzhin gang yin pa'o/ /de ci'i phyir zhe na/ ming med pa ni ming gi rang bzhin las gzhan ma yin pa'i phyir te/ ming gi rang bzhin las ming med pa gzhan med pas ming gi rang bzhin nyid ming med pa ste/ ming gi rang bzhin gyi ming med pa shes pa des chos thams cad ming med pa'o/ /bdag ni bdag dang dbyer med pa bdag med pa'i ye shes la gnas kyi/ gzhan dag kyang bdag dang dbyer med pa bdag med pa'i ye shes la dgod do zhes dbugs 'byin pa rnyed par 'gyur te/ de la bdag dang dbyer med pa bdag med pa ni bdag gi rang bzhin gang yin pa'o/ /de ci'i phyir zhe na/ bdag med pa ni bdag gi rang bzhin las gzhan ma yin pa'i phyir te/ bdag gi rang bzhin las bdag med pa gzhan med pas bdag gi rang bzhin nyid bdag med pa ste/ bdag gi rang bzhin gyi bdag med pa shes pa des chos thams cad bdag med pa'o/ /bdag ni rgyu dang rkyen tshogs pa'i byed pa dang / dbyer med pa rgyu dang rkyen tshogs pa'i byed pa med pa shes pa la gnas kyi/ gzhan dag kyang rgyu dang rkyen tshogs pa'i byed pa dang dbyer med pa'i rgyu dang rkyen tshogs pa'i byed pa med pa shes pa la dgod do zhes dbugs 'byin pa rnyed par 'gyur te/ de la rgyu dang rkyen tshogs pa'i byed pa dang dbyer med pa rgyu dang rkyen tshogs 12a @#/ /pa'i byed pa med pa ni rgyu dang rkyen tshogs pa'i byed pa nyid gang yin pa'o/ /de ci'i phyir zhe na/ rgyu dang rkyen tshogs pa'i byed pa med pa ni rgyu dang rkyen tshogs pa'i byed pa'i rang bzhin las gzhan ma yin pa'i phyir te/ rgyu dang rkyen tshogs pa'i byed pa las rgyu dang rkyen tshogs pa'i byed pa med pa gzhan med pas rgyu dang rkyen tshogs pa'i byed pa'i rang bzhin nyid rgyu dang rkyen tshogs pa'i byed pa med pa ste/ rgyu dang rkyen tshogs pa'i byed pa med pa'i rang bzhin shes pa des chos thams cad rgyu dang rkyen tshogs pa'i byed pa med pa'o/ / bdag ni dbye ba dbyer med pa shes pa la gnas kyi/ gzhan dag kyang dbye ba dbyer med pa shes pa la dgod do zhes dbugs 'byin pa rnyed par 'gyur te/ de la dbye ba dbyer med pa'i rang bzhin ni dbye ba'i rang bzhin gang yin pa'o/ /de ci'i phyir zhe na/ dbyer med pa ni dbye ba'i rang bzhin las gzhan ma yin pa'i phyir te/ dbye ba'i rang bzhin las dbyer med pa gzhan med pas dbye ba'i rang bzhin nyid dbyer med pa ste/ dbye ba'i rang bzhin gyi dbyer med pa shes pa des chos thams cad dbyer med pa'o/ /bdag ni yi ge dang dbyer med pa yi ge med pa shes pa la gnas kyi/ gzhan dag kyang yi ge dang dbyer med pa yi ge med pa shes pa la dgod do zhes dbugs 'byin pa rnyed par 'gyur te/ de la yi ge dang 12b dbyer med pa yi ge med pa ni yi ge'i rang bzhin gang yin pa'o/ /de ci'i phyir zhe na/ yi ge med pa ni yi ge'i rang bzhin las gzhan ma yin pa'i phyir te/ yi ge'i rang bzhin las yi ge med pa gzhan med pas yi ge'i rang bzhin nyid yi ge med pa'o/ /yi ge'i rang bzhin gyi yi ge med pa shes pa des chos thams cad yi ge med pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lhag pa'i nga rgyal dang dbyer med pa lhag pa'i nga rgyal med pa shes pa la gnas kyi/ gzhan dag kyang lhag pa'i nga rgyal dang dbyer med pa lhag pa'i nga rgyal med pa shes pa la dgod do zhes dbugs 'byin pa rnyed par 'gyur te/ de la lhag pa'i nga rgyal dang dbyer med pa lhag pa'i nga rgyal med pa ni lhag pa'i nga rgyal gyi rang bzhin gang yin pa'o/ /de ci'i phyir zhe na/ lhag pa'i nga rgyal med pa ni lhag pa'i nga rgyal gyi rang bzhin las gzhan ma yin pa'i phyir te/ lhag pa'i nga rgyal gyi rang bzhin las lhag pa'i nga rgyal med pa gzhan med pas lhag pa'i nga rgyal gyi rang bzhin nyid lhag pa'i nga rgyal med pa ste/ lhag pa'i nga rgyal gyi rang bzhin gyi lhag 13a @#/ /pa'i nga rgyal med pa shes pa des chos thams cad lhag pa'i nga rgyal med pa'o/ /bdag ni bdag bstod pa dang dbyer med pa bdag bstod pa med pa shes pa la gnas kyi/ gzhan dag kyang bdag bstod pa dang dbyer med pa bdag bstod pa med pa shes pa la dgod do zhes dbugs 'byin pa rnyed par 'gyur te/ de la bdag bstod pa dang dbyer med pa bdag bstod pa med pa ni bdag bstod pa'i rang bzhin gang yin pa'o/ /de ci'i phyir zhe na/ bdag bstod pa med pa ni bdag bstod pa'i rang bzhin las gzhan ma yin pa'i phyir te/ bdag bstod pa'i rang bzhin las bdag bstod pa med pa gzhan med pas bdag bstod pa'i rang bzhin nyid bdag bstod pa med pa ste/ bdag bstod pa'i rang bzhin bdag bstod pa med pa shes pa des chos thams cad bdag bstod pa med pa'o/ /bdag ni drang ba'i don dang dbyer med pa'i nges pa'i don shes pa la gnas kyi/ gzhan dag kyang drang ba'i don dang dbyer med pa nges pa'i don shes pa la dgod do zhes dbugs 'byin pa rnyed par 'gyur te/ de la drang ba'i don dang dbyer med pas nges pa'i don ni drang ba'i don gyi rang bzhin gang yin pa'o/ /de ci'i phyir zhe na/ nges pa'i don ni drang ba'i don gyi rang bzhin las gzhan ma yin pa'i phyir te/ drang ba'i don gyi rang bzhin las nges pa'i 13b don gzhan med pas drang ba'i don gyi rang bzhin nyid nges pa'i don te/ drang ba'i don gyi rang bzhin nges pa'i don shes pa nges chos thams cad nges pa'i don to/ /bdag po ni gang zag dang dbyer med pa chos nyid shes pa la gnas kyi/ gzhan dag kyang gang zag dang dbyer med pa chos nyid shes pa la dgod do zhes dbugs 'byin pa rnyed par 'gyur te/ de la gang zag dang dbyer med pa chos nyid ni gang zag gi rang bzhin gang yin pa'o/ /de ci'i phyir zhe na/ chos nyid ni gang zag gi rang bzhin las gzhan ma yin pa'i phyir te/ gang zag gi rang bzhin las chos nyid gzhan med pas gang zag gi rang bzhin nyid chos nyid de/ gang zag gi rang bzhin gyi chos nyid shes pa des chos thams cad chos nyid do/ /bdag ni log par lta ba dang dbyer med pa yang dag pa'i lta ba la gnas kyi/ gzhan dag kyang log par lta ba dang dbyer med pa yang dag pa'i lta ba la dgod do zhes dbugs 'byin pa rnyed par 'gyur te/ de la log par lta ba dang dbyer med pa yang dag pa'i lta ba ni log par lta ba'i rang bzhin gang yin pa'o/ /de ci'i phyir zhe na/ yang dag pa'i lta ba ni log par lta ba'i rang bzhin las gzhan ma yin pa'i phyir te/ log par lta ba'i rang bzhin las yang dag pa'i lta ba gzhan med pas log par lta ba'i rang bzhin nyid yang dag pa'i lta 14a @#/ /pa'o| |log par lta ba'i rang bzhin yang dag pa'i lta ba shes pa des chos thams cad yang dag pa'i lta ba ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni mtha' dang dbyer med pa mnyam pa nyid shes pa la gnas kyi/ gzhan dag kyang mtha' dang dbyer med pa mnyam pa nyid shes pa la dgod do zhes dbugs 'byin pa rnyed par 'gyur te/ de la mtha' dang dbyer med pa mnyam pa nyid ni mtha'i rang bzhin gang yin pa'o/ /de ci'i phyir zhe na/ mnyam pa nyid ni mtha'i rang bzhin las gzhan ma yin pa'i phyir te/ mtha'i rang bzhin las mnyam pa nyid gzhan med pas mtha'i rang bzhin nyid mnyam pa nyid de/ mtha'i rang bzhin gyi mnyam pa nyid shes pa des chos thams cad mnyam pa nyid do/ /bdag ni shes bya dang dbyer med pa shes pa la gnas kyi/ gzhan dag kyang shes bya dang dbyer med pa'i shes pa la dgod do zhes dbugs 'byin pa rnyed par 'gyur te/ de la shes bya dang dbyer med pa shes pa ni shes 14b bya'i rang bzhin gang yin pa'o/ /de ci'i phyir zhe na/ shes pa ni shes bya'i rang bzhin las gzhan ma yin pa'i phyir te/ shes bya'i rang bzhin las shes pa gzhan med pas shes bya'i rang bzhin nyid shes pa ste/ shes bya'i rang bzhin gyi shes pa des chos thams cad shes pa'o/ /bdag ni 'dzin pa dang dbyer med pa 'dzin pa med pa'i shes pa la gnas kyi/ gzhan dag kyang 'dzin pa dang dbyer med pa 'dzin pa med pa'i shes pa la dgod do zhes dbugs 'byin pa rnyed par 'gyur te/ de la 'dzin pa dang dbyer med pa 'dzin pa med pa ni 'dzin pa'i rang bzhin gang yin pa'o/ /de ci'i phyir zhe na/ 'dzin pa med pa ni 'dzin pa'i rang bzhin las gzhan ma yin pa'i phyir te/ 'dzin pa'i rang bzhin las 'dzin pa med pa gzhan med pas 'dzin pa'i rang bzhin nyid 'dzin pa med pa ste/ 'dzin pa'i rang bzhin gyi 'dzin pa med pa'i shes pa des chos thams cad 'dzin pa med pa'o/ / bdag ni mtshan ma dang dbyer med pa mtshan ma med pa'i shes pa la gnas kyi/ gzhan dag kyang mtshan ma dang dbyer med pa mtshan ma med pa'i shes pa la dgod do zhes dbugs 'byin pa rnyed par 'gyur te/ de la mtshan ma dang dbyer med pa mtshan ma med pa ni mtshan ma'i rang bzhin gang yin pa'o/ /de ci'i phyir zhe na/ mtshan ma med pa ni mtshan ma'i 15a @#/ /rang bzhin las gzhan ma yin pa'i phyir te/ mtshan ma'i rang bzhin las mtshan ma med pa gzhan med pas mtshan ma'i rang bzhin nyid mtshan ma med pa ste| mtshan ma'i rang bzhin mtshan ma med pa'i shes pa des chos thams cad mtshan ma med pa'o/ /bdag ni bsgom pa dang dbyer med pa bsgom pa med pa'i shes pa la gnas kyi/ gzhan dag kyang bsgom pa dang dbyer med pa bsgom pa med pa'i shes pa la 'god do zhes dbugs 'byin pa rnyed par 'gyur te/ de la bsgom pa dang dbyer med pa bsgom pa med pa ni bsgom pa'i rang bzhin gang yin pa'o/ /de ci'i phyir zhe na/ bsgom pa med pa ni bsgom pa'i rang bzhin las gzhan ma yin pa'i phyir te/ bsgom pa'i rang bzhin las bsgom pa med pa gzhan med pas bsgom pa'i rang bzhin nyid bsgom pa med pa'o/ /bsgom pa'i rang bzhin bsgom pa med pa'i shes pa des chos thams cad bsgom pa med pa ste| 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni mtha' dang dbyer med pa 15b dbu ma'i lam shes pa la gnas kyi/ gzhan dag kyang mtha' dang dbyer med pa dbu ma'i lam shes pa la 'god do zhes dbugs 'byin pa rnyed par 'gyur te/ de la mtha' dang dbyer med pa dbu ma'i lam ni mtha'i rang bzhin gang yin pa'o/ /de ci'i phyir zhe na/ mtha'i rang bzhin las dbu ma'i lam gzhan ma yin pa'i phyir te/ mtha'i rang bzhin las dbu ma'i lam gzhan med pas mtha'i rang bzhin nyid dbu ma'i lam ste/ mtha'i rang bzhin dbu ma'i lam shes pa des chos thams cad dbu ma'i lam mo/ /bdag ni nam mkha' ma yin pa dang dbyer med pa'i nam mkha' shes pa la gnas kyi/ gzhan dag kyang nam mkha' ma yin pa dang dbyer med pa'i nam mkha' shes pa la dgod do zhes dbugs 'byin pa rnyed par 'gyur te/ de la nam mkha' ma yin pa dang dbyer med pa'i nam mkha' ni nam mkha' ma yin pa'i rang bzhin gang yin pa'o/ /de ci'i phyir zhe na/ nam mkha' ni nam mkha' ma yin pa'i rang bzhin las gzhan ma yin pa'i phyir te/ nam mkha' ma yin pa'i rang bzhin las nam mkha' gzhan med pas/ nam mkha' ma yin pa'i rang bzhin nyid nam mkha' ste/ nam mkha' ma yin pa'i rang bzhin gyi nam mkha' shes pa des chos thams cad nam mkha'o/ /bdag ni mo gsham gyi 16a @#/ /bu ma yin pa dang dbyer med pa'i mo gsham gyi bu shes pa la gnas kyi/ gzhan dag kyang mo gsham gyi bu ma yin pa dang dbyer med pa'i mo gsham gyi bu shes pa la dgod do zhes dbugs 'byin pa rnyed par 'gyur te/ de la mo gsham gyi bu ma yin pa dang dbyer med pa'i mo gsham gyi bu ni mo gsham gyi bu ma yin pa'i rang bzhin gang yin pa'o/ /de ci'i phyir zhe na/ mo gsham gyi bu ma yin pa'i rang bzhin las mo gsham gyi bu gzhan ma yin pa'i phyir te/ mo gsham gyi bu'i rang bzhin las mo gsham gyi bu ma yin pa gzhan med pas mo gsham gyi bu'i rang bzhin nyid mo gsham gyi bu ma yin pa ste/ mo gsham gyi bu ma yin pa'i rang bzhin gyi mo gsham gyi bu shes pa des chos thams cad mo gsham gyi bu dang mtshungs pa'o/ /bdag ni smig rgyu ma yin pa dang dbyer med pa'i smig rgyu shes pa la gnas kyi/ gzhan dag kyang smig rgyu ma yin pa dang dbyer med pa'i smig rgyu shes pa la dgod do zhes dbugs 'byin pa rnyed par 'gyur te/ de la smig rgyu ma yin pa dang dbyer med pa'i smig rgyu shes pa ni smig rgyu ma yin pa'i rang bzhin gang yin pa'o/ /de ci'i phyir zhe na/ smig rgyu ma yin pa ni smig rgyu'i rang bzhin las gzhan ma yin pa'i phyir te/ smig rgyu'i rang bzhin las smig 16b rgyu ma yin pa gzhan med pas smig rgyu'i rang bzhin nyid smig rgyu ma yin te/ smig rgyu ma yin pa'i rang bzhin gyi smig rgyu'i shes pa des chos thams cad smig rgyu lta bu'o/ /bdag ni log par lta ba dang dbyer med pa yang dag pa'i lta ba shes pa la gnas kyi/ gzhan yang log par lta ba dang dbyer med pa yang dag pa'i lta ba shes pa la dgod do zhes dbugs 'byin pa rnyed par 'gyur te/ de la log par lta ba dang dbyer med pa yang dag pa'i lta ba ni log par lta ba'i rang bzhin gang yin pa'o/ /de ci'i phyir zhe na/ log par lta ba'i rang bzhin las yang dag pa'i lta ba gzhan ma yin pa'i phyir te/ log par lta ba'i rang bzhin las yang dag pa'i lta ba gzhan med pas log par lta ba'i rang bzhin nyid yang dag pa'i lta ba'o/ /log par lta ba'i rang bzhin yang dag pa'i lta ba shes pa des chos thams cad yang dag pa'i lta ba ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni ma rig pa dang dbyer med pa'i rig pa shes pa la gnas kyi/ gzhan dag kyang ma rig pa dang dbyer med pa'i rig pa 17a @#/ /shes pa la dgod do zhes dbugs 'byin pa rnyed par 'gyur te/ de la ma rig pa dang dbyer med pa'i rig pa ni ma rig pa'i rang bzhin gang yin pa'o/ de ci'i phyir zhe na/ rig pa ni ma rig pa'i rang bzhin las gzhan ma yin pa'i phyir te/ ma rig pa'i rang bzhin las rig pa gzhan med pas ma rig pa'i rang bzhin nyid rig pa ste/ ma rig pa'i rang bzhin gyi rig pa shes pa des chos thams cad rig pa'o/ /bdag ni 'dod chags dang dbyer med pa 'dod chags med pa shes pa la gnas kyi/ gzhan dag kyang 'dod chags dang dbyer med pa 'dod chags med pa shes pa la dgod do zhes dbugs 'byin pa rnyed par 'gyur te/ de la 'dod chags dang dbyer med pa 'dod chags med pa ni 'dod chags kyi rang bzhin gang yin pa'o/ /de ci'i phyir zhe na/ 'dod chags med pa ni 'dod chags kyi rang bzhin las gzhan ma yin pa'i phyir te| 'dod chags kyi rang bzhin las 'dod chags med pa gzhan med pas 'dod chags kyi rang bzhin nyid 'dod chags med pa ste/ 'dod chags kyi rang bzhin 'dod chags med pa shes pa des chos thams cad 'dod chags med pa'o/ /bdag ni zhe sdang dang dbyer med pa zhe sdang med pa shes pa la gnas kyi/ gzhan dag kyang zhe sdang dang 17b dbyer med pa zhe sdang med pa shes pa la dgod do zhes dbugs 'byin pa rnyed par 'gyur te/ de la zhe sdang dang dbyer med pa zhe sdang med pa ni zhe sdang gi rang bzhin gang yin pa'o/ /de ci'i phyir zhe na| zhe sdang med pa ni zhe sdang gi rang bzhin las gzhan ma yin pa'i phyir te/ zhe sdang gi rang bzhin las zhe sdang med pa gzhan med pas zhe sdang gi rang bzhin nyid zhe sdang med pa ste/ zhe sdang gi rang bzhin zhe sdang med pa shes pa des chos thams cad zhe sdang med pa'o/ /bdag ni gti mug dang dbyer med pa gti mug med pa shes pa la gnas kyi/ gzhan dag kyang gti mug dang dbyer med pa gti mug med pa shes pa la dgod do zhes dbugs 'byin pa rnyed par 'gyur te/ de la gti mug dang dbyer med pa gti mug med pa ni gti mug gi rang bzhin gang yin pa'o/ /de ci'i phyir zhe na/ gti mug gi rang bzhin las gti mug med pa gzhan ma yin pa'i phyir te/ gti mug gi rang bzhin las gti mug med pa gzhan med pas gti mug gi rang bzhin nyid gti mug med pa ste/ gti mug gi rang bzhin gti mug med pa'i shes pa des chos thams cad gti mug med pa'o/ /bdag ni nyid mtshams sbyor ba dang dbyer med pa nyid mtshams sbyor ba med pa shes pa la gnas kyi/ gzhan dag kyang nying mtshams sbyor ba dang dbyer med pa nying mtshams sbyor ba med pa shes pa la dgod do zhes dbug 18a @#/ /'byin pa rnyed par 'gyur te/ de la nying mtshams sbyor ba dang dbyer med pa nying mtshams sbyor ba med pa ni nying mtshams sbyor ba'i rang bzhin gang yin pa'o| |de ci'i phyir zhe na/ nyid mtshams sbyor ba med pa ni nyid mtshams sbyor ba'i rang bzhin las gzhan ma yin pa'i phyir te/ nyid mtshams sbyor ba'i rang bzhin las nyid mtshams sbyor ba med pa gzhan med pas nying mtshams sbyor ba'i rang bzhin nyid nyid mtshams sbyor ba med pa'o/ /nyid mtshams sbyor ba'i rang bzhin nyid mtshams sbyor ba med pa shes pa des chos thams cad nyid mtshams sbyor ba med pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sbyin pa las byung ba'i bsdu ba'i dngos po shes pa la gnas kyi/ gzhan dag kyang sbyin pa las byung ba'i bsdu ba'i dngos po'i shes pa la dgod do zhes dbugs 'byin pa rnyed par 'gyur te/ de la sbyin pa las byung ba'i bsdu ba'i dngos po ni gtong ba dang / bsngo ba gang yin pa'o/ /bdag ni snyan par smra ba'i bsdu ba'i dngos po 18b shes pa la gnas kyi/ gzhan dag kyang snyan par smra ba'i bsdu ba'i dngos po shes pa la dgod do zhes dbugs 'byin pa rnyed par 'gyur te/ de la snyan par smra ba'i bsdu ba'i dngos po ni bsam pa dang / sbyor ba gang yin pa'o/ /bdag ni don sbyod pa'i bsdu ba'i dngos po shes pa la gnas kyi/ gzhan dag kyang don spyod pa'i bsdu ba'i dngos po shes pa la dgod do zhes dbugs 'byin pa rnyed par 'gyur te/ de la don spyod pa'i bsdu ba'i dngos po ni byams pa dang / snying rje gang yin pa'o/ /bdag ni don mthun pa'i bsdu ba'i dngos po shes pa la gnas kyi| gzhan dag kyang don mthun pa'i bsdu ba'i dngos po shes pa la dgod do zhes dbugs 'byin pa rnyed par 'gyur te/ de la don mthun pa'i bsdu ba'i dngos po ni thabs dang / shes rab gang yin pa'o/ /bdag ni rtsom pa la gnas kyi/ gzhan dag kyang rtsom pa la dgod do zhes dbugs 'byin pa rnyed par 'gyur te/ de la rtsom pa ni bsam pa dang / sbyor ba gang yin pa ste| 'jam dpal/ dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni 'dod chags dang bral ba nyid la gnas kyi/ 19a @#/ /gzhan dag kyang 'dod chags dang bral ba nyid la dgod do zhes dbubs 'byin pa rnyed par 'gyur te/ de la 'dod chags dang bral ba nyid ni chos thams cad la mi gnas par 'jug pa'o/ /bdag ni zhe sdang dang bral ba nyid la gnas kyi/ gzhan dag kyang zhe sdang dang bral ba nyid la dgod do zhes dbugs 'byin pa rnyed par 'gyur te| de la zhe sdang dang bral ba nyid ni sems can thams cad la zhe 'gras pa med pa'i sems nyid gang yin pa'o/ /bdag ni lus sdom pa la gnas kyi/ gzhan dag kyang lus sdom pa la dgod do zhes dbugs 'byin pa rnyed par 'gyur te/ de la lus sdom pa ni lus kyi las kyi skyon rnam pa gsum yongs su spong ba nyid gang yin pa'o/ /bdag ni ngag gi sdom pa la gnas kyi/ gzhan dag kyang ngag gi sdom pa la dgod do zhes dbugs 'byin pa rnyed par 'gyur te/ de la ngag gi sdom pa ni ngag gi las kyi nyes pa rnam pa bzhi yongs su spong ba nyid gang yin pa'o/ /bdag ni yid kyi sdom pa la gnas kyi/ gzhan dag kyang yid kyi sdom pa la dgod do zhes dbugs 'byin pa rnyed par 'gyur te/ de la yid kyi sdom pa ni brnab sems dang / gnod sems dang / log par lta ba yongs su spong ba nyid gang yin pa ste/ 'jam dpal/ dbugs 'byin pa rnyed pa lnga po de dag 19b ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sangs rgyas rjes su dran pa la gnas kyi/ gzhan dag kyang sangs rgyas rjes su dran pa la dgod do zhes dbugs 'byin pa rnyed par 'gyur te/ de la sangs rgyas rjes su dran pa ni sangs rgyas mthong ba rnam par dag pa gang yin pa'o/ /bdag ni chos rjes su dran pa la gnas kyi/ gzhan dag kyang chos rjes su dran pa la dgod do zhes dbugs 'byin pa rnyed par 'gyur te/ de la chos rjes su dran pa ni chos mthong ba rnam par dag pa gang yin pa'o/ /bdag ni dge 'dun rjes su dran pa la gnas kyi/ gzhan dag kyang dge 'dun rjes su dran pa la dgod do zhes dbugs 'byin pa rnyed par 'gyur te/ de la dge 'dun rjes su dran pa ni mi 'gyur ba la 'jug pa gang yin pa'o| |bdag ni gtong ba rjes su dran pa la gnas kyi/ gzhan dag kyang gtong ba rjes su dran pa la dgod do zhes dbugs 'byin pa rnyed par 'gyur te/ de la gtong ba rjes su dran pa ni rdzas thams cad yongs su gtong ba gang yin pa'o/ /bdag ni tshul khrims rjes su dran pa la gnas kyi/ gzhan dag kyang tshul khrims rjes su dran pa la dgod do zhes 20a @#/ /dbugs 'byin pa rnyed par 'gyur te/ de la tshul khrims rjes su dran pa ni chos thams cad la mnyam pa nyid du 'jug pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// //bam po gnyis pa/ 'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni mi rtag par so sor rtog pa la gnas kyi| gzhan dag kyang mi rtag par so sor rtog pa la dgod do zhes dbugs 'byin pa rnyed par 'gyur te/ de la mi rtag par so sor rtog pa ni 'dod pa'i 'dod chags dang / gzugs kyi 'dod chags dang / gzugs med pa'i 'dod chags las yang dag par 'da' ba gang yin pa'o/ /bdag ni bdag med par so sor rtog pa la gnas kyi/ gzhan dag kyang bdag med par so sor rtog pa la dgod do zhes dbugs 'byin pa rnyed par 'gyur te/ de la bdag med par so sor rtog pa ni chos thams cad la mngon par zhen pa med pa gang yin pa'o/ /bdag ni bden pa la gnas kyi/ gzhan dag kyang bden pa la dgod do zhes dbugs 'byin pa rnyed par 'gyur te/ de la bden pa ni lha dang / mi la slu ba med pa 20b nyid gang yin pa'o/ /bdag ni yang dag pa la gnas kyi/ gzhan dag kyang yang dag pa la dgod do zhes dbugs 'byin pa rnyed par 'gyur te/ de la yang dag pa ni lha rnams dang / bdag la slu ba med pa nyid gang yin pa'o/ /bdag ni chos spyod pa la gnas kyi/ gzhan dag kyang chos spyod pa la dgod do zhe dbugs 'byin pa rnyed par 'gyur te/ de la chos spyod pa ni chos la rton pa nyid gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni tshul khrims lhod pa med pa nyid la gnas kyi/ gzhan dag kyang tshul khrims lhod pa med pa nyid la dgod do zhes dbugs 'byin pa rnyed par 'gyur te/ de la tshul khrims lhod pa med pa nyid ni kha na ma tho ba ci tsam du chung du'ang mi byed pa nyid do/ /bdag ni tshul khrims ma ral ba nyid la gnas kyi/ gzhan dag kyang tshul khrims ma ral ba nyid la dgod do zhes dbugs 'byin pa rnyed par 'gyur te/ de la tshul khrims ma ral ba nyid ni theg pa gzhan du sgro 'dogs pa med pa gang yin pa'o/ /bdag ni tshul khrims skyon med pa nyid la gnas 21a @#/ /kyi| gzhan dag kyang tshul khrims skyon med pa nyid la dgod do zhes dbugs 'byin pa rnyed par 'gyur te/ de la tshul khrims skyon med pa nyid ni nyes pa thams cad rnam par spong ba gang yin pa'o/ /bdag ni thun tshags ma yin pa'i tshul khrims nyid la gnas kyi/ gzhan dag kyang thun tshags ma yin pa'i tshul khrims nyid la dgod do zhes dbugs 'byin pa rnyed par 'gyur te/ de la tshul khrims thun tshags ma yin pa nyid ni byang chub sems dpa' thams cad yongs su 'dzin pa gang yin pa'o/ /bdag ni legs par bsrungs pa'i tshul khrims nyid la gnas kyi/ gzhan dag kyang legs par bsrungs pa'i tshul khrims nyid la dgod do zhes dbugs 'byin pa rnyed par 'gyur te/ de la legs par bsrungs pa'i tshul khrims nyid ni byang chub sems dpa' thams cad la ston par 'du shes pa gang yin pa ste/ 'jam dpal/ dbugs 'byin pa rnyed pa lnga bo de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni legs par sbas pa'i tshul khrims nyid la gnas kyi/ gzhan dag kyang legs par sbas pa'i tshul khrims nyid la dgod do 21b zhes dbugs 'byin pa rnyed par 'gyur te/ de la legs par sbas pa'i tshul khrims nyid ni dbang po srung ba gang yin pa'o/ /bdag ni rnam par grags pa'i tshul khrims nyid la gnas kyi/ gzhan dag kyang rnam par grags pa'i tshul khrims nyid la dgod do zhes dbugs 'byin pa rnyed par 'gyur te/ de la rnam par grags pa'i tshul khrims nyid ni chos kyi dbyings dbyer med pa'i chos thams cad la gnyis su med pa'i ye shes la 'jug pa gang yin pa'o/ /bdag ni chog shes pa'i tshul khrims nyid la gnas kyi/ gzhan dag kyang chog shes pa'i tshul khrims nyid la dgod do zhes dbugs 'byin pa rnyed par 'gyur te/ de la chog shes pa'i tshul khrims nyid ni chags pa spangs pa gang yin pa'o/ /bdag ni dben pa'i tshul khrims nyid la gnas kyi/ gzhan dag kyang dben pa'i tshul khrims nyid la dgod do zhes dbugs 'byin pa rnyed par 'gyur te/ de la dben pa'i tshul khrims nyid ni lus dang sems dben pa gang yin pa'o/ /bdag ni dgon pa la gnas pa'i tshul khrims nyid la gnas kyi/ gzhan dag kyang dgon pa la gnas pa'i tshul khrims nyid la dgod do zhes dbugs 'byin pa rnyed par 'gyur te/ de la dgon pa na gnas pa'i tshul khrims nyid ni chos thams cad la mtha' dang / dbus med par 'jug pa gang yin pa ste/ 'jam dpal/ dbugs 'byin 22a @#/ /pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni bzod pa'i tshul khrims nyid la gnas kyi/ gzhan dag kyang bzod pa'i tshul khrims nyid la dgod do zhes dbugs 'byin pa rnyed par 'gyur te/ de la bzod pa'i tshul khrims nyid ni sems can thams cad la zhe 'gras pa med pa nyid gang yin pa'o/ /bdag ni brtson 'grus kyi tshul khrims nyid la gnas kyi/ gzhan dag kyang brtson 'grus kyi tshul khrims nyid la dgod do zhes dbugs 'byin pa rnyed par 'gyur te/ de la brtson 'grus kyi tshul khrims nyid ni phyir mi ldog pa'i chos la sems can thams cad dgod pa nyid gang yin pa'o/ /bdag ni bsam gtan gyi tshul khrims nyid la gnas kyi/ gzhan dag kyang bsam gtan gyi tshul khrims nyid la dgod do zhes dbugs 'byin pa rnyed par 'gyur te/ de la bsam gtan gyi tshul khrims nyid ni bsam gtan gyi yan lag la sems can thams cad dgod pa gang yin pa'o/ /bdag ni shes rab kyi tshul khrims nyid la gnas kyi/ gzhan dag kyang shes rab kyi tshul khrims 22b nyid la dgod do zhes dbugs 'byin pa rnyed par 'gyur te/ de la shes rab kyi tshul khrims nyid ni sems can thams cad dge ba'i rtsa ba la ngoms pa med par 'god pa gang yin pa'o/ / bdag ni mu cor mi smra ba'i tshul khrims nyid la gnas kyi/ gzhan dag kyang mu cor mi smra ba'i tshul khrims nyid la dgod do zhes dbugs 'byin pa rnyed par 'gyur te/ de la mu cor mi smra ba'i tshul khrims nyid ni chos thams cad la cang shes pa nyid gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni gdung ba med pa'i tshul khrims nyid la gnas kyi/ gzhan dag kyang gdung ba med pa'i tshul khrims nyid la dgod do zhes dbugs 'byin pa rnyed par 'gyur te/ de la gdung ba med pa'i tshul khrims nyid ni legs par bya ba'i las byed pa gang yin pa'o/ /bdag ni nga rgyal med pa'i tshul khrims nyid la gnas kyi/ gzhan dag kyang nga rgyal med pa'i tshul khrims nyid la dgod do zhes dbugs 'byin pa rnyed par 'gyur te/ de la nga rgyal med pa'i tshul khrims nyid ni sems can thams cad yongs su smin par bya ba dang / sems 23a @#/ /can thams cad kyi ci bya ba la khengs pa med pa nyid gang yin pa'o/ /bdag ni dul ba'i tshul khrims nyid la gnas kyi/ gzhan dag kyang dul ba'i tshul khrims nyid la dgod do zhes dbugs 'byin pa rnyed par 'gyur te/ de la dul ba'i tshul khrims nyid ni sems can thams cad yongs su smin par byed pa dang / sems can thams cad kyis ngan du brjod pa dang / ngan du smras pa'i tshig gi lam bzod pa gang yin pa'o/ /bdag ni dam pa'i chos yongs su 'dzin pa'i tshul khrims nyid la gnas kyi/ gzhan dag kyang dam pa'i chos yongs su 'dzin pa'i tshul khrims nyid la dgod do zhes dbugs 'byin pa rnyed par 'gyur te/ de la dam pa'i chos yongs su 'dzin pa'i tshul khrims nyid ni stong pa nyid la mos pa gang yin pa'o/ /bdag ni sangs rgyas kyi ting nge 'dzin gyi tshul khrims nyid la gnas kyi/ gzhan dag kyang sangs rgyas kyi ting nge 'dzin gyi tshul khrims nyid la dgod do zhes dbugs 'byin pa rnyed par 'gyur te/ de la sangs rgyas kyi ting nge 'dzin gyi tshul khrims nyid ni sems can thams cad la sems mnyam pa nyid gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / 23b dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni byams pa la gnas kyi/ gzhan dag kyang byams pa la dgod do zhes dbugs 'byin pa rnyed par 'gyur te/ de la byams pa ni sems can thams cad kyi sdug bsngal bskyab pa'i phyir lus dang / ngag dang / sems kyi bsod nams kyi tshogs gsog pa gang yin pa'o/ /bdag ni snying rje la gnas kyi/ gzhan dag kyang snying rje la dgod do zhes dbugs 'byin pa rnyed par 'gyur te/ de la snying rje ni sems can thams cad yongs su smin par bya ba'i phyir sdug bsngal gyi yo byad gang mi len pa de ci'ang med pa dang / bde ba'i yo byad gang mi gtong ba de ci'ang med pa gang yin pa'o/ /bdag ni dga' ba la gnas kyi/ gzhan dag kyang dga' ba la dgod do zhes dbugs 'byin pa rnyed par 'gyur te/ de la dga' ba ni stong pa nyid dang / sangs rgyas kyi che ba nyid la dga' ba dang / mchog tu dga' ba chen po gang yin pa'o/ /bdag ni btang snyoms la gnas kyi/ gzhan dag kyang btang snyoms la dgod do zhes dbugs 'byin pa rnyed par 'gyur te/ de la btang snyoms ni rjes su chags pa dang khong khro ba spong ba gang yin pa'o/ /bdag ni rnam par gtan la 'bebs par mkhas pa la gnas kyi/ gzhan dag kyang rnam par gtan la 'bebs par mkhas pa la dgod do 24a @#/ /zhes dbugs 'byin pa rnyed par 'gyur te/ de la rnam par gtan la 'babs pa la mkhas pa ni chos thams cad la brjod du med par 'jug pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sdug bsngal shes pa la gnas kyi/ gzhan dag kyang sdug bsngal shes pa la dgod do zhes dbugs 'byin pa rnyed par 'gyur te/ de la sdug bsngal shes pa ni phung po rnams la mi skye bar shes pa gang yin pa'o| |bdag ni kun 'byung ba shes pa la gnas kyi/ gzhan dag kyang kun 'byung ba shes pa la dgod do zhes dbugs 'byin pa rnyed par 'gyur te/ de la kun 'byung ba shes pa ni sred pa yang dag par 'joms pa shes pa gang yin pa'o/ /bdag ni 'gog pa shes pa la gnas kyi/ gzhan dag kyang 'gog pa shes pa la dgod do zhes dbugs 'byin pa rnyed par 'gyur te/ de la 'gog pa shes pa ni ma rig pa'i bag la nyal rnams 'byung ba med pa gang yin pa'o/ /bdag ni lam shes pa la gnas kyi/ gzhan dag 24b kyang lam shes pa la dgod do zhes dbugs 'byin pa rnyed par 'gyur te/ de la lam shes pa ni chos thams cad mnyam pa nyid du gyur pa la sgro 'dogs pa med par shes pa gang yin pa'o| |bdag ni rang gi 'khrul pa la so sor rtog pa la gnas kyi/ gzhan dag kyang rang gi 'khrul pa la so sor rtog pa la dgod do zhes dbugs 'byin pa rnyed par 'gyur te/ de la rang gi 'khrul pa la so sor rtog pa ni rang gi sems la nges par sems pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni gzhan gyi sems rjes su bsrung bar bya ba la gnas kyi/ gzhan dag kyang gzhan gyi sems rjes su bsrung bar bya ba la dgod do zhes dbugs 'byin pa rnyed par 'gyur te/ de la gzhan gyi sems rjes su bsrung bar bya ba ni pha rol gyi 'khrul pa la ma khros par skur ba gang yin pa'o/ /bdag ni sems rab tu dul ba la gnas kyi / gzhan dag kyang sems rab tu dul ba la dgod do zhes dbugs 'byin pa rnyed par 'gyur te/ de la sems rab tu dul ba ni sems can yongs su smin par byed pa la skyo ba bzod 25a @#/ /pa gang yin pa'o/ /bdag ni khro ba med pa nyid la gnas kyi/ gzhan dag kyang khro ba med pa nyid la dgod do zhes dbugs 'byin pa rnyed par 'gyur te/ de la khro ba med pa nyid ni sems can thams cad la khong khro ba med pa'i sems nyid gang yin pa'o/ /bdag ni bdag la so sor rtog pa la gnas kyi/ gzhan dag kyang bdag la so sor rtog pa la dgod do zhes dbugs 'byin pa rnyed par 'gyur te/ de la bdag la so sor rtog pa ni bdag la bdag med pa'i mtshan nyid gang yin pa'o/ /bdag ni ci'ang med pa la gnas kyi/ gzhan dag kyang ci'ang med pa la dgod do zhes dbugs 'byin pa rnyed par 'gyur te/ de la ci'ang med pa ni lus la dmigs pa las dben pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni mi skye ba'i bzod pa la gnas kyi/ gzhan dag kyang mi skye ba'i bzod pa la dgod do zhes dbugs 'byin pa rnyed par 'gyur te/ de la mi skye ba'i bzod pa ni 'gog pa mngon du byed pa gang yin pa'o/ /bdag ni 'gog pa med pa'i bzod pa la gnas kyi/ gzhan dag kyang 25b 'gog pa med pa'i bzod pa la dgod do zhes dbugs 'byin pa rnyed par 'gyur te/ de la 'gog pa med pa'i bzod pa ni mi skye ba mngon du byed pa gang yin pa'o/ /bdag ni lus su gyur pa'i dran pa la gnas kyi/ gzhan dag kyang lus su gyur pa'i dran pa la dgod do zhes dbugs 'byin pa rnyed par 'gyur te/ de la lus su gyur pa'i dran pa ni lus dben pa nyid gang yin pa'o// bdag ni tshor bar gyur pa'i dran pa la gnas kyi/ gzhan dag kyang tshor bar gyur pa'i dran pa la dgod do zhes dbugs 'byin pa rnyed par 'gyur te/ de la tshor bar gyur pa'i dran pa ni tshor ba thams cad kyi rgyun chad pa gang yin pa'o/ /bdag ni sems su gyur pa'i dran pa la gnas kyi/ gzhan dag kyang sems su gyur pa'i dran pa la dgod do zhes dbugs 'byin pa rnyed par 'gyur te/ de la sems su gyur pa'i dran pa ni gnas med pa'i phyir sems la sgyu ma lta bur so sor rtog pa nyid gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni chos su gyur pa'i dran pa la gnas kyi/ gzhan dag kyang chos su gyur pa'i dran pa la dgod do zhes dbugs 'byin 26a @#/ /pa rnyed par 'gyur te/ de la chos su gyur pa'i dran pa ni chos thams cad yang dag par ji lta ba bzhin du rtogs pa gang yin pa'o/ /bdag ni dad pa'i dbang po la gnas kyi/ gzhan dag kyang dad pa'i dbang po la dgod do zhes dbugs 'byin pa rnyed par 'gyur te/ de la dad pa'i dbang po ni chos thams cad la gzhan gyi dring mi 'jog pa'i shes pa nyid gang yin pa'o/ /bdag ni brtson 'grus kyi dbang po la gnas kyi/ gzhan dag kyang brtson 'grus kyi dbang po la dgod do zhes dbugs 'byin pa rnyed par 'gyur te/ de la brtson 'grus kyi dbang po ni chos thams cad la legs par rtogs pa'i shes pa nyid gang yin pa'o/ /bdag ni dran pa'i dbang po la gnas kyi/ gzhan dag kyang dran pa'i dbang po la dgod do zhes dbugs 'byin pa rnyed par 'gyur te/ de la dran pa'i dbang po ni legs par bya ba'i las byed pa gang yin pa'o/ /bdag ni ting nge 'dzin gyi dbang po la gnas kyi/ gzhan dag kyang ting nge 'dzin gyi dbang po la dgod do zhes dbugs 'byin pa rnyed par 'gyur te/ de la ting nge 'dzin gyi dbang po ni sems rnam par grol ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub 26b sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni shes rab kyi dbang po la gnas kyi/ gzhan dag kyang shes rab kyi dbang po la dgod do zhes dbugs 'byin pa rnyed par 'gyur te/ de la shes rab kyi dbang po ni chos thams cad la mngon sum du shes pa nyid gang yin pa'o/ /bdag ni dad pa'i stobs la gnas kyi/ gzhan dag kyang dad pa'i stobs la dgod do zhes dbugs 'byin pa rnyed par 'gyur te/ de la dad pa'i stobs ni bdud kyi las las yang dag par 'da' ba gang yin pa'o/ /bdag ni ye shes kyi stobs la gnas kyi/ gzhan dag kyang ye shes kyi stobs la dgod do zhes dbugs 'byin pa rnyed par 'gyur te/ de la ye shes kyi stobs ni mi shes pa rnam par 'joms pa gang yin pa'o/ /bdag ni brtson 'grus kyi stobs la gnas kyi/ gzhan dag kyang brtson 'grus kyi stobs la dgod do zhes dbugs 'byin pa rnyed par 'gyur te/ de la brtson 'grus kyi stobs ni phyir mi ldog pa'i chos sgrub pa nyid gang yin pa'o/ /bdag ni dran pa'i stobs la gnas kyi/ gzhan dag kyang dran pa'i stobs la dgod do zhes dbugs 'byin pa rnyed par 'gyur te/ de la dran pa'i stobs ni sangs rgyas kyi chos thams cad 'dzin pa nyid gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur 27a @#/ /ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na / 'di lta ste/ bdag ni ting nge 'dzin gyi stobs la gnas kyi/ gzhan dag kyang ting nge 'dzin gyi stobs la dgod do zhes dbugs 'byin pa rnyed par 'gyur te/ de la ting nge 'dzin gyi stobs ni rtog pa dang dpyod pa thams cad spong ba gang yin pa'o/ /bdag ni shes rab kyi stobs la gnas kyi/ gzhan dag kyang shes rab kyi stobs la dgod do zhes dbugs 'byin pa rnyed par 'gyur te/ de la shes rab kyi stobs ni mi rdzi ba'i shes pa nyid gang yin pa'o/ /bdag ni dran pa yang dag byang chub kyi yan dag la gnas kyi/ gzhan dag kyang dran pa yang dag byang chub kyi yan lag la dgod do zhes dbugs 'byin pa rnyed par 'gyur te/ de la dran pa yang dag byang chub kyi yan lag ni dam pa'i chos ji lta ba bzhin du yongs su shes pa gang yin pa'o/ /bdag ni chos rab tu rnam par 'byed pa yang dag byang chub kyi yan lag la gnas kyi/ gzhan dag kyang chos rab tu rnam par 'byed pa yang dag byang chub kyi yan lag la dgod do zhes dbugs 'byin pa rnyed par 'gyur te/ de la chos rab tu rnam par 'byed pa yang dag byang chub kyi yan lag ni chos thams cad snang ba gang yin pa'o/ /bdag ni brtson 'grus yang dag byang 27b chub kyi yan lag la gnas kyi/ gzhan dag kyang brtson 'grus yang dag byang chub kyi yan lag la dgod do zhes dbugs 'byin pa rnyed par 'gyur te/ de la brtson 'grus yang dag byang chub kyi yan lag ni chos thams cad legs par rig pa'i shes pa nyid gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni dga' ba yang dag byang chub kyi yan lag la gnas kyi/ gzhan dag kyang dga' ba yang dag byang chub kyi yan lag la dgod do zhes dbugs 'byin pa rnyed par 'gyur te/ de la dga' ba yang dag byang chub kyi yan lag ni ting nge 'dzin dang snyoms par 'jug pa gang yin pa'o/ /bdag ni shin tu sbyangs pa yang dag byang chub kyi yan lag la gnas kyi/ gzhan dag kyang shin tu sbyangs pa yang dag byang chub kyi yan lag la dgod do zhes dbugs 'byin pa rnyed par 'gyur te/ de la shin tu sbyangs pa yang dag byang chub kyi yan lag ni sangs rgyas kyi chos thams cad la bya ba byas pa gang yin pa'o/ /bdag ni ting nge 'dzin yang dag byang chub kyi yan lag la gnas kyi/ gzhan dag kyang ting nge 'dzin yang dag byang chub kyi yan lag la dgod 28a @#/ /do zhes dbugs 'byin pa rnyed par 'gyur te/ de la ting nge 'dzin yang dag byang chub kyi yan lag ni chos thams cad mnyam pa nyid du rtog pa gang yin pa'o/ / bdag ni btang snyoms yang dag byang chub kyi yan lag la gnas kyi/ gzhan dag kyang btang snyoms yang dag byang chub kyi yan lag la dgod do zhes dbugs 'byin pa rnyed par 'gyur te/ de la btang snyoms yang dag byang chub kyi yan lag ni 'phags pa'i chos la'ang rjes su chags par mi byed/ 'phags pa ma yin pa'i chos la'ang khong khro bar mi byed pa gang yin pa'o/ /bdag ni yang dag pa'i lta ba la gnas kyi/ gzhan dag kyang yang dag pa'i lta ba la dgod do zhes dbugs 'byin pa rnyed par 'gyur te/ de la yang dag pa'i lta ba ni mi 'gyur ba la 'jug pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o| |'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni yang dag pa'i rtog pa la gnas kyi/ gzhan dag kyang yang dag pa'i rtog pa la dgod do zhes dbugs 'byin pa rnyed par 'gyur te/ de la yang dag pa'i rtog pa ni kun rtog 28b pa dang / rnam par rtog pa dang / yongs su rtog pa spong ba gang yin pa'o/ /bdag ni yang dag pa'i ngag la gnas kyi/ gzhan dag kyang yang dag pa'i ngag la dgod do zhes dbugs 'byin pa rnyed par 'gyur te/ de la yang dag pa'i ngag ni yi ge dang / skad dang / dbyangs thams cad la ngag gi lam du 'du shes pa gang yin pa'o/ /bdag ni yang dag pa'i las kyi mtha' la gnas kyi/ gzhan dag kyang yang dag pa'i las kyi mtha' la dgod do zhes dbugs 'byin pa rnyed par 'gyur te/ de la yang dag pa'i las kyi mtha' ni chos thams cad la las kyi rnam par smin pa med pa la 'jug pa gang yin pa'o/ /bdag ni yang dag pa'i 'tsho ba la gnas kyi/ gzhan dag kyang yang dag pa'i 'tsho ba la dgod do zhes dbugs 'byin pa rnyed par 'gyur te/ de la yang dag pa'i 'tsho ba ni tshor ba thams cad kyi rgyun bcad pa gang yin pa'o/ /bdag ni yang dag pa'i rtsol ba la gnas kyi/ gzhan dag kyang yang dag pa'i rtsol ba la dgod do zhes dbugs 'byin pa rnyed par 'gyur te/ de la yang dag pa'i rtsol ba ni tshu rol gyi mu yongs su rdzogs bzhin pha rol gyi 'gram du 'gro ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga 29a @#/ /dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni yang dag pa'i dran pa la gnas kyi/ gzhan dag kyang yang dag pa'i dran pa la dgod do zhes dbugs 'byin pa rnyed par 'gyur te/ de la yang dag pa'i dran pa ni rlom sems ngo bo nyid med pa'i phyir chos thams cad la dran pa med cing yid la byed pa med pa gang yin pa'o/ /bdag ni yang dag pa'i ting nge 'dzin la gnas kyi/ gzhan dag kyang yang dag pa'i ting nge 'dzin la dgod do zhes dbugs 'byin pa rnyed par 'gyur te/ de la yang dag pa'i ting nge 'dzin ni sems med pa'i snyoms par 'jug pa gang yin pa'o/ /bdag ni byang chub kyi sems la gnas kyi/ gzhan dag kyang byang chub kyi sems la dgod do zhes dbugs 'byin pa rnyed par 'gyur te/ de la byang chub sems kyi sems ni bsam gyis mi khyab pa'i ye shes mngon par sgrub pa gang yin pa'o/ / bdag ni byang chub sems dpa'i bslab pa la gnas kyi/ gzhan dag kyang byang chub sems dpa'i bslab pa la dgod do zhes dbugs 'byin pa rnyed par 'gyur te/ de la byang chub sems dpa'i bslab pa ni bslab pa thams cad las yang dag par 'da' ba gang yin pa'o/ /bdag ni nyon mongs pa dang dbyer med pa'i ye shes la gnas kyi/ gzhan dag kyang 29b nyon mongs pa dang dbyer med pa'i ye shes la dgod do zhes dbugs 'byin pa rnyed par 'gyur te/ de la nyon mongs pa dang dbyer med pa'i ye shes ni nyon mongs pa'i rang bzhin gang yin pa'o| |de ci'i phyir zhe na/ ye shes ni nyon mongs pa'i rang bzhin las gzhan ma yin pa'i phyir te/ nyon mongs pa'i rang bzhin las ye shes gzhan med pas nyon mongs pa'i rang bzhin nyid ye shes so/ /nyon mongs pa'i rang bzhin gyi ye shes des chos thams cad shes te/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na| 'di lta ste/ bdag ni sbyin pa'i pha rol tu phyin pa la gnas kyi/ gzhan dag kyang sbyin pa'i pha rol tu phyin pa la dgod do zhes dbugs 'byin pa rnyed par 'gyur te/ de la sbyin pa'i pha rol tu phyin pa ni sems can ser sna can yongs su smin par byed pa nyid gang yin pa'o/ /bdag ni tshul khrims kyi pha rol tu phyin pa la gnas kyi/ gzhan dag kyang tshul khrims kyi pha rol tu phyin pa la dgod do zhes dbugs 'byin pa rnyed par 'gyur te/ de la tshul khrims kyi pha rol tu phyin pa ni tshul khrims 'chal pa'i sems can yongs su smin par byed pa nyid 30a @#/ /gang yin pa'o/ /bdag ni bzod pa'i pha rol tu phyin pa la gnas kyi/ gzhan dag kyang bzod pa'i pha rol tu phyin pa la dgod do zhes dbugs 'byin pa rnyed par 'gyur te/ de la bzod pa'i pha rol tu phyin pa la ni gnod sems kyi sems dang ldan pa'i sems can yongs su smin par byed pa nyid gang yin pa'o/ /bdag ni brtson 'grus kyi pha rol tu phyin pa la gnas kyi/ gzhan dag kyang brtson 'grus kyi pha rol tu phyin pa la dgod do zhes dbugs 'byin pa rnyed par 'gyur te/ de la brtson 'grus kyi pha rol tu phyin pa ni sems can le lo can yongs su smin par byed pa nyid gang yin pa'o/ /bdag ni bsam gtan gyi pha rol tu phyin pa la gnas kyi/ gzhan dag kyang bsam gtan gyi pha rol tu phyin pa la dgod do zhes dbugs 'byin pa rnyed par 'gyur te/ de la bsam gtan gyi pha rol tu phyin pa ni sems rnam par g.yengs pa'i sems can yongs su smin par byed pa nyid gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni shes 30b rab kyi pha rol tu phyin pa la gnas kyi/ gzhan dag kyang shes rab kyi pha rol tu phyin pa la dgod do zhes dbugs 'byin pa rnyed par 'gyur te/ de la shes rab kyi pha rol tu phyin pa ni shes rab 'chal ba'i sems can yongs su smin par byed pa nyid gang yin pa'o/ /bdag ni dam pa'i chos yongs su gzung ba la gnas kyi/ gzhan dag kyang dam pa'i chos yongs su gzung ba la dgod do zhes dbugs 'byin pa rnyed par 'gyur te/ de la dam pa'i chos yongs su gzung ba ni byang chub sems dpa' rnams yongs su 'dzin pa gang yin pa'o/ /bdag ni bsod nams kyi tshogs la gnas kyi/ gzhan dag kyang bsod nams kyi tshogs la dgod do zhes dbugs 'byin pa rnyed par 'gyur te/ de la bsod nams kyi tshogs ni byang chub sems dpa' rnams la rnyed pa dang / bkur sti 'bul ba dang / phyogs dang / phyogs mtshams su grags pa'i sgra dang / tshigs su bcad pa 'byin pa gang yin pa'o/ /bdag ni ye shes kyi tshogs la gnas kyi/ gzhan dag kyang ye shes kyi tshogs la dgod do zhes dbugs 'byin pa rnyed par 'gyur te/ de la ye shes kyi tshogs ni byang chub sems dpa' rnams ye shes kyi tshogs kyis brtan pa dang / gos dang / zas dang / mal cha dang / na ba'i gsos sman gyis brtan pa gang yin pa'o/ /bdag ni 31a @#/ /zhi gnas kyi tshogs la gnas kyi/ gzhan dag kyang zhi gnas kyi tshogs la dgod do zhes dbugs 'byin pa rnyed par 'gyur te/ de la zhi gnas kyi tshogs ni chos thams cad mnyam pa nyid du 'jug pa la rlom sems med pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lhag mthong gi tshogs la gnas kyi/ gzhan dag kyang lhag mthong gi tshogs la dgod do zhes dbugs 'byin pa rnyed par 'gyur te/ de la lhag mthong gi tshogs ni chos thams cad la mtha' dang dbus med par 'jug pa gang yin pa'o/ /bdag ni tshul khrims la gnas kyi/ gzhan dag kyang tshul khrims la dgod do zhes dbugs 'byin pa rnyed par 'gyur te/ de la tshul khrims ni lus dang ngag dang yid kyi las yongs su dag pa gang yin pa'o/ /bdag ni bzod pa la gnas kyi/ gzhan dag kyang bzod pa la dgod do zhes dbugs 'byin pa rnyed par 'gyur te/ de la bzod pa ni las kyi rnam par smin pa la yid ches pa gang yin pa'o// 31b bdag ni brtson 'grus la gnas kyi/ gzhan dag kyang brtson 'grus la dgod do zhes dbugs 'byin pa rnyed par 'gyur te/ de la brtson 'grus ni sems can thams cad bsod nams kyi tshogs la gzud par bya ba la yongs su skyo ba med pa gang yin pa'o/ /bdag ni bsam gtan la gnas kyi/ gzhan dag kyang bsam gtan la dgod do zhes dbugs 'byin pa rnyed par 'gyur te/ de la bsam gtan ni dmigs pa thams cad la gnas pa med pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni shes rab la gnas kyi/ gzhan dag kyang shes rab la dgod do zhes dbugs 'byin pa rnyed par 'gyur te/ de la shes rab ni chos thams cad mngon sum du gyur ba gang yin pa'o/ /bdag ni sangs rgyas kyi chos thams cad bsdu ba la gnas kyi/ gzhan dag kyang sangs rgyas kyi chos thams cad bsdu ba la dgod do zhes dbugs 'byin pa rnyed par 'gyur te/ de la sangs rgyas kyi chos thams cad bsdu ba ni bsam pas bsdus pa'i byang chub kyi sems gang yin pa'o/ /bdag ni chos 32a @#/ /smra ba la gnas kyi/ gzhan dag kyang chos smra ba la dgod do zhes dbugs 'byin pa rnyed par 'gyur te/ de la chos smra ba ni de bzhin gshegs pas gnang ba brjod pa gang yin pa'o/ /bdag ni dran pa la gnas kyi/ gzhan dag kyang dran pa la 'god do zhes dbugs 'byin pa rnyed par 'gyur te/ de la dran pa ni mi brjed pa'i chos la 'jug pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni blo gros la gnas kyi/ gzhan dag kyang blo gros la dgod do zhes dbugs 'byin pa rnyed par 'gyur te/ de la blo gros ni chos kyi mtshams sbyor ba khong du chud pa gang yin pa'o/ /bdag ni brtan pa la gnas kyi/ gzhan dag kyang brtan pa la dgod do zhes dbugs 'byin pa rnyed par 'gyur te/ de la brtan pa ni spyod pa dang cho ga phun sum tshogs pa gang yin pa'o/ /bdag ni rtogs pa la gnas kyi| gzhan dag kyang rtogs pa la dgod do zhes dbugs 'byin pa rnyed par 'gyur te/ de la rtogs pa ni don rtogs pa la 'jug pa gang yin pa'o/ /bdag ni yang dag pa'i rnam 32b par grol ba la gnas kyi/ gzhan dag kyang yang dag pa'i rnam par grol ba la dgod do zhes dbugs 'byin pa rnyed par 'gyur te/ de la yang dag pa'i rnam par grol ba ni chos gang yang thob pa med pa gang yin pa'o/ /bdag ni kun nas ldang ba rnam par gnon pa la gnas kyi/ gzhan dag kyang kun nas ldang ba rnam par gnon pa la dgod do zhes dbugs 'byin pa rnyed par 'gyur te/ de la kun nas ldang ba rnam par gnon pa ni nyes pa'i rdul 'chags pa dang / phyin chad mi dge ba'i chos rnams sdom pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni cho ga la gnas kyi/ gzhan dag kyang cho ga la dgod do zhes dbugs 'byin pa rnyed par 'gyur te| de la cho ga ni byang chub sems dpa' rnams kyi spyod pa la sgrub pa gang yin pa'o/ /bdag ni bya ba la gnas kyi/ gzhan dag kyang bya ba la dgod do zhes dbugs 'byin pa rnyed par 'gyur te/ de la bya ba gi stong pa nyid la'ang mos pa/ las kyi rnam par smin pa la'ang yid ches pa gang yin pa'o/ /bdag ni sdig pa 'dod pa dang bral ba la gnas kyi/ gzhan dag 33a @#/ /kyang sdig pa 'dod pa dang bral ba la dgod do zhes dbugs 'byin pa rnyed par 'gyur te/ de la sdig pa 'dod pa dang bral ba ni rnyed pa dang / bkur sti dang / tshigs su bcad pa las sdig pa mi 'dod pa gang yin pa'o/ /bdag ni bdag la mi bstod gzhan la mi smod pa la gnas kyi/ gzhan dag kyang bdag la mi bstod gzhan la mi smod pa la dgod do zhes dbugs 'byin pa rnyed par 'gyur te/ de la bdag la mi bstod gzhan la mi smod pa ni/ bdag la yon tan yod pa sgro mi 'dogs pa gang yin pa 'di ni bdag la mi bstod pa'o/ /gzhan gyi yon tan yang dag pa chud mi gzon pa gang yin pa 'di ni gzhan la mi smod pa'o/ /bdag ni yang dag pa la gnas kyi/ gzhan dag kyang yang dag pa la dgod do zhes dbugs 'byin pa rnyed par 'gyur te/ de la yang dag pa ni chos thams cad la 'du shes med pa dang / 'du shes la rlom sems med pa gang yin pa ste/ 'jam dpal| dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni bag chags kyi mtshams sbyor ba legs par 'joms 33b pa la gnas kyi/ gzhan dag kyang bag chags kyi mtshams sbyor ba legs par 'joms pa la dgod do zhes dbugs 'byin pa rnyed par 'gyur te/ de la bag chags kyi mtshams sbyor ba legs par 'joms pa ni sngon gyi byis pa'i spyod pa la smod pa dang / nyan thos dang rang sangs rgyas kyi sa la 'dod pa med pa gang yin pa'o/ /bdag ni rjes su chags pa dang / khong khro ba spong ba la gnas kyi/ gzhan dag kyang rjes su chags pa dang / khong khro ba spong ba la dgod do zhes dbugs 'byin pa rnyed par 'gyur te/ de la rjes su chags pa dang khong khro ba spong ba ni mi dge ba'i chos ma skyes pa rnams mi skyed pa dang / dge ba'i chos skyes pa rnams chud mi gzon pa gang yin pa'o/ /bdag ni mnyam pa la gnas kyi/ gzhan dag kyang mnyam pa la dgod do zhes dbugs 'byin pa rnyed par 'gyur te/ de la mnyam pa ni 'phags pa'i bden pa rtogs pa gang yin pa'o/ /bdag ni drang ba la gnas kyi/ gzhan dag kyang drang ba la dgod do zhes dbugs 'byin pa rnyed par 'gyur te/ de la drang ba ni 'phags pa'i lam la rtog pa med pa gang yin pa'o/ /bdag ni bzhin khro gnyer med pa la gnas kyi/ gzhan dag kyang bzhin khro gnyer med pa la dgod do zhes dbugs 'byin pa rnyed par 'gyur te/ de la bzhin khro gnyer med pa ni zhe sdang dang bral ba ste/ 'jam dpal/ dbugs 'byin pa rnyed pa lnga po de dag 34a @#/ /ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni gsong por smra ba la gnas kyi/ gzhan dag kyang gsong por smra ba la dgod do zhes dbugs 'byin pa rnyed par 'gyur te/ de la gsong por smra ba ni tshur shog /legs par 'ongs sam zhes brjod cing ldang ba'i zo bdog yang ba gang yin pa'o/ /bdag ni ye shes mtha' yas pa la gnas kyi/ gzhan dag kyang ye shes mtha' yas pa la dgod do zhes dbugs 'byin pa rnyed par 'gyur te/ de la ye shes mtha' yas pa ni phyogs bcu'i 'jig rten rab 'byams thams cad du 'jig rten dang / 'jig rten las 'das pa'i las dang / bzo'i gnas la ye shes lhun gyis grub pa gang yin pa'o/ /bdag ni las kyi rnam par smin pa la nem nur med par gnas kyi/ gzhan dag kyang las kyi rnam par smin pa la nem nur med par dgod do zhes dbugs 'byin pa rnyed par 'gyur te/ de la las kyi rnam par smin pa la nem nur med pa ni rtag pa dang / chad pa yongs su sdangs pa gang yin pa'o/ /bdag ni brjod du med pa la gnas kyi/ gzhan dag kyang brjod du med pa 34b la dgod do zhes dbugs 'byin pa rnyed par 'gyur te/ de la brjod du med pa ni sems dang / yid dang / rnam par shes pa rnams yid la byed pa med cing sgro 'dogs pa med pa gang yin pa'o| |bdag ni chos kyi dbyings shes pa la gnas kyi/ gzhan dag kyang chos kyi dbyings shes pa la dgod do zhes dbugs 'byin pa rnyed par 'gyur te/ de la chos kyi dbyings shes pa ni chos thams cad chos kyi dbyings dbyer med pa gnyis su med par shes pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni spong ba la gnas kyi/ gzhan dag kyang yang dag par spong ba la dgod do zhes dbugs 'byin pa rnyed par 'gyur te/ de la spong ba ni dmigs pa dag la med pa'i 'du shes gang yin pa dang / rlom sems gang yin pa'o/ /bdag ni sgrib pa med pa'i ye shes la gnas kyi/ gzhan dag kyang sgrib pa med pa'i ye shes la dgod do zhes dbugs 'byin pa rnyed par 'gyur te/ de la sgrib pa med pa'i ye shes ni mtha' dang mtha' med pa rnam par dag pa gang yin pa'o/ /bdag ni tshig gi mtshams 35a @#/ /sbyor ba shes pa la gnas kyi/ gzhan dag kyang tshig gi mtshams sbyor ba shes pa la dgod do zhes dbugs 'byin pa rnyed par 'gyur te/ de la tshig gi mtshams sbyor ba shes pa ni smon lam gyi khyad par yang dag par 'byung bas dge ba'i rtsa ba yongs su bsngo ba gang yin pa'o/ /bdag ni des pa la gnas kyi/ gzhan dag kyang des pa la dgod do zhes dbugs 'byin pa rnyed par 'gyur te/ de la des pa ni sems can thams cad la phan pa'i gzhi gang yin pa'o/ /bdag ni bdud kyi las dang bral ba la gnas kyi/ gzhan dag kyang bdud kyi las dang bral ba la dgod do zhes dbugs 'byin pa rnyed par 'gyur te/ de la bdud kyi las dang bral ba ni lta bar gyur ba yongs su shes pa gang yin pa ste| 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sangs rgyas la skyabs su song gi /gzhan dag kyang sangs rgyas la skyabs su 'gro ba la dgod do zhes dbugs 'byin pa rnyed par 'gyur te/ de la sangs rgyas la skyabs su 'gro ba ni de bzhin gshegs 35b pa'i bslab pa las mi 'da' ba gang yin pa'o/ /bdag ni chos la skyabs su song gi /gzhan dag kyang chos la skyabs su 'gro ba la dgod do zhes dbugs 'byin pa rnyed par 'gyur te/ de la chos la skyabs su 'gro ba ni chos mi spong ba gang yin pa'o/ /bdag ni dge 'dun la skyabs su song gi/ gzhan dag kyang dge 'dun la skyabs su 'gro ba la dgod do zhes dbugs 'byin pa rnyed par 'gyur te/ de la dge 'dun la skyabs su 'gro ba ni sangs rgyas kyi tshul khrims la lta ba gang yin pa'o/ /bdag ni nga rgyal med pa la gnas kyi/ gzhan dag kyang nga rgyal med pa la dgod do zhes dbugs 'byin pa rnyed par 'gyur te/ de la nga rgyal med pa ni sems can la shin tu gus pa gang yin pa'o/ /bdag ni 'khon du 'dzin pa med pa la gnas kyi/ gzhan dag kyang 'khon du 'dzin pa med pa la dgod do zhes dbugs 'byin pa rnyed par 'gyur te/ de la 'khon du 'dzin pa med pa ni sems kyi yongs su gdung ba nye bar zhi ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni tshul 'chos pa med pa la gnas kyi/ gzhan dag kyang 36a @#/ /tshul 'chos pa med pa la dgod do zhes dbugs 'byin pa rnyed par 'gyur te/ de la tshul 'chos pa med pa ni zang zing med pa'i sems kyis gzhan la phan 'dogs pa gang yin pa'o/ /bdag ni kha gsag med pa la gnas kyi/ gzhan dag kyang kha gsag med pa la dgod do zhes dbugs 'byin pa rnyed par 'gyur te/ de la kha gsag med pa ni sems can yongs su smin par byed pas yongs su len pa gtong ba gang yin pa'o/ /bdag ni thob kyis 'jal ba med pa la gnas kyi/ gzhan dag kyang thob kyis 'jal ba med pa la dgod do zhes dbugs 'byin pa rnyed par 'gyur te/ de la thob kyis 'jal ba med pa ni 'phags pa'i rigs yang dag par blangs pa yongs su rdzogs par byed cing sbyangs pa'i yon tan dang / yo byad bsnyungs pa gang yin pa'o/ /bdag ni 'tsho ba yongs su dag pa la gnas kyi/ gzhan dag kyang 'tsho ba yongs su dag pa la dgod do zhes dbugs 'byin pa rnyed par 'gyur te/ de la 'tsho ba yongs su dag pa ni dam pa'i chos yongs su gzung bar bya ba'i phyir sdug bsngal gyi yo byad gang mi len pa de ci'ang med pa dang / bde ba'i yo byad gang mi gtong ba de ci'ang med pa'o/ /bdag ni gcig pur dga' ba la gnas kyi/ gzhan dag kyang gcig pur dga' ba la dgod do zhes dbugs 'byin pa rnyed par 'gyur 36b te| de la gcig pur dga' ba ni 'du 'dzi yongs su spong ba dga' ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// //bam po gsum pa/ 'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni chos kyi kun dga' la dga' ba la gnas kyi/ gzhan dag kyang chos kyi kun dga' la dga' ba la dgod do zhes dbugs 'byin pa rnyed par 'gyur te/ de la chos kyi kun dga' la dga' ba ni khams gsum gyis mi skrag pa dang / byang chub kyi sems chud mi za ba gang yin pa'o/ /bdag ni mnar sems kyi dngos po dgu spong ba la gnas kyi/ gzhan dag kyang mnar sems kyi dngos po dgu spong ba la dgod do zhes dbugs 'byin pa rnyed par 'gyur te/ de la mnar sems kyi dngos po dgu spong ba ni sems can gyi gnas dgu yongs su shes pa gang yin pa'o/ /bdag ni sems zhi ba nyid la gnas kyi/ gzhan dag kyang sems zhi ba nyid la dgod do zhes dbugs 'byin pa rnyed par 'gyur te/ de la sems zhi ba nyid ni sems kyi yongs su gdung ba med pa gang yin pa'o/ /bdag ni zhi gnas kyi tshogs yongs su tshol ba la gnas kyi/ gzhan dag kyang zhi gnas kyi tshogs yongs 37a @#/ /su tshol ba la dgod do zhes dbugs 'byin pa rnyed par 'gyur te/ de la zhi gnas kyi tshogs yongs su tshol ba ni sems las su rung ba gang yin pa'o/ / bdag ni tshul khrims lhod pa med pa la gnas kyi/ gzhan dag kyang tshul khrims lhod pa med pa la dgod do zhes dbugs 'byin pa rnyed par 'gyur te/ de la tshul khrims lhod pa med pa ni cho ga dang / tshul khrims dang / lta ba nyams pa rnams las yang dag par 'da' ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lha dang / mi la mi slu bar gnas kyi/ gzhan dag kyang lha dang / mi la mi slu bar dgod do zhes dbugs 'byin pa rnyed par 'gyur te/ de la lha dang / mi la mi slu ba ni byang chub kyi sems yongs su mi gtong ba gang yin pa'o/ /bdag ni sbyor ba la gnas kyi/ gzhan dag kyang sbyor ba la dgod do zhes dbugs 'byin pa rnyed par 'gyur te/ de la sbyor ba ni sems can thams cad la phan pa'i dngos po sngon du 'gro ba'i rjes su bstan pa gang yin pa'o/ /bdag ni sems dmu rgod ma yin pa la gnas 37b kyi| gzhan dag kyang sems dmu rgod ma yin pa la dgod do zhes dbugs 'byin pa rnyed par 'gyur te/ de la sems dmu rgod ma yin pa ni dul ba dang / cang shes kyi sems gang yin pa'o| |bdag ni sems can thams cad kyi slob mar khas len pa la gnas kyi/ gzhan dag kyang sems can thams cad kyi slob mar khas len pa la dgod do zhes dbugs 'byin pa rnyed par 'gyur te/ de la sems can thams cad kyi slob mar khas len pa ni bya ba ci yod pa la bdag nyid byed pa gang yin pa'o/ /bdag ni sbyin gnas rnams la 'dud pa dang / phyag bya ba la gnas kyi/ gzhan dag kyang sbyin gnas rnams la 'dud pa dang / phyag bya ba la dgod do zhes dbugs 'byin pa rnyed par 'gyur te/ de la sbyin gnas rnams la 'dud pa dang / phyag bya ba ni sems can thams cad la nga rgyal med pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni dam pa'i chos yongs su tshol ba la gnas kyi/ gzhan dag kyang dam pa'i chos yongs su tshol ba la dgod do zhes dbugs 'byin pa rnyed par 'gyur te/ de la dam pa'i chos yongs su 38a @#/ /tshol ba ni sems can thams cad yongs su smin par bya ba la skyo ba med pa dang / sangs rgyas kyi zhing yongs su sbyong ba dang / tshul khrims dang / thos pa'i tshogs gsog pa dang / chos yongs su tshol ba la brtson zhing sbyin pa mi len/ ser sna mi gtong / tshul khrims mi len/ 'chal pa'i tshul khrims mi gtong / bzod pa mi len/ gnod sems mi gtong / brtson 'grus mi len/ le lo mi gtong / bsam gtan mi len/ rnam par rtog pa dang / rnam par dpyod pa mi gtong / shes rab mi len/ 'chal pa'i shes rab mi gtong / dge ba mi len cing mi dge ba mi gtong ba gang yin pa'o/ /bdag ni chos la gus pa dang bcas pa la gnas kyi/ gzhan dag kyang chos la gus pa dang bcas pa la dgod do zhes dbugs 'byin pa rnyed par 'gyur te/ de la chos la gus pa dang bcas pa ni chos rnams la nan tan byed pa gang yin pa'o/ /bdag ni chos smra ba la gus pa dang bcas pa la gnas kyi/ gzhan dag kyang chos smra ba la gus pa dang bcas pa la dgod do zhes dbugs 'byin pa rnyed par 'gyur te/ de la chos smra ba la gus pa dang bcas pa ni chos smra ba la ston par 'du shes pa gang yin pa'o/ /bdag ni tshig rtsub po med pa la gnas kyi/ gzhan dag kyang tshig rtsub po med pa la dgod do zhes dbugs 'byin pa rnyed 38b par 'gyur te/ de la tshig rtsub po med pa ni phan 'dogs pa'i tshig gang yin pa'o/ /bdag ni gnod sems med pa la gnas kyi/ gzhan dag kyang gnod sems med pa la dgod do zhes dbugs 'byin pa rnyed par 'gyur te/ de la gnod sems med pa ni las bya ba la 'jug pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sbyin pa la gnas kyi/ gzhan dag kyang sbyin pa la dgod do zhes dbugs 'byin pa rnyed par 'gyur te/ de la sbyin pa ni chos ji lta ba bzhin du ston pa gang yin pa'o/ /bdag ni snyan par smra ba la gnas kyi/ gzhan dag kyang snyan par smra ba la dgod do zhes dbugs 'byin pa rnyed par 'gyur te/ de la snyan par smra ba ni zang zing med pa'i sems kyis chos ston pa gang yin pa'o/ /bdag ni don spyod pa la gnas kyi/ gzhan dag kyang don spyod pa la dgod do zhes dbugs 'byin pa rnyed par 'gyur te/ de la don spyod pa ni gzhan la lung 'bogs pa dang / kha ton 'don du 'jug pa la skyo ba med pa gang yin pa'o/ /bdag ni don mthun pa la gnas kyi/ gzhan dag 39a @#/ /kyang don mthun pa la dgod do zhes dbugs 'byin pa rnyed par 'gyur te/ de la don mthun pa ni sbyin pa byin nas theg pa chen po la dgod pa gang yin pa'o/ / bdag ni byang chub kyi sems la gnas kyi/ gzhan dag kyang byang chub kyi sems la dgod do zhes dbugs 'byin pa rnyed par 'gyur te/ de la byang chub kyi sems ni sangs rgyas kyi chos thams cad chud mi za zhing gnas par bya ba'i phyir 'dun pa skyed pa dang / 'bad pa dang / brtson 'grus rtsom pa dang / sems rab tu 'dzin pa dang / yang dag par 'jog pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang dbugs 'byin pa rnyed pa lnga dag gis byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni don so sor yang dag par rig pa la gnas kyi/ gzhan dag kyang don so so yang dag par rig pa la dgod do zhes dbugs 'byin pa rnyed par 'gyur te/ de la don so so yang dag par rig pa ni chos kyi tshul yang dag pa ji lta ba bzhin du rtogs pa gang yin pa'o/ /bdag ni chos so so yang dag par rig pa la gnas kyi/ gzhan dag kyang chos so so yang dag par rig pa la dgod 39b do zhes dbugs 'byin pa rnyed par 'gyur te/ de la chos so so yang dag par rig pa ni sangs rgyas kyi chos thams cad la 'jug pa'i ye shes gang yin pa'o/ /bdag ni nges pa'i tshig so so yang dag par rig pa la gnas kyi/ gzhan dag kyang nges pa'i tshig so so yang dag par rig pa la dgod do zhes dbugs 'byin pa rnyed par 'gyur te/ de la nges pa'i tshig so so yang dag par rig pa ni skad bsgrags pa thams cad la 'jug pa'i ye shes gang yin pa'o/ /bdag ni spobs pa so so yang dag par rig pa la gnas kyi/ gzhan dag kyang spobs pa so so yang dag par rig pa la dgod do zhes dbugs 'byin pa rnyed par 'gyur te/ de la spobs pa so so yang dag par rig pa ni sangs rgyas kyi chos thams cad la tshig rab tu dbye ba la mkhas pa'i shes pa gang yin pa'o/ /bdag ni spobs pa la gnas kyi/ gzhan dag kyang spobs pa la dgod do zhes dbugs 'byin pa rnyed par 'gyur te/ de la spobs pa ni sangs rgyas kyi chos thams cad la byin gyis rlob cing ston pa shes pa gang yin pa ste/ de ni tshig gcig bzung nas phyi ma'i mtha'i mu'i bskal bar byin gyis rlob cing ston kyang mi ldang ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan 40a @#/ /yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sems can yongs su smin par bya ba'i phyir sems can gyi kun nas nyon mongs pa bzod pa la gnas kyi/ gzhan dag kyang sems can yongs su smin par bya ba'i phyir sems can gyi kun nas nyon mongs pa bzod pa la dgod do zhes dbugs 'byin pa rnyed par 'gyur te/ de la kun nas nyon mongs pa ni lus la gnod pa dang / sems la gnod pa gang yin pa'o/ /bdag ni phongs pa med pa la gnas kyi/ gzhan dag kyang phongs pa med pa la dgod do zhes dbugs 'byin pa rnyed par 'gyur te/ de la phongs pa med pa ni dge ba'i rtsa ba rnams chud mi za ba gang yin pa'o/ /bdag ni sems mi 'khrugs pa la gnas kyi/ gzhan dag kyang sems mi 'khrugs pa la dgod do zhes dbugs 'byin pa rnyed par 'gyur te/ de la sems mi 'khrugs pa ni dge ba'i rtsa ba thams cad chud mi za ba gang yin pa'o/ /bdag ni brtson 'grus la gnas kyi/ gzhan dag kyang brtson 'grus la dgod do zhes dbugs 'byin pa rnyed par 'gyur te/ de la brtson 'grus ni sangs rgyas kyi chos thams cad yongs su rdzogs par byed pa dang / mi dge ba'i chos thams cad 40b spang ba gang yin pa'o/ /bdag ni sems can la dmigs pa'i byams pa la gnas kyi/ gzhan dag kyang sems can la dmigs pa'i byams pa la dgod do zhes dbugs 'byin pa rnyed par 'gyur te/ de la sems can la dmigs pa'i byams pa ni sems can thams cad la sems snyoms pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni khong khro ba med pa'i sems la gnas kyi/ gzhan dag kyang khong khro ba med pa'i sems la dgod do zhes dbugs 'byin pa rnyed par 'gyur te/ de la khong khro ba med pa'i sems ni sems can thams cad srung ba gang yin pa'o/ /bdag ni spong ba la gnas kyi/ gzhan dag kyang spong ba la dgod do zhes dbugs 'byin pa rnyed par 'gyur te/ de la spong ba ni dus gsum gyi chos thams cad la mnyam pa nyid du 'jug pa gang yin pa'o/ /bdag ni chos la dmigs pa'i byams pa la gnas kyi/ gzhan dag kyang chos la dmigs pa'i byams pa la dgod do zhes dbugs 'byin pa rnyed par 'gyur te/ de la chos la dmigs pa'i byams pa ni chos thams cad la mi dmigs shing mi dmigs 41a @#/ /pa la'ang rlom sems med pa'o/ /bdag ni dang po'i bsod nams kyi tshogs la gnas kyi/ gzhan dag kyang dang po'i bsod nams kyi tshogs la dgod do zhes dbugs 'byin pa rnyed par 'gyur te/ de la dang po'i bsod nams kyi tshogs ni byang chub kyi sems mi gtong ba dang / byang chub sems dpa'i spyod pa'i rjes su 'jug pa gang yin pa'o/ /de la byang chub sems dpa'i spyod pa'i rjes su 'jug pa ni sems can thams cad la sems snyoms pas yang dag par bsdus pa'i byams pa dang / ser sna'i sems tshar gcod pa dang / 'chal pa'i tshul khrims sel ba dang / gnod sems spong ba dang / le lo sel ba dang / rnam par g.yeng ba kun tu spyod pa med pa dang / 'chal pa'i shes rab spong ba dang / bsdu ba'i dngos po bzhis sems can yongs su smin par byed pa dang / sems can thams cad la sems sa dang mtshungs pa dang / theg pa dman pa la mos pa med pa dang / snying rje chen pos sems can thams cad kyi dge ba'i rtsa ba bya ba la brtson zhing sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par byed pa dang / dam pa'i chos yongs su 'dzin cing shes rab kyi rtsa ba las byung ba'i bslab pa dang / bsod 41b nams kyi tshogs dang / ye shes kyi tshogs la mngon par brtson pa gang yin pa'o/ /bdag ni ngo mtshar gyi 'du shes la gnas kyi/ gzhan dag kyang ngo mtshar gyi 'du shes la dgod do zhes dbugs 'byin pa rnyed par 'gyur te/ de la ngo mtshar gyi 'du shes ni chos thams cad la gnyis su med pa'i 'du shes dang / spyod pa thams cad la bdag gi spyod par 'du shes pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni bzod pa dang des pa la gnas kyi/ gzhan dag kyang bzod pa dang des pa la dgod do zhes dbugs 'byin pa rnyed par 'gyur te/ de la bzod pa dang / des pa ni ngan du brjod pa dang / ngan du smra ba'i tshig gi lam la khong khro ba'i sems med pa gang yin pa'o/ /bdag ni sems zhi ba la gnas kyi/ gzhan dag kyang sems zhi ba la dgod do zhes dbugs 'byin pa rnyed par 'gyur te/ de la sems zhi ba ni ltung ba la gleng ba med pa'o/ /bdag ni chos thams cad dngos po med pa la gnas kyi/ gzhan dag kyang chos thams cad dngos po med pa la dgod do zhes dbugs 'byin pa rnyed 42a @#/ /par 'gyur te/ de la chos thams cad dngos po med pa zhes bya ba de ni dngos po'i tshig go /de ci'i phyir zhe na/ dngos po'i rang bzhin las dngos po med pa gzhan ma yin te/ dngos po'i rang bzhin nyid dngos po med pa ste/ dngos po'i rang bzhin dngos po med pa shes pa des chos thams cad dngos po med pa'o/ /bdag ni chos gnas pa nyid la gnas kyi/ gzhan dag kyang chos gnas pa nyid la dgod do zhes dbugs 'byin pa rnyed par 'gyur te/ de la chos gnas pa nyid ni chos thams cad g.yo ba med pa gang yin pa'o| |bdag ni chos la gnas kyi/ gzhan dag kyang chos la dgod do zhes dbugs 'byin pa rnyed par 'gyur te/ de la chos ni tha mi dad cing mi gnas pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur pa'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni ye shes kyis nyon mongs pa rnams gzhom pa'ang ma yin/ ye shes kyis nyon mongs pa rnams mi gzhom pa'ang ma yin no zhes bya ba la zhugs kyi/ gzhan dag kyang ye shes kyis nyon mongs pa rnams gzhon pa'ang ma 42b yin| ye shes kyis nyon mongs pa rnams mi gzhom pa'ang ma yin no zhes bya ba la gzud do zhes dbugs 'byin pa rnyed par 'gyur ro/ /de ci'i phyir zhe na/ nyon mongs pa'i rang bzhin las ye shes gzhan ma yin pa'i phyir te/ nyon mongs pa'i rang bzhin las ye shes gzhan med pas nyon mongs pa'i rang bzhin nyid ye shes yin te/ ye shes des ye shes de nyid btsal bar mi bya'o/ /dper na/ mdzub mo'i rtse mo de nyid kyis mdzub mo'i rtse mo de nyid la reg par mi rung ba de ltar ye shes de nyid kyis ye shes de nyid btsal bar mi bya'o/ /bdag ni de bzhin gshegs pa rtag pa'ang ma yin/ de bzhin gshegs pa mi rtag pa'ang ma yin no zhes bya ba la zhugs kyi/ gzhan dag kyang de bzhin gshegs pa rtag pa'ang ma yin/ de bzhin gshegs pa mi rtag pa'ang ma yin no zhes bya ba la gzud do zhes dbugs 'byin pa rnyed par 'gyur te/ de la de bzhin gshegs pa rtag pa'ang ma yin/ mi rtag pa'ang ma yin zhes bya ba ni rlom sems kyi ngo bo nyid med pa'i phyir ro/ /bdag ni de bzhin gshegs pa bsam gyis mi khyab pa'o zhes bya ba'i ye shes 'di la zhugs kyi/ gzhan dag kyang de bzhin gshegs pa bsam gyis mi khyab pa'o zhes bya ba'i ye shes 'di la dgod do zhes dbugs 'byin pa rnyed par 'gyur te/ de la de bzhin gshegs pa bsam gyis mi khyab pa ni sems 43a @#/ /can gdul ba ji lta ba dang / bsam pa ji lta ba de bzhin du rnam par bzhag pa las mi 'da' ba gang yin pa'o/ /bdag ni gzugs mtshan nyid med do zhes bya ba la zhugs kyi/ gzhan dag kyang gzugs mtshan nyid med do zhes bya ba la gzud do zhes dbugs 'byin pa rnyed par 'gyur te/ de ci'i phyir zhe na/ gzugs ni mtshan nyid med pa'i rang bzhin las gzhan ma yin pa'i phyir te/ gzugs kyi rang bzhin las mtshan nyid med pa gzhan med pas gzugs kyi rang bzhin nyid mtshan nyid med pa ste/ gzugs kyi rang bzhin gyi mtshan nyid med pa shes pa des chos thams cad mtshan nyid med pa'o/ /bdag ni thabs mkhas pa la gnas kyi/ gzhan dag kyang thabs mkhas pa la dgod do zhes dbugs 'byin pa rnyed par 'gyur te/ de la thabs mkhas pa ni chos thams cad yang dag par sdud pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni bsod nams kyi tshogs mi zad pa la gnas kyi/ gzhan dag kyang bsod nams kyi tshogs mi zad pa la dgod do zhes dbugs 43b 'byin pa rnyed par 'gyur te/ de la bsod nams kyi tshogs mi zad pa ni dge ba'i rtsa ba byang chub tu bsngos pa gang yin pa'o/ /bdag ni ye shes kyi tshogs la gnas kyi/ gzhan dag kyang ye shes kyi tshogs la dgod do zhes dbugs 'byin pa rnyed par 'gyur te/ de la ye shes kyi tshogs ni stong pa nyid la mos pa gang yin pa'o/ /bdag ni shes rab kyi rtsa ba las byung ba'i las la gnas kyis/ gzhan dag kyang shes rab kyi rtsa ba las byung ba'i las la dgod do zhes dbugs 'byin pa rnyed par 'gyur te/ de la shes rab kyi rtsa ba las byung ba'i las ni bdag nyid chos dkar po la gnas pa gang yin pa'o/ /yang shes rab kyi rtsa ba las byung ba'i las ni gzhan shes rab la dgod pa gang yin pa'o/ /bdag ni ting nge 'dzin la gnas kyi/ gzhan dag kyang ting nge 'dzin la dgod do zhes dbugs 'byin pa rnyed par 'gyur te/ de la ting nge 'dzin ni sems med pa'i snyoms par 'jug pa gang yin pa'o/ /bdag ni so so yang dag par rtog pa la gnas kyi/ gzhan dag kyang so so yang dag par rtog pa la dgod do zhes dbugs 'byin pa rnyed par 'gyur te/ de la so so yang dag par rtog pa ni las dang bya ba la 'jug pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ 44a @#/ /gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni dbu ma'i lam shes pa la gnas kyi/ gzhan dag kyang dbu ma'i lam shes pa la dgod do zhes dbugs 'byin pa rnyed par 'gyur te/ de la dbu ma'i lam ni mtha' rnam par dag pa shes pa gang yin pa'o/ /de ci'i phyir zhe na/ mtha'i rang bzhin las dbu ma'i lam gzhan ma yin pa'i phyir te/ mtha'i rang bzhin las dbu ma'i lam gzhan med pas mtha'i rang bzhin nyid dbu ma'i lam mo/ /bdag ni chos thams cad rtag pa'o zhes bya ba la gnas kyi/ gzhan dag kyang chos thams cad rtag pa'o zhes bya ba la dgod do zhes dbugs 'byin pa rnyed par 'gyur te/ de la chos thams cad rtag pa ni mtha' dang / dbus med pa'i phyir ro/ /chos thams cad mtha' dang / dbus med pa ni 'dus byas kyi rang bzhin las gzhan ma yin pa'i phyir te/ 'dus byas kyi rang bzhin las mtha' dang / dbus med pa gzhan med pas 'dus byas kyi rang bzhin nyid mtha' dang / dbus med pa'o/ /mtha' dang / dbus med pa gang yin pa de ni rtag pa/ brtan pa/ ther zug pa'o/ /bdag ni sangs rgyas la mchod pa bye brag tu mngon par 'phags pa la gnas kyi/ gzhan dag kyang 44b sangs rgyas la mchod pa bye brag tu mngon par 'phags pa la dgod do zhes dbugs 'byin pa rnyed par 'gyur te/ de la sangs rgyas la mchod pa bye brag tu mngon par 'phags pa ni theg pa chen po la mos pa'i byang chub sems dpa' la bsnyen cing bsten pa dang / bsnyen bkur byed cing rnyed pa dang / bkur sti byas te/ ci nus kyi theg pa chen po yang dag par bskyed cing sbyin pa gang yin pa'o/ /bdag ni chos thams cad 'dus ma byas so zhes bya ba la gnas kyi/ gzhan dag kyang chos thams cad 'dus ma byas so zhes bya ba la dgod do zhes dbugs 'byin pa rnyed par 'gyur te/ de la chos thams cad 'dus ma byas zhes bya ba de ni 'dus byas kyi tshig go /de ci'i phyir zhe na/ 'dus byas kyi rang bzhin las 'dus ma byas gzhan ma yin pa'i phyir te/ 'dus byas kyi rang bzhin las 'dus ma byas gzhan med pas 'dus byas kyi rang bzhin nyid 'dus ma byas te/ 'dus byas kyi rang bzhin 'dus ma byas shes pa des chos thams cad 'dus ma byas pa'o/ /bdag ni chos thams cad stong ngo zhes bya ba la zhugs kyi/ gzhan dag chos thams cad stong ngo zhes bya ba la gzud do zhes dbugs 'byin pa rnyed par 'gyur te/ de la stong pa nyid ni lta bar gyur pa gang yin pa'o/ /de ci'i phyir zhe na/ stong pa nyid ni lta bar 'gyur ba'i rang bzhin las gzhan ma yin 45a @#/ /pa'i phyir te/ lta bar gyur pa'i rang bzhin las stong pa nyid gzhan med pas lta bar gyur pa'i rang bzhin nyid stong pa nyid do/ /lta bar gyur pa'i rang bzhin stong pa nyid shes pa des chos thams cad stong ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste| bdag ni chos thams cad mthong bar dka' ba la gnas kyi/ gzhan dag kyang chos thams cad mthong bar dka' ba la dgod do zhes dbugs 'byin pa rnyed par 'gyur te| de la chos thams cad mthong bar dka' ba ni rgyu dang / rkyen gyi rang bzhin yin pa'i phyir ro/ /bdag ni chos thams cad rtogs par dka' ba la gnas kyi/ gzhan dag kyang chos thams cad la rtogs par dka' ba la dgod do zhes dbugs 'byin pa rnyed par 'gyur te/ de la chos thams cad rtogs par dka' ba ni dmigs pa med pa dang / yid la byed pa'i rang bzhin ma yin pa'i phyir ro/ /bdag ni chos thams cad rig par dka' ba la gnas kyi/ gzhan dag kyang chos thams cad rig par dka' ba la dgod do zhes 45b dbugs 'byin pa rnyed par 'gyur te/ de la chos thams cad rig par dka' ba ni shes pa dang / shes bya ba mnyam pa nyid du rtogs pa'i phyir ro/ /bdag ni chos thams cad rnyog pa med pa la gnas kyi/ gzhan dag kyang chos thams cad rnyog pa med pa la dgod do zhes dbugs 'byin pa rnyed par 'gyur te/ de la chos thams cad rnyog pa med pa ni shin tu rnam par dag pa'i phyir ro/ /bdag ni chos thams cad mi zad pa la gnas kyi/ gzhan dag kyang chos thams cad mi zad pa la dgod do zhes dbugs 'byin pa rnyed par 'gyur te/ de la chos thams cad mi zad pa ni dpe dang dper bya ba'i ngo bo nyid ma yin pa'i phyir te/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni chos thams cad mi phyed pa la gnas kyi/ gzhan dag kyang chos thams cad mi phyed pa la dgod do zhes dbugs 'byin pa rnyed par 'gyur te/ de la chos mi phyed pa ni chos thams cad chos kyi dbyings dang dbyer med pa'i phyir dus gsum mnyam pa nyid du 'jug pa gang yin pa'o/ /bdag ni 'phags pa'i bden pa bzhi mi phyed pa la gnas kyi/ gzhan dag kyang 46a @#/ /'phags pa'i bden pa bzhi mi phyed pa la dgod do zhes dbugs 'byin pa rnyed par 'gyur te/ de la 'phags pa'i bden pa bzhi mi phyed pa ni nang rnam par dag pa gang yin pa'o/ /bdag ni ma rig pa dang / 'du byed mi phyed pa shes pa la gnas kyis/ gzhan dag kyang ma rig pa dang / 'du byed mi phyed pa shes pa la dgod do zhes dbugs 'byin pa rnyed par 'gyur te/ de ci'i phyir zhe na/ ma rig pa ni 'du byed kyi rang bzhin las gzhan ma yin pa'i phyir ro/ /gal te 'du byed rnams las ma rig pa gzhan yin du zin na 'du byed rnams rgyu med pa can du 'gyur ro/ /ji ste ma rig pa las 'du byed rnams gzhan ma yin na de lta na ni shin tu rnam par dag pa'i phyir rgyu dang / 'bras bu 'grogs par 'gyur ro/ /bdag ni chos thams cad mi rtag pa'o zhes bya ba la gnas kyi/ gzhan dag kyang chos thams cad mi rtag pa'o zhes bya ba la dgod do zhes dbugs 'byin pa rnyed par 'gyur te/ de ci'i phyir zhe na/ mi rtag pa nyid ni rtag pa'i rang bzhin las gzhan ma yin pa'i phyir te/ rtag pa'i rang bzhin las mi rtag pa gzhan med pas rtag pa'i rang bzhin nyid mi rtag pa'o/ /bdag ni de bzhin gshegs pa ma skyes ma 'gags pa'o zhes bya ba la gnas kyi/ gzhan dag kyang de bzhin gshegs pa ma skyes ma 'gags pa'o zhes bya ba 46b la dgod do zhes dbugs 'byin pa rnyed par 'gyur te/ de la de bzhin gshegs pa ma skyes ma 'gags pa ni gnyen po med pa'i phyir ro/ /'di lta ste/ dper na/ nam mkha' ni ma skyes pa| ma 'gags pa/ mtha' dang / dbus med pa yin mod kyi/ 'on kyang dmigs pa'i dbang gis 'di ni khab kyi bu gu'o/ /'di ni bum pa'i nang ngo / /'di ni nam mkha' tshad med pa'o zhes rab 'bring dang / tha mar snang yang ma skyes ma 'gags pa'i phyir/ nam mkha' la rab 'bring dang / tha ma med do/ /nam mkha' ni mi rtog /rnam par mi rtog mod kyi/ 'on kyang ma 'dres pa'i chos dang ldan pa'i phyir/ de mi rtog cing lhun gyis grub par bya ba 'di lta bu 'di 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang ma skyes ma 'gags pa mtha' dang / dbus med pa yin mod kyi/ 'on kyang sems can gyi bsam pa'i dbang gis sems can gyi bsam pa rab 'bring tha ma rnams la 'di ni nyan thos kyi theg pa'o/ /'di ni rang sangs rgyas kyi theg pa'o/ /'di ni sems can thams cad kyi go skabs yod pa theg pa chen po zhes bya ba tha dad pa 'byung ste/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir de mi rtog cing lhun gyis grub par bya ba 'di lta bu 'di 'byung ngo / /'jam 47a @#/ /dpal/ 'di lta ste/ dper na/ nyi ma'i 'od ni gnas dang / dmigs pa'i dbang gis dri ma sna tshogs su 'gyur yang nyi ma'i 'od ni ma 'dres pa'i chos dang ldan pa'i phyir/ mi rtog rnam par mi rtog go /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sems can rnams kyi bsam pa dang / dmigs pa'i dbang gis ye shes tha dad pa sna tshogs su 'gyur te/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir/ de mi rtog cing lhun gyis grub par bya ba 'di lta bu 'di 'byung ngo / /'di la theg pa'am/ theg pa ma yin pa ni gang yang med de/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sems can thams cad kyi kun nas nyon mongs pa sel ba la gnas kyi/ gzhan dag kyang sems can gyi kun nas nyon mongs pa sel ba la dgod do zhes dbugs 'byin pa rnyed par 'gyur te/ de la kun nas nyon mongs pa la ni lus la gnod pa dang / sems la 47b gnod pa'o/ /bdag ni chos snang ba'i sgo'i shes rab la gnas kyi/ gzhan dag kyang chos snang ba'i sgo'i shes rab la dgod do zhes dbugs 'byin pa rnyed par 'gyur te/ 'jam dpal| de la chos snang ba'i sgo'i shes rab ni chos bzhis 'byung bar 'gyur ro/ /bzhi gang zhe na/ 'di lta ste/ dad pa dang / bag yod pa dang / bsam pa dang / lhag pa'i bsam pa ste| 'jam dpal/ chos bzhi po de dag gis byang chub sems dpa' rnams kyi chos snang ba'i sgo'i shes rab 'byung bar 'gyur te/ chos snang ba'i sgo'i shes rab kyis byang chub sems dpa' rnams kyi ngan song ngan 'gro log par ltung ba thams cad gcod par 'gyur ro/ /bdag ni ye shes snang ba'i sgo'i shes rab la gnas kyi/ gzhan dag kyang ye shes snang ba'i sgo'i shes rab la dgod do zhes dbugs 'byin pa rnyed par 'gyur te/ 'jam dpal/ de la ye shes snang ba'i sgo'i shes rab ni chos bzhis 'byung bar 'gyur ro/ /bzhi gang zhe na/ 'di lta ste/ bsod nams kyi tshogs dang / ye shes kyi tshogs dang / stong pa nyid la mos pa dang / sems can rnams byang chub kyi sems la gzhog pa ste/ 'jam dpal| chos bzhi po de dag gis byang chub sems dpa' rnams kyi ye shes snang ba'i sgo'i shes rab 'byung bar 'gyur te/ ye shes snang ba'i sgo'i shes rab kyi bdud kyi zhags pa dang 48a @#/ /bdud kyi las thams cad gcod par 'gyur ro/ /bdag ni sbyin pa'i bsam pa mi zad par sbyor ba'i shes rab la gnas kyi/ gzhan dag kyang sbyin pa'i bsam pa mi zad par sbyor ba'i shes rab la dgod do zhes dbugs 'byin pa rnyed par 'gyur te/ 'jam dpal/ de la sbyin pa'i bsam pa mi zad par sbyor ba'i shes rab ni byang chub sems dpa' rnams kyi sems can ser sna can yongs su smin par byed par 'gyur ba'o/ /bdag ni tshul khrims kyi bsam pa mi zad pa sbyor ba'i shes rab la gnas kyi/ gzhan dag kyang tshul khrims kyi bsam pa mi zad par sbyor ba'i shes rab la dgod do zhes dbugs 'byin pa rnyed par 'gyur te/ 'jam dpal/ de la tshul khrims kyi bsam pa mi zad par sbyor ba'i shes rab ni byang chub sems dpa' rnams kyi sems can tshul khrims 'chal pa yongs su smin par byed par 'gyur ba ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni nang du yang dag 'jog la gnas kyi/ gzhan dag kyang nang du yang dag 'jog la dgod do 48b zhes dbugs 'byin pa rnyed par 'gyur te/ de la nang du yang dag 'jog ni lus dang / sems dben zhing dge ba'i rtsa ba brtsam pa thams cad la zhum pa med pa gang yin pa'o/ /bdag ni 'dus byas kyi chos nyid la gnas kyi/ gzhan dag kyang 'dus byas kyi chos nyid la dgod do zhes dbugs 'byin pa rnyed par 'gyur te/ de la 'dus byas kyi chos nyid ni chos thams cad stong pa ma yin| mi stong pa ma yin/ sgro btags pa ma yin/ sgro ma btags pa ma yin/ lhag par byed pa ma yin/ lhag par mi byed pa ma yin/ dngos po ma yin/ dngos po med pa ma yin/ 'dus byas ma yin/ 'dus ma byas ma yin/ mtshan nyid ma yin/ mtshan nyid med pa ma yin/ gnas pa ma yin/ gnas med pa ma yin/ gnyis ma yin/ gnyis su med pa ma yin/ gdeg pa ma yin/ gzhog pa ma yin/ len pa ma yin/ gtong ba ma yin pa ste/ de ltar 'jug pa gang yin pa de ni 'dus byas kyi chos nyid ces bya'o/ /bdag ni 'dus ma byas kyi chos nyid la gnas kyi/ gzhan dag kyang 'dus ma byas kyi chos nyid la dgod do zhes dbugs 'byin pa rnyed par 'gyur te/ de la 'dus ma byas kyi chos nyid ces bya ba ni chos de dag nyid la dbyer med pa/ rlom sems med pa/ sgro mi 'dogs pa/ mi rtog rnam par mi rtog pa gang yin pa ste/ de ni 'dus ma byas kyi chos nyid ces bya'o/ /bdag ni yang dag par mthong ba 49a @#/ /la gnas kyi/ gzhan dag kyang yang dag par mthong ba la dgod do zhes dbugs 'byin pa rnyed par 'gyur te/ de la yang dag par mthong ba ni gnyis dang / gnyis su med pa la mtshan nyid med par 'jug pa gang yin pa ste/ de ci'i phyir zhe na/ gnyis kyi rang bzhin las gnyis su med pa gzhan ma yin pa'i phyir te/ gnyis kyi rang bzhin las gnyis su med pa gzhan med pas gnyis kyi rang bzhin nyid gnyis su med pa ste/ de ltar 'jug pa gang yin pa de ni yang dag par mthong ba zhes bya'o/ /bdag ni zhe sdang med pa la gnas kyi/ gzhan dag kyang zhe sdang med pa la dgod do zhes dbugs 'byin pa rnyed par 'gyur te/ de la zhe sdang med pa ni sems can thams cad la phan pa'i dngos po dang / las kyi bya ba la 'jug pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ro/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni pha rol tu phyin pa'i lam gyi tshul la 'jug pa la gnas kyi/ gzhan dag kyang pha rol tu phyin pa'i lam gyi tshul la 'jug pa la dgod do zhes dbugs 'byin pa rnyed par 'gyur te/ de la pha rol tu phyin 49b pa'i lam gyi tshul la 'jug pa ni thabs mkhas pas yang dag par zin pa'i shes rab gang yin pa'o/ /bdag ni sangs rgyas kyi rigs su skyes pa yin gyi/ gzhan dag kyang sangs rgyas kyi rigs su skye ba la dgod do zhes dbugs 'byin pa rnyed par 'gyur te/ de la sangs rgyas kyi rigs su skye ba ni bsod nams kyi tshogs dang / ye shes kyi tshogs gang yin pa'o/ /bdag ni byang chub kyi sems la gnas kyi/ gzhan dag kyang byang chub kyi sems la dgod do zhes dbugs 'byin pa rnyed par 'gyur te/ de la byang chub kyi sems ni byams pa chen po dang / snying rje chen po gang yin pa ste/ de ci'i phyir zhe na/ chos thams cad kyi rjes su song ba'i phyir ro/ /bdag ni chos so so yang dag par rig pa la gnas kyi/ gzhan dag kyang chos so so yang dag par rig pa la dgod do zhes dbugs 'byin pa rnyed par 'gyur te/ de la chos so so yang dag par rig pa ni chos thams cad kyi chos rab tu dbye ba bstan pa gang yin pa'o/ /bdag ni don so so yang dag par rig pa la gnas kyi/ gzhan dag kyang don so so yang dag par rig pa la dgod do zhes dbugs 'byin pa rnyed par 'gyur te/ de la don so so yang dag par rig pa ni chos thams cad kyi rab tu dbye ba bstan pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 50a @#/ /'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na| 'di lta ste/ bdag ni nges pa'i tshig so so yang dag par rig pa la gnas kyi/ gzhan dag kyang nges pa'i tshig so so yang dag par rig pa la dgod do zhes dbugs 'byin pa rnyed par 'gyur te/ de la nges pa'i tshig so so yang dag par rig pa ni chos rnams la kun rdzob shes pa dang dbyer med pa gang yin pa'o/ /bdag ni spobs pa so so yang dag par rig pa la gnas kyi/ gzhan dag kyang spobs pa so so yang dag par rig pa la dgod do zhes dbugs 'byin pa rnyed par 'gyur te/ de la spobs pa so so yang dag par rig pa ni chos thams cad kyi don dam pa la mkhas pa'i ye shes gang yin pa'o/ /bdag ni dran pa la gnas kyi/ gzhan dag kyang dran pa la dgod do zhes dbugs 'byin pa rnyed par 'gyur te/ de la dran pa ni mi brjed pa'i chos nyid do/ /bdag ni blo gros la gnas kyi/ gzhan dag kyang blo gros la dgod do zhes dbugs 'byin pa rnyed par 'gyur te/ de la blo gros ni shin tu rnam par nges pa'i ye shes gang yin pa'o/ /bdag ni \?\ nga rtad thab gnas kyi/ gzhan dag kyang brtan pa la dgod do zhes dbugs 'byin pa rnyed par 'gyur te/ de la brtan pa 50b ni sdom pa la spyod pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni rtogs pa la gnas kyi / gzhan dag kyang rtogs pa la dgod do zhes dbugs 'byin pa rnyed par 'gyur te/ de la rtogs pa ni mdo las 'byung ba'i dgongs pa khong du chud pa gang yin pa'o/ /bdag ni shes rab la gnas kyi/ gzhan dag kyang shes rab la dgod do zhes dbugs 'byin pa rnyed par 'gyur te/ de la shes rab ni 'dus byas dang / 'dus ma byas kyi chos rnams la dbyer med par mkhas pa gang yin pa'o/ /bdag ni tshogs la gnas kyi/ gzhan dag kyang tshogs la dgod do zhes dbugs 'byin pa rnyed par 'gyur te/ de la tshogs ni pha rol tu phyin pa lnga'o/ / bdag ni yongs su gcod pa la gnas kyi/ gzhan dag kyang yongs su gcod pa la dgod do zhes dbugs 'byin pa rnyed par 'gyur te/ de la yongs su gcod pa ni shes rab kyi pha rol tu phyin pa'o/ /bdag ni thabs mkhas pa la gnas kyi/ gzhan dag kyang thabs mkhas pa la dgod do zhes dbugs 'byin pa rnyed par 'gyur te/ de la thabs mkhas pa ni 51a @#/ /chos thams cad yang dag par sdud pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na| 'di lta ste/ bdag ni 'du 'dzir spyod pa la gnas kyi/ gzhan dag kyang 'du 'dzir spyod pa la dgod do zhes dbugs 'byin pa rnyed par 'gyur te/ de la 'du 'dzir spyod pa ni pha rol tu phyin pa lnga gang yin pa'o/ /bdag ni 'du 'dzi med par spyod pa la gnas kyi/ gzhan dag kyang 'du 'dzi med par spyod pa la dgod do zhes dbugs 'byin pa rnyed par 'gyur te/ de la 'du 'dzi med par spyod pa ni shes rab kyi pha rol tu phyin pa gang yin pa'o/ /bdag ni zag pa dang bcas pa'i spyod pa la gnas kyi/ gzhan dag kyang zag pa dang bcas pa'i spyod pa la dgod do zhes dbugs 'byin pa rnyed par 'gyur te/ de la zag pa dang bcas pa'i spyod pa ni gang la rlom sems 'jug pa'o/ /bdag ni zag pa med pa'i spyod pa la gnas kyis/ gzhan dag kyang zag pa med pa'i spyod pa la dgod do zhes dbugs 'byin pa rnyed par 'gyur te/ de la zag pa med pa'i spyod pa ni gang la rlom 51b sems kyi rgyu ba med pa'o/ /bdag ni tshad yod par byas pa'i spyod pa la gnas kyi/ gzhan dag kyang tshad yod par byas pa'i spyod pa la dgod do zhes dbugs 'byin pa rnyed par 'gyur te/ de la tshad yod par byas pa'i spyod pa ni mtshan ma'i gnas gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste| bdag ni tshad med par byas pa'i spyod pa la gnas kyi/ gzhan dag kyang tshad med par byas pa'i spyod pa la dgod do zhes dbugs 'byin pa rnyed par 'gyur te/ de la tshad med par byas pa'i spyod pa ni mtshan ma med pa'i gnas gang yin pa'o/ /bdag ni tshad yod par byas pa shes pa la gnas kyi/ gzhan dag kyang tshad yod par byas pa shes pa la dgod do zhes dbugs 'byin pa rnyed par 'gyur te/ de la tshad yod par byas pa shes pa ni phung po dang / khams dang / skye mched dang / rten cing 'brel par 'byung ba dang / gnas dang gnas ma yin par spyod pa la mkhas pa gang yin pa'o/ /bdag ni tshad med par byas pa shes pa la gnas kyi/ gzhan dag kyang tshad med par byas pa'i shes pa la dgod do zhes 52a @#/ /dbugs 'byin pa rnyed par 'gyur te/ de la tshad med par byas pa shes pa ni gang la rlom sems kyi rgyu ba med pa'o/ /bdag ni yongs su chad pa la gnas kyi/ gzhan dag kyang yongs su chad pa la dgod do zhes dbugs 'byin pa rnyed par 'gyur te/ de la yongs su chad pa ni pha rol tu phyin pa lnga'o/ /bdag ni yongs su ma chad pa la gnas kyi/ gzhan dag kyang yongs su mchad pa la dgod do zhes dbugs 'byin pa rnyed par 'gyur te/ de la yongs su ma chad pa ni shes rab kyi pha rol tu phyin pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni rang gi sems 'dul ba la gnas kyi/ gzhan dag kyang rang gi sems 'dul ba la dgod do zhes dbugs 'byin pa rnyed par 'gyur te/ de la rang gi sems 'dul ba ni bdag med pa'i chos la so sor rtog pa gang yin pa'o/ /bdag ni lus dang sems 'dul ba la gnas kyi/ gzhan dag kyang lus dang / sems 'dul ba la dgod do zhes dbugs 'byin pa rnyed par 'gyur te/ de la lus dang / sems 'dul ba ni sems can 52b thams cad smin par bya ba la yongs su mi skyo pa gang yin pa'o/ /bdag ni bsam pa rnam par sbyong ba la gnas kyi/ gzhan dag kyang bsam pa rnam par sbyong ba la dgod do zhes dbugs 'byin pa rnyed par 'gyur te/ de la bsam pa rnam par sbyong ba ni sems can thams cad la rnam par dpyad pa gang yin pa'o/ /bdag ni sems can thams cad la rnam par dpyad pa la gnas kyi/ gzhan dag kyang sems can thams cad la rnam par dpyad pa la dgod do zhes dbugs 'byin pa rnyed par 'gyur te/ de la sems can thams cad la rnam par dpyad pa ni sems can thams cad la sems mnyam pa nyid gang yin pa'o/ /bdag ni tshogs dag la gnas kyi/ gzhan dag kyang tshogs dag la dgod do zhes dbugs 'byin pa rnyed par 'gyur te| de la tshogs ni pha rol tu phyin pa lnga gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lus 'dul ba la gnas kyi/ gzhan dag kyang lus 'dul ba la dgod do zhes dbugs 'byin pa rnyed par 'gyur te/ de la lus 'dul ba ni lus kyi las kyi nyes pa rnam pa 53a @#/ /gsum yongs su spangs pa gang yin pa'o/ /bdag ni ngag 'dul ba la gnas kyi/ gzhan dag kyang ngag 'dul ba la dgod do zhes dbugs 'byin pa rnyed par 'gyur te/ de la ngag 'dul ba ni ngag gi las kyi nyes pa rnam pa bzhi yongs su spangs pa gang yin pa'o/ /bdag ni yid 'dul ba la gnas kyi/ gzhan dag kyang yid 'dul ba la dgod do zhes dbugs 'byin pa rnyed par 'gyur te/ de la yid 'dul ba ni yid kyi las kyi nyes pa rnam pa gsum yongs su spangs pa gang yin pa'o/ /bdag ni ser sna'i sems 'dul ba la gnas kyi/ gzhan dag kyang ser sna'i sems 'dul ba la dgod do zhes dbugs 'byin pa rnyed par 'gyur te/ de la ser sna'i sems 'dul ba ni bdog pa thams cad yongs su gtong ba gang yin pa'o/ /bdag ni g.yo med pa la gnas kyi/ gzhan dag kyang g.yo med pa la dgod do zhes dbugs 'byin pa rnyed par 'gyur te/ de la g.yo med pa ni sems can thams cad la sems mnyam pa nyid gang yin pa'o/ /de la sems can thams cad la sems mnyam pa ni chos kyi dbyings dbyer med pa'i phyir chos thams cad tha dad pa med pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// // 53b bam po bzhi pa/ 'jam dpal/ gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni le lo'i sems 'dul ba la gnas kyi/ gzhan dag kyang le lo'i sems 'dul ba la dgod do zhes dbugs 'byin pa rnyed par 'gyur te/ de la le lo'i sems 'dul ba ni dge ba'i rtsom pa thams cad la zhum pa med pa'o/ /bdag ni sangs rgyas mchod pa la gnas kyi/ gzhan dag kyang sangs rgyas mchod pa la dgod do zhes dbugs 'byin pa rnyed par 'gyur te/ de la sangs rgyas mchod pa ni gang byin gyis brlabs pa byas nas sangs rgyas 'byung bar 'gyur ba'i chos ston pa gang yin pa de dag la mchod pa gang yin pa ni de bzhin gshegs pa la mchod pa'o/ /bdag ni ye shes spyod pa la gnas kyi/ gzhan dag kyang ye shes spyod pa la dgod do zhes dbugs 'byin pa rnyed par 'gyur te/ de la ye shes spyod pa ni sems can thams cad phyir mi ldog pa'i chos la rab tu dgod pa gang yin pa'o/ /bdag ni ngag gi spyod pa la gnas kyi/ gzhan dag kyang ngag gi spyod pa la dgod do zhes dbugs 'byin pa rnyed par 'gyur te/ de la ngag gi spyod pa ni sems can thams cad kyi ngag gi nyes pa yongs su sbyong ba gang yin pa'o/ /bdag ni sems kyi spyod pa la gnas kyi/ gzhan dag kyang sems 54a @#/ /kyi spyod pa la dgod do zhes dbugs 'byin pa rnyed par 'gyur te/ de la sems kyi spyod pa ni sems can thams cad kyi sems kyi nyes pa yongs su sbyong ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang| dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni bdud kyi las sgro btags pa med pa sangs rgyas kyi 'phrin las la gnas kyi/ gzhan dag kyang bdud kyi las sgro btags pa med pa sangs rgyas kyi 'phrin las la dgod do zhes dbugs 'byin pa rnyed par 'gyur te| de la bdud kyi las sgro btags pa med pa sangs rgyas kyi 'phrin las ni bdud kyi las sgro btags pas sems can yongs su smin par byed pa gang yin pa'o/ /bdag ni de bzhin gshegs pa rtag pa'o zhes bya bar mos pa la gnas kyi/ gzhan dag kyang de bzhin gshegs pa rtag pa'o zhes bya bar mos pa la dgod do zhes dbugs 'byin pa rnyed par 'gyur te/ de la de bzhin gshegs pa rtag pa ni dbyer med pa'i phyir ro/ /bdag ni de bzhin gshegs pa ther zug go zhes bya bar mos pa la gnas kyi/ gzhan dag 54b kyang de bzhin gshegs pa ther zug go zhes bya bar mos pa la dgod do zhes dbugs 'byin pa rnyed par 'gyur te/ de la de bzhin gshegs pa ther zug ni sangs rgyas kyi mdzad pa thams cad rgyun mi gcod pa'i phyir ro/ /bdag ni de bzhin gshegs pa shis pa zhes bya bar mos pa la gnas kyi/ gzhan dag kyang de bzhin gshegs pa shis pa zhes bya bar mos pa la dgod do zhes dbugs 'byin pa rnyed par 'gyur te/ de la de bzhin gshegs pa shis pa zhes bya ba ni mthong ba dang / thos pa dang / dran pa rnams don yod pa'i phyir ro/ /bdag ni de bzhin gshegs pa g.yung drung ngo zhes bya bar mos pa la gnas kyi/ gzhan dag kyang de bzhin gshegs pa g.yung drung ngo zhes bya bar mos pa la dgod do zhes dbugs 'byin pa rnyed par 'gyur te/ de la de bzhin gshegs pa g.yung drung ngo zhes bya ba ni sku'i mtha' med pa'i phyir ro/ /sku'i mtha' med pa'i rnam par bzhag pa las 'das pa'i phyir te/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni phan pa'i dngos po la gnas kyi/ gzhan dag kyang phan pa'i dngos po la dgod do zhes dbugs 'byin pa rnyed par 'gyur te/ de la phan pa'i 55a @#/ /dngos po ni sems can thams cad kyi lus dang / sems kyi mi bde ba yongs su bskyab pa'i phyir de sdug bsngal gyi yo byad gang ci'ang mi len pa med de/ bde ba'i yo byad gang ci'ang yongs su mi gtong ba med pa gang yin pa'o/ /bdag ni chos thams cad mtshan ma med pa la gnas kyi/ gzhan dag kyang chos thams cad mtshan ma med pa la dgod do zhes dbugs 'byin pa rnyed par 'gyur te/ de la mtshan ma med pa ni mtshan ma med pa'i rang bzhin gang yin pa ste/ de ci'i phyir zhe na/ rlom sems ni ngo bo nyid med pa'i phyir ro/ / bdag ni sangs rgyas la skyabs su song ba yin gyi/ gzhan dag kyang sangs rgyas la skyabs su 'gro ba la dgod do zhes dbugs 'byin pa rnyed par 'gyur te/ de la sangs rgyas la skyabs su 'gro ba ni sdig pa thams cad mi byed pa gang yin pa'o/ /bdag ni chos la skyabs su song ba yin gyi/ gzhan dag kyang chos la skyabs su 'gro ba la dgod do zhes dbugs 'byin pa rnyed par 'gyur te/ de la chos la skyabs su 'gro ba ni rten cing 'brel par 'byung ba la 'jug pa gang yin pa'o/ /bdag ni dge 'dun la skyabs su song ba yin gyi/ gzhan dag kyang dge 'dun la skyabs su 'gro ba la dgod do zhes dbugs 'byin pa rnyed par 'gyur te/ de la dge 'dun la skyabs su 'gro ba ni rjes su chags pa dang / khong khro ba spangs pa gang yin 55b pa ste| 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lus mi phyed pa la gnas kyi/ gzhan dag kyang lus mi phyed pa la dgod do zhes dbugs 'byin pa rnyed par 'gyur te/ de la lus mi phyed pa ni pha rol gyi gnod pa thams cad dang bral ba gang yin pa'o/ /bdag ni dad pa mi phyed pa la gnas kyi| gzhan dag kyang dad pa mi phyed pa la dgod do zhes dbugs 'byin pa rnyed par 'gyur te/ de la dad pa mi phyed pa ni las kyi rnam par smin pa la yid ches pa gang yin pa'o/ /bdag ni snyoms par 'jug pa shes pa la gnas kyi/ gzhan dag kyang snyoms par 'jug pa shes pa la dgod do zhes dbugs 'byin pa rnyed par 'gyur te/ de la snyoms par 'jug pa ni dmigs pa'i ngo bo nyid la 'jug pa gang yin pa'o/ /bdag ni chos mi phyed pa la gnas kyi/ gzhan dag kyang chos mi phyed pa la dgod do zhes dbugs 'byin pa rnyed par 'gyur te/ de la chos mi phyed pa ni chos sgrub pa gang yin pa'o/ /bdag ni dge ba'i bshes gnyen mi phyed pa la gnas kyi/ gzhan dag kyang dge ba'i bshes gnyen mi phyed pa la dgod do zhes dbugs 56a @#/ /'byin pa rnyed par 'gyur te/ de la dge ba'i bshes gnyen mi phyed pa ni dge ba'i bshes gnyen mi slu ba gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni chos dang rjes su mthun pa'i chos la gnas kyi/ gzhan dag kyang chos dang rjes su mthun pa'i chos la dgod do zhes dbugs 'byin pa rnyed par 'gyur te/ de la chos dang rjes su mthun pa'i chos ni chos la yang dag pa nyid du sgrub pa gang yin pa'o/ /bdag ni ngo tsha shes pa la gnas kyi/ gzhan dag kyang ngo tsha shes pa la dgod do zhes dbugs 'byin pa rnyed par 'gyur te/ de la ngo tsha shes pa ni lus dang ngag gis legs par spyad pa gang yin pa'o/ / bdag ni khrel yod pa la gnas kyi/ gzhan dag kyang khrel yod pa la dgod do zhes dbugs 'byin pa rnyed par 'gyur te/ de la khrel yod pa ni yid kyi legs par spyad pa gang yin pa'o/ /bdag ni yang dag par mthong ba la gnas kyi/ gzhan dag kyang yang dag par mthong ba la dgod do zhes dbugs 'byin pa rnyed par 'gyur te/ de la yang dag par 56b mthong ba ni chos thams cad mtha' dang / dbus med par 'jug pa gang yin pa'o/ /bdag ni rjes su chags pa spong ba la gnas kyi/ gzhan dag kyang rjes su chags pa spong ba la dgod do zhes dbugs 'byin pa rnyed par 'gyur te/ de la rjes su chags pa spong ba ni ma 'ongs pa'i mi dge ba'i las mi skyed pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni khong khro ba spong ba la gnas kyi/ gzhan dag kyang khong khro ba spong ba la dgod do zhes dbugs 'byin pa rnyed par 'gyur te/ de la khong khro ba spong ba ni dge ba'i las skyes pa rnams chud mi gson pa gang yin pa'o/ /bdag ni cho ga la gnas kyi/ gzhan dag kyang cho ga la dgod do zhes dbugs 'byin pa rnyed par 'gyur te/ de la cho ga ni ngo tsha shes pa dang / khrel yod pa gang yin pa'o/ /bdag ni rang gi dge ba'i rtsa ba yang dag par srung ba la gnas kyi/ gzhan dag kyang rang gi dge ba'i rtsa ba yang dag par srung ba la dgod do zhes dbugs 'byin pa rnyed par 'gyur te/ de la rang gi dge ba'i rtsa ba yang dag par srung ba ni las kyi bya ba la 'jug pa gang yin pa'o/ /bdag ni gzhan gyi dge ba'i rtsa ba chud 57a @#/ /mi gson pa la gnas kyi/ gzhan dag kyang gzhan gyi dge ba'i rtsa ba chud mi gson pa la dgod do zhes dbugs 'byin pa rnyed par 'gyur te/ de la gzhan gyi dge ba'i rtsa ba chud mi gson pa ni byams pa chen po dang / snying rje chen po la gnas pa gang yin pa'o/ /bdag ni stong pa nyid la mos pa la gnas kyi/ gzhan dag kyang stong pa nyid la mos pa la dgod do zhes dbugs 'byin pa rnyed par 'gyur te/ de la stong pa nyid ni lta bar gyur pa'i rang bzhin gang yin pa ste/ lta bar gyur pa'i rang bzhin las stong pa nyid gzhan ma yin te| 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sgrib pa med pa'i rnam par grol ba'i ye shes la gnas kyi/ gzhan dag kyang sgrib pa med pa'i rnam par grol ba'i ye shes la dgod do zhes dbugs 'byin pa rnyed par 'gyur te/ de la sgrib pa med pa'i rnam par grol ba'i ye shes ni gnyis dang gnyis su med pa rnam par dag pa gang yin pa'o/ /bdag ni chos rnams rten cing mi 'byung ngo zhes bya bar mos pa la gnas kyi/ gzhan dag kyang 57b chos rnams rten cing mi 'byung ngo zhes bya bar mos pa la dgod do zhes dbugs 'byin pa rnyed par 'gyur te/ de la chos rnams rten cing mi 'byung ba ni rkyen rnams mi skye ba'i ngo bo nyid yin pa'i phyir ro| |bdag ni chos thams cad gnas med do zhes bya bar mos pa la gnas kyi/ gzhan dag kyang chos thams cad gnas med do zhes bya bar mos pa la dgod do zhes dbugs 'byin pa rnyed par 'gyur te/ de la chos thams cad la gnas med do zhes bya ba ni phyogs cha tha dad pa med pa'i phyir ro/ /bdag ni sangs rgyas nam mkha' dang mtshungs so zhes bya bar mos pa la gnas kyi/ gzhan dag kyang sangs rgyas nam mkha' dang mtshungs so zhes bya bar mos pa la dgod do zhes dbugs 'byin pa rnyed par 'gyur te/ de la sangs rgyas nam mkha' dang mtshungs so zhes bya ba ni tha dad pa med pa dang / rten pa med pa'i phyir ro/ /bdag ni sangs rgyas sems dang / yid dang / rnam par shes pa dang bral ba'o zhes bya ba la gnas kyi/ gzhan dag kyang sangs rgyas sems dang / yid dang / rnam par shes pa dang bral ba'o zhes bya ba la dgod do zhes dbugs 'byin pa rnyed par 'gyur te/ de la sangs rgyas dang / sems dang / yid dang / rnam par shes pa dang bral ba'o zhes bya ba ni lhun gyis grub pa'i ye shes brnyes pa'i phyir te/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi 58a @#/ /sa dang po yongs su sbyong bar 'gyur ba'o/ /'jam dpal/ gzhan yang / dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sbyin pa las byung ba'i bsdu ba'i dngos po la gnas kyis/ gzhan dag kyang sbyin pa las byung ba'i bsdu ba'i dngos po la dgod do zhes dbugs 'byin pa rnyed par 'gyur te/ de la sbyin pa las byung ba'i bsdu ba'i dngos po ni bsam pa dang / sbyor ba'o/ /bdag ni tshul khrims las byung ba'i bsdu ba'i dngos po la gnas kyi/ gzhan dag kyang tshul khrims las byung ba'i bsdu ba'i dngos po la dgod do zhes dbugs 'byin pa rnyed par 'gyur te/ de la tshul khrims las byung ba'i bsdu ba'i dngos po ni byams pa dang / snying rje'o/ /bdag ni bsgoms pa las byung ba'i bsdu ba'i dngos po la gnas kyi/ gzhan dag kyang bsgoms pa las byung ba'i bsdu ba'i dngos po la dgod do zhes dbugs 'byin pa rnyed par 'gyur te/ de la bsgoms pa las byung ba'i bsdu ba'i dngos po ni thabs kyis yang dag par zin pa'i shes rab bo/ /bdag ni bsam pa la gnas kyi| gzhan dag kyang bsdam pa la dgod do zhes dbugs 'byin pa rnyed par 'gyur te/ de la bsam pa ni dge ba'i chos rnams la dad pa dang / 'dun pa'o/ /bdag ni sbyor ba 58b la gnas kyi/ gzhan dag kyang sbyor ba la dgod do zhes dbugs 'byin pa rnyed par 'gyur te/ de la sbyor ba ni dge ba'i chos thams cad sgrub pa gang yin pa ste/ 'jam dpal/ dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ /de nas 'jam dpal gzhon nur gyur pas bcom ldan 'das kyis brjod pa mthar phyin par rig nas byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ sangs rgyas bcom ldan 'das rnams kyi ston pa thogs pa med pa gang yin/ sangs rgyas bcom ldan 'das rnams kyi mkhyen pa thogs pa med pa gang yin/ sangs rgyas bcom ldan 'das rnams kyi sems can yongs su smin par mdzad pa khyu mchog tu gyur pa gang yin/ sangs rgyas bcom ldan 'das rnams kyi kun nas mngon du gyur pa gang yin/ sangs rgyas bcom ldan 'das rnams kyi zhing yongs su sbyong ba la mi 'jigs pa gang yin| sangs rgyas bcom ldan 'das rnams kyi sku mtha' yas pa gang yin/ sangs rgyas bcom ldan 'das rnams kyi yul gang yin/ sangs rgyas bcom ldan 'das rnams kyi lhun gyis grub pa'i ye shes gang yin/ sangs rgyas bcom ldan 'das rnams kyi bsam gyis mi khyab pa gang yin/ sangs rgyas bcom ldan 'das rnams kyi kun tu gzigs pa gang yin/ 59a @#/ /sangs rgyas bcom ldan 'das rnams kyi grags pa gang yin/ sangs rgyas bcom ldan 'das rnams kyi dbyer med cing mi gnas pa gang yin/ sangs rgyas bcom ldan 'das rnams kyi sku thogs pa med pa gang yin/ sangs rgyas bcom ldan 'das rnams kyi spyi gtsug ltar mi mthong ba gang yin/ kye rgyal ba'i sras/ sangs rgyas bcom ldan 'das rnams kyi sems can yongs su smin par mdzad pa'i spyod pa'i gnas rnams gang yin/ sangs rgyas bcom ldan 'das rnams kyi sems can yongs su smin par mdzad pa'i mi 'jigs pa rnams gang yin/ de skad ces smras pa dang / byang chub sems dpa' sems dpa' chen po kun tu bzang pos 'jam dpal gzhon nur gyur pa la 'di skad ces smras so| |'jam dpal/ chos kyi rnam grangs 'di ni mthong bar dka' ba/ rig par dka' ba ste/ brtag par bya ba ma yin zhing rtog ge'i spyod pa ma yin pa/ mos par dka' ste| sangs rgyas phye ba khrag khrig brgya stong mang po la bsnyen bkur byas pa'i sems can de dag chos kyi rnam grangs 'di thos par 'gyur zhing thos nas kyang mos par 'gyur ro/ / 'jam dpal gyis smras pa/ kye rgyal ba'i sras/ dmus long la mar me mi gzugs kyi/ mig dang ldan pa rnams la mer me gzugs te/ kye rgyal ba'i sras/ de bzhin du byang 59b chub sems dpa' sems dpa' chen po gang dag bsod nams dang / ye shes kyi tshogs dpag tu med pa bsags pa de dag gi phyir kho bo 'dra'o/ /gang dag bskal pa grangs med par sems can dmyal ba dang / dud 'gro'i skye gnas dang / yi dwags dang / gshin rje'i 'jig rten du gnas par 'gyur ba'i las tshe 'di nyid la myong bar 'gyur ba de dag gi phyir kho bo 'dri'o/ / gang dag mthong ba dang / thos pa dang / bsnyen bkur byas pa don yod pa de dag gi phyir kho bo 'dri yi/ ston cig/ kye rgyal ba'i sras/ chos kyi rnam grangs 'di la ma mos pa la bla na med pa yang dag par rdzogs pa'i byang chub mi smra yi/ kye rgyal ba'i sras/ skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang| mi rnams kyi don dang / phan pa dang / bde bar bya ba'i phyir ston cig/ de skad ces smras pa dang / byang chub sems dpa' sems dpa' chen po kun tu bzang pos 'jam dpal gzhon nur gyur pa la 'di skad ces smras so/ /'jam dpal/ de la ston pa thogs pa med pa ni de bzhin gshegs pa phyogs bcu'i 'jig rten gyi khams so so'i gling re rer yang gser gyi kha dog gis 'dul ba'i lha dang / mi rnams dang / byang chub sems dpa' rnams la de bzhin gshegs pa gser gyi kha dog tu ston pa la thogs pa med do/ /nor bu rin po 60a @#/ /che'i rgyal po skar 'od kyi kha dog gis 'dul ba rnams la/ de bzhin gshegs pa nor bu rin po che'i rgyal bo skar 'od kyi kha dog tu ston pa la thogs pa med do| |nor bu rin po che'i rgyal po glog gi sgron ma'i kha dog gis 'dul ba rnams la/ de bzhin gshegs pa nor bu rin po che'i rgyal po glog gi sgron ma'i kha dog tu ston pa la thogs pa med do/ /nor bu rin po che'i rgyal po nyi zla mar me'i kha dog gis 'dul ba rnams la/ de bzhin gshegs pa nor bu rin po che'i rgyal po nyi zla mar me'i kha dog tu ston pa la thogs pa med do/ /nor bu rin po che'i rgyal po snang ba thams cad bsdus pa'i kha dog gis 'dul ba rnams la/ de bzhin gshegs pa nor bu rin po che'i rgyal po snang ba thams cad bsdus pa'i kha dog tu ston pa la thogs pa med do/ /nor bu rin po che dbang gi rgyal po'i kha dog gis 'dul ba rnams la/ de bzhin gshegs pa nor bu rin po che dbang gi rgyal po'i kha dog tu ston pa la thogs pa med do/ /nor bu rin po che'i rgyal po ze ba can gyi kha dog gis 'dul ba rnams la/ de bzhin gshegs pa nor bu rin po che'i rgyal po ze ba can gyi kha dog tu ston pa la thogs pa med do/ /nor bu rin po che'i rgyal po seng ge ral pa can gyi kha dog gis 'dul ba rnams la/ de bzhin gshegs pa 60b nor bu rin po che'i rgyal po seng ge ral pa can gyi kha dog tu ston pa la thogs pa med do/ /nor bu rin po che'i rgyal po seng ge'i rgyal mtshan gyi rtse mo'i kha dog gis 'dul ba rnams la/ de bzhin gshegs pa nor bu rin po che'i rgyal po seng ge'i rgyal mtshan gyi rtse mo'i kha dog tu ston pa la thogs pa med do/ /nor bu rin po che'i rgyal po brgya byin thogs pa'i kha dog gis 'dul ba rnams la/ de bzhin gshegs pa nor bu rin po che'i rgyal po brgya byin thogs pa'i kha dog tu ston pa la thogs pa med do/ /nor bo rin po che'i rgyal po lha thams cad 'od kyi kha dog gis 'dul ba rnams la/ de bzhin gshegs pa nor bu rin po che'i rgyal po lha thams cad kyi 'od kyi kha dog tu ston pa la thogs pa med do/ /nor bu rin po che'i rgyal po chu dang bar byed pa'i kha dog gis 'dul ba rnams la/ de bzhin gshegs pa nor bu rin po che'i rgyal po chu dang bar byed pa'i kha dog tu ston pa la thogs pa med do/ /nor bu rin po che'i rgyal po rdo rje'i 'od kyi kha dog gis 'dul ba rnams la/ de bzhin gshegs pa nor bu rin po che'i rgyal bo rdo rje'i 'od kyi kha dog tu ston pa la thogs pa med do/ /nor bu rin po che'i rgyal po pad+ma rA ga'i kha dog gis 'dul ba rnams la/ de bzhin gshegs pa nor bu rin po che'i rgyal po pad+ma rA ga'i kha dog tu ston pa la thogs pa med do/ /nor bu rin po che'i 61a @#/ /rgyal po bai D+'+yuR+Ya'i kha dog gis 'dul ba rnams la/ de bzhin gshegs pa nor bu rin po che'i rgyal po bai D+'+yuR+Ya'i kha dog tu ston pa la thogs pa med do/ / nor bu rin po che'i rgyal po and rnyil gyi kha dog gis 'dul ba rnams la/ de bzhin gshegs pa nor bu rin po che'i rgyal po and rnyil gyi kha dog tu ston pa la thogs pa med do| |nor bu rin po che'i rgyal po mthon ka chen po'i kha dog gis 'dul ba rnams la/ de bzhin gshegs pa nor bu rin po che'i rgyal po mthon ka chen po'i kha dog tu ston pa la thogs pa med do/ /nor bu rin po che'i rgyal bo rdo rje'i snying po'i kha dog gis 'dul ba rnams la/ de bzhin gshegs pa nor bu rin po che'i rgyal po rdo rje'i snying bo'i kha dog tu ston pa la thogs pa med do/ /nor bu rin po che'i rgyal po dpal gyi snying po'i kha dog gis 'dul ba rnams la/ de bzhin gshegs pa nor bu rin po che'i rgyal po dpal gyi snying po'i kha dog tu ston pa la thogs pa med do/ /nor bu rin po che'i rgyal po dge ba bkod pa'i kha dog gis 'dul ba rnams la de bzhin gshegs pa nor bu rin po che'i rgyal po dge ba bkod pa'i kha dog tu ston pa la thogs pa med do/ /nor bu rin po che'i rgyal po ma chags pa bkod pa'i snying po'i kha dog gis 'dul ba rnams la/ de bzhin 61b gshegs pa nor bu rin po che'i rgyal po ma chags pa bkod pa'i snying po'i kha dog tu ston pa la thogs pa med do/ /nor bu rin po che'i rgyal po mu tig dkar po'i kha dog gis 'dul ba rnams la de bzhin gshegs pa nor bu rin po che'i rgyal po mu tig dkar po'i kha dog tu ston pa la thogs pa med do/ /nor bu rin po che'i rgyal po mu tig mthon ka'i kha dog gis 'dul ba rnams la/ de bzhin gshegs pa nor bu rin po che'i rgyal po mu tig mthon pa'i kha dog tu ston pa la thogs pa med do/ /nor bu rin po che'i rgyal po mu tig gser lta bu'i kha dog gis 'dul ba rnams la/ de bzhin gshegs pa nor bu rin po che'i rgyal po mu tig gser lta bu'i kha dog tu ston pa la thogs pa med do/ /nor bu rin po che'i rgyal po mu tig nam mkha'i 'od kyi kha dog gis 'dul ba rnams la/ de bzhin gshegs pa nor bu rin po che'i rgyal po mu tig nam mkha'i 'od kyi kha dog tu ston pa la thogs pa med do/ /nor bu rin po che'i rgyal po bsod nams kyi tshogs rgya mtsho grangs med pa rjes su sgrog pa'i 'od kyi kha dog gis 'dul ba rnams la/ de bzhin gshegs pa nor bu rin po che'i rgyal po bsod nams kyi tshogs rgya mtsho grangs med pa rjes su sgrog pa'i 'od kyi kha dog tu ston pa la thogs pa med do/ /nor bu rin po che'i rgyal po ye shes kyi tshogs rgya mtsho grangs med pa rjes su sgrog pa'i kha dog gis 62a @#/ /'dul ba rnams la/ de bzhin gshegs pa nor bu rin po che'i rgyal po ye shes kyi tshogs rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po pha rol tu phyin pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po pha rol tu phyin pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po gzungs rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po gzungs rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po ting nge 'dzin rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po ting nge 'dzin rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po rnam par thar 62b pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po rnam par thar pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po so so yang dag par rig pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po so so yang dag par rig pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po mngon par shes pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po mngon par shes pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po smon lam rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po smon lam rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po brtson 'grus rtsom pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che rgyal po brtson 'grus rtsom pa rgya mtsho grangs med pa rjes su sgrog pa'i kha dog tu ston pa la thogs pa 63a @#/ /med do/ /nor bu rin po che'i rgyal po dbugs 'byin pa rnyed pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po dbugs 'byin pa rnyed pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po byang chub sems dpa' la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po byang chub sems dpa' la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po de bzhin gshegs pa la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po de bzhin gshegs pa la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do| |nor bu rin po che'i rgyal po sems can gyi bsam pa dang spyod pa la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po sems can gyi bsam pa dang spyod pa la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po 63b 'jig rten gyi khams la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po 'jig rten gyi khams la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po bskal pa la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po bskal pa la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po dus gsum la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po dus gsum la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po dus gsum bstan pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che rgyal po dus gsum bstan pa rgya mtsho grangs med pa rjes su sgrog pa'i kha dog tu ston pa la thogs pa med do/ /nor bu rin po che'i rgyal po mi skyo bar sems bskyed pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po mi skyo 64a @#/ /bar sems bskyed pa rgya mtsho grangs med pa'i kha dog tu ston pa la thogs pa med do/ /nor bu rin po che'i rgyal po dbyer med pa'i ye shes rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po dbyer med pa'i ye shes rgya mtsho grangs med pa rjes su sgrog pa'i kha dog tu ston pa la thogs pa med do/ /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ 'di lta ste/ dper na/ nor bu rin po che'i bai DUR+Ya la dngos po'i dbang gis bya ba rnam pa sna tshogs mtha' yas pa 'byung ste/ nor bu rin po che bai DUR+Ya ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir de mi rtog cing lhun gyis grub par bya ba 'di lta bu 'di dag 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sems can yongs su smin par bya ba'i dbang gis kha dog rnam pa tha dad pa'i mdzad pa 'byung ste/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir mdzad pa 'di lta bu 'di dag 'byung ste/ 'jam dpal/ 'di ni sangs rgyas bcom ldan 'das rnams kyi ston pa thogs pa med pa'o/ /'jam dpal/ de la de bzhin 64b gshegs pa'i mkhyen pa thogs pa med pa ni phyogs bcu'i 'jig rten gyi khams rab 'byams thams cad kyi 'jig rten gyi khams re re dang / gling re re dang / rdul phra rab kyi rdul re re dang / 'jig rten gyi khams thams cad kyi rdul snyed kyi 'jig rten gyi khams rgya mtshor 'jug pa rnams la mkhyen pa thogs pa med do/ /'jig rten gyi khams re re dag gling re re dang / rdul phra rab kyi rdul re re la skad cig skad cig la zhing thams cad kyi rdul snyed kyi bsod nams kyi tshogs rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do| |de bzhin du skad cig skad cig la zhing thams cad kyi rdul snyed kyi ye shes kyi tshogs rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do| |de bzhin du skad cig skad cig la zhing thams cad kyi rdul snyed kyi pha rol tu phyin pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do// de bzhin du skad cig skad cig la zhing thams cad kyi rdul snyed kyi rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi gzungs rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig 65a @#/ /la zhing thams cad kyi rdul snyed kyi ting nge 'dzin rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi rnam par thar pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi so so yang dag par rig pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi mngon par shes pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi smon lam rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi brtson 'grus rtsom pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do| |de bzhin du skad cig skad cig la zhing thams cad kyi rdul snyed kyi dbugs 'byin pa rnyed pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs 65b pa med do/ /de bzhin du skad cig skad cig la zhing thams cad kyi rdul snyed kyi byang chub sems dpa' la 'jug pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul rnyed kyi de bzhin gshegs pa la 'jug pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi zhing thams cad la 'jug pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi sems can gyi bsam pa dang / spyod pa la 'jug pa rgya mtsho grangs med pa'i bye brag bstan pa la gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi 'jig rten gyi khams la 'jug pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de bzhin du skad cig skad cig la zhing thams cad kyi rdul snyed kyi bskal pa la 'jug pa rgya mtsho grangs med pa'i bye brag bstan pa gzhan dang / gzhan dag mkhyen pa la thogs pa med do/ /de ci'i phyir zhe na/ lhun gyis grub pa'i ye shes brnyes pa'i phyir ro/ /'jam 66a @#/ /dpal| 'di lta ste/ dper na/ brag phug gi nang nas brag ca sems can gyi sgra rnam pa mang po 'jug pas sgra skad gzhan dang / gzhan dag mtha' yas pa 'byung ste/ brag ca ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir de mi rtog cing lhun gyis grub par bya ba 'di lta bu 'di dag 'byung ngo / /'jam dpal| de bzhin du de bzhin gshegs pa la'ang sems can gyi bsam pa ji lta ba dang / 'dul ba ci lta ba de dag gis de lta bu'i skad du ston pa 'byung bar shes te/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir de mi rtog cing lhun gyis grub par mdzad pa 'di lta bu 'di dag 'byung ngo / /'jam dpal| de bzhin gshegs pa'i mkhyen pa thogs pa med pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so| |'jam dpal/ de la de bzhin gshegs pa'i sems can yongs su smin par mdzad pa khyu mchog tu gyur pa ni de bzhin gshegs pa'i gtsug tor phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re rer yang thogs pa med pa/ sgrib pa med pa/ dbyer med pa/ nam mkha' khyab par 'gengs 66b te| sems can yongs su smin par mdzad pa'i khyu mchog tu gyur pas phyi ma'i mtha'i mu'i bskal par byin gyis rlob pa'o/ /'jam dpal/ de bzhin gshegs pa'i mdzod spu phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re rer yang thogs pa med pa/ sgrib pa med pa/ dbyer med pa/ nam mkha' khyab par 'gengs pa| sems can yongs su smin par mdzad pa/ khyu mchog tu gyur pas phyi ma'i mtha'i mu'i bskal par byin gyis rlob pa'o/ /'jam dpal/ de bzhin du de bzhin gshegs pa'i mtshan re rer yang phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re rer yang thogs pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa/ khyu mchog tu gyur pas phyi ma'i mtha'i mu'i bskal par byin gyis rlob pa'o/ /de bzhin du de bzhin gshegs pa'i dpe byad bzang po phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re re yang thogs pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa/ khyu mchog tu gyur pas phyi ma'i mtha'i mu'i bskal par byin gyis rlob pa'o/ /de bzhin du de bzhin 67a @#/ /gshegs pa'i spu'i khung bu re rer yang thogs pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa/ khyu mchog tu gyur pas phyi ma'i mtha'i mu'i bskal par byin gyis rlob pa'o/ /de bzhin du de bzhin gshegs pa'i yo byad thams cad kyang phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re rer yang thogs pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa/ khyu mchog tu gyur pas phyi ma'i mtha'i mu'i bskal par byin gyis rlob pa'o/ /de ci'i phyir zhe na/ ma 'dres pa'i chos dang ldan pa'i phyir te/ ma 'dres pa'i chos dang ldan pa ni smon lam gyi stobs kyis byin gyis brlabs pa'i phyir ro/ /'jam dpal/ de bzhin gshegs pa'i sems can yongs su smin par mdzad pa/ khyu mchog tu gyur pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de la de bzhin gshegs pa'i kun nas mngon du gyur pa ni phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re re dang / rdul phra rab re re la ste/ 67b rdul phra rab kyi rdul gyi phyogs re re la byang chub sems dpa' rgya mtsho 'khod pa ni rab tu mang gi/ 'jig rten gyi khams lnga bcu'i rdul phra rab kyi rdul snyed kyi 'jig rten gyi khams rgya mtsho grangs med pa dag gi rdul phra rab ni ches nyung ste/ byang chub sems dpa' de dag ni sems can dang / 'jig rten gyi khams dang / gling dang / ri rab dang / ri rab chen po dang / khor yug dang / khor yug chen po dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dang / 'bab chu dang / mtshe'u dang / mtsho bran dag gang la'ang gnod pa dang / sgrib pa med de/ sngon ji lta bar phyis kyang de bzhin du bya ba dag 'jug ste/ de bzhin gshegs pa ma 'dres pa'i chos dang ldan pa'i phyir ro/ /bsam pa ji lta ba dang / 'dul ba ji lta ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa dang / byang chub sems dpa' de dag gis kyang 'di ltar kun nas de bzhin gshegs pa gnya' shing gang tsam na bzhugs par mngon du mthong ngo / / de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ 'di lta ste/ dper na/ zla ba yar gyi ngo tshes bco lnga'i nam phyed kyi dus na dzam+bu'i gling gi skyes pa dang / bud 68a @#/ /med dang / khye'u dang / bu mo thams cad kyis zla ba'i dkyil 'khor mdun na 'dug par mthong yang zla ba'i dkyil 'khor ni mi rtog /rnam par mi rtog mod kyi / 'on kyang ma 'dres pa'i chos dang ldan pa'i phyir mi rtog cing lhun gyis grub par bya ba 'di lta bu 'di dag 'byung ngo / /'jam dpal/ de bzhin du de bzhin gshegs pa'ang phyogs bcu'i 'jig rten gyi khams rab 'byams thams cad kyi sems can bsam pa ji lta ba dang / 'dul ba ji lta ba de dag gis de bzhin gshegs pa mdun na bzhugs par mthong yang de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir mi rtog cing lhun gyis grub par mdzad pa 'di lta bu 'di dag 'byung ngo / /'jam dpal/ de bzhin gshegs pa'i kun nas mngon du gyur pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de bzhin gshegs pa'i zhing yongs su sbyong ba la mi 'jigs pa ni de bzhin gshegs pa phyogs bcu'i 'jig rten gyi khams rab 'byams thams cad kyi 'jig rten gyi khams re re dang| rdul phra rab kyi rdul re re la 'jig rten gyi khams thams cad kyi rdul snyed kyi 'jig rten gyi khams rgya mtsho la 'jug go /de la 'jig rten gyi khams rgya mtsho la la ni bsod nams 68b kyi tshogs rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni ye shes kyi tshogs rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni pha rol tu phyin pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni sa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni gzungs rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni ting nge 'dzin rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni rnam par thar pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni so so yang dag par rig pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni mngon par shes pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni smon lam rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni brtson 'grus rtsom pa rgya mtsho 69a @#/ /grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni dbugs 'byin pa rnyed par rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni byang chub sems dpa' la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni de bzhin gshegs pa la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni sems can gyi bsam pa dang / spyod pa la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni 'jig rten gyi khams la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni bskal pa la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni dus gsum bstan pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni dus gsum la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi 69b khams rgya mtsho la la ni mi skyo bar sems bskyed pa rgya mtsho grangs med pa'i bye brag bstan pa'i ye shes kyis rnam par sbyong ngo / /'jig rten gyi khams rgya mtsho la la ni dbyer med pa rgya mtsho grangs med pa'i bye brag bstan pa'i ye shes kyis rnam par sbyong ste/ de bzhin gshegs pa ni gnas gang nas kyang mi g.yo'o/ /de ci'i phyir zhe na/ mi g.yo ba'i ye shes brnyes pa'i phyir ro/ /'jam dpal/ de bzhin gshegs pa'i sangs rgyas kyi zhing yongs su sbyong ba la mi 'jigs pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de bzhin gshegs pa'i sku mtha' yas pa ni phyogs bcu'i 'jig rten gyi khams rab 'byams thams cad kyi 'jig rten gyi khams re re dang / gling re re la ste/ 'jig rten gyi khams lnga bcu'i rdul phra rab snyed kyi 'jig rten gyi khams rgya mtsho brgya stong grangs med pa'i rdul phra rab kyi rdul rnams ni rab tu nyung gi/ de bzhin gshegs pa'i byang chub sems dpa'i 'khor gyi dkyil 'khor rgya mtsho ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho bsod nams kyi tshogs rgya mtsho grangs 70a @#/ /med pa gzhan dang / gzhan gyis sangs rgyas la lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho ye shes kyi tshogs rgya mtsho grangs med pa gzhan dang / gzhan gyis sangs rgyas la lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho pha rol tu phyin pa rgya mtsho grangs med pa gzhan dang / gzhan gyis sangs rgyas la lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtshos rgya mtsho grangs med pa gzhan dang gzhan gyis sangs rgyas la lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs 70b med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa'i rgya mtsho gzungs rgya mtsho grangs med pa gzhan dang gzhan gyis sangs rgyas lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho ting nge 'dzin rgya mtsho grangs med pa gzhan dang / gzhan gyis sangs rgyas la lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho rnam par thar pa rgya mtsho grangs med pa gzhan dang / gzhan gyis sangs rgyas la lta ba mngon du gyur ba thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho so so yang dag par rig pa rgya mtsho grangs med pa gzhan dang / gzhan gyis sangs rgyas la lta ba mngon du gyur pa thob 71a @#/ /pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi / byang chub sems dpa'i 'khor gyi dkyil 'khor re re'i byang chub sems dpa' rgya mtsho mngon par shes pa rgya mtsho grangs med pa gzhan dang / gzhan gyis sangs rgyas la lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho smon lam gyi bye brag rgya mtsho grangs med pa gzhan dang / gzhan gyis sangs rgyas la lta ba mngon du gyur pa thob pa dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho bsod nams kyi tshogs kyi bye brag gzhan dang / gzhan thob pa de dag bsod nams kyi tshogs kyi bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / /'jig rten gyi khams lnga bcu'i rdul 71b snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho ye shes kyi tshogs kyi bye brag gzhan dang / gzhan thob pa de dag ye shes kyi tshogs kyi bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang| gzhan mthong ba dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho pha rol tu phyin pa'i bye brag gzhan dang / gzhan thob pa de dag pha rol tu phyin pa'i bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho sa'i bye brag gzhan dang gzhan thob pa de dag sa'i bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / /'jig 72a @#/ /rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho gzungs kyi bye brag gzhan dang / gzhan thob pa de dag gzungs kyi bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho ting nge 'dzin gyi bye brag gzhan dang| gzhan thob pa de dag ting nge 'dzin gyi bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho rnam par thar pa'i bye brag gzhan dang / gzhan thob pa de dag ni rnam par thar pa'i bye brag gzhan dang / 72b gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho so so yang dag par rig pa'i bye brag gzhan dang / gzhan thob pa de dag so so yang dag par rig pa'i bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / /'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 'khor re re'i byang chub sems dpa' rgya mtsho mngon par shes pa'i bye brag gzhan dang / gzhan thob pa de dag mngon par shes pa'i bye brag gzhan dang / gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang / gzhan mthong ba dag ni ches mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi /byang chub sems dpa'i 'khor gyi dkyil 73a @#/ /'khor re re'i byang chub sems dpa' rgya mtsho smon lam gyi bye brag gzhan dang gzhan thob pa de dag smon lam gyi bye brag gzhan dang gzhan thob pa'i stobs bskyed pa'i byin gyi rlabs kyis de bzhin gshegs pa gzhan dang gzhan mthong ba dag ni chos mang ngo / /'jam dpal/ de bzhin du sbyar te/ rten pa rnams dang / ngo mtshar gyi 'du shes rnams dang / spyod pa rnams dang / dge ba'i bshes gnyen rnams dang / brtson 'grus rtsom pa rnams dang / dbugs 'byin pa rnyed pa rnams dang / sems can yongs su smin par mdzad pa rnams dang / tshul khrims rnams dang / lung bstan pa rnams dang / byang chub sems dpa' dag la 'jug pa rnams dang / de bzhin gshegs pa la 'jug pa rnams dang / sems can gyi bsam pa dang / spyod pa la 'jug pa rnams dang / 'jig rten gyi khams la 'jug pa rnams dang / bskal pa la 'jug pa rnams dang / dus gsum bstan pa rnams dang / dus gsum la 'jug pa rnams dang / mi skyo ba'i sems bskyed pa rnams dang / ye shes dbyer med pa rnams dang / gzungs rnams dang / sangs rgyas ston pa rnams dang / kun tu bzang po'i sems bskyed pa rnams dang / kun tu bzang po'i spyod pa'i chos rnams dang / snying 73b rje chen po thob pa rnams dang / byang chub kyi sems kyi rkyen rnams dang / dge ba'i bshes gnyen la gus par bya ba'i sems bskyed pa rnams dang / yongs su dag pa rnams dang / pha rol tu phyin pa rnams dang / ye shes rjes su rtogs pa rnams dang / so sor rtogs pa rnams dang / stobs bskyed pa rnams dang / mnyam pa nyid kyi tshul gyi lam rnams dang / sangs rgyas kyi chos 'chad pa rnams dang / kun tu bzung ba rnams dang / spobs pa rnams dang / ye shes kyi dbang rnams dang / gnas med pa rnams dang / sems nyam pa nyid dang / ye shes mngon par sgrub pa rnams dang / sprul pa rnams dang / byin gyis brlabs pa rnams dang / dbugs 'byin pa chen po rnyed ba rnams dang / zab mo la 'jug pa rnams dang / sangs rgyas kyi chos la brten pa rnams dang / sems bskyed pa brtan pa rnams dang / the tshom thams cad gcod pa rnams dang / sems bskyed pa rnams dang / bsam gyis mi khyab pa rnams dang / ldem po ngag la mkhas pa rnams dang / ye shes rnam par 'byed pa la mkhas pa rnams dang / snyoms par 'jug pa rnams dang / zad par gyi skye mched rnams dang / rnam par thar pa rnams dang / mngon par shes pa rnams dang / rig pa rnams dang / rnam par grol ba rnams dang / skyed mos tshal rnams dang / rin po che bkod pa rnams dang / mi bskyod pa'i 74a @#/ /sems bskyed pa rnams dang / lhag pa'i bsam pa mi gtong ba la gnas pa rnams dang / rgya mtsho lta bu'i ye shes la 'jug pa rnams dang / rin po che'i lta bu'i byang chub sems dpa'i gnas pa rnams dang / rdo rje lta bu'i sems bskyed pa rnams dang / theg pa chen po'i go cha rnams dang / rtsom pa chen po rnams dang / rtsom pa nyams 'og tu chud par byed pa rnams dang / mi phyed pa'i dad pa rnams dang / lung bstan pa rnams dang / dge ba'i rtsa ba yongs su bsngo ba rnams dang / ye shes khong du chud pa rnams dang / sems bskyed pa rgya che ba mtha' dang dbus med pa rnams dang / gter rnams dang / sdom pa rnams dang / dbang rnam par sprul pa rnams dang / zhing rnam par sprul pa rnams dang / chos rnam par sprul pa rnams dang| smon lam rnam par sprul pa rnams dang / spyod yul rnam par sprul pa rnams dang / ye shes rnam par sprul pa rnams dang / mngon par shes pa rnam par sprul pa rnams dang / rdzu 'phrul rnam par sprul pa rnam dang / stobs rnam par sprul pa rnams dang / rnam par rol pa rnams dang / yul rnams dang / stobs rnams dang / mi 'jigs pa rnams dang / byang chub sems dpa'i chos ma 'dres pa rnams dang / lus rnams dang / lus kyi las rnams dang / gzugs rnams dang / ngag gi las rnams dang / sems 74b rnams dang / sems bskyed pa rnams dang / sems rgyas par byed pa rnams dang / dbang po rnams dang / bsam pa rnams dang / lhag pa'i bsam pa rnams dang / sbyor ba rnams dang / mos pa rnams dang / 'jig rten gyi khams su mos pa la 'jug pa rnams dang / bag chags rnams dang / len pa rnams dang / nan tan rnams dang / 'grub pa rnams dang / sangs rgyas kyi chos la nges par rnams dang / theg pa rnams dang / mi 'gyur ba rnams dang / byang chub sems dpa'i nges pa'i chos rnams dang / nges par 'byung ba'i lam rnams dang / skyes bu dam pa'i ming thob pa rnams dang / lam rnams dang / lam gyi tshad rnams dang / lam gyi tshogs rnams dang / lam gyi sgom pa rnams dang / lam bkod pa thams cad la'ang de bzhin du brjod par bya ste/ de bzhin gshegs pa ni mi rtog/ rnam par mi rtog go /de ci'i phyir zhe na/ lhun gyis grub pa'i ye shes brnyes pa'i phyir ro/ /'jam dpal/ 'di lta ste/ dper na/ nyi ma'i dkyil 'khor ni dzam+bu'i gling gi snod chus gang zhing sgrib pa med pa rnam par dag pa thams cad du snang ste/ nyi ma'i dkyil 'khor ni mi rtog /rnam par mi rtog mod kyi / 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par bya ba 'di lta bu 'di dag kyang 'byung ngo / /'jam dpal/ de bzhin du de bzhin gshegs pa'ang 75a @#/ /phyogs bcu'i 'jig rten gyi khams rab 'byams thams cad na/ 'jig rten gyi khams re re'i gling re rer sems can gyi bsam pa ji lta ba dang / 'dul ba ji lta ba de dag gis gcig car mthong ste/ de bzhin gshegs pa ni mi rtog /rnam par mi rtog mod kyi/ 'on kyang ma 'dres pa'i chos dang ldan pa'i sku thogs pa med pa'i phyir rnam par mi rtog cing lhun gyis grub par mdzad pa 'di lta bu 'di dag kyang 'byung ngo / /'jam dpal/ de bzhin gshegs pa'i sku mtha' yas pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so// //bam po lnga pa ste tha ma/ 'jam dpal/ de la de bzhin gshegs pa'i yul ni dpes bstan par bya ste/ de ci'i phyir zhe na/ skyes bu mkhas pa gang dag dpe bshad pas don shes par 'gyur ba med pa'i phyir ro/ /'jam dpal/ 'di lta ste/ dper na/ mtsho dpag tshad 'bum phrag lnga pa bya rog gis btung du rung bar mu dang kha da chad du gyur pa/ pad+ma'i 'dab mas g.yogs pa zhig yod la/ de la skyes bu la la zhig gis lcags kyi shing rta phang lo rtsib ma stong yod pa/ nam mkha' lding gi mgyogs pa bas kyang lhag pa'i rta de lta bur mgyogs pas shing rta drangs te/ de ltar mgyogs pa'i shing rta drangs 75b nas phang lo la'ang chus mi reg/ rta'i rmig pas kyang pad+ma'i 'dab ma mi rdol ba de lta bu'i shing rta des drangs pa las mtsho chen po de nas sprul gdug pa steng du byung ste/ skad cig gang la shing rta bsgyur ba'i skad cig de la sprul gdug pa des shing rta de lan bcur bskor te/ 'jam dpal/ skad cig gang gis sprul gdug pas shing rta de lan gcig bskor ba'i skad cig de la dge slong kun dga' bos chos rnam pa bcu bstan pa bshad de don kyang rig par byed do/ /dge slong kun dga' bos skad cig gang la chos gcig bstan pa bshad pa'i skad cig de la dge slong shA ri'i bus chos rnam pa stong bstan pa bshad nas don kyang rig par byed do/ /dge slong shA ri'i bus skad cig gang la chos gcig bstan pa bshad pa'i skad cig de la gnas brtan maung+gal gyi bus 'jig rten gyi khams brgyad khri 'da'o/ /gnas brtan maung+gal gyi bus skad cig gang la 'jig rten gyi khams gcig 'das pa'i skad cig de la/ de bzhin gshegs pas phyogs bcu'i 'jig rten gyi khams rab 'byams thams cad kyi gling re rer dga' ldan gyi gnas na gnas pa las 'pho ba dang / skye ba dang / mngon par 'byung ba dang / dka' ba spyod pa dang / sbyor ba dang / byang chub kyi snying por bzhud pa dang / bdud 'dul ba dang / mngon par rdzogs par byang chub pa dang / 76a @#/ /chos kyi 'khor lo bskor ba dang / mya ngan las 'da' ba chen po dang / chos gnas pa dang / chos nub pa dus gcig tu ston to/ /mu stegs can gyi gnas kyi spyod pa dang / skyes pa'i rabs thams cad du'ang dus gcig tu snang ngo / /de ci'i phyir zhe na/ mkhyen pa thogs pa med pa dang / gzigs pa thogs pa med pa dbyer med pa dang mi rten cing dbyer med pa'i phyir ro/ /'jam dpal/ 'di lta ste/ dper na/ rin po che bai DUR+Ya las dngos po'i dbang gis gzhal du med pa'i bya ba dag 'byung ste/ bai DUR+Ya ni mi rtog rnam par mi rtog mod kyi/ 'on kyang ma 'dres pa'i chos dang mthun pa'i phyir mi rtog cing lhun gyis grub par bya ba gzhal du med pa dag 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas las kyang sems can yongs su smin par mdzad pa'i dbang gis phyogs bcu'i 'jig rten gyi khams rab 'byams thams cad du dus gcig tu skad cig skad cig la mdzad pa gzhal du med pa dag 'byung mod kyi/ 'on kyang de bzhin gshegs pa ni mi rtog / rnam par mi rtog ste/ de mi rtog cing lhun gyis grub par mdzad pa 'di lta bu 'di dag 'byung ste/ ma 'dres pa'i chos dang ldan pa'i phyir ro/ /'jam dpal/ 'di lta ste / 76b dper na/ zla ba'i dkyil 'khor dang nyi ma'i dkyil 'khor ni dzam+bu'i gling du snod chus bkang ba sgrib pa med pa rnam par dag pa thams cad du gcig car du snang yang gnas nas mi g.yo'o/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyang phyogs bcu'i 'jig rten gyi khams rab 'byams thams cad du sems can sgrib pa med pa rnam par dag pa de dag bsam pa ji lta ba dang / ji ltar 'dul ba de bzhin du de bzhin gshegs pa mthong ste/ de bzhin gshegs pa ni dga' ldan gnas nas g.yos pa'ang med mod kyi/ 'on kyang phyogs bcu'i 'jig rten gyi khams rab 'byams thams cad du mdzad pa rtsom pa thams cad kyang snang ngo / /de ci'i phyir zhe na/ mi g.yo ba'i ye shes brnyes pa'i phyir ro/ /'jam dpal/ 'di lta ste/ dper na/ las kyi 'bras bu rnam par smin pa rab dang / 'bring dang / tha ma'i dbang gis sems can rnams kyi 'du byed rab 'bring tha ma dag 'byung ste/ 'du byed ni mi rtog /rnam par mi rtog mod kyi/ 'on kyang 'du byed de dag ma 'dres pa'i chos dang ldan pa'i phyir de mi rtog cing lhun gyis grub par bya ba de lta bu de dag 'byung ngo / /de bzhin du rnam par smin pa tha ma dang / 'bring dang / rab kyi dbang gis sems can thams cad kyis de bzhin gshegs pa 77a @#/ /pa tha ma dang / 'bring dang / rab tu mthong ste/ de bzhin gshegs pa ni mi rtog/ rnam par mi rtog mod kyi/ 'on kyang ma 'dres pa'i chos dang ldan pa'i phyir mi rtog cing lhun gyis grub par mdzad pa de lta bu de dag kyang 'byung ngo / /'jam dpal/ 'di lta ste/ dper na/ sprin las ro gcig pa'i char 'bab ste/ babs nas snod kyi bye brag gi kha dog sna tshogs dang / dri sna tshogs su gyur te/ sprin ni mi rtog/ rnam par mi rtog gi /'on kyang ma 'dres pa'i chos dang ldan pa'i phyir rnam par mi rtog cing lhun gyis grub par bya ba de lta bu de dag kyang 'byung ngo / /'jam dpal/ de bzhin du de bzhin gshegs pa'i chos kyi dbyings kyi ro gcig ste/ de sems can yongs su smin par byed pa'i dbang gis chos kyi dbyings tha dad par snang yang de bzhin gshegs pa ni mi rtog/ rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo / /'jam dpal/ 'di lta ste/ dper na/ nor bu rin po che dbang gi rgyal po gang du 'byung ba der lcags dang / lcags kyi yo byad rnams mi 'byung ngo / /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ de bzhin du de bzhin gshegs pa gang du byung ba der 77b me'i 'od rnams dang / glog gi 'od rnams mi 'byung ngo / /der nyi ma'i 'od rnams mi 'byung ngo / /der nor bu'i 'od rnams mi 'byung ngo / /der lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba'i 'od rnams mi 'byung ngo / /der rgyal po rnams kyi bka' mi 'byung ngo / /der rigs bzhi rnams mi 'byung ngo / /der mi khom par skye ba rnams mi 'byung ngo / /der sems can dmyal ba dang / dud 'gro dang / yi dwags dang / gshin rje'i 'jig rten du skye ba rnams mi 'byung ngo / /der mi dge ba bcu'i las kyi lam rnams mi 'byung ngo / /der nyon mongs pa thams cad mi 'byung ngo / /der 'khrug pa thams cad mi 'byung ngo / /der mu stegs can spyod pa ba dang / kun tu rgyu dang / gcer bu dang / 'tsho ba pa rnams mi 'byung ste/ de bzhin gshegs pa ni mi rtog /rnam par mi rtog mod kyi/ 'on kyang ma 'dres pa'i chos dang ldan zhing yul chags pa med pa'i phyir rnam par mi rtog cing lhun gyis grub par mdzad pa de lta bu de dag 'byung ngo / /'jam dpal/ de bzhin gshegs pa'i yul mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de la de bzhin gshegs 78a @#/ /pa'i lhun gyis grub pa'i ye shes ni/ 'jam dpal/ 'jig rten gyi khams lnga bcu'i rdul snyed kyi 'jig rten gyi khams rgya mtsho'i rdul phra rab kyi rdul rnams ni rab tu nyung gi/ phyogs bcu'i 'jig rten gyi khams re re dang / gling re rer skad cig skad cig la de bzhin gshegs pa'i gzugs kyi sku kha dog dang / rnam par gnas pa dang / 'jug pa dus gcig tu 'byung ba dag ni ches mang ngo / /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ de bzhin gshegs pa'i ye shes lhun gyis grub pa'i phyogs bcu'i 'jig rten gyi khams re re dang / gling re rer sems can rnams dge ba'i rtsa ba gzhan dang / gzhan dag rtsom par sbyor ba dang / las dang bzo'i gnas thams cad la sbyor ba dag 'byung ba ni ches mang ste/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo / /'jam dpal/ phyogs bcu'i 'jig rten gyi khams rab 'byams thams cad na mu stegs can gyi gnas thams cad dang / 'jig rten pa dang / 'jig 78b rten las 'das pa'i las bya ba thams cad gang ci 'byung ba de dag thams cad ni de bzhin gshegs pa'i lhun gyis grub pa'i ye shes kyis 'byung ngo / /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ 'di lta ste/ dper na/ sa la brten/ sa la gnas nas sa bon thams cad dang / rtswa dang / shing gel ba dang / rtsi dang / nags tshal thams cad 'phel zhing rgyas la yangs par 'gyur te/ sa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par bya ba de lta bu de dag kyang 'byung ngo / /'jam dpal/ de bzhin du de bzhin gshegs pa la rten/ de bzhin gshegs pa la gnas nas phyogs bcu'i 'jig rten gyi khams rab 'byams thams cad kyi mu stegs can spyod pa pa dang / kun tu rgyu dang / gcer bu pa la sogs pa mu stegs can gyi gnas thams cad dang / sems can thams cad kyi 'jig rten pa dang / 'jig rten las 'das pa'i dge ba'i rtsa ba thams cad 'phel zhing rgyas pa yang par 'gyur te/ de bzhin gshegs pa ni mi rtog/ rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing / lhun gyis grub par mdzad pa de lta bu de dag kyang 'byung ngo / /'jam dpal/ 'di lta ste/ dper na/ gang dag zug rdu 'byin 79a @#/ /pa'i sman la reg pa de dag gi zug rdu thams cad 'byin te/ zug rdu 'byin pa'i sman ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par bya ba de lta bu de dag kyang 'byung ngo / /'jam dpal/ de bzhin du gang dag tha na de bzhin gshegs pa ri mor bris pa'am glegs bam la bris pa la reg kyang rung ste/ rgyu des de dag gi 'dod chags dang / zhe sdang dang / gti mug dang / nyon mongs pa thams cad kyi zug rdu 'byin te/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo / /'jam dpal 'di lta ste/ dper na/ rin po che'i rgyal po yid bzhin gyi nor bu ni sems can thams cad kyi bsam pa thams cad yongs su rdzogs par byed par 'gyur te/ yid bzhin gyi nor bu rin po che ni mi rtog /rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyi grub par bya ba de lta bu de dag kyang 'byung ngo / /'jam dpal/ de bzhin du lha dang / mi dang / lha ma yin dang / byang chub sems dpa' gang dag chos bstan pa gang 'dod pa de dag de bzhin gshegs pa'i gan du 79b 'gro zhing chos bstan pa de dag de bzhin gshegs pa las nyan kyang de bzhin gshegs pa ni mi rtog/ rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo / /'jam dpal/ de bzhin gshegs pa'i lhun gyis grub pa'i ye shes mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ del de bzhin gshegs pa'i bsam gyis mi khyab pa ni 'jam dpal de bzhin gshegs pa phyogs bcu'i 'jig rten gyi khams rab 'byams thams cad na 'jig rten gyi khams re re dang / rdul phra rab re re dang / 'jig rten gyi khams thams cad kyi rdul snyed kyi 'jig rten gyi khams rgya mtsho dag la 'jug ste/ 'jig rten gyi khams re re dang / gling re re'i yang 'jig rten gyi khams rgya mtsho grangs med pa bye ba khrag khrig brgya stong phrag lnga bcu'i rdul phra rab kyi rdul rnams ni rab tu nyung gi/ de bzhin gshegs pa'i bsod nams kyi tshogs tha dad pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba/ thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i 80a @#/ /bskal bar byin gyis rlob pa dag ni ches mang ngo / /de bzhin du ye shes kyi tshogs tha dad pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ ma 'dres pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du pha rol tu phyin pa tha dad pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal bar byin gyis rlob pa dag go /de bzhin dus rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa| phyi ma'i mtha'i mu'i bskal par byin gyis rlob pa dag go /de bzhin du gzungs rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de 80b bzhin du ting nge 'dzin tha dad pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal bar byin gyis rlob pa dag go /de bzhin du rnam par thar pa tha dad pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa phyi ma'i mtha'i mu'i bskal bar byin gyis rlob pa dag go /de bzhin du so so yang dag par rig pa tha dad pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du mngon par shes pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung pa thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du smon lam rgya mtsho grangs med pa'i bye brag bstan pa rnam par bzhag 81a @#/ /pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du brtson 'grus rtsom pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du dbugs 'byin pa rnyed pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal bar byin gyis rlob pa dag go /de bzhin du byang chub sems dpa' la 'jug pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig las 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du de bzhin gshegs pa la 'jug pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba 81b thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du sems can gyi bsam pa dang / spyod pa la 'jug pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go /de bzhin du 'jig rten gyi khams la 'jug pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal bar byin gyis rlob pa dag go /de bzhin du bskal ba la 'jug pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la 'byung pa thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal bar byin gyis rlob pa dag go /'jam dpal/ phyogs bcu'i 'jig rten gyi khams rab 'byams thams cad na 'das pa dang / ma 'ongs pa dang / da ltar byung ba'i 'jig rten gyi khams rgya mtsho gang dag yod pa de dag de bzhin 82a @#/ /gshegs pa'i spu'i khung bu re rer 'jig cing chags so/ /de ci'i phyir zhe na/ mtha' dang / dbus med pa'i chos brnyes pa'i phyir ro/ /'jam dpal/ de bzhin gshegs pa'i bsam gyi mi khyab pa mdor bstan pa yin te/ rgyas par ni phyi ma'i mtha'i mu'i bskal bar byin gyis brlabs kyang bstan par mi nus so/ |'jam dpal/ de la de bzhin gshegs pa'i kun tu gzigs pa ni phyogs bcu'i 'jig rten gyi khams rab 'byams thams cad na sems can 'chi 'pho ba dang / skye ba dang / bde 'gror 'gro ba dang / ngan 'gror 'gro ba rnams de bzhin gshegs pas gzigs te/ de bzhin du gtsug tor gyis kyang gzigs so/ /de bzhin du mdzod spus kyang gzigs so/ /de bzhin du mtshan re res kyang gzigs so/ /de bzhin du dpe byad bzang po re res kyang gzigs so/ /de bzhin du spu'i khung bu re res kyang gzigs so/ /de bzhin du phyogs bcu'i 'jig rten gyi khams rab 'byams thams cad na sems can 'chi 'pho ba dang / skye ba dang / bde 'gror 'gro ba dang / ngan 'gror 'gro ba dag dus gcig tu gzigs so/ /'jam dpal/ de bzhin gshegs pa'i kun tu gzigs pa mdor bshad pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam 82b dpal/ de la de bzhin gshegs pa'i grags pa ni/ 'jam dpal/ de bzhin gshegs pa phyogs bcu'i 'jig rten gyi khams rab 'byams thams cad na 'jig rten gyi khams re re dang / gling re re dang / rdul phra rab kyi rdul re re la 'jig rten gyi khams thams cad kyi rdul snyed kyi 'jig rten gyi khams rgya mtsho dag 'jug cing sems kyi skad cig sems kyi skad cig la 'jig rten gyi khams re re dang / gling re rer 'jig rten gyi khams thams cad kyi rdul snyed kyi rnam par 'phrul ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa thams cad 'byung ste/ sems can yongs su smin par bya ba'i phyir phyi ma'i mtha'i mu'i bskal par byin gyis rlob ste/ ma 'dres pa'i chos dang ldan pa'i phyir ro/ /de bzhin du zhing rnam par 'phrul pa dang / chos rnam par 'phrul pa dang / sku rnam par 'phrul pa dang / smon lam rnam par 'phrul pa dang / spyod yul rnam par 'phrul pa dang / ye shes rnam par 'phrul pa dang / mngon par shes pa rnam par 'phrul pa dang / rdzu 'phrul rnam par 'phrul pa dang / stobs rnam par 'phrul pa de lta bu la sogs pa 'jig rten gyi khams thams cad kyi rdul snyed kyi rnam par 'phrul pa thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa dag skad cig skad cig la 83a @#/ /'byung ste/ sems can yongs su smin par bya ba'i phyir phyi ma'i mtha'i mu'i bskal par byin gyis rlob pa'o/ /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ de bzhin gshegs pa'i grags pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de la de bzhin gshegs pa'i dbyer med cing mi gnas pa ni/ 'jam dpal/ de bzhin gshegs pa 'jig rten gyi khams 'di na tha dad la 'jig rten gyi khams gzhan du gnas pa ma yin no/ /de bzhin gshegs pa gling 'di na tha dad la gling gzhan du gnas pa ma yin no/ /de bzhin gshegs pa khyim 'di na tha dad la khyim gzhan du gnas pa ma yin no/ /de bzhin gshegs pa lha'i ris 'di na tha dad la lha'i ris gzhan du gnas pa ma yin no/ /de bzhin gshegs pa dud 'gro'i skye gnas su skye ba 'di na tha dad la dud 'gro'i skye gnas su skye ba gzhan du gnas pa ma yin no/ /de bzhin gshegs pa yi dwags kyi 'gro ba 'di na tha dad la yi dwags kyi 'gro ba gzhan du gnas pa ma yin no/ /de bzhin gshegs pa sems can dmyal ba'i 'gro ba 'di na tha dad la sems can dmyal ba'i 'gro bar gzhan du gnas pa ma yin no/ /de bzhin gshegs 83b pa 'dod pa'i khams na tha dad la gzugs kyi khams su gnas pa ma yin no/ /'jam dpal/ de bzhin gshegs pa'i dbyer med cing mi gnas pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de la de bzhin gshegs pa'i sku thogs pa med pa ni phyogs bcu'i 'jig rten gyi khams rab 'byams dag na sangs rgyas kyi zhing gang dag yod pa de dag gi nam mkha' ci 'dra ba'i mtha' ni yod srid kyi/ dus gsum gyi phyogs mtha' yas pa dag na rgyal ba'i gtsug tor 'byung ba dang / 'jig par snang ba rgyal ba'i gtsug tor gyi mtha' ni phyogs rnams na mi rnyed do/ /de dag gi nam mkha' ci 'dra ba'i mtha' ni yod srid kyi/ de bzhin du rgyal ba'i mdzod spu dang / de bzhin du mtshan re re dang / de bzhin du dpe byad bzang po re re dang / de bzhin du spu'i khung bu re re'i mtha' ni phyogs rnams na mi rnyed do/ /lha dang / mi dang / byang chub sems dpa' gang dag chos kyi tshul bstan pa ji lta bus 'dul ba de dag gis chos kyi tshul bstan pa de 'dra ba dag 'byung bar shes te/ de la lha dang / mi dang / byang chub sems dpa' kha cig gis ni gtsug tor las bsod nams kyi tshogs rgya mtsho grangs med pa'i bye brag bstan pa dag 'byung bar shes so/ /kha cig gis ni ye shes kyi tshogs rgya mtsho grangs 84a @#/ /med pa'i bye brag bstan pa dag 'byung bar shes so/ /kha cig gis ni pha rol tu phyin pa rgya mtsho grangs med pa'i bye brag bstan pa dag 'byung bar shes so/ / kha cig gis ni sa rgya mtsho grangs med pa'i bye brag bstan pa dag 'byung bar shes so/ /kha cig gis ni gzungs rgya mtsho grangs med pa'i bye brag bstan pa dag 'byung bar shes so/ / kha cig gis ni ting nge 'dzin rgya mtsho grangs med pa'i bye brag bstan pa dag 'byung bar shes so/ /kha cig gis ni rnam par thar pa rgya mtsho grangs med pa'i bye brag bstan pa dag 'byung bar shes so/ /kha cig gis ni so so yang dag par rig pa rgya mtsho grangs med pa'i bye brag bstan pa dag 'byung bar shes so/ /kha cig gis ni mngon par shes pa rgya mtsho grangs med pa'i bye brag bstan pa dag 'byung bar shes so/ /kha cig gis ni smon lam rgya mtsho grangs med pa'i bye brag bstan pa dag 'byung bar shes so/ /kha cig gis ni brtson 'grus rtsom pa rgya mtsho grangs med pa'i bye brag bstan pa dag 'byung bar shes so/ /kha cig gis ni dbugs 'byin pa rgya mtsho grangs med pa'i bye brag bstan pa dag 'byung bar shes so/ / kha cig gis ni byang chub sems dpa' la 'jug pa rgya mtsho grangs med pa'i bye brag bstan pa dag 'byung bar shes so/ /kha cig gis ni de bzhin gshegs pa la 'jug pa rgya 84b mtsho grangs med pa'i bye brag bstan pa dag 'byung bar shes so/ /kha cig gis ni sems can gyi bsam pa dang / spyod pa la 'jug pa rgya mtsho grangs med pa'i bye brag bstan pa dag 'byung bar shes so/ /kha cig gis ni 'jig rten gyi khams la 'jug pa rgya mtsho grangs med pa'i bye brag bstan pa dag 'byung bar shes so/ /kha cig gis ni bskal pa la 'jug pa rgya mtsho grangs med pa'i bye brag bstan pa dag 'byung bar shes so/ /kha cig gis ni dus gsum la 'jug pa rgya mtsho grangs med pa'i bye brag bstan pa dag 'byung bar shes so/ /kha cig gis ni dus gsum bstan pa rgya mtsho grangs med pa'i bye brag bstan pa dag 'byung bar shes so/ /kha cig gis ni mi skyo ba'i sems bskyed pa rgya mtsho grangs med pa'i bye brag bstan pa dag 'byung bar shes so/ /lha dang / mi dang / byang chub sems dpa' kha cig gis ni gtsug tor nas dbyer med pa'i ye shes rgya mtsho grangs med pa'i bye brag bstan pa dag 'byung bar shes so/ /de bzhin du lha dang / mi dang / byang chub sems dpa' bsam pa ji lta ba dang / 'dul ba ji lta ba zhing thams cad kyi rdul snyed dag gis sems kyi skad cig sems kyi skad cig la de bzhin du mdzod spu dang / de bzhin du mtshan re re dang / de bzhin du dpe byad bzang po re re dang / spu'i khung bu re re nas chos tha dad pa rgya mtsho'i bye brag bstan pa dag 'byung bar 85a @#/ /shes so/ /'jam dpal/ de bzhin gshegs pa'i sku thogs pa med pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de la de bzhin gshegs pa'i spyi gtsug bltar mi mthong ba ni/ 'jam dpal/ 'jig rten gyi khams lnga bcu'i rdul snyed kyi 'jig rten gyi khams rgya mtsho dag ni rdul phra rab kyi rdul yod pa dag ni rab tu nyung gi /de bzhin gshegs pa'i byang chub sems dpa'i 'khor gyi dkyil 'khor rgya mtsho dag ni ches mang ngo / /de la byang chub sems dpa' kha cig gi khrun ni dpag tshad tsam mo/ /byang chub sems dpa' kha cig gi khrun ni dpag tshad bcu dang / nyi shu dang / sum cu dang / bzhi bcu'o/ /byang chub sems dpa' kha cig gi khrun ni dpag tshad brgya'o/ /byang chub sems dpa' kha cig gi khrun ni dpag tshad brgya phrag bcu dang / nyi shu dang / sum cu dang / bzhi bcu'o/ /'khor de nyid na byang chub sems dpa' kha cig gi khrun ni dpag tshad stong ngo / /'khor de nyid na byang chub sems dpa' kha cig gi khrun ni dpag tshad stong phrag bcu dang / nyi shu dang / sum cu dang / bzhi bcu dang / lnga bcu'o/ /byang chub sems dpa' kha cig gi khrun ni dpag tshad bye ba'o/ /byang chub sems dpa' kha cig gi khrun ni dpag tshad bye ba phrag bcu dang / 85b nyi shu dang / sum cu dang / bzhi bcu dang / lnga bcu'o/ /byang chub sems dpa' kha cig gi khrun ni dpag tshad bye ba phrag brgya'o/ /byang chub sems dpa' kha cig gi khrun ni dpag tshad bye ba phrag stong ngo / /byang chub sems dpa' kha cig gi khrun ni dpag tshad bye ba stong phrag bcu dang / nyi shu dang / sum cu dang / bzhi bcu dang / lnga bcu yod de/ de dag thams cad kyis phyogs bcu'i 'jig rten gyi khams rab 'byams thams cad dang / gling thams cad na dus gcig tu de bzhin gshegs pa nyis gyur du mthong ngo / /'jam dpal/ gal te byang chub sems dpa' rnam par thar pa bsam gyis mi khyab pa la gnas pa gang la la zhig sems kyi skad cig sems kyi skad cig la/ 'jig rten gyi khams lnga bcu'i rdul snyed kyi gom par 'dor bas steng gi phyogs logs su song ste/ gom pa re res kyang 'jig rten gyi khams lnga bcu'i rdul snyed kyi 'jig rten gyi khams rgya mtshor song la de bzhin gshegs pa'i spyi gtsug tshol zhing / de bzhin du 'jig rten gyi khams lnga bcu'i rdul snyed kyi bskal pa rgya mtshor song yang der yang de bzhin gshegs pa nyis gyur du mthong ngo / /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ de bzhin gshegs pa'i spyi gtsug bltar mi mthong 86a @#/ /ba mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de bzhin gshegs pa'i sems can yongs su smin par mdzad pa spyod pa'i gnas rnams ni/ 'jam dpal/ phyogs bcu'i 'jig rten gyi khams rab 'byams thams cad kyi rdul phra rab kyi rdul rnams ni rab tu nyung gi /'jig rten gyi khams re re dang / gling re re dang / rdul phra rab kyi rdul re re la de bzhin gshegs pa sems can yongs su smin par mdzed pa spyod pa'i gnas rnams ni ches mang ngo / /'jam dpal/ 'jig rten gyi khams re re dang / gling re re dang / rdul phra rab kyi rdul re re la de bzhin gshegs pa sems can yongs su smin par mdzad pa spyod pa'i gnas ji snyed pa de bas ni/ de bzhin gshegs pa'i sku las 'od zer gyi rgya mtsho 'byung zhing byang chub sems dpa'i spyod pa rjes su sgrogs pa dag ches mang ngo / /sems kyi skad cig sems kyi skad cig la de bzhin du gtsug tor dang / mdzod spu dang / mtshan re re dang / dpe byad bzang po re re dang / spu'i khung bu re re nas zhing thams cad kyi rdul snyed kyi 'od zer rgya mtsho dag 'byung ste/ de la 'od zer rgya mtsho kha cig ni bsod nams kyi tshogs rgya mtsho grangs 86b med pa rjes su sgrog go /'od zer rgya mtsho kha cig ni ye shes kyi tshogs rgya mtsho grangs med pa rjes su sgrog go /'od zer rgya mtsho kha cig ni pha rol tu phyin pa rgya mtsho grangs med pa'i rjes su sgrog go /'od zer rgya mtsho kha cig ni sa rgya mtsho grangs med pa rjes su sgrog go /'od zer rgya mtsho kha cig ni ting nge 'dzin rgya mtsho grangs med pa rjes su sgrog go / 'od zer rgya mtsho kha cig ni rnam par thar pa rgya mtsho grangs med pa'i rjes su sgrog go /'od zer rgya mtsho kha cig ni so so yang dag par rig pa rgya mtsho grangs med pa rjes su sgrog go /'od zer rgya mtsho kha cig ni mngon par shes pa rgya mtsho grangs med pa rjes su sgrog go /'od zer rgya mtsho kha cig ni smon lam rgya mtsho grangs med pa'i rjes su sgrog go /'od zer rgya mtsho kha cig ni brtson 'grus rtsom pa rgya mtsho grangs med pa rjes su sgrog go /'od zer rgya mtsho kha cig ni dbugs 'byin pa rnyed pa rgya mtsho grangs med pa rjes su sgrog go /'od zer rgya mtsho kha cig ni byang chub sems dpa' la 'jug pa rgya mtsho grangs med pa rjes su sgrog go /'od zer rgya mtsho kha cig ni de bzhin gshegs pa la 'jug pa rgya mtsho grangs med pa rjes su sgrog go /'od zer rgya mtsho kha cig ni sems can gyi bsam pa dang / spyod pa la 'jug pa rgya 87a @#/ /mtsho grangs med pa rjes su sgrog go /'od zer rgya mtsho kha cig ni 'jig rten gyi khams la 'jug pa rgya mtsho grangs med pa rjes su sgrog go /'od zer rgya mtsho kha cig ni bskal pa la 'jug pa rgya mtsho grangs med pa rjes su sgrog go /'od zer rgya mtsho kha cig ni dus gsum la 'jug pa rgya mtsho grangs med pa rjes su sgrog go |'od zer rgya mtsho kha cig ni dus gsum bstan pa rgya mtsho grangs med pa rjes su sgrog go /'od zer rgya mtsho kha cig ni mi skyo ba'i sems bskyed pa rgya mtsho grangs med pa rjes su sgrog go /'od zer rgya mtsho kha cig ni ye shes tha dad pa rgya mtsho grangs med pa rjes su sgrog go /thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob bo/ /'jam dpal/ de bzhin gshegs pa'i sems can yongs su smin par mdzad pa spyod pa'i gnas rnams mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ /'jam dpal/ de la de bzhin gshegs pa'i sems can yongs su smin par mdzad pa la mi 'jigs pa ni/ 'jam dpal/ de bzhin gshegs pa'i skad cig skad cig la 87b phyogs bcu'i 'jig rten gyi khams rab 'byams thams cad na zhing thams cad kyi rdul snyed kyi sems can rgya mtsho dag dus gcig tu rdul gcig la yongs su smin par mdzad do| |de la sems can rgya mtsho kha cig ni bsod nams kyi tshogs tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni ye shes kyis tshogs tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni pha rol tu phyin pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni sa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni gzungs tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni ting nge 'dzin tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni rnam par thar pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha 88a @#/ /cig ni so so yang dag par rig pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni mngon par shes pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni smon lam tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni brtson 'grus rtsom pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni dbugs 'byin pa rnyed pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni byang chub sems dpa' la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni de bzhin gshegs pa la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do| |sems can rgya mtsho kha cig ni sems can gyi bsam pa dang / spyod pa la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par 88b mdzad do/ /sems can rgya mtsho kha cig ni 'jig rten gyi khams la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /sems can rgya mtsho kha cig ni bskal pa la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ /de bzhin du dus gsum la 'jug pa dang| dus gsum bstan pa dang / mi skyo ba'i sems bskyed pa dbyer med pa'i ye shes kyis yongs su smin par mdzad do/ /de bzhin du sems can rnam par sprul pa dang / zhing rnam par sprul pa dang / chos rnam par sprul pa dang / lus rnam par sprul pa dang / smon lam rnam par sprul pa dang / spyod yul rnam par sprul pa dang / ye shes rnam par sprul pa dang / mngon par shes pa rnam par sprul pa dang / rdzu 'phrul rnam par sprul pa dang / stobs rnam par sprul pas rnam par rol ba'i ye shes rgya mtsho grangs med pa'i bye brag bstan pa'i ye shes kyis de bzhin du skad cig skad cig la/ sems can rgya mtsho zhing thams cad kyi rdul snyed dag rdul gcig la yongs su smin par mdzad do/ /'jam dpal/ de bzhin gshegs pa'i sems can yongs su smin par mdzad pa la mi 'jigs pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang 89a @#/ /bstan par mi nus so/ /'jam dpal/ rigs kyi bu'am/ rigs kyi bu mo gang la la zhig gis bskal par rgya mtsho gang+gA'i klung gi bye ma snyed du 'jig rten gyi khams thams cad kyi rdul snyed kyi sems can dag la nyin gcig bzhin lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu'am/ rigs kyi bu mo gzhan gang zhig gis dge bsnyen ston pa gzhan la mi rten pa/ dge ba bcu'i las kyi lam dang ldan pa gcig la 'di ni sangs rgyas bcom ldan 'das kyi bslab pa la bslabs pa'o snyam du bsams nas nyin gcig zan gcig byin na/ 'di ni de bas ches bsod nams grangs med par skyed do/ /'jam dpal/ rigs kyi bu 'am/ rigs kyi bu mo gang la la zhig gis bskal pa gang+gA'i klung gi bye ma snyed du dge bsnyen ston pa gzhan la mi rten pa/ dge ba bcu'i las kyi lam dang ldan pa 'jig rten gyi khams thams cad kyi rdul snyed dag la nyin gcig bzhin lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu'am/ rigs kyi bu mo gzhan gang zhig gis dge slong gcig la nyin gcig zan byin na/ 'di ni de bas 89b ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa rgya mtsho gang+gA'i klung gi bye ma snyed du 'jig rten gyi khams thams cad kyi rdul snyed kyi dge slong dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu'am/ rigs kyi bu mo gzhan gang zhig gis dad pas rjes su 'brang ba gcig la nyin gcig zan gcig byin na/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed du 'jig rten gyi khams rdul snyed kyi dad pas rjes su 'brang ba dag la nyin gcig bzhin du lha'i zhal zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu'am/ rigs kyi bu mo gzhan gang zhig chos kyi rjes su 'brang ba gcig la nyin gcig zan gcig byin na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi chos kyi rjes su 'brang ba dag la nyin gcig bzhin du lha'i zhal zas ro 90a @#/ /brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu ma gzhan gang zhig gis brgyad pa gcig la nyin gcig zan gcig byin na/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi brgyad pa dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig/ rgyun du zhugs pa gcig la nyin gcig zan gcig byin na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi rgyun du zhugs pa dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig gis lan gcig phyir 'ong ba gcig la nyin gcig zan gcig byin na/ 'di ni de bas ches 90b bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi lan gcig phyir 'ong ba dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gang zhig gis phyir mi 'ong ba gcig la nyin gcig zan gcig byin na/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi phyir mi 'ong ba dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig gis dgra bcom pa gcig la nyin gcig zan gcig byin na/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi dgra bcom pa dag la nyin gcig bzhin du lha'i zas ro brgya dang ldan pa byin 91a @#/ /ba dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig gis rang sangs rgyas gcig la nyin gcig zan gcig byin na/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi rang sangs rgyas dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu'am/ rigs kyi bu mo gzhan gang zhig gis sangs rgyas ri mor bris pa'am/ gzugs su byas pa mthong na/ 'di ni de bas ches bsod nams grangs med par skyed na/ thal mo sbyor ba 'am/ me tog gam/ bdug pa'am/ spos sam/ mar me 'bul ba lta ci smos te/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gzhan gang la la zhig gis bskal pa gang+gA'i klung gi bye ma snyed du sangs rgyas bcom ldan 'das nyan thos kyi dge 'dun dang bcas pa gang+gA'i klung gi bye ma snyed dag la nyin gcig bzhin du lha'i zas ro brgya 91b dang ldan pa phul ba dang / de bzhin du lha'i na bza' rnams phul ba bas/ rigs kyi bu'am/ rigs kyi bu mo gzhan gang gis tha na phyugs kyi shing rta lta bus 'gro ba'i byang chub sems dpa' bsam pa phun sum tshogs pa gcig la sangs rgyas la bskyed pa'i dge ba'i rtsa ba ci'ang rung bas yongs su 'dzin te/ tha na nyin gcig zan gcig byin na'ang 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du rta'i shing rta lta bus 'gro ba'i byang chub sems dpa' 'jig rten gyi khams thams cad kyi rdul snyed dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu'am/ rigs kyi bu mo gzhan gang zhig gis glang po che'i shing rta lta bus 'gro ba'i byang chub sems dpa' gcig la sangs rgyas la bskyed pa'i dge ba'i rtsa ba ci'ang rung bas yongs su 'dzin te/ tha na nyin gcig zan gcig byin na'ang 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du glang po che'i shing rta lta bus 'gro ba'i byang chub sems dpa' 'jig 92a @#/ /rten gyi khams thams cad kyi rdul snyed dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig gis zla ba dang / nyi ma'i shing rta lta bus 'gro ba'i byang chub sems dpa' gcig la sangs rgyas la bskyed pa'i dge ba'i rtsa ba ci'ang rung bas yongs su 'dzin te/ tha na nyin gcig zan gcig byin na'ang 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi byu mo gang la la zhig gis bskal pa gang+gA'i klung gi bye ma snyed du zla ba dang / nyi ma'i shing rta lta bus 'gro ba'i byang chub sems dpa' 'jig rten gyi khams thams cad kyi rdul snyed dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig gis nyan thos kyi rdzu 'phrul gyis 'gro ba'i byang chub sems dpa' gcig la nyin gcig zan byin na| 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gis bye ma 92b snyed du nyan thos kyi rdzu 'phrul gyis 'gro ba'i byang chub sems dpa' 'jig rten gyi khams thams cad kyi rdul snyed dag la nyin gcig bzhin du lha'i zas ro brgya dang ldan pa sbyin pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig gis de bzhin gshegs pa'i rdzu 'phrul gyis 'gro ba'i byang chub sems dpa' gcig la nyin gcig zan gcig byin na/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis bskal pa gang+gA'i klung gi bye ma snyed du/ de bzhin gshegs pa'i rdzu 'phrul gyis 'gro ba'i byang chub sems dpa' 'jig rten gyi khams thams cad kyi rdul snyed dag la nyin gcig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal/ rigs kyi bu'am/ rigs kyi bu mo gzhan gang zhig chos kyi rnam grangs 'di yi ger 'dri ba dang / yi ger 'drir 'jug pa dang / klog pa 'di ni de bas ches bsod nams grangs med par skyed do/ / bzlog ste bsti bstang ma byas pa'i mi dge ba'i las kyang de bzhin du brjod par bya'o/ /phyugs kyi shing rta lta bus 'gro ba dang / ra'i shing rta lta bus 'gro ba dang / glang po che'i shing 93a @#/ /rta lta bus 'gro ba dang / zla ba dang / nyi ma'i shing rta lta bus 'gro ba dang / nyan thos kyi rdzu 'phrul gyis 'gro ba'ang de bzhin te/ 'jam dpal/ rigs kyi bu'am/ rigs kyi bu mo gang la la zhig gis 'jig rten gyi khams thams cad kyi rdul snyed kyi nyan thos kyi rdzu 'phrul gyis 'gro ba'i byang chub sems dpa' rnams kyi dge ba'i rtsa ba rnams kyi bar chad byas pa bas/ 'jam dpal/ rigs kyi bu'am/ rigs kyi bu mo gzhan gang zhig gis de bzhin gshegs pa'i rdzu 'phrul gyis 'gro ba'i byang chub sems dpa' gcig la tha na dud 'gro'i skye gnas su gtogs pa'i dge ba'i rtsa ba'i bar chad byed cing khro ba dang / brnyas pa'i sems skyed na/ 'di ni de bas ches bsod nams ma yin pa grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul snyed kyi sems can rnams kyi mig phyung nas bdog pa thams cad phrogs pa bas/ rigs kyi bu'am/ rigs kyi bu mo gzhan gang zhig gis byang chub sems dpa' la brnyas pa'i sems bskyed pa gshe ba dang| mi snyan par smra ba dang / rnyogs par byed na/ 'di ni de bas ches sdig pa mang du skyed do/ /'jam dpal/ rigs kyi bu'am/ rigs kyi bu mo gang la la zhig gis byang 93b byang chub sems dpa' la rkyen ci'ang rung bas brnyas pa skyed de spyod na/ de mi dge ba'i las des sems can dmyal ba du 'bod chen por lus dpag tshad lnga brgya par skye bar 'gyur te| de la mgo lnga brgya yod par 'gyur ro/ /de'i mgo re re la'ang kha lnga brgya lnga brgya yod par 'gyur/ de'i kha re re la'ang lce lnga brgya lnga brgya yod par 'gyur te/ lce re re la'ang gshol lnga brgya lnga brgyas rmo bar 'gyur ro/ /'jam dpal/ rigs kyi bu'am/ rigs kyi bu mo gang la la zhig gis stong gsum gyi stong chen po'i 'jig rten gyi khams rnams su skyes pa'i sems can thams cad la dbyug pa dang / mtshon gyis bsnun te bdog pa thams cad phrogs pa bas/ rigs kyi bu'am/ rigs kyi bu mo gzhan gang zhig gis byang chub sems dpa' la brnyas pa'i sems bskyed nas khro pa dang / gnod sems dang / tha ba dang / khros pa'i sems skyed na/ 'di ni de bas ches sdig pa grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis sdang ba'i sems kyis sems can rnams la gnod par 'dod cing / 'jig rten gyi khams gang+gA'i klung gi bye ma snyed dag gi 'jig rten gyi khams re re dang / gling re re na dgra bcom pa gang+gA'i klung gi bye ma snyed dag gi srog gcad pa dang / rin po che'i mchod rten rin po che'i 94a @#/ /stegs bus yongs su bskor cing gdugs dang / rgyal mtshan dang / lha'i ba dan btsugs pa gang+gA'i klung gi bye ma snyed dag bshig pa bas/ 'jam dpal/ rigs kyi bu'am/ rigs kyi bu mo gzhan gang zhig gis theg pa chen po la mos pa'i byang chub sems dpa'i theg pa chen po nyid la sgro btags te brnyas pa'i sems bskyed nas rkyen cis kyang rung / khro ba dang / gshe ba dang / mi snyan par zer ba dang / khyad du gsod par byed na/ 'di ni de bas ches sdig pa grangs med par skyed do/ /de ci'i phyir zhe na/ byang chub sems dpa' las de bzhin gshegs pa nges par 'byung ba'i phyir te/ de ni sangs rgyas kyi rigs mi gcod pa'i phyir zhugs pa yin no/ /gang byang chub sems dpa' la skur pa des chos spangs pa yin no/ /chos kyang gzhan la chos yongs su 'dzin pa'i byang chub sems dpa' yang gzhan ma yin te/ byang chub sems dpa' nyid chos so/ /'jam dpal/ rigs kyi bu'am/ rigs kyi bu mo gang la la zhig khros nas phyogs bcu'i 'jig rten gyi khams thams cad kyi sems can thams cad brtson ra mun gang dag tu bcug pa bas/ rigs kyi bu'am/ rigs kyi bu mo gang la la khros te/ byang chub sems dpa' la rgyab kyis 94b phyogs shing 'dug nas ma rungs pa 'di mi blta'o zhes zer na/ 'di ni de las ches sdig pa grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis dzam+bu'i gling gi sems can thams cad kyi bdog pa thams cad phrogs pa bas/ gzhan gang zhig gis byang chub sems dpa' ji lta bu'ang rung ba la smad na/ 'di ni de bas chos sdig pa grangs med par skyed do/ /'jam dpal/ 'di lta ste/ dper na/ ri'i rgyal po chen po ri rab kyis/ 'di lta ste/ mtho ba dang / yangs pa dang / che bas ri thams cad zil gyis mnon nas lham me/ lhan ne/ lhang de'o/ /'jam dpal/ de bzhin du byang chub sems dpa' chos kyi rnam grangs 'di la mos pas kyang / 'di lta ste/ mtho ba dang / yangs pa dang / che bas phyogs bcu dag na byang chub sems dpa' chos kyi rnam grangs 'di la ma mos pa 'jig rten gyi khams thams cad kyi rdul snyed yod pa dag gi dge ba'i rtsa ba pha rol tu phyin pa lnga las byung ba/ bskal pa grangs med par bsags pa zil gyis mnan nas lham me/ lhan ne/ lhang nge'o/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi sems can thams cad 95a @#/ /byang chub kyi sems la bkod pa bas/ 'jam dpal/ rigs kyi bu'am/ rigs kyi bu mo gzhan gang zhig gis phud po med pa'i gzhi la mos na| 'di ni de bas ches bsod nams grangs med par skyed do/ /'jam dpal/ gal te sems can thams cad phung po med pa'i gzhi la mos par gyur pa bas/ 'jam dpal/ rigs kyi bu'am/ rigs kyi bu mo gzhan gang zhig gis chos kyi rnam grangs 'di la mos la/ mos nas kyang yi ger 'dri ba dang / yi ger 'drir 'jug pa dang / klog pa dang / klog tu 'jug pa dang / tha na glegs bam du bris pa la mos nas 'dzin par byed cing mar me dang / me tog dang / bdug pa dang / spos dang| phreng ba dang / byug pa rnams kyis mchod par byed na/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad du gtogs pa'i sems can nyan thos kyi theg pa la yang dag par zhugs pa dag /nyan thos kyi theg pa la yang dag par zhugs pa re re'i dge ba'i rtsa ba gzhal du med pa grangs med pa rnams dang / 'khor los bsgyur ba'i rgyal por 'gyur ba'i dge ba'i rtsa ba rnams dang / 95b lha'i 'jig rten du skye ba'i dge ba'i rtsa ba rnams chud gsan pa bas/ gzhan gang zhig gis byang chub sems dpa'i dge ba'i rtsa ba gcig chud zos par byas na/ 'di ni de bas ches sdig pa grangs med par skyed na/ gshe ba dang / mi snyan par smra ba lta ci smos/ 'jam dpal/ rigs kyi bu'am/ rigs kyi bu mo gang la la zhig gis mchod rten gang+gA'i klung gi bye ma snyed dag bshig pa dang / bsregs pa bas/ rigs kyi bu'am/ rigs kyi bu mo gzhan gang zhig gis theg pa chen po la mos pa'i byang chub sems dpa' la gnod sems dang / tha ba dang / khro ba'i sems bskyed de/ gshe ba dang mi snyan par smras na/ 'di ni de bas ches sdig pa grangs med par skyed do/ /de ci'i phyir zhe na/ byang chub sems dpa' las sangs rgyas bcom ldan 'das rnams nges par byung la/ sangs rgyas las mchod rten rnams byung zhing / sangs rgyas las 'jig rten thams cad dang / lha'i ris thams cad kyi bde ba'i yo byad thams cad byung la/ sangs rgyas kyang byang chub sems dpa' las byung bas na/ byang chub sems dpa' la bsti stang ma byas pa ni sangs rgyas thams cad la bsti stang ma byas pa yin no/ /byang chub sems dpa' la bsti stang byas pa ni sangs rgyas thams cad la bsti stang byas pa yin no/ /sangs rgyas thams 96a @#/ /cad la mchod pa bla na med pas mchod pa byed 'dod pas byang chub sems dpa' rnams la mchod par bya'o/ /'jam dpal/ gal te grong khyer la la zhig na byang chub sems dpa' bye ba brgya'am/ bye ba stong ngam/ bye ba brgya stong ngam/ gzhal du med pa/ grangs med pa dag yod la/ chos kyi rnam grangs 'di la ma mos na de dag gi las ni rgyal pos 'khrug par 'gyur ba'am/ chus 'khrugs par 'gyur ba'i las sam/ chom rkun gyis 'khrug par 'gyur ba'i las sam/ mu ges 'khrug par 'gyur ba'i las sam/ mes 'khrug par 'gyur ba'i las sam/ kla klos 'khrug par 'gyur ba'i las su 'gyur ro/ /grong khyer chen po de na chos kyi rnam grangs 'di la mos pa'i byang chub sems dpa' yod na de'i las ni bskal pa grangs med par mtshams med pa'i gnas su skye bar mi 'gyur/ grong khyer der 'khrug par mi 'gyur ro| |gal te byang chub sems dpa' de dag las rgyal pos 'khrug par 'gyur ba mi 'byung / chus 'khrug par 'gyur ba'i las mi 'byung / chom rkun gyis 'khrug par 'gyur ba'i las mi 'byung / mu ges 'khrug par 'gyur ba'i las mi 'byung / mes 'khrug par 'gyur ba'i las mi 'byung / kla klos 'khrug par 'gyur ba'i las 96b mi 'byung / chos kyi rnam grangs 'di la mos pa'i byang chub sems dpa'i las bskal pa rgya mtsho grangs med par sems can dmyal ba dang / dud 'gro dang / yi dwags su skye bar 'gyur ba yod na der 'khrug par 'gyur ro/ /de ci'i phyir zhe na/ de'i las bskal pa grangs med/ brjod du med par mtshams med par skye bar 'gyur ba dang / de'i las bskal pa bcu dang / nyi shu dang / sum cur ngan song myong bar 'gyur ba'ang tshe 'di la myong ste/ 'khrug pas byang bar 'gyur ro/ /de ci'i phyir zhe na/ bsod nams chen po'i tshogs bsags pa'i phyir ro/ /'jam dpal/ 'di lta ste/ dper na/ rgyar dpag tshad brgya pa'i rdzing yan lag brgyad dang ldan pa'i chus gang ba la dug srang stong yang mi gdug par 'gyur ro/ /de ci'i phyir zhe na/ chu'i phung po chen pos rab tu phye ba'i phyir ro/ /de bzhin du bskal pa grangs med par sems can dmyal ba dang / dud 'gro dang / yi dwags kyi nang du gnas par 'gyur ba'i las rab tu mang ba'ang rnam par smin par mi 'gyur ro/ /de ci'i phyir zhe na/ bsod nams kyi tshogs chen po bsags pa'i phyir ro/ /bcom ldan 'das kyis de skad ces bka' stsal nas/ dge slong de dag dang / byang chub sems dpa' phyogs bcu nas 'dus pa dpag tu med grangs med 97a @#/ /ba rnams dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dad pa'i stobs bskyed pa la 'jug pa'i phyag rgya zhes bya ba theg pa chen po'i mdo rdzogs so// |