H203

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H203</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H203&coll=lhasa">see text in Tibetan script</a></table>97a<br><font size=+1>


//rgya gar gyi mkhan po su ren+d+ra bo d+hi dang / zhus chen gyi lo tsA ba ban+de ye shes sdes bsgyur cing zhus te gtan la phab pa'o// //rgya gar skad du/ AR+Ya ni ya ta a ni ya ta ga ti mu drA a ba tA ra nA ma ma hA yA na sU tra/ bod skad du/ 'phags pa nges pa dang / ma nges par 'gro ba'i phyag rgya la 'jug pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' bye ba khrag khrig 'bum phrag drug cu la/ 'di lta ste/ 'jam dpal gzhon nur gyur pa dang / spyan ras gzigs dbang phyug dang / mthu chen thob dang / sman gyi rgyal po dang / sman gyi yang dag 'phags dang / mchod rten mngon par bsgrags pa'i sgra skad rgyal po dang / de dag la sogs </font><hr>97b<br><font size=+1>


pa byang chub sems dpa' bye ba khrag khrig 'bum phrag drug cu thams cad kyang rab tu zhi ba rnam par nges pa'i cho 'phrul gyi ting nge 'dzin la gnas pa/ za ba cing brtan pa'i tshul rgya mtsho'i dus rlabs kyi ting nge 'dzin 'thob pa/ dbang bskur ba'i gzungs thob pa/ sangs rgyas kyi sku mdog mtha' yas pa yongs su 'grub pa'i gzungs thob pa sha stag dang thabs gcig tu bzhugs te/ de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ phyag rgya gang gis byang chub sems dpa' 'di dag ni bla na med pa yang dag par rdzogs pa'i byang chub tu ma nges te/ bla na med pa'i yi shes kyi lam las phyir ldog par 'gyur ba'o/ /byang chub sems dpa' 'di dag ni bla na med pa yang dag par rdzogs pa'i byang chub tu nges te/ bla na med pa'i ye shes kyi lam las phyir mi ldog pa'o zhes bgyi bar bdag gis 'tshal bar 'gyur ba byang chub sems dpa' rnams kyi nges pa dang / ma nges par 'gro ba'i phyag rgyal 'jug pa zhes bgyi ba'i chos kyi rnam grangs bstan du gsol/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ byang chub sems dpa' rnams kyi 'gro ba ni lnga po 'di dag yin te/ </font><hr>98a<br><font size=+1>


@#/ /lnga gang zhe na/ 'di lta ste/ phyugs kyi shing rtas 'gro ba lta bu dang / glang po che'i shing rtas 'gro ba lta bu dang / zla ba dang / nyi mas 'gro ba lta bu dang| nyan thos kyi rdzu 'phrul gyis 'gro ba lta bu dang / de bzhin gshegs pa'i rdzu 'phrul gyis 'gro ba lta bu ste/ 'jam dpal/ lnga po de dag ni byang chub sems dpa' rnams kyi 'gro ba yin no/ /'jam dpal/ de la byang chub sems dpa' gnyis ni bla na med pa yang dag par rdzogs pa'i byang chub tu ma nges pa'i 'gro ba pa yin no/ /byang chub sems dpa' gsum ni bla na med pa yang dag par rdzogs pa'i byang chub tu nges pa'i 'gro ba pa yin no/ /'jam dpal gyis gsol pa/ bcom ldan 'das/ byang chub sems dpa' bla na med pa yang dag par rdzogs pa'i byang chub tu ma nges pa'i 'gro ba pa bla na med pa'i ye shes kyi lam las slar ldog pa dag gang lags/ bcom ldan 'das kyis bka' stsal pa/ 'jam dpal/ byang chub sems dpa' phyugs kyi shing rtas 'gro ba lta bu dang / glang po che'i shing rtas 'gro ba lta bu yin te/ 'jam dpal/ byang chub sems dpa' 'di gnyis ni bla na med pa yang dag par rdzogs pa'i byang chub tu ma nges te/ bla na med pa'i ye shes kyi lam las phyir ldog pa yin </font><hr>98b<br><font size=+1>


no| |'jam dpal/ byang chub sems dpa' zla ba dang / nyi mas 'gro ba lta bu pa dang / byang chub sems dpa' nyan thos kyi rdzu 'phrul gyis 'gro ba lta bu pa dang / byang chub sems dpa' de bzhin gshegs pa'i rdzu 'phrul gyi 'gro ba lta bu pa 'di gsum ni bla na med pa yang dag par rdzogs pa'i byang chub tu nges te/ bla na med pa'i ye shes kyi lam las phyir mi ldog pa yin no/ /'jam dpal/ ji ltar byang chub sems dpa' phyugs kyi shing rtas 'gro ba lta bu pa yin par rig par bya zhe na/ 'jam dpal/ 'di lta ste/ dper na/ skyes bu la la zhig sangs rgyas kyi zhing lnga brgya'i rdul phra rab kyi rdul snyed kyi 'jig rten gyi khams rnams 'da' bar 'dod la/ der yang de'i bya ba dang / bya ba chen po dang / don dang / don chen po dang / ched che ba dang / ched che rab gcig yod nas de 'di snyam du sems te/ bdag gis bzhon pa ji lta bu zhig gis 'jig rten gyi khams de dag 'da' bar bya snyam mo/ /de'ang 'di snyam du dpyod de/ ma la bdag phyugs kyi shing rta la zhon la 'jig rten gyi khams de dag 'da' bar bya gor ma chag snyam ste/ 'jam dpal/ mi de phyugs kyi shing rta la zhon te lam der zhugs nas de yun ring zhing dus ring mo zhig na dpag tshad brgyar phyin pa las/ de rlung gi dkyil 'khor chen pos de nas bzlog nas dpag </font><hr>99a<br><font size=+1>


@#/ /tshad brgyad cur phyir ded de phul na/ 'jam dpal/ 'di ji snyam du sems/ mi des bskal pa gcig gam/ bskal pa brgya'am/ bskal pa stong ngam/ bskal pa bye ba phrag 'bum mam/ bskal pa brjod du med pa'i yang brjod du med pas kyang 'jig rten gyi khams de dag 'da' ba'am/ 'jig rten gyi khams gcig kyang 'da' bar nus sam/ 'jam dpal gyis gsol pa/ bcom ldan 'das/ de ni gnas ma mchis so/ /bcom ldan 'das/ de ni skabs ma mchis te/ phyugs kyi shing rta la 'tshal ba'i mi des bskal pa gcig gam/ bskal pa brgya'am/ bskal pa stong ngam/ bskal pa bye ba phrag 'bum mam/ bskal pa brjod du med pa'i yang brjod du med pas kyang 'jig rten gyi khams gcig kyang 'da' bar nus pa de ni gnas ma mchis lags so/ /bcom ldan 'das kyis bka' stsal pa/ 'jam dpal/ de bzhin du rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub tu sems bskyed la theg pa chen po mi 'dzin mi klog par nyan thos kyi theg pa pa rnams dang lhan cig gnas te/ nyan thos kyi theg pa pa dag la snyen cing sten la bsnyen bkur byed cing de dag dang lhan cig tu 'dris par byed la </font><hr>99b<br><font size=+1>


kun tu spyod cing longs spyod par byed la/ kun dga' ra ba'am/ gtsug lag khang ngam/ 'chag sar spyod yul mthun par gnas par byed/ nyan thos kyi theg pa klog cing kha ton byed/ dpyod cing khong du chud par byed la gzhan dag kyang klog tu 'jug pa nas khong du chud pa'i bar du byed na/ de nyan thos kyi theg pa 'dzin pa'i dge ba'i rtsa ba skyed pa mngon par 'du byed pa des shes rab rtul por 'gyur te/ bla na med pa'i ye shes kyi lam las phyir 'dren cing phyir zlog go /byang chub sems dpa' de'i byang chub kyi sems bsgoms pa las byung ba'i shes rab kyi dbang po shes rab kyi mig gang yin pa de'ang de nyan thos kyi theg pa 'dzin cing 'chang ba'i dge ba'i rtsa ba bskyed pa mngon par 'du byed pa des rtul por byed cing nyams par byed do/ /'jam dpal/ dper na/ mi la la zhig mig nad kyi mig zum par gyur nas/ de mig dbye ba dang mthong du rung bar bya ba'i phyir zla ba gcig gi bar du dpyad byas te/ zla ba gcig lon nas mig 'byed cing 'dzums par byed pa las de'i dgra'am/ mi mdza' ba gzhan zhig gis pi pi ling gi phye ma spar gang gis mig bkang nas de'ang long bar byas pa de bzhin du/ 'jam dpal/ byang chub sems dpa' de'i byang chub kyi sems bsgoms pa las </font><hr>100a<br><font size=+1>


@#/ /byung ba'i shes rab kyi dbang po shes rab kyi mig gang yin pa de'ang de nyan thos kyi theg pa 'dzin cing 'chang ba'i dge ba'i rtsa ba bskyed pa mngon par 'du byed pa des rtul por byed cing nyams par byed de/ 'jam dpal/ 'di ni byang chub sems dpa' phyugs kyi shing rtas 'gro ba lta bu pa yin par rig par bya'o/ /'jam dpal/ ji ltar byang chub sems dpa' glang po che'i shing rtas 'gro ba lta bu pa yin par rig par bya zhe na/ 'jam dpal/ dper na/ mi la la zhig 'jig rten gyi khams de dag nyid 'da' bar 'dod la/ der yang de'i bya ba dang / bya ba chen po dang / don dang / don chen po dang / ched che ba dang / ched che rab cig yod nas de 'di snyam du sems te/ bdag gi bzhon pa ji lta bu zhig gis 'jig rten gyi khams de dag 'da' bar bya snyam mo/ /de'ang 'di snyam du dpyod de/ ma la bdag glang po che'i shing rta yan lag brgyad dang ldan pa la zhon te 'jig rten gyi khams de dag 'da' bar bya gor ma chag snyam nas/ 'jam dpal/ mi de glang po che'i shing rta yan lag brgyad dang ldan pa la zhon te lam der zhugs nas/ de lo brgyas dpag tshad nyis stong du son pa las rlung gi dkyil 'khor chen pos de nas phyir phul </font><hr>100b<br><font size=+1>


te bzlog na/ 'jam dpal/ 'di ji snyam du sems/ glang po che'i shing rta la zhon pas mi des bskal pa gcig gam/ bskal pa brgya'am/ bskal pa stong ngam/ bskal pa bye ba phrag 'bum mam/ bskal pa brjod du med pa'i yang brjod du med pas kyang 'jig rten gyi khams gcig kyang 'da' bar nus sam/ 'jam dpal gyis gsol pa/ bcom ldan 'das/ de ni gnas ma mchis lags so/ /bcom ldan 'das/ de ni skabs ma mchis te/ glang po che'i shing rta 'tshal ba'i mi des bskal pa gcig gam/ bskal pa brgya 'am/ bskal pa stong ngam/ bskal pa bye ba phrag 'bum mam/ bskal pa brjod du med pa'i yang brjod du med pas kyang 'jig rten gyi khams gcig kyang 'da' bar nus pa de ni gnas ma mchis lags so/ /bcom ldan 'das kyis bka' stsal pa/ 'jam dpal/ de bzhin du rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub tu sems bskyed la nyan thos kyi theg pa pa dag dang lhan cig gnas te/ nyan thos kyi theg pa pa dag la snyen cing sten la bsnyen bkur byed cing de dag dang lhan cig tu 'dris par byed la kun spyod cing longs spyod par byed la/ kun dga' ra ba'am/ gtsug lag khang ngam/ 'chag sar spyod yul </font><hr>101a<br><font size=+1>


@#/ /mthun par gnas par byed/ nyan thos kyi theg pa klog cing kha ton byed/ dpyod cing khong du chud par byed la gzhan dag kyang klog tu 'jug par byed cing kha ton byed du 'jug la yongs su spyod par byed du 'jug na de nyan thos kyi theg pa 'dzin pa'i dge ba'i rtsa ba bskyed pa mngon par 'du byed pa des shes rab rtul por 'gyur te/ bla na med pa'i ye shes kyi lam las phyir 'dren cing phyir zlog go /byang chub sems dpa' de'i byang chub kyi sems bsgoms pa las byung ba'i dge ba'i rtsa ba bskyed pa mngon par 'du byed pa'i shes rab kyi dbang po/ shes rab kyi mig gang yin pa de'ang de'i nyan thos kyi theg pa 'dzin cing 'chad pa'i dge ba'i rtsa ba bskyed pa mngon par 'du byed pa des rtul por byed cing nyams par byed do/ /'jam dpal/ dper na/ shing gi sdong po chen po srid du dpag tshad stong pa zhig yod la/ de'ang rgya mtsho chen pos khyer ba las bar snang la gnas pa'i gnod sbyin dag gis de rgya mtsho chen po'i lam las phyir phul te bzlog nas/ de la lcags kyi gar bu dpag tshad lnga stong yod pa zhig btags na/ 'jam dpal/ 'di ji snyam du sems/ shing gi sdong po chen po de rgya mtsho chen po la 'gro ba'am/ sems can bsgral ba'i phyir spyad par </font><hr>101b<br><font size=+1>


nus sam/ 'jam dpal gyis gsol ba/ bcom ldan 'das/ de ni ma lags so/ /bcom ldan 'das kyis bka' stsal pa/ 'jam dpal/ de bzhin du byang chub sems dpa' de'i byang chub kyi sems bsgoms pa las byung ba'i shes rab kyi shing chen po'ang nyan thos kyi theg pa 'dzin pa'i dge ba'i rtsa ba bskyed pa mngon par 'du byed pa des/ thams cad mkhyen pa'i ye shes kyi rgya mtsho las phyir phul zhing bzlog ste/ thams cad mkhyen pa'i ye shes kyi rgya mtshor 'gro bar yang mi 'gyur/ 'khor ba'i rgya mtsho las kyang sems can rnams sgrol mi nus te/ 'jam dpal/ 'di ni byang chub sems dpa' glang po che'i shing rtas 'gro ba lta bu pa yin par rig par bya'o/ /'jam dpal/ ji ltar byang chub sems dpa' nyi ma dang zla bas 'gro ba lta bu ba yin par rig par bya zhe na/ 'jam dpal/ dper na/ mi la la 'jig rten gyi khams de dag nyid 'da' bar 'dod la/ der yang de'i phya ba dang / bya ba chen po dang / don dang / don chen po dang / ched che ba dang / ched che rab cig yod nas de 'di snyam du sems te/ bdag gis rdzu 'phrul ji lta bu zhig gis 'jig rten gyi khams de dag 'da' bar bya snyam mo/ /de'ang 'di snyam du dpyod de/ ma la bdag gis nyi ma dang zla ba'i 'gro bas 'jig rten gyi khams de dag 'da' bar </font><hr>102a<br><font size=+1>


@#/ /bya gor ma chag snyam nas/ 'jam dpal/ mi de nyi ma dang / zla ba'i 'gro bas lam der zhugs na/ 'jam dpal/ 'di ji snyam du sems/ mi des nyi ma dang / zla ba'i 'gro bas 'jig rten gyi khams de dag 'da' bar nus sam/ 'jam dpal gyis gsol pa/ bcom ldan 'das/ rdo thogs lags so/ /bde bar gshegs pa| rgyud de'i lo dus ring mo zhig gis rdo thogs lags so/ /bcom ldan 'das kyis bka' stsal pa/ 'jam dpal/ de bzhin du rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub tu sems bskyed la nyan thos kyi theg pa pa dag dang lhan cig tu mi gnas te/ nyan thos kyi theg pa pa bdag la mi snyen cing mi sten la/ bsnyen bkur mi byed/ nyan thos kyi theg pa pa de dag dang lhan cig tu 'dris par mi byed/ kun tu spyod cing longs spyod par mi byed/ kun dga' ra ba'am/ gtsug lag khang ngam/ 'chag sar spyod yul mthun par gnas par mi byed la/ nyan thos kyi theg pa klog par mi byed/ kha ton mi byed/ sems par mi byed la/ gzhan dag kyang tha na tshigs su bcad pa gcig tsam yang klog tu 'jug par mi byed/ kha ton byed du 'jug par mi byed de/ de gang klog pa de'ang theg pa chen po kho na klog la/ gang ston </font><hr>102b<br><font size=+1>


pa de'ang theg pa chen po kho na ston na/ 'jam dpal/ 'di ni byang chub sems dpa' zla ba dang / nyi ma'i 'gro ba lta bu ba yin par rig par bya'o/ /'jam dpal/ dper na/ nam mkha' lding gi dbang po'i rgyal po chen po lang tsho dang / stobs dang / mthu chen po thob pa ni 'dod na ri rab kyi rtse mo nas ri rab kyi rtse mor 'gro'o/ /'jam dpal/ de bzhin du zla ba dang / nyi ma'i 'gro ba lta bu pa'i byang chub sems dpa' tshul khrims dang / thos pa dang / bsam pa dang / lhag pa'i bsam pa'i stobs dang / lang tsho dang / mthu chen po thob pa'ang 'dod na/ sangs rgyas kyi zhing nas sangs rgyas kyi zhing du 'gro zhing de bzhin gshegs pa'i 'khor gyi dkyil 'khor rnams su ston par byed do/ /'jam dpal/ ji ltar byang chub sems dpa' nyan thos kyi rdzu 'phrul gyis 'gro ba lta bu pa yin par rig par bya zhe na/ 'jam dpal/ dper na/ mi la la zhig 'jig rten gyi khams de dag nyid 'da' bar 'dod la/ der yang de'i bya ba dang / bya ba chen po dang / don dang / don chen po dang / ched che ba dang / ched che rab cig yod nas de 'di snyam du sems te/ bdag gi rdzu 'phrul ji lta bu zhig gis 'jig rten gyi khams de dag 'da' bar bya snyam mo/ /de'ang 'di snyam du dpyod de/ ma la bdag nyan thos kyi rdzu 'phrul gyis 'jig rten gyi khams de dag 'da' bar bya'o snyam na/ 'jam dpal/ 'di </font><hr>103a<br><font size=+1>


@#/ /ji snyam du sems/ mi des nyan thos kyi rdzu 'phrul gyis 'jig rten gyi khams de dag 'da' bar nus sam/ 'jam dpal gyis gsol ba/ bcom ldan 'das/ rdo thogs lags so/ /bcom ldan 'das kyis bka' stsal pa/ 'jam dpal/ de bzhin du rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub tu sems bskyed la/ nyan thos kyi theg pa ba dag dang lhan cig tu mi gnas/ nyan thos kyi theg pa ba dag la mi snyan mi sten cing bsnyen bkur mi byed la/ nyan thos kyi theg pa pa de dag dang lhan cig tu 'dris par mi byed/ kun tu spyod cing longs spyod par mi byed/ kun dga' ra ba'am/ gtsug lag khang ma| 'chag sar spyod yul mthun par gnas par mi byed la nyan thos kyi theg pa klog par mi byed/ kha ton mi byed/ dpyod cing khong du chud par mi byed la/ gzhan dag kyang tha na tshigs su bcad pa gcig tsam yang klog tu 'jug par mi byed/ kha ton byed du 'jug par mi byed de/ de gang klog pa de'ang theg pa chen po kho na klog la/ gang ston pa de'ang theg pa chen po kho na ston cing de theg pa chen po la mos pa'i byang chub sems dpa' rnams dang / theg pa chen po klog pa rnams dang / theg pa chen po yongs su </font><hr>103b<br><font size=+1>


'dzin pa rnams la gus pa dang bcas/ zhe sa dang bcas par byed cing der gzhol/ der 'bab/ der bab la/ de dag dang lhan cig tu gnas te/ de dag la snyen cing sten la bsnyen bkur byed/ de dag dang lhan cig tu 'dris par byed/ kun tu spyod cing longs spyod par byed/ de dag dang kun dga' ra ba'am/ gtsug lag khang ngam/ 'chag sar spyod yul mthun par gnas par byed la/ de theg pa chen po yongs su 'tshol zhing sdud la 'chang bar byed/ mar me dang / bdug pa dang / me tog dang / spos dang / me tog phreng dang / byug pa dag gis mchog tu gus par mchod par byed/ de theg pa chen po klog cing kha ton byed la/ dga' ba dang / mchog tu dga' bas lung 'bog par byed/ ma bslabs pa'i byang chub sems dpa' rnams la brnyas pa'i sems mi skyed/ bzhin 'dzum pa dang / gsong por smra la/ tshig mi brlang mi gtum mi rtsub pa dang / dga' ba dang / snyan par smra zhing / de srog gi phyir yang theg pa chen po mi spong la de theg pa chen po la zhugs pa'i byang chub sems dpa' rnams dang / theg pa chen po klog pa rnams dang / theg pa chen po yongs su 'dzin pa rnams la ci nus ci lcogs kyis snying nas lhag pa'i bsam pas yongs su 'dzin par byed cing / de su dang yang lhan cig 'gyed pa dang / rtsod par mi byed </font><hr>104a<br><font size=+1>


@#/ /la| de sngon ma byung ba dang / ma thos pa'i mdo sde rnams 'tshol ba'i rang bzhin can yin zhing / gang dag las thos pa de dag la ston pa la gus pa drag po lta bu skyed par byed/ byang chub sems dpa' gzhan byang chub sems dpa'i spyod pa la ma bslabs pa dag la khyad du gsod par mi byed la/ nyes pa bden pa dang / mi bden pas gzhan dag la gleng bar mi byed la/ nyes pa gzhan gyi 'khrul pa'ang mi 'tshol zhing byams pa dang / snying rje dang / dga' ba dang / btang snyoms la slob pa 'di ni| 'jam dpal/ byang chub sems dpa' nyan thos kyi rdzu 'phrul gyis 'gro ba lta bu ba yin par rig par bya'o/ /'jam dpal/ ji ltar byang chub sems dpa' de bzhin gshegs pa'i rdzu 'phrul gyis 'gro ba lta bu pa yin par rig par bya zhe na/ 'jam dpal/ dper na/ mi la la zhig 'jig rten gyi khams de dag nyid 'da' bar 'dod la/ der yang de'i bya ba dang / bya ba chen po dang / don dang / don chen po dang / ched che ba dang / ched che rab cig yod nas de 'di snyam du sems te/ bdag gis rdzu 'phrul ji lta bu zhig gis 'jig rten gyi khams de dag myur du 'da' bar bya snyam mo/ /de'ang 'di snyam du dpyod de/ ma la bdag gis 'jig rten gyi khams de dag 'da' bar bya ba'i phyir de bzhin </font><hr>104b<br><font size=+1>


gshegs pa la gsol ba gdab par gor ma chag snyam nas/ 'jam dpal/ mi de'ang de bzhin gshegs pa'i thad du song nas gsol ba btab ste/ bcom ldan 'das/ bdag sangs rgyas kyi zhing lnga brgya'i rdul phra rab kyi rdul snyed kyi 'jig rten gyi khams 'da' bar 'tshal te/ der yang bdag gis bgyi ba dang / bgyi ba chen po dang / don dang| don chen po dang / ched che ba dang / ched che rab cig mchis na/ bcom ldan 'das kyis bdag 'jig rten gyi khams de dag 'da' bar mdzad du gsol zhes byas la/ 'jam dpal/ de bzhin gshegs pas kyang mi de 'jig rten gyi khams de dag 'da' bar mdzad na/ 'jam dpal/ 'di ji snyam du sems/ de bzhin gshegs pas 'jig rten gyi khams de dag myur du 'da' bar mdzad spyod dam/ 'jam dpal gyis gsol pa/ bcom ldan 'das/ spyod lags so/ /bde bar gshegs pa/ spyod lags so/ / bcom ldan 'das kyis bka' stsal pa/ 'jam dpal/ de bzhin du rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub tu sems bskyed la/ nyan thos kyi theg pa pa dag dang lhan cig tu mi gnas te/ nyan thos kyi theg pa pa dag la mi snyen mi sten cing bsnyen bkur mi byed la/ nyan thos kyi theg pa pa de </font><hr>105a<br><font size=+1>


@#/ /dag dang lhan cig 'dris par mi byed/ kun tu spyod cing longs spyod par mi byed/ kun dga' ra ba'am/ gtsug lag khang ngam/ 'chag sar spyod yul mthun par gnas par mi byed la/ nyan thos kyi theg pa klog par mi byed/ kha ton mi byed/ dpyod cing khong du chud par mi byed la/ gzhan dag kyang tha na tshigs su bcad pa gcig tsam yang klog tu 'jug par mi byed/ kha ton byed du 'jug par mi byed de/ de gang klog pa de'ang theg pa chen po kho na klog /gang kha ton byed pa de'ang theg pa chen po kho na kha ton byed/ gang ston pa de'ang theg pa chen po kho na ston cing de lus dang / ngag dang / yid yongs su dag la/ tshul khrims dang ldan zhing dge ba'i chos can yin la gzhan dag kyang lus dang / ngag dang / yid yongs su dag pa la dgod/ tshul khrims dang / dge ba'i chos can la dgod/ theg pa chen po la zhugs pa'i byang chub sems dpa' rnams dang / theg pa chen po klog pa rnams dang / theg pa chen po yongs su 'dzin pa rnams la gus pa dang bcas/ zhes dang bcas par byed la| der gzhol/ der 'bab/ der bab cing de dag dang lhan cig tu gnas te/ de dag la snyen cing sten la bsnyen bkur byed cing de dag dang lhan cig tu 'dris par byed/ </font><hr>105b<br><font size=+1>


kun tu spyod cing longs spyod par byed la/ de dag dang kun dga' ra ba'am/ gtsug lag khang ngam/ 'chag sar spyod yul mthun par gnas par byed/ de theg pa chen po yongs su 'tshol zhing sdud la 'chang bar byed/ mar me dang / bdug pa dang / me tog dang / spos dang / me tog phreng dang / byug pa dag gis mchog tu gus pa drag pos mchod par byed de/ theg pa chen po klog cing kha ton byed la/ gzhan dag kyang dga' ba dang / mchog tu dga' ba chen po drag pos klog tu 'jug cing kha ton byed du 'jug/ ma bslabs pa'i byang chub sems dpa' rnams la brnyas pa'i sems ma skyed la/ byang chub sems dpa' gzhan dag kyang bslab pa de kho na la 'god par byed/ de bzhin du 'dzum zhing gsong por smra la/ gzhan dag kyang bzhin 'dzum zhing gsong por smra ba la dgod/ de tshig mi brlang / mi gtum/ mi rtsub la/ gzhan dag kyang bslab pa de kho na la 'god cing / de dga' ba dang / snyan par smra la/ srog gi phyir yang theg pa chen po mi spong zhing / de theg pa chen po la zhugs pa'i byang chub sems dpa' rnams dang / theg pa chen po klog pa rnams dang / theg pa chen po yongs su 'dzin rnams la gus pa drag po dang / dga' ba dang / mchog tu dga' ba chen pos sri zhu bya ba'i phyir nye bar gnas la/ gzhan dag kyang bsam pa chen po dang / lhag pa'i bsam pas </font><hr>106a<br><font size=+1>


@#/ /bslab pa de kho na la 'god par byed/ su dang yang lhan cig 'gyed pa dang / rtsod par mi byed/ de sngon ma byung ba dang / ma thos pa'i mdo sde rnams gus pa drag pos don du gnyer zhing 'tshol ba dang / gang dag las thos pa de dag la ston pa la gus pa drag po lta bu skyed par byed la/ gzhan dag kyang bslab pa de kho na la 'god/ gzhan byang chub sems dpa'i spyod pa la ma bslabs pa rnams la'ang rlom sems mi byed/ nyes pa bden pa dang / mi bden pas gzhan dag la gleng bar mi byed/ nyes pa gzhan gyi 'khrul pa'ang mi 'tshol/ gzhan dag kyang bslab pa de kho na la 'god par byed/ de byang chub sems dpa'i las chud zos pa'i sems can gyi khams la rnam par lta bar byed/ gzhan dag kyang byang chub sems dpa'i las chud zos pa'i sems can gyi khams la rnam par lta ba la 'god par byed/ de byang chub sems dpa'i lam chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i lam chud zos pa'i sems can gyi khams la rnam par lta ba la 'god par byed/ de byang chub sems dpa'i spyod pa chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i spyod pa chud zos pa'i sems can gyi </font><hr>106b<br><font size=+1>


khams la rnam par lta ba la 'god par byed/ de byang chub sems dpa'i rgyu chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i rgyu chud zos pa'i sems can gyi khams la rnam par lta ba la 'god par byed/ de byang chub sems dpa'i thabs la mkhas pa chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i thabs la mkhas pa chud zos pa'i sems can gyi khams la rnam par lta ba la 'god par byed/ de byang chub sems dpa'i bya ba chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i bya ba chud zos pa'i sems can gyi khams la rnam par lta ba la 'god par byed/ de byang chub sems dpa'i mngon par 'du byed pa'i spyod pa'i stobs chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i mngon par 'du byed pa'i spyod pa'i stobs chud zos pa'i sems can gyi khams la rnam par lta ba la 'god par byed/ de byang chub sems dpa'i spyod pa'i gnas chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i spyod pa'i gnas chud zod pa'i sems can gyi khams la rnam par lta ba la 'god par byed/ de byams pa dang / </font><hr>107a<br><font size=+1>


@#/ /snying rje dang / dga' ba dang / btang snyoms chud zos pa'i sems can gyi khams la rnam par lta bar byed la/ gzhan dag kyang byams pa dang / snying rje dang| dga' ba dang / btang snyoms chud zos pa'i sems can gyi khams la rnam par lta ba la 'god par byed/ de bgo bsha'i rang bzhin can yin la/ gzhan dag kyang bgo bsha'i rang bzhin can la 'god par byed/ de sangs rgyas kyi chos chud zos pa'i sems can gyi khams la rnam par lta bar byed la/ gzhan dag kyang sangs rgyas kyi chos chud zos pa'i sems can gyi khams la rnam par lta ba la 'god par byed/ de dge ba'i chos la 'dun pa dang bral ba'i sems can gyi khams la rnam par lta bar byed la/ gzhan dag kyang dge ba'i chos la 'dun pa dang bral ba'i sems can gyi khams la rnam par lta ba la 'god par byed/ de bcing bas bcings pa'i sems can gyi khams la rnam par lta bar byed la/ gzhan dag kyang bcing bas bcings pa'i sems can gyi khams la rnam par lta ba la 'god par byed/ de yun ring po nas na ba'i sems can gyi khams la rnam par lta bar byed la/ gzhan dag kyang yun ring po nas na ba'i sems can gyi khams la rnam par lta ba la 'god par byed/ de sangs rgyas la dge ba'i rtsa ba bskyed pa chud zos pa'i sems </font><hr>107b<br><font size=+1>


can gyi khams la rnam par lta bar byed la/ gzhan dag kyang sangs rgyas la dge ba'i rtsa ba bskyed pa chud zos pa'i sems can gyi khams la rnam par lta ba la 'god par byed/ de mgon med pa'i sems can gyi khams la rnam par lta bar byed la/ gzhan dag kyang mgon med pa'i sems can gyi khams la rnam par lta ba la 'god par byed/ de yun ring po nas gnyid kyis log pa'i sems can gyi khams la rnam par lta bar byed la/ gzhan dag kyang yun ring po nas gnyid kyi log pa'i sems can gyi khams la rnam par lta ba la 'god par byed/ de rigs ngan du skyes pa'i sems can gyi khams la rnam par lta bar byed la/ gzhan dag kyang rigs ngan du skyes pa'i sems can gyi khams la rnam par lta ba la 'god par byed/ de byang chub kyi sems chud zos pa'i sems can gyi khams la rnam par lta bar byed la/ gzhan dag kyang byang chub kyi sems chud zos pa'i sems can gyi khams la rnam par lta ba la 'god par byed/ de byang chub sems dpa'i spyod pa chud zos pa'i sems can gyi khams la rnam par lta bar byed la/ gzhan dag kyang byang chub sems dpa'i spyod pa chud zos pa'i sems can gyi khams la rnam par lta ba la 'god par byed/ de chos spyod pa chud zos pa'i sems can gyi khams la rnam par lta bar byed la/ gzhan dag kyang chos spyod pa chud zos pa'i sems can gyi khams la </font><hr>108a<br><font size=+1>


@#/ /rnam par lta ba la 'god par byed/ de bsod nams dang / ye shes kyi tshogs chud zos pa'i sems can gyi khams la rnam par lta bar byed la/ gzhan dag kyang bsod nams dang / ye shes kyi tshogs chud zos pa'i sems can gyi khams la rnam par lta ba la 'god par byed/ de theg pa chen po la mos pa chud zos pa'i sems can gyi khams la rnam par lta bar byed la/ gzhan dag kyang theg pa chen po la mos pa chud zos pa'i sems can gyi khams la rnam par lta ba la 'god par byed/ de tshul khrims kyi sdom pa chud zos pa'i sems can gyi khams la rnam par lta bar byed la/ gzhan dag kyang tshul khrims kyi sdom pa chud zos pa'i sems can gyi khams la rnam par lta ba la dgod par byed/ de chos kyi rjes su mthun pa'i chos chud zos pa'i sems can gyi khams la rnam par lta bar byed la/ gzhan dag kyang chos kyi rjes su mthun pa'i chos chud zos pa'i sems can gyi khams la rnam par lta ba la 'god par byed/ de bzod pa dang / des pa chud zos pa'i sems can gyi khams la rnam par lta bar byed la/ gzhan dag kyang bzod pa dang / des pa chud zos pa'i sems can gyi khams la rnam par lta ba la 'god par byed/ de zhi gnas dang / lhag mthong chud zos pa'i sems can gyi khams la rnam par lta bar byed la/ </font><hr>108b<br><font size=+1>


gzhan dag kyang zhi gnas dang / lhag mthong chud zos pa'i sems can gyi khams la rnam par lta ba la 'god par byed/ de sbyin pa dang / dul ba dang / legs par sdom pa dang / des pa chud zos pa'i sems can gyi khams la rnam par lta bar byed la/ gzhan dag kyang sbyin pa dang / dul ba dang / legs par sdom pa dang / nges pa chud bros pa'i sems can gyi khams la rnam par lta ba la 'god par byed/ de dran pa dang / blo gros dang / brtan pa dang / rtogs pa chud zos pa'i sems can gyi khams la rnam par lta bar byed la/ gzhan dag kyang dran pa dang| blo gros dang / brtan pa dang / rtogs pa chud zos pa'i sems can gyi khams la rnam par lta ba la 'god par byed/ de pha rol tu phyin pa'i lam gyi tshul la 'jug pa chud zos pa'i sems can gyi khams la rnam par lta bar byed la/ gzhan dag kyang pha rol tu phyin pa'i lam gyi tshul la 'jug pa chud zos pa'i sems can gyi khams la rnam par lta ba la 'god par byed/ de sangs rgyas kyi rigs su skye ba chud zos pa'i sems can gyi khams la rnam par lta bar byed la/ gzhan dag kyang sangs rgyas kyi rigs su skye ba chud zos pa'i sems can gyi khams la rnam par lta ba la 'god par byed/ de dge ba'i bshes gnyen chung zos pa'i sems can gyi khams la rnam par lta bar byed la/ gzhan dag kyang dge ba'i </font><hr>109a<br><font size=+1>


@#/ /bshes gnyen chud zos pa'i sems can gyi khams la rnam par lta ba la 'god par byed/ de sems can la phan par 'dod pa chud zos pa'i sems can gyi khams la rnam par lta bar byed la/ gzhan dag kyang sems can la phan par 'dod pa chud zos pa'i sems can gyi khams la rnam par lta ba la 'god par byed/ de chos la rton pa chud zos pa'i sems can gyi khams la rnam par lta bar byed la/ gzhan dag kyang chos la rton pa chud zos pa'i sems can gyi khams la rnam par lta ba la 'god par byed/ de ye shes la rton pa chud zos pa'i sems can gyi khams la rnam par lta bar byed la/ gzhan dag kyang ye shes la rton pa chud zos pa'i sems can gyi khams la rnam par lta ba la 'god par byed/ de don la rton pa chud zos pa'i sems can gyi khams la rnam par lta bar byed la/ gzhan dag kyang don la rton pa chud zos pa'i sems can gyi khams la rnam par lta ba la 'god par byed/ de nges pa'i don gyi mdo sde la rton pa chud zos pa'i sems can gyi khams la rnam par lta bar byed la/ gzhan dag kyang nges pa'i don gyi mdo sde la rton pa chud zos pa'i sems can gyi khams la rnam par lta ba la 'god par byed/ de yang dag par spong ba bzhi chud zos pa'i sems can gyi khams la rnam par lta bar byed la/ gzhan </font><hr>109b<br><font size=+1>


dag kyang yang dag par spong ba bzhi chud zos pa'i sems can gyi khams la rnam par lta ba la 'god par byed/ de bden pa'i chos dang / don dang / 'dul ba smra ba la mkhas pa yin la gzhan dag kyang bden pa'i chos dang / don dang / 'dul ba smra ba la mkhas pa la 'god par byed/ de dbul po'i sems can gyi khams la rnam par lta bar byed cing gzhan dag kyang dbul po'i sems can gyi khams la rnam par lta ba la 'god par byed/ de 'jig rten gyi khams thams cad byams pas khyab par byed de/ kye ma/ sems can 'di dag ni mgon med pa| sems can 'di dag ni skyabs med pa/ sems can 'di dag ni dpung gnyen med pa/ sems can 'di dag ni gling med pa/ sems can 'di dag ni gnas med pa/ sems can 'di dag ni skyob pa med pa yin na/ kye ma nam zhig na bdag sems can 'di dag gi mgon du 'gyur zhig gu/ skyabs su 'gyur zhig gu/ dpung gnyen du 'gyur zhig gu/ gling du 'gyur zhig gu/ gnas su 'gyur zhig gu/ skyob par 'gyur zhig gu snyam pa'o/ /'jam dpal/ dper na/ bya'i rgyal po nam mkha'i lding lang tsho dang / stobs dang / mthu chen po thob pa de ni 'dod na ri rab kyi rtse mo nas ri rab kyi rtse mor 'gro'o/ /'jam dpal/ de bzhin du de bzhin gshegs pa'i rdzu 'phrul gyis 'gro ba lta bu'i byang chub sems dpa' yang dge ba'i </font><hr>110a<br><font size=+1>


@#/ /rtsa ba'i stobs dang / mgyogs pa dang / shugs dang / rtul ba chen pos de bzhin gshegs pa'i 'khor gyi dkyil 'khor gang du skye bar 'dod pa der yang skye bar 'gyur la/ ngan song ngan 'gro log par ltung bar skyes pa'i sems can thams cad kyi mgon dang / skyabs dang / dpung gnyen dang / gling dang / gnas dang / skyob par yang 'gyur ba de ni/ 'jam dpal/ byang chub sems dpa' de bzhin gshegs pa'i rdzu 'phrul gyis 'gro ba lta bu pa yin par rig par bya'o/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi de bzhin gshegs pa rnams la nyin gcig bzhin du lha'i zhal zas ro brgya dang ldan pa phul zhing / lha'i na bza' dag kyang phul te de bzhin gshegs pa re re la'ang nyin gcig bzhin du 'jig rten gyi khams gang+gA'i klung gi bye ma snyed nor bu rin po che dbang gi rgyal pos yongs su gang bar byas nas sbyin pa byin te/ de ltar sbyin pa bskal pa gang+gA'i klung gi bye ma snyed du phul la/ rigs kyi bu'am/ rigs kyi bu mo gzhan zhig gis ni sems can gcig rgyun du zhugs pa'i 'bras bu la bzhag na/ 'di ni de bas ches bsod nams grangs med pa skyed do/ /'jam dpal/ gal te rigs kyi bu'am/ rigs kyi </font><hr>110b<br><font size=+1>


bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can thams cad rgyun du zhugs pa'i 'bras bu la bkod la/ rigs kyi bu'am/ rigs kyi bu mo gzhan zhig gis ni sems can gcig lan gcig phyir 'ong ba'i 'bras bu la bzhag na/ 'di ni de bas chos bsod nams grangs med pa skyed do/ /'jam dpal gal te rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can thams cad lan gcig phyir 'ong ba'i 'bras bu la bkod la/ rigs kyi bu'am/ rigs kyi bu mo gzhan zhig gis ni sems can gcig phyir mi 'ong ba'i 'bras bu la bzhag na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can thams cad phyir mi 'ong ba'i 'bras bu la bkod la/ rigs kyi bu'am/ rigs kyi bu mo gzhan zhig gis ni sems can gcig dgra bcom pa nyid la bzhag na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems </font><hr>111a<br><font size=+1>


@#/ /can thams cad dgra bcom pa nyid la bkod la/ rigs kyi bu'am/ rigs kyi bu mo gzhan zhig gis ni sems can gcig rang sangs rgyas nyid la bzhag na| 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can thams cad rang sangs rgyas nyid la bkod la/ rigs kyi bu'am/ rigs kyi bu mo gzhan zhig gis ni sems can gcig ra'i shing rtas 'gro ba lta bu'i byang chub kyi sems la bzhag na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can thams cad ra'i shing rtas 'gro ba lta bu'i byang chub kyi sems la bkod la/ rigs kyi bu'am/ rigs kyi bu mo gzhan zhig gis ni sems can gcig glang po che'i shing rtas 'gro ba lta bu'i byang chub kyi sems la bzhag na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can </font><hr>111b<br><font size=+1>


thams cad glang po che'i shing rtas 'gro ba lta bu'i byang chub kyi sems la bkod la/ rigs kyi bu'am/ rigs kyi bu mo gzhan zhig gis ni sems can gcig zla ba dang / nyi mas 'gro ba lta bu'i byang chub kyi sems la bzhag na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can thams cad zla ba dang / nyi mas 'gro ba lta bu'i byang chub kyi sems la bkod la/ rigs kyi bu'am/ rigs kyi bu mo gzhan zhig gis ni sems can gcig nyan thos kyi rdzu 'phrul gyis 'gro ba lta bu'i byang chub kyi sems la bzhag na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can thams cad nyan thos kyi rdzu 'phrul gyis 'gro ba lta bu'i byang chub kyi sems la bkod la/ rigs kyi bu'am/ rigs kyi bu mo gzhan zhig gis ni sems can gcig de bzhin gshegs pa'i rdzu 'phrul gyis 'gro ba lta bu'i byang chub kyi sems la bzhag na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams </font><hr>112a<br><font size=+1>


@#/ /cad kyi rdul phra rab kyi rdul snyed kyi sems can rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni dge bsnyen dad pa can gsum la skyabs su song ba/ bslab pa'i gzhi lnga dang ldan pa/ bcom ldan 'das kyi bstan pa la mngon par dga' ba gcig la nyin gcig zan gcig byin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi dge bsnyen dad pa can gsum la skyabs su song ba/ bslab pa'i gzhi lnga dang ldan pa/ bcom ldan 'das kyi bstan pa la mngon par dga' ba rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gi ni gang zag brgyad pa la nyin gcig zan gcig byin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams </font><hr>112b<br><font size=+1>


thams cad kyi rdul phra rab kyi rdul snyed kyi gang zag brgyad pa rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni rgyun du zhugs pa gcig la nyin gcig zan gcig byin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi rgyun du zhugs pa rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni lan gcig phyir 'ong ba gcig la nyin gcig zan gcig byin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi lan gcig phyir 'ong ba rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni phyir mi 'ong ba </font><hr>113a<br><font size=+1>


@#/ /gcig la nyin gcig zan gcig byin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi phyir mi 'ong ba rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni dgra bcom pa gcig la nyin gcig zan gcig byin na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi dgra bcom pa rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni rang sangs rgyas gcig la nyin gcig zan gcig byin na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs </font><hr>113b<br><font size=+1>


bcu'i 'jig rten gyi khams thams cad kyi rdul phra rab kyi rdul snyed kyi rang sangs rgyas rnams la/ nyin gcig bzhin du lha'i zas ro brgya dang ldan pa byin zhing lha'i gos dag kyang byin te| de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni ra'i shing rtas 'gro ba lta bu'i byang chub sems dpa' gcig la nyin gcig zan gcig byin na/ 'di ni de bas ches bsod nams grangs med pa skyed do/ /de ci'i phyir zhe na/ 'jam dpal/ byang chub sems dpa' gang gi tshe gang dang / gang las brtsams te byang chub kyi sems bskyed pa de'i tshe des sems de la mi dge ba'i las ma spangs pa ci'ang med la/ des sangs rgyas kyi chos gang yang ma bzung pa med pa'i phyir te/ 'jam dpal/ de ltar na byang chub sems dpa' rnams ni yon tan bsam gyis mi khyab pa dang ldan pa yin no/ /'jam dpal/ dper na/ bya'i rgyal po ka la ping+ka sgo nga'i spubs na 'dug cing mig ma bye ba dag gis kyang sgra skad kyi gdangs zab cing snyan pas bya'i tshogs thams cad zil gyis gnon par byed do/ /'jam dpal/ de bzhin du dang po sems bskyed pa'i byang chub sems dpa' ma rig pa'i sgo nga'i spubs na 'dug cing mig las dang / nyon mongs pa'i mun pa'i rab rib kyi dris yog pa'ang dge ba'i rtsa ba yongs su bsngo ba'i sbyor ba </font><hr>114a<br><font size=+1>


@#/ /bsgrub pa'i sgra skad kyis nyan thos dang / rang sangs rgyas thams cad zil gyis gnon par byed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi ra'i shing rtas 'gro ba lta bu pa'i byang chub sems dpa' rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni glang po che'i shing rtas 'gro ba lta bu pa'i byang chub sems dpa' gcig la nyin gcig zan gcig phyin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi glang po che'i shing rtas 'gro ba lta bu pa'i byang chub sems dpa' rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni zla ba dang / nyi mas 'gro ba lta bu pa'i byang chub sems dpa' gcig la nyin gcig zan gcig byin na 'di ni de bas ches bsod nams grangs med pa </font><hr>114b<br><font size=+1>


skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi zla ba dang / nyi mas 'gro ba lta bu pa'i byang chub sems dpa' rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni nyan thos kyi rdzu 'phrul gyis 'gro ba lta bu pa'i byang chub sems dpa' nyin gcig zan gcig byin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi nyan thos kyi rdzu 'phrul gyis 'gro ba lta bu pa'i byang chub sems dpa' rnams la nyin gcig bzhin du lha'i zas ro brgya dang ldan pa byin zhing lha'i gos kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni de bzhin gshegs pa'i rdzu 'phrul gyis 'gro ba lta bu pa'i byang chub sems dpa' gcig la nyin gcig zan gcig byin na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad </font><hr>115a<br><font size=+1>


@#/ /kyi rdul phra rab kyi rdul snyed kyi de bzhin gshegs pa'i rdzu 'phrul gyis 'gro ba lta bu pa'i byang chub sems dpa' rnams la nyin gcig bzhin du lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni chos kyi rnam grangs 'di thos nas mos shing yid ches par byed na 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi kha zas byed du bcug la/ stong gsum gyi stong chen po bcu'i rdul phra rab kyi rdul snyed kyi rang sangs rgyas rnams kyi gnas dzam+bu chu bo'i gser las byas la/ nor bu rin po che glog gi sgron mas spras pa/ nor bu rin po che snang ba thams cad brtsegs pa'i stegs bus bskor ba/ nor bu dang / mu tig dang / rin po che'i chun pos mdzes par byas pa/ gdugs dang / rgyal mtshan dang / bdan bsgreng ba/ nor bu rin po che dbang gi rgyal po'i dra bas bkab pa/ dril bu g.yer ka'i dra ba'i bla bre bres pa/ tsan+dan sbrul gyi snying pos byugs pa/ me tog man+dA ra ba dang / man+dA ra ba chen po </font><hr>115b<br><font size=+1>


dang| many+dzu Sha ka dang / many+dzu Sha ka chen po dang / sna ma'i me tog dang / klu shing gi me tog dang / ta ra ni bar na dang / go ta ra ni dang / dri mchog dang / d+ha nu ska ri dang / lha'i sna ma'i me tog dang / ut+pa la dang / pad+ma dang / ku mu ta dang / pad+ma dkar po dang / me tog chen po rnams bkram pa byed du bcug ste/ rang sangs rgyas de dag la lha'i zas ro brgya dang ldan pa byin zhing lha'i gos dag kyang byin te/ de ltar sbyin pa bskal pa gang+gA'i klung gi bye ma snyed du byin la rigs kyi bu'am/ rigs kyi bu mo gzhan zhig gis ni sangs rgyas zhes bya ba'am/ thams cad mkhyen pa zhes bya ba'am/ 'jig rten gyi mgon po zhes bya ba'i sgra thos sam/ ri mor bris pa mthong ngam/ gzugs su byas pa mthong na 'di ni de bas ches bsod nams grangs med pa skyed par 'gyur na/ gang sor mo bcu'i thal mo sbyar ba lta ci smos te/ 'di ni de bas ches bsod nams grangs med pa skyed do/ /gang mar me'am/ bdug pa'am/ me tog gam| spos 'bul ba lta ci smos te/ tha na de'i yon tan bsngags pa gcig tsam brjod na'ang 'di ni de bas ches bsod nams mang du skyed do/ /longs spyod chen por 'grub par byed cing mthar gyis thams cad mkhyen pa nyid du 'gro bar 'gyur ro/ /'jam dpal/ dper na/ chu'i thigs pa chung du rgya mtsho chen por song ba'ang sreg pa'i bskal pa'i me ma byung </font><hr>116a<br><font size=+1>


@#/ /gi bar du bar mdor yongs su zad par mi 'gyur ro/ /'jam dpal/ de bzhin du de bzhin gshegs pa la dge ba'i rtsa ba bskyed pa ji ltar chung ba'ang thams cad mkhyen pa'i ye shes kyi me ma byung gi bar du bar mdor yongs su zad pa'am/ mthar thug par mi 'gyur ro/ /'jam dpal/ dper na/ zla ba'i dkyil 'khor ni ji ltar chung yang / 'di lta ste/ bong dang / khyon dang / che bas skar ma'i tshogs thams cad zil gyis mnan nas lhang nger 'dug cing kun tu lhang nger 'dug go /'jam dpal/ de bzhin du de bzhin gshegs pa la dge ba'i rtsa ba bskyed pa ji ltar chung ba'ang / 'di lta ste/ mtho ba dang / yangs pa dang / che bas dge ba'i rtsa ba thams cad zil gyis mnan nas lhang nger 'dug go/ 'jam dpal/ de ltar na de bzhin gshegs pa dgra bcom pa yang dag par rdzogs pa'i sangs rgyas ni yon tan bsam gyis mi khyab pa dang ldan no/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi de bzhin gshegs pa thams cad byang chub sems dpa' rnams dang / nyan thos rnams dang bcas pa la nyin gcig bzhin du lha'i zhal zas ro brgya dang ldan pa phul zhing lha'i na bza' dag kyang phul te/ de ltar sbyin pa bskal pa </font><hr>116b<br><font size=+1>


gang+gA'i klung gi bye ma snyed du byin la/ rigs kyi bu'am/ rigs kyi bu mo gzhan zhig gis ni chos kyi rnam grangs 'di thos nas mos par byed na/ 'di ni de bas ches bsod nams tshad med pa skyed par 'gyur na/ gang yi ger 'dri ba'am/ yi ger 'drir 'jug pa'am/ ston par byed pa lta ci smos te/ 'di ni de bas sangs rgyas kyi ye shes thob par 'gyur ba'i bsod nams ches mang du skyed do/ /'jam dpal/ rigs kyi bu'am/ rigs kyi bu mo gang la la zhig gis sdang ba'i sems kyi nyan thos dang / rang sangs rgyas dpag tu med pa dag gi zas dang / gos bcad la| rigs kyi bu'am/ rigs kyi bu mo gzhan zhig gis ni khros te sdang ba'i sems kyis theg pa chen po la mos pa'i byang chub sems dpa'i zan gcig phrogs sam/ zan gcig gcod du bcug na 'di ni de bas ches sdig pa grangs med pa skyed do/ /de ci'i phyir zhe na/ 'jam dpal/ 'das pa dang / ma 'ongs pa dang / da ltar byung ba'i nyan thos dang / rang sangs rgyas thams cad kyi sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la sogs pa bskal pa bye ba grangs med pa nas yang dag par bsgrubs pa gang yin pa de dag thams cad ni rang gi sems kyi rgyud las skyes pa'i nyon mongs pa rnams 'joms par byed par zad kyi/ byang chub sems dpa' ni tha na dud 'gro'i skye gnas su skyes </font><hr>117a<br><font size=+1>


@#/ /pa'i sems can la kham gcig tsam yongs su btang ba'ang dkon mchog gsum gyi gdung mi 'chad par 'gyur bar byed pa'i phyir ro/ /'jam dpal/ nan gyis dper bya na/ rigs kyi bu'am/ rigs kyi bu mo gang la la zhig gis khros te sdang ba'i sems kyis nyan thos dang / rang sangs rgyas dpag tu med pa dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po med par byas la/ rigs kyi bu'am/ rigs kyi bu mo gzhan zhig gis ni sdang ba'i sems kyis theg pa chen po la mos pa'i byang chub sems dpa'i tshul khrims tha na bslab pa gcig blangs pa tsam yang med par byas na/ 'di ni de bas ches sdig pa grangs med pa skyed do/ /de ci'i phyir zhe na/ nyan thos dang / rang sangs rgyas thams cad kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po ni rang gi sems kyi rgyud las skyes pa'i nyon mongs pa rnams 'joms par byed par zad kyi/ byang chub sems dpa' ni tha na nyi ma gcig gi bslab pa gcig las byung ba'i tshul khrims kyi phung po dang / ting nge 'dzin gyi phung po dang / shes </font><hr>117b<br><font size=+1>


rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po thams cad kyi sems can thams cad kyi nyon mongs pa thams cad 'joms par byed pa nas thams cad mkhyen pa'i ye shes kyi bar du thob par 'gyur ba'i phyir ro/ /'jam dpal/ rigs kyi bu'am/ rigs kyi bu mo gang la la zhig gis khros te/ gnod sems kyi sems kyis phyogs bcu'i 'jig rten gyi khams thams cad kyi sems can thams cad btson rar bcug la/ rigs kyi bu'am/ rigs kyi bu mo gzhan zhig gis ni/ byang chub sems dpa' la khros te/ gnod sems kyi sems kyis 'di dang phrad par ma gyur cig ces rgyab kyis phyogs te 'dug na/ 'di ni de bas ches sdig pa grangs mad pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi sems can thams cad kyi mig phyung la/ rigs kyi bu'am/ rigs kyi bu mo gzhan zhig gis ni khros te gnod sems kyi sems kyis byang chub sems dpa' las bltas na/ 'di ni de bas ches sdig pa grangs med pa skyed do/ /'jam dpal/ nan gyis/ dper bya na/ gal te phyogs bcu'i 'jig rten gyi khams thams cad kyi sems can thams cad kyi mig phyung bar gyur la/ de nas rigs kyi bu'am/ rigs kyi bu mo gang la la zhig gis byams pa'i sems </font><hr>118a<br><font size=+1>


@#/ /kyis mig bskyed la/ rigs kyi bu'am/ rigs kyi bu mo gzhan zhig gis ni theg pa chen po la mos pa'i byang chub sems dpa' la dga' ba'i sems kyis bltas na/ 'di ni de bas ches bsod nams grangs med pa skyed do/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi sems can thams cad btson rar 'dug pa las btson ra nas thar bar byas nas 'khor los bsgyur ba'i bde ba la'ang bkod la/ rigs kyi bu'am/ rigs kyi bu mo gzhan zhig gis ni theg pa chen po la mos pa'i byang chub sems dpa' la dga' ba'i sems kyis mthong bar 'dod cing / dga' ba'i sems kyis de'i bsngags pa brjod na/ 'di ni de bas ches bsod nams grangs med pa skyed do/ /'jam dpal/ byang chub sems dpa' gang la la zhig gis phyogs bcu'i 'jig rten gyi khams thams cad kyi sems can thams cad rang sangs rgyas nyid la bkod la/ byang chub sems dpa' gzhan zhig gis ni theg pa chen po la mos pa'i byang chub sems dpa'i dge ba'i rtsa ba sangs rgyas la bskyed pa gcig tsam 'phel bar byas na/ 'di ni de bas ches bsod nams grangs med pa skyed do/ /'jam dpal/ theg pa chen po la mos pa'i byang chub sems dpa' gang la </font><hr>118b<br><font size=+1>


la zhig gis phyogs bcu'i 'jig rten gyi khams thams cad kyi sems can thams cad byang chub kyi sems la bkod la/ theg pa chen po la mos pa'i byang chub sems dpa' gzhan zhig gis ni theg pa chen po la mos pa'i byang chub sems dpa' phung po med pa'i tshigs su bcad pa gcig tsam 'don du bcug na/ 'di ni de bas ches bsod nams grangs med pa skyed do| |'jam dpal/ nan gyis dper bya na/ rigs kyi bu'am/ rigs kyi bu mo gang la la zhig gis ni phyogs bcu'i 'jig rten gyi khams thams cad kyi rdul phra rab kyi rdul snyed kyi rang sangs rgyas rnams sems can dmyal ba dang / dud 'gro dang / yi dwags rnams su skyes par byas la/ rigs kyi bu'am/ rigs kyi bu mo gang la la zhig gis ni byang chub sems dpa' gcig byang chub kyi sems las mos pa bzlog na/ 'di ni de bas ches sdig pa grangs med pa skyed do/ /'jam dpal/ gal te rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi sems can thams cad byang chub kyi sems las mos pa bzlog la/ rigs kyi bu'am/ rigs kyi bu mo gzhan zhig gis ni tha na theg pa chen po la mos pa'i byang chub sems dpa' gcig theg pa chen po las mos pa bzlog na/ 'di ni de bas ches sdig pa grangs med pa skyed do/ /'jam dpal/ gal te phyogs </font><hr>119a<br><font size=+1>


@#/ /bcu'i 'jig rten gyi khams thams cad kyi sems can dmyal ba dang / dud 'gro dang / yi dwags dang / gshin rje'i 'jig rten du skyes par gyur la/ de nas byang chub sems dpa' gang la la zhig gis sems can de dag thams cad sems can dmyal ba dang / dud 'gro dang / gshin rje'i 'jig rten nas bton nas byang chub kyi sems la bkod la/ byang chub sems dpa' gzhan zhig gis ni sems can gcig theg pa chen po la mos pa la 'jug par byed na/ 'di ni de bas ches bsod nams grangs med pa skyed do// 'jam dpal/ gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi rang sangs rgyas rnams rang sangs rgyas las nyams par byas la/ gcig gis ni theg pa chen po la mos pa'i byang chub sems dpa' gcig byang chub sems dpa' las nyams par byas na/ 'di ni de bas ches sdig pa grangs med pa skyed do/ /'jam dpal/ phyogs bcu'i 'jig rten gyi khams thams cad kyi rdul phra rab kyi rdul snyed kyi rang sangs rgyas rnams kyi rnyed pa dang / bkur sti gcad pa'i phyir rnyed pa dang / bkur sti la ser sna'i sems bskyed cing phyogs dang phyogs mtshams su de dag gi grags pa dang / sgra dang / tshigs su bcad pa ma yin pa bsgrags la/ rigs kyi bu'am/ rigs kyi </font><hr>119b<br><font size=+1>


bu mo gzhan zhig gis ni theg pa chen po la mos pa'i byang chub sems dpa' gcig gi rnyed pa dang / bkur sti gcad pa'i phyir rnyed pa dang / bkur sti la ser sna'i sems bskyed cing bsngags pa ma yin pa bsgrags na/ 'di ni de bas ches sdig pa grangs med pa skyed do/ /'jam dpal/ gang la la zhig gis ni dam pa'i chos yongs su gzung ba'i phyir theg pa chen po la mos pa'i byang chub sems dpa' la dga' ba'i sems kyis tha na chu ra'i chu tsam byin na'ang las des de 'khor los bsgyur ba'i rgyal srid du ma myong bar 'gyur na/ byang chub sems dpa' klog pa dang / kha ton byed pa la mos pa la lta ci smos/ bcom ldan 'das kyis de skad ces bka' stsal nas/ byang chub sems dpa' de dag dang / nyan thos de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa nges pa dang / ma nges par 'gro ba'i phyag rgya la 'jug pa zhes bya ba theg pa chen po'i mdo rdzogs so// //rgya gar gyi mkhan po pradz+nyA warma dang / su ren+d+ra bo d+hi dang / zhus chen gyi lo tsA ba ban+de ye shes sde la sogs pas bsgyur cing zhus te gtan la phab pa// </font><hr>

</table>