//bod skad du/ zas kyis 'tsho ba rnam par dag pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 'od ma'i tshal na dge slong gi dge 'dun chen po brgya phrag 145a @#/ /phyed dang bcu gsum dang / gzhan yang dge slong pha dang / dge slong ma dang / dge bsnyen pha dang / dge bsnyen ma dang / lha klu sde brgyad dang / byang chub sems dpa' mang po dang thabs gcig tu bzhugs so/ /de nas maung+gal gyi bu chen po 'dug pa las langs te/ bcom ldan 'das la phyag btsal te 'di skad ces gsol to/ /bcom ldan 'das/ bdag sngon grong khyer du bsod snyoms la mchis pa'i shul logs su mi grangs khri stong snyed mchis te/ de dag gi mgo bo ni ri bzhin du che/ khog pa ni ri rab lhun po tsam 'dra/ mgrin pa ni khab bzhin du phra/ phan tshun bskyod cing mchi ba na shing rta lnga brgya shin tu 'khrol ba'i sgra byung ste/ de'ang mi bzad pa'i gzhob kyi dud pa kun nas 'thul lo| |de ci'i dngos po lags pa dang / ci las gyur pa bcom ldan 'das kyis bka' stsal du gsol/ de nas bcom ldan 'das gyis bka' stsal pa/ maung+gal gyi bu/ de dag ni 'dre bkren ltogs pa yin te/ sngon 'das pa'i dus na mchod sdong bshig pa dang / mchod ston sbyar ba bshig pas de lta bu'i sdig pa rnam par smin pa yin no/ /yang gcig tu na gzhan gyi mchod ston zos nas za gcig par ma byas pa'i sdig gi rnam par smin pa de yin no/ /mchod ston lhag ma za gcig par mi byed pa la ma byin cig/ yon bdag 145b gis lhag ma rnams dge 'dun la spags pa'i gsol ba byos la bzod par gsol cig/ spags pa'i zas rnams dge 'dun rnams kyis gnang ba byin cig/ gnang ba ma byin na dge 'dun rnams kyang ltung bar 'gyur ro/ /de nas maung+gal gyi bus gsol pa/ bcom ldan 'das kyis bka' stsal pa ni yang dag pa'o/ /yon bdag su'ang rung ste chos bzhin du bsdu ba'o phyir mchod pa'i yo byad 'byor tshogs te/ zas gcig par byas pa rnams ni zas kyi 'tsho ba dang ldan par 'gyur ro/ /bcom ldan 'das kyis bka' stsal pa/ za gcig par ma byas pa rnams ni zas dang mi ldan par 'gyur ro/ /de ltar na nyi ma gcig za gcig pa thub na nyi ma drug khrir bsod nams dang / bza' ba rnam par 'phel bar 'gyur ro/ /de la de ltar ma byas pa rnams ni nyi ma khri khrag drug cur 'dre ltogs par 'gyur ro/ /de ci'i phyir zhe na/ de'i sbyin pa ni shin tu lci ba yin te/ gnyis na lcags kyi thu lum zos kyang sla yi/ yon bdag dad pa can gyi zas ni shin tu bzhu bar dka' ste/ shin tu yun ring por sdug bsngal bar 'gyur te/ tshe rabs khri phrag brgyar 'dre ltogs pa'i dngos por 'gyur ro/ /bsod nams kyi zas bya'o cog la nan tan cher byos shig/ snam phrag gam/ phu rung gi nang du khyer bar byas na tshe rabs lnga brgyar dmyal bar ltung ste/ lcags kyi thu lum dmar po mchan khung g.yon 146a @#/ /pa nas thal te mchan khung g.yas par thal lo/ /lhag ma mi bkur bar byos shig/ chung du na khre'i 'bru gcig tsam khyer na'ang lcags kyi 'khor lo tsam du 'gyur ro/ /dge bsnyen gyis kyang rung ste bsod nams kyi zas sbyar ro cog la thog ma nas myang ba'i spags pa mi bya'o/ /de myangs bas sbyar ba thams cad lhag ma'i spags pa mi bya'o/ /byas pa don med par 'gyur ro/ /gnyis na ma byas kyang sla'o/ /de ci'i phyir zhe na/ lha thams cad mi 'gyes par 'gyur ro/ /gnyen po thams cad mi dga' bar 'gyur ro/ /gang zhig myangs pa zhig yod na tshe rabs lnga khrir 'dre ltogs par 'gyur ro/ /sdug bsngal mi bzad pa sna tshogs kyang myong bar 'gyur ro/ /gang zhig phyin chad bsod nams 'dod pas tshul bzhin du bsod nams kyi zas gtsang spras phyed pa dang / shin tu gus par sbyar la lag pa shin tu dag par bkrus nas tshod ma la sogs pa drod bag tu sbyar ro cog shig tu bkab pa dang / rim gro bskyed de de dag kyang sngar myang bar mi bya'o/ /de nas bsod nams su gyur cing lha thams cad kyang dga' bar 'gyur ro/ /gnyen po thams cad kyang dga' bar 'gyur ro/ /lha la sogs pa thams cad kyis srung zhing byin gyis rlob par 'gyur te yang dag par smra ba yin no/ /bsod nams rnam par smin pa ni brag ca dang / gzugs brnyan 146b bzhin no/ /de ltar 'dre bkren ltogs pa ni thog ma mi las gyur te/ thog ma lag pa mi gtsang bas dge 'dun gyi kha zas gtsang ma la reg pa dang / bdag gi lag pa mi gtsang bas dge 'dun gyi kha zas gtsang ma'i nang du bsngogs sam/ zas gtsang ma'i nang du kha zas mi gtsang ba bsres te dge 'dun la sbyin pa byas pas tshe rabs lnga brgyar 'dre logs par ltung ste/ rtag tu mi gtsang ba za zhing snam phyi sar mi gtsang ba za na/ snam byis pa'i srung mas lcags kyi ber ka sa gdengs te 'dre logs pa de rnams phyi sa'i sar mi snyan par byed do/ /mi'i rnag dang / khrag dang mchil snabs dang / ngar snabs dang / khrud ma mi gtsang ba btsog pa za zhing mi gtsang ba srung zhing bud med bu btsas pa'i khrag mi gtsang ba 'dzag pa za bar 'gyur ro/ /de nas tshe rabs khri phrag lnga brgyar khyi dang / phag pa dang / spur ba la sogs pa'i lus su gyur nas rtag par mnam zhing btseg pa dang / mi gtsang ba za bar 'gyur te/ de lta bu'i sdug bsngal bskal pa grangs khri stong du myong ste thar ba'i dus med do/ /rnam par thar bar dka'o/ /shin tu mi zad pa'ang brjod kyi mi lang ngo / /gal te lag pa pho mtshan la reg gam/ lag pa mo mtshan la reg gam/ lag pa mi gtsang bas dge 'dun gyi kha zas gtsang ma la reg gam/ dge 'dun gyi kha zas la mi gtsang ba nang du bcug gam/ mi gtsang ba'i zas dge 'dun zar bcug 147a @#/ /na de lta bu'i sdig pa rnam par smin pa ni thams cad mi gnad kyi rims kyis btab pa dang / sdig par mi shes pa'o/ /phyin chad dge 'dun gyi kha zas gtsang bar byas pa dang / lag pa gtsang mas dge 'dun gyi kha zas kyi snod la bzung ba dang / lag pa gtsang mas khre 'bras bkru ba dang / kha zas gtsang ma sbyin pa byas pa ni bsod nams bsam gyis mi khyab pa thob par 'gyur ro/ /phyin chad 'di yongs su grags pa dang / myur bu'i yid kyis zungs shig/ 'tsho ba rnam par dag pa'i mdo rdzogs so// // |