H219

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H219</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H219&coll=lhasa">see text in Tibetan script</a></table>438a<br><font size=+1>


//rgya gar skad du/ AR+Ya karma A </font><hr>438b<br><font size=+1>


ba ra Na bi shud d+ha nA ma ma hA yA na sU tra/ bod skad du/ 'phags pa las kyi sgrib pa rnam par dag pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa can gyi a mras bsrungs pa'i tshal na/ dge slong lnga brgya tsam gyi dge slong gi dge 'dun chen po dang thabs gcig tu bzhugs te/ byang chub sems dpa' sems dpa' chen po sum khri nyis stong la/ 'di lta ste/ byang chub sems dpa' sems dpa' chen po nga rgyal rnam par 'joms dang / 'od kyis rnam par rtse ba mngon par shes pa dang / me tog dam pa lta bu dang / 'od zer rab tu 'gyed pa'i rgyal po dang / rtag tu bu don ltar bris pa'i lus can dang / som nyi thams cad mgu byed dang / rin chen bkod pa'i rgya mtsho blo gros dang / me tog sna tshogs gnas dang / sgra dbyangs rnam par dag pa'i rgyal po dang / 'od zer rgyal po'i sgron ma dang / dpal gyis snying po'i gser 'od dang / dbang po dang / yul thams cad rab tu 'dul ba dang / sgra dbyangs mngon par sgrogs pa'i rgyal po dang / gzi brjid yid 'ong kun bsdus dang / byang chub sems dpa' sems dpa' chen po 'jam dpal gzhon nur gyur pa dang / de dag la sogs pa byang chub sems dpa' sems dpa' chen po </font><hr>439a<br><font size=+1>


@#/ /sum khri nyis stong dang yang thabs gcig go /de nas de'i tshe dge slong dri med 'od ces bya ba yangs pa can gyi grong khyer chen por bsod snyoms kyi phyir rgyu ste mthar chags su bsod snyoms kyi phyir rgyu ba na khyim gyi rgyus mi shes pas smad 'tshong ma'i khyim zhig tu song ngo / /dge slong de smad 'tshong ma'i khyim gyi nang du song ma thag tu smad 'tshong ma des bdag dge slong 'di dang mi nyal du mi gtong ngo / /gal te ma grub na ni bdag 'chi bar 'gyur ro snyam du de la 'dod chags kyi sems bskyed do/ /des dge slong de nang du 'ongs ma thag tu sgo bcad nas dge slong de la 'di skad ces smras so/ /bdag dang lhan cig tu mi nyal du mi rung ngo / /gal te ma nyal na ni kho mo 'chi bar 'gyur ro zhes smras so/ / de nas dge slong dri med 'od kyis smad 'tshong ma de la 'di skad ces smras so/ /sru mo/ kho bos ni sangs rgyas kyi bslab pa chen po bcas pa la bslab dgos te/ 'khrig pa'i chos byed mi phod kyi thongs shig /kho bo ni shi 'ang sla yi/ 'khrig pa'i chos ni mi byed do zhes smras so/ /de nas smad 'tshong ma de 'di snyam du sems te/ bdag gis gsang sngags dang / sman gang gis dge slong 'di 'dug nas gdon mi za bar bdag dang lhan cig tu dga' ba nyams su myong bar 'gyur ba'i gsang sngags dang / sman dag dge slong 'di la </font><hr>439b<br><font size=+1>


sbyin gor ma chag go snyam mo/ /de nas des dge slong de la smras pa/ bdag kyang sangs rgyas kyis bcas pa'i bslab pa gzhig pa'am/ nyams par ni bgyi bar mi 'tshal gyi/ thugs brtse ba'i slad du bsod snyoms bzhes shig ces byas nas de nang du song ste/ rig sngags dang / gsang sngags stobs bskyed pa dag gis zas de la bsngags nas dge slong de'i lhung bzed kyi nang du blugs so/ /zas blugs ma thag tu dge slong de de'i mod la tshul bzhin ma yin pa'i rnam par rtog pa skyes te/ de kun tu rtog cing shas cher gdung ba skyed do/ /de nas smad 'tshong ma des dge slong de'i bzhin gyi mdog gyur par mthong nas lag pa g.yas pas dge slong de bzung ste/ mal du khrid nas de dang lhan cig tu nyal po byed do/ /de nas dge slong de smad 'tshong ma de dang lhan cig tu dga' ba'i rtsed mo de nyams su myong nas bsod snyoms de blangs ste/ gtsug lag khang du song nas/ kye ma bdag ni tshul khrims kyi phung po chen po las nyams par gyur gyi/ bdag tshul khrims nyams pas dad pas byin pa longs spyod pa'i 'os ma yin te/ bdag ni sems can dmyal ba chen por lhung bar 'gyur ro/ / \?\ nas/ de dge slong grogs po rnams kyi thad du 'ongs nas bdag ni tshul khrims 'chal bar gyur te/ dge sbyong ma yin par gyur pas bdag ni sems can dmyal bar ltung bar </font><hr>440a<br><font size=+1>


@#/ /'gyur ro zhes smras so/ /dge slong grogs po de dag gis de la 'di skad ces smras so/ /khyod ci'i phyir tshul khrims 'chal bar gyur/ des kyang de dag la ji ltar gyur pa bzhin du bsnyad do/ /de nas dge slong grogs po de dag gis dge slong dri med 'od la 'di skad ces smras so/ /tshe dang ldan pa dri med 'od/ byang chub sems dpa' sems dpa' chen po 'jam dpal gzhon nur gyur pa zhes bya ba nyes pa thams cad las 'byin pa la mkhas pa/ sgrib pa thams cad sel ba la mkhas pa/ mi skye ba'i chos la bzod pa thob pa/ bcom ldan 'das kyis bstod cing bsngags la snyan par brjod pa yod kyi/ tshe dang ldan pa tshur shog /'o bu cag 'jam dpal gzhon nur gyur pa ga la der 'dong ngo / /des ni khyod kyi 'gyod pa de bsal nus so/ /de nas dge slong dri med 'od de zas de ma zos par dge slong grogs po de dag dang lhan cig tu 'jam dpal gzhon nur gyur pa ga la ba der dong ste lhags nas/ 'jam dpal gzhon nur gyur pa dang lhan cig tu mngon du yang dag par mgu ba dang / yang dag par dga' bar 'gyur ba'i gtam rnam pa sna tshogs byas nas/ 'jam dpal gzhon nur gyur pa la ji ltar gyur ba de bsnyad do/ /de skad smras pa dang / 'jam dpal gzhon nur gyur pas dge slong dri med </font><hr>440b<br><font size=+1>


'od de la 'di skad ces smras so/ /dge slong khyod zas 'di je zo zhig dang / zas zos zin pa'i 'og tu bcom ldan 'das la zhus te/ bcom ldan 'das kyis ji skad lung bstan pa'i don bzhin du gzung bar bya'o/ /de nas dge slong dri med 'od dang / dge slong de dag zan zos zin pa'i 'og tu 'jam dpal gzhon nur gyur pa dang lhan cig tu bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag btsal te/ bcom ldan 'das la lan gsum bskor ba byas nas phyogs gcig tu 'khod do| |de nas dge slong dri med 'od ngo tsha ste bcom ldan 'das la gsol ma nus so/ /de nas 'jam dpal gzhon nur gyur pa stan las langs te/ bla gos phrag pa gcig tu \?\ zar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas bcom ldan 'das la ji ltar gyur pa de thams cad gsol to// 'di skad ces gsol nas bcom ldan 'das kyis dge slong dri med 'od de la 'di skad ces bka' stsal to/ /dge slong khyod kyis de lta bu byas pa bden nam/ gsol pa/ bcom ldan 'das/ de mang lags so/ /bcom ldan 'das kyis bka' stsal pa/ dge slong khyod kyis ci bdag gis 'dod chags spyad do snyam du snga nas bsams sam/ gsol pa/ </font><hr>441a<br><font size=+1>


@#/ /bcom ldan 'das/ de ni ma lags so/ /bcom ldan 'das kyis bka' stsal pa/ dge slong / 'dod chags yid la byed pa ma skyes par khyod kyis 'dod chags ji ltar spyad/ gsol pa/ bcom ldan 'das/ bdag gi 'dod chags kyi sems ni slad kyis skyes lags so/ /bka' stsal pa/ dge slong / sems des khyod kyi 'dod chags spyad dam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ dge slong / ci sems kun nas nyon mongs pas sems can rnams kun nas nyon mongs pa can du 'gyur la/ sems rnam par dag pas rnam par dag par 'gyur ro zhes ngas chos ma bstan tam/ gsol pa/ bcom ldan 'das/ de ni de lta lags so/ /bcom ldan 'das kyis bka' stsal pa/ dge slong / 'di ji snyam du sems/ ci khyod kyis gnyid log pa'i lam na kun tu rtog pa'i tshe 'dod chags spyad pa myong ngam/ gsol pa/ bcom ldan 'das/ myong lags so/ /bcom ldan 'das kyis bka' stsal pa/ dge slong / sems kyis 'dod chags spyad par khyod kyis mi shod dam| gsol pa/ bcom ldan 'das/ de ni de lta ma lags so/ /bcom ldan 'das kyi bka' stsal pa/ dge slong / ci khyod kyis rmi lam gyi sems dang / gnyid ma log pa'i sems </font><hr>441b<br><font size=+1>


'di la bye brag dang / tha dad du bya ba zhig yod par mthong ngam/ gsol pa/ bcom ldan 'das/ bdag gis ni rmi lam gyi sems sam/ gnyid ma log pa'i sems la tha dad du bgyi ba cung zad kyang ma mthong legs so/ /bcom ldan 'das kyis bka' stsal pa/ dge slong / 'di ji snyam du sems/ chos thams cad ni rmi lam lta bu'o zhes ngas ma bstan tam/ gsol pa bcom ldan 'das/ de ni de lta lags so/ /bcom ldan 'das kyis bka' stsal pa/ dge slong / 'di ji snyam du sems/ ci rmi lam de yang dag pa yin nam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ dge slong / 'di ji snyam du sems/ ci rmi lam gyi sems gang yin pa dang / gnyid ma log pa'i sems gang yin pa 'di gnyis med pa ma yin nam/ gsol pa/ bcom ldan 'das/ ma mchis lags so/ /bde bar gshegs pa/ ma mchis lags so/ /bcom ldan 'das kyis bka' stsal pa/ dge slong| 'di ji snyam du sems/ ci med pa de gang zhig na yod dam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ dge slong / 'di ji snyam du sems/ ci med pa gang yin pa de la skye ba yod dam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ dge slong / ji snyam du </font><hr>442a<br><font size=+1>


@#/ /sems/ ci skye ba med pa skye ba'am/ 'gags pa'am/ kun nas nyon mongs pa can nam/ rnam par byang bar 'gyur ram/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ dge slong / 'di ji snyam du sems/ ci skye ba med pa'i chos rnams sems can dmyal bar 'gro bar 'gyur ram/ dud 'gro'i skye gnas sam/ gshin rje'i 'jig rten du 'gro bar 'gyur ram/ gsol pa/ bcom ldan 'das/ skye ba ma mchis pa nyid kyang ma mchis pa lags na/ ngan 'gror mchi bar 'gyur ba lta ga la mchis/ bcom ldan 'das kyis bka' stsal pa/ dge slong / chos thams cad ni de ltar 'od gsal ba yin na byis pa so so'i skye bo rnams ni yang dag ma yin pa'i chos rnams la brtags/ phyin ci log la brtags/ gsol ba dang / gsog lta bu'i chos thams cad la brtags pas/ sems can dmyal ba dang / dud 'gro'i skye gnas dang gshin rje'i 'jig rten du 'gro bar 'gyur ro/ /dge slong / gzhan yang chos thams cad ni yang dag pa ma yin pa ste/ rnam par bsgrubs nas nye bar gnas pa'i mtshan nyid do| |dge slong / chos thams cad ni sbyar ba ste/ 'dod chags dang / zhe sdang dang / gti mug rnams kyang byis pa so so'i skye bo de dag gis kun nas bskyed pa yin na/ /dge slong </font><hr>442b<br><font size=+1>


chos thams cad ni brtags pa ste/ phyin ci log las byung ba yin no/ /dge slong / chos thams cad ni med pa ste/ smig rgyu lta bu'i ngo bo nyid yin no/ /dge slong / chos thams cad ni ya ma brla ste nam mkha' dang 'dra'o/ /dge slong / chos thams cad ni dngos po dang bral ba'i phyir dngos po med pa'o/ /dge slong / chos thams cad ni nam mkha' ltar za \?\ gsar \?\ phyed zab pa'o// dge slong / chos thams cad ni dngos po mi dmigs pa'i phyir yangs pa'o/ /dge slong / chos thams cad ni shin tu dben pa'i phyir mi gnas pa'o/ /dge slong / chos thams cad ni yul thams cad gsog yin pa'i phyir mi rten pa'o/ /dge slong / chos thams cad ni shin tu gsog yin pa'i phyir rtsa ba med pa'o/ /dge slong / chos thams cad ni nyon mongs pa mi dmigs pa'i phyir kun nas dkris pa med pa'o/ /dge slong / chos thams cad ni rang bzhin gyis ma skyes pa'i phyir yongs su gdung ba med pa'o/ /dge slong / chos thams cad ni dben pa'i phyir sgrib pa med pa'o/ /dge slong / chos thams cad ni rang bzhin gyis ldang ba med pa'i phyir zhe sdang med pa'o/ /dge slong / chos thams cad ni rang bzhin gyis 'od gsal ba'i phyir gti mug med pa'o/ /dge slong / chos thams cad ni mig yor lta bu ste rnam par smin pa med pa'o/ /dge slong / chos thams cad ni log par snang ba'i phyir sgyu ma lta bu'o// </font><hr>443a<br><font size=+1>


@#/ /dge slong / chos thams cad ni yang dag pa ma yin par kun tu brtags pa'i phyir gnas pa med pa'o/ /dge slong / chos thams cad ni byis pa so so'i skye bo rnams kyis med bzhin du sgro btags pa'i phyir rnam par rmongs par byed pa'o/ /dge slong / chos thams cad ni rkyen phan tshun 'gal ba'i phyir skye ba med pa'o/ /dge slong chos thams cad ni lam chad pa'i phyir chags pa med pa'o/ /dge slong / chos thams cad ni nyon mongs pa yang dag pa ma yin pa'i phyir nyon mongs pa med pa'o/ /dge slong /chos thams cad ni nam mkha' ltar yongs su dag pa'i phyir dri ma med pa'o/ /dge slong / chos thams cad ni ci las kyang dben pa'i phyir ci'ang ma yin pa'o/ /dge slong / chos thams cad ni ngo bo nyid kyis ma skyes pa'i phyir dul ba'o/ /dge slong / chos thams cad ni sngon gyi mtha' dang / phyi ma'i mtha' dang / dbus yongs su bcad pa'i phyir mi dben pa'o/ /dge slong / chos thams cad ni gcig la gcig rgyur 'gyur ba med pa'i phyir grol ba'o/ /dge slong / chos thams cad ni rtswa dang / shing dang / rtsig pa dang / bong ba dang 'dra ba'i phyir bems po yin no/ /dge slong| chos thams cad ni nam mkha' dang tshul 'dra ba'i phyir ngo bo med pa'o/ /dge slong / chos thams cad ni chags pa med pa'i phyir mnyam pa'o/ /dge slong / chos thams cad </font><hr>443b<br><font size=+1>


ni nam mkha'i lus dang / chang pa stong pa dang 'dra ba'i phyir gzung du med pa'o/ /dge slong / chos thams cad ni ye shes dang ldan pa rnams kyis yongs su btsal ba'i phyir thob pa med pa'o| |dge slong / chos thams cad ni dus gsum yongs su dag pa'i phyir dus med pa'o/ /dge slong / chos thams cad ni mun par chags pa med pa'i phyir sbyor ba med pa'o/ /dge slong / chos thams cad ni sgrib pa las dben pa'i phyir zug rdu med pa'o/ /dge slong / chos thams cad ni mya ngan las 'das pa dang mtshungs pa'i phyir bde ba'o/ /dge slong / chos thams cad ni 'jigs pa dang bral ba'i phyir 'jigs pa med pa'o/ /dge slong / chos thams cad ni tshu rol mi dmigs pa'i phyir pha rol ma yin no/ /dge slong / chos thams cad ni grangs su bgrangs ba med pa'i phyir dpag tu med pa'o/ /dge slong / chos thams cad ni mtshan ma gsob yin pa'i phyir mtshan ma med pa'o/ /dge slong / chos thams cad ni smon pa chad pa'i phyir smon lam med pa'o/ /dge slong / chos thams cad ni 'du byed brdzun pa'i chos nyid yin pa'i phyir mngon par 'du byed pa med pa'o/ /dge slong / chos thams cad ni rnam par rtog pa nye bar zhi ba'i phyir spros pa med pa'o/ /dge slong / chos thams cad ni gnas dang bral ba'i phyir gnas pa med pa'o/ /dge slong / chos thams cad ni rtag tu dad pa'i phyir rnyog pa med pa'o/ /dge slong / </font><hr>444a<br><font size=+1>


@#/ /chos thams cad ni skye ba mi dmigs pa dang / skye ba gsob yin pa dang / skye ba gsog yin pa dang / skye ba stong pa yin pa dang / skye ba zhi ba yin pa'i phyir yongs su mya ngan las 'das pa'o/ /dge slong / de'i phyir chos 'di dag ni ji skad bstan pa de kho na bzhin te/ dge slong / nga byang chub kyi snying po la 'dug pas ni chos gang gis skye ba'am/ 'jig pa'am/ kun nas nyon mongs pa'am/ rnam par byang ba'am/ sgrib pa'am/ kun nas dkris pa 'am/ 'gyod pa'am/ yid la gcags pa'i chos rdul tsam yang mi dmigs so| |de ci'i phyir zhe na/ dge slong / chos thams cad ni rtag tu kun nas nyon mongs pa can ma yin pas rang bzhin gyis yongs su dag pa'i phyir ro/ /de nas dge slong dri med 'od gyis chos kyi rang bzhin 'di thos nas tshim zhing mgu la yi rangs te/ rab tu dga' zhing dga' ba dang / yid bde ba skyes te/ sgrib pa med par shin tu dga' bar gyur nas bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad de gsol pa/ kye ma kye ma sangs rgyas mthu che ba/ /lhar bcas 'jig rten skyabs ni khyod lags te/ /ma bslabs bzhin du yon tan kun gyis 'phags/ /sdug bsngal kun 'grel khyod la phyag 'tshal lo/ /skyabs ma mchis pa rnams kyi skyabs khyod mdzod/ </font><hr>444b<br><font size=+1>


'dren pa ma mchis rnams kyi 'dren khyod mdzod/ /zhir gyur bde ba'i lam la gnas pa po/ /sangs rgyas mthu chen khyod la phyag 'tshal lo/ /khyod ni 'jig rten long ba'i sgron me lags/ /mig ma mchis pa rnams la mig stsol khyod/ /sems can ma grol rab tu grol mdzad khyod/ /dpa' bo mthu chen khyod la phyag 'tshal lo/ /chags dang sdang la khyod ni chags mi mnga'/ /sred la chags rnams sdug bsngal 'grel pa khyod/ /'khor ba'i 'khor ba mi bden thugs su chud/ /ye shes stobs 'phags khyod la phyag 'tshal lo/ /tog dang rnam rtog rnams kyis rtag mi chags/ /ye shes bsam mi khyab pas grol ba po/ /'jig rten gsum mchog dri med nyon mongs grol/ /dri med dag pa'i sems can khyod phyag 'tshal/ / byang chub la ni bdag kyang zhugs bgyis la/ /sems can sdug bsngal skyabs ma mchis rnams dgrol/ /'di 'dra'i ye shes bdag gis thob gyur cing / /theg pa dman pas zag pa bas mi 'gyur/ /bskal pa bye ba khrag khrig bsam yas kyis/ /sdug bsngal bas bgyi byang chub yong mi spong / /skar ma'i tshogs kyi nang na dgung zla ltar/ /'jig rten mgon po bdag gis de 'drar mthong / /ji ltar bsam pa dman pa'i mi 'ga' zhig /rgya mtsho chen po'i nang du phyin gyur kyang / /rin chen mang po mi len spong bgyid cing / /mchid bu'i nor </font><hr>445a<br><font size=+1>


@#/ /bu blangs nas mchi bar bgyid/ /de bzhin gang dag sangs rgyas rnam 'phrul stobs/ /thos kyang 'dir ni byang chub sems mi skyed/ /byang chub spangs nas nyan thos 'tshal ba gang / /de dag ye shes yangs la 'jug mi 'gyur/ /'dir ni mi zhig byis pa'i rang bzhin can/ /rgyal po 'bangs kyis bskor ba mthong gyur kyang / /de ni blon po'i thabs la sems bskyed na/ /de yi shes pa yangs par mi 'jug ltar/ /de ltar sangs rgyas yon tan che nyid dang / /ye shes rnam par 'phrul pa thos gyur kyang / /shes pa dman pa tshul ni 'dun skyed pa/ /de ni le lo can te sems kyang zhum/ /theg pa dman pas 'jig rten ma chags pa/ /mtshan mo srin bu me khyer snang ba 'dra/ /nyi ma'i gzi brjid kyis ni las bgyid pa/ /snang ba thob nas mun dang bral bar 'gyur/ /sangs rgyas sgras ni mtho ris mchi bar 'gyur/ sangs rgyas sgras ni bzang 'gror mchi bar 'gyur/ /'jig rten 'di na sangs rgyas sgron ma'i mchog /lhar bcas 'jig rten 'di ni snang bar mdzad/ /wa yi khrod na seng ge mthong gyur na/ /wa yi skad la 'dun pa skyed pa dang / /seng ge rnam par 'phrul pa spong bgyid cing / /wa yi chos kyi dga' ba skyed pa ltar/ /de bzhin gang dag nyan thos khrod dag tu/ /skyes bu khyu mchog seng ge rnam </font><hr>445b<br><font size=+1>


'phrul mthong / /theg pa dman la dga' ba bskyed pa ni/ /de dag phyogs gcig pa yi rdzu 'phrul lags/ /ye shes 'tshal ba'i mis ni dus kun tu/ /'jig rten kun tu sdug bsngal mang 'grel ba/ /nyan thos mang po'i sa min gang lags pa/ /ye shes dam pa mchog ni btsal bar bgyi/ /de nas dge slong dri med 'od kyi tshogs su bcad pa spobs pa smras pa 'di thos nas/ lha'i bu bzhi khri nyis stong bla na med pa yang dag par rdzogs pa'i byang chub tu sems bskyed nas/ de dag gis bcom ldan 'das dang / 'jam dpal gzhon nur gyur pa dang / dge slong dri med 'od la me tog man dA ra ba dag gis gtor te/ tshig 'di skad ces smras so/ /dge slong / legs so/ /legs so/ /'di ltar sangs rgyas kyi byang chub rjes su 'dzin pa 'di ni de bzhin gshegs pa la byas pa gzo ba nyid yin no/ /de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de/ nam 'dzum pa mdzad pa de'i tshe bcom ldan 'das kyi zhal gyi sgo nas 'od 'phro ba/ 'di lta ste/ sngon po dang / ser po dang / dmar po dang / dkar po dang / bcod ka dang| shel dang / dngul gyi kha dog lta bu kha dog du ma dang / kha dog sna tshogs byung ste/ de dag gis 'jig rten gyi khams mtha' yas mu med pa dag 'od kyis khyab par byas nas/ </font><hr>446a<br><font size=+1>


@#/ /tshangs pa'i 'jig rten gyi bar du song ste/ nyi ma dang / zla ba'i 'od kyang mog mog por byas nas phyir log ste/ bcom ldan 'das la lan gsum bskor ba byas nas| bcom ldan 'das kyi dbu'i gtsug tu mi snang bar gyur to/ /de nas tshe dang ldan pa kun dga' bo stan las langs te chos gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis bar 'dzum pa mi mdzad na/ 'dzum pa mdzad pa'i rgyu gang lags / rkyen gang lags/ bcom ldan 'das kyis bka' stsal pa/ kun dga' bo/ dge slong dri med 'od 'dis lhag pa'i bsam pa de lta bus byang chub tu sems bskyed de/ de'i phyir ngas dge slong dri med 'od 'di bla na med pa yang dag par rdzogs pa'i byang chub tu lung bstan pa bya ste/ kun dga' bo/ dge slong dri med 'od 'di ni ma 'ongs pa'i dus bskal pa bcu 'das pa na sangs rgyas bye ba phrag nyi shu rtsa gnyis la mchod pa byed par 'gyur te/ de bzhin gshegs pa dgra bcom pa yang dag par rdzogs pa'i sangs rgyas byams </font><hr>446b<br><font size=+1>


pa las mi skye ba'i chos la bzod pa thob par 'gyur ro/ /bskal pa bzang po'i sangs rgyas bcom ldan 'das thams cad la'ang mchod pa byed par 'gyur te/ de'i 'og tu mngon par byung nas de bzhin gshegs pa yon tan pad+ma rnam par grags spyod seng ge'i sgra sgrogs zhes bya bar 'gyur ro/ /kun dga' bo/ de bzhin gshegs pa dgra bcom pa yang dag par rdzogs pa'i sangs rgyas yon tan pad+ma rnam par grags spyod seng ge'i sgra sgrogs de'i sangs rgyas kyi zhing yang rin po che sna bdun las grub par 'gyur la/ nyan thos dang / rang sangs rgyas med de/ byang chub sems dpa' 'ba' zhig 'du bar 'gyur ro/ /sangs rgyas kyi zhing der yang phyir mi ldog pa'i 'khor lo zhes bya ba'i chos bstan par 'gyur ro/ /de dag kyang myur ba nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ sangs rgyas kyi zhing yang ye shes kyi khyad par gyis yongs su spyad par 'gyur ro/ /'jig rten gyi khams de'ang rnam grangs mtha' yas ldan zhes bya bar 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ 'di lta ste/ dper na/ nyi ma shar na mun pa thams cad med par 'gyur ro/ /kun dga' bo/ de bzhin du gang dag gis chos kyi rnam grangs 'di thos pa de dag gis kun nas </font><hr>447a<br><font size=+1>


@#/ /snang ba thob par 'gyur te/ chos thams cad la'ang sgrib pa med pa thob par 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ ji tsam gyis na sgrib pa dang / sgrib pa ma mchis par 'gyur lags/ bcom ldan 'das kyis bka' stsal pa/ kun dga' bo thos shig/ gnas 'di 'dri bas khyod la ci zhig bya/ kun dga' bo/ gal te de bzhin gshegs pas sgrib pa dang / sgrib pa med pa thams cad bshad du zin na lhar bcas pa'i 'jig rten rmongs par 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ sgrib pa dang / sgrib pa ma mchis pa gang thos na/ byang chub sems dpa' rnams lnga brgya pa tha ma la bab pa'i tshe/ 'jig rten pa'i chos rnams la 'dod pa skyed pa mi 'gyur bar de bshad du gso/ bcom ldan 'das kyis bka' stsal pa/ 'jam dpal/ sgrib pa zhes bya ba la 'dod chags ni sgrib pa'o/ /zhe sdang ni sgrib pa'o/ /gti mug ni sgrib pa'o/ /sbyin pa ni sgrib pa'o/ /tshul khrims ni sgrib pa'o/ /bzod pa ni sgrib pa'o/ /brtson 'grus ni sgrib pa'o/ /bsam gtan ni sgrib pa'o/ /shes rab ni sgrib pa'o/ /sangs rgyas su 'du shes pa ni sgrib pa'o/ /chos su 'du shes pa ni sgrib pa'o/ /dge 'dun </font><hr>447b<br><font size=+1>


du 'du shes pa ni sgrib pa'o/ /stong pa nyid du 'du shes pa ni sgrib pa'o/ /mtshan ma med par 'du shes pa ni sgrib pa'o/ /smon pa med par 'du shes pa ni sgrib pa'o/ /mngon par 'du byed pa med par 'du shes pa ni sgrib pa'o/ /skye ba med par 'du shes pa ni sgrib pa'o/ /byang chub tu 'du shes pa ni sgrib pa'o/ /'jam dpal/ mdor na kun nas nyon mongs pa'am/ rnam par byang bar dmigs pa de dag thams cad ni de'i sgrib pa yin par blta bar bya'o/ /'jam dpal gyis gsol pa/ bcom ldan 'das/ sbyin pa ji ltar sgrib pa lags/ tshul khrims dang / bzod pa dang / brtson 'grus dang / bsam gtan dang / shes rab ji ltar sgrib pa lags/ bcom ldan 'das kyis bka' stsal pa/ 'jam dpal/ chos thams cad la ni sgrib pa med mod kyi/ 'on kyang byis pa so so'i skye bo rnams kyi rang gi rtog pas sbyin pa'ang sgrib pa'i bya ba byed do/ /tshul khrims dang / bzod pa dang / brtson 'grus dang / bsam gtan dang / shes rab kyang sgrib pa'i bya ba byed do/ /de ci'i phyir zhe na/ 'jam dpal byis pa so so'i skye bo rnams ni sbyin pa byin pa na/ sems can ser sna can rnams la ma dad par byed de/ de dag ma dad pa des khong khro ba dang / tha ba'i nyes pa skyed par byed do/ /khong khro ba dang / tha ba'i nyes pas sems can dmyal bar ltung bar 'gyur ro/ /de dag tshul khrims srung ba na tshul khrims 'chal pa na </font><hr>448a<br><font size=+1>


@#/ /smod cing brnyas par byed la bsngags pa ma yin pa brjod do/ /de dag las de dag gi bsngags pa ma yin pa thos pas so so'i skye bo mang po dag ma dad par byed de| de dag ma dad pa des ngan 'gror 'gro bar 'gyur ro/ /de dag bzod pa sgom pa na bdag cag ni bzod par smra ba yin gyi/ gzhan 'di dag ni gnod sems kyi sems dang ldan pa yin no zhes bzod pa'i rgyags pas myos pa de dag bag med pa'i gzhi las byung ba'i sdug bsngal rnams bskyed par 'gyur ro/ /de dag brtson 'grus rtsom pa na bdag sgrogs shing dge slong 'di dag ni le lo can du gnas pa yin te/ brtson pa med par dad pas byin pa longs spyod par byed do/ /de dag gis chu ra'i chu'ang longs spyod par mi 'os so snyam ste/ de dag brtson 'grus rtsom pas bdag la ni bstod par byed/ gzhan la ni smod par byed de/ de dag ni byis pa yin zhes nga smra'o/ /de dag bsam gtan la snyoms par 'jug pa na/ bsam gtan gyi dga' ba de la chags pa skyed par byed cing de dag 'di snyam du sems te/ bdag cag ni mnyam par bzhag pas gnas pa yin gyi/ dge slong gzhan 'di dag ni sems g.yengs pas gnas pa yin te/ 'du 'dzi la dga' bas gnas pa yin no/ /'du 'dzi la dga' bas 'di dag sangs rgyas su ga la 'gyur te/ 'di dag ni sangs rgyas kyi byang chub las ring ngo snyam mo/ /de dag 'du shes </font><hr>448b<br><font size=+1>


yid la byed pa des ji tsam du brnyas par gyur pa'i sems skyed par byed pa de snyed kyi bskal par 'khor ba yongs su 'dzin par 'gyur ro/ /phyis de dag gis gang du byang chub la spyod pa na gal te de dag mang du thos pa yin du zin kyang de dag gis chos thams cad ni yi ge med pa la rnam par shes pa yod par brtags te/ shes rab tu dmigs nas pha rol khyad du gsod par byed pa de dag ni mi shes pa'o zhes nga smra'o/ /mi shes bzhin du smra'o zhes nga smra'o/ /skyes bu dam pa ma yin pa'o zhes nga smra'o/ /rnam par rtog pas nyams pa'o zhes nga smra'o/ /gal te de dag theg pa chen po la zhugs par gyur na'ang de dag 'di snyam du sems te/ bdag cag ni 'jig rten na gtso bo yin no/ /bdag cag ni 'jig rten na phul yin no/ /bdag cag ni 'jig rten na mchog yin no snyam mo/ /gal te de dag gis nyan thos kyi theg pa pa dag mthong na/ de dag la ma dad pa skyed cing smod pa dang / 'phya ba dang / bsngags pa ma yin pa rjod par byed de| bsam pa ngan pa dang / nyes par rjod pa des na ngan 'gror 'gro ba thob par 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das/ byang chub sems dpa' sangs rgyas kyi chos rnams kyis bsngags pa brjod par mi bgyi lags sam/ bcom ldan 'das kyis bka' stsal pa/ 'jam dpal/ 'di </font><hr>449a<br><font size=+1>


@#/ /ji snyam du sems/ ci byang chub sems dpas sems can thams cad la dga' bzhin du blta ba dang / phan pa'i dngos po'i rang bzhin bskyed par mi bya'am/ 'jam dpal gyis gsol pa/ bcom ldan 'das/ de ni de lta lags so/ /bcom ldan 'das kyis bka' stsal pa/ 'jam dpal/ 'di ji snyam du sems/ byang chub sems dpa' sems can nyan thos kyi theg pa pa'am/ rang sangs rgyas kyi theg pa pa'am/ theg pa chen po pa 'ga' tsam yang yongs su spangs sam/ 'jam dpal gyis gsol pa/ bcom ldan 'das/ de ni ma lags te/ byang chub sems dpa' sems can thams cad la sems snyoms pa lags pas byang chub sems dpa' ni sems can 'ga' yang yongs su ma btang ba lags so/ /bcom ldan 'das kyis bka' stsal pa/ 'jam dpal/ 'di lta ste/ dper na/ sman pas ni rgyal po'am/ tshong dpon nam/ khyim bdag gam/ mi dbul po'am/ sems can 'ga' tsam yang yongs su spangs pa med do/ /smon pa de ni 'di ltar sems snyoms pas nye bar gnas pa yin te/ ji ltar byas na sems can 'di dag nad dang bral bar 'gyur zhig go snyam mo/ /'jam dpal/ de bzhin du byang chub sems dpa' sems dpa' chen po ni sems can thams cad la snying rje 'jug cing sems snyoms pas nye bar </font><hr>449b<br><font size=+1>


gnas pa yin te/ 'di snyam du sems can 'di dag thams cad ji ltar byas na sangs rgyas kyi chos rnams la nges par 'byung bar 'gyur zhig gu snyam mo/ /'jam dpal/ 'di lta ste/ dper na/ sman pa ni sman dpyad kyi rgyud rgyun ma chad na/ dga' zhing mgu la yi rangs par 'gyur ro/ /'jam dpal/ de bzhin du byang chub sems dpa' sems dpa' chen po ni sangs rgyas kyi gdung rgyun ma chad na dga' zhing mgu la yi rangs par 'gyur ro/ /'jam dpal/ sems can thams cad ni sman pa dang 'dra ba ma yin no/ /'jam dpal/ gso bar byed pa'i sman ni dkon no/ /'jam dpal/ de bzhin du sems can thams cad ni sangs rgyas dang 'dra ba ma yin te/ byang chub kyi sems ni dkon no/ /byang chub kyi phyir go cha bgo ba ni sems can thams cad kyis mi bzod do/ /dper na/ le lo can rnams ni bdag gis sman pa bya'o snyam du sman pa'i chos rnams la lhag par dmigs pa med do/ /de bzhin du sems can thams cad ni byang chub tu sems bskyed mi nus te/ le los bdag nyid nad par byed do/ /'jam dpal/ rang byung ni dkon no/ /gzhan la rag las pa ma yin pa'i ye shes ni dkon no/ / sems rgya che ba ni dkon no/ /sangs rgyas kyi chos rnams la lhag par dmigs pa ni dkon no/ /de nas bcom ldan 'das la 'jam dpal gzhon nur gyur pas 'di skad ces gsol to/ / </font><hr>450a<br><font size=+1>


@#/ /bcom ldan 'das/ ji ltar byang chub sems dpa' chos thams cad la sgrib pa ma mchis par rnam par dag par 'gyur lags/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ byang chub sems dpa' chos thams cad 'dod chags kyi chos su mthong ba gang yin pa des ni las kyi sgrib pa rnam par dag pa thob par 'gyur ro/ /chos thams cad zhe sdang gi chos su mthong ba des ni las kyi sgrib pa rnam par dag pa thob par 'gyur ro/ /chos thams cad gti mug gi chos su mthong ba des ni las kyi sgrib pa rnam par dag pa thob par 'gyur ro/ /'jam dpal/ gzhan yang / byang chub sems dpa' 'dod pa'i yon tan lnga po dag la mngon par dga' zhing mi gtong mi spong la/ sangs rgyas kyi chos rnams kyang 'dod pa'i ngo bo nyid du mthong ba des ni las kyi sgrib pa rnam par dag pa thob par 'gyur ro/ /'jam dpal/ gzhan yang / byang chub sems dpa' ni sgrib pa lnga po dag gis byang chub 'tshol bar byed de/ 'tshol ba dang / byang chub kyang 'thob pa med cing sgrib pa rnams kyang med pa des ni las kyi sgrib pa thams cad rnam par dag pa thob par 'gyur ro/ /'jam dpal/ gzhan yang byang chub sems dpa' gang kun nas mnar </font><hr>450b<br><font size=+1>


sems kyi gzhi dgu po dag la byams pa thob par 'gyur la/ gang la de'i kun nas mnar sems kyi gzhi skye bar 'gyur pa de dang / de la tshul bzhin du so sor rtog par byed cing bdag nyid kyang mi dmigs/ gzhan yang mi dmigs/ byams pa'ang mi dmigs te/ 'di ltar chos thams cad mi dmigs pa de ni byams pa'i mchog yin no/ /de ltar byang chub sems dpa' bzod pa dang ldan pa ni sgrib pa med pa nyid thob par 'gyur ro/ /'jam dpal/ gzhan yang / byang chub sems dpa' gang ltung ba la ltung ba med par mthong ba dang / 'dul ba ma yin pa la 'dul bar mthong ba dang / kun nas nyon mongs pa la rnam par byang bar mthong ba dang / 'khor ba'i khams la mya ngan las 'das pa'i dbyings su mthong ba des ni las kyi sgrib pa rnam par dag pa thob par 'gyur ro/ /'jam dpal/ gzhan yang / byang chub sems dpa' gang 'dod chags kyi khams la mya ngan las 'das pa'i dbyings su mthong ba ba dang / zhe sdang gi khams la mya ngan las 'das pa'i dbyings su mthong ba dang / gti mug gi khams la mya ngan las 'das pa'i dbyings su mthong ba des ni las kyi sgrib pa rnam par dag pa thob par 'gyur ro/ /'jam dpal/ gzhan yang / byang chub sems dpa' sems dpa' chen po gang chos thams cad la sangs rgyas kyi chos su yang dag par mthong ba des ni </font><hr>451a<br><font size=+1>


@#/ /las kyi sgrib pa rnam par dag pa thob par 'gyur ro/ /'jam dpal/ gzhan yang / byang chub sems dpa' gang chos thams cad nam mkha'i gzhi las byung bar mthong ba des ni las kyi sgrib pa rnam par dag pa thob par 'gyur ro/ /'jam dpal/ gzhan yang / byang chub sems dpa' gang ser sna'i chos rnams dang / sbyin pa'i chos rnams la gnyis su mi 'byed pa dang / 'chal ba'i tshul khrims kyi chos rnams dang / tshul khrims kyi chos rnams la gnyis su mi 'byed pa dang / gnod sems kyi chos rnams dang / bzod pa'i chos rnams la gnyis su mi 'byed pa dang / le lo'i chos rnams dang / brtson 'grus kyi chos rnams la gnyis su mi 'byed pa dang / rnam par g.yengs pa'i chos rnams dang / bsam gtan gyi chos rnams la gnyis su mi 'byed pa dang / 'chal ba'i shes rab kyi chos rnams dang / shes rab kyi chos rnams la gnyis su mi 'byed pa des ni las kyi sgrib pa rnam par dag pa thob par 'gyur ro/ /'jam dpal/ gzhan yang / byang chub sems dpa' gang nyon mongs pa thams cad la sangs rgyas kyi chos rnams su mos pa des ni las kyi sgrib pa rnam par dag pa thob par 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom </font><hr>451b<br><font size=+1>


ldan 'das/ byang chub sems dpa' ji ltar nyon mongs pa thams cad la sangs rgyas kyi chos rnams 'jug par bgyid pa lags/ bcom ldan 'das kyis bka' stsal pa/ 'jam dpal/ 'di ji snyam du sems/ chos 'ga' tsam yang chos 'ga' tsam la kun nas nyon mongs pa'i bya ba byed dam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ 'jam dpal/ 'di ji snyam du sems/ chos 'ga' tsam yang chos 'ga' tsam la rnam par byang ba'i bya ba byed dam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ 'jam dpal/ 'di ji snyam du sems/ khyod kyis mi skye ba'i chos la bzod pa ji ltar thob/ 'jam dpal gyis gsol pa/ bcom ldan 'das/ bdag gis ni nyon mongs pa thams cad la mi skye ba'i chos la bzod pa thob lags so/ /de ci'i slad du zhe na/ bcom ldan 'das/ nyon mongs pa thams cad ni nam mkha'i gzhi las byung ba'i slad du ste/ bcom ldan 'das/ bdag gis ni chos 'ga' tsam yang yongs su ma 'tshal cing ma spangs la/ ma bsgoms shing mngon sum du ma bgyis lags so/ /bcom ldan 'das/ byis pa so so'i skye bo thams cad ni sangs rgyas kyi chos rnams dang bral ba'ang ma lags/ rtogs pa'ang ma lags te/ bcom </font><hr>452a<br><font size=+1>


@#/ /ldan 'das/ nyon mongs pa spang ba'i slad du sangs rgyas kyi chos rnams la dmigs pa de dag ni phongs par 'gyur ba lags so/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal/ gnyis su med pa'i chos la gnas pa bstan pa 'di ni legs so/ /legs so/ / 'jam dpal/ sngon byung ba 'das pa'i dus bskal pa grangs med pa/ gzhal du med pa/ tshad med pa/ bsam gyis mi khyab pa/ dpag tu med pa'i pha rol pas kyang ches pha rol tu gyur pa de'i tshe de'i dus na/ 'jig rten gyi khams shin tu dri ldan zhes bya bar/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang / mi rnams kyi ston pa/ sangs rgyas bcom ldan 'das nyi ma'i snying po 'od zer dri ma med pa zhes bya ba 'jig rten du byung ngo / /'jam dpal/ de bzhin gshegs pa dgra bcom pa yang dag par rdzogs pa'i sangs rgyas nyi ma'i snying po 'od zer dri ma med pa de'i sku tshe'i tshad ni bskal pa dgu stong thub par gyur to/ /'jig rten gyi khams de'i sems can gang yin pa de dag ni dman pa la mos par gyur te/ rgya </font><hr>452b<br><font size=+1>


chen po la mos pa ni nyung bar gyur to/ /de bzhin gshegs pa de yongs su mya ngan las 'das pa'i dam pa'i chos ni lo stong gi bar du gnas par 'gyur ro/ /de'i sku gdung rnams kyang / 'di lta ste/ dper na/ da'i sku gdung ji ltar rgyas par 'gyur ba bzhin du rgyas par gyur to/ /'jam dpal/ de'i tshe dge slong dpas byin zhes bya ba tshul khrims kyi phung po la gnas pa/ ngo tsha shes shing bslab pa 'dod pa/ mang du thos pa zhig byung ste/ dge slong de mdzes shing blta na sdug la/ kha dog bzang po rgyas pa mchog dang ldan no/ /de nang bar smad g.yogs bgos nas lhung bzed dang / chos gos blangs te/ grong khyer chen po rnam par rgyal bar bsod snyoms kyi phyir song ngo / /de grong khyer de na bsod snyoms kyi phyir rgyu zhing tshong dpon gyi khyim zhig tu song ba dang / tshong dpon gyi khyim de na'ang tshong dpon gyi bu mo gzugs bzang zhing mdzes la blta na sdug pa mi la ma btang ba zhig yod do/ /de nas tshong dpon gyi bu mo des dge slong dpas byin mthong nas 'dod chags kyi sems skyes te/ de 'di snyam du sems so/ /gal te bdag gis dge slong dpas byin 'di bdag gi khyim thab tu ma thob na ni bdag 'chi bar 'gyur ro snyam nas su la'ang bsnyad ma nus te/ de 'dod chags kyis yongs su gdungs pa de nyid kyis nad zhugs par gyur to/ /de nas dge slong </font><hr>453a<br><font size=+1>


@#/ /dpas byin bsod snyoms kyi phyir rgyu ba byas nas gtsug lag khang du song ngo / /bu mo de'i pha'ang 'chi ba'i dus byas so/ /de nas bu mo de'i mas bu mo de la khyod ci'i phyir 'di ltar na bar gyur ces smras na/ cang mi smra zhing kha zas mi za bar 'dug go /de nas bu mo de'i ne'u ldangs bde ba dang / sdug bsngal mtshungs par spyod pa rnams kyis bu mo de la khyod ci'i phyir 'di ltar na bar gyur ces dris so/ /des smras pa/ bdag gis dge slong che ge mo zhig mthong nas/ de la 'dun pa'i 'dod chags skyes te/ bdag dge slong de dang phrad na ni nad 'di las sos par 'gyur ro/ /ci ste phrad par ma gyur na ni 'chi bar 'gyur ro/ /de nas bu mo de dag gis bu mo de las thos nas de'i ma la bsnyad do| |de nas de'i ma 'di snyam du sems te/ gal te dge slong dpas byin dang phrad par ma gyur na ni ci byar yang med kyi bu mo 'di ni 'chi bar 'gyur ro snyam mo/ /yang 'di snyam du bsams te/ bdag gis bu mo 'di dge slong dpas byin las lung nod du gzhug gor ma chag go /'on tang dge slong dpas byin de khyim 'dir rtag tu 'ong bar 'gyur ro snyam mo/ /de nas dge slong dpas byin yang grong khyer rnam par rgyal bar bsod snyoms kyi phyir rgyu zhing tshong dpon gyi khyim der yang bsod snyoms kyi phyir song ste/ de nang du </font><hr>453b<br><font size=+1>


zhugs pa dang / tshong dpon gyi bu mo nyam chung bar gyur pa mthong nas/ des bu mo 'di ci'i phyir nyam chung zhing na bar gyur ces smras so/ /bu mo de'i mas smras pa/ bu mo 'di chos nyan par 'dod pa las bdag gis bgegs byas nas de'i phyir 'di na bar gyur to/ /de skad ces smras nas/ dge slong dpas byin des bu mo de'i ma la 'di skad ces smras so/ / khyod bu mo 'di chos nyan pa la bgegs ma byed cig /des smras pa/ gal te slob dpon gyis bu mo 'di la lung 'bog na ni bdag bu mo 'di chos nyan pa la bgegs mi bgyid do/ / dge slong dpas byin gyis smras pa/ bu mo 'di la bdag gis lung 'bog par bya'o/ /bu mo'i mas smras pa/ slob dpon rtag tu khyim 'dir gshegs shig /dpas byin gyis smras pa| 'ong bar bya'o/ /de nas bu mo des dge slong gi tshig thos nas tshul bzhin ma yin pa yid la byed pa de las rtse zhil bar gyur te/ bdag gis kyang ci nas bdag 'dod pa bzhin byed par 'gyur bar chags par 'gyur bar bya'o snyam mo/ /de nas bu mo des dge slong de la 'di skad ces smras so/ /bdag la thug brtse ba'i slad du slob dpon khyim 'dir gshegs par gsol lo| |de nas dge slong dpas byin des cang mi smra bar khas blangs nas bsod snyoms khyer te gtsug lag khang du song ngo / /de nas bu mo de'i mas bu mo de la 'di skad ces smras so/ / </font><hr>454a<br><font size=+1>


@#/ /bu mo khyod da phyin chad rgyan gyis brgyan par gyis la/ tsan+dan gyis lus byug pa dang / gos kha dog sna tshogs bgo bar gyis la/ ci nas khyod kyi dbang du 'gyur ba de bzhin du khyod kyis nan tan byos shig /des kyang de bzhin du nan tan byas so/ /de nas dge slong dpas byin yang dang / yang du khyim der 'ong zhing yid brtan par gyur to/ /des rtag tu mthong bas bu mo de la 'dod chags kyi sems bskyed de/ de 'dod chags yid la byed pa de dang lhan cig gnas nas 'dod chags kyis kun nas dkris par gyur to/ /de bu mo de dang lhan cig tu shin tu 'dres par gnas shing 'dug par gyur te/ de 'dres shing der mngon par dga' nas yang dang / yang du gnas par gyur to| |de nas dge slong dpas byin de bu mo dang lhan cig tu 'du zhing 'dug 'dug pa sngon bu mo de gang gis blangs pa'i khyim thab des thos so/ /dge slong dpas byin de bu mo dang lhan cig tu yang dang / yang du 'dug pa dang / de 'di snyam du sems te/ dge slong dpas byin 'di bdag gis thabs kyis bzung ste bsad do snyam mo/ /dge slong dpas byin des kyang bu mo de'i khyim thabs gyis bdag bsad par byas zhes thos nas/ de 'di snyam du sems te/ bdag gis bu mo 'di'i lag tu gang gis tshong dpon gyi bu de 'chi bar 'gyur </font><hr>454b<br><font size=+1>


ba'i dug bskur gor ma chag snyam mo/ /de nas dge slong dpas byin de bu mo de'i lag tu dug byin te/ 'di skad ces smras so/ /gal te bdag khyod kyi snying du sdug na ni dug 'dis khyim thab 'di gsod cig /de nas bu mo des dge slong de las dug de blangs nas kha zas dang sbyar te bran mo'i lag tu bskur nas khyod song la nga'i khyim thab de la 'di byin cig ces byas so/ /de nas bran mo des dug dang sbyar ba'i kha zas de tshong dpon gyi bu de la byin no/ /de nas tshong dpon gyi bu des kha zas dug dang sbyar ba de zos nas shi'o/ /de nas dge slong dpas byin des tshong dpon gyi bu de shi'o zhes thos so/ /thos nas kyang de 'gyod pa chen po skyes te/ bdag gis ni 'jigs su rung ba'i las byas so/ /bdag gis ni las mi zad pa byas te/ 'di ltar bdag gis 'dod pa'ang yongs su spyad la/ mi 'ang gsod du bcug na/ bdag gi 'gro ba ni gang yin/ bdag gi tshe phyi ma ni gang yin zhig gu /bdag ni sems can dmyal bar ltung bar 'gyur ro snyam nas de'i lus yongs su gdung bar gyur te/ bdag ni shi nas gdon mi za bar sems can dmyal bar 'gro bar 'gyur ro snyam nas/ de 'di snyam du sems te/ bdag sdug bsngal 'di las thar bar byed nus pa su zhig yod snyam mo/ /de gtsug lag khang du 'gro zhing rgyu ste/ shing bcad pa bzhin </font><hr>455a<br><font size=+1>


@#/ /du sa la 'gyel nas/ kyi hud/ kyi hud bdag ni sems can dmyal ba par gyur to zhes tshig tu smra'o/ /de'i tshe gtsug lag khang gangs zhes bya ba zhig yod de/ de gtsug lag khang de ga la bar song ste phyin nas/ gtsug lag khang gi sgor song ste/ sa la 'gyel nas/ kyi hud/ kyi hud bdag ni sems can dmyal ba par gyur to zhes tshig tu smra'o/ /de nas byang chub sems dpa' sems dpa' chen po 'jigs sgrol gtsug lag khang de'i nang du 'gro bas dge slong de sa la 'gyel ba mthong nas des de la smras pa/ dge slong / khyod ci'i phyir sa la 'gyel/ des de la smras pa/ bdag ni sems can dmyal ba par gyur to/ /bdag gis ni 'jigs su rung ba'i las byas te/ bdag gis 'khrig pa'ang byas pa/ mi'ang bsad do/ /de nas byang chub sems dpa' 'jigs sgrol gyis dge slong dpas byin de la smras pa/ dge slong / ma 'jigs shig dang / ngas khyod 'jigs pa med par bya'o/ /de nas dge slong dpas byin des 'jigs pa med pa'i sgra thos nas dga' zhing mgu la yi rangs par gyur to/ /de nas byang chub sems dpa' 'jigs sgrol gyis dge slong dpas byin de sa las bslangs nas lag pa g.yas pa nas bzung nas nags stug po zhig gi nang du song nas/ de nags stug po der 'dug go / </font><hr>455b<br><font size=+1>


de nas byang chub sems dpa' sems dpa' chen po 'jigs sgrol ta la'i srid tsam gyi nam mkha' la 'dug nas dge slong de la 'di skad ces smras so/ /dge slong / khyod nga la yid ches sam/ de nas dge slong des thal mo sbyar nas tshig tu smras pa/ bdag ni bcom ldan 'das dang mjal to/ /bdag ni bde bar gshegs pa dang mjal to/ /de nas de'i tshe byang chub sems dpa' sems dpa' chen po 'jigs sgrol sangs rgyas thams cad kyi yul la 'jug pa'i sgo de bzhin gshegs pa'i ye shes kyi phyag rgya zhes bya ba'i ting nge 'dzin de la snyoms par zhugs ma thag tu de'i lus las de bzhin gshegs pa'i sku gser gyi mdog can skyes bu chen po'i mtshan sum cu rtsa gnyis mnga' ba de dag phyung ngo / /de bzhin gshegs pa'i sku de dag gis kyang nags stug po de dag thams cad khyab par gyur te/ de bzhin gshegs pa'i sku de dag gis gsung mthun par tshigs su bcad pa 'di dag gsungs so/ /chos rnams 'di dag gzugs brnyan 'dra ba ste/ /chu nang zla ba snang la med pa bzhin/ /byis pa'i sems ni rmongs shing skrag gyur nas/ /'dod chags dug dang de bzhin zhe sdang rtog /chos rnams mkha' 'dra rtag tu dag cing gsal/ /mya ngan 'das shing gnas med zhi ba yin/ /'di na tshor ba po dang byed pa med/ /chos rnams 'di dag zhi </font><hr>456a<br><font size=+1>


@#/ /gsog snying po med/ /nang du btsal kyang 'dod chags ma rnyed de/ /zhe sdang sus kyang rnyed par ma gyur na/ /byis pa'i skye bo dag ni chags snyam sems/ /su yang 'di na chags par gyur pa med/ /rmi lam du ni bdag gi gzugs mthong snyam/ /de la chags shing sdang la rmongs par gyur/ /mtshon cha thogs shing bsad par gsol ba na/ /gsod pa po dang mtshon cha ci yang med/ /de bzhin 'di na byis pa 'dod pa spyod/ /'thab mo dag kyang 'gyed cing gsod par byed/ /gti mug dbang gis skrag cing rmongs par gyur/ /bdag ni chags so snyam ste dga' bar 'dzin/ /'jig rten 'di dag thams cad rmi lam bzhin/ /chos rnams gsog ste stong zhing snying po med/ /smig rgyu 'dra zhing sprin dang mtshungs pa ste/ /'dod chags mtshan nyid med cing gti mug zhi/ /chos rnams 'di dag rtswa dang rtsig pa bzhin/ /sems ni nang na med cing phyi rol med/ / 'dod chags srog dang sems can gso ba min/ /zhe sdang gang zag ma yin dngos po med/ /chos rnams 'di dag rkyen dang rgyu las grub/ /sgyu de la ni rmongs shing byed pa med/ / chu zla 'dra bar byas pa ma yin te/ /lus kyang med de 'dod chags gsog yin no/ /sgyu mas bsgrubs pa yin te stong pa nyid/ /byis pa dngos por 'dzin pas dpyad cing brtags </font><hr>456b<br><font size=+1>


sgyu ma gsog ste med cing stong pa yin/ /'di na 'dod chags zhe sdang gti mug med/ /chos 'di thams cad mtshan nyid med pa ste/ /rtsa ba mi dmigs gzod nas rab tu zhi/ /mtha' ma gzung med dben zhing snying po med/ /'dod chags 'od gsal gti mug rab tu zhi/ /'di na byis pa gzugs brnyan mthong ba na/ /'di ni bdag yin snyam du sems par byed/ / gsog dang gzung du med la yod min dang / /snying po med pa de la log par rtog /chos rnams 'di dag mig yor 'dra ba ste/ /'dod chags gti mug zhe sdang gzung du med/ /sgyu ma rmi lam chu zla lta bu ste/ /'di la su yang chags shing sdang ba med/ /yul 'di dag ni dug med stong pa ste/ /dngos por dmigs pa thams cad gzung du med/ /'di dag brtags pa'i chos can yod ma yin/ /dngos po mi dmigs rtsa nas rab tu zhi/ /sgyu ma 'dod chags zhe sdang gti mug med/ /'di la nam yang yod par 'gyur ma yin/ /chos rnams sgyu ma 'dra zhing rmi lam 'dra/ /thog ma mi dmigs thams cad yod ma yin/ /ji ltar chu la zla ba snang bzhin du/ /der ni nam yang zhugs par gyur pa med/ /de bzhin byis pa sdang zhing chags gyur kyang / /'di na 'dod chags med cing zhe sdang med/ /'dod chags gzung du med cing zhe sdang med/ /gti mug 'od gsal rkyen rnams stong pa ste/ /sems can dmigs su med </font><hr>457a<br><font size=+1>


@#/ /cing srog kyang med/ /chos 'di gsog ste zhi la snying po med/ /mig kyang med de rna ba med pa yin/ /sna yang mi snang lce yang de bzhin te/ /'di dag bems po'i chos can snying po med/ /byis pa'i skye bo rmongs byed myos par byed/ /nam mkha' la ni ji ltar mtha' med cing / /zad par mi 'gyur skye ba med pa bzhin/ /chos rnams 'di dag thams cad de bzhin te/ /nam mkha'i chu ltar dag cing rnam par dag /chos rnams rnam pa sna tshogs brtags pa ste/ /brtags na de yang nam yang yod ma yin/ /byis pa phung po 'di dag 'dra bar 'dzin/ /de yang de la nam yang yod ma yin/ /shes ldan dngos dang dngos med rnam 'jig cing / /chos nyid 'di dag thams cad zhi bar mthong / / thams cad ma skyes gzung du med par mthong / /de yi lus ni nam yang yod pa min/ /chos rnams 'od gsal grol zhing rab tu grol/ /zhi zhing mi gnas mya ngan 'das gyur la| |de la nam yang gzung du med pa ste/ /shes ldan de ltar rtogs na grol bar 'gyur/ /de nas nags khrod der byang chub sems dpa' 'jigs sgrol las chos mnyan pa'i phyir lha'i bu bzhi khri nyis stong lhags par gyur pa de dag gis tshigs su bcad pa bstan pa de dag thos nas mi skye ba'i chos la bzod pa thob par gyur to/ /dge slong dpas </font><hr>457b<br><font size=+1>


byin de'ang kun nas dkris pa dang bral bar gyur te/ de bzhin gshegs pa'i sprul pa bkod pa de dag mthong nas byang chub kyi tshul dang ldan pa'i sems kyis chos kyi rang bzhin rab tu rnam par 'byed pas mi skye ba'i chos la bzod pa thob par gyur to/ /'jam dpal/ khyod kyis de'i tshe de'i dus na byang chub sems dpa' 'jigs sgrol zhes bya ba de gzhan zhig yin pa snyam na de ltar mi blta'o/ /de ci'i phyir zhe na/ byang chub sems dpa' byams pa de'i tshe de'i dus na byang chub sems dpa' 'jigs sgrol zhes bya bar gyur te/ /'jam dpal/ khyod kyis de'i tshe de'i dus na dge slong dpas byin zhes bya ba de gzhan zhig yin pa snyam na de ltar mi blta'o/ /de ci'i phyir zhe na/ de bzhin gshegs pa rin chen zla ba byang chub kyi spyad pa spyod pa de/ de'i tshe de'i dus na dge slong dpas byin zhes bya bar gyur to/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ dge slong dpas byin de byang chub tu mngon par rdzogs par sangs rgyas lags sam/ bcom ldan 'das kyis bka' stsal pa/ 'jam dpal/ mngon par rdzogs par sangs rgyas zin te/ de ni nub phyogs logs su sangs rgyas kyi zhing 'di nas sangs rgyas kyi zhing gang+gA'i klung gi bye ma snyed 'das pa na/ 'jig rten gyi khams 'od zer rtag pa </font><hr>458a<br><font size=+1>


@#/ /zhes bya ba der de bzhin gshegs pa rin chen zla ba zhes bya bar gyur to/ /'jam dpal/ chos 'di dag gi sgrub pa byed pa dag ji tsam 'dod pa dag kyang yongs su longs spyad la/ srog gi bar chad kyang byas bzhin du mi skye ba'i chos la bzod pa thob par gyur pa la ltos/ /de ci'i phyir zhe na/ 'di ltar des khams gsum pa thams cad yang dag pa ma yin par shes shing sems can thams cad mig yor dang 'dra bar shes pa'i phyir ro/ /'jam dpal/ sgyu ma lta bu'i sems la gnas pa la ni chos gang la'ang sgrib pa med do/ /'jam dpal/ yang byis pa so so'i skye bo rnams ni rang gi rtog pas sems can dmyal ba dang / dud 'gro'i skye gnas dang / gshin rje'i 'jig rten du ltung bar 'gyur te/ med pa'i chos rnams la yongs su brtags pas sdug bsngal 'bum phrag mang po nyams su myong bar 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ byang chub sems dpa' gang chos kyi rnam grangs 'di 'dzin pa dang / 'chang ba dang / kun chub par bgyid pa dang / bsti stang bgyid pa des tshe 'di nyid la yon tan ji snyed cig thob par 'gyur lags/ bcom ldan 'das kyis bka' stsal </font><hr>458b<br><font size=+1>


pa| 'jam dpal/ 'di ji snyam du sems/ nyi ma'i dkyil 'khor shar ba na dzam+bu'i gling pa'i mi rnams la yon tan gyi phan yon ji tsam du 'gyur/ 'jam dpal gyis gsol pa| bcom ldan 'das/ yon tan gyi phan yon dpag tu ma mchis shing snang ba tshad ma mchis par 'gyur te/ des ni mi rnams sug las bgyid par 'gyur lags so/ / bcom ldan 'das kyis bka' stsal pa/ 'jam dpal/ de bzhin du chos kyi rnam grangs 'dis ni byang chub sems dpa' de'i nyon mongs pa thams cad bsal nas/ shes rab kyi snang ba tshad med pa skyed par byed do/ /chos thams cad la'ang sgrib pa med pa thob par 'gyur ro/ /yongs su gdung ba dang bral zhing kun nas dkris pa'ang med par 'gyur ro| |de la chags pa med pa'i spobs pa'ang myur du mngon sum du 'gyur ro/ /bdud dang / phyir rgol ba thams cad kyis kyang mi rdzi bar 'gyur ro/ /chos kyang ston te spobs pa mthar thug pa med pas ston par 'gyur ro/ /'jam dpal/ 'di lta ste/ dper na/ me byung na rtswa dang / shing thams cad sreg par byed do/ /'jam dpal/ de bzhin du chos kyi rnam grangs 'dis kyang nyon mongs pa thams cad sreg par byed do/ /'jam dpal/ 'di lta ste/ dper na/ ri'i rgyal po gangs kyis ri nag po thams cad zil gyis </font><hr>459a<br><font size=+1>


@#/ /gnon to/ /'jam dpal/ de bzhin du byang chub sems dpa' chos kyi rnam grangs 'di la mkhas pas ni pha rol rgol ba thams cad chos dang ldan pas tshar bcad nas zil gyis gnon par byed do/ /'jam dpal/ 'di lta ste/ dper na/ 'khor los bsgyur ba'i rgyal pos ni khams kyi rgyal po rnams zil gyis gnon to| |'jam dpal/ de bzhin du byang chub sems dpa' chos kyi rnam grangs 'di la gnas pas ni gang zag tshig dang / yi ge 'bru sna tshogs thams cad la mkhas pa rnams zil gyis gnon to/ /'jam dpal/ 'di lta ste/ dper na/ dge slong 'dul ba 'dzin pa ni ltung ba thams cad 'dul ba la mkhas pa yin no/ /'jam dpal/ de bzhin du byang chub sems dpa' chos kyi rnam grangs 'di la mkhas pa ni phyogs bcu'i sems can thams cad kyi 'gyod pa sel bar byed do/ /'jam dpal/ 'di lta ste/ dper na/ nyi ma'i dkyil 'khor shar na mun pa mun nag thams cad med par 'gyur ro/ /'jam dpal/ de bzhin du byang chub sems dpa' chos kyi rnam grangs 'di la mkhas pa ni sems can thams cad kyi nyon mongs pa sel bar byed de/ ye shes kyi snang ba'ang byed par 'gyur ro/ /de ci'i phyir zhe na/ 'jam dpal/ chos kyi rnam grangs 'di la </font><hr>459b<br><font size=+1>


slob pa gang yin de ni lhag pa'i shes rab la slob pa yin pa'i phyir ro/ /de nas bdud sdig can bcom ldan 'das ga la ba der song ste phyin nas/ bcom ldan 'das la 'di skad ces gsol to/ /bcom ldan 'das/ khyod ni thugs rje dang ldan pa lags te/ sems can thams cad la sman pa dang / thugs brtse ba can lags na/ bcom ldan 'das/ bdud kyi gnas thams cad rab tu g.yos te/ bdag kyang mya ngan gyi zug rdus zug lags kyi/ bcom ldan 'das/ yang chos kyi rnam grangs 'di mi bshad par gsol/ bcom ldan 'das/ bdag gis kyang chos kyi rnam grangs 'di ci nas dzam+bu'i gling du spyod par mi 'gyur ba de ltar bgyi'o/ /ci nas chos kyi rnam grangs 'di su'ang 'dzin par mi 'gyur/ 'chang bar mi 'gyur/ kun chub par bgyid par mi 'gyur ba de lta bur yang bgyi'o/ /ci nas chos kyi rnam grangs 'di la lam ngan par 'du shes par 'gyur ba yang bgyi'o/ /de dag shin tu rgyas pa'i mdo sde dag la log par lta ba'i 'du shes su 'gyur ba yang bgyi'o/ /dge slong de dag ci nas chos kyi rnam grangs 'di spong bar 'gyur ba'i kun nas dkris pa 'ga' 'byung bar yang bgyi'o/ /de nas sangs rgyas kyi mthus lha'i dbang po brgya byin bcom ldan 'das kyi spyan sngar 'dug nas/ des bcom ldan 'das kyi zhabs la mgo </font><hr>460a<br><font size=+1>


@#/ /bos phyag btsal te/ bcom ldan 'das la me tog man+dA ra ba dag gis gtor nas/ bcom ldan 'das la 'di skad ces gsol to/ /bcom ldan 'das/ gal te bdud sdig can chos kyi rnam grangs 'di nub par bgyid pa'i slad du rtsol par gyur na/ bcom ldan 'das/ bdag gis chos kyi rnam grangs 'di gzung bar bgyi/ bcang bar bgyi/ kun chub par bgyi'o/ /bcom ldan 'das dang / btsun pa kun dga' bo yongs su mya ngan las 'das pa'i 'og tu'ang bdag gis chos kyi rnam grangs 'di dzam+bu'i gling du spyod par 'gyur par bgyi'o/ /chos smra ba de la'ang rgyal po chen po bzhi gnod sbyin gyi tshogs kyi 'khor dang bcas pa rnams bsrung ba dang / bskyab pa dang / sba bar bgyid du stsal bar 'tshal te/ chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa gang lags pa de la bdag gis kyang bsrung ba dang / bskyab pa dang / sba bar 'tshal lo/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis chos kyi rnam grangs 'di zungs shig /chongs shig/ lhogs shig /kun chub par gyis shig /gzhan dag la'ang rgya cher ston cig /de ci'i phyir zhe na/ kun dga' bo/ </font><hr>460b<br><font size=+1>


'di ni chos thams cad kyi chos kyi me long yin pa'i phyir ro/ /gsol pa/ bcom ldan 'das/ de bzhin gshegs pas ji skad bka' stsal pa de bzhin du chos kyi rnam grangs 'di bdag gis bzung lags na/ bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir khyod kyis chos kyi rnam grangs 'di las kyi sgrib pa rnam par dag pa zhes bya bar zungs shig /sgrib pa med pa'i ye shes la 'jug pa zhes bya bar zungs shig /chos kyi rnam grangs 'di bshad pa na dge slong drug cus len pa med par zag pa rnams las sems rnam par grol lo/ /byang chub sems dpa' brgyad cus ni mi skye ba'i chos la bzod pa thob par gyur to/ /bcom ldan 'das kyis de skad ces bka' stsal nas/ 'jam dpal gzhon nur gyur pa dang / tshe dang ldan pa kun dga' bo dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa las kyi sgrib pa rnam par dag pa zhes bya ba theg pa chen po'i mdo rdzogs so// //rgya gar gyi mkhan po dza ni mi tra dang / pra dz+nyA warma dang / zhus </font><hr>461a<br><font size=+1>


@#/ /chen gyi lo tsA ba ban+de ye shes sde la sogs pas bsgyur cing zhus te gtan la phab pa// </font><hr>

</table>