H237

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H237</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H237&coll=lhasa">see text in Tibetan script</a></table>412a<br><font size=+1>


rgya gar skad du/ b+ha ga wA na uSh+Ni Sha ma hA/ bod skad du/ bcom ldan 'das kyi gtsug tor chen po de bzhin </font><hr>412b<br><font size=+1>


gshegs pa'i gsang ba sgrub pa'i don mngon par thob pa'i rgyu byang chub sems dpa' thams cad kyi spyod pa dpa' bar 'gro ba'i mdo le'u stong phrag bcu pa las/ le'u bcu pa/ bam po dang po/ sangs rgyas dang / byang chub sems dpa' thams cad la phyag 'tshal lo/ /de nas de'i tshe de bzhin gshegs pa'i sku gser btso ma'i ri lta bu dam pa'i chos kyi gdan seng+ge'i khri las slar nur nas rin po che'i sku rten drangs te/ de la sku brten dga' bo la sogs pa'i 'khor thams cad la bka' stsal pa/ khyed la sogs pa slob pa dang / mi slob pa dang / rang sangs rgyas rnams kyis bla na med pa'i byang chub chen po'i sems bskyed de tshor ba dam pa blang bar bya'o/ /ngas da yang dag par sgrub pa'i chos bshad zin na khyed kyis da dung du khong du ma chud do/ /zhi gnas dang lhag mthong rnal 'byor na phra ba'i yang phra ba'i bdud kyi las dang / bdud kyi khams mngon sum du snang ste/ khyed kyis de rig par ma nus na/ sems yang dag par sbyangs par mi gdags te/ log pa'i lta bar ltung bas khyed bar bar ni/ phung po'i bdud kyis/ bar bar ni/ lha'i bdud/ bar bar ni/ yi dwags dang lha ma yin gyis byin gyis brlabs te skabs rnyed do/ /nang du sems kyis mtshor nas rkun po la bu yin par bzung ste/ yang de'i nang nas chung shas tsam gyi thob pa la grub ste chog go snyam du sems pa ni/ </font><hr>413a<br><font size=+1>


@#/ /bsam gtan bzhi la chags pa dang mtshungs so/ /de ni/ mtshams med pa'i dge slong ste/ 'phags pa thob bo snyam du bsam pas rdzun byas so/ /lha tshe zad pa'i khar yang ltas pa mngon du byung ste/ dgra bcom pa la'ang phyi ma'i lus len to/ /zhes skur ba btab nas mtshams med pa'i dmyal bar ltung ngo / /khyod nyon la legs par soms te yid la gyis shig dang / ngas da khyod kyi phyir zhib tu bye brag dbye'o/ /de skad ces bka' stsal pa dang / dga' bo stan las langs pa dang / 'khor gyi nang nas slob pa mthun pa dag kyang rab tu dga' nas spyi bos btud de lus dang sems shin tu gus shing dang bas bcom ldan 'das kyis thugs rjes dgongs pa las slar nyan to/ /de nas bcom ldan 'das kyis dga' bo dang / 'khor thams cad la bka' stsal pa/ khyed la sogs pa shes par gyis shig /ngo bo nyid kyi tshor ba dam pa gsal ba de bzhin nyid kyi tshor ba rgyas pa ni/ phyogs bcu'i sangs rgyas thams cad dang / rigs bcu gnyis las skyes pa'i zag pa can gyi 'jig rten par yang so so ma yin zhing tha mi dad mod kyi| yang dag pa ma yin pa'i 'du shes kyi don nor ba'i nyes pa las thibs po dang sred pa byung zhing skyes so/ /de ltar skyes shing byung nas de'i phyir stong pa rang bzhin yod par 'gyur </font><hr>413b<br><font size=+1>


te| thams cad du 'khrul ba yin no/ /'khrul pa las rdzus pa rgyun mi 'chad pa'i phyir 'jig rten byung ngo / /de lta bas na/ phyogs bcu'i rdul phra mo'i zhing khams kyang mi zag pa med do| |de lta bu ni/ 'khrul ba'i pho theg can yang dag pa ma yin pa'i 'du shes kyis gzhung 'dzugs par shes par byos shig /nam mkha' stong pa ni/ nang nas khyed kyi sems las skyes so/ /dper na/ nam mkha' las sprin glo bur du byung na 'jig rten pa thams cad de'i nang na 'dug pa bzhin te/ khyed las 'ga' zhig gis yang dag pa 'di la ma phyogs na phyogs bcu'i stong pa thams cad kyang zhi zhing byang ste/ nam mkha'i khams kyi yul thams cad ci'i phyir g.yo/ rab tu g.yo bar mi 'gyur/ phyogs bcu'i zag pa zad pa'i byang chub sems dpa' dang / dgra bcom pa dag khyed bsam gtan dang / ting nge 'dzin la rnal 'byor spyod de/ sems dang zhing sa le bar de bzhin nyid la rtse gcig gi ting nger 'gyur na/ bdud kyi rgyal po thams cad dang / lha dang / mi dang / lha ma yin dang / sems can ma rabs la sogs pa'i khang khyim kun ni/ snyil/ sa chen po ni/ rab tu g.yo bar 'gyur ro/ /chu'i nang na gnas pa dang / skam la gnas pa dang / nam mkha' la 'phur ba de dag khyed la sogs pas ci'i phyir snyil zhing g.yo bar 'gyur/ lha ma yin dang / yi </font><hr>414a<br><font size=+1>


@#/ /dwags dang / lha'i bdud dag zhe sdang che bar g.yo ba'ang yod de/ khyed bsam gtan sgom pa'i thad du 'ongs nas gnod pa byas su zin kyang mtshan ma'i dri ma la goms pa'i nang nas khyed kyis tshor ba'i snying por gtugs na/ de'i phyir 'ong ba rlung gis phog pa bzhin/ chu la ral gri btab pa ltar/ gcig gis gcig la gnod par mi 'gyur/ phas kyis rgol ba'i chab rom sra ba la khyed kyi drod kyis chu tshan khol bas khad kyis nye zhing myur du 'ju ba'i phyir bdud la sogs pas byin gyis brlabs kyang rang nyon mongs su zad de don med do/ /de ltar na mgron dang mtshungs te grub pa dang / bshig cing gyes par yang byed do/ /khyed kyi sems kyi nang nas phung po lnga'i bdag po 'khrul te mgron gyis skabs rnyed na de nyid du tshor bas chud par bsam gtan du bsgoms na 'khrul bar mi 'gyur te/ khyed la bdud kyi rgol bas mi thub bo/ /phung po byang ba'i gsal ba la zhugs na phyin ci log gi tshogs kun so sor med par 'gyur te/ snang bas ni/ mun nag sel nus so/ /nyi bar 'ongs kyang rang dul bar 'gyur na/ bsam gtan pa la gnod pa byed lta ga la zhig spobs/ de ltar tshor bas chud par ma byas na phung pos slu ba yin no/ /dga' bo/ khyod ni/ bdud kyi bur 'gyur te/ bdud kyi mi la </font><hr>414b<br><font size=+1>


sgrub pa byed do/ /ma thang ga lta bu mthu chung yang sngags kyi mthu'i phyir khyod kyi tshul khrims 'jig par nus so/ /khri phrag brgyad kyi spyad pa'i nang nas tshul khrims gcig bshig kyang sems yongs su dag pa'i phyir khyod ma rmongs ma 'thoms te/ de ni/ bsod nams yod pa'i phyir khyod kyi rin po che'i lus ma 'khyams so/ /dper na/ blon po chen po'i khang khyim skad cig so sor bgos te khyed la med na/ skyabs byed mi nus pa dang 'dra'o/ /dga' bo/ shes par gyis shig /khyed byang chub kyi snying por rnal 'byor na dwangs shing gsal bas g.yo ba dang / mi g.yo ba thams cad kyis mi skul te/ drang ba dang brjod par ro gcig pa'i de kho na nyid la gnas na mtshan ma thams cad zad de/ sgrib pa med na/ de ni/ mtshan ma dang bral ba'o/ /ting nge 'dzin la mnyam par bzhag na/ skyes bu mig dang ldan pa mun nag gi nang du phyin pa dang mtshungs te/ rang bzhin gsal zhing dwangs mod kyi/ da dung sems kyi 'od ma byung bas de ni/ gzugs kyi phung pos bsgribs pa'o/ /mig dang ldan pas ni/ phyogs bcur sa ler snang ste/ ci'ang lus pa med de/ de'i ming ni/ gzugs kyi phung por zad de/ mi de ni/ bskal ba'i snyigs ma las 'das so/ /don de la brtags na/ yang dag ma yin pa'i 'du shes kyi rtsa ba srab pa'i phyir ro/ /dga' bo/ de lta bu la gnas </font><hr>415a<br><font size=+1>


@#/ /shing sbyangs na gsal zhing dwangs te/ khams bzhi ma 'khrugs pa las sems skad cig tsam zhig lus thogs pa med par snang ste/ de'i ming ni/ dwangs shing gsal ba mngon du lud par 'bab par bsgoms pa las yud tsam zhig byung ba yin gyi/ 'phags par gyur ba ni/ ma yin no/ /de la 'phags pa'o snyam du ma bsam na| dge ba'i mngon rtags su ni/ rung gi /de la 'phags pa'o snyam du bsam na/ de log pa'i khams su ltung ngo / /dga' bo/ yang sems de nyid sbyangs shing dwangs te lus kyi nang dwangs shing gsal ba las yud tsam zhig mi de'i lus kyi nang nas srin grol ma glo bur du byung yang lus kyi rang bzhin ji bzhin te/ smras shing nyams pa yang med par mthong ngo / /de'i ming ni/ gzugs kyi yan lag dang / gsal ba'i lud par 'bab pa'i brtson 'grus las gyur ba yin gyi/ 'phags pa'i 'bras bur gyur pa ni/ ma yin no/ / de la 'phags pa'o snyam du ma bsam na/ dge ba'i ltas su ni/ rung gi /de la 'phags pa'o snyam du bsam na/ de log pa'i khams su ltung ngo / /dga' bo/ yang sems de nyid kyis sbyangs shing dwangs na/ de'i tshe sems dang / yid dang / rnam par shes pa rnams mgron dang / sbyin bdag ji bzhin pa la mi 'gyur ba la spyod pas 'dzin pa'i lus ma </font><hr>415b<br><font size=+1>


gtogs par gzhan thams cad gcig tu bsdus shing mnyam par bzhag pa las sems skad cig tsam zhig nam mkha' stong pa las gcig car du phyogs bcu nas chos zab mo'i don 'chad pa lta bu'i sgra thos so/ /de'i ming ni/ sems dang / yid dang / rnam par shes pa ldang dub las dge ba'i rgyu grub pa yin te/ dge ba'i mtshan ma ni/ yin gyi/ 'phags pa'i 'bras bu ni/ ma yin no/ /de la 'phags pa'o snyam du sems na/ lam log par ltung ngo / /dga' bo/ yang sems de gsal zhing sa le ba'i nang nas sems skad cig 'od byung ste/ phyogs bcu khyab par dzam+bu gser gyi kha dog tu gyur te rnam pa sna tshogs thams cad kyang de bzhin gshegs pa'i skur gyur nas rnam par snang mdzad de bzhin gshegs pa'i lha'i 'od brtsegs pa'i khang ba na bzhugs te sangs rgyas bcu'i 'khor gyis bskor cing sa ya phrag brgya'i zhing dang pad+mar bcas pa lta bur byung bar snang ste/ de'i ming ni/ yid kyi rnam par shes pas chud cing 'jug pa'i chags pa ste/ sems sbyang pa'i 'od las 'jig rten thams cad snang ba de'ang thang gcig tu zad de/ dge ba'i mtshan mar ni/ rung gi /'phags pa'i 'bras bu ni/ ma yin no/ /de la 'phags pa'o snyam du 'dzin na/ lam log pa'i khams su ltung ngo / /yang sems de dwangs shing gsal bar sbyangs pa las dpyod pa rgyun mi 'chad </font><hr>416a<br><font size=+1>


@#/ /par brnyas shing btul/ 'dul bcil te 'phar nas de'i che sems skad cig tsam phyogs bcu'i nam mkha' las rin po che sna bdun gyi kha dog tu gyur te| bar bar ni/ kha dog sna brgyad par 'gyur ro/ /yang khyab par gang ba ni/ sngon po/ ser po/ dmar po/ dkar po dag so so nas ma 'dres pa lta bur snang ste/ de ni/ brnyas shing btul bcil te 'phar ba las gyur te/ de'ang thang gcig tu zad pas 'phags par gyur ba ni/ ma yin no/ /de la 'phags pa'o snyam du ma bsam na/ de dge ba'i mtshan mar ni/ rung gi /de la 'phags pa'o snyam du bzung na/ lam log pa'i khams su ltung ngo / /yang sems de yun ring du sbyangs te ma 'phrog cing dang pa las sems skad cig tsam zhig mtshan mo'i mun nag nang nas rdzas sna tshogs mthong ste/ nyin mo mthong ba dang mtshungs so/ /'di ltar mthong ba de'i ming ni/ sems phra ba'i yang phra ba'i dang ba las gyur ba yin te/ dge ba'i mtshan ma yin gyi/ 'phags par gyur pa ma yin no/ /de la 'phags pa'o snyam du bsam na/ log pa'i khams su ltung ngo / /yang sems de nam mkhar rgyas par bsgoms pa las sems skad cig tsam zhig khams bzhi'ang rtswa shing dang 'dra bar mthong ste/ mes bsregs mtshon chas gtubs kyang mi tshor ro/ / </font><hr>416b<br><font size=+1>


me'i 'od kyis mched kyang tshig par mi 'gyur zhing / sha bcad na'ang shing gzhog pa dang mtshungs so/ /de'i ming ni/ rdul phra mo 'dus pa khams bzhi'i phung po ma 'dres pa las de ltar gyur te/ de'ang skad cig gcig tu zad de/ dge ba'i mtshan mar ni/ rung gi /'phags par gyur pa ni/ ma yin no/ /de la 'phags pa'o snyam du 'dzin na ni/ lag pa'i khams su ltung ngo / /yang sems de yongs su dag par bsgrubs te brtson 'grus kyi spyod yul gyi mthar gnas pa las skad cig tsam zhig sems kyi phyogs bcu'i sa chen po dang / ri dang / chu klung mthong ste/ de nyid sangs rgyas kyi zhing du gyur nas rin po che sna bdun dang ldan zhing / snod gang bas khyab cing gang ba dang / gang+gA'i klung gi bye ma snyed kyi de bzhin gshegs pa'i sangs rgyas thams cad khang pa brtsegs pa brgyan pa na bzhugs te/ nam mkha' gang bar mthong ngo / /yang 'og gi phyogs su sems can dmyal ba mthong / steng gi phyogs su'ang lha'i gnas gzhal med khang dag bsgribs pa med pa lta bur mthong ste/ de'i ming ni/ skyo ba dang dga' bas bying ba'i 'du shes zab tu zhen pa yun ring pa las gyur pa yin gyi/ 'phags par gyur pa ma yin no/ /de la 'phags pa'o snyam du bsam na/ dge ba'i mtshan ma ni/ yin gyi/ de la 'phags pa'i 'bras bu thob bo snyam du 'dzin </font><hr>417a<br><font size=+1>


@#/ /na ni| log pa'i khams su ltung ngo / /yang sems de dang bar yun ring du sbyangs pa las sems skad cig tsam zhig nam gyi gung la rgyang ring po na tshong dus dang / grong khyer dang / gnyen bshes kyang mthong ngo / /bar bar ni/ gtam zer ba'i sgra'ang thos shing / bar chad kyi phyi rol na 'dug pa lta bu'ang mthong na/ de'i ming ni/ sems mnan cing bcil ba las gyur pa yin te/ dge ba'i ltas ni/ yin gyi/ 'phags par gyur pa ni/ ma yin no/ /de la 'phags pa'o snyam du bsam na/ log pa'i khams su ltung ngo / /yang sems de dang bar yun ring du sbyangs pa las rkyen med par dge ba'i bshes gnyen dag gi lus dang cha byad bsgyur zhing rnam pa sna tshogs lta bur mthong ste/ de'i ming ni| slu ba'i sems te/ lha ma yin khong du zhugs pa'o/ /bar bar ni/ lha'i bdud kyis bslus te sems kyi khong du zhugs nas thogs pa med par chos zab mo'i don 'chad mkhas te/ de ni/ 'phags par gyur pa ni/ ma yin no/ /de la 'phags pa'o snyam du ma bsam na/ bdud kyi las de zhi zhing med par 'gyur ro/ /de la 'phags pa'o snyam du bsam na/ log pa'i khams su ltung ngo / /dga' bo/ de rnams bcu ni/ ting nge 'dzin gyi snga ltas yin te/ 'di kun ni/ gzugs kyi phung po yin no/ /de dag ni/ sgom pa nor </font><hr>417b<br><font size=+1>


ba las de'i phyir 'di 'dra bar gyur te/ pho theg can gyi skye bor bslad pas rang gi drod ma zin te/ rgyu rkyen de lta bu dang phrad nas 'khrul bar rang gis ma shes te bdag 'phags pa'o snyam du sems pa ni/ rdzun chen por 'gyur te/ sems can dmyal ba chen por ltung bar 'gyur ro/ /khyed la sogs pa de lta bu la rten par gyis shig /de bzhin gshegs pa 'das pa'i phyin ma 'ong ba'i dus lnga brgya'i tha ma la don de dag shod cig /ston cig /lha'i bus bdud kyi skabs ma rnyed par gzugs su bzung ste chongs la man dag bzhag cing skyabs dang srung ba byas na bla na med pa'i don 'grub bo/ /dga' bo/ rigs kyi bu dag ting nge 'dzin dang / zhi gnas la snyoms par zhugs te gzugs kyi phung po zad na/ sangs rgyas thams cad kyi sems mthong ste/ dper na/ me long dag pa'i nang na gzugs snang ba bzhin te/ spyad du nus pa thob pa'o/ /log pa'i slad mas sems la phog na/ g.yo bar mi nus te/ yi dwags kyis non pa ltar rkang lag dang snga mkho bzhin zhing sangs rgyas mthong ba dang thos pa ma 'khrul to/ /de'i ming ni/ tshor ba'i phung pos bsgribs pa'o/ /de ste non pa las sangs nas sems lus dang bral te slar 'dod la rtog na/ 'gro ba dang 'dug pa la rang dbang du 'gyur te/ sgrib pa med do/ /de'i ming ni/ tshor ba'i phung por zad de/ mi de ni/ </font><hr>418a<br><font size=+1>


@#/ /lta ba'i snyigs ma las 'das so/ /don de la brtags na yang dag pa ma yin pa'i 'du shes kyi rtsa ba gsog gi phyir ro/ /dga' bo/ rigs kyi bu dag de dag de la gnas te nad shin tu bsgribs pa las/ sems la nang nas gsal ba byung ste 'od zer chen po thob nas sems kyi skad cig tsam zhig mi zad pa'i snying rje skyes nas sbrang bu lcags phye la'ang bu gcig ba bzhin byams par lta zhing / de bzhin du snying rje'i sems skyes nas mi tshor bar mchi ma byung ste/ de'i ming ni/ lhag par spyod pa grags pa 'di las byung ba yin te| de la tshor ba ni/ nyes pa med de/ 'phags par gyur ba ni/ ma yin no/ /de la tshor bas chud na nor bar mi 'gyur te/ ring zhig nas zhi zhing 'byung ngo / /de la 'phags pa'o snyam du sems na ni/ snying rje'i bdud khong du zhugs te mi dag mthong na snying rje skye zhing mchi ma mi 'chad par 'byung ste/ yang dag pa'i gral stor nas log par gol bar ltung ngo / / yang dga' bo/ ting nge 'dzin de'i nang nas rigs kyi bu dag gzugs kyi phung po ni/ zhi bar mthong / tshor ba'i phung po ni/ gsal zhing byang ste/ rgyal ba'i mtshan ma mngon sum du byung ba las sems kyi skad cig tsam zhig bskyod du med pa'i sems skyes te dpa' brtun cing mgyogs par brtun ngas pa ni/ sangs rgyas thams cad dang mnyam par sems </font><hr>418b<br><font size=+1>


te/ yud tsam zhig bskal ba grangs med pa gsum 'das par nus so snyam du sems so/ /de'i ming ni/ yon tan gyis myur ba'i lhag par thal ches pa'i khyad du gsod pa'o/ /de la tshor ba ni| nyes pa med de/ 'phags par gyur ba'ang ma yin no/ /de la tshor bas chud na ni/ mi 'gyur te/ ring zhig nas zhi zhing 'byung ngo / /de la 'phags pa'o snyam du sems na/ smyon pa'i bdud khong du zhugs te/ mi dag mthong na ngom zhing nga rgyal skyes nas rlom sems dpe med pa ni/ sangs rgyas ni/ bla mar mi byed/ mi ni/ 'og mar mi rtsi ste/ yang dag pa'i gral stor nas gol ba'i log par ltung ngo / /ting nge 'dzin de'i nang nas rigs kyi bu dag gzugs kyi phung po ni/ zhi/ tshor ba'i phung po ni/ gsal zhing byung ba las ye shes kyi stobs ni/ zhan cing phra ste phyir log nas ci'ang ma mthong ste/ sngon las gsar gyi don ni/ ma mthong / phyi ma sems de stor nas sems kyi nang nas sems kyi skad cig tsam zhig shin tu brtson 'grus kyi skom pas gdungs te/ dus thams cad du ma gyes par sems gcig tu dran nas sems des brtson 'grus kyi mtshan nyid du gyur to snyam du sems te/ de'i ming ni/ shes rab 'chal par sgom pa ste/ rang 'khyams pa yin no/ /de la tshor ba ni/ nyes pa med de/ 'phags par gyur pa ni/ ma yin no/ /de la 'phags pa'o snyam du sems na/ dran pa'i bdud khod du zhugs </font><hr>419a<br><font size=+1>


@#/ /te rtag tu sems 'dzin par gcig tu dmigs te yang dag pa'i gral stor nas log pa'i gol bar ltung ngo / /yang de rigs kyi bu dag ting nge 'dzin gyi nang nas gzugs kyi phung po ni/ zhi/ tshor ba'i phung po ni/ gsal zhing byang pa las shes rab kyi stobs ni/ ting nge 'dzin gyis non nas rtul cing / rno ba'i sems ni/ stor bas rgyal ba'i rang bzhin sems kyi nang nas dran pa la ni/ rang gi sems la the tshom skyes nas rang rnam par snang mdzad yin no/ /snyam du sems so/ /cung zad thob pa la chog pa snyam du 'dzin pa de'i ming ni/ rtag par chud pa'i sgom pa ni/ stor cing nub/ shes shing mthong ba ni/ byang ba'o/ /de la tshor ba ni/ nyes pa med de/ 'phags par gyur pa ni/ ma yin no// de la 'phags pa'o snyam du sems na/ zhan cing dman pa'i chog mi shes pa'i bdud sems kyi khong du zhugs te/ mi dag mthong na rang gis bla na med pa'i don dam pa thob bo/ / zhes smras te yang dag pa'i gral stor nas gol ba'i log par ltung ngo / /yang rigs kyi bu dag ting nge 'dzin de'i nang nas gzugs kyi phung po ni/ zhi/ tshor ba'i phung po ni/ gsal zhing byang ba las don gsar du ni/ ma thob/ rnying pa'i sems ni/ stor te/ gnyi ga ma yin nas rang la dga' ba'i bag tsha ba'i sems skyes nas skad cig tsam zhig sems kyi </font><hr>419b<br><font size=+1>


skye shi thams cad 'che ba'i mya ngan grangs med par skyes te/ lcags kyi khri cha ba'i steng na 'dug pa dang mtshungs/ dug 'thungs pa dang 'dra bar tshor ba mi 'dod par sems te/ rtag par mi gzhan la srog chod la rnam par grol ba blang bar byos shig zer ro/ /de'i ming ni/ spyod pa'i thabs stor ba ste/ de la tshor ba ni/ nyes pa med de/ 'phags par gyur pa ni/ ma yin no/ /de la 'phags pa'o snyam du sems na/ rigs gcig pa'i mya ngan can gyi bdud sems kyi khong du zhugs te/ lag pa na mtshon cha thogs nas bdag gi sha gcod cing tshe med par byed pa la dga'o/ /bar bar ni/ rtag tu mya ngan skyes nas 'bros te ri dang lung du 'gro zhing mi dag mthong bar mi dga' ste yang dag pa'i gral stor nas gol ba'i log par ltung ngo / /yang rigs kyi bu dag ting nge 'dzin de'i nang nas gzugs kyi phung po ni/ zhi/ tshor ba'i phung po ni/ gsal zhing byang ste rnam par dag pa'i nang nas sems kyi skad cig tsams zhig bdag gi sems dpag tu med par dga' ches ba bdag la rang dbang med par skyes so/ /de'i ming ni/ shes rab 'chal ba'i rang bzhin bde bas bcings pa de la tshor ba ni/ nyes pa med de/ 'phags par gyur pa ni/ ma yin no/ /de la ni/ bdag 'phags pa'o snyam du sems na/ rtag tu sred par dga' ba'i rigs gcig pa'i bdud sems kyi khong du zhugs </font><hr>420a<br><font size=+1>


@#/ /te| mi dag mthong na rgod cing grang bar na bdag glu len cing bro rdung ste/ bdag rang gis bsgribs pa med pa'i rnam par grol ba thob po snyam du sems shing yang dag pa'i gral stor nas gol ba'i log par ltung ngo / /yang rigs kyi bu dag ting nge 'dzin gyi nang na gzugs kyi phung po ni/ zhi/ tshor ba'i phung po ni/ snang zhing gsal ba las bdag ni/ chog go snyam du sems nas gzhi med par sems kyi skad cig tsam zhig nga rgyal chen po g.yos te/ de bzhin du nga dang / cher sems ba'i nga rgyal dang / nga'i nga rgyal dang / nga zhes zer ba'i nga rgyal dang / nga'o zhes zer ba'i nga rgyal dang / cung zad ces zer ba'i nga rgyal dang / log pa'i nga rgyal rnams gcig car du skyes te/ sems kyi nang nas bla ma'i phyogs bcu'i de bzhin gshegs pa de dag la'ang tshod dpog na/ 'og ma sa'i nyan thos dang / de'i rang sangs rgyas lta ci smos/ de'i ming ni/ bdag nyid rgyal pa thob ste 'chal ba'i shes rab kyis rang skyabs med pa'o/ /de la tshor ba ni/ nyes pa med de/ 'phags par gyur pa ni/ ma yin no/ /de la 'phags pa'o snyam du sems na/ nga rgyal chen po'i bdud sems kyi nang du zhugs te mchod rten dang / gtsug lag khang la phyag mi 'tshal/ d+harma dang sku gzugs dag la 'dral bar byed/ yon bdag dag la 'di skad </font><hr>420b<br><font size=+1>


du smras te/ la la ni/ gser dang / 'khar ba dang / sa dang / shing dang / chu shun dang / shing lo'o/ /la la ni/ ras dang / me tog go/ zhes nas rang gus par mi byed cing / sha'i lus ni/ yang dag par rtag pa yin no/ /zhes phyin ci log par sa dang / shing dag la yid rton par byed pa ni/ yang dag par na log pa yin no/ /zhes ston te/ dad cing yid ches pa dag la shig cing grol te 'or la| sa'i 'og tu spos shig zer zhing / sems can dag la the tshom dang / skur bas mtshams med pa'i sems can dmyal bar ltung ste yang dag pa'i gral stor nas gol ba'i lag par ltung ngo / /yang rigs kyi bu dag ting nge 'dzin de'i nang nas gzugs kyi phung po ni/ zhi/ tshor ba'i phung po ni/ gsal zhing byang ste dang zhing gsal ba'i nang nas don rgyas shing dang ba 'dir spyod pa rig pa'i rjes su gzhol ba chen po thob ste sems kyi skad cig tsam zhig dpag tu med par yang zhi zhing bde ba'i sems skyes nas rang gis rang dbang chen po thob ste 'phags pa'o snyam du sems so/ /de'i ming ni/ shes rab dang zhing yang ba'i rgyu kun thob pa ste/ de la tshor ba ni/ nyes pa med de/ 'phags par gyur ba ni/ ma yin no/ /de la 'phags pa'o snyam du sems na'ang zhing dang bsred par rigs gcig ba'i bdud sems kyi khong du zhugs nas bdag grub ste rdzogs so snyam zhing yang 'bogs pa la mi brtson no/ /ma thos pa'i dge slong de skur pa </font><hr>421a<br><font size=+1>


@#/ /'debs/ the tshom dang le lo byed pa ni/ phyis mtshams med pa sems can dmyal bar ltung ste yang dag pa'i gral stor nas gol ba'i log par ltung ngo / / yang rigs kyi bu dag ting nge 'dzin gyi nang nas gzugs kyi phung po ni/ zhi zhing gsal pa'o/ /tshor ba'i phung po ni/ gsal zhing byang ste gsal ba'i tshor ba'i nang nas stong pa'i rang bzhin thob ste/ de'i nang nas sems skad cig tsam zhig zhi ba'i 'gog pa la zhugs nas rten cing 'brel par 'byung pa med do/ /zhes phyogs gcig pa'i stong ba la zhugs te stong ba la mngon sum du snang ba'i bar du sems skyes nas rtag tu 'chad cing 'gog pa shes so snyam du sems te/ de la tshor ba ni/ nyes pa med de/ 'phags par gyur pa ni/ ma yin no/ /de la 'phags par gyur ba'o snyam du sems na/ stong ba'i bdud sems kyi khong du zhugs te khrims srung ba la skur ba 'debs so/ /de'i ming ni/ theg pa chung du ste/ mi des rtag par yid ches pa'i yon bdag la 'di skad du smras te/ byang chub sems dpa' la srung ba dang / zhig pa med kyi/ chang 'thung / sha zo/ g.yem dar rgyas par shod cig ces so/ / bdud kyi stobs kyi phyir mi dag kyang sdud do/ /mi dag kyang the tshom dang skur ba mi 'debs te/ sems la yid dwags ring du zhugs so/ /bar bar ni/ skyag pa za/ gcin 'thung yang </font><hr>421b<br><font size=+1>


sha chang dang mtshungs so/ /de dag thams cad stong par ro gcig ces nas sangs rgyas kyi tshul khrims dang 'dul ba bshig go /gcig tu ma nges pa'i mi dag sdig nang du'ang btsud de/ de ni/ yang dag pa'i gral stor nas gol ba'i log par ltung ngo / /rigs kyi bu dag ting nge 'dzin gyi nang nas gzugs kyi phung po ni/ zhi/ tshor ba'i phung po ni/ gsal zhing byang ba las 'da' zhing stong bar snang ba'i sems 'dus pa'i nang du zab tu zhen pas/ yud tsam zhig dpag tu med pa'i srid pa'i sems skyes nas sred pa'i mthar phyin pas smyos su cha ste/ nyid du g.yem pa spyod do| |de'i ming ni/ ting nge 'dzin gyi ltas bde bar 'phrod pa sems kyi nang du zhen te shes rab med pas rang la skyabs med de/ mi dag kyang g.yem pa spyod du btsud do/ /de la tshor ba ni/ nyes pa med de/ 'phags par gyur pa ni/ ma yin no/ /de la 'phags pa tsam du sems na/ 'dod chags kyi bdud sems kyi khong du zhugs te 'dod chags kyi phyogs ni/ byang chub kyi lam yin par ston te/ khyim bdag dang mtshungs par g.yem par spyod cig /g.yem par spyod pa de ni/ chos kyi bu 'dzin pa yin no/ /zhes ston to/ /lha ma yin gyi stobs kyis phyi ma'i dus na ma rabs glen pa'i grangs ni/ brgya'am/ de bzhin du nyis brgya'am/ sum brgya'am/ bzhi brgya'am/ lnga brgya'am/ drug brgya'am/ mang po stong khri'i bar dag la'ang ston te/ de </font><hr>422a<br><font size=+1>


@#/ /nas yang mi de la bdud skyo zhing chog pa'i sems skyes nas lus las bral ba dang / gzi brjid med par gyur nas rgyal po'i gyod la thogs so/ /sems can dag the tshom bskur te mtshams med pa'i sems can dmyal bar ltung bar byed do/ /de rnam pa bcu ni/ ting nge 'dzin gyi snga ltas yin te/ 'di kun ni/ tshor ba'i phung po yin no/ /de dag ni| sgom pa nor ba las de'i phyir 'di 'dra bar 'gyur te/ pho theg can gyi skye bo rnams la bslangs nas bdag rang gi nyams drod ma zin te/ rgyu rkyen de lta bu dang phrad nas 'khrul pa rang gis ma shes te bdag la 'phags pa'o snyam du sems pa de ni/ rdzun chen por 'gyur te/ mtshams med pa'i sems can dmyal bar ltung ngo / /khyed la sogs pa de bzhin gshegs pa'i bka' 'khyer te nga 'das pa'i phyi na sems can thams cad la khyad par man ngag gzhag cing 'di'i don ston to/ /tshor bar gyis shig /lha'i bdud kyis skabs mi rnyed par gzungs su bzung ste gdams shing bsrungs na/ bla na med pa'i lam 'grub bo/ /dga' bo/ rigs kyi bu dag ting nge 'dzin bsgoms pas tshor ba'i phung po zad nas zag pa med pa ma zad mod kyi/ sems lus dang bral ma thag tu bya skon pa nas phyung pa dang mtshungs te/ de lta bu 'byor grub na/ ma rabs kyi lus las bla ma'i byang chub kyi </font><hr>422b<br><font size=+1>


'phags pa'i gral drug cu'i bar du yid kyi lus thob ste/ 'gro ba dang 'ong ba la thogs pa med do/ /dper na/ mi la la zhig gnyid kyis log pa las ma sad par rmi la go rim bzhin smra mod kyi| de'i don rang gis mi shes kyang su dag ma log pa'i de'i sa ni/ tshig kun go ste/ de'i ming ni/ 'du shes kyi phung pos bsgribs pa'o/ /g.yo ba'i mtshan ma de zad na/ spros pa kun zhi zhing byang ste tshor zhing gsal bas sems kyi dri ma'i gos pa phyis pa dang mtshungs so/ /'khor ba gcig pu'i skye shi'i mgo mjug tu khyab par bltas na/ de'i ming ni/ 'du shes kyi phung po zad pas de ni/ nyon mongs pa'i snyigs ma las 'das pa'o/ /de ni/ don la brtags pa thogs pa med par zhi ba'i sgyu ma'i 'du shes kyi rtsa ba'i phyir ro/ /dga' bo/ rigs kyi bu dag tshor ba'i phung po stong zhing zab par log pa'i khrin la ma thogs par bag byed pas ting nge 'dzin gsal brgyas pa byung ba las sang nge ba'i ting nge 'dzin rgyas pa la sems sred cing / dge ba'i bzo la sems 'dod cing tshol lo/ /de'i tshe lha'i bdud kyis skabs rnyed nas nam mkha'i lhar rdzu bas mi de la zhugs te/ ngag gis mdo sde dang / chos bshad pa dang / mi des ma tshor te bdud kyis bslus pa la bdag gis bla na med pa'i mya ngan las 'das pa thob bo snyam du sems so/ /rigs kyi bu shes kyi khe 'dod pa'i gang du </font><hr>423a<br><font size=+1>


@#/ /'ongs nas gding ba bting ste chos 'chad cing sems kyi skad cig tsam bar bar ni/ dge slong gi lus su sprul to/ /mi gzhan gyis mthong bar byed do/ /bar bar ni| brgya byin du sprul/ bar bar ni/ bud med du sprul/ bar bar ni/ dge slong mar sprul/ bar bar ni/ khang pa mun nag gi nang du nyal te lus la 'od 'gyed/ bar bar ni/ byang chub sems dpa' sprul te gleng zhing 'khrul pa'i mis mthong na/ de yid ches par byed do/ /mi des ni/ sems yal bar btang ste sangs rgyas kyi tshul khrims bshig nas lkog tu g.yem pa byed/ ltas ngan gyi gtam smras pa'ang de bzhin du khyim pa'i nor phyugs dag kyang so sor med par 'gyur ro/ /bar bar ni/ sangs rgyas zhing khams che ge mo zhig tu gshegs so| |zhes lung ston/ bar bar ni/ me'i bskal pa 'byung ngo / /zhes 'chad/ bar bar ni/ mtshon cha'i bskal pa 'byung ngo / /mi dag la 'jigs skrag par byed do/ /de mi srid pa'i yi dwags de rgas pa dang bdud du gyur pa'i/ /de nas mi de las skyo ba dang / chog shes pa'i sems skyes nas lus las bral ba dang / mkhan po dang slob mar bcas te rgyal po'i gyod la thogs so/ /khyod 'khor ba la ma 'jug par sngar tshor bar gyis shig /'khrul cing bslus par mi shes na/ mtshams med pa'i sems can dmyal bar ltung ngo / /dga' bo/ </font><hr>423b<br><font size=+1>


rigs kyi bu dag tshor ba'i phung stong zhing ba par log pa'i khrin la ma thogs par bag byed pas ting nge 'dzin gsal ba byung ba las ting nge 'dzin gyi nang nas 'grub pa med par sems g.yel bar btang ste 'phyar zhing 'khyams nas 'dod chags skyes te/ de'i tshe lha'i bdud kyis glags rnyed nas nam mkha'i lhar rdzu bas mi de la zhugs te/ ngag gis mdo sde dang / chos bshad pa dang / mi des mtshor te bdud kyis bslus pa la bdag gis bla na med pa'i mya ngan las 'das pa thob bo snyam du sems te/ rigs kyi bu dag khyab par 'dod pa'i thad du 'ong nas gding ba bting ste chos bshad nas bdag gi lus nyid ma gyur kyang gzhan chos nyan pas rin po che'i pad+ma'i steng du 'dug par mthong ngo / /chos nyan pa so so dag gis kyang lus thams cad gser gyi kha dog tu gyur pa sngon ma mthong ba mthong ste/ mi de dag ni/ glen zhing 'khrul pa'o/ /bar bar ni/ byang chub sems dpa'i gzugs su sgyur to/ /g.yem pa'i sems por ste sangs rgyas kyi tshul khrims bshig /lkog tu g.yem pa'i 'dod chags spyod cing / ngag gis 'di lta bu dag smras te/ sangs rgyas thams cad 'jig rten du gshegs so/ /che ge mo zhig gi gnas na che ge mo zhig gi mi zhig sangs rgyas yin te/ sku sprul nas 'dir gshegs so/ /che ge mo'i mi dag ni/ che ge mo'i byang chub sems dpa' rnams yin te/ sprul nas </font><hr>424a<br><font size=+1>


@#/ /'jig rten du gshegs so/ /zhes ma 'phrigs par log par ston par byed do/ /mi dag gis mthong ba dang gdung ba skyes so/ /de'i phyir ye shes kyi 'bras bu ni/ 'gag cing nub bo/ /de'i ming ni/ mig 'phrul byed pa'i yi dwags rgas te bdud du gyur nas mi de la gnod pa byed do/ /de nas mi de la skyo ba dang chog pa'i sems skyes nas mi de'i lus dang bral ba dang / mkhan po dang slob mar bcas te rgyal po'i gyod la thogs so/ /khyod 'khor ba la ma 'jug par sngar tshor bar gyis shig /'khrul cing bslus par mi shes na| mtshams med pa'i sems can dmyal bar ltung ngo / /rigs kyi bu dag yang tshor ba'i phung po stong zhing zab bar log pa'i khrin la ma thogs par bag byed pas ting nge 'dzin gsal ba rgyas par 'byung ba las sred pa'i sems kyi rlabs gzhol bar 'khrul pa'i 'du shes kyis chags pas 'dod cing tshol ba la sbyor ro/ /de'i tshe lha'i bdud kyis glags rnyed nas nam mkha'i lhar rdzu bas mi de la zhugs te/ ngag gis mdo sde dang / chos 'chad pa dang / mi des ma tshor nas bdud kyis bslus pa la bdag gis bla na med pa yang dag pa'i mya ngan las 'das pa thob bo snyam du sems so/ /rigs kyi bu dag shes kyi khe 'dod cing tshol ba'i gan du 'ongs nas gding ba bting ste chos bshad pa dang / </font><hr>424b<br><font size=+1>


rang gi lus dang chos nyan pa'i mi dag kyang phyi'i gzugs med par chos nyan pa rnams chos ma thos pa'i sngon logs su rang gis rig ste sems zhes bya'o/ /yud tsam la sems 'gyur te/ bar bar ni/ tshe snga phyi dran no/ /bar bar ni/ phyi rol gyi sems lta shes/ bar bar ni/ sems can dmyal ba mthong / bar bar ni/ mi'i khams kyi legs nyes shes/ bar bar ni| tshigs bcad smra/ bar bar ni/ bdag rang kha ton byed pa dang / so so na dga' ches nas yod ma myong thob bo/ /zhes zer ro/ /bar bar ni/ byang chub sems dpa'i gzugs su sgyur te| de ni/ blun zhing 'khrul pas chags shing sred pa'i sems skyes nas sangs rgyas kyi tshul khrims ni/ bshig/ lkog na g.yem pa spyod/ tshig tu 'di skad smra ste/ sangs rgyas chen po'o/ /sangs rgyas chung ngu'o/ /sangs rgyas snga ma'o/ /sangs rgyas phyi ma'o/ /de'i nang na'ang yang dag pa'i sangs rgyas/ sgyu ma'i sangs rgyas/ skyes pa'i sangs rgyas/ bud med kyi sangs rgyas so/ /byang chub sems dpa' la'ang de bzhin te/ mi dag gis de mthong ba dang / snga ma'i sems ni/ gyur cing 'phos nas log par lta ba'i nang du zhugs so/ /de'i ming ni| sems sgyur shes pa'i yi dwags rgas pa dang bdud du gyur te mi da la gnod par byed de/ de nas mi de la skyo zhing / chog pa'i sems skyes nas lus las bral ba dang / mkhan </font><hr>425a<br><font size=+1>


@#/ /po dang slob mar bcas te rgyal po'i gyod la thogs so/ /khyod 'khor ba la ma 'jug par sngar tshor bar gyis shig /'khrul zhing bslus par mi shas na/ mtshams med pa'i sems can dmyal bar ltung ngo / /rigs kyi bu dag yang tshor ba'i phung po ni/ stong zhing zab par log pa'i khrin la ma thogs par bag byed pas ting nge 'dzin gsal ba rgyas pa byung ba las/ sems can gyi phyi ma'i rtsi ba la sred de/ thog ma dang tha mar sems dang zhing rno ba'i bye brag 'byed pa tshor ba'i 'dod chags skyes so| |de'i tshe lha'i bdud kyis skabs rnyed nas nam mkha'i lhar rdzu bas mi de la zhugs te/ ngag gis mdo sde dang / chos bshad pa dang / mi des ma tshor te bdud kyis bslus pa la bdag gis bla na med pa'i mya ngan las 'das pa thob bo snyam du sems te/ rigs kyi bu bye brag 'byed pa'i tshol ba'i thad du 'ongs te gding ba gting nas chos bshad pa dang / lus gzi brjid can du gyur te/ dad cing 'ongs pa dag ni/ zhi zhing dul nas de dag 'khod pa'i rnams chos thos mod kyi/ zhi zhing dul lo/ /mi de dag gis kyang sangs rgyas so snyam mam/ mya ngan las 'das pa dang / byang chub dang / chos kyi 'di yin no snyam du sems so/ /bdag gi sha lus ni/ pha'i pha/ bu'i bu gcig la gcig skyes pa ni/ </font><hr>425b<br><font size=+1>


chos kyi phung po'i sku yin te/ rnam par ma chad pa ni/ 'di dag kun bas de nyid sangs rgyas kyi khams yin no/ /kun pas sangs rgyas kyi zhing dang gser gyi kha dog lta bu mang ngo / /zhes smras pa dang / mi dag gis yid ches par bzung nas snga ma'i sems ni/ stor cing brjed nas srog lus de brten te yong ma myong ba thob bo/ /zhes so/ /de dag la sogs pa ni/ blun zhing 'khrul pas/ bar bar ni/ byang chub snyam nas bdag gi sems brjed de stor nas sangs rgyas kyi tshul khrims ni/ bshig /lkog na g.yem pa spyod do/ /ngag gis sred pa smra ste/ mig dang / rna ba dang / sna dang / lce kun sangs rgyas kyi zhing yin no/ /pho mtshan dang / mo mtshan ni/ byang chub kyi lam yin te/ yang dag pa'i mya ngan las 'das pa ni/ lus kyang mi shes so/ / zhes sme ba'i tshig smras pa dang / de la yid ches pa skyes so/ /de'i ming ni/ sprul dug can gyi yi dwags rgas nas bdud du gyur pa'o/ /de nas mi de la skyo ba dang / chog pa'i sems skyes nas mi de'i lus dang bral ba dang / mkhan po dang slob mar bcas te rgyal po'i gyod la thogs so/ /khyod 'khor bar ma 'jug par sngar tshor bar gyis shig dang / 'khrul cing bslus par mi shes na/ mtshams med pa'i sems can dmyal bar ltung ngo / /rigs kyi bu dag yang tshor ba'i phung po ni/ stong zhing zab bar log pa'i khrin la ma thogs par bag byed pas </font><hr>426a<br><font size=+1>


@#/ /ting nge 'dzin gsal ba rgyas pa byung ba las lhun gyis ltas 'byung ba khyab par sbyong zhing dang ba nas sems sred cing glo bur gyi mngon rtags tshol bar 'dod do/ / de'i tshe lha'i bdud kyis skabs rnyed nas nam mkha'i lhar rdzu bas mi de la zhugs te/ ngag gis kyang mdo sde dang / chos zab mo 'chad pa dang / mi des ma tshor nas bdud kyis bslus pa las bdag gis bla na med pa'i mya ngan las 'das pa thob po snyam du sems te/ rigs kyi bu dag glo bur gyi mngon rtags tshol ba'i gan du 'ongs nas gding ba bting ste chos bshad pa dang / nyan pa dag la sems kyi skad cig tsam zhig lus bstan nas lo brgya stong du 'grogs pa dang 'dra bar chags te 'bral zhing gtong mi phod do/ /lus kyang bran g.yog dang mtshungs par byed cing 'tsho ba rnam bzhis mchod de ngal zhing skyo ba'i sems mi skye'o/ /so so rang rang gi sngon gyi mkhan po dang / dge ba'i bshes gnyen no snyam du'ang sems so/ /yang chos la sred pa'i sems kyang skyes te/ de la chags pa'i sbyin pa dang bse rtsi 'dra ste/ yong ma myong ba thob bo/ /zhes nas blun zhing 'khrul pa'i mi de dag ni/ sems de la brten cing bsnyen nas sangs rgyas kyi tshul khrims sdom pa'ang bshig ste/ lkog na g.yem pa spyod/ ngag gis 'di skad smras te/ bdag ni/ tshe snga ma la che ge mo zhig tu </font><hr>426b<br><font size=+1>


skyes so/ /che ge mo zhig gi sems can bsgral to/ /de'i tshe na bdag gi chung ma chen chung dang / phu nu bo dag khyed dang 'grogs te 'dir 'ongs so/ /che ge mo zhig gi khams su che ge mo zhig gis sangs rgyas la mchod pa byas kyang 'od chen gnas na sangs rgyas bzhugs te/ de de bzhin gshegs pa thams cad gnas pa'i sa yin no/ /zhes smras pa dang / mi dag gis ma tshor nas bslus pa la yid ches te snga ma'i sems stor to/ /de ni/ rims nad kyis yi dwags rgas pa dang bdud du gyur pa ste/ mi de la gnod pa byed do/ /de nas mi de la skyo zhing chog pa'i sems skyes nas mi de'i lus las bral ba dang / mkhan po dang slob mar bcas te rgyal po'i gyod la thogs so/ /khyod 'khor ba la ma 'jug par sngar tshor bar gyis shig/ 'khrul cing bslus par mi shes na/ mtshams med pa'i sems can dmyal bar ltung ngo / /rigs kyi bu dag tshor ba'i phung po stong zhing zab par log pa'i khrin la ma thogs par bag byed pas ting nge 'dzin gsal ba rgyas pa byung ba las sems zab mo la 'jug par sred de lhag par 'grus shing phung po zhi ba la sred/ dang ba la gnod cing tshol ba'i sems skyes so| |de'i tshe lha'i bdud kyis skabs rnyed nas nam mkha'i lhar rdzu bas mi de la zhugs te/ ngag gis mdo sde dang / chos bshad pa dang / mi des ma tshor te bdud kyis bslus </font><hr>427a<br><font size=+1>


@#/ /pa la bdag gis bla na med pa'i mya ngan las 'das pa thob bo snyam du sems so/ /rigs kyi bu dag dang ba 'dod cing tshol ba'i gan du 'ongs nas gding ba bting ste chos bshad pa dang / chos nyan pa'i mi dag kyang so so nas phyin phyin par brtson zhing 'grus so/ /'khor de'i nang nas mi zhig la smras pa/ khyod ma shi bar byol song gi lus thob bo/ /yang mi zhig la bsgo ba/ khyod song la de'i mjug ma la rdzis shig ces byas pa dang / mi de'ang ldang mi nus so/ /de'i 'khor thams cad kyis gus pa'i sems bskyed nas rang dul zhing zhi'o/ /mi de dag gi sems lta'ang nus so/ /sangs rgyas kyi tshul khrims bshig /dka' thub bskyed/ dge slong la skur pa 'debs/ dge 'dun la kha zer/ mi dag la klan ka tshol/ 'dzem pa'i bag med/ ltas bzang ngan dag ngag gis smras nas chung ngu skra nyag ma tsam yang mi nor bar dus bzhin du 'gyur te/ de ni| stobs po che'i yi dwags rgas pa dang bdud du gyur te mi de la gnod par byed do/ /de nas mi de la skyo zhing chog pa'i sems skyes nas de'i lus las bral ba dang / mkhan po dang slob mar bcas te rgyal po'i gyod la thogs so/ /khyod 'khor ba la ma 'jug par sngar tshor bar gyis shig /'khrul cing bslus par mi shes na/ mtshams </font><hr>427b<br><font size=+1>


med pa'i sems can dmyal bar ltung ngo / /yang rigs kyi bu dag tshor ba'i phung po stong zhing zab par log pa'i khrin la ma thogs par bag byed pas ting nge 'dzin gsal ba rgyas pa byung ba las ma mthong ba dang / ma thos pa la sems sred cing / dka' thub dang / snga phyi'i dran pa 'dod cing tshol lo/ /de'i tshe lha'i bdud kyis skabs rnyed nas nam mkha'i lhar rdzu bas mi de la zhugs te/ ngag gis mdo sde dang / chos bshad pa dang / mi des ma tshor nas bdud kyis bslus pa las bdag gis bla na med pa'i mya ngan las 'das pa thob bo snyam du sems so/ /rigs kyi bu dag snga phyi dran pa'i 'dod pa'i thad du 'ongs nas gding ba bting ste chos 'chad do/ /mi des sems kyi skad cig tsam zhig chos bshad pa'i gan du bar bar ni| bdud byed do/ /byol song du sprul te nor bu rin po che dag blangs nas nor bu dag sos 'dzin/ nor bu sna tshogs gzhan yang de bzhin 'dzin/ bar bar ni/ lus bsgyur te nor bu sna tshogs gzhan yang mi dag la sbyin par byed cing slar yang khong du zhugs so/ /bar bar ni/ mi dag sa'i 'og tu khrid de nor bu rin po che bstan nas rin po che zla 'od 'bar ba snang ste| chos nyan pa rnams kyang yong ma myong ba thob bo/ /zhes zer ro/ /sman dang rtswa sna tshogs mang du za ste/ kha zas bzang po ni/ mi za'o/ /bar bar ni/ nas 'brum bu gcig dang / </font><hr>428a<br><font size=+1>


@#/ /gso ma 'brum bu gcig zos kyang bdud kyi stobs kyi phyir lus tshon por gyur to/ /dge slong la skur ba 'debs/ dge 'dun la kha ngan zer yang gzhan dag gis dpyas su bya bar mi dogs so/ /yul khams gzhan gyi rin po che'i 'byung gnas dang / phyogs bcu'i 'phags pa rnams lus sbas pa'ang ston cing smra'o/ / bar bar ni/ 'grogs pa'i mis kyang ngo mtshar che ba'i mi dag mthong ste/ de'i ming ni/ ri'i shing khrod dang / sa dang / yul dang / mkhar dang / btson ra'i yi dwags rnams rgas te bdud du gyur pa'o/ /bar bar ni/ g.yem pa spyod cing sangs rgyas kyi tshul khrims dang 'dul ba bshig /mi dag kyang g.yem pa spyod du btsud do/ /brtson 'grus bskyed de rtswa dang shing za zhing gcig tu ma 'chad pa'i las dag kyang byed do/ /mi de la gnod par byed do/ /de nas mi de la skyo ba dang / chog pa'i sems skyes na ba lus las bral ba dang / mkhan po dang slob mar bcas te rgyal po'i chad pa la thogs so/ /khyod 'khor ba la mi 'jug par sngar tshor bar gyis shig /'khrul cing bslus par mi shes na/ mtshams med pa'i sems can dmyal bar ltung ngo / /yang rigs kyi bu dag tshor ba'i phung po ni/ stong zhing zab par log pa'i khrin la ma thogs par bag byed pas ting nge 'dzin gsal ba rgyas pa </font><hr>428b<br><font size=+1>


byung ba las rdzu 'phrul sna tshogs byed pa la'ang sems sred de/ yun ring du sbyangs na mthu stobs thob par 'dod do/ /de'i tshe lha'i bdud kyis glags rnyed de nam mkha'i lhar rdzu bas mi de la zhugs nas ngag gis mdo sde dang / chos bshad pa dang / mi nges ma tshor te bdud kyis bslus pa la bdag gis bla na med pa'i mya ngan las 'das pa thob bo snyam du sems so/ / sbrul 'dod pa'i rigs kyi bu dag gi thad du 'ongs nas gding ba bting ste chos bshad nas mi dag gi lag pas mi de'i 'od 'dzin du bcug ste 'od des chos nyan pa sde bzhi'i mgo'i steng du gtod pa dang / chos nyan pa de dag gi mgo'i steng du 'od kha dog du mar 'bar yang tsha ba'i rang bzhin yang med/ tshig pa'ang med do/ /bar bar ni/ chu'i steng na sa la 'gro ba bzhin du 'gro'o/ /bar bar ni/ nam mkha' la mi g.yo bar 'dug go /bar bar ni/ ril ba'i nang dang rkyal ba'i nang du'ang 'dug go /bar bar ni/ rtsig pa la'ang thogs pa med par 'gro ste| mtshon cha dang dmag la rang dbang thob bo/ /bdag nyid sangs rgyas yin no/ /zhes smras te/ gos skya bo lus la gyon nam/ dge slong dag phyag 'tshal du 'jug /bsam gtan dang / tshul khrims la ni/ skur ba 'debs/ dge 'dun la ni/ kha ngan zer/ mi dag la klan ka tshol yang gzhan gyis dpyas su bya bar mi dogs te/ tshig tu ni/ rdzu 'phrul gyi dbang </font><hr>429a<br><font size=+1>


@#/ /gi gtam dag smra'o/ /bar bar ni/ mi dag la sangs rgyas kyi zhing mthong bar ston te/ de ni/ yi dwags kyis byin gyis brlabs te bde ba ma yin no/ /g.yem pa spyod pa la bstod/ kha na ma tho ba'i sdig chen po yang mi 'dzem ste/ mi tshangs par spyod pa la chos gtams pa yin no/ /zhes zer te/ de'i ming ni/ nam mkha' dang sa'i lha mthu bo che dang / ri'i lha dang / mtsho'i lha dang / rlung gi lha dang / chu klung gi lha dang / sa rdo'i lha dang / rtswa dang / rtsi dang / shing thams cad kyi lha dang / bskal pa brtsegs pa'i lha dang / sems sgyur ba'i lha dang / sems sgyur ba'i klu 'brug dang / drang srong tshe ring po tshe zad nas yi dwags su gyur pa dang / drang srong tshe zad pa lo grangs kyis 'chi ba la thug pa lus ma brjes pa dang / gud nas ltas ngan gyi yi dwags rnams de'i khong du zhugs te rgas zin nas bdud du gyur te mi de la gnod par byed do/ /de las skyo ba dang / chog pa'i sems skyes nas lus dang bral ba dang / mkhan po dang slob mar bcas te rgyal po'i gyod la thogs so/ /de bas na/ khyod 'khor ba la ma 'jug par sngar tshor bar gyis shig /'khrul cing bslus par mi shes na/ mtshams med pa'i sems can dmyal bar ltung ngo / /yang rigs kyi bu dag tshor ba'i phung po stong zhing zab par log pa'i </font><hr>429b<br><font size=+1>


khrin la ma thogs par bag byed pas/ ting nge 'dzin gsal ba rgyas pa byung ba las log par 'jug pa la sred cing tshol te yun ring du sbyor zhing stong pa zab mo'i rang bzhin la 'jug ste/ de la 'dod cing tshol lo/ /de'i tshe lha'i bdud kyis glags rnyed de nam mkha'i lhar rdzu bas mi de la zhugs te tshig gis mdo sde dang / chos bshad pa dang / mi des ma tshor te| bdud kyis bslus pa la bdag gis mya ngan las 'das so snyam du sems so/ /rigs kyi bu dag 'gog pa sred pa'i thad du phyin nas gding ba bting ste chos bshad nas 'khor mang po'i nang du bdag gi lus sems kyi skad cig tsam zhig stong par gyur te/ 'khor gyis mi mthong bar byed/ yang stong pa'i nang nas sems kyi skad cig tsam gyis byung ste/ 'byung ba dang / nub par byed pa'i dbang thob bo/ /bar bar ni/ lus bai DUR+Ya lta bur ston/ bar bar ni/ lag pa thur du dpyangs te tsan+dan gyi dri 'byin/ bar bar ni/ phyi sa che chung yang khar stug po dang 'dra'o/ /tshul khrims dang 'dul ba la'ang skur ba 'debs shing rab tu byung ba la brnyas shing tshod 'dzin to/ /tshig tu ni/ rtag par rgyu med 'bras bu med de/ lan gcig shi nas yun du med de yang srid phyi ma dang / 'phags pa dang / sems can gyi lus kyang med do/ /zhes smra'o/ /stong zhing dag pa ma thob mod kyi/ lkog na mi tshangs par spyod </font><hr>430a<br><font size=+1>


@#/ /cing g.yem pa spyod do/ /yang stong pa'i sems thob ste/ rten cing 'brel par 'byung ba med do/ /zhes smra'o/ /de'i ming ni/ nyi zla sgrib par byed pa'i lha ma yin sgra gcan dang / gser dang / shel dang / bkra shis kyi rtswa dang / gyi ling dang / rus sbal dang / gzhan lo stong khri lon pa'i tshe ring po lha ma yin du gyur pa de yul khams su skye zhing 'byung ba rgas pa dang bdud du gyur nas mi da la gnod par byed do/ /de nas mi de las skyo zhing chog pa'i sems skyes nas de'i lus dang bral ba dang / mkhan po dang slob mar bcas te rgyal po'i gyod la thogs so/ /khyod 'khor ba la ma 'jug par sngar tshor bar gyis shig /'khrul cing bslus par mi shes na/ mtshams med pa'i sems can dmyal bar ltung ngo / /rigs kyi bu dag tshor ba'i phung po stong zhing zab par log pa'i phrin la ma thogs par bag byed pas/ ting nge 'dzin gsal ba rgyas pa 'byung ba las sems la tshe ring por sred pa'i sems skyes te/ yun ring du tshe ring ba tshol zhing sred de phung po'i yan lag bor nas gcig car tshe la rang dbang gis lus thob cing phra ba'i gzugs rtag par 'gyur du re'o/ /de'i tshe lha'i bdud kyis glags rnyed na/ nam mkha'i lhar rdzu bas mi de la zhugs te tshig gis mdo sde dang / chos bshad pa </font><hr>430b<br><font size=+1>


dang / mi des bdud kyis bslus par ma tshor nas bdag gis bla na med pa'i mya ngan las 'das pa thob bo snyam du sems so/ /rigs kyi bu tshe ring bar 'dod pa'i thad du phyin te gding ba bting nas chos 'chad cing 'di skad du smras te/ khams gzhan du'ang thogs pa med par 'gro'o/ /bar bar ni/ dpag tshad khri'i bar du phyin to/ /dbugs gang tsam gyis slar 'khor to/ /khams gzhan nas nor blangs te khyer zhing 'ong ngo / /bar bar ni/ khyim gcig na lhan cig 'dug pa dag la'ang gom pa 'ga' tsam la yang shar phyogs kyi rtsig drung nas nub phyogs kyi rtsig pa'i bar du mgyogs par song yang lo du mar yang mi phyin par byed do/ de'i phyir sems can dag yid ches par byed de/ yid ches nas de nyid sangs rgyas yin no snyam du sems so/ /tshig tu ni/ phyogs bcu'i sems can thams cad nga'i bu yin/ bdag las sangs rgyas thams cad skyes/ nga'i 'jig rten du byung / nga ni| ye nas sangs rgyas pa yin te 'jig rten du 'byung mod kyi/ 'dus byas las skyes pa ma yin no/ /zhes zer te/ de'i ming ni/ 'jig rten gyi rang dbang can gyi lha'i bdud yin te| rang gi gnyen bshes kyang las byed du bcug nas tsa mun tsha'i yi dwags mo dang / phyogs bzhi'i rgyal po dang / sha za'i bu dang 'dra ste/ sus byang chub tu sems bskyed pa dang / </font><hr>431a<br><font size=+1>


@#/ /ting nge 'dzin dang bral ba'i mi dag gi khu chu 'thung ngo / /bar bar ni/ ston pa'i mkhan po med pa rang dge ba'i spyod pa dag gis mthong ba dang / nga ni/ rdo rje 'chang ba yin te/ khyod la tshe ring bar bya'o/ /zhes smra'o/ /ched 'ga' ni/ bud med bzang mor sprul te g.yem pa rgyas par spyad nas lo mang po ma lon par glan pa dang mchin pa bskams so/ /rang gcig pu'ang smra bar byed do/ /mi dag dang phrad de gtam byas nas glen par 'gyur bar byed/ mi'i sems sgyur zhing mi dag la gnod pa byed do/ /de dag gis ma tshor nas rgyal po'i gyod la thogs so/ /'chi bar tshe dus la ma bab par bskams te 'chi'o/ /glo bur du'ang 'chi bar 'gyur ro/ /khyod 'khor ba la ma 'jug par sngar tshor bar gyis shig /'khrul cing bslus par mi shes na/ mtshams med pa'i sems can dmyal bar ltung ngo / /dga' bo/ bdud de rnams bcu ni/ ma 'ongs pa'i dus kyi tshe nga'i gsung rab las rab tu 'byung ste/ chos kyi lam sgrub pa'i mi'i sems kyi nang du 'jug par byed do/ /res 'ga' ni/ rang mngon par ston par mi dag la 'di skad du smra'o/ / yang dag par khyab par shes par tshor ro/ /g.yem pa spyod pa la bstod cing sangs rgyas kyi tshul khrims 'jig ste/ sngar ni/ mkhan pos bslus/ phyis ni/ slob mas bslus te </font><hr>431b<br><font size=+1>


g.yem pa spyod cig par gcig gis gcig 'dogs par byed do/ /de ltar lha ma yin yang sgyur zhing sems kyi khong du 'jug ste/ nye na tshe rabs dgu /ring na tshe rabs brgya'i bar du dge ba spyed cing bdud kyi gnyen bshes su 'gyur ro/ /de nas tshe brjes nas bdud kyi bran du 'gyur ro/ /de nas kyang yang dag par khyad par shes pa'i gral stor nas mtshams med pa'i sems can dmyal bar ltung ngo / /khyod zag pa zad pa thob kyang zhi ba'i 'gog pa'i nang du mi 'jug par sngon gyi smon lam ma btab par phyi ma'i dus ngan pa'i phyi ma'i tshe snying rje chen po bskyed de yang dag par dad pa'i sems can rnams grol zhing thar par gyis shig /bdud kyis mi tshugs par yang dag par shes shing thob par gyis shig /ngas khyod skye shi las thar cing grol bar byas so/ /da khyed sangs rgyas kyi bka' btsun par byos shig dang / de ni/ sangs rgyas la lan ldon pa yin no/ /dga' bo/ de rnam pa bcu ni/ ting nge 'dzin gyi snga ltas yin te/ 'di kun ni/ 'du byed kyi phung po yin no/ /de dag ni/ sgom pa nor ba las de'i phyir 'di 'dra bar gyur te/ pho theg chen gyi skye bo rnams bslad nas rang gi nyams drod ma zin te/ rgyu rkyen de lta bu dang phrad nas 'khrul bar rang gis ma shes te bdag 'phags pa'o snyam du sems pa de ni/ rdzun chen por 'gyur te/ mtshams med pa'i sems can dmyal bar ltung ngo / /khyed la </font><hr>432a<br><font size=+1>


@#/ /sogs pas nga mya ngan las 'das pa'i phyin de bzhin gshegs pa'i bka' phyi ma'i dus kyi tshe sems can no cog la khyab par man ngag gzhag cing 'di'i don ston to/ /tshor bar gyis shig /lha'i bdud kyis skabs mi rnyed par gzungs su zungs shig /gdams shing bsrungs na bla na med pa'i lam 'grub bo/ /bam po gnyis pa ste tha ma/ dga' bo/ rigs kyi bu ting nge 'dzin la mnyam par bzhag pas 'du shes kyi phung po zad pa'i mi de la ni/ rmi lam gyi 'du shes rtag par snyoms par 'gags nas sad pa dang gnyid log par rtag tu gcig ste/ tshor ba gsal bas stong zhing dang ngo / /dper na/ nam mkha' dang bral/ sprin stug po chen po dag gis khebs pa med de| 'jig rten thams cad du bltas na sa chen po dang / chu chen po dang / mi dag kyang me long gi nang du 'dus par snang bzhin du gzugs brnyan 'byung ba na'ang gos pa med| nub pa na'ang gyur pa med do/ /stong pa'i len par snang ba la brtags na sngon gyi bag chags te/ skye shi'i rtsa ba'i ngo bo nyid du rig nas btsal du mi rnyed de/ dang ba de kho na dang ro gcig go /phyogs bcu thams cad rigs bcu gnyis las skyes pa'i skye bo rnams kyis don ma rtogs mod kyi/ yun ring du bsgoms na so so na don khong du chud par </font><hr>432b<br><font size=+1>


'gyur te/ dper na/ rkyang dang 'dra bar khad kyis 'dul lo/ /de'i ming ni/ 'du byed kyi phung pos bsgribs pa'o/ /de ltar dang ba las rnyog pa de bags kyis dang bzhin ngo bo nyid la zhugs te| gcig dang na bag chags med do/ /dper na/ chu rnyog pa can las dang ste sangs na/ dang ba zhes bya ste/ de'i ming ni/ 'du byed kyi phung po zad nas mi des ni/ sems can gyi snyigs ma las 'das pa'o/ /don de la brtags na zab cing mi mthong ba'i phyir ro/ /dga' bo/ shes par byos shig /yang dag pa nyid chud cing mthong ste/ ting nge 'dzin du 'jug pa'i rigs kyi bu dag yang dag pa dmigs su med pa de nyid la bzhag na/ rigs kyi bu lha'i bdud kyang sems thag chod do/ /sbyangs shing dang ba thob nas rang gi rigs kyi rtsa ba shes te/ rigs de'i nang gi zab cing dad pa de brtags na/ nyon mongs pa'i 'khrul ba'i gzhi rgyu ba rgyas pa las rtogs pa skyes nas mi de ni/ rgyu med pa gnyis kyi nang du ltung ngo / /de la gcig ni| mi des rtsa ba'i gzhi'i rgyu mthong ste/ de ci'i phyir zhe na/ sems can gyi rtsa ba bshig pa thob na/ mig gi rtsa ba brgyad brgya'i bsod nams thob ste/ bskal pa brgyad khri tshun chad kyi sems can ci yod pa las 'khor te/ 'dir shi nas pha rol tu skyes te 'khor ba de nyid du sems can 'khor bas mthong ngo / /bskal pa brgyad khri tshun chad kyi mi snang ste/ bltar </font><hr>433a<br><font size=+1>


@#/ /med pas de lta bur shes so snyam du sems te/ 'jig rten 'di la sogs pa phyogs bcu'i sems can bskal pa brgya khri nas rgyu med par rang bzhin gyis yod do snyam du rtog pa'i phyir yang dag pa dam pa'i gral stor nas mu stegs kyi nang du ltung ste/ byang chub kyi ngo bo nyid ni/ nor to/ /gnyis ni/ mi des phyi ma'i rgyu med pa la bltas te/ de ci'i phyir zhe na/ mi des skye shi'i rtsa ba mthong ste/ mi ni/ mir skye bar shes/ bya ni/ byar skye bar rig /bya rog ni/ yongs nag/ gzhan ni/ yongs dkar/ lha dang mi ni| yongs kyis 'greng / byol song ni/ yongs kyis sgur/ dkar po ni/ bkrus te gyur pa yin/ nag po ni/ bcos pa las gyur pa yin te/ bskal pa brgyad khri'i bar du 'gyur ba med do/ /da ltar gyi dus 'di ma zad kyi bar du de bzhin no/ /ngas ni/ yongs nas byang chub mthong ste/ de ci'i phyir zhe na/ byang chub 'grub pa yod do/ /shes par gyis shig /de ring ci yod pa'i nor rdzas yod nas rgyu med pa'o/ /zhes de lta bu rtog pa'i phyir yang dag pa khyab pa'i shes pa stor nas mu stegs kyi nang du ltung ste/ byang chub kyi ngo bo nyid ni| nor ro/ /de'i ming ni/ rgyu med pa'i mu stegs can dang po'o/ /yang dga' bo/ rigs kyi bu dag ting nge 'dzin las mi dmigs pa'i yang dag pa nyid la mnyam par bzhag na/ </font><hr>433b<br><font size=+1>


bdud rnams sems thag chod do/ /rang gi rgyu ba'i rtsa ba'i shes te/ zab mo dang bde ba la brtags na rtag par rgyas pa'i nang nas sems can la tshod 'dzin te/ mi de ni/ rtag par khyab par lta ba bzhi'i nang du ltung ngo / /de la dang po ni/ des sems dang sems kyi yul gnyis nang nas rang bzhin du rgyu med kyang spyod pa'i che shes par 'gyur ro zhe na/ bskal ba nyi khri'i bar du phyogs bcu'i sems can ji snyed yod pa'i skye shi'i 'khor bar skye shi la 'khor te gyes shing stor ma myong bas de ni/ rtag pa snyam du sems so/ /de la gnyis pa ni/ mi des khams bzhi la bltas nas khams bzhi rang bzhin rtag par 'dug ste/ spyod cing sbyangs pa las shes par 'gyur ro/ /bskal ba bzhi khri'i bar du phyogs bcu'i sems can gyi skye shi ji snyed pa kun rtag ste gyes shing stor ma myong ste/ de ni/ rtag pa snyam mo/ /de la gsum pa ni/ mi des skye mched drug thams cad la bltas na/ 'jug pa'i yid kyi rnam par shes pa'i nang na thog ma nas gnas med de rang bzhin rtag pa'i phyir spyad cing sbyangs na gdod shes so/ /bskal pa brgyad khri'i bar du sems can thams cad 'khor te/ de ye nas rtag pa la gnas pas gyes shing stor ba ma myong ste/ de ltar rtag go snyam mo/ /de la bzhi pa ni/ mi des 'du shes kyi rtsa ba zad nas 'khor ba'i skye shi med de/ skye ba dang 'chi ba'i 'khor ba'i rgyu ba 'gog pa </font><hr>434a<br><font size=+1>


@#/ /dang 'du shes sems ni/ yong nas zad pas de ni/ yong nas med do/ /de'i 'don gyi nang na rang gi skye shi med par grub ste/ rtag go snyam du rtog pa'i phyir yang dag par shes pa'i gral stor nas mu stegs kyi nang du ltung ste/ byang chub kyi lam ni/ 'khrul to/ /de'i ming ni/ rtag par khyab pa'i mu stegs can gnyis pa'o/ /rigs kyi bu dag yang dag pa nyid la ting nge 'dzin la rtse gcig tu bar chad med na/ bdud kyi thabs kyis mi bslu'o/ /rang gi rtsa ba'i rgyu shes te/ zab mo dang bde ba las bstan nas rtag par bdag dang gzhan du rtog pa skyes te/ de ni/ phyin ci log bzhi'i nang na lhung nas kha cig ni/ mi rtag kha cig ni/ rtag par mthong ngo / /de la gcig ni/ mi des sems can gyi mthong ba la zhig tu bltas na/ phyogs bcu'i khams su ngas rtag par khyab ste yod nas mi g.yo snyam nas nga ni/ phyogs bcur khyab cing smad la mi g.yo/ /sems can thams cad nga'i nang nas rang skye/ rang 'chi ste/ nga'i rang bzhin ni/ rtag pa yin no/ /nga'i nang nas skye zhing 'chi ba de ni/ mi rtag pa'i rang bzhin snyam mo/ /de la gnyis pa ni/ mi de sems can la mi lta bar phyogs bcu'i khams la khyab par bltas na/ gang+gA'i klung gi bye ma snyed kyi 'jig rten gyi khams ni/ bskal bas 'jig pa'i gnas su mthong ste/ de ni/ yong </font><hr>434b<br><font size=+1>


nas mi rtag pa yin no/ /sna tshogs kyi rang bzhin gyi gnas skabs ma zhig pa de ni/ ye nas rtag pa snyam mo/ /gsum pa ni/ mi des sems can la bltas na/ nga dang zhing phra ba ni/ rdul phra mo dang 'dra ste/ phyogs bcu'i khams nas 'khor zhing rang bzhin la 'gyur ba med de/ lus de'ang skye'ang 'chi ste/ mi zhig pas nga'i rang bzhin rtag pa yin no/ /skye shi thams cad ni| nga las byung zhing rgyu ste/ rang bzhin rtag pa snyam mo/ /de la bzhi pa ni/ 'du shes kyi phung po ni/ zad par shes/ 'du byed kyi phung po ni/ rgyu bar mthong ste/ 'du byed kyi phung po ni| rtag par rgyu ste/ rtag par gnas pa'i rang bzhin yin no/ /gzugs dang / tshor ba dang / 'du shes la sogs pa ni/ bkag cing zad de/ de ni/ mi rtag pa yin no snyam du rtog ste/ rnam pa kha cig ni/ mi rtag pa snyam du sems pa de ni/ mu stegs can gyi nang du ltung nas byang chub kyi ngo bo nyid nor to/ /de'i ming ni/ rtag par lta ba'i mu stegs can gsum pa'o/ /yang rigs kyi bu dag ting nge 'dzin las yang dag pa nyid la rtse gcig tu bar chad med na/ bdud rnams sems thag chod do/ /rang gis sa'i nang nas rtog cing dmigs pa skyes nas mi de mtha' bzhir lhung ngo / /de las dang po ni/ mi des skye ba'i rtsa ba la sems chags nas rgyu ba'i spyod pa ma chad de/ 'das pa dang ma 'ongs pa'i ni/ mtha' yin te/ rgyun mi 'chad pa ni/ </font><hr>435a<br><font size=+1>


@#/ /mtha' dang bral bar sems so/ /gnyis pa ni/ mi des bskal ba brgyad khri'i bar du brtags na/ de phan chad ni/ sems can dag gis mthong ba dang / thos pa dang / shes pa'i gnas med de/ de ni/ mtha' dang bral ba yin no/ /sems can yod pa'i gnas ni/ mtha' yod pa snyam du sems so/ /gsum pa ni/ mi des nga ni/ khyab par shes te/ mtha' de bral ba'i rang bzhin thos nas sems can thams cad ni/ nga'i nang nas snang ngo / /sems can dag gis shes pa'i rang bzhin ni/ ngas kyang mi shes so| |zhes de'i phyir mtha' dang bral ba'i sems ma thob nas mtha' la gnas pa'i sems kyang yod pa snyam mo/ /bzhi pa ni/ 'du byed kyi stong ba nyid rjes bcad na/ sems can thams cad lus gcig gi nang nas phyed ni/ skye/ phyed ni/ 'chi'o snyam ste/ 'jig rten gyi nang na phyed ni/ mtha' yod/ phyed ni/ mtha' de dang bral bar rtog pa'i phyir mu stegs can mtha' yod pa dang / mtha' med par lta ba'i nang du ltung ste/ byang chub kyi ngo bo nyid ni/ nor te/ de'i ming ni/ mtha' yod par lta ba'i mu stegs can bzhi pa'o/ /rigs kyi bu dag yang ting nge 'dzin yang dag pa nyid la rtse gcig tu bar chad med na/ bdud rnams sems thag chod do/ /skye ba'i rigs kyi rtsa ba zad de/ zab mo dang bde ba la brtags na/ nyon </font><hr>435b<br><font size=+1>


mongs pa rtag par 'khrul ba'i gzhi rgyu ba ma zad pas rtog pa skyes te/ mi de ni/ phyin ci log bzhi pa'i mi skye ba'i khyab par 'khrul pa'i rjes su dpog pa'i mi bden pa'o/ /de la gcig ni/ mi des sems ldang dub kyi rtsa ba la brtags na/ sems ni/ rgyun du rgyu bar mthong ste/ de ni/ 'gyur ba gcig gis gcig bsags pa ni/ rtag pa snyam ste/ sems yod par mthong ba ni/ skyes pa zhes bya/ mthong ba nyid mi mthong ba de ni/ 'gog pa zhes bya'o/ /sems gcig gis bsags pa rgyu de'i gnas mi mthong ba ni/ rang bzhin ma chad pa'i gnas te/ de ni/ 'phel ba'o/ /yang dag pa thub pa nyid kyi thub pa'i nang nas 'brel ba ni/ 'gog pa zhes bya'o/ /so so'i skye bo ni/ yod pa'o/ /so sor 'chi ba de ni/ med pa zhes bya ste/ spyi'i don la bltas na/ spyod pa tha dad par mthong ngo / /chos 'dod pa'i mi dag 'ongs te don dris na/ lan du dang ni/ skye'ang skye/ 'gag kyang 'gag /yod kyang yod/ med kyang med do/ /'phel yang 'phel la/ 'bri'ang 'bri'o/ /zhes thams cad du'ang 'khrul bar smra ste/ mi gzhan gyi tshig gi don stong par byed do/ /gnyis pa ni/ mi des yang dag par sems la brtags na/ bar bar ni/ med pa'i gnas med par rig ste/ mi dag gis chos dris na ci'ang med do/ /zhes tshig gcig pus lan ldon te/ med do/ /zhes bya ba'i </font><hr>436a<br><font size=+1>


@#/ /tshig la ma gtogs pa gzhan mi smra'o/ /gsum pa ni/ mi des yang dag par sems la brtags na/ sems de so sor yod pa'i gnas na yod par rig ste| chos 'dri ba'i mi dag la yod do/ /zhes tshig gcig pus lan ldon te/ de la ma gtogs pa'i tshig gzhan mi smra'o/ /bzhi pa ni/ mi des yod pa dang med pa gnyis kar mthong ste/ rnam pa gnyis kar mthong ba'i phyir rang gi sems 'khrug go/ /chos 'dri ba'i mi dag la'ang yod kyang yod/ med kyang med do/ /zhes lan ldon te/ yod pa'i nang na'ang med pa'o/ /med pa'i nang na'ang yod pa yin no/ /zhes nas dus thams cad du'ang gzhan gyi sems dkrugs te dri ba'i skabs kyang med nas da dung de la stong zhing med do| |zhes dpyod pa'i 'khrugs pa'i phyir mu stegs can gyi nang du ltung ste/ byang chub kyi ngo bo nyid ni/ nor to/ /de'i ming ni/ phyin ci log bzhi pa'i rang bzhin mi 'chi ba'i khyab par 'jug pa'i rjes su dpog pa'i mi bden pa'i mu stegs can lnga pa'o/ /rigs kyi bu dag yang ting nge 'dzin las yang dag pa nyid la rtse gcig pa'i ting nge 'dzin la bar chad med na/ bdud rnams sems thag chod do/ /zab mo dang bde ba la brtags na/ skye ba rigs kyi rtsa ba zad de/ nyon mongs pa rtag par 'khrug pa'i gzhi rgyu ba ma zad </font><hr>436b<br><font size=+1>


pas rtog pa skyes so/ /mi de ni/ shi ba'i 'og tu gsum yod do/ /zhes phyin ci log gi sems skyes te 'khrul nas gzugs ni/ nga yin no snyam du sems so/ /res 'ga' ni/ ngas thams cad khyab par mthong ste/ nga ni/ gzugs yod do/ /zhes so/ /bar 'ga' ni/ mngon sum gyi rkyen rnams pa'i phyi bzhin 'brang zhes so/ /ched 'ga' ni/ gzugs ni/ nga dbang zhes zer ro/ /bar bar ni/ nga'i 'du byed dang 'brel te/ nga ni/ gzugs kyi nang na 'dug par rtog cing / shi ba'i 'og tu nga gzugs yod do/ /zhes smra'o/ /de bzhin du 'khor ba bcu drug la gzugs yod par rtog go /de'i 'og tu'ang nyon mongs pa la rtog ste/ yun ring po'i nyon mongs pa dang / yun ring po'i rang bzhin gnyis gcig la gcig mchags so| |zhes so/ /yang shi ba'i 'og tu yod do/ /zhes rtog cing smra ste/ mu stegs can gyi nang du ltung ste byang chub kyi ngo bo nyid ni/ nor to/ /de'i ming ni/ phung po lnga'i nang nas shi ba'i 'og tu gzugs yod do/ /zhes phyin ci log tu gzhung 'dzugs pa'i mu stegs can drug pa'o/ /yang rigs kyi bu dag ting nge 'dzin las yang dag pa nyid la rtse gcig tu bar chad med na/ bdud kyi sems thag chod do/ /skye ba'i rigs kyi rtsa ba zad de/ zab mo dang bde ba la brtags na/ nyon mongs pa rtag par 'khrug pa'i gzhi la rgyu ma zad de rtog pa skyes nas mi de ni/ </font><hr>437a<br><font size=+1>


@#/ /gzugs dang / tshor ba dang / 'du shes snga ma sel cing / 'gog pa las rtog pa skyes ter shi ba'i 'og tu 'du shes med do/ /zhes phyin ci log gis sems skyes nas gzugs ni/ med par mthong ste/ kha dog ni/ rgyu med par rtog go /brtags na 'du shes bkag ste/ sems can sems chags pa med cing tshor ba bkag pa shes na phyi ma'i 'brel ba med de/ phung po'i rang bzhin zhi zhing bral lo/ /skye ba yod du zin kyang tshor ba'i 'du shes med de/ rtswa shing dang 'dra'o/ /'di ltar mngon sum du bar bcad de thob pa med na/ shi ba'i 'og tu lta ga la 'ong zhes brtags na de lta bu'i mir bas na/ shi ba'i 'og tu gzugs med de/ 'di 'dra ba'i 'khor ba'i phyir gzugs med pa'i brgyad ni/ yod snyam mo/ /mya ngan las 'das pa'i rgyu dang 'bras bu thams cad ni/ stong pa'o/ /zhes de lta bur dmigs na mi'ang gyi nar zad kyi/ ye nas chad cing thogs pa'o/ / zhes de ltar yang rtog pa'i phyir shi ba'i 'og tu med do/ /zhes nas mu stegs kyi nang du lhung ste/ byang chub kyi ngo bo nyid ni/ nor to/ /de'i ming ni/ lnga phung gi nang nas shi ba'i 'og tu gzugs med do/ /zhes phyin ci log tu gzhung 'dzugs pa'i mu stegs can bdun pa'o/ /yang rigs kyi bu dag ting nge 'dzin las yang dag pa nyid la rtse gcig tu bar chad </font><hr>437b<br><font size=+1>


med na bdud kyi sems thag chod do/ /skye ba'i rigs kyi rtsa ba zad da/ /zab mo dang bde ba la brtags na/ nyon mongs pa rtag par 'khrugs pa'i gzhi rgyu ba ma zad pas rtog pa skyes te/ 'du byed kyi phung po'i nang nas mi des ni/ tshor ba dang / 'du shes kyi phung po 'gog ste/ yod pa dang med pa gnyis ka'i mtshan nyid gcig gis gcig bshig ste/ shi ba'i 'og tu med do| |zhes phyin ci log gi sems skyes so/ /yang gzugs dang / tshor ba dang / 'du shes kyi nang nas yod pa dang med par mthong ste/ 'du byed 'gyur ba dang / rgyu ba med pas na med pa ma yin par yang rtog gi /de bzhin du 'khor ba'i phung po khams kyi nang dang ba la brtags na/ brgyad po thams cad kyi gzugs med do/ /'gog pa'i rkyen gcig thob par zad de/ shi ba'i 'og tu gzugs yod pa dang med par smra'o/ /yang 'du byed thams cad kyi rang bzhin ni/ ldang dub pa'i phyir mngon par shes par sems bskyed de/ rigs pa'i yod pa dang med pa thams cad ni/ yod pa ma yin par rtog pa'i phyir yang dag pa dang / yang dag pa ma yin par 'khrul cing nor te shi ba'i 'og tu kun med de/ phyis mos pa med par 'gyur ro/ /zhes rtog pa'i phyir de ni/ lam dang mi mthun pas mu stegs can gyi nang du ltung ste/ byang chub kyi ngo bo nyid ni/ nor to/ /de'i ming ni/ phung po lnga'i nang nas shi ba'i 'og tu phyi ma'i rabs kun med do/ </font><hr>438a<br><font size=+1>


@#/ /zhes phyin ci log tu gzhung 'dzugs pa'i mu stegs can brgyad pa'o/ /yang rigs kyi bu dag ting nge 'dzin rnams kyi nang nas drang po mi g.yo ba'i ting nge 'dzin du zhugs te/ bdud kyis glags mi thod pa las skye ba'i pho mo la brtags na tha ma skye ba med do snyam nas de la nor ba'i phyir mu stegs can chad par lta bar gyur to/ /lus 'gags pa'i 'og tu 'dod pa'ang 'gog /sdug bsngal yang 'gog/ shin tu dga' ba'ang 'gog /shin tu btang snyoms kyang 'gog /yan man zhib tu brtags na/ shi ba'i 'og tu skye ba'ang cang med do/ /zhes smra ste/ byang chub kyi sems ni/ 'chol te shi ba'i 'og tu phung po lnga chad par phyin ci log tu lta ba'i mu stegs can dgu pa'o/ /yang rigs kyi bu dag ting nge 'dzin las yang dag pa nyid la rtse gcig tu bar chad med na bdud kyis glags mi rnyed de/ skye ba'i rigs kyi rtsa ba zad de/ zab mo dag pa de la brtags na/ nyon mongs pa rtag par 'khrug pa'i gzhi las rgyu ba ma zad de/ yang phyi ma yod par dmigs pa'i rtog pa skyes nas mi de mya ngan las 'das pa rnam lnga'i nang du ltung ngo / /ched 'ga' ni/ 'dod pa'i khams kyi dang po 'khor ba la brten te brtags nas mthong zhing rgyas pa'i skye ba la sred do/ /res 'ga' ni/ bsam gtan dang po'i rang bzhin la nyon mongs pa dang </font><hr>438b<br><font size=+1>


bral lo snyam mo/ /ched 'ga' ni/ bsam gtan gnyis pa la sdug bsngal med do snyam mo/ /res 'ga' ni/ bsam gtan gsum pa la rab tu dga' zhing bde'o snyam mo/ /bar bar ni| bsam gtan bzhi pa la dga' ba dang bde ba gnyis ka la 'gags te 'khor ba la skye shi rang bzhin gyis len pa med do/ /zhes 'khrul te/ zag pa can gyi gnas rnams la bya ba med do snyam du sems so/ /gnas de lnga'i dga' zhing bde ba la rgyal ba'i rigs gtsang ma'o snyam du'ang sems so/ /de bzhin du 'khor ba'i sems lnga la yun du rtag pa'o snyam du'ang rtog pa'i phyir gnas de lnga la mya ngan las 'das pa'o snyam du sems te/ de'i phyir mu stegs can gyi nang du ltung ste/ byang chub kyi ngo bo nyid ni/ nor to/ /de'i ming ni/ phung po lnga'i nang nas gnas lnga la mya ngan las 'das par phyin ci log tu mngon sum du gzhung 'dzugs pa'i mu stegs can bcu pa'o/ /dga' bo/ ting nge 'dzin de bcu ni/ log par shes pa ste/ 'di kun ni/ 'du byed kyi phung po yin no/ /de dag ni/ sgom pa nor ba las de'i phyir 'di 'dra bar gyur te/ pho theg can gyi skye bo rnams bslad pas rang gi nyams drod ma zin te/ rgyu rkyen de lta bu dang phrad nas 'khrul bar rang gis ma shes te/ bdag 'phags pa thob bo snyam du sems pa de ni/ rdzun chen por 'gyur te/ mtshams med pa'i sems can dmyal bar ltung </font><hr>439a<br><font size=+1>


@#/ /ngo / /khyod la sogs pas de bzhin gshegs pa'i bka' khyer la/ nga 'das pa'i phyin phyi ma'i dus kyi tshe sems can thams cad la khyab par na/ ngag gzhag cing 'di'i don ston te tshor bar gyis shig /rang las zab mo'i phung po'i bdud ma langs par gzungs su zungs la skyabs bgyis te srung la log par mthong ba la grol te sbyongs la bdag gi lus dang sems la ston te/ dben pa'i don dbye zhing shes par gyis la bla ma'i lam las log pa'i lam du ma 'gro zhig /cung zad tsam gyi thob pa la grub cing chog go snyam pa'i sems ma skyed cig /tshor ba'i rgyal po chen po dang yongs su dag pa thong zhig /dga' bo/ rigs kyi bu dag ting nge 'dzin la mnyam par bzhag pa las 'du byed kyi phung po zad na/ 'jig rten pa thams cad rang bzhin zab mo dang ba las 'khrugs shing g.yo ba bying pa dang phra ba brtan pa 'brel ba/ gang zag gi rtsa ba yud tsam las 'byor cing 'brel ba la bslangs te 'khrul pa zab mo'i rtsa ba mngon rtags chad na/ mya ngan las 'das pa'i gnas rmad pa chen po tshor ro snyam du sems so/ / dper na/ bya gag dus la bab na shar phyogs su brtags nas skya rengs shar bar rig ste skad 'byin to/ /skye mched drug stong zhing dang ba las zab cing lud pa med pa'i nang nas </font><hr>439b<br><font size=+1>


dang ba gsal ba'i phyir 'jug pa'i 'dug pa'i gnas med 'jug pa med do/ /phyogs bcu'i rigs bcu gnyis kyang zab mo las thar te/ tshe len pa'i dbang med do/ /zhes de la brtags pa las 'dzin pa'i gzhi rigs thams cad phyogs bcu'i khams su 'byor ba thob zin te/ dang pa'i gzugs ma nub pas zab mo'i ldang ba 'byung ngo / /de'i ming ni/ rnam par shes pa'i phung pos bsgribs pa'o/ /'byor pa thob pa'i nang nas skye mched drug gi tshogs bsdus te/ sbyor zhing phye ba de sbyangs te grub nas byang ba de/ skye mched drug kyang 'khrul zhing snod du rung ste/ yongs su dag pas phyogs bcu'i 'jig rten gyi lus dang sems su gtogs pa'i rnams kyang baiDUR+Ya'i phyi nang thal ba bzhin snang ste/ de'i ming ni/ rnam par shes pa'i phung po zad de/ mi de ni| tshe snyigs ma las 'das pa'o/ /don de la brtags na/ gzugs kyi yang dag pa yin pa'i gzhi sgyu ma'i phyin ci log gi 'du shes rtsa ba'i phyir ro/ /dga' bo/ rigs kyi bu dag 'du byed thams cad stong pa'i mthar phyin par 'gog pas/ skye ba 'gog pa las zhi bar 'gog pa'i nang nas dang ba dam pa ma rgyas pas/ bdag gi lus kyi rtsa ba sbyor zhing phye nas phyogs bcu'i rigs thams cad 'khrul par tshor zhing shes nas 'khrul par 'phar te rgyas pa'i bzhin 'jug nus so/ /de la sgyu ma'i gnas kyi yang dag pa'i rgyu ni/ rtag pa yin no/ /zhes gzhung </font><hr>440a<br><font size=+1>


@#/ /btsugs nas rgyal zhing grol lo snyam du sems so/ /mi de ni/ rgyu'i gnas kyi rgyu 'dzin pa'i sa phyi ka la'i mu stegs kyi nang du ltung ste/ yang dag par mun nag gi skyabs kyis gnas grub pa'i sder 'gyur ro/ /sangs rgyas kyi byang chub ni/ nor shes shing mthong ba ni/ stor cing nub bo/ /de'i ming ni/ sems thob par gzhung 'dzugs pa'i skyabs su 'gro ba la 'bras bu grub pa dang po ste/ khyab cing rgyas pa las phyi phyir zhing bsrings te mya ngan las 'das pa'i mkhar las log nas mu stegs kyi sa bon las de'i rigs su skye'o/ /dga' bo/ rigs kyi bu dag 'du byed thams cad stong pa'i mtha' phyin par 'gog pas/ skye ba 'gog pa las zhi ba'i nang nas ngang ba dam pa ma rgyas pas bdag gi ngo bo nyid ma mthong ba ni/ skyabs su bzung nas nam mkha'i khams thams cad na rigs bcu gnyis kyi skye bo rnams nga'i lus kyi nang nas 'bab cing 'byung ste/ de lta bur rgyal rigs grol lo snyam pa'i sems skyes so/ /mi de ni/ mi nus pa la nus par 'dzin pa'i phyir dbang phyug gi nang du ltung ste mtha' med do/ /zhes smra ba'i lus 'byung ba'i sder 'gyur ro/ /sangs rgyas kyi byang chub ni/ nor/ shes shing mthong ba ni/ stor cing nub bo/ /de'i ming ni/ gzhung 'dzugs pa'i nus pa'i 'bras bu grub pa gnyis pa ste/ khyab cing </font><hr>440b<br><font size=+1>


rgyas pa las phyi phyir zhing bsrings te mya ngan las 'das pa'i mkhar las log nas ngas khyab par rgyas pa'i nga rgyal chen po'i lha'i sa bon las de'i rigs su skye'o/ /yang rigs kyi bu dag 'du byed thams cad stong pa'i mthar phyin par 'gog pas/ skye ba 'gog pa las zhi bar 'gog pa'i nang nas dang ba dam pa ma rgyas pas/ bdag gi ngo bo nyid mthong ba ni| skyabs su bzung nas the tshom skyes nas bdag gi lus dang sems las phyogs bcu'i nam mkha' bab cing byung ste skyes so/ /thams cad kyang 'bab pa'i rgyun las byung ste/ lus ni| yang dag par rtag pa yin pas skye ba dang 'gag pa med do snyam pa'i sems kyang skyes so/ /skye ba dang 'gag pa ni/ rtag par yang rtag ste/ mi skye ba 'khrul cing skye ba 'khrul nas bying ba la de de bar gnas te rgyal zhing grol lo snyam pa'i rtog pa skyes so/ /mi de ni/ rtag pa dang mi rtag pa'i gzhung 'dzin pa'i nang du ltung ste/ rang dbang gi lha'i sder 'gyur ro// sangs rgyas kyi byang chub ni/ nor/ shes shing rtogs pa ni/ stor cing nub bo/ /de'i ming rgyu'i gnas la sems kyi gzhung 'dzugs pa gsum pa ste/ khyab cing rgyas pa las phyi phyir zhing bsrings te mya ngan las 'das pa'i mkhar las log nas log par rgyas pa'i sa bon las de'i rigs su skye'o/ /yang rigs kyi bu dag 'du byed thams cad stong pa'i mthar phyin </font><hr>441a<br><font size=+1>


@#/ /par 'gog pas/ skye ba'i 'gog pa las zhi bar 'gog pa'i nang nas dang ba dam pa ma rgyas par shes pa'i nang nas shes pa khyab par rgyas pa'i phyir shes pa'i rgyu'i gzhung 'dzugs te/ phyogs bcu'i rtswa shing thams cad ni sems can yin no snyam ste/ rgyas par na mi dang mi 'dra ba med do/ /rtswa shing ni mir 'gyur/ mi de dag shi na'ang phyogs bcu'i rtswa shing du 'gyur te/ de ni yang dag pa'i khyab pa yin no snyam pa'i sems skyes so/ /mi de ni shes pa dang mi shes pa'i mthar 'dzin pa pa ta sa 'di'i nang du ltung ste/ tshor ba thams cad 'di'i sder 'gyur ro/ /sangs rgyas kyi byang chub ni nor/ shes shing mthong ba ni stor cing nub bo/ /de'i ming ni khyab par shes par rtog pa'i sems rdzun zhing stong pa'i 'bras bu grub pa'i bzhi pa ste/ khyab cing rgyas pa las phyi phyir zhing ring du bsrings te mya ngan las 'das pa'i mkhar las log nas log par shes pa'i sa bon las de'i rigs su skye'o/ /yang rigs kyi bu dag 'du byed thams cad stong pa'i mthar phyin par 'gog pas/ skye ba 'gog pa las zhi bar 'gog pa'i nang nas dang ba dam pa ma rgyas pas/ de dang zhing gsal ba'i nang nas rtsa ba 'khrul pa'i phyi bzhin 'brangs nas rdzu 'phrul rgyas pa'i 'od snang bar tshol ba la zhugs te/ dga' </font><hr>441b<br><font size=+1>


ba'i chu ni gtsang zhing dang / sred pa'i rlung ni khyab par langs pas lta ba'i dri ma grub ste/ so sor don bsgrubs pa'i dri ma'i tshogs des ni ngo bo nyid kyi gzhi'i rgyu yin no snyam du sems te/ rtag par shes so/ /zhes smra ba'i gzhung 'dzugs pa'i mi de ni skye ba dang mi skye bar 'dzin pa'i 'od srung dang / bram ze dka' thub kyi nang du lhung ste/ me dang chu lha rjed de skye shi las thar par tshol ba'i sder 'gyur ro/ /sangs rgyas kyi byang chub ni nor/ mthong zhing shes pa ni stor cing nub bo/ /de'i ming ni brjed par snang bar tshol ba la zhugs te/ dga' ba'i chu ni gtsang zhing dang / sred pa'i rlung ni khyab par langs pas lta ba'i dri ma grub ste/ so sor don bsgrubs pa dri ma'i tshogs des ni ngo bo nyid gzhi'i rgyu yin no snyam du sems te/ rtag par shes so zhes smra ba'i gzhung 'dzugs pa'i mi de ni skye ba dang mi skye bar 'dzin pa'i 'od srung dang / bram ze dka' thub kyi nang du lhung ste/ me dang chu lha rjed de skye shi las thar bar tshol ba'i sder 'gyur ro/ /sangs rgyas kyi byang chub ni nor/ mthong zhing shes pa ni stor cing nub bo/ /de'i ming ni rjed pa rtogs pa'i sems 'khrug pa'i yang dag pa ma yin par gzhung 'dzugs pa'i rgyu tshol ba'i 'khrul par gyur pa'i 'bras bu grub pa lnga pa ste/ khyab cing rgyas pa las phyi phyir zhing bsrings te mya ngan las 'das pa'i mkhar las log nas byin ci log gi sa bon las de'i rigs kyi nang du skye'o/ /yang rigs kyi bu dag 'du byed thams cad ni stong pa'i mthar phyin par 'gog pas/ skye ba 'gog pa las zhi bar 'gog pa'i nang nas dang ba dam pa ma rgyas pas de rgyas zhing bsal ba'i nang nas rdzus pa'i chos ni stong pa ste/ ma yin par 'gog pa yod nas 'gog </font><hr>442a<br><font size=+1>


@#/ /pa'i skyabs yin te/ skye ba las rgyas shing grol lo snyam du rtog ste/ mi de ni gzugs med pa'i stong pa'i skyabs dang skyabs ma yin pa'i 'dzin pa'i lha'i sder 'gyur ro/ /sangs rgyas kyi byang chub ni nor/ shes shing mthong ba ni stor cing nub bo/ /de'i ming ni stong pa rgyas pa'i sems med pa/ stong bar 'gog pa'i 'bras bu grub pa drug pa ste/ khyab cing rgyas pa las phyi phyir zhing bsrings te mya ngan las 'das pa'i mkhar las log nas chad par 'gog pa'i sa bon las de'i rigs kyi nang du skye'o/ /yang rigs kyi bu dag 'du byed thams cad stong pa'i mthar phyin par 'gog pas/ skye ba 'gog pa las zhi bar 'gog pa'i nang nas dang ba dam pa ma rgyas pas/ rtag pa'i nang du bdag gi lus rtag par gnas te/ dang ba gsal ba dang mthun zhing ring du mi g.yo bas rgyal zhing grol lo snyam pa skyes so/ /mi de ni 'dod chags ma yin par 'dod chags par 'dzin pas nang du lhung ste/ tshe ring po tshol ba'i i si pa ra'i sder 'gyur ro/ /sangs rgyas kyi byang chub ni nor/ shes shing mthong ba ni stor cing nub bo/ /de'i ming ni tshe'i gzhi la chags par 'dzin cing gzhung 'dzugs pa sran thub pa'i rgyu sgyu sdud pa/ yun ring por dka' thub kyi 'bras bu grub pa bdun pa ste/ khyab cing rgyas pa las phyi phyir zhing ring du song ste mya ngan las 'das pa'i mkhar las log nas sgyu mar 'gyangs pa'i sa bon las de'i rigs su skye'o/ /yang rigs kyi bu dag 'du byed thams cad stong pa'i mthar phyin par 'gog pas/ skye bar 'gog pa </font><hr>442b<br><font size=+1>


las zhi bar 'gog pa'i nang nas dang ba dam pa ma rgyas pas/ brtags na tshe dang dbang du 'gyur bar gyur nas dri ma'i sdug bsngal zhi zhing zad kyis dogs te slar bzhag nas rin po che sna bdun gyi pad+mo'i gzhal med khang rgyas par sprul te/ nor bu rin po che sna bdun dag mang por sprul nas sems rang nyam du btang ste rgyal zhing grol lo snyam pa skyes so/ /de ni dag pa dang yang dag pa ma yin par 'dzin pa'i nang du lhung ste/ ts+tsha sti ka la'i sder 'gyur ro/ /sangs rgyas kyi byang chub ni nor/ shes shing mthong ba ni stor cing nub bo/ /de'i ming ni log sred kyi rgyu ba skyed cing dri ma rgyas pas gzhung 'dzugs pa'i 'bras bu grub pa brgyad pa ste/ khyab cing rgyas pa las phyi phyir zhing bsrings te mya ngan las 'das pa'i mkhar las log nas lha'i bdud kyi sa bon las de'i rigs su skye'o/ /yang rigs kyi bu dag 'du byed thams cad stong pa'i mthar phyin par 'gog pas/ skye ba 'gog pa las zhi bar 'gog pa'i nang nas dang ba dam pa ma rgyas pas/ tshe snang ba'i nang nas dang ba'i dri ma yang dag pa dang yang dag pa ma yin par bye brag 'byed/ rgyud pa 'bras bu'i re ba bsgrubs pas mngon rtags tshol te| yongs su dag pa'i lam las log nas de'i phyir sdug bsngal ni shes/ /kun 'byung ba ni spangs/ 'gog pa ni mngon du byas/ lam ni bsgoms te/ 'gog pa </font><hr>443a<br><font size=+1>


@#/ /la gnas pas yang gong du mi 'phar te rgyal zhing grol lo snyam pa skyes so/ /de ni/ nges pa'i nyan thos kyi nang du lhung ste/ thos pa nyung bas nga rgyal skyes pa'i dge slong gi sder 'gyur ro/ /sangs rgyas kyi byang chub ni/ nor/ shes shing mthong ba ni/ stor cing nub bo/ /de'i ming ni/ dang ba rgyas pa'i sems kyis mngon rtags tshol te zhi ba 'dus pa'i 'bras bu dgu pa ste/ khyab cing rgyas pa las phyi phyir zhing bsrings te mya ngan las 'das pa'i mkhar nas log nas stong bas bcings pa'i rgyu las de'i rigs su skye'o| |yang rigs kyi bu dag 'du byed thams cad stong pa'i mthar phyin par 'gog pas/ skye ba 'gog pa las zhi bar 'gog pa'i nang nas dang ba dam pa ma rgyas pas/ rgyas pa yongs su dag pa'i tshor ba gsal ba zab mo dam par sbyangs nas mya ngan las 'das par sems shing / gong du mi 'phar te rgyal zhing grol lo snyam pa skyes so/ /mi de ni/ rigs nges pa'i rang sangs rgyas su lhung ste/ sems mi ldog pa'i sangs rgyas su 'gyur ro/ /sangs rgyas kyi byang chub ni/ nor/ shes shing mthong ba ni/ stor cing nub bo/ /de'i ming ni/ rgyas pa tshor ba ting nger gsal ba'i mi g.yo ba'i 'bras bu grub pa bcu pa ste/ khyab cing rgyas pa las phyi phyir zhing ring nas mya ngan las 'das pa'i mkhar las log nas </font><hr>443b<br><font size=+1>


skyabs mi byed pa'i rgyas par gsal ba'i sa bon las de'i rigs su skye'o/ /dga' bo/ ting nge 'dzin rnam pa bcu ni/ bar ma dor smyo ba la brten pa'i rgyur 'gyur te/ bar bar ni/ ma grub pa la chog cing tshud do snyam pa'i sems skyes so/ /'di kun ni/ rnam par shes pa'i phung po yin te/ sgom pa nor ba las sa 'dir skyes so/ /pho theg can gyi skye bo rnams bslad pas rang gi nyams drod ma zin te/ rgyu rkyen de lta bu dang phrad nas rang rang gi sngon gyi sems 'khrul ba'i bag chags la sred de/ bdag gi yun ring po'i gnas kyis 'di yin no snyam du sems shing bla na med pa'i byang chub kyi bcing ba rdzogs so/ /zhes smras te/ de ni/ rdzun chen por 'gyur ro/ /log par lta ba'i bdud dang / mu stegs kyi las zad nas mtshams med pa'i sems can dmyal bar ltung ngo / /nyan thos dang rang sangs rgyas su'ang 'phel zhing 'bogs par yang mi 'grub bo/ /khyed sems gcig tu gyis la de bzhin gshegs pa'i lam sgrubs shig /chos kyi sgo 'di khyer la nga mya ngan las 'das pa'i phyi na ma 'ongs pa'i dus kyi tshe gcig nas gcig tu spel te/ 'di'i don sems can thams cad kyis mngon par shes shing rig pa bgyis te/ lta ba'i bdud la rang bying bar ma byed cig /snying rjes srungs shig /skyabs bgyis te log pa'i rkyen sol la zhi bar gyis shig /bgegs kyi </font><hr>444a<br><font size=+1>


@#/ /lam dang / log 'dren gyi lam du ma nor bar lus dang sems sangs rgyas kyis mkhyen pa dang / gzigs pa'i lam gyi nang du zhugs te thog ma dang tha ma'i bar du grub par byos shig /snga ma 'das pa'i dus kyi bskal pa gang+ga'i klung gi bye ma snyed kyi de bzhin gshegs pa rdul phra mo snyed kyang chos kyi sgo 'di bzhin du mdzad de/ theg pa 'dis sems grol nas bla na med pa'i lam bsgrubs so/ /rnam par shes pa'i phung po zad na khyed kyis mngon sum du dbang po thams cad 'khrul bar spyad pa'i nang nas byang chub sems dpa'i shes rab rdo rje sgam po'i gsal ba rgyas shing dang ba'i sems kyi nang du dkris te 'jug nus na/ gtsang zhing dang ba'i bai DUR+Ya'i nang na rin po che'i zla ba dang 'dra'o/ /de bzhin du gong du 'phar na yid ches pa bcu dang / gnas pa bcu dang / spyod pa bcu dang / bsngo ba bcu dang / sems bskyed pa sbyong ba bzhi dang / byang chub sems dpa'i rdo rje'i sa bcu sbyong ba dang mnyam par tshor ba rgyas par snang ba de bzhin gshegs pa'i phra ba'i yang phra ba la sogs pas brgyan pa'i rgya mtshor 'jug go /gang zhing rgyas pa'i byang chub thob pa med pa la brten te/ des ni/ snga ma 'das pa'i sangs rgyas bcom ldan 'das kyi zhi gnas dang lhag mthong gsal bar rnal 'byor bas phra </font><hr>444b<br><font size=+1>


ba'i yang phra ba'i bdud kyi spyod yul mngon sum du snang ste/ khyed kyi sems kyis shes par byas nas dri ma bkrus shing gsal bas lta ba log pa'i nang du mi ltung ste/ phung po'i bdud ni/ zhi zhing byang / lha'i bdud ni/ bcom zhing btul te/ lha ma yin dang mthu bo che rnams kyi sems stor bar byed/ thi ba'i bang lang rnams ni/ skye zhing 'byung bar mi nus so| |byang chub kyi bar du phongs shing 'bral ba'ang med/ zhan cing nyam chung ba las 'phrog cing skyed yod par 'gyur ro/ /mya ngan las 'das pa la sems mi 'khrul cing myos par mi 'gyur ro/ /ma 'ongs pa'i dus kyi sems can dag rmongs shing glen pa bsam gtan mi shes/ chos 'chang mi shes par ting nge 'dzin gyi rnal 'byor la sred pa ni/ khyed log pa dang mthun gyis dogs so/ /sems gcig tu nga'i gtsug tor gyi gzungs bstan pa 'di gzungs su zungs shig /da ste kha ton du ma nus na sgom pa'i khang bu la bri ba'am/ yang na lus la btags na phas kyi rgol ba'i bdud thams cad kyis mi tshugs so/ /phyogs bcu'i de bzhin gshegs pa'i mtha' yun du sgrub pa'i phyi ma'i chag tshad 'bebs pa yin gyi| khyed kyis gus par gyis shig /bcom ldan 'das kyis de skad ces bka' stsal pa dang / dga' bo langs te spyi bos phyag btsal nas dran zhing mi brjed par gzungs </font><hr>445a<br><font size=+1>


@#/ /su 'dzin to/ /'khor mang po 'dus pas bcom ldan 'das la gsol pa/ bcom ldan 'das kyis bka' stsal pa bzhin phung po lnga'i gzugs kyi nang nas yang dag pa lags pa'i 'du shes rnam pa lnga'i rtsa ba phra ba'i yang phra ba'i don te/ de bzhin gshegs pas bdag cag la sogs pa la rtag tu bka' stsal cing bshad dam gsungs na yang phung po lnga gcig car 'dag cing 'byang ngam/ rim gyis zad de lnga'i mtshams ni/ gang lags/ de bzhin gshegs pa'i thugs rje chen pos dgongs te ma 'ongs pa'i dus kyi sems can thams cad kyi snang zhing gsal ba'i sems kyi mig tu 'gyur bas 'khor mang po 'di nyid la bshad du gsol/ bcom ldan 'das kyis dga' bo la bka' stsal pa/ ngo bo nyid kyi tshor ba dam pa gsal ba rgyas pa ni/ dag ste skye shi la mi gnas na/ dri ma'i bsgos pa nas nam mkha'i khams thams cad kyi bar du yang dag pa ma yin pa'i bar du 'du shes kyi rgyu ba'i phyir skye ba g.yos te/ de'i de bzhin ngo bo nyid kyi tshor ba dam pa gsal ba rgyas pa las yang dag pa ma yin pa'i 'jig rten gyi snod kun skyes so/ /dper na/ yeng zhing 'khrul te mgo med pa rmis nas grib ma la mgo bo snyam du sems so/ /yang dag pa ma yin pa'i rtsa ba de ni/ rgyu med de/ yang dag pa ma yin pa'i 'du shes kyi nang nas </font><hr>445b<br><font size=+1>


rten cing 'brel bar 'byung ba'i mtshan nyid btsugs te/ de nas 'khrul pa yong nas yod ces zer ro/ /nam mkha'i rang bzhin ni/ sgyu ma las skyes pa yin te/ rten cing 'brel ba dang / yong nas yod pa kun ni/ sems can gyis yang dag pa ma yin pa'i sems kyis brtags pa lags so/ /dga' bo/ yang dag pa ma yin pa mi g.yo ba'i tshe yang dag pa ma yin pa'i rten cing 'brel ba bshad do/ /yang dag pa ma yin pa'i rtsa ba yong nas med pas yang dag pa ma yin pa'i rten cing 'brel bar 'byung ba yong nas med pa yin te/ mi shes pas rtag tu zad kyi ye nas yod pa lta ci smos/ de'i phyir de bzhin gshegs pas khyed kyi phyir sgron mar bstan to/ /phung po lnga'i rtsa ba'i rgyu ni/ yang dag pa ma yin pa'i 'du shes yin pa mtshungs so/ / khyed kyi lus ni/ sngon gyi phyi ma'i 'du shes rgyu las skyes so/ /khyod kyi sems kyi 'du shes ni/ 'pho bar mi 'gyur te/ 'du shes kyi nang nas tshe mang ba chags pa'o/ /ngas sngar smras pa| skyur rtsi las sems kyis za bsam na/ kha 'gram du chu 'byung ngo / /brag mthon po'i rtser 'dug par bsam na/ rkang mthil 'dar yang skyur rtsi khar ma 'phos/ brag kyang yod pa ma yin no/ /khyod kyi lus ni/ yang dag pa ma yin pa'i sgyu ma las mi 'bral ba'o/ /khyod kyi kha'i nang na bro ba med na/ ci'i phyir skyur ba'i 'gram chu 'byung / de'i phyir shes par gyis shig / </font><hr>446a<br><font size=+1>


@#/ /khyod kyis gzugs kyi lus mngon du sra zhing mkhrang ba de'i ming ni/ yang dag pa ma yin pa'i 'du shes dang po da ltar bshad pa brag mthon po la bsam pa'i 'du shes kyi sems lus yang dag par 'da' bar 'gyur ro/ /'on kyang len pa'i skye ba'i rgyu'i phyir gzugs kyi las ni/ g.yo nus te/ khyod da mngon sum du 'phan pa dang / 'dod pas gzir to/ /de'i ming du gsog tu snang ba'i yang dag pa ma yin pa'i 'du shes gnyis pa'o/ /mtshan ma g.yos pa'i phyir gzugs kyi lus ni/ las byed du bcug ste/ lus ni/ mtshan ma ma yin no/ /khyod kyi lus ci'i rgyus na mtshan ma'i las byed cing sna tshogs kyi gzugs len ce na/ sems g.yo na lus len te/ mtshan ma dang mnyam par 'jug go /sad na 'du shes kyi sems g.yos/ log na rmi lam du 'gyur te/ khyod kyi 'du shes kyi mtshan mas yang dag pa ma yin pa'i sems g.yo bar nus te/ bral cing rgyu bar mi tshor ro/ /de'i ming yang dag pa ma yin pa'i 'du shes gsum pa'o/ /mi mngon par skad cig par brdzus nas med par 'pho zhing 'gyur te/ sen mo ring po dang / skra skye ba dang / dbugs rgyu ba dang / gdong gi gnyer ma nang rub tu rgyu ba mi 'chad kyang khyod kyis mi tshor ro/ /dga' bo/ 'di 'on te de ltar ma yin du zin na/ /khyod kyis lus ci'i phyir 'gyur bar </font><hr>446b<br><font size=+1>


snang / yang dag pa ma yin pa 'dra/ khyod kyis ci'i phyir yang dag par mi tshor/ khyod kyi 'du byed thams cad ni/ yud tsam gyi bar du'ang mi sdod do/ /de'i ming ni/ zab cing mi mngon pa yin pa'i 'du shes bzhi pa'o/ /yang khyod dang zhing gsal ba ting nger mi g.yo bar gnas pa de'i ming rtag pa yin na ni/ lus las mthong ba dang / thes pa dang / tshor ba dang / shes par 'gyur ba mi rigs/ de ste dben par gda' yang dag na ni/ mi bden pa'i bag chags med par rigs so/ /ci'i rgyus khyed cag sngon gyi dus na ngo mtshar dag ci mthong ba lo grangs yun ring ba'i phyir dran pa kun med de brjed nas cang mi dran pa las/ phyis ni/ snga ma mthong ba dang glo bur du dran te de bzhin yod de ma stor to/ /de ni/ dad pa mngon du ting nger mi g.yo ba'i nang nas yud tsam yud tsam gyis bsgos pa'i grangs ni/ re re lta zhig yod/ dga' bo/ /shes par gyis shig /'di ting nger mi g.yo ba ni/ chu bzang po 'bab pa dang mi mtshungs so/ /bltas na/ ting nger mi g.yo ba 'dra'ang myur bar rgyu bar mi mthong ste/ mi rgyu ba ma yin no/ /de ste 'du shes kyi gzhi med na/ bag chags kyi mtshan ma gang zhig gis len| khyed kyi skye mched ni/ 'khrul ba la spyod de/ sbyor ba dang phye ba 'di yang dag pa ma yin pa'i 'du shes ma yin pas 'gog pa thob pa'i dus med do/ /de bas na/ khyed </font><hr>447a<br><font size=+1>


@#/ /mthong ba dang / thos pa dang / tshor ba dang / shes pa mngon sum du 'dug pa'i nang nas mi mngon mi mthong g.yo ba na goms pa'i bag chags so// de'i ming ni/ bag chags kyi gzhi phyin ci log dang ba'i phra ba'i yang phra ba/ yang dag pa ma yin pa'i 'du shes kyi phyin ci log lnga pa'o/ /dga' bo/ phung po lnga po 'di ni/ yang dag pa ma yin pa lnga las grub pa ste/ khyod da shes par 'dod na/ rgyu ba'i mtshams ni/ yang ba dang / zab pa dang / stong pa dang / gzugs kyi mtha' yin no/ /reg pa dang bral ba ni/ tshor ba'i mtha' yin no/ /dran pa dang / brjed pa ni/ 'du shes kyi mtha' yin no/ /skye ba dang / 'gog pa ni/ 'du byed kyi mtha' yin no/ /sang nges sang nger 'jug par sbyor ba ni/ rnam par shes pa'i mtha' yin no/ /phung po de lnga'i tshad med pa skye skye bar skye skye ba'i rgyu'i phyir rnam par shes pa yod do/ /gzugs kyi phyir 'gog pa'o| |don rig na gcig car sel te/ bag chags ni/ gcig car mi 'dag ste/ rim gyis zad do/ /ngas khyod la lag phyis mdud pa bstan na/ ma rig na ci'i phyir nga la slar 'dri| khyed ni/ ma rig pa'i sems kyi rtsa ba'i gzhi de las bral te thar par 'gyur ro/ /khyod chos kyi sgo 'di khyer te ma 'ongs pa'i dus tha ma la spyod pa'i mi dag la yang dag pa </font><hr>447b<br><font size=+1>


ma yin par shes par ston cing / skye shi la zab tu skye zhing khams gsum la ma mos pas mya ngan las 'das pa yod par shes par gyis shig /dga' bo/ mi la la zhig gis phyogs bcu'i nam mkha'i khams khyab par rin po che sna bdun gyis bkang ste rdul phra mo snyed kyi sangs rgyas thams cad la bla mar byas te/ mchod cing bsnyen bkur byas nas sems don med par 'das par ma byas na yid la ji snyam/ mi des 'di ltar sangs rgyas la phul ba'i rgyu rkyen gyi bsod nams thob pa mang ba yin nam/ dga' bos gsol pa/ nam mkha' mi bas pas rin po che'i mtha' yang ma mchis so/ /'das pa'i dus na mi zhig gis pha ma bdun gyi phyir lus btang ste bcom ldan 'das la yon du phul bas 'khor los bsgyur ba'i rgyal por skyes nas mngon sum du nam mkha'i khams kyi mthar sangs rgyas kyi zhing bkang zhing khyab par rin po che so sor phul ba ni/ bskal pa bas kyi bar du'ang bsam pas tshad gzung mi nus na/ de'i bsod nams kyi mtha' mchis pa lta ci smos/ bcom ldan 'das kyis dga' bo la bka' stsal pa/ dga' bo/ de bzhin gshegs pa sangs rgyas thams cad ni/ rdzun mi gsung ste/ mi la la zhig gis lus kyi phas pham pa bzhi dang / phas pham pa bcu ldan par byas nas dbugs gang tsam la khams 'di dang / </font><hr>448a<br><font size=+1>


@#/ /khams gzhan gyi mtshams med pa'i sems can dmyal ba dang / phyogs bcu ma lus pa na mtshams med pa'i sems can dmyal bar ma phyin pa med do| |se gel thabs gcig gtogs pa'i srid gcig chos kyi sgo 'di khyer te phyi ma'i bskal ba tha ma'i tshe ma 'phos pa la 'byung bar bstan na/ mi de'i kha na ma tho ba'i sdig sems kyi skad cig tsam gyi bar du tshangs shing 'byung ste/ sems can dmyal ba'i sdug bsngal gyi rgyu las thar nas bde ba'i zhing du skye bar 'gyur te/ bsod nams thob pa ni/ snga ma'i sbyin pa'i bsod nams kyi brgya'i cha dang / stong gi cha dang / 'bum phrag khri'i cha dang / de bzhin du rtsis dang / grangs dang / dpe'i bar du bsgrun du med do| |dga' bo/ sems can la la zhig gis mdo sde 'di kha ton du 'don cing sngags 'di gzungs su bzung na /bskal ba mi zad pa'i bar du yang ngas bshad par mi nus so| |khyed rnams ngas bshad pa'i gzhung bzhin spyod na/ byang chub grub kyi bar du bdud kyi lam las thar ro/ /de skad ces bka' stsal pa dang / dge slong dang / dge slong ma dang / dge bsnyen dang / dge bsnyen ma dang / 'jig rten gyi lha thams cad dang / lha ma yin dang / 'jig rten gyi khams gzhan nas 'dus pa'i byang chub sems dpa' </font><hr>448b<br><font size=+1>


dang / theg pa gsum gyi 'phags pa dang / drang srong gi bu gtsang ma dang / thog ma sems bskyed pa'i mthu bo che dang / yi dwags rnams shin tu dga' zhing mgu nas phyag btsal te so sor dong ngo / /'phags pa de bzhin gshegs pa'i gtsag tor chen po'i le'u stong phrag bcu pa las/ de bzhin gshegs pa'i gsang ba byang chub sems dpa' thams cad kyis bsgrubs pa don mngon par thob par spyod pa'i rgyu le'u bcu pa rdzogs so// </font><hr>

</table>