H249

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H249</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H249&coll=lhasa">see text in Tibetan script</a></table>70a<br><font size=+1>


rgya gar skad du| bo d+hi satwa pra ti mok+Sha tsa tuSh+ka ni ra hA ra nA ma ma hA yA na sU tra/ bod skad du/ byang chub sems dpa'i so sor thar pa chos bzhi sgrub pa zhes bya ba theg pa chen po'i mdo/ bcom </font><hr>70b<br><font size=+1>


ldan 'das 'jam dpal gzhon nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab bya rgod kyi phung po'i ri la tshe dang ldan pa shA ri'i bu dang / maung+gAl gyi bu la sogs pa dge slong stong nyis brgya lnga bcu'i dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang du gyur pa dang / byang chub sems dpa' sems dpa' chen po rab tu mang po dang thabs cig tu bzhugs so/ /de nas tshe dang ldan pa shA ri'i bu bcom ldan 'das ga la de logs su song ste phyin nas bcom ldan 'das kyi zhabs la mgo bos phyag btsal nas phyogs gcig tu 'dug go /phyogs gcig tu 'dug nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das/ byang chub sems dpa' rnams kyi bden pa'i rnam pa'i bya ba ni/ gang / bcom ldan 'das/ ji ltar byang chub sems dpa' rnams bden par smra zhing yang dag par smra bas myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ chos bzhi dang ldan na/ byang chub sems dpa' bden par smra zhing yang dag par smra ba yin te/ </font><hr>71a<br><font size=+1>


@#/ /myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /bzhi gang zhe na/ shA ri'i bu/ 'di la rigs kyi bu'am/ rigs kyi bu mo dge ba'i chos thams cad yongs su btsal ba'i phyir bla na med pa yang dag par rdzogs pa'i byang chub tu sems bskyed nas brtson 'grus brtsams pas gnas pa yin te/ shA ri'i bu/ dper na/ skyes bu grong khyer gyi tshad 'jal bar 'dod pa de grong khyer gyi bya ba la brtson pa skyed par byed do/ /shA ri'i bu/ skyes bu de'i grong khyer de yang dag par 'gyur ba dang / mi rnams grong khyer du gnas par 'gyur ro/ /zhes re bar bya ba yin la/ grong khyer du so sor 'jog par 'dod pas kyang yang dag pa'i shes rab la brten nas gnas thams cad yongs su 'dzin par 'gyur ro/ /shA ri'i bu/ de bzhin du dus gang gi tshe dge ba'i chos thams cad yongs su btsal bar bya ba'i phyir byang chub sems dpa' brtson 'grus brtsom pa la gnas te chos thams cad yongs su 'dzin par byed do/ /shA ri'i bu/ gang gis myur du bla na med pa yang dag par rdzogs pa'i byang chub tu mngon par rdzogs par 'tshang rgya ba 'di ni/ byang chub sems dpa'i bden pa'i rnam pa dang po'o/ /shA ri'i bu/ gzhan yang byang chub sems dpa' chos thos pa nan tan gyis sgrub par byed pa gang yin pa de ni/ dge </font><hr>71b<br><font size=+1>


ba'i chos rnams myur du smin par 'gyur te/ shA ri'i bu/ 'di lta ste/ dper na/ skyes bu nad kyis thebs par gyur ba de la sman pas sman nye bar bstan la/ des ji skad bstan pa bzhin du so sor bsten pas nad de las myur du thar par 'gyur ro/ /de ci'i phyir zhe na/ des sman tshul bzhin du so sor bsten pa'i phyir ro/ /shA ri'i bu/ de bzhin du byang chub sems dpa' chos thos pa nan tan gyis sgrub par byed pa gang yin pa de ni/ dge ba'i chos rnams myur du yongs su smin par 'gyur ro/ /shA ri'i bu/ gang gis myur du bla na med pa yang dag par rdzogs pa'i byang chub tu mngon par rdzogs par 'tshang rgya ba 'di ni/ byang chub sems dpa' bden pa'i rnam pa gnyis pa'o/ /shA ri'i bu/ gzhan yang byang chub sems dpa' chos thams cad la gzhan gyi 'du shes skyed par byed de/ chos cung zad kyang mi len to/ /de ci'i phyir zhe na/ nye bar len pa las ni/ 'jigs pa 'byung bas chos thams cad la 'jigs pa'i 'du shes skyed par byed de/ 'jigs pa'i 'du shes skyed pa las ni/ yid rton par mi byed do/ /yid mi rton pa yod na/ ji ltar thar par bya/ ji ltar na/ bde legs su gnas par 'gyur zhes lam tshol bar byed do/ /shA ri'i bu/ gzhan yang byang chub sems dpa' skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / </font><hr>72a<br><font size=+1>


@#/ /yid mi bde ba dang / 'khrug pa rnams kyis yongs su bskor ba yod na/ bla na med pa yang dag par rdzogs pa'i byang chub tu ji ltar thar par bya/ ji ltar na| bde legs su gnas par 'gyur zhes lam yongs su tshol zhing phyogs bzhir legs par gsungs pa yongs su tshol lo/ /shA ri'i bu/ gang gis myur du bla na med pa yang dag par rdzogs pa'i byang chub tu mngon par rdzogs par 'tshang rgya ba 'di ni/ byang chub sems dpa'i bden pa'i rnam pa gsum pa'o/ /shA ri'i bu/ gzhan yang byang chub sems dpa' sbyin bdag tu 'gyur ba dang / sdug bsngal gyi chos rnams kyis yongs su mi skrag cing ma gos pas rtag tu brtson pa dang ldan pa yin te/ sems can gang su dag sdug bsngal dang / yid mi bde ba dang / 'khrug pa rnams byung ba nye bar zhi bar bya ba'i phyir bdag gis de dag bsal bar bya'o/ /zhes sems skyed par byed cing / ji ltar bdag la zag pa med pa'i bde ba myong ba skyes pa de bzhin du bdag gis sems can thams cad la bsgrub par bya'o/ /zhes brtson 'grus rtsom par byed do/ /de de ltar brtson 'grus rtsom pa na rnyed pa'i 'du shes skyed par mi byed do/ /shA ri'i bu/ 'di lta ste/ dper na/ skyes bu dbyar zla 'bring po'i zla ba la 'brog dgon par song ba na 'brog dgon pa de na'ang mi rgyu ba med </font><hr>72b<br><font size=+1>


la| shing med cing chu med pa dang / de'i steng nas nyi ma'i dkyil 'khor yang shar bar gyur/ der sa gzhi'ang rab tu 'bar zhing tsha bar gyur te/ de'i mdun du chu bo'i rgyun chen po 'bab par gyur pa na/ de de la ngo mtshar gyi 'du shes skyed par byed do/ /shA ri'i bu/ de bzhin du byang chub sems dpa' sems can thams cad kyi phyir sdug bsngal zad par 'gyur ba'i lam ji lta bu bzung la/ gal te byang chub sems dpa' lam de yongs su bzung yang bskal pa bye ba 'das nas tha na 'dug pa tsam gyi bde ba 'dod pa'i sems gcig skyed na'ang de la byang chub sems dpas 'di ltar sems gzengs bstod par bya ste/ bdag gis gang gzung nas 'dug pa de'ang mang du yin te/ sems can thams cad la gnong bskur ro/ /shA ri'i bu/ gang gis myur du bla na med pa yang dag par rdzogs pa'i byang chub tu mngon par rdzogs par 'tshang rgya ba 'di ni/ byang chub sems dpa'i bden pa'i rnam pa bzhi pa'o/ /shA ri'i bu/ ci'i phyir mngon par rdzogs par sangs rgyas pa zhes bya zhe na/ ma mkhyen pa'i mkhyen pa mkhyen pas mngon par mkhyen pa dang / mkhyen pa'i chos de la rab tu gnas pas spyod pa des na/ mngon par sangs rgyas pa zhes bya'o/ /bla na med pa zhes bya ba'ang de bzhin gshegs pas chos gang rdul tsam yang lus shing ma rgal ba med pa des na/ de bzhin gshegs pa ste/ pha </font><hr>73a<br><font size=+1>


@#/ /rol tu byon pa zhes bya'o/ /shA ri'i bu/ ci'i phyir yang dag par rdzogs pa'i sangs rgyas zhes bya zhe na/ thugs mnyam pa dang / thugs rnyog pa med pa dang / thugs mi 'khrugs pas chos rnams mngon par mkhyen pa dang / chos thams cad mnyam pa nyid dang / chos thams cad mi mnyam pa med par mngon par mkhyen pa des na/ yang dag par rdzogs pa'i sangs rgyas zhes bya'o/ /shA ri'i bu/ chos 'di bzhi dang ldan pa'i byang chub sems dpa' ni/ brtson 'grus mi 'phrog par gyur te nyon mongs pa thams cad kyis mi gos par bla na med pa yang dag par rdzogs pa'i byang chub tu mngon par rdzogs par 'tshang rgya'o/ /shA ri'i bu/ byang chub sems dpa' chos bzhi sgrub pa 'di ni/ de bzhin gshegs pas mkhyen pa dang / gzigs pa dang / thugs su chud pa dang / brnyes pa dang / mngon sum du mdzad pas mngon par rdzogs par 'tshang rgya ba yin te/ byang chub sems dpa' gnas de dag las ma nyams shing sgrub pa'i rnam pa kun rdzogs pas bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /shA ri'i bu/ chos bzhi dang ldan na/ byang chub sems dpas bsngags pa'i bya ba rjes su 'thob par 'gyur te/ bzhi gang zhe na/ shA ri'i bu/ 'di la byang chub sems dpa' lhag pa'i nga rgyal can du mi 'gyur ba yin/ nga rgyal </font><hr>73b<br><font size=+1>


tshar gcod pa'i phyir zhugs pa yin/ chags pa med par 'gyur ba yin/ chags pa spong ba'i phyir zhugs pa yin/ zhe sdang med par 'gyur ba yin/ byams pa sgom pa la mngon par dga' ba yin| rmongs pa med par 'gyur ba yin/ shes rab kyi stobs dang ldan pa yin/ shes rab nye bar ston pa yin/ shes rab kyis spyod pa yin/ shes rab kyi bdag por gyur pa yin/ shes rab kyis nges par 'byung ba yin/ rmongs pa'i dra ba spong ba'i phyir zhugs pa yin/ mun pa mun nag 'joms pa'i phyir zhugs pa yin/ shes rab kyi rgyu lhur len cing mthu dang ldan pa yin| shes rab nges par rnyed pa yin te/ shA ri'i bu/ chos dang po 'di dang ldan na/ byang chub sems dpa' bsngags pa'i bya ba rjes su thob par 'gyur ro/ /shA ri'i bu/ gzhan yang byang chub sems dpa' ni/ sems can rnams kyi thar pa'i bya ba don du gnyer ba yin te/ shA ri'i bu/ 'di lta ste/ dper na/ skyes bu zhig bu gcig pa sdug cing yid du 'ong ba/ mi mthun pa med pa de rgyal pos gsad sar por ba mthong bar 'gyur la/ de'i pha dang ma kye ma'o bu cig pa/ kyi hud bu gcig bdag cag 'bor ram zhes kun tu smra zhing smre sngags 'don pas rnam par smra bar byed do/ /shA ri'i bu/ de bzhin du dus gang gi tshe lhag pa'i bsam pa phun sum tshogs pa'i byang chub sems dpa' sems can gang yang rung ba zhig sdig pa byed </font><hr>74a<br><font size=+1>


@#/ /pa mthong ba na/ kye ma'o gang du sems can shes rab 'chal ba rnams ni/ bdag gi yang dag pa'i 'tsho ba las rnam par nyams par byed do/ /zhes de la byang chub sems dpa' snying rje skye bar 'gyur ro/ /shA ri'i bu/ gzhan bsrung ngo snyam na bdag bsrung bar bya'o/ /shA ri'i bu/ byang chub sems dpa' phan pa 'dod pa 'di lta bu dang ldan pas srog gi phyir yang sdig pa'i las mi byed do/ /shA ri'i bu/ chos gnyis po 'di dang ldan na/ byang chub sems dpa' bsngags pa'i bya ba rjes su thob par 'gyur ro/ /shA ri'i bu/ gzhan yang byang chub sems dpa' bsti stang gis chos tshol bar byed cing bsti stang gis chos yongs su 'dzin par byed la/ bsti stang gis chos kyi sbyin pa sbyin par byed do/ /shA ri'i bu/ ji ltar byang chub sems dpas bsti stang gis chos btsal bar bya zhe na/ shA ri'i bu/ 'di la byang chub sems dpa' chos 'dod pa mkhan po dang slob dpon la gus pas gang yongs su mi gtong ba'i rin po che de 'jig rten na med do/ /gang lus kyis rim gro mi byed pa de med do/ /gang rkang pas btang ba la mi spro ba med do| |gang ngag gi las la mi spro ba de med do/ /de ci'i phyir zhe na/ de bzhin du sbyar te chos rin po che ni/ rin po che thams cad las khyad par can du gyur pa yin pas bdag gis </font><hr>74b<br><font size=+1>


rin po che thams cad btang nas chos rin po che btsal zhing gzung bar bya'o/ /de ci'i phyir zhe na/ chos 'di ni/ 'ching ba thams cad gcod par 'gyur ba'o/ /chos 'di ni/ skye pa dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba gcod par 'gyur ba'o/ /snyam nas rin po che'i sems bskyed/ rnyed dka' ba'i sems bskyed/ sman gyi sems bskyed de/ chos 'di ni/ sems can thams cad kyi nad nye bar zhi bar byed par 'gyur bas/ bdag gis sems can thams cad kyi nad nye bar zhi bar bya ba'i phyir chos 'di lta bu btsal bar bya'o/ /zhes de lta bu'i bsam pas shA ri'i bu/ byang chub sems dpa' chos tshol bar byed do/ /shA ri'i bu/ ji ltar na/ byang chub sems dpas rin thang med pa'i sems bskyed cing bsti stang gis chos 'dzin par byed ce na/ de tshig bzhi pa'i tshig su bcad pa'i ched du ri rab tsam gyi rin po che'i phung po yongs su btang yang de la dka' ba'i 'du shes mi skyed kyi/ ci ste gang tshig bzhi pa'i tshigs su bcad pa 'di 'dzin pa de nyid la ni/ dka' ba'i 'du shes skyed do/ /chos kyi tshig gcig gi ched du stong gsum gyi stong chen po'i 'jig rten gyi khams rin po che sna bdun gyis bkang ba srid pa'i rtse mo dang mnyam pa 'di yongs su gtong yang de la ni/ dka' ba'i 'du shes mi skyed kyi/ ci ste gang chos kyi tshig </font><hr>75a<br><font size=+1>


@#/ /gcig po 'di nyid la ni/ dka' ba'i 'du shes skyed do/ /shA ri'i bu/ byang chub sems dpa' de lta bu'i gus pa dang / de lta bu'i ri mor byed pas chos yongs su 'dzin par byed de/ shA ri'i bu/ 'di yang byang chub sems dpa'i ngo mtshar yin no/ /shA ri'i bu/ 'di ji snyam du sems/ ci skyes bu srog don du gnyer bas srog gi phyir rin po che'i phung po 'di tsam yongs su gtong ba yod dam/ gsol pa/ bcom ldan 'das/ de ni/ ma lags so/ /bcom ldan 'das kyis bka' stsal pa/ shA ri'i bu/ byang chub sems dpa' sems dpa' chen po chos 'dod pas chos kyi tshig gcig gi don gyi phyir yang bdag nyid tshangs pa'i 'jig rten nas 'dor ba'am/ yang na stong gsum gyi stong chen po'i 'jig rten gyi khams mes yongs su gang ba 'di la 'jug tu zin kyang dka' ba'i 'du shes skyed par mi byed kyi/ ci ste gang chos kyi tshig 'di 'dzin pa de nyid la dka' ba'i 'du shes skyed par byed de/ shA ri'i bu/ de ltar byang chub sems dpa' bsti stang gis chos yongs su 'dzin par byed do/ /shA ri'i bu/ ji ltar byang chub sems dpa' bsti stang du byed pas chos kyi sbyin pa sbyin par byed ce na/ shA ri'i bu/ 'di la byang chub sems dpa' chos kyi sbyin pa sbyin par byed pa na zang zing gi sems skyed par mi byed de/ bdag gi sbyin </font><hr>75b<br><font size=+1>


pa 'di las chos gos dang / bsod snyoms dang / mal stan dang / na ba'i gsos sman dang / yo byad rnams rnyed par 'gyur ba'am/ tha na bdag gi sbyin pa 'di las legs so/ / zhes bya ba rnyed par 'gyur ro/ /zhes skyes bu dam pa de de lta bu'i bsam pas chos kyis byin pa sbyin par mi byed do/ /'on kyang ji ltar sems can 'di dag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las thar par bya zhes de ltar sbyin par byed de/ shA ri'i bu| skyes bu dam pa de dag ni/ de lta bu'i gsam pa dang / de lta bu'i tshul gyis chos kyi sbyin pa sbyin par byed do/ /shA ri'i bu/ gal te yang byang chub sems dpa' la la zhig 'di skad du gal te bdag la khyed kyis lus byin pa lta na/ bdag khyed las chos kyi sbyin pa 'di lan par 'dod do/ /zhes zer na/ shA ri'i bu/ byang chub sems dpa' gang zhig de lta bu'i phan par 'dod pa yod na 'di skad du khyod la bdag gi yan lag dang nying lag las mchog dang / mchog tu gyur pa'i sha dag kyang zo zhig /'dod chags zad par byed pa'i chos 'di'ang zungs shig ces smra bar byed de/ shA ri'i bu/ byang chub sems dpa' de lta bu byed pa na yang dka' ba'i 'du shes mi skyed kyi/ ci lte gang 'di chos kyi sbyin pa de sten pa de </font><hr>76a<br><font size=+1>


@#/ /nyid la ni/ dka' ba'i 'du shes skyed par byed do/ /shA ri'i bu/ byang chub sems dpa' de lta bu'i bsti stang gis chos kyi sbyin pa sbyin par byed/ de lta bu'i bsti stang gis chos 'dzin par byed/ de lta bu'i bsti stang gis chos tshol bar byed de/ shA ri'i bu/ de lta bu'i bsti stang gis chos nges par yongs su tshol ba po'i sems can yang rnyed dka' ba yin/ shA ri'i bu/ de lta bu'i bsti stang gis chos yongs su 'dzin pa po'i sems can yang rnyed dka' ba yin/ shA ri'i bu/ de lta bu'i bsti stang gis chos sbyin pa po'i sems can yang rnyed dka' ba yin te/ gang rnyed dka' ba de ni/ ngo mtshar du gyur pa yin la/ de dag ni/ lha dang bcas pa'i 'jig rten gyis kyang bsngags par bya ba yin no/ /shA ri'i bu/ chos gsum po 'di dang ldan na/ byang chub sems dpa' bsngags pa'i bya ba rjes su thob par 'gyur ro/ /shA ri'i bu/ gzhan yang byang chub sems dpa' 'di la 'dod chags skye bar yang dag par rjes su mthong ba na 'dod chags 'di gzhi gang las byung bar tshol bar byed de/ yongs su btsal ba na de'i gzhi mi dmigs so/ /gang las 'dod chags de skye ba dang / gang gi 'dod chags de skye ba dang / ji ltar 'dod chags de skye ba de ltar gang gi skye ba de mi dmigs/ gang la skye ba de mi </font><hr>76b<br><font size=+1>


dmigs/ ji ltar skye ba de mi dmigs te/ 'dod chags de mi dmigs pa ni/ 'dod chags kyi rgyus sdig pa'i las mi byed la/ de'i dka' po'i chos rnams 'phel bar 'gyur zhing de ma smad cing bsngags par 'gyur te/ des na lha dang / klu dang / gnod sbyin dang / mi dang / mi ma yin pa dang / sangs rgyas dang / nyan thos rnams kyis bsngags par 'gyur ro/ /de chos thams cad khas mi len cing yang dag par rjes su mi mthong / chos thams cad nam mkha' dang mnyam par stong par mthong zhing de sangs rgyas bcom ldan 'das rnams kyi byang chub la lhag par mos par 'gyur te/ 'jig rten rnams phyin ci log la yang dag par zhen pa mthong ba na de zhe sdang med pa dang / gnod sems med pa bzod pa mchog la rab tu gnas nas sbyin pa dang / tshul khrims dang / bzod pa dang / brtson 'grus dang / bsam gtan dang / shes rab rnams la brtson 'grus rtsom zhing sems can rnams yongs su smin par byed de/ /de ci'i phyir zhe na/ gal te gnod sems dang ldan na ni/ khong khro ba mang bar 'gyur ro/ /khong khro ba mang ba las ni/ gzhan dag la khro ba'i tshig rjod par byed de/ de mi dge ba'i las mngon par 'du byed do/ /de mi dge ba'i las mngon par 'du byed pas mi dge ba'i srid pa mngon par skyed par 'gyur ro/ / </font><hr>77a<br><font size=+1>


@#/ /shA ri'i bu/ yang bzod pa dang ldan pa'i byang chub sems dpa' ni/ bzod par byed do/ /de ci'i phyir zhe na/ gang bzod pa'am/ mi bzod pa'i chos rdul tsam yang mi dmigs pa des na gzhan mi shes pa'i sems can gang yin pa de dag la snying rje skyed par byed de/ sems can kun nas gshe bar byed pa dang / kun nas khro bar byed pa dang / yongs su spyo bar byed pa de dag nyid la snying rje skyed par byed do/ /des na byams pa chen po bsgoms pa yin/ dge ba'i chos rnams kyang bsgoms pa yin te/ bzod pa de dang ldan na bzod pa mchog thob pa gang yin pa 'di ni/ rjes su mthun pa'i bzod pa yin te/ de snying rje chen po dang ldan pas bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos ston par byed/ de dka' ba spyod par byed cing bzod pa dka' ba byed de/ des na bzod pa mchog thob par byed| des na thogs pa med pa'i ye shes mthong ba thob par byed/ des na sna tshogs pa med pa'i ye shes mthong ba thob par byed/ des na chags pa med pa'i ye shes mthong ba thob par byed do/ /shA ri'i bu/ chos bzhi po 'di dag dang ldan na/ byang chub sems dpa' bsngags pa'i bya ba rjes su thob par 'gyur ro/ /shA ri'i bu/ gzhan yang chos </font><hr>77b<br><font size=+1>


bzhi dang ldan na/ byang chub sems dpa' skye ba dran par 'gyur te/ bzhi gang zhe na/ shA ri'i bu/ 'di ltar byang chub sems dpa' ji skad smra ba de bzhin du byed pa yin/ ji ltar byed pa de bzhin du smra ba yi/ khro ba skyes pa'ang spong bar byed de/ rab tu spong bar byed/ rnam par sel bar byed cing ye shes la rab tu rton par 'gyur ba yin te/ shA ri'i bu/ 'di lta ste/ dper na| me mdag chen pos gang ba'i dong ni/ chu'i phung po chen pos nye bar zhi bar byed do/ /shA ri'i bu/ de bzhin du byang chub sems dpa' 'khor ba skyes pa spong bar byed pa dang / sel bar byed pa dang / ye shes la rton par byed par 'gyur ro/ /shA ri'i bu/ chos dang po 'di dang ldan na/ byang chub sems dpa' skye ba dran par 'gyur ro/ /shA ri'i bu/ gzhan yang 'di la byang chub sems dpa' thos pa tshol ba la gnas shing dge ba'i chos thams cad tshol ba na gces pa mi 'dor ba yin/ nyams 'og tu chud pa'i thos pa mang po dang ldan pa yin/ de gang dang gang du 'gro ba thams cad du 'dod pa'i bya ba rjes su thob par 'gyur la/ gzhan dag kyang thos pa mang po la 'god par byed cing chos de dag la'ang tshul bzhin du so sor rtog par byed do/ 'chi ba'i dus kyi tshe'ang chos dang ldan pa'i dran pas gnas par 'gyur ro/ /shA ri'i bu/ 'di lta ste/ dper na/ skyes bu zhig rtse ba dang dga' bas </font><hr>78a<br><font size=+1>


@#/ /yongs su spyod pas lam du zhugs pa na de dus de'i tshe bkres par gyur la/ de dus phyis shig na sngon gyi rtse ba dang dga' ba de rjes su dran par gyur pa na 'di ltar de sngon gyi yid la byed pa des bkres pa yod pa sel bar byed do/ /shA ri'i bu/ de bzhin du dus gang gi tshe byang chub sems dpa' 'chi ba'i dus kyi tshor bas nyen pa de'i tshe chos dang ldan pa'i yid kyis dang du len par byed de/ de shes bzhin dang ldan par 'gyur ro/ /des shes bzhin dang ldan pas ma'i mngal du 'jug cing der gnas na'ang dran pa dang ldan par 'gyur ro/ /shA ri'i bu/ chos gnyis po 'di dag dang ldan na/ byang chub sems dpa' skye ba dran par 'gyur ro/ /shA ri'i bu/ gzhan yang byang chub sems dpa' ngag legs par srung ba yin te/ de gzhan la gshe bar mi byed de/ gti mug pa zhe'am/ rmongs pa zhe'am/ khengs pa zhe'am/ long ba zhe'am/ 'theng po zhes gzhan la khro ba skyed pas gnas pa ma yin no/ /gzhan du na sems can khros pa gang yin pa de la dbugs \?\ bskyon par byed/ bzod pa gsol bar byed/ rjes su mthun par byed/ chos kyis dga' bar byed/ dran pa la nye bar gnas par byed/ de la gsong por smra bar byed/ tshur shog legs par 'ongs so/ /zhes smra bar byed de/ ma 'jigs shig /ma 'jigs </font><hr>78b<br><font size=+1>


shig /ces sems can de dag la mi 'jigs pa sbyin par byed/ dbugs 'byin par byed/ yid ches par byed cing bzod pa gsol bar byed/ rjes su mthun par byed do/ /sems can 'khrul ba'i spyod pa dag las kyang kun nas slong bar byed de/ shA ri'i bu/ chos gsum po 'di dag dang ldan na/ byang chub sems dpa' skye ba dran par 'gyur ro/ /shA ri'i bu/ gzhan yang byang chub sems dpa' 'di la dge ba'i chos rnams las shin tu 'das shing dge ba'i chos rnams dang ldan par 'gyur ba dang / de de la gnas nas gzhan dag kyang de la rab tu 'god par byed/ bsti stang gis chos yongs su tshol bar byed pa dang / gzhan dag la rgya cher ston par byed de/ shA ri'i bu/ chos bzhi po 'di dag dang ldan pa'i byang chub sems dpa' skye ba dran par 'gyur ro/ /de skye ba dran pas gnas lnga rab tu thob pa yin te/ lnga gang zhe na/ sngon thos pa'i chos gang yin pa de dag la de bzhin du mngon par 'jug pa nyid dang / dran pa mchog tu 'gyur ba dang / shes rab rno ba dang / dran pa mchog dang / shes rab dang ldan pa dang / de srog gi phyir yang sdig pa'i las mi byed pa ste / skyes ma thag tu chos lnga po 'di dag thob par 'gyur ro/ /shA ri'i bu/ chos 'di bzhi ni/ byang chub sems dpa' rnams la med de/ bzhi gang zhe na/ byang chub sems dpa' rnams </font><hr>79a<br><font size=+1>


@#/ /la g.yo med do/ /byang chub sems dpa' rnams la ser sna med do/ /byang chub sems dpa' rnams la phrag dog dang phra ma med do/ /byang chub sems dpa' rnams la bdag bla na med pa yang dag par rdzogs pa'i byang chub mngon par rdzogs par 'tshang rgya bar mi nus so snyam du zhum pa'i sems med do/ /shA ri'i bu/ gang la chos bzhi po 'di dag yod pa de ni/ mkhas pa rnams kyis kye ma'o 'di ni/ tshul 'chos pa'o/ /kye ma'o 'di ni/ kha gsag can no/ /kye ma'o 'di ni/ chos stor ba'o/ /kye ma'o 'di ni/ kun nas nyon mongs pa'i chos can no/ /kye ma'o 'di ni/ 'jig rten gyi zang zing lhur len pa'o/ /kye ma'o 'di ni/ gos dang zas ched cher byed pa ste/ 'jig rten na rkun por rig par bya'o/ /de ci'i phyir zhe na/ shA ri'i bu/ gang zag de lta bu la ni/ dngos po bzhi med de/ de'i rtags bzhi gang zhe na/ zas la ched cher byed pa la gnas pa dang / bdag la mchog tu 'du shes pa dang / sgrog pas nye bar ston pa dang / de la byang chub sems dpa'i rtsom pa gang yin pa 'di la byang chub sems dpa'i yon tan gyi gnas gcig la'ang mngon par sbyor ba med pa'o/ /shA ri'i bu/ byang chub sems dpas brtsam par bya ba'i byang chub sems dpa'i yon tan yang gang zhe na/ 'di lta ste/ </font><hr>79b<br><font size=+1>


tshul khrims yongs su rdzogs par byed pa nyid dang / tshul khrims ma ral pa nyid dang / dran pa nyams pa med pa nyid dang / lhug par gtong ba nyid dang / bzod pa'i stobs dang / khro ba med pa nyid dang / 'tshe ba med pa nyid dang / thos pa mang ba dang / sbyin pa dang / dul ba dang / yang dag par sdom pa dang / 'dod pa rnams don du gnyer ba med pa nyid dang / gnod sems thams cad la don du gnyer ba med pa nyid dang / myur du mngon par 'byung ba nyid dang / phra ma med pa nyid dang / khro ba med pa nyid dang / dge ba'i chos yang dag par len pa dang / ye shes kyi spyod pa dang / sems can thams cad la byams pa'i sems nyid dang / mi mthun pa rnams sdum par byed pa dang / 'khor ba'i 'dam gyi zam pa nyid dang / chos kyi gtam byed pa nyid dang / bzod pa'i stobs so sor rig par byed pa dang / las kyi rnam par smin pa la rton pa ni/ shA ri'i bu/ nges par byang chub sems dpar 'gyur te/ shA ri'i bu| 'di ni/ byang chub sems dpas brtsams pa'i byang chub sems dpa'i yon tan rnams yin no/ /shA ri'i bu/ gang la byang chub sems dpas brtsams pa'i byang chub sems dpa'i yon tan gyi chos 'di dag med pa de dag ni/ byang chub sems dpa' tshul 'chos pa ngan 'gro'i gnas dang ldan par rig par bya'o/ /shA ri'i bu/ chos bzhi po 'di ni/ byang chub </font><hr>80a<br><font size=+1>


@#/ /sems dpa' rnams kyi bla na med pa yang dag par rdzogs pa'i byang chub sgrub pa yin te/ bzhi gang zhe na/ chos dang chos shes pa dang / sbyin pa dang sbyin pa shes pa dang / zhal ta byed pa'i bya ba shes pa dang / thos pa mang po btsal ba shes pa'o/ /shA ri'i bu/ ji ltar na/ byang chub sems dpa'i chos gang zhe na/ 'di lta ste| dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad dang / chags pa med pa dang / zhe sdang med pa dang / gti mug med pa dang / dge ba bcu'i las kyi lam 'di rnams ni/ byang chub sems dpa'i chos zhes bya'o/ /de la chos shes pa gang zhe na/ gang de rnams tshul bzhin sgrub par byed kyi log par mi sgrub pa ste/ sbyin pa dang / dul ba dang / yang dag par sdom pa 'di ni/ chos shes pa zhes bya'o/ /de la sbyin pa gang zhe na/ shA ri'i bu/ 'di la byang chub sems dpa' la gang yod pa de yongs su gtong bar byed de/ de lag pa yongs su gtong ba yin/ rkang pa yongs su gtong ba yin/ lag pa dang rkang pa yongs su gtong ba yin/ sna yongs su gtong ba yin/ mgo yongs su gtong ba yin/ yan lag </font><hr>80b<br><font size=+1>


dang nying lag yongs su gtong ba yin/ bu yongs su gtong ba yin/ bu mo yongs su gtong ba yin/ chung ma yongs su gtong ba yin/ srog yongs su gtong ba yin/ nor yongs su gtong ba yin/ bde ba yongs su gtong ba yin/ lus yongs su gtong ba yin/ dngos po yongs su gtong ba yin/ yul yongs su gtong ba yin/ rin po che yongs su gtong ba yin bdog pa thams cad yongs su gtong ba yin te/ shA ri'i bu/ byang chub sems dpa' de ltar sbyin pa byin na/ bla na med pa yang dag par rdzogs pa'i byang chub la bsnyen pa yin no/ / de la sbyin pa shes pa gang zhe na/ ji ltar lhung bzed du chud pa dus su sbyin pa dang / rung ba sbyin pa dag sbyin pa sbyin par byed de/ ji ltar dge slong rnams la chos gos dang / bsod snyoms dang / gnas mal dang / na ba'i gsos sman dang / yo byad rnams yongs su gtang zhing mgron du gnyer bar byed do/ /shA ri'i bu/ gang yang byang chub sems dpa' mkhas pas smad pa'i sbyin pa 'di rnams las rab tu ldog pa yin te/ 'di lta ste/ dus su ma byin pa'i sbyin pa dang / rung ba ma yin pa'i sbyin pa dang / chang gi sbyin pa dang / dug gi sbyin pa dang / gnod pa'i sbyin pa dang / 'gyod pa'i sbyin pa dang / mtshon cha'i sbyin pa dang / 'phrog \?\ pa'i sbyin pa dang / brnyas pa'i sbyin pa dang / rang gi lag gis ma yin pa'i sbyin pa </font><hr>81a<br><font size=+1>


@#/ /dang / rgyab kyis phyogs pa'i sbyin pa dang / 'dod pa la sten pa'i sbyin pa dang / mi mthun pa'i sbyin pa dang / dam pa ma yin pa'i sbyin pa dang / smad pa'i sbyin pa dang / dug dang sbyar ba'i sbyin pa dang / so sor gnod pa'i sbyin pa dang / rnyed pa'i phyir sbyin pa dang / rtag tu 'jigs pa bskyed pa'i phyir sbyin pa dang / byang chub yongs su nyams par byed pa'i sbyin pa dang / 'chi ba'i zhags pa'i sbyin pa dang / rmongs pa'i sbyin pa dang / bsten pa'i phyir sbyin pa dang / 'jigs pa'i sbyin pa dag las ldog par 'gyur ro/ /shA ri'i bu/ 'di la mkhas pas smad pa'i sbyin pa gang yin pa de dag la thams cad kyi thams cad du mi spyod cing lhag par mi spyod de/ byang chub sems dpa' thams cad kyi thams cad du spyod cing lhag par spyod pa gang yin pa de ni/ byang chub sems dpa' zhes brjod par mi bya'o/ /byang chub sems dpa' gang la byang chub sems dpa'i yon tan rnams dang ldan par gyur kyang sbyin pa las nyams pa ni/ byang chub sems dpa'i yon tan med pa yin no/ /shA ri'i bu/ byang chub sems dpa' khyim gyi gnas nas mngon par byung ba gang byang chub kyi yan lag la mngon par brtson pa des ji ltar sbyin pa sbyin par bya/ sbyin pa gang sbyin par bya/ sbyin pa ji tsam zhig sbyin par bya/ shA </font><hr>81b<br><font size=+1>


ri'i bu| byang chub sems dpa' khyim gyi gnas nas mngon par byung ba gang byang chub kyi yan lag la mngon par brtson pa gang yin pa des so sor thar pa'i sdom pas bsngams te gnas par bya ba dang / cho ga dang / spyod yul dang / spyod pa phun sum tshogs par bya ba dang / kha na ma tho ba phra rab tsam la 'jigs par lta ba dang / lus dang / ngag dang / yid kyi las kyi mtha' yongs su dag pa dang / 'tsho ba yongs su dag pas bslab pa yang dag par blangs te bslab par bya'o/ /des lung mnod pa lhur bya ba dang / kha ton lhur bya ba dang / dgon pa na gnas pa lhur bya ba dang / ji ltar thos pa dang / ji ltar kun chub par byas pa'i chos dag gzhan dag la rgya cher bstan par bya ba dang / chos kyi sbyin pa po dang / gnas kyi sbyin bdag tu bya'o| /shA ri'i bu/ byang chub sems dpa' khyim pa gang gis sangs rgyas kyi zhing gang+gA'i klung gi bye ma snyed rin po che sna bdun gyis yongs su bkang ba byas te de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas/ shA ri'i bu/ rab tu byung bar gyur pa'i byang chub sems dpa' gang gis tshig bzhi pa'i tshigs su bcad pa gcig bstan na/ 'di nyid de bas ches bsod nams mang du skyed de/ shA ri'i bu/ de bzhin gshegs pas ni/ rab tu byung bas zang zing gi sbyin pa bya bar ma gnang ngo / /de ci'i </font><hr>82a<br><font size=+1>


@#/ /phyir zhe na/ shA ri'i bu/ nga rab tu byung bar gyur nas bskal pa grangs med bsam gyis mi khyab par khyim pa'am rab tu byung ba'i chos gos dang / bsod snyoms la mgron du bos par ma dgongs so/ /gzhan du na chos kho na la bsti stang dang / bla mar byas te nye bar brten nas gnas par bya'o/ /de ci'i phyir zhe na/ shA ri'i bu/ nga'i nyan thos rnams kyis chos kyi nor can du bya'i/ zang zing gi nor can du ni mi bya'o/ /shA ri'i bu/ gang yang lhung bzed du 'ongs pa'i rnyed pa chos dang mthun pa chos kyis rnyed par 'gyur na/ des tshangs pa mtshungs par spyod pa rnams dang thun mong du bza' bar bya'o/ /gal te la la zhig 'ongs nas lhung bzed dam chos gos slong la/ gal te sangs rgyas kyis gnang ba'i chos gos gsum las lhag par gyur na/ ji ltar btang ba bzhin du sbyin par bya'o/ /gal te de la chos gos gsum las nyung bar gyur na/ gang la brten te tshangs par spyod pa la gnas pa de ni/ yongs su gtang bar mi bya'o/ /de ci'i phyir zhe na/ de bzhin gshegs pas chos gos gsum gtang bar mi bya'o/ /zhes gsungs pa'i phyir ro/ /shA ri'i bu/ gal te byang chub sems dpa' chos gos gsum yongs su btang ste slong ba po gtso bor byed par gyur na/ des 'dod pa chung ba bsten pa ma yin no/ /shA </font><hr>82b<br><font size=+1>


ri'i bu| de lta bas na/ byang chub sems dpa' khang khyim gyi gnas nas mngon par byung ba des chos la kun tu bsten par bya zhing des de la mngon par brtson par bya'o/ /shA ri'i bu/ byang chub sems dpas gang yang se gol gtogs pa tsam du'ang sems can thams cad la byams pa'i sems bsgom par bya ste/ 'di ni/ sbyin pa shes pa zhes bya'o/ /shA ri'i bu/ ji tsam gyis na/ byang chub sems dpa' zhal te \?\ byed par shes par bya zhe na/ des chos dang mthun pas zhal ta bya zhing de bzhin gshegs pa'i mchod rten la'ang zhal ta bya'o/ /mkhan po dang / slob dpon la'ang gus pa dang bcas par bya'o/ /de ltar 'dis brtson 'grus brtsam par bya ste/ ji ltar ji srid 'tsho'i mthar thug pa'i bar du gnyid dang rmugs pa bsal bar bya ste/ shA ri'i bu/ 'di ni/ byang chub sems dpa'i zhal ta byed pa'i bya ba yin no/ /shA ri'i bu/ de la thos pa mang po tshol ba'i shes pa gang zhe na/ shA ri'i bu/ gang sangs rgyas kyi byang chub kyi phyir byang chub kyi sems bskyed pa thob nas thos pa mang po la mngon par brtson par mi byed pa de ni/ byang chub sems dpa' bden par smra ba ma yin par rig par bya'o/ /shA ri'i bu| ming tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus kyi/ shes rab dang ldan pa nyid kyis ni/ bla na med pa yang dag pa </font><hr>83a<br><font size=+1>


@#/ /rdzogs pa'i byang chub tu mngon par rdzogs par 'tshang rgya bar nus so/ /shes rab de'ang gang las nges par 'byung ba yin zhe na/ mang du thos pa las shes rab 'byung ba yin te/ shA ri'i bu/ de lta bas na/ khyod kyis mngon sum du bya zhing khyod kyis so sor rig par bya'o/ /byang chub sems dpa'i theg pa la yang dag par zhugs pa'i sems can mang du thos pa la ji ltar the tshom skye bar 'gyur zhes gang byang chub sems dpa' de sems can rnams la phan 'dogs par byed pa'i byang chub la bdud sdig can bar chad byed par 'gyur te/ shA ri'i bu/ byang chub sems dpa' sems bskyed nas thos pa mang po la mngon par mi btson pa gang yin pa de ni/ bdud sdig can gyis yongs su byin gyis brlabs pa nyid yin no/ /de lta bas na/ shA ri'i bu/ bdud kyi las thams cad yongs su shes par 'dod pas brtson 'grus brtsam par bya/ tshig gtso bor mi bya/ mkhas pa'i bya ba shes par bya zhing 'jig rten thams cad la grags pa'i bya ba shes par bya'o/ /shA ri'i bu/ de lta bas na/ 'jig rten thams cad mngon par 'phags pa'i brtson 'grus dang / 'jig rten thams cad las mngon par 'phags pa'i tshul khrims kyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur </font><hr>83b<br><font size=+1>


ro| |shA ri'i bu/ gnas 'di don du gnyer ba mang yang nan tan gyis yang dag par sgrub par byed pa ni/ med de/ de dag kyang de bzhin gshegs pa'i stobs bcu dang / 'jig rten thams cad las mngon par 'phags pa'i ye shes dang / smon lam las yongs su nyams par 'gyur ro/ /de lta bas na/ shA ri'i bu/ byang chub sems dpas sems can thams cad gang gis dag bar 'gyur ba'i tshig de smra bar bya/ byang chub sems dpas bdag gis don du smra bar mi bya/ byang chub sems dpa' brtson 'grus dman par mi bya'o/ /shA ri'i bu/ stong du bgrangs pa las gcig 'grub pa'am/ 'grub pa med cing / shA ri'i bu/ stong phrag bcu dang / stong phrag nyi shu dang / stong phrag sum cu dang / stong phrag bzhi bcu dang / stong phrag lnga bcu dang / bye ba phrag stong du bgrang pa las gcig 'grub pa'am/ 'grub pa med do/ /de ci'i phyir zhe na/ shA ri'i bu/ de ltar gang byang chub sems dpa'i spyod pa 'di la gnas pa de ni/ mngon par 'byung bar dka' ba yin no/ /shA ri'i bu/ de lta bas na/ bla na med pa yang dag par rdzogs pa'i byang chub don du gnyer bas 'di ltar sems bskyed par bya ste/ bdag gis sems can thams cad kyis gang dka' ba gang par bya/ bzod dka' ba bzod par bya zhing bdag gis chos btsal bar bya ba'i phyir mngon par dka' </font><hr>84a<br><font size=+1>


@#/ /bas brtson par bya'i/ longs spyod btsal ba'i phyir ni ma yin no/ /de ci'i phyir zhe na/ chos tshol bar byed pa ni/ ye shes tshol bar byed pa yin te/ 'dod pa rnyed pas rlom par mi byed/ rab tu rlom par mi byed do/ /de bas na/ byang chub sems dpa'i theg pa la yang dag par zhugs pa'i sems can rnams kyis shes rab gtso bor bya'i/ longs spyod gtso bor mi bya'o| |shA ri'i bu/ de ltar na/ gang chos kyi sbyin pa 'di la byang chub sems dpas mngon par brtson par bya'o/ /shA ri'i bu/ de la byang chub sems dpas mang du thos pa'i shes pa btsal bar bya zhe na/ shA ri'i bu/ 'di la byang chub sems dpas gang thos pa'i legs par bshad pa de khyer la shog /ces phyogs bzhir skyes bu bzhi gtang bar bya/ khyed cag rnams kyis de rnams na ba'i nye gnas dang / nad g.yog gi don du spro bar bya'o/ /zhes skyes bu gzhan bzhi'ang gtang bar bya ste/ shA ri'i bu/ byang chub sems dpas phyogs bzhir byams pa'i sems kyis khyab par chos kyi rjes su 'gro ba'i blo gzhag par yang bya/ phyogs gang du chos thos pa'i phyogs der yang 'gro bar bya'o/ /shA ri'i bu/ de ltar byang chub sems dpas chos btsal bar bya ste/ 'di ni/ mang du thos pa tshol ba shes pa yin no/ /shA ri'i bu/ chos bzhi po 'di dag ni/ byang chub sems dpa' rnams kyi bla na med pa </font><hr>84b<br><font size=+1>


yang dag par rdzogs pa'i byang chub sgrub par byed pa yin te/ shA ri'i bu/ sngon byung ba 'das pa'i dus na byang chub sems dpa' mkhas pa'i brtson 'grus zhes bya ba byung bar gyur te/ dus de'i tshe na de bzhin gshegs pa dgra bcom pa yang dag par rdzogs pa'i sangs rgyas legs skyes zhes bya ba byung bar gyur ba de yongs su mya ngan las 'das nas de'i bstan pa gnas par gyur pa'i tshe byang chub sems dpa' mkhas pa'i brtson 'grus zhes bya ba de mchod rten la phyag 'tshal zhing rgyu ba na byang chub kyi shing drung ga la ba de logs su song ste phyin nas des byang chub kyi shing de mthong ba na rab tu ngu zhing bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des 'di la bzhugs nas bla na med pa yang dag par rdzogs pa'i byang chub tu mngon par rdzogs par sangs rgyas shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des 'dir bdud dpung dang bcas bzhon pa dang bcas pa btul te/ seng+ge'i khri 'di'i don du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des bskal pa brgya stong phrag du mar dka' ba spyad de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des 'di la skyil mo krung </font><hr>85a<br><font size=+1>


@#/ /gcig gis zhag bdun bzhugs so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'di la bzhugs pa na/ bcom ldan 'das de mthong nas lha bye ba sa ya brgya stong phrag du mas phyag 'tshal ba gang yin pa'i lha de dag ni/ rnyed pa legs par rnyed pa yin no/ /gang bdag kyang dus nam zhig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhes byang chub kyi shing gi rtsa ba de la nyin mtshan brgyad du rab tu du bar gyur te/ de'i bar du bza' ba'am btung ba la longs ma spyad par gnas par gyur pa na/ gnas gtsang ma'i rigs kyi lha nye bar 'ongs nas de la 'di skad ces lhag par gdung bar ma byed par sangs rgyas kyi yon tan gang yin pa de yongs su tshol cig ces smras so/ /des smras pa/ khyed rnams kyis sangs rgyas kyi yon tan shes sam/ de dag gis bdag cag gis ni/ mi shes mod kyi/ 'on kyang lus 'di la 'bras can dang / zan drong gyis gsos te bza' ba btsal bar brtso par gyis la khyod myur du 'chi ba'i dus byed par 'gyur ba ma byed cig ces smras so/ /des lus nyam chung bar ni/ mngon par shes pa med kyi/ 'on kyang gang du 'gro bar bya ste/ 'di nyid du bdag 'chi ba'i dus byed par </font><hr>85b<br><font size=+1>


bya'o| |zhes nyin mtshan bdun du du zhing 'chi ba'i dus bya'o/ /zhes smras so/ /shA ri'i bu/ brtson 'grus des bskal pa byed ba phrag drug cu phyir bsnyil bar gyur to/ /shA ri'i bu/ byang chub sems dpa' des de'i 'og tu bskal pa bye ba nyi shu rtsa lngas bla na med pa yang dag par rdzogs pa'i byang chub tu mngon par rdzogs par sangs rgyas so/ /des bla na med pa yang dag par rdzogs pa'i byang chub tu mngon par rdzogs par sangs rgyas nas sems can bye ba brgya phrag stong bla na med pa yang dag par rdzogs pa'i byang chub las phyir mi ldog par yongs su smin par byas so/ /de'i tshe'i tshad ni/ dpag tu med cing 'di'i nyan thos kyi dge 'dun yang tshad med cing dpag tu med par gyur to/ /shA ri'i bu/ ci'i phyir mkhas pa'i brtson 'grus zhes bya zhe na| de dus thams cad du nges par 'byung ba la brtson pa dang / dus thams cad du brtson 'grus rtsom pa la brtson pa dang / dus thams cad du thos pa mang po la brtson pa ste/ shA ri'i bu/ de lta bu'i brtson 'grus 'des byang chub sems dpa' mkhas pa'i brtson 'grus bla na med pa yang dag par rdzogs pa'i byang chub tu mngon par rdzogs par sangs rgyas so/ /shA ri'i bu/ chos bzhi dang ldan na/ byang chub sems dpa' shes rab dang ldan zhing myur du bla na med pa yang dag par rdzogs pa'i byang chub tu mngon par rdzogs par 'tshang rgya </font><hr>86a<br><font size=+1>


@#/ /bar 'gyur te/ bzhi gang zhe na/ shA ri'i bu/ byang chub sems dpa' thos pa mang ba yin/ thos pa 'dzin pa yin/ thos pa bsags pa yin| tshangs pa mtshungs par spyod pa rgan rabs dang / bar ma dang / gsar bu la gus pa dang bcas pa yin/ dris na lag pa g.yas pas la ma ni/ 'di'o/ /lam ni / 'di'o| |zhes nye bar ston pa yin zhing chos ston pa la brtson pa yin no/ /shA ri'i bu/ chos bzhi po de dag dang ldan na/ byang chub sems dpa' shes rab dang ldan par 'gyur zhing myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de la ji ltar thos pa btsal bar bya zhe na/ rang gi 'dod pa btang ste mkhan po dang / slob dpon gyi gzhung la rab tu gnas pa dang / gus pa dang bcas par bya'o/ /chos bzhi rnam par spang bar bya ba yin te/ bzhi gang zhe na/ gnyid dang rmugs pa dang / bre mo gtam dang / khro ba dang / khengs pa nyid de/ chos bzhi po 'di dag rnam par spang bar bya'o/ /chos bzhi dag la goms par bya ba yin te/ bzhi gang zhe na/ mi nyal ba la goms pa dang / brtson 'grus brtsams shing 'chag pa'i rang bzhin can du bya ba dang / mkhan po dang slob dpon gyi bsnyen bkur la gus pa dang </font><hr>86b<br><font size=+1>


bcas shing khengs pa med pa dang / gzhan dag la gus pa bskyed pas thos pa 'dzin pa dang / de sems la bzhag nas tshig yongs su rdzogs par byed pa ste/ chos bzhi po de dag dang ldan na| thos pa tshol ba yin no/ /chos bzhi po 'di dag gis kyang slob dpon mnyes par byed de/ bzhi gang zhe na/ des pa dang bshes pa dang / bshes pa brtan pa dang / chos la gnas pa dang / nges pa'i tshig bzang po dang ldan pa ste/ chos bzhi po de dag dang ldan na/ slob dpon ma nyes par byed do/ /bdag chos bzhi dang ldan na/ dga' ba thob par 'gyur te/ bzhi gang zhe na/ bdag gi btsal ba don yod par bdag nyid kyis dga' ba thob pa dang / bdag thos pa'i gter dang ldan pa dang / bdag 'di la brten nas shes rab kyi phung po dang ldan pa dang / gzhan dag la chos kyi sbyin pa spyin pa na dga' ba dang rangs pa skye bar 'gyur te/ chos bzhi po 'di dag dang ldan na/ byang chub sems dpa' bdag nyid dga' ba thob par 'gyur ro/ /de de lta bur thos pa tshol ba la gus pa dang bcas pa dang / ri mo dang ldan pa dang / sri zhu dang ldan pa dang / bdag nyid mi 'phyar ba dang / bdag nyid dul ba'i don dang / bdag nyid zhi ba'i don dang / bdag nyid yongs su mya ngan las 'da' ba'i don dang / gzhan dul ba'i don dang / gzhan zhi ba'i don dang / gzhan mya ngan las 'da' </font><hr>87a<br><font size=+1>


@#/ /ba'i don byed pa yin te/ bdag gcig bu'i don byed pa ni/ ma yin no/ /de ltar thos pa tshol zhing de ltar thos pa yongs su tshol ba na mthong ba'i chos kyi shes rab kyang 'phel bar byed na/ 'jig rten pha rol gyi lta smos kyang ci dgos te/ shes rab de'ang thos pa nan tan du byed pas sgrub pa yin no/ /byang chub sems dpa' thos pa la nan tan du sgrub par mi byed pa des ni/ ser skya rjes su dran par bya'o/ /de bas na tshangs pa mtshungs par spyod pa dag la'ang gus pa dang bcas par bya/ mdun du gnas te 'phya bar mi bya/ smra bar mi bya/ rkang pa bkru bar mi bya/ mdun du so shing bza' bar mi bya/ mdun du mchil ma dor bar mi bya/ sgra drag pos smra bar mi bya/ ma dris par smra bar mi bya/ gtam gyi bar chad mi bya/ ma smras par 'gro bar mi bya/ snga phyi'i 'du shes mi bya/ gang cung zad tsam rab tu smra bar mi bya/ gzhan dang gzhan pa'i gtam mi bya/ dman pa dang ldan pa'i gtam mi bya/ gzhan dris pa na gzhan gyis brda sprad par mi bya/ gang dris pa de nyid brda sprad par bya/ rkun po'i gtam mi bya/ mdo sde la rton par bya ba dag dang / gzhan gyi sems bsrung bar bya zhing / de dang rjes su mthun pa'i dge ba'i rtsa ba bsten par bya/ gang sangs rgyas kyi byang chub yang dag pa </font><hr>87b<br><font size=+1>


nyid la zhugs pa de rnams la phan gdags par bya/ gang ma zhugs pa rnams la'ang gnod par mi bya/ de la rnam pa de dag gnyis ka la'ang gnod par mi bya'o/ /gang dag la bdag la khros par gyur nas yang dag pa ma yin pas rjod par byed cing srog gi bar chad byed par gnas pa/ tshangs par spyod pa'i bar chad byed pa la 'jig pa'am/ gus par bya ba dang / tha na dga' ba'i tshig gis kyang de dang sems yongs su 'dris par bya/ gang las lung nod pa dang / kha ton 'don pa dang 'brel ba de la ni/ ston pa'i 'dus shes bskyed cing gus par bya'o/ /de ltar tshangs pa mtshungs par spyod pa rnams la gus par yang bya'o/ /ji ltar lam bstan par bya zhe na/ sems mnyam pa nyid dang / sems rab tu dang ba nyid dang / yang dag par 'du shes pa dang / som nyi med pas lam la la ma nye bar bstan par bya'o/ /gal te the tshom med par ma gyur na des lam shes pa'i skyes bu dag las mnyan nas lam nye bar bstan par bya'o/ /chos bzhi po de dag dang ldan na/ byang chub sems dpa' myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de la 'di skad ces bya ste/ tshul bzhin bsnyen bkur byed pa dang / /tshul bzhin chos ni nyan byed cing / /tshul bzhin shin tu don sems la/ /chos rnams kun gyi pha rol phyin/ /lus can rnams la phan don du/ / </font><hr>88a<br><font size=+1>


@#/ /chos de yongs su tshol ba na/ /mkhan po dag dang nye gnas ni/ /gus pa kun gyis bya ba yin/ /rtag tu byams pa la gnas nas/ /byas pa gzo dang byas pa tshor/ /ngo tsha khrel yod phun sum tshogs/ /phrag dog tshul 'chos rnam par spang / /nad pa rnams ni gso byed pa/ /rnyed dka' rin chen 'du shes kyis/ /de dag 'du shes nyer bzhag nas/ /legs par bshad pa yongs su btsal/ /de dag thos pas bder 'gyur dang / /shes rab rnon po'ang skye 'gyur zhing / /'dod chags zhe sdang gti mug dag/ thams cad byams pas zhi bar 'gyur/ /dper na skyes bu khrus byas la/ /'ga' yis phreng ba byin pa na/ /lag pa gnyis kyis yon blangs nas/ /spyi bo la ni 'jog pa ltar| |de bzhin legs bshad thos nas kyang / /dga' ba'i sems ni skye 'gyur ba/ /rgyal srid thob pa'ang de lta bu'i/ /dga' ba rnyed pa ma yin no/ /rtag tu de dag chos smra la| |mchog tu bla mar bya ba yin/ /chos ni rdzogs sangs rgyas mtshan te/ /chos ni dgra bcom rgyal mtshan yin/ /sangs rgyas chos rnams thos nas kyang / /sgrub pa dag la rab gnas shing / /tshul khrims thos pas nges 'byung ste/ /dper na yar ngo'i zla ba bzhin/ /mi rmongs zhe sdang med pa yis/ /lam mchog dag ni bsten pa dang / /byis pa gang </font><hr>88b<br><font size=+1>


la gus bcas pa'i/ /lta ba'i gnas kyang rnam par spang / /seng+ges spangs pa'i wa bzhin du/ /zil gyis mnan pas chos rnams 'chang / /rlung gis sprin gyi tshogs bzhin du/ /mu stegs can de zil gyis mnan/ /sa la sprin gyi tshogs bzhin du/ /chos kyis yongs su tshim par byed/ /sems can rnams kyi sdug bsngal ni/ /sman pa'i rgyal po bzhin du sel/ /sems ni rtse gcig mnyam bzhag pas/ /de dag rnam rtog spyod yul min/ /de dag khro ba lhur mi len/ /'phyar ba la yang mi gnas so/ /dus dang dus min rnam shes shing / /don shes pa yis rnam par 'dren/ /rtag tu bzod stobs la dga' rnams/ /shes pa'i las rnams byed par 'gyur/ /mkhas dang mthu la brtan pa dang / /chos shes pa la mkhas pa dang // dpa' zhing sems stobs che ba ste/ /rlung gis char ba'i rdul bzhin du/ /sdig can rnams ni zil gyis gnon/ /phyogs rnams dag tu gsal gnas pa/ /nyi ma 'char ba ji bzhin no| |mkhas pa de dag rang don la/ /ched du smra ba rjod mi byed/ /'jig rten rnams la phan pa'i phyir/ /bsam gtan mngon shes dag la mkhas/ /de dag rnam pa 'di 'dra bas/ /bdud kyi steng na gnas pa yin/ /sems can rnams la brtse ba'i phyir/ /'jig rten mar me byed cing rgyu/ /shA ri'i bu/ gzhan yang chos bzhi dang ldan na/ byang chub sems dpa' bzod pa </font><hr>89a<br><font size=+1>


@#/ /sgrub pa yin te/ bzhi gang zhe na/ gus pas tshul khrims srung zhing so sor thar pa la khyad du mi gsod pa dang / gus pas byams pa sgom par byed cing gnod sems la sbyor ba yang spong bar byed pa dang / thams cad mkhyen pa la 'dun pa drag po skyed par yang byed pa dang / dge ba'i chos thams cad la gces pa mi 'dor ba ste/ shA ri'i bu/ chos bzhi po de dag dang ldan na/ byang chub sems dpa' bzod pa sgrub pa yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad bka' stsal to/ /de dag sangs rgyas kyis bsngags pa'i/ /tshul khrims ma nyams ma ral srung / /tshul khrims phung po dag pa la/ / dga' ba nye bar skye bar 'gyur/ /chos rnams mang po tshol byed cing / /thos pa mang la legs gnas na/ /gang gis the tshom gcod byed pa'i/ /des de'i shes rab 'phel bar 'gyur| |skye dang 'chi ba'i rgyun dag las/ /'di dag ji ltar grol bya zhes/ /ltos med phan pa'i sems dag gis/ /dam pa'i chos kyang ston par byed/ /gnod sems don du mi gnyer bas/ /byams pa'i sems kyang sgom par byed/ /mi 'jigs pa dang phan pa'i sems/ /bdag dang sems can mnyam pa nyid/ /byang chub la brtan zil gnon </font><hr>89b<br><font size=+1>


pa'i| |brtson pa dag kyang legs par rtsom/ /gang dag byang chub la brten pa'i/ /dge ba'i chos rnams tshol ba dang / /bsgom par bya ba sgom pa dang / /spang bar bya ba'ang rnam par spong / /ji ltar spang bya spangs pa yis/ /myur du mya ngan 'da' bar 'gyur/ /dgon pa'i gnas la mngon phyogs shing / /gnod pa dag la rgyab kyis phyogs/ /thos pa tshol la brtson pa dag /go 'phang mchog ni rtogs par 'gyur/ /dge slong dge slong ma rnams dang / /dge bsnyen de bzhin dge bsnyen ma/ /thams cad dang ni de dag gis/ /'dris pa rnam par spang bar bya/ /byis pa'i lam la brten pa yi/ /rmongs pa kun kyang skyabs med de/ /gang zhig chos la brten pa dang / /de dag sangs rgyas mchog tu gzhol/ /mi gang sems can don dga' ba'i/ /sangs rgyas pha dang ma yin no/ /g.yo med chos la 'dod pa dag /byang chub la ni rab tu dad/ /sangs rgyas dag tu mi lta ba'i/ /mi rnams mtshan nyid gsum gsungs te/ /g.yo dang chos min 'dod pa dang / /snyom las dag las rtag dga' ba'o/ /'dod chags zhe sdang nga rgyal dang / /de bzhin sdig pa rab spangs nas| |blo ldan brtson 'grus ldan gyur pa/ /byang chub la ni rab gus 'gyur/ /bcom ldan 'das kyis de skad ces bka' stsal nas tshe dang ldan pa shA ri'i bu dang / lha dang / mi </font><hr>90a<br><font size=+1>


@#/ /dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /byang chub sems dpa'i so sor thar pa chos bzhi sgrub pa zhes bya ba theg pa chen po'i mdo rdzogs so// //rgya gar gyi mkhan po dI paM ka pa shrI dz+nya na dang / zhu chen gyi lo tsA ba dge slong shAkya blo gros dang / dge slong dge ba'i blo gros kyis bsgyur cing zhus te/ gtan la phab pa/ </font><hr>

</table>