H265

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H265</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H265&coll=lhasa">see text in Tibetan script</a></table>235a<br><font size=+1>


//rgya gar skad du/ AR+Ya samya ka tsAR+Ya br-it+ta ga ga na war+Na bi na ya k+ShA n+ti nA ma ma hA ya na sU tra/ bod skad du/ 'phags pa yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo/ /bam po dang po| |sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus cig na/ bcom ldan 'das byed pa can na rnyog pa sel ba zhes bya ba'i byed pa can gyi grong rdal du snang ba 'phel ba zhes bya ba'i ri la drang srong rta rlung zhes bya ba dka' thub la gnas pa na/ dge slong gi dge 'dun brgya phrag phyed dang bcu gsum gyi dge </font><hr>235b<br><font size=+1>


slong gi dge 'dun chen po dang / byang chub sems dpa' sems dpa' chen po de bzhin gshegs pa'i spyod yul la chags pa med pa'i ye shes kyis rnam par sprul pa/ tshad med pa'i byams pa chen po'i byin gyi rlabs kyi stobs rjes su thob pa/ tshad med pa'i snying rje chen pos sems can gyi chu bo kun tu 'chang bar rnam par sprul pa/ tshad med pa'i dga' ba'i byin gyi rlabs kyi stobs kyis sems can thams cad la bde ba'i dran pa'i char rab tu 'bab pas kun tu ngoms pa/ tshad med pa'i btang snyoms kyi ye shes kyis chos thams cad nam mkha' dang mnyam par 'jug pa la mkhas pa/ chos kyi sprin dang / lhag mthong dang / rig pa dang / ye shes kyi stobs kyis ma rig pa'i mun pa chen po rnam par 'jig pa la mkhas pa/ bsdu ba rnam pa bzhis sems can rnams chu bo bzhi las bsgral bar bya ba'i ye shes dang / sems can thams cad la mtshungs par sems pa'i phyir byams pa dang / khong khro ba med pas byang chub kyi phyogs kyi lam yongs su dag pa| chos kyis yang dag par 'jug pa/ ye shes chen po la mkhas pa/ 'jig rten la mchog gi lam yang dag par ston pa/ sems can rnam par rgyas shing dge ba'i rtsa bas yongs su sreg ba'i chub rkam zhing ye shes kyi las kyi mtha' la rab tu 'jug pa /mngon par shes pa chen po'i ye shes rnam par rtse ba mngon par shes pa zla ba lta bu/ sems can thams cad kyi sems </font><hr>236a<br><font size=+1>


@#/ /mtshungs par shes pa'i bsam pa mngon par yang dag par mgu ba'i phyir thabs la mkhas pa 'phel ba yang dag par ston pa/ nam mkha' dang mtshungs pa'i gzungs kyis tshad med pa'i snod chos rin po ches yongs su bkang zhing byang chub sems dpa'i spyod pa'i phyir skye bo thams cad kyi nye bar 'tsho ba/ 'phags pa'i bden pa bzhis rkang pa'i shugs chen pos chos kyi tshul gyi lam zab mo'i rjes su zhugs pa/ mtshungs pa'i chos kyis gzhan gyi rgol ba thams cad tshar gcod pa/ bskal pa brgya stong grangs med pa'i mthar byang chub sems dpa'i spyod pa thug pa med cing rgyun ma bcad pa'i yon tan thams cad 'byung ba/ rlung dang mtshungs pa'i sems 'jig rten pa dang 'jig rten las 'das pa'i chos thams cad kyis gos pa med pa/ bag chags thams cad rjes su 'brel ba'i nyon mongs pa rab tu spangs pa/ tshad med grangs med pa'i ting nge 'dzin dang / gzungs dang / bzod pas rnam par rtse ba la mkhas pa sha stag la 'di lta ste/ byang chub sems dpa' rta dang glang po che mi dkar ba zhes bya ba dang / byang chub sems dpa' ri rab kun tu snang ba zhes bya ba dang / byang chub sems dpa' ri rab zla ba zhes bya ba dang / byang chub sems dpa' rnam par bsgyings pa mi zad pa zhes bya ba dang / byang chub sems dpa' ye shes dpal zhes bya ba dang / byang </font><hr>236b<br><font size=+1>


chub sems dpa' mig sngon po zhes bya ba dang / byang chub sems dpa' dur smrig seng+ge sgra 'byin ces bya ba dang / byang chub sems dpa' nor gyi 'od kyi tshogs zhes bya ba dang / byang chub sems dpa' ri rab mtshams zhes bya ba dang / byang chub sems dpa' rgyal mtshan rnam par sprul pa'i dbyangs zhes bya ba dang / byang chub sems dpa' glog gi phung po zhes bya ba dang / byang chub sems dpa' yon tan gyi gzi brjid dri ma med pa'i rgyal po zhes bya ba dang / byang chub sems dpa' ri rab stobs kun tu rgyas pa zhes bya ba dang / byang chub sems dpa' gtogs 'dod mthu bo che zhes bya ba dang / byang chub sems dpa' byams pa dang / de la sogs pa byang chub sems dpa' stong phrag bcu dang / sngon du 'gro ba drang srong rta rlung dang / drang srong stong phrag sum cu dang / lha bran brgya stong phrag bco brgyad kyis sangs rgyas bcom ldan 'das la yongs su bskor nas lhan cig tu 'khod do/ /de nas bcom ldan 'das kyis tshe dang ldan pa legs par 'ongs pa la bka' stsal pa/ legs par 'ongs pa/ de bzhin gshegs pa'i seng+ge'i khri bshams pa de la bdag 'dug ste/ nyan thos rnams la nyan thos kyi gtam smra bar 'gyur ro/ /bcom ldan 'das de bzhin no/ /zhes gsol pa dang / tshe dang ldan pa legs par 'ongs pa phyir mnyan te bcom ldan 'das kyi phyir pho brang zlum po byas par gyur to/ /de nas bcom ldan 'das kyis 'khor thams </font><hr>237a<br><font size=+1>


@#/ /cad dang ldan pa la rnam par kun tu bltas te pho brang zlum por bshams pa nyid du bzhugs so/ /de nas dge slong gzhan dag kyang stan las langs te bla gos phrag pa gcig tu byas nas bcom ldan 'das gang na ba de logs su thal mo sbyar te phyag btsal nas bcom ldan 'das la 'di skad ces gsol to/ /bcom ldan 'das 'jig rten zhes bgyi ba| btsun pa bcom ldan 'das/ 'jig rten zhes bgyi ba ni/ gang lags/ de bzhin gshegs pas 'jig rten du btags pas btags pa ni/ ji lta bu lags/ de skad ces gsol pa dang / bcom ldan 'das kyis dge slong de la 'di skad ces bka' stsal to/ /dge slong dag /'jig rten 'jig rten zhes bya ba dang / de bzhin gshegs pas 'jig rten du btags pas btags pa ni/ ji tsam zhes dge slong khyod de skad 'dri'am/ bcom ldan 'das de bzhin no/ /de'i phyir dge slong khyod legs par nyon la shin tu yid la zungs shig dang ngas bshad do/ /btsun pa/ de bzhin no/ /zhes gsol te dge slong de bcom ldan 'das la phyir nyan pa dang / bcom ldan 'das kyis de la 'di skad ces bka' stsal to/ / dge slong / 'jig rten zhes bya ba ni/ 'jig rten rnam pa gnyis te/ snod kyi 'jig rten dang / 'du byed kyi 'jig rten yin no/ /dge slong / de la snod kyi 'jig rten ni/ gang / 'du </font><hr>237b<br><font size=+1>


byed kyi 'jig rten ni/ gang zhe na/ sa'i khams dang / chu'i khams dang / me'i khams dang / klung gi khams ji tsam pa ni/ snod ces bya'o/ /dge slong / de la nang gi sa'i khams yod de/ dge slong / de la nang gi sa'i khams gang zhe na/ gang nang gi sa'i sra ba nyid zin pa ni/ 'di lta ste/ rus pa dang sen mo dang / so'i bar du ste/ 'di dag ni/ nang gi sa'i khams zhes bya'o/ /de la phyi rol gyi sa'i khams gang zhe na/ gang lus kyi phyi rol gyi sa'i khams ni/ 'di lta ste/ 'gron bu dang / gser dang / nor bu dang / mu tig dang / bai DUR+Ya dang / dung dang / rdo dang / byu ru dang / dngul dang / sa le sbram dang / gram bu dang / gseg ma dang / myo mo dang / shing dang / rtswa ba dang / sman dang / phyag dar dang 'di dag ni/ phyi rol gyi sA khams zhes bya'o/ /chu'i khams gang zhe na/ phyi rol gyi chu'i khams yod/ nang gi chu'i khams kyang yod de/ de la nang gi chu'i khams gang zhe na/ lus 'di la chu dang / chu'i khams kyi mkhris pa dang / bad kan dang / rnag dang / khrag dang / klad pa dang / klad rgyas dang / mchi ma dang / rdul dang / ngar snabs dang / snabs dang / rgyungs pa dang / lgang pa dang / gcin yod pa kun tu len pa 'di ni| nang gi chu'i khams zhes bya'o/ /de la phyi rol gyi chu'i khams gang zhe na/ gang lus kyi phyi rol gyi chu'i khams ni/ 'di lta ste/ chu dang / chu'i khams kyi snum pa dang / 'o ma dang / </font><hr>238a<br><font size=+1>


@#/ /zho dang / dar ba dang / bu ram dang / shing gi ro dang / chang dang / rtsa ba mo dang / bu ram chad dang / me tog chang dang / lus \?\ kyi phyi rol gyi chu'i khams ji tsam pa kun tu len pa 'di ni/ phyi rol gyi chu'i khams so/ /de la nang gi me'i khams gang zhe na/ lus la gang skye bo'i mdog gi dro ba kun tu len pa des lus 'di dro ba nyid du ba dang / gdungs pa dang / rims dang / yongs su tshig pa dang / des zos pa dang / 'thungs pa dang / 'chos pa dang / myangs pa de'i yang dag par yongs su smin par 'gyur ba 'di ni/ nang gi me'i khams zhes bya'o/ /de la phyi rol gyi me'i khams gang zhe na/ gang me'i gdung ba dang / nyi ma'i gdung ba dang / nor bu'i gdung ba dang / 'bru dang / sman dang / shing dang / rtsa'i dro ba dang / lci ba'i dro ba dang / phyag dar gyi dro ba dang 'di dag ni/ phyi rol gyi me'i khams zhes bya'o/ /de la nang gi rlung gi khams gang zhe na/ gang lus 'di la gyen du rgyu ba'i rlung dang / thur du rgyu ba'i rlung dang / m+zhu ba'i rlung dang / yan lag dang / nying lag tu rgyu ba'i rlung dang 'di ni/ nang gi rlung rnams zhes bya'o/ /de la phyi rol gyi rlung gang zhe na/ gang phyi rol tu yang dag par rgyu ba'i rlung dang / rnam par rgyu ba'i rlung dang / gyen du rgyu ba dang / grang ba dang / dro ba'i dmu rlung phyang ba mang po dang / sa 'dzin pa'i rlung dang / phyi rol gyi rlung gi khams gang yang rung ba 'di ni/ phyi rol gyi rlung gi </font><hr>238b<br><font size=+1>


khams zhes bya ste/ de ltar phyi dang nang gi 'byung ba chen po bzhi po 'di ni/ snod kyi 'jig rten zhes bya'o/ /'di gang gi snod ce na/ nye bar len pa'i phung po lnga'i snod do/ /dge slong dag /phyi dang nang gi 'byung ba chen po bzhi po 'di dag la gang mos pa'am/ dga' ba'am/ byams pa'am/ chags pa'am/ rgya che ba'am/ nga yir bya ba'am/ bdag gir bya ba de dag thams cad spang bar bya'o| |zhes so sor bslab par bya'o/ /gang la la 'das pa dang / ma 'ongs pa dang / da ltar byung ba'i phyi dang nang gi 'am/ che ba'am/ phra ba'am/ ngan pa 'am/ bzang po'am/ gang ring ba'am/ gang nye ba'am/ 'byung ba chen po bzhi po de thams cad de bzhin du so sor bslab par bya'o/ /gang la 'byung ba chen po bzhi po de dag ni/ bdag gi ma yin/ bdag kyang de'i ma yin/ de'ang bdag gi ma yin no/ /zhes de ltar de bzhin du yang dag pa'i shes rab kyis ji lta ba bzhin du blta bar bya'o/ /dge slong dag/ dge slong gang la la 'byung ba chen po bzhi po de dag la de bzhin du yang dag pa'i shes rab kyis shin tu brtan par byed do/ /shin tu yid la byas pa'i dge slong de sred pa dang / rgud pa dang / lus kyi sbyor ba'i rgyun gcod cing sdug bsngal gyi mthar byed pa ste/ dge slong dag /'di ni/ snod kyi 'jig rten no/ /dge slong dag /de la 'du byed kyi 'jig rten gang zhe na/ nye bar len pa'i phung po lnga ni/ 'du byed ces bya'o/ /lnga gang zhe na/ 'di lta ste/ gzugs </font><hr>239a<br><font size=+1>


@#/ /nya bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po ste/ dge slong dag/ 'di ni/ 'du byed kyi 'jig rten no| |dge slong dag| sems can ji tsam pa gang sems can gyi bsdu bas yang dag par bsdus pa de thams cad phung po 'di dag gis bsdus pa dang ldan pa 'di ni/ 'du byed kyi 'jig rten zhes bya'o/ /dge slong dag/ nye bar len pa'i phung po lnga po de la gnang mos pa'am/ dga' ba'am/ byams pa'am/ chags pa'am/ rgya che ba'am/ nga yir bya ba'am/ bdag gir bya ba de thams cad spang bar bya'o/ /zhes so sor bslab par bya'o/ /gang cung zad 'das pa dang / ma 'ongs pa dang / da ltar byung ba'am/ phyi'i 'am/ nang gi'am/ che ba'am/ phra pa'am/ ngan pa'am/ bzang ba ba'am| gang ring ba'am/ gang nye ba'i gzugs de thams cad bdag gi ma yin/ bdag kyang de'i ma yin/ de'ang bdag ma yin no/ /zhes de ltar de bzhin du yang dag pa'i shes rab kyis ji lta ba bzhin du blta bar bya'o/ /gang la la 'das pa dang / ma 'ongs pa dang / da ltar byung ba'am/ phyi'i 'am/ nang gi'am/ che ba'am/ phra ba'am/ ngan ba'am/ bzang ba'am/ gang ring ba'am/ gang nye ba'i tshor ba'am/ gang la la 'du shes dang / gang la la 'du byed dang / gang cung zad rnam par shes pa de thams cad ni/ bdag gi ma yin/ bdag kyang de'i ma yin/ de bdag ma yin no/ /zhes </font><hr>239b<br><font size=+1>


de ltar de bzhin du yang dag pa'i shes rab kyis ji lta ba bzhin du blta bar bya ba 'di ni/ dge slong dag/ snod kyi 'jig rten dang / 'du byed kyi 'jig rten zhes bya'o/ /de nas byang chub sems dpa' kun tu snang pa 'khor der 'dus par gyur te 'dug pa des byang chub sems dpa' phung po rnam par 'jig pa la smras pa/ tshe dang ldan pa phung po rnam par 'jig pa/ bcom ldan 'das kyis phung po lnga po 'di 'jig rten du bstan pa ni/ 'di lta ste/ gzugs kyi phung po dang / tshor ba'i phung po dang / 'du shes dang / 'du byed dang / rnam pa shes pa'i phung po'o/ /tshe dang ldan pa/ phung po lnga po de dag ni/ ji lta bu| gzugs kyi phung po ni/ gang 'dod pa'i khams mig dang / gzugs kyi 'dod chags dang bral ba yang dag par gzhol ba dang / rna ba dang / sna dang / lce dang / lus dang / yid kyang mig dang / gzugs kyi 'gog pa yang dag par gzhol ba zhig gam/ gzugs dang / gzugs med pa'i khams mig dang / gzugs kyi 'dod chags dang bral ba yang dag par gzhol ba dang / de bzhin du rna ba dang / sna dang / lce dang / lus dang / yid kyi mig dang / gzugs kyi 'dod chags dang bral ba yang dag par gzhol ba ni/ gang / ci gzugs kyi phung po 'dod pa'i khams mig dang / gzugs kyi 'dod chags dang bral ba yang dag par gzhol ba dang / rna ba dang / sna dang / lce dang / lus dang / yid kyi kyang mig dang gzugs kyi 'dod chags dang bral ba yang dag par gzhol ba dang / </font><hr>240a<br><font size=+1>


@#/ /gzugs dang / gzugs med pa'i khams mig dang / gzugs kyi 'dod chags dang bral ba yang dag par gzhol ba'am/ 'on te tshor ba dang / 'du shes dang / 'du byed dang / rnam par shes pa 'dod pa'i khams mig dang / gzugs kyi 'dod chags dang bral ba yang dag par gzhol ba dang / gzugs dang / gzugs med pa'i khams mig dang / gzugs kyi 'dod chags dang bral ba yang dag par gzhol ba dang / gzugs dang / gzugs med pa'i khams mig dang / gzugs kyi 'dod chags dang bral ba yang dag par gzhol ba'am/ ci 'das pa gzugs kyi phung po'am/ mig dang / gzugs kyi 'dod chags dang bral ba yang dag par gzhol ba dang / rna ba dang / sna dang / lce dang / lus dang / yid nas mig gi bar du'am/ gzugs dang / gzugs med pa'i khams mig dang / gzugs kyi 'dod chags dang bral ba yang dag par gzhol ba zhig gam/ 'on te tshor ba dang / 'du shes dang / 'du byed dang / rnam par shes pa yang dag par gzhol ba zhig gam/ 'on te de ltar byung ba gzugs kyi phung po'am/ mig dang / gzugs kyi 'dod chags dang bral ba dang / rna ba dang / sna dang / lce dang / lus dang / yid kyang gzugs dang / gzugs med pa'i mig nas yid kyi bar du yang dag par gzhol ba zhig gam/ </font><hr>240b<br><font size=+1>


'on te tshor ba nas yid kyi bar du'am/ 'on te ma 'ongs pa dang / gzugs kyi phung po'am/ mig dang / gzugs kyi 'dod chags dang bral ba dang / de rna ba nas yid kyi bar du yang dag par gzhol ba zhig gam| 'on te tshor ba nas yid kyi bar du'am/ de nas byang chub sems dpa' phung po rnam par 'jig pas byang chub sems dpa' kun tu snang ba la 'di skad ces smras so/ /rigs kyi bu 'god pa'i chos ltos/ mig gi bu gar gzugs kyi phung po dang / 'dod chags dang bral ba 'phos pa'ang ma yin/ mig gi bu gar tshor ba dang / 'du shes dang / 'du byed dang / rnam par shes pa'i phung po dang / 'dod chags dang bral ba 'phos pa'ang ma yin/ skye mched ni mi rtog rnam par mi rtog cing ldang ba'ang ma yin/ phung po ni ngag gi lam dang / dbyangs dang / sgra dang / brjod pa las yang dag par shin tu 'das pa'o/ /de ci'i phyir zhe na/ rigs kyi bu chos thams cad ni skad cig ma ste/ dngos po dang bral ba'o/ /chos thams cad ni dbyangs med pa'o/ /dbyangs dang bral ba'o/ /chos thams cad ni nam mkha'i lam ste/ mtshan ma med pa'o/ /chos thams cad ni yi ge med pa'o/ /smon pa med pa'o/ /chos thams cad ni skye ba med pa'o/ /stong pa'o/ /chos thams cad ni thob pa med pa'o/ /tshig med pa'o/ /chos thams cad ni rtog pa dang bral ba'o/ /mi 'khom pa'o/ /chos thams cad ni chags pa dang bral ba'o/ /rkyen med pa'o/ /chos thams cad ni sbyor </font><hr>241a<br><font size=+1>


@#/ /ba dang bral ba'o/ /dmigs pa med pa'o/ /chos thams cad ni/ lta ba dang bral ba'o/ /mtshan nyid dben pa'o/ /chos thams cad ni/ dmigs pa dang bral pa'o/ / bdag med pa'o/ /chos thams cad ni/ bdag dang bral ba'o/ /brjod du med pa'o/ /chos thams cad ni/ yi ge dang bral ba'o/ /rab tu zhi ba'o/ /chos thams cad ni/ chos nyid mi 'thob pa'o// mi snang ba thob pa'o/ /chos thams cad ni/ snang ba dang bral ba'o/ /shin tu yul med pa'o/ /chos thams cad ni/ yul dang bral ba'o/ /shin tu rtsa ba med pa'o/ /chos thams cad ni/ dbang po med pa'o/ /shin tu rang bzhin med pa'o/ /chos thams cad ni/ spyod pa rnam par dag pa'o/ /gnyen po med pa'o/ /chos thams cad ni/ sems med pa'o/ /chags pa dang bral ba'o| |chos thams cad ni/ shin tu 'phos pa'o/ /phun sum tshogs pa dang bral ba'o/ /chos thams cad ni/ 'jungs pa med pa'o/ /spros pa dang bral ba'o/ /chos thams cad ni/ shin tu bsam gtan dang ldan pa'o/ /g.yo ba dang bral ba'o/ /chos thams cad ni/ shin tu sgrib pa med pa'o/ /rdul dang bral ba'o/ /shin tu bral ba'o/ /chos thams cad ni/ nyon mongs pa dang bral ba'o/ /stobs chung pa'o/ /chos thams cad ni/ rtsod pa dang bral ba'o/ /dngos po med pa'o/ /chos thams cad ni/ dngos po dang bral ba'o/ /byed pa med pa'o/ /chos </font><hr>241b<br><font size=+1>


thams cad ni/ las mi ston pa'o/ /tshor ba med pa'o/ /chos thams cad ni/ nam mkha' dang ldan pa'o/ /thos pa med pa'o/ /chos thams cad ni/ dbyangs dbang bral ba'o/ /gzung du med pa'o/ / chos thams cad ni/ rang bzhin gyis sdug pa'o/ /shes pa med pa'o/ /chos thams cad ni/ tshor ba chags pa med pa'o/ /smig rgyu lta bu'o/ /chos thams cad ni/ 'di shes dang bral ba'o/ / brag ca lta bu'o/ /chos thams cad ni/ ngo bo nyid med pa'o/ /gzugs brnyan lta bu'o/ /chos thams cad ni/ rab tu snang ba'i 'od rnam par dag pa chu zla lta bu'o/ /chos thams cad ni / gzugs brnyan dang bral ba'o/ /gzugs brnyan la brten pa'o/ /chos thams cad ni/ sprin mi dmigs pa'o/ /nam mkha' dang mnyam pa'o/ /chos thams cad ni/ gzugs brnyan no/ / bstan du med pa'o/ /dngos po med pa'o/ /dngos po dang bral ba'o/ /mtshan nyid med pa nam mtshan nyid med pa dang / mtshan nyid dang bral ba dang / mnyam pa'i mtshan nyid dang / mtshan nyid gcig pa dang / mtshan nyid med pa'i bar du'o/ /chos thams cad ni/ bdag med pa'o/ /chos thams cad ni/ bdag tu mi dmigs pa'o/ /ngar sems pa med pa'o/ /rten med pa'o/ /brjod du med pa'o/ /chos thams cad ni/ yi ge med pa'o/ /rigs kyi bu/ 'du byed thams cad ni/ skad cig ma zad ba dang bral ba'o/ /zhes nyon mongs pa dang 'khrug pa med par bya ba'i phyir bdag </font><hr>242a<br><font size=+1>


@#/ /dang gzhan la gnod pa med pa spros pa med pa'i bzod pa bsgom par bya'o/ /'di la rigs kyi bu/ byang chub sems dpa' de'i dbang gi bzod pa sgom pa na yang dag par spyod pa'i tshul nam mkha'i mdog gis 'dul ba'i bzod pa zhes bya ba thob po/ /bzod pa 'di thob pa'i byang chub sems dpa' skad cig ma gcig dang yang dag par ldan pa tsam gyis sangs rgyas kyi zhing rdul shin tu phra bsnyed las lhag par lus yongs su sprul to/ /sangs rgyas kyi zhing rdul shin tu phra ba snyed kyi phyogs bcu stong pa dang / rnyog pa lnga'i sangs rgyas kyi zhing du song ste sangs rgyas kyi zhing re rer yang rdul shin tu phra ba snyed kyi rnam pa sna tshogs kyi char gtong ba'i/ 'di lta ste/ zas kyi char ram/ skom gyi char ram/ gos sam/ ltab lhub bam/ dri'am/ me tog gam/ rin po che sna tshogs kyi char yang rab tu 'ong ngo / /gang sems can zas dang / kom de yongs su zos pas zang zing med pa'i dga' ba dang / bde ba thob pa'i sems can de 'du byed thams cad ni| mi rtag pa/ sdug bsngal ba/ bdag med pa/ stong pa nyid kyi dran pa dang / tshul khrims thob bo/ /khyim gyi bcings pa thams cad dang / 'dod pa'i yon tan lnga spangs te byung nas ri'i sul dang / khyim med pa stong pa'i nags tshal stug por gnas par gyur to/ /drang srong gi cha byad kyis rtswa dang / rtsa ba dang / 'bras bu'i zas la gnas par 'gyur ro/ /nye bar len pa'i phung po lnga po de dag la </font><hr>242b<br><font size=+1>


mi zad par mos shig/ brtson 'grus rtsom pa la sbyor bar byed do/ /nye bar len pa'i phung po lnga po 'di dag la nad dang / shu ba dang / zug rdu dang / mi rtag pa dang / sdug bsngal ba dang / stong pa dang / bdag med par yid la byed do/ /mngon par shes pa lnga thob bo/ /tshangs pa dang / 'jig rten la gzhol bar 'gyur ro/ /de bzhin du go sa nas rin po che yongs su sbyang ba'i bar du yongs su spyod par byed do/ /de shes pas zang zing med pa'i dga' ba dang / bde ba thob pa nas tshangs pa dang / 'jig rten gyi bar du gzhol bar 'gyur ro/ /byang chub sems dpa' de ltar de bzhin du gang yang dag par spyod pa'i tshul nam mkha'i mdog gis 'dul ba'i bzod pa 'di dag thob pa de snyim pas me tog nam mkha' la gtor ba'i me tog de phyogs bcu'i sangs rgyas kyi zhing rdul shin tu phra ba snyed kyi stong pa dang / rnyog pa lnga'i sangs rgyas kyi zhing du skad cig ma gcig gis song ba'i me tog re re la'ang sangs rgyas kyi zhing gi rdul shin tu phra ba snyed kyi chos kyi sgo brjod pa'i dbyangs 'byung ba ni/ 'di lta ste/ chos thams cad dbyangs med pa'o/ /bdud bzhi'i yul las 'das pa'o/ /chos thams cad ni/ nam mkha'i lam mo/ /gnas yang dag par spong ba'o/ /yi ge med pa'o/ /chos thams cad ni/ chags pa yang dag par gzhol ba'o/ /mi skye ba'o/ /chos thams cad ni/ nyon mongs pa yang dag par gzhol ba'o/ /ma 'gag pa'o/ /chos </font><hr>243a<br><font size=+1>


@#/ /thams cad kyi sngon gyi dam tshig mi gtong ba'o/ /mtshan nyid med pa'o/ /chos thams cad ni/ chags pa yang dag par gtong ba'o/ /rkyen med pa'o/ /chos thams cad ni/ kun tu sbyor ba yang dag par gtong ba'i gnas med pa'o/ /chos thams cad ni/ rtsom pa med pa'o/ /chos thams cad ni/ bdag gir bya ba dang / nga yir bya ba yang dag par gtong ba'o/ /chos thams cad ni/ dben pa'o/ /'du 'dzi yang dag par gtong ba'o/ /bdag med pa'o/ /chos thams cad ni/ bdag dang bral ba nas brjod du med pa'i bar du'o/ /rab tu zhi ba'o/ /mi snang ba thob pa'o/ /mi gnas pa'o/ /shin tu yul med pa'o/ /shin tu rtsa ba med pa'o/ /shin tu rang bzhin med pa'o/ /gnyen po med pa'o/ / kha zas med pa'o/ /shin tu 'thor ba med pa'o/ /'jungs pa med pa'o/ /shin tu bsam gtan byed pa'o/ /shin tu bsgribs pa med pa'o/ /shin tu 'od ba med pa'o/ /nyam chung ba'o/ /dngos po med pa'o/ /byed pa med pa'o/ /tshor ba med pa'o/ /zag pa med pa'o/ /'dzin pa med pa'o/ /rnam par shes pa med pa'o/ /smig rgyu ba lta bu'o/ /brag ca lta bu'o/ / mig yor lta bu'o/ /chu zla lta bu'o/ /gzugs brnyan lta bu'o/ /nam mkha' dang mnyam pa'o/ /dngos po med pa'o/ /mtshan nyid med pa nas mtshan nyid med pa dang / mtshan nyid </font><hr>243b<br><font size=+1>


dang bral ba dang / mnyam pa'i mtshan nyid dang / mtshan nyid gcig pa dang / mtshan nyid med pa'i bar du'o/ /chos thams cad ni/ bdag med pa'o/ /ngar sems pa med pa'o/ /gzung du med pa'o/ /brjod du med pa'o/ /chos thams cad ni/ skad cig ma'o/ /'du byed zad pa dang bral ba'o/ /zhes bzod pa'i sems bsgom par bya'o/ /chos thams cad ni/ skad cig ma zhes zhi ba'i sems bsgom par bya'o/ /mnyam pa'i sems dang / rnam par zhi ba'i sems dang / 'dzin pa med pa'i sems dang / 'byung ba med pa'i sems dang / sgrib pa med pa'i sems dang / chod pa med pa'i sems dang / phyin ci ma log pa'i sems dang / rten med pa'i sems dang / mnyam par bzhag pa'i sems dang / sdug bsngal gyi sems bsgom par bya'o/ /de bzhin du nye bar zhi ba'i stong pa phyi dang nang gi 'jig pa brjod pa'i chos kyi sgo dang / tshad med grangs med pa'i chos kyi sgo me tog de dag la 'byung bar 'gyur ro/ /sems can de'ang chos kyi sgo de thos nas zang zing med pa'i dga' ba dang / bde ba thob pa de 'du byed thams cad ni/ mi rtag pa/ sdug bsngal ba/ bdag med pa/ stong pa nyid kyi dran pa dang / tshul khrims thob bo/ /khyim gyi bcings pa thams cad dang / 'dod pa'i yon tan lnga yang dag par spangs te byung nas ri'i sul dang / khyim med pa stong pa'i nags tshal stug por gnas par 'gyur ro/ /drang srong gi cha byad kyis 'bras bu dang / rtsa ba dang / </font><hr>244a<br><font size=+1>


@#/ /rtswa'i zas la gnas par 'gyur ro/ /nye bar len pa'i phung po lnga po de dag la mi zad par mos shing brtson 'grus rtsom pa la spro bar byed do/ /nye bar len pa'i phung po lnga po 'di dag la nad dang / shu ba dang / zug rdu dang / mi rtag pa dang / sdug bsngal ba dang / stong pa dang / bdag med par yid la byed do/ /mngon par shes pa lnga thob bo/ /tshangs pa'i 'jig rten la gzhol bar 'gyur ro/ /rigs kyi bu/ byang chub sems dpa' 'di 'dra ba'i bzod pa sgom pa de ni/ ming mi dmigs/ sems can mi dmigs/ srog mi dmigs/ gsob mi dmigs/ gang zag mi dmigs/ gzugs mi dmigs/ tshor ba ma yin/ 'du shes ma yin/ 'du byed ma yin/ rnam par shes pa'ang mi dmigs/ mig mi dmigs/ rna ba'ang ma yin/ sna'ang ma yin/ lce'ang ma yin/ lus kyang mi dmigs/ yid kyang mi dmigs/ gzugs mi dmigs/ sgra mi dmigs/ dri mi dmigs/ ro mi dmigs/ reg bya mi dmigs/ chos mi dmigs/ yid mi dmigs/ lus mi dmigs/ tshig mi dmigs/ sems mi dmigs so/ /stong pa nyid mi gsog pa/ mtshan ma med pa/ thub pa/ khams gsum gtong pa med pa/ mngon par 'du mi byed pa/ ma skyes pa/ ma bsgoms pa/ ma byang ba'i bzod pa 'di smras so/ /ma byas pa/ bya ba med pa de sngon gyi mtha' la bya ba med pa/ phyi </font><hr>244b<br><font size=+1>


ma'i mtha' la 'das pa med pa/ dbus kyi mtha' la yang dag par med pa/ mi gnas pa/ mi dmigs pa/ yid la mi byed pa'i bzod pa 'di sgom pa na byang chub sems dpa' sems dpa' chen po yang dag par spyod pa'i tshul nam mkha'i mdog gis 'dul ba zhes bya ba'i bzod pa thob bo/ /byang chub sems dpa' bzod pa 'di thob pas ji lta bur gong du bshad pa'i rtsal 'di 'dra ba bya bar 'gyur ro| |byang chub sems dpa' phung po rnam par 'jig pa 'di bstan pa ston cing brjod pa na byang chub sems dpa' rnam par mi rtog pa zhes bya bas legs so/ /zhes bya ba byas te byang chub sems dpa' mang po dag cang mi smra bar gyur nas bcom ldan 'das cang mi gsung bas zhal gyis bzhes par gyur pa dang / de nas dge slong drug cu tsam 'di snyam du sems te/ rigs kyi bu phung po rnam par 'jig pa ci la bsam ste rnam pa 'di lta bu'i sgyu ma 'dra ba'i 'du byed thams cad ston/ gal te gzugs bdag med pa/ mi snang ba/ kun nas ldang ba med pa/ yid la mi byed pa/ mi rtog pa/ rnam par mi rtog pa/ dmigs pa med pa/ rgyu ba med pa'am/ 'on te 'di lta ci/ sems can nam/ srog gam/ skye ba'am/ gso ba'am/ gang zag gam/ shed las skyed pa'am/ shed can nam/ byed pa po'am| tshor ba po'am/ tshor ba gzhan nam/ skye ba'am/ yang dag par skye ba'am/ gang mi dga' ba dang / mi 'byung ba med par mi 'gyur ba'am/ de bzhin gshegs pa ni/ gang du byung / snying rje </font><hr>245a<br><font size=+1>


@#/ /chen po ni/ gang na/ chos 'chang ba ni/ su zhig/ chos kun shes pa ni/ gang zhig/ bslab pa sdom pa ni/ gang na gnas/ gal te phung por mi 'gyur na/ de ltar khams dang / skye mched rnams kyang dge ba rnams kyi chos kyi 'bras bu rnam par smin par mi 'gyur na/ legs par byas pa dang / nyes par spyod pa'i las kyi 'bras bu ni/ gang du smin/ de bzhin gshegs pa dgra bcom pa yang dag par rdzogs pa'i sangs rgyas ni/ gang du 'byung / nyan thos dang / rang rgyal ba rnams dang / lha dang / mi rnams dang / gang gzhan yang sems can gyi lus skye mched drug gis bzung ba ni/ gang du byung / bdag ni/ stan las langs te 'gro bar bya snyam mo/ /de nas dge slong drug cu rtsam stan las langs te dong nas dge slong gzhan dag kyang cang mi smra bar gyur pa dang / de nas byang chub sems dpa' phung po rnam par 'jig pa bcom ldan 'das la ngo tsha zhing mi spobs pa dang gnod bar gyur to/ /de nas byang chub sems dpa' lag na mar me 'khor de nyid du 'dus par gyur ba des byang chub sems dpa' phung po rnam par 'jig pa la 'di skad ces smras so/ /don gyi dbang gang mthong na/ 'khor smra ba dang bcas pa la chos kyi tshul rnam pa 'di lta bu zab mo yang dag par ston/ rigs kyi bu/ bcom ldan 'das kyis mdo sde gzhan las gang zag lnga rnams la chos kyi gtam dang / gtam ngan pa dang / dad pa med pa la dad pa'i gtam dang / gtam ngan pa dang / 'jungs pa la </font><hr>245b<br><font size=+1>


gtong ba'i gtam dang / gtam ngan pa dang / tshul khrims ngan pa la tshul khrims kyi gtam dang / gtam ngan pa dang / le lo la brtson 'grus kyi gtam dang / gtam ngan pa dang / 'chal pa'i shes rab la shes rab kyi gtam dang / gtam ngan pa'o/ /zhes 'di ltar gsungs so/ /yang bcom ldan 'das kyis mdo sde gzhan las bstan pa/ mtshams med pa byed pa rnams la stong pa'i gtam mi smra bar bya'o/ /log par lta ba'i lus rnams la lus dran pa nye bar gzhag pa mi smra bar bya'o/ /brkam pa rnams la tshor ba dran pa nye bar gzhag pa mi smra bar bya'o/ /nga rgyal dang / dregs pa dang / kha zas la chags pa rnams la sems dran pa nye bar gzhag pa mi smra bar bya'o/ /ngo tsha ba'i chos kyi rtsa ba spong ba rnams la chos dran pa nye bar gzhag pa mi smra bar bya'o/ /mi thob par 'dod pa rnams la lhar skye ba'i yon tan mi smra bar bya'o/ /'dod pa spyod pa'i lhar skye ba yang dag par zhugs pa rnams la mdangs 'phrog pa'i gnod sbyin skye ba'i yon tan mi smra bar bya'o/ /gzugs la spyod pa'i lhar skye ba bzung ba rnams la 'dod pa spyod pa'i lha dang dpal mi smra bar bya'o/ /gzugs med pa'i khams su skye ba yang dag par zhugs pa rnams la gzugs la spyod pa'i skye ba'i yon tan mi smra bar bya'o/ /gzugs la spyod pa'i lhar skye ba bzung ba rnams la 'dod pa spyod pa'i lha'i bde ba mi smra bar bya'o/ /nyan thos kyi theg pa la yang dag par zhugs pa rnams la rang sangs rgyas kyi yon tan mi smra bar bya'o/ /rang sangs rgyas kyi theg pa la yang dag par </font><hr>246a<br><font size=+1>


@#/ /zhugs pa rnams la nyan thos kyi yon tan dag mi smra bar bya'o/ /theg pa chen po la yang dag par zhugs pa rnams la sangs rgyas kyi yon tan mi smra bar bya'o/ /byang chub sems dpa' pha rol tu phyin pa la mngon par brtson pa rnams la bsdu ba'i dngos po rnam pa bzhi mi smra bar bya'o/ /byang chub sems dpa' tshangs pa'i rnam par spyod pa la mngon par brtson pa rnams la tha dad pa yang dag par shes pa bzhi mi smra bar bya'o/ /byang chub sems dpa' 'khor smra ba med pa la rnam pa 'di lta bu zab mo zhi ba stong pa nyid kyi gtam smra bar mi bya'o| |nyan thos dang / rang sangs rgyas kyi theg pa pa'i 'khor rnam pa 'di lta bu'i smra ba dang bcas pa'i mdun du yang dag par spyod pa'i tshul nam mkha'i mdog gis 'dul ba'i bzod pa zab mo 'di mi smra bar bya'o/ /de nas byang chub sems dpa' 'khor mang po de thams cad dang ldan pas mgrin gcig tu legs so/ /zhes bya ba byas so/ /bcom ldan 'das kyis kyang byang chub sems dpa' la ga na ma re me la legs so/ /zhes bya ba'i tshig gis spro ba yang dag par bskyed do/ /legs so legs so shes rab che/ /rnam par shes pas mchog gcod pa/ /mtshan nyid thams cad chos rnams kyi/ /dus ni khyod kyis rab tu shes/ /'khor rnams shes pa ci 'dra ba/ /de 'dra'i tshul du ston par byed/ /nyan thos rang rgyal theg </font><hr>246b<br><font size=+1>


pa la| |chos 'di rjod par mi byed do/ /nam mkha' mtshungs shing mnyam pa yi/ /byang chub sems dpa'i mdun dag tu/ /chos 'di rab tu bstan pas na/ /tshul 'di kun tu shes par 'gyur| |nam mkha' ji ltar mtho byed la/ /dma' ba med cing gzugs med pa/ /shes rab pha rol phyin spyod pa'i/ /byang chub sems dpa'i mtshan nyid med/ /bskal pa grangs med pa dag gi /'das pa'i rgyal ba'i spyan sngar ni/ /smra ba med pa'i 'khor rnams la/ /khyod kyis chos 'di thos pa dang / /ji ltar rgyal ba des bstan pa'i/ /grags pa chen po'i bzod pa 'di/ / brtson 'grus brtan pa'i sems can la/ /'jigs med pa 'di rab tu bstan/ /byang chub sems dpa' rab dag cing / /yon tan rgya mtsho mtha' med pa/ /skal pa ldan pa'i mdun du ni| |chos 'di yang ni rab tu bstan/ /nyan thos theg pa mngon brtson dang / /rang rgyal dag gi mngon dga' la/ /chos 'di rab tu bstan pas na/ /de nyid 'tshang rgyar mi 'gyur ro/ /mi shes pas ni spong ba dang / /mos pa med par skyes pas na/ /bsod nams mang po 'byung med cing / /ngan 'gror yang ni myur du 'gro/ ting nge 'dzin bzod pa'i gzungs kyis ni/ /gal te de lus sbyangs byas te| |byang chub lam la brtson bya phyir/ /la la thas dang de bral ba/ /'khor dang gang zag rnams kyis kyang / /sems kyi rtog par mi byed do/ /'chal pa'i shes rab snod min </font><hr>247a<br><font size=+1>


@#/ /la| |stong pa zhi ba smra bar byed/ /de yang myur du spangs pas na/ /mun pa'i phung pos bsgribs pa dag /gzhan dag gi ni gnas bcu la/ /myur du yang ni 'gro bar 'gyur/ /dmyal ba yi dwags byol song du/ /lha ma yin dang lus srul po/ /gnod sbyin srin po gtum pa yang / /yang dang yang ni 'dir skye'o/ /mir gyur dka' byed thob pa dag /gal te ji ltar thob na yang / /smad pa'i gdol pa rnams dang ni/ /'on pa long ba zhar pa dang / /rtag tu nad dang nyam chung ba/ /skur pa 'debs shing mchod pa byed/ /zas dang skom dang bral pa ste/ /mkhas pa rnams kyis smad par 'gyur/ /pha dang ma la bkur sti med/ /nyes par byas pa rtag tu spyod/ /sems can rnams la snying rje med/ /ngan 'gro yang ni 'gro bar 'gyur/ /'dir ni rab tu song ba yi/ /dge slong drug cu tsam 'di dag /yid kyis rtog pa zhe sdang ba/ /ngan 'gror yang ni myur du 'gro /lus dbang byas pa'i sems can 'di/ /gang gis bzod pa 'di bsten cing / /thabs la mngon sum ma yin pa/ /des ni dge slong de song ngo / /ye shes thabs dang ldan pa dang / /pha rol sems la lta ba yi/ / 'jig rten la ni sgron 'dzin pa/ /sems can kun la sman par smra/ /thams cad don gyi rjes shes pa/ /thog mar yang ni 'khor ltos la/ /ci 'drar 'gyur ba'i 'khor rnams la// </font><hr>247b<br><font size=+1>


de 'dra ba yi chos kyang shod/ /de nas byang chub sems dpa' lag na drin po ches 'di skad ces smras so/ /rigs kyi bu/ ji lta bur nyan thos kyis bcom ldan 'das kyi seng+ge'i khri ba shams te nyan thos 'dul ba'i phyir smra bar 'gyur ro/ /zhes bdag gis yongs su shes so/ /rigs kyi bu/ yang 'dis sngon ma thos pa yang dag par spyod pa'i tshul nam mkha'i mdog gis 'dul ba'i bzod pa bstan pa na/ yang bcom ldan 'das kyis ji lta bur bdag la thugs brtse ba'i slad du yang dag par spyod pa'i tshul nam mkha'i mdog gis 'dul ba'i bzod pa yon tan gyis dmigs pa sbyor ba rgya chen pos bshad par bdag kyang bcom ldan 'das la gsol ba gdab cing / bdag dang sems can gzhan la'ang thugs brtse ba'i slad du rjes su gzung bar 'gyur snyam mo| |de nas byang chub sems dpa' lag na mar mes byang chub sems dpa' lag na rin po che la 'di skad ces smras so/ /rigs kyi bu/ gang gi dus la bab par shes/ de nas byang chub sems dpa' lag na mar me stan las langs te bla gos phrag pa gcig tu byas te bcom ldan 'das gang na bde logs su thal mo sbyar te phyag byas nas bcom ldan 'das la tshig su bcad pa 'di dag gis mngon par bstod pa/ thub pa tshangs pa rab tu dga' mdzad pa/ /ye shes nyams pa'i 'gro la sgron ma 'dzin/ /grol dang rig la khyod ni dang bar mdzad/ /rdul dang </font><hr>248a<br><font size=+1>


@#/ /bral ba'i chos kyi sgo 'di ston/ /rgyal ba nyi ma grol la mar me mdzad/ /sems can du ma la ni snang mdzad ba/ /lam rnams rab ston la ma ni khyod ston pa/ / mchog gi chos kyi sgo 'di bstan par mdzod/ /nam mkha'i rang bzhin yongs su dag pa'i thugs/ /thugs dam mi g.yo ji ltar ri brtan bzhin/ /thub pa 'jig rten zla ba 'od 'dra ba| |tshul mdog bzod pa'i dge ba 'di yang ston/ /snying rje gnas shing 'gro la bzod mdzad pa/ /khyod kyi chog shes pa ni mchog tu che/ /rga 'chi nad gsum rab tu zhi mdzad pa/ / bzod pa mchog gi yon tan 'di yang ston/ /thub pa seng+ge mu stegs 'jigs par mdzad/ /'gro ba dga' mdzad ka la ping+ka'i skad/ /mu stegs can gyi 'khor mang rnam 'jig pa/ / mar me'i bzod pa 'di yang bstan par mdzod/ /sa dang mnyam pa bzod pa mchog gi thugs/ /bde dang sdug bsngal reg la khro mi mdzad/ /mthon po ma yin da ltar mtho min pa/ / yongs min gzigs te bzod pa 'di yang gsungs/ /ye shes mchog gis nga yi nga rgyal gyi/ /rlung langs lta bu'i nyon mongs dgra yang gtor/ /des ni bzod pa'i dam pa 'di thob pa// las kyi me yis sred pa'i chu yang bskams/ /khyod kyis lta ba lcug ma sred chu tshig /klu lta bu rin chos kyi char gtong ba/ /des ni 'khor 'di dga' bar gyur pa ste/ /yongs su smin la </font><hr>248b<br><font size=+1>


gzigs shing bzod 'di gsung / /sems can rnams la rnam grol yon tan skyed/ /bzod pa mchog gi yon tan 'di ston cing / /gang gi bsam pa dri ma med bzod 'gyur/ /de thob pa yi yon tan 'di mtha' yas/ /spyod yul nam mkha'i mdog gis 'dul ba yi/ /thub pas 'das pa'i bzod pa 'di gsungs dang / /da ltar gyi yang bzod pa 'di gsungs pa/ /thugs rjer dgongs khyod bzod pa 'di yang gsungs/ /bcom ldan 'das kyis byang chub sems dpa' rin chen lag la cang mi gsung bas zhal gyis bzhes so/ /de nas bcom ldan 'das 'di snyam du dgongs te/ sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gang na yang dag par spyod pa'i tshul nam mkha'i mdog gis 'dul ba'i bzod pa bstan par nga yang dgongs so snyam mo/ /lha bran gyis gsol pa/ spos kyi ngad ldang ba'i ri la sngon yang dag par rdzogs pa'i sangs rgyas kyis bzod pa 'di stan nas ji lta bu'i spos kyi ngad ldang ba'i ri la sngon gyi yang dag par rdzogs pa'i sangs rgyas kyis yang dag par spyod pa'i tshul nam mkha'i mdog gis 'dul ba'i bzod pa 'di bshad par 'gyur ro/ /zhes bcom ldan 'das bdag nyid ye shes bstan pa la 'jug go /de nas yang bcom ldan 'das skar mda'i bdag po zhes bya ba'i ting nge 'dzin la snyoms par zhugs nas ting nge 'dzin des </font><hr>249a<br><font size=+1>


@#/ /bcom ldan 'das drang srong gi brtul zhugs dang / spyod lam dang / mtshan ma dang / dbyibs kun tu snang ste/ drang srong de'ang rgan po dang / rgas pa dang / 'khogs pa dang / skra ring po'i ral pa 'chang ba dang / ag tshom ring po dang / dbyug pa dang / ril ba dang / gtsang ma 'dzin me'i sbyin sreg chen po 'bar bar byed do/ /de las kyang 'od kyi phung po kha dog sna tshogs dang / kha dog mtha' yas pa dang / kha dog brgya stong du ma dang / kha dog rgya chen po shin tu yongs su dag pa dri ma med pa'i 'od 'byung ngo / /de'i 'od snang bas phyogs bcu'i zhing stong pa dang / rnyog pa lnga'i sangs rgyas kyi zhing mtha' yas mu med pa'i skar ma dang / rin po che dang / glog dang / 'od dang / lha dang / klu dang / gnod sbyin dang / lha ma yin gyi 'od kyang mi mngon mi snang ngo / /sems can dmyal ba dang / byol song dang / yi dwags kyi lta ba'ang mi mngon mi snang ngo / /de'i tshe drang srong thub pa ma gtogs par sems can rnams kyi sgra dang / brjod pa dang / dbyangs dang / tshigs dang / yi ge dang / chung ngu na sa dang / chu dang / me dang / rlung gi sgra'ang mi grag go /de'i tshe na phyogs bcu'i sangs rgyas kyi zhing mtha' yas mu med pa na sems can gang la la theg pa chen po la yang dag par zhugs pa de thams cad drang srong gi brtul zhugs dang / lus dang / mtshan ma dang / dbyibs kun tu </font><hr>249b<br><font size=+1>


snang ngo / /yang theg pa chen po la yang dag par zhugs pa'i drang srong ma gtogs par nyan thos sam/ rang rgyal pa'i theg pa pa'i drang srong ni/ kun tu mi snang ngo / /yang theg pa chen po la yang dag par zhugs pa'i drang srong des nyan thos dang / rang sangs rgyas ma mthong zhing nyan thos dang / rang sangs rgyas kyi theg pa pa'ang ma mthong ngo / /de'i tshe na gang yang nyan thos 'khor der 'dug pa de de bzhin gshegs pa mi mthong zhing / de byang chub sems dpa' yang dag par rjes su mi mthong ngo / /gang yang 'dir 'dug pa 'dus par gyur pa gzhan du na cung zad gzugs snang ba'ang yang dag par rjes su mi mthong ngo / /snang ba rgya chen pos ni/ 'jig rten thams cad khyab par yang dag par rjes su mi mthong ngo / /de nas nyan thos chen po des kun shes kau Di n+ya la smras pa/ gnas brtan kau Di n+ya/ bcom ldan 'das gang na/ kau Di n+ya sa smras pa/ bcom ldan 'das da ltar gang na ba zhes bya ba ni/ mi shes so/ /mi mthong ngo / /de nas nyan thos chen po des 'od srung chen po la smras pa/ sbyangs pa smra ba'i nang na bcom ldan 'das kyis khyod mchog tu bstan na/ bcom ldan 'das da ltar gang na ba soms shig /'od srung chen pos smras pa/ bcom ldan 'das da ltar gang na bzhes bya ba mi shes so/ /mi mthong ngo / /de nas nyan thos chen po des tshe dang ldan pa shA radwa ti'i bu la smras pa/ gnas brtan shA ri'i bu/ shes rab dang ldan pa'i nang na bcom ldan </font><hr>250a<br><font size=+1>


@#/ /gyis khyod mchog tu bstan na/ bcom ldan 'das gang na ba soms shig/ shA ri'i bus smras pa/ tshe dang ldan pa/ sangs rgyas kyi zhing mtha' med pas bcom ldan 'das da ltar gang na zhes bya ba mi shes so/ /mi mthong ngo / /de nas nyan thos chen po des maung+gal ya na la smras pa/ tshe dang ldan pa maung+gal ya na/ rdzu 'phrul dang ldan pa'i nang na bcom ldan 'das kyis khyod kyang mchog tu bstan na/ bcom ldan 'das da ltar gang na ba soms shig /maung+gal ya nas smras pa/ gang gi tshe tshe dang ldan pa 'od srung chen pos smras pa de nyid na bdag gis stong gsum gyis stong chen po'i 'jig rten gyi khams ni/ rdzu 'phrul gyi stobs kyis rjes su shes kyi/ bcom ldan 'das da ltar gnag na bzhugs pa gang du bzhud ces bya ba ni/ mi mthong ngo / /mi shes so/ /de nas nyan thos chen po des tshe dang ldan pa ma 'gags pa la smras pa/ lha'i mig gi nang na bcom ldan 'das kyis khyod kyang mchog tu bstan na/ bcom ldan 'das da ltar gang du bzhud/ gang na gnas/ spyod pa ni/ ci 'drar spyod/ khyod kyi lha'i mig gis ltos/ ma 'gags pas smras pa/ kho bos 'phags pa'i shes rab kyi mig gis mtha' yas mu med pa'i sangs rgyas kyi zhing rnam par bltas na/ bcom ldan 'das da ltar gang na bzhugs/ gang du bzhud ces bya ba dag kyang mi shes so// </font><hr>250b<br><font size=+1>


mi mthong ngo / /des smras pa/ yang tha dad par yang dag par shes pa thob pa'i nyan thos kyi ye shes gang la'ang mi 'jug gi/ bzod pa thob pa'i byang chub sems dpa'i ye shes ni/ de la 'jug go /bdag gis bcom ldan 'das da ltar gang du bzhud/ gang na bzhugs zhes byang chub sems dpa' la dri snyam pa dang / de nas nyan thos chen po des byang chub sems dpa' gcig kyang yang dag par rjes su ma mthong ngo / /tshe dang ldan pa shA ri'i bus smras pa/ tsha dang ldan pa/ 'di la rigs kyi bu gzhan zhig gis phung po bshad par byas pa de na dge slong drug cu tsam po stan las langs te dong pas/ tshe dang ldan pa/ bcom ldan 'das thugs mi dgyes nas btang snyoms shing 'phags pa sangs rgyas kyi spyod pas rigs kyi bu dang thabs cig tu spyod do/ /bdag cag ni| rang rang gi spyil por zhugs shing bsam gtan bya snyam ste/ de nas nyan thos chen po de dag rang rang gi spyil por zhugs nas bsam gtan byed do/ /bam po gnyis pa| de nas de'i tshe de'i dus na phyogs bcu'i sangs rgyas kyi zhing tshad med grangs med pa na theg pa chen po la yang dag par zhugs pa'i sems can de bdag drang srong gi cha byad du mthong nas de 'di snyam du sems te/ gal te bdag cag drang srong du gyur pa na gang drang srong las shin tu khyad par du 'phags pa de bdag cag gi mkhan por gzung ngo / /zhes bdag cag rnam par </font><hr>251a<br><font size=+1>


@#/ /blta bar bya'o snyam pa de thams cad rnyog pa sel ba zhes bya ba byed pa can gyi grong rdal na drang srong chen po shAkya thub pa rgas pa/ 'khogs pa/ bdug pa rnams dang / me tog dang / 'bras bu dang / sman dang / zas dang / skom rnam pa sna tshogs kyis me la gtor ba thag mi ring bar mthong nas de 'di snyam du sems te/ drang srong chen po 'di nus pa chen po mthu chen po 'di'i mthus snang ba chen po 'byung ngo / /drang srong 'di gang na ba de logs su nye bar 'gro zhing drang srong gi brtul zhugs dang spyod pa'i rjes su bslab par bya snyam mo| |de nas de'i tshe de'i dus na byang chub sems dpa' drang srong bye ba khrag khrig brgya stong bcom ldan 'das kyi thad du nye bar dod ngo / /de nas byang chub sems dpa' drang srong ting nge 'dzin dang / bzod pa dang / gzungs dbang du byas pa de sems rtse gcig pa'i stobs kyis bcom ldan 'das la mchod pa'i las kyi phyir brtson pa de nyid kyi tshe mi mjed kyi 'jig rten gyi khams 'dir gang lha dang / klu dang / gnod spyin dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi yin pa la la theg pa chen po la yang dag par zhugs pa de thams cad drang srong gi cha byad kyis drang srong gi tsha byad kyis drang srong shAkya thub pa'i thad du der nye bar dod do/ /'khor thams cad dang ldan pa de bcom ldan 'das ji lta bur spos kyi ngad </font><hr>251b<br><font size=+1>


ldang ba'i ri la bzhud nas de na yang dag par spyod pa'i tshul nam mkha'i mdog gis 'dul ba'i bzod pa 'di bstan pa'i phyir chos kyi 'khor lo gnyis pa la'ang 'jug par bzhed pa'i bcom ldan 'das kyi thugs sams kyis shes so/ /bdag cag ni/ bcom ldan 'das kyi don gyi phyir lam brgyan pa sbyang bar bya zhing lam der drang srong gi mchog spos kyi ngad ldang ba'i ril nye bar 'gro bar bya'o snyam ste/ de nas klu'i rgyal po dga' bo dang / bsnyen dga' bo dang / rgya mtsho dang / nor bdag dang / 'jog po dang / yid yod la sogs pa klu'i rgyal po bye ba phrag drug cu tsam lhan cig tu drang srong gi cha byad kyis lha rdzas kyi rin po che gser dang / dngul dang / bai DUR+Ya dang / shes dang / byu ru dang / a sma gar+b+ha dang / mu sA ra gal pa la sogs pa rin po che sna bdun gyi shing ta la'i phreng ba gser gyi shing la dngul gyi lo ma dang / me tog dang / 'bras bu dang / dngul gyi shing la gser gyi lo ma dang / me tog dang / 'bras bu nas mu sA ra gal pa'i shing gi bar du rin po che sna bdun gyi lo ma dang / me tog dang / 'bras bu'i phreng ba'i rgyan gyis lam de brgyan par sprul to/ /shing ta la'i phreng ba de la lha rdzas kyi gos stong phrag bye ba rnam pa du ma rnam pa sna tshogs mngon par rab tu 'phyang ngo / /lha de dag kyang drang srong gi cha byad kyis dka' thub kyi gnas nas spos kyi ngad ldang ba'i ri'i bar du lam gyi zhing dpag tshad bcu pa </font><hr>252a<br><font size=+1>


@#/ /dbyangs so/ /lam gyi mu gnyis su lha rdzas kyi gser nas mu sA ra gal pa'i bar du rin po che sna bdun gyi stegs bur sprul to/ /gser gyi shing ta la dngul gyi snying po 'phyang ba nas mu sA ra gal pa'i bar du smra bar bya'o/ /'og logs su bai DUR+Ya bzang po nas gong logs kyi gnas su shel gyi bar du rgya chen pos spa bar bya'o/ /sprin gyi lha'i bu drang srong gi cha byad kyis lam gyi mu gnyis su rdzing rnyog pa med pa rin po che sna bdun gyi them skas can gyi rdzing de dag la gser gyi bye ma brdal ba/ rdzing de dag la'ang lha rdzas kyi me tog ut+pal dang / pad+ma dang / ku mu da dang / puN+Da rI ka dang / a ti muk+ta ka dang / tsam+pa ka dang / a sho ka dang / mu tsu ku da dang / many+dzu sha ka dang / pa ta li dang / pa ri sha ka dang / gan+d+ha d+ha nu ska ri dang / su ma dang / a mra dang / dzam+bu dang / mri na la dang / mchog tu dri zhim pa rnam pa sna tshogs su mngon par sprul to/ /sa bla na gnam gyi gnod sbyin drang srong gi cha byad kyis lam sbyong bar byed do/ /gzhan 'phrul dbang byed kyi lha'i bu'ang drang srong gi cha byad kyis lam gyi ma gnyis la lha rdzas kyi rin po che sna bdun gyi rgyal mtshan mchog 'dzin to/ / rgyal mtshan gyi mchog de dag la lha rdzas kyi gos dang / do shal dang / rgyan rab tu 'byang ngo / /'phrul dga'i lha'i bu'ang drang srong gi cha byad kyis lha rdzas kyi rin po che sna bdun gyi </font><hr>252b<br><font size=+1>


khang bu brtsegs ma mngon par sprul to/ /khang bu brtsegs ma de dag gi phyogs bzhi kun tu rin po che sna bdun gyis byas so/ /khang bu brtsegs ma de la'ang lha rdzas kyi do shal sna tshogs dang / gos sna tshogs dang / rgyan sna tshogs mngon par rab tu 'phyang ngo / /me tog sna tshogs kyi kun tu gtor to/ /khang bu brtsegs ma de la lha rdzas kyi rol mo rgya chen po yid du 'ong ba sna tshogs byung ngo / /sangs rgyas kyi byin gyi rlabs kyi rol mo dkrol ba dang / klu'i sgra bsgrags pa des stong gsum gyi stong chen po'i 'jig rten gyi khams 'di thams cad sgras khyab par gyur to/ /klu'i bu mo brgya stong phrag drug cu rtsa brgyad lam mdzes pas bcom ldan 'das la mchod pa'i las kyi phyir drang srong gi rgyan thams cad kyis brgyan nas rin po che sna tshogs kyi char phab bo/ /dga' ldan gyi lha'i bu brgya stong du ma'ang drang srong gi cha byad kyis 'di lta ste/ lha rdzas kyi me tog man+dA ra ba dang / man+dA ra ba chen po dang / tsam+pa ka dang / ba ri ya tra dang / 'dzo sha dang / 'dzo sha ka chen po dang / ro tsa dang / ro tsa ka chen po dang / bal la dang / bal+la chen po dang / tsakra dang / tsakra chen po 'od dri ma med pa/ 'dab ma brgya pa/ 'dab ma stong pa/ 'dab ma brgya stong pa/ kun nas 'od/ kun nas dri/ kun nas rnam par rgyu ba'i dri/ rtag tu me tog 'od snang ba/ kha dog mtha' med pa/ bltar 'os pa/ mig gis mngon par dga' ba rnam pa sna </font><hr>253a<br><font size=+1>


@#/ /tshogs kyis bcom ldan 'das kyi don dang / bcom ldan 'das kyi mchod pa'i las kyi phyir lam de mdzes par byas so/ /char ba'i sprin gyi lha'i bu brgya stong du mdag kyang drang srong gi cha byad kyis chu las skyes pa dang / thang las skyes pa'i me tog gi char rab tu phab bo/ /klu'i glang po brgya stong du ma'ang drang srong gi cha byad kyis yang dag par gnas shing 'di lta ste| mu tig sngon po'i char dang / go shiR+sha'i snying po'i char la sogs te char sna tshogs rab tu phab bo/ /gang la la stong gsum gyi stong chen po'i 'jig rten gyi khams 'dir sngon byang chub tu sems bskyed pa'i lha'am/ lha'i dbang po'am/ klu'am/ klu'i dbang po'am/ gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po dang / yi dwags dang / sha za dang / grul bum dang / grul bum gyi dbang po dang / brgya byin dang / tshangs pa dang / 'jig rten skyong ba'i bar du de thams cad drang srong gi cha byad kyis me tog sna tshogs dang / phreng ba sna tshogs dang / dri sna tshogs dang / byug pa sna tshogs dang / rol mo dkrol ba sna tshogs dang / brdung ba dang / glu sna tshogs yongs su bzung nas bcom ldan 'das spyan mi 'dzum pa'i zhal la rnam par blta ba'i phyir 'khod do/ /gang la la stong gsum gyi stong chen po'i 'jig rten gyi khams 'dir lha'i bu mo'am/ </font><hr>253b<br><font size=+1>


gnod sbyin gyi bu mo'am/ nam mkha' lding gi bu mo'am/ lha ma yin gyi bu mo'am/ mi 'am ci'i bu mo'am/ lto 'phye chen po'i bu mo de thams cad drang srong gi cha byad kyis bcom ldan 'das la mchod pa'i las kyi phyir rol mo brdung ba dang / dkrol ba dang / klu yongs su bzung ste/ dmar po dang / dkar po dang / le brgan dang / shel gyi kha dog gi gos kyi char khad kyis khad kyis rab tu phab bo/ /mi'am ci'i bu mo brgya stong du ma'ang drang srong gi cha byad kyis bcom ldan 'das la mchod pa sna tshogs kyi las kyi phyir brtson no/ /tshangs pa'i dbang po sngon byang chub tu sems bskyed pa byed pa khrag khrig brgya stong du ma'ang drang srong gi cha byad kyis bcom ldan 'das la bstod cing spyan sngar 'khod do/ /brgya byin gyi dbang po brgya stong du ma'ang drang srong gi cha byad kyis phyag 'tshal bar byed cing / mi 'am ci'i dbang po brgya stong du ma'ang drang srong gi cha byad kyis bstod cing phyag 'tshal lo/ /dri za'i dbang po brgya stong du ma'ang drang srong gi cha byad kyis rab tu gsal pa'i sems kyis zhal la rnam par lta'o/ /klu'i dbang po brgya stong du ma'ang drang srong gi cha byad kyis dus dang mthun pa'i tsan+dan gyi phye ma'i char chen po rab tu 'bebs so/ /lha ma yin gyi dbang po brgya stong du ma'ang drang srong gi cha byad kyis phyogs bzhir rlung mchog tu 'jam pas kun tu reg pa/ mchog tu dri zhim pa/ mchog tu 'jam pa gtong ngo / /gnod sbyin gyi </font><hr>254a<br><font size=+1>


@#/ /dbang po brgya stong du ma'ang drang srong gi cha byad kyis me tog gi gdugs 'dzin to/ /gnod sbyin gyi dbang po brgya stong du ma'ang drang srong rgan por gyur pa gser gyi dbyug pa'i gdugs 'dzin cing bcom ldan 'das kyi g.yas logs su 'khod de bcom ldan 'das la de bzhin du lta'o/ /grul bum brgya stong du ma'ang drang srong rgan po'i cha byad kyis gser gyi dbyug pa'i gdugs 'chang zhing bcom ldan 'das kyi g.yon logs su 'khod de/ bcom ldan 'das la de bzhin du lta'o/ /nam mkha' lding gi dbang po brgya stong du ma'ang drang srong gi cha byad kyis nam mkha'i dkyil du gser gyi phreng ba 'phyang bar gyur to/ /lha'i bu mo brgya stong du ma'ang drang srong gi cha byad kyis me tog gi chun po'i char chen po mngon par rab tu 'bebs so/ /klu'i bu mo brgya stong du ma'ang drang srong gi cha byad kyis mu tig dmar po'i char mngon par rab tu 'bebs so/ /dri za'i bu mo brgya stong du ma'ang drang srong gi cha byad kyis mu tig dmar po'i char mngon par rab tu 'bebs so/ /gnod sbyin gyi bu mo brgya stong du ma'ang drang srong gi cha byad kyis tsan+dan gyi phye ma'i char mngon par rab tu 'bebs so| |lha ma yin gyi bu mo brgya stong du ma'ang drang srong gi cha byad kyis rgyan gyi char mngon par rab tu 'bebs so/ /nam mkha' lding gi bu mo brgya stong du ma'ang drang srong gi cha byad kyis </font><hr>254b<br><font size=+1>


dzam+bu chu klung gi gser gyi char mngon par rab tu 'bebs so/ /lto 'phye chen po'i bu mo brgya stong du ma'ang drang srong gi cha byad kyis nam mkha'i dkyil brgyan par byed do/ /sa'i gnod sbyin brgya stong du ma'ang drang srong gi cha byad kyis dbyangs gtong bar byed do/ /bar snang gi gnod sbyin brgya stong du ma'ang drang srong gi cha byad kyis nam mkha' la 'phyen to/ /bdud brgya stong du ma'ang drang srong gi cha byad kyis lhung lhung ldegs kyi sgra 'byin pa la 'jug go/ drang srong lha brgya stong phrag brgyad cu rtsa bzhi rang bzhin gyis brtan pa'i brtul zhugs yang dag par spyod pa dang / drang srong stong phrag brgyad cu rtsa bzhi rang bzhin gyis brtan pa'i brtul zhugs yang dag par spyod pa dag lha rdzas kyi me tog man+dA ra ba chen po blangs te bcom ldan 'das kyi don gyi phyir rnyog pa sel ba nas spos kyi ngad ldang ba'i ri'i bar du mchams sbyor ba'i char rab tu 'byin to/ /de nas bcom ldan 'das bzhud pa'i zhabs kyis me tog gi snying po kun tu gnon par gyur to/ /lha'i bu nyi ma dang zla ba brgya stong du ma'ang drang srong gi cha byad kyis me tog gi chun po'i char mngon par rab tu 'bebs so/ /dri za bye ba khrag khrig brgya stong du ma'ang drang srong gi cha byad kyis rol mo dkrol bas drang srong thub pa'i sku la 'od zer bye ba brgya stong 'byung ngo / /de nas lha yon tan can zhes bya ba spos kyi ngad ldang ba'i ri la gnas pa </font><hr>255a<br><font size=+1>


@#/ /lha bran brgya stong phrag brgyad cu rtsa bzhi dang lhan cig tu drang srong gi cha byad kyis bcom ldan 'das gang na ba de logs su thal mo sbyar te phyag btsal nas bcom ldan 'das la mgrin gcig tu tshigs su bcad pa 'di dag gis mngon par bstod do/ /sems can mi srun grol byed rkang gnyis mchog /mnyes dka' rgyal ba gzungs ngan 'dren mdzad cing / /sdug bsngal gzir la bde ba'i mchog sbyin pa/ /rgyal ba rkang gnyis dam pa 'dir gshegs gsol/ /sred pa rab spangs rnam thar gsum ston cing / / 'gro la dus gsum nang na ye shes kyis/ /bslab pa gsum ston dri ma gsum spangs pa/ /khams gsum las 'das thub pa 'dir gshegs gsol/ /'gro la phyin ci log bzhi rnam par grol/ /'khor bzhi dag gis zhabs la bsnyen bkur zhing / /'gro la 'phags pa'i bden bzhi rab ston pa/ /zla ba bas kyang lhag pa 'dir gshegs gsol/ / thub pa phung po lnga 'dir ba ston pa/ /'dod pa lnga las skye bo rnam grol zhing / /'phags pa'i shes rab yan lag lnga ston pa/ /'gro ba lnga yi btson ra rnam par bkrol/ /dbang po drug 'dul gnas pa skyon med cing / /sred lus drug la shin tu rnam grol shes/ /sum cu rtsa drug dran ston sems can mchog /spos kyi ngad ldan ri 'dir gshegs su gsol/ / </font><hr>255b<br><font size=+1>


rgyal ba mnyam gzhag rab tu dul ba'i thugs/ /shin tu bsgoms pa byang chub dam pa mchog /ye shes sems can bye ba rab dul mdzad/ /kha lo rab sgyur spos ngad ri 'dir spyon/ / rgyal ba ye shes sems can rab ston pa/ /ye shes kyis ni 'jig rten snang mdzad nas/ /khyod ni mun pas bsgribs pa la ye shes ston/ /thub pa dgon pa'i gnas 'dir gshegs su gsol| |dzam+bu'i gling 'dir sangs rgyas 'byung ba dag /'di la sngon gyur la la thar 'dod cing / /mi yi dbang po byang chub 'dir thob pa/ /mi yi 'dren mkhan khyod ni 'dir gshegs gsol/ / sbyin dang 'dul ba gtong zhing dul ba'i thugs/ /sems can nang na gtso bo stobs bcu'i mchog /sems can dbul la gnyen pa 'phags pa khyod/ /spos kyi ngad ldang ri 'dir gshegs su gsol/ /bar 'ga' khyod kyis lo drug dka' mdzad cing / /bar 'gar rgyal ba bdud phyir shing la bzhugs/ /dpa' bo tshul gcig tu ni lam ston pa/ /thub pa 'dir gshegs bzod pa rab tu ston/ /wA ra NA sir 'khor lo dam pa bskor/ /shes rab dam pa dag gi mdzod gcig gsungs/ /'jig rten thams cad 'di la khur bor ba/ /spos kyi ngad ldang ri 'dir bzod pa gsungs/ /de nas bcom ldan 'das la lha du mas mdun du bdar cing byang chub sems dpa' du mas bskor nas gdan las bzhengs pa dang / de nyid kyi tshe na stong gsum gyi stong </font><hr>256a<br><font size=+1>


@#/ /chen po'i 'jig rten gyi khams lan drug tu rab tu g.yos so/ /stong gsum gyi stong chen po'i 'jig rten gyi khams 'dir gang sems can nyan thos sam/ nyan thos kyi theg pa pa'am/ rang sangs rgyas sam/ rang sangs rgyas kyi theg pa pa'am/ gang yang sems can gzhan thams cad gang nam mkha' la rgyu ba'am/ gang sa la rgyu ba'am/ gang chu la rgyu ba de thams cad dran pa rgya chen po so sor thob bo/ /stong gsum gyi stong chen po'i 'jig rten gyi khams 'di lag mthil du skyes pa snang ba rgya chen pos khyab par mthong ngo / / mig gis gzugs la ni cung zad kyang snang bar mi 'gyur ro/ /gang yang sems can dka' thub ngan pa'i rnal 'byor dang ldan pa de'ang ngo mtshar chen po thob bo/ /'di lta ste/ mi'i brtul zhugs can dang / zla ba'i brtul zhugs can dang / nyi ma'i brtul zhugs can dang / 'jig rten gsum gyi brtul zhugs can dang / de la sogs pa'i sems can gang la la lta ba nyam nga ba rnam pa sna tshogs thob pa/ log pa la lta ba can de thams cad dka' thub ngan pa spangs nas phyogs dang phyogs mtshams su bltas so/ /ci'i rgyu ci'i rkyen gyis na/ rnam pa de lta bu'i sa g.yos pa 'di dang / snang ba chen po 'di 'jig rten du byung bar gyur/ de nas bcom ldan 'das drang srong chen po'i spyan sngar gang me'i phung po chen po 'dug </font><hr>256b<br><font size=+1>


pa de yungs kar gyi 'bru tsam du mngon par sprul te phyogs bcu'i sangs rgyas kyi zhing rnam par dag pa dang / ma dag pa tshad med grangs med pa rnams su gtor to/ /sangs rgyas kyi zhing 'dir gang sangs rgyas bcom ldan 'das dag bzhugs te 'tsho skyong ba'i sangs rgyas de dag gi spyan sngar mer snang ba de me tog man+dA ra ba chen por kun tu gnas par 'dug par gyur to| |'khor ji tsam pa 'dus pa dang / gang sngon byang chub tu sems bskyed pa de thams cad drang srong gi cha byad kyis sangs rgyas bcom ldan 'das de dag gi spyan sngar 'khod do/ /shar phyogs kyi sangs rgyas kyi zhing 'di nas sangs rgyas kyi zhing chu bo gang+gA gnyis kyi bye ma snyed las shin tu 'das te/ de na rgyal mtshan dang ldan pa zhes bya ba'i 'jig rten gyi khams dar de bzhin gshegs pa dbang gi rgyal mtshan gyi dpal zhes bya ba bzhugs te 'tsho skyong ba chos kyang ston to/ /de na de bzhin gshegs pa dbang gi rgyal mtshan gyi 'khor de las byang chub sems dpa' sems dpa' chen po ye shes dpal zhes bya ba dang / byang chub sems dpa' sems dpa' chen po bza' shing gi ra ba'i dpal zhes bya ba de drang srong gi gzugs dang / lus dang / dbyings kyis bdag mthong ngo / /gzhan yang theg pa chen po la yang dag par zhugs pa'i rigs kyi bu thams cad drang srong gi gzugs dang / lus dang / dbyibs kyis mthong ngo / /mthong </font><hr>257a<br><font size=+1>


@#/ /nas de bzhin gshegs pa dbang gi rgyal mtshan gyi dpal la yongs su zhus pa/ bcom ldan 'das/ ci'i rgyu ci'i rkyen gyis na/ gang me tog mer snang ba bai DUR+Ya'i dbyig pa 'di bcom ldan 'das kyi spyan sngar 'dug par gyur/ theg pa chen po 'di dag la yang dag par zhugs pa'i rigs kyi bu de thams cad drang srong gi cha byad 'dzin par grub/ de nas bcom ldan 'das de bzhin gshegs pa dbang gi rgyal mtshan gyi dpal gyis rigs kyi bu de dag la 'di skad ces bka' stsal to/ /rigs kyi bu/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba nub phyogs kyi mi mjed kyi 'jig rten gyi khams na 'dug cing rnyog pa lnga'i 'jig rten du 'jug pa na dge slong dang / dge slong ma dang / dge bsnyen dang / dge bsnyen ma 'khor bzhi dag la theg pa gsum gyi chos ston par byed do/ /de bzhin gshegs pa de da ltar yang dag par spyod pa'i tshul nam mkha'i mdog gis 'dul ba'i bzod pa bstan par 'dod pas de bzhin gshegs pa sgron ma dang ldan pa zhes bya ba'i ting nge 'dzin la snyoms par zhugs nas de'i rdzu 'phrul rnam par sprul to/ /gsol pa/ bzod pa 'di thog ma dang tha ma ji lta bu zhig /bka' stsal pa/ bzod pa 'di ni/ mu stegs can thams cad la 'jug </font><hr>257b<br><font size=+1>


pa'o| |da ltar mi mjed kyi sangs rgyas kyi zhing 'dir sems can chu bo bzhis khyer ba rnams la sgrol bar byed pa'o/ /chu bo bzhi gang zhe na/ 'dod pa'i chu bo dang / lta ba'i chu bo dang / srid pa'i chu bo dang / ma rig pa'i chu bo dang / de dag las sems can sgrol bar byed pa'o/ /dad pa mi phyed pa bzhi yang dag par len du 'jug pa/ 'jug par byed pa/ so sor dgod par byed pa'o/ /bzhi gang zhe na/ sangs rgyas la dad pa mi phyed pa/ sems can rnams yang dag par len du 'jug pa/ 'jug par byed pa/ so sor dgod par byed pa'o/ /bsdu ba'i dngos po rnam pa bzhi la sems can rnams sbyor bar byed pa'o/ /tshul khrims kyi phung pos sems can rnams 'dod pa'i chu bo las sgrol bar byed pa'o/ /ting nge 'dzin gyi phung pos sems can rnams lta ba'i chu bo las sgrol bar byed pa'o/ /shes rab kyi phung pos sems can rnams ma rig pa'i chu bo las sgrol bar byed pa'o/ /rnam par grol ba'i phung pos sems can rnams srid pa'i chu bo las sgrol bar byed pa'o/ /sangs rgyas la dad pa mi phyed pas sems can rnams theg pa chen pos sgrol bar byed pa'o/ /chos la dad pa mi phyed pas sems can rnams rang sangs rgyas kyi theg pas sgrol bar byed pa'o/ /dge 'dun la dad pa mi phyed pas sems can rnams nyan thos kyi theg pas sgrol bar byed pa'o/ /'phags pa yid du 'ong ba'i tshul </font><hr>258a<br><font size=+1>


@#/ /khrims kyis lta bar song ba thams cad spang ba la ston par byed pa'o/ /sbyin pas sems can rnams tshe'i rgya mtsho las sgrol bar byed pa'o/ /ngag snyan pas lta ba'i rgya mtsho las sgrol bar byed pa'o/ /don byed pas sems can rnams nyon mongs pa'i rgya mtsho las sgrol bar byed pa'o/ /don mthun pas sems can rnams shes rab kyi pha rol tu sgrol bar byed pa'o/ /byang chub sems dpa' de dag gis gsol pa/ btsun pa bcom ldan 'das bdag cag la bka' stsal du gsol/ de bzhin gshegs pa shAkya thub pa de la blta ba dang / phyag 'tshal ba dang / bsnyen bkur ba'i phyir bdag cag nye bar mchi'o/ /de bzhin gshegs pa dbang gi rgyal mtshan gyi dpal des yang rigs kyi bu gang gi dus la dbab par shes na zhes bka' stsal pa dang / de nas rigs kyi bu ye shes dpal dang / bza' shing gi ra ba'i dpal de gnyis dang / byang chub sems dpa' bye ba phrag drug cu lhan cig tu bcom ldan 'das de bzhin gshegs pa dbang gi rgyal mtshan gyi dpal de la drang srong gi cha byad kyis rkang pa gnyis dang spyi bos phyag btsal nas g.yas phyogs su bskor ba byas te 'khod do/ /skad cig ma gcig tsam gyis mi mjed kyi sangs rgyas kyi zhing du lhags nas bcom ldan 'das drang srong shAkya thub pa'i spyan sngar 'dug ste thal mo sbyar nas phyag </font><hr>258b<br><font size=+1>


btsal te 'khod par gyur to/ /de la sogs pa byang chub sems dpa' tshad med grangs med pa rnams drang srong gi cha byad kyis shar phyogs kyi zhing rnam par dag pa dang / rnam par ma dag pa tshad med grangs med pa 'dir skad gcig ma gcig gis lhags so/ /de bzhin du lho phyogs kyi sangs rgyas kyi zhing 'di nas sangs rgyas kyi zhing chu bo gang+gA'i bye ma snyed las shin tu 'das te| de na ri rab kyi rgyal mtshan zhes bya ba'i 'jig rten gyi khams der de bzhin gshegs pa ri rab chen po zhes bya ba bzhugs te 'tsho skyong ba chos kyang ston to/ /sangs rgyas kyi zhing de ni byang chub sems dpa' mngon par shes pa zhes bya ba dang / byang chub sems dpa' glog gi mchog ces bya ba dang / byang chub sems dpa' de gnyis drang srong gi cha byad dang / lus dang / bzhugs dang / dbyibs kyis bdag mthong ngo / /sngon ma byung ba'i thub pa chen po gzhan yang drang srong gi cha byad kyis mthong nas de bzhin gshegs pa ri rab chen po de la yongs su zhus pa de bzhin du ji lta bur gong du bshad pa nas de bzhin du nub phyogs kyi sangs rgyas kyi zhing 'di las shin tu 'das pa'i bar du ste/ de na 'dus pa zhes bya ba'i 'jig rten gyi khams der de bzhin gshegs pa dpal snang ba zhes bya ba bzhugs te 'tsho skyong ba chos kyang ston to/ /de na byang chub sems dpa' sems dpa' chen po don yod par mthong ba dang / ku mu da'i glang </font><hr>259a<br><font size=+1>


@#/ /po zhes bya ba gnyis kyang ji ltar gong du bshad pa nas byang phyogs kyi sangs rgyas kyi zhing 'di nas sangs rgyas kyi chu bo gang+gA gsum gyi bye ma snyed las shin tu 'das pa'i bar du ste/ de na rgyan gcig ces bya ba'i 'jig rten gyi khams der de bzhin gshegs pa rgyan po che zhes bya ba bzhugs te 'tsho skyong ba chos kyang ston to/ /de na byang chub sems dpa' sems dpa' chen po rdul dang bral ba'i 'od dang / tshangs pa'i 'od ces bya ba gnyis kyang ji ltar gong du bshad pa nas 'og gi phyogs kyi sangs rgyas kyi zhing 'di nas sangs rgyas kyi zhing chu bo gang+gA gcig gi bye ma las shin tu 'das pa'i bar du ste/ de na me tog chen po zhes bya ba'i 'jig rten gyi khams der de bzhin gshegs pa ye shes kyi rgyal mtshan chen po zhes bya ba bzhugs te 'tsho skyong ba chos kyang ston to/ /de na byang chub sems dpa' ye shes dpal zhes bya ba dang / byang chub sems dpa' dpal chen po zhes bya ba gnyis kyang ji ltar gong du bshad pa nas yang steng gi phyogs kyi sangs rgyas kyi zhing 'di nas sangs rgyas kyi zhing chu bo gang+gA bdun gyi bye ma snyed nas shin tu 'das pa'i bar du ste/ de na 'od snang ba zhes bya ba'i 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas nyi ma'i snying po zhes bya ba bzhugs te 'tsho skyong </font><hr>259b<br><font size=+1>


ba chos kyang ston to/ /de na byang chub sems dpa' chos kyi dbyangs dang / bdud rtsi dbyangs zhes bya ba'i byang chub sems dpa' gnyis kyang ji snyed gong du bshad pa bzhin no/ /de'i tshe byang chub sems dpa' drang srong gi cha byad 'dzin pas mi mjed kyi sangs rgyas kyi zhing thams cad dang ldan pa 'di kun tu rgyas nas de bzhin gshegs pa drang srong shAkya thub pa gang na ba de logs su thal mo sbyar te phyag btsal nas 'khod do/ /mi mjed kyi sangs rgyas kyi zhing 'dir sems can gang la la theg pa chen po la yang dag par ma zhugs pa ni/ drang srong gi cha byad kyis ma gyur pa'o/ /rgyan de dag la nyan thos sam/ nyan thos kyi theg pa pa'am/ rang sangs rgyas sam/ rang sangs rgyas kyi theg pa pas mi mthong na/ sems can gzhan gyis mthong bar mi 'gyur ba lta ci smos/ de nas bcom ldan 'das drang srong chen po gdan de las bzhengs te thub pa dbang po'i 'gros dang / tshangs pa dbang po'i 'gros dang / tshangs pa drang srong gi 'gros dang / gnya' shing du lta ba'i 'gros dang / nye bar zhi ba'i 'gros dang / rab tu zhi ba'i 'gros dang / dge slong rnams mos pa chen po'i 'gros dang / lha dga' ba'i 'gros dang / gnod sbyin dul ba'i 'gros dang / lha ma yin dga' bar byed pa'i 'gros dang / klu 'dul ba'i 'gros dang / rgyal ba nyon mongs pa med pa'i 'gros dang / rnam par grol ba'i 'gros ci 'dra </font><hr>260a<br><font size=+1>


@#/ /ba de 'dra ba'i 'gros su bzhud cing sangs rgyas chen por rnam par 'phrul ba'i 'gros dang / rgyan chen po'i 'gros dang / sangs rgyas kyi byin rlabs chen po'i 'gros su bcom ldan 'das spos kyi ngad ldang ba'i ri la me tog gi ze ba la zhabs 'degs pa dang 'dor bas bzhud nas spos kyi ngad ldang ba'i ri la byon to/ /dka' thub kyi gnas gtsang ma 'di tha dad pa med cing dri ma med pa'i phyogs su 'gro sel gyi lha mo chen mo 'od 'dres pa zhes bya ba gang na ba de na bcom ldan 'das bzhugs te glang po'i rnam par blta ba'i tshul gyis rnam par bltas par gyur pa de'i dus na'ang 'di brjod do/ /la la gang 'dir bstan dang ldan pa la/ /byang chub dam pa mchog tu sems bskyed pa/ /bdag gis yang dag pa spyad pa bstan pa'i phyir/ /de dag thams cad bdag gi mdun du 'ongs/ /byang chub sems dpa' nyon mongs spangs med gang / /da dung du yang 'khor ba'i bde 'dod cing / /chos la bdag med rab tu mi shes pa/ /bdag ni de dag thams cad 'ong na ston/ /kun tu sbyor ba spangs med gang dag dang / /sgyu ma'i phung ltar shin tu sngon mthong zhing / / thabs la mkhas par yang ni mi shes pa/ /de dag thams cad 'ong na bdag ston to/ /brtson 'grus ldan pa bsod nams mdzod mang po/ /thabs la mkhas pa sems can rnams </font><hr>260b<br><font size=+1>


'dul zhing / /shes rab pha rol phyin mchog rtag spyod pa/ /bzod nyan thos phyir de dag thams cad 'ong / /gang gis sangs rgyas du ma sngon bsnyen bkur/ /'dus byas thams cad 'di la brten pa med/ /chu zla lta bur rab tu su ston pa/ /rang bzhin rnam par 'jug pa 'dir yang 'ong / /gang rnams thabs dang yang dag sbyor phyir zhugs/ /thams cad dngos la sems dpa' rten med cing / /mtshan ma spangs la rtog par 'gyur med pa/ /dran par byed pa dag ni 'dir yang 'ong / /bdag gis bzod pa mchog 'di rab bstan nas/ /ji ltar sdug bsngal kun la mi gnas pa/ /chos kyi 'khor lo la'ang khyod myur 'jug /srid mtsho las kyang sems can rab thar byed/ /phyogs bcur thub pa'i dbang po gang dag kyang / /'gro ba rnams la phan phyir 'khor lo bskor/ /da dung theg pa'i dam tshig gang 'dod pa/ /bdag gi gan du byang chub sems dpa' mthong / /lan gnyis su yang 'khor lo bdag bskor te/ /phyir mi ldog la sems can bye bkod pa/ /rnam par grol ba'i blo mtshan rab thogs shing / /bdag bdag zhing rnams su yang 'gro bar 'gyur/ /sangs rgyas zhing 'dir 'ongs pa gang dag kyang / /byang chub mchog gi spyod phyir bzod pa bstan/ /nyan thos rang rgyal theg pa can mthong ste/ /de bas mu stegs gzhan kun 'dir 'dul lo/ /sangs rgyas bcom ldan 'das kyi dbyangs kyi </font><hr>261a<br><font size=+1>


@#/ /dkyil 'khor de'ang de ltar bcom ldan 'das kyi yi ge dang / don dang / tshig brjod pa'i dbyangs kyi dkyil 'khor phyogs bcu'i sangs rgyas kyi zhing mtha' yas mu med par song ngo / /de na sems can gang la la theg pa chen po la yang dag par zhugs pa de thams cad nyan cing de phyogs bcur yang lta bar 'gyur ro/ /bdag cag gis blta ba'i sems can de sems can gang gi dbyangs kyi dkyil 'khor de ltar yid du 'ong ba/ de ltar dga' ba/ de ltar mngon par dga' ba/ de ltar zab cing sems can gyi dbugs 'byin pa/ de ltar tshim pa/ de ltar 'khor ba'i pha rol tu 'gro ba/ don dang / tshig dang / yi ge brjod pa'i dbyangs kyi dkyil 'khor de bzhin du smra bar bya ba ji lta ba der de phyogs bzhi kun tu bltas te sangs rgyas kyi mthus spos kyi ngad ldang ba'i ri la drang srong thub pa dbang po zhi zhing thugs zhi ba/ dul ba dang zhi ba'i mchog thob pa/ gser gyi phung po ji ltar 'bar ba la drang srong bye ba khrag khrig brgya stong mang pos mngon sum du phyag '+tsal te ha cang yang mi ring bar mthong ngo / /mthong nas kyang de dag 'di snyam du sems te/ drang srong 'di ni/ mthu chen po/ drang srong gi 'khor chen po 'di ni/ snying rje chen po dang ldan par 'gyur ba zhig snyam ste/ gal te snying rje dang ldan par 'gyur ba de'i rjes su 'gro'o/ /drang srong gi cha byad dang / lus dang / dbyibs </font><hr>261b<br><font size=+1>


kyis bdag gi lus su gyur pa de dag mthong nas de dag 'di snyam du sems te/ bdag cag kyang drang srong du gyur na/ drang srong chen po de la bsnyen bkur ba dang / phyag 'tshal ba'i phyir nye bar 'gro'o/ /de dag kyang sems bskyed ma thag pas phyogs bcu'i sangs rgyas kyi zhing tshad med grangs med pa las drang srong gi cha byad tshad med grangs med bsam gyis mi khyab/ mtshungs pa med cing dpag tu med pa/ chu bo gang+gA'i bye ma snyed kyi byang chub sems dpa' sangs rgyas kyi zhing 'dir mngon par lhags so/ /byang chub sems dpa'i rnam par 'phrul pa'i tshogs sna tshogs kyi drang srong thub pa la mchod pa byas nas drang srong thub pa gang na ba de logs su thal mo sbyar te phyag btsal nas bstod de 'khod do/ /la la smon lam gyi dbang dang / la la ngan song du spyod pa'i rkyen gyis gang yang ngan song du skyes pa de dag sangs rgyas kyi mthus dran pa so sor thob nas drang srong gi cha byad kyis kun tu 'khod do/ /drang srong chen po thub pa'i dbang po gang na ba de logs su'ang thal mo sbyar te 'khod do/ /de nas byang chub sems dpa' blo gros kyi tshogs mtha' yas pa'i rgyal po sangs rgyas kyi mthus 'di snyam du sems te/ shAkya thub pa bzhugs shing ji lta bur 'khor yang dag par 'ongs pa la yang dag par spyod pa'i tshul nam mkha'i mdog gis 'dul ba'i bzod pa 'di gang na ston par 'gyur/ de nas de nyid kyi tshe na shar phyogs kyi nam mkha'i </font><hr>262a<br><font size=+1>


@#/ /lam las khang pa brtsegs pa blta na sdug pa/ rin po che sna bdun gyis gang ba sna tshogs 'di lta ste/ dper na/ brgya byin lha'i dbang po zhes bya ba'i khang pa brtsegs pa lta bu bye ba khrag khrig brgya stong phrag drug cu lhags so/ /de nas byang chub sems dpa' blo gros kyi tshogs mtha' yas pa'i rgyal po khang pa brtseg pa de mthong nas de 'di snyam du sems te/ bdag gi khang pa brtsegs pa 'di lta ste/ dper na/ tshangs pa mi mjed kyi bdag po'i khang pa brtsegs pa dbyangs zhi ba 'di 'dra bar sprul te/ drang srong thub pa gang na bzhugs pa der bdag bzod pa 'di bstan snyam pa dang / de nyid kyi tshe na lho phyogs na nam mkha'i lam las khang pa brtsegs pa blta na sdug pa/ rin po che sna bdun gyis gang ba sna tshogs 'di lta ste/ dper na/ tshangs pa mi mjed kyi bdag po'i khang pa brtsegs pa dbyangs zhi ba lta bur bye ba khrag khrig brgya stong phrag drug cu lhags pa mthong nas byang chub sems dpa' blo gros kyi tshogs mtha' yas pa'i rgyal po de 'di snyam du sems te/ bdag gis 'di lta ste/ dper na/ tshangs pa chen po glog gi 'od ces bya ba'i khang pa brtsegs pa de 'dra bar mngon par sprul te bcom ldan 'das de na bzhugs shing chos ston te snyam pa dang / de nas de nyid kyi tshe na nub phyogs nas nam mkha'i lam las 'di lta ste/ dper na/ </font><hr>262b<br><font size=+1>


tshangs pa glog gi 'od ces bya ba'i khang pa brtsegs pa blta na sdug pa rin po che sna bdun gyis gang ba sna tshogs khrag khrig brgya stong phrag drug cu lhags so/ /de nas byang chub sems dpa' blo gros kyi tshogs mtha' yas pa'i rgyal po 'di snyam du sems te/ bdag gis khang pa brtsegs pa 'di lta ste/ dper na/ tshangs pa ri rab kyi 'od ces bya ba'i khang pa brtsegs pa de 'dra bar mngon par sprul te bcom ldan 'das de na bzhugs shing chos ston to snyam pa dang / de nas de nyid kyi tshe na byang phyogs nas nam mkha'i lam las khang pa brtsegs pa blta na sdug pa| rin po che sna bdun gyis gang ba sna tshogs 'di lta ste/ dper na/ tshangs pa chen po ri rab kyi 'od ces bya ba'i khang pa brtsegs pa dor ba med pa dang ldan pa khrag khrig brgya stong phrag drug cu lhags so/ /de nas yang de'i tshe na khang pa brtsegs pa khrag khrig brgya stong du ma nam mkha' la 'khod do/ /de nas byang chub sems dpa' byams pa 'di snyam du sems te/ khang pa brtsegs pa de dag tu bcom ldan 'das kyi don gyi phyir seng+ge'i khri la rnam par bltas te bcom ldan 'das kyi don gyi phyir seng+ge'i khri bshams pa'i khang pa brtsegs pa gang zhig snyam ste| de nas byang chub sems dpa' byams pas byang chub sems dpa' gzi brjid dri ma med pa la 'di skad ces smras so/ /rigs kyi bu/ khang pa brtsegs pa 'di dag gang du lhags/ </font><hr>263a<br><font size=+1>


@#/ /su'i byin gyis brlabs/ byang chub sems dpa' gzi brjid dri ma med pas byang chub sems dpa' byams pa la smras pa/ rigs kyi bu/ de bas na/ chos kyi sgos chags pa thams cad rgyun bcad pa'i phyir de dung mi sgrub kyi/ 'di gnyis kyi 'khor ba 'khyil ba'i sgrub pa'o/ /rigs kyi bu/ 'di gnyis ni/ 'gro ba dang / 'ong ba'o/ /'di gnyis ni/ 'byung ba dang / 'jig pa zhes bya ste/ gang mi skye mi 'byung ba de/ 'gro ba dang / 'ong ba'i 'dus shes kyang med do/ /de 'jig pa thams cad spangs nas mi skye ba'i chos la bzod pa thob bo/ / 'khor ba'i rgyun bcad pa 'di ni/ gnyis su med pa'i chos kyi sgo'o/ /gang 'gro ba dang / 'ong ba zhes bya ba 'di gnyis ni/ 'gro ba dang / 'ong ba'o/ /rigs kyi bu/ bdag tu sgro 'dogs pa med pa dang / srog dang / gso ba dang / gang zag dang / shed las skyes pa dang / shed can dang / 'gro ba dang / 'ong ba'i 'du shes su 'jug pa med pa 'di ni/ gnyis su med pa/ 'di ni| gnyis su med pa'i chos kyi sgo la 'jug pa'o/ /rigs kyi bu/ gang skyes pa'am/ ma skyes par rtog pa 'di ni/ gnyis pa'o/ /gang 'byung ba dang / 'gog par rnam par mi rtog cing 'gro ba dang 'ong bar dmigs pa med pa dang / tha dad par bya ba med pa dang / 'gyur ba med pa dang / rnam par byang ba 'di ni/ rigs kyi bu/ gnyis su med pa'i chos kyi sgo la </font><hr>263b<br><font size=+1>


'jug pa'o/ /nyon mongs pa dang / rnam par byang ba dang / phung po skye ba dang / 'jig pa'i mtshan nyid 'di ni/ gnyis pa'o/ /gang phung po yongs su shes shing skyo ba dang / 'jig pa'i mtshan nyid spangs pa/ rlom pa sems thams cad bcom pa/ gzugs kyi 'gog par 'gro ba'i lam 'di ni/ gnyis su med pa'i chos kyi sgo la 'jug pa'o/ /'gul ba dang / rlom zhing sems par rig pa 'di ni/ gnyis pa'o/ /gang tshor ba'i 'gul ba med cing rlom sems med pa/ g.yo ba med cing yid la mi byed pa 'di ni/ gnyis su med pa'i chos kyi sgo la 'jug pa'o/ /rigs kyi bu| gang tshor ba shes pa dang / tshor ba kun 'byung bar shes pa dang / tshor ba'i 'gog par shes pa dang / tshor ba 'gog par 'gro ba'i lam du shes pa 'di ni/ gnyis pa'o/ /rigs kyi bu/ gang yang tshor ba kun 'byung ba 'gog par 'gro ba mi shes pa dang / gzugs kyi phung po dang / tshor ba'i phung po'i mtshan nyid tha dad par mi shes pa dang / mnyam pa'i mtshan nyid dang / mtshan nyid med pa dang / mtshan nyid tha dad pa mtshan nyid gcig pa dang / mtshan nyid mang por mi shes pa 'di'ang rigs kyi bu/ gnyis su med pa'i chos kyi sgo la 'jug pa'o/ /yang rigs kyi bu/ gang phung po dang / khams dang / skye mched la nyan thos dang / rang byang chub 'dod pa dang / bla na med pa thams cad mkhyen pa'i ye shes 'dod pa 'di ni/ gnyis pa'o/ /rigs </font><hr>264a<br><font size=+1>


@#/ /kyi bu| gang yang nyan thos dang / rang sangs rgyas kyi theg pa dang / thams cad mkhyen pa'i ye shes dang / phung po dang / khams dang / skye mched la brten par mi shes pa dang / yi ge'i tshig gi lam thams cad ni/ gnas med pa/ yi ge med pa/ spros pa med par rab tu shes pa 'di'ang rigs kyi bu/ gnyis su med pa'i chos kyi sgo la 'jug pa'o/ /rigs kyi bu| gang dge ba dang / mi dge bar 'du shes kun tu shes pa dang / pha rol dang / tshu rol la 'du shes pa 'di ni/ gnyis pa'o/ /rigs kyi bu/ gang dge ba dang / mi dge ba 'di'ang mtshan ma med pa kun nas ldang ba dang / mi zad pa kun tu rtog pa 'di'ang rigs kyi bu/ gnyis su med pa'i chos kyi sgo la 'jug pa'o/ /rigs kyi bu/ gzhan yang tshu rol ni/ zag pa'o/ /pha rol ni| phyin ci log ste/ gang tshu rol dang pha rol la rtog pa dang / 'dzin pa dang bkrol ba 'di ni/ gnyis pa'o/ /gang yang tshu rol dang pha rol la 'dzin pa med pa dang / bkrol ba med pa dang / ci'ang btags pa med pa dang / btang ba med pa 'di ni/ gnyis su med pa'i chos kyi sgo la 'jug pa'o/ /rigs kyi bu/ gzhan yang gang phung po dang / khams dang / skye mched la zag pa dang bcas pa'am/ zag pa med pa zhes rtog pa 'di ni/ gnyis pa'o/ /gang yang khams dang / skye mched la zag pa dang bcas pa zhes rtog pa med pa dang / zag pa med pa'i </font><hr>264b<br><font size=+1>


'du shes su bya ba'ang med pa dang / 'du shes dang 'du shes med min thob pa'ang med pa 'di'ang gnyis su med pa'i chos kyi sgo la 'jug pa'o/ /rigs kyi bu/ gang phung po dang / khams dang / skye mched la 'dus byas dang / 'dus ma byas su rtog pa 'di ni/ gnyis pa'o/ /gang yang 'du byed skye mched thams cad la mi rtog cing rnam par mi rtog pa dang / chos thams cad nam mkha' dang mnyam par yang dag par rjes su mthong ba 'di'ang rigs kyi bu/ gnyis su med pa'i chos kyi sgo la 'jug pa'o/ /rigs kyi bu/ gang yang 'jig rten pa dang 'jig rten las 'das pa'i chos la snyems pa 'di ni/ gnyis pa'o/ /gang la la 'jig rten pa dang / 'jig rten las 'das pa'i chos la mi 'jug /mi 'gro/ rnam par mi 'gro/ mi rgal zhing 'gro ba'ang med/ rnam par grol ba med pa 'di'ang gnyis su med pa'i chos la 'jug pa'o/ /rigs kyi bu/ gzhan yang gang la la ming dang gzugs las phung po dang / khams dang / skye mched 'byung bar rab tu shes pa 'di ni/ gnyis pa'o/ /phung po dang / khams dang / skye mched dang / ming dang gzugs bral ba la sgyu ma'i rang bzhin gyi lta ba kun tu 'gro zhing kun tu mi 'gro/ /yongs su mya ngan las 'das pa 'di'ang byang chub sems dpa'i gnyis su med pa'i chos kyi sgo la 'jug pa'o/ /rigs kyi bu/ gzhan yang gang rnam par shes pa 'byung bar rab tu shes pa 'di ni/ gnyis </font><hr>265a<br><font size=+1>


@#/ /pa'o| |gang yang 'byung ba med pa skad cig ma dang skad cig ma ma yin pa la 'dus byas thams cad du myur du rab tu shes pa 'di'ang gnyis su med pa'i chos kyi sgo la 'jug pa'o/ /rigs kyi bu/ gzhan yang bdag gir bya ba dang / rnam par shes par yongs su shes pa dang / nga yir bya ba dang / skye mched la chags pa 'di ni/ gnyis pa'o/ /gang la la bdag dang bral ba'i rnam par shes pa thob pa/ bdag gi rang bzhin lta ba gnyis dang bral ba/ skye mched nyams pa med pa/ bdag gir bya ba dang / nga yir bya ba dang bral ba / 'di'ang gnyis su med pa'i chos kyi sgo la 'jug pa'o/ /gang la la rig pa dang / rnam par grol bar rtog pa 'di ni/ gnyis pa'o/ /rigs kyi bu/ ma rig pa ni/ rgyu ba med cing bdag med pa'o/ /ma rig pa ni/ glog gi rang bzhin can no/ /rnam par grol ba'ang nam mkha'o/ /nam mkha'ang mi rtog pa/ rtog par byed pa med pa/ spros pa med pa 'di'ang gnyis su med pa'i chos kyi sgo la 'jug pa'o/ /gang rnam par shes pa dang / gzugs kun tu spyod pa 'di ni/ gnyis pa'o/ /gzugs nyid kyang nam mkha' bzhin du stong ste/ nam mkha'ang 'jig pa med do/ /gzugs 'jig pa stong pa nyid gzugs kyi mtshan nyid rab tu rgyu ba stong pa nyid kyi rang bzhin yang stong pa nyid do/ /tshor ba dang / 'du shes dang / 'du byed </font><hr>265b<br><font size=+1>


kyang de bzhin no/ /rnam par shes pa rab tu rgyu ba med pa ni/ nam mkha' ji lta bur mun pa med cing snang ba med pa/ rnam par shes pa'ang de bzhin no/ /rnam par shes pa'i 'jig pa stong pa ma yin te/ rnam par shes pa'i rang bzhin nyid kyang stong pa'o/ /de bzhin du nye bar len pa'i phung po lnga'ang nam mkha'i rang bzhin ltar stong ngo / /nam mkha' ji lta bur 'dod chags med/ zhe sdang med/ gti mug med/ mi mtho mi dma'/ mi rtog rnam par mi rtog/ mi 'gro rnam par mi 'gro bar de ltar sems pa'i byang chub sems dpa' ni/ chos thams cad ji lta ba bzhin du rab tu shes so/ /phung po dang / khams dang / skye mched la'ang 'dod chags med/ zhe sdang med/ gti mug med/ mi mtho mi dma'/ mi rtog rnam par mi rtog /mi 'gro rnam par mi 'gro zhing nyan thos dang / rang sangs rgyas dang / bla na med pa yang dag par rdzogs pa'i byang chub kyang mi rtog rnam par mi rtog go /mi 'gro rnam par mi 'gro ba 'di ni/ rigs kyi bu/ byang chub sems dpa' gnyis su med pa'i chos kyi sgo la 'jug pa'o/ /byang chub sems dpa' gzi brjid dri ma med pas 'di bstan pa ston pa na byang chub sems dpa' khrag khrig khrag dgu bcu rtsa gnyis kyis mi skye ba'i chos la bzod pa thob par gyur to/ /byang chub sems dpa' khrag khrig phrag bzhi bcu rtsa drug gnyis su med pa'i chos kyi sgo la 'jug pa thob par gyur to/ /bcom </font><hr>266a<br><font size=+1>


@#/ /ldan 'das kyang sgron ma dang ldan pa zhes bya ba'i ting nge 'dzin las bzhengs nas bcom ldan 'das kyi drang srong gi cha byad ji tsam ba mi snang bar gyur te/ sangs rgyas kyi sku mtshan rab sum cu rtsa gnyis kyis sku yang dag par brgyan te bzhugs so/ /de ltar de bzhin du gang gzhan la la dag kyang drang srong gi cha byad mi snang bar gyur te/ sngon gyi lus ji lta ba bzhin du 'khod nas bcom ldan 'das kyis yang byang chub sems dpa' gzi brjid dri ma med pa la legs so/ /zhes bya ba byin te/ rigs kyi bu/ khyod kyis ji lta bur bstan pa de bzhin du gnyis su med pa'i sgo 'di bstan par bya ba legs so legs so/ /rigs kyi bu/ khyod ni/ chos kyi sgo 'di la lus dpang du btsugs te de ltar khyod kyis tshad med pa'i sems can rnams bla na med pa yang dag par rdzogs pa'i byang chub tu bkod do/ /gzhan yang lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / mi dang / mi ma yin pa rnams bcom ldan 'das la mchod pa sna tshogs byas so/ /bam po gsum pa/ de nas de'i tshe na 'jam dpal gzhon nur gyur pa bla gos phrag pa gcig tu gzar nas bcom ldan 'das gang na ba de glos su thal mo sbyar te phyag btsal nas bcom ldan 'das la chos bstan du gsol ba'i phyir tshigs su bcad pa'i yon </font><hr>266b<br><font size=+1>


tan 'di dag gis bstod do/ /rgyal ba mi mnyam zhing mang dag khyab pa/ /nyon mongs dgra zhi 'di la mngon par gnas/ /thub pa shin tu rnam grol 'dir zhugs shing / /khyod kyis 'gro la bzod pa'i mchog 'di ston/ /rab tu zhi thugs brtul zhugs yongs su dag /thub pa'i mchod sbyin bgyis pa bzod dge gsungs/ /'gro la bde sbyin drang srong shes rab 'chang / /gti mug 'jig mdzad 'di la bdud rtsi char/ /'di la lha klu sems can mi mang po/ /shin tu gsal yid myur du zhing gang ba/ /'gro ba thams cad khyod zhal lta zhing 'dug /nyon mongs yongs su spangs te dam chos srungs/ /sngon chad rgyal ba khyod kyang kun spyod bstan/ /mig gnyis rkang pa lag pa lce byin zhing / /phags pa mgo khrag yan lag dang 'bru nor/ /glang rta bu grong shing rta rin chen rnam mang byin/ /zas skom mal dang bran pho bran mo byin/ /gnyen dang 'gro la sdug bsngal rtag thar byed/ /bsam pa rdzogs shing sems can dga' mdzad pa/ /khyod kyis mchod sbyin brgya byas sems can phyir/ /sangs rgyas mang la sngon chad dge mchod byas/ /byams sems rtag pas ther zug sbyin la dga'/ /brtul zhugs brtan pas ri rab ji bzhin 'bar| |'gro la brtan phyir bzod pa 'di bstan gsol/ /ngan song gsum spangs sems can mtho ris khrid/ /khyod kyis bstan pa'i smon lam sngon rtag byas/ /'gro ba byang chub sdug </font><hr>267a<br><font size=+1>


@#/ /bsngal zhi mchog reg /rgyal ba sngon chad dri bzhin byang chub de thob bo/ /snying rje dpal chus sa rnams ma lus gang / /nyon mongs dri gsum the tshom thams cad zhi/ lam gang zhi bas byang chub thob ston pa/ /ji ltar chos rtogs 'di la khyod kyis dus/ /shin tu skom yid 'gro la chos char phob/ /bdud rtsi'i ros ngoms yang dag yon tan gsungs/ lam gang zhi des 'gro ba byang chub reg /zhing mang 'di la sems can gang dag 'ongs/ /rga shi dag las rnam thar gang yod pa/ /thub pa chen po chos 'di gsung du gsol/ /nam mkha'i mdog gis 'dul ba'i bzod pa ston/ /de ni sgyur ma smig rgyu spros par 'gro /'jam dpal gzhon nur gyur pa la bcom ldan 'das cang mi gsung bas zhal gyis bzhes nas de nas bcom ldan 'das 'di snyam du dgongs te/ bdag rnam pa de lta bu'i ting nge 'dzin la snyoms par zhugs nas ting nge 'dzin la snyoms par zhugs pa gang gis khang pa brtsegs pa ji snyed pa de snyed du lus mngon par sprul nas khang pa brtsegs pa thams cad na 'dug ste/ 'khor 'di dag kyang yang dag par dga' zhing skyo bar bya'o snyam pa dang / de nas bcom ldan 'das 'od shin tu rnam par bkod pa zhes bya ba'i ting nge 'dzin la snyoms par zhugs te mnyam par bzhag pa'i thugs kyis khang pa brtsegs pa ji snyed pa de snyed du sangs </font><hr>267b<br><font size=+1>


rgyas bcom ldan 'das rang rang bzhugs te bzhugs so/ /de nas byang chub sems dpa' ngo mtshar dang ldan pas byang chub sems dpa' dgra rnam par 'grel pa la 'di skad ces smras so| |rigs kyi bu/ khang pa brtsegs pa tshad med pa 'di dag ni/ gang na/ rigs kyi bu/ de bzhin gshegs pa bdag khang pa brtsegs pa na bzhugs pa ni/ gang / sangs rgyas kyi byin gyi rlabs kyis khang pa brtsegs par sangs rgyas kyi sku bzhugs par yang dag par mthong ba ni/ gang / de nas byang chub sems dpa' dgra rnam par 'grel pas byang chub sems dpa' ngo mtshar dang ldan pa la 'di skad ces smras so/ /rigs kyi bu/ de bzhin gshegs pa zhes bya ba'i tshig 'di ni/ smra ba med pa'o/ /ma rig pa'ang sangs rgyas kyi chos la spros pa med do| |rigs kyi bu/ ci 'das pa'i sems kyis byang chub thob bam/ smras pa/ rigs kyi bu/ ma yin no/ /smras pa/ ci ma 'ongs pa'i sems kyis byang chub thob bam/ smras pa/ rigs kyi bu| ma yin no/ /smras pa/ ci da ltar byung ba'i sems dang / bsam pa'i gnas pa yod dang / smras pa/ rigs kyi bu/ med do/ /smras pa/ gal te re zhig sems dang / bsam pa'i gnas pa med na| rnam par mi gnas pa'i dngos po la ji ltar byang chub thob bam/ smras pa/ rigs kyi bu/ ci dus gsum gyi chos thams cad spangs nas de'i tshe cis kyang chos khong du chud pa med dam/ </font><hr>268a<br><font size=+1>


@#/ /smras pa/ rtag pa dang chad pa yongs su spangs pa/ mi 'gro ba/ mi skye ba/ mi 'gog pa/ mi reg pa/ 'dus byas dang / 'dus ma byas la gnas pa med pa'o/ / dngos po thams cad nam mkha' dang mnyam pa la byang chub 'gro ba med do/ /ji ltar nam mkha' la 'das pa dang / ma 'ongs pa dang / da ltar byung ba med cing rnyed pa med pa de bzhin du byang chub kyang 'das pa dang / ma 'ongs pa dang / da ltar byung ba med do/ /ji ltar nam mkha' la rtog pa med cing rnam par rtog pa med pa de bzhin du sangs rgyas kyi byang chub kyang rtog pa med cing rnam par rtog pa'ang med do/ /ji ltar nam mkha' la mun pa med cing snang ba med pa de bzhin du sangs rgyas kyi chos rnams kyang mun pa med cing snang ba'ang med do/ / ji ltar nam mkha' la gzugs med cing bstan du med pa de bzhin du sangs rgyas kyi chos rnams kyang gzugs med cing bstan du'ang med do/ /ji ltar nam mkha' ma skyes ma 'gags pa de bzhin du sangs rgyas kyi chos rnams kyang ma skyes ma 'gags so/ /ji ltar nam mkha' la 'gro ba med pa de bzhin du sangs rgyas kyi chos rnams kyang 'gro bar dmigs pa med do| |ji ltar nam mkha' la gnas pa med pa de bzhin du sangs rgyas kyi chos rnams kyang gnas pa med do/ /ji ltar nam mkha' la reg pa med pa de bzhin du sangs rgyas kyi chos rnams </font><hr>268b<br><font size=+1>


kyang reg pa med do/ /ji ltar nam mkha' la gnas la lam du dmigs pa med pa de bzhin du sangs rgyas kyi chos rnams kyang ci la'ang lam du dmigs pa med do/ /ji ltar nam mkha' la dngos po med cing mtshan nyid med pa de bzhin du sangs rgyas kyi chos rnams kyang dngos po med cing mtshan nyid med do/ /ji ltar nam mkha' la brjod du med cing yi ge med pa de bzhin du sangs rgyas kyi byang chub kyang brjod du med cing yi ge med do/ /ji ltar nam mkha' la rtag pa med cing chad pa med pa de bzhin du sangs rgyas kyi chos rnams kyang rtag pa med cing chad pa med do/ /ji ltar nam mkha' la lus med cing 'byung ba med pa de bzhin du sangs rgyas kyi chos rnams kyang lus med cing 'byung ba med do/ /ji ltar nam mkha' la gzung ba med cing gnas pa med pa de bzhin du sangs rgyas kyi chos rnams kyang gzung ba med cing gnas pa med do/ /ji ltar nam mkha' la rten pa med pa/ gnas pa med pa/ dmigs pa med pa/ rnam par rtog pa med pa/ 'deg pa med pa/ rnam par rig pa med pa/ 'gro ba med pa/ 'ong ba med pa/ rtsa ba med pa/ mtha' med pa/ 'khrug pa med pa/ yongs su gdungs pa med pa/ brtags pa med pa/ bkrol ba med pa/ mthong ba med pa/ rtog pa med pa/ mun pa med pa/ dngos po med pa/ mtshan ma med pa/ sprul pa med pa de bzhin du rigs kyi bu/ sangs rgyas kyi chos rnams kyang </font><hr>269a<br><font size=+1>


@#/ /rten pa med pa nas mtshan ma med pa'i bar du'o/ /rigs kyi bu/ sangs rgyas kyi chos rnams ni/ mi skye bar bsgrags pa'o/ /sangs rgyas kyi chos rnams ni/ gnyis su med pa'i cha shas so/ /chos kyi dbyings la gnas pa'o/ /sangs rgyas kyi chos rnams ni/ sems can gyi khams su yang dag par 'dus pa'o/ /sangs rgyas kyi chos rnams ni| nam mkha'i khams su yang dag par 'dus pa'o/ /rigs kyi bu/ sangs rgyas kyi chos rnams ni/ rtog pa dang kun tu rtog pa la yang dag par 'dus pa'o/ /sangs rgyas kyi chos rnams ni/ gnas pa dang / rnam pa'i gnas dang / rab kyi gnas su yang dag par 'dus pa'o/ /sangs rgyas kyi chos rnams ni/ shes pa dang / rab tu shes pa dang / rnam par shes pa dang / nye bar shes pa la yang dag par 'dus pa'o/ /sangs rgyas kyi chos rnams ni/ mtshan ma med pa yang dag pa'i mtshan nyid dang / rnam pa'i mtshan nyid dang / nye ba'i mtshan nyid dang / rjes su mtshan nyid la yang dag par 'dus pa'o/ /sangs rgyas kyi chos rnams ni/ 'das pa med pa dang / rnam par 'das pa dang / 'das pa dang / rjes su 'das pa la yang dag par 'dus pa'o/ /sangs rgyas kyi chos rnams ni/ blang pa dang / dor ba dang / kun tu blang ba dang / nye bar blang ba la yang dag par 'dus pa'o/ /sangs rgyas kyi chos rnams ni/ </font><hr>269b<br><font size=+1>


snang ba dang / kun tu snang ba dang / rjes su snang ba dang / yang dag par snang ba med pa dang / rab tu snang ba med pa la yang dag par 'dus pa'o/ /sangs rgyas kyi chos rnams ni/ yang dag pa dang / shin tu yang dag pa dang / rjes su yang dag pa dang / kun tu yang dag pa ma yin pa dang / rab tu yang dag pa ma yin pa la yang dag par 'dus pa'o/ /sangs rgyas kyi chos rnams ni/ kun tu smra ba dang / rnam par smra ba dang / shin tu smra ba dang / rjes su smra ba dang / rab tu smra ba dang / nye bar smra ba la yang dag par 'dus pa'o/ /sangs rgyas kyi chos rnams ni/ kun tu rig pa dang / rnam par rig pa dang / mtshungs par rig pa dang / rjes su rig pa la yang dag par 'dus pa'o/ /sangs rgyas kyi chos rnams ni/ kun tu gzugs dang / rnam par gzugs dang / mtshungs par gzugs dang / yang dag par gzugs med pa dang / nye ba'i gzugs la yang dag par 'dus pa'o/ /rigs kyi bu/ sangs rgyas kyi byang chub ni/ kun tu spyod pa dang / rnam par spyod pa dang / mtshungs par spyod pa dang / rjes su spyod pa dang / nye bar spyod pa la yang dag par 'dus pa'o/ /rigs kyi bu/ byang chub ni/ kun tu brjod pa dang / rnam par brjod pa dang / rjes su brjod pa dang / mtshungs par brjod pa dang / nye bar brjod pa la yang dag par 'dus pa'o/ /rigs kyi bu/ byang chub ni/ bgrang ba dang / rnam par bgrang ba dang / mtshungs par bgrang </font><hr>270a<br><font size=+1>


@#/ /ba dang / rjes su bgrang ba dang / nye bar bgrang ba la yang dag par 'dus pa'o/ /byang chub ni/ kun tu yod pa dang / rnam par yod pa dang / rjes su yod pa dang / nye bar yod pa la yang dag par 'dus pa'o/ /rigs kyi bu/ byang chub ni/ spros pa dang / rnam par spros pa dang / spros pa dang bral ba dang / rjes su spros pa dang / nye bar spros pa la yang dag par 'dus pa'o/ /rigs kyi bu/ ji ltar nam mkha'i khams la gzung du med pa de ltar sangs rgyas kyi byang chub blta bar bya'o/ /rigs kyi bu/ la la nam mkha' spros par bya ba dang / tshad du bya ba dang / rnam par bgrang bar bya ba dang / brgyan par bya ba dang / ri mor bya bar nus sam/ rigs kyi bu/ mi nus so/ /smras pa/ rigs kyi bu/ nam mkha' ji lta ba de ltar sangs rgyas kyi chos kyang de bzhin no/ /nam mkha' cis kyang spros par mi nus pa ji lta ba de ltar sangs rgyas kyi chos kyang de bzhin du cis kyang spros par mi nus so/ / rigs kyi bu/ khang pa brtsegs par bcom ldan 'das bdag bzhugs pa ni/ gang / sangs rgyas kyi sku bzhugs pa ni/ gang na zhes bya ba khyod ci'i phyir de skad smra/ de ltar spros par byed ces byang chub sems dpa' dgra rnam par 'grel pas gnyis su med pa'i chos kyi sgo 'di bstan pa na/ byang chub sems dpa' khrag khrig phrag lnga bcu rtsa bdun mi skye </font><hr>270b<br><font size=+1>


ba'i chos kyi bzod pa thob par gyur to/ /byang chub sems dpa' khrag khrig phrag bzhi bcu rtsa gnyis de bzhin gshegs pa'i gsang ba'i rjes su 'jug pa gnyis su med pa'i chos kyi sgo so sor thob cing sangs rgyas kyi zhing thams cad kyang rgyas par gyur to/ /sa dang nam mkha' la gnas pa'i sems can gyis legs so/ /zhes bya ba byin te/ skyes bu dam pa de bzhin gshegs pa'i gsang ba'i rjes su 'jug pa gnyis su med pa'i chos kyi sgo 'di ston pa bstan pa legs par bshad pa legs so legs so/ /de nas de nyid kyi tshe na bcom ldan 'das 'od zer 'byung ba'i bdag po zhes bya ba'i ting nge 'dzin las bzhengs te khang pa brtsegs pa gcig na bcom ldan 'das bzhugs par yang dag par mthong ba ma gtogs par sangs rgyas kyi sku de dag dang / khang pa brtsegs pa de dag kyang mi snang bar gyur nas 'khor thams cad dang ldan pa de ngo mtshar thob par gyur to/ /de nas byang chub sems dpa' rgyal po mang po'i mchog gis byang chub sems dpa' drang srong rnam par 'grel pa la 'di skad ces smras so/ /rigs kyi bu/ khang pa brtsegs pa 'di dag ni/ gang nas 'ongs/ yang gang du 'gro /de nas byang chub sems dpa' drang srong rnam par 'grel pas byang chub sems dpa' rgyal po mang po'i mchog la 'di skad ces smras so/ /rigs kyi bu/ khyod da dung 'gro ba dang / 'ong ba'i 'du shes </font><hr>271a<br><font size=+1>


@#/ /su 'jug go /byang chub sems dpa' rgyal po mang po'i mchog gis smras pa/ rigs kyi bu/ 'di ltar 'ongs so/ /zhes bya ba 'di ni/ glo bur gyi tshig go /rigs kyi bu| 'gro'o/ /zhes bya ba 'di ni/ bdag med pa'i tshig go /byang chub sems dpa' dgra rnam par 'grel pas smras pa/ rigs kyi bu/ glo bur gyi tshig dang / rigs kyi bu/ bdag med pa'i tshig gis kyang rigs kyi bu/ nga yir bya ba dang / bdag gir bya ba'i tshig go /skyes bu gang zag nga yir bya ba dang / bdag gir bya ba la chags pas phyin ci log bzhi ste/ mi rtag pa la rtag par 'du shes pa dang / sdug bsngal ba la bde bar 'du shes pa rnal 'byor gyi rjes su ldan pa dang / mi gtsang ba la gtsang bar 'du shes pa dang / bdag med pa la bdag tu 'du shes par rnal 'byor gyi rjes su ldan pa la zhugs pa'o/ /skyes bu gang zag sems phyin ci log la zhugs pas sgrib pa lngar 'gyur ro/ /lnga gang zhe na/ 'di lta ste/ 'dod pa'i sred pa'i sgrib pa dang / gnod sems dang / rmugs pa dang gnyid dang / le lo dang rgod pa dang / the tshom gyi sgrib pa spangs pa med par 'gyur ro/ /rigs kyi bu/ gang la la sgrib pa lnga po 'di dag tu 'gyur ba de mtshams med pa lnga yang dag par spyod do/ /mtshams med pa lnga ma spangs pa'i skyes bu gang zag lha dang mi'i nang du 'gro bar yang dag par rjes su mi mthong na/ nyan thos </font><hr>271b<br><font size=+1>


kyi byang chub lta ci smos/ gang la la nyan thos kyi byang chub med pa de la rang sangs rgyas kyi byang chub dang / sangs rgyas kyi byang chub lta'ang ci smos/ gang la nga yir bya ba dang / bdag gir bya ba ma spangs pa de la rtag pa dang / chad pa yang spangs pa med do/ /gang zag chad par lta ba can du 'gyur ba de dge ba'i las dang / dge ba la spyod pa'i mtshungs par spyod par lta ga la 'gyur/ gang yang rtag par lta ba can du 'gyur ba de thar pa la bsngos pa mtshungs par spyod pa dang / dge ba la spyod par lta ga la 'gyur/ rtag par lta ba dang / chad par lta ba'i skyes bu gang zag ni| lha dang / mi'i nang du skye bar yang dag par rjes su mi mthong na/ nyan thos dang / rang byang chub lta ci smos te/ bla na med pa yang dag par rdzogs pa'i byang chub kyang ga la mthong / nga yir bya ba dang / bdag gir bya ba lta bar song ba gnas pa med pas nyan thos dang / rang sangs rgyas kyi theg pas ma 'dres pa'i 'khor ji lta bur yang dag par 'ongs pa smra ba med pa de dang / rigs kyi bu/ khyod kyang smra ba med par mthong ngo / /byang chub sems dpa' lag bzang gis smras pa/ rigs kyi bu/ ci 'gro ba dang 'ong bar 'du shes pa yid la mi bya ba'am/ gal te yid la mi bya na| byang chub sems dpa'i sbyin pa'i gnas rnams la byin len dang yo byad kyis ji ltar bsnyen bkur bya/ pha dang ma rnams rim gro'i gnas dang / nad pa rnams la ji ltar bsnyen bkur bya/ </font><hr>272a<br><font size=+1>


@#/ /smras pa/ rigs kyi bu/ spros pa med pa ni/ 'di lta ste/ gnas dang / nye ba'i gnas dang / rab kyi gnas dang / gnas gzhan dang / rim gro'i gnas dang / kun tu 'gro ba dang / lhag par 'gro ba dang / nye bar 'gro ba dang / rjes su 'gro ba dang / gzhan du 'gro ba 'di'i tshig de dag thams cad ni/ spros pa med pa'o/ /de ci'i phyir zhe na/ rigs kyi bu/ rtog pa dang / rnam par rtog pa dang / rjes su rtog pa dang / nye bar rtog pa dang / rab tu rtog pa 'di dag gis 'khor ba na 'dren no/ /gzhog go /sgrub bo/ /me tog ni/ lha dang / mir skyes pa'o/ /'bras bu ni| ngan song gsum du 'gro ba la yang dang yang du 'chi 'pho skye ba dang / skad cig ma'i chos brgyad la yang dag par gzhol ba dang / 'di dag ni/ nyes pa'o/ /gang spyod pa dang / rnam par spyod pa dang / nye bar spyod pa dang / rjes su spyod pa 'di dag gi dngos po thams cad ni/ 'phags pa'i bzod pa spong ba'i phyir sgrub bo/ /smras pa/ rigs kyi bu/ sangs rgyas kyi yon tan bsgrub pa'i phyir dge ba la spyod pa de ci 'phags pa'i bzod pa 'khrug par 'gyur ram/ smras pa/ rigs kyi bu/ gang dge ba'i chos la nyung ngu 'dod cing sdig pa la mang du 'dod pa ni/ 'phags pa'i bzod pa la 'khrug pa'o/ /rnam par 'jig pa'o/ /'thor ba'o/ /gti mug pa'o/ /gang de dge ba'i chos yongs su spangs pa de 'dod pa'i rtog pa zhes smras so/ /gang 'dod </font><hr>272b<br><font size=+1>


pa'i rtog pa kun tu spyod pa ni/ bzod pa la 'khrug pa dang / 'jig pa'o/ /de bzod pa'i tshogs med pa 'di ni/ yongs su spong ba'o/ /rigs kyi bu/ ngag dang / yid dang / drug gi skye mched kyi sdom pa dang / mngon par 'du mi byed pa dang / brjod du med pa dang / rtsol ba med pa dang / rtog pa med pa dang / rnam par rtog pa med pa dang / dmigs pa med pa dang / sems dang yid kyis dmigs pa med pa ste/ de ni/ 'phags pa'i bzod pa'i tshogs so/ /gang yang sems kyi rnam par las dang / lus kyi rnam par las dang / ngag gi rnam par las de thams cad 'phags pa'i bzod pa la gti mug dang / yongs su spong pa'i phyir sgrub bo/ /gzhan yang chos kyi bya ba'am/ mi 'gul ba'am/ mtshan nyid dang / rtog pa de 'phags pa'i bzod pa la gti mug dang / yongs su spong ba'i phyir sgrub bo/ /gang yang lus dang / ngag dang / yid kyi bya ba med pa dang / 'gyur ba med pa dang / mtshan nyid med pa dang / rtog pa med pa de 'phags pa'i bzod pa'i tshogs sgom pa'o/ /gnyis su med pa'i chos kyi mtha'i rjes su zhugs shing yang dag pa'i mtha' dang ldan no/ /cung zad du 
nyon mongs pa thams cad kyi mtha' dang / chos thams cad kyi'ang mtha'o/ |gang de ltar rab tu shes pa de bzod pa sgom pa'o/ /gang yi ge la 'khrug pa med pa dang / nyon mongs pa thams cad thul ba dang / brjod du med pa la g.yo ba med pa dang / smra ba </font><hr>273a<br><font size=+1>


@#/ /thams cad la chags pa med pa dang / gang mi skye ba mi 'byung bar bsgrags pa'i chos rab tu shes pa de bzod pa sgom pa'o/ /gang chos kyi khams la gnas pa dang / sems can gyi khams la yang dag par gzhol ba dang / chos kyi khams dang sems can gyi khams kyang mtshungs pa'i khams su bzung ste tha dad par mi byed pa dang / mtshan nyid kyi khams kyang 'khrug par mi byed pa de bzod pa sgom pa'o/ /gang chos thams cad dmigs pa med cing bdag dang gzhan med pa mi skye ba'i phyir snang ba med pa/ gzung du med pa/ kun nas ldang ba med pa/ lus med pa/ sgom pa med pa/ skye ba mi 'byung ba/ 'chi 'pho med pa/ brten pa med pa/ g.yo ba med pa/ 'gyur ba med pa/ yod par rtog pa dang / med par rtog pa dang bral ba/ snod ma yin pa/ yongs su rtog pa med pa/ 'dod chags dang bral ba/ rdul dang bral ba/ rigs spangs pa/ rang bzhin yongs su dag pa/ dri ma med pa/ nyon mongs pa med pa/ sgro btags pa med pa/ kun nas langs pa med pa/ 'khrug pa med pa'i chos thams cad med par ji lta ba bzhin du rab tu shes pa de bzod pa sgom mo/ /gang rkyen dang bral ba dang / rab tu rgyu ba nye bar zhi ba dang / lam ma rungs pa las yang dag par shin tu 'das pa dang / 'byung ba med pa dang / 'jug pa med pa dang / rings pa med pa dang / yul thams cad la rnam par dmigs pa </font><hr>273b<br><font size=+1>


med pa dang / rnam par shes pa'i lam las yang dag par shin tu 'das pa dang / btags pa med pa dang / bkrol ba med pa dang / 'ong ba med pa dang / gnas med pa dang / sa bon med pa dang / rtsa ba med pa dang / yid brtan pa nye bar zhi zhing rab tu zhi ba dang / yongs su gdungs pa med pa dang / shin tu mthar thug pa dang / yang srid pa kun nas ldang ba med pa dang / mya ngan las 'da' ba la mngon par dga' ba dang / 'di 'dra bar yid la byed pas bzod pa yongs su rdzogs par 'gyur ro/ /rtog pa dang / rnam par rtog pa dang / kun tu rtog pa dang / yang dag par rtog pa dang / nye bar rtog pa dang / 'gro ba dang / kun tu 'gro ba dang / mngon par 'gro ba dang / nye bar 'gro bar yid la byed pas bzod pa sgom par mi 'gyur ro/ /rigs kyi bu/ 'ong ba zhes bya ba 'di ni| yang dag par 'dren pa'i tshig go /rigs kyi bu/ gang la 'dren pa med cing yang dag par 'dren pa med pa de la 'gro ba med cing 'ong ba'ang med do/ /'gro ba med pa dang 'ong ba med pa'i kun gzhi kun tu gzhom pa'i phyir gnyis su med pa'i chos kyi sgo'i bzod pa bsgom mo/ /rigs kyi bu/ 'ong ngo / /zhes bya ba las kyi mtshan nyid la dmigs pa 'di ni/ bzod pa sgom pa yongs su spong ba'i phyir yang dag par sgrub pa'o/ /rigs kyi bu/ 'gro'o/ /zhes bya ba'i las kyi mtshan nyid kyi rgyu 'di ni/ mtshan nyid med pa/ mtshan nyid dang bral ba'i bzod pa sgom pa zhes </font><hr>274a<br><font size=+1>


@#/ /bya'o| |'ong ngo / /zhes bya ba'i smon lam mtshan nyid kyi rgyu 'di ni/ bzod pa 'gog pa'i phyir yang dag par sgrub kyi/ 'di ni/ bzod pa sgom pa ma yin no/ /rigs kyi bu/ 'gro'o| |zhes bya ba 'di ni/ smon lam zad pa dang / med pa dang / zhi ba'i bzod pa sgom pa zhes bya'o/ /rigs kyi bu/ 'ong ngo / /zhes bya ba 'byung ba'i mtshan nyid 'di ni/ bzod pa las gti mug pa yin gyi \?\/ bzod pa sgom pa ma yin no/ /rigs kyi bu/ 'gro'o/ /zhes bya ba dmigs pa med pa dang / 'gal ba'i mtshan nyid ni/ bzod pa sgom pa zhes smras so| |rigs kyi bu/ 'ong ngo / /zhes bya ba rnam par dmigs pa'i sgo'i mtshan nyid 'di ni/ bzod pa la sgom pa ma yin gyi/ bzod pa la 'khrug pa yin no/ /'gro'o/ /zhes bya ba rnam par dmigs pa zad pa'i mtshan nyid dang / nye bar zhi ba 'di ni/ bzod pa sgom pa zhes smras so/ /rigs kyi bu/ 'ong ngo / /zhes bya ba'i kun gzhi'i mtshan nyid 'di ni/ bzod pa la 'jug pa yin gyi/ bzod pa sgom pa ni/ ma yin no/ /rigs kyi bu/ 'ong ngo / /zhes bya ba ni/ kun gzhi nub pa dang zhi ba 'di ni/ bzod pa sgom pa zhes smras so/ /rigs kyi bu/ 'ong ngo / /zhes bya ba 'byung ba'i mtshan nyid 'di ni/ bzod pa yongs su spangs pa yin gyi/ bzod pa sgom pa ni/ ma yin no/ /'gro zhes bya ba rgyu zad pa'i mtshan nyid 'di dang / rnam par zhi </font><hr>274b<br><font size=+1>


pa 'di ni/ bzod pa sgom pa zhes smras so/ /rigs kyi bu/ 'ong ngo / /zhes bya ba brda dang / tha snyad kyi tshig gi mtshan nyid 'di ni/ bzod pa sgom pa ma yin no/ /'gro'o/ /zhes bya ba tha snyad rnam par zhi ba'i gnas 'di ni/ bzod pa sgom pa'o/ /zhes smras so/ /rigs kyi bu/ 'ong ngo / /zhes bya ba sngon gyi mtha' dang / phyi ma'i mtha' mi shes pa'i chu bor bying ba 'di ni/ bzod pa la gti mug pa yin gyi/ bzod pa sgom pa ni/ ma yin no/ /'gro'o/ /zhes bya ba ni/ sngon gyi mtha' dang / phyi ma'i mtha' shes pa dang / mi shes pa rab tu spangs te rgya chen po nye bar zhi ba 'di ni| bzod pa sgom pa'o/ /zhes smras so/ /rigs kyi bu/ 'ong ngo / /zhes bya ba lus dang / ngag dang / yid kun spyod pa'i mtshan nyid 'di ni/ bzod pa sgom pa ma yin no/ /'gro'o/ /zhes bya ba sred pa'i 'du byed nye bar zhi ba 'di ni/ bzod pa sgom pa'o/ /zhes smras so/ /rigs kyi bu/ 'ong ngo / /zhes bya ba rnam par shes pa nye bar zhi ba dang / rnam par spyod pa chags pa med pa'i tshig gi mtshan nyid 'di ni/ bzod pa sgom pa ma yin no/ /'gro'o/ /zhes bya ba rnam par shes pa rnam par dmigs pa dang / rnam par spyod pa nub pa 'di ni/ bzod pa sgom pa'o/ /zhes smras so| |'ong ngo / /zhes bya ba ming dang gzugs kun nas ldang ba'i tshig gi mtshan nyid 'di ni/ bzod pa sgom pa ma yin no/ /'gro'o/ /zhes bya ba ming gzugs nye bar zhi ba 'di ni/ bzod </font><hr>275a<br><font size=+1>


@#/ /pa sgom pa'o/ /zhes smras so/ /'ong ngo / /zhes bya ba 'dul ba dang / kun nas ldang zhing 'dod pa'i yon tan gyi gnas kyi mtshan nyid 'di ni/ bzod pa sgom pa ma yin no| |'gro'o/ /zhes bya ba dbang po drug nye bar zhi zhing nub pa 'di ni/ bzod pa sgom pa'o/ /zhes smras so/ /'gro'o/ /zhes bya ba rig pa'i chu bo sgom pa gzhan gyi tshig gi mtshan nyid 'di ni/ bzod pa sgom pa ma yin no/ /'gro'o/ /zhes bya ba reg pa'i chu bo nye bar 'gro ba 'di ni/ bzod pa sgom pa'o/ /zhes smras so/ /'gro'o/ /zhes bya ba tshor ba gsum gyi rgyun gcod pa 'di ni/ bzod pa sgom pa'o/ /zhes smras so/ /'ong ngo / /zhes bya ba sred pa'i kun gzhi la 'jug pa 'di ni/ bzod pa sgom pa ma yin no/ /'gro'o/ /zhes bya ba sred pa gtong ba dang / nub pa 'di ni/ bzod pa sgom pa'o/ /zhes smras so/ /rigs kyi bu/ 'ong ngo / /zhes bya ba nye bar len pa la 'jug pa'i tshig gi mtshan nyid 'di ni/ bzod pa sgom pa ma yin no/ / 'gro'o| |zhes bya ba nye bar len pa sel ba 'di ni/ bzod pa sgom pa'o/ /zhes smras so/ /'ong ngo / /zhes bya ba sgom pa mngon par 'jug pa'i tshig gi mtshan nyid 'di ni/ bzod pa sgom pa ma yin no/ /'gro'o/ /zhes bya ba khong du chud pa chags pa'i lam 'di ni/ bzod pa sgom pa'o/ /zhes smras so/ /rigs kyi bu/ 'ong ngo / /zhes bya ba yang dang yang snying por 'jug pa'i </font><hr>275b<br><font size=+1>


tshig gi mtshan nyid 'di ni/ bzod pa sgom pa ma yin no/ /'gro'o/ /zhes bya ba skye ba zad pa 'di ni/ bzod pa sgom pa'o/ /zhes smras so/ /'ong ngo / /zhes bya ba yang dang yang dga' bar 'jug pa'i tshig gi mtshan nyid 'di ni/ bzod pa sgom pa ma yin no/ /'gro'o/ /zhes bya ba rga ba zad pa spang ba'i phyir bzod pa sgom pa'o/ /zhes smras so/ /rigs kyi bu/ 'ong ngo / /zhes bya ba yang dang yang shin ba'i chu'i chu bor lhung ba'i gnas kyi mtshan nyid 'di ni/ bzod pa sgom pa ma yin no/ /'gro'o/ /zhes bya ba shi ba'i chu bo las rgal ba 'di ni/ bzod pa sgom pa'o/ / zhes smras so/ /rigs kyi bu/ 'ong ngo / /zhes bya ba mya ngan dang / smre sngags 'don pa dang / yid mi bde ba dang / 'khrug par 'jug pa'i gnas kyi mtshan nyid 'di ni/ bzod pa sgom pa ma yin no/ /'gro'o/ /zhes bya ba sdug bsngal ba dang / 'khrug pa thams cad nye bar zhi ba 'di ni/ bzod pa sgom pa'o/ /zhes smras so/ /rigs kyi bu/ 'ong ngo / /zhes bya ba 'du byed kyi sdug bsngal thams cad skye ba dang / rga shi dang / 'chi 'pho skye ba dang / phrad pa dang / 'bral ba'i sdug bsngal skye ba'i gnas kyi mtshan nyid 'di ni/ bzod pa sgom pa ma yin no/ /'gro'o/ /zhes bya ba 'du byed kyi sdug bsngal thams cad nye bar zhi ba 'di ni/ bzod pa sgom pa'o/ /rigs kyi bu/ 'ong ngo / /zhes bya ba ni/ sdug bsngal thams cad skye zhing phyin ci log bzhi kun nas ldang </font><hr>276a<br><font size=+1>


@#/ /ba'i rang bzhin te/ dge ba thams cad sgom pa la bgegs byed pa'o/ /rigs kyi bu/ 'gro'o/ /zhes bya ba ni/ thams cad nye bar zhi ba'o/ /sdug bsngal gyi phyin ci log gi gnyen po'o/ /rigs kyi bu/ de bas na/ 'ong ngo / /zhes bya ba'i tshig ni/ nyon mongs pa thams cad kun tu 'dren pa'o/ /zhes smras pa yin no/ /'gro'o/ /zhes bya ba ni/ nyon mongs pa'i bag chags kyi rjes su 'brel ba thams cad 'dren pa med pa'o/ /zhes smras pa yin no/ /rigs kyi bu/ de bas na/ brjod du med pa la g.yo ba med do/ /brjod pa thams cad la'ang chags pa med do/ /yi ge'i chos kyi dbyings la 'khrug pa med do/ /gzung ba med pa dang / kun nas ldang ba med pa dang / lus pa med pa dang / 'byung ba med pa dang / 'du byed thams cad la dmigs pa'i rgyun chad pa dang / yod par rtog pa dang / med par rtog pa dang bral ba'i byang chub sems dpa' bzod pa yongs su rdzogs par byed do/ /byang chub sems dpa' dgra rnam par 'grel bas 'di ston pa bstan pa na sngon du 'gro ba lag bzang la sogs pa byang chub sems dpa' bye ba khrag khrig brgya stong phrag dgu bcu rtsa dgu mi skye ba'i chos kyi bzod pa thob bo/ /sangs rgyas kyi zhing thams cad dang ldan pa'i sa dang nam mkha' khyab pa 'di la gnas pas mgrin gcig tu legs so/ /zhes bya ba byin te/ rigs kyi </font><hr>276b<br><font size=+1>


bu| ji lta bur khyod kyang chos zab mo'i tshul gyi rjes su zhugs shing byang chub sems dpa'i kun nas yon tan rnam par rol pa mngon par shes pa chags pa med pa'i spobs pa dang ldan pa gang gi phyir khyod kyis bdag cag la 'di 'dra ba'i chos kyi char rab tu phab pa legs so legs so/ /de nyid kyi tshe na phyogs bcu nas 'dus pa'i lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po mang po lha rnams kyi me tog dang / phreng ba dang / dri dang / byug pas byang chub sems dpa' dgra rnam par 'grel pa la mchod pa'i las kyi phyir 'dun cing brtson no/ /de'i lus la me tog dang / phreng ba dang / dri dang / byug pas gtor bas rigs kyi bu yang de ltar ting nge 'dzin gyi stobs kyis rin po che sna tshogs su byin gyis brlabs te phung po gcig tu bzhag nas bcom ldan 'das kyi slad du rin po che sna bdun gyi seng+ge'i khri 'phang du dpag tshad stong / zheng du dpag tshad bcu pa/ lha rdzas kyi gos kyis bting ba blta na sdug pa rnam pa sna tshogs byung ngo / /sangs rgyas kyi zhing 'dir mu stegs can gzhan dka' thub dang / brtul zhugs dang / spyod pa dang / spyod lam la brtson par byin gyis brlabs pa ji snyed pa dang / gang yang phyogs bcu'i zhing stong pa dang / rnyog pa lnga'i sangs rgyas kyi zhing mtha' yas mu med pa na mu stegs gzhan dka' thub dang / brtul zhugs dang / spyod pa dang / spyod </font><hr>277a<br><font size=+1>


@#/ /lam la brtson par byin gyis brlabs pa/ dka' thub ngan pa de dag thams cad kyis rin po che sna bdun gyi seng+ge'i khri yang dag par mthong ngo / /la la dka' thub lnga pa dag nyi ma dang zla ba la phyag 'tshal bar yang dag par mthong ngo / /la la chu 'dzin pa dang / 'dam 'dzin pa dang / chu dang 'dam 'dzin pa dang / la la skra 'dzin pa dang / ag tshom 'dzin pa dang / skra dang ag tshom 'dzin pa dang / la la rkang pa 'deg pa dang / lag pa 'deg pa dang / la la nags tshal gyi rtsa ba dang / 'dab ma za ba dang / tsher ma'i steng du nyal ba dang / la la rus pa'i phye mas lus bskus pa dang / mi'i mgo bo'i phreng ba dang / mgo lag mthil na 'chang ba yang dag par mthong ngo / /la la phyugs kyi brtul zhugs can dang / khyi'i brtul zhugs can dang / phag gi brtul zhugs can dang / ri dwags kyi brtul zhugs can dang / bya'i brtul zhugs can dang / me'i brtul zhugs can dang / zla ba'i brtul zhugs can dang / nyi ma'i brtul zhugs can dang / chu'i brtul zhugs can dang / 'dzeg pa'i brtul zhugs can dang / dka' thub rnam pa sna tshogs kyi nad gsos/ de la sogs pa'i mu stegs can gzhan la la dka' thub dang / brtul zhugs dang / spyod pa dang / spyod lam la brtson par byin gyis brlabs pa/ dka' thub ngan pa sna tshogs de </font><hr>277b<br><font size=+1>


dag thams cad de'i che na der seng+ge'i khri yang dag par mthong ngo / /seng+ge'i khri de'i steng gi bar snang na rin po che sna bdun gyi gdugs zheng du dpag tshad stong phrag bcu par byin gyis brlabs so/ /gdugs de la lha rdzas kyi rin po che'i rgyan sna tshogs su yang dag par mthong ngo / /rgyan de dag las log pa'i tshig gi tha snyad sna tshogs byung ba ni/ 'di lta ste/ tshad par lta ba dang / rtag par lta ba dang / 'jig tshogs kyi lta ba dang / mthar 'dzin pa'i lta ba dang / tshul khrims dang brtul zhugs snyems pa'i lta ba dang / 'dod pa la bde ba skye ba'i lta ba byung ngo / / 'thab cing gcig la gcig 'tshog pa dang / mgo gcod pa dang / mig 'byin pa'i lta ba dang / dge ba bcu'i las kyi lam du lta ba spros pas lta bar song ba drug cu rtsa gnyis kyi lta ba'i tshig gi tha snyad kyi dbyangs byung ngo / /gang yang phyogs bcu'i sangs rgyas kyi zhing yongs su dag pa tshad med grangs med pa dag nas sangs rgyas kyi zhing 'dir lhags pa'i byang chub sems dpa' de dag sgra de nyan to/ /seng+ge'i khri la sems can tshul khrims dang / brtul zhugs ngan pa sna tshogs sbyor ba'i rjes su ldan pa de dag kyang lta'o/ /kye ma kyi hud lta ba nyon mongs pa thob pa 'di dag rnyog pa lnga'i mi mjed kyi sangs rgyas kyi zhing du yang dag par mthong ba gang zhig ces de mchog tu skyo ba'i yid kyis 'di snyam du sems par gyur to/ /bdag cag rang rang gi sangs </font><hr>278a<br><font size=+1>


@#/ /rgyas kyi zhing du 'gro'o snyam ste/ de dag sangs rgyas kyi zhing 'di las 'gro bar 'dod kyang de dag rang rang gi phyogs gang du 'gro bar mi shes nas de dag gis byang chub sems dpa' dag rnam par 'grel ba gang na ba de logs su thal mo sbyar te phyag btsal nas 'di skad ces smras so/ /rigs kyi bu/ bdag cag ni/ sangs rgyas kyi zhing 'di nas rang rang gi sangs rgyas kyi zhing du 'gro bar 'dod pa ni/ rigs kyi bu/ sangs rgyas kyi zhing shin tu lta ba stug pos bsgribs shing dog pa thob pas bdag cag kyang cung zad lus dang / ngag dang / yid kyis 'khrul bar 'gyur ba de'i phyir bdag cag myur du 'gro bar 'dong ngo / /bdag cag kyang phyogs thams cad mgo 'khor bar gyur nas yang bdag cag rang rang gi phyogs gang du 'gro ba mi shes na/ de'i phyir rigs kyi bu/ khyod bdag cag rang rang gi sangs rgyas kyi zhing du 'gro bar nus pa nyams su longs shig /de nas byang chub sems dpa' dgra rnam par 'grel bas phyogs bcu'i sangs rgyas kyi zhing du byang chub sems dpa' yang dag par lhags pa de dag la smras pa/ rigs kyi bu/ ci khyed cag theg pa chen po la yang dag par ma zhugs sam/ smras pa/ rigs kyi bu/ bdag cag ni/ bla na med pa yang dag par rdzogs pa'i byang chub tu yang dag par zhugs nas yun ring </font><hr>278b<br><font size=+1>


ngo / /rigs kyi bu/ byang chub 'dod pa rnams 'dul ba'i sems can yongs su smin par bya ba'i phyir smon lam gyi dbang gis sems can dmyal bar skye ba la brtson pa ni/ gor ma chag/ de bzhin du byol song dang / yi dwags dang / rnyog pa lnga'i sangs rgyas kyi zhing dang / gnod sbyin dbul po dang / mi dbul bo dang / gshed po dbul po dang / de bzhin du lta ba tha dad par song zhing dogs pa rnyed pa'i mu stegs can gzhan la sems can yongs su smin par bya ba'i phyir smon lam gyi dbang gis der skye ba blangs pa 'di ni/ byang chub sems dpa' rnams kyi rtsal po che zhes smras so/ /ci lta bur gnas de dang de dag tu brtson 'grus brtan pa pha rol gnon pas nye bar phyin to/ /sems can rnams ni/ mi shes pa'i rtsa ba dang lhan cig tu 'grogs pa/ tshe'i dgon par yang dag par rdzogs pa'i zhi ba'i lam rab tu nyams pa'o/ /sems can rnams ni/ srog chags su gyur pa la mi dge ba bcu'i las la brtson pa'o/ /lta ba ngan pa rdzogs pa dang / 'jig rten pha rol gyis 'jigs pa med par lta ba dang / rtag pa dang chad par lta ba yang dag par rdzogs pa'i sems can la snying brtso pa'i phyir bdag gi lus dang sems kyi sdug bsngal la mos so/ /sems can thams cad yongs su smin par bya ba'i phyir sems can gcig kyang pha rol tu phyin pa drug la rab tu mos par nus pa dang / dge ba </font><hr>279a<br><font size=+1>


@#/ /bcu'i las kyi lam la las kyi lam gcig gis kyang sa bon bskyed cing 'dug pa dang / legs par smras pa gcig gis kyang rna bar go bar nus pas sems can re re'i phyir yang sdug bsngal rnam pa mang po bskal ba bye ba khrag khrig brgya stong mang po rnam pa du ma sna tshogs su mngon par brtson no/ /rigs kyi bu/ byang chub sems dpa' rnams kyi go cha gnyis te/ byang chub sems dpa'i go cha gang gis bgos pa ni/ bdud bzhi 'dzin cing byang chub sems dpa' zhes kyang bya'o/ /gnyis gang zhe na/ sems can gyi go cha dang / sangs rgyas kyi zhing gi yon tan gyi go cha'o/ /rigs kyi bu/ de la byang chub sems dpa' rnams kyi sems can gyi go cha gang zhe na/ rigs kyi bu| gang byang chub sems dpa' rnams shin tu brtan pa'i brtson 'grus kyis mos shing pha rol gnon par 'gyur ba dang / pha rol tu phyin pa drug la brtson zhing byams pa sgom pas phongs pa thams cad dang / mi dge ba'i rtsa ba dang 'grogs pa dang / mtshams med pa byed pa dang / dam pa'i chos spangs pa dang / 'phags pa la skur pa 'debs pa dang / yongs su dag pa'i sangs rgyas kyi zhing thams cad las bkar ba'i sems can yongs su smin par byed do/ /snying rje chen pos lta bar song ba drug cu rtsa gnyis las yongs su grol </font><hr>279b<br><font size=+1>


bar byed pa bdag gis kyang yang da bzhin du sems can nyon mongs pa'i skyabs su bslab par bya'o/ /bsdu ba'i dngos po rnam pa bzhi ste/ sbyin pa dang / ngag snyan pa dang / don bya ba dang / don mthun pas sems can mgu bar bya'o/ /sbyin pa'i bsdu ba'i dngos pos sems can mgu bar byed pa ni/ 'di lta ste/ zas dang / skom nas mgo'i bar du sbyin pas gang sbyin pa byin pa'i byang chub sems dpa' de ni/ thabs la mkhas pas yongs su bsngos te/ pha rol tu phyin pa drug yongs su rdzogs par byed do/ /gang sbyin pa byin pa'i byang chub sems dpa' de ni/ mtshan ma yongs su byin pa 'di ni/ sbyin pa'i pha rol tu phyin pa'o/ /gang de na dngos po la dmigs pa'i rab tu zhi ba 'di ni/ tshul khrims kyi pha rol tu phyin pa'o/ /gang dngos po thams cad yongs su btang ste yul la ma bzod pa med pa 'di ni/ byang chub sems dpa'i bzod pa'i pha rol tu phyin pa'o/ /gang dngos po yongs su btang ste dben par sbyod pa'i phyir 'byung ba 'di ni/ byang chub sems dpa'i brtson 'grus kyi pha rol tu phyin pa'o/ /gang dngos po yongs su btang ste las thams cad la kun tu mi spyod pa 'di la'ang byang chub sems dpa'i bsam gtan gyi pha rol tu phyin pa'o/ /gang dngos po yongs su sbyin pa'i phyir bdag gi yid la mi sems shing dngos po de la dben par sems pa la rnam par smin par mi 'dod pas len pa dang / sbyin pa gnyis ma byung / </font><hr>280a<br><font size=+1>


@#/ /rnam par mi rtog /kun nas mi ldang / dngos po med/ rnam par bsal ba med pa 'di'ang byang chub sems dpa'i rang bzhin mi skye ba'i chos kyi bzod pa'i shes rab kyi pha rol tu phyin pa'o/ /yang byang chub sems dpa' thabs la mkhas pas dong che gcig byin pas kyang pha rol tu phyin pa drug ji ltar yongs su rdzogs par byed/ /rigs kyi bu/ 'di la byang chub sems dpa' mtshan ma dang lhan cig pas 'di ltar slob ste/ lus med pa'i phyir longs spyod chen po'i sbyin pa rnam par mi sgrub/ longs spyod chen po'i rgyus sbyin pa rnam par mi spong / longs spyod chen po'i sbyin pa yang dag par mi shes te/ rang bzhin gyis stobs 'dzin pa 'di'ang sbyin pa'i pha rol tu phyin pa'o/ /gang 'dod pa'i khams kyi rnam par smin pa mi 'dod pas/ sbyin pa byin pa'i rgyun bcad pa dang / de bzhin du gzugs dang gzugs med pa'i rnam par smin pa mi 'dod pas sbyin pa'i rgyun bcad pa dang / brtson 'grus kyis mtshan nyid la mi 'jug pa dang / dran pa'i stobs mi skye mi 'gog pa la dmigs pas sbyin pa byin pa 'di'ang tshul khrims kyi pha rol tu phyin pa'o/ /gang sbyin pa ni/ g.yeng ba'i mtshan nyid dang / dran pa'i yul la yang dag par rgyas pa dang / len pa dang dor ba med pa'i rang bzhin can gyi yul la mi khom par dmigs shing snyems pa med pa 'di ni/ /bzod pa'i pha rol </font><hr>280b<br><font size=+1>


tu phyin pa'o/ /gang yang sbyin pa de dmigs pa thams cad kun ldang ba dran pa nye bar gzhag pa'i ye shes dang / rnam par spyod pas lam mi mthun pa yongs su spangs pa'i ye shes dang / nyan thos dang / rang sangs rgyas kyi lam la reg pa med pa'i ye shes dang / dma' zhing rab tu nyams pa'i lam dang / tshig pas gdungs pa rnams snying rje thams cad kyis yongs su bskyabs te zhi ba'i lam du gzhag pa dang / dban par spyod pa la bdag bde bar skyed cing theg pa chen po yongs su gzung ba'i phyir sbyin pa byin pa 'di ni/ byang chub sems dpa'i brtson 'grus kyi pha rol tu phyin pa'o/ /gang sbyin pa de las thams cad mtshan nyid mtshungs shing yul thams cad ting nge 'dzin bsgrubs pas stong pa'i grong bzhin du rtog pa dang / mtshan ma thams cad la blo med cing dngos po med par rtog pa dang / 'dod chags thams cad rkyen la rag las shing bla na med pa dang / rtog pa thams cad lus med mtshan nyid skad cig tu 'jig pa dang / gnas thams cad yod pa ma yin zhing mi 'gro rnam par mi 'gro /kun nas mi ldang ba'i mtshan nyid du rtog pa 'di ni/ byang chub sems dpa'i bsam gtan gyi pha rol tu phyin pa'o| |gang sbyin pa de bdag la sems pa dang / dben par sems pa dang / rnam par smin pa 'dod par sems pa dang / len pa rnam par rtog par sems pa de las 'dod pa'i khams kyi </font><hr>281a<br><font size=+1>


@#/ /phung po la mi gnas pa'i phyir sbyin pa dang / sa'i khams la len pa dang dor ba med pa'i sbyin pa dang / chu dang / me dang / rlung dang / nam mkha' dang / rnam par shes pa'i khams la blang ba dang dor ba med pa'i sbyin pa dang / nyan thos dang / rang sangs rgyas 'dul ba'i phyir mi rtog cing rnam par mi rtog pa'i sbyin pa dang / phung po dang / khams la nam mkha' kun nas ldang ba dang / gzugs kyi rang bzhin la rnam par mi dmigs pa dang / rna ba dang / sna dang / lce dang / lus dang / yid dang / rnam par shes pa dang / chos la rang bzhin rnam par mi dmigs pa'i sbyin pa dang / dran pa'i stobs kyis sbyin pa dang / brtson 'grus kyi stobs kyis rnam par mi rtog pa'i phyir mtshan ma rgyun mi bcad pa'i sbyin pa byin pa dang / sbyin pa de sgrol ba'i rnam par mi dmigs/ ma skyes ma byung ba'i phyir 'dres pa med cing 'chi 'pho dang / skye ba'i sbyin pa byin pa 'di ni/ byang chub sems dpa'i shes rab kyi pha rol tu phyin pa zhes smras so/ /gzhan yang sbyin pa de bdag mi shes shing longs spyod thams cad gdon mi za bar 'grub pa bde ba thams cad skye ba la bzod pa 'dren pa dang / brtson 'grus kyis sems can la mtha' thug pa med cing rnam par mi rtog pa dang / mtshan ma thams cad la blang pa dang / dor ba med pa dang / bsam gtan la 'dug pa med pa dang / khams </font><hr>281b<br><font size=+1>


gsum la shes rab dang / dmigs pa thams cad dang bral ba de dag gi thabs kyis byang chub sems dpa' dong tshe gcig sbyin pa byin te/ rnam pa de lta bu'i sems bskyed pas yongs su bsngos bas pha rol tu phyin pa drug po 'di dag thams cad la gnas par 'gyur ro/ /nyan thos dang / rang sangs rgyas 'dul ba'i phyir shin tu brtan par mos par 'gyur ro/ /nyan thos dang / rang sangs rgyas kyi theg pa la reg pa skyed par mi byed do/ /mu stegs can 'dul ba'i phyir 'gro ba thams cad la 'jug go /lta ba log par ni/ mi 'gyur ro/ /sems can thams cad nye bar 'tsho bar bya ba'i phyir sbyin pa'i las thams cad dang / thams cad mkhyen pa'i sgrub pa'i dge ba bcu'i rtsa ba yongs su bsngo bar byad do/ /bdag gir bya ba'i lta ba thob pa de tshul khrims la nan tan byed cing dka' thub dang / brtul zhugs yang dag par spyod par 'gyur ro/ /sems can dmyal ba dang / byol song gi skye gnas dang / gshin rje'i 'jig rten pa'i sems can yongs su smin par bya ba dang / sdug bsngal yongs su thar par bya ba'i phyir dge ba'i rtsa ba yongs su bsngo bar byed do/ /bdag sems can dmyal ba dang / byol song gi skye gnas dang / gshin rje'i 'jig rten ba'i sdug bsngal gyis 'jigs pas skrag par mi 'gyur ro/ /bdag kyang de bzhin du snying rje chen po'i brtson 'grus brtan pa pha rol gnon pa'i smon lam gyi dbang gis der </font><hr>282a<br><font size=+1>


@#/ /bsam bzhin du skye ba mtshungs par 'dzin to/ /sems can thams cad yongs su smin par bya ba'i phyir bzod pa thams cad dang ldan par 'gyur ro/ /skad cig ma'i 'du byed thams cad brtag par bya'o/ /yul gces pa thams cad yang dag par mthong ngo / /sems can thams cad yongs su smin par bya ba'i phyir dge ba'i rtsa ba thams cad la brtan pa'i brtson 'grus pha rol gnon par 'gyur ro/ /sems can thams cad yongs su smin par bya ba'i phyir slob dpon dang slob dpon ma yin pa thams cad la 'jug cing bsam gtan dang / ting nge 'dzin la snyoms par 'jug pa'i rnal 'byor la mngon par brtson par 'gyur ro/ /mngon par 'du mi byed par brtags nas yul thams cad kyi bdud kyi lam spyod pas bdag tu lta bar byed do/ /sems can 'dul ba'i phyir shes rab 'byung bar 'gyur ro/ /byis pa'i yul la spyod pa thams cad la'ang bdag tu lta bar byed do/ /sems can yongs su smin par bya ba'i phyir 'jig rten thams cad kyi yul las shin tu 'das shing bsam gtan byed do/ /'jig rten thams cad kyi yul gyi spyod pa la yang dag par mthong ngo / /sems can thams cad yongs su smin par bya ba'i phyir dngos po thams cad yongs su gtong bar 'gyur ro/ /sems can thams cad yongs su mgu bar bya ba'i phyir rigs kyi bu/ rnam pa de </font><hr>282b<br><font size=+1>


lta bu'i sems can gyi go cha dang / sems can yongs su smin pa'i rgyan dang / byang chub sems dpa' bsdu ba'i dngos pos sems can dbul po dbul ba las yongs su thar par bya'o/ /rig kyi bu| gzhan yang 'di ni/ sems can yongs su smin par byed cing byang chub sems dpa' rnams la sbyin pa byin pa 'di ni/ sbyin pa'i pha rol tu phyin pa'o/ /ji lta bur bsam pas sems can yongs su mgu bar byed pa dang / yang na ni/ zang zing gi bsam pa'i sems can rnams zang zing gis yongs su smin par byed pa dang / chos 'dod pa'i sems can rnams ji lta bur sems can rnams la gzugs dang mthun par chos bstan pas yongs su mgu bar byed cing / yongs su smin par byed pa 'di'ang byang chub sems dpa'i sbyin pa'i pha rol tu phyin pa'o/ / rigs kyi bu/ gzhan yang sems can yongs su smin pas zang zing gi sbyin pa'ang sbyin pa'i len pa de dag la byams pa dang mthun par sems bskyed par bya ba de nyid kyis de dag yongs su smin par byed do/ /rab tu dga' ba skye ba'i blo dang ldan pa'i sems skye bar 'gyur ba de nyid kyis de dag yongs su smin par byed do/ /snying rje ci bya'o cog byed pa la brtson pa dag ba'i sems skye ba dang ldan par yang 'gyur ro/ /btang snyoms shing sdig pa mi byed pa dge ba'i sems skye bar 'gyur ba de nyid kyis de dag yongs su smin par byed do/ /ting nge 'dzin dang </font><hr>283a<br><font size=+1>


@#/ /mthun pa dang ldan pa sems skye bar 'gyur ba de nyid kyis de dag yongs su smin par byed do/ /don la rton pa bdag med pa dang ldan pa'i sems skye bar 'gyur ba de nyid kyis de dag yongs su smin par 'gyur ro/ /de'ang sbyin pa byin pa'i len pa rnams kyi sems dang bsam pa la dang por byang chub tu sems bskyed pa de nyid kyis de dag yongs su smin par byed do/ /la la len pa rnams la byang chub sbyad pa spyod pa de dag skyo ba skyed par byed pa de nyid kyis de dag yongs su smin par byed do/ /la la'ang yun ring po nas byang chub sems dpa'i spyad pa spyod pa rnams la ji ltar byang chub sems dpa' de dag gis nyan thos dang / rang sangs rgyas kyi theg pa la spyod pa'i rgyun bcad cing bla na med pa yang dag par rdzogs pa'i byang chub las phyir mi ldog par 'gyur ba de lta bu'i chos ston cing rab tu ston pa de nyid kyis de dag yongs su smin par byed do/ /la la'ang phyir mi ldog pa rnams la ji lta bur skyes bu dam pa ting nge 'dzin dang / bzod pa'i gzungs thob pas mi rtag pa dang / sdug bsngal ba dang / stong pa dang / bdag med pa dang ldan pa rnam pa de lta bu'i chos ston cing rab tu ston pa de nyid kyis de dag yongs su smin par byed do/ /la la'ang byang chub sems dpa' rnams la ji ltar byang chub sems dpa' de dag gis sangs rgyas kyi </font><hr>283b<br><font size=+1>


zhing yongs su dag pa rnams rgyun bcad cing nyon mongs pa dang / rnyog pa lnga'i sangs rgyas kyi zhing du snying rje chen po skyed pa de lta bu'i chos ston cing rab tu ston pa de ni/ smon lam byed do/ /de na bla na med pa yang dag par rdzogs pa'i byang chub tu mngon par rdzogs par 'tshang rgya zhing lta ba ngan pa dogs pa rnyed pa'i sems can rnams theg pa gsum la sbyor bar byed do/ /yongs su mya ngan las 'da' bar byed do/ /thabs des sems can bye ba khrag khrig brgya stong mang po smin par byed do/ /rigs kyi bu/ byang chub sems dpa'i ba spu'i khung bu ji snyed pa de snyed kyi sbyin pa'i dngos po rnams yang na ni/ zang zing sbyin pa'am/ yang na ni/ chos kyi sbyin pa'i thabs kyis sems can yongs su smin par byed do/ /bam po bzhi pa/ rigs kyi bu/ gzhan yang byang chub sems dpa' ngag snyan pa'i bsdu ba'i dngos pos kyang sems can yongs su smin par byed do/ /rigs kyi bu/ de na gang byang chub sems dpa' dga' ba'i mig gis lta ba dang / tshig snyan pas dga' bar bya ba dang / ngag 'jam pas slong ba po dang / chos nyan pa rnams snyan pa la sbyor bar byed do/ /sems can yongs su sbyad pas sdig pa las phyir ldog par byed/ lta bar song ba thams cad las phyir ldog par byed do/ /bral ba bzhi'i sems can rnams bzhi la 'god par byed do/ /bzhi gang zhe na/ tshul khrims dang bral ba'i </font><hr>284a<br><font size=+1>


@#/ /sems can rnams ngag snyan pa dang 'jam pas tshul khrims la 'god par byed pa dang / sems can lta ba dang bral ba rnams yang dag pa'i lta ba la 'god par byed pa dang / sems can bsam pa dang bral ba rnams bsam pa yongs su sbyang bar byed pa dang / sems can cho ga dang bral ba rnams yang dag pa'i cho ga la 'god par byed pa'o| |rigs kyi bu/ de na sems can tshul khrims dang bral ba rnams byang chub sems dpa'i ngag snyan pa'i bsdu ba'i dngos pos 'phags pa'i tshul khrims la ji ltar 'god par byed| yang byang chub sems dpa' bden pa'i tshig mi rtsub pa de'i drung du slong ba po nye bar phyin pa'i sems can de dag kyang bsam pa shin tu yongs su mgu bar byed do/ /de dag la mtshungs par ngag snyan pas gtam smra par byed do/ /de dag kyang 'dul bar byed do/ /sems can gang dge ba bcu'i las kyi lam dang ldan par 'gyur pa de dag thams cad ngag snyan pas dge ba bcu'i las kyi lam la yang dag par gzhog par byed/ 'god par byed do/ /tshul khrims ngan pa'i sems can rnams tshul khrims la yang dag par gzhog par byed/ 'god par byed/ 'dzud par byed do/ /sems can le lo can rnams nyan thos kyi theg pa la yang dag par gzhog par byed/ 'god par byed/ 'dzud par byed do/ /sems </font><hr>284b<br><font size=+1>


can bdag bde bar 'dod pa rnams rang sangs rgyas kyi theg pa la yang dag par gzhog par byed/ 'god par byed/ 'dzud par byed do/ /gzhan yang sems can le lo can rnams brtson 'grus rtsam pa la 'god par byed do/ /ma dad pa rnams dad pa'i brtson 'grus la 'god par byed do/ /thos pa nyung ba rnams mang du thos pa dang / 'chal ba'i shes rab can rnams shes rab phun sum tshogs pa dang / mi 'grogs pa'i sems can rnams 'grogs pa la sbyor bar byed do/ /gzhan yang sems can phar mi shes shing mar mi shes te ma gus pa rnams pha ma la gus shing nad pa la bsnyen bkur ba dang / drang srong la sbyor bar byed/ 'god par byed de/ sems rtsub pa rnams byams pa la sbyor bar byed/ snying rje med pa'i sems can rnams snying rje la sbyor bar byed/ sems dma' ba can rnams dga' ba la sbyor bar byed/ sems kyis chags pa rnams btang snyoms la sbyor bar byed/ sems can ngan song gsum du 'gro ba rnams tshul khrims la bkod pas lha'i bde ba skye ba la sbyor bar byed do/ /'dod pa la spyod pa'i sems can gyi nang na lhar 'gro ba'i sems can rnams bsam gtan la bkod pas gzugs la spyod pa'i lha'i bsam gtan gyi bde ba la sbyor bar byed do/ /sems can bsam gtan la chags pa rnams gzugs la 'jug pa snyoms par sbyor bar byed/ gzugs </font><hr>285a<br><font size=+1>


@#/ /med pa'i khams su snyoms par 'jug pa la mngon par chags pa'i sems can rnams mi rtag pa dang / sdug bsngal ba dang / stong pa dang / bdag med pa la sbyor bar byed do/ /sems can bdag tu 'du shes pa la mngon par chags pa rnams nye bar len pa'i phung po la spang pa la mi 'jigs shing dbu ba dang / smig rgyu lta bu dang / mda' dang / ral gris 'phangs te gsod pa'i skyes bu lta bu'i sems can rnams la ston par byed do/ /rgyun du zhugs pa'i 'bras bu la 'god par byed pa nas dgra bcom pa'i bar du 'god par byed do/ /gzhan yang sems can bstan pa ngan pa la rab tu mos shing sangs rgyas dang / chos dang / dge 'dun la mngon par mos pa med pa'i sems can de dag sangs rgyas kyi yon tan ston par byed/ sangs rgyas la mi phyed par rab tu mos pa la rab tu gzhog par byed/ rab tu 'god par byed pa nas chos dang dge 'dun gyi bar du'o/ /gang log pa la lta ba'i sems can log par ston cing phyi rol gyi mu stegs can gyi tshul khrims la yang dag par zhugs pa'i sems can de dag skyabs gsum du 'gro ba la sbyor bar byed/ dge bsnyen pa'i sdom pa dang / rab tu byung ba'i sdom pa dang / 'phags pa'i 'jig rten pa dang / 'jig rten las 'das pa'i tshul khrims la sbyor bar byed/ 'god par </font><hr>285b<br><font size=+1>


byed do| |dge ba bcu'i las kyi lam ni/ 'jig rten pa'i tshul khrims 'phags pa'i slob pa la sdom pa ni/ 'jig rten las 'das pa'i tshul khrims te/ mu stegs can gzhan gyi tshul khrims kyis ngan song gsum du 'gro ba'i sems can dag gang gis lha dang mir skye ba thob pa'i 'jig rten pa'i sems can la mngon par 'god par byed do/ /'dod pa'i khams kyi lha rnams la'ang de nyid kyis de dag yongs su smin par byed do/ /sems can 'jig rten pa'i tshul khrims la zhugs pa rnams 'phags pa'i slob pa'i sdom pa'i tshul khrims la 'god par byed do/ / gang gis zag pa med pa'i lam gyi 'bras bu thob pa de nyid kyis de dag yongs su smin par byed do/ /sems can nyan thos kyi theg pa pa rnams rang sangs rgyas kyi theg pa la sbyor bar byed pa de nyid kyis de dag yongs su smin par byed do/ /rang sangs rgyas kyi theg pa pa rnams kyang byang chub sems dpa'i yon tan gyi yul pha rol tu phyin pa drug gi tshul khrims la sbyor bar byed| 'god par byed pa de nyid kyis de dag yongs su smin par byed do/ /byang chub sems dpa' thabs la mkhas pas sems can nyan thos dang / rang sangs rgyas kyi theg pa pa rnams 'phags pa byang chub sems dpa'i tshul khrims la sbyor bar byed do/ /rigs kyi bu/ de la 'phags pa'i byang chub sems dpa'i tshul khrims gang zhe na/ sems can pha rol la gnod pa </font><hr>286a<br><font size=+1>


@#/ /can gyi nang na byang chub sems dpa' sems can thams cad la gnod pa med par gnas pa dang / sems can ma byin par len pa can rnams kyi nang na byang chub sems dpa' gzhan gyi nor la mi rku ba'i sems kyis gnas pa nas pha rol gyi chung ma la mi g.yem pa dang / brdzun du smra ba la mi slu ba'i bar du'o/ /sems can thams cad la phra ma mi zer ba nas ngag mi rtsub pa'i bar du ste/ tshig kyal pa zer ba spangs pa dang / gnod sems 'dod pa spangs pa dang / chags sems spangs pa dang / sems kyi rnyog pa spang ba'i phyir gzhan gyi bstan pa spangs pa dang / sangs rgyas dang / chos dang / dge 'dun gyi yon tan la gus par bya ba la mi zad par mos shing nyan par 'dod pa dang / bslab pa la mi zad par gus pa skyes pa dang / kha na ma tho ba cung zad tsam la 'jigs par lta ba dang / theg pa gzhan mi 'dod pas tshul khrims ma zhig pa dang / ma rung ba skye ba la yang dag par gnas pa rnams skyo bas tshul khrims ma ral ba dang / nyon mongs pa'i bag chags spangs pas tshul khrims 'dres pa med pa dang / chos dkar po 'phel bas mkhas pas mi smod pa dang / dran pas smra ba dang / ting nge 'dzin kha na ma tho ba med pa dang / dbang po drug srung ba dang / 'dod pa dang chags sems kyi 'dod pa rab tu spangs la bsam pa </font><hr>286b<br><font size=+1>


bsngags pa'o/ /lha dang mi mngon par mos par bya ba'i phyir rtsod pa dang 'thab mo'i 'du 'dzi can yongs su spangs pa de nyid kyis de dag yongs su smin par byed pa'o/ /sems can yongs su bskyab pa'i phyir sems can snying rje med pa'i nang na 'dug pa la byams pa spyod par 'gyur ro/ /sdug bsngal thams cad bzod pa'i sems dang / ngan 'gror 'gro ba la zhum pa med pa'i sems dang / bdag 'khrul pa'i phyir 'byin pa dang / gzhan 'khrul pa la rtsod cing 'dor ba de nyid kyis de dag yongs su smin par byed do/ /nyon mongs pa dang / rnyog pa lnga'i sangs rgyas kyi zhing 'dir sems can mtha' med par byed pa dang / dam pa'i chos spong ba dang / 'phags pa la skur pa 'debs pa dang / le lo can dang / mi dge ba'i rtsa ba dang lhan cig tu 'grogs pa'i nang na byang chub sems dpa' dge ba'i brtson 'grus brtsams par 'gyur ro/ /lus dang / ngag dang / yid yongs su sbyang ba'i phyir tshul khrims dang / thos pa dang / gtong ba dang / bsam gtan dang / tshad med pa'i las dang / gzugs med pa'i khams kyi dge ba'i rtsa ba las brtson 'grus brtsams par 'gyur ro/ /'dod pa'i khams dang / gzugs dang / gzugs med pa'i phung po nyon mongs pa'i bag chags kyi lta ba kun tu sbyor ba dang / tshul 'chos pa dang / bag chags kyi mtshan ma dang / 'jig tshogs kyi mtshan ma dang / mthar 'dzin pa'i lta ba yongs su sbyang ba dang / </font><hr>287a<br><font size=+1>


@#/ /rab tu spangs pa'i phyir rtsol ba de dang de dag gi dge ba'i rtsa ba la'ang sems sbyor bar byed/ 'god par byed pa de nyid kyis sems can yongs su smin par byed pa ste| rigs kyi bu/ byang chub sems dpa' rnams sems can yongs su smin par bya ba'i phyir brtson 'grus dang tshul khrims kyi sems kyi go cha la brtson pa 'di'ang 'jig rten pa'i ngag snyan pa'i bsdu ba'i dngos po'o/ /gang gis go cha'i thabs la mkhas pas nyon mongs pa dang / rnyog pa lnga'i sangs rgyas kyi zhing 'dir byang chub sems dpa' skyes bu chen po'i rtsal gyis sems can mtshams med pa byed pa dang / dam pa'i chos spong ba dang / 'phags pa la skur ba 'debs pa dang / mi dge ba'i rtsa ba dang lhan cig 'grogs pa dag yongs su smin par 'gyur ro/ /ji ltar sangs rgyas kyi zhing yongs su ma dag par byang chub sems dpa' rnams rnam pa de lta bu'i skyes bu'i rtsal yod do/ /rigs kyi bu/ de'i tshe gzhung 'dis gang nyon mongs pa dang / rnyog pa lnga'i sangs rgyas kyi zhing du byang chub sems dpa' pha rol tu phyin pa drug spyad pa spyod cing snying rje chen po dang ldan pa de dag byang chub sems dpa' zhes bya bar de ltar rig par bya'o/ /byang chub sems dpa' ba spu'i khung bu ji snyed pa de snyed kyi ngag snyan pa'i bsdu ba'i dngos pos sems can yongs su smin par byed do/ /rigs kyi bu/ de </font><hr>287b<br><font size=+1>


la byang chub sems dpa' rnams kyi 'jig rten las 'das pa'i tshul khrims dang / sems can yongs su smin pa dang / don bya ba'i bsdu ba'i dngos po gang zhe na/ rigs kyi bu/ nyon mongs pa dang / rnyog pa lnga'i sangs rgyas kyi zhing 'dir byang chub sems dpa' brtan pa'i snying rje chen pos bcings pa dang / bdag gi smon lam gyi khyad par gyis bcings pa ni/ 'di lta ste/ dper na| phyugs shing la btags pa ltar sdug bsngal myong bas na sems dang bsam pa la 'jig pa'am/ skrag pa'am/ yongs su bsdigs pa skye bar mi 'gyur ro/ /de chung ngu na sems kyi skad cig gcig gis kyang sems can yongs su smin par bya ba'i phyir snying rje chen po 'di sgom pa na de ltar bslab bo/ /de 'di snyam du sems te/ sems can 'di gang sems can 'di ming tsam zhig gam/ sems can 'di phyin ci log tsam zhig gam/ gti mug pa tsam mam/ tha snyad tsam mam/ thog mar dge ba 'di sems can zhes bya ba'am/ yang dag pa ma yin par gti mug pa ma gtogs par shin tu mngon par mi sgrub pa dang / 'du byed sna tshogs kyi phyin ci log kun nas ldang ba rnams mngon par 'du bya ba na sdug bsngal ba dang / yid mi bde ba myong ba dang / 'dus byas thams cad kyi dngos po gar mkhan gyi mtshon 'dra ba dang / rmi lam lta bu dang / rang bzhin gyi smig rgyu lta bu dang / 'khor ba la chags pa rnams bde bar 'dod cing </font><hr>288a<br><font size=+1>


@#/ /mngan par 'du bya ba des sdug bsngal rnam pa sna tshogs myong ba dang / chos thams cad nam mkha'i rang bzhin du mi shes pa na kun tu sbyor bas 'khrul pa dang / myos pa'i sdug bsngal sna tshogs kyi nad 'byung bar 'gyur ba dang / gang gi 'gro ba lnga'i 'khor ba la 'khor lo stug po lta bu'i sdug bsngal gyis yongs su 'khor ba de dag kyang bdag cag gis phyin ci log bzhi spangs te/ ji lta ba bzhin du zhi ba'i lam la dgod par bya zhing yang dag pa'i sdug bsngal thams cad kyis yongs su smin par bya ba zhig snyam pa dang / de sems can rnams la tshul bzhin du rtogs te/ sems can rnams la dmigs pa'ang med do/ /srog dang / gso ba dang / gang zag dang / shed las skyes pa dang / shed can du dmigs pa'ang med do/ /sems can yongs su smin par bya ba'i phyir snying rje chen po'ang rnam par mi spang ngo / /bstan pa la mos pas sems can rnams 'jig rten las 'das pa'i tshul khrims la sbyor bar byed/ thabs la mkhas pas 'god par byed/ dgon pa dang / nags 'dabs su 'dug pa'i phyir spyod par 'gyur ro/ /'du 'dzi yongs su spang pa'i phyir brtson 'grus brtsams pas nye bar len pa'i phung po lnga la lha dang mi mngon par mos par bya ba'i phyir yid la byed pa'i rnal 'byor dang ldan par 'gyur ro/ /gang yang phyag </font><hr>288b<br><font size=+1>


'tshal ba dang / bsnyen bkur ba dang / 'du 'dzi spang pa'i phyir sems can de dag gi drung du nye bar phyin nas chos ston te/ bag la nyal ba spang pa'i phyir 'gro ba lnga la mngon par chags pa rjes su smon pa rnam par byang ba'i phyogs la sbyor bar byed do/ /nyes pa mang po'i lta ba dang / nga yir bya ba dang / bdag gir bya ba dang / rtag pa dang chad pa yongs su spang pa'i phyir dgon pa'i gnas dang / sbyangs pa'i yon tan bcu gnyis la rab tu gnas par byed pa de dag gi gan du gus pa skye bar 'gyur ro/ /de dag la'ang 'jig rten las 'das pa'i tshul khrims ston par byed pa de ni| sangs rgyas kyis gnang ba 'jig rten las 'das pa'i tshul khrims 'di'o/ /gang dang ldan pa'i sems can thams cad 'dod pa'i 'dod chags 'jig par byed do/ /gzugs dang gzugs med pa'i 'dod chags thams cad 'jig par byed do/ /bag la nyal ba dang / nga yir bya ba dang / bdag gir bya ba thams cad 'jig par byed do/ /myur du chos zab mo gting dpag dka' ba'i bzod pa thob bo/ /myur du bla na med pa yang dag par rdzogs pa'i byang chub tu mngon par 'tshang rgya'o/ /sems can 'jig rten pa'i tshul khrims can yang dang yang du sdug bsngal gyi zil gyis non cing 'gro ba lnga'i 'khor lo la yang dag par gnas pa nga yir bya ba dang / bdag gir bya ba la brten pa dag byang chub kyi lam rab tu mi shes so/ /de bzhin du rdzu </font><hr>289a<br><font size=+1>


@#/ /'phrul chen po 'jig rten las 'das pa'i tshul khrims kyi sems can rnams dgos pa med pa ni/ gang na bdag gi gnas med cing sems can dang / srog dang / gso ba dang / gang zag dang / shed las skyes pa dang / shed can gyi gnas med pa dang / gzugs kyi gnas med pa dang / tshor ba dang / 'du shes dang / 'du byed dang / rnam par shes pa'i gnas med pa dang / sa'i khams kyi gnas med pa dang / chu dang / me dang / rlung dang / mig dang / gzugs kyi mtshan ma la mi gnas shing rna ba dang / sgra'i mtshan ma la mi gnas/ lce dang / ro'i mtshan ma la mi gnas/ lus dang / reg bya'i mtshan ma la mi gnas/ yid dang / chos kyi mtshan ma la mi gnas/ lus dang / ngag dang / yid kyi mtshan ma la mi gnas/ nga yir bya ba'i rang bzhin gyi mtshan ma la mi gnas/ rtag pa dang / chad pa'i mtshan ma la mi gnas/ 'jig tshogs kyi lta ba dang / mthar 'dzin pa'i lta ba la mi gnas/ rtog pa dang / rnam par rtog pa dang / kun tu rtog pa dang / rab tu rtog pa dang / nye bar rtog pa la mi gnas/ mya ngan dang / nye ba'i mya ngan dang / rjes su mya ngan dang / zad pa'i mya ngan dang / gnyis pa'i mya ngan la mi gnas/ stong pa nyid dang / smon pa med pa dang / mtshan ma med pa dang / khams gsum gyi rgyud la mi gnas/ mngon par 'du mi byad/ ma skyes/ ma byung / ma byas/ mngon </font><hr>289b<br><font size=+1>


bar ma byas pa la mi gnas/ dus gsum la mi gnas/ sems dang yid kyi mtshan nyid la mi gnas/ nyon mongs pa dang / rnam par byang ba dang / tshig pa dang / rjes su tshig pa dang / skad cig tu 'jig pa'i mtha'i rdul la mi gnas/ mngon par mi shes pa dang / mthun pa la mi gnas/ nyan thos kyi theg pa sdom pa la mi gnas/ rang sangs rgyas kyi theg pa la mi gnas/ mtshan ma la mi gnas shing pha rol tu phyin pa drug la snyems par mi gnas kyi/ sems dang / yid kyi rnam par shes pa'i rnam par spyod pa nam mkha' bzhin du gnas shing yang dag pa dang / yang dag pa ma yin pa'i rnam par spyod pa la mtshungs par gnas so/ /zhen pa gnyis su med pa rnam par dpyod pa dang / chags pa gnyis su med pa rnam par dpyod pa dang / ye shes gnyis su med pa rnam par dpyod pa dang / rnal 'byor gnyis su med pa rnam par dpyod pa dang / pha rol tu phyin pa gnyis su med pa rnam par dpyod pa na rtog pa gnyis su med pa rnam par dpyod pa dang / zag pa dang bcas pa gnyis su med pa rnam par dpyod pa dang / lam gnyis su med pa rnam par dpyod pa dang / nyon mongs pa med pa'i 'dren pa gnyis su med pa rnam par dpyod pa ste/ rigs kyi bu/ rnam pa de lta bu'i tshul khrims dang ldan pas rigs kyi bu chos zab mo'i bzod pa thob bo/ /thog ma med pa'i stong pa nyid rab tu 'byed pa'i ye shes la mkhas par 'gyur ro/ /shes rab snang </font><hr>290a<br><font size=+1>


@#/ /pas byang chub kyi lam rnam par spyod par byed do/ /'jig rten gyi chos kyis gos pa'ang med do/ /bdud kyi las kyis gos pa'ang med do/ /bag chags kyi rjes su 'brel ba'i nyon mongs pas gos pa'ang med do/ /phyogs bcur shes rab kyi snang bas ldan par 'gyur ro/ /shes rab kyi stobs skyes pas yul thams cad yongs su shes par 'gyur ro| |sangs rgyas kyi chos thams cad la snang ba thob par 'gyur ro/ /'dod chags kyi 'khor bas ldan pa dang / mya ngan las 'das pa dang dngos po dang dngos po med pa thams cad kyi nyon mongs pa dang / rnam pa byang ba yongs su shes pa dang / chags pa thams cad las yang dag par shin tu 'das pa dang / mya ngan las 'da' bar 'gro ba'i spyod yul du 'gyur zhing 'khor ba'i yul du'ang yang dag par mthong ngo / /dben pa'i spyod yul du'ang 'gyur zhing 'du 'dzi thams cad la mngon par chags par yang dag par mthong ngo / /bsam gtan gyi spyod yul du'ang 'gyur zhing btsun mo'i 'khor du'ang yang dag par mthong ngo / /mngon par 'du mi byed pa'i spyod yul du'ang 'gyur zhing 'du byed thams cad kyi yul du'ang yang dag par mthong ngo / /ma skyes pa'i spyod yul du'ang 'gyur zhing bdud bzhi'i yul gyi spyod yul du'ang yang dag par mthong ngo / /'phags pa'i skye bo'i spyod yul du'ang 'gyur zhing / 'phags pa'i skye bo'i </font><hr>290b<br><font size=+1>


spyod yul ma yin par yang yang dag par mthong ngo / /'jig rten gyi yul las yang dag par shin tu 'das par yang 'gyur zhing 'jig rten thams cad kyi yul gyi spyod yul du'ang yang dag par mthong ngo / /ye shes kyi spyod yul du'ang 'gyur zhing byis pa'i yul gyi spyod yul du'ang yang dag par mthong ngo / /yang dag pa'i mtha'i yul mngon du'ang 'gyur zhing nyan thos dang / rang sangs rgyas kyi yul gyi spyod pa la yang dag par dga' bas kyang byang chub sems dpa'i yul la spyad pa spyod do/ /yul thams cad mtshan nyid med pa'i spyod yul la shes rab kyi pha rol tu phyin pa bsgom par byed/ spyod par byed/ mtshan dang / dpe byad dang / sangs rgyas kyi yul la yang dag par gzhol ba'i rnam par shes pa la brtson pas bdud bzhi'i yul la dbye bar 'jug pa shes par 'gyur ro/ /de bzhin gshegs pa la mchod cing rim gro bya ba'i phyir sangs rgyas kyi zhing thams cad du nye bar 'gro ba la brtson par 'gyur zhing de bzhin gshegs pa thams cad kyi bstan pa'ang byed do/ / sangs rgyas kyi yul thams cad yongs su rdzogs par byed cing thams cad mkhyen pa'i ye shes kyi yul la'ang 'jug par byed do/ /dmigs pa thams cad kyi dge ba spyod pa la sems can yongs su smin par byed do/ /nyon mongs pa'i ri rnam par phye mar byed do/ /spros pa thams cad rab tu 'dod par byed do/ /lta ba thams cad rnam par 'jig par byed do/ /sangs rgyas kyi chos </font><hr>291a<br><font size=+1>


@#/ /thams cad la'ang 'god par byed do/ /rigs kyi bu nyon mongs pa dang / rnyog pa lnga'i sangs rgyas kyi zhing na sems can mi dge ba'i rtsa ba dang lhan cig tu 'grogs pa rnams kyi nang na byang chub sems dpa' rnam pa de lta bus pha rol tu phyin pa drug spyad pa spyod pa'i tshe rnam pa de lta bu'i don bya ba bsdu ba'i dngos pos sems can rnams 'jig rten las 'das pa'i tshul khrims la sbyor bar byed/ 'god par byed do/ /yon tan gyis sangs rgyas kyi yon tan don bya ba la sems can rnams 'god par byed pa 'di dag kyang byang chub sems dpa'i skyes bu chen po'i khur to/ /sems can gyi bsdu ba'o/ /sems can gyi tshogs so/ /sems can yongs su smin par byed pa'o/ /gang sems can shin tu dbul po las yongs su thar bar byed pa'o/ /rnam par thar pa'i sgo gsum la 'god par byed pa'o/ /ji lta bur sangs rgyas kyi zhing rnam par ma dag par byang chub sems dpa' la la rnam pa de lta bu'i rtsal byed cing / byang chub sems dpa'i ba spu'i khung bu ji snyed pa de snyed kyi don bya bas sems can yongs su smin par 'gyur ro/ /rigs kyi bu gzhan yang byang chub sems dpa'i don mthun pa sems can yongs su smin pa'i rtsal chen po gang zhe na/ rigs kyi bu nyon mongs pa dang / rnyog pa lnga'i sangs rgyas kyi zhing 'dir byang chub sems dpa' pha rol tu phyin pa drug spyad pa spyod pa na gang gi tshe bdag </font><hr>291b<br><font size=+1>


brtson par 'gyur pa/ yang na ni sbyin pa'i pha rol tu phyin pa dang / yang na ni tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la brtson par 'gyur ba de dang der sems can rnams sbyor bar byed do/ /gang byang chub sems dpa' sbyin pa byin pas zas sam/ skom nas yan lag gi dam pa mgo'i bar du gtong bar 'gyur ba de ltar sems can rnams la sbyin pa'i pha rol tu phyin pa'i yon tan ston pa de la sbyor bar byed do/ /gang gi tshe byang chub sems dpa' srog gcod pa spangs shing sems can rnams la snying rje ba de de ltar srog gcod pa zlog par byed/ sems can thams cad la snying rje bar sbyor bar byed do/ /'jig rten las 'das pa'i tshul khrims la 'god par byed pa nas yang dag par lta ba'i bar du smra bar bya'o/ /ji ltar byang chub sems dpa' bdag bzod pa'i yon tan lnga dang ldan par 'gyur ba dang / bag la nyal ba spang ba'i phyir bzod pa sgom par byed pa nas mi skye ba'i chos kyi bzod pa thob pa'i bar du de la sems can rnams sbyor bar byed cing mi skye ba'i chos kyi bzod pa'i bar du 'god par byed do/ /ji ltar byang chub sems dpa' bdag brtson 'grus brtsams nas sems can yongs su smin par bya ba'i phyir dge ba'i lus kyi las byin gyis brlabs pa dang / dge ba'i ngag gi las dang / yid kyi las byin gyis brlabs pa </font><hr>292a<br><font size=+1>


@#/ /nas dge ba'i rgyur 'du shes pa dang / zhi ba dang / snying rje chen po'i rgyur 'dus byas rnams rnam par mi spong ba de la sems can rnams sbyor bar byed/ 'god par byed do| |ji ltar byang chub sems dpa' nyan thos dang / rang rgyal ba 'dul ba'i phyir nyan thos dang / rang sangs rgyas kyi theg pa la gnas te bsam gtan la bsam gtan du byed do| |de bzhin gshegs pa'i ting nge 'dzin yongs su rdzogs par bya ba'i phyir nyan thos dang / rang rgyal ba dang bral ba'i bsam gtan la bsam gtan du byed do/ /byang chub sems dpa' bdag med pa'i bsam gtan la bsam gtan du byed pa nas 'khyil ba dang / ldog pa'i bsam gtan thob pa'i bar du de la sems can rnams de dang de dag gi yon tan la sbyor bar byed/ 'god par byed do/ /ji lta bur byang chub sems dpa' bdag shes rab kyi pha rol tu phyin pa la mngon par brtson pa na thabs sna tshogs kyis shes rab kun 'byung bar byed do| |ji ltar bdag mngon sum du 'gyur ba de ltar sems can rnams sbyor bar byed do/ /ji lta bur chos thams cad la ye shes thob cing pha rol ma yin pa'i rkyen mngon par shes pa de ltar sems can gyi rgyu'i phyir chos 'di dag 'byung ba 'di ni/ sems can yongs su smin par sbyor ba'i thabs la mkhas pa'i ye shes te/ gang gi las kyis sems can rnams </font><hr>292b<br><font size=+1>


dge ba'i rtsa ba bskyed par nus pa de'i bar du sbyor ba'i byin gyis brlabs pa'i phyir chags pa med do/ /sems can nyan thos kyi theg pa ba rnams nyan thos kyi theg pa la sbyor bar byed do| |sems can rang sangs rgyas kyi theg pa pa rnams rang sangs rgyas kyi theg pa la sbyor bar byed do/ /sems can rnams ji lta bur phra ba'i chos las ye shes mngon sum du 'byung bar 'gyur ba de ltar byang chub kyi spyod pa zab mo la sbyor bar byed do/ /las kyi rnam par smin pa la mkhas pa'i ye shes dang ldan pa'i dran pa rnam par mi spong ba 'di'ang byang chub sems dpa' thabs la mkhas pas rab tu 'byed pa'i ye shes mngon par bsgrubs pa'o/ /gang byang chub sems dpa' chos dang sems la dbang byed par rab tu shes shing skad cig mar 'jig pa'i mtshan nyid la'ang rtog pa dang / sems can la snying rje chen po rnam par spong ba 'di'ang byang chub sems dpa'i thabs la mkhas pas sems can yongs su smin pa mngon par bsgrubs pa'o/ /gang byang chub sems dpa' sems can stong pa nyid dang / don dam pa stong pa nyid la spyod pa thams cad kyi mtshan nyid du dmigs pa'ang med cing sems can rnams theg pa gsum la sbyor bar byed pa dang / sems can yongs su smin par sbyor ba'i rgyun ma bcad pa 'di'ang byang chub sems dpa'i thabs la mkhas pas sems can yongs su smin pa mngon par bsgrubs pa'o/ /gang </font><hr>293a<br><font size=+1>


@#/ /byang chub sems dpa' lus dang / ngag dang / yid kyi 'du byed bdag med pa dang ldan pas chos ston pa la dmigs pa med pa dang / nyan pa dang / sgra dang / dbyangs la dmigs pa med pa dang / las kyi 'bras bu rnam par smin pa la dmigs pa med pa dang / sems can rnams snying rje ba'i phyir yang sems can phyin ci log la yang dag par 'du ba med pa rnams la sems can gyi mtshan nyid kyi rjes su 'brel pa ston pa 'di'ang byang chub sems dpa'i thabs la mkhas pas sems can yongs su sbyang ba mngon par bsgrubs pa'o| |byang chub sems dpa' rang bzhin gyis 'du byed par mi dmigs shing gtong bar mi dmigs pa dang / len pa dang / rnam par smin pa'i 'bras bu'ang ma yin la/ sems can la snying rje ba'i phyir yang sbyin pa byin par 'gyur la sems can rnams la sbyin pa'i 'bras bu rnam par smin par yang ston par byed pa dang / sbyin pa po bsod nams bya ba'i dngos po la sbyor bar byed pa 'di'ang byang chub sems dpa'i thabs la mkhas pas sems can yongs su smin pa mngon par bsgrubs pa'o/ /yang byang chub sems dpa' ji ltar sems can gyi lus spyod pa med pa dang / 'gyur ba med pa dang / mi gtsang ba'i gzugs brnyan lta bur rab tu shes pa dang / sems brag ca lta bur brtag pa dang / 'du byed sgyu ma'i rang bzhin lta </font><hr>293b<br><font size=+1>


bur rab tu shes pa dang / sems can rnams la snying rje chen po rab tu sbyor ba rnam par mi spong ba dang / sems can rnams lus dang / ngag dang / yid kyi 'du byed la sbyor bar byed pa dang / rgyu dang 'bras bu yang dag par ston par byed pa 'di'ang byang chub sems dpa'i thabs la mkhas pas sems can yongs su smin pa mngon par bsgrubs pa'o/ /yang byang chub sems dpa' ji lta bur bdag med cing mngon par 'du mi byed pa'i tshul khrims la rtog par byed pa dang / spyod pa'i mtshan nyid kyang rab tu shes pa dang / 'di la sems can gyi btang snyoms su rab tu sbyor bar mi 'gyur ba dang / sems can rnams dang phung po gsum la sbyor bar byed pa 'di ni/ lhag pa'i tshul khrims su slob pa dang / lhag pa'i sems dang / lhag pa'i shes rab la sbyor bar byed pa 'di'ang byang chub sems dpa'i thabs la mkhas pa'i sems can yongs su smin pa bsgrubs pa'o/ /yang byang chub sems dpa' 'di ltar lus dang ngag dang yid kyi 'du byed skad cig tu 'jig pa'i mtshan nyid du shes te/ 'dus ma byas kyi gnas dang bral par yang dag par rjes su mthong zhing sems can rnams la ting nge 'dzin dang / bzod pa'i rgyu dang / 'bras bu mtshungs par ston pa de la sems can rnams sbyor bar byed pa 'di'ang byang chub sems dpa'i thabs la mkhas pas sems can yongs su smin pa mngon par bsgrubs pa'o/ /byang chub </font><hr>294a<br><font size=+1>


@#/ /sems dpa' ji ltar yang blang ba med pa dang dor ba med pa'i 'du byed thams cad shes shing rgyu dang 'bras bur yang rtog pa dang / chos thams cad skye ba dang / 'gog par dmigs pa med pa dang / rgyu dang rkyen gyi 'bras bu rnam par smin pa dang bral bar rab tu mi shes pa dang / sems can rnams yongs su smin pa med pa dang / snying rje chen po'i rgyun mi gcod pa dang / yang sems can rnams kyi nyon mongs pa rab tu spang pa dang / phung po yongs su shes pa dang / ye shes mngon sum du bya ba'i phyir brtson 'grus brtsam pa dang / rgyu'i 'bras bu ston par byed pa dang / sems can le lo can rnams brtson 'grus la dmigs pa'i sdug bsngal 'dzin pa la sbyor ba 'di'ang byang chub sems dpa'i thabs la mkhas pas sems can yongs su smin pa mngon par bsgrubs pa'o/ /byang chub sems dpa' ji ltar yang bsam gtan la bsam gtan du byed cing 'du byed thams cad mi rtag par yang dag par rjes su mthong ba dang / sdug bsngal ba dang / bdag med pa dang / myong ba med pa dang / byas pa med pa dang / bya ba med pa dang / kun nas ldang ba med pa dang / skad cig tu zad pa med pa'i ye shes la mkhas pa'i 'du byed rnams yang dag par rjes su mthong ba dang / sems can rnams la'ang phung po la brten pa'i </font><hr>294b<br><font size=+1>


bsam gtan la tshangs par spyod pa mngon par shes pa thob pa'i rgyu dang 'bras bu ston pa dang / bsam gtan gyis nyon mongs pa spang bar byos shig /ces de ltar las gzhan ma yin pas sems can rnams bsam gtan la sbyor bar byed pa dang / thob pa chen po thob par byos shig/ ces bsam gtan la sems sbyor bar byed pa 'di'ang byang chub sems dpa' thabs la mkhas pas sems can yongs su smin pa mngon par bsgrubs pa'o/ /yang byang chub sems dpa' ji ltar blang ba med cing dor ba med pa dang / chags pa dang / khong khro ba gnyis ka dang bral bas thams cad btang snyoms thob pa dang / nan tan dang / bdag shes pa dang / mi skye ba'i chos kyi bzod pa dang / bsam gtan gyi dbang po la yid kyi 'du byed rnams rtog par mi byed/ rnam par rtog par mi byed pa dang / sems can rnams la snying rje chen po rab tu sbyor ba yongs su 'grub pa rab tu mi spong ba dang / shes rab sgom pa la brtson pas sems can rnams 'khor ba'i btson ra las rab tu thar par ston pa dang / sems can rnams thos pa dang bsam gtan la brtson zhing tshol ba sgom pa la sbyor bar byed pa dang / yang byang chub sems dpa' ji lta ji lta bur dge ba'i chos kyi khyad par khong du chud pas 'khor ba'i 'dam las rgal bar 'gyur ba de lta de lta bur sems can rnams chos de dang de dag la yang dag par gzhog par byed/ sbyor bar byed/ </font><hr>295a<br><font size=+1>


@#/ /'god par byed pa 'di'ang byang chub sems dpa'i ye shes kyi thabs la mkhas pas sems can rnams yongs su smin par bya ba'i phyir don mthun pa'i bsdu ba'i dngos po mngon par bsgrubs pa'o/ /rigs kyi bu/ byang chub sems dpa'i ba spu'i khung bu ji snyed pa de snyed kyi sems can yongs su smin pa don mthun pa'i bsdu ba'i dngos po'o/ /gzhan yang nyon mongs pa rnyog pa lnga'i sangs rgyas kyi zhing du ngan song gsum dang / ngan song du spyod pa'i nyes pa dang / sems can nyon mongs pa dang / tshe dang / lta ba dang / bskal pa'i rnyog pas byang chub sems dpa' rnyog pa lnga'i sangs rgyas kyi zhing 'di las smon lam gyi rgyun mi gcod cing sangs rgyas kyi zhing gi yon tan gyi tshogs la mngon par mi 'dod pa dang / sangs rgyas kyi zhing yongs su dag par smon lam mi byed do/ /yang nyon mongs pa dang / rnyog pa lnga'i sangs rgyas kyi zhing du pha rol tu phyin pa drug gis byang chub kyi spyad pa spyod pa na sems can mtshams med pa byed pa dang / dam pa'i chos spong ba dang / 'phags pa la skur ba 'debs pa dang / mi dge ba'i rtsa ba dang lhan cig tu 'grogs pa rnams bsdu ba'i dngos po rnam pa bzhi po 'di dag gis sems can rnams yongs su smin pa skyed par byed do/ /theg pa gsum la sbyor bar byed do/ /pha rol tu phyin pa drug la dgod par byed do/ /de'ang 'dir de tsam gyis </font><hr>295b<br><font size=+1>


byang chub kyi spyad pa spyod cing sems can yongs su smin par byed do/ /'dir yang 'dul ba 'dzin pa nas bla na med pa yang dag par rdzogs pa'i byang chub tu mngon par 'tshang rgya ba'i bar du'o// byang chub thob pa na'ang sems can mtshams med pa byed pa nas mi dge ba'i rtsa ba dang lhan cig tu 'grogs pa'i bar du yongs su smin par 'gro zhing sems can rnams theg pa gsum la yongs su smin par byed pa nyon mongs pa'i lta ba thams cad las yongs su thar par byed pa 'di'ang rigs kyi bu/ nyon mongs pa dang / rnyog pa lnga'i sangs rgyas kyi zhing 'dir byang chub sems dpa' rtsal chen pos yongs su smin pa'i go cha'o/ /gang byang chub sems dpa' las sangs rgyas kyi zhing yongs su dag par sems can gyi go cha rnam pa de lta bus sems can yongs su smin par bya bar mi nus pa 'di'ang rigs kyi bu/ byang chub sems dpa' sems dpa' chen po go cha de lta bu dang ldan pas sems can yongs su smin pa'o/ /yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo/ le'u gsum pa'o// //rigs kyi bu/ de la byang chub sems dpa' rnams kyi sangs rgyas kyi zhing gi yon tan gyi tshogs gang zhe na/ rigs kyi bu/ nyon mongs pa dang / rnyog pa lnga'i sangs rgyas kyi zhing 'dir byang chub sems dpa' sems dpa' chen po snying rje chen </font><hr>296a<br><font size=+1>


@#/ /po dang ldan pa bar 'ga' ci zhig tu skyes pa na sems can mtshams med pa byed pa dang / dam pa'i chos spong ba dang / 'phags pa rnams la skur ba 'debs pa dang / mi dge ba'i rtsa ba dang lhan cig 'grogs pa rnams yongs su smin par byed/ dge ba'i chos thams cad la sbyor bar byed/ nyon mongs pa dang / lta ba'i bag chags thams cad las sems can yongs su smin par byed cing / sems can re re'i don gyi phyir bskal pa'i sdug bsngal mang po bzod pa nas sems can de 'khor ba'i 'dam las sgrol ba dang / sangs rgyas gcig gi thad du phul ba nas sangs rgyas bye ba khrag khrig brgya stong gi thad kyi bar du phul lo/ /gang gi tshe sems can dge ba'i rtsa ba la brten par 'gyur ba de sangs rgyas bcom ldan 'das la bya ba byas pa dang / rnam par rol pa mngon par shes pa ting nge 'dzin gyi stobs kyi pha rol tu phyin pa thob pas phyogs bcu'i sangs rgyas kyi zhing chu bo gang+gA'i bye ma snyed du rdzu 'phrul gyi stobs kyis nye bar 'gro bar nus par 'gyur ro/ /de na sangs rgyas bcom ldan 'das la bsnyen bkur to/ /de na sangs rgyas kyi zhing gi yon tan gyi tshogs nye bar rtogs so/ /de na yongs su dag pa'i sangs rgyas kyi zhing gi yon tan gyi tshogs chen po'ang ci 'dra ba yang dag par rjes su mthong ngo / /de na'ang rigs kyi bu de'i shin tu sred pa dang </font><hr>296b<br><font size=+1>


ldan par skye bar 'gyur ro/ /rigs kyi bu des yang de bzhin gshegs pa de dag la yongs su zhus pa/ las cis na byang chub sems dpa' sangs rgyas kyi zhing yongs su dag par skye bar 'gyur| sangs rgyas la blta ba dang / chos nyan pa dang / dge 'dun la bsnyen bkur bas 'bral ba med par 'gyur ro/ /nyan thos dang / rang sangs rgyas kyi theg pa pas 'dres pa med pa'o/ / nyon mongs pa thams cad kyis 'dres pa med pa'o/ /ting nge 'dzin dang gzungs thams cad kyis 'bral ba med par 'gyur ro/ /yang nyon mongs pa dang / rnyog pa lnga'i sangs rgyas kyi zhing du mi skye ba ji tsam pa bla na med pa yang dag par rdzogs pa'i byang chub tu 'tshang mi rgya'o/ /byang chub thob pa'i sangs rgyas kyi zhing de rgya che zhing sangs rgyas kyi zhing gi yon tan gyi tshogs kyis rgyas par 'gyur ro| |byang chub sems dpa' theg pa chen po dag la yang dag par zhugs pas sangs rgyas kyi zhing de khyab par 'gyur ro/ /nyan thos dang rang sangs rgyas kyi theg pa pa'i sems can gyis sangs rgyas kyi zhing bral bar 'gyur ro/ /sangs rgyas bcom ldan 'das de dag gis rigs kyi bu de la ji lta ba bzhin du gsungs pa/ las gang dang gang spyod pa dang / nan tan gang gis yon tan de dag thob par 'gyur ba de'ang rigs kyi bu/ tshe rabs su yon tan dang spyod pa'i nan tan la brtson par 'gyur ba nas der skye bar 'gyur ba'i bar du'o/ /yon tan ji tsam pa thams cad yongs </font><hr>297a<br><font size=+1>


@#/ /su rdzogs shing sangs rgyas kyi zhing gi yon tan gyi tshogs rgya chen po thams cad kyis sangs rgyas kyi zhing du khyab par 'gyur ro/ /gang na rigs kyi bu bla na med pa yang dag par rdzogs pa'i byang chub tu mngon par 'tshang rgya ba de nyan thos dang rang sangs rgyas kyi theg pa rnam par spangs pa ste byang chub sems dpa' sems dpa' chen po dag pa rnams la theg pa chen po dag pa'i gtam smra bar byed kyi/ nyan thos dang / rang sangs rgyas kyi gtam ni/ ma yin no/ /sems can dge ba'i rtsa ba skyed pa dang / yongs su spyod pa byas pa dang / byang chub sems dpa'i yon tan mang po dang ldan pa dang / sangs rgyas kyi yon tan tshad med pa la 'jug pa'i ye shes la mkhas pa rnams la chos ston par byed do/ /gang dag la chos ston pa de dag thams cad sangs rgyas kyi zhing yongs su dag par skye bar bya ba'i phyir ston gyi/ yongs su ma dag par ma yin no/ /pha rol tu phyin pa drug yongs su rdzogs par bya ba'i phyir sangs rgyas kyi zhing yongs su dag par byang chub kyi spyod pa bsngags par byed kyi/ yongs su ma dag pa ni/ bsngags par mi byed do/ /sems can gyi bsam pa yongs su dag pas dge ba'i bshes gnyen de dag dang 'grogs shing sten pa dang / sdom pa la dgod pa dang / yon sbyong ba bsngags par byed kyi/ yongs su ma dag pa ni/ ma yin no/ /rigs </font><hr>297b<br><font size=+1>


kyi bu| gang sangs rgyas kyi zhing yongs su dag par 'das pa'i de bzhin gshegs pa dgra bcom pa yang dag par rdzogs pa'i sangs rgyas de dag thams cad kyis sngon rnyog pa lnga'i sangs rgyas kyi zhing yongs su ma dag par thog mar sa bon bskyed nas bla na med pa yang dag par rdzogs pa'i byang chub tu sems bskyed do/ /gang yang phyogs bcu'i sangs rgyas kyi zhing yongs su dag pa tshad med grangs med par da ltar gyi sangs rgyas bcom ldan 'das bzhugs shing 'tsho skyong ba byang chub sems dpa' theg pa chen po dag la yang dag par zhugs pa rnams la theg pa chen po dag pa'i gtam smra ba'i de bzhin gshegs pa de dag thams cad kyis sngon nyon mongs pa dang rnyog pa lnga'i sangs rgyas kyi zhing 'dir thog mar sa bon bskyed nas bla na med pa yang dag par rdzogs pa'i byang chub tu sems bskyed do/ /'dir yang sngon dge ba'i rtsa ba la brten par gyur to/ /mngon par shes pa gang gis sangs rgyas kyi zhing yongs su dag pa nas sangs rgyas kyi zhing gzhan du 'gro ba'i mngon par shes pa thob par gyur to/ /gang na sangs rgyas kyi zhing gi yon tan gyi tshogs tshad bzung ba dang brtags pa der phyin chad kyang skye bar smon lam byas pas/ der bla na med pa yang dag par rdzogs pa'i byang chub kyi bar du mngon par 'tshang rgya'o/ /yang phyogs bcu'i sangs rgyas kyi zhing yongs su dag par phyis bla na med pa yang dag par rdzogs pa'i byang </font><hr>298a<br><font size=+1>


@#/ /chub tu mngon par 'tshang rgya ba de dag thams cad kyis rnyog pa lnga'i sangs rgyas kyi zhing yongs su ma dag par thams cad kyi thog mar dge ba'i rtsa ba'i sa bon bskyed nas bla na med pa yang dag par rdzogs par byang chub bo/ /gang gi tshe sems bskyed pas mngon par shes pa thob pa ni/ sa rab nas sangs rgyas kyi zhing yongs su dag par bla na med pa yang dag par rdzogs pa'i byang chub tu mngon par 'tshang rgya ba'i bar du'o/ /gang yang phyogs bcu'i sangs rgyas kyi zhing yongs su dag par byang chub sems dpa' dag da ltar chos kyi sgra sna tshogs kyis nyon mongs pa sna tshogs dang bral zhing chos zab mo'i tshul la 'jug pa'i ye shes la mkhas pa dang / phyir mi ldog pa dang / gang yang chos zab me'i bzod pa thob pas dga' ba dang bde ba myong bar 'gyur ro/ /gang yang da ltar khyed cag sangs rgyas kyi zhing yongs su dag pa nas de bzhin gshegs pa shAkya thub pa'i sangs rgyas kyi zhing mi mjed rnyog pa lnga'i sangs rgyas kyi zhing 'dir mngon par lhags pa khyed cag thams cad kyi sngon thams cad kyi thog mar nyon mongs pa dang rnyog pa lnga'i sangs rgyas kyi zhing du dge ba'i rtsa ba'i sa bon bskyed nas bla na med pa yang dag par rdzogs pa'i byang chub tu sems bskyed do/ /thams cad kyi thog mar pha rol tu phyin pa drug la brtson par byas pa de la'ang mngon par shes pa gang gis </font><hr>298b<br><font size=+1>


phyis phyogs bcu'i sangs rgyas kyi zhing yongs su dag pa gzhan du 'gro ba'i mngon par shes pa thob par gyur to/ /gang na sangs rgyas kyi zhing gi yon tan gyi tshogs kun tu shes shing rtogs pa der gyis skye pa mngon par shes pa'i smon lam byas pas de dag nyid kyi nan tan gyis zhugs pas bsam pa ji snyed pa yongs su rdzogs so/ /sangs rgyas kyi zhing yongs su dag pa der skyes pa rnams sangs rgyas gzhan 'phel ba'i phyir yang rnyog pa lnga'i sangs rgyas kyi zhing yongs su ma dag pa 'di ni/ mi 'dod do/ /nyon mongs pas bsgribs pa dang / lta ba dog pa thong pa 'di dag smod cing 'di la snying rje chen po mi skyed pa de dag byang chub sems dpa' zhes bya'i/ sems dpa' chen po zhes mi bya'o/ /rigs kyi bu/ 'di lta ste/ dper na/ gtar mkhan mkhas pa la la mchog tu dri zhim pa dang ldan pa'i sman gyi yo byad kyis mi zher ba dang long ba rnams kyi mig gi nang cung zad tsam rab tu zhi bar byed do/ /zhi bar shes nas de dag gcig la gcig smras pa/ bdag cag gis gzugs kyi snang ba la lta bar brtsams te bdag cag sgron mar gyur pa'i sman pa'i khyim 'di nas byung la 'gro bar bya'o snyam nas phyir 'ong ba'ang med pa mang po de dag kyang gang sman pa'i khyim de las 'byung bar 'gyur ro/ /ji lta bur nad 'di rab tu zhi ba med pa de dag mig gi nad yun ring bor gnas pa bltas nas yang 'ong ngo / /de dag kyang sman pa'i khyim der </font><hr>299a<br><font size=+1>


@#/ /gnas par 'gyur ro/ /de dag yun mi ring bas kyang nad thams cad grol bar 'gyur ro/ /rigs kyi bu/ de bzhin du gang byang chub sems dpa' nyon mongs pa dang / rnyog pa lnga'i sangs rgyas kyi zhing du gang la 'dod chags dang / zhe sdang dang / gti mug dang / nga rgyal dang / rgyags pa dang / lta ba ngan pas rtag tu gtso ba'i sems can rnams la la la dge ba'i bshes gnyen gyis yongs su bzung bar 'gyur ba de dag kyang ji ltar yon tan khong du chud pa de ltar rnyog pa lnga'i sangs rgyas kyi zhing de las 'byol bar 'dod do/ / gang yang de las 'das shing sangs rgyas kyi zhing yongs su dag par rnam par spyod pa de nyon mongs pa dang / rnyog pa lnga'i sangs rgyas kyi zhing du gdon mi za bar 'gro bar 'dod do/ /de dag kyang sangs rgyas kyi zhing dpag tu med pa grangs med pa rdul shin tu phra ba snyed las shin tu 'das pas yun ring por sdug bsngal 'dod par 'gyur ro/ /gang gi tshe de dag sangs rgyas kyi zhing yongs su ma dag pa der bla na med pa yang dag par rdzogs pa'i byang chub tu mngon par 'tshang mi rgya ba 'di'ang byang chub sems dpa' rnams kyi sangs rgyas kyi zhing gi yon tan gyi tshogs yongs su dag pa'o/ /rigs kyi bu/ de ci'i phyir zhe na/ nyon mongs pa dang / rnyog pa lnga'i sangs rgyas kyi zhing du snga dro'i dus gcig gis kyang tshul khrims bsrungs so/ /tshul </font><hr>299b<br><font size=+1>


khrims bsgoms so/ /sbyin pa byin no/ /bsam gtan la bsam gtan byas so/ /brtson 'grus brtsams so/ /bzod pa bsgoms so/ /shes rab kyi yon tan brtsams so/ /sangs rgyas kyi zhing yongs su dag par bskal pa brgya stong du'ang pha rol tu phyin pa drug la brtson pas spyad pa spyod pa'ang ma yin no/ /rigs kyi bu/ de ci'i phyir zhe na/ gang yang nyon mongs pa dang / rnyog pa lnga'i sangs rgyas kyi zhing du thams cad kyi thog mar bla na med pa yang dag par rdzogs pa'i byang chub tu sa bon bskyed do/ /yang rnyog pa lnga'i sangs rgyas kyi zhing der 'gro zhing 'dir de tsam gyi brtson 'grus brtsams pa'i brtson 'grus kyis dge ba'i chos yongs su tshol ba la mngon par brtson par gnas so/ /gang de lta bu'i ye shes snang ba thob pa de thams cad yul smra ba rnam par dpyod pa'i ye shes g.yo ba med par 'gyur ro/ /'jig rten gyi chos rnams las 'phags par 'gyur ro/ /sangs rgyas thams cad kyi zhing lta ba snang bar 'gyur ro/ /sems can gyi spyod pa brjod du med pa mngon par shes pa'i ye shes la mkhas par 'gyur ro/ /sems can lus ma rungs pa dang / mi dge ba'i rtsa ba rnams dang lhan cig tu 'grogs pa rnams la yongs su gtong ba'ang med/ sems can lus nyon mongs pas dkrugs pa rnams ci 'dra bar mthong ba la sems kyi nad ci phan du rab tu zhi bar bya ba'i phyir de 'dra ba'i sems kyis sman gyi </font><hr>300a<br><font size=+1>


@#/ /yo byad rab tu ston par byed do/ /gang gi nyon mongs pas sems can ngan du spyod pa dang ldan par mthong ba'i nyon mongs pa de dag bdag gis spangs te/ sems can de la snying rje chen po bskyed do/ /nyon mongs pa de dag spang pa'i phyir brtson pas sems can rnams 'dul bar byed do/ /ji ltar nyon mongs pa las yongs su thar par bya zhes 'dod chags spyod pa rnams mi mdzes pa la rab tu sbyor bas rab tu zhi bar byed do/ /zhe sdang spyod pa rnams byams par rab tu sbyor ba dang / gti mug spyod pa rnams rten cing 'brel bar sbyor ba dang / skal pa dang bcas par spyod pa rnams dbugs phyi nang du rgyu ba dran par rab tu sbyor ba dang / 'dod chags snrel zhing spyod pa rnams byams pa dang / mi dge ba rab tu sbyor ba dang / zhe sdang snrel zhir spyod pa rnams mi mdzes pa dang / byams par rab tu sbyor ba dang / gti mug snrel zhing spyod pa rnams mi mdzes pa dang / rten cing 'brel par rab tu sbyor ba dang / lta ba ngan pa thob pa rnams stong pa nyid rab tu thob pa dang / rkyen stobs can rnams la rjes su srung ba dang ldan pa rab tu sbyor ba dang / rab tu gzung du med cing dngos po med pa dang / sgrog pa med par shes pa rnams zab mo rnam par zhi ba rab tu sbyor ba dang / spros par shes pa rnams lhag mthong spros pa'i gtam rab tu sbyor bas zhi bar byed do/ /nges par 'dod pa </font><hr>300b<br><font size=+1>


rnams rim gyis smra ba dang / tshig zad pa rnams bsdu ba rab tu sbyor zhing zhi gnas dang lhag mthong du rab tu sbyor ba dang / lhag mthong la gus pa can rnams nam mkha' mtha' yas skye mched la rab tu sbyor ba dang / nam mkha' mtha' yas skye mched la gus pa can rnams rnam shes mtha' yas skye mched la rab tu sbyor ba dang / rnam shes mtha' yas skye mched la gus pa can rnams cung zad med pa'i skye mched du sbyor ba dang / cung zad med pa'i skye mched la gus pa can rnams mtshan ma med par rab tu sbyor ba dang / smon lam la gus pa rnams smon pa med par smra bar rab tu sbyor ba dang / tshul khrims la gus pa can rnams ngan song gsum las yongs su thar par rab tu sbyor ba dang / thos pa la nga rgyal can rnams sred pa thams cad 'byung ba med par rab tu sbyor ba dang / dgon pa la nga rgyal mngon par brtson pa rnams dang / sbyangs pa'i yon tan can la nga rgyal mngon par brtson pa rnams tshad med par rab tu sbyor ba dang / phung po la rtag par 'du shes pa rnams 'byung ba dang zad par rab tu sbyor ba dang / khams la bdag gir bya ba yongs su spangs pa rnams smig rgyu bar rab tu sbyor ba dang / skye mched yongs su spangs pa rnams spu ba'i phung por rab tu sbyor ba dang / 'dod pa'i khams yongs su spangs pa rnams chu shing gi snying po med par rab tu sbyor ba dang / gzugs kyi khams yongs su spangs pa rnams las </font><hr>301a<br><font size=+1>


@#/ /byed mi rtag par rab tu sbyor ba dang / gzugs med pa'i khams yongs su spangs pa rnams 'du byed thams cad sdug bsngal bar rab tu sbyor ba dang / bsam gtan la dga' ba dang bde ba yongs su spangs pa rnams chos thams cad la bdag med par rab tu sbyor ba dang / 'khor ba'i sdug bsngal 'dod pa rnams mya ngan las 'da' ba zhi bar rab tu sbyor ba dang / gzhan yang lam ngan pa yongs su spangs pa rnams dge ba bcu'i las kyi lam rab tu sbyor bas lta ba de dag rab tu zhi bar bya'o/ /yid du 'ong ba'i skye bo yongs su spangs pa rnams mi mdzes par rab tu sbyor ba dang / gzugs la chags pa yongs su spangs pa rnams ro sngon por rab tu sbyor ba dang / sgra la chags pa yongs su spangs pa rnams brag ca 'byung ba zad par rab tu sbyor ba dang / dri la chags pa yongs su spangs pa rnams rlung du rtog par rab tu sbyor ba dang / ro la chags pa yongs su spangs pa rnams mi mdzes pa sna tshogs rab tu sbyor ba dang / reg pa la chags pa yongs su spong ba rnams mi gtsang ba'i yan la gsum cu rtsa drug rab tu sbyor ba dang / snying rje med pa rnams byams par rab tu sbyor ba dang / gtong ba med pa rnams sbyin pa chen po ltar rab tu sbyor ba dang / gti mug gis bsgribs pa rnams kha ton la rab tu sbyor ba dang / 'dus pa rnams 'phags pa'i rigs la dga' bar rab tu sbyor ba dang / sdug </font><hr>301b<br><font size=+1>


bsngal 'dul ba rnams rim gyis sems rtse gcig tu 'dus par rab tu sbyor ba dang / 'du byed thams cad kyis mngon par spros pa rnams sgyu ma lta bur rab tu sbyor bas nyon mongs pa de dag zhi bar 'gyur ro/ /bam po lnga pa/ gzhan yang sems can lha dang mir skye bar bsam pa rnams la dge ba bcu'i las yongs su dag par sbyor bar byed do/ /nyan thos kyi theg par bsam pa rnams la 'phags pa'i bden pa bzhi dang ldan par yid la byed pa sbyor bar byed do/ /rang sangs rgyas kyi theg par bsam pa rnams la rten cing 'brel bar smra ba yid la byed pa sbyor bar byed do/ /sems can theg pa chen po la yang dag par zhugs pa rnams la pha rol tu phyin pa drug sbyor bar byed do/ /thog mar sems bskyed pa rnams la lhag pa'i bsam pa phyir mi ldog pa'i sems sbyor bar byed do/ /sems can pha rol tu phyin pa drug spyod pa la yang dag par zhugs pa rnams snying rje chen po la yongs su mi skyo bas sems yongs su smin par bya ba'i phyir spyod par byed do/ /byang chub sems dpa' phyir mi ldog pa rnams la de'i 'og tu sangs rgyas kyi zhing gi yon tan gyi tshogs yongs su dag par sbyor bar byed do/ /ji lta bur sangs rgyas kyi zhing yongs su dag pa gzhan du rnam par spyod cing sangs rgyas kyi zhing gi yon tan gyi tshogs yongs su dag par sbyor bar byed pa de dag de'i 'og tu mngon par shes </font><hr>302a<br><font size=+1>


@#/ /pas rnam par rtse'o/ /ji lta bur sangs rgyas kyi zhing yongs su dag pa bzhin du rnam par spyod cing sangs rgyas kyi zhing gi tshogs mngon par 'dod pa de dag de'i 'og tu mngon par shes pa rnam par rtse ba de la skye bar 'dod pa ji snyed pa der skye'o/ /yang sangs rgyas kyi zhing nyon mongs par rnam par mi spyod cing sangs rgyas kyi zhing gi yon tan gyi tshogs yongs su dag pa 'dod pa'ang med pa der skye bar 'dod pa de ji tsam pa der skye'o/ /yang nyon mongs pa'i sangs rgyas kyi zhing du 'gro bar mi 'dod pa de la bla na med pa yang dag par rdzogs pa'i byang chub tu mngon par 'tshang rgya ba'i bar du'o/ /rnyog pa lnga'i sangs rgyas kyi zhing du sems can lta ba dog pa rnyed pa dang / mtshams med pa byed pa dang / dam pa'i chos spong ba dang / 'phags pa la skur pa 'debs pa dang / mi dge ba'i rtsa ba dang lhan cig tu 'grogs pa rnams rgyun gcod do/ /sangs rgyas kyi zhing yongs su dag par sems can bsam pa yongs su dag pa rnams la sangs rgyas kyi bya ba byed cing / byang chub sems dpa' sangs rgyas kyi chos tshad med grangs med pa rnams la 'jug pa'i ye shes la mkhas pa rnams la chos ston par byed do/ /yang byang chub sems dpa' rnyog la lnga'i sangs rgyas kyi zhing 'dir rnam pa de lta bu'i rtsal byed kyang gang byang chub sems dpa' la la sangs rgyas kyi zhing </font><hr>302b<br><font size=+1>


yongs su dag par rnam pa de lta bu'i rtsal byed mi nus so/ /yang rnyog pa lnga'i sangs rgyas kyi zhing 'dir gal te byang chub sems dpa' sems can gcig gi 'dod chags kyi spyad pa stong phrag nyi shu rtsa gcig rab tu shes pa de ltar thabs rab tu sbyor ba stong phrag nyi shu rtsa gcig gis 'dod chags rab tu zhi bar byed pa dang / gal te sems can gcig gi zhe sdang spyod pa stong phrag nyi shu rtsa gcig rab tu shes pa de ltar thabs la mkhas pa stong phrag nyi shu rtsa gcig gis zhe sdang zhi bar byed pa dang / gal te byang chub sems dpa' sems can gcig gi skal pa dang bcas par spyod pa stong phrag nyi shu rtsa gcig rab tu shes pa de bzhin du thabs la mkhas pa stong phrag nyi shu rtsa gcig gis zhi bar byed pa dang / byang chub sems dpa' gang gis sems can gcig gi skal pa dang bcas par spyod pa nyon mongs pa kun nas ldang ba rab tu zhi bar nus pa de ltar byang chub sems dpa' rtsal chen po byed do/ /gang sems can gcig gi nyon mongs pa'i rgyu spyod pa stong phrag brgyad cu rtsa bzhi rab tu shes pa'i byang chub sems dpa' de'ang sems can gcig gi dgos pas brtson 'grus brtan pa la mos shing pha rol gnon pa na thabs la mkhas pa stong phrag brgyad cu rtsa bzhi rab tu sbyor ba dang pha rol gnon pas gzir ba rnams byang chub sems dpa' rtsal chen po 'di la ltos shig /ji ltar sems can gcig gi nyon mongs pa </font><hr>303a<br><font size=+1>


@#/ /rab tu zhi bar nus pa de ltar gnyis dang / gsum dang / bzhi nas gling gcig gi sems can yongs su tshang ba re re'i dgos pas nyon mongs pa spyod pa'i mtshan nyid stong phrag brgyad cu rtsa bzhi rab tu zhi bar byed cing gling gnyis pa dang / gling bzhi pa nas phyogs bcu'i sangs rgyas kyi zhing chu bo gang+gA'i bye ma snyed du sems can thams cad nyon mongs pa thams cad las yongs su thar par byed pa de ltar byang chub sems dpa' rnyog pa lnga'i sangs rgyas kyi zhing du bzod pa thob pa zhes bya'o/ /ji ltar yang byang chub sems dpa' sems can re re'i nyon mongs pa'i dbang po spyod pa stong phrag brgyad cu rtsa bzhis 'jug pa de ltar sems can gcig gi mos pa stong phrag brgyad cu rtsa bzhi rab tu shes shing bri ba'i mtshan nyid rab tu shes pa dang / 'phel ba'i mtshan nyid rab tu shes pa dang / gnas pa'i mtshan nyid rab tu shes pa dang / rtogs pa'i mtshan nyid rab tu shes pa dang / mi rtag pa'i mtshan nyid rab tu shes pa dang / sdug bsngal gyi mtshan nyid rab tu shes pa dang / bdag med pa'i mtshan nyid rab tu shes pa dang / sems can gyi mtshan nyid rab tu shes pa dang / stong pa'i mtshan nyid rab tu shes pa dang / dben pa'i mtshan nyid rab tu shes pa nas de bzhin du mtshan nyid med pa'i bar du 'du shes pa dang / mya ngan las </font><hr>303b<br><font size=+1>


'da' ba'i mtshan nyid du rab tu shes pa dang / sems can re re'i chags pa'i mtshan nyid sna tshogs brgyad cu rtsa bzhi rab tu shes pa de ltar byang chub sems dpa' sems can gyi spyod pa'i mtshan nyid mngon par shes par 'gyur ro/ /bsam pa'i tshul shes pas sems can nyon mongs pa dam pas bcings pa las yongs su thar par nus so/ /de bzhin du byang chub sems dpa' nyon mongs pa dang / rnyog pa lnga'i sangs rgyas kyi zhing du sems can yongs su smin par byed do/ /byang chub sems dpa' sems can mi dge ba'i rtsa ba dang lhan cig tu 'grogs pa rnams la snying rje chen po rgyun mi gcod cing yongs su smin par bya ba'i phyir 'dug pa 'di'ang byang chub sems dpa'i rtsal chen po'o/ /yang byang chub sems dpa' dgra rnam par 'grel bas 'di bstan pa ston pa na phyogs bcu'i sangs rgyas kyi zhing tshad med par byang chub sems dpa' yang dag par lhags pa dang / byang chub sems dpa' chu bo gang+gA sum cu'i bye ma snyed mi skye ba'i chos kyi bzod pa thob par gyur to/ /byang chub sems dpa' chu bo gang+gA'i bye ma snyed kyis dga' ba byed pa zhes bya ba'i ting nge 'dzin thob pa de dag de bzhin gshegs pa shAkya thub pa gang na ba de logs su thal mo sbyar te phyag btsal nas mgrin gcig tu 'di ched du brjod pa ched du brjod do/ /chu bo gang rnams blta dka' chu bos khyer/ /nga rgyal mngon pa'i nga rgyal yul </font><hr>304a<br><font size=+1>


@#/ /las shes/ /nyon mongs rgya mtsho las ni mthar phyin med/ /lam gyis bdag cag kyang ni rnam par gnas/ /sems can gang rnams nyon mongs gdung bas gdungs/ /nyon mongs sangs rgyas zhing du rtag rnams myos/ /ngan song 'gro bar rtag tu sdug bsngal bsags/ /'chad mkhan dam pa'i don gyi theg pa ston/ /bdag cag nyon mongs sems can rnams dgos pas/ /sangs rgyas zhing der smon lam byed 'gyur ba/ /nyon mongs zhing du bdag cag spyad pa spyod/ /sems can nyon mongs dam bcings grol bar byed/ / gang dag 'dod chags zhe sdang nga rgyal dregs/ /gti mug lam stor sdig pa rab byed pa/ /sdig pa thams cad las ni bdag cag bzlog /'khor ba'i dgon pa 'jigs las rab tu sgrol/ / gang dmyal byol song yi dwags 'jig rten du/ /rtag tu 'dod med sdug bsngal myong ba dag /bdag cag sdug bsngal thams cad las grol byed/ /nyon mongs sangs rgyas zhing du byang chub spyod/ /yang sangs rgyas kyi zhing ma lus par khyab pa'i 'khor thams cad dang ldan pa des kyang legs so/ /zhes bya ba byin te/ skyes bu dam pa legs par spobs shing mchog tu rgya che ba'i brtson 'grus brtan pa la brtson pa pha rol gnon pa sems can yongs su smin pa'i chos kyi sgo bstan pa legs so legs so/ /gang chu bo gang+gA'i bye ma snyed kyi skyes bu dam </font><hr>304b<br><font size=+1>


pa 'dis sangs rgyas kyi zhing yongs su dag par byang chub kyi spyod pa bor \?\ te rnyog pa lnga'i sangs rgyas kyi zhing du spyod pa la brtson no/ /sems can mtshams med pa byed pa dang / dam pa'i chos spong ba dang / 'phags pa la skur ba 'debs pa dang / lus tshig pa dang / mi dge ba'i rtsa ba dang lhan cig tu 'grogs pa rnams yongs su smin par bya ba'i phyir snying rje chen po bskyed do/ /nyon mongs pa'i sangs rgyas kyi zhing bla na med pa'i sangs rgyas kyi zhing du ston to/ /lus med pa phung po spong ba'i mtha' ston to/ /tshig tsam gyis skyes bu de dag brtson par 'gyur ba de dag la gang lha dang 'jig rten du bcas pas mchod pa mchog tu rgya chen po byed na/ de dag gi brtan pa'i brtson 'grus pha rol gnon pa 'di la brtson pa lta ci smos te/ ji ltar tshig gis dam bcas pa da ltar dgos pa thams cad yongs su rdzogs par 'gyur ro/ /de nas de nyid kyi tshe na de bzhin gshegs pa shAkya thub pas legs so/ /zhes bya ba byin te skyes bu dam pa/ legs so legs so/ / rigs kyi bu/ ji ltar smra ba'i tshig tsam gyis rtsom par 'gyur ba de de bzhin te/ de dag la gang lha dang 'jig rten du bcas pas mchod pa mchog tu rgya chen po byed na/ de'i shes pas nyon mongs pa dang rnyog pa lnga'i sangs rgyas kyi zhing du rnam pa de lta bu'i de dag gi rtsal chen po bya bar 'gyur ba lta ci smos te/ mtshams med pa byed pa nas mi dge ba'i rtsa ba dang lhan cig tu </font><hr>305a<br><font size=+1>


@#/ /'grogs pa'i bar du rnam pa de lta bu'i brten pa'i brtson 'grus pha rol gnon pa'i thabs la mkhas pas yongs su smin par 'gyur ro/ /ji ltar byang chub sems dpa' dgra rnam par 'grel bas de ltar sems can yongs su smin pa shes rab kyi thabs la mkhas pa'i chos kyi sgo bstan nas bcom ldan 'das kyis tshig 'di brjod ma thag tu de nas de nyid kyi tshe na stong gsum gyi stong chen po'i sangs rgyas kyi zhing gi sa chen po lan drug tu g.yos so/ /lha rdzas kyi me tog gi char yang rab tu phab po/ /lha rdzas kyi rol mo'ang rab tu dkrol to/ /lha dang / dri za dang / mi'i 'khor thams cad dang ldan pa de dag kyang byang chub sems dpa' dgra rnam par 'grel ba dang / byang chub sems dpa' chu bo gang+gA'i bye ma snyed po de dag la mchog tu rgya che ba'i mchod pa'i las kyi phyir brtson no/ /ji snyed ye shes mdzod 'di bstan du gsol/ /ye shes phyir yang ston pa 'di nyid ston/ /mkhyen pa khyod kyis gang gi slob ston pa/ /thub pa shes pa'i smra ba 'di la 'jug /mkhyen pa can gyi zhing mang bye ba la/ /thob pa'i ye shes ston pa 'di la 'jug /bdag ni ye shes 'brog sa myur gnas shing / / tshul 'di la'ang ye shes lam rab ston/ /ji ltar byang chub spyod phyir shes 'gyur ba/ /rgyal ba ye shes rgyal mtshan 'di la 'jug /ji ltar nam mkha' dri med stong pa'i chos/ /bdag </font><hr>305b<br><font size=+1>


dang mthun pa'i gtam dag bstan du gsol/ /ston mkhan mi yi gtso bo 'di la mchog /mchog tu yid du 'ong zhing mdzes pa ston/ /stong pa nyid kyis nyon mongs dgra zil gnon/ /rtag pa dang ni chad pa thal bar byas/ /dpa' dang rtul phod gang zag dam pa mchog /sred pa zhi ba gang zag dam pa mchog /sred pa zhi zhing zhi gnas rab tu ston/ /rgyal ba rab tu zhi ba 'di la 'jug /rgyal ba stong pa nyid zhi rab bstan gsol/ /rgyal ba stong pa nyid 'di la yang 'jug /kha dog dung dang kha ba 'dra ba yi/ /zhi ba mdzes pa'i stong pa nyid bstan gsol/ /nyan thos kyi ni 'di la tshogs rnams spangs/ /ston gyi nyi ma zla ba'i dkyil 'khor ltar/ /gtso bo dag gis shin tu gsal shing mdzes/ /'dir ni lam zhi stong pa nyid bstan gsol/ /brgya byin tshangs pa'i skad ltar sgra dbyangs snyan/ /sems can dma' la thugs brtse chen po yis/ /thub pa 'di ni stong pa nyid la 'jug /mya ngan dang bral 'gro ba 'di la tshim/ /dma' ba spyod pa rtag tu byin brlabs pas| |shes rab mang gzugs stong pa nyid zhi gsungs/ /sdig pa bcom zhing nyes tshogs dri ma med/ /'di ni 'gro la theg pa ngan pa spangs/ /dge ba'i mtshan nyid spyod yul rab nyams pas kyi ma'o da ltar stong pa nyid zhi gsungs/ /rma bya ngang pa ne tso ske ka dbyangs/ /mnyams pa'i phyogs cha can gyi sgra rnams 'jig/ tshigs su bcad pa 'di dag gis mngon par bstod nas lha rdzas </font><hr>306a<br><font size=+1>


@#/ /kyi me tog ut+pal dang / pad+mo dang / ku mu da dang / buN+Da rI kas mngon par gtor to/ /'phags pa yang dag par sbyor ba'i tshul nam mkha'i mdog gis 'dul ba'i bzod pa zhes bya ba theg pa chen po'i mdo le'u bzhi pa'o// //de nas byang chub sems dpa' blo gros mtha' yas pa'i tshogs kyi rgyal pos bcom ldan 'das ji tsam du khang pa brtsegs pa na mi bzhugs pa de tsam gyis bcom ldan 'das kyi don gyi slad du lha rdzas kyi gser dang / lha rdzas kyi bai DUR+Ya sngon po'i skas mngon par sprul te skas de dag gi ngos gnyis la bram ze'i byis pa tshe lo sum cu pa lta bu tshangs dbyangs dang ldan pa gser gyi dbyig pa dang gdugs 'dzin pa/ /tshangs pa'i spyod lam dang ldan pa stong phrag brgyad cu rtsa bzhi mngon par sprul to/ /de nas bram ze'i byis pa de dag bcom ldan 'das ga la ba de logs su thal mo sbyar te phyag btsal nas bcom ldan 'das la tshigs su bcad pa 'di dag gis mngon par bstod do/ /khyod ni rab nyon mongs la sngon thugs bskyed/ /nyon mongs theg la byang chub phan pa'i rgyu/ /nyon mongs zhi phyir rgyal ba bsnyen kyang bkur| |nyon mongs thabs mdzad rgyal ba 'dir gshegs gsol/ /nyon mongs spyod pa thams cad khyod kyis spangs/ /sems can nyon mongs la ni rtag tu gnyen/ /khyod ni nyon mongs </font><hr>306b<br><font size=+1>


las las 'gro ba bzlog /nyon mongs rgal ba'i rgyus ni rtag tu myos/ /nyon mongs ma lus khyod kyis rab tu zhi/ /bdag gi blos ni nyon mongs dra ba bcad/ /'gro ba rtag tu nyon mongs chu las sgrol| |nyon mongs sun 'byin rgyal pa 'dir gshegs gsol/ /nyon mongs zhing du byang chub dam par reg /ye shes sgron 'chang 'gro shes nyams pa yi/ /sems can thams cad la ni thar ston pa/ /nyon mongs nyon mongs zhi phyir 'dir gshegs gsol/ /ye shes 'od zer gyis ni rnam thar ston/ /khyod thugs brtse bas 'gro bas shes nyams khyab/ /ye shes kyis ni 'gro ba mig ldan pas/ /rgyal ba ye shes nyi ma 'dir gshegs gsol/ /mkhyen pas lha dang mi mang thar par mdzad/ /khyod kyi ye shes srog dang gang zag med/ /thub pa ye shes dpa' pa 'di la 'jug /nyon mongs pa la sbyin mdzod dran pa gsungs/ /nyi ma zla ba mchog tu mdzes pa'i spyan/ /rgyal ba sems can thal mo sbyar la gsungs/ /thub pa byang chub mchog phyir bstan du gsol/ /'phags pa thub pa 'di la 'jug pa gsungs/ /rgyal ba byang chub rgyu can mdzes gzigs pa/ /phyogs bzhi 'dir ni yang dag lhags mang la/ /stong pa nyid dang bzod spyod shes gyur gsungs/ /rgyal ba dpa' gtong 'di la shin tu 'dug /bram ze'i byis pa de dag gis bcom ldan 'das kyi yon tan 'di smras ma thag tu bcom ldan 'das kyis legs so/ /zhes bya </font><hr>307a<br><font size=+1>


@#/ /ba byin te/ /de nas drang srong thub pa gdan de las bzhengs pa dang / de nyid kyi tshe na thams cad dang ldan pa'i sangs rgyas kyi zhing chen po 'di yan drug tu g.yos so| |lha dang / klu dang / gnod sbyin dang / lha ma yin dang / mi 'am ci dang / lto 'phye chen po du mas kyang mi mjed kyi sangs rgyas kyi zhing ma lus par lha rdzas kyi me tog gi char mngon par phab bo/ /lha rdzas kyi a ga ru dang / ta ka ra dang / dus dang mthun pa'i tsan+dan gyi char mngon par phab bo/ /lha rdzas kyi gos dang / rgyan dang / yid bzhin gyi gos dang / nor bu dang / mu tig gi se mo do dang / rin po che'i char mngon par phab bo/ /lha rdzas kyi rol mo rdung ba mngon par dkrol to/ /dbyangs kyis lhung lhung legs kyi sgra phyung nas 'di skad ces gsol to| |bdag cag sngon ma bstan pa'i chos mnyan par bgyi'o/ /bdud kyi yul las yang dag par shin tu 'da' bar bgyi'o/ /nyon mongs pa'i yul gzhom par bgyi'o/ /ye shes kyi yul khong du chud par bgyi'o/ /zab mo'i stong pa nyid kyi lam khong du chud par bgyi'o/ /zhes gsol pa dang / de nas bcom ldan 'das khang pa brtsegs pa de dag la 'dzegs te seng+ge'i khri bshams pa de nyid la bzhugs nas mi mjed kyi sangs rgyas kyi zhing thams cad dang ldan pa sa dang nam mkha' khyab pa'i 'khor kun cang mi smra bar gyur nas thal mo sbyar </font><hr>307b<br><font size=+1>


te sems rtse gcig tu drang srong thub pa la lta bar gyur to/ /de nas bcom ldan 'das kyis sangs rgyas kyi zhing thams cad dang ldan pa ma lus par sa dang nam mkha' khyab pa'i 'khor la rnam par gzigs nas de'i tshe tshigs su bcad pa 'di dag gsungs so/ /sems can ji snyed 'dir ni kun lhags pa/ /byang chub 'dod rnams yongs su chos tshol na/ /byang chub mchog gi spyod pa rab bstan gyi/ /de dag thams cad rtse gcig sems su nyon/ /sems can la la gti mug sred pas bsgribs/ /phung po dag la'ang lta ba rnam mi spong / /gang dag da dung byang chub mchog spyod brtson/ /yang yang 'di la yon tan cung zad spyod/ /dbang po drug la stong pa mi lta ste/ /mtshan ma med pa'i 'dzin pa bdag la zung / /byang chub phyir ni cung zad brtson spyod kyi/ / shes rab yon tan thams cad spyod pa med/ /ji ltar me 'dod khyim gyi nang du ni/ /btsal bas kyang ni me dag rnyed ma gyur/ /de ltar sems can la la byang chub 'dod/ /stong pa bsgoms par shes rab thob pa med/ /de bas gang dag byang chub sdug 'dod pa/ /phung po khams dang skye mched mtshan ma dag /rmi lam smig rgyu lta bur thams cad ltos/ /'di ni byang chub dam pa mchog gi lam/ /de nas bcom ldan 'das kyis byang chub sems dpa' bzang skyong la bka' stsal pa/ rigs kyi bu/ yang dag par spyod pa'i tshul nam mkha'i mdog gis 'dul </font><hr>308a<br><font size=+1>


@#/ /ba'i bzod pa 'di la gnas pa'i byang chub sems dpa' bdud kyi yul thams cad las yang dag par shin tu 'das te nga yir bya ba dang / bdag gir bya ba thams cad kyi srid pa'i bag la nyal ba dang / mtshan ma med pa dang / ma rig par lta ba thams cad spangs par 'gyur ro/ /'jig rten gyi khams thams cad 'dres pa med pa dang / sems can gyi go cha dang / sems sgyu ma lta bu dang / tshor ba du ba dang / rdul dang / nam mkha' dang / sprin lta bur rab tu shes so/ /mtshan ma dang mtshan nyid thams cad nam mkha' spros pa lta bur rab tu shes so/ /dge ba'i rtsa ba thams cad las 'dus par 'gyur ro/ /las yongs su zad cing sems can nye bar 'tsho bar yang 'gyur ro/ /dge ba'i rtsa ba bskyed pa dang ma bskyed pa'i gnyen lta bur 'gyur ro/ /sangs rgyas kyi chos thams cad la sgrib pa med pa ston par 'gyur ro/ /pha rol gyi rgol ba thams cad nam mkha' dang mtshungs par thul ba med par 'gyur ro/ /sangs rgyas kyi chos thams cad yongs su rgyas pa seng+ge lta bu dang / rgya mtsho chen po lta bu'i chen po'i char gyi chu bo rab tu gtong ba dang / 'khrul pa med pa'i mngon par shes pa dang / chags pa med pa'i spobs pa dang ldan pa dang / bstod pa dang / rab tu bsngags par 'gyur ro/ /rigs kyi bu/ bzod pa 'di bsgoms pa nas lus dbang du btsugs </font><hr>308b<br><font size=+1>


ba'i bar du 'di las sangs rgyas kyi yon tan bsam gyis mi khyab par 'gyur ro/ /rigs kyi bu/ de la bzod pa 'di rnam pa gnyis te/ yang dag par spyod pa'i tshul gyi bzod pa dang / nam mkha'i mdog gis 'dul ba'i bzod par 'gyur ro/ /rigs kyi bu/ de la yang dag par spyod pa'i tshul gyi bzod pa gang zhe na/ rnam pa lnga ste/ rigs kyi bu/ yang dag par spyod pa'i tshul gyi bzod pa rnam pa lnga gang zhe na/ 'di lta ste/ gzugs dang / tshor ba dang / 'du shes dang / 'du byed dang / rnam par shes pa zhes bya'o/ /rigs kyi bu/ de la gzugs kyi phung po gang zhe na/ rigs kyi bu/ rnam pa brgyad de/ byang chub sems dpas tshul bzhin yid la byed pa brtags pa'i bzod pa bsgom par bya'o/ /rigs kyi bu/ brgyad gang zhe na/ gzugs zhes bya ba ni/ 'byung ba chen po bzhi'o/ /gzugs zhes bya ba ni/ nad do/ /'dod chags zhes bya ba ni/ rnam par 'jig pa'i chos kyi mtshan nyid do/ /gang rnam par 'jig pa'i rang bzhin de ni/ mi rtag pa'o/ /de'i rang bzhin ni/ dngos po med pa stong pa nyid yongs su chad pa'o/ /phyi dang nang gi rab 'bring tha ma'i nyon mongs pa'i rgyun bcad do/ /nam mkha' ji ltar thams cad dang ldan pa de bzhin du mi rtag pa dang / sdug bsngal ba dang / bdag med pa dang / stong pa'i mtshan nyid dang ldan pa'i bzod pa sgom par byed do/ /'di ni/ byang chub sems dpa'i sems can yongs su smin pa nye bar 'tsho ba'i bzod par blta bar bya'o/ /rigs kyi </font><hr>309a<br><font size=+1>


@#/ /bu| gzhan yang gzugs de'ang 'byung ba chen po bzhi ste/ rigs kyi bu/ 'byung ba chen po bzhi po 'di dag nang gi'am/ phyi rol gyi'am/ che ba'am/ bra ba'am/ dma' ba'am/ bde ba'am/ gal te ring ba'am/ gal te nye ba de dag thams cad mi 'gro/ rnam par mi 'gro /mi skye/ mi 'byung / bdag med/ bdag gi med par brtag par bya'o/ /zad pa'i tshul dang / zhi gnas kyi mtshan nyid kyi tshul dang / rtog pa med pa dang / smon pa med pa'i tshul dang / 'byung ba med cing mtshan ma med pa'i tshul gyis brtag par bya'o/ /ji ltar rdul shin tu phra ba kun 'byung ba dang / lus kun 'byung ba'i phyir nang gi sa'i khams sra bar brtag par bya'o/ /shin tu phra ba'i rdul gcig po de la ji ltar lhag mthong phra mos brtag / rdul phra mo gcig po de la ji ltar mtshan nyid med pa'i nyon mongs pa thams cad kyi spyod lam du gyur par rab tu shes pa dag med pa dang / rnam pa dang bral bar rab tu shes/ dngos po med pa dang / tshig gi lam dang bral ba dang / dmigs pa med pa dang / sgra dbyangs thams cad dang bral bar rab tu shes/ bdag med pa dang bral ba dang / bdud kyi mtshan nyid rab tu shes/ yi ge med pa dang / rgyu dang rkyen dang bral bar rab tu shes/ dngos po med pa dang / rgyu dang rkyen dang bral bar rab tu shes/ mtshan ma med pa las rdul shin tu phra bar rab tu shes/ ji </font><hr>309b<br><font size=+1>


ltar 'du byed thams cad rab tu zhi ba la rnam par brgyad po de dag gi rdul shin tu phra mo gcig tu brtag go /de bzhin du gnyis pa dang / de bzhin du gsum pa nas nang gi lus thams cad kyi bar du gcig la'ang so sor rnam pa brgyad po 'di dag gis rdul shin tu phra mo gcig tu brtag go /nang gi lus ji lta ba de bzhin du phyi rol gyi lus kyi sa'i khams kyang rnam pa brgyad po 'di dag gis so sor rdul shin tu phra bar brtag go /mtshan nyid med pa nas mtshan ma med pa'i bar du sa'i khams thams cad nang gi'am/ phyi rol gyi'am/ che ba'am/ phra ba'am/ dma' ba'am/ bde ba'am/ gang ring ba'am/ gang nye ba de dag thams cad zad pa'i chos su yang dag par rjes su mthong ngo / /gang zad pa 'di ni/ mi rtag pa'o/ /gang mi rtag pa 'di'ang sdug bsngal ba'o/ /gang mi 'byung ba de bdag med pa'o/ /gang 'du byed thams cad kyi tshig gi lam dang phral ba de'ang stong pa ste/ ji ltar phyi dang nang gi sa'i khams ji lta ba bzhin du stong par rab tu shes pa de ltar rab 'bring tha ma'i nyon mongs pa nye bar zhi bar 'gyur ro/ /nam mkha' ji ltar 'du shes med cing tshor ba med pa de bzhin du sa'i khams kyang 'du shes med cing tshor ba med pa dang / mi rtag pa dang / sdug bsngal ba dang / stong pa dang / bdag med pa'i mtshan nyid dang ldan pa'i bzod pa sgom par byed pa 'di'ang byang chub sems dpa'i sems can thams cad </font><hr>310a<br><font size=+1>


@#/ /yongs su smin pa nye bar 'tsho ba'i bzod par blta bar bya'o/ /rigs kyi bu/ gzhan yang lus 'di la gsher ba'i mtshan nyid ni/ chu ste/ chu'i mtshan nyid phran tshogs su na skra'i rtse mo'i cha shas tsam du nang gi lus chu'i khams thams cad so sor thigs pa tsam du lhag mthong gi tshul gyis brtag go /che ba'am/ phra ba'am/ dma' ba'am| bde ba'i mtshan nyid med pa/ nyon mongs pa thams cad dang bral ba ji lta ba bzhin du rab tu shes pa nas mtshan ma med pa'i bar du de dag thigs pa tsam du 'du byed thams cad nye bar zhi bar rab tu shes pa ji lta bur thigs pa gcig la rnam pa brgyad po de dag gis ji lta ba bzhin du brtag go /de bzhin du gnyis pa dang / de bzhin du gsum pa nas nang gi lus kyi chu'i khams thams cad rnam pa brgyad po de dag gis so so re re la thigs pa phra ba ji lta ba bzhin du brtag go /mtshan nyid med pa nas mtshan ma med pa'i bar du nang gi chu'i khams ji lta ba de bzhin du phyi rol gyi chu'i khams che ba'am/ phra ba'am/ dma' ba'am/ bde ba'am/ gang ring ba'am/ gang nye ba de dag thams cad zad pa'i chos su yang dag par rjes su mthong ngo / /gang zad pa'i chos de'ang mi rtag pa'o/ /de'ang rtog pa med pa'o/ /gang rtog pa med pa de'ang sdug bsngal ba'o/ /gang 'byung ba med pa de'ang bdag med pa'o// </font><hr>310b<br><font size=+1>


gang 'du byed thams cad kyi tshig gi lam dang bral ba de'ang stong pa ste/ ji ltar nang dang phyi rol gyi chu'i khams ji lta ba bzhin du stong par shes pa de ltar rab 'bring tha ma'i nyon mongs pa zhi bar 'gyur ro/ /nam mkha' ji ltar gnas med cing spros pa med pa de bzhin du phyi dang nang gi chu'i khams kyang spros pa med cing gnas med pa dang / mi rtag pa dang / sdug bsngal ba dang / stong pa dang / bdag med pa'i mtshan nyid dang ldan pa'i bzod pa sgom par byed pa 'di'ang byang chub sems dpa'i sems can yongs su smin pa nye bar 'tsho ba ste/ sa'i khams dang / chu'i khams ji lta ba bzhin du me'i khams dang / rlung gi khams rgya chen pos bya'o/ /rigs kyi bu/ gzhan yang 'byung ba chen po bzhi las gzugs ni/ the tshom gyi rgyu lta bu ste/ nang gi'am/ phyi rol gyi'am/ che ba'am/ phra ba'am/ dma' ba'am/ bde ba'am/ gang ring ba'am/ gang nye ba de dag thams cad dngos po med cing gzugs brnyan lta bu dang / drug gi skye mched dbang du gyur pa/ sa'i khams nas rnam par shes pa'i rgyu'i bar du'o/ /gang skad cig skad cig tu 'byung ba zad pa'i chos nyid dbang po de la zad pa dang / 'gog pa de ni/ 'byung ba zad pa nyid du brtag go/ dngos po med pa dang bdag med par dmigs pa/ tshig gi lam med pa dang / rnam par mi 'gro ba dang / ma skyes pa dang / ma byung ba dang / bdag med pa dang / bdag gi med pa </font><hr>311a<br><font size=+1>


@#/ /dang / zhi gnas kyi mtshan nyid kyi tshul dang / rtog pa med cing smon pa med pa'i tshul dang / mtshan ma med pa'i tshul dang / lhag mthong gi tshul gyis brtag par bya'o/ /mtshan nyid med pa dang / nyon mongs pa thams cad dang bral ba dang / rnam pa dang bral ba dang / bdag med pa dang / smod kyi 'du byed dang bral ba dang / yi ge med pa dang / rgyu dang rkyen dang bral bar rab tu shes so/ /dngos po med pa shin tu skad cig ma dang bral bar rab tu shes so/ /'du byed thams cad mtshan ma med pa dang / yul rgyun chad pa med par rab tu shes so/ /'du byed thams cad gnas med cing nye bar zhi bar rab tu shes so/ /rnam pa 'di dag gis gzugs dngos po med pa dbu ba'i phung po ltar brtag go /mtshan nyid med pa dang mtshan ma med pa'i bar du de dag thams cad zad pa'i chos su yang dag par rjes su mthong ngo / /gang zad pa'i chos de mi rtag pa'o/ /gang mi rtag pa de ni/ rtog pa med pa'o/ /gang rtog pa med pa de'ang sdug bsngal ba'o/ /gang 'byung ba med pa de'ang bdag med pa'o/ /gang 'du byed thams cad kyi lam dang bral ba de'ang stong pa'o/ /gang nang dang phyi rol gyi gzugs de dag lbu ba'i phung po lta bu dngos po med cing gzugs brnyan lta bur stong pa ji lta ba bzhin du rab tu shes pa de ltar rab 'bring tha ma'i nyon mongs pa </font><hr>311b<br><font size=+1>


nye bar zhi bar 'gyur ro/ /nam mkha' ji ltar dmigs pa med cing 'dus byas pa med pa de bzhin du gzugs kyang lbu ba lta bur 'du shes pa med cing 'gyur ba med pa dang / tshor ba med pa dang / mi rtag pa dang / sdug bsngal ba dang / bdag med pa dang / stong pa'i mtshan nyid dang bral ba'i bzod pa sgom par byed pa 'di dang / byang chub sems dpa'i sems can yongs su smin pa nye bar 'tsho ba'i bzod pa blta bar bya'o/ /rigs kyi bu/ gzhan yang gzugs ni/ phyi rol dang nang gi gnas gang nye ba'i bar du rang bzhin gyis gzugs brnyan lta bu'i rgyu 'dra ba mngon par mi 'gyur ba dang / sgyu ma lta bu dang / lus mngon pa'i mtshan nyid du brtag go /gzugs ni/ ci la'ang chags pa med/ snyems pa'ang med/ blang ba dang dor ba med par shes te/ gzugs ni| gnyis su med do/ /chos thams cad chos kyi dbyings la yang dag par gzhol bar shes pas 'byung ba chen po bzhi'i gzugs thams cad cung zad kyang dbyer med do/ /tshig gi lam thams cad gnas med par yang dag par shes so/ /gzugs ni/ gzhan du song ba'ang med cing yul med pa dang / glo bur gyi sdug bsngal ba dang / rgyun bcad pa dang rgyun ma bcad pa'i mdud pa gnyis dang bral ba dang / gzugs brnyan lta bu dang / gnas med par brtag go /gzugs thams cad kyi mtshan nyid ni/ lbu ba'i phung po lta bur dmigs pa med pa dang / kun </font><hr>312a<br><font size=+1>


@#/ /'byung ba med pa dang / shin tu rang bzhin med par brtag go/ 'byung ba chen po bzhi rnams ni/ rnam par dag pa/ rnam par mi rtog pa/ mi 'byung ba/ mngon par mi sgrub pa| chos thams cad spros pa'i rgyun bcad pa thams cad du zhugs pa med par brtag go/ 'byung ba chen po bzhi'i gzugs kyi phung po'i mtshan nyid ni/ snyems pa med pa dang / gtong ba med pa dang / mun pa med pa dang / snang ba med pa dang / yid la mi byed pa dang / gnyis su med pa dang / gsog pa med pa dang / spros pa med pa dang / gzugs brnyan lta bu dbyer med pa dang / dngos po med par brtag go /gzugs 'byung ba chen po bzhi ni/ shin tu rnam par mi rtog pa dang / zad pa dang / lbu ba lta bur blta'o/ /rnam pa 'di dag gis gzugs la dngos po med pa gzugs brnyan lta bur rtog go /mtshan nyid med pa nas mtshan ma med pa'i bar du 'du byed thams cad zad pa'i chos su yang dag par rjes su mthong ngo / /gang zad pa'i chos de mi rtag pa'o/ /gang mi rtag pa de rtog pa med pa'o/ /gang rtog pa med pa de sdug bsngal ba'o/ /gang 'byung ba med pa de'ang bdag med pa'o/ /gang 'du byed thams cad kyi tshig gi lam dang bral ba de'ang stong pa ste/ ji ltar phyi dang nang gi gzugs lbu ba 'dra ba stong pa ji lta ba bzhin du rab tu shes pa de ltar rab 'bring tha ma'i nyon mongs pa'ang nye bar zhi </font><hr>312b<br><font size=+1>


bar 'gyur ro/ /nam mkha' ji ltar zad pa med cing gzugs med pa dang / bstan du med pa de bzhin du zad pa med cing mtshan nyid med pa dang / gzugs med pa dang / bstan du med pa dang / lpu ba lta bur mi rtag pa dang / sdug bsngal ba dang / bdag med pa dang / stong pa'i mtshan nyid la dmigs pa'i mtshan nyid dang bral ba'i bzod pa sgom par byed pa 'di'ang byang chub sems dpa'i sems can yongs su smin pa nye bar 'tsho bar blta'o/ /rigs kyi bu/ gzhan yang gzugs 'byung ba chen po bzhi'i mtshan nyid nang gi nas nye ba'i bar du gang smras pa de'i gzugs kyi mtshan nyid ni/ mig yor lta bu dang / grib ma lta bu dang / lbu ba lta bu/ gnas med pa dang / nam mkha' lta bu chags pa med pa dang / brjod du med pa dang / gsog ba med pa nas khams gsum gyi 'khor ba bdag med pa lta bu dang / dus gsum gyi mtshan nyid thob pa dang / dmigs pa med pa dang / yi ge med pa dang / gnyis su med pa'i mtha' dang / rtag pa'i mtha' dang / kun tu gzung ba'i mtha' dang / zad pa med par spyod pa'i mtha' dang / nyon mongs pa med pa'i mtha' dang / yul med pa'i mtha' dang / rab tu rgyu ba med pa'i mtha' dang / smra ba med pa'i mtha' dang / gzugs brnyan lta bur gzugs de'i mtshan nyid du rab tu shes so/ /'dod pa'i khams dang / gzugs kyi khams dang / de gnyis kyi gzugs kyi snang ba nam </font><hr>313a<br><font size=+1>


@#/ /mkha' lta bur brtag go /mig yor gyi mtshan nyid nam mkha' lta bur dngos por dmigs pa med pa ste/ nam mkha' ji lta bur gzung du med cing kun nas ldang ba med pa dang / dngos po med pa de ltar de bzhin du gzugs kyi mtshan nyid kyang mig yor lta bu dang / tshu rol dang pha rol bral ba'i gnas med pa'o/ /gzugs kyi mtshan nyid ni/ mnyam pa'i mtshan nyid dang / sgra brnyan lta bu dang / lbu ba'i phung po lta bu dang / chos kyi dbyings dang / nam mkha'i khams kyi gzugs kyi sgra brnyan ni/ khams med pa dang / tha dad pa med pa dang / mtshungs pa med pa dang / 'khrug pa med pa'o/ /de ltar de bzhin du chos 'di dag kyang nam mkha' lta bu'o/ /gzugs kyi snang ba de'ang gzung du med pa dang / bsags pa med pa dang / skye ba med pa dang / 'phyung ba med pa dang / g.yo ba med pa dang / 'gyur pa med pa dang / 'chi 'pho ba med pa dang / mi gnas pa dang / bdag dang gzhan gyi mi len pa dang / yongs su mi rtog pa dang / chags pa med pa dang / byas pa med pa thams cad gzugs kyi snang ba'o/ /de ltar de bzhin du 'du byed thams cad kyi lam las shin tu 'das shing mig gi rnam par shes pa'i lam kun nas ldang ba/ lbu ba'i phung po lta bu'i gzugs kyi snang ba mig gi rnam par shes pas snang ba de'ang mig 'byung ba chen po bzhi'i </font><hr>313b<br><font size=+1>


rgyu'o| |bdag med pa'i phyir 'byung ba chen po bzhi po de dag kyang stong pa ste/ ji ltar gong du bshad pa bzhin du bdag tu dmigs pa'ang med do/ /mig gnyis ni/ rgun 'brum tsam ste/ mig re re la'ang tshad med pa'i rdul shin tu phra ba'o/ /rdul shin tu phra ba la'ang 'byung ba chen po bzhi po gsog go /'byung ba chen po bzhi po re re la'ang bdag tu mi dmigs shing sems can du mi dmigs na/ de la rnam par shes pa'i gnas sam/ kun nas ldang ba'ang lam du shes par lta ci smos/ rdul shin tu phra ba de dang de dag la ji lta ba bzhin du mig 'byung ba chen po bsags pa dang / rgun 'brum tsam du yongs su brtag go /yongs su brtags pa des de la mig gi rnam par shes pa'i gnas pa dang / lam yang med do/ /des yang dag par yongs su brtags pas sems can mig yongs su brtags par 'gyur ro/ /gang mig gi rnam par shes pa stong pa ji lta ba bzhin du shes pa de dag 'dod chags dang bral bar 'gro'o/ /ji ltar yang mig gi rnam par shes pa stong pa ji lta ba bzhin du rab tu shes pa de bzhin du khams gsum gyi mig mig gi rnam par shes pas stong pa ji lta ba bzhin du shes par bya'o/ /ji ltar yang mig gis gzugs kyi snang ba lbu ba'i phung po lta bu phyi dang nang gi gzugs kyi mtshan nyid snang ba nas nye ba'i bar du de dag thams cad lbu ba'i phung po gzugs kyi snang ba 'byung ba chen po nam </font><hr>314a<br><font size=+1>


@#/ /mkha' la mi brten par 'gyur ro/ /nam mkha' ji ltar dngos po med cing mtshan nyid med pa dang / mtshan nyid kyis stong pa ltar gzugs kyi mtshan nyid snang ba lbu ba'i phung po lta bu de dag thams cad kyasnan ba'o/ /ji ltar gzugs gzhan gyi nam mkha' stong pa ltar nang dang phyi'i lus kyi mtshan nyid lbu ba lta bur snang ba nas nye ba'i bar du de dag thams cad gzugs kyi mtshan nyid snang ba'ang stong pa'o/ /ji ltar mig mig gi rnam par shes pas stong pa de bzhin du rna ba dang / sna dang / lce dang / lus kyang lus kyi rnam par shes pas stong ngo / /'dod pa khams dang gzugs kyi khams thams cad kyi mig kyang mig dang mig gi rnam par shes pas stong pas stong pa ji lta ba bzhin du rab tu shes so/ /de bzhin du ran ba dang / sna dang / lce dang / lus kyang lus kyi rnam par shes pa stong pa nyid kyis stong pa ji lta ba bzhin du rab tu shes so/ /'byung ba chen po lta bu mi rtog rnam par mi rtog cing dmigs par yang dag par rjes su mi mthong ngo / /sems can dang / srog dang / gso ba dang / gang zag dang / shed las skyes pa dang / shed can dang / byed pa po dang / byed du 'jug pa dang / tshor ba po dang / tshor bar 'jug pa dang / skye ba dang / kun tu skye ba dang / kun nas ldang bar yang dag par rjes su mi mthong ngo / /gzugs kyi mtshan nyid snang ba'i mtshan ma la mtshan mas </font><hr>314b<br><font size=+1>


mtshan ma las dmigs pa'ang med do/ /sems kyi gzung ba dang / gtang ba dang / mngon sum du bya ba dang / khong du chud pa dang / gnas dang / kun nas ldang ba'i gnas dang / yid la byed ba'i gzugs kyi mtshan nyid snang ba dmigs pa med pa stong pa nyid kyis stong pa ji lta ba bzhin du rab tu shes so/ /gzugs kyi phung po dang / nam mkha' dang / sems kyi rnam par shes pa tha dad par rab tu mi shes so/ /khams gsum thams cad stong pa nyid kyis stong par rab tu shes so/ /gang phyi rol dang nang gi nas nye ba'i bar du gzugs kyi mtshan nyid snang ba thams cad lbu ba'i phung po lta bur stong pa nyid dang / zad pa'i tshul dang / zhi gnas la 'tsha ba med pa'i tshul dang / rtog pa med pa'i tshul dang / mi skye ba dang / mi 'gog pa dang / 'byung ba med pa dang / mtshan ma med pa'i tshul gyis rtag go /nam mkha' dang bral zhing gnas med pa dang / tshig gi lam la bral bar rab tu shes so/ /nang dang phyi rol gyi 'du byed nas nye ba'i bar du gzugs kyi mtshan nyid thams cad 'jig pa'i chos dang / zad pa'i chos dang / dngos po'i rgyun chad pa stong pa dang / 'khrug pa rgyun chad pa ji lta ba bzhin du rab tu shes so/ /gang gzugs kyi mtshan nyid thams cad zad pa'i chos de'ang mi rtag pa'o/ /gang rtag pa med pa de'ang sdug bsngal ba'o/ /gang 'byung ba med pa de'ang bdag med pa'o/ /gang 'du byed thams cad kyi </font><hr>315a<br><font size=+1>


@#/ /tshig gi mtshan nyid kyi lam dang bral ba de'ang stong pa ste/ gang phyi dang nang gi nas nye ba'i bar du gzugs kyi mtshan nyid stong pa thams cad ji lta ba bzhin du rab tu shes pa de ltar rab 'bring tha ma'i nyon mongs pa zhi bar 'gyur ro/ /'di ni/ mngon par 'du byed pa'i mtshan nyid rgyun gcod pa med pa'i bzod pa'o/ /nam mkha' ji ltar rlung med pa de bzhin du bag la nyal ba dang bral ba'i bzod pa'o/ /nam mkha' ji ltar 'gyur ba med pa de bzhin du gzugs kyi mtshan nyid snang ba med pa'i bzod pa'o/ /nam mkha' ji ltar brtsegs pa med cing gnod pa med pa de bzhin du sems dang rnam par rtog pa dang rnam par dpyod pas gcos pa med cing gnod pa med pa'i bzod pa'o/ /nam mkha' ji ltar bag la nyal ba thams cad dang bral ba de bzhin du tshig gi lam thams cad bag la nyal ba dang bral ba'i bzod pa'o/ /nam mkha' ji ltar ma skyes ma byung ba de bzhin du mtshan nyid thams cad sngar ma skyes ma byung ba'i bzod pa bsgrubs pa'o/ /nam mkha' ji ltar spros pa med pa de bzhin du khams gsum gyi bag la nyal ba thams cad spros pa med pa'i bzod pa'o/ / nam mkha' ji ltar khams gsum par gtogs pa de bzhin du gzugs kyi mtshan nyid snang ba khams gsum par gtogs pa'ang mi rtag pa dang / sdug bsngal ba dang / stong pa dang / </font><hr>315b<br><font size=+1>


bdag med pa mtshan nyid dmigs pa med pa'i mtshan nyid dang bral ba'i bzod pa sgom par byed pa 'di'ang byang chub sems dpa'i sems can nye bar 'tsho ba'i bzod par blta bar bya'o/ / yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo'i le'u ste lnga pa'o// //rigs kyi bu/ gzhan yang byang chub sems dpas tshor ba'i phung po'ang tshul bzhin du brtag par bya'o/ /de la tshor ba'i phung po gang zhe na/ 'di lta ste/ tshor ba'i tshogs rnam pa drug ste/ mig gi 'dus te reg pa las skyes pa'i tshor ba dang / rna ba dang / sna dang / lce dang / lus dang / yid kyi rnam par shes pa 'dus te reg pa las skyes pa'i tshor ba ste/ 'di dag ni/ tshor ba'i phung po zhes bya'o/ /tshor ba'i phung po de la tshor ba rnam pa gsum du shes par 'gyur te/ gsum gang zhe na/ bde bar tshor ba dang / sdug bsngal bar tshor ba dang / bde ba dang sdug bsngal du'ang mi shes par tshor ba ste/ 'di dag rnam gsum ni/ tshor ba'i phung po zhes bya'o/ /rigs kyi bu/ de la byang chub sems dpa' rnam pa brgyad po 'di dag gis tshor ba'i phung po tshul bzhin du brtag par bya'o/ /de la brgyad gang zhe na/ rigs kyi bu/ nyon mongs pa'i rtsa ba gsum ste/ 'dod chags dang / zhe sdang dang / gti mug ces bya'o/ /nyon mongs pa'i rtsa ba gsum po 'di dag gis sems can nyon mongs </font><hr>316a<br><font size=+1>


@#/ /pa rnams 'dod chags dang bral ba zag pa zad pa dang bcas par mi 'gyur ro/ /nyon mongs pa'i rtsa ba gsum po 'di dag tshor ba rnam pa gsum la zhugs pa de la nyon mongs pa rnam pa tha dad par 'gyur ro/ /de la tshor ba'i tshogs drug gis tshor ba rnam gsum tshul bzhin du brtag par bya'o/ /tshor ba rnam gsum gyis nyon mongs pa'i rtsa ba 'byung ba dang / las kyi rtsa ba dang / zad pa'i rtsa ba nub pa tshul bzhin du brtag par bya'o/ /de mig gis gzugs kyi mtshan nyid snang ba dma' ba'am/ bde ba'am/ che ba'am/ phra ba'am/ gang nye ba'am/ gang ring bar mthong ba de la tshor ba 'byung ngo / /gang gzugs bde ba'am/ che ba'am/ phra ba'am/ gang ring ba'am/ nye bar mthong ba de la tshor ba sred pa'i gnas chu'i chu bur lta bu dang / mngon par dga' bar 'byung bar 'gyur ba de la'ang tshul bzhin du brtag par bya'o/ /ji ltar yang mig mig gis stong pa nas ji ltar gang du bshad pa'i bar du de glo bur dang / lus ma yin pa dang / gnas med pa dang / gzugs med pa dang / bstan du med pa dang / dngos po med pa dang / yi ge med pa tshor ba chu'i chu bur lta bur 'byung ngo / /'dod chags kyis kun tu bsgribs pa 'byung ngo / /slong ba po'am/ dgod pa po'am/ kun tu rgyu ba po'am/ gsog par yang mi shes so/ /'byung ba'i mtshan nyid bdag po </font><hr>316b<br><font size=+1>


med pa dang / 'gog pa la'ang bdag po med pa dang / mtshan nyid tshor ba la'ang bdag po med pa ste/ mtshan nyid med pa'i chos 'di dag thams cad la'ang srog med pa dang / srog dang bral ba dang / sems can med pa dang / sems can dang bral ba dang / gso ba med pa dang / gso ba dang bral ba dang / gang zag med pa dang / gang zag dang bral ba dang / 'dod pa med pa dang / dngos po med pa dang / mtshan nyid med pa dang / bdag po med pa dang / mtshan nyid 'jigs pa dang / zad pa'i 'du byed kyi sdug bsngal dngos po med pa dang / dus gsum gyi 'dod chags dang bral ba'i mtha' la des de dag stong ngo / /brjod du med pa 'dod chags kyi mtha' la des de dag stong ngo / /gnyis su med pa'i 'dod chags kyi mtha' la des de dag stong ngo / /rgyun chad pa med pa 'dod chags kyi mtha' la des de dag stong ngo / /rtag pa med pa 'dod chags kyi mtha' la des de dag stong ngo / /mtshan ma med pa 'dod chags kyi mtha' la des de dag stong ngo / / smon pa med pa 'dod chags kyi mtha' la des de dag stong ngo / /tshor ba med pa 'dod chags kyi mtha' la des de dag stong ngo / /byed pa po'i rnam pa med pa 'dod chags kyi mtha' la des de dag stong ngo / /shes pa med pa 'dod chags kyi mtha' la des de dag stong ngo / /len pa med pa 'dod chags kyi mtha' la des de dag stong ngo / /grol ba med pa 'dod chags kyi mtha' la des de dag stong </font><hr>317a<br><font size=+1>


@#/ /ngo / /dngos po med pa 'dod chags kyi mtha' la des de dag stong ngo / /mun pa med pa 'dod chags kyi mtha' la des de dag stong ngo / /snang ba med pa 'dod chags kyi mtha' la des de dag stong ngo / /dus gsum gyi 'dod chags dmigs pa rnam par bsags so/ /gnas sam byed du 'jug pa'am/ gsog par bya ba yang dag par rjes su mi mthong ngo / /sems sgyu ma lta bu dang / dus gsum gyi 'dod chags dngos po dang dngos po med pa yongs su chad par yang rnam par mi rtog go /ji lta ba bzhin du shes pa ci la'ang chags pa med do/ /thams cad la mi rten pa dang / mi gnas pa dang / len pa med pa dang / 'phos pa med pa la gnyis su mi byed do/ /chos thams cad chos kyi dbyings su yang dag par gzhol bar shes pas cung zad kyang dbye bar mi byed do/ /de chags pa'i gzugs la sems rtogs pa dang / gzugs dang tshor ba gnyis bral ba'o/ /gang chags pa'i gzugs la tshor ba gang chu'i chu bur lta bu dang / gang 'byung ba zad pa 'jig par brtag pa 'di dag ni/ 'du byed brtag pa med pa'o/ /khams gsum las 'byung ba 'di'ang smon pa med pa rnam par thar pa'i sgo'o/ /gang 'dod chags de la brjod du med pa'i tshor ba dang / dus gsum gyi sgom pa thob pa 'di'ang 'du byed sdug bsngal rab tu byed pa'i sgo'o/ /khams gsum gyi </font><hr>317b<br><font size=+1>


'dod chags kyi kun gzhi tshor ba po med pa dang / nyon mongs pa med pa 'di'ang mtshan ma med pa rnam par thar pa'i sgo'o/ /gang 'dod chags kyi kun gzhi tshor ba blang ba med cing dor ba med pa dang / tshig gi lam bdag med pa dang / yi ger dmigs pa med pa dang / khams gsum gyi tshor ba yul med cing mig yor med pa 'di'ang 'du byed rnam par zhi ba'i phyir ro/ / bdag med pa stong pa nyid rnam par thar pa'i sgo'o/ /gang khams gsum thams cad la tshor ba dngos po med pa dang / snang ba med pa dang / yi ge med pa dang / brjod du med pa dang / zad pa med pa dang / ci la'ang chags pa med pa de/ de ltar rab 'bring tha ma'i nyon mongs pa rgyun chad par 'gyur ro/ /nam mkha' ji ltar sbyor ba med pa de bzhin du 'dod chags kun nas ldang ba dang / tshor ba sbyor ba med cing brjod du med pa dang / gnyis su med pa dang / sems dang yid kyi rnam par shes pa la khams gsum gyi tshor ba ci la'ang chags pa med pa dang / mi rtag pa dang / sdug bsngal ba dang / stong pa dang / bdag med pa dang / 'dod chags kyi kun gzhi tshor ba mtshan nyid dmigs pa med pa dang / mtshan nyid dang bral ba'i bzod pa sgom par byed pa 'di'ang byang chub sems dpa'i sems can nye bar 'tshor ba'i bzod par blta bar bya'o/ /de bzhin du rna ba la sgra/ sna la dri/ lce la ro/ lus la reg/ yid la chos te/ gang yid kyis 'das </font><hr>318a<br><font size=+1>


@#/ /ba dang / ma 'ongs pa dang / da ltar byung ba'i 'dod chags kyi kun gzhi kun nas ldang ba yid du 'ong ba'i chos rnam par shes shing gzugs dang / sgra dang / dri dang / ro dang / reg pa mngon par dga' ba rjes su dran pa de la'ang yid kyi rnam par shes pa 'byung ngo / /tshor ba 'dod chags kyi kun gzhis bskyed do/ /de la'ang byang chub sems dpa' de bzhin du yid kyi rnam par shes pa dang / tshor ba 'dod chags kyi kun gzhi tshul bzhin du rtog go/ gzugs kyi dngos po rang bzhin gyis sgyu ma lta bu'i sems dang / yid kyi rnam par shes pa zhes bya ba 'di sems dang / yid kyi sgras brjod do/ /gang 'das pa'i sems de 'gags pa dang / ma 'ongs pa'i ma byung ba dang / da ltar byung ba'i sems dang / yid kyi rnam par shes pa gnas pa'ang med do/ /skad cig tu 'jig pa dang / mi rtag pa dang / lus med pa dang / ngo bo nyid med pa dang / yi ge med pa dang / mtshan nyid med pa dang / bya ba med pa dang / 'gyur ba med pa dang / gzung du med pa dang / gtong ba med pa dang / mun pa med pa dang / snang ba med pa dang / gcig bu ma yin pa dang / tha mi dad pa dang / gnyis su med pa dang / gnyis lta bu med pa dang / dngos po med pa dang / snyems pa med pa dang / spros pa med pa dang / phul ba med pa dang / sel ba med pa dang / kun gzhi thams cad dang bral ba dang / chu zla lta bu dang / </font><hr>318b<br><font size=+1>


'das pa dang / ma 'ongs pa dang / da ltar byung ba'i cha'i gnas mngon par dga' ba'i phyi rol gyi dngos po sems dang / yid kyi rnam par shes pa rkyen ji lta ba bzhin du snang bar 'gyur ro/ / nam mkha' ji ltar nyi ma dang / zla ba la snang ba med pa'i nam mkha' dang snang ba gnyis kyi mtshan nyid med pa de ming tsam gyis brjod pa de bzhin du sems dang / yid kyi rnam par shes pa la 'dod chags kyi gnas snang ba dang / brjod du med pa la gnyis kyi mtshan nyid kyang ming tsam gyis brjod pa'ang gnyis su med pa dang / gnas med pa dang / gzugs med pa dang / bstan du med pa dang / ngo bo nyid med pa dang / yi ge med pa dang / slong ba po med pa nas ston pa'i bar du 'dod chags kyi mtha' la des de dag stong ngo / /dus gsum gyi 'dod chags la kun gzhi rnam par gsog go /'di la gnas med pas ci'ang chags pa med pa'i bar du de ltar rab 'bring tha ma'i nyon mongs pa nye bar zhi bar 'gyur ro/ /nam mkha' ji ltar mun pa med cing snang ba med pa dang mtshan nyid med pa de bzhin du yid kyi rnam par shes pa 'dod chags kyi kun gzhi'ang mun pa med cing snang ba med pa dang / mtshan nyid med pa ngo bo nyid med pa dang / sems dang yid kyi rnam par shes pa ci la'ang chags pa dang / yid kyi rnam par shes pa ci la'ang ma chags pa dang / khams gsum gyi 'dod chags kyi kun gzhi tshor ba mi rtag </font><hr>319a<br><font size=+1>


@#/ /pa dang / sdug bsngal ba dang / stong pa dang / bdag med pa'i mtshan nyid dang bral ba'i bzod pa bsgom par bya ba 'di'ang byang chub sems dpa'i sems can yongs su smin pa nye bar 'tsho ba'i bzod par yongs su blta bar bya'o/ /de bzhin du 'dod chags kyi rgyun gcod par yang 'gyur ro/ /rigs kyi bu/ gzhan yang byang chub sems dpa' zhe sdang skye ba nyon mongs pa'i rtsa ba las zad par nus pa'i tshul bzhin du brtag par bya'o/ /gang mig gis gzugs kyi mtshan nyid snang ba yid du 'ong ba dma' ba nas nye ba'i bar du de la tshor ba chu'i chu bur lta bur mi sdug pa mngon par dga' ba med par 'byung ba'i tshor ba ste/ de la'ang byang chub sems dpa' tshul bzhin du rtog go /ji ltar mig mig gis stong pa dang / mig gzugs rnam par shes pas stong pa nas ji ltar gong du bshad pa'i bar du'o/ /skad cig tu 'jig pa zad pa'i 'du byed dus gsum gyi zhe sdang gi mtha' la des de stong pa nas snang ba med pa'i bar du zhe sdang gi mtha' la des do stong ste/ dus gsum gyi zhe sdang dmigs pa rnam par gsog go /zhe sdang gnas med pa nas zhe sdang can gyi gzugs snang ba la sems gzhog pa dang / zhe sdang gi tshor ba dang gnyis bral bar 'gyur ba'i bar du'o/ /gang zhe sdang can gyi gzugs la zhe sdang gi kun gzhi 'byung ba dang / </font><hr>319b<br><font size=+1>


tshor ba chu'i chu bur 'byung ba zad pa 'jig par brtag pa 'di dag kyang 'du byed mi rtag pa zhes bya ba'i bar du bzad pa blta bar bya'o/ /de bzhin du rna bas sgra nas yid kyis chos kyi bar du yid kyis gang mi sdug pa dang / mi mdzes pa'i chos rnam par shes pa de la'ang zhe sdang gi kun gzhi kun nas ldang ba'i tshor ba kun nas 'byung bar 'gyur ro/ /de la'ang byang chub sems dpa'i zhe sdang gi kun gzhi yid bzhin gyi tshul kun tu rtog par bya ste/ 'di dag ni/ gzugs med pa las ji lta bur gang ma bshad pa'i bar du'o/ /nam mkha' ji ltar khro ba med gshe ba med pa ltar zhe sdang gi kun gzhi'ang de bzhin no/ /yid kyi rnam par shes pa zhi ba de la zhe sdang med cing gshe ba med pa dang / ci la'ang chags pa med pa dang / khams gsum thams cad kyi zhe sdang gi kun gzhi tshor ba mi rtag pa dang / sdug bsngal ba dang / stong pa dang / bdag med pa dang / mtshan nyid dang bral ba dang / bdag med pa mtshan nyid dang bral ba'i bzod pa sgom par byed pa 'di'ang byang chub sems dpa'i sems can thams cad yongs su smin pa nye par 'tsho ba'i bzod pa yongs su smin par bya'o/ /bam po drug pa/ rigs kyi bu/ gzhan yang byang chub sems dpa' mig gis nang gi'am/ phyi'i gzugs gang ji snyed yod pa dag mthong nas gang yang 'di la 'das pa dang / ma 'ongs pa dang / da ltar byung ba'i gzugs yang dag pa </font><hr>320a<br><font size=+1>


@#/ /ma yin pa'i gzugs yang dag pa ma yin par kun tu rtog pa/ mun par gyur pa/ 'dod chags kyi gnas/ zhe sdang gi gnas/ rtag pa dang / bde ba dang / ther zug pa dang / bdag dang / mi g.yo ba'i 'du byed du dmigs la khams gsum la dmigs pa'i nyon mongs pa'i rkun po skye zhing 'phel ba dang / khams gsum po thams cad bsdus nas rnam pa gnyis su nye bar 'gro /nye bar len/ byin gyis rlob/ mngon par chags shing rgyu dang rkyen grangs med dpag tu med pa la dmigs shing nye bar 'dzin te/ de la rang bzhin gyis mi rtag pa dang / sdug bsngal ba dang / stong pa dang / bdag med par mi ston/ skye ba dang / 'gog pa dang / 'jig par yang nye bar mi rtag go /bdag dang / srog dang / gso ba dang / gang zag tu dmigs shing rtag pa dang chad par snyems te/ nang dang phyi'i rkyen la phung po dang / khams dang / skye mched rnams kyang yang dag pa ji lta ba bzhin du rab tu shes/ rgyu dang / 'bras bu dang / las dang / rnam par smin pa'i kun nas ldang ba la dmigs pa dang / rnam par dpyod pa dang / rnam par dpyod pa med pa dang / 'khrugs pa dang / ma 'khrugs pa dang / nye bar zhi ba dang / yang dag par rtog pa dang / yang dag pa ji lta ba bzhin du rab tu shes shing bde ba dang / sdug bsngal gyi tshor ba dang bral ba/ shes rab </font><hr>320b<br><font size=+1>


kyi dbang po ma skyes pas chos la rnam par rtog pa 'di'ang sdug bsngal ba'ang med/ bde ba'ang med pa'i tshor ba'o/ /de la byang chub sems dpas nang dang phyi'i mtshan nyid du snang ba dang / gzugs kyi mtshan nyid du snang ba gang ji snyed pa dag la yang dag pa nyid dang / de kho na nyid du brtag par bya'o/ /gang ji ltar sngar bstan pa'i 'dod chags kyi gnas dang / zhe sdang gi gnas la 'di ltar brtag pa'am/ skad cig gis 'jig pa'i tshul dang / rtag pa'am mi rtag pa'i tshul dang / bde ba'am/ sdug bsngal gyi tshul dang / bdag gam bdag med pa'i tshul dang / khams gsum po thams cad kyi 'du byed dang / nyon mongs pa'i rgyun ma zhi ba dang / rgyu med pa dang / bdag po med pa'i rgyun ma zhi ba dang / gnyis dang bral ba mi skye ba la mngon par mi chags pa'i tshul gyis yongs su rtog pa dang / khams gsum po thams cad dang / dus gsum gyi sdug bsngal yang med/ bde ba'ang med pa'i tshor ba mi skye ba ni/ tshor ba gnyis mi skye ba'i mthar khong du chud par bya'o/ /de dag gi rtag pa med pa'i mtha' dang / chad pa med pa'i mtha' dang / brjod du med pa'i rjes kyi rgyun gyi mtha' dang / lus med pa'i mtha' dang / gnas med pa'i mthar khong du chud par bya'o/ /tshig gi lam dang bral ba'i bag la nyal gyi sems dang / yid dang rnam par shes pa la sdug bsngal yang med/ bde ba'ang med pa'i tshor ba mi dmigs par </font><hr>321a<br><font size=+1>


@#/ /so sor brtag par bya'o/ /yang de ltar zhi gnas kyi tshul gyis rgyu dang / rkyen dang / rgyu med pa dang / rkyen med pa'i lhag mthong rnam pa bcu gnyis ni/ yang dag pa'i shes rab kyis gti mug gi mun par blta'o/ /'di la ma rig pa'i gnas tshul bzhin ma yin pa yid la byed pa ni/ gang / tshul bzhin ma yin pa yid la byed pa ni/ gang la dmigs/ lus dang / ngag dang / yid kyi 'du byed la dmigs na ni/ lus de'ang 'byung ba chen po bzhi la gnas pa/ 'byung ba chen po bzhi po de dag kyang g.yo ba med pa/ 'gyur ba med pa/ bdag med pa/ bdag gi med pa ste/ ji ltar sngar bstan pa bzhin no/ /tshig gi lam yang dmigs su med pa/ yi ge med pa ste/ bdag mi dmigs pa'i phyir gnas med pa'o/ /yid kyi rnam par shes pa'ang gnas med pa/ mi gnas pa/ tshig gi lam tsam du brjod pa ste/ 'di la bdag dang / yan lag can dang / gang zag med do/ /lus dang / ngag dang / yid kyi dmigs pa gnyis ka stong pa ste/ des na ma rig pa'ang stong pa'o/ /lung du ma bstan pa'i sems kyi rgyud kyang 'gro ba med pa'o/ /mtshan nyid du snang ba'ang brjod du med pa'o/ /ma rig pa dang / srid pa'i sred pa dang / sems dang / yid kyi rnam par shes pa dang / khams gsum dang / dus gsum la dmigs pa'ang yang dag pa'i mtha' </font><hr>321b<br><font size=+1>


mi dmigs la/ dge ba dang / mi dge ba dang / dge ba'i mtshan nyid kyis med de/ des na ma rig pa ni/ stong pa'o/ /yang ma rig pa ni/ shin tu byang nas 'du byed la rtog ste/ skad cig ma gang la ma rig pa skye ba skad cig ma de nyid la mi gnas shing 'gag ste skad cig ma gnyis la mi gnas so/ /skad cig ma gcig la gnyis ka skye ba'am 'gag pa med kyi/ ma rig pa 'gags nas skad cig ma gnyis pa la 'du byed skye ste/ des na ma rig pa stong ste/ bdag med pa'i ngo bo'o/ /yang skad cig ma gang la 'du byed skye ba de la lus kyi 'du byed dang / ngag gi 'du byed dang / yid kyi 'du byed dang / 'du byed gsum 'gag go /yang lus kyi 'du byed skyes nas 'dod chags dang bral ba'i mtha'i gnas na ngag gi 'du byed skye'o/ /yang rnam par grol ba'i mtha' yang yid kyi 'du byed kyi rjes kyi rgyun gyis ngag gi 'du byed la 'jug go /lus kyi 'du byed de ma skyes na/ ngag dang yid kyi 'du byed kyi 'jug pa mi gsog go /'du byed nye bar len pa yang dag par rtog pa dang / lus kyi 'du byed nye bar 'tsho ba la rnam par dpyod cing chags par yang mi 'gyur ro/ /yid kyi 'du byed ma skyes na/ lus dang / ngag gi 'du byed rnams kyi dus gsum gyi 'jug pa bsags pa bsal du'ang med do/ /ngag gi 'du byed ma skyes na/ lus dang / yid kyi 'du byed rnams kyi dus gsum gyi 'jug pa bsags pa </font><hr>322a<br><font size=+1>


@#/ /bsal du'ang med do/ /yang 'du byed gsum gyi mtshan nyid kyi gnas de 'dra bas khams gsum na spyod pa'i rnam par shes pa'i gnas dang snang ba thob par byed pa'ang med/ sel bar byed pa'ang med de/ des na de dag stong pa'o/ /'du byed kyi mtha' las skyes pa'ang rang bzhin gyis bsal bas rnam par dag pa gnyis su med pa'i rjes su song ba/ smon pa med pa/ 'du byed rnam par bzhag pa/ nam mkha' ltar stong pa'o/ /lus kyi 'du byed kyang yang dag pa'i mtha'i rang bzhin bdag med pa ste/ sngon gyi mtha' dang / phyi ma'i mtha' dang / bar du'ang ma byung ba dang / gnas med pa'i phyir stong pa'o/ /ngag gi 'du byed kyang tshig gi lam dang bral ba'i rjes su 'gro ba/ nam mkha' ltar sgro btags pa ste/ khams gsum dang gnyis dang bral bas stong pa'o/ /yid kyi 'du byed kyang thob pa med pa/ mngon sum du bya ba med pa/ dus gsum thams cad kyi mtshan nyid dang bral ba/ sems can med pa nas gang zag gi bar du byed pa med pa la rnam par rtog pa gti mug gis rnam par bsgrubs pa/ mun pa med pa/ snang ba med pa/ blang ba med pa/ spros pa med pa/ yi ge med pa/ stong pa/ nam mkha' dang mtshungs pa'o/ /'du byed kyi rkyen gyis rnam par shes pa la yongs su rtog par byed de/ 'du byed rnams ni/ skyes nas </font><hr>322b<br><font size=+1>


'gag pa yin gyi/ rnam par shes pa'i rgyun ni/ bkri bar bya ba med pa ste/ rnam par shes pa'i tshogs drug po 'di dag kyang 'dra ba dang / mi 'dra ba dang / bdag po med pa dang / skad cig ma dang / 'god pa'i mtshan nyid la mi gnas pa'o/ /yang rnam par shes pa ni/ rnam par dpyod pa'i mtshan nyid mi dmigs pa dang / nang dang phyi mi dmigs pa dang / dge ba dang / mi dge ba dang / zag pa dang bcas pa dang / zag pa med pa mi dmigs pa dang / 'dus byas dang / 'dus ma byas mi dmigs pa dang / rgyu dang rkyen mi dmigs pa dang / khams gsum gyi dang / dus gsum gyi tshor ba mi dmigs pa dang / 'dod pa lnga'i yon tan nyams pa mi dmigs pa dang / 'byung ba chen po bzhi mi dmigs pa dang / khams drug mi dmigs pa dang / sgom pa dang / tshul bzhin yid la byed pa dang / bar chad med pa'i lam nas phung po'i lhag ma dang bcas pa dang / phung po'i lhag ma ma lus pa'i bar gyi rnam par shes pa mi dmigs pas gzugs la nye bar bkri ba med pa nas yid kyi bar la nye bar bkri ba med pa sgyu ma snang ba lta bur rang bzhin med pa/ lus med pa/ gnas med pa'o/ /rnam par shes pa ni/ sngon gyi mtha' dang / phyi ma'i mtha' dang / bar gyi mtha'i yang dag pa'i mtha' 'byung ba med pa'i gzugs kyi mtshan nyid gang du'ang rnam par brtag pa'i gnas su snang ba dang / spyod par shes par mi nus te/ des na rnam par </font><hr>323a<br><font size=+1>


@#/ /shes pa ni/ stong pa'o/ /yang rnam par shes pa'i rkyen gyis ming dang gzugs la rtog par byad de/ skad cig ma gcig la rnam par shes pa skyes shing 'gags nas ming dang gzugs skye'o/ /ming yang tshor ba dang / 'du shes dang / 'du byed dang / rnam par shes pa dang / gzugs med pa'i phung po 'di dag go /phung po'ang rdzas med pa'i don te/ gzugs kyi mtshan nyid dang / dbyibs kyi snang ba la mi 'jug pas de dag ni/ ming zhes bya'o/ /gzugs zhes bya ba ni/ 'byung ba chen po bzhi la gzugs zhes bya'o/ / gzugs med pa'i phung po bzhi po 'di dag kyang dngos po med pa/ gnas med pa/ rdzas med pa/ mtshan nyid med pa/ mtshan nyid dang bral ba ste/ tshor ba'i rnam par smin pa'i mtshan nyid rab tu mi shes pa'o/ /rgyu dang rkyen la dmigs pa dang / 'bras bu 'grub par rab tu mi shes pa'o/ /chos 'di dag ni/ phan tshun nas 'du ba dang gnas rnam par dbye ba rab tu mi shes pa'o/ /'du shes dang / 'du byed dang / rnam par shes pa'i phung po'i rnam par smin pa nas rnam par phye ba'i bar du rab tu mi shes pa'o/ /de ci'i phyir zhe na/ chos 'di dag thams cad ni/ khams gsum las grol ba/ dus gsum las shin tu 'das pa/ mnyam pa med pa/ yongs su 'dzin pa med pa/ kha zas med pa/ dngos po med pa/ chags </font><hr>323b<br><font size=+1>


shing rnam par rtog pa med pa/ sgra med pa/ 'byung ba med pa/ gnyis su med pa/ rgyu med pa/ kun gzhi med pa/ dbang du gyur pa med pa/ 'chi 'pho med pa/ rkyen med pa/ mtshan nyid med pa| byas pa med pa/ rgyu med pa/ bdag gi med pa/ brjod du med pa/ chad pa med pa/ rtag pa med pa/ bya ba med pa/ ming med pa'o/ /gnas med pas gzugs med pa'o/ /yid med pa'o/ / rnam par rtog pa med pa'o/ /rnam par smin pa med pa'o/ /rnam par shes par bya ba med pa'o/ /gzhal ba med pa'o/ /mngon par 'grub pa med pa'o/ /dus gsum dang khams gsum thams cad kyi gzugs med pa'o/ /phung po bzhi po 'di dag ni/ nam mkha' dang mtshungs pa'o/ /mtshan nyid med pa'o/ /rlung dang mtshungs pa'o/ /rtog pa med pa'o/ /mig gi lam du brjod pa'i mtshan nyid do/ /dus gsum tha dad pa med cing 'gro ba med pa'i tshul gyis yang dag pa'i mtha' rjes su ma zhugs pa'o/ /'jug pa med pa'o/ /mun pa med pa'o/ /snang ba med pa'o/ /rang bzhin med pa'o/ /ngo bo nyid kyis rtsa ba med pa'o/ /yi ge med pa'o/ /de dag ni/ gang du'ang sgom pa dang / skyes pa dang / ma skyes pa dang / 'ong ba dang / 'gro ba dang / bsags pa med pa'o| |khams gsum thams cad ni/ gtam gyi dngos por gdags pa'i mtshan nyid kyi 'jug pa med pa'o/ /blang ba med pa'o/ /dor ba med pa'o/ /gzugs med pa'i phung po bzhi po </font><hr>324a<br><font size=+1>


@#/ /'di dag ni/ mtshan nyid kyi 'jug pa med pa'o/ /phung po 'di dag ni/ mig gi gnas kyi dbyibs su mi gnas pa nas lus kyi gnas kyi bar gyi dbyibs su ma gnas pa yin/ no| |lus kyi rnam par shes pa'i gnas kyi dbyibs su gnas pa ma yin/ sems dang / yid dang / rnam par shes pa'i gnas sel ba'i brda dang / mtshan ma rnam par bzhag par rnam par bzhag pa ma yin no/ /gzugs med pa'i phung po bzhi po 'di dag ni/ gnas kyi dbyibs su gnas kyang gzugs med pa'i phung po bzhi po 'di dag ni/ gzugs kyi phung po'i gnas kyi dbyibs su gnas pa ma yin no/ /khams gsum gyi las kyi mtshan nyid rnam par dpyod pa'i rjes su 'brel pa gzugs med pa'i phung po bzhi po 'di dag ni/ gnas kyi dbyibs su mi gnas pa'o/ /de dag ni/ bdag med pa nas gang zag gi bar du med pa'o/ /brjod du med pa'o/ /yi ge med pa'o/ /gzugs med pa'i phung po bzhi po 'di dag ni/ stong pa'i mtshan nyid kyis shin tu skad cig gis 'jig pa ther zug ma yin pa'o/ /gnas mi dmigs pas mtshan ma med pa'o/ /skad cig gis skye zhing 'bri ba'i tshul gyis smon pa med pa'o/ /'geg pa med pas chags pa med pa'i shes rab 'jug pa ste/ des na phung po bzhi po 'di dag ni/ stong pa'o/ /gzugs kyi phung po 'byung ba chen po 'di dag kyang ji ltar sngar </font><hr>324b<br><font size=+1>


bstan pa bzhin du stong pa'o/ /nye bar len pa'i phung po lnga po 'di dag kyang skad cig ma'i rgyun gyi tshul gyis skye ba ma yin/ phan tshun las shin tu 'das shing mi gnas pa'i tshul gyis ma yin| phan tshun du nye bar nyon mongs pa ma yin/ phan tshun las shin tu 'das pa ma yin no/ /skad cig ma dang po la gzugs med par mi skye ba ma yin/ skad cig ma gnyis pa'i gnas la ming med par gzugs skye ba ma yin gyi/ skad cig ma gcig gi gnas pa nye bar len pa'i phung po lnga po 'di dag thams cad skye zhing 'gag ste/ skad cig ma lhag ma gnyis po la gnas pa ma yin no/ /de ci'i phyir zhe na/ ji ltar sems las byung ba'i chos myur du 'gyur ba bzhin du sgrub par sla ba ma yin te/ de dag kyang dngos po med pa skad cig gis 'jig par gnas pa ma yin no/ /yang ming dang gzugs kyi rkyen gyis skye mched drug la rtog par byed de/ ming dang gzugs skyes shing 'gag nas skad cig ma gnyis pa la skye mched drug skye ste| skye mched drug po 'di dag ni/ mig dang / rna ba dang / sna dang / lce dang / lus dang / yid do/ /mig gi rnam par shes pa'ang rna ba'i rnam par shes pa dang 'dre ba dang 'brel pa'i las gsog pa ma yin/ gcig la gcig 'brel pa sel ba ma yin/ mig gi rnam par shes pa'i las kyi dmigs pa skyes pa rna ba'i rnam par shes pa'i skad cig mar bya bar mi nus/ rna ba'i </font><hr>325a<br><font size=+1>


@#/ /rnam par shes pa'i dmigs pa'ang mig gi rnam par shes pa'i dmigs pa'i rgyur mi skyed pa nas yid kyi rnam par shes pa'i bar du brjod par bya'o/ /mig gi rnam par shes pa'ang rtag pa dang mi rtag pa dang 'dres te 'byung ba ma yin/ khams gsum gyi chad pa dang / rtag pa'i mtha' dang 'dres te 'byung ba ma yin/ chos thams cad dus gsum dang / tha mi dad pa'i mtha' nye bar len pa ma yin pa nas yid kyi rnam par shes pa'i bar du brjod par bya'o/ /mig gi rnam par shes pa ni/ bde ba dang sdug bsngal gyi dngos po'i bdag gi mtha' dang 'dres te 'byung ba ma yin/ bdag dang bdag med pa ma yin/ sdug pa dang mi sdug pa ma yin/ 'dus byas dang 'dus ma byas pa ma yin/ chad pa dang rtag pa ma yin| mtshan ma dang mtshan ma med pa ma yin/ gnyis su ma yin/ gnyis su med pa'i mtha' ma yin/ yang dag pa'i mtha' nye bar 'dzin pa ma yin pa nas yid kyi rnam par shes pa'i bar dag kyang ngo / /mig gi rnam par shes pa la gzugs kyi mtshan nyid stong pa'am mi stong pa zhes chags pa med/ sel ba med/ tha dad pa med/ bde ba dang / sdug bsngal ba dang / nang dang phyi'i rnam par smig rgyu ba lta bu dang 'dres ste 'byung ba ma yin/ theg pa gsum dang / mi khom pa'i mtha' dang / 'jig tshogs kyi mtha' sel ba ma yin/ gsum gyis </font><hr>325b<br><font size=+1>


gus pa'i tshul du byed pa ma yin/ zad pa mi shes pa'i mtha' rnam par 'khyams pa ma yin pa nas yid kyi rnam par shes pa la tshor ba skad cig mi bden pa dang / mi bden pa nye bar 'gro ba med| skyed pa med pa nas yid kyi rnam par shes pa'i bar du brjod par bya'o/ /sgyu ma lta bu'i mig gi rnam par shes pa yod pa ma yin pa 'di la skad cig mi spyod pa med/ shes pa med/ snang ba med| yi ge med de/ skad cig ma'i mi skye ba dang / 'gog pa dang / chos 'di dag ni/ skad cig ma gcig la skye zhing 'gag ste/ 'di la byed pa po dang / byed du 'jug pa dang / tshor ba po dang / tshor bar byed pa po dang / skyed pa po dang / skyed par byed pa dang / ldang bar byed pa dang / ldang bar byed du 'jug pa dang / byin gyis rlob pa po dang / rnam par 'jig pa po med do/ /de dag ni/ skad cig ma dang po la skyes la skad cig ma gnyis pa la gnas pa ma yin/ skyes nas phan tshun tha dad par byed pa ma yin/ rgyu med pa las byung ba ma yin te/ chos de dag ni/ skad cig gis 'jig pa'i mtshan nyid pas des na/ de dag ni/ stong pa'o/ /yang dag pa ma yin pa kun tu rtog pa las skyes shing 'gag ste/ des na de dag ni/ stong pa'o/ /skye mched drug gi rkyen gyis reg pa la rtog par byed de/ rnam par shes pa drug gi tshogs skyes shing 'gags pa dang / skad cig ma gnyis pa'i gnas la mig gi 'dus te reg pa nas yid kyi 'dus te reg pa'i bar dag gi </font><hr>326a<br><font size=+1>


@#/ /'dus te reg pa drug gi tshogs skye ba'i rgyu med do/ /de la mig gi 'dus te reg pa ni/ mig gi rnam par shes pas yul la reg pa la gnas pa'i bya ba ste/ chags par bya ba'i phyir skad cig ma gnyis pa la 'byung ba'o/ /de ni/ gnyis ka'ang dngos po med pa ste/ nam mkha' la brtag pa'i mtshan nyid lta bu'o/ /mig gi yul gyi reg pa ni/ mig gi rnam par shes pa la gnas pa'i chags par bya ba'i don du skad cig ma gnyis la 'byung ba ni/ ma yin no/ /de bzhin du rna ba dang / sna dang / lce dang / lus dang / yid kyang brjod par bya'o/ /mig gi rnam par shes pa'i rkyen kyang gzugs kyi 'dus te reg pa la dmigs pa la yod pa'i mtshan nyid kyi rang bzhin du chags par bya ba'i phyir skad cig ma gnyis la 'byung ba ni/ ma yin no/ /de ni/ gnyis ka'ang dngos po med pa ste/ nam mkha' la brtag pa lta bu'o/ /de bzhin du tshor ba dang / 'du shes dang / 'du byed rnams dang / rnam par shes pa'ang brjod par bya'o/ /mig ni/ mig gis gnyis su med de/ gnyis ka'ang dngos po med pa'i phyir ro/ /mig ni/ mig gi rnam par shes pas gnyis su med de/ gnyis ka'ang dngos po med pa'i phyir ro/ /mig gi rnam par shes pa'ang yul gyi 'dus te reg pa dang gnyis su med do/ /gnyis ka'ang dngos po med pa'i phyir ro/ /de bzhin du gnas pa'i bya </font><hr>326b<br><font size=+1>


ba'ang chags par byas pas gnyis su med cing dngos po med de/ nam mkha' la brtag pa'i mtshan nyid lta bu'i phyir ro/ /dngos po 'di dag ni/ mtshan nyid med par rnam par brtag ste/ bya ba med pa| chags pa med pa'i mtshan nyid zhen pa med pa'o/ /dus gsum dang khams gsum de dag thams cad ni/ chos kyi dbyings rnam par mi rtog pa/ chos nges par sems pa/ shes pa med pa| sbyor ba las rnam par bzlog pa/ dka' ba med pa/ byis pa sems can ji lta ba bzhin du ming med pa/ rkyen med pa/ kha dog dang mtshan ma med pa/ gnas pa med pa/ rnam par dmigs pa med pa/ brjod du med pa yin na/ nam mkha'i rang bzhin lta bu la chos dang chos kyi dbyings tha dad du 'byed do/ /rang gi rgyud kyi yongs su rtog pas chos kyi dbyings gcig la tshul sna tshogs kyis de ltar tha dad du 'byed do/ /ming dang / rkyen dang / kha dog dang / mtshan dang dbyibs su 'dogs so/ /'dod pa'i yon tan lnga ni/ skye ba med pa/ ldang ba med pa/ mtshan nyid med pa/ rnam par gzhag pa med pa/ rnam par thar pa gsum ni/ dbyings gcig pa'i rang bzhin gyi ngo bo nyid de/ dus gsum thams cad la rnam par mi rtog pa'i chos kyi dbyings nam mkha'i lam lta bur rnam par dpyad ba ste/ des ni/ mig gi yul dang / mig gi rnam par shes pa'i yul gyi 'dus te reg pa dang / khams gsum thams cad la 'jug pa dang / mtshan </font><hr>327a<br><font size=+1>


@#/ /dang| kha dog dang / dbyibs dang bral ba/ nam mkha' la brtag pa'i mtshan nyid lta bu la 'jug pa thams cad kyang chos kyi dbyings so/ /de bzhin du rna ba dang| sna dang / lce dang / lus dang / yid kyi rnam par shes pa'i 'dus te reg pa'ang gnyis su med pa ste/ gnyis ka'ang dngos po med pa'i phyir ro/ /nges na rnam par shes pa dang 'dus te reg pa ldang ba ji snyed pa thams cad dang / khams gsum thams cad dang / khong du chud pa dang / kha dog dang / mtshan dang / dbyibs khong du chud pa dang / nam mkha' la brtag pa la 'jug pa'ang chos kyi dbyings so/ /gang reg pa'i skye ched drug la rnam par dpyod cing 'brel bar 'byung ba kun tu slong ba'i rnam par dpyod pa/ khong du chud pa/ chags pa thams cad brjod pas bcings pa/ bdud kyi dbang du song ba ni/ bdud kyi 'dod pa ji lta ba bzhin du byed pa'o/ /gang reg pa'i skye mched drug la mi dpyod cing mi skye ba kun tu slong ba dang / kha dog dang / dbyibs thams cad sel ba dang / skad cig gis 'jig pa/ nam mkha' la brtag pa'i mtshan nyid lta bu 'di ni/ 'jig rten las 'das pa brjod du med pa'i ye shes khong du chud pa'o/ /gang gzugs la ro mang zhing reg pa'i skye mched drug dang / 'dod pa'i yon tan lnga la rtag pa'am/ mi rtag pa zhes dpyod pa khong du chud cing chags pa thams cad </font><hr>327b<br><font size=+1>


brjod pa'i bar dag kyang bdud kyi 'dod pa ji lta ba bzhin byed pa'o/ /gang yang gzugs la ro myang ba dang / 'dod pa lnga'i yon tan dang / reg pa'i skye mched drug la rtag pa'am/ mi rtag pa zhes rnam par dpyod par nus pa/ kun tu slong ba'i mtshan nyid yid la byed pa de ni/ chags pa thams cad yongs su gcod pa/ 'jig rten las 'das pa/ brjod du med pa/ khong du chud pa'i byang chub kyi lam rnam par spyod pa'o/ /de bzhin du tshor ba dang / 'du shes dang / 'du byed rnams dang / gang yang rnam par shes pa dang / reg pa'i skye mched drug la rtag pa'am/ mi rtag pa zhes dpyod pa khong du chud pa chags pa thams cad brjod pa'i bar de'ang bdud kyi 'dod pa ji lta ba bzhin du byed pa'o/ /gang yang yid kyi rnam par shes pa dang reg pa'i skye mched drug la 'dod pa'i yon tan lnga'i ro myang bar mi byed cing mun pa'ang med pa/ snang ba'ang med de/ nam mkha' ltar gnyis lta bur bya ba ma yin pa 'di'ang 'jig rten las 'das pa/ brjod du med pa khong du chud pa'i byang chub kyi lam rnam par spyod pa'o/ /chos 'di dag ni/ 'du shes dang / sems pa dang / skad cig ma'i rgyun gyis 'jug pa ma yin no/ /reg pa phan tshun 'dres nas 'byung bar byed pa yang ma yin no/ /skad cig ma'i rgyun gyis phan tshun skyed par byed pa'ang ma yin no/ /'gog par byed pa'ang ma yin no/ /chos 'di dag ni/ skad cig ma dang po la </font><hr>328a<br><font size=+1>


@#/ /skyes nas skad cig ma 'di nyid la 'jig ste/ skad cig ma gnyis pa la gnas pa ma yin no/ /de 'gags te reg pa'i skye mched drug dang / 'du shes dang sems pa 'jig pa'i skad cig ma gnyis pa la tshor ba skye'o/ /de la tshor ba gang zhe na/ tshor ba'i tshogs drug go /mig gis reg nas tshor ba skye ste/ rna ba dang / sna dang lce dang / lus dang / yid kyi 'dus te reg pa las skyes pa'i tshor ba skye ste/ de'ang skad cig ma gcig ma yin/ las gcig rnam par dmigs pa'i skad cig ma ma yin/ tshor ba gsum ni bde ba'i tshor ba dang / sdug bsngal gyi tshor ba dang / bde ba'ang med sdug bsngal yang med pa'i tshor ba ste/ dus gsum dang / khams gsum thams cad kyi reg pa'i skye mched drug la tshor ba rnam pa gsum po stong bar khong du chud par bya ste/ ji ltar sngar bstan pa bzhin no/ /yang la la dag 'di skad ces reg pa'i skye mched drug las tshor ba rnam gsum skye ste/ skal pa mnyam par phung po la rnam par dpyod pa las gnas pa de lta bu ni rtag par lta ba zhes 'dzer to/ /yang gang dag 'di skad ces gang reg pa'i skye mched drug las tshor ba rnam gsum skye ste/ phung po med pa'i tshig la gnas pa de lta bu'i chad pa zhes zer te/ gnyis ka'ang yongs su spang bar bya'o/ /de ci'i phyir zhe na/ phung po rnams ni rnam par mi rtog pa ste/ phyir ldog pa la gnas pa 'di </font><hr>328b<br><font size=+1>


ni bzod pa'o/ /'di lta ste/ dper na/ 'byung ba chen po'i lus kyi phyi rol sems med pa de la ni bskye par bya ba'i gzugs dang / mi bya ba'i gzugs kyi glog gis snang bar byed/ lus kyi nang du ni snang bar mi byed/ glog ni gzugs kyi rkyen las skyes pa ma yin/ gzugs rnam par dmigs pa ma yin/ gzugs kyi gnas ma yin/ gzugs kyi ro myang bar byed pa ma yin/ glog gi gzugs phan tshun la 'jug pa ma yin/ gzugs mtshan mar 'dzin pa ma yin/ gzugs spangs nas snang bar byed pa ma yin no/ /glog gi gzugs kyi sa dang mthun par 'brel te byung ba ma yin/ gzugs la sogs pa dang / 'gag pa ma yin pa de bzhin du myur pa'i phyir reg pa'i skye mched drug la gzugs med pa'i phung po bzhi snang bar byed de/ 'di la tshor ba gsum dang / 'du shes dang / 'du byed rnams dang / rnam par shes pa 'jug go/ /'du shes dang / 'du byed dang / rnam par shes pa'i rnam par rig pas 'du byed kyi sdug bsngal skyed pa ma yin no/ /tshor ba la gnas par ma yin no/ /tshor ba sgrub pa ma yin no/ /tshor ba'i rjes su 'gro ba ma yin no/ /tshor ba 'phel bar byed pa ma yin no/ /tshor ba'i ro myang ba'i phyir ma yin no/ /tshor ba mtshan mar 'dzin pa'i phyir ma yin no/ /tshor ba la kun tu dmigs pa'i phyir ma yin no/ /tshor ba'i ro myang ba dang mtshungs shing 'dra ba'i phung po la 'du </font><hr>329a<br><font size=+1>


@#/ /byed kyi sdug bsngal dang / sdug bsngal ba'i sdug bsngal skyed pa ma yin no/ /tshor ba skyes pa na 'du byed 'gag pa ma yin no/ /tshor ba 'gags pa na 'du byed rnams gsog pa ma yin no/ /'di lta ste/ dper na/ glog ni/ nam mkha' bor nas gzugs rnams la snang bar byed pa ma yin te/ nam mkha' dang glog gnyis ka'ang rdzas med cing brjod du med pa de bzhin du chos rnams dang / ming dang gzugs dang / tshor ba rnams kyang phan tshun tha dad par mi byed do/ /khams gsum thams cad kyang rjes med pa/ brjod du med pa/ yi ge med pa ste/ skad cig ma'i rgyun gyis gnas pa ma yin/ phan tshun du gsog cing 'phel bas chos kyi dbyings tha dad du byed pa ma yin te/ des na de dag ni| stong pa'o/ /skad cig ma gang la skyes ba skad cig ma de nyid la 'gag ste/ skad cig ma'i rgyun la gnas pa ma yin no/ /des na khams gsum dang / dus gsum dang / phung po dang / khams dang / skye mched thams cad 'byung ba med pa/ spyod pa med pa/ brjod du med pa/ stong pa'o/ /me tog gi glog gis brgyan pa 'di ni/ rgya mtsho'i phyag rgya zad mi shes pa snang ba'i chos kyi sgo'i gnas tshul zhes bya'o/ /skad cig ma dang po la tshor ba skyes te 'gags nas skad cig ma gnyis pa la sred pa skye'o/ /de la sred pa gang zhe na/ </font><hr>329b<br><font size=+1>


sred pa'i tshogs drug ste/ mig gi 'dus te reg pa nas yid kyi 'dus te reg pa'i bar gyi sred pa 'byung ngo / /gang gzugs la mngon par dga' ba/ gti mug gi dra ba sgrub pa/ lus dang / gzugs dang / sgra dang / dri dang / ro dang / reg bya la 'jug pa thibs po ni/ nam mkha' bzhin no/ /zugs la yongs su mi rtog pa'i tshor ba ni/ glog dang nam mkha' bzhin no/ /'du shes ni/ rlung dang nam mkha' bzhin no/ /'du byed rnams ni/ sprin med pa'i nam mkha' bzhin no/ /rnam par shes pa ni/ smig rgyu ba dang nam mkha' bzhin no/ /gzugs las yongs su mi rtog cing thar zug tu mos te/ mi rtag pa nyid yongs su mi rtog pa 'di ni/ srid pa zhes bya'o/ /gzhan yang gzugs la sdug bsngal du yongs su mi rtog pa dang / sgra dang dri la kun 'byung ba dang / 'gog par yongs su mi rtog pa dang / ro la lam du yongs su mi rtog pa dang / reg bya la skye ba dang / 'gog pa brjod du med par yongs su mi rtog pa 'di ni/ srid pa'i gnas la chags pa/ khams gsum thams cad du 'phro ba/ dus gsum gyi dngos po la srid pa'i gnas zhes bya'o/ /byis pa so so'i skye ba ngan pa rnams ni/ 'khor ba'i chu klung gi rgyun gyi shugs 'bab pa la mngon par brtson pa ste/ de la byang chub sems dpas gzugs la 'di ltar tshul bzhin gyis so sor brtag par bya ste/ 'byung ba chen po bzhi'i </font><hr>330a<br><font size=+1>


@#/ /gzugs 'di ni/ nad dang / 'gog pa'i mtshan nyid do/ /gang rab tu rnam par 'jig pa'i mtshan nyi de ni/ mi rtag pa ste/ ji ltar 'byung ba chen po yongs su brtag pa sngar bstan pa de bzhin du so sor brtag go /'dod pa'i yon tan lnga la ni/ sdong po'i tshul du so sor brtag par bya ste/ ji ltar sdong po nam mkha' la gnas bcas te mi gnas shing sa la brten te gnas pa de bzhin du gzugs ni/ dbu ba'i gong bu lta bu ste/ gzugs dang gzugs med pa'i rnam par dmigs pas gzugs dang gzugs med pa la 'jug/ gzugs dang gzugs med pa dang mi 'bral/ gzugs dang gzugs med pa'i las dang / gzugs dang gzugs med pa spangs nas dbu ba'i gong bu ltar snying po med par brtags na stong pa ste/ 'jug pa dang mi 'jug pa ni/ ji ltar rlung 'dus pa'i rkyen gyis kha nas sgra 'byung ba/ yi ge med cing brjod du med pa de bzhin du khams gsum gyi sgra'ang stong par khong du chud par bya'o/ /ji ltar rlung 'dus pa dang / nam mkha'i rlung dang / nam mkha' dri med de stong pa de bzhin du khams gsum yang dri lta bur khong du chud par bya'o/ /ji ltar bum pa char ba'i thigs pas gang yang de'i nang du sus kyang thigs pa blugs pa med/ bsgrubs pa med/ byas pa med/ byed du bcug pa med de/ thams cad yongs su bzung ba dang / nye bar spyod pa dang bral </font><hr>330b<br><font size=+1>


pa de bzhin du khams gsum bdag dang bcas pa'i ro'i yon tan yang stong par khong du chud par bya'o/ /ji ltar bum pa gar yang nam mkha' dang 'dres par bsgrubs ba med de/ ji ltar nam mkha' la ma yin/ nam mkha' dang bum pa phan tshun reg pa dang bral ba/ sems med pa de bzhin du khams gsum gyi reg pa'ang stong par khong du chud par bya'o/ /'dod pa'i yon tan lnga la gti mug gi 'khor los bung ba me tog gi dri la chags pa de bzhin du gang yang 'dod pa'i sred pa dang / gang yang gzugs kyi sred pa 'di dag ni/ 'dod pa'i yon tan lnga'i tshul gyis stong par khong du chud par bya'o/ /gang yang gzugs med pa'i phung po bzhi la srid pa gzugs med pa ni/ yi ge med pa rang bzhin med pa ste/ cung zad ma yod pa'i tshul gyis ji ltar sngar bstan pa bzhin du stong par khong du chu par bya'o/ /ji ltar nam mkha' la brten te rlung rgyu ba nam mkha' la rlung gis 'dres par byas shing chags pa yang med de/ nam mkha' las kyang rlung la ma yin zhing gnyis ka'ang brjod du med cing yi ge srid pa de bzhin du gzugs med pa'i phung pa la'ang phan tshun dngos po med par 'grub cing ldan pa ste/ phan tshun gnod pa dang / sbyor ba dang / 'dre ba dang / chags pa dang / gnod pa bskyed pa med pa de bzhin du phung po 'di dag yang chos thams cad mi skye ba'i tshul gyis dngos po'i mtshan nyid du nye bar mi 'gro zhing skyed pa med par khong du chud </font><hr>331a<br><font size=+1>


@#/ /par bya'o/ /ji ltar nam mkha' dang / rlung dang / glog yi ge med cing brjod du med de lhan cig tu rgyu'ang phan tshun chags pa med pa de bzhin du mya ngan las 'das pa'ang zad pa med de/ /ji ltar mya ngan las 'das pa zad pa'ang ma yin mi zad pa'ang ma yin pa de bzhin du chos thams cad mya ngan las 'das pa dang mnyam ste/ mnyam pa'ang med/ mi mnyam pa'ang med la gnyen po mi dmigs te/ gnyis su bya ba ma yin zhing chos thams cad chos kyi dbyings dang mtshungs par spyod par shes nas chos kyi dbyings dang yang dag pa'i mtha' la skye ba'am/ 'gag pa cung zad mi sems te/ des na chos kyi dbyings ni/ gnas med pa'i mtha' ste/ de ni/ yang dag pa'i mtha'o /gang yang dag pa'i mtha' de ni/ chos thams cad kyi mtha'o/ /de ni/ dkyil 'khor gsum yongs su gcod pa'i mtha'o/ /de ni/ gcod pa med cing byed pa med pa'i mtha'o/ /de ni/ chad pa med cing rtag pa med pa'i mtha'o/ /ji lta ba bzhin gyi mtha' ste/ mtha' des chos thams cad mthar gyur pa ste/ mtha' ji snyed pa dang / mtha' med pa ni/ mi gnyis pa ste/ srid pa'i sred pa mi dmigs pa'i phyir ro/ /srog dang / 'gro ba dang / gso ba dang / gang zag thams cad ni/ gnyis su med pa'i mtha'o/ /yang dag pa'i mtha' dang / 'jig tshogs kyi mtha' dang / sred pa sel ba'ang </font><hr>331b<br><font size=+1>


mi gnyis pa'i mtha'o/ /de ltar na 'jig tshogs kyi mtha' dang / 'dod pa gcod pa yod do/ /de ltar rab tu shes na 'jig tshogs la lta ba'i cha nyi shur 'gyur ro/ /yang dag pa'i mtha' ni/ sred pa'i 'jug pa dang mtshungs pa nyid ma yin no/ /yang dag pa'i mtha' ni/ song ba med do/ /nam song pa na zad pa med 'god pa med de/ shin tu mthar gyur pa de bzhin dus red pa'ang mi zad pa'i sgo ste/ chos thams cad kyang mi zad pa'i rang bzhin med pa'o/ /chos thams cad ma skyes par shes nas kun nas bskor ba thams cad gcod pa ni/ brjod du med pa'i don sangs rgyas kyi sku mtha' yas pa yongs su 'grub pa sgrub pa'i bzod pa'i sgo'i gter gyi gzungs rab tu thob bo/ /gzungs de rab tu thob nas byang chub sems dpa' phyogs bcu'i sangs rgyas kyi sku mngon par grub pa ston te/ mig gi mnyam pa nyid las mi g.yo bar sems can rnams la 'chi 'pho dang skye ba'ang ston la/ 'chi 'pho'ang med/ skye ba'ang med/ gang du'ang 'gro zhing 'ong bar 'jug pa'ang med de/ 'du byed rnams la rnam par rtog pa'ang med do/ /de ltar don du gnyer zhing mngon par rtog pa'i byang chub sems dpa' rnams skad cig la sred pa zhugs nas skad cig ma gnyis pa la len pa mngon par 'grub bo/ /len pa gang zhe na/ len pa bzhi ste/ gzugs kyi len pa dang / lta ba'i len pa dang / tshul khrims kyi len pa dang / bdag </font><hr>332a<br><font size=+1>


@#/ /tu smra ba'i len pa'o/ /de la 'dod pa'i len pa gang zhe na/ 'dod pa'i ro myang bar byed pa dang / bde ba la mngon par dga' zhing mngon par chags zhen pa 'di ni/ 'dod pa'i len pa zhes bya'o/ /de la lta ba'i len pa gang zhe na/ chad pa'am rtag pa zhes bya ba na lta bar song ba drug cu rtsa gnyis kyi bar de ni/ lta ba'i len pa zhes bya'o/ /de la tshul khrims kyi len pa gang zhe na/ gang dag 'phags pa'i bstan pa'i tshul khrims dang / brtul zhugs dang / dka' thub dang / tshangs par spyod pa'i gnas dang / sbyangs pa'i yon tan dang yo byad bsnyungs pa dang / gang yang zhags pa 'thub pa dgu bcu rtsa lnga'i tshul khrims dang / brtul zhugs dang / dka' thub dang / tshangs par spyod pa'i gnas dang / sbyangs pa'i yon tan dang / yo byad bsnyungs pa 'di ni/ tshul khrims kyi len pa'o/ /gang dag 'di snyam du sems te/ bdag dang / sems can dang / srog dang / 'gro ba dang / shed las skyes pa dang / shed can dang / byed pa po dang / byed du 'jug pa dang / ldang bar byed pa dang / ldang bar byed du 'jug pa dang / tshor ba po dang / skyed pa po dang / skyed du 'jug pa 'byung zhing 'byung ba yod do snyam pa 'di ni/ bdag tu smra ba'i len pa zhes bya ste/ de dag ni/ len pa bzhi'o/ /de la byang chub sems dpa' brjod du med pa'i tshul gyis yang dag pa ma yin pa dang / ma byung </font><hr>332b<br><font size=+1>


bar rtog go /chos thams cad mtshan nyid gcig ste/ dbyer med pa'i tshul gyis dngos po med pa dang / brjod du med pa dang / tshig gi lam ma yin pa dang / chu'i zla ba lta bu dang / nam mkha' la rtag pa'i mtshan nyid dang / chos kyi dbyings dbyer med par yongs su rtog go /gang la 'dod pa'i ro myang zhing mngon par dga' ba de ni/ sdug bsngal la mngon par dga' ba'o/ /'dod pa'i gnas so/ /mngon par zhen pa'o/ /byang chub sems dpa' gang mig gis shes par bya ba'i gzugs mdzes pa/ sdug pa/ yid du 'ong ba mthong na/ mig gi rnam par shes pa la me'i phung po ji lta ba bzhin du tshul bzhin gyis rtog ste/ mig gi rnam par shes pas brtag tu med pa'i phung po de'ang rdzas med pa/ brjod du med pa/ yi ge med pa/ dngos po mi dmigs par rtog go /mig gi rnam par shes pa de'ang dngos po mi dmigs pa'i phyir rdzas med pa/ mtshan nyid med pa'o/ /nam mkha' dang / me dang / mig de'ang dngos po mi dmigs pas brjod du med cing yi ge med pa de bzhin du gzugs sdug pa nas 'dod pa dang ldan pa'i bar du mthong na mig gi rnam par shes pa de dang / gzugs de gnyis ka dang / bar gyi nam mkha'i bar du'ang dngos po mi dmigs so/ /gang gis me mthong ba'i mig gi rnam par shes pa skyes nas de 'gags te skad cig ma gnyis pa la gnas pa ma yin no/ /skad cig ma gnyis pa la tshor ba skye ste/ </font><hr>333a<br><font size=+1>


@#/ /ji ltar 'od 'phro ba'i phung po bzhin du dmigs so/ /tshor ba de'ang brjod du med pa/ yi ge med pa/ mtshan ma dang bral ba'o/ /tshor ba skyes te 'gags nas skad cig ma gzhan gyi gnas la 'du shes skye ste/ me lce 'bar ba'i 'od 'phro ba bzhin du shes par bya'o/ /de'ang 'du shes nas 'gags pa'i bar du ste/ skad cig ma gnyis pa'i gnas la 'du byed rnams skye ste/ gang chung ngu dang / tshad med pa dang / gang ring ba dang / gang nye ba'i 'od 'phro ba bzhin du rab tu shes te/ 'du byed rnams skyes pa nas 'gags pa'i bar du'o/ / skad cig ma gzhan la rnam par shes pa skye ste/ ji ltar 'od 'phro ba'i phung po'i skye ba dang 'jig pa bzhin du rab tu shes te/ rnam par shes pa de'ang brjod du med pa/ yi ge med par gnas pa/ skad cig gis 'jig pa ste/ nam mkha' la brtag pa lta bu'o/ /de la me'i bar gyi nam mkha' de'ang rdzas med pa/ brjod du med pa/ yi ge med pa'o/ /gal te 'od 'phro ba'i phung po gang skyes nas 'bar ba dang / 'gag pa mthong ba thams cad kyang nam mkha' dang mtshungs pa'i mtshan nyid de/ brjod du med pa/ dngos po med pa ste/ 'od 'phro ba gcig kyang rkyen med pa/ grangs med pa'o/ /chos 'di dag thams cad skye zhing 'gag pa de bzhin du byang chub sems dpas 'dod pa'i yon tan lnga la skye ba dang / 'gag pa dang / nam mkha' </font><hr>333b<br><font size=+1>


la brtag pa lta bu dang / brjod du med pa dang / dngos po med par brtag cing bzod pa bsgom par bya'o/ /don 'di dag ni/ bcom ldan 'das kyis gsungs te/ de la 'di skad ces bya'o/ / gzugs ni me yi phung po 'dra/ /'dod pa yang dag nyid mthong nas/ /mig gi rnam shes 'dus ma byas/ /mig ni 'od 'phro 'dra bar shes/ /gnyis ka rdzas dang bral ba ste/ /brjod du med cing yi ge med| |'od 'phro smig rgyu 'dra ba ste/ /rnam par shes pa sgyu ma 'dra/ /myur du skye zhing 'jig pa yang / /gnyis ka dngos po med pa ste/ /skad cig gnyis par 'od 'phro yi/ /dro ba tha dad shes pa med| |skyes nas skad cig 'jig pa yi/ /tshor ba chu yi chu bur 'dra/ /'du shes de yang me lce ltar/ /rab tu shes te mtshan nyid med/ /'du shes dang ni 'du byed rnams/ /skad cig gnyis la 'gog pa'o/ /tshad med dag dang chung du yang / /'od 'phro'i phung po 'dra bar shes/ /'du byed rnams ni 'gog pa ltar/ /de ltar rnam shes rjes su 'gro /'gags nas kyang ni yang skye ste/ /'od 'phro phung po 'dra bar shes/ /de ltar 'od 'phro rdzas med de/ /gzugs rnams mthong ba sgyu ma bzhin/ /myur zhing g.yo ba med bzhin du/ /phung po lnga rnams rjes su 'jug /nam mkha' la ni rgyu ba kun| |me yi phung po 'bar ba 'dra/ /rdzas yod ma yin brjod med de/ /de dag thams cad dngos po med/ /de ltar 'dod pa'i len pa yang / /'dod pa'i yon tan lnga la dga'/ /skad cig 'jig </font><hr>334a<br><font size=+1>


@#/ /pa'i rgyun dag kyang / /thams cad stong pa dngos po med/ /byang chub sems dpa' 'jigs med pa/ /de ltar 'dod pa rnams brtags nas/ /'dod sems yongs su zad byed cing / /tshul bzhin du ni bzod pa sgom/ /'dod pa rnams ni me 'dra ste/ /ro myang bya ba'i mi rigs ston/ /sgyu ma smig rgyu tshul gyis ni/ /tshor ba chu yi chu bur 'dra/ /gang gis 'dod pa shes byed pa'i/ /rnam par shes pa sgyu ma 'dra/ /thams cad nam mkha' 'dra bar yang / /de ltar bzod pa rnam par sgom/ /rigs kyi bu/ de la lta ba'i len pa gang zhe na/ rigs kyi bu| gang phung po lnga la rtag par lta ba ste/ gnas su snyems pa dang / yang dag pa ma yin pa kun tu rtog pa dang / gti mug gis rnam par bsgrubs pas gzugs la rnam par rtog / gzugs la mngon par chags/ gzugs kyi ro myang bar byed/ bde ba dang sdug bsngal rlom zhing snyems so/ /tshor ba dang / 'du shes dang / 'du byed rnams dang / rnam par shes pa la'ang rtog pa nas snyems pa'i bar 'di ni/ rtag par lta ba zhes bya'o/ /rigs kyi bu/ de la chad par lta ba ni/ gang legs par byas pa dang / nyes par byas pa rnams kyi rgyu dang / 'bras bu dang / rkyen chud gson pa ste/ mdor na/ gang cung zad 'jig rten dang / 'jig rten las 'das pa dang / zag pa dang bcas pa dang / zag pa med pa rnams kyi rgyu la dmigs pa'i las </font><hr>334b<br><font size=+1>


dang / bya ba dang / 'bras bu dang / spyod pa khong du chud pa snyems par 'gyur ba 'di ni/ chad par lta ba ste/ lta bar song ba drug cu rtsa gnyis kyi bar dag kyang ngo / /gang yang 'jig rten gyi dang / 'jig rten las 'das pa dang / zag pa dang bcas pa dang / zag pa med pa dang / lta ba thams cad la gnas pa'i rtog pa skad cig mas klas pa/ skad cig mas 'jal ba'i dngos po thams cad dang ma 'dres pa/ gnas khong du chud pa ste/ gang gnas med pa de ni/ dngos po med pa'o/ /de mi 'gro ba'o/ /gang mi 'gro ba de kun nas nyon mongs pa ma yin/ rnam par byang ba ma yin/ 'byung ba ma yin/ 'jug pa ma yin no/ /gang 'byung ba ma yin/ 'jug pa ma yin pa de rdzas med pa'o/ /snang ba med pa'o/ /rtog pa med pa'o/ /'gro ba med pa'o/ /'ong ba med pa'o/ /dus gsum thams cad la skad cig /skad cig tu rtog pa'o/ /spyod pa med pa'o/ /stong pa'o/ /brjod du med pa'o/ /ji ltar rdzas kyi mtshan nyid kyis dus gsum thams cad kyi skad cig ma dang / shin tu skad cig mas stong pa de bzhin du rigs kyi bu/ gang la la 'phags pa dang / 'phags pa ma yin pa dang / 'jig rten gyi dang / 'jig rten las 'das pa dang / lta ba kun nas bskor ba dang / rnam par mi rtog pa dang / kun tu rtog pa dang / nye bar rtog pa dang / rgyu dang / skye ba dang / lus dang / snod dang / lta ba snyems pa thams cad skad cig ma ste/ dus </font><hr>335a<br><font size=+1>


@#/ /gsum gyi lta ba shin tu stong pa'o/ /brjod du med pa'o/ /'dul bar yang dag par 'dul ba ma yin pa'o/ /'du ba ma yin par yang ma yin no/ /tshul khrims dang / len pa dang / brtson 'grus dang / dga' ba dang / le lo yang dag par 'dul ba ma yin no/ /chags pa sel ba dang / shes rab ma yin no/ /'chal ba'i shes rab ma yin no/ / ltung ba ma yin no/ /ltung ba med pa dang / g.yo ba yang dag par 'du ba ma yin no/ /thob pa ma yin no/ /thob pa med pa dang / g.yo ba ma yin no/ /'jig rten gyi dang / 'jig rten las 'das pa dang / rnam par dpyod pa dang / g.yo ba yang dag par 'du ba ma yin no/ /gnas la rnam par rtog pa'i lam ma yin no/ /'dod pa'i yon tan lnga rnams dang / gzugs dang gzugs med pa'i khams dang / phung po ni/ blang ba med pa mang po lta bu'i mtshan nyid bsdu ba'i mtshan ma yin no/ /phung po dang khams dang skye mched la lta ba dang / g.yo ba yang dag par 'du ba ma yin no/ /lta ba thams cad ni/ gnyis su med pa'o/ /stong pa'o/ /rdzas med pa'o/ /brjod du med pa'o/ /'di lta ste/ dper na/ me long gi dkyil 'khor la bzhin gyi dkyil 'khor snang ba'ang bzhin gyi dkyil 'khor de phung pos bskyed pa ma yin no/ /khams kyis bskyed pa ma yin/ skye mched kyis bskyed pa ma yin gyi/ tshul </font><hr>335b<br><font size=+1>


gcig ste/ yi ge med cing brjod du med pa de bzhin du rigs kyi bu/ 'phags pa dang / 'phags pa ma yin pa dang / 'jig rten gyi dang / 'jig rten las 'das pa gang yang rung ste/ de dag thams cad ni/ phung pos bskyed pa ma yin/ khams kyis bskyed pa ma yin/ skye mched kyis bskyed pa ma yin te/ lta ba thams cad ni/ brjod du med cing yi ge med pa'o/ / rigs kyi bu/ 'di lta ste/ dper na/ nyi ma'i rkyen gyis smig rgyu ba snang bar 'gyur ba'ang smig rgyu ba phung po la gnas pa ma yin/ khams la gnas pa ma yin/ skye mched la gnas pa ma yin pa de bzhin du rigs kyi bu/ 'phags pa dang / 'phags pa ma yin pa dang / 'jig rten gyi dang / 'jig rten las 'das pa'i lta ba gang yang rung ste/ len pa dang bcas pa gti mug gis rnam par bsgrubs pa'i rkyen gyis brjod du med pa/ yi ge med pa'o/ /don 'di dag ni/ bcom ldan 'das kyis gsungs te/ de la 'di skad ces bya'o/ /rkyen gyis rnams ni rkyen bcu ste/ /lta ba skyed pa mkhas pa yin/ /chos rnams stong par mi shes te/ /log par lta ba'i spyod yul la/ /lta ba dag ni brjod med cing / /yi ge yod pa ma yin pas/ / dus gsum mnyam pa nyid dag na/ /lta ba'i gzugs kyi lta ma yin/ /bcu gsum rkyen la rag las pa/ /chos nyid tha dad ma yin te/ /mnyam pa nyid dang 'gal med la/ /lta ba skyed </font><hr>336a<br><font size=+1>


@#/ /cing rtog par byed/ /lta ba'i len pa smig rgyu 'dra/ /tha dad ma yin yi ge med/ /byis pa dka' ba byed pa dag /kun tu rtog pa byin gyis rlob/ /rkyen gyi rnam pa bcu gsum mnyam/ /chad med rtag pa med pa yi/ /rnam par thar gsum rnam bsgoms pas/ /mkhas pa 'gal bar mi byed do/ /lta ba thams cad rgyu ba med/ / mtshan ma med pas bskyed pa ste/ /ji ltar gzugs rnams me long la/ /de ltar chos kyi chos nyid do/ /chos rnams thams cad tshul gcig ste/ /dben pa stong pa nyid la gnas| |mkhas pa lta ba thams cad kyi/ /kun nas ldang ba mi rtog go/ /rigs kyi bu/ de la tshul khrims kyi len pa gang zhe na/ gang cung zad tshul khrims dang / dka' thub dang / brtul zhugs dang / tshangs par spyod pa snyems shing rnam par dmigs te/ gnas la mngon par chags pa de dag thams cad ni/ lus dang / ngag dang / yid kyi las rnam par gzhig pa'i don gyi phyir/ 'khor ba las bsgral ba'i don gyi phyir/ khams gsum las 'byung ba'i don gyi phyir de dang der lus la gnod pa dang ldan pa'i rjes su sbyor ba dang / sdom pa dang / sdom pa ma yin pa la sbyor ba 'di ni/ tshul khrims kyi len pa'o/ /rigs kyi bu/ de la gang lus la gnod pa dang ldan pa la 'jug pa dag ni/ tshor ba </font><hr>336b<br><font size=+1>


gsum 'dris par byed pa/ 'phags pa ma yin pa/ don ma yin pa dang ldan pa 'di nyid bden gyi/ gzhan ni/ gti mug go snyam pa ni/ lus kyi tshul khrims snyems pa'o/ /de ci'i phyir zhe na/ lus 'di ni/ g.yo ba med pa/ 'gyur ba med pa/ nyon mongs pa thams cad dang ma 'dres pa'i phyir ro/ /rigs kyi bu/ 'di lta ste/ dper na/ chu klung gang+gA'i bye ma ni/ g.yo ba med cing 'gyur ba med pa ste/ 'on kyang rlung gi rang bzhin gyis 'dril ba de bzhin du chen po bzhi las gyur ba'i lus kyang g.yo ba med cing 'gyur ba med pa ste/ 'on kyang glo bur gyi reg pa'i rkyen nye bar len pa dang bcas pa ste/ lus de la gnod pa dang 'brel ba sna tshogs la 'di lta ste/ zhags pa 'thub pa dgu bcu rtsa lnga'i sems can la sogs pa mchog dam par 'gyur ro/ /gang dus gsum gyi lus dang / ngag dang / yid kyi 'du byed la snyems pa dang / gang tshul gcig pa mnyam pa nyid mi shes shing lus dang / ngag dang / yid sdom pa'i ngal ba mi skyed pa 'di'ang zag pa dang bcas shing nye bar len pa dang bcas pa'i 'du byed kyi sdug bsngal bzod pa 'khrug par byed pa'o/ /rigs kyi bu/ de la tshul gcig pa mnyam pa nyid kyi bzod pa sgom pa gang zhe na/ gang sdom pa gsum rdul tsam yang mi skyed pa 'di ni/ tshul gcig pa mnyam pa nyid kyi bzod pa sgom pa'o/ /gang 'di la nye bar len </font><hr>337a<br><font size=+1>


@#/ /pa dang bcas pa'i sdom pa gsum gyi 'du shes snyems pa 'di'ang zag pa dang bcas shing nye bar len pa dang bcas pa'i 'du byed kyi sdug bsngal bzod pa 'khrug par byed pa'o/ /gang 'di la dus gsum ro gcig cing tha mi dad pa dang / sdom pa gsum gyi skyed pa dang / rgyu ba med pa dang / kun nas nyon mongs pa med pa dang / rnam par byang ba med pa'i 'du byed rnams la rnam par rtog pa 'di ni/ tshul gcig pa mnyam pa nyid sgom pa'o/ /gang yang pha rol tu phyin pa drug po mi gnyis pa'i gnas 'di dag la gnas su dmigs pa dang / dngos por dmigs pa dang / ye shes 'phel bar rtog pa dang / dus gsum yang dag par bsgrubs pa snyems pa 'di'ang zag pa dang bcas shing nye bar len pa dang bcas pa'i 'du byed kyi sdug bsngal bzod pa 'khrug par byed pa'o/ /gang pha rol tu phyin pa drug po 'di dag la gnyis su med pa'i gnas dang / dus gsum tha mi dad pa dang / mi skye ba dang / mi 'gag pa dang / chad pa med pa dang / rtag pa med pa dang / 'phel ba med par snyems pa 'di ni/ tshul gcig pa mnyam pa nyid kyi bzod pa sgom pa'o/ /bam po bdun pa/ gang yang nyan thos dang / rang sangs rgyas kyi theg pa spangs te theg pa chen po btsal nas ro myang ba'i yon tan la mngon par chags </font><hr>337b<br><font size=+1>


shing reg nas snod dang snod ma yin par char 'bebs pa dang / sdom pa dang sdom pa med pa la rnam par rtog pa dang / sems can dang / srog dang / skye ba dang / gso ba dang / gang zag dang / byed pa po dang / byed du 'jug pa la rgyu dang rkyen du dmigs pa dang / dge ba dang mi dge ba'i 'bras bu la gnas shing snyems pa 'di dag kyang zag pa dang bcas pa nye bar len pa'i 'du byed kyis sdug bsngal la bzod pa rnam par 'jig pa'o/ /gang yang nyan thos dang / rang sangs rgyas kyi theg pa'i dus gsum gyi sdom pa la rtog pa med pa dang / rnam par rtog pa med pa dang / 'dzin pa med pa dang / gtong ba med pa dang / bskyed pa med pa dang / bskyung ba med pa dang / bla na med pa'i theg pa chen po'i dus gsum gyi sdom pa la'ang rtog pa med pa dang / rnam par rtog pa med pa dang / 'dzin pa med pa dang / gtong ba med pa dang / bskyed pa med pa dang / bskyung ba med pa dang / tshangs par spyod pa'i dngos po la dmigs pa med pa dang / 'du byed thams cad kyi tshig gi lam la snyems pa med pa'i mtshan nyid la mi dmigs pa 'di dag kyang tshul gcig gi mnyam pa nyid kyi chos thams cad mngon sum du 'byung ba med par stong par ston pa'i bzod pa yongs su rdzogs pa yin no/ /'di'ang tshul khrims nye bar len pa la 'byung ba med cing 'gog pa med par blta'o/ /bcom ldan 'das kyis </font><hr>338a<br><font size=+1>


@#/ /bzod pa bsgom pa'i don du gsungs pa de ni/ 'di skad brjod do/ /rigs dang mi rigs zhugs pa rnams/ /'du byed rtag pa'i blo gros te/ /tshul khrims brtul zhugs byin brlabs las/ /yongs su 'khyams pas rab sdug bsngal/ /dngos po med pa'i phung po rnams/ /stong pa'i chos la byed pa med/ /bdag med chos la 'jug pa rnams/ /ji ltar bye ma bzhin du mthong / /'du byed rnams la snyems pa yi/ /brtul zhugs rnal 'byor spyod kyis mthong / /'di la snying rje bskyed pas na/ /sems can bye ba rnam par 'dul/ /sgyu ma smig rgyu rmi lam dang / /lus med cing ni gnas med pa/ /bdag med phung po ston pa dang / /srog chags rnams la chos kyang ston/ /chos kun tshul gcig bdag med pas/ /stong pa nyid pas skye 'gag med/ /srog chags rnams la bzod pa ston/ /rtog par rnam rtog the tshom bcad/ /bzod pa ma nor de bzhin nyid/ /tshul khrims brtul zhugs snyems pa yis/ /bcings pa thams cad gcod par 'gyur/ /ji ltar me mar mun pa la/ /byung nas mun pa bsal pa la/ /bcings pa thams cad mthong ba bzhin| |bzod pa nyi shu pas pa yis/ /mun nag de ni rab zhugs kyang / /de ni srid pa skye mi 'gyur/ /bzod pa sgom la dpa' ba yis/ /sred pa thams cad zad par byed/ /'khor </font><hr>338b<br><font size=+1>


ba na ni yun ring por/ /'khor bar gyur pa'i mi rnams kyang / /sred pa las ni rnam par grol/ /de dag mya ngan 'das pa ni/ /bgrang bar yang ni mi chog ste/ /mtshon cha shin tu bslabs pas na| |dgra rnams kun la 'jigs pa med/ /bzod pa shin tu bsgoms pa des/ /nyon mongs thams cad rab tu 'joms/ /rigs kyi bu/ de la bdag tu smra ba'i nye bar len pa gang zhe na/ bdag ni/ rang bzhin gyis med pa yin mod kyi/ 'on kyang 'dod pa'i yon tan lnga la bdag tu smra bas rmongs nas bdag skyed de/ mig ni/ bdag tu rab tu shes/ mig gi rnam par shes pa'ang bde ba dang sdug bsngal la 'jug pa skye ba la mngon par chags par byed pa nas yid bdag tu rab tu shes shing yid kyi rnam par shes pa bde ba dang sdug bsngal la 'jug pa skye ba la mngon par chags par byed pa'i bar du 'di dag ni/ bden gyi/ gzhan ni/ gti mug go snyam pa'o/ /de ci'i phyir zhe na/ skye mched drug rang gi yul las bden pa ste/ rigs kyi bu/ mig ni/ 'di ltar bdag ni/ bdag ma yin te/ bdag dang bdag gi ma yin pas 'di ltar bdag ni/ bdag gis bskyed par mi 'gyur zhing / bdag gang yin bdag gi'ang yin te/ bdag dang bdag gi mig yin no/ /de ltar mig kyang bdag yin par rnam par shes pa bskyed nas lus kyi reg pa'i bar du shes par bya'o </font><hr>339a<br><font size=+1>


@#/ /snyam pa mi sems te/ 'on kyang mig gis gzugs ma bskyed de/ sgras kyang rna ba ma bskyed pa nas lus kyis reg pa'i bar du ma bskyed de/ reg pas lus ma bskyed/ mig gis gzugs ma bskyed de/ mig gis gzugs dang / tshor ba dang / 'du shes dang / 'du byed rnams ma bskyed de/ mig gis mig gi rnam par shes pa'ang ma bskyed/ mig gi rnam par shes pas kyang mig ma bskyed de/ mig gi rnam par shes pas kyang mig ma bskyed de/ yang mig gis rna ba'i yul rab tu mi shes te/ rna bas kyang mig gi yul rab tu mi shes pa nas yid kyis chos kyi yul rab tu mi shes te/ chos kyis kyang yid kyi yul rab tu mi shes so/ /skye mched 'di dag thams cad ni/ 'dod pa'i yon tan lnga dang / phung po lnga rnams kyi rgyu dang rkyen la dmigs pa'i ngo bo nyid las phyi dang nang gi phung po dang / skye mched 'di dag thams cad ni/ gcig la gcig rnam par rtog pa'i rgyus stong bar 'gyur te| 'dod pa'i yon tan lnga dang phung po lnga rnams gcig la gcig rgyu dang rkyen du dmigs shing / rnam par rtog pa'i ngo bo nyid kyis gcig gis gcig stong ste/ gang nang gi phung po dang / skye mched rnams ni/ gcig gi yul du gcig mi 'gyur te/ de bzhin du nang dang phyi'i dngos por ma yin te/ phyi'i yang nang gi phung po dang skye mched rnams yul du mi </font><hr>339b<br><font size=+1>


'gyur ro/ /de ltar phyi nang gi dngos po thams cad gcig gi yul gcig ma yin zhing / gcig la gcig rgyu dang rkyen du dmigs shing rnam par rtog pa'i yul du mi 'gyur mod kyi| 'on kyang sred pa'i tshul du ston te/ de'ang rgyu ma'i tshul lo/ /sgyu ma'i tshul gang yin pa de ni/ de bzhin nyid ma yin no/ /gang de bzhin nyid tshul ma yin pa de ni/ med do/ /gang med pa de la ni/ skye ba med do/ /gang skye ba med pa de ni/ 'gag pa med de/ rigs kyi bu/ chos thams cad la ni/ skye ba dang 'gag pa med do/ /'on kyang byis pa so so'i skye bo thams cad ni/ dka' bar byed pa ste/ gang la bdag med pa de skyed cing de ltar mi dge ba'i rgyu dang rkyen la dmigs nas gzugs bskyed nas thar pa de las yongs su 'khyams nas ngan song du yun ring por mi 'dod pa'i 'bras bu so sor myong bar 'gyur ro/ /rigs kyi bu/ 'di lta ste/ dper na/ shing ni/ me ma yin la shing la me'ang med de/ shing dang mer 'dres pa'ang ma yin mod kyi/ 'on kyang me 'dod pa'i mi zhig gis lag pa gnyis kyis shing la shing sbyar ba dang de las me byung nas shing de nyid tshig par 'gyur ro/ /rigs kyi bu| de bzhin du phyi nang gi dngos po de dag thams cad kyang gcig gis gcig stong zhing gcig gi yul gcig ma yin la/ tshul gcig cing bdag med de stong mod kyi/ </font><hr>340a<br><font size=+1>


@#/ /'on kyang byis pa so so'i skye bo dka' bar byed pa rnams kyis bdag med pa'i chos stong pa la chags nas phan tshun nas bsdus pas na log par spyod pa gsum gyi rgyu dang rkyen bskyed de/ rgyu dang rkyen des ngan song gsum du mi 'dod pa'i 'bras bu so sor myong nas 'khor ba na yun ring por 'khor bar 'gyur ro/ /'on kyang gang phyi nang gi chos thams cad kyi ngo bo nyid bdag med cing stong par 'du shes pa de dag ni/ yang dag par spyod pa'i tshul gyis bzod pa 'di yongs su rdzogs nas myur du bla na med pa yang dag par rdzogs pa'i byang chub mngon par 'tshang rgya'o/ /bcom ldan 'das kyis don 'di bsdus te gsungs pa de la 'di skad ces bka' stsal to/ /bdag dang bdag gis byin brlabs so/ /'dod pa'i yon tan lnga la chags/ /mig ni bdag tu rab tu shes/ /rna ba sna dang de ltar yid/ /bde dang sdug bsngal rab tu shes/ /'du byed kun la snyems pas na| |ngan song rnams kyang rab tu bskyed/ /de bas de dag dka' bar byed/ /chos rnams 'di dag byed med pa/ /spros med yi ge med pa ste/ /ji ltar 'jigs pa'i me las ni/ / ngan song rnams ni bskyed par 'gyur/ /'dir tshogs gnas pa ji snyed pa/ /dge ba khyed la brjod par bya/ /chos rnams kun gyi de nyid la/ /bsgoms la bzod pa rtogs par </font><hr>340b<br><font size=+1>


byos| |'du byed rnams la rgyu med de/ /bdag gi rang bzhin med pas na/ /las kyi rgyu dang rkyen rnams kyang / /gcig nas gcig tu mi shes so/ /phyi rol dang ni nang rnams kyi/ /chos rnams kun la ba dang / med de/ /zab cing zhi ba'i chos nyid ni/ /bus pa 'dis ni mi shes so/ /ji ltar nam mkha'i chos rnams la/ /thams cad nye bar rtog pa med/ /mtshan dang mtshan ma med pa yi/ /de bzhin bzod pa rnam par sgom/ /phyi rol dang ni nang dag gi /nam mkha' la ni snyems pa med/ /stong pa'i bzod pa de bsgoms pa/ /de bzhin 'du byed blta bar bya/ / sangs rgyas thams cad mthong ba ni/ /thams cad chos la gti mug med/ /dge ba dran ldan 'gyur ba dag /gang gi de bzhin bzod pa sgom/ /chos kyi sbyin pa cung zad kyang / /kun tu 'dzin cing mthong ba med/ /de ltar bzod pa gang sgom pa/ /snying po la ni gnas zhes bya/ /nye bar len pa'i rkyen gyis kyang srid pa rtogs te/ nye bar len pa 'di bzhi ni/ skad cig ma'o/ / de la skye zhing 'gag pa'i nye bar len pa'i skad cig ma gnyis pos ni/ srid pa nye bar skyed do/ /srid pa gsum ni/ 'dod pa'i srid pa dang / gzugs kyi srid pa dang / gzugs med pa'i srid pa'o/ /de la 'dod pa'i srid pa ni/ sems can rnams la rnam par slu ba ste/ sems can dmyal ba chen po brgyad dang / byol song dang / yi dwags dang / gling chen po bzhi </font><hr>341a<br><font size=+1>


@#/ /dang / 'dod pa na spyod pa'i lha'i gnas drug po 'di dag ni/ gling bzhi pa'i 'dod pa'i srid pa zhes bya'o/ /gzug kyi srid pa ni/ gzugs la spyod pa'i lha'i gnas bcu drug ste/ 'di ni/ gzugs kyi srid pa zhes bya'o/ /de la gzugs med pa'i srid pa ni/ gzugs med pa la spyod pa'i lha'i gnas bzhi ste/ 'di ni/ gling bzhi ba'i gzugs med pa'i srid pa zhes bya'o/ /de la rigs kyi bu/ gang rgyu dang rkyen la dmigs nas ngan song gsum du srid pa de ni/ gcig tu tshul bzhin med pa'i yid la byed pa zag pa dang bcas pa'i 'dod pa'i yon tan lnga la snyems pa 'di la srid pa 'byung bar 'gyur/ gang yang gzugs kyi khams kyi gnas gzhan bcu gcig gi srid pa 'byung ba de'ang zag pa dang bcas pa dge ba'i rgyu'i srid pa ste/ gang 'di la gzugs kyi khams kyi gnas gzhan lnga'i srid pa 'byung ba'i rgyu de dge ba la dmigs pa'i rgyu bzod pa la dmigs pa'i dngos po rnams sa dang po nas sa bdun pa'i bar du de la skye bar 'gyur ro/ /gang yang gcig tu dge ba'i rgyu stong pa nyid sgom pa'i phyir bzod pa yongs su rdzogs pa ni| sa brgyad pa dang / sa dgu pa dang / sa bcu pa gcig tu dge ba'i rgyud la srid pa 'byung bar 'gyur/ 'di ni/ dge ba dang mi dge ba'i rgyus gzugs kyi dngos po mngon par </font><hr>341b<br><font size=+1>


'byung ba de bzhin du nyon mongs pa'i rnyog pa lnga'i sangs rgyas kyi srid pa 'byung ba rnam par dag pa dang / yang sangs rgyas kyi zhing gcig gi dge ba'i rgyu'i srid pa 'byung ngo / /dngos po dang / dngos po med pa thams cad bsdus pa dang bral ba 'di ni/ bzod pa sgom pa'o/ /de ci'i phyir zhe na/ 'di lta bur dngos po yod pa dang / dngos po med pa'i rang bzhin la rtog pa med pa dang / rnam par rtog pa med pa dang / kun nas spyod pa med pa 'di'i rgyu dang rkyen la dmigs pa dang / 'dres pa med pa dang / 'byung ba med pa dang / 'gog pa med par 'gyur ro/ / de la'ang ji ltar byang chub sems dpa' nam mkha'i rang bzhin dag dngos po thams cad las ldog pa'i 'du byed thams cad dus gsum kun tu spyod pa'i bzod pa sgom par byed pa ni| dngos po dang / dngos po med pa thams cad ces bya'o/ /sangs rgyas kyi zhing thams cad kyi gnas gzhan chu'i zla ba dang mnyam par mthong ba ni/ gzhan gyi dring mi 'jog pa'i glog ma gyog+sa pa yin no/ /dus gsum gyi dge ba'i rtsa ba thams cad kyi phyi ma'i mtha'i ye shes la mkhas par 'gyur ro/ /rigs kyi bu/ nyon mongs pa'i sangs rgyas kyi zhing 'di la byang chub sems dpa' puN+Da rI ka skye bar 'gyur ro/ /snying rje chen po sa brgyad pa brtan pa'i brtson 'grus yang dag par len pa'i phung po thams cad la dmigs pa </font><hr>342a<br><font size=+1>


@#/ /med pa| gzugs thams cad las phyir log pa/ chos thams cad 'byung ba dang / zad pa la gnas pa med cing spyod pa med do/ /'du byed thams cad la'ang yid dang / mtshan ma gnyis ka'ang 'byung ba med par 'gyur ro/ /gnyis lta bu med pa'i dus gsum thams cad la dmigs pa med pa dang / nyon mongs med pa'i chos kyi dbyings dang / yang dag pa'i mtha' mngon du byed par 'gyur ro/ /dngos po gang la'ang 'phel ba dang 'bri bar rnam par rtog par 'gyur ba'ang med/ tshad med pa'i sems dang yid gnyis rnam par dmigs pa dang bral ba la 'jug pa med pa dang / dus gsum thams cad kyi chos kyi dbyings tshul gcig par rab tu shes so/ /'di la rigs kyi bu/ byang chub sems dpa'i gzugs dang ldan pa'i chos la gnas shing dmigs pa med pa dang / chos thams cad bdag med pa dang / gang zag med pa'i phyir rnam par shes so/ /khams gsum thams cad la bdag po med pa'i dus gsum thams cad la nga ro dang sgra dbyangs 'gyur ba la so sor gnas shing 'byung ba med par 'gyur/ srid pa thams cad tshul gcig gis dngos po med pa'i kun gzhi med pa dang / rgyu dang rkyen med brtag tu 'du phyed thams cad dang bral ba la'ang rtog pa med pa dang / rnam par rtog pa </font><hr>342b<br><font size=+1>


med pa dang / 'byung ba med pa dang / 'gog pa med cing mngon sum du mi byed do/ /nyan thos dang / rang sangs rgyas kyi theg pa la'ang rtog pa med pa dang / rnam par rtog pa med do/ / sems can rnams la 'khor ba dang 'chi 'pho dmigs pa med do/ /rtag pa dang chad pa spangs pa'i byang chub kyi sems snying rje chen po la dmigs pa dor ba med pa dang / rgyu med pa thams cad kun nas bslang ba rnam par spyod pa stong par khong du chud pas bzod pa sgom par byed/ de nas srid pa thams cad rnam par spyod pa stug po gtong bar byed/ sangs rgyas kyi zhing thams cad kyi gnas gzhan dag chu'i zla ba dang 'dra bar mthong ba ni/ gzhan gyi dring mi 'jog pa'i glog mgyogs par 'gyur ro/ /dge ba'i rtsa ba thams cad dus gsum gyi phyi ma'i mtha'i ye shes la mkhas par 'gyur ro/ /'di lta ste/ dper na/ rigs kyi bu/ ma dros pa'i chus 'khor ba'i chu yongs su zag pa'i sa'i phyogs yang dag par 'tsho ba'i mig ces bya ba'i me tog chen po mchog tu blta na sdug pa'i dri zhim pos gang ba/ cung zad lha dang / klu dang / gnod sbyin rnams kyi lus kyi nyes pa sbom por 'gyur ba de'ang ma dros par 'gro zhing de yang dag par 'tsho ba'i mig me tog chen po'i sman gyi dri bsnams pas mig gi nyes pa sbom po thams cad kyi nad dang / lus kyi nyes pa sbom po'i nad </font><hr>343a<br><font size=+1>


@#/ /kyis kyang de yongs su dag par 'gyur ro/ /me tog chen po'i sman gyi dris nyams pa med pa dang / stobs med pas rtog pa med pa dang / rnam par rtog pa med pa dang / dga' ba med pa dang / khro ba med pa 'di la de bzhin du dga' ba'ang med par 'gyur ro/ /bdag 'di ltar yon tan dang ldan pas sems can rnams nad rab tu zhi ba de bzhin du rigs kyi bu/ snying rje chen po dang ldan pa'i byang chub sems dpa' sgrib pa med pa'i ye shes stong pa nyid kyi bzod pa'i go skabs 'dod par 'gyur/ srid pa thams cad kyi dngos po snying po la gnas pa/ 'chi 'pho dang skye ba spyod pa shin tu 'dod par 'gyur/ de skye ba slu bar byed/ gang skye ba slu bar byed pa de chos thams cad slu bar byed| gang chos thams cad slu bar byed pa de theg pa gsum spyod pa'i lam la 'jug pa'i stobs kyi rjes su thob ba slu bar byed do/ /de ci'i phyir zhe na/ phung po gcig nas gcig tu rnam par spyod pa'i byin gyis brlabs pa la byin gyis rlob pa'ang med/ gcig nas gcig tu yang dag par 'du ba'ang med/ bdag gi yul la gnas pa'ang med| gcig nas gcig tu gnas la 'dug pa'ang med/ skad cig mar kun tu spyod pa'ang med/ skad cig ma'i rgyud la gnas pa'ang med/ dus gsum thams cad kyi </font><hr>343b<br><font size=+1>


gzugs dang / gzugs med pa dang / tshad med pa dang / mi chung ba'i chos kyang med/ gang gcig nas gcig tu nye bar len pa dang / byin gyis rlob pa dang / 'jug pa dang / 'dzin pa pa dang / 'gebs pa dang / nyams pa dang / rab tu snang ba ni/ rigs kyi bu/ 'di lta ste/ dper na/ nam mkha' la rlung skye ba med pa dang / byin gyis brlabs med pa nas rnam par rtog pa med pa'i bar du'o/ /yang rlung la nam mkha' skye ba med pa nas rnam par rtog pa med pa'i bar du ste/ rigs kyi bu/ de ltar de bzhin du chos thams cad la gcig nas gcig tu cung zad kyang skye ba med pa nas rnam par rtog pa med pa'i bar du ji ltar chos thams cad rgyu ba med pa dang / nye bar spyod pa med pa dang / tha dad pa med pa dang / snang ba med pa dang / skye ba med pa dang / 'gag pa med pa dang / chad pa med pa dang / rtag pa med pa dang / rtog pa med pa dang / rnam par rtog pa med pa de thams cad skye bar mi shes pa dang / nye bar skye ba med pa dang / rjes su skye ba med pa dang / bdag por rab tu mi shes so/ /ji lta bur nam mkha' la rlung skye ba dang 'gog pa med pa de ltar de bzhin du phung po rnams skye ba zad par rab tu shes so/ /de skye ba dang / yi ge med pa thams cad dang / dngos po med par rab tu shes so/ /de chos thams cad kyi rjes su song ba dang / yang dag par song ba </font><hr>344a<br><font size=+1>


@#/ /mi shes pa dang / shin tu 'das pa gcig nas gcig tu rnam par spyod par yang dag par rjes su mi mthong ngo / /ci la'ang chags pa med do/ /btags pa med do/ /btang ba med do/ /chos thams cad tha mi dad par yang dag par rjes su mi mthong ngo / /de dus gsum thams cad kyi chos thams cad la gnas pa'i sgo skye bar yang dag par rjes su mi mthong ngo / /gang de ltar skye ba dang lta ba bral ba de chos thams cad gzhan la rag ma lus pa'i ye shes mdzod kyi chos dang ldan pa gnyis mngon du ma byung zhing bdud bzhi las shin tu 'das pa de chos thams cad gsog pa yang dag par rjes su mi mthong ngo / /de chos thams cad dang bral bas khams gsum thams cad kyi skye ba las shin tu 'das pa ni'ang skye ba med/ 'gog pa med/ 'chi 'pho ba med/ 'byung ba'ang med do/ /zhing thams cad sprin mgyogs pa dang mnyam par mthong zhing sems can rnams yongs su smin pa'i phyir nye bar song ngo / /rigs kyi bu/ de ltar byang chub sems dpa' skye ba la shin tu bzla ba'i phyir yang dag par spyod pa'i bzod pa bsgom par bya'o// de la rigs kyi bu/ gang gti mug skye ba'i rkyen gyis rga shi la rtog par 'gyur/ skad cig ma dang ldan pa'i skye bos rga ba la 'tshe bar byed/ skyes bu gti mug pa 'di'i 'du byed </font><hr>344b<br><font size=+1>


rnams phyi dang nang gi slu ba dang / gzhan yang gnyis su med pa'i tshor ba ji snyed pa rnam par shes pas rga shing bral ba nas 'khrug pa dang bral ba'i bar du rtog pa med/ rnam par rtog pa med cing slu ba med pa de ltar de bzhin du tshe'i rlangs pa yang dag par shes pa nam mkha' 'dra bar mnyam pa rnam par rtog pa med pa'i mnyam pa nyid dang / gnyis su med pa'i lus la slu ba med pas 'phags pa ma yin pa'i rdzun gnyis dang bral ba'o/ /ji ltar chos thams cad kyi dbyings rang bzhin gyis nyon mongs pa med pa'i rga shi 'dres pa med pa de bzhin du mig gi rnam par shes pa rga shi slu ba'i 'dod chags la thug pa nas 'khrug pa'i bar du'o/ /de bzhin du rna ba'i rnam par shes pa ji snyed pa nas yid kyi rnam par shes pa rga shi slu bas na 'dod chags 'khrug pa la thug pa'i bar du de ltar 'dres pa med do/ /yang mig gi rnam par shes pa rga shi slu ba 'dod chags med pa'i mtha' nas 'khrug pa'i bar du'o/ /de bzhin du tshor ba dang / 'du shes dang / 'du byed rnams dang / rnam par shes pa la 'dres pa med pa de bzhin du rga shi slu ba'i mtha' nas 'khrug pa'i bar du'o/ /yang mig rga ba nas 'khrug pa'i bar du yang dag par 'dus pa med do/ /de kho na nyid la dmigs pas na de bzhin du sna dang / lce dang / lus dang / yid kyi rga shi nas 'khrug pa'i bar du yang dag par </font><hr>345a<br><font size=+1>


@#/ /'dus pa med do/ /de kho na nyid la dmigs pas na gzugs kyi rga shi nas 'khrug pa'i bar du yang dag par 'dus pa med do/ /de kho na nyid la dmigs pas na rnam par shes pa'i rga shi 'di ji snyed pa nas 'khrug pa'i bar du kun tu chad pa 'dod chags dang bral ba'i tha dad pa med do/ /tshe'i rlangs pa yang dag par shes pa'i rga shi nas 'khrug pa'i bar du 'dod chags dang bral ba'i mtha' kun tu chad pa'o/ /rigs kyi bu/ 'di la'ang tshor ba'i phung po rnams de bzhin du byang chub sems dpas tshor ba'i phung po bsgom par bya'o/ /gang khams gsum na dus gsum gyi tshor ba med pa 'byung ba zad pa la mi rtag pa dang / sdug bsngal ba dang / stong pa'i bzod pa 'di sgom par byed pa 'di'ang byang chub sems dpa' sems can thams cad yongs su smin pa nye bar 'tsho ba'i bzod pa la blta bar bya'o/ /gzhan yang rigs kyi bu/ byang chub sems dpas 'du shes kyi phung po la'ang tshul bzhin du brtag pa'i phyir bzod pa bsgom par bya'o/ /de la 'du shes kyi phung po gang zhe na/ 'du shes kyi tshogs drug ste/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa'i 'du shes so/ /de la mig gi 'dus te reg pa ni/ gsum 'dus pa'i reg pa ste/ gang mig </font><hr>345b<br><font size=+1>


dang / rnam par shes pa dang / gzugs kyi 'du shes 'byung bar byed pa 'di ni/ gsum 'dus pa reg pa'i rkyen gyis 'du shes kun 'byung bar 'gyur ro/ /gang mig gi gzugs la'ang byed pa med pa dang / rnam pa med pa dang / lbu ba'i phung po lta bur dus gsum thams cad kyi 'du byed stong pa ji lta ba bzhin du rab tu sbyor ba gsungs so/ /gang mig gi rnam par shes pa ni/ ci la'ang 'ong ba dang 'gro ba snyems par rab tu mi shes so/ /khams gsum thams cad yul dang gnas med pa mig gi rnam par shes pa des stong pa nas yid kyi rnam par shes pas stong ba'i bar du shes par bya'o/ /gang skye mched drug gi 'du shes 'byung ba de tshor ba'o/ /gang tshor ba de rtog pa'o/ /gang rtog pa de snyems pa'o/ /gang snyems pa de nye bar len pa'o/ /gang nye bar len pa 'byung ba nas 'khrug pa'i bar du kun nas ldang ste/ de bas na/ byang chub sems dpa' 'du shes tshul bzhin du brtag pa'i phyir bzod pa bsgom par bya'o/ /bzod pa sgom pa'i reg pa yongs su shes pa'i phyir 'du shes yongs su shes pa yin no/ /yid kyi 'du shes kyi bar du bzod pa de bsgoms pas 'du shes kyi tshogs drug bzod pa de sgom pa yongs su shes pa la rtog pa med/ rnam par rtog pa med/ nye bar mi 'gro/ nye bar len pa med/ byin gyis rlob pa med na mngon par chags </font><hr>346a<br><font size=+1>


@#/ /pa'ang med do/ /'du shes thams cad rang bzhin med pa yongs su chags pa'i bzod pa de bsgoms pa'i rjes su 'byung ba ji lta ba bzhin yongs su shes pa ci la'ang chags pa med do/ /khams gsum thams cad kyi dus gsum gnas pa med pa dang / gnas med pa dang / 'khrul ba med pa dang / zhig pa med pa dang / blang ba med pa dang / dor ba med pa dang / gnyis su bya ba med pa'i chos kyi dbyings la yang dag par gzhol ba'i 'du shes thams cad shes pa ni cis kyang dbye ba med do/ /de 'du shes thams cad nye bar len pa med pa'i yid ci la'ang dmigs pa med pa ni so so yang dag par spyod pa'i tshul gyi bzod pa la sgom pa zhes bya'o/ /'du shes thams cad ni mi rtag pa dang / sdug bsngal ba dang / stong pa'i bzod pa sgom par byed pa 'di la'ang byang chub sems dpa' sems can thams cad yongs su smin pa nye bar 'tsho ba'i bzod pa la blta bar bya'o/ /rigs kyi bu byang chub sems dpas yang 'du byed yongs su shes pa'i bzod pa bsgom par bya'o/ /de la 'du byed gang zhe na/ 'di lta ste/ 'du byed rnam pa gsum mo/ /gsum gang zhe na/ lus kyi 'du byed dang / ngag gi 'du byed dang / yid kyi 'du byed do/ /lus kyi 'du byed ni dbugs phyi nang du rgyu ba'o/ /ngag gi </font><hr>346b<br><font size=+1>


'du byed ni rnam par rtog pa dang / rnam par dpyod pa'o/ /yid kyi 'du byed ni 'du shes dang / sems pa'o/ /de la rigs kyi bu lus kyi 'du byed dbugs phyi nang du rgyu ba tshul bzhin du brtag par bya'o/ /lus thams cad stong phrag dgu bcu rtsa gnyis sam/ ba spu'i khung bu bye ba khrag khrig brgya stong phrag dgu bcu rtsa dgu lhag tsam gyi lus thams cad shin tu phra ba'i rdul dgu bcu rtsa dgu'i kha'i sgo nas shin tu phra ba'i rdul brgya stong phrag bcu bsags so/ /nyes pa med pa'i mi'i ba spu'i khung bu 'di gcig 'grangs pas lus thams cad kyi ba spu'i khung bu thams cad kyi sgo stong phrag dgu bcu rtsa dgu ji lta bur kha'i sgo nas dbugs rgyu ba de lta bur ba spu'i khung bu thams cad nas dbugs rgyu'o/ /zhes dbugs phyi nang du rgyu ba thams cad shes par bya'o/ /kha'i sgo thams cad nas dbugs phyi nang du rgyu ba'i phung po lnga dag 'byung ba dang zad pa brtag pa'i phyir bzod pa bsgom par bya'o/ /de la ngag gi 'du byed gang zhe na/ gang rnam par rtog pa dang / rnam par dpyod pa skad cig mar 'byung zhing 'gog pa 'di la'ang skad cig ma nyi ma gcig la'ang mi brgya stong phrag drug cu rtsa lnga skad cig mar 'ong bar 'gyur ro/ /de re re la'ang rnam par rtog pa dang / rnam par dpyod pa skad cig ma 'byung ba'i phung po lnga thams cad 'byung ngo / /'gog go/ /phung po de re re la'ang tshor ba </font><hr>347a<br><font size=+1>


@#/ /rnam gsum 'byung ngo / /'gog go /tshor ba de re re la'ang 'byung ba'i yan lag bcu gnyis thams cad 'byung ngo / /'gog go/ /'byung ba'i yan lag de re re la'ang bag la nyal ba dgu bcu rtsa brgyad 'byung bar 'gyur ro/ /bag la nyal ba de re re la'ang khams gsum thams cad na spyod pa/ nyon mongs pa kun 'byung ba la blta bar bya'o| |'di dag ni/ ngag gi 'du byed do/ /de 'du shes gang zhe na/ dbugs phyi nang du rgyu ba la rnam par rtog pa dang / kun tu nyon mongs pa dang / de phyin ci log thams cad kyi mtshan mas kun tu nyon mongs pa 'di 'du shes so/ /de la sems pa gang zhe na/ gang sems pa dang / tshor ba dang / phung po dang / rnam par dpyod pa dang / dbang po drug dang / / rnam par 'phel ba 'di ni/ se gol gtogs pa tsam gyis kyang 'dod chags kyi kun gzhi nyon mongs pa'i dbang po brgya las 'das pa 'byung bar 'gyur/ zhe sdang gi kun gzhi brgya las 'das pa 'byung bar 'gyur/ gti mug gi kun gzhi brgya las 'das pa 'byung bar 'gyur/ cha shas dpyod pa'i nyon mongs pa brgya las 'das pa 'byung bar 'gyur ba 'di ni/ rigs kyi bu/ lus dang / ngag dang / yid do/ /'du byed do/ dpyod pa dang / rnam par dpyod pa dang / dbugs phyi nang du rgyu ba 'di dag la rnam par rtog pas 'du </font><hr>347b<br><font size=+1>


shes su sems pa dang / bsam pa'i rjes su 'ong ba la byin gyis brlabs pa de la byang chub sems dpa'i dngos po de ltar rang bzhin dang / dus gsum ni/ lus dang / ngag dang / yid do| |'du byed la dngos po med pa dang / mi zad pa ni/ chos kyi dbyings la nyon mongs pa med pa dang / chos kyi dbyings yongs su shes pa ni/ rnam par dag pa rjes su 'ong ba de cir dgos she na| chos kyi mtshan nyid rnam par dag pa de mtshan nyid mi rnyed pa dang / mi 'dzin pa dang / chos kyi dbyings su mi 'byung bar 'gyur ba de yang dag pa'i mtha' mi gsog go /'du byed kyi mthar mi rnyed pa dang / mi 'dzin pa mi 'gog par 'gyur ba ni/ de bzhin du 'du byed kyi mtha' dang / de chos kyi dbyings su snyems pa yang dag pa'i mtha' dang / de chos thams cad kyi mtha' dang / gang chos thams cad kyi mtha' dang / de 'du byed gsum dang / dus gsum yongs su gcod pa'i mtha' dang / de mtha' yas pa mi gcod pa'i mtha' dang / rjes su mi gcod pa'i mtha' dang / mi rtag pa'i mtha' dang / de lta bu'i mtha' ni/ dus gsum dang mnyam pa'i mtha' dang / mthar 'gro ba dang / dus gsum dang / lus dang / ngag dang / yid gnyis su med pa'i mtha' dang / dus gsum thams cad kyi mtha' ni/ 'du byed gsum yang dag pa'i mtha' la gnyis su med pa'i dbang dang / ci'ang ma yin pa'i mtha' dang / reg pa yongs su </font><hr>348a<br><font size=+1>


@#/ /shes pa gnyis su med pa'i mtha' dang / 'jigs pa dang bral ba'i mtha' dang / de bzhin du dbugs phyi nang du rgyu ba yongs su shes pa'i mtha' dang / de bzhin du nyi shu'i mtha' dang / rnam par rtog pa dang / rnam par dpyod pa dang / shing ta la'i mgo bcad pa'i mtha' dang / 'du shes su mi chags par sems pa dang / skad cig ma'i mtha' sems pa'i mtha' dang / de ltar yongs su shes pa ni/ 'du byed gsum la rnam par mi gcod pa'i mthar yongs su shes pa ni/ 'di la dngos po dang / dngos po ma yin par skye ba'o/ / yang dngos po las 'das pa zhes bya ba ni/ 'du byed thams cad la rnam par shes pa med pa dang / 'du byed thams cad la gnyis dang / gnyis su med pa ni/ yang dag pa'i mtha'i chos kyi dbyings la 'jug pa dang / gsog pa dang / nye bar gsog pa dang bral bar 'gyur ro/ /'di la 'du byed thams cad la byin gyis mi rlob pa'i mtha' dang / dus gsum du phyag 'tshal ba dang bral ba de yang dag par yongs su shes pa dang / yang dag pa'i mthar yongs su shes pa de ni/ chos thams cad yongs su shes pa zhes bya'o/ /yongs su bskor ba'i 'du byed gsum yongs su chad pa'o/ /rigs kyi bu/ gang dus gsum gyi 'du byed gsum mi gcod pa'i mtshan ma la dmigs pas bzod pa sgom pa yongs su </font><hr>348b<br><font size=+1>


'dzin to/ /rigs kyi bu/ 'du byed gsum dang / mtshan ma mi gcod pa dmigs pa spangs pas gnyis su med pa'i bzod pa sgom mo/ /rigs kyi bu/ de'i phyir dus gsum dang / 'du byed gsum po yongs su shes pa'i bzod pa 'di ni/ so so yang dag par spyod pa'i tshul gyis bzod pa bsgom par bya'o/ /rigs kyi bu/ gang 'du byed ni/ mi rtag pa dang / sdug bsngal ba dang / stong ba dang / bdag med par bzod pa bsgom par bya'o/ /'di'ang byang chub sems dpa'i nye bar 'tsho bas sems can yongs su smin pa'i bzod pa sgom par blta bar bya'o/ / de la rigs kyi bu/ rnam par shes pa 'byung ba'i phung po gang zhe na/ rnam par shes pa drug gi lus dang / mig dang / reg pa'i rnam par shes pa zhes bya'o/ /gang yang rnam par shes pa'i lus drug dag dus gsum gyi reg pas rnam par gnas pa dang / dus gsum 'byung bas rnam par shes pa dang / dus gsum gyi rnam par shes pas rnam par gnas pa de phan tshun du rtog pa dang / rnam par rtog pa dang / kun nas ldang bar 'gyur ro/ /gang yul gyi sred pa la rtog pa dang / dmigs pas bzod par smra ba yongs su 'khrug pa'o/ /gang mig dang gzugs kyi yul la sred pa la rnam par rtog pas bzod pa yongs su spangs pa'o/ /'khrug pa'o/ /reg pa dang tshor ba la rjes su gdungs pas de yul la sred pa'i bzod </font><hr>349a<br><font size=+1>


@#/ /pa yongs su spangs pa'o/ /rnam par 'jig pa'o/ /yid la rnam par dmigs pas 'du shes kyi zhing la sred pa'i bzod pa yongs su spangs pa'o/ /'khrug pa'o// dus gsum dang / 'du byed gsum la nye bar chad pa'i yul la sred pa'i bzod pa yongs su spangs pa'o/ /'khrug pa'o/ /'du byed gsum dag mtshan mar nye bar 'dzin pa dang / rang gi yul gyi sred pa'i bzod pa yongs su spangs pa'o/ /'khrug pa'o/ /'du byed dag kun nas ldang la dmigs pa rang gi yul la sred pa'i bzod pa yongs su spangs pa ni/ chos kyi dbyings la ci'ang ma yin pa'i nyon mongs pa'i bzod pa thams cad yongs su spangs pa'o/ /rigs kyi bu/ chos kyi dbyings la kun tu nyon mongs pa med pa'i bzod pa de sgom pa dang / rnam par shes pa'i lus drug gi yul du yid la mi byed do/ /de bzod pa bsgoms pa'i rang bzhin dang / sgyu ma lta bu'i sems kyi yul la yang dag par gzhol ba'i yul thams cad la rtog par 'gyur ro/ /de la so so yang dag par spyod pa'i tshul gyi bzod pa bsgoms pas de la byang chub sems dpa'i sngon gyi las la brtson par bya'o/ /gang yang byang chub sems dpas rnam par dbye ba yongs su byas pa dang / mchog gi dge ba'i rtsa ba yongs su ldang ba 'di ni/ nam mkha' la 'gro bas 'dul ba'i bzod pa yongs su rgyas </font><hr>349b<br><font size=+1>


par sgom pa'i phyir 'di ni/ dus gsum dang / 'du byed thams cad kyi yul du yid la mi byed do/ /snyems pa med do/ /dus gsum dang / 'du byed thams cad dag kun nas ldang ba'i lam thams cad du yid kyi rnam par shes pa yang dag par dpyod do/ /de bzhin nyid ni/ dngos po med pa'o/ /dus gsum dang / 'du byed kyi rjes su 'jug pa dang / chos thams cad ni| sgom par rab tu shes pa dang / sgom pa dang bral ba dang / dbyangs ma yin pa dang / ngag gi lam ma yin pa dang / yi ge ma yin pa dang / rjes su 'byung ba med pa dang / 'gog pa med pa dang / mtshan nyid ma yin pa dang / so so'i theg pa ma yin pa dang / dmigs pa med pa dang / mtshan ma med pa dang / shin tu dben pa ma yin pa dang / brjod pa med pa dang / shin tu 'jungs pa med pa dang / shin tu zhi ba dang / skad cig mar shin tu dmigs pas rnam par bral ba dang / shin tu zad pa dang / kun gzhi las shin tu bral ba dang / shin tu rnam par gnas pa dang / yul shin tu med pa dang / gtong ba'i sems shin tu med pa dang / rtsa ba shin tu med pa dang / dbang po shin tu ma yin pa dang / shin tu rnam par ma dag pa dang / shin tu bral ba dang / gnyen po shin tu med pa dang / mtshan ma dang dngos po med pa dang / shin tu 'phrog pa med pa dang / shin tu 'thor ba dang / chos thams cad la shin tu dngos po med </font><hr>350a<br><font size=+1>


@#/ /par rab tu shes pa ni/ byed pa po med pa dang / tshor ba po med pa dang / nyan pa med pa dang / 'dzin pa med pa dang / smig rgyu ba lta bur so sor snang ba dang / chu zla lta bu dang / gzugs brnyan lta bu nam mkha'i rang bzhin cung zad kyang med pa dang / chos thams cad la bdag med pa ni/ mtshan nyid kyi gzhi dang mnyam pa'i mtshan nyid dang / mtshan nyid gcig pa dang / mtshan nyid med pa la brten pa de chos thams cad la kun tu lta'o/ /de ltar shin tu 'du byed thams cad ni/ de bzhin du dus gsum la kun tu spyod pa'i dngos po de'i bar du chos thams cad la de bzhin nyid du rten pa la kun tu lta'o/ /'di la'ang byang chub sems dpa' nye bar 'tsho bas sems can thams cad yongs su rgyas pa ni| so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa blta bar bya'o/ /rigs kyi bu/ byang chub sems dpa' de bzhin du gzugs kyi bzod pa bsgom pa'i phyir phyi nang gi 'jam pa dpung tsam thams cad kyis nyon mongs pa rnam par sel bar thams cad du sems pa dang / yid bzhin yongs su rgyas par 'gyur ro| |'di la bzod pa thams cad ni/ nyan thos dang / rang sangs rgyas kyi chos las kun tu 'das pa'o/ /'di la bzod pa thams cad ni/ byang chub sems dpa' spyod pa'i yon </font><hr>350b<br><font size=+1>


tan yongs su rdzogs par byed do/ /'di la bzod pa thams cad ni/ sangs rgyas kyi chos kyi yon tan kun nas sdud do/ /'di la bzod pa thams cad ni/ gzhan gyi rgol ba'i chos dang lhan cig par 'dzin to/ /'di la bzod pa thams cad ni/ gti mug gi mun pa mun nag 'jig pa'i yid do/ /sangs rgyas kyi chos la dga' bar byed/ bsgribs pa dang / sgrib pa thams cad kun tu zad par byed de/ sangs rgyas kyi zhing thams cad snang bar byed/ sangs rgyas thams cad la dad par byed/ pha rol tu phyin pa thams cad kyi pha rol tu 'gro ba / mngon par shes pa thams cad la rnam par rol par byed pa/ ting nge 'dzin gyi gzungs kyi bzod pa sgrub par byed pa 'di ni/ so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa'o/ /de la'ang drang srong thub pa la so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa brjod pa dang / 'chad pa ni| brgya stong phrag drug cu rtsa brgyad kyi chu bo gang+gA'i bye ma snyed kyi phyogs bcu'i khung bur mnyam par 'gro ba ni/ byang chub sems dpa'i goms pas so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa so sor thob par 'gyur ro/ /byang chub sems dpa' me bcu rdul yal sum cu rtsa gcig gi ting nge 'dzin gyi skar mda'i </font><hr>351a<br><font size=+1>


@#/ /bdag po so sor thob par 'gyur ro/ /byang chub sems dpa' sa ya phrag dgu bcu rtsa gnyis rnam dpa' bar 'gro ba'i ting nge 'dzin so sor thob par 'gyur ro/ /byang chub sems dpa' mdor na de'i bar du chu bo gang+gA'i bye ma snyed kyi bar du rnam pa sna tshogs dang / rnam pa tha dad pa thams cad kyi ting nge 'dzin gyi gzungs kyi bzod pa'i chos kyi sgo so sor thob par 'gyur ro/ /de nas yang bcom ldan 'das kyis sngags kyi tshig 'di brjod do/ /bra ma da te/ badzri ma b+ha ud pad te/ ud pad ta/ ud mad te/ dza sam badzri ma b+ha swAhA/ lha sa ya khrag khrig brgya stong phrag dgu bcu rtsa brgyad 'dis so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa so sor thob par 'gyur ro/ /chu bo gang+gA'i bye ma dang mnyam pa'i lha rnams kyis phyir mi ldog pa'i byang chub so sor thob par 'gyur ro/ /yang bcom ldan 'das kyis sngags 'di brjod do/ /tad+ya thA/ sa mu dra ba te/ ma ru ba te na pi na pi ni/ gaur b+he Sha de ni Sha de ni/ i bi dza so ha dza b+hi b+he da saM ska rA b+h+ra swAhA/ sa ya phrag bdun cu rtsa bdun gyi klu rnams la 'di dag bshad pa 'chad pas bzod pa so sor thob par 'gyur ro/ /chu bo gang+gA'i bye ma dang mnyam pa'i klu rnams kyis byang chub kyis phyir mi ldog pa so sor thob par 'gyur ro/ /de la </font><hr>351b<br><font size=+1>


bcom ldan 'das kyi sngags kyi tshig 'di brjod do/ /tad+ya thA/ dza na mi b+hA ba/ su b+hA ba su b+hA ba su b+hA bo/ /b+ha ba bo/ /pra bo ba ba kha/ ga ba a kha ga ba bi b+ha dza ya b+h+yo swAhA/ sa ya stong phrag nyi shu rtsa gnyis kyi gnod sbyin rnams la bshad pa 'chad pas phyir mi ldog pa'i sa la 'jug par 'gyur ro/ /stong phrag brgya'i gnod sbyin rnams tshad med pa phyir mi ldog pa'i sa thob par 'gyur ro/ /bye ba khrag khrig brgya phrag stong gi lha ma yin rnams tshad med pa phyir mi ldog pa'i sa la zhugs so/ /sa ya phrag brgya stong gi nam mkha' lding dang / mi 'am ci dang / lto 'phye chen po rnams tshad med pa'i phyir mi ldog pa'i sa la 'jug par 'gyur ro/ /'di la bcom ldan 'das kyis 'chad pa bshad nas phyogs bcu mtha' yas pa'i sa chen po rnam pa drug tu g.yos so/ /lha phran bye ba khrag khrig brgya phrag stong tshad med grangs med pa rnams nam mkha' las lha rdzas kyi me tog gi char 'bebs so/ /gang phyogs bcu tshad med pa grangs med pa'i sangs rgyas kyi zhing bye ba khrag khrig brgya stong gi sangs rgyas kyi zhing 'dir de 'ongs shing lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i 'khor thams cad dang ldan pa de yang dag par 'ongs nas de thams cad kyis dbyangs gcig tu </font><hr>352a<br><font size=+1>


@#/ /legs so/ /zhes bya ba byas te/ de bzhin du tshig 'di brjod par byed do/ /legs so legs so/ /bcom ldan 'das lus thams cad rnam par 'jig pa dang / yul thams cad rab tu 'jig pa'i bzod pa bshad pa dang / gzhan la rag ma las pa bdud bzhi'i chos kyi bzod pa lhag pa bshad pa ngo mtshar chen po 'di sngon ma thos so| |'di la'ang byang chub sems dpa' sems dpa' chen po dag gi spyod pa dang / bya ba'i gnas kyi sa las shin tu 'das pa'i tshogs 'dren par byed do/ /byang chub kyi phyogs sum cu rtsa bdun gyi rin po che'i gter thams cad thob par byed pa'i bzod pa ston pa dang / thams cad mkhyen pa'i ye shes thams cad shes par byed pa rnams thams cad kyi bzod pa sgom pa 'di bshad pa ni/ byang chub sems dpa' sems dpa' chen po rnams brjod du med pa'i don snying rje chen po thob pa la 'jug go/ thabs la mkhas pa sems can thams cad yongs su smin pa'i ye shes chen po kun tu bsags pa'i brtson 'grus dang / stobs kyi bzod pa rab tu bstan to/ /so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba theg pa chen po'i mdo le'u drug go/ //de nas de nyid kyi tshe na shAkya thub pa de bzhin gshegs pa </font><hr>352b<br><font size=+1>


dgra bcom pa yang dag par rdzogs pa'i sangs rgyas rnams skar mda' nyi shu ba'i rgyun bcad de/ de bzhin gshegs pa'i gzugs su brtsams nas sems can rnams la chos ston to| |lha dang / dri za dang / mi'i 'khor de thams cad dang ldan pa de ji lta bur sngon gyi gzugs kyi lus kyi gnas par gyur to/ /de nas bcom ldan 'das yang 'khor ba'i dkyil 'khor zhes bya ba'i ting nge 'dzin la mnyam par bzhag ste/ yang bcom ldan 'das 'khor ba'i dkyil 'khor gyi ting nge 'dzin la mnyam par zhugs ma thag tu de nas de nyid kyi tshe bcom ldan 'das kyi smin mtshams kyi mdzod spu nas kha dog du ma kha dog sna tshogs kyi 'od zer byung ste/ 'od zer des phyogs bcu chu bo gang+gA'i bye ma snyed kyi rnyog pa lnga'i sangs rgyas kyi zhing gi rang sangs rgyas kyi theg pa pa kun snang bar byas so/ /ji ltar sems can rnams 'od zer de lus la reg pa de ltar 'dod chags dang / zhe sdang dang / gti mug gi kun gzhi spangs pas de'ang de ltar lus kyi gzugs kyi bde ba dang ldan par 'gyur ro/ /'di lta ste/ dper na/ bsam gtan gnyis la yang dag par zhugs pa'i dge slong dag de'ang phyogs bzhi'i rnam par snang ba'i phyir bdag gang du rnam pa 'di 'dra ba'i bde ba dang / tshor ba 'byung bar 'gyur ba de'ang sangs rgyas kyi mthus na/ dpag tshad phyed tsam na shAkya thub pa de bzhin gshegs </font><hr>353a<br><font size=+1>


@#/ /pa 'khor dang bcas pa mi ring bar mthong ngo / /mchog tu dang ba thob pa de sangs rgyas kyi mthus cung zad tsam gyis kyang bcom ldan 'das kyi drung du nye bar phyin to| |de nas de'i dus na'ang phyogs bcu'i rnyog pa lnga'i sangs rgyas kyi zhing stong pa me bcu rdul yal bye ba khrag khrig brgya stong phrag brgyad cu rtsa bzhi'i rang sangs rgyas kyi theg pa pa'i sems can 'di dag de ltar shAkya thub pa de bzhin gshegs pa'i drung du nye bar phyin nas bcom ldan 'das kyi zhabs gnyis la spyi bos phyag btsal te bcom ldan 'das/ kyi spyan sngar chos mnyan pa'i phyir 'dug go /de la bcom ldan 'das kyis yang byang chub sems dpa' gdul dka' ba bos so/ /yul la chags pa'i rigs kyi bu/ /rtag tu dga' ba'i bya ba byed/ /shin tu shes med byis pa dag /bde ba'i lam du de mi shes/ /mun pa'i phung pos de g.yogs so/ /'khor ba yang ni mi 'dor ro/ /chung ba'i 'du byed spyod yul la| |'dod pa'i yon tan lnga la zhen/ /de dag che yang mngon par 'dod/ /dug gi chu yang de ltar 'thungs/ /sdug bsngal tshor ba rjes su myong / /'khor ba la yang mngon par 'dod// sha dang khrag la yang ni za/ /'khor lo de ltar rnam par gnas/ /yang dang yang du 'khor ba ni/ /mi zad yon tan du ni shes/ /longs spyod rnyed med mi zad pa/ /'di la gter gyi </font><hr>353b<br><font size=+1>


mtha' yang med/ /mi dge mdza' bo spangs pa ni/ /mtshon pa sdug bsngal rab tu zhi/ /bzod pa sgom la mkhas pa ni/ /nyon mongs thams cad rab tu zhi/ /srog chags bye ba 'dul byed pa| |gter bzhi yang ni thob pa 'o/ /sems can sdug bsngal bde bar bkod/ /de ni chu zla 'dra bar 'gyur/ /'gro ba'i mchog ni mya ngan 'das/ /de nas yang byang chub sems dpa' spos shes pas bcom ldan 'das la 'di skad ces gsol to/ /bcom ldan 'das/ rigs kyi bu pho'am/ rigs kyi bu mo dag mi 'jigs pa'i longs spyod so sor thob bam/ mi 'jigs pa'i bsod nams dang / mi zad pa'i shes rab dang / mi zad pa'i spobs pa so sor thob pa ma zhes de skad ces gsol pa dang / bcom ldan 'das kyis byang chub sems dpa' spos shes pa la 'di skad ces bka' stsal to/ /gang rigs kyi bu pho'am/ rigs kyi bu mo su zhig 'du byed thams cad la mi 'gro ba dang mi 'dzin pa shes pa de ltar 'du byed thams cad la bdag po dang / rgyu dang rkyen med pa/ mi sgrub pa/ byed pa nye bar lta bar 'gyur ro/ /de la dngos po med pa'i chos yod pa de 'du byed thams cad la rtog pa/ rnam par rtog pa/ mtshan mar 'dzin pa ma yin par 'gyur/ dpe byad bzang pos ma yin/ 'jig rten la cung zad kyang 'dzin pa ma yin/ gzugs la 'dzin pa ma yin/ de ni/ sgra dang / dri dang / ro dang / reg la 'dzin pa </font><hr>354a<br><font size=+1>


@#/ /ma yin| 'dod pa'i yon tan lnga nye bar mi len/ srid pa thams cad skye ba ma yin/ gang chags pa dang bral ba thams cad skye ba ma yin/ de dngos po ma yin| yid la byed pa ma yin/ gang dngos po med pa dang / yid la mi byed pa de ni/ chags 
 med pa'o/ /gang chags pa med pa de ni/ yi ge dang bral ba'o/ /gang yi ge dang bral ba de ni| phyir mi 'ong ba'o/ /de khams gsum thams cad grangs med pa'i dus gsum dang bral ba'i sems so/ /gang de ltar chos ni/ 'ong ba'ang med/ nye bar 'ong ba med pa thob pa ni| gang tshul gcig gi chos kyi tshul du rab tu shes so/ /'gro ba dang 'ong ba med pa/ nye bar thob pa med pa/ cung zad kyang chags par mi byed do/ /bcings pa'ang med/ grong ba'ang med| 'dug pa'ang med/ gnas pa'ang med pa de chos thams cad so sor mi gnas pa'i sgor rab tu shes so/ /gang chos thams cad so sor gnas pa'i sgor rab tu shes so/ / 'chi 'pho med pa dang / skye ba med pa gang de ltar chos nye bar thob pa la rten par rab tu shes so/ /gang chos thams cad la rten pa med pas rnam pa sna tshogs thams cad dang bral lo// gang rnam pa sna tshogs thams cad dang bral bas de 'tsho ba dang / gso ba dang / gang zag dang / shed can dang / shed bdag dang bral lo/ /gang 'tsho ba dang / gso ba dang / gang zag </font><hr>354b<br><font size=+1>


dang / shed can dang / shed bdag dang bral bas de gsog dang / stong pa las ma 'das pa ni/ tshad med pa'i stong pa 'du byed thams cad du lta'o/ /gang rigs kyi bu/ tshad med pa'i stong pa'i phyir de sems la shin tu sgom par byed do/ /'di la zad pa med pa'i cho ga ba hi so sor thob bo/ /de zad pa med pas mnyam par len pa'i longs spyod du 'gyur ro/ /sems can yongs su smin pas bsod nams mi zad par 'gyur ro/ /spobs pa zad pa med pas chos ston par 'gyur ro/ /thabs mi zad pas ye shes la mkhas par 'gyur ro/ /sems can yongs su smin pa'i don gyis sems can rnam par thar pa'i sgo yongs su bsags pas yang dag pa'i mtha' mngon sum du byed do/ /chos thams cad la bdag med par rab tu shes so| |snying rje chen po'i go chas sems can yongs su smin pa mi 'dor ro/ /sangs rgyas kyi zhing thams cad chu zla dang mnyam pa sems can yongs su smin pa'i don la 'jug go / chos thams cad la bdag med pas sems can gyi tshul khrims ting nge 'dzin du sgrub pa la mkhas pas sems can yongs su smin to/ /'tsho bar 'gro ba dang / gso ba dang / gang zag la rtag tu gcod pa'i chu bo las rgal bar 'gyur ro/ /dus gsum thams cad kyi lus dang / ngag dang / yid kyi 'du byed med pas sems can gyi tshe rgya mtsho las rgyas par </font><hr>355a<br><font size=+1>


@#/ /'gyur ba 'di ni/ byang chub sems dpa' sgrib pa med pa'i ye shes ston pa zhes bya'o/ /byang chub sems dpa' brgya stong phrag sa ya drug cu rtsa brgyad la 'di dag 'chad pa bshad pas chos kyi rjes su bzod pa thob par 'gyur ro/ /rang sangs rgyas kyi theg pa la sems can brgya stong phrag bye ba brgyad cu rtsa bzhi dag bla na med pa yang dag par rdzogs pa'i byang chub tu sems bskyed do/ /phyir mi d+log pa'i sar sems bskyed do/ /phyir mi ldog pI sa la so sor gnas par 'gyur ro/ /bcom ldan 'das kyis yang byang chub sems dpa' gnyen du lta ba de la bos so/ /rigs kyi bu/ de bzhin gshegs pa 'byung ba dang / mi 'byung ba la gnas I chos nyid dang / chos kyi dbyings dang / chos la gnas pa ni/ 'di lta ste/ ma rig pa'i rkyen dang / 'du byed de'i bar du 'ba' zhig pa shin tu sdug bsngal gyi phung po chen po kun tu 'byung bar 'gyur ro/ /'di lta ste/ ma rig pa 'gags pas 'du byed 'gags pa de'i bar du sdug bsngal gyi phung po 'gags par 'gyur ro/ /de ltar de bzhin gshegs pa'i rjes su 'byung bas/ sems can mngon sum du byas pa 'di dag chos kyi rkyen gyis byang chub thob bo/ /'di la chos gzhan dag rnam par rgyas par kun tu mi sgrog par 'gyur ro/ / </font><hr>355b<br><font size=+1>


gang la'ang de bzhin gshegs pa 'jig rten du 'byung bas dgra bcom pa yang dag par rdzogs pa'i sangs rgyas kyis de'i dus na sems can rnam par rgyas par rab tu sgrog go / ston to| |yang dag par de ltar gzhan ma yin pa'i sems can 'khor ba'i chu bo las rgal bar 'gyur ro/ /zhi ba dang bde ba mya ngan las 'das pa'i lam la so sor gnas so/ /'di la'ang lung bstan bshad pas me bcu rdul yal khrag khrig brgya stong phrag brgyad cu'i sems can dag rang sangs rgyas kyi rdul dang bral ba'i ting nge 'dzin so sor thob par 'gyur ro/ / rang sangs rgyas kyi theg pa so sor thob par 'gyur ro/ /so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba theg pa chen po'i mdo// le'u bdun no// //bam po brgyad pa/ de nas bcom ldan 'das kyis mi snang ba'i rgyan gyi ting nge 'dzin du zhugs so/ /de'i phyir de bzhin gshegs pa ting nge 'dzin du zhugs nas bcom ldan 'das kyi zhal gyi sgor kha dog sna tshogs kyi 'do byung ngo / /phyogs bcu kun nas chu bo gang+gA'i bye ma dang mnyam pa'i rnyog pa lnga na sangs rgyas kyi zhing las 'od byung ngo / /phyogs bcu kun nas chu bo gang+gA'i bye ma dang mnyam pa'i rnyog pa lnga na sangs rgyas kyi zhing gi 'od du 'gro'o/ /gang de la nyan thos dang / nyan thos kyi theg pa la 'gro ba'i sems </font><hr>356a<br><font size=+1>


@#/ /can 'od la reg nas nyan thos dang / nyan thos kyi theg pa de la sems can de bzhin du gzugs dang / lus dang / bde ba'i tshor ba 'byung bar 'gyur ro/ /'di lta ste| bsam gtan gsum pa'i ting nge 'dzin du 'jug pa dga' ba med pa'i dge slong des phyogs bzhir bltas nas bcom ldan 'das shAkya thub pas dpag tshad phyed tshun chad du bltas na spos kyi ngad ldang ba'i ri brgyan pa thams cad lta bar de ltar sngon gsungs so/ /rin po che bdun gyi rang bzhin gyi spos kyi ngad ldang ba'i ri byang chub sems dpas gang ba la lta'o| |bcom ldan 'das kyi mthus de dag bcom ldan 'das shAkya thub pa gang na ba der dong ste skad cig yud tsam gyis skabs phye nas byang chub sems dpa' rnams bcom ldan 'das kyi spyan sngar 'khod par gyur to/ /nyan thos rnams dang / nyan thos pa'i theg pa can rnams kyi sems can rnams kyang com ldan 'das gang na ba der dong ste phyin nas chos mnyan pa'i phyir bcom ldan 'das kyi spyan sngar 'khod do/ /gang yang nyan thos chen po'i theg pa de ku ru'i grong rdal du so so nas bsdus te thim par gnas so/ /de'ang 'ong de yang dag par shes pa dang / de'ang zang zing med pa'i dga' ba dang bde bas tshim par byas pa yod pa de las lhan cig tu langs te bcom ldan 'das spos kyi ngad ldang ba'i </font><hr>356b<br><font size=+1>


ri la bzhugs pa mthong ngo / /byang chub sems dpa'i tshogs dang / nyan thos kyi tshogs kyis bskor cing mdun du byas te rgyan chen po mthong nas de dag gzhan yang yang dag par shes so| |btsun pa dgongs shing /bdag ni/ da ltar de bzhin gshegs pa spos kyi ngad ldang ba'i ri la bzhugs shing rgyan chen po dang / tshogs chen po'i 'khor gyis bdag kyang chos mnyan pa'i phyir bcom ldan 'das gang na ba der nye bar song ngo / /de nas mi mjed kyi sangs rgyas kyi zhing 'di'i nyan thos chen po ji snyed pa dang / nyan thos dang / nyan thos kyi theg pa pa ji snyed pa de dag kyang bcom ldan 'das la chos mnyan pa'i phyir 'khod do/ /tshad med grangs med dpag tu med pa'i nyan thos dang / tshad med grangs med dpag tu med pa'i nyan thos kyi theg pa pa'i sems can rnams chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis tshe dang ldan pa rab 'byor la bos te rab 'byor/ 'di ni/ smin pa dang / rnam par smin pa zhes bya'o/ /rab 'byor/ de tsam gyi bar du rnam par smin pa zhes bya'o/ /rab 'byor gyis gsol pa/ gang bcom ldan 'das rnam par smin pa'i mtshan nyid 'byung ba de bzhin du de bzhin gshegs pa'i mtshan nyid rnam par smin pa nam mkha'i mdzod kyi rgyas pa sems can gcig kyang mya ngan </font><hr>357a<br><font size=+1>


@#/ /las 'das par mi 'gyur ro/ /de ci'i phyir zhe na/ sems can de thams cad kyang 'jigs shing 'jigs par 'gyur bas gcig gis kyang bla na med pa yang dag pa'i byang chub tu sems bskyed pa cung zad kyang med do/ /de ltar de bzhin gshegs pa tshad med pa'i mtshan nyid de re re la'ang mtshan nyid rnam par smin pa la gzugs med pa dang / mtshan nyid med pa dang / dngos po med pa'i lus thams cad mtshan nyid dang bral zhing sangs rgyas kyi chos thams cad nam mkha' dang 'dra bar mnyam zhing gzugs med pa la so sor dgod pa med pa ni/ sangs rgyas kyi chos kyi bar du rnam par shes pa la so sor dgod do/ /sangs rgyas kyi chos la mig gi khams dgod pa med pa ni/ sangs rgyas kyi chos rnam par smin pa de'i bar du yid kyi khams la dgod pa med pas sangs rgyas kyi chos rnam par smin pa'o/ /gzugs kyi khams la dgod pa med pas sangs rgyas kyi chos rnam par smin pa de'i bar du reg pa so sor dgod pa med pa'o/ /yang sa'i khams so sor dgod pa med pas sangs rgyas kyi chos rnam par smin pa de'i bar du rlung so sor dgod du med pas sangs rgyas kyi zhing rnam par smin pa'o/ /'dod pa'i khams so sor dgod pa med pas sangs rgyas kyi chos rnam par smin pa de'i bar du gzugs kyi khams so sor </font><hr>357b<br><font size=+1>


dgod pa med pas sangs rgyas kyi chos rnam par smin pa'o/ /bdag dang gzhan du mi rten pa dang / nga rgyal la mi rten pa dang / yid la byed pa la mi rten pa dang / rtag pa la mi rten pa dang / chad pa la mi rten pas sangs rgyas kyi chos rnam par smin pa'o/ /yi ge'i phyi mo dang / mtshan ma la mi rten pas sangs rgyas kyi chos rnam par smin pa'o/ /de ci'i phyir zhe na/ bcom ldan 'das mtshan nyid med pas bcom ldan 'das kyis chos thams cad bshad pa ni/ rang gi mtshan nyid dang bral ba stong pa'i tshul gyi spyod yul lo/ /bcom ldan 'das kyis bka' stsal pa| legs so legs so/ /rab 'byor/ khyod de ltar de bzhin du shin tu smras pa ni/ rab 'byor/ gang yang de bzhin gshegs pa'i rnam par smin pa sgrub pa ni/ mtshan nyid med par 'gyur ro/ /de yang de bzhin gshegs pa'i sems can du 'dzin par 'gyur ro/ /srog tu 'dzin pa dang / gso bar 'dzin pa dang / gang zag tu 'dzin pa de'ang rab 'byor| de bzhin gshegs pa'i sems can du 'dzin pa'i mtshan nyid du 'gyur ro/ /de'i bar du gang zag tu 'dzin par 'gyur ro/ /yang de bzhin gshegs pa dang / nyan thos dang / rang sangs rgyas kyi khyad par du 'phags pa ma yin/ ye shes la mkhas par 'gyur ro/ /gang rab 'byor/ byang chub sems dpa'i thog mar sems bskyed pas dge ba'i rtsa ba'i </font><hr>358a<br><font size=+1>


@#/ /mtshan nyid rnam par smin pa dben pa'i mtshan nyid la rnam par rtog par byang chub sems dpas brjod do/ /de ci'i phyir zhe na/ gang de la rab 'byor/ byang chub sems dpa'i mtshan nyid kyi 'du shes dang / de la spros pa yongs su 'dzin pa'i 'du shes dang / gang las spros pa'i yongs su 'dzin pa'i 'du shes dang / nga rgyal gyi 'du shes dang / mi rtag pa'i 'du shes dang / de la thams cad bde bar 'dod pa'i 'du shes dang / gang la bde bar 'dod ba'i 'du shes de la byams pa chen po dang / snying rje chen por mi 'gyur ro| |rab 'byor/ gang la byams pa chen po dang / snying rje chen pos bsam pa dang sems par mi 'gyur ro/ /de la thar par yongs su bsngos pas dge ba'i rtsa ba mi ldang ba las kyang thar to/ /de bas na rab 'byor/ 'khor gsum yongs su dag pa dang / pha rol tu phyin pa drug la ma 'khrugs pas thar par yongs su bsngos pa dge ba'i rtsa bar brjod do/ / de ltar nam mkha' la mi rtog go /rnam par mi rtog pa de ltar de bzhin du rtog pa dang / rnam par rtog pa thams cad spong bar byang chub sems dpas brjod do/ /'di lta ste/ yang rab 'byor| zla ba 'phel ba zhes bya ba'i sman gyi rgyal pos nad pa dang / na ba thams cad sel ba la zla ba 'phel ba'i sman gyi rgyal pos de bzhin du mi rtog par yang mi 'gyur ro/ /bdag </font><hr>358b<br><font size=+1>


gis nad thams cad bsal bas yang de'i nad de bzhin du rtog par yang mi 'gyur ro/ /bdag gi lus 'di la sman gyis sel bar 'gyur ro/ /phan tshun du rnam par rtog pa med cing mi rtog pas nad thams cad zhi ba de ltar de bzhin du rab 'byor/ gang byang chub sems dpas chung du na'ang pha rol tu phyin pa drug kun tu spyod do/ /gal te sbyin pa byin pa dang shes rab ji snyed pa sgom mo| |dngos po de la rtog pa'ang med/ len pa'ang med/ de bas rnam par smin pa la rtog pa'ang med/ yang gzugs la rten pa kun tu spyod pa'ang med pa nas rnam par shes pa'i bar du rten cing kun tu spyod pa'ang med/ yang gzugs la brten cing kun tu spyod pa med pa nas reg pa'i bar du rten cing kun tu spyod pa'ang med do/ /de'i ming du'ang 'dzin par mi 'gyur ba nas gang zag gi bar du'ang 'dzin par mi 'gyur ro/ /gang khams gsum thams cad yul med pa dang / g.yo ba dang chung du zhes bya ba ni/ pha rol tu phyin pa drug spyod do/ /'di la'ang byang chub sems dpa' rtog pa med cing rnam par rtog pa med pa nam mkha' ji lta ba de bzhin du tshad med pa'i shes rab kyi phung por 'gyur ro/ /khams gsum thams cad nyon mongs pa spangs pas myur du bla na med pa yang dag par rdzogs pa'i byang chub tu 'tshang rgya'o/ /rab 'byor/ de bas na/ thar pa'i lam la 'dod pas sems can gyi 'du shes kyi dge ba kun tu spyod par mi bya ba </font><hr>359a<br><font size=+1>


@#/ /nas gang zag gi 'du shes kyis dge ba kun tu spyod par mi bya'o/ /phung po'i 'du shes dang / khams dang / skye mched kyi 'du shes kyis dge ba kun tu spyod par mi bya'o/ /nga yir bya ba dang / bdag gir bya ba'i 'du shes kyis dge ba kun tu spyod par mi bya'o/ /'dod pa'i 'du shes dang / gzugs yod pa'i 'du shes dang / gzugs med pa'i 'du shes kyis dge ba kun tu spyod par mi bya'o/ /de ci'i phyir zhe na/ rab 'byor/ de ltar sems can dang / nam mkha' dang / thar pa dang / rnam par smin pa'i mtshan nyid la bdag med pa zhes bya ba ni/ ma lus pa dang / tha mi dad par stong pa mya ngan las 'das pa zhes bya'o/ /'di la bcom ldan 'das kyis lung bstan pa 'di smras pa'i tshe nyan thos dang / nyan thos kyi theg pa pa'i sems can me bcu rdul yal bye ba khrag khrig brgya stong phrag dgu bcu rtsa gnyis bla na med pa yang dag par rdzogs pa'i byang chub tu sems skyes par gyur to/ /phyir mi ldog pa'i sa so sor thob par gyur to/ /de nas bcom ldan 'das kyis tshe dang ldan pa rab 'byor la bka' stsal pa/ rab 'byor/ rkyen gyi 'du shes lta bus chos thams cad shes te/ 'jig rten gyi sems can rnams rkyen dang 'du ba tshogs te byung ba'i shes rab tu shes pas tshe rgya mtsho las 'das so/ /mun pa'i phung po </font><hr>359b<br><font size=+1>


thams cad 'jig go /'di lta ste/ mun pa'i zla ba rnams mun pa'i mtha' zad do/ /snang ba ni/ zla ba'i rkyen to/ /snang ba'i rkyen ni/ 'du shes so/ /'du shes kyi rkyen ni/ 'du byed do/ /'du byed kyi rkyen ni/ rnam par shes pa ste/ de'i bar du sdug bsngal gyi phung po 'byung bar 'gyur ro/ /de la nam mkha' snang bar mi rtog go /nam mkha' snang ba ma yin/ 'du shes snang ba ma yin par mi shes so/ /'du shes snang bar mi rtog go /'di la snang ba 'gags pas 'du shes 'gog go /'du shes 'gog pas 'du byed 'gog pa de'i bar du sdug bsngal gyi phung po chen po'ang 'gog par 'gyur ro/ /de'i dus gcig na'ang bcom ldan 'das kyis lung bstan pa bshad pa na sa ya brgya stong phrag brgyad cu'i nyan thos kyi theg pa'i sems can rnams rang sangs rgyas kyi theg pa la sems bskyed do/ /rdul dang bral ba'i ting nge 'dzin so sor thob par gyur to/ /rang sangs rgyas kyi theg pa las phyir mi ldog par gyur to/ /de nas bcom ldan 'das kyis yang tshe dang ldan pa rab 'byor la bka' stsal pa/ rab 'byor/ dge sbyong gi chos la dge sbyong gi chos zhes bya ba ji tsam gyi bar du dge sbyong zhes bya/ rab 'byor gyis gsol pa/ bcom ldan 'das/ dge sbyong gi chos zhes bgyi ba ni/ bslab pa gsum ni/ bcom ldan 'das/ dge sbyong gi chos zhes bgyi'o/ /bcom ldan 'das kyis </font><hr>360a<br><font size=+1>


@#/ /bka' stsal pa/ de ltar de bzhin no/ /rab 'byor/ lhag pa'i tshul khrims dang / lhag pa'i sems dang / lhag pa'i shes rab tu slob pa ni/ dge sbyong gi chos zhes bya'o/ /'di la lhag pa'i tshul khrims kyi bslab pa gang zhe na/ dge sbyong so sor thar pa la bsdam pa sdom par 'gyur ba dang / spyad pa'i spyod yul gyi rdul phun sum tshogs pa kha na ma tho bas 'jigs pa la blta ba dang / kun nas 'byung ba la bslab pa la slob pa'i tshig 'di dag ni/ rab 'byor/ lhag pa'i tshul khrims slob pa zhes bya'o// lhag pa'i sems slob pa ni/ tshangs pa'i gnas bzhi la gnas pa 'di'i phyir byams pa'i sems dang ldan pa 'jig rten thams cad 'gengs pa de'i bar du rnam par rgyas par brjod pa 'di ni/ lhag pa'i sems slob pa zhes bya'o/ /lhag pa'i shes rab slob pa gang zhe na/ 'di ni/ 'phags pa'i bden pa bzhi ste/ bzhi gang zhe na/ 'di lta ste/ 'phags pa'i bden pa'i sdug bsngal ba dang / kun 'byung ba'i sdug bsngal dang / 'gog pa'i sdug bsngal dang / 'gog pa la nan tan du 'gro ba'i 'phags pa'i bden pa'o| |sdug bsngal lo/ /'phags pa'i bden pa'i sdug bsngal gang zhe na/ 'di lta ste/ skye ba'i sdug bsngal dang / rgas pa'i sdug bsngal dang / nad kyi sdug bsngal dang / </font><hr>360b<br><font size=+1>


'chi ba'i sdug bsngal dang / mi mdza' ba dang phrad pa'i sdug bsngal dang / mdza' ba dang bral ba'i sdug bsngal dang / 'dod pa mi rnyed pa'i sdug bsngal dang / mdor na nye bar len pa'i phung po'i sdug bsngal 'di ni/ 'phags pa'i bden pa'i sdug bsngal zhes bya'o/ /kun nas 'byung ba'i sdug bsngal gang zhe na/ gang la la smon pa'i 'dod chags dang ldan pa de dang der 'gyur ro/ /'gog pa'i sdug bsngal gang zhe na/ smon pa mngon par 'gyur ba 'di ma lus par so sor spong ba/ shin tu mi 'byung ba/ zad pa med pa/ 'dod chags dang bral ba/ nye bar zhing 'di zhes bya'o/ /sdug bsngal 'gog par 'gro ba la nan tan byed pa'i 'phags pa'i bden pa gang zhe na/ 'di lta ste/ de bzhin du 'phags pa'i lam gyi yan lag ni/ 'di lta ste| yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin 'di ni/ bden pa'i gtam brgyad ces bya'o/ /gang cung zad kyang 'das pa'i dus su 'gyur ba 'di ni/ de bzhin gshegs pa dgra bcom pa yang dag par rdzogs pa'i sangs rgyas de dag de bzhin gshegs pa'i yang de bzhin du nyan thos kyis yang dag pa'i phul bshad pa ni/ 'di lta ste/ 'phags pa'i bden pa </font><hr>361a<br><font size=+1>


@#/ /bzhi'o| |de bas na/ gang cung zad kyang phyogs bcu'i sangs rgyas kyi zhing tshad med grangs med pa la de bzhin gshegs pa dgra bcom pa yang dag par rdzogs pa'i sangs rgyas bzhugs so/ /'tsho'o/ /skyong ngo / /rnyog pa lnga'i sangs rgyas kyi zhing gi sems can la chos 'chad do/ /de dag de bzhin gshegs pas gzugs de bzhin du nyan thos kyis yang dag pa'i phul gyi chos bshad pa ni/ 'di lta ste/ 'phags pa'i bden pa bzhi'o/ /gang cung zad kyang 'das pa'i dus su 'gyur ba de ni/ de bzhin gshegs pa dgra bcom pa yang dag par rdzogs pa'i sangs rgyas de dag kyang de bzhin gshegs pa dgra bcom pa yang dag par rdzogs pa'i sangs rgyas kyis gzugs de bzhin du nyan thos kyis yang dag pa'i phul gyi chos bshad par 'gyur ba ni/ 'di lta ste/ 'di ni/ 'phags pa'i bden pa bzhi'o/ /gang gi tshe 'das pa dang / ma 'ongs pa dang / da ltar byung ba thams cad de bzhin gshegs pa dgra bcom pa yang dag par rdzogs pa'i sangs rgyas 'di ni/ bden pa'i tshig go /de bas na/ 'di ni/ 'phags pa'i bden pa bzhi'i bar du lhag pa'i shes rab bslab pa 'di la'ang bcom ldan 'das kyis 'phags pa'i bden pa lung bstan par bshad pas gang sems </font><hr>361b<br><font size=+1>


can bye ba khrag khrig stong phrag brgya tshad med grangs med pa'i nyan thos kyi theg pa'i sems can dag mi skye ba'i rjes su sa thob pa kha cig gis ni/ spyi bo/ kha cig gis ni/ bzod pa/ kha cig gis ni/ 'jig rten gyi mchog gi chos rnams khong du chud do/ /kha cig gis ni/ rgyun du zhugs pa'i 'bras bu thob bo/ /kha cig gis ni/ lan gcig phyir 'ong ba'i 'bras bu dang / kha cig gis ni/ phyir mi 'ong ba'i 'bras bu dang / kha cig gis ni/ nyon mongs pa thams cad dang bral ba dgra bcom pa'i 'bras bu thob par rdzogs so// // so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba theg pa chen po'i mdo le'u brgyad do/ /de nas bcom ldan 'das kyis shin tu rnam par phye ba spyod pa dang ldan pa'i ting nge 'dzin du zhugs nas ting nge 'dzin logs su bcom ldan 'das kyi sku'i ba spu'i khung bu thams cad nas kha dog sna tshogs dang / kha dog du ma dang / brgya stong du ma'i kha dog gi 'od zer du ma sku las byung ngo / /de nas yang bcom ldan 'das kyis rnam pa sna tshogs la dka' thub dang / brtul zhugs ngan pa dag drang srong gi cha byad la kun tu blta'o/ /de la 'od byung bas phyogs bcu'i sangs rgyas kyi zhing chu bo gang+gA'i bye ma dang mnyam pa'i 'jig rten gyi rnyog pa lnga'i sangs rgyas kyi zhing snang bar </font><hr>362a<br><font size=+1>


@#/ /byed do| |gang yang chu bo gang+gA'i bye ma lta bu'i rnyog pa lngas sangs rgyas kyi zhing brtul zhugs dang / dka' thub ngan pa dang / mu stegs can gzhan rnams gang de dag bram ze la dad par 'jug pas gang sangs rgyas bram zer sprul te gnas so/ /de nas bram ze la dad par smras pa de bzhin no/ /bdag cag slob pa 'di ni/ bram ze la dad pas bdag kyang bram ze la lta'o/ /dga' ba dang yid bde ba skyes nas myur du langs te bram ze'i rkang pa la spyi bos phyag btsal te bram ze la thal mo sbyar te phyag byas nas 'di skad ces smras so/ /bcom ldan 'das la blta ba dang / phyag bgyi ba dang / bsnyen bkur ba'i phyir bdag cag gis 'khor de bzhin du yun ring po nas khyod kyi slob mar 'dren to| |bram ze sprul pa des smras pa/ bdag kyang gzhan tshangs pa chen po bdag gi bla mar yod pa'i lag pa bstan pa'i phyir bcom ldan 'das shAkya thub pa de bzhin du mi ring bar bzhugs so/ /smras pa/ bcom ldan 'das kyi mthus na sems can de'ang bcom ldan 'das shAkya thub pa bram ze chen po spos kyi ngad ldang ba'i ri la dpag tshad phyed tsam na gzhugs pa la lta'o/ /de'ang mchog tu dga' ba dang / yid bde ba skyed pa des yud tsam gyis na spos kyi ngad ldang ba'i ri la gnas pa dag shAkya thub pa bram ze chen po'i rkang pa gnyis </font><hr>362b<br><font size=+1>


la spyi bos phyag btsal te bcom ldan 'das kyi spyan sngar chos mnyan pa'i phyir 'khod do/ /gang dbang phyug la dad pa dang / gang brgya byin la dad pa dang / gang rgyal chen bzhi la dad pa dang / gang nyi ma dang zla ba la dad pa dang / gang nag po dang / nag po chen po gzhon nu la dad pa nas mi la dad pa'i bar du bsdus te de ltar mdun du 'od 'phro ba'i phung po byung bar gyur to// 'od 'phro ba'i phung po de las lha'i bu lus dang gos kyi kha dog dkar po/ gzugs bzang po/ mchog gi kha dog rgyas pa dang ldan pa byung bar gyur te/ me'i lha'i bus 'di skad ces smras so| |khyod ni/ bdag gi slob ma gor ma chag /des smras pa/ bcom ldan 'das/ de bzhin no/ /lha'i bus smras pa/ bdag la'ang me'i bdag po gzhan bla mar byed pa yod pas de ltar lag pas ston par byed do/ /bcom ldan 'das kyi mthus na sems can de'ang bcom ldan 'das shAkya thub pa spos kyi ngad ldang ba'i ri la dpag tshad phyed tsam nas de bzhin du mi ring bar bzhugs pa la lta'o/ /me'i phung po chen po de'i nang nas lus dang / skra dang / gos kyi kha dog dkar po/ gzugs bzang po/ blta na mdzes pa/ kha dog mchog tu rgyas pa dang ldan pa'i spyan sngar de'ang ji snyed pa chos mnyan pa'i slad du 'khod do/ /de nas yang de'i tshe de'i dus na tshad med grangs med pa'i chu bo gang+gA'i bye ma snyed kyi mu stegs can tshul khrims </font><hr>363a<br><font size=+1>


@#/ /dang / brtul zhugs ngan pa rnams bcom ldan 'das kyi spyan sngar chos mnyan pa'i phyir 'khod do/ /de la gang bram ze la dad pa de bram ze la dad pa'i bram ze'i gzugs kyis bcom ldan 'das la lta'o/ /de ltar de bzhin du sems dang / sems las skyes pas gal te bram ze chen po dang bdag gtam bya'o/ /gang bdag gi the tshom dang nem nur dag bcom ldan 'das bram ze chen po la bdag yongs su zhu'o/ /ji ltar 'khor thams cad dang ldan pa 'di bram ze chen po la dad par 'gyur ro| |gang de me'i brtul zhugs can nas me'i phung po chen po'i nang nas lha'i bu lus dang / skra dang / gos dkar po/ gzugs bzang po/ blta na sdug pa/ kha dog mchog tu rgyas pa dang ldan pa'i bar du lta'o/ /de ltar de bzhin du sems dang sems las skyes pa nas ji ltar 'khor thams cad dang ldan pa'i bar du me'i brtul zhugs can du 'gyur ro/ / de nas dri ma med pa'i gos gzhon nur gyur pas 'khor thams cad dang ldan pa la skad kyi dbyangs kyis gsol pa/ bzang po'i zhal 'dir bram ze chen po ji snyed yang dag par byon pa rnams gson cig /de ltar drang srong chen po shAkya thub pa de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ </font><hr>363b<br><font size=+1>


bde bar gshegs pa/ 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi'i mkhan po/ sangs rgyas bcom ldan 'das tshol ba/ sems can thams cad dang chos thams cad kyi pha rol tu 'gro ba/ byang chub sems dpa' rnams kyi pha rol dka' thub dang brtul zhugs dang tshangs pa spyod pa thams cad ston pa/ zag pa thams cad yongs su zad pa/ 'phags pa'i gang zag gi rgyal po/ sems can thams cad ngar sems pa med pa/ ded dpon mya ngan las 'das par 'gro ba/ dus gsum gyi sangs rgyas thams cad yongs su shes pa/ bsod nams su 'gro ba'i bsod nams kyi mdzod tshad med pa'i ye shes kyis sems can thams cad kyi bsam pa rnam par shes pa/ grangs med pa'i spobs pas ma rig pa'i mun pa thams cad sel bar byed pa/ rnam par dag pa'i nga ro dang dbyangs yod pas bzod pas brgyan pa/ me tog gi mtshan nyid can lus dpe byad bzang pos bris pa/ gtang du mi bra ba'i gzugs ston pa/ rigs dang mi mthun par son pa/ gzugs kyi spyod yul dag dga' bar byed pa/ dge bar mos pas mngon par dga' ba/ shes rab mngon du byung ba med pa| srid pa'i 'gro ba thams cad skam par byed pa/ gtsug lag thams cad kyi dam tshig dul ba med pa/ sku mnyam pa med pa/ 'dod pas gos pa med pa/ gzugs dang / mtshan </font><hr>364a<br><font size=+1>


@#/ /ma dang / mtshan nyid thams cad la gos pa med pa/ gzugs med pa las yang dag par shin tu 'das pa/ sdug bsngal thams cad grol ba/ mdud pa spangs pa| 'chi 'pho dang skye ba thams cad las phyir ldog pa/ sems can thams cad la sman par gyur cing sdug bsngal rab tu gtor bar byed pa/ dus gsum gyi phung po rnam par grol ba| skye mched dang / sred pa zad pa la chags pa med pa/ chu bo bzhi las rgal ba/ ye shes kyis ngoms pa med pa/ yang dag pa'i mtha' la so sor gnas pa/ rig pa bsgrubs pas rig pa thams cad dang ldan pa/ gtong ba/ snying rje chen po can/ sems can rnams mya ngan las 'das pa'i lam la 'god pa/ bdud bzhi'i yul las yang dag par shin tu 'das pa/ sems can chen po brjod du med par khong du chud pa de thams cad khyod dga' bar skyed cing byams pa 'byung bar byos shig /mi thob pa rnyed dka' ba dang / skad cig ma'i dus rnyed dka' ba dang / dge ba la mos pa rnyed dka' ba dang / dge ba'i grogs po rnyed dka' ba dang / tshangs par spyod pa'i gnas rnyed dka' ba dang / dbang po yongs su rgyas pa rnyed dka' ba dang / chos 'dod pa'i 'khor 'di 'dra ba rnyed dka' ba dang / dge ba'i grogs po la dmigs pa'i gtsug lag 'di 'dra ba rnyed dka' ba dang / chos mnyan pa la dmigs pa 'di 'dra ba rnyed </font><hr>364b<br><font size=+1>


dka' ba khyod kyis thob pa ji ltar sngon ma thos pa da nyon cig /sus yongs su ma shes pa yongs su shes par 'gyur ro/ /lam sngon khong du ma chud pa khong du chud par gyur cig /khyod sngon phung po dang / khams dang / skye mched mngon sum du ma yin pa de mngon sum du byung bar gyur cig /khyod sngon 'phags pa'i lam gyi yan lag brgyad ma bsgoms pa de da sems sgom par gyur cig /khyod zag pa ma zad par 'gyur ba dang / mun pa mun nag tu gyur pa'i 'khor ba rnams shes rab chen po'i snang ba dang ldan par gyur cig /de nas khyod de ma thag tu dka' thub dang / brtul zhugs dang / tshangs par spyod pa thams cad kyi 'bras bu rnam par smin pa de bzhin du nyon cig /ji ltar bcom ldan 'das drang srong chen po da ltar sems rtse gcig tu ston to/ /de nas mu stegs can de dag thams cad mgu zhing rangs pa dang / rab tu dga' ba'i sems kyis sems rtse gcig tu thal mo sbyar te bcom ldan 'das la mig mi 'dzum par lta bar gyur to/ /bcom ldan 'das kyis dri ma med pa'i gos gzhon nur gyur pa la bka' stsal pa/ rigs kyi bu/ ci 'dra ba'i tshul gyis na bzod pa so sor thob/ dam pa'i chos ci 'dra ba'i tshul gang dang gang gis na sems can snying por gnas pa la grol bar 'gyur ram/ tshul thams cad zad pa'i pha rol tu 'gro bar 'gyur ram/ ci ral </font><hr>365a<br><font size=+1>


@#/ /pas yongs su grol bar 'gyur ram/ 'on te rus sam/ lus kyis byug pa dang / thal ba'i mal gyis yongs su grol bar 'gyur ram/ 'on te brgya byin dang / tshangs pa dang / zla ba dang / nyi ma dang / me dang sten pa'i bar du snying por gnas pa la yongs su grol bar 'gyur ram/ 'jigs pa rnam pa thams cad zad pa'i pha rol tu 'gro bar 'gyur ram/ de skad ces bka' stsal pa dang / dri ma med pa'i gos gzhon nur gyur pas bcom ldan 'das la 'di skad ces gsol to/ /btsun pa bcom ldan 'das/ sems can lta ba'i rnyed pa 'dis snying por gnas pa la 'gro bar mi 'gyur ro/ /'chi 'pho dang skye ba shin tu srid pa 'gro ba la brtag pa na/ srid pa kun tu sbyor ba'i pha rol tu 'gro bar mi 'gyur ro/ /sems can gyi mtha' 'di gnyis kyis gang so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa 'di yongs su nyams par 'gyur ro/ /gang yang 'dod pa dang 'dod pa bde ba'i rjes su sbyor ba rang bzhin gyis 'gro ba ngan pa'i mi la brtson no/ /gang yang bdag la gnod par sbyor ba'i zhags pa 'thub pa dgu bcu rtsa lnga tshul khrims dang brtul zhugs ngan pa 'phags pa ma yin pa dang / don du mi 'gyur ba 'di gnyis kyi bzod pa yongs su nyams pa'i phyir 'jig par 'gyur ro/ / </font><hr>365b<br><font size=+1>


nyon mongs pa'i phung po chen po 'byung bar 'gyur ro/ /btsun pa bcom ldan 'das/ de 'di bzod pa sgom pa dang / gang gis bzod pa thob pa mi shes so/ /gang la 'dod chags zhe sdang dang / /nga rgyal 'chad par rab tu gnas/ /phung po lnga dang mi ldan pas/ /byas pa shes la med par 'grol/ /pha ma dgra bcom stong pa ste/ /stong pa'i chos la bsten pas na/ /dngos po med cing 'dres med pa/ /tshul gcig gis ni grol bar 'gyur/ /tshor ba rnam gsum 'dres med cing / /'du byed gsum yang snyems pa med/ /ji ltar shes pa mchog gi phyir/ /srid pa zad la 'grol bar 'gyur/ /khams gsum dag ni snyems med pa/ /rig pa gsum ni rab tu bslabs/ /tshor ba rnam gsum yongs shes shing / /dus gsum la ni chags pa med/ /smon pa'i 'dod chags zad pa dang / /brjod du med la grol bar 'gyur/ /ji ltar nyi zla nam mkha' rnams/ /rgyu ba la ni chags pa med/ /mtha' gnyis rnam par spangs nas ni/ /skye ba zad la 'grol bar 'gyur/ /snying rje chen po rnam gnyis spong / /sdug bsngal thams cad rab tu bkrol/ /blo gros rtog pa spangs pas na/ /snying por gnas pa rnam par bkrol/ /rtog dang rnam rtog spangs pa ni/ /bsod nams chags pa'i sdig pa med/ /sems can rnams ni snying brtse'i phyir/ /spyod la chags pa 'grol bar 'gyur/ /lha dang dri za mi rnams kyis/ /drang po'i lam ni mi </font><hr>366a<br><font size=+1>


@#/ /shes so/ /de ltar shin tu rtogs pa'i phyir/ /spyod la chags pa 'grol bar 'gyur/ /snying rje dang ldan yid gzhungs pa/ /sems can spyod pa rab mi shes/ /ye shes mchog dang ldan pas na/ /sems can sangs rgyas rab tu 'grol/ /yang dri ma med pa'i gos gzhon nur gyur pas 'di bstan pa'i tshe yongs su sbyang ba sngon byas pa'i mu stegs can gzhan khrag khrig phrag dgu bcu rtsa brgyad kyis so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa 'di so sor thob par gyur to/ /mu stegs can gzhan me bcu rdul yal stong bla na med pa yang dag par rdzogs pa'i byang chub tu sems skyes par gyur to/ /phyir mi ldog pa'i sa thob par gyur nas lha dang / dri za dang / mi'i 'khor thams cad dang ldan pa des dri ma med pa'i gos gzhon nur gyur pa la legs so/ /zhes bya ba byin no/ /skyes bu dam pas shin tu legs par bshad pa legs so legs so/ /bcom ldan 'das des kyang dri ma med pa'i gos gzhon nur gyur pa legs so/ /zhes bya ba byin no/ /skyes bu dam pa/ khyod kyis sems can mang po yongs su smin par byas pa dang / legs par bshad pa legs so/ /de nas bcom ldan 'das kyis sgra kun tu 'tsho ba'i me'i brtul zhugs can la bka' stsal pa/ sgra kun tu 'tsho ba/ las kyi </font><hr>366b<br><font size=+1>


sgrib pa rnam par dag pa las kyi sgrib pa rnam par dag pa zhes bya ba ni/ las rnam par sman pa yid kyis bya ba la chags pa med pa'o/ /chos thams cad la snyems pa med pa'o/ /'dod chags kyi mtha' la sogs pa med pa'o/ /zhe sdang dang / gti mug gi mtha' la sogs pa med pa'o/ /snyems pa med pa'o/ /nye bar 'gro ba med pa'o/ /nye bar len pa med pa'o/ /de yang dag pa'i mtha' mngon sum du mi byed pa'o/ /gang mngon sum du mi byed pa de rlom zhing sems pa med pa'o/ /gang rlom zhing sems pa med pa de gzung ba med pa'o/ /gang gzung du med pa de chags pa med pa'o/ /gang chags pa med pa de dngos po med pa'o/ /gang dngos po med pa de shes pa med pa'o/ /gang shes pa med pa de tshu rol dang pha rol tu'o/ /gang tshu rol dang pha rol po de brjod du med pa'o/ /gang brjod du med pa de dngos po med pa'o/ /gang dngos po med pa de 'byung ba med pa'o/ /gang 'byung ba med pa de 'gog pa med pa'o/ /gang 'gog pa med pa de yi ge med pa'o/ / gang yi ge med pa de dus gsum dang skad cig mar bral ba'o/ /gang dus gsum dang skad cig mar bral ba de so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa dang ldan pa gang byang chub sems dpas bdud thams cad kyi lam la yongs su sbyor bar byed do/ /gzhan yang sgra kun tu 'tsho ba/ gang byang chub sems dpa' nyan thos </font><hr>367a<br><font size=+1>


@#/ /dang / rang sangs rgyas kyi theg pa la reg par mi byed/ 'dus byas kyi chos la snyems pa med cing reg par mi byed/ 'di lta ste/ dper na/ nam mkha' dang chos thams cad la snyems pa med cing reg pa med pa de ltar de bzhin du byang chub sems dpa'i chos la snyems pa med cing reg pa med de/ de nas las kyi sgrib pa rnam par sbyong bar byed do/ /'di ston pa bstan pa'i tshe chu bo gang+gA'i bye ma snyed kyi las sngon byas pa'i mu stegs can gzhan so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba so sor thob par gyur to/ /chu bo gang+gA bdun gyi bye ma snyed kyi mu stegs can gzhan bla na med pa yang dag par rdzogs pa'i byang chub tu sems skyes par gyur to/ /phyir mi ldog pa'i sa thob par gyur to/ /de nas bcom ldan 'das kyis bdud spong ba kun tu rgyu la bka' stsal pa/ bdud spong ba/ gang khyim gyi gnas nas byung ste thar pa la mngon par brtson pa'i rkyen gyis chos dang chos nyid kyi rjes su rab tu mi shes so/ /yongs su grol ba med do/ /skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams yongs su thar pa med do/ /phung po dang / khams dang / skye mched rnams rtag tu phyi ma'i mtha' 'khor ba'i chu klung </font><hr>367b<br><font size=+1>


rtag tu 'bab bo/ /ci 'dra ba'i yid dam bgyis na/ rkyen gyis rab tu mi shes/ 'di lta ste/ de bzhin du khyod kyi gzugs dka' thub dang / brtul zhugs dang / tshangs par spyod pa'i 'bras bu med pa/ 'phags pa la dmod pa ni/ ji ltar la la gos med pa dang / la la gos por ba dang / la la rus pa'i rdul gyis byugs pa dang / la la thal bas byugs pa dang / la la snag tshas byugs pa dang / la la khu chu byung bas byugs pa dang / la la bad kan gyis byugs pa dang / la la nyal nyil gyis byugs pas 'khod do/ /la la skra'i snam bu gyon to/ /la la bal gyi snam bu dang / la la smyig ma'i gos dang / la la rtswa'i 'dab ma'i gos dang / la la dur khrod pa'i gos dang / la la ming mkhan tsam gyi gos dang / la la bya'i gos dang / la la ba lang gi slud bu dang / la la phyag dar khrod kyi gos dang / la la pags pa dang / rnying pa'i gos gyon to/ /la la tshod ma za bar 'gyur ro/ /la la nas za ba dang / nas las byas pa za ba dang / sbun pa za ba dang / bya za ba dang / ri dwags za ba dang / dug za ba dang / mar za ba dang / 'bras bu za ba dang / rtswa za ba dang / shun phrags za ba dang / 'dab ma za ba dang / me tog za ba dang / la la yang 'bras bu'i ro za ba dang / la la yang pad+mo'i rtsa ba'i tshal ba za ba dang / rlung za ba dang / pags pa za ba dang / khrag za ba dang / la la yang ngan skyug skam po za bar 'gyur ba </font><hr>368a<br><font size=+1>


@#/ /de nyin mtshan shin tu gtong bar byed do/ /la la de bzhin du sa kha ra za ba len pa med cing lag pas ma yin/ khas ma yin/ lhung bzed las ma yin/ 'breng bus ma yin/ gtun bu'i bar las ma yin/ rtswa las ma yin zhing nying rum las za ba so sor len pa med do/ /rje'u rigs kyi lag pa nas za ba so sor len pa med do/ / bram ze'i lag pa nas ma yin/ mtha' med pa'i lag pa nas ma yin/ byol song ba'i skye gnas kyi kha nas ma yin/ chur bor ba las ma yin/ sa la bzhag pa las ma yin/ ri'i kha las ma yin/ snod gcig tu gnyis za ba ma yin/ bza' ba lag pas len pa med do/ /la la gsher ba las za ba med do/ /gang la bud med sbrum pa med pa dang / gang la khyim gnas pa dang / gang na cho ga med pa dang / gang na sbrang ma rgyu ba 'di la za ba med do/ /btsun pa khyod kyi phyir gang su zhig gis mchod ston de ltar byas so/ /zhes de bzhin smras pa 'di zos pa med do/ /mar med pa dang / sha med pa dang / sgog pa med pa che dkar byas te zos pa med do/ /chang 'thungs pa med do/ /sbrang rtsi dang / bu ram dang / rgun chang dang / mar 'thung zhing zas dang skom gzhan len pa'ang med do/ /khyim gcig tu thams cad za'o/ /la la yang ril po gcig gis nyin mtshan shin tu gtong bar byed/ la la ril po </font><hr>368b<br><font size=+1>


gnyis las bdun gyi bar du nyin mtshan shin tu gtong bar byed/ la la yang ril po gcig gis nyin mtshan shin tu gtong bar byed/ la la nyin mtshan gsum dang / la la bzhi dang / la la lnga dang / la la drug dang / la la yang nyin mtshan bdun gyis shin tu gtong bar byed/ la la yang slong ba gcig gis nyin mtshan shin tu gtong bar byed/ la la gnyis dang gsum nas bdun gyi bar du slong bas nyin mtshan shin tu gtong bar byed/ la la tsher ma'i nang du mal byed pa dang / la la zhing gi rol dang / la la rus pa dang / la la thal ba dang / la la gram bu dang / la la rdo ba dang / la la gtun bu'i sdug bsngal gyi nang du mal byed par 'gyur ro/ /la la stan gyis yongs su bskor ba dang / la la lag pa gyen du nyin mtshan shin tu gtong bar byed/ la la lag pa yan lag la 'jus shing nyin mtshan shin tu gtong bar byed/ la la skra dang / ag tshom dang / la la rkang pa yan lag la 'jus shing nyin mtshan shin tu gtong bar byed/ la la chu'i nang du zhugs te nyin mtshan shin tu gtong bar byed/ la la rkang pa gcig gis zla ba ston pas na nyin mtshan shin tu gtong bar byed/ nyi mas skem phan nyin mtshan lngas shin tu gtong bar byed/ la la skra dang ag tshom 'thog pa dang ldan pas nyin mtshan shin tu gtong bar byed/ la la ral pa'ang 'dzin par byed/ chu'ang 'dzin par </font><hr>369a<br><font size=+1>


@#/ /byed| dbyig pa gsum spyod par byed/ la la ri la ltung bar byed/ la la me la ltung bar byed/ la la chu la 'jug par byed/ la la ri dang shing dang lteng ka'i lha bran la phyag bya bas nyin mtshan shin tu gtong bar byed/ la la byol song gi skye gnas kyi brtul zhugs kyis nyin mtshan shin tu gtong bar byed/ sdig pa spong ba/ khyod kyis gzugs de bzhin du dka' thub dang / brtul zhugs dang / tshangs par spyod pa la gnas pa phyogs dang mi mthun pa'i mya ngan las ma 'das shing 'phags pas smod gor ma chag /btsun pa bcom ldan 'das/ de bzhin no/ /bcom ldan 'das kyis bka' stsal pa/ sdig pa spong ba/ khyod thar pa la'ang phyogs dang mi mthun pa'i mya ngan las 'das pas 'phags pa la smod pa ni/ 'di lta ste/ dri mas dri ma bkrus pa dang / dmar pos dmar po bkrus pa dang / mun pas mun pa la zhugs pa dang / dug gis dug zos pa dang / tshig pas me'i nang du bcug pa de ltar de bzhin du khyod sdug bsngal mya ngan las 'da' ba'i thar pa la brtson pas nyon mongs pa las thar par bya ba'i phyir khyod kyi gzugs de bzhin du mchog tu dka' ba spyod pa bdag la gnod pa'i rjes su sbyor bar 'gyur ro/ /phyi phyir yang nyon mongs pa stug pos bcings shing btags par 'gyur ro/ /sdig pa spong </font><hr>369b<br><font size=+1>


ba| bdag ni/ grangs med pa'i bska pa las shin tu 'das pa dang / shin tu grangs med tshad med pa'i rnam pa rgyas par mngon par shes so/ /gang bdag de'i dus de'i tshe na rnyog pa lnga'i sangs rgyas kyi zhing gi rgyal po bsod nams kyi 'od zer gyi mdzod ces bya ba dang / dbu ma'i gling bzhi dang / dzam+bu'i gling gi dbang por yang lo stong gi bar du skye bar gyur to/ /de'i tshe na yang sems can rnams shin tu rga shi'i bgegs su gyur to/ /de'i tshe na sangs rgyas 'byung ba med pa dang / sangs rgyas kyi bstan pa med pas yang de'i tshe na rang sangs rgyas su gyur pa'ang med do| |drang srong yang med de/ phyi ma'i dus na bdag dgon pa dang / nags 'dabs nas 'byung bar gyur to/ /la la lha'i bya ba kha dog bzhi dang / lus kyi stobs dang lhan cig skyil mo krung bcas pa de la bdag dang sems can bye ba khrag khrig brgya stong mang po blta bar gyur to/ /zla ba dang nyi mas ston pa de la bdag gis dris pa/ gang bdag gis bzung zhing btang ste/ dgon pa dang nags 'dabs su spyod cig /ces khyod la ston pa su/ des smras pa/ bdag ni/ rga shi'i bgegs so/ /shu bas yongs su bzung ba dang / nad kyis yongs su bzung ba dang / zug rdus yongs su bzung ba ste/ yongs su bzung ba de thams cad bdag gis gtong ba dang / nags 'dabs su thar ba'i thabs mi shes pas nyin mtshan shin tu gtong bar gyur to// </font><hr>370a<br><font size=+1>


@#/ /de la bdag gis dri ba dris pa/ khyod la ston pa su/ des smras pa/ nyi ma dang zla ba gnyis bdag gis bstan te/ rga shi 'byung ba la brten par yang mi shes so| |bdag de ltar sems skyes pas bdag gis sems can yongs su smin par 'gyur ro/ /bdag gang na bla na med pa yang dag par rdzogs pa'i byang chub mngon par 'tshang rgya/ gang bdag ni/ sems can rnams kyi lam 'di mthong ba'ang med do/ /bdag ni/ ma 'ongs pa'i dus na sgrib pa med pa'i ye shes rnam par grol ba'i las kyi sgrib pa'ang med do/ /bdag de las phyir log ste rang rgyal po'i pho brang du zhugs te bdag gis bud med kyi rtse ba'i rang bzhin thams cad spangs shing rgyal po'i dgos pa thams cad bor te nyin mtshan bdun du kha zas med par so so nas bsdus te thim pa gcig tu spyod par 'gyur ro/ /bdag de bzhin du smon lam bskyed do/ /gal te bdag sangs rgyas bye ba khrag khrig brgya stong mang po'i mdun du dge ba'i rtsa ba bskyed pa ni/ bla na med pa yang dag par rdzogs pa'i byang chub tu bsngos par 'gyur ro/ /de 'di sangs rgyas bcom ldan 'das dag dgongs shing / bdag ni/ gang phyogs bcu'i tshad med grangs med pa'i 'jig rten gyi khams na gnas so/ /'tsho'o/ /skyong ngo / /snying rje chen po dang ldan pa'i sems can </font><hr>370b<br><font size=+1>


rnams la chos ston to/ /sangs rgyas bcom ldan 'das de'i sgrib pa med pa'i ye shes ston cing bdag gi re ba yongs su rdzogs par byed do/ /ji ltar bdag de 'dra ba'i nye bar len pa'i rnyed par gyur pa gang gi thabs kyis gang la bdag de ltar sems can rnams kyi gnyen du gyur/ sems can rga shi'i lam mthong bar gyur/ gal te bdag sangs rgyas bcom ldan 'das kyi dgongs pa med pas de ltar bdag zas dang skom yongs su mi za ba nas bkres shing skom pas shi bar byas pa'i bar du mnar med pa'i dmyal ba chen po mi zad par drag cing tsha ba'i sdug bsngal gyi tshor ba rnams tshor bar 'gyur zhing sems can thams cad phyi ma'i mtha' la thug gi bar du 'khor ba ni/ chung ngu na sems can gcig kyang 'khor ba las grol ba med do/ /bdag kyang dmyal ba las yongs su grol ba med pa ni/ gang sngon gyi mtha' la thug pa dang / phyi ma'i mtha' la thug pa'i sems can rnams nyon mongs pa skye ba dang / sdug bsngal skye ba dang / sems can gyi sgrib pa dang / nyon mongs pa'i sgrib pa dang / las kyi sgrib pa dang / chos kyi sgrib pa bor bar 'gyur ro/ /yongs su smin pa med pa dang / nyams pa med pa yod pas ngan 'gro gsum gyi chos rnam par smin pa de thams cad sems can rnams kyi dga' bar byas pa bdag gi lus dmyal bar skyes pas rnam par smin par 'gyur ro/ / </font><hr>371a<br><font size=+1>


@#/ /gang yang phyi ma'i mtha' la thug pa'i sems can rnams ngan par byas pa'i las bor te/ de'ang bdag gi lus de ltar mnar med pa skyes pa rnam par smin par 'gyur/ gang bdag gis dge ba bsags pa de sems can rnams dge ba'i las mngon par byed pas bdag gis bsngos so/ /ji ltar sems can thams cad 'jigs pa med pa'i khang bar gnas pa med par gyur pa de ltar bdag mnar med pa'i dmyal ba chen po las yongs su grol ba med do/ /sdig pa spong ba/ de nyin mtshan bdun du kha zas med par smon lam gyi khyad par spyod de/ /de'i dus na sdig pa spong ba byang phyogs su song ste sangs rgyas kyi zhing bye ba las shin tu 'das par gyur to/ /de la rnyog pa lnga'i sangs rgyas kyi zhing dge ba zhes bya ba'i sangs rgyas kyi zhing du gyur to/ /de la sangs rgyas bcom ldan 'das bzod pa'i mchog dpal brtsegs pa'i rgyal po zhes bya ba gnas so/ /'tsho'o/ /skyong ngo| |de theg pa gsum gyi chos rnams kyang 'chad do// //bam po dgu pa/ de nas bcom ldan 'das de bzhin gshegs pa bzod pa'i mchog dpal gyi phung po'i rgyal pos byang chub sems dpa' gzi brjid dri ma med pa'i 'od dang / byang chub sems dpa' de dag la bka' stsal pa/ rigs kyi bu/ khyod lho phyogs kyi sangs rgyas kyi zhing bye pa dgu bcu rtsa </font><hr>371b<br><font size=+1>


gnyis kyi sangs rgyas kyi zhing 'di las 'das te song zhig dang / de nas sangs rgyas kyi zhing rab tu rnam par phye ba zhes bya ba na gling bzhi pa'i dbus kyi rgyal po bsod nams 'od zer gyi mdzod ces bya ba zhig yod kyi/ de la me tog ban+du'i chun po 'di gnyis byin te bzod pa'i chos kyi gzhung 'di khrol cig /nam mkha' mdog gi sngags kyi tshig 'di rjod cig dang / sngags kyi tshig des rgyal po de yang dag par spyod pa'i tshul nam mkha'i mdog gis 'dul ba'i bzod pa 'thob bo/ /bzod pa des rgyal po de dang / sems can thams cad kyi nyon mongs pa skye ba dang / sdug bsngal skye ba dang / sems can gyi sgrib pa dang / nyon mongs pa'i sgrib pa dang / chos kyi sgrib pa dang / las dang nyon mongs pa'i sgrib pa rab dang / 'bring dang / tha ma ma lus par yongs su zad par 'gyur ro/ /rgyal po de'ang sems can bye ba khrag khrig brgya stong dge ba'i bshes gnyen du lam ston pa bstan par gyur to/ /rgyal po de'ang sems can bye ba khrag khrig brgya stong theg pa gsum gyis yongs su smin cing myur du bla na med pa yang dag par rdzogs pa'i byang chub tu mngon par rdzogs par 'tshang rgya bar byed do| |de dag dang / byang chub sems dpa' gzi brjid dri ma med pa'i 'od chen po dang / lha dang / dri za'i 'khor thams cad dang ldan pa de'ang bzod pa'i mchog dpal gyi phung </font><hr>372a<br><font size=+1>


@#/ /po'i rgyal po de la phyir mnyan nas de bzhin gshegs pa bzod pa'i mchog dpal gyi phung po'i rgyal pos bka' stsal pa/ rigs kyi bu rgyal po bsod nams 'od zer gyi mdzod de la 'di skad ces smros shig /rgyal po chen po/ ji ltar rang bzhin gyis nyon mongs pa med pa'i chos kyi dbyings gnyis su med pa'i chos kyi sgos yongs su shes par bya ba de ltar mig gi gzugs kyi sgo 'phos pa med cing rnam par phye ba med pa gnyis su med pa ston par 'gyur pa nas yid kyi rnam par shes pa'i bar du 'phos pa med cing rnam par phye ba med pa gnyis su med par ston par 'gyur ro/ /de ci'i phyir zhe na/ chos thams cad sems can med pa ni| sems can dang bral ba'o/ /chos thams cad srog med pa ni/ srog gi sgras bstan pa'o/ /chos thams cad gso ba med pa ni/ gso ba'i sgras bskyed pa'o/ /chos thams cad gang zag med pa ni/ gang zag gi sgras rnam par brjod pa'o/ /chos thams cad bsam gyis mi khyab pa ni/ bsam gyis mi khyab pa dang bral ba'o/ /chos thams cad 'dod chags dang bral ba'i mtha' ni/ dngos po med pa'o/ /chos thams cad nyes pa med pa ni/ rims dang bral ba'o/ /chos thams cad gti mug med pa ni/ lus dang bral ba'o/ /chos </font><hr>372b<br><font size=+1>


thams cad gnas pa med pa ni/ gnas par dmigs pa med pa'o/ /chos thams cad gnas pa med pa ni/ nam mkha'i rang bzhin lta bu'o/ /chos thams cad gsog ni/ yul la dmigs pa med pa'o/ /chos thams cad gso ba ni/ nyon mongs pa dang bral ba'o/ /chos thams cad 'gro ba med pa ni/ byed pa po dang bral ba'o/ /chos thams cad blang ba med pa ni| sems pa dang bral ba'o/ /chos thams cad rlom sems med pa ni/ sgyu ma dang bral ba'o/ /chos thams cad spros pa med pa ni/ lus dang ngag dang yid kyi 'du byed dang bral pa'o| |tat+ya thA/ be di ni/ be di ni/ be di ni/ paN+Di ni/ paN+Di ni/ paN+Di ni/ tridz+nyA ni/ tridz+nyA ni/ tridz+nyA ni/ u pa dA ni/ u pa dA ni/ u pa dA ni/ na pI ni/ na pI ni/ na pI ni/ mu dzi ni/ mu dzi ni/ mu dzi ni/ a riSh+Tha/ ba riSh+Tha/ he tang gra ma/ ma hu sho tsa/ d+ha ri d+ha ri/ d+ha She pra d+ha Sh+Te/ u ru kA na te/ gam b+ha ri/ a brta ni brta ni/ me pa a brta ni/ i ha ni/ brta ni/ kAn te/ sarba kAn te| hr-i da ya kAn hi/ bi ra dze/ ba ra dze/ ba ra bi ra dze/ skan+d+ha ba me/ a ya ta na ra ha b+ha tu sa re/ darba phalgu/ d+harma ra dze ra pre k+Shi te swAhA/ sems can ngan pa rnams lta ba dang 'dul ba'i phyir 'gro'o/ /bcom ldan 'das kyis bka' stsal pa/ rigs kyi bu/ gang gi dus la dbab par shes na song zhig /de nas byang chub sems dpa' de dag dang / byang chub sems </font><hr>373a<br><font size=+1>


@#/ /dpa' gzi brjid dri ma med pa'i 'od la me tog ban+du chun po gnyis po skra'i ral pa la btags te rigs kyi bu stong phrag dgu bcu rtsa lnga dang lhan cig tu de bzhin gshegs pa dpal gyi phung po de la rkang pa gnyis sa la btsugs te spyi bos phyag btsal nas g.yas phyogs nas lan gsum bskor ba byas te yud tsam gyis sangs rgyas kyi zhing shin tu rnam par phye ba nas grong khyer gang la gling bzhi pa'i dbus kyi rgyal po de 'dug pa der nye bar phyin nas de nub bdun pa'i tha ma na de dag gi mdun na 'dug par gyur nas de dag la bltas te 'di skad ces smras so/ /rgyal po chen po/ tshur spyon/ rgyal po chen po/ legs so/ /byang phyogs kyi sangs rgyas kyi zhing bye ba phrag dgu bcu rtsa gnyis kyi zhing 'di las 'das pa de na 'jig rten gyi khams bzod pa zhes bya ba yod de/ de na de bzhin gshegs pa bzod pa'i mchog dpal gyi phung po'i rgyal po zhes bya ba dgra bcom pa yang dag par rdzogs pa'i sangs rgyas bzhugs shing 'tsho skyong la chos kyang ston te/ /de bzhin gshegs pa des chos kyi gzhung 'di bstan pa'i phyir bdag cag khyod kyi gan du btang ngo / /rgyal po chen po/ ji ltar chos thams cad kyi dbyings rang bzhin gyis nyon mongs pa med pa gnyis su med pa'i sgos yongs su shes par bya zhing chos </font><hr>373b<br><font size=+1>


kyi dbyings ji lta ba de ltar bdag gis khams dang / de ltar sems can gyi khams kyang gnyis su med pa'i sgos yongs su shes par bya'o/ /de ltar mig gi gzugs kyi sgo la'ang 'phos pa med cing rnam par phye ba med pa gnyis su med pa'i chos ston par 'gyur ba nas yid kyi rnam par shes pa'i sgo'i bar du 'phos pa med cing rnam par phye ba med pas gnyis su med pa'i chos ston par 'gyur ro/ /de ci'i phyir zhe na/ rgyal po chen po/ chos thams cad sems can med pa ni/ sems can dang bral ba'o/ /chos thams cad srog med pa ni/ srog gi sgras bstan pa nas chos thams cad spros pa ni/ lus dang ngag dang yid kyi 'du byed dang bral ba'i bar du'o/ /tad+ya thA/ be di ni/ be di ni/ be di ni/ paN+Di ni/ paN+Di ni/ paN+Di ni/ tri dz+nyA ni/ tri dz+nyA ni/ tri dz+nyA ni| u pa da ni/ u pa da ni/ u pa da ni/ na pA ni/ na pI ni/ na pA ni/ mu dzi ni/ mu dzi ni/ mu dzi ni/ a riSh+Tha/ ba riSh+Tha/ he tang gra ma/ ma hu sho tsa/ d+ha ri d+ha ri/ d+ha She pra d+haSh+Te/ u ru kAn te/ gam b+hi re/ a brta ni/ brta ni/ me pa a brta ni/ i ha ni/ brta ni/ kAn te/ sarba kAn te/ hr-i da ya kAn te/ bi ra dze/ ba ra dze/ ba ra dze/ pa ra pi ra dze/ skan+d+ha ba me/ a ya ta na ra he/ b+ha tu sa re| dar+pa phalgu/ d+harma ra dze ra pre k+Shi te swAhA/ rgyal po bsod nams kyi 'od zer mdzod la sems can de dag gis sngags kyi tshig 'di dag brjod ma thag tu de nas de nyid kyi tshe na sangs </font><hr>374a<br><font size=+1>


@#/ /rgyas kyi zhing shin tu rnam par phye ba lan drug tu g.yos so/ /sil snyan bye ba khrag khrig brgya stong ma brdabs par rang 'khrol lo/ /lha rdzas kyi me tog dang spos kyi phye ma'i char dag kyang phab bo/ /sangs rgyas kyi zhing de na lha dang mi thams cad kun tu dga' ste ba spu'i khung bu g.yos shing rga shi las thar par bsam par gyur to/ /de dag kyang bdag gi lus las me tog ban+du'i thor tshugs bkrol te rgyal po bsod nams 'od zer gyi mdzod la phul nas smras pa/ de bzhin gshegs pa des me tog ban+du btang zhing mu stegs can sgrib pa'i phyir nam mkha'i mdog gis 'dul ba'i bzod pa'i sngags kyi tshig brjod pa 'di dag kyang btang ngo / /rgyal po chen po/ khyod sngags kyi tshig 'di sgoms shag dang / rgyal po chen po/ sngags kyi tshig 'di dag gis yang dag par spyod pa'i tshul nam mkha'i mdog gis 'dul ba'i bzod pa 'thob par 'gyur ro/ /rgyal po chen po/ khyod bzod pa des sems can gyi sgrib pa dang / 'khrug pa dang / nyon mongs pa'i sgrib pa dang / las kyi sgrib pa dang / chos kyi sgrib pa dang / nyon mongs pa'i las kyi sgrib pa rab dang / 'bring dang / tha ma thams cad ma lus par yongs su zad par 'gyur ro/ /rgyal po chen po/ khyod kyang sems can bye ba khrag khrig brgya stong mang po la dge ba'i bshes gnyen du lam bstan </font><hr>374b<br><font size=+1>


pa ston par gyur to/ /rgyal po chen po/ khyod sems can bye ba khrag khrig brgya stong grangs med pa mang po la theg pa gsum gyis yongs su smin par 'gyur zhing myur du bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /de dag gi tshig ngas thos pas mchog tu mgu rangs rab tu dga' zhing yid bde ba skyes par gyur nas byang chub sems dpa' de dag la me tog dang / phreng ba dang / dri dang / spos dang / byug pa dang / gdugs dang / rgyal mtshan dang / bdan dang / rol mo dkrol ba mchog tu rgya mtsho ba rnam pa sna tshogs kyis de dag la mchod pa byas nas rkang pa gnyis sa la btsugs te spyi bos phyag btsal nas me tog ban+du'i chun po de gnyis blangs te nga'i ral pa la btags nas rnam pa de lta bu'i brtson 'grus kyi rang bzhin mchog tu rgya che ba'i stobs dang / mthu dang / dran pa'ang thob bo/ /ji ltar bkres pa dang skom pa thams cad kyis thams cad rgyun bcad nas byang chub sems dpa' de dag gi mdun du chos mnyan pa'i phyir 'dug pas de mchog tu dga' bar gyur to/ /rnam pa de lta bu'i brtson 'grus kyis yang dag par spyod pa'i tshul nam mkha'i mdog gis 'dul ba'i bzod pa sgom par 'gyur ba ni/ gang zhes byas pa dang / de dag gis smras pa/ rgyal po chen po/ chos bzhi dang ldan na/ rigs kyi bu bzod pa 'di sgom par byed do/ /bzhi gang zhe na/ phung po dang khams </font><hr>375a<br><font size=+1>


@#/ /dang skye mched la rten pa med pa dang / snying rje chen po'i thabs la mkhas pa rgyun mi gcod pa dang / rtag pa dang chad pa med pa dang / nyan thos dang rang sangs rgyas kyi theg pa la mi 'dod pa dang / tshul gcig gis chos thams cad nam mkha'i rang bzhin lta bur shes pa ste/ rigs kyi bu/ chos 'di bzhi dang ldan na/ yang dag par spyod pa'i tshul nam mkha'i mdog gis 'dul ba'i bzod pa 'di 'thob bo/ /'di la lung bstan pa na/ rgyal po de stan de la 'dug ste rigs dang mthun pa'i sgo nas 'do zer 'byung ba'i bzod pa thob par gyur nas byang chub sems dpa' de dag la rkang pa gnyis sa la btsugs te spyi bos phyag btsal nas mchod pa sna tshogs byas te g.yas phyogs nas lan gsum bskor ba byas nas 'dug go /byang chub sems dpa' de dag kyang rang rang gi sangs rgyas kyi zhing du yang dag par zhugs so/ /de nas ngas zhang blon dang / blon po dang / zhabs ring pa'i 'khor la shes par byas pa/ nga nyin zhag bdun du srid dang / phyug po dang / longs spyod dang / kun tu spyod pa dang / khyim pa'i mtshan ma thams cad spangs te dka' thub kyi nags tshal du 'gro zhing rga shi'i pha rol tu 'gro bar grogs po dag shes par gyis shig /de skad ces bka' stsal pa dang / zhang blon dang / blon po dang / zham ring ba'i 'khor des 'di </font><hr>375b<br><font size=+1>


skad ces gsol to/ /rab tu byung ba'i lha'i dus de ni/ de lta ma lags so/ /de ci'i slad du zhe na/ gang sems can bye ba khrag khrig brgya steng mang po de dag rga shi'i 'jigs pas dka' thub kyi nags tshal du dong ste bstan pa rnams la dmigs par yang mi 'gyur ro/ /gang la la sems can gcig kyang 'phags pa bla ma mi'i chos kyi khyad par ma lus par khod du chud pa'ang med do/ /gnas yang 'di skad ces smras so/ /nga ni/ sems can thams cad kyi bstan par 'gyur zhing rga shi'i pha rol gyi lam ston pa'o/ /ngas sems can thams cad 'bod pa'i tshig 'di brjod ma thag tu de nas de nyid kyi tshe na stong gsum gyi stong chen po'i sa lam du ma g.yos so/ /lha bye ba khrag khrig brgya stong phrag mang pos kyang legs so/ / zhes bya ba byin no/ /lha rdzas kyi rol mo brdung ba bye ba khrag khrig brgya stong gis rab tu dkrol to/ /lha rdzas kyi me tog dang / spos dang / dri dang / phye ma dang / byug pa'i char sna tshogs rab tu bab nas lha bye ba khrag khrig mang pos mgrin gcig tu 'di skad ces gsol to/ /skyes bu dam pa/ khyod kyis rnam pa de lta bu'i rtsal chen po bye bar nus shing / skyes bu dam pa/ khyod kyis legs par bshad pa legs so legs so/ /skyes bu dam pa/ khyod dang bdag cag ni/ byams pa'i rjes su 'brang ba'i grogs por 'gyur ro/ /de ltar skyes bu dam pa/ khyod </font><hr>376a<br><font size=+1>


@#/ /rga shi'i pha rol gyi lam bstan pa ston par gyur cig /sdig pa spong ba/ der nga ni/ zhag bdun pa gnyis kyi bar du bden pas rjes su rtog cing gnas pas zhag bdun na de dag gis yang dag par spyod pa'i tshul nam mkha'i mdog gis 'dul ba'i bzod pa 'di thob par gyur to/ /zhag bdun pa de las shin tu 'das nas gnod sbyin bye ba mang po sangs rgyas kyi zhing shin tu rnam par phye ba thams cad du sgra 'byin par gyur to/ /dbyangs kyi rjes su nyan par gyur to/ /sems can rnams la skyo ba skyed par byed pa ni/ kye sems can rnams longs shig /gling bzhi pa'i dbus kyi rgyal po bsod nams 'od zer gyi mdzod gang na ba der nye bar song zhig dang / de zhag bdun byung ste dka' thub kyi nags tshal du song nas sems can rnams la rga shi'i pha rol tu 'gro ba zhi ba'i lam ston par 'gyur ro/ /der nga ni/ mkhar gyi rgyal po drug cu rtsa bzhi dang bu dang bcas pa dang / mkhar gyi rgyal po'i bu khrag khrig dgu bcu rtsa gnyis dang / bgrang ba las shin tu 'das pa'i sems can dang lhan cig tu nyi ma bdun pa de las shin tu 'das nas byung ste khyim gyi longs spyod dang / kun tu spyod pa thams cad dang / khyim pa'i mtshan ma thams cad spangs shing skra dang kha spu bregs nas me tog ban+du ji snyed pa ral pa la btags te gos kha dog </font><hr>376b<br><font size=+1>


bsgyur ba gyon nas dka' thub kyi nags tshal du dong ste/ de'ang de la gnas nas bgrang ba las shin tu 'das pa'i sems can rnams la yang dag par spyod pa'i tshul nam mkha'i mdog gis 'dul ba bzod pa 'di sgom pa'i lam ston to/ /sems can bya ba khrag khrig brgya stong mang po yun mi ring bas yang dag par spyod pa'i tshul nam mkha'i mdog gis 'dul ba'i bzod pa 'di thob par gyur to/ /de na ngas bgrang ba las shin tu 'das pa'i sems can rnams nyan thos kyi theg pa la sbyar bar gyur to/ /de na ngas bgrang ba las shin tu 'das pa'i sems can rnams rang sangs rgyas kyi theg pa la sbyar bar gyur to/ /bgrang ba las shin tu 'das pa'i sems can rnams lha dang mi la sbyar bar gyur to/ /des bgrang ba las shin tu 'das pa'i sems can rnams phyogs bcu'i sangs rgyas bcom ldan 'das la bsnyen bkur bar gyur to/ /de nas sangs rgyas bcom ldan 'das de dag gi spyan sngar ngas rnam pa 'di lta bu'i smon lam btab ste/ bdag da ltar sangs rgyas kyi zhing shin tu rnam par phye ba na sems can rnams rga shi'i pha rol tu 'gro ba'i bzod pa'i lam ston cing phyogs bcu'i nyon mongs pa dang / rnyog pa lnga'i sangs rgyas kyi zhing chu bo gang+gA'i bye ma snyed na sems can rnams la rga shi'i pha rol tu phyin pa'i bzod pa'i lam bstan par bya'o/ /sdig pa spong ba/ ji ltar yang nga rnam pa de </font><hr>377a<br><font size=+1>


@#/ /lta bu'i spyod lam la brtson pa 'dis rtsal chen po byas par gyur to/ /de bzhin du bskal pa bar ma bdun las shin tu 'das pa'i phyogs bcu kun nas nyon mongs pa dang / rnyog pa lnga'i sangs rgyas kyi zhing chu bo gang+gA'i bye ma snyed thams cad du kun tu rgyu'i cha byad kyis rnam pa de lta bu'i rtsal chen po byas so/ /ngas sangs rgyas kyi zhing re re la bgrang ba las shin tu 'das pa'i sems can rnams yang dag par spyod pa'i tshul nam mkha'i mdog gis 'dul ba'i bzod pa la bkod do/ /ngas bgrang ba las shin tu 'das pa'i sems can rnams byang chub kyi sems su sbyar bar gyur to/ /de bzhin du nyan thos kyi theg pa dang / rang sangs rgyas kyi theg pa dang / lha dang mi'i theg pa la sbyar bar gyur to| |sdig pa spong ba/ der nga bskal pa bar ma bdun gyis phyogs bcu'i zhing stong pa dang / rnyog pa lnga'i sangs rgyas kyi zhing chu bo gang+gA'i bye ma snyed kyi sangs rgyas kyi zhing 'di re re la kun tu rgyu'i cha byad kyis rnam pa de lta bu'i rtsal chen po byas te phyis gling bzhi pa de dag tu bdud du gyur to/ /de na sems can la la'i mdun du tshangs pa'i gzugs kyis 'dug par gyur pa ni/ de dag rtag par lta ba log par bzung ba las thar par bya ste/ la la brgya byin gyi gzugs dang / la la zla ba dang / nyi ma dang / dbang phyug gi gzugs nas </font><hr>377b<br><font size=+1>


la la 'od 'phro ba'i phung po'i bar du gzugs kyis mdun du 'dug par gyur to/ /ngas ji ltar sngon kun tu rgyu'i gzugs kyis yang dag par spyod pa'i tshul nam mkha'i dog gis 'dul ba'i bzod pa 'di sgom pa ston cing ji ltar rang bzhin gyis nyon mongs pa'i chos kyi dbyings gnyis su med pa'i sgos yongs su shes par bya ba dang / bdag gi khams ji lta ba de ltar sems can gyi khams gnyis su med pa'i sogs yongs su shes par bya zhing / de ltar mig gi gzugs kyi sog 'phos pa med cing rnam par phye ba med pa gnyis su med pa'i chos bstan par 'gyur ro/ /de ci'i phyir zhe na/ chos thams cad sems can med pa ni/ sems can dang bral ba nas chos thams cad spros pa med pa ni/ lus dang ngag dang yid kyi 'du byed dang bral ba'i bar du'o/ /rgyal po chen po bsod nams kyi 'od zer gyi mdzod ngas kun tu rgyu'i cha byad kyis rnam pa de lta bu'i bde ba'i lam 'di sgom pa na sems can rnams yongs su smin par bya ba'i phyir lta ba skyed do/ /de'i 'og tu gling bzhi pa chags pa med pa de dag na sems can de dag la bdud la tshangs pa'i gzugs nas me'i kha dog gi bar gyi gzugs kyis nye bar phyin to/ / sems can mchog tu ma rungs pa'i lta bar song ba de dag la rnam pa de lta bu'i lam ston to/ /la la la 'di skad ces smras so/ /kye sems can rnams tshur shog /kye sems can rnams </font><hr>378a<br><font size=+1>


@#/ /legs so/ /'khor ba'i pha rol tu 'gro ba dang / rga shi'i las thar par bya ba'i phyir khyod dge ba'i rtsa ba la brtson par gyis shig /khyod 'ba' zhig mya ngan las 'da' bar 'gro ba yongs su rdzogs pa'i phyir bdag ni/ khyod mya ngan las 'da' bar 'gro ba'i lam bstan par 'gyur ro/ /khyod gos med par nyin mtshan de dag las yang dag par shin tu 'da' bar byos shig /des thar pa thob par byos shig /yang la la la 'di skad ces smras so/ /khyod 'di la grol zhing gos med par 'gyur ba nas pags pa'i gos kyi bar du gyon cig /yang la la la 'di skad ces smras so/ /kye tshur shog /lo ma za ba nas ma zhu ba dang / ngan skyug gi bar du za bar byos shig /yang la la la 'di skad ces smras so/ / kye tshur shog /khyed cag de bzhin du bum pa'i kha nas zas ma len cig pa nas zas za gcig gi bar du zo zhig /yang la la la 'di skad ces smras so/ /tshur shog /khyod slong ba gcig gis nyin mtshan yang dag par shin tu 'da' bar byos shig /yang la la la 'di skad ces smras so/ /tsher ma'i mal dang stan la 'dug pa nas cog pu'i mal gyi bar du byos shig /yang la la la 'di skad ces smras so/ /stan spangs par gyur pa nas rkang pa gnyis shing gi yal ga la 'khyud pa'i bar du nyin mtshan shin tu yang dag par 'da' bar byos </font><hr>378b<br><font size=+1>


shig /yang la la la 'di skad ces smras so/ /tshur shog /khyed cag chu'i nang du zhugs pa nas nyi ma lnga pas yongs su skem pa na nyin mtshan yang dag par 'da' bar byos shig /yang la la la 'di skad ces smras so/ /khyed cag tshur shog /skra dang kha spu bregs pa'i rjes su sbyor ba dang ldan pa rnams nyin mtshan yang dag par shin tu 'da' ba nas la la chu'i 'dam gcig gi bar du'ang 'di ltar slob bo/ /khyed cag ri bo'i g.yang sa de las bdag rang lhung ba nas chu'i bar du lhung bar byos shig /la la yang de ltar slob tu bcug go /khyed cag tshur shog /ri dang / shing dang / lteng ka'i lha mo la phyag 'tshal bar byos shig /la la gnod sbyin gyi brtul zhugs nas byol song gi skye gnas kyi brtul zhugs kyi bar du slob cing thar pa thob par bos shig / yang la la la 'di skad ces smras so/ /tshur shog /khyed cag ra ba bskor ba de la sems can du ma bsod la des thar pa thob par byos shig /la la de ltar slob bo/ /khyed cag 'di la lus sna tshogs bsad pa des thar pa thob par gyur cig /yang la la la 'di skad ces smras so/ /mya ngan las 'das pa khong du chud pa'i lam 'di ni/ 'di lta ste/ las thams cad zad pa thar pa'o/ / de ji lta zhes byas na/ ji ltar skyes bu 'dis mi dge ba'i las zad par 'gyur ba de bzhin du bsod nams kyang zad par 'gyur ro/ /gang gi tshe bsod nams dang sdig pa 'di gnyis kyis </font><hr>379a<br><font size=+1>


@#/ /ma lus par yongs su zad par 'gyur ba de'i tshe phyis byang chub thob par 'gyur ro/ /la la de ltar slob bo/ /de gnyis sbyor ba dang 'byung bar gyur pa de thar pa ste| la la de ltar slob tu bcug go /dngos po med pa de gnyis ni/ dngos po yod pa ma yin no/ /gnyis gang zhe na/ chos dang / chos ma yin pa zhes bya ba ni/ tshig gi lhag ma'o| |lus 'di'i lus gzhan gyis chags pa med pa'i ye shes 'byung bar 'gyur ba de'ang de bzhin du thar pa ste/ la la ji tsam pa de ltar slob par byed do/ /khyod kyis 'di la srog bcad par bya ba dang / ma byin par len pa blang bar bya ba nas log pa la lta ba'i bar du gyur cig /ces de skad du smras pas na lhag ma med do/ /'jig rten na dgra bcom pa'ang med do/ /'jig rten pha rol dang 'jig rten 'dir yang dag par song ba dang / yang dag par zhugs par bdag mngon par shes nas mngon sum du byas pa nye bar bsgrubs te rab tu shes so/ /bdag gi tshe zad nas tshangs par spyod pa la spyod do/ /bya ba byas so/ /srid par kun tu sbyor ba yongs su zad pa'o/ /yang dag pa'i bka'/ shin tu rnam par grol ba'i sems so/ /zhes bya ba des thar pa thob par 'gyur ro/ /zhes bya ba nas grangs can/ khyod rang bzhin gyis skyes bu de'i ye shes las thar pa thob par </font><hr>379b<br><font size=+1>


'gyur ro/ /zhes bya ba'i bar du sngon bdud kyis de bzhin du slob tu bcug go /de la rang bzhin zhes bya ba ni/ 'khor ba'i rgyu rnams skyes bu dang / bdag gi don gzhan ma yin no/ /de la gang gi tshe rang bzhin gyis bdag tu lta ba dang / rang bzhin gyis bdag tu 'gyur ba de'i tshe thar pa thob pa de bzhin du grangs can/ khyod kyis thar pa'o/ /de bzhin du khyod khyim gyis gnas nas byung zhing chos dang / chos ma yin pa nyid du rab tu shes so/ /des khyed cag thar par mi 'gyur ro/ /zhes bcom ldan 'das kyis kun tu rgyu sdig pa spong ba la bka' stsal pa dang / kun tu rgyus gsol pa/ bcom ldan 'das/ de de bzhin te/ bde bar gshegs pa/ de bzhin no/ /bcom ldan 'das kyis bka' stsal pa/ sdig pa spong ba/ gang la la log pa la lta ba can thar par 'dod par byed pa de'ang bdud kyi zhags pas btags par 'gyur ba ni/ nyon mongs pa'i bdud dang / phung po'i bdud dang / 'chi ba'i bdud dang / dbang bsgyur ba'i bdud kyi zhags pas btags par 'gyur ro/ /sdig pa spong ba/ gang la la bdud bzhi la chags pa de dag gi tshangs par spyod par gnas pa la 'dres pa'o/ /gang dag tshangs par spyod par gnas pa la 'dres pa de dag rtag tu yongs su chad par byas pa rga shi'i chu bo bzhis khyer ro/ /des khyed cag tshangs par spyod pa la gnas pa 'bras bu med </font><hr>380a<br><font size=+1>


@#/ /cing 'phags pa la da mod pa 'di thar pa'i slu bar byos shig /sdig pa spong ba/ de la chos dang / chos ma yin pa ni/ 'di lta ste/ rtag pa med cing chad pa med pa'o/ /lus nam mkha' dang mtshungs pa'o/ /nang med cing phyi rol med pa'o/ /'du byed thams cad mi dmigs pa'o/ /sems zhes bya ba 'di ni/ ming tsam mo/ /nam mkha' kun tu rtog pa'i mtshan nyid la 'jug pa'o/ /dge ba dang mi dge ba'i chos la sems dmigs pa med cing sems la dge ba dang mi dge ba'i chos dmigs pa'ang med do/ /ji ltar shing la rtog pa med pa de la me tog dang 'bras bur rtog pa'ang med do/ /de la'ang me tog dang 'bras bu dang shing du rtog pa'ang mi byed pa de bzhin du dngos po dang dngos po med pa 'di dag mi smra bar bya'o/ /gang gi phyir gcig la gcig mi rtog cing rnam par mi rtog pa des chos thams cad yul med pa'o/ /chos thams cad gnyis su med cing gnyis lta bur med pa dang / mi rtog cing rnam par mi rtog pa'o/ /tshe dang / rlangs pa dang / rnam par shes pa smig rgyu ba lta bur dmigs pa med pa'i tshul dang / brjod du med pa'i yang brjod du med pa'i tshul gyis bsgom par bya'o/ /chos thams cad bya ba med par 'jug pa ni/ byed pa po dmigs pa med pa las dmigs pa med pa'i tshul gyis bsgom par bya'o/ /chos </font><hr>380b<br><font size=+1>


thams cad mi shes pa ni/ srog tu dmigs pa med pa las kun tu rtog pa med pa'i tshul gyis bsgom par bya'o/ /chos thams cad dmigs pa med pa ni/ kun tu dmigs pa'i tshul gyis bsgom par bya'o/ /chos thams cad dran pa dang bral ba ni/ dran pa la dmigs pas bsgom par bya'o/ /chos thams cad rang bzhin gyis yang dag par zhugs pa can ni/ phyi dang nang gi dmigs pa'i lta ba rnam par spangs pas bzod pa 'di sgoms shig /'di ni/ stong na yid dang / mtshan ma med pa dang / smon pa med pa'i bzod pa'o/ /'di ni/ lus dang ngag dang yid kyi las kyi 'du byed bag yangs kyi bzod pa'o/ /'di ni/ nyon mongs pa'i dbang rab dang 'bring dang tha ma bag yangs pa'i bzod pa'o/ /'di ni/ log par lta ba dang / log pa'i lam thams cad smon lam gyis rnam par chad par byed pa'i bzod pa'o/ /'di ni/ lta ba ngan pa lam dog pa rnyed pa dang / lam ngan par zhugs pa dang / bsten pa ngan pa yi dam yongs su smin pa'i bzod pa'o/ /'di ni/ 'phags pa pha rol tu phyin pa yongs su rdzogs par byed pa'i bzod pa'o/ /'di ni/ mngon par shes pas rnam par rtse bar byed pa'i bzod pa'o/ /'di ni/ sangs rgyas kyi zhing grangs med pa na rnam par spyod pa'i bzod pa'o/ /'di ni/ bcom ldan 'das grangs med pa la bsnyen bkur byed pa'i bzod pa'o/ /'di ni/ sangs rgyas bcom </font><hr>381a<br><font size=+1>


@#/ /ldan 'das gcig la de bzhin du zhu ba grangs med pa yongs su zhu bar byed pa'i bzod pa'o/ /'di ni/ chags pa med pa'i spobs pa grangs med pa la snang bar byed pa'i bzod pa'o/ /'di ni/ byang chub kyi phyogs kyi chos sum cu rtsa bdun gyi chos la sgrib pa med pa'i ye shes thob par byed pa'i bzod pa'o/ /'di ni/ bdud bzhi rnam par 'jig pa'i bzod pa'o/ /'di ni/ chos kyi 'khor lo 'jug par byed pa'i bzod pa'o/ /'di ni/ mu stegs can dang bcas pa'i chos kyi gnod par byed pa'i bzod pa'o/ /'di ni| sangs rgyas kyi dgongs pa ma lus par yongs su thob par byed pa'i bzod pa'o/ /'di ni/ mya ngan las 'da' bar byed pa chen po'i bzod pa'o/ /'di ni/ lus phye mar byed pa'i bzod pa'o/ /'di ni/ rigs kyi bu khyed cag gdon mi za bar nyan par byed pa'i bzod pa'o/ /sngon gyi tshul bstan pa 'di lung ston pa bstan pa na mu stegs can gzhan bla na med pa yang dag par rdzogs pa'i byang chub tu sems brtan par byas pa nyi shu rtsa bzhis bzod pa 'di thob par gyur to/ /sngon bla na med pa yang dag par rdzogs pa'i byang chub tu sems ma bskyed pa dgu bcu rtsa gnyis bla na med pa yang dag par rdzogs pa'i byang chub tu sems bskyed pa de las phyir mi ldog par gyur to/ /khrag khrig brgya stong </font><hr>381b<br><font size=+1>


phrag brgyad cu rtsa bzhis rigs dang mthun pa'i bzod pa thob par gyur to/ /de nas bcom ldan 'das la kun tu 'tsho me tog 'od kyis 'di skad ces gsol to/ /btsun pa bcom ldan 'das/ dran pa ci 'dra ba la rnal 'byor du bgyi/ dran pa dang ldan pa gang gis rang sangs rgyas kyi theg pa thob par 'gyur/ bcom ldan 'das kyis bka' stsal pa/ kye kun tu 'tsho| |ci khyod rkyen gyi chos dang / chos kyi rjes rab tu mi shes sam/ gsol pa/ btsun pa bcom ldan 'das/ bshad du gsol/ bcom ldan 'das kyis bka' stsal pa/ kye ci khyod mig mig gis chags sam/ 'on te mig mig gi rnam par shes pas chags sam/ 'on te mig gi rnam par shes pa mig gis chags pa nas yid chos kyis chags sam| 'on te chos yid kyis chags pa'i bar du mngon par shes sam/ gsol pa/ btsun pa bcom ldan 'das/ mig mig gis chags pa nas chos yid kyis chags pa med pa'i bar du 'tshal te/ /bka' stsal pa/ kye khyod 'di la chags pa ni/ chad par lta bar 'gyur ro/ /kye skyes bu gang zag gi chad par lta ba ni/ rga shi'i pha rol tu mi 'gro'o/ /yul bcu gnyis po 'di dag tu seng ba na gcig la gcig rkyen gyi rjes su 'brel ba'o/ /gsol pa/ btsun pa bcom ldan 'das/ ci kye me tog 'od ces bya ba dang / mig mig gi </font><hr>382a<br><font size=+1>


@#/ /rnam par shes pa'i gnas la 'jug pa nas bcom ldan 'das/ ci chos yid kyi rnam par shes pa'i bar gyi gnas la 'jug gam/ me tog 'od/ kye zhes bya ba ni/ skyes bu gang zag gi tha snyad de/ de ni/ de'i rtag par lta bar 'gyur ro/ /me tog 'od/ skyes bu gang zag gi rtag par lta ba ni/ rga shi'i pha rol tu mi 'gro'o/ /me tog 'od/ chos rnams kyi chos nyid yod pa 'di dag mnyan nas rab tu gsol ba la mngon par chags pa ni/ rtag pa dang chad pa med pa'i dbus kyi lam mo/ /mig brten pa gzugs snang ba 'byung ba de la mig dang / rnam par shes pa dang / gzugs rnams 'dres nas dus gsum du 'dres par 'dug go /mig mig gi rnam par shes pa la 'dres nas dus gsum du 'dres shing 'dug pa'ang med do/ /mig gi rnam par shes pa ni/ gang nas kyang mi 'ong / gang du'ang mi 'gro'i/ 'jig pa'i mtshan nyid 'byung ba'i rjes su nus na 'byung ba dang / rkyen 'gog pa las 'gog pa ni/ mig gi rnam par shes pa'o/ /kye me tog 'od/ rnam pa de dag ni/ mig dang gzugs la brten pa ste/ mig dang gzugs kyi rkyen gyis rnam par shes pa dang / gsum 'dus ba'i rkyen gyis reg par 'gyur ro/ /reg pa'i rkyen gyis tshor ba nas sdug bsngal gyi phung po chen po'i bar du kun 'byung bar </font><hr>382b<br><font size=+1>


'gyur ro/ /mig 'gags pas gzugs 'gag /mig dang gzugs 'gags pas mig gi rnam par shes pa 'gag ste/ mig gi rnam par shes pa 'gags pa nas sdug bsngal gyi phung po chen po'i bar du 'gag par 'gyur ro/ /de bzhin du rna ba dang / sna dang / lce dang / lus dang / yid kyi rkyen dang / chos kyi rkyen gyis mig gi rnam par shes pa 'byung ba las gsum 'dus pa ni/ reg pa ste/ reg pa'i rkyen gyis tshor ba nas sdug bsngal gyi phung po chen po'i bar du kun 'byung bar 'gyur ro/ /yid 'gags shing chos 'gags pas yid kyi rnam par shes pa'ang 'gag go /yid kyi rnam par shes pa 'gags pas reg pa 'gag pa nas sdug bsngal gyi phung po chen po'i bar du 'gag par 'gyur ro/ /me tog 'od/ dbus kyi lam zhes bya ba ni/ byang chub kyi phyogs can gyi ye shes khong du chud par bya ba'i phyir rab tu gsal bar bya ste/ bcom ldan 'das kyis 'di bstan pa ston pa na kun tu 'tsho me tog 'od dang / mu stegs can gzhan khrag khrig dgu bcu rtsa gnyis dang lhan cig tu rang sangs rgyas kyi theg pa la sems bskyed par gyur to/ /rang sangs rgyas kyi theg pa la ye shes thob par bya ba'i phyir phyir mi ldog pa'i sa'ang thob par gyur to/ /yang bcom ldan 'das kyis sangs rgyas kyi zhing ma lus par sa dang nam mkhas khyab pa la gnas pa'i 'khor thams cad </font><hr>383a<br><font size=+1>


@#/ /dang ldan pa la shes par byas pa/ bzhin bzang 'dir yang dag par lhags pa ji tsam pa nyon cig /de nas sangs rgyas kyi zhing ma lus par sa dang nam mkhas khyab pa la gnas pa'i 'khor thams cad dang ldan pa dang / lha dang / dri za dang / mi dang / lha ma yin du bcas pa'i 'jig rten dag thal mo sbyar te kha dog dang / gzugs dang / dbyibs sna tshogs dka' thub dang / brtul zhugs spyod lam gyis bcom ldan 'das drang srong chen po la lta'o/ /de nas bcom ldan 'das ting nge 'dzin las bzhengs te sngon ji lta ba sangs rgyas kyi sku gzugs kyis yang dag par mthong nas sangs rgyas kyi zhing ma lus par sa dang / nam mkhas khyab pa la gnas pa'i 'khor thams cad dang ldan pas lan gsum bskor ba byas te mgrin gcig tu gsol pa/ de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo/ /phyag 'tshal lo/ /rnam pa de lta bu'i 'dus pa la theg pa gsum gyis sems can yongs su smin to/ /zhes lung chen po bstan pa sngon ma mthong ma thos so/ /yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo </font><hr>383b<br><font size=+1>


le'u dgu pa'o// //bcom ldan 'das kyis bka' stsal pa/ gang sngon de bzhin gshegs pa dgra bcom pa yang dag par rdzogs pa'i sangs rgyas su gyur pa gang gis nyon mongs pa dang / rnyog pa lnga'i sangs rgyas kyi zhing du byung nas sangs rgyas kyi zhing bya ba byas pa'i sangs rgyas bcom ldan 'das de dag thams cad kyis sems can rnams la yang dag par spyod pa'i tshul nam mkha'i mdog gis 'dul ba'i bzod pa 'di ston to/ /gang yang ma 'ongs pa'i dus na nyon mongs pa dang / rnyog pa lnga'i sangs rgyas kyi zhing du 'byung bar 'gyur zhing sangs rgyas kyi bya ba byed par 'gyur ba'i sangs rgyas bcom ldan 'das de dag thams cad kyis sems can rnams yongs su smin par bya ba'i phyir yang dag par spyod pa'i tshul nam mkha'i mdog gis 'dul ba'i bzod pa 'di ston par 'gyur ro/ /gang yang de ltar gyi sangs rgyas bcom ldan 'das phyogs bcu'i nyon mongs pa dang / rnyog pa lnga'i sangs rgyas kyi zhing tshad med grangs med pa na bzhugs shing 'tsho skyong ste sems can rnams la chos ston pa'i sangs rgyas bcom ldan 'das de dag thams cad kyis sems can yongs su smin par bya ba'i phyir yang dag par spyod pa'i tshul nam mkha'i mdog gis 'dul ba'i bzod pa 'di ston to/ /bzhin bzang / byang chub sems dpa' rnams kyi dge ba'i rtsa ba spel </font><hr>384a<br><font size=+1>


@#/ /ba'i phyir bzod pa 'di mang du byed do/ /byang chub sems dpa' gang gis dge ba'i rtsa ba chen po yongs su sbyangs par byas pa ni/ sems dpa' chen po zhes bya ste/ 'du byed pa thams cad las yang dag par shin tu 'das par yang 'gyur ro/ /sems can rnams yongs su smin par bya ba'i phyir 'du byed thams cad kyi spyod yul du 'gyur zhing mya ngan las 'das pa'i yul du song bar yang dag par mthong ngo / /ngo bo nyid med pa dang / tshig gi lam med pa dang / stong pa nyid dang / dngos po med pa dang / mtshan ma med pa dang / mtshan nyid med pa dang / smon pa med pa dang / khams gsum las yang dag par shin tu 'das pa'i chos mtshungs pa nyid du shes te/ dben pa chags pa med pa'i yul du 'gyur zhing 'du 'dzi'i yul du'ang yang dag par mthong ngo / /bsam gtan gyi yul la chags par 'gyur zhing btsun mo'i 'khor gyi dbus kyi yul du song bar yang yang dag par mthong ngo / /mngon par 'du mi byed pa'i yul du 'gyur zhing yul thams cad kyi spyod yul du yang dag par mthong ngo / /yul las shin tu 'das par 'gyur zhing bdud bzhi'i lam gyi yul du yang yang dag par mthong ngo / /'phags pa'i skye bo'i yul du 'gyur zhing 'phags pa ma yin pa'i skye bo'i yul du'ang yang dag par mthong ngo / /'jig rten gyi </font><hr>384b<br><font size=+1>


yul las yang dag par shin tu 'das par 'gyur zhing 'jig rten thams cad spyod pa'i yul du'ang yang dag par mthong ngo / /rnam par shes pa'i yul la spyod yul du 'gyur zhing byis pa thams cad kyi yul du'ang yang dag par mthong ngo / /de bzhin du 'di ni/ yon tan mang po thams cad kyi rjes su ston pa'i bzod pa'o/ /mngal gyi gnas thams cad las yongs su thar nas skye ba'ang med do/ /rgas pa'ang med do/ /'chi 'pho'ang med do/ /'byung ba'ang med de/ yid kyi rang bzhin du 'gyur ro/ /lus kyis sangs rgyas kyi zhing thams cad na chu zla lta bur yang dag par mthong ngo / /gzugs dang / kha dog dang / mtshan ma dang / dbyibs sna tshogs kyi spyod lam gyis sems can rnams la chos ston to/ /sems can rnams yongs su smin par byed do| |byang chub sems dpa' sems dpa' chen po rnams sangs rgyas kyi yon tan zab mo bsgrub par bya ba'i phyir de bzhin du bzod pa 'di la yon tan mang zhing smon pa med do/ / gal te byang chub sems dpa'i rna bar bzod pa 'di la 'ba' zhig yang dag par shin tu gsal bar 'gyur na/ 'du byed thams cad la sems skad cig tu gnas par 'gyur ro/ /bdag dang gzhan la bzod pas bdag tu dmigs pa med pa nas gang zag gi bar du dmigs pa'ang med do/ /ji ltar smra ba de ltar byed pas phan pa'i sems su 'gyur ro/ /chos thams cad </font><hr>385a<br><font size=+1>


@#/ /nye bar rtogs pas phyir mi ldog pa'i sems su 'gyur ro/ /sdig pa thams cad mi byed pas dag pa'i sems su 'gyur ro/ /sems can thams cad kyi khur bkur bas sems chen por 'gyur ro/ /ngan 'gro thams cad tshim pas byams pa chen po'i sems su 'gyur ro/ /theg pa gzhan mi 'dod pas zhi ba'i sems dang / nyon mongs pa'i rnyog pa thams cad sel bas nyon mongs pa med pa'i sems dang / rang bzhin gyis rab tu gsal bas rab tu gsal ba'i sems dang / dngos po med pas sgyu ma lta bu'i sems su song bas dngos po med pa'i sems su 'gyur ro/ /pha rol gyi bdud thams cad kyi rgol ba la g.yo ba med pas brtan pa'i sems su 'gyur ro/ /bzhin bzang / byang chub sems dpa' rnams mnyan pa tsam gyis bzod pa 'di mang du byed na/ sgom pa'i rnal 'byor dang ldan pas lta ci smos te/ tshangs par yongs su rdzogs pa shin tu sgom pa lta smos kyang ci dgos/ 'di la bstan pa ston pa na sems can brug g.yos stong phrag brgyad cu rtsa bzhi bla na med pa yang dag par rdzogs pa'i byang chub tu sems skyes so| |nyan thos kyi theg pa dpag tu med pa dang / rang sangs rgyas kyi theg pa dpag tu med pa la skyes par gyur to/ /de nas gang sngon de bzhin gshegs pa bzod pa'i mchog </font><hr>385b<br><font size=+1>


dpal gyi phung po'i rgyal po des rgyal po bsod nams kyi 'od zer de la me tog ban+du bskur ba de dag cing 'dra bar gyur ces srog chags mang po de bzhin du sems dang bsam pa skyes so| |de nas bcom ldan 'das kyi thugs kyis sems can de dag gi sems so sor rnam par rtog pa mkhyen nas 'jam dpal gzhon nur gyur pa la bka' stsal pa/ 'jam dpal| shar phyogs kyi sangs rgyas bcom ldan 'das de dag ji tsam pa lha rdzas kyi mig sgrib pa med cing ye shes ston pas mthong ngam/ gang ngas sngon rgyal po bsod nams 'od zer gyi mdzod du gyur pas byung ste kun tu rgyu'i cha byad kyis sems can yongs su smin par byas so/ /ngas thog mar bla na med pa yang dag par rdzogs pa'i byang chub tu sems bskyed du bcug go /n+ngas thams cad kyi thog mar sbyin pa nas shes rab kyi bar du sbyor du bcug go /'jam dpal gyis gsol pa/ bcom ldan 'das/ ci'i rkyen gyis kun tu 'di/ bka' stsal pa| 'jam dpal/ mngon du bya ba'i phyir ro/ /'jam dpal gyis gsol pa/ btsun pa bcom ldan 'das/ ci la'ang bya sla ba'i tshad gzugs du ma mchis pa ni/ 'di lta ste/ 'di dag ni| brgya'o/ /'di dag ni/ stong ngo / /'di dag ni/ bye ba'o/ /'di dag ni/ khrigs khrigs so/ /'di dag ni/ btang yas so/ /'di dag ni/ brug g.yos so/ /'di dag ni/ brug </font><hr>386a<br><font size=+1>


@#/ /g.yos bye ba khrag khrig brgya stong ste/ shar phyogs na da ltar gyi sangs rgyas bcom ldan 'das de dag bzhugs shing 'tsho skyong ba sems can rnams la chos kyang ston to/ /sangs rgyas kyi zhing yongs su dag pa dang / yongs su ma dag pa der bzhugs shing chos ston pa khyod kyis gang thams cad kyi thog mar bla na med pa yang dag par rdzogs pa'i byang chub tu sems bskyed du bcug go /khyod kyis thams cad kyi thog mar sbyin pa nas shes rab kyi bar du btsud do/ /btsun pa bcom ldan 'das/ de bzhin du lho dang / nub dang / byang gi phyogs dang / steng dang / 'og gi phyogs su 'di dag ni/ khrigs khrigs nas thams cad kyi thog mar shes rab la btsud pa'i bar du ci la'ang bya sla ba'i tshad du gzung mi nus so/ /bcom ldan 'das kyis bka' stsal pa/ 'jam dpal/ de bzhin du shar phyogs kyi sangs rgyas kyi zhing yongs su dag pa dang / ma dag pa na shes rab mngon du bya ba'i phyir gang ngas thams cad kyi thog mar byang chub tu sems bskyed du bcug pa dang / btsud pa dang / bkod pa'i sangs rgyas bcom ldan 'das de dag ni/ ngas lha rdzas kyi mig gis mthong ngo / /'jam dpal/ khyod kyis yongs su dris pa rgyal po bsod nams 'od zer gyi mdzod des kun tu rgyu'i cha byad kyis sems </font><hr>386b<br><font size=+1>


can rnams yongs su smin par byas pa ci la yang bya sla ba'i tshad gzung mi nus so/ /yang phyogs bcu'i sangs rgyas kyi zhing yongs su dag pa dang / yongs su ma dag pa tha dad pa na da ltar gyi sangs rgyas de dag bzhugs shing 'tsho skyong ngo / /gang rgyal po bsod nams 'od zer gyi mdzod ngas kun tu rgyu'i cha byang kyis thams cad kyi thog mar bla na med pa yang dag par rdzogs pa'i byang chub kyi sems su btsud do/ /bkod do/ /de bzhin du sbyin pa nas shes rab kyi bar du btsud do/ /bkod par 'gyur ro/ /sangs rgyas bcom ldan 'das de dag thams cad sngon bdag gi yo byad shes pa'i rjes su dran par 'gyur bas ji ltar 'khor thams cad dang ldan pa mngon sum du 'gyur na/ sangs rgyas re res kyang bdag la me tog ban+du skur cig /bcom ldan 'das kyis tshig 'di bshad ma thag tu phyogs bcu ji tsam pa nas nam mkha' la me tog dmar po'ang ma yin/ mi dmar ba'ang ma yin pa'i sbrin chen po 'ongs pa mthong nas skye bo'i tshogs chen po'i ngo mtshar de lta bu 'byung ba 'di cir 'gyur zhes byas pa dang / de nas me tog gi char 'bab par yang dag par brtsams nas me tog dmar po'ang ma yin/ dkar po'ang ma yin pa snang ba mchog tu shin tu 'jam pa gnyen pa ka tsa lind lta bus kun tu reg pa/ bung ba dang / shing shu ka lta bu'i kha dog gi me tog gi char </font><hr>387a<br><font size=+1>


@#/ /de dag gling bzhi par ma lus par rab tu bab bo/ /skyes bu'i tshad tsam du sa thams cad khebs so/ /bcom ldan 'das kyis bka' stsal pa/ bzhin bzang / phyogs bcu'i sangs rgyas tha mi dad pa na/ me tog ban+du ji tsam pa de tsam gyi da ltar gyi sangs rgyas bcom ldan 'das de dag bzhugs shing 'tsho skyong ba chos kyang 'chad do| |de'i tshe rgyal po bsod nams 'od zer gyi mdzod ngas kun tu rgyu'i cha byad kyis thog mar bla na med pa yang dag par rdzogs pa'i byang chub tu sems bskyed du bcug go /ngas thams cad kyi thog mar sbyin pa'i pha rol tu phyin pa nas shes rab kyi pha rol tu phyin pa'i bar du yang dag par bzhag go /btsud do/ /bkod do/ /sangs rgyas bcom ldan 'das de dag thams cad da ltar sngon gyi cho ga shes pa'i rjes su dran pas sangs rgyas re res kyang me tog ban+du re re bdag la bskur ro/ /khyed cag thams cad mngon sum du gyur par gyur nas yang dag par spyod pa'i tshul nam mkha'i mdog gis 'dul ba'i bzod pa de 'di sgoms shig /bzod pa 'di'i mthus gang 'das pa'i dus na phyogs bcu'i sangs rgyas kyi zhing tha dad par byang chub sems dpa' bla na med pa yang dag par rdzogs pa'i byang chub tu mngon par sangs rgyas pa/ sems can la chos kyi 'khor lo bskor ba/ sangs </font><hr>387b<br><font size=+1>


rgyas kyi dgongs pa kun zad par byas pa/ 'byung ba med pa/ mya ngan las 'da' ba'i khams na 'dug pa/ me tog ban+du'i char 'di dag ji tsam pa 'di tsam gyi sems can ngas tshe gcig gis yongs su smin par byas so/ /'das pa'i dus na me tog ban+du'i char 'di dag ji tsam pa de tsam gyi byang chub sems dpa' bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dag de'i tshe gang rgyal po bsod nams 'od zer gyi mdzod ngas thams cad kyi thog mar bla na med pa yang dag par rdzogs pa'i byang chub tu sems bskyed du bcug go /ngas thams cad kyi thog mar sbyin pa la sbyor bar byed cing bkod pa nas shes rab kyi bar du sbyor bar byed cing bkod do/ /bzhin bzang / mthu chen po yang dag par spyod pa'i tshul nam mkha'i mdog gis 'dul ba'i bzod pa 'di ltos shig /rigs kyi bu pho dang / rigs kyi bu mo byang chub 'dod pa rnams myur du bla na med pa yang dag par rdzogs pa'i byang chub tu mngon par rdzogs par sangs rgyas par 'dod pas yang dag par spyod pa'i tshul nam mkha'i mdog gis 'dul ba'i bzod pa 'di bsgom par bya pa 'di la tshul bzhin du bya'o/ /yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo le'u bcu pa'o// //bam po bcu pa/ </font><hr>388a<br><font size=+1>


@#/ /de nas kun tu rgyu shin tu rnam par phye ba'i 'od zer 'chang ba zhes bya ba de bcom ldan 'das gang na bde logs su thal mo sbyar te phyag btsal nas bcom ldan 'das la tshigs su bcad pa 'di dag gsol to/ /shin tu rkang gnyis mchog gis bde byin pa/ /lta ba log zhugs 'gro la sgron ma 'dzin/ /chos kyi 'khor lo dag gi sgras 'jug pa/ /ji ltar lta ba'i dra ba sngon chad 'gyur/ /dri ma gsum spangs mig gsum gtong phod pa/ /chos kyis 'gro ba thams cad tshim mdzad pa/ /khams gsum 'gro ba la ni sgron 'dzin pa/ /ji ltar lta ba'i dra ba srab par 'gyur/ /'gro ba dag la gser dang zla ba bzhin/ /spyan ni rab mdzes shin tu gsol ba'i zhal/ /bzod pa ji ltar thob pa'i spyod pa gsungs/ /ji ltar lta ba'i rgyu rnams 'jig par 'gyur/ /sems can 'gro ba sdig pa las zlog mdzad/ /sdig pa'i bsam bral lta ba dge ba la/ /tshe yi chu bo sdig pa sems 'gyur ba/ /sdig pa'i lta gsum ji ltar thar bar byed/ /drang srong chen po dbang po thams cad bsdams/ /dad pas mos pa ltar ni gzhan la gnas/ /rnam par spyod bcas rtsa ba shin spang phyir/ /lta ba'i bdud yod ji ltar zad par 'gyur/ /thams cad 'gro la khyod ni blo gros can/ /mchog gi bzod pa dag ni lam ston pa/ /bsam pa </font><hr>388b<br><font size=+1>


thams cad kyis ni 'gro 'di mgu /sdig par lta ba ji ltar 'jig par 'gyur/ /'phags pa'i rgyal po nyon mongs dgra sreg pa/ /lam gyi yan lag brgyad ni nye bar ston/ /'gro la lha dang zla ba kun spangs pa/ /lta ba'i mun pa dag par ji ltar 'gyur/ /mi 'dul kha lo sgyur zhing thugs rab dgyes/ /mi mchog rgyal po 'gro la bkra shis mdzad/ /lta ba dge la 'gro ba 'jug pa med/ /sdig pa lta la gang dag rgyun gcod med/ /bde gshegs 'dul dang bzod dang sdom la dgyes/ /'gro ba'i the tshom sna tshogs de gzigs te/ /lta bar gyur pa'i chos kyi zla ba byin/ /sdig pa'i lta kun ji bzhin 'gyur ba med/ /gcig tu spyad brtag tu bsam gtan dgyes/ /de bzhin 'dir gnas dpag med 'khor dag la/ /sdig pa'i lta ba ji ltar yang reg med/ /chags med rgyal mtshan don 'di bshad du gsol/ /'khor ba'i sdug bsngal rab tu zhi bar mdzad/ /wA ra NA sir dge ba'i 'khor lo bskor/ /srog chags bye mang lta las thar mdzad pa/ /lta bar song ba thar mdzad chos gsung gsol/ /lta ba spyod cing sdig pa'i blo gros can/ /srog chags bye stong phrag bcu 'di dag gnas/ /sdig pa'i lta kun ji bzhin 'gyur med pa/ /bde gshegs yongs su bsngo ba ji ltar 'gyur/ /de nas bcom ldan 'das kyis byang chub sems dpa' nam mkha'i rang bzhin can la bka' stsal pa/ rigs </font><hr>389a<br><font size=+1>


@#/ /kyi bu| gang gi tshe bskal pa tshad med pa las shin tu 'das par ston pa de'i tshe de'i dus na lho phyogs na sangs rgyas kyi zhing stong phrag nyi shu las shin tu 'das pa de na sangs rgyas kyi zhing blo gros dbyangs zhes bya ba rnyog pa lngas shin tu gang zhing lta ba tha dad par song ba dog pa rnyed par gyur cing / sems can kun tu gzir bar gyur pa de la de'i tshe de'i dus na bcom ldan 'das de bzhin gshegs pa tshangs pa'i dbang po zhes bya ba dgra bcom pa yang dag par rdzogs pa'i sangs rgyas su gyur pa de'i stong gsum gyi nyan thos kyi tshogs 'dus pa chen por gyur pa 'dran nam/ ji ltar da ltar rgyal po 'bi 'bi sa ra nga'i yon bdag chen po yin pas de na nga 'od 'dzin pa'i rgyal po chen por gyur cing de bzhin gshegs pa tshangs pa'i dbang por yang gyur to/ /de bzhin gshegs pa tshangs pa'i dbang po 'khor dang bcas pa la de ltar bdag nyi ma re re zhing yang me tog sna tshogs dang / dri sna tshogs dang / rin po che'i gdugs sna tshogs dang / rol mo sna tshogs kyis mchod pa byas so/ /yang bcom ldan 'das de la de bzhin du nyan thos kyi dge 'dun dang bcas pa zla ba gsum du yo byad kyis spyan drangs te/ lam srang gang na mi yod pa dag kha na ma tho med pa'i ston pa bya'o/ /zhes lam srang du sgra 'byin du'ang bcug go /lam </font><hr>389b<br><font size=+1>


srang de na bram ze gang+gA zhes bya ba nyi ma la dad pa can du gyur pa rkang pa gcig gis nyi ma la dga' zhing nyin mtshan ston pa na mngon par shes pa de bcom ldan 'das la skyabs su 'gro bar mi 'dod nas de ngas spran par byas so/ /bram ze 'dis nga'i bya ba la nan tan du ma byas pas nyi ma bdun du mchog tu gnod pas gtse'o/ /zhes byas nas rgyal po'i zhabs ring bas bzung ste btson rar bcug pa dang / bram ze des rtag tu nyin mtshan bdun du 'di lta bu'i smon lam btab bo/ /gal te de bzhin du tshangs pa'i dbang po mgo reg rab tu snam bu dmar po can thams cad shes par 'gyur ba de sbed pa'i gnas 'dir bdag gi gan du shog cig /de'i 'og tu nyi ma thams cad shes par gyur pa gang ba dag btson ra nas thar par byed pa de btson ra 'dir zhugs shing gang gi mthus bdag 'tsho ba rnyed pa de la bdag skyabs su 'gro'o/ /de nas nyin mtshan bdun pa'i tha ma 'das pa na snga dro'i dus kyi tshe bcom ldan 'das de bzhin gshegs pa tshangs pa'i dbang po'i g.yas phyogs na ni/ nyi ma'i lha'i bu phyag 'tshal zhing 'dug /g.yon phyogs na ni/ zla ba'i lha'i bu phyag 'tshal zhing 'dug / mdun na ni/ brgya byin dang / tshangs pa phyag 'tshal zhing 'dug pa btson rar bzhud nas de bzhin gshegs pa des bram ze nyi ma la dad pa can la bka' stsal pa/ bram ze/ nga ni/ mir </font><hr>390a<br><font size=+1>


@#/ /gyur pa thams cad kyis shes pa'o/ /thams cad la ston pa'o/ /lha thams cad kyis yid la byed pa'o/ /sems can thams cad la byams shing snying rje ba'o| |'khor ba'i btson ra dang rga shi thams cad las yongs su thar par byed pa'o/ /bram ze/ lta ba log pa'i rgyun chod cig /bla na med pa yang dag par rdzogs pa'i byang chub tu smon lam thob cing /chos kyi ros sems can thams cad bos shig /lha dang / mi dang / skye rgu'i nang na sems can lta ba dog pa rnyed pa rnams yongs su thar par byos shig /de nas bram ze de dga' mgu yid bde ba skyes nas de bzhin gshegs pa tshangs pa'i dbang po'i zhabs gnyis kyi drung du 'ongs nas gsol pa/ btsun pa bcom ldan 'das/ sdig pa'i lta bar song ba'i nongs pa spangs te bcom ldan 'das dang / chos dang / dge 'dun la bdag ni/ 'di ltar skyabs su mchi'o/ /de bzhin gshegs pas bka' stsal pa/ bram ze| bla na med pa yang dag par rdzogs pa'i byang chub tu khyod kyis bsam pa thams cad yongs su rdzogs pa legs so legs so/ /gang gi phyir 'di la bram ze'i yon tan thams cad yongs su rdzogs par 'dod pa dang / sems can thams cad la bde ba skyed par 'dod pa dang / khams gsum thams cad zil gyis gnon par 'dod pa dang / sangs rgyas </font><hr>390b<br><font size=+1>


thams cad la mchod par 'dod pa dang / skye rgu thams cad zil gyis gnon par 'dod pa dang / rga shi las thar par bya bar 'dod pas bla na med pa yang dag par rdzogs pa'i byang chub tu sems bskyed par bya ba de ltar khyod grags pa brjod pa'i yon tan dang ldan par 'gyur ro/ /des gsol pa/ btsun pa bcom ldan 'das/ bdag bcom ldan 'das gshegs pa'i bar du bla na med pa yang dag par rdzogs pa'i byang chub tu sems bskyed par bya'o/ /zhes ngas thos nas ngas bram ze de yo byad thams cad kyis bos pa dang / bram ze de'ang zhag bdun du dben par zhugs nas smon lam gdab par bsam pa dang / zhag bdun pa de las shin tu 'das nas bcom ldan 'das de bzhin gshegs pa tshangs pa'i dbang po gang na ba der nye bar phyin te bcom ldan 'das de'i spyan sngar smon lam btab bo/ /bcom ldan 'das kyis bka' stsal pa/ nam mkha'i rang bzhin can gang bram ze nyi ma la dad pa can du gyur pas btson rar bcug pa de ni/ gang / byang chub sems dpa' nam mkha'i rang bzhin can gyis gsol pa/ bcom ldan 'das/ bdag ni/ bram ze nyi ma la dad pa can du gyur te/ bdag kyang bcom ldan 'das de bzhin gshegs pa tshangs pa'i dbang po de'i spyan sngar smon lam btab bo/ /bcom ldan 'das kyis bka' stsal pa/ rigs kyi bu/ gang sngon bcom </font><hr>391a<br><font size=+1>


@#/ /ldan 'das de bzhin gshegs pa tshangs pa'i dbang po'i spyan sngar smon lam btab par gyur pa de rjod cig /gsol pa/ btsun pa bcom ldan 'das/ gang gi tshe bdag sangs rgyas mchod pa dang / chos mnyan pa dang / dge 'dun la bsnyen bkur bya ba'i phyir stan las ldang bar 'dod pa bdag gi smon lam de bzhin du gyur to/ /gang gi tshe bdag stan las langs nas bdag gi lus la sa'i khams kyi rdul phra mo shin tu phra ba'i tshad ji tsam du 'gyur ba de tsam gyi sems can thams cad las sems can re re'i rtag par lta ba dang / chad par lta ba dang / phyin ci log bzhi kun nas ldang ba'i lta ba dang / srid pa'i lta ba dang / srid pa dang bral ba'i lta ba dang / 'jig tshogs kyi lta ba dang / mthar 'dzin pa'i lta ba dang / de la sogs pa dang / gang la la 'jig rten ba'i zag pa dang bcas pa'i nye bar len pa'i lta ba rnams dang / de tsam gyi sems can gcig gi sngon gyi mtha'i mu la lta ba thams cad ma lus par mngon par 'dus byas su 'gyur ba dang / de tsam gyi sems can re re'i 'khor ba bskal pa bye ba khrag khrig brgya stong skam par gyur cig /ces bdag gi smon lam de bzhin du btab bo/ /sems can gcig gi sems dang bsam pa la'ang de la sogs pa'i lta ba bla na med pa yang dag par rdzogs pa'i byang chub tu mngon </font><hr>391b<br><font size=+1>


par rdzogs par sangs rgyas pa'i bar du skye bar ma gyur cig /yang bdag gi de tsam gyi mtha'i mu brtsams pa nas bla na med par mya ngan las 'da' ba'i bar gyi phyir de la sogs pa'i lta ba kun 'phags par gyur pa de la sogs pa'i lta ba de dag kyang ma lus par sems dang bsam pa la ma 'jug cig /bcom ldan 'das/ gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe sems can thams cad las sems can re re'i de tsam gyi lta ba ma lus par sel ba 'di ni/ bcom ldan 'das| bdag gi smon lam du gyur to/ /gang gi tshe sangs rgyas la blta ba nas dge 'dun la bsnyen bkur ba'i bar gyi phyir bdag stan las langs pa de'i tshe sems 'di ltar bskyed de/ bdag gi lus kyi skra'i rtse mo'i cha shas tsam gyis chu'i khams gtor bar 'gyur ba ji tsam pa de tsam gyi sems can thams cad las sems can re re'i las kyi sgrib pa ma lus par yongs su zad par 'gro'o/ /sngon kyi mtha'i mu ji tsam pa la pha rol gyi pha rol tu phyin pa drug sgrib pa byas par 'gyur ba dang / las kyi sgrib pa dang / sems can gyi sgrib pa dang / dge ba'i sgrib pa dag 'phags shing 'dor bar ma gyur to/ /phyi ma'i mtha'i mu nas bla na med par yongs su mya ngan las 'da' ba'i bar du pha rol gyi sgrib par byed </font><hr>392a<br><font size=+1>


@#/ /pa ma lus par 'phang bar 'gyur ro/ /gang yang bdag gi sngon gyi mtha'i mu la spyad pas pha rol gyi pha rol tu phyin pa drug la sgrib par byas par 'gyur zhing / chos kyi sgrib pa dang / sems kyi sgrib pa dang / dge ba'i sgrib par 'gyur ba dag phyis sems can rnams yongs su smin pa'i rgyus spang pa nas yongs su mya ngan las 'da' ba'i bar du de dag thams cad ma lus par yongs su zad par 'gro'o/ /gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe sems can thams cad las sems can re re'i de snyed kyi rnam pa de lta bu'i sgrib pa'i chos ma lus par 'phang bar bya zhing sems can re re la'ang myur du de de tsam gyi ting nge 'dzin gyi gzungs bkod par bya'o/ /sems can thams cad mngal gyi gnas las yongs su grol bar bya'o/ /sems can thams cad rga shi 'byung ba'i rgya mtsho las bsgral bar bya'o/ /zhes gang gi tshe bdag dge 'dun la bsnyen bkur ba'i bar gyi phyir stan las ldang bar bya ba ni/ btsun pa bcom ldan 'das/ bdag gi smon lam du gyur to/ / gang gi tshe bdag stan gyi longs spyod dang bde ba'i yo byad spangs te/ bdag gi lus kyi skra'i rtse mo'i cha shas tsam du me'i khams gyur pa ji tsam pa de tsam gyi sems can thams </font><hr>392b<br><font size=+1>


cad las sems can re re'i sngon gyi mtha'i mu nas da ltar gyi skye ba'i bar du gzhan la las kyis ma lus par mngon par 'dus byas par 'gyur ro/ /gang gi tshe phyi ma'i mtha'i mu nas bla na med pa mya ngan las 'da'i bar du 'phangs shing sems can re re'i de tsam gyi ngan song gi las ma lus par sgrub par 'gyur ba nas bla na med par mya ngan las 'da' ba'i bar du bral ba med par 'gyur ro/ /'phags pa'i gdan 'di nas byang chub kyi snying po'i gdan gyi bar du bral ba med par 'gyur ro/ /gang yang bdag gis sngon gyi mtha'i mu la rnam pa de lta bu'i las bsgrubs pa mngon par 'dus byas par 'gyur ro/ /gang yang mngon par 'du byed pa nas bla na med par mya ngan las 'da' ba'i bar du thams cad kyi skye ba ma lus par yongs su zad par 'gyur ro/ /gang gi tshe bdag bla na med pa yang dag par rdzogs pa'i byang chub tu mngon par rdzogs par sangs rgyas pa de'i tshe sems can spyod yul ngan pa dang / dma' ba'i ngan 'gror gnas pa dag yongs su thar par bya ba nas pha rol tu phyin pa drug la dgod par bya ba'i bar du 'di ni/ btsun pa bcom ldan 'das/ bdag gi smon lam du gyur to/ /gang gi tshe bdag sangs rgyas la lta ba nas dge 'dun la bsnyen bkur ba'i phyir stan las langs te smon lam 'di lta bu byas te/ rlung gi khams </font><hr>393a<br><font size=+1>


@#/ /bdag gi lus kyi skra'i rtse mo'i cha shas tsam du 'gyur ba ji tsam pa de tsam gyi sems can thams cad las sems can re re'i de tsam gyi sngon gyi mtha'i mu'i bar du gzhan la khams mtshungs pa med pa'i 'khrug par byed pa'i las de dag thams cad ma lus par 'dus byas par 'gyur ro/ /yang 'khor ba na 'khor ba nas bla na med par yongs su mya ngan las 'da' ba'i bar du khams 'khrug pa'i nad du ma gyur cig /gang yang bdag gis sngon gyi mtha'i mu nas brtsams te gzhan la khams 'khrug par byed pa'i las ma lus par mngon par 'du bya bar 'gyur ba nas bla na med pa yongs su mya ngan las 'da' ba'i bar du 'phang bar bya'o/ /gang gi tshe bdag bla na med pa yang dag par rdzogs pa'i byang chub tu mngon par 'tshang rgya ba de'i tshe sems can thams cad las sems can re re la'ang ji tsam gyi ting nge 'dzin sgrub pa'i tshul gyis khams 'khrug pa ma lus par sel bar bya'o/ /sems can thams cad las sems can re re la'ang de tsam gyi brtson 'grus la dmigs pa thabs la mkhas pa'i ye shes bslab par bya zhing de tsam gyi chos kyi sgo stong yang rab tu bstan par bya'o/ /de tsam gyi sbyin pa'i pha rol tu phyin pa la sbyor bar bya ba nas shes rab kyi pha rol tu phyin pa'i bar du sbyor bar bya'o// </font><hr>393b<br><font size=+1>


phyir mi ldog pa'i sa la dgod par bya'o/ /de tsam gyi sangs rgyas bcom ldan 'das rnams kyi sems can re re la'ang bcol zhing gdams par bya ba 'di ni/ btsun pa bcom ldan 'das| bdag gi smon lam du gyur to/ /gang gi tshe bdag sangs rgyas la blta ba nas de bzhin du smon lam byas pa'i bar du rkang lag gnyis sa la gzhag par bya'o/ /gang gi tshe bdag nam mkha'i khams mtha' yas mu med pa nyon mongs pas bcings pa'i bag la nyal ba thams cad kyis nyon mongs pa med pa ji tsam pa la nam mkha' la chags pa med par 'gro ba na sems can thams cad la sems can re re la'ang de tsam gyi nyon mongs pas bcings pa'i bag la nyal ba grangs med pa brjod du med pa ma lus par gyur cig /de tsam gyi chos thams cad kyi tshul nam mkha'i rang bzhin lta bu la zhugs pa nas bla na med par yongs su mya ngan las 'da' ba'i bar du nyon mongs pa thams cad dang 'dres pa med par gyur cig /chos thams cad la dran pa med par 'gyur ba nas nam mkha'i khams mtha' yas mu med pa'i nyon mongs pas bcings pa'i bag la nyal bas nyon mongs pa med pa'i bar du de tsam gyi nyon mongs pas bcings pa'i bag la nyal ba thams cad ma lus par dag par gyur cig /de tsam gyi chos thams cad kyi tshul nam mkha'i rang bzhin lta bu nas </font><hr>394a<br><font size=+1>


@#/ /bla na med par yongs su mya ngan las 'da' ba'i bar du 'jug par bya'o/ /bdag ni/ nam mkha' la kun tu rtogs pas 'khor ba na bdag bla na med pa'i ye shes thob par bya ba'i phyir byang chub kyi spyod pa spyad par bya'o/ /sems can thams cad kyi nyon mongs pa'i rnyog pa sbyang bar bya ba nas bla na med pa yang dag par rdzogs pa'i byang chub tu mngon par rdzogs par 'tshang rgya bar bya ba'i bar du sems can thams cad las sems can re re la'ang de tsam gyi bde ba'i chos mtha' yas mu med pa bstan par bya'o/ /nam mkha'i rang bzhin lta bu'i pha rol tu phyin pa drug la bslab par bya zhing dgod par bya ba nas bla na med par yongs su mya ngan las 'das pa'i bar du sems can de dag chos kyi sgo nam mkha'i rang bzhin can pha rol tu phyin pa dang ldan pa bye ba khrag khrig brgya stong de dag tu dran pa nyams par ma gyur pa 'di ni/ btsun pa bcom ldan 'das/ bdag gi smon lam du gyur to/ /gang gi tshe bdag sangs rgyas blta ba dang / chos mnyan pa dang / dge 'dun la bsnyen bkur ba'i phyir nye bar 'gro ba'ang de bzhin du smon lam btab ste spyad pa na bdag gi rkang pa gnyis kyi mthil sa la reg pa ji tsam pa dang / gling bzhi pa'i sa nas bzung ste bla na med pa'i rdul shin tu phra bar 'gyur ba ji tsam pa de tsam gyi </font><hr>394b<br><font size=+1>


sems can thams cad las sems can re re la'ang phyi ma'i mtha'i mu nas bzung ste pha rol gyi gan na yan lag ma tshang ba 'dod pa med par 'gyur ba yod cing las kyi sgrib par 'phang par 'gyur ba sems can re re la'ang de tsam gyi las de dag ma lus par 'gyur zhing / 'khor ba na 'khor ba nas bla na med par yongs su mya ngan las 'da' ba'i bar du yan lag ma tshang ba med par gyur cig /gang yang bdag gis sngon gyi mtha' mu nas bzung ste pha rol gyi gan du yan lag ma tshang ba'i las kyi sgrib pa ji tsam pa de tsam 'phang par 'gyur ba de dag thams cad ma lus par yongs su zad par gyur cig /bdag bla na med pa'i ye shes chen po thob pa'i rgyur byas te stobs lnga'i yan lag dang bral ba med par 'gyur ro/ /gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe sems can thams cad las sems can re re la'ang de tsam gyi dbang po dang / stobs dang / byang chub kyi yan lag yongs su bkang bar bya ba'i phyir ting nge 'dzin gyi sgo bstan par bya'o/ /sems can thams cad theg pa gsum la lung ston cing phyir mi ldog pa'i sa la'ang dgod par bya ba 'di ni/ btsun pa bcom ldan 'das/ bdag gi smon lam du gyur to/ /gang gi tshe bdag sangs rgyas mthong zhing chos smra ba dang / dge slong </font><hr>395a<br><font size=+1>


@#/ /gi dge 'dun mthong nas kyang de bzhin du smon lam btab bo/ /bde 'gro lnga dang / gnas gsum dang / skye gnas bzhi la rnam par shes pa'i khams su 'gyur ba ji tsam pa de tsam gyi sems can thams cad las sems can re re la'ang sngon gyi mtha'i mu nas bzung ste gzhan la dbang po drug ma tshang ba'i las thams cad ma lus par 'phang par gyur cig /phyi ma'i mtha'i mu 'phang ba nas mchog tu rgya che ba dga' bar byed pa'i dbang po drug yongs su rdzogs pa thob par gyur pa bla na med par yongs su mya ngan las 'da' ba'i bar du dbang po drug ma tshang ba med par gyur cig /gang yang bdag gis sngon gyi mtha'i mu nas bzung ste gzhan la dbang po nyams pa'i las mngon par 'dus byas pa 'phang par 'gyur ba ma lus par 'dor ba med par gyur cig /sems can rnams bla na med pa'i ye shes chen po thob pa'i bar gyi phyir mchog tu rgya che ba blta na sdug pa dga' bar byed pa'i dbang po drug yongs su tshang bas bral ba med par gyur cig /gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe bdag gis sems can thams cad las sems can re re la'ang las kyi sgrib pa ma lus par thal bar byas pa 'di ni/ </font><hr>395b<br><font size=+1>


bcom ldan 'das/ bdag gi smon lam du gyur to/ /gang gi tshe bdag sangs rgyas dang / chos smra ba dang / dge 'dun gyi spyan sngar bus mo g.yas pa'i lha nga sa la btsugs nas 'di ltar sems bskyed par bya'o/ /bdag gis sngon gyi mtha'i mu nas bzung ste skad cig thang gcig yud tsam gyis song bar gyur pa ji tsam pa sems can thams cad las sems can re re la'ang de tsam gyi sngon gyi mtha'i mu nas bzung ba nas bdag mi dge ba bcu'i las kyi lam yang dag par bzung ste rnam par ma smin par 'jug cing 'dor ba med par byas pa'i bar du ma lus par rnam par ma smin par gyur cig /yang sems can re re la'ang pha rol tu phyin pa drug rdzogs par bya ba'i phyir de tsam gyi lus dang ngag dang yid kyi 'du byed rnams dge ba la mngon par 'dus byas su gyur cig /gang yang bdag gis sngon gyi mtha'i mu nas bzung ste dge ba bcu'i las kyi lam la rnam par smin par 'jug cing 'dor ba med par 'gyur ba ma lus par rnam par smin par gyur cig /bdag ni/ rtag tu dge ba bcu'i las kyi lam gyis 'bral ba med par 'gyur ba nas bdag bla na med pa yang dag par rdzogs pa'i byang chub tu mngon par rdzogs par 'tshang rgya ba'i bar du sems can thams cad las sems can re re la'ang de tsam gyi dge ba dang mi dge ba'i 'dus byas kyi chos rab tu </font><hr>396a<br><font size=+1>


@#/ /bstan cing / theg pa gsum gyis lung bstan par bya ba 'di ni/ bcom ldan 'das/ bdag gi smon lam du gyur to/ /gang gi tshe bdag sangs rgyas kyi spyan sngar pus mo g.yas pa'i lha nga sa la btsugs shing chos smra ba'i mdun du pus mo g.yas pa'i lha nga sa la btsugs te de lta bu'i smon lam btab pas bdag sngon gyi mtha'i mu nas bzung ste nyin mtshan med pa ji tsam pa sems can rnams las sems can re re la'ang de tsam gyi ngan 'gro gsum sgrub pa'i las kyi sgrib pa ma lus par zad par gyur cig /gang pha rol la skyed par 'gyur ba bde 'gro gsum la nyon mongs pa med par 'gyur ba nas bla na med par yongs su mya ngan las 'da' ba'i bar du ngan 'gror skye bar ma gyur cig /gang yang bdag gis sngon gyi mtha'i mu nas bzung ste ngan 'gro gsum sgrub pa'i las mngon par 'dus byas pa 'dor ba med par ma lus par zad par gyur cig / smon lam gzhan gyi dbang gis sems can yongs su smin par bya ba'i phyir bla na med par yongs su mya ngan las 'da' ba'i bar du ngan 'gro gsum gyi ngan 'gror skye bar mi bya'o| |gang gi tshe bdag bla na med pa yang dag par rdzogs pa'i byang chub tu mngon par 'tshang rgya ba de'i tshe sems can rnams ngan 'gro gsum las yongs su thar par bya ba'i </font><hr>396b<br><font size=+1>


phyir skyabs gsum la rnam par dgod par bya ba 'di ni/ btsun pa bcom ldan 'das/ bdag gi smon lam du gyur te/ /gang gi tshe bdag sangs rgyas dang / chos dang / dge 'dun la yan lag lngas phyog 'tshal bar byed pa de bzhin du'ang bdag gis smon lam btab bo/ /phyogs bcu'i sa'i khams mtha' yas mu med pa 'di re re la'ang rdul shin tu phra ba ji tsam pa ltar chu'i khams dang / me'i khams dang / rlung gi khams dang / rnam par shes pa'i khams kyang de bzhin te/ sems can thams cad las sems can re re la'ang sngon gyi mtha'i mu nas bzung ste ma rig pa'i rgyu nas rga shi'i rgyu'i bar du las kyi mngon par 'du byed pa mngon par 'dus byas shing 'dor ba med par 'gyur ba ma lus par zad par gyur cig /sems can re re la'ang de tsam gyi rten cing 'brel par 'byung ba'i chos kyi sgo'i tshul shes pa de chos la su'ang bla na med par yongs su mya ngan las 'da' ba'i bar du ma brjed cig /gang yang bdag gis smon gyi mtha'i mu nas bzung ste ma rig pa'i rgyu nas rga shi'i rgyu'i bar du de tsam gyi las kyi mngon par 'du byed pa mngon par 'dus byas par gyur pa ma lus par yongs su zad par gyur cig /yang bla na med pa'i ye shes chen po thob par bya ba'i bar gyi phyir rten cing 'brel par 'byung ba'i chos kyi shes par bya ba dran par bya'o/ / </font><hr>397a<br><font size=+1>


@#/ /gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe sems can thams cad las sems can re re la'ang de tsam gyi rten cing 'brel bar 'byung ba'i chos la 'jug par bya ba 'di ni/ bcom ldan 'das/ bdag gi smon lam du gyur to/ /gang gi tshe bdag sangs rgyas dang chos smra ba'i spyan sngar pus mo g.yas pa'i lha nga sa la btsugs te lag pa gnyis thal mo sbyar nas mchog tu dga' ba'i mig dang / bzhin dang / dbang po thams cad gcig tu 'dus pas sbyin pa'i gnas de la rtag tu mchod par bya ba'i phyir nye bar phyin te bdag nyid kyi lus kyi ba spu'i khung bu ji tsam pa dang / sems can thams cad kyi ba spu'i khung bur gyur pa ci tsam pa de tsam gyi sems can thams cad las sems can re re zhing yang de tsam gyi las kyi 'bras bu thams cad zad par gyur cig /nyon mongs pa'i dri ma thams cad spangs par gyur cig /gti mug gi dri ma thams cad spangs par gyur cig /ye shes kyi dri ma thams cad sel bar gyur cig /sems can re re la'ang de tsam gyi bsod nams kyis yang dag par brgyan par gyur cig /sems can re re la'ang de tsam gyi 'khor ba brgya stong grangs med pa'i phyir phyogs par gyur cig / </font><hr>397b<br><font size=+1>


sems can re re la'ang de tsam gyi rdzu 'phrul gyi yul la ting nge 'dzin gyi sgo sgrub pa rnam par rtse bar gyur cig /sems can re re la'ang de tsam gyi sangs rgyas bcom ldan 'das la bsnyen bkur bar gyur cig /sangs rgyas re re la'ang chos kyi sgo brgya stong 'jug par gyur cig /sangs rgyas re re'i spyan sngar yang de tsam gyi sangs rgyas kyi zhing gi yon tan gyi tshogs kyi smon lam dag 'dzin par gyur cig /sems can re re la'ang sems can re res de tsam gyi dge ba'i rtsa ba la sbyor bar gyur cig /sems can re re zhing yang gcig la gcig de tsam gyi dga' ba dang / yid bde ba thob par gyur cig /sems can rnams re re la'ang de tsam gyi sangs rgyas kyi zhing gi yon tan gyi tshogs las sangs rgyas kyi zhing phun sum tshogs par gyur cig /sems can re re la'ang srid par skye ba ma lus par spangs par gyur cig /sems can thams cad myur du bla na med pa yang dag par rdzogs pa'i byang chub tu mngon par rdzogs par 'tshang rgya bar gyur cig /de tsam gyi bdag gi las kyi stobs zad par gyur cig /de tsam gyi nyon mongs pa'i dri ma byang bar gyur cig /bdag gis de tsam gyi chu bo'i stobs nyams par gyur cig /bdag gis de tsam gyi ye shes kyi stobs nyams pa med par gyur cig /bdag de tsam gyi bsod nams dang bsod nams </font><hr>398a<br><font size=+1>


@#/ /kyi mdzod du gyur cig /bdag gis de tsam gyi 'khor ba brgya stong grangs med pa'i phyi phyogs su gyur cig /de tsam gyi rdzu 'phrul gyi yul la ting nge 'dzin gyi sgo sgrub pa rnam par phye bar gyur cig /yud tsam gyis na de tsam gyi phyogs bcu'i sangs rgyas bcom ldan 'das bzhugs shing 'tsho skyong ba la bsnyen bkur bar bya'o/ /sangs rgyas re re las kyang de tsam gyi chos kyi sgo stong la 'jug par bya'o/ /sems can re re la'ang sems can thams cad kyis de tsam gyi dge ba'i rtsa bas brgyan par bya'o/ /sems can rnams yongs su smin par bya ba'i phyir bdag kyang lus dang ngag dang yid de tsam gyi snyan pa dang / dga' bar bya ba'i dge ba'i rtsa bas brgyan par 'gyur ro/ /sems can de dang bdag lhan cig tu byang chub kyi spyad pa spyod pa na bdag gis brjod pa tsam gyis kyang sems can de dag gi de tsam gyi srid pa skye ba ma lus par zad par bya'o/ /de tsam gyi lta ba log pa'i rnyog pa 'di rab tu zhi bar bya'o/ /de tsam gyi nyon mongs pa'i nad 'di rab tu zhi bar bya'o/ /de tsam gyi sems can lus dang / bsam gtan dang / dbang po ma tshang ba tshig gis snying ring ba rab tu zhi bar bya ba gcig brjod pa tsam gyis na sems can thams cad las sems can re re zhing de tsam gyi sbyin pa dge ba'i rtsa ba la dgod </font><hr>398b<br><font size=+1>


par bya ba nas shes rab kyi bar du dge ba'i rtsa ba la dgod par bya'o/ /bdag dang sems can thams cad kyi ba spu'i khung bu ji tsam du gyur pa bdag gis gcig brjod pas de tsam gyi sems can thams cad las sems can re re zhing sbyin pa'i dge ba'i rtsa ba la dgod par bya ba 'di ni/ btsun pa bcom ldan 'das/ bdag gi smon lam du gyur to/ /gang gi tshe bdag zas dang / skom gyis sangs rgyas sam/ chos smra ba'am/ dge slong gi dge 'dun nam/ dge slong gcig gam/ dge slong ma gcig gam/ dge bsnyen pha'am/ dge bsnyen ma'am/ pha'am/ ma'am/ phyi rol gyi drang srong ngam/ la la rigs kun nas bsnyen bkur ba'i mir gyur pa la stobs shing / chung ngu na byol song gi skye gnas su song ba la'ang zas dang skom brim par bya ba de bzhin du'ang smon lam btab pa nas sems can 'dul ba yongs su smin par bya ba'i bar gyi phyir bdag yun ring por 'khor ba na 'khor bar bya'o/ /gang chung ngu na skra'i nyag ma gcig tsam gyi zas dang skom yang yongs su len to/ /sems can brgya stong nas chu bo gang+gA'i bye ma tsam po zas dang skom 'dod pa yang dag par dgas pa bdag gi gan du nye bar 'ongs pa ji tsam pa dang / kha dog gis 'dod pa ji tsam pa de tsam pa dang / ro ji tsam gyis don ji ltar 'dod pa de tsam gyi phun sum tshogs </font><hr>399a<br><font size=+1>


@#/ /'dod do/ /gal te kha dog dmar po gcig dang / skya bo gnyis 'dod pa nas kha dog stong phrag brgyad cu gcig la gcig 'dod pa de tsam gyi phun sum tshogs par 'gyur zhing / gcig la gcig nyams pa med par 'gyur ro/ /bdag ni/ sems can de dag ji tsam pa de tsam gyi zas dang skom zad pa med pa ji tsam 'dod pa bri ma par bya'o/ /gang bdag gi lag nas zas dang skom blangs pa de dag thams cad kyi lus kyi nad rab tu zhi bar 'gyur ro/ /gang yang zas dang skom de yongs su zos pa de thams cad kyi yid kyi nad rab tu zhi bar 'gyur ro/ /sdig pa'i lta ba thams cad rab tu zhi bar 'gyur ro/ /'gro ba thams cad la sems can gyi mngal gyi gnas rgyun gcod par bya ba nas gang bdag gi zas dang skom zos shing / de bzhin du gos dang / mal stan dang / me tog dang / phreng ba dang / byug pa dang / sman dang / gnas dang / nad g.yog dang / chung du na skra'i rtse mo'i cha tsam gyi bar du bdag gis gzhan la phyin pa gang gis blangs pa de'i mngal gyi gnas ji tsam pa thams cad las bla na med par yongs su mya ngan las 'da' ba'i bar du yongs su thar par 'gyur zhing bdag gis 'dul ba thams cad yongs su mya ngan las 'da' bar gyur cig </font><hr>399b<br><font size=+1>


pa 'di ni/ btsun pa bcom ldan 'das/ bdag gi smon lam du gyur to/ /gang gi tshe yang nyon mongs pa dang / rnyog pa lnga'i sangs rgyas kyi zhing du bdag 'khor ba na byang chub kyi spyod pa spyad par bya zhing sems can rnams dma' bar spyod pa las yongs su thar par bya ba de'i tshe nyon mongs pa dang / rnyog pa lnga'i sangs rgyas kyi zhing so sor bdag spyod pa dang / dka' thub dang / brtul zhugs yang dag par spyod pa bslab par bya'o/ /gang gi tshe dga' ldan gyi khang pa na bdag skye ba gcig gis thogs nas mi bzad pa'i spyod la ma dang / mi bzad pa'i brtul zhugs dang / mi bzad pa'i dka' ba yang dag par spyod pas brtson 'grus brtan pa la yi dam du spyad par bya'o/ /ji ltar sangs rgyas kyi zhing de nas sa'i ro thigs pa'i bag chags zhes bya ba sa la phu ga tsam yang bral ba med par 'byung bas sangs rgyas kyi zhing de na gang sems can sha za de rma'i mtshan mas sa rko'o/ /sha yongs su spangs pas sa'i ro thigs pa'i bag chags de zos nas shin tu zhim zhing dri shin tu zhi ma pa stong du 'gyur ba/ gang gi phyir 'dod pa dang / gang la 'dod pa dang / ji tsam gyi phyir 'dod pa de ltar thob par 'gyur ro/ /gang yang sa'i ro thigs pa'i bag chags de yongs su zos shing gang chung du na bya dang ri dwags kyis kyang zos pas de dag thams cad kyi lus kyi gnas ngan len </font><hr>400a<br><font size=+1>


@#/ /dang / ngag gi gnas ngan len dang / yid kyi gnas ngan len dang / nyon mongs pa'i bag chags kyi rjes kyi mtshams kyang thams cad kyis thams cad kyi rgyun bcad par 'gyur ro/ /sangs rgyas kyi zhing thams cad na la la sha yongs su mi za zhing chung du na bya dang ri dwags kyis kyang khrag mi 'thung bar 'gyur ba de dag gi shing ro hi ni rnam par rgyal ba zhes bya ba byung bar gyur to/ /gang de'i lo ma dang / lcug ma dang / yal ga bcad pa de las khrag kha kha dog dang ldan pa/ dri dang ldan pa/ ro dang ldan pa 'byung bar 'gyur ba la chung du na bya dang ri dwags kyis kyang khrag 'thungs pa de dag gi lus kyi gnas ngan len dang / ngag gi gnas ngan len dang / yid kyi gnas ngan len dang / nyon mongs pa'i bag chags kyi mtshams thams cad kyis thams cad kyi rgyun bcad par 'gyur gyi/ ji ltar sangs rgyas kyi zhing de thams cad na la la khrag mi 'thung chung du na bya dang ri dwags kyis kyang 'thung bar mi 'gyur ro/ /gang yang sangs rgyas kyi zhing 'dir 'o ma 'thung bar 'dod pa de dag gi phyir sangs rgyas kyi zhing de na shing rdul dang bral ba de skyes par 'gyur ro/ /sangs rgyas kyi zhing gang na 'o ma 'thung bar 'dod pa de shing de'i lo ma'am/ lcug ma'am/ yal ga bcad pa de las 'o </font><hr>400b<br><font size=+1>


ma mchog tu gsal ba/ kha dog dang ldan pa/ dri dang ldan pa/ ro dang ldan par 'byung bar 'gyur ba de la gang bya dang ri dwags kyi bar du yongs su 'thungs pas de'i lus kyi gnas ngan len dang / ngag gi gnas ngan len dang / yid kyi gnas ngan len dang / nyon mongs pa'i bag chags kyi mtshams thams cad thams cad kyis thams cad kyi rgyun bcad par 'gyur gyi/ ji ltar sangs rgyas kyi zhing thams cad la la shing gi 'o ma de ma gtogs par 'o ma gzhan ni/ yongs su mi mthong ngo / /sangs rgyas kyi zhing de na chu'i rdzing du sems can skye'i/ mngal gyi gnas ni/ ma yin no/ /sangs rgyas kyi zhing der sems can dmyal ba thams cad dang / gshin rje'i 'jig rten rgyun chad par gyur ba de tsam na dga' ldan na mi bzad pa'i brtul zhugs dang / yang dag par spyod pa'i yi dam gyis yang dag par spyad par bya'o/ /sangs rgyas kyi zhing de na ji ltar bud med yongs su dag pa'i sems kyi mtha' dang ldan pa thob par bya ba'i phyir bud med kyi phrag dog dang / 'jungs pa'i gnas su gyur pa dang / slu ba'i las kyi gnas yongs su zad par 'gyur ro/ / sangs rgyas kyi zhing de na bud med kyi lus thob par 'gyur ba de la sems can 'khrig pa'i chos kyis bral bar gyur cing / 'thab mo dang / 'khrug pa dang / brdzun du smra ba dang / </font><hr>401a<br><font size=+1>


@#/ /rdzun dang / phra ma dang / zhe gcod pa dang / tshig kyal pa dang / gnod sems dang / chags sems dang / log par lta ba dang / mu ge dang / char mi 'bab pa dang / rkun po dang / lcags sgrog dang / shing sgrog dang / rkang sgril dang / ma rungs par tshol ba dang / rtag tu gzhan la gnod par byed pa dang bral ba sangs rgyas kyi zhing der rab tu zhi bar 'gyur ro/ /gang gi tshe bdag dga' ldan gyi khang par 'jug par bya zhing de na zla ba bcu ma'i mngal na gnas pa'i tshe sangs rgyas kyi zhing thams cad du mngon par shes pa rnam par rtse bar 'gyur zhing thams cad kyang sngon byas pa'i dge ba'i rtsa ba rjes su dran par 'gyur ro/ /nam ba dag zla ba bcu 'das nas ma'i mngal nas byung ba de na byang chub la zhag bdun pa bdun gyi bar du spyod par bya yi/ sangs rgyas kyi zhing de na de ltar sems can thams cad yongs su smin par bya'o/ /ji ltar bya dang ri dwags kyi bar du'ang rga shi'i thams cad la skyo bas mi bzod pa'i brtul zhugs dang / yon tan yang dag par spyod cing dka' thub kyi nags tshal du mngon par chags pa'i sems su 'gyur ro/ /gang gi tshe bdag zhag bdun pa bdun las 'das nas bla na med pa yang dag par rdzogs pa'i byang chub tu mngon par 'tshang rgya bar bya ba zhag de nyid la </font><hr>401b<br><font size=+1>


chos kyi 'khor lo bskor bar bya'o/ /chos kyi 'khor lo bskor ba de la sems can bye ba khrag khrig brgya stong grangs med mtha' yas mu med pa theg pa gsum gyis yongs su smin par bya'o/ /sangs rgyas kyi zhing thams cad na lha thams cad la chos kyi 'khor lo bskor ba bstan par bya'o/ /gling thams cad na sems can rnams bzod pa dang / ting nge 'dzin dang / gzungs kyis brgyan par bya ba nas gling thams cad du zhag bdun pa bdun gyi bar du sems can rnams la chos bstan par bya'o/ /gang gi tshe sangs rgyas kyi zhing de na sems can byol song gi skye gnas can thams cad byol song gi skye gnas las yongs su thar par 'gyur zhing mi'i 'jig rten thob par 'gyur ro/ /sangs rgyas kyi zhing de na de dag la bdag nyi ma bdun pa bdun du ting nge 'dzin dang / gzungs dang / bzod pa bsten par bya bas thams cad byol song gi skye gnas dang / gshin rje'i 'jig rten par mi 'gyur zhing thams cad de las shi 'phos nas sangs rgyas kyi zhing der skye bar 'gyur ro/ /chung du na sems can gcig kyang de na ngan song gsum las shin 'phos nas sangs rgyas kyi zhing der skye bar 'gyur ro/ /chung du na sems can gcig kyang gang yon tan 'di dag gis yang dag par brgyan par byas pa med par sangs rgyas kyi zhing der gtong bar mi bya ste/ zhag bdun pa </font><hr>402a<br><font size=+1>


@#/ /de las 'das pas mya ngan las 'das pa'i khams su phung po'i lhag ma ma lus par mya ngan las 'da' ba bya bar tshangs pa'i dbang po de'i spyan sngar bdag gi smon lam de bzhin du btab par gyur to/ /btsun pa bcom ldan 'das/ gal te de bdag ni/ rnam pa de lta bu'i smon lam grub pas ma 'ongs pa'i dus na rnam pa de lta bu'i rtsal chen po bya bar yang nus par 'gyur ro/ /btsun pa bcom ldan 'das/ bdag sngon lta ba can de dag gi rgyun bcad de/ de ltar 'khor thams cad dang ldan pa ji ltar mngon du gyur par 'gyur ba la/ de ltar bdag bla na med pa yang dag par rdzogs pa'i byang chub tu lung bstan par bgyi'o/ /de bzhin gshegs pa tshangs pa'i dbang po des yang bdag la bka' stsal pa/ shin tu zab mo/ shin tu ngo mtshar ba/ shin tu rgya che ba'i smon lam btab pa ni/ nam mkha' la 'brug zer bas chus sems can rnams tshim par byed/ chu'i rdzing dang / lteng ka'i sgor yongs su rdzogs par byed/ shin tu dro bas gdungs pa'i sems can rnams dang / sman dang / lo ma dang / nags tshal dang / shing gel pa rnams tshim par byed do/ /rigs kyi bu/ nam mkha' la 'brug bsgrags pa de bzhin du shin tu zab mo'i smon lam 'dis 'khor thams cad </font><hr>402b<br><font size=+1>


dang ldan pa 'di dag la gzhog par byed do/ /rigs kyi bu/ mi bzad par brtson pa'i smon lam gyis rnam pa de lta bu'i smon lam 'grub par 'gyur ro/ /ma 'ongs pa'i dus na khyod sangs rgyas kyi zhing kun nas gzi brjid du bskal pa'i 'od chen por 'gyur ro/ /de na yang rigs kyi bu/ khyod 'jig rten du sangs rgyas su skye zhing / de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bla na med pa/ skyes bu 'dul zhing kha lo sgyur ba/ lha dang mi'i ston pa sangs rgyas bcom ldan 'das de bzhin gshegs pa dbyangs ma lus pa'i gnas dbang phyug gi rgyal po zhes bya bar 'gyur ro/ /de bzhin gshegs pa tshangs pa'i dbang po de la yan lag lngas zhabs gnyis la spyi bos phyag 'tshal ma thag tu bdag gis spyi bo sa la reg pa tsam gyis na/ de na de nyid kyi tshe na sangs rgyas kyi zhing stong phrag bcu'i sa chu zla bzhin du rab tu g.yos so| |lha dang / dri za dang / lha ma yin dang / mi'i 'khor thams cad dang ldan pa 'dis legs so/ /zhes bya ba byin te 'di skad ces smras so/ /skyes bu dam pa chos chen po/ snying rje chen po can/ brtson 'grus brtan pa dang / brtson pa dang / mthu chen po shin tu dka' ba'i smon lam btab pa legs so legs so/ /btsun pa bcom ldan 'das/ </font><hr>403a<br><font size=+1>


@#/ /khyod de na yo byad thams cad kyis de bzhin gshegs pa tshangs pa'i dbang bo nyan thos kyi 'khor dang bcas pa la zla ba gsum du bsnyen bkur byas pa de ltar bdag nyi ma re re zhing yang bcom ldan 'das de la me tog dang / dri dang / phreng ba dang / spos sna tshogs kyis mchod pas mchod pa'i gnas su byas par gyur to/ /btsun pa bcom ldan 'das/ ji ltar khyod zla ba gsum po de dag las shin tu 'das nas rgyal po'i longs spyod dang / kun tu spyod pa thams cad spangs te de bzhin gshegs pa tshangs pa'i dbang po de'i spyan sngar srog chags stong phrag bcu dang thabs cig tu skra dang kha spu bregs te gos ngur smrig gyon nas yang dag par dad pas rab tu byung ba de bzhin du bdag kyang rab tu byung ba nas bcom ldan 'das de bzhin gshegs pa yul gzhan du rgyu zhing gshegs pa'i bar du de nas bdag kyang grong rdal gzhan du bsod snyoms kyi phyir phyin te/ grong rdal der mchod sbyin chen po so sor gnas par gyur to/ /de la'ang srog chags mang po gsad par bya bar 'dod pa de la gal te bdag sems can 'di dag gsod pa las yongs su ma thar na/ bdag nyid kyang bla na med pa yang dag par rdzogs pa'i byang chub tu mngon </font><hr>403b<br><font size=+1>


par 'tshang rgya bar mi bya zhing rga shi'i chu bo las sems can yongs su smin par mi nus so/ /zhes snying rje chen po skyes te der nye bar phyin nas dris pa/ kye gang gi phyir mchod sbyin 'di bya| de dag gis smras pa/ yul 'dir char mi 'bab par 'gyur zhing / mu ge'ang 'byung ba dang / 'dir sems can mang po nad kyis gos pa dang / long ba dang / zhar bar 'gyur ba dang / nang 'khrug 'byung ba dang / rgyal po'i zham ring ba dang / blon po dang / grong dang / ljongs dang / mi mchog gcig la gcig 'khrug pa rnam pa de lta bu'i ltas ngan pa de dag med par bya ba dang / nad rab tu zhi bar bya ba dang / kun 'dus par bya ba'i phyir mchod sbyin 'di bya'o/ /de nas de dag la bdag gis 'di skad ces smras so/ /bzhin bzang / sems can 'di dag gsod pa las yongs su thar bar nus kyi/ mchod sbyin gyi ra ba 'dir ma gsod cig/ bdag gis khyod la mu ge dang / char mi 'bab pa dang / nad dang / nang gi 'khrug pa thams cad yongs su zhi bar bya'o/ /de dag gis smras pa/ dge sbyong mgo reg nus sam zhes pa dang / bdag gis sems can de dag la mchod sbyin gyi ra ba mi snang bar byas so/ /de la'ang bdag gis smon lam 'di lta bu btab ste/ bcom ldan 'das med par gsungs pas bdag bla na </font><hr>404a<br><font size=+1>


@#/ /med pa yang dag par rdzogs pa'i byang chub tu mngon par rdzogs par 'tshang rgya bar lung bstan pa de lta bu'i smon lam yongs su rdzogs par gyur cig /gal te mchod sbyin 'di'i phyir smon lam yongs su dag pas bdag bsad do/ bdag gis lus thams cad kyi ba spu'i khung du ji tsam pa de tsam gyi lha dang / klu dang / gnod sbyin yul yongs su skyong ba la lus 'di dbul bar bya zhing bdag gi khrag shin tu rgya che ba mdangs can 'byung bar gyur nas yul yongs su skyong ba de ngag kyang khrag 'di la yongs su 'thung bar gyur cig /yongs su 'thungs pas yul skyong ba re re la'ang yul 'dir de tsam gyi ltas ngan rab tu zhi bar gyur cig /de tsam gyis bde ba dang / lo legs pa dang / nad med pas 'thab mo dang / bcing ba dang / gnod pa dang / rtsod pa la 'jug pa'i gnyen por phun sum tshogs par gyur cig/ sems can re re zhing yang 'dir de tsam gyi bde ba dang / yid bde ba skyes par gyur cig /sems can rnams kyi yul 'dir de tsam gyi lus kyi gnas ngan len dang / ngag gi gnas ngan len dang / yid kyi gnas ngan len med par gyur cig /yul ji tsam pa 'dir sems can thams cad de tsam gyi mchog tu bde bas tshim par gyur </font><hr>404b<br><font size=+1>


cig /gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe sems can 'di thams cad rga shi las yongs su thar par bya'o| |sems can thams cad kyi spu'i khung bu ji tsam par gyur pa de tsam gyi bskal pa chen po'i gling bzhi pa re re la mchod sbyin gyi ra bar mchod sbyin gyi phyir bdag bsad la/ gang mi dag mchod sbyin gyi ra ba'i phyir gsad par 'gyur ba dang / gang byol song gi skye gnas can thams cad kyi phyir bdag mchod sbyin gyi ra ba de dag tu bsad par byos shig /de nas yul 'dir bdag gi lus mi snang bar gyur cig /yul de na gsod pa dang / nad dang / mu ge dang / char mi 'bab pa dang / 'khrug pa gnyis dang / shin tu grang ba dang / shin tu dro ba dang / dug dang / byad stem dang / dus ma yin pa'i rlung dang / dus ma yin pa'i char dang / dus ma yin pa'i sbrang ma dang / sha sbrang dang / sbrul gdug pa dang / phye ma leb gsod pa dang / sdom pa med pa'i longs spyod yongs su tshol ba dang / chos ma yin pa la chags pa dang / slu ba dang / phra ma dang / zhe gcod pa dang / tshig kyal pa dang / chags sems dang / gnod sems dang / log pa lta ba zhes bya ba 'di dag gi dngos po rab tu zhi bar gyur cig /de na sems </font><hr>405a<br><font size=+1>


@#/ /can rnams gcig la gcig dga' ba'i sems dang / 'jam pa'i sems dang / las su rung ba'i sems dang / gzung du med pa'i sems dang / sa dang mtshungs pa bral ba med pa'i sems dang / sbyin pa'i sems su gyur cig /de na sems can rnams 'byung ba'i sems dang / tshul khrims kyi sems dang / zhi gnas kyi sems dang / brtson 'grus kyi sems dang / bzod pa'i sems dang / bsam gtan gyi sems dang / shes rab kyi sgom pa yongs su tshol ba'i sems su gyur cing / /gang la bdag mchod sbyin gyi phyir gsad par bya ba nas phyogs bcu'i sangs rgyas kyi zhing stong ba dang rnyog pa lnga'i sangs rgyas kyi zhing chu bo gang+gA'i bye ma snyed du rtsal chen po bya ba'i bar du bdag gi sngon gyi ltas de dag byung bar gyur cig /nam mkha' las char 'bab par gyur cig /ces bdag gis tshig de brjod ma thag tu de nas de nyid kyi tshe na bdag gi lus thams cad kyi ba spu'i khung bu las 'o ma zag cing nam mkha' las char kyang rab tu 'bab bo/ /de na yang mchod sbyin can des mi gsad par bcom ldan 'das 'dir dbang du gsol to/ /yul de na thams cad kyang dpal phun sum tshogs pa bde ba'i yo byad dang mthun par gyur to/ /nad </font><hr>405b<br><font size=+1>


dang / 'thab mo dang / mu ge dang / char mi 'bab pa mi snang bar byas te/ gang bdag mir gyur pas chu bo gang+gA'i bye ma snyed kyi mchod sbyin gyi ra ba la mchod sbyin byas pa bcom ldan 'das dpang du gsol lo/ /bal glang gi gzugs kyis chu bo gang+gA'i bye ma snyed kyi mchod sbyin byas pa nas rta'i gzugs dang / g.yag gi gzugs dang / glang gi gzugs dang / phag gi gzugs dang / spyang ki'i gzugs dang / phyugs kyi gzugs dang / bse'i gzugs dang / ma he'i gzugs dang / wa'i gzugs bsdus pas bdag byol song gi skye gnas stong phrag brgyad cu rtsa bzhi la skye gnas re re thob pas chu bo gang+gA'i bye ma snyed kyi 'khor la mchod sbyin byas so| |phyogs bcu kun nas nyon mongs pa dang / rnyog pa lnga'i sangs rgyas kyi zhing chu bo gang+gA'i bye ma snyed du rnam pa de lta bu'i bde ba'i yo byad thams cad kyis sems can rnams bde bas tshim par byas pa rnam pa de lta bu'i rtsal chen po byas so/ /bam po bcu gcig pa ste tha ma/ yang btsun pa bcom ldan 'das/ ngan pa'i dus kyi tshe nad pa la la zhig gi don du ra'i gtsang sha 'tshal bar gyur la/ yul de na ra ma mchis na de la bdag gis smon lam 'di lta </font><hr>406a<br><font size=+1>


@#/ /bu btab ste/ gal te bdag bla na med pa'i shes rab chen po ma thob kyi bar du bdag gi smon lam 'di grub par gyur cig /bdag shing chen po 'di la 'dzegs te bdag mchongs nas rdzus te rar skyes la/ lhas mi rnams la bsgo ba 'di ni/ nad pa rnams kyi sman du gyur pa yin gyi/ sems can de dag gi sha zos shig dang / de dag gi nad de zhi bar 'gyur ro/ /sangs rgyas kyi zhing gang du bdag 'jig rten du sangs rgyas su gyur pa der sems can rnams sha za bar ma gyur cig /de na nad kyis reg pa rnams la sman du ma gyur pa'i dngos po med par gyur cig /yid du mi 'ong ba'i sgra mi grag par gyur cig /sangs rgyas kyi zhing de na sems can rnams kyi longs spyod dang kun tu spyod pas phongs par 'gyur ba'i sgra mi grag par gyur cig /bdag de ltar nga'i gzugs kyis nad pa rnams bsnyen bkur byed pa de bzhin du ji srid du yun ring por 'khor ba na sems can rnams nad kyis reg par gyur pa la sha dang / khrag dang / 'o ma dang / mar gyis sems can rnams kyi nad zhi bar 'gyur ba de srid kyi yun ring por sems can rnams kyi nad zhi bar bgyi ba'i slad du byol </font><hr>406b<br><font size=+1>


song gi skye gnas su gyur cig /bdag shing de las 'dzegs nas bdag mchongs te/ de nas stong gsum gyi stong chen po'i 'jig rten gyi khams thams cad rnam pa drug tu g.yos la/ brgya byin dang / tshangs pa dang / lha bye ba khrag khrig brgya stong gis lha rdzas kyi me tog dang / spos dang / phreng ba dang / a ga ru dang / ta ka ru dang / dus dang mthun pa'i tsan+dan gyi phye ma'i char rab tu phab nas bdag gi mdun du thal mo sbyar te 'dug la 'di skad ces smras te/ skyes bu dam pa sems can no cog gis bdag ma gsad cig dang / bdag cag gis sangs rgyas kyi zhing thams cad na sems can nad pa rnams nad thams cad las yongs su thar par bya'o/ /char mi 'bab cing mu ge 'byung ba thams cad dang / na ba dang / 'chi ba dang / 'thab mo dang / rtsod pa nas mi dge ba bcu'i las kyi lam gyi bar las kyang thar par bya ste/ dge ba bcu'i las kyi lam la sems can rnams sbyar bar bya'o/ /bdag shing de las mchongs pa lha rnams kyis bdag nam mkha' bar snang las bzung ste/ de na bdag gis sems can rnams bslabs nas sems can rnams chos la sbyor bar byas so/ /de na bdag gis sems can khrag khrig brgya stong phrag mang po lnga mngon par shes pa dang ldan par byas so/ /bdag gi tshig </font><hr>407a<br><font size=+1>


@#/ /gis lha rnams kyis sangs rgyas kyi zhing de dag thams cad du sems can rnams dge ba bcu'i las kyi lam gyi bar la btsud cing so sor bkod do/ /btsun pa bcom ldan 'das/ bdag gi smon lam ni/ de lta bu lags so/ /de nas bcom ldan 'das kyis byang chub sems dpa' nam mkha'i dbyangs la legs so/ /zhes bya ba byin nas rigs kyi bu khyod kyi smon lam de lta bur gyur te/ spyad par dka' ba spyod pa'i seng+ge'i sgra de lta bu bsgrags pa ni/ legs so legs so/ /rigs kyi bu/ khyod ji ltar sngon lan 'ga'i zhes bya ba nyi ma la dga' bar gyur pa de ngas bskul nas thog mar byang chub tu sems bskyed par ma gyur tam/ gsol pa/ btsun pa bcom ldan 'das/ bdag sngon lan 'ga' 'ang bla na med pa yang dag par rdzogs pa'i byang chub tu sems bskyed par gyur pa ma mchis so/ /btsun pa bcom ldan 'das/ bdag thog ma byang chub sems dpar gyur pa ni/ 'di lags te/ btsun pa bcom ldan 'das/ bdag de bzhin gshegs pa tshangs pa'i dbang po'i thad du mchis te/ de'i tshe da ltar ji skad du brjod pa'i smon lam de lta bu btab bo/ /bcom ldan 'das kyis bka' stsal pa/ rigs kyi bu/ khyod gal te sngon byang chub tu sems bskyed par ma gyur na smon lam de lta bu sus bslabs/ gsol pa/ </font><hr>407b<br><font size=+1>


de na bdag dben pa zhig tu mchis te/ dog sa la mchis nas smon lam zhig gdab par sems pa de na bdag gi rmi lam du de bzhin gshegs pa tshangs pa'i dbang pos smon lam de dag bsgo ba dang / des de bzhin gshegs pa de'i spyan sngar smon lam btab bo/ /de na bdag sems can rnams la snying rje skyes te 'khor ba'i skyon rtogs so/ /de phyis rjes su dpag pa des mchod sbyin smra ba bdag gis yongs su btang ba bgyis te smon lam de lta bu btab bo/ /bcom ldan 'das kyis bka' stsal pa/ ci khyod lta bar song ba de dag tu zhugs sam/ gsol pa ma lags so/ /su zhig gi mthus/ gsol pa/ btsun pa bcom ldan 'das/ smon lam gyi khyad par gyis so/ /bcom ldan 'das kyis bka' stsal pa/ rigs kyi bu/ de de bzhin te/ smon lam gyi khyad par gyis sems can rnams lta bar song ba thams cad las yongs su dgrol gyi/ gzhan gang gi mthus kyang sems can rnams lta bar song ba thams cad las yongs su grol bar mi 'gyur ro/ /rigs kyi bu/ byang chub kyi phyir lung bstan pa 'di su zhig gi dus gsum gyi gzugs kyi phung po nas rnam par shes pa'i phung po'i bar du yin nam/ 'on te dus gsum gyi bde ba dang / sdug bsngal dang / bde ba'ang med sdug bsngal bar med pa tshor ba'i skye mched drug po 'di dag gi yin nam/ 'on te tshor ba med pa yin nam/ byang chub kyi phyir </font><hr>408a<br><font size=+1>


@#/ /lung bstan pa zhes bya ba 'di su zhig gi yin/ gsol pa/ btsun pa bcom ldan 'das/ 'di lta ste/ bdag lung bstan par gsol ba'am bdag la lung ston pa'am| bdag bla na med pa yang dag par rdzogs pa'i byang chub tu lung bstan pa de ma mchis so/ /de ci'i slad du zhe na/ ji ltar nam mkha' 'di rdzas ma mchis/ dngos po ma mchis/ rang bzhin ma mchis/ cung zad kyang ma mchis/ yi ge ma mchis/ thob pa ma mchis/ brjod du ma mchis pa de bzhin du chos 'di dag kyang rdzas ma mchis shing dngos po ma mchis pa nas brjod du ma mchis shing ma skyed pa'i bar du'o/ /btsun pa bcom ldan 'das/ dus gsum gyi gzugs 'byung ba ma mchis te lta ba'i mtshan nyid dang nye bar bral ba nas rnam par shes pa'i bar du'ang ma skyes pa'o/ /btsun pa bcom ldan 'das/ dus gsum gyi mig 'byung ba ma mchis shing lta ba'i mtshan nyid dang nye bar bral ba nas dus gsum gyi nang gi yid kyi bar dang / bde ba dang / sdug bsngal pa dang / bde ba'ang ma mchis sdug bsngal ba'ang ma mchis pa'i tshor ba'ang ma skyes pa nas lta ba'i mtshan nyid dang bral ba'i bar du'o/ / btsun pa bcom ldan 'das/ bdag gis ni/ dus gsum gyi gzugs kyi yang dag pa'i mtha' dang / chos nyid la skye ba'am/ gnas pa'am/ 'jig pa mi dmigs so/ /chos kyi </font><hr>408b<br><font size=+1>


dbyings la'ang gnas par mi dmigs te/ ming dang gzugs kyang yang dag par rjes su mi mthong ngo / /brdar btags pa tsam du'ang gzugs kyi mtshan nyid yang dag par rjes su mi mthong ste| de bzhin du tshor ba dang / 'du shes dang / 'du byed rnams dang / btsun pa bcom ldan 'das/ bdag gis ni/ dus gsum gyi rnam par shes pa'i yang dag pa'i mtha'i bar la'ang brdar btags pa tsam du'ang rnam par shes pa'i mtshan nyid yang dag par rjes su mi mthong ste/ bcom ldan 'das/ bdag gis ni/ dus gsum gyi mig gi yang dag pa'i mtha' nas brda tsam du btags pa'i mig gi mtshan nyid nas dus gsum gyi nang gi yid kyi 'dus te reg pa bde ba dang / sdug bsngal dang / bde ba'ang ma mchis sdug bsngal la'ang ma mchis pa'i bar du'ang yang dag par rjes su mi mthong ngo / /btsun pa bcom ldan 'das/ bdag gis ni/ yang dag pa'i mtha' dang / chos nyid dang / chos skyon med pa nyid kyi skye ba dang / gnas pa dang| 'gog pa mi dmigs so/ /yid dang chos kyi khams kyang mi dmigs so/ /bdag gis ni/ yid rnam par gnas pa'i mtshan nyid kyang yang dag par rjes su mi mthong ngo / /de ci'i phyir zhe na/ chos thams cad ni/ brag ca lta bu ste/ nam mkha' la brtag pa'i mtshan nyid lta bu 'ong ba med cing 'gro ba med pa gang la gang gis kyang ma bzung ba'o/ /chos thams cad </font><hr>409a<br><font size=+1>


@#/ /ni| mig yor lta bu/ smig rgyu lta bu/ rmi lam lta bu/ chu zla lta bu ste/ nam mkha' la brtag pa'i mtshan nyid lta bu 'ong ba med cing 'gro ba med pa gang la gang gis kyang ma bzung ba'o/ /btsun pa bcom ldan 'das/ byang chub sems dpa' sems dpa' chen po'i ting nge 'dzin spangs pa'i mtshan nyid bzung ba ma mchis pa zhes bgyi ba zhig mchis te/ nyan thos dang / rang sangs rgyas thams cad dang thun mong ba ma lags so/ /de la gzugs kyi mtshan nyid dang bral zhing yongs su gzung du ma mchis pa'i ting nge 'dzin gang zhe na/ 'di lta ste/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / rab tu stong pa nyid dang / thog ma dang tha ma med pa stong pa nyid dang / mi 'gyur ba stong pa nyid dang / rang bzhin stong pa nyid dang / rang gi mtshan nyid stong pa nyid dang / chos thams cad stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid dag bzung ba de ni/ mtshan nyid dang bral ba yongs su gzung ba ma mchis pa zhes bgyi ba'i ting nge 'dzin te/ nyan thos dang / rang sangs rgyas </font><hr>409b<br><font size=+1>


thams cad dang thun mong ba ma lags so/ /btsun pa bcom ldan 'das/ de ni/ rnam grangs 'dis kyang de skad brjod par bgyi ste/ 'di lta ste/ de ni/ ma mchis pa'i tshig bla dwags so/ /'di lta ste/ bdag la ni/ bla na med pa yang dag par rdzogs pa'i byang chub tu lung bstan to/ /lung ston par 'gyur ro/ /lung bstan to snyam du mi sems so/ /de ci'i phyir zhe na/ bdag ni/ lung bstan pa yang dag par rjes su mi mthong / brjod pa dang / lung bstan pa dang / 'khor ba'ang yang dag par rjes su mi mthong / mya ngan las 'da' ba dang / rnal 'byor dang / rnal 'byor ma lags pa dang / lam dang / lam ma lags pa'ang yang dag par rjes su mi mthong ngo / /'di lta ste/ dper na/ de bzhin nyid kyi lam ma mchis shing phyin ci ma log pa de bzhin nyid dang| chos kyi dbyings dang / chos nyid dang / chos skyon med pa nyid kyi lam yang dag par rjes su mi mthong ba de bzhin du gzugs su yang dag par rjes su mi mthong ba nas rnam par shes pa'i bar du yang dag par rjes su mi mthong ngo / /mig yang dag par rjes su mi mthong ba nas yid kyi rnam par shes pa'i bar gyi lam yang yang dag par rjes su mi mthong ngo / /lung bstan pa brjod pa 'di'i skabs dang go skabs kyang yang dag par rjes su mi mthong ngo / /gang gzugs kyi lung bstan pa nas rnam par shes pa'i bar dang / mig nas yid kyi bar gyi lung </font><hr>410a<br><font size=+1>


@#/ /bstan pa dang / gang byang chub tu lung bstan pa yang dag par rjes su mi mthong ngo / /bcom ldan 'das kyis byang chub sems dpa' shin tu bstan pa 'di bshad pa na| kun tu rgyu shin tu rnam par phye ba'i sras kyang de'ang yang dag par rjes su ma mthong nas yang dag par spyod pa'i tshul nam mkha'i mdog gis 'dul ba'i bzod pa rab tu thob par gyur to| |sems can gzhan mu stegs can nga rgyal bcom pa stong phrag bcu gsum po de dag ni/ bla na med pa yang dag par rdzogs pa'i byang chub tu sems bskyed nas phyir mi ldog pa'i sa rab tu thob par gyur to/ /yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo le'u bcu gcig pa'o// //de nas bcom ldan 'das sgra thams cad la 'jug pa zhes bya ba'i ting nge 'dzin la snyoms par zhugs so/ /ting nge 'dzin des sems can gyi skye gnas stong phrag brgyad cu rtsa bzhi por de dag gi sgra brjod pa'i tshig stong phrag brgyad cu rtsa bzhi po ting nge 'dzin des skye gnas dang sgra dbyangs kyi tshig brjod pa thams cad tshim par byed do/ /de la bcom ldan 'das kyis yi ge dang smras pa nyon cig /grogs po dag nyon cig /grogs po dag /lha dang mir skye ba thob par 'gyur ba dang / lam gang gis nyan thos kyi theg pa rnyed de sdug bsngal thams cad zad </font><hr>410b<br><font size=+1>


par 'gyur ba dang / rang sangs rgyas kyi theg pa rnyed pa dang / bla na med pa yang dag par rdzogs pa'i byang chub rnyed par 'gyur ba bde ba dang zhi ba'i lam ston cig /bcom ldan 'das kyis sgra dbyangs brjod pa de phyogs bcu kun tu skad dang tshig gcig brjod pas yi ge dang sgra dbyangs brjod pa stong phrag brgyad cu rtsa bzhi brjod pa'i grangs su 'gro'o/ /yi ge dang sgra dbyangs brjod pa des sems can thams cad rang rang gi tshig khong du chud par 'gyur ro/ /phyogs bcu thams cad kyi sangs rgyas kyi zhing stong pa rnyog pa lnga dang ldan pa chu bo gang+gA'i bye ma snyed sgra dbyangs kyis rgyas par byed do/ /chu bo gang+gA'i bye ma snyed kyi sangs rgyas kyi zhing stong pa rnyog pa lnga dang ldan pa de'i sems can ngan par song ba rnams kyi rna lam du'ang grag go /de nas sems can de dag rang rang gi tshig kun tu shes nas 'di snyam du sems te/ 'di ltar yid du 'ong ba/ 'di ltar snyan pa/ 'di ltar dga' bar 'gyur ba 'di su'i tshig bdag cag la zhi ba dang bde ba'i lam ston pa'i sems can gyi snying po 'di su zhig /lam gang bstan pas na bla na med pa yang dag par rdzogs pa'i byang chub kyi bar du 'thob/ nyan thos kyi sa ni/ ci 'dra ba zhig /rang sangs rgyas kyi sa'ang ci 'dra ba zhig /bla na med pa yang dag par rdzogs pa'i byang chub kyi sa'ang ci 'dra ba zhig /lam gang thob na bdag cag lus kyi bde ba'i tshor ba thams cad byang zhing sdug bsngal thams </font><hr>411a<br><font size=+1>


@#/ /cad byang ste lus kyi g.yeng ba thams cad srab par gyur/ de bas na bdag gis bsti stang du byas te mnyan par bya snyam mo/ /bcom ldan 'das kyis yang bka' stsal pa| grogs po dag /bcu po 'di dag ni/ dge ba'i las kyi lam ste/ des lha dang mir skye ba rab tu 'thob/ sdug bsngal thams cad zad par 'gyur ba/ nyan thos kyi theg pa'ang 'thob| sdug bsngal thams cad zad par 'gyur ba thob bo/ /dge ba'i las kyi lam des sems can thams cad kyi mchog dam pa/ khyad par can/ phul/ byams pa chen po/ /snying rje chen po thams cad mkhyen pa'i ye shes chen po 'thob par 'gyur ro/ /sems can thams cad la snying brtse zhing phan par byed par 'gyur ro/ /de la dge ba'i las kyi lam bcu po gang zhe na/ dge ba'i las kyi lam gang dang ldan na/ sems can rnams myur du lha dang mir skye ba 'thob pa nas bla na med pa yang dag par rdzogs pa'i byang chub kyi bar du 'thob par 'gyur ba ste/ de la grogs po dag /lha dang mi rnyed nas dge ba'i las kyi lam la brtson par bya'o/ /sbyin pa sbyin no/ /tshul khrims bsrung ngo / /'du shes bcu bsgom par bya'o/ /bcu gang zhe na/ 'di lta ste/ rnam par bam par 'du shes bsgom par bya'o/ /gang gis rgyun du zhugs pa'i 'bras bu nas dgra bcom pa'i 'bras bu'i bar du thob cing sdug bsngal thams cad zad par 'gyur ba dang / </font><hr>411b<br><font size=+1>


rnam par rnags par 'du shes pa dang / /rnam par sngos par 'du shes pa dang / rnam par dmar bar 'du shes pa dang / 'bus gang bar 'du shes pa dang / rnam par zos par 'du shes pa dang / rnam par 'thor bar 'du shes pa dang / keng rus su 'du shes pa dang / rnam par tshig par 'du shes pa dang / 'chi bar 'du shes pa bsgom par bya'o/ /gang gis rgyun du zhugs pa'i 'bras bu nas dgra bcom pa'i 'bras bu'i bar du thob cing sdug bsngal thams cad zad pa thob ste/ mir gyur pa thob nas kyang yang gang gis rang sangs rgyas kyi sa rjes su 'thob par 'gyur ba'i 'du shes bcu gnyis bsgom par bya ste/ bcu gnyis gang zhe na/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / skyo ba rjes su dran pa dang / zhi gnas rjes su dran pa dang / dbugs rgyu ba rjes su dran pa dang / lhag mthong rjes su dran pa'i 'du shes 'di bsgom par bya'o/ /gang gis rang sangs rgyas kyi sa rjes su thob cing mir gyur pa thob nas kyang sbyin pa dang / dul ba dang / sdom pas sems can thams cad la bdud rtsi'i ror mgron bya bar bya'o/ /pha rol tu phyin pa drug yongs su rdzogs par bya'o// </font><hr>412a<br><font size=+1>


@#/ /drug gang zhe na/ sbyin pa'i pha rol tu phyin pa yongs su rdzogs pa nas shes rab kyi pha rol tu phyin pa'i bar du yongs su rdzogs la/ bla na med pa yang dag par rdzogs pa'i byang chub tu mngon par sangs rgyas nas rnam pa de lta bu'i sgra skad dang / dbyangs brjod pas sems can thams cad la dge ba'i bshes gnyen du 'di lta ste/ da ltar gyi bzhin du bde ba sbyin par 'gyur ro/ /de nas sems can de dag 'di snyam du sems te/ bdag cag rnams ni/ gor ma chag par snying rje chen po dang ldan pa'i dge ba'i spobs pa mthong ngo snyam mo/ /de nas bcom ldan 'das kyis sems can de dag gi sems kyi rnam par rtog pa thugs kyis mkhyen nas de'i tshe dpa' bar 'gro ba zhes bya ba'i ting nge 'dzin la snyoms par zhugs nas ting nge 'dzin des phyogs bcu'i chu klung gang+gA'i bye ma dang mnyam pa stong par gyur pa'i rnyog pa lnga'i sems can gyi khams ji snyed pa de snyed du sprul pa'i phyir sems can tshangs pa la mos pa de dag gi mdun du ni/ tshangs pa'i gzugs su so sor gnas shing chos ston to/ /la la dag ni/ bla na med pa yang dag par rdzogs pa'i byang chub yang dag par len du 'dzud la 'jug par byed cing so sor 'god do/ /sems can la la dag ni/ rang sangs rgyas kyi theg pa la'o/ /la la dag ni/ nyan thos kyi theg pa la'o/ / </font><hr>412b<br><font size=+1>


la la dag ni/ dge ba'i las kyi lam la sbyor bas lha dang mi rnams kyi phyir ro/ /gang dbang phyug la mos pa nas glang po la glang po'i gzugs kyi bar dang / rta la rta'i gzugs dang / yi dwags la yi dwags kyi gzugs dang / sems can dmyal ba pa la sems can dmyal ba pa'i gzugs kyis de dag gi mdun du 'dug ste chos ston to/ /sems can dmyal ba pa'i sems can la la dag ni/ bla na med pa yang dag par rdzogs pa'i byang chub yang dag par 'dzin du 'jug pa nas lha dang mi'i bar dag la'ang sbyor te/ sems can gang dag der sngon dge ba'i rtsa ba 'di dag bskyed pa de dag ni/ de bas kyang brtan par byas so/ /sems can gang dag sngon dge ba'i rtsa ba ma bskyed pa rnams ni/ der bskyed do/ /sems can gang dad pa'i rgyu des ngan song gsum po de dag las shi 'phos nas lha dang mir skyes pa de'i tshe de'i dus na phyogs bcu'i chu klung gang+gA'i bye ma snyed kyi rnyog pa lnga'i sangs rgyas kyi zhing dag na sangs rgyas kyi zhing re rer yang tshad med grangs med pa'i chu klung gang+gA'i bye ma snyed kyi sems can bye ba khrag khrig brgya stong bla na med pa yang dag par rdzogs pa'i byang chub tu sems bskyed de dge ba'i rtsa ba bskrun to/ /la la dag ni/ phyir mi ldog pa'i sa rab tu thob bo/ /la la dag ni/ de lta bu'i bzod pa dang / ting nge 'dzin dang / gzungs rab tu thob ste/ bzod pa dang / </font><hr>413a<br><font size=+1>


@#/ /gzungs ji snyed thob pa'i stobs dang / rdzu 'phrul gyis mi mjed kyi sangs rgyas kyi zhing 'dir de bzhin gshegs pa shAkya thub pa'i gan du lhags so/ /gang rkyen la 'jug pa'i theg pa la sems bskyed de dge ba'i rtsa ba bskrun pa'i sems can bye ba khrag khrig brgya stong chu klung gang+gA'i grangs med dpag tu med pa'i bye ma snyed dag las kha cig ni| gang na sangs rgyas bcom ldan 'das bzhugs te 'tsho zhing skyong la sems can rnams la chos kyang ston pa'i sangs rgyas kyi zhing gzhan du dong ngo / /kha cig ni/ phyir mi ldog pa'i sa la gnas so/ /de bzhin du gang nyan thos kyi theg par sems bskyed cing dge ba'i rtsa ba bskrun pa'i sems can bye ba khrag khrig brgya stong chu klung gang+gA grangs med dpag tu med pa'i bye ma snyed dang / de bzhin du sems can bye ba khrag khrig brgya stong chu klung gang+gA grangs med dpag tu med pa'i bye ma snyed dang / gang sangs rgyas kyi zhing re re'i sems can gang dge ba bcu'i las kyi lam la rnam par gnas pa lha dang mi'i lam thob par gyur pa chu klung gang+gA grangs med dpag tu med pa'i bye ma snyed dang / sangs rgyas kyi zhing re re'i sems can bye ba khrag khrig brgya stong smon lam gyi dbang gis de nas shi 'phos nas de bzhin gshegs pa shAkya thub pa'i sangs rgyas kyi zhing 'dir skyes so/ /la la dag ni/ smon </font><hr>413b<br><font size=+1>


lam gyi dbang gis de nas shi 'phos nas gang na sangs rgyas bcom ldan 'das bzhugs te 'tsho skyong zhing byang chub sems dpa' dag pa'i tshogs kyis bskor te chos kyang ston pa'i sangs rgyas kyi zhing yongs su dag pa gzhan dag tu skyes nas sangs rgyas kyi zhing de dang de dag tu sems can rnams kyi longs spyod dang / kun tu spyod pa dang / bde ba'i yo byad sna tshogs cho ma cho dgu grangs med dpag tu med pa byung ngo / /de nas bcom ldan 'das ting nge 'dzin de las bzhengs nas de'i tshe ched du brjod pa 'di ched du brjod do/ /'jig rten dag na mkhas pa gang / /blo dang ldan zhing 'jigs med pa/ /byang chub tu ni sems bsngos shing / /bya bar dka' ba rnams kyang spyod/ /pha yi dngos po rnam par ston/ /sems can sdug bsngal smin par byed// bdud bzhi dag kyang 'dul bar byed/ /mya ngan 'das pa zhi ba thob/ /sbyin pa sgom pa sdom pa yis/ /sems can rnams la las ston cing / /theg pa gsum la sbyor ba yis/ /de dag thar pa'i skal pa thob/ /gang dag ngan 'gro gsum gnas pa/ /sdug bsngal gnod las thar byed cing / /de dag sems ni dang byas nas/ /lha dang mir ni rab tu khrid/ /dge ba'i chos la rab sbyor zhing / /gang dang gang la mos pa dag /pha rol phyin drug rdzogs byas nas/ /de dag sangs rgyas mthun par 'gyur/ /de nas byang chub sems dpa' sems dpa' chen po byams pa stan </font><hr>414a<br><font size=+1>


@#/ /las langs te bcom ldan 'das gang na ba de logs su thal mo sbyar nas phyag btsal te bcom ldan 'das la 'di skad ces gsol to/ /bcom ldan 'das gang gi tshe bla na med pa yang dag par rdzogs pa'i byang chub tu mngon par sangs rgyas nas bcom ldan 'das/ 'di ni/ chos kyi 'khor lo rab tu bskor ba gnyis pa ste/ bcom ldan 'das| chos kyi rnam grangs 'di byin gyis brlab tu gsol/ bcom ldan 'das/ cang mi gsung bar gyur pa dang / lha rdzas kyi sil snyan bye ba khrag khrig brgya stong yang rab tu 'khrol/ me tog gi char yang rab tu bab/ a ga ru dang / ta ga ru dang / dus dang mthun pa'i tsan+dan dang / sprul gyi snying po tsan+dan gyi phye ma'i char dag kyang rab tu bab/ lha rdzas kyi na bza' dang / yid bzhin gyi na bza' dang / dar gyi lnga ldi'i phreng ba dang / gser gyi lcag bod dang / mu tig gi se mo do dang / dpung rgyan gyis nam mkha'i dbyings kyang brgyan to/ /klu bye ba khrag khrig brgya stong mang po bcom ldan 'das la mchod pa'i las la brtson pas mu tig gi se mo do rnam pa sna tshogs cho ma cho dgu'i char kyang rab tu phab bo/ /byams pa dang / 'jam dpal dang / kun tu bzang po la sogs pa'ang byang chub sems dpa' phyogs bcu nas 'dus pa thams cad dang lhan cig tu stan las langs te bcom ldan 'das gang na ba de logs su </font><hr>414b<br><font size=+1>


thal mo sbyar nas bcom ldan 'das la tshig mthun par 'di skad ces gsol to/ /btsun pa bcom ldan 'das/ 'gro ba slad ma dag la thugs brtse ba'i slad du chos kyi rnam grangs 'di byin gyis brlab tu gsol/ bcom ldan 'das kyis bka' stsal pa/ bzhin bzang dag de skad ma zer cig /ma 'ongs pa'i dus tha ma lnga brgya'i dus kyi bar dag tu gang de dag rigs bzhi'i 'khor mi dad pa dag 'byung ste/ spyod pa ngan pa/ tshul khrims ngan pa/ gzhog slong byed pa/ thos pa nyung ba/ ser sna can/ spyod pa ma rungs pa/ sdig pa'i lta bar gnas pa/ rtag pa dang chad pa la lta ba phal cher 'byung ngo / /'jig rten pha rol la 'jigs par mi lta ba/ rgyu dang 'bras bu yod par mi 'dod pa/ gcig la gcig ngan du sems cing bdag bstod pa nas mi dge ba bcu'i las kyi lam gyi bar dang ldan pa dag 'byung ngo / /rgyal po'ang chos dang ldan pa mi 'byung ste/ 'dod pa yongs su tshol bas mi ngoms pa gzhan gyi 'khrul pa'i skabs tshol ba/ dge sbyong dang / bram ze dang / khyim na gnas pa mchod par 'os pa dag la brnyas pa shin tu byed cing mchod pa'i 'os ma yin pa la dad de/ gzhog slong can/ g.yo sgyu can/ tshul khrims ngan pa can| thos pa nyung ba/ bsod nams chung ba/ snying chung ba/ yid mi gzhungs pa/ log par zhugs pa'i dge sbyong dang / bram ze dang / khyim bdag rnams la rgyal po gus par byed cing </font><hr>415a<br><font size=+1>


@#/ /zhes byed/ bla mar byed/ ri mor byed cing kun tu 'dzin to/ /de dag kyang nyin dang mtshan du bde ba 'dor zhing 'phral gang du rgyal po'i dgos pa ma rungs pa dag spyod de/ rgyal po'ang 'jig rten pha rol la 'jigs par mi lta ba brdzun du smra ba mang ba 'byung ste/ rgyal po'i skyon de lta bus byang chub sems dpa' la la ni/ 'jig rten gyi khams gzhan du 'gro'o/ /byang chub sems dpa' sems dpa' chen po la la ni/ dgon pa dang / nags tshal gyi gnas su sbyangs pa'i yon tan dang / chog shes pa dang / btang snyoms la gnas so/ /gang yul de yongs su skyong ba'i lha de dag kyang yid mi dga' bar gyur te/ yul gyi phan pa dang / dgos pa thams cad yal bar 'dor ro/ /yul de'ang 'khor gnyis kyis 'khrug par 'gyur ro/ /rgyal po'i nyes pas de na sems can rnams nad mang bar 'gyur te/ tshogs dang bral ba/ dran pa nyams pa/ chos ma yin pa tshol ba| myur du rga ba/ myur du 'khogs pa/ myur du 'chi bar 'gyur ro/ /ma 'ongs pa'i dus tha ma lnga brgya'i bar dag tu 'di lta bu'i yul 'khrug par 'gyur na/ chos kyi rnam grangs 'di su la yongs su gtad/ ma 'ongs pa'i dus tha ma lnga brgya'i bar dag tu ri mor bya bar mi 'os pa/ 'chal ba'i shes rab can/ brlang ba/ brkam pa/ nor la dga'i/ </font><hr>415b<br><font size=+1>


chos la mi dga' ba/ tshig la dad kyi/ dgos pa la ma yin pa/ mi sems pa/ gzhogs slong can/ brdzun che zhing gzhan 'drid par sems pa dag 'byung ngo / /gang dge sbyong dang / bram ze dang / khyim na gnas pa/ mkhas pa/ chos 'dod pa/ chos smra ba de dag la ri mor mi byed/ mi lta'i/ rdzun zer ba'i tshig la dga' zhing brnyas pa/ chos ma yin pa'i tshig thos na bya bar sems pa 'byung ngo / /gang bsod nams chung ba dang / shes rab chung ba dang / tshul khrims ngan pa can dang / gzhogs slong can dang / brlang ba dang / bdag bstod pa dang / gzhan smod pa dang / lta ba ma rungs pa dang / 'phral gang du sems kyi lus dang ngag mi sdom pa dang / chos 'dzin pa'i sems med pa dang / sdig pa la dga' ba'i sems dang ldan pa dang / dge sbyong dang / bram ze dang / khyim na gnas pa de dag kyang ri mor bya ba ma yin pa'i rgyal po dang / rgyal po'i zham ring ba la nor gyi phung pos rjes su 'dzin par byed par 'gyur ro| |nor gyi stobs de dang / rdzun du smra ba'i stobs des ri mor bya ba ma yin pa'i rgyal po'i zham ring ba rnams la'ang mchod cing rim gro byed par 'gyur ro/ /ri mor bya ba ma yin pa'i rgyal po'i zham ring ba'i tshig nyan cing byed de mchod pa nas rgyal po la mchod par gnas par 'gyur ba'i bar du'o/ /ri mor bya ba ma yin pa'i bar gyi nyes pas chos kyi phyogs tshar </font><hr>416a<br><font size=+1>


@#/ /gcod par 'gyur ro/ /chos ma yin pa'i phyogs bslang bar 'gyur te/ byang chub sems dpa' sems dpa' chen po 'di dag kyang btang snyoms kyi bar la bsam gtan byed par 'gyur na/ ngas chos kyi rnam grangs 'di su zhig la gtad par bya/ gang yang ma 'ongs pa'i dus tha ma lnga brgya'i bar dam pa'i chos kyi gzugs brnyan gyi tshe na khyim gyi gnas nas byung ste/ bdag brtson par sems shing de dag mi dad pa dang / tshul khrims ngan pa dang / shes rab 'chal cing khyim dang / rigs dang / gnas dang / yul dang / rnyed pas chos la ser sna byed par 'gyur ro/ /gcig la gcig gnod par sems pa dang / gzhan gyi 'khrul ba'i skabs tshol ba dang / gzhan las rnyed cing rim gro byas nas yid dga' ba dang / yul dam pa rnyed pa'i dge slong rnams la smad pa dang / gzhan gyi gnas dang / grong khyer dang / mkhan po dang / slob dpon la slu ba 'byung bar 'gyur ro/ /rnal 'byor yid la byed pa dang / so sor rtog pa zhi ba dang bde ba'i rgyun gcod pa dang / zas dang / skom gyi ro la brkam pa dang / rnyed pa dang / bkur sti la brtson pa 'byung ngo / /khyim na gnas pa rnams la mchod pa byed par 'gyur te/ chos 'dod pa rnams la brnyas pa shin tu byed pas chos smra ba'i dge 'dun rnams gtsug lag khang gi </font><hr>416b<br><font size=+1>


gnas spangs te dgon pa bas mtha'i mal stan dag na btang snyoms la bsam gtan 'cha' bar 'gyur ro/ /de ltar chos ma yin pa'i phyogs kyi tshe byang chub sems dpa' sems dpa' chen po la la dag ni/ 'jig rten gyi khams gzhan du dong ngo / /la la dag ni/ dgon par btang snyoms kyi bar la gnas so/ /gang yul de yongs su skyong ba'i lha de dag kyang btang snyoms la gnas so/ /yul der mu ge dang / nad dang / 'thab mo'ang 'byung ngo / /der sems can rnams gcig la gcig 'ching zhing gsod de/ de dag gcig la gcig 'jigs pas yog par lta ba gzhan la skyabs su 'gro na/ ngas 'di lta bu'i zab mo chos thams cad kyi tshul gyi bzod pa 'di su zhig la yongs su gtad par bya/ de nas byang chub sems dpa'i 'khor thams cad dang / nyan thos chen po de dag dang / lha dang / dri za dang / lha ma yin mthu chen po de dag gis bcom ldan 'das la 'di skad ces gsol to/ /bcom ldan 'das/ zab mo'i chos kyi tshul la bzod pa 'di bdag cag gi sug par gtad du gsol/ pho brang 'khor gang dang yul gang na zab mo'i chos kyi tshul la bzod pa 'di rab tu spyod par 'gyur ba'i yul der bdag cag 'thab pa dang / rtsod pa dang / mu ge 'byung ba dang / dgung char mi 'bab pa dang / bro nad dang / gzhan gyi 'khor bzlog pa la spro bar bgyi'o// </font><hr>417a<br><font size=+1>


@#/ /chos smra ba dang / chos 'tshal ba dang / chos dgod pa'i gang zag rnams bsrung bar bgyi'o/ /rgyal po dang / blon po dang / zham ring ba dang / grong rdal dang / ljongs na gnas pa rnams chos dang ldan pa la sbyar bar bgyi'o/ /bcom ldan 'das kyis bka' stsal pa/ bzhin bzang dag /legs so legs so/ /spobs pa bzang po/ brtson pa bzang po/ 'jigs pa med pa/ khro ba mi snyan pa/ brnyas ma shin byed pa/ bkres pa/ skom pa/ dbyug pas 'tshog pa/ grang ba dang / tsha ba dang / rlung gis gdungs kyang dam pa'i chos kyi mig gnas kyi bar du yul dang / grong khyer dang / grong rdal dang / 'or gyi grong dang / sangs rgyas kyi zhing thams cad du chos kyi mig 'di la brtson par bya ba dang / zab mo chos thams cad kyi sgo'i gzhi dang / bzod pa 'di rab tu bstan pa dang / bzod pa 'di la sems can yang rab tu sbyor ba dang / gang bzod pa 'di sgom pa dang / klog pa dang / gzhan la'ang lung 'bogs pa dang / klog tu 'jug pa dang / gang yang nyan pa dang / 'bri ba dang / 'brir 'jug pa de dag la spro bar bya ba dang / chos dang ldan pa de dag kyang bsrung ba dang / bskyab pa dang / byed pa sgrub par khyed las su dag spro bar 'gyur/ de'i tshe byams pa la sogs pa byang chub sems dpa' stong </font><hr>417b<br><font size=+1>


phrag bcu stan las langs te bcom ldan 'das ga la ba de logs su thal mo sbyar te phyag btsal nas 'di skad ces gsol to/ /btsun pa bcom ldan 'das/ bdag cag ni/ dam pa'i chos kyi sbyin gnas kyi bar du sangs rgyas kyi zhing thams cad du sems can rnams sbyar bar bgyi ba'i bar dang / gang chos kyi rnam grangs 'di glegs bam la 'brir stsal pa de dag bdag cag chos dang ldan pa la sbyor bar bgyi bar spro'o/ /bcom ldan 'das kyis bka' stsal pa/ rigs kyi bu dag /skyes bu chen po'i byed pa bya ba dang / ji ltar rigs kyi bu khyed yang dag par spyod pa'i tshul nam mkha'i mdog gis 'dul ba'i bzod pa 'di thob pa ni/ legs so legs so/ /rigs kyi bu/ ji tsam du bzod pa 'di'i stobs dang / brtson pa yang dag par 'dzin cing brtson pa la dmigs pa de tsam du stobs dang brtson pa yang dag par 'dzin pa la brtson par dmigs pas sangs rgyas kyi zhing thams cad dang / gling bzhi pa thams cad dang / yul dang / grong dang / grong khyer dang / grong rdal dang / ljongs thams cad du sems can rnams yongs su smin par byos shing / /rgyal po lam g.yo bar byos shig / blon po dang / zham ring ba rnams kyang yal bar ma gtang zhig /rigs kyi bu/ gang rnyog pa lnga'i sangs rgyas kyi zhing du da ltar nas chos kyi rgyal mtshan 'phel bar 'gyur gyi bar du </font><hr>418a<br><font size=+1>


@#/ /sems can yongs su smin par bya ba la mi skye bar spro zhing sdig pa 'dod pa log par lta ba'i sems can rnams dge ba bcu'i las kyi lam la 'jug pa dang / rab tu dgod pa dang / nyes pa mang po'i shas che ba'i sems can rnams khyim gyi gnas nas phyung ste zhi ba yang dag par 'dzin du 'jug cing sbyor ba dang / bslab pa'i gnas la rab tu 'god pa dang / nyes pa mang pos nyen la/ lus dang / ngag dang / yid sdom pa'i tshul can gyi sems can rnams bsam gtan dang / rnam par thar pa dang / gzungs dang / bzod pa la sbyor zhing so sor 'god pa dang dgon pa bas mtha'i mal stan la mngon par dga' la/ sems can yang de la sbyor zhing de dag phan pa la sbyor ba dang / ser sna can rnams sbyin pa la sbyor ba nas 'chal pa'i shes rab can sdig pa'i bas mtha'i spyod yul dang ldan pa/ lta ba'i thibs po la gnas pa rnams 'phags pa'i shes rab kyi stobs la sbyor zhing so sor 'god de/ sems can sdug bsngal sna tshogs kyis non pa rnams yongs su thar par byed pa ni/ bsod nams kyi phung po rab tu mang bar 'phel lo/ /'di la gang nyon mongs pa rnyog pa lnga'i sangs rgyas kyi zhing du dam pa'i chos 'jig pa'i dus nyin mtshan bdun du sems can yongs su smin par bya ba'i phyir </font><hr>418b<br><font size=+1>


skyo ba bzod cing bzod pa'i stobs kyi mthu 'dis sems can yongs su smin par byed cing chung ngu na bzod pa 'di yang dag par len du 'dzud do/ /sems can rnams la ston cing tshig tu 'don pa dang / glegs bam la 'brir 'jug pa ni/ bsod nams rab tu mang du 'phel te/ yongs su dag pa'i sangs rgyas kyi zhing dag tu byang chub sems dpa' grangs med pa chu klung gang+gA'i bcu'i bye ma snyed kyis pha rol tu phyin pa drug spyad pa ni/ bsod nams kyi phung po de snyed du mi 'phel lo/ /de ci'i phyir zhe na/ 'di ltar byang chub sems dpa' dag ni/ rang bzhin gyis snying rje chen po dang ldan pa'o/ /sems can chen po de dag ni/ dgos pa chen po la brtson pa dang ldan pa'o/ /sems can chen po de dag ni/ brtson 'grus che ba/ shes rab kyis brgyan pa'o/ /byang chub sems dpa' sems dpa' chen po de dag ni/ rab tu myur bar bla na med pa yang dag par rdzogs pa'i byang chub tu mngon par 'tshang rgya ba'o/ /gang nyon mongs pa rnyog pa lnga'i sangs rgyas kyi zhing du yang dag par spyod pa'i tshul nam mkha'i mdog gis 'dul ba'i bzod pa'i stobs bskyed pa 'dis sems can yongs su smin par byed pa nas/ glegs bam la 'brir 'jug pa'i bar du sbyor zhing dam pa'i chos 'jig pa na chos kyi sgron ma 'bar bar byed bas na de'i phyir byang chub sems dpa' snying rje chen po dang ldan pa </font><hr>419a<br><font size=+1>


@#/ /zhes bya ste/ myur du bla na med pa yang dag par rdzogs pa'i byang chub tu 'tshang rgya'o/ /bcom ldan 'das kyis nyon mongs pa'i sangs rgyas kyi zhing gi byang chub sems dpa'i spyod pa 'di bsngags pa de'i tshe byang chub sems dpa' sems dpa' chen po chu klung gang+gA'i bye ma snyed kyis bcom ldan 'das shAkya thub pa gang na ba de logs su thal mo sbyar te phyag btsal nas bcom ldan 'das la 'di skad ces gsol to/ /btsun pa bcom ldan 'das/ bdag cag rnams ni/ sangs rgyas kyi zhing yongs su dag pa grangs ma mchis pa dag tu mchis te/ byang chub sems dpa'i spyad pa spyod par brtsams te da ltar nas ma mchis pa'i dus kyi bar du nyon mongs pa rnyog pa lnga'i sangs rgyas kyi zhing de dag gi sems can dge ba'i rtsa ba dang bral ba thams cad btang ste sangs rgyas kyi zhing yongs su dag par mchi bar sdom pa blangs pa las| da ni/ bdag cag rnams bcom ldan 'das kyi spyan sngar sdom pa blangs te ma mchis pa'i dus na slar zhing sangs rgyas kyi zhing yongs su dag par byang chub kyi spyad pa spyod par mi bgyid do/ /smon lam gyi dbang gis bdag cag rnams yongs su ma dag pa nyon mongs pa rnyog pa lnga'i sangs rgyas kyi zhing du spyad pa spyod par bgyi'o/ /dge ba'i rtsa </font><hr>419b<br><font size=+1>


ba ma mchis pa'i sems can thams cad yongs su smin par bgyi'o/ /bcom ldan 'das kyis bka' stsal pa/ skyes bu dam pa dag /brtson 'grus chen po la dmigs te byang chub sems dpa' gang de dag dge ba'i rtsa ba dang bral ba'i sems can thams cad yongs su smin par byed pa legs so legs so/ /snying rje chen po dang ldan zhing pha rol tu phyin pa chen po spyad de mngon par shes pa dang / bsdu ba'i dngos po chen po la gzhan la rag ma lus shing ye shes chen po'i 'byung gnas dang ldan pa de dag ni/ byang chub sems dpa' sems dpa' chen po gang yongs su ma dag cing nyon mongs pa rnyog pa lnga'i sangs rgyas kyi zhing dag tu pha rol tu phyin pa drug spyod cing dge ba'i rtsa ba thams cad yongs su nyams pa'i sems can rnams dang / sdug bsngal thams cad kyis nyen pa'i sems can rnams yongs su smin par byed pa de dag ni/ byang chub sems dpa' sems dpa' chen po zhes bya'o/ /rigs kyi bu| de lta bas na/ ci nas kyang yang dag par spyod pa'i tshul nam mkha'i mdog gis 'dul ba'i bzod pa 'dis sems can yongs su smin par gyis shig /rigs kyi bu/ yul gang na yang dag par spyod pa'i tshul nam mkha'i mdog gis 'dul ba'i bzod pa 'di rab tu 'chad pa'i yul der yon tan gyi khyad par dang / dpal phun sum tshogs pa sna tshogs </font><hr>420a<br><font size=+1>


@#/ /'byung bar 'gyur ro/ /de'i rgyal po yon tan dang bsngags pa bzhi 'byung ste/ bzhi gang zhe na/ rgyal po nad med par 'gyur ba dang / gnod pa nyung zhing tshe ring bar 'byung ba dang / rdul dang bral zhing rgol ba dang dgra med par 'gyur ba dang / stobs dang rtsal thags thogs med cing dga' ba mang la chos 'dod par 'gyur ro/ /de ci'i phyir zhe na| 'di ltar klu dang / brgya byin dang / tshangs pa dang / 'jig rten skyong ba dang / gnod sbyin gyi bdag po rnams kyis rab tu srung bar 'gyur te/ bzhin bzang dag dang / de la de ltar mnyam pa med do/ /brgya byin dang / tshangs pa dang / 'jig rten skyong ba dang / gnod sbyin gyi bdag po rnams kyis tshig mthun par gsol pa/ bcom ldan 'das/ de lta lags te/ yul gang du bzod pa 'di 'chad par 'gyur ba'i yul de'i rgyal por 'gyur ba de'i slad bzhin du bdag cag 'brang zhing gnod pa las bskyab par bgyi'o/ /bro nad zhi bar bgyi'o/ /de'i tshe bskyang bar bgyi'o/ /de dgra las bskyab par bgyi'o/ /dpal dang skal pa bzang po dang chos la dga' ba nye bar bstan par bgyi'o/ /stobs dang rtsal thags thogs ma mchis pa phun sum tshogs par bgyi'o/ /bcom ldan 'das kyis bka' stsal pa/ bzhin bzang dag /legs so legs so/ /khyod ji skad smras pa bzhin du nyams su longs </font><hr>420b<br><font size=+1>


shig /de ci'i phyir zhe na/ 'di ltar 'os dang ldan pa'i rgyal po yul gang du chos dang ldan par 'gyur bar bdag cag mdangs dang / stobs dang / gzi brjid dang / 'khor 'phel bar 'gyur ro/ /de dag gis gsol pa/ bcom ldan 'das/ de de lta lags te/ yul gang du bzod pa 'di rab tu 'chad par 'gyur ba'i yul de nga rgyal po'i zham ring ba dang / blon po rnams kyi yon tan dang / legs pa bzhi 'byung ste/ bzhi gang zhe na/ yul der rgyal po'i zham ring ba dang / blon po rnams phan tshun bzod pa dang / des pa dang / dga' ba dang / gus pa'i sems su 'gyur ba dang / rgyal po'ang byams par 'gyur ba dang / dge sbyong dang / bram ze dang / grong rdal gyi mi dang / ljongs kyi mi skyes pa dang / bud med dang / khye'u dang / bu mo rnams kyi yid du 'ong zhing dga' bar 'gyur ba dang / chos 'dod par 'gyur gyi rnyed pa mi 'dod de/ phyogs bcur grags pa'i sgra dang / tshigs su bcad pa rgya cher grags shing tshe \?\ ba dang / bde ba dang / yid bde ba mang bar 'gyur ba ste/ yul gang du bzod pa 'di 'chad par 'gyur ba de ni/ rgyal po'i zham ring ba dang / blon po rnams kyi yon tan dang bsngags par 'gyur ba ni/ de dag go /gzhan yang yul gang du bzod pa 'chad par 'gyur ba'i yul der dge sbyong dang / bram ze rnams kyi yon tan dang bsngags pa bzhi 'byung ste/ </font><hr>421a<br><font size=+1>


@#/ /bzhi gang zhe na/ yul der dge sbyong dang bram ze rnams chos gos dang / bsod snyoms dang / mal cha dang / na ba'i gsos sman dang / yo byad dag rnyed par 'gyur ba dang / bsam gtan byed pa la brtson par 'gyur ba dang / ri la mngon par dga' zhing rab tu dben par 'gyur ba dang / sems las byung ba'i bde ba bzhi la gnas pa rnyed par 'gyur ro/ /yul gang du bzod pa 'di 'chad par 'gyur ba'i yul de'i grong rdal dang ljongs kyi mi rnams kyi legs pa bzhi 'byung bar 'gyur te/ bzhi gang zhe na| khron pa dang / chu mig dang ldan par 'gyur ba dang / gnod pa med par 'gyur ba dang / las kyi mtha' grub par 'gyur ba dang / sbyin pa'i gnas snod du gyur pa rnams dang mi 'bral bar 'gyur ba'o/ /gzhan yang yul gang du bzod pa 'di 'chad par 'gyur ba'i yul der bud med rnams kyi legs pa bzhi 'byung bar 'gyur te/ bzhi gang zhe na/ yul de'i bud med phrag dog dang khro ba rnam par spong bar 'gyur ba dang / skye bo thams cad la bzod par 'gyur ba dang / bu rnyed par 'gyur ba dang / nad nyung bar 'gyur ba'o/ / gzhan yang bud med gang bzod pa 'di nyan pa de la dad pa rnyed cing chos smra ba la phan pa zer ba de ni/ bud med du gyur pa'i tha ma yin te/ snying po byang chub kyi bar du bud med thob </font><hr>421b<br><font size=+1>


par mi 'gyur te/ gzhan du na bdag nyid kyis 'dod pa ni/ ma gtogs so/ /gzhan yang yul gang du bzod pa 'di 'chad par 'gyur ba dag na gzhan gyi 'khor dang / nang gi 'khor gyis yul la gnod par mi 'gyur ro/ /char mi 'bab pa dang / mu ge 'byung ba dang / dus ma yin pa'i rlung dang / char dang / grang dro dang / sha sbrang dang / sbrang bu mchu smyung dang / sbrang ma dang / byi ba dang / 'gro ba khro bo dang / sbrul khro bo dang / gcan gzan khro bo dang / ro bro ba med pa dang / rtsub pa dang / sre mo dang / mi bde bar reg pa dang / bza' ba dang / btung ba dang / gos dang / lcags sgrog dang / shing sgrog dang / dbyig pa dang / gshe ba dang / mi snyan par zer ba dang / rdeg pa dang / dus ma yin par 'chi ba dang / nad kyi gnod pa yul de na med par 'gyur ro/ /lha dang / klu dang / gnod sbyin dang / lha ma yin dang / nam mkha' lding dag gis kyang yul de shin tu srung zhing skyob par 'gyur ro/ /rigs kyi bu dag /yul gang du yang dag par spyod pa'i tshul nam mkha'i mdog gis 'dul ba'i bzod pa 'di 'chad cing ston par 'gyur ba'i yul der gnod pa bcu po de dag gi yul thams cad mi gtse bar 'gyur ro/ /de ci'i phyir zhe na/ rigs kyi bu/ bzod pa 'di ni/ byang chub sems dpa' thams cad kyi byang chub kyi spyod pa mtha' dag yongs su rdzogs par byed pa/ pha rol tu </font><hr>422a<br><font size=+1>


@#/ /phyin pa drug yongs su rdzogs par byed pa nas sangs rgyas kyi dgongs pa mtha' dag yongs su thob par byed pa'o/ /bzod pa 'di'i ming 'ba' zhig gang gi rna lam du thos pa'ang snying po byang chub kyi bar du gang zag de mi khom pa brgyad dang bral bar 'gyur ro/ /gang gis bzod pa bsgom pa 'di thog thag nyan pa ni/ sangs rgyas kyis byin gyis brlabs te bla na med pa yang dag par rdzogs pa'i byang chub las phyir mi ldog par 'gyur te/ de ltar mthu che ba'o/ /rigs kyi bu/ de ltar byang chub sems dpa' rnams kyi dga' bar byed pa/ rgyun du byed pa/ phyir mi ldog par byed pa/ rnam par rtsan par byed pa/ 'jug par byed pa/ gzugs zhi bar byed pa/ yongs su smin par byed pa/ 'bral bar byed pa/ byang chub sems dpa' rnams yongs su mya ngan las 'da' bar byed pa'o/ /bzod pa 'di de ltar bstan pa na phyogs bcu'i sangs rgyas kyi zhing nas lhags pa'i byang chub sems dpa' sems dpa' chen po rnams kyis bcom ldan 'das la 'di skad ces gsol to/ /btsun pa bcom ldan 'das/ rang rang gi sangs rgyas kyi zhing du yang dag par spyod pa'i tshul nam mkha'i mdog gis 'dul ba'i bzod pa 'di sems can rnams la bshad de/ bla na med pa yang dag par rdzogs pa'i byang chub las phyir mi ldog par dgod par bgyi'o/ /bcom ldan 'das kyis </font><hr>422b<br><font size=+1>


bka' stsal pa/ rigs kyi bu dag /da gang gi dus la bab par sems na'o/ /de nas phyogs bcu nas 'dus pa'i byang chub sems dpa' sems dpa' chen po de dag gis byang chub sems dpa'i rdzu 'phrul chen po dang / byang chub sems dpa'i rnam par 'phrul pa chen pos bcom ldan 'das la mchod pa byas nas 'di skad ces gsol to/ /btsun pa bcom ldan 'das/ me tog ban+du 'di byin gyis brlab tu gsol/ gnas dang / grong dang / grong khyer dang / ljongs gang du bzod pa 'di 'chad par 'gyur ba de dag tu me tog ban+du 'di rab tu spyod par 'gyur ro/ /bcom ldan 'das kyis bka' stsal pa/ rigs kyi bu dag /de ltar de bzhin du gnyi ga byin gyis brlab par bya'o/ /sangs rgyas kyi zhing gang na rigs kyi bu po'am/ rigs kyi bu mo de dag byang chub don du gnyer bar 'gyur ba dang / gling bzhi pa grong dang / yul dang / grong khyer dang / grong dang / ljongs dang / 'or gyi grong dag tu rigs kyi bu pho'am/ rigs kyi bu mo dag byang chub don du gnyer bar 'gyur ba de dag tu bzod pa 'di sgom pa dang / 'chad pa dang / ston pa dang / 'bri ba dang / klog pa dang / sgrog pa dang / spyod par 'gyur ro/ /bzod pa 'di gang na spyod pa der me tog ban+du 'di spyod par 'gyur ro/ /bcom ldan 'das kyis de skad ces bka' stsal pa dang / phyogs bcu nas lhags pa'i byang chub sems dpa' dang / lha dang / mi dang / </font><hr>423a<br><font size=+1>


@#/ /lha ma yin dang / dri zar bcas pa'i 'khor gyi 'jig rten thams cad bcom ldan 'das kyis gsungs pa la rab tu dga' ste mngon par bstod do/ /yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo rdzogs so// </font><hr>

</table>