//dkon mchog gsum la phyag 'tshal lo/ /dpang skong phyag brgya 53a @#/ /pa zhes bya ba/ phyogs bcu'i 'jig rten gyi khams mtha' yas mu med pa dag na dus gsum du gshegs shing bzhugs pa'i sangs rgyas dang / byang chub sems dpa' 'khor dang bcas pa rab 'byams ma lus pa'i dkon mchog thams cad la gus pas phyag 'tshal lo/ /phyogs bcu'i sangs rgyas thams cad la phyag 'tshal lo/ / shar phyogs kyi sangs rgyas rin chen 'byung gnas de bzhin gshegs pa la phyag 'tshal lo/ /lho phyogs kyi sangs rgyas mya ngan med pa'i dpal de bzhin gshegs pa la phyag 'tshal lo/ /nub phyogs kyi sangs rgyas rin chen 'od 'phro de bzhin gshegs pa la phyag 'tshal lo/ /byang phyogs kyi sangs rgyas rgyal ba'i dbang po de bzhin gshegs pa la phyag 'tshal lo/ /byang shar mtshams kyi sangs rgyas ting nge 'dzin gyi glang po dam pa'i dpal de bzhin gshegs pa la phyag 'tshal lo/ /shar lho mtshams kyi sangs rgyas pad+mo dam pa'i dpal de bzhin gshegs pa la phyag 'tshal lo/ /lho nub mtshams kyi sangs rgyas nyi ma'i dkyil 'khor snang ba dam pa'i dpal de bzhin gshegs pa la phyag 'tshal lo/ /nub byang mtshams kyi sangs rgyas gdugs dam pa'i dpal de bzhin gshegs pa la phyag 'tshal lo/ /'og gi phyogs kyi sangs rgyas pad+mo'i dpal de bzhin 53b gshegs pa la phyag 'tshal lo/ /bla ma phyogs kyi sangs rgyas dga' ba'i dpal de bzhin gshegs pa la phyag 'tshal lo/ /yang shar phyogs kyi sangs rgyas mi 'khrugs pa de bzhin gshegs pa la phyag 'tshal lo/ /lho phyogs kyi sangs rgyas rin chen 'byung ldan de bzhin gshegs pa la phyag 'tshal lo/ /nub phyogs kyi sangs rgyas snang ba mtha' yas de bzhin gshegs pa la phyag 'tshal lo/ /byang phyogs kyi sangs rgyas don yod grub pa de bzhin gshegs pa la phyag 'tshal lo/ /sangs rgyas dpa' brtan pa'i sde dga' ba'i rgyal po de bzhin gshegs pa la phyag 'tshal lo/ /sangs rgyas tshe mtha' yas de bzhin gshegs pa la phyag 'tshal lo/ /sangs rgyas mi 'khrugs pa de bzhin gshegs pa la phyag 'tshal lo| |sangs rgyas sman gyi bla bai DUR+Ya'i 'od kyi rgyal po de bzhin gshegs pa la phyag 'tshal lo/ /sangs rgyas sA la'i me tog kun tu rgyas pa'i dbang po'i rgyal po de bzhin gshegs pa la phyag 'tshal lo/ /sangs rgyas shAkya thub pa de bzhin gshegs pa la phyag 'tshal lo/ /sangs rgyas rin po che'i dpal gyi rgyal po de bzhin gshegs pa la phyag 'tshal lo| |sangs rgyas kun tu bzang po de bzhin gshegs pa la phyag 'tshal lo/ /sangs rgyas rnam par snang mdzad de bzhin gshegs pa la phyag 'tshal lo/ /sangs rgyas ut+pa la 54a @#/ /rgyas pa bsung gi tog gi rgyal po de bzhin gshegs pa la phyag 'tshal lo/ /ngur smrig gi rgyal mtshan gyi 'jig rten na/ /sangs rgyas rdo rje snying pos rab tu 'dul ba de bzhin gshegs pa la phyag 'tshal lo/ /phyir mi ldog pa'i 'khor lo bsgrags pa'i 'jig rten na/ sangs rgyas rab tu gdon mi za ba pad+mo rgyas pa'i sku de bzhin gshegs pa la phyag 'tshal lo/ /rdul med pa'i 'jig rten na/ sangs rgyas seng ge de bzhin gshegs pa la phyag 'tshal lo/ /rab tu snang ba'i 'jig rten na/ sangs rgyas rin po che'i gtsug phud de bzhin gshegs pa la phyag 'tshal lo/ /'od bzang po'i 'jig rten na/ sangs rgyas rnam par snang mdzad de bzhin gshegs pa la phyag 'tshal lo| |'da' bar dka' ba'i 'jig rten na/ sangs rgyas chos kyi 'od zer rab tu rgyas pa'i sku de bzhin gshegs pa la phyag 'tshal lo/ /rab tu bzang po'i 'jig rten na/ sangs rgyas thams cad mkhyen pa'i blo gros 'od zer gyi rgyal po de bzhin gshegs pa la phyag 'tshal lo/ /me long gi dkyil 'khor bsgrags pa'i 'jig rten na/ sangs rgyas zla ba'i thugs de bzhin gshegs pa la phyag 'tshal lo/ /pad+mo dpal gyi 'jig rten na sangs rgyas dpal bzang po de bzhin gshegs pa'i bar thams cad la phyag 'tshal 54b lo/ /sangs rgyas zla 'od de bzhin gshegs pa la phyag 'tshal lo/ /sangs rgyas mdzes chen de bzhin gshegs pa la phyag 'tshal lo/ /sangs rgyas 'jig rten gyi dkyil 'khor dbang po'i rgyal po de bzhin gshegs pa la phyag 'tshal lo/ /sangs rgyas dga' ba'i spyan de bzhin gshegs pa la phyag 'tshal lo/ /sangs rgyas rgya mtsho'i dpal de bzhin gshegs pa la phyag 'tshal lo/ /sangs rgyas gser gyi gzugs de bzhin gshegs pa la phyag 'tshal lo/ /sangs rgyas mtha' yas pa'i yon tan gyi 'od zer de bzhin gshegs pa la phyag 'tshal lo/ /sangs rgyas smon lam thams cad las byung ba'i rin po che'i gzi brjid shin tu 'phags pa'i rgyal po de bzhin gshegs pa la phyag 'tshal lo/ /sangs rgyas grags pa'i sgra dbyangs kyi rgyal po de bzhin gshegs pa la phyag 'tshal lo/ /sangs rgyas ye shes rdo rje'i rgya mtsho'i dbang po de bzhin gshegs pa la phyag 'tshal lo/ / sangs rgyas rnam par gzigs de bzhin gshegs pa la phyag 'tshal lo/ /sangs rgyas gtsug tor can de bzhin gshegs pa la phyag 'tshal lo/ /sangs rgyas ma lus pa'i dbang po de bzhin gshegs pa la phyag 'tshal lo/ /sangs rgyas log par dad sel de bzhin gshegs pa la phyag 'tshal lo/ /sangs rgyas gser thub de bzhin gshegs 55a @#/ /pa la phyag 'tshal lo/ /sangs rgyas 'od srung de bzhin gshegs pa la phyag 'tshal lo/ /'das pa'i sangs rgyas thams cad la phyag 'tshal lo/ /da ltar bzhugs pa'i sangs rgyas thams cad la phyag 'tshal lo/ /ma byon pa'i sangs rgyas thams cad la phyag 'tshal lo/ /byang chub sems dpa'i dpal rnam par snang mdzad chen po thams cad la phyag 'tshal lo/ /sangs rgyas chos kyi sku mu med pa la phyag 'tshal lo/ /'jig rten gyi khams mtha' yas pa'i sku gzugs thams cad la phyag 'tshal lo/ /ring bsrel thams cad la phyag 'tshal lo/ /mchod rten thams cad la phyag 'tshal lo/ /dam pa'i chos mdo'i sde la phyag 'tshal lo/ /dbyangs kyis bsnyad pa'i sde la phyag 'tshal lo| |lung du bstan pa'i sde la phyag 'tshal lo/ /tshigs su bcad pa'i sde la phyag 'tshal lo/ /ched du brjod pa'i sde la phyag 'tshal lo/ /gleng gzhi'i sde la phyag 'tshal lo/ /rtogs pa brjod pa'i sde la phyag 'tshal lo/ /'das pa brjod pa'i sde la phyag 'tshal lo/ /skyes pa rabs kyi sde la phyag 'tshal lo/ /shin tu rgyas pa'i sde la phyag 'tshal lo/ /rmad du byung ba'i sde la phyag 'tshal lo/ /chos rtogs pa bstan pa'i sde la phyag 'tshal lo/ /byang chub sems dpa'i sde snod theg pa chen po'i mdzod thams cad la phyag 'tshal lo/ /phyogs 55b bcu dus gsum gyi gsung rab thams cad dang / 'dul ba thabs kyi sgo mo ma lus pa thams cad la phyag 'tshal lo/ /chos kyi dbyings yang dag pa'i mtha' brjod du med pa la phyag 'tshal lo/ /de bzhin gshegs pa thams cad kyi yum shes rab kyi pha rol tu phyin pa la sogs te dam pa'i chos kyi yi ge thams cad la phyag 'tshal lo/ /byang chub sems dpa' sems dpa' chen po snang mdzad la phyag 'tshal lo/ /shar phyogs kyi byang chub sems dpa' 'od zer kun nas 'byung ba la phyag 'tshal lo/ /lho phyogs kyi byang chub sems dpa' mya ngan med pas byin la phyag 'tshal lo/ /nub phyogs kyi byang chub sems dpa' spyod pa'i blo gros la phyag 'tshal lo/ /byang phyogs kyi byang chub sems dpa' rgyal bas byin la phyag 'tshal lo/ /byang shar mtshams kyi byang chub sems dpa' rnam par rgyal bas rnam par gnon pa la phyag 'tshal lo/ /shar lho mtshams kyi byang chub sems dpa' lag na pad+mo la phyag 'tshal lo/ /lho nub mtshams kyi byang chub sems dpa' nyi ma rab tu snang ba la phyag 'tshal lo/ /nub byang mtshams kyi byang chub sems dpa' rin chen mchog la phyag 'tshal lo/ /'og gi phyogs kyi byang chub sems dpa' pad mo dam pa la phyag 'tshal lo/ /bla ma phyogs kyi byang chub sems dpa' dga' bas byin la phyag 'tshal lo/ /byang chub sems 56a @#/ /dpa' kun tu spyan ras gzigs kyi dbang phyug la phyag 'tshal lo/ /byang chub sems dpa' byams pa la phyag 'tshal lo/ /byang chub sems dpa' nam mkha'i snying po la phyag 'tshal lo/ /byang chub sems dpa' kun tu bzang po la phyag 'tshal lo/ /byang chub sems dpa' phyag na rdo rje la phyag 'tshal lo/ /byang chub sems dpa' 'jam dpal la phyag 'tshal lo/ /byang chub sems dpa' sgrib pa thams cad rnam par sel ba la phyag 'tshal lo/ /byang chub sems dpa' sa'i snying po la phyag 'tshal lo/ /byang chub sems dpa' dri ma med par grags pa la phyag 'tshal lo/ /byang chub sems dpa' mthu chen thob la phyag 'tshal lo/ /phyogs bcu dus gsum gyi byang chub sems dpa' sems dpa' chen po thams cad la phyag 'tshal lo/ /shes rab chen po'i mchog 'phags pa shA ri'i bu la phyag 'tshal lo/ /rdzu 'phrul chen po'i mchog 'phags pa maung+gal gyi bu la phyag 'tshal lo/ / mang du thos pa'i mchog 'phags pa kun dga' bo la phyag 'tshal lo/ /sbyangs pa'i yon tan gyi mchog 'phags pa 'od srung la phyag 'tshal lo/ /bslab pa la gus pa'i mchog 'phags pa nor sbyin 'dzin la phyag 'tshal lo/ /'dul ba 'dzin pa'i mchog 'phags pa nye bar 'khor la phyag 'tshal lo/ /rdzu 'phrul gyi spyan mnga' ba'i mchog 'phags pa ma 56b 'gags pa la phyag 'tshal lo/ /'dri zhing lan ldon pa'i mchog 'phags pa rab 'byor la phyag 'tshal lo/ /'phags pa dgra bcom pa'i dge 'dun thams cad la phyag 'tshal lo/ /'phags pa rang sangs rgyas thams cad la phyag 'tshal lo/ /phyogs bcu'i dge 'dun bzhugs so 'tshal thams cad la phyag 'tshal lo/ /dkon mchog gsum la dad pas phyag btsal nas/ /sdig pa kun byang dge tshogs rnam par 'phel/ /bcom ldan so so'i bka' las ci 'byung ba/ /yon tan khyad par can de grub par shog/ phyogs bcu'i dkon mchog gsum la phyag 'tshal lo// bstod cing bsngags so/ /blta zhing brtag go /byang chub sems dpa'i bsod nams rab 'byams las byung ba mi mnyam pa dang / mnyam pa'i mchod pa sna tshogs mchog /gtso bo/ dam pa| khyad par can/ bzang po/ gya nom pa/ bla na med pa/ mi mnyam pa dang mnyam pas phyogs bcu'i snod kyi 'jig rten byur bur bkang ste/ chos kyi mchod pa dang bcas pas ma lus/ mi lus/ lus pa med pa'i dkon mchog gsum la phyi ma'i mu'i mthar rtag tu rgyun mi 'chad par mchod cing 'don to/ /dbul zhing gsol lo/ /bkur stir bgyi'o/ /bla mar bgyi'o/ /ri mor bgyi'o/ /mnyes par bgyi'o/ /bdag cag gi skye ba 'di dang / thog ma dang / tha ma ma mchis pa nas srid pa gsum gyi 'khor ba na 'khor zhing 'dod chags dang / zhe sdang dang / gti mug 57a @#/ /gsum gyi dbang gis lus dang / ngag dang / yid kyi sgo nas mi dge ba bcu dang / mtshams med pa lnga la sogs te/ gsung rab kun las 'gal ba'i sdig pa mi dge ba'i las bdag gis ci bgyis pa dang / gzhan la bcol ba dang / gzhan bgyid pa la rjes su yi rang ba de dag rdul tsam bag tsam yang ma lus par mthol zhing bshags so| |sbyangs zhing bsal to/ /gzhig cing gdon to/ /mi 'chab bo/ /mi sbed do/ /mi bsnyen mi bgyid do/ /de nas de'i tshe sdig pa thams cad ni byang / bsod nams thams cad ni rdzogs te| dus 'di nas nam byang chub kyi snying po la mchis kyi bar du/ dgongs pa'i dbang gis ched du sprul pa ma gtogs par nam nam zhar zhar tshe tshe rabs rabs su ngan song gsum la sogs te/ bgegs rigs thams cad du mi skye zhing mi ltung bar shog cig/ log pa mi dge ba'i las la mi phyogs mi bgyid par shog cig/ las dang / nyon mongs pa'i rgyu la mi phyogs mi bgyid par shog cig /smad pa'i lus dang / sdug bsngal gyi 'bras bu kun las thar nas phyin chad mi myong bar shog cig /dus 'di nas nam byang chub kyi snying po la mchis kyi bar du sgo gsum nas dge ba chu bo'i rgyun bzhin du rgyun mi 'chad par shog cig /tshe rabs gar skye sa kyang bde skyid phun sum tshogs pa dang ldan te sems can 57b thams cad kyi don bya la mthu dang /dbang yod par shog cig /gang de bzhin gshegs pa 'ba' zhig gi thugs su chud pa'i chos bla na med pa'i byang chub tu gdon mi za bar 'tshang rgya ba'i don de kho na nyid gang yin pa deng dag gis kyang ma nor bar kheng du chud cing bsgoms la gzhan dag la'ang ma nor bar ston cing 'dren par shog cig /dus 'di nas nam byang chub kyi snying po la mchis kyi bar du dkon mchog gsum la skyabs su mchi ste/ bdag nyid lus dbul gyi/ thugs rje chen po ldan pa rnams kyis so so nas rtag tu bzhes shig/ ji ltar na dus gsum gyi sangs rgyas dang / byang chub sems dpa' dngos po thams cad dang bral ba phung po dang / khams dang / skye mched kyis ma zin pa'i chos bdag med pa dang mnyam pa/ thog ma nas ma skyes pa/ stong pa nyid kyi rang bzhin gyis byang chub kyi sems bskyed pa ltar bdag ming 'di zhes bgyi bas kyang / dus 'di nas nam byang chub kyi snying po la mchis kyi bar du byang chub tu sems bskyed par bgyi'o/ /byang chub kyi sems ni nam gzhar yang mi stor zhing dge ba'i bshes gnyen dam pa de dang nam yang mi 'bral bar shog cig /ji ltar dus gsum gyi sangs rgyas de dag bla na med pa'i bsod nams kyi rjes su yi rang ba ltar bdag ming 'di zhes bgyi bas kyang 'jig rten dang / 'jig rten las 'das pa'i bsod nams thams cad la rjes 58a @#/ /su yi rang ngo / /nam 'chi bar nges pa'i dus de na sangs rgyas dang / byang chub sems dpa' de dag thams cad kyi zhal mngon sum du mthong nas phyag g.yas pa gser gyi kha dog can brkyang ste bdag gi spyi bor bzhag nas lung nod par gyur cig/ bdag gis kyang nyon mongs pas sems mi 'khrul par chos bdag med pa dang mthun pa'i 'dun pa can dang / byang chub kyi sems tshad med pa dang ldan bzhin du 'chi ba'i dus byed par shog cig /mdor na bag chags ma lus kun byang nas/ /bsod nams ye shes tshogs gnyis yongs rdzogs te/ /'gro ba ma lus byin gyis bsgral ba'i phyir/ /bdag nyid myur du mngon par sangs rgyas shog /dpang skong phyag brgya pa rdzogs so/ / bod du dam pa'i chos 'byung ba'i snga ltas su lha tho tho ri snyan shal gyi sku ring la pho brang yum bu bla mkhar du nam mkha' las babs/ mi rabs lnga na 'di'i don shes pa 'ong zhes rmi lam du lung bstan te chos kyi dbu brnyes so// |