//rgya gar skad du/ AR+Ya sap+ta bud+d+ha ka na nA ma ma hA yA na sU tra/ bod skad du/ 'phags pa sangs 70a @#/ /rgyas bdun pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ti se'i ri'i rtse mo lha'i gnas na drang srong gi spyod pa dang ha cang yang mi ring ba zhig na/ dge slong lnga brgya tsam gyi dge slong gi dge 'dun chen po dang / byang chub sems dpa' lnga brgya la/ 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po nam mkha'i snying po dang / kun tu bzang po dang / mtha' yas me tog dang / kun nas me tog dang / de dag la sogs pa byang chub sems dpa' skye ba gcig gis thogs pa sha stag dang thabs gcig tu bzhugs so/ / de nas bcom ldan 'das kyis ri'i rtse mo'i nags khrod de nyid na dge slong zhig 'byung pos zin nas brdol cing gcer bu gos med la lag pa bsgreng ste du zhing 'dug pa gzigs so/ / de nas byang chub sems dpa' sems dpa' chen po nam mkha'i snying pos bla gos phrag pa gcig tu gzar te/ bus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das/ nam mkha'i dkyil na gyi hud ces sgra 'byin pa 'di dang / 70b dge slong gcer bu gos ma mchis pa lag pa stong pa gcig shos 'di'ang su zhig lags/ de nas bcom ldan 'das kyis byang chub sems dpa' sems dpa' chen po nam mkha'i snying po la 'di skad ces bka' stsal to/ /nam mkha'i snying po/ 'di ni nad kyis btab pa yin no/ /gcig shos 'di'ang nad kyis btab pa yin no/ /de nas bcom ldan 'das la byang chub sems dpa' sems dpa' chen po nam mkha'i snying pos 'di skad ces gsol to/ /nad thams cad rab tu zhi bar bgyid pa dang / 'byung po thams cad bzlog pa'i rig sngags bcom ldan 'das kyis bstan du gsol/ bka' stsal du gsol/ de nas bcom ldan 'das kyis sangs rgyas sprul pa mdzad de/ de nas nam mkha' la de bzhin gshegs pa drug byung ngo / /bdun pa ni bcom ldan 'das de bzhin gshegs pa shAkya thub pa'o/ /de na de bzhin gshegs pa rnam par gzigs steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams cad bzlog pa'i phyir gsang sngags kyi gzhi 'di dag bka' stsal to/ /na mo bud+d+hA ya/ na mo d+harmA ya/ na maH saM g+hA ya/ tad+ya thA/ oM hu lu hu lu/ hi li hi li ya/ na mo dza ka/ na ma sh+tsa nA ya/ na mo na ma swAhA/ de nas de bzhin gshegs pa rnam par gzigs kyis byang chub sems dpa' sems dpa' chen po nam mkha'i snying po la 71a @#/ /'di skad ces bka' stsal to/ /nam mkha'i snying po/ gang la la zhig rig sngags 'di 'chang ngam/ klog gam/ kun chub par byed na/ de'i lus la mtshon gyis mi tshugs/ chu dang / sdug bsngal ba'i nad kyis 'chi ba'i dus byed par mi 'gyur/ dus ma yin par 'chi bas 'chi ba'i dus byed par mi 'gyur ro/ /de dug zos kyang zas bzhin du 'gyur ro/ / zas dang / skom la lan bdun bzlas brjod byas te zos na pha rol gyi gnod pa mi 'byung ngo / /nad thams cad kyis btab par mi 'gyur ro/ /ring du 'tsho bar 'gyur ro/ /thos pa 'dzin par 'gyur ro/ /de bzhin gshegs pa bdun gyi gzugs mthong bar 'gyur ro/ /mtshon btab pa'i rna bar bzlas brjod byas la/ sna ma'i mar sbyin no/ /mdze dang / skrangs nad kyis btab pa rnams la sna ma'i mar dang / ut+pa la sngon po dang / shu ti dang / nye'u shing rnams bsres pa'i mar byin na nad thams cad sos par 'gyur ro/ /las thams cad la'ang sbyar bar bya'o// de nas de bzhin gshegs pa gtsug tor can steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams cad bzlog pa'i phyir gsang sngags kyi gzhi 'di dag bka' stsal to/ /na mo bud+d+hA ya/ na mo d+harmA ya/ na maH saM g+hA ya/ oM pa tsa pa tsa pA tsa ya pA tsa ya sarba b+hU tA nAM/ tshin+d+ha ya kI 71b la ya pa ra bid+yA nAM swa'ahA/ nam mkha'i snying po/ sems can thams cad la phan pa'i don dang / nad thams cad rab tu zhi bar bya ba dang / bsgom nyes pa dang / rmi lam ngan pa thams cad bzlog pa dang / dus ma yin par 'chi ba dgag pa'i phyir sangs rgyas bye ba khrag khrig brgya stong phrag du mas gsungs shing / ngas kyang da ltar bshad pa'i snying po 'di zungs shig /nam mkha'i snying po/ gang la la zhig nga'i snying po 'di nyin lan gsum yid la byed na/ de la pha rol gyi gnod pa 'byung bar mi 'gyur ro/ /gnyid kyis log pa'i rmi lam na de bzhin gshegs pa'i gzugs mthong bar 'gyur ro/ /gshis ngan du 'chi bar mi 'gyur ro/ /'di nas shi 'phos nas de bzhin gshegs pa dang phrad par 'gyur zhing mnyes par byed par 'gyur ro/ /de nas 'di'i cho ga gzhan ni nad thams cad la skud pas bcing bar bya'o/ /'dus pa las gyur pa la ni sna ma'i mar la bzlas brjod byas te sbyin no/ /chus phyogs bcing bar bya'o/ /skud pas bdag la bsrung ngo / /byis pa rnams kyi gdon dag la skud pa sngon po gdags so/ /mtshon btab pa'i rna bar lan bdun bzlas brjod bya'o/ /gzhan dag la'ang rang gi blos sbyar bar bya'o/ / de nas de bzhin gshegs pa thams cad skyob steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams 72a @#/ /cad bzlog pa'i phyir gsang sngags kyi gzhi 'di dag bka' stsal to/ /na mo bud+d+hA ya/ na mo d+harmA ya/ na maH saM g+hA ya/ oM ka la ka la/ ki li ki li/ ku lu ku lu/ ku la ut+sA d+ha nAM ku ru/ sarba gra hA NAM swAhA/ nam mkha'i snying po/ gsang sngags kyi gzhi 'di dag ni bskal pa bzang po'i de bzhin gshegs pa 'das pa dang / ma byon pa dang / da ltar byung ba thams cad kyis gsungs shing ngas kyang da ltar bshad pa ste/ nam mkha'i snying po/ khyod kyis gsang sngags kyi gzhi 'di dag zungs shig /gang la la zhig 'dzin tam/ klog gam/ kun chub par byed na/ de'i lus la mtshon gyis mi tshugs/ dug gis mi tshugs/ dbyig dug gis mi tshugs/ rims nad kyis mi 'debs shing chu dang / dus ma yin par 'chi ba dang / gshis ngan du 'chi bar mi 'gyur te sngon gyi las kyi sgrib pa ni ma gtogs so/ /dge slong ngam/ dge slong ma'am/ dge bsnyen nam/ dge bsnyen ma gang la la zhig nang bar langs nas mgo bkrus te/ de bzhin gshegs pa'i spyan sngar lan brgya rtsa brgyad brjod na de'i las kyi sgrib pa thams cad byang bar 'gyur ro/ /de la sems can sdang ba gang dag dang / rgyal po rnams thog mar smra bar 'gyur ro/ /sems can thams cad de'i dbang du 'gyur ro/ /'jigs pa thams cad kyi nang du yid la bya'o/ /'thab pa dang / 'thab mo dang / rtsod pa dang / 'gyed pa thams 72b cad la skud pa dkar po gdags so/ /mig nad la shing 'o ma can las skud pa byas te rna ba la gdags so/ /dmag rengs par byed 'dod pas zho dang / sbrang rtsi la sbags pa'i 'bras yos la lan brgya rtsa brgyad sbyin sreg bya'o/ /rA dza nAM rA dza mA traM bA ba shI ka ro tu kA me na/ 'o ma can gyi shing gi spar shing gis me bus la bsreg bya til dag la lan stong sbyin sreg bya'o/ /bdag dang / sems can thams cad kyi sgrib pa thams cad dang / sdig pa byang zhing dpal chen po dang / nor gyi phung po chen po bsgrub par 'dod na/ 'o ma can gyi shing gi spar shing gis me bus la bsreg bya til dag lan stong sbyin sreg bya'o/ /sdig pa ji snyed pa thams cad sbyang bar 'dod pa dang / rig sngags thams cad grub par 'dod pa dang / bdag bkru bar 'dod pas/ shu ti dang / na la da dang / khre dang / shi ri sha dang / rgya spos dang / gur kum dang / gla sgang dang / in+d+ra ba ru na dang / byang chub kyi shing dang / a mra'i mgo lcogs dang / 'di rnams kyis bkru bar bya ste/ sangs rgyas kyi spyan sngar nyin zhag gcig smyung bar bya zhing bum pa sar ba bzhag ste/ zla ba nya ba la sangs rgyas kyi spyan sngar snying po lan stong rtsa brgyad sngags la khrus bya'o/ /dug mi gdug par byed par 'dod pas sangs rgyas kyi spyan sngar seng ldeng gi thur ma ba'i lci bar smyugs pa brgya rtsa brgyad ming nas smos te sbyin sreg byas na dug mi gdug par 'gyur ro/ /gdon bsrung ba dang / 73a @#/ /'byung po la sogs pa'i las thams cad la'ang sbyar bar byas na bde bar gnas par 'gyur ro/ /de nas de bzhin gshegs pa log par dad sel steng gi nam mkha' la bzhugs te sems can thams cad la phan pa'i don dang / nad thams cad rab tu zhi bar bya ba'i phyir dang / 'byung po thams cad bzlog pa'i phyir gsang sngags kyi gzhi 'di dag bka' stsal to/ /na mo bud+d+hA ya/ na mo d+harmA ya/ na maH saM g+hA ya/ namaH kra ku ts+tshan+dA ya/ ta thA ga tA ya/ ar+ha te/ saM myak+saM bud+d+hA ya/ oM ka Ta ka Ta/ ka Tha ka Tha/ ki Ti ki Ti/ ki Thi ki Thi/ ki tA pa ya nA ma swAhA/ nam mkha'i snying po/ de bzhin gshegs pa dgra bcom pa yang dag par rdzogs pa'i sangs rgyas log par dad sel ces bya ba gang+gA'i klung gi bye ma snyed dag gis gsungs shing rjes su yi rang ba'i snying po 'di khyod kyis zungs shig /blangs shing bzung ste kun chub par byas na phyi ma'i tshe dge slong dang / dge slong ma dang / dge bsnyen dang / dge bsnyen ma dag de'i tshe dkon mchog gsum la dad pa rnyed nas khrus byas te bcom ldan 'das la me tog dang / bdug pa dang / spos dag gis mchod pa byas nas gsang sngags 'di lan brgya rtsa brgyad brjod par gyur na tshe rabs bdun du tshe rabs dran par 'gyur ro/ /lha rnams kyi nang du lha'i che ba nyid thob par 'gyur ro/ /yang mi rnams kyi nang du 'khor los bsgyur ba'i rgyal 73b por bsgyur ro/ /yang na cho ga bzhin du sgrub na de mir skye ba tha ma thob par 'gyur te 'di nas shi 'phos nas 'jig rten gyi khams bde ba can du skye bar 'gyur te tshe 'di la'ang rtag tu brjod na nad thams cad las thar bar 'gyur ro/ /thos pa 'dzin par 'gyur ro/ /zas dang / skom gyi rnam pa la lan bdun bsngags te zos 'thungs na nad thams cad las thar bar 'gyur ro/ /ji ste skom zhi bar 'dod na bza' ba thams cad la lan stong rtsa brgyad kyis bkru bar bya'o/ /lhog rgal gcod na zangs khab kyis bya'o/ /'thab pa dang / rtsod pa dang / 'ching ba thams cad las thar bar bya na lan bdun bzlas brjod bya ste rtag tu nor yang 'phel bar 'gyur/ bgegs dang / log 'dren thams cad las kyang thar bar 'gyur ro/ /ji ste de bzhin gshegs pa mthong bar 'dod na des phyogs gtsang mar mchod rten gyi 'khor sar dkyil 'khor bskus la a ga rus bdugs te lan stong rtsa brgyad bzlas brjod byas na/ de'i drung du sngas shar phyogs su bstan te nyal na de bzhin gshegs pa mthong bar 'gyur ro/ /yid la ci smon pa de thams cad ston to/ /tshe'am/ stobs sam/ pham rgyal thams cad kyang ston to/ /de nas de bzhin gshegs pa gser thub steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams cad bzlog pa'i phyir gsang sngags kyi gzhi 'di dag bka' stsal to/ / 74a @#/ /na mo bud+d+hA ya/ na mo d+harmA ya/ na maH saM g+hA ya/ na maH ka na ka mu na me/ ta thA ga tA ya/ ar+ha te/ saM myak+saM bud+d+hA ya/ tad+ya thA/ oM sa ra sa ra sa ra sa ra/ si ri si ri si ri si ri/ sI rA ya/ d+ha ma d+ha ma d+ha ma d+ha ma/ d+hu ma d+hu ma d+hu ma d+hu ma/ d+hu mA ya/ na mo na maH ka na ka mu na ye/ ta thA ga tA ya/ ar+ha te/ saM myak+saM bud+d+hA ya swAhA/ de nas de bzhin gshegs pa gser thub kyis byang chub sems dpa' nam mkha'i snying po la 'di skad ces bka' stsal to/ /nam mkha'i snying po/ gang la la zhig snying po 'di 'dzin cing rtag tu bzlas brjod byed pa de la mtshon gyi 'jigs pa mi 'byung / me dang / chu dang / lce 'bab pas 'chi ba'i dus byed par mi 'gyur/ dug thams cad kyang zas dang 'dra bar thub par 'gyur/ dus ma yin par 'chi bas 'chi ba'i dus byed par mi 'gyur/ gshis ngan du 'chi bar mi 'gyur ro/ /tshe ring bar 'gyur/ longs spyod che bar 'gyur/ rtag tu de bzhin gshegs pa dang ldan par 'gyur/ de bzhin gshegs pas byin gyis brlab par 'gyur/ dus gsum du bzlas brjod byas na/ sngon gyi las kyi sgrib par gyur pa thams cad byang bar 'gyur ro/ /ci ste pha rol nad las thar bar byed par 'dod na ci nus su gtor ma gtong zhing pog gam/ a ga ru'i bdug pas bdugs la gza' thams cad la khrus bya'o/ /mdze dang / skrangs nad dang / mchin skran la shu dag 'jam 74b po btags pa sbrang rtsi dang bsres te sangs rgyas bcom ldan 'das kyi spyan sngar lan stong rtsa brgyad bsngags te bskus na mdze nad thams cad sos par 'gyur ro/ /zhag bzhi pa la sangs rgyas bcom ldan 'das kyi spyan sngar sna ma'i me tog gi phreng ba la lan stong rtsa brgyad bsngags te mi'i mgo la bcings na zhag bzhi pa'i rims sos par 'gyur ro/ /mtshon btab pa'i rna bar bzlas brjod byas na brjed byed las thar bar 'gyur ro/ /lus srul pos zin pa rnams la sangs rgyas la phul ba'i me tog gis bdug go /de la sogs pa'i las rnams byed de/ las thams cad byad pa zhes bya'o/ /de nas de bzhin gshegs pa 'od srung steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams cad bzlog pa'i phyir gsang sngags kyi gzhi 'di dag bka' stsal to/ /na mo bud+d+hA ya/ na mo d+harmA ya/ na maH saM g+hA ya/ oM ha ra ha ra ha ra/ ha ha ha/ na maH kA sh+ya pA ya/ ta thA ga tA ya/ ar+ha te/ samyak+saM bud+d+hA ya/ si d+h+yan+du man+t+ra pa dai swAhA/ de nas de bzhin gshegs pa 'od srung gis byang chub sems dpa' sems dpa' chen po nam mkha'i snying po la 'di skad ces bka' stsal to/ /nam mkha'i snying po/ snying po 'di na sangs rgyas bcom ldan 'das gang+gA'i klung sum cu rtsa gnyis kyi bya ma snyed dag gis gsungs pa ste/ nam mkha'i snying po/ snying po 'di khyo 75a @#/ /kyis zungs shig /kun chub par gyis shig /gang la la zhig 'dzin tam/ klog gam/ kun chub par byed dam/ nyin mo'am/ mtshan mo lan gsum gsum bzlas rjod byed na mdor na rmi lam na de bzhin gshegs pa mthong bar 'gyur ro/ /de'i las kyi sgrib pa thams cad kyang byang bar 'gyur te/ sngon gyi las ni ma gtogs so/ /las thams cad la'ang sbyor bar bya'o/ /mdze dang / sha bkra la sogs pa la sangs rgyas la phul ba'i me tog la sangs rgyas kyi spyan sngar lan stong rtsa brgyad bsngags te bklags shing bkrus na sos par 'gyur ro// klad pa na ba la sangs rgyas la phul ba'i me tog sangs rgyas kyi spyan sngar bzhag ste/ sangs rgyas kyi spyan sngar lan stong rtsa brgyad bzlas brjod bya'o/ /thams cad du'ang sbyar bar bya'o/ / de nas bcom ldan 'das de bzhin gshegs pa shAkya thub pa steng gi nam mkha' la bzhugs te/ sems can thams cad la phan pa'i don gyi phyir rig sngags 'di dag bka' stsal to| |na mo bud+d+hA ya/ na mo d+harmA ya/ na maH saM g+hA ya/ tad+ya thA/ g+hu me g+hu me ma hA g+hu me/ ta le ta le ma hA ta le/ tsa le tsa le ma hA tsa le/ d+hu re d+hu re ma hA d+hu re/ ti ri ti ri mahA ti ri/ ki li ki li mahA ki li/ tsu ru tsu ru mahA tsu ru/ mi li mi li mahA mi li/ ti li ti li mahA ti li/ d+hu me d+hu me mahA d+hu me/ tsa le tsa le mahA tsa le/ khi ri khi ri ma hA khi ri/ tsi li tsi li ma hA tsi li 75b swAhA/ de nas de bzhin gshegs pa shAkya thub pas byang chub sems dpa' sems dpa' chen po nam mkha'i snying po la 'di skad ces bka' stsal to/ /nam mkha'i snying po/ klad pa'i nad bsal na mtshon dang / lag mthil gyis bya'o/ /sprin bzlog na shing ka ra bI ra'i lcug mas bya'o/ /dug spo na chus bya'o/ /las gzhan rnams kyang bya'o/ /khrus kyi cho gas sbyar bar bya'o/ /cho ga thams cad kyis dus thams cad du sbyar bar bya'o/ /bcom ldan 'das kyis de skad ces bka' stsal nas/ byang chub sems dpa' sems dpa' chen po nam mkha'i snying po yi rangs te/ bcom ldan 'das kyis gsungs pa la mngon par bstod do/ /'phags pa sangs rgyas bdun pa zhes bya ba theg pa chen po'i mdo rdzogs so// |