//'phags pa bsam pa thams cad yongs su rdzogs par byed pa zhes bya ba'i yongs su bsngo ba/ sangs rgyas thams cad kyi zhabs dang / chos dang / dge slong gi dge 'dun la mgo bos phyag 'tshal lo/ /phyogs bcu 164b brjod kyis mi lang ba'i 'jig rten gyi khams na bzhugs pa'i sangs rgyas bcom ldan 'das dang / sa chen por chud pa'i byang chub sems dpa' sems dpa' chen po rnams bdag la dgongs su gsol/ gang bdag gis skye ba 'di dang / skye ba gzhan du na khyim pa'am/ rab tu byung ba ji tsam du 'khor ba'i sngon gyi mtha' ma 'tshal ba nas/ sdig pa mi dge ba'i las bgyis shing bsags pa/ lus dang / ngag dang / yid kyis bgyis pa dang / bgyid du stsal ba dang / bgyid pa la rjes su yi rang ba shes pa'am/ mi shes pa'am/ bsams pa'am/ /ma bsams pa'am/ dran pa'am/ mi dran pa'am/ 'dod chags kyi dbang ngam/ zhe sdang gi dbang ngam/ gti mug gi dbang ngam/ dge ba'i bshes gnyen ma lags pa dang 'drel ba'i dbang ngam/ mi shes pa'i dbang ngam/ yul gyi dbang ngam/ dus su skye ba'i dbang ngam/ yang dag pa'i tshul khrims 'chal ba'am/ sbyor bas tshul khrims 'chal ba'am/ dngos pos tshul khrims 'chal ba'am/ lus kyi rnam gsum dang / ngag gi rnam bzhi dang / yid kyi rnam gsum gyis sangs rgyas dang / chos dang / dge 'dun dang / pha ma dang / mkhan po dang / slob dpon nam/ bla ma gzhan dag la nyes pa bgyis pa'am/ sems can gyi khams lta ba log pa la btsud pa'am/ sems can yang dag pa 165a @#/ /sgrub pa la gnas pa rnams kyi bar chad bgyid pa'am/ dge ba'i rtsa ba rnams log par bsngo bas yongs su bsngo ba'am/ de bzhin gshegs pa la yang dag pa ma yin pa smras pa'am/ chos ma yin pa chos su bstan pa'am/ chos chos ma yin par bstan pa'am/ 'dul ba ma yin pa 'dul bar bstan pa'am/ 'dul ba 'dul ba ma yin par bstan pa'am/ lam ma yin pa lam du bstan pa'am/ lam lam ma yin par bstan pa'am/ sgrib pa gang gis bsgribs nas bdag mi dge ba'i chos mngon du 'gyur zhing dge ba'i phyogs la sems yang dag par mi gnas pa'am/ sgrib pa gzhan gyis bsgribs nas blo g.yeng bar 'gyur ba'am/ sems g.yeng bar 'gyur ba'i nongs pa gang lags pa de dag thams cad nongs pa bshags par bgyi'o/ /ji ltar byis pa/ ji ltar blun pa/ ji ltar mi gsal ba/ ji ltar mi mkhas pa/ ji ltar 'chal ba'i shes rab kyi rang bzhin can de ltar nongs pa nongs par bshags par bgyi'o/ /nongs pa nongs par bshags nas phyis sdom pa blangs shing yang de ltar mi bgyi ste/ de ltar lan gnyis/ de ltar lan gsum du'o/ /yang sangs rgyas bcom ldan 'das de dag bdag la dgongs su gsol/ gang sangs rgyas thams cad sngon byang chub sems dpar 165b gyur pa rnams kyis pha rol tu phyin pa drug yongs su rdzogs par mdzad pa/ 'di lta ste/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyis bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor/ chos kyi dung kun nas bus/ chos kyi rnga rab tu brdungs/ chos kyi sgron ma 'bar bar mdzad/ chos dang mthun par chos sgrub pa dag la sems can gyi khams rab tu btsud/ dam pa'i chos kyi tshul rab tu bstan cing dge ba'i rtsa ba gang gis rang sangs rgyas rnams rang sangs rgyas nyid rtogs par 'gyur ba dang / dge ba'i rtsa ba gang gis nyan thos rnams nyan thos nyid rtogs par 'gyur zhing rig pa gsum dang / mngon par shes pa drug rtogs par 'gyur ba dang / so so yang dag par rig pa mngon du 'gyur zhing bsam gtan dang / rnam par thar pa dang / ting nge 'dzin dang / snyoms par 'jug pa dang / dge ba'i rtsa ba gang gis sems can rnams kyi sems can dmyal ba dang / dud 'gro'i skye gnas dang / gshin rje'i 'jig rten ngan song ngan 'gro log par ltung ba las yang dag par 'da' ba dang / 'dod chags dang / zhe sdang dang / gti mug nyon mongs pa dang / nye ba'i nyon mongs pa 166a @#/ /spong ba dang / tshe ring ba dang / gnod pa chung ba dang / mdog bzang ba dang / gzugs bzang ba dang / gzi brjid che ba dang / dbang che ba dang / rigs mtho ba dang / longs spyod che ba dang / shes rab che ba dang / mi dge ba'i rtsa ba thams cad spangs pa dang / dge ba'i rtsa ba thams cad dang ldan pa dang / tha na phyag gcig 'tshal ba dang / thal mo gcig sbyor ba dang / me tog gcig 'bul ba dang / sems dang ba gcig tsam skyed pa'i sems can gang lags pa de dag thams cad la rjes su yi rang ste/ rjes su yi rang ba'i mchog gis rjes su yi rang ngo / /gtso bo dang / dam pa dang / ra ba dang / phul dang / bla na ma mchis pa dang / gong nam mchis pa dang / gong ma'i yang gong ma dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / nam mkha' ltar dag cing yongs su dag pa'i rjes su yi rang bas rjes su yi rang ngo / /gang dag gis chos thams cad yang dag par thugs su chud nas chos la dgyes pa dang / chos la nges pa dang / dge ba'i rtsa ba thams cad skyed pa dang / 'gro ba thams cad yongs su skyob pa dang / yon tan thams cad yongs su skyong zhing yongs su bsngo ba dang / chos kyi phung po stong phrag kun 166b dang| bsam gtan dang / rnam par thar pa dang / ting nge 'dzin dang / snyoms par 'jug pa thams cad dam bcas pa dang / smon lam dang / zag pa zad pa shes pa dang| ston pa dang / bag la nyal dang / khams dang / rang bzhin shes pa yang dag par thugs su chud la/ chud nas kyang sems can gyi khams bka' blo mi bde bar mkhyen nas thugs khral chung dur thugs 'jog par mdzad cing chos ston par mi mdzad pa de dag la bdag skul ma 'debs te/ skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo'i tshogs mang po'i don dang / lha dang / mi rnams la sman pa dang / bde ba'i slad du dam pa'i chos bshad du gsol/ chos kyi 'khor lo rab tu bskor du gsol/ chos kyi dung kun nas bud du gsol/ chos kyi rnga brdung du gsol/ chos kyi sgron ma 'bar bar mdzad du gsol/ chos dang mthun par chos sgrub pa dag la sems can gyi khams rab tu dgod du gsol/ gang dag tshe la dbang ba/ sprul pa la dbang ba/ byin gyi rlabs la dbang ba/ rdzu 'phrul la dbang ba sems can gdul ba'i tshogs smin par mdzad pa dbang du gyur pa/ dbang du ma gyur pa rnams la yongs su mya ngan las 'da' bar thugs gzhol zhing sku tshe 'dor bar 167a @#/ /mdzad pa de dag la bdag gsol ba 'debs te/ skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo'i tshogs mang po'i don dang / lha dang / mi rnams la sman pa dang / bde ba'i slad du sku tshe'i 'du byed rnams byin gyis brlab tu gsol/ gang bdag gis 'khor ba'i sngon gyi mtha' ma 'tshal ba nas dge ba'i rtsa ba bgyis shing bsags pa lus dang / ngag dang / yid kyis bgyis pa dang / bgyid du stsal ba dang / bgyid pa la rjes su yi rang ba| sbyin pa las byung ba'i bsod nams bya ba'i dngos po dang / tshul khrims las byung ba dang / bsgoms pa las byung ba'i bsod nams bya ba'i dngos po dang / tha na sems can gcig gi sems dang ba gcig tsam bskyed par gyur pa gang lags pa de dag thams cad sems can thams cad la yongs su bsngo bar bgyi'o/ /dge ba'i rtsa ba 'dis sems can thams cad kyi dge ba'i rtsa ba thams cad yongs su rdzogs par gyur cig /tshe ring ba dang / gnod pa chung ba dang / mdog bzang ba dang / gzugs bzang ba dang / gzi brjid che ba dang / dbang che ba dang / rigs mtho ba dang / longs spyod che ba dang / shes rab che ba dang / rdzas dang / sngags dang / sman rnyed pa dang / 167b dge ba'i bshes gnyen dang phrad pa dang / dam pa'i chos nyan pa dang / tshul bzhin yid la byed pa dang / chos dang mthun pa'i chos sgrub pa dang / 'dod chags dang / zhe sdang dang / gti mug nyon mongs pa dang / nye ba'i nyon mongs pa spong ba dang / sems can dmyal ba dang / dud 'gro'i skye gnas dang / gshin rje'i 'jig rten ngan song ngan 'gro log par ltung ba las yang dag par 'da' ba dang / bsam gtan dang / rnam par thar pa dang / ting nge 'dzin dang / snyoms par 'jug pa thams cad thob pa dang / lus las byung ba dang / sems las byung ba'i yid mi bde ba las yang dag par 'da' ba dang / bde ba dang / yid bde ba thams cad 'thob pa dang / nyan thos kyi yon tan gyi mchog nyid dang / rang sangs rgyas kyi yon tan gyi mchog nyid dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang / dga' ba chen po dang / btang snyoms chen po dang / bag chags 'joms pa dang / bsnyel ba mi mnga' ba'i chos nyid dang / thams cad mkhyen pa nyid dang / rnam pa thams cad mkhyen pa nyid dang / ye shes mi zad pa nyid dang / shes rab mi zad pa nyid dang / spobs pa mi zad pa nyid dang / bsod nams mi zad pa nyid dang / nam 168a @#/ /mkha' mdzod nyid dang / lag na rin po che nyid dang / bla na med pa thams cad mkhyen pa'i ye shes 'thob pa dang / gzhan yang / 'jig rten dang / 'jig rten las 'das pa'i dge ba'i rtsa ba gang dang / gang lags pa de dag sems can thams cad la yang dag par grub par gyur cig /gang sems can thams cad la dge ba'i rtsa ba bsngo ba bgyis pa dge ba'i rtsa ba bsngos pa de las bsod nams kyi 'bras bu yod pa gang lags pa'i dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas nas sems can ma brgal ba rnams ni bsgral bar bgyi'o/ /ma grol ba rnams ni dgrol bar bgyi'o/ /dbugs ma byin pa rnams ni dbugs 'byung bar bgyi'o/ /mya ngan las ma 'das pa rnams ni yongs su mya ngan las bzla bar bgyi'o/ /sman pa dang / bde ba'i mtha'i gnas kyi gzhi la rab tu dgod par bgyi ste/ de ltar lan gnyis lan gsum du'o/ /'phags pa bsam pa thams cad yongs su rdzogs par byed pa zhes bya ba'i yongs su bsngo ba rdzogs so// |