rKTs


H312

(e-text produced by ACIP)

see text in Tibetan script
237b
rgya gar skad du/ a ni t+ya tA sU tra/ bod skad du/ mi rtag pa nyid kyi mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang thabs gcig tu bzhugs te| de nas bcom ldan 'das kyis dge slong rnams la bka' stsal pa/ dge slong dag /chos bzhi po 'di dag ni 'jig rten thams cad la sdug pa/ dben pa/ phangs pa/ yid du 'ong ba/ mngon par dga' bar bya'o/ /bzhi gang zhe na/ dge slong dag /nad med pa ni 'jig rten thams cad la sdug pa/ dben pa/ phangs pa/ yid du 'ong bar mngon par dga'
238a
@#/ /bar bya ba'o/ /nad med pa de'i mtha' yang nad yin te/ dge slong dag /nad ni 'jig rten thams cad la mi sdug pa/ mi dben pa/ mi phangs pa/ yid du mi 'ong ba mngon par dga' bar bya ba ma yin pa'o/ /dge slong dag /lang tsho ni 'jig rten thams cad la sdug pa/ dben pa/ phangs pa/ yid du 'ong ba mngon par dga' bar bya ba'o/ /lang tsho 'di'i mtha' yang rga ba yin te/ dge slong dag /rga ba ni 'jig rten thams cad la mi sdug pa/ mi dben pa/ mi phangs pa/ yid du mi 'ong ba mngon par dga' bar bya ba ma yin pa'o/ /dge slong dag /'byor ba ni 'jig rten thams cad la sdug pa/ dben pa/ phangs pa/ yid du 'ong ba mngon par dga' bar bya ba'o/ /'byor pa de'i mtha' yang rgud pa yin te/ dge slong dag /rgud pa ni 'jig rten thams cad la mi sdug pa/ mi dben pa/ mi phangs pa/ yid du mi 'ong ba mngon par dga' bar bya ba ma yin pa'o/ /dge slong dag /srog ni 'jig rten thams cad la sdug pa/ dben pa/ phangs pa/ yid du 'ong ba mngon par dga' bar bya ba'o/ /srog de'i mtha' yang 'chi ba ste/ dge slong dag /'chi ba ni 'jig rten thams cad la mi sdug pa/ mi dben pa/ mi phangs pa/ yid du mi 'ong pa/ mngon par dga' bar bya ba ma yin pa'o/ /bcom ldan 'das kyis de
238b
skad ces bka' stsal te/ bde bar gshegs pas de skad gsungs nas/ ston pas gzhan yang 'di skad bka' stsal to/ /nad med mi rtag lang tsho rtag ma yin/ /'byor pa mi rtag srog byang rtag ma yin/ /skye bo mi rtag nyid kyis nyen gyur na/ /'dod pa'i yon tan dga' ba ji ltar skye/ /bcom ldan 'das kyis de skad ces bka' stsal nas/ dge slong de dag yi rangs ba| bcom ldan 'das kyis gsungs pa la mngon par bstod do/ /mi rtag pa nyid kyi mdo rdzogs so// //rgya gar gyi mkhan po su ren+d+ra bo d+hi dang / zhus chen gyi lots+tsha ba ban+de zhang ye shes sdes bsgyur cid zhus nas skad gsar bcad kyis kyang bsnan nas gtan la phab pa//