rgya gar skad du/ AR+Ya bai shA lI pra be sha mahA sU tra/ bod skad du/ 'phags pa yangs pa'i grong khyer du 'jug pa'i mdo chen po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 'dam bu'i khrod na gzings pa'i 'dug gnas na bzhugs te/ de nas 242b bcom ldan 'das kyis tshe dang ldan pa kun dga' bo la bka' stsal pa/ kun dga' bo/ yangs pa'i grong khyer ga la ba der 'dong ngo / /btsun pa/ de ltar bgyi'o zhes gsol nas| tshe dang ldan pa kun dga' bos bcom ldan 'das kyi ltar nyan to/ /de nas bcom ldan 'das yul bri dzir rgyu zhing gshegs te/ yangs pa'i grong khyer du byon nas/ yangs pa'i grong khyer gyi a mra srung ba'i tshal na bzhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ yangs pa'i grong khyer du song la phyin nas sgo'i them pa la rkang pa zhog ste/ gsang sngags kyi gzhi 'di dag dang / tshigs su bcad pa 'di dag smros shig /bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse bar can gyis bka' stsal to/ /sangs rgyas thams cad kyis dgongs pa/ rang sangs rgyas kyis bsams pa/ dgra bcom pa thams cad kyis bsams pa| slob pa thams cad kyis bsams pa/ nyan thos thams cad kyis bsams pa/ bden pa'i tshig dang ldan pa thams cad kyis bsams pa/ chos kyis bsams pa/ tshangs pas bsams pa/ tshangs pa so sos bsams pa/ 'dod pa'i dbang phyug gis bsams pa/ dbang pos bsams pa/ lhas bsams pa/ lha ma yin gyi dbang pos bsams pa/ lha ma 243a @#/ /yin thams cad kyis bsams pa/ lha ma yin gyi mngag gzhug pas bsams pa/ 'byung po thams cad kyis bsams pa/ bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ /mun ts+tsha ta/ mun ts+tsha ta/ ma 'dug cig /yams kyi nad rnam par zhi bar gyur cig /nir gats+tsha ta/ nir gats+tsha ta/ nir gats+tsha ta/ nir gats+tsha ta/ sangs rgyas lha chen po lha'i yang lha/ lha'i bla ma'ang gshegs shing / dbang po dang bcas pa'i lha rnams dang / tshangs pa dang bcas pa'i lha rnams dang / skye dgu'i dbang po dang bcas pa rnams dang / 'jig rten skyong ba bzhi po dag kyang 'ong / lha 'bum phrag du ma dag dang / lha ma yin gyi dbang po rnams dang / lha ma yin 'bum phrag du ma dag kyang 'ong / bcom ldan 'das la mngon par dad pa'i 'byung po 'bum phrag du ma dag kyang sems can thams cad kyi don gyi phyir 'ong ste| de dag gis khyed rnams la gnod pa chen po byed par 'gyur du 'ong gi /nir gad ts+tsha ta/ nir gad ts+tsha ta/ nir gad ts+tsha ta/ nir gad ts+tsha ta/ myur du byer cig /khyed cag las gang dag sdang ba'i sems dang ldan pa de dag ni phung bar gyur cig /gang dag byams pa'i sems dang ldan zhing nyes par mi 'dod la srung bar 'jug par 'dod pa de dag ni 243b 'khod cig /lus la'ang 'jug par gyis shig /sangs rgyas 'jig rten la thugs brtse ba can gyis bka' stsal pa/ su mu/ su mu/ su mu/ su mu/ su mu/ su mu/ su mu ru/ su mu ru/ su mu ru/ su mu ru/ su mu ru/ su mu ru/ su mu ru/ su mu ru/ mu ru/ mu ru/ mu ru/ mu ru/ mu ru/ mu ru/ mu ru/ mu ru/ mi ri/ mi ri/ mi ri/ mi ri/ mi ri/ mi ri/ mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ri mi ri/ mu ri mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu rU ri ti/ ri ri| ri ri/ ri ri/ rI rI/ rI rI/ rI rI ti/ mi ri/ mi ri/ mi ri/ mi ri ti/ hi si mi ri/ mi ri ti/ mi ri si/ sI sI mi/ kang ka rA/ ka ra ka ta/ kang ka rA/ ka ra ka tsa/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka ro ti ti/ ku ri sho /kang ka ra/ kang ka ka ri shi/ ri ri/ ri ri/ ri ri/ hi ri ta phu sa/ ri pu/ ri pu/ ri pu/ ri pu/ ri pu/ ri pu/ ri pu/ ri pu/ nA thA/ nA nA/ thA thA/ ri pu ri pu/ nA thA tha/ ni ra gad tsha ta/ nir gad tsha ta/ ri pu/ ri pu/ nir gad tsha ta/ pa lA ya ta/ ri pU/ ri pU/ pA lA ya ta/ sangs rgyas 'jig rten la thugs brtse ba can/ sems can thams cad la phan par lhag par dgongs 244a @#/ /pa dang ldan pa/ byams pa la gnas pa/ thugs rje dang ldan pa/ dga' ba la gnas pa/ btang snyoms la gnas pa gshegs kyi/ k+Shi phran nir gad ts+tsha ta swAhA/ sangs rgyas kyi ye shes kyi mchog dang / chos nyid kyis lha thams cad dang / 'byung po thams cad la bka' stsal pa'i gsang sngags gzhi 'di dag ni 'grub bo/ /tshigs su bcad pa 'di dag ni 'grub bo/ /gang la ser sna rnams chags pa/ /rnam bcom dri ma med mdzad cing / /thugs zhi gnod pa mi mnga' de/ /khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa de/ /khyed la bde legs mdzad par 'gyur/ /ston pa rgyu ba rnams kyi rten/ / sems can kun gyi don gyi phyir/ /gang gis bde ba mnga' mdzad de/ /khyed la bde legs mdzad par 'gyur/ /skyob pa gang zhig byams pa yis/ /thugs kyi 'gro ba 'di dag kun/ /bu gcig bzhin du rtag bskyangs de/ /khyed la bde legs mdzad par 'gyur/ /gang zhig 'khor bar 'khor ba yi/ /sems can kun gyi rten gyur cing / /gling dang dpung gnyen gyur pa de/ /khyed la bde legs mdzad par 'gyur/ /gang zhig chos kun mngon sum gyur/ /gtsang zhing slu ba mi mnga' la/ /gsung gtsang gtsang mar mdzad 244b pa de/ /khyed la bde legs mdzad par 'gyur/ /dpa' bo chen po gang skyes pas/ /phun sum tshogs don 'byor gyur cing / /don grub tshogs kyang grub pa de/ /khyed la bde legs mdzad par 'gyur/ /gang zhig skyes pas sa rnams ni/ /nags tshal bcas par rab g.yos shing / /sems can thams cad rab dga' de/ /khyed la bde legs mdzad par 'gyur/ /byang chub snying por gang zhig gis/ /sa dag rnam drug g.yos gyur cing / /bdud yid mi bder gyur pa de/ /khyed la bde legs mdzad par 'gyur/ /chos kyi 'khor lo bskor ba na/ /'phags pa'i bden pa rnam gsungs pa/ /thung pa'i snyan pa gang byung de/ /khyod la bde legs mdzad par 'gyur/ /yid 'phrog gang gis mu stegs byed/ / thams cad chos kyis pham mdzad cing / /tshogs kun dbang du mdzad pa de/ /khyed la bde legs mdzad par 'gyur/ /sangs rgyas khyed la bde legs mdzad/ /brgya byin lhar bcas bde legs dang / /'byung po kun gyis bde legs ni/ /khyed la rtag tu sbyin gyur cig /sangs rgyas bsod nams mthu dag dang / /lha rnams kyis ni bsams pa yis/ /khyed rnams don 'dod gang yin pa/ /don de de ring grub gyur cig /rkang gnyis khyed cag bde legs shog /rkang bzhi khyed cag bde legs 245a @#/ /shog |khyed cag lam 'gro bde legs shog /phyir 'ong dag kyang bde legs shog /nyin mo bde legs mtshan bde legs/ /nyi ma'i gung la'ang bde legs shing / /khyed cag kun tu bde legs shog /khyed cag sdig par ma gyur cig /sangs rgyas lha rnams stong dag gis/ /yongs su bskor te gshegs mdzad kyi/ /sdang sems ldan pa rnams byer cing / /snying rje'i bdag nyid can rnams 'khod/ /sangs rgyas rang sangs rgyas rnams dang / /dgra bcom slob pa'i bden tshig gis/ /'jig rten mi phan byed pa rnams/ /grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' zhig ldan gyur cig /thams cad nad rnams med par shog /kun gyis bzang rnams mthong gyur cig /gang yang sdig par ma gyur cig /'byung po gang dag 'dir ni lhags gyur cing / /sa dang bar snang dag la gnas pa rnams/ /skye dgu rnams la rtag tu byams byed shog /nyin dang mtshan du chos kyang spyod gyur cig /de skad cas bka' stsal nas/ tshe dang ldan pa kun dga' bos/ btsun pa/ de bzhin bgyi'o zhes gsol te/ bcom ldan 'das kyi ltar mnyan nas yangs pa'i grong khyer du song ste 245b sgo'i them pa la rkang pa bzhag nas/ gsang sngags gzhi dag dang / tshigs su bcad pa 'di dag kyang smras so/ /bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ /sangs rgyas thams cad kyis dgongs pa/ rang sangs rgyas thams cad kyis bsams pa/ dgra bcom pa thams cad kyis bsams pa/ slob pa thams cad kyis bsams pa/ nyan thos thams cad kyis bsams pa/ bden pa'i tshig dang ldan pa thams cad kyis bsams pa/ chos thams cad kyis bsams pa/ tshangs pas bsams pa/ tshangs pa so sos bsams pa/ 'dod pa'i dbang phyug gis bsams pa/ dbang pos bsams pa/ lhas bsams pa/ lha ma yin gyi dbang pos bsams pa/ lha ma yin thams cad kyis bsams pa/ lha ma yin gyi mngag gzhug pas bsams pa/ 'byung po thams cad kyis bsams pa/ bi sa ra ta/ bi sa ra ta| bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ /mun tsa ta/ mun tsa ta/ yams kyi nad rnams zhi bar gyur cig / nir gats+tsha ta/ nir gats+tsha ta/ nir gats+tsha ta/ nir gats+tsha ta/ sangs rgyas lha chen po/ lha'i yang lha/ lha'i bla ma gshegs shing / dbang po dang bcas pa'i lha rnams 246a @#/ /dang| tshangs pa dang bcas pa'i lha rnams dang / dbang bdag dang bcas pa rnams dang / skye dgu'i bdag po dang bcas pa rnams dang / 'jig rten skyong ba bzhi po dag kyang 'ong / lha stong phrag du ma dag dang / lha ma yin gyi dbang po rnams dang / lha ma yin stong phrag du ma dag kyang 'ong / bcom ldan 'das mngon par dad pa'i 'byung bo brgya stong mang po dag kyang / sems can thams cad kyi don gyi phyir 'ong ste/ de dag khyed la gnod pa chen po byed par 'gyur gyi/ nir gats+tsha ta/ nir gats+tsha ta/ nir gats+tsha ta/ nir gats+tsha ta/ myur du byer cig /khyed cag las gang dag sdang ba'i sems dang ldan pa de dag ni phung bar gyur cig /gang dag byams pa'i sems dang ldan zhing nyes par mi 'dod la srung bar 'jug par 'dod pa de dag ni 'khod cig /lus la'ang 'jug par gyis shig /sangs rgyas 'jig rten la thags brtse ba can gyis bka' stsal ba/ su mu/ su mu/ su mu/ su mu/ su mu/ su mu ru/ su mu ru/ su mu ru/ su mu ru/ su mu ru/ su mu ru/ su mu ru/ su mu ru/ mu ru/ mu ru/ mu ru/ mu ru/ mu ru/ mu ru/ mu ru/ mu ru/ mi ri/ mi ri/ mi ri/ mi ri/ mi ri/ mi ri/ mi 246b ri| mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru ri ti/ ri ri/ ri ri/ ri ri/ rI rI/ rI rI/ rI rI ti/ mi ri/ mi ri/ mi ri/ mi rI ti/ hi si mi ri mi ri si/ sI si mi/ kang ka rA/ ka ra ka ta/ kang ra ka ra/ ka ra ka tsa/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ra/ kang ka ro tI ti/ ku ri sho/ kang ka rA/ kang ka ri shi/ ri ri/ ri ri/ ri ri/ ti ri ta phu sA/ ri phu/ ri phu/ ri phu/ ri phu/ ri phu/ ri phu/ ri phu/ ri phu/ na thA/ nA nA/ thA thA/ ri pU/ ri pU/ nA thA thA/ nir gats+tsha ta/ nir gats+tsha ta/ ri pu/ ri pu/ nir gats+tsha ta/ pa lA yA ta/ ri pU/ ri pU/ pa la yA tA/ sangs rgyas 'jig rten la thugs brtse ba can/ sems can thams cad la phan par lhag par dgongs pa dang ldan pa/ byams pa la gnas pa/ thugs rje dang ldan pa/ dga' ba la gnas pa/ btang snyoms la gnas pa gshegs kyi/ k+Shi phran nir gats+tsha ta swAhA/ sangs rgyas kyi ye shes kyi mchog dang / chos nyid 247a @#/ /kyis lha thams cad dang / 'byung po thams cad la bka' stsal pa'i gsang sngags gzhi 'di dag ni grub pa'o/ /tshigs su bcad pa 'di dag ni grub pa'o/ /gang la ser sna rnams chags pa/ /rnam bcom dri ma med mdzad cing / /thugs zhi gnod par mi mnga' de/ /khyed la bde legs mdzad par 'gyur/ / 'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa de/ /khyed la bde legs mdzad par 'gyur/ /ston pa rgyu ba rnams kyi rten/ /sems can kun gyi don gyi phyir/ /gang gis bde ba mnga' mdzad de/ /khyed la bde legs mdzad par 'gyur/ /skyob pa gang zhig byams pa yi| |thugs kyis 'gro ba 'di dag kun/ /bu gcig bzhin du rtag bskyangs de/ /khyed la bde legs mdzad par 'gyur/ /gang zhig 'khor bar 'khor ba yi/ / sems can kun gyi rten gyur cing / /gling dang dpung gnyen gyur pa de/ /khyed la bde legs mdzad par 'gyur/ /gang zhig chos kun mngon sum gyur/ /gtsang zhing slu ba mi mnga' la/ /gsung gtsang gtsang mar mdzad pa de/ /khyed la bde legs mdzad par 'gyur/ /dpa' bo chen po gang skyes pas/ /phun sum tshogs 247b don 'byor gyur cing / /don grub tshogs kyang grub pa de/ /khyed la bde legs mdzad par 'gyur/ /gang zhig skyes pas sa rnams ni/ /nags tshal bcas par rab g.yos shing| |sems can thams cad rab dga' de/ /khyed la bde legs mdzad par 'gyur/ /byang chub snying por gang zhig gis/ /sa dag rnam drug g.yos gyur cing / /bdud yid mi bder gyur pa de/ /khyed la bde legs mdzad par gyur/ /chos kyi 'khor lo bskor ba na/ /'phags pa'i bden pa rnam gsungs pa/ /thub pa'i snyan pa gang byung de| |khyed la bde legs mdzad par 'gyur/ /yid 'phrog gang gis mu stegs byed/ /thams cad chos kyis pham mdzad cing / /tshogs kun dbang du mdzad pa de/ / khyed la bde legs mdzad par 'gyur/ /sangs rgyas khyed la bde legs mdzad/ /brgya byin lhar bcas bde legs dang / /'byung po kun kyang bde legs ni/ /khyed la rtag tu sbyin gyur cig /sangs rgyas bsod nams mthu dag dang / /lha rnams kyis ni bsams pa yi/ /khyed kyi don 'dod gang yin pa/ /don de de ring 'grub gyur cig |rkang gnyis khyed cag bde legs shog /rkang bzhi khyed cag bde legs shog /khyed cag lam 'gro bde legs shog /phyir 'ong rnams kyang bde legs shog /nyin 248a @#/ /mo bde legs mtshan bde legs/ /nyi ma'i gung la'ang bde legs shing / /khyed cag kun tu bde legs shog /khyed cag sdig par ma gyur cig /sangs rgyas lha rnams stong dag gis/ /yongs su bskor te gshegs mdzad kyi/ /sdang sems ldan pa rnams byer cig /snying rje'i bdag nyid can rnams 'khod/ /sangs rgyas rang sangs rgyas rnams dang / /dgra bcom slob pa'i bden tshig gis/ /'jig rten mi phan byed pa rnams/ /grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' zhig ldan gyur cig /thams cad nad rnams med par shog |kun gyis bzang rnams mthong gyur cig /gang yang sdig par ma gyur cig /'byung po gang dag 'dir ni lhags gyur cing / /sa dang bar snang dag na gnas pa rnams/ /skye dgu rnams la rtag tu byams byed shog /nyin dang mtshan du chos kyang spyod gyur cig /'phags pa yangs pa'i grong khyer du 'jug pa'i mdo chen po rdzogs so// |