rKTs


H326

(e-text produced by ACIP)

see text in Tibetan script
308b
//rgya gar skad du/ pra se na dzi ta gA thA/ bod skad du/ gsal rgyal gyi tshigs su bcad pa/ dkon mchog gsum la phyag 'tshal lo/ /rgyal po gsal rgyal gdugs dang cod pan dang / /rnga yab ral gri
309a
@#/ /nor bu lham bzhag ste/ /thal mo sbyar te legs par phyag btsal nas/ /'jig rten mgon po la ni zhu ba zhus/ /phan bar dgongs pa thugs rje'i bdag nyid can/ /de bzhin gshegs rnams mya ngan 'das pa na/ /mchod pa bgyis pas bla mchog ji lta bur/ /srid pa gzhan du mi rnams bde ba thob/ /bcom ldan mi yi seng ge snga phyi'i mtha'i/ /chos rnams kun la mngon sum spyad gyur pas/ /kun dga' bzang pa yi ni mngon sum du/ /gsal rgyal zhus lan 'di dag bka' stsal pa/ /ji ltar mchod rten dag la mi rnams kyis/ mchod pa byas pas srid pa gzhan dag tu/ /rnam smin 'dod pa sna tshogs ci thob pa/ /zhus pa'i don de rgyal pos mnyan par gyis// bcom ldan 'das kyi mchod rten rnams dang ni/ /sku gzugs rnams la rdul phran ci song ba/ /de yi grangs snyed de byed mi rnams kyi/ /lha yul sa steng nges par rgyal srid 'thob// gzugs dang gzugs med khams kyi ting nge 'dzin/ /phun sum tshogs pa'i sa mchog kun myong nas/ /tha mar skye dang rga la sogs pa yi/ /sdug bsngal med pa'i sangs rgyas go 'phang 'thob/ /su dag 'di ni rgyal ba'i gzugs byed pa/ /de dag gzugs bzang yid 'ong yon tan ldan/ /dbang po bsdams shing 'od 'bar nyi ma bzhin/ /'jig
309b
rten dag na mig tu sdug par 'gyur/ /su dag bde bar gshegs pa'i gzugs byed pa/ /de yi lus ni dri ma med pa dang / /pad+ma'i snying po lta bur 'jam zhing yangs/ /nad dang mya ngan sdug bsngal 'jigs las thar/ /su zhig 'jig rten mgon po'i gzugs byed pa/ /bran du mi skye ma dag gzhug skye mi 'gyur/ /dbul por mi 'gyur rigs dman mi 'gyur zhing / /dbang po rnams kyang nyams par yang mi 'gyur/ /thub dbang mchod rten byed pa'i mi rnams ni/ /mya ngan yongs mod lus kun brten pa dang / /longs spyod mchog ldan rin chen mdzod mang ldan/ /dgra yi tshogs rnams kyang ni thub par 'gyur/ /rgyal ba'i mchod rten srog shing phul ba yis/ /chos dang rjes mthun chos la sgrub pa dang / /tshul khrims thos dang bzod pa'i mchog dang ldan/ /'jig rten dag na don kun grub par 'gyur/ /mchod rten mchog la gdugs brtsegs phul ba yis// lha dang mi yi nang na skye ba dang / /sred med bu yi lus 'dra lus kun brtan/ /bkur sti bya ba'i yon tan ldan par 'gyur/ /thub dbang mchod rten rdo thal byugs pa yis/ / lha mi'i 'jig rten dag na tshe ring zhing / /lus sems nad dang mya ngan byed spangs te/ /rtag tu skyid cing nor gyis phyug par 'gyur/ /gser dngul spa ba'i glegs mos
310a
@#/ /g.yogs pa yi/ /thub pa'i dbang po mchod rten byas pa yis/ /mi rnams srid pa'i khyad par gzhan dag tu/ /lus mkhregs 'od kyang 'bar zhing mdzes par 'gyur/ /su dag la la mchod rten sku gzugs la/ /dad pa'i sems kyis bla re 'bul byed pa/ /de dag sa steng rgya mtsho'i mthas klas pa/ /ma lus gnod med rgyal gcig dbang byed 'gyur/ /bde gshegs mchod rten dag la dga' bzhin du/ /rnam mang rgya chen gdugs ni btags pa yis/ /lha mi'i 'jig rten dag na gdugs 'dra ba/ /lha dang mi yi dbang po lta bur 'gyur/ /mi rnams su dag sku gdung snying po can/ /dri med bsod nams 'byung gnas gyur pa la/ /ba dan mdzes pa sna tshogs 'dogs pa dang / /mthu dang ldan zhing srid gsum mchod gnas 'gyur/ /bde gshegs mchod rten cod pan btags pa yis/ /mi dbang dpal dang lha dbang dpal thob cing // bde ba'i mchog kyang nyams su myong gyur nas/ /rnam par grol ba'i cod pan khyad par 'thob/ /rgyal ba'i mchod rten dag la dril phul bas/ /tshig btsan grags pa chen po dag dang ldan/ /tshangs pa'i sgra dbyangs yid 'ong skye ba dran/ /de dag gis ni rgyan rnams sna tshogs 'thob/ /mkhas pa su dag bde gshegs mchod rten la/ /
310b
dad pa'i sems kyis phreng ba 'dogs byed pa/ /gser phreng rin chen mang pos legs spras pa/ /bsod nams las ldan de yi mgo la thogs/ /ston pa'i mchod rten dag la rgyan 'phyang 'dogs/ /de dag do shal rgyan phreng nor bu dang / /gdu bu dag dang dpung rgyan mchog rnams kyis/ /lus brgyan 'jig rten dag na rgyu bar 'gyur/ /su dag bde bar gshegs pa'i mchod rten la/ /sa dang lci bas nyug pa de dag ni/ /lha dang mir skye lus mdog sdug pa dang / /rnam dag rma med bde dang ldan par 'gyur/ /thub dbang mchod rten byi dor byas pa yis/ /shin tu blta na sdug cing mig tu mdzes/ /byed bzhin bzang zhing pad+mo'i mdog dang ldan/ /srid pa'i skyon rnams dang yang 'bral bar 'gyur/ /su dag spos mchog sbyar ba'i 'bru mar gyis/ /bde bar gshegs pa'i mchod rten nyug byed pa/ /de dag spos kyis mchod cing tsan dan gyis/ /lus byugs nyi ma'i 'od dang 'dra bar 'gyur/ /mi rnams gang dag thub dbang mchod rten la/ /spos chu gtsang zhing dad pas khrus gsol pa/ /de dag lus la dri ma med pa dang / / gdung ba med cing mdog 'jam mya ngan med/ /su zhig sangs rgyas mchod rten sku gzugs khang / /tshon rtsi sna tshogs dag gis mdzes byed pa/ /de ni bde gshegs mnga'
311a
@#/ /ba'i yon tan rnams/ /sna tshogs ldan pa kun gyis brtsegs par 'gyur/ /su dag dpyid ka'i dus su gtsang ma'i chus/ /mchod rten nye 'khor rdul rnams zhi byed pa/ /de la bud med rnams ni dga' bzhin du/ /rdul yab gser gyi yu ba can gyi g.yo ba/ /dkon mchog gsum phyir mi rnams gang dag gis/ /'phags pa dgyes pa'i dkyil 'khor byas pas ni/ /rkang pas sor mo dra bas 'brel ba dang / /yan lag thams cad kyang ni skyon med 'gyur/ /su dag dkon mchog gsum la me tog dang / /'bras bu gser thog byung ba 'bul byed pa/ /de dag 'gro ba rnams su 'khor ba na/ /ro mchog kun thob mi rdzi stobs dang ldan/ /phreng ba rgyan chen me tog char rnams kyis/ /su dag 'dir ni rgyal ba'i gzugs la mchod/ /de dag lha dang mi yi 'jig rten du/ /chu byad yid 'ong sna tshogs legs par brgyan/ /sangs rgyas mchod rten dag la dri zhim phul/ /bdug spos rgya chen mang po ldan sbyar dang / /a ga ru yi bdug spos phul ba yis/ /de yi lus kun spos dang ldan par 'gyur/ /su dag bde bar gshegs pa'i mchod rten la/ /dga' bzhin rnga yab rnams ni 'bul byed pa/ /thugs dga' rgyal rnams snying rje rnga yab thogs/ /che ba de la cher yang g.yob par byed/ /
311b
shin tu dri med zla ba nya 'dra ba'i/ /me long sdug gu thams cad mkhyen la 'bul/ /de dag tshe rabs brgyud pa rnams su yang / /lha mi rnams kyis blta bar 'os par 'gyur/ /su dag bde bar gshegs pa'i mchod rten la/ /mchod pa'i khyad par ci yod ci 'byor pa/ /'tsham par 'bul byed de dag dri med cing / /mya ngan med pa'i bla med byang chub thob// mi rnams gang dag sangs rgyas mchod rten nam/ /sku gzugs dag la mgos btud gus phyag 'tshal/ /de dag lha rnams dang ni mi rnams kyis/ /cher yang che bar bkur ba'i gnas su 'gyur/ /su zhig dang pas thub pa'i mchod rten nam/ /sku gzugs dag la skor ba byed pa de/ /phyi ma'i tshe la dgra chen rnams kyis btud/ /bzang po'i snod 'gyur yon tan rnams dang ldan/ /mi rnams su dag dga' bzhin gus pa yis/ /bla med mchod rten rnams dang sku gzugs la/ /lus kyi las rnams byed pa de dag ni// srid pa kun tu mdzod rnams shin tu rgyas/ /rgyal ba'i mchod rten rol mo'i sgra phul bas/ /zab cing rigs pa'i spobs pa phun sum tshogs/ /yan lag lnga rdzogs yid 'ong tshig dang ldan/ /sgra skad dag gis 'jig rten 'gengs par byed/ /su dag rgyal ba'i gdung ldan bstod byed pa/ /de dag gling bu'i sgra dang glu snyan dang / /sgra snyan yid
312a
@#/ /du 'ong ba thob pa dang / /so so yang dag rig pa'ang thob par 'gyur/ /mi rnams gang dag rtswa shing so phag gis/ /'jig rten bla ma'i spyi gab rig pas byed/ /yang na gzhan dag byed du 'jug kyang rung / /de dag 'gro ba rnams kyi skyabs 'drar 'gyur/ /mi rnams gang dag rgyal ba'i gtsang khang byed/ /de dag 'gro ba rnams su 'khor ba na/ /lha dbang gnas 'dra'i khang khyim 'od 'bar ba/ /dus rigs kun tu bde ldan thob par 'gyur/ /mtho ris las bzang 'bras bu'i gnas rnams su/ /bskal pa dga' byed rtag tu dga' bzhin du/ /rtson par byed cing mya ngan med pa dang / /tha mar zhi ba'i go 'phang thob par 'gyur/ /gang dag 'ja' khugs 'dra ba'i rta babs mdzod/ /thub pa'i chab sgor sbreng byed de dag ni/ /srid pa gzhan du khang khyim sgo dang bcas/ /rnam par brgyan pa rnams ni thob par 'gyur/ /mi rnams gang dag ston pa'i sku gdung khang / /bsrung phyir dad pas 'obs dang sgo 'dzugs pa/ /de dag tshe rabs gzhan du dgra rnams kyis/ /dpal yon rnams dang dbral bar yongs mi nus/ /mi rnams su dag mchod rten rnying pa rnams/ /gzhan gyi ngor byed ma yin rang gi blos/ /ral tshems byed pa'i skye bo de dag ni/ /lus bzang yon tan
312b
dam pas brgyan par 'gyur/ /rgyal ba'i mchod rten me tog rnying bsal byas/ /'dod chags chags med zhe sdang sdang mi 'gyur/ /gti mug rmongs med lta ngan chags mi 'gyur/ /mi rnams rab tu dga' zhing skyid par 'gyur/ /su dag glang chen dril dbyangs spa bar brgyan/ /dul ba'i rta dang sbyar ba'i shing rta dag /ston pa dang ni 'phags pa'i tshogs la 'bul/ /de dag bla med theg chen thob par 'gyur/ /skye bo su dag 'jig rten mgon po la/ /rin chen 'bar ba yid dang 'thad pa rnams/ /'bul ba de dag rin chen bdun po dang / /byang chub yan lag rin chen dri med 'thob/ /rgyal ba'i mchod rten la ni gos phul bas/ /bsod nams byams pa'i ngo tsha'i gos gyon te| |dga' zhing yon tan kun ldan ser sna med/ /mdog kyang 'jam zhing kha dog gser 'drar 'gyur/ /dpe med mchod rten mar me phul ba yis/ /ut+pa la sngon po kha bye 'dra mig /gsal zhing sdug la mig gi dkyus ring mdzes/ /dri ma med pa'i lha yi mig dang ldan/ /su dag mchod rten mar me dngar ba 'bul/ /de dag mig tu sdug cing mi rab rgyas/ /mig gi dkyus ring mthong ka'i mdog dang ldan/ /skyes pa bud med dag gis blta bar 'os/ /mtshan mo thub chen spyan sngar thal sbyar 'khod/ 'byor dang mtshan
313a
@#/ /ma mar me'i sdong bu 'bul/ /de dag srid pa gzhan du 'bras bur ldan/ /rin chen rags pa'i 'od ldan lus kyang thob/ /rgyal la phul ba'i mar me 'chi ba na/ /dga' ba'i sems kyi 'dir ni dga' bzhin du/ /snying po skul bar byed pa de dag ni/ /spyan lnga dag kyang nges par 'thob par 'gyur/ /mi rnams gang dag dge ba'i sems ldan pas/ /rgyal ba'i mchod pa gzhan gyis byas pa la/ /rjes su yi rang don de ma byas kyang / /mdor na de dag gis kyang byas par 'gyur/ / tshul khrims ldan pa phyogs nas lhags pa la/ /su dag dga' bzhin mal stan sbyin byed pa'i/ /mi rnams 'gro ba dag tu 'khor ba na/ /gser gyi khri dang stan gyi mchog rnams 'thob/ /su dag rab tu byung dang 'tsham pa yi/ /kha zas bzang po dge 'dun sbyin byed pa/ /de dag 'khor ba'i dgon par gnas pa na/ /kha zas kha dog ro la sogs ldan 'thob/ /su dag rab tu byung dang 'tsham pa yi/ /btung rgya chen dge 'dun sbyin byed pa/ /de dag 'khor ba'i dgon par gnas pa na/ /btung ba kha dog ro la sogs pa 'thob/ /su dag 'jig rten bla mas gsungs pa yi/ /dam chos tshul bzang thos nas nyams su len/ /de dag nyon mongs chu rlabs rab 'jigs pa'i /srid
313b
pa'i rgya mtsho myur du brgal bar 'gyur/ /rgyal po dge ba'i las 'di thams cad ni/ /'khor ba'i bde ba sna tshogs smin gyur nas/ /sangs rgyas kyi ni byang chub dam pa yi/ /'bras bu bde blag kho nar thob par 'gyur/ /de nas rgyal po dga' mdangs ldan pa yis/ /drang srong dge 'dun bskor ba byas nas kyang / /thub dbang zhabs la mgo bos phyag btsal te/ / rgyal po rgyal byed tshal nas byung bar gyur/ /gsal rgyal gyi tshigs su bcad pa rdzogs so//