H330

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H330</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H330&coll=lhasa">see text in Tibetan script</a></table>320b<br><font size=+1>


//rgya gar skad du/ u dA na brga/ </font><hr>321a<br><font size=+1>


@#/ /bod skad du/ ched du brjod pa'i tshoms/ bam po dang po/ thams cad mkhyen pa la phyag 'tshal lo/ /bkra shis par gyur cig /rgyal bas ched du brjod gsungs pa/ /bdag gis rab tu bshad par bya/ /gnyid dang rmugs pa rnams sol la/ /yid la dga' ba bskyed de nyon/ /thams cad mkhyen pa skyob pa po/ /thub pa rjes su thugs brtse ba/ /sku yi tha ma 'dzin pa yi/ /bcom ldan 'das kyis 'di skad gsungs/ /kye ma 'du byed rnams mi rtag /skye zhing 'jig pa'i chos can yin/ /skyes nas 'jig par 'gyur ba ste/ /de dag nye bar zhi ba bde/ /de ltar rab tu 'bar ba la/ /ci zhig dgar yod mgur ci yod/ /mun pa'i nang zhugs gnas pa dag /ci phyir sgron ma tshol mi byed/ /rus pa thi ba'i mdog 'dra ba/ /bor ba gang yin 'di dag ni/ /phyogs dang phyogs su rnam 'thor ba/ /de mthong 'di la ci zhig dga'// gang gi nub mo kho na nas/ /mngal du dang por 'jug pa'i mi/ /de ni sdod med 'gro 'gyur zhing / /song ba las kyang ldog pa med/ /snga dro skye bo mang mthong ba/ /phyi dro kha cig mthong mi 'gyur/ /phyi dro skye bo mang mthong ba/ /snga dro kha cig mthong mi 'gyur/ /skyes pa bud med mang po dang / /dar la bab pa'ang 'chi 'gyur na/ /de la mi 'di gzhon </font><hr>321b<br><font size=+1>


zhes te/ /gson pa'i gdeng drod ci zhig yod/ /kha cig mngal du 'chi bar 'gyur/ /de bzhin kha cig btsas pa'i sar/ /de bzhin kha cig gog tsam na/ /de bzhin kha cig yongs rgyug na/ /la la rgan dang la la gzhon/ /la la dar la bab pa'i mi/ /rim gyis rab tu 'gro 'gyur te/ /'bras bu smin pa ltung ba bzhin/ /dper na 'bras bu smin pa rnams/ /ltung bas rtag tu 'jigs pa ltar/ /de bzhin skyes par gyur pa'i mi/ /rtag tu 'chi bas 'jigs par 'gyur/ /dper na rdza ma'i mkhan po yis/ /'jim pa las ni snod byas pa/ /thams cad tha mar 'jig pa ltar/ /mi rnams srog kyang de bzhin no/ /dper na thags ni brkyang ba la/ /spun ni gang dang gang bcug pa'i/ /spun gyis rting la gtugs par ltar/ /mi rnams srog kyang de bzhin no/ /dper na nges par bsad pa dag /gom pa gang dang gang bor bas/ /bsad sa'i drung du bsnyen pa ltar/ /mi rnams srog kyang de bzhin no/ /chu klung drag tu 'bab pa'i rgyun/ /ldog pa med pa ji lta bar/ /de bzhin mi yi tshe 'gro ba/ /slar ni ldog par 'gyur ba med/ /dka' ba nyid dang 'thung ba dang / /de yang sdug bsngal ldan pa dag /myur ba kho nar 'jig 'gyur te/ /chu la dbyug gus bris pa bzhin/ /dper na phyugs rdzi dbyug thogs kyis/ /phyugs rnams gnas su phyin byed ltar/ /de </font><hr>322a<br><font size=+1>


@#/ /bzhin nad dang rga ba yis/ /mi rnams 'chi bdag drung du skyel/ /chu bran gyi ni chu lta bur/ /nyin dang mtshan mo 'das pa yis/ /mi rnams tshe yang zad 'gyur zhing / /srog kyang nye bar 'jig par 'gyur/ /mel tshe byed la mtshan mo ring / /lam kyis dub la rgyang grags ring / /dam chos rnam par mi shes pa'i/ /byis pa rnams la 'khor ba ring / /bdag la bu yod de bzhin du/ /nor yod ces pas byis pa brlag /phyi rol nang na bdag med na/ /su yi bu yin ci zhig nor/ /skyes pa bud med rnams kyi rigs/ /brgya dang stong phrag mang po dang / /longs spyod legs par bsgrubs pa yang / /'chi bdag dbang du 'gro bar 'gyur/ /bsags pa kun gyi mtha' zad cing / /bslang ba'i mtha' ni 'gyel bar 'gyur/ /phrad pa'i mtha' na bral ba ste/ /gson pa'i mtha' ni 'chi ba ni/ /gson mtha' 'chi ba yin pas na/ /sems can thams cad 'chi 'gyur zhing / /dge sdig 'bras bur nyer 'gro ba'i/ /ji bzhin las kyi rjes su 'brang / /sdig pa'i las kyis dmyal ba dang / /bsod nams byas pa bde 'gro ste/ /gzhan dag gis ni lam bsgoms pas/ /zag med mya ngan 'das par 'gyur/ /gang yang sangs rgyas rang sangs rgyas/ /sangs rgyas rnams kyi nyan thos kyang / /sku </font><hr>322b<br><font size=+1>


lus 'di ni spong mdzad na/ /skye bo phal pa smos ci dgos/ /gang du gnas na 'chi bas mi tshugs pa'i/ /sa phyogs de ni yod pa ma yin te/ /bar snang la med rgya mtsho'i nang na med| |ri bo rnams kyi gseb tu zhugs na'ang min/ /byung dang 'byung bar 'gyur ba ji snyed pa/ /kun gyis lus 'di btang nas 'gro ba dang / /de kun 'jigs par mkhas pas rtogs gyis te/ /chos la gnas gyis tshangs par spyad pa spyod/ /rga ba mthong zhing nad kyis sdug bsngal dang / /sems dang bral ba'i shi ba mthong nas ni/ /brtan pas btson ra 'dra ba'i khyim spangs kyi/ /'jig rten phal pas 'dod spang nus re skan/ /rgyal po'i shing rta shin tu bkra ba'ang 'jig /de bzhin lus kyang nye bar rga bar 'gyur/ /dam pa rnams kyi chos 'di dam pa ste/ /mi mchog gzhan rtogs byed cing rga mi 'gyur/ /rga ba khyod ni blun zhing ngan/ /khyod ni mi rigs byed pa ste/ /yid du 'ong ba'i gzugs 'di yang / /khyod kyis mngon par bcom par gyur/ /gang zhig lo ni brgyar 'tsho ba/ /de yang 'chi bdag nyid kyis khrid/ /'di dag rga bar 'gyur ba 'am/ /yang na na ba'ang 'chi bas 'joms/ /rtag tu ldog pa med par 'gro 'gyur zhing / /nyin dang mtshan du rab tu 'jig pa dang / /skye dang 'chi ba'i sdug bsngal dang ldan pa/ /chu tshan nang du gdungs pa'i nya dang 'dra/ /tshe </font><hr>323a<br><font size=+1>


@#/ /'di nyin dang mtshan mo dang / /'gro ba dang ni 'dug pa na/ /chu klung chen po'i rgyun bzhin du/ /phyir mi ldog par 'gro bar 'gyur/ /chu chung nang gi nya lta bur/ /gang zhig nyin mtshan 'da' ba yis/ /tshe 'di shin tu thung 'gyur na/ /de la dga' bar byar ci yod/ /gson mtha' 'chi ba yin pa'i phyir/ /lus 'di yongs su rga ba dang / /nad kyi tshang 'di myur 'jig cing / /snag gi tshogs kyang 'jig par 'gyur/ /kye ma lus 'di mi thogs par/ /stong zhing rnam shes dang bral nas/ /dur khrod bor ba'i mgal dum ltar/ /sa yi steng du 'gyel bar 'gyur/ /rgyun du nad kyis mngon gdung zhing / /rtag tu mi gtsang 'dzag pa dang / /rga dang 'chi bas 'tsher 'grib pa'i/ /lus 'di dor bcir mi rung / /myur du 'jig cing na ba dang / /rnag dang ldan pa'i lus 'di yis/ /grub dang bde ba bla med pa/ /zhi mchog don du gnyer bar gyis/ /dgun kha dang ni dpyid ka dang / /dbyar kha 'di dag bya'o zhes/ /byis pa rnam par sems byed pas/ /bar chad mthong bar ma gyur to/ /bu dang nor phyugs 'byor pa la/ /mi yi yid ni rnam chags pa/ /'chi bdag gis ni blangs nas 'gro /nyal grong chu bos bdas pa bzhin/ /'chi ba'i dus la bab pa na/ /bu rnams skyabs </font><hr>323b<br><font size=+1>


su mi 'gyur zhing / /pha yang ma yin gnyen 'dun min/ /khyod la skyabs su 'gyur ba med/ /'di ni bya ba byas zin don 'di bya/ /de dag byas nas bdag gis 'di bya zhes/ / de ltar mi ni yongs su shom pa na/ /rga dang nad bcas 'chi bas mngon du bcom/ /de ltas rtag tu ting 'dzin la dga' mnyam par zhog /brtson bskyed la skye dang rga ba'i mtha' ma ltos/ /bdud rnams sde dang bcas pa mngon par zil non la/ /dge slong dag go skye shi'i pha rol 'gro bar gyis/ /mi rtag pa'i tshoms te dang po'o// // kun rtog las ni 'dod skyes pas/ /'dod pa'i rtsa bar shes gyis te/ /khyod ni kun rtog ma byed dang / /des na khyod la 'byung mi 'gyur/ /'dod pa rnams las mya ngan skyes/ / 'dod pa rnams las 'jigs pa 'byung / /'dod pa dag ni rnam spangs na/ /mya ngan med cing 'jigs pa med/ /dga' ba rnams las mya ngan skyes/ /dga' ba rnams las 'jigs par 'byung / /dga' ba dag ni rnam spangs na/ /mya ngan med cing 'jigs pa med/ /'dod dga'i rnam smin sdug bsngal te/ /dang po mngar la 'bras bu tsha/ /me sbron lag nas ma bor pa/ /mjug tu phyis ba sreg byed bzhin/ /nor bu'i rna cha bu dang bu mo la/ /yongs su chags sems gang yin la ltos na/ /lcags shing gres </font><hr>324a<br><font size=+1>


@#/ /ma las byas chings ma gang / /de dag dam po min zhes 'phags pa gsung / /'dod pa'i chings ma gang yin de lhod kyang / /rab tu dgrol bar dka' zhes 'phags pa gsung / /brtan rnams 'dod pa'i bde la mi lta bar/ /de dag gtubs nas myur du 'gro bar byed/ /'jig rten sna tshogs gang de 'dod min gyi| |skyes bu'i kun rtog 'dod chags 'dod pa yin/ /'jig rten sna tshogs de bzhin gnas kyang ni/ /'on kyang brtan rnams 'di la 'dun pa 'dul/ /mi rnams la ni rtag pa'i 'dod pa med/ /'dod can gang la chags de mi rtag pas/ /yang srid med phyir sems kyis rab spongs la/ /'chi ba'i gnas mi 'gyur bar byos zhes gsungs/ /'dun pa skyes shing zad par mi byed dam/ /sems la skyon med pa dang dran pa dang / /'dod pa rnams la so sor ma chags gang / /de ni gong du 'pho ba yin zhes gsungs/ /mgar ba yis ni dngul bzhin du/ /blo gros ldan pas rim pa bzhin/ /skad cig skad cig cung zad tsam/ /rang gi dri ma bsal bar bya/ /lham mkhan gyis ni ko ba dag /yongs su spyangs nas lham byed ltar/ /'dod pa gang dang gang spangs pa/ /de de bde ba phun sum ldan/ /gal te bde ba kun 'dod na/ /'dod pa thams </font><hr>324b<br><font size=+1>


cad yongs su spongs/ /'dod pa thams cad yongs spangs pas/ /mchog tu bde ba thob par 'gyur/ /ji srid 'dod pa'i rjes 'brang ba/ /de srid par du ngoms mi 'gyur/ /de las gang dag shes rab kyis/ /ldog byed de dag tshim pa thob/ /'dod pas ngoms par mi 'gyur pas/ /shes rab kyis ni ngoms pa skyid/ /shes rab kyis ni ngoms pa'i mi/ /srid pa'i dbang du mi 'gyur ro/ /'dod pa chags pa'i mi gang yin/ /de dag kye ma chos min dga'/ /cung zad gson por 'dug pa na/ /bar chad mthong bar mi 'gyur ro/ /blo ngan longs spyod kyis bcom pas/ /pha rol tshol bar mi byed cing / /bsam brlag 'dod la sred pa yis/ /bdag dang gzhan yang phung bar byed/ /kAr ShA pa Na'i char bab kyang / /'dod pa rnams kyis ngoms mi 'gyur/ /'dod pa mnog chung nyes mang ba/ /mkhas pa rnams kyis khong du chud/ /lha yi 'dod pa rnams la yang / / lhag par dga' bar mi 'gyur gyi/ /rdzogs sangs rgyas dang nyan thos rnams/ /sred pa zad pas dgyes par 'gyur/ /gangs can dang ni mnyam pa yi/ /gser gyi ri bo yod gyur kyang / /nor des gcig kyang mi tshim par/ /rtogs par gyis la legs par spyod/ /gang dag sdug bsngal de yi rgyu shes pa/ /de dag nam yang 'dod la dga' mi 'gyur// </font><hr>325a<br><font size=+1>


@#/ /'jig rten dag na zug rngu'i rgyur shes nas/ /de dag gdul phyir brtan pa slob par byed/ /'dod pa'i tshoms te gnyis pa'o// // lus can rnam par rtog pas rab bcom pa/ /'dod chags mi bzad gtsang bar rjes lta bas/ /'dod chags phyir zhing rab tu 'phel 'gyur te/ /rang gi 'ching ba de yis dam por byed/ /gang dag rnam rtog nye bar zhi dga' zhing / /mi sdug sgom pa rtag tu dran byed de/ /de yi sred pa rab tu spangs pa yis/ /rang gi 'ching ba de dag rul bar byed/ /'dod pa mun nag 'dra bas g.yogs/ /srid pa'i dga' bas bkab pa dang / /bag med 'ching bas bcings pa dag /tshed mar chud pa'i nya dang 'dra| |skyes bu bag med rab tu spyod byed pa/ /'khri shing bzhin du sred pa 'phel 'gyur zhing / /rga dang 'chi ba'i rjes su 'gro 'gyur te/ /ma drung nu zho 'dod pa'i be'u dang 'dra/ /mi dag dran par byed dang chags byed dang / /yid bde ba la rtog par byed pa dag /de yis yang dang yang du 'khor bar 'khyams/ /tshal nang 'bras bu 'dod pa'i spre'u dang mtshungs/ /mi gang rtag tu bde ba 'dod byed pa/ /skye dang rga bar nye bar 'gro 'gyur zhing / /skye dgu sred pa rnams kyis mdun du bdar/ /rgya nang ri bong yongs </font><hr>325b<br><font size=+1>


su rgyug pa bzhin/ /sred pa rnams kyi mdud pa'i sems can dag /srid dang srid min dag la sems chags shing / /kun sbyor ro la dga' ba'i byis pa rnams/ /yang dang yang du sdug bsngal 'thob par 'gyur/ /skye bo grub dang bde rnams dang bral zhing / /bdud kyi sbyor ba dag dang ldan pa de/ /rga dang 'chi ba'i rjes su 'gro 'gyur te/ /ma drung nu zho 'dod pa'i be'u dang 'dra/ /'di na sred pa de 'dra spong byed pa/ /srid dang srid min dag la sred bral zhing / /dge slong srid pa zil gyis gnon byed pa/ /lhag ma med par yongs su mya ngan 'da'/ /gang zhig 'jig rten spang dga' ba'i/ /sred pa'i bud med 'dis bkol ba/ /de yi mya ngan 'phel 'gyur te/ /rtswa la char pa bab pa bzhin/ /gang zhig 'jig rten spang dka' ba'i/ /sred pa'i bud med 'di spong ba/ /de yi mya ngan ldog 'gyur te/ /pad+ma las ni chu thigs bzhin/ /de phyir ji snyed 'dir lhags pa/ /khyed la smra yi khyed bde zhig /u shir phyir ni rtswa bzhin du/ /sred pa rtsar bcas drung nas phyung / /skyes bu sred pa dang 'grogs na/ /yun ring dus su 'khyam 'gyur bas/ /sred pa drungs nas phyung zhig dang / /mya ngan med cing 'jigs pa med/ /yang dang yang du nyer len cing / /yang dang yang du mngal du 'jug /gnas skabs 'gyur dang gzhan 'gyur bas/ /sems </font><hr>326a<br><font size=+1>


@#/ /can 'ong dang 'gro bar byed/ /'dir ni spang dka'i sred pa de/ /spongs las bon chod cig dang / /de la sred pa med 'gyur zhing / /de ni yang du 'khor mi 'gyur/ /dal 'byor chud ni ma gzan par/ /gang gis lha dang mi rnams su/ /don gnyer bcings nas 'jog byed pa/ /yul la sred pa de las rgol/ /sems can dmyal bar skyes na yang / /dal 'byor thal bas 'gyod par 'ong / /gang phyir srid mtsho rgyur gyur pa/ /yul la sred pa 'bras kyi gzhi/ /'khri shing dra bas khebs byed pa/ /gdung bar byed pa ma btul na/ /sdug bsngal 'di ni yang dang yang / /rnam pa kun tu ldog mi 'gyur/ /dper na ljon shing rtsa nas ma bton na/ /bcad kyang phyir zhing skye ba kho nar zad/ /de bzhin sred pa'i phra rgyas ma bton na/ /yang dang yang du sdug bsngal 'di mi ldog /dper na bdag nyid kyis ni byas pa'i mtshon/ /de yis rkun pa'i mthu yis bdag gsod ltar/ /de bzhin nang gi sems las byung ba yi/ /sred pas lus can nye bar gsod par byed/ /de ltar sred las sdug bsngal dag /'byung ba'i nyes dmigs shes gyis te/ /sred spongs nye bar len med dang / /dran ldan dge slong kun tu rgyus/ /sred pa'i tshoms te gsum pa'o// //bag yod 'chi </font><hr>326b<br><font size=+1>


med gnas yin te/ /bag med pa ni 'chi ba'i gnas/ /bag yod 'chi bar mi 'gyur te/ /bag med pa ni rtag tu 'chi/ /de yi khyad par de rig pas/ /mkhas pa rnams ni bag dang bcas/ /bag yod pa la rab dga' ba/ /'phags pa'i spyod yul dga' ba yin/ /de la rgyun du bsgoms pa dang / /rtag tu pha rol gnon brtan pa'i/ /brtan pas grub bde bla med pa/ /mya ngan 'das la reg pa yin/ /gang tshe mkhas pas bag yod pas/ /bag med bcom pa de yi tshe/ /shes rab khang bzang steng 'dzegs nas/ /mya nga med pas gdung bcas dang / /brtan rnams ri bo'i spo dag las/ /sa steng byis pa rnams la blta/ /brtson 'grus dang ni bag yod dang / /yang dag sdom dang dul ba yis/ /mkhas pas gling du byas nas ni/ /chu bo chen po mngon du zlog /brtson 'grus ldan zhing dran dang ldan pa dang / /spyod pa gtsang zhing brtags nas byed pa dang / /yang dag sdom dang chos kyis 'tsho ba dang / /bag yod rnams kyi grags pa mngon par 'phel/ /lhag pa'i sems la bag bya ste/ /thub pa'i thub gzhi rnams la bslab/ /nyer zhi rtag tu dran ldan pa'i/ / skyong ba mya ngan med pa yin/ /dman pa'i chos la mi rten cing / /bag med pa la bsten mi bya/ /log par blta la 'dod med dang / /'jig rten 'phel bar mi bya'o/ /'jig </font><hr>327a<br><font size=+1>


@#/ /rten pa yi yang dag lta/ /chen po su la yod gyur pa/ /de ni tshe rabs stong du yang / /ngan 'gror 'gro bar mi 'gyur ro/ /bag med pa la sbyor byed pa/ / skye bo byis pa bsam brlag yin/ /tshong dpon nor rnams srung ba ltar/ /mkhas pa bag dang ldan par bya/ /bag med pa la mi sbyor zhing / /'dod la dga' ba mi gsog dang| |rtag tu bag yod sems byed pa/ /zag pa zad pa thob par 'gyur/ /zag pa zad pa ma thob kyang / /dus 'dir bag med mi bya ste/ /ri dwags ma yin seng ge ltar/ /bag med pa dag bsad par 'gyur/ /bag med pha rol bud med sten byed pa'i/ /mi gang yid la gnas skabs 'di bzhi 'byung / /bsod nams mi 'thob bde bar mi nyal dang| |gsum pa smad 'gyur bzhi pa dmyal bar 'gyur/ /bsod nams ma thob sdig pa'i 'gro ba dang / /'jigs dang bag tsha lhan cig bde ba chung / /rgyal po'i chad pa chen pos gcod 'gyur zhing / /lus zhig sems can dmyal ba rnams su 'tshod/ /gang zhig bdag bde lta 'dod pa/ /des ni gong ma bzhin du bya/ /byis pa'i shing rta bzhin 'gyur bags/ /brtan pas brtson 'grus zhan mi bya/ /dper na byis pa'i shing rta dag /lam chen bzang po bor nas su/ /lam ngan dag tu 'gro byed pas/ / </font><hr>327b<br><font size=+1>


mig chags sems khong chud pa ltar/ /de bzhin chos ni spangs nas kyang / /chos min rjes su 'jug byed pa'i/ /byis pa 'chi ba dag dbang 'gro zhing / /mig chag bzhin du bcom pa thob/ /gang zhig bya ba rnam spangs nas/ /mi bya ba dag byed pa dang / /bag med pa yis rlom byed pa/ /de dag rnams kyi zag pa 'phel/ /gang gis zag pa 'phel 'gyur pa/ /de yi zag med rgyang ma na/ /gang zhig lus gtogs ldan pa dag /rtag tu legs par brtsams pa dang / /bya ba ma yin mi byed cing / /rgyun du bya ba byed pa dang / /dran dang shes bzhin ldan pa de'i/ /zag pa rnams ni zad par 'gyur/ /gang gi zag pa zad gyur pa/ /des ni zag med thob par 'gyur/ /ji tsam mang du smra byed pa/ /de dag dam chos 'dzin ma yin/ /gang dag 'di na thos nyung yang / /lus kyis chos dag mngon sum byas/ /gang dag chos la bag byed pa/ /de dag dam chos 'dzin pa yin/ /gal te rigs bcas mang du smras kyang ni/ /bag med mi dag de ltar byed mi 'gyur/ /dper na phyugs rdzis gzhan gyi phyugs bgrangs ltar/ /de dag dag sbyong skal pa thob ma yin/ /gal te rigs bcas nyung du smra byed kyang / /chos kyi rjes su chos la spyod pa dang / /'dod chags zhe sdang gti mug spong byad pa/ /de </font><hr>328a<br><font size=+1>


@#/ /dag dge sbyong skal pa thob pa yin/ /bag yod bsngags pa rjod byed cing / /rtag tu bag med la smod pas/ /bag yod mchod sbyin brgya pa yang / /lha rnams nang na gtso bor gyur/ /bya ba byas rung ma byas rung / /mkhas pa bag yod bsngags pa brjod/ /bag dang bcas pa'i mkhas pa yis/ /don gnyis rab tu len par byed/ /tshe 'di'i don ni gang yin dang / /phyi ma'i don ni gang yin pa/ /de dag brtan pas rtogs pas na/ /mkhas pa zhes ni brjod pa yin/ /dge slong bag yod la dga' zhing / /bag med pa la 'jigs lta bas/ /bdag nyid ngan 'gro las 'drel te/ /'dam rdzab las ni glang chen bzhin/ /dge slong bag yod la dga' zhing / /bag med pa la 'jigs lta bas/ /sdig pa'i chos rnams sprug par byed/ /rlung gis ljon shing lo ma bzhin/ /dge slong bag yod la dga' zhing / / bag med pa la 'jigs lta bas/ /kun tu sbyor ba phra sbom dag /me yis bsregs pa bzhin du 'gro /dge slong bag yod la dga' zhing / /bag med pa la 'jigs lta bas/ /kun tu sbyor ba kun zad pa/ /rim gyis nyams su myong bar 'gyur/ /dge slong bag yod la dga' zhing / /bag med pa la 'jigs lta bas/ /'du byed nyer </font><hr>328b<br><font size=+1>


zhi zhi ba yi/ /zhi ba'i go 'phangs so sor rtogs/ /dge slong bag yod la dga' zhing / /bag med pa la 'jigs lta bas/ /mya ngan 'das dang nye ba'i phyir/ /yongs su nyams 'gyur mi srid do/ /brtson 'grus ldan zhing bag yod dang / /chos spyad legs par spyod byed pa/ /'jig rten 'di dang pha rol tu/ /chos spyod pas ni bde ba 'thob/ /zhi phyir bslab pa la brten dang / /rtsol ba dang ni brtson 'grus skyed/ /mi dran pa dang bag med dang / /brtson 'grus chung dang kun sdom med/ /gnyid dang snyom dang g.yeng ba ste/ /'di dag bslab pa'i bar chad pas/ /khyed kyis yan lag de rtogs la/ /dran pa chud ni ma gzan gcig /dge slong tshul khrims bzang ba dang / /bag yod pa la dga' ba yis| |kun rtogs legs par mnyam zhog ste/ /rang gi sems ni rjes su srungs/ /brtsam par bya zhing dbyung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig chos 'dul 'di nyid la/ /bag dang ldan par spyod byed pa/ /skye ba'i 'khor ba rab spangs nas/ /sdug bsngal tha mar byed par 'gyur/ /bag yod pa'i tshoms te bzhi pa'o// //sdug pa rnams las mya ngan skye/ /sdug pa rnams las 'jigs pa skye/ /sdug pa dag </font><hr>329a<br><font size=+1>


@#/ /ni rnam spangs na/ /mya ngan med cing 'jigs pa med/ /sdug gu ma las mya ngan skye/ /sdug las sdug bsngal sdug las 'jigs/ /sdug gu ma dag gzhan gyur na/ /yi mug 'gyur ba thob par byed/ /'jig rten sdug bsngal rnam pa du ma dang / /mya ngan smre sngags 'don pa ji snyed pa/ /de dag sdug pa dag las rten te 'byung / /sdug pa spangs na de dag yod mi 'gyur/ /gang phyir 'jig rten 'ga' na'ang sdug med pa/ /gang yin de dag bde zhing mya ngan med/ /de bas gdung med rdul bral don gnyer bas/ /nam yang sdug pa byed pa mi bya'o/ /sdug pa ma mthong sdug bsngal la/ /mi sdug mthong na'ang de bzhin pas/ /nam yang sdug dang phrad mi bya/ / mi sdug dang yang phrad mi bya/ /sdug pa dang ni bye bral dang / /mi sdug pa dang phrad pa yis/ /gang gis mi dag rgas byed pa'i/ /mya ngan mi bzad skye bar 'gyur/ /sdug pa shi bar gyur pa na/ /gnyen 'dun mdza' bshes mang po dag /yun ring dus su mya ngan dang / /sdug dang bral bas sdug bsngal 'gyur/ /gang la sdug dang sdug min med/ /de la mdud pa yod min pas/ /de ltas sdug nyid sdig can la/ /sdug par byed pa mi bya'o/ /sdug la bltas te don btang nas/ /bde sbyor rnams la mi 'jug cing / /bdag nyid </font><hr>329b<br><font size=+1>


mi bde'i sbyor ldan dag /bde sbyor don ldan rnams la smon/ /gzugs sdug bde bas bsdams pa dag /lha mi so so'i ris dag tu/ /sdig pa byed cing yongs nyams nas/ /rga dang 'chi ba'i dbang du 'gro /gang zhig nyin dang mtshan rnams su/ /bag yod gzugs sdug spong byed pa/ /des ni spang dka' bdud zas dang / /sdig pa'i rtsa ba'ang drungs nas phyung / /legs min legs pa'i tshul dang ni/ /sdug min sdug pa'i tshul gyis dang / /sdug bsngal bde ba'i tshul gyis su/ /bag med rnams ni mngon du 'joms/ /gal te bdag la dga' byed na/ /nyes par byed pas bde ba dag /bde blag kho nar mi 'thob pas/ /'di ni sdug la gzhug mi bya/ /gal te bdag la dga' byed na/ /legs par byed pas bde ba dag /bde blag kho nar thob 'gyur bas/ /'di ni sdig pa gzhug mi bya/ /dper na dgon pa'i grong khyer dag /brtan pa'i 'obs kyis bskor ba ltar/ /gal te bdag la dga' byed na/ /'di ni bsrungs pas legs par bsrung / /gal te bdag la dga' byed na/ /thun gsum gang yang rung ba la/ /mkhas pas mel che bya ba yis/ /'di ni spa bas legs par sba/ /dper na dgon pa'i grong khyer dag /phyi nang srung bar byed pa ltar/ /dal 'byor chud ni mi zos pa/ /de ltar bdag ni bsrung </font><hr>330a<br><font size=+1>


@#/ /bar bya/ /sems can dmyal bar skya na yang / /dal 'byor thal bas 'gyod par 'ong / /phyogs rnams kun tu sems kyis yongs brtags kyang| |bdag las ches sdug 'ga' yang ma mthong ba/ /de ltar so sor gzhan la'ang rang sdug pas/ /de phyir bdag dgas gzhan la gnod mi bya/ /thams cad la yang srog 'di sdug /thams cad chad pas 'jigs pa na/ /rang gi nyams las dpag gyis te/ /brdeg par mi bya gsad mi bya/ /rgyang thag bcad par sbyugs pa'i mi/ /ring nas nye zho med 'ongs na/ /gnyen bshes mdza' bo lhags nas su/ /a la la zhes mngon par dga'/ /de bzhin bsod nams byas pa'i mi/ /'jig rten 'di nas pha rol tu/ /phyin tshe gnyen bzhin bsod nams dag /'ongs nas mngon par dga' bar byed/ /de bas 'jig rten pha rol gyi/ /ched du bsod nams bsags par gyis/ / bsod nams 'jig rten pha rol tu/ /lus can rnams kyi gnas su 'gyur/ /gang zhig legs spyad spyod byed pa'i/ /dge la lha rnams bstod par byed/ /'di na'ang smad par mi 'gyur la/ /mtho ris su yang dga' ba 'thob/ /chos gnas tshul khrims phun sum tshogs/ /ngo tsha shes shing bden par smra/ /rang ga bya ba byed pa la/ /skye </font><hr>330b<br><font size=+1>


bo gzhan rnams dga' bar byed/ /rang gi don ni byed pa la/ /'di ltar gzhan rnams dga' 'gyur zhing / /mthong ba'i chos la bsngags pa dang / /pha rol tu yang bde 'gror 'gyur/ /gtams na gnang ba'i tshig smra dang / /mi rigs spyod las zlog pa la/ /dam pa rnams ni dga' bar byed/ /dam pa ma yin dga' mi 'gyur/ /de bas mchog dang mchog min pa/ /shi 'phos bral bar gyur pa na/ /dam pa ma yin dmyal bar 'gro /dam pa mtho ris 'gro bar 'gyur/ /sdug pa'i tshoms te lnga pa'o// // bsngags par 'gyur dang nor 'thob dang / /pha rol bde 'gror dga' 'gyur ba'i/ /bde ba gsum po don gnyer ba'i/ /mkhas pas tshul khrims bsrung bar bya/ /'phags dang mthong ba phun tshogs dang / /'jig rten zhi ba rten 'gyur ba'i/ /gnas gzhan 'di dag mthong ba yis/ /mkhas pas tshul khrims bsrung bar bya/ /lus la yongs su gdung med par/ /tshul khrims kyi ni bde ba 'thob/ /mtshan mo bde bar nyal ba dang / /sad pa na yang dga' bar 'gyur/ /sbyin pa tshul khrims ldan pa dag /mkhas pas byas pa'i bsod nams kyis/ /'di dang pha rol dag tu yang / /rtag tu bde ba thob par 'gyur/ /rgan pa'i bar la tshul khrims dge /dad la rab tu gnas na legs/ /mi yi rin chen shes rab ste/ /bsod nams chom pos dbrog par </font><hr>331a<br><font size=+1>


@#/ /dka'/ /dge slong tshul khrims la gnas shing / /dbang po rnams kyang bsdams pa dang / /zas kyi tshod ni rig pa dang / /mi nyal ba la 'bad pa ste/ /de ltar gnas par brtson pa dang / /nyin mtshan snyoms las mi byed pa/ /mya ngan 'das dang nye ba'i phyir/ /yongs su nyams 'gyur mi srid do/ /mi ni tshul khrims la gnas nas/ /sems dang shes rab bsgom pa la/ /brtson zhing des nas dge slong gis/ /sdug bsngal bzad par thob par 'gyur/ /de phyir rtag tu tshul khrims dang / /ting 'dzin rjes su srung ba dang / / lhag mthong la ni bslab pa dang / /shes bzhin so sor dran par bya/ /des ni kun sbyor zad byas nas/ /yid bral lhag ma med 'gyur te/ /lus zhig shes rab ldan pa yis/ / bgrang du med pa'i mya ngan 'das/ /gang zhig tshul khrims ting 'dzin dang / /shes rab 'di gsum legs bsgoms te/ /shin tu dri med mthar phyin cing / /gdung med yang srid zad gyur dang / /chags pa'i 'ching las rnam grol zhing / /lus spangs shes rab ldan pa dang / /bdud kyi yul las 'das pa dang / /nyi ma bzhin du lam me 'bar/ / dge slong phyi dang nang nyid la/ /bag med rlom par byed pa yis/ /tshul khrims ting 'dzin shes rab rnams/ /yongs su rdzogs par mi 'gyur ro/ /sprin gyis khebs </font><hr>331b<br><font size=+1>


las char 'bab cing / /nam thang ba las char mi 'bab/ /de bas khebs pa sol cig dang / /'di ltar char ba 'bab ba mi 'gyur/ /de ltar rtag tu mthong ba dang / /dge slong tshul khrims sdom pa yi/ /mya ngan 'das par 'gro ba'i lam/ myur ba kho nar rnam par 'dag/ me tog dri ni rdzi phyogs min mi 'gro/ rtsa ba rgya spos tsan+dan rnams kyang min/ /dam pa'i dri ni rdzi phyogs mi 'gro ste/ /phyogs rnams kun tu mi mchog dri yis khyab/ /rgya spos dang ni tsan+dan dang / /ut+pa la dang ma li ka /spos kyi rigs ni 'di dag pas/ /tshul khrims dri bsung phul du phyin/ /rgya spos tsan+dan gang yin pa'i/ /dri bsung 'di ni chung du ma/ /tshul khrims ldan pa'i dri bsung gang / /des ni 'di dang mtho ris khyab/ /de ltar bag yod gnas bya zhing / / tshul khrims rnam par dag par bya/ /yang dag shes pas rnam grol na/ /bdud kyi lam ni rnyed mi 'gyur/ /'di ni bde bar 'gro lam ste/ /rnam par dag byed lam 'di la/ / rab tu zhugs te bsgoms nas kyang / /bdud kyi 'ching ba spong bar gyis/ /tshul khrims kyi tshoms te drug pa'o// //lus kyi nyes par spyod spangs shing / /lus kyi legs spyad spyad pa'i phyir/ /lus kyi nyes chen las bsrungs na/ /lus ni bsdam par byas par 'gyur/ /ngag gi nyes par spyad spangs shing / /ngag gi legs spyad spyad </font><hr>332a<br><font size=+1>


@#/ /pa'i phyir/ /ngag gi nyes chen las bsrungs na/ /ngag ni bsdam pa byas par 'gyur/ /yid kyi nyes par spyod spangs shing / /yid kyi legs spyad spyad pa'i phyir// yid kyis nyes chen las bsrungs na/ /yid ni bsdams pa byas par 'gyur/ /lus kyi nyes par spyod spangs shing / /ngag gi nyes par spyod pa spang / /yid kyi nyes par spyod spang zhing / /skyon gzhan ldan pa gang yin spang / /lus kyi dge ba rnams bya zhing / /ngag gi dge ba phal chen bya/ /yid kyi dge ba rnams bya zhing / /tshad med bzhi dang ldan par bya/ /lus kyi dge ba rnams bya zhing / /ngag dang yid kyis byas na ni/ /'di dang pha rol dag tu yang / /rtag tu bde ba thob par 'gyur/ /rtag tu lus ni bsdams pa'i phyir/ /thub pa 'tshe ba med pa yin/ /de ni 'chi med gnas 'gro zhing / /gang du song na'ang mya ngan med/ /rtag tu ngag ni bsdams pa'i phyir/ /thub pa 'tshe ba med pa yin/ /de ni 'chi med gnas 'gro zhing / /gang du song na'ang mya ngan med/ /rtag tu yid ni bsdams pa'i phyir/ /thub pa 'tshe ba med pa yin/ /de ni 'chi med gnas 'gro zhing / /gang du song na'ang mya ngan med/ /brtan pa rnams kyis lus bsdam zhing / /brtan pa rnams kyis ngag kyang bsdam/ /brtan pa rnams kyis yid bsdam zhing / /brtan pas kun </font><hr>332b<br><font size=+1>


tu bsdams byas na/ /de dag 'chi med gnas 'gro zhing / /gang du song yang mya ngan med/ /lus kyi sdom pa legs pa ste/ /ngag gi sdom pa'ang legs pa yin/ /yid kyi sdom pa'ang legs pa ste/ /thams cad du ni bsdams pa legs/ /kun tu bsdams pa'i dge slong ni/ /sdug bsngal kun las rnam par 'grol/ /ngag rnams bsrung zhing yid ni legs bsdams te/ /lus kyis mi dge ba dag spyad mi bya/ /las lam gsum po 'di dag rnam sbyangs na/ /drang srong gsungs pa'i lam ni thob par 'gyur/ /legs par spyad pa'i tshoms te bdun pa'o// //gang dag byas bzhin ma byas zer ba dang / /brdzun du smra ba dmyal bar 'gro bar 'gyur/ /mi de gnyis ka 'dra ba pha rol tu/ /song nas dman pa'i chos dang ldan par 'gyur/ /skyes bu skyes pa'i kha nas ni/ /tshig ngan smra bar byed pa yis/ /tshig gi sta re skyes gyur nas/ /bdag nyid gcod par byed par 'gyur/ / gang zhig smad 'os skye bo bstod byed dang / /bstod 'os skye bo rnam par smad byed pa/ /de ni kha yis 'thab khrol kun gsog cing / /'thab khrol can gang des ni bde mi 'thob/ /gang 'dir cho los rang nor pham byed pa/ /'thab khrol de ni cung zad tsam du zad/ /gang zhig bde bar gshegs la yid 'khrug pa/ /de 'dir 'thab khrol shin tu chen po yin/ /ngag </font><hr>333a<br><font size=+1>


@#/ /yid 'phags pas smad pa'i sdig bsten na/ /bye bar chu pur can dang stong phrag ni/ /bzhi bcu gcig tu chu bur rdol ba yi/ /sems can dmyal ba rnams su 'gro bar 'gyur/ /sdig pa'i sems kyis ma nyes skyon brjod pa/ /bdag nyid bsad phyir dmyal ba spel bar zad/ /stobs ldan nyes med pa dag bzod byed cing / /de la sems kyang 'khrugs par mi byed do/ /bsam brlag gang zhig sdig can gyi/ /lta la brten nas 'phags pa ni/ /dgra bcom chos kyis 'tsho ba dang / /bstan pa spong bar byed pa dag/ smyig ma 'bru chags lta bur ni/ /de ni rang gi 'bras bus gsod/ /tshig bzang kho na smra bya yi/ /sdig pa can dag smra mi bya/ /sdig can gdung byed smra ba bas/ /tshig bzang smra bar byed pa rung / /byis pa sdig can smra byed pa/ /smra ba'i tshe na 'ching 'gyur la/ /gal te smra na gzhan spong ba/ /de dag 'phags pa mi gsung ngo / /dge slong dag ni bsdams pa dang / /dal bus smra zhing rlom pa med/ /gang zhig chos ldan don ston pa/ /de ni snyan par smra ba yin/ /legs par smra ba mchog ces 'phags pa gsung / / snyan smra mi snyan ma yin de gnyis pa/ /bden smra rdzun pa ma yin de gsum pa/ /chos smra phal pa ma yin bzhi bde'o/ /tshig de rnams ni smra bya zhing / /gang gis bdag </font><hr>333b<br><font size=+1>


kyang mi gdung la/ /pha rol la yang gnod med pa'i/ /tshig de legs par smra bar bya/ /gang gis mngon par dga' 'gyur zhing / /gang gis sdig pa mi skyed dang / /smras pas pa rol dga' 'gyur ba'i/ /snyan tshig kho na smra bar bya/ /bden pa'i tshig ni bdud rtsi ste/ /bden pa'i tshig ni bla med yin/ /don dang chos la rab gnas pa/ /bden pa yin zhes/ dam pa gsung / /sdug bsngal thams cad spang ba'i phyir/ /sangs rgyas kyis ni gsungs tshig gang / /bden pa mya ngan 'das 'gro ba'i/ /tshig de bla na med pa yin/ /tshig gi tshoms te brgyad pa'o// //chos gcig las ni rab 'das shing / /'jig rten pha rol bcom pa yi/ /lus can brdzun du smra ba yi/ /sdig pa mi bya ci yang med/ /lcags sgong me lce 'bar 'dra ba/ /zos par gyur pa ches sla yi/ /tshul 'chal legs par mi sdom pas/ /yul 'khor bsod snyoms za mi rung / /khyod ni sdug bsngal gyis 'jigs shing / /khyod la sdug bsngal mi sdug na/ /mngon sum dag gam lkog tu'ang rung / /sdig pa can gyis las mi bya/ /gal te sdig pa'i las byas sam/ /byed kyang rung ste khyod kyis ni/ /kog ces langs te bros byas kyang / /sdug bsngal las ni thar mi 'gyur/ /gang du gnas na las kyis mi tshugs pa'i/ /sa phyogs de ni yod pa ma yin te/ /bar snang </font><hr>334a<br><font size=+1>


@#/ /la med rgya mtsho'i nang nas med/ /ri bo rnams kyi gseb tu zhugs kyang min/ /pha rol po la brtags kyang gang / /sdig ba can gyi las mthong ba/ /de dag bdag gis mi bya ste/ /sdig byas las ni rjes su 'brang / /las gang shin tu mi bzad dang / /zol byed gzhal blugs 'chos pa dang / /mi la 'tshe bar byed pa dang / /gzhan la byed du 'jug pa yi/ /las de mi yi rjes 'brang bas/ /de yis g.yang sar ltung bar byed/ /mi yis dge ba'am/ sdig pa yi/ /las ni gang dang gang byas pa'i/ /las rnams chud zar me 'gyur te/ /de lta de ltar 'bras bur 'gyur/ /de yi tshogs pa ji srid par/ /de srid 'di ni rdung bar byed/ /de la gzhan dag rdung byed de/ /rdung byed de ni brtags par 'gyur/ /'di ni bdag rjes mi 'brang zhes/ /byis pas ma brtags byas pa yi/ /sdig pa'i las kyis 'gro ba dag/ pha rol tu ni shes par 'gyur/ /gal te byis pas mi shes par/ /sdig pa'i las ni byas pa dag/ nam zhig na ni de nyid kyis/ /rnam smin tsha ba so sor sten/ /rang gi las kyis de'i 'og tu/ /me yis bsregs pa bzhin du gdungs/ /byis pa shes rab chung du dag/ bdag la dgra bzhin byad pa yis/ /gang zhig 'bras bu tsher 'gyur ba'i/ /sdig can las ni sbyong bar byed/ /gang dag byas </font><hr>334b<br><font size=+1>


bas gdung 'gyur zhing / /ma chi mas gdong yog du bzhin du/ /snam smin so sor sten pa yi/ /las de dag ni ma byas legs/ /gang zhig byas na mi gdung zhing / /dga' zhing yid ni bde ba yis/ /rnam smin so sor sten pa yi/ /las de dag ni byas na legs/ /bdag nyid bde ba 'dod pa'i phyir/ /dgod bzhin sdig pa'i las byas pa'i/ /sdig pa'i las de'i rnam smin dag/ du bzhin nyams su myong bar 'gyur/ /des par sdig las 'phral du ni/ /'o ma lta bur 'gyur mi byed/ /thal bas g.yogs pa'i me lta bur/ /des ni byis pa sreg par byed/ /sdig las 'phral du nges par ni/ /mtshon bzhin gcod par mi byed kyang / /sdig pa'i las kyi 'gro ba dag/ pha rol tu ni mngon par 'gyur/ /gang du de dag rnam smin ni/ / tshab so sor sten pa yi/ /sdig pa'i las kyi 'gro ba dag/ pha rol tu ni shes par 'gyur/ /lcags las g.ya' ni langs gyur pa/ /langs pa des ni de nyid za/ /de bzhin ma brtags byas pa yi/ /rang gi las kyis ngan 'gror 'gro/ /las kyi tshoms te dgu pa'o// //dad dang ngo tsha tshul khrims sbyin pa ste/ /chos 'di ni rnams ni skyes bu dam pas bsngags/ /'di yis lha yi 'jig rten 'gro 'gyur zhing / /lam 'di nyid kyis lha yul 'gro zhes gsungs/ /'jungs rnams lha yi 'jig rten mi 'gro zhing / /de yis byis pa sbyin </font><hr>335a<br><font size=+1>


@#/ /ba'i bsngags mi brjod/ /brtan rnams sbyin la rjes su yi rang ba/ /des ni de dag gzhan du bde ba myong / /'di na skyes bu'i nor mchog dad pa ste/ /'di na chos la legs spyod pa de pa 'thog/ /bde na kho na ro bro rnams kyi phul/ /shes rab kyis 'tsho 'tsho ba'i mchog ces gsungs/ /mya ngan 'das par 'gro ba yi/ /dgra bcom chos la dang bskyed de/ /mkhas pas gus par mnyan na ni/ /de dang de yi shes rab 'thob/ /bag can gyis ni rgya mtsho dang / /dad pas chu bo rnams las sgrol/ /brtson 'grus kyis ni sdug bsngal spong / /shes rab kyis ni yongs dag 'gyur/ /dge slong dad pa'i grogs ldan zhing / /shes rab kyis ni gtams pa dang / /mya ngan 'das la mngon dga' bas/ /'ching ba thams cad gcod par 'gyur/ /gang gis dang dang tshul khrims dang / /shes rab nyid ni legs bsgoms shing / /mkhas pa skyon rnams spong ba de'i/ /legs pa'i ngang tshul can zhes brjod/ /dad dang tshul khrims phun sum tshogs/ /gtong ldan 'jungs pa rnam spangs pa/ /de ni gang dang gar song ba/ /de dang der ni mchod par 'gyur// mkhas gang 'tsho ba'i 'jig rten na/ /dad dang shes rab stan byed pa/ /de dag de yi nor mchog ste/ /de yi nor gzhan phal par zad/ /'phags pa lta bar 'dod pa dang // </font><hr>335b<br><font size=+1>


dam chos nyan par dga' ba dang / /ser sna'i dri ma rnams spangs pa/ /de ni dad pa can zhes bya/ /dad pa'i lam rgyags bskur bar bya/ /bsod nams chom pos dbrog mi nus/ /chom rkun 'phrog par byed pa bzlog /dge spyong rnams kyis blangs nas dga'/ /mkhas pa dge sbyong 'ongs pa la/ /mngon par dga' bar byed 'gyur zhing / /skye bo rnams ni ci rigs par/ /dad pa ji bzhin sbyin byed cig /gzhan gyi zas dang skom de la/ /gang zhig yin ni mi bde ba/ /des ni nyin dang mtshan rnams su/ /ting 'dzin thob par mi 'gyur ro/ / gang gis ta la'i mgo bcad ltar/ /de 'dra kun tu gcod byed pa/ /des ni nyin dang mtshan rnams su/ /ting nge 'dzin dag thob par 'gyur/ /khron pa skam po ji lta bar/ /dad pa med pa bsten mi bya/ /ji ste de la yongs brkos kyang / /'dam chu dring 'byung bar 'gyur/ /chu mang rnam par dad pa dang / /bsil bar gyur cing rnyog med pa'i/ /mtsho la chu 'dod ji lta bar/ /shes rab can gyis dad ldan pa sten/ /chags sam ma chags kyang rung ste/ /de yis thub sku mi nges pas/ /ma dad pa dag spang bar bya/ /dad pa rnams ni nye bar bsten/ / dad pa'i tshems te bcu pa'o// //sdom la/ mi rtag 'dod dang sred pa dang / /bag yod de bzhin dga' ba dang / /tshul khrims legs spyod tshig dag dang / / </font><hr>336a<br><font size=+1>


@#/ /las dang dad pa de dag bcu/ /bram zes 'dod pa rab spang zhing / /brtson 'grus kyis ni rgyun chod cig/ 'dod pa rab tu ma spangs par/ /thub pa gcig gis ma thob bo/ /kun tu rgyu ba zhan pa dag/ nyon mongs phyir yang kun gsog pas/ /brtson 'grus brtan po kho na yis/ /bya ba de nyid byed la rag/ zhan pa'i las ni ji snyed dang / /kun nas nyon mongs dka' thub dang / /tshangs spyod yongs su ma dag de/ /don chen 'gyur snyam mi byed do/ /ji ltar mda' ni gzung nyes pas/ /lag pa chod par gyur pa ltar/ /dge slong bsrung pa bya nyes dang / /dmyal bar nye bar khrid par byed/ /ji ltar mda' ni bzung legs pas/ /lag pa chod par mi 'gyur ltar/ /dge sbyong bsrung ba bya legs na| |mya ngan 'das par nye bar 'dren/ /dge sbyong rnam par ma shes dang / /rgal bar dka' dang bzod dka' dang / /gang dag zhan pa 'gyod 'gyur ba'i/ /sdug bsngal mang po de dag 'byung / /yang dang yang du 'gyod pa yi/ /kun rtog dbang du 'gro ba yi/ /sems ni zlog pa ma byas par/ /dge sbyong spyod pa ji ltar bya/ /nyes par rab byung nyes dga' ba/ /khyim 'dug nyes rtsom byed pa dag/ sdug bsngal mnyam med sten pa dang / /yang srid sdug bsngal sogs par zad/ /tshem bu dur smrig gyon pa dang / /phal </font><hr>336b<br><font size=+1>


cher yang dag mi sdom zhing / /sdig pa'i chos can sdig la dga'/ /sdig can de dag ngan 'gror 'gro/ sA la'i shing la 'khri shing ltar/ /gang zhig shin tu khrims 'chal te/ /ji ltar rang la dgra bzhin du/ /de ni de ltar byed par 'dod/ /mgo bo skya bor gyur par du/ /de dung rgan rabs ma chud pa/ /de ni lang tsho gtugs pa ste/ /de ni rgan blun zhes bya'o/ / gang zhig dge dang sdig pa dag/ spangs shing tshangs par spyod pa dang / /sde tshogs spangs nas spyod byed pa/ /de ni rgan rabs zhes bya'o/ /brtul zhugs med cing brdzun smra na/ / mgo po bregs tsam dge sbyong min/ /rmongs pa 'dod la zhugs pa dag/ jig dge sbyong yin nam kye/ /brtsul zhugs med cing brdzun smra na/ /mgo bo bregs tsam dge sbyong min// gang zhig sdig pa zhi gyur te/ /mkhas pas dge sbyong yin par shes/ /brtul zhugs med cing brdzun smra na/ /mgo bo bregs tsam dge sbyong min/ /gang dag sdig pa che phra dag/ kun la brtags nas byed pa dang / /sdig pa zhi ba de dag ni/ /dge sbyong nyid ces brjod par bya/ /sdig pa spangs pa bram ze ste/ /zhi bar byed pa dge sbyong yin/ /bdag gi/ dri ma rab spangs pa/ /des na rab tu byung zhes brjod/ /dge sbyong gi tshoms te bcu gcig pa'o// //gang tshe 'phags pa'i bden pa bzhi/ /shes rab kyis </font><hr>337a<br><font size=+1>


@#/ /ni mthong ba dang / /lam 'di rab tu shes pa yis/ /srid pa'i sred pa rab tu 'dral/ /dper na rlung gis rdul bslang ba/ /char pa bab pas zhi byed ltar/ /gang tshe shes rab kyis mthong ba/ /de tshe kun rtog zhi bar 'gyur/ /gang zhig legs par rtogs pa yis/ /skye shi legs par zad 'gyur zhing / /'jig rten nges 'byed 'gyur ba yi// shes rab de ni gtso bo yin/ /bden pa'i nang na bden bzhi dang / /lam nang yan lag brgyad pa mchog/ rkang gnyis nang na mig can dang / /chos kyi nang na chags bral mchog/ /'du byed thams cad mi rtag par/ /gang tshe shes rab kyis mthong ba/ /de tshe sdug bsngal las yid 'byung / /lam 'di rnam par dag par 'gyur/ /'du byed thams cad sdug bsngal bar/ /gang tshe shes rab kyis mthong ba/ /de tshe sdug bsngal las yid 'byung / /lam 'di rnam par dag par 'gyur/ /'du byed thams cad stong nyid du| |gang te shes rab kyis mthong ba/ /de tshe sdug bsngal las yid 'byung / /lam 'di rnam par dag par 'gyur/ /'du byed thams cad bdag med par/ /gang tshe shes rab kyis mthong ba/ /de tshe sdug bsngal las yid 'byung / /lam 'di rnam par dag par 'gyur/ /srid pa'i zug rdu gcod byed lam/ /das ni khyed cag rnams la bstan/ / </font><hr>337b<br><font size=+1>


de bzhin gshegs pa ston pa ste/ /khyed cag rnams kyis bya dgos so/ /srid pa'i zug rngu sel ba'i lam/ /ngas ni khyed cag rnams la bstan/ /de bzhin gshegs pa ston pa ste/ / khyed cag rnams kyis bya dgos so/ /lta ba rnam par dag byed pa/ /lam 'di ma gtogs gzhan med pas/ /ting nge 'dzin la rab gnas te/ /bdud kyi 'ching ba spang bar gyis/ /'di ni drang lam 'di ni pha rol gnon/ /mtsho la ngang pa'i srang ltar bgrod pa gcig/ shAkya thub pas mnyam gzhag gang rtogs nas/ /tshogs la yang dang yang du bshad pa 'di// skye shi'i mtha' rtogs phan mdzad thugs brtse bas/ /bgrod pa gcig lam rab tu bstan mdzad pa'i/ /lam 'dis chu bo rnams las sngon brgal cing / /de bzhin brgal bar 'gyur zhing rgal bar mdzad/ /shin tu mthar gtugs gdul bya dag bya dang / /'khor ba'i skye shi zad par bya ba dang / /khams rnams du ma so sor rtogs bya'i phyir/ /sbyan dang ldan pas lam 'di rab tu bstan/ /ji ltar chu klung gang+gA'i chu rgyun zhugs/ /rgya mtsho'i nang du 'bab par 'gyur ba ltar/ /de bzhin gshegs rab yangs pas bstan pa'i lam/ 'di ni 'chi med thob par bya phyir 'jug/ gang zhig 'byung pa kun la thugs brtse bas/ /sngon chad ma thos chos kyi 'khor lo bskor/ /skyob pa lha dang mi rnams 'dul mdzad pa/ / </font><hr>338a<br><font size=+1>


@#/ /srid pa'i mthar phyin de la phyag 'tshal lo/ /rnam rtog dge ba gsum ni brtag bya zhing / /dge ba ma yin gsum yang rnam par spangs/ /kun nas rdul langs char gyis mnan pa ltar/ /de nas rtog dang dpyod pa zhi ba bya/ /de nas sems la rnam rtog nyer zhi nas/ /bla med byang chub bde la reg par 'gyur/ /ting 'dzin gsum po rnams la yid gtad cing / /bden pa las skyed tshad med bsgom par bya/ /dran ldan mkhas pas mdud pa zhi bya zhing / /gsum po rnams kyis gnas gsum rab tu dral/ /shes rab mtshon dang brtson 'grus stobs dang ldan/ /dran ldan mnyam gzhag ting 'dzin la dga' bas/ /'jig rten skye dang 'jig par rtogs nas ni/ /kun las rab tu rnam grol de rig yin/ /'jig rten mtha' ma legs par rtogs gyur nas/ /'jig rten mthar son pha rol phyin zhes brjod/ /gang gis zhi ba 'phags lam yan lag brgyad/ /lam dang bsgoms pa des ni bdud rtsi rnyed/ /de ltar spyod pas bde 'dod bde ba 'thob/ /snyan pa 'thob cing grags pa 'phel bar 'gyur/ /lam gyi tshoms te bcu gnyis pa'o// //ched du brjod pa'i tshoms bam po gnyis pa/ /dre'u mo rang gi mngal gyis dang / /'dam bu smyig ma 'bras bu </font><hr>338b<br><font size=+1>


bu dang / /chu shing 'bras bus phung ba ltar/ /pho bshal bkur stis phul bar 'gyur/ /ji srid blun po mchod byas pa/ /de srid rab tu brlag par 'gyur/ /byis pa'i dkar po'i cha 'grib cing / /de yi sbyi bo'ang nges par nyams/ /ngan pa rnyid pa 'dod pa dang / /dge slong 'khor ni 'dod pa dang / /gnas la ser sna byed pa dang / rigs gzhan dag gis mchod pa dang / / rab tu byung dang khyim pa dag/ gang yang rung bas bdab/ 'phrigs te/ /bya ba byas rung ma byas rung / /bdag dbang gyur re stes zhes/ /de ltar byis pa kun rtogs na/ /sems la 'dod chen 'phel bar 'gyur/ /rnyed pa'i thabs ni gzhan yin la/ mya ngan 'dad 'gro'i gzhan yin zhes/ /de ltar ci rigs shes nas su/ /bur sti dag la mi dga' zhing / /dben pa rim gyis 'phel byed pa'i/ /dge slong sangs rgyas nyan thos yin/ /thams cad la ni mi rtsol zhing / /mi yis 'phrigs par mi gyur dang / /'tsho ba gzhan la mi rten cing / /chos la tshod pa bzhi mi spyad/ /rang gi rnyed pa blang bya zhing / /gzhan gyi la ni 'dod mi bskyed/ /dge slong gzhan gyi 'dod byed pas/ /ting nge 'dzin 'thob par mi 'gyur ro/ /gal te bde bar 'tsho 'dod cing / /dge spyod 'di la lta 'dod na/ /dge 'dun gyis ni chos gos dang / /bza' ba tung byin par gyur na blang / /gal te bde bar </font><hr>339a<br><font size=+1>


@#/ /'tsho 'dod cing / /dge sbyong 'di la lta 'dod na/ /byi ba'i khung nas sprul lta bur/ /gnas mal dag la bsten par gyis/ /gal te bde bar 'tsho 'dod cing / /dge sbyong 'di la lta 'dod na/ /ngan ngon tsam gyis chog shes shing / /chos gcig po yang bsgom par bya/ /gal te mang po mi shes shing / /tshul khrims legs par mnyam gzhag na/ /de shes pa dag 'tsho dag cing / /snyoms las med ces bstod par byed/ /gal te 'chi bdag nyams byed pa'i/ /zag med rig pa gsum ldan na/ /blun pos ci yang mi shes zhes/ /bsams nas de la 'phya yang sla/ /gang zag sdig pa'i chos can la/ /gal te bza' dang btung ba yis/ /rnyed pa dag dang ldan gyur na/ /de la de dag mchod pa byed/ /mgo bregs ngur smrig byis pa yi/ /bza' ba dang ni btung ba dang / /gos dang mal cha rnyed pa lta/ /dgra byed mang ba kho nar zad/ /de ltar bkur sti 'jigs chen gyi/ / skyon rnams khong du chud byas nas/ /'phrigs nyung sems khral bskyungs nas su/ /dran ldan dge slong kun tu rgyus/ /kham gyi zas kyis sems zhing mi 'gyur yang / /'tsho ba 'di phyir mi bza' mi bya ste/ /kha zas kyis ni lus dag gnas 'gyur pa/ /de ltar rtogs la bsod snyoms dag la rgyus/ /rigs kyis phyag byas mchod pa gang yin 'di/ /zug rngu </font><hr>339b<br><font size=+1>


phra mo dbyung bar dka' ba ste/ /mi yis bzod dka' bkur sti gang yin 'di/ /'dam dang 'dra bar rab tu rtogs par gyis/ /bkur sti'i tshoms te bcu gsum pa'o// // sdig pa'i las ni mi byed pa/ /'khu bya min la gang 'khu ba/ /'jig rten 'di dang pha rol tu/ /de nyid sdig pa rnams kyi gos/ /dang por bdag ni phung byed cing / /phyi nas gzhan yang phung byed pa/ /khra yi gzan ma'i bya lta bur/ /phung zhing gzhan yang phung bar byed/ /rdeg par byed pa rdeg pa 'thob/ /'khon du 'dzin pas 'khon can mthong / /de bzhin gshe bas gshe ba ste/ /khro bar byed la khro ba 'byung / /'di gzhan dge sbyong byis pa ste/ /ngam pa'i chos la mi mkhas pa/ /yongs su tshe thung 'di la yang / /gyi na'i phyir ni 'khon par byed/ /'di ni mchog ces bsams nas su/ /so sor smra zhing mthun 'jug pas/ /'di na dge 'dun 'byed pa'i tshe/ /ci phyir stobs med sems mi byed/ /rus pa gcog cing srog gcod la| |rta phyugs nor ni 'phrog pa dang / /yul 'khor 'joms par byed pa yang / /phyi nas 'jal du ma byed pa ltar/ /mkhas pas brtags shing gsungs pa'i tshig/ spyod yul ston par byed pa yi/ /chos 'di rnam par shas na ko/ /khyed cag ci phyir byed mi 'gyur/ /khyod ni mi mkhas lugs can te/ /kha bya yis ni rtsol byed pa/ /pha rol po </font><hr>340a<br><font size=+1>


@#/ /dag mi shes pas/ /bdag ni 'di la brtson par byed/ /'di na mkhas pa gang yin pa/ /de dag bzhams pa'i tshig gis zhi/ /bdag la kha zer bdag la gshe/ bdag pham bdag pham byed pa'o zhes/ /'di gang sems la 'dzin byed pa/ /de yi 'khon ni zhi mi 'gyur/ /bdag la kha zer bdag la gshe/ bdag pham bdag pham byed pa'o zhes/ /'di gang sems la mi 'dzin pa/ /de yi 'khon ni zhi bar 'gyur/ /'di na 'khon gyis 'khon can dag/ nam yang zhi bar 'gyur ba med/ /bzod pas 'kho na ni zhi 'gyur ba/ /'di ni chos kyi rang bzhin yin/ /'khon gyis 'khon can nam yang zhi mi 'gyur/ /'khon med rnams kyis 'khon ni zhi bar byed/ /sha khon zhugs pa lus can la gnod pas/ /de phyir mkhas pas 'khon par mi bya'o/ /brtan pa legs gnas lhan cig spyad pa yi/ /grogs po mkhas pa gal te rnyed na ni/ /nyon mongs thams cad mngon par zil mnan nas/ /dran ldan dga' ba'i yid kyis de dang spyad/ /brtan pa lags gnas lhan cig spyad pa yi/ /grogs po mkhas pa gal te ma rnyed na| |yul 'khor yangs pa spangs pa'i rgyal po ltar/ /gcig pus spyad byas sdig pa mi bya'o/ /bdag dang mthun par spyod pa yi/ /grogs bzang rnyed par ma gyur na/ / </font><hr>340b<br><font size=+1>


byis pa grogs su mi 'gyur bas/ /gcig pus spyod pa brtan par bya/ /byis pa grogs su mi 'gyur bas/ /gcig pus spyod par byed slabs/ /ma tang dgon pa'i glang po ltar/ /sems khral bskyangs te gcig pu spyad/ /'khu ba'i tshoms te bcu bzhi pa'o// //sangs rgyas kyis ni bstan pa bzhin/ /gang gi dbugs dbyung rngub dran pa/ /yongs su rdzogs par legs bsgoms pas/ /rim gyis yongs su byung gyur te/ /sprin bral nyi ma zla ba ltar/ /'jig rten 'di ni kun nas gsal/ /'greng dang 'dug dang de bzhin nyal ba dang / /lus dang de bzhin sems ni 'jog byed cing / /dge slong dran pa de legs 'jog pa na/ /snga phyi'i khyad par rnams ni thob par 'gyur/ /snga phyi'i khyad par rnams ni thob gyur na/ /'chi bdag rgyal pos bltar yang med par 'gro/ lus rtogs dran pa nye bar gzhag nas su/ /reg pa'i skye mched drug ni bsdam byas te/ /gang zhig rtag tu mnyam par 'jog byed pa/ /de bdag nyid kyis mya ngan 'das pa rtogs/ /gang zhig rtag tu rnam pa thams cad du/ /lus rtogs dran pa nye bar 'jog byed pa/ /bdag nyid med cing bdag gir 'dzin pa med/ /bdag tu mi 'gyur bdag gir 'dzin mi 'gyur/ /de ltar dge slong mnyam 'jog myur du ni/ /yul la sred pa dag las brgal bar 'gyur/ /gang </font><hr>341a<br><font size=+1>


@#/ /zhig dran dang shes bzhin mnyam 'jog dang / /dga' dang rab tu dang pas dus dus su/ /chos 'di la spyod mel tshe byed pa de/ /skye rga rnams las brgal bar 'gyur zhes gsung / /de ltas rtag tu mel tshe byed sten cing / /dge slong mkhas pa dran ldan brtson pa yis/ /skye ba kun tu sbyor ba spangs nas su/ /des ni 'di la mya ngan 'das pa 'thob/ /gnyid log de dag sad par byed pa yi/ /mel tshe bdag las khyod nyon cig /nyal bas mel tshe byed sla ste/ /mel tshe byed la 'jigs pa med/ /mel tshe byed par brtson pa dang / /nyin mtshan rjes su slob byed cing / /'chi ba med la lhag mos pa'i/ /zag pa rnams ni zad par 'gyur/ /gang zhig nyin dang mtshan rnams su/ /sangs rgyas rjes su dran byed cing / /gang dag sangs rgyas skyabs song ba/ /de dag mi yi rnyed pa yin/ /gang zhig nyin dang mtshan rnams su/ /chos rnams rjes su dran byed cing / /gang dag chos la skyabs song ba/ /de dag mi yi rnyed pa yin/ /gang zhig nyin dang mtshan rnams su/ /dge 'dun rjes su dran byed cing / /gang dag dge 'dun skyabs song ba/ /de dag mi yi rnyed pa yin/ /gang zhig nyin dang mtshan rnams su/ /sangs rgyas rjes su dran byed pa/ /gau ta ma yi nyan thos de/ /legs par sad pas sad par 'gyur/ /gang zhig nyin </font><hr>341b<br><font size=+1>


dang mtshan rnams su/ /chos rnams rjes su dran byed pa/ /gau'u ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /dge 'dun rjes su dran byed pa/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /tshul khrims rjes su dran byed pa/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /gtong pa rjes su dran byed pa/ /gau ta ma yi nyan thos te/ /legs par sad pas sad par gyur/ /gang zhig nyin dang mtshan rnams su/ /lha ni rjes su dran byed pa/ /gau ta ma nyan thos de/ /legs par sad pas sad par 'gyur/ /gang zhig nyin dang mtshan rnams su/ /rtag tu lus rtogs dran byed pa/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /rtag tu ting 'dzin bzhi dran pa/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /'tshe ba med la yid dga' ba/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /gnod sems med la yid dga' ba/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ / </font><hr>342a<br><font size=+1>


@#/ /bsgom pa la ni yid dga' ba/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /stong pa nyid la yid dga' ba/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /mtshan ma med la yid dga' ba/ /gau'u ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /dben pa la ni yid dga' ba/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /nges par 'byung la yid dga' ba/ /gau ta ma yi nyan thos de/ /legs par sad pas sad par 'gyur/ /gang zhig nyin dang mtshan rnams su/ /ci yang med la yid dga' ba/ /gau ta ma yi nyan thos te/ /legs par sad pas sad par 'gyur/ /gang zhig nyin dang mtshan rnams su/ /mya ngan 'das la yid dga' ba/ /gau ta ma yi nyan thos de/ /legs par sad pas sad par 'gyur/ /dran pa'i tshoms te bco lnga pa'o// //bdag gi bya ba bya ba'i dus g.yo bas/ /dang po kho nar bya ba'i mel tshe gyis/ /bdag gis dang po de ltar byas na ni/ /bya ba bya ba'i dus lta zas 'dod cing / /ji ltar 'dod pa de bzhin 'byor </font><hr>342b<br><font size=+1>


'gyur bar/ /de yi rang bzhin nga yis mthong bas na/ /ji srid don ni phun sum tshogs 'gyur ba/ /de srid bar du mi yis bsgrim par gyis/ /bsgrim zhing brtson par bya ba yis/ / bdag nyid gling du 'gyur bar bya/ /mgar ba yis ni dngul bzhin du/ /rang gi dri ma sbyang bar gyis/ /dri ma sbyangs ba skyon mi 'byung / /phyi nas skye dang rga mi 'thob/ /ngo tsha min la ngo tsha zhing / /ngo tsha ba la ngo mi tsha/ /mi 'jigs pa la 'jigs lta dang / /'jigs la mi 'jigs lta ba yi/ /log par lta ba blangs pa yis/ /sems can ngan 'gror 'gro bar 'gyur/ 'di na gang sngon bag med las/ /phyi nas bag dang ldan gyur te/ /sprin bral nyi ma zla ba ltar/ /'jig rten 'di na kun nas gsal/ /'di na gang sngon bag med las/ /phyi nas bag dang ldan gyur te/ /'jig rten 'di na sred pa las/ /dran pa legs par 'da' bar 'gyur/ /gang zhig gzhon nur rab byung nas/ /sangs rgyas bstan la 'jug pa de/ /sprin bral nyi ma zla ba ltar/ /'jig rten 'di na kun nas gsal/ /gang zhig gzhon nur rab byung nas/ /sangs rgyas bstan la 'jug pa de/ /'jig rten 'di na sred pa las/ /dran pas legs par 'da' bar 'gyur/ /gang zhig sdig pa'i las byas pa/ /dge bas 'gabs par byed pa de/ /sprin bral nyi ma zla ba ltar/ /'jig rten 'di na kun nas gsal/ /gang zhig sdig </font><hr>343a<br><font size=+1>


@#/ /pa'i las byas pa/ /dge bas 'gebs par byed pa de/ /'jig rten 'di na sred pa las/ /dran pas legs par 'da' bar 'gyur/ /gang zhig gson la mi dga' ba/ /de ni shi na'ang mya ngan med/ /brtan pa go 'phang mthong ba de/ /mya ngan dbus na'ang gdung mi 'gyur/ /gang zhig gson la mi dga' ba/ /de ni shi na mya ngan med/ /brtan pa go 'phang mthong ba de/ /gnyen 'dun dbus na lam mer 'dug/ dge slong dkar po bsgom gyis la/ /nag po'i chos ni rnam par spongs/ /khyim nas khyim med song nas su/ /spyod yul dben pa gang yin pa/ /de la mngon par dga' bslab cing / /'dod pa ci yang med par spongs/ /rtag tu snying po dag pa dang / /rtag tu gso sbyong dag pa dang / /gtsang ma'i las ni dag pa de'i/ /brtul zhugs phun sum tshogs par 'gyur/ /zhing gi skyon ni rtswa yin ltar/ /skye dgu 'di la 'dod chags skyon/ / de bas 'dod chags bral rnam la/ /byin na 'bras bu chen por 'gyur/ /zhing gi skyon ni rtswa yin ltar/ /skye dgu 'di la zhe sdang skyon/ /de bas zhe sdang bral rnams la/ /byin na 'bras bu chen por 'gyur/ /zhing gi skyon ni rtswa yin ltar/ /skye dgu 'di la gti mug skyon/ /de bas gti mug bral rnams la/ /byin na 'bras bu chen por 'gyur/ /zhing gi </font><hr>343b<br><font size=+1>


skyon ni rtswa yin ltar/ /skye dgu 'di la nga rgyal skyon/ /de bas nga rgyal bral rnams la/ /byin na 'bras bu chen por 'gyur/ /zhing gi skyon ni rtswa yin ltar/ /skye dgu 'di la chags pa skyon/ /de bas chags dang bral rnams la/ /byin na 'bras bu chen por 'gyur/ /zhing gi skyon ni rtswa yin ltar/ /skye dgu 'di la sred pa skyon/ /de bas sred dang bral rnam la/ /byin na 'bras bu chen por 'gyur/ /drug pa bdag po rgyal po ste/ /chags par gyur na chags can yin/ /ma chags gyur na ma chags yin/ /chags pa byis pa zhes brjod do/ /'dod chags zhe sdang nga rgyal dang / /'chab pa gang du gnas pa yi/ /grong khyer rus pa'i ra ba can/ /sha dang khrag gis zhal zhal byas/ /rgyu yis kun nas bslang ba las byung sdug bsngal can/ /de ma mthong na der ni de dag 'ching 'gyur zhing / /de dag rtogs na chu bo rnams ni rab tu spong / /phyi rol pa la chags pa de dag spong pa med/ /sil bu'i tshoms te bcu drug pa'o// // de dag khyim la mi dga' bar/ /dran dang ldan pa 'bad pa yis/ /dang pas mtsho ngan spong ba ltar/ /de dag khyim spangs chu bo brgal/ /brtan pa 'jig rten nges byung nas/ /bdud kyi sde rnams rab bcom ste/ /nyi ma'i lam nas ngang pa ltar/ /rdzu 'phrul gyis ni mkha' la 'gro/ tshangs par spyod pa ma spyad cing / /gzhon nur nor ni ma rnyed pa/ /mtsho ngan nya </font><hr>344a<br><font size=+1>


@#/ /nyung ngogs dag na/ /chu skyar rgan sems bzhin du 'gyur/ /tshangs par spyod pa ma spyad cing / /gzhon nur nor ni ma rnyed pa/ /sngan chad byas pa rjes dran zhing / /lus bskums nas ni nyal bar 'gyur/ /sdig pa chung byas bdag nyid kyi/ /phyi bzhin mi 'ong ma sems shig/ chu yi thigs pa lhung ba yis/ /bum chen gang ba ji bzhin du| /cung zad cung zad bsags pa yi/ /sdig pas byis pa gang bar 'gyur/ /dge ba chung byas bdag nyid kyi/ /phyi bzhin mi 'ong ma sems shig /chu yi thigs pa lhung ba yis bum chen gang ba ji bzhin du/ /cung zad cung zad bsags pa yi/ /dge bas brtan pa gang bar 'gyur/ /gang zhig rags brtsigs mtsho ngan spangs/ /rgya mtsho'i chu bo rgal 'dod pa| |skye bos gzings ni bcas nas kyang / /skye bo mkhas pa rgal bar byed/ /brgal nas sangs rgyas bcom ldan 'das/ /bram ze skam sar gnas par mdzod/ /de la dge slong khrus byed cing / /nyan thos rnams kyis gzings kyang bcas/ /ji ltar mtsho chen zab mo dag/ rab tu man ma dang rnyog med ltar/ /de bzhin mkhas pa rab dang bas/ /'di ni chos ni nyan par byed/ /'di ltar kun na chu yod pas/ /su zhig tshol zhing rgyu byed de/ /khron pa'i chu lta ci zhig dgos/ /sred pa rtsa nas bcad par gyis/ /btso blag mkhan </font><hr>344b<br><font size=+1>


dag chus 'khru zhing / /mda' mkhan mes ni spong ba dang / /shing mkhan shing la 'jog sbyong ltar/ /mkhas pas bdag nyid gdul bar bya/ /nam mkha' lta bur chags med cing / sgo them lta bur g.yo ba med/ /rnyog pa can gyi mtsho lta bur/ /mkhas pa 'khor ba la mi dga'/ /chu'i tshoms te bcu bdun pa'o// //lhar bcas gshin rje'i 'jig rten 'di/ /sa steng las rgyal gang zhing lags/ /me tog lta bur rab 'dod pa'i/ /chos bzhi legs par ston mkhas gang / /lhar bcas gshin rje'i 'jig rten 'di/ /sa steng las rgyal slob pa yi/ /me tog lta bur rab 'dod pa'i/ /chos bzhi legs par ston mkhas de/ /nags tshal las ni 'jigs skyes phyir/ /nags tshal gcad kyi shing ma yin/ /nags dang nags sbyor chod cig dang / /dge sbyong mya ngan 'da' bar 'gyur/ /gal te nags sbyor ma bcad na/ /phra rab kyis kyang mi rnams skye/ /ma drung nu zho 'dod be'u ltar/ /de yis yid ni rab tu 'ching / /lag pas ston ga'i pad+ma ltar/ /bdag la dga' ba bcad nas su/ /rgyal gsungs mya ngan 'das pa'i phyir/ /zhi ba'i lam nyid bskyed par gyis/ /ji ltar me tog yid 'ong ba/ /kha dog bzang yang dri med ltar/ /de bzhin legs pa gsungs pa'i tshig/ /'bras bu med par ma byed cig/ ji ltar bung ba me to </font><hr>345a<br><font size=+1>


@#/ /gi| kha dog dri la mi gnod par/ /khu ba bzhibs nas 'phur ba ltar/ /de bzhin thub pa grong du rgyu/ /gzhan gyi skyon la mi brtag cing / /gzhan gyi byas dang ma byas min/ /bdag nyid kyis ni rigs pa dang / /mi rigs pa la brtag par bya/ /ji ltar phyag dar phung po dag/ mi gtsang chu ni med 'di las/ /pad+ma kha bye gtsang ba dang / /dri zhim yid 'ong rab skyes ltar/ /de bzhin so so skye bo dag/ ldongs gyur phyag dar phung 'di las/ /rdzogs sangs rgyas kyi nyan thos dag/ shes rab kyis ni gsal ba 'byung / /ji ltar me tog phung po las/ /me tog phreng rgyud mang byed ltar/ /de bzhin mir ni skyes pa yi/ /dge ba phal chen rnams kyang bya/ /ji ltar dbyar kha ba ku la'i/ / me tog rab tu rnam 'brul ltar/ /de bzhin dge slong 'dod chags dang / /zhe sdang gti mug spang bar gyis/ /mi yi yid la rnam chags dang / /me tog bzhin du rab bsags pa| |'chi bdag gis ni blangs nas 'gro/ /nyal 'gro chu bos bcas pa bzhin/ /mi yi yid la rnam chags dag/ me tog bzhin du rab bsags pa/ /'dod pa rnams kyis mi ngoms shing / /'chi bdag gis ni dbang du byed/ /mi yi yid la rnam chags dag/ me tog bzhin du rab bsags pa/ /longs spyod skye bar mi 'gyur zhing / /'chi bdag </font><hr>345b<br><font size=+1>


gis ni dbang du byed/ /mi yi yid la rnam chags dag /me tog bzhin du rab bsags pa/ /bya ba mthar ni ma phyin bar/ /'chi bdag gis ni dbang du byed/ /lus 'di bung ba 'dra bar rtogs byas shing / /de bzhin chos rnams smig rgyu 'drar shes nas/ /bdud kyi me tog mchog ni 'dir gcod pa/ /'chi bdag rgyal pos bltar yang med par 'gro / 'jig rten 'di dag bung ba 'drar rtogs shing / /de bzhin chos rnams smig rgyu 'drar shes nas/ /bdud kyi me tog mchog ni 'dir gcod pa/ /'chi bdag rgyal pos bltar yang med par 'gro/ lus 'di dbu ba 'dra bar rtogs byas shing / /de bzhin chos rnams smig rgyu 'drar shes nas/ /bdud kyi me tog mchog ni 'dir gcod pa/ / 'chi bdag rgyal pos bltar yang med par 'gro/ 'jig rten 'di dag dbu ba 'drar rtogs shing / /de bzhin chos rnams smig rgyu 'drar shes nas/ bdud kyi me tog mchog ni 'dir gcod pa/ /'chi bdag rgyal pos bltar yang med par 'gro/ srid pa u du ma bA ra'i me tog ltar/ /snying po med par sems pa'i dge slong gang / /de ni pha rol min pa'i pha rol po/ /spong ste sprul rgas pags rnying rje ba bzhin/ /chu skyes rtsa ba'i me tog chu gnas lta'i/ /'dod chags ma lus gcod byed dge slong gang / /de ni pha rol </font><hr>346a<br><font size=+1>


@#/ /min pa'i pha rol po| |slong ste sbrul rgas pags rnying rje ba bzhin/ /chu skyes rtsa ba'i me tog chu gnas lta'i/ /zhe sdang ma lus gcod byed dge slong gang de ni pha rol min pa'i pha rol po/ /spong ste sbrul rgas pags rnying rje ba bzhin/ /chu skyes rtsa ba'i me tog chu gnas lta'i/ /gti mug ma lus gcod byed dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /chu skyes rtsa ba'i me tog chu gnas lta'i/ /nga rgyal ma lus gcod byed dge slong gang / /de ni pha rol min pa'i pha rol po/ /spong ste sprul rgas pags rnying rjes bzhin/ /chu skyes rtsa ba'i me tog chu gnas lta'i/ /chags pa ma lus gcod byed dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /chu skyes rtsa ba'i me tog chu gnas lta'i/ /sred pa ma lus gcod byed dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /me tog gi tshoms te bco brgyad pa'o// //ji ltar rta bzang lcag gis gzhus pa na/ /skrag cing shugs drag 'gro byed ji bzhin du/ /dad pa tshul khrims ting 'dzin ldan pa dang / /chos rnams rnam par gtan la 'bebs ldan zhing / /dbang po mnyam gzhag bzod ldan 'grogs </font><hr>346b<br><font size=+1>


bde ba/ /skyob pa de rnams sred pa ma lus spong / /ji ltar rta bzang lcag gis gzhus pa na/ /skrag cing shugs drag 'gro byed ji bzhin du/ /dad pa tshul khrims ting 'dzin ldan pa dang / /chos rnams rnam par gtan la 'bebs ldan zhing / /rig dang rkang par ldan zhing dran ldan pa'i/ /skyob rnams sdug bsngal ma lus spong bar mdzad/ /'dul sbyod byed pas legs brtul rta lta bur/ /gang zhig dbang po legs par sdom pa yis/ /khro ba spong zhing zag pa zad byed pa/ /thub de rnams kyis lha yi bar du myong / /bag yod pa yis bag med dang / /mi nyal mang pos gnyid log dang / /rta bzang gis ni rta rgod ltar/ /shin tu mkhas pas spangs nas 'gro/ /rta bzang la ni lcag bzhin du/ /gang zhig ngo tsha shes sten cing / /shes rab legs par mnyam bzhag pa/ /des ni sdig pa sel bar byed/ /dul ba 'dun sar 'gro byed cing / /dul ba rgyal po lhag par zhon/ /gang zhig tshig nang bzod byed pa/ /dul ba mi yi nang na mchog/ glang po'i nang na glang chen dang / /sin du'i cang shes rta dang ni/ /dre'u 'dul byed pa gang yin pa/ /de bas bdag nyid 'dul ba mchog/ bdag nyid legs 'dul gang yin pa'i/ / mkhas des zhi ba thob 'gyur gyi/ /bzhon pa de dag rnams kyis ni/ /sa de mngon par 'thob mi srid/ /glang po'i nang na glang chen dang / /sin du'i cang shes rta dang ni/ /dre'u 'dul </font><hr>347a<br><font size=+1>


@#/ /byed pa gang yin pa/ /de bas bdag nyid 'dul ba mchog/ bdag nyid legs 'dul dran ldan gang / /des ni sdug bsngal mthar phyin gyi/ /bzhon pa de dag rnams kyis ni/ /sa de mngon par 'thob mi srid/ /glang po'i nang na glang chen dang / /sin du'i cang shes rta dang ni/ /dre'u 'dul byed pa gang yin pa/ /de bas bdag nyid 'dul ba mchog/ bdag nyid legs 'dul dran ldan gang / /des ni 'gro rnams spong 'gyur gyi/ /bzhon pa de dag rnams kyis ni/ /sa de mngon par 'thob mi srid/ /glang po'i nang ni glang chen dang / /sin du'i cang shes rta dang ni/ /dre'u 'dul byed pa gang yin pa/ /de bas bdag nyid 'dul ba mchog/ bdag nyid legs 'dul gang yin des/ /'ching ba bcad nas 'gro 'gyur gyi/ /bzhon pa de dag rnams kyis ni/ /sa de mngon par 'thob mi srid/ /'dul sbyong byed pas rta bzang ltar/ /bdag nyid kho na gdul bar bya/ /bdag med legs par 'dul ba yis/ /sdug bsngal rnams kyi pha mthar phyin/ /bdag nyid kho na bdag gi mgon/ /bdag nyid bdag gi skyabs yin pas/ /'dul spyod byed pas rta bzang ltar/ /de bas bdag nyid gdul bar bya/ /rta yi tshoms te bcu dgu pa'o// //khro ba spangs shing nga rgyal rnams spangs na/ /kun sbyor kun las shin </font><hr>347b<br><font size=+1>


tu 'da' 'gyur zhing / /ming dang gzugs la chags pa med de dag/ ci yang med par chags pa'i rjes mi ltung / /skyes ma thag tu khro ba spongs/ /skyes nas 'dod chags spang bar gyis/ / brtan pas ma rig rab tu spang / /bden pa mthong na bde bar 'gyur/ /khro ba spangs na bde bar nyal/ /khro ba spangs na gdung mi 'gyur/ /dge slong khro ba bde 'joms pa'i/ /dug gi rtsa ba chom zhig dang / /'phags pa rnams kyis bsngags 'gyur zhing / /de bcom pa yis mya ngan med/ /gang khros bdag gis legs byas kyi/ /ma legs min zhes rab smra ba/ /de ni khro ba zhi 'og tu/ /me yis bsregs bzhin gdung bar 'gyur/ /ngo tsha med cing khrel med pa/ /khro ba can la brtul zhugs med/ /khro bas mngon par zil non pa/ /de la su yang rten mi byed/ /gang zhig byis pa'i mthu stobs can/ /de yi stobs ni stobs med yin/ /byis pa chos dang bral ba la/ /bsgrub par bya ba yod re skan/ /gang zhig stobs dang ldan gyur kyang // stobs chung rnams kyi bzod byed pa/ /de ni bzod pa'i mchog ces gsungs/ /nyam chung ba lta rtag tu sgur/ /gang zhig gzhan gyi dpon gyur kyang / /stobs chung rnams kyi bzod byed pa/ /de ni bzod pa'i mchog ces gsungs/ /nyam chung ba lta rtag tu sgur/ /gzhan gyis lhag par brgyad bkag kyang / /stobs ldan gang zhig bzod byed pa/ /de ni bzod </font><hr>348a<br><font size=+1>


@#/ /pa'i mchog ces gsungs/ /nyam chung ba lta rtag tu skur/ /gzhan gyis lhag par smad byas kyang / /stobs ldan gang zhig bzod byed pa/ /de ni bzod pa'i mchog ces gsungs/ /nyam chung ba lta rtag tu sgur/ /gang zhig pha rol khros rig nas/ /bdag nyid nye bar zhi byed pa/ /de ni bdag dang gzhan dag gi/ 'jigs chen dag las skyob pa yin/ /gang zhig pha rol khros rig nas/ /bdag nyid nye bar zhi byed pa/ /de ni bdag dang gzhan dag gi /gnyis ka'i don ni spyod pa yin/ /bdag nyid dang ni gzhan dag dang / /gnyis ka'i don ni spyod de la/ /skye bo chos la mi mkhas rnams/ /byis pa yin zhes sems kyangs la/ /gtso ba'i tshig ni 'jigs phyir bzod byed dang / /'thab zla'i tshig ni 'thab gcugs rgyu bzod pas/ /gang zhig dman pa'i tshig la bzod byed de/ /bzod pa'i mchog ces dam pas rab tu gsungs/ /byis pa khros nas tshig rtsub dag/ smras na rgyal bar 'gyur snyam sems/ /gang zhig tshig dag bzod byed pa/ /de ni rtag tu rgyal ba yin/ /bden par smra bya khro mi bya/ /slong la chung yang sbyin par bya/ /rnam pa 'di gsum gnas kyis ni/ /lha yi gnas su 'gro bar 'gyur/ /khro ba'i zil gyis non pa'i mis/ /rang gi don kyang mi rtogs pas/ /'khor gyi nang du bag skyong la/ / </font><hr>348b<br><font size=+1>


khro ba med pa'i tshig smros shing / /gang zhig khros la slar khro ba/ /de ni sdig pa can 'gyur bas/ /khros la slar ni ma khro dang / /thub bar dka' ba'i g.yul las rgyal/ /khro ba med pas khro ba thub/ /legs pas legs pa ma yin thub/ /sbyin pa yis ni 'jungs pa thub/ /bden pas bden pa ma yin thub/ /dul zhing rigs pas 'tsho ba dang / /khro ba med pa gal khro/ /yang dag shes pas rnam grol ba'i/ /mkhas pa rnams la khro ba med/ /khro ba med la 'tshe med la/ /'phags pa'i skye bos rtag bsten kyang / /skye bo sdig can khro ba dang / /ri bo bzhin du sgur bar byed/ /gang zhig khro ba byung ba dang / /shing rta 'khyams las 'dzin byed de/ /'dul sbyong mkhan du ngas gsungs kyi/ /zhogs 'dogs skye bo phal pa yin/ /khro ba'i tshoms te nyi shu pa'o// //sdom la/ dge sbyong lam dang bkur sti dang / /'khu dang lnga pa dran pa ste/ /sil bu chu dang me tog dang / /rta dang khro ba bcu pa'o// //'jig rten 'di na kun rig kun zil gnon/ /'di ni chos rnams kun gyis ma gos shing / /kun spangs sred zad rab tu rnam grol ba/ / nyid kyis mngon mkhyen pa la su yid bstan/ /de bzhin gshegs pa lha mi'i ston pa ste/ /stobs rnams kun ldan thams cad mkhyen pa nga / /byang chub brnyes nas nyid kyis </font><hr>349a<br><font size=+1>


@#/ /rab ston pa/ /mtshungs med mnyam med nga la su yis bstan/ /nga ni 'jig rten dgra bcom ste/ /'jig rten dag na bla med dang / /lha dang bcas pa'i 'jig rten na/ /bdud rnams zil gnon rgyal ba nga / /nga dang 'dra ba med pas na/ /nga la slob dpon su yang med/ /'jig rten 'di ni gcig pu yis/ /rdzogs pa'i byang chub bla med brnyes/ /gang zhig zag pa zad brnyes pa/ /rgyal ba nga 'drar shes par gyis/ /sdig pa'i chos las nga rgyal bas/ /de bas nye 'gro nga rgyal ba/ /'jig rten yul sred brgal ba yi| |kun mkhyen sangs rgyas mya ngan 'das/ /'jig rten pa la ma bstan par/ /kun nas 'byung ba mi shes pas/ /wA ra NA sir song nas su/ /ngas ni chos kyis rnga brdung zhing / /'jig rten sus kyang ma bskor ba'i/ /chos kyi 'khor lo bskor bar bya/ /dpa' bo de bzhin gshegs pa rnams/ /'di na chos kyis 'dul bar mdzad/ /de dag chos kyis btul ba la/ / mkhas pa su yang smod mi byed/ /brtan gang ting 'dzin la zhugs shing / /nges 'byung zhi la dga' ba dang / /sku yi tha ma 'dzin pa yi/ /rdzogs pa'i sangs rgyas grags ldan pa/ /shes rab myur ba de dag la/ /lha dang mi rnams dga' bar byed/ /gang dag 'das pa'i sangs rgyas dang / /gang dag ma byon sangs rgyas dang / /gang dag da ltar rdzogs sangs rgyas/ /mang </font><hr>349b<br><font size=+1>


po'i mya ngan sel mdzad pa/ /bzhugs par gyur cing bzhugs pa dang / /de bzhin bzhugs par 'gyur kun gyis/ /dam chos bla ma mdzad pa 'di/ /rdzogs sangs rgyas kyi chos nyid yin/ / de bas 'di na bdag dga' zhing / /bdag nyid chen po mngon 'dod pas/ /sangs rgyas bstan pa dran byas te/ /dam pa'i chos la bla mar bya/ /mi gang sangs rgyas bstan pa la/ /dad pa ma skyes byis pa de/ /rgud pa'i gnas su 'gro 'gyur te/ /srin mo rnams kyis tshong pa bzhin/ /mi gang sangs rgyas bstan pa la/ /dad pa bskyed pa shes rab can/ /de ni bde bar pha rol 'gro/ /sprin shugs ldan pas tshong pa bzhin/ /de bzhin gshegs pa mnyam med mtshungs pa med/ /bde bar rnam rtog de bzhin rab dben pa'i/ /rnam rtog gnyis po spyod pa'i sangs rgyas rnams/ /mun bsal pha rol gshegs shing grags dang ldan/ /des ni brnyes bya ba rnyes shing yid dbang gyur/ /kun grol zag zad rab tu rnam par grol/ /rnam grol thugs ldan tha ba zag med rnams/ /lus can 'jig rten rnams la phan phyir gzigs/ /'ga' zhig ri bo'i spo la 'dug nas su/ /'gro ba rnams la kun tu lta ba ltar/ /de bzhin blo bzang mya ngan bral ba dag/ chos las byung ba'i khang bzang steng gshegs nas/ /skye bo skye rgas zil gnon mya ngan gyis/ /gdungs pa rnams la kun tu spyan gzigs </font><hr>350a<br><font size=+1>


@#/ /nas/ /'chi ba med pa'i sgo mo 'byed mdzad kyi/ /gang dag nyan 'dod the tshom bsal bar gyis/ /de bzhin gshegs pa'i tshoms te nyi shu gcig pa'o|| ||legs par thos dang legs spyod dang / /khyim nas legs par byung ba dang / /spong bar byed pas rab bskor cing / /dge sbyong gi ni rjes mthun legs/ /byis pa mi mkhas pa dag ni/ /'chi ba med pa lta bur spyod/ /mkhas pa dam pa'i chos dag la/ /mtshan mo'i nad pa bzhin du byed/ /ji ltar khyim ni legs g.yogs pa| |mun pas khebs pa'i nang zhugs na/ /gzugs rnams yod par gyur kyang ni/ /mig ldan bzhin du mi mthong ba/ /de bzhin 'di na rigs skyes pa'i/ /mi ni blo gros ldan gyur kyang / /sdig pa dang ni dge ba'i chos/ /ma thos bar du shes mi 'gyur/ /mig ldan mar me yod pa yis/ /gzugs rnams mthong ba ji lta bar/ /de bzhin dge dang sdig pa'i chos/ /thos pas rnam par shes par 'gyur/ /thos pas chos rnams rnam par shes/ /thos pas sdig las ldog par 'gyur/ /thos pas don med spong bar byed| |thos pas mya ngan 'das pa 'thob/ /gal te thos pa mang gyur kyang / /tshul khrims legs par mi sdom na/ /de ni tshul khrims phyir smad cing / /de yi thos pa phun </font><hr>350b<br><font size=+1>


sum min/ /gal te thos pa nyung gyur kyang / /tshul khrims legs par sdom byed na/ /de ni tshul khrims phyir bsngags shing / /de yi thos pa phun sum 'gyur/ /gang zhig thos pa nyung ba dang / /tshul khrims legs par mi sdom pa/ /de ni gnyis ka'i phyir smad cing / /de yi brtul zhugs phun sum min/ /gang zhig mang du thos pa dang / /tshul khrims legs par sdom byed pa/ /de ni gnyis ka'i phyir bsngags shing / /de yis brtul zhugs phun sum 'gyur/ /thos pa mang zhing chos 'dzin dang / /shes rab ldan zhing mnyam gzhag pa/ /de dag sus kyang smad 'os min/ /dzam+bu'i gling gi gser rgyan bzhin/ /gang zhig gzugs kyis rjes dpog cing / /nga la sgra yis 'jal byed pa/ /'dun pa'i 'dod chags ldan pa yi/ /skye bo de yis nga mi shes/ /gal te nang ni rnam shes shing / /phyi rol mthong bar ma 'gyur na/ /nang gi 'bras bu mthong ba gang / /de ni sgra yis drang du rung / /gal te phyi rol mthong gyur cing / / nang ni shes par ma gyur na/ /phyi rol 'bras bu mthong ba gang / /de ni sgra yis drang du rung / /gal te nang yang mi shes shing / /phyi rol mthong bar ma gyur na/ /byis pa kun nas bsgribs pa dag/ de ni sgra yis drang du rung / /gal te nang ni rnam shes shing / /phyi rol dag kyang mthong gyur pa/ /bstan pa nges 'byung shes rab can/ /de ni sgra yis drang du rung / /rna bas </font><hr>351a<br><font size=+1>


@#/ /phal cher thos pa dang / /mig gis mang po mthong na yang / /bstan pa mthong thos de kun gyis/ /yid ches bya ba'i mi rigs so/ /legs gsungs thos pa snying por shes pa dang / /ting nge 'dzin dag snying por shes gyur kyang / /gang zhig bag med rlang por byed pa de'i/ /thos dang shes pa don chen mi 'gyur ro/ /gang zhig 'phags pas bstan pa'i chos 'ga' zhing / /de bzhin lus dang ngag gis spyod byed pa/ /de dag bzod ldan 'grogs dga' dbang po bsdams/ /thos dang shes pa'i pha rol phyin pa 'thob/ /thos pa'i tshoms te nyi shu gnyis pa'o// //legs par gsungs la bslab bya zhing / /dge sbyong la ni bsnyen bkur dang / dpen pa dang ni stan gcig dang / /sems ni nye bar zhi bar bya/ /stan gcig mal stan gcig pa dang / /gcig pu snyom las med spyod cing / /gcig pu nags tshal gnas pa dang / /gcig pus bdag nyid gdul bar bya/ /gang zhig stong phrag stong dag gi /mi yi g.yul las rgyal ba bas/ /gang zhig bdag las rgyal byed pa/ /de ni mi yi g.yul las rgyal/ /rtag tu sdom pa spyod pa yi/ /mi yis bdag brtul gcig pu yis/ /bdag nyid las rgyal mchog yin gyi/ /skye dgu gzhan lta phal par zad/ /shes rab kyis gnas dge slong gis// </font><hr>351b<br><font size=+1>


rgyal bar byas la bdud dang ni/ /tshangs par bcas pas lam mi nus/ /lha yis ma yin dri zas min/ /bdag nyid dang por rigs par gnas byas nas/ /phyi nas gzhan dag bdag bzhin gdul bar bya/ /bdag nyid dang por rigs par gnas byas na/ /phyi dus 'dul tshe mkhas pa nyon mi mongs/ /bdag la ji ltar byas pa bzhin/ /gzhan dag la yang de ltar bya/ /bdag nyid dul zhing zhi ba yis/ /gzhan dag bde bar gdul bar bya/ /bdag la ji ltar byas pa bzhin/ /gzhan dag la yang de ltar bya/ /kye ma bdag dang legs dul ba/ /bdag nyid dul bas dga' bar 'gyur/ /bdag gi don phyir gzhan don ni/ /mang po dag kyang gtang bar bya/ /bdag don ched cher shes gyur na/ /rang gi don gyi mchog tu 'gyur/ /bdag nyid bdag gis mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pa'i/ /mkhas pas don rnams 'thob par 'gyur/ /bdag nyid bdag gi mgon yin gyi| |gzhan lta su zhig mgon du 'gyur/ /bdag nyid bdag gi mgon gyur pa'i/ /mkhas pas chos rnams 'thob par 'gyur/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pa'i/ /mkhas pas grags pa 'thob par 'gyur/ /bdag nyid bdag gi mgon yin gyi/ /gzhan lta su zhig mgon </font><hr>352a<br><font size=+1>


@#/ /du 'gyur/ /bdag nyid bdag gi mgon gyur pa'i/ /mkhas pas bde ba 'thob par 'gyur/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pa'i/ /mkhas pas bde 'gro thob par 'gyur/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pas/ /yun ring mtho ris dga' bar 'gyur/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pa/ /gnyen gyi nang na lam mer 'bar/ /bdag nyid bdag gi mgon yin gyi/ /gzhan lta su zhig mgon du gyur/ /bdag nyid bdag gi mgon gyur pa/ /mya ngan nang na gdung mi 'gyur/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pas/ /'ching ba thams cad gcod par 'gyur/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pas/ /ngan 'gro thams cad spong bar 'gyur/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pas/ /sdug bsngal kun las rab tu thar/ / </font><hr>352b<br><font size=+1>


bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon gyur pas/ /bdag nyid mgon du 'gyur ba 'thob/ /bdag nyid bdag gi mgon yin gyi/ /gzhan lta su zhig mgon du 'gyur/ /bdag nyid bdag gi mgon yin gyi/ /mya ngan 'das nyid nye bar 'gyur/ /bdag gi tshoms te nyi shu gsum pa'o// // gang dag don dang mi ldan tshig /tshigs bcad brgya dag smra ba bas/ /gang dag nye bar zhi 'gyur ba'i/ /don ldan tshig gcig thos pa rung / /gang dag chos dang mi ldan tshig/ tshigs bcad brgya dag smra ba bas/ /gang dag nye bar zhi 'gyur ba'i/ /chos ldan tshig gcig thos pa rung / /tshul 'chal mnyam par ma bzhag pa/ /lo brgyar gson pa gang yin pas/ / tshul khrims ldan zhing mnyam bzhag pa/ /nyin zhag 'ga' zhig gson pa rung / /brtson med le lo ldan pa dag/ lo brgyar gson pa gang yin pas/ /brtson 'grus brtan pa brtsams pa dag/ nyin zhag 'ga' zhig gson pa rung / /shes 'chal mnyam par ma bzhag pa/ /lo brgyar gson pa gang yin pas/ /shes rab chen po mnyam bzhag pa/ / nyin zhag 'ga' zhig gson pa rung / /skye dang 'jig pa ma mthong ba/ /lo brgyar gson pa gang yin pas/ /skye dang 'jig pa mthong ba dag/ nyin zhag 'ga' zhig gson pa </font><hr>353a<br><font size=+1>


@#/ /rung / /tshor ba zad pa ma mthong ba/ /lo brgyar gson pa gang yin pas/ /tshor ba zad pa mthong ba dag /nyin zhag 'ga' zhig gson pa rung / /zag pa zad pa ma mthong ba/ /lo brgyar gson pa gang yin pas/ /zag pa zad pa mthong ba dag /nyin zhag 'ga' zhig gson pa rung / /go 'phang mi g.yo ma mthong ba/ /lo brgyar gson pa gang yin pas/ /go 'phang mi g.yo mthong ba dag /nyin zhag 'ga' zhig gson pa rung / /go 'phang blta dka' ma mthong ba/ /lo brgyar gson pa gang yin pas/ / go 'phang blta dga' mthong ba dag /nyin zhag 'ga' zhig gson pa rung / /go 'phang mthon po ma mthong ba/ /lo brgyar gson pa gang yin pas/ /go 'phang mthon po mthong ba dag/ nyin zhag 'ga' zhig gson pa rung / /go 'phang dam pa ma mthong ba/ /lo brgyar gson pa gang yin pas/ /go 'phang dam pa mthong ba dag /nyin zhag 'ga' zhig gson pa rung / /'chi med go 'phang ma mthong ba/ /lo brgyar gson pa gang yin pas/ /'chi med go 'phang mthong ba dag /nyin zhag 'ga' zhig gson pa rung / / bdud rtsi'i go 'phang ma mthong ba/ /lo brgyar gson pa gang yin pas/ /bdud rtsi'i go 'phang mthong ba dag /nyin zhag 'ga' zhig gson pa rung / /rdul med go 'phang </font><hr>353b<br><font size=+1>


ma mthong ba/ /lo brgyar gson pa gang yin pas/ /rdul med go 'phang mthong ba dag /nyin zhag 'ga' zhig gson pa rung / /rdul bral go 'phang ma mthong ba/ /lo brgyar gson pa gang yin pas/ /rdul bral go 'phang mthong ba dag /nyin zhag 'ga' zhig gson pa rung / /mi ni lo brgyar nags tshal na/ /me la yongs sten gang yin dang / /bdag nyid bsgom la yud tsam zhig /mchod pa byed pa gang yin pa/ /mchod byed de nyid ches rung gi /lo brgyar sbyin sreg byed mi rung / /zla ba re re ku sha'i rtses/ /kha zas za ba gang yin des| |sangs rgyas la ni dad pa yi/ /bcu drug char yang mi phod do/ /zla ba re re ku sha'i rtses/ /kha zas za ba gang yin des/ /dam pa'i chos la dad pa yi/ /bcu drug char yang mi phod do| |zla ba re re kun sha'i rtses/ /kha zas za ba gang yin des/ /dge 'dun la ni dad pa yi/ /bcu drug char yang mi phod do/ /zla ba re re kun sha'i rtses/ /kha zas za ba gang yin des| |sems can rnams la snying brtse ba'i/ /bcu drug char yang mi phod do/ /zla ba re re ku sha'i rtses/ /kha zas za ba gang yin des/ /srog chags rnams la snying rtse ba'i/ /bcu drug char yang mi phod do/ /zla ba re re ku sha'i rtses/ /kha zas za ba gang yin des/ /'byung po rnams la snying brtse ba'i/ /bcu drug char yang mi phod do/ /zla ba re rer ku sha'i rtses// </font><hr>354a<br><font size=+1>


@#/ /kha zas za ba gang yin des/ /byams pa sems par byed pa yi/ /bcu drug char yang mi phod do/ /zla ba re rer ku sha'i rtses/ /kha zas za ba gang yin des// legs par gsungs pa'i dam chos kyi/ /bcu drug char yang mi phod do/ /zla ba re rer mchod sbyin stong / /lo brgyar byed pa gang yin des/ /sangs rgyas la ni dad pa yi/ /bcu drug char yang mi phod do/ /zla ba re rer mchod sbyin stong / /lo brgyar byed pa gang yin des/ /dam pa'i chos la dad pa yi/ /bcu drug char yar mi phod do/ /zla ba re rer mchod sbyin stong / /lo brgyar byed pa gang yin des/ /dge 'dun la ni dad pa yi/ /bcu drug char yang mi phod do/ /zla ba re rer mchod sbyin stong / /lo brgyar byed pa gang yin des/ /sems can rnams la snying brtse ba'i/ /bcu drug char yang mi phod do/ /zla ba re rer mchod sbyin stong / /lo brgyar byed pa gang yin des/ /srog chags rnams la snying brtse ba'i/ /bcu drug char yang mi phod do/ /zla ba re rer mchod sbyin stong / /lo brgyar byed pa gang yin des/ /'byung po rnams la snying brtse ba'i/ /bcu drug char yang mi phod do/ /zla ba re rer mchod sbyin stong / /lo brgyar byed pa gang yin des/ /byams pa sems par byed pa yis/ /bcu drug char yang mi phod do/ /zla ba re rer mchod sbyin stong / /lo brgyar byed pa </font><hr>354b<br><font size=+1>


gang yin des/ /legs par gsungs pa'i dam chos kyi/ /bcu drug char yang mi phod do/ /bsod nams 'dod pa'i mi yis 'jig rten du/ /sbyin sreg mchod sbyin chung zad ci byas des| |gang zhig drang po'i sems kyis phyag 'tshal ba/ /de yi bzhi char yang ni mi phod do/ /bsgre ba'i tshoms te nyi shu rtsa bzhi pa'o// //ched du brjod pa'i tshoms/ bam po gsum pa/ dad pa med cing 'jungs pa dang / /dbyen byed phra ma can dag dang / /mkhas pas shes par mi bya zhing / /sdig can mi dang 'grogs mi bya/ /dad ldan snyan par smra ba dang / /thos mang tshul khrims ldan pa dang / /mkhas pa yis ni mdza' bya zhing / /mi mchog dag dang 'grogs par bya/ /sdig pa'i grogs po mi bsten cing / /skyes bu ngan pa bsten mi bya/ /dge ba'i bshes gnyen bsten bya zhing / /skyes bu dam pa bsten par bya/ /de lta bu dag bsten byas na/ /sdig par mi 'gyur legs par 'gyur/ /gang dag thos mang gnas mang sems pa dang / /dad dang shes rab ldan de mi yis bsten/ /'dir ni de yis legs smras mnyan byas na/ /ring po nas kyang khyad par thob par 'gyur/ /dman pa bsten pas mi dag nyams 'gyur zhing / /thad kar bab pa bsten pas so na gnas/ /gtso bo bsten pas dam pa 'thob 'gyur bas/ /de phyir bdag pas gtsor gyur bsten par </font><hr>355a<br><font size=+1>


@#/ /bya| |tshul khrims nye bar zhi ba dang / /shes rab ches mchog ldan pa yi/ /gtso bo gang yin de bsten na/ /gtso bo pas kyang ches gtsor 'gyur/ /mi yis 'di na nye rul la/ /ku sha'i gtsang byed bcings pa gang / /ku sha nyid kyang rul 'gyur ba/ /sdig pa bsten pa'ang de bzhin 'gyur/ /mi yis rgya spos pa la sha'i/ /lo mar phur ma byas pa gang / /lo ma nyid kyang dri zhim pa/ /dam pa bsten pa'ang de bzhin 'gyur/ /gal te sdig pa byed pa dag /sdig mi byed pas bsten na yang / /sdig pa byed par dogs skye zhing / /mi snyan pa yang 'phel bar 'gyur/ /bsten bya ma yin bsten pa'i mi/ /de yi skyon gyis skyon can 'gyur/ /dong par dug bskus mda' bcug pas/ /dug ma skus pa'ang gos pa bzhin/ /brten pa skyon gos 'jigs par dag /sdig pa can dang bshes mi bya/ /ji ltar grogs po bsten pa dang / /ji ltar nye bar bsten byas pa/ /bsten bya de ni ci 'dra bar/ /ring po mi thogs de 'drar 'gyur/ /de bas 'bras bu'i snod bzhin du/ /bdag gis bsten pa shes pa yis/ /dam pa ma yin mi bsten cing / /mkhas pas dam pa bsten byas la/ /dge slong de'i lam rjes 'brang na/ /sdug bsngal zad pa thob par 'gyur/ /byis pas ji srid gson par du/ /gal te mkhas pa bsten byas kyang / / </font><hr>355b<br><font size=+1>


de yis chos shes mi 'gyur te/ /gzar bus tshod ma'i ro bzhin no/ /shes rab ldan pas yud tsam zhig /mkhas pa nye bar bsten pas kyang / /de yis chos rnams shes 'gyur te/ / lce yis tshod ma'i ro bzhin no/ /byis pas ji srid gson par du/ /gal te mkhas pa bsten byas na/ /de la mig ni med pa'i phyir/ /chos rnams shes par mi 'gyur ro/ /shes rab ldan pas yud tsam zhig /mkhas pa nye bar bsten pas kyang / /de la mig ni yod pa'i phyir/ /chos rnams rab tu shes par 'gyur/ /byis pas ji srid gson par du/ /gal te mkhas pa bsten byas kyang / /rdzogs sangs rgyas kyis bstan pa yi/ /chos rnams de yis shes mi 'gyur/ /shes rab ldan pas yud tsam zhig /mkhas pa nye bar bsten pas kyang / /rdzogs sangs rgyas kyi bstan pa yi/ /chos rnams de yis shes par 'gyur/ /don ldan tshig ni gcig gis kyang / /mkhas pa yi ni bya ba byed/ /sangs rgyas kun gyi gsung gis kyang / /byis pa'i bya ba byed mi 'gyur/ /blo dang ldan pa tshig gcig gis/ /tshig brgya dag ni shes par 'gyur/ /byis pa la ni tshig stong gis/ /tshig gcig shes rab \?\ mi 'gyur ro/ /gnyis na mkhas dang mi mdza' sla'i/ /byis pa rnams dang mdza' mi rung / /byis pa rnams dang mdza' byed pa/ /sems can dmyal bar khrid par byed/ / </font><hr>356a<br><font size=+1>


@#/ /byis pa gang zhig byis pa'o zhes/ /shes pa de 'dir mkhas pa yin/ /byis pa gang zhig mkhas sems pa/ /de ni byis pa zhes brjod do/ /byis pas bstod \?\ pa gang yin dang / /mkhas pas smad pa gang yin las/ /mkhas pas smad pa ches rung gis/ /byis pas bstod pa mi rung ngo / /byis pa bsten pa sdug bsngal zhing / /rnam pa kun tu dgra 'dra bas/ /byis pa mi thos mi mthong zhing / /ma bsten gyur pa nyid rung ngo / /gnyen dang phrad pa ji lta bar/ /brtan pa bsten na bde bar 'gyur/ /de bas rgyu skar lam du zla ba ltar/ /brtan zhing thos mang mchog 'dren byed pa dang / /tshul khrims ldan dang 'phags pa'i brtul zhugs can/ /mi mchog brtse ldan blo bzang bsten par gyis/ /mdza' bshes kyi tshoms te nyi shu rtsa lnga pa'o// //rus sbal rang gi khog par yan lag ltar/ /dge slong yid kyi rnam rtog nang bsdus nas/ /rten pa med cing gzhan la 'tshe med par/ /mya ngan 'das la su yang smod mi byed/ /bzod pa dka' thub mchog ste bzod pa ni/ /mya ngan 'das pa mchog ces sangs rgyas gsung / /rab tu byung ba gzhan la 'tshe ba dang / /gzhan la gnod pas dge sbyong ma yin no/ /tshig rtsub ci yang smra mi bya/ /smras na slar yang smra bar byed/ /'thab gcugs tshig gis sdug bsngal zhing / /de la phyir yang chad pas </font><hr>356b<br><font size=+1>


gcod/ /gal te bdag gis phar byas na/ /'khar ba'i snod la brdungs pa bzhin/ /'khor bar skye dang rga ba dag/ yun ring nyams su myong bar 'gyur/ /bdag gis phar ni ma byas dang / /'khar ba'i snod la ma brdungs ltar/ /'di ltar 'thab mo mi 'gyur zhing / /mya ngan 'das pa thob par 'gyur/ /nad med rnyed pa'i dam pa ste/ /chog shes pa ni nor gyi dbyig/ yid gcugs shes pa'i mchog yin te/ /mya ngan 'das pa bde ba'i phul/ /'du byed sdug bsngal ma rungs pa/ /nad kyi nang na bkres mi bzad/ /de ltar ji bzhin shes na ni/ /mya ngan 'das pa mchog tu 'gyur/ /bde 'gror 'gro ba nyung zad de/ /ngan 'gror 'gro ba bsams yas shig /de lta'i nyes dmigs rtogs gyur na/ /myur du mya ngan 'das pa 'thob/ /bde 'gror 'gro ba rgyu dang bcas/ /ngan 'gror 'gro ba rgyu dang ldan/ /mya ngan 'das 'gro rgyu can te/ /de dag thams cad rgyu dang bcas/ /nags tshal mchog tu ri dwags 'gro/ mkha' la bya rnams 'gro bar byed/ /chos la rnam par bsgoms 'gro ste/ /dgra bcom mya ngan 'das par 'gro/ 'di na brtson 'grus zhan pa dang // blo chung shes pa med pa yis/ /mdud pa thams cad rab gtubs pa'i/ /mya ngan 'das pa thob mi 'gyur/ /khyod kyis gru 'di'i chu phyags dang / /'di ni yang bar 'gyur ba </font><hr>357a<br><font size=+1>


@#/ /ltar| |de bzhin zhe sdang 'dod chags spongs/ /de nas mya ngan 'das pa 'thob/ /sngon chad byung pa mi 'byung zhing / /ma byung ba dag 'byung bar 'gyur// ma byung 'byung bar mi 'gyur la/ /da ltar byung ba'ang yod ma yin/ /blta dka' mtha' med bder mi mthong / /bden pa rab rtogs shes pa dang / /sred dang dga' ba med mthong ba| |'di 'dra 'di ni sdug bsngal mtha'/ /srid pa rnams ni bcad pa dang / /'dod chags rab tu spangs pa dang / /mtsho bskams nas ni mi 'bab pa/ /'di 'dra 'di ni sdug bsngal mtha'/ /lus zhig tshor ba bsil bar gyur/ /'du shes 'gags shing 'du byed zhi/ /rnam par shes pa nub gyur pa/ /'di 'dra 'di ni sdug bsngal mtha'/ /lta bas mthong bar gyur tsam dang / /nyan pas thos par gyur pa tsam/ /rtogs par byed pas rtogs tsam dang / /rnam par shes pas rnam shes tsam/ /'di 'dra 'di ni sdug bsngal mtha'/ /'di dang ma dang gdungs rab gdungs/ /'di 'dra 'di ni sdug bsngal mtha'/ /ma re ma dga' rab zhi dang / /kun tu 'dod chags bral 'gyur ba/ /'di 'dra 'di ni sdug bsngal mtha'/ /rten pa yod pas spyod par 'gyur ro/ /spyod pa yod pas gzhol bar 'gyur ro/ /gzhol ba yod pas shin tu ma sbyangs par 'gyur ro/ /shin tu ma </font><hr>357b<br><font size=+1>


sbyangs pa yod pas 'gro ba dang / 'ong bar 'gyur ro/ /'gro ba dang / 'ong ba yod pas gzhan du shi 'pho len par 'gyur ro/ /gzhan du shi 'pho blangs pas 'di ltar gzhan du skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa 'byung zhing 'di lta sdug bsngal gyi phung po chen po 'ba' zhig \?\ bo 'di 'byung bar 'gyur ro/ /rten pa med pas spyod pa med par 'gyur ro/ /spyod pa med pas gzhol bar mi 'gyur ro/ /gzhol bar ma gyur pas shin tu sbyangs par 'gyur ro/ /shin tu sbyangs pas 'gro ba dang / 'ong bar mi 'gyur ro/ /'gro ba dang / 'ong ba med pas gzhan du 'chi 'pho len pa med par 'gyur ro/ /gzhan du 'chi 'pho len pa med pas 'di ltar gzhan du skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur zhing / 'di ltar sdug bsngal gyi phung po chen po 'ba' zhig pho 'di 'gag par 'gyur ro/ /dge slong dag /ma skyes pa dang / ma byung ba dang / ma bcos pa dang // 'dus ma byas pa dang / mi 'byung ba yod do/ /skye ba dang / 'byung ba dang / bcos ma dang / sems pas byas pa dang / 'dus byas dang / rten cing 'brel bar 'byung ba yod do/ /dge </font><hr>358a<br><font size=+1>


@#/ /slong dag /gal te ma skyes pa dang / ma byung ba dang / ma bcos pa dang / 'dus ma byas pa dang / mi 'byung ba med du zin no/ /skye ba dang / 'byung ba dang / bcos ma dang / 'dus byas dang / sems pas byas pa dang / rten cing 'brel bar 'byung ba'i nges par 'byung ba yod do zhes nga mi smra'o/ /dge slong dag /gang gi phyir 'di na ma skyes pa dang / ma byung ba dang / ma bcos pa dang / 'dus ma byas pa dang / mi 'byung ba yod pa de'i phyir/ skye ba dang / 'byung ba dang / bcos ma dang / 'dus byas dang // sems pas byas pa dang / rten cing 'brel bar 'byung ba'i nges par 'byung ba yod do zhes nga smra'o/ /skyes dang byung dang 'byung ba dang / /bcos dang 'dus byas mi brten zhing| |rga dang 'chi dang rmongs pa yi/ /chos can rab tu 'jig 'gyur ba/ /zas kyi rgyud las byung ba yi/ /'jig 'gyur 'di la dga' mi bya/ /de yi nges par 'byung ba'i gzhi| |rtog dang dpyod dang zhi ba dang / /sdug bsngal chos rnams 'gags pa ste/ /'du byed nye bar zhi ba bde/ /dge slong dag /de ni gang du'ang gnas par mi 'gyur te| sa la gnas par mi 'gyur/ chu la ma yin/ me la ma yin/ /rlung la ma yin/ /nam mkha' mtha' yas skye mched la ma yin/ rnam shes mtha' yas skye mched la </font><hr>358b<br><font size=+1>


ma yin| |ci'ang med pa'i skye mched la ma yin/ 'du shes yod min med min skye mched la ma yin/ 'jig rten 'di la ma yin/ 'jig rten pha rol la ma yin/ nyi ma dang / zla ba gnyis la gnas pa ma yin te/ 'di la dmigs pa med par ngas mngon par shes so/ /dge slong dag /de la 'gro ba dang / 'ong ba yod par nga mi smra ste/ gnas par ma yin no/ /'chi 'pho yod par nga mi smra ste/ skye bar ma yin/ 'di lta bu 'di ni sdug bsngal gyi mtha' yin no/ /sa dang chu dang me dang rlung / /gang la'ang gnas pa ma yin pa/ /de la dkar pos gsal mi byed/ /de la mun pa'ang yod ma yin/ /de la zla bas snang mi byed/ /de la nyi mas mngon mi byed/ /thub pa bram ze gang yin pa/ /des ni rang gis rig pa yin/ /de ni gzugs dang gzugs med dang / /sdug bsngal kun las rab tu grol/ /mthar phyin 'jigs pa med pa ste/ /rlom med 'gyod pa med pa yin/ /srid pa'i zug rngu gtugs pa ste| |lus kyi tha mar gyur pa yin/ /'di ni mthar phyin rnams kyi mchog /zhi ba'i go 'phang bla med pa/ /mtshan ma thams cad zad pa ste/ /byang grol go 'phang 'chi med yin| |mtshungs dang mi mtshungs 'byung ba yi/ /'du byed thub pas rab tu spangs/ /nang du mnyam gzhag dga' ba yis/ /sgo nga'i spubs ni dral nas byung / /sbyin kun </font><hr>359a<br><font size=+1>


@#/ /chos kyi sbyin pas thub/ /dga' kun chos kyi dga' bas thub/ /stobs kun bzod pa'i stobs kyis thub/ /bde kun sred pa zad pas thub/ /mya ngan las 'das pa'i tshoms te nyi shu rtsa drug pa'o// //bdag las gzhan pa'i skyon dag ni/ /phug ma gtor ba ji bzhin du/ /gzhan gyi skyon mthong sla ba ste| |rang gi skyon ni mthong bar dka'/ /g.yo can cho lo 'jo ba ltar/ /rang gi de ni sbed pa dang / /gzhan gyi skyon la lta byed cing / /rtag tu 'phyas lang 'du shes can/ /de yis ring du chos mi mthong / /g.yon phyogs chos ni rab tu 'phel/ /spyi rdol byed cing 'phrog rlom can/ /mi gtsang las ldan khwa lta bu/ /shin tu nyon mongs 'tsho ba can// ngo tsha med pa'i 'tsho ba sla/ /rtag tu gtsang ma tshol ba dang / /thub chod mi byed 'dzem bag can/ /'tsho ba dag pa lta ba yi/ /ngo tsha shes pa'i 'tsho ba dka'/ /'jig rten mun par gyur 'di ste/ /de las lhag mthong ldan pa nyung / /rgya las shir ba'i bya lta bur/ /mtho ris la dga' shas tsam zhig /byis pa lus kyis bcings gyur pa/ /mun pa'i 'khor gyis bskor ba yin/ /'jig rten nor la chags pa dag /gzhan rdzas lta bur lta bar byed/ /bdag gis skye dgu 'di phyung zhing / /gzhan gyis byas so snyam </font><hr>359b<br><font size=+1>


sems pa/ /bden pa min la bden lta bas/ /ci yang mthong bar mi 'gyur ro/ /de ni 'gas kyang mi mthong zhing / /zug rngu mthong bar mi 'gyur ro/ /yul sred gang la skye bo chags pa yi| |zug rngu de dag sngon chad mthong ba dag /de ni bdag gis byas snyam mi 'dzin cing / /de ni gzhan gyis bya snyam mi 'dzin to/ /skye dgu 'di dag nga rgyal ldan/ /nga rgyal la chags nga rgyal bcings/ /rtsod par gyur pa'i lta ba can/ /'khor ba ldog par mi 'gyur ro/ /thob par gyur pa gang yin dang / /thob par bya ba gang yin pa/ /de dag gnyis ka rngul gyis yog /rjes su nad pa slob par byed/ /gang zhig tshul khrims dang / bslab pa dang / brtul zhugs dang / tshangs par spyod pa dang / dka' thub dang / nye bar gnas pa snying por byed pa de ni mtha' gcig go /gang zhig de ltar lta zhing 'di skad ces 'dod pa ni gtsang ba'o/ /'dod pa ni bsod nams can no/ /'dod pa ni longs spyad par bya ba'o/ /'dod pa ni skyon med pa yin no zhes smra zhing / de dag lhag par 'dod pa rnams su lhung bar byed pa'i brtul zhugs len pa 'di 'ang mtha' gcig go /mtha' gnyis po 'di dag ni dur khrod 'phel bar byed pa ste/ 'di dag gis dur khrod 'phel bar byas so/ /mtha' gnyis po 'di dag ma mthong ba kha cig zhen par byed cing / kha </font><hr>360a<br><font size=+1>


@#/ /cig mngon par rgyug par byed la/ de dag lhag par zhen par byed cing lhag par rgyug par byed pa dag mig dang ldan pas mthong ngo / /mtha' gnyis po 'di dag mthong ba na zhen par mi byed/ rgyug par mi byed la/ de dag lhag par zhen par mi byed cing lhag par rgyug par mi byed pa'ang mig dang ldan pas mthong ngo / /de dag de ltar mi byed cing de dag de ltar mi sems na/ de dag gi lam du mi gdags pa/ 'di lta ste/ 'di ni sdug bsngal gyi mtha' yin no/ /ji ltar chu bur mthong ba dang / /ji ltar smig rgyu mthong ba ltar/ / de bzhin 'jig rten lta byed pa/ /'chi bdag rgyal pos mthong mi 'gyur/ /ji ltar chu bur mthong ba dang / /ji ltar smig rgyu mthong ba ltar/ /de bzhin lus la lta byed pa/ /'chi bdag rgyal pos mthong mi 'gyur/ /gang la byis pa mngon chags pa/ /de la mkhas pa chags mi 'gyur/ /rgyal po'i shing rta bkra ba ltar/ /lus 'di rtag tu blta bar gyis// gang la byis pa rmongs 'gyur pa/ /de la mkhas pa rmongs mi 'gyur/ /rgyal po'i shing rta bkra ba ltar/ /lus 'di rtag tu blta bar gyis/ /gang du byis pa nyams gyur ba/ /glang rgan rdzab tu chud pa bzhin/ /rgyal po'i shing rta bkra ba ltar/ /lus 'di rtag tu blta bar gyis/ /nad pa lta bur 'jig chos can/ /rma byung ba dang 'dra ba ste/ /gang yang brtan </font><hr>360b<br><font size=+1>


par mi gnas pa/ /lus 'di rtag tu blta bar gyis/ /nad pa 'jig pa'i chos can ltar/ /gang yang brtan par mi gnas par/ /nor bu'i rna cha gdub 'khor gyis/ /brgyan pa'i lus la blta bar gyis/ /skra ni lan bu brgyad byas shing / /mig sman gyis ni bskus pa'i mig/ phyis pa lhag par rmongs byed kyang / /pha rol tshol bar mi byed do/ /mig sman gyis ni gsar bris shing / /rnag can lus ni brgyan pa yis/ /byis pa lhag par rmongs byed kyang / /pha rol tshol bar mi byed do/ /lus 'di dri zhim gyis bskus nas/ /rkang pa btsag gis byugs pa dag /byis pa lhag par rmongs byed kyang / /pha rol tshol bar mi byed do/ /gang zhig 'dod par kun sbyor 'brel chags shing / /kun tu sbyor ba'i skyon rnams ma mthong ba/ /'dod par 'brel la chags pa'i mi de yis/ /chu bo mtha' yas yangs pa rgal mi 'gyur/ /chags bral mchog dang tha ma thams cad dag /'di la bdag dang bdag gir mi lta zhing / /de ltar rnam grol sngon chad ma brgal ba'i/ /chu bo rab brgal yang srid med par 'gyur/ /gang zhig tshal spangs tshal med pa/ /nags tshal spangs nas nags su rgyug grol ba 'ching bar gcen pa yin/ /gang zag 'di la ltos shig tshur/ /shing rta mthun pa'i rtsibs ldan pa/ /yan lag yid 'ong gos dkar g.yogs/ /sdig med 'gro ba </font><hr>361a<br><font size=+1>


@#/ /la ltos la/ /chings ma'i rgyun rnams bcad par gyis/ /'jigs pas skrag pa'i mi dag ni/ /phal cher ri dang nags tshal dang / /skyed mos tshal dang mchod gnas dang / /ljon shing rnams la skyabs su 'gro /skyabs de gtso bo ma yin zhing / /skyabs de mchog tu gyur pa min/ /de la skyabs su song ba yis/ /sdug bsngal kun las grol mi 'gyur/ /gang zhig sangs rgyas chos dang ni/ /dge 'dun la ni skyabs song zhing / /sdug bsngal sdug bsngal kun 'byung dang / /sdug bsngal yang dag 'das pa dang / /bde ba mya ngan 'das 'gro ba'o/ /'phags lam yan lag brgyad pa ste/ /'phags pa'i bden pa bzhi po dag /gang tshe shes rab kyis mthong ba/ /de ni skyabs kyi mchog yin zhing / /de ni skyabs kyi dam pa yin/ /de la skyabs su song ba yis/ /sdug bsngal kun las grol bar 'gyur/ /mthong bas mthong zhing mthong bas ma mthong mthong / /ma mthong mi mthong mthong bya mthong mi 'gyur/ /'dra mthong lhag mthong tha dad dngos por brjod/ /nyin mtshan nam yang lhan cig mi gnas bzhin/ /'dra ba mthong bas mthong mi 'gyur/ /gal te mthong na 'dra mi mthong / /mthong 'dis 'dra ba mi mthong ste/ /'dra mthong mi yis mthong ba med/ /mi yis ci ma mthong na 'dra ba </font><hr>361b<br><font size=+1>


mthong / /ci zhig mthong na 'dra ba mthong mi 'gyur/ /ji ltar 'di ni 'dra ba mthong ba dag /gang zhig med na 'dra bar mthong dang bral/ /gang tshe 'di yis sdug bsngal ma mthong ba| |de yi tshe na bdag tu mthong bar 'gyur/ /ji lta ji ltar sdug bsngal rtogs gyur ba/ /des ni bdag 'di 'dra ba mthong mi 'gyur/ /gang gis so so'i skye bsgribs na/ /'du byed sdug bsngal ma mthong ba/ /de phyir 'di na 'dra mthong ste/ /de med 'dra ba mi mthong ngo / /mthong ba'i tshoms te nyi shu rtsa bdun pa'o// //sdig pa thams cad mi bya ste/ /dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa yin/ /sbyin pas bsod nams rab tu 'phel/ /legs bsdams dgra gsog mi 'gyur ro/ /dge dang ldan pas sdig pa spong / /nyon mongs zad pa mya ngan 'da'/ /mkhas dang 'dre dang byis pa'i skye bo dang / /lhan cig spyod dang gcig pu gnas kyang rung / /ngang pas chu las 'o ma 'thung ba ltar/ /mkhas pas sdig pa can rnams rab tu spang / /'jig rten nyes dmigs mthong ba dang / /'gog par 'gyur ba'i chos mthong bas/ /'phags pa sdig la dga' mi byed/ /sdig can dge la dga' mi 'gyur/ /legs par nyer zhi'i ro dang ni/ /rab tu dben pa'i ro shes pa// </font><hr>362a<br><font size=+1>


@#/ /rims nad med cing sdig med la/ /chos la dga' ba'i ro dag 'thung / /sems kyi zag pa med pa dang / /sems ni 'ching bas ma bcos la/ /dge dang sdig pa rab spangs pa/ /ngan 'gro rnams kyis 'jigs pa med/ /gnas min zlog dang legs smra dang / /nyes dmigs ston par byed pa dang / /mkhas pas tshar gcod smra byed pa/ /de lta'i skye dgu bsten par bya/ /de lta bu dag bsten byas na/ /sdig par mi 'gyur legs par 'gyur/ /nye bar zhi zhing rab zhi la/ /dal bus smra zhing khengs med pa| |sdig pa'i chos rnams sprug byed de/ /rlung gis ljon shing lo ma bzhin/ /gang zhig skyes bu dag cing nyon mongs med/ /rab tu sdang med mi la khro byed pa'i/ /byis pa de la sdig pa phyir 'gog ste/ /rdzi phyogs su ni rdul rnams gtor ba bzhin/ /dge ba byed pas dge ba dang / /sdig pa byed pas sdig pa ste/ /mi yis gang dang gang byas pa| |de de rang gis mthong bar 'gyur/ /bdag gis sdig pa byas na ni/ /de bdag kho na kun nyon mongs/ /bdag gis sdig pa ma byas na/ /bdag nyid kho na rnam par dag /gzhan gyis gzhan spyod mi byed kyi/ /dag dang ma dag rang rang byed/ /bdag nyid kyis ni sdig pa dag /byas shing nye bar bsags pa yis/ /bsam brlag mngon </font><hr>362b<br><font size=+1>


du 'joms par byed/ /rdo rjes nor bu 'bigs pa bzhin/ /mig ldan 'gro bar byed pa yis/ /nyam nga'i lam dag ji lta bar/ /mkhas pas 'tsho ba'i 'jig rten 'dir/ /sdig pa dag ni yongs su spang / /nor chen gyis ni grogs nyung dang / /tshong pas 'jigs bcas lam dang ni/ /gson par 'dod pas dug lta bur/ /mkhas pas sdig can yongs su spang / / gal te lag mthil rma med na/ /lag pas dug ni bzung byas kyang / /rma med dug ni mi 'jen ltar/ /ma byas pa la sdig pa med/ /bdag la mi phan bya ba dang / /legs par ma yin bya bar sla/ /gang dag phan zhing bder 'gyur ba/ /de ni mchog tu bya bar dka'/ /dam pas legs pa bya sla yi/ /dam pas sdig pa bya bar dka'/ /ngan pas sdig pa bya sla yi| |'phags pas sdig pa bya bar dka'/ /ji srid sdig pa ma smin pa/ /de srid byis pa mngar bar sems/ /gang tshe sdig pa smin gyur pa/ /de tshe de ni tsha bar sems/ /ji srid sdig pa ma smin pa/ /de srid sdig la rung bar lta/ /gang tshe sdig pa smin gyur pa/ /de tshe sdig par mthong bar 'gyur/ /ji srid bzang po ma smin pa/ /de srid bzang po sdig par mthong / /gang tshe bzang po smin gyur pa/ /de tshe bzang por mthong bar 'gyur/ /sdig pa sdug bsngal gsog pas na/ /de la dga' bar mi bya'o/ /brgya la sdig pa byas na </font><hr>363a<br><font size=+1>


@#/ /yang / /yang dang yang du de mi bya/ /bsod nams bde ba gsog pas na/ /de nyid la ni dga' bar bya/ /gal te bsod nams byas na yang / /de ni yang dang yang du bya/ /sdig la yid ni mngon dga' ba/ /bsod nams dal bus byed 'gyur bas/ /sdig pa las ni sems zlog cing / /bsod nams mngon par smyur te bya/ / sdig pa chung du byas pas kyang / /'jig rten pha rol 'jig chen dang / /phung khrol chen po byed 'gyur te/ /khong bar song ba'i dug bzhin no/ /bsod nams chung du byas pas kyang / /'jig rten pha rol bde ba 'dren/ /don chen dag kyang byed 'gyur te/ /'bru rnams phun sum 'byor ba bzhin/ /gang zhig nyes med chad pas gcod/ /sdang ba min la rab sdang ba/ /gnas gzhan gang yang rung ba bcu/ /myur du thob pa kho nar 'gyur/ /tshor ba mi bzad pa dag gam/ /yang na lus ni 'dral ba'am/ /gnod pa'i tshor ba tsha ba'ang rung / /yang na sems 'khrugs thob par 'gyur/ /gnyen 'dun rnams dang bral ba'am/ /longs spyod zad par 'gyur ba'am/ /rgyal po'i gnod pa 'byung ba'am/ /mi snyan shin tu mi bzad dam/ /yang na khyim ni me chen pos/ /nges par sreg par byed par 'gyur/ /shes rab 'chal ba lus zhig nas/ /bcu pa ngan </font><hr>363b<br><font size=+1>


'gror 'gro bar 'gyur/ /sdig pa byas pas bag dbab mi bya ste/ /ring byas rgyang mar byas kyang bag mi dbab/ /dben par byas kyang bag dbab mi bya ste/ /de yi rnam smin yod pas bag mi dbab/ /bsod nams byas pas bag ni dbab bya ste/ /ring byas rgyang ring byas kyang bag dbab cing / /dben par byas kyang bag ni dbab par bya/ /de yi rnam smin yod pas bag dbab bo// bdag gis sdig pa byas pas mya ngan byed/ /ring dang rgyang ring byas pas mya ngan byed/ /bdag gis dben par byas pas mya ngan byed/ /de yi rnam smin yod pas mya ngan byed/ /bdag nyid nag po'i las dang ldan mthong nas/ /'dir yang mya ngan gzhan du'ang mya ngan byed/ /sdig pa byas pas gnyis kar mya ngan byed/ /de ni mya ngan de rab mya ngan byed/ /bdag gis bsod nams byas pas dga' bar 'gyur/ /ring dang rgyang ring byas pas dga' bar 'gyur/ /bdag gis dben par byas pas dga' bar 'gyur/ /de yi rnam smin yod pas dga' bar 'gyur// bdag nyid rnam dag las dang ldan mthong nas/ /'di na dga' 'gyur gzhan du'ang dga' bar 'gyur/ /bsod nams byas pas gnyis kar dga' 'gyur zhing / /de ni dga' 'gyur de rab dga' bar 'gyur/ /bdag gis sdig pa byas pas gdung 'gyur zhing / /ring byas rgyang ring byas pas gdung bar 'gyur/ /bdag gis dben par byas pas gdung 'gyur zhing // </font><hr>364a<br><font size=+1>


@#/ /de yi rnam smin yod pas gdung bar 'gyur/ /bdag nyid nag po'i las dang ldan mthong nas/ /'di na gdung 'gyur pha rol gdung bar 'gyur/ /sdig pa byas pas gnyis kar gdung 'gyur zhing / /de ni gdung 'gyur de rab gdung bar 'gyur/ /bdag gis bsod nams byas pas dga' 'gyur zhing / /ring byas rgyang ring byas pas dga' bar 'gyur/ /bdag gis dben par byas pas dga' 'gyur zhing / /de yi rnam smin yod pas dga' bar 'gyur/ /bdag nyid dkar po'i las dang ldan mthong nas/ / 'di na dga' 'gyur pha rol dga' bar 'gyur/ /bsod nams byas pa gnyis ka dga' 'gyur zhing / /de ni dga' 'gyur de rab dga' bar 'gyur/ /sdig pa byas shing bsod nams ma byas la/ /chos dang gol zhing chos min thob pa'i mi/ /sdig pa'i las can 'chi bas 'jigs 'gyur te/ /chu chen nang du gru ngan zhig pa bzhin/ /bsod nams byas shing sdig pa ma byas la/ /dam pa rnams kyi sngon gyi chos spyod pas/ /nga ni nam yang 'chi bas 'jigs med de/ /brtan pa'i gru yis pha rol 'gro ba bzhin/ / sdig pa'i tshoms te nyi shu rtsa brgyad pa'o// //ji srid nyi ma ma shar ba/ /de srid srin bu me khyer snang / /nyi ma shar bar gyur pa na/ /snang ba med cing sngon </font><hr>364b<br><font size=+1>


por 'gyur/ /ji srid de bzhin gshegs ma shar/ /de srid rtog ge ba rnams snang / /'jig rten rdzogs sangs rgyas shar ba/ /rtog can nyan thos bcas mi snang / /gces min gces par blos 'dzin cing / /gces la gces pa min rtag pa/ /log par kun rtog spyod yul can/ /des ni gces pa thob mi 'gyur/ /gces pa min la gces min dang / /gces la gces par 'du shes pa/ /legs par kun rtog spyod yul can/ /des ni gces pa 'thob par 'gyur/ /'di na lta dang nyan la mngon zhen pa'i/ /chings ma gsar dang gsar du 'phel ba dag /'khor bar rgyug cing 'gro dang sdod 'gyur te/ /me nang lhung ba'i phye ma leb dang 'dra/ /'di la myong 'gyur gzhan la myong 'gyur ba'am/ /'di na the tshom tha dad ji snyed pa/ /de dag tshangs par spyad spyod 'bad pa dang / /sems par byed pas rab tu rnam par spong / /gang zhig snyigs ma yod bzhin du/ /ngur smrig gos ni gyon byed pa| |dul dang nges pa med pa de/ /ngur smrig gyon pa'i 'os ma yin/ /gang zhig snyigs ma rnams spangs nas/ /tshul khrims legs par mnyam gzhag pa/ /dul dang nges par ldan pa de/ /ngur smrig gyon pa'i 'os yin no/ /g.yo sgyu 'jungs dang ldan pa'i mi/ /kha dog dang ni gzugs ldan pa'am/ /yang na smra bar byed tsam gyis/ /pho mchog </font><hr>365a<br><font size=+1>


@#/ /yin par mi chud do/ /gang zhig chos gsum de dag rnams/ /ta la'i mgo bo bzhin bcad nas/ /blo ldan skyon ni bsal ba de/ /pho mchog yin par brjod par bya| |'jig rten 'di na legs par ma bsdams pa/ /phal cher legs bsdams rtags kyis rgyu byed pas/ /legs par ma brtags par du mi dag gi /mdog gzugs lan 'ga' mthong bas yid ma rton/ /ra gan kha bsgyur lta bur mi 'tsham zhing / /lcags phyed gser gyis g.yogs pa ji lta bur/ /khong pa rab gdug phyi rol 'phags tshul gyis/ /'jig rten 'di na 'khor dang bcas par rgyu/ /gang zhig rnge 'gengs gnyid ni log pa dang / /nyin dang mtshan du 'gre ldog nyal byed pa/ /rdzab nang phag chen lus rgyas ji lta bar/ /yang dang yang du smad pa'i mngal du 'jug /mi ni rtag tu dran pa ldan pa dang / /rtag tu kha zas kyi ni tshod shes pa/ /de yi sdug bsngal chung bar 'gyur ba dang / /dal bus 'ju bas tshe yang ring bar byed/ /gang zhig dbang po ma bsdams shing / /zas kyi tshod ni mi shes la/ /dran pa nyams dang le lo can/ /gtsang bar lta zhing gnas byed pa/ /de ni 'dod chags rnams kyis bcom/ /rlung gis mi brtan ljon shing bzhin/ /gang zhing dbang po legs bsdams shing / /zas kyi tshod ni shes pa </font><hr>365b<br><font size=+1>


dang / /so sor dran zhing brtson 'grus ldan/ /mi gtsang lta bas gnas byed pa/ /de ni 'dod chags kyis mi tshems/ /rlung gis ri bo mi g.yos bzhin/ /dgon pa dga' bar bya 'os pa| |de la skye bo mi dga' yang / /de la 'dod chags bral ba dga'/ /'dod pa tshol bar byed rnams min/ /dgon pa'am yang na grong dag gam/ /gshong dam thang bu dag kyang rung / /gang na 'phags pa bzhugs pa yi/ /sa de yid du 'ong ba yin/ /dam pa ring nas snang gyur te/ /gangs can gyi ni ri bo bzhin/ /ngan pa nye yang mi snang ste/ /mun khrod mda' ni 'phangs pa bzhin/ /mkhas pa don sems byed pa yi/ /dam pa nyid dang 'grogs na ni/ /don chen 'gyur zhing zab mo yi/ /shes rab so sor rtogs par 'gyur/ / gzhu yis mda' 'phangs bsnun pa yi/ /g.yul ngo'i glang chen ji bzhin du/ /tshul 'chal skye bo mang po yis/ /mi snyan smras pa bzod par bya/ /mi gang khyim 'bigs byed pa dang / /dad pa med cing byas mi gzo/ /go skabs bcom dang skyugs pa za/ /de ni skyes bu dam pa yin/ /pha ma dag ni bsad byas shing / /rgyal po gtsang sbra can gnyis dang / /yul 'khor 'khor dang bcas pa bcom na/ /mi ni dag par 'gyur zhes bya/ /gang dag kun tu gsog med cing / /gang dag kha zas yongs shes pa/ /stong dang mtshan ma med pa dang / / </font><hr>366a<br><font size=+1>


@#/ /dben pa nyid kyi spyod yul can/ /de dag 'gro ba rtogs dka' ste/ /nam mkha' la ni bya rjes bzhin/ /gang dag kun tu gsog med cing / /gang dag kha zas yongs shes pa/ /stong dang mtshan ma med pa dang / /dben pa nyid kyi spyod yul can/ /de dag rjes ni rtogs dka' ste/ /nam mkha' la ni bya rjes bzhin/ /gang dag kun tu gsog med cing / /gang dag kha zas yongs shes pa/ /stong dang mtshan ma med pa dang / /rtag tu bsam gtan spyod yul can/ /de dag 'gro ba rtogs dka' ste/ /nam mkha' la ni bya rjes bzhin/ /gang dag kun tu gsog med cing / /gang dag kha zas yongs shes pa/ /stong dang mtshan ma med pa dang / /rtag tu bsam gtan spyod yul can/ /de dag rjes ni rtogs dka' ste/ /nam mkha' la ni bya rjes bzhin/ /gang dag kun tu gsog med cing / /gang dag kha zas yongs shes pa/ /stong dang mtshan ma med pa dang / /dben pa nyid kyi spyod yul can/ /de dag 'gro ba rtogs dka' ste/ /nam mkha' la ni bya rjes bzhin/ /gang dag kun tu gsog med cing / /gang dag kha zas yongs shes pa/ /stong dang mtshan ma med pa dang / /dben pa nyid kyi spyod yul can/ /de dag rjes ni rtogs dka' ste/ /nam mkha' la ni bya rjes bzhin/ /gang dag pha mthar rten med cing / / </font><hr>366b<br><font size=+1>


gang gis zag zad yongs shes pa/ /stong dang mtshan ma med pa dang / /dben pa nyid kyi spyod yul can/ /de dag 'gro ba rtogs dka' ste/ /nam mkha' la ni bya rjes bzhin/ /gang dag pha mthar rten med cang / /gang gis zag zad yongs shes pa/ /stong dang mtshan ma med pa dang / /dben pa nyid kyi spyod yul can/ /de dag rjes ni rtogs dka' ste/ /nam mkha' la ni bya rjes bzhin/ /gang dag pha mthar rten med cing / /gang gis zag zad yongs shes pa/ /stong dang mtshan ma med pa dang / /rtag tu bsam gtan spyod yul can/ /de dag 'gro ba rtogs dka' ste/ /nam mkha' la ni bya rjes bzhin/ /gang dag pha mthar rten med cing / /gang gis zag zad yongs shes pa/ /stong dang mtshan ma med pa dang / /rtag tu bsam gtan spyod yul can/ /de dag rjes ni rtogs dka' ste/ /nam mkha' la ni bya rjes bzhin/ /gang dag pha mthar rten med cing / /gang gis zag zad yongs shes pa/ /stong dang mtshan ma med pa dang / /rtag tu bsam gtan spyod yul can/ /de dag 'gro ba rtogs dka' ste/ /nam mkha' la ni bya rjes bzhin/ /gang dag pha mthar rten med cing / / gang gis zag zad yongs shes pa/ /stong dang mtshan ma med pa dang / /rtag tu bsam gtan spyod yul can/ /de dag rjes ni rtogs dka' ste/ /nam mkha' la ni bya rjes </font><hr>367a<br><font size=+1>


@#/ /bzhin| |skye dgu phal pa 'di dag ni/ /pha mtha' nyid du rgyug byed pas/ /gang dag pha rol 'gro byed pa'i/ /mi yi skye bo de dag nyung / /gang dag legs par gsungs pa yi/ /chos la chos kyi rjes lta bas/ /skye bo de dag skye shi yi/ /mtsho chen rgal dka'i pha rol 'gro/ skyob pa rab tu rnam grol zhing / /dus 'dus mya ngan bral ba dang / /mdud pa thams cad spangs pa la/ /yongs su gdung ba yod mi 'gyur/ /'jigs dang bcas pa'i lam brgal cing / /g.yang sa yongs su spangs pa dang / / sbyor dang mdud pa las grol bas/ /'dod chags kyi ni dug kun bcom/ /'dod pa lta bu'i 'dam rdzab med/ /zhe sdang lta bu'i gnod med do/ /gti mug lta bu'i rgya med de| |sred pa lta bu'i chu klung med/ /nam mkha' la ni rjes lta bur/ /phyi rol pa la dge sbyong med/ /byis pa spros la mngon par dga'/ /de bzhin gshegs pa spros mi mnga'| |sbyor bas byis pa khrid pa'i phyir/ /mkhas pa sbyor ba 'joms par byed/ /mkhas pa lha dang mi dag gi /sbyor ba gang yin 'joms byed pa/ /sbyor ba kun dang bral ba'i phyir/ /sdug bsngal kun las grol bar 'gyur/ /sbyor ba las ni srid pa byung / /sbyor ba med pas srid pa zad/ /srid pa dang ni srid med pa'i/ /lam 'di gnyis </font><hr>367b<br><font size=+1>


ni shes gyis la/ /sbyor las rab tu 'da' bya'i phyir/ /mkhas pas de la bslab par gyis/ /nyes par spyad pa byas pas gdung 'gyur zhing / /ngan 'gror song ba'i 'og tu'ang gdung bar 'gyur/ /legs par sbyad pa byas pas dga' 'gyur zhing / /bde 'gror song ba'i 'og tu'ang dga' bar 'gyur/ /phyi nas gdung 'gyur de byed pas/ /gnyis na nyes spyad ma byas sla| |gdung bar mi 'gyur de bya ste/ /legs par spyad pa byas na rung / /mkhas dang byis pa 'dres pa las/ /ma smras shes par mi 'gyur bas/ /zhi ba'i go 'phang smros shig dang // smras pa yis ni shes par 'gyur/ /legs bshad drang srong rgyal mtshan to/ /drang srong rgyal mtshan chos yin pas/ /chos ni bshad pas gsal bya zhing / /drang srong rgyal mtshan bsgreng bar gyis/ /ma smras na yang smod byed cing / /mang du smras na smod par byed/ /dal bus smras kyang smod byed de/ /'jig rten na ni mi smad med/ /gcig tu smad par bya ba dang / gcig tu bstod par bya ba'i mi/ /da ltar yod pa ma yin te/ /byung bar ma gyur 'byung mi 'gyur/ /gang dag la ni gnas pa'i spros med cing / /gang dag kun sbyor gdung las rab log pa| |thub pa srid bral de dag rgyu mdzad kyang / /lhar bcas 'jig rten rnams kyis mi shes so/ /gang gis dad dang tshul khrims dang / /blo la phan ni ma byung bar/ /ji lta </font><hr>368a<br><font size=+1>


@#/ /ji ltar rtogs gyur pa'i/ /shes pa can dag bstod byed de/ /de dag sus kyang smad 'os min/ /dzam+bu'i gling gi gser rgyan bzhin/ /ji ltar ri dang brag dag ni| |rlung gis g.yos par mi 'gyur ltar/ /de bzhin bstod dang smad pa yis/ /mkhas pa rab tu g.yo ba med/ /sa la gang gi rtswa med pa/ /lo med lcug phran ga la yod/ / 'ching ba las grol brtan pa de'i/ /ji ga sus kyang smad 'os min/ /gang zhig rgyal las mi nyams shing / /'jig rten ma rgyal cung zad med/ /sangs rgyas spyod yul mtha' yas de| |'gro med gom pa gang gis bkri/ /gang zhig rgyal las mi nyams shing / /'jig rten ma rgyal cung zad med/ /sangs rgyas mthu rtsal mtha' yas de/ /'gro med gom pa gang gis bkri/ /gang la 'khrid byed sred pa ni/ /yul sred dra ba dga' med pa/ /sangs rgyas spyod yul mtha' yas de/ /'gro med gom pa gang gis bkri/ /gang la 'khrid byed srid pa ni/ /yul sred 'dra ba 'ga' med pa/ /sangs rgyas mthu rtsal mtha' yas de/ /'gro med gom pa gang gis bkri/ /gang zhig rnam par rtog pa rnam bsal cing / /nang gi kun la rnam par rtog med pa/ /kun tu sbyor dang gzugs dang 'du shes 'das/ /rnal 'byor bzhi dang bral la skye ba med/ /sngon bral phyi ma dang bral </font><hr>368b<br><font size=+1>


zhing / /dbus bral srid pa'i pha rol phyin/ /rnam pa kun las sems grol ba/ /skye rga phyi ma 'dren mi 'gyur/ /phrugs kyi tshoms te nyi shu dgu pa'o// //rgyal ba las ni 'khon byung zhing / /pha rol pham pa sdug bsngal 'thob/ /rgyal dang pha rol pham spangs na/ /nye bar zhi ba'i bde ba 'thob/ /gzhan la sdug bsngal bskyed pa yis/ /gang zhig bdag ni bde 'dod pa/ /dgra dang mi 'bral 'grogs pa dang / /de ni sdug bsngal las mi 'grol/ /bde ba 'dod phyir 'byung po la/ /gang zhig 'tshe zhing chad pas gcod/ /bdag gi bde ba 'dod pa de/ /pha rol tu ni bde mi 'gyur/ /gang zhig bde ba 'dod pa dag /'byung po la ni mi 'tshe zhing / /chad pas mi gcod bde 'dod pa/ /de dag pha rol bde ba 'thob| |chos spyod legs par spyad bya zhing / /nyes par spyad pa de mi spyod/ /'jig rten 'di dang pha rol tu/ /chos spyad pas ni bde ba 'thob/ /chos la legs spyod bde skyed pas| |chos spyod chos kyis bsrung bar bya/ /chos spyod ngan 'gror mi 'gro ba/ /chos la legs spyod phan yod de'o/ /yangs pa'i gdugs kyis dbyar kha ltar/ /chos spyod chos kyis bsrung bar bya/ /chos spyod ngan 'gror mi 'gro ba/ /chos la legs spyod phan yod de'o/ /bag med mi yis chos min spyad na ni/ /'gro ba gang yang rung ba ngan 'gror </font><hr>369a<br><font size=+1>


@#/ /'gro/ /'di na sbrul nag rked nas bzung ba ltar/ /chos min spyod pa de dag brlag par 'gyur/ /chos dang chos min gnyis ka yi/ /rnam smin 'dra bar mi 'gyur te/ /chos ma yin pas dmyal bar 'gro/ /chos kyis bde 'gro thob par byed/ /sbyin pa byed pa'i dus dang g.yul 'gyed dus/ /rgyu yis yongs su bzung bar 'dra bas na/ /sbyin pa byed dang g.yul 'gyed 'dra zhes gsungs/ /yon tan de gnyis mi ngan rten mi byed/ /shin tu legs par chas pa gcig pus kyang / /legs par ma chas 'phyes las rgyal byed ltar/ /gal te dad bskyed chung du byin pas kyang / /des ni de dag gzhan du bde bar 'gyur/ /'di na lan brgyar g.yul zlog dpa' bo bas| |ser sna dgrar gyur zil gyis mnan nas su/ /gang zhig chags med sems kyis sbyin byed pa/ /de dag ches dpa' yin par ngas gsungs so/ /bsod nams rnam smin bde ba ste/ /mngon par bsams pa 'byor par byed/ /myur du zhi ba dam pa yi/ /mya ngan 'das pa thob par 'gyur/ /bsod nams byed pa rnams la ni/ / gzhan las byung ba'i gnod pa dang / /lha dang bdud kyi ris rnams kyis/ /bar chad bya bar mi nus so/ /gal te sdug bsngal zad bya'i phyir/ /'phags dang shes rab </font><hr>369b<br><font size=+1>


gtong ldan la/ /de yis 'bad rtsol byas na ni/ /lhag mthong gis ni reg par 'gyur/ /sems ni rab tu rnam dang bas/ /chos la dga' byed bde ba 'thob/ /'phags pas gsungs ba'i chos dag la/ /mkhas pa rtag tu dga' bar byed/ /gang dag sems ni bsam gtan dga'/ /gang zhig skye med dga' ba dang / /dran pa nye bar gzhag bzhi dang / /byang chub yan lag bdun dag dang / /rdzu 'phrul rkang pa bzhi rnams dang / /yan lag brgyad lam gang dga' ba/ /de dag chos gos 'chang ba dang / /bsod snyoms bde bar za bar byed/ /de dag ri dang nags tshal na/ /bde bar 'chag par byed pa dang / /de dag bde 'thob bde bar ni/ /mthong ba'i chos la mya ngan 'da'/ /'khon dang 'jigs pa kun 'das zhing / / 'jig rten yul gyi srid las rgal/ /chos thos pa dang mthong ba dang / dben par dga' ba bde ba ste/ /'jig rten srog chags 'byung po la/ /'tshe med yang dag sdom pa bde| |'dod pa rnams las rab 'das shing / /'jig rten 'dod chags bral ba bde/ /nga'o snyam pa'i nga rgyal dag /btul ba de dag mchog tu bde/ /rgas khar tshul khrims ldan pa bde/ /dad la rab tu gnas pa bde/ /don ldan tshig la dga' ba bde/ /sdig pa mi byed pa dag bde/ /'jig rten na ni phar 'dzin bde| /de bzhin mar yang 'dzin pa </font><hr>370a<br><font size=+1>


@#/ /bde| |'jig rten dge sbyong 'dzin pa bde/ /de bzhin bram zer 'dzin pa bde/ /sangs rgyas rnams ni 'byung ba bde/ /de bzhin chos rnams bstan pa bde| |dge 'dun rnams ni mthun pa bde/ /mthun pa rnams kyi dka' thub bde/ /tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi/ /dgra bcom pa dag mthong ba bde/ /'jug ngogs bde ba'i chu klung bde/ /chos kyis rgyal ba'i skye bo bde/ /shes rab thob par gyur pa bde/ /nga 'o nga rgyal zad pa bde/ /'phags pa rnams ni mthong ba bde/ /dam pa dag dang 'grogs pa bde/ /byis pa rnams ni ma mthong na/ /rtag tu bde ba nyid du 'gyur/ /rnam pa kun tu dgra 'dra ba'i/ /byis dang 'grogs pa sdug bsngal zhing / /byis pa dag dang 'grogs byed pa/ /yun ring rjes su 'gyod par 'gyur/ /skyes bu cang shes dkon pa ste/ / de dag kun tu 'byung ma yin/ /brtan pa rnams dang 'grogs pa dag /gnyen dang phrad pa lta bur bde/ /gang du brtan pa de skyes pa/ /de yi rigs kyis bde ba 'thob/ /bram ze mya ngan 'das pa dag/ rnam pa kun tu bde bar 'jug /gang zhig 'dod pas ma gos shing / /zag med rab tu rnam grol ba/ /sred pa thams cad gtubs pa dag / </font><hr>370b<br><font size=+1>


snying las rims nad rnam par bsal/ /sems kyis zhi ba thob pa rnams/ /nye bar zhi zhing bde bar 'jug /gang zhig bde ba yangs 'dod cing / /bde ba chung du gtong 'dod pa'i// brtan pas bde chung spang byas na/ /bde ba yangs pa legs pa mthong / /'jig rten 'dod bde gang yin dang / /lha yul bde ba gang yin pas/ /sred pa zad pa'i bde ba de'i/ /bcu drug char yang mi phod do/ /khur gyis sdug bsngal blangs pas na/ /khur bor na ni bde bar 'gyur/ /lci ba'i khur dag nges bor na/ /phyi nas gzhan dag len mi 'gyur/ /kun sbyor thams cad zad bya'i phyir/ /sred pa thams cad rab tu spongs/ /phung po thams cad yongs shes na/ /srid pa phyi mar 'gro ba med/ /don rnams bskrun pa la ni grogs ldan bde/ / srog dag rab tu gtugs la bsod nams bde/ /ngan lon \?\ tsam gyis legs par chog shes bde/ /sdug bsngal thams cad nges par nub pa bde/ /'di na me ni 'bar ba la/ / lcags kyi tho bas brgyab pa yis/ /rim gyis nye bar zhi 'gyur te/ /ji ltar song ba mi shes ltar/ /'dod pa'i 'dam rdzab chu brgal cing / /go 'phang mi g.yo thob pa dang / /legs par rnam par grol rnams kyi/ /'gro ba gdags su med pa yin/ /gang zhig khong na 'khrug pa med pa dang / /gang zhig sred dang sred min las log pa/ /de dag 'jigs bral </font><hr>371a<br><font size=+1>


@#/ /bde zhing mya ngan med/ /lhas kyang blta zhing bsam du med par 'gyur/ /'di na gang dag chos mang thos pa dang / /rtogs shing ci yang med pa kye re bde/ / skye bo skye bo'i sems la rab chags shing / /cung zad yod pa brlag par gyur la ltos/ /'di na gang dag chos mang thos pa dang / /rtogs shing ci yang med pa kye re bde/ /skye bo skye bo'i lus la rab chags shing / /cung zad yod pa brlag par gyur la ltos/ /skye bo ci med yon tan rtogs pa dang / /skye bo ci yang med par gyur pa bde/ /skye bo skye bo'i sems la rab chags shing / /cung zad yod pa brlag par gyur la ltos/ /skye bo ci med yon tan rtogs pa dang / /skye bo ci yang med par gyur pa bde/ /skye bo skye bo'i lus la rab chags shing / /cung zad yod pa brlag par gyur la ltos/ /gzhan gyi dbang gyur kun sdug ste/ /rang dbang yod pa thams cad bde/ /sbyor ba shin tu spang dka' ba/ /thun mong gyur pas brlag par zad/ /zhen par gyur pa'i mi nang na/ /zhen pa med par gnas pa dang / /zhen pa'i nang na ma zhen pa/ /kye ma'o shin tu bde bar 'tsho/ /nad kyis thebs pa'i mi nang na/ /nad med par ni gnas pa dang / /nad pa'i nang na nad med pa/ /kye ma'o shin tu bde bar 'tsho/ /'tshe ba can gyi mi nang na/ /'tshe ba med par gnas pa dang / / </font><hr>371b<br><font size=+1>


'tshe ba'i nang na 'tshe med pa/ /kye ma'o shin tu bde bar 'tsho/ /gnod sems can gyi mi nang na/ /gnod sems med par gnas pa dang / /gnod sems can nang gnod med pa/ /kye ma'o shin tu bde bar 'tsho/ /sha khon can gyi mi nang na/ /sha khon med par gnas pa dang / /sha khon can nang 'khon med pa/ /kye ma'o shin tu bde bar 'tsho/ /mi thi la dag rab bsregs kyang / /nga la ci yang tshig pa med/ /nga la gang dag ci med pas/ /kye ma'o shin tu bde bar 'tsho/ /nga la ci yang med mod kyi/ /dga' ba za bar byed pas na/ /'od gsal gyi ni lha bzhin du/ /kye ma'o shin tu bde bar 'tsho/ /'jig tshogs la ni mi rten pas/ /nga la ci yang med mod kyi/ /dga' ba za bar byed pas na/ /kye ma'o shin tu bde bar 'tsho| |len pa'i rkyen gyis phrad cing reg 'gyur gyi/ /len med ci dang phrad cing reg med pas/ /bdag dang gzhan gyis bskyed pa'i bde sdug gis/ /dgon pa'am grong du reg par mi 'gyur ro/ /'jig rten 'di na bde dang sdug bsngal gyis/ /skyes bu dam pa mtho dman mi 'gyur zhing / /brtan rnams 'dod pa'i rgyu yis mi 'khyal bar/ /skyes bu dam pa kun tu 'gro bar byed/ /bde ba'i tshoms te sum cu pa'o// //ched du brjod pa'i tshoms/ bam po bzhi pa ste tha ma/ gzung bar dka' zhing yang ba dang // </font><hr>372a<br><font size=+1>


@#/ /gang du dga' bar 'gro ba yis/ /sems dul ba ni legs pa ste/ /sems dul ba yis bde ba 'dren/ /bdud kyi gzhi dag spong ba na/ /chu bo'i gnas nas rab bton te/ /thang la bor ba'i nya lta bur/ /bdag gi sems ni yongs su g.yo/ /nyi ma las ni 'od zer ltar/ /bdag gi sems ni so sor rgyug/ de dag mkhas pas des bzlog ste/ /lcags kyu yis ni glang chen bzhin/ /nga la don med spyod pa dang / /bltar med snying po med pa de/ /rtag tu gdul bar bya ba'i phyir/ /sems de la ni nga smra'o/ / sems 'di sngon chad ji ltar 'dod pa dang / /dga' dgur spyod cing rgyu bar byed pa dag/ glang chen myos la mi yis lcags kyu ltar/ /de ni tshul bzhin bya bas de bzung ngo / / khang khyim byed pa 'di yis ni/ /yang yang skye ba'i sdug bsngal can/ /skye ba'i 'khor ba du ma zhig/ da ltar phan chad khyod kyi phyung / /khang khyim byed pa khyod mthong bas/ / khyim gyi gdung chen rnams bcom la/ /phyam rnams thams cad bcag nas su/ /phyin chad khyim byed mi gzhug go/ sems ni 'du byed dang bral nas/ /'di nyid la ni zad par 'dod/ /sems ni g.yo zhing rdzun pa ste/ /ring du 'gro zhing bzlog dka' ba/ /mda' mkhan me yis srong ba ltar/ /yid gzhungs pa yis bsrang bar bya/ /gang </font><hr>372b<br><font size=+1>


zhig lus med phug na gnas/ /gcig pu rgyu zhing ring 'gro ba'i/ /sems de 'dul bar byed pa ni/ /'jigs pa che las thar bar 'gyur/ /log pa'i smon ldan sems gang gis/ / bdag nyid sdug bsngal byed 'gyur ba'i/ /de ltar 'khon gyis 'khon can dang / /dgra bos dgra la'ang byed mi 'gyur/ /yang dag smon ldan sems gang gis/ /bdag nyid bde bar byed 'gyur ba/ /de ltar pha dang ma dag dang / /gnyen gzhan gyis kyang byed mi 'gyur/ /ji ltar khang steng g.yogs nyes na/ /char pa yongs su 'dzag pa ltar/ /de bzhin sems ni ma bsgoms pa| |'dod chags rnams kyis yongs su bcom/ /ji ltar khang steng g.yogs legs na/ /char pa rnam par mi 'dzag pa/ /de bzhin legs par bsgoms pa'i sems/ /'dod chags rnams kyis yong mi choms/ /ji ltar khang steng g.yogs nyes na/ /char pa yongs su 'dzag pa ltar/ /de bzhin sems ni ma bsgoms pa/ /zhe sdang rnams kyis yongs su bcom/ /ji ltar khang steng g.yogs legs na/ /char pa rnam par mi 'dzag pa/ /de bzhin legs par bsgom pa'i sems/ /zhe sdang rnams kyis yong mi choms/ /ji ltar khang steng g.yogs nyes na| |char pa yongs su 'dzag pa ltar/ /de bzhin sems ni ma bsgoms pa/ /gti mug rnams kyis yongs su bcom/ /ji ltar khang steng g.yogs legs na/ /char pa </font><hr>373a<br><font size=+1>


@#/ /rnam par mi 'dzag par/ /de bzhin legs par bsgoms pa'i sems/ /gti mug rnams kyis yong mi choms/ /ji ltar khang steng g.yogs nyes na/ / char pa yongs su 'dzag pa ltar/ /de bzhin sems ni ma bsgoms pa/ /nga rgyal rnams kyis yongs su bcom/ /ji ltar khang steng g.yogs legs na/ /char pa rnam par mi 'dzag pa/ /de bzhin legs par bsgoms pa'i sems/ /nga rgyal rnams kyis yong mi choms/ /ji ltar khang steng g.yogs nyes pa/ /char pa yongs su 'dzag pa ltar/ /de bzhin sems ni ma bsgoms pa/ /chags pa rnams kyis yongs su bcom/ /ji ltar khang steng g.yogs legs na/ /char pa rnam par mi 'dzag pa/ /de bzhin legs par bsgoms pa'i sems/ /chags pa rnams kyis yong mi choms/ /ji ltar khang steng g.yogs nyes na/ /char pa yongs su 'dzag pa ltar/ /de bzhin sems ni ma bsgoms pa/ /sred pa rnams kyis yongs su bcom/ /ji ltar khang steng g.yogs legs na/ /char pa rnam par mi 'dzag pa/ /de bzhin legs par bsgoms pa'i sems/ /sred pa rnams kyis yong mi choms/ /chos kyi sngon du yid 'gro ste/ /yid mgyogs yid ni gtso bo yin/ /gal te yid rab gdug pa yis/ /smras sam yang na byas kyang rung / /de yis de ni sdug </font><hr>373b<br><font size=+1>


bsngal 'thob/ /'khor los mgo bo bcad pa bzhin/ /chos kyi sngon du yid 'gro ste/ /yid mgyogs yid ni gtso bo yin/ /gal te yid rab dang pa yis/ /smras sam yang na byas kyang rung / /de yi de ni bde ba 'thob/ /grib ma rjes su 'brang ba bzhin/ /brtsad pa ched cher 'dzin pa dang / /sems ni nyon mongs gyur pa yis/ /glags skabs tshol bar byed pa yis/ /legs bshad legs par mi shes so/ /sdang ba'am yang na 'khrug pa'am/ /dad pa med pa'i sems dag gis/ /rdzogs sangs rgyas kyi bstan pa yi/ /dam chos kun shes mi nus so/ / gang gis bag med sems dang ni/ /khro ba rnam par btul ba dang / /'di na gnod sems rab spangs pa/ /des ni legs par bshad pa shes/ /sems kyi brtan pa med pa yis/ / dam chos rnam par shes mi 'gyur/ /dad pa 'gyur ldog byed pa yi/ /shes rab yongs su rdzogs mi 'gyur/ /kun rtog la chums rten pa yi/ /lha ngan sum cu rtsa drug gi/ chu bo'i rgyun ni gang yin pa/ /yid kyi rgyun las rab tu 'bab/ /dga' sems dbang po phal pa dang / /sems kyi rjes 'brang zhan pa yi/ /mi de'i grags 'grib 'bras lhags pa'i/ /ljon shing la ni bya bzhin no/ /sems khyod phung khrol 'dod la dga' ma byed/ /brtson sems bag yod pa la gnas par gyis/ /bag med byas pas dmyal bar btsos pa dang / /lcags </font><hr>374a<br><font size=+1>


@#/ /gong mid pas khyod ni ma du zhig/ ldang ba'i dus tshe 'dug par byed pa dang / /lang tsho stobs ldan mi 'bad khyim 'dug dang / /bsam pa rdzogs tshe le lo byed pa yi/ /mi yi shes rab lam rtogs mi 'gyur ro/ /phran tshegs rnam rtog zhib mor rnam rtog pas/ /nang na gnas pa'i yid ni g.yen yang spyo/ /yid kyi rnam rtog de dag ma shes na/ /'khrul sems yang dang yang du rgyug par byed/ /gang zhig dran ldan rnam 'byed brtson pa dang / /rnam par rtog la mkhas pas de shes na/ /nang na gnas pa'i yid ni g.yen spyo ba/ /thams cad ma lus blo yis rab tu spong / /lus 'di bum pa 'dra bar rtogs byas shing / /grong khyer 'dra ba'i sems kyis sran btsugs nas/ / shes rab mtshon gyis bdud dang g.yul sprang de/ /btul nas gnas med par ni bsrung bar bya/ /'jig rten 'di dag bum pa 'drar rtogs shing / /de bzhin chos rnams smig rgyu 'drar shes nas/ /shes rab mtshon gyis bdud dang g.yul sprad de/ /btul nas gnas med par ni bsrung bar bya/ /lus 'di dbu ba 'dra bar rtogs byas shing // grong khyer 'dra ba'i sems kyis sran btsugs nas/ /shes rab mtshon gyis bdud dang g.yul sprad de/ /btul nas gnas med par ni bsrung bar bya/ /'jig rten 'di dag </font><hr>374b<br><font size=+1>


dbu ba 'drar rtogs shing / /grong khyer 'dra ba'i sems kyis sran btsugs nas/ /shes rab mtshon gyis bdud dang g.yul sprad de/ /btul nas gnas med par ni bsrung bar bya/ /gang gis byang chub yan lag bdun/ /sems kyis legs par bsgoms pa dang / /gang zhig len la mi dga' zhing / /len pa rab tu spangs pa dang / /zag zad skyon rnams bsal ba de/ / 'jig rten dag na mya ngan 'das/ /gang zhig g.yag rnga'i rtse mo ltar/ /rang gi sems ni rjes srung zhing / /'byung po rnams la brtser ldan pa/ /de yi bde ba yongs mi nyams/ /gang phyir glang po'i glang po che/ /mche ba bzang po'i glang chen dang / /sems dang sems mi mnyam pas na/ /de phyir gcig pu nags su dgyes/ /gang gi yid la gnod med cing / / 'byung po kun la brtse ba dang / /'byung po rnams la byams byed pa/ /de la nam yang 'khon mi 'byung / /gang la gnod pa'i sems med cing / /'byung po kun la brtse ba dang // srog chags kun la byams byed pa/ /de la nam yang 'khon mi 'byung / /gang la gnod pa'i sems med cing / /'byung po rnams la brtse ba dang / /sems can kun la byams byed pa/ /de la nam yang 'khon mi 'gyur/ /mdza' bshes kun dang grogs kun dang / /'byung po kun la brtse ba dang / /byams pa'i sems ni bsgom byas na/ /bde ba shin tu </font><hr>375a<br><font size=+1>


@#/ /'phel bar 'gyur/ /gal te gang zhig srog chags 'ga' la'ang sdang med sems/ /byams par byed na de yis de ni dge ba yin/ /sems can thams cad la ni yid kyis brtse byas na/ /bsod nams phal cher 'phags pas rab tu bsgrub par 'gyur/ /mi gang dga' ba'i sems dang ni/ /zhum pa med pa'i yid kyis su/ /dge ba'i chos la sgom byed pa/ /grub pa dang ni bde ba 'thob/ /yang dag shes pas rnam grol zhing / /skyo ba nye bar zhi gyur pa/ /de yi yid ni zhi gyur cing / /lus dang ngag gi las kyang zhi/ /ji ltar rtse gcig sems kyis ni/ /chos rnams legs par mthong ba ltar/ /sil snyan yan lag lnga pas kyang / /de ltar dga' ba byed mi 'gyur/ /gang yid ting 'dzin la dga' ba/ /de dag 'dod pas rtse mi byed/ /gang zhig cung zad gdung med pa'i/ /skyob pa bde bar nyal bar 'gyur/ /gang yid ting 'dzin la dga' ba/ /de dag 'dod pas rtsen mi byed/ /gang zhig cung zad gdung med pa'i/ /thub pa kye ma'o dga' bar 'gyur/ /gang gi sems ni brag lta bur/ /rab tu g.yo ba med 'dug pa/ /chags pa'i gnas la mi chags te/ /khro ba'i gnas la 'khrug med par/ /gang yid de ltar gyur pa de/ /sdug bsngal thob par ga la </font><hr>375b<br><font size=+1>


'gyur| |skur ba mi gdab gnod mi bya/ /so sor thar pas bsdam par bya/ /zas kyi tshod kyang shes par bya/ /bas mtha' dgon par gnas bya zhing / /lhag pa'i sems la rnal 'byor bya| |'di ni sangs rgyas bstan pa yin/ /sems kyi rtags la mkhas pa dang / /rab tu dben pa'i ro rnyed dang / /rab drang sems pa'i 'grus skyong can/ /zang zing med pa'i dga' ba myong / gang zhig yid gzhungs dben dga' dben gnas pas/ /rtag tu rang gi lus kyis spyod lam dang / /smra dang yid ni srung bar byed pa de/ /mya ngan spong zhing sdug bsngal 'thob mi 'gyur| |ma bsrungs pa yi sems dang ni/ /log par lta bas bcom pa dang / /gnyid dang rmugs pas zil non pa/ /bdud kyi dbang du 'gro bar 'gyur/ /de bas sems ni bsrung byas te| |yang dag lta bas mdun bdar cing / /yang dag kun rtog spyod yul can/ /yang dag skye dang 'jig pa shes/ /gnyid dang rmugs pa zil gnon pa'i/ /dge slong sdug bsngal zad pa 'thob/ /bag yod sems ni srung ba dang / /sems dul yang dag sdom pa bde/ /skye dgu sems kyis bslus pa dag /gcig tu sems can dmyal bar 'tshed/ / bag yod sems ni srung ba dang / /sems dul yang dag sdom pa bde/ /skye dgu sems kyis bslus pa dag /gcig tu dud 'gro rnams su 'tshed/ /bag yod sems ni srung ba </font><hr>376a<br><font size=+1>


@#/ /dang / /sems dul yang dag sdom pa bde/ /skye dgu sems kyis bslus pa dag/ gcig tu yi dwags rnams su 'tshed/ /bag yod sems ni srung ba dang / / sems dul yang dag sdom pa bde/ /skye dgu sems ni bsrung ba dag / gcig tu mi yi nang du dga'/ /bag yod sems ni srung ba dang / /sems dul yang dag sdom pa bde/ / skye dgu sems ni bsrung ba dag/ gcig tu mtho ris rnams su dga'/ /bag yod sems ni srung ba dang / /sems dul yang dag sdom pa bde/ /skye dgu sems ni bsrung ba dag /gcig tu mya ngan 'das pa 'thob/ /sems kyi tshoms te sum cu rtsa gcig pa'o// //dge slong bsod snyoms byed pa bdag rang tsam/ /'drangs par byed kyi gzhan dag mi gso ba/ /rtag tu nyer zhi dran dang ldan pa yi/ /skyob pa de la lha rnams dga' bar byed/ /dge slong bsod snyoms byed pa bdag rang tsam/ /'drangs par byed kyi gzhan dag mi gso ba/ /skyob pa de la lha rnams dga' byed kyi/ /bkur sti nor dang grags 'dod rnams la min/ /dge slong 'dod pa kun spangs shing / /mdun na gnas pa'i rdul bsal ba/ /bdag med thub pa brtan pa yis/ /gzhan la smra bar bya mi dgos/ /skye bo ma bsdams tshig gis gnod byed pa/ /mi bzad rjod pa'i </font><hr>376b<br><font size=+1>


tshig de thos gyur kyang / /dge slong sdang sems bral la ji mi snyam/ /g.yul ngor glang chen mda' yis bsnun pa bzhin/ /skye bo ma bsdams tshig gis gnod byed pa/ /mi bzad rjod pa'i tshig de thos gyur kyang / /dge slong yid legs bzhag la ji mi snyam/ /g.yul ngor glang chen mda' yis bsnun pa bzhin/ /bzo yis mi 'tsho yang zhing bdag la dga'/ / dbang po dul zhing kun las rnam grol zhing / /khyim la ma chags bag med 'dod sred spangs/ /gcig pu spyod byed de ni dge slong yin/ /'tsho gtsang snyom las med pa yi/ /grogs po mthun pa bsten bya zhing / /so sor mgo bsha' bya ba dang / /spyod yul cho ga mkhas par bya/ /lag pa legs bsdams rkang pa legs bsdams dang / /tshig rnams legs bsdams dbang po legs bsdams shing / /gcig pu nang du mnyam par 'jog la dga'/ /chog shes de ni dge slong yin zhes gsung / /dge slong chos la kun dga' zhing / / chos dga' chos la sems pa dang / /chos la rjes su dran pa dag/ chos las yongs su nyams mi 'gyur/ /dge slong khang stong zhugs nas su/ /nang la lta bar byed pa dang // chos rnams legs par mthong ba dag/ lha yi dga' dang ldan par 'gyur/ /ji lta ji ltar phung po la/ /skye dang 'jig par legs rtogs pa/ /de lta de ltar de yis ni/ / </font><hr>377a<br><font size=+1>


@#/ /dga' dang mgu ba nyid kyang 'thob/ /dge slong dga' ba mang po yis/ /sdug bsngal zad par thob par 'gyur/ /ji ltar brag gi ri bo dag/ rlung gis rab tu mi g.yos ltar/ /de bzhin dge slong 'dod chags dag /zad pa kun tu rab mi g.yo/ /ji ltar brag gi ri bo dag /rlung gis rab tu mi g.yos ltar/ /de bzhin dge slong zhe sdang dag/ zad pa kun tu rab mi g.yo/ /ji ltar brag gi ri bo dag /rlung gis rab tu mi g.yos ltar/ /de bzhin dge slong gti mug dag/ zad pa kun tu rab mi g.yo/ /ji ltar brag gi ri bo dag/ rlung gis rab tu mi g.yos ltar/ /de bzhin dge slong nga rgyal dag/ zad pa kun tu rab mi g.yo/ /ji ltar brag gi ri bo dag/ rlung gi rab tu mi g.yos ltar/ /de bzhin dge slong chags pa dag /zad pa kun tu rab mi g.yo/ /ji ltar brag gi ri bo dag/ rlung gis rab tu mi g.yos ltar/ /de bzhin dge slong sred pa dag/ zad pa kun tu rab mi g.yo/ /gang la kun tu gsog med cing / /gang la bdag gir byed med pa/ /gang dag med na'ang mi gdung ba/ /de ni dge slong zhes brjod do/ /re zhig gzhan la slong ba tsam/ /ji ga dge slong min pa snyam/ /grong ba'i chos ni 'dzin byed pa/ /jig dge slong min pa snyam/ /gang zhig dge dang sdig pa dag/ rab spangs tshangs </font><hr>377b<br><font size=+1>


par spyod ldan zhing / /sde tshogs spangs nas spyod byed pa/ /de ni dge slong zhes brjod do/ /dge slong gang zhig byams gnas shing / /sangs rgyas bstan la rab dad pa/ /des ni blta bas mi ngoms pa'i/ /zhi ba'i go 'phang thob par 'gyur/ /dge slong gang zhig byams gnas shing / /sangs rgyas bstan la rab dad de/ /'du byed nyer zhi zhi ba yi/ /zhi ba'i go 'phang thob par 'gyur/ /dge slong gang zhig byams gnas shing / /sangs rgyas bstan la rab dad pa/ /des ni kun sbyor kun zad pa/ /rim gyis mngon sum byed par 'gyur/ /dge slong gang zhig byams gnas shing / /sangs rgyas bstan la rab dad pas/ /bdag nyid ngan 'gro las 'dren te/ /'dam rdzab las ni glang chen bzhin/ /dge slong gang zhig byams gnas shing / /sangs rgyas bstan la rab dad pas/ /sdig pa'i chos rnams sprug byed de/ /rlung gis ljon shing lom bzhin/ /dge slong gang zhig byams gnas shing / /sangs rgyas bstan la rab dad pas/ /mya ngan 'das dang nye ba'i phyir/ /yongs su nyams 'gyur mi srid do/ /sems dga' yid ni bzang ba dang / /dga' dang mi dga' zil gnon pa'i/ / dge slong dga' ba mang po yis/ /sdug bsngal zad pa thob par 'gyur/ /lus zhi ngag ni zhi ba dang / /sems zhi legs par mnyam bzhag cing / /'jig rten zang zing spangs pa </font><hr>378a<br><font size=+1>


@#/ /yi| |dge slong nyer zhi yin zhes brjod/ /ting 'dzin med la shes rab med/ /shes rab med la ting 'dzin med/ /shes rab ting 'dzin ldan pa de/ / dge slong yin zhes brjod par bya/ /de bas ting 'dzin shes rab la/ /mkhas pa rnams kyis 'jug bya ste/ /de bzhin shes rab dge slong de'i/ /dang por bya ba 'di yin no/ / chog shes dbang po bsdam bya zhing / /so sor thar pas bsdam par bya/ /zas kyi tshod kyang shes par bya/ /bas mtha' dgon par gnas bya zhing / /lhag pa'i sems la rnal 'byor bya/ /'di ni sangs rgyas bstan pa yin/ /gang gi lus dang ngag dang ni/ /yid la nyes byas med gyur pa/ /de ni dge ba'i tshul khrims can/ /ngo tsha'i yid ldan dge slong yin| |gang gis rdzogs pa'i byang chub kyi/ /phyogs kyi chos bdun legs bsgom pa/ /de ni dge ba'i chos can de/ /mnyam gzhag dge slong yin zhes gsung / /'di na gang zhig bdag nyid kyi/ /sdug bsngal zad pa rab shes la/ /dge zhing shes rab ldan pa de/ /zag med dge slong yin zhes gsung / /zag pa zad pa ma thob na/ /tshul khrims brtul zhugs tsam dag gam/ /yang na thos pa mang po'am/ /dben pa dag tu gnas kyang rung / /ting 'dzin thob par gyur kyang ngal/ /rdeng drod chod pa'i dge </font><hr>378b<br><font size=+1>


slong min/ /phung po la ni bdag zer ba'i/ /'jig rten 'di dag gdung ba ste/ /rdzogs pa'i byang chub bde ba ni/ /'phags pas bsten pa mngon du bya/ /ji lta ji ltar bsam byas pa/ / de lta de ltar gzhan du 'gyur/ /gzhan du 'gyur ba'i 'jig rten 'di/ /sred pa la chags srid la dga'/ /srid la mngon chags srid la dga'/ /srid pa nyid la mngon par dga'// dga' bya gang yin de sdug bsngal/ /spyi g.ya' gang yin de bde bas/ /srid pa rab tu spangs pa'i phyir/ /'di na tshangs par spyod pa ste/ /dge sbyong bram ze ji snyed pa/ /srid pas srid las nges 'byung zer/ /de dag thams cad srid pa las/ /nges 'byung min zhes brjod par bya/ /dge sbyong bram ze ji snyed pa/ /srid pas srid las nges byung zer/ /de dag thams cad srid pa las/ /rnam grol min zhes brjod par bya/ /len pa'i rkyen gyis sdug bsngal byung / /sdug bsngal las ni len pa byung / /len pa thams cad yongs zad na/ /sdug bsngal rab tu 'byung ba med/ /len pa thams cad na srid pa'i rnam pa ji snyed yod pa de dag thams cad ni mi rtag pa/ sdug bsngal ba/ yongs su 'gyur ba'i chos can yin no zhes de ltar de dag la yang dag pa'i shes rab kyis ji lta ba bzhin du mthong na/ /sred pa'i sred pa rab tu spong bar 'gyur zhing / /srid pa med pas mngon par mi dga' bar </font><hr>379a<br><font size=+1>


@#/ /'gyur ro/ /de ltar mya ngan las 'das pa'i dge slong skyob pa ni gzhan du len pa med cing yang srid med par 'gyur te/ bdud zil gyis non pa dang / g.yul las rgyal ba dang / srid pa thams cad las rab tu 'das pa 'di lta bu 'di ni sdug bsngal gyi mtha' yin no/ /dge slong dngos po bcad pa dang / /nye bar zhi zhing sems zhi ba/ /de ni yang srid med par 'gyur/ /skye ba'i 'khor ba rnam par spangs/ /dge slong dngos po bcad pa dang / /nye bar zhi zhing sems zhi ba/ /de ni bdud kyi 'ching las grol/ /skye ba'i 'khor ba rnam par spangs/ /dge slong dngos po bcad pa dang / /sems ni zag pa med gyur pa/ /de ni yang srid med pa ste/ /skye ba'i 'khor ba rnam par spangs/ /dge slong dngos po bcad pa dang / /sems ni zag pa med gyur pa/ /de ni bdud kyi 'ching las grol/ /skye ba'i 'khor ba rnam par spangs/ /dge slong dngos po bcad pa dang / /srid pa'i sred pa gtubs gyur pa/ /de ni yang srid med par 'gyur/ /skye ba'i 'khor ba rnam par spangs/ /dge slong dngos po bcad pa dang / /srid pa'i sred pa bcad gyur pa/ /de ni bdud kyi 'ching las grol/ /skye ba'i 'khor ba rnam par spangs/ /gang zhig 'dam rdzab legs brgal cing / /grong gi tsher ma bkrugs pa </font><hr>379b<br><font size=+1>


pa dang / /'dod chags zad pa rjes thob pa/ /de ni dge slong yin zhes brjod/ /gang zhig 'dam rdzab legs brgal cing / /grong gi tsher ma dkrugs pa dang / /zhe sdang zad pa rjes thob pa| |de ni dge slong yin zhes brjod/ /gang zhig 'dam rdzab legs brgal cing / /grong gi tsher ma dkrugs pa dang / /gti mug zad pa rjes thob pa/ /de ni dge slong yin zhes brjod| |gang zhig 'dam rdzab legs brgal cing / /grong gi tsher ma dkrugs pa dang / /nga rgyal zad pa rjes thob pa/ /de ni dge slong yin zhes brjod/ /gang zhig 'dam rdzab legs brgal cing / /grong gi tsher ma dkrugs pa dang / /chags pa zad pa rjes thob pa/ /de ni dge slong yin zhes brjod/ /gang zhig 'dab rdzab legs brgal cing / /grong gi tsher ma dkrugs pa dang / /sred pa zad pa rjes thob pa/ /de ni dge slong yin zhes brjod/ /gang zhig gshe ba dang ni gsod pa dang / /'ching dang grong gi tsher ma thul ba dang / /gang zhig ri bo bzhin gnas mi bkri zhing / /sdug des mi g.yo de ni dge slong yin/ /skur pa mi 'debs sgro 'dogs mi byed cing / /'jig rten 'di kun rdzun rtogs dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /sbrul gyis dug btang ba la sman bzhin du/ /'dod chags langs pa 'dul ba'i dge slong gang / / </font><hr>380a<br><font size=+1>


@#/ /de ni pha rol min pa'i pha rol po/ /spong ste sprul rgas pags rnying rje ba bzhin/ /sbrul gyis dug btang ba la sman bzhin du/ /zhe sdang langs pa 'dul ba'i dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /sprul gyis dug btang ba la sman bzhin du/ /gti mug langs pa 'dul ba'i dge slong gang / /de ni pha rol min pa'i pha rol po/ /spong ste sprul rgas pags rnying rje ba bzhin/ /sbrul gyis dug btang ba la sman bzhin du/ /nga rgyal langs pa 'dul ba'i dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /sbrul gyis dug btang pa la sman bzhin du/ /chags pa langs pa 'dul ba'i dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /sbrul gyis dug btang ba la sman bzhin du/ /khro ba langs pa 'dul ba'i dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /sbrul gyis dug btang ba la sman bzhin du/ /sred pa langs pa 'dul ba'i dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /mthu chung 'dam bu'i rags la klung chen ltar/ /'dod chags ma lus drungs </font><hr>380b<br><font size=+1>


'byin dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /mthu chung 'dam bu'i rags la klung chen ltar/ /zhe sdang ma lus drungs 'byin dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /mthu chung 'dam bu'i rags la klung chen ltar/ /gti mug ma lus drungs 'byin dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /mthu chung 'dam bu'i rags la klung chen ltar/ /nga rgyal ma lus drungs 'byin dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /mthu chung 'dam bu'i rags la klung chen ltar/ /chags pa ma lus drungs 'byin dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /mthu chung 'dam bu'i rags la klung chen ltar/ /sred pa ma lus drungs 'byin dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /'dod pa'i yon tan thams cad spong byed cing / /'dod sbyor 'ching ba rnams bsal dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /sgrib pa thams cad spangs shing sdig med pa/ /yid gnyis zug rngu </font><hr>381a<br><font size=+1>


@#/ /bcad pa'i dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /rtog pa rnam bsal nang gi ma lus la/ / rnam par rtog pa med pa'i dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /nags sbyor byed pa 'ga' med mi dge ba'i/ /rtsa ba legs par drungs phyung dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /rims nad bcas pa 'ga' med mi dge ba'i/ / rtsa ba legs par drungs phyung dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /bags la nyal ba 'ga' med mi dge ba'i/ /rtsa ba legs par drungs phyung dge slong gang / /de ni pha rol min pa'i pha rol po/ /spong ste sbrul rgas pags rnying rje ba bzhin/ /khrims ldan gang yin dge slong de/ /stong nyid gang ldan bsam gtan de/ /rtag tu byed gang rnal 'byor de/ /mya ngan 'das gang bde ba de/ /dge slong dga' dang mi dgas mi brjod cing / /bas mtha'i gnas mal dag tu sten pa dang / /de ni bag yod gnas shing sred pa yi/ /'dod chags phra rgyas legs par 'byin par byed/ /dge slong gi tshoms te sum cu gnyis pa'o// // </font><hr>381b<br><font size=+1>


gang zhig brgyan kyang chos spyod dul ba dang / /zhi zhing yang dag sdom la tshangs bar spyod/ /'byung po kun la chad pas mi gcod de/ /bram ze dge sbyong de yin dge slong de/ /gcer bur spyod pas ma yin ral bas ma yin rdzab kyis min/ /kha zas mi za ba yis ma yin thang la nyal ba'am/ /rdul dang dri mas ma yin tsog pur 'dug la 'bad pa yis/ /mi rnams dag par mi 'gyur som nyi rnams las rgal mi 'gyur/ /dge sbyong bram ze gang yang rung / /de dag nyid la chags byed pa/ /zag pa zad pa ma thob par/ /bar ma dor ni rnam par nyams/ /dge sbyong bram ze gang yang rung / /de dag nyid la chags byed pa/ /tshor ba zad pa ma thob par/ /bar ma dor ni rnam par nyams/ /dge sbyong bram ze gang yang rung / /de dag nyid la chags byed cing / /byis pa mtha' gcig la lta ba/ /bar ma dor ni rnam par nyams/ /dge sbyong bram ze gang yang rung / /de dag nyid la chags byed pa// byis pa'i skye bo blo ngan rnams/ /bar ma dor ni rnam par nyams/ /dge sbyong bram ze gang yang rung / /de dag nyid la chags byed pa/ /go 'phang dam pa ma thob par/ /bar ma dor ni rnam par nyams/ /blo ngan na khyod kyi ral pa ci/ /khyod kyi g.yang gzhi gyon pa ci/ /khyod nang thibs por 'dug bzhin du/ /phyi rol legs par byi dor byed/ /blo ngan khyod </font><hr>382a<br><font size=+1>


@#/ /kyi ral pa ci/ /khyod kyi g.yang gzhi gyon pa ci/ /khyod nang dri ma ldan bzhin du/ /phyi rol legs par byi dor byed/ /rigs kyis bram zer 'gyur ma yin/ / ral bas ma yin rus kyis min/ /gang zhig bden pa'i chos ldan pa/ /gtsang ma de yin bram ze yin/ /rigs kyis bram zer 'gyur ma yin/ /ral pas ma yin rus kyis min/ /gang zhig sdig pa che chung rnams/ /thams cad spong bar byed pa dag/ sdig ba rnams ni spangs phyir de/ /bram ze yin zhes nges par brjod/ /mgo bo bregs tsam dge sbyong min/ /oM zhes zer ba bram zer min/ /gang zhig dge ba'i chos ldan pa/ /gtsang ma de yin bram ze de/ /mgo bo bregs tsam dge sbyong min/ /oM zhes zer ba bram ze min/ /gang zhig sdig pa che chung rnams/ /thams cad spong bar byed pa dag /sdig pa rnams ni spangs phyir te/ /dge sbyong bram ze de yin no/ /skye bo phal cher 'dir 'khru ba/ /chu yis dag par mi 'gyur te/ /gang zhig sdig pa che chung rnams/ /thams cad spong bar byed pa dag/ sdig pa rnams ni spangs phyir de/ /dge sbyong bram ze de yin no/ /gang zhig sdig chos rab spangs shing / /rtag tu dran ldan spyod byed pa/ /kun sbyor zad pa'i sangs rgyas de/ /'jig rten dag na bram ze yin/ /bram ze </font><hr>382b<br><font size=+1>


gang zhig sdig pa'i chos spangs shing / /bdag nyid tshul 'chos med cing rnyog med gnas/ /rig byed mthar phyin tshangs par spyod pa spyad/ /dus su smra byed de ni tshangs pa smra/ / gang zhig rgyu la mi gnas nga rgyal med/ /gang zhig chags med bdag med re ba med/ /'khrug bcom bdag nyid mya ngan 'das phyogs te/ /bram ze dge sbyong de yin dge slong de| |gang zhig ma yi mngal skyes nas/ /gal te 'dzin pa dang bcas nas/ /de ming bu zhes smra bar bstan/ /bram ze yin par nga mi smra/ /yongs su 'dzin med len med de/ / bram ze yin par ngas gsungs so/ /gang zhig lus dang ngag dang ni/ /yid kyis nyes byas mi byed cing / /gang zhig gnas gsum legs bsdams de/ /bram ze yin par ngas gsungs so/ /gang gi tshig dag mi rtsub cing / /go byed yid 'ong smra ba dang / /gang gis nyon mongs mi skyed de/ /bram ze yin par ngas gsungs so/ /gang zhig gsod 'ching gshe ba dang / /sdang ba min la bzod byed de/ /bzod pa'i brtul zhugs stobs tshogs can/ /bram ze yin par ngas gsungs so/ /khro ba med cing tshul khrims can// brtul zhugs ldan zhing sems khral med/ /dul zhing lus mthar gnas pa de/ /bram ze yin par ngas gsungs so/ /gang zhig rab byung khyim pa dang / /de bzhin gnyis kar </font><hr>383a<br><font size=+1>


@#/ /mi 'dre zhing / /'dod chung khyim nas ma byung de/ /bram ze yin par ngas gsungs so/ /ma 'ongs pa la mngon mi dga'/ /'das pa rnams la gdung med pa| |'khrig pa'i sbyor bral g.yul rgyal de/ /bram ze yin par ngas gsungs so/ /ma 'ongs pa la mngon mi dga'/ /'das la gdung med rdul bral zhing / /zhi ba mya ngan med pa de/ /bram ze yin par ngas gsungs so/ /gang zhig 'dod chung gzhan mi gso/ /dul zhing snying por rab gnas la/ /zag zad skyon rnams bsal ba de/ /bram ze yin par ngas gsungs so/ /gang zhig pha rol tshu rol dang / /pha rol tshu rol gnyis med cing / /chos rnams kun gyi mthar phyin de/ /bram ze yin par ngas gsungs so/ /gang zhig pha rol tshu rol dang / /pha rol tshu rol gnyis med cing / /gang zhig gnas gsum ma chags de/ /bram ze yin par ngas gsungs so/ /gang zhig thung dang ring ba dang // phra spom dge dang mi dge dang / /'jig rten cung zad mi len de/ /bram ze yin par ngas gsungs so/ /gang zhig 'di nyid rab shes shing / /rang gi sdug bsngal zad pa dang // 'dod chags bral zhing mi ldan de/ /bram ze yin par ngas gsungs so/ /gang zhig dge dang sdig pa dang / /gnyis ka yis kyang mi gos pa/ /gos med rdul bral zhi </font><hr>383b<br><font size=+1>


pa de/ /bram ze yin par ngas gsungs so/ /gang zhig dge dang sdig pa'i las/ /chags gang yin de rab 'das shing / /chags las rab 'das rnam grol de/ /bram ze yin par ngas gsungs so/ /gang zhig sngon dang phyi ma dang / /dbus kyang yod pa ma yin pa/ /rdul bral 'ching ba las grol te/ /bram ze yin par ngas gsungs so/ /pad+ma'i 'dab la chu ltar dang / /smyung bu'i rtse la yungs kar ltar/ /gang zhig sdig la mi gnas de/ /bram ze yin par ngas gsungs so/ /pad+ma'i 'dab la chu ltar dang / /smyung bu'i rtse la yungs kar ltar/ /gang zhig 'dod la mi gnas te/ /bram ze yin par ngas gsungs so/ /pad+ma'i 'dab la chu ltar dang / /smyung bu'i rtse la yungs kar ltar/ /srid la dga' ba yongs spangs de| |bram ze yin par ngas gsungs so/ /zla ba dag cing dri med la/ /skyon bral rab tu dad pa ltar/ /gang zhig sdig pas mi gos de/ /bram ze yin par ngas gsungs so/ / zla ba dag cing dri med la/ /skyon bral rab tu dad pa ltar/ /gang zhig 'dod pas mi gos te/ /bram ze yin par ngas gsungs so/ /zla ba dag cing dri med la/ /skyon bral rab tu dad pa ltar/ /sred la dga' ba yongs spangs te/ /bram ze yin par ngas gsungs so/ /'dam rdzab kyis ni mkha' ltar dang / /rdul gyis zla ba ji lta bar/ /gang zhig sdig pas mi </font><hr>384a<br><font size=+1>


@#/ /gos de/ /bram ze yin par ngas gsungs so/ /'dam rdzab kyis ni mkha' ltar dang / /rdul gyis zla ba ji lta bar/ /gang zhig 'dod pas mi gos de// bram ze yin par ngas gsungs so/ /'dam rdzab kyis ni mkha' ltar dang / /rdul gyis zla ba ji lta bar/ /srid la dga' ba yongs spangs te/ /bram ze yin par ngas gsungs so| |gang zhig 'dug nas rdul bral ba/ /sems shing zag zad bya ba byas/ /dul zhing lus mthar gnas pa de/ /bram ze yin par ngas gsungs so/ /shes rab zab cing yid gzhungs la/ /lam dang lam min rnams la mkhas/ /gang zhig don mchog rjes thob de/ /bram ze yin par ngas gsungs so/ /mi ni gang yang rung ba dag/ slong mo tsam gyis 'tsho ba dang / /bdag med su la'ang gnod mi byed/ /brtan ldan tshangs par spyod pa can/ /kun shes spyad phyir chos ston de/ /bram ze yin par ngas gsungs so// gang zhig 'dod pa legs spangs shing / /khyim med par ni rab byung ste/ /'dod pa'i zag pa yongs zad de/ /bram ze yin par ngas gsungs so/ /'gro ba dang ni gnas pa yig 'byung po chad pas mi gcod cing / /gsod med gsod du mi 'jug de/ /bram ze yin par ngas gsungs so/ /gang zhig mi mthun mthun byed cing / /chad pas </font><hr>384b<br><font size=+1>


gcod pa dang du len/ /'byung po rnams la brtse phan de/ /bram ze yin par ngas gsungs so/ /smyung bu'i rtse la yungs kar ltar/ /gang zhig 'dod chags zhe sdang dang / /nga rgyal 'chang bar 'joms pa de/ /bram ze yin par ngas gsungs so/ /gang zhig sred pa'i rdzong 'di dang / /'khor ba'i klung las rab brgal cing / /rgal nas pha rol 'gro bar sems/ /yid nyid kyis ni mi bkri zhing / /gang zhig len pa las log de/ /bram ze yin par ngas gsungs so/ /gang zhig 'jig rten 'di dang ni/ /pha rol na yang sred med cing / /sred pa'i sred pa yongs zad de/ /bram ze yin par ngas gsungs so/ /gang zhig 'jig rten 'di dang ni/ /pha rol la yang chags med cing / /chags med rnam par bral ba de/ /bram ze yin par ngas gsungs so/ /dga' dang mi dga' spangs pa dang / /bsil bar gyur cing zag pa med/ /'jig rten kun zil gnon brtan de/ /bram ze yin par ngas gsungs so/ /mi yi sbyor ba spangs nas su/ /lha yi sbyor ba rab 'das shing / /sbyor ba kun dang rnam bral de/ /bram ze yin par ngas gsungs so/ /gang zhig lha dang dri za dang / /mi yi 'gro ba mi shes shing / /zhi ba 'gro ba mi shes de/ /bram ze yin par ngas gsungs so/ /gang gis chos rnams mi shes pa'am/ /ma mthong ba ni med gyur la/ /shes bya mtha' yas lta ba </font><hr>385a<br><font size=+1>


@#/ /de| |bram ze yin par ngas gsungs so/ /gang gis sngon gyi gnas rtogs shing / /mtho ris ngan song mthong ba dang / /de nas skye ba zad thob pa'i/ /thub pa mngon shes la brtson pa/ /sdug bsngal tha ma rab shes de/ /bram ze yin par ngas gsungs so/ /sems kyi rnam grol shes pa dang / /'dod chags kun las grol ba dang / /rig pa gsum dang ldan pa de/ /bram ze yin par ngas gsungs so/ /gang gis sems can 'chi 'pho dang / /skye ba thams cad rtogs gyur pa/ /thogs med spyan ldan sangs rgyas de// bram ze yin par ngas gsungs so/ /gang zhig kun sbyor kun 'das shing / /yongs su gdung ba med pa dang / /dga' med dran ldan ston pa de/ /bram ze yin par ngas gsungs so// thub pa rnam rgyal drang srong che/ /khyu mchog rab mchog glang po che/ /bkrir med khrus byas sangs rgyas de/ /bram ze yin par ngas gsungs so/ /gang zhig srid 'das kun zil gnon| |chu bo las brgal rnam par 'dren/ /rnam grol pha rol phyin pa de/ /bram ze yin pas ngas gsungs so/ /sdig can rnam par mi sems shing / /mi sgom smra bar mi byed par/ /'dug nas rdul bral sems pa de/ /bram ze yin par ngas gsungs so/ /gang zhig phyag dar khrod 'chang zhing / /ngo tsha shes shing 'dod mi lta/ /shing drung dag tu </font><hr>385b<br><font size=+1>


gnas pa de/ /bram ze yin par ngas gsungs so/ /gang zhig sdug bsngal kun spangs phyir/ /zhi ba 'phags lam yan lag brgyad/ /drang po sgom par byed pa de/ /bram ze yin par ngas gsungs so/ /gang la cung zad gnas med cing / /kun shes yid gnyis zug rdu med/ /'chi med go 'phang mthong ba de/ /bram ze yin par ngas gsungs so/ /gang zhig lus med phug na gnas/ /gcig pu rgyu zhing ring du 'gro/ gdul par dka' ba'i sems 'dul de/ /bram ze yin par ngas gsungs so/ /gang zhig gzugs med pa ltar med mtha' yas la/ /shin tu bltar med phra zhing gzhi mngon rtogs/ /rtag dran kun sbyor zad rgyu sangs rgyas pa/ /'jig rten 'di na de ni bram ze yin/ /gang gis sog mig 'ching gtubs te/ /chings ma rgyang thag bcad nas su/ /yongs su gdung spangs sangs rgyas de/ /bram ze yin par ngas gsungs so/ /gang gis rnyed 'dod sdig can dang / /sog mig chings ma gtubs gyur cing / /sred pa rtsar bcas drungs phyung de/ /bram ze yin par ngas gsungs so/ /brtson pas chu bo'i rgyun bcad cing / /'dod pa thams cad rab bcom dang / /'du byed rnams kyi zad shes pa/ /sdig med gang yin bram ze yin/ /pha dang ma ni bsad byas shing / /rgyal po gtsang sgra can gnyis dang / /yul 'khor 'khor </font><hr>386a<br><font size=+1>


@#/ /dang bcas bcom pa/ /sdig med gang yin bram ze yin/ /pha dang ma ni bsad byas shing / /rgyal po gtsang sbra can gnyis dang / /mi bzad pa yi stag bsad pa/ /sdig med gang yin bram ze yin/ /gang zhig bram ze rdeg pa blun/ /skrod par byed pa de ngan pas/ /bram ze rnams la brdeg mi bya/ /bram ze bskrad bar mi bya'o/ /gang zhig chos rnams rnam shes na/ /rgan nam yang na gzhon yang rung / /de la bkur zhing phyag bya ste/ /bram ze gtsang mas me bzhin no/ /gang zhig chos rnams rnam shes na/ / rgan nam yang na gzhon yang rung / /de la bkur zhing bsnyen bkur te/ /bram ze gtsang mas me bzhin no/ /gang zhig rdzogs pa'i sangs rgyas kyis/ /bstan pa'i chos rnams rnam shes na/ /de la bkur zhing phyag byas ste/ /bram ze gtsang mas me bzhin no/ /gang zhig rdzogs pa'i sangs rgyas kyis/ /bstan pa'i chos rnams rnam shes na/ /de la bkur zhing bsnyen bkur te/ /bram ze gtsang mas me bzhin no/ /gang tshe bram ze chos rnams kyi/ /pha rol phyin par gyur pa na/ /de tshe sha za ba ku la/ /gcig po las kyang shin tu 'das/ /gang tshe bram ze chos rnams kyi/ /pha rol phyin par gyur pa na/ /de tshe des mthong tshor ba rnams/ /thams cad nub pa nyid du 'gyur/ /gang tshe bram ze chos rnams </font><hr>386b<br><font size=+1>


kyi| |pha rol phyin par gyur pa na/ /de tshe de yis mthong bas na/ /rkyen rnams thams cad nub par gyur/ /gang tshe bram ze chos rnams kyi/ /pha rol tu phyin par gyur pa na/ /de tshe de yis mthong bas na/ /kun sbyor thams cad nub par gyur/ /gang tshe bram ze chos rnams kyis/ /pha rol phyin par gyur pa na/ /de tshe skye dang rga ba dang / /'chi ba rnams las shin tu 'das/ / nyin mo nyi ma gsal bar byed/ /mtshan mo zla ba snang ba ltar/ /rgyal rigs go chas chas pa gsal/ /bram ze sems par byed na gsal/ /nyin mo nyi ma gsal bar byed/ / mtshan mo zla ba snang byed ltar/ /rtag tu sangs rgyas gzi brjid can/ /nyin dang mtshan du gsal bar byed/ /ji ltar mi sdug pa las yid ldog pa/ /de 'dra bram ze rnams la cung zad med/ /ji lta ji ltar de yi yid ldog pa/ /de lta de ltar kun rdzob bden par zad/ /gang tshe bram ze brtson pas sems pa na/ /gang gis chos rnams rgyur bcas rab shes pa| |chos 'di rnams las rab tu 'byung 'gyur te/ /de tshe de yi som nyi ma lus spong / /gang tshe bram ze brtson pas sems pa na/ /gang gis sdug bsngal rgyur bcas rab shes pa/ /chos 'di rnams las rab tu 'byung 'gyur te/ /de tshe de yi som nyi ma lus spong / /gang tshe bram ze brtson pas sems pa na/ /gang gis tshor ba zad pa 'thob </font><hr>387a<br><font size=+1>


@#/ /'gyur pa/ /chos 'di rnams las rab tu 'byung 'gyur te/ /de tshe de yi som nyi ma lus spong / /gang tshe bram ze brtson pas 'bad pa na/ /gang gis rkyen rnams zad par 'thob 'gyur ba/ /chos 'di rnams las rab tu 'byung 'gyur te/ /de tshe de yi som nyi ma lus spong / /gang tshe bram ze brtson pas sems pa na/ /gang gis zag pa dad pa 'thob 'gyur ba/ /chos 'di rnams las rab tu 'byung 'gyur te/ /de tshe de yi som nyi ma lus spong / /gang tshe bram ze brtson pas sems pa na/ /ji ltar mkha' la nyi ma shar ba ltar/ /'jig rten thams cad snang byed 'dug 'gyur ba/ /chos 'di rnams las rab tu 'byung bar 'gyur/ /gang tshe bram ze brtson pas sems pa na/ /blo yis kun sbyor rnams las rab grol te/ /bdud sdo rnam par bsal nas 'dug 'gyur ba/ /chos 'di rnams las rab tu 'byung bar 'gyur/ /bram ze'i tshoms te sum cu rtsa gsum pa'o// //sdom la/ de bzhin gshegs dang thos dang bdag/ bsgre dang mdza' bshes lnga pa'o/ /mya ngan 'das dang mthong ba dang / /sdig dang phrugs dang bde ba dang / /sems dang dge slong cho mas dag dang / /bram ze yang ni tha ma yin/ /ched du brjod pa'i tshoms dgra bcom pa chos skyob kyis bsdus pa </font><hr>387b<br><font size=+1>


rdzogs so// //rgya gar gyi mkhan po bid+yA pra b+ha ka ra dang / lo tsA ba ban+de rin chen mchog gis bsgyur/ zhus chen gyi lo tsA ba ban+de dpal brtsegs kyis zhus nas gtan la phab pa// </font><hr>

</table>